الماكرة الجزء الرابع

هزات عينيها فيه كتصنط لكلامه مقوصة حجبانها فيهم بجوج ، كتخطط وعقلها بعيد كيبني ، ضحكات بينها وبين نفسها وهي كتحاور مع عقلها ، ايييه تربيني واخا بيناتنا الأيام ونذمك على نهار لي فكرتي تقلب عليا وتبعني وتفكر تزوج بيا …

قاطع تفكيرها غير صوته الغليض كيشوف فيها وكيورك على حروووفه واصلة فيه لعظم وشاد يديه لتطوال عليها ويصدق معوقها من شي قنت وهيا متقدش على ضربة منو ودافعة الجبهة ….

غانم …. نطق كيطلعها ويهبطها ~ كيعجبك الزواااج ؟

مرحبا بيييك معانا ورجع شاف فمه كيهدنها بكلامه ~وقال ليها

ها هي الواليدة حداك تعاملي معاها كيف بغيتي نهار تهضر معاك نهرس ليها فمها …

لبسات قناع الشيطان وهي كيطلعهم بجووج وتهبطهم

خلاته قرب ليها واكلها بعينيه لي كانو حومر ، ويديه منفوخين كيشوف فيها باحتقار وكره … نطق وهو كيزيد يقرب ليها ~ حدرييييي عييييينيك !!!

شهد …. رجعات علات عينيها فيه وكملاتها كتقلي ليه سم تبسمات ابتسامة ماكرة وهي كتقوليه ~ والى محدرتهمش اش ديييير ؟؟؟ غادي ضربني ؟ ضحكات بصوت عالي ورجعات نطقات وعينيها على مو ~ رااااه ولدك لي جايبني لييييك ومصمم فقرارو وكملتها … سكتاات شوية وهي كتشوف فيه رجعات نطقات ~ نت اللي تزووووجتي بيا !!!!أنا انا معنديش مشكيل نمشي لحبس معندي ولاد مخلياهم مورايا ،ولا والدين غيقلبو عليا وهزات ايديها لفوق و كتفرج فيييهم …

علامة الصدمة بانت على وجه مو ، يبس ليها فمها ويديها كيترعدو وجها رجع صفر وهي كتشوف فولدها وعينيها عليييهم ضبابة جلسات كطلع نفس بزز ونطقات

لطيفة… عينيها غشاااو بالدموع ~ واش بصح هادشي اللي قالت ؟ واش تزوجتيييها ؟ مخلاتووش ينطق وهي تهز يديها لي مزلگة ذهب كتغوت وتشالي بيها ~ هادي لي شوهات بينا لي خلات سيرتنا على لفام سرقاتنا نصبات عليا وهربات نهار العرس ، جبتيها ليا....واش بغيتي الظحك فينا العائلة والناس ...اللي كان خاص نهار العرس تكملو بهاد الفضيحة .......كتخبط في فخاضها وتلالي ....الله ياربي الله وفرن كان مخزون لينا هاد المكتوب ... والله ياربي ومعامن غتليني لياااام ...مع شفارة قاطعة أيدها من رحمة الله شينهار تدوز علينا وحنا ناعسين

جايبها ليا حدى وجهي و كتقولي تزوجتي بيها

عوض اللي تصيفطها فين تربى وتغرق ليها الشقف ...نهنيو العباد منها .. كتهضر والغبينة فقلبها ودموعها على خدها ...عاد وجها الحمر بكثرت العصاب اللي شدها ~~~ واصلا مزال مبرد من الشوهة لي دارت ليها قبل

غانم … خلاها حتى سالات كانو عينيه على هاديك لي واقفة كتبسم ، قرب ليها معصب وشدها من معصم يديها مزير عليها بقوة وكينطق بتهدييييد ~ فرحانة كظحكي هانا غادي نورييييييييك اش كيتسنااااك فهاد الزواااااج أمرتي الغزالة

لطيفة عارفاااه اش كيسوى ، ناضت جيهته كتجر فيه ونطقات ~ العار اولدي طلق الحرامية هالعار ولدي متوسخش يدييييك فيها صيفط لخلى علينا من دارنا ......صيفطها عند اللي من سهمها اوليدي أنا راضية علك

جرها وهي كتشوف فيه مبغاتش تحدر عينيها منه ، وهو كذالك زاد زير عليها حتى تأوهات بألم ، جرها بقوة تحت صراخ مووو وطلع بيها في الدرووووج كيجر فيها ويزدحها مع الحيووووط ، كتحاول طلق يديها منه حيت ضرها وبزااااف ، كتغوت عليه يطلقها ،كانو مسمعهاش أو كانو جار جرو في أيديه ماشي بنادمة ومو من موراهم تابعاهم

حتى وصلها لواحد البيت مضلمة ، فتحها ودفعها لداخل بقوة تا تزدحات مع شي حاجة ونطق وهو كيزفر بقوة العصاب ~ هنا غاتبقاااااي ضوء الشمس عمرك تحلمي بييييه الخانزة ~ طرق الباب خلاها كتغوت الله من حر الشدة اللي كان شادها وعاد فين رماها لكن شكون سمع صوتها ولا تسوق ليها

لطيفة بترجي … هالعار اولدي خرج علينا ديك الخطية اش بغينا بيها في دارنا حنا ماشي من سهمها ولا هيا من نشيرنا

وقف فالصالون راسو مفروووع بالحريق ، وشاف فيها غادي جاي كيترعد عليها وحابس راسو برز ليفرعها من شي قنت نطق وهو كيضغظ على كلامه وكيحاول يشرح ليها ~ تزوجتها اييييييه وايني باش نمرمدها ونطيح بكرامتها اللي اصلا مكتكسابهاش للأرض باغي نربيييييييها الواليدة ماشي معشوووووق نتزوجها وتكون مولات داري لا ، غادي نعلمها وأول درس منوووووع الخرووووووووووووووج نهار تخرج نذبحها ونشرب من دمها

دخل خابط الباب طالعة ليه قرودة العام كامل لرأس وغير على نقشة

غادي جاي وغير كيسب ومخاصم غير مع حوايجو

وحتى من الشرطة اللي خدامة تحت ايدو مسلموش من شرو اليوم كلشي خدى حقو بالضوبل

، هو مشربن وزاد كمل ملي بدى يقرأ الضواسا ديال النصابة اللي كانو معونين ست الحسن والجمال اول ضوسي شاف وتبسم باستهزاء هوا ضوسي امال وكيشوف حتى الصور اللي فيه

نايف…. نطق ~ القح اااب … هز رشف من قهوته وصونا على واحد خدام للتحت كيعلمه ~ طلع ليا دوك الرباعة اللي تهليتو فيهم للمكتب دابا ….

دقائق عديدة ودخلو حالتهم حالة ، البكا والخلعة مخلطة عليهم ، كيشوف فيهم وحدة بوحدة ،

لاحظ أمال لي كترجف بالخوف باين من وجهها ويديها كيترعدو ، نطق وهو كيستهزأ بيها ،،،

نايف …. كيطلعها ويهبطها بعينيه لابسة ومقادة الكسيوة لاصقة عليها وشعرها هابط رطيطب ومع بيضة رجعات حمرا

الدم من وجهها غايطرطق سكانها بعينيه مزيان ولاح ليها كلامه ~ اممم دايرة فيها خايفة نهار كنتي تخربقي فالبروگرامات وتختارقي المواقع ديال عيباد الله مكنتيش خايفة ؟

الفلوس كانت عامية ليك العينين لقح. بة

وبربي حتى غاتولييو تمشيوو على البيض ومتهرسوووهش غير بلاتي ....هادشي كامل اللي درتو ....مغيدوزش وغتخلصوه بالضوبل ...

وسيم … كرز على يديه بقوة عيا ساكت وايني مين بدأ يسب مقدرش يصبر نطق وهو كياكلو بعينيه ~ الرجووولة ماشي هي تسب بنات ناس ولا بانت ليك غير هيا ؟ سمع اسي مانعرف شكون تكون دييير خدمتك وصيفطنا فين غنتحاكمو

نايف … واحد العرق جيهت جبهته كان كيضرب تسناه حتى كمل الهضرة وهو يقرب منه نزل عليه بلكمة للوجه خلى جنب منه كيسيل بالذم ونطق وهو كيغوت على لوخرين ~ هببببببط ليا هذا بغيتكم تهلاو فيه مزياااان كيباليا مزال مجرب الفرفارة

وسيم ناض بغى يرجع ذقته وفين ما بغات توصل توصل ، قبل مايهجم عليه كانو شدووه جووج مبودرين حكموه دغيا وطيروه جارينه وهو كيغوت ، خلى نايف كيضحك وكيتوعد ليه بالأسوأ ، صوتها رقيق خلاه يهز عينيه فيها ويقوص حجبانه ،

أمال …كترجف بالخلعة عينيها فالباب كتشوف فوسيم داوه نطقات وهي كتشوف فيه ~ الله يخليك اخوية قولي فين هي كارما وشنو درتو ليها ؟

نايف … قرب كيشوف فعينيها وضرب ضربة فالبيرو بقوة خلى قلوبهم تهز بالخلعة ~ لقح. بة دمك انا خوووك ؟ منين جيتك خوووك انا ؟

مي مكتولدش ....تريكة الق**اب

زاد كيقرب كيشوف دموع هابطين شلال من عينيها والوجه حمر وشفايف حمرين بالخلعة ~ كون عندي ختي بحالك كون شحال هادي ترحمت عليها ، ميشرفنيش وحدة بحالك تكون اختي انتي غير ، كلبة تابعة الفلوس…

ضرب فيها تا كانت غادي طيح ، جاتها حگرة كيف جفف بيها ، وحتاقرها وسبها ورجعها بنت من بنات زنقة ، مسحات دموعها تحت انظاره ورجعات سولاته .

أمال … شاف عافاك غير رحمني قولي كارما فين ديتوها والله هي معليها والو ماشي بوحدها كاملين خططنا الله يخليك قولي فين هي ؟

نايف … جر الشَلْيَة { هي الكرسي} جلس عليها وجبد شي وراق كيقادهم وكمل كلامه بلى ميشوف فيها ~ انا هنا لي كنسول ماشي انتما ، جمعي كرك معايا قبل مانجمعك تانتي بشي نص نتبعك بصاحبك ، رجع شاف فمريم لي بدورها خايفة وكترعد نطق ~ مرحبا بالشيخة دالكاباريات الله يبارك راكي مقودها فالكبريات كاملين ، حط ضوسي ديالها ورجع شاف فبسمة كيتعمد يقلل بقيمتهم ويمرمد بيهم الأرض ~ انتي هي السمارة القو ادة الكبيرة ديالهم ،

بسمة … نطقات وهي كترغب وتزاوگ فيه ~ والله اشاف مانعاود كانت غلطة وانا تايبة عمري ندور بهادشي حمبااااك لما غير هاد المرة والتوبة

نايف … خنزز فمريم ونطق وهو كيغوت عليها ~ زيدي انتي سني هنا وحطي بصمتك ~ قربات كلها كترعد وتبكي سنات على الوراق وحطات بصمتها ، ونفس شي بسمة وأمال …

غير سالاو وحدة كتشوف فتانية ، قلبهم ربي لي عالم بيه ، تفكيرهم فصاحبتهم فين تكون وشنو هي نهاية طريقهم ، هاد الطريق لي جمعاتهم وترمدو فيها بجميع أنواع الشغب ، من تزوير وسرقة ونصب ، كان هي لي لاماهم وهي لي كطيح ليهم ناس الكبار ، واخا يعرفه يموتو ميعضوش فيها ويا يمشيو كاملين لحبس لا يخرجو منها سالمين ، غير جمع ديك الوراق نطق وهو كيشوف فيهم مخنزز… ~ تحركوووو من هنا ولي مزال شفتكم كديرو شي حاجة نجيو تاني معندنا دابا لاشغل مشغلى من غيركم الخانزات ، غادي تخرجو وايني تحت مراقبة الشرطة عنداكو يحسابليكم فلتو منها ، جمع الوقفة ورجع نهضض فيهم ~ خرجووووووو قودووووو عليا من هنا مجموعة نصابات..

