الماكرة الجزء 11

فجهة اخرى دنيا مقلووووبة وكل شي مهرس ، الغوات ديالهم من الزنقة كتسمعيييه ، نزلات لطيفة بجلابة ملكية مطرزة ويديييها عامرين ذهب ، شال رقيق على راسها وشعر من جنب باين ، فيديها صاك صغير ، وعطرها من بعيد تشميييه ، سمعات الغوات من برى وهي تشوف فعبد القادر لي مطلع حجبانو عاقدهم ….

لطيفة … بتعجب ~ اليوم ماشية نضرب لو الطرح بتناتنو وبخراشووو غادي نعطيه علاش كيقلب غانعطيه الطر بالبندير سكتات شوية فاش ميزات صوت من وهي تشوف فعبد القادر ~ سيدي عبد القادر وييييل الشيطان شهاد الغوات كنسمع

عبد القادر … هز راسو لشراجم كيسمع لخبيييط وهو يخلف رجليه ~ زيدي خفي رجلييييك بالي خووووك داير شي موصيبة فالدار …

تمشااااو كيطيرو لجهة لباب ، مع لطيفة عندها باب الدار ، فتحاتو تالفة ، يطيح ليها سوارت وتعاود تهزهم تا حيدهم ليها عبد القادر بالزربة فتح الباب ودخل كيجري ، وهي موراااه كتعيط بسمية خليل ، مع ديمة لولة كتشوف غير زاااج فالأرض ، ودنيا مقلوووبة تقول زلزال ضرب الدار . لفوق كتسمع صوت رشيدة كتبكي وتغووووت ….

رشيدة … هازة فاز كبيررر من الكريسطال الغالي ، ضرباتو مع الأرض تا تشتت وغوتات ~ والله منخرج من هاد الدار غير إلى مخليت فيها تا شقفة صحيحة الشلاهبي ، الغذار الله ياخد فييييك الحق

خليل … عينيه حومر ويديه عامرين دم مجروحين وحدى جبهتو مجروحة معصب لأقصى حد وهو كيشوف دارو كاملة هرساتها يديه باش يهزهم ويضربها معندووووش ~ بليييمين وباش كيحلفووووو الرجالة لا بقيتي فهاد الدار ، ديري قيمة لرأسك وخرجي بحالك من من داري

لطيفة … شافت رشيدة بغات تشييييير علييييه بواحد الطاسة ديال الحديد وهي لطيفة تغوت محيداها ليها من يديها ومخرجة فيها عينيها ~ اوى تبارك الله ماشاء الله على رشيشيدة وليتي تهزي يديك على سيدك تقادو الكتاف

رشيدة … ديك التمثيل ديال العفة والإحترام كامل لي كانت تبينو ليهم اليوم عطاتهم الوجه لي باقي معرفووووه ، گفضات جلايلها وطلعات لطيفة وهبطاتها ونطقات بشر ~ وميدخل بين راجل وموتو غير سوسة الخامجة

لطيفة … خرجات عينيها لقلة احترامها، وقفات حاطة صاكها حداها ، لطيفة من النوووع لي مكيضاربش ولكن لساني الماضي هي مولاتووو، جمعات النفس بعصبية ولاحت ليها كلامها ~ أنا سوسة خامجة؟ كيتك وكية المحروقة ختك يا عيفت الطيوووور ! أنا لا لاك لطيفة قبل مدكري سميتي حكي بالسمن و غسلي فمك مزيييان بالزهر يا السحارة

خليل … شاف رشيدة بغات تقرب لطيفة وهو يغوووت علييها ~ خررررررررجي ليا من داري قلت ليييك عاد زايداها بتخراج العينين ، صافي سالينا لي جمعنا اليوم انفرقوووووووه

رشيدة … بدورها كتغوووت وكتقلب على لي حداها مزال تهرسووو ~ ا والله منخرج هادي داري أنا اشلاهبي باغي تعطيها لديك الملقطة وتخليني أنا وبنتي فالشاريع والله متكون لييييك والله ماني خارجة منها

عبد القادر … عيا ساكت وهو يدخل باغي يفهم اش واقع ~ سي خليل غير بالهداوة والعقل كيتحلو المشاكل ، الغوات معندو باش ينفع ، اش واقع؟ مالكم دنيا قالبينها

رشيدة … قاطعات عبىد القادر بقلة احترام كتشير بصبعها لجهة خليل ~ هاد الشلاهبي الغذار قاليييك نمشي بحالي لدارنا يصيفطلي طلاقي ، باغي يشردني أنا وبنتي ويلووحني لزنقة ، وباغي هاد الڤيلا يعطيها لديك الملقطة الحرامية،

لطيفة … قاطعاتها بصوت عالي ~ شدي فمك المدلولة هاديك بزاااف علييييك ، والى بغى يعطيها عاد الڤيلا بصحتها بنتوووو هاديك ، وميكون غير لي بحالك فرقها على باها ، هاكاوا على الملقطة، سيري شوفيليك شي نقرة فين يغبر نحاسك شوووفي غيرووو ، هاكاوا على الودغيرية، صحاب الوشمة ، راه قالوها ربط حمارك مع الحمير يتعلم الشهيق والنهيق وخرجان الطريق ، على لي عندك بنت دارهم ؟

رشيدة … قوصات حجبانها باغا تا هي تعطيها ~ هاديك لالاكم رباتها بنت شان والمرشان، ماشي بحال الملقطة لي والداها مها بالحرام

لطيفة … كتشالي بيديها للسما ~ ايييييييه لالانا باش ؟ خفو دفو مريقة فغطار ، زيت يسخن وهي تقول طرمتها لي على النار ، وشحال من قب خلا قاعو فالحمام ، هادي هي بنت لحلال؟ حطات يديها فيد الشيطان هادي رباتها بنت شان والمرشان ؟ جيتي حتى لباب لملاح وقلتي صليو على النبي ، نوووضي صلي وطلبي ربي يغفر ليك واخا كيبالي قبرك جاي فشي شووووكة غارقة

عبد القادر … جر لطيفة مخنزز ~ سكتي يا هاد المرأة خليييييهم بجووج معندنا مندخلو بيناتهم حنا …

خليل … دفع واحد الكرسي جابو طايح وهز راسو الأعصاب راكبينو ~ خرجي محدك بعضامك صحاح ، ماباغيش نضرب امرأة عيب وعار ، خرجي عليا مبقيتش حامل شوفة فييييييك

رشيدة … بدات تغوت شوية وتنووووض تجدب ~ ا واللله ماني محركة من هنا ، لمن باغي تعطي الدار ؟ لوحدة داعيااااااااك ؟ شافت فلطيفة ~ هادي لي كدافعي عليها وجايا منها راه شوفي البرية عاد وصلات داعية باها بنفقة باغا تشوه بييييييه مسخوطة الواليدين

خليل … غووووت مبقاش قادر يشوف فيها ~ بصحتها وراحتها ، داكشي بيني وبين بنتي ، خرجي قلت ليييك عليا ، لي تحط يديها مع يدين الشيطان ، وتوري لبنتها الطريق الشعودة أنا مبري منها حتى ليوم الدين ،

رشيدة …. كتشوف فالدار لي عطاها الله كاملة هرساتها بقالها غير الفراش باغا تا هو تقطعو المهم متخلي ليها تا حاجة فهاد الدار مقادة ~ عييييط لبوليس والله من هاد الدار ماني خارجة ، ونهار غادي نخرج غادي نحرقها لييييها باش دخل تلقى يديها ورييييح

لطيفة … تقابلات معاها ~ حتى تكون مقطوووعة من الشجرة ولا معندها حنينين ، هي هادي جبنا القرع ينوسنا عرى راسو وهوسنا، ديك البنت اشيطانة من لحمنا ودمنا ، إلى مهزها هاد الدراع يهزها تاني ، وها مين دخلي وها مين تخرجي تبيقستر سيدي فرج خاوي والديور عامرين

بقاو مني منك تا لطيفة لعبات بأعصاب رشيدة ، وخلاتها هزات حوايجها وقصدات دارهم ، غادة وكتحلف فيييهم بجوج ، مخلات تا دعاوي مصيفطاتهمش ليهم ، جلسات لطيفة كتشوف فالدار تقول دار فيها طرام، بقات شادة حنوكها وكتشوف ، خليل جلس معصب كل شي تقلب ليه حياتو ترونات، والطريق مع بنته تسدات، تا من جوهرة من نهار خدات طلاقها رجعات لفرنسا، مبغاتش تجلس معاهم دقيقة فديك الدار ..

بعد اسبوع ..

لابسة تجييين مع تيييشوورط مع صهد ، واقفة فضلييلة فباب المحكمة ، مع وسيم وأمال ، كيتسناو المحامي يجي ، حتى وقفات علييهم طوموبيل فالكحل ، نزل منها غانم وحداه نايف ، شعلو گارو ، وتمشاو لجيييهتهم ، كانت واقفة كتشوف فيه ، لحيته الكثيفة مخربقة ، وشعرو مخربق تا هو ، واخا وسيم كيبان عيان بالسهيييير لي باين على ملامحو العيانة ، بقات متبعة ليييه لعييين ، تا وقف عليييهم عينيه عليييها ، بلى ميتكلم جرها من يديييها لعندو بقوة ، وضمها ليييه ، كأنها جرعة من الأكسيجين ، وباغي يتنفسه، خفق قلبها بقوة ، وهي كتشم نفس ريييحته لي كتعجبها ، حسات بيه زيرها ليه بقوة ، وكيبوووس عنقها بحرارة ، دقات قلبها بداو يضربو بقوة ، محسات غير براسها ضاماه تاهي لعندها ، تحسس بشرتها بيديه وتنفس فعنقها تا بورشها ، محسات غير بشفايفو قبلووو عضمة عنقها بطريقة بورشاتها، مسخاس يطلق منها حاس براسو محتاج لييييييها ،

غانم … بصوت عيان نطق وهو كيشوف فيها ويفليييها بعينيه ~ ناقصة مراتي شي حاجة ؟ علاش ضعافييتي ؟

شهد … حمار خضها لأول مرة وبعدات علييه مفافية كتجمع الحروف ~ ماشي مراتك غانخرجو من هاد لباب وطلاقي فيدي اغانم ولا ياكما نسيتي علاش حنا هنا ؟

غانم … تحسس يديها لي خداهم بين يديه عينيه كيشوفو فيها بشوق كبير بدون ما يعير أي اهتمام لوسيم وأنال لي واقفين حداه متبعين لفيلم نطق ~ حتى نخرجوووو من هنا مطلقين ، عاد منقولهاش ليك ، دابا راكي باقا مراتي قرب لحدى عويناتها ميشوف فيهم وغمض عينيه ~ بإمكاني دابا وفهاد اللحضة نديرك فوق ضهري ونديك فين بغيت تا حد ميقدر يمنعني ولكن ماباغيش نخصر خاطرك، خاطر فوق خاطري الالة شهد ، هز يديها حدا عينيها وقبلها قبلة طويييييييييلة وحنينية عاد زفر النفس فوجهها ~ فكل بلاصة منك الشهد كيقطر منها ..

شهد … جرات يديها منو، متوترة من أنظارو ليييها فعلا خلاها تلبكات تحت رجولته طاغية وكلامو الحلو ، خلاها بلعات ريقها ونطقات ~ بعد شوية مني خليني نتنفس اغانم

غانم … لمس خدها بحرارة عينيه كيتفحصووووها وجرها من يديها مشابكهم مع يديه بقوة داخل عاد نطق بخفوت ~ واخا نطلقك اتبقاي مراتي وديالي ديريها فبالك هادي فرصة ليك فين تعرفي مزيان اش بغيتي

وسيم وأمال بقاو برى كيتسناو ، غادي جاي شمس حرقاتو ، فحين أمال تكات على الصور كتفكر فشهد ومصير هاد الطلاق ، هزات عينيها بتعب وسولات وسيم …

أمال … دايرة يديها على راسها مدرقة شمس ~ وسييييم شفتي غانم كيف كيتصرف مع شهد ؟ أنا كنظن سيد بصح كيبغييها وميت عليييها ،

وسيم … تنهد بغى يشعل گارو شوية وهو يطفيه حيت ريحته كضر أمال وهي حداه ~ الراجل متسالييييهش باينة فعينيه كيموت عليييها وشاريييها غالي ، كون فكرات بعقلها غادي تعرف بقيمتها عندو ، عرفتي داك السيد واخا عصبي وكيضرب ولكن كيموت عليها أنا لي كنعرف هاد الشوفات الحب هالكو

أمال … قوصات عينيها فيه ~ امممم وانت مين كتعرف بالسلامة هادشي ؟ ياكما شي حب فالطريق وحنا مسايقين خبار ؟ وگر اش كاينة شي تزويييجة ؟

وسيم … قهقه بصوت عالي ~ هانا عاود على البلارة ديالي تا هي باغا تعرف ! زيدي اش باقي باغا تعرفي ؟

أمال … تفتحو عينيها بقوة وضحكات ~ قول والله هههههه شكون هادي؟ عنداك تكون شي وحدة من هاكا ولا هاكا ، ياك شي ضريفة ؟

وسيم … تبسم وقرب مضرقها من الشمس ~ هههههه زيدي ادجاجة الرومية شوية وتولي ليا حمرا بهاد الشموشات ههه الالة إلى باقا عاقلة أنا باقي عند وعدي نهار نزوجكم ورتاح عليكم ديك الساعة حياتي عادي تبدأ ،

أمال … شدات فيه بحال رتيلة لاصقة ~ وقولي شكون هي ولا والله تانشوه بييييك

وسيم … قرصها من حنووووكها تا غوتات ~ والله تا نعطب مك من شي قنت وما سكتي ، اش باغا تعرفي لالة ايييه النت بنت الناس وضرييفة والله منقوليك شكون حتى ديرو داركم ونتهنى منكم

بقات ساكتة كتخمم ، تا بعد عليها وسيم مشى يكمي ، نايف من بعيد متبعها بعينيه ، مخنزز ومعاجبوووو حال ، كان خاصو غير سبة ومعامن يتشاااد ، حتى جاب ليه واحد داخل من واحد جهة ممنوع يدوزو منها صحاب موطورات ، شدو كيغوووت عليييه ، وصوتوو مع عالي خلى أمال تلفت لييييه مقوصة حجبانها ، سيد مسكين معرف راسو باش تبلى بقى غير برطب معاه ، جاها فشكل وهي تمشى قصدات جييهته فاش شافت ناس جوقووو عليييييهم ، بقات واقفة كتفرج مبهووووطة من ردة فعله ، تا غوت نايف الله لي خلقه خلاها تهزات من بلاصتها …

نايف …. بصعرة ~ اتحركوووووو عليا من هنا معندناش الحلقة لي عندو شي شغال يتحرك يقضييييه

طرطقات عينيها وهي تحرك كتخلف بعيدة عليييه ، فيديها تيليفون كيصوني ، غير شافت المتصل وهي ترد عليييه بابتسامة بشوووشة على وجها …

أمال …. بفرحة ~ سلام عليييكم موسيو عمر ، الحمد الله وانت مزيان ؟

عمر … تكى على الكرسي راجع بلوووو ومغمض عينيه ~ مزيان ميييين سمعت صوووتك ، مزيانة ؟

أمال … توردوو حنيييكاتها وهي تبسم مجااوباه ~ الحمد الله

عمر … بتقة هاز خنافرو لسما ~ وصلووووك لي إيميييل ؟

أمال … باهتمام ~ اه وصلوني ولكن باقة مقريتهم غير نوصل لدار نطالع عليييهم

عمر … عجبووو صوتها لهادي وهو ينطق ~ اممممم بغييييت نسولك شنو عندك هاد العشية ؟

أمال … دورات شعرها على وذنيييها ~ ماعندي والو من غير الخدمة لي عطيتيني نقادها ليك

عمر … فتح عينيه الخوضر علييهم حموورية بالعيا وقاد الكول ديال القاميجة ديالو بطريقة رجولية ~ بغيييت نعطيييك واحد المشروع تقاديه ليا بطريقتك الخاصة ، والى بغيتي نصيفط شيفور موراك نخدمووه بجوج فداري اش قلتي ؟

أمال … قوصات عينيها كتفكر ورجعات فالحين جاوباته ~ علاش لي متصيفطووش ليا ونقادوووليك ولا غذا فالشركة نخدمو عليه بجوج ؟!!

