الماكرة الجزء السابع

كتديير زبلة وتقول يا ربي سهل ليا فختها، فقاموسها مكاينش شي حاجة سميته الخووف ، الى عاندات الواحد مشى فيها كتعرف تفتها ، المعاندة شغفها ، وفن المشاكل قاموسها، وهو قاليها مكتعرفينيش ، هاني نوريك شكون انا ، لبدات عينيها فيه بمكر ، وهي كتشوف فسيحارة لي فيديه تشهات تكمي ، هادي مدة وهو قاطعها لا خروج لا دخول ، ودابا ريحة نيكوتين نعشاتها ، بغات تحيد بيه هاد ستريس لي عايشة فيه معاه ومع مووو، قربات منه كتر كتشم ريحتها ، وعينيها عليه ، خلاته متبعها اش باغا تصنع ، حتى نطقات ..

شهد … بنشوة ~ عطيني شعيلة معاك محتاجاها!!

غانم …. كان عارفها اش باغا من نظرة عيونها جيعانة ، زفر بصوت مسموع فوجها وحمر فيها لعييين عاد غوت ~ ششششششششهد ، دخلي لطوموبيل صوووووووتك منسمعوووووش ولا بربي حتى نلوووووووووحك من هاد الصخرة ورتاح منك

شهد … قوصات حجبانها فيه بغضب كتزيد تشعله ~ حلال علييييييك وحرام عليا ؟؟ ها

غانم … حدى عينيه صدرها كامل مدفگ حداه ومع هيا عندها خير الله ، كل شي على برى كيطل ، مقدرش يزيد يشوف فيها مسفحة كيتفكر هاكا خرجات وهاكا رجال تابعينها كيبغي لعقل يخرج ليه ، شدها من فكها عينيها خارجييين وقرب ليها ~ كلمة مووور كلمتي تزيدي تنطقي بيها غادي نوكلوووووو ليك اشهد ، وبرب المعبوود حتى نوكلو ليك

دفعها تا فمها وجعها من قبطة يديه الغليضة ، ونزل بعييينه على ذاتها كيطلعها ويهبطها باحتقار ، وهي برووود تام كتشوف فيه وتخنزر ، وترجع تمسح فمها بغيض ، زعمة عيفانة من يديه لي قاصوها ، كتعمد تمسحو قدامو وضغط عليه ،وهو متبعها بعينيه بحال صقر حافظها شنو باغة توصل ليه ، محسات غير بيديه على خصرها ، جرها بقوة لعندوووو ، حتى تمكن منها وغرس ذفرانه فيه حتى وجعها ونطق …

غانم … لعبات ليه على الأعصاب بطريقة لي دارت ~ الى بغييييييت اشهد لحسك ونقييصك كيف بغييييييت ودابا مكاينش لي يمعني ، متخلينيش ندير شي حاجة مباغيهاش عرفتي علاش ؟ حيت انا لي عايفك فهاد ساعة ، ماشي انتي،،، !!! شوفي راسك فالمرايا ، خانزة …باطرونة واقفة حدايا !! كتقولي ارى نكمي!!! سكت شوية وكمل ~ شفتي علاش تزوجت وجبت لالاك ؟ حيتاش بنت دارهم ورزينة ومحترمة راسها ، وحدة بحالك محتارماتش حتى ذاتها غادي نشوف فيها انا ؟

خلاها مطرطقة عينيها فيه بكره ، حس بيها كيف زيرات على يديه اي فوق خصرها بقوة ، وبعدات عليه كتحداه بنظرة عينيها ، كون صابت فردي كون تيرات فيه ، بعدات منو وشافت فيه بكره شديد ، قاصها فكرامتها ، قاصها فشي حوايج بعاد عليه ومعندو تا علاقة بيهم ، عارفاه باغي يضرها بكلامه ،ويجرحها بكرامتها ، هي كارما اي الف واحد يتمناها ، جا هذا فتانية مرمد بيها الأرض ، فتحات باب لووطو وقبل مادخل رمات ليه كلامها

شهد …. بعنف فتحات الباب ~ طلقني وخلي هاد الباطرونة تشوف حياتها، بززاااااف كيتمناو مني غير نظرة ، الى كنتي انت جبتيها تقيلة ورزينة انا نجيبووووووووو سيد سييييد سيدك فين انت تبان حداه ، ورجعات شافت فيه بكره ، أما انت ماشي ابدا نوووعي ، كون كنتي نوعي بحال ، وضغطات عليها بقوة قدام عينيه ~ ندير ليك كيف درت مع امير وعجبني ، و الى نسيتي نفكرك ، مكنتش نهرب قبل حتى مانشوف وجهك الى عقلتي كيف صيدتك بالكذوووب ، وشوفة وحدة مهزيتهاش فيك ، مديتهاش حتى فيك ، لهذا مغانديرش فيك راسي دابا ، عارفة كري انا شكون ، وانت لا شئ عندي ، وهزات صبعها كتدورو حداه.

شنو هي أصعب حاجة عند الراجل ؟ هي تقارنيه براجل أخر حداه ، قدام عينيه وهو كيسمع ، جرأة كبيرة خاص تكون عندك ، وهي قدرات طيح ديك دياله ، فتانية قلبات الموازين ، وشعلات نار فقلبه ، فكراته فنهار لي شفات فيه العديان ، وضحكات فيه گاع صحابه ، مينكرش من أول لقاء عجباته ودخلات لراسه ، كان باغي يزيد يتعرف عليها ، وايني العرس جاء دغيا قلب ليه العقل ورونه ، ونهار هربات خلات نار فقلبه مستحيل تخمذ ، وفاش فعلا لقاها كيف حلف تصدم من ماضيها وشنو دوزات ، وحلف يجييييبها حتى لعندو ، مكانش عارفها صليطة ولسانها مبري منها ، وصلات بيها تقارنو براجل معارفش اش دوزات معاه !!! كتقول ليه فوجه عجبني ماشي بحالك انت مشفتش حتى فيك ، جنوووووون دنيا ركبووو فيه ، الى كانت هي لسانها سلاحها ، غادي يقطعو ليها ويرتاح ، جرها من شعرها الوسيلة الوحيدة لي كتسهل عليه كل شي مع طويل دغيا كيجمعو فيديه ، مشعراتش حتى نزل عليها بتصرفيييقة لولى ، وقبل ماطيح جرها لعنقو…

غانم … زير على شعرها بقوة عينيه دم مبقاش يقشع ~ ليوم ر *ك نقتلك ، محسش براسو غير وهو نازل عليها بتصرفيقة تانية ، تا طاحت هاد المرة الأرض غوووووت بصوت مسموع تا تسمع صدى صوته القوي ~ ق ** بة بحالك تقارني بواحد اخر ليوم مكاينش لي يهنييك مني

رجع هبط بغى يجرها ساعة رجعات طاحت ، كان مغمى عليها ، من صباح فاش خرجات دابا ليل مكلاتش ، نعمة مطاحتش فكرشها ، ومع هاد التصرفيق طاحت دايخة، هزها مكره مباغيش يشوف فيها ، وحطها فلوووطو ، قبل ما يركب نزل بوكس على لوطو تا مشات وجات ، وطلع ديمارا بسرعة للدار ،،، كيشوف فيها ويرجع يزير فيديه على اللوطو ، كيضويل فالطريق ، سمع تيليفونو كيصوني لقاها جوهرة ، وشي اتصالات معند باه ، زفر بغضب ، وكمل الطريق تا وصل ، نزل لبسها جاكيطتو حيت باه فالدار غايشوفها عريانة هاكا ، وهزها بين يديه داخل ، لطيفة كان العقل غادي يخرج ليها ، دفع لباب ودخل حداهم هازها وشعرها كيمشي ويجي معاها ، تحت أنظارهم المصدومة جوهرة كرزات على يديها بقوة ، وعبد القادر تبعو ، ولطيفة بدااااات توووويل

لطيفة … نذبات حناكها~ الله أكبر قتلتي مغصوووووبة سنييييييين اويلي

غوت عليهم بصوت مسموع حتى رجعات اللور لطيفة كدور فعينيها ، وتشوف فجوهرة لي رجعات حمرا ، كتلون محملاتوش يهزها ولا يقرب ليها ، عبد القادر جلس فالصالون معصب من لطيفة ، تسابيح فيديه كيسبح ويحاول يتكالمى ،

لطيفة … قربات منه كدور فعينيها ~ سيدي عبد القادر نجيب ليك شي عويييصير؟

عبد القادر … عطاها نخال وشاف فجوهرة ~ سيري ابنتي جيبيلبا كاس ديال الماء الله يرضي عليك

لطيفة … هزات فيه عينيها علاين تبكي وجلسات حداه شانتة ~ اوى لاش دخلناه من لقطر بغى يشرك معنا البگر ، ويلي ونذبتو خضر

عبد القادر … هز فيها عينيه طالعة ليه القردة لراس ~ اشمن خير درتي فيها ؟ ها !

لطيفة … هازة خنافرها لسما ~ دخلناها واكلة شاربة زادتها مدابزاني معاك هذا خيرنا ، فعشنا وينشنا

عبد القادر … بعصبية نطق ~ الالة ديك البنت مدرتي فيها خير ، ديك البنت ولدك مكرفص عليها فعواط لي توقفي وتحدي الباس ، كتشعلي الحطب وتزنديها، الالة سيد خداها بفرنك وباغيها تولد ليه قايد ، رجع رجع لعقل لولدك وبراكة من المشاكل يا بو نوايص

لطيفة … غضبات وناضت غادة لبيتها~ الشيخة لي متعرف تشطح تقول الأرض عوجة ، اوى لاش هادشي لي بقى غير بنت نغار الحمير

طلعات لبيتها كتصخط وتنخط بوحدها ، وعبد القادر لتحت كيقول لا حولة ولا قوة الا بالله ، مدات ليها جوهرة كاس دالماء ، وجلسات حداه كتخمم ، فحين هو حطها فبيييتها ، غطاها كيشوف فوجها مرسوم بيديه ، زفر بسخط ، وبعد شعرها على فمها باش تنفس ، غطاها ، وقبل ما يخرج شافها بدات تحل عينيها بشوية ، خرج دغيا مبغاش يشوف وجها يتفكر اش قالت يقدر يقتلها ويرتاح ، هبط لتحت كيجري ، بانت ليه نسرين ، وهو بعيط ليها …

غانم … مرينڤي ~ سيري طلعي ليها شي حاجة تاكلها راها مكلات والو من الصباح

سمعاته اش قال وهي تكحل بالعممى ، جنوووون شدوها ونار الغيرة بداتها ، حسات براسها غادي تبكي ، نهار كامل مداهاش فيها ، مسولها واش عيانة ولا مرتاحة ، واش كليتي ولا شربتي ودابا كيقول لختو دي ليها لماكلة ، حسات بريقها نشف ودمرعها شوية ويغذروها ، قالت لشيخها تصبح على خير ، وطلعات غادة بحالها كتحري ، تحت انظاره ، حتى زفر شاف فباه لي كيتسناه يجي حداه يهضر معاه ، نطق وهو خارج ..

غانم … هز گاروه وخرج ~ الواليد الله يطول لينا فعمرك واخا من بعد ونهضرو سير نعس رتاح وغدا نهضرو

خرج لجردة جر واحد الكرسي حداه جلس ، شعل گاروه كيتكيف ويصوووط فالسما ، عقلوووو خدام واخا راسو مفروووع بالحريق ، كان عندو اجتماع مهم وفاش سمعها خرجات ، لغاه وخرج كيقلب عليها بلى عقل ، عارف ديك المريض تابعها والى لقاها وهو مكاينش يقدر يقتلها، تنهد بعصبية وهو كيتفكر كلامها السليط ، حتى كيقول منعاودش نقيص فيها وكيدر ليه زبلة ولا كتستافزو باش كيهز يديه عليها ، محدو كيتفكر كلامها وهو كيكمي واحد مور تاني ، خصوصا كلامها على امير ، عقلو بدأ يفكر ، والوسواس دخل لراسو ، كيدي ويجيب فكلامها، ياغي يعرف واش قاصها ، واش شي حاجة وقعات بيناتهم ، عينيه على السرجم ديالها بانليه ضو مشعول ، وخيال كيمشي ويجي ، بقى حاضيه كيكمي ، تا طفى ضو ، وسالات البكية ، كحب بصوت مسموع ، ريته حرقها، دخل لداخل بانليه باه مشى مكاينش ، طلع مع دروووج ، ورجليه قاصدين بابها ، بانليه ضو خفيف مشعول ، فتح لباب ودخل بلا دقان بانت ليه واقفة كتلبس بيجامة ، وشعرها مطلوووق …كيف شافته تبسمات ، وحنات راسها بخجل عاطياه ظهر وكتلبس فسوميج…قرب منها بخطوات بطيئة ، وحط يديه على خصرها ، باسها جيهت عنقها حتى تنفضات ، ونطق ..

غانم … أنفاسو سخونة كضرب بعنف فعنقها نطق ~ شششش باغيييك دابا

دارت لعندو وهو غطس راسو فصدرها، كيقبلها بحنية ، تا حس بيها ترفعات ، وهو يهزها عجبها الحال ، وتعلقات فيه ، حشمانة وفرحانة … من بعد ما بكات تا شبعات ، فتالي لقاتو فراشها ومعاها، قلبها بقوة كيضرب ،

جوهرة … بحشمة ~ ندووش ونجي واخا

غانم … نصل ليها سوميج بعنف ونطق ~ لا باغيييييك هاكا

ونزل كيقبلها فشفايفها ، ريحة دخان لي فمو دوخاتها ، متبعاه كتقللو بدورها ، يديه على صدرو كتنزل ليه السوميجة ديالو ، حتى دفعها طايح عليها بتقلوووو كيقبلها بعنف ، من بعد ما كان حنين ، حسات بيديه كيغرسهم فلحمها ، وميزير عليها وهي تنطق ..

جوهرة … بألم ~ اححح غانم وجعتيني غير بشوية

مع سمع صوتها رخف عليها ، نسى راسو الأعصاب لي فيه بردهم بصدرها.، عاد رخف عليها وبدأ يقبلها بشوية تا عجبها الحال ، شوية وهو يحيد حوايجو ، خلاها تقادات ونطق .

