الماكرة الجزء العاشر

بعد ساعتين تقريبا …..

وقفات فالباب مطلعة حواجبها ، كان كيحساب ليها غانم وعبد القادر رجعو ،،، ، كتشوف فراجل غريييب واقف فباب دارها ، مفهمات والو، طلعات وهبطات فحالتوو، بان ليها شخص عادي ، باين مفحالوووش ، لباسو على قد الحال ، داير على راسو كتسكيطا، وجهو مبانش ليها مزيان ، قربات منوو باغة تسولو شكون يكون … واش بغا فهاد الوقيتة ..

لطيفة … قطبات حجبانها مور لباب كتكلم ~ سلام وعليكم !! اش حاب الخاطر اولدي؟ شكون باغي ؟

مهدي … هز راسو بشوية حتى قابل نظرة عيووووونها ، جبهتو كاملة مخيطة معرف شحال من غرزة اتارهم واضحين، حجبانو تا هما مغرزين، صغر فيها عينيها قبل مايدفع لباب داخل بحال المصعوور كيقلب عليها ~ أسيييييل بغييييت فين هي ؟

لطيفة … نظرة عينيه خلعاتها، وجهو كيخلع بلى شي ، الخوف ركبها وهي تبعوو كتجري~ اولدي الله يرضي عليك خرج بحالك هاد سمية معندناش خرج بحالك قبل مايجي راجلي ولدي أنا راضية عليك

بحال المجنون كيقلب الصالون، واحد شوية وهو يغوووت ربي لي خلقوو بسميتها، كيقلب بلاصة ببلاصة، حتى سمع شي خطوات هابطين ، كانت جوهرة نازلة فالدروج، وكتسمع لغوات، قربات لطيفة ليه وهوه يبان ليها واقف كيخلع، عينيه حومر وبحال شي مجنووون كيدوور من بلاصة لبلاصة

جوهرة … قلبها كيضرب فالمئة ~ عمتي شكون هذا ؟ شكيدير هنا معانا اويلي؟

لطيفة … بدورها خايفة وغير كتشوف بعينيها~ بحالي بحالك ابنتي معرفت شكون يكون ومنين جاي !! قاليك شي بنت اسييل اسمها كيقلب عليها

جوهرة … هزات عينيها فيه الخوف فيهم ونطقات~ اشريييف خرج سير بحالك معندناش هاد السمية خرج ولا نعيط البوليس

مداهاش فيها كيقلب قنت بقنت، حتى سمع كلمة البوليس وهو يمشي كيجري لعندها ، تيليفون لي فيديها طيرو ضربو مع الأرض شتتو، وطار عليييييها بقجة، خلاها كضرب فيديه وتغوووت ..

مهدي … بعينين حومر كينطق ~ قلت ليييييك اسيل هنا والى مخرجاتش غادي نسبقكم انتما لوالى قبل منها

غوت بصووت عالي ، خلاها عينيها تقلبو، ولطيفة كتغوووت وضرب فيه من اللور ، خنقها تا طاحت فالأرض ، ونزل قاجها كيتسنى روحها تخرج فحين لطيفة هزات غير مزهرية لقاتها حداها ديال الزاج ونزلات عليه بيها تا طلقها مقصح، عينيه بحال الدم حومر ، ولا بحال شي وحش جيعان كيتسنى فقط الفريسة ديالو باش يقضي عليها ، ناضت جوهرة تكمشات خايفة وكتكح، يديها كيترعدووو، شادة على كرشها خايفة عليه ، ورأسها عاطيها الحريق ، محسات غير بولتها هابطة ليها بالخلعة، وقف كيطرطق عنقووو يمين وشمال ، وضحك بصوت عالي وهو كيشوف فيهم بجوج وحدة مخبية فتانية، جبد جنوية كبييييييرة كتلهب نتاع الذبيحة، كان خاشيه مور ضهره ورجع شاف فيهم مقرب وكيضخك…

ربي إلى ابتلاك بشي حاجة فعرف راه بغاك ، وأي حاجة وقعاتليك ، ولا عشتيييها فهي مقدرة ليك ومكتوبة فجبهتك من صغر ، خاص غير تكون متفائل بالله ، ومتعاندش القدرة الإلهية ،،،،

الصدمة لي خدى غانم ، ممكن تكون أكتر صدمة تصدمها فيهم كاملين ، لأنه هو لي تضرر هو لي قلبو تجرح ، هو لي تقهر ، صعيب تكون راسم شي حوايج فراسك وفالتالي يتهدم ليك كل شي ، وتلقى راسك فالحرام مع جوج خوووت ، هادشي ميبغيييه وميقبلو لا ربي ولا عبدو ، وهادشي علاش خاص الواليدين يعرفو بلي إلى لاحو واحد الطفل راه يقدر يتزوج ختو فالمستقبل ، ولكن إلى كانو واليدين قلبهم من الحجر فحتى حاجة مغادي تهمهم ، شهد لي عاشت طفوولة صعيييبة بلا واليدين ، فالخييرية ، رغم انها مي رحمة كانت معاها فكل خطوة من حياتها ، وقريبة ليها ، إلا انها تربات فميتم ونعسات مع أطفال بحالها نبذوها ، وكيبعدو منها ، وكيلقبووها بألفاظ جارحة ، نعسات تحت أحلام هي ختارعاتهم من راسها ، واش غادي يكون هادشي لي وقع أتر عليها وخلاها تبعات طريق الحرام ؟ ولا شهد بغات تكون شخصية مرموقة ولابأس عليها ، و الطريق الوصول للقمة هي ضحك على الرجال ، ؟

غادي فالطريق ، عينيه حومر ، وغير كيصوط ، شيء لي خلى عبد القادر ، يتعجب منه ، باغي يفهم اش واقع ، وفالنفس الوقت مباغيش يبرزطو بالهضرة وهو سايگ ، كيشوفو كيضوبل فالطوموبيلات ، وحالته حالة ، معجبوووش كيف صايگ ، شوية وهو يبدأ يغوت على واحد قدامو ويعطيييه فالضو باش يخوييي ليه الطريق ، حتى نطق عبد القادر …

عبد القادر … كيحاول يكالميييه بكلامو~ ولدي الله يرضي عليك دوختيني بهاد السرعة غير بشوية ممزروبينش ،

غانم … نقص من سرعة كيف نطق باه ، كان نساه قدامو ، حالته حالة ، تنهد كيحاول يدخل الهواء لريته ونطق ~ سمحلي الواليييد ، سكت شوية ، وهو يرجع كيهضر ~ الواليد صوني على خليل علمو بلي من دابا ساعة نكونو عندو …

عبد القادر … استعجب منه وهو كيشوف فيه مفهم والو ورجع كيخمم ~ ولدي اش واقع ؟ واش الموضوع كيتعلق بجوهرة ؟ فهمني علاش غاددي نمشيو عندو ؟

غانم … وقف طوموبيل حدى بلاصة خاوية مفيهاش الناس ، ونزل كيصوووط راسو عامر ومفرووع بالحريق ، حالته كتشفي لعدو ~ لا الواليد الموضوع كيخص خليل بذاتو، هز عينيه حومر فعبد القادر ، ورجع كيطلبو ~ غير علمو بلي شوية ونكونو عنده الواليد الله يستر عليك

عبد القادر …. تنهد مفاهم والو ورجع هز تيليفون في ساع صونا على خليل ، لي جاوبه بعد جوج رنات ~ سي خليل لباس عليك ؟ اش خبار المدام

خليل … تبسم كيحتارم عبد القادر وكيعزه بزاف ~ الله يحفظك اسي عبد القادر كل شي مزيان ختي لاباس عليها ؟

عبد القادر …. كيشوف فغانم لي كيمشي ويجي بطريقة غريبة ~ الحمد الله بغيت غير نعلمك أنا ولدي غانم شوية ونكونو عندك ياكما كاين أزعاج؟

خليل … هز حجبانه فرشيدة لي طالقة ودنيها كتصنط ~ الله اودي مرحبا بيييكم هاني نتسناكم

عبد القادر …. شكرو وقطع الخط وهو كيشوف فغانم ~ ولدي ياك لاباس؟ قولي اش كاين ؟

غانم … شاف فمي رحمة لي حانية راسها ربي لي عالم بيها ونطق ~ مي رحمة عطيني ديك التصويرة!! شافت فيه لتواني وجبداتها من جيب جلابة ، يديها كيترعدو ومداتها ليه ، بقى كيشوووف فيها قلبو كيتحرق وهو يمدها لباه …~ قولي الواليد شكون هذا ؟

عبد القادر … حقق فالصورة مزيان وهو كيجاوبه ~ يهديك الله اولدي هذا سي خليل خالك … ورجع كيحقق فالبنييتة لي هاد فيديه صغييورة ~ شكون هاد التربية ؟ هادي ماشي جوهرة بنتي ، رجع ليه الصورة ~ هادي شكون اولدي ؟

غانم … غمض عينيه راسو كيزدح ونطق ~ شهد الواليد هاديييك شهد

عبد القادر … قوص عييينيه مفاهم والو ، ورجع كيشوف فولده لي غادي جاي بحال شي قنبلة شوية وطرطق ، وجهو حمر وغير كيصووط ~ شهـــــــد؟؟؟؟ اش جابها لخليل اولدي مفهمت والو ؟ كيشوف فمي رحمة لي دموعها بداو ينزلو ~ فهموووووووووووووووووني !!!!

بدات مي رحمة تعاود الحكاية لي عاودات لغانم نفسها ، مخبعات تا حاجة عليييهم ، كتعاود وتبكي ، مع كل كلمة كتشهق ، خلات عبد القادر يرجع باللور غايطيح بالصدمة ، عينيه ضبابة دموووع ، والسكار طلع ليييه ، حتى وقف شاد فباب الطوموبيل ، كيحقق فيهم ، ويرجع يهترف بكلام غير مفهووووووم، حتى وقف غانم شاد فييييه ومي رحمة جلسات فالأرض ، كتدعي وتعاود مع جوهرة الأم ، لي مشات فعز شبابها ، كيصوووط ويدخل لهواء لفمووو وكيرجع يشوف فولدو ليدخل لهاد الدوامة وهو ماعليييه تا حاجة ، ضموووو لعندو بقوة جوج دمعات حاريييين نزلو من عينيه وهو كينطق …

عبد القادر … بألم وحزن كيضرب على ضهر ولدو ~ ربي كيختابرك اولدي ، ربي كبير ، وربي غادي ياخد حق ديك الولية لي مشات عند الله ، اما بنتي شهد غادي نصلي بليل ونهار يكون معاها ، استغفر الله العظيم فييييييييه اولدي

غانم … كيصوط وكيحس بصدرو ضياق علييه ~ علاش الواليد كيوقع لي هادشي علاش ؟ ، نهار بغييييت ديك البنت ، خوات بيا ومشات ، ونهار لقيتها وجبتها حتى لعندي ، دليتها غير باش تعرف راسها غالطة وترجع للطريق ، رغم اني كنت باغي نطلق سراحها مقديتش فالتالي ، ونهار عقلي صغار ولعب بيا مشيت تزوجت ، البنت لي صدقات خت مراتي ، علاش الواليد هادشي كيوقع لي؟؟؟ علاش ؟؟؟ معنديش زهر معاها ، غوووووووت بصوت عالي تا لهوى مبقاش ليه فصدرو ، ورجع ، كيحاول يكمل كلامو بألم قوي ~ ممكتاباش ليا الواليد ديييك البنت ممكناباش ليا ، وانا كنتقاتل مع قدرة ربي ، شووووف ها هو جازاني ، درت الحرام وغرقت فيييييه تا لوذني ، نزل الأرض وضرب على صدرو لي ضياق عليه ونفسوووو لي قلالت نطق كلمة بابا بحال شي طفل صغير باغي حضن باه ~ عاااااوني ابا عافاك عاوني شد بيدي راني تلفت على الطريق

عبد القادر … طار على ولدو معنقو بقوة كيبكي بصوت غير مسموع ، اول مرة يشوف البكر ديالو مكسووور بهاد الطريقة ، اول مرة ينادي بالمساعدة ، عنقووو مزير عليييه ونطق ~ ربي معاك أولدي أنا معاك تا نحلو هاد المشكلة شوية دصبر فإن الله مع الصابرين ، الى مكانتش فالمكتاب خليها اولدي هاكا متعاندش مع ربي ، ومذكور فالقرأن اولدي ، قل لن يصيبنا إلا ما كتب الله لنا هو مولانا وعلى الله فليتوكل المؤمنون

غانم … وقف كيتنفس بجهد تا بدأ يكحب ، وشاف فباه بعيييييون حمريييين ~ ونعم بالله الواليد دابا نوووبة خليييييل الواليييييد ، زيد نمشييييو

طلع باه كيقرأ القران فنفسو ويدعي مع ولدو ، لي رجع حالتو ، صدمة هادي وشمن صدمة ، ما بين ليلة وضحاها تقلب موازييين حياتهم ، وبان المستور ،

رجع غانم ، شد فمي رحمة حيت مقدراتش تنوووض ، طلعها لطوموبيل ومد ليها قرييعة ديال الماء ، كيشربها وداير بالو عليها ، وهو خاص لي يدير بالو عليه ، تلتيام بلى ماكلة وبلى نعاس وغير كيكمي ، حالته حالة ،

بعد دقائق عديدة ، وصلو عند خليل ، لي تلقى ليهم بصدر مفتوح ، كيسان ويعاود ، السبعة ديال العشية مموالفينش يجييو فهاد الوقت إلا لكانت شي حاجة مهمة …