عمر … دوز على شفايفه بلسانه ونطق ~ المشروووع مهم وانا مكنتيييق فحتى شي واحد فشركة باغي مشروعي نتكلف بييه راسي ، وحيت أنا تايق فيييك فكرت نخدمووه بجوج أنا نعطيييك الإستتراجيية وانتي قاديها بطريقتك

أمال … تنهدات كتفكر هي محتاجة لهاد الخدمة واخا مرتاحتش لخدمة معاه فالدار ولكن معندها مدير من لول قاليييها خدمتو وقتو كيف داير وهي وافقات ~ واخا موسيو عمر عطيني غير لادريس وانا غادي نجي تا لعندك

عمر … براحة نطق ~ شكرا لالة أمال شوية ونصيفطها ليك ،

قطعات الخط وبقات واقفة كتفكر ، جاها احساس فشكل ، وفالتالي رجعات ساست أفكارها ، وقربات لباب المحكمة ، بانليها وسيم واقف ، تمشات لعندو ، ودخلو بجوج لقاعة ،

فقاعة المحكمة …

واقفة اونفاص معاه ، كيشوف فييييها وهي كذالك كتشوف فيه لحيته كثافت وعينيه حومر بقلة النعاس ، تنهدات بألم ، كانت تمنى كون تلاقاته فظروووف غير هادي ، وكانت تمنى كون مكانتش شهد دابا لي واقفة حداه ، كان ممكن تكون عندها فرصة معاه وتبغيه گاع علاش لا ، ولكن للأسف لا هو من طينها ولا هي من طينه ، عرفاته فظروووف خايبة بزاااف ، عرفات على أساس أنها بنت دارهم ، لعبات علييه وعلى الأم دياله، سرقات ليها ذهبها ، وخوات ليييها كارطاتها كاملين ، خلاتها البوتيك لي دخلات ليه كيقولو ليها تا كارطة معندك فيها الفلوس ، حشمات بيها مع الناس ديالها وسودات ليها وجها معاهم ، لبسات قناع البراءة وخلاتهم حبووووها ، وهي عندها وجه ابليس يخاف منها ،….

كيف دير تقبل بشخص ضحكات عليه وهانته قدام الناس وضاتو صغير ، وهو ذو قيمة عالية ، وكيف هو غادي يتقبل وحدة عطاتو وجه ، وهي عندها وجهها الحقيقي خبييييث ، واخا يعيا ينسى نهار يتفرگع غادي يسبها بماضيها الكحل ويحط ليها ضواساها القدام ، ويقدر يلقبها تا هو ببنت زنقة ولا بنت الحرام ، وهي متقدرش تزوج واحد نصبات علييييه ، وعارفها سراقة ونصابة ، وبنت زنقة من لفوق ، لا عائلة تحمر بيها وجهها ، ولا ماضي يحمر الوجه ، تنهدات بحزن دمعة فلتات من عينيها طاحت مهزومة ومكسورة تحت ماضيها الكحل ، وهي كتسمع السؤال لي جات على ودووو ~ واش قابلة بالطلاق ديالك من السيد غانم العلوي ؟

هزات وجهها الحزين فيييه كان كتر منها قلبه كينزف دم عليييها ، كافح وصبر وتقاتل باش تكون ليييه ، ولكن فالأخير رفضاتو ، نفس شيء كيتعاود نهار بغاها وتمناها اول مرة شافها نصبات عليه وهربات ، ونهار قرر يلقاها ويجيبها لعندو ، عذب غير راسو بعذابها ، ونهار قلبه سامح وعفى عليييها لقاها باقا رافضاه بحال أول مرة ، عيا وعيات بيه الدنيا ، كيحس براسو فشل بعدها ، باغيييييها ولكن مباغيش يبزز راسو عليييها ، قهراتو برفضها منو ، وعذباتو بعدها عليييه ،تمنى فهاد اللحضة تقول لا ويخرج من هنا شاد فيها ، رجف قلبه فاش سمع صوتها كتنطق ~ اه موافقة ….فشلو عليييه رجلييييه ، ونزف قلبه بقهرة ، كان كيتمنى يعيش تبقى من عمرو معاها ، يكون ليها باها ومها خوها وختها ، صحبتها وصحبها ، خطيبها وراجلها ، باغي يكون كل شي بالنسبة ليها ، يعوضها على ما فاتها ، ويعطيها شوية من الحنان لي افتقداتو فصغرها ، وباقا مفتقداه حتى فكبرها ، فراقه عليييها بحال الأكسيجين فاش كيبدأ ينقص شوية بشوية ، كيفاش بغاها وامتى بغاها براسو معارفش ، لي عارفو انها تخلقات ليييه وغاتموووت وهي لييه ، حط يديه على قلبه لي ضرو وهو كيسمع نفس السؤال ليه هاد المرة مطروووح ، بلل حلقه لي نشف ، وهز عينيه كيشوف فيييها بحزن وألم شديد ، ماشي نهاية طريقه معاها ،لا هو عاد غادي يبدأ معاها من أول وجديد ، وهاد الطلاق غادي يكون بداية علاقة حب جديدة كتجمه بيها ، ضغط على يديه بقوة وحل عينيه حومر كيخلعه عاد نطق ~ موافق

كانت نهاية الجلسة بإتمام طلاقهم ، عطاها مستحقاتها واجباتها مضوبلين، من فلوس وشقة كبيييرة ، ورأس المال خلاها غير ساكتة وكتشووووف فيه ، فحين هو ربي لي كان عالم بيه ، عارف روحو لاصقة مع روحها ، وصعييب عليه بعادها ، ولكن عمرو يستسلم، غادي يبقى بجري موراها حتى تدي مول الأمانة أمانتو عنده ، خرجو بجووج من القاعة ، وقفات حدى الباب كتشوووف فيه كيف مكسووور ، نظرة الحزن باينة فعينيييه ….

شهد … حسات بقلبها رجف وهي كتشوف تعابير وجهه المهزومة ~ علاش درتي هاكذا ؟ عارفني مبغيت والو عطيتيني بيت وكل شي علاش زعمة كتزيد تخليني معلقة بخصوصياتك؟

غانم … قرب منها وحنى عند وذنييييها ~ باش عمرك تنسايني ولا تحيديني من بالك البلية

شهد …. عبسات وجهها فيه ونطقات ~ مكاين لاش صافي طلقنا ودابا كل واحد فينا يعيش حياتوووو بعييد على التاني

غانم … قوص عينييييه فيييها وقرب شد يديها لي كانت تفرك فيهم بالطريقة غريبة ~ غير الموت لي تفرقني عليك أبنت خالي ، حقق فعويناتها ذابلين العيا وقلة النعاس والسهير باينين عليها ~ عمرك زرتي شي عروبية؟

شهد … حلات عينيها فيه مقوصاهم مفهماتش سؤالو ليها ~ لا علاش هاد السؤال ؟

غانم .. تنهد وفالداخل ديالو كيطلب الله توافق ~ تمشي معايا ؟ غادي يعجبك الحال ، نعرفك على با المعطي اش قلتي ؟

شهد … بقات ساكتة كتشوف فعينيه لأول مرة تلاحضو مزيان عمرها اهتمات ليه ، بنية عريضة وطويل حرش وكلامو قاصح عينيه كان فيهم لمعة غريبة بللات حلقها ونطقات ~ وعلاش بالسلامة نمشي معاك ؟ حنا فرقنا جقلة عاد دابا ؟

غانم … هز خصلة زعجاتو دورها مور وذنيييها ، ونطق ~ بصفتك بنت خالي ، وانا بصفتي ولد عمتك اش قلتي الالة ؟ صلة القرابة باقة جامعانا إلى نسيتي ! بعدها من سطوان غير رجال عاديين جاييين ، ودرقها من عيون بني ادم ، خلاها غير كتشوف فهاد المخلوق الغريب ، تنهد كيموووت بالشوق ليها ومصبر روحو بزز، ونطق وهو كيشوف فيييها بالطريييقة خلاتها تحدر عينيها منه هربانة من نظراتو ليها ~ غادي يعجبك الجو تيقي بيا الخيل كاين ، وكيلعبو جولات ديما المواسم، خلييك تمشي تبدلي الجو ومتخافيش با المعطي عندو بنية تونسك متحسيش بالقنطة،! اش قلتي تمشي معايا ولا نمشي بوحدي ؟

فهاد الزمان الفلوس كتلعب دور كبير فحياتنا ، يكذب عليك الكذاب لي يقوليك الفلوس غير وسخ الدنيا ، الفلوس دواء وشفا لكل مريض ولكل بصير ولي ناعس على الحصير ، الفلوس دير ليك طريق ، وتنسيك حتى فواليديك، الفلوس عند الكبير والصغير رحمة ، كنز لا يفنى، سؤال هنا واش الفلوس كدير السعادة ؟ جييبكم عامر فين ما مشيتي متكلة على نفسك تخلصي وتنعسي فين بغيتي ، تأكل وتشربي من لي تشهات خاطرك ، ممحتاجة تا حد يعطيك ولا يمد ليك ولا لي يمن عليييك ، يعني الفلوس حاجة كبيرة وعندها دور فحياتنا ؟ شهد اليتيمة نهار حلات عينيها بدات تحلم ، باغا تكون وتكون تشري وتلبس وتسوق احسن سيارات ، تشري لي بغات ولي حتاجت ، نهار كبرات فعواط دير حاجة دخل بيها فلوس بالحلال ، مشات للطريق الحرام تسرق وتنصب ، وتعمر جيبها بفلوووس غيرها ، ولكن عمرها كانت سعيدة ، تنعس وتفيق على كلام مها ، الهوس بأنها توصل خلاها تعمى ليها البصيرة ، والله ينجينا وينجيكم من المشتاق إلى ذاق ، الفقر ماشي عيب ، ماشي عيب تكوني فقيرة ومحتاجة المساعدة ، ماشي عيب تخدمي وتعرقي باش تجيبيها على دراعك حلال ، العيب هو تنهبي فلوس ناس وتسرقي لي ماشي ديالك ، شهد ملقاتش لي يوعيييييها ، الطفولة ديالها ذازت عندها كابووووس فالعذاب ، الشيء لي خلاها طغات وقصات عليها الحياة ، كلنا عشنا بلا واليدين ، تعذبنا ولكن وصلنا ، قرينا وكافحنا، خدمنا وتعبنا، بكيييينا ومسحنا دموعنا ، ولكن ماشي نهبنا وسرقنا باش نوصلووو، شهد فهمات الحياة بشكل غالط ، وكلام الأم ديالها عطاها طاقة السلبية خلاها دفنات ضميرها وقلبها ، ، ونسات بلي هي غير طفلة خاصها تلعب وتقرا، ماشي تعلم تحرميات وتخطط لهذا ولهذا، شهد خاصها وعي خاصها ارشادات تخرجها من الواقع الخيالي لي عايشة فيه ،،،،

الغرور والتقة فالنفس فهاد اللحظة نساتهم، احساس غريب تملكها وهي كتفكر فكلامو، بنت با المعطي! جاها فظول تعرفها وتشوفها ، متناقضة حتى مع نفسها ، عاشت أيام كلها ألم وحزن وتخمام ، وجات هاد الفرصة بين يديها فين تشم هواء نقي وتنفس ، تفكر فحياتها وفشنو جاي القدام ، تبدل الجو وترتاح شوية ، تأخذ طاقة إيجابية ، بلى ماتشعر لقات راسها كتجاوبه….

شهد …. بسرعة نطقات ~ صافي واخا نمشيو

غانم … بفرحة وصدمة متوقعهاش تقبل بسهولة ، عارفها راسها قاصح بحال الصخر ، ومن سابع مستحيلات تقبل ليه ، رتاح نسبيا وفرح هادي فرصة فين يبين ليها ويتقرب منها تشوف جانب من جوانب زوينة ديالو حيت من نهار عرفاتو معاشو كزوج وزوجة عادييين ~ غذا نجييي موراك بكري وجدي راسك

هزات راسها بموافقة، وتمات غادة حداه بكبرياء، كتهز، تا حاوط يديه عليها من أنظار الجميع وخرجو بجوج لي يشوفهم مايقولش عاد دابا تم طلاقهم ، قوصات أمال حجبانها وهي كتشوف الفرحة لي على وجه غانم ، ومدرعها مفهمات والو ، قرصات وسيم لي حاني راس شمس فرعاتو تا دخل لكراسا تكى يرتاح ….

