محتوى القصة
لاحت الدوپياس وتسمرات كتشوفييه طار من قدامها بقات كتشوف فدوك لحوايج وكتقول كيفاش عرف شحال كنلبس ...كتشوف فراسهاا وفلحوايج وكترمش
بقات فبلاصتها حتى دخلات فرملية بلباس ابيض نطقات بابتساامة بالالمانية: السلام
ايمان(كمشات عينيها من اللغة وردات عليها ): سلاام
_كيف بقيتي شوية !
ايمان(نحنحاات ) : دو يو سبيك انݣليش ؟؟
بتاسمات لفرمية وقالت بالانجليزية :كيف بقيتي
ايمان(بسرور) : بخير شكرا ...تقدري تحيدي لياا هاد السيروم ضرني فيدي بزااف
قربات لييها قاست حرارتها وقلبات عينيهاا عبرات ليهاا الضغط لقاتو مزيان وبدات كتحيد ف شوكة وكتشوف فايماان تهزات عينيها فيها وتبسمات ليهاا نطقات لفرملية ب بشاشة : لون عينك كيفكرني فواحد لبحيرة ف سويسرا ...غزاالة ...ملي كيتلاقا لونها بلون سماا كتولي كتبريي
ايمان(تبسمات بلطف ): شكرا
_ خطيبك مفارقكش هاد لمدة كاملة
ايمان: خطيبي ! (جا فبالها حذيفة وداركات لامر)اا اه (تبسمات )
_واش بغيتو ديرو كوليكسيون ديال العيون الناادرة !
ايمان: علاش!
_حتى هوا عينيه
ايمان(هزات واحد لحاجب فيها ) : كيشبهو لشي بحيرة ف نرويج ؟
ضحكات لفرمليية وقالت: لاا ولكن عينيه
ايمان(قاطعاتها) : واش نقدر ندوش
_اه اه معلووم
ايمان:شكرا
خرجات لفرملية خلات ايمان كتعيب فيهاا وبلكنتها الانجليزية لمعكلة ساطت وناضت جمعات حوايجها قصدات الدوش حطات حوايج السبيطار ودخلات لقات لماا باارد شوية عاد بدا كيسخن ...دوشات براحة وخرجات ريحتها زوينة لبسات لحوايج وخرجات لبسات سبرديلة حتى هي جديدة بتقيشرات ونفس نمرتهاا ...بان ليهاا الشرجم ومشاات قداموو كلسات فلحاشية كتشوف ..الشتا كتنقط ولجو مغيم ودنيا خضرا وشجر طويل ...الجو لي كيحمقهاا ..مكتكرهش تبقا حاضية شتاا نهار كلو كيفكرها فطفولتهاا وايامها الزوينة
استنشقات لهواء وتنهدات كتشوف فايديها قدامهاا ...بيضيين وفيهم قمشاات تاع الشووك و الطريق ...ظفارها طوالو وشحال مقاداتهم غسلاتهم حتى تنقاو ولكن واش غيتنقاو من الد_م ؟
غمضات عينيهاا كتفكر فداك نهار ...شدات على عنقهاا وهي كتفكر ملي خنقها والنفس لي كانت قريب تزهق منهاا ...تنهدات وهي كتفكر واش هدشي غيتنسا شي نهار من بالهاا...شافت جيهة لباب ورجعات شافت فالشرجم كتنهد
معرفات فين تيليفونها ولا صاكها ...حاسة براسها مخنوقة بغات غير ضرب فيها شتاا
سرحات بصوتهاا باغنية شادة حنكهاا
ايمان(غمضات عينيها ): ممم فقدتك يا اعز الناس فقدت الحب والطيبه
وانا من لي في ها الدنيا سواك ان طالة الغيبه
وانا من لي في ها الدنيا سواك ان طالة الغيبه
رحلت من بقا وياي يحس بضحكتي وبكاي
وحتى الجرح في بعدك يخزيني وهلي با
وانا من لي في ها الدنيا سواك ان طالة الغيبه
تصدق قد ما حنيت اشوفك في زوايا البيت
وسولف معاك عن حزني واحس ان انت تدري با
انا من لي في ها الدنيا سواك ان طالة الغيبه
سمع صوتها من باب الشومبر دخل وسدو وراه كيسمع لصوتهاا لي باينة فييه البكية والحزن وهي كتغني على فراق مهاا ...تكا على لحييط مخليها تكمل اغنيتها حتى سالات وبقات على وضعهاا كتمسح دموعها
هو عارف اشنو هي مكانة الام وخصوصا بالنسبة ل مراهقة فسنها ...هدشي من اكثر لحوايج لي خلاه يحضنها طول الرحلة ويخاف علييهاا ويحافظ عليهاا حاس بليي ولات على عاتقو والحلمة بقات تقليد على رقبتو وخة شاف نعيمة مرة فحياتوو حس بداخلهاا زويين وفكراتو فلحنان بميمتو واي مرضيي غيحس بمعانات ايمان...هوا عند بالو يتيمة الاب والام و ظن هروبها من خوالهاا وعائلتها مسائل الورث لي مكتخطا حتى داار
معارفش ان ايمان ..تيتماات و وليديها حيين تيتمات بين حضنهم ..بغا يواسيها ولكن خاف يفتح جروحهاا لي صعيب تبرا...نحنح كيحط فالصاشيات فوق السرير وقال: ايمان
تقلبات جيهتو معرفاتو امتا دخل نزلات كتمسح فعينيهاا وقالت: محسيتش بيك امتا جيتي
قاد الكاسكيط كيبتااسم وقال: كنتي مشغولة كتغني ..اجي كولي باش نخرجوو
كلسات قبالتوو عطاها لبلا او فورشيط كتاكل بشوية وكتنهد
ايمان: امتا غنشدو طريق !
حذيفة:ليوم مع 3 (جبد لباسبور ديالها ) عاد وصلني ..والصاك ديالك تنخرجو
حركات راسها باه وكلاات ونطق :علاش اختاريتي لغناا ؟
ايمان: كيفاش ؟
حذيفة(تقاد فلكلسة )احم ...واش ضاربة هاد طريق كلها باش تغني ؟ زعمة معندكش حلم كتر ...تبارك الله لاكسون ديالك زوينة فشحال من لغة متمكنة من لفرونسي اللونكلي ..الاسبانية الايطالية
ايمان: راه الاغاني والافلام لي عاونوني نشد هاد اللغات واي واحد عندو حلم ونتا عندك حلم هو تولي مصمم ازيااء اولا ؟
حذيفة: ولكن ا ايمان هاد دومين لي بغيتي فييه شي حواييج مغيناسبوكش
ايمان: اي دومين فيه واحد لجانب مزوينش هدشي عارفاه ولكن راه غير ندير وراقي غنرجع نقراا ...حيت حتى انا عارفة بليي الغنا ماشي غنديرو طول حياتيي واحد نهار انحبسو ...ممم نتاا صوتك فيه واحد لبحة غيكون صوتك زويين غنيي نشوف
حذيفة(نطق باستهزاء): نعاام اختي !
ايمان(ضحكات من طريقة باش قالها ): مالك مرضيتيش هههه
حذيفة: داكشي مدياليش
ضحكات ايمان منيتهاا وكملات ماكلتها وناضت غسلاات اشار ليها براسو باش تبعوو وقالت: يكما غيشدونا !
حذيفة: لاا ولكن الى شدوك غادي يديوك تبصميي بلي دخلتي هنا حيت حنا بصمنا باش كيعطيوك واحد لكارط فيها 24 ساعة تركبي فاي تران ولا كار تمشي لاي مدينة ف نمسا ولا ألمانيا ولا سويسرا
ايمام: فراسك اول مرة نعرف راه ألمانيا وسويسرا مجاورين مع النمسا ...بلا مضحك عليا ههههه
حذيفة: ونزيدك راه مبيناتهم لا حدود لا بوليس بين ألمانيا و النمسا بحالا قلتي بيناتهم زنيقة هههه منهنا لقدام مبقاوش حدود
خرجو من سبيطار ...استنشقاات ريحة الشتاا ولهوا لبارد لي ضرب فيها وداعب شعرها لمجعد بلماا حيت منشفاتوش
الدنياا نقية و الطبييعة خلاابة علاش لا وهي مجااورة لاكثر دولة فيها الطبيعة لخلابة لبروودة ولخضورة شي حاجة لي كتريح العيين والخااطر
حذيفة(كان بعد ورجع لعندها كايتأمل فملامحهاا البريئة بقطرات شتاا ...حيد لكويرة علييه ودورها عليهاا وقال) :غيضربك لبرد
ايمان(حلات عينيهاا فييه كتشوف ) : واش كلشي كتعامل معاه زويين هكا !
حذيفة: هدا تعامل خاص بيك بوحدك ...يكما احساب لييك غادي وكنفرق فتجاكيطات على لبنات
ايمان: هههه لا مقصدتش تجاكيط ههه ولكن تعاملك هكا ظريف
حذيفة: غنصدمك ونقولييك انا ظريف غير معااك ولكن غير مدوريش بيا ملي نكون مقطووع
ضحكات وتبعاتوو شادة عليها لكويرة ديالو وقالت: محشمتيش تكمي ونتا باك فقييه اجي نقولييك ...حافض القران
حذيفة(بابتسامة ): الحمد لله هادي احسن حاجة خدينا منوو
ايمان(بلا متشعر ): مبينا فييك كااع (تقلب لييهاا بشوفة كترجم اش بغا يقوول زعمة منييتك )ههه لا زعمة انا كنهضر غير على لكارو متفهمش غلط
حذيفة: طيش الشباب وصافي واحد نهار غنرمييه حتى هوا
ايمان(طلات عليه ): كيفاش حتى هو ؟ كنتي كتشرب ؟ ويلي ويلي على سكاايريييي ويليي ويلي
هربات وسط جردة كضحك وقالت: يكما كنتي كتصلي ونتا كتمييل
حذيفة: استغفر الله العظيم
بيناتهم صف تاع لورد غادية كضحك علييه وهوا غير كيتبسم لييها متبع مع تصرفاتهاا وضحكتها ونطق فنفسو مبعد عينو عليها : ياارب شنو هدشي
سكتات من الضحك كدوز ايديها على لورد طول ديك طرييق مع كملااتهاا كان هوا قداامهاا شافت فعينيه لي كيترااقصو حول وجهها وعينيهاا حتى تفصيل فيها مباغيه يفلت من عينيه ...وترها بشوفتوو ماخلاهاش تمتع نظرها بعينيه
ايمان(بتوتر): شنوو ...غنديرو داباا
حذيفة: لي بغيتي
تبسمات لييه حتى باغتها وحط وردة حمراء على نيفهاا غمضات عينيهاا كتستنشق ريحتها وشداتها بايدهاا وقالت: شكرا
حذيفة(بعد عينو عليهاا ): غنتلقاو مع الدراري ناخدو الصيكان ونشدو الطريق
وداكشي لي دارو خداو طاكسي لجانب لمحطة لقاو الدراري محملين بصيكانهم رتاحو وتنقاو بملابس جديدة سلمو علييهم وناصر جاي قاصد ايمان بغا يبوسها من حنكها حتى حس ب حذيفة جرو ممازح من عنقوو زير علييه
حذيفة: شويية الرية تنفساات
ناصر ضحك وقال: تنفسات
حذيفة(من تحت سنانو ): اوى جمع فمك
ضحك الاخير داير ايديه فجيابوو كيشوف فلانحااء لي لا تقل جمالية ...خصوصا كشخص كيهتم بالتصميم وادق التفاصيل كيرد ليهم لبال ...سلبو المعماار ...الجو و الدنياا هاادئة كلشي كيدوز السياح كيتصوور ..لحمام فسااحة
كيدور بعينيه تجات عليهاا فرحاانة كتشووف وتكتاشف طارق بكاميرا پرو كايصور
تحقق حلم اوروباا ...اراك دابا لجري علياا نجري علييك ...كيفكر بعييد وكيفكر منين يبدا
اما ايماان فحبسات الخطوات وكلسات كتمعن فالامر ...هاهوما وصلو واخيراا وخاصهاا تحقق شنوو ضربات على ودو تماارة جوع لعطش لعياا لخوف ولموت حتى هوا كانت غدوز منوو باش توصل لهد البلاد تنهداات جبدات تيليفونها من لكارطابل شعلاتوو ...تبسمات ملي بانت ليها صورة نعيمة فالشاشة غمضات عينيها بتنهييدة حتى بداو كيوصلوها لميسجات ديال لبواط فوݣال من نمرة سعاد وامينة ومن نمرة نجاة
ياله بغات تكتب ليهاا وقف عليها طارق وقال:اجي ناخدو شي صورة من داكشيي
ايمان(وقفات ) شكون غيصورناا
طارق:صبري نشوف داك السيد
قرب ليها حذيفة ملي مشاا طارق وشاف فيها تبسمات لييه ...هزات ايدها قادات سيور القب وقالت: شنو داباا ؟
حذيفة: فين لبنت لي قلتي جاية عندهاا
ايمان: عاد غنتواصل معاهاا ...ونتوما ؟
حذيفة: حنا حالنا سااهل ...المهيم هوا نتيي تلقااي فين تكلسي بعدا ...ديباني راسك بينماا لقيتي خدمة
ايمان: غنصوني لبنت
منتابهوش ل طارق لي صورهم وهوما كيشوفو فبعض ضحك وكمل طريق عطا لكاميرا لشااب وشرح لييه باش يصورهم مجموعيين...وقف حذيفة لوسط حط ايد على كتف طارق والتانية حطها ورا ايمان فوق لكارطابل لي دايرة فظهرها تبسمو لكاميرا باش تكون ذكرى لاول خطواتهم ف ميلانو
تمشااو فشارع كلسوو ف محال تماا كيبيع لبيتزا مقليية خداو طلبهم وكلسوو كل واحد كيطمن عائلتوو ...سهات ف حذيفة لي كالس قبالتهاا كيهدر مع مو بهدووء وعينيه فطبلة كيلعب بكاس تاع لماا ...
