الماكرة الجزء الثاني

فجهة اخرى …..

خرجوا من المستشفى بعد ماخيطوليه يديه وأمال شادة فيه باقة كتبكي…. مبغاتهومش يدابزوا هاهي مشات وتاحد معندوا عليها خبار ….

ركبوا فلوطو هي لي سايقة بيه … وعينيها حومر بالبكى … باقة فيها شهقة….. مرة مرة تغزز شنيفاتها حتى قشرتهم …كيشوف فيها ويرجع يشوف فطريق…. باقي معصب وتاحاجة متقد تبردوا فهاد الساعة … وسيم من النوووع لي هادئ لكن غير تشعليه البولة مكيبقى يعقل على تاواحد….

وسيم…. حبسي خلاص امال من لبكى ضريتيني فراسي

أمال…. [ كتشهق] فين غادي تكووووون مشات ؟

وسيم "تكى مزيان على لكوسان مرجع راسه لور يديه عاطياه الحريق " غاتكون مشات لدارها معندك مناش تخافي وزيدون ضبر لكرها

أمال …. [ بتفكير كتشوف فيه بنص عين عارفاه هو تاني مشوش عليها ] نمشيييو عندها .؟؟؟

وسيم ….دوزيني لداري وسيري عندها ولا تجي عندك مبغيتش نشوف وجها حدايا دابا [ حمر فيها ]

أمال …. اووووف أوسيم راك عارفها كتعصب كتخسر واش اتدي عليها ؟؟؟

وسيم …. قلبي الموضووع الله يخليك غير هادشي لي دخلاتنا ليه كافينا ومعدي لهييييه

امال …. [ كتفكر] كظن يكون داك المريض عندو شي دليل عليها ؟؟؟

وسيم …. الله واعلم سوليها هي لي خشاتنا فهاد المصيبة وزادت خلفة

عم السكون بيناتهم كلها وفين كيفكر … وسييييم كان عارف غادير شي مصيبة خصوصا مين بانت ليه متحمسة كتر لهاد الضحية … جاه تصرفاتها معاه غرابين وماشي طبيعين…ولي كتر مبغاش يفهموا هو علاش دارت ليه داكشي ؟ سؤال ملقاش ليه جواب … بعد مسافة من طريق وصلوا لدار ديالوا كانت باغة تحطو وتمشي عندها ولكن فكرات وقررات تخليها حتى تبرد على راحتها ويصبح ويفتح وتمشي لعندها وتستفسر منها كل شي … داكشي لي كان دخلوا عيانين خصوصا هو … كلها دخل لغرفة ديالو وكلها واش مشى يدير …..

في صباح بكري ضرباتها الفيقة على ضوء شمس لي ضارب فوجها … عويناتها باين عليهم العياء وشعرها طايح مبوكلي وطويل وفيه واحد اللون عاطيه ليها الله بوحدها كيبري مراها…. تنهدات كتحل عويناتها بشوية عسليييين مغلوقين ومجبدين فيهم واحد نضرة خاصة بيهم … دورات بيديها على وجها كتفوه… وقلبات عينيها كتشوف بابتسامة لي قليل فين كتبان ليها فالطفل لي حداها متكي وناعس بحال الملاك …. تفكرات كانت تاهي فواحد الوقت ملاك فحاله…هاد الملاك لي متكي حداها وناعس…. خرجات نفس طويلة كتعلن على لي فقلبها جامعة وكاتمة داكشي لي عندها لداخل … هبطات رجيلاتها فالأرض سميمرين بحال القويلبات… حسات بضو ضربها فجنبها عوجات فمها و نترات داك سيرو من يديها وتمشات جيهت الطفل كتشوف فيه بابتسامة …. حطات يديها على وجهو كدوزها بحنان…. تكون عندو ديك 14 سنة

حرك سبيعاته بشوية وبؤبؤ عينيه كيدوره حتى فتح عويناته كبار وخضيضرين كيشوف فيها …. دوز لسانه على شفايفه كانو لاكحين وناشفين وهضر بصوت خافض وعيان ……

الطفل …. ب بغيت نشرب

كارما …دوزات على شعره بحنان وحركات راسها بالإيجاب قبل ماتنطق ~~ واخا

كتقلب بعينيها على الماء كانت قريبة ليهم طبيلة فيها الكاس والماء بغات تنوض بالزربة حسات بضو ضربها بجنبها غمضات عينيها بألم ورجعات حلاتها وتمشات بشوية حتى هزات الماء كباته فالكاس ورجعات بخطوات ضعاف حتى وصلات لعندو وحنات هازة ليه راسو وكتشربه بكل حنان وسعادة تقول هاد الطفل الإبن ديالها ماشي طفل عادي غير ساعداته نو كتحس وكتشووف راسها فيه ….

الطفل …. تبسم ليها وهز يديه كيدفع ليها شعرها لور بشوية > انتي لي عاونتيني ؟؟؟؟

كارما …. باست ليه يديه وهزات راسها بالإماءة عينيه على وجه كيتساراو~ اااه انا

الطفل …. قالتها ليا ماما قبل ماندخل العملية كيفكر~ دابا انت سوبر هيرو ديالي

كارما …. ضحكات وهزات ليه راسها > قولي غير كارما سميتي كارما

الطفل …. بتفكير~ امممم كارما رجع كررها مرات عديدة وشاف فيها بتساؤل ~ كارما كارما شنو كتعني ؟؟؟؟

كارما …. هزات حاجبها فيه وهضرات > معناها كما تدين تدان

الطفل …كرر الجملة مرة اخرى وشاف فيها ~ يعني لي درتيه يرجع ليك !!!!؟؟؟ ولكن علاش سميتك كارما ؟ واش اسمك الحقيقي ولا لقبك ؟ بحال داكشي لي كنشوفو فالأفلام

كارما …. ببلات حلقها باينة فيه ذكي بزاف وكيفهم كل شي مبغات تفكر ولا تشرح ليه كتر كتفت غير بسؤال قالبة ليه الموضوع > مقلتيليش شنو سميتك البطل ؟

مروان …. اسمي مروان

فقط بتسمات وهي كتكرر اسمو وكدوز ليه على شعره رطيطيب طويل وجامعه لور وبيبيض حمقها بذكاء ديالو وخفة ذمه …. مكملاش دقيقة وهو يدخل الدكتور لعندهم بابتسامة ولكن غير شاف كارما جالسة حداه ومحيدة سيروم عبس فيها …

الدكتور …. انسة كارما شفتك نضتي من بلاصتك ؟ خاصاك راحة ومتحركيش من بلاصتك بزاف يالله فقتي من العملية

كارما …حدها لتاقطاته بعيونها نارية وهزات راسها بنفس النضرة كتجاوبه > انا مزيانة ادكتور شوف غير مروان كيف بقى حيت بغيت نمشي بحالي من هنا

الدكتور…. خاص على الأقل تجلسي نهار هنا تحت المراقبة ومن بعد تقدري تخرجي رجع سولها باهتمام> كاين شي حد من عائلتك نعلموه انسة كارما يجي يونسك ؟

كارما …حسات بشعور مختالف وهو كيسولها هاد سؤال هي فحياتها كاملة عندها امال وسيم ومي رحمة هما الوحيدين الأقرب من قلبها… وتحت شرودها سمعات اسمها كيتكرر مرة اخرة من عند الدكتور … هزات عويناتها فيه كانو مختالفين هاد المرة كيعنيييو بزاااف دالحوايج لي لا دكتور ولا غيره يقدر يفهم هاد النضرة واش حگرة ولا خسارة تا حد ميقدر يفهم اش كاين فقلب شخص تاني …. حكات حلقها بلسانها ورجعات جاوباته~

معندي حد و مهم بزاااف نخرج منهنا اليوم ادكتور

في عز المناقشة مع دكتور حسات بيد صغيورة دخلات بين صبيعات يديها وجراتها بقوة لعندها …. حسات بقلبه صغيور كيضرب بقوة وهي فحضنه احساس غريب تملكها… كأنها اول مرة شي حد يضمنها ليه بهاد الحنان …. احساس براحة وطمأنينة صدر حنين وبريء ….ضامها ليه بقوة وهضر بصوت منخافض فوذنيها شي لي خلى قلبها تاهي يضرب بقوة وبسرعة فائقة ….

مروان …. عنددددددك انا ☝️ انا لي عندك فحياتك خوووووك مروان

كارما … خرجات عينيها فهاد طفل صغير لي كلامه كتر منه وتبسمات كدوز على ضهره بحنان تقول هادي ماشي كارما لي كنعرفه هادي انسانة اخرى … رددات اسم خووك على فمها مرات عديدة قبل ماتنطقها هي تاني وعلى محياها ابتسامة حنينة ~ وانا ختك كارما ….

من بعد مناقشتها طويلة مع دكتور على حالت مروان … وشنو المتطلبات لي غادي يحتاج … خرجات خلصات العملية وتكلفات بجميع الأدوية لي غادي يحتاج … وماشي غير هادشي كلفات دكتورة خاصة لي غادي تقابله طبعا فالمنزل ديالها ، من بعد إجراءات كثيرة قدرات تاخذ الموافقة باش تكفل بيه وتكون ليه الذرع الحامي فهاد الحياة … كانت هضرات على موضوع التبني مع مي رحمة وجدات ليه قبل العملية باش تكفل فأي حاجة غادي تخصه ، خاصها فقط تسيني وغادي تولي مسؤولة عليه حتى يديه 18 السنة ، …. كان خبر سعيد لعائلة مروان على الأقل شي حد ايتكلف بيه وبمتطلباته… وحمل مصارفه نزاحو عليهم واخا كان عايش واكل شارب ناعس فالميتم إلا أن الأم كانت تجيب ليه لي كان باش تقدر تفرحه …. تنفسات الأم بفرحة وهي ضاماها كتشكر وكتعاود فيها … والأب تا هو … خلات مروان ناعس مواعداه اترجع تشوفه وقريب ايجي يسكن معاها فدارها…. الخبر لي طبعا فرحه…مكانتش عارفة علاش هو بالضبط ولكن كان عندها احساس تجاه غريب كيجدبها… بحال الى لقات فيه شي حاجة كتشبه ليها ، كانت تا هي بحاله فواحد الوقت محتاجة مساعدة محتاجة يد حنينة تشد فيها وتجرها من ديك الكابوس لي كانت عايشة فيه ، الخوف من أنها تكبر وتخرج من الميتم ، الخوف من انها تعيش فالزنقة لا حنين ولا رحيم يشد بيها ويعاونها، الخوف من الكلاب لي نهشو لحمها ، كانت محتاجة هاد المساعدة ولكن للأسف ملقاتهاش ، هو عنده زهر لقى لي يشد بيه ويعطيه جميع متطلباته … لبسات جاكيطتها لكويييير وخرجات من المستشفى بخطوات ضعاف ويديها على جنبها باقة كتألم ….

زمجر نفس سخونة بسخط وهو كيعاود يسوله بغضب شديد ، محيلته للصداع ديال يديه ولا للصداع ديال راسه ، ولا الخوف بأنها ختافات يومين معليها أتار ولا خبار ..

وسيم …. كيفاش مشفتهاش واش باغي تحمقني وانا علاش دايرك تراقبها هاااااه علاش كنخلصووووك شنو هي المهمة ديالك اشرييييييف … كيغوت بصوت مرتافع واصل لمرحلة الجنووون

العساس … بخوف حيت فعواط يشد العسة ضربها بنعسة~ انا ا ا انا والله انا شفتها دخلات لبارح فليل بطاكسي وصلاتها و من بعد مرجعتش شفتها والله العظيم

وسيم …. لعنه بيه نفسه باغي يخلطه ولكن مراعي لسنه الكبير ~ خطفوها جنوووون مثلا ياك بلعاتها الأرض ~ تذكر مهدي ورجع قلبه يخفق بقوة خايف يكون وصلاته شي معلومات عليها وصلها بشي طريقة حيت ميمكنش تغير عليهم يومين غير هاكاك

قلب خطوات جهة لوطو دياله كانت أمال هازة بيسي ديالها وكتحاول توصل ليها ب GBS لي فلوطو ديالها … وهي فعز البحث ديالها عينيها كيدوره ويديها كيطابيو بسرعة طلعات ليها واخيرا لوطو محركة…. تبسمات بانتصار وعيطات لوسيم

أمال …..غوتات > وسييييييم تحرك دغيا تحرك لقيتها

وسيم ….طلع فلوطو بزربة وديمارة وهو كيشوف فالعلامة فين غادة نطق ~ هادي فين غادة ؟؟؟

أمال …. متبعة نقطة وتحت عينيها كوحل بالسهير~ معرفتش كتبالي طريق الخيرية هادي

وسيم …. عاد كنا تما سولنا مي رحمة قالت ليك مشتهاش مدة ضغط على المقود بقوة وهو كيتغدد عليها حس بضو ضربه فيديه وهو يرخف عليها ~ شفتي لعب لي كتلعب معانا ؟؟؟ ياك شفتي تبرهيييش ديالها كيف داير ؟

أمال …. تنفسات صعداء حاسة بعياء شديد ~ وسيييييييم عفاك صافي خلينا لقاوها ونحلو هاد المشكل واش حنا انبقاو شادين غير فتصرفاتها ياك هي من ديما كدير لي بغات من امتى تحكمنا فيها؟ ياك ديما مخليانا كنقلبوا عليها ؟ وتابعينها انا عيييت والله اليوم انحطو نقط على الحرووووف

كسيرا مضوبل سيارات بسرعة وسنانه كيتغزز عليها … مسافة طريق كان وصل بانت ليه سيارتها واقفة فجنب … صطالة ونزل هو وأمال … كانت متكية راسها على لكوسان شبه مغيبة وجها الصفر مفيه قطرة دم … وشعرها هابط على وجها مبعثر وعقلها خدام بعيد … فاش الله واعلم … قربات أمال لوطو ديالها ودقات فزاجة… هزات راسها فيها عينيها حومر وباين فيها لعيا…. هبطات زاجة معبسة فيهم ومطلعة حاجب فيها كتسولها غير بعينيها اش تما …

أمال …. ربعات يديها وكتشووف فيها بنفس النضرة~ غادي نبقاو لعبو لعبة لغميضة معاك ولا كيفاش؟؟؟؟

مجوباتهاش حدها قلبات عينيها لجهة لاخرى كتلعب ليها على الوتر الحساس >

غوتات عليها ~ كاااااااااااااارما كنهضر معااااااااك

كارما ….. حطات يديها على راسها عاطيها صداع ونطقااااات ~ ششششششششش راسي مفرووووع متزيديش تغوتي عفاك

معندهاش القوة باش تهضر ولا تناقش معاهم … كانت حاسة بتعب دنيا ودين فوق كتافها … وباغا غير تاخد قسط من راحة تنسى فيه كل شي وتغمض عينيها … عارفة جرحاتهم بكلامها ولكن هي هاكا دايرة كتعصب كتخرج لي يصلاح ولي ميصلاحش ….