أمال … قرصاتو من يديه تا قفز من بلاصتووووو~ وسيييييييييييم شووووووووف عيني اش كيشووووفو اويلي واش هذو مطلقوووووش؟

وسيم … قوص عينيه فيهم ورجع خنزز فأمال كيحك القرصة ~ شي نهار نقطع لمك يديك من جدر ، هما ماطلقوووش وانا لحمي اش دار ليك

شهد … وقفات عليهم عيانة وباغا تمشي غير للدار تحط راس ~ مشينا ؟

أمال ،.. شافت فغانم ونطقات وهي كتبسم ~ خوية غانم لاباس عليك ؟ كيف بقات خالتي لطيفة ونسرين ؟ وسي عبد القادر ؟

غانم … تبسم ليها وعنكش شعرها ~ كل شي مزيان وانتي القطة ؟

أمال … توردو حنووكها بحشمة ونطقات ~ الحمد الله

شهد … خنززات فيها ~ زيدي نمشيووو براكة من الصواب ابنتي

وسيم … تسالم معاه باليد ~ باقي غانتلاقاو تهلى فراسك

غانم … طول فيه شوووفة وضرب على كتفه ~ تهلى فأمال ودييييها فيها شوية شي لاخر قاد بيييه أنا مخلاهش يفهم مغزى كلامو ، وتلفت لشهد كيسولها ~ نوصلكم للدار ؟

شهد … كانت كتشوف كيف كيحك على لحيته قبل ما يهضر كيف شبه ابتسامة كتبان ، يديه فجيبه ، وحجبانو عاقدهم بطريقة زوينة ، حدرات عينيها فاش لقاتو كيشوف فيها ونطقات ~ غير سير وسيم جاب معاه طوموبيل خاص ندووز على مروان من المدرسة قبل مانتعطل عليييه

غانم … طول فيها شوفة شاحبة وعينيها طافيين على ديما ، لونها صفر وتحت عينيها كوحل بالسهير تنهد بتعب ونطق ~ غير سيرو انتما للدار أنا نجيب مروان ليك من المدرسة ، سيري رتاحي باش غذا تفيقي بكري

تلفتات امال ليها مطلعة حواجبها مفاهمة والو ، مبغاتش تسوولها حداه تا خرجو لبرى ودعها غادي وكيوصي فييها ترتاح باش تفيق بكري ، خلاها طلعات حدى وسيم ، حنوكها مزنگين بالحرارة ، وأمال موراها جالسة على البيضة باغا تفهم اش واقع …

أمال … قوصات عينيها وجراتها من السمطة ~ واش مطلقتوووووش؟ اويلي علاياش كيوصيييك ؟

شهد … عيبات وجهها ونطقات ~ طلقنا صافي ، غير هو عرض عليا نشمييو لعروبية عند شي ناس نبدل الجو

وسيم … صاگ خارج وكلام غانم فوذنيه كيدور ~ العروبية؟ انتي وغانم ؟

شهد … تكات على الكوسان ونطقات بتعب ~ اممممم

أمال … تبسمات بفرحة وغمزات وسيم من المرايا ~ بصحتك والله فرحتيييني سيري تفاجاي ليا مع راسسسك وزايدون مغاداش مع البراني ولد عمتك هداك

بقاو مني منك أمال غير كتسول وشهد عاطياها النخال ، تا وصلو للدار، غانم فديك الوقت تحرك فين نايف كاين ، لقاه خدام گارو مووور تاني ، جبد شعل واحد وتكى حداااه كيشوف لبعيييد راسو بدورو مفرووع عليييه …

غانم … ساط فالسما ونطق ~ اش غادير دابا ؟ تبغيني نهضر مع شهد ؟ ولا وسيم ؟

نايف … بزق حاشاكم لبعيد معصب ونطق ~ خلييييييييه يح*** لقح** دمها ، لي عطى زك* لهلا يفكو ولد خالي زا** حسابي معاه هو لاخر

غانم … حك لحيته الكثيفة ورجع كيكمي ويخمم~ إلى مغاديش تحرك خليني نفاريها حسن ما يدير ليها شي حاجة لي يخليني نصفيها ليه فخطرة

نايف … خنزز فيه طالعة ليه القردة لرأس وغانم كمل عليه بهاد الهضرة ~ يضيييعها؟ وانا فيييييييين ! عدو ر** نقطعووو ليييه من جدر ، ولكن لمن تعطي لوومة؟ لقح*** لي عاد فاقت من نعاس ومشات عند ولد السليماني خدامة

غانم … شافووو رجع حمر وهو يصووووط باغي يبردو ~ تهدن اصاحبي البنت اش دارت ؟ ياك ها هي رجعات للطريق وبغات تخدم على راسها ، ذنب ذنب ولد خالك لق***

نايف … كيتهكم والفقصة قاتلاه من لداخل ~ كيقولي ولد لقح*** عندي ميدار وهو ناوي اليوم ينفارد بيها فدارو والقح*** وافقات اش بغيتي مزال ؟

غانم … قوص عينيه تا رجعووو حومر ونطق معصب ~ شكاتقوووول ؟ شكون علمك بهاد الشي ؟

نايف …شعل گارو آخر ~ سمعتها بوذني كتقوليه علاش دار! نتلاقاو فالمكتب ديالك غذا، وايني إلى ما ربيييتهاش راني ماشي راجل اخوية غانم

غانم … اول مرة يشوف نايف مكره لهاد الدرجة ~ برد اصاحبي نحلوووها ساهلة البنت نرجعوووها لدارهم وزا** نذوقوووه من عندنا

نايف …لاح سيجارة الأرض وضغط علييها قبل مايتوادع معاه ~ غادي نحل الموضوع بطريقتي غير سير انت كون هاني

غانم … خنزز فيه ~ كنعرفك مزيان دير عقلك وبشوية على بنت ماليه

كان دخل مع الباب ، تنهد غانم كيخمم، ورجع ركب غادي فلوطو يجيب مروان هو الأول ، عاد يشوف هاد البلان باش غادي يكمل عارف صاحبو يخرجو من عين ليبرا وأمال ضامن سلامتها معاه كسيرا حدى المدرسة، حتى كيبان ليه مروان خارج جا معاه نيشان ،كلاكصونا عليييه باش يشووفو، مروان حقق فيه وتبسم غادي كيجري لعندو..

مروان … سلم عليييه باليد فرحان ~ وفييين اصاحبي غبووورات غبرتي علينا ، كيشوف فطوموبيل عجباتو

غانم … ضحك على سداجتو وخربق شعرو لي نازل على عينيه ~ هانا عاود على الناس كبرووو طلع ختك غادي تشوش عليييك إلى تعطلنا

مروان … ركب معاه فرحان ~ وغير طول طريق دير بيا دوييرة راني مليت من دار والقراية تفكر شهد إلى تعطل دير ليه حالة وهو ينطق ~ لا لا عرفتي شنو نمشيييو للدار تبقى تغوت تا تسخف ليا تما دينا اخوية للدار

غانم … ضحك عليه من قلبو ~ الله يعز الحكام ههههه

مروان … عبس وجهوووو~ والله اخوووووية إلى غير كتشوف شي حاجة كتنوووض تغوت ودرية نسات عكارها عندي دارت ليا فيلم فالدار ، وألفات ليا سيناريو ولييييينا مكنقراوش وتابعين تصلگيط

غانم … حقق فيه ~ ههههه والعكار اش كان كيدير فشكارتك؟

مروان … كيحلف بالله ~ والله لقسم إلى معندي عليييه علم ، شي موصيبة بغات تلصق ليا شي منتيف وصافي ، شفتي أنا والله إلى داخل سوق راسي ، راه هما لي تابعيني ولاصقين فيا وخصوصا واحد القردة ، ابليس ولا هي

غانم …. كيضحك ~ ومعضرتها شهد فيك والله هههههه كيسولو ~ اجي نقوليك شهد شنو كانت دير هاد الأيام فالدار ؟

مروان … بتفكير ~ عمري شفتها كتبغي شي حاجة ولا كدير شي حاجة ، بلاتي بلاتي واحد نهار حصلتها كترسم فبيتها غير شافتني جمعات ديكشي دغيا …

غانم … قوص حجبانو فيه ~ شهد كترسم ؟؟؟؟

اللييييل طاح ، وهو حدى باب السليماني بطوموبيلتو حاضيييها توصل ، كيكمي ويعطي لقلبو ، حاس بركان لداخل شوية ويطرطق، عارفها بهلة ومسماها غريبة البهلة تا كانت بصح مفضية، كيتمنى متجيييش وتبرد خاطروووو ، دقائق وهي توصل طاكسي ، حطاتها حدى الباب ، كيحقق فيها بانت ليه نزلات ، ضرب على لڤولا ، وهو كيشوفها لابسة تجين وقاميجة، مع صبرديلة وهازة على نيتها كمشة ديال الوراق وحاسوبها، ضحك بفقصة ناوية تحمقووو، واش هادي بصح مطنگة ولهاد الدرجة مكتفهمش، واحد معيط ليها تا ليل بطلب الخدمة ، واش غادي يخدم ؟ هذا معروووف اش ناوي ، صاط الدخان فسما وهو كيشوفها داخلة ، فتح ليها الباب سي عمر بلباقة، وحنى كيسلم عليييها بالوجه، توترات وحشمات منو، حدرات عينيها مفافية، حتى نطق وهو كيرحب بيها …

عمر … كيشوف فلباسها العادي معجبوووش وجها خالي من أي مايكاب ~ مرحبا بلالة امال

أمال … تبسمات فوجهه ~ شكرا الله يكبر بيييك

عمر … حط يديه ورى ضهرها ~ تفضلي متبقايش فالباب

دخلات متوترة، كتلقى الطبلة مستفة بالماكلة والمشروب، دنيا نقية كتشعل، وصوت موسيقى هادئة شاعلة ، مفهمات والو، بقات بلاصتها كتشوف تا وقف موووراها وهضر حدى وذنيها خلاها طفجات من حداه …

عمر … شم ريحتها وغمض عينيه~ غاتكوني باقا بلى عشا قاديت ليك شي حاجة باش تقدري تعطي فالمشروع مزيان وعقلك يخدم راحة النفسية والشبعة هي كل شي

قلييييلة الكلام والفهامة ، عزيييز عليييها تلعب بحاسووبها، وتقصر على الأفلام والمسلسلات ، مكتميلش لحوايج دالموضى، كيعجبها تلبس بحال أي بنت عادية ، قرات الإعلاميات وتفوقات فيه حيت ذكية ، جميلة وحنينة ، هشيشة وقلبها بيض وصافي ، معزيزش عليها المشاكل ، كتبغي البساطة وتكون فكل شي عادية ، ونهار تقبلات فأول خدمة فرحات ، حيت واخيراً غادي تخدم بعرق كتافها، نسات بلي هاد الحياة كتلاقيك مع الناس المزيانة والناس الخايبة ، فيهم وفيهم ، وانت لازم تكون قافز باش تعرف حبيبك من عدوك ، وباش هادشي تعرفو خاص تكون دارس الحياة بمنهج الزنقة، زنقة كتعلمك كل شي زوين والخايب، للأسف أمال عكس شهد ، شهد تعلمات تحرميات والقوالب ، وأمال غير دريويشة إلى حطيتيها فشي بلاصة تبقى تسناك بحال الأمانة ، خبز ربي فطبگو ، معندهاش خبرة مع الجنس الخشن كتعرف غير شهد ووسيم، انطوائية وعندها نيشان نيشان ، حتى ضحك مكتعرفش ضحكو، لدرجة إلى بغيتي ضحك معاها ، تنوووض تبكي وتنووووح، وهاد الزمان متنفعش معاه النية ، خاصك تكون ذيب باش تعرف تعيش مع ذياب….

أمال … خفق قلبها بتوتر وشوية دالخلعة ونطقات ~ لا شكرا كليت فالدار عاد جيت. ، ممكن نبداو الخدمة خليت ميما بوحدها

عمر … كرز على يديه كيكره البنات لي مزيرين على رأسهم ، كانت تبان ليه رطبة ساعة صدماتو، وقف حدى طبلة هز مشروب ليه وليها ~ تفضلي بعدا

أمال … قربات عينيها كتشوف غير عطاتها ريحة شراب بعدات يديه عليييها ~ شراااب ؟ مكنشربش غير بصحة

عمر … رجع حمر كيكره لي يقوليه لا وهي لي عطاها ليها لا ، ضبط اعصابو وشير ليها لواحد القنت فين كاين فوطووي كبيرة، وحداها بيرو بشلي مقادة ، تمشات لتما شعلات حاسوبها، وجبدات وراقها ، فحين هو جبد حبة منوم من جيييبو وهز كاس ديال الماء لاحها فيييييه وقرب لييييييها

عمر … بابتسامة مغطي بيييها عصبيته حداها ~ حتى الماء ديال الله متقبلييهش مني الالة أمال ؟

نظراتووو ليييها كانووو باينين بطريقة مشمئزة، حسات براسها غلطات فاش قبلات وجات لعندو ، كتشوف فعينيه لي كيتحولو من شفايفها لرقبتها لصدرها وهو نازل ، حسات بعدم الراحة والإشمئزاز منه ، شدات منو الكاس ، متوترة وباغا تقوليه شي حاجة لي تخلييييها تخرج من هنا بسرعة ، نفس تقطعات فيييها ، محسات براسها غير وهي كتشرب ديك الماء … حس بالنشوة ورتاح، دابا عاد لي غادي تحلى ليه مزيان ، كان باغيها بإرادتها ولكن مين لقاها ماشي بحال لوخرين لي كيدوز معاهم ليلة مزيانة ، لجأ لطريقة لي غادي يرتاح فيها معاها ، تأكد بلي هاد النوع كيجي غير بالضد ….جلسات على الكرسي فاتحة حاسوبها ، وجبدات الوراق كتوريييه إنا منهج تمشيلو علييييه ….

عمر … حنى علييها وجهوو حدى وجهها داير راسو كيشوووف فالحاسوب ، وفالنفس الوقت مقرب وجههو مع وجها ~ اممممم هذا عجبني تقسيم ديالو جاي مع المشروع صافي نبداو بيييه

أمال … حسات بعدم الراحة وهو قريب ليها نفسو كتصووط فوجهها ~ صافي واخا ممكن تعطيني المشروع ؟

عمر … كيتمنى فوقاش يدووز الوقت المطلووب باش دورخ بين يديه ويدير فيها ما بغى ~ تفضلي الغزالة

كيعجبها تخدم وشعرها مجموع سفنجة ، فالبلاصة لواتو بين يديها، هازاه لفوووق، وحنات خدامة ، كان واقف موراها متبع رقبتها من لوور بيضة كيف الحليب ، وهو من عشاق البويض، لحس شفايفو بشهوة ، باغي غير امتى ينفارد بيها ، وتكون ليه يكتاشفها ويتمتع بيها كيف بغى ، خصيلات هابطين مع جناب وجها ، محسات غير بيديه فعنقها كيماصيييه ، كيجمع لحم ويطلقووو حتى وقفات مصدووومة وحالة فمها فييه ، تبسم ليها فوجهها وقف مخلاهاش فين تكلم ، ودفعها على حييط حاط شفايفو على عنقها بقبلة قاصحة،

عمر … جمع لحم بين شفايفوووو ماصوو ونطق من قبيلة وهو يتشهى فيها مابقاش قادر يصبر مزال عليها ~ شششش تهدني ورخيليا راسك راكي حلوة عسل

أمال … جمعات يديها ونزلات عليه لحناااك وغوتات الله لي خلقها ~ حمااااار كلب ، بدات تحس بالدوخة وهي تشد فرأسها ~ شنو درتيلي الشماتة

بقى واقف كيشوف فيها كيف دايخة ، تبسم بانتصار حالف يوريها ديك الصفعة تمنها شحال غالي ، دنيا برى طوقات بالبوليس فلمحة بصر ، تبسم نايف ودخل فارع الباب برجلييييه مع الشرطة عينيه كيقلبو غير عليها ،.

