الماكرة الجزء الثامن

وسيم … مخنزز طالع ليه الدم ~ مالنا الالة كنبان ليك جن ؟ علاش كتهربي مني ؟

نسرين… تنهدات حانية راسها ومتوترة~ والو غير مباغاش نهضر معاك !! واش ممكن طلق يدي الناس كيشوفو فينا ومبغيت تاراحد ينعت عليا بصبعووو

وسيم … شاف بين جنابو عصباتو وهو يخشي يديه فيديها ~ خليييييهم يشوفو لي عضر علييييك نعمي لمووووو عينيه ، ورجع شاف فيها مقوص حجبانو~ كيفاش مباغاش تهضري معايا ؟ جاوبيني علاش بلوكيتيني ؟

نسرين… توترات كتر وهي كتشوف يديه الكبيرة شادة يديها صغيرة بديك الطريقة ، دغيا تفكرات امال وهي تجر يديها بسرعة ~ قلت ليك مباغاش نهضر معاك اش بغيتي عندي ؟ ياك عاونتكم ؟ شنو باغي مني مزال ؟

وسيم … صغر عينيه فيها باغي يفهمها ساعة مفهم والو ~ كيفاش مباغاش تهضري معايا ؟ وعلاش بسلامة ؟ حنا مزالين باغييينك

نسرين… حنات راسها مباغاش تشوف فيه ورجعات نطقات ~ عافاك خرج من طريقي خليني نقرأ قرايتي فخاطري ، متبقاش تبان كتخربقني وتمشي ، خليك هاني مع خطيبتك ولا مراتك وخليني تا أنا هانية مع قرايتي ، عافاك كنطلبك

وسيم … قوص عينيه فيها باستفهام مفهمش كلامها ، ورجع قرب ليها هز ليها راسها حتى تلاقاو عينيهم بزووج وسولها ~ كيفاش مراتي ؟ علاياش كتهضري شرحيلي مفهمت والو ؟

نسرين… حنيكاتها حمارو بقوة التوتر ويديها عراقو عليها ~ معرفتش ديك البنية أمال قصدي ، بغات تسلت تهرب من شوفاتو ساعة معامن جات ، شدها من يديها وهز ليها راسها كيشوف فيها مقوص عينيه مفاهم والو …

وسيم … باستفهام كيسولها~ علاش مالها أمال ؟ واش كيحساب ليك مراتي؟ ضحك بصوت مسمووع عاد فهم البلان ورجع شاف فيها ~ هاديك بحالها بحال شهد ختي لي معطاهاليش الله ، عندي غير هي وكارما ، على شنو يحساب ليك ؟

نسرين… حسات بقلبها تفاجا من كلامو ، دغيا تبسمات فوجهو ، مراهقة صغيرة مفاهماش الحياة مزيان ، طاحت بشباك راجل شامخ العقلية بعيدة بفارق السن ، بقات تشوف فيه شوية وهي تبعد باغا تمشي بحالها ~ خليني عافاك نمشي غادي نتعطل على الوقت وخوية غايدير ليا موشكيل

وسيم … كيحقق فعينيها قرب منها ونطق ~ شنو لي خلاك تهربي مني ؟ واش خفتيني نكون مرتابط ؟ عليها بعدتي ؟

سؤالو ليها كان واضح ، فحين هي صوتها ضعاف ، توتر باين على وجها ، مقدراتش تجاوبو ، حنات راسها وجها مفضووح حداه ، باغا تهرب غير بوجها، قلبها صغير كيضرب بقوة ، جوج خطرات للوراء وعطات رجليها ريح ، هربانة منو ، دغيا ركبات فطاكسي وقبل مايوصل ليها مشات ، بقى واقف متبع ليها لعين ، تا غبرات عاد تنهد ورجع لطوموبيلتو باقي عندو معاها كلام مسالاش

كانت جالسة كتقلب فالبيسيدي ديالها ، كتكتب إيميلات لشركات ، باغا تحرك شوية وتخدم فشي حاجة هي كتفهم فيها ،قرات l’informatique وكتفهم فيه مزيان ، عينيها على الشركات كتصيفط سيڤي ديالها ، حتى سمعات تيليفونها كيصوني ، شافت رقم ديالها وتبسمات…

أمال … بفرحة نورات وجها ~ العمر ديالي توحشتك

شهد … تنهدات كتبسم ~ حتى أنا توحشتك ، سولاتها باهتمام ~ أمال واش سولتي ربيعة على لي قلت ليك ؟

أمال … معندهاش مع ديكشي دشعودة وكتخاف منو ، ولكن على ود ختها وصاحبتها دير اي حاجة ~ أنا هضرت معاها قالت بلي ديكشي سحوور لي شفتي وماشي بعيد يكون توكال هادي اختي مكتخافش ربي

شهد … زيرات على يديها بقوة ونطقات ~ كنت عارفاها خطيرة وايني باش تسحر مطاحتش على بالي ، دابا مين تأكدت غادي نوريها بنات الكباريات شكايدبرو ..

أمال … ضحكات بصوت مسموع~ ناري قلبات عليك !! مشات فيها خاصها اشواط طويلة باش تقدر عليك ، اجي واش غادي تحطيها بوجها ولا شغادي ديري ؟

شهد … تنهدات كتفكر دماغها بعيد كيمخمخ ورجعات تبسمات ~ غادي غير لعب معاها فهاد الساعة الحساب بيناتنا طويل هي قلبات عليا وانا غادي نوريها وجهي

كملات معاها الهضرة ، وناضت جوهرة بالفعل باقا مكتعرف شهد مزيان وغالطة فيها ، هي ماشي شخص لي كيضرب من لتحت لتحت بالعكس ، هي كتجي الواحد فالوجه وضربو ، سرح تفكيرها لكلامو ليها ، متنكرش استفزها ، باغا طيح براسو الأرض وتوريه هي شنو كتسوى ، هزات تيليفونها دخلات كتقلب على لي سميتو أمير، دماغها رجع لتخطيطو ، وعقلها بدأ يوسوس ليها بتشيطينو ، لاحت ديك تيليفون فوق الفراش ، وناضت خارجة ، بانت ليها طالعة فالدروج تسناتها حتى وصلات كطلعها وتهبطها بعينيها ، فحين جوهرة كضحك عليها ، فقت آخر ، محسات غير بيها وهي طايرة ليها على شعرها ناتفاها ، زدحاتها مع الحيط وقبل ماتغوت حطات يديها على فمها ، شالها تحل وهي تجر ليها شعرها كتقطعو بين يديها ..

شهد … بغضب شديد كتنتفها ~ ياك قلت ليك بعدي من طريقي حيت مغاديش يعجبك الحال ؟ قلتها ليك شحال هادي ولا لا ؟

زادت نتفاتها و كتزدح ليها راسها مع الحيط

جوهرة …حسات بدوخة دنيا مشات وجات بيها ، دفعات شهد عليها وقفات كترعد ~ انتي القح** تهزي عليا يديك عايني

مشات باغا طير عليها ، ساعة شهد دفعاتها تا تزدحات وهبطات ليها عنقها بظفارها ، تا غوتات ، ورجعات جراتها من شعرها بقوة ~ المرة جايا اسحارة تعرفي راسك معامن دايراها ، يحسابليك معرفت هداك شي السحور يا بنت لقح*** الصلاة والحجاب دايرة فيها فقييهة علينا وانتي غير موسخة اليوم نشوه بيييييك …

جوهرة … عينيها دمعو بالحريق عنقها دم دايز منو كتحس بيه كيوزوز ، ودوخة شاداها ، مقدراتش على شهد لوات ليها يديها ، شعر راسها جراتو ليها تا تقطع ~ عادي تندمي والله ماتبقى فيك إلى مشوهتكش مانكون جوهرة ، والمخير فخيلك ركبيييه إلى كنت سحارة بيني ليا ، فين هو هاد السحور الخانزة

دفعاتها شهد تا غوتات مع الحيط ، قصماتو ليها ، وقربات منها قاجاها وعينيها حومر حر الفقصة كتخرجهم فيها ، هي لي قلبات عليها وهي لي جبدات عيبها ودابا تحمل ماجرى ليها ، داتها وجابتها تا حسات بضو ضربها ورجعات جراتها من ديك جوج زغيبات تا سمعات لطيفة من لتحت كتغوت ، مع الدروج عاليين طالعة وكتغوت ، فحين شهد بقات تشوف غير ظلام ، جراتها من يديها ودفعاتها من الدروووج العاليين لي طاح فيهم يتهرس بسرعة ، خلات لطيفة غوتات ربي لي خلقها لتحت

الغلط كيوقع وحنا غير لحم وعضم، من أخطائنا كنتعلمو لي يفيدنا ولي يضرنا ، هاكذا الحياة مدرسة ، كنتعلمو منها الخايب وزوين ، وبعد المرات كتجمعي حتى كتجمعي وايني نهار لي كتفرگعي مكتبقايش تقفلي ، الغيرة والحسد من أصعب الحوايج لي كيكونو عند الشخص ، ممكن يوصل بيه يقتل ديك الإنسان لي واقف حاجز فطريقو ، وهادشي لي يوقع الجوهرة بقات كتعمر فقلبها ابسط الحوايج حتى مابقات قادة احساس بالغيرة تملكها كليا ولات تشوف شهد فيعينيها عائق كبير ، رغم أنها من الأول كانت عارفاها مراتو إلا وأنها صممات تدخل بين هاد العلاقة وتفرتكها قبل حتى ماتبدأ ، وايني لقات شهد ماشي شخصية ساهلة ديريها بيها ، لقاتها قافزة وحاضية صواريها معاها، بعد ما لجأت تسحر ليه لقات شهد عظم وأحل فحلقها من نهار خصلاتها وهي حاضياها ، خلات جوهرة تراجع خطوتين للواراء باش ماديرش شوبوهات لراسها ، ولكن اليوم عيقات وتمادات عليها ، وصلات بيها دخل لبيتها وتقطع حوايجها ، لي هما فالأساس مهامينهاش ولكن الطريقة باش اقتاحمات فراشها وهزات حوايجها ، وكذبات عليها ألفات سيناريو ومثلاتو ، خلاوها تعصب وأعصابها يخرجو فجوهرة…

شهد … شدات يديها ودفعاتها خلات لطيفة كتغوت من لتحت ، وقبل ماتهبط مكركبة فالدروج رجعات جراتها من نفس اليد باش كانت شاداها ونطقات فوذنيها ~ هذا غير درس بسيييييييط درتو لييييك المرة جايا غادي نلووحك من السطح الجواهر ، انتي لي بديتي هادشي وانا لي غادي نسالييه اسحيييحيرة

جوهرة … لونها تخطف منو لووون ويديها بداو يترعدو بالخوف ، قلبها كيضرب بقوة وعينيها شوية ويدمعوووو ~ عمري نساها ليك وعقلي تا أنا على كلامي إلى مخليتكش ضحكة بين ناس مسميتيش جوهرة

شهد … بانت ليها لطيفة طالعة فالدروج مع كبار وعالييين وكتار جراتها من يديها لواتها ليها ونطقات بين سنانها ~ الحساب كيتجمع لييييييك الباطرونة مزال نعوقك عاد ترتاحي ، بانت ليها لطيفة علاين توصل وهي تعلي صوتها كتسمع ليها ~ ويلي اجوهرة كنتي غادي تموتي ردي باليك مرة اخرة وحمدي الله شديتيك قبل ماطيحي اما كون متي لينا ياختي الحمد الله على سلامتك

كتحمر فيها عينيها لي كيرمزو للتهديد ، كانت باغا تعلمها درس من دروسها ، باش مرة خرى تبعد من طريقها ومتحفرش ليها حيتاش مساهلاش ليها ،

لطيفة … وصلات كتنهج كتقلب فجوهرة عينيها مطرطقين بالخووف بان ليها عنقها مهبط وهي تغوووت ~ اويلي مال بنتي !!! ضربات على فخاضها وغوتات ~ شكون دار فيك هاد الحالة ؟

شهد … كدور فعينيها وتمسكن بكلامها ~ أنا اخالتي ، مسكينة جوهرة كانت غادي طيح من هاد الدروج وفاش جيت نشدها قصت ليها عنقها بظفاري ، بديك الحرارة باش نجرها، وحنات راسها زعمة مدارت والو !!

لطيفة … خنززات فيها وكحزات منها كتقلب فجوهرة بخووف وتسول عليها ~ قولي ليا ابنتي كيف وقع ليك شهاد الحالة انتي فيها ؟

جوهرة … عنقها كتحس بيه كيوزوز، هزات شالها رماتو على شعرها لي طالع فسما شافت فشهد لقاتها عينيها حومر بحال شي أفعى كتسنى تنطق وهي تنقض عليها بسمها ~ متخافيش اعمتي انا لاباس تعكلت وطحت وفاش نضت دخت ولقيت شهد عاوناتني ،

شدات فيديها لطيفة ، ورجعات خنززات فشهد ، مهبطاها معاها للتحت تعالج جروحها، كتحس بالدوخة وراسها عاطيها الحريق ، فحين شهد تبسمات بغرور ورجعات ضربها بشي تدوييشة ناضية ، باغا تقاد اليوم مزيان وتفقص العديان …

كيقول واحد المثل ، قلب الگدرة على فمها لبنت طلع تشبه لمها، ناس تنهي ولادهم على الفحشاء والمنكر ، ورشيدة توري لبنتها طريق لحرام وشعوذة، حگ والواد شوافة تقادليك الدجاجة باش تولدي، على امتى حنا العبد ولينا ندخلو فالقدرة الإلهية، ولينا نحللو لي بغينا ونحرمو لي بغينا، كلها من جيهة يلاغي بحاجة، المضرور والبصير والضعيف المسكين والفقير هاد الناس تلقاهم عايشين عيشة هانية على صحاب الفلوس وراحة ، …

غابت شميسة وطاح الظلام ، طلعات لبيتها ، تشوف جروحها ، الفقصة فقلبها كبيرة ، والعقل باش يخمم ضاع ، كتفكر غير كيف دير تحيدها من طريقها ، وتجر لي خدا قلبها لجيهتها ، السم والبغل. گاع تجمعو فيها ، رسمات وقررات الحرب على شهد ، وغير ربي يحفظ ، يديها كتحسس ليهم عنقها ودموعها فعينيها غصة ، هزات تيليفونها وصونات على مها وحايلها ،

جوهرة … كتمشي وتجي فالبيت ويديها كيترعدو عليها غير فتحات الخط طرطقات فوجها ~ ماما !!! متقولي ليا نا حاجة ، هاديك المرأة كتكذب علينا ، ياك قالت ليك ديرليا بلان دجاجة وفسيمانة نحمل ؟ فين هادشي ديالها ؟ هادي كتر من عشرين يوم وباقي مكاين والو !! واش باغييين تحمقووووني

رشيدة… قوصات حجبانها كتفكر كلام شوافة ~ اوى ابنتي هادشي لي عطى الله خاصك تسناي كلام الشريفة معروف ودقة بطلة بشهادة الجميع ..