تلاقات مع شباب فنفس عمروو دائما مكتلقاا نوع من التكبر والضحكة كيخلص عليهاا ...هوا بالضبط كان شخص كيف كنقولو تحطو على الجرح يبرا ...عطاه الله قبوول قوي اولا غير هي لي اعجابها بييه كيبين ليها غير لجانب الزويين متقدرش تجزم ولكن كتشووف وكتميز انه انساان كيعطي كثر مكياخد ...من نهار عرفاتو وهوا كيمد ليها المساعدة ...عمرها شافت منو العكس ديما كان عطاء ليهاا
نسات راسهاا وسهات فتفاصيل يديه الرجوليية ...بساعة رياضية فلكحل عروق ايدو بارزين شوية هي واحد الشخصية قبل متشوف فوجه لواحد كتشوف فظفارو واش نقيين واش مقطعيين ...عندها هوس بنظافة الظفار
كان مقطعهم ونقيين ضحكاات على رااسهاا مرة مرة يهربوو عينيهاا لايديه مزغبيين تبعد عينيها وترجع تشووف ...وكتقول فبالها : ويليي اش كندير
شافت سرباي جايب لبيتزا وضربات ليه ايدو وقالت: جمعهاا
شاف فيهاا كيهدر وجمع ايدوو وقال: لا اجي ضربيني
ايمان: هههه
قطع تيليفون وقال : كتسلم عليكم لواليدة
ايمان(بتاسمات)يسلم عليها الخير
حذيفة: ياله بسم الله
فعلاا كلاو حتى بدا كيصوني تيليفون ايمان مسحات فمها ونااضت مخلياه متبع ليها لعيين داير قبضة ايدو على فمو وطارق كيدخل فلبيتزاا وقال: شوف ليك لبيتزااا وختي مشبعانا بيتزا بخيزوو ولݣرعة ولفلفة ويلي ويلي
مجاوبوش كان سارح فيهاا وكيشوف ملامح وجهها تبدلوو ومن حركاتها بانت معصبة
جاوبات فتيليفون كانت نمرة بريڤي
ايمان: الوو
جاها صوت نجااة :اييماان كاتسمعيني الووو
ايمان(بفرحة) طاطا لبااس علييك
نجاة: كون كنت طاطاك كنتي تعلمينيي وانا عقلي بغا يخرج عليييك ...علاش ابنتيي علاش تحرگي علاااش واش تركيا ماقنعاتكش كتقلبي على لمووت دويي ماحرامش علييك مسيفطة ليا حوايجك بحالا ميتة
ايمان: خالتي شلااا منعاود لييك ولكن ماشي داباا انا راه بخير راني فطالياان ههه وصلت ليوم
نجاة(بصدمة) : ويلي طالياان عندمن مشيتيي وفيين غتكلسي
ايمان:لبنات لي جابو لييك الشانطة وصاو واحد لبنت من عائلتهم غنكلس معاها بينما قاديت اموريي
نجاة: ردي باالك ابنتيي الله اسهل علييك ياربي
ايمان: امييين يارب ...كيدايرة منى ...منين كتصوني لياا
نجاة: هدا غير تيليبوتييك ابنتي دايرة ديك 10 دقايق لنوامر ديال برا كنهدر بيها حتى مع راجلي ...ايمان
ايمان: نعام
نجاة: مشيت لكازا و
ايمان: صافي صافي بلا متكملي قلت لييك مباغة نعرف والوو
نجاة: وغير سمعيني ...ملي مجاوبتيش مشيت حيحت على كرييم وقلت لييه بلي راجل نورة بغا يتعدا عليك تهوا ماشي من لعاكزين مشا هجم على نورة وراجلهاا
ايمان(بحقد): تحركات فيه الرجولة مسكيين
نجاة: ملي كان هابط من درووج دفعاتو نورة تطاح من الزاج
هي عارفة دروج كيفاش دايرين تخيلات شنو وقع وقالت ببرود؛ ماماتش
نجاة: منعرف لييه انا شفت هكاك وعيط لبووليس ومشييت فحاليي
ايمان: كملي خيرك وقولي ليهم ايمان ماتت
نجاة: برا ولباس علييك
ايمان: اصلا راني مت فحياتهم شنو غيتبدل ! والوو قوليهم حرݣات وكلاها لحووت مبقيتيش انجاة تجبديهم ليااا ...انا بغيت نشوفهم كيتعدبوو وتبرد النار لي شاعلة فصدري مبغيتش نشوفهم فرحانين
نجاة: صافي دابا نسااي دابا ربي يبينها فييهم وراه بدات كتباان ...ملي ترتاحي ونهدرو تاني
ضحك طارق وعثمان وحمييد شافو لبلان ...طلق ناصر كيضحك ومشا بعد على ايمان وهنا السووق
عثمان:اوى هناا غتفرق طريقناا العشراان ... نتلقاو بوريقاتنا ان شاء الله (شاف فحذيفة وعنقوو عناق حار رجوليي)صااحبيي شكراا بزااف والله ...بلا بيك مكناش غندوزو هد طريق
حذيفة(ربت عليه ): الحمد لله دوزناهاا ...نتمنى توصلو لداكشي علاش جيتوو ومتنساوش لواليدين
حميد(صافحو بامتنان): الله احفضك اخوو ...الله يسهل علييك يارب
ناصر : فرصة سعييدة احذيفة
تصافحو الدراري من جييه وبقا غير طارق و حذيفة وايمان اما التلاتة لاخرين فقصدو لكار لي غيدييهم لالمانية
طارق: انا وياك والزمن طوييل احبيبي
حذيفة: غير لاصق ياربي تعفوو
طارق(بهمس ): على لي فلحب تلفوو
ضربو بصاكو وهرب لييه وقال :زيدي زيدي
ضحكات ايماان وكلمة متنساوش لواليدين فبالها بمعنى متنساوش شنو رابطكم بلبلاد ..وهي شنو رابطها قبر تزورو وتبكيي علييه...لا حضن يدفييها ولا دعاء ولا رضى يرافقها فطريقهاا
شدوو الطرييق على رجلهم تبداو خارجيين على لمدينة الطبيعة ولورد ورييحة طيبة ...الطريق دواازة قدامهم كانت سطاسيون ديال طريق فيها قهوة وريسطو ومحلات تقدية فاتوها ب 5 كيلوميتر على الاقل و وقفو بقاو كيتسناو وحذيفة بعد عليهم كايهدر فالتيليفون...حتى وقف قدامهم رمووك شافت مولاه هبط وتوجه سلم على حذيفة لي شافتو جبد ظرف تاع لفلوس كمشات عينيها حيت هي معطاتش نصيبهاا حل الرموك من اللور وجر ايمان طلعو لبلاصة فين كيرتاح الشيفور كان سرير او تلاجة صغيرة وعلى برا كاينة السلعة لي غادي بيها لاحظات ان المنتج مغربي يعني رموك ديال المغرب
ايمان: واش مغربي !
حذيفة: كلسي هنا ...اه مغربي
ايمان: شحال خلصتو ! انا مخلصتش
حذيفة: داكشي لي بقا ياله يكفااك تماا "بغات تهضر ماخلاهاش " شش رتاحي تابعانا طرييق طويلة
ايمان(تبسمات لييه )شكرا ولكن غنردهم ليك
طارق: غني فعرسوو
شافيه حذيفة كيرمش وايمان قالت: علاه خاطب غتزوج
حذيفة: ممم بعيشة قنديشة
ايمان: بسم الله الرحمن الرحيم
ضحك علييها وشاف فطارق كيتحلف والاخير كيضحك تسرحوو حاطين راسهم على قنت سرير وكالسين فلارض...تفكرات تيليفونها جبداتو لقاتو مديشارجيي عطاتو لحذيفة دارو فلباور بانك يتشارجاا وخلاتو طافيي
ساعة وساعتين وداز الليل بطوله كيوقفو يرتاحو فشي سطاسيون مرة مرة ويكملو الطرييق ...تبسم حذيفة وهوا كيشوف فلمابس فتيليفونو ونطق كيشوف فيهم
حذيفة:Benvenuto in Italia( مرحبا بكم في ايطاليا)
لاح طارق راسوو بارتيااح وقال: فففف واخيرا الحمد لله
ايمان: واش وصلنا
حذيقة: حنا دابا فايطالياا ولكن مزال موصلناش لعاصمة
بدا لحلم كيتحقق وسوايع ولاو كيدوزوو تقاال من مدينة لمديينة توصلوو لاخر محطة متوجهين ليها
*ميلانو*
مدينة الموسيقى ..البيتزا وعشاق القهوة والموضة والازيااء الراقية
معروفة انها تاني اكبر المدن الايطالية من بعد روماا ...صيفهاا رائع وشتاائهاا شيء خيالي
حطو رجلييهم فشارعهاا ودقات قلبها تسارعات وهي كتشوف ف معماارهاا وبنائهاا شوارعهاا وشتا عطياهم رونق خااص ...تبهضاات وخطواتها زادو لقدام كتشووف وتكتااشف وترجع تشوف فحذيفة وراها وضحك ..كانت اشد فرحة حطات ايدها على فمها مامتييقاش كتمشي عندوو وترجع تجري قدامو بحال شي دريية صغيرة ...كان لجو بارد شوية لارض فازݣة ولجو مغييم خطوة بعد خطوة شهقاات وهي مقابلة مع ساحة *دومو*
اضخم الساحات الايطاليية ...رغم لجو بارد وشتاا مكانتش خاوية كانت عاامرة وقفات كتشووف وهي كتدكر طفوولتها امام التلفازة فقناة سبايستوون كتدكر حوار بين شخصياات *عهد الاصدقاء*
* وهل أنت ذاهب الى ميلانو ؟
*كيف عرفت ذالك؟
*هل ذاهب لتنظيف المداخن؟
*هدا صحيح
بدات كدندن باغنيت عهد الاصدقااء وشكون فينا ميعرفهاش
ايمان: حلمنا نهار ...ونهارنا عمل ...نملك الخيار ...وخيارنا أمل (ضارت عندهم كتشوفيهم ضاحكة )
طارق: وتهدينا الحيااة أضواءا في اخر النفق ..تدعونا كي ننسا الما عشنااه
ايمان(ضحكات) : نستسلم لكن لا مادمنا احياء نرزق ..ما دام الامل طريقا فسنحيااه
طارق: بيننا صديق (ضرب فكتف حذيفة كيحرك راسو يمين وشمال عليهم )لا يعرف الكلل
ايمان(وجهات صبعها ليه) : مخلص رقيق ..ان قال فعل
حذيفة : صديقي يحفظ عهد الاصدقاء يعرف كيف يجابه الايااام ههههههه
مشات ناحية السااحة خلاتو كيشووف نطق طارق كيضحك وقال: ليوم صديق غدا حبييب هههه
قطعات معاها وبقات ايمان واقفة كتمسح على وجهها ..سيرتهم ولات كتحك فقلبها بحال شي حفرة فينما تدكرو كتزيد تغرق
رجعات لبلاصتها بوجه كئيب خلات حذيفة مكمش عينو فيهاا وكان توقف على لماكلة ملي نااضت حتى كلسات وهوا متبعهاا
حذيفة: ايمان هانيا لوقت !