نايف ….. بعيون حومر وعصبية مفرطة هضر ~ زاهية قحو* فهاد الدار

حل فمو بصدمة متوقعش يشوووف نايف حداه ، مسح العرق من وجهوو وتبسم باغي يلطف الجو ويخرج راسو بأي الطريقة خصوصا هو ونايف كيف سالب مع الموجب … بلع ريق فمو وهو كيشوف مذكرة التوقيف فوجهه ، ونايف جابد المينووط مكيشووفش فيه ، كيشوووف فهاديك لي واقفة دايخة ، طول فيها شوفة كيحقق بانت ليه ماشي عادية ، وقرب منها ، جرها من يديها كيشم فمها …

نايف … شاف فعمر وشدها قبل ماطيح ~ شنو عطيتييييا أولد لقح*** ؟

عمر … تلف ماعرف باش يجاوب مسح على وجهووو ~ كيفاش ؟؟؟ انا والمساعدة ديالي خدامين !! اش فيها ومالك على هاد الشوووهة هاجم عليييا فداري؟ شمن توقيف ؟

نايف … خنزز باغي يزرق ليه لعيين ولكن متحكم فنفسوو موعد ليه بسوووء ودابا طاح بين يديه مكاينش لي يفكو ~ مهجم عليييك ؟ واخا سيدي هاحنا نشووفو، غوت على الظابط لي واقف حداه ~ كل شي يتهز من طبلة يتقلب ، ولي فالبيرو، نشوفو اش عطاها !! … جمد ليه الماء فالركابي وهو كيشوف فيهم أي كاس غطار الماكلة والمشروب كل شي هزوووه فميكات بلييگات، ورجع عييت لظابط تاني ~ هز عليا هذا من هنا وجهو مبغيتش نشوفو تا لدائرة وتكون الهضرة ……

عمر … رجع حمر مرضاش قرب ليه كيغزز سنانو ونطق ~ شكتخربق واش سيبة فالبلاد ، علا مالي قاتل روح هنا وانا مخباريش اولد زينب

نايف … جر أمال مسهوتة وعينيها مقلوبين، وهي تبان ليه المصة فعنقها واضحة وضووح الشمس ، كرز على يديه بقوة ومع عمر واقف حداه مشعرش براسو غير وهو عاطيه لوجه بقوة تا رعف ~ هزووووو عليا زا** نوريييه اشمن تهمة ، بغيتي تعرف تا الكوميسارية ونقوليك

خرجوه وهو كيغووت يطلقووو منو ، فحين نايف هز أمال مكشكش، عقلوووو وقف ، وهو كيشوفها دايخة بين يديه ، كون ماوصلش فالوقت لعم الله شنو يدير فيها ، عينيه مباغييينش يشوفو فيها حيت كيمشيو ديريكت لمصة لي خلى ليها ، رجع حمر والعروقات هابطة من جبهتو بقوة لي تعصب ، لاحها لوووور وجبد گارووو شاعلووو، ورجع هز عينيه كيشوووف فيه مشات فنوم عميييق

نايف … سف دخان تا رجع الگارو خاوي ونطق ~ نعسي وشبعي النعاس ابنت لقح*** لحساب معاك طويييل ملقيتيش لي يربيييك أنا قاد بيييك

ديمارا لوطوووو كيسب وفطرييقو صونا على وسيم علمووو يجي لكوميسارية، كيشوف فيها من المرايا كيزيد يجهل ، ضرب على لڤولا وكسيرا طاير، غير نزل ، دخل كيجري لعند صاحب دعوتو لقاه كيتغاوت مع واحد المخزني…

نايف … نطق بلى ميشوف فيه وردخ لباب ~ دخلوووو لبيرو

عمر .. دفع لبوليسي مخنزز ودخل ~ عقل علييها مزيان اولد العمة ممشيتي تا وصلتي لغرضك

نايف … كيشوف فالوراق حاني عينيه ~ تزيييد كلمة اخرى تحسب عليييييك هنا كاين العميد نايف متوكل

عمر … دفع الكرسي جلس وهز عينيه كيحاول يشد معاه الطريق ~ شنو دابا ؟

نايف … ضحك بصوت عالي ودفع الوراق لي فوق البيرو تا طاحو~ لي طاح فالمقلى يتقلى، هاد المرة مغاديييييش رحمك اولد السليماني واخا ينزل عزرايل متفلتش منها

عمر … بلع ريقو عارف نايف مكيهضرش من فراغ ~ دابا تهدن وخليينا نتفاهمو! وأش أنا جبتها بزز؟ البنت جات عندنا خدما نقضيوها وتمشي بحالها ، وها گاع وقعات حاجة ؟ تجي مني أنا لي من دمك ولا من وحدة قح** ديال الخلى؟

نايف … حس بدمو سخن وهو كيسمعو كيهضر خايب عليييها ، مقدرش يصبر وهو يدفع البيرو برجليه تا جا طايح هو وكرسيه، فالبلاصة ناض نزل عليه لفم خلى دمو نازل ونطق ~ تهضر على العالم كامل نقبلو ولكن ماشي عليها هي اولد القح***

غوت بصوت عالي تا دخلو أمرهم ينزلوووه يتبرد شوية ، فحين دخل ضابط آخر كيعلمو بوصووول وسيم ، مد ليه فقط سوارط لوطو بلى ميزيد يشرح ليييه محاملش يشوف وجهوووو حيت يقدر يهرسو من شي ضلعة بلى ما يشعر …

عمر … دفع الكاس مع القرعة دالماء شخشخهم، وخرج من جهة تانية يتكيييف باش يتكالما تابعو ليل طويل خدمة ~ غذا وهانا معاك إلى رجليييييك طوالو نقصووووهم شوية بشوية ، نعسيلي مع راسك وغذا يكون كلام آخر

صباح الصباح ، كانت حالة عينيها فايقة ، ليل كامل وعقلها كيفكر ويخمم، بزاف دالحوايج شاغلين بالها ، ومنهم الدعوة لي دعات باها خليل ، ومن جهة اخرى مي رحمة لي مكتهضرش معاها ، صعيب عليها تقبلها وتقبل حقيقها ، تنهدات بتعب جامعة رجليها وضاماهم لعندها ، كتشوف لبعييد تا حاجة فحياتها ممقادة ، مسحات على شعرها وناضت الحمام تاخد دوووش تريح عضامها، وهي فالطريق شافت راسها فالمرايا ، شاحبة وصفرا هالات سوداء تحت عينيها بقلة النعاس ، أفأفات بألم ، هادي ماشي هي شهد الحيوية النشيطة ، دخلات كتجر رجليييها خدات دوش ، أحسن حاجة دارت هي قبلات تمشي تبدل الجو فيلاصة اخرى ، حاسة بروحها محبووووسة، ونهار على نهار نفسيتها كتأزم ، خرجات حنيكاتها حومر ، نشفات راسها ، وهزات كسيوة صيفية حد الركبة، مع صندالة حادرة، نشفات شعرها وخلاتو مبوكل نازل طويل ، وهزات تقاد وجها تغطي ديك الكحولية لي تحت عينيها ، سمعات تبليفونها هزاتووو لقاتو هو لي مصيفط ليه المساج

✉️ أنا لتحت كنتسناك!!!

رشات شوية دالعطر ، وهزات صاكها وشانطة صغيرة وخرجات، بانليييها كل شي ناعس ، صيفطات مساج لأمال وعلماتها بلي مشات معاه ، نزلات لتحت ، لقاتو كيتسناها، لابس قاميجة فالكحل، وتجين ، مع صبرديلة بيضة ، حققق فيها مزيان ، فكلتى حالتها فتنة، من رجليها لرأسها ، تبسم وجرها لعندو معنقها …

غانم … شم ريحتها لي عطاتو خلاتو استنشقها براحة ، وغمض عينيه ~ صباح النوووور

شهد … شمات ريحتو لي نفسها كل مرة كيحط ~ صباح الخير

غانم … تبسم فوجها كيشوف فعينيها لي منورييين واخا باينين باهتين ونطق ~ محتاجة شي حاجة قبل ما نتحركو؟

شهد … شافت لقدام ~ لا والو

حط شانطة لوور و تحرك ديك الساعة ، شاف الطريق ، مرة مرة يشوف فيها تا كتقول شوية وغايدخلني فشي حيط ، طلق موسيقى هادئة انجليزية، حافضها، ورجع هز يديها لعندو مشبكها مع يدييييه بقوة ، بغات تجرها لعندها لقاتو شادها بتملك ، وعينيه على الطريق ، سكتات لمهلة كتشوف فالشميسة شارقة ، تا غفات وداتها عينيها ، كان رجع ليها لكوسان لوور وخلاها ترتاح شوية ، ضهر ليه العجب علاش مسولاتوش فين جات ولا شحال من ساعة ، حتى ظن وطرح سؤال لراسو واش تاقت فيه ؟ ولا بغات غير تخوي وتريح ذماغها ، تنهد وهو كيشوف فيها ناعسة حالة فمها ، هبط ليها ديك لي كدرق من شمس ومرة مرة كيحقق فيها كأنه كيحفظها فعقلو….بالنسبة ليه هي ادمان وصعيب يتعالج منو ، هوس وحلم أنها تكون ليه بأي طريقة ،..

بعد ساعتين ونص بالحساب ، كانو وصلوووو لمكان لي قال ليها ،كيف دخل مع الباب صوت دجاج وريحة لبهايم وتراب لبلاد تسللات لنيفها وخلاتها تفيق من غيبوبتها حلات عينيها بأعجاب كيبان ليها كلشي زربية خضرة ، المنظر خيالي كولووو خضورة، الهواء نقي كتشميييه، سيد لي كيسرج العود غير شافهم ناض كيجري فتح لباب لكبيرة كيسلم على غانم بالغوات وهو كيضحك ، دخل مع دخلة جنانات ديال الفواكه مدفگة ، والزرع عالي نابت، مدة وهو غادي وهي كتشوف بإعجاب حتى وصل للدار ، لقى با المعطي واقف كيتسناه، راجل كبير فالعمر شوية تكون عندو ديك 53 سنة لحيته طويلة شوية مكسية بالشيب، وجهو حنطي مغلوووق بالشمس، حاط ترازة على راسو، عينيه زورق بحال لون سما ، تبسم ونزل لعندو فرحان ….

غانم …. حنى باس لييييه يديه ~ با المعطي لاباس عليك ؟ صحيحتك مزيانة ؟

المعطي …. تبسم فوجهه بفرحة وهو يطير عليييه معنقو بقوة وكيضرب عليييه ~ مييين شفتك اولدي وليييت بيخيير فرحت فاش سمعتكم جاييين على سلامتك احبيبي

غانم … باس ليه راسو وعنقو من الكتاف ~ اجي نعرفك علييييها عندي البنت كتحشم

المعطي … ضحك بصوت عالي ~ اوى الحشمة مزيانة اولدي

شهد … نزلات كتشوف فالمعطي وتبسمات فوجهه متوترة معارفة متقول ، حنات باست يديه كيف دار غانم ورجعات نطقات ~ السلام عليكم

المعطي …. شاف فغانم ورجع شاف فشهد مبادلها نفس الإبتسامة ~ وعليكم السلام بنتي لاباس عليك ؟

شهد … حنات راسها كاحترام لراجل كبير ~ الحمد الله

المعطي …. بفرحة عنق غانم ~ زيدوووو ندخلووو غادي تكونو ميتين بالجووووع وصيييت نوووور تقاد ليك داكشي لي كيعجبك

عيط لنوور بنته بصوت عالي باش تسمعه ~ بنتي نوووووور حطينا لغذا ها غانم وصل

غير سمعاتو وصل خرجات كتجري لابسة بيجامة طويلة مع سروال دار ، وعاقدة درتها فوق راسها ، بنيييتة فالعشرينات عمرها ، شهبة وحروفها شهبين، عينيها فلون سما ، وبيضة بحال الحليب ، عنقات غانم كتبوووس ليه فيدييييه وتعاود تبوس كتافووو ، وهو كيضحك ويضرب على راسها بحنان ..

غانم … باس يديها ~ هانا عاود على الالة نووووور غبرت غير شوية لقيتها كبرات

نور … بفرحة عينيها كيلمعو ~ وتا لي غبرتي من شهور ماتليتي زرتينا توحشناك

غانم … كيضحك ~ تا أنا توحشتكم داكشي باش جيت نزوركم ، شاف فشهد لقاها كطلعووو وتهبطوووو مخنززة وعينيها كون كانور قرطاس كون تيراو فيه ~ نووور هادي هي شهد كيف جاتك ؟

نور … مكانتش شافتها عاد ردات ليها ليال ، تبسمات وقربات ليها مع شهد طويلة تهزات لعندها كتبوووس فيها ~ على سلامتك اخيييييتي كون تشوفي غانم شحال يعاود عليييك ~ شافت فغانم ~ على مزينتها الدرية دايرة كيف دوووك العارضات دالمدينة……

الإنسان عادي أنه يغلط ، عادي أنه يطيييح ، لي ماشي عادي هو أنه ماينوووضش، هو أنه ميوقفش على رجليييه من جديييد ، شحال قدنا نغلطو ونطيحو، غايجي نهار لي فيه نفيقو ونعيقو، بلي طريقنا غالطة ، وماطحنا غير وهي قرصة من عند ربي باش نوضو، ونبدلو منا ، غانم نذم لي عاقب إنسانة مجروحة مكسورة، ضميرها فتلاجة، ندم لي عاقب وحدة عاشت وقاصات بزاااف فحياتها ، كان همو الوحيد أنه يذلها ويبكييها باش تعرف أغلاطها ، ولكن هو بنفسو كان غالط فحقها ، حيت الإنتقام بحذ ذاتو غلط ، وصعيب الإنسان يسامح عليه ، باش تعاقب إنسانة ، مريضة من لداخل ، مجروحة وقلبها مهرس ، صعيب انها تسامحك ولا تنسى ماداز عليها ، لقى روحو معلقة بروحها ، بغاها وملقاش كيف يدير ينسى حبو منها ، كان فات لفوت لقى راسو غرق فعشها ، ودابا مستعد يدير المستحيل على ودها …. شهد البنت المتمردة، لي عاشت جميع أنواع العذاب ، واش كضنو غادي تركع لغانم ، تحت حنيته وقلبه وحبه الكبير ليها ؟

غانم … كيضحك على كلام نور ~ على حنا كلعبووو هنا

المعطي … جر غانم حداه ~ نووور سيري حطي لينا نتغذاو ، شاف فشهد وتبسم ليها ~ جلسي ابنتي شهد

تحطات الغذا مكاين غير دجاج البلدي طايب ، والرفيسة تا هي بدجاج البلدي ، الشلايض على يمينك وشمالك، وخبز دار طايب على العواد ، زيتون ، الفواكه لي تشهاه خاطرك موجود ومقاد فديك الطبلة .

