الماكرة الجزء السادس

أمال … بملل ~ نعم اربيعة اش كاين عاود ؟

ربيعة … تمتمات مخصرة ملامحها~ اوى الله يخلف عليك مين مات مزارووه ، معرفتيني ميتة ولا عايشة ، واكلة ولا شاربة

أمال … تنهدات ونطقات ~ ياك خلصتك كل شهر كتوصلك مع زرييقة وتقدية تا هي اش بغيتي مزال ؟

ربيعة … غوتات عليها ~ علاه انا يهودية حتى نموت عاد تجي تشوفيني ولا كفاش؟ انا ماشي خالتك ؟ عدوتك انا ولا شنو نسيتي خيري هزيتك وصمتك وفالتالي حتى تزوريني مكتجيييش

أمال … تنهدات بملل~ ربيعة راسي مفرووع عليا من بعد ونجي نشوفك دابا ممسالياش واجبي راه دايراه معاك كيف نسالي شغالي نجي نشوفك

ربيعة … خيبات صيفتها ونطقات ~ جي عندي بغى نقوووليك شي كلام مهم على صاحبتك

أمال … سمعات سميتها وهي تحل وذنيها باهتمام ~ علاش مالها ؟ مفهمتش

ربيعة … طفات أخر شمعة مدوباها فواحد السطل ، ونطقات ~ صاحبتك واقفة فمشكيل ومشكيل كبييييير ، عندها أعداء كثيرة ، وكنشوف شي موووت جايا فالطريق ،

أمال … تهز قلبها بقوة كيخفق بخووف ونطقات مقاطعاها ~ ربيعة دخلي فالموضوع نيشان متحمقينيش على اشمن موت كتهضري عليها ؟

ربيعة …تمتمات فشي كلام ممفهومش وهي كترش ماء زهر مخلط بشي ماء اخر فديك السطل عينيها تقلبه ونطقات ~ قولييييييها تجي عندي فأسرع وقت ممكن ، خبالها معقدييين وصعيب يتفكه، خاصها صدر حنين وهاد ساعة مدورين بيها غير شياطين، علميها تجي دغيا وتكون لابسة لحمر ، باغيها بالأحمر هو لي يقدر يعاونها ، علميها تجيب معاها دبيحة وتكون باقة صغيرة …

أمال … تخلعات امال كتر وهي كترعد نطقات ~ يا ربي سلامة يا ربي غوتات بصوت عالي كتنطق ~ اعوذ بالله من الشيطان الرجيم خالتي متخلعينيش راني غانموت

تقطع الخط بوحدو، ولات كاملة كترعد ، كلام ربيعة فوذنيها كيتردد ، طاحت فالأرض مرعوبة وكتشوف فجنابها بخووف ، قلبها كيخفق بقوة ، سوارت لوطو فيديها طاحو ، حتى بقات كتفتف عليهم ، الحال مظلم يديها كيترعده جبدات تيليفونها مضوية وكتقلب دموع فعينيها هابطين ، كانو جوج رجال بعاد كيشربه ، شافوها من بعيد وناضو لجيهتها غادييين حتى وصلو ليها وهو ينطق واحد ميت بشراب ~ الغزاللة مقصرة بوحدك فهاد الليل ،،، لي معاه قرب ليها كيتمايل ونطق ~ تا حنا مقصرين بوحدنا

دفعاته عليها بقوة ريحته خانزة وغوتات ~ قووود من حدايا ..

كان متكي راسو موور الكوسان ، وحاضيها من بعيد حتى بانوليه واقفين جوج عليها ، شوية وصوتها بدأ يعلى ، بانتليه كدفع فواحد وتاني شادها بزز ليها ، تمتم بين شفايفه ونزل هاز معاه واحد العصية تقيلة ديال المخزن ، بخطوات سراع غادي ليهم ، وبلى ميعرفه راسهم باش تبلاو نزل عليهم لراس جابهم مجبدين فالأرض ونطق وهو كيطلعها ويهبطها مخنزز…

نايف … تحركي تقودي قدامي ..

أمال … مسحات دموعها وهزات عينيها فيه نفس الشخص نطقات وهي غادة قاصدة الطريق خاوية بوحدها ~ سير فحالك ماشي سوقك فيا ، معاك مغانشدش الطريق

نايف … دور على شعره بنترة وقصدها جارها من يديها خلاها كتركل ~ حتى تكوني انتي لي كتحكمي ،

أمال … دفعها فلوطو وطرق عليها الباب خلاها غير كتشوف فيه ، شوية وهي تبدأ تزدح فيها ~ فين دايني قلت ليك حل عليا هاد الزمر

نايف … دفعها من صدرها على لكوسان وجر ليها صمطة قادها ليها مخنزز ونطق ~ سكتي ولا ربط مك هنا مع شي شجرة ياكلووك دياب

شافت بين جنابها بان ليها غير الخلى والقيفار ، جمدات بلاصتها ونسات راسها فهاد البلاصة ، تمخشات فراسها بحال شي بنيتة صغيرة ، حتى ديمارا لوطو ، كيشوف فالطريق ومرة مرة يرمي ليها لعين يلقى دموعها هابطين بصمت ، مسافة الطريق وكان وصلها فين ساكنين ، عارف عليها كل شي ، وقف الطوموبيل ودار لجيهتها بانت ليها ناعسة ، أنار دموع على خذها، كتبان ليه بريئة وهي مولات العقل المذبر ، لي يشوفها ميقولش عليها هاكر وخطيرة فديكشي ، بعض من خصلات شعرها كيلعبه بعنف فوق خذها ، قرب ليها مخنزز شعور غريب فعقله كيتقاتل معاه ، حنن بصوت عالي باش تسمعه، حتى كمشات ملامحها فيه ، بيضة وبياضها بحال الثلج صافي ، حلات عينيها بان ليها وصلات لدار ، تقادات فالجلسة وشافت فيه قبل ماتنزل ونطقات ~ شكرا

مسمعاتش حسه ، كان مترقبها ومترقب تفاصيلها، حتى نزلات وتمشات حداه ، تبع ليها العين تا قربات تحل لباب ونطق ~ طوموبيلتك غذا توصلك ،،، وديمارا وزاد بحاله …

فالصالون ، مجمع عبد القادر ولطيفة كيهضره على الشوهة لي وقعات ، لطيفة دايرة ليمون مدوراه على راسها وحازماه ، شوهاتهم بين الغادي وجاي ، بحال شي شيطانة نزلات عليهم فالعرس وروناته ، شاف فيها عبد القادر عاطيها دواء ديالها وكاس دالماء

عبد القادر … طبطب عليها كيحاول يهدنها ~ الالة لطيفة دابا غاتبقاي هاكا حتى يطرطق ليك شي عرق فراسك ؟ وحاولي على راسك دابا يجيب الله العفو من عنده

لطيفة … شربات دواها وتكات ~ موحالش نكمل معاكم اسيدي عبد القادر هادي ناوية تقتلني ودفني قبل وقتي ، مقداتهاش الشوهة اللولة لي دارت لينا زادتنا بهادي تاني

عبد القادر … تنهد كيقول كينطق بلا حولة ولا قوة الا بالله ~ الله ينجيك ، سكت شوية وكمل ~ لطيفة البنت راه ولدك لي مجلسها معاه وهي مباغاهش و هضرت معاه وعيييت ، سيد متشبت بيها معندك مديري من غير تشوفي الماء مين يدوز

لطيفة … حطات يديها على راسها زند عليها ~ الله يغبر ليها الشقف ورتاحه منها هادي اسيدي عبد القادر موصيبة وبتالينا بيها كارثة وجا معتقنا منها ، غير الى ربي شاف منحالنا ، انا عيييييت والقلب غادي تسكتلوولي بالفقصة ، واش سيد زوجناه وهو باقي كيتقاتل ليا مع ديك الملقطة لا لا متقوولي والو اسيدي عبد القادر شي إِنّ تما ، كتويل وتقول شي ماوليييت راسها غايطرطق عليها بالحريق ….

تنهد عبد القادر ، فاهمها وعارف اش كيدور تحت راسها ، هما الوحيدين لي مبغاوش يعطيوها فرصة ويفهموها ويفهمو مرضها ، حيت بالنسبة لعبد القادر نصب والسرقة مرض خاص الإنسان يتشافى منه ، نوض معاه لطيفة ومشاو ينعسه يرتاحه يصبح ويفتح،،،

سي غانم جالس فبيته مشربن كيكمي ويعاود ، راسه مفرووع عليه ، باقي باغي يقتله ويكمل بيها ، صبره بدا ينفذ ومشاكلها بداو يكتارو ، كانت فالحمام كتقاد راسها لابسة سوميج دونوي دالحرير فالكحل ، كتحط اخر لمسات على وجها ، وكتشوف فراسها ، طالقة ليه شعرها لأول مرة يشوفو ، ماشي راجلها وزمانها، وحب طفولتها لي كانت تمنى ، اليوم ربي حقق ليها حلمها ، شعرها سرحاته على كتافها واصل ، وعويناتها جبداتهم بماسكارا مع لونهم زيتي جات زوينة ، لبسات فوق سوميج بينوار كحل ، ودخلات لبيت حشمانة وفالنفس الوقت غاطير بالفرحة ، شمات شي ريحة خايبة ، وهو يبان ليها فالبالكون واقف كيكمي ، جلسات على طرف سرير كتسناه ، حتى مرو دقائق كتيرة وهي تنوض دقات فباب الباكون حتى ضور وجهه فتح لباب وهي تنطق حشمانة …

جوهرة … تلبكات حداه ~ بغيت نقوليك دخل ليضربك البرد

غانم … باقي معصب ومشربن طلعها وهبطها بعينيه وكتافى غير بجملة وحدة وهو خارج ~ سيري تنعسي عندي شي شغال غادي نقضيه رتاحي ..

وداز من حداها ممعبرهاش ، مقدرش حتى يشوف فيها ، خرج من لبيت بكل سهولة و خلاها مكسورة الخاطر قلبها معصور بقى فيها راسها، وبحركة منو حول فرحة ل حسات بيها لحزن عميق، مكاينش ما خيب منو موقف راجلك ل من شحال ونتي تحلمي وتخططي وتقراي كتوبة وكيفاش تعاملي معاه فأول ليلة غتجمكم بزوج ول غتولي فيها مرا كاملة ناضجة على يديه يخليك ويسد الباب، سمعات وسمعات على هاد ليلة حتى عيات وعمرها دازت على وذنها راجل خلا مرتو حلالو وبات على برا ، حيتكتبغيه عيات تخلق ليه اعذار تا حاجة ، بالحق ملقات حتى حاجة تغفر زلة ل دار ، خلاها لابسة ومزينة بشوميزها ل عزلاتو ولبساتو بشهوة.

وبغات تشوف ردة فعلو ،عليها بعينيه كيفاش وهي قدامو بشعرها مفتوح و زينها ل شحال مخبياه غير ليه جا ليوم معبرهاش ومخسر عليها حتى نص كلمة تحسسها بانوثها بالعكس قمعها وحتاقرها وحسسها بلي مكتسوى والو فحياتو، وصدات الخدية كتبكي فالصمت ، نعاس طار ليها ، ودموعها فزكو خذيتها ، وهاكذا دارزت ليلتها لي كانت تحلم بيها ظلام فظلام ….

صباح الصباح ، فاقت لطيفة بكري كيف موالفة ، نقات دنيا رجعاتها كتشعل بالشعيل ، ودخلات الكزينة قادات فطور مبرع لعروستها لي فرحانة بيها ، مخلات مخمر بطبوط الحرشة گاع لي تشهى خاطرك ، العصير ديال ليمون معصر على اليدين وقهيوة كتقاد المجاج ، براد ديال اتاي مشحر بليقامة ، بدات تستف فالطبيلة ، كتزوق وتعاود ، حتى عمراتها كاملة وزوقاتها ، نزلات نسرين تعاونها ، كيف العادة من صغرها علماتها شغال وحادگة بحال مها ، بدات تستف معاها وتقاد ، وجمعات الروينة لي فالكزينة، غسلات ديك الماعن ونقاتها ، شافت فيها لطيفة مطلعة حواجبها لفوق وجراتها من يديها تسولها،…

لطيفة … باستفهام ~ اجي انتي معرفتيش خووك لبارح مالو ؟ ومعامن كان يغوت برى؟

نسرين … شافت فيها ونطقات ~ شفته مع صاحبه ديك شهب لي كان يجي لدارنا شحال هادي ،كانو يتغاوته معرفتش شنو واقع امي

لطيفة … عوجات وجها ونطقات ~ متجيبي خبار مسگدة كيف لالياتك ما والو ، غير جالسة وكتشوفي بعينيك !! وتحركي تحركي من قدامي

نسرين … هزات صينية وخرجات ~ الله يهديك امي

فاقت مهلوكة گاع ذاتها كضرها ، راسها كيزدح، وعينيها منفوخين بالبكى لي بكاته لبارح ، الماسكرا تجلخات كاملة على وجها ، حطات يديها عليه كدوز وكتفكر لبارح كيف كانت فرحانة وفالأخير مشى وخلاها ، مقدرش حتى يشوف فيها ولا يجلس معاها فالنفس البيت ، رمات الغطى بشنتة وناضت عقلها كولو معاه ، وفالنفسها كتقول يمكن مشوى عندها وخلاني ، لحماق بغى يسير عليها ، دخلات لدوش دوشات ودموعها باقين نازلين ، عاد خرجات لبسات قميصها طويل نشفات شعرها وقادات شالها ، لبسات بليغة هزاتها من شانطتها ، ونزلات مع درووج كتشم ريحة الفطور من بعيد، شهية مشدودة ليها ، صاطت على وجها الريح باش عينيها ميبداوش تاني يدمعه ، ونزلات لقاتهم جالسين ومعاهم غير عبد القادر …

