محتوى القصة
بعد شهر ونصف
وكيفما كيقولو الحياة تستمر، مكتبقاش تابثة ، شهد بعدما رجعات من العروبية بتفكير جديد وشخصية جديدة خلات كل من حواليها مصدومين فيها ، يمكن الحياة بقوة لي قصات عليها علماتها وفهماتها وعرفاتها بزاف دالحوايج كانو مخبييين على عينيها ، ومنهم التسامح مع الذات،
تفارقات مع نور بالبكا حيت ولفاتها، وخلات با المعطي كيرضي عليها ، مكانتش مستعدة تواجه غانم كان عندها كلام كثير ليه ، ولكن فضلات تخليه بينها وبين نفسها ، تجربة لي عاشت فالعروبية علماتها بزاف دالحوايج ، ومن بينهم بلي السعادة ماشي هي المال ، السعادة هي تكون ملموم بين الحباب والصحاب ، اما الفلوس حنا لي كنديروهم ماشي هما لي كيديرونا، تعلمات الصبر ، لي مكانش عندها ، وتعلمات القناعة باش عايشين ناس دالعروبية، تعلمات تفرق بييين الحوايج الصالحين والحوايج الخاطئين ، وبا المعطي كان هذا هو هدفو نهار غانم عاود ليه عليها قالو جيبها ليا للعروبية نبردها ليك مزيان ، وكان عند قصد مكيبقاش فالدار وكيخليها غير مع نور ، باش تشوف بنت العشرين السنة شنو كدير بوحدها ، وتعرف الفرق بين الحياة لي عطاها الله وممقتانعاش بيها…وبين الناس العروبية اش عايشين، القناعة لي عمرها تعلمات ولا عرفات جا الوقت فين النقط حياتها يتحطو على الحروووف …
فاقت بكري حيتاش اليوم خطبة أمال لي تقررات ، وحيت نايف جاي يخطب قررات تقاد ليها كل شي على يديها ، ناضت بكري كتوجد فالحلوة وتقاد .. تعلمات لي ينفعها كانت نهار كامل وهي حانية على شغال دار ، تجري هنا ولهيه، بغات توقف مع ختها وصاحبتها وتكبر بعائلة راجلها على جالها ، مبغاتش تحسسها بنقص فأسعد نهار فحياتها بغات تسد ليها لفام لي كيتحلو فور مكتسالي لامة وكيعيبو على اتفه حاجة، دار تنقات وركاني تجبدو ، طلامط تصبنو ، وتجبدو وصالونات تقادو ، تهواو وتعطرو وتبخرو، وقفت على لعيالات لي جابت يعونوها يدها بيديهم مي رحمة كانت غا جالسة وكتشوف شهد لي قدامها ماشي هي لي كتعرف قبل ، هادي شهد جديدة وغريبة عليها ، حتى من كلامها مع الناس تبدل ، ديك النيف لي كانت هازاه لفوق والتعجرف زال ، صواني تقادو وطباسل عمرو بالحلوة ولوز ومكسرات لحلوى والعصيرات اما حتى طياب كلفت بيه تريتور يجيبو ليها واجد وسخون حتال دار، حتى من امال منساتهاش بشنو تلبس وشنو تقاد في وجهها وشعرها كانت طير من بلاصة لبلاصة بحال ريشة محست براسها حتى وصلت لعشية ووصل لوقت كلشي كان لابس وموجود الا هي مكيهمهاش راسها قد مكتهمها صاحبتها نهارها يدوز كيف باغاه ، باغا تحمر ليها وجها قدام الناس ، وتعطيها قيمة لي متعطاتش ليها ، تكبر بيها وتخليييها لسان صافي على لفام …..
مي رحمة لبسات قفطان مطروووز ، معاه بلييغة وشال على راسها ، مدارت والو فوجها بقات طبيعية ل زين زين وهي زينها باقي عاطي للعين و فرحتها بشخصية بنتها شهد الجديدة زادتها نور على نور ، وفرحانة حتى لأمال لي صافي ربي سهل عليها بولد الناس ، وغادي تستقر معاه، دابا بقى ليها غير شهد باش تكمل فرحتها وتولي فرحتين.... مروان لبسوه كوستيييم جا كيحمق مع زعيعر… وسيم نزل لتحت فاش سمعهم فالطريق جاييين ، طلعات شهد لفوق ، تشوف أمال واش وجدات وتزيد تعاونها إلى كانت ناقصاها شي حاجة مزال ، لتحت وقفو تلاتة ديال الطونوبيلات حدى العمارة مصافييين ، نزل نايف لابس كوستيم فالأزرق مغلوق مع قميجة بيضة، محسن ومريييح فرحان وغير كيضحك ، هاز بوكي ديال الورد فيديه ، وجنبو مو سعدية كبيرة كتبان فسن ، لابسة جلابة هماوية كتشم فيها ريحة لفلوس، منبتة بالصقلي الحر ، وهازة فيديها صينية كبيرة مجهزة بالذهب ، من خواتم سرتلة مضمة ، وفجنبها خت نايف زينب تا هي لابسة قفطان عادي فالأزرق مغلوق وكرشها حدى فمها ، وشال بيض ، هازة الشكلاط ، دقاقية جايبهم معاه كانو واقفين كيتسناو، نزلات لطيفة هي و عبد القادر وغانم ، مقادييين ولابسين ، العطر من بعيد تشميييه ، والذهب ديال لطيفة اراك من بعيد محملين ومجملين وهازين صواني عامرين …
دخلات لبيتها لقاتها لبسات لبيسة دجوهرة فالبيييج بارد بحال قلب بنانة ، مع ضعيفة شوية جات بحال شي موديل ، شعرها طلقاتو عادي ومن لتحت بوكلاتو ، يديها فيهم خويطات ديال الذهب رقاق ، وفعنقها سنسلة رقيقة ، كانت كتشوف راسها فالمرايا متوترة تا وقفات عليها شهد ، كطلع وتهبط فيها جات فنة ،
شهد … قربات ليها فرحانة علاين تبكي ~ جيتي كتحمقي ماشاء الله عليك
أمال … طلعاتها وهبطاتها لقاتها باقة ملابسة ولا مقادة ~ اويلي باقة ملبستي ؟
شهد … تبسمات ليها ~ انتي لي مهمة أنا ماشي مشكل حتى نشوف كل شي على خير ومقاد حسب الأصول وديك ساعة لبس لي كان
أمال … جلساتها حداها وعنقاتها بقوة ~ الله يخليييك ليا اختي
شهد … باستها فحنكها فرحانة مبغاتش تبكي حداها وهزات الميكاب كتصحح ليها ~ اجي نقاد ليك وجهك جاني ناقص بزااااف ، اليوم خاصك تجي أحسن وحدة فعينين الجميع …
كلما كافحتي فحياتك وانتي صغيرة كلما وصلتي لأهداف ديالك ، وكيقوليك المثل خدم اصغري لكبري، باش انك توصل لمبتغاك لازمك تحك، طيح وتنوض باش تقدر تزيد لقدام، الحياة صعيبة وباش تزيد لقدام خاصك تكون شخص قاصح فحياتك ، غانم كافح وصل ، نايف تقاتل وخدم ، شهد خدات للأسف طريق خايبة ، وخلات تا لي معاها مدارو تا حاجة فحياتهم تخليهم يزيدو لقدام بيها ، جراتهم للطريق صعيبة عامرة شوك ، واش كضنو نذم غادي يخليها تقدر تنسى ماضيها ؟ ولا تقدر تعطي لإنسان الوحيد لي تقبلها كيف هي فرصة وتناسى اش دوزات عليهم ؟ ها هي اليوم كتقاد وتوجد لأمال البنت لي عمرها خلاتها ولا نساتها، اليوم بغاتها تكون فرحانة وسعيدة ، وجدات ولمطات وصبنات، مخلات مدارت باش متخليهاش تبان فصورة خايبة قدام الناس ، ولا تخليها تحس بلي هي بوحدها فهاد النهار ، بغاتها تحس بلي واخا معندهاش واليدين، عندها شهد هي عائلتها،…
أمال … تبسمات بفرحة ~ أنا معايا ميكاب ارتيسط ونخاف هههه مجاتش
شهد … غير سالات ليها جبدات ليها صنيديلة عادية معالياش بزاف ونطقات بالتحذير ~ لبسي هادي وإياك تلبسي صبرديلة تشوهي بيييينا
أمال … بملل ~ والله اختي مغادي تبان خليني لبس صبرديلة كتعرفيني صنادل مكنعرفش نمشي بيهم
شهد… خنززات فيها وهزات صبرديلة من حداها ~ ديريها وتشوفي هاني جبت ليك صندالة حادرة معالياش لبسييها وهنيينا حسن مضحكي فييينا الناس
قبل أمال ما تهضر سمعو صوت دقايقية ، أمال قلبها بدأ يضرب بقوة ، الفرحة والحزن البكا كل شي تجمع عليها فاش عرفاتهم جاو ، قربو لشرجم كيطلو وهو يبان ليها واقف كيتبسم ويطبل معاهم ، فحين شهد مشاو عينيها نيشان لغانم لي واقف بطووولتو شاد تيليفونو ، من نهار العروبية ماشافتو وما جا لعندها ، مولاش قرب لجيهتها ، حنات راسها كتحاول تشوف وجهو ، حيت عاطيها بالضهر ، تعصبات فاش بان من وجهو غير شوية ، واحد شوية وهو يهز راسو ، جات عينو فعينيها خلى قلبها يخفق بقوة ، دغيا هربات داخلة ، وشادة شرجم دقات قلبها كيضربو غير منتاضمين، وعينيها بفرحة كيلمعو، حسات بشعور غريب فاش شافت مجموعة من البنات نزلو من طونوبيل اخرى ، زيرات على يديها بقوة ، حتى سمعات صوت أمال وهي كتهضر ….