بحال الى عطيتيهم فتسرفيقة ، بسمة بدات تضحك وتقول يا ربي نقدتيني يا ربي عمر داود يعاود ، كتبكي وتدعي ومريم مصدومة الفرحة والبكية مخلطين عليها ، من غير أمال لي واقفة مصدومة كتشوف فيه ، محسات براسها حتى طارت لجيهته كتغوت…

أمال … بغيييييييت صاحبتي بغييييييت نشوووف كارما … كلها كترعد وصوتها عالي عينيها شلا ل دموع ~ عافااك هي معليها تا حاجة كلنا مشاركين ك كيفاش حنا خرجنا وهي لا

نايف …. كان أصلا معصب واصلة ليه العضم الخدمة هالكاه ويوماين مانعس ، وكملات عليه هادي بغواتها محس براسه غير نازل عليها بتصرفيقة وبدأ يغوت فوجها ~ ناقصني غير قح. بة بحالك تهز عليا صوتها ~ غوت عليها ~ تحركوووووو قبل مانصدق مهبطكم عند خوتكم لتحت

بسمة ومريم بداو يهزوو راسهم بلا مصدقو نجاو من عيشة الحبس ومجرد تفكير فيه كيبغيييو يحماقه ، بسمة جرات أمال لي منهارة كتغوت محاساش بتصرفيقة لي عطاها نو ، عقلها وقلبها مع صاحبتها ، بسمة كتجرها وهي والو لاصقة وغير دموعها نازلين العقل خرج ليها ، كان مترقبها ومعجب كيشوف فيها كيف العقل خرج ليها ودموع شلال ، صدعاته فراسه وهو ينوووض عيط لهادوك لي فالباب واقفين وهو كيغوت نطق ~ خرج عليا هادو من هنا رمي زبل برى

جروهم تحت غوات أمال ، لي صعرات وعينيها خارجين ، العقل خرج ليها بالبكى ، لاحوهم برى ، خلاوها كتغوت ، بسمة ومريم جارينها وكيحاولو يهدنوها بشي طريقة ، منضر صعيب كارما بالنسبة ليها ختها والصديقة الوفية لي مخلاتهاش ليها مها ، بمجرد مكتفكر أنه دخلات الحبس وخرجاتهم كتبغي تسطى ، تنترات من يد بسمة لي شادينها وشافت فيها مخنززة عينيها حومر كيف الدم بالبكى

أمال … غوتات فوجها ~ حنا كاملين مشاركين ماشي غير بوحدها ابسمة وكنقسم ليك حتى ندير المستحيل باش نبين الحقيقة يا نمشيييو كاملين يا نخرجووو كاملين من هنا

بسمة… جراتها من يديها معصبة وهي كاتنطق ~ مالك كطيري علاش انا قلت ليك نسمحو فيها ؟؟؟ انا كنحاول نهدنك كنحاول نفهمك بلي غير بالعقل نعرفو اش واقع ماشي بالغوات وانا خير ديك البنت كبييير ومنجيش ونسمح فيها

أمال … مسحات دموعها ~ هي الى نيت دابا تحركنا وفهمنا اش واقع انا منتقلع من هنا غير وكارما معايا

جلسو حدى واحد الكراسى برى كيفكرو ، امال عقلها خرج هاديك ختها قبل ماتكون صاحبتها ومستاعدة تفديها بروحها الى حتاجتها ، كان واقع حدى سرجم كيشوف فيهم من بعيد ، نتر أخر نترة صايطها بعيد ، وعقلو كيمخمخ…

محبوسة نهار كامل فغرفة بوحدها ، حتى واحد مقرب ليها ولا سول فيها ، كانت فحالة هيستيرية بحال الحمقة رونات البيت كامل ، شراجم مسدودين معندها كيف دير تهرب ، وحتى هروبها دابا معندو باش يفيد ، شعرها الطويل مخبل بقوة ما كانت تتحرك بزاف وهي كترون دنيا ، وجها حمر وعرقانة كتنهج، لابسة كسيوة ضييقة قصيرة كرشها وصدرها گاع باينين ، كدوز على شعرها بعنف ترجعه للور وراسها كيخمم ، حاسة براسها فكابوس عمره يتسالى ، باغا تغوت ومقادراش ، كتحاول تستوعب وتفهم وكتلقى راسها تحشات ليها . سمعات خطوات تقال طالعين فالدروج وبشوية بشوية كيقرب لغرفة فين هي ، حتى وصل وحل للباب لقاها فوجهه واقفة ، عينيها حومر وكاملة عرقانة تقول كانت فشي مبارة كتقاتل ،

غانم ….. قرب ورجع طرق الباب بسوارت وهو كيشوف فالغرفة كيف مرونة ومقلوبة ، كرز على يديه بقوة وعينيه ظلامو حجبانه عقدهم ، خنزز فيها وهو كيقرب ليها نطق ~ تحبستي وليتي مدمنة ؟ هاااا ، كان خاصها غير تشوفه وتخرج لي عندها ، أكتر شخص كرهاته وزادت كرهاته هو ،

شهد …عينيها حومر ويديها كيترعده نطقات~ بغيت نخرج تخنقت خليني نمشي بحالي اشنو بغيتي مني ؟ ياك قلت ليك قابلة ندخل الحبس شنو بغيتي مزال ؟ . هضرتها كتزيد غير تجهله بيها ، راسو بدأ يسخخن عليه وهو ضربه خايب مباغيش يقيصها ولا يشوف حتى فيها ياغي يربيها ويوريييها ضحك على الكبار بشحال كيطيح

غانم …. نطق وهو كيهضر تحت سنيه ~ جمعتلييك وطيحتك فشبكتي باش فالتالي نطلقك ؟ ضحك بقوة وعينيه بحال الظلام باغي يهرسها يخربق ليها معالم وجها لي فرحانة بيه ~ الخروووج ممنوووووووع ضو متشوفيهش متحلميش تخرجي حيت غادي نقتلك كانقسم ليك تاليتك على يدي محسش براسه وهو معصب جرها من يديها بقوة مزير عليها شوية ويطرطقها ليها رجع نطق ~ كوني مرأة وجربي تحدايني بغيت راسك يسخن عليك وتجربي غادي تشوفي لي عمرك شفتيه ،

شهد ….. طرطقات عينيها مصدومة من كلامه ولكن تشجعات ورجعات نطقاتها كتحداه ~ وانا كانقوليك بلي غادي نخرج مرة وجوج وتلاتة وبغيتك تجي تمنعني نشوف ، والى كانت غير الموت فموت وحدة كاينة عمري نحني ليك راس

شهد ….تبسم وهو كيشوفها ولات قطة متوحشة شعرها مبعثر على عينيها هابط وشفايفها كيترعده بالأعصاب صدرها خارج الملعب زاد زير على يديها بقوة قبل ماينزل عليها بالتصرفيقة قوية لوجها لي عاجبها كان باغي يمحي ليها الأتار ويزوقه ليها مزيان باش متبقاش كتعالى بيه لفوق

غانم…. نطق وهو واصل للحد ديالو ~ صوتك يعاود يعلى عليا نهرس ليك داك الرأس القاصح ونقطع ليك اللسان ، بغيتي تحدايني واخا الالة ها الباب غادي نخليه محلول خرجي وتحدايني جربي نشوف ، بقات مصدومة وجها كيزدح وشعرها نزل مغطي ليها وجها ،

كتقول واش كنحلم واش بصح شي حد ضربني وانا عمر شي حد تجرأ عليا وقرب لي ، حسات بدموع شوية وينزلو واول مرة تحس بالحگرة والظعف لقات راسها مع واحد تا هو مسالي ليها وحالف يربيها ,

دفعاته عليها بقوة وهوا شاد يديها لي كانت شوية وتهرس تحت قبضة يديه ، تجننات وهي تهز فاز كان حداها بغات ضربو بيه شيرات ولايني مجاش فيه نزل فالأرض مهرس ، غوتات ربي لي خلقها بقوة صعرة اللي شداتها عليه ورجعات قربات ليه صاخطة باغا تشنق عليه وترجع اعتبارها،

هو كان واقف كيتفرج كيف ولات بحال شي مصعورة ، فكل حركة كدير كيحس بيها غاتحماق داكشي نيت لي كان باغي ، باغي يربيها ويقريها الأصول والإحترام والقناعة لي هي مزال مكتعرفهم,أو ممقتانعاش بيهم

تبسم باستهزاء وهو كيطلعها ويهبطها مكره منها ومحاملش شوفة فيها جرها بقوة تا ضربات فيه عاصر يديها بين يديه القوية تاني وكيهضر بالطريقة عنيفة معاها

غانم….نطق ~ كان يحسابليك دخول الحمام بحال خروجو ؟

كنتي كظني راني بالگرون ومعارفكش من الأول كتخططي ؟

ضحك باستهزاء وعينيه ولاو حومر كيشوف فيها ~ انتي لي دخلتي لغاري بيديك اذن تحملي دابا گاع لي يجرى فيك ~~كنت غانديرك فوق راسي ونوفر ليك لي بغيتي ولكن القح اب كيبقاو قح اب والقح بة عمرها تنسى هزة الكتف تسنيتك حتى ساليتي على راحتك وجبتك برجليك تالبين يدي ودابا الكورة بين يديك يا تقادي ورجع نطقها بعصبية وبحة الصوتو الغليضة خلعاتها ~ يا تقاااااادي وحدة فيهم ، ورجع دفعها عليه

طاحو دموعها وحدة مور تانية كيجريو فوق خدها ويديها كتزدح ليها بالحريق ، تبسم فاش بانت ليه طبعة يديه المرسومة فوجها وحناكها مسقيين بدموعها ورجع نطق وهو خارج من الغرفة ~ معنديش المرأة لي تخرج عريانة من الدار

ونبغي رجع لقى الدار كتشعل وكل شي مقاد كيف لقيتيه سي نوووو الخبار فراسك اش كايتسناك معايا وزدح الباب بقوة مخليها حالة فمها بالصدمة وكتشوف فالفراغ….

نزل مع الدروج طالعة ليه القردة لراس ، نهار كامل وهي بجووع دخل لصالون كانت لطيفة ونسرين وسي عبد القادر جالسين كيهضرو على هادشي وبلي خاص حد لهاد المشكيل ، لقى السلام وجلس حداهم ذبانة معندووش فين تزنزن ، فرق رجليه ويديه فالوسط كارز عليهم ، هز سي عبد القادر عينيه فيه كيشوف فيه حتى تلاقاو العينين بجوووج ونطق بكلامه …

عبد القادر … نطق وهو كيشوف فيه

~شوف اوليدي حوبة البنات واعرة وانا مربيتكش تعدى على بنات الناس ...عينك فيها إنا الله غفور رحيم ...معينكش فيها وباغي تعتقها في سبيل الله اجرك عند الله كثير .....كنتي غتعذبها هاكا غير دفع كلشي لوكيل الملك وخليك قانوني وخرج من هادشي اولدي الله يرضي عليك ، سكت شوية ورجع كمل كلامه ~

أنا مباغيش نشارك في المنكر قدام عيني .....وماباغيش ولدي يظلم الوليات اللي معندهم جهد

غانم ….كيحتارم باه بزاااف وكيتفاهم معاه فالهضرة مين كان صغير وايني كلمة ولية لي سمع منه ، خرجاته على طوعه نطق معصب وهو كيشوف فيه ~ دابا هادي ولية؟ اللي ضحكت على مي وخلاتني شفايا لناس وشوهات بإسمنا ولية الواليد عندك؟ ومني عداااااااد لي ضحكات عليكم

عبد القادر ….وقف نافض سروالو ونطق كيحاول يفهمه ~ كتبقى ولية جرب ضربك مع ضربها ....وشوف واش ولية ولا لا ...العيلات لسانهم فقط اللي طويل والباقي غير كيبر ونفس الله يهديك الله يهديك الله يهديك كانت صالحة ليك انا معندي عليها تا اعتراض هاهي مرات ولدي معانا معززة ومكرمة الأصول تفهمهم ليها انت منك ليها مابغيتيهاش انا منههز ذنووب ولية على ضهري وراسي كنعطيه القبلة ، الله يرضي على ولدي …

خرج من الصالة وخلاه غير كيتمعن في الكلام اللي تقاليه اما لطيفة كحلات بالعمى وهي كتسمع ليه اش كيقول كان كيحساب ليها غادي يخرجها من دارها ويدير حل لهاد الموصيبة لي كيف سماتها هي ساعة ضرب ليها كل شي فزيرو حطو أمام جوج حلوول يا تقبلها ليك وتحاول توريها طريق لمزيانة يا دير خدمتك وخلي القانون يتكلف بيها ، هادشي لي فهم من كلام سي عبد القادر ليه

ناض خرج من الصالون خلى مو كيتعيط عليه ، طلع مع الدروج لغرفة فين قاليها ، كانت جالسة على الفوطووي وحانية راسها شعرها هابط على وجها مغطيها ، باقة بالنفس الحوايج ، تبع عينيه لبيت لقاه مجموع كيف قال ليها ، كانت سامعة خطاوييه وعارفاه هو لي جا ، هزات راسها حتى تلاقاو العينين ، بلعات ريقها كتشوف فيه طولة وتجريدة وتخنزيرة مكتزولش من وجهه ، قرب ليها كيحقق فيها كارهها ، عينيه على خضها لي طبعو ليها بصمة يديه ،

غانم … نطق وهو كيخنزز فيها ~ نووووضي تحركي من بلاصتك مجبتكش لهنا تقيلي ناشرة رجلييييك

شهد … طلعاته وهبطاته حواجبها مقوصاتهم نطقات ~ فين بغيتيني نتحرك ؟

غانم …معندووش مع الهضرة بزاااف وخصوصا مع شخص محاملووش ~ تقاااادي العشاء ياكما حسابليك هنا كاينين الخدامات لي يقادو ليك متاكلي، تحركي الواليدة والواليد لتحت بلى عشاء

شهد … خرجات عينيها فيه كتحاول تستوعب اش قال ~ كيفاش نطيييب ؟ شكتخربق ؟

غانم …واقف كيطلعها ويهبطها مدايهاش فكلامها عيط لنيسرين لي جات كتجري عندو ونطق وهو مخنزز فيها ~ جيبي ليها شي حاجة طويلة تستر بيها راسها عند بالها عندنا هنا البورديل

طارت نسيرين كتجري تجيب ليها شي حاجة ، أما هو بقى كيحمر فيها وهي عينيها خارجين فيه ، بغات تفهم مفهمات والو ، قربات منه حتى جر رجليه كاحز منها ، أو بالأحرى عايفها خلاها واقفة مصدومة فراسها ، واش هادي هي شهد لي ناس كاملة كانت تمووت على تراب رجليها جا هذا اليوم حسسها بلي هي تا حاجة ماعندها قيمة …

شهد … علات حواجبها للفوق كتشوف فيه ~ لبس لي بغيت معندكش حق تفرض عليا شي حاجة وطياب مكنعرفش نطيب جيب ليك خدامة تقادو لعائلتك بيني وبين هادشي غير الخير والإحسان

غانم … قرب ليها واخا محاملش يشوف فيها وقصد اليد لي وعتها منها لبارح وجرها منها بقوة تا غوتات ~ معنديييييش المرأى لي تخرج ودخل ودووور ليا هنا فداري قدام عائلتي عريانة ، ونزيدك ، كيضغط على الحروف ويديه كتزيد تزير على يديها بقوة ~ انتي اش كديري هنا فداري مين انا نجيييب خدامة ؟

شهد … غمضات عينيها بقوة يديها عاطياها الحريق وتمتمات بين شفايفها كتحاول تفك يديها منه ~ مكنعرفش نطيب !!