غانم … باقة مقصحة ؟ الى كنتي مقصحة بلاش حتى تبراي

قبل مايكمل كلامو جراتو لعندها كتقول ليه لا ، ونزلات سروالها ، حداه، واخا حشمانة خافتو ينوض وهي محمدات الله لقاتو معاها فالنفس البيت وبرجليه جا لعندها ، دغيا نزل عليها بظلو ، غير صوت اهاتها لي كيتسمعو ، ظفرانها لي كيتغوسو فضهرو ، تا رتاح وجاب خيروو عاد ناض للدوش فحين هي تبسمات غمضات عينيها ومشات بقوة العيا

بعد المرات كتدينا دنيا فالدهاوي الخاوية ، كلقاو راسنا نسينا حبابنا ، نسينا راسنا ، وبقينا غارقين تا فنينا ، فراق العزيز صعيب ، خصوصا الى كان قريب لقلب ، بكات ومخلات تا كوميسارة مقلبات ، ليل تبكي ونهار تقلب ، لعقل خرج ليها ، وعلاش لا وهي بنتها لي كبرات ، وربات مين كانت عندها تلاتة سنوات ، بعد مشي ومجي مكاين تا خبار تقول بلعاتها الأرض ، مالقاتش تا حل من غير تصوني على أمال وسيم ، عارفاهم عندهم خبار عليها ، بعد سيم وجيم مشاحنة كبيرة بيناتهم ، نطقات أمال قايلة ليها راها فاس عيات تسول وفتالي قرات تشد الطريق لعندهم ….

وسيم … واقف فمحطة تران هو وأمال كيتسناو ~ شنو غادي نقولو ليها دابا ؟ انا راسي حبس ، وحتى من شهد مكتجاوبش على تيليفون اففف

أمال … جمعات شعرها سفنجة معصبة نطقات ~ معرفتش بحالي بحالك خاصنا لقاو شي حل الى عرفات اش واقع تقدر تموووت فيها

وسيم … كيصوني على نسرين كتقطع ليه تيليفون نطق معصب شوية ويهرسو ~ مفهمتش هاد البرهوشة علاش كتقطع عليا

أمال … شافت مي رحمة خارجة ومعاها مروان وهي تنطق ~ صاف طفي داك تيليفون ها هي جات وجايبة مروان معاها كملات دابا

مشاو كيجريييو تعرضو ليها ، كيبوسو فيها ويعنقووو توحشووها ، ومروان كذالك ، هي بدورها كتعنق فيهم وتبسم ، فرحانة شافتهم بيخير وعلى خير ، ودابا خاصها تشوف غير شهد وتولي مزيان ، تكمل ديك ساعة فرحتها ،

مي رحمة … الفرحة غادي تخرج من عينيها ~ الله ابنتي شحال توحشتكم حمد الله رتاحيت مين شفتكم على خير

أمال … باست يديها بجوووج ~ الله يطول لينا فعمرك الميمة ، اجيو نمشيو ترتاحي متبقايش واقفة

مي رحمة… نطقات بنفي ~ لا منرتاح تا تديني عند بنتي نشوفها ،

وسيم … عنقها جابها تحت باطو ~ يهديك اللله الميمة زيدي رتاحي عاد كيف وصلتي ونهضرو بعدا ولا متوحشتيناش ؟

مي رحمة … بعدات عليه بغضب ~ ياكما حساب ليكم انتما لي مربيني ؟ راني انا لي ربيتكم وكنعرف واحد بواحد فيكم ، بلى دخول وخروج فالهضرة ، ديوني نشوف بنتي هي لولة ومن بعد نهضرو كيف بغيتو

الحزن والفراق على الحبيب صعيب ، من نهار غبرات معندو قراية معندو حياة هزيتي واحد وحطيتي واحد اخر ، لا عقل يقرأ بيه ولا ذماغ يركز بيه ، حس بلذة الحياة تسلبات منه ، ولا بحال ديك زيزون غير حالي وكيخمم ، مرات كتحصلو مي رحمة فشي قنت كيبكي ، من نهار غبرات رجعاتو مي رحمة لخيرية حداها ، مكيعمر لا معاها ولا مع دراري ليي قدو ، شاذ قنت وجالس فيه ، تا ماكلتو نقصات ،

مروان … نطق بصوت حزين ~ حتى انا منمشي لحتى شي بلاصة تا نشوفها قدامي ، غوت على وسيم لي واقف بدون حراك ونطق ~ ياكما ماتت ! ومخبيين علينا قووول هي عطاتني كلوتها ياكما ماتت ، بداو دموع يتجمتو ليه فعينيه وقلبه بقوة كيضرب ،

مي رحمة … غوتات لايحة صاكها من يديها وشانقة على وسيم ~ ماتت بنتي ؟ هضر جاوبني بنتي ماتت ؟ بدات تغوت وناس كتفرج فيهم ، حتى بغات طيح وهو يشد فيها ~ تكون ميتة ديني نشوفها ديني نشم ريحتها ديييييييني اولدي غادي نتبعها دابا

أمال … بدات تبكي معاها قلبها كيتقطع ونطقات ~ خلينا نمشيو من هنا عافاك الميمة

مي رحمة … طاحت ليهم فالأرض كتبكي وتغوت ~ لااااااااا بغيت بنتي لا بغيت نشوف بنتي مخليت فين قلبت عليها تقول الأرض بلعاتها ، جييبووولي بنتي ميتة ولا حية نشوفها حدايا

وسيم … مرضها من الأرض بزز عليها وعنقها ~ ششششش غادي ندييييك تشوفيها هي عايشة نوووضي دابا

ضربات طم كيف سمعات كلامه ، قلبها كيضرب بقوة ، وعينيها كيف سقاية شلال هابط دموع ، هز ليها صاكها ، أمال بقات تشوف فيه وهو يميل ليها راسو ، شدات فيدين مروان وقصدو طوموبيل ، كيفكر شنو يدير ، وشنو يقولها ، موصيبة وتزادت عليه ، عارفها مغاتمشي حتى نشوفها واخا تعرف تموووت . مسافة طويلة شوية ، وقف حدى دار سقراط ، كيشوف بعينيه فالباب ، الكبيرة ، ورجع شاف فيها ، لقاها غير كتشوف بعويناتها مفاهمة والو ..

مي رحمة … شافت فيه باستفهام ~ فين حنا اولدي ؟ واش هنا كاينة بنتي شهد ؟

وسيم … هز ليها راسو بالإيجاب معارف شنو يزيد يقدم ليها ~ كاينة هنا الميمة ، شاف فأمال لي جالسة متوترة وكتشوف فيها معارفة شنو تقول

نزلات مي رحمة ومروان معاها فرحان تا هو ، كيتسناو غير يشوفوووها ، نزلات أمال وسيم معاها ، باب كبيرة ديال الحديد مسدودة ، هزات يديها مي رحمة وصونات ، لمرة لولة ، لا مجيب ، رجعات صونات لمرة تانية لا مجيب وهي تشوف فوسيم باستفهام ،

مي رحمة … ولدي ياكما مكايناش فالدار ! علاش مكتحلش الباب ؟

أمال … كانت متوقعة ميحلوش خصوصا كاينة الكاميرا يعني شافوهم ومبغاوش يحلو ~ معرفتش امينتي يا الله نمشيييو بحالنا عافاك رتاحي ويكون خير

مي رحمة … شافت فيها باستفهام وحمرات عينيها ~ كضحكي عليا ولا شنو ؟ كيفاش نمشيو بحالنا ؟ بنتي هنا معارفاها ميتة ولا حية وانتي كتقولي ليا نمشيو بحالنا !! سيري لبغيتي هنا غانبات تا هاد الباب تحل

وسيم … كرز على يديييه بقوة هادشي لي مباغيش ~ مي رحمة الله يهديك خلينا نمشيو ومن بعد ونشرح ليك

مي رحمة … ضحكات بمرارة ~ ربيتكم وكبرتكم باش فالتالي ضحكو عليا وتخبييو عليا بنتي ياك اولدي وسيم هادي هي مك رحمة ، جراتو من الكوول ديال قاميجتو عينيها خرجو ، منسمحش ليك الى كانت واقعة ليها شي حاجة وانت مخبي عليا اولدي ..

سمعو غوات أمال بصوت عالي كتصرخ صرخة مور تانية

دارو بجووج مخلوعين ، بان ليهم مروان نقز الصور وداخل ، مشى كيجري وسيم يلحقو ، ساعة شداتو أمال ، كتغوت عليه يتوگض ، شوية وهو يفتح عليهم الباب الكبيرة ، ودخل كيجري مع جردة وهما تابعينو ، كيغوت بسميتها ، بانتليه باب اخرى مسدودة بدأ يدق ويضرب لباب ويغوت ، تا لحق عليه وسيم شدو كيهزن فيه …

وسيم …. كيطمنو ~ شششش تهدن ، عنقو كيطبطب عليه وهو كيتفركل ويغوت ويرجع يضرب لباب

مروان … كيغوووت ~ كارررررررما فتحي عليا انا خوووووووك مروان

كانت ناعسة وشادة فيه بتملك ، عريانة ، فحين هو وصلو مساج قراه وناض خاسر من حداها ، لبس تيشورط ديالو ، ونزل مع دروج ، كيفكر معصب ويديه كارزهم سمع الغوات وزديح برى غير وقف لقى لطيفة خارجة مفاهمة والو ، وعبد القادر كيتسناه ينطق بشي كلمة ، وهو واقف مخنزز كيفكر فكلام نايف صباح ، بأنهم فالطريق جاييين ، هادشي لي مبغاش، مبغاش تبان ولا شي يعرف فين هي ، ولا شي صورة تخرج ديالها ، كيحاول ما أمكن متكشفش على الأقل يحددو مكان مهدي ويعرفو تحركاته ، وقف باه حداه طالع ليه الدم لراس ونطق …

عبد القادر … بعصبية ~ شكون هاد الناس ؟ الى مغاديش تحل الباب انا غانمشي نحلها !!!

لطيفة … معجبة ~ عيط البوليس هاد الناس من صباح وهما يفرعو فالباب ، واش سيبة فالبلاد اشريف ولا كيفاش

عبد القادر … خنزز فيها ناطق ~ سكتينا من صداعك ياهاد المرأة شمن مخزن ؟ على ولدك داير ربح باش تعيطي لمخزن ؟ هاكاوا على المخزن

غانم … كمش يديه على شكلٍ لكمة ونطق ~ هادو عائلتها لي جاو

نزلات مع أخر كلمة نطق ، شعرها مبعتر على وجها ، وجها لي صبح شوية منفوووخ وكيضرها ، لابسة بيجامة ومع هي طويلة صيگانها باينين عامرين كيشعلو ، شافت فيه عيونها فيهم لمعة غريبة عمرو شافها ، معطشة لملاقاتهم، سمعات صوت غوات مروان ، وصوت رحمة ، الأم الوحيدة لي حنات فيها وكبراتها ، واخا قوانين الخيرية صارمين، كانت تحن عليها وتعطيها داكشي لي فالإستطاعة ديالها ، خفق قلبها بقوة ، من صوت مروان ، وهو كينادي عليها ، ويغوت ، محسات غير براسها كتجري ، لباب تحلها ، ممنعهاش خلاها فتحات الباب ، وهووووووب أول واحد طار عليها معنقها كيبكي هو مروان ، كيغوت ، كيخاصم ، كينادي بإسمها ويعاود ، بحرقة فقلبه بشوق ولهفة لإنسانة لي عاوناتو وعطاتو كلوتها ،

مروان … كيبكي ~ علاش خليتيني ومشيتي ؟ فين مشيتي خليتيني بوحدي ، فتانية ولا يضرب فكرشها ويدفعها ، تا دخلات لداخل ، تابعها كيضرب فيها وهي مسلمة ليه ، شوية وقرب ليها معنقها كيغوت عليها وهي خاضناه بقوة

كيقول واحد المثل قديم ، الفراق صعيب والولف موصيبة ، ومي رحمة مسكينة ولفات بشهد هي ديك شميعة لي مضوية حياتها ، من نهار خلاقت وهي كتعتني بيها حتى كبرات وهزات راسها ، ورغم ذالك ، مسمحاتش فيها بالعكس كانت هي السند وهي الركيزة باش كتمشي فالطريق ، بالنسبة ليها شهد هي الأمنية لي تحققات ليها ، عمرها تزوجات وعمرها ولدات حتى تحطات شهد بين يديها ، بحال النور ضوى ليها حياتها ، عطاتها أمال تعيش وتحارب ، حتى فاش كبرات كانت بالنسبة ليها ديك الطفلة صغيرة ، ونهار خرجات من الميتم وهزات راسها ، كانت غادي تحماق تبكي بليل ونهار ، والى غبرات عليها هداك هو نهار الكحل عندها ، دازو ايام ، لقات بنتها شهد كبرات ، وعطات براس كتغبر عليها مدة ولكن كترجع محملة ومجملة ومفرحة اليتمة ولي معندهمش ، كيقوليك لي كيربي كتر من لي كيولد وهذا مثل كينطبق على مي رحمة ، ميمتنا كاملين ….

عبد القادر … مقدرش يشوف مزال فيهم جابو ليه دموع جلس على الكرسي ونطق ~ لا حولة ولا قوة الا بالله العلي العظيم

لطيفة … بقات مطرطقة عينيها كتشوف غير سمعات كلمة ولدي ضربات على فخاضها ~ اويييييلي على ولدي جايبهالي لدار هجاااااالة !!!! ويلي ويلي ونذبتو خضر يابس يتحتت

خنزر فيها غانم باش تسكت حيت بعد المرات كتقول شي حاجة لا علاقة ليها بالموضوع ، ورجع شاف فلوحة الدرامية لي قدامو لبكا والبوسان وتعناق، بين مروان وشهد ،،، وراجل قدو فطول كيعنق فمرتو حس براسو تخنق ، ودمو بدأ يفووور …

غانم …قرب منو بعدو عليها و شدو من قرفاظتو ونطق ~ شكون نتا لي كتعنق وتبوس بخاطرك فرزق ماليه منخافوش

شهد … خرجت شهد عينيها فيه كتعض على شفايفها وقالت معصبة ~ طلق من الولد الا كان تفكيرك مسخ شغلك هاداك طلق منووو

مي رحمة …شافت فيها مشوكية كطلع وتنزل وشافت في دار وفناسها هزات حاجبها بتساؤل وقالت موجهة هضرتها لشهد ~ شنو واقع اشهد شكون هادو وشنو كديري هنااا !!

من بعد ما دوشات فرحانة ، كانت كتلبس حوايجها ، سمعات الغوات لتحت ، خفات راسها وحطات حجابها ونزلات كتجري ، مع أخر درجة وقفات كتفرج ، كارزة على يديها بزووج فالدقة ، كيفاش كيغوت ، كيفاش كيفاش فيها ، جميع تحركاته متبعاهم حسات بالعرق هابط مع سنسووول ضهرها ، فينما كتقول كسبتو فتالي كتلقى غير الفراغ ، دورات عينيها لشهد ، لقاتها مخرجاهم فغانم ، وهو معصب شادها من يديها ، شافت وحسات بنار غيرة فعينيه ، غرغرو عينيها ورجعات طالعة كتحجري مع الدروووج ، تا وصلات لبيتها وهي تزدحو عليها ، كتقلب على تيليفونها بالطريقة مجنووونة، دموع هابطين شلال ، ويديها كيترعدووووو عليها ، حاسة بالموت والسخفة ، واكتر حاجة هي الخوف ، الخوف من انها تفقد حب طفولتها للأبد ، واخيرا لقاتو دوزات نمرة وحطاتو على وذنيها يديها كيغزلو بطريقة غريبة ….