ايمان (بهدوء ) هانياا هانياا
حذيفة: كولي
ايمان:شبعت (شافتو مزال مكلا )ونتا مكليتيش
حذيفة: كوليي وناكل
تبسمات لييه كترمش فييه ودغيا عينيها تزرعو فييهم الدموع تلون ابيضهم احمر بدات كتلف وفعقلها خدام كيسترجع نفس لكلمة
*
نعيمة: و كوليي الله ارضي عليك
ايمان(بتذمر): وراه كليت امي واش نتفركع نتي مكليتيش
نعيمة(شدات حنكها ): كولي ونااكل
ايمان(هزات دغمة بغات تبكي ): وياله كوولي
*
لوقت دااز وخرجو ايمان هدرات مع لبنات علماتهم بلي بخيير وخدات نمرة لبنت لي فايطالياا تاصلات بيهاا كان اسمها رجاء
بقاو كيتسناو معاها فساحة باش ميتلفووش حتى كتقصدهم شاابة لابسة كويرة وصاية قصيرة لاصقة مع ليبة كحلة وطالون شعرها قصير بوكليي مغطي نص وجهها ...رمقها حذيفة ودور وجهو متجاهل صوت طالونها لي كيقرب جيهتهم وقالت / السلااام
هزات ايمان عينيها فيها وناضت قالت: رجاء !
رجاء(بابتسامة ) : ايماان (قربت ليها سلمت عليها باستهاا ) على السلامة
شافت ف طارق مدات ايدها ليه سلم علييها ومدات ايدها لحذيفة حتى صعقهاا مليي حط ايدو على صدروو
خرجوو عينين ايماان تشوكاات ورجاء هبطات ايدها باحراج وشافت فايماان : صافاا كي وصلتيي
ايمان: بخيير اختيي
رجاء:ههه سعاد كتوصي وتعاود علييك
ايمان: سيي وقفو معاياا بزااف
رجاء : نقدرو نمشييو ترتاحي غتكوني عيتي
ايمان: وخة
رجاء: انا سبقتك ...بسلامة
طارق: بسلامة
مشات لناحية حذيفة باستغراب لقاتو بغا يشعل كارو ساط دخان كيشوفيهاا : كتعرفي هد البنت
ايمان: اول مرة نشوفها
حذيفة: وغادية معاهاا
ايمان: حتى نتا مكنتش كنعرفك وشديت معاك شهر تاع الطريق احذيفة ...وعلااش مسلمتيش عليها ؟
حذيفة: نبوسهاا ؟
ايمان: سلام عادي كي كتسلم علياا
حذيفة(ساط دخان ورجع شافيها داير ايد فجييب ) : بغيتي نسلم على لبنات كي تنسلم علييك نتي ؟
ايمان(كترمش فييه ): وشكون اناا وشكون لبنات
حذيفة: نتي نتيي ...ولبنات بنات
ايمان: كتحكم على بنادم من لحوايج ا حذيفة ؟
حذيفة: لاا ...ايمان نسلم هاديك مسألة كتخصني نمشي نعنقها باش ميبقاش فييك لحال ولاا شنوو
ايمان: انا مقصدتش هكاك ولكن لبنت حرجتيهاا ..وزايدون نتا كتكميي ومكتسلمش ؟
حذيفة: كنكمي ماشي معناتهاا صافيي كلشي عندي مبااح ...انا مكنسلمش هدشي كبر معاياا لبراني مكنسلمش عليه ا ايمان ...معنديش مشكيل فلباس شي حد كل حر ف داكشي لي كيدير قناعة شخصية مدخلنيش
بقات كترمش فييه وقالت: نمشيي حسن
حذيقة(بخ دخان وضحك ) : ياله توصلي ...اجي هناا
ايمان(ربعات ايدها): ممم
حذيفة: عطيني لادريس تاع هاد لبنت
ايمان: اش بغيتيها
حذيفة: نجي نبوسهاا
ضحكات مغطية على وجهها وقالت: الله اعطينا وجهك
حذيفة: دابا بلمعقول عطيني لادرييس
عطاتها ليه وقال: ردي بالك لكانت شي حاجة تاصلي بياا
ايمان: ونتاا فين غتمشي ؟
حذيفة: كاين خال طارق غنكلسو عندوو تنشوفو لبلان كيفاش داير
ايمان: ؤك ..حم تهلا فراسك
حذيفة: تهلااي لياا غير نتي فراسك ا زعيبيلة
ضحكات شيرات لطارق ومشات لعند رجاء تبسمات ليهاا وقالت: يكما تعطلت علييك
رجاء:لا هانية ..(شاف ف حذيفة) مال داك اللحية معقدها !
ايمان: هكاك داير
رجاء: تييكونو حاسيين براسهم شويية دوك لي كتكون زايدة فيهم نغزة تاع الزيين...تصاحبي معاه خيبوع يموت علييك تصاحبتي معاه زويين يرجعك كلبة
ايمان: ههههه هاد الساعة مامصاحبين لا مع خايب لا مع زويين
رجاء: شوفي ليك لݣور معندك مديري بعريبان
شافت فيها ايمان وقالت فنفسها "على اساس نتي من الصومال "
ركبو فطاكسيي وطول الطريق ايمان كتشوف بعويناتهاا فالارجاء لي غادية و كظلام وبنادم كثير ..هبطوو من بعد ربع ساعة تاع الطريق امام مبنى كبيير متكون من عمارات روما كلهاا كتعتامد نفس المعماار وزواق واللون الابيض
كتشوف كلشي عااليي وكلشيي غادي خاشي راسو فالتيليفون ولا داير لكييت ...طلعات تابعة رجاء خداو السانسور لطبقة لخامسة ...حلات باب الشقة
كانت نقيية و مؤتتة بشكل اوروبي مكاينش نهائيا لمسة مغربية فطوياات فلكري وطبلة تاع زاج تلفازة متوسطة امامها بعض الديكورات فالطبلة ..زربية دائرية وبعض الطابلوات لمعلقيين فلحيط..شدها طابلو كبيير معلق فوق لفطوي لسيدة متكية فالارض وثوب احمر دايز من صدرها ومغطي عوراتها فقط كانت مرسومة بألوان مائية
رجاء(خدمات التلفازة ): رتااحي نبدل ونجي
تبسمات ليها ايماان حيدات سبرديلتها حطات الصاك وكلساتت فقنت لفوطوي جامعة ايديهاا عندها ...دخلات رجاء بجوج كيسان تاع العصيير و حليوات لابسة كسيوة بيتية قصيرة وقالت: شحال فعمرك
ايمان: 19 ونتي
رجاء؛ 29 كتقرااي !
إيمان : هاد الساعة لاا ..عاد شديت لباك لعام لي فات
رجاء: ممم شربي متحشمييش
ايمان: شحال ونتي هناا
رجاء: جيت صغييرة انا وخوياا حارݣيين لسبانياا
ايمان: اااه يعني ساكنة مع خووك
رجاء: ههه خوياا تزوج بواحد لالمانية وداتو معاهاا ...بغا يعقل عليااا ! انا بوحدي هنا الزيين كيجي عندي خطيبيي
ايمان: اه مزييان
تكدب وتقول رتاحيت ليهاا ...ابدا واش رتاحت لييهاا نبرة صوتها مكيبعتش على الرااحة
رجاء: شنو ناوية ديري منهنا القدام !