شعل سيجارة لاحها فمه مبغيش يهضر ولا يشووف فيها … يكفي هي بيخسر وعلى خير وهادشي كافيه ومعديه … خلى نقاش وعتاب أمال ليها وبقى واقف كيتفرج فهاد الإنسانة لي راسها قصح من الحجر …. مكيهمها والوا لا حياتها ولا حياتهم… وهادشي لي زاعجوا كتر…. صوت رنات هاتفه مسكتش كيشوف شكون المتصل ويعاود يطفيه…. حاس براسه تا هو مهلوووك

أمال …. قريات ليها كتشوف تعب لي باين على وجها نطقات > كارما مالك ؟؟؟ بنتيلي ماشي هي هاديك واش مريضة ؟ كضرك شي حاجة ؟

كارما…. شدات جنب كرشها وشافت فيها كتحاول طمنها بعينيها بلى متعيق وبلى ميحسو بيها حيت الى عرفو تبرعات بكلوتها غايبداو تاني بنفس موالهم >

ما بيا والو غير عيانة شوية ومناعساش مزيان

شدات فيها منزلها من السيارة> يا الله ندخله نشوفو مي رحمة اتكون توحشاتنا

أمال …. عنقاتها~ واش باقة مقلقة ؟ شافت جيهت وسيم لي كيكمي واحد مور تاني وباينة فيه معصب بزاف ~ راه منعسش وهو كيقلب عليك ليل كامل [ بعتاب] انتي لي غالطة اكارما

كارما …. شافت جيهته وهبطات عينيها ليديه~ كيف بقى ؟؟

أمال …. عادي خيطوهاله دابا مزيان

اومات ليها راسها بالإيجاب ومشات بخطوات ضعاف لعنده كتحس براسها عيانة بزاف وذاتها ضعيفة عليها …. قربات ليه بلا كلام وعنقاته من كرشه حاطة راسها على صدره ومغمضة عينيها كتسمع غير دقات قلبه لي كيضرب بعنف… تواني وحسات بيديه دايرة عليها وكطبطب عليها بحنان …

وسيم …. باسها فراسها كيلعب فشعرها ويهضر بصوت حنين~ علاش راسك قاصح ؟ انا خايف عليك اكارما واش عارفة الى مشات وقعات ليك شي حاجة شنو ايوقع فينا ؟؟؟

كارما … زادت زيراته من كرشه لعندها بقوة تا حسات بجنبها ضرها رجعات رخفات شوية ~ صافي لي وقع وقع مبغيتش نهضره فنفس الموضوع دابا

وسيم … تنهد كينعل شيطان ورجع باسها فراسها كيشوف فأمال لي واقفة مبتاسمة شير ليها جات كتجري وحنات معنقاهم بجوج > راكم انتما لي عندي فهاد الدنيا ومنقدش على خصارتكم ديرو عقلكم وسمعو لكلامي شوية وخا غير مرة فحياتكم غادي تقتلوني بالفقصة

زادو زيريوه بجوج حتى تعصر كيضحك وأمال كتنقي ليه وذنيه … حسات شوية بدوخة شاداها وشدات فتيشورط دياله مزيان باش مطيحش… غمضات عينيها لتواني حتى حسات بدوخة دازتها عاد طلقات منه …. تنهدات عاد نطقات …

كتَفَاااو بجوووج كيبتاسمه معنقينه تنهد كيحس براحة وهما فجنبه… منهار بانو فحياته وهو سعيد ونهار يخطاوه يموت هكا علاقتهم مين كانو صغار مكيتفارقوش ديما تشوفيهم بحوج كيعيطو ليهم غير ديك ثلاتي … تمشاو شادين فبعضياتهم ودخلو الخيرية معروفين تما من عند دراري صغار … غير شافهم مشاو كيجريو لعندهم معنقينهم وكيضحكو كيتساناو الحيليوات لي كيجيبو ليهم ديما … مي رحمة غير شافتهم تبسمات كتفرح فين كتشوفهم هكا مجموعين وفرحانين

كارما ….زربات عند مي رحمة وعنقاتها بقوة كتحس بحضنها براحة ~ الميمة توحشتك

مي رحمة … بدورها معنقاها> انا كتر ابنتي فين غبرتي خليتي خوتك مشطونين عليك ؟

كارما ….حنات راسها مكتبغيش تكذب عليها هي الوحيدة لي متقدش تكذب عليها ولا تخبي شي حاجة عليها ~ فوالو امي رحمة اجي ندخله بغيت نعس على رجليك شوية محتاجة

حسات بيها مخبية شي حاجة وعلاش لي متحسش بيها وهي لي رباتها وكبراتها على يديها كتعرف نضرة عينيها شكتعني بلى متكلم كتحس بيها … كانت طبيلة فالوسط مقادة وريحة ديال كسكس من بعيد كتشميها… طلعات مع نيفها مفايقاها من العيا لي فيها …

كارما …. مي رحمة مطيبة سكسكو ؟

مي رحمة … تبسمات ليها كدوز ليها على شعرها بحنان ~ درتو على ودك عرفتك اتجي اليوم

كارما …. باست ليها يديها ~ ربي يطولي فعمرك الميمة ويخليك ليا

مي رحمة … أمين ابنتي تفكرات موضوع ديال البارح وهي تنطق ~ الوراق باش تكفلي بيه ابنتي موجودين خاص غير ندفعهم ونتسناو الموافقة

كارما …نطقات وهي مخبية عليها موضوع انها تبرعات بكلوتها ليه ~ كنتمنى ميرفضوووش الميمة

مي رحمة …الى واليديه سناو على الموافقة متخافيش هو مسجل هنا عندنا واليديه معندهمش دار كنظن مغاديش يرفضه

كارما …تنهدات ~ انشاء الله الميمة دابا خليتووو فالمستشفى عالام يتسالاو اجراءات ديال الطبيب ونديه عندي للدار وغانكلف ممرضة تقابله حتى يبرى

مي رحمة …الله يجعل هادشي فميزان حسناتك ابنتي

عنقاتها وتكات على رجليها خلاتها كتلعب فشعرها… مين كانت صغيرة ديمة ناعسة ليها فوق فخاضها ومي رحمة كدوز على شعرها تاكيديها نعاس … حسات براحة غمضات عينيها تواني قليلة وداتها عينيها… تبسمات ليها وحطات ليها راسها فوق المخذة ومشات توجد طابلة علام تفيق باش يتغداو مجموعين سكسكو…

بعد مدة تغداو مجموعين فجو مليئ بالضحك والسعادة مع مي رحمة والوليدات صغار … وقبل مايودعوها تافقو يدوزه للمطعم ديالهم بتلاثة… هاد المطعم لي داروه وكبروووه مطعم كبير ومعروف كياكله فيه غير ناس المهمة وأصحاب نفوذ …

وسيم …. خاص ندوزو المطعم نهار كامل وهما يصونيو وانا معندي گانة نعمر شي وراق … [ شاف فأمال ] هاد المرة تكلفي انتي بيهم

أمال …ميقات فيه ~ شوف مع كارما انا مفياش تابعاني خدمة وضوسي جديد خاص نبحث فيه راني عاودت ليك عليه لبارح

وسيم …. ياك قلتي ساليتيه ؟ اش باقي مزال ؟

أمال …. سيد باقي فإسبانيا ومزال مهبط المغرب وگاع معارفين فقاش غاينزل خاصني نزيد نبحث باش الى مكانش نشوفه غيره

كارما … شافت فيهم بجووج وتكلمات> انا عندي ميدار مفياش لي يدوز لشي مطعم [ كتشوف فوسيم] دووز انت عافاك انا باغا نمشي للدار نعس شوية عيانة بزااااف

وسيم … رمقها بنضرة غريبة كيشوف فجنابها وتكلم برودة ~ نمشيو معاك لهاد الدار ورتاحو كاملين اش باليك ؟؟

كارما … تهربات من نضراته مبغاتهم يعرفو دارت عملية ومعاها مروان فدار ماشي وقتها يعرفه من بعد ~ بغيت نبقى شوية بوحدي واش ممكن ؟؟

وسيم …. تبسم بتهكم ~ اييييه ماشي مشكيل اذن نتلاقاو بالعشية عندك ؟ اش قلتي ؟

كارما …. امممم معرفتش نرد عليكم

وخرجات هاربة من اسئلته لي دخلات ليها شك … هو مموالفش يقولها نمشي معاك للدار …. وممولفش يكون مصر لهاد الدرجة … ركبات فلوطو مودعاهم ودايرة معاهم يتلاقاو فاش ترتاح وتحس براسها مستعدة تهضر وتناقش فهاد الموضوع …

وسيم …. شاف فأمال لي كتشوف فيه بنص عين زعمة اش تما هز تيليفون دياله بلا كلام مدو ليها ~ تبرعات بالكلوى ديالها

أمال …. حلات فمها فداكشي لي كتشوف~ ك كيفاش ؟ وعلاش هي ؟

وسيم … تنهد كيصوط بسخط~ بحالي بحالك هادشي غير قبيلة فاش كنا نتغداو وصلني مبغيتش نهضر معاها هاديك صحتها وقرارها حنا غير مبغيناهاش تأدي راسها أما تعاون إنسان محتاج المساعدة مفيها تاعيب وحاجة زوينة غير هو علاش مقالتهاش لينا كنا نشوفو دغيا متبرع ونساعدوه ماشي بالضرورة هي تبرع وزايداها خارجة هاكاك معاطياش لراسها راحة وممسوقاش ، غادي تحمق ديلميييييييي

أمال ….قاطعاته ~ ولكن ك كيفاش خاصها ترتاح اويلي وسيم جري نمشيو نقابلوها واش شفتي وجها كيف صفر عليها مكانش هي هاديك صباح، وانا كنقول مالها وجها عيان

وسيم …. اففففففف افففففف قاهراتني هاد البنت حسن عوان هذا لي غادخل لداره غايدخل الخلى وشطابة ومصيبة ، راسها قصح من الحجر العيادو بالله

أمال … طلعات فلوطو وكتهضر~ والى بغات هي رافضة رافضا قطعيا دخل فشي علاقة جادة مزال ناوية تزيد فهاد الطريق ~ كتشد سمطة السلام

وسيم … تبسم بين شفايفو وكسيرا لدارها~ ياودي معرفنا ربي اش مخبي ليها خليها تقول لي بغات غادي تاخذ لي مكتبه ليها الله

أمال …. أمين انا باغة غير رتاح من جيهتها ~ كتشوف فوسيم بنص عين ~ اجي قولي وانت ناوي المعقول ؟ شفتك غير لاصق فينا نعام اسي راك 29 عام تبارك الله

وسيم …خنزز فيها ~ حتى نتهنى عليكم بجوووج بعدا وديك ساعة مرحبا علاش لا نهار لقى بنت الناس لي تفهمني ونفهمها غادي نطلبها الحلال انشاء الله

أمال …. انشاء الله [ تنهدات]

مزادوش تناقشه فالموضوع ومسافة الطريق كانو وصلو لدارها نزلات أمال لولى وتمشات بخطوات سراع لجهة الباب خلات وسيم كيسطالي لوطو جيهت جردة … العساس كيف شافهم حل الباب دغيا كيعلمه بلي راها فالدار وبلي شي ناس اخرين معها … ميلات راسها بالإجابة وكملات طريقها لداخل … كانت مجبدة فالغرفة ديالها ناعسة بقوة العيا…. الممرضة لي مقابلة مروان علماتها بلي تعطلات على دوى ديالها وبلي خاصها ديما تشربه فالوقت … حدها جاوباتها بأه وخدات من عندها دوى شرباته … طلات على مروان كان ناعس تبسمات ودخلات تاهي ترتاح…بل ومشات فنوم عميق تقول عمرها ما نعسات هاكذا بحال هاكذا .

أمال … بانت ليها الممرضة كدور فالدار والهدوء عام المكان تمشات عندها لصالون ونطقات ~ سلام عليكم.. مدات يديها سلمات

عليها وهي كتقدم ليها راسها .. أنا أمال أخت كارما

الممرضة …بدورها سلمات عليها ~ مرحبا انسة أمال عاودات لي عليك انسة كارما

أمال …. باهتمام ~ كيف دايرة حالتها ممكن تشرحيلي ؟ واش حيت تبرعات بالكلوى ديالها عندها شي أتار سلبية ؟

الممرضة… طمناتها فاش شافت الخوف لي باين على وجها ~ نو بالعكس بزااف ديال الناس كيعيشه غير بكلوى وحدة ومكاينين حتى شي أثار سلبية العملية ذازت مزيانة وصحتها سليمة …. متخفيش عليها هي مزيانة خاصها غير راحة وتشرب دواها فالوقت حيت مهم بزاف تاخدهم والجرح كشفت عليه خاص غير المقابلة باش يبرى دغيا

أمال …حسات براحة من كلامها ~ شكرا بزاااف واش راها فبيتها ؟

الممرضة …. دخلات قبيلة مين شربات دوى نعسات

شكراتها وجلسات كتنهد دخل وسيم لي كان قبيلة كيسمع لحوارهم بدوره تنهد براحة هادشي لي كان باغي يسمع … هي بصح دارت ريزيكو بحياتها ولكن كبرات فعيونهم كاملين فاش تبرعات للطفل محتاج المساعدة عارفها مغرورة متكبرة شيطانة فكل شي …. عندها مزايا خايبين فشخصيتها ولكن متقدش تشوف شي حد كيموت ومتساعدوش واخا تكون المساعدة على حساب حياتها معندهاش مشكيل… هادي هي كارما الماكرة

داز نهار طويل عند وسيم وأمال … لي دخله الكزينة كيقاده ليها شربة سخونة والمأكولات لي كتعجبها…. بسيطة فكل شي كتحماق على شي حاجة سميتها لوبية بالحرور ديال أمال … والكفتة المشوية ديال وسيم … جهزو ليها گاع داكشي لي كتبغي وستفو

مجمعين على طابلة فالجردة هو وأمال كيتعاودو ويضحكو وضحكهم تسمعيه من برى …على إتر داك الصوت فاقت كتكسل حسات براسها نعسات مدة طويلة … كتشم شي روائح كتشهي واصوات ضحك واصلة تال بيتها…. عوجات فمها حيت عارفاهم شكون ...ناضت لبسات كسيوى صيفية متقدش تاخد دوش خاص تسنى شوية تبرى جرحة عاد تقد تقيصها بالماء … تأفأفات هي من النوع لي خاص لما يقيصها كل نهار … لبسات صنيدلة فرجليها وهبطات مع دروج كل خطوة كتخطيها بالمهل

وسيم كان كيذوق شلاضة ويتبنن ويشكر راسه~ الله يعطيني الصحة هادشي لذيذ لي صاوبت

أمال خنزرات فيه ~ على اش درتي بالسلامة ؟ ياك انا طيبت هاظشي كامل انت كتعرف غير كتمد وتنقب، كل شي كليتيه السلامة يا ربي حسن عوان لي دخل معاك الكوزينة دخل غير لخلى وشطابة معاها الحفيظ الله ..