جوهرة … غوتات دموع فعينيها ~ تا الإمتى نعاين أنا اااه تا الإمتى أماما؟ واش بغيتي غانم يمشي ليا من يدي هااا ؟ ياك قلتيلي بفمك إلى حملت ماليييه فراق عليا ! شنو نديييير دابا ؟

رشيدة … كتحاول تهدن فيها وترطب معاها~ تهدني ابنتي الله يرضي عليك تهدني ، وسمعي كلامي غذا نمشيو عندها تمسد ليك ولا تعطيك شي عشووب على مولانا

جوهرة … يديها كيترعدوو وصورة شهد بين عينيها ~ ميمتي إلى خلاني غادي نموووووت ولا نقتلها هي والله حتى نقتلها

رشيدة … عارفة بنتها حمقة وديرها كتحاول تكالميها وتجرها لعندها ~ شششش الله ينجيييك منها سمعيني ابنتي غذا جي عندي ونشوفو سيدة

قاليك شايفين وسامعين واللعبة فاهمين ، فاهمين الغدر والكلام للعيب ، وعارفين انو حنا وسط الذياب عايشين ، لا رحمة ولا شفقة ولا ملة ولا دين ، للخبث راضييين واعيييين بلي للحياة فاهمين ، ولكن ساكتين حيت لحبيب حبيب والذيب ذيب ، وديرها مع ربي زينة وعيش مرتاح البال والضمير، ماشي وحدة بشعوذة وقلة الدين باغا تشد الراجل بين الرجلين ، لا حولة ولا قو إلا بالله العلي العظيم من البنادم إلى تلبس الشيطان ومثلو فعايلو…

قطعات معاها الخط كتنهج ، وهزات بوماضة دارتها لعنقها ، محدها كتشوطها وهي كتحييلف فيها ، مسحات دموعها وقادات حالتها ونزلات للتحت، غذا على النبوري تمشي عند مها ، مفخبارهاش لا بفلح الساحر من حيت أتى ، وديك الطريق عندها نهاية وخيمة ، الله ينجينا وينجيكم منها ، شحال من وحدة نهات حياتها بيديها مشات فطريق الحرام حتى ملقاو ميجمعو فيها فالتالي ، وشحال من وحدة ماتت موتة معجبة لا ربي يشوف فيها ولا ملائكتها ، هزات شوية من ديك الغبرة لي كانت عطاتها شوافة شحال هادي ، حقة محقة غير القبول هذاك باش تعجبو ويميل ليها ، ونزلات نيشان للكوزينة ، قدات طويجين هو هداااك وحطات فيه سحورها ، واخا عارفة العائلة كاملة غادي تأكل منو ممهامهاش داكشي قبووول ومعندو باش يضرهم هاكذا هي كتفكر ، كتعمر براد ديال اتاي وحاضية مع الطاجين باش يتقلى ، فحين شهد ضرباتها بتدويشة ونشفات شعرها لبسات بيجامة طويلة بسروالها جاتها زوينة وخلات شعرها مطلوووق ، هزات تيليفونها ونزلات درووج حتى كتشم ريحة الطواجن ، طلات بانت ليها صاحبة دعوتها فرحانة كتوجد ، وهي مدخلش لكوزينة غير إلى نوات دير شي حاجة ، قوصات حجبانها فيها حاضياها ، حتى خرجات من الكوزينة فاش طفات على الماكلة هزات صينية دأتاي غادة للصالون فين كاين عبد القادر ونسرين ولطيفة كيتفرجو ، فحين شهد دخلات حلات على ذاك طاجين كتشوف فيه وتفكر ، وفالتالي هزاتو غسلاتو مزيان من ديك المرقة ، وزادت عليه الماء وحطاتو يغلي شوية ، الماء كيدي الماء وبيض حس العطرية مابقى فيه ، تبسمات وخلاتو وخرجات ، كتعوج بمشيتها ، لقات عليهم السلام وعليكم وجلسات حدى نسرين …

عبد القادر … هضر مع جوهرة وعينيه على شهد ~ كبي معاك ابنتي شي كويس ورجع كيهضر مع شهد ~ اجي ابنتي جلسي حدايا بغيت نهضر معاك

شهد .. جلسات حداه كتسمع ليه ~ هانا عمي ياك لباس ؟

عبد القادر … طبطب على ضهرها وهضر بحنان ~ غير الخير ابنتي ! دابا أنا كانت عندي غير بنية وحدة وهي نسرين ، من بعد جيتي انتي ولاو عندي حرج بنيات ودابا جات جوهرة يعني انتما بتلاثة بنياتي ، نبغيييييكم متقلقوونيش وحتى أنا لي ضراتكم ضراتني ، العيب والعار إلى حتاجيتو شي حاجة ومدرتش بيها ، الله يرضي عليكم دنيا وأخرة

شهد …طولات فيه الشوفة كتحس بيه الشخص الوحيد لي نية فهاد الدار ~ انشاء الله ميكون غير خاطرك

عبد القادر … تبسم فوجهها~ اوى هي لخليتيني ندوق شي نهار طيابك ابنتي باينة كتعرفي طيبي ومخبعاها علينا

شهد … تبسمات ~ مرحبا نديرها على ودك اعمي

عبد القادر … شد يديها دوز عليهم ونطق ~ انشاء الله يصلح مابينك وبين ميمتك فالقريب ابنتي ، غير هو خاصك الصلاة والدعاء والاستغفار والصدقة باش ربي يسمع ليك ويعاونك

لطيفة … جالسة كتسمع لكلامهم هي وجوهرة ويديها على حناكها كضحك و نطقات ~ اوى لاش الصلاة دعكو والخرى فزكووو هي ليها ، السترة ومستراتش راسها بقاليها غير الصلاة اوى صاف

عبد القادر … خنزز فيها محمر فيها العين ونطق ضاير فيها تا لبدات ~ رجال فاش يكونو يهضرو العيالات يسمعو ويسكتو ولا صافي الالة لطيفة وليتي تسمعينا غير حاشاك البرطيط معندك احترام ليا أنا لي راجلك ؟ ورجع كيغوت عليها ~ ومالها قاتلة بوحمارة لي متوووبش لمولاها ؟ هاهي بدات مزيانة حويجات مستورين كتلبسهم وشوية بشوية ترجع لطريق مولاها انتي مالك فهادشي ؟ ولا كتقلبي على جوا منجل وطربوش العجل فهاد الليل يا هاد المرأة ؟

شهد … نطقات وهي كطبطب على يديه مدايهاش فكلام لطيفة ~ انشاء الله اعمي ندير بكلامك علاش لا !! الله يهدينا اجمعين

جوهرة … وقفات هازة خنافرها للسما وكتشوف فشهد بكره ~ عمي أنا طيبت طويجن نعاينو غانم هاهو شوية ويدخل عالام نحط العشاء

ميل ليها راسو بأه ، مشات كطير تقاد الطبلة ، فحين شهد بقات تفكر فكلام عبد القادر ليها ، حتى دخل عليهم غانم محمل ومجمل يديه عامرين ، كانت حطات الماكلة فالوسط ، طاجين باقي متحل ، نطق بسلام وعليكم ، ودخل باس على باه راسو وداز لمو ، خربق لنسرين شعرها بيديه وعينيه على شهد ، بانت ليه صافنة وصاقرة غير كتخمم ، فحين جوهرة تزنگو حنيكاتها وهي كتشوف فيه فرحانة ، قربات منو حشمانة ونطقات …

جوهرة … بخجل وعينيها علييه بحب ~ وجدت ليك طاجين لي كتبغيييييه وطيبتو بطريقة لي كتعجبك

غانم … حقق فيها مزيان وجها باين عيان وأتار خبيشات من شال كيطلووا قوص عينيه وقرب منها كيسولها بفضول ~ مالك فوجهك ؟

جوهرة … حنات راسها بخجل يديه على وجها كيدوزو تبسمات بفرحة ونطقات ~ ماشي شي حاجة غير ، وشافت فشهد كطلعها وتهبطها بحقد ~ كنت غادي نطيح من درووج وشهد شداتني مع عندها ظفران جرحاتني

غانم … طول فيها شوفة كيحقق فوجهها ورجع شاف فشهد لقاها مهياش فهاد العالم كتخمم مداياهاش فيهم ، ومشافتش حتى فجيهتو ~ المرة جايا ردي لبال …

جلسوا مجموعين على طابلة ، حلات لطيفة طاجين ، وهي تكحل بالعمى ،

لطيفة …. نذبات خضوضها وهي كتشوف فجوهرة بصدمة ~ الماء كيدي الماء ابنيييتي

فعلا غير الماء والمرقة بيضة حس العطرية مافيه كحلات بالعمى ورجعات شافت فجوهرة ، مفاهمة والو عارفاها كتعرف طيب وهادي ماشي اول مرة طيب فيه ، قربات جوهرة كطل بعينيها وقلبها كيضرب يديها تعرقو وغرقات فحوايجها بالحشمة ، مفهمات والو وشنو وقع ، هزات عينيها كتشوف فشهد بسم عرفاتها هي مولات الفعلة ، فحين غانم مخلاش مو تهضر شد ديك الطاجين وحطو فالجنب ناقدها من ديك تبهديلة..

غانم … جر الميكات كيحلهم وعينيه على شهد ~ أنا نيت جبت ليييكم العشاء معايا ، وشاف فشهد حيت عطاتو نخال مين دخل قرر يجبدها هو ~ تحركي حطي معايا هادشي فطباسل

بلى كلمة بلى جوج وقفات مكوزة عليه ، وجرات الميكات كتقادهم ، اول حاجة لقات لوبية بالحرور لي كتبغي ، زادت حلات تانية الكفتة مشوية باقة سخونة ، لحسات فمها بشهوة ، أحسن أكلات عندها وشحال هادي مكلاتهم ، حطات شلايض وبعض من أكلات خرين ، وجلسات عينيها على لوبية ، بلى متسنى جرات لخبز وبدات ، كياكلو فصمت من غيرها هي لي كتزرب حتى وقفات ليها …

غانم … قرب ليها الماء وخنزز فيها ~ غير بشوية عليك غادي تجيفي إلى بغيتي نزيدك مالك على هاد الحالة

شهد … مصات صبعانها قدام عينيه ملهوووفة بحال طفلة صغيرة كتاكل ~ لذييييييييذة

قرب ليها كاس دالماء لتوقف ليها ، فحين جوهرة زفرات بصوت مسموع مراضياش لاهتمامو بيها ، ولا لكلاموا معاها ، فقط كتشوووف وتشوى فصمت ، كلها كياكل ماكلتو فصمت من غير غانم لي مراقبها كيف كتاكل، تقول عمرها ضاقت نعمة ، ديك اللوبية فكراتها غير فمي رحمة ، هي الوحيدة لي كطيبها هاكذا وبهاد الطريقة ، بعد ما كملات طبسيلها، مد ليها باش تمسح، حتى تقادات وهزات عينيها فيه كتشوف فيه ، معارفاش علاش بالضبط جاب ليها الماكلة لي كتبغي ، طولات فيه الشوفة كتحاول تقرى عينيه اش فيهم ، باغة تفهم هادشي ، ورجعات هزات حجبانها للفوق كتفكر واش بغى يراضيها ويطلب سماحة منها بهاد الطريقة؟ زعمة كإغفار ليديه لي هزهم عليها ، بقات مراقباه وهو كذالك كيشوف فيها بلى ميرمش، وبيناتهم جوهرة لي متبعة الفيلم…

شهد … بعد ما عمرات كرشها قررات تسولوو بفمها~ ممكن تقولي منين شريتي اللوبية ؟

غانم … زاد قرب منها كيشوف فعينيها مينكرش نظرتها ساحرة لواحد الدرجة تخليك متسخاش تهبط عينيك من عليهم ، ~ مشيت ريسطووو خذيتها علاش ؟ مزويناش؟

شهد … طعمها باقي فمها تبسمات وهي كذكر اسمها بحب ~ لعجب ، لا لذيذة بزااف بحال كيف كتصاوبها مي رحمة

لطيفة … خنززات فيها كتشوف فطبسيلها خاوي كيصفر ونطقات ~ معجباتهاش!!! هي ضربات الطبسيل كامل على قلبها مسولات حد واش بغى تا هو يذوق وعاد كتسولها واش ممزياناش اوى هاكاوا على فشوووووف وخنوووث گرواوة السعيان

عبد القادر … مسح فمو ونطق بالحمد الله وشاف فيها ~ لالة لطيييفة ونوضي قادي ليا شي براد د أتاي على يديداتك وبراكة عليا من الهضرة الخاوية ،

شهد … نطقات شهد مقاطعاه ~ أنا نقادولييك اليوم اعمي غير خلي حماتي ترتاح ليا فهاد الساعة

عبد القادر … تبسم ليها فوجها ~ سيري الله يرضي علييك ابنتي نييييت باغي تذوووق شي حاجة من ديك اليديدات زوينين

وقفات كتمايل بخضرها ونصها قدام عينيه ، واحد سالفها موراها طايح مكريبي كيبري بريان، كيقولو زين عزوو ربي واخا يكون فدربالة ، تبعها بعينيه، حتى اختافات، فحين جوهرة ناضت كتجمع هي ونسرين طبلة ، دخلات لكوزينة حاضياها بعينيها ، قربات منها كتشوف فيها بكره شديد ، مبغاتش تبين قدام نسرين وهضرات قدام وذنيها

جوهرة … بحقد ~ عقلي على شوهة لي شوهتيني قدامهم عمري نساها ليك اشهد غادي رجعها ليك مضوبلة انتي وتحيري فيها

شهد … تبسمات ليها فوجها ويديها كيغسلو فنعناع ~ مرحبا اجواهر هانا كنتسنى نشوفك اش غادي ديري ، وقربات لوذنيها ~ ديك ساعة نحطك بوجهك قدامهم ، ونقولهم بلي سحارة وبالدليل لي بغيتيه كيف قلتي ..