ايمان: نخدم ونجمع باش نقرا
رجاء: كلشي ساهل غير فلفم الزيين
كتشرب وكتشوف فدار عجباتها وقالت: فاش خدامة ارجاء
رجاء: ماخداماش هاد الساعة عندي لي يخدم عليا هههه عرفتي انوض نطيب لعشاا شي حاجة خفيفة نعطيك لحوايج دوشيي ليك باش ترتااحي مزيان
حركات ايمان راسها ممتنة وداكشي لي كان عطاتها حوايج ودخلات لدوش سخناات عضامهاا مزياان عاد حسات بالراحة غسلات عليهاا مزياان نشفات ولبسات لحوايج لي عطاتها رجاء بيجامة بسروالهاا ...غسلات حوايجهاا و وراتها لبالكون نشرات فيه لحوايج ونفس لوقت كتشوف اضواء لمدينة وبردها الخفيف كيضرب فوجهها ..رائحة غريبة على وطنهاا ...رائحة الغربة
دخلات لعند رجاء لقاتها سلقات سباݣيتي وسخنات صوص واجدة حطاتها فوق طبيسلات وحكات عليهم لفرماج كلسو فطبيلة تاع جوج تنااس مكمليين حوارهم
رجاء:غير قبلي علياا مكنعرفش نطيب
ايمان؛ نتي لي سمحيلياا برزطتك
رجاء: هانية ماشي مشكيل
بداو اكلهم وايمان من النوع لي معندهاش مع سباݣيتي نااشفة وعاد زيد مطايباش مزيان كلات لي تهز ليها بلا الصوص لي جاتها حامضة ...حبسات لتصدق رادة كلشي ..اما لاخيرة شادة تيليفونها اخر مكاين كتهدر بييه
تكلفات ايمان غسلات لماعن ورجعاتهم لشبكة مشات لصالون كتجبد تيليفونها لقاتو ساكت تاانيي ومشات كتقاد فيه فشارج حلف لبغا يتشارجا ليها
ايمان: رجاء شي فنيتة اختي
قلبات على برا وعطاتها ليهاا كتقاد فبلاصت الشارج لوات الشارج على التيليفون عاد بدا كيتشارجاا خلاتو وكلساات ..كتسمع صوت الميساج غير هزاتو طفا عاود
ايمان: تفوو تء (بقات مضاربة معاه ومزيرة على الشارج حتى شعل تااني بقات مدة كتسناا حتى تقاد دخلات لميساج وتبسمات ملي لقاتو مسيفط ليها
حذيفة: ايمان وصلتي ؟ كنصوني تيليفونك طافي
ايمان (كتكتب ليه ) اه وصلت ..تيليفوني ولا كيسكت ملي كان طاح ليا فلواد فلغابة ...وخسر ليه الشارج بزز كنشارجييه
بقات شادة تيليفون حتى وصلها الرد فيىه" كون قلتيهاا ليا نعطييك تيليفوني ديجا عندي واحد صغير كنتي ديباني بعدا "
ايمان(بابتسامة )ماشي مشكيل نسلك بهادا تنشوف شنو ندير ...نتا فينك
حذيفة:اناا عند خال طارق عاد وصلنا ..بعيد علييك بشي 40 دقيقة
ايمان:مزياان (كتفكر شنو تكتب )رتاحيتي
حذيفة: عاد غنبداو فلمعقول الراحة مزال بعيدة
ضحكاات حركات يدعا حتى طفا التيليفون عاود وبدات كتسب حطاتو بزعفة حيت ضروها ايدها وهي مزيرة على الشارج
اما طارق و حذيفة طاجيين مزوق ونطق شاب كيرحب:امرحبا مرحباا والله تا احسن حاجة جيتو عندي
طارق: توحشتك الخويل
حذيفة: غير دارك طريق اباا هشام
هشام: هانية هانية هههه على سلامتكم
طارق؛ حنا هاربيين من طاجين جبتيه ليناا
هشام: مزال اوليدي مطلعات معااك الغربة ...تولي تراب المغريب تشتااقو ...هادي وخة تعطينا حتى تعياا كتبقا غير بلاد النااس
طارق(هز لخبز كيضحك ): اوى راه لبلاد كتعطي غير لبراني
حذيفة: لبلاد زوينة مافيها ميتعااب ولكن
طارق؛ ديك ولكن فاش عواج الطرح
هشام: ياله ياله مرحباا وقبلو على ما وجد
**
هكا دازت اول ليلة ليهم ناعسين ف فراش نقي وفبلاد وموطن غريب جديد كيطمحو لحياة جديدة كيف بغااو
رجاء فرشات لايمان فوق لفوطوي والاخيرة بضوضاء الشارع مجاهااش النعاس كتنوض كطل رغم انها جوج تاع الليل كأنها عاد لعشرة و نص الليل
كترجع لبلااصتهاا وفين متغمض عينيها يجيوها الاحداث لي عاشت فيهم شهر كامل ...بزوين ولخاايب
حلات شعرها يتنفس ودارت مساج لفروتهاا وكل تفكيرها شنوو ادير ...وخاصها تبدا تقلب ابتداءا من غدا ..ناضت حفيانة لكوزينة تشرب كتشوف ضو لبييت عند رجاء مزاال شاعل ضو خفيف
كان لباب شبه مسدود طلات بعينيها كتبان ليهاا رجاء كالسة قبالت لبيسي ب شوميز قصيرة وصدايفها محلولين كيبان صدرهاا مقابلة مع كاميرا ديال لبيسي لي كيبان ليها شخص اخر كيضحك وعندو نهار عكس هوما الليل ...كان لحوار بالايطاليية حتى لتاقطو ودنيها الشيء لي خلاها ترجع تسمع من بعدما كانت غادية لبلاصتهاا
_ غنجي لخمييس واش غتكون باقة معااك لبنت؟
رجاء(كتهز فشعرهاا ) نوو بب مكنظنش ...اصلا معنديش مع الزايد غير درت لخاطر لبنات لعائلة وصافي
_ونشو غديري
رجاء:دوز شي يوماين ونصدرهاا بحالهاا معمري نتييق فبنات لبلااد ...لي عليا درتوو كاينة لمساعدة الاجتماعية دابا نديها غدا هوما يعطيوها تسكن تاضبر على راسها ...نهار جيت انا راه لقيت غير لحيوط
_ولقيتيني اناا
رجاء: ومع نتا عينيك زايغيين ميصلاحش تجي تلقاهاا
_هههههه كتفهميني الزينة
نساحبات ايمان لبلاصتهاا وكلسات بهدوء عينيها كيلمعو بضو لي داخل من شرجم ...بقات مكمشة ف بلاصتهاا مجهاش نعااس مزاال عقلها كلوو تحول لكومة كآبة وافكار سلبية طغات عليهاا
علاش ديما انا منبوودة
علاش مكيبغيني حد !
شنو لي باين فياا لناس كيخليوهم ميبغيونيش !
محسات امتى غمضات حتى كيفيقها صوت لكلاكسوون برا ناضت قاافزة كتبان ليها الشمس مزال بااردة شافت ساعة لقات 8 ونص ..ناضت كتااوب دخلات لكوزينة بلحفا باش مديرش صوت مشات لبالكون هزات حوايجها دخلات لدوش لبساتهم وهي مقررة تمشي بكرامتها بلاا متقوليها لباب الحباب
معارفاش فيين لمهيم تمشيي تبدا بوحدهاا كيف بقات بوحدها ،لبسات سبرديلتهاا ظفرات شعرهاا و وقفات قدام لمراية كتشوف فراسهاا وكترمش هزات لكارطابل دارت فيه الشارج وهزات تيليفونهاا دارتو فالجيب ...حلات لباب بشوية وخرجاات هابطة فالدروج لان السانسور بلكود
ضرب فيها جو الصبااح جاب ليها تبوريشة كتشوف ليمن وليسر كتختار منين تمشي لان وجهتهاا مامحدوداش ...غادية مربعة ايدها وكتشووف فالزناقي مزال خاويين من غير امهات غادين بوليداتهم ...طرونسبور فالطريق ولمخابز حاليين مزال الدنيا متحركاات وعمراتت ...من كترت ما ولات كتمشا مبقاتش كتحس بالطرييق حتى كتلقا راسها ضربات ساعة تاع الطريق
لقات راسها فشارع كلو بوتيكات تاع لحوايج مجموعين فييه من طرف لطرف ولكن كلشي مزاال سااد ...
كلسات فدرجة تاع بوتيك مارك "Gucci" كان مزال سااد رتاحت من الطريق حاضية لي غادي ولي جااي كلها مديها فطريقوو
الغربة الى مكانوش عندك تلاتا ديال الحوايج غتكرفص وغتمحن باش تقدر تصوفي راسك
_ديبلوم
_لغة
_سكن
هاد الثلاثة الى مكانوش عندك غتعاني حيت لغربة نتا كتبقا غريب على بلد اجنبي علييك ... كيجي شخص لقاها باردة كيشرح لييك الغربة كأنها جنة فوق الارض ولكن العكس صحيح
بغات تصوني لحذيفة ولكن خافتو يكون باقي ناعس ترددات وحبسات كتخمم
جبدات لفلوس لي بقاو ليهاا لقات 400 اورو فجيبهاا لا غير اي 80 الف مغربية
مقاضية ليها والو تما مقارنتا بلعيشة لغاليية ...خاصها حوايج خاصهاا تاكل خاصها تخدم وفوق هدشي كلو خاصها فين تسكن
جبدات تيليفونها لي كان كيفيبري فجيبهاا تبسمات وهي كتشوف اسمو طالع ياله بغات تجاوب تبلوكا كدوز لخط ومبغاش يدووز بقات كتبرك بعصبيية حتى طفاا وقفات مصعووقة كتشعل فييه كيبدا يشعل ويطفا دغيا كيطفي ليها الامل ..بات كتردد بهستيرية وعينيها ضببو بدموع على زهرها لمنحوس:لا لا لااا مطفاش مطفااش عفاااك هءهء محافظة تا نمرة ميمكنش هء
بلاد بعييدة و غربة جديدة وصدمات وحدة ورا التاانية
بقات فديك لعتبة كتحاول مع تيليفون يشعل كتحاول تذكر نمرتو محفضاتهاش ...عمرها حاولات تحفضها حيت مكانش بيناتهم تواصل فتيليفون بزااف منهار سجلاتها عمرها فكرات تحفضهاا
وصلنا لواحد الزمن لي ذاكرتنا كلهاا فذاكرة تيليفون الى مشاا ..مشا نص دكرياتك ونص حياتك تصاور ميساجات فيديوات و نوامر
حاولات تبت راسها شافت رجل بلباس العمل متوجه جيهتها وقال بالايطالية: انسة هادي ماشي بلاصة تكلسي فيهاا الى سمحتيي تنوضي
ايمان(وقفات كتعتادر ) واش تقدر تعاوني ؟
طلعها وهبطها وقال: مكنعطيوش مساعدات
ايمان:لاا انا مبغيتش فلوس ...سكت ليا تيليفون خاصني نديرو فشارج باش يخدم ... عفاك راه مكنعرف حتى واحد هناا
_منقدرش مامرخصش ليا باش ندخلك ...عفاك بعدي منهناا
شافت فييه بتخنزيرة وهوا كيركب لكود باش يحل لباب ... نزلات دريجات هازة لكارطابل معصبة كتشوف فجنابهاا شكون يقدر يعاونهاا فهاد لبلاد كلشي غادي زربان لي وقفاتو يهز ليها يدو معتاادر ويزيد معطاوهاش وقت تقول شنو بغات
كتشوف فراسهاا واش كنبان طلابة ولا باغة لفلوس علاش مكيوقفووش ؟
كتهدر بلغتهم وصورتهاا مكتعطيهاش انها عربية كتر مكتعطيها صورة اجنبية بملامحهاا
رجليها كيجروها من بلاصة لبلاصة عياات عيااات نفسياا كتر من جسدياا تراكم الاحداث بدا كيدمرهاا من لدااخل عاصفة من المشاعر ولات مضاربة فخاطرهاا بغات تبكي تغوت تنهااار ولكن علامن ...مكاين لا حنين لا رحييم فهاد لبلاد
***
مجبد وسط الخضورة حاط راسو فوق الربييع و مستمتع بصوت خرير المياه ، ضحكة انثى تسللات لمسامعو الشيء لي خلاه يبتاسم لصوتها وهوا مغمض عينيه حتى كيغطيه ظلها وشعرهاا غطاه من الضوء حل عينيه كيبانو لييه عينيها الزورق وضحكتهاا قبالتوو بقا كيرمش فيهاا وهي كاضحك لييه هزات ايدها دوزاتها على وجهو حتى استقرات فشفايفوو
تبادل مع نظراتها الهادئة قبل متسلل ايدو فشعرها وتاخدو مشاعرو اتجاه شفايفها الكرزية ذايب فدفئ لمكان ..كيسمع اسمه كتنطقو بعييد رغم انهاا مشاركة نفسوو علاين يحط شفايفو على شفايفهاا حتى كيتضرب وجهوو بشيء قاسح خلاه يفييق من حلم راوده لقا طارق فوق راسو كيضحك وفايدو مخدة صغييرة وقال:ودغيا غيبتي اصااحبيي
