الماكرة الجزء الخامس

تحركات جيهة الكوزينة كتفكر فشكون جمع ديك الروينة ، ساست راسها مسوقهاش وقصدات الثلاجة فتحاتها ، بان ليها كل شي تما مووجوود ، هزات الزبدة والفرماج كونفيتير گاع لي لقاته ستفاته ، عينيها كيقلبه على الخبز حتى جبداته قدات ليها خبيييز فيه الفرماج والكونفيتير ، وصاوبات قهيوة ، راسها هالكها حيت كتكمي ومين جات وهي مقطوووعة ، واخا مموالفاش تكمي بزاف وايني مرة مرة كتحطه فمها ، حاولات تناساه وهزات كتفطر وتبنن كان فيها جووع بزاااف … وغير سالات خلات ديكشي هاكاك وناضت باغا تخرج طلع لفووق ضربها بتدوييشة ترخي بيها عضامها… سمعات حس شي خطوات مع ضارت تشوف لقاتها لالة لطيفة …

لطيفة … وقفات كتفرج فيها ويديها على حناكها حطاهم ~ صبحنا على الله وماصبحت عليك يا المدلولة هذا هو شغال دار فطوور فطرتييه وحنا لهلا يقلب وايني حتى يجي لي كيعرف ليك ونتفاهمه

شهد … مسحات جناب فمها من الكونفيتير وهزات عينيها لفوق ونطقات ~ جايبيني حاطيني هنا كتأمرو عليا ونزيدها نجلس بجوووع اوى صافي هادشي لي بقى ، هزات فيها حواجبها لفوق منفاعلة كتهضر ~ شوفي انا صباح كنكون مقطووعة خليني عليك مجاياش لعندكم هنا خدامة الى بغيتي خدامة جيبيها وانا عطيوني تيساع راه واخا نمووت منحنيش راسي ليكم

لطيفة … خرجات عينيها فيها ومن وقاحتها كانت عارفاها شفارة ونصابة وايني بهاد درجة لا ~ وحدة قليلة ترابي بحالك تجي تجابه معايا يا لقيطة يا شفارة الله ينعل نهار لي عرفناك فيه تفووووو غبري من حدايا قبل ماندير شرع يدي فيك فهاد الصباح غبرييييييييي

شهد … رمقاتها بعيونها حومر كيغليو من ديك كلمة لقيطة وقربات ليها~ لقييييييييط هو ولدك لي جاي يقلب عليا وكون كان راااجل ميخلييش مووو تقلب ليه على المرأة شنو كنتي تسناي خدامة ترس عليييك ؟؟؟ عرفتي شنو مايصلاح ليكم غير النصب وكون يرجع يزيد بيا الوقت نعاود نسرقكم منكره

محسات غير بتصرفيقة قوية على وجها ، حتى ضارت عينيها رجعو حومر ودمعه بقوة الصفقة لي عطاتها وصبعها لي فيه الخاتم تحفر فوجها بوضوح لدرجة فالبلاصة زراق ، تصمرات بلاصتها باغا ترجع ليها ديك تصرفيقة وايني لقاتها مرأة كبيرة فالسن ومتقدش توصل معاها تالديك الحد .. يديها بداو يترعده وعينيها بداو يدمعه ، قربات من لطيفة لي ندمات فاش شافت وجها مطبع ونطقات تحت سنيها…

شهد … كون مكنتيييييش مرأة كبيرة كانت غاتكون حاجة اخرى وكون يديييييك هرستهم ولكن للأسف مي رحمة علماتني يوقع لي يوقع منهزش راسي على شخص كبير فالعمر ، نطقات وفمها كيترعد ~ عندك الزهرررررررر أ لطيفة

وخرجات كتجري طالعة مع الدروج حنكها عاطيها الحريق ، تلفو ليها البيوت وقصدات البيت ديال نسرين لي عارفة… دخلات ساخطة على الوضعية ، كانت نسرين كاتجمع فراشها ، خلعاتها فاش ضربات الباب بقوة كانت غادي طيرو ، وقصدات الحمام ، شدات عليها ، ودخلات كتكب عليها الماء بارد باش تطفى هاد العافية لي كتحس بيها ، عمرها تحگرات ولا حسات بالذل حتى دخلات لهاد الدار ، كتحس بكلشي ضذها ، هي غالطة ومبغاش تعتارف بغلاطها ،كظن بلي هي على صح والناس لي دايرين بيها غالطين ،جهدات الماء حتى رتاحت عاد نصلات حوايجها دوشات ، وغير سالات هزات الفوطة لي معلقة تلوات فيها ، شافت راسها فالمرايا ، جنب وجها زراق فالبلاصة ، وجنب فمها مجروح من الضربة ديال البارح ، كتفها تا هو زرق ومعصم يديها مطراسين فيهم صباعه ، كرهاته وكرهات نهار لي تلاقاته فيه ونصبات فيه على مه، زدحات موراها باب لحمام مقدراتش تزيد تشوف فراسها ، كانت نسرين واقفة وجامدة كتشوف فيها عزات عليها ، قربات منها ، وفيديها كريم مرطب ، بدات تذهن ليها ، وتصووط على البلاصة وشهد كتشوف فيها …

شهد … نطقات وهي كتشوف فعينيها ~ شحال فعمرك انسرين ؟

نسرين … هزات عويناتها فيها وتبسمات ~ 17 العام

شهد … تبسمات ليها بدورها ورجعات سولاتها ~ انتي لي جمعتي ديك الماء ؟

نسرين … بصوت منخافض نطقات ~ اااه كان غادي يرجع يضربك كون خليتي ديك شي هاكاك

شهد … عبسات فيها ونطقات ~ خوووووووك مريييييض علاش انتي مكتشبهيش ليه ؟ وماماك كتر منه

نسرين … ضغطات ليها على جرحة تا تقصحات وهي تنطق ~ لا خوية مامريضش خوية احسن شخص حنين فالعالم انتي لي خليتيه يولي هاكا ! وماما بكيتيها بزاااااف نهار هربتي

شهد … هزات حجبانها فيها ونطقات ~ وعلاش انتي كتساعديني ؟؟؟ شنو هو السبب لي مخليك تعاونيني ؟

نسرين … تنهدات ~ بغيتك تمشي من هنا باش متعذبيييش كتر ، هو عمره يحن عليك لا هو لا ماما وانا منقدش نشوف شي وحدة كتضرب حدايا باغا نعاونك حتى تمشي يمكن ديك ساعة خوية ينسى لي درتي فيه

شهد … بعدات ليها يديها من وجها ونطقات ~ خووك كيتكرفص عليا ومك كضربني ، هو عمره ينسى ولا انا غادي نسى مدارو فيا ، ومنخرج من هنا حتى رجع عتباري

نسرين … جلسات حداها كتشوف فيها ~ هو عمره كان يهز يديه عليك انتي لي سرقتي ماما وكملتيها شوهتيهم قدام الناس كاملين كيفاش بغيتيه يعاملك ؟؟؟

شهد … هزات فوطة كتنشف شعرها ونطقات ~ فاش تعيشي ديكشي لي عشته وكبرت فيه غادي تعرفي ديك ساعة علاش سرقت مك ، ورجعات شافت فيها ~ ممكن تعطيني شي حاجة لبسها ؟

نسرين … وقفات كتقلب لقات بيجامة دار مداتها ليها ورجعات نطقات ~ واش عارفة خوية غانم غادي ليووم يخطب بنت خالي جوهرة ؟

شهد … شفرانها الكتار فازگين بالماء هزاتهم فيها ~ ايييييه ومن بعد ؟

نسرين … جمعات شعرها لفوق وجاوباتها ~ يعني انتي معندكش مشكيل ؟

شهد … ضحكات حتى دمعه عينيها ~ هداك عندي نهار الكبير فين نرتاح منه ، ويلقى معامن يتلاهى وينساني شوية عليه

طرطقات عينيها كتشوف فهاد المخلوقة العجيبة لي حداها ، شهد كتبدل حوايجها قدامها وهي كتشوف فيها ، حتى لبسات وسالات ، جاتها البيجامة لاصقة عليها شوية وطرطق عليها ، نشفات شعرها وخلاته مطلوووق هزات راسها فاش شافت نسرين جالسة مقابلاها بحال شي طفلة صغيرة كتعلم منها … تبسمات ليها وكملات كتقاد فشعرها وتشوف فوجها لي نصه مطبع بزروقية بعبوووس…

هكا دازت العشية نسرين نزلات لتحت وشهد مشات ضرباتها بنعسة ، وكيف تافقه اليوم يمشيو عند سي خليل هو و لطيفة ، بلى مايجبد الموضوع عبد القادر صونا ليهم وتافق معاهم يجييييو ليهم العشية

عشات العشية ، مرجعاتش لطيفة سولات عليها عارفاها مكوخة ناعسة ، مباغاش تعاود لغانم اش دارت بغات دوز العشية باش ما عطى الله وتخلي فرحتها بولدها تكمل , ومن بعد دير اش بغات…، ناضت لطيفة مقادة راسها حالتها تقول غادة لحطرة ، وهي من النوع لي ديما مقابل راسه ، ذهبها ديما مزلگاه فيديها ، وروايح كتفووح منها ، خرجات لصالة فين جالس سي عبد القادر تا هو مقاد جلابة بالبلغة ديالها ، شاف فيها كيتبسم ..

عبد القادر… ونطق ~ هاي هاي على لالة لطيفة ديما غزالة ..

لطيفة … تبسمات فرحانة كيعجبها يمدحها ويكبر بيها ، نطقات وهي كتقاد ليه القبية ديال الجلابة ~ حتى انت جيتي غزال اسيدي عبد القادر ، شافت فيه ورجعات سولاته ~ قولي علمتي خوية خليل ؟ اش قاليك

عيد القادر…نطق وهو كيشوف فغانم كان هابط فالدرووج ~ مقلت ليه والو من غير حنا جاييين نعشيييو عندكم

لطيفة …ميلات راسها بأه وغير وصل غانم تبسمات فوجه ~ يخليلي وليدي جيتي غزال الله يحجبك ليا من العين ..

غانم…تبسم فوجها وحنى باس راسها عاد نطق ~ مشينا الواليدة ؟

تحركه خارجييين من دار ، كانت كتسمع كلامهم من لفوق تبسمات بغروور وقصدات لبيت تفكر فشنو دير، مسافة الطريق وصلو لعندهم ، منزل كبيييير فالجريدة ، وجوج طوموبيلات فالزنقة مصطالييين ، نزل بالشموووخ ، راسه لفوق مهزوووز ، طوييييل ونضرته ديما غريبة مكتعرفيه واش مقلق ولا فرحان ، حل لمو لباب طوموبيل نزلات كتقاد فشالها ، كانت فالسرجم كتسناهم ، غير شافتهم قلبها خفق بقوة ، مقادة راسها وسر نازل عليها ، ومع بشرتها بيضة حنيكاتها حومر ديما ، محجبة وزغبة من شعرها مباينة، منين عبد القادر صوناليهم بلي جاييين وهي كتقاد وتوجد ، جميع المأكولات لي كيبغي غانم قاداتهم ، ولما لا وهو كان عشقها وحبها الأبدي من الصغر ، كانت تحلم بيه وتخايله كل ليلة ،راجلها وزمانها لي تعول عليه ، حتى لنهار لي سمعاته بغى يتزوج العقل طار ليها وبغات تسطى ، ونهار سمعات العروسة هربات ، ضرباتها بالحناني يديها ورجليها بقوة الفرحة ، حتى لنهار صدمة فين غادي تسمعه تزوج صافي ودار دارو … تهرسات وقلبها تقطع طراف طراف ، هداك راه الروح لي كطلع وتهبط فيها، هو الهواء باش كتنفس وهو عشقها وحبها من الصغر ، ميمكنش تنساه ولا يجي بلاصته شي واحد ، حسات بالقرطاس ضرب فقلبها نهار حفلة زواجه ، كانت كتمنى تكون هي بلاصتة عروسته ، ونيسته فالحياة …ودواء لجراحة ، تنهدات فاش سمعات صوت مها رشيدة .. وهبطات كتجري لتحت فرحانة وقلبها فالألف كيضرب…عارفاه مزوج وايني القلب كيدق غير ليه وأي فرصة جاتها باش تشوفه ولا تقرب ليه غادي تاخدها ، هو من حقها بوحدها وروحها باش عايشة غير ليه …

جوهرة .. قربات لمها كانت واقفة كتحط أخر لمسات فالطبلة كل شي متول ومقاد وريحة العود فدار ضاربة ،سولاتها~ مي واش عارفة علاش جاييينين قاليك بابا شي حاجة ؟؟ الفضول باش تعرف مجيتهم قاتلاها ..

رشيدة … لابسة بدورها ومقادة راسها نطقات ~ لا ابنتي معارفة والو قالو جايينين يعشيييو عندنا والسلام

هزات راسها بالإيماءة وجلسات حدى مها كتقاد معاها ، حتى سمعه صوتهم داخلين ، وضحك سي عبد القادر من بعيد كتسمعييه ، صوت قلبها كيخفق بقوة ، وعينيها على لي داخل بهيبته فيه رجولة طاغية وطولة وتجريدة بوحدها ، حده شاف فيها بنظرة خفيفة لقاها حانية راسها وحشمانة ، ورجع كيشوف فرشيدة لي تقدمات كترحب بيهم ، جلسه فصالون حتى نطق سي خليل وهو كيتبسم فرحان بيهم ..