أمال … كتششوووف فوجه شهد لي رجع حمر وكارزة على يديها ~ غانم لتحت شفتيه؟
شهد … حنحنات بصوت رقيق فاش سمعات كلامها ~ أمم شفتو
أمال … طولات فيها شوفة ~ وهي لامشيتي تقاديتي ولبستي شي حاجة زوينة ، بانتبي طوموبيل تالية عامرة بنات وانتي عارفة البنات علاياش كيقلبو ، قبل مايطيرو ليك بيه توضي قادي راسك
شهد … قوصات عينيها وشافت فيها مخنززة~ مشفتييهش شحال غبر مين رجعنا مسول فيا ، وحتى نهار جا نايف خطبك مجاش معاه ، زعمة باش مايشووفنيش ؟
أمال … تنهدات بتعب غادي تحمقها ~ واش باغا تحمقيني راجل مخلى مادار علييييك ، العافييية وطاح معاك فيها ، المشاكل وخرجك منهم ، راحتك وعطاها ليك ، ختي راه رجال فاش كيملو كيمشييييو صافي ، هو شحال قدو يعاين فيك ؟ غير قوليلي؟
شهد … وقفات كتفكر فكلامها وطلات من سرجم بانليها شي بنت كتشطح مع غانم فالوسط، وباينة من فصالتها لي عامرة عاطية لعين وهي تعصب ~ لي لقى حسن من العسل يلعقو ، تا أنا فاش بغيت نهضر معاه هو مشى مرجعش سول فيا ولا صونالي، اش بغيتيني نمشي لعندو ؟
أمال .. قوصات حجبانها فيها وهزاتهم للفوق زعمة منيتك ~ نوووضي ختي راك هبلتي راجل البكى وبكاه عليييك وانتي مقصحة راسك عليك جميع الحلول دارهم معاك ، دابا يطييير تديييه لي تعرف بقييمتو ، أنا بالية طريقكم مسدودة، خليييه نيت تديه لي تستاهلو،
حنا كاملين فينا عيوب ، وتاوحدة فينا مكاملة ، ضروري تكون ناقصانا شي حاجة ومكاملاش ، شهد من نهار حلات عينيها وهي كتحلم ، ونهار حققات أحلامها ، لقات راسها ناقصة بزاااف دالحوايج من بينهم القناعة لي صعيب باش تعلماتها ، كل بنت فينا كطلب وتمنى يجيها فارس أحلامها ولد الناس خدام وبددارو يصونها ويتقى فيها الله ، يخاف الله فيها ويوفر ليها داكشي لي قد عليه ، وغانم فيه جميع الموصفات لي تمناها اي بنت فينا ، شهد من النوع لي قصات فصغر ونهار كبرات لقات راسها عندها تفكير صعيب وقاصح ، غانم لي باغيها وحامق عليها بينو وبينها خاجز اسمه تقة ، وباش شهد تعطيه فرصة خاص تيق فيه مزيان ، ماباغاش تسمع كلمة تضرها منو ، مباغاش تبكي على ودو، يكفيها فقط اش عاشات فصغرها ، باغا تعيش عيشة هانية ، تسامح نفسها باش طلب سماحة من غيرها ، وغانم راجل واخا يعيا يهضر ، غايجي نهار لي يتعصب ويجبد ليها ماضيها الخبيث ، وهذا هو خوفها من هاد الخطوة ، خايفة تصدم فيه ، تعطيه فرصة وتندم … كضنو شهد غادي تقدر ؟
شهد … وقفات كتفكر فكلامها وطلات من سرجم بانليها شي بنت كتشطح مع غانم وهي تعصب متنكرش جاها شعور غريب ومعجبهاش الحال غززات سنانها ونطقات ~ لي لقى حسن من العسل يلعقو ، تا أنا فاش بغيت نهضر معاه هو مشى مرجعش سول فيا ولا صونالي ، اش بغيتيني نمشي عندو ؟
أمال .. قوصات حجبانها فيها وهزاتهم للفرق زعمة من نيتك ~ نوووضي ختي راك هبلتي راجل البكى وبكاه عليييك وانتي مقصحة راسك عليك ، دابا يطييير تديييه لي تعرف بقييمتو ، أنا بالية طريقكم مسدودة ، خليه نيت تديه لي تستاهلو
بقات ساكتة كتفكر فكلامها وتعزز فسنانها ، الفقصة شداتها وهي كتفكر البنت ل لي كتشطح معاه ، واحد شوية وهي تنوض ، خرجات بزربة غادة تلبس وتقاد راسها وتفقصو كيف فقصها ، أمال تبسمات فنفسها باغاها تحل عينيها ، شايفة الحب لي فعينين غانم من جيهتها وهي مقصحة راسها عليه ، وعارفاها كتمييل لييه واخا مبينة العكس ، نزل وسيم كيسلم عليييهم ، وعينيه على نسرين لي ساكتة وحشمانة ، طلعووو للفوق ، منباهرين من نقى وريحة العود لي عاطية ، تحشمي تزطمي على الأرض بقوة لي كتشعل ، استقبلاتهم مي رحمة بفرحة ، كتسلم وتعطي صواب لكل وحدة فيهم ، وعينيها على مجموعة دالبنات لي دخلو بلباسيهم ومكياجهم وريحتهم العاطية …
مي رحمة … عنقات غانم بمعزة ونطقات ~ مرحبا بيك اوليدي غبورات هادي لاباس عليك ؟
غانم … باس راسها بحب ~ لهلا يخطيك امي رحمة انتي لاباس ؟
مي رحمة … تنهدات ~ الحمد الله اولدي دخلو لالة لطيفة زيدي مرحبا بييييك عندنا ، شافت بأم نايف وهي تبسم ليها ناطقة ~ مرحبا بيييك لالة سعدية دار نورات بيييك عندنا
سعدية … امرأة كبيرة فسن وعندها نظر قليل شوية ، شافت فيها بابتسامة ونطقات ~ لهلا يخطيك ارحمة الله يكبر بيك ،
نايف … عيا يقلب بعينيه وهو يحني عند ودنين مو ~ الواليدة سوليييها فين هي العروسة واش وقت السلام دابا ؟
سعدية … ضرباتو لجنابو بفقصة ~ اسكت شوهتي بيييييينا .. شافت فمي رحمة بالتسامة ونطقات ~ عروستي فين هي ؟
مي رحمة … شافت فخت نايف زينب كرشها لفمها جالسة وحنيكاتها حومر كتبسم ونطقات ~ راها للفوق شوية وتنزل ، بنتي زينت الله يفك وحايلك على خير ، كيف غادة مع الحبالة ؟
زينب… تبسمات وحنات باست راسها باحترام ~ اميييييين الميمة ، هاحنا باقيلي شي 3 شهور
مي رحمة … بود ~ الله يسترك من العين ابنتي ويفك وحايلك على خير وبيخير
العيالات فالصالون كيتعاودو ، ورجال فالصالون تاني دخلو جلسو كيهضرو ، حتى نزلات أمال وشهد مقابطين ، بحال شي نجمات فالسما كيبريو ، سمعات صوت تعشاق العيالات من للداخل فاش شافووهم ، أمال حنيكاتها توردو بالحشمة ، سر نزل عليها ، بقات حانية راسها تا وصلات ليييهم ، حنات كتسلم على كل وحدة وهي غاتموت بالحشمة ، وشهد موراها تا هي عاطية للناس صوابهم ، حتى وصلات للبنات وبالضبط للبنت لي كانت تشطح مع غانم ، سكاناتها بعينيها من لفوق للتحت ، متنكرش زوييينة وعينيها كبار وعامرة ، بيضة بحال الحليب ، تنفسات بعنف وجلسات حدى لطيفة معصبة ، طلعاتها بعينيها هاد الأخيرة بإعجاب كبير ، لابسة قفطان زوين سامبل وايني جاها كيحمق ، وطالقة شعرها على طولتو ، ومقادة وجهها بميكاب ماشي صارخ، غير عينيها لي مجبداهم مخليا الناس كيشوفو فزينها السمر الغامق ، كيتيري الإنسان بلى ميحس ، القفطان مفتوح من لقدام ولوور ، مبين فصالتها بشكل خطير ، ورجييلاتها العامرين ، صابغة رجليها بالگرونة ولابسة صندالة عالية ، هي طويلة وزادت طوالت ولا تبان بحال شي مودل مع شخصيتها المختلفة ، لطيفة حنحنات بصوت عالي ونطقات وعينيها على شهد بافتخار …
لطيفة … شدات يديها كطلعها وتهبطها فرحانة بيها ~ لالة على بنت خوية زيييييين والفصالة ينصرها لي سيـــــفة أنا عبيد مشرط الحناك كان بايع وقلب نبايع ، كتورييها للبنات ولأم نايف بفخر
شهد … لكحلت بحشمة من كلامها وحنات راسها حناكها حمارو معرفات متزيد تقول من غير تشكرها وتسكت ~ شكرا
سعدية … شافت فأمال لي حشمانة وحانية راسها ونطقات ~ ماشاء الله غزالة ربي يحجبك من لعين ابنتي ، ورجعات تبسمات فوجه شهد ~ وحتى انتي غزالة ابنتي الله يحفظكم من العين
زينب … تبسمات فوجه أمال وعينيها كيدوزو عليها ~ ماشاء الله وشوفي المسخووط كيعرف يختار امي
أمال … بصوت حشمان نطقات ~ الله يطول لينا فعمرك اخالتي
السعدية … شدات فيديها ~ عيطيلي مي السعدية
شهد … هزات راسها فيها بابتسامة وعينيها على هاد الناس رتاحت نسبيا ليهم ونطقات ~ لهلا يخطيك
عيطات للناس لي كلفاتهم بالماكلة ، فالبلاصة زوقو طباليو وعمروووها ، جهة رجال مشافتش فيها گاع ، مخليا جوج عينيهم خارجين فيهم ، وكيقلبو غير على الفرصة فين يشوفوهم مزيان ويريحو بالهم ، عبد القادر سمى الله وكلاو لي قدمات شهد من دجاج محمر ولحم ، وموناضة أشكال وأنواع، الحاصول عمرو كرشهم بداكشي لي كيحمر الوجه ، ومن بعد تحط ديسير ، أمال وشهد ناضو جابو طاسات ديال الحديد غير هما شكلهم كيحمق مع بريق كبير ، كيدورو على العيالات يغسلو يديهم ، لي كيقول حاشاك يغسل ويمسح يديه ، لي فرحان ، حتى بقات جهة دالرجال وهما يدخلو ، كان متبعها بعينيه قلبو كيضرب بقوة ، وعينيه على فصالتها القفطان جاها غزال ، عينيه على شعرها لي كيعجبو ، والعين تانية على رجليها العريانين وضفرانهم المزينين بالصباغة ، بقى كيشوف فيها تا قربات ليه وهو يحقق فيها باغي يشوف عينيها باغي يضمها ليه ويحس بيها ، بقات حانية راسها مبغاتش تشوف فيه غير ريحتو لي عاطية كتشم فيها ، حتى حط يديه كبات ليه الماء غسلهم ، ومدات ليه الفوطة ، وقبل مادور تمشي لقاتو شد فيديها فين شادة الفوطة ، قوصات عينيها وهزاتهم فيه ، وياريتها مهزاتهم ، واخا يكون جبل يذوووب فجمال عينيها الكبار مشفرين وحميمرين شوية ، حنحنات بصوت رقيق ، خلاتو زفر بقوة عاد طلق الفوطة ، فحين نايف هلكاتو أمال ، عينيه كلاوها ومع هي تفتافة وكتخاف ، غير شد فيها ولات حمرا غاتموت بالحشمة ،
نايف … قرب لحدى راسها غير مبالي بيهم ونطق ..~ النوارة ديالي
خلات ليه ديك الماء بفوووطتو وخرجات هربانة من صالون قلبها كيزدح زدييييح ، فحيييين غانم زهقات من فمو ضحكة عليها ، كيشوفها عالم آخر من كوكب تاني ، غير كلمة وخلاتها رجفات هربانة ، قرب لحدى نايف ونطق ..
غانم … بصوت خافض ~ رخف على البنت الصلگووووط غادي تقتلها
نايف … طول شوفة فيها من لووور فاش كانت غادة وجهو دغيا تزنگ وعينيه من عليييها مزالوووش~ زب** لي خاصووو رخييييف فهاد الساعة
وكيف كيقول المتال فاش الكرش كتشبع كتقول لراس غني ، طلقات الموسيقى وزغاريييت ، البنات فالصالون فرحانين بولد خالهم ، ناضو كيشطحو، لي عندها شي فورمة ناضت وراتها ، وحدة منهم جرات أمال من يديها كتشطح معاها ، ولطيفة كطبل بفرحة ، قرصات شهد لي كانت كتشوف فالبنت لي شطحات مع غانم قبيلة ، عينيها مزالوش عليها ، وراسها ضرها باغا تعرف هاديك شكون ، وبنت من وبإنا صفة جايا ، أسئلة كثيرة فرأسها ، كتطلعها وتهبط غادي تاكلها ، حتى حسات بلطيفة كتقرصها وهي تهز عينيها ،
لطيفة … فوذنيها كتهضر حيت الموسيقى مجهدة ~ نوووضي ابنتي تشطحي مع العويتقاات
شهد … رمقات البنت كتشوف جيهة غانم وتيليفون فيديها بحال إلى كتكتب ورجعات شافت جهةٍ غانم بان ليها حاني راسو كيقرا شي حاجة فتيليفون وهي تحمار ، لونها تبدل ويديها كرزات عليييهم ، شافت فلطيفة لي كطلبها تنوووض وهي توقف ~ مرحبا اعمتي
شافت جهةٍ غانم بان ليها مشغول بتيليفون ديالو وهي تنوووض ، الموسيقى مطلوقة وهي داكشي نييت لي كتعرف تقنو ، شطييح فالدم عندها ، ومع هازة اللحم فين ما تحركات لحم كيتهزهز ، لطيفة ناضت تعشق وأمال حشمانة واقفة بزز ، حتى شافت نفس البنت ناضت قربات حداها كتهز فصدرها ، ومع بيضة خير مولانا كيبان ،،، سمع زغاريت هو يهز راسو بانت ليه واقفة كتشطح ، فين ما تحركات عينيه تابعيييها ، تا رجع حمر ، محملهاش تشطح بديك الطريقة وحداهم ، باغيها تشطح غير ليه وتبقى غير قدامو ، يكفي ضابط راسو عليها ومتحكم فنفسو ، دابا ميقدرش يزيد يصبر ، بعادها بحال الموت البطيء بالنسبة ليه ، شهد كتهز بشعرها وتنزل لأرض ، والبنت تابعاها بنفس الريييتم ، حتى سالات الموسيقى وهي تلوووح الشال باش محزمة معاجبها حال ، طلعات البنت وهبطاتها تا رضات ليها البال ، ومشات حدى أمال جلسات ، غير كتصووط بوحدها آخر نظرة عطاتها لغانم فاش قلبات عينيها للفوق كتصوط وكتقلي ليه سم … مقاطعهم غير صوت عبد القادر فاش تحطو صينيات ديال اتاي مع دواز أتاي أنواع واشكال …
عبد القادر … جنحن بصوت عالي باش يسمعوه العيالات لي فالصالون ونطق ~ اوى اسيادنا معندنا منزيدو نتعطلو كيقوليك المال والبنون زينة الحياة الدنيا ، وداكشي علاش جييينا وجا ولدي نايف ، طالبين راغبين فيد بنتكم أمال ، وكيقولييك لي هرب من زواج هرب للطاعة ولدنا شاف بنتكم وقصدها للحلال ، وحنا منلقاوش ماحسن من بنتنا أمال لولدي نايف ، شاف جيهة صالون ونطق ~ اش قلتي ابنتي
مي رحمة … تبسمات بفرحة ونطقات وهي كتشوف فأمال لي حانية راسها وحشمانة~ بنتي ! كيسولك سي عبد القادر اش قلتي ؟
شهد … هي لي كتعرف أمال وحافظاها ما ، عارفاها متقدرش تهضر حيت كتموووت بالحشمة ، هزات عينيها ونطقات بصوت عالي ~ قابلة اعمي على ضمانتي ، السكون من علامة الرضى
تنفس نايف الصعداء، وهو كيسمع كلام شهد لي نزل على قلبه كيف العسل ، تبسم بفرحة ، وشاف جيهتها لقاها حانية راسها وساكتة الحشمة قاتلاها ، ورجع شاف فمو لي فرحانة بيييه ، زغاريييت كيستمع منين وليييين ، مينكرش اول ما شافها عشقها ، وبغاها ليه ، ولكن فكرة أنها شفارة خلاتو ينفر منها ، حتى لمن بعد فاش قلب وبحت عليها مزيان ، وعرف اصلها وفصلها ، وفين عاشت ، حتى من بديعة شوافة دخالتها وصلها ، وشافها فين كانت عايشة ، ولي خلاه يزيد يتعلق بيها ، انها معندها تا علاقة مع رجال ، وحشووومية ، وكون جا ياخد وحدة اخرى ، عادي يلقاها مساسية ومگاسية، قبر ليهود كتعرفو ، أمال من النوع الهادئ والخواف ولي دغيا كيحشم ، ولي زاد خلاه بلى عقل هي الحشومية ديالها ، وفاش كتحشم كيبغي يأكلها من حنووكها لي كيرجعو حومر ، ربي مخيبوش بغاها وكيف كيقولو داها …وقف فرحان ونطق
نايف …كيسمع ليها ~ هي نقراو الفاتحة اعروستي ؟
سمع ضحك البنات ، واحد شوية وعبد القادر بدأ يقرا الفاتحة ،بصوت عالي ، كلشي هاز يديه معاه تا سالى ونطق
عبد القادر ~ الله يكمل عليييكم اوليدات بالسعادة والدرية الصالحة يارب
كل شي قال أمين ، سعدية ناضت ياست عروستها، شي كيسلم على شي ، وهزات الذهب كتلصقوو ليها فيديها ، فرحانة بيها ، وبعاد العائلة الكبيرة لي تعرفات عليهم ، وقف نايف هاز الخواتم ، وقرب حداها تصاور كيضربو وهو كيركب ليها الخاتم ، وسرتلة مع العقد ذهب غليض وثمين ، وفالأخير ، ختمها …
نايف … هز يديها بفرحة قدام الجميع وقبلها بحب ~ مبرووووك عليييينا ازييييييينة
أمال … بخجل كمشات يديها بجوج وحنات راسها ~ الله يبارك فيك
وبعد مناقشة طويييلة دازت بييين العائلة قرر ضريب الصداق يكون بعد سيمانة ، ومع هو بوليسي البحت عارفو كيطول ، دفع بكري الوراق ، حتى خرجات ليه الموافقة ، كملات العشية زوييينة نشاط وشطيح والماكلة مسالاتش ، حتى دار الوقت ، كل واحد ناض كيسلم ويخرج ، نايف بغى يجر أمال يعنقها وهي تسلت من حداه، حتى خرج طالع ليه الذم ، بقات غير لطيفة هاد الأخيرة لي جرات شهد للقنت كتهضر معاها ..