جوهرة … تعرقو يديها بزوج عامرين بشي حاجة ، تبسمات وهي كدوز على خصلات شعر شهد من تالي ونطقات ~ حتى يكون عندك دليل عاد وريييييه ليهم متلعبيش معايا اشهد حيت غادي تنذمي

شهد … دفعاتها عليها مخرجة عينيها فيها وشعلات البوطة على اتاي يغلي خلات نسرين خرجات وهي تشدها من يديها ~ إلى عاودات حطيتي يديك عليا الخانزين غادي نعوقك، خانزة بحالك تنذمني؟ شلاغمية رجال وضحكت عليهم بقيتي ليا غير انتي الميكروبة ، دفعاتها عليها تا مشات وجات ، شافت غانم داخل وهي دور وجها حاضية اتاي ،

غانم …. قوص عينيه فيهم لاحضهم كيوشوشو غير قرب كل وحدة فين مشات تقدي فجيه شاف فجوهرة ونطق ~ جوهرة تكلمي الواليدة بغاتك

جوهرة … هزات عينيها فيه وقربات منو~ مقالتش ليك فاش بغاتني عمتي ؟

غانم … وعينيه على شهد ~ لا مقالتش

وقفات كتشوف فيييه محاملاش تخليييهم بوحدهم بزوج، تمتمات بين شفايفها قبل ما ضرب يديها بزوج وتخرج معصبة شانتة، قرب منها حاضيها بعينيه ، هز صابون غسل يديه ، وقرب منها محسات غير بيديه على خصرها جارها لعندو وعينيه على فمها …

غانم … هز صبعوو دور بيه على شفايفها روووطب بحال الفريز ، مسح ليها شوية من جناب فمها وعينه باقي على شفايفها ~ درية صغيرة عندي فالدار وانا ماسايق خبار

شهد … بغات تبعد عليه وهو زاد جرها عندو يديه مدورين على خصرها بتملك ~ طلق مني يدخل شي حد ينويها عوجة فيا بعد لهييييه خليني نخرج

غانم … دفع وجهو لحدى وذنيها تا طلعات معاه ريحتها استنشقها برضى متبسم ونطق ~ يدخل لي بغى يدخل مالي اش كندير؟ الحرام مثلا ؟ ياك انتي مراتي وحلالي على سنة الله ورسوله

شهد … قوصات حجبانها فيه ونطقات ~ اييييه ملاتك وعرفناها غير بالفم ، صغرات عينيها فيه متر ونطقات ~ كتفلى انت لا؟ حيد طلق مني

غانم … تبسم بين شفايفو بخفوووت، كيشوف فشفايفها بطريقة خلاتها تحني عينيها وقرب منها شاد بيديها ونطق ~ إلى بغيتي الفعل نطبقو معندي تا المشكيل غير ديري عقلك معايا !!

دوخها بنضرات عينيه متنكرش أنه حرك فيها شي حوايج لي أي أنثى ممكن ظعاف حداهم ، يديه لي على خصرها كيتحركو وعينيه على شفايفها خلاوها تبلع ريقها ، كمل كيشوف فعينيها ونطق ~ تمشي معايا ؟

شهد … هزات عينيها فيه حومر وعينيها كذالك على شفايفو لونهم قهوي بارد ، مع ريحتو مخلطة مع ريحة الگارو ~ فين نمشي معاك ؟

غانم … بعدها على البوووطة وهز يديه بعد شعيرات شعرها على عينيها ~ كاينة حفلة معروض ليها بين ناس كبار اش قلتي ؟

شهد … دوزات لسانها على شفايفها كتفكر شحال هادي ممشات لشي حفلة تفرح وتنسى الهم شوية ~ نمشي نيييت قنت هنا بوحدي

غانم … قوص حجبانو فيها ~ ولكن عندي شرط من جنبي متحركي حدايا تلصقي قدام عيني تبقاي من دابا نقولهالبك لباس محتارم تلبسيه وقوة الزواق معندي مندير بيه

شهد … هزات صبعها دوزات بيه على لحيتو ونطقات ~ حتى أنا عندي شرط

بعد المرات كنقصيييو على ناس بلا منعرفو ماضيهم، ولا أشنو عاشو ومناش دازو من مشاكل وحروووبات، يقدر كل واحد منا عاش حياة بائسة ومعندها حتى طعم ، ولا عشنا لفقر والجوع ، كل واحد عندو ظرووووف خايبة تخلييه ياخد طريق ومجرى خايبة تأذي لينا للموت ولا للمستقبل خايب ، كلها وشنو عاشت وشنو قاصات من تجاريب خايبة، جوع ، الحرمان ، الفقر ، الخذلان ، الخوف ، الذل والإهانة، الوحدة ، كل كلمة عند كل وحدة منكم معنى ، غير هنا شنو كضنو شهد الطفلة صغيرة بنت الميتم اش عاشت ؟ واش أحلامها تحققو؟ واش قرات ؟ كافحات باش توصل لمورادها؟ ولا خدات مجرى وطريق اخرى ؟ شنو كضنو سبب طفلة عاشت وكبرات فالخيرية ونهار خرجات ، تبعات طريق لا رجعة منها ، كلها ذئاب وحفرات وشووووك، كضنو تكون شهد طفلة مريضة ؟ ولا عاشت عقد خلاوها تنجارف لطريق خايبة ، كلها وشنو قاصات فينا غير حنا معندناش عقل نفكرو بيه بحال گاع الناس … زمان صعيب كثر فيه العيب ، لا حياة لا مستقبل لمن تعيش ؟ واش للكلام الناس صعيب ؟ الناس تقيمك ملي تعرف شحال عندك فجيب ، يولوييو عليييك بصف شادين ، ووقت الصح ماتلقى لا صاحب ولا حبيب ، تلقى شوك فالطريق ذياب عطشانة ليك ، يتسناو غير الفرصة فين طيح بين يديهم ويديرو فيك ما بغاو لا رحمة ولا شفقة فلي يديها تسبح ويد تذبح …

طول فيها شوفة كيشوف فعويناتها مرسومين سبحان من خلقها وعطاها هاد النظرة ، وجه مدور وعينين مجبدين، نيف منگاد وشفران طوال كثاف، بشرتها حنطية تخليك هايم فلونها، وشفايفها تمر معمرين، تشهد تسقي روحك العطشانة منهم ، ربي عطاها زين ، ولكن عقلها ، عقل شيطان وابليس ، طلق يديه كيسرحو على خصرها براحة وقربها ليه كتر كيشوف فعينيها …

غانم … هايم فوجها ~ امممم و كتشرطي من للفووق !!

شهد … كتحس بجسدو صلب قريب ليها يديه تقيلة على خصرها حسساتها بتوتر، قلبات عينيها باغة تفك دغيا ونطقات ~ أوى إلى بغيتي نمشي معاك تا أنا عندي شرط !!

غانم … كيحقق فوجها بحال إلى باغي يحفضو ~ أهااااه وشنو هو هاد الشرط الالة ؟

شهد … كدور فعينيها وتلعب بصبعانها قدام عينيه ، عضات شفايفها قبل ماتجاوبو ~ بغيت لاكرط بلوووو ديالك وطوموبيلتك وبغيت ندوز على أمال تمشي معايا ، باغا ناخد گاع ديكشي لي بغاها خاطري وتشهاها، محتاجة بزاااف دالحوايج ناقصيني

غانم … قوص حجبانو فيها ~ هادشي كامل هو الشرط ديالك ؟ قولي باغا تزهاي على ضهري وصافي ، غرس ذفرانو بقوة فخصرها وحمر عينيه فيها ناوي يصليها معاها ~ كيحساب ليا درتي عقلك وانتي غير مزايدة فيه ! نعطيك أنا طونوبيل ولا كارط ونصيفطك تقح**** قواد أنا بنتليك ياااك

شهد … خلعها بنبرة صوتو الغليضة ويديه

لي كتزير عليها بقوة ، حطات يديها عليهم بغات دفعو ساعة زاد زيرها عندو ~ طلق مني وجعتيني تما ، وزايدون اش فيها إلى قلت ليك بغيت نخرج نشري ديكشي لي محتاجة بخاطري ولا ضروري تحرمها عليا وتهز يديك كيف ديما ، صافي غير طلق درت بناقص سير بوحدك أنا مغاداش، فاش حسات بيه زاد زير عليها ، رجفات بين يديه بألم ونطقات ~ غااااااانم غادي طرطق لي الغراز طلق مني

أنا باللقمة لفمك وانت بالعود لعيني، هاكذا حس هو باغي يخرجها معاه ويخليه تفوج وتفرح شوية ، وهي كتقوليه عطيني نمشي مع امال راسي فراسك وناخد لي باغا، هو كيحاول يصلح بزاف دالحوايج وهي كتورييييه التمرد ديالها، هو يبني وهي تهرس، باغي يكسر حاجز كيلقاها بنات حواجز اخرين ، باغا تحمقو بهبالها، غير مطيعة بالنسبة ليه ، وتمردها معاه غادي يخرج عليها ، باغيها غير مرة تكون هادئة وتسمع كلامو، حتى كيلقاها قالت شي حاجة شعلاتو، كيبغي يتكالمة معاها تا كيلقى راسو نازل عليها لوجه حيت فمها مبري منها ، لعيب كتسبقو هو لول، وتخراج لعينين معاه لعبتها المفظلة..

رخف عليها كيف سمع كلامها، عينيه باقين حومر ، ماباغيش يطلق منها ولا يحيد عينيه عليها ، شرهة متمردة لعوبة ، ورغم ذالك ساحرة ، دفعها على لبوطاجي تا مالت وحط يديه تحت بيجامتها مطلعها وكيتحسس بطنها ، خلاها مطرطقة عينيها ومصدومة، دوز على بشرتها تاوصل لبلاصة العملية كيقيصها بيديها ، ويتفحصها وكيشوف واش كاينة شي علامة ألم فعينيها ، لقاها غير مصدومة وكتشوف فيه ،

غانم … قوص حجبانو فيها ~ علاش باقة كتحرقك؟

شهد … بغات تبعد وترها لقاتو باقي لاصق فيها ~ كتحرقني غير فاش كتعجنها ليا بيديك طلق مني خلاص اتاي برد وعمي كيتسنى

غانم … صاط عليها تا طارت ديك زغبة لي زعجاتو وقرب منها ~ خلييييه يتسنى أنا ومراتي كنتحدثو سوق شي حد ؟ ولا انتي عندك موشكيل

شهد … كتصوووط ~ وعندي موشكيييييييييل وكبيييير گاع ، صافي معندنا فاش نزيدو نهضرو كلامي وشرطي وقلتو ليك انت مبغيتيش يعني تا أنا مغنمشيش

غانم … زفر بصوت مسموووع وبعد عليها كيخنزز ونطق ~ لي بغيتيه غادي ناخدوليك ولكن رجلي برجليكم معنديش المرأة لي تخرج تقدأ هي وصاحبتها بوحدهم، وتحركي دابا هزي ديك صينية ، نتاعت غير لي يحرق ليك لسانك بيه نيت

خرج سابقها بدييك المشية ، وهي موراه كتخنزز فيه وتعيبو، دخلات للصالون بان ليها عبد القادر ولطيفة جالسين ، حطات حداه أتاي ، وعينيها كيقلبو على جوهرة مبانتتش ليها ، حيت شافت كل شي بعينيها وطلعات كتجري لبيتها تبكي وتنوح، ولكن هي لي بغات تجي ضرة وقبلات بيه مزوج ، وهضر معاها قبل زواج وفهمها بلي شهد مراتو ومغاديش يطلقها ، ورغم ذالك قبلات ، لهذا توقع وتفهم أي حاجة شافت وسمعات حيت تا هاديك مراتو…

قلب وشقلب عبد القادر فأتاي، وكب فالكيسان، ذاق هو الأول ، عجبو مشحر وبقوامو، تبسم وهو كيشوف فيها ~ الله يعطيك الصحة ابنتي غزال هاكا نيت كنبغيه، بحال ديال لالة لطيفة مديكشي اوى هاكذا نبغيه وعفى بنتي قاديهلي ديما، الله يرضي عليك …

لطيفة … ذاقت منو وعوجات فمها فيه ~ اوى لاش قاليك بحال اتاي ديالي منين جاه ؟

شهد … قربات منها ~ بحالو اعدوزتي خوك ولد عمو شمن مال عمي عبد القادر كيكذب؟

لطيفة … خنززات فيها ~ يعطيك مكلفة تكلفك وتهنيني منك يا بوبريص {مكلفة هي السخانة ههه زعمة تصهط وتهنى منها } هاكاوا على انتي اخانزة ركاني تشبهيلي؟ فينك انقى ديالي وطيابي لالاك لطيفة بنكيران واجرك على الله ~ كتشوف فصينية وضحكات باستهزاء ~ شوفي طووط والعفن حتى من الصينية مضببة كيف يامها الكحلة سحلة، اوى لاش هادي هي فهامة عمي مكوار خلى الزلافة وشرب فالغطار، هادو كيسان هادو؟ ناس كيشربو فيهم اتاي؟