خليل … تعانق مع عبد القادر لي سلم عليه فوق خاطرو ، ونطق ~ مرحبا بييييكم زبدو دخلو ، بغى يسلم على غانم وهو يوقف مبعد عليييه ، وعاطي الطريق لمي رحمة ، لي يديها كيرجفووو ، وعينيها مغرغرييين ، واقفة كاتشووف فيه ، هو نفسو خليل ومتبدل فييه الحاجة ، بقات للتواني واقفة ، كتشوف فييه ، لون وجهو تبدل ، وعييينيه تغرغرو ، بقى واقف مصدوووم منطق بحتى شي حرف ، غير كيشوف فيها وهي كذالك ، يديه كيترعدو ، وصوت انفاسو كطلع وتهبط ،

غانم … شد فيديها ونطق ~ دخلي امي رحمة

مي رحمة … نزلو دموعها ونطقات موجدة سبابة صبعها لوجه خليل ~ شفتي شحال دنيا صغيرة اخليل ؟ ياك لقيييييتك ، بعد ما هربتي بينتي على راسك انك شماتة ، شماتة ديال الخلى ، شفتي شحال الحياة قصيييرة ، ها حنا رجعنا تلاقيييينا باقي عاقل عليا ؟ ولا نسيتيني كيف نسيتي بنتك ؟

خليل … تدهشر مفهم والو ، السيدة قبل أعوام وسنين خلاها دابا واقفة حداه ، ومع نسيبو ، العرق تجمع ليه فجبهتو ، والهضرة هربات ليه من فمو ~ ش ش شكون انتي ؟

غانم … شد مي رحمة فيديها ودخلها للصالون فين رشيدة واقفة كتصنط عليهم ، ويديها كتفركهم مع بعض ، مفاهمة والو ، شاف فخليل ونطق باستهزاء ~ نسيتيها اسي خليل ؟ تا لهاد الدرجة مبقيتيش عاقل على سيدة لي ربات ليك بنتك!!!!! واااااو ، هو صراحة مفاجأتينيش، توقعتك تكون كتر من هاكدا

خليل …. شاف فعبد القادر لي ساكت ونطق ~ سي عبد القادر شهادشي كنسمع ؟

عبد القادر… ضحك بعصبية ~ رحمة اري ديك التصويرة نشوفو واش غادي يبقى ناسي حتى راسو ~ مداتها ليه وهو يحطها ليه فوجهو ~ عقلتي على راسك ولا باقي ؟

خليل … تأمل صورة بقلب محروووق ، تا عينيه تغرغرو بالدموع ، وحنى راسو قدامهم ~ عااااااقل وعاقل علييييها مزيان ، فاش كانت عندها تقريبا ربع سنين

غانم … وقف غادي جاي معصب وعينيه جمرة دم ~ مزيان مين عقلتي اخالي ، عارفها بنتك ؟

خليل … تنهد بصوت مسموع ونطق بقلب مكسووور ~ تمنييييت كون كانت بنتي ، ولكن للأسف هي ماشي بنتي ، آخر مرة شفتها كان معايا تحليل لادييين ، وكان نيگاتيف ، يعني ماشي بنتي ،

مي رحمة … دموع نازلييين كيف شلال فعينيها نطقات بعصبية وهي واقفة ~ كذاااااااااااااااب انت كذااااااااب ، شماتة ، ياك ضحكتي على جوهرة ؟ حملتيييها ونكرتيييها وهربتي ، خليتيها بلى عائلة ، العائلة لي يوقفو معاها تبراو فيها ، ولات تدور فدروبة وتقلب على الخبز الكارم تاكلو ، انت شماتة ، هربتي وخليييتيها ماتت بالمرض وخلات بنتها لا اب ولا أم ، الله ياخد فيك الحق إلى يوم الدين ، الله ياخد فيك الحق ياربي

خليل … نزلات دمعة من عينيه كيف تفكر جوهرة ونطق بحرقة ~ عمري ضحكت علييييها ، كانت معايا بخاطرها وكنت باغيييييييها ، وكنموت علييها ،

عبد القادر … وقف مغذذ بالفقصة مفاهم والو من هادشي ~ شنو كتقول ؟ كانت باغاك ؟ وانت شنو كنتي باغي منها ؟

خليل … مسح دموعو لي نزلو فاش تفكرها ~ الواليد مبغاهاش ليا حيت كانو فقراء بزاااف ، قالي شي كلام على الورت خلاني قلت ليها كلام خايب وجرحتها ، شاف فرشيدة لي كتغرز سنانها بالأعصاب ونطق ~ من بعد بشي شوية جاتني كتقول بلي هي حاملة ، وخاصني ندير حل ضروري لهاد شي

غانم …. ضرب طبلة بيديييه بقوة تا تهزات وغوووت ربي لي خلقو ~ خااااااااالي متقووولش ليا كنتي باغيييها !! حيت انت همووووك الفلوس وسمحتي فيها ، ضحكتي عليييها وخليتيها فنص الطريق ، قرب لوجه حمر كيتمنى لموت فهاد اللحظة ونطق ~ كانت عندها 18 العام أخالي باقا طفلة ، حملتيييها ولدات وماتت وهي كتسارع ، عرفتي شنو درتي ؟ خرجتي عليا وعلى بناتك بجوووج متستاهلش تكون اب !!!

خليل … وقف كيغوت بصوت عالي ودموع فعيينييه ~ أنا لي شفت بعيني ، كدخل لديور رجال ، ومن بعد ما شكيت وصلني بلي ولدات ، نهار ماتت كنت كنتقطع بالطراف عليييها ، كنت خايف ناخد ديك البنت ، حيييت كنت شاك وشكي كان فمحلو ، درت تحاليل مطلعاتش بنتي !!! شنو بغيتيني ندير ؟

غانم … ضرب فالكرسي تا جابو مقلووووب فالأرض ، عينيه بحال شعلة شاعلييين نطق وهو كيطلعو ويهبطو بحقد ~ ماشي بنتك قلتي ؟ والى صدقات بنتك من لحمك ودمك اش دير ديك ساعة ؟ غوووت عليييه كشاكشو خارجين ونطق ~ أنا غادي نقوليييك ، غادي تكون خلييييتي جوووج خواتات تزوجو بولد عمتهم ، يعني أنا مزوج بناتك بزوووووج عارف فالحرام من ساسي تا لراسسسسي

خليل … طاح فوق صداري جالس مصدوم من كلامو ، مفاهم واللللو ، وشنو كيعني ، قلبو كيضرب بقوة ويديه كيترعدو نطق ~ بنتي بنتي جوهرة ، هي لي عندي ، شكون تانية ؟ علامن كتهضر ؟

غانم … ضحك باستهزاء~ إلى سمتيييها على جوهرة لي مشات عند الله باش ربي يكفر على ذنوووبك فييييق بيا عرف بلي ربي كيغفر ذنووووب ولا ماشي ذنووووووووب شمايييت ، رجال مكيسمحوووش فحاجة كانت ديالهم

هبد القادر … بعد غانم حيت بدأ كيخصر مع خالو فالهضرة ونطق ~ سمعني اخليل ، استغفر الله العضيم ، شهد البنت لي مزوج بيها ولدي ، هي لي ربات رحمة فالخيرية ، والى كانت بصح بنتك ، عرف راحنا فمشكيل كبير ، يعني غانم مزوج الخوت بجوج ،

خلاه كيرجف ويشوف فيهم مصدوم ، كيفكر ربي شحال كبير ، البنت لي كان كيبغي وسمح فيها ، بنتها تزوجات ولد خته ، دموعو بداو ينزلو فاش تفكرها ، مشات شابة ديال الخير مشافت متشوفات ، تنهد بقهرة ونطق …

خليل … بألم ~ سي عبد القادر ، كلنا كنغلطو وكلنا عندنا ماضي ، وانا مخبيت على مراتي رشيدة حتى شي حاجة ، أنا درت تحليل وطلعات ماشي بنتي ، والو بغيتو نتأكدو معنديش موشكيل

غانم … هز عينيه حووومر جمرة ، ورجع دوز خط بسرعة ~ عندك ساعة دالمگانة ، بغيييت تحليل ثبووت الأبوة يكون عندي ، متعطلش عليا الموضوع مهم ، بصماتهم عندكم ، قطع الخط ورجع شاف فخليل لي وجهو حمر جالس بحال شي واحد يتيم حالته حالة ~ عمري نسمح ليييك كيف دخلتيني لهاد المشكيل ، وعشت لي ربي حرمو عليا ، وذنوووب ديك البنت على رقبتك

عبد القادر … شد راسو ضارو بالحريق ونطق وهو كيشوف فرشيدة ~ كنتي عارفة هادشي ؟

رشيدة … دورات عينيها بحال البومة يديها كيترعدو ونطقات ~ راجلي كيعاود لي كل شي ، وعمرو خبى عليا شي حاجة ، البنت ماشي بنتو كون كانت بنتو مغاديش يخليييها ، وشافت فمي رحمة كتقلي ليها سم بعينيها

مي رحمة … حمرات فييها لعين ~ حسبي الله ونعم الوكيل فيكم ، متستاهلش ديك البنت والله متستاهلها ، كون أنا جات عليا ، والله عمرك تعرفها ولا تشوفها حتى بعينيك ، ولكن وعدت المرحومة وهي كتموت باش نلاقيك بنتك ، لي دابا نكرتيييها ، وحدة على فراش الموت غادي تكذب عليك مثلا ؟ وحدة غادة تلاقى مولاها ، وعادي تغادر هاد الدنيا ، عاد غاتزيد تكذب ؟

رشيدة … نطقات بعصبية مفرطة ~ اييييه علاش لا ؟؟؟؟ باغا تديييير لبنتها مستقبل فين تعيش ، تموت وهي مرتاحة من جيهة بنتها ، هادشي علاش كذبات

مي رحمة … بغات تعطيها بتصرفيقة وهي تشد يديها عندها كيترعدو ونطقات ~ الله ياخد الحق فيكم يا ربي خلينيي نشوفهم كيتقطعو حدايا ، قبل ما نموت ، ويبرد ليا خاطري ، شافت فغانم ~ خلينا نمشيو بحالنا من هنا هاد السيد مبقيتش حاملة نشوف وجهو قدامي

غانم … خنزز فيها وفرشيدة وشد فمي رحمة كيهدنها ~ غادي نحلو هادشي امي رحمة ، وعمرك باقي تشوووفيييه كوني هانية صبري غير شوية مزال

غوت بصووت عالي ، خلاها عينيها تقلبو، ولطيفة كتغوووت وضرب فيه ، خنقها تا طاحت فالأرض ، ونزل قاجها كيتسنى روحها تخرج فحين لطيفة هزات غير مزهرية لقاتها حداها ونزلات عليه بيها تا طلقها مقصح، عينيه بحال الدم ، ناضت جوهرة تكمشات خايفة وكتكح، يديها كيترعدووو، شادة على كرشها خايفة عليه ، ورأسها عاطيها الحريق ، محسات غير بوولة هابطة ليها بالخلعة، وقف كيطرطق عنقووو يمن وشمال ، وضحك بصوت عالي وهو كيشوف فيهم بجوج وحدة مخبية فتانية، جبد موووس كبيييييير كيبري نتاع الذبيحة، كان خاشيه فكرشه، ورجع شاف فيهم مقرب وكيضخك…

مهدي … نطق بصوت غليض كيخلع عينيه حومر كيف دم شد الموس بين يديه كبييييير وقرب منهم ~ شكوووووووون نبدأ بيها فيكم !!! ختارو حد عشرة شكون فيكم تموت وشكون فيكم تبقى هههههه ، كيضحك بصوت عالي بحال الحمق خلاهم كيبكيييو، بدأ يحسب ويشوف فيهم كيتسنى ينطقوو، وهو يغوت الله لي خلقوووو ~ هضروووو ولا برب تا ندووز عليكم بجوووووووج

جوهرة … نقزات دافعة لطيفة لجيهتو وشادة على كرشها خايفة ~ هي هي لي تموووت ، كاملة كترعد ~ أنا أنا عاد بديت حياتي هي شحال هادي سالاتها، عافاك متقتلنيش حاملة عندي هنا ولييييد عافاك

كدخل وتخرج فالهضرة الخوووف خلاها تبوول فسروالها ، فالبلاصة باعت عمتها، وبغاتو يقتلها هي ، المهم هو هي تبقى عايشة، خلات لطيفة مصدوومة فيها ودموعها شلال هابطييين، بقوة الصدمة مقدرات تنطق بحتى شي حاجة ، غير كتشوف فيها وتبكي ، لاحتها للموت وبعدات كتفرج فيها ، كلامها سام نزل على قلبها بحال العافية حرقها، كانت غير تسكت ولا تقول هاد الهضرة ، ولا غير دافع عليها كيف هي دافعات عليها ونقداتها من يديه ، بقات غير حالة فمها كتشوف فيها وساكتة، فحين هو جرها لعندو بحال شي بطانة كيشوف فيها ونطق ~ اسييييييل فيييييييين هي ؟

لطيفة … بلعات ريقها دموعها نازلين عرفات راسها مع واحد بصح حمق وطاحت فيديه ~ معارفاش شكون هاد اسيل والله معارفة اولدي طلق مني الله يرضي عليك

مهدي … دفعها على الحيط تا ضربات راسها ، وقرب ليها ناوي يدوز عليها ~ شهدي على رووووحك

كانت فالحمام كدوووش، مع دوش مجهد فالأول مسمعات والو، حتى سالات عاد بدات تسمع الغوات، استغربات دغيا خرجات ومحدها كتلبس والغوات كيجهاد، لاحت عليها دغيا قميص ونزلات هاكاك شعرها كيقطر، كتجري هابطة فالدرووووج ، مجات غير فالديك اللقطة، غوتات ربي لي خلقها ، ومشات كتجري

شهد … المنظر خلى قلبها يتقسم على زوووج حسات بالخوف عليييها ، ذاتها تنملات عليييها وبدون ماتحس نطقات ~ عمــــــــــــتي