خليل … مرحبا وألف مرحبا بيييكم والله نهار كبير هذا

عبد القادر … بدوره كيتبسم نطق ~ ترحب بيك الجنة اسي خليل ، شاف فرشيدة وجوهرة وسولهم ~ كيف انتي ابنتي كيف غادة مع الخدمة؟

جوهرة .. نطقات وهي متلبكة بيناتهم خضوضها زادو حمارو بالحشمة ~ الحمد للله اعمي كل شي غادي مزيان

جلسو فالطبلة سي خليل جر الصينية كيكب ليهم أتاي ، دواز أتاي بگاع داكشي لي يتشهى خاطرك محطووط ، طبيلة مزوقة بكل شي ، مد ليهم الكيسان فمه فيه غير ترحيب ، كلها شد كاسه كيشرب شي كيشوف فشي ، حتى نطق سي عبد القادر ..

عبد القادر ….حنحن وتقاد في جلستو بكل احترام ، عم الصمت وتقطع لغلى كيسنطو ليه هز عينو وشاف قدامو مقابل مع خليل ونطق وابتسامة بشوشة على فمو ~ سي خليل واقلة التاريخ يعيد نفسه !! قالها وضحك برجولية وخليل هز عينيه فيه باسفهام مزال مفهم مغزى كلامه ، و شنو بغى يقصد، فحين عبد القادر كمل كلامو وقال قبل ثلاتين عام جلست قدامكم نتا وباك الله يرحمو هاد الجلسة وتا ليوم رجعت جلستها غير هو قال بمزج وهو كيشوف فلطيفة نكمل دغية قبل متقجني لمرا شفت وجهها صفار ، ربت على رجل خليل وقال غير هاد المرة ماشي انا ل غنتزوج صافي خديت حقي ودابا نوبت ولدي سي غانم… سكت شوية كيشوف تعابير وجه المصدومة ، فحين خليل خلاه يكمل مبغاش يقاطعه باش يفهم معنى هادشي لي عقله مزال مستوعبه..

باش منطولش عليك ليوم حنا جينا طالبين راغبين فيد بنتكم لولدي غانم عجبتني نسوبيتكم ومنلقاش حسن من جوهرة بنتك لولدي !! اش قلتي اسي خليل؟؟؟؟؟

ملامح الصدمة كانت باينة على وجهو خدا كاس د الماء بلل بيه حلقو ورجع بلور كيحاول يستوعب شنو سمع ، قوس حجبانو وقال بتساؤل وهو كيدور عينيه على ختو ل كانت منزلة راسها وباينة فيها فرحانة ، وعبد القادر ل باقي محافظ على نفس ملامح الوجه البشوشة … اما غانم حاط يديه بزوج على ركابيه لي كان كيحرك فيهم بتوثر وعقلو مغيب كيفكر ..

خليل …نطق نبرة صوته غليضة فيها نوع من التوتر وشاف فعبد القادر كيحاول يفهم منه هاد الكلام لي خرج من فمه ~ وغير بشوية عليا وفهمني اسي عبد القادر ، على غانم ممزوجش ، ياك يا الله حضرنا لحفلة زواجهه ولا انا تالف ولا مفاهمش اش واقع شرحلي ؟؟؟؟

غانم …..بكل ثقة فنفس جاوبو ماشي باه انما هو بشحمو ولحمو قال وعينو على جوهرة ل قلبها كيفرفر والفرحة مخبياها وباين شادة ضحكة وجها زاد تنور وحمار نطق وهو عينيه عليها ~ من حقي نتزوج مرة وزوج وثلاتة وربعة شنو فيها ؟؟ الا كانت جوهرة معندهاش مشكيل انا بغيتها مرتي الثانية على سنة الله ورسوله

لطيفة …تدخلت بمحاولة اقناع لخوها وقالت وهي كتشوف فجوهرة مبتاسمة وفرحانة ~ من شحال وانا غنحماق نزوج ولدي لبنتك اخويا ، منلقاش حسن منها ليه مربية وقارية وبنت عائلة وتبارك الله غانم برزقو قادر يعيشهم بزوج فوق المستوى، الى كانت هي راضية وقابلة كنعاودك نديرها فعينيا بجووج ، ولي بغاتها فين ما كانت تحضر ليها ، راك عارفني اخوية شحال جوهرة عزيزة عليا ونديرها بحال نسرين بنتي وكتر

خليل…. مسح جبهتو من العرق وهو كيحرك فراسو بقلب غير راض وفالنفسه كيقول كيفاش نعطي بنتي لواحد راه مزوج لحماق هذا ، نطق وهو كيشوف فيهم ~ ونكذب عليك اختي كون مكانش مزوج غنكون فرحان دابا حيت عارفو راجل ويعول عليه ولكن متخوف بنتي عندي عزيزة ومنبغيهاش تكون تانية على شي وحدة ، عندي غير هي عوينة باش كنشوف منبيغاش تدخل تانية على راجل راه ديجا مزوج ، وانا عارفك عندك عزيزة ولكن اختي راه ميمكنش البنت عاد لاحت رجليها فالدنيا ربعة وعشرين عام نزيد نعطيها لولدك لي عاد تزوج ؟ راكي كطلبي مني المستحيل اختي

عبد القادر …هاد المرة هضر بحكمة وكيف معروف عليه شابك يدو ودوا بثبات ورزانة ~ انكحو ما طاب لكم من النساء مثنى وثلات ورباع

خليل … تبسم وهو كيشوف فخته كيف فرحانة وكطلبه بعينيها ونطق وهو مقاطعو متدخل مكمل ليه الاية القرأنية ~ فإن خفتم ان لا تعدلو فواحدة

نغزاتو مرتو رشيدة كانت حداه جالسة ولي عارفة بنتها قداش كتبغي غانم وشحال كانت غتسطى ملي عرفاتو غيتزوج دور راسو ليها لقاها كترجاه بعينيها ، باغاه ومستعدة تكون تانية ولا ثالتة ولا حتى رابعة مهم تكون على سميتو ، تكون مراته وتحت جناحه وديك ساعة لي بغى يوقع يوقع …..بصوته نطق سي خليل وهو كيرجع يسولها واخا ملامح وجهها كانت عاطية الجواب بلاما يحتاج يزيد يسول

خليل …. شنو كتقولي فهادشي ابنتي ؟؟ قابلة تتزوجي بولد عمتك واخة مزوج ،مستعدة تشاركي مرا اخرا فراجلك وتكوني الدخيلة عليها ؟؟؟؟

جوهرة ….بلاما تردد نطقات باه وعينيها على حب طفولة وفارس احلامها شحال تمنات هاد نهار وحمدت لله تحقق وهاهيا كتعيشو بغض النظر على الظروف كانت مقهورة وغير كتبكي ودابا فرحانة وقلبها فالألف كيضرب نطقات وراسها فالأرض حانياه حشمانة ويديها كيترعده، حشمانة تهز راسها لفرق ويتكشه عينيها ، حبها ليها معدو حتى نهاية ~ قابلة ابابا نتزوج بيه ونكون تانية مغاديش نلقى راجل حسن من ولد عمتي يخاف الله فيا

خليل…..تنهد ليها كيحرك راسو كلشي كيشوف فيه القرار الاخير بقى ليه رجع سوله من جديد وهو متخوف من قراره ~ مراتك عندها علم معندهاش مشكيل تزوج عليها !!

غانم…سؤال كان لغانم ل ضحك باستهزاء وهو حاط ظهرو على المخدة باريحية كيشوف فيهم ~ لكلام الأول والأخير ليا انا وباش نريح بالك اخالي وتكون مرتاح من جيهت بنتك هي موافقة وفخبارها معندك مناش تخاف

خليل … بحال الى حجرة كانت فوق قلبه ونزاحت عليه ، تبسم فاش شاف الفرحة فيعينها ، عمره كان يظن بلي عندها مشاعر لولد عمتها ، تنهد كيقول الله يدير الخير ونطق وهو كيشوف فعبد القادر ~ نهزو الفاتيحة ؟؟؟؟

عبد القادر … تبسم بدوره فرحان حيت قبل ومرجعهاش ليه فوجه ونطق وهو كيشوف فجوهرة ~ هي دابا هزووو يديكم

غانم … قاطعهم وهو كيشوف فجوهرة لي باقة حانية راسها وحشمانة ~ بغيت نقول لجوهرة شي كلام حداكم قبل منقراو الفاتحة ونتمنى تجاوبني وتريح بالي ، ورجع شاف فيها وهو كيسولها ~ بغيت العقد والعرس هاد السيمانة نطرقووهم ، نديرو حفيلة بيناتنا نعرضو فيها غير ناسنا ، وقرابنا ، ونكتبه عقدنا اش قلتي ؟

جوهرة … فركات يديها مع بعضياتهم بتوتر وجهها غادي يطرطق بالحشمة ، ومع يشرتها بيضة دغيا كتبان فيها نطقات وهي باقة حانية راسها فالأرض ~ لي درتيها قابلة عليها اولد عمتي

غانم … شاف فخليل ونطق ~ هي نبداو نقراو الفاتحة…

هزو قراوهم ، وكملو ماكلتهم مجموعين، كانت فرحانة وغاطير بالفرحة ، قلبها شكات يكون سمع دقاته ، كتخايل من دابا سيمانة غايكون ديالها راجلها وعمارت دارها، فعواط اي توسط مخذة غادي توسد دراعه لي ياما كانت تخايلهم ، ياما شافت مع بنات وكانت تموت فأرضها ، ونهار غبر لبرى مشى يقرأ ، تحرقات بشوقه ليها لدرجة كانت تدير كونطات ماشي باسمها ودخل تهضر معاه وتكتب ليه … هز عينيه متبعها بيهم ، كيشوف فيها كيف حشمانة بيناتهم، وغير سالاو ناضت جمعات طبلة ، كطير هنا وتجي لهيه حادگة ، كملات عشيتهم فجو زوين تافقه فيه على شنو يديره ، وغير سالاو ناضو سلمو عليهم ، وفرقووهم فباب العتبة…

دخلات غادي طير بالفرحة معنقة مها وكضحك ، العقل خرج ليها خلات مها كتقرأ عليها سورة الفاتحة

رشيدة … باسم الله عليك ابنتي انتي فعار الله

جوهرة … باست يديها بزووج وعنقاتها قلبها كيضرب بقوة ~ دعاويك وصلوووني اميمتي واخيرا غادي يولي ديالي واخيرا اميمتي حلمي تحقق

رشيدة … بدورها عنقاتها كطبطب عليها وتقول ~ فرحت ليك ابنتي ، غير هو متنسااايش عندو امرأة اخرى خاصك تعرفي تعايشه مع الوضع حيت انتي لي بغيتي

جوهرة … فتحات شالها وخلات شعرها نزل على عينيها نطقات وهي معنقة مها ~ حتى تبقى معاه اميمتي عاد ندير بحسابها

وكملات غادة مع الدروج طالعة ترتاح ، ومها موراها كتشوف فيها ، كانت هادي أول مرة تشوفها هاكا فرحانة ، عزات عليها بنتها وعلى الحالة لي كانت فيها قبل هاكا، تنهدات وقصدات الصالون فين جالس خليل بدوره كيفكر، عندها معاه كلام وهو كذالك …

وهاكذا دازت الليلة بيخير وعلى الخير … وصلو لڤيلا كانو ضوار طافيين ، كلها طلع لبيته يرتاح ، من غيره هو لي داز لجردة جبد گارو يتكيييف بيه ومنها نيت يفكر فالخطوات جاييين دحياته… هز عينيه بانلييه خيال غادي جاي ، وضو خفيف شاعل ، عرفه ديالها ، بلل حلقه بريقه ، وكمل كيسف گاروووه وعينيه على شرجمها بكره … عقله كيديه ويجيبه ، نطق ~ دابا بدينا فالمعقووول

صباح الصباح ، كل شي نايض بكري ، لطيفة فاقت فرحانة ، وجدات لفطوور وقادات طبيلة شكلاتها بكل ما تشهى خاطرك ، نسرين بدورها فاقت بكري ، وسي عبد القادر كذالك ، كان لابس ورواييح دالعطر كتفوووح منه ، تشمييها من بعيد ، لابس كيطمة صبور مواتته فدينا غير هو ، مخنزز كيف ديما ، وراسه كيزدح عليه بالحريق ومناعسش مزيان ، تمشى بخطوات غلاظ صوت صباطه تسمعيه من بعيد ، حتى دخل لصالون بانتليه موو واقفة كتكب أتاي لسي بعد القادر ….