علد القادر …. جغم منو تحت أنظارها كيتلدذ ونطق ~ معندك فاش تزيدي كلمة بنتي شهد من ليوم هي لي تقاد ليا اتاي وبراكة عليا من الهضرة بزااااف الالة لطيفة ، سمعناك وفهمنا دابا نوبت بنتنا شهد

شهد … عجبها الحال كتبسم وتشوف بنص عين فلطيفة لي تلونات ورجعات حمرا،~ الله يطول لينا عمرك اعمي ، لهلا يخطيك علينا وصافي

لطيفة … جمعات الوقفة طالع ليها دم ~ اوى هانتيلك على راجل ، دغيا قلبتي وجهك عليا وانا لي نقاد ليك ونمد ليك وليت سوقي خاوي ياك اسيدي ، اوى ها هي طيبليك من ليوم مباقي حطيت يدي فشي حاجة ، خنززات فشهد كطلعها وتهبطها ~ فداري ودايرة بيا زرمومية بحال أفعى كضرب ، السم صقلي والبهلان عراقي والنخوة علوية ، أنا بنت قاع والباع والخاتم فذراع نتقارن مع بنت نغاز الحمير اوى لاش …

خرجات لطيفة طالع ليها دم ، غادة وكتنگر لبيتها، فحين عبد القادر شرب أتاي ديالو على خاطرو، ومتبع عينين ولدو لي على شهد من قبيلة ، تبسم براحة ، وناض هاز كاسو غادي تابع مراتو…

عبد القادر … سيادنا تصبحو على خير المدام عندي طلع ليها دم ، قبل مايخرج شاف فشهد ونطق كيضحك معاها ~ إلى ابنتي خلاتني بجوووع ضيبانيني باش ما قسم الله راني تابق فدووك ليديدات عندك

شهد … جابليها الضحكة ~ مرحبا عمي نطيب ليك لي بغاها خاطرك على راسي وعينيا هه

عبد القادر … جغم من الكاس وحطو فوق الطبلة ~ وايني ماشي ليمون والحرور والأميوووهي ديكشي يكون ناضي هه ابنتي الله يرضي عليك راني مريض هه

شهد … ضحكات بصوت عالي ~ مرحبا عمي لي بغيتيها نقادها كون هاني ههه

طبطب عليها قال ليهم تصبحو على خير وخرج عن قصد باش يخليهم بجوج على راحتهم، طول فيها شوفة غانم ، من قبيلة وهو حاضيها، قرب ليها وهي غير شافتو ناضت باغا تمشي لبيتها ساعة معامن ، باب صالون سورتو عليهم ، وجرها من يديها تا طاحت فوقو مصدومة من وقاحتو… فحين هو شد يديه بجووج دورهم على كرشها وهزها حطها فوقو كيشوف فعينيها، سكران واصل لافان ديالو، باغيها ومتردد، باغي يعيش معاها بزاف ديال الحوايج وخايف ، عارفها عفريت فصفة انسان ، وممكن تحول فأي دقيقة عليك ، لكن كتبقى فنظرها البنت الوحيدة لي فكر وبنى حياتو معاها ، شنو شاف فيها وشنو لقى هادو حوايج خاصييييين بيه وبوحدو عارفهم، واش عجباتو ديك البنت المطيعة الحشومية، ولا شاف فيها شي حوايج تاروه من اول لقاء ليهم ، المهم كتجدبو فكل حالاتو وكتخليه يتعطش ليها ، قرب ليها شم ريحتها لي كتسكرو، واحد مولاتي طرمة نزل يديه شحطها فيها تا تهزات ولات نزلات عليه ، مخرجة عينيها وكتغوت …

غانم … شد ليها فمها بيديه وقرب فمو لجيهت وذنيها ~ ششششش غايحسابهم غير فرعتك هنا وتشوهيينا وانا باقي مذقتك مقربتليك غير باطل وينزل شاف لتحت لبين سروالو وكمل ، باطل وينزل على هذا مسكين

شهد … خنززات فيه مصدومة من الجرأة والوقاحة ديالو ~ طلق اويلي واش جهلتي؟ ولا مشبعانش! ناقصك الحنان بانلي

غانم … تبسم بين شفايفو عجبو كلامها ~ هادي مكذبتيش فيها ، ناقصاني الحنانة ، كيشوف فصدرها كبير واقف قدامو ونطق ~ الحليب ضايع وشايط وانا فيا جوع ترضايها لراجلك؟

بغات ضربو لصدرو وهو يشد يديها بجوج حكمهم فيد وحدة مور ضهرها وعينيه فعينيها حط يديه على صدرها قاصو رطيطب وعامر حتى تهزات مبورشة ومصدووومة منه

شهد … تمجننات عليه ~ طلق مني متقيييييسش فيا ألف مرة قلتهاليك، عندك امرأة راها لفوق كتسناك هي تعطيك الحنانة أنا عندي غير سم إلى قلبتي عليه يقتلك

غانم … خنزز فيها وخشى يديه بلى حشمة فصدرها جبدو وعبرو بيديييه هاد قرصها من راس بزولتها حتى تهزات كتغوت ~ كل شي حلالا طيبا نقيص فيه كيف بغيت وفقما بغييييت ونهار نبغي نتكييييييييك مكاينش لي يمنعني عليك يا بسيف يا بالخاطر حقي ندييييييه نديييه مديريش معايا ضد حيت غادي تحيبيها غير فراسك معايا ، انتي مراتي وهادشي خاصك دخليييه لراسك وتفهميييييه ، نهار نبغييييك أنا ونتييييق فيييك نقيصك اشهد مكاينش لي يمنعني منك

شهد … بقات كتشوف فيه مصدووومة من كلامو، عضاتوووو من لحيتو لي قدامها بجنووون، تا دفعها وغوتات صدرها كيوزوز ~ فأحلامك تقيصني لا بخاطري ولا بزز، والله تا نحرقك وانت واقف متعصبنيش سير عند مراتك تعطييييك داكشي لي محرووم منه أنا باااااح

غانم … خنزز فيها ونزل صلاها معاها لطرمة تا تهزات بألم ~ باقي تخرجي نيابك تعضي بيهم قسمن بالله تا راس بزولتك نطيرها ليك بسناني والى بغيتي تجربيني نيييت دابا قاد نوريييك واش نقييصك ولا لا ،

متخلينيش ندير شي حاجة باقي ممأكد منها ، جرها من يديها كيشوف فعينيها ونطق ~ باغي نتيييييق فيك ونعيش هاني ، تقاي عيبي وتقاي شري وخليني معاك طرونكيل

دفعها مرينڤي ، سخون وحاس براسو العافية فيه ، واش هي كاملة حداه بقوامها كيشوف فيها نورمال يسخن ، هزات يديه مبورشة وكتحس براسها ماشي هي هاديك ، بغات تجمع شعرها وهي تحس بشي حاجة فيه ، جراتو لعندها كتقلب وعينيه خارجين مفهمات والو، تا هزات شعرها حداها وهي تشوف المسكة ذايبة وسايحة فشعرها، ولاصقة عليه من لتحت كامل تقريبا، قلبها بقى يضرب ، وبدات تجر ديك المسكة حتى كيتقطع شعرها معاها ، حقق فيها وناض واقف كيشوف فشعرها عامر مسكة، مفهم والو …

غانم … دفع يديها وخنزز فيها وشد شعرها كيقلبوو ~ هدااااااي كتقطعييييه هاكذا،،، مين جاك هادشي ؟

شهد … رحعات حمرأ بالفقصة مفهماتش منين جاها هادشي وكيفاش المسكة وصلات لشعرها نطقات معصبة ~ افففف معرفتش منين عاد دابا شفتها فشعري ،

بدأ كيحاول يحيد ديك المسكة، ساعة ضاربة جبيرة، فينما يجر كيجر شعرها معاها، حتى تعصبات وهي تجر شعرها كتقلب على شي حاجة فوق طبلة ، ~ قلب معايا على مقص ولا مووص هادشي مغاديش يزوول إلى مقطعتووووش

غانم … جمع ليها شعرها معصب ونطق ~ تقيص فيه نقطع ليك يدييييك ، جلسي الأرض نحييدو ليك هاد زمر لي فراسك

كانت مور لباب مكوية وهي كتسمع لحوارهم، دقات قلبها كيضربو فصراع قوي ، وعقلها كيقول ليها تحركي عادي يضيع من يديك ، غير حسهم تقطع وصوت صباطو كيتسمع هربات مخبعة، خباتو دخل لكوزينة كيقلب على شي حاجة ، وطلات عليها شافتها حمرا وكتقلب فشعرها ، حسات براحة والفرحة ، واخيرا غادي تهنى من شعرها اول شي كيعجبو فيها ، خرجات من تما كتمسح دموعها وفرحانة، المهم نكداتها عليهم ، فحين غانم بحت فتيليفوونو لقى تلج هو الحاجة الوحيدة لي تفك المسكة من شعرها ، هزو وخرج غادي عندها ، لقاها باقة كتقاتل ومفقوووصة، جلس حداها مدور ليها شعرها عندوو، مفهماتش شنو كيدير بقات ساكتة، حتى سالى ونقى ليها بالخاطر شعرها زغبة زغبة، عاد تنهد …

غانم … جمعو ليها بيديه ~ هانتي الالة فكيناها بلى تقطاع بلى نصو متبقايش طيري

شهد … تبسمات كتقيص فشعرها وتفكر فمولات الفعلة كتوعد ليها فنفسها، ~ الحمد الله زالت بغات توقف وهو يجرها

غانم … خشى يديه تحت بيجامتها بغى يحيدها ليها وهي دفعو، لقاتو لاصق عليها ومخنزز فيها ~ طلقي من زمر غادي يضربك البرد ضهرك فازك بالماء كامل

حطات يديها مباغاش تخلييه وفالتالي جرها لعندو حيدها ليها بزز منها ، خلاها غير بسوتيام حداه ، حيد تيشورط ديالو مدو ليها تلبسو وهو معبس فيها ، مكيحملش المرأة لي تقيلة ومكتفهمش الهضرة ، ورأسها يبس من الحجرة ، شداتو بشنتة لبسالو مع هو عريض وطويل، جاها طويل ومن الصدر هو هداك مخبيه ليها ، حقق فيها مزيان ، خلاها حالة فمها فبنيته، طويل وعامر ديك الوشمة شحال جاياه زويينة، حققات فيها لقاتها غريبة، بغات تنطق وهو يتقدم لقدام …

غانم … باغي يكمي گارو ~ تحركي لخربتك تنعسي ، وغذا وجدي راسك نمشيو نشرييييو هادشي لي ناقصك

شهد … هزات حجبانها للفوق ~ ندوزو على أمال ؟

غانم … جبد باكيته دالگارو ~ طلعي تنعسي غذا ويفتح،

خرجات تحت أنظارو طالعة فالدروج ، تبع ليها لعين تا مابقاتش تبان ، عاد خرج لجردة ، لهوى شوية محرك ، شعل گاروووه، وجلس يتكييف بانليه ضو ديالها شاعل ، واحد شوية وهو يطفى، حنى راسو كيفكر ويخمم، بزااف ديال المطارق فدماغو، كانت فالسرجم كطل عليه ، وتفكر حركاتو معاها ، نرجسي وطوكسيك وكيبغي الحاجة ليه بوحدو كتعرف هاد النوع وفاهماه مزيان ، تنهدات كتشوف فيه وتبع حركاتو، كيسف ويعاود ، وفجيهة اخرى ، جوهرة من سرجم تاني كطل عليه ودموعها نازلين ، عارفة ومتأكدة عمرو بغاها وغير كيحترمها، او بالأحرى داير واجبو معاها ، كتفكر كلام مها لي قالت ليها ، خاصها غذا تمشي عندها بكري ، وتقضييلو شغالو قبل مايطير ليها من يديها ويخليها بوحدها لحماق ينزل عليها ، تخشات بلاصتها، كتفكر كلام شوافة لي قالت ليها ، خاصها ينعس معاها وتهز ليه الماء ديالو تخدم بيه ، هاذي هي الطريقة الوحيدة لي بقات ليها ، تفكرات كلامو لشهد زيرات على قلبها دموعها نازلين ، وغمضات عينيها ، فحين شهد بقات شحال خاضياه كتفكر بزاف دالحوايج واولهم لقاءها الأول معاه ، عطاتو الشحيمة وبينات ليه الحشمة والعفة ، وخلاتو تاق فيها وضحكات عليه ، واش زعمة دابا حاضي منها وتيقتو ليها منخافضة ولا شنو هادشي لي كتعيشو معاه … شحال من فم يهدر بلا ما يفهم ، شحال من واحد ظلم بلى مايخمم، شحال من قلب غارق فالهم بلا ما يتكلم وشحال من واحد يضحك وفداخلو يتألم ، تنهدات كيف شافتو وقف لايح أخر سيجارة فالأرض ، دخلات تا هي لفراشها وتكات كتشوف فسقف عقلها خدام ، فحين غانم طلع لبيت ديالو حلو كيلقى جوهرة فراشووو، دايرة مسها ناعسة وهي فايقة كتسناه على أحر من الجمر …

للكرامة عنوان ، ماشي كلمة راجلي تعطيني حق لبرهان، راه خاصنا نتيقو فروحنا قبل غريزنا، ماشي كلمة جوووج نووض ندير هادي باش يكون ليا ، الله يهدي بنادم على فعايل الشيطان وطريق الشعودة كيحساب ليه ديكشي دايم ، وهو نهار الحق يبان يولي كيف البومة لي غير كدور فعينيها ، الطريق الخروج يتشد فوجهه، ونهار الحقيقة تبان يولي شفاية بين العديان ، كيف كل ليلة تسناته حتى نالت مرادها ونعس حداها مخشية فيه ، لقاتو داتو عينيه وجبد عليها بنعسة ، تفقصات ونعسات جنبه وهي كتخمم وتفكر اش طريق تسلك معاه ، غير صباح الصباح ناض هو الأول قضى شي غرض وصلها عند مها كيف بغات ، وررجع للدار ، لقاها واجدة كتسناه، لابسة كسيوة طويلة كيف قال ليها ، وطالقة شعرها ، وجهها مقاد بداكشي خفيف ، وشوية دالعكر مزين شفايفها الوردية ، صابحة ناشطة ، وعويناتها فرحانين ، قرب منها ، كيفليييها بعينيه ،