غانم… عينيها فعينيها حومر نطق ~ غادي تعلمي الى مكتعرفيش

كانت نسرين وصلات عليهم ، لقاتهم مزيرها وكيخنزز فيها ، كتعرف خرها من النوع العصبي بلى قياس ويقد يهرسها ، تكلمات وهي كترجع شعرها مور وذنيها ~ هاهو خوية ،

غانم ….خداه من عندها ولاحو ليها فوجها ونطق ~ لبسيييه خمسة دقايق تكوني لتحت كنقسم ليك الى ملحقتيش فالوقت ليلة تشوفي لي ميعجبك

هبط مع الدروج كيجري ، ونسرين حدها شافت فيها بنص عين ، وقبل ماتهضر معاها كان صوته الغليض ختارق وذنيها بقوة وهو كيعيط ليها تنزل… تنهدات وهي كتمسد فيديها لي ولات حمرا وشوية بدات تزراق ، كتخمم فهاد الكارتة فاش طاحت ، مابين ليلة وضحاها ولات مزوجة شخص محاملاهش وفارض عليها بزااف دالحوايج ، عمرها فكرات طيح فهاد الموصيبة فاش هيا دابا ، بالنسبة ليها تجلس فالدار وتشد عليها لا خروج لا دروووج كتر من شي حاجة سميتها الحبس ، هي موالفة تخرج وتسهر وتكمي دابا حسات بالقطعة وراسها عاطيها صداع قوي ، زادت تنهدات خاصها ضروري تهرب من هنا ضروري تلقى حل لهادشي ، هزات ديك البيجامة كتشوف فيها ، كانت طويلة ومستورة فشيبي مغلووق ، دخلات حيدات حوايجها ولبساتها منها اللحم ، الصدر جاها باين واقف كبير ، وترمة مزيرة عليها البيجامة مبينة ليها قوامها كاملين ، لي هونش هنا هادوك والصدر واقف ، بحكم نسرين رقيقة مجاتش قدها ، تمشات خارجة من البيت نصها كيتهز ويتحط وشعرها جمعاته شفنجة مهملة ، بان ليها الصالون فين مجمعيييين وهي تقصدووووو ، لطيفة جالسة وحداها عبد القادر كيتفرحو نسرين فجنبهم وهو جالس مفرق رجليه كيلعب بتيليفون دياله ، كيف سمع خطوات رجليها هز عينيه فيها بانت ليه ، البيجامة غادي طرطق عليها ، قوامها كاملين معزولين وليهونش خارجين، قوص عينيه كابح أعصابه وهو ينوض ليها ، جرها من يديها بقوة تا غوتات بحكم كضرها وهضر وهو صاعر عليها …

غانم … انا اش قلت لأصل مك ؟ هااا شنو قلت ليك؟؟؟ غوت تا زعزعهم وناضت لطيفة كتحاول تجر فولدها ليمشي يقتلها ~ حاوبي ررر ب مي انا شنو قلت ليك ؟

شهد … حسات بالحگرة والوجع فيديها كيزدح عينيها بداو يجمعه غشاء دموع نطقات وهي كتزير على سنانها بقوة ~ قلت لي نهبط مستورة لعندكم

غانم …. طلعها وهبطها وهو كيخنزز فيها ~ وباش هابطالي ؟ بانت ليك هنا عندنا ديسكو ديال لق ، كان غادي يخصر لهضرة وهو يحبسها قدام دارهم~ تحركي بدلي عليا هاد زمر وهبطي تعطلي كنقسم ليك اليوم تمشي مجبرة يديك

شهد … جرات يديها عاطياها صداع قوي وهي كتنطق ~ معنديش الحوايج هادي جابتهالي ختك انا مجبت معايا والو

غانم … تفكر هادي بيجامة خته لي جاتها مطرطقة خنزز فيها وشاف فمه ~ الواليدة عطيها شي حاجة من عندك تلبسها يصبح ويفتح

لطيفة … خنزرات فيها كارهاها ومحاملاش شوفة فيها ونطقات ~ لهلا يحييييها ولهلا يكمل عليها ولهلا يوصلها لديك النهار تا نعطيها انا حوايجي شريفة العفيفة باش تلبسهم هاد النصابة الشفارة رجعات خنززات فيها لقاتها كتشوف فيها كتقلي ليها سم بعينيها وهي تغوت عليها ~ نزلي عينيك عليا المغصوبة حدريهم قبل مانخرجهم يلعبو حداك

عبد القادر … وقف حداها وهو كيقول ~ استغفر الله العضيم نعلي عليك شيطان ياهاد المرأة البنت باينة فيها متفهمش علميها وستريها وقريييها كيف بنتك راه إنا الله غفور رحيم ، رجع شاف فبنته ~ سيري ابنتي جيبي ليها شي قميص من ديال امك

لطيفة … عوجات سيفتها فيه ونطقات ~ هادي غير مغصوبة وعمري نديرها كيف بنتي ، رجعات جلسات كلها كترعد بالفقصة مبغاتهاش تلبس حوايجها وايني كلمة راجلها عمرها تنزلها الأرض

عبد القادر … رجع جلس وهضر مع شهد وعينيه فالأرض حادرين ~ سيري ابنتي عند نسرين تعطيك شي حاجة تلبسيها

حنات راسها وخرجات من البيت تحت انظاره ، كيطلعها ويهبطها ، لابساها على اللحم غادي تحمقه ، زادت حشماته قدام واليديه، وباه متدين بزاااف ، نعل شيطان أما كون هرس ليها يديها ، قرب ليه باه كيشوف فيه ويخنزر

عبد القادر …نطق ~ سمعني مزيان اولدي المرأة عمرك تعنفها جلسها وهضر معاها بالقانون ماشي بالعنف ، وانا أخر مرة اولدي نشوفك هزيتي يديك عليها ، راني منحملش كيفما كتبغي ختك نسرين بغيييييه لهاد البنت ، خليتيها فدارك ومسلمتيهاش يعني قبلتيها ماشي عييييب ، اذن اولدي خاص هاد البنت تاخد حقها وتبينها قدام ناس وتورييهم بلي هي مراتك وجالسة معاك ، نصيبها خاص تشدو بغيتي ولا كرهتي ..

غانم … طول فيه الشوفة ونطق ~ كيفاش الواليد شكاتقول شمن نعرفها على ناس مفهمتش شنو قصدك ؟؟؟

عبد القادر … قصدي واضح وباين اولدي نهار تزوجتيها حنا معندنا علم جبتيها لدار وجلستيها بحال الأمانة ، ودابا خاص عاداتنا وتقاليدنا يكملو غادي نلمو العائلة بيناتنا ونديرو ليها حفيلة صغيرة ودخل مراتك لبيتك

لطيفة .. سمعات حذيتهم وهي تنوض مگفضة يديها ~ كيفاش حفيلة صغيرة واش باغييين تحمقووووني انا باغا نصدرها بحالها من داري وانتما خدامين تخطوو وتفكرو غير بوحدكم انا ماعندي قيمة فهاد الدار

عبد القادر … تنهد ~ نعلي شيطان يا هاد المرأة وقولي الله ينعلك ويخزييييك على شكون جابها ليه فالأول ماشي انتي ؟ ماشي انتي لي قلبتي عليها وقولتي ليه منخلاق غير منها اش تبدل دابا؟

لطيفة … طلع ليها طونسيون جلسات كتنش على راسها ونطقات ~ كنا وكنته وسرنا وسرته ديك البنت هي لي مدوووزش ليا واخا تلمووها ليا فالعسل

غانم … طرطق عنقه يمين وشمال وشاف فمه ~ مقلتي عيييييب الوالييد بغيتي دير ليها حفيلة واخا ماشي موشكيل ، رجع شاف فمه ~ متخمييش الواليدة ينعل بوووووووه هذا لي يطيح بكلامك الأرض

نطق عبد القادر بلاحولة ولا قوة إلا بالله ، وناض يصلي العشاء علامن توجد الماكلة …

كانت بدلات ، لبسات قميص مفضفض عليها ديال لطيفة ومعاه حزامه ، كحلات بالعمى فاش شافت راسها كيف جات ، غمضات عينيها بقوة كتفكر فصحابها وفمروان ، عقلها غادي يحماق ، تمشات لمطبخ فين وراتها نسرين وعقلها كيفكر كيف دير تهرب من هاد البير لي طاحت فيه غارق ، جلايلها هابطين وكمامها جففي بيهم الأرض واسعين وطوال تنهدات وهي كتشوف ، المطبخ كان كبير ومقاد ، كيشعل بالنقى ، حلات تلاجة بان ليها كولشي موجود ، تبسمات ابتسامة ماكرة ، وهي كتفكر باغا دير ليه ضد ، وتقتله بالفقصة ، بقات تقلب حتى طاحت على بواطات طووون ، جبداتهم وحطات تلاثة ديال طباسل متوسطين ، كبات ديك طووون فكل غطااااار وبدات تقلب على الملحة حتى طاحت فييييها ، وهي ضحك بهيستيرية ، كبات الملاحي تما وخلطات وهزات ليمون عصراته عليهم … لقات بلاطو ستفاات فيه ديك طباسل كلهم وتمشات لصالون ، كتبسم غير بوحدها … كان جالس كيفكر عقله غايب ، سمع صوت خطواتها هز راسه بانت ليه جايا كتعتر فجلايلها ، قوص حواحبه وهو كيقول كيفاش هادي وجدات العشاء بهاد السرعة … تقدمات لطبلة وبدات تحط ليهم فطباسل…

لطيفة … طلات على طباسل وهي تحكل بالعمى نطقات ويديها على حناكها شوية وتنذبهوووم ~ ويلي استغفر الله عليها كلمة ؟؟ هذا هو لعشا ؟؟؟ كتشوف مصدومة حالة فمها ونطقات ~ ولا بقات في الهضرة الفم ماضي والذراع والو كاضي

شهد … نيمات عينيها فيها شادة ضحكة ونطقات وهي كتلبد ~ هادشي لي لقيت جبته اخالتي راني مكنعرفش نطيب غير قبلي عليا

لطيفة … كان عقل كيقول ليها غير نزلي عليها لوجه بشي تصرفيقة قالت استغفر الله العضيم ورجعات نطقات ~ يخويييي ليك جناب والعينين وتبقاي بلاش يمغصوبة سنين غبري وجهك من حدايا الله يغبر ليك شقف تفوووو

عبد القادر …. جر طبسيل حداه وهز طرف الخبز كان محطووط ودار شدق فمه عبس وجهه عرفها بالعاني دارتها صرطه وهو كيقول لا حولة ولا قوة الا بالله العظيم

غانم … فهم غير من وجه باه المعنى وهو يجلسها كيغوت عليها ~ ودابا كووووووليييييه نيييت اقسم بالله العضيم ومتكملييييه تاليوم نبيتك فالسطح مع الكلاب

جلسها مخرجة عينيها فيه ، وحط ليها الطبسيل قدامها ، عينيه حومر فيها وكيقول ليوم خاص نقتلها ونرتاح منها ، نفض ليها يديها بقوة تا غمضات عينيها بألم ، وبلى هواها بدات تاكل فيه وتخييب فوجهها ، كتكحب وتعاود ، عينيها بداو يخرجو ورجعات كاملة حمرا ، تنهد عبد القادر عارف ولده شكيسوى وهز كاس ديال الماء مدو ليها ، وجر ديك طبسيل من حداها .