حذيفة(كيشوفييه مخسر مكرهش ينوض لييه ...كلس كيحك فعينوو وكيسرح شعروو )فف
طارق: شنو لبلان داباا
حذيفة: غنوض نقسم طاسيلتك على جوج هدا هوا لبلان
طارق(ضحك وكلس حداه ) مقطوع السااط
وفعلا جر لباكية من فوق الطبلة مع لبريكي وطفاية محطوطة فوق الطبلة طارق كالس مقابل معااه وقال: واالو اسيدي كالياا عطيني طفاية قلت لييه راااه حداك ...ياودي ارا الطفاية ياودي راه حداك
سيفط عليه مخدة لوجه كيضحك وقال:مزال متزادش هدا لي يقوليا راه حدااك
ضحك طارق شاد لمخدة وتحنا جر ليه لكارو وقال:نتا رفيق سووء
حذيفة(بخ دخان كيقلب على تيليفون حتى لقاه وشدو مرركز فيه) مك انا
صونا فتيليفون ايمان حتى تقطع على خاطرو عاود صوناا لقا تيليفون طافي وقال:المرض صافي
طارق:ياك لباس(كح)ففف
رد وهوا مغوبش كيطرطق فصباعو : مكتجاوبش
طارق:تكون باقة ناعسة !(شاف ساعتو ) ل 11 هادي ...نوض نفطرو ونشوفو لبرووكرام
حذيفة: فيين هشام
طارق: مشاا بكري لخدمة
حذيفة: واش باقي كيقطع الشجر
طارق: اش بان لييك نتحرك معاه
حذيفة: واش ضارب هد طريق كلهاا باش تقطع الشجر اطارق داك ديبلوم لي عندك مزال مشبع دبان
طارق: وغير نصوفيو راسنا شوية مبقا عندي رياال
حذيفة: كي شفتي انا عندي الاموال الطائلة ولكن واخا هكاك منتلاحوش فلي كاان حيت خاصنا خدمة مستااقرة
طارق: عندي واحد لبلان فراسي اش بان لييك ...ديك ساحة دومو قاليا هشاام كتعمر بنادم بليل ...نمشي تما نضبر على راسي ب تصاور وفنفس لوقت نقلب
حذيفة(تاوب وناض كيقاد سيور تاع سروال ) مزييان المهم ضروروي من تكرفيص ..نفطروو ونشدو طريق نعطي لايمان تيليفون ديباني بييه
طارق: ممم ايمااان ممم اللهم قويي ايماننا
خنزر فيه وقال: الله يعميها لييك
فعلا فطر ودوش وبدل علييه جمعو روينة مخلاوهاش فدار هشاام كيبقا غير مستاضفهم فدار على قد لحال وفراش كذلك قياس انسان فلغربة وعاد بادي
هبطو كيتمشاو وكيصوني فتيليفون والو كيلقاه طافي ...تزاد معاه الزايد ..لوحدة ونص هادي كاع هدا نعاس ؟ خسر ليها تيليفون غتسيفط من لفيس من تيليفون رجاء كأقل تقدير لكن والو ملقا حتى ميساج
حذيفة: انمشي لعنوان فين كاينة ايمان
طارق: ومالك اصااحبيي نهار بغيتي طرطق
حذيفة: براكة من الطنز ...ديك خيتي مرتاحيتش ليها اصلاا
وفعلا تبع حذيفة لي وقف كيتسنا ل "bus' ركبوو نيشان لميلان لانهم بعدو عليها جهد ربعين دقيقة
وصل لمكان العنوان وطلع مخلي طارق لتحت وقف امام الباب ودق مرة وصونا فلباب حط ايدو فلقنت كيسمع الساروت كيدور حتى كتخرج قدامو رجاء بشوميز بشورط قصير دغياا هبط عينيه وقال:كاينة ايماان ؟
رجاء(طلعاتو وهبطاتو ) لاا معرفتش فين مشاات فقت ملقيتهااش
حذيفة: علااش خرجات قالت ليك شي حاجة
رجاء:لاء كنت نااعسة فقت لقيتها مشاات ...شوف اخوياا انا مبغا مشاكيل الى ك
خلاهاا كتدوي وهبط مع درووج هزات حاجبها وقالت: المعقد لي حطك تفو...اوى دير لخيير
هبط مخنزر تقلب عندو لجو ...قاد لكاسكيط على شعروو كيشوف فجناابو
طارق: امضرا
حذيفة: لاا مكاينااش وبان لياا محال واش اترجع هناا ..ديك لبرهوشة كتبومبا غير بوحدهاا
طارق: زعمة تكون مشات عند شي حد
حذيفة(شاف فييه وسكت كيفكر)مانظنش ...هي ماباغة تاحد من عائلتهاا
طارق: وعلاش فنظرك ختارت طالياان (شاف فحذيفة ومزعمش يهدر )زعماا
حذيفة: دويي انم بلا تلاوي
طارق: زعمة متكونش جاية عند شي واحد ؟
حذيفة(حك دقنوو ): لاا مميكنش
طارق: علاش ميمكنش
حذيفة: طريق كلهاا مهدراات مع حد على الاقل كانت غتهدر معااه لا ؟ ...ايمان ماف حياتهاا تواحد ...تزيد كلمة وحدة غنشتف على مك اطارق زيد قداامي
طارق: واناا غير
حذيفة(رجع لييه بتحذير) باغي تمووت؟
حرك طارق راسو بلاا راجع اللور وتبع حذيفة كايضحك وقال: واش الطالياان حد السوالم ؟ فين غنقلبوو
حذيفة: غنمشي لسااحة تقدر تكون تماا
**
الاخيرة كانت تمشاات حتى عيات ضراتها الشمش ومشات قصدات محل ديال لي ݣلاص خدات بلاصة طلبات ارخص كلاص تماا لي كان 4 اورو لمهيم تبرد بييه ...شافت واحد السرباي كيمشي ويجي قداامهاا وقالت بالايطالياا:سمحلياا
_تفضلي !
ايمان:خسر لياا تيليفوني مبغاش يخدم واش نقدر ندخل من لفيس ديالك حييت مبقيت عاقلة حتى على نمرة عفااك
_نوو سمحيلياا هادي بلاصة لخدمة مكايسمحوش ليناا نهزو التيليفون كيبقاو فلفيستيير ...كاين تيليفون لبغيتي تصونيي
ايمان(باسف )مبقيت عاقلة حتى على نمرة
_نتي ماشي منهناا ؟
ايمان:نوو انا مغربية
_طلبي شي حد من لكلياان لي گالس حداك عندو تيليفون
حركات راسهاا بااه مشا لخدمتو وتقلبات لعند سيد وراهاا قالت: سمحلياا
_باغدون !
فهمات انه فرنسي وقالت: واش تقدر تعاوني تيليفوني خسر وخاصني نتواصل مع شي حد من الفيس الى كان ممكن
_ؤك ؤك
شحاال فرحاات مشات كلسات حدااه مد ليها تيليفونوو كيطلع فيها ويهبط وهي مخشعة دخلات لفيس ديالهاا شافتو مدخل من 11 تاع صبااح ودابا راه قربات 3 ولكن جرباات سيفطات ليه ميسااج وشافت فراجل:اشمن بلاصة هناا !
_***
ايمان:شكرا
كتبات ليه فيين كاينة وبلي تيليفونها خسر بلا ميجاوبها حيت غير طالبة تيليفون شاففتو مداخلش ساطت
_خلييه عندك شوية يقدر يجاوبك
ايمان(حركات راسها بامتنان )
_منين نتي
ايمان:المغرب ونتاا
_ فرنساا لمغرب زويين بزااف وحتى نااسو زوينين...واش عاد جيتي !
ايمان(شافت فييه كترمش)ممم
_الى ملقيتيش فين تكلسي ...انا ساكن فهاد دار لي مقابلة مع لكافي ...الى بغيتي ترتااحي
سرطات ريقهاا وهي كتشوف ديك الابتسامة المتعجرفة على وجهوو...زيرات على ايدهاا تحت الطبلة كيقوليها رااسهاا هزي داك لكاس تاع لقهوة شوطي ليه وجهو كتفكر كلام حذيفة بليي خاصهاا تبقا بعيدة على الصداع ...زيرات على ايدها بلا متجاوبوو
حط السرباي لكلاص قدامها موصلاتوش عينيها على لمسااج حتى داز وقت لا بأس به نطق الفرنسي وقال: شنو قلتي بان لياا هدا لي كتراسلي معاه خوا بييك فهاد لبلااد ...ياله ترتااحي !
خرجات من لفيس ومسحاتوو من عندوو فمرة ومدات ليه التيليفون وقالت:شكراا راني مرتااحة
هزات كاسها ومشات لطبلة عاطياه بالظهر ايديها كيترعدو ...فبلاد مقادراش دافع على راسها حيت هي فقط مهاجرة ماشي بلاادهاا ماشي حقهاا ومعندهاش الحق تدوي فبلاد معندها فيها لا ناقة ولا جمل
عينيها تزرعو فيهم الدمووع معرفات مداق داك لكلاص غيير كتبرد بييه الحرقة لي عندها لدااخل ...دايخة ومعارفة شنو دير وفيين تمشي سالات لكلاص وعينيها على الطرييق ناض الشخص جا وراها وقال: مزال مبدلتيش رأيك ؟
مجاوباتوش ومشاا فحالوو تقريبا ساعة وهي تما لوقت كيدوز كيجريي وهي خايفة من بطش الليل و اواخره
جا نفس السرباي بغات تخلص وامتانع وقال: حسبيه اعتدار على تيليفون لي معطيتكش ...نتمنا تكوني وصلتي لشي وااحد !
ايمان:مزاال ...ولكن الى جاا وملقانيش قولييه غنكون ف ساحة دومو
ابتاسم الشاب وقال: كوني هانيي ...شنو سميتك !
ايمان ونتاا
_سامويل
مدات ليه ايدها بابتسامة وقالت: شكرا
خرجات كدير فلكارطابل وقال:خودي طاكسيي الساحة مزال بعييدة شوية
حركات لييه راسهاا بااه وخرجات قاصدة الشارع بعيون مغيمة بالدمووع ...شفايفهاا ترعدو و خرجات شهقة كتماتها بفمهاا
مضناتش بدايتهاا تكون هكاا بهاد الاضطراب كلوو حسات براسهاا من جديد بووحدهاا ،من ديما كان احساسهاا بالغربة ماشي عاد جديد ولكن هي طعم موجه لاي واحد شاف ضعفهاا وحس بيها غريبة وبوحدها ، قاصدة الطريق عينيها كيطلبوو عون الله فقط
هزات عينيهاا لسما بتنخصيصة وقالت:ياربيي واش غنبقا حياتي كلها بووحدي هء عيييت هء عيييت
وقفات فنصف الطريق وقف امامها طاكسيي شافت فيه لثواني وحلات لباب قلبهاا كيصاارع نفسها وهي كتصارع اول عقدة تركبات فيها ملي عندها 11 لسنة تركب فطاكسي وبوحدهاا شي حاجة مستحييلة ...سلمات امرها حيت طريق بعييدة ركباات اللور شافت فييه بعدما اشار ليها راسم ابتسامة وقال:فيين لوجهة
ابمان(بصوت منغنغ) لسااحة
**
معرف فين يقلب مزال عقلوو بغا يخرج رافض بتاتاا يظن انها مشات مع شي حد حيت شهرر وهي فجنبوو معمر تيليفونها صوناا ومكاين حتى شي حاجة لي تخليهاا متقولش عندي فلان هناا
عقلو كيضرب اخماس ف اسداس
طارق: جرب صوني ليهاا
حذيفة:والوو (عض على فمو)عنداك يكونو شدوهاا
طارق(حك جبهتو )ناري مطاحش فبالي هد لبلان
حذيفة(بندم)مكانش عليا نخليها لباارح
وقفو بدون حيلة مافجهدهم ميديرو ساكتيين نطق طارق كاسر صمت: شوف على الله الفيس ديالها
حذيفة: قلبت قبيلة والوو
طارق: وغير عاود شووف
جبد تيليفونو من جديد خدم لكونيكسييون ودخل لفيس طلعات طررن تهز قلبوو كيشوف سميتها طالعة دخل متلهف يقرا شنو مكتووب
" حذيفة تيليفوني خسر ومحافضااش نمرتك طلبت غير واحد السيد عطاني تيليفونو ...انا فكافي *** فشارع ** عفااك اجي عنديي "
شافو كايقرا وا حدااه كيطل وقال: شفتييي ااصحبي
حذيفة: تفوو على مرض ساعة ونص باش مسيفطااه
طارق: دابا حنا عرفناها فيين كايينة بلا متعصب نشدو طاكسيي نعطيوه لعنوان ومريضنا معندو باس
فعلا ركبو فطاكسيي ولوجهة لعنوان لي عطاتهم وقف حذيفة كيتمشاا وكيقلب بعينيه على لموقع حتى لقااه بعيد عليه شوية مشاا لجيهتوو كيجريي وعينيه كيقلبوو بين لكراساا مبان لييه حد ...شافو سامويل وجاي جيهتوو وقال: كتقلب على شي حد
حذيفة: واحد لبنت ...عينيها زرقيين وزعرة
ضحك سامويل وقال: نص لبنات هنا عينيهم زرقين ...شنو سميتها ..ايماال !