قربات منهم، حتى شد لطيفة بين يديه حاط ليها جنوية على عنقها، وعينيه على لي حدااه كيشوف فيها ، ويعاود، ملامحها عمروو ينساهم ولا يتبدلوو عليه ، البنت لي شوهاتو سرقاتو نصبات عليه ، وخلاتو فالأخير زاوي لا ديدي لا حب لملووك، كيفاش يقدر ينسى وجها وهي شوفاتو الويل الكحل ، عمرو بات فالشواريع بحال الحمق حتى ولا ، عمرو كلى الماكلة من زبل حتى ولا ، عمرو دخل للطبيب الحماق تا دخلاتو ليه ، من سي مهدي ولا نكرة غير معروفة ، تبسم وهو كيشوف فيها ، كانت واقفة بكل شموخ حداه وكتشوف فيه بالتحدي، عمرها ضنات يلقاها، ولكن كانت دايرة فبالها يجي يجي نهار فين يتلاقاو، وديك نهار مع الأسف جا غير مكانتش مصورة يبان فالنهار لي هي ناوية وموجدة باش تلاقى شخص خرب ليها حياتها تحت اسم باها ، وهذا كيعني وقت الحساب بان ، تقدمات لجيييهتوو بدون خووف كتشوووف فيه ونطقات …

شهد …بأمر وعينيها فعينيه ~ مهدي طلق منها قلت ليك

مهدي … شاف فيها بحال المصعوور كيضحك بصوت عالي ونطق ~ واخيييرا لقيييتك أبنت لق **** ، رجع شاف فلطيفة شوية وتسخف بين يديه ونطق ~ حتى ندووز على هاد شيبانية بعدا عاد ندووز ليك النصابة

شهد … شافتو جرحها من عنقها شوية ، بان ليها غير براد فوووق طبلة ، هزاتو شيرات عليه بيييييه نيشان فراسو جا ، خلاه طلق من الجنوية حتى طاحت وهي دفع لطيفة مبعداها ومخبياها مور ضهرها وكتغوووت ~ هادي باش تعلم ضرب العيالات لي قد مك ازا** ، ولكن واحد مدوز على مو بجنوبة حافية غادي يدير بحساب امرأة قد موو ، تفوووو عليك الحمق

مهدي … دوخاتو ديك ضربة، دغيا شاف فيها ورجع شاف فجنوية، فالبلاصة خطفها وقف مقرب منها ، لطيفة كتبعد خايفة وهي واقفة كتشوف فيه بلى مترمش عينيها ، كتسنى بقدرها لي وصها لهنا ، عينيها فقط كيشوفو فعينيه تا قرب منها وجرها لعندووو~ واخيييرا طحتي بين يدي القح **

دفعاتووو مخايفاش منو، وهبطات ليه وجهووو بيديها تا داز دمو ، غوت ربي لي خلقوو ، خربقات ليه الوجه من العين والنيف، حتى رجع بلووور شاد فوجه وكيغوووت، جوهرة تخشات تحت الطبلة بقوة الخوووف كتشوف غير رجليييهم وكتبكي ، ولطيفة كاملة كترعد حداهم، جرها من شعرها نزل عليها لوجه حتى داخت ، لطيفة غوتات ربي لي خلقها، ومشات كتجري تشوفها وهو يهز جنويييتو باغي يضرب بيها لطيفة ، كانت حانية عليها كتوقفها وجه مخلط بالدم ، شافتووو جاي جيهتهم وهي دفع لطيفة باش متجيش فيها وشدات جنوية مطاكياها بيديها، عينيها حومر كتشوف فيه وكتعافر معاه ،..

شهد … دم كيقطر من يديها وهي شاداها، عينيها عليهم غشاء من الدمووع والسخفة ~ ماشي هاكا الحساب المهدي لا ، هاد الناس بعاد عليك عندك بيا الغرض هانا موجودة حداك دير لي بغيتي ولكن هما بعد منهم

مهدي … جرها لعندووو عينيه حومر شادها من شعرها كيقطعو بين يديه ، ~ شهدي إلى كتعرفي تشهدي وحدة قح*** بحالك مكنظنش تكون كتعرف تشهد ،

لطيفة … دنيا كدور بييها والخوف قتلها ، مقدراتش تقرب منه ، شافت فشهد لي أبدا مخايفة منه ورجعات شافت فمهدي لي عرفاتو بصح حمق وغادي يدوز علييييها ~ الله يستر عليك اولدي طلق منها ، الله يرحم ميمتك طلقها

برى دنيا طوقات بالبوليس ، نايف اول موصلو بلاصة مهدي شد الطريق وزاد كيعيط لغانم علمو ، فديك الوقيتة وسيم وصلو الخبار تا هو ، بخصوص مهدي حيت دار لي كراها ليهم فديك البلاصة كانت مراقبة ، وتما عرفو مهدي كاين وتابعها ، غير متوقعوش يوصل دغيا للدار لغانم ،،،،،كانت أمال غير كتبكي مخلوعة ، مقدراتش تدخل خايفة تشوف شي حاجة تصدمها ، وسيم ، معاهم نايف ، ومجموعة من المخزن مسلحين ، فرعو الباب بسرعة ، ودخلو مهمييييين كان شادها من شعرها وعينيه حومر كيشوف فيييهم وكيغوت

مهدي … حط جنوية على كرشها ~ غادي يقرب شي واحد ليا نشرگها حداكم بعدد لهيييييه ديرولي الطريق ندوز

نايف … تجمع ليه دم فعروقو وجهو حمر منيش عليه بالفردي وكينطق ~ طلقها وخليينا نتفاهموووووووو ، طلق منها

مهدي … ضحك بحال شي مجنوووون وغوت عليييه ~ نطلقها ؟؟؟ بعد مدة طويلة ومحاولات كثيرة ، جات بين يديا ونطلقها ؟ هههههههه كتحلم ، حيدو من طريييقي خليني نخرج

نايف …كيشوف فوسيم لي دخل من جهة اللورانية وكيتسلت عطاه اشارة بعينيه باغي يتلف مهدي بالهضرة ونطق ~ صافي نخليييوك تخرج ، غوت على دراري يعطيوه الطريق ، هانتا عا الطريق ، ولكن خليييها تمشي طلقها

مهدي … زير على شعرها تا غوتات وضربها بالموس فخصرها ، خلى نايف يغمض عينيه ولطيفة كتغوت ~ حتى نقتلها عاد نطلقها

وسيم مقدرتش يشوف مزال ديك المنضر وسرع من اللور دفعو ونزل عليه لرأس دوخو ، عاد هبط كيعطييييه للوجه بالبوني ، خلاه نايف يبرد فقصتو ، عاد بدأ يبعدو عليه ، فديك الحين خطف من البوليسي لي كان ناوي يمينطو ، موجه السلاح لوجه شهد ، قبل ماضربها بالقرطاسة كان نايف تيرا فييه جابو طايح الأرض ،،،،، بقات كترمش وتعاود ، وكتشوف فهمدي لي طاح الأرض ميت ، شوية بشوية نزلات الأرض شادة فجنبها ، حتى يديييها عمرو بالدم ، وقبل ما تغمض عينيها سخفانة ، شداتها لطيفة …

لطيفة … كتبكي وضرب على وجها بشوية ، وعينيها على جنبها لي سايل بالدم ~ بنتي فيقي ، فيقي أنا راضية عليك ابنتي ، حلي عينيك بقاي معايا ،

شهد … بقات كتشوف فيها حتى صورتها بدات كضبب فعينيها ، تبسمات وهي كتنطق ~ عمــــــتي ، وغمضات عينيها سخفانة فيديها

لطيفة بصدمة عطاتها لغوات ، كتحاول تفيقها والو بانت ليها ذبالت وجها صفر ، دخلات أمال كتجري ، دموعها فعينيها ، دنيا فتانية ترونات ، وقفات حالة فمها مصدوومة ، ونزلات الأرض كتشوف صاحبتها وختها ، مرمية فالأرض ودم نازل منها ، فجنبها مهدي غارق فدمو ، ومع كتخاف من دم ، بدات تشوف غير ضبابة ونزلات حداها طايحة ، وصلات لومبيلونص هزها وسيم خارج كيجري بيها ، ونايف تابعو فيديه امال هازها ، لطيفة بالحفة خارجة معاهم ،،،،

كيضرب فالڤولا ويسب ، معاه باه وخليل ومي رحمة ، كيغوت تا حناجرو كيبغي و يخرجو ممتيقش اش سمع فالإتصال لي وصلو ، كان مصدوووم ، وخايف فالنفس الوقت عليها ، كيسولوه اش واقع وهو غير صايگ بسرعة ، باغي فوقاش يوصل عندها ، مع دخلة بانت ليه صطافيط واقفة ، حبس الطونوبيل وخرج كيجري ، وعروقاتو نانزلة باغي يشوفها على خير وبيخبر ، قلبو كيضرب بقوة ، خايف يشوف شي حاجة متعجبوووش ، خايف تكون هي وقعات ليها شي حاجة ، خايف من أنه يخسرها وميبقاش يشوفها ، دفع نايف كيغوت باغي يدخل لصطافيط ….

غانم … عينيه حومر وعروقاتو نازلة ،نطق بعصبية وخوف فالنفس الوقت ~ شنو وقع ؟ هضر متحمقش ر* مي

نايف … جرو باغي يديه من حدى صطافيط باش تخرج ساعة معامن ~ حيد اصاحبي موقع ليها والو ، حيد من الطريق عندها غير جريحة

دفعو عليه ، وفتح لباب قبل مايتحركو طلع معاهم ، بانت ايه دايرين بيها ، وحدة شادة ليها فالضربة باش دم يحبس وتانية كتقاد ليها اللوكسيجين ، قلبو طاح بين رجليييه ، قرب ليها شد يديها باسها ونطق ~ صبري عارفك تفوووتيييها ا شهد

في المستشفى

بعد ساعات دازو ، لطيفة وعبد القادر جالسين ، شاد فيها وجها صفر ركب عليها بوصفير فالبلاصة ، وفالجهة تانية خليل ورشيدة ومعاهم جوهرة لي شادة يديها فاش حيدولها الدم ، اونفاص معاهم وسيم كيشوف بعينيه لي حومر وساكت ، حتى دخلات نسرين ، طارت على مها معنقاها ،

لطيفة … طبطبات على ضهر بنتها كطمنها ~ أنا لاباس ابنتي لاباس ، يمكن كون ماشي بنتي شهد مكنتوش مزال تشوفوني، صدقات شجاعة وبينات ليا شحال قلبها كبير الله ينوضها لينا على خير وبيخيير …..كتشوف فجوهرة وكتعاود تحت سنيها ~ كيقوليييك وقت ضيق تعرف العدو من الصديق …

نسرين … مسحات دموعها ~ شنو وقع اماما ، شكون هاد الحمق؟

لطيفة … بعد تفكير طويل نطقات كأنها مبغاش تقول بلي جاي كيقلب على شهد تحت إسم أسيل ~ معرفتش ابنتي ، دخل كيقول أسيل بغى أسيل ، بحال شي مصعور وتلقى لينا

عبد القادر … شاف فلطيفة لي فيهة جريحة صغيرة فجبهتها ~ باش كتحسي دابا ؟

لطيفة … الخوف باقي فيها ~ مصارني مقلووووبين عليا ، وشوية دوووخة ، الله يغفر ليه فهاد النهار ،

جوهرة … من بعد ما قلبوها وطمنو عليها جلسات حداهم الخوف باقي فيها، شافت فلطيفة كدور فعينيها بحال العفريت ونطقات ~ عمتي نجيب ليك الماء تشربي ؟ وجهك معجبنيش! خاصك شي عصير لونك مخطوووف

لطيفة … طلعاتها وهبطاتها بصعرة ونطقات ~ ما ينسى خييير الرصيييف غير الگنس القصيف كملي على خيرك وجيبي ديك العصير نيت ليك عتقي ذاك الروح لي فكرشك ، مزال فقاع البير وانتي كتراري بيييه هادي هي عرايس لالة لطيفة ، وحدة عورة وتانية ناقصة نظر ،

مقدراتش تجاوبها ، وجها رجع حمر ، تخشات فحضن مها ساكتة ، غير كتشوف ، ودور فعينيها ، ورشيدة قلبات عينيها ، عارفاها كتمعني على بنتها ، ومفاهماش مالها معاها ، لبداتها جوهرة ، كتبكي فحضن مها ، وهي دور عينيها لطيفة ، لي شياط فعينيها واضح ، ومحمرة لعين فيها ، ناوية اليوم تبالى بيييها ، وتخرجها من عييين ليبرا ، هادي هي شفاية لالة ومالي …

رشيدة …هي معصبة وخايفة من لي واقع وكملات عليها لطيفة بمعانيها لجوهرة ~ علاش مالها الالة لطيفة ، اش دارت لي تلقيتي ليها بهاد الكلام ، الكلام هذا ماشي ديالك ، والصواب منك يجاوب ،

لطيفة … بللات حلقها طالعة ليها القردة ~ هي لا بعدتي عليا بنتك ، قبل ما نعطيييها جوابي ، ونمضي عليييها نيابي ، متلزمينيش على العشرة لي فيها الناس ناقصة ، الله يحفظ ليا بنتي شهد ، لي وقفات وسنداتني موراها ، اما بنتك مداتني ضحية ، وبغات تأكل كسكسو عليا ، عمتي قالت ليك ~ ميقات شنايفها بعتاب وكملات مطاكياها بكلامها ~ الله يعمي ليك العينين هي هادي منديل صفية مشيت نمسح فيه مسح فيا ،