بداو الماكلة، غانم يقطع ويحط لشهد لي حشمانة شوية من ناس غراب عليها ، ، وهي غير كتشوف مزال كل شي جديد عليها ، كتشوف فهاد الناس معارفاهمش شكون ، وخصوصا كطلع وتهبط فنور لي عاطية لعين ، زينها قتال وباقة صغيرة ، نور على نيتها فرحانة ، وغير غانم غانم ، تمد ليييه وتحط حداه فرحانة بيييه ، تا طلع ليها دم ، وتشدات ليها شاهية فخطرة ، كلما كانت فرحانة وباغا تبدل الجو ، كلما حسات براسها ممرتاحاش، با المعطي راجل واخا كبير فالعمر داي وجايب فهاد الدنيا ، وخلاها هو سنانو رشاو ، تبسم لنظرات شهد وعصبيتها المخبية، وعينيها لي كيدورو من نور لغانم ، تبسم بين شفايفو باغي يلطف الأجواء ليها بكلامو…

المعطي … غير سالى رجع اللور خلاهم تا كملوووو وشاف فنووور~ بنتي سيري ديري لينا شي براد اتاي مشحر نييييت

غانم … رجع لووور شبعان وكيشوف فالماكلة لي نقبات منها شهد مكملاتهاش قوص عينيه كيشوف فيها وهي مخنززة ماباغاش تشوف فيه گاع ورجع شاف فبا المعطي ~ الله يخلف عليييكم هادشي لذيذ ابا المعطي

المعطي … بفرحة ~ بصحتك اولدي، شاف فشهد ونطق ~ الطفلة شفتها مكلاتش مزيان

شهد … قلبات عينيها فاش شافت غانم كيشوف فيها ورجعات هزات راسها لبا المعطي ~ الحمد الله شبعت جات لذيذة الماكلة …

المعطي … تبسم لكلامها البارد ونطق داخل فالموضوع ~ بلا شك أبنتي غانم مقالش ليييييك علييينا !

شهد … هزات عينيها فغانم لي حنى راسو كيخمم فشنو باغي يقول المعطي ~ لا اعمي مقالي والو

فاقت الصباح راسها عاطيها الحريييق ، وعينيها كيضرووها، شدات فرأسها وناضت، كتحاول تحل عينيها وتفيق ، شافت ساعة لقات الضهور داز وهي باقة ناعسة ، حاولات تنوووض وبزااف دصوور جاو لرأسها ، واحد شوية وهي طرطق عينيها وتنوووض كتجري لحمام، غسلات وجهها مرة وجووج وتلاتة، شافت فراسها لقات راسها باقة بحوايجها ديال لبارح ، جلسات على العتبة دموووع فعينيها هابطيين، عقلات على كل شي وقع ، حد فاش نايف هزها ، بقات تبكي وضرب على وجهها ، كان شوية ويدير فيها ما بغى ، الغباء لي فيها هو لي طيحها فهاش المشكيل ، أما واحد عازمني فليل داير سبة بالخدمة باينة اش باغي مني ، دمعة مور ختها نازلييين ، وقفات كتحيد حوايجها ودخلات كتجري دوشات ، تحك فعنقها وتعاود ، تا رجعاتو حمر غايطرطق ، دمووعها هابطين مخلطيين مع الماء ، خرجات وجها حمر وعينيها بحال الدم ، لبسات بيجامة، ونشفات شعرها ، عاد هزات تيليفونها كتشوف مساج شهد بلي مشات ، تنهدات بتعب كتفكر فرأسها لي كان غادي يضيع ، وهي سبب هي لي مشات برجليها عند راجل لدارو بليل ، خرجات راسها عاطيها للحريق وكتخمم شكون جابها للدار ، وفطرييقها للصالون لقات وسيييم جالس كيتسناها وباينة فيه معصب …

وسيم … غير شافها نطق معصب ~ عااااد طفات عليك شمعة صابحة ليا خامرة وليييت على تالي يامي نجيبك من الكوميساريات ناعسة أمال ؟

أمال … طرطقات عينيها فيه يعني نايف لي داها حطات يديها على راسها كيضرها ونطقات ~ وسييييييييم عافاك راسي كيضرني مقاداش نهضر

وسيم … أتار دموع لي فعينيها واضحيييين كيعرفها فاش كتبكي جرها من يديها معصب وجلسها حداه باغي يعرف مالها ~ شنو كاين ؟ فين كنتي لبارح؟ علاش عيطوولي نجييبك فديك ليل من الدائرة ؟

أمال … طولات فيه شوفة حتى عينيها دمعووو شوية وهي تبدأ تبكي بهيستييرية ~ اهىىىى اهىىىى اهىىى كان باغي يضحك عليا أوسيم قالي إجي نخدمو وبززز عليا نمشي وفاش مشيت ، طلقات دموعها عاود كتبكي بصوت عالي تا مي رحمة دخلات علييهم مفاهمة والو ~ دارلي شي حاجة فالكاس ودخت

مي رحمة … ضربات على فخاضها بجروج وغوتات ~ اوييييييييلي اوييييلي شكون هذا ؟ ضحك عليك ؟ صافي ؟ هضري غادي تحمقووووووووووووني

أمال …. كتشهق ~ عمر السليماني قالي اجي نخدمو ضروري ، أنا مابغيتش نضييع خدمتي ومشيت ولكن تهجم عليا ، وفاش مبغيتش كان فات لفوت عطاني شي حاجة وليت باغا غير نعس

وسيم … ضرب الكيسان لي كانو فوق طبلة هرسهم وقف صاعر كيغوت ~ دار ليك شي حاجة ؟ هضري ، اليوم ر***** نقتلو شنو دار ليك ؟

أمال … كاملة كترعد وراسها عاطيها الحريق ~ مدار لي وااااالو جا نايف شافت مي رحمة لي مفاهمة والو ونطقات ~ العميد نايف جا وعتقني منووو

بقات مي رحمة كتشوف حياة كل وحدة من بناتها ممستقراش، ها لي باغي يغصبها ها لي خرجات نصابة، ودابا عطات راس مسافرة فين الله واعلم، كلها وكدير لي بغات فيهم ، بقات ساكتة كتشوف تا لإمتى غادي تصبر على هادشي ، واش هادي بعقلها غادة بنصاص ليل عند راجل تحت اسم العمل ، ناضت بحالها لبيتها شداتو عليها وتكاات كتخمم، فحين أمال ، مسحات دموعها كتشوف فوسيم لي عينيه حمارو، شنو يقوليها علاش مشيتي عند سيد بليل؟ غادي تنوض تبكي وتنووح علييه وتعطيييه اسباب بايخة، جلس حداها كيشوووف فيها كتهرنن وتشهق، وترجع تمسح دموعها ويعاودو ينزلووو تاني …

وسيم … جمع يدييه على شكل كروووشي~ لبارح علاش مقلتييش بلي غادة عندو ؟

أمال … فركات يديها بجوج عارفة الغلط راكبها من راسها لساسها ~ معرفتش مالقيت مانقوليييك أصلا مكنتيش فالدار باش نعلمك

وسيم … خنزز فيها ناوية تحمقوو ~ مكاينش تيليفون تعلميني؟ هاااا؟

أمال … جمعات الوقفة ~ وسييييييم عافاك راسي كيضرني نهضرو من بعد ممكن ؟

وسيم … ضرب يديه مع الحيط ودفعها تا طاحت فالأرض ~ حااااح فييك أنا بغيييت هاد الرأس يزيييدك، وكون ماشي خايف تموتيلي فيدي نعطب مك من رجلييييك بجوووج باش عمرك تخرجي بليل عند رجال …

دموووعها بداو ينزلوووو بقوة ، ناضت من الأرض كتشوف فيه بألم ، ودخلات لبيتها كتجري تبكي فيه ، سب ولعن بين نفسووو وخرج من دار كاملة يبدل ساعة بأخرى حسن ليها ،

المعطي … تنهد بألم ~ ولدي غانم بحال ولدي لي مات الله يرحمو، لي كان يقرأ معاه فالنفس المدرسة ، كبرو بجووج ودارو نفس التخصص، حتى لنهار قررو يهاجرو المغرب ويقراو برى، باقي عاقل ابنتي شتا كتصب مجهدة ، صونالي ولدي غانم كيبكي معارف باش يبدالي، وسبحان الله قلبي كان حاس وعارف ديك الليلة شي حاجة خايبة كانت غادي توقع ، كان خبر موت ولدي صدمة ليا ولختو، ضرباتو طوموبيل قتلاتو فالبلاصة، نزلات دمعة من عينيه حزينة مسحها وطبطب على ضهر غانم ~ عمرو خلاني بوحدي وكان كيف محمد يصيفط ويعيط ويسول ويجي يشوفني مخلانيش نحس بلي ولدي مات وخلاني،

غانم … غرغرو عينيه على ذكرى خوه وصاحبو محمد ونطق مألم ~ الله يرحمووو الواليد

المعطي … شاف فشهد لقى عينيها دمعوووو وهو يدوز على شعرها بحنان ~ غانم مكانش غير ليا بحال محمد ، كان أخ لنوور وكبرها، مخلاهاش تحس بالنقص ولا بأنها بوحدها، حتى نهار عرسك كون ماشي الهرسة لي تهرست كون جيت وباركت شطحت وفرحت لولدي غانم ، بغى يدخلها فالموضوع علاش تفارقو وشنو سبب وهو يتفكر غانم فاش قاليه متجبدش معاها الموضوع الواليد خليها على راحتها

غانم … باس يدييييه ~ با المعطي متجبدش هادشي دابا ، انت عارف راسك من صغري وانا كنحسبك الواليد ومحمد كان خوية ونور ختي صغيرة ، انتما عائلتي بعد مي وبا ، الله يطول لينا فعمرك

المعطي …طبطب عليه ~ الله يرضي عليك اولدي ، شاف فشهد لي بانت راحة على وجها لي كانت عاقداه وتبسم ~ شربي أتاي إلى قبلتي علييينا ابنتي

شهد … مسحات دمعة نزلات ليها وهي كتشوورف صورتهم بجوج وتبسمات ~ حاشة اعمي نقبل بتراب رجليييك

لغد لييييه لابسة كولون لاصق مع سيرفيط ديالو، ومتكية كتكتب لشهد وكتسول عليها ، من نهار وقع داكشي مخرجات من دار غير الماكلة والنعاس، تا وسيم قلالت الهضرة معاه ، ومي رحمة كتهضر معاها بشنتة، وصلها مساج من نمرة غريبة قراتووو.

✉️كيف بقات غريبة البهلة ؟

قوصات حجبانها فاش قراتو، عرفات شكون مول المساج وشكون من غيرو لي كيعيط ليها بديك الإسم ، وهي كتخمم صرنا ليها تيليفون فيديها ، فتحات الخط وجاوبات

نايف … متكي مووور الكوسان كيكمي گاروووووه منشوي معندهم مع سلام لاباس عليك كيدها نيشان فالمواضيع ~ نزلي أنا لتحت

أمال … قوصات حجبانها مفاهماش قصدووو~ كيفاش!!! مفهمتش فين نهبط ؟

نايف … مكيحملش يعاود كلامو سف دخان لبعيد وجاوبها ~ هبطي علييييييه والى غوتي نفرعك

أمال … عيبات وجهها مفاهماش شنو كيعني ~ ممسالياش لتفلية قول اش عندك ولا خليني نقطع

نايف … تبسم بشر عينيه فالبرطمة فين هي ساكنة ~ هبطي أنا لتحت باغي نهضر معاك

أمال .. جمعات النفس طويلة ورجعات تنهدات فوذنيييييه شىء لي خلاه يعض على شفايفوو بنشوة~ شنو باغي مني انايف فاش باغينا نهضرو؟

نايف … دوز على شفايفو بلسانوووو ونطق ~ باغي نحو**** من لخر ز** كيترعد عليك

أمال … طرطقات عينيها بصدمة ، كلامو الفاحش خلى دم دفق فوجها حتى سخانة طلعات ليها نطقات وصوتها عالي شوية ~ كيييييييفاش !!!!!

نايف … تقاد فبلاصتووو مخنزز من ردة فعلها ~ مال ديلمك باغي نتقبك بالحلال اش فيها

نية ولي قلتي ليها كتيييق فيها ، ماشي محاربة وقافزة بحال سيادها ، تحطيها فالبلاصة تبقى تسناك كيف الأمانة ، بهلة حتى فعايلها، ذكية ولكن ماشي فتحرميات، وهو العكس ديالها خاسر وكلامو خضر، مكايعرفش يهضر بلى مايخسر الهضرة، كبر فحي شعبي ، عامر بشمكارة، وترعرع بين الناس الخايبة ، من صغرو ذمر وكبر مو وختو بعرق الكتاف ، من نهار مات باه ولا هو راجل دار ، يقرأ ويخدم ، يزولها من فم سبع ويجييبها لمووو تا لفمها يعطيها ليها ، وعمرهم نقصهم الخير معاه ، كبر بعرق الكتاف، يبرييكولي هنا ولهيييه ، ويضبر على الفلوس ويمدهم لمو ، ويعمر كوزيينة مو، ونهار توظف بوليسي خدى ليهم سكنى فين يعييشو، زوج ختووو وصيفطها لدار راجلها ، وبقى مع ميمتو مقابلها، حتى ولا عميد كبير ذو هيبةو قيمة ، بالنسبة ليه خدمتو هي كل شي ، وميمتو هي تاج راسو ، حتى للنهار قرر يدير دارو وبانت ليه فحياتو، نسمة نقية جاية من كوكب تاني ، جميلة وجمالها سطاه من اول نظرة ، كان يقول بنت من بنات ليل يصيدو وينهبو ويسرقو فلوس رجال ، ونهار بحث لقاها صفحة بيضة عمرها تقاست ولا تشافت فعين رجال ، حضاها وبحث عليها ، ولقاها صافية بحال الحليب ، بهلة وهشيشة ونية د الله ، ومن ديك نهار وهو حاطها فبالو ليه تكون ومعاها تكمل قصة حياتو….

نايف … تقاد بلاصتو مخنزز من ردة فعلها ~ مال ديلمك باغي نتقبلك بالحلال اش فيها ؟

تصمرات بلاصتها حتى وجهها طرطق بالحمورية، خرجو عينيها من قلة أدب كلامو الفاحش ، ويبسات بلاصتها من صدمة ، بلعات ريقها وقطعات الخط دغيا فوجه …عبس وجهووو مخسرو فاش سمع المكالمة تقطعات، وهو يزفر بصوت مسمووووع ، ناوي اليوم بيه ولا بيها ، بغات المعقول مرحبا مبغاتوووووش عندو معاها كلام آخر ، نزل من لوطو داير يديييه فجيابوووو وجبد تيليفون رجع صونالها مرة وجوووج ، وفاش مجوبات صيفط ليها مساج ..