غانم … نحنح ونطق ~ صباح الخير

لطيفة … تبسمات ليه فوجهه وهي كتقول ليه ~ صباح النور حبيبي اجي جلس حدى ميمتك

غانم … قرب حداها باس على راسها ونطق وهو كيشوف فعبد القادر ~ الواليد انا عندي شي خدمة برات المدينة تفوت تلتيامخ ونكون معاكم نخليك تكلف بديك شي لي نحتاجه لعرس ؟

عبد القادر … جغم من كاسه ونطق ~ يكون خير انت غير سير قاد امورك وكيف تجي تلقى كل شي على خير

لطيفة … حطات يديها على فخاضه وسولاته ~ بلاش بيها اولدي خليك توقف على شغل عرسك بيديك واش تخلي المسكينة بوحدها ؟؟؟

غانم … حط يديه على يدين مه ونطق ~ منصيييبش الواليدة خاصني ضروري نمشي نقاد شي شغالات مهيمين عندي

خلاته على خاطره ، كان كيشوف فالطبلة ويرجع بعينيه كيقلب عليها ، حسها مشافوش من لبارح ، أفكار كتديه وتجيبه ، رجع شاف فنسرين لي كانت كتفطر وتكلم كيسولها ..~ فييييين هي ؟

نسرين … حطات الكاس ومسحات فمها لي كان عامر عاد تكلمات ~ يمكن ناعسة اخوية لبارح نعسات معطلة

لطيفة … ضحكات باستهزاء وهي كتشووف فيه ناوية تعمر ليها لبلان ، وتكحلها عليها ~ اوى هاكااااااااواااا العگوزة تنوووض على نبووري توجد لفطووور والعروسة مكرشخة كتشم فحزاقها رجعات شافت فيه ونطقات داخلة ليه فالموضوع ديريكت ~ فخبارك بلي قليلة الحيا وترابي لبارح عيني فعينيك كتخرج فيا عينيها فعشنا وينشنا ، قالت لي كون ما جيتي مرأة كبيرة كون درت فيك يدي وعلى شيبي ولات تعاير ولدي بالقيط بنت الفالتة ، لي معرفنا اصلها من فصلها، وليت معاها قد القب قد سطل ، … مزالة كتعاود ليه وترتاح عينيها عليه ، كتشوف فملامحه كيف كيتبدلو مع كل كلمة كتنطق بيها نطقات وهي كتزيد تشعل العوافي ~ على شرفي ولات العروسة الخامجة تمسح بيا رجليها ، انا لي بنت القاع والباع والخرصة فدراع ، ولات شايطة شفارة تحل فمها الخانز عليا ….

هي كتعاود ليه وهو كيكرز على يديه بقوة ، عاطيها وذنيه كيسمع ليها ، وهي عاطياه لسانها لماضي كتعاود عليها وترتاح، مخلات ليه معاودات لي كاين ولي مكاينش ، حتى نفخات ليه راسه وشعلاته مزيان ، عمراته عليها حتى رجعه وذنيه حومر كيصفره ، عاد نطقات كتكمل ليه الباهية …

لطيفة … واش اعيباد الله كاينة شي عروسة كتنوووض على لوحدة دنهار ، من نهار جات وهي عاطياها لنعاس والماكلة ، لا دراع ماضي كيف سيادها وماليها، ولا نقى فيها ، خانزة ولسانها مبري منها، عيييت فيك بعد علينا هاد السخط مكتسمعليش اولدي هانتا جايب لالاها لهاد دار اش غادي تگجدر بديك المغصوبة ؟؟؟

غانم … تقلصو ملامحه الحرشة بقوة ، وكرز على يديه وتم نايض مباغيش يتجاوب معاها باغي يمشي لهاديك لي لفوق ناعسة ومرتاحة نطق وهو طالع فالدروج كيجري ~ هانا غانوريييها تهز عينيها فيك بشحال كطيييح ليوووم برب منتفاك معاها

لطيفة … وقفات بدورها يديها كيترعده عرفات راسها قوداتها ولسانها فات لحدود نطقات وهي كتحاول توقفه بأي طريقة ~ لا وليدي الله يرضي عليك العار وانت تقيصها واش انا صغيرة ديالها نخليها تجابه معايا حقها راها خداته بالوفايا مني غير حبس انا راضية عليك هاديك غير حرثومة وكتقلب تموت على يديك

عبد القادر … حط الدغمة وقفووها ليه وناض كيشوف فيها مخنزز ونطق وهو كيغوت عليها ~ عاااااودي الالة لطيفة اش قلتي ؟ مسمعتكش مزيان !! ضربتيها ؟؟؟؟

لطيفة … فركات يديها بجووج بتوتر وهزات عينيها فيه كتحاول تبرده حيت صوته مكيعلى عليها حتى كتكون فاتت حدودها فشي حاجة ~ والو قلات عليا العفى وهزيت عليها يديا حتى عصباتني اما انا الله يبعد بلايا على بلاها منها لراجلها انا مرأة قد مها تحتارمني

عبد القادر …، وقف صاعر رمى الكاس من يديه وناض ليها ~ استغفر الله العضيم شحال مرة قلت ليكم عطييييييييو لديك لبنت شير تيساع الى قلات عليك العفى كاين لي يربيها وايني ماشي بالعصى!!! اش قربك انتي ليها ؟ دير ولا مديرش انتي اش قربك ؟تاااااقوووو الله راني صابر بزز مني لهبالكم

غانم … ضرب طبلة برجليه لي كانت حداه جابها مشتتة فالأرض عينيه ولاو حومر كيف جمر نطق وهو هاد صبعه لفوق واصل لافان دياله ~ واخا تقولي لي بغيتي ليوم فاض كاسها ليوم نوريها شكون لقيط فينا ،وياوييييييييييل شي حد يدخل بيني وبينها ولا قسمن بالله نهزها ونخرج نموت انا وياها ، تا حد فيكم ميدخل هي لي بدات وانا لي غانسالي هاد المهزلة ، نشوفو شكون غادي يمل فينا واش انا ولا هي ، مبغاتش تقاد انا غادي نقادها ….

طلع فالدرووج كيجري كيدير جوج درجات فدرجة ، خلى نسرين كتبكي فالصمت وهي كاملة كترعد عارفاه ليوم غادي يقتلها مافيهاش ، ولطيفة كدور فعينيها ندمات لي عاودات ليه ، كانت باغا تعمره عليها باش غير يزيد يكرها ساعة نذمات كيف شافته تعصب ، عارفة عصبيته خايبة ودقته تاهي قاصحة ، اما واحد عبد القادر هز صباطه لبسه وخرج من دار مبغاش يشوف شي حاجة متعجبوووش …

طلع بحال ديك المسعوور لبيت نسرين ، كانت يالله فاقت راسها مفروع بالحريق وحضها منفووووخ حيت صرفقاتها والخاتم كان فيديها ، وبشرة وجههنا حساسة دغيا زراق وتنفخ شوية ، واقفة بالبيجامة ديال نسرين مطرطقة عليها ، وجنابها عريانين ، كتشوف راسها فالمرايا معصبة ويديها كيقيصه فبشرتها بحنان ، حتى سمعات لباب تدفعات بقوة خلاتها دور وجها وهي كتسول باستفهام….

شهد ….نطقات ~ نسريييين هادي انتي ؟

غانم … مع دخلة بانت ليه واقفة حالتها حالة ، قوص عينيه فوجها كيحقق فيه لقى مه دارت خدمته وختماتها ليها بصمة من ديك شي فوججها ، قرب منها ونطق قبل مايحبدها لعندو بقوة ~ وليتي ضسري على مي ؟ معلمووووووكش شنو هو الإحترام ؟؟؟؟ تا مي صلاحت ليك !!!

شهد … هزات يديها كتحاول تبعده عليها ومقدراش تهضر حيت خدها عاطيها الحريق ~ خاصك تعرف واحد الحاجة ولي هي انا شفارة ونصابة وحياتي كاملة مهزيت عيني ولا صوتي على مرأة قد مي ولا قد جداتي ، مي رحمة علماتني التربية ولكن لي حك نحاسي يلقاني ويسمع جوابي ، مك اسيدي قلات عليا لحيا دخل بالسبان وتخرج بالسبان علاش هي باش عرفاتني لقيطة ؟ علاش تهز يديها عليا ؟ هاك شوف وجهي !!! ياك لقانون كاين فالبلاد علاش مطبقوووش معايا الى كنت انا نصابة فانت كتر مني وخير متال مك من نهار جيت لهاد دار وهي بالسبان

غانم … دفعها عليه وعينيه مقوصهم فيها ، فغفلة منها جرها من فكها حتى غوتات ربي لي خلقها ، وزاد زير عليها بقوة وقرب وجهه حدى وجهها وعينيه فعينيها كيكمل مخلات ليها لطيفة من ذكرى ~ گاع لي دارته فيك تستاهليه وبالوفى، مزال غادي تبكي ومزال تشكي ومكاين لي يفكك مني ، زاد زير عليها حتى نزلو دموعها بقوة الألم لي حسات بيه ورجع كيضغط على الحرووووف ~ نهار نسمعك هزيتي العين فمي ولا حتى بنظرة حسبي ربي مخلقكش الخانزة ، كتعرفي الحوالى كيف كيذبحووهم ، غادي نفصلك ولوحك لكلاب ، وكملها دفعها على الحيط حتى زأرات بألم ، ورجع قاجها ~ مكاين هنا لا قانون ولا ز. بيييي القانون هو انا نهار تغلطي تخلصي …

عينيها رجعه حومر كيسيله بالدمووع ويديها فوق يديه كتجرها ليه حتى قمشاته فاش حسات بالهوى مبقاش يدخل لريتها ، دفعاته عليها مهبطة ليه يديه لي موشوومة كاملة بضفارها ، خلات دمه كيسيل وهربات لواحد القنت كتقلب على شي حاجة باش تشير بيها عليه ، غوتات ربي لي خلقها وهزات قرعة ديال العطر تقيلة هي لي بانت ليها تما ، كانت حداها فوق الكوافوووز…

شهد …. كتنهج ويديها على عنقها كتمسده ~ عمري نحني ليك راسي لا انت ولا شارفة ديال مك ، مجيييييييييتش باش تمرمده بيا الأرض , هزات صباعها بالتهديد كتنطق ~ الى كنتي راجل اجي قرب ليا ليوم واحد فينا يمووووت ،،، وكملاتها شيرات علييه بديك القرعة بقوة ، نظراتها كلهم كره ، يديها كيترعده ، وشفايفها گاع ذماتهم بالعضان ، وجهها مهلوووك وشعرها مبعتر على وجها ،

غانم … تعرض لقرعة لي كانت اتجي فيه بيديه جابها فالأرض مشتتة عينيه زاده حماره ، وعروق يديه زاده تشنجه ، عمر شي بنت هزات صوتها عليه ماشي عاد تشير عليه حتى ليها هي ، دمه بدأ يفووووور وزند عليه راسه ، خلفة وحدة وكان شادها من شعرها بقوة ، كينطق وسنانه كيتقرقبه بعصاب ~ سخن عليك راسك ، بغيتي تمووووتي ليوووووم نقتل ر بك ،

بسهولة جرها حتى طاحت فالأرض وكمل جارها حتى لحمام ، طلق لماء بارد حتى عمر لبانيو وهي كتفركل باش تخلص من يديه ، محسات غير وهو غاطس ليها راسها فالماء ، خلى ليها كسدتها كتفركل ، ويديها كيضرب فيه بقوة باش يطلقها ، كتعافر معاه وكتحاول تشد نفسها ، حتى عيات وهي تبدأ تشرب فالماء ، بويقات صغار بداو يطلعووو دليل انها كتشرب فالماء ، يديه ماتو على شعرها بقوة دافعها ، محس غير بيديا بدات تلقائيا تحبس من ضريب ، قوتها تلاشات ، عاد جرها ليه مخرجها ، كان وجها صفر وعينيها مغمضين فاقدة كليا الوعي ، زفر بصوت مسموع ، وضرب يديه مع الحيط حتى العضم خرج ليه ، محسش بالحريق لي عطاته يديه كتر من كرهه ليها ، مرضاش بيها ترفضه قدام حبابه وصحابه مرضاش بالشمتة لي شمتاته ، مرضاش بالنصب لي نصبات ليه على مه ، مرضاش بحوايج كثيرة تسبات ليه فيهم وهو نفسه حارة وحارة بزاااف ، وأهمها هيبته لي نزلات بيها الأرض ، خلاته بعد ما كان غير سي غانم وغانم وغانم رجع لسان على گاع الفام … رمى أخر نظرة عليها ، شبه عارية قدامه ، البيجامة گاع فزگات ولصقات على لحمها لي كان عريان ، صدعه صوت الباب لي شوية ويتهرس ، تمتم بين فمه بشتم ، وعينيه عليها فاقدة وعيها معارفها واش ميتة ولا حية ،،، تحرك لجيهة لباب فتحها لقى مه وجها مخطوف وقطرة دم مفيهاش ، ونسرين جنبها خايفة ودموعها فعينيها …