عبد القادر …. هز عينيه فنيسرين لي حالة فمها ونطق وهو مخيخ من هاد شي ~ سيري ابنتي ديها تبات معاك علام يتقاد بيتها فين ترجع تنعس مع راجلها

غانم …خنزز فيها عينيه لي كانت هازاهم بتعالي وشاف فباه ~ الواليييد بانلي ديك شدق لي كليتي لعب عليك

عبد القادر … هز عينيه فلطيفة ونطق وهو كيخنزز فيها ~ نووووضي وجدييينا منجغدووو وديري شي براد دأتاي ولدك بالي خاصني مزال نقرييييييه حروووب نسا

ناضت بلى هواها كتعرف راجلها الى شخد تاحد ميقدر يوقفه ، بحاله بحال ولده بماء واحد مسقيييين ، رجع خنزز فولده وهو كينطق ب أستغفر الله العضيم ~ سمعني اولدي كلما عاندتي العيالات كيزيدو يتمرده ، ياك جبتيها ؟ اوى خاصك تقد بيها ، تزوجتيها !!!! كنت معاك ؟ ياك جبتييها لصقتيها فينا بحال البروصي وخرجتي ، دابا سمعني وعطيني وذنيييك ديك البنت يا تكمل معاها نيشان وتخلينا ترونكيل من المشاكل يا انا غادي نصوني على ولدي نايف يتكلف بيها ، معنديش انا الولاد لي كيتكرفصه على بنات ناس حدايا وجمع راسك

غانم … تنهد كيلعن بين نفسه لي جابها لدارهم ، من جهة مباغيش يصيفطها فين تربى باغي هو يربيها بيديه وعلى يديه يهرس ليها ديك الغرور وراس اليابس نطق وهو كيشوف فباه داير يديه فجيابه ~ واخا الواليد مقلتي عييييب

وتمشى مع الدروج طالع البيته ياخد دوش يصحح بيه ومنها نيت يقاد أفكاره خلاه على راحته تا يهبط لعنده ويهضر معاه بالكلام لي يقدر يفهمه ويستوعبه

، كانت مع نيسرين فالبيت ، غادة جاية بديك القميص الطويل ، مفضفض عليها ، يديها كيترعده وبالها معاهم ، شافت فنسرين لي جالسة كتشوف فيها ونطقات بصوت خافت ~ واش عندك تيليفون ؟

نسرين…. شافت فيها ورجعات شافت جيهة الباب ~ اه عندي علاش ؟

شهد … لمعووو عينيها بفرحة وقربات منها كترغبها بعينيها ~ عافاك عطيني غير نطمن ختي كاين خوية صغير هادي تقريبا عشرين يوم مشافني وخايف عليا عافاك عطيني غير نصيفط ليهم مساج انتي عندك خوك وغادي تحسي بيا غير مساج نطمنهم عليا

نسرين … من اطيب خلق الله وقلبها بيض دغيا مداته ليها ~ سربي عافاك الى عرف خوية يقتلني

اومات ليها راسها وحلفات متخرج الهضرة ، دغيا كتبات مساج لأمال وصيفطاته ✉️ امال انا كارما بغيت نقول ليك انا مزيانة متخافيش عليا ، سمعيني مزيان سيري عند مروان طمني عليه غايكون غايحماق قريب نجي لعندكم توحشتك بزاف 🥹

صيفطات المساج ومسحاته فالبلاصة ، مدداته لنسرين لي حالة فمها فيها كتشوف برائة طارت عنقاتها ونطقات وقلبها كيضرب ~ فين بلاصتي انسرين حاسة براسي عيانة بزااااف , كانت بسبب القطعة راسها كيزدح محتاجة دخن ولكن معندهاش كيف دير لقات راسها فسجن ولازم دير المستحيل باش تخرج منه ، وراتها نسرين بلاصتها وهي كتشوف فيها باغا تجبد معاها الهضرة ولكن مترددة ، تنهدات وخلاتها تخشات بلاصتها وتكات تا هي ترتاح …

ظلام عسعس وغير ضوء القمر وشوارع ضارب … كانت جالسة نهار كامل مذاقت نعمة ، بسمة ومريم فجنبها جالسين ، قتلهم جووع والعطش ، تعب باين على وجوووهم ، العياء قتلهم ، نطقات بسمة وهي كتشوف فأمال ~ واااااالبنت زيدي نمشيو رتاحه انا عندي احساس راها بيخير دابا شنو مستافدين حنا من هاد الجلاس وليل طاح ظلامه وحنا غير وليات هنا جالسين يهديك الله يصبح ويفتح ونجيبو تاني لهنا نسوله

أمال …. كان نال منها تعب هزات راسها فيها وهي كتقول ~ منتحركش من هنا واخا نموت خاصني نعرف هي فين عاد رتاااح

مريم …كانت متكية على كتف بسمة هزات راسها عاطيها الحريق ونطقات ~ حتى انا هنا نبقى تا نشوفوها بيخير وعلى خير غير هو خاص نديرو شي خطوة ، شافت فأمال ونطقات~ اجي هي معندها تا نمرة ؟

أمال …تنهدات بصوت مهلووك ومضيوووم ~ لا تيليفون واحد هزيته انا ونا وسيم معندوش اففففففف

بسمة …خنززات فيها ~ وصوني على شي حد لي يقد يساعدنا اويلي

أمال …. مكاين حد من غير محامي غذا نوكلو ليها ، تفكرات مروان وهي تهز صاكها كتقلب على تيليفونها~ ناري نسيت مروان مسولتش عليه غايكون غادي يحماق دابا

جبداته بزربة لقاته طافي ، شعلاته بسرعة ، وهما بداو يطلعه ليها المساجات كان أول مساج من نمرة غريبة ، بركات عليه وهي كتقرأ حروفه تمتمات بصوت مسمووع وهي كتغوت نطقااااات ~ البنات كارما لاباس صيفطاتلي مساااااج

بسمة … لمعو عينيها بفرحة وهي تعنقها~ فييييين هي ؟

أمال … بفرحة كتهضر ~ معرفتش قالت بلي هي مزيان وبلي منساش نشوف مروان وبلي توحشاتنا هادشي لي كتبات

غرغروو عينيها وهي كتعنق فيهم وتقول ، الحمد الله عرفتها بيخير خاصني غير لقاها ، نطقات مريم وهي كتقول ليها ~ راكي قدها امووولتي تجبديها واخا تكون فالمريخ مهما صيفطات ليك مساج وقصدات متكتبش ليك فين هي فراه عارفاك اتجبديها. حركات راسها بالإيجاب وهي كتمسح دموعها ، مع البرد تحرك وهما ملابسينش مزيان نطقات بسمة وهي كتسولها ~ خاص ضروري رجعو باش نقلبو عليها ، شافت فطاكسي لي كانت حداهم وقصداته وهي كتسوله ~ خوية وخا توصلني لهاد العنوان ~ مدات ليه حوالقها وسنسلتها ذهب ونطقات ~ هادشي لي عندي

هزهم وهو فرحان بديك البركة ديال الذهب ، فالسرجم كان واقف كيجمغم من قهوته وكيشوف فيهم من صباح فاش جرى عليهم متحركه من ديك البلاصة , تمتم بين شفايفه وهو كينطق فاش ركبه فطاكسي ~ قحااااااااااااااب تفوووووووو

حطت ليهم لطيفة صينية اتاي فوق طبلة ونساحبت بأمر من راجلها بغى ينفار بغانم عندو ليه شي هضرة يدخلها لراسه ، حط عبد القادر الصينية قدامه كيراجع فاتاي وعينيه على قليل صبر ل عطاه الله جالسة على عينيه كيحرك رجليه بعصبية ومخسر سيفته ،

عبد القادر ….مد ليه لكاس ونطق ~ رخف فيك النفس اولدي غتجيبها غا فراسك !!

غانم ….خداه من عندو جغم وحطو فوق طبلة ~ انا مرتااح الواليد رتاح غا نتااا وخوي دماغك من شنو كيدور فيها راني قاد بشغلي ونتا عارفني

عبد القادر ….جوبه بانفعال ~ لا دااابا وليتي كتخربق وتعماو ليك العينين ، جايب ليا بنت ناس هنا باغي تحاسبها شكون نتا فملك الله البلاد فيها قانون اشريف

غانم…. رفع فيه حجبانه مصدوم ~ اهااه واش نسيتي هاد العقربة شنو دارت في ولدك ولا لا !! هاديك راه اكبر نصابة مكاين لاش تبقى فيك ،تقتل الميت وتمشي فگنازتو فتخات الواليدة لقاتها نية مسكينة وجلسات تمد ليها فلي كارط خواتهم گاع ، وكملت بعباد الله مشكلة عصابة هي وتريكتها ولي جامع شي رزق داوه ليه

عبد القادر …قاطعو ~ سمعع اغانم !! قدم شكوى ديالك اتصل بصاحبك نايف وخلي القانون يتطبق عليها وعلى گرانها حنا ماشي هما القانون لي نحكمو عليها ، عارف سرقاتنا وضحكات على مك

غانم….وقف مداخلاش ليه هضرة باه نهائيا ~ انا هو القانون وانا ل غناخد حقي منها بيدي وغنوريها لعب مع سيادها بشحال كيتقام ،حيت هادي مساهلاش راه سنين وهي دايراها بعباد الله وتا حد مقدر يحدهم ليها وانا جيت باش نحش ليها دوك ركابي ونگرض ليها ليدين ل كتمد على حاجة غيرها

عبد القادر…. حط داك الكاس من يدو بنثرة مبقى عندو منين يدوز ليه~ حتى نموت عاد نخليك تعذب وتحگر على ولدية وعندي فدااار

غانم…. ضحك بسخرية ~كتجري عليا الواليد !!

عبد القادر… كنرجع ليك عقلك اولديي راه الله سبحانه وتعالى قال فكتاب دياله" إمساك بمعروف او تسريح بإحسان" تنوض نتا دابا تبدا تخربق نعل شيطان وخود فيها اجر وخليها تثوب من ديك طريق تزوجتيها فحسن في معاملتها لبنت خطئت وخير الخطائين الثوابون

غانم…لزم صمت وگمگم تحت من فمه ~ حتى تنوي ثووب بعدا

ناض خرج من بعد ما قال لباه تصبح على خير وطلع مع دروج لبيت دياله يرتاح … راسه كيزدح بالتفكير عقله مشوش ، وباه زاد على مابيه ، كيفكر ويعاود فهضرته ، الغصة لي فقلبه كبيرة ميقدرش يتناسى كيف ضحكات عليه كيف بهدلات بيه قدام ناس ، نفض راسه وبغى يخرج من تفكيره ، دخل لغرفته وقصد الدوش يريح بيه راسه … تابعه نهار طويل معاها وكيف قال ليه باه خاص يطبق العادات والتقاليد ديالنا ..

يوم جديد …

فوسط مجموعة من الناس لي لابسين ومقادين كانت حفيلة صغيرة على قد الحال مع الموسيقى … الوليدات صغار فالوسط كيشطحه كلها فين كيوشوش لي عقل عليها كيقول هي ولي باقي معرفهاش كيسول شكون هادي وفين عرفها ، كلها يلغي بلغاه ، نص فعائلته محضراتش غير معضم ناس المهمين والعائلة القريبة ليه … كانت جالسة بين العيالات فالصالون الكبير دايرين ليها طرحة مشبكة فوق راسها وجالسة بالكسيوة بيضة … يديها منقوشين وعينيها مجبدين بالكحل كتشوووف من تحت طرحة بعينيها فهاد الناس وهاد الحفلة لي رافضاه من لول ولي ضغط عليها فيها باش تهبط …كتقلب وتفكر وعقلها كيخطط كيف تهرب من هنا …. فعز تفكيرها بانليها هو خارج برى كيهضر مع شي رجال … شافت جهة تانية كانو ناس ملهيين لي كياكل لي كيهضر وينمم محملاتش وحدة جالسة حدى مها كطلع فيها وتهبط وباينة من عينيها محاملاهاش … خنززات فيها شهد بدورها وتشجعات هادي هي الفرصة فين تهرب … هزات كسوتها من جناب وقفات كتمشى بخطوات سريعة لجيهة جردة … بانليها سلووم تما هزاته كتقاتل مع الكسوة وصندالة… حتى وقفاتو على واحد صور عالي كيطل على الجهة التانية ديال الزنقة … بلى متردد تبسمات بانتصار وطلعات فدروجه… كيبان ليها صور عالي باش تنقز… جلسات الفوق رامية رجليها لبرى وكتفكر الى مشات حتى نقزات غادي تهرس مافيهاش وعادي تحصل تحصل … طلعات نفس وهبطاتها كتفكر فشي حل …. بانليها نفس السلوم باش طلعات خاص تهزه وتلوجه لجهة تانية وتنزل عليه … بقات تقاتل وتعافر ولكن بدون جدوى كان تقيل وهي جالسة فوق صور … معندهاش القوة الكافية باش تهزه… خاب ظنها كتر فاش طاح وبقات تما معلقة… معندهاش كيف دير تنزل والى مشات حتى نقزات تقدر تهرس… زفرات كتنعل فزهرها العوج لي مساعدهاش هاد المرة … وبعد دقائق قليلة كان واقف قريب منها كيشوف شغاتصنع…. وكيتفرج فيها من بعيد ..