غانم … قوص عينيه بالكسوة شوية مزيرة عليها مبينة ليه قوامها بوضوح ~ ملقيتي غير هادي تلبسيها؟ مكاينينش حوايج اخرين ؟

شهد … ضربات بشعرها لوور ونطقات بغنج ~ هادشي لي عطى الله انت لي شريتيها ليا ولا نسيتي؟

غانم … خنزز فيها ~ زيدي زيدي قدامي

تمشات دايراها ليه على قد فموو عارفاه متعطش ليها وكتزيدو، دفعات مؤخرتها للوور، وخلاتها غادة جاية كتهزهز موراها، سالفها تابعها ، وهي عاحبها راسها ، خرجات من جردة ، حتى وقفات حدى طوموبيل ، ركب مخنزز معاجبو حال ، وغير كيصوط، ديمارا وهي ، نزلات المرايا كتقاد فشعرها ، دورو لهاد جهة وتعاود تقلبو لهاد الجهة ، حتى صاط معصب ، نتف ديك المرايا طالعة ليه لقردة ، وجرها من شعرها مخربقو ليها ،،،

غانم … حمر فيها لعين ~ غادة لحطرة؟ مالكي على حالك ؟

شهد … عصبها من قبيلة وهي كتقاد فشعرها جا هو فدقيقة خربقو ليها ~ صعر انشاء الله من قبيلة وانا نقاد فيه خربقتييه ليا علاش زعمة اش فيها إلى قاديت شعري ولا الناس كيقادو شعرهم حتى كيكونو معروضين؟

غانم … هد عليها بحال إلى غادي ينزل ليها لوجه ، حتى درقات وجها وهو يضرب يديه على الڤولا ~ برب حتى نرجعك للدار ونديرو بناقص من شي قلا*** متحمقيش ديلمي حيت عادي نخنقك

ضربات طم مزادتش هضرات معاه ، بقى سايق مسافة طويلة حتى وصلو لديك الحي الشعبي ، صيفطات ليها شهد مساج ، قالت ليها حتى لتحت ، كانت كتسناها لابسة كسيوة فالغوز قصيرة ، وطالقة شعرها ، صنيديلة فرجليها عالية وجها مقاداه جايا كتحمق ، تمشات فالحي ، الغادي وجاي كيشوف فيها حالين فامهم، نزل واحد من دريبة كان واقف مع الكليكة معروف فديك الحي خطير ويالله خارج من الحبس ، كيعيطو ليه الگوتشي ، من نهار شافها مع وسيم وهو حاضيها ، كيتسناها غير تخرج بوحدها ويوقف عليها ، شافها نزلات تبسم ، هي غادة وهو تابعها ، حتى شدها من يديها موقفها ،

الگوتشي….. ملاميحو زوينة غير يديه لي كاملة مشرطة ~ اوى اش تما اجبينة ديالي مديريش معايا الحل ، وقفي غير نهضر معاك ،

أمال … خلعها من ديك الشدة ~ طلق مني أخوية الله يخليك طلقني قلت ليك مبغيتش نهضر معاك

الگوتشي…. تعصب من نهار شافها باغي يهضر معاها وهي كتقمعو ~ مال رب* قلت لديلمك وقفي نهضر معاك ولا ماعجبكش؟ رب* كل شي عارفك ديال الگوتشي ولي راجل يجي يحل فمو ، حسابليك ديك روييجل لي كتكوني معاه يخلعني؟ والله تنذبحووو

أمال … يديها ولاو كيترعدو خافت منو من نهار خرج من الحبس وهو كيتبعها حتى ولات مكتخرج غير مع وسيم لي معارف والو ~ طلق مني اخوية شنو بغيتي عندي …

كان فطوموبيل كيتسناوها، شافو كل شي حقق فيه غانم ، كيشوفو اش كيدبر حتى كيبان ليه ، شادها ، كرز على يديه وجهو رجع حمر ، نزل من طوموبيل، وشدها على شهد باش متبعوش، قرب منهم ومحدو كيقرب وهو كيسمع كلامو كيتمجنن ، حيت كان كيغوت بجهد ،،، محس غير بتصرفيقة باش نزل عليه دوخاتو، جر أمال من يديها لعندو مخنزز فيه ، ورجع نزل عليه بتصرفيقة تانية ،

غانم …. عينيه رجعو حومر ~ هادي باش آخر مرة تقيص فسيادك أولد القح***

الگوتشي … معرف راسو باش تبلى بقى كيشوف فيه مكزدر بحال شي ولد العصابات طويل وعريض وشامو فيديه مفهم والو شاف فأمال وضحك~ شكون هاد الزا*** جايبة زلال آخر قولي انتي بنت لقح*** واحد كيدخل واحد كيخرج جامعاهم،

في لمحة بصر بغى يشنق على غانم وهو يجرو من يديه عوجها ليه ، ودفعو على الحيط ، جات جبهتو عليه ، دوخاتو، أمال بالخوف بدات تغوت ، والگوتشي مرضاش الحومة تجوقات عليهم ، طرطق بونقشى فوجه غانم ، وبدأ يسب ويرعرعر بكلام فاسق ، غانم جر أمال دارها موراه ، وهي عاطياها البكى يديها كيترعدو، شدات فيه من جاكيطة ديالو كاملة كترعد …وكتشوف فجوقة لي تجمعات، ناس كتخاف منه مركب فيهم الرعب ، هادي تقريبا سيمانة باش خرج ، يسكر وينوووض يغوت فالحي ..

الگوتشي…. طلعها ونزلها من رجيلاتها البويض كيصقصقو بالبريان، وعينيه عليها بحال شي وحش جيعان بدأ يقرب ~ والله تا نحو*** الجبنة، وهاد الزا** اليوم نفس ليه الرية دايالو…غمز شي دراري تما ~ سير لجيهة الضوايا عيط ليهم

غانم مكانش باغي يضربو ولكن مقدرش يمنع نفسو، وهو كيشوف واحد عينيه كلاوها قدامو وزايدها كيسيب ويخصر لهضرة محس براسو غير طاير عليه ، كيضرب ليه يديه لي فيها لموس مع الحيط ، وكيبونيه فكرشو، تا طاح ليه الموس وهو يشتق عليه عطى بروسية ضوخو، وخلى ليه نيفو نازل بالدم … امال غير كتغوت، واحد شهد شبعات ضريب فطوموبيل باغا تنزل تكمل عليه وهو شاد عليها ، جراتو أمال من فوقو، وهي كتبكي

أمال … الخوف قتلها ~ عافاك اغانم خلينا نمشيو من هنا صافي براكة عليه زيد خلينا نمشيييو راه مشاو بجيبو الحمية

غانم … خنزز فيها كيشوف فلباسها وجرها من يديها طالعة ليه الگناوية ~ رب** مكتسمعوش الهضرة ، خارجة عريانة حمدي ربك مغتاصبكش هنا !! شهاد القلا** لابسة ؟

بقات غير مطرطقة عينيها ، مصدومة فحين هو جرها لطوموبيل ركبها وطلع مخنزز عينيه حومر ، كيشوف فهاداك لي مجبد فالأرض دايخ ، ضرب على لڤولا ونزل باغي يكمل عليه ، حتى جراتو شهد من يديه …

شهد … طرطقات عينيها ~ زيد خلينا نمشيو فين غادي اويلي ؟ واش باغي اليوم شي روح طيييييح

غانم … خنزز فأمال حتى حنات راسها خايفة وتكورات فالقنت كتمسح دموعها ~ هابط نهرس لزام*** بوه راسو باش مرة اخرى يحتارم بنات الناس ولد لقح** ، كيتفكر ديك الكلمة لي قال يحوي** كيصعر ~ والله طبو**** لبقات فيه إلى مگلستوش على القرعة مرانيش ولد العلوي

شهد … مصدومة اول مرة بخصر الهضرة بهاد الطريقة حداها وقدام أمال ~ اوى عيقتي صافي براكة تخصار الهضرة علاش ؟

غانم … حقق فيها عينيه باقين حومر وجبهته بالعرق كتنقط ~ فاش تولييييييو تقادو لباسكم ديك ساعة تلقاو الإحترام من عند الناس ، ولكن معامن أنا كنهضر انتي كتر منها ، …. ضرب يديه مع زاجة، وديمارا الطوموبيل مخلي جوقة تما ، والگوتشي كيرعرعر عليهم ، الحمية باقي موصلات وهو كيغزز سنانو، دمو نازل كيمسحو وكيعاود يهبط، نطق بين سنييييه~ الييووووووم نخرج لمك مصارنك، وديك بنت لقح*** معاها حساب هانتا غاتشوف..

فحي شعبي مئة بالمئة وبالضبط فحومة خايبة بزااف ، معروفة بالشبوهات، كانت لداخل مع مها فالدار مهرمشة ، جالسة وخايفة ، ومها فجنبها شادة فيها ، وكدور فعينيها … كل شي خانز ومهرس، ودنيا حالتها حالة ، كانت امرأة مسنة وجها فيه وشمة ، هازة فيديها شي حاجة ، ولابسة بيجامة طويلة كف يديها موشوم، وبين حجبانها تا هما ، دايرة زيف حياتي عاقداه على جبهتها، عينيها بحال الشيطان،،، جلسات حداهم كتشوف فيها بنضرات غراب ومدات يديها لجوهرة …

مليكة … قربات ليها شادة يديها ونطقات ~ جبتيلي لي قلت ليك ؟

جوهرة … شافت فمها خايفة ورجعات شافت فيها ~ لا !! مجاتنيش الفرصة معاه باش ندير لي قلتيلي

مليكة … هزات واحد العشوب مداتهم ليها ~ سمعيني مزاين دوشي وغسلي بهاد العشوب تحتك، غير غادي يشمو فيك غاينعس معاك ، قضي الغراض وجيبيلي لي علمتك بيه ،

جوهرة … خضوضها حمارو بالحشمة، شداتهم من عندها ~ شكرا اخالتي نعيمة الله يسهل عليك

مليكة …حضاتها مزيان كتشوف فعينيها ، وتحقق، جراتها فتخات بؤبؤ عينيها كتشوف فيهم بشك بانو ليها شوية كبار وكيلمعو ~ دجاجة عطات مفعولها، الله يجيبو على خير

رشيدة … بفرحة شافت فيها ~ لالة شريفة مليكة ، فرحييني وعاودي تأكدي ليا الله يطول لينا فعمرك

مليكة … حمرات فيها ودفعات يد جوهرة عليها ~ كنلعبو هنا ارشيدة ؟ شحال مرة قضيت ليك أغراضك كانو غالطين؟

رشيدة … كدور فعينيها ~ لا حاشا ، شافت فجوهرة لي مفاهمة والو كدور فعينيها بصدمة ~ مبرووووك عليك ابنتي

جوهرة … باستفهام ~ مفهمتش؟

رشيدة … قرصاتها لجنابها ~ حاملة الموصيبة

علامة الصدمة بانت على وجها ، مفهمات والو أو بالأحرى متاقتش بيها ، حيت جوهرة قارية وكتفهم المرأة الحامل كيبانو عوراض عليها ، وهي مزال مبان عليها والو يخليها تشك ، شافت فمليكة ورجعات كتهضر فوذنين مها …

جوهرة … الله يهديك امي اشمن حمل ؟ أنا مباين عليا والو لا دوخة ولا وحم والو !!

كلنا عندنا عيوووب ، وعيوبنا وحدة ، بالنسبة لغانم الشخص الساذج لي لقى راسو معلق بإنسانة غريبة ماشي نفس الشخصية لي بغاها وتمنى، متمردة وعينيها غير فالمال ، لا هو قادر يكبح شعرورو القوي تجاهها ولا هو قادر يمشي ويخليييها ،،، جنونه بيها خلاه يضغط على شخصيته صعيبة ويحني تحت أنوثتها، ناوي ومصمم يبدلها وخا يعرف عمرو كامل يبقى معاها هاكذا ، وكضنو هذا قرار؟

خنززات فيه شهد حيت عصبها بكلامو، وعبسات وجها ، فحين أمال تكورات لجنب خايفة منو، مسافة قليلة وصلو لقيسارية، فيها كل شي ، نزلات شادة فأمال كتسولها، وتمشاو قدامو وهو موراهم حاضي الغادي وجاي ، وناوي اليوم على خزيت ، دخلات لبلاصة ديال لي بارفان، كتهز وتختار لي بغات وتمنات، أشكال وأنواع العطور ، غير لي مارك، حنات أمال عند وذنيها مصدومة ونطقات …

امال … قرصاتها فجنبها ~ اويلي عشرة ديال القرعات خديتي فين زايدة؟

شهد … طلعاتها وهبطاتها~ هزي اش باغا مالو غير اجي وتزوج، هذا هو زواج ، يقد بيا ومحتجياتي اختي، والله مايبقى فيا نفتخوووو فتييييخ الغذايد ومنحسش بيه

جرات أمال هزات ليها عطوور لي كتبغي ، وهي حشمانة ، مرضاتش وخايفة منه ، فحين غانم ، مخليها على خاطرها هي كتهز وهو كيخلص ، حتى سالات من العطور ودازت لي برودويات، خدات كل شي ناقصها ، وتقدمات لحوايج ، كتهز الكسيوات تقيص وتعاود ، حقق فيها وقرب منها كيختار..