حذيفة:ايمااان ايمان
سام:هديييك ...تسناتك بزااف ملي مجيتيش طلبات مني نقوليك لجيتي غتلقاها فسااحة
حذيفة(حط ايدو على كتفوو)شكراا بزااف
متسناش يجاوبو مشا لاخير عند طارق بزربة شد طاكسي والشممس بدات كتغييب كيربت برجلو فطاكسي بتوتر خاف يمشي تما وميلقاهاش تااني الساحة كبييرة هبطو فشاارع وتفرقوو كيدخلو منهنا ويخرجو من هنا الساحة عامرة وقت لغروب كلشي باغي يتصور ولحمام كيدور بلماكلة لي كيلوحو لييهم عياا كيدوور فبلااصتوو وتيليفون فودنو كيسول طارق والاخير كينفي وجودهاا
شد جنبوو بيأس حيد لكاسكييط معصب حيت مشافش لميساج فلوقت كون مكانش غايوقع هد ستريس كامل ...الحال كيزيد يظلام والسااحة كتعمر كان شخص اربعيني كيقاد لكرسيي و فظهرو لكيتار كيقاد لبيفاان و لميكروو كيوجد للغنااء ...عرف دنياا غتعمر
بقا غاديي وعينيه كيقلبوو اي وحدة بانت لييه لابسة لكحل كيحقق فيهاا
حتى عياا غمض عينيه كيسووط حتى سمع اسمو من ورااه ضار بزربة حتى كتبان ليه قبالتو عينين حمرين ونيف كدالك بحال شي طفلة تاائهة قرب ليهاا طاافج منطق بكلمة وحدة قبل ميجرها لحضنوو وزير علييها كأنه كيبرد واحد رعشة خوف حس بيهاا فهاد الساعات لي دازو بحالا عاام عرف انه مكانتهاا فقلبوو مبقااتش لبنت عاديية ولات حااجة كثر
زيرات علييه خاشية راسها فصدروو كتسمع دقاات قلبوو فودنهاا شهقاات كتبكيي بشهقة فيها اطنان ديال المعانات لي هازة فخاطرهاا
كان جااي طارق شافهم معانقيين سااط بهدووء انه لقاهاا وبعد مخلييهم براحتهم
بكات حتى شبعات فحضنوو وهوا اكتافاا يغمض عينيه ودقنوو فوق رااسهاا كيتنهد هبط شافيفوو خدا قبلة عميقة فرااسهاا وقال بعد سكوت طويل: صافيي باركة
بعد راسها من صدروو فازݣ دموع ، نيفها حمر وعينيها بياضهم ولا نقطة دم ضاير بزرقة عينيهاا عرفها بكاات حتى عياات قلبو ضرو علييهاا ...شد حناكها بايدو وقال: براكة عفااك (مسح عينيهاا ) كلشي غيدووز هدشي غيبقا غير هدرة
ايمان(برجفة ) هءهء سمعتهاا كتقول لصااحبها بليي غنصدرهاا معندي مندير بشي حد فداري (طاحو دموعها ) وااش واش انا خاايبة هءهءه واش مكتوبة فجبهتيي شي حاجة انا مكنشووفهااش احذيفة(بصوت متقطع)هء هء عل هءهءعلااش هءهءهء تاحد مباغييني هءهءهء علاش غنبقاا بوحديي
حذيفة: بلعكس ربي كيبغييك وراها لييك النهار اللول
ايمان: هءهءهء كلشي خايب انا لي زويينة ...گاع لي خلاوني خايبيين ياك هءهءهءه
حذيفة: سكتيي من لبكاا ...مكانش خاصني نخلييك لباارح مرتاحييتش ليهاا بنادم بااين فوجهوو
ايمان: عيييت والله هءهءهء عيييت كنحس برااسي غندير شي حاجة فراسي شي نهاار هءهءهءه (حطات ايدها بجوج على قلبهاا )حاسة بشي حاجة فقلبيي كتقولييا سيري لوحي راسك من شي بلاصة ...هءهءه ك كون غير خليتييه يخنقنيي كنت غنرتااح
حذيفة(حمر فيهاا عينيه ) شوفي فياا غتزيدي كلمة وحدة غنضبر معااك ربي عطااك عمر جديد باش تمشيي بعييد ماشي بااش تقتليي راسك من بعد
ايمان: هء هءهءه عفاااك عنقنيي صافيي مبغييت والوو بغيت غير لي يعنقنيي هءهء
رجعاات لحضنوو ومكان منو الا يحضنهاا بلطف كيربت على شعرهاا تحت نغمات لكيتاار لي كيتسمع حداهم طفات نوبة لبكااء برائحتو الدافئة
تحرك لبرد
حيد عليه لقاميجة دافية وبقا بتيشورت رماها على كتتافها وبعد بيهاا لتيسااع كلسهاا في حيين طارق كان جاي بجوج كيسان قهوة سخونة مدهم ل حذيفة لي جا عندو وقال: شنو لبلان داباا
حذيفة: نتا غير رجع لعند هشاام
طارق: شوف ليل طاح متعرف لوقت شنو تجيب اخوياا تكون شي حملة ولا شي عجب ...نهدر مع هشاام نكلسسو عندو وغدا نشوفوو لبلان كيفاش
حذيفة(تنهد كيمسح على عنقو من اللور ) ويبغي
طارق:عارف بحق تماارة نتشاور معاه
حرك لييه حذيفة راسو وصونا ليه مرة مرة يشوف فايمان مقابلة مع لكيتاريست وساهية
طارق: مخسرش قالييك مرحباا قالياا تجي ونهدرو فالسكنة
حذيفة: ايكون خير ...صافي غير سبقني شوية ونجي
فعلا مشاا ورجع حذيفة لعند ايماان ونطق بلطف: رتاحيتي شوية
ايمان(حركات راسها باه وبصوت باح بلبكا مهدودة مقادراش تهدر)سمحليا عدبتك معاياا
حذيفة: عذابك راحة الالة شكيت عللييك
تبسمات وعينيها فلارض حاسة بعينيها غيتسدو كيفف لا وهي مناعسااش و النهار كلو من طريق لطريق فمعدتها كيدور غير لكلاص تاع الصباح مقادراش تقول فيا الجووع حييت نفسها تسداات على كلشي بغات غير فين تحط رااسهاا وخة وسط الزنقة
حذيفة(وقف وجرها وقفات ) اتكوني عيتي نديبانييو فين نباتو لييوم غدا ونعرفو اش نديرو
ماسولات لا فين غادي لا فين غنبات عقلها وقلبها كلشي فيها داير بووز بلعياا ركبات معاه فطاكسي كطلعها تنهيدة تاع لبكاا حتى كايهبط حذيفة عينو فييهاا ..تكات راسها على كتفو غمضات عينيها مستسلمة كأنها مأمنة راسهاا معااه ...فاقت على ايديه كيجرووهاا باش تنووض عينيها تقاال حاسة بلارض كدور بييها ودنيها كيصفروو شد فيهاا كينادي باسمهاا عاد توكضاات
ايمان: غير مواكلااش يمكن
حذيفة: اجي ندير ليك شي حاجة كوليها ونعسي
شد فدراعها داعمهاا تشاافت راسها طالعيين فلعماارة وقفاات مسندة ظهرها على الحييط رجع عندها ملي شافها توقفات وقال:ايمان
ايمان(بعيااء) فين هنا !
حذيفة(تنهد )خال طارق غنقضيو عندو لييوم تيصبح لحال
ايمان:مزوج!
حذيفة(فهم قصدها)مزوج وبوليداتو ولكن فلمغريب هنا بووحدو
ايمان(تبورش لحمها فلحظة )منقدرش
هبط درجة لجيهتهاا وقال: خايفة منيي ولا شنوو
ايمان: باركة غير لي دوزات بيا الدنيا احذيفة ...منقدرش
حذيفة:ايمان محدي معاك تاحاجة ماتوصلك ...طارق راك عرفتييه وهشام ولد النااس حنى غير ضيااف عندوو معندو باش يقرب لييك
ايمان(بخوف هبطات درجة غادية حتى شدها )غير خليني نبات فالزنقة
حذيفة(زير على ايدها )ايمااان ...لي واقف قداامك رااجل ماشي شمااتة وربي لي شاانو عظيم ...العين الى تهزات فيييك نعميها
كيفاش بغا انسانة عندهاا ازمة ثقة تبات فدار فيها 3 شبان ...داخلة لوكر الدياب بعينيهاا ولكن كلمتو بنجاتهاا ، لمسات بصيص ثقة فعينيه
معارفاش شنو دير عياات من الزنقة و نظرات لغرييب ليهاا
تنهدات معارفة شنو ديرر قلبها و ثقتها فالناس بحال شي ورقة كمشيتيها ورميتيها فالزبل واخا ترجع تحلها غيبقاو اثار التكماش بااينين
جرهاا ورااه من معصمهاا مزيرة على ايدهاا ومعارفاش علاش تابعااه واش تاقت فييه او كتحاول ترجع ثقتها فالناس معارفاش
دق فلباب ورمقها بنظرة اطمئنان من بعدما طلق ايدهاا ...حل عليهم هشام بابتسامة وقال: تعطلتوو (شاف فايمان)سلام ختيي بخيرر ...دخلوو (اكد عليهاا)دخلي مرحباا
ايمان: شكرا
حل لباب ودخلات كدور فعينيها كان استوديو بسييط، بيت مسدود وجوج فطويات وطبلة لوسط وكوزينة صغييرة ودوش كان طارق مفرش سجادة كيصليي مع سلم ناض كيطوي فيها وقال: على السلاامة
تبسمات ليه ايمان في حين حذيفة قال: الله اسلمك ...ايمان دخلي رتااحي
كلساات كتشابك ايدهاا فوق رجلها فيها واحد لعياا بزااف
كلس جنبها حذيفة كيحك وجهوو وكايتكلم مع طارق وقال: غير خليها تما شوية ونوض نصليي
طارق(حط سجادة تما وكلس ) : صافي
هشام(حط طاجيين بلحم وبطاطا وزيتون ومعاه لخبز ) ريحت لبلاد مع ولاد لبلاد
حذيفة:الله اكبر بييك...سمح لينا اهشاام تقلنا عللييك
هشام:لواه لواه متقولش هكا ... كاع دزنا من التكرفييص الحمد لله لواحد يدير لخير باش يلقاه فطريقو ...ختي مرحبا متحشمييش حسبيني بحال خووك
ايمان: شكرا اخويا ربي اخلييك
كلسات فالطرف حداها حذيفة و جيهة لخرى كالس هشام وطارق
طارق؛ممم مفكرتينيش ..شنو دار ولييد
هشام:لا شوية شوية بعدا الحمد لله
حذيفة:ايه فكرتيني كان دار عمليية على عينوو
هشام:وييه مسيكين تمحن ولكن دابا راه شويية
حذيفة:الله احفضو لييك
هشام:اميين يارب ...كنضربو تماارة غير باش يعييشو مزياان
طارق:ناوي تجيبهم !
هشام:وضروري منكدبش علييك انا ضد انا هنا و الدراري فلمغرب مغيربيوش عليا لكبدة نجيبهم باش ميتكرفصوش تهوماا كانتسنى غير وراقي يطلعو وندير التجمع العائليي
حذيفة:دفعتي !
هشام:دفعت هادي شهرااين
حذيفة:الله يسخر لييك
هشام:كيداير واحد لحااج ههه يكما باقي هوا هوا
حذيفة:هههه هداك ميتبدلش
هشام:هههه هوا ظريف ولكن قاسح شوية هههه
طارق:عمي الحاج عندو نيشاان
ايمان:باك !
حذيفة:ممم
كلات شوية وهوما من موضوع لموضوع مرة لخدمة مرة لعائلة مرة السكنة
هزو طبلة وبقات كالسة فبلاصتهاا حاطة ايدها على الشرجم كيضرب فيها لبرد سمعات "الله اكبر "ميلات راسها بان ليها حذيفة كيصليي ...رجعات أنظارها لبرا مع صوتو فالقرآن خلاها تحس بتأنيب الضمير انها مامواضباش على قربها من الله تقدر تصلي شهر غير تكون فيهاا لي غيݣل تعكز تصليي وكتمشييي تانيي لشهور ..