جوهرة …. دموع فعينيها والخنقة شاداها ~ م ماما م ماما عتقيني

رشيدة … نبرة صوتها خلعاتها لاحت لي فيديها وهي كتغوت ~ انتي فعار الله ابني ششش ششششش تهدني طلعي نفس غير بشوية عليك وحاوبيني مالك

جوهرة …. كتنفس كيف قالت ليها مها ~ م ما ما غانم غانم غادي يفلت ليا من يدي ن ماما غادي نقتلها غادي تاخدو لي

رشيدة … شللات حلقها وجلسات كانت غادي تموت بالخلعة ~ غير بشوية فهميني ابنتي اش واقع ؟

جوهرة … جلسات كترعد دموع فعينيها ونطقات ~ ك كيغير عليها اما كيفكر فيها كيشوف فيها بطريقة غريبة !!! ياك هادي اما غير باطرونة كانت فالكباريات كتشطح علاش كيخاف عليها وانا لا ؟ قوليلي

رشيدة …. تنهدات حاسة بنتها والوجع لي هي فيه ~ ششششش تهدني مكايناش لي تديه ليك باقة مخلاقت ! واش هو يخلي مولات العقل ورزانة ويمشي لوحدة خانزة ؟

جوهرة …. كتهترف ~ عاونيني اما غادي نموت الى خلاني عاونيني

رشيدة …. محات صورة زارتها فعينيها ونطقات ~ اجي عندي ابنتي هاني كنتسناك

قطعات الخط واقفة كتمسح دموعها، وهزات صاكها ، لبسات شالها قاداتو ، وهزات تيليفونها ونزلات مع الدروج كتسمعهم باقيييييين كيهضرو ، غايبة وعقلها مرفوووع ، هبطات من جيهة الجردة وخرجات مع الباب ، شيرات لطاكسي وقصدات دارهم ،

مي رحمة ….شافت فيها كطلع وتنزل وشافت في دار وفناسها هزات حاجبها بتساؤل وقالت موجهة هضرتها لشهد ~ شنو واقع اشهد شكون هادو وشنو كديري هنااا !!

سؤال ساهل ، ولكن بالنسبة لشهد كان صعيب تجاوب عليه ، دخل وسيم واقف ومعاه أمال دموع فعينيها ، ساكتين تا هو عم شكون غريب ، خلى مي رحمة تعرف أنو شي حاجة فعلا كاينة ، وإلا مكانتش غادي تغير هاد الغبرة كاملة ، شافت فيها باسفهام ورجعات شافت فغانم لي كان شاد مروان من يديه ، باغا تفهم اش واقع ، باغا تستوعب هادشي لي داير حداها ،

فركات يديها بجوج لأول مرة فحياتها تحير ومتلقى متقول ليها، فعلا الحياة صعيبة ومنهار طاحت فيد غانم وبحال الى القدر كينتاقم منها ، كانت خايفة من هاد اللقاء القاصح عليها وعلى مي رحمة !! وشنو بغات تقولها انا بنتك لي ربيتيني على القناعة وعلى تيقار وعلى أي حاجة خايبة ، شنو تقولها انا هي الماكرة النصابة لي لعبات على رجال شلاغمية ودات ليهم رزقهم ؟ اش تقول ليها ؟ بلي هي ماشي شهد لي ربات وكبرات ، تقول ليها انا هي ابليس فصفة انسان ، تحجرو دموع فعينيها حايرة معارفة ماتقدم ولا توخر، زادها هاد الزواج لي غادي يكمل عليها ، باش تبدأ ليها وباش تكمل ليها ؟ قلبها بقوة كيضرب وهي كتشوف فيها كيفاش كتسناها ملهوفة تنطق بشي حاجة ، حتى زعزع كيانها غانم لي متبع الفيلم وفهم بلي معندها مي رحمة تا علاقة بمكر وغرور شهد ، لهذا قرر هو يهضر بلاصتها

غانم ….بدا يضحك بطريقة مستفزة كيشوف فيها ، بلل فمو وقال ~ انا راجلها وهذا شيخها وعكوزتها واقلة شكون نتي لي جايا فهاد الوقت ومهجمة علينا ؟؟؟؟

مي رحمة … مكانتش من العاگزين ، خنزرت فيه ونطقت بصرامة وبنبرة صوت فيها نوع من عتاب ~ علاه عروستك نهار ديتيها مقالتش ليك راه بحبابها وبناسها ولا عند بالك مقطوعة من شجرة مكاين لي غيسول عليها ، دارت شافت فشهد مشوشة وقالت ~ شنو واقع كيفاش راجلك علاه تزوجي بلا خبار حد ؟

كانت عارفة جوابها, عارفة بنت يدها وتربيتها مزيان ماشي من نوع لي تزوج وتاسس دار ، من نهار كبرات وهي طلبها وكتلقى منها غير النفور ، كيفاش اليوم بين ليلة ونهار تزوجات ؟ اخر وحدة تبغي تربط حياتها كلها برجل واحد هي شهد ومي رحمة مغريباش عليها شهد حافظاها كثر من راسها تربات قدام عينيها وكبرات على يديها ،

مي رحمة …عم سكات قلبها كيضرب بقوة ويديها كيغزلو عليها تا حد منطق بكلمة وهي تغوت عليها ~ راني سولتك شنو واقع هناا !!

شهد … نطقات بعد سكات طويل كارزة على يديها ~ تزوجت اميمتي سمحيلي

كلمة سمحيلي خرجات من فمها ساهلة وبالنسبة لمي رحمة ضربات فقلبها على زوج ، علاش تزوجات بلى علمها؟ علاش ختافت ومقابت ليها والو ؟ علاش خلاتها تقلب عليها بحال الحمقة ، أسئلة كثيرة كدور فراسها معندها ليهم جواب ، قربات منها مي رحمة مصدومة ، جرحاتها جرح عميق عمرها تنساه ، كان حلمها تشوفها عروسة وتفرح بيها ، هاكذا جازاتها ؟ هادي هي تربيتها ؟ هادا هو خيرها ؟ طلعاتها وهيطاتها نظراتها كيدل على بزاف دالحوايج ، فحين شهد نزلات عينيها مقدراتش تشوف فيها ، هزات يديها تا لسما ونزلات عليها بتصرفيقة قاصحة مع دايرة خاتم ودمليج فيديها فالبلاصة جرحاتها ، نزلووو دموعها وحدة مور تانية كيحريو قلبها مكسووور

مي رحمة … شافت فيها ونطقات ~ من اليوم معندكش ميمتك خسارة فيك تربيتي خسارة

شحال صعيب تفرق على أعز الناس ، لي بالنسبة ليك هما كل شيء فحياتك ، يجي نهار ويختفيييو بحال نسمة الريح ، وترجع تحس بالنفس شعور الوحدة ، الوحدة لي قليل لي كيعرف معانيها ، معنى انك تبقى بوحدك لا حنين ولا رحيم ، لا قريب ولا بعيد يسول عليك ويخاف عليك ، يتشطن إلى مجيتيش ولا إلى ماكليتيش ، ومي رحمة كانت الأم المتالية لي عطاتها عاطفتها وأمومتها لي تحرمات منها ، كانت ديك الأم لي رباتها وكبراتها وقراتها بزاف ديال الحوايج منهم احترامها لذاتها، مكانتش عارفة بلي كتربي شيطان فسيفة ملاك ، حنات راسها مكسورة جناح وهي كتشوفهم خارجين من الباب ، قلبها تقسم طراف مجروحة ومهمومة ، مقهورة و محگورة من هاد الحياة ، رمات الخلفة فالدروج مباغاش تشوف فيهم كيشمتو فيها ، مباغاش ديك نظرة تشوفها فعينيهم ، عطاتهم بالظهر طالعة فالدروج ، مرفوعة لدرجة مسمعاتش عياط عبد القادر ليها ، رمقها بعينيه بحال الصقر كيشوف فيها ، الحزن ترسم على وجها ، خلاها على راحتها ودخل لصالون جلس حدى مو كيفكر ودماغو مرفوووووع ….

لطيفة …. هزات فيه عينيها معاجبها الحال ونطقات ~ مفهمتش هاد مها تا لدابا عاد جايا ؟ فين كانت شحال هادي مخلية بنتها دالعة كتنصب على رجال عيبادالله ؟

غانم … تنهد طالعة ليه القردة ونطق ~ الواليدة براكة كون كانت عارفة متمشييش مكسورة بديك الطريقة

لطيفة … خنززات فيه ~ اوى هادي حية تحت تبن ، مالقاش مها فيها الخير غالقاوه فيها حنا ؟

عبد القادر … دخل مع آخر كلمة قالتها لطيفة ، ونطق وهو ميشوف فغانم ~ هاد المرأة لي جات مها ؟ مفهمتش ياك قلتي ليا البنت مقطوعة من شجرة ؟

غانم … فرق رجليه كيشوف فباه ~ هادي المرأة لي رباتها تا كبرات ، بحال مها هادشي لي عارف

لطيفة … كتستهزأ ~ هاكاوا على رباتها ، هادي مفيها خير ، ظاحكة ماشي غير علينا اذن ، اوى كل ما حنقزات المعزة ف طلوع الجبال تخلصو فالدار الذباغ

الندامةً!!!!! عادي كلمة بالنسبة للبعض عادية وبالنسبة لبعض الأخر كلمة كتعني ليهم الكثير ، الندامة على شيء درتوووه أذى الناس اللوخرين بشكل غريب ، ولا الندامة على حاجة عشتوووعا مكنتوووش كتمناو تعيشوووها ، كل وحدة فينا نادمة على حاجة من بزاف دالحوايج، كنديرو شْكَة عفسات [فخاطر دزايريات لي معانا 🇩🇿] لي كيأديو الناس ولا حنا كنتأذاو منهم ، غير هنا الأمر غرييييب ومختلف كليا ، هنا شخصية حقودة ماكرة مغرورة لأبعد حدوود ،بالنسبة ليها كيف ربح كيف الخطية ، شهد واش نادمة ؟ واش ندمات على الحوايج لي دارت ولي أذاو غيرها وبكاوهم، منهم لطيفة لي كرهاتها كره شديد ؟ ومنهم غانم لي حقد عليها ومباغيش يعطيها فرصة تانية باش ميندمش عليها ! ولا مي رحمة لي معندها علم فحتى شي حاجة ، ناعسة على وذنيها وفدارها كتربي حية ، ورجعوا لطيفة الأم لي حباتها وبغاتها بزر ولا بالخاطر لولدها زوجة ليه وأم لأحفادها !!!! شكون هنا كتلوووومو ؟ واش شهد ولا غانم ولا لطيفة ولا مي رحمة لي معرفاتش تربيها مزيان !!!

لطيفة … كتستهزأ ~ هاكاوا على رباتها ، هادي مفيها خير ، ظاحكة ماشي غير علينا اذن ، اوى كل ما حنقزات المعزة ف طلوع الجبال تخلصو فالدار الذباغ

سكت غانم مبغاش يجاوبها وناض خارج للجردة ، شعل گارو يتكيييف ، كيفكر ويمخمخ ، حتى صونا ليه تيليفون فجيبو، فتح الخط ، وجاوب

غانم … ساط الدخان فالسما ونطق ~ اش تما ؟ وفين هو دابا ؟

نايف … دگ من قهوتو عينيه على البيسي ونطق ~ مرجعش لإسبانيا ، كيبالي شاد لوطيل لي حداكم! وباه بدأ يرون بانلي سمعتو جاي

غانم … سف لي بقى من الگارو عافط عليه ~ اييييه خلييييه يدووور بجييهتي ويشوف قايدو شكون هو !! رجع سولو ~ اش درتي مع ديك خيييينة كاين شي خبار

نايف … لا والو حسووووو مبانش ليا ، وكنظن باقي معرف فين هي سي نووووو كان وصل ليها

شحال هادي

غانم … كرز على يديه ونطق ~ خلييييييييه بغييتو يقرب لجيييهتها نشوفو ، لعصبة ديال رجليييه نقطعها ليه ، خلييييه يباااان ولا يدووور فجييهتها يشووووووف لي عمرو شاااافو فحياتو

نايف … سكت لمدة ونطق ~ شنوووو نديرو مع أمير ؟ سكاتو معجبنيييييش گاع

غانم … شعل گارو أخر ونطق قبل ماينهي المكالمة ~ خلييييه عليا أنا

بعد أسبوووع كامل …

داز عند شهد عادي ، مكتخرجش من بيتها غير شاداه عليها ، تا من الهضرة مبقاتش تهضر معاهم ، من غير نسرين لي كتحاول تخرجها من ديك القوقعة لي خشات راسها فيها ، كان غانم يصيفط ليها نسرين تخرجها لجردة ولا تعاود معاها ، بعد مرات كيمشي بيديه يخرجها ويعطيها تأكل بزز منها ، بلى مجاكرة معاه كتاكل فصمت رهيب ، جوهرة رجعات ديك الليلة مكسورة الخاطر ، رغم ذالك مظعافتش كدير المستحيل تا كينعس حداها ، كل ليلة تقريبا ، مكترتاح حتى كتحس بيه فجنبها ، واليوم كيف ديما فايقة ناشطة ، يديها محاوطين كرشو ، فتحات عينيها لقات راسها معنقاه مخشية فيه ، قبلات ضهرو قبل متتالية ، ويديه كيدوزو على كتافو براحة ، حتى ناضت عريانة كتبوس فكتافو ، وهابطة يديها على شعرو ، تا حسات بيه تحرك وجرها تحتو كيشوووف فيها ، حنيكاتها موردين وكتبتاسم ، مغوبش صابح وهي شعلاتو ،

غانم … حنى قبلها من فرقة صدرها ورجلييه كيدفعو ليها رجليييها تا فتحاتهم ونطق ~ علاياش كتقلبي فهاد النبوري؟

جوهرة … عنقاتو بيديها كدوز على ضهرو وعينيها فرحانين نطقات ~ كنقلب عليييييك

بلى مايجابها نزل ملبي ليها اش بغات ، حتى ترفعات بحر قبلاتو سخوووين، أهاتها شوية بشوية بداو يعلاو ، حتى حسات بيه ، تنهدات مرفوعة كتبوسو ، وهو كيكسيها بماء لذة الحياة ، ناض من بعد ما حس براسو مزيان الموطور خواه باسها فرأسها وناض دخل للدوش ، وقفات مغطية راسها بليزار وتبعاتو الحمام كتكسول ، غير سالاو خرجات وردة من هاد الحنك وتانية من الحنك التأني ، لبسات كسيوة طويلة ، وقادات راسها ، خلاتو كيلبس باستو فحنكو ونطقات …

جوهرة … بفرحة ~ حبيبة بغيتك توصلني عند ماما دايرة معايا نخرجو مجموعين

غانم … قوص حجبانو فيها ونطق ~ طوموبيلتك فينها ؟

جوهرة … كتقاد شالها ~ خليتها فدارنا

غانم … هز تيليفونو بعد ما كمل وشاف فيها ~ صافي مور الفطوووور ندوزك قبل مانمشي الخدمة