جوهرة … حنات راسها ونطقات ~ صباح الخير عليكم وبصحتكم

لطيفة … شيرات ليها لجيهتها ~صباح النوووور …. زيدي الحبيبة ديالي جلسي حدايا يا المنورة داري

جوهرة … تبسمات فعز حزنها وقربات جلسات حداها ونطقات وهي كتشوف فالطبلة ~ علاش عذبتي راسك كون تسنيتيني عاونتك اخالتي

لطيفة … تبسمات ليها وطبطات على ضهرها ونطقات ~ عذابك راحة ، قربات لوذنيها ~ مرتاحة ابنتي كل شي على خير ؟

جوهرة … بحال الى قاصت ليها الوتر الحساس نطقات بحزن وهي حانية راسها ~ لباس اخالتي لباس

هزات عينيها لطيفة فيها بانت ليها ماشي هي هاديك ، سكتات حتى لمن بعد وتسولها ، بداو الفطور فالصمت كياكلو جوهرة كون ما لطيفة بزات عليها نعمة متحطهاش فمها الفقصة قاتلاها، قلبها محرووق ومشاعرها مهرسين ، …عبد القادر غير كيشوف وكيفطر وساكت ، كيتفرج فهادشي معاجبوش ابدا ، وهو كيفكر كاسو دالقهوة فيديه هازو ، سمع خطواتها هابطين ، لابسة كسيوة طويلة لقاتها مع الحوايج لي شرى ليها هي الوحيدة لي فيها ضو … وشعرها مطلووق كيمشي ويجي معاها ، مدايرة والو فوجها بصح متيرة فكلتى حالتها ، فورمتها هي سبابها وهي لي جايبة ليها العين … باقة كتفوووه ريحة المخمر لي شمات هو لي هبطها ، تفكرات مي الرحمة فاش كانت كديرو ليها ، شافت فيهم لقاتهم مجمعين وهي تنطق …

شهد …. صباح الخير عليييييييكم

طولات فيها ومشات جلسات جيهت عبد القادر ، لي رجع ليها صباح الخير ، بلى متشاور ولا تسنى كبات ليها كاس ديال اتاي وهزات ملوية حطاتها فطبسيلها ، جرات زبدة والعسل وبدات تذهن وتبنن، مداياهاش فعين جوهرة لي كلاتها وكون صابت تقتلها متكره ، لطيفة كحلات بالعمى فاش شافتها، وخصوصا كتفطر من الفطوور لي هي وجدات ، حلفات كيف حرمات عليهم لبارح العرس اليوم تحرم عليها هاد الفطور لي هي ممصاوباهش…

لطيفة … خلاتها حتى سالات من ذهييييين وهي تجر ليها الطبسيل من يديها وحمرات فيها عينيها ~ نووووضي الله يغصبك المغصوووبة ، فاش فقت صباح على النبووري نقاد الفطور كنتي ناعسة صابحة ليا مبشحة مع راسك ،و دابا جايا بلى حشمة بلى حيا تفطري فطوري لي انا مصاوبة ، اوى والله لذقتيه وفكرشك لطاااح ، نوووضي درقي عليا كمارتك صبحتووو لله ومصبحت عليك اوجه الويل

عبد القادر … خنزز فيها معصب وجر ليها طبسيل حطووو قدام شهد ونطق ~ حشووووومة يا هاد المرأة ماشي حنا يهوود لهاد الدرجة نحيدو ليها النعمة من يديها ، حشمي وخلي البنت تفطر الله يهديك

لطيفة… مرضاتش وخصوصا معصبة منها على ديكشي ديال لبارح وشوهة لي شوهاتها ولات جرات ديك الطبسيل ونطقات وهي مغزفة عليها ~ اوالله ميطييح فكرشها ، تمشي تعجنه بيديها انا ماشي خدامة هنا عندها ، وزايدون هادشي وجدته لعروستي ماشي ليها …

جوهرة … نطقات وهي كتشوف فشهد وتقلي ليها سم بعينيها ، عجبها الحال فيها ، نطقات وهي كطبطب على ضهر لطيفة بحنان ~ متقلقيش راسك اخالتي ها سكر عاود غادي يطلع ليك صحتك اهم من اي حاجة عندنا اخالتي ~ وشافت فشهد كطلعها وتهبطها بعينيها

شهد … رمقاتها من قبيلة كتشوف فيها شوفات مهوماش خزرات فيها بدورها وناضت غادة لكزينة ~ هادي عندك أعذوزتي الله ينعل لي مينوووض نيت يصاوبهم لراسو…

خلات لطيفة محنززة عينيها فيها ، اول مرة شي حد ميحتارمهاش حتى جات هي ، شهد مشات لكزينة گفضات يديها ، وجبدات داكشي لي يصلاح ليها ، مي رحمة علماتها كل شي ديرو غير هي شادة ضد مع لطيفة اما توريها حنت يديها ، دازووو دقائق عديدة ، كانت قادات طبسيل متوسط بالبان كيك ، عمراته بنوتيلا وقطعات الفريز فوقو ، جا كيشهي ، دخلات لصالون وطبسيل فيديها ، خلاتهم غير حالين فمهم فيها ، وجلسات عمرات ليها براد ديال أتاي ، بلى كلمة بلى جوج بدات تاكل وتبنن فرحانة بشنو وجدات ، طلعاتها لطيفة بعبوس ونطقات …

لطيفة …. بكره ~ تاكلي فيييه جغذيذ السفلية ، دابا حداگيتي على كرشك نضتي وجدتي اوى يتبيقسر من شرك يا المشرارة..

شهد … فمها گاع عامر شكلاط جوباتها ~ الله يخلف على راجلي مسكني فدارو انديير ما بغيت ! ولا كذبت اختي نسرين ؟؟؟

نسرين … شدات الضحكة وهي تمد يديها هزات بان كيكة عامرة شكلاط ونطقات ~ هادشي اختي كيشهي نذوقو معاك

شهد … فمها عامر ~ كولي كولي راه الموت كدوور المهم نموتو شبعانين ماشي جيعانين وغمزات لطيفة

لطيفة … شافت فعبد القادر لي كيتنغم على كاسو ديال القهوة مدايهاش فكلام نسى ونطقات ~ شفتي ولدك اش دار ، صام صام وفتالي فطر على موصيبة

مجوبهاش گاع ناض من الصالون ومشى لجيهة لوخرى يشرب قهوته فراحته ، دخل كيتسمع غير الخلفة ديال صباطو القوية ، عيان ومهلووووك من لبارح وهو خاشي راسو فشي شغال ، مسالاهم حتى حس بالعيا ، عينينه دم وتحتهم كحل ، منعس مشافوو بغى يعذبها عذب راسو جاب لمرا باش يفقصها صدقت مفايقاش ليه من نعاس وممعبراهش گاع ، سلم على باه هو لاول ، عاد دخل لصالون، لقى عليهم السلام …

لطيفة … جوباته وهي فرحانة بيه ~ وعليكم السلام بولدي عمارت داري ، اجي ا حبيبي نقاد ليك كويس دالقهوة …

غانم … كان فعلا محتاج قهوة يقاد بيها المجاج ، راسه عامر مطارق ~ الله يطول لينا فعمرك الواليدة ..

قرب جلس اونفاص مع جوهرة لي كانت من جيهة نسرين جالسة ، وقدامها شهد ، مهياش فهاد العالم كتاكل وتبنن، عينيه دازو عليها ، قوصهم فحالتها ، فمها مجلخ بالشكلاط ، وصباع يديها تا هما ، متبع حركة صباعها لي كيدوزو على فمها كتلحسهم مبننة وترجع دوز بأتاي ، عينيه منزاحووووش عليها بتاتا ، واحد جوهرة الغيرة قتلاتها وحسات بإنذار الخطر ، كتشوف فيه عينيه كلاوها وهي مهياش فهاد العالم ، مقدرش حتى يسول فيها ولا يشوف حتى فيها ، دورات عينيها بغيرة قاتلة على شهد ، كتغزز سنانها بقوة وتحلف عليها ، كرهاتها وكرهات وجودها معاهم فالنفس دار ، مدات ليه لطيفة الكاس وهي تلاحضو عينيه غير فجهة وحدة ، نطقات وهي كتخنزز فيها ..

لطيفة … ولدي هاك شد شرب قهوتك غادي تبرد

غانم … شد من عندها الكاس بيه هاديك لي جالسة ممعبراهش بحال الى گاع مكاين ، جغم من كاسو ونطق وهو كيشوف هاد المرة فجوهرة~ مرتاحة ؟ ناقصاك شي حاجة ؟

جوهرة … توردو خضوضها بفرحة ودقات قلبها بقوة ذقه ~ اه مرتاحة واش انا خالتي كاملة معايا وغادي تنقصني شي حاجة !

لطيفة … عنقاتها كطبطب عليها ~ يخلي ليا بنتي الحبيبة لي تقال عليك تخفاف عليا

جوهرة … باست يديها ~ عارفة لي كاين اخالتي الله يطول لينا فعمرك

غانم … جغم من كاسو ودور عينيه ليها وهو كينطق ~ نووووووضي تگعدي بغيت نهضر معاك ، هزات فيه عينيها زعمة واش داوي معايا وهو يحمر فيها وغوت ~ تحركي قدامي

شهد … وقفات مفاهمة والو وطلعات حواجبها فيه كتغيضه بزينها الحار هزات طبسيلها فيديها وعينيها على لطيفة وجوهرة نطقات ~ لواحد اخالتي هو لي يدي معاه رزقووو منخلييييييهش مووورايا ، وهي تغمزها مكملة ليها الهضرة وهاد المرة عينيها على جوهرة ~ مووول شي وحتى شي { زعمة مول الدار وشي لاخر هو طبسيلها لي قادات}

خلات لطيفة مطرطقة فيها عينيها ، وجوهرة عينيها على هاذاك لي سبقها ، الوسواس كلاها باغا تسمع كلامهم وتعرف علاش بغاها ، واشمن موضوع علاش منوضها ، فحين هو وقف فسطوان ، داير يد فجيبه ويد كيحك بيها لحيته، باين على وجه التعب ، وراسو مطبووخ عليه ، قربات لعندهمخنززة وعينيها عليه، كتسناه يهضر ، واخا عارفة اش بيه وشنو لي مخليه مقوص عينيه فيها ،

غانم … من بعد ما طلعها وهبطها مزيان بعينيه نطق وهو قريب ليها ~ شنو كانت بينك وبينووو ؟ بلى دخول وخروج فالهضرة جاوبيني ؟؟ ، قتلو الوسواس الخناس وكيف أي رجل شرقي ، غادي يبغي يعرف اش كان بينو وبينها وعلاش هو متشبت بيها لهاد الدرجة …

شهد … هزات فيه عينيها كتقلي ليه السم بيهم ، ومع شفرانها كثاف نظرتها سيف ماضي حار ~ علاش انا سولتك واش دخلتي بمراتك ولا باقي ؟

غانم … عينيها لي كيدورو بلاصتهم خلاوه يزيييد يقرب ليها وينطق وهو محمر فيها عينيه ~ ها انتي قلتييييييها هاديك مراااااااااااتي ندخل بيها ولا لا ديكشي كيرجع ليا ! جاوبي بلى كترتة زواق فالهضرة

شهد …. بضحكة مستفزة قالت ليه وهي كتعوج عليه وتدوي بغنج ~ شنو زعمة غرتي عليا ولا بغيتي تحكم فيا ،الا غرتي نجاوبك اما الا بغيتي تبدا تحكم غنقوليك ديها فمرتك لي خديتي لبارح اما انا غير فوتني ندير لي قاليا راسي ونهضر مع لي عمر لي عيني

غانم …عض على سنانو مكنزز وشدها من ذراعها مزير عليها شوية وتگرض ليه فيدو ، جرها لعندو مخرج عينيه وسنانو لوبية عليا ~ والله ومتجمعي حتى نجمعك ونوريك نهضر مع لي عمر ليا عيني الا بغيتي نعميهم ليك جربي !!

شهد …توعتات ومبيناتش حالفة تا تفقصو وتقتلو بالبارد تركب فيهم سكر قبل ميركبوه فيها ، تضربهم بسلاحهم الا هو سلاحو يديه وفمو هي سلاحها دماغها كيف طيحات گرانو تجيبو تا هو فشبكة ~ الا نسيتي اتفاقنا نفكرك فيه ياك انا هنا غير باش تربيني ايوا ربيني وخليني نضبر على راسي راني نويت نتوب وعلى يد واحد اخر نذوب ونيت نجمع راسي ، مطلعة حواجبها وكتلعب بعينيها لفوق ..