لطيفة … هزات يديها كدووز عليها ~ بنتي بغيت نقوليك شي كلام واحل ليا فحلقي من شحال هادي ،
شهد … هزات عينيها باستفهام ~ ياك لاباس اعمتي ؟
لطيفة … تنهدات ونطقات ~ بغيييتك ابنتي تسامحيييلي وديريني ميميتك لي معندكش ، تخليني نحن فيك وتخرجي معايا ، ونتونس بيييك معنديش فهاد الدنيا من غيركم ،
شهد … عنقاتها باحترام ونطقات ~ مسامحاك اعمتي انتي لي سامحيلي على اش درت فيك ،
لطيفة … عنقاتها كطبطب عليها ~ مدرتي والو ابنتي زهر والميمون ينعل بو زلط ،
شهد … ضحكات وهي تنطق ~ مزال نديرو جليسة اعمتي بجوج غير تهناي ونعسي على جنب راحة
لطيفة … دوزات على شعرها بحنان ~ وباباك خلييل كون تشوفيه ابنتي غادي يحماق عليييك من آخر مرة فاش شفتو جرى على رشيدة من دار من تم مسولت فيه
شهد … طولات فيه شوفة كأنها كتخمم وهي تنطق ~ معنديش با اعمتي وعافاك متجبديهش ليا
عنقاتها براحة مخلياها على راحتها ، ونزلات تابعة نسرين وغانم ، فالباب واقفين كيكميو ، كل واحد دماغو مع وحدة فجيبه ، شهد من سرجم كطل عليهم معاجبها حال ، وسيم فالباب كيودعهم ، تا شافت غانم لاح لگارو وطالع مع درووج، رجعات بلوووور قلبها كيضرب فالألف ، وشافت فمي رحمة لي جلسات بالعيا ، محسات غير بيه داخل مخنزز وجهوووو ، شاف فيها بنظرة غريييبة عينيه بقوة نيكوتين رجعو حومر نطق ..
غانم … شاف جيهة مي رحمة لي متكية بعيدة ورجع شاف فيها ونطق ~ شهد اجي معايا دقيقة بغيت نهضر معاك ، طلعاتو وهبطاتو بقفطانها وعينيها لي محمقينو ، وقبل ما ترفض رجع هضر بصوت شوية عالي ~ اجي بغيت نهضر معاك
تبعاتو بسكوت ، حتى داز من حدى صالون وهو يجرها من يديها تا لكوزينة وشد للباب ، كلاها مع الحيط بقوة عينيه حومر وراسو عاطيه الحريق ، خلاها مخرجة عينيها فيه فحين هو شدها من خصرها صبرو تقادة عليها وهي باقة دايرة معاه الضد …
غانم … قرب لوجها كيشوووف فيه مسلوووب ، وعينيه على شفايفها نطق ~ مبغييييتيييش ديري عقلك حتى كنقول صافي وكترجعيني لنقطة صفر ؟ علاش كديري ضد معايا ؟ زير على خصرها عينيه نايمين وهز يديها حطهم على قلبو لي كيضرب بسرعة ~ بغيتي تسكتيييه فخطرة ؟ حقق ليها فعينيها وحط يديه بجوووج على وجها ~ تقادا صبري اسمرة
شهد … لكح حلقها من قربو ليها ، ومع حاط نفس العطر لي كتبغي خلاها ضايخة ولكن رادة لبال معاه ~ باينة تقادا صبرك من نهار العروبية مسولتي ودابا جاي كتقولي تقادا صبرك ، بانفعال نطقات بلى متحس ~ وهاديك لي كنتي تشطح معاها وتكتب انت وياها صبرك باقي طويل عليها ؟
غانم … قوص حجبانو فيييها مفاهم والو ونطق ~ شكون هادي ؟ علاياش كتهدري ؟ تفكر البنت لي شطحات معاه وهو يتبسم ~ ااااااااه واش لبنى ؟
شهد … خنززات فيه فاش نطق سميتها ودفعات يديه عليها بشنتة ~ وسير عندها قلها تسناك أنا وحدة مطلقة كتقلب على راحتها فهاد الساعة
غانم … دفعها فاش شافها باغا تخرج وهو يزيرها لعندو من خصرها تا طلعات معاه ريحتها لي كتحمقو ونطق ~ شكون طلقك ليا ؟ دابا رجعك ديالي بالشرع والقانون اسمووورة ، ورجع هز خصلة من شعرها شمها ونطق ~ ريحييني ابنتي راكي هلكتيني ، لبنى امرأة مزوجة بنت عم نايف وعندها بنية الله يهديك !!! ورجع قرب ليها كيشوف فعينيها هايم فيهم ونطق ~ خلييتك باش تفكري اشهد فيا ماشي باش تبعدي عليا ، مبقيتش قادر صبري ليه حدوووود
مع ريحتو وعينيه لي بحال سكرانين دوخوووها ، يديه لي كدوز على ضهرها طلوعا ونزولا خلاوها مبورشة ، وعينيه لي كيشوفو فشنايفها بطريقة فهماتها ، أي بنت منا تضعاف قدام واحد بهاد زين وطولة ، محسات غير بيديه مور شعرها دافعها ليه كتر ، ونفسو قريبة لفمها كضرب ، غمض عينيه وحط شنايفو على شنايفها سخان باغي يذوقهم ، يذوووق شهد لي كينزل منهم ، بقى تانية ونطق قبل مايقبلها بشغف ورغبة ~ رحميني خلاص ابنتي راكي هلكتيني فصحتي
غانم من النوووووع سكوتي بزاااف ولكن نهار كيطرطق مكيعرفش حتى مو لي ولداتو ، وهكذا الراجل المغريبي ديما خضر وحرش فكلامو ، نهار لقاها برد فيها غضبو ولكن لقى راسو كيكب الماء فالرملة ، بغى يخليها معلقة فيه ، حياتها كاملة ، ويعيش هو كيف بغى ، ساعة صدق هو لي معلق حياتو بيها ، وموحالش يقدر يزيد يكمل بلا بيها ، من النوع العصبي ولي مكيتفاهمش بالهضرة، ونهار عرف شهد من النوع تا هي لي مكتسمعش كلامو جن جنونو ، بغاها تكون مطيعة ليه ولي قالها ديرها ، حتى اكتاشف انه بمعاملتو ليها غير كاتنفر وتبعد عليه ، فقرر يمشي معاها بسياسة ويحن عليها على الله تحن فيه ، وكيف كيقول المثل طاح الحك وصاب غطاه ، هي مكتفهمش وهو كتر منها …كيف العافية وليصانص واش شهد تقدر تنازل وتطيع ليه ؟؟
غيابها عليييه عذاب وفراقها كارثة ، كيعيش غير بنيكوتين ويصبح بيه كتر من الأول ، من نهار رجع من العروبية سمع كلام با المعطي لي قاليييها ، وسمع حتى ردها ، كان عندو أمل تسمح ليييه وتعطييه فرصة ، ولا تهضر عليه بطريقة تخلي قلبو يرتاح وتعطيه امال ، ولكن خاب ضنو فاش رجعات عطاتو بالضهر ونساتو ، واش لهاد الدرجة حقدها ليه كبير ، كلما كيخمم بلي هي مستحيل تكون ليه عقلو كيحبس ، حتى من الخدمة مابقاش مركز فيها ، ولا يفكر فيها صباح وعشية ، ودابا بدون أي إحساس واقفة حداه بصورة باردة ، دم تدفق فعروقه وهو كيشوف فعينيها كيف ساكتة محس براسو غير وهو كيقبلها بالطريقة مجنووووونة ، خشى يديه مووور ضهرها ودفعها لعندو متبتها وكيقبلها بشغف ، تا حسات برجليييها خواو بيييها ، قبلتو كانت سخوونة لدرجة خلى انووتة ديالها تحرك ، بلى متحس حركات شفايفها مع ديالو ، وغمضات عينيها منتاعشة بريحتو المخلطة بريحة الگارو ، مكانش عارف شنو كيدير من غير انه باغيها ومحتاجها فهاد اللحظة…
غانم … عضها بشوية فشنافتها وفتح عينيه حومر لقاها ذايبة بين يديه تبسم ونطق ~ مبقييييتش قادر نصبر علييييك اسمرا
شهد … فتحات عينيها غير بشوية حاسة براسها سخنات وتزنيگة بانت على وجها تفافات حداه ورجعات بلوووور تا ضربات مع الحيط ~ خرج من هنا اغانم مي رحمة غادي تشوووف هادشي مغاديش يعجبها الحال
غانم … قرب ليييها تا طفجات وحط يديه على صدرها ~ المهم انتي عجبك هادشي ؟ الباقي ماشي مهم ! بقات واقفة كتشوف فيه وساكتة حتى قرب ليها وهاد المرة نزل لعندها ~ هاد القلب فقاش يولي ليا ؟
مزال مفهمات سؤالو وكان نزل لعندها كيقبلو بشغف ، تا تهزات برعشة ، من وذنيها وهو هابط تا لعنقها كيمص فيه بجنون ، محس براسو غير وهو مزير على لحمتها مطبعها فيها ، عاد حبس كيطلع النفس ويهبطها فاش حس براسو بصح ديمارا ومابقاش قادر يحبس ، هز راسو كيشوف فالطبعة كيف حمرا ودم مجموووع فيها ، ورجع تنهد مقبلها فجبهتها ناطق ~ غير قوليلي كيفاش نصبر عليك ابنتي ؟
شهد … دقات قلبها حسات بيهم كيضربو بقوة ، عينيها دغيا حمارو ، سكرها بلا شراب ، حطات يديها على عنقها كيوزوز ورجعات هزات عينيها فيه ، بزاف دالمشاعر مخربقين عندها ، وهو زاد قرب ليييها كمل على مابيها ، هزات قفطانها بصعوبة تالفة ومعارفاش فين تهرب ،سلتات من يديه بصعووبة وقبل ما تخرج نطقات ~ قلبي مزال متايق فيك أولد عمتي
خرجات كتجري ، طرفها كيتهز وينزل بوحدو ، خلاتو واقف لاكح وعينيه علييها مزالوش تا طلعات فالدروج ، ورجع حك على راسو ، وجهو حمر غادي يطرطق ، وعينيه كتر ، قلبه ربي عالم بيه ، وتفكيرو كامل معاها ، نعل شيطان ماباغيش يديها بزز ، باغيها عاد المرة عن قناعة وبرضاها ، خرج من الكوزينة ونزل مع درووح غادي بحالو وكيتمتم ~ واخا لالة شهد ، قلبك مغادي يكوووووون غير لهاد ولد عمتك ، ليا ولا لتالواحد هاحنا غانشوفو هاد قصوحية راس لي فيك فين غادي تخرجك معايا
بعد اسبوع