فعلا لطيفة كانت معصبة ، وممكن دير أي حاجة ، باش تبرد فقصة بنت خوها ، رشيدة صقلات ، وجوهرة عطاتها للدموع ، قبل ماتكمل لطيفة كلامها ، وتحطوليها فالسطل نفس شي نسرين ، باغا غير الوجيبة وتنوض تحامى مع مها ، ، كان خليل جالس على العافية ، باغي يشوفها ، ويعمر عينيه بيها ، باغي يتأكد منها ، سمعو الطبيب خارج ، كيطمنهم ، بلي دم كان سخون ، وضيعات بزاف ، وبخصوص الضربة ماشي شي حاجة ، غير جرحة مغارقاش ، وأكد ليهم دير شي فحوصات ضرورية ، على ود الكلوة لي محيدة ،،،، بقى كيتصنط ليه غانم ، تا سالى ، وعاد دخل يشوفها ، طيراتها منه خلعة ، دخل بحال الجيعان كيقلب فعينيه عليها ، بانت ليه ، مجبدة حالة عينيها فالسقف ، وشريط هادشي كيدوز عليها ، تا حسات بيه جلس حداها ، من ريحته عرفاته شكون ،

شهد … بلى ماترمش نطقات ~ وصلنا للطريق النهاية ياك !؟ دابا غادي تكون مرتاح ؟،

غانم … زفر نفس بعنف ورجع شد يديها خشاها بين يديه مزير عليييها ~ مرتاح إلى شفتك انتي مرتاحة ؟ عرفتي شحال خلعتيني علييييك ؟، كنت كنمووووت تانية ودقيقة ، غير باش نوصل ونشوفك مزيانة

دخلو كلهم لغرفة ، باغييين يطمنو علييييها ، جلسات مي رحمة حدى رجليها ، باقيين دموع فعييينيها ، والخوف على الأمانة لي تعطات ليييها … ~ الحمد الله سلكتي منها ابنتي الحمد الله مت بالخلعة عليييك

لطيفة … بقات ساكتة كتشوووف فيها عمرها ضناتها تكون مغامرة ، وكفوئة ، لهاد الدرجة ، حس الخوف مكانتش بابن على وجها ، وكيف وقفات معاها ودافعات عليها ، وخباتها موراها كبرات فعينيها و بينات ليها شحال هي بنت الناس وتعول عليييها ، ماشي بحال بنت خوها لي باعتها فتانية، نطقات بصوت ضعيف ~ بنتي ! انشاء الله ديري لاباس ، باش كتحسي؟

شهد … طولات فييييها شوفة فوذنييها ديك كلمة بنتي كتعاود ، مكرهاتش كون عاشت مع عائلتها وحسات بدفئ العائلي لي فتاقداتو هادي شحال، تمنات يكون عندها عائلة تا هي ولكن للأسف تذهب الرياح فيما لا تشتهي السفن ~ هانتي الالة لطيفة كان شوية وتهناي مني قالتها بالضحك ~ غير ماكتابش ليك ، ولكن متخافيش نهاية الطريق سالات ، ودابا كنظن كل واحد غادي يكمل فطريقو ، شافت فغانم ونطقات ~ بغييييييييت طلاقي فأسرع وقت منك

قبل مايجاوبها غانم معصب من كلامها ، دخل الشخص لي متوقعاتش حاليا تشوفو ، ومكانتش مستعدة ليه أبدا ، عينيها جاو نيشان فعينيه،،، بقات ساكتة للتواني ، وسيم كارز على يديه وكيتسنى اشارة منها ، فحين هي بقات حاضية ملامييحو ، وشعرو ، عينيه الملونين بحال بنته جوهرة ، شحال كانت تمنى كون بقى معاها ، ومخلاهاش ، كان يهون عليييها ، يضربها وميخليهاش ، كانت تمنى كون عطاها شوية من وقتهو تا تشبع منه ، ولكن هو قرر يبعد منها ، وينفرها بحال إلى هي ماشي بنتو من لحمو ودمو، أما خليل ، نزلووو دموووعو وحدة مور تانية ، كيشوف فيها نسخة طبق الأصل من مها ، فقط شهد عامرة عليييها ، بقى متبع عينيها شعرها ، وجها ، لونها ، لي كيتميز على غيييرها ، غمازاتها ، غرق وضارت بيييه الدنيا ، الصدمة واضحة على وجهو ، مقدرش يبلل حلقو ، ونطق ..

خليل …. بألم وصعوبة قدر يخرج من فمو ديك الكلمة لي كانت شحال هادي كتمنى تسمعها ~ بنـتــــــــي

كان يهون عليها لو كانت مقطوعة من شجرة ، باها ومها ماتو في دقة وخلاوها تربات في الخيرية كانت فينما غتفكرهم غتبكي حتى تعيا وتمسح عينيها وتسكت ، ولكن كانت كتبرد على راسها نار فراقو، وكتقول علم الله بحالو غبكون مات ،غيكون مرض غيكون معندوش باش يوكلني ويسبطني يقريني ويداويني، عندو دافع لي خلاه رمى دمو ولحمو في زنقة وخلاها باتت وتربات وتنعتات ببنت لحرام، وشكون يكون بيها ولا يدافع عليييها ، للأسف تا واحد ، لا حنين ولا رحيم ، يحن عليها ويرحمها ، خلاها صغييرة معاقلة على والو ومشى وخلاها ، قصة حياتها مكانتش كتبغي تفكرها باش متمرضش ، كان شاغلة راسها ولاهياه بالنصب ومقصحة قلبها ودموعها كابحاهم ، ولكن ليوم گاع دموع لي تخزنو خانوها وخرجو نازلييين على خضووضها ، وهي كتشوف الأب الوحيد لي بقى ليها بعد 27 سنة واقف حداها ، دقتها صعيبة وصعيب تشافى منها ، تذكرات سطر من سطور مها لي مكتوبين فالمذكرة {متخلييييش زمان يغلبك ويهدك ، كوني بنت جوهرة جبل مايهدك وريييح مايطيحك كوني العكس ديالي ابنتي } متذكر التشرد والحرمان لي عاشتو، فحين ختها عاشت فالعز ، ونعست على الحرير ، وكلات غير الماكلة المخيرة ، زيرات على يديها بقوة فاش دخلات الطبيبة ، عاطية لغانم تحاليل لي فتحهم فالبلاصة كيقراهم بعينين حووومر ، وعينين على خليل لي غير من نظرة فهم اش تم ….

خليل …. بألم وصعوبة قدر يخرج من فمو ديك الكلمة لي كانت شحال هادي كتمنى تسمعها ~ بنـتــــــــي

شهد …وقفات شادة جنبها بيديها قدامو بحال جبل ما هزك ريح واخا دموعها نازليه ولكن واقفة كتشوف ليه فعينيه باغي يخطي خطوة لقدام وهي مبعدة عليه اللور وموقفة يدها فوجهو ~ فين جااي ؟؟ اشمن بنت كتهضر عليها ؟

خليل … بعيون مدمعة باغي يلمسها ويقرب منها ، شمتة قهراتو وخلات قلبو يبكي دم ، نطق بصعوبة يديه كترعد ~ عندك الحق منسواش ابنتي ، ولكن عطيني فرصة نشرح ليييك !!

شهد … عينيها حومر كيقطرو بالدموع نطقات ~ فرصة !!!!! ضحكات بمرارة ~ اشمن فرصة ؟ بنتك هي لي كبرتي تحت جناحك ،هي لي عنقتيها ملي كانت كتمرض وكلتيها ملي كانت كتجوع حاميتي عليها ملي كانت كتحگر ، اما انا غا بنت زنقة لي لحتيني فيها ومحنيتي ومسولتي مقلتي عايشة ولا ميتة ..

جوهرة … دموع فعينيها نازلين مفاهمة والو صدمة على وجها هي ولطيفة ، قربات من باها كتجرو من يديه وكتسول ~ شنو واقع أبابا؟ كيفاش بنتك علاياش كتهضر ؟

غانم … مد ليها تحاليل دم ونطق قلبو محرووووق ومكوي واخد دقة قوية ومصبر راسو واقف ~ شهد ختك من لحمك ودمك وها دليل ، ورجع شاف فلطيفة لي دموعها نازلين منطقات بحتى شي حرف فقط ساكتة وكتبكي فصمت ~ خووووك ضحك على بنت ناس وهي عندها 18 العام معقلش عليها ، حملها وخلاها فزنقة كتعاني بوحدها ومشى تزوج ، باش فتالي الصمطة دووور وتجي فيا ، ونصدق منزوج للخوات بجووج ، شفتي ربي شحال كبير اميمتي شفتي ذنوبها كيف خرجو فيا ، شفتي زهري الواليدة ، نستاهل

دمعة مووور تانية كينزلو على خضووض لطيفة ، غير كتشوف فشهد وتعاود تشوف فولدها ، مقدراتش تنطق بحرف حتى داتها دحااااااية كانت غاطيح كون ماشي عيد القادر لي شدها ،،، يديها كيترعدو ، وحلقها نشف …

عبد القادر …. بعتاب شاف فخليل ونطق ~ شفتي ها هي صدقات بنتك من لحمك ودمك اخليل رجلة عمرها كانت هاكذا ، ولدي لي طاح فالحرام وغرق فييييه ، وهكذا كتكون نتيييجة واحد سمح فبنتو ، شحال ما طال الحقيقة كتبان

جوهرة …. غوتات ناتفة شعرها بقوة وعينيها حومر بالدموع لاحت ديك التحاليل من يديها ~ ميمكنش ميمكنش تكون ختي ، ميمكنش قلت ليك ابابا ميمكنش ~ قطعات ديك الوراق بسنانها كتاكلهم ، ودموعها نازلين بحال المصعورة كتركل فالأرض ، رشيدة شادة فيها وكتبكي وهي كتجدب

شهد … طولات فيها شوفة ومسحات دموعها لي كانت خازناهم هادي شحال ~ للأسف هذا هو الواقع المر لا انت ولا غيرك خاص يتقبلو، باك شماتة ، قالتها بحرقة وهي كتشوف فيه ، ، بس بغيت نفهم ونعرف علاش سميتيها جوهرة ؟ زعمة باش تحيد دين لي على قلبك ؟ ههههه واااو

خليل … شد جوهرة خايف عليييها ،، وعينيه كيسيلو بالدموع نطق ~ مكنتش باغي نسمح فيك ، تيقي بيا كنت…

شهد … بعتاب قاهر قاطعاته و نطقات ~ تا حاجة مغتغفر ليك عندي ، شنو كنتي مخصوص معندكش فلوس؟ خبزة توكلها ليا ومتخلينيش فالشاريع ندووور ، ولا انا غير بنت جوهرة لمرا لي تاقت فيك وضحكتي عليها وملي جابتني لدنيا تخليتي عليا وعليها موتها مأترش فيك ؟

خليل… بألم ضرب على صدرو ~ الظروووووف ابنتي ، الظروووووف حكمات عليييييا عمري كنت غادي نخلييييك ولا نخليييييها كانت كل شي فحياتي ، وبغيييتها من قلبي ولكن ..

شهد … قاطعاته و بدات تضحك بهسترية وكتصفق، وفنفس الوقت كتبكي ، أمال مخشية فوسيم كتبكي فصمت ، كل شي ساكت فقط عتابها لباها لي كيتسمع ، مي رحمة مبغاتش دخل بيناتهم خلاتها تهضر ، خلاتها تخوي قلبها ، وتخرج گاع لي جمعات ليه هذا زمان ~. واو على صدفة صدقتو تريكة وعائلة الحگارة غا نتا حگرتي لمرا لي ولداتني وختك وولدها حگرو على بنتك شفتي شحال دنيا دوارة ؟ اليوم ليك وغذا عليييك أولد بنكيران

بقات كتنهج عينيهاعامرين دموع ، الحقد والكره والغيرة ، كل شي تجمع عليييها فديك اللحضة ، كتشوفو قدامها لابس مقاد مگانة فيدو ساوية ، ومراته عامرة ذهوبات ، وغير الشينات الغالييين حاطة عليها ، وجلالب مفصلييين ومطرزيين بالثمن ، أما بنته قرات فالمدارس العليا ، وتغطات بريش النعام ، وعندها طوموبيل ، وأملاك ، والأهم قرات وتفقهات ونجحات، وهي شنو ؟ سمح فيها خلاها كتقاصي كتعاني التشرد ،ومشى

شهد … شافت فغانم ولطيفة لي ساكتين ، كلها واخد كييته فقابو ~ الا كنت نصابة فخوووك السبب مجيتش وقصدت الطريق الحرام ، كنت باغا تا أنا نوصل ويكون عندي داكشي لي كنشوفو عند الناس ، بغيت حتى أنا نكون كلبس لي مارك، ونسوگ الطوموبيلات، ونعس فأحسن أوطيلات ،فكرت وخديت الطريق الغالطة ، حيت ملقيتش الاب لي يربيني ولي الا مديت يدي على حاجة ماشي ديالي يضربني، ويوريني الغلط من الصحيح ، يفهمني.، ويعطيني ميخلينيش نتشهى ونجوووع ، ورجعات شافت فمي رحمة فحزن وألم ~ الحقيقة لي كنت مخبية علييك هي هادي امي رحمة ، نهار خرجت من الميتم ، كنت نصب على رجال باش نعيش ، ضحكت على رجال الكبار ، شفرت حوايج الناس ، والمخيير فيهم كنسوسو عاد كنطلقو، زنقة هادشي لي علماتني ، ومنهم غانم ولد ختك ، تا هي ضحكت عليها وسرقتها فخبارك؟ لي جابني وتزوج بيا تحت تهديد ، كل نهار يضربني ويهددني بالبوليس ، عرفتي دابا علاش تزوجت امي رحمة وانتي مفخباركش؟ ماشي قراري هو قرر ونفذ غصب عليا ، شافت فخليل عينيها حومر بالدمووووووع وقلبها كيضرب، شدات على الجرحة بيديها كتنزف ضراتها ونطقات ~ الحمق لي تهجم علييينا ماشي شخص غرييييب ، ضحكت علييه ونصبت عليه فأملاكو، وخليتو على الضس، عليييها رجع ينتاقم، شافت فعبد القادر ، لي غمض عينيه بحرقة كيستغفر مولاه ونطقات ~ هادي هي حقيقة بنتك لي سمحتي فيها ومشيتي ! تزيييد تسمع ولا صافي براكة عليك ؟