وسيم مزال كينقب من ديسير ويهضر ~ نوضي تكمشي شكون گرض البصلة ومطيشة ؟ انتي واقلة ؟ وشكون صاوب الكفتة ؟ سيري براكة من سم المسمومة غير انتي معگازة حسابليك گاع ناس بحالك

أمال طرطقات عينيها فيه ~ ويلي ويلي على الكداب انا لي وجدت ليك ، انت غير غادي تشويها اش درتي هااا ؟

بقاو مني منك بجوج هو كيعجبو يعصب أمال خصوصا هي بيضة كتولي حميمرة وسر طايح عليها … كانت كتفرج فيهم وكتبسم هادو هما حياتها وبلى بيهم حياتها والو، بان هو الأول قدامها كانت باقة صغيرة ونهار بدات تكبر كبرات معاه اول واحد حامى عليها كان هو ، أول واحد شد بيديها فاش بدات تمشي كان هو ، وبعد منه جات أمال لي دخلات نورات ليهم حياتهم بزوج بذكاءها وقلبها الحنين … تمشات جيهتهم بشوية كتبسم وكتهضر فالنفس الوقت

كارما شادة الضحكة~…. انا عارفة وسيم لي دار كل شي وهو لي حادگ فينا بلى منكدبو أأمال

أمال عبسات فيها وطلع ليها الدم ~ دابا انا من قبيلة وانا نطيب فتالي وليت مكندير والو وهانا غادة بحالي خليه هو نيت يطيب ليك تجمعتو غير الكذاب على خوه فهاد الدار

شدو بجوج ضحكة فاش حمارت وبانت ليهم غاطرطق واحد العرق خضر جيهت جبهتها بان مع هي بيضة فالبلاصة كتبان عليها … قبل ماتمشي شدها وسيم من يديها كيموت عليها بالضحك وهو معنقها كيجمع ليها بيديه شعرها لي هبط على وجها

وسيم كيعنكش شعرها ~وينو على البلقة ديالي تعصبات هههههه صافي الله يسامح غير كنضحكو معاك

كارما عنقتها هي تانية كضحك ~ على شكون الحادگ لي كان ديما مع مي رحمة فالكوزينة يعاونها ويطيب لي اللوبية لي كاتعجبني من غيرك الهبيلة

أمال عنقاتهم كضحك تا هي ~ وعلاش كتفقصوني حرام عليكم

وسيم ~ هههههه باش نشوف البلارة ديالي حميمرة هههه ودووك الخدود حومر غايطرطقه هههههه كيف دجاجة الرومية

كارما ~ الحمد الله لي راني مبيضاش كون راكم شادين فيا تا انا

أمال هزات كتافها ~ بزااااف عليكم انا انتي غير عزية برازيلية مكتشبهيش لينا اختي گاع ههه

كارما ~ ياك اختي !! شدات فيديهم بجوج وهضرات هاد المرة بالمعقول~ سمحولي خبيت عليكم انا غير مبغيتش نخلعكم عليا وصافي وخصوصا الى قلت انا لي غادي نتبرع غادي ترفضو وانا بغيت نعاونه حيت مكانش ليه الوقت بزاااف فين نقلبه ليه على متبرع داكشي باش تبرعت ليه انا ، وكون يرجع بيا الوقت اللور مرة اخرى غادي نعاود نتبرع ليه .

أمال باست يديها باش شادة فيها ~ حنا ممقلقينش بالعكس مفتاخرين بيييييك السينيگالية ديالنا بغيناك غير تكوني بصحة مزيانة

كارما تبسمات~ انا مزيانة متخافوش عليا مرتاحة بزاف هاكا، راك عارفة عندي سبع رواح بحال القطة ..

وسيم بجدية ~ متعاوديش تخبي علينا شي حاجة اكارما رجعي كيف كنتي معانا هادي قبل 8 سنين ، تعقلي نهار جيتي عاودتي لينا سرك لي مخبياه نهار قبلنا نكونو معاك يد وحدة ؟

كارما شافت فيه بنضرة شيطانية وهي كتعرق قبل ماتجاوبه ~ متعاودش تجبد ليا داك الموضوع اوسيم مكنبغيش نتفكره

وسيم ~ عارف بغيت نفكرك غير باش مترجعيش تخبي علينا شي حاجة واعدينا اخر مرة ؟!

كارما تنفسات الصعداء ~ صافي كنواعدكم مباقاش نخبي شي حاجة عليكم

تعانقو مجموعين وجلسو فوق طابلة أمال كتحط فطباسل وسيم بدأ يزند الفاخر باش يشوي الكفتة وهما مشغولين دخل مروان مع الممرضة فرحان جلسو معاهم وتعرف على وسيم وأمال … عجبو الحال معاهم وباغي ينوض يصوط على الفاخر تا هو يدير يديه غير مخلاوهش… داز نهار زوين بيناتهم غير ضحك والنشاط

ولكن واش هاد السعادة غدوم ؟؟

بعد شهر نهار جديد …

من بعد اتصالات عديدة من ناس المسؤولين على المطعم … فاقت كارما على صوت رنين الهاتف ديالها … باقي فيها نعاس وعويناتها منفوخين… فتحات عين وحلاتها كتشوف شكون ل كيعيط و منوضها فهاد النبوري…. فتحات الخط وجاوبات بصوت ناعس …

كارما ….وي عيسى اش تما ؟

عيسى كيطنز ~ صباح النور بلالة كارما أشرقت أنوارها !! ألالة جيييو للمطعم واش هادي سيمانة لحتولي هادشي وزدتو !! تا واحد فيكم مكيجاوب واش انا غاندير كل شي راسي ، راني خصني تسنيو ليا على شي وراق ضرورية ، وسيم مكيجوبنيش وأمال تاهي واش باغين لمطعم يمشي من يديكم؟ جي اختي سني على هادشي ضرائب متخلصوش وضبرو راسكم بقاو تا يديو المطعم

كارما هزت حجبانها قاطعاته حيت صدعها فراسها وهي عاد فايقة ~ فاففاف صاف صاف هانا جايا الله يحفظ صارط كصيطا النفس مخديتيهش

عيسى تنهد براحة ~… وهي دابا فكينا هاني نقولهم يقادو ليك لفطور كيف كتبغييييه

كارما لاحت عليها لغطا …~ اوك نفطرو بجوج عطينا 20 دقيقة نكون عندك

قطع الخط وتنهد ديما محمقينو كيلوحو ليه الخدمة كاملة وكيغبرو… مكيعرفهم فين كيعطيو الراس … فاقت كتكسل باقي فيها نعاس … أول حاجة شربات دوى ديالها … خاصها تبرى دغيا .. مشات قدات حاجتها وغسلات وجها…

لبسات كسيوة باردة صيفية وخلات شعرها مطلووق… هزات صاكها وتمات هابطة فدروج مبغاتش دير الحس باش ميفيقوش… ركبات فلوطو وقلعات نيشان للمطعم …. المطعم لي تقاتلو عليه وكبروووه بعروق كتافهم داروه مخبين فيه فلوسهم بلش نهار يوقفو عليه يلقاوه …

لابس سروال توب فالأزرق مغلوق وقاميجة بيضة … طوييل وملامحو حرشة شوية عندو لحية خفيفة .... بانت ليه براكات لوطو وجاية بكل رقة فمشيتها ،فتح يدو وقال بابتسامة ~ أهلا بلالة كارما زارتنا البراكة سلم عليها بالوجه

كارما بابتسامة خفيفة ~ صباح الخير سي عيسى الله يسلمك

عيسى ~ عار ربي قوليلي فين كتغبره بتلاتة

كارما جوباتو بسؤال ~ وهاني جيت سير جيبلي هاد الوراق لي داير عليهم شوهة اسيدي ومخسر لي نعاسي

عيسى كيحقق فوجها لي باين عليه تعب ~ سيري بعدا جلسي نفطره عاد نشوفه الخدمة دابا شديتك معندك فين تهربي

كارما تنهدات ~ زيد نيييت فيا جوووع وراسي طافي

فطرو فجو هادئ … فسطح المطعم كيطل على البحر … منضر خيالي تخلي نفسيتك ترتاح … تنفسات كتشوف بعيد فديك لمواج لي كيضربو بصوت عالي … كانو عينيه عليها على تفاصيلها بشرتها عينيها شعرها حنيكاتها شفايفها… من ديما كتعجبو وعمرو تشجع يقولها ليها … عارف راسو غير مسؤول فهاد المطعم ولكن القلب ومايدير منهار خدم هنا وهو قلبه كيبغيها نهار على نهار … تنهد عمر العين تعلى على الحاجب … هو كان وغايبقى غير مسؤول عندها … تناقشه بعد الفطور على أحوال المطعم وكيف غادة الخدمة … ومن بعد جبد ليها مجموعة كبيرة من الأوراق شيء لي خلاها تصدم وتحل فمها

كارما … شنو هادشي ؟؟؟؟

عيسى عبس فيها ~ مزال مشفتي والو باقين ضواسة اخرين هادشي غير ديال الإصلاحات عاد ضرائب وعندنا قريب كونطرول خاصنا نقادو الأوراق كاملين

كارما طلعات حاجبها معندهاش مع هادشي ~ جيب اخويا عيسى واحد الكاس دالقهوة نص نص نقاد بيه المجاج لهاد شي

عيسى كرز على يديه بعصبية مكرهش يغوت عليها ويقولها انا ماشي خوووووووك فهميها ودخليها راسك دور وجهو زاعف وعيط لسيرفور باش يجيب ليها قهوة وجلس حداها كيشم ريحة بارفانها كيتغلغل فأعماق عقلو… حبها من أول نضرة شافها فيها … ولكن مقدرش يبوح ليها بحال الكمية الكبيرة ديال المشاعير… ~ خاص هاد الورقة تعمريها عاد تسني وهادي تاهي خاوية ، زاد قرب منها حتى شعرها ضرب فوجه

كارما ملهية مع الاوراق كتقرا وعينيها مركزين فيهم وكتسني على كل ورقة بعد ما كتقراها مزيان ممركزاش مع عيسى لي كلاها بعينيه… مشايفاش داك الحب لي كانو ليها من الأصل نطقات وهي باقة مركزة ~ عيسى شنو هادي كيفاش متخلصوش من قبل تلاتة أشهر؟؟ أويلي فين كان وسيم ؟؟

عيسى عبس فيها ونضرته على عويناتها باغي يشوفهم~ نسولك نيت انتي ألالة فين كنت هادي قبل تلاتة شهور ؟ خليتوني هنا بحال الحمق كنجري بوحدي مني الخدمة ومني الوراق نقادهم

كارما بغضب كتهضر عارفة منهم المشكيل ~ ييييه ولكن علاش مقولتيش بلي هادشي حابس من قبل تلاتة شهور اويلي واش فخبار وسيم ؟

عيسى …. طلعها وهبطها هادي باغة تحمقه ~ واش كتهيبلي عليا ولا كيفاش علاه نتوما كنتو تجاوبه فتيليفون ؟ فاش كنتو مشغولين هااااه ؟ فاش بسلامة ؟

كارما …. أفأفات منو كيطرح عليها شي أسئلة لي متقدش هي تجاوب عليهم نطقات مبدلة ليه الموضوع ~ عيسى اقففففف عاوني دابا نكمله هادشي

عيسى ….تنهد صبر مع هاد البنت ~ زيدي الله يعطيني الموت معاكم

كارما …. ضحكات على كلامه ~ ويلي الله ينجيييك شكون لي يقابلينا المطعم ديك ساعة

عيسى … بعبوس ~ أهاااااااه دابا انا دينمي غير ديال تمارة ياكي منبقاش فيك الى مت ؟

كارما …. والله ينجيك الموصيبة عاوني راه تابعيني شلى شغالات اليوم

كمله الخدمة بهدوء هي كتقرا وتسني وهو كيقاد ليها ديكشي لي خاص يتسنى.. مكملو حتى وذن ضهور…. حسات بمفاصلها تشنجو… وضهرها ضرها وترمتها طابت بالجلاس…

كارما …. بشنتة ~ جمع عليا عاد الوراق راسي ضرني اويلي بغات تسب وسيم وهي تجمع فمها كتحتارم عيسى~ وسيم والله ماتبقى فيه اويلي خلى هاد الخدمة كاملة وغبر

عيسى … حس بيها ضهرها وجعها وهو ينوض حط يديه على كتفها وبدأ يدير ليها مساج حتى حس بيها رتاحت وعجبها … ترخات بين يديه تبسم كيعجبه يشوفها هاكا هادئة وبريئة كتبان عكس شخصيتها المتمردة… ] شوية رتاحيتي؟ وعينيها عليها بكل أريحية نطق وهو كيبلع ريقه فاش شاف طول عنقها سمر طويل ~ رخي راسك المهم قدينا الغراض رجع سولها باهتمام مزيان دابا ؟

كارما … كانت مغمضة عينيها حتى سمعات صوته وهي تحلهم حومر~ عيسى ارالي واحد الله يحفضك وخليك كتمسدلي عافاك حسيت براحة

عيسى … ضحك على طريقة باش قالتها مدو ليها شاعلو فمه ونطق ~ هاك الخوادري الله يعفووو ههههه

كارما …. ههههه والله يهدينا اخوية

عيسى … سمع ديك كلمة خوية وهو يضغط على كتفها شيىء لي خلاها توجع ~ اوووه سمحيلي مرديتش البال

كارما … خنززات فيه ~ كنتي غادي تهرسني بديك الخباطات اراجل

عيسى …. هههه حتى ديري علاش بعدا واصلا قلبي ميطاوعنيش عليك

كارما …. جرب وتشوف ههههه والله تنوض مع خوية صباط نحطولك فسطل ولي جا يطل هههه

عيسى …تكرشخ عليها بالضحك اول مرة يسمع هادي منها ~ هاي هاي هاي فين تعلمتي هادشي

كارما …. سفات دخان ورجعات خرجاته مع نيفها ~ كنت صغيرة مشينا الحمام انا وأمال والعيالات ناضو بالقباب كيتقاتله ههه وسمعت وحدة كتقولها هاد المعيورة

عيسى …. كيعجبه يقشب معاها ~ ياكما درتي يديك وتعاونتي معاهم راه منخافش عليك قادة بقدودك هههه

كارما …. ههه لا لا خاطيني داكشي كنت دايرة عقلي واصلا مجبدونيش ~ لكحات وجاها جوووع ~ اجي نقوليك مبقيتش فيك نووووض جيبلينا نتغداو وشي عاصير بارد

عيسى …. هي لولى الالة مطلبتي غير الموجود

عياط لسرباي طلبو اش بغاو ورجعو بجوج كيتعاوده على المطعم وشنو خاص يزيد وشنو خاص يتبدل… … كانت صيفطات لأمال طمناتها فين هي وطلباتها على مروان تجلس معاه شوية باش ميقنطش … وقالت ليها نتلاقاو فمكانا المعلوم بعد العصر…. على الود المهمة جديدة …

مجيدة كتشمس حدى لبيسين لي فجردة… لابسة مايو زوين جاي مع لون بشرتها البيضة وتاها.. وشعرها فازگ مليوح فجنبها مرة مرة تجغم من الكأس دالعصير… على يديها ليمنة وسيم لابس شورط وداير نظارات هاز تيليفون دياله كيلعب بيه … تنهدات فاش قرات الميساج ديالها … ونطقات وهي مغمضة عينيها ..