لابسة جلابة هماوية فالبلو مفتوووح ، مع شربيل وحنينة فرجليها ، طالقة شعرها ودايرة مكياج خفيف ضريف ، مع بشرتها بيضة جات كتحمق ، خضوضها ديما حومر ، والحشمة باينة على وجهها ، بالنسبة ليها هذا هو اهم نهار فحياتها ، انها تجمع مع ولد الناس لي يسترها ، ويبغيها ويخاف الله فيها ، وربي جاب ليها نايف فطريقها واخا ضروسي وفمو خاسر ولكن راجل وتعول عليه فالشدة وفالفرح ، فجنبها شهد وغانم ، سعدية وسيم ، فرحانين ليها ، واخيرا تكتبات سميتها حدى سميته للأبد ، فحين نايف ضحكة مزالت من فمو ، فرحان وكيشطح فباب العدول ، تمناها ليها ووفى بيها وداها ، وهاهي دابا مراتو وحلالو ، تعانق هو وغانم فرحان ، والعيالات كيزغرتو ، وهي فوسطهم حشمانة ، تا عنقاتها شهد عناق حار …
شهد … بفرحة وراحة ~ مبروووووك علييييبك امووولتي انشاء الله برفاه والبينين وبالذرية الصالحة يا رب
أمال … نزلات دمعة من عينيها وبادلاتها العناق بحرارة~ الله يخليييك ليا ، ويفرح قلبك كيف وقفتي معايا ومخليتيني نحتاج حتى شي حاجة ، من صغرك كنتي دايراني ختك صغيرة ورادة ليا لبال حتى كبرت وهاانتي بيديك وقفتي وزوجتيني ، لهلا يحرمني منك اختي
شهد … كانت دموعها على طرف عينيها حابساهم دغيا نزلو فور ماسمعات كلامها ~ أنا فخورة بيييييكي بزاااف
لطيفة … ضرباتها بتزغريتة عالية ونطقات وهي كتشوف فشهد ~ اوى ربي يحن قلبكم ابنتي تا انتي ونفرح بيك انشاء الله
شهد يكفي انها حنات راس مشبتة بيدين امال بسكون ، مساخياش برفيقة دربها بختها لي معطاهاش الله ، يسندها لي فسراء والضراء ، ولكن هادي سنة الحياة حبابنا ديما كيفرقونا ، تنهدات بتعب وحزن وهي كتشوف الفرحة لي فعينين أمال والنور لي على وجهها ، تأكيدات انها غادة فطريق سريمة ، على الأقل تريح بالها عليييها وتنعس مرتاحة من جيهتها …
وسيم … حقق فيها مقهووور غادي تخوي عليييه دار وتخليه وقرب جارهم بجوج واخدهم فحضنو وعينيه شبه مدمعة ~ صافي البلارة ديالي تزوجات ؟ ومعامن ندابز أنا ؟ غادي تسخاي بخوووك ؟
أمال … محدو كيضهر وهي كتبكي وتخنصص فحضنو ~ عمري نساك كاينة شي وحدة كتنسى خوها ؟ وشكون مان يحامي عليا؟ شكون كان يخرجني بليل فاش كنقنط ، شكون كيجيبلي الشكلاط ؟ ماشي خوية العزيز
وسيم … زلقات ليه دمعة مسحها دغيا ونطق ~ الله يجعل كل شي مبارك مسعود اختي الله يسعدك فحياتك ، ونشوفك ديما فرحانة هادشي لي بغيت
نايف … كان واقف بعيد شوية كيكمي هو وغانم وعينيه عليييهم وذنيه مع حذيتهم نطق وهو كيشوف فيها كيف كتبكي ~ دابا هادي علاش كتبكي ؟ لي يشوفهم يقول غادي بيها لواشنطن
غانم … حقق فيها مزيان كيتمعن فكلامو ورجع كيسولو ~ ياكما غادي بيها لشي قنت ؟ اهيا تبت وخلي البنت تجلس حدى عائلتها ، العرس مابقى ليه غير سيمانة
نايف … قوص حجبانو فيه طالعة ليه القردة وسف من الگارو تا طلع دخان لريتو كواها بالفقصة ورجع نطق ~ ز*** لاواه سيمانة مريض فك** بنتيلي ، برب تا نديها معايا ودابا مراتي وينعل بووووو هاد العرس أنا مابغيت عرس اخوية
غانم … شد الضحكة على حالتو ، لي كتر من حالتو هو براسو ، ورجع فاش جيهتهم ~ وكيفاش اديرها ؟ والله ميتفاكو معاك برب
نايف … عفط على الگارو لاحو وخنزز فيه ~ انت واكل الدقة كتر مني وكتهضر ، شوف حالتك كيف ولات عليييها بقاليك غير الحماق ، ياكما بغيتيني نولي بحالك ، والله برب ماني معاتق معاهم ، بربي تا ندي مرتي فيدي ودابا
غانم … تنهد وهو كيشوف فشهد من بعيد فعلا مابقاش قادر يصبر عليها نطق وهو كيتنهد بصوت عالي ~ ز** فهاد الساعة لي واكل الدقة اخاي نايف …
نايف من النوع لي صريح ونيشان نيشان عندو ، معندوش دووك الأفكار ديال لا حقا حتى لعرس ودي مراتك ، كيعرف غير الكاغيط تضرب صافي هي من حقو وحلالو ، شي حاجة اخرى ديال تقاليد والعادات مكيعرفش ليهم ، تمشى طالع ليه الدم وقصد مو لي باينة فرحانة لولدها ، بلا سلام شدها لقنت مخنزز وجهو حمر …
نايف … شاف فمو سعدية مخنزز~ الواليدة فرتكي عليا هاد جقلة وخليني ندي مراتي ، صافي الله يجعل البراكة تعانقتو وبكيتو بصحتكم
سعدية … طرطقات عينيها فيه وقرصاتو فيديه ~ ويلي اويلي باغي تحمقني ؟ فين تديها ؟ البنت تا ديرلها العرس واش باغي تشوه بينا ؟
نايف … حقق فيها مزيان وزفر بصوت عالي ~ واخا الواليدة مابغيتيش ؟ هي لي متعاودش
دار لعندهم وتمشى قاصد امال لي حانية راسها ، بلى كلمة بلا جوج جرها من يديها تا هزات فيه عينيها مفاهمة والو ، ورجع شاف فغانم لي مربع يديه عارفو معندوش الوجه لي يحشم عليه ،
نايف ….جرها بلا كلمة بلا جوج ونطق ~ سيادنا شكرا على وقفتكم معانا ، مراتي دايها معايا ونتلاقاو انشاء الله فالعرس ،
شهد شدات ضحكة على حالتو ، ولطيفة بدات تستغفر الله ، فحين هو جرها معاه غادي بيها لوطو، خلاهم حالين فمهم فييه ، ديمارا بسرعة وقصد دارو لي وجدها خصيصا ليها ، خلى مو حشمانة معارفاش فين دير وجهاا قدامهم ، وسيم بقى غير كيشوف معارف شنو يقول لمي رحمة لي كتسناهم بالحليب والتمر ،
تنهد غانم وهو كيشوف فيها لابسة جلابة زوينة مع صندالة شوية عالية ، مع هي طويلة جات بحال شي عارضة ، وديك جلابة زادتها فخامة على فخامة ، وطالقة شعرها خلاتو حال فمو فيها حمقاتو بزينها وكملات عليييه دافعة عليه كبير ، قرب ليها محدها قدام العائلة عينيه عليها وهو كيسول مو …
غانم … كيشوف فيها بحب ~ الواليدة فقاش تزوجيني تا أنا ؟ مابقيتش فيك زعمة ؟
لطيفة … تبسمات وشافت فشهد لي حنات راسها دايرة مسها مسمعات والو ~ نهار بنتي الغزالة تعطيني الأوكي هاني موجودة تا دابا ، منلقاش خيرها لولدي اش قلتي ابنتي ؟
رجع وجهها حمر كيف دم ، شدات فوسيم فاش شافت راسها تلفات ، عينيها على غانم لي مبتاسم وكيشوف فيها بطريقة زوينة خلاتها تسهى فيه ، بلا ما تحس براسها تبسمات فوجهه ، تا بانو غمازاتها لي كيحمقووه ، وسيم بقى غير كيشوف وسطهم، ميكرهش تا هي تزوج ودير دارها ويتهنى عليها ، عارف غانم حامق عليها ومن غيرو مكاينش لي يبغيها ويهتم بيها بحالو ، قرصها بشوية تا شافت فيه ونطق …
وسيم … بصوت خافض ~ عارفك غير خايفة أنا لي حافضك مزيان ، توكلي على الله وعطي لراسك وليه فرصة ، متلقايش بحالو اشهد ، راجل وبينها شحال من مرة انك تعولي عليك ، غير توكلي على الله ….
كانت كتسمع لوسيم وفالنفس الوقت كتشوف فغانم، حتى قاطعها صوت تيلفون وصرخة لطيفة ، لي بدات تغوت وتنطق بخوية حبيبي ، عنداك تخليني … قرب لمو مفاهم والو وحيد ليها تيليفون من يديها كيسمع لكلام خليل … لي اتر فيه وخلاه ينطق بكلمة وحدة ..
غانم … شاف فشهد بالطريقة خلاتها تعرف لأمر كيهمها ورجع نطق ~ خليل باغيييييك باغي يشوفك
شهد … شدات فوسيم زيرات عليه ورجعات شافت فغانم ~ لا قوولييه لا وجرات وسيم غادة لجيهة طونوبيلتها حتى سمعات كلامو لي خلى قلبها يرجف بخووووف
غانم … بحزن نطقها ~ باااااااااك مريييييييييض مبقى ليه والو ويموووووووت ، عندو مرض خطييير وباغي يشوفك قبل مايدي مول الأمانة أمانتو ، نعلي شيطان وسيري عند باك راه ماسمحش فيك هو مكانش عارف عندو بنت فالأصل ، مكذبش عليك اشهد ..
كانت فقط كتعاود فوذنيها ديك كلمة مريض كايموت ، بقات ساكتة وصوت غانم كيتعاود فوذنيها ، زيرات على يديها بقوة ، تا نزلو دموعها بسرعة ، عاد تنهدات وهي كتسمع كلام مها لي خلات ليها { بنتي بقاي مع باك يد وحدة ، بغييييه الحب لي غادي تعطيه لمييمتك عطييه ليه ابنتي ، كونو ديما بجوج وعلميييه ديما بلي كنبغييه ابنتي قوليه جوهرة عمرها غذراتك } محدها كلام مها كتفكرو ودموعها نازلين تا شدها غانم معنقها ، بطريقة مجنونة محملهاش تبكي مابغاش يشوف دموعها ، زيرها لصدرو ونطق
غانم … بحرقة من دموعها لي شاف~ متبكيش ابنتي قلبي كيتحرق ، مبغيتيش تشوفيه ماشي موشكيل أنا معاك اشهد ، شد وجها بيديه كيشوف فعينيها لي محبسوووش من الدموع ونطق ~ لي طلبتيها نديرها غير حبسي من الدموع
شهد … شدات فيه بقوة يديها كيرجفو ونطقات ~ ديني عندو اغانم
باسها فراسها وجرها من يديها تبعاتو لطيفة وعبد القادر كيجريييو ، وسيم تا هو تبعهم ،كانت غير جالسة ساهية وكتفكر ، آخر حاجة توقعات هي هادي ، عمرها تمنات ليه الموت ، ولا بغات تأدبها كانت محروقة فقلبها وباقة محروقة ، ولكن متقدش تشوفو كيموت ولا واقعة ليه شي حاجة ، كيبقى وصية وصاتها جوهرة الأم لبنتها شهد ….