✉️تنزلي مرحبا متنزلييييييش تحملي عواقب شنو غايرقع

أمال …كيف قرات المساج قلبها ضرب بقوة خايفة يدير لييها شي شوهة وهي مقادة عليه ،فالبلاصة صونات عليييه مفافية ويديها كيترعدو ~ عافااااك سير من هنا انت انسان مكتحشمش وانا منتفاهمش معاك فالهضرة

نايف … تنهد فاش سمع صوتها كتزييد تكمل عليه ~ نزلي باغي نهضر معاك راه بربي ماني محرك ليييك من هنا

أمال … وقفات كطل من سرجم قلبها فتسعييين كيضرب ~ واش باغي تحمقني؟ فاش باغي نهضرو بالسلامة؟

نايف … تبسم وهو كيشوف فهمو لي واقف معذبووو ~ هبطي خلييينا نهضرو فلي حلْلُوووو لينا ربي ،،، سكت شوية وطلع لوطو كيقاد فسروالو ~ كيف معذبااااه بغيت ربي يعذبك اغريبة البهلة

أمال … مفهماتش قصدو جمعات النفس طويلة ونطقات واخيرا ~ هاني جايا

هزات فقط تيليفونها ونزلات عندو معصبة وجهها حمر ويديييها عرقانين، من جهة خايفة منووو، ومن جهة باغا تصدرو يخوي عليها من هنا كتحسووو صاحب مشاكل وعصبي ، وغير كيغوت، وفمو مبري منو ، جات لبالها انه باغيييها فموضوع عمر ، وهي مباغاش تهضر فنفس الموضوع، الحاجة الوحيدة لي باغا هي تنسى الواقعة او الفاجعة لي وقعات ، والحمد الله سلمات منها على شبر ، عارفاه ساعدها ونقدها من يدين واحد مريض باغي ينهش لحمها ، ولكن ماشي أنه يجي ليها لدار ويقوليها كلام خاسر ، هي بلا والو كتحشم وهو مصدي معندو گرام دالحشمة ، قلبات عينيها فاش قربات لوطو ديالوو ، فحين هو كان متبع ليها لعين بدون حياء ، منحنياتها ونصها ، وصدرها الصغير ، شعرها المجموع بشكل مهمل ، ولون بشرتها البيضة المعاكس مع ولون لبسها الأسود ، خلى قلبووو يضرب ونفسووو تصوووط ، فتح ليها لباب تا طلعات حدااااه وهو يدييماري…

أمال … مقدراتش تهز عينيها فيه معصبة وحشمانة من كلامو الخايب ~ فين غادي بيا عاود ؟ لكوميسارية؟

نايف … تبسم ليها كتحمقو فاش خضووضها كيترنگو وكترجع حمرا بحال شي فريزة، تبعها بعينيه حشمانة ومقادراش تهز فيه راس ، وحنى قرصها من حنكها غير بشوية ~ ز** المحروووم غادي بيييك العدوووول اغريبة البهلة ، الله يعطيني معاك شي عقد ويكون مؤبد

أمال … طرطقات عينيها تا نشف حلقها من كلامو الماسخ مفاهمة فيه والو ونطقات شوية بصوت عالي ~ شنوووووووووو؟ شمن عدوووول حبسسسسسس نزلي قلت ليييك وقف هاد زمر

نايف … جرها من يديها باسها بقوة وزيرها مع يديه شادها وغوووووت تا لبدات بلاصتها ساكتة وخايفة فالنفس الوقت منو ~ ششششششش هني كر* من صداع ولا نقلب القلا*** نمشيو لا دنيا لا اخرة از***

أمال … تكمشات صاقلة كتشوف فيه وتشوف فيديها لي مربوطين مع يديه، حسات بالبكية مع تزيرات ولات حمرا مقدراتش تحكم فراسها وهي تبدأ تهرنن ~ اهى اهى فكلي يدييي منك بغيت نمشي بحالي

نايف … وقف الطوموبيل فقنت شوية خاوي وضار لجييييهتها كيحقق فيييها وقرب كيمسح دموووعها ~ هانا عاود حتى وانتي كتبكي كيوووووووووت ، شحال فعمرك ابنتي ؟ وأش أنا معايا قاصر ومجايب لدنيا خبار ؟

أمال … بعدات عليييه ساكتة ونطقات ~ رجعني ولا حل عليا نمشي بحالي مفهمتش شنو بغيتي مني ؟

نايف … جمع النفس الطويلة عارف هاد النوع قليل فهامة وصعب الطباع، وباش تملكو خاصك اولا تكسبو بتقتك وامال عرف طينها من نهار الأول ~ احممم باغيييي نكحك فالحلال ! وعلى سنة الله ورسوووله،

سكت شوية كيفكر باش يبدا، عجبتيني من نهار شفتك وتمنيييتك حلالي ، وباش نختاصر ليييك الهضرة ، ومنشكلش ليك الحروووف ، أنا ابنتي عندي نيشان نيشان ، غاتكوني حتى انتي عيتي من الوحدة وباغا انسان يوقف فجنبك وتوقفي فجنبو، وانا عمري نحرمك من شي حاجة ، كيف عمري حرمت ميمتي من داكشي لي تمنات وانا طفل صغير ، غادي نصونك ونبغيييك ونديرك نتـيـــــــــــــــــــوة ديالي

دازت يوماين راحة بالنسبة للشهد ، كتقيييل دووور فجنانات مع نوووور ، تأكل الفواكه وتلقط من الأرض غلتها، غانم كتشووفو غير فوقت الماكلة، كيقيل مع با المعطي فالفلاحة ، وهي كتقيل مع نووور تسگي ميها معاها ، وتفرج فنور كيف كتغسل لعودان وتكنس حاشاكم بعر البهايم، حوايج جداد وتجربة جديدة جربات ، يفطرو غير بزيت العود الحرة ، وزبدة البلدية، ونهار التالت ، كان غير يوووم لابسة كسييوة طويلة ، وطالقة شعرها كيطيرو شوية درييح، نووور فجنبها غادة ، كتشوووف فجنانات منوعة، خير ربي جميع الفواكه كاينة، غير لقطي وكولي، فرحات كيف شافت شجرة ديال الكرموس، كبير وباينة فيه حلو ،

شهد … نقزات كتجري للشجرة ~ نووووور اجي عاونيني بغيييت كرموووسة

نور … ضحكات بصوت عالي وهي تابعاها~ وااااا الطوييييييلة وتي الكرموووس عدنا فالخيييمة

شهد … جمعات الكسوة من لتحت هازاها وكتشوف لفوق فين كاينة كرموسة عامرة ومتمرة ~ لااااااا بغيييت هادي اجي عاونيني مقديتش نوصل ليها

نور … كتقلب على عوووود بعينيها ~ وتي زگاي وادرية وتي بركي لارض هاني جايا

شهد … هزات واحد الحجرة حطاتها وطلعات فوقها ساعة مكفاتهاش الكرموصة باقا عالية ، أفأفات بصوت عالي معصبة وهي كتعيط على نور ~ افففف باقة بعييييدة نووووووور وانوووور اجي دغيا

محسات غير بيييدين قاصحيييين ، نزلووو ليييها الكسوة لي علاتها فوق رجليييها ، شمات ريييحتو عرفاتو غير هو ، نزل يديييه لخصرها زيرو لعندو وحنى على وذنييييها كينطق ~ رجال كاينين غير هما هنا ستري روحك ابنتي مابغيت تا واحد يشوووف فيك من غيري ، ورجع بسرعة البرق هازها تا قطفات لكرمووصة، عاد نزلها كيشووف فعينيها مسلووووب بجمالها رباني لي عطاها الله ، توترات من شوفاتو ليها ، أما نووور دارت يديها على فمها شادة ضحكة وحشمانة وهربات ، تبسم فوجهها وهز وريدة صفرة صغيرة نابتة قطعها ، ولصقها حدى وذنيييها…

شهد … حسات بقلبها كيضرب بقوة ويديها عراقو وهي كتشوف فيه لابس تشوووط مطرطق علييه ، مبييين فورمتو مع سروال رياضي بيض ، بلات حلقها وسولاتو ~ فين كنتي لبارح ؟

غانم … شاف فنور لي هربات مع ربيع كتجري ، وشد فيد شهد شابكهم بقوة مع يديه وجرها عندو هايم فتفاصيها ~ اممم توحشتيني زعما ؟

شهد قلبات عينيها بغات تبعد وهي تلقى راسها بدورها شادة فيديه ، دغيا بغات طلق منو ساعة جرها لعندو وقبلها فخذها بحرارة ناطق ~ حتى أنا توحشتك

واليوم كيف كل نهار ناضت بكري نووور ، توجد الفطووور كيف العادة ناس العروبية معروفين بالفياق بكري ، صوت الطيوووور فيقاتها من النوووم العميق ، لقات راحة والإطمئنان ، ورجعات تنعس بحال البيبي صغير ، حركات بؤبؤ عينيها ، تا فتحاتهم، تبسمات بنشاط اول مرة تفيق مرتاحة ، شافت بلاصت نوووور لقاتها فارغة، جمعات الوقفة وناضت هازة ادواتها وخرجات للطواليط، قضات حاجتها، وخرجات لبرى كتشوف فديك الخضورة ونسمة الهواء باردة كضرب فوجهها ، غمضات عينيها حاسة بشعوووور الراحة والفرحة ، بقات مهلة هاكاك، ومن بعد قصدات مكان نوووور ، لقاتها جالسة كتحلب فالبقرة،

شهد … بابتسامة مشرقة صابحة منورة وحنيكاتها حووومر ~ صباح النور والسرور نوارة

نور … تلفتات ليييها بعويناتها كيبريو ~ واصباح الخير زييينة سمية بركي بركي حدايا نورييييك حليب البگر

شهد … جلسات حداها كضحك ~ هاني الالة

نور …..مدات ليها سطل متوسط دالحديد، وقرباتها لعند بزولة البقرة كتورييها ~ جبدي من لفوق لتحت وغير بشوية باش متعقريهاش الزغبية

شهد … دارت لي قالت ليها فالأول كانت خايفة ولكن من بعد عجبها لحال ~ ههههه مطيييعة مسيكينة

نور … غير عمر سطل ضربات على مؤخرة البقرة كضحك ~ سيري الله يرضي عليييك ابنتي

شهد … شافت فجهة تانية بانت ليها بقرة بوحدها جالسة وكرشها حداها كبيرة ، باينة فيها حاملة وقريبة تولد ~ نووور مالها مسكييينة؟

نور … هزات سطل وقربات كتشوووف فالبقرة وتتفحصها بعينيها ~ قرييبة تولد هذا شهرها ، مزال با معرف امتى تولد بانلي تشغل مع الأرض ونساها مسكينة ، تبعيني نقادو الفطوووور با المعطي يكون جا من جامع ، وهوووما خارجييييين بانت ليها البقرة ماشي على بعضها ، طلات علييييها وطرطق عينيها وغوتات….

نور ….. لاحت سطل وعطاتها بجرية كتعيد للمعطي بصوت عالي باش يسمعها وشهد موراها كتجري تابعاها مفاهمة والو ~ بــــا وابوووووووووويا فييينك بان ليها بعييييد جاي بالفاس وهي تعطي رجليها لريييح كتجري وتقول شي مجرات ~ وابوووووويا وتا تعال البقرة كتولد اهيآ ناري

المعطي …. لاح الفاس فاش سمع البقرة غاتولد وهز قميصو طلعو وتبعها كيجري~ عيطي لطبيب انوووور جري دغيا غايكون جالس غير فالخيييمة لي حدانا

مشات كطييير مگفضة على جلايلها لي يشوفها مايقولش عندها عشرين عام ، كتبان بحال شي امرأة قادة، من صغرها مها الله يرحمها مضانها ، تا ولات تحطيها على الجرح يبرى ، ونهار دا مول الأمانة امانتو، لقاها باها بحال الراجل واقف معاوناه، وعندو هي ضوء عينيه باش كيشوف ، بعد دقائق عديدة ، دخل طبيب بيطري خاص بالحيوانات، تبعو المعطي كيعاونو، نووور فرحانة كتشوف فيها كيف كتولد ، فحين شهد مقدراتش تشوف ديك المنظر، خفق قلبها بخووف لأول مرة ، ويديها كيترعدو، عينيها كيشوفو فديك المشهد المؤتر ، ومع الدم نازل منها مقدراتش تزيد تشوف فيها وهي تخرج وقفات حدى لباب ، كتمسح دموعها وكيعاودو ينزلو، وصورة البقرة كتخرج رضيعها محيداتش من بالها ، سمعات صوت زغاريت نوور ، عرفاتها صافي ولدات ، تبسمات تحت دموعها ودخلات كتجري، كتلقى البقرة كتلحس صغيور ديالها ، وحاضناه تحتها، منظر بريئ ، خلى قلبها يتنهد على ديك الصورة ، شاف فيها با المعطي دموعها نازلين تبسم وشدد بيديها خارج بيها لبرى…

المعطي…. ضحك بخفوووت وشاف فيها ~ قلبك حنيييييييين ابنتي غير بقرة ومقديتيش تشوفيها كتعذب!