أمال …. اليوم خاص نتلاقاو فبلاصتنا على ود المهمة جديدة هادشي لي قالت لي كارما

وسيم … باقي كيلعب فتيليفون > امممم خاصها بعدا راحة الجرح ديالها باقي طري والى تعبات يقدره يجيها مضاعفات سلبية !! هادي گاع مكتعيا

أمال … راك عارفها كيف دايرة راسها قصح من الياجووور المهم نتلاقاو نهضرو فالموضوع ونشوفه حنا وقت مناسبنا نطبقوها اش قلتي ؟؟

وسيم … بتفكير ~ انا معاكم غير هو حتى ترتاح زربة معندنا منديرو بيها

أمال … نشوفو معاها اليوم

وهي فحذيتها مع وسيم وقف عليهم مروان مكتفارقش عليه الممرضة حتى دقيقة واخا ولى مزيان ولكن مقابلاه … تبسم وهو كيشوف فالماء مكرهش يعووووم ولكن خلص يزيد يصبر شوية …

مروان …ياكما قاطعتكم ؟

أمال … تبسمات ليه ~ لا جيتي نيت فوقتك اجي جلس حدانا ولا محتاج شي حاجة ؟

مروان … لا مبغيت والو فينهي كارما ؟

أمال … شوية وغادي تجي عندها شي خدمة مهمة

أومئ ليها راسه بالإيجاب … ومشى جلس جيهت ضليلة كيشربه العصاير دياله … وبعد ساعة بالضبظ طلعات أمال دوشات وهبطات لقاتهم جالسين على طابلة كيتغداو…

وسيم … رمقها لقاها فعواط لي تاخد لون ولات كاملة حمرا كي مطيشة شيء لي خلاه يضحك عليها بلى فران ] ويلي على البلقة هههه دجاجة رومية صافي عههههههههه

أمال …هي وجها حمر وزادت حمارت بالفقصة ~ ديها فراسك شوية اعزي انا بزاف عليك

وسيم …. هههههه وينوووو كيغوت ~ مابقاش مابقاش ماطيشة ١٠٠ دريال

أمال … شيرات عليه بشيفونة لقاتها حداها ~ لوااااه ريال لهلا يحيييك الخايب انا لالاك

مروان …. كان شاد ضحكة وهو يطلقها ~ ولكن راه بصح تحرقتي اخالتي أمال شوفي نيفك حمر وحنوكك تشوطو

أمال … مرداتش بغات تنوض بحالها زاد كمل عليها مروان بديك خالتي فقصوها بجوج > نوووض بحالي قبل مانخسر ليك الهضرة قدام الولد صغير

مروان …. نطق وهو كيحقق فيها لا انا كبير وقريب ندخل فسطاش العام

وسيم … شدها قبل ماتمشي ~ اجي جلسي فين غادة أدجاجة رومية ديالي

أمال …. بالققصة بدات تغوت ~ طللللق مني شفتي حتى الولد ضسرتيه عليا طلق مني والله منعاود نهضر معاك بناقص من شي غدا معاك انت ازمر

مروان … مشى جيهتها شد فيديه وجلسها على الكرسي كيطبطب على ضهرها خلاها مبلقة عينيها فيه ~ الله يسامح حنا غير كنضحكو وانتي ختي أمال بحال كارما عندي جوج خوووت.. ولي قاصكم نحيييه ميبقاش فيك الحال انتي هاكا جيتي قرطاسة دخلها بالكلام المعقول خلاها غير حالة فمها فيه وكتصنط ليه

وسيم … بقى حال فمه كيفاش هدنها وخلاها كتبسم ليه نطق وهو مصغر عينيه فيه ~ وايني راك مساهلش اسي مروان > جلس حدى أمال وهي تقلب وجها عليه ~ وصافي البلارة الله يسامح

مروان … دفعه من حداها~ نووووض حيد شفتك عجبك الحال نوووض تحرك من هنا هادي بلاصتي

أمال … شدات ضحكة > سير الله يرضي عليك زيد عطيه وفرجني فيه

بقاو مني منك مكاين غير ضحك وتقشاب حمقهم مروان بخفة دمه وشقاوته … لي يجلس معاه ميقولش عنده 14 سنة ذكي بزاف … كلاو مجموعين فجو مليئ بالضحك والسعادة …. كانت تلفازة خدامة نشرة الأخبار كتعاود … هما كيضحكو ومروان ينطق طافي ليهم ديك سعادة والفرحة من وجووهم… المذيعة قدمات فيديو فين شدو صحافة مهدي على باب مستشفى الأمراض العقلية … وصرحوا بلي خدى جرعة كبيرة من الكوكاين شيء لي خلى عقله مكيتقبلش داك الكمية وقع ليه خلل ذماغي … مصرحين بلي وهب أمواله وشكركاته ونفوذه لجميع المستشفيات والأمراض وسبيطارات والخيريات … وبلي هاد الأخير كيقول بلي داكشي ممنوش وبلي غلط وقع وبلي هو عمره تبرع بأمواله كاملين … نشرة الأخبار باقة كتعلن وتزيد تقول بلي المحامي دياله كيدافع على القضية وكيقول بلي هو عنده خلل دماغي وبلي هو عمره تبرع بممتلاكاته… شافو فبعضياتهم بصدمة فالأخبار ، أمال هزات كاس ديال الماء هبطات عليه وعينيها باقين على تلفازة

وسيم …خرج عينيه من الأخبار لي سمع وكرز على يديه بقوة و نطق بالحروف وهو ضاغط عليهم ~ فيييييييييين هي ؟ فقاش اترجع

أمال … عينيها خرجو بقوة الخوف ولات كتقفقف مقدراتش تهضر~ م م معرفتش وسيييييييم شافت فمروان لي جالس حداهم وهي تبسم بزز منها گاع يديها كيترعدو بالخوف غمزاته

وسيم … شاف فيها زعمة نوضي ونطق ~ مروان انت كمل ماكلتك صافي كارما دابا وهي دخلات

مروان … متبع مع الأخبار وهاز حواجبه ~ واخا متعطلوش

خفو بجووج الخلفة للجردة أمال بقوة الخوف مقدراتش تزيد غير مصدومة وكتفتف وكتلوح الخلفة فين ما جات تا كانت غادي طيح … واحد وسيم مخايفش على راسه قد مخاياف عليها وعلى أمال …. يصبر لأي حاجة ولكن هي متوقع ليها والو… روحه مستعد يعطيها غير ميتأذاوش

وسيم … غادي جاي بعصبية كيهضر ~ مكنضنش عندهم شي دليل عليها .. أنا بيدي كلفتهم طفاو الكاميرات وحتى لي خدمه معانا مشافوهاش فوجها من غير لي كتساعدنا وسائق يعني كل شي تحت السيطرة ~ كيهضر ويعاود نفس الكلام بخوف

أمال … باقة مصدومة ~ واش واش يقدره يلقاو شي حاجة ؟؟

وسيم … يقدر هو يقولهم شكلها ويرسموها من غير هادشي معندهم تا دليل عليها انا متأكد مليون فالمئة

أمال … ولكن هو حماق كنظن هادشي لي قالو فالأخبار يعني معندهم باش يفيدهم الى سيد كان جاه خلل ذماغي يعني يقدر گاع ينساها من باله

وسيم … كيفكر ~ يقد هادشي يخلق لينا مشكيل الى مشى عطى مواصافاتها ولكن مكنضنش يوقع هادشي افففف عقلي غايحبس خاصنا نهضرو معاها

أمال … لا مكنضنش هي كانت ديما مبدلة شكلها مع ضحايا لي فاتو من غير هاد مهدي حيت كنا مقادين كل شي يعني معندو حتى شي دليل عليها ولا صورة..

وسيم … افففف افففف افففف ياك قلت ليك هذا لا غايجينا منو غير النحس أمال گاع مكتسمعي ليا … نهار لول قلبي هرب منو مرتاحيتش ليه قلت ليكم بعدو من هاد المريض عاد زايدها كيتعاطا الممنوعات وسادي شنو بغيتو تسناو منو ؟؟؟

أمال … عندك الحق ولكن هي لي أصرات عليه معرفتش علاش

وعلى إتر محادثة ديالهم بجوج سمعو صوت لوطو ديالها دخلات لجردة.. وقبل ماتنزل وقفو عليها بحال عزرايل كل واحد فيهم مخبي كمية من الخوف والهلع عليها …كانت سمعات الأخبار فلوطو تاهي و الغريب انها ممصدومة مخايفة راسمة ابتسامة ماكرة على وجها … وطالع ليها المورال لاحظات الخوف لي باين على وجه أمال عيونها كانو كيبريو بحال الى باغة تبكي ومقاداش عارفها رهيفة وخوافة وحساسة بزااااف ..

كارما …. نطقات وهي كتحاول طمنها بعينيها ~ متخافيش عليا معنده ميوقع حيت معنده حتى دليل عليا صو غير حيدو دوك الأفكار السلبية من راسكم هو بعيد علينا وحنا بعاد عليه .. ومغاديش يتفكرني حيت اصلا حماق على ما أظن وكاين فمستشفى الأمراض العقلية يعني غير تهناو من هاد الناحية

وسيم لي كان كيشوف فهاد الإنسانة مصنوعة من الحديد … حس الخوف مكتحس بيه … ملاك فصيفة شيطان معرفش مين كتجيب هاد برودة دم لي فيها … وهاد الشر والمكر معرفش مين جايباه ولا من عند من وارتاه اصلا … حس براسه زند عليه واحد العرق جيهت جبهته كيزدح ، اييييه هو فعلا تافق معها من الأول ولكن كيقولو اذا زاد الشيء عن حده إنقلب ضده … وهي فاتت الحدود لي تافقه عليها فاتت جميع الحواجز …

وسيم …رد عليها بانفعال ضاغط على الحروف > كااااااااارما مدرناااااااااش هاكا متافقناش نحمقوووووووووه واش عاقلة علاش حنا تافقنا ؟ كيشوف فأمال ~ هضري انتي حنا علاش تافقنا من الأول ؟ وهضرو متحمقوش عدو ربي معاكم

أمال … باقة كترعد شافت فيها ~ ع عندو الحق أكارما حنا متافقناش هاكا

كارما … عصبوها بجووج نطقات بانفعال ~ واششششش تاني نفس الموضوووووووع ؟؟؟؟ هاااا واش مكتعياااااوش علاش كتحفرو علاش كتسولو باغيين تعرفه سبب لي خلاني ندير ليه هاكا؟ واش باغييين تعرفه ؟؟ واخا!!!! …

حسات براسها غاطرطق عينيها ولاو حوووومر بحال جمرة … هي مكتأذيش غير هاكاك بلى سبب عارفة أذاته كتر من لي نصبات عليه ، ولكن مهدي كان حالة خاصة بالنسبة ليها .. مهدي أصلا كان مريض … وكان كياخذ حبووب دالهلوسة وكيتدروگة… ضوصيه كان خانز ، قرات أي حاجة كتخصه قبل ماتعرف عليه ، وكلفات لي بحث عليه مزيان ، من نهار حس براسه كيميل لسادية وهو البنت لي جرب معاها كيقتلها من بعد، عنده عادي كيحس بالنشوة أنه من بعد الممارسة يقتل يخنقهم بيديه حتى يجيب البليزير دياله ، عندو احساس لا مثيل له، و بسبب الحبوب لي كياخد كيفقد السيطرة على راسه…. كيفاش تقدر ترحمه وهي كتفكر داكشي لي شافت فالفيديوات لي مخبيهم بشكل سري، نهار اليخت وهي هابطة فالدروج لطواليط بان ليها البيسي محلول جاتها فكرة تقلب وتبحت حتى كطيح فيديوهات خلاو عقلها يوقف وقلبها يضرب بقوة ، مكانتش تقدر تخرج بساطة بلى متعلمه درس عمره ينساه … عارفة راسها ماشي هي القانون وماشي داكشي لي كدير قانوني ولكن على الأقل ترد شوية من داكشي لي دارو لداك البنات وبلى لي ماته ضحايا خبثه …

كارما …. كمشات يديها بقوة وهي كتقول لهم ~ مكرهتش كون قتلته ماشي غير نصيفطو لطبيب كون مات غايكون أحسن ليه من حياته عينيها حومر حلاتهم فأمال لي حالة فمها ودموعها هابطين ~ انا موراه مكنتش نعس ولا ناكل لي شفته مستحيل عقلكم يتقبله

أمال … حالة فمها بصدمة ~ ك ك كيفاش ؟ كيفاش قدرتي تجلسي معاه ؟ وانتي عارفاه وشايفة اش دار لدووك البنات واش مخفتيش ؟؟؟