صعيب تفقدي واليديك والقاصحة انك عمرك معشتي معاهم ، ونهار عرفتيييهم على قيد الحياة ، يموتو حدى عينيك ، شهد مألمة من جهة خليل بزاف ، خصوصا كلام مها لي فاش كبرات ملقات منو تا حاجة صحيحة على باها ، عرفاتو سمح فيها ومشى بلا ميأنبو ضميرو عليها ، واش واكلة ولا شاربة ، مكسية ولا عريانة، كان عندها أمل تلقاه ، تقوليه علاش سمحتي فيا شنو درت ليك ، علاش خليتيني كنتعذب ، لا حنين يحن فيا ولا رحيم يرحمني ، ولكن نهار كبرات كبر معاها غير الحقد ، مبغااش تقلب علييه خصوصا فاش عرفتو سمح فيها ومشى ، نزلات دمعة وتبعوها دموووع كثيرة ، دوزات 27 من حياتها بلا بيييه ولا مها ، ودابا سمعات خبر مرضو ،واش صافي غادي يمشي كيف مشات مها ومعمرها غادي تشوفو ؟ رغم قلبها لي قاصح من جيهتو ، متقدش تسمع عليه شي حاجة خايبة. وها هي دابا كتجري باش تشوف احوالو… حطها غانم حدى للباب ، دخلات لطيفة كتجري تابعها عبد القادر وموراهم شهد وغانم. عاد وسيم جاي … دخلات لطيفة كيبان ليها مجبد فالناموسية ، حاط أوكسيجين على نيفو ، وعرمة ديال دوايات حدى راسو ، وجهو حمر ومغمض عينيه ، سمعات غير الغوتة ديال لطيفة لي خلات قلبها يرجف من بلاصتو…
لطيفة … كتبكي بصوت عالي ~ خووووووية حبيبي فين غادي تخليني ؟ كتقلب فيه وتبكي بحال شي حمقة ~ اش وقع ليييك؟ هضر معايا ؟
خليل … شاف فيها بنظرة عيانة وهز يديه حطها على يديها ~ هادشي لي عطى الله اختي الحمد الله عافاك مبغيتش نشوف تا واحد كيبكي خليني نموت حداكم فرحان
غانم … قرب ليه كيشوف ديك الأدوية وتحاليل دنيا مقلوبة زير على راسو مفاهم والو ونطق ~ خالي شرحلي كيفاش عرفتي ؟ فقاش هادشي ؟
خليل … كيشوف فشهد لي واقفة مصدومة وعينيها حووومر ، نزلات دمعة من عينيه مقدرش يمسحها ~ هادي شهر باش عرفت مشيت نتعالج مكاينش العلاج اولدي ، داكشي علاش بغيت نموت فداري ، هز يديه لجهة شهد ونطق ~ قربي حدايا ابنتي ، مقدراتش تحرك من بلاصتها عينيها عليييه من راسو لرجليه ، حتى شافت دمعة نزلات من عينيها وهي تسمع ~ عافاك اجي حدايا ابنتي
شهد … مقدراتش تزيد تسمع وهي تقرب لعندو جالسة حداه ، بلا ماتحس هزات يديه قاداتها ليه ونطقات ~ شنو قال ليك طبيب ؟
خليل … بلع ريقو وحيد الأوكسيجين من نيفو عاد تكلم بهدوء~ سمعيني ابنتي ، مابقاليش بزاف فهاد الشهر حللو مرضي كيزيد غير ينتاشر ، والعلاج مكاينش بغيت هاد الأيام ندوزها معاك ، خليني هاد الايامات نعمر عيني بيك ابنتي ، حط يديه على يديها وزير عليها عاد نطق ~ الخانزة درشيدة لي زورات تحاليل نهار درتهم خلاتني مشيت وحرماتني منك الله ياخد فيها الحق ، بفمها عتارفات نهار وصلها طلاقها ، سمحيلي ابنتي مبقيتش معاك فالوقت لي كنتي محتاجاني ، الله ياخد الحق فلي كان سباب ، سمحييلي انوارتي ، عطيني فرصة نعيش معاك هادشي لي بقى لي عافاك نعوضك على لي فات واخا غير شوية ، هز يديها وقربها لجهتو باغي يبوسها تا هرباتها ، كتشوف فيه كيف ضعاف ، وصحتو بدات تهد ، محسات غير بدموعها نازلين، دغيا مسحاتهم ورجعات ليه الأوكسيجين لنيفو ،سمعات كينطق ~ بنتي شهد متخليش باك كيف خلاك بلا ميعرف ، خليييك فجنبي ابنتي متسمحيش فيا
شهد … زيرات على يديها مباغاش تنهار حداه ، باغا تبقى حداه عادية، حطات يديها على يديه وشافت فيه لقات دمعة نزلات من عينيه ، دغيا هزات يديها مساحتها ونطقات ~ هانا معاك مغاديش نخليك
دورها للدار شافتها ، متنكرش عجباتها ، ذوقو زوين ، فالأتات كل شي بيض وبسيط ، متول كل حاجة فبلاصتها ، كتقلب بيت بيت صالون بصالون ، فرحانة ، من حلمها تعيش حياة هادية وبسيطة.، وربي حقق ليها هاد الحلم ، كانت تنعس كتهايل راسها حداها الإنسان لي غادي تستقر معاه ، وجنبها وليداتها ، وربي محرمهاش من هاد الحلم ، دخلات للطواليط كبير وفيه حمام ، مقاد ونقي كيشعل ، ورجعات دخلات للكوزينة ، فرحانة بدارها جديدة ، حتى حسات بيه موراها حاط محاصر يديه على كرشها ، وجهو حدى عنقها ، خلاها تبورشات من لحيتو لي كيحكها على عنقها …
نايف … بصوت هادئ نطق ~ نورتي دارك الفريزة الديالي
أمال … غمضات عينيها حاطة يديها على يديه وتبسمات ~ شكرا عجباتني دار بزاف غزالة
نايف … باسها فعنقها ومصها منو تا تهزات ~ مزيان مين عجباتك ، دورها لعندو فرحان فيييها وهز راسها لي حانياه حشمانة ~ شنو ندير فيييك دابا ؟
أمال … هزات عينيها فيه تا تنهد بعنف ونطقات ~ نايف رجعني عافاك قلتي نشوفو دار ها حنا شفناها
نايف … خنزز فيها معاجبوش الحال ~ يهديك الله ابنتي فين اترجعي ؟ ميعاد العرس عاد غادي يشوفوك ، كنلعبو هنا ولا شنو ؟
أمال … طرطقات فيه عينيها ~ نايييييييف واش باغي تحمقني ؟ جايبني بلا عرس بلا حوايج ؟ وعائلتي ؟
نايف … قربها لييييه وبلا ميحس بدأ يبوسها يديها وجهها راسها عينيها تا خطفها من فمها بوووسة طويلة وسخونة خلاها تنهدات فمو ، ورجع مزيرها لييه بقوة كيجر فشنايفها تا حبس فيها النفس عاد طلقها ، وجهو حمر وعروقو منفوخين ~ كل شي عارفني جبدتك حوايجك كل شي شريتولي ليك جديد اش بغيتي آخر ؟ العرس باش نكون واضح معاك أنا منصبرش حتى لعرس ، باغيك وسلام ، هاد العرس ماشي مهم المهم هو انك حلالي ومحللو ليا الله شي حاجة اخرى غير تخربيق عندي
أمال .. بعدات عليه شوية ونطقات وهي كتشوف فعينيه لي معسليين عليها ~ نايف حبس عفاك باغا ندوش ورتاح شوية ، نخرج ونهضرو عافاك
نايف … قرب ليها باسها بقوة فمها مطلقها تا لكحااات عاد نطق ~ سربي ومتعطليش عليا
واقفة فالحمام ذاتها كاملة كترعد عليييها ماعارفة مدير ولا شنو تقوليه، جميييع حواسها كينبهوووها بالخطر ، لابسة بينوار حريري لقاتو موجدو ليها ، وطالقة شعرها ، تا قطرة ديال الماكياج ماكيانة فوجهها، كضغط بسنانها على شفايفها وتعاود ، الخوف متملكها، احساس غريب كيقولييها زعمي وخرجي عينيك فيه مالو شكون غايكون لي يخلعك…
تشجعات واخيرا، دايراها فيد الله ، وفتحات الباب لي كان غادي يهرسو بالدقان … لقاتو واقف عريان ، غير بشورط مخنزز وعينيه حوووومر ، تحلف علييييه غير شارب ، مقدراتش تشوف فيه مزال ، وحنان عينيها حمشامة منو …
نايف …جمع النفس سخوووونة كيصكانيييها بعينيييه طلوعا ونزولا ، بلى مايرمش جرها من خصرها لعندو كيشوف فصفاء بشرتها نقية ، شحال كان متمني تكون بين يديييه وها ربي محرموش من هاد الأمنية ~ قتلتيني شنو ندير معاك دابا ؟
أمال …. هزات عينيها فيه بخجل كتلعب على اوتار قلبه برنات خفيفة ، رمشات جوج دالمرات وبغات تبعد عليه شوية ~ احمم والوووو بغيييت نعس عييييت وغذا نهضرو
تحلوييييينها عليييه مزادو غير طن بلة مفطن براسو غير شادها من شعرها وجارها لعندو، عينيييه فعينيها ، نزل لحدى ودنيييها وغمض عينيه ماصصصها منها بقوة ، بسرعة مقدرش يتحمل منظرها وهي كتهض على شفايفها، كان خداهم بين شفايفو بحنية كيقبلها، كل ما تمناهم ليه ، تشهاهم وتعذب بليل ونهار هاهو وصلهم وبين شفايفو كيمحنهم كيف بغى ، نزل لشفى تحتانية كيعطيها حقها ، تا حركها معاه ، لقات راسها بدورها كتقبلو، زفر بصوت مسموع ودفعها على الحيط تا توعتات، مخلاهاش فين تفهم اش واقع وكان طرطق البينوار كاشف على صدرها لي مجموع بسوتيامات مكشوفين، بلع ريقو وقرب ليييها ، عينيه هاد المرة غير عليييهم ،
نايف …. ~ اليووووووووووووم ناااااااكلك نساي الراحة اليوم غير نهارنا
مزال مستوعبات اش واقع وفين هي تا لقات يديه فوق صدرها كيدوز عليييهم ، شافت فيه بخوف خصوصا انه وصل لقمة ورجع حمر ، كيصوووط وسخانة طلعات لييه ، زيرات على يديها وبدات دفع فيه
أمال ….. بخوووف نطقات ~ ماشي اليوم خلي مرة خرى عافاااااك حتى نديرو العرس
نايف …. قبلها فرقة صدرها بقوة وعينيه كتلهب بنار شهوة عصباتو هو يقرب وهي دفعو تا غوووت عليها ~ مال عدو ر** هنيييييييينا ، اليوم فيك فيك مكاينش لا ، حني فيا شوية هي انتي
أمال …. رجعات بلووووور ودفعاتو كتنهج وهي بدورها شهوتها طغات عليها ، غير الخوف لي مانعها ~ ماشي هاكا تافقنا ممستاعداش دابا من بعد
نايف … صعرة شداتووو عليييها منظرها فديك الحالة خلاه بلا عقل باغيها وبس ، عينيه على صدرها وكرشها لي تعرات، دوز على شعرووو بقوة ناتفو وقرب ليييها باغي يشدها بين يديه يردها زبدة ويبداها كيف بغا ~ اجي غير نقوووووليييك ، والله من ز** اليوم لا منعتي، وقفي خلينا نتفاهمو
أمال … بغات تهرب ساعة معامن شدها مقنتها فالحيط ، ونزل على عنقها لحسو بقوة تا رجفات ~ نايييييف اويلي طلق مني شنو غادي نقوليهم ؟
نايف … حشى يديه تحت البينوار فتحوووو ، وطلع يديه فوق صدرها كيدوز عليييه ويزيرو بين يديه عاد نطق بصوت معسل واصل للطوووب~ أنا حو** وباغي دابا لي سولك قوليلي راجلي حو** باش يديوها فك** شوية
جاتها صعيبة تقبل فكرة موت باها شخص لي عاد قالت بسم الله وبغات تدخل في حياتو وتتقبلو كأب بعد صراع كبير كان بين قلبها وعقلها الاخير لي كان رافض وكل مكان القلب كيبغي يلين كيرجع يقصحو بتخلى عليك ورماك ولاحك وتعذبتي ونصبتي وملقيتي متاكلي لكن تغلبت على نفسها ورممات جرح نفسها شوية بشوية وحتى بدات تعافى ونزل عليها مرضو بحال صاعقة قلب حياتها