وصلاتو لافان جرها وراه بحال لبكانو غادي مطلعها في دروج وهي كتغوت بلعاني ~ بشوية قصحتيني فيدي وا غانم يهديك الله حيد منك الغيرة ،فقصات لي بغات وهضرتها وصلات وذنين ضرتها لي وحلت ليها ماكلة وكلمة زوينة باش فكرها صباح جات دابا نساتها ليها شهد ، داها لبيتها خصاها مزدوحة على ناموسية حتى طلعت ليها الكسوة وبان لمخبي لقات لحاف …حداها غطات راسها بيه وكتهضر وتفقص فيه تكمل على ما بيه ~ جمع عينيك متشوفش شي حاجة مكتخصكش

غانم ….قوص عينيه فيها بعصبية ، ونزل عليها لفخاض بشحطة حتى توجعات وهي تنقز حنى جرها من رجيلاتها قبل ما تهرب وقرب ليها عاد نطق ~ بغيتي تووبي على يدي نتوووبك متخافيش ، ورجع جرها من فخاضها حتى جا جالس عليهم نص فصدرها قدامو ونطق ~ عندي كامل الحقوق عليك نشوف ونقيصك كيف بغيت

شهد ….قربات ليه كتر عينيها فعينيه وحطت ايدها على ظهرو بلمسة وحدة ترخى وهي تعطيها ليه لبين رجليه وناضت هربانة وقالت ~ فأحلامك اراجلي،انا هو داك القمر لي فسما لي غتشوفو غير بعينيك وعمرك توصليه ولا تقيييصوووو

أول لقاء ليهم مكانش لقاء عادي ، كان إعجاب كبير منو ليها ، عجبووو ديك التباتة ورزانة ديالها ، كلامها الحلو ولطافتها مع مو ، احترامها لذاتها ، وانها كتسمع لهضرة ، شاف فيها داكشي لي لقاه وبغاه ، بالمعنى الحرفي بغاها مراتو ليه بوحدو … واخا كان لقاء صغير بقات مرسوخة فبالو وعقلو ، هذا حال الرجال ، نهار الأول كانت غير خانزة وباغي يربيها ، وليوم الحرب عليها ، يخ منو وعينو فيه ، حتى شاف العين عليها ، وقلب صاحبو ليها ، عاد حلات ليه ، وبغى الروح عليها طيح ، معارفهاش ماكرة وتقدر طيحه وطيح جدودو

غانم ….قوص عينيه فيها بعصبية ، ونزل عليها لفخاض بشحطة حتى توجعات وهي تنقز حتى جرها من رجيلاتها قبل ما تهرب وقرب ليها عاد نطق ~ بغيتي تووبي على يدي نتوووبك متخافيش ، ورجع جرها من فخاضها حتى جا جالس عليهم نص فصدرها قدامو ونطق ~ عندي كامل الحقوق عليك نشوف ونقيصك كيف بغيت

شهد ….قربات ليه كتر عينيها فعينيه وحطت ايدها على ظهرو بلمسة وحدة ترخى وهي تعطيها ليه لبين رجليه وناضت هربانة وقالت ~ فأحلامك اراجلي ،انا هو داك القمر لي فسما لي غتشوفو غير بعينيك وعمرك تقدر توصليه ولا تقيييصو..

غانم …حط يديه على لي بين رجليه، مقوص حجبانو فيها العرق حمار ليه ، وقبل مايشدها هرباب لحمام وشدات عليها دفع لباب بقوة ونطق وهو كيتحييلف عليها ~ حلييييييييي دينمووو هاد الباب ، زاد غوت كيفرعها~ حلي راه اليووووووم ميفكك مني فكاااااك غير حلي بخاطرررك

شهد … قلبها بقوة كيضرب كحزات من لباب عارفاااه ميقدر يدير والو شداتها وحيدات حوايجها بقات صولو ودخلات تحت الدوش قبل ماتشعلو سمعاته صوتها ~ الى فرعتييبيبييه دخل لباب عرييييض عليك ومرحبا بيك اراجلي العزييييييز دار داركم ..

فتحات الروبيني مجهداه ، على محياها ابتسامة شريرة ، وهزات شامبوان ، كتحك شعرها ودندن بموسيقى ، خلاته بحال المصعووور برى يزدح فالباب ، باغي غير يوصل ليها ويعضها بسنانه ، مقدرش يصبر وهو كيسمعها كتستفزو بصوتها كتغني ، محس براسه غير فارع لباب تا تدفعات ، ودخل عليها ، قرب كيشوف فيها صولو واقفة حداه ، جسد انثى صارخ انوتة ، گاع ديكشي لي يعجبووو ، ثبت فيها نظرة عينيه سارحة عليها ، غير حسات بيه غسلات وجها دغيا وكحزات الحيط مدرقة صدرها فيد وتحتها فيد وهي كتغوت فوجهوووو….

شهد …. مصدومة من وقاحته ~ خررررررج عليا ، حدر عينيك وخرج

زاد قرب ليها كتر حتى فزگ بالماء ، عينيه فعينيها تا لصقات مع الحيط ، محصورة بين يديه الموشومة بطريقة غريبة ، محصورة بين نضرة عينيه لي كيتساراو عليها براحة ، قتالة فكل حالاتها ، الماء هابط عليهم بجوج ، قبل ماتحرك ولا دير أي خطوة شد يديها بجوج هزهم لفووق ، وهبط عينيه واخد راحته عليها ، بكل تمرد ، زاد لصق عليها كتر ، حتى خرجات عينيها فيه بصدمة ، وقح حتى فنظرة عيونه…

غانم … لصق كتر تا صدرها قاص صدررو ونطق وهو كيشوف فشفايفها~ ها القمر نزلناه الأرض وشفناااااه بقالي غير نقيصووووو اش بالك ؟

نظرته ليها ماشي نظرة كلب جيعان ! لا ! ، كيشوف فيها البنت الدرويشة ولي تعجب فيها نهار لول وبغاها حلالو ، فذارو تجلس معززة مكرمة ، معاه متنقصها حاجة ، عطاته وجه الملاك وخبات وجه الشيطان ، بغى ينساها يحيدها من بالو ، وهي والو سحراته بكلامها الحنين ، ونهار عرف خبثها الكبير ، ساسها بحال غسيل اليدين ، عيبها كبير ، ونسيانه تقيل ، زويييييينة وشيطانة ، كيف يدير ، عند بالو غايربيها بغسيل الرجلين ، عينيه حمارو فوور ما تفكر ثمتيلها لكبير ، خنزز فيها بكره شديد ودفعها على حيط …

غانم …. لاح سوميجة ديالو حيت فزگات بالماء ورجع طلعها وهبطها ونطق ~ كوووون انا بغييييييت نقيصك مكاينش لي يمعني عليك ، واااااايني ماشي معاك راحتي ، غمزها فايق ليها ونطق ~ متلعبييش بالنار حيت غادي تحرقك بووووحدك

وخرج من الدوش خلاها واقفة حالة فمها فيه ، هي بصح كانت باغاة طرطق ليهم القلب ، وتلعب عليهم گاع التحرميات لي كتعرف ، وايني هذا راه بزااااف ، نزق والبق ميزهق معاه ، صدمها جوابه كانت تقول دغيا يطيح ونعاود مدرتو ليه فلول ، باش نعلمو مزيان انا شكون ، ساعة ذيب تدار بيه غير مرة ماشي جوج ، ضربات ديك شمبوان تا طار لبعيد وشللات دغيا وخرجات كتخمم وعقلها كيخطط ، هي شهد والمعروفة بكارما ، كارما لي رجال بشلاغمية لعباتهم ، كيفاش هذا متقدرش عليه ، صعيب وايني ماشي عليها ، دخلات هزات بيجامة لبساتها ، وخرجات نشفات شعرها ، باقة كتخطط ، فحين هو دخل لبيته وشد عليه ، باقي شاعل وصورتها بين عينيه، مينكرش شد راسه بزز عليه ، جرح عميق ، شحال من قلب غارق فالهم بلى مايتكلم ، لبس عليه دغيا وخرج هابط مع دروج مدخلش للصالون ، خرج من دار كاملة يتكييف وفعينيه مساجاته الكثيرة عليها ، تغلغل عليه ، مور العصى لي كلى باقي كيسول عليها ، باقي باغي يعرف احوالها ، ركب مديماري وراسو كيزدح ، وقصد طريق عند نايف ….

دخلات عليها نسرين كتجري وخاضية معاها وهي تمد ليها تيليفون لي عطاوها مخبياه عندها ~ جاوبي امال من صباح وهي تصوني انا هنا نحضيهم ليك

شهد … فتحات الخط وجاوباتها ~ هانا أمال ! اه اه لاباس وانتما ؟

أمال … تنهدات ~ الحمد الله ناري تخلعت من صباح وانا نصوني عليك !

شهد .. جلسات على طرف السرير وتنهدات تنهيدة طويلة ~ أمال أمير بان لبارح ودابزو هو وغانم

أمال … حطات يديها على فمها مصدومة ~ نووووووو كيفاش ؟ فين لقاك

شهد … زيرات على يديها ~ معرفتش لمهم صدقووو صحاب وشافتي نهار عرسه ، المشكل الكبير هو تحداه قدامي قاليك يتزوجني

أمال .. حالة فمها جاسات حداها مريم وبسمة كيسمعو ~ اويلي شنو كتقولي ، واش هذا هبل دينا ليه فلوسو وطوموبيلته وكتقولي مزال باغيك متحمقينيش

شهد … قوصات حجبانها ونطقات ~ راه انا براسي مصدوومة سيد لاصق وتقاتلو واخا هكاك قاليه يطلقني

بسمة ..نطقات وهي خاطفة تيليفون من يد أمال ~ اجي نقوليك علاش لي مديريهش الطريق يخرجك من تما ويدييك لإسبانيا نيت نضربو عصفورين بحجرة وحدة

شهد … طلعات حجبانها لفوق كتفكر~ فكرت فيها مبلانش عاود نحصل معاه فإسبانيا منقدش نهرب غير هادشي غانم ماشي ساهل يلقاني يلقاني خاصني نتهنى من مهدي هو لول عاد نشوف أمير

أمال … خطفات ليها التيليفون ~ كارما سمعي انتي دابا متفكري فوالو حنى حاضييين تحركاته انتي غير رتاحي وسلكي مع داك المجعور علام لقاو حل

شهد … سمعات صوت نسرين كتقولها قطعي ~ أمال من بعد ونكملووو وشكرا على الحوايج لي عطيتي لنسرين وصلوني …

قطعات الخط دغيا ومدات ليها تيليفون خباته فصدرها ، شافت فصطوان وهي تودعها هربانة ليشوفها غانم ، وتحصل ويضيع كل شي …تنهدات كتشوف فالبيت ، من نهار دخلات لهاد الدار وهي محصورة بين ربعة دالحيووط ، لا خروووج ولا دخووول ، حطات يديها على راسها كتفكر ، متنفعها معاه غير الحيلة وتحرميات الى كان هو جبل هي طيارة ، بقات جالسة وفتالي ناضت العطش قتلها ، حلات البيت وهبطات نيشان لكزينة ، شربات وهزات معاها تفاحة

كانت طالعة فالدروج ، كتشوف فيها بكره شديد ، عينيها متربصين عليها ، تسناتها حتى طلعات شهد ، راسها عاطيها الحريق ، باغا تكمي حاسة براسها مقطووعة ، عينيها بحال دم حمارو ، خصوصا فاش شمات ريحة فمو عامرة نيكوتين ، حاولات تنساها ولات رجعات ليها ، طلعاتها وهبطاتها جوهرة بكره ، عينيها شرار كيطلقه ونطقات قبل ما تخطاها شهد وتمشي

جوهرة … طلعاتها وهبطاتها عاد تكلمات ~ امممم تايقة فراسك بزاااف !!! عند بالك شي حاجة !؟

شهد … قربات لعندها وربعات يديها ~ باغدووون شكون سيادتكم بعدا ؟

جوهرة … خنززات فيها الحرقة فقلبها كتقتلها ~ انا هي لي غادي تجري عليك من هاد الدار فأقرب وقت ! جوهرة تفكري سميتي مزيان حيت مبقاليكش بزااف معانا

شهد … قوصات فيها حجبانها وضحكات بغرور ~ بغييييييت نشوفك نيييت علاش قادة ! الى خرجتيني من هاد الدار نعطيك احسن گادو فحياتك ، قربات ليها لوذنيها ونطقات بصوتها كفحيح أفعى ~ والى شيطان عماك وقربتي لجيييهتي غادي تكوني جبدتي البلى عرفتي علاش ؟ حيتاش انا هو ابليس شيطان بعينيه ، ودفعاتها عليها وكملات طريقها بابتسامة مغرورة ،

حسات بإنذار الخطر كيضرب ، دابا عرفات بلي هادي ماشي ساهلة كيف تخايلاتها ، هادي حية وشيطانة ، ومكتخافش ، زيرات على يديها بقوة ، وهبطات لتحت ، جلسات بيناتهم تقول جالسة على الشووك ، راسها يخمم حتى تعاشت العشية وجا ليل ، عاد طلعات ، كتشوف راسها بين ليلة وضحاها تزوجات ، وفين هو الراجل ؟ حسو مكاين ، تنهدات وهزات طيليفونها صونات على مها ….