جوهرة … قربات باستو فمو بخجل وهربات ~ الله يخليك ليا

تبعها بدوورو غادييين فالكولوار بجوج ، كانت عيانة كيف ديما شادة عليها ، اليوم بالضبط بغات تنزل لجردة تجلس وتشم شوية ديال الهواء ، وجها ذابل وصفرة ، شعرها مبعثر نازل ، لابسة بيجامة ديال نسرين مطرطقة عليها ، خرجات من البيت ، مجات عينيها غير عليهم ، فرحانة معاه وكظحك من عينيها ، رمقاتها كتقلي ليها السم ، وشدات فيه حداها كتورييها بلي هي والو قدامها فحياتو ، فحين شهد رمقاتها بنظرة خبيثة ، ورجعات شافت فيه لقاتو متبث فيها شوفة ، لعبات بحجبانها مطلعاهم ، ودازت من حداهم غادة كتكسول ، تا نزلات لجردة ، وهما دخلو لصالون ، مشات كطير جوهرة تقاد الفطوور كيف هاد الأسبوع كتنوض يوميا تحداگ وتوريهم علاش قادة ، فحين هو ناض خرج لجردة تبعها ، كيشوف فيها جالسة عاطية وجها لشمس ضاربة فيها ، ومغمضة عينيها ، كتسمع لصوت طيور ، منغميينها، راسها بعيد كيفكر وعقلها مرون ، قرب حلس حداها ونطق …

غانم … المظل الكبير لي مسدود طلقو حتى درقها من شمس ونطق ~ غادي تفرعك هاد الشمس إلى بقيتي فيها نوضي دخلي

شهد … بقات مغمضة عينيها نبرة صوتو زعجاتها ~ سير دخل انت وخليك بعيد عليا فهاد الساعة صوتك كيديرونجيني بزااااف ، مكنقدرش نسمعووووو

غانم … زير على يديه بقوة قبل ما يجرها لعندو مزير عليها ونطق عينيه حووومر~ ماااااااالنا شفتك هادي سيمانة وانتي تقووولي ميييييت مات ليييييك ياك لباس ، كيزير عليها بيديه ~ منيييييين لهاد الدرجة محرووووقة عليها علاش أذيتيها هاااا ؟

شهد … غمضات عينيها حيت ضرها وهزات ليد تانية كتحاول تفك يديها منوووو~ ططططلق مني وهاد السووق انت خارجوووو نضرها ولا لا ماشي سوقك فيا وفعائلتي

غانم … جبدوووها حتى ضربات فيه كيشوف فعينيها كيفليها ، عينيها فيهم حزن عميق صعيب شي حد يفهمو ونطق ~ أنا هو عائلتك ، حتى شي قوااااااااد معندووووو الحق فيك من غيييري أنا

شهد … ضحكات باستهزاء كتشوف فيعينه لي حاضييين شفايفها ونطقات~ غايجي نهار لي تشتاقني متلقاني دير فبالك

لي لي حداك ومعاك اسمها كارما فأي لحظة نختفي من وجودك ونشوف ذيك ساعة فيمن تحكم اسي غانم

غانم … جرها من شعرها بقوة لعندوووو ~ عدوووووو ر بك فينما مشيتي تا لجهنم غاتلقايني كنتسناك واقف موووووتك معايا وحياتك معايا أنا

دفعها فاش شافها ولات حمرا ، عارفها كتكره التحكم وهو كيبغي يبييين ليها هاد الجيييهة باش تمرد ، ساعة هاد المرة حنات راسها وكحزات منووو مغمضة عينيها ، مكرهش يشوف شنو فعقلها يقراه ، جرها من يديها موقفها تا شافت فيه ، ونطق وهو كيخنزز فيها ،

غانم … بأمر ~ طلعي بدلي عليا هاد البيجامة وهبطي تفطري ، إلى مهبطيييييش بيدي غادي نطلع ليييك شوفي اش كيتسناك معايا داك ساعة رجع خنزز فيها ونطق ~ مور الفطور نديك عند أمال جلسي معاها لعشية متخرجييش تا نجي موراااك ، تحركي دغيا

بملل دفعاتو عليها ، عينيها خارجين مستوعباتش اش قال واش بصح بيديه غادي يديها عندهم ، بقات مصمرة كتشوووف فيه متنكرش فرحات فداخل ديالها ، قفزها فاش نطق قايل ليها ~ تحركي قبل مانبدل رأي ….قفزات داخلة كتمايل بنصها، كيتهزهز قدام عينيه ، دوز على وجهوووو مكره ، ودخل تابعها ، غير شافها مشات دخل للصالون ، دخلات لصطوان باغة تشرب ، وهي تبان ليها مبتاسمة راشقة ليها ، وكدندن ، عبسات وجها فيها ، تا بغات طلع وهي تشوفها حاضية جنابها وكتكب شي حاجة فكاس واحد ، ضهر ليها لعجب ومفهاماتش اش كدير ، دفعات راسها ودخلات مقوصة حجبانها فيها ، ونطقات ..

شهد …. مخنززة هزات قرعة ديال الماء ونطقات ~ شكاديري من قبيلة وانتي كتلبدي اش مخبية؟

جوهرة … هزات عينيها فيهم حقد كبير ونطقات ~ شكون انتي لي كتسوليني ؟ ها ؟ هزات عينيها فيها كتقي ليها السم ونطقات ~ كنوجد لراجلي الفطور ضاراك شي حاجة ؟

شهد … عبسات فيها ونطقات ~ اممم كديري ليه الفطور ، قربات منها وجراتها من شالها ناتفاها ونطقات ~ يا بنت ل ق حبة شكنتي كديري فهاد الكاس ، شافت فالكاس ديكشي بيض فيه بحال الغبرة هزاتو حتى لسما ولاحتو تا تهرس ونطقات ~ جاوبي الباطروووونة

جوهرة … مرضاتش صعر ركبها خصوصا فاش لاحت الكاس ، دفعاتها عليها كاملة كترعد بغات تنزل عليها بتصرفيقة وهي تراجع فأخر لحضة ~ غادي نذمك عقلي عليها مزيان الخانزة ، خانزة بحالك تجي توريني اش ندير ، معضورتووو مكيشووفش فيك حتى الفراش مكيشاركوش معاك …

شهد …. طلعاتها وهبطاتها مزيان وقربات ليها باغا تشويها بكلامها ~ هاد الخانزة هي لي غادي تدييييييه ليك ، غاتولي تقلبي عليه بليل ونهار ومتلقايهش عقلي على كلامي مزيان ، ودفعاتها كتشوف فيها باستهزاء عاد خرجات …

طلعات مع الدروج كتخمم فيها ، ورجعات حذفات ديك الأفكار من بالها ، لبسات وتقادات وطلقات شعر ، ونزلات لقاتهم مجمعين جالسين كيفطرو ، طلعها وهبطها ، وشير ليها تجي تجلس تفطر ، شافت فيها جوهرة محروقة وجها حمر ، ورجعات شافت فيه ، عينيه عليها وهي كتحس بروحها غادي طلع ، حنات راسها كتاكل فصمت دغمة بزز كتهبط ، فحين شهد نطقات ~ صباح الخير عليكم ، جلسات حداه بالعاني كتشوف فجوهرة وكتقلي ليها سم ، قربات منو عند قصد ، وحنات عليه ناطقة …

شهد … بصدرها تحكات عليه ~ ممكن تمد الكاس جاني بعيد ،،

غانم … رمقها بعينيه صدرها مفروز هز الكاس مدوليها وشاف فمووو~ عطيها الواليدة الخبز هادي يوماين مكلاتو تموووتلي هنا

لطيفة … حمرات وجها فيها مكرهة وشافت فغانم ونطقات ~ تهزوووووووو راسها اوى لاش هادشي لي بقى تبيقستر الحيا والحشمة دارو جناح وطارو

وقف هز الخبز مدو ليها بلى ميجاوب مو ، فحين عبد القادر سكت ليزبلها معاها ، داز الفطور فسكوت من غير جوهرة لي حاضية نضراتو ليها وشهد عايقة بيها ، كيقول ليك المرأة كتفهم غير المرأة ،هي كتشوى وشهد كتبتاسم، حتى كملو الفطور ، وناض شاف فشهد وشاف فجوهرة …

غانم … بأمر مخنزز~ جوهرة طلعي جيبي ليها جلابة من دياولك تكون طويلة ومستورة

جوهرة … طرطقات عينيها فيه مفاهمة والو ونطقات ~ شكون ؟ مفهمتش ؟

غانم … بملل نطق معندووووش الوقت ~ لشهد غانديها تشوف عائلتها ، سربي معنديش الوقت نوصلكم عندي خدمة مهمة

بقات واقفة حالة فمها مصدومة فيه ، هذا شكيقول ياك غادي يوصلها عند مها هي ! فقاش رجعات شهد تا هي معاهم خارجة ، اش جاب شهد معاهم وفقاش هضر معاها ، محسات غير بيه قفزها كيقول ليها سربي دغيا ، طارت غادة حابسة دموع فعينيها ، يديها كيترعدو عليها ، متكرهش تقتلها ، عاد تزيد تعطيها حوايجها اوى صافي كملات . فحين شهد معجبهاش الحال تمووووت ومتلبسش حوايج ضرتها، بغات تنطق وهي تسمع عبد القادر كيهضر …

عبد القادر … حط يديه على ضهرها ~ سيري ابنتي فوجي مزيان مين غايديك غانم ، الله يهديييكم على نفسكم

لطيفة …. وهي غادة لكوزينة نطقات معاجبها حال ~ خْفو دْفو مريقة فغطار هاكاااوا على سيبة وقلة الحكام

خرج عبد القادر بحالو مع البيت خلاها غير كتشوف ، دارت راسها مسمعاتش لطيفة ، عدووووها شي حد يتحكم فيها ولا يقولها اش دير وشنو تلبس وشنو لا ، شافت فيه معصبة ونطقات وهي قريبة ليييييييه ..

شهد …. بعصبية ~ مكنحملش لبس حوايج غيري متبقاش ترغم عليا لبس حوايج دالناس ، أنا ماشي زبلة لهاد الدرجة عندك ، عندي حوايجي لبسهم ، ديال غيري بعاد عليا ، بحرقة نطقات ~ ماشي دمية عندك

غانم … سكت لمهلة كيطلع ويهبط فيها ورجع نطق ~ منينييييين انتي هاكذا الالة لبسي مقاد العرى ديك النهار قلت ليييييك غايجبد ليك صداع معايا ، حتارميني باش أنا منقصش منك ، ودابا بززز تلبسيها ولا نديرو بناقص من هاد الخرجة حنا گاع

طلعاتو وهبطاتو بكره ساكتة ، فحين جوهرة نزلات وجها حمر مزيرة شادة شهقة بزز منها ، مدات ليه جلابة بشنتة ، وعينيها على شهد بحقد كبير ، هز جلابة مدها ليها ، شداتها بشنتة تا هي باغا تلبسها وحلات ليها جيهت صدر ، كتعافر معاها مبغاتش تهبط، بحكم عامرة على جوهرة من الصدر والتحت ، وقفات حاصلة ليها ، خرجاتها بشنتة ولاحتها فالأرض ، خلات جوهرة كلها كتعرق بالفقصة

شهد … مخنززة فيه~ مزيييرة عليا إلى هبطتها بزز غادي تقطع وتخنقني

غانم … طول شوفة فصالتها لي عامرة ونطق ~ زيدي قدامي

خرجوووو برى مشات جوهرة كتجري طلعات لقدام بلعاني سبقاتها باش متجلسش حداه ، فحين شهد ضحكات باستهزاء مفايقاش ليها ، طلعات لقدام جلسات ، فحين هو دور المرايا قادها كيشوف فيها ، ديمارا فالطريق ، كانت كتشوف الدنيا وتشم الهوى حالة سرجم ومغمضة عينيها ، وصل جوهرة لولى ، قبل ما تنزل باستو فخضو قريبة لفمو ونطقات …

جوهرة … كتنيم عينيها فيه ~ حبيبة دوز مورايا فالعشية ؟

غانم … لا جيبي طوموبيلتك عندي شي شغال غادي نقدييييه تسالي جي للدار متعطليش

جوهرة … بملل كتشوف بنص عين فشهد ~ صافي واخا أحياتي

غانم ….خرجات غادة لدارهم تبعها بعينيه تا دخلات ، و شاف فالمرايا ونطق وهو كيخنزز فيها ~ نزلي جي لقدام أنا ماشي شيفوووور ديالك

نزلات كتكسول بشوية عليها ، وطلعات حداه كتأفأف ، ديمارا غادي وهي مغمضة عينيها ، حالة سرجم ، الهوى كيضرب فيها مع الصهد ، ديك نسمة واخا شوية سخونة عجباتها، قرب للسطووووب ، كيشوف فيها عينيه على وجهها وبزاااف دالمطارق فراسو كيضربو ، رمق طوموبيل وقفات جنبو فالبلاصة طلع زاجة وبلوكاها ، محاملش شي حد يرمقها حتى بنضرة صغيرة، خنززات فيه معبسة، مسافة الطريق وحطها حدى دار باينة فحي شعبي ، دراري صغار كيلعبو كورة فالدرب ، شاف بين جنابو حاضي الغادي وجاي ، وحل واحد المجر حداه جبد ليها تيليفون جديد قرطة ،

غانم … مد ليها تيليفون فيه غير رقم ديالو محفوظ ونطق ~ هاذا ديالك كيف نصونيليك هزييييييه متخلينيش نعاين

شهد … قوصات حجبانها فيه كتشوف فتيليفون أخر مودل فأيفون ونطقات ~ امممم نيييت كنت محتاجاااااه

لا جزاءا ولا شكورة، شداتو من عندو معبسة فيه ، عندها كلمة شكرا عادية وبالنسبة ليها ديك الكلمة مكتقالش، وخصوصا لشخص بحال غانم ، علاش تقوليه شكرا ؟ وشكون هو أصلا ؟ خشات تيليفون فجييبها ونزلات كتشوف فالحي ، كتفكر يامهم وفين كانو يعيشو ودابا فين ، حي خايب وديور مهرمشين، نزل بدورو حاضي معاها ، ومع طويل وعريض ولابس تيشورط الجيران من شقات كيطلووو، ودراري تجووقو ، طوموبيل كطرطق، ومع الوشام لي دايرين كل شي مبهور كيشوف من شراجم، قرب منها كيشوف فيها ونطق …

غانم … طلعي أنا غادي نمشي نقضي شي شغال عندي ضروري وكيف نسالي غانصوني عليك هبطي ،

شهد … كتشوف فالناس لي من شراجم محنزيين عينيهم فيهم نطقات ~ صافي واخا سير انت

غانم … شدها من يديها مقربها ليه ونطق ~ ردي لبال لرأسك

دخلات قدام عينو تا لداخل ، سمع الهضرة ديالهم عاد دخل لوطو ديمارا وزاد، كانت بسمة ومريم وأمال من سرجم كيطلووو، قلبها كيضرب فالألف ، فرحانة، نزلات كتجري معنقاها وكتغوت ، ومع هي دميميعة عطاتها لبكى ونواح…