كارما … كشفات ليها على عنقها من لور العضة لي عاضها تما باقة مطراسية بشكل واضح ~ كيفاش بغيتوني نخلي واحد يعيش برى بحال هذا ؟؟ انا مكنتش خايفة انا كنت كنحفر ليه فين نغبره فخطرة أتار دياله ميبقاش يبان

ملقى ميزيد يقول وهو كيشوف عنقها كيف مطبع وداكشي لي عاودات ليهم خلى لسانه يسرطه وميزيد تا كلمة … بصح يستاهل لي دارت ليه ولكن خوفه عليها طغى على كل شي … مباغيهاش تأذى ولا يوقع ليها شي حاجة وخصوصا يتكشف أمرها لبوليس… تنفس الصعداء هادشي ماشي ساهل ودابا وصلو لنقطة فين كل شي خاص يمشي هو هداك وبدون مشاكل … باش ميتكشفش أمرهم … لي جاي ماشي ساهل عليهم كاملين … كارما الى تكشفات حتى هما غايتكشفو مغايخليوهاش بوحدها ماتو يموتو بثلاتة عاشو يعيشو بتلاثة …

أمال … عنقاتها ودموعها هابطين ~ علاش معاودتيش لينا هادشي من قبل ؟ علاش بقيتي ساكتة ؟ حنا كنا نغوتو عليك

كارما … مبغيتش نقولكم داكشي لي شفت حيت غادي تخافه ومغاتخليونيش نكمل وانا كنت حاسمة نهايتو تكون على يديا بحال مهدي خاصو الإعدام

أمال …كتقيص ليها فعنقها ~ ولد الحرام شوفي كيف خلاها ليك مطبوعة مبقاش فيا يستاهل لي وقعليه يستاهل كتر من لي درتي ليه

كارما … عينيها بحال شعلة شاعلين ~ انا بغيتو يمووووووووت تما وميرحمووووهش بالأدوية يزيدو يكملو عليه

وسيم … شاف فأمال وهضر معاها بتهديد ~ نهار تقلبي على بحال هاد النوع … نعمي لييييك عينيك بجوج باش كتشوفي وزيدي خرجي فيا عينيك ~ بغى يهز يديه وهو يضربها مع الباب بقوة رجع نطق ~ وجهك غير ديال تصرفيق

كارما… كتشوف فعينيها اي زادو بالدموع خصوصا هي حساسة ماشي بحال كارما بغات تمشي كتجري لبيتها وهي تشدها كارما من يديها وعينيها فعينيه حومر وخارجين نطقات ~ واش من نيتك داكشي مكتاب وانا لي بغيييت ماشي هي !!! انا لي أصريت عليه ماشي هي!! فهمها خلاص وهاد الغوات وفره فحاجة تستاهل

تمتم بكلام خاسر … وعينيه على أمال لي ولات حمرة وعينيها مغرغرين تنهد هاهو قلقها تاني …جراتهم بجوج لطابلة جلسو كيهضرو بهدوء تقول ماشي هادو لي كانو قبيلة يتقاتله … وصوتهم تسمعيه من لييين تا لين … بعد مناقشة طويلة دامت بينهم … تافقوا يتلاقاو فمكانهم المعلوم … خلاتهم كيهضره ودخلات سلمات على مروان وجلسات معاه شوية كيعجبها تهضر معاه وكتحس بروحه بريئة … ذكي حتى فالأسئلة دياله وفيه ذقة الملاحظة بزااااف … واخا سنه صغير كتحس بيه كبير فالعمر … وهاكا داز نهارهم …

بعدما شربات دوى وبدلات الفاصفة ديالها بانت ليها جرحة يبسات وغير صغيرة مبقاتش تبان تبسمات و لبسات كسيوة لاصقة عليها مع سنيديلة عالية شوية … وطلقات سالفها كيرلي وهزات صاكها … هابطة فدروج بهدوء وعقلها غايب كيفكر … متشوقة ومتحمسة تنصب على فيكتيم جديد … كتحس بالنشوة وهي كضحك عليهم حيت بكل بساطة بمفهومها كتقول يستاهله … حاسة براسها قانطة وخاصها شي لعبة جديدة في ضرب ضربتها… ماشي من النوع لي كيجلس بزاااف … ركبات فلوطو وقلعات نيشان للمكان فين دايرين يتلاقاو… طريق خاوية ومضلمة شوية كتشوفي من جناب شانطي غير شجر والخلى والقيفار … تنهدات شاعلة سيجارة فمها واليد تانية شادة بيها الڤولا …. مسافة طريق وصلات المكان … لي كان عبارة عن كوخ متوسط وداير بالحجر … طوبيلات ديالهم مسطالين وضوء خفيف شاعل لداخل … عفسات على سيجارة برجليها طافياه وتمشات داخلة …. بانو ليها كل واحد فجيه جالس كيلعب فتيليفونه… فالوسط حائط عامر بتصاور الضحية وضوسيه من لول حتى لتالي محطوط…

كارما … تبسمات بشر وعينيها على الصور والطوموبيلات غير الحديد الغالي عينيها طرطقو وبداو يبريو بمكر نطقات ~ هادي خدمة نقية خدماتها معانا مريم

أمال …وقفات هازة البيسي ديالها وبدات فالوصف ~ الإسم أمير موريسكو من أم مغربية وأب إسباني… عندو 30 سنة وكيحماق على شي حاجة سميتها زين المغربي بصفة خاصة والبنات بصفة عامة … عندو مجموعة من المشاريع فمختلف دول العالم بحكم الأب دياله لباس عليه وكان كيتاجر فالمخدرات هزات حاجب فيها ~ وكنظن باقي حيت ملقعيييييين لدرجة كبيرة

كارما …عينيها خارجين على البورش الكحلة لي بين عينيها نطقات وهي متحمسة ~ فوقاش نبداو ؟؟؟؟

أمال ….بحماس كتهضر ~ كنت مراقباه كتر من جوج سيمانات يالله حط فتويتر ديالو سطوري جا المغرب يعني الضحية ديالنا وصل

كارما ….تحمسات كتر ~ فوقاش نبداو الخطة ؟ اتيني بالمفيد

أمال …. شافت فوسيم مباغاش تهضر معاه على القمعة لي دار ليها ولكن مضطرة ~ حتى من دابا الى بغيتو انا هاكيييت ليه حسابه سيد كيموت على الرقص الشرقي… عندنا غير مشكيل واحد !!!

وسيم …. كيهضر بعصبية معاها ~ اشناهو ياك قلتي هذا ساهل ؟

أمال … رمقاته بعبوس مباغاش تشوف فيه ~ المشكل هو معارفاهش فين كيعمر كتر يعني البلايص لي كيرتاح فيهم

وسيم …. اننممم خلي الموضوع عليا انا نصوني ليهم يراقبوووه الدار البيضاء كبيرة بزااااااف وأوطيلات لي غالييين معروفين فيها غايلقاوه غايلقاوه ضربيه عليا

كارما ….كتفكر بعيد نطقات > خاص نوجده ليه قبل مايرجع سولاتها باهتمام ~ عارفاه شحال كيجلس فالمغريب؟

أمال …. نورمالمو كيطول .. كيعجبه المغرب هادشي لي شفت

كارما ….تبسمات بخبث > مغايبقاش يعجبه غايندم لي حط رجليييه فيه

برونشات البيسي مع طاطاشو وبدات تشرح ليهم هاد الفيكتيم شنو كيبغي وشنو مكيبغيش ببساطة دخلات اجوندا لي كيكتب فيها على حياته وقراتها … جنية فالحاسوب مين كانت صغيرة كانت تحل جميع انواع إليكترونيك وترجعهم كيف كانه بلى ميوقع ليهم واو … وتقد دخل لأي حساب تختارقه بساطة … كانت مركزة معاها فأي حاجة … مخدمة أفكارها شيطانية .. وعاطياهم خطتها باش يبداو …

أمال …فرقات عليهم هويات جداد~ هادي لاكارط ناصيونال ديالك جديدة ههههه

كارما … شداتها كضحك ~ هههه عبيييير اممم عجبني الإسم

أمال …ضحكات وهي كتقول ليها~ هو لي قال كيعجبو هاد الإسم انا غير طبقت ههههه

وسيم …تبسم وهو كيشوف فلاكارط جديدة~ دابا انا غير المعطي وليت ؟؟؟ ملقيتي تا اسم من غير هذا زعمة ؟ هاز حواجبه فيها

أمال ….. طلعاته وهبطاته ~ هو لي يجي معاك كون لقيت نكتب متقوب سروال مانكره حمد الله عطيتك المعطي

كارما …. وعينيها على البورش الكحلة لي فالصورة ~ خاص نوجده راسنا فأقرب وقت ، للوجهة الى الدار البيضاء ~ بابتسامة شيطانية كررات اسمه على فمها جوج دالمرات سي أمير أمير هاني جاية

عطاتهم هويات جداد ديالهم … عندهم خط واحد كيهضر بيه مع ناس لي مخدمينهم… من بعد مناقشات طويلة دامت على الخطة … ودعاتهم وهي كتحس بنشوة ولهفة متقمصة شخصية الشيطان وتاقناها …

كارما …نطقات وهي كتشوف فيهم ~ غاندوز لبلاصتنا تمشي معايا ؟

أمال ….بعياء ~ نوووو ديك الجو معنديش معاه غير سيري وعندك رضي بالك راك باقة مقصحة

كارما … غمزاتها ~ نوو وليت مزيانة متخافيييش غانشط شوية مع الكليكة ديالنا ورجع

وسيم … غانمشي معاك باغي نيت نخوي راسي شوية محتاج شي كأس نقاد بيه المجاج كيشوف فأمال ~ وكيفاش الدجاجة الرومية بلانك ؟ يالله معانا نشطو شوية

أمال … خنزاااات فيه بعصبية بغات تقوليه دجاجة الرومية هي مك .. ورجعات سحباتها من بين شفايفها ~ قلب على دينمي وخليني علييك فهاد الساعة ورجعات شافت فكارما ~ غاندوووز عند ديك سحارة نشوفها مالها وغدا نتلاقاو باش نشده طريق متقصريش بزاف هاني علمتك ورجعات شافت فوسيم نطقات بتهديد ~ رد ليها البال هاوذني منك

كارما …هزات حواجبها فيها بسؤال ~ اش بغات تاني منك ؟

أمال …نطقات وهي كتصوط ~ شنو غاتبغي من غير الفلوس كتموووت على الحبة اختي

كارما … اححح وشكون لي مكيموتش عليها ~ صورة البورش بين عينيها باقة نطقات سيري اختي سيري عندها الله يكون معاك

تفارقو فالباب ديال الكوخ من بعد ما محاو أي دليل موجود كيدل عليهم … وكلها ركب فلوطو ديالو قصدو طرقان مفرقة .. كلها شد وجهة … أمال مشات عند خالتها لي ملقباها بسحارة … من المشعوذين الكبار … كتقيل ضرب فالكارطة وتشعل شمع كل ليلة وريحة البخور من لباب تشميها … تنهدات مين تفكراتها معندها ليها گانة ولكن كاتبقى من لحمها ودمها … واخا مهزاتهاش ولاحتها فالخيرية ولكن عارفة سبب … معندهم مياكلو وكتقيل تسعى بيها ، حتى من واليديها لحوها وصدو معرف اش طريق شدو من نهار عطاوها لخالتها صدو متلوا بانو… وخالتها حيت الحمل عليها تقيل وهي غير كضبر على راسها بالكشيفة باش كتجيب خبزة تاكلها نهار كامل … قررات تحط أمال فالخيرية فاش كان عندها 12 العام كانت قافزة وذكية عاشت فالقهرة وتمارة مع خالتها حتى دارت تناش العام وهي تهزها … رغم هادشي أمال منساتهاش كتمشي تزورها مرة مرة وضور معاها …

وقفات حدى حي شعبي دروباته ضيقين وشي شمكارة مجموعين فالقنات فديك ليل كيتعاوده وريحة الحشيش عاطية ، وقفات طونوبيل حدى دار بسيطة جات فشوكة وبالضبط حدى دوك المجموعة ، تنهدات بعياء مباغاش تجي لهنا وايني متقدش تنسى واجبها معاها ، كيفما كان الحال كتبقى خالتها من دمها ولحمها ، هزاتها فاش كانت صغيرة وملاحتهاش بحال واليديها لزنقة وهي طرف دالحم ، سمعات دقان فزاجة هزات راسها وهي كتشوف نفس الأشخاص ديال كل مرة ، نزلات زاجة ونطقات > اش تما ازعيترة ؟ دايخ بالحشيش عينيه حومر بحال دم نطق > ختي أمال صوڤيني بشي حاجة الله يحفظك راني زاوي… تنهدات وهي كتشوف فيهم واخا حشايشية ديما واقفين معاها ومع خالتها حتى فغيبتها ، تنهدات وهي كتجبد البزطام من صاكها مدات ليهم كمشة ديال الفلوس يفرقوها~ خوووود شد وبلى منقوليك عينيك عليها ازعيترة اي حاجة راه نمرتي عندك ، نطق وهو فرحان شوية ويبوس يديها ~ سيري الله يتوب عليك الخوادرية كيف عتقتينا، قاطعو لي معاه وهو كيقولها ~ أمولتي والله متخافي عليها تقدية راه ديما واصلاها كيف كطلبي أومأت ليه راسها بشكر ونزلات من لوطو مخلياهم حاضينها ليها وتمشات لجيهة الدروج طالعة ، كتسمع صوت التلفازة شاعلة وخيالها جالس . وريحة دخان مخافياش عليها تنهدات بضيق وهي كتشوف شموع فالعتبة طافين هذا حالها

أمال …نطقات وهي كتبسم ليها ~ واش زين باقي فايق كيتسناني ؟

ربيعة … دايرة زيف حياتي على راسها ولابسة بيجامة واسعة حروفها زوينين بيضة كبيرة شوية فالعمر هزات عينيها فيها فرحانة وناضت معنقاها كطبطب عليها وتقول ~ الحمد الله جيتي ابنتي زيدي زيدي راه نيت محتاجاك

أمال …جلسات حداها وهي هازة حواجبها كتسناها تبدى ليها بالنفس الكاسيطة ~ فاش محتاجاني اخالتي ؟