جوهرة …. كيف جاوباتها نطقات بصوت مضيووووم ~ مي لا !!! ملبااااسش من لبارح مهضر معايا مقرب ليا مشافش حتى جييييهتي

رشيدة … تنهدات بصوت مسموع عارفة بنتها كتموت عليه ~ سمعيني ابنتي خاصك تصبري انتي عارفة غانم كيخدم وعامر مطارق ، وزيد عليها عندو امرأء اخرى ، دابا غادي تنوضي وضربيها بتدويشة حكة وهردة قاديلو راسك ، هو ميمكنش يخليك هاكا ضروري ابنتي من ديك الليلة راه كبير وكيفهم

جوهرة … تنهدات ~ والى مجاش امي ؟ دابا انا غانبقى هاكا راه امي من لبارح منعسش فراشنا

رشيدة … ديري لي قلت ليك تگعدي والى بات فشي بيت اخر نوضي تبعيه متخليهش ليها ،

جوهرة … زيرات على يديها بقوة ~ فأحلامها منخليهش ليها واخا نعرف نقتلها

قطعات الخط كتنهج وعينيها قطرة دم ، الغيرة تملكاتها ، عقلها غاب ومحدو ملمسش جسدها كتبغي تحماق ، فكرة انه باقي مقرب ليها جهلاتها ، كتفكر كيف كان شادها، وكيف كان كيشوف فيها العقل كيهرب ليها ، دخلات للدوش ضرباتها بهردة وحكة ، روايح لي برودويات كتفوووح منها ، صاوبات شعرها ، وهزات قميص تلبسه حيت غادي يتعشاو مجموعييين ، جبدات بينوار خفيف مع دوبياس فالأحمر ، حالفة اليوم تجيبولفراشها وعلى يديه تكمل ، حطات عطرها الخاص ، قادات شالها وهبطات للصالون…

لالة لطيفة من بعد محادثة طويلة مع سي عبد القادر وأخيرا قبل وهز طيليفون دوز ليها الخط ، وحيت هو بعيد على هادشي تكلمات هي بلاصته…~ اهلا مساء الخير والخمير بولدي أمير كيف نتينا ؟

أمير … بعد ما تعجب لمكالمة عبد القادر جاوب بهدوء ~ لاباس الحاجة انتي مزيان ؟

لطيفة … كتبتاسم وتجاوب بأدب ~ يخليييك ليلي المرضي ، راني طيبت شهيوة لي كتبغي ، وقلت نصوني لولدي يجي يتعشى معانا ضروري وحوووف حووف عند ميمتك هاني نعاين فيك

أمير … قرص حجبانه كيحترمها بزاف وبحال موو نطق ~ هاني الحاجة شي نص ساعة نكون عندكم

قطعات الخط وهي كتبسم ، مدات تيليفون لعبد القادر ونطقات ~ اوى مالك ! ها هو جاي غير انت الله يهديك اسيدي عبد القادر ، خلينا نعرفوووهم علاش دابزو

عبد القادر … خنزز فيها ونطق طالع ليه الدم ~ اوى بايلي فيك كتفتش على جوى منجل وعلى الطربوش العجل وعلى سروال الجمل ، كتقلبي على خزيت فهاد الليل يا هاد المرأة

لطيفة ….خيبات وجها فيه ونطقات ~ اوى يتبيقسر اسيدي الى كان تفاح من يدينا فاح والى كان الحبق من يدينا سبق ، حنا لكبار حنا نصالحوهم ، ولاد هاد الوقت هما هادو اش نديرو؟؟؟

عبد القادر … هز يديه لفوق بلاحولة وناض ~ انا بعييييييييد اخدم شغلك راك فالكفاية

ماشي كلنا كنعيشو رفاهية لي كنكونو كنحلمو بيها فصغرنا ، طبعا بغينا وبغينا نكونو تا حنا ولد هاذا ولا هادي لي عندهم سمعة فالبلاد ، كاين ربي عطاه تا غناه ، وكاين المسكين الجيعان لي ملقاش طرف دالخبز ياكلو ، كاين لي يسرق وكاين لي يبيع الممنوعات باش يقول تا انا عندي الفلوس ، وكاين نوع اخر النصاب ، لي بالنسبة ليه الطريقة الوحيدة باش يربح الفلوس هي النصب على عباد الله ، كارما … البنت اليتيمةلي حلات عينيها على امرأة كبيرة لي هي مي رحمة ، كبراتها وهي لحيمة صغيرة فالميتم ، لا أم لا أب لا حنين ولا رحيم ، البنت الرهيفة لي أي حاجة كتجرحها وتبكيها، حساسة وضعيفة ، كانت تشوف وتسمع على الغنى والمال ، محور حياتها تكون ، وتعطي لناس المحتاجين وتكون هي شي وكل شي ، البنت المحرومة من العاطفة ليس لها لا مشاعر ولا قلب ، تكونات طفولتها بوالو لقات راسها وهي صغيرة كتحلم بشي حوايج بعاد وكبار عليها ، حتى دارت 18 السنة الوقت فين عندها جميع الحقوق باش تخرج من الميتم وتبدأ حياتها ، لقات راسها لجأت لطريق طويلة وخطيرة ، لعبات على رجال بنساتهم ، ضحكات على هذا وذاك، ماشي غير هادشي بعد النصب ، كانت تلجأ للسرقة ، كتسحر لكبير وصغير بفتنة جمالها ، لي هو سلاحها الفتاك ، ناسية بلي لقب كارما لي تعطى ليها ماشي لقب عادي ، وإنما لقب ممكن يرجع على مولاه ،،،، لهذا واش كضنوا كارما غادي تاخد تاهي حقها من هاد الإسم ؟

بعد مسافة قصيرة ، وصل للكوميسارية الكبيرة ، لقاه جالس داير قهوة وكيتسنى فيه ، فيديه تيليفون فين كيوصلوووه مساجات على أمال وعلى روتينها كامل ، اش كدير وفين كتمشي وفين كتجي …

غانم …. حنحن بصوت مسموع وتسالم معاه عاد جلس فالكرسي لي أنفاص معاه ~ افين العود !!

نايف … حط تيليفون حداه وتكلم ~ اممم شي امرأة كبيرة رفعات شكوى كتقلب عليها ~ وحط ليه صورتها قدامو ~يا الله وصلوني ليوم بحثت عليها لقيتها هي المرأة لي رباتها اسمها رحمة …

غانم … طول فيه الشوفة ونطق ~ ديييير خدمتك تا تعيا وتمل وتمشي بحالها

نايف … تنهد ونطق ~ شنو غادير معاها ؟ … جبد شي وراق منهم ملكيات كثيرة ونطق ~ شنو نديرو بهادشي ؟

غانم … بعد تفكير طويل ~ رجع زمر لماليه ، وراك عارف مبغيتش اسمها يتعرف ولا يبان

نايف … جمع ديك الوراق وهز كاسو جغم منه عاد شاف فيه ونطق ~ ايييييه مجاوبتينيش شنو غادير معاها ؟

غانم … هز كاسو بدورو ونطق وهو كيخنزز فيه ~ والوووووو تما فديييييييك الدار غاتبقى خاصني ديك ولد ل **** د أمير يخرج من طريقها يحيدها من بالو وديك ساعة الحساب ديالي معاها جاي فالطريق

نايف … شاف فيه باستفهام ونطق ~شكون أمير ؟؟؟ هو اش جابو ليها ؟

غانم … فرق رجليه وشعل گارو كيتكيف بيه ونطق ~ كانت نصبات عليه ، حنا فالوقت لي كنا متبعينهم معرفتش كيفاش وقعلي مشيت لفرنسا تلاهيت هو كان هبط لمغربب كنظن تما تعارفو…

نايف … قوص حواجبو ونطق ~ ودابا اش بغا منها ؟ غراضو فاش ؟

غانم … كرز على يديه معصب غير تفكر اش قاليه صعر وشداته الصعرة~ قاليك بغاني نطلقها وهو مستاعد يتزوجها

نايف … ضحك بصوت عالي ~ واش هذا منيتو ههههه

غانم … حط الكاس من يديه وناض ~ غايشوف لي عمره شافو معايا الى قرب لحيهتها..و خرج من بعد ما تسالم معاه وكلف لي يحضيييه ، عاد ديمارا وتحرك ،،،،

لابس أغلى ماعندو ، ساعة فاليد وريحة من بعيد تشميها ، بطموبيل خاصة حطاته حدى الباب ، مشمووم ديال الورد كبير حاطو حداه ، سيگار فيديه كيتكيف، وعقله كيخمم ، مفهمش سبب اتصال عبد القادر ليه ، وعلاش لطيفة أصرات انه يجي ، واش فخبارهم سبب نقاشهم ، ولا اش واقع ، بزاف ديال الأسئلة كدور فراسه ، فحين لطيفة وجدات شهيوات لي كيبغي ، تعطرات وتقادات جالسة كتسناه ، فجنبها جوهرة حاطة يديها على خذها كتفكر ، الحزن باين على وجها ، وعبد القادر فالصالون لهيه كيتفرج فالكورة ، واحد نسرين كتقاد وتزوق فالطبلة ، دقائق قليلة ، وهي تشوف خيالها نازل ، لابسة قميص خفيف مزير من الخصر ، والصدر مشدود باين قداش ، وديك الطرماحة كتهز موراها ، طالقة ديك مولايا سالف حداها ، گلوز فقط لي فمها كيبري ، طلعاتها وهبطاتها لطيفة ، فحين هي مشات جيهت طبلة شهاتها …

لطيفة … خنززات فيها ~ اش جاب كمارتك ليا فهاد الليل !! درق عليا زلافتك من هنا

شهد … بابتسامة جاوباتها دايرة راسها مسمعاتهاش ~ كيبالي شي وليمة هادي بلى بيا , وجلسات حداهم دايرة ليها الضد

لطيفة … بقوة لي محاملاهاش فينما كتلقى الفرصة كتبداها بالسبان ~ سير الله يعطيك الشليمان القاطع يضرب باباك

شهد … قلبات عينيها فيها بملل ~ أ امين المدعين

جوهرة … كانت جالسة حتى شافتها بحال الى شافت جنية حداها شدها صعر عليها وغير شافت لطيفة دايرة خدمتها جلسات تفرج فيها وتشفى..~ خالتي خليك ناشطة كاينين شي ناس مكيعجبهومش الحال كيف يشوفوك فرحانة

لطيفة … طبطبات على يديها ~ يخلي لي مولات العقل ، كتشوف فشهد وتهضر ~ شوووف زين وتباتة شوف النقاوة والنخاوة ، ماشي كيف بنت بابا كبير نغاز الحمير ، يا محسوكة السنين …

شهد …دارت رجل على رجل تا بانو صيگانها ونطقات وهي كطلعهم وتهبطهم ~ واخا بنت بابا كبير ، ولدكم حبني وعشقني ، القلب خذيتو والعقل ديتو ،،، كتحشي الهضرة لجوهرة وضحك …. اش بغيت بشي النقاوة وانا كولي نخاوة الالة لطيفة ؟؟

لطيفة … طرطقات فيها عينيها ~ يشويني فيك يا الويل يا لي ولداتو الويلة وسماتو مولاي الويل ، ونووووض نووض قبل مانتبالى بيك فهاد الليل .

قبل ما تجاوبها شهد ، سمعو دقان لطيفة ضربات الطم بقات كتعطيها غير من تحت لتحت بعينيها ، عبد القادر خرج حل الباب ، شهد كطلع وتهبط فجوهرة بغروور عاجبها راسها وكتقلي ليها السم وضحك ، وهي غاتموت فسمها مكرهاتش طير عليها وتعضها ، سمعات صوتو داخل وهو كيتبسم ويضحك مع عبد القادر ، شداتها الساكتة والصدمة ،فيديه الورد وهي كتشوف فيه واقف بطولته وتجريدته ، عينيه مشاو ليها ديريكت كيطلع ويهبط فيها ، وهي بدورها كتشوف فيه ، تفافات ومعرفات باش تبلات ، قرب كيعنق لطيفة وعينيه عليها مد ليها الورد ، ومن بعد سلم على نسرين وخربق شعرها، كيشوف فيها ويتبسم ، وقفات لطيفة بيناتهم وقدمات ليه جوهرة …

لطيفة … شدات فجوهرة بحنان ~ وهادي الغزالة ديالي مرات ولدي غانم جوهرة

أمير … عينيه مشافوش فيها ابدا ، عينيه فقط على لي واقفة حداه ، حرك براسه وحناه كتحية ونطق ~ تشرفت بيك ختي ومبروك عليكم

لطيفة .. جراته جلس حداها كتبسم وهو حلف مينزل عينيه عليها ، لاحظاته حوهرة فين كيشوف بقات حاضياه وهي تعاود تشوف فلطيفة نغزاتها غير بالشوية وبعينيها كتوريها تا لاحظات لطيفة عينيه وهي تنطق ~ ولدي أمير هاديك شهد غير ضيفة معانا …

أمير … شاف فيها وتبسم عاد مد يديها ليها ~ متشرفين لالة شهد انا أمير

شهد … مدات ليه يديها بدورها باقة تحت تأتير صدمة مزال مفاهمة هذا اش كيدير هنا ~ شكرا

ملمس يديها رخاوها مبغاش يطلق منها ، كيشوف فعينيها ويديه القوية مغطية بنية يديها صغيرة ، كيتلمس فيها بحنان مساخيش بيها ، عينيه كيقولو ليها بزااااف دالحوايج ، عبد القادر متبع الفيلم ، جاه تصرفات ونظراته غريبة ،

عبد القادر … نطق باغي يجرو لحداه مرتاحش لنظراته ليها ~ جلس اولدي رتاح

فكات يديها منو بصعوبة ، وتحركات جيهت الكوزينة كتجري تشرب الماء ومنها تفهم اش واقع، رمقها تحركات وهو يحنحن من عبد القادر ناطق ~ الحاج غانمشي نغسل يدي قبل ما نبدأ فهاد الخير … مخلاهش فين يجاوبه وهو ينوض كيخلف تابعها ، يا الله وقفات كترد نفس حتى شافته وقف عليها بحال ملاك الموت ، كيطلعها بنظراته الغريبة ، كلهم شووووق لهفة وشهوة ، طرطقات عينيها فيه فاش شافته عيق بشوفاته وهي تنطق …