شهد … عنقاتها بدورها عناق حار ~ وصافي البكاية ديالي هههه ششششش براكة طيبتي عينييييييك

أمال … كتشهق شادة فيها بحال إلى غادي تهرب ~ توحشتك ، وبدات تاني تبكي

شهد … شداتها مدخلاها معاها للداخل تا وصلات فين صالون غير صغيور وايني نقيقي ~ اجي اجي الحميمقة ديالي توحشتك تا أنا

أمال … كتمسح دموعها ~ ناري ممتيقاش كارما حدايا جالسة كيف طرى اختي مات شي حد ههه

بسمة … طارت عليها كتبوووس ومريم تا هي ~ ناري توحشناااااك اختي

شهد … عنقاتهم طبطبات عليهم وعينيها على أمال ~ تا أنا توحشتكم فين هو وسيم ؟؟؟؟؟

أمال … خرج يقضي شي غراض شوية ويجي

شهد … تنهدات وهي تعاود تسولها~ مي رحمة ومروان مشاو؟

أمال … حنات راسها بانكسار ~ اه مشاو مبغاتش تسمع لينا ، وحنا مقديناش نعطيوها شي تبرييييير اختي كل شي ضدنا ملقينا منقولو ليها خليناها مشات

شهد … الحرقة فقلبها صعيبة كتحس بيها ~ تمنييييت كون نقدر نصارحها ونعاود ليها كل شي تمنيت كونت كنت ديك البنت لي تمنات وبغات ، منقدش نافقها خليييها يجي نهار لي نعاود ليها حقيقتي وديك ساعة نتحمل اي قرار خداتووو

أمال … مسحات دمعة يتيمة نزلات ~ معرفتش كيف نديرو بلى مي رحمة مشات مكسورة كتبكي بحرقة بقات فيا اكارما ملقيت مانقوووليها

شهد … زيرات على يديها قلبها كيتعصر وشافت فيها ~ شششش قلبي الموضوع كل شي بوقتووو زوين ، رجعات شافت فبسمة ومريم ونطقات ~ جا الوقت فين ترجعو تشوفو حياتكم ، شافت فأمال ورجعات كملات ~ عندنا مطعم معروووف كبرناه بعرق الكتاف، هو الحاجة الوحيدة لي نظيفة فحياتنا ، واليدين وسيم فاش ماتو خلاوه صغير ، وخلاو ليه لي كتب الله ، هو بدأ براس المال لي عندو كان ، وحنا أنا وآمال بخدمتنا وذراعنا ،،،، شافت فيهم لقاتهم كيتسناوها تكمل حالين فمهم فيها ومن برودة كلامها ، لي كان بالنسبة ليهم غريب اول مرة تهضر معاهم بهاد الطريقة ~ بغيتكم تمشيو تقابلوووووه وطلعووووه فالقمة كيف كان ، هذا جهدي عليكم ، جا وقت الحساب وكل واحد خاص ياخد حقو، بغيتكم تبعدو من ديك الطريق ، مسروفكم يدخلوكم من المطعم ومنها تقابلوووه، اش قلتووو؟

بسمة … شافت فيها مصدومة عينيها مغرغرين ونطقات وهي شادة فيديها ~ انتي خيرك سابق علينا ، علاش كتحملي لراسك عواقب كنا كاملين مشاركين فيهم ؟

شهد … تنهدات ~ لا ماشي كيف كضني ، أنا لي جريييتكم لهاد الطريق حتى تبعتوني ودابا ، بغيييتكم تشوفو حياتكم وباش تشوفو حياتكم خاص تبداو من زيرو والمطعم هو أول خطوة ليكم خاص ترجعوووو بحالكم هاد المدينة ماشي ديالكم،

مريم … عنقاتها دموعها على طرف عينيها ~ وانتي ؟ كيفاش نخليييوك هنا بوحدك ؟ ميمكنش! رجعو كاملين ونبداو من زيرو

شهد … طبطبات عليها ونطقات ~ جا وقت الحساب ا مريم وكل واحد غاياخد حقووووووو من هاد شي وحتى أنا بحالكم ،

بسمة … رمقاتها بغيض شاعلة گارو فمها ~ زعمة صافي قبلتيييه راجل ليك ؟ وبغيتي تنكرينا

مريم … قرصاتها واخدة ليها الگارو من يديها كتغوت ~ وحنا من ديك السعد اختي تقبلو مالو كامل مكمووول، وباين باغيييييييك ، واش شفتي طووولة وتجريدة أنا حسابلي شي فاسي ولد مو مكلمن تا كنتصدم سيد شخصية اصاحبتي صدق

شهد …ريحة دخان نيكوتين طلعات معاها ، جرات لمريم الگارو غير حطاتوو فمها روعها وخنقها، عفطات عليه و تأفأفات للأسف مفهوووش كلام شهد من غير أمال لي طولات فيها شوفة كتفكر ~ سكتوووني وسمعوني مزيان اليوم نبغيييكم ترجعووووو بحالكم بغيت نسمع بالمطعم رجع مزيان نعول عليكم ؟؟؟ هذاك رآه آخر حاجة بقات لينا كنملكوها وانا كنتيق فيكم تقدرو على هاد المهمة

بسمة … طبطبات على يديها ونطقات ~ حسبييييه طلع وقفناه على رجليه مضربي حساب انتي تقتي فينا وحنا عند تقتك اكارما

أمال … جراتها من يديها ونطقات ~ لبنات نديرو شي براد ديال أتاي مشحر نقصرو عليه

جراتها معاها ، كتصوروووط حتى وصلو لكوزينة وهي طرق لباب كتشوف فيها مطلعة حواجبها للفوووق وكتسناها تنطق ، كلامها كبير وعندووووو معنى ، ومن غير أمال وسيم مكاينش لي يفهم كارما ، البنت الحقودة والماكرة ،

شهد … طلعاتها بعينيها ونطقات ~ بغااااااااك تعاونيني فشي حاجة أمال خاص هادشي يسالي فأقرب وقت

فجهة أخرى ….

لابس كوستيم فالأسود ، يديه كاملين موشووومين، حتى من راسو واشمو، طويل كوصطو وزعر، واخا كبير شاد فراسو، سيگار فيديه كيسف، وأغلى سوايع فيديه، ريحتىو من بعيد تسميها ، موريسكو الإسم لي صنعو وكبرو، معروف فإسبانيا ، أكبربياع المخدرات معروووف ، هز راسو كيشوف فولدوو مخنزز ونطق …

خوان … الحوار بالإسبانية ~ فييييييييين كاينة نطق خليييينا نقودوو من هنا !!!! واش معييييتيييسش؟

أمير…. كيكمي ويفكر يعيييد ~ منرجعش بلا بييييييييها الوالييييد قلت ليك هي ولا المووووووت

خوان … ضرب الڤاز فيديه لي حداه جابوووو شتاااات ~ قلت لييييييك نديييوها معانا ! منااااش خايف ؟

أمير … قوص عيينيه فيه ~ الوااااااليد علمتك من قبل الخطف منخطفهاش نجيييبها معايا بالإرادة ديالها! مبغيييت تا حاجة بزز منها ، قرب منو ونطق وهو معصب ~ خرج هاد السوق الواليد ومدخلش فييييه

خوان … جمع الرقفة طافي سيگار وضرب الكرسي جابو شتات ~ نجييييييبها لعند رجليييييك تركع! مابغيييتيييش اوى راك كتسنى فالريييييييح ، بقى هاكا حتى طييير من يديييك ، خرج كيغوت ~ مخلاقتش هادي لي تشحف ولد موريسكو خوان

بعد تلاتة الساعات …

كان قضى شي شغال عندو بالزربة، داز تقل شوية باش تجلس معاهم وترتاح، وهو فالطريق دوز نمرة لي جاب ليها ، سمعوووو كيضوني ولا موجيب، دخل لجيبي إس لقاها باقة فالنفس المكان .. عاود دخل صوناليها مرة وجووووج وتلاتة، خلعاته وشطناته، دخل صيفط ليها مساج بلي راه فالطريق ، كتقاتل مع الوقت وكيحري باش يوصل ليها ، كانت متكية على فخاظ أمال ، كيتعاودو، مسمعاتش تيليفون، داتها عينيها ، كيقول ليك الجلسة مع الحباب نزاهة، غطاتها مريم بنص صغير ، وهضرات بصوت خافت …

مريم … بصوت هادئ نطقات ~ ناري مسكينة تقولي شحال هادي منعسات

أمال … بصوت خافت كتلعب فشعرها~ هاكذا كانت تنعس عند مي رحمة فوق فخاضها وهي كتلعب فشعرها كتقولي احسن شعور حساتو حياتها كاملة

بسمة … عينيها عليها نطقات ~ انشاء الله القلوب ترطاب وتحن عليها مي رحمة وتسامحنا كاملين

تنهدات ساكتة أمال ، فحين غانم كان وصل لدرب، نزل كيجري برجليه دفع الباب فرعها وتم طالع كيجري، ممهتمش لشكون تما واش لابسين لبنات ولا لا ، همو الوحيد يشوفها بين عينيه ، ومتكون تا حاجة واقعة ليها ، غوت بصوتو الغليض خالعهم، ودخل بحال الثور كيقلب عليها بعينيه بانت ليك ناعسة على فخاض أمال ، ومع الغوتة فاقت مضهشرة، قرب منها شادها بين يديه كيفليها بعينيه ونطق مخنزز عصباتو لأبعد حدوووووود

غانم …. غوت عليها تا طفجات ~ ر** ديك التيليفون لاش مادوووووووو ليييييييك هاااااا علاش ؟ مخلياني كنتسابق مع الطريق باش نوصل كتلعبي معايا ر **؟؟؟؟

شهد … عينيها حومر بالنعاس دايخة جاوباتو ~ مسمعتووووش كنت ناعسة

غانم … دفعها كيقلب على تيليفون بعينيه ، حتى مداتو ليه فجيبها من لور دايراه، كيشوف فيه لقاه مفيهش أصلا صوت كيف عطاه ليها هاكاك بقى ~ تحركي قدامي

أمال … خنززات فيه ومن تعاملوو ليها ونطقات وهي حاضناها ~ تهلاي فراسك ومتغبرييييش عليا رجعي تاني

شهد … طبطبات عليها وباستها ~ متخافيش عليا ، عنقاتها وهضرات فوذنيها ~ متنسايش لي قلت ليك

عنقات مريم وبسمة ، حظن طوويييل ، حتى بداو يدمعووو، تمنات ليهم حظ موفق ، ودعاتهم فالصمت، نزل لتحت خلاها كتودعهم، وشعل گارو يتكيييف فراحتووو، دايز وراجع كيشوف فين ، كيبان بحال دووووك دراكات الكبار ، مع طويل وسمر حرووفو كوحل مخنززين غير الله يحفظ مع الله يستر ، عينيه حاضيييين دايزين وراجعين، تا نزلات حداه ، كيطلع ويهبط فيها ، ويشوف شكون كيشوف فيها ، متبع لعين وحاضي معاها ، معبس وجهووو فيها ، ديك الطرف كيتهز حداه ، وصدرها مفروووز، طلعات فلوووطو وطلع مخنزز حداها مهضر متكلم غير كيشوف فالطريق ، حتى وصلها لبرج فاس، سطالى لوطو ومع دنيا عامرة ، قربها منو شوية ويحضنها، عاطية لعين من بعيد ، بحال شي برازيلية قدامو غادة ، لونها كيبري وشعرها حكاية تانية ، لي دارت من حداه كيتبع ليها لعين ، محس براسو غير شاد فيديها، كامشها منها وغادي كيخنزز فالناس حتى وصل لمحال ، كانت غير كتشوف مدينة غريبة عليها، دخلها لمحل كيعرفوووو، خلاها واقفة مستغربة كتشوف فيه ، حوايج ديال الإخوانيات عابايات طوال ، وقمايص ديارين بحال جليلبات ، هزات حجبانها للفوق كتشوف فيه ، ونطقات …

شهد …. بغروور ~ مكنلبسش هادشي !!! إلى كانووووو شي دجينات شي كساوي قيمتهم غالية مرحبا كان غير هادشي قلب الخلفة وخلينا رجعو بحالنا …

غانم … طول فيها شوفة محمر فيها لعين ونطق ~ هادشي لي غادي توليييييي تلبسيييييييييييه حوايج صهارات والكباريات وصهييير نسايه، غوت على مول المحل ماعرف راسو باش تبلى، جا بدأ كيعزل راسووووو خدالها گاع ديكشي لي نفسو فييييييه ، وقرب منها ماد ليها كسيوة طويلة محجبة ~ دخلي بدلي عليا هاد الحوايج ولبسي هادي هانا كنتسناااااك

شهد … عينيها الشرار كيطلقو منهم شداتها منو بشنتة ونطقات ~ دير ليا زيييييف انت حسن لييييك ، خانقني فالدار وزايييدها حتى بالحوايج

غانم …. غوووت علييييها ودفعها فين كيبدلووووو~ شششششششهد دخلي بدليييييي هاد الحالة

دخلات مكرهة وجها حمر ، كتشوف راسها فالمرايا، وكتشوف فديك الكسوة، لبساتها بشنتة جاتها لاصقة عليها، تقول مفصلة، قوامها تبرزووو بوضوح، ترمتها تكشفات وصدرها تفررررز، عجبها راسها ، مغطية كاملة وايني ضيقة، كميماتها محموعين وفالبيييج، قادات شعرها طالقاه باغا تفقصو، وخرجات لعندووووووو، لقاتو واقف كيتسناها، مول شي حداه، طلع عينيه وبقى حال فمو فيها ، اما شي غانم ، جنوووون دنيييا ركبوووووه ، دفعها تا دخلات ودووز الخامية عينيه حاميييين، نار خالدة فيهم ، مدرقها بطووولتوو نطق وهو كيشوف فسيد شوية ويقتلووو بعينيه ~ جبد ليها طاية كبييييييييييييرة وخدم شغلك

تفافا سيد كيقلب وهو ينطق ~ هي طاية لي بقات كبر منها مكاينش،

خنزز فيه كيشوف فالحوايج لوخرين خايف تا هما ميجيوهاش ونطق كيسوولو ~ وهادو لي خذيت اشمن طاية ؟

هزهم كيقلب وهو ينطق ~ هادو كبار على ديك الكسوة ؟ ،

هز قميص منهم طويل جاي بحال جليليبة كيشوف فيييه ويقيصو فعينيه، وفالتالي دخل مدووو ليها لقاها جالسة كتصور راسها ، خنزز فيها ولاح ليها القميص …~ لبسي زمررررر

ضحكات بخفوووت عليه كتقلي ليه سم بعينيها ، تسناتووو يخرج ساعة بقى واقف حداها،

شهد ….طلعات حجبانها ونطقات ~ خرج خليني نبدل !!!