شهد … مسحات آخر دمعة ونطقات ~ سبحان الله كان لي اول مرة نشوف حيوان كيولد قدام عيني بقات فيا وخفتها تكون كتألم

المعطي… جلسها حداه الهوى كيضرب فيهم ونطق ~ فكرك هاد المشهد فشي حاجة ابنتي ؟

شهد … تنهدات بألم ونطقات ~ بماما مي رحمة قالت لي ضيعات دم بزاف ، نزلووو دموع كثيرة كيتساقطو فوق يديها ~ ومور ولادتي معاشتش بزاف جاها مرض وماتت ، شهقات بصوت عالي ونطقات ~ تمنيتها كون بقات معايا ا با المعطي خلاتني ومشات مالقيتش لي يرحمني ولا لي يشد بيدي ،

المعطي… جمع نفس سخونة عرفها من الحرقة باش متعاود بلي مضرورة بزاف ~ وانتي مقادراش تخطاي موووتها ؟

شهد … شهقة مور ختها دليل على انها مألمة بشكل كبير ~ لا بغيتها كون بقات معايا مكنتش غادي نخرج هاكذا ولا نفكر نمشي فطريق خايبة

المعطي… خلاها تبكي وتخوي ماجامعة فقلبها ~ يعني كتعتارفي بلي مشيتي بيديك فطريق غالطة ؟ سكت شوية كيشوف غير دموعها لي هابطين وعينيها حومر ونطق ~ يمكن ابنتي أنا جرحي كتر من جرحك ! عرفتي علاش ؟ حيتاش أنا شفت ولدي وكبرتو بيدي وقربتو حتى رشد ودار تمنطاش العام ، وفتالي ربي داه بغاه وداه لعندو ، أنتي كونتي بيبي مشفتيهاش محسيتيش بداكشي لي حسيتو أنا مع ولدي ، نزلووو دموعو سخااااان مسحهم ونطق~ خاصك تقولي الحمد لله لقيتي ناس بغاوك وحضنووووك، وانا عندي غير الله ونور ، وغانم لي مرة مرة يطل عليا ابنتي .. حمدي الله على داك الراجل لي عطاك الله ، مرضي وحنين الله يرضي عليه ، زواجكم كان اكبر فرحة ليا بعد حزن موت ولدي كنت باغي نفرح بيه كأنه ولدي محمد

شهد … مسحات دموعها وحنات باست ليه راسو ~ الله يرحمهم أبا المعطي

المعطي…. شد يديها طبطب عليهم ونطق بحزن ~ كان لعجل ديال زواجكم على حسابي وكنت فرحااااااان لدرجة درت عشاء كبير لدوار

شهد … تنهدات بحزن ~ ممكتابيينش أبا المعطي زواجنا من لأول غلطة

المعطي …طول فيها شوفة ~ حتى حاجة فطريقنا ربي مكيجييبها بلا سبب غانم ابنتي ربي حطو فطريقك حيت هو لي لايق ليك وتا انتي لايقة ليه وانتما مكملين بعضياتكم ابنتي ، حلاوة زواج فدبازوو وحرورتو ، شاف فيه لقاها ساكتة كتسمع ليه ~ سمعي ليا ابنتي مزيان وهزي راسك لسما شفتي دووك طيور ، أشار ليها بصبعو ليهم ، شوفيهم كيفاش مصافين وشاقين طريقهم وشادين لميل هادوك مكملين بعضياتهم ، وهاكدا الراجل والمرأة واحد ، زواج مكينجحش من جهة وحدة ، إلى هو مال تانتي كابري وحنّي راس وصبري ، مخاصكش تعاندي خاصك راجل فحياتك

شهد … ابتاسمات منزلة راسها حشمانة منو ~ دابا ربي يحط فطريقي غيرو كيف حطو هو فطريقي

المعطي… هز راسو كيشوف فيها عضبان ونطق ~ سمعي ابنتي انا كنطلب من الله يلين قلبكم من جهة بعضياتكم كبفما لان لحديد لنبي الله داود ، غانم كثر من ولدي وانا متاكد مغاديش تلقاي حسن منو رجوولة وخدوم سخني بيه كتافك

شهد … توترات من هضرتو وبدات اضغك على صباعها ~ فات لفوت على هاد للهضرة اعمي ، حنا طلقنا حرام رزق بيناتنا

المعطي … هضر بانفعال وحرقة غاضو غانم لي شاف الحزن فعينيه ~ مزال الحلال ومزال فالعدة ديالو يقدر يرجعك فأي وقت بغا ، الصلح خيير ابنتي متخليش الشيطان يكحل قلبك، شوفي الامور بنظرة زوينة، ربي مجاش وزوجكم عبثا ها انتي بسبابو لقيتي باك وتجمعتي بيه وان شاء الله غدا ولا بعدو ديري معاه تريكة وتنساي هاد المشاكل ، كلشي فبدايتو صعيب ولكن مع العشرة والمدة كلشي كيتقاد

شهد … كتبلل حقلها وتفرك فيدييها، جاها احساس براحة وهي كتحاور معاه ، شافت فيه وطولات ، ورجعات حدرات عينيها كتسولو ~ با المعطي تسولك سؤال ؟ واحد نصبتي عليه ، وسرقتي مو ، ضواسا معاه كوحل ، غادي تقدر تعيش معاه عادي ؟ نهار غادي ينوضو المشاكل مغاديش يجبد الماضي الكحل ؟

المعطي …بيقين كيتكلم~ مغاديش فكل مرة يبقى يفكرك شكون نتي ومنين جيتي وكيفاش تزوجتو ،

شهد … نطقات بخوف ~ انا الماضي بغيت ننساه ومبغيتش نرجع مزال نتفكرو وغانم جزء من ماضي ديالي

المعطي …كتألفي سيناريوات من عقلك ابنتي ، الراجل لي كيتبع المرأة وشاريها غالي عمرو يدير شي حاجة لي تخلييها تهرب ولا تنفر منو، فهمييييها هادي كن بغى يفكرك فماضيييييك غادي يدييرها كل نهار ، ماشي كيقلب على راحتك ، يمد ليك الماكلة تا لفمك، يشوف اش ناقصك ياربي غير تحني فيه وتشوفي فيه ، حيدي عليا هاد الأفكار السيئة والسلبية، ربي عطاك خبزة كوليها بعينيك مغمضين،

حسبيني باك حسبيني عمك ، غريب تلاقيتيه فزنقة بغا يوريك صح من الخايب ، طفي الغضب بيناتكم وخلي لما منين يدوز ابنتي ، وإن الله غفور رحيم

بقات ساكتة كتسمع لكلامو بدون ما تعطيه هاد المرة رد ، فقط كتستوعب ما سمعات منو ، كلامو لييين قلبها وخاطرها ، وحنات راسها بسكووون ، غير كتشوف لبعييد وتفكر فكلامو ، غانم شي حاجة لي فعلا عمرها شافت بحالها ، راجل وبين ليها شحال هو باغيها ومستعاد يدير اي حاجة على ودها ، تنهدات مشاعر كثيرة فالداخل ديالها كتقاتل معاها ، حسات فقط بيديه على راسها وخيالو لي تخطاها ومشى ، طال الوقت وهي جالسة ساهية حداها نور كتشوف فيها وساكتة بدورها ، حتى ضرباتها نسمة دالهوى مخلطة مع ريحة بارفانو، هزات عويناتها حومر بالبكا لي بكاتو، وهي تشوفو جاي لابس دراعية طويلة مع عريض وطويل جاتو خطيرة، نظرة قاصحة ، ولحيتو مع شمس كيبان لونها الغامق ، وصل عندها كيحقق فيها وهو يطرطق عينيه …

غانم … شدها لعندو ضام يديه بجوج على وجها بعصبية نطق كيشوف فعينيها الحومر بخوف ~ شكوووووووووون بكااااك ليا ؟

قبل يومين

تربات فالميتم مكتعرفش شنو هي علاقة ، كبرات بين فتاة حلمها كبير عامر مشاكل ، وبين شاب معندو ميعلمهم او ينهييهم، هو براسو خاصو التوجيه ، ونهار خرجات من الميتم لقاتهم برى كيتسناوها بحكم هي الصغيرة فيهم ، علموها شنو الزنقة علماتهم، كلمة استقرار عمرها عرفات شنو كتعني ، يعني هي بينها وبين رجال حائط عريض وكبير ، ونهار جا فطريقها الراجل لي باغي المعقول ، كتحس بلي هي وياه كيف السالب والموجب ، واحد كلامو سفيه وهي حشومية وخوافة ، واش غادي توالم معاه ولا غادي يكون ليهم بجوج مستقبل ؟ تمتمات بين شفايفها معارفة باش تجاوب ورجعات حنات راسها بخجل …

أمال … متوترة وعينيها فالأرض ~ عافاك رجعني للدار مقادراش نشووف فيك

نايف … قوص عينيه بملل ~ معجبكش كلامي واقيلة؟

أمال … فركات يديها مع بعض بتوتر~ ماشي هاكاك غير مفهمتش كيفاش حتى وليتي ناري المعقول ؟

نايف … جبد گارو شعلو وخل باب طونوبيل كيسف دخان بعيد عليها ~ قلبي حس بلي انتي مولاتو، اش بغيتي مزال ؟

أمال … توردو حنوكها كتر وهزات عينيها وأخيرا فيه ~ كيفاش ؟؟

نايف … هز يديها حطها على قلبو كيضرب بقوة ونطق ~ حرقتيييه مسكين شوفي منحالو خلاص

أمال … تبسمات بخفووت وحنات راسها بغات تبعد يديها وهو يبوسها بحنان ~ رجعني للدار عافاك

نايف … قبل كل صبع من صباع يديها بوحدو ونطق عينيه واكلينها ~ نخليييك تفكري ؟

أمال … جرات يديها بخجل ونطقات ~ اااه عافاك

بسرعة قلب روايض غادي وكيتكيف ، طلق ليها موسيقى شعبية تا طرش ليها طبل وذنيها ، طريق كاملة وهو كيشوف فيها ويتنهد تا وصلها ، نزلات غادة قدام عينيه كتبسم بوحدها وهو متبع ليها لعين تا وصلات للباب ..

نايف …عينيه واكلينها وعاض على شفايفو ~ مشية دنعامة والقلب مجروح سيمانة ، زيديني العمر ، ضحكات على كلامو وهي دوور لعندو قبل ما تحل لباب ، لقاتو غمزها ولاح ليها بوسة، طرطقات عينيها وهي دخل كتجري خلاتووو كيتنهد قلبو ربي عالم بيه ~ الله يعطيني معاك المؤبد الفريز

غانم … شدها لعندو ضام يديه بجوج على وجها بعصبية نطق كيشوف فعينيها الحومر بخوف ~ شكوووووووووون بكااااك ليا

شهد … تغرغرو عينيها تاني بالدموع وهي كتشوف الخوف لي فعينيه عليها ، هزات يديها وبغات تبعد ولكن معامن شدها لعندو مزير عليها ~ والو بكيييييبيت راسي

غانم … تنهد بصوت مسموع وخنزز فيها ~ علاش كتبكي ؟ معارفاش دموعها شحال كيأترو فيا ؟ مكنحملش نشوفهم، كنحس بروحي كطلع وتهبط حسي بيا وحبسي هاد الدموع ، مسح ليها دمعة فلتات من عينيها وحط جبهته على جبهتها~ شكون قلقك ليا ؟ غير قوليلي شنو لي بكاك

شهد … حسات بقلبها غايخرج من بين صدرها وهي كتسمع لكلامو مقادراش ضبط راسها حداه حنات راسها بألم ونطقات ~ علاش انت هاكذا؟ لي درتو فيك مقدرش يخليك تكرهني؟

غانم … جمع ليها شعرها مور وذنيها وتبسم ~ لي درتييه خلاني غير نزيد نتعلق بييييك ماشي نكرهك واش كتشوفي راسك خايبة لهاد الدرجة ؟

شهد … هزات عينيها شفرانها الكتاف هازين شوية من دموعها ونطقات ~ كنشوف راسي منستاهلش بزاف ديال الحوايج ومن بينهم انت اغانم

غانم … قوص عينيه بعصبية ~ الالة أنا نستاهلك وباغيك كيف انتي ، هز يديها حطها جيهت قلبو ونطق ~ رحميييييييه خلاص محتاجك

شهد … خفق قلبها بقوة وهي كتحس بدقات قلبه كيضربو بقوة ونطقات ~ شكون بغى شهد ولا سحر ؟

غانم … تبسم بخفوت وهز يديها قبلها ~ بجوووج سحر هي شهد وشهد هي سحر يعني بغيت نفس البنت

شهد … اسبلت أهدابها و بعدات شوية ~ بغيت نبقى شوية بوحدي اغانم ممكن ؟

غانم … دور عينيه كيشوف الجو زوين والبلاصة خاوية يعني ميخافش عليها حنى باس راسها ونطق ~ بقاي غير حدى لباب متخلينيش مشطووون عليك ازينة البنات

الحياة قصيرة اليوم عليك وغذا عليا ، عيشها باش ما ربي كتبلك، لا تمد يد على غيرك ، ولا تسرق ما هو ديال غيرك ، دنيا دوارى، شوف وسمع ولا تدخل بين هذا وداك، والى لقيتي حبيب تعاون معاه على ضيق ، كيقول لمتال ديال ناس زمان النعجة ما تعشق الذيب والفقر عمرو ماكان عيب ، وكل بنادم فكبرو يشوف الشيب ، والطفل الصغير كنزو فالدنيا شوية حليب ، وكل عاشق يتمنى يتنفس هوى الحبيب ، وكل واحد يدي واش كتبلو النصيب …ونهار تلقى ولد الناس عرف بلي هذاك كنز حطو ليك ربي بين يديك ، ضمات رجليها لعندها، كتخمم، من نهار هضر معاها فالمعقول رجعها للدار وخلاها تفكر وتعطيه قرارها، مكانتش عارفة شنو تقول ، كتشوف حمل دنيا تقال ، لا خدمة لا دار لا والو ، عارفة بلي شهد ختها ودارها بحال دارها ولكن تا الإمتى ، خاصها تا هي دير دارها ، وتستقر فحياتها، كتفكر آخر كلمة قال ليها نايف فاش رجعها للدار، ~ فكري مزيان فكلامي وجاوبيني بقرارك التالي …. تنهدات بتعب وناضت خاصها شي حد لي يوجهها ويعطيها نصائح لي تقربها لقرارها وطبعا قلب الأم قلب حنين مكاينش لي يستغنى عليه ، …

أمال … جمعات شعرها شفنجة وخرجات من بيتها بانت ليها مي رحمة مدات تحية وسلمات ، قربات لعندها وتكات على حجرها ~ الله يتقبل امي

مي رحمة … تبسمات ليها وحطات يديها على شعرها ~ امييييين ، سولاتها باهتمام ~ فقاش بنتي شهد راجعة ؟

أمال … غمضات عينيها ~ معرفتش امي ، باقة مقلقة علينا ؟

مي رحمة … تبسمات ~ لا كاينة شي أم كتقلق من بناتها ؟

أمال … باست يديها ~ الله يطول لينا فعمرك ، سكتات شوية وهي تشجع جابدة معاها الموضوع ~ مي رحمة بغيت نسولك وحشمت منك

مي رحمة … شافت فيها بقلق ~ ياك لباس؟ علاش تحشمي مني ماشي أنا ميمتك؟

أمال … تخشات فيها ساهية ~ شي حد ناوي المعقول امي

مي رحمة … نطقات بفرحة ~ اوى هذا خبار زوين ابنتي ، شكون هذا ؟ كتعرفيه؟

أمال … نطقات بخجل ~ العميد نايف امي

مي رحمة … عجبها الحال ~ الله على خبر هادشي كيفرح ابنتي قوليه مرحبا بيه ، حنا لقاو حسن منو همة وشان وراجل تعولي عليه ، وهاكا نبغيك

أمال … شدات فيديها ~ ولكن امي مزال مكنعرفو مزيان ، كيف نقدر نتزوج بيه وهو عصبي وغير كيغوت ، عندو سبان فالدم

مي رحمة … دوزات يديها على شعرها بحنان ، عارفة أمال هشيشة ونية وماشي من نووع لي كيطير ~ سمعيني ابنتي رجال هاكذا دايرين، وخصوصا المخزن ، عصبيين عارفة ولكن مسؤولين ورجال ، ديريها فيد الله انتي حنينة وقلبك حنين وربي مغاديش يعطيك شي حد لي يمحنك فحياتك ، وبالنسبة للتعارف مع الوقت كل شي كيجي، فالزواج يجي المحبة والحب والإحترام ، الله يعطيك لي فيها الخير الحنينة