شهد … رفعات صبعها بتهديد جيهت عينيه ~ شوووف سمعني مزيان رزقك وطوموبيتلك غادي يوصلوووك غير خرج سير بحالك مديرليش شوهة

أمير … قرب لعندها تا عطاته ريحتها لي عشقها ونطق ~ وشكون قاليييك انا باغي رزقي أ عبير ؟

شهد … طرطقات عينيها من قربو وكحزات شوية ساعة معامن هي زاد قرب منها تا كلاها مع الحيط~ ش شنو باغي مني ؟؟؟؟ هضر خلينا نسالييو هادشي هنا

أمير … عينيه كيدورو على وجهها بلهفة نطق ~ بااااغيييييك انتي ، تكوووووني ديالي انا

شهد … تحاصرات بين يديه كتقول غير اش هاد المصيبة طحت فيها ~ م ميمكنش ا انا مزوجة

أمير … قاطعها وهو كيضحك~ مضحكيش على راسك ! على اشمن زواج كتهضري؟ كاين شي راجل كيمشي يجيب امرأة اخرى ؟ كاين شي راجل مكيديهاش فمرتو ؟ كاينة شي عكوزة كتقول على مرأة ولدها هاديك غير ضيفة عندنا ، مضحتيش على راسك وعليا ! انتي عارفاه مزيان اش باغي منك !!! انتي غير قوليلي اه باغاك وغانديك بزز من العالم كامل اش قلتي ؟

شهد بللات حلقها ، وقبل ماتعطيه حتى جواب سلتات من حداه وخرجات كتجري ، كانت باغا غير تفك منو ، مباغاش ينوض شي مشكيل فهاد الليل ، أو بالأحرى مغاديش ترضى قدام جوهرة ترقع شي حاجة وتشفى فيها ، حدها رجعات لبلاصتها ، كأن شيئا لم يكن ، ودقائق موراها رجع مبتاسم ، جلس حدى عبد القادر عينيه عليها ، ونطق …

أمير …. سول عبد القادر ~ الحاج فين هو غانم

على ذكر أسمو دخل مخنزز معاجبه حال ، راسه كيزدح عليه ، تفاجأ بشوفته فداروه ، مفهمش اش كيدير هنا ، عارفو ميقدرش يجي بلى عزيمة عمرو دارها وميقدرش يديرها ، واخا صحاب وعشرة ، قوص عينيه كيشوف فيها تا هي معاهم ، كمش يديه بجوج بعصبية وهو كيشوفها لابسة قميص لاصق عليها ومبين تفاصيلها وجايها غزال ، قرب بخطوات عراض عينيه عليها هي فقط ، ونطق وهو كيشوف فأمير هاد المرة ..

غانم …كون علمتينا بزيارك اسي امير شهاد المفاجأت الخاوية

أمير … تسالم معاه سلام رجولي لي شافهم ميقولش هما لي كانو يتقاتلو بالبوني ديك المرة ~ سول الحاجة هي لي عرضاتني وانا راك عارفني منقدش رجعها فوجها

غانم … شاف فمو كيتنهد وجر الكرسي جلس اونفاص معاها ~ قول الواليدة مووولات الفكرة ..

لطيفة … كتبسم وضحك معاهم بجوج ~ اوى وشنو ولدي جا على ودك لعرسك ومنديرش ليه عشاء يليق بيه ، يستاهل ولدي

أمير … تبسم وعنقها كيحسها بحال مو ~ يخليك ليا الحاجة ويطول لينا فعمرك

لطيفة … باسته فكتفه~ يرحم ليك الوالدين ، وزيد اولدي العشاء غادي يبرد قولوا باسم الله

قرب كل شي لطبلة من غيرها هي ، جالسة كتلعب بصباعها ، وكتسمع لكلامهم ، كل شي كياكل فهدوء الى هي ، راسها كيفكر ويحلل ويناقش ، كتشوف قدرها فين وصلها، ومعامن طيحها ، ما هي مرتاحة فحياتها ما هي فطريق الفلوس غادة وزايدة، الحاصول الله ينجينا من لي ذاق وعحبو ، ناس اشكال وانواع ، لي يبيعك واخا بوالو ، صحبة أفعال ماشي أقوال ، خلاوها ناس زمال فاش قالو. ناس تصون وناس تخون ، ناس تفرحك وناس تجرحك .. عينيه مزالوش عليها ابدا ، دفع طبسيل من بعد ما عمرو ليها بالماكلة وحطو جنبها وهو كيخنزز فيها عاد نطق ~ كوووووولي .. عيون جوهرة رمقووها بكره وحقد شديد ، الغيرة خلات قلبها يوجها وجع كبير ، كانت غادي دفع ليه طبسيل وترجعو ، هزات عينيها لقاتها كتشوف فيها بكره وهي تبسم فوجها وجراته كتشوف فيه وابتسامة زوينة على شفايفها …خنزز فيها تحدر عينيها مزادت غير فيه ، عيونها بالنسبة ليه سلاح تقدر أي واحد طيحهم بيه …سي عبد القادر نحنحن وهو يعيط على نسرين

عبد القادر … سي ابنتي الله يرضي عليك جيبي ليا كاس دالماء

شهد … قبل ماتنوض نطقات شهد وهي جارة كرسيها واقفة ~ غير خليك انا نمشي اصلا بغيت تا انا نشرب

غانم … نطق غانم عاد خنزز فيها وجرها من يديها حداه جلسها ونطق ~ ركني الأرض ، وشاف فنسرين ~ جيبي قرعة كبيرة معاك

حسات بالحرقة فحلقها ، ذاتها تنملات عليها بالفقصة ، كتحس بالموت مجيفاها ، خصوصا مين جرها وجلسها حداه ، كرهاتها كتر وأصرات على اشنو فبالها ، انذار الخطر كيضرب بقوة فراسها ، وعقلها كيزيد يجعرها ، فحين هو محملهاش تنوض تبان فورمتها وخصوصا القميص لي لابسة تقول مفصل عليها ،عندها من كل شي بزايد ،

داز العشاء فهدوء تام ، غانم حاضي شهد بعينيه ، ومرة مرة يشوف فأمير ويقوص حواجبه فيه كيتسنى يشوف شي حاجة متعبووووش ويقلب عليه الطبلة ، سالى للعشاء ووقف تسالم معاه مخلاهش يزيد يجلس معاهم وصلو لباب ، وغير بالفن جرى عليه …

غانم … نطق وهو كيشوف فيه بعبوس ~ مرة جايا علمني عاد جي هاد دار فيها الحرمة ديالي واختي ، رد بالك !!

ضحك أمير ودعو ، عاد دخل غانم كيقلب بعينيه لقى الطبلة جمعاتها نسرين ، وجوهرة ،،، اما هي حسها مكاينش عرفها طلعات ، تنهد وجلس شوية مع باه ، عاد طلع يدوش ويرتاح، كانت واقفة كتسناه يطلع ، معزمة على شنو ياغا دير ، خلاته حتى طلع وهي تبعه ، شافته دخل لبيته ، دخلات كتجري موراه لبسات سوميج دونوي عريان ، من لفوق بينوارو ، وطلقات شعرها ، عاد قادات وجهها ، مع بشرتها بيضة جات زوينة ، عطرات راسها مزيان عاد لبسات بانطوفة وخرجات نيشان لبيته، بلى دقان بلى والو دخلات ، لقاتو واقف غير بالبوكسر عاد ناوي يدوش ، كتشوف ديك الطولة وديك الفورمة هبلات، قربات ليه عاضة على شفايفها بقوة ، كتحلون فمشيتها ، خلاته قوص حجبانه فيها وكيطلعها ويهبطها جات متيرة ، مع الماكياج تبدلات عليه ، قربات تا وصلات لعنده كتشوف فيه بهيام حب شوق كل شي ، تشجعات فاش تفكرات كلام مها ، وهي تحط يديها على عنقو بالضبط على وذنيه كتلعب بيها وعينيها فشفايفه نطقات

جوهرة …فتحات البينوار تا بان صدرها حداه بيض كيشعل كتحلون عليه بعينيها وعاضة على شفايفها نطقات ~ بااااااغاااااااك ليا ليييييلة أ غانم

قتلاتها الغيرة ، الغيرة لي عند المرأة قليلة ، وعلاش لا وهو الدم لي كيجري فعروقها ، قالو مريضة!!! لا هي قاتلها الحب وهالكها الغرام ، بتفكيرها كظن الى جابته لفراشها غاتكسبه ، غاتوليي هي محور حياته ، هي نفس لي كيتنفس بيها ، اذن هادي مريضة ؟؟؟ لا !! هي ماشي مريضة هي بهيمة حيت راجل مكيجيش بالنعاس راجل كيجي بالعقل والفهامة ، رزانة وتباتة ، حب ! ، وهادشي لقاه وخداه من عند شهد لي متلات عليه هادشي نهار الأول ، شاف فيها وعجباته وقرر يدخلها لحياته ، قلبها ضرها من تعاملو ليها ، والغيرة ستوطنات على تفكيرها ، دلات قلبها ودخلات لبييته ، بكل جرأة قدمات ليه راسها ،

جوهرة …فتحات البينوار تا بان صدرها حداه بيض كيشعل كتحلون عليه بعينيها وعاضة على شفايفها نطقات ~ بااااااغاااااااك ليا ليييييلة

رمقها بنظرة غريبة معندها تا مفهوووم ، جرأتها كبيرة ، وصدقات زعيمة ، ماشي كيف كان يظن ، عند بالو بنت رزيينة ومعاها الحياة بنينة ، لبسات وتقادات مكجات وطلقات شعر ، تريحات ، يديها على عنقو كدوووز بحنان ، وتبسيمة على شفايفها ، زادت تلاصقات معاه فاش مدار حتى ردة فعل وقربات لجيهة وذنيه ونطقات ~ بغيت حقي شرعي منك اغانم بغيت زواجنا يكمل ،

مخلاتش ليه الفرصة فين يتكلم وقربات منه عينيها فعينيه تعلات على صباع رجليها باش توصل لشفايفه وقربات ، شافها كتعافر باش توصل ، زفر بصوت مسموع ، وحط يديه على خصرها بقوة هزها لعندو ، مخلاهاش تستوعب ونزل لمستواها كيقبل شفايفها ، وغادي بيها لجيهت السرير ، حسات بقلها كيضرب بقوة وهو كينزل ليها البينوار ، ضعيفة شوية وصدرها صغيور ، كل قبلة منه كتحس بيها على بشرتها بحال العافية كتحرقها، غرسات ضفرها بقوة فوق منزل كيقبل فيها بشغف ، مبادلاه بكل جروح ، حتى نزل ليها سليييب ، عيوونه منزلوووش على جسمها ، كان فقط كيلبي ليها طلبها ، او بالمعنى الحرفي حقها الشرعي كيف قالت ، مهذبهاش ومعاملهاش بطريقة خايبة بالعكس ، حافظ عليها وبشوية بشوية حتى تملكها ، صرخات بصوت عالي كيف حسات بخنجره داخل عليها ، دم عذريتها نزل كيف حساب بيه خرجو ، ودمعة من عينيها نزلات ، باسها فقط فراسها ، وناض من عليها ، مرينڤي وزاد كمل ، كيف طلع البوكسر ديالو حس بالنذامة تملكاته ، هي ماشي خايبة باش ينفرها وايني الحرقة د شهد ومشاكيلها خلاوه بدون وعي منو ينجارف ليها ويحقق ليها حلمها ، كان عارف أنه مراتو حلالو وايني ماشي بهاد الطريقة ، قدمات ليه راسها ، وبطريقة مغرية ، وكأي رجل وحدة زوينة حداه وكتغريه غادي يقرب ليها ، لبس ودخل نيشان للدوش ، كانت ممارسة عادية بدون مشاعر ، فحين هي كانت فرحانة وغاطير بالفرحة ، حاسة بالحريق ولكن صابرة ، بصعوبة جرات رجليها ، وتكات كتشم ريحتهحلي لصقات فيها ،… دوش وخرج وجهووو مشدود وحمر ، لبس سروال دالكيطمة ، مشافش جيهتها خرج من لبيت فخطرة ونزل لجردة يتكييف ، هز عينيه لجيهت بييتها بانت ليه شاعلة ضو ، گارو مور گارو متبع بيتها تا طفى ضو ، تفاصيلها بين عينيه جسمها العامر، وسالفها طويل المبوكل ، عينيها هلاك ، كيحس بالدم فذاته كيتجمع ، مصيرو معاها باقي متحدد ، كمل الباكية دالگارو وطلع نيشان لبيت اخر ينعس …

صباح صباح ، فاقت راسها عاطيها الحريق ، دخلات نيشان ضرباتها بتدويشة ، عاد خرجات نشفات شعرها ، ولبسات كسيوة طويلة بالكميمات من ديكشي لي شرى ليها ، هي لي فيها شوية ضو ، جمعات شعرها صفنجة مهملة ، فرجيلاتها بانطوفة ، وجهها بلى والو كيشعل وحفيراتها دزين مرسومين ، شفايفها مقلبين ، وخصوصا صباح كيكونو عندها منفوخين كتر ، نزلات مع الدروووج باغا ضروري تهضر معاه ، مبقاتش صابرة باغا تخرج تحرك شوية تشم الهواء ، ومع فايقة خاسرة ، مخيبة سيفتها ، سمعات لهضرة فالصالون وصوته الغليض من بعيد تسمعيه ، خلفات لعندهم ، لطيفة جالسة كيف العادة موجدة للفطور ، وهو فجنبها وباه كذالك ، نسرين صباح بكري مشات تقرأ ، قربات لعندهم تا هز عينيه فيها ، كيدورو عليها وكيفليها وهي تنطق