كانت نعييمة كتخاصم علهاا كثر وكثر تنهدات كتشوف فنجووم السماا وعينيها بداو كيعييااو ويتغمضوو غمضات عينيها على قنت الشرجم حسات بطعم النوم وهي كتحاارب معااه كل مرة ولكن جهدها تسالا ...ماجا حذيفة فين يكمل صلاتوو سلم لناحيتهاا وبقاا مدة كيشوفييها وقف طوا الصلاية وتوجه جيهتها في حين طارق وهشام فلكوزينة كيغسل مع خالو لمااعن
عزات علييه يفيق نومتهاا ملامحهاا لطيفة دغدغاات قلبوو بلطف خلاتو يتبسم ليهاا
مشا عند دراري نطق هشام : حذيفة قوليها دخل لبييت تنعس راه هزيت لحوايج لي غنحتااح باش تبقا برااحتهاا
حذيفة:(بامتنان )الله احفضك اخااي هشاام
هشام:الله اودي خيركم ساابق
ربت ليه على كتفو ورجع عنها لمس شعرهاا بلطف كينادي باسمهاا بخفووت حسات بييه بحال الحلم فعقلهاا لي بدا كيغيب
ايمان: مم
حذيفة:نوضي لبييت نعسي وخودي رااحتك
ايمان(حلات عينيهاا على وضعيتهاا حمريين تعبانين بنعاس)ونتوما
حذيفة: حنا هناا ماشي مشكييل نتي رتااحي باين فييك لعياا
ايمان(حركات راسها باه )فين الطوالييط بغيت نغسل
اشار ليها فيين ناضت دايخة بنعااس غسلات رجليها وايديهاا وطرفات حالتهاا كتشوف بتعب فلمراية صغيرة تماا
لقات حذيفة دخل ليها صاكها لبييت ..لي كان صغير ب بلاصة وحدة بعض الكتب تصاور وليدات صغاار فكوادر فوق لماريو صغير تبسمات لييهم وكلسات دخل حذيفة بقرعة صغيرة تاع لما وباكية صغيرة تاع شكلاط حطهم حداهاا وحط تيليفون بيض طاكتيل ولكن صغير كان كيتسما صابونة
حذيفة:ديري فييه نمرتك ولكارط ميموار ديالك ...لمهيم قضي بييه تيجي ماحسن
ايمان:معرت واش غيجي ماحسن ولا هكا بقييت كنتلاح من بلاصة لبلااصة
كلس طاوي رجلو فوق سري حداهاا كيحيد فساعة من ايدو وقال: شوفي ا ايماان ماحدك كتفكري بهاد السلبيية معمرك اتزيدي لقدام ....نتي مامحتاجة لتواحد ...محتاجة لراسك ولتقة ديالك فراسك غير هدشي مخاصك والوو ...وهدشي لي وقع لييوم عااديي وقع لنااس ماكتر نتي غير مع لبرااني ...ناس راه خوتهم جراو علييهم
ايمان:باش عرفتيني عشت غير هدشي (ابتسامة مقهورة )
حذيفة:لي معاش شوية عاش بزااف ...الدنيا مامقادااش عند كلشيي ...القادم اجمل ان شاء الله ...وانا متأكد ربي مغاديش يخيبك ...خاصك غير تمشي ونتي متاكدة بلي ربي معاك
حركات راسها باه كتشووف لتحت وكمل كلامو: تصبحي على خير ...غدا نقلبوو شنو نديرو هشام كيعرف شي حد كيكريي بتمن ناقص شوية لمهييم سلاك وصافي ...نعسي ورتااحي مغيقرب لييك حد(حط الساروت تاع لبييت ) سدي موراك لا يضربني حمار الليل ونجي نعضك
ضحكات وقالت: تصبح على خير
ناض ساد وراه لباب ...هزات الساروت وسورتات وخلاتو فلباب عاد قدرات ترتااح ...حيدات لقميجة ديالو دارتها على لمخدة...رشات القليل من رييحتهاا باش ترتااح فلبييت كتر وتكاات ....نسات الضو وناضت بغات طفييه كيبان لييها صاك حذيفة بقا محلول وكيبان منو دفتر كبير ديالو ديال الرسم ..خداها فضولها تشوف رسوماتوو حلاتو وكلسات فلقنت حلات اول الصفحات لسيدة بتجاعيد خفيفة بشوشة وعيونها سوود دايرة وشام بسيط بيين حجبانها و حجاب شفاف دايز من فوق نيفهاا مغربي فكرها فناس زماان ولبسهم لي كان ...كتشوف فييها وكتمعن كأنها فايتة شافت شي حد بهاد لمواصفات ولكن معقلاتش ...بدات كتقلب فلورااق موديلات واحد ينسييك فلاخر ..مرسوميين بدقة خليط ما بيين العصري والبلدي ...الرجالي والنسائي ...كانهم مامرسومينش بلقلم وملونات فقط ....أسراتهاا غوب حمرة طويلةة ومنفووخة راسمها كانها منبتة من لتحت وجاي تنبات وكينتااشر ايديها هابطيين على لكتااف وشبكة بسيطة على ليدين حمقها ...قلباات الصفحة وتوسعو عينيهاا وهي كتشوف راسهاا مجسدة فرسمة على دفتر ديالوو بتفاصيل وجهها عينيها زرقيين لي بوحدهم لي ملونهم لخالة فعنقهاا مع لعقيق لي هداها ولي مزال لحد الان فعنقهاا ...كانت فصورة مبتاسمة ابتساامة عريضة ..تنهدات وهي متشوقة لهاد الضحكة لي رسم فيها ...ايمتى غاضحك من قلبهاا...هزات عينيهاا تقرا شنو كاتب فاول الورقة فوق راسهاا لقاتو كاتب بخط عربيي
احساس ان شي حد فهاد الدنياا كايهز من جيهتك مشااعر زوينية كيحسس بلفرحة وخة متكون بينك وبينو والوو ...مشاعر زويينة وبريئة والاكتر تكون مشاعر متبادلة ولكن تاحد معندو الجرأة ينطقهاا
بقات مدة كتشوف فصورتهاا وكتمعن فيهاا ...مكرهااتش ...مكرهاتش تعيش علاقة حب اسطورية كيف متخيلاها فبالها مع شخص منااسب ولكن قلبهاا رافض رفض قااطع تبع مشاعرها وضيع الحاجة الزوينة فحياتها داباا
نعساات بتعب من بعد يوم صعييب داز عليهاا معرفاتش ايمتى نعساات ومفاقت غير على شي حاجة تقرقبات فالدار فاقت قافزة راسها تقييل كتشوف فجنابهاا لقات لحال صببح و الصداع جاي من شرجم لبيت لي مظلم ناضت حلاتو بعينين منفوخين بالنعاس ضربات فيها الشمس سخوونة تغمضات عينيهاا
هزات قميجتها لبسااتهاا طوات لفراش ورجعات كلشيي كيف كان عاد حلات لباب بشوية ...شافت حذيفة واقف فلكوزينة كيطل وفايدو كاروو لابس سورفييت وتيشورت بيض شعروو مهمل ساارح محسش بيها حتى نطقات بصوت خافت :صبااح الخير
تقلب جيهتهاا ونطق بابتسامة ونظرة اعجاب لتفاصيلها المهملة بالنعاس عينيها منفوخيين لحناك مزنكيين والفم منفوخ
حذيفة: صباح النوور ..نعستي مزيان
حركات راسها بااه وقالت: كتكمي على الصباح !
حذيفة: ولفت ...فطري باش نخرجو ...تشربي قهوة ولا اتااي !
ايمان: مافيا لي يفطر نقاد حالتي نمشيو خاصني نتقدا شي حاجة نلبسهاا
حذيفة: وخة
مشات غسلاات وجمعات شعرهاا لقاتو حاط ليهاا كاس تاع لقهوة وشي بيسكوي تماا شكراتو بامتنان خلاها كتفطر ومشا لبس علييه
دخل لبيت وسد مورااه بدل علييه تجبد لطبلة هز ساعتو كيشم ريحتها فلبييت مشاو عينيه لمخدة هزها كايستنشق عبيرها ...
ستشنق ريحة المخدة بنيفو كأنه شعر ايمان لي كيشم كيحاول يركز ريحتها فنيفو بحالا كيقلب يخلق دكريات معاها او بالاحرى كيرسخ فبالو كل ماعندو علاقة بايمان ...شعرها عينيهاا ضحكتهاا ولمعة عينيها ملي كتشوفييه كيشوف انجدااب خفي كيحرك فييه مشااعر مدفونة ...حيد لغشا تاع المخدة وخرج لدوش غسلو بلما ونشرو فلكوزينة فين حاط نشاشر صغار
ريحتها ملفثة وخاطرو مخلاهش يخلي ريحتها فمخدة شخص اخر هكا قاليه راسو ومترددش يحيدهاا ...كانو غير بجوج بيهم فدار كلشي خرج
ايمان: مكاينينش ؟
حذيفة(كيسد لباب بالساروت ) هشام مشا لخدمتو و طارق وصيتو يقلب على شي استوديو لكرا ...وحنا غنمشييو نقلبو على خدمة ههه
ايمان: على الله
حذيفة: نديپانيو بعدا بينما استاقرينا وعرفنا لبلاايص
وفعلاا مخلاو فيين قلبوو فديك لبلاصة الصغييرة الاكترية گاع لمهاجرين كيتلاحو لفلاحة او قطييع الشجر ...اما لي بغاا يطلع دقة وحدة كيتوجه لسااهلة "الغبرة "
كيطلع دقة وحدة من نهارو ولكن نهار كيبغيي يهببط كيهبط نيشاان لضس كيلقا راسو كفس من لي بداا ...اما لكنتي جاي بوراقك بديبلومك فعندك فرص تخدم خدمات بصالير مزيان و مستقبل مضموون
العشية تعاشاات وهوماا كيقلبوو حتى عيااو راجعين فحالهم حتى صونا ليهم هشاام
حذيفة: بخيير اهشاام...لا والوو داكشي لي بغييت مكايينش
هشام: واش نتوما قراب لدار
حذيفة: شي ربع ساعة نكون عندك
هشام؛ لقيت ل ايمان واحد البنت هنا نييت خدامة ومغربية بنت دارهم الله اعمرها داار
حذيفة: فين !
هشام : هاهي معاياا دابا شوف جي**
قطع معاه هبطو من لبيس وشدو طاكسي لبلاصة فيين دار معاهم ايمان متخوفة من جديد
حذيفة: الى مرتاحيتيش لييهاا صافيي نزيدو نقلبوو
بان ليهم هشاام ومعااه شابة تكون فالتلاتيناات لابسة جلابة وجامعة شعرها الاسود لفوق غليضة شوية
تبسمات لايماان سلمات عليهاا وقالت: السلام لبااس بخير
ايمان: لباس اختي الحمد لله
هشام: زهرة هادي هي البنت لي قلت لييك
زهرة (بابتساامة ) ايمان ياك !