ترجع تفقدو بعد ما لقاتو ، يخطفو منها الموت وهي مزال معاشت حتى شوية معاه ، فكل أنين كان كينين وهي فجنبو بكات وحن قلبها وسمحات نسات لي فات وتجاوزات جلست معاه فدار وقابلاتوو ، فرحتو بقربها منو نساه همو وقف على رجليه وحاول يعوضها على حرمان سنين
نصحها گاب خدا بيديها وحل عينيها على شنو ضاير فيها، نساها فبزاف دالحوايج خايبين عاشتهم ، فكل نهار كانت تجلس حدى راسو ، كيفرح وكيعمر عينيه بيها ، بعد المرات كيهضرو فمواضييع كثيرة ، جوانب زوينة عرفاتهم فيه ، شافت أنه حنين ، حتى فكلامو معاها ، ابتسامة كبيرة كتعمر شفايفو فاش كيشوفها ضاحكة حداه ، ونهار على نهار كتاشفات الحرمان لي كانت بعيدة علييه عايشة ، جماعة دالعائلة مكاينش بحالها ، كانت لطيفة وعبد القادر ، غانم ونسرين مكيحيدوووش من عندهم فالدار ، طيب وهي فرحانة معاهم ، لامة مجموعة مكاين غير ضحك ونشاط ، حتى من جوهرة عيط ليها خليل تجي وغير سمعات مرض باها جات كطير لعندو وسمحات فكل شي ، كان عندو هدف يجمع العائلة وبناتو فجنبو ، وحققو فاش رجعات جوهرة وجلسات معاه كيف الأول ، الحساسية لي كانت بيناتهم مبقاتش ، ودموع بداو ينشفووو ، حتى من الجرح تلمم وبدأ يتنسى ، حياتها كاملة وهي كتمنى تعيش مع عائلة حنينة وتجمع معاهم وربي عوضها بيهم ، غانم نهار على نهار كتعلق بيه، كتشوف أنه هو الشخص الوحيد لي ممكن تعيش معاه ، هو الرأس والساس ديالها ، فكل ليلة مكيمشي بحالو حتى كيخليها فرحانة واكلة شاربة مكسية ، گاع داكشي لي تمنى موجود ، واليوم كيف كل نهار مبانش اترو ، موالف يجي ويشوفها ويسول عليها ، دار اليوم لول تاني وتالت ، وهو لا خبار لا حس عليه ، تشوشات وتغير مزاجلها فتانية ، وهي جالسة كتخمم عينيها حزينين ، كان خليل واقف حداها ، هز يديه دورها على راسها بحنان ونطق …
خليل …كيشوف فالقلق لي باين على عينيها ~ منييين انتي لهاد الدرجة كتخممي فيه وكل دقيقة تسولي علاش معذبة راسك وهو معاك ؟ علاش متعطييش فرصة لراسك وليه ؟ أنا باغي قبل مانموت نطمن عليك بغيت نموت فرحان ومرتاح من جيييهتك ، وغانم هو احسن واحد ليك ابنتي غادي نموت هاني علييييك حيت عارفو غادي يديرك فعينيه ، حققي ليا آخر أمنية ابنتي مشفتكش وكبرتك وانتي صغيرة خليني نشوفك عروسة
بقات ساكتة عينيها عامرين دموووع ، وحنات عنقاتو بلا رد ، كتحس بقلبها كينزف وهي كتسمع منو كلمة الموت ، ماباغاش تعيشها مرة اخرة ، باغا تبقى فجنبو وتعيش معاه الطفولة من جديد لي تحرمات منها ، طبطب على ضهرها كيدوز عليه ، ورجع مسح ليييها وجهها ، وحنى باس على راسها ، دازت ديك ليلة حزينة عندها النوم مدازش على عينيها ، تفكر وتخمم فكلام باها ليها ، بالها عند غانم لي غير وتقلقات علييه ، متنكرش ولفاتو ، وجودو معاها بوحدو كيعطيها طاقة إيجابية زوينة ، بدات تقلب تا سمعات طيليفونها كيصوني ، قشعات من بعيد شاشة وعليها اسمو ، حسات بقلبها كيضرب بقوة ، وبسرعة هزاتو وفتحات الخط …
غانم … بصوت عيان بالخدمة هادي تلتيام وهو حاني خدام ، مشنطن وعينيه منفوخين ، لحيته مخربقة وراسو عاطيه الحريق نطق بصوت تقيل ~ السمراااا …. قلبها بدأ يضرب بسرعة ، ويديها كتكمشهم مع بعض تا رجع نطق ~ شنو درنا أبنت الناس ؟ حياتي مشقلبة كاملة مرونة ، مابقيتش باغيها ترون باغي ندخل لداري لقاك فيها كتسنايني ، نعس فجنبك ونحس بيك ، اشنو باليك ؟ تقبلي تزوجي بولد عمتك ؟
لعبات بلسانها فمها ، حاسة باللكحة حلقها نشف ، ماعرفات باش تجاوبو ، قلبها داير خدمتو وعينيها نايمين فرحانين وفالنفس الوقت متوترة ، بلى ماتحس قطعات الخط وجلسات كتنهد قلبها غايخرج من بلاصتو ، احاسيس كثيرة تخلطو عليها ، الفرحة والتوتر الغضب من انه غبر عليها تلتيام وخلاها مشوشة عليه ، كل شي تجمع عليها فهاد اللحضة ، حطات تيليفون فجنبها كتفكر ، وتكات بلاصتها ، خاصها غذا تعطيه القرار لي كان يتسناه حياتو كاملة ، ناوية غير تشوفو تهضر معاه ، بعد صراع مع النعاس قدرات تنعس وتخلي كل شي لغذا ..
فاقت نشيطة على غير عادتها ، قادات ليييهم الفطوور… بحال شي فراشة كطير من هنا وتجي لهيييه ، نصبات الغذا ، ودازت عند خليل عطاتو دواء ، وفيقاتو بشوية علييه ، عاد دازت لبيييت جوهرة لقاتها باقة ناعسة ، عبسات وجهها وفتحات الخوامي ، تا دخلات شميسة لبيت ، عوجات وجهها وحلات عييين معصبة ونطقات …
جوهرة … بعصبية باقي فيها النعاس ~ شششششششششهد خليني نعس حرام علييييييييك
شهد … شافت فساعة ونطقات ~ نوووووضي هادي العشرة اويلي لفطور برد وانتي باقة مكوزة ليا هنا
جوهرة … لاحت لغطى معبسة وناضت بشنوووت ~ ومابغييييتش اختي الفطووووور بغيت نعس اويلي
شهد … لتحت الغطى ليها وخنززات فيها ~ نووووضي براكة من لقح*** لقيتي لي يفيقك ويوجد ليك الفطووو وباقا كتحلي فمك
جوهرة … تبسمات بفقصة وناضت عنقاتها قبل ما توريها الوجه التاني وتحييير فيييها ~ صافي هاني بلى متبداي عاود
خرجات شهد لقات باها جلس فالطبلة، جلسات حداه كتقاد ليه الفطور وتقرب ليه ، حتى سمعات مي رحمة دخلات للصالون ، لقاتها وجدات كل شي تبسمات وقربات حضناتها…
مي رحمة … بفرحة ~ صباح النووور الغزالة ديالي فقتي بكري ابنتي
شهد … باست يديها ~ قلت نوجد ليكم الفطووور اميمتي ، رجعات سولاتها باهتمام ، مي مابانش ليك وسيم ؟ خرج بكري مرجع ؟
مي رحمة … شافت ساعة ~ يكون مشى الخدمة ابنتي المطعم سمعتو خاصو يقاد شي وراق فيهم
شهد … اومات ليها راسها بالإيجاب ~ ااااه عليييها ولكن العجب ماقالي والو عليييهم
جوهرة … خرجات كتفوه ونطقات ~ صباح الخير علييييكم
مي رحمة … جلساتها حداها ~ صباح النور بنتي
جوهرة … شافت فخليل ونطقات ~ بابا اليوم نمشيو للطبيب بغيت نشوف واش كل شي حل و لا شي علاج فبلاد اخرى منقدش نبقى نشوف فيك هاكدا بلا ماندير والو
خليل … كحب تا شرگات ليه ورجع نطق بعياء ~ لا ابنتي مكاين لاش ، لي قالوه واضح ، خليني ندوز وقت زوين حداكم متقلقينش الله يرضي عليك
جوهرة … طولات فيه شوفة ونطقات ~ لي بغيتي ابابا ، أنا بغيت غير نشوف واش كاينة شي فرصة ليك ، سكت مجوبهاش وهي تحني راسها ، هزات كاس القهوة كتشرب ورجعات شافت فشهد لقاتها كتخمم وعلى وجها حزن كبير ~ شهد فطري
داز الفطوور على خير وبيخبر ، من غير جوهرة لي كتخمم فمرض باها المفاجئ، وسببه الغريب لي مبغاش يشوف طبيب معاهم ، حتى اصرار انه يمشي دخل ليها شك كبير ، ولكن حاولات تفاداه ، العشية دازت على خير ، وبيخبر ، علاقتها بشهد تحسنات بزاف ، عمرهم ناقشو الماضي ولا هضرو عليه ، مجموعين جنب خليل بدون صراعات او نقاشات ، او بالأحرى كل وحدة فيهم كانت محتاجة تانية ، شهد اتاصلات على أمال تسول فيها ، وتناقش معاها كيف ديما ، من نهار تزوجات كتجي غير مرة مرة لعند شهد طل عليها ، ولا شهد كتمشي تشووفها ، العشية تعاشات وهي باقة ابيل معاها كيتعاودو ، تا سمعات دقان وصوت جوهرة داخلة وفيديها شي حاجة …
جوهرة … بفرحة نطقات ~ شهووودتي نوووضي لبسي هادشي غادي نخرجو أنا وياك
شهد … قوصات حجبانها فيها ~ فين بالسلامة خارجين ؟
جوهرة … عيبات وجهها ~ وعندي اصاحبتي حفلة فالخدمة ومابغيش نمشي بوحدي
شهد … بتعب نطقات ~ مافيا لي يخرج أنا سيري راسك عندي مايدار فهاد الساعة
جوهرة … نطقات بحزن ~ حتى قلت حمد الله عندي ختي تبقى تعاوني وتمشي معايا لأي بلاصة بغيت ، وخاب ضني عاود امنية وحدة مقدرتيش تحققيها ليا باز أنا والله ماعندي زهر ، تقلقات ودارت فيها فگعانة وتمات نايضة بحالها ~ ماشي مشكيل اختي نمشي بوحدي كيف قلتي مكاين لاش نصدعك
شهد … تنهدات كتصووووط ونطقات ~ اجي الله يعطيني صبر معاكم ، اري نشوف شنو جايبة ليا لبس
جوهرة … طارت عليها معنقاها ~ يخلييييييك ليا ربي احنونتي
تبسمات شهد ليها وهزات كتشووق ، قميص بحال جلابة مفصل عليها ولونو بيييج بارد قلب بنانا كيحمق ، معاه صندالة عالية ، وشال فالنفس اللون
شهد … قوصات حجبانها ونطقات~ شنو هادشي ؟ أنا مكلبسش هادشي اويلي
جوهرة … فركات يديها بجوج بتوتر ونطقات ~ غادي يجيك كيحمق غادي لبسو بحال بحال ، متنسايش هاد الحفلة فيها الناس محتارمين بزاف ، وخصيصا ختاريت ليه هاد اللبسة على ذوقي عافاك ختي لبسيها الله يرحم ميمتك
شهد … قوصات عينيها فيها مفاهمة والو ~ صافي صافي سكتي بلا ماتبداي ، هزات عينيها فيها وهي تنطق ~ ساعة منطولهاش معاك متافقين ؟
جوهرة … بفرحة ~ صافي مشات هانتي قادي راسك هانا نمشي لبس ونجي عندك نعاونك
دخلات شهد دوشات من ريحت الماكلة ، وخرجات هزات تيليفونها كتفكر شنو دير ، باغا تهضر مع غانم وتحط النقط على الحروف ، باغا تقوليه بزاف ديال الحوايج كانت مخبياهم ، دغيا كتبات ليه رسالة وصيفطاتها فالبلاصة ✉️ ممكن نتلاقاو مع جوايه العشرة حدى دارنا باغا نهضر معاك ….