غانم … رمى واحد الكسوة مقزبة ~ حطي القلا*** قبل ماندهشر مك لوجه نوريك تقزاب سالينا منه، عيبات وجها وأمال شدات فمها قبل ماطلقها بضحكة ، بداو يختارو بجوج هي كتهز وأمال كتعاونها وهو حاضي معاها ، كيف سالاو خلص وخرج ، مشادة مع أمال وكيتعاودو ويضحكو، ومع أمال مقزبة كل شي كيشوف فيهم ، حال فمه ، وغانم حداهم كيبانو بحال شي توريست كيدورو، بان ليه قيسارية الذهب ، جرها من يديها ، مشابكهم مع يديه ، ودخل عند مول شي سولووو …

غانم … عاقدهم~ مدلي هادو نشوفهم، كانو خواتم زواج سامبل وزوينين، ختارهم مفيهمش الحجر ، معقودين وجاييين كيحمقو، ركبهم فيديها وسولها باهتمام ~ عجبوووك ؟

شهد … قوصات حجبانها متنكرش ذوقو زوين وعجبوها ~ اااه مزيانين

غانم … شد يديه كيشوف فيهم جاوها فنين مع يديها عامرين ~ متحيديهمش من يديك ، رجع سولها ~ تاخدي شي حاجة ؟

رمات عينيها لجيهة ديال السنايل، كيبان ليها كووولي غليض بسرتلة ديالو، وحوالقو كيحمق ، لمعوو عينيها بقوة وهي تسولو ~ عطيني هداك راه نشوفو!!

جبدو ليها سيد ، هزاتو كتقيصو، حمقها ، حطاتو على عنقها وتبسمات كتشوف فأمال~ كيف جاني ؟

أمال … حمقها ~ جاك واعر صراحة غزال ولكن اصاحبتي باين غالي بزاف ..

شهد … ضحكات بمياعة وهي كتشوف فغانم ~ اوى راجلي يشرييه ليا ولا أنا مزوجة فابوور؟ ياك اراجلي العزيز ؟

غانم … قوص عينيه عارف اش باغا قرب منها جارها من خصرها ونطق ~ علاش لا ؟ نشري ليك لي بغيتي غير هو عندك تبدلي رأيك ميين نقوليك باغيك امرأتي تبقاي دوري فعينيك نجبدهم ليك تلعبي بيهم ..

دفعاتو عليها بشوية كتخنزز فيه ، رأمال شادة ضحكة ، خلص كل شي وخرجو، كتبان ليه لي شوميج دونوي، دخلات كتململ عاجبها زينها ، وكل ساعة ضرب بشعرها لوور ، فحين هو دخل بلى كلام كيقلب جمع ليها ألوان كاملين لي عجبوووه كلهم عريانين، خلاها كتبحلق فعينيها وأمال مزنگة بالحشومية …

شهد … قربات لحدى وذنيه ~ اش كدير ؟ هادشي خاص بالعليات اش دخلك انت ؟

غانم .. كيحقق فوجهها، قرب ليها كتر وحط يديه على فمها مسح ليها داك شوية دالعكار وخنزز فيها ~ زوااق دز*** سالينا منه شحال هادي ولا عضامك عاود كلاوك؟ وزاد قرب لوذنيها ~ ديك شوميج الحمرا غاتجيييييك ناضية هي اكتر وحدة عجباتني، لبسيهالي بغيت نشوفها علييييك

شهد …. طرطقات فيه عينيها بصدمة ~ فأحلامك تشوفني بيها ، كحز مني الناس كتشوف اويلي

غانم … جوها من يديها كيخنزز~ يشوفو مالي اش كندير امرأة وراجلها كيفرقو العشق فالزنقة انتي اش ماشي ليك ؟

شهد … طرطقات عينيها مكيزيد غير يصدمها وشافت فأمال لي حاطة يديها على فمها شادة الضحكة ~ الله يبعد بلايا على بلاك اخوية

غانم … جرها من يديها حداه بعد ما خلص ~ تبليييت بيك شحال هادي امرأتي الشيطانة غير ديري عقلك نديرو وليداتنا تا حنا

بغات تفك يديها وهو يحمر فيها لعين ، تا صقلات ، من بعد ساعتين وتلاتة دساعات ديال الدوران عياو، وجوع قتلهم ، شد بيهم الطريق لريسطو فين يتغذاو، مطعم محترم

بعد ساعة

الماكلة تحطات جميع أنواع المأكولات فاش الإنسان كيكون جيعان كيبقى غير ياخد ويهز ، شهد طاحت عميا بجوع ، وأمال كذالك ، كلاو فجو هادئ ، غانم ، شاف فتيليفونو تبسم ، وناض ، مستأذن منهم ، وجوج بنات حاضيينو بعينيهم كلاوه،،، شهد مشافتش الفيلم ولكن أمال حضاتهم وسمعات كلامهم ..

أمال … قرصات شهد ~ شوفي لديك جيييهية ، ديك جوج باطرونات

شهد … هزات راسها كتشوف فيهم لابسين ومعطرين ومزوقين وجهمهم ~ مالهم ؟

أمال … خنززات فيها ~ وحضي عينيهم وانتي تفهمي اش كاين

رمقاتهم شهد فين كيشوفو بان ليها غانم لي واقف حدى الباب ، وكيسلم على شي شخص ، قوصات حجباننها وهي كتسمع كلامهم ..

ـــ شوفي شوفي يا ختي طولة وتجريدة زين لمن عاطيه الله

ـــ معامن يكون زعمة ؟ أنا بالي بجوج كيفتخووه، دفعي صدرك تا انتي للقدام نضبرو على راسنا

شهد … قوصات حجبانها وشافت فأمال ~ بنات لقح*** قالت ليك ضبر على راسها

أمال …. شدات الضحة وخنززات فيها ~ ومالو اختي انتي لي دافعة كبير عليه اما هو راجل وسيد الرجال ، شوفي على طولة وقلدة وفلوس عندو، ومحتارم اش بغيتي مزال خلييييك معفرة عليك تا يطيروه لييييييك

شهد … عيبات وجها ~ وطاير خلووووق القح** سيد مزوج كينعس مع مراتو كل نهار شفتي هادشي لي كتشوفي غير تمتيييل كيديرلي الضد بالعاني

أمال … عطاتها لكتف بصلية ~ ياختي باز مكتحشميش زعمة انتي لي كتفهميها طايرة هادي وفلتات ليك سيد مين خرجنا وهو عينو فيك محيدهاش، عكسك انتي لي غير كدوريهم فالغادي وجاي ، اوى باز

شهد … عبسات فيييها ~ انتي لي باز شفتك تيقتي أنا مزوجة بييه وبغاها وهابلة عليه منييتك

أمال … قلزات ليها الصباع الوسطاني ~ هاكي القح** !! خليييه حتى يبقى مع لالاك نيت هي لي تعرف ليه ، وزايدون مين مباغاش علاش كتخصري ليه رزقو؟

شهد … هزات الفرشيطة كتاكل بتبات وعينيها على ديك جوج بنات ~ رزقو؟ علاه أنا قلت ليه تزوج بيا ؟ ولا نسيتي العصة لي كليت من عندو

سكتو كيف شافووه داخل ، ومعاه نايف ، بطوولتو كيخنزز، جلس قدام أمال كيطلعها ويهبطها ، بدون خجل عينيه على ذاتها كسوتها المكشوفة وبشرتها البيضة كتشقشق، غمض عينيه معصب وقرب منها جلس كيطلعها ويهبطها ..

نايف … هز صبعووو كيطلعها ويهبطها بيه ~ بهاد الحالة خارجة وبغيتي واحد ميتزللش عليك ؟

أمال … بحال إلى شافت جن حداها خنززات فيه ودورات وجها كتشوف فغانم لي تا هو مخنزز فيها ~ هذا شكون ؟

نايف … ضرب على طبلة حتى تهزات خايفة ~ لي غادي يحو**** عرفتيه شكون دابا ؟

شهد … قوصات حجبانها كطلعو وتهبطو وتشوف فغانم لي مكالمي ~ ياك لباس أشريف شفتك داخل سخون ؟

غانم … حمر عينيه فيييها ~ دخلي سوق كر** حسن ليييك انتي

نايف … كيشوف فيها رجعات حمرا خضوضها غادي يطرطقو وحابسة البكية ~ شكون ديك القو** ومن امتى هادشي بدأ؟

أمال … فركات يديها بجوج بتوتر غشاوة دموع حابسين فعينيها ~ مكنعرفوش ولكن سمعت كيعيطو ليه الگوتشي، و تقربا سيمانة فوقما نخرج بوحدي كيتعرض ليا ، وليت مكنخرجش من غير مع وسيم ،

نايف … طلعها وهبطها مخنزز~ معضرو يتبعك كل نهار دايرة ليه عرض جديد فالحومة وبغيتيه يمنعك؟

غانم … نطق باغي يبذل الجو ~ قضي الغراض اصاحبي قبل ما لقاوها فشي قنت مقتولة ديك النوع كنعرفووو مزيان اش كيسوى

كملو الحديث كيسولها وهي كتجاوب، خايفة والبكية فيها ، على سبة ، شخصية امال شخصية حساسة بزاااف ، وعلى سبة ، متفتحة ولما لا وهما كانو غير لوطيلات لكبار وديور نواع وشكال، الحوايج والماركات الغالييين ، الطوموبيلات أنواع واشكال ، عادي جدا انها تلبس حوايج مكشوفين، مكاين لا ناهي ولا منتهي، ولا واليدين لي يديهم ويوريهم الطريق الصحيحة ، هما فقط خرجو من الميتم جيعانين، وكيقلبو على الحبة ، لا شهد ولا أمال لقاو لي يهديهم ولي يقولييهم اجييو البنات هادي هي الطريق الصحيحة ، داكشي لي كديروه غلط وغلط كبير …فحين شهد تنهدات كتشوف فالبنات كيغمزو غانم ، وهو حتى نظرة مطلعها عليهم ، تأفأفات من المنظر ، محملاتوش أو بالمعنى حسات بأنوتها تقاصت حداهم ، شافت وحدة منهم ناضت للطواليت ، وهي تنوض تابعاها، ناوية اليوم تكمل الطرح لي بداه غانم ،،، وخلاوها ماليها الراجل بكلمتو يتقاس، وولد الحلال مايلعب ببنت الناس … كشرات على نيابها ودفعات باب الطواليط هاجمة عليها …..

وخلاوها ماليها الراجل بكلمتو يتقاس، وولد الحلال مايلعب ببنت الناس … كشرات على نيابها ودفعات باب الطواليط هاجمة عليها …معرفات باش تبلات فحين شهد دفعاتها على الحيط تا داخت وطارت على شعرها من للور

شهد … بفقصة ~ أنا كاملة أبنت لق** حداه مبانتش ليك ؟ شدات فراسها دايخ عليها وحاولات دفعها ~ شكون انتي ؟ سيبة فالبلاد ولا

تمجننات شهد عليها وجراتها من جدور شعرها تا قطعاتو فيديها ونطقات ~ أنا القح*** مراة هداك لي كنتي كتززلي وتغمزي فيه ،

حتات عليها بعضة فكتفها حتى غوتات وهبطات ليها عنقها بظفارها،،، عاد خرجات من الطواليط كتقاد فراسها ، جلسات بحال إلى مدارت والو ، كدور فعينيها وضرب بشعرها لووور، بحال شي أمانة وهي شيطانة،،،من غير غانم لي متبع لفيلم وعلى شفايفو ابتسامة خفيفة …

ضرب على كتفو مودعووو.. فحين شهد عنقات أمال ، كتهضر معاها وفالنفس الوقت كتنبهها …

شهد … بتحذير ~ تبعي نايف متخلينيش مخلوعة عليك !!

أمال … بابتسامة ~ متخافيش وسيم نيت ايكون فالدار معندو ميدير

ركبات فطوموبيل، متبعاها بعينيها تا طلعات ، قلعو هما لولين وموراهم غانم ،،، توتر والخوف باين على وجهها ، يديها كتفكرهم مع بعض ، وعقلها بعيد كيفكر ويخمم… محسات غير بيدين غانم فوق يديها ، كيدوزو حسات بالراحة ، غمضات عينيها خلاتو كيماصي يديها بعذب …

غانم … جر يديها لعندو كيشوف فالخاتم كيف وتاها ~ معندكش مناش تخافي ! نايف قاد بيها غادي توصل على خير وبيخير

شهد … تنهدات ~ انشاء الله ، شافت فيه ~ خاصها ترحل فأقرب وقت من ديك الحي الخانز

غانم … كيشوف فالطريق ~ غانضبر ليها فشي سكنة حدانا

شهد … تبسمات بخفوووووث أسبلت أهدابها ~ منكرهش والله

غانم …شابك يديه مع يديها بتملك ~ وجدي راسك اليوم بالعشية ندوز موراك ، وراك تم الزواق والعررى معندي مندير بيه ، غير جلسي فالدار حسن ليك

شهد …. عيبات وجهها وحاولات تفك يديها منه ~ صافي فهمنا غير طلق مني

غانم … وقف الطوموبيل فالجردة وجرها لعندو شاد خصرها وكيشوف فيعينيها ~ فييين هي بوستي؟

شهد … طرطقات عينيها فيه ~ شناهوا؟ شمن بوسة كتحلم بالألوان بنتيلي!!!

غانم ….قوص عينيه فيها ~ گاع فلوسي حطيتهم عليك ! رزقي وخسرتو عليك ! لي بغيتيه كنحضرو ليك اش بغيتي مزال ؟ عقلك رجعوووه ليك بزز! حكمها من شعرها من لور ودفعها لعندو كيشوف فشفايفها ~ غادي تحرميني من رزقي؟

فهاد الزمان ، مديرش متخافش، إلى مشيتي من الحيط الحيط ، عمر الواحد يأذيك ، ولا قلبتي على صداع والهراج، غادي تلقى غير لي ينگ عليك ، الكلاب الجيعانة فكل حي وكل مدينة مشتتين، معندهم لا خدمة ولا ردمة ، حاضيين غير داخل والخارج ، بحال ذياب جيعانة ،..