ربيعة …بدات كتعد ليها ~ خاصاني جوج دالمليون باش نصاوب فمي گاع يوجعني وخاصني نمشي ندوز عند الطبيب باش نشوف راس كل شي عندي مزيان… وهزات فيها عينيها وحواجبها لفوق وهي كتقول ليها ~ اوى راني فايتة الخمسين عام خاص نعرف اش فصحتي واشمن دواء خاصني نستعمل راني وليت نعيا ابنتي … والخط لي هزيت كيعلمني بلي صحتي مهلوكة وكملات كلامها وهي كتشوف فيها بنص عين

أمال … تنهدات كتبرد على راسها وهزات صاكها جبدات منو رزمات ديال الفلوس وحطاتهم ليها بين فخاضها ونطقات ~ واش براكة عليك ؟

ربيعة… خرجو عينيها وهي كتحسب داكشي لقاتو بزاف معرفاتش تحسبه ورجعات سولاتها وهي كتلحس شنايفها وعينيها فالفلوس خارجين ~ شحال هاد البراكة ابنتي ؟

أمال …حطات حجرة على قلبها مصبراه وقالت ليها ~ تما خمسة المليون اخالتي ياك قادينك بعدا ؟

ربيعة …حوالو عينيها بجوج وهي كتجمعهم تخبيهم نطقات وهي واقفة ~ اوى النوض ندير لبنتي كاس ديال اتاي مشحر كيف كتبغيه ، باش نضرب ليك الخط انشاء الله يجيك نصيبك قريب وناضت كتجري تخبي الفلوس وكطل عليها لتكون أمال خاضياها خايفة ترجع تديهم ليها

أمال … كرزات على يديها بقوة وجمعات الوقفة غادة وهي كتسمع ليها ~ بلاش منه انا غادة عندي ميدار تهلاي فراسك والمونة متخافيش زعيترة راه مكلف وبعدي من ديكشي راه مغاتستافدي منه والو من غير الشرك بالله

متسناتهاش تجاوبها كانت خرجات وديريكت ركبات فلوطو ديالها مسحات معاها دمعة يتيمة نزلات كتجري فوق خذوذها ، كانت متمنية تعنقها تحسسها بدفىئ كانت سنين مفتاقداه تسولها على أحوالها تقولها ابنتي واش لاباس تقول ليها فين كتغبري عليا بشهووور ولكن كيف كل مرة خاب ضنها ، خالتها كيهموها غير الفلوس نهار كتجيبهم راها مزيانة معاها ونهار كتقول ليها معنديش كتعايرها بجميل سنين وتقطع عليها ، وكيف كيقولو اليد لي كتشد مكتعياش واليد لي كتعطي كتعيا ، همها غير الفلوس شنو كدير بيهم هي براسها معارفاش ، مسحات دميعاتها لي نزلو واخى عارفاها كيهموها غير الفلوس ولكن فكل مرة كتمشي عندها بأمل تبدل ويحن قلبها شوية ، كتلقاها غير مزايدة فيه … كسيرات من ديك الحومة المشؤومة وشدات الطريق لدارها

مسافة طريق كانو بجوج وصلو الكلوب ولا كاباري لي معروفة فيه … البوديگارد لي برى غير شافها حل ليها باب لوطو كيرحب بيها وخدى منها سوارت باش يدي ليها لوطو يسطاليها فمكانها …

وسيم … كيسمع صوت الموسيقى مجهدة من برى نطق وهو راشقة ليه ~ القاضية زاهية اليوم الحاجة

فكات سالفها بأصابيع يديها وطلعات حواجبها للفوق كتمشى بحال شي مودل لي عندهم تجاريب كبيرة … الخصر كيميل ونضرة كتقتل وصوت كينوض الميت من قبره .. واحد صدر واقف ولوور غادي جاي معاها … معروفة بمشيتها وبنضرة عيونها القاتلة … متسناتش بزاف وهما يبداو لكليكة يغوتو من بعيد بإسم كارما … تبسمات ليهم وتمشات مع وسيم لجيهة المشروبات خذات مشروب كوكتيل مخلط شوية مع الخمر حيت مكتقدرش تشرب دغيا كدوخ مع مموالفاش … وسيم هز شراب غالي وقاصح … VIP البلاصة فين جلسو كتشوفي ناس أنواع وأشكال … مكينش خيبييش… غير ناس اللعاقة وايني المتوسطين صحاب الحبة صحيحة ماشي هادي بلاصتهم… كيمشيو لي كازينو ولا لي كلووووب لي غالييييين… كتجغم من كاسها وعينيها كيزميييو فالغادي وجاي … وهي مشغولة عينيها دايرين خدمتهم حسات بيدين رقاق عنقوها من لوور… كانت صديقة قديمة ديالها تاهي هنا …

مريم …لابسة كسيوة مغطية غير ريووس بزازلها وهابطة حد الفخاد مع ماكياج سارخ ~ توحشتك فين غبرتي ٣ شهور مبنتيلي انتي وأمال بفضول سولاتها ~ كيف جاك الفيكتيم ؟

كارما … جغمات من كاسها وشعلات سيجارة حدى عينيها نطقات~ علاه شنو كتعرفي عليا ؟ الى غبرت عرفي اما إن وكملاتها بغمزة ~ وبخصوص الجديد حمقني فهادي عجبتيني

مريم …. مطلعة حاجب وشعلات هي تانية سيجارة ~ طياااااحة اختي انتي مع دخلة طيحتي مور رونج روفر مصات شفايفها بإغراء ~ اش باليك ~ نعتات ليها فين جالس~ نضربو ضريبة غير خفيفة؟

كارما …رمقاته هي تانية مكملاش فيه شوفة ودورات وجها لجهتها~ معندو ميكساب شوفي يديه ساعة رخيصة وحوايج عادييين!!! شغاندير بيه مثلا ؟ ديك رونج شحال گاع تلقاه ماشي ديالو هاد النوع كنعرفه مزيان كيجي يبين راسه قدام البنات وهو مزلوووط…

مريم … حققات فيه مزيان > اختي كيفاش شفتي هادشي كامل؟ شيطانك خطير انتي تسليم ليك هههه

كارما … ضربات بسالفها لووور وسافة دخان فالسماء معاها نطقات ~ خدمة سنييييييين كتعلمك بزاااااف دالحوايج امريم عمرك تنساي هادشي

مريم …ضارت لعند وسيم باليها متقل قربات منو وحطات يديها جنب فخاضه كذوز عليهم ~ وانت فين غبرتي متوحشتينش ؟

وسيم …ساط دخان وحيد ليها يديها من عليه ناطق ~ راسي ومتوحشتوش بقيتيلي غير انتي قلبي ستة تسعود

مريم … عضات على شفايفها بقوة وعيطات لسرباي جايب ليها كاس جديد شافت فيها ونطقات ~ كااارما

كارما …طالع ليها المورال ومتحمسة للضحية جديدة متفكر فالغار لي تحفر ليه ~ وي اش تما

مريم … نووووضي اختي العار شعليها نوضي شطحي لينا عرفتي والله حتى لكليكة توحشوووك والمسؤول ديما كيسول عليك

على إتر كلامها وصلها سلامه كيسلم ويعاود عليها … تجمعوا عليها ناس لي كيعرفوها من قديم كيتهاتفو باسم كارما كارما كارما … ضحكات بمياعة وناضت كتمايل بحصرها ملبية ليهم طلبهم بكل رحب وسعة … تشعلات اغنية شرقية .. وبدات تمايل على ألحانها خصرها كتلعبه فطريقة محترفة وطرمتها غادة جاية معاها گاع العينين عليها سواء رجال سواء عيالات… غير كملات الأغنية بدات تسمع تصفار واسمها كيتكرر بصوت عالي ….

مريم …هازة الكأس فيديها كتجغم منو وشخص حاني على وذنيها كيهضر ~ اممممم وانا شنو غادي نستافد من هادشي؟ ورجعات سولاته ~ قوادة ديالك انا ؟

الشخص … ضحك ومد ليها كميمسة ديال زورق~ هادو دياولك ~ عطاها كارطا دلوطيل فين جالس ~ نتأكل عليك ؟

مريم … شافت فالكموسة دالفلوس ورجعات شافت فيه هازة حواجبها بتعالي نطقات ~ اسمعني اصاط ديك خيتي مكتمشيش مع لي كاين كتمشي مع صحاب هادو باصباعها زعمة أصحاب الحبة صحيحة~ الى كنتي غاتعطيها مبلغ خيالي مرحبا كنتي تمد ليها بحال هاد جوج فرانك لي عطيتيني رولي بحالك من دابا | ومدات ليه كموسته فيديه رجعاتها وهي كضحك~ سير الله يعاونك اصاط شوفليك شي نمرة خرى

الشخص …. مرضاش رجع حمر وعينيه على كارما لي عاطياه بديك ترمة مكورة وكلها مغرية خلات ق ***** يقيمو عليها رجع سولها بفضول ~ شحال كطلب هي ؟؟؟؟

مريم … طلعاته وهبطاته كبير شوية فالعمر باين لحيتو مكسية ببعض من شيب ~ امممم تسنى هنا هاني جايا

مشات لجيهتها كانت واقفة مع الكليكا كتعاود ويديها هازة بيهم الدخان … وقفات كتهضر معاها فوذنيها.. خلات عينيها يدورو عليه ويرمقووه بنضرة شيطانية تبسمات بمكر وشيرات ليه بصباعها زعمة جي عندي … خلات قلبه يفرفر وعينيه يلمعو بشهوة عليها … طلعاته وهبطاته ضارب حطة مبيهاش لي مارك لي لابس مغالينش بزاف … وساعة لي حاط ماشي شي حاجة ثمينة … مدات صبعان يديها سلمات عليه .. وريحة بارفانه ضربها ماشي نوع الغالي ضارب tom Ford كيدير 144€ … تبسمات باستهزاء فوجه قبل ماتحني عليه بصدرها وتهضر معاه مبينية ليه قوامها ….

كارما …. كارما مكتمشييييييش مع أي واحد !!! كارما كتمشي غير مع أصحاب نفوذ لي بالضبط مكيدوروش فهاد الكباري..كتشوف فجنابها وعينيها عليه بحال الصقر قربات ليه كتر وهضرات فوذنيه ~ واش فهمتيني ؟

الشخص … زادت خلاته بلى عقل فاش شاف نضرة عيونها عندها نضرة بالضبط عمره شاف بحالها عينيها كيجدبو بشكل ماشي طبيعي نطق وهو كيتعرق عليها ~ مستاعد نعطيييييك شحال مابغيتي ؟؟؟ رجع سولها باهتمام~ شحال بغيتي ؟

كارما … هزات يديها لجهة صدرو كتلعب بأزرار قميصه وعينيها فعينيه حومر مع شراب عطاو لمعة غريبة زادت قربات منو خلاته يستنشق ريحتها كتر نطقات~ 100 مليون كاش فوق طبلة وعندك غير ساعة تفوتها تزيييد تخلص اش قلتي ؟؟؟ قابل؟

الشخص … ولا كيقطر بالعرق زم**** بحركة يديها لي على صدره ~ ا م بزااااااااف معنديش هاد الكمية

كارما …. ضحكات بصوت عالي قبل مادفعو شوية عليها~ لبس قدك يواتيييييييييك ومتعلقش فين تفلق افلان يالله روووول بحالك

خلات مريم كتموت بالضحك عليه وهو واصل لحد دياله … جبهته كتقطر بالعرق ومقيم لدرجة كبيرة زادته بهاد القمعة .. مرضاش ولكن بصح تستاهل ديك ثمن عندها كل شي لي كيرضي أي راجل الشرقي العربي … جبد من جيبه منديل كيمسح بيه وجهه من العرق … وذماغه كيفكر مين يقدر يجيب هاد الفلوس مستاعد يبيع كل شي فالسبيل تكون بين يديه …

مريم …خارج الكباري بعد ما ودعوهم شعلات واحد وهي كضحك ~ ههههههه كيف درتي ليه ؟ بغيت غير نعرف اختي العار

كارما … مدات ليها سوارت لوطو دياله رونج روفر صبورت بيضة كطرطق~ بصحتك بيها ههههههه تستاهلي

وسيم …. نطق وهو كيشوف فمريم~ خاص ماتريكيل تبدل اطط نعيط ل أمال هي غادي تخدم ليك هاد البريكول

مريم … سيري الله ينورك هههههه ميمتي كيف غايكون وجهه مين غايلقى غير يديه ورييييح

كارما …. ههههه هو لي كيدفع فالجبهة وكيسول شحال بغيت مزال معرف كارما شكون هههه دابا خليه باش يتعلم مرة اخرى يحضي جنابه

مريم ….. كتموت بالضحك ~ عرفتي حمقاتني هاد طونوبيل هههههه هادي خدمة نقية الله يعطيك الصحة فيه هه

كارما … شافت فوسيم ~ قوليها فأسرع وقت تقاد ليها مادريكيل جديدة بوراقها ولا تكلف شي حد

وسيم …. شعل نمرة جديدة علمها ورجع دغيا قطع وهرسها~ كوني هانية غادي تكلف خاصنا نحركو طوموبيل لبلاصتنا المعلومة

مريم …خذات سوارت منها ~ انا نسبقكم لتما لحقو عليا

داكشي لي كان ديماراو كل واحد فيهم للمكان مجهول فين دارو يتلاقاو … كانت أمال شادة طريق بعد ما خلات خالتها كتنگر فاش مشات …كانت باغة ضرب ليها الخط وتشعل ليها شميعات … نفس الكاسيطا كتعاودها كل مرة فاش كتمشي عندها .. بعد مسافة ديال طريق وصلات هازة ماتيريال ديالها … سلمات على مريم وهي باقة كتموت بالضحك … معاودة لأمال الفيلم كامل من لول حتى التالي …

أمال …. نطقات وهي كضحك ~ عبرتي عليييه بالشارف الهارف كتشوف فطونوبيل~ مزيييونة باقا جديدة شافت فالبلاكة لقات فيييها www وهي تكرشخ بالضحك ~ ويلي ويلي هادي خداها بالتقسيط مزال مدار ليها الماطريكيل ههههههه

مريم … قولي والله ههههههههههههه

كارما …هزات حاجب فيها وقالت ~ وقاليك شحال بغيت دالفلوس وهو طونوبيل شاريها بالتقسيط عقت بيه مزلوووط

وسيم …سولها باهتمام ~ باش عرفتيها ؟

أمال …. وشوف الماتريكيل www باقا عاد خرجها… صراحة سهل عليا الخدمة هادي امرها ساهل عندي ههههه