غانم …..صفق ليها بيديه مقوص عينيه فيها وكيقرب ~ شنو رأيك ندفع ديلمك من تما تجي مهرسة ؟؟؟

شهد … طلعات فيه حواجبها معنكشاها ديك الطرحة لي على وجها ومفقوصة لي مسلكاتش منو ~ وانا مبغيييييتش مبغييييتش نبقى معاك فهمها ودخلها لراسك

غانم…. كرز على يديه مغدذ عليها ~ وعلاش انا قلت ليك باغيييك وهابل عليك ؟؟؟؟ انا غير غادي نعلمك زواج كيف كيكون الأصول دياله ياك انتي كيعجبوووك لعراسات وتلبسي وتقادي ؟ هاااا انتي دابا كنحقق ليك الحلم ديالك امدام

شهد … نضراتها ليه كاملين كره وحقد هزات عينيها فيه بتعالي كطلعه وتهبطه ونطقات ~ شحال مابقى غادي نهرب يا اليوم يا غذا طلعات نفس حيت وقفات ليها ~ ودابا تشوف

محسش براسو غير وهو جارها من رجليها لعندو بقوة حتى تلاحت عليه … شادها من خصرها بجنون وعينيه عليها بحال نسر … هاد المرة كيطلق منهم غير شرار، نفسه سخونة كضرب فوجها بعنف … غرس ضفره فخصرها بكل قوة حتى توجعات وضغط على الحروف وهو كينطق بيهم …

غانم ….. بغيت نشوووف ديك النهار الكبير لي نشووووفك فيه قادرة تهربي مني ، وريني علاش قادة وهربي ، زاد غرس يديها الكبيرة والقوية فخصرها بجنون باغي ينذمها ويكرهها فحياتها باغي يهرس ليها راسها القاصح نطق وهو ميكمل ليها الهضرة بكل صرامة ~ نهار اي انا نبغي لووحك فييييه تيقيني غادي نسووووسك بحال شي كلبة ولكن موووووور مانهرسك ونورييييك ضحك على الكبار بشحال كيطيييح

لاح الطرحة من على وجها وهو كيفليها بعينيه كارهها وكاره شوفة فيها نطق وهو كيغوت عليها ~ نفس الى طلعتيها خاص تشاوري معايا فيها … الهضرة قبل ماتنطقي بيها .. حتى نعطيك الموافقة.. صوووووووووتك ميعلاش عليا .. حيت غادي غير تخسري معايا كيرمقها بجنون ويديه باقي غارسهم على خسرها …

شهد ….نطقات وعينيها عليهم غشاوة دموع موجوعة ~ ض ضريتيني طلق مني

هو …..بتهديد عينيه حومر نطق ~ غادي نطلقك ااااااه بصح حتى تكوني ميتة بين يدي

كان غارضو يخلعها ، يزرع فقلبها الرعب منه ، بين ليها فقط الجهة الخايبة لي فيه ، رخف عليها كيشوف فالحمرة لي فشفايفها فعينيها فحنيكاتها فشعرها لي تطلق هابط مبوكل على خصرها … هز الطرحة رجعها على راسها بشنتة كيجرها ويديها ويجيبها بقوة ، حتى تغطى ليها شعرها وجرها من يديها لايح ليها بقايا الكلام

غادي تجلسي قدام العيالات وغادي تبتي حتى يدوووز كل شي بسلام ، راسك الأرض حاني عينيك ميتهزووووووش لفووووق… صوتك منسمعووووش يكفي شوهة لي خليتي وهربتي ، بتهديد نطقها ~ كنقسم ليك هاد المرة والله منرحمك

حسات بالخوف طلع معاها … وهي كتشوفه كيف رجع حمر وتهديده باين ماشي غير بالفم … لا هذا كيعني اي كلمة نطق بيها … كرهات الوقت لي صادفاتها معاه ، كرهات بسمة لي جابته ليها فطريقها … وتمنات كون مجاش فطريقها ولا حتى تلاقات معاه … حسات بالحگرة باغة تغوت ومقاداش شادها من اليد لي توجع فيها ، حسات بيديها باقة كتجر قبل ميلوحها فباب الغرفة الكبيرة فين كيتواجدو غير العيالات ، ساسها بحال شي جوتومة مكره ، ونطق وهو كيغوت على مه ، جرات يديها كتمسدها وكتشوف فيه بكره ، قبل مادووووور وتلقاااااها واقفة طويلة وبيضة ومحجبة عوينها كبار مشفرييين وطايتها مقادة لابسة قميص زوين جاي مع لونها وكتفحصها بكررررره

غانم …. عبس فيها ونطق ~ لمييييمة راني مباغيش نفقصك ولا نقلقك ديك البنت والله مكتهمني وأمني بالله هاني حلفت ليك ديك الخانزة غادي غير نوريييها ضحك على ولاد ناس بشحال كايطيييح غراضي بيها ماشي زواج ولا نأسس معاها الفاميلا

لطيفة … خنزرات فيه وگفضات كمامها لي نزلوو ~ متوريييها متوريييك حجارها يشدوووها انا بغييتك اولدي دييير داارك وليداتك ونفرح بيييك ماشي تبقى مربوووط على وحدة نصابة معارفين لا اصلها ولا فصلها ولا شكون تكون

غانم … خشى يديه فجيابه ولاح ليها كلامه قبل مايتحرك لقاعة فين رجال جالسين ~ لفرح غادي تفرحي بيا والولاد غادي نديييرهم ورجع شاف فيها لقاها مصدومة وهو يكمل كلامه ~ وربي حلل لينا ربعة نتزوجوووهم … تحرك من حداها ورجع نطق وهو غادي ~ فتحي الموضوع مع خالي وشوفي اش يقول ….

خلاها واقفة مصدووومة حالة فمها فيه ، شوية وهي توساع ليها الضحة بدات ضحك وهي طلقها بالتغريييتة عالمية ، خلات لي لداخل يسمعوووها ولي برى يطلووو من سراجم ، هزات قميصها فرحانة ودخلات مع الباب ، كتسمع توشويش بين العيالات ، بانليها ديدجي كان مخدم موسيقى شعبية معالياش بزااف ، وهي تقصده قالية ليه فوذنييه ~ حطلي الرلدي الله يرضي عليك ديك الأغنية ديال عندي وليييد واحد

تبسم وخدمها ليها ، بدات تمايل وذهباها كتشالي بيه ، فرحانة ، مشافتش جيهت شهد لي كانت كدور فعينيها وتقلب على شي باب تهرب منه ، عقلها يمخمخ ويخطط ، حتى جات عينيها على عينين وحدة كتشوففيها غادي تاكلها وتوشوش مع مها لي فجنبها ، طلعاتها وهبطاتها مزيان شهد ودورات عينيها حتى كتشوف لطيفة جرات جوهرة من يديها وهي حشمانة كتشطح معاها ، فرحانة وغاطير بالفرحة ،

لطيفة … عنقاتها وطبطبات عليها وهزات يديها كتقاد ليها شالها وتمدح فجمالها ~ جيتي كتحمقي ابنتي الأمان عليييك

جوهرة … توردو حنيكاتها ونطقات وهي كتبوس ليها يديها ~ الله يطول لينا فعمرك اخالتي

لطيفة … حيدات خيط ذهب من يديها ولصقاته ليها قدام عينين شهد لي كانت مقوصاهم فيهم ~ بصحتك بيه ابنتي

جوهرة ….. حشمات منها ، ونطقات وهي منقول ليها ~ علاش اخالتي تعذبي فراسك مكاين لاش

مخلاتهاش فين تزيد تهضر ، الأغنية كتغني ولطيفة فرحانة كتغني معاها ، الحلوة كدووور وشهد كتهز وتاكل ممسوقاش لناس ومكتعرفش الحشمة شنو هي ، اصلا مكتعرفش هاد الناس وممهتاماش ليهم ، سمعات وحدة موراها جالسة كتهضر وصوتها شوية عالي ~ ياختي واش شفتيها لعروسة هنا جالسة مدايها فيها حد ولطيفة كتمد خيوطها لوحدة خرى …

زادت نطقات لي معاها ~ شوفي بعدا العروسة كيف دايرة شوووووهة مشوووهة بيهم وباينة فييييها مكتحشمش

رجعات نطقات ~ اوى اختي الله يعطينا زهرها دات بعدا راجل وسيد رجال مقاول كبييييير ولباس عليه ولد دارهم ،

دورات وجها فيهم مور ماسمعاتهم اش قالو وتبسمات كتلعب بحجبانها وطلعهم بعينيها كانت باغا تحرجهم قدام ناس كاملين وايني تفكرات ، اصلا مكيهموهاش وبالنسبة ليها هنا فقط نكرة ونهار لي غادي تهرب غادي تنسى حتى وجهم ، مول العاصير دايز هزات من عندووو الكاس ، كتشرب وتبنن فيييه ، وكتشوووف فدييك جووج على محياها ابتسامة شيطانية ، عقلها كيفكر ليهم وعينيها بحال النسر مستقرة عليهم …

حسات بالخوف طلع معاها … وهي كتشوفه كيف رجع حمر وتهديده باين ماشي غير بالفم … لا هذا كيعني اي كلمة نطق بيها … كرهات الوقت لي صادفاتها معاه ، كرهات بسمة لي جابته ليها فطريقها … وتمنات كون مجاش فطريقها ولا حتى تلاقات معاه … حسات بالحگرة باغة تغوت ومقاداش شادها من اليد لي توجع فيها ، حسات بيديها باقة كتجر قبل ميلوحها فباب الغرفة الكبيرة فين كيتواجدو غير العيالات ، ساسها بحال شي جوتومة مكره ، ونطق وهو كيغوت على مه ، جرات يديها كتمسدها وكتشوف فيه بكره ، قبل مادووووور وتلقاااااها واقفة طويلة وبيضة ومحجبة عوينها كبار مشفرييين وطايتها مقادة لابسة قميص زوين جاي مع لونها وكتفحصها بكررررره …

جوهرة … منزلاتش عينيها منها كون كانو قرطاس كون تيراوو فيها نطقات وهاد المرة عينيها كيبريو كتشوف فيه ~ غ غانم بغاتك خالتي لطيفة

غانم … نطق بصوت عالي وهو مكره فشهد كيخنزز فيها ~ تحركي دخلي رجلييييييك ميعتبوووووووووش لبااااب اقسم بالله باش كيحلفو رجال حتى نگرضك منهم

شهد بدورها خنززات فيه عينيها كيبرييو بالألم لي عاطياها يديها وهي كترعد مرضاتش قدام هادي لي واقفة كتشوف فيها بكره وباينة محاملاهاش ، دخلات فيها كتوعد ليه بالجهنم الكحلة معاه ، وكملات طريق تا الداخل فين مجموعين مجموعة من العيالات لي مكتعرفهمش طبعا ، جلسات بلاصتها كتنش على راسها ديك الطرحة خنقاتها ، نتراتها بجهد من على وجها وخلات العيالات لي كانه يعاينه يشوفوها ، كيبركگگه فيها ويزيدو يوشوشه بيناتهم ، أفأفات هاد الأجواء ماشي ديالها ، تفكرات صحابها ومروان دمعه عينيها ، جرات ديك المشيطة لي فشعرها حتى تطلق ، ودارت رجل على رجل ، خلاتهم حالين فمهم فيها ، كلها وشنو كيقول ، تبسمات بغنج طالعة ليها لقردة، ولاحت شعرها لووور ، كتقلي ليهم سم بعينيها

لطيفة … لابسة قميص ديال قاطيفة بالمضمة دياله ويديها مزلگاهم بالذهب نطقات ~ ديك الخانزة لي جبتيلي وحطيتيها لي فالداري ناوي معاها المعقول ؟ دايريني ضحكة انت وباك ؟ باغييين طرطقه ليا المرارة ؟

غانم … كان واقف كيسمع ليها نتر الگارو من يديه لايحو بعيد باش ريحة متوصلهاش ونطق مخيخ من نفس السيجي ~ الواليدة مغاديش نبدأ نتجاار معاك ديك شفارة مكاصيها انا لتحت وعمري نقبل بيها !!! فهمييها خلاص

لطيفة … ضحكات باستهزاء وهزات يديها كتشالي بيهم ~ منيييين انت مباغيهاش لاش جايبها ليا لداري ؟ علاش بينتييها قدام خوالاتك وعماتك ؟ علاش يشوفوها العائلة ؟ واش كضحك عليا اولدي ؟ انا والداك ولا انت لي والدني ؟ جايبها لداري ومزوج بيها من لفوووق ودابا كتقولي عمري نقبل بيها !!!!