كوني غير مزيانة ، وخلي قلبك كبير ، وبغي البنادم الخير ، فهاد الدنيا بالنية سييير ، لا تغش ولا تكذب ، حيت حبل الكذوب قصير ، لا انت ولا غيرك ، قادرين على التغيير، الفهيييمة غلبات البهيييمة، وهادي هي حالة ناس عايشين بلى فهامة ، وخلاوها مالينا دير راسك دلو تعرف اشنو فقاع البير ، خلاصة القول اسيادنا، الحياة تجارب ، وتجارب قاسية ، ماشي كيف دخل امبارك بحمارك ، عرفو فين كتحطو رجليييكم ، وزطمو على زبيبة حتى طلع معاكم حلاوتها، عاد كملو فالطريق ، راه لا مال ولا جاه كيدووم، من غير أخلاقكم ومعاملاتكم مع الغير ، حتى زين كيرشى، وشنو كيبقى فالقبر ؟ والو ، عظم وكينهشووو دوووود …

سكتات لمدة كتشوف فالطريق ، الضو ضارب فخيضاتها بويض كيبريييو، ومع الشميسة ضاربة ، خلات وجنتيها حمريييين بحال رمان ، لمحهها ساهية ، وحقق فتفاصيلها، لا هو قادر يمحي صورتها من بالو، ولا هو قادر يهضر معاها ، خفق قلبها بخوف كيف وصلها الحومة ، عينيها كيدودو ويديها كيترعدو بخوووف ، حبس الطوموبيل حدى باب دارها ، كيشوف فالغادي وجاي ، مخنزز ومعاجبو حال ، نطق مباغيش يشوف فيها ، حيت بكل بساطة كتستافزو بأنوثها، وحشوميتها، وحمورية خضووضها، كتخلييييه يفكر ويتخايف وهو فغنى هادشي ….

نايف … سولها وعينيييه فالدرب كيحقق ~ عاقلة على وجهو؟

أمال … فركات يديها مع بعضهم وهي كتشوف القدام ~ عندو ضرابي فيديه ، مشرط بزاف ، ولكن وجهو زوييين عندو لحية شوية كتيفة، وعينيه عسلييين مطويلش بزاف ..

نايف … وهي كتوصفو ليه حبسها مخنزز فيها وهاد المرة كيشوف فيها محمر فيها العين ~ وصفييييييه ليا ماشي رسميييييه ليا بفمك ، شفتك عاجبك ؟ ياكما شي بلان تما ساقرة عليه ؟ لي تنصب وتسرق فلوس عيباد الله نتوقع منها أي حاجة

أمال … طرطقات عينيها مصدومة من كلامو ورجعات هزات نبرة صوتها عليه بألم ~ لهلا يحييييييك مامشيتش حتى مع ناس لي لاباس عليهم نمشي مع واحد شمكار ، عرفتي شنو ~ كتحاول تحل الباب ~ حل عليا زمر نهبط بحالي مساعدتك خليها عندك اخوية

نايف … مع مكاميش ومشاربش قهوته غوت عليها حتى زعزعها من بلاصتها ~ گلسي لعدو ر*** قبل مانهرس لمك سنانك، تعاودي تهزي صوتك عليا نحو*** مك بلاصتك

أمال … حسات بالحگرة وعينيها بداو يغرغرو بالدموع ، كيقصفها ديما فينما يشوفها وفمو خاسر كتحس بعدم راحة معاه هزات عويناتها حومر ونيفها كذالك فالبلاصة كتحمار ونطقات بصوت مرعش ~ عافاك حل ليا نهبط بحالي

نايف … ضرب على الڤولا عينيها ديما كيغفرو ليها ~ سكتيييييي عليا حسك منسمعووووووش سولت طب***** مك نذمتييييني

هز گارو وبرييييكة ونزل من طونوبيل، شادها عليها ، شعلو كيتكييف وكيشوف فالدرب موسخ والحومة خانزة، وغير العزارة كيدورو تم ، البيطالة وصحاب السبسي، سف من الگارو كيخمم، ويرجع يفكر فيها وفلباسها، لي بالنسبة ليه ماشي ديال وحدة باغا دخل سوق راسها ، لا ديال وحدة معرية على مولاه ،،،، ومع سيد مع المخزن عندو هاد النوع ديال البنات من صفات الفاسقات ولي معليهم حكام ،،،، كمل ديك الگارو، ورجع طلع كيخنزز فيها وكيطلعها ويهبطها من رجليها لرأسها بجرأة ، خلاها حشمات ونزلات راسها بخوف ..

نايف … باستهزاء كيضحك ~ وكتقولي علاش كيحگرووووك ، انتي بهاد اللبس كتقولي ليهم اجيو حويييييو***

حسات بكرامتها فالأرض طاحت ، بكاية وهشيشة من صغرها ، نزلات دمعة من عينيها بسرعة، خلات قلبو يتنهد، ورجعات كتعافر بلى كلمة بلى جوج مع طوموبيل، كتحاول تحلها ويديها كيترعدو، حتى جرها لعندو بقوة ، كيحقق فوجها لي رجع حمر غادي يطرطق ، ونفسها الغير المنتضم، قلبها كيضرب ، لدرجة سمع دقاتو، خلاه يتنفس فوجها كيشم ريحتها ، غطس وجهووو قريب لعندها ، حدى كتفها ونطق ~ مااااااااااالنا اَغْــــرِيبَة البَـــــهْلَة

فين هو المَــــرْكَـــزْ ديال كل وحدة فينا ؟ بالنسبة لفئة كبيرة عندهم هي العائلة ، مركز حياتهم هما واليديهم، علامن كنحطو كثافنا؟ وعلامن كنبكيو؟ وعلامن كنحطو راس فاش كيضيق بينا الحال ؟ انجاوبكم على واليدينا !!! لي بالنسبة لينا هما عينينا، هما داء ودواء ، ولبعض الأخر ، لي معاشوووش ومجربوووووش حب الواليدين وحنانهم، بالنسبة ليهم مركز حياتهم هي ذاتهم، وما حققو فهاد الحياة الصعيبة !!!

غادي تلوموا شهد ؟ البنت لي عاشت الحرمان العاطفي؟ غادي تلوموا وحدة عاشت الحگرة وهي طفلة كيلقبوها بالعزية، والزرگة بالبنت الخايبوعة؟ واش غادي تلومو طفلة عاشت جميع الكوابيس حتى مرضات بشي اسمه تحقيق الذات بالمعنى الخاطئ ، اييييه وحدة عاشت السوء من طرف أطفال الميتم ، وعاشت الضرب والشتم ، خلاها تعقد وتحس براسها إنسانة فاشلة في كل شي ، وحدة كبراتها مي رحمة على انها تعتامد على نفسها وتحقق ذاتها ، ولكن غلطات مقراتهاش شنو هو تحقيق الذات ، نعسات وفاقت وبغات تولي إنسانة قوية وانسانة عندها نفوذ وانسانة جميلة ، وانسانة عندها كل شي باش داك الحرمان لي تحرمات منو تحس بيه وتعيشو وهي فالسن المراهقة ، لا ناهي ولا منتهي ولا شخص يشد بيديها ويوريها الطريق الصحيحة ، زاغت وتمردات وشدات الطريق الحرام لي فيها شبوهات، تبعات ملذات الدنيا لي كلها وسخ ، فتيييخ ونصيييييب على رجال ، ماشي بهلة وقليلة فهامة لا !!!! كتقلب على صحاب الحبة الصحيحة ولي ميقدروش يشدوها ولا يديكلاريو بيها ، حاضية وقارية صواريييها، وضفات عقل الشيطان وقتلات ضميرها وقلبها ، خلات فقط خباياه تتكلم وتعلن الحرب على نفسها…وهذا حال بنادم لي خرج للطريق وخسر ، مبقاش عاجبها المعقول ، ولات تابعة غير الفلوس ، قليل لي فالأخرة كيفكر ، كتر النفاق وكتر الغدر ، وشهد ولى قلبها قصح من الحجر ، كضنو ماضيها غدر بيها ؟ ولا طموح مجنون ولبسها؟

غانم … وقف الطوموبيل فالجردة وجرها لعندو شاد خصرها وكيشوف فيعينيها ~ فييين هي بوستي؟

شهد … طرطقات عينيها فيه ~ شناهوا؟ شمن بوسة كتحلم بالألوان بنتيلي!!!

غانم ….قوص عينيه فيها ~ مالي وخسرتو عليك لي بغيتيه كنحضرو ليك اش بغيتي مزال ؟ عقلك رجعوووه ليك بزز! حكمها من شعرها من لور ودفعها لعندو كيشوف فشفايفها ~ غادي تحرميني من رزقي؟

بغات دفعو عليها تنزل ، ساعة معامن جات ، لصقها معاه ، محروووق وملهووووف ليها ، شحال مرة كيقول ندخل عليها وكيرجع يتبت راسو، وللصبر حدوود وخصوصا معاها مبقاش قادر ، شحال قدو يمنع راسو شحال قدو يبعدها عليه ، كيلقى راسو زاد قرب منها ، زاد غرق فشقاوتها، وتمردها ، وهي لا تقل عنه ، صدمها بحركاتو المفاجأة ، كانت كتقول غير كيهضر عمرو يقرب لي ، ساعة نهار على نهار كتلقاه مشبت بيها ، خفق قلبها وتزيرات كرشها وهو كيتلمس شفايفها بيديييه ، قرب ليها كتر وحط شفايفو فوق شفايفها وفالنفس الوقت كيتكلم …~ نبداو صفحة جديدة ا شهد ؟ سؤالو صدمها خلاها تبلع ريقها ، حالة فمها ، تشجع كتر وهبط كيتسارا بيديه على جسمها ، خلاها تهزات بين يديه مبورشة بحركاته ، تمتمات بين شفايفها تالفة وعينيها كيدورو معارفة شنو تقوليه وفالأخير حطات يديها على صدرو كتحاول تبعدو حيت وترها، ،،،

غانم …. تبسم وحط يديه فوق يديها لي على صدرو ونطق ~ خايفة ؟؟؟

سؤالو صدمها خلاها تبلع ريقها ، حالة فمها ، تشجع كتر وهبط كيتسارا بيديه على جسمها ، خلاها تهزات بين يديه ، تمتمات بين شفايفها تالفة وعينيها كيدورو معارفة شنو تقوليه وفالأخير حطات يديها على صدرو كتحاول تبعدو حيت وترها، تبسم وحط يديه فوق يديها لي على صدرو ناطق ~ خايفة ؟؟؟

هزات عويناتها الكبار مشفرين وكتاف كتشوف فيه وكتشوف فيديه لي شادين يديها بتملك عينيه نامييين ، معسلييييين وكيشوفو فمها بشغف ، ورجعات برودة نطقات ~ طريقنا بجوج مسدودة انت عندك امرأة كتبغييييك وانا غير فالطريق بيناتكم، وزيد الحاجة المشروكة معنديش معاها …

غانم …قوص عينيه كيقرأ ملامح وجهها ، ورجع هاز حجبانو فيها لمس شفايفها بلسانو خلاها تهزأت ، ودفع وجها لعندو كتر ، مباغيش يفلت هاد الفرصة وهي بين يديه، حرك شفايفو ببطئ ، كيحس بيهم رطبيييين عكس شفايفو القاصحين ، مقدرش يصبر ، وخدأ شفايفها لعندو كيمصهم بقوة ، خلى تحتها تهز بنشوة غريبة ، دمغ شفايفها وسحقهم بين شفايفو بقوة ، وغير حس بيها تخنقات، حط جبهتو على جبهتها ، ونطق ~ شَـــهْد كيقطر منهم

شهد … حلات فمها مصدومة منه ، مضناتش يديرها ويقرب منها، خلاها مشوشة وتالفة ، دفعات يديه عليها وكحزات عليه بجنون كتنطق ~ عمري نكون ليك ولا تحلم تقيصني انت مكتيقش فيا وانا منكونش لواحد مشرووووك قلتها ونعاودها ليك الحاجة المشروكة خاطيني ياك تزوجتي ، الله يسهل عليك ، وانا الله يسهل عليا

غانم … عصباتو بكلامها هو كيحاول يقرب ليها وهي كتبعد منه ، بعصبية نطق عينيه حومر وسكران بعسل شفايفها ~ وانا قلتها ليك وغادي نعاودها ، معايا يا الموت يا الحبس ، ختاري وهاد الحاجة المشروكة لي معاجباكش، هي لي كاينة رضيتي تبارك الله مرضيتش بالطريقة لي كتفهمي نهرس ليك راسك حتى ترضاي، وهاد متقيصنيش مواكلاش معايا ، ودوري دابا هبطي قو** عليا

لي تزوج على قبل الزين الورد كيذبل ، ولي تزوج على قبل المال الفلوس كتكمل ، هادشي لي بزاف معارفينوش ومباغييينش بفهموووه، راه لا للمال ولا الزين كيبقى ، راه المعاملات والطيبة والقلب الصافي هما لي كيبقاو، شحال من وحدة خرجات على دارها بيديها ، تبغي هادي وهادي ومكترضاش بداكشي لي ربي قسمو ليييها وعطاه ليها وحدى اخرى كتمناه، قاليييك وريييه وريييه والى عمى سير وخليه وهاكذا الشهد الطمع والرغبة فالفلوس عماو ليها عينيها ، حتى تبعات الطريق خايبة ، ونهار ضرب الفگد فرأسها تلقى كل شي ضدها ، شحال قدو يتسناها ويدير الماء مين يدوز ، كايبقى الراجل وعندو كرامة … كيف ديما دوشات وتريحات وتقادات، لبسات كسيوة فالبيييج ساطان طويلة ، مبينة فورمتها، وعندها سنسلة فالجنب الفخاض ، إلى حليتيها توصل تا لفخاض، تبسمات بغيض، وهي كتشوف راسها فالمرايا، قادات شعرها نازل بالبلاك، وقدات وجها بمايكاب خفيف لا يشوه بيها ، برزات عويناتها، ودارت عكار خفيف ، كترش ريحتها ، وتعوج وتبرووزة عاجبها زينها ، صونالييهيا تيليفون فيديها ، لقاتو غانم ، جاوبات فالحين ~ نزلي أنا لتحت كنتسناك…