شهد … طالعة ليها القردة ~ صباح الخير ، ورجعات شافت فيه ~ ممكن تنوووض باغا نهضر معاك

غانم … خنزز فيها حيت نبرة صوتها كانت عالية ونطق ~ تكالماي وصوتك نزليييييه قبل ماتنزلووو ليك بطريقتي

شهد … طلعاته وهبطاته بقسوة ونطقات وهي غادة جيهت الكوزينة طرمتها كتهزز بعنف تحت عينيه ~ هاني سبقتك

ناض تابعها تحت انظار لطيفة ، لي غير شافتها بحال الى شافت ابليس، هي مشات ولطيفة ناضت بالدعاوي ، بخطوات سراع وصل لعندها ، كيشوف فيها كيف معصبة ، وباينة فيها شي حاجة مديرونجياها ، نطق وهو مقوص عينيه فيها …

غانم … مالنا على نبووري صابحة شاعلة ياك لباس

شهد … تنهدات بعنف ~ بغيييييت نخرج نشم الهواء بغيت نزووور عائلتي عييييت وقنطت هنا

غانم … طلعها وهبطها ، معصبة كتبان بحال شي قطة متوحشة نطق وهو كيقرب منها ~ الخروووج لااااا منووووووع هنا تبقاي مكاين لا خروج ولا درووووج هنييييييني من صدااااعك اشهد

شهد …قربات منه بدورها كتشوف فيه ومع هي طول من جوهرة شوية تعلات على ريوووس صباعها كتر وقربات لوذنيه ونطقات ~ غادي نخرج اغانم بغيتي ولا كرهتي ماجبتينيش هنا باش تحبسني الى كان هاكا الحبس حسن ليا من هنا

غانم … ريحتها طرباته وجمال طول عنقها مزين بخالة خلاه متبع ليها العين جرها من خصرها تا ضربات فيه ونطق ~ جربيييييي اشهد ديريها غاتشوووفي لي ميعجبكش غادي غير تجبدي الوحش لي شادة على ودك ، وبرك على خصرها بقوة تا طفجات من بين يديه

شهد … غمضات عينيها بألم وحطات يديها على خصرها بلاصت الكلوة لي مغرزة ضراتها مسداتها بيديها بألم ونطقات ~ والله ومتخلييينيييي نخرج تا انا نعيط لبوليس حسن ليا معاهم على انني نبقى هنا محبوسة معاك

دفعها على الحيط بقوة ودفع لباب ديال الكوزينة حتى شدو عاد ضار ليها ، هاز بين يديه كسوتها حتى كشف تحتها ، لابسة غير سترينگ بلى والو ، بلع ريقو وهو كيشوف بنية جسمها ، خسرها نحيف واردافها خارجين ، كتلة هالكة ، حط يديه على بلاصة العملية ونطق ..

غانم … الألم بان على وحهها حس بيها ضراتها ~ باقة كضرك ؟ كيف مجاوباتوووش خنزز فيها وجرها لعنده بتملك ~ جاوبي ر **

شهد … كانت مصدومة من شنو دار ، حدها نزلات كسوتها ونطقات ~ مكضرنيييش غير طلق مني دابا

غانم … رجع سولها باهتمام ~ شنو بغيتي انا نجيب ليك معايا ؟ فين باغا تمشي ؟

شهد … قوصات عينيها فيه ~ باغا تيليفون وباغا حوايج وباغا نشوف مي رحمة وخوية مروان أمال وسيم ، توحشتهم وعيييت هنا بوحدي باغا نخرج

غانم … طلق منها وتم خارج ~ نساي مكاين خروووج والى عتبتي لباب رجليييك نقطعهم لييييك من جدر غير متعيييش راسك معايا …

شهد … ضربات كاس كان حداها حتى تشتت ونطقات ~ ها حنا غادي نشوفو واش انخرج ولا لا …

خرجات من الكزيينة نيشان طلعات لبيت نسرين ، كتقلب على حوايجها ، لقات غير طوووب صغير لبساته فالأبيض ، جاها حد الصرة وصدرها معزول ومزير, لبسات معاه تجييين مطرطق عليها ، طلقات شعرها وتريحات ، مكياج خفيف ، وصبرديلة فالأبيض ، تمات نازلة كتجري مع الدروج ، فيها ربحة ولا ذبحة مكاتخافش والى قالت غادي تخرج هي غادي تخرج ،،، دخلات لصالون هاكاك ، بانت ليها غير لطيفة جالسة ومع صباح بكري باقي عرفاتو مشى للخدمة ، تقدمات لجيهتها ونطقات

شهد … طلعات حجبانها لفوق ونطقات~ انا خارجة والى جا ولدك قوليييه خرجات

لطيفة … طلعاتها وهبطاتها كتويل ونطقات ~ سيييير الله يقلل حياك الموصيبة، سير خرج عليا بغيييت لباباك تالفة تلفك عليا من داري

شهد … صوييك صغير فيديها هزاته كتعوج عليها ونطقات وهي كترجع ليها كلامها باللهجة اي كتفهمها هي ~ اوى لاش اجي يامي نوريييك دار خوالي ، لا اخالتي دار راجلي عارفاها غير غادي نضرب ضويرة ورجع كوني هانية منتلفش على الدار

لطيفة … مشوار ديال نيفها هزاته ضرباتها بيه ونطقات ~ محسيناشي بالدهوووت ب

قالاك قشور الحووووت ، اْغبْر غّبْر عليا قمقومك الخانز، يا وجه الويل يا الخطية جامدة

شهد .. كتمشى حداها خارجة وكتلوز فترمتها لوور وضحك ~ يخلي ليًا راجلي عمارت داري ، وعدوستي الشكامة ، هاني مشيت باااااي وديري بحسابي للعشاء ههه الى وصلت بكري اليوم

لطيفة … وقفات طونصيون طاح ليها بالفقصة تمشات جيهت لباب وهي كتصيفط ليها فالدعاوي ~ سير يكب عليك نار يا محسوكة السنين، شيكي دعبو والقملة فقبووو ، بقاليك غير زاااااز يا خانزة ركاني ، سير بغيت ليك تالفة تلف باباك من نهار شفتك مشفت ضو البيض ، سير يغرق ليك الساس

طرقات الباب ويديها على راسها كيزدح بالحريق ، وهي داخلة بانت ليها جوهرة نازلة فدروج غير بشوية وسر نازل عليها حميمرة، وحشمانة ، فحين شهوودة خرجات مع الباب البرودة عطاتها لوجها ، عينيها مجذبن بأيلاينر…. جاية خطيرة ومن بعيد تيرك بلى متقرب ليها …. وطرف مورها كيتههز…. تمشات مسافة طويلة ومن بعد دخلات فشي دروبة وصفااار عليها الراجل لي دازت من حداه يصفر ويحل فمه عليها … ولما لا وهي عندها مقومات انثى فاجرة طيحك فالتانية… زينها زين البرازيل بديك اللون سميمر وشعر طويل مبوكل تحلف عليها مراها مغربية … زايدها بواحد النص كتعرف تبومبيييه… تا كيبقى يترعد موراها… ريوگهم عليها بكبيرهم بصغيرهم …. حسات بطموبيل تابعاها ، واحد شوية قربات ليها بسرعة وحبسات بران صيييييك حتى تسمع

هبط السرجم ديال اللوطو باينة فيه باقي صغير تكون عندو ديك سبعة وعشرين عام ، ضاسية فالبيض مبيهاش ، نقص من الموسيقى ، عينيه على نصها على كيتهزز ، حمقاته من بعيد وتبعها ، ولاد حي الشعبي لي كيكونو مضبرين كيديرو هاد الهدات باش يطيحو البنات لي مفحالهمش ، الى عطاها غير ميتين درهم تمشي معاه ، قباح الله الفقر وتفو على لي كترخص راسها ، معارفش هادي لي تابع كتمشي غير مع صحاب الحبة المحكوكة ، ماشي مع أي كان ، ضربات ديالها صحاح ، صحاب الطبقة القادحة ولي عاد كيتقاتلو باش كيوصلو كتبعد عليهم ، عندها مع مالين نفحة .. نطق وهو كيلحس شفايفه عليها ~ زين ركبي نوصلك

شهد ….طرطقات فوجه المسكة بحال دوك الباطرونات الكبار حاطة يديها على خسرها ومطلعة حاجب فسيد لي واقف عليها ، عندها شغال مع أمال وخاصها تقديه ، طلعاته وهبطاته بان ليها باقي برهوش نطقات وهي غادة مكملة طريقها ~ سير سير بحالك حسن ليك شوفليك شي نقرة فين يغير نحاسك

الشخص ….. شوفي غير سمعيلي والله ونعرف نموت اليوم على يديك المهم ندي نمرة ، كيشوف فترمتها لي كتهز عينيه خارجين عليها ، والله اليوم منفلتك غير لداتني المووووووووت

شهد …. شافت فيه بسخط كتكره هاد النوع لي كيلسق سولاته ~ شنو كتكساب بعدا من غير هاد الخرشاشة ؟؟؟؟

الشخص …كيفاش اش عندي مفهمتش ؟ اااااااه سيدي خلخل بونداكاندي الحاج العثماني وكملها بضحكة

شهد …. طرطقات فيه عينيها ودوات وهي هازة صبعها فوجه~ نووووض جمع ك ** قبل مانجمعك بتصرفيقة نحوليك عينيييييييييييك

الشخص …. وعينيه على صدرها ~ والله تا هانيا المهم تقيصيييييييني اح ونحس بيك مي مي

شهد …باشمئزاز هذا واخا يكون عندو مال قاروون مدورش بيه ~ روووووولي ق ** بحالك حسن ميعجبك حال

بعد مشاجرة لي وقعات بينو وبين مو فالهاتف ، وبأنها ضربات على كلمته وخرجات، صعار ركبه والهبال سار عليه … خارج كيدور كيقلب عليها بلوطو من زنقة لزنقة ومن شاريع لشاريع خصوصا فاش قالو ليه بلي مبعداتش … طريق كاملة وهو ياكل فشفايفه ويتمتم بكلامه خاسر … حالف اليوم بيه ولا بيها … كيفكر فلطيفة لي زنداته تا شعل ، مخلات ماقالت ليه ، كتشعل الحطب وتصووط عليه يشعل ، كررها ليها كبير ، وجرحها عميق ، ناسية بلي ولدها غايبقى راجل ، وحرمته ميبغيهاش تقاص ولا تأذى ، من نهار اول شافها وقبلات بيه تكتبات بسميتو ، ودابا غادي يربيها بطريقته، قال غير كتهضر ومتقدرش ديرها وتخرج ، ودارتها يعني روحها مكتهمهاش ، صونا ليه تيليفون فيديه جاوبه وعينيه على زناقي …

غانم … بلهفة ~ امضرا لقيتي شي حاجة ؟

نايف … تبع طريق لي صيفطت ليك غاتكون غادة عند امال تما ساكنين ، وبرد اصاحبي مديرش شي حاجة تندم عليها من بعد

غانم … ضرب على كوسان بقوة ~ عارفة ديك المريض كيقلب عليها ، عارفة بلي حياتها فخطر ، مغهمتش علاش خرجات

نايف … تنهد بقوة ~ فهاد الساعة باقي مبان لينا أتره تكون شي نعلمك ، انت غير تكالمى حاول تهضر معاها بالعقل

غانم … دخل فواحد الزنقة ~ انا غانوريها متسمعش لكلامي ، قطع الخط

بعد مدة قليلة بانت ليه من بعيد غادة كتمايل واحد تابعها… كتبان ليه كتوقف تهضر معاه وترجع تكمل طريقها وهو تابعها معياش …. عزز سنانه ورجع حمر عرق يديه تنفخه… كسيرا فلوطو لديك زنقة ومحدو كيقرب وهي كتوضاح ليه اش لابسة …. حس بالدم كيغلي فيه … والصهدة طلعات معاه … واحد العرق جيهت جبهته كيضرب بقوة …. شمتة والغضب تجمعو عليه ، وزاداها عريانة ومطرطقة على نصها ، كسيرا بقوة باغي غير يوصل ويشدها ….