لاحت التيلفون ودازت نشفات شعرها ، سرحاتو مزيان وقادات وجهها بشكل خفيف ، مكتبغيش تجلخ وجها وتعمرو بالماكياج ، بشرتها صافية طلعات كضوي مع الماسكارا جبدات عينيها بيها زادو كبرو ، لبسات ديك القميص بحال جلابة جاي ، مع صندالة ، وقفات كترش ريحتها ، وتقاد عكارها ، تا دخلات عليييها جوهرة لابسة ومقادة ، حقات فيها مزيان تا عينيها دمعو ، وقربات حضناتها بقوة …
جوهرة … إحساس جديد وغريب انها عندها أخت وماشي أي أخت شهد لي كانت تكره فحياتها كاملة ، نهار سمعات قصتها وشنو قاصات فصغرها حنات فيها وفرحات لي عندها أخت غادي تكون ديما فجنبها ~ جيتي كتحمقي الله يحجبك اختي
شهد … ابتاسمات ليها وقرصاتها من وجها بشوية ~ وعلاش هاد الدموع بالسلامة ؟
جوهرة … شدات يديها بجوج عندها ضاماهم ونطقات ~ بغيتك تسمحيلي على اي حاجة درتها ليك فالماضي ،
شهد … عبسات وجها فيها ~ عمري خديت برييدك ولا حقدت عليك ، من ديما عمري لمتك عمر الغلط مجا منك اجوهرة ، وسمحيلي أنا على كل شي أذيتك فيه بلا منحس
جوهرة … مسحات آخر دمعة ونطقات ~ بغيت نوضح ليك شي حاجة اختي ، انتي كنتي سبب باش نشوف الحقيقة ، غانم ، بغات شهد تقاطعها وهي توقفها ~ عافاك اختي بغيت هاد الموضوع يتسد ، بغيتك تعرفي بلي نسيتو ومبقاش فبالي ، انتي كنتي وباقة هي نور باش كيشوف ، وعمرو شاف فيا ولا بغاني بحالك ، هادي هي الحقيقة ، هو كان فقط هوس من الماضي ، وانا قتلتو ،
شهد … بقات ساكتة كتشوف فيها وفالتالي تنهدات كانت محتتاجة تسمع هاد الكلام من فم جوهرة ~ ربي يعرضك خيييرو انشالله
جوهرة … تبسمات وهي كتقاد ماكياجها هزات شان لي عطاتها وحطاتو فوق راسها ونطقات ~ ربي عوضني اختي وقريب نعرفك عليك غير ماباغاش نزرب
شهد … ضحكات وهي تجرها ~ ياكي وساكتة ؟ عاوديلي شكون هذا ؟
جوهرة … كتقاد ليها شان على راسها ~ من بعد ماشي دابا ههههه خليني نقاد ليك شان اويلي
شهد … قوصات حجبانها ونتفات شان حطاتو غير فوق عنقها ~ واش كضحكي عليا علاش ندير شان ؟
جوهرة … بقات دور فعينيها وهي تنوض ~ كاينين رجال بزاف وناس محجبين معاهم داكشي باش بغيتك ديريه ولكن إلى ماكنتيش مرتاحة بلاش اختي
سمعات صوت مي رحمة ، وقبل شهد ماتستوعب اش واقع ، كانت جراتها جوهرة من يديها مخرجاها لجيهة الصالون ، كاتشوف دنيا مقلوبة الصالون عامر لطيفة ونسرين ، امال عبد القادر ونايف وغانم حداهم ، جوج رجال تا هنا ، وخليل فالوسط جالس ، حسات بقلبها غادي يسكت ، فقاش جاو وامتى الله واعلم ، بوكي دالورد كبير محطوووط حداه بواطات كبار وشكلاط ،محدها كتقرب وقلبها كيضرب ، عينين غانم عليييها مزالوش ، تبسيمة على فمو قتلاتها وخلاتها تحني راس ……
سبحان الله ربي كيبيتها فشان ويصبحها فشأن آخر ، كانت غير من بار لبار تنصب على هذا وذاك ، تمشي مع رجال وتسرق ليهم رزقهم ، حياتها ماشية غير فالطريق الحرام ، حتى ربي كتبها ليه ، عطاها خبيزة مغمضة ، راجل ولد الناس ، رغم شوهة لي دارت ليه ، والنصب لي نصبات عليه ، وسرقة لي سرقات مو ، عطاها فرصة وبغاها من قلبو ، تمناها عروسة فوق فراشو ، وبغى يكمل حياتو معاها تا يموت وهو حداها وشاد بيديها ، تبسم وهو كيشوفها حشمانة داخلة حداهم ، كيطلع ويهبط فيها ، لي لبساتها كتجي معاها ، لي شرى ليها كتجي مفصلة على طايتها ، كيعشق جسمها لدرجة كبيرة ، وباغي غير امتى تكون فيديه يحس بيها وتحس بيه ، سر من عند الله نزل عليييها ، جلسات حدى مي رحمة رامية السلام وحانية راسها ، مزال مفاهمة والو ، وشنو كيديرو هنا، لكن قلبها بحال إلى كان حاس بشي حاجة، كيضرب بقوة ، ويديها متوترين ، حالفة متهز راسها وتسول تا تسمع وتفهم من عندهم اش واقع …
عبد القادر … حنحن بصوتو الغليض وشاف فخليل ~ سي خليل ، ضحك بصوت عالي ونطق ~ سبحان الله العلاقة باقة مستمرة وكيف جيت طلبت ختك منك مرضيتيهاش ليا فوجهي ، كريم ومول الدار الكبيرة ، اليوم نفس الأية كتعاود وجيت طالب راغب فيد بنتك شهد الغزالة لولدي غانم ، اش قلتي اسي بنكيران ؟
خليل … تبسم وهو كيشوف فشهد لي يديها كتكمشهم وترجع طلقهم فحيرة ورجع شاف فخليل وابتسامة كبيرة على وجهه~ الله اودي وكيف مرجعتهاش ليك فوجهك النهار الأول اليوم تاني منعطيش بنتي لحسن من ولدك اسي العلوي ، غير هو خليني نسولها ونسمع موافقتها حيت كتهمني
عبد القادر … شاف فشهد ورجع تبسم ~ مرحبا مقلتي عيييب , شاف فشهد وسولها ~ بنتي ! سمعتي علاش جينا ، دابا بغينا غير موافقتك العدول كاينين ، انشاء الله توافقي سنيو عقدكم معندككم متزيدو تعاينو
شهد … قلبها فحيرة مابين الخوف والفرحة والصدمة متوقعاتش يديرها وبلى علمها يجي ويحطها قدام أمام الأمر الواقع ، كل شي تجمع عليها فالدقيقة ، بقات ساكتة كتزير على يديها بقوة ، تا قرب ليها وسيم ،وأمال ، شدو فيديها كيطمنوها ، خالاوها تهدن غير بلمسة ونظرة تنهدات وهزات راسها لفوق كتشوف فعانم ، لي وجهه حمر الخوف والقلق واضح على وجهه، ميلات راسها وحناتو ناطقة ~ قابلة اعمي
بانت الفرحة على وجهه ، وناض وقف كيفسخ الگرافاط من عنقه ، حلقه لكح عليه ، كان خايف ترفض ولا تقول عطيني وقت ، كان غادي يموت فيها ، ولا يهزها ويهرب بيها ، ولكن الحمد الله ، وافقات وخلاتو فرح ، السعادة بانت على وجهه ، وقف كيتسالم مع باه وخليل ، ولطيفة طلقاتها بتزغريييتة عالية …
لطيفة … بفرحة عنقات شهد وهزات يديها كتلبس ليها دمالج ذهب ، كتزلگ ليها وتعاود ، تا عمرات ليها يديها ، وعنقها عاد نطقات ~ الله يكمل عليكم بالخير ابنتي، كانت عندي أمنية وربي استاجب لدعواتي
شهد … باست على راسها بفرحة وعنقاتها ~ لهلا يخطيك عليا اعمتي
مي رحمة … كانت فعتقها سنسلة قديمة ديالها حيداتها وعلقاتها ليها ~ مبروووك عليك ابنتي عادي بغيتك عمرك تجيديها من عنقك واخا نموت تفكريني بيها ، امنيتي تحققات وغادي نشوفك عروسة ، ودابا نقدر رتاح من جيهتك
شهد … غرغرو عينيها بالدموع مسحاتهم دغيا وحنات باست يديها ~ الله يطول فعمرك يا احسن أم فالعالم
غانم … وقف حداها فرحان كأنه ملك الدنيا ، وقرب شد يديها وحنى هز شال حطو فوق شعرها ونطق ~ نسنييييو على عقد زواجنا؟
بلى ماتكلم جلسها حدى العدول ، باقي مسخى يطلق من يديها ، دغيا هز ستيلو سنى عليه ، وعطاه ليها ، هزاتو سنات ، وهي كتسمع زغارييت البنات ، بقات ضحك وعينيها مغرغرين ، احسن لحضة عند البنت هي هادي خصوصا والناس لي كتبغي دايرين بيك ، عنقها خليل ، وحنات باست يديه ، عاد غانم جيد الخواتم ، ركب ليها خاتمها وكملات ركبات ليه خاتمو فرحانة ، وحاسة بإحساس غريب ، الصدمة والفرحة الخوف كل شي تجمع عليها …
غانم … قرب حدى وذنيها ونطق ~ مبرووووك علينا اسمرا واخيرا وليتي تحت سميتي ابنتي ، عاد هز راسو وقبل راسها قدام الجميع
كانت حفيلة صغيرة بين العائلة فقط عشاء ، فضلات مدير والو ، كانت أمينتها تجمع مع عائلتها ، وتشوف الفرحة فوجهم ، وربي حققها ليها ، أمال حطات ليها حنينة فيديها غير الفال وصافي ، فرحو بيها ، وعانم ممخليش من جهدو ، حلف مايديها لدارو غير وهي لابسة الكسوة البيضة ، مبغاتش فالأول ورفضات رفض تام ، حتى سمعات باها وهو كينطق ..
خليل … بفرحة ودمعة فعينيه ~ لبسيها ابنتي امينتي نشوفك خارجة من دار باك بالكسوة البيضة
بقات ساكتة كتشوف فيه وفالأخير وافقات تلبسها ، فرحة امال كانت يمكن كتر من ديال شهد ،،، كتقاد ليها وتوصيها وتعاود ، فرحانة بختها ، اما وسيم كتر منها يجري هنا ولهيييه ، نسرين خدات واخيراً الباك ، وكتسنى يجي وقتها فين تجمع مع حب حياتها ، لقاتو ولد الناس وعمرو تعادى حدودو معاها ، شافت فيه الإحترام لي هاد الوقت مابقاش ، ولقاتو راجل تعولي عليه ، يديها ويجيبيها ويحضييها وكيخاق عليها ، ودابا مين شهد تزوجات بقى آخر خطوة يخطيها باش يديها ويكبر بيها قدام عائلتها ، تنهد وهو كيشوف فيها من بعيد بحب … دازت العشية فسلام ضحك ونشاط ، حتى جا الوقت فين العريس يدي معاه عروسته ، كانت واقفة لابسة الكسوة البيضة ، تحت زغازيت البنات ، زوينة وسر نازل عليها ، مسرارة وسموريتها هي لي خدات ليه العقل ، مسحات آخر دمعة نزلات وهي كتسلم على باها بحب
شهد … باهتمام وخوف ~ واعدني تبع دواااك ومتنساااهش بغيتك تخليني نمشي وانا مرتاحة من جيهتك ،
خليل … باس راسها ونطق والفرحة غادي تخرج من عينيه ~ الله يرضي عليك ابنتي ويعطيك السعادة مع ولدي غانم ، الله يتاويكم ابنتي
شهد … باست يديه بجوج ونطقات ~ امين
تسالمات مع مي رحمة ولطيفة ، جوهرة وأمال ، مروان تا هو فرحان عنقها بقوة مساخيش بيها …ونزلات مفارقاهم بالدموع والفرحة ، فتح ليها طومووبيل غانم ، وطلع وهو شاد فيديييها ، دغيا كسيرا ومشى بيها لدارو ، لي موجدها على ذوقها ، كانت مهدودة ، كل شي داز عليييها بالزربة ، لدرجة مفهمات والو ، لكن رغم كل شي فرحانة وفرحتها كبيرة وهي معاه ، يستاهل يديها بين ليها شحال من مرة شحال يستاهلها ، نسى اي حاجة خايبة فيها ، وشاف غير الحوايج زوينين ، حطها حدى حي زوين راقي وباين فيه غير الناس لي لاباس علييهم ، فتح ليها الباب ، وهووووب حنى هزها خلاها غير كضحك ، فتح لباب ودخلها ، برطمة كبيرة ، مجهزة ومقادة مأتتة بكل شي ، تبسمات وهي تنطق ..