مريم …. مدات لكارما سيجارة شاعلاها~ انتما خطاااااااار كون غير خدمتوني معاكم البنات والله

كارما …. سفات منو ورجعات راسها لووور مخرجة دخان من نيفها ونطقات ~ خدمناك مرة نهار نحتاجوووك متخمميش غادي تخدمي غير هو ديييييك الخوف لي شفت فيك اخر مرة مبغيتش يتعاود كنتي غادي تخرجي علينا

مريم …. واختي انتما مولفين انا كان ليا اول مرة معرفتش باش تبليييييت

كارما …غمضات عينيها ~ الوقت مبغاتش هادشي الخوف مغايقديلك والو الى مقتلتيهش غادي يتربى فيك وعمرك تخطايه… قتلي قلبك وخلي عقلك يخدم وغادي تنجحي تيقي بيا

مريم… تمجهدتي اشعيبية هههه وليت نخاف منك

كارما …تنفسات لايحة البونتة بعيد ~ فيقي معايا بغيت نهار نبغيك لقاك واجدة الخوف معنده باش ينفعك فهاد الوقت كلما قتلتيه بكري كلما كان أحسن

مريم… كوني هانية هاد المرة غانعجبك غير ضبري عليا

كارما … نهار نبغيك غادي نصونيلك خلي نمرتك شاعلة

بركات فواحد البوطون تحل الباب كان گاراج كبير بحال ديال ناس الميكانيك… هزات البيسي ديالها ودخلو لداخل بقات تخربق فيه مدة طويلة حيت خاض تبدلها قبل مايمشي يديكلاري عند البوليس ويصدقو فسين ولجيم… بعد مدة طويلة قاداتها ودخلاتها لداخل فين مستفين البلاكات جداد ديال الحديد … دوزات الرقم لسيد لي مكلف بالمحل علماته وخلات ليه صورة على الماتريكيل جديدة… وخبراته بلي ضروري غذا يكون مساليها …. تفارقه وكلها مشى لداره يرتاح حيت بعد 3 أيام خاص يكونه فمدينة الدار البيضاء

بعد أسبوع

وبالضبط في مدينة الدار البيضاء

في فندق خمس نجوووم أغلى فندق في مدينة الدار البيضاء المعروف بإسم فندق فور سيزونز الدار البيضاء (Four Seasons Hotel Casablanca) الفندق فيه حفلة كبيرة على حساب أمير موريسكو أصغر وأجمل حفيد ديال عائلة موريسكو صبلونية … على سطح الأوطيل غير ناس لي لباس عليهم … أصحاب طبقة راقية عندك تسوى معندكش الباب الحباب … المشروبات الغازية كتفرق والمكأمولات تاهي … لابس كومبلي فالأزرق مغلوق وقاميجة فالأبيض لابق عليه فيه حروشية وزين مغربي فتاك … اللحية مطراسية كحلة وفيها شوية ديال شهوبية… واحد شعر مقاد باللون المارو رطب كي الحرير … واحد مولاتي نضرة عنده حرشة وقاصحة… عويناتو خوضر بحال الكريسطال كيبريو… غادي كيسلم على الناس غير براسه وابتسامة على فمه … الأضواء مشعولة فألوان نقرية وموسيقى كلاسيكية هادئة مشعولة …خدى مشروب وقرب لمجموعة من رجال الأعمال لي كانوا كيتحذثو على سوق البورصة… سلم عليهم وهضر بصوت باح وحرش…

أمير …. فيديه أخر مكاين فساعات الغالين ديال روليكس نطق ~ هادشي لي كتقول كان في سنة 2022 حنا في سنة 2023 المعلم وإلى كان ربح العام لي الفات هاد العام إسمي لي غادي يتقب الورقة وكملها بتنحزيرة فهاداك لي واقف كيشوف فيه

تبسموا ليه مجموعين عارفين هذا لي حداهم قدها وقدوود وماشي شخص عادي … معروفة العائلة دياله فإسبانيا الغبرة لي كيبيعو وأعمال الا قانونية … هز الكأس ليهم بابتسامة كيشربه نخب عليه … وبعد حديث طويل دام بيناتهم.. جاء وقت الراقصة لي اليوم غادي ترقص على وده فهاد الحفل …

توقفات الموسيقى الكلاسيكية ، كيتسمع غير صوت الخلخال لي فرجليها… وضوء تسلط عليها وهي كتمايل بخصرها نحيف … جميع العيون ترصدو ليها … خلاه تا هو يدور ويشوف شكون هادي لي كل شي كيشوف فيها … متفجرة الأنوثة جسم خلاب … 1.75 متر طول … سمورية لي فيها كتبري ومع ضوء زايداها جمال غير طبيعي … الخسر نحيف والأرداف خارجين مع مؤخرة مقادة… لابسة سوتيام بحجيرات مبين صدرها بطريقة خطيرة … وصاية رقص محلولة من كل جهة مخلية فخيضاتها ورجيلاتها

وصاية رقص محلولة من كل جهة مخلية فخيضاتها ورجيلاتها يبانو بوضوح…. واحد مولايا سالف نازل مبوكلي تا المؤخرتها…. دايرة ماسك على عينيها وفقط شفايفها المرسومين بالأحمر من بعيد تشوفهم…. مقدرش يهبط عينيه عليها … ترصدها بحال الصقر كيزومي كل قنت من جسدها … لبسات قناع الشيطان وبدات تمايل على صوت موسيقى شرقية … مخلية گاع العيون عليها … الرجال لي جاييين مع عيالاتهم كحلو بالعمى… الفتنة نوضات فالصهرة … هز كأس أخر كيشربه بلى ميزيح عيونه عليها … فكل حركة دارت عينيه متبعينها… بإعجاب كبيييير ، متيرة وزوينة جمالها غريب جاه ، أول مرة يشوف جمال مغربي هاكا ، هادي فاتت گاع توقعاته شككاته واش تكون گاع مغربية … النادل لي جاي شير ليه وعينيه باقة عليها … خدى مشروب أخر قاصح … نغماته بحركاتها وخلات عينيه ميشوفو حتى فجهة من غيرها … ومع نهاية الموسيقى ، تبسمات مرجعة شعرها لووور وگاع التصفيقات عليها … مكاينش لي معجباتوش العينين گاع عليها وتابعينها فأي حركة دارت …

تمشات وصوت خلخالها لي فرجليها فوذنيه كيضرب… عندها مشية صبيصيال ديالها فقط وكتقنها غير هي بوحدها ، هزات مشروب محيدة الماسك من على وجها … بانو عينيها لي متقلاهم بصموكي… جاو كبار ، وجلسات فواحد طابلة كتشرب وتستارح… مكاملاش دقيقة وبان ليه واحد وقف عليها وهبط باس يديها … ومكاملاش تواني تم غادي راجع بحاله … تبسم باستهزاء وردد كليمات على شفايفه زوينة ومتكبرة… مغرورة حتى فمعاملتها مع ناس ، نوعه المفظل … ثواني ورجعات تشعلات موسيقى كلاسيكية

هادئة … لي كوبل ناضو للوسط يرقصه… باليه واحد اخر وقف عليها وباينة سكران … نزل شاد ليها يديها وباغي يوقفها بزز… طلع حاجب وتمتم بين شفايفه بكلام ماشي مغربي … Hijo de puta وبعد تمشى بخطواته حتى قرب منو وحيد يديه من عليها ….

كارما … دايرة راسها معصبة نطقات ~ شهاد قلة الأدب ؟؟؟ قلت ليك طلق مني !!!

الشخص …. لي هو فالأصل وسيم ~ قلت ليك غير رقصة وحدة مغاديش ناكلك وزايدون غانخلصك فيها ~ باس يديها بجوج~ شنو قلتي

أمير ….دفع ليه يديه من عليها وعيونه حومر مع شراب ديك الخضورية تخلطات مع اللون الأحمر عطاته جاذبية كتر نطق وهو معصب ~ وهي قااااااالت ليك نوووووو

الشخص …. شاف فيه ~ وانت شكون بعدا ؟؟؟؟

أمير …Te voy a joder si no sales de aquí. ( انا لي غادي نح***** الى ممشيتيش من هنا ~ قلت سير خرج من هنا بحالك !!!! بهدوء عكس شخصيته المتمردة

الشخص …. شاف فيها مصيفط ليها بوسة فالسماء ونطق~ مازال غادي نتلاقاو طلعها وهبطها~ الحلوة وزاد مشى بحاله المهم الخطة غادة مزيان وهو مهمته سالات دابا الباقي عليها

أمير …. عينيه كتسارا على عيونها بإعجاب نطق بين شفايفه Y que hermosa eres ( شحال جميلة ]

كارما …هزات فيه حواجبها حيت مفهماتش ~ باغدووووون !!!!!!؟

أمير …. تبسم ومد ليها يديه صافحها ~ أمير موريسكو

كارما … وعينيه على تفاصيله كاملين كتشوف فيه بإعجاب كبير ريحة بارفانه ونبرة صوته وساعة اليد لي فيديه خلاو عينيها يبريو وابتسامة ماكرة ترسم على شفايفها نطقات ~ عبير ملاكي شكرا على المساعدة ديالك

أمير …نطقها مرات عديدة ~ عبيييييييير سولها باهتمام ~ مغربية ؟

كارما …تبسمات خلاته حلقة ادم تحرك فحلقه ونطقات برنة صوتها مكملة عليه ~ وي مغربية علاش ؟ مبايناش فيا ؟

أمير …متبع الغمازات لي فوجها فاش كضحك والهالة لي فوق عضمة عنقها ~ كتباني برازيلية تبسم بايس بيها يديها ~ عندنا زين فالمغرب

كارما … تبسمات ليه مخلياه كيحقق فيها بتدقيق و دارت راسها معارفاش طارحة عليه تا هي سؤالها ~ شكرا وانت ؟

أمير …هز جغم من كاسه وعيونه بحال صقر عليها ~ نص نص طلب ليها مشروب على ذوقها ~ هذا على حسابي

كارما …هزات المشروب عينيها فعينيه وقالت ~ شكرا

أمير …بغى ياخذ نمرتها بأي طريقة نطق ~ مزالة قاصرة ؟ ~ مخلاهاش تجاوبه مباغيش يسمع ديك لا من عندها باغي يبقى غير يشوف فيها وفتضاريسها لي حمقوووه ~ بغيتك ترقصي ليا ؟

كارما … جغمات من الكاس وقالت بين راسها ها اللعب بدأ وهادشي لي بغات تسمع من لول خطتها غادة هي هاديك ~ مفمهمتش ؟ واش هنا ؟ و

أمير … حبسها مخلاهاش تكمل ~ نوووو بغيتك ترقصي ليا بوحدي غير انا وانتي وطلبي اي خلاص بغيتيه انا موافق

كارما … تبسمات شبه ابتسامة بانتصار هادي ضربتها ضرباته بشعرها لووور مخلية ريحتها تغلغل فنيفه وقالت ~ مواااااافقة

أمير …. كيشوف فالحمرة لي مزينة شفايفها ويدوز بعينيه الخالة لي حمقاته ~ غادي تنزلي للتحت غاتلقاي لوطو mercedes-Benz فالأسود واقفة كتسناك

كارما …هزات حواجبها بتعالي وقربات ليه صدرها خارج لعنده همسات وهي قريبة منه~ خلاصي كنبغيه كااااااش

أمير … وعينيه على صدرها جاوب ~ لبسيهم فالأبيض غاتجي متيرة كتر وبالنسبة للخلاصك متخميش فنهارك تاخديييه

أومات ليه راسها بالإجابة وحطات الكأس فوق طابلة لاعبة ليه على الوتر الحساس بديك الجسم الصارخ … وتمشات كتميل بخسرها نحيف قدام عينيه… متنكرش حتى هي عجبها فشكله وفكلامه زيد عليها لبااااس عليه … تمشات تحت أنظار الكل وهو متبع ليها العين حتى غابت … باليه رجال وعيالات حالين فمهم فيها … تمتم بكلام بالإسبانية بين شفايفه ونزل تاهو مودع ناسه … مباغيش يجلس فهاد الحفل الممل ، جات لي غادي يدوز معاها نهاره … نزلات لغرفتها كضحك وتسوووط عراقت شوية … دخلات دغيا للدوش دوشات ورشات عطر ذاتي… ولبسات لباس الرقص هاد المرة فلون الأبيض سيكسي ومثيرين لأبعد حدود …. لبسات معاهم مجوهرات نقرية وخلخال وقادات ماكياج مع الحمرة … وشعرها خلاته مطلوووق كيرلي طويل … رشات بارفانها وهزات سلهام كيتلبس من لفوق … فوذنيها ابراي صغيرة مكتبانش كتهضر فيها معاهم …

كارما … قول لوسيم يتبعنا معاهم معارفاش فين ايديني

أمال … كوني هانية راهم لتحت وراني صيفطت لسرباي يغبر من تم … حضي راسك وحنا معاك

كارما … صوبات أخر لمسات وهي كتشوووف راسها كيف جات .. كتشوف فراسها بإعجاب نطقات~ كوني هانية

هزات دواء وبخاخ كيعمي العينين دارتهم فبوشيط صغيرة هزاتها فيديها … وخرجات كتمشى بكعبها العالي .. نزلات فأسانشور حتى لتحت وتمشات جيهت لوطو لي قال ليها … حل ليها الباب السائق شكراته بلباقة وطلعات … انطالقه للمكان وموراهم سيارة كحلة زاجها فيمي تابعاهم، فيها أمال وسيم … بعد ساعة وصلو للمكان لي كان خاوي وجاي فالخرجة ديال الدار البيضاء … منزل متوسط الحجم وهادئ فيه جريدة وحداها لابيسين متوسط … كان جالس فالجردة كيتسنى فيها … سمع صوت خلخالها وهو يتبسم … لأول مرة فحياته يحس بنشوة مع شي وحدة … حس بالوقت لي تسناها فيه طوال وصبره نفذ …

أمير … بابتسامة كيفليها بعينيه ~ مرحبا بلالة عبير مرحبا بيك

كارما … تبسمات ليه هي تانية ونطقات ~ متعطلتش عليك ؟؟؟

امير … نووو عادي كيتفحصها بعيونه~ جيتي زوينة

كارما … عينيها فعينيه وهي كتحيد سلهام ~ ودابا ؟ عجبك اللون الأبيض ؟

أمير … تحركات تفاحة أدم فحلقه وعينيه هابطة على تضاريها بدون خجل ملبي رغبة عينيه ببساطة ~ انتي لي جيتي مع البيض

وفعلا جاها الأبيض خطير مع لون بشرتها السمرة… ومع فائض فالإنتاج لي عندها كملات ليها الصورة … صدرها لي واقف تشهاه والخالة لي مزينة العضمة ديال عنقها باغي يقيصها … مسح على وجه باش ميديرش شي حاجة ماهياش وبعد هاز شانطة متوسطة… قرب منها وططططق فتحها بين عينيها …

أمير …. هاذا المبلغ ديالك

كارما … هبطات عينيها لشانطة كتشوووف هذا مبلغ كبير باين تبسمات ليه ونطقات ~ اممممم نبداو ؟

أمير … مد ليها فيديها شانطة وقرب كيشوف فعيونها فيهم سحر غرييييب كيجدبو ~ بغيت نسولك ؟؟

كارما … توترات شوية من قربه ليها خصوصا انه لا يقاوم مغري بلا قياس وفيه كمية الرجولة طاغية … هي من نوع لي مكتهتمش ولكن كتبقى إنسانة وممكن تعجب عادي بشي شخص جوباته وقربات تاهي منه كتحداه بعينيها ~ مرحبا !!!