فالباب وقفات طوموبيل ، راسها عاطيها الحريق ، وكرشها قتلاتها بالجوووع ، شافت فيهم لقاتهم بدورهم مهلوكين حيت طريق كاملة وهي صايگة تا وصلات لفاس وبالضبط لمكان منين صيفطات ليها مساج ، حنحنات بصوت رقيق باش يفيقه وهي تنطق…

أمال … وااافيييقه راحنا وصلنا

مريم … حلات عينيها حومر بقلة النعاس وتفوهات وهي كتسولها ~ فييين حنا ؟ وشنو كدييير هي هنا

هزات عينيها أمال فالبلاصة كتشوف وكتحاول ذكر فين شايفة هاد البلاصة ، بسمة بدورها فاقت عين حالاها وعين شاداها ، كتشوف مع جنابها وترجع تشووف فالمكان ، وشوية شوية بدات ترجع ليها الذاكرة نطقات وهي كترعد من صوتها عرفات أمال بلي صاحبها فمشكيل كبير

بسمة … صرطات ريقها وهي كتقول ليها ~ هووووا هوووووا ولد لطييييييبفة

مريم … هزات عينيها دايخة بالنعاس ونطقات وهي كتسولها ~ شكون هذا كيفاش ولد لطييييفة

أمال … غمضات عينيها يديها كيترعده وشافت فبسمة ~ هذا لي جبتيييه لينا سيدة لي نصبنا عليها ودينا لينا الكوارط خويناهم ياك هي ؟؟؟؟

بسمة … مسحات عينيها بصدمة وهي كتأكد ليها ~ هو لي مو تلاقيتها فصبا اااافففف اش جابها هي لهنا وكيفاش وصلها ؟؟؟؟

أمال … ستقروو عينيها على الڤيلا كتشوف ضواااااو بزاااف وموسيقى شوية كتسمعها ، نطقات وهي كتجاوب مريم ~ هذا امريم ضحكنا على مووو ونصبنا عليها وهمناها بلي كارما البنت لي تمانها لولدها ونهار العقد هربات

مريم … حلات فمها مصدووومة حاطة يديها عليه ونطقات~ يعني دابا هي معاهم فالدار اويلي خاص نعيطه البوليس

أمال … نطقات بالنفي ~ لا خلص نشووفه كيف نديروه ندخله بعدا لقاوها ومن بعد نشوفه شنو نديرو ، دارت لعندهم ونطقات~ مريم انتي اجي لهنا ركبي وانا غادي ندخل الى لقيتها غادي نخرجها ملقيتهاش صوني على لبوليس ولكن حتى نعلمك مديري والو دابا …

نزلات أمال لابسة تجين زرق وضوني من لفوق ، ودخلات مع جردة محدها كتقرب وهي كتسمع الموسيقى ، قلبها كيضرب بقوة ، خايفة على صاحبتها، هزات تيليفونها شاعلة ضوء وغادة متبعة الطريق ، بانت ليها بيبة صغيرة مفتوحة حلاتها ودخلات ، بلى مدير الخطوات بانت ليها بنيتة باينة فيها صغيرة ، شعرها قصير رطيطب وكتلعب بتيليفونها فالباب ، قلبها زاد يضرب وقربات ليها تا خلعاتها …

أمال … نطقات وهي كاملة كترجف ~ بغيت نسولك ومتخافيش مني انا خت كارما !!! كتعرفيييها واش هي لداخل ؟ انا ختها

نسرين … لابسة قميص دجوهرة جمالها الطبيعي كيقتل ، قلبها صغير كيخفق بحكم خلعاتها نطقات وهي كتشوف فيها ~ شكون انتي وشكون هاد كارما ؟

أمال … هانتي اختي غير فهميني ختي هادي تلاتة ايام وانا كنقلب عليها وصيفطات ليها ميساااج من هاد النمرة وفاش قلب لقيت هاذا هو العنوان ، وراتها المساج

نسرين … حققات فالنمرة وهي تشوف فيها كتفكر نهار شهد رغباتها تصوني على ختها تبسمات برائة وهي كتشوف فيها ~ اااااه انتي خت شهد

أمال … صدمة خلاتها تبلع ريقها ، حتى من اسمها الحقيقي عارفييينه نطقات وهي كتشوف فيها وكتسولها بلهفة مبقاش كيهمها كيفاش عرفات اسمها اي مهم هو لقاتها ~ ااااااه ااااه هي فييين راها ؟

نسرين … طلعاتها وهبطاتها كتشوف فيها ونطقات ~ الى خوية شافك هنا بقدر يقتلك انا نعاونك تشوفيها ولكن مشفتيني مشفتك

أمال … بلهفة محساتش براسها غير وهي معنقاتها دموعها هابطين~ متخافيييش منقولها ليه غير عاونيني نشوفها

نسرين … بقات فيها وهي تنطق ~ غادي نمشي نجيب ليك شي قفطان لبسيه باش ميشكووش فيك لداخل بقاي هنا ولا عرفتي شنو ، وراتها واحد الجهة ~ سيري لهيييه تخباي انا غادي نمشي دغيا نجيب ليك شنو تلبسي

هزات قميصها ودخلات كتحري شعرها كيحري موراها بحال شي قطيطة حنينة وكتساعد الناس، تعلمات غير تحن من صغرها ، معندهاش اصدقاء صديقها هو خرها وباها وصديقتها هي مها ، طلعات مع دريجات ودخلات لغرفتها جبدات قميص ديالها وحزام ، خباتهم تحت من قميصها وهبطات كتسلت وتشوف مع جنابها بانليها الناس مجمعين وشهد بعيدة عليهم جالسة ، تقدمات لعندها حاضية جنابها وغير وصلات قربات ليها كتدوي بوذنيها…

نسرين… الخوف واضح فعينيها نطقات بصوت خافت ~ شهد ختك هنا فالجردة كتسناك!!!

شهد … كانت كتشوف فيها وجها مبدل وباينة خايفة حتى كتهضر فوذنيها خلات قلبها يخفق بقوة ، ويديها بجوووج كيترعده نطقات وهي كتسولها ~ واش أمال جات ؟ فين هي

نسرين … شافت فجنابها بانت ليها مها بعيدة كتهضر مع شي ناس وهي تنطق ~ كاينة لتحت فالجردة خبيتها خاصك طلعي لفوق. لبيتك وانا غادي نجيبها حتى لعندك

شهد … خفق قلبها بقوة يديها كيرعشه والفرحة فعينيها نطقات ~ نسرين شدات فوجهها ~ انتي حضيلي هنا وانا غادي نخرج عندها بغيتك ذوخي ماماك باش متشرفش فبلاصتي وتقلب عليا والباقي خليه عليا

نسرين … هزات راسها بنفي والخوف متملكها من خرها ~ لا لا غادي يلقاك شوفي انا جبت ليها قميص تلبسه وغادي دخل عندنا تا واحد مغادي يشك فيها انتي سيري لبيتي تسنايها وخليها عليها غادي نجيبها حتى لعندك

شهد … شدات يديداتها صغيورين بجوج عينيها كاسيهم دموع نطقات وهي خايفة تمشي امال تحصل وتصدق خارجة عليها ، الخوف لي كان باين على وجه نسرين خلاها تبلع ريقها وتعرف هذا معامن هي خطير وفايتها بشحال ~ سمعيني ا نسرين الى مشات حتى دخلات غادي نحصله وعاد غادي يوقع مشكيل كبير خليني نمشي عندها ونشوفها وتخشاها بزااف ومغاديش نتعطل انتي ديري لي قلت ليك لاهي ليا ماماك حتى نرجع

أومأت ليها راسها بالإيجاب من بعد فاش قنعاتها ، شافت فجنابها وهي تنوض كتخطي خطوات سراع لبرى ، قصدات جهة فين نعتات ليها نسرين هي لي قريبة وخرجات ، كطلع نفس وتهبطها كانت لداخل مخنووقة شافت بين جنابها ونطقات بصوت خافت ~ أمال …… كانت واقفة فين خلاتها نسرين وفاش حسات بالحركة زادت تخبات ولكن غير سمعات صوتها خرجات كتجري بلا ما تردد ، دمووووع فعينيها لي حومر بقلة النعاس كيجريو فوووق خضها ، طارت عليها معنقاها كتبكي وتشهق وخصوصا أمال من النوع لي حساس بزاف دغيا كتبدأ تبكي وهشيشة عكس شهد …

أمال … نطقات وهي كتنهج دموعها هابطيييين ~ ممتيقاش شفتك واخيرا لقيتك

شهد … بدورها عنقاتها وزيراتها عندها هبطات دمعة مسحاتها دغيا وهزات راسها شاداه بيديها وكتهضر ~ واش انتي لباس ؟ مي رحمة ومروان ؟ وسيم ؟ طمنيني

أمال … هزات راسها بالإيجاب ومسحات دموعها ~ كل شي لباس متهزيش الهم ~ شدات فيديها بتملك ~ زيدي نخرجو من هنا دغيا الحمد الله لقيتك

شهد … حضناتها بقوة عينيها بداو يسيلو بالدمووع ونطقات ~ ماشي هاكا خاصنا خطة باش نهرب حيت غادي يلقاني امال هو ماشي شخص عادي كيف ضنينا هو عندو جميع الأدلة علينا وكيهددني بيهم

أمال … زادت زيرات على يديها بقوة خايفة متعاودش تشوفها ~ يدير لي بغى ولي فجهدو يديرو حنا غادي نهربو لبلاصة لي عمره يوصلنا فيها غير تبعيني وخلينا نخرجووو باش منضيعووووش الوقت عافاك

شهد … مسحات ليها دموعها كتحاول تبان قوية حداها ~ واش كتيقي فيا ؟ كنقوليك غادي نخرج من هنا ولكن خاص لعبوها دكييين امال

أمال … زادت زيرات على يديها وخشات صباعها مع صباعها كترجاها ~ نمووووووووت ومنخليييكش هنا معااااااه غادي نهربووو رجلي مع رجلييييك ودابا …

قبل ما تجرها كان حكمها بقوة من اليد لوخرى ، كانت ديجا زرقة زير عليها ، كيشوف فيهم بجوووج مقوص حجبانه وعينيه مضلميييين ، يديييه عروووقها منفووووخين ، وطووولته بوووحدها هيبة ، وقف عليهم بحال الباطل كيشوف فيهم مخنزز وعينيه على شهد ، حووومر مكرهش يهرس ليها راسها ويطفس ليها عينيها لي مخرجاهم وكتعالى بيهم ،

غانم …. قرب ليها ونطق عينيه بحال دم حمرة ~ اليوووووووووووووم جمعت لييييييك بزااااف والحساب عندك ترااااااااكم قلت ليك رجلييييييك ميعتبووووووووش لباب وشنو درتي؟ خرجتي بلا شواري !!! ورجع شاف فأمال كان باغي يخلعها ساعة وقفات ليه فالوسط

شهد … عينيها هازاهم فيه بكره وراسها عاطيها صداااع نطقات ~ الى كانت شي حاجة غاتكون بيناتنا والحساب نفريييوه بيناتنا وهي معندكش حق تهضر معاها

غانم … ضحك بخفووووت راسه ضاره وهي كتلعب مور ضهره عارفها من النوع العنيد ولي مكايتفااااكش غووووووت فوجها حتى تكمشااات أمال فيها خايفة ويديها كيترعده ونطق وهو مزيرها من يديها حتى زادت زراقت ~ مقلتي عييييييييييب

جرها بقوة تحت صراااخ أمال ، لي كتغوت وتبكي وترغب فيه ، يديها باقين مشابكين مع يدين شهد ، حاسة براسها مقوياش باش ضربه مقوياش باش تعافر معاه ، صو كتافات غير ترطب معاه

أمال … كترغب وتزاوك فيه ~ الله يخلي ليك ميمتك طلقها اخوية والله رزقكم رجعووووه مضوووبل والله ماكانت بوحدها علاش هي تعاقب…. كتبكي وتغوت بقهرة ~ ماشي بوحدها متعاقبهاش بوووحدها

غانم … وقف ساخط لعبات ليه على أعصابه كيكره النسى لي كيطلبه ويرغبه حس براسه زاد زند عليه وهو يغوت عليها دافعها بقوة تا طاحت فالأرض ويديها ترخات من يدين شهد نطق وهو كيڤيبري حيت لعبات ليه على أعصابه~ مخووووكش از بيييييي فاش مي كانت توكلكم وتشربكم وتشري ليكم فالحوايج وتكسييييكم يا شفارة يانكارين الخير ، كنته كتاكله ليها رزقها وضربوووها فضهرها بالماس ، هي كانت ناوية ليكم على الخير ونتوووما ناويين على الغذر ، غوووووووت عليها حتى خبات وحها خايفة منه وكمل كلامه ~ عمرك باقي تحطي رجلييييك فهاد الدار وهادي غير نسايها هنا غادي نفييييها حتى تموت وندفنها ، قووووووووووودي خرجيييييلي من داري

شهد … شدات فيها كتوقفها وعينيها بحال القرطاس عليه قلبها كيخفق بقوة ويديها كيترعده نطقات ~ الى انت كتوعد ليها بالشر عرف بلي انا هي نار لي غادي تحرق انت وطاسيلتك ونزيييدك … قربات منه كتحداه بعينيها~ مخايفاش منك

غانم … تبسم باستهزاء قبل ماينزل عليها بضهر يديه بصفعة قوية خلات جنب دمها يسيل بالدم خانها توازنها وقبل ماطيييح شد فذراعها عينيه شرار خارجين منهم ~ بغيييييييييتك تورييييييييني علاياااااش قاااادة !!!! كوني قد لسانك قد درااااعك بغيييت نشووووووف علايااااش قادة … غرس ضفارو فلحمها حتى توعتات ونطق ~ الى كنتي انتي عافية انا هو الجحييييييم لي عمرك تهربي منه