لطيفة … نطقات وهي كتمنى ميكوونش لي فبالها ~ فيييين هي ؟ قول اش درررررررتي … دخلات كتجري كتقلب عليها ، حتى بانت ليها مجبدة فالأرض كاملة فازگة ، يديها بداو يترعده وشفايفها زراقه بالخلعة شافت فيه وغوتاااات ربي لي خلقها ~ صافي قتلتيييييييها ؟ … ضربات على فخاضها بقوة ونذبات وجها كتصخط وتنخط ~ ويلي ويلي الله يا ربي ~ كتغوت ربي لي خلقها كتشوف فيها كيف مكتحركش ونفسها مكيطلع مكيهبط وكترجع تغوت ~ اربيييييييييي قتلها…

محدها كتشوف فيها ودموعها كيزيدو يهبطه… ويديها كيترعده ، مقدراتش تقرب ليها ، صوت لطيفة وغواتها زادو بينه ليها بلي صافي مشات عند مولاها ، دى مول الأمانة أمانته

نسرين … شافت فلطيفة ونطقات دموعها مزالين هابطين ~ واش صافي ماتت ؟

لطيفة … حماتها بالغوات وناضت لعندو كتجر فيييه ~ ياك قلت ليك بعد من الموصيبة ياك قلت ليك جات باش تشتت عائلتنا جات تشتت لينا الشمل ، مكنتيش كتسمع لي !! فاش كنقوليك متصلاحش لينا درتي ليا ضد وخليتيها ،، ها هي وراتك…بدات تضرب فوجها وفخاضها ~ اوييييييلي ومشالي ولدي اويييييييييلي على موصيبتي حتى قلت بياض سعد ولدي وخرجات عليه

غانم … كان واقف داير يديه فجيابه كيشوف فيها كيف مليوحة متحركاتش ونفسها مقطوووعة ، زاد كرز على يديه بقوة مباغيهاش تموووت ، باغيها تبقى حيا باش يزيد يقتلها ، باغي شوية بشوية يقتل روحها الماكرة ، يقتل كل حاجة فيها خايبة ، ضرب نفس اليد لي مهلوكة مع الحيط حتى كمل عليها وقرب لجيهتها باغي يشوفها ويتأكد واش باقة حية غوت على مو تسكت من لغواااات لي راها حامية ~ سكتييييييي من لغواااات الى ماتت ها لقبووور حدانا نيت نتهنى من صداعها ومشاكيلها ،

بعد المرات مكنعينيييوش بشنو كنديرو حتى كيفوت الفوت ، ولا كنغلطو ومكنحسه بغلاطنا حتى كندمه ، وكيقوليك لي دار الذنب يستاهل العقوبة ، شهد لي عمرها ضنات قدرها يتحول ضدها وبين ليلة وضحاها تولي محبوسة بين ربعة دالحيوط ، لا صحاب لا حباب لا علامن تحط راس ، كيف مقطووع راس بوحدها لا حنين ولا رحيم ، لا ناهي ولا منتهي ، مكاين غير المعيار ، من بعد ماكانت ناس همة وشان ولات تحت رجلين تحت صباط الراجل وموووو، رجال لي كانت تنصب عليهم وتهرب اليوم لقات راسها مزوجة وعلى ذمة واحد كانت فواحد الوقت سرقات مه وطيحات من رجولته قدام الجميع ، من بعد ما بغاها وقبلها تكون مراته خلاته حتى لنهار بنهاره ورفظاته وهربات ، وكيقوليك المثل نهيييه نهيييه والى عمى سيييير وخلييييه ، هادي هي دنيا وكارما كترجع لينا سوى بالخايب سوى بالزويييين، مديرش متخافيش ، هذا هو قانون الحياة ، من جهة اخرى لطيفة المرأة صلبة ، الفاسية لي لي كل شي كيحترمها ويقدرها ، جات لي نصبات عليها وسرقاتها وقطعات خيط الإحترام ، لي بينها وبين وناس ، شوهاتها بين ناس لي يبغيوها وناس لي يكرهوها كاين لي شمث فيها وكاين لي بقات فيه ، كان عندها حلم واحد تزوج ولدها وتشوف وليداته وتفرح بيه ، حتى جات شهد ضربات ليها جميع أحلامها فالحيط ، كرهاتها وكرهات نهار لي طلاقاته فيها ، ومن بعد ما بدات تشافى من الصدمة رجعات تصدمات بنفس البنت لي بكاتها ، فقلب دارها عينيها فعينيها كتخرجهم فيها ، كلمة بكلمة هي وياها …

غانم …هزها من الأرض مكره كيصوط ، هز يديها كيسمع نبضها باليييه منتظم ، تنهد بصخط وناض واقف كيخنزز فيها نطق ~ هادي تقتل كل شي إلا هي متمووتش

لطيفة … كانت واقفة كترعد وكتسناه يقول شي حاجة تريحها حتى نطق عاد تنفسات الصعداء ~ حمدتك وشكرتك يا ربي ، مشات تلاحت عليه شاداه من يديه وكترغبه ~ عمرك عمرك اولدي تقيصها ولا يديك تجي على يديها انا راضية عليك دنيا واخرة

غانم … وقف حدى لباب باغي يمشي بحاله ونطق قبل مايهبط فالدروج ~ انتي الواليدة لي يديك ماتجيييش عليها اما انا قاد بشغلي معاها يا تقاد يا نقادها بطريقتي وكل ما فهمتيها هادشي غادي يكون حسن ليا وليها

ونزل مع الدروج هابط ، معصب ويديه كارزهم بقوة ، غير خرج لاح گارو فمه وقصد طوموبيلته تابعاه طريق طويلة ، تنهدكيفكر فحياته لي ترونات ، وباله مع العروسة لي جاية فالطريق ، وكلام باه كيدوور فراسه ، كسيرا غادي خارج يديه على الڤولا واليد تانية كيكمي بيها ويخمم …

{الله يجعلك فكل خطوة سلامة } هاد الدعوى بالظبط واش غادي طبق ؟ على سي غانم لي جايب وحدة بدافع الكره حيت طيحات منه وهانته ورفظاته قدام الجميع ، ولا جوهرة لي حباته من صغرها وبغاته بجميع اللغات

قربات ليها نسرين بخوف ودميعاتها فعينيها ، هزات يديها حطاتهم على وجهها بحنان ، كدوز عليها وعلى ضرابي لي فوجها ، حالتها كتشفي لعدو ، نطقات وهي كتشوف فلطيفة لي كانت جالسة طونييون بالفقصة طاح ليها ، ويديها باقيين كيترعده…

نسرين … هزات عينيها فمها ونطقات ~ علاش ضربتييييها امي هي مسكينة شنو دارت باش خوية تكرفس عليها هاكا ؟

لطيفة … كانت ناقصاها غير نسرين بكلامها ، هزات راسها فيها ونطقات وهي كتحمر عينيها فيها ~ واش باغييين تحمقوووووني فهاد الدار ؟ بقات فيك ؟ مبقيناش فيك حنا ؟

نسرين … قاطعاتها ~ ماشي بالعنف اماما ، راها يتيمة لا حنين لا رحيييم الى كانت نصابة خلينا نوقفه معاها ونعاونها حتى تشافى واش بالضرب غادي نمحيييو ديك الفضيحة لي دارت لينا ؟ واش حنا مخزن ؟

لطيفة … وقفات كتشالي بيديها صعرة شداتها ~ سمعي اديييك شنيوولة خرجي من سوقها قبل مانورييك وجهي تاني ، اوى صاف هادشي لي بقى رجعوووها منا وفينا !!! اوى حتى نموت ودفنووووني عاد نديروها منا ونسى مدارت فيا ، حتى نكون هوويييوة متقوووبة سويييوة عاد نقبلها مرات ولدي

هي مزالة كتغوت وشهد بدات تحل عينيها حيت زعجاتها ، راسها كيزدح عليها ، وحناكلها عاطييينها الحريق ، كانت كتسمع حذيتهم ، تمنملات من بلاصتها نايضة وشعرها مغطي وجها ونطقات وهي كتشوف فلطيفة وتخنزز فيها ..

شهد … زيرات على يديها بقوة ونطقات ~ حتى نكون عفة العيالات عاد نقبل انا بولدك ، حسابلييييك ميتة نكون منكم وفيكم ؟ علاش انا هبيلة ؟؟؟ ملقيت معامن نكون غير مع عائلة مجرمة!! الى كنت انا نصابة وسراقة فراك انتي ولدك قتالييييين ، وخير دلييل غير شوية وكان يقتلني

لطيفة … طرطقات عينيها فيها مصدومة عاد وهي مجبدة ومغيبة ودابا كتبان ليها صحة سلام نطقات وهي كتشوف فيها وتحقق ~ اويلي!! واش انتي جنية ولا شهاد الموصيبة ، مكتعيايش مكتهديش، سيري الله يعطيك هدة وهزة من هاد الدار نتهنى منك

نسرين … نطقات وهي كاعية ~ ماما وصافي براكة واش غادي تبقاو هاكا مني منك الله يهديك

لطيفة … غوتات عليها وناضت غادة بحالها ~ سكتي عليا يسكت ليك الحس تانتي وليتي دخلي فكلام لكبار وايني تايجي لي كيعرف ليك … وكملات نطقات وهي كتخنزز فشهد رامية ليها كلامها ~ نوووضي براكة عليا من لفشوووش شوفي دار كيف دايرة قاديها يا الخامجة ، وانتي منين جيتي وانتي تحزقي وتشميييه الله يعطيك الطير يطيرك عليا من داري ونرتاح منك ، منتي من لعيالات شامخات القادات ، موصيبة ونزلتي علينا فهاد الدار ، حجارك يشدوووك عندك ، الله يطيرك ويغبر ليك الشقف ….

نزلات مع الدروج وهي باقة كدعي فيها ، راسها عاطيها صداع قوي كتحس بيه بحال البيضة ، وسكار طلع ليها واحد طونسيون هبط كتشوف غير ضباب ، نزلات شادة فراسها بيديها ،وخلات شهد كتشوف فصمت فالفراغ ، هزات يديها كتقيص جناب فمها لي عاطيها الحريق ، معبسة وكتفكر كيف دير تهرب من هنا ، قررات وعزمات على قرارها أنها غادي تهرب وربي كبير ، القضية غادة وكتصعاب عليها فهاد الدار ، وهروبها لازم يتنفذ بسرعة …

نسرين … نطقات وهي كتشوف فيها تقول قرات عقلها اش كيدور فيه ~ بغيتي تخرجي من هنا ؟

شهد … هزات عينيها فيها ونطقات ~ مكرهنتش نهرب وايني معنديش كيفاش خاصني نفكر مزيان عاد نفذ

نسرين … بدون تردد ~ انا غانعاونك نهار عرس خوية ، غايكونو ملاهييين وهاديك هي احسن فرصة فين تهربي اش قلتي ؟

شهد … فكرات مزيان ونطقات ~ فقاش العرس ؟

نسرين … من بعد سيمانة غاتكون العروسة هنا معانا

ميلات راسها بالإيجاب وهي كتفكر ، شكراتها وناضت لدوش دوش وترخي بيه راسها ، كانت عيانة وراسها كيف البيضة عاطيها الصداع ، نسرين جمعات ديك روينة لي فالبيت ، وحطات ليها بيجامة ديال لطيفة طويلة شوية ، ونزلات لتحت تجييب ليها متاكل ، كان عبد القادر جا من جامع .. دخل لصالون مبانش ليه حس لطيفة ، جلس وهي تبان ليه نسرين هابطة وهو يعيط ليها …

عبد القادر …سيري كلمي ليا شهد ابنتي عندي شي كلام باغي نهضر معاها فيه

نطقات بأه وطلعات للفوق علماتها ، كانت يالله باغا تحط راسها وهي تهبط ، مراشقاش ليها وضيم طايح عليها ، من نهار جات لهاد الدار مخرجات مشافت ضوء الشمس ، دخلات لصالون شعرها باقي شوية فازگ ، بانليها شاد تسابيح كيسبح بيه ، تقدمات حداه بديك القميص طويل واسع عليها …

عبد القادر … حط تسابيح وشاف فيها ناطق ~ جلسي ابنتي حدايا ، باغي نهضر معاك … جلسات حداه وهو بدأ معاها فالموضوع ~ عارفك مباغاش هاد الزواج ، ورافضاه وجالسة معاه بزز ، نسولك ؟ ولا تبغي ندخل فالموضوع نيشان ؟

شهد … هزات عويناتها فيه حومر ونطقات ~ ايييه مرحبا

عبد القادر … نبدأ ليك فموضوعي علاش عيطت ليك!!! ديك رجال لي نصبتي عليهم وخديتي ليهم رزقهم ، واش بالنسبة ليك درتي انجاز كبير ؟ شنو استفذتي من ديكشي ؟

شهد … سكتات مقدراتش تجاوبه فقط خرجات جملة كتحاول تغطي بيهم عيوبها ~ انت معشتييش لي عشته انا !