وهي فعز مناقشتها معاه … حسات بكلاكصون مجهد مع ضورة مع طرطقات عينيها وفمها بصدمة … نضرة عينيه ليها متخطاهاش حافضاها مزيان عرفات اليوم ميفكها معاه غير الموت بوحدها… بقات واقفة مبلوكية فحين هو نزل مع ضورة مع عطى لخينة بكروشي خلى ليه دمه كيشرول… ونزل كايعطييه فالبوني معرفات مدير من غير تهرب بجلدها … شارع طويل محدها كتجري وسالفها موراها وطرمتها كتهز لابسة صبرديلة بيضة مساعداها… حسات بسيارة جاية جات دور وهو بيبالها مكسيري تابعها… كحلات بالعمى محدو كيغوت توقف وهي غير مزايدة حتى بانتلها واحد دريبة ضيقة بزااااف دخلات ليها عاطية رجليها ريح … وهو بحكم طوموبيل مغاتساعش ليه نزل كيجري تابعها… بانليه غير واحد غادي بسكوطر وهو يوقفه كيغوت ، ركب دغيا موراه

هو ….نطق وهو صغر شادو عليها ، يديه جامعهم وعينيه بحال القرطاس عليها لتهرب ~ جري الله يحفضك تبع ديك البنت

الشخص … وقف سكوتر ونطق ~ علاش اخوية نزل شمن نتبع البنت اويلي واش سيبة فالبلاد

هو …. خنزر فيه ونطق طالعة ليه القردة ~ مراتي اشريف غير تبعها خلاصك تشدو مضوبل ، حنى عينيه فالأرض وكسيرا غادي تابعها

داكشي لي دار سيد واخا غلباته ضحكة شدها حيت باليه معصب وكامل حمر وعروقاته كتساكف وعينيه بحال العافية …. خيطو گاع دروبة هي تجري وهما موراها… حتى وصلات لواحد درب عريض ، عيات بجري ، وهو ينقز من الموتووور تابعها بسرعة فائقة وصل لافان دياله معاها اليوم بيه ولا بيها واخا يجي عزرايل ميفكوش منها ، بدات تغوت فاش قرب ليها ، غير وصل شدها من شعرها جارها ،

غانم … أعصاب دنيا ودين تجمعو عليه ، كيشوف فيها صدرها مدفگ خارج ، وكرشها عريانة ، وديك تجين مطرطق عليها محس براسو غير نازل عليها بتصرفيقة ضوخاتها ~ ليووووم عدو ر **** نقتلك

شهد … كطلع نفس بصعوبة وتهبطعها ، رجليها خوااو بيها بالعيا طاحت الأرض وهو شادها من شعرها بقوة بدات ترطى وتغوت يطلقها~ طللللللق مني ، كضرب ليه فرجليه ~ طلللق ضريتيني

غانم … هزها حتى وقفات ورجع نزل عليها لوجهها دمو كيفووور ~ هادي باش تعلمي تهربي الخانزة ، دايراني قرد كتلعبي معايا ، هانا نوريك اللعب كيف كيكون …

شهد … جمعات قوتها دفعاته وقبل مايتوعب هبطات ليه عنقوو بضفرانها ~ هادي باش تعلم تهز يديك عليا تا انا

مع طويل وعريض بحال ريشة هزها ونزل عليها لترمتها خبطها تا تهزات كتغوت ، غادي بيها فالشاريع وناس كتفرج، هي كتغوت ربي لي خلقها ، وهو محدها كتغوت وهو كيعطيها لترمة ، تا حسات بيها طابت مع يديه غلاض الى نزل عليك يتلفك ، مسافة الطريق تمشى بيها ، عاد وصل لطوموبيلته فين خلاها …لاحها بحال الباطل وزدح لباب خلاها كضرب فزاجة ،،،، معصب واصل لحدوووو… ديمارا الطوموبيل وكسيرا بسرعة فائقة

خرجات من الكورس ناشطة شعرها كيطيرو الريح ، لابسة حويجات مستورين ، وشعرها مطلووووق كيف الحرير ، وجها من عند الله منور .. هازة كتوبة فيديها ، وشكارتها مور ضهرها ، هذا عامها التالي عندها الباك، فالباب واقفة كتسنى طاكسي ، حتى حسات بشي حد جر ليها شعرها ، خنززات فيه عارفها هو ونطقات وهي متقادو بفقصة ..

نسرين … بعصبية ~ افففففف عصام قلت ليك متبقاش تجبدني من شعري ازمر

عصام … كيضحك عليها ~ رطييطب كيعجبني نشد فيه ازيونات

نسرين … جراتها صاكها غادة وهو تابعها ~ عصام خليني علييك راك عارف خوية الى شافك واقف معايا يقتلنا بجووووج

عصام … جرها من يديها وقفها ونطق بعصبية ~ ديما خوية خوية خوية فين هو هاد خوووك ؟ واقلة غير كتكذبي عليا باش منبقاش تابعك قوليها ليا نيشان بلى دخول وخرووج فالهضرة انسرين

نسرين … كتفك بديها منووو بزز ~ عصاااام طلق مني اويلي واش هبلتي

كان واقف كيتسناها حدى باب ليسي ، حتى بانت ليه خارجة وشي حد تابعها ، كيشوفها كتهرب منو وهو لاصقها ، قوص حجبانو وحل لوطو ونزل ، كيتمشى بخطوات تابتة تا لحق عليه ، وهو يجرو من قاميجتو بحال الطفل صغير ، قجووو منها ونطق ….

وسيم …. محمر فيه العين ~ مك مصيفطاااااك تقرأ ولا مصيفطاك تبع بنات ناس ؟ هااااا؟ جاوب قبل مانريب ليك سنانك

مكاين ما خيب من انسان ممضذاذ ، هذا تخافي منو ، يقدر يدير أي حاجة باش يوصل لهدف ديالو ، وشهد من ديك نوووع ، واش وحدة تبرعات بكلوتها بلى متفكر غادي تهز دبيلة لحياتها ؟ هي كتفكر بدون وعي ، صحيح ماكرة وكطير ، وايني العقل باش تفكر فحياتها الله يجيب ، كتعرف تخطط وطيح فشبكات ولكن كاينين شي حوايييج هي مكتهتمش ليهم واولهم حياتها ، معندها تا قيمة بالنسبة ليها ، كيقول واحد المثل الله ينجيك شكون قال الخسارة خسارة والربح ربح ، شحال من خسارة ربح وشحال من ربح خسارة ، كاين لي ربح وخسر ناسو ونعاسو وكاين لي فالخسارة عاد عرف قيمة ناسو ، وهي عندها العكس دهادشي ، عندها كيف الربح كيف الخسارة ، وكيف ما خرجات المعادلة دحياتها بالنسبة ليها والو ، لا خوف ولا احساس ، وكيقول ليه فاقد الشيء لا يعطيه ، وحدة دوزات طفولتها فالخيرية وخرجات عندها 18 العام ، وكملاتها فالكباريات ونصييب على رجال ، حتى دارت 26 عام ، شنو بغى يتسنى منها ، تصونه وتجلس بحال أي وحدة مزوجة تفرحه وطيب ليه ؟ ، وحدة مكتعرف تا حاجة من غير الخطط اش غادي يتسنى منها ؟ ، زفر بصوت مسمووع باقي خاصو معاها اشواط باش تقاد ، وترجع للطريق….

بسرعة فائقة سايق ، كيضوووبل الطوموبيلات بطريقة مجنووونة ، خلاها تعرف شنو هو الخوف لأول مرة فحياتها ، باغي يوريييها ويعلمها كل شي بطريقتوو ، كيف شافها شدات على كوسان وجها ولا صفر بالخلعة زاد كسيرا كتر ، مقدراتش تهضر معاه خافته يلووحها فشي قنت ، خصوصا انه حمر ويديها منفوخين ، حسات بضو الخطر لأول مرة بزورها ، طريق كتبان ليها مضببة بقوة السرعة ، مقدراتش تحدد واش هي فالأرض ولا فالسماء طايرة ، زادت زيرات على لكوسان ورجعات لوور لاصقة ، وجها قطرة دم مبقاتش فيه ، بعد نص ساعة شافت فيها لموت حبس بران سييييييك حدى صخرة كبيييرة كطل على واد كبير ، مشات وجات مزدوووحة ونزل من لوووطو فتح عليها لباب مخنزز معصب ، لعب معاها بدأ يحماض، والعقل لي يتقبلها مابقاش قاد يصبر ،،، كيف نزلات رضات مصارنها كاملين ، بديك المخيض وديك السرعة ، كترض وتعاود بغات تحماق

غانم …هي كتقيا وهو وراها محنش فيها هز قرعة لما عندو في طوموبيل لاحها ليها ~ انا ماشي برهوش غنتبعك فهيتك ولفتي لق*وووب لابسة وملابساش نقوليك متخرجيش تخرجي جلسي توقفي ماشي عندك روفيكس

شهد … مسحات فمها ولاحت ديك القرعة لي مد ليها ، ورجعات جووج خطوات لووور ~ وانا قلت ليك نخرج مسمعتيييييش انا ماشي بهييييمة رابطني بين جوج حيووووط ، البهايم وكيخرجووهم يسرحوو ، حراك انسااان رابطوو لا خرووج لا دخوووول

غانم … قرب ليها كتر تا لصقات على طوموبيل ونطق ~ ياكما عند بالك مزووج بيك لكحل عيووونك ؟ هذا عقاب ليك حمدي ربك كنضوور ورجع ونجمع ليك فوسخك ، سكت شوية وكمل ليها كلامو ~ تصنطي الهضرتي مزيان اللهما هاد عبد ربو لي قدامك ولا واحد اخور كيقلب عليك انتي فغنى عليه

شهد … شافت فيه وطووولات الشوفة هي ماشي بهيمة فهماتها وقلعاتها فسما ، مهما عارفها محيدة كلوتها متخفاهش مهدي كيقلب عليها نطقات وهي مخرجة فيه عينيها ~ ماشي سووووقك نعووووووم بحري اش ضارك انت فهادشي كامل ؟ ياكما تيقتي راسك راجلي! وحسابلييييك انا غانكون امرأة ليك ؟ دفعاتو عليها ساعة بحال الصخرة بقى واقف ~ شكيت عليك ؟ قلت ليك جمع وسخي ؟

غانم … فغفلة منها جمع فكها وزير عليه ، ناطق ~ علاش انتي واخدة فبالك بلي انا غادي تليق ليا وحدة حكوووووها ز *** كاملين ؟ وحدة بحالك متلييقش ليا ونهار انا نبغي وترشق ليا غادي نطلقك ، دفعها مخنزز عينيه زادو حمارو كتر من كلامها الصليط ~ انا قاد بيك وبهاداك المريض ديالك ، قد فمي قد ذراعي متخااافيش

شهد …كلامووو القاصح نزل عليها بارد ، بالفن عطاها حسسها شحال هي رخيصة ، لعبات بلسانها فمها وعينيها كيضورو بعيييد منه ، كتحاول تكالمي راسها ، هزات عينيها فيه لقاتو مقوصهم عليها وفينما ينزلهم على كسدتها كيزيد يكرهها ، حلفات تاترجع ليه الصاع صاعين ، هاد المرة ونطقات وهي تبعد من جيهته ~ محكووووكة والمخيير فييييهم سيد رجااال شابع مال ، جا تالبين رجلي وطلبني قدامك وبوذنيييك كتسمع قال باغي يتزوجني ، عطيني براتي وخرج من حياتي خليني نعيشها كيف انا باغا ، ونريدك كمعلووومة باش متمشييش غالط ، ديك المريض شكون قاليك انا خايفة منوووو ؟ وعلاش انخاف؟ كون كنت خايفة گاع منقرب ليه من لول….

وسيم …. محمر فيه العين ~ مك مصيفطاااااك تقرأ ولا مصيفطاك تبع بنات ناس ؟ هااااا؟ جاوب قبل مانريب ليك سنانك

عصام … معرف راسو باش تبلى ، بدأ يقفقف بالخوف ~ غير فهمتيني غالط اخوية ، انا غير بغيت نسولها

وسيم … ساسو بحال الخنشة ودفعو تا جا طايح ~ نعاود نشوف كمارتك كدوور جيهتها نمص ليك دم ، يا للله تحرك من حدايا قبل مانهرسك

هرب بحال الولد الصغير ، خلاها واقفة كضحك عليه ، عاد كان جارها وكيخرج عينيه فيها ، ودابا غير شنق عليه خاف وهرب ، بقات ساهية فيه ، كتشوف الكاريزما لي باغا راجل تعول عليه ماشي طفل صغير ترضعه، وسيم بالنسبة ليها الشخص لي ممكن يعول عليه الواحد ، كتشوف غير اش دار على شهد كبر فعينيها ، تمنات كون هي بلاصة أمال ،

وسيم … قرب منها وسولها باهتمام ~ انتي لاباس شنو بغى منك ؟ كيسولها وهو مخنزز طالعة ليه القردة

نسرين … حنات راسها بخجل وجاوباته ~ انا لاباس لاباس ، ترددات فالأول وهي تعاود تسولو ~ وانت وأمال مزيانين ؟

وسيم … كيعاملها بحال شي طفلة صغيرة محتاجة الرعاية بلى ميحس شد فيديها مقطعها شانطي ونطق ~ غادي نعطيك شي حاجة انسرين عطيها لكارما ضروري

نسرين … يديه القوية حاضنة يديها بحنان قلبها رجع يخفق بقوة ، كيف قطعها شانطي كيف دافع عليها خلاوها تبسم وايني غير كترجع تفكر عندو امرأة فحياتو كتمشي دوك الصور البلهاء لي كيجييو لعقلها ، حيدات يديها منو ونطقات ~ عطيني دغيا خاص نوصل للدار فالوقت قبل مانتعطل ويديرليا خوية مشكيل عاود

وسيم …فتح باب لوطو وخدى شكارتها دارلها ليها لور وركبها معاه ~ متخافيش الالة غانوصلك حتى للدار كوني هانية

تنهدات بملل ، باغة تبقى معاه عاجبينها تصرفاته معاها ، وايني مشاعرها وتفكيرها كيمشي بعيد وهي مباغاش ، ركب حداها وتبسم فوجها، عاد ديمارا مسافة قليلة وحطها شوية بعيدة ، مد ليها صاك صغير فيديها ، وهز راسو فيها لقاها كتشوف فيه

وسيم … خربق ليها شعرها ونطق ~ قولي ليها تبقى تجاوب فديك تيليفون ، وعطيها هادو محتاجاهم..