قطع الخط دغيا ، تنهدات وهبطات بتقالة صوت كعبها العالي كيضرب ، خرجات للجردة كتمشى، ضوء ضارب فيها ، فحين هو جالس فالأمام متبع ليها العين ، حاضي لباسها ، ملقى ميعيب فيه ، تنهد وهو كيشوف فعينيها مذهووول فجمال وجهها ، ونضرتها عندها مشية خاصة بيها ، تقدمات الأمام ، وهي تبان ليها جوهرة جالسة مطلعة حجبانها للفوق ، ومقادة راسها بمكياج صارخ، ولبسة جات معاها ، بقات حالة فمها مصدومة ، ياك قاليها نمشيييو بجووج هادي شكدير هنا ، ضربات رجليها مع الأرض بفقصة، وطلعات للور ركبات ، بلى سلام بلى كلام ، منفخة ومكتشووفش فيهم ، فحين جوهرة تبسمات باستهزاء وحطات يديها على يد غانم … هاد الأخير لي كان عينيه على المرايا، حاضيها كيف تقلبات، حتى شوفة مدارتها فيه … ولكن تستاهل هو شاريها غالي وهي بايعاه بالرخيص، وكيقوليك إلى بغيتي تربي المرأة ضربها بمرأة اخرى ، هو كان ناوي يمشي معاها راس فالرأس ، يدورز معاها وقت بوحدهم، يهضرو ويفوجو، ساعة كلامها المكروه، ونيتها لي مصافياش خلاه يفكر ، ويصوني على جوهرة ، يعلمها توجد راسها تا هي ،،،،

زفرات بقوة وهي كتشوف فيها جالسة وضاحكة مزوقة ولابسة، وعلى وجها ابتسامة مستفزة، غير وصلو نزلات بشنتة هازة كسوتها، وكتأفأف معاجبها حال ، لابسة الكولي الذهب لي شرى ليها ، ومزلگة يديها بسرتلة، خنززات فيها جوهرة ، وقربات منها كطلعها وتهبطها…

جوهرة … بكره وعينيها على طاقم ذهب لي فعنقها ويديها ، قربات منها بشوية حدى وذنيها ونطقات ~ مفهمتش علاش جايا ؟ أنا وراجلي معروضين وانتي اش دخلك معانا ؟

جوهرة … بكره ~ مفهمتش علاش جايا ؟ أنا وراجلي معروضين وانتي اش دخلك معانا ؟

شهد … قوصات حجبانها فيها ، وحققات فيها مزيان كتشوف نفس الكولي ونفس سرتلة لي شرى ليها خداها حتى لجوهرة ، فقاش وامتى الله واعلم ، كرزات على يديها بقوة وبعداتها عليها ~ ضربي على طريقي قبل ماندير فيك يدي اجواهر طالعة ليا للقردة وغادي نبردها فيك هاد الليلة

قبل ما تجاوبها وقف عليهم غانم ، لابس كوستيم فالأزرق مغلوق ، جاه مزير على صدرو مبين فورمته الرياضية وطويل مگلضم، وقف كيشوف فشهد كيطلعها ويهبطها ويشوف واش دايرة شي حاجة تخليه يرجها للدار بلى مايتردد، معصب من كلامها د صباح ، كان فرحان ومستعد يشد بخاطرها ويعوضها يعطيها گاع لي نقصها ، ساعة لقاها باقة مقصحة راسها وممستاعدات ليه بتاتا شيء لي خلاه يفكر ويعيط لجوهرة تحضر تا هي معاهم ، باغي يبين ليها شي حوايج هي باقا مفاهماهووم، لقاها حافضاه حنحن بصوت مسموع وزاد قدامهم ، حتى شدات فيه جوهرة من يديه داخلة معنية بيه ، دخلة ديال لحفل يا سلام غير المرفحين ورجال الأعمال ، حراس فالباب واقفين ، تمشات بكبرياء هازة راسها للفوق ، وشعرها موراها تابعها، شهد بخفة وعصبية ، شابكات يديها مع يديه ، خلاتو هز عينيه فيها ، وتبسم بخفاء ، وحدة شاداه من يد وتانية من اليد لوخرى، ومولاي السلطان وسطهم كيتمشى، حتى دخلو للداخل ، فين كاينين الناس المعروضين، وقف حدى واحد الطبلة ، وعينيه على الناس …

غانم … كيهضر بأمر وعينيه على شهد ~ من جنابي متحركو والهضرة قللو منها نجلسو ساعة ونخويو الساحة ..

جوهرة …. خشات يديها فكتافو ونطقات بدلال ~ مقلتيليش كيف جيتك ؟

غانم … رمق صديق قديم معاه فالضومين مقاول جاي عندو خسر ملامحييه فيها ونطق ~ قوة زواق معنديش معاها اجوهرة ، وتبسم فوجه صاحبو لي كيعانقه بقوة ..خلاها ضغطات على يديها بقوة وعينيها حومر مدمعين . كانت عند الشوافة حتى صوتا ليها تجي دغيا باش توجد راسها ، مخداتش طيست باش تأكد من الحمل لي علمات بيه السيدة ، خلات كل شي وخرجات غادة للصالون تقاد باش تبان ليه بأبهى حلة …

شهد مبهورة كتمنظر، حاضية الغادي والجاي ، بحال البومة كدور عينيها وتقلب ، فحين جوهرة ، شابكة يديها مع يدين غانم ، وكتسولو وتحاور معاه ، داخلة فنقاش مع صاحبو بحكم قرات تا هي المقاولات ، مجموعة من الرجال جاو سلمو على غانم ، وعيالاتهم مع جوهرة وشهد كيهضرو، وكيتعرفو عليهم ،

حسات بالعيا والخنقة ، جاتها حفلة مملة بززاف، وخصوصا حساب بيه معبرهاش كيف ديما ،ومكيهضرش معاها ، فقط مع جوهرة ، حسات بالإنزعاج، خدات عصير نزلات عليه حيت لكحات، وقربات من غانم لقات جوهرة شادة فيه تقول غادي يهرب ..

شهد … خنززات فيه عينيها على يديهم المشابكة ونطقات ~ بغيت نمشي للطواليط

غانم … حقق فعينيها بانت ليه معصبة ~ سيري و ومتعطليش

خنززات فيه عينيها بحال شي أفعى ، كتشوف فيه وفيها ، كون شي فردي عندها كون ضرباته بشي قرطاسة وتبعات ليه جواهر ، هزات كسوها وضربات بسالفها لور ، مجاوباتوش، هزات بوشيطتها فيديها ، وغادة قدام عينيه بحال النعامة كتمشى، ومع نصها هو هداك ، كمل الباهية ، كتهز وتحط فيه وتعدو قدام عينيه ، وتعوج، ويديها على شعرها كدفعو لوور، خلاتو متبعها بعينيه محرووووم ومقهووور منها ، كيعيا يصبر راسو ومكيقدرش، عتابها ليه صباح خلاه يتعصب ويصوني على جوهرة، كفكرة غبية جات منه ، ولكن مقدرش يتحكم فأحاسيسه، باغيها ومتمسك بيها ، وشاريها غالي وهي بايعاه بالرخيص، غافل على جوهرة لي من قبيلة وهي تسولو، حتى ختافات من عينيه عاد رد ليها بال ..

دخلات للطواليط طالعة ليها لقردة ، كتشوف وجها من المرايا ، شانتة ومعاجبها حال ، هزات عكار قاداتو مزيان ، ورجعات هزات صدرها كتبينو، باغة تفقصو وطرطق ليه المرارة ، كيف هو فقصّها وخربق ليها جوها، باغا تغيضو وتخليه يجهل فهاد الحفل ، باغا توري لجوهرة بلي هي لا شيء مقارنة بيها ، وباغا تعلمو درس فالأخلاق الا أخلاقية هه ، فتحات ديك سنسلة تا تحلات ديك الكسوة لفخاضها، و قادات شعرها وهزات تيليفونها كتسيلفا، زادت لعطر، وخرجات فاش سمعات الموسيقة، حتى كتصدم بالشخص لي واقف فالباب كيتسناها، حلات فمها فيه بصدمة، ونطقات ..

شهد … رجعات خطوة للوراء بصدمة ~ أمير !؟؟؟ شكدير هنا ؟

أمير … نظراته ليها كاملين إعجاب مبهور بيها ، وبرشاقتها وعطرها لي ديما سابقها، وجسمها لي ليل ونهار كيحلم ليه وباقي موصليييه ~ تووووحشتك !!!

شهد … بللات حلقها خايفة لايجي صاحب دعوتها وتكبر عاد القضية ~ أمير الله يخليك بلى صداع سير من هنا

أمير … قرب منها حتى شدها مع الحيط كيشوف فعينيها بشوف ~ نسيتيني؟ أنا باقي كنتسناك! شد يديها قبلها حتى نفضاتها منه بخوف ودفعاتو عليها بقوة ~ لي بغيتيها نحققها ليك انتي غير امري !! علاش مباغاش تسمعيلي واحد تزوج عليك وعايش حياتو مع مراتو قدام عينيك شنو كتسناي منه ؟ جاوبيني اعبير

شهد … هزات عينيها لكبار كتشوف فيه باقي وسيم كيف ديما متنكرش كلامو صحيح وهي خاصها ضبر على راسها وتشوف مستقبلها الفلوس هما كل شي بالنسبة ليها شحال قدها تبقى مجرجرة مع واحد مزوج عليها ~ عطيني وقت نفكر ورد عليك متنساش أنا مزوجة بيه

أمير … زاد قرب منها عينيه واكلينها ~ انتي غير أمري وانا نفذ ليك ، طلاقك من غذا نتكفل بيه ، نديك وعمرو يقرب ليك ، انتي تيقي فيا وعطيني يديك

شهد … كتفكر فكلامو ~ كيف غادير للطلاق ؟ يديه مبلغة وعندو دلائل عليا وعلى صحابي وانا منقدرش نغامر بيهم

أمير … قوص حجبانو كيسمع ليها وعينيه على شهد شفايفها لي مذاقهم باقي لذة فشفايفو ~ عطيني الضو الخضر وانا نتكلف ليك بكل شي ! اش قلتي ؟

شهد … كتشوف فيه بملل باغا غير تسلك معاه باش يمشي بحالو ، مباغاش تجاحد معاه فالهضرة ~ سير دابا وخليني نفكر

جر ليها يديها خدى منها تيليفونها قيد نمرتها وصونا ديك ساعة ، ،، حسات بالخطر وهي دفعو بقوة هازة كسوتها قلبها كيضرب ، وخرجات كتجري وتنهج، حتى ضربات مع صدرو الصلب ، كون مشدهاش من خصرها كانت غاطيح ..

غانم … معصب نطق ~ مال ديلمك عورة ؟ فين تعطلتي هادشي كامل طواليط؟

خنززات فيه محاملاش فيه الشوفة ، عينيها حومر مطرطقاهم فيه بغضب ، هزات يديها حدى عينيه ، كتحيد ديك السرتلة من يديها ، ونتفات ديك الكولي لي خدات بذوقها ، وشدات ليه يديه حطاهم ليه بشنتة …

شهد … بغضب شديد مرضاتش~ منييييييين انت باغييييهم لمراتك خوذهم ليها من لول ، متخلينيش نختارهم بذوقي وتمشي تشري ليها نفسهم ، هاد الخصايل هما لي كنكره فالرجال ، مباغاكش ودابا غانزيد نكرهك

غانم … قوص عيينيييه كيشوف فيديه ورجع خنزز فيها ، دفعها على الحيط مقنتها فالدورة عينيييه فعينيها هايم فيهم، تحسس بشرتها بيديه كيتنهد ورجع شد يديها كيحاول يلبسهم ليها من جديد ~ لبسييييييهم بلا مشاكل ا شهد ،

شهد … دفعات يديه وجرات يديها لعندها مكمشاها وكتصوووط بعنف فوجهه ~ ملابساهمش عمري لبس الحاجة المشروكة ، قلتها ليك الحاجة المشروكة مكنحملهاش

غانم … خشى ديك ذهب فجيبو مركز مع تحركاتها خطفها من خسرها لعندو بقوة ، وهز يديه كيرجع ليها سالفها اللور ملامحه مكمشة كتعلن على الغضب ~ نعطي مالي وراس مالي غير ديري عقلك معايا

شهد … ريحته القوية عطاتها للنييف خلاتها ترخى، وصوت تنهادته كتسمعها قوية ، قوصات حجبانها كيف شافت يديه على خدها وتانية كدوز على شعرها من لووور ~ عطيني هاد المال وراس المال لي عندك والله وجهي متشوفو حداك ، كدفع يديه ~ سير عند مراتك لي شاريها بالغالي أنا غير بنت الميتم منصلاحش ليك عندك امرأة وحدة تبعها وهنيني

غانم … يديه كدوز على شعرها حتى جرو ليها بقوة ، ~ رحميني مباغيش نوعتك!!! كون تعرفي هاد بنت الميتم شنو درت عليها تحشمي من راسك ، حط يديه على شفايفها مسح ليها ديك العكار ، ورجع خنزز فيها ~ باغي راحتي معاك غير ليلة

شهد … بنظرة غريبة حققات فيييه ، قوته وجبروته كتخليها تنهد بتعب ~ راك بينتيلي كيف شفت نفس ذهبي فعنقها ويديها ، تم كلامنا سالى

غانم … زر من أزرار القميص مفتوح، عينيه عليه شدو ليها ، ريحتها دمار شامل ، تغلغل لكيانه بعنف ، هز يديه حدى عينيها وجبد سنسلة كتجي لاصقة على العنق ، غليضة ومبرومة، فيها قلب وفوسط ديك القلب علامة مالانهاية، ركبها ليها فعنقها وقاد ليها شعرها ، كيشوف فيها كأنه ملك شي حاجة ثمينة مستحيل يقدر يخليها ، كيشوف فجمالها الغريب ، برازيلي ولا منين معرفش، زينها حيرو، قرب ليها وطبع قبلة فوق عينيها بزوج ، ورجع كيشوف فيها بهيام ~ عاد بديـــــــــــــنا اشهد

يتبع...