عبد القادر … طبطب على ضهرها بحنان ~ عشت كتر من ديك شي لي عشتيه ابنتي ، عشت الفقر وجوع ونعست فالزناقي ، والگور يسبوني ، تحملت گاع لي ميجيكش لبال ، عرفتي علاش سولتك هاد السؤال ؟ باش نقولييييك بلي الغلط لاصقك من ساسك لراسك ، انا معاك ممنحقوووش يقيصك ولا حتى يحاول يهز يديه عليك ، ولكن ابنتي واش عرفتي شكون هو غااااااانم !!! راه قبلك واش عرفتي ولدي يجي يقولي وجد كل شي الواليد هي لي غادي ندي ،،، وفرح فاش هضر معاك وتعرف بيك وكان موجد ليك كل شي تالبين يديك يجيك ، وانتي اش درتي ضحكتي علينا كاملين ، وضحكتي الناس فينا

شهد … فركات يديها مع بعضهم وهزات عينيها فيه معرفاتش علاش رتاحت معاه فالهضرة ~ عمي انا مقولتش مغلطتش ، اه غالطة وقابلة بالغلط ديالي ، مقلتش لا ديوني لبوليس خليني نتعاقب ، علاش هو يعاقبني ؟ علاش موو كتمرمد بيا الأرض كل ليلة ؟ وكيزيد يضربني!!

عبد القادر … دوز على شعرها ونطق ~ سمعيني ابنتي لالة لطيفة لقلب لكبير ، واش عرفتي شحال تقاتلات باش تزوجك ولدها اعز معندها فهاد الكون ختارتك من وسط جميع لبنات وبغاتك ليه ، وفتحات ليك قلبها وعطاتك ذهبها ، وانتي باش جازيتيها ؟ من غير انك سرقتيها وخويتي ليها كونطاتها!!

شهد … بلات حلقها وحنات راسها بحزن ~ الهضرة طويلة اعمي وممستاعداش نهضر أي حاجة درتها ماشي لخاطري حتى انا كنت فواحد الوقت بريئة ونقية هما لي طفاوني وقتلوني وانا صغيرة ، خلاوني بلى احساس بلى مشاعر ، انا عمري كنت أنانية ولا عدوانية ، ولكن …. رجعات هزات راسها فيه وعينيها كيلمعه بشكل غريب نطقات ~ وكون تعطالي الفرصة غادي نعاود نولي ماكرة ونكمل فين حبست ، الى كنت ضريتكم حتى انا ضرووووووني وحگروني ، وقتلو طفولتي

عبد القادر … طبطب على يديها فاهم بلي عندها جرح كبييير وماشي ساهل تشفى منه ، وهو كينطق بلى حولة ولا قوة الا بالله ورجع جاوبها~ يمكن ربي كيمتاحنك يمكن اللهباغيك ترجعي لطريق الصحيحة ، يمكن ولدي غير فالطريق جا باش يكون ليك داء ودواء، نوضي ابنتي توضاي وصلي صلاة استخارة تيقي بيا غادي ترتاحي طلبي الله يورييك الطريق الصحيحة ويعاونك ، وتيقي بيا مكاين محسن من مولاك طلبيه فركووووعك…

خلاها وناض يتوضى يصلي العشاء ، كانت فصراع بين عقلها لي كيحرضها وبين الاوعي لي كينبهها ، تنهدات بعنف ، وهي كتفكر نهار تجمعو عليها بيهم مجموووعة كبييرة… غمضات عينيها ورجعات بيها الذاكرة اللور قبل 19 العام

#فلاش_باك

كتجري بكسيوتها شاداها ، وشعرها طويل معنكشها ، ودميعاتها فعينيها ، ومجموعة من دراري صغار تابعينها كيجريو كيضربوها بالحجر .. صوتها رقيق كيغوت ويطلب النجدة لمي رحمة ، محسات غير بواحد دفعها جابها طايحة على جبهتها ركيبتها تجردات ، وجبهتها تنفخات وزراقت فالبلاصة ، باقة كتغوت وهما كيضحكو عليها ، نطق واحد وهو كيعيبها…~ ماما ماما شوفوها شحال خايبة ههههههههه ، ضحكو عليها كاملين كينعتوها بالخايبة والكحلة والزرقة ، بوغوفالة ، جميع انواع الكلمات الجارحة ، كان عندها سبع سنين وهما طناش العام ، سمعو صوته من بعيد كيغوت عليهم ، وكيجري لعندها ، حتى وقف كيعاونها تنوض وكيمسح ليها وجها بيديه نطق وهو معصب …

وسيم … ياك كنقوليك الى ضربووووك ، ضربيهم حتى انتي ! حيدي منك الخوف

شهد … تعلقات فيه معنقاه وهي كتبكي وتشهق ~ كيسبوني وكيتحماو عليا شوووف شحال بيهم بزاااااف

وسيم … شدها من يديها وهز حجيرة صغيرة مدها ليها ونطق ~ تبعييييني

كانو فالجردة مجموعين كيضحكو وكينهجه بالجري ، وقفها حداهم من بعد ما شحنها بالطاقة الإيجابية ، ونطق وهو كيشير لجيهتهم بيديه ~ بغيتك تفلقييييه والى مفلقتيييهش اليوم نعرفك فاشلة ، ليوم الى ربحتي غادي تكوني نهيتي خوفك للأبد ، عويناتها لي كيسيلو بالدموع رجعووو حومر ، كرزات على يديداتها وهي كتفكر كل نهار كيضربوها ويسبووها ، قصداتهم وقصدات نفس الشخص لي كيضربها ، ونزلات عليه بديك الحجرة لراس فتحات ليه جبهته ، وخلات بلعمان كيسيل مع دمه كان سخون دغيا طوش عليها ،،،،،

#الرجوع_للحاضر

خرجات من شرودها وهي كتنهد وهضرت عبد القادر فراسها، بينها وبين مولاها سيئات كثيرة ، منهم ماضيها لي كتحاول تمحييه ، تفكرات الألم والإفتقاد لي كتحس بيه ، نزلات دمعة يتيمة من عينيها ، وناضت تحركات لبيتها جديد تشوفه ، كانت غرفة متوسطة وزوينة ، فراش فالوسط مقاد كيشعل، وماريوو حداه ، فتحاته بانو ليها بزااف ديال الحوايج كاملين جداد ، بدات تقلب فيهم وقوصات حجبانها ، كتشوف كل شي طويل ، وماشي ستيلها ، زفرات بعصبية ، عارفاه هو مول هادشي ، ختار ليها حوايج ديال القرن الحجري بالعاني ، كرزات على يديها كتفكر وفالتالي قالت معنديش معاك بزاف ونهرب ونرتاح منك ، قصدات ناموسية وتكات محتاجة تنعس وترتاح باش تقدر تفكر مزيان فهروبها …

واقفة فباب الكوميسارية ، فرحانة والمحامي ديالها جنبها، بسمة ومريم مفارقوهاش ، بانليها خارج باينة فيه معصب وماشي وهو هداك ، مشات كتجري لعندو فرحانة ودميعات فعينيها هابطين وطارت عليه معنقاه من كرشه بحكم هو طويل عليها بزاف …

وسيم … نطق وهو كيضحك ~ هانا عاود على البلارة ديالي توحشاتني!! شد وجهها بين يديه وباس جبهتها وهو كيمسح دموعها~ وصافي براكة من البكى غادي تفقصيني

أمال … زيرات عليه بقوة معنقاه وهي كتشهق ~ متبقاش دير هادشي كنت غادي نحماق بلا بيكم ، متخليونيش بوحدي

وسيم … تبسم كيعرفها حساسة بزايد شدها من خصرها وهز ليها راسها كيمسح دموعها ويديه على شعرها كيبعده من وجهها نطق وهو كيتبسم ~ وصافي منعاودش غير حبسي من البكا ، عينيه كانو فجهة اخرى كيقلب عليها بانت ليه غير بسمة ومريم ، حسها مكاينش ضهر ليه العجب ، نطق وهو كيشوف فأمال وكيسولها ~ كارما فينها ؟؟؟؟

وسيم … تبسم كيعرفها حساسة بزايد شدها من خصرها وهز ليها راسها كيمسح دموعها ويديه على شعرها كيبعده من وجهها نطق وهو كيتبسم ~ وصافي منعاودش غير حبسي ، عينيه كانو فجهة اخرى كيقلب عليها بانت ليه غير بسمة ومريم ، حسها مكاينش ضهر ليه العجب ، نطق وهو كيشوف فأمال وكيسولها ~ كارما فينها ؟؟؟؟

مسحات دموعها بيديها ، وجراته من يديه تحت أنظار شخص لي كان واقف حدى لباب كيشوف فالفيلم لي داز حداه ، ضوسيها باقي فيديه كيقراه ، قوص حواحبه فيهم ، كيشوف كيف معنقها وكيف كيمسح دموعها وخايف عليها ، عبس وجهو فيهم وهو كينطق …

نايف … ق حبة جامعاهم هاد جوج شي حاجة مافيهاش، معرفش علاش متبع احذاتها محس براسه غير وهو مكلف واحد يحضيها ويتبع جميع خطواتها…

أمال … نطقات وهي مترددة ~ نديك للدار ترتاح ونفهمك كل شي واخا ، بتوسل نطقاتها ~ عافاك ؟

هز راسه فأه وهو معجب فيها ، حس بشي حاجة ماهياش، كرز على يديه بقوة ، أما هي ولات كاملة كترعد ، عارفة علاقتهم قريبة بزاف كتر منها هي ، حيت شهد تولدات وكبرات على عينين وسيم عكسها هي لي جات وهي فسن طناش العام ، مسافة الطريق وصلو كانت برطمة صغيرة ومفرشة ، دخل راسه دايخ وبزاف ديال الأفكار كيدورو فيه ، جلس متبع ليهم العين ، كل وحدة مهم كتبان عيانة ومهمومة ، هز حجبانه فأمال كيتسناها تنطق ، تنهدات وهي كتشوف فيه وعاودات ليه كل شي من الأول حتى لتالي،

وسيم… مع كل كلمة كتنطق بيها كيحس براسه كيزدح عليه ويديه كيزير عليهم بقوة نطق وهو واقف ~ ديني لعندها دابا !!! نشوف واش يقدر يمعني ناخذها ، يا بزز يا بالخاطر غادي تخرج من عنده ونعرف نقتله منترددش

أمال … شدات فيه بتملك وهي كتبكي ~ وسيييييييم جلس عافاك ماشي بالعصاب غادي نحلو مشكلتنا ، ماشي هاكا سيد ماشي ساهل كيف ضنينة مهما حبك لينا فخ وطيحنا فيه إلا وراه صعيب وماشي شخص عادي ،

وسيم … جلس رجليه ويديه كيترعده ونطق ~ شنو بغيتي نديرو نجلس بحال البهلوول كنتفرج فيه كيعذبها ؟

أمال … تنهدات وشدات فيديه حاطة راسها عليها وكتهضر بحزن ~ وسيم عافاك حتى محتاجين بعضنا دابا شد فيا ونشد فيك كارما غادي نهربوها وايني بالعقل، حنا تافقنا انا وبسمة ومريم ، الوحيدة لي ممكن تساعدنا هي نسرين

وسيم … هز يديها رجع ليها شعرها لور ومسح دميعاتها كيسولها ~ شششش البكى لاش !! شكون نسرين عاود ؟

أمال … البنت لي قلت ليك عاوناتني شفتها هي خته !! عرفتي غزالة ديك البنت

وسيم … خنزز فيها ونطق ~ مديريش تيقة گاع لي جييهت عائلتو مافيهم تقة خاصنا لعبوها بذكاء شافت فبسمة ونطق ~ انتي اش باقة كديري هنا ؟

بسمة … عوجات فمها فيه ~ مالي نكارت الخير لي نخليكم فهاد الموشكيل ونمشي بلى منعاون

وسيم … خنزز فيها ~ وشكون جاب لينا ديك ز , بغى يطيح الهضرة ورجع حبس ~ ياك انتي لي كتجيبي لينا هاد الهموووز الخاويييين بقيتي ببقيتي وطيحتيينا فزوبية

بسمة … خنززات فيه طلع ليها دم ~ ديكشي أقدار كتاب لينا ماشي قصدت نطيح راسي وراسكم فهاد المشكيل

مزادش معاها الهضرة ، حدو شاف فيها ورجع كيهضر مع أمال ، وكيتفاهمه فالخطة باش يهربووها فأسرع وقت ، تافقه واخيرا يحضييو نسرين ، ومع وسيم باغي كل شي بزربة قرر هو يتكلف بنسرين وكلف أمال تبدأ فبحووثها على نايف وعلى غانم ، أي حاجة واخا تكون بسيطة خاصهم يعرفوها عليهم ….