غانم … طول فيها شوفة وبقى واقف حداها ، قرب ليييها كتر ونطق ~ راجلك لي حداك ماشي البراني

قوصات حجبانها فيه ، كطلعو وتنزلووو، ونصلات حوايجها حداه ، خلاتوووو مكمش عينيه ومصغرهم فيها ، بدون خجل نزلهم كيسقي عويناتوو فيها ، لابسة دوبياس فالأحمر ، شوية صغار عليها ، مزيرين والخير خارج ، الأرداف خارجين والخصر نحيييف، مع طويلة وعامرة تقتل الهبيل ولي ناعس على الحصير، ريحتها كتفوووح، وسالفها نازل ، سموريتها عاطية بريان، حد صدرها وقلب عينيه ، ضار لجيهة لوخرى كيتنفس بعنف ، حتى لبسات ، وهي تنطق …

شهد … شادة ضحكة ~ خليييني نخرج خنقتيييييني هنا

غانم … ضار لعندها كيطلعها ويهبطها بعينيه، جاتها شوية واسعة وايني مبينة فورمتها زوينة، سيگانها واضحين من الفتحة، قوص عينيه ونطق ~ جمعي عليا ديييييييك شعر حسن ليك فهاد النهار

مخلاهاش تجاوب خرج من عند مول المحال لي كان واقف طالق وذنيييييه ، بلى ميحس غووووووت عليه زعزعوووو من بلاصتوووو، تا تهز ، وهو يشنق عليييه ..

غانم … مشربن ماشي منوووو منها هي لي لبساتها كتجي معاها ~ من قبيلة ر*** وانت عينيك كيدورو منخاااافوووووووش هاااا رزق عيباد الله حال فمك فييييهم ، إلى مرباوكش اليوم ربيييك أنا

شهد … طرطقات عينيها فيه وهي تمشي كتجرووو من يديه وهو لاصق ~ طلق منوووووووو اويلي ، غاااااااااانم طلق مادار والووووووو انت لي على سبة

غانم … شاف فيها جنووون راكبييينو وهو يجرها من شعرها لعندو~ قلت لعدوووو **** جمعي عليا شعرك

دفع سيد تا مشى وجا ، مسكين ولا كيتفتف بدأ يجمع ليه الحوايج فالميكات، طالب غير سلاك معاه ، حتى كمل مدهم ليه خايف على راسو باغيه غير يمشي بحالو، فحين غانم رجع حمر محمر فيها لعين تا لبدات جامعة شعرها مع قوي ومبووكل مبغاش كتجمعو كيهبط، بان ليه غير شال طويل هزووو لاحووو عليها ، ونطق ~ ستري روووووووووحك قبل ما نقتل شي ولد لق. حبة هنا

من صغرو وهو كيحلم يكون انسان ذو قيمة ، يوصل عائلتو بمجهوودو ويقدم ليهم داكشي لي هما مقدروووش يقدمووه ليه ، وبحال أي إنسان عادي كون راسووو ، منساش باه لي كافح وتقاتل فبلادات الناس ، وكان لي صوروو كيصيفطوو ليهم ، بعد شهور وسنين ، مشى عبد القادر لفرنسا تقاتل وخدم ، ولي صورو كان يصيفطو ، مكانش عندووو الوراق وكيخدم فالكحل ، والخدمة فالكحل صعيبة ، مرة يخلصوووه مرة لا ، لا دار لا دوار فين يعيش كاري مع صحابووو بيت بزبالة ديال الفلوووس ، نهار لي ميخلصووهش كيجريييو عليه ، خلى لطيفة فعز شبابها بلوليد صغير ، سماه غانم ، نهار تزاد ، تزادو مصاريفو معاه ، عاش تكرفيييص فالغربة ، وهكدا حتى كبر غانم ، كان يقرأ هو أحسن واحد فالمدرسة ، يسالي المدرسة ويمشي يبييع الخبز سخون كتوجدو ليه لطيفة ، وهو وليد صغيييير كيمشي بشكارتووو كيجري ولي صورها كيمدها لمييمتو ، عاشو الفقر والجوووع ، حتى لنهار باه صيفطوووه للمغرب رحلوووه ، لقى راسو لا فلوووس لا خدمة ، تقاتل وخرج يخدم كل مرة فين ، ومهملش قرايتو أبدا ، حتى لنهار جاتو لقرعة يمشي لبرأ يقرأ ، وخرج من المغرب وهو عندووو 18 السنة خلى عائلتو ونسرين صغيوة عندها عام ، خدم وقرأ فالغربة كافح ، وفر لعائلتوو داكشي لي موصلش ليه باه ، خدأ الوراق وسالى قرايته، وأول حاجة دارها رجع المغرب بعد 15 العام ديال الغربة هز عائلتووو وخرجهم من ديك الحي ولاو يعيشو فأفخم المنازل وياكلو احسن مأكولات ويلبسو احلى ملابس ، لطيفة لي كانت تلبس خويطات ديال القزدير ولات تلبس غير ذهوبات وتزلگ يديها وتعاود لتانية ، من غانم سي غانم العلوي مستثمر عقارات كبييييييييير ففاس….

شدات من عندو شال بلى متحس لاحتوو على راسها ، مفهماتش مالو وشنو بدلو فالدقيقة ، عينيه لي حومر متنكرش خلعوووها ، غمضات عينيها فاش جرها من يديها لعندو ، خلص راجل بعد ما بهدلوو ، ودار لمگازة تانية ، مكيهضرش معاها ، لي بالييييه كيصلاح كياخدووو ليها ، سراول بسوميجات ديالهم طوال ، حوايج دار طويولين ، ملابس داخلية ، لي غادي تحتاجها شراها ليها ، دوزها لجيهة صبابط خدى ليها مجموعة من صبيبطات سنيدلات بانطوفات دار ، سبرديلات ، مخلاهاش تقيص شي حاجة ، شاد فيها وجارها جنبو كيبان كوصطوو حداها طويل وعريض ، عارف قياسها لدرجة مسولهاش شحال كتلبسي ، بقات كتشوووف فيه حالة فمها ، فحين هو غير كيخلص ويدوز لمحلات تاليييين ، تا سالى هاز دوووك صاشيات وهي حداه غادة ، كتكسول وتشووف فيه فالنص عيين ، البنات لي داز من حداها تبقى تشوف فيه ، هي بعدا تبصمي عليها مباينة مغربية وهو بديك طولة وسمورية والوشام كيدوخ ، هزات نيفها لسما حداه غادة كيتميل فديك الطرف ، وتلوووز فيه ، خلاتوو بدأ يقاد ديكشي فالطوموبيل وقفات هي كتسيلفى ، وتبوووزة ، مخرجة صدرها وعاجبها زينها ، طلعها وهبطلها واتاها ديك القميص بالقب ديالو ، واخا شوية واسع جاها زوين ، تمشات حدى انظارو كتهز طرف رتنزل تاني ، محسات غير بالتصرفييييقة فترمتها خلاتها توقف وتشوف فيه حالة فمها مصدووومة …

شهد … شهقات شادة فترمتها وكتشوف فيه ~ الصعر اخوووية مالنا تا طرمتي صلاحت ليييييك

غانم … طلعها وهبطها مقرب ليها وكيشووف فعينيها مصغر عينيه فيها ونطق ~ من نيتك المعصووورة ، قرب ليها كتر وجبدها لعندو باركينج خاوي لقى راحتو كتر ، محسات غير بيديييييه على صدرها جبدوووو لييييها تا غوتات ~ خوووووك غادي يدير ليييك هاكا مثلا ؟؟

شهد …. حنززات عينيها فيه مصدومة من تمرده وشدات فصدرها حساتو كيوزوز ~ واش منيييتك اش درتي دابا ؟؟؟ دفعاتو وغوتات عليه ~ متعاودش تقييييييص فيا أزمر

غانم …. جرها من فكها لعندووو كتر وهاد المرة حط يديه بجووج على طرمتها عبزها ليها ونطق ~ هانا قست شغاديري مثلا ؟ غاتمنعيييني من رزقي ؟ ربي وحللو عليا ؟ شكون انتي لي تمنعيييينيي

شهد … بغات دفعو زاد لصق عليها كتر خنززات فيه وخرجات نيابها بحال الأفعى نطقات ~ حتى تكون راجلي بعدا عاد نكون حلالك طلق مني شفتك تيقتي أنا مراتك وانت راجلي ياكما نسيتي أنا وياك عمرنا نكونو متزوجيييييين انت عندك مراتك وانا عندي حياتي

غانم … عجبووو لعب معاها ، فلعصها بين يديه بجووج وقنتها على لوووطو كيشوف فيها وعينيه على فصالتها كتسارى ~ ايييييييه عندي مراتيييييييي وحتى انتي مرااااااااااتي وعلى يدي تبقاي حتى نموووووووووت مني مكاينش رجووووووووع ، كاين غانم ، غااااانم العلوي وبس

شهد … كتشوف فعينيه طلقات ابتسامة استفزاااازية على وجها باغا تمحي لييييه گاع داكشي فاش كيفكر باغا تنكدها عليه وتخلييييه كيزفر بقوة الأعصاب ، حطات يديها على صدرووو بشوية كتلعب بصباعها فوقو ، عينيها على شفايفو ويديها كيقيصوووه بطريقة عشوائية خلاتووووو كيزفر بقوة ، قربات منو بحال إلى معنقاه انفاسها كيضربوو فعنقه ويديها طالعين مع عضلاتووو ، قربات لوذنيه ونطقات ~ حتى نموووووووووت ودفني عاد نكوووووووووون لييييييييييييك اسي غانم العلوي ، متنساش أنا ديال گاع الرجال محكوووووووكة ، أنا غير كارما بنت الكباريات

غانم …. محسات غير بقبضة يديه على شعرها جرها منووو عينيه شاعلة ، كيديها ويجييبها بعنف يديه عضلاتهم تصلبوووو بشكل غرييييب ، بقوة جبدها من شعرها تا غوتات وقرب ليها ~ بيدي غادي نقتلك ، ومنبردش ، باش كتعجبيني عارفة راسك ق*** ، منسالكش فهادي ، غير هو نسيتي لي معاك غانم العلوي وحلفت نربيييييك وغادي نوفي بيها على يدي غادي توووووووووبي ، إلى كنتي ق*** عفى عليك الله من دابا ، غير وجديلي راسك ، ودفعها لداخل فلووطو كامل كيترعد باغي يخصر ليها وجها ، ولا يعوقها من شي قنت …فحين هي دموع تجمعو فعينيها ، جلدة ديال شعرها حسات بيها تقطعات ، كتقيص فراسها كيضربها ضو بقوة الحريق ، كسيرا مكيشووفش فيها ، فحين هي حطات يديها على راسها كتمسدو بشوية وحريق كيجهاد ….

في المنزل …

جالسة لطيفة وحداها جوهرة ، كل مرة تشوف فساعة ، وتحك فيديها بالتوتو ، الفقصة والقهرة البكية تجمعو عليها ، فحين لطيفة حاطة يديها على وجهها كتخمم ، ومرة مرة تشوف فيها تلقاها عينيها حومر باينة بكات حتى شبعات ، هزات يديها حاطاها على فخضها ونطقات …

لطيفة … كتحاول تخفف عليييها ~ دابا يجي ابنتي متشطنييش عليه ، راه باينة ديك الموصيبة دارت ليه شي خصلة باش تعطل

جوهرة … قلبها كيضرها فوق ماكتفكر هما راس فراس فالزنقة باقيييين ~ بزااااف اعمتي من صباح مين داها مزال مجا وتيليفون مكيجاوبش فيه ، واش أنا اخالتي ماشي مراتو ؟ علاش ميجيييش مورايا وبقى معاها ؟ علاش ؟

لطيفة … كتلطف الجو ~ يهديك الله ابنتي واش هو غادي يخلي زيييين ويمشي لشيييييييين ، هاديك غير لفعة ولا شي لعنة صلاطت علييينا دابا ربي يديرنا منها تاوييل ديال الخير غير تهناي

جوهرة … حسات بالخطر كيدور بيها وقالت ارى نجر لطيفة ليا اللهما تكون فصفي وتعاوني ولا نبقى بوحدي ~ عمتي عاونيييييني الله يخليك ليا كنحس بغانم كيبعد عليا شوية بشوية ياك انا بنت خوووك وقفي معايا ، كتبوووس يديها بجووج وتبكي

ولما لا علاش متعاونهاش وهي مكتحملهاش نهار الكبير عندها تفك منها ، تبعدها على ولدها وعلى حياتهم وترتاح ، بالنسبة ليها شهد غير موصيبة ولفعة گرطيطة ، واش تخلي بنت خوها رزيينة المتبتة وتمشي عند نصابة شفارة بينها وبين التربية والإحترام غير الخير والإحسان ، لا تعاونها وتسگدها مع الطريق وتهني راسها من بلاها ، هي بلاء بالنسبة ليها وعمرها تقبلها ولا دوووز ليها …

لطيفة … عنقاتها كطبطب عليها ~ شششش ويلي ونذبتووو خضر متبكييييش ليا هاد العوينات زوينين ، انتي قبل ماتكوني بنت خوية راكي بنتي ، والى معاونتش بنتي شكون بغيتيني نعاون ؟؟؟؟

جوهرة … كتمسح دموعها ~ جري عليها اعمتي الله يخليك ليا ، خاص تخوي دار إلى بقات غادي تديييييه ليا ، راها ابليس فصفة انسان هاديك

لطيفة … تنهدات ~ ياودي أنا كرهت ابنتي تخوي عليا دار مكرهتش راه الولد مباغيش ليا

جوهرة … قربات ليها عينيها كيسيلو بالدموووع ونطقات ~ لا خالتي عندي طريقة ، قربات لطيفة وذنيها ليها كتسمع باهتمام ~ نكرهوووها فغانم ، إلى كرهها هو بيديه يجري عليها ، خاصني نكحلو قلبووو نديرو لحوايج لي كيكره باش تخوي علينا هاد الدار ،

لطيفة … كتسمع ليها فرحانة باغا تا هي تفك منها ~ اوى هادشي كيفاش اندييير ليه

جوهرة … ضحكات حاضناها ونطقات ~ خلييييي عليا كيفاش انتي غير عاونيني فيها اعمتي الحبيبة ..