غوتات ربي لي خلقها ، قلبها محروق ومغبووون وجامعة فيييه مين وهي صغيرة ، الحگرة والظلم ، العذاب والفقر ، عينيه حومر كتشوف بيييهم فخليل بكره وعتاب ، وفالنفس الوقت كتمنى كون كان العكس كون كان بصح مخلاهاش وعاشت وسطهم فرحمة وأمان ، مصبراتش رشيدة لبكاء بنتها جوهرة ، قلبها كيتشوى على بنتها ، تقدمات للأمام ، عينيها حومر وهي كتشوف فغانم …

رشيدة … بكره شديد ~ طلقها متصلاحش ليك ، مراتك حاملة وخاصك دير بالك عليييها ، لا الشرع ولا القانون يحميك فهادي ، حشوومة عليييك اولدي كتحمن ليا بنتي وانت كتشوف

غانم … كان ساكت كيشوف فشهد كتخرج لي فقلبها ، صبر وضغط على يديه حتى نطقات رشيدة خلات دمه كيغلي ~ مراتي منطلقهاش فهمتي ، كل شي إلا شهد ، قلتها ليك نهار الأول ، نهار جيتي كتبكي عليا ، بنتي كتبغيك بنتي بغات تنتاحر على ودك ، نسيتي ؟ قلتها حتى لبنتك وهي رضات بهادشي ، نتزوج بيها بشرط مراتي شهد منطلقهاش

رشيدة … حمرات فييه العين ، مشوية من جهة بنتها ، وعينيها على شهد بكره ~ حتى فالدين حرام تبقى مع وحدة باقي حتى مدخلتي بيها ، وتانية حاملة ، زواجك منها ملغى ومعندو تا قييييييييمة

غانم …. ضحك باستهزاء وجبد التحليلة وراها ليييها ~ شكون قاليك حاملة ؟ صافي قالت راني حاملة تيقتوها؟ وهاد التحاليل لي دارت اليوم ؟ نكذب الطبيب ونتيق بنتك ياك ؟ قرب ليها عينيه قطرة دم حمرا ~ زواجي من بنتك حرام مطلق عليا ، شاف فخليل بكره ~ باش تعرف أغلاطك فين وصلاتنا، انت غلطتي وانا جات فيا

جوهرة …. عينيه كيقطرو بالدمووع دفعات مها علييييها وشدات بغانم لي بعد يديييه منها بطريقة خلاتها تصدم وتحل فمها ~ ا ا أنا مراتك ميمكنش تخليييني وتمشي ، ميمكنش اغانم غادي نموووووت بلا بيك عافاك سمحلييييا، أنا مكونتش عارفة ، بهيستييرية كتبكي وتشير لجيهة مها ~ هي هي لي داتني عند شوافة هي لي قالت لي ديري لييه غادي يولي يبغيك ، مي نعيمة هي لي قالت لي حاملة ، وانا تيتقتها، كتشد فكرشها بقوة كتعصرها وتبكي ~ متخلييينيش اغانم

خليل … الصدمة خلاته حال فمه فرشيدة ، حتى سمع نباح جوهرة مصبرش لبكاء بنته ، جرها بقوة معنقها ، وعينيه على رشيدة بكره كيشوف فيييها ، ~ هادشي لي بغيتي خرجتيلي على مستقبل بنتي الله ياخد فيك الحق فهاد النهار ،

رشيدة … حلات فمها مصدومة من كلام بنتها ، حطاتها بوجها قدامهم ، العائلة كاملة كتسمع وكتشوف فهاد المنكار ، من غير شهد لي عارفة هادشي مصدمهاش، بقات كدور فعينيها معارفة باش تنقد راسها حداهم ~ أنا ا أنا مدرت والو ، البنت دابا ضاعت لينا ، يطلق هادي ~ كتشير لشهد ~ ويتزوج بنتي من جديد ، زواجو لول أصلا ملغي دينيا حيت مدخلش بيها ودخل بتانية ،

كانت كتهضر بسهولة، كأنها مشايفاش وجوه هاد الناس لي حداها كيتعذبو، ممسوقاش لإحساسهم وباش كيحسو، كتفكر غير فبنتها فقط ، مهامها لا خليل لي مصدوووووم ومحرووووق من بناته بجوج ، ولا هامها غانم ، لي طاح فبييير غارق ، ولا لطيفة لي وجها الصفر بالخلعة وزادوووها هاد الصدمة ، خلاتها غير كتشوف حرف مقدرات تنطق بيه ، ببرودة بغاتهم يطلق شهد ويبقى مع بنتها ، لاحت كل شي العافية بتحرق المهم هي بنتها تكون مرتاحة، قلب الأم قلب أناني عندها ، معارفاش لي تبغييه لينتك بغييييه لغيييرك باش ربي يعطيك على قد نيتك، دنيا غدارة وناسها حتى هما غدارين …

لطيفة … بعد الصدمات لي تلقات نطقات واخيرا ، بعيون كلها دموع وعتاب فوجه خوها ~ ياااااك اخوية ، ياك كنتي تقول منحگرش ولية باش ربي ميحگرنيش فخوتي وبناتي ، شفتي دنيا شحال صغيرة ؟ جات حتى لبين يدينا وغسلنا بيييها الأرض ، شفتي أغلاطك وسكوتك فين خرجنا ، البنت لي بغيت وتمنيييييتها مرات ولدي وحبييييييتها من قلبي ، صدقات بنت خوية ، الله ياخد فيييك الحق ، على دووك الدعاوي لي عطيييتها بسبابك، وعلى يدي لي هزيييتهم عليييها بسبابك، الله يلگيييها ليك يا ولد بوية، ، ورجعات هزات عينيها فرشيدة بكره ~ أما انتي أسوووساگة ، أ لانطيييييير ، بقااااليك غير ولدي تشديييه بالسحور أسحارة ، أنا باالقمة لفمكم وانتما بالعووود لعيني ،أنا بغيت ربي يخرج فيييك البرهان ، حسبي الله ونعم الوكيل فيكم ، ولا حولة ولا قوة إلا بالله فييييكم ، شافت فغانم كتمسح دموعها ~ هادي مبغيييتهاش تبقى فداري جالسة ، لي لاحتني لحمق يقتلني وهي كتقول ليه دوزات حياتها بدأ بيها ، متشرفنيش تكون بنت خوية ومرات ولدي ، والله عندو لبقيتي سيري جلسي مع مك السحارة ، الله يبعد بلايا على بلاكم، الغذارين عوينة وحدة كنكساب شمعة وحدة بغيتي طيفها لي …

عبد القادر … بعد صمت الطويل نطق وهو كيشوف فغانم ~ الحل بين يديك اولدي ديري لي مسلكك

غانم … شاف فشهد لي دموعها باقين نازلييين وقرب منها شاد بيديها باغي يضمها ليه يحسسها بلي هو معاها وعمرو يخليها ، باغي يقولها كلام كثير ~ تعطيني فرصة ؟ عمرك تندمي ، نحقق ليك لي بغيتي ، وتمنيتي، نعوضك على لي فات ، شدي بيدي وخلينا نكملو حياتنا بجوج ، باغيك وقابل بكل شي ديالك ، عينيه دمعو وقلبو محروق علييها ~ تقلبي تعاودي تزوجي بيا مرة خرى ، وهاد المرة برضاك ؟

بعد المرات كتكون عينينا مغمضة على الحقيقة ، مكنعرفرش الخايب من المزيان ، كنطيحو فبداف ديال الأغلاط ، ومكنعيقو بيهم حتى كيكون فات الفوووت، هادي هي الدنيا ، نهار كانت محتاجاه معاها مشى وخلاها ، فالوقت لي كانت باغا أب يكون جنبها يحميها من ذياب جيعانة، ويوريها الطريق يعاونها ويشد بيديها ، هو دار العكس مشى وخلاها باقا كتحبو، فريخة معارفة والو فالدنيا ، ودابا فاش عرفها ، معطاها حتى شي مبرر يبرد بيه قلبها ، بالعكس حسات بيه بارد معاها ، رغم دموعو لي طاحو كيحرقو خضوضو، معزش فيها ،، وكيقول ليك لي حن يتمحن، ،، شافت فغانم بنظرة غريبة دمووع فعينيها غاديين ، كانت تمنى كون تلاقات بيه فالظروف أحسن ، وبشخصية حسن من هادي ، كانت تمنى تتكون تا هي أسرة صغيرة وتعطيها الحنان لي فتاقداتو شحال هاذا ، ولكن لا فاقد الشيء لا يعطيه،…

شهد …. دفعات يديه وبنظرة كسر شافت فيه باغا تشد هاد الموضوع وتطوي هاد الصفحة خلاص ، باغا تشد لباب وتخرج من هنا ~ عمري نكون ليك امرأة ا غانم ، عمرك تكون راجلي ولا أنا نكون امراتك، طلقني وسير عيش حياتك ، نزلات دمعة وتبعوها دموع كثيرة ~ انت بغيتي سحر البنت ظريفة الحنينة لي كتسمع الهضرة ، بغيتي بنت دارهم ، أنا ماشي هي البنت لي تلاقيتي وبغيتي نهار الأول هاديك ماشي شخصيتي ، أنا غير بنت زنقة منصلاحش ليك عطيني طلاقي وخليني نعيش فراحتي ، مسحات دموعها بألم وشافت فيه كانو عينيه كيبريييو ~ نتمنى تقبل قراري هاد المرة ، ومتغصبنيش نبقى معاك

غانم … قلبو كيضرب بعنف ، وراسو كيدور بالحريق ، دمعة على طرف عينيه محروووق نطق ~ عمري نتزوج غيرك ولا بنت لمرأة دخل لداري موراك مزال ، بغيتك بهاد الشخصية ، ولكن مين مبغيتيتيش منلزمش راسي عليك مزال اشهد ، ديري فبالك بلي عمري باقي نتزوج غيرك مزال . سكت شوية ونطق ~ طلاقكم بجوج يوصلكم قريب ،،،، قرب ليها حتى خفق قلبها وحنى باس جبهتها ، معرفش كيفاش تا نزلات دمعة من عينيه على خضها ونطق ~ غادي نكون ليك الأب والأم ، الأخ والأخت ، وفينما طيحي غادي نهزك عمرك غادي تحسي برأسك بوحدك مزال ، وخا متكونوش معايا أنا معاك

حنات راسها كتحس بدقات قلبها كيضربو بقوة ، وكتسمع دقات قلبو كيضربو بوذنيها، بعدات عليه كتشوف فعينييييه حومر كيف جمر ، مهدوود وتحت عينيه كوحل ، بعدات أنظارها ، وشافت فخليل لي وقف جنبها باغي يقرب ليها وهي تنطق ….

شهد ….. هزات سبابة وجها لعند عينيه ونطقات ~ عنداك .. عنداك يقول ليك راسك تقرب مني بين وبينك بحووووووور أولد بنكيران

خليل …. بحزن وألم نطق ~ غادي نعوضك على كل شي ابنتي غير عطيني فرصة

شهد …. غوتات عليييه مبعدة منو تا شدات فيها أمال لي دموعها نازلين ~ بعد منيييييييييييييييي قلت ليك عمرك تقرب لجيييييييهتي ، خرج عليا هز بنتك ومراتك ودرق عليا وجهك… فاش رجع قرب منها وقف ليه وسيم فوجهو …

وسيم … عينيه حمرين ومخنزز فخليل ~ قالت ليك مبغاتش تشوف وجهك ، غادي تقيص فيها غادي نغلط فيك ، بعد لهييييييه عمرها حتاجاتك ولا غادي تحتاجك شي نهار

جوهرة … قربات لغانم عينيها عامرين دموع وجها حمر وقلبها محروق ~ طلقها هي ، ياك مباغاكش خليني معاك عافاك ، غانم منقدش بلى بيك

غانم … قرب لمووو لي كتبكي وعينيها على شهد ، مدايهاش فبكاء جوهرة ، وشدها من يديها باغي يخرجها ~ خاصك ترتاحي اميمتي زيدي تمشي للدار ، وجهك معاجبنيش

جوهرة …دموعها نازلييييين قربات لباااااااها كتجروووو~ قولييييييييييه يديني معاه علاش ابابا وقعلي هادشي علاش أنا منحوووووووسة ، شنو درت فحياتي، ياك أنا غير بغيتو من قلبي ، ياك أنا من صغري وانا نحلم بيه ، علاش يطلقني ؟ علاااااااااااااش …

طاحت الأرض بكريييييز شادها ، رشيدة حنات كتشد فيها وهي كترطى وتغوت تا غيبات بين يديها ، زفر بصوت عالي مكره ، وهو كيشوف فيييها ، كيف كشاكشها خارجين ودموعها دايزين، تا هي ضحية كيفها كيف گاع الناس لي تأذاو، كل واحد خدى حقو من هاد الصدمة ، هزها خليل بين يديه خارج بيها ورشيدة ، تابعااااه، ونفس شي ، عبد القادر جر لطيفة لي ولات حالتها حالة بدموع ، بغى يديها ، وقبل ما تخرج …

لطيفة ،.. شافت فشهد وقربات منها بألم وحزن نطقات ~ كون عرفتك ابنتي ، نفرش ليك الحرير على الأرض ، نعسك على ريش نعام ، ونخليك تتاج فوق راس ، انتي ماشي بوحدك عندك عمتك ولي تقالت عليك خفافت عليا ، غانخليك دابا ترتاحي ولكن منخليكش تزيدي تبعدي عليا ،

خرجها عبد القادر ، بقات غير مي رحمة وأمال وسيم معاها ، قبل ما يخرج غانم لاح ليها كلامو ~ غانصيفط ليك الطبيبة دير ليك تحاليل لكلوى ، عنداك تخرجي قبل ماتخليها ديرهم ليك ،

جلسات على طرف السرير كتشوف فمي رحمة لي ساكتة ، صدمة بنتها شهد خلاتها متنطق بحتى كلمة ، فقط كتفكر فاش كانت كتسولها فين كتغبر كان جوابها فقط الخدمة ، مكانتش كتبحت وتكونطروليييها، كانت عاطياها الحرية ، ومخليييها ، تنهدات بحسرة، على تربيتها وكلامها لي تلاح فالزبل كانت امنيتها تشوفها شي حاجة كبيرة وفالمستوى، ساعة اعترافها بأنها كانت نصابة خلاها تفشل وتعاتب نفاسها على الأمانة لي تعطات ليها ومعرفاتش تقوم بتربيتها مزيان ، متقدرش تعاتبها ولا تقول ليها شي حاجة ، حيت فات الفووووت ، خاصها تعاتب نفسها على اهمالها للطفلة مكتعرف والو ، كبلات بشغف تكون شي حاجة وعندها كل شي فهاد الدنيا ، بعد دقائق دخلات الطبيبة ، وخرجو هما فحصاتها مزيان ، ورجعات خرجات ، حتى دخلو لعندها تاني ..:

وسيم … شد فيديها ونطق بحزن ~ صافي نقدرو نمشيييييو دابا ؟

شهد … تخشات فيييه معنقاه بقوة وتنهدات~ قالت بلي رجع غذا باش دير ليا التلفازة، وتقرأ ليا تحاليل

وسيم … باسها فراسها ~ اممم صافي مزيان ، سولها باهتمام~ باش كتحسي دابا ؟

شهد … زيرات عليييييه بقوة ~ بوالو بغيييت نخرجو من هنا نشم شوية الهوى

وسيم … جوها من يديها أمال لاصقة فيها من جهة التانية ومي رحمة ساكتة شادة الصدمة فقلبها وساكتة ، حتى شاف فيها وسيم ورجع لعندها شد فيييها ~ مي رحمة ياكما عيانة ؟

مي رحمة … كانت أمال وشهد للقدام غادييين , بقات تشوووف فيها ونطقات ~ والو اولدي … والو ..