دازت سيمانة كطير ، وقعووو فيها بزاااف دالحوايج ومنهم ، شهد لي كتهضر مع أمال وسيم بسرية تامة من هاتف جديد تعطى ليها من طرف نسرين ، باش يهضرو فراحتهم ، وبلى حتى مشكيل ، وسيم لي كان موجد راسه ، وعلى اتصال بنسرين ، البنت لي صدماته بلطافتها ، وبذكائها ، مكانش كيظنها طفلة صغيرة ، باقة موصلات لسن القانوني ، وكان متخوف انها تكون مصيدة باغا تصيدهم ، ومن جهة اخرى أمال دايرة بحوثها ، بسمة ومريم يوميا كيراقبه الڤيلا وخصوصا لطيفة وغانم ، شهد لي كانت على أعصابها ، رتاحت فأس هو مكانش معاهم فالدار هاد السيمانة ، وزيد عليها لطيفة عطاتها تيساع نسرين كتجيب ليها الماكلة حتى لبيتها …. وصل النهار ل وجدت ليه جوهرة من نهار دق غانم بابهم ونواها لزواج ، جلالب تخيطو ولقفطان ديال لفريع تطرزو ، القاعة تحجزات ونگافة تعربنات والعائلة تعرضات ...لطيفة كانت مقاداها فرحة شرات ذهب ل غتقدمو لعروستها وتقب بيه عينين عديانها ، شهد مفايقاش من نعاس اخر همها هاد زواج باغا غير امتى تفك ويطلق سراحها ترجع لعيشتها اللهم تعيش حياتها كاذبة فسميتها ولا تبقى بين يدين واحد مريض شي نهار يرزينا فشبابها وفصحتها ، عارفة ومتأكدة أنه غادي يعذبها ويقدر انه يقتلها ويلوحها لووحت الكلاب ، وخصوصا انه دابا شاف حياته ونوى يكمل دينه مع الإنسانة لي تستاهله ويستهلها ، كتشوف الفرحة فعينين لطيفة ، تا هي فرحانة معاهم حيت عارفة اليوم هو أخر نهار ليها معاهم فهاد الدار …

و بحال گاع لعراسات وكيف معروف على اهل فاس التاويل والرقي ، وجدت لطيفة ووقفت برجليها على بيت عروستها وجداتو وفرشاتو بأغلى مكاين الحلاوي ل غتستقبل بيهم ناسها تحطو فطبلسل وتغلفو ، كانت بطالونها العالي تمشى بحال ريشة فداك الڤيلا ل يشوفها يحلف عليها بنت الثلاتينات فورمتها غزالة وقوامها رشيق محافظة على راسها وزينها لزمانها سيدي عبد القادر كيف كتناديه ، كان واقف حداه لابس كوستيم فالأسود ، النور على وجهه ، واخا مخنزز وطالع ليه الدم ، هيبته وطولته ليها عنوان ، داير يديه فجيابه كيشوف فكل شي مقاد ، دار بدات تعمر بالناس غير شخصيات الكبار وأصحاب النفوذ ، السربايا كيضورو ، وجردة بضواو مضوية ، وطبيلات مزينين بالورد ، ناس غادة جايا والموسيقى تطلقات ، طوبيلات فزنقة تصطالاو وعمرو الزنقة ، جايبيييين العروسة فلبيسة ديال المحجبات ، السر نازل عليها ، دقايقية بداو وزغاريت تعالات كل شي عرف غانم جايب العروسة التانية ، الهضرة قوات ، العيالات قوة توشويش بيناتهم ، كان فالباب واقف ومو هازة صينية الثمر والحليب فيديها ، قرب منها ، كيشوف فيها جات غزالة وجهها زاد حمار بالحشمة ، الفرحة على وجهها باينة ، ويديها كيترعده بتوتر ، سي خليل فجنبها ومها رشيدة شادة فالبسة ديالها ، تقدم لحدى خاله وسلم عليه سلام رجووولي…

خليل … تبسم وعنقه ~ الله يجعل كل شي مبارك مسعود عليكم اولدي

غانم… تبسم ليه بدورو وضرب على ضهره~ امين

عبد القادر … بدورو سلم على خليل وهو كيضحك ~ اتبارك الله على نسيبي جيتي هو هداك ههه

خليل .. كيضحك هز قميصه وهو كيورييه البلغة ~ اوى ولدي غانم شراهالي بغيتيني رجعها ليه فوجهه

لطيفة … شربات لعروستها الحليب بالتمر وهي كتعنق فيها وتبوووس فرحانة ~ ماشاء الله وتبارك الرحمان جيتي كتحمقي ابنتي ، الله يحجبك

جوهرة .. حنات باست يدين خالتها وهي غاطير بالفرحة نطقات ~ الله يطول لينا فعمرك اخالتي

جوهرة .. حنات باست يدين خالتها وهي غاطير بالفرحة نطقات ~ الله يطول لينا فعمرك اخالتي

دخلوها بالصلاة والسلام على رسول الله ، كانت طبيلة مقادة فين غير هما والعدول جالسين ، يديها كيترعده وقلبها كيضرب فالألف ، وغاطير بالفرحة ، جلسات تحت أنظاره ، كتشوف فالعقد ديالهم ، نطق العدول وهو كيسولها ، من بعد ما قدم ليها المهر لي عطاها، حمر ليها وجها وكبر بيها ، نطقات وهي كتبسم بأه ، وهو كذالك ، وهزو ستيلو سناو على عقد زواجهم ، سي عبد القادر هو وخليل تعانقه كيبارك لبعض ، ولطيفة ورشيدة كذالك ، تقدم جيهتها وشد يديها وحنى باش جبهتها خلى قلبها غايخرج من بلاصته ،

غانم … نطق وعينيه فعينيها عندها جمال بريئ زوينة وحشومية لدرجة الجنون ~ مبروووك عليك

جوهرة … الحرارة طلعات معاها هزات عينيها فيه براحة هايمة فتضاريسه واخيرا رجع راجلها على سنة الله ورسوله نطقات وقلبها بقوة كيضرب لدرجة شكلت يكون سمعه ~ الله يبارك فيك …

خرجو لجيهت التانية فين كاينين المعروضين كيتمشاو ، والناس كيبارك ليهم ، شاد فيها وهي غاطير بالفرحة ، جلسات فالبرزة كتبسم وتشوف فالناس ، أما هو حنى حدى وذنيها ونطق …

غانم … انا شوية ونجي نمشي نسلم غير على صاحبي جا من بلاد بعيدة …

جوهرة … تبسمات وهي حانية راسها بحشمة نطقات ~ واخا

رمقها بعيوونه بضرة غريبة ، وهو كيفحصها جات زوينة مينكرش عجباته ، وخرج غادي كيتمشى تحت أنظارها كلاته بعينيها ومكرهاتش غير تشوف فيه ، هز طيليفونه ورجع صونا ليه …

غانم … كيحيي الناس براسه وفالنفس الوقت كيهضر فتيليفونه ~ وافيييينك منقوليش تلفات ليك الدار تاني ؟ اااه اااه صافي عرفتك فين ، شوف دور على يديك ليمينة غادي يبانو ليك بزاف طوموبيلات مصطالييين غاتلقاني تما واقف كنتسناك

خرج لبرى واقف داير يديه فجيابه شعل گاروه يحيد بيه السيتريس ، رمقه من بعيد داخل أخر مكاين فالبوورش فالأبيض ، كطرطق تبسم وسف ديك الگارو مدخل كمية كبيرة ديال نيكوتين لريته ، ولاحه فالأرض عافط عليه ، خلاه حتى صطالى ونزل لابس كوسيم بيض مخطط أخر موديل ، ساعة فاليد كطرطق ، ونظاظرو كيف ديما ، شاف فيه وضحك وهو كيتعانق معاه …

خرج لبرى واقف داير يديه فجيابه شعل گاروه يحيد بيه السيتريس ، رمقه من بعيد داخل أخر مكاين فالبوورش فالأبيض ، كطرطق تبسم وسف ديك الگارو مدخل كمية كبيرة ديال نيكوتين لريته ، ولاحه فالأرض عافط عليه ، خلاه حتى صطالى ونزل لابس كوسيم بيض مخطط أخر موديل ، ساعة فاليد كطرطق ، ونظاظرو كيف ديما ، شاف فيه وضحك وهو كيتعانق معاه …

غانم …. دابا شكون فينا العريس انا ؟ ولا انت ؟

أمير … تبسم وهو كيقاد الكول دياله راشقة ليه ~ اوى اصاحبي ضروري نتقاد يمكن لقى سالبة عقلي هنا هههه

غانم …ضرب على كتفه ونطق ~ متقوليش باقي كتقلب عليها !!! هههه

أمير … ضربه لكرشه بخفة وهو كيتبسم ~ كيتها هنا ، كيشير لقلبه ~ عمرها تخمد وكملها باللغة الإسبانية amor a primera vista زعمة حبيتها من اول نظرة …

غانم … قوص فيه حواجبه ~ وانت كتعرف الحب ؟ هه گاع البنات جربتيهم

أمير … نطق ~ نووو نووو بحال حلاوتها هي مكايناش ، ورجع كيسوله ~ اجي مكملتيش ليا موضوعك مع ختنا ؟ اش درتي ؟

غانم … عبس فيه ونطق ~ زيد زيد من بعد ونعاود ليك دابا باغي نكون مرتاح وفرحان اليوم عرسي

أمير …. كيضحك ~ باغي نسكر اخوية متشووفليش شي كوان فين نريييح راسي عامر مطارق

ضربه لكرفه بوكس خفيفة، و دخلو لداخل ، ناس الكبار كيشوفو فيهم ، عارفين أمير موريسكو معروف فإسبانيا ، ليه أعداء كبيرة فمجاله العملي ، وعلاقته بغانم ، زوينة ديما كيحتاجه وغانم كيعاونه، حيت مرة غانم كان محتاج أمير مرجعهاش فوجه ، وزاد كبر فعينيه من تم وعلاقتهم زوينة ، ولهذا فاش عرف بعرسه شد طيارة وجا طاير يحضر ليه ، تمشاو لعند ناس خرين كيهضره ، ويتناقشه براحة ، دخل بدوره نايف ، كيشوف فالمجموعة وتبسم ، كيسلم عليهم ونطق وهو كيشوف فغانم ويضحك…

نايف ….ممشيتي تا درتيها اسبع ، مبرووووك علييييك ، وضرب على كتفه

غانم ….ملامحه مافيهم حتى شعور فقط سلم عليه سلام رجولي ونطق ~ الله يبارك فيك

فجهة أخرى ، كانت مقادة راسها ولابسة لبسية زوينة جابتها ليها نسرين من عند أمال ، كانت باغا تخليها ليه متووورخة فعرسه وعاد تهرب ، تخلي ليه بصمة بسميتها ، شعرها سرحات حتى نزل على مؤخرتها ، صدرها كامل باين وخارج لبرى ، كرشها كلها عريانة ، وسروال لاصق عليها مبين طايتها بوضوح ، حطات اخر لمسات ، ورشات ريحتها ، وكملاتها بعكار حمر كيشعشع ، كانت نسرين هبطات تشرف الأجواء لتحت ، بان ليها كل شي مزيان وكيف تافقات معاهم غادي يسلكووها تهرب ، تيليفون فيديها وهي كتقاد راسها بان ليها هما جاوبات…

شهد … كتهضر ورادة البال ~ نعم ؟ وعلاش ؟ مفهمتش شنو واقع ؟

وسيم … بسخط نطق ~ قلت ليك نزلي مع نسرين غادي تلقايني كانتسناك متعطليش دغيا هبطي

شهد … كتهضر ورادة البال ~ نعم ؟ وعلاش ؟ مفهمتش شنو واقع ؟

وسيم … بسخط نطق ~ قلت ليك نزلي مع نسرين غادي تلقايني كانتسناك متعطليش دغيا هبطي

قطع الخط دغيا ، خلاها كتشوف باستفهام هما تافقه فاش القضية تشخض بالموسيقى غادي تسلت تما فين غايكونو ناس ملاهيين بالشطيح ومغاديش يرده ليها لبال ، وهي كتخمم كانت ناوية تحط ليهم الفانيذ فالكيسان وتنعس الحزاق كامل ، خصوصا انها مقادة بلان تخرج عليه فيه ، المشروبات لي غادي يتقدم ناوية تكب سيروم فيه ، ساعة ابيل لي جاتها من وسيم خلاتها تفكر فشنو واقع وعلاش هاد التغييير ، فالنفس الوقت لحقات عليها نسرين لابسة تكشيطة زوينة ومسرحة شعرها ، جايا زوينة ، نطقات وهي خايفة…

نسرين … شهد نووضوي دغيا وسيم راه لتحت مخاصناش نضيعه الوقت

شهد … قوصات حجبانها ونطقات ~ ياك تافقنا حتى دير الحداش دليل! شنو واقع ؟

نسرين … معرفتش يمكن حسن دابا ناس ملاهية ونقدر نسلكك تخرجي..