ولا سم غير سم ضرييرة ، خصوصا إلى كانت يديها قاطعة من يد الرحمان ، بالنسبة ليها هذا ماشي أي إنسان هو الهوى باش هي عايشة وكتنفس ، يعني حياتها بيه وموتها على يديه ، لمهم معاه بروح ولا بلاش ، وشهد بالنسبة ليييها حاجز ولا حيط خاص يتهرس باش تقدر هي تفوووز بيه ، اهتمامووو بيها ماشي عادي ، وكلامو قبل مايتزوج بيها كيرمز أنه عمرو يطلاقها ولا يتفرق عليها ، اذن شنو دير ؟ خاصها الحيلة وكيقولك الحيلة حسن من العار ، إلى ضرباتها بعقلها غادي تهدها وتدوزها والى لجأت معاها لعنف غادي تكون هي الخاسرة ، لهذا لجأت لطيفة باش هي تخدم خدمتها بالتركيز وتخلي لطيفة فالواجهة ، مخدمة عقلها ، ومها قراتها حرووووب النسا ، وراتها الصحيح من الغلط وشنو دير وشنو لا ، لابسة قناع الحنانة وهي قلبها كحل بحال الغرابة ، سمها فقلبها كبير وكلامها من برى حلووو وبنين ، خلاوها ناس زمان فاش قالو شي ناس بحال البلووطة كتهرس عليها سنانك فالأخر كيصدقو حاريييين هادشي الى مالقيتيش فيهم دووودة ، هادي لا محارة مافيها دوودة ، هادي حبها ليه حب العمى فالضلمة ، يا ليها يا لمووت ، طولات شوفة بعييد كتفكر لمهاجمتها بأشتى طرق مواعدة راسها تحيبها فالحفرة وتهنى منها …

طريق كاملة وهو سايگ وساكت ، كتسمع غير صوت أنفاسو بقوة كيضربو ، يديه باش كيسووق عروقهم منفوخين ، منيييرڤي غير بوووحدو ، سمع صوت تيليفوونو كيصوووني ، شاف شاشة لقى جوهرة ، زاد زفر بقوة مين شاف شحال من ابيل ، فتح الخط داير ميكرفون وجاوب ،،،

غانم … مشربن ~ وي جوهرة مالنا ؟ شفتك مصونيا بزااف عليا يام لباس ؟

جوهرة … كتشوف فلطيفة كترعد مموالفاش تهضر معاه هاكذاولا تزعجو حتى ليوووم ~ غير خالتي تشطنات عليييييك كتسولني فينك ، وانا بغيت رييحها سمحلي إلى زعجتك !!! انت مزيان ؟

غانم … تنفس بعنف ~ قوليييييييها أنا ماشي دري صغير تشطن عليا ، أنا فالطريق شوية ونوصل ياكما محتاجة شي حاجة

جوهرة …. دايرة ميكروفون حداها لطيفة كتسمع ~ لا واللووو انت واش محتاج شي حاجة ؟ شنو نوجد ليك تعشى ؟

شهد … كيشوف فالطريق قبل مايتكلم جاوباتها شهد كتقلي ليييها السم ~ ديري معاك الله يحفضك شي بيتزا فالفران راني واقفة علييييييها ميييييييتة بجووووووووع نهار كامل وحنا ندووورو اجواااااااهر ديالي

قطعات الخط فوجها قبل ماتجاوبها ، ولاحت ليه تيليفون مخنززة وكتصوروط ، شاف فيها بمعنى واش منيتك وجرها من يديها لعندوووو موقف الطوموبيل ومقوص عينيه فيها ، محمرهم فيها بحال العافية …

غانم … زير على يديها بقوة ونطق ~ علاياش كتقلبي ؟؟ مناوياش ديري عقلك زعمة ؟

شهد … حنات راسها عاطيها الحريق وقربات منوو كتحاول تفك يديها منووو ~ راسي كيضرني ويديا تا هما طلق مني شي نهار غادي تهرسني!! وأش أنا ماشي انسانة كنحس علاش كتزييير عليا ؟ راني لحم ماشي حديد ، طبق معايا الديموقراطية والقانون متسبقش يديييك

غانم … طلع عينيه فيها بحال شي طفلة صغيرة ميقولش طالعة ف سبعة وعشرين عام ، دلات شفايفها جابتليه ضحكة ، كديرها قد راسها وتقول يا ربي تعاوني على وحدة اخرى ، رخف عليييها وقرب منها كتر دافعها عندوو ويديه على خصرها ~ ايييييه مقلتي عييييب نطبق معاك القانون وديموقراطية، باش بغيتي نبداااو ؟

شهد … طولات فيه الشوووفة هازة حواجبها للفووووق ونطقات ~ نبداااااو من لوووول

غانم …. ضار عينيه فيها هارب من نظاراتها، ولما لا وهي ملكو مراتو حلالوو قانونا وشرعا ، انثى كاملة متفجرة بالأنوثة، جر خصلة من شعرها لعندو كيلويييها بين صباعو ، حتى حكمها وجرها لعندووو ونطق ~ خااااااااصــــك مـــدة طويــــلة باش تقدري تبداااااااي معايا من لووووووووول ، صلحي بعدا شنو هرستيييييه واخا معندك متصلحي ، والحسااااب طوييييييييل بيناتنا امراتي ،

كتشووف فيييه بعينيها بحال الصقر ، حطات يديها على وجهووووو ودزات صباعها على لحيته هابطة تا وصلات لصدرو ، ونطقات ~ اشنوووو نديييييير باش طلقني وتنسى؟؟؟ نعتاذر منكم ورد ليكم رزقكم ؟ كافيييييييك ؟ اشنو بغيييييتي منيييييي ؟

غانم … صباعها على صدرو كيدورو كيشوف فييييييهم ، قرب ليها وهز يديه حطهم على عنقها طووويل وقربها ليييييه كيشوووف فييييها ~ شنو باغي منك ؟ برهني ليييييييا بلي درتي عقلك!! بغيييت نشوووف سحر البنت لي بغيييتها مراتي حلالي ، وذيك ساعة نهضرو فالباقي واش نطلقك ولا نخلييييك أنا وراسي ، حط يديه على شفايفها رووووطب منفوخييين وحميمرين كيشهيييو كيدوز عليهم بصباعو ونطق ~ باغي راحتي !! بمعنى باغي وليييداتي ونهني راسي !!!

شهد … قوصات حجبانها مبعدة عليه كتفكر بعيييد ، فحين هو رخف عليييها ورجع ديمارا سكتات لمهلة ورجعات نطقات فالتالي~ سحر كانت غيييير حـــلم وتلاشى مشى مع الريـــــح

غانم … سكت شوية تا وصل للدار وقف طوموبيل ودار شاف فيها ناطق بكلامو قبل ماينزل ~ حتى ترجعيييييييها وديك ساعة نجاوبك على كلامك تا أنا ..

نزل هز الميكات ، فحين هي معاوناتوووش أبدا ، حدها شافت فيه ورجعات دخلات مع باب الجردة ، فتحات الباب وقصدات الصالون ، بانت ليها جوهرة جالسة عينيها منفوخين بالبكا وحداها لطيفة كتمد ليها فالماء ، صغرات عينيها فيها ، ودخلات ناوية تزيد طيين بلة ، كيف شافتها بحال إلى شافت جن حداها ، بدات كترعد عليها ، مكرهاتش تقتلها وترتاح ، اتار دموع على خذوذها واضحين ، وانفاسها بعنف كيضربو لدرجة صوت نهجاتها سمعاتهم ، قربات جالسة حدى لطيفة ،، لي غير شافتها كحلات بالعمى …

لطيفة …. طلعاتها وهبطاتها بعنف لابسة جليليبة مستورة وشال على راسها ، ضهر ليها العجب فيها ~ هاكاوا على دواحة مت لخيام ، العيالات القادات الشامخات كيدخلووو لديووورهم بكري يا بكري وانتي يا سوساگة يا الوزغة عاد جايا !!

شهد … عينيها على جوهرة كتبسم ~ مشيت مع راجلي اعدوزتي الشكامة شرى ليا الحوايج كساني وتهلى فيا الله يخليييه ليا حنييييييين اخالتي العزيزة

لطيفة … طرطقات فيها عينيها وكحزات منها ~ يخوي ليك جناب يا قليلة لحيا ويخوي ليك الضرورووس امتعووسة ليام

شهد … مداتهاش فلطيفة ولفات على معيورها ، شافت فجوهرة لقاتها ولات حمرا دم يبس فعروقها وشوية وتموت ليها بالفقصة ، نار الغيرة ضاهرة وضوح شمس على وجها ، وشهد متخطيهاش هاد النظرة كيقولو مكتفهم المرأة غير المرأة ، بان ليها غانم داخل وهي تسولها كتسمع لييه ~ مال جوااااهر ديالي ؟ شكووووون قلقك ليا ؟

دخل محمل ومجمل يديه عامرين ميكااات، گاع لي تشهاه وبغاه ليها هطاه بلى ميسولها، ربي هي عجبها تا هو خداه ليها ، حط ديكشي فالمراح مقوووص عينيه فجوهرة ، نيفها حمر وجهرها صفر ، عينيها شوية منفوخين، قرب منها خلاها متبعة ليه العين ، وعينيها على دووك الميكات، حتى جلس حداها ونطق …

غانم … بقلق~ جوهرة !!! ياك لباس ؟

جوهرة …. حنات راسها بانكسار، ويديها بجوج كتفركهم بتوتر ~ والووو غير كليت عند ماما شي حاجة عندي منها حساسية ضراتني..

غانم … قربها ليه كيحقق فوجهها ونطق ~ متأكدة راكي مزيان ؟ نديك للطبيب ؟

جوهرة … تبسمات ابتسامة باهتة وشافت فيه ~ لا متخافش عليا أنا بيخبر

هزات عينيها فشهد كتغيضها ، وتخنزز فيها ، فحين هو رمى عينيه ليها ونطق ~ طلعي حوايجك لبيتك وخلي لباقي أنا نعاونك نطلعو ليك ،

هزات عينيها فيه مووو كتشووف فيه وفديك الميكات، فحين شهد تحركات قدامهم كتلوى عليهم بنصها هزات غير جوج ميكات فيديها وكتمشى بعجرفة قدامهم، خلات جوهرة حالة فمها فديكشي لي شرى ليها ، لطيفة كعات وطلع ليها لقردة للرأس ، معاجبها حال ، دورات وجهها ونطقات وهي كتشوف فيه ~ وعلاش دابا هاد لفشوووش والخنووت عليها ؟؟ مالنا على هاد الحوايج كاملين ؟ تلبس مع نسرين ولا تلبس ديك جلالب لقدام دياولي

غانم … حمر فيها العين بمعنى واش منيتك ~ الله يهديك الواليدة مراتي أنا نخليها تلبس مع نسرين ؟ علاش كتشوفي حوايج نسرين كيجيو قدها ؟ ولا أنا معنديك باش نشري ليها؟ عاجباك نخليها كدوو و ليا بتجيين مططرطق عليها ؟

لطيفة… يبسات بلاصتها كدوور كلام جوهرة فراسها، ~ اييييه مقلتي عيييت اولدي أنا غير قلت ليك ديكشي بزااف عليها لي شريتي

غانم … جمع الوقفة مخنزز وهز الباقي فيديه ديال الميكات وقصد الدروج ~ مكاين لاش دخلي الواليدة مراتي نشري ليها داكشي لي بغيييت

طلع مع الدروج نيشان لبيتها ، مستأذن مدق الباب ، دخل سكون غير صوت الماء ، دليل على انها كدوش، حط ليها الميكات فوق ناموسية وخرج من لبيت ، مهلوووك وعيان وباغي غير يدوش ويضربها بنعسة يرتاح من عيا نهار ، فحين جوهرة طلعات لبيتها، بانت ليها فالدوووش مشات لدووك المييكات فتحاتهم، كتشوف لي عجباتها كتجرها تا كتشرگ وتلوووحها، قطعات شي تلاتة وهزاتهم معاها ، لتحت لاحتهم فطارو ديال الزبل ، بقات كضحك بحال الهبيلة غير بوحدها ، شفايفها بقوة الغيرة كيترعدو، تبعاتووو لبيتو لقاتو فالدوووش، تبسمات بخبث وحيدات حوايجها ، محلات فوقها تا شرويطة كيف ولداتها مها ، دخلات للدوش تابعها….

بزااااف منا حبووو حب حقيقي خالص من أي عيييب ، كاين لي تجرحات وقلبها متشافاش وكاين لي ربح بحب حياتو وكمل معاه ، كل وحدة منا كتاخذ داكشي لي ربي مكتبووو ليها سوى خايب سوى زوييين ، هكذا قدرنا مرسوووم، للأسف شحال من وحدة فينا كتغلط فراسها، كدير المستحيل باش تاخد ديك الإنسان لي عمرو غايكون ليها ، ولا ديك لي كتمشي تسحر ليه حقا والواد غادي يرجع يبغيني ويموت عليا !!!! هذا فحق ذاتوو غباء ، سحر كينقلب على مولاه واخا توكليييييه لسان لحمار غايجي نهار لي يولي سبع ويعضك، شحال ما طرتي ونزلي إلى كان داك الإنسان ماشي مكتاب ليك غير سيري وكملي حياتك ولاهي راسك بشي حاجة لي اتستافدي منها حيت ديك العلاقة عمرها غادي تنجح ولا تكمل ، وهاكذا جوهرة حبات وطاحت فبير غارق ، كيحساب ليها راجل هو الفراش، وايني واش غادي تحاسبووها؟ بنت عمرها جربات لعلاقات ولا تصاحبات ولا عاشت شي حاجة !! كيفاش هي ممكن تعرف بلي الزواج والراجل ماشي هما الفراش!! مها لي تورييييها وتعلمها، بينات ليها بلي إلى عطات راسها وحلات ليه رجليها غادي تكسبو لما لا نهاية ،،،

تبعاتووو لبيتو لقاتو فالدوووش، تبسمات بخبث وحيدات حوايجها ، مخلات فوقها تا شرويطة كيف ولداتها مها ، دخلات للدوش تابعاه، بان ليها واقف صوولوو حاط يديه على الحيط والماء نازل عليه ، عضات على شفايفها ودخلات لعندو، محس غير بيديها على ضهرو نازلين، كدوز عليييه غير بشوية ، حتى جات قدامو حانية راسسسها ، مقادراش تشوف فيه حشمانة منوو، أو بالأحرى باقة مقادرة تشوف فوجهو، هز عيييينيه فيها ، فازگيين بالماء ، وهز ليها راسها كيشوووف فوجها، حمر غادي يطرطق، كانت كتسنى منو غير حركة وتقرب لجيهته، قربات ليه مع طويل واقفة على ريوووووس صباعها، يديها فوق صدرو كدوز علييه ، والماء كيقطر عليييهم بجوووج، تنهد بصووت مسمووع، قبل ماينزل مايل ليها مقبلها فراسها بقوة ، ونطق

غانم … بصوت عييييان ~ جــــوهرة عيـــــــــان باغي نعس ، هزات عينيها كتشوف فيه فحين هو رجع باس حنيكاتها بجووج ونطق ~ تعاونيني؟؟؟

جوهرة … حسات بالدم جمد فعروقها وغرقات فحوايجها ~ اااه غير قولي لي بغيييتيها نديرها ليك