نسرين … قادات شعرها ونزلات من لوطو طالع ليها دم بلى متقوليه تا كلمة ، حسات براسها البكية شاداها وهي تنطق بين نفسها~ اففففف غادي يحمقني

فالصالون جالسة فرحانة ، نهار كامل وهي تزغرت عاجبها الحال ، وجوهرة كتبسم وتلبد فعينيها ، مقاداها فرحة ، وعلاش لا وهي وصلات لمورادها ، كملات على يديه ولات امرأة ناضجة ، واخيرا زواجهم كمل كيف بغات وتمنات ، حساتو حنين معاها ، معذبها ماوالو ، بالعكس حسسها بلي هي أنثى زوينة وكاملة مكمولة ، ماشي عيب طلبي راجلك بحقك ، ماشي عيب تقوليلو بغيتك ، حنا فالمجتمع ديالنا تربينا على الحشمة ، وعلى الإحترام ، واليدينا رباوها فينا من الصغر لدرجة الى هزيتي عينيك يقولوليك هبطيها المغصوبة ، مجتمع مفيهش حقوق ، يلا مكنتيش امرأة ومرمورة ، قادة ، يمرمدووك تحت صباط ، عندهم عيب المرأة تقول لراجبها بغيتك ، وايني بين المرأة والراجل مكايناش شي حاجة سميتها العيب ، غير الغلط هنا هو أنه من أول ليلة مشات عندو ، حبها ليه معمي ، مبغاتش تزيد تصبر خصوصا من كلامها معاه قبل الزواج ،،، حطات يديها على حنيكاتها حومر ، وهي كتفكر كلامو…

فلاش باك

قرب منها وجلس حداها كيشوف فيها كيف فرحانة ، وخدودها مزنگين ، عارفها من صغر بلي كتبغيه ، وهو كان رافض فكرة زواج من العائلة ، عمرو فكر فيها كزوجة ليه ، كان كيشوفها بنت خالو فقط ، عزيزة عليه طبعا وكيبغيها وايلي ماشي نفس الحب لي هي كتبادلو بيه ، فرق رجليه وهز ليها راسها كيشوف فيها ، زوينة وبريئة …

غانم … تنفس طويل ونطق ~ جوهرة هزي راسك لفوق وسمعيلي ، متأكدة قابلة بهاد الزواج ؟؟

جوهرة … حنوكها زادو حمارو وقلبها بقوة كيضرب نطقات وهي حشمانة كتر ~ ااااه قابلة بيه

غانم .. تنهد وكمل كلامه ~ منيين هكا بغيت نحط ليك بعض النقط ، بغيتك تحلي وذنيييك مزيان وتسمعيلي ، انتي عارفاني مزوج ؟

جوهرة … هزات عويناتها فيه خوضر مغلوقين وكرزات على يديها بقوة ~ ااااه عارفة هادشي

غانم …. بوضوووح ~ مغاديش نطلقها!! يعني غادي تكوني الزوجة تانية ليا ، ولكن مغادي نحرمك من حتى شي حاجة ، كيفك كيفها ، حقوقك تاخديهم مني ، وانا كنواعدك عمري ندير تفريق بيناتكم ، غير صداع معندي مندير بيه انتي فجيه وهي فجيه ، سكت شوية وسولها ، قابلة بهادشي ؟

جوهرة … رفعات عينيها لفوق متنكرش كان عندها امل تقوليه طلقها ولكن كيف سمعات كلامو ضغطات على يديها كتر قلبها كيضرها ، ولكن حبها ليه قوي وكبير متقدرش تنازل عليه واخا تموت ~ قابلة

رجووع للواقع

دخل عبد القادر بعد الصلاة المغرب ، لقاهم مجمعين فصالون من غير شهد ، موالف كيشوفها مبانتش ليه ، حنحن بصوت مسمووع حتى ناضت لطيفة كتبسم ، وكتعاونو فالميكات لي هاز فيديه …

لطيفة … شدات من عندو الميكات عامرين بخير الله ونطقات ~ ينصرهالي خنشووش بمولى داري ، دخل دخل لقيتيني وجدت بريريد ديال اتاى نيت مشحر كيف كتبغي

عبد القادر… تبسم فوجها ونطق ~ وانا جبت ليك لفقيييقصات لي كيعجبووك الالة لطيفة

لطيفة … بفرحة ~ يخليهالي سيفة ولا لقف راسي بجيفة ، يخليك ليلي نعيش وتفديلي يا سي عبد القادر

دخلو لجيهت الطبلة ، ناضت جوهرة باست على يديه ، ونسرين خدات لميكات تقاد ديكشي فطباسل ، جلس عينيه على دروج كايشوفها واش تهبط ، ساعة ريحتها مشافهاش ، كبات ليه لطيفة كاس د أتاي ، مشحر كيف كيبغيييه ، رجع شاف فجوهرة ، بانتليه حانية راس حشمانة ،

عبد القادر … هز عينيه فيها كيسولها ~ بنتي ياك مزيانة ؟ ناقصاك شي حاجة ؟

جوهرة … بخجل ~ لباس الحمد الله كل شي موجود تا حاجة مناقصاني

ضحكات لطيفة بصوت عالي ، كتقوليه كل شي مزيان وعروستنا فرحانة ، ومدات ليه الكاس ديال اتاي متول…

عبد القادر …بفرحة عاجبو الحال وخصوصا كلام لططيفة ~ شفتك فرحانة يا هاد المرأة ، ورجع عيط على نسرين , بنتي عيطي لشهد تجي تاهي تجلس معانا

لطيفة … مطقات فمها تقول فيه لحامض ونطقات ~ متعيييشي راسك اسي عبد القادر مع النبووري ناضت تقادات وخرجات ماعرف شمن طريق شدات

عبد القادر … قوص حجبانو فيها باستفهام ~ كيفاش ماعرف شمن طريق شدات ؟ من صباح والبنت غابرة هادي علاين العشاء وكتقوليها عادي

لطيفة … عوجات فمها ~ علمت ولدي اش بغيتيني ندير ليها ربط الموصيبة مع رجلي بزز منها ؟

عيد القادر … حمر فيها العين ~ كنعرفك مزيان الالة لطيفة جاتك على قلبك وخليتيها مشات ، غوت عليها ~ كتقلبي على جوى منجل فهاد الليل يا هاد المرأة كيفاش عطاك خاطرك تخليها تخرج وهي مكتعرفش هاد المدينة

لطيفة … صقرات حيت خافت منو ~ انا عبيييد مشرط لحناك فهمني راني علمت غانم فالصباح كيف خرجات ، اش بغيتيني ندير ليها

عبد القادر … بعصبية ~ وفييين هو ولدك من صباح ؟ هي ملقاش البنت وانتي جالسة ليا هنا فرحانة ، جمع الوقفة معصب ونطق ~ والله وديك البنت توقع ليها شي حاجة الالة لطيفة عرفي بيني وبينك مشاكيل كثيرة ايوقعوووو ،

غوت تا زعزهم من بلاصتهم ، لطيفة عرفاتو معصب خافت من كلامو ، بدات دور فعينيها ، وتطلب ولدها يلقاها ويرجعها للدار قبل ماتخرج عليها ، كتبيض بيضة هنا وبيضة لهيه ، طلع ليك دم لراس وناض خرج من صالة فين هما ، كيحاول يصوني على ولدو ، فحين لطيفة جلسات واقف ليها ديك الكاس فحلقها ،

جوهرة … بانت ليها ولات صفرة بالخلعة وهي تهز كاس دالماء مداتو ليها ~ خالتي تواگضي معايا

لطيفة … حطات يديها على راسها زند عليها ونطقات ~ لا لا هادي جايا تشتت ليًا شمل عائلتي بنت الملقطة ، لعمالله فين زادت كون غانم لقاها كون رجع قبيلة موصيبة هادي

جوهرة … نطقات فنفسها ، الله يعطيها جلية وعمرها ترجع لهاد الدار ~ صوني عليه وسوليييه اخالتي ولا واش تبغيني نصوني عليه ؟

لطيفة … ايييه ايييه صوني نشوفو فين هو من صباح هادي علاين ليل حسوو مابان ، دغيا ابنتي

اوى يا الخانزة بنت الخانز معاك نذبتو خضر يابس يتحت

بعد المرات كنقوولو شي كلام باش نبردو بيه على راسنا ، ولا كدفاع على قيمتنا ، كنصدقو بلى مانحسو جارحين الطرف تاني معانا ، وهو نفس شي دار ، باش يبين ليها اغلاطها استعمل اقوى السلاح ضد النساء ولي هي السمعة ديالهم ، يعني باش يقولها ها أغلاطك اشهد ها شنو درتي ، صرفقها بكلامو الجريح ، بغى يبين ليها بلي هي غير رخيصة استعملات جسمها كسلاح فتاك لرجال باش تنصب عليهم ، ولي هو طبعا مباغيش يتقبلو ، وكايحاول يمحيييه من بالو ، فحين هي بغات ترجع ليه الضربة بجووج ، وبالنفس السلاح باش ضربها ضربات ، الى انت مباغينيش كاين لي هابل عليا وكيتسنى مني غير شوفة ، وكيف كيقولو واحد يعجبك من نظرة واحد تعجبك فيه الهضرة ، واحد كون تصيب تخبطو بحجرة ، هي من النوع التالت ، كون لقى يخبطها بحجرة مايكره ، حساته بلي كيف انا كيف انت ، الى انا رخيصة عندي لي باغييني ، مجرد تفكير فيها كيحس بدمه عليها كيغلي ، واش يدير ؟ يقتلها ويمشي بيريمي ؟ ولا يدفنها ويزيد عين ماشافت قلب ماوجع ، لا هادي كتقلب يعوقها من رجليها ، ولا هي من النوع اللي لقى راسو فالهبال اش يدير بالعقل ! قرب منها كيعاود يسمع كلامها السام ، باغيني وهابل عليا ، هادي يا دواها نساتو يا لعبات عليها شمس العصر ، قرب منها جوج خطوات عينيه حومر ، وطار عليها بقجة معرفات راسها باش تبلات ، طرطق عينيه فيها كيخلعو ويديه على رقبتها زير عليها غير شوية ونطق …

غانم … عروق يديه الموشومين تنفخو ~ حتى نمووووووووووت ودفنيني عاد تقدري تعيشي حياتك كيف بغيتي ، دفعها حتى لوطو تا حسات بصدرها تقسم ، هز صعبو قدام عينيها بتهديد ، قبل ما تفكري فيها عرفي راسك ميتة لا انتي ولا هو

شهد … حطات يديها على عنقها كتماصيه وعينيها فيه خارجين ~ عمري نحني ليك راس واخا نعرف تقتلني ماغادين نبقى معاك

غانم .. شدها من شعرها جرها منو تا حسات بيه من جدر تقطع ونطق ~ طللللللقت ليييييك بزاااااف حتى زغتي وطلعتي فوق راس ، عند بالك مسالي ليك لهبالك ، جرها من ديك نص تيشورط لي لابسة قصير جاهل عليها وقرصها من صدرها العريان بقوة تا نقزااات من حداه عاد نطق ~ كنت باغي نتاقى فيك الله ساعة وجهك ماشي ديال هادشي

شهد … حطات يديها على صدرها كيوجعها واليد تانية كتحاول تفلت بيها شعرها ~ طللللق مني طلق واخا نموووووت منكووونش ليك امرأة ، انا هي ديك سم لي غادي يقتلك شوية بشوية الى مخرجتيش من حياتي

غانم … شد وجها بيديه وغوت تا خلعها وقفات بلى ما تحس كتشوف فيه ~ عند بالك حاسبك مراتي ؟ كضني باغيك ؟ ضحك بصوت عالي قبل مايزيد يزير على فكها ، كون كنتي انتي هي لي باغي غاتلقااااايني حملتك حيت انا باغي ترييييكة ، ولكن ماشي معاك فهمتي !!! جبت لي غاتكون لي امرأة ، أمرأة ديال زمان وقادة ماشي شطاحة فالكباريات ، وزدحها تا طاحت فالأرض , نووووضي تق. ودي تجمعي راسك من هاد لعب دراري صغار معايا ، ولسانك نهار يعاود يجبد رجال نقطعو حداك وبرب العالي تا نديرها

شهد … وقفات كتقفقف متنكرش خلعها وايني جبهة باقة دافعاها ~ منيييين انت عندك مراتك وغادير تريكة معاها انا شنو بغيتي عندي طلقني وخليني نمشي بحالي

غانم …. ضحك بصوت عالي ~ حسابليك دخول الحمام بحال خروجه؟ بيديك دخلتي لغاري وبيديك وقعتي تكوني ليا عمرك كامل ، اذن دابا تحملي نتيجة قراراتك ، لي بغيييييييييييتها منك غاناخدها وبخاطرررررك ، ولا برب تانورييييك وجه اخر مني عمرك شفتيييه ، تحني راس ، وتسمعي الهضرة ، طلعها وهبطها ~ هاد اللباس نشوووفك بيه مرة اخرة غير ودعي ذاتك فخطرة غانخليييك تحمشي تعرييها ، ونزيدك امرك الى بغيتي نساليه فدقيقة ندفع كل شي نغبر ديلمكم واحد بواحد ، قرب ليها وهضر فوذنيها ~ انا عندي الغراض بييييك انتي ياك كيعجبببك تزوجي غادي نورييك المعنى التطبيقي ديالو وجديلي راسك مزيان …ودفعها لوطو لداخل خلاها مصدومة من كلامو وكتفكر فيه ،

فحين هو جبد گارو لاحووووو فمووو شعلو ، خلاها غير كتشوف وعينيها عليه بحال الصقر ، ريحة الگارو عطاتها لنيف ، خلاتها تستنشقها براحة ، نزلات لعندو تحت انظارو المعصبة عينيها على الگارو لي فيديه

يتبع...