تنهدات وحنات عنقاتها بقوة ، حتى حسات بدموعه نسرين فوق كتافها نطقات وهي كتمسحهم ليها ~ متبكيش مسخيتش بيك انسرين ومعرفتش كيف نشكرك

نسرين … حنيكاتها حمارو وعويناتها دمعه نطقات ~ تهلاي فراسك بزااااف

عنقاتها بقوة ، وتموو نازلين غير بشوية ، عطاتها شال كبير دارته على راسها ، غطات بيه وجهها ، وتمو داخلين مع واحد الباب كيخرج فالجردة من جهة لوخرى ، كان وسيم واقف على اعصابه كيعاين فيها ، دمه كيغلي بالفقصة ، وراسه عاطيه الحريق ، كان ملهوووف باش يشوفها ويسمع صوتها حداه ، يعنقها ويحس بيها ، غير بانت ليه جايا قرب بسرعة ، وخطفها من خصرها لجيهة الحيط معنقها بقوة وكيبووووس براسها ، تمخشات فيه بدورها معنقاه من كرشه ، وخلات طفلة صغيرة متأترة بيهم ، دميعاتها كيهبطه وهي كتشوف فيهم كيف ملهوفين على بعض ، تبسمات بفرحة ونطقات وهي حاضناه بقوة …

شهد … حمد الله شفتك على خير توحشتك بزااااااف

وسيم … كان شادها بتملك قلبه كيضرو ويديه ملكبييين ، زير عليها ونطق وهو كيدور على شعرها ~ كارما سمعيييني مزيييييان ، هزات فيه عينيها مجبداهم بمسكارة جاية قتالة كتسناه يكمل كلامه ~ خاصك ترجعي هنا تبقاي حيت هنا أمن ليك كتر من برى ، للأسف الخطة تبدلات …

شهد … شافت فيه بتعجب ونطقات وهي مبعدة منه ~ شكتخربق واخا نموت منبقاش هنا مع هاد العائلة ، شدات فيديه ~ زيد خلينا نخرجو من هنا …

وسيم … شدها مزير على يديها بقوة حاس بالعجز نطق وهو حاظن وجهها بحنان ~ سمعيني منقدرش نغامر بيك فهميني لمصلاحتك تبقاي هنا انتي عارفني عندي سبب ولا منقوليكش بقاي هنا

شهد … هزات حجبانها مقوصاهم ونطقات ~ قول اش كاين بلى دخول وخروج فالهضرة..

وسيم … تنهد بعصبية ونطق ~ مهدي مهدي العثماني بان وراه كيقلب علييييك ، وكنظن قريييب يوصل ليييك ، والمشكيلة الكبيرة هي حنا مراقبين أمال تختارق ليها كل شي من طرف شي واحد من المخزن ومراقبينها ، يعني فهاد اللحضة كل شي ضدنا هروووبك من هنا معندو حتى فايدة الى هربتي غادي يلقاك مهدي وانتي عارفاه سادي ومريض ديكشي لي درتيييه ليه عمره ينساه ، على الأقل هنا مخبية ومعندوش كيف يوصل ليك

شهد … ملامح صدمة بانت على وجها بوضوح بعدات عليه ونطقات ~ كيفاش كيقلب عليا شهاد الموصيبة عاود ؟

وسيم …. تنهد قلبه كيضرو ونطق ~ كنقوليك لي كاين حنا ديما معاك على تواصل غير نشوفه الأمان نخويوك من لبلاد ، المشكل هو شاف فنسرين لي كانت واقفة خاضية ليهم لباب ونطق ~ عندو منافذ كبيرة الى خرجتي من لبلاد يشدك يشدك ، خاصنا اولا نتهناااو من مهدي وعاد نشووفه خوووها

شهد … تكات على الحيط راسها كيزدح ونطقات ~ دابا واش انا غادي نبقى هنا ؟ كيف غاندير نصبر ليه ولمه

وسيم … خنزز فيها ونطق وهو كيقرب منها ~ كيفاش كيف ديري ؟ نسيتي راسك بلي انتي هي كااااااااارما واش عارفة راسك شحال من حاجة درتي باش وصلتي لهنا ويجي هذا ويطيح ليك كواريك هو ومه؟؟؟ فييين هي كارما لي قريييت وعلمت شكون عطاااااك هاد الإسم ؟ ماعمرك تحني راسسسسس وتخلي شي حد يمرمد بيييك الى ضربك مرة ضربييه عشرة ، ولا نسيتي شنو علمتك…

شهد … لمعه عينيها بشرارة ونطقات ~ هو غاياخد حقه مني موفي ولكن موووو مرأة كبيرة كنخاف نمد يدي عليها

وسيم … خنززز فيها ~ مقلتش ليك هزي يديك عليها مو فتيقار ولكن لي جبدك عطييييه ضربة فيك وعشرة فيه ، لمس خذها بحنان ونطق ~ عارفك قوية وغادي ندوزو هاد المحنة كاملين ، غير صبري وبقاي هنا مأمنة علام نشوفو كيف نديرو

شهد … نطقات وهي كتشوف فيه ~ وانتما ؟ راني خايفة عليكم

وسيم … شاف فجنابه خاصه يتحرك يخرج ونطق ~ متخافيش علينا حنا مكيقلبش علينا هو باغيك انتي ، وضغط على يديه بقوة مكمل ~ غراضه بيك انتي

عنقاته بقوة ، كتشوف فقدرها فين وصلها ، جاتها الفرصة فين تهرب بصفة نهائية ، ومقدراتش ، طبطبات عليه وداز خرج غادي فحاله ، و قصدات نسرين ، مكسوورة الخاطر ، هزات عويناتها نسرين فيها ونطقات وهي مفاهمة والو …

نسرين … مالكي ؟ علاش ممشيتيش ؟

شهد … تنهدات ~ قدري باقي باغيني نزيد معاكم هنا ، تبسمات ليها فوجها ونطقات ~ زيدي نشطحووو شوية مضايماش مضايماش ، نيت نسى الهم راسي مفرووع عليا ..

نسرين … طلعاتها وهبطاتها كتشوف فحوايجها ونطقات ~ لا ويلي غادي يقتلك الى شافك هاكا ، دنيا عامرة رجال فجهة لوخرى ومغاديش يرضى …

شهد … قوصات حواجبها فيها ونطقات وهي جاراها معاها ممخلياهاش تكمل الهضرة ~ زيدي زيدي نشطووو اليوم، ونشطحووو وفين ما بغات توصل توصل معاه… اليوم نبرد هاد الحرقة لي فيا

نسرين طرطقات فيها عينيها بصدمة ، بغات تدفعها لبيت ساعة معامن جات ، جراتها من يديها بقوة ، وقصدات صوت فين كاينة موسيقى شعبية ، ممهتماش لناس لي تما ، العروسة بتكشيطتها فوق الميدة دايرة ، زغاريت عليها وهي غاطير بالفرحة ، دخلات فالوسط ناشطة ورجعات سالفها اللور كضرب بيه ، تهيييت وتشالي كتحضر جنوون ركبووووها ، ومع اغنية شعبية مطلووقة بامتياز ، كتنوووض المجدووب من لقبر ، حنات لأرض كتحضر بيه ، نسرين معرفات باش تبلات بقات واقفة مصدومة وكدور عينيها لقات ناس واقفين مترقبينها ، كلها وشنو كيقول صدماتهم بجرأتها بلباسها العاري كتر من المغطي ، محدها كتحضر وصدرها كيزيد يتكشف، وقفات بترمتها كتشطح محيحة مع الموسيقى باغا تسهر تنسى مشاكيلها ، فحيين لطيفة وقفات كتويييل وتنذب وجهها من الفقصة ، قربات لجيهتها منوضاها ونطقات فوذنيها الصعر بغى يشدها …

لطيفة … قرصاتها من كرشها المعرية ونطقات وجنون دنيا ودين راكبينها ~ باغا تشووووهي بيا وبولدي والله اليوم منفكك منه اليوم يقتلك

شهد … ضحكات بصوت عالي وشدات فيديها كتشطح معاها ~ شطحي معايا ونشطي الحاجة راه الموت كدور علينا كاملين معرفنا شكون السابق

لطيفة … كدفع يديها منها وكتحاول تجرها وهي لاصقة عليها ، نطقات وعينيها خارجين من جرأتها ~ طلقي مني المغصوووبة الله يعطيك الصعر

دفعاتها عليها تا ضحكات شهد بقوة ، هازة بين عينيها خيروط ذهب لي نصلات ليها من يديها بلى متحس لطيفة فاش كانت تعافر معاها ، ركباتهم فيديها حدى عينين الجميع ، وضحكات وهي كتقرب منها ، ترمتها كتهز وتحط بووحدها، وعينيها حومر كيبرييييو نطقات بصوت عالي كتسمع لموووول الموسيقى

شهد … طلق السخووون اخوووية دير شرقي اليوم نزهى انا وحماتي ،

جرات يد نسرين لي فيها ديك الشال فاش كانت مخبية ، وحزماته عليها ، كيف طلقات الأغنية لبسات قناعها الخاص ، ناوية اليوم تحمقهم وتخرج ليهم العقل ، حياتها بلى شي ولات مهددة ، اش بقى اخر ؟ معندها مضيييع حياتي وضاعت ، طلقات ليهم سالفها طوييييل وبدات تمايل ، الجميع كيشوف فيها بذهول الصدمة ديال لطيفة كانت قوية عليها ، كون ما نسرين شدات فيها كون طاحت بسكتة قلبية ، راسها زند عليها وهي كتشوف وتسمع فالناس شنو كيقولو. رشيدة شدات فيدين جوهرة لي كرزات عليهم بقوة ، حشماتها فنهار عرسها قدام الناس ، نطقات وهي كتهضر مع مها فوذنيها…

جوهرة … تحت سنيييها ~ ديري شي حاجة امي وقفي هاد المهزلة غادي تخليني لسان على الغادي وجاي ، تحركي راني شادة راسي بزز عليها ..

رشيدة … باقة تحت الصدمة مشات جيهت لطيفة كتجري ~ لطيفة شهاد قلة الحية والأدب ، شوفي شوهة لي دارت لينا ، وقفي هادشي كتر مايزيد الموضوع يكبر

لطيفة … مدات ليها نسرين كاس ديال الماء تشرب وهي تغوت عليها ~ سيري عيطي لخوووووووووك يجي عتقي طيري دغيا من قدامي ..

نسرين مسكينة ولات كتفتف ، عارفة الى عيطات لخوها وشافها فهاد الحالة يقدر يقتلها بلى ميتردد ، حمدات الله لي غير العيالات فهاد الجهة وايني جهة تانية عامرة رجال ، والى مشاو حتى دخلو وشافوها نصها هاكا عريان فغادي تكون اخر نهار ليها ، مشات كطير لعند مول الموسيقى قالت ليه يبذل ويدير شي حاجة ديال الأمداح ، وتحركات لجهتها خاطفة ليها ديك شال ولايحاه على صدرها، كاملة كترعد وكترغبها بعينيها …

نسرين … بخووف ~ شهد عافاك خرجي من هنا خوية غادي يقتلك عافاك سمعي كلامي وزيدي تبعيني نخرجو من هنا

شهد … ضربات بسالفها الطويل لووور ونطقات وهي كتشوف فيها ~ حياتي كاملة مقودة عليها الى بغى يجي يكمل ما بداه مرحبا اليوم انا مسالية لخوووك يا هو يا انا

فعز نقاشهم ، العيالات بداو يخوييو الساحة ، خايفيين على رجالاتهم يشوفو فيها وهي معرية على مولاه ، هما عيالات وفمهم بقاو حاليينو فيييها حارااااك رجال ريوگهم غادي يسيلو عليها ، لطيفة سكر طلع ليها وطوونيون طاح ، بقات جالسة وجوهرة كتشربها الماء ، ودموع فعينيها شافت فمها ونطقات …

جوهرة … كتهضر وعينيها مدمعين ~ تيقي بيا اميمتي هاد شوهة لي شوهاتني فعرسي غادي نرجعو ليها بضوبل ، والله مندوزها ليها ، بلعاني حرماتني من أعز نهار فحياتي

رشيدة … بحقد كتشوف فشهد نطقات ~ هادي غير خانزة معرف مين جابها شهاد المستوى ضبرتوو عليه الالة لطيفة اويلي شهاد شي

بين صحابه كيتحذث ، الفحولة منه كتعطي، الطولة وتجريدة والبادر واقفين ، هيبته كافية تخليك تبقاي غير تشوفي فيه ، كينطق فقط بآه ولا لا ، حطو ليهم العشى ، وهو يلمح العيالات شي داخل شي خارج مفهم والو ، وبعد من رجال المعزومين تا هما خرجو ، قوص حجبانه بدون فهم ، ورجع شاف جيهة ديال العيالات ، بانو ليه قلال ، وتا من الموسيقى قلالت ، ستأذن منهم وتحرك باغي يشوف اش واقع ، حتى كتبان ليه مووو جالسة ودايرين بيها رشيدة وجوهرة ومعاهم حتى نسرين ، تقدم داخل بيناتهم ونطق وهو كيشوف فمه باستفهام …

غانم … الواليدة!!! ياك لباس ؟

لطيفة … تقادات بلاصتها كترغب جوهرة ومها بعينيها ، باش نهار يدوز على خير ونطقات وهي كتشوف فيه ~ والو اولدي غير شهد نزلات كتقلب عليييييك

غانم … خسر ملامح وجهوو بعبوووس ودار لعندها بالعرض البطيئ كيطلعها ويهبطها، كرشها باينة عريانة واخا شال مدرقها شوية باين العربون ، سروال لاصق غادي يطرطق مع ديال الثوب مبين تفاصيلها بوضوح ، كل شي معزووول ليها ، بانت ليه مبدلة شعرها مسرحاه ، وجها مقاد بمكياج عينيها كيفتنه العدو ، كرز على يديه وقرب منها ونطق ~ تحركي طلعي قبل مانهرس ليك رجلييييييك رحمي عدووووووو ربي غير ليلة باش منقتلكش