ايمان: اييه
زهرة(بابتسامة )بحال سميية بنتيي (مسحات على كتفها )ما شاء الله ...شوفي اناا حسبيني ختك كااع دزنا من هد تماارة شوية الصبر كلشي يفوت ...انا كارية بييت فواحد العمارة هنايا الى قبلتي عليا گلسي معايا الوقت لي بغيتي حتى تقادي امورك مرحبا بييك
حذيفة: و لكرا بشحال كارية
زهرة: كارية ب 150 اورو
حذيفة: غير بييت ؟
زهرة: لكراا غااالي بزااف مخرجين راسنا معاه غير بزز
هشام: ميلانوو و هاد النواحي غاليين شوية ولكن راه هنا فين كتاب الرزق
حذيفة: داكشي لي كااين ...لمهيم هد شهر تخلص معاك النص حتى نشوفو من بعد
زهرة: والله متخلص معاياا هد شهر هي ضيفة عندي اخوياا متقيسها تحاجة ...بغات نضبر ليها فخدمة فلفيرماا نشوف مع لپاطرون تخدم من غدا ديك الساع تخلص
حذيفة: المهم من هنا لتما يحن الله..(جر ايمان من دراعها لتيساع) اش بان لييك
ايمان: معرفتش
حذيفة: شوفي راه ساكنة غير فنفس الشارع نييت الى بانت ليك شي حاجة ماهياش صوني لياا فلبلاصة
ايمان: صافي وخة
تمشاو جميع طلعات جابت صاكها ومشاو معاهم حتى طلعات لدار مشات لبييت كانت فيه ناموسية ب بلاصة پلاكار صغير طبلة صغيرة وشي مانطات فطرف وتلفازة صغيرة ...تلاجة صغيرة وفران صغير ديال الضو شي كراطن صغار فوقو وبعض لميعنات لقلال
كيدخلات زهرة باقة بجلابتهاا مشات لكوزينة لي مشروكة الدار فيها 3 تاع لبيوت وكوزينة ودوش وطوالييط كل واحد بوحدو شعلات على لبوطة ودارت فوقها مقراج صغير تاع لما تقول كارين بييت فالسطح ماشي بقرب اكبر المدن الايطالية بقات غير كتشووف ...كل وحالوو كل وعدابو ماشي لي فلخارج راه عايش النعييم
زهرة: زيدي ا ايمان وقبلي عليا ختك ياله كتحاك مع الزماان
ايمان(كلسات) حتى نتي جيتي حاركة
زهرة: انا جيت لسبلييون فموسم لفريز وهربت ...جيت عند عمتي زعمة السعاتيي معرفاتنيش الحمد لله لي لقييت ناس مزيانة خدموني
ايمان(باسف)و بنتك
زهرة: وعلامن ضاربة هد تمارة غير عليهاا ...طلقت بيها ملي كانت صغيرة ... خليتها دابا لميي وجيت
ايمان: (باسف ) طلقتي وباينة طلقها معااك
زهرة: اوى هادي هي حال لي ماعندو زهر .. شفت تاعييت وجييت نضرب عليها تمارة حتى هناا
ايمان: الله اعاونك عليهاا ..شحال فعمرها
زهرة: 13 عام داباا ...اميين ياربيي (شاف فييها ) ونتي شنو جابك هناا ...زوينة تبارك الله وغتكوني باقة كتقرااي
ايمان: شديت لبااك لعام لي فات جيت نخدم باش نكمل قرايتي
زهرة: قلة الشي
ايمان(بابتسامة حزينة)مكتجيبش هنا غير قلة الشي اختي ...حتى قلة العائلة و لحباب
زهرة: مك وباك عارفيينك جيتي
ايمان: ماتوو ...الله ارحمهم
ربتات على رجلييها وقالت: الله اعوضك ياربي ويرحمهم ...نصايبو كويس ديال اتااي ونهدرو ..شوفي لبغيتي تقضي حاجتك ها الطوالييط قبالت لباب مخفتيش كارين هنا غير لمغربياات وقبلي عليا اختي تا انا عاد قلت باسم الله فهاد لمدينة حتى اللغة مزال معندي
ايمان: خاصك تعلمي ليهاا ضروري باش تعرفي تواصلي
زهرة: راه غندخل نقراها ان شاء الله
تبسمات ليها ناضت لطوالييط لي فيها دوش غسلات وجهها ويديها ورجعات كلسات فيين زهرة حطات اتااي معاه شوية تاع لفاكية و لكيك
ايمان: الله اخليها لييك ...والله يسهل علييك وتجيبيها عندك
*
حذيفة: البنت تيقة اهشام
هشام: كون هانيي والله درويشة وبنت النااس تاهي باغة غير تخدم وتهز بنتهاا
طارق: لقيتي شي حاجة !
حذيفة: لا والوو عييت نقلب
هشام: غير بالشوية عليكم وحتى لكرا هانتوما معاياا نتعاونوو
حذيفة: لا منزيدش نتقل علييك اهشاام غنضبر فشي حاجة على قديي غير نلقا خدمة باش نعرف فين نقلب
هشام: الله يسخر
تواصلو بتيليفون عرف أنها بخير عاد رتااح ومشا تكاا اما ايمان عطاتها زهرة بيجامة بدلات بييها شربو اتااي وخرجوو كان لحال بدا كايظلام داتها لمحال كيبيعو فييه حوايج لبال وشي ماركات باقين بتيكي ديالهم ختارت لبيسات نقيين وستيلهاا هي لمهيم تلقا باش تبدل ومتخسرش لفلوس لي بقاو ليهاا ...سبرديلتها مزال نقية ماخدات والو دازت تقدات ملابس داخلية جديدة تبدل بيهم ورجعو لداار
زهرة: لولد لي كان معااك كتعرفييه
ايمان: هوا معامن جيت وقف معاياا بزااف
زهرة: وخة هكاك متيقيش وخلييك على بال ...بنادم ا ايمان مبقا فييه تيقة انا نقولييك
ايمان(تنهدات ) متعرفي هد لوقت منين تجيك الضربة ولفت
طلعو لداار صبناات دوك لحوايج ونشراتهم فشرجم دايرة فيه زهرة جوج سلوكة
ايمان: قولي المغرب صافي ههه
زهرة (حطات جلابة بقات غير بشورط وتريكو كضحك ) سبليون وطاليان راهم خوت المغريب ههه
تعشاو بلي قسم الله فرشات ايمان فلارض مانطة وتغطات بوحدة وزهرة لفوق كتهدر مع بنتهاا وتبكيي باقيي حر لفراق جديد ...كتشوفيها ايمان وتقول كلشي عندو ام حنينة واش غير اناا لي تعطاتني فحقي اكفس ام ...تنهدات وعطات لزهرة ب ظهرها ونعساات
قبل بضعة اياام
في كوميسارية وسط الدار البيضاء ...شي داخل شي خاارج كالسة فلكرسي عينيهاا كينقزو بالدموع بلا مترمش لابسة جلابة عادية عكس ايامها المثالية كتلبس غير لفرييع دابا كالسة ومكمشة فاقدة الامل فحياتهاا
ݣالسة فبيرو نفس لكوميسير لي فك جرتها ملي كانت صغييرة شااب ومبقا ليه والو لتقاعد كيهضر ويشوف فنورة: عجبك لحال داباا خرجتي على راسك
نورة: 19 العام هادي باش خرجت على راسي
دق لباب وتحل من طرف لبوليسي موراه كريم كيتمشا بزز وشاد جنبوو مهزاتش نورة عينيها فييه حتى كلس قبالتها رمقها بنظرة وشاف فلكوميسير
_هانتوما تااني گلستو قدااميي
كريم: انا مغنتنازلش على حقيي .... حتى من الخدامة ديالها شهدات بليي دفعاتني كانت باغة تقت_لنيي وبغاتني نسمح ليها
هزات نورة عينيها وشعر مهمل على كتافها وقالت: تاحد مطلبك تناازل ...دابا صافي بردتيي من نهار دخلتي لحبس وانا واحلة لييك فحلقك
كريم: من نهار لحتي علياا البااطل
_اشمن باطل كادوي علييه البنت بنتك
كريم: بنتي اه ولكن مشات معايا بخاطرهاا ونحلف ونعاود كنت سكراان وهي محبساتنييش
_كانت قااصر اشرييف ...بان ليا نتا براسك متربيتيش
نورة: واحد بحالو عمرو يتربا
كريم : هانتي ادخلي لييه عنداك متخرجي مربية
_فين البنت !
نورة(هزات عينيها فيه )معرفتش
كريم: حيت جرات عليهاا فلوقت ليي راجلها حاول يت_عدا عليها
نورة(بغات تغوت ومقداش باقيي نصها تقييل عليهاا وخة الترويض) : كون كنتي راجل هدشي مغيوقعش ...انا نهار عرفت سيفطها تعييش معااك ونتاا شنو درتي جريتي عليها بالليل
كريم: كتخرجي فعيينيك ولكدووب مزال نتيي معمرك تكوني ام ومعمرك تبدليي
نورة(بدموع): خرجتي ليا على حياتي جوج مرات اكريم هء الله اياخد فييك الحق
كرييم: الى كان الحق غيتخاد غيبدا منك نتيي
خبط الكوميسير على الطبلة وقال: بجوجكم خاصكم تربااو ...بجوج بييكم خبيثين ومتسواوش (بنرفزة)فييين البنت
كرييم: فراسي مشات لتركيا
نورة: سرقات لياا الذهب ومشاات حتى رونات كلشي عاد مشاات هي لي فاهمة مزيان
كريم: بقا فيك الذهب ...الذهب لي شريتي بفلوس النفقة ديالهاا ! ممم
_ نور الدييين ...اجي دي علياا هاديي ونتاا سير فحالك حتى لمحكمة
خرجات نورة ومصيرها السجن لانها محاولة ق_تل كريم خضع لعملية لانه الزاج كان قاس لييه الطحال وتكرفص فيها
تقدم لناحيتها عبد الله عينيه كينطقو الشرار وقال: يااك السلكووطة بقا لييك غير الحبس
شافت فييه وخولة ورااه شادة بنتها وحداها حساام وقالت: كتحاسب معااياا ونتا ابليس بنفسك شنو حساب ليك رااسك
عبد الله : هضري مقااد راه خوك هدا
طلات برااسهاا على خولة: ملي كلنا غيتفرتك لينا العش ...كامليين غيتفرتك ...خولة عبد الله كيخونك مع جميلة والى خفت نكدب البنت راه بنتوو
جاتها طرشة ماحركات فيها والوو بعدوه لبوليس وخولة فحالة صدمة كتشوف ف عبد الله ودموعها هابطيين
هي ماشي مكلخة او نية هي امرأة ميزنا الله بواحد لحااسة اي مراة كتعرض لخياانة الا وكتحس بشنو داير بيهاا ولكن باش تلاح ليها فوجها مرة وجوج هنا لمااس كيدكو فقلبهاا هي مرة فضلاات تخلي وليداتها مجموعين تحت ظل باهم ..كاسيهم مقريهم موكلهم ..هي متقدرش دير هدشي حيت مخدامة معندها دخل معندها لي يهز معاها الحمل ...فضلات دييك الضبابة على عينيها ولكن عمرها ظنات ان الخائنة هي جميلة ...فقلب داارها كتجيي تعرف مشاكلها مع راجلها تنصحها باش تمييك وتصبر
عبد الله جا عند خولة لي واقفة كي الشجرة متحركاتش شد كتفهاا بلطف عكس ديماا وقال: ياله نمشييو هادي خسارة فيها توقفي معاهاا شتتات عائلتها بغات تشتت ليا ولادي حتى هوما ...ياله عطي لبنت لباهاا
جرها وراه بحال شي جماد طلقات نور لي كتبكي مشات عند باهاا هزهاا
دازت محكمتهاا ونضرا لحالتها الصحية وسجلها تعطاتها 6 شهور قابلة للاستئناف وغرامة مالية
وف احد الزياراات ليها جا حسام ومعاه نور شافتهاا وكلساات معااهم نطق حسام وقال: نورة بغيت ندوي معااك
نورة(هزات عينها فييه ونور فحضنها ) مبقا فاش ندويو احساام ...رفع دعوة تاع طلااق مبقاتش العشرة بيناتنا صافيي
حسام : سمحيلياا انورة ...مكنتش باغي هدشي يوصل هناا ولكن منهار تحرك قلبيي لبنتك تسالاات حياتناا
نورة: كتقولها فوجهيي !
حسام: ماعندي علاش نكدب علييك
نورة: سير قلب عليهاا وتزوج بيها نتا كااع غير ضد فيا متقولش لييك لاا
حسام: حاولي نتي تقلبي على بنتك ماشي اناا ...نور ياله ابنتي
يتبع...
التعليقات
لا توجد تعليقات بعد، كن أول من يعلق.