سكت مبغاش يهضر فالموضوع ، عارف اش بيها ، وعارفها تصدمات من شي لي سمعات ، بقى ساكت تا حس بيها لونها صفر ، دودها حدى واحد الكافيتيريا، كيشري ليها الماء ، وشهد أمال فالقدام غادييين ، كيسمعو الغوات وناس كتجري مفهمو والو ، قربات شهد بسرعة لجيهة دناس فين مجمعين ، وهما يبانو لييها لتحت كيغوتو ، ويشوفو للفوق ، هزات راسها كاتبان لييها جوهرة واقفة على صور عالي ديال لي طاج تالت ، عينيها منفوخييين ودموعها نازلين ، شعرها مشنتف ، خفق قلبها ، وكرزات على يديها بقوة ، محسات براسها غير وهي كتجري فالدروج طالعة ، موراها أمال كتجري، حسات بنغزات فجنبها كيضرها ، شدات عليه بيديها ، وزادت فالسرعة ، تا وصلات لقات ناس مجمعين كيرغبوها ، وهي للفوق كتبكي بحال شي مجنونة ،

شهد … قربات شوية عينيها على رجليييها لي كيتعزعو وتقدر فأي لحظة طيح ~ نزلي ا اجوهرة ، نزلي لأرض ،

جوهرة … هزات عينيها فييها عامرين دموووع وغوتات فوجهها ~ بعدي ..بعدي عليا ، مبغيتش نسمع صوووووووتك انتي لي خرجتي عليا ، كون ماشي انتي يقدر كون راه ختار يبقى معايا ، يمكن كون راه معايا ومخلانيش دابا …. كتخنصص وتبكي ~ انتي لي قلتي ليه على سحور خليتيه يكرهني انتي سباب

شهد… غمضات عينيها بعصبية عينيها حمرين بالدموع ~ كون كان باغيييك ولو 0.01 ٪؜ عمرو يخليييك اجوهرة تا دقيقة ، متكونيش غبية وديري فيييها عايقة ، واحد مباغينيش نبعد منو الف كيلوميتر ، انتي لي رخصتي راسك بزااااف

جوهرة … غوتات بصعرة ناتفة شعرها بقوة وكتشوف فالأرض ~ سكتي سككتتتتتتتتتتتتتي ، انتي سباب ، انتي لي دخلتي بيني وبينو ، كنكرررررررررررهك

شهد … مسحات دمعة نزلات من عينيها وربعات يديها كتشوف فيها ~ إلى متي دابا شكون غايبكي عليك ؟ شافت فرشيدة لي غاتحماق بالبكى ويديها كيترعدو ~ مك لي غادي تمحن ، أما هو مغاديش يحس بيييييك ، غايجييه شعور بالشفقة من جيهتك ، ويقدر تبقاي فييه ، واش كضني الحل هو الإنتحار ؟

جوهرة …. مرضها بيه خللى عينيها يتغمضو فخطرة ، كتشوفو غير هو ولا الموت ~ مبغيتش نعيش بلى بيييه ، كتبكي بحرقة ~ بغييييييييت يكون معايا وفجنبي ، علاش مبغانيش ؟ قليلي شنو درت ليه ؟ علاش رفضني ؟

شهد … طولات فيييها شوفة وزادت خطوة للقدام قربات منها ~ منقدش نجاوبك !!! حيييييت أنا معندي تا مشاعر ، عندي غير الحزن والألم ، بغيتي تجربييييهم ؟ ضحكات باستهزاء ونطقات ~ فهاد دنيا كاملة كنحلم بعائلة ، ولكن معنديش اجوهرة ، انتي عندك مك كتموووت عليك ، لدرجة دير أي حاجة على ودك ، وعندك باك كيخاف عليك ، عندك الحب لي معندش بزاف دالناس ، أنا شنو عندي ؟ لا أب ولا أم،… هاد الحب وهاد الكمية المشاعر زوينة معنديش ، حتى دخلو لحياتي ناس ، علموني شنو هي المشاعر وشنو هي الصداقة ، هما لي وراوني بلي أنا ماشي بوحدي ، معندي تا واحد من غير مي رحمة لي رباتني مع ولاد الميتم ، وسيم لي كان يحامي عليا فاش يضربوني ، وأمال لي كانت تبكي فاش تشوفني مريضة ، لي داروني ختهم وقفو معايا ، خاصك تحمدي الله عندك دفئ عائلي حنين ، رجعي للصواب ، تا واحد ميستاهل تموتي على ودو ، هزات يديها مداتها ليييها ~ نزلي ورجعي لعقلك لي باغا تموتي على ودو ، مشايفش جيهتك

بقات كتشوف فيييها ، عينيها جاو على عينين باها لي كيبكي فصمت ، ورجعات شافت فمها لي ولات حالتها بالدموع ، ورجعات شافت فرأسها وفشنو كدير ، عيوون ناس ليها حسات براسها كانت فنفق غارق ، هزات عينيها فشهد لي مدالها يديها ، ورجعات شدات فيييها ونزلات ، خلات كل شي كيهضر لي كيقول الحمد الله لي كيستغفرالله ، دغيا رشيدة طارت على بنتها معنقاها ، بعدات شهد علييهم ، وشدات فيد أمال وخرجو ، بقات متبعة ليها جوهرة لعييين تا درقات عاد خلات دموعها ينزلو ، عنقات مها بقوة ، خليل بقى واقف محروق بيناتهم ، محييلتو لبنته جوهرة ، ولا لشهد لي عاد لقاها ولكن صعيب طيييع ليه ولا تسمع ليييه ، تنهد قلبو كيضرو ، وجر بنته كيعنقها بحرارة ….

الحياة امتحان ، ومستحيييل شي حد فينا ميدوزش من امتحان الحياة ، كاين لي عاش الفقر وكبر ومسك علييه الله ، كاين لي قرأ وجلس حدا مو كيبيع ديطاي ، كاين لي تزوجات وطلقات صغيرة حتى كبرات وشرفات ، كاين لي تضحك عليها ، كل وحدة ولا واحد فينا عاش ظرف من هاد الظروف الكثيرة ، غير هو كاين لي قوي تجاوز العقبات وكاين لي ضعيف فأول فرصة ضعاف وطاح ، شهد مكانتش ذكية لدرجة كبيرة ، شهد كانت عمية ومكتشووفش الواقع بعينيها ، باغا طير ودير وتعلي وتكون شي حاجة فالمستقبل، وفالأخير طاحت دخلات فدوامة صعيبة ودخلات معاها ناس مكانوش باغييين يمشيو فهاد الطريق ، شهد قاصات وعاشت ظرووف صعيبة خلاوها تقتل قلبها ، ولكن واش كضنووو انها كانت غادة فطريق صحيحة ؟

أي وحدة فينا تخلاو علييها واليديها او رباتها أم غريبة عليها ، ولكن واش هذا دليل كافي على أنني نتمادا ونمشي فطريق ماشي طريقي ؟ واش كضنو شهد صريحة معانا ؟ ولا باقا موراتنا وجهها الحقيقي لي كلنا كنتسناو نشووفووه ، خليل الأب لي سمح فبنته وهي عندها ربع سنين فقط لمجرد عرف على انها ماشي بنته ، واش هدا دليل كافي تقدر شهد تغاظى عليه وتسامحو ؟ ولا كتشوفو بلي خليل معندو تا عذر فهاد القضية ؟ شكون كتلومو ؟ شكون الغالط ؟

شهد هي الفتاة لي كبرات وتربات فميتم عادي قادي حاجة ، كلات من الأرض ونعسات على الخشب ، تغطات بزيف رقيق تحت البرد ، وعاشت الحرمان من جميع النواحي ، شهد البنت لي تنعتات بالعزية بالخايبة ،تهانت وتسبات وهي صغيرة ، هاد الأمر بحد ذاتو عقدها فحياتها ، شهد مقراتش شهد تعلمات قوالب الزنقة ، ونهار كملات السن القانوني تمردات وطرطقات على المجتمع وقصدات طريق الحرام والسرقة ، وحنا كاملين عارفين ان المجتمع مكيرحمش ، ملقاتش اب يعلمها ، ملقاتش أم توعيييها، فاضت قبل وقتها وعطات لعيين لرجالة لي كيحلمو يفرسو ذاتها ، ختارت طريقها بيديها وهي إنسانة راشدة ، تحگرات فصغرها ، وفكبرها ، مكتعرفش شنو هي العائلة ، بالنسبة ليها العائلة هي زنقة حيت هي لي لقات نهار قصدات الشارع والذيوبة لي عايشين فيه …..

"لا أحتاجك ولا أحتاج إخلاصك ، انت فقط وهم وسوف تتلاشى مع الوقت "

بعد عشرة أيام

فشقة متواضعة فإقامة من الإقامات جداد لي عاد تبناو ، حرص غانم ياخدها ليها ، بعد مشقة كتعويض شداتها منه ، فهاد المدة ، المونة كدخلهم كل يومين عن طريق غانم ، كانت فالكزينة كتقطع فالخضرة ، عينيييها حومر ظلام ، وعقلها بعييييييد كيخمم ، من نهار خرجات من الطبيب شدات بيبان عليهم كاملين فوجهم ، من غير غانم لي بزز طلاقاها ، وعلمها بجلسة الطلاق ، كان جسد بلا رووح ، كتفكر فحياتها ومصيرها ، مستفدات تا حاجة من نصب على الناس ومن الشفارة ، ضيعات فقط حياتها ومستقبلها ، ما هي من القاريات صحاب ديبلومات الكبار ،،،،،

ضيعات فقط حياتها ومستقبلها ، ما هي من القاريات صحاب ديبلومات الكبار ، الماستر ولا الدكتورة ، والو شدات الباك بزز من مي رحمة لي كانت ضاغطة عليها ، قراي قراي ، وهي كانت خطتها حاجة اخرى ، دارساها فراسها وراسماها مزيان ، عارفة اش كدير ، ختارت بيديها ديك الطريق ، لقاتها شغف ومتعة تسرق ناس وتنصب عليييهم ، لي يوريها ويعلمها ، ويعطيها اش بغات ملقاتش ، لا ناهي ينهيها على هاد المنكر ، ولا منتهي يدي ويجيب معاها الكلام ، لقات سيبة وقلة الحكام ، لقات زنقة وتمردات ، حلمات وحققات ذاتها بالحرام … طاحت ونزلات باش تكون كارما لي يخافها الكبير والصغير ، ختارت مجال صعيب على سنها الصغير ، بدات وهي مراهقة تا تمرسات ، ورجعات باطرونة كبيرة ،

وهي كطيب تفكرات أيام صعيبة عاشها نزلات دمعة وتبعووها دموووع كثيرة سخان كيحرقو خضوضها … وهي ساهية حسات بيديه على وجها …

مروان … بحزن ~ ختي مالك ؟ علاش وليتي هاكدا مكتجلسيش معانا ، وغير شادة عليك ؟

شهد … مسحات وجها بيديها وحاولات تبسم ليه فوجهو ~ لا والو غير عيانة شوية ، فيك جووووع احبيبي ؟

مروان … طول فيها شوفة وقرب علاين يوصل ليها فالطول ~ انا خووووووك ماشي دري صغير مكيفهمش ، عندي سبعطاش العام ، ماشي ستسنين ، شد فيديها وسولها ~ شكون قلقك ليا ؟

شهد … طبطبات على يديه بحنان وعنقاته بقوة كتحس بيه هو كل شي فحياتها ~ تا واحد مقلقني اولدي ، مقلقة غير مع راسي وصاف ،

مروان … بادلها العناق بقوة ضامها ليه وكيبووس راسها ~ متقلقيش غادي نتسجل فأكاديمية وتقرأ المخابرات وغادي نولي شاف كبير وغادي نحقق ليك جميع أحلامك ، غير ضحكي متبكيش

شهد … تبسمات شبه ابتسامة وباستو فوجه ~ غادي تكون أحسن وأقوى شاف كبيييييييييييير ، يا الله سير وجد راسك المدرسة كتعاينك دغيا

خرج كيجري يلبس وهي وجدات ليه طوسط دغيا ، عمراتهم فطاسة مع شوية ديال ديسير ، مداتهم ليه عاد مشى ، رجعات الكوزينة كملات الطياب ديالها ، سمعات صونيط مسحات يديها وخرجات تحل لباب ، بانت ليها مي رحمة كتصليي

وسيم … دخل عيان وجهو عرقان حيت الحرارة فالمدينة ~ نسيت سوارت ، ناري على صهد لموت فزنقة

شهد … جرات الكرسي جلسات عليه ونطقات داخلة فالموضوع نيشان ~ امضرا ؟ شي جديد ؟

وسيم …. تنهد ونطق وهو كيحيد تيشورط ديالو ~ صافي المحامي تكلف ، والدعوة ترفعات غادي يكون توصل بالإستدعاء دابا من عند البوليس …

شهد … لهيب عينيها الحومر لمعوووو بقوة ، تبسمات بألم وهي كتجاوبه ~ غادي يحط لي عندو ولي موراااااه أوسيم ، غادي نخليييييييه على الضس ، غادي نذمو لدرجة ينذم علاش عرفني موجودة ، مغاديش نرحمو ولا نسامحو ، غادي نطالب بجميع حقووووقي من وأنا صغيرة تا لدابا غادي نخليييييييه يتمنى كون معرفنيش وكون مبنت فحياتو …..