أمير … زفر بصوت مسموع غادي تحمقو ~ مبغيتش غير تشطحيلي ~ سكت شوية وغمض عينيه مقرب لوذنيها وكيشم ريحتها لي تحفرات فعقله ونطق ~ بغيييييييييتك ترضي رجولتي وليلة تكوني بين يدي وبشحال مابغيتي.. اش قلتي ؟؟

كارما … مصات شفايفها بقوة كتفكر وصدرها حدى عينيه كيطلع ويهبط بعنف نطقات ~ شحال ما بغيت ؟؟؟

أمير … تنفس حدى عنقها بعنف قبل مايجاوبها~ وي شحال بغيتي ~ وهاد المرة تحرك من قدامها وهز جوج شانطات مطرطقين بالفلوس حلهم قدام عينيها ~ هاهما وكااااش كيف كاتبغي

لمعو عينيها بقوة هادي دجاجة بكامونها طاحت عليها … سمعات صوت أمال بعيد كيقول ليها شوفي كيف تلوحي ليه الحبة فالكأس وخرجي بحالك من تما… نفاذ صبره وهو كيتسنى جوابها … عينيه ستقرو على شفايفها المتيرين… زادهم اللون الأحمر جمال … رغبة باش يمحيه ليها من فمها ويقيصها قوية … حسساته بلي مباغاش ولا المبلغ مكافيهاش… رجع قرب منها وهاد المرة كيشوف فعينيها ديريكت

أمير … واش باغا كتر؟ ولا ممستاعداش ؟؟

كارما … لاعبة ليه على الوتر الحساس شايفة فعينيه لهفة كبيرة تجاهها … قربات ليه ونطقات بكلمة خلاته يتبسم ~ مواااافقة

شد فيديها بعدما عطاها شوينطات دالفلوس… ودخلها للداخل فين كاين صالون متوسط وطبيلة فيها مشروبات … هز الكاس مدو ليها .. ونطق بكلمة ممفهماتهاش seductora … شغل موسيقى لي كتعجبه هو ولي هي عارفاها ومدربة على رقصها من قبل … جلس كيجغم من الكأس وعينيه عليها حتى بدات تمايل بحصرها النحيف بكل احترافية … لي شافها يحلف عليها راقصة وهادي خدمتها … فواحد اللقطة بدات ترعد فترمتها حتى عينيه حتى بدأ يعراااق… عينيه منزاحوش عليها .. كثلة الأنوتة لي فيها فاتت الحدود … عمره حس بهاد الرغبة وعمره شاف هاد النضرة وهاد زين فيها … ماشي جمالها خارق نوو ولكن فيها حاجة متيرة لي رجل كيفما بغى يكون طيحه… قربات منه كتمايل عليه ولايحة سالفها على وجهه … وحانية صدرها لي بين عيونه بحال القرطاس…كيشوفو فيها … محسات غير بيه جابد رزمة ديال الأورو كيلوحها عليها … مكاين غير الوراق الخوضر 100€ و 500€ خلاها تزيد فلادوز وتعطي كتر ماعندها… لابسة قناع إبليس وساحراه بكل ما عندها … مالت عليه كتهز بكتافها وبقات هابطة لعندو حتى قرب

ليها ودفع سالفها لجهة تانية … قايص بشرتها رطبة بصباعه القاصحين… ومعلق ليها الفلوس فصدرها …وقفات كتمايل وهو صافي وصل للطوب دياله … باغيها دابا مبقاش قاد يزيد يصبر … هي كتحرك فصدرها لي زاد خرج وهو كيزيد يحمار ويعراق … محسش براسه وغير وهو حداها شاد فخصرها وعينيه فعينيها … وأخيرا هي بين يديه .. زم*** بنضرة عيونها ونفسها لي كطلع وتهبط بعنف … محسش براسه غير وهو واخذ شفايفها كيسحقهم بين شفايفه بقوة … حسات بيه كيجرهم لعنده قريب يطيرهم… واصل للطوب… زاد قربها ليه بقوة حتى تلاصقات معاه … حسات بداكشي منفوووخ … يديه غرسها فخسرها بقوة وهوووووب هزها بين يديه غادي بيها لجهة سرير بلى مايبعد شفايفه من شفايفها حيت بكل سهولة مقادرش يبعد عليهم ….

مقدراتش دفعه حسات بلي تاهي بغات ديك القبلة الشرسة … يديه على أردافها نازلين وصوت تنهاداته قوين كتسمعهم ، فصل القبلة وحطها فوق سرير جاي فوقها عينيه حومر ومتيرين كيشوف فالخالة لي كان مشوق يقبلها … محسات غير بقبلاته حارين وسخان فعنقها… حتى وصل لعضمة عنقها فين مرسومة ديك الخالة وقبلها بعنف تما مصها مطلقها حتى ولات حمرة … حاولات دفعه شوية عليها لكن كان قوي عليها … وشد يديها بجووووج ناطق بحروفه

أمير ….وجهه حمر والعرق مجمووع فجبهته واصل للطوب نطق~ متحبسينييييين باش مانقصحكش ازويييييينة وختمها بغمزة قبل مايرجع يبوسها فالفرقة ديال صدرها ويديه تحت منها كيحاول يحل سوتيام بعنف

سمعات بصوت أمال كتقول ليها واش ندخله … وهي تفيق ماشي هاكا لاعبين … كانت باغا تبوس وتنشط تشطح وتفوج معاه قبل ماتنصب عليه وتهرب … وايني سيد ملهوووف وباغي الزرية … قبل مايحلهم دفعاته عليها راسمة ابتسامة مزيفة على وجها … ويديها على صدره كتحل ليه أزرار القميص …

كارما … مبغيتش نزربو بغيت ندوز معاك ليل طويل … وبغيت نفرحك وندير شي حوايج غادي يعجبوووك وعمرك تنساهم … واش قابل جوج دقايق تسناني ؟

أمير … بصوت قوي باقي كيزفر نطق مشربن ~ اشنو باغا ديري؟؟؟ انا باغيك هاكا كيما انتي

كارما … غانجيب مشروبنا و رباط محتاجاه ~ وكملاتها غمزاته

مخلاتوش يزيد يهضر وهبطات قبلاته فصدره مخلية القميجة محلولة وصدره كيطلع وينزل بقوة … جرات دغيا هزات البوشيط لي فيه دواء كباتها فكاسه وعمراته بالنبيذ قاصح … وهزات رباط وتمات راجعة لعندو كتمايل وكتمشى على ريوس صباعها… شيء لي خلاه يتنفس بعنف ويزفر بقوة غادي تحمقه صافي .. مدات ليه الكاس وعينيها فعينيه … حتى بدات تجغم من ديالها بطريقة

سيكسي كدوز لسانها على الكاس وعاد تشرب .. خلاته محسش براسه حتى هبط عليه … جرها من خصرها لعندو … وهي كتشوف فيه كتمشى على ريوس صباعها تا للسرير… تكاته وهزات يديه بجووووج مع ناموسية رابطاهم… خلاته كيزفر بقوة وكيعيط بإسم عبييييير ..

أمير … دمه سخون عليها نطق ~ عبيييييير مابقيتش قادر نصبر عليك حيدي هادشي ~ بغى يحل رباط وهي ترجع تزيرو مزيان

كارما … حنات باسته فوق صدره مرة اخرى وهضرات بصوتها العذب ~ مابقاش بزاااف صبر شوية معايا

بدات تحل ليه فالسمطة دسروال غير بشوية كاتلعب ليه على الأعصاب … كتسمع غير تنهيدات صوته كيزفر بقوة … وجهه رجع حمر … حيدات ليه صباط وبدات تهبط ليه سروال … كتشوف ديكشي منفوووخ وكبير تحت من البوكسور… طرطقات عينيها مبغاتش تزيد تشوف تم … حتى نزلاته ليه كامل … صوته بدأ كيخفى وداته بدات كتهد… كيحس بالغرفة كدور بيه … وغير صوتها بعيد كيسمعه… خيالها تا هو مضبب… تبسمات بخبث وعينيها بحال الأفعى عليه … حتى غاب بخطرة … خلاته هاكاك مقيم ومربوط وخرجات من تما … هزات شوانط ديال الفلوس … وهرسات الكأس لي شربات فيه … مخلات حتى اتر ليها … بصوت كعبها العالي وخلخالها كتمشى فديك الجردة خارجة وكتهضر فأباراي…

كارما … بخطوات سريعة خارجة نطقات ~ المهمة سالات هاني خارجة نلقاكم فالباب

قطعات الخط وهرساته فخطرة … الكاميرات لي كانه تما تكلفات بيهم أمال طفاتهم كاملين … مع الخرجة لقات سيارة كحلة كتسناها.. ركبات ومعاها الكونطاك ديال البورش الكحلة لي شافت وبقات عينيها عليها … تبسمات بشر وهي كتقولهم المكان فين محطوطة… مورا الجردة من جهة تانية … نزل وسيم ديماراها… تسمعات ديك صوت القوي ديالها عجبو الحال … غمزاته أمال وانطالقه وهو موارهم بسرعة فائقة نحو المجهول ….

بعد أيام عديدة …

ناعسة على رجلين مي رحمة … وعقلها بعيد كيفكر غايب … كدوز على شعرها بحنان ، توحشاتها بزاف غبرات عليها تلاثة اشهر فين وشنو كدير الله واعلم .. لي عارفاه هو مشبعاها ومغرقاها بكل شي ، وعمرها خطاتها شي حاجة .. عيات فيها تمشي تسكن معاها ومي رحمة مابغاتش.. حبها الخيرية وتقابل هاد الوليدات من أولوياتها… وحتى هي مرتاحة تما … تسمع صوتها الحنين كيهضر معاها وكتسولها بفضول واخا عارفة ومتأكدة مغاديش تجاوبها كيف العادة بشي حاجة لي تريح بالها وتفكيرها…

مي رحمة …. مغاتجاوبينيش ابنتي ؟ راني كنخاااف عليك قوليلي فين كنتي هاد المدة غابرة عليا ؟ تا من نمرتك معندكش ديما تصونيلي من نمرة غريبة !!!

كارما … زفرات بجهد هادشي لي مكتبغيش وشنو غاتقول ليها ؟؟ بلي نصابة وبلي كتنصب على رجال وتدي ليهم رزقهم ؟ معندها حتى شي جواب لي تقولو ليها وحتى شي عذر ماغادي يفيدها وهي كتغبر بالشهورة وترجع نطقات وهي حانية راسها ~ مي رحمة غير الخدمة وصاف

مي رحمة …. بدات تعصب ~ على اشمن خدمة كتهضري عليها ؟ المطعم هديك خدمة تخليك تغبري بشهووور؟؟؟ ونمرتك مالها ؟؟؟ جاوبيييينيي؟

كارما …ناضت كتجمع شعرها وكتهرب عينيها منها مباغاش تكذب عليها وهي كتشوف فيها ~ ماعندك ما تعرفي امي قلتليييك الخدمة وصاف

مي رحمة …جراتها من يديها لعندها طلع ليها دم ~ ياكما مخبية عليا شي حاجة ؟؟؟ شنو كديري؟ جاوبيني ؟ ربيتك وكبرتك باش ماشي تغبري عليا شهور وترجعي تقوليلي غير الخدمة نتما بتلاثة بيكم عندكم شي حاجة مخبينها عليا

كارما …ناضت هزات صاكها ونطقات ~ لي عندي قلته امي حتى فاش درت 18 العام وخرجت غبرت عليك مدة ورجعت كنمشي نخدم امي شي حاجة اخرى مكايناش وبلى متكتري عليا فالأسئلة مرانيش وحدة صغيرة

تمات خارجة وهي تسمعها كتقولها كلام لي ديما كتسمعه منها وللأسف كدخله من وذن وتخرجه من تانية

{ ابنتي متغركش دنيا راها فساعة تقلب عليك حضي راسك وسيري من الحيط للحيط انا غير ميمتك رحمة لي كتخااف عليييك }

محساتش غير ودمعة هابطة على خذها كتحرقها، كتكره تكذب فوجها وتخبي عليها حقيقتها الخبيثة … وشنو غادي تقولها بلي هي شيطان بصفة انسان ؟ وبلي هي نصابة ؟ وبلي حياتها مهامهاش وبلي كتلعب كبير ؟ باش غادي تجاوبها وشمن جرئة عندها ؟ تنفسات بعنف ماسحة ديك دمعة لي نزلات هي قتلات شحال هادي ديك القلب لي يضعاف … نهار قررات تسلك هاد الطريق قتلات ديك البراءة لي كانت فيها ولي عمرها ترجع غاتبقى انسانة بلى قلب وماكرة فكل شي …. خرجات لبرى ركبات فالبورش الكحلة لي كانت تحلم بيها … وفطريقها سمعات صوت رنات هاتفها …

كارما …وعينيها على طريق شاعلة سيجارة وكتسوق بغضب ~ وي أمال أمضرة؟

أمال … صافي راه تحولونا الفلوس ~ كتقصد الفلوس لي خدات من أخر ضحية كاش فيهم أرقام تسلسلية وباش تبدلهم كياخدو وقت ،~ اليوم خاص نتبرعه

كارما … تبسمات فوسط أفكارها المشتتين ونطقات ~ اليوم غايكون زاهي علميهم نتلاقاو كاملين نشطو شوية ولكن ماشي فبلاصتنا دينا لشي قنت على ذوقك

يتبع...