غانم … كيمسح على وجها بيدييه ~ ديريلي شي مساج قبل مانعس

هزات غير راسها بالإماءة ، فحين هو خرج من دووش خلاها غير كتفكر، دغيا خرجات، ملوية فالفوووطة لقاتو مجبد على كرشو ناعس ، هزات حوايجها لبساتهم، وهزات زويتة عاد قربات كتمسد ليه ضهرو وعنقوو، تا عيا وهو ينعس،،،، تنهدات كتشوووف فيه ، قبلات ضهرو بحب ، وجرات الغطاء غطاتو، عاد تكات حداه مخشية فيه ، كتشم ريحتو مغمضة عينيها ، تا داها نعاس …

اصبحنا وأصبح الملك لله …

فاقت راشقة ليها ، كضحك غير بوحدها، قلبها بقوة الحقد والسم مكيشووفش اش صنعات ، لي كيهمها انه فقط حفرات ليها موشيكيل ومغادي تمشي حتى طيحها فديك الحفرة ، شوية بشوية كيحمل الواد ، شافت فجنابها لقاتو مكاينش، دغيا لبسات وتقادات، ماكياج زوين فوجهها، هزات تيليفونها ونزلات للتحت لقاتهم مجمعين على طبلة دالفطوور…

جوهرة … بابتسامة على وجهها كتشوف فغانم ~ صباح الخير عليكم

لطيفة … باستها فخضها ~ صباح النور بنتي الحبيبة

جلسات بيناتهم ، نسرين شربات غير عاصير وخرجات عندها درس مهم ، كيفطرو فسكون ، من غير غانم لي عقلو فالبلاصة اخرى ، تا حس بيها نازلة مع درووج، دور وجهوو كيشوف فيها لابسة فراشة من دووك لي شرى ليها بحال عباية واسعة شوية جاتها زوينة ، وفرجيلاتها بانطووفة، سالفها تابعها، وجها مضوي بقى متبع ليها لعين تا جلسات بيناتهم، كتشوف فجوهرة مخنززة ورأسها عاطيها الحريق …

شهد … صباح الخير بعدوووزتي الحادگة كون غير فيقتيني والله منخليك تشقاي بوحدك

لطيفة … طلعاتها وهبطاتها ~ قاليك اش خاصك العريان قاليه خاتم امولاي، كون الخوخ يداوي، يداوي راسو بعدا اجخنووونة…

شهد … ضحكات بصوت عالي مدايهاش فلي جالس بيناتهم كيشوف فيها ~ لا لا نتعلم منك اعدوزتي ومن هاد اليديدات نخرج ليك ذهب ، والى مخرج ذهب نشوفو مع القطران ~ كتشوف فجوهرة معصبة..

لطيفة … طرطقات فيها عينيها ~ هو لي غادي نشربو ليك انشاء الله إلى معطيتينيش شبر ديال التيساع صبحتوو الله

غانم …جرها غانم من يديها جلسها حداه ، وخنزز فيها ، هز الخبز قربو ليها ، ونطق ~ كولي وهنييينا من صداعك..

جوهرة … شافت فلطيفة كدور فعينيها وبدات ~ عمتي !! أنا شفتك لحتي شي حوايج زوينين فالكزينة مالهم ؟ واش مبقاوش صالحين ليك ؟

لطيفة … هزات حجبانها باستفهام ~ شمن حوايج ؟ أنا ملحت حتى شي حوايج !!

جوهرة … شافت فشهد شادة الضحكة وناضت ~ أنا نورييهم ليك ولهيلا خسارة اعمتي بانو ليا فزبل مفهمت والو

مشات كتجري تحت انظار شهد ، خلاتها هازة حواجبها وكتشوف فهاد الإنسانة لي عندها مئة وجه ، دخلات وفيديها الحوايج لي قطعات ليها بيديها ، كتوريييهم فوجه غانم ، وتبندهم مزيان باش يشوفهم، ولا حولة ولا قوة إلا بالله من كحل راس لي قلبو كحل ، معمر حسد وغيرة ، هي عارفة مزيان دووك لحوايج هو لي شراهم ليها ، وبالعاني قطعاتهم باش تشري ليها معاه صداع ، باش هو ينفرها ويضربها، باش هي تشفى فيها ، هذا سعد لي قلبو حجر والكبدة ميتة، هز عينيه كيشووف فالحوايج لي شرى ليها مقطعين ومليووحين بديك الطريقة ، دموووو حس بيه كيغلي من لداخل ، كيشوف فدووك الحوايج ويرجع يشوف فييييها ، فحين شهد كانت غير جالسة مربعة يديها وكتفرج فيها ، على محياها ابتسامة غريبة، كطلعها وتهبطها ، خرجات فيلم ومثلاتو بوحدها ، تبعات حركات يديها وعينيها ، ورجعات شافت فغانم لي رجع حمر مرضاش، خرج شرى ليها الحوايج بذووقو وبغاها تفاجا فتالي باش جزاتو قطعات الحوايج لي شراهم بدوقو ولاحتهم كأنهم غير زبل فقط عندها ،

جوهرة .. كترمي الحطب وتنسى العافية تشعل وتمسكن ~ هاادوو اعمتي !!! شوفي شحال زوينين حمقووووني

لطيفة .. قوصات حجبانها ونطقات ~ لا ابنتي هادشي ماشي ديالي

جوهرة .. يتمثييييل ~ هاا بصح ؟ وديالمن؟

غانم … شاف فشهد وجرها من يديها معاه ~ تبعييييييييني

خرجها لجردة مفقوووووص ونترها تا مشات وجات ، كيمشي ويجي معصب ، شراهم ليها بشووووق ، وخرجها بفرحة، باش فالتالي تقطعهم وتلوووحهم بهاد الطريقة ، غمض عينيه باغي يصبر راسو باش ميعطيهاش شي دقة يقتلها ورجع بسرعة لعندها غرس يديه فكتافها بحال المجنوون كيغووووت …

غانم … منيييييين انتي لهاد الدرجة مباغاهمش علاش تقطعييييهم !! هااا ! ضحك باستهزاء~ ااااه موالفة بالعرى والقح *** لباس العطاييين وبنات الكباريات، طبعا سترى غادي تجييييك صعيبة وانتي غير قح*** دالخلى، العرى عندك فالدم أما سترى متعرفييش لييييها هاديك خلييها لماليييها سيادك لي كيفهمو فديك شي ، ماشي قح*** ليل بحالك

شهد … قصحها بقوة لي شاد فيها بديك الطريقة ، حساتو تهرس ومرضاش، هزات عينيها فيييه كتشوووف فيه كيف مخلاهاش دافع على راسها ، مخلاهاش تنطق بشي كلمة ، زرب عليها فالحكم ، يبسات بلاصتها وهي كتسمع كلاموو تا رجفووو شفايفها، وخرجات عينيها فيه ~ طلللللق مني وكحز عليا عطيني شبر ديال تيييييييييسااااع ، غوتات بدورها علييه ودفعاتوو ~ كنكرهك عرفتي علاش ؟؟؟ حيييتاش بوووذييينة لي سمعتيييها كتييق بيييها !! تفوووو على النهار لي عرفتك فيه

غانم …. مرضاش نزل عليها لوجه عينيه حومر كيف دم وصدرو كيتهز ويتحط بعنف ~ هادي باش عمرك ترفعي عليا صوووتك الخانزة

شهد …..محسات غير بالتصرفيقة على وجها صمكاتها، حطات يديها على وجها وضحكات بصوت عالي قبل ماتلوووح ليه الوقيدة تشعل ~ هذا علاش بالنسبة ليا أمير خيييير منك وبزاااف وكووووون دابا يرجع بلى منتردد نمشي معاه ، اللهما راجل حر ولا شماتة بحالك

كيقولو غير بكلمة وحدة الإنسان يخرج العيب، كاين لي ضيع صاحبو ، وكاين لي شتت دارو ، كلام العيب ساهل يتقال ، وايني الجرح صعيب يتلام ، ممكن تقولي غير كلمة عادية بالنسبة ليك فساعة غضب ، ولكن راه بالنسبة ليا جرح صعيب يبرى ، وهادشي لي وقع بين أبطالنا، شهد لي عمرها عرفات الصحيح من الغلط هاهي دابا ، فيدين غانم كيورييها قواعد الحياة ، غير الفرق هنا كبير ، باش انك ترودي الثور صعيب خاصك دماغ وعقل باش تفكري ، حيت شهد ماشي بنت ساهلة ضحكي عليها ولا تورييها شي حاجة هي مداخلاش ليها لعقلها، واش بالنسبة ليكم غانم وراها الطريق الصحيحة ؟ انهاها على المنكر ؟ ورى ليها الأغلاط ديالها شنو هما ؟ شهد ماشي شخصية عادية ممكن تعلميها غير بالفم !!! شهد شخصية متمردة قاصات بزااف دالحوايج ، من طفلة صغيرة رجعات شيطانة ، واش بالنسبة ليكم وحدة عندها كيف ربح كيف الخطية ! غادي بهولها غانم ؟ ولا بالسلطة ديالو وكلامو الخبيث غادي يهدها؟ اليوم وبعد الصراع لاحت ليه الوقيدة وجلسات تفرج فيه ، عطاتو بأكتر حاجة كيكرها الراجل ، هو تهيييينو فرجولتو وتقارن بينو وبين شخص آخر وانتي شرفو وعرضو ، غانم ماشي شخصية حقودة ولا متسلط ، غانم فقط تعجب وحلم وفالتالي تصدم، وباش يتخطاها مقادش ، يديه مكبلييييين وعقلووو معاها ، باغيها تفهم وتستوعب بزاف دالحوايج هي رافظة دخلهم لعقلها ، وباش تمرمد برجولتو وكبريائو الأرض ، ضرباتو بضربة القاضية وخلات الوحش لي مخبي فالداخل ديالو خرج ، شنو يدير يقتلها ؟ اش يدير معاها ؟ الطريق ومبغاتش تشدها معاه ! العقل وغادي تخرجو ليه ! اش يدير معاها ؟ ضرب مبقاش واكل معاها ! طووول فيها شوفة كارز على يديه وعينيه حوووومر ، وقرب منها عينيه على عينيها …

غانم … بأمر رجع نطق ~ عاودي نسمع اش قلتي !!! رجعي عاوديييييييييييييييها نســــمع !!

شهد … نظرات عينيه خلعوووها ، لدرجة رجعات بخطوة للوراء كتشوف فعينيه ~ قلت لي كايييييييين مهما انت لهاد الدرجة كتيييق فمراتك أنا عطيني براااااااتي وخليييني نشوف حياتي تا أنا

غانم … قرب لعندها كيتأكد من كلامها ، وهوووب جرها من شعرها مغزف عليها كون لقى يقتلها ميكره ~ قلت لييييييك اشهد مووووووتك غادي يكون على يدي إلى أنا مقتلكتش مكاينش لي يقتلك ،،،،، دفعها لعندو حاكمها من شعرها وغوووت ~ أبنت لقح*** أنا تقارنيينيي بدييييك الزا***

شهد …. وجعها راسها بقوة جران وهي تغوت ~ طلللللقني اغانم فرعتيني من يدي ودابا راسي طلق مني ، شافت فعينيه ونطقات ~ أنا قلت ليك لي كاين منين انت مراتك تايق فيها أنا عطيني شبر تيساع مبغيت منك والووووووووو بغيييييت غير راحتييييي

غانم … غمض عينيه مباغيش يشوف وجهها باغي يمحيي ليها المعاليم ديال وجها لي عاجبها دفعها على الحيط تا تقصحات وقرب منها ~ مكاينش الطلاق !!! هنا غادي تبقاي تا تموووتي حدايا وبجنبي حياتك معايا وموتك حدايا ، مكاينش شي راجل آخر غادي يمسك غيري ، غير تهناي وبراكة متحلمي ،

قبل مايخلط ليها وجها بيديه ، لطيفة خرجات فاش سمعات الغوات وقفات ليه حدى راسو كتغوت عليه ، فحين هو شنق عليها كيغوت وكيفهمها بالطريقة لي كتفهم بيها ، وقفات جوهرة فوق العتبة كتفرج فيها وضحك من بعيد ، فحين هو دفعها كيغوت ومو كتصبر فيه وتخطي فيها ، حتى جراتو معاها للداخل ، حنات راسها دايرة مسها مخلووعة ، حتى وصل لجيهتها وهو يجرها من يديها مرينڤي والبولة شاعلة ليه …

غانم … حمر فيها العين ومع عينيه حومر غير يالطيف, سولها وعينيه فعيينيها كيتفحصها ~ ديييييييك الحوايج فيييييين لقيييتيهم قلتي ؟

جوهرة … رجعات حمرأ وعينيه خلعوها ، كحزات منو خايفة ونطقات ~ ها !!! ا ا اااه اااه الحوايج فالكوزينة لقييييتهم! فالزبل مليووحين

غانم … قوص عينيه فيها لقاها كترعد زير على يديها بقوة وقرب منها كينطق ~ كنتمى يكون ديكشي لي فبالي غالط اجوهرة كنتمنى

طلق منها وطلع فالدرووج كيجري ، قلبها فالألف كيضرب وجها تخطف منو اللون ، جراتها لطيفة تجلس حيت خلعها منظرها ، فحين شهد دخلات نيشان طالعة مع الدروج ، وكتماصي على راسها ، زدحات باب البيت ودخلات للفراشها حطات راسها كتفكر ، ورأسها كيزدح زايدها…هزات تيليفون لي جاب ليها ودوزات رقم أمال …

خرجات بعد ماكملات الحصة ، هادي مدة وهي غير كتقرأ وتراجع ، كتفكر فمستقبلها وفحياتها ، لي بالنسبة ليها أهم ، أما واحد الشخص لي مرتابط وحياتو مأسسة معندها مادير بيه ، حيت بكل سهولة ماشي ديالها ، هاد المدة كاملة كيصوني وهي كتقطع ولا كتجاهل اتصالاتو حتى قررات فالتالي تبلووكيه ، كتحس براسها غادي تحماق تعلقها بيه لهاد الدرجة ماشي نورمال ، تنفسات بعنف خارجة مع الباب بلغة تمشي للدار وتنعس شوية ، العيا لي كتحس بيه بزااف ، وقفات كتسنى شي طاكسي ، حتى وقف عليه بحال عاصي ربي كان يتسناها تخرج ويهضر معاها ، كان باغي استفسار منها وعلاش هي بلوكاتو هاكا بلى سبب ، راسو ضرو ومفهم حتى حاجة … نزل الزاجة كيشوف فيها فحين هي تشوكات مجيتو متصوراتهاش ، دغيا تمشات هربانة منو ، فحين هو نزل ومشى تابعها ، حتى جرها لعندو مخنزز وكيشوف فيها ، لابسة كسيوة حد الركبة صيفية وطالقة شعرها الحريري ، عويناتها غير كيدورو كتشوف فيه وترجع تحني عينيها …

وسيم … مخنزز طالع ليه الدم ~ مالنا الالة كنبان ليك جن ؟ علاش كتهربي مني ؟

يتبع...