شهد … بفرحة ~ غانم نزلني براكة بغيت نشوف الدار
غانم … شعل ضو خفيف ودخلها لبيت دنعاس ، مقاد وفوق الفراش شوية دالورد ، تنهد وحطها عليه ~ ماشي دابا غذا وشوفيها كيف بغيتي دابا أنا لي باغي نشوفك ونكتاشفك
شهد … حطات يديه على يديه لي كيفتحو ليها الكسوة وهي توقف متوترة ~ اممم غ غانم بغيت ندوش حاسة براسي عرقانة
غانم … دور يديه على ضهرها وفتح ليها الكسوة ، شوية بشوية تا نزلها لأرض قرب ليها وحنى كيقبلها فكتافها العريانين ~ اممم لا بغيتك هاكدا
شهد … طولات فيه الشوفة حاسة براسها باغياه تا هي وهي تنطق ~ ندوش وانا كاملة ليك الليلة
فلتات منو دغيا ، تبسم ودخل لدوش لاخر دوش تا هو ، وخرج حط جوج صلايات حداه ، تفكر كلام يا المعطي ، وتبسم ، يمكن عندو الحق ، استغفر الله ، وهز عباية حطها ليها ، كانت متوترة خرجات غير بالفوطة ، لقات عباية محطوطة والصلاية ، مفهمات والو ، لبساتها وهي تحس بيه داخل ، لابس قميص جاه كيحمق …
غانم … قرب ليها وهز الشال حطو على راسها ونطق ~ نصلييييو قبل مانبداو ليلتنا ونتوكلو على الله ابنتي
شهد … حنحنات حاسة براسها لحكات وحشمات منو ~ عمري صليت اغانم
غانم … تبسم وشد فيديها ~ جا الوقت فين نصليييو بجوج باش ربي يوقف معانا فكل خطوة خطيناها
تبسمات ليه وحطات شال ، تقدم الأمام ،وبدا يصلي وهي متبعاه ، تا سلم ، عاد سلمات ، دعا ربي يغفر ليه ويعطيه لي فيها الخير معاها ، كان مزروووب وباغيها تكون بين يديه ، بسرعة خداها بين أحضانو فرحان بيها وهي كذالك ، كانت طول الوقت البسمة على وجها مرسومة ، نزل قلبها فوق راسها ، وهبط لعينيها ، وهو نازل لوجهها ، تا وصل لشفايفها ، قبلهم غير بشوية وشوية بشوية خداهم بقوة بين شفايفو كيقبلهم ، وهوووووب هزها بين يديه حاطها فوق السرير ، دغيا نصل ليها القميص مقدراتش تمنع راسها وبدات تقبلو هي تانية ، دقائق عديدة وكانو بجوج مجردين من حوايجهم ، حتى قبلها فعنقها ومصها منو تا تهزات ، عينيه معسلين عليييها دغيا طرطق سوتيامات ونزل كيقبل فيهم بجنون وشهوة ، كانت مرفوعة مع مصانو مقدرش يطلق منهم من ديما كان يتمنى يقيصها وها هي بين يديه دابا ، ونزل لكرشها كيبووس فيها ، تا وصل لتحت وهو يهبط ليها سليب بسرعة ، مرفوعة معاه ومع شفايفو سخان لي على جسمها ، مزال مقدرات تستوعب وكان مخشي بين رجليها ، انين وشهوة حارة طالقة من فمها ، تا فتق بكرتها بسهولة ، مكانتش من نوع صعيب ، زيرات على يديها بقوة فوق السرير ، فحين هو قبل راسها وجبييينها ، باغي يراعي عليها ونطق
غانم … وجهو حمر خلاه فيها محاول عليها مباغيش يعذبها ، غير كمل هز منديل مسح بيه وقبل راسها ونطق ~ واخيراً كتبتك بسميتي اسمورتي ، مبروووك علييك
تخشات فيه حشمانة فحين هو عنقها كأنه ملك العالم ، وهي بين يديه ، كيحس براسو باقي مشبع ، باقي باغي يعطيها شوية من حنانتو ورجولتو ، قبل كتافها نازل مع يديها ، تا خشاهم بين يديه وقبلهم بقوة فين الخاتم محطوط، ورجع جمع ليها رجليها ، مخليها غير كتشوف فيه مزنگة ، زيرها لعندو لحم على لحم ، وخشى يديه كيدوز على كرشها ، امنتيو يديها وداها ، ودابا بقى ليه غير يعمر كريشتها بوليداتو ، باش تكمل الصورة لي راسم ينفذها ، خلاها مخشية فيه تا حس بيها نعسات عاد ناض دوش وشعل گارو ، اليوم عمرو ينساه وغادي يبقى محفور فعقلو وقلبو ، كان عارفها نظيفة من لداخل وغير كتبين انها خايبة ومتصلاحش ، جمع دخان صايطو لبرى ، ورجع لعندها تخشى وعنقها عاد غمض عينيه ونعس على صوت انفاسها وريحتها لي كتحمقو
دازو ايام وليالي وحياة كتستمر مكتوقفش فبلاصتها أمل لي تزوجات بنايف وجربات الحياة الزوجية لي كانت جاهلاها بزاف، عرفات معنى الزواج ومعنى تكوني امرأة دار ..ضروري كاينين حوايج زوينين وخايبين فحياتنا ، مرة نبكيو ومرة نفرحو ، وحتى أننا كنكرهو اش عشنا وشنو دوزنا ، كنبقاو بشر وعندنا احاسيس ، شهد البنت السراقة ، لي عاشت الفقر والجوع فصغرها ، الحرمان والكره ، والحقد على المجتمع ، فضلات تعيش حياة ماشي ديالها ، ها هي اليوم فشخصية جديدة ، شخصية حنينة ، ورطبة ، كأنها طفلة هشة ، وكيقوليك فإن بعد العسر يسر ، واكيد بعد تعب والشقاء كنستقرو فحياتنا واخا كيكونو دبدبات دايزة ، شهد عرفات معنى تكوين أسرة ، وعرفات شنو المعنى ديال العائلة ، كان اختيار صعيب بالنسبة ليها ، والحمد الله قدرات تنجح فيه ، رجعات إنسانة واعية وناضجة فتفكيرها ، وقفات مع غانم فجميع صعوباتو ، وكانت هي داء ودواء ليه ، قابلات دارها وفهمات بزاف دالحوايج منهم الحب والإحترام لذاتها ، وأهمهم القناعة لي عمرها عرفاتها ، تبدلات كأنك حطيتي وحدة وهزيتي تانية ، ولات امرأة ناضجة ومحجبة ، الدفء الاسري لي تحرمت منو فصغرها عوضاتو فكبرها ، لعبة خليل نجحات ، فأنه يجمع بين العائلات ، كان فقط كذبة منو باش يجمع بناتو حداه ، ونهار علمها بالحقيقة ، تقلقات منو ، وحتى انها بكات لأنها كانت عايشة فخوف انها تفقد الأب لي عاد تجمعات بيه ، ولكن من بعد كلامو وحنانتو عنقاتو وقبلات اعتذارو ، جوهرة تخطبات بشخص لي بغات ، وقررات حتى لصيف عاد دير العرس ، ليالي زوينة قداتهم شهد وهي فأحضان غانم ، عمرو منعها من شي حاجة ، ديما يجيب ليها الحاجة المخيرة ، وهي بدورها قايمة بواجبها تجاهه ، نهار على نهار حبها ليه كيزييد يكبر ، فأول عام زواجهم ، حملات بأول بنيتة ، سماوها أمنية ، عندها نفس شخصية مها ، والعام تاني حملات ببنيتة اخرى، كانت غاطير بالفرحة ، وغانم كتر منها ، سماوها رتاج ، طالعة كتشبه فغانم بزاف ، لا فالشعر ولا العينين ، فرحات بيهم وقدمات ليهم گاع داكشي لي تحرمات منو فصغرها ، مي رحمة بعد خمس سنين عطانا وعطاكم الله وتوفات ، كانت قاصحة على شهد تخطى موتها ، جاها صعيب بزاااف ، خصوصا وهي كانت الدفئ العائلي لي جامعهم ربي باش ينسيها حزنها ، حملات وهاد المرة بتوام، غانم كان حالف يعمر دار بالولاد وما مشى حتى دارها ، جوهرة بعد العرس مشات لدار راجلها ، وخليل بقى بوحدو ، شهد مرة مرة تمشي تجلس معاه ، وتونسو شوية ، وجوهرة كذالك ،، واليوم كيف كل نهار دايرة مع أمال تلاقاها ، كرشها حدى فمها ، وجارة كروسة ديال رتاج ، غادة غير بشوية لابسة عباية طويلة مع صندالة حادرة ، وشالها فوق راسها ، حاسة بالعيا ولكن مزيان ليها المشي …
شهد … صاطت النفس وهي كتهضر مع غانم ~ لا متخافش عليا أنا علاين نوصل عندها كون هاني
غانم … رغم انه شيب بان فلحيته إلا أنه باقي عاطي العين ~ صافي واخا متعطليش ورجعي بحالك إلى مقدرتيش تسناي امنية حتى تديك راها قالتلي جايا لعندك فالطريق
شهد … أفأفات جاتها هاد الحمالة صعيبة على أمينة ورتاج ، غلاضت وتنفخات بزاف ~ وعلاش جايا؟ ياك قالت ليك عندها دروس خاص تكملهم ؟
غانم … حط شي وراق فيديه ~ بيناتك انتي وبنتك أنا هادشي لي علماتني بيه
شهد … كتصوط على وجها ~ احياني عليك انت وبنتك إلى تجمعتو غير الله يحضر السلامة
قطعات الخط خلاتو كيضحك ، وتبسمات غادة وكتشوف فرتاج وتعطيها بوسات من بعيد وهي كتبجغط وضحك معاها ، وفالطريقها دازت على الخيرية ، تنهدات بصوت عالي وهي كتشوف الوايدات الصغار كيلعبو ، تفكرات طفولتها لي دوزات فهاد الخيرية ، طفولة خايبة وماضي خبيث ، تنهدات وهي كتشوف فالوليدات ، تبسمات وحطات ليهم الحلوة كيف ديما ، فواحد القنت وكملات طريقها ماسحة دمعة حزينة نزلات من عينيها ، شكون كان يقول شهد ولا كارما البنت لي مكتخافش فتاخت الرجال وسراقة غادي يكتب ليها الله مستقبل بحال لي دابا عايشاه ، حمدات الله لي جاب غانم فطريقها ، وهي غادة بدات تقرأ فالقرأن وتدعي ، حتى وصلات لعند أمال لقاتها جالسة كتشرب قهيوة ، وحداها انيس وليدها صغير ،
شهد … جرات الكرسي جلسات وهي كتصوووط~ ويلي وليت قد البوطة البنت مابقيتش نقدر نزيد اختي
أمال … ضحكات عليها وهي تحني كتبوس فرتاج وتعاود ~ إلى غادي تولدي لينا بحال هاد زين غير ولدي اختي وزيدينا
شهد … تبسمات وهي كتشوف فأمال عمرها هي أمنية ورتاج ~ انووووستي اجي بوس خالتو متوحشتينيش
انيس… ضحك ونزل عنقها ~ توحشتك اخالتي بزاف
من معاودة لمعاودة تا نزلات عليهم أمنية بحال الصاعقة ، معنقة أمال بفرحة وكتبوس فيها ، وها باقة صغيرة فقسم تاسعة إلا وأنها كتبان كبر من سنها ، بقوة لي فايضة ، كتحماق على عمتها أمال ، دار الحديث بيناتهم ، وتعاشات العشية ، شيفور لي جاب أمنية رجعهم للدار … وكيف العادة دخل غانم لقاها ناعسة ، اول حاجة بدأ يمسد ليها رجليييها ، ويبوووس فيها ، ورتاج حداه كتحبو وضحك بوحدها ، منظر كان حلمو يعيشو معاها وربي محرموش منو ، خلاها ناعسة ونزل باسها فمها بقوة ، عارفها هاد الحبالة تقلاتها وتا نعاسها تقال ، غطاها ونزل هز رتاج خرج يلعب معاها … وهكا دازو أيامهم مرة حلوة مرة مرة ، حاجة طبيعية من دباز كيكون فأي علاقة ، وخصوصا غانم ، مكيمنعهاش من الخروج ولكن كيموت بالغيرة عليها ، أيام زوينة عاشوها بكاو فيها وفرحو فيها ، مروان مشى يكمل فالمدرسة لي كان كيتمنى ، خوى عليها دار تا هو ، امال عطاها ربي بنيتة اخرى ، ووسيم وفى بوعده لنسرين وخطبها من دارهم ، كان خايف يرقصو ولا غانم يدخل ، ساعة لقى الحضن والفرحة ، داها لدارو معززة ومكرمة ، جيل كيكبر وجيل كيطل ، سنتين دازو دغيا ، غانم حياتو هما ولادو ، لطيفة طارت بالفرحة نهار شهد ولدات جوج وليدات توام ، كانت باغا حفيييظ وكطلب ربي يرزقهم بيه ، حتى من عبدًالقادر فرح لدرجة مبقاوش يزولو من عندهم ، شهد بعد للصعوبات لي لقات فالحبالة تالية قررات تهضر مع غانم باش يحبسو الولاد ، ربي عطاهم جوج بنيتات وجوج وليدات براكة عليهم ، سماهم غانم على ذوقو زياد وإياد ، خداو من غير غانم شبه ، تقول هو محطوط منسووط ، من غير عويناتهم لي ملونين من عند الله ، لي شافهم ميقول سبحان الرحمان ، دبح ليهم احسن ذبيحة ، وعرض على الكبير والصغير كلى ، با المعطي بيديه ذبح وسلخ ، وشطح فسبوع ولادو ، ونور سهل عليها الله وتزوجات ، واليوم كيف العادة جالسة فجردة مع وليداتها صغار حاضياهم وفالنفس الوقت كتجمع ألعاب لي مشتتة فالأرض ، سمعات صوت الباب تحل ، عرفاتها امنية جات ،
شهد … عيدان بصوت عالي ~ أمنية هادي انتي ابنتي ؟ عم سكون وهي توقف كتشوف فسكون داخل ، بان ليها طويل مجرد وزين لي عطاه الله ، لحيتة عمرات فوجه ، وجسمو رياضي مخدووم مزيان ، عويناتو خوضر بحال القطة ، وشعرو تغلق لووونو ، لابس كيطمة لاصقة عليه ، وعاد صاك فيديه ، تبسم وهو كيشوفها واقفة حداه ..
مروان … قرب لعندها مبتاسم وكيشوف فيها كيف جات معاها الأمومة ضحك بصوتو الغليض ونطق ~ ختييييي
شهد … غرغرو عينيها بالدموع ويديها رجفو ، حضناتو بقوة ونطقات ~ ولدي مروان هذا انت ؟ جيتي ؟ كتعنق فيه بقوة وتبكي ممتيقاش جا لعندها بعد مدة طويلة غبر فالأكاديمية ، ودابا جاي وهو راجل طويل بعد ما مشى طفل صغير رجع عندها بلحيته زيراتو بقوة ليها وهي كتبكي
وهادي هي الحياة عامرة دموع في القرح والفرح ، مغنكتبش نهاية حيت قصتهم عاد بدات مع ولادهم وغتبقى مكلمة مع حفايدهم غنحط فقط نقطة اخر سطر وبدون وداع كنسدل الستار على هاد القصة وكنقوليكم الى ملتقى بقصة اخرى ان شاء الله
تمت
واو فنة هاد الرواية الله يعطيك الصحة