وسيم … خدى يديها بين يديه شادها ونطق عينيه فعينيها عارفها دابا وفهاد اللحضة باش كتحس ~ أنا معاك فأي حاجة بغيتي ديريها ، خووووك معاك انتي بقاي غير على راحتك

شهد … لمعو عينيها بدموووع حتى عمرووو وهي تحضنووو بقوة ~ لهلا يخطيك عليا ،

مي رحمة … لقات تحية وهي هازة كفوفها كتدعي ورجعات هزات راسها فيهم مراضياش على تربيتها لبنتها ~ عمر الإنتقام كان حل ابنتي ، وعمري ربيييتك هاكذا، هذاك كيبقى باك ومدار ومقال تا شي حاجة ديال العيب ، كيصوني وكيجي تا للدار باش يشوفك باغي غير فرصة ، ومبغيتيش تسمعيييه، ياك قاليك يعوضك ويعطيك لي بغيتي ، شنو لفرق ؟ ولا خاصك تمرمديه تشوفيه حاني وراكع عند رجليك عاد تفرحي ياك هادشي لي بغيتي ؟ يقولو عليك مسخوطة باها ، على تالي يامنا نجرجرووه فالمحاكم ..

شهد … كرزات على يديها بقوة تا رجععو عينيها حومر ورجعو تجمعو دموووع فعينيها عاد هزات راسها كتشوف فمي رحمة لي باينة عيات وتهدات بمشاكيلها ~ بغيت ناخد حقي منووووو بالقانون مبغيييتش ناخدو بخاطرو ، لا بغيت نجرجرو مزيان ونشوه بسمييييييته امي

مي رحمة … بقات متبعة حركات عينيها الفلوس والتروة خلاوها تشوفها أنانية فعينيها ~ انتي ماشي بنتي لي ربيت وعلمت لا ، حاشا انتي وحدة اخرى ، قلبك قصحتييه تا رجع طوبة ، مبقيتش كنعرفك واش بصح أنا لي ربيييتك ؟

شهد … نزلات دمعة مغذورة من عينيها ، عارفاها صدمات مي رحمة فيها ، وعارفاها باقا ممستوعبة بأنها نصابة ، وهادشي كامل كانت ديرو بلا علمها ، عاذرة كلامها ولومها ليييها ~ هادي هي الحقيقة امي ، وهادي هي حقيقتي اه عندك الحق أنا ماشي شهد لي كتعرفي ، زنقة علماتني نكون أنانية أمي ، ولكن تيقي بيا تعلمت بزااااف امي و دابا مكندير تا حاجة عيب من غير حقي باغاه بالقانون منو

طولات فيييها شوفة ، كتسمع كلامها المستفز ولي معندو تا معنى ، وكتفكر فيه ، هي عطاتها داكشي لي معطاتو ليها تا وحدة ، فهماتها وحنات فيها ، قراتها حسب قدراتها، وراتها طريق الحلال ، وعلماتها الإحترام والتقدير ، مكانش عارفة بلي داكشي لي عماتها مقدى فيها تا حاجة ، مكانتش عارفة بلي ديك شهد لي كبرات وقرات وعلمات نهار غادي تخرج من الخيرية غادي تبدل والزنقة غادي تعلمها شحال من حاجة خايبة ، نزلات دمعة سخونة من عينيها ، وهي كتشوف بنتها ضاع ليها مستقبالها وصلات لنقطة صعيبة ، موصلات لحتى شي حاجة فالمستوى ، متعلمات مقرات وتخرجات كيف هي ضنات ، يعني الأمانة لي تعطات ليها ، ضاعت فيديها وخسرات ، دخلات لبيتها بلى متنطق بحرف ، شداتو عليها ، وخلات شهد وسيم متبعين ليييها العين بحزن وألم ،

وسيم … بتعب نطق ~ عطييييها وقت تستوعب هادشي راه مساهلش عليها ، صدمة مور ختها ،

شهد … بحزن جاوباته ~ أنا عاذراها وفاهماها ، وكنتمنى شي نهار تسمح ليييا ، هي لي بقات ليا بعدكم

وسيم … طبطب على كتافها بحنان ~ غادي تسمح لييينا كاملين ، معندك مناش تخافي ، هاديك منا كاملين ، متقدرش تخلينا

شهد … بامتنان ~ امين يا رب تنهدات ~ وسيم خاصني نتحرك فالوراق ، ناخد رزقي منو دغيا ، باش نعاون مروان فالمدرسة ، بغيت نقريه فالمدرسة لي هو كيتمنى يقرأ فيها ، وبغيت نخلص ليه كل شي ديالها باش ميلقى تا موشكيل من بعد هو أمانة واليديه ليا وانا بغيت نحقق ليه جميع احلامو

وسيم … شد يديها بجوووج باسهم ~ متخميييش بزاف ، غادي نخلصو ليه بفلوس المطعم ، راه رجع يدخل شوية دالفلوس

شهد … باعتراض ~ لا لا داكشي لي كيدخل نخلصو بيه الضرائب ، والكريديات لي علينا باش نكونو مهنيييين ،

وهما كيتناقشو لتحت نزلات أمال من طوموبيل زاجها فيمي كحل ، آخر مكاين فالضاسية ، جديدة قرطة ، حلات صمطة عويناتها كيبريو ، وجها حمر مزنگ ونطقات …

أمال … بتوتر وفرحة فالنفس الوقت ~ شكرا بزااااف مسيو سمحلي عذبتك معايا تا لهنا

تمعن فجمالها الصافي ، وشعرها القصير الرطب ، وتنهد مرجع راسو اللور كيخمم ويشوف لبعيد عاد نطق ~ عذابك راحة بالنسبة ليا ، وبلى رسميات عيطيلي غير عمر الالة أمال

أمال … فركات يديها مع بعض بتوتر مقادراش تهز فيه العين ، فحين هو واخد راحتوو كيتمنضر فيييها ~ واخا شكرا بزاااف

ونزلات دغيا ، خلاتو متبع ليها لعييين من لوور حتى دخلات عاد ديمارا وقلع طالع ليه المورال ، دخلات عليييهم أمال فرحانة ، وجهها عليييه فرحة لا توصف ، وعينيها كيبريييو ، وباينة عيانة كتزيييد غير بشوية تقول عليييها عرجة …

وسيم …. كيضحك ~ اويلي مالكي على حالك ابنتي هههههه شهاد الحالة

أمال … لابسة لا كلاس صاية قصيرة فالغوز مع قاميجة ديالها فنفس اللون ، وصباط ديال طالون وريحة فايحة منها نطقات معصبة ~ هاد صباط طيبلي رجليا ، كلهم تجردو ، بفرحة عنقات شهد ~ صافي تقبلت وغادي نبدأ سيمانة جايا الخدمة انشاء الله

شهد … بفرحة عنقاتها ~ مبروووك عليييك كنت عارفة غادي يقبلووووك

وسيم … خربق ليها شعرها ~ شفتي البلارة ديالي ديك ديبلوم جاب نتيجة مبرووك عليك

أمال … باستو فحنكو ~ كون ماشي انت شجعتيني نقرا لانفورماتيك مكنتش غادي نتقبل دابا ، شكرا احبيبي

بعد مناقشة طويلة دخلات شهد لكوزينة كطيب ليهم شي حاجة ، أمال دخلات بدلات عليها ، ومسدات رجليييها لي كيزدحو ، وسيم شعل تلفازة كيتفرج ، واحد شوية وهما يسمعو دقان ، ماشي دقان عادي ، شوية رجعو كيزدحو لباب ، خرجو لبنات وسيم وقف مفاهم والو ، شهد قلبها بدأ يضرب ، قالت ليه متفتحش الباب ، واحد شوية وهما يفرعوووووووه ويدخلو

بقات واقفة مصمرة بلاصتها ، مي رحمة خرجات من بيتها على صوت دقان مجهد ، وسيم وقف هو لول مخبيييهم موراه، وكيشوف فرجال ، طوال وعراض صولع ، ومبودرين ، تلاتة بييييهم ، واحد شوية وهو يدخل بكل شمووووخ كيتبسم ، لابس ومقاد راسو ، محسن وتبسيمة على وجهو ، كيشوف فيها بعشق وهي كطلع حجبانها فيه بتقة ، تقدم لحداها وهو وسيم يوقف ليييه فوجهو ، باغي ليوم يتبالى بيه ، ساعة معامن ، وقفو ليييه ديك لگاردكورة ناويييين يسطحوووه فالأرض ، وقبل مايهضر وقفات ليه شهد فوجهو …

الحرمان العاطفي لي من صغر وداك الشخص كيحس بيه ، عرف بلي داك الشخص مستحيل يسامح ولا يغفر بواحد السهولة ، خاصك تعرف بلي داك الشخص محروووق ومكوي فقلبه ، وعرف بلي داك الإنسان مريض من لداخل ، ودواه صعيب ، صعيب يتعالج ، هذاك هو لي تخاف منه ، شهد عندها قصة حزييينة ، شهد مقهوووورة ومحگوووورة من صغر ، عاشت الويل الكحل ، وباتت بحووووع ، ونهار كبرات دفنات قلبها وضمييرها جنب قبر مها ، وما أصعب أنك تحرم من مك وباك ، تحرم من النور والجنة لي تحت أقدامهم ، تحرم من انك تقول بابا وماما ، تحرم من الحنان ديالهم ، تكبر بدون ولا شيء ، شهد محرووومة من بزااف دالحوايج ، ونهار لقات باها زادت كرهاتو وحقدات عليييه ، خصوصا فاش شافت فاش عايش وفاش معيش ختها جوهرة ، وهي قاصات وعانات وتبعات طريق الحرام و نصب على الرجال. وهاهي دابا كتخلص حوايج هما وكل شخص نصبات عليه كيتعرض لطريقها واحد بواحد ….حكايتي كلها ألم و جروح ، من صغري نبكي بدموع ، من الفرحة و السعادة محروم ، حكايتي حكايت شابة صبورة ، حكاية فيها حكمة و أمور، تبكي لعيان بالدم المقطور ، تحير النفوس و العقول ، حكايتي حكايت الحرمان من الأب الحنون ، ومن وجه الميمة الحميمة المبشوووور …

شهد … خنززات فأمير لي واقف وهادوك الصلوعة باغين يتهجمو على وسيم ونطقات معصبة ~ يقيص شي حد فييييه غير شعرى وحدة أمير ، تيييق بيا نحرقك ونحرك هادو لي معاك ، خرج علييييا هادو من هنا مبغيييتش نشوووفهم

أمير … طلعها كيشوف فعينيها لي مكيرمشووووش وعطى إشارة لهادوك فالبلاصة هبطو مع دروووج ~ هادشي لي كيعجبني فيك أ عبير تقة فالنفس لي فيك ملقيتهاش فشي بنت اخرى

شهد … جرات الكرسي وجلسات مقابلة مع وجهو دايرة رجع على رجل ممسوقاش ومخايفاش منو ~ جلس نهضرو ونسالييييو هاد الفيييلم

أمير … جر الكرسي جلس حداها كيشوف فيها لابسة كسيوة دار جاياها زوينة وجامعة شعرها سفنجة مهملة ، بعض من شعرها مبوكل مليووح على وجها سمييييمر ، وعويناتها الكبار كيلمعو ، شفايفها كيشهييو ، خلى قلبو يتنفس بغضب ~ بغييييتك انتي ، تنهد بعنف ~ بغيييتك بخاطرك ، أنا سمعت لي وقع ليك ، وعرفتك لقيتي باك ، إلى بغيتي أنا مستاعد نعاونك فالقضية ، نحيد ليييييه كل شي ، ونخليه فالزنقة هو ولادو اش قلتي ؟

شهد … طلعاتو بعينيها كتفكر فكلامو هي عمرها تخليييه فشاريييع ماشي على ودو ، لا على ود بنته لي متبغيييش ليها تعيش داكشي لي هي عاشتو ~ القانون غادي يعطيني حقي منو ، ممحتاجة حتى شي مساعدة منك امير ، ونزييدك كون بغيييت ناخد كل شي منو مغاديش نمشي للقانون ، هو مستاعد يسيييني على كل شي ويعطييهلي أنا لي مبغيييتش ،

أمير … طول فيييها شوفة ~ واخا لي بغيتي ، وشنو بالنسبة لينا حنا بجوج ؟ مبغيتيش تحني فيا خلاص ، ياك طلاقك غادي يخرج ، شنو بغيتي مزال ندير على ودك ؟