أمال … مكانتش كظن المشكيل غادي يكون حتى لهاد الدرجة صعيب ، وخصوووصا مع هاد الشخص لي واقف حداها قلبه عامر وباينة مجروووووح وشمتة متصرذاتش ليه ناضت كاملة كترعد وقربات من شهد باغا تشد فيها ~ سنعني اخوية هي ماشي بوحدها لي نفذات حنا كاملين مشاركييين ها انت عيط البوليس خلينا نمشيوووو دييير لي بغيتي خووود حقك منا غير طلقها راه ميمكنش تحبس وحدة غير سرقاتك فهاد الدار على مكاينش القانون فالبلاد

غانم … قوص حواجبه فيها كيقول ليها بمعنى واش من نيتك ونطق وهو كيخنزز ويطلع فيها ويهبط~ دابا انتي غادي توريني القانون ؟ علاش انتي كتعرفي القانون ؟ وحدة خانزة شفارة ونصابة بحالك غادي تجي توريني اش ندير … قرب ليها حتى رجعات باللووور كتبكي ودموعها شلال وكمل ليها ~ بغيتي تعرفي اشمن صفة هي معايا فالدار ؟؟؟ مراتيييي مزوجيييين وعندي جميع الحقووووق عليها ، نذبحها ونشرب من دمها لا انتي ولا غيرك يقدره يعاونوووووها ودابا خرجي تقودي من داري حسن منرسم ليك يدي فوجهك

جراتها شهد من حداه عارفاها حساسة ، وعلى سبة مكترضاش وهو بهدل بيها ، هزات عينيها فيها لقاتها حمراء وسخونة ، حسات بالخناجر كيدخله لقلبها مكانتش باغا نهايتهم تكون هاكة ، ولكن كيف كيقولو صياد نعام يلقاها يلقاها ، طبطبات على وجهًا لي كان مصدوووم من كلمة مرااااتي ، كتشوف فيها وكتحاول تقرأ عينيها ، باغا تعرف منها وتأكد بلي غير كيكذب عليها ، لقات شهد كتشوف فيها بالطريقة لي كتفهمها فقط بعينيها خدات الجواب الشيء لي خلاها تغمض عينيها ودموعها سايلييين …

شهد … نطقات فوذنيها كتحاول تشجعها~ سيري من هنا ورتاحي من حيهتي كارما عمرها تخلي دقتها نووووضي وخليييك قوية مروان ومي رحمة محتاجييينك

مبغاتش تسول على وسيم خايفة تسمع شي حاجة متعجبهاش عليه ، فضلات تسكت وعطاتها بالضهر ، فحين هو خرجها من الباب وشد فوجهها ، خلاها تبكي وتنوووح وتغوت ربي لي خلقها…

غانم … عينيه بحال صقر ستقرووو عليها قرب منها كينهج كيشوف فمها دمه باقي يسيل مخي براسه غير وهو جارها من سالفها وكارز عليييه بقوة كيهضر معاها تحت سنييييه ~ هنااااااا غادي تبقااااي وهنا غادي تمووووتي شمس مغاديش تشوروفيها غادي نخلييييك مقطورووووعة من شجرة لا حنين يحن عليك ولا رحييييم يترحم علييييييييك ، ودفعها جارها بقوة معاه لداخل تحت صراخها….

ناس كانو بداو يمشيو ، دار كتخوى شوية بشوية ، سلمات لطيفة على الناس وهي كتوييل على شوهة لي دارت ليها ، وقبل ماترجع لصالون سمعات غواتها جاي من باب جردة ، جارها ودمه سخون كيغلي عليها ، باغي يقتلها ويرتاح منها ، دخل عبد القادر مع لباب مصدوووم من ولده ، وتقدم ليه واقف له فوجهه وعينيه ضلام…

عبد القادر … كيغوت ~ شهاد الموصيبة فين معييشنا يا هاد الولد طلللللق منها قلت ليك

غانم … تشربن فراسه عدووه لي يقول ليه اش يدير كون ما باه كون دار في فضيحة مبان حداه غير واحد الكرسي قلبه برجليه ودار لعندها جرها من شعرها بقوة ~ غادي تحركي دابا هاد الدار تجمعييييها ولا برب لنعستييييييييييه اليووووووم

عبد القادر …. جرو من يديه مخنزز ونطق ~ حسبي الله ونعم الوكيل فهاد شي لي كدير كان يحسابلي بعقلك وكاتسمع لهضرة ساعة طلعت غالط فيك

لطيفة … تمشات حدى غانم شداااه من يديه وكتحاول ترطب الجو بيناتهم ، شافت فشهد لي وجها حمر وجنب فمها فيه ضريبة صغيرة عارفة ولدها مزيان اش كيسوى نطقات وهي كتحمر فيها عينيها ~ تحركي ديري اش قاليك الموصيبة متمشي من هاد الدار حتى طيحيلي شي روووح فيييها …..جرات ولدها من يديه وراجلها وهي كتحاول تقاد الأوضاع تحركه لصالة وهي كطلب فيهم بجووج يرطبه ويجلسه ويهضرووو فالصح

غانم… يديه باقيين كيترعده عليها نطق ~ الوالييييد خليييني نربيييها ومدخلش بيناتنا باك بغيتي حفلة ودرتها اش دخلك فيا مزال ؟؟؟

عبد القادر …. خنزر فيه ونطق ~ تربيييها؟ علاش حنا مولفيييين نتعدااااو على نساء ؟ من امتى كنهزووو يدينا عليهم ؟ هاااا

غانم … مشربن باقي شاعل نطق ~ جايبة ديك شفارة لي كانت تعاون فيها تا لداري وكتحاول تهرب وتخليينا شووووهة كيف موالفة !!! بغيتيني نطبل ليها مثلا ؟ هاديييك خاصها ترااابي الواليد وانا لي غادي نحدهم ليييها انت خلييييك بعيييد على هادشي لي بغيتيه راني درته مطلبش مني كتر من جهدي …

لطيفة … حلات حزام قميصها راسها كيزدح ونطقات ~ انا ديك الموصيبة مبغيتهاش فالداري كون جات عليا نجري عليها فهاد الدقيقة ، شافت فعبد القادر ~ واش عاجباك الشوهة لي شوهاتنا مع الناس ؟ وذهبي لي سرقات وزيد كوارطي گاع خواتهم حنا مابقيناش فيك ؟ شحال من هضرة سمعتي على ودها من صحابك علاش كتجي معاها دابا ؟

عبد القادر … تنهد مينكرش نهار هربات خلات ليهم أكبر شوهة عالمية مكانش كيفكر فسرقة لي سرقاتهم كتر من ديك الشوهة متبغيهاش لعدوووك ، هو كان فرحان بولده لي قرر يتزوج وهي جات ريبات ليه ديك الحلم ، نطق وهو كيشوف فيها ~ انا ماشي معاها انا مع الحق الالة لطيفة ، ياك انتي لي جبتيها لينا ولصقتيها فينا وقلتي متخلاقي غير منها ، دابا ولات موصيبة ، اوى الالة ديك الموصيبة انتي لي دخلتيييها لدارك … انا غير الظلم منشوفوش فداري نهار نلاقي مولانا نتحاسب عليه ،

لطيفة … أفأفات معصبة ونطقات ~ الله يبعد بلانا على بلاها اخوية ، ديك الموصيبة لي كتهزني وتحطني بيها ولدي مباقيش غادي يقرب ليها خليها نيت جفافة وخدامة فهاد الدار ، وگفضات كمامها ونطقات ~ حيت ولدي قريب نوضو نخطبه ليييه ويدي لالاتها لا فزين ولا فالحداگة ، تحطها على الجرح يبرى ، عندي غير وليد وغادي نفرح بيييه كيف بغييييت

عبد القادر … طلع حاجبه فيها مقوصه ورجع شاف فغانم لي جالس مبرد كيشوف فيه ~ شكاتقووول مك ؟ شكتروووني تاني بجوووووج ؟

غانم … فرق رجليها وحط يديه بيناتهم كيلعب بصباعه وفالنفس الوقت كيجاوبه فالشكل لي كيفهمه باااه ~ قال الله عز وجل: «وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا» ورجع كمل كلامه ~ والله حلل ليا متزوووج ربعة !!!! وانا بغيييت نتزوووج جوهرة بنت خالي يوسف

عبد القادر …. بقى حال فمه مصدووووم فيه ونطق ~ وشهد ؟ علاش تزوجتيييها مين باغي تزوج عليها ؟

غانم … طلع حاجبه فيه غير كيسمع اسمها كيزيد يكرهها~ ياك قلتي نشوف فيها ربي !!! وانا نفذت غير داكشي لي قلتي الواليييد وجوهرة هي لي بغييت لقلبي تكون مراتي ومت ولادي

عبد القادر …. سلم امره الله عارفه صعيب ولطيفة زايداييه فيه نطق ~ لا حولة ولا قوة الا الله العلي العظيم انا خارج هادشي بغيتي تزوج سير الله يعاونك ، غير هو علاش يالضبط ختاريتي العائلة ياك كنتي ضد فكرة زواج من العائلة ؟

غانم … جاوبه بتقالة ~ فكرت ولقيتها هي انسب ليا مرأة وبنت دارهم وملقاش بحالها

عبد القادر … اهاااااه وباش عرفتي خالك غايعطيها ليك وانت مزوج ؟؟؟ شكترووون عاود

لطيفة … نطقات وهي فرحانة ~ وعلاش لي ميعطيهاش ليه وهاهو حتى كان مزوج ربي حلل ليه ربعة ياخذ !!! وزايدووون غايلقى حسن من ولدي لبنته ؟ اوى لاش هادشي لي بقى قاليييك باش عرفتي يعطيهاليك ، راه غانم مستثمر عقارات كبيييييييير يبوووس يديه من هنا ويعاود يقلبها ويقول حمدتك ياربي وشكرتك لي بنتي تزوجات بسي غانننننننننننم

عبد القادر … خنزز فيها عارفها كتحماق على ولدها وهو ضو عينيها باش كتشوووف وعارف ولده الى دار شي حاجة فراسه كينفذها واخا معرت شنو يوقع ، نطق وهو كيشوف فيه ~ سمعني اولدي انا عارفك مزيان غادير لي بغيتي واخا نعيا نهضر وباغييك دير دارك وليداتك ونفرحه بيك الى كنتي ناوي المعقوووول نتوكله على الله ونطلبووها ليك واييييييييني …. رجع شاف فيه وهو كيسمعه القرأن الكريم… يقول تعالى: فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً ، ورجع كيكمل ليه ويقول تعالى : وَلَنْ تَسْتَطِيعُوا أَنْ تَعْدِلُوا بَيْنَ النِّسَاءِ وَلَوْ حَرَصْتُمْ . يعني اولدي خاصك تكون عادل بيناتهم ، وإلا ربي عمره يكمل عليك .

ناض من حداهم وطلع بحاله لبيته يحط راسه ويرتاح ، كيخمم ويفكر فهاد الموصيبة جديدة فين ولده غايدخل ، المطارق كيضربه فراسه ، واحد سي غانم نزل لجردة جبد گارو يرخي بيه ستريس ديال اليوم ، ولالك لطيفة ناضت تشووف عروستها اش كدير … لقلتها ضرباتها بنعسة فالصالون والماء كيدي الماء ، مسبح ولا عندها فالدار ، قربات ليها لقاتها كتشخر هازة كسوتها لفوق مخلية فخاضها باينين ، غير زطمات غرقات رجليها فالماء …

لطيفة …. ناضت كتوييل وكتكرط فوجهااااا~ ويلي ويلي ويلي ويلي على موصيبيبتي ويلي على الصلگوووووطة خلات دار كتجري فالماء ورگضات الله يا ربي داري كيف ولات ، بدااااات تغوووووت وجها بدات تكرطه بالنذيب، وراسها كيزدح طانسيون طاح ليها وسكر طلع …غوتات عليييها حتى فااااقت مفزوووعة راسها كيزدح عليها

شهد …. حلات عين وشدات تانية عيانة ومسهووووتة نطقات ~ متغوووووتيش راسي كيضرني وخليني نعس تا الغذا ونعاونك على هاد الدار

لطيفة … طرطقات عينيها فيها وجراتهامن يديها منوضاها~ والله ومتجمعيييييي هادشي منتعاتق معاك اليوم سيري الله يخليييك بالخلى الله يجليييييييك عليييييينا من هاد الدار ، الله يغبر ليك الشقف ونتهنى منك … هزات كفووفها كدعي عليها وشهد كاتشوف فيها عاجبها الحال

شهد …. نطقات وهي هازة كفووفها معاها ~ ياربي امين اخالتي الله يعطيني شي هزة ونتهنى من ولدك يا ربي

لطيفة … طرطقات عينيها فيها باغا تنتفها وتكرط ليها وجها وايني كترجع تقول الله يخزييك اشيطان والله يبعد بلايا على بلاها ، قوصات عينيها وكيف كتفقصها بغات ترجع ليها صاع صاعييين ~ حمدتك ياربي وشكرتك لي ولدي غادي نرتاح عليه ، وهزات عينيها فيها كطلعها وتهبطها وتقلي ليها فالسم ~ غادي يتزووج بلالاك سمعتيني لالاك جوهرة وغادي يلووووح مك علينا من هاد الدار

شهد … لمعه عينيها بفرحة ومحسات براسها غير وهي معنقاها فرحانة ~ الله شحال فرحتيني الحمد الله ياربي لي غادي نرتاح منكم

لطيفة … دفعاتها عليها مكرهة عرفات ليها الكود ديالها باش تبيتها بلى نعاس وكتهضر ~ سيري الله يعطيك غبارة الجيفة ورجعات طرطقات عينيها فيها ~ باغا تخرجي من هنا اوى هنا غادي تموووووووووووتي والله الباب متعتبيها ها لالاك جايا وتبداي تشقاي عليها بزز عليك الموصيبة ، ضوء متشوووفيهش هنا غادي تبقاي حتى ندفنوووووك اوى نشوفو هاد تخراج العينين ديالك فين زايد …..