شهد … لابسة قناع الشيطان وراسمة ابتسامة مستفزة وماكرة على شفايفها، قربات ليه كتر كتشوف فعينيه ديريكت ونطقات ~ متعصبش ليا جييييييت غير نبارك ليك فنهار زوااااااجك ونهديييييك هدية ، وكملاتها كتشوف فيهم ~ مراتك جديدة هديتها احسن رقصة ممكن تشوفها بقيتي ليا غير انت …

ضحكات بصوت عالي ، كطلعه وتهبطه بعينيها بكل تحدي، كتسناه يقيصها وترون ليه هادشي ، كان كيشوف فيها برودة عارفها لاين باغا توصل ، بخفة جرها بقوة من يديها وبقى غادي بيها تحت انظار الكل ، كتحاول تفلت منه وكتدفع فيه ، وايني صندالتها ممساعفهاش ، عينيه حومر ويديه ميتين على يديها بتملك ، كان واقف فالباب كيهضر بصبليونية فتيليفون، باين مشوشاه شي حاجة ، يد دايرها فجيبه واليد التانية هاز بيها تيليفونه مخنزز ،وكيسب بلغته ، كيسمع صوت تقرقيب الطالون وصوت مألوووف ليه ، قلبه رجع يخفق بسرعة ، دار لجيهة ديال الجردة ، كيسمع صوتها الأنثوي لي عمره ينساه بوضوح ، شعرها مغير بانليه وايني صورتها محفورة فعقله عمره ينساها، نطق بين شفايفه باسمها { عبير ملاكي } ،

شهد … دفعاته كتفرك يديها شال طاح فالأرض حتى بان ليه صدرها بوضوح قدامه ، تفاحات منفوخين واقفين مغطيييني غير ريوووس ، نطقات وهي كتحداه بعينيها ~ باغي تعاود ضربني ، قربات منه كتر ~ هانا ضرب حيت هادشي لي كتعرف دير ! كظن الى ضربتيني غادي نحني ليك راسي ؟ ها

غانم … سخن دم لي فعروقه بقوة ، وهو كيشوف فيها مسفحة حداه زاد زند عليه راسه سحبها بقوة لعنده ونطق تحت سنيه ~ لا هاد المرة مغاديش نضربك غادي نقتلك ورتاح من شوهتك..

كان كيتمشى بخطوات سريعة مرفووووع ، باغي يتأكد منها ، باغي يريح باله وعقله ، تقدم حتى لعندهم وقبل غانم مايدير أي خطوة كان غوت بصوت عالي باش تسمعه ….

أمير …. عبييييييييير ملاكي ، وقف حداهم كانت كتشوف غير وجهه حيت غانم عاطيه بالضهر و مضرقه بكسدته ،

شهد….. قلبها بدأ يضرب بقوة ويديها بداو يترعده ، فقط لغات الأعين بيناتهم خدامة، كتشوف فعينيه هو بشحمه ولحمه واقف حداها ، نطقات بين نفسها كتقول شهاد الموصيبة واش تجمعه عليا كلهم بدقة وحدة، ومن بعد تمتمات بين شفايفها بإسمه ~ أميييييييير

غانم قوص حجبانه فيها ، ودار لعنده بالعرض البطيئ مدرقها بكسدته ، كيشوف فأمير مقوص حجبانه ، مفاهم والو ، شوية وهو يطلع معاه الفيلم فاش استوعب الإسم لي نطق بيه كان ديجا قاليه اسمها عبير ، فحين امير زاد تقدم لعندها ، عينيه كيدورو على وجهها ، وابتسامة مرسومة على شفايفه …

أمير …. تبسم وهو كيشووف فيها ونطق ~ وأخيرا لقيييييييييتك انتي هي

غانم … شافه بغى بزيد يقرب ليها وهو يوقف ليه فوجه ونطق~ بانلييييا غلطتي فالعنوان اشريف ،

أمير … قوص حجبانه مفاهم والو ونطق وهو كيشوف فيه ~ بالعكس هي هادي البنت لي عاودت ليك عليها ، عبييييييير اصاحبي

غانم …. جرو قبل مايوصل ليها وحيد لاڤيسط دياله رماها عليها بعصبية ونطق وهو كيشوف فيه ~ مراااااااااااااااتي هادي اسي أمير شمن عبير ولا ز. بيييييي

أمير … قوص عينيه فيه كيسمع ديك كلمة مراتي كتعاود فوذنيه و قرب ليه عينيه مضلمين ونطق ~ غاااااااااااااانم حييييد من قداااااامي شمن مرتي يااااااك تزوجتي بنت خاااالك ؟؟؟؟ هادي عبييييير البنت لي قلت ليك كنقلب عليييييييييها

غانم … زاد قرب منه بقوة عييييينه حووووومر ونطق وهو كيخنزز فييييه ~ وانا كنقوووووليك هادي هي البنت لي عاودت ليك عليها وتزوجتها ، زاد قرب ليه معصب واصلة فيه لحد ونطق ~ نزرزززززززل عيييييينيييييييييييك لأرض منها

شهد …بدورها كتشوف فييييه ، عينيها كلاوه كتشوف قدرها معامن كيجمعها بداو يبانه واحد بواااحد ، قرباااات لعندهم خلات يطلعها ويهبطها تحت انظار غانم ، ونطقات ~ أمييييييييير

غانم …. ترفع وذنيييه بقاو يصفره ، مرداتش تنطق اسم راجل اخر حداه ، محس غير وهو جابدها لعندو ونازل عليها بضهر يديه بصفعة قوية ، وملبسها الفيستة دياله بنترة وكينطق بالتهدييييد ~ صوووووووووتك يعاود يتسمع نقطع ليك لسااااانك من جدروووو، قطعييييييييي عليا حسك

أمير …. بقوة صدمة مقدرش عقله يتقبل هادشي ، غمض عينيه بقوة عاصر يديه وعينيه زادو حمارو كيشوف فيها ويعاود غادي ياكلها بعينيه ، بلى ميحس قرب ليه مخنزز فاش شافه ضربها ونطق ~ متقييييصهاش اغااااانم ماشي انا كنت هابل لقاها وفاش لقيتيها نشوفها كتضرب حدايا

غانم … طلع حاجبه لفوق كيشوف فيه ويعاود محس براسه غير شانق عليييه ومع غانم طويل شوية على أمير دغيا جمعه عينيه حومر نطق ~ اللهما طولك يا روووح ، مراتي وصاحبي يتحكم فيا واش نقيصها ولا لا ، ياكما نسيتي هادي لي واقفة حداك مرات صاحبك كيف كتقول ، العيييين ديال أي قواد قبل مايشوف فيها نقتل ر بووووو ، حمد الله طعام والصداقة وقفات ليك ، ورجع طلق منه كيشوف فيه وكيقاد ليه كول قاميجته~ لي داتوووو ليك حسبه عليا ، وضرب على كتفه وكمل ليه كلامه ، ~ غذا يدخل لحسااابك

أمير … خنزز فيه ودفع يديه عليه ونطق ~ الفلووووس عمرهم هموووووني ارايييييس ، ورجع كمل بقوة العصبية بدات تخرج من فمه غير اللغة الإسبانية ،،، Esa chica era mía y sabes cuánto la buscaba por todos lados, así que no me digas que es tu esposa y que te interesa ella. ( ديك البنت عارفها من لول ديالي ، وعارفني شحال كنت نقلب عليها ، متجييييش تا لدابا وتقولي لا راها مراتي )

غانم … محس براسه غير نازل عليه بلكمة لوجه ، عروووقه تنفخه ويديه بداو يترعده عليه ، عينيه ظلامه ، وراسو بدأ يزدح ، عدوووه شي حد يشوف فشي حاجة دياله ، وخصووصا هادي لي كيهضر عليها واخا معرف شنو يكون مشارك معاها ، كتبقى مراته وحاملة اسمه ، وشرفه ، شنق عليه بقوة شرار خارجين من عينيه ونطق ~ غاندير راسي مسمعتكش ، عرفتي علاش ؟ حيت كنتي فواحد الوقت صاحبي !!!!! حمد عدوووو *بك مقتلتكش دابا …

شهد … كانت واقفة حداهم مصدومة ، مكانتش كتصور يجي نهار ويتجمعه عليها بهاد الطريقة ، من جهة مهدي ومن جهة أمير ، وزيد موووصيبتها الكبيرة غانم ، مرضاتش كيف نزل عليها لوجها ، مسحات جنب فمها لي سال بدمها ، وقربات منه عينيها بدورها حومر نطقات ~ ماشي مرااااااااتك ، بدات تغوت ~ انا ماشي مرااااااتك متبقاش تقول مراااااتي كنكرههههههك ، ورجعات شافت فأمير لي كيمسح فمه من دم وعينيه تابتييييين عليها ~ عيييط لبووووووليس وخلي هاد المهزلة هنا تسااااالي

أمير … رمقها بعينيه باقي مشبع منها ، نفس العيون لي سكروووه ونفس السالف لي تلفه ، هي هادي السمرة لي خلات عقله طارو وطارت معرفها واش سرطاتها الأرض و لا فين غبرات ، شاف فغانم لي عروقه زراقه عينيه قطرة دم ، كيعرفه مزيان شكون هو والى تعصب مكيعرف لا مووو ولا باه ، نطق وهو كيدفع ليه يديه ~ كووووون شفت غير شوية دالأمان انها باغااااك برب تا نعتاذر منك وايني دابا مين هضرات وسمعتها عاد مغنزييييييد نتشبت بيها ، طلقها وانا مستعد نتزوج بيها اليوم قبل غذا

محس غير بكروووشي قوية نزلات عليه لوجه نشراته ، طاح عليه غير لوجه، بدورو أمير كيضرب وكيدافع على راسه ، بقاو مني منك ، حتى نشرو غانم ، بحكم غانم عامر عليه ومبووودر عليه وطويل ، دغيا فرعه بالبووني ، لبارح كانه صحاب واليوم ولاو عديان ، فرقات عشرة طويلة كانت بيناتهم فتانية، ناض عليه صاعر جنووون دنيا ودين راكبينه ، وشاف جيهتها بعينييه حومر كيخلعه ، محسات براسها غير مجبودة من شعرها ، نتفها منه بقوة ، وفين ما كيحقق فيها كيشوفها عريانة كيزيد يصعر ، كلام أمير خلاه بلى عقل ، غوتات من حر جبدة لي جبدها حسات بشعرها من جدر تقطع ، اليد باش شاد شعرها هبطاتها ليه بذفرانها ، تا نزل دمه معاهم ، وبدات ضرب ليه فصدره وتغوووووت …

شهد …. كتغوت وهو جارها من شعرها كضرب فيه بحال الى كضرب فالحيييط ~ طلللللللق مني راسي كيوجعني طللللللق مني ، بعدا هووووو صدق راجل و…

غانم … قبل ما تكمل كلامها كان جرها من خسرها بقوة ، ونزل على شفايفها عاضهم بين شفايفه بعصبية كلاهم تا حس بالدم فمه ودموعها نازلين عاد طلق منها ~ هاااااااادي باش عمرك تجبدي شي سمية ز امل على فمك الخانزة

شدات على شفايفها بقوة دمهم هابط والحريق قاتلها فيهم ، مقدراتش تهضر ، عيات صابرة وهي طيح ليه فالأرض ، حلفات لا ناضت ليه ، جرها من يديها تا زادت تجبدات ليه وهو يحني هزها فيد وحدة من يديها بقوة ، خلاها كتغوت وترطى ، وخرج من الجردة نيشان لوطو ديالو لاحها فيها ، وطرق بسوارت ، صونًا على شي حد بسرعة هضر معاه ، ورجع داخل العرس يفرتكه ويدي مراته من تم …

سطالات لوووطو بعيدة وقدات واحد البلاصة حدى السد ، واد كبييير غادي ومع شوية الحال الظالم كيخلع ، وايني كانت مكسورة الخاطر ، وغير كتبكي، كتشوف حياتهم كيف تخربقات تا حاجة ممقادة، المطعم ديالهم فيه مشاكل وزيد مروان ماباغيش يمشي يقرا حتى يشوف شهد بيخير وعلى خير ، كييسول ويعاود عليها ، ويبكي هو ومي رحمة ، من نهار مشات وحياتهم اللور الور ، كتمسح دموعها وكيرجعه ينزلو ، لابسة كسيوة خفيفة كيطيرها الريح ، سطالى اللوطو بعيد عليها ومتبعها ، باغي يعرف شنو جات دير فهاد الخلى بوحدها ، كان باغي يمشي لدارو يرتاح تا شافها محركة قال نتبعها ، دورات يديها على شعرها ديرونجاها ومسحات دموعها ، كان تيليفونها كيصوني، هزاته كتشوف اسم ربيعة فشاشة ، تنهدات وجوباتها…

يتبع...