شهد … بتقة ~ بغييييييييت راحتي ا أمير ، أنا ماشي هي البنت لي بغيتي وتمنيتي نهار الأول ، أنا ماشي عبير فتاة أحلامك ، أنا سميتي شهد ، شهد النصابة ولي كتنصب على رجال ، شهد لي تولدات وكبرات فميتم ، شهد لي عاشرات وسرقات رجال ، أنا ماشي عبير ، فهمها عافاك وخليني فراحتي متبززش عليا راسك

أمير … طول فيها شوفة ~ ولكن أنا باغييك كيييف انتي ، مباغيش ديك البنت صافي شفتك وميزتك بغييت هاد شهد لي جالسة دابا حدايا ، ومستاعد نعوضك ونعيشك أميرة فداري ، انتي غير قبلي وانا نفذ

شهد … بتعب ~ إلى قبلت غادي نكون غير كنكذب عليك ، غادي تاخد جسد بلى رووووح ، واش تقدر تعاشر وحدة معندهاش قلب ؟ أنا عمري نبغييييييك ، وعمري ناخذ واحد ديجا نصبت عليييه ، فهمها خلاص وخليني على راحتي

أمير … باعتراض ~ وانا كنقوووول ليك باغيك ونعطيك وقت حتى تبغيني ، مغاديش رجع ومغاديش نخليييك غادي نبقى تابعك تا تقبلي عليييا

شهد … شافت وسيم وقف وجهو حمر وباغي يجرو وهي تشدو من يديه ، جلساته ورجعات شافت فأمير لي وقف باغي يجر وسيم دغيا طارت على الفردي لي باين من سروالو هزاتو وحطاتو على راسها ~ أمير عمري نكون ليييك لا انت ولا غييييرك ، قلبي مهواش ديالي ولا ديالك ولا عندي أصلا ، خلييييني فراحتي عشت بزاااااف حتى مليت ، ودابا انت لي غادي تختار ماشي أنا ~ شدات يدو حطاتها على الفردي لي فراسها ونطقات ~ إلى كنتي باقي باغي دخل فحياتي وتبعني وتحضيني وتبع اخباري ، قتلني وهنيني ، ها هي الفرصة بين يدييييك دابا انتقم مني وخوذ روحي ، حيت هي لي بقات عندي فهاد الساعة

أمير … كيشوف فعينيها لي حومر يديها مكيترعدوووش دليل على انها كتهضر بالمعقول ، عينيها مكيرمشووش كتشوف فيييه بتقة ، أمال غوتات ربي لي خلقها حتى بدات تبكي وسيم وجهو حمر معرف ميدير عارفها تقدر تيري فراسها فأي لحضة وتا حاجة مكتهمها ، مي رحمة يديها كيترعدو هادشي بزاف عليها ، الجو فدقيقة تكهرب، أمال وقفات كترعد دموعها هابطين وهي كطلب فشهد توقف ، ولكن شكون يسمعك كانت معزمة تسالي هاد الفيلم ، يا إما تخرج ناجحة ولا خاسرة ، فكلتى الحالتين حياتها مكتهمهاش ، زيرات على يدين أمير بيديها بجوج ، متبتة الفردي فوق راسها ، وقربات صباعها لزناد باغا ضغط علييييييه ،

أمير … قبل متغمض عينيها زرب حيد الفردي خشاه فجيبو ونطق معصب منها ~ مقلتش ليك قتلي راسك نووو ، بصح أنا بغيييتك ديك شي لي عشتو معاك وحسيتو معاك عمري حسيتو مع وحدة اخرى ، ولكن هادشي مكيعنيش بلي بغيييت انتقم منك ونقتلك ، لا عمري نديرها ، ومهما انك انتي رافضة هاد العلاقة لهاد الدرجة ، فكنواعدك عمري نوقف فطريقك ، وعمري نكرهك ، لي بغيت نقووليك ربحتيني وربحتي تيقتي ، هز يديه جر يديها بحنية ونطق ~ فأي وقت حتاجيتيني أنا هنا ، ديريني صديييق ربحتيييه وقت تحتاجييييه تلقايه

شهد … تبسمات فوجهو براحة وهزات راسها ليه ~ انشاء الله نبغيك غير تكون فرحان ومرتاح فحياتك امير تستاهل ماحسن مني والله

أمير … تبسم ~ إنشاء الله ، نقدر نطلب منك طلب ؟

شهد … باهتمام ~ مرحبا قول

أمير … واش ممكن نعنقك؟

شهد … ضحكات وهي تجرو لعندها معنقاه ، حسات بيه خشاها فضلوعو كتسمع صوت انفاسو بقوة ، ريحتو ويديه لي شدو فخصرها خلاوها بلى متحس دغيا تبعد منو بحال إلى مرتاحتش ليه ~ بالسلامة

خرج ديك الساعة نازل مع الدروج ، وسيم معصب ، وامال مسحات دموعها معنقاها ، وكتقول الحمد الله ، مي رحمة غير كتشوف فيها ، مفاهمة والو ، وشنو هادشي صابها فالبنت لي ربات، كأنها وحدة مكتعرفهاش ، شخصية جديدة كتشوف قدامها ، وشنو تسنى من وحدة بلى متفكر عطات كلوتها وتقدر ضحي براسها فأي لحظة ، اذن شهد مريضة ومرضها زاد عن حدو ، وشنو هادشي كتشوف بعينيها ، هزات راسها فييها ، ولاحت ليها كلامها باغا تزيد تصدم ، حيت صافي وصلات لنقطة لي ولات تخاف منها …

مي رحمة … بنظرة مكسوورة ~ شكوووووون هاد الناس عاود ؟ وشكون هذا لي باغي يديك بزز منك ؟

شهد … طلعات نفس عارفاها مصدومة منها وعارفاها هادشي بزاف عليها لي كتعييشو وكتشوفو ~ هذا امي واحد من هادوك لي نصبت عليهم

مي رحمة … هزات يديييها تا السماء ونزلات عليييها لوجه يديها كيترعدو وعينيها مدمعين ~ مزال ؟ مزال نشوف بحال هادشي ؟ مزال غادي يبان شي واحد آخر ضحكتي عليه ؟ هادي هي تربييتي ليك ؟ هاذا هو خيري ياك ، انتي مرييييييييييييضة ابنتي انتي خاصك تعالجي

شهد … مسحات جنب فمها ونزلات دمعة دغيا مسحاتها ونطقات ~ عارفاك مغاديش تسمحيلي امي ، وعارفاك مصدومة فيا ، وكذووبي لييييييك خرجو فيا ، عاتبي وضربي كيف بغيتي اميمتي نستاهل هادشي ، ولكن أنا ماشي مريييضة أنا عاد تشافيت

مي رحمة … طلعاتها وهبطاتها وجها حمر بقوة الأعصاب ~ يا خسارة فيك تربيتي ابنتي يا خسارة فيييييك سهيري يا خسارة… مات ليك ضمييير ، وانا عارفة هادشي منين جااااي ، أنا عارفة شكون لي مرضك …

دخلات كتجري لبيتها ، خلات وسيم وأمال تابعيييينها كيجريوو ، كيحاولو يكالميييوها ، وهي غير كتبكي وتغوت ، دخلات لبيت شهد كتقلب على المدكرة لي خلات ليييها مها … كترون فالبيت وتقلب بحال شي حمقة ، أمال غير كتبكي وتجر فيييها ، حتى حلات واحد المجر جبداتها ، وهي تخرج متييسة هزات برييكي ، وخرجات لعندها …

أمال … كتشهق بقوة ~ مي عافاك مي عافاك خلي لييييها مدكرتها عافاك غير سمعيني انتي دابا معصبة

وسيم … بغى يجرها ليها وهي دفعو كتبكي وهزات يديها فوجهو بألم ~ مي خليييها ليها عافاك امي هداي مديريش هادشي

مي رحمة …. يمكن الصدمة خلاتها متقبلش بنتها شهد لي ربات على يديها تشوفها بهاد الطريقة الغير الطبيعية ، متشوفيها إنسانة مريضة وخاصها علاج ~ أنا ساخطة علييييييك أوسيم وانت توقف فطريقي ، شافت فشهد لي بداو دموووعها ينزلووووو بقوة ونطقات ~ هادي لي خرجات عليييييك ؟ هادي لي تعلمتي منها ؟ أنا غادي نهنيييك منها …

شهد … وقفات كتشوف فييييها كتشعل البريكي ، حتى شعلات فالوراق كاملين العافية ، دموعها بداو ينزلووووو بقوة وعينيها بداو يحمارو ، زيرات على يديها بقوة تا دخلو دفرانها فالجلدة يديها ونطقات ~ { عمرك تحني الراس ابنتي ، كوني ساس ، قتلي قلبك حيت غادي يعيييشك فالقهرة والدموووع ، غادي تعيشي ميتة وغادي تشبهي ليا لا زهر لا ميمون لا فلوس ، كووووني شهد بنت جوهرة كوني قوية وديري فلوووووس متعولي على الواحد عاولي غير على راسك ، خلييييك ديما واقفة وهازة راسك للفوق ، مطيحيش لأرض ، كوني بنتي شهد القوية } غوتات بقوة ~ واش غادي تقدري تحرقي هاد الكلمات من قلبي وعقلي امي رحمة ، غوتات بألم ~ الحرووووف ديالها مرسووومين فعقلي ومكتوبين بين عيني ، عمرك تقدري تمحيييييهم لا انتي ولا غيييرك ، حتى نمووووت وغادي يبقاو فراسي امي رحمة ، عمرك تقدري تمسحيييهم ليا من راسي … كتبات ليا مي { مييييلي وعمرك طيييحي ، خليييهم هما يطيييحو وانتي بقاي للفوووق واقفة ، بحال الشجرة لي جذوررها فالأرض عايشين ، كووووني العكس ديال مامامك كوني انتي فقط } نزلووو دموعها بقوة تا طاحت الأرض كتبكي ~ عمرك امي رحمة تحرقيهم من عقلي وقلبي ، عمرك تمحيييييييهم من بالي ، هزااااااات عينيها حومر كيقطرو بالدموووووع ونطقات ، حيت مكتوبين بدم شهيدة مغدورة………..

طفلة يتيمة محگورة ،بنيييتة صغيرة خايفة ومرعوبة ، فالشاريع تبات وحيدة ، حياتها صعيبة ومقهوورة ، على محاين الدنيا صبارة ، وردة من شجرة مقطوعة ، فوسط دياب عايشة مخلوووعة ، من حنان واليديها محرووومة ، بنادم قاصي والوقت خايبة ، من هم الدنيا وعذابها مجروحة ، لا نعاس بحال سيادها ، كيف ليل مع نهار محرومة ، حكايتها تكتبات على لوحة مرسومة بالأحزان منقوشة وبالدم سايلة …

المذكرة لي سنين وهي محافظة عليييها ، جات مي رحمة فدقيقة وحرقاتها ليييها ، كيحسابها إلى حرقاتها غادي تنسيها فكلماتها، ولا فديك شي لي فبالها وخيالها ، محسابش ليييها ديك الطفلة صغيرة لي ربات دابا راها كبرات ولي قدها عندهم داراني صغار ، معارفاش بلي حافظة كلمات مها بحال جغمة دالماء ، نشأت بلي هاديك آخر حبل كيربطها بينها وبين مها ، فحين مي رحمة كانت بحال القنبلة وطرطقات، متقبلاتش تشوف بنتها شهد لي ربات تكون أنانية وكتبغي غير الفلوس ، دانات قلبها وضميرها ، وتجسدات شخصية غير ديالها ،،،، خلاتها واقفة كتشوف فيهم كيف كيتحرقو قلبها كيتحرق بحالهم ، شعلة العافية مرسومين فعينيها بوضوح وهي كتعاود سطر من سطور مذكرتة جوهرة ( بنتي شهد متعيشيش باش تكوني تحت ضباط بحال مك ، عيشي باش تكوني انتي قاهراهم ، عيشي لرأسك وبغي راسك ، ضحكي عليهم متخليهمش يضحكو عليك ، كوني الماكرة)

مي رحمة … رمات ديك البريكي فالأرض ونزلات طايحة حداها كتبكي بقهرة~ مبغيييتكش تكوني هاكا ، ابنتي ماماك مقالتش لييييك شفري ونصبي على الناس ، ماماك قالت ليك وقفي على رجليييك وتعلمي منها ومن داكشي لي قاسات ، ماماك مقالتش لييييييييك سيري للطريق لحرام . الله يهديك علاش فهمتي كلام مك بالمقلوووب نذمت لي عطييتك ديك المذكرة نذمت ، هانتي دابا لا زواج ولا ولاد ولا مستقبل علاش كديري هادشي فراسك ؟

شهد … مسحات دموعها وعينيها حومر كتشووف فديك المذكرة لي ولات كحلة كلها محروقة ونطقات شعلة بحال نار مرسومة فبؤبؤ عينيها ~ الحياة لي علماتني نكون هكذا ، وماما قالت لي غير صح ، منتيقش ومنبغيش ونعيش عيشة الملوووك ، هي عمرها كذبات عليا ،

مسحات دموعها مي رحمة ، وناضت دخلات لبيتها بلى متزيد تكلم معاها ، عارفة بلي فات لفوت ومستحيل تمسح كلام مها من راسها ، لقاتها تجردات من شخصية شهد ، وخدات شخصية اخرى باقة هي مكتعرفها …حنى وسيم وأمال لعندها وضموووها لييييهم بقوة ،

وسيم … مسح على شعرها وباسها فراسها ~ عارفاني معاااك وأي قرار خديتيه حنا معاك ، ومي رحمة غادي تفهمك انتي كوني قوية كيف جوهرة بغاتك …. ضماتهم ليييها بجوج فصمت غير صوت انفاسها لي كيتسمع بعنف وبين كل نفس مطلع شهقة ….

يتبع...