وناضت تحركات من حداها مخلياها كتشوووف فيها ومتبعها بعينيها ، عقلها كيخطط ويقول ، انا كارما مخلاقيتش باش نكون تراسسسة عليكم فهاد الدار ، غادي نورييييكم شكووووووون هي كارما بنت مي رحمة ، الى مخليتكمش انتما تجريييييييو عليا من هنا منكووونش سميتي كارما غير تسنااااااو …

ورجعات شافت فديك الماء لي طلقات بالعاني ، تبسمات بالشر ، وتحركات لبلاصتها تكات وصورة امال بين عينيها ، كتقول مصاب تكون مشات باش مترييدش الأمور تعقد كتر ….

گارو مووور گارو كيسف ويعطي لقلبه ، عقله بعيد كيفكر فهاد الخطوة لي غادي يدير ، نسمة الهواء كضرب فوجهه ، كان مخطط لموضوع زواج بجوهرة من شحال ودابا كتاب يطبقه ، ديك البنت الوحيدة لي تقدر تصونه وتكون ليه مرأة حرة غرة ، حظاها وشافها وميزها وهو ماشي دوني باش ميعرفش الصح من الغلط ، تفكر المجرمة كيف سماها هو ، وكرز على يديييه باقي العافية فقلبه مهمدات ، باقي موراهاش باقي معلمهاش الدروووس ، غانم مستثمر عقارات كبير فاس جات وحدة طيحات بكرامته ومرمدات بيه قدام صحابه وحبابه قدام ناس لي يبغوووه ولي يكرووووه ، كيفكر كان مسالم معاها وايني كيف عرفها شيطانة بغى يشدها بالجرم المشهوود ساعة هربات وخلات ليه الشوووهة قدام الناس ، لطيفة لي حنات عليها وبغاتها ضرباتها فضهرها ، علاش على ود الفلوووس وذهب لي بالنسبة ليه هو لا شيء ، كان ناوي يغرقها ويفششها ويعطيها گاع متمنى وايني الشفار كيبقى شفار وعمره ينسى حرفته …تنهد بعد ما رمى البونتة ديال الگارو فالأرض ، وناض بطولته غادي داخل ، راسه عاطيه الحريق وعينيه ظلام ، دخل يشوفها لول فين وصلات ، بانت ليه صالة مزالة كيفما هي ، قوص عينيه وشعل ضووو باليه الماء كيدي الماء ، مسبح دارت ليهم فالدار ، كرز على يديه ودخل صاخط كيقلب عليها ، بانت ليه مشبحة فوق صداري ناعسة ،بانليه سطل عامر بالماء فالأرض ، هزو كيغلي عليها وكبووو حتى ناضت طافجة….

غانم …. شدها من شعرها وقربها ليه كانت دايخة بالنعاس عينيها مقلوبين نطق ~ نوووووووضي تق وووودي تجمعييي هاد رويينة لي درتي ولا بربي اليوم منتفاك معاك

شهد … هزات فيه عينيها كبار ومشفرييين فالمارو مغلووقين وفيهم بريق ماشي نورمال ، بلعات ريقها تحت انظاره وهزات يديها خطاتها على يديه لي حاكمينها بقوة ونطقات ~ طلقني عفاك كتوجعني ، انا غانوووض نجمع هادشي غير رخف عليا

غانم … دفعها عليه بحال شي جرثومة حتى جات فالأرض طايحة ونطق مخنزز ~ تحركي جمعي هادشي دغيا متلعبيهاش عليا بريئة كنعرف القح ااااااب بحالك مزيان شنو كيسواو

شهد … حلات فمها فيه هو اول واحد يتجرأ يسبها عمر شي ولد المرأة مخصر معاها الهضرة حسات بقلبها كيضرب بقوة ويديها كيترعده وهي تنطق عارفاه بالعاني باغي يجبدها ويدير طريق فين يزرق لحمها ~ قح بببة وتزوجتييييييييييني يعني مزوووووج بقح ببة

غانم … بغى يجمع معاها ويفقص ليها عينيها لي فرحانة بيهم وكتخرجهم فيه وهو يعاود يجمعهم تحت سنيييه نطق ~ اييييييييه قح بببببة خذيتك باش ديك دوووووودة لي فعدوووو ربك تبرد منين تقطعي حتى … بغى يخصر ليها لهضرة ورجع خنزز فيها ونطق حدى وذنيها ~ غادي تندمي حيت دخلتي لهاد الدار تيقي بيا … ورجع كيهددها ~ جمعي عليا هاد الروينة ولا بربي ميفكك مني شي مسلم اليوم

خلاها واقفة كتشوف فيه بعينيها ، عندها نظرة دشيطان خصوصا فاش كتعلي حواجبها لفوق ، شعرها الكيرلي نازل على وجها ، ثغرات عينيها فيه كيبان ليها رامي خطوات جيهت دروووج ، طالع ينعس وباغيها تخمل الدار كاملة بوحدها ، نزلات عينيها لداك الواد لي دارت بالعاني ، ورجعات هزات كتافها تكمل نعاسها فراحة ، ممهتماش لشنو غادي يوقع ليها وممسوقات ليه فمرة…

في أوطيل خمس نجوم فأس

جالسييين فغرفة كبيرة خداوها ، أمال غادة جاية كتفكر ، باغا تحماق ، متسرطاتش ليها كيف لاحها فالزنقة وكيف كيهدد صاحبتها ، وكيف شهد صابرة وساكتة على ودهم ، يديها مكمشاهم فبعض وعقلها غايب ، ماحيلتها لمروان ولا لمي رحمة ، وكمل عليها وسيم لي هبطووه يتبرد ، الحمد الله لي غادي يخرج بكفالة ، جلسات فواحد الكرسي يديها كيترعده ونطقات…

أمال … شافت فبسمة لي بدورها جالسة كتخمم ~ الى بقات معاه يقتلها بانلي مكايخافش ، دابا مين بحت عليه مزيان لقيته شخص ماشي ساهل معرفتش شنو نديرو غادي نحماق

بسمة … هزات عينيها فيها مغلوبة بالنعاس ونطقات ~ خاصنا بعدا نعرفوووو كيفاش نديرو نهربووها مين ديك دار ومن بعد نشوفو شنو نديرو

أمال … سخانة لاعبة عليها من لبارح حنيكاتها حومر ويديها باقييين كيترعده ~ هذا خاصه الحيلة صعيب نهربوووها منه يلقاها يلقاها

مريم … جمعات شعرها سفنجة عاطيها الحريق وشافت فأمال كتسولها ~ وهو علاش تزوجها ؟ مفهمتش شنو غادي يستافد ياك رزقووو لي دينا ليه رجعوووه شنو باغي مزال ؟

أمال … ضحكات بمرارة ~ فلوووسو ؟ على اشمن فلوس كتهضري واش عارفة هذاك شكون ؟ راه غندووو رزق لي ولاد ولادو يعيشه فيه ، سكتات شوية كتفكر فكلامه ورجعات هضرات ~ هداك باغي يعذبها قالي ضحكتولي على مي وبكيتوها وشوهته بعائلتنا يعني غراضه ماشي الفلوووس عراضه حاجة اخرى امريم ، انا خايفة غير على كارما

بسمة … تفكرات نهار لقات لطيفة فصالون كبيييير ديال صبا وسمعاتها كتهضر مع البنت لي كدير ليها المساج على ولدها ، وفاش شافتها مزلگة ذهب قالت هادي هوتة صحيحة ودخلات بيناتهم كيف سوسة وقدمات ليها كارما على أساس انها بنت مزيانة وشاربة عقلها وبنت عائلة ، مكانتش كظن غادي يكون ولدها بهاد النفوووذ وهاد القوة ، لاخت ليها شبكة وصيداتها حتى داو ليها ذهبها كامل وفلوسها وخلاوهم منشورين نهار ضريب صداق …

بسمة … نطقات وهي كتخمم شافت فأمال لي بدورها غادة جاية وباين عليها التوتر والخوف ~ جلسي لأرض ضوختيني ، ورجعات كملات كلامها ~ خاصنا نفكروووو مزيان فشي خطة ، وأهم حاجة خاصنا شي حاجة باش نتواصله معاها

أمال … جلسات حداها بدورها ضاخت ونطقات ~ كيف انديرو نوصله ليها تيليفون ؟

بسمة … كتفكر ~ لقيتها ياك قلتي البنت لي تما خته ولا معرف شنو كتجيه هي لي عاوناتك اوى سمعيني مزيان غادي نحضييوها حتى تخرج ونتبعووها ونعطيوها تيليفون تمده ليها

وسعات عينيها فور ماتفكرات نسرين ، وهزات راسها بالإيجاب ، ~ صافي هادي فكرة ناضية وعندي ياقين ديك البنت تعاونا … وبعد سيم والجيييم كلها تلاح فقنت نعسه راسهم عاطيهم الحريق وعقلهم كيفكر ، وأول خطوة خاصهم ياخده هي دار فين يبقاو…

صبح صباححح …

كان الويكاند كلها صابح ناعس ، شمس شرقات فالصالون ، كانت مليووووحة ناعسة ، وليزار فوقها مغطيييها ، شعرها مبعثر مليووح حدااااها ، وشفايفها زادو تنفخو مع ديك ضريبة لي فجنبهم زيناتهم ،،، كان بدووره فدووش فيقه ابيل جاته صباح ،،، دوش وخرج ملوي عليه فوووطة ، لبس لي لقاه فطريقه ، ونزل خاصه يقدي شي غراض ، نازل مع درووووج ، وعينيه كيقلبه عليها ، باغي يشوف واش سمعات كلامه وجمعات دار كيف قال ليها ولا رجعات نعسات وضربات كلامه فالحييط ،،، كيشوف فالصالون لول مجبد وكيشعل بالشعييل ، الأرض شوفي فيها وجهك ، كمل خطواته لصالون فين خلاها، بانليه بدوره كيشعل ، الأرض نقية وطلامط مجبدين ، شاف جيهتها لقاها ناعسة فواحد القنت ، عجبه راسه كيف شاف دنيا مجموعة كيف بغى ورضى ، ولكن شي حاجة مخلاتوش مرتاح كيف شافها ناعسة شعرها مكفح عليها ، وشمس ضاربة فوجها ، لي شافها ميقولش ابليس فصفة انسان ، هادئة فنعاسها ، ومتحرك بيضة ، وهي عافية وشيطانة ، بانت ليه كتحرك نعاسها خفيف ، فتحات عينيها كتشوف حداها طولته ، بللات حلقها وخنززات فيه ..

شهد … نطقات ورجعات تقلبات لجيهة تانية تكمل نعاسها ~ صباحته الله

غانم … طول فيها شوفة ، ورجع جبد ليها ليزار تا ناضت طافجة خلعها ونطق ~ قادي لفطووووووور قبل مانقاد ليييييك فمك بشي كروووووشي …ومع دايخة بالنعاس والجوع فيها حلات عينيها فيه بجووج كتفكر وهو يكمل كلامه ~ تحركي من قدامي قادي طبلة دلفطووور صابحة ليا خامرة عندي لوطيل هنا

شهد … لابسة ديك الكسوة دلبارح وهازاها لفوق صيگانها باينين نطقات وهي جووع فيها ~ طلق مني غانوض دابا نصوبه غير طلق

غانم … طلعها وهبطها كيشوف فكسوتها تفكر هاكا كانت ناعسة وهو يرجع يجرها من كتافها ~ شحال مرة قلت ليك وقري داري معنديش هنا كباريات تستري حدى واليدية وحتارميييهم قبل منعوقك من شي قنت

شهد … هزات فيه عينيها كبار مشفرين مقصحها ونطقات ~ معندي حتى شروييييطة فهاد دار منلبس بلى ماتبقى تغوت عليا كل مرة حيت معنديش حوايج منلبس

غانم … دفعها عليه كارهها ونطق وهو كيحمر فيها ~ مقلتي عييييييييب تحركي قادي لفطووور

تمشات حداه كتلوى وتكصول عليه ، لايحة شعرها لووور ونصها كيتهز ويتحط ، عندها مشية ديالها بوحدها ، مقررة تفقصه وطرطق ليه المرارة ، زفر بصوت مسموع كيمسح على لحيته مباغيش يهرسها ولا يزرق ليها وجها ، كيحاول يكالمي راسه ، خرج مع لباب وشعبل گارو قبل مايطلع فسيارته مكسيري….

يتبع...