أمال … بتمني ~ امين امي ، وهي كتهضر معاها صونا ليها تيليفون فيديها شافت فمي رحمة ونطقات ~ هو لي كيصوني امي

مي رحمة … شافت فيها ~ نوضي هضري معاه ابنتي وعلميه يجي قوليه مرحبا بيك يجي ويدير صواب راه لي هرب من زواج هرب للطاعة

أمال … طولات فيها شوفة ~ خاصني نهضر مع شهد تا هي

مي رحمة … قوصات عينيها ~ بنتي الله يرضي عليك هذا راه زواج ماشي شي مشروع غادي تسولي ناسك علييه ، انتي لي غادي تزوجي ماشي هي انتي لي خاصك تقرري

أمال … حنات راسها كتنهد~ يكون خير امي

ناضت من حداها كتجري لبيتها قلبها كيحقق بقوة ، من جهة فرحة ومن جيهة احساس جديد عليها ، تا وحدة متكره تزوج ودير دارها وليداتها، ويكون شخص معاها ويشد بيديها ، وأمال من نوع لي رطب دغيا كتسمع لهضرة وتفهم مغزاها، فتحات الخط وجاوباته بصوت رقيق …

نايف … غير سمع صوتها تنهد كيزفر بصوت قوي ~ توحشتك الحمامة ديالي

أمال … تبسمات بخفوت حانية راسها ~ اممم يتوحشك الخير

نايف … جمع يديه مخنزز من برودتها ونطق ~ فكرتي فشنو قلت ليك ؟

أمال … بتفكير ~ اااه هو صراحة أنا مدايراش فبالي زواج ، ومين طلبتيه مرحبا ، غير خاصني وقت نعرفك ونبغيك، مابغيتش نزرب

نايف … قوص حجبانو من كلامها ~ هي شنو زعمة ؟

أمال … بسرعة نطقات~ نتصاحبو تما نعرفك كتر وتعرفني ومن بعد يكون خير

نايف … نزل من طونوبيل كيصووووط طالعة ليه القردة من كلامها ، مخنزز وباغي يسب ليها العروق ولكن صابر لا طفج من يديه ~ دابا هي كتشوفيني برهوووووش؟

أمال … بتوتر نطقات ~ ماشي كيف فهمتي زعمة نخرجو وندورو ونتعارفو هادشي لي قصدت

نايف … شعل گارو يبرد فيه فقصتو ونطق وهو شاعل ~ إلى بغيت نبوووسك ولا نقنتك فشي قنت خاصني نديرها وانا خايف وحاضي سروالي ، ياكما كتشوفيني عندي ربعطاش العام اشريفة

أمال … جمعات نفس لي محبوسة وزيرات على يديها بتوتر وخجل من كلامو ~ علاش تبوسني ؟ سكتات كتلتاقط الحروف بالكشيفة ونطقات ~ حنا غير نتعارفو على بعض

نايف … نطق بصعرة ربي لي عالم بيه ~ الالة راه باغي نح***ك باش ندير وليدات ماشي نبقى غادي فزنافي تابعك مقيم … توردو حنوووكها بخجل وقبل ماتقطع عليه سمعاتو كيهضر ~ سمعيني مزيان نهار جيت قلت ليك بغيتك للزواج عنيتها مبغيييتش نشدك نقنتك كل مرة فجيه، نبووووسك ونمصك على خاطري ، هادشي باغي نديرو معاك بالحلال ، ولا انتي من نوووع ديال تصاحيب ماشي دالمعقول ؟ فركات يديها بخجل وتوتر كتسمع للكلامو ~ لي عندي قلتو بغيتي المعقول من دابا نجي للداركم بغيتي نخيطو فالزناقي راني منقدرش نصبر عليك ، نتقبك قبل الوقت ازبيـــــــــــب البلدي ، سمع ديك طيط طيط طيط فوذنيه عرفها قطعات الخط ~ تنهد شاعل گارو تاني ويديه فجيبو كيشوف بعيد ونطق ~ ولينا فتصاحيييييب الفارة غير وجديلي راسك الله يعطيني معاك الإعدام ممفاك حتى نشووووف سروالك فداري

قطعات الخط قلبها فالألف كيضرب كتشوف حالة فمها فهاد الإنسان ، من جهة كتحس بشعور مختلف معاه كأنها مرتاحة، ومن جهة كلامو الخاسر معاها كيخلعها …جلسات على الكرسي كتخمم ، اش دارت دابا غادي ياخد عليها نظرة خايبة ، لعبات بيديها بتوتر كتخمم، هذا اول راجل نواها وبغاها المعقول ، مبغاش يلعب معاها ولا يضحك عليها جاها نيشان ، وهضر فأمور معقولة، من قبل كانت تشوف غير العيون جيعانة عليها ، لي باغين يتفلاو، فحين هذا اول واحد طلبها ديريكت للزواج ، تمتمات بغضب خاصها معامن تهضر وتناقش ، وهزات تيليفون دوزات نمرة ختها …مكاملاش تواني وهو يتفتح الخط …

أمال … باشتياق وفرحة نطقات ~ توحشتك فوقاش راجعة ؟

شهد … كانت جالسة كتخمم فكلام المعطي تا صونالها تيليفون فجيبها ~ تا أنا توحشتك كيف بقات مي رحمة ومروان ؟

أمال … باطمئنان ~ كل شي لاباس وسيم داه المدرسة ومي رحمة كتسول فوقاش راجعة

شهد … شافت فالخضورة والهوى لي كيضرب نقي ونطقات ~ ماعرفتش رتاحيت بزااااف امال هنا

أمال … براحة ~ الحمد الله رتاحيتي بعدا ، كيف راه غانم معاك ؟

شهد … تفكراتو حسات بشعور غريب زوين وفالنفس الوقت حزين ~ لاباس واخا مكنشوفوش بزاف كنقضي الوقت مع نور أغلبية

أمال … قوصات حجبانها ~ نووووورر؟ شكون هادي ،

شهد … بابتسامة ~ بنت با المعطي قصة طويلة حتى نعاود ليك فاش رجع

أمال … قوصات حجبانها ورجعات تمتمات باغا تجبد معاها الموضوع ~ شهـــــد بغيت نقوليك شي حاجة !

شهد … حسات بنبرة صوتها تغيرات ~ ياك لاباس؟

أمال … تنهدات ~ كتعرفي نايف زعمة العميد نايف صاحب غانم

شهد … تفزع قلبها بخوف وهضرات بصوت عالي ~ مالو ؟ ياكما شي حاجة ؟

أمال … لعبات بلسانها فمها ونطقات ~ بغاني للزواج اختي ومعرفت شنو ندير مي رحمة قالت خليه يجي للدار مهما هو باغي المعقول

شهد … تبسمات بفرحة ~ قولي والله ! هذا نايف ؟ داك المتكبر؟ ههههه تستاهلي غير هو قويييصح رضي لبال

أمال … قوصات حجبانها من برودة كلامها ~ كيفاش؟ مغاتقولي والو ؟

شهد … تنهدات عارفة مغزى كلامها ~ أمال راكي عندك 26 سنة وهذا وقتك فين تزوجي وديري دارك حتى لإمتى تبقاي تعايني، كأخت نصحك تقبلي حيت هاد الوقت مابقاش فيه ولاد الناس بزاااف ، ومهما نايف بغاك وطلبك للزواج معندك فاش تزيدي تخممي ضربي الحديد ماحدو سخون وتوكلي على الله ، انتي عارفاني معاك فأي حاجة قررتي، ولكن فهادي مني أنا كشهد كنقوليك قولي باسم الله مغاديش تلقاي راجل بحالو

أمال … استعجبات من كلامها تقولي ماشي شهد لي كتعرف هادي وحدة جديدة عليها ~ جيتيني مبدلة اشهد كنت محتاجة نسمع كلامك

شهد … تبسمات تا عينيها غرغرو ~ الوقت كتبدل أمال ، وانا بغيت نبدلك حتى انتي ، الطريق لي مشيتي معايا مكنتيش عارفة قصاوتها، ولكن تبعتيني، ودابا جا دوري فين نوقف معاك ونوريك الطريق الصحيحة ، سيري تزوجي وفرحي ختك شهد ، خليني على الأقل نفرح بيك اختي

أمال … نزلو دموعها كيقطرو فوق يديها من كلام ختها وصاحبتها ليها ، ونطقات ~ غادي تجي للخطبة ؟

شهد … تبسمات ماسحة آخر دمعة نزلات من عينيها ~ على شحال عندي منك طبعا غادي نحضر انتي غير علميني فوقاش !

أمال … ضحكات بصوت عالي ومسحات آخر دمعة ~ ممتيقاش بلي صافي غادي نتزوج

أمال … ضحكات ~ ممتيقاش بلي صافي غادي نتزوج

شهد … ضحكات معاها ~ وحتى أنا ولكن مغاديش تلقاي بحالو ، الحب يجي من بعد المهم هو التفاهم

أمال … مسحات دموعها ~ الله يخليك ليا ويفرح قلبك ، ويليييينو على غانم ، تا هو انسان كيبغيك بزاف اشهد عطيه فرصة وخلينا كاملين نعيشو فرحانين

شهد … سكتات لمهلة ~ الله يسعدك امال

غير قطعات معاها ، صيفطات مساج لنايف

<نايف أنا قابلة نتزوج بيك >

بعد صراع طويييييل مع راسها وقلبها ، يديها بجوووج كتفركهم بقوة ، وعينيه فنقطة بعيدة كتخمم، حارت ووقف بيها الوقت وزمان ، بزاف دالأفكار والهضرة كدور فراسها، الكره والإنتقام حاجة خايبة تربى فقلب أي شخص منا ، لهذا ربي قال فإن الله غفور رحيم ، بعد المرات كنكرو وكنحقدو، ولكن فالأخير كلقاو راسنا تأذينا حنا بالدرجة الأولى ، بزاف منا غلطووو، بزاف عاشو الفقر والحرمان ، بزاف منا ماتو ليهم واليديهم وخلاوهم لا حنين ولا رحيم ، بزاف منا عاش جووووع ، شكون حنا لي نكرهو ونحقدو، شهد قتلو فيها ديك الطفلة صغيرة لي كانت محتاجة الحنان ،فعواط الحنان لقات الكره والحقد من المجتمع على انها حرامية لهذا كبر الحقد فقلبها وعلى باها ، نزلات دمعة من عينيها وهي كتفكر فأخر كلام كتبات ليها الأم ديالها جوهرة { باباك كان أجمل حاجة فحياتي ابنتي ، ودليل انتي هي تمرة حبنا } ، هزات عينيها فالسماء كتشوفها كيف تغيمات، وشوية شوية بدا الجو كيتبدل، شتيوة رقيقة كطيييييح ، هزات طيليفونها ودوزات مكالمة …..

شهد …. غمضات عينيها تحت قطرات شتاء لي كتنزل رقيقة على خدها ونطقات ~ وسيييييييبم كتسمعني الو …

وسيم … كان واقف حدى مدرستها سد طوموبيل فاش شاف اتصالها وفتح الخط وذنيه معاها وعينيه على الباب ~ كنسمعك مناوياش ترجعي خلاص ؟

شهد … دخلات ليه فالموضوع نيشان ~ فقاش الجلسة ؟

وسيم … قوص عينيييه كيتسنى شنو غادي تقول ~ سيمانة داخلة علاش ؟

شهد … تنهدات بألم ~ صوني على المحامي بغيت الدعوى تلغى اوسيم

وسيم … تقاد فالجلسة مفاهم والو ونطق ~ متأكدة ؟ علاش بدلتي رأيك ؟

شهد … شافت بعييييد ربيع كيمشي ويجي بريح ~ مابقيت بغيت تا حاجة منو تفكرني بيه اوسيم، ما بغيت والو غير يبعد من طريقي والله يعاونوا

وسيم … استغرب منها ~ صافي كوني هانية أنا غادي نتكلف

شافها خارجة من المدرسة تبسم ونزل من الطونوبيل، غادي كيخلف بسرعة ، كانت لابسة هاد المرة سروال تجين مع تشورط، والطابلية من لفوق حالاها، گرينات كيف ديما هابطين من كل جنب مزينبن وجها المدور، وقفات كتشوف طاكسي صاكها فيديها وباينة فيها مهمومة، حتى شافت خيالو واقف حداها ، حسات بقلبها غادي يسكت وعينيها مغرغرين بالدموع ، حنات راسها وبدات تخلف بسرعة …

وسيم… تكلم بصوت عالي باش تسمعو ~ نسرين وقفي عافاك نهضر معاك

نسرين … وقفات معصبة مدة هادي مهضر معاها ولا جا شافها~ اش بغيتي ؟ شفتك كتغبر حتى كتغبر وكنبان ليك فالبلان! شنو جاي دير عندي عاود ؟

وسيم … ضغط على يديه بقوة وطلعها وهبطها ونطق ~ حيت باغي نقوليك شي كلام … مخلاتوش يكمل وتمان غادة بحالها حتى سمعاتو كيهضر وهي توقف ~ بغيت نقوووووليك بلي عمري نويييت المعقول ولا نوييييييت نستقر حتى عرفتك انتي، من حقك تقلقي ولكن خاصك تفهميني أنا كبر منك ب طناش العام ، هادشي لي خوفني ولكن نهار عرفت احاسيسك من جيهتي من ديك النهار وانا مكنعسش مزيان ، فبالي غير انتي انسرين ، سمعيني أنا مابغيتش نضحك عليك حيت عندي تا أنا خوتي ، وانا مكنعرفش تصاحيب ولا صاحبتي عمري هادشي جربتو، وعمري حبيت شي وحدة ، كنت نخرج مع امال وشهد وندخل معاهم وعطيتهم وعد والوعد دين على مولاه ، وهو أنني منتزوج حتى نشوفهم مستقرين فحياتهم، ونهار فكرت فيك بالطريقة لي انتي كتفكري فيا مقدرتش نقرب ليك حيت انتي أمانة عند خوك وانا منبغيش خوك يشوف فيك شوفة ناقصة ، ولا تقلل قيمتك عندو …حسات بقلبها كيضرب بقوة غايخرج من بلاصتو وعينيها دمعو، ضارت لعندو كتشوف فيه وهو كيكمل كلامو ~ باغيك الحلال انشاء الله واش تقدري تسنايني؟

تبسمات تحت الصدمة عينيها دايزين بالدموع وهربات فرحانة وقلبها كيضرب بقوة ، غادة كتجري وقبل ماتركب فالطاكسي غوتات باش يسمعها

نسرين ….بصوت عالي وهو شوية بعيد داير يديه فجيبو وكيحاول يسمع ليها ~ قابلة غير متعطلش عليا

يتبع...