محتوى القصة
تحل الباب بالزربة من طرف حذيفة داير لكاسكييط ومخنزر حتى شاف فكرييم بحالا كيقوليه بعينيه لاش دااخل
مسح كريم عينيه وقف قدامها عنقهاا وهي مدورة راسهاا ومزيرة على ايديهاا طلق منهاا ومشا عند حذيفة وقال: تهلا فيهاا عوضهاا على لي مقدرتش نديرو
مكانش الرد ومكانش غيلقااه حيت حذيفة بقاا ساكت حتى خرج وسد وراه الباب قرب لديك الكتلة من الهم كالسة وكتاافها كيترعدو حط شي وراق فوق الطبلة وقرب ليهاا مكمشة قبضة ايدهاا فوق فخضهاا من الالم النفسي لي كتحس بييه زير على ايدهاا وحاس بيها كترجف تزنكاات بحال الى قااجها شي حد دموعها هابطيين وعرووقهاا تاع عنقهاا تطرسااو
حذيفة: تنفسيي ايمااان تنفسيي (شدها من حناكهاا حرك ليها وجهها بالزربة وغوت فوجهها )ايماااان تنفسيي تنفسيي
طلقاات النفس وبداات كتنهج بحال شي حد كان شاانقهاا عنقهاا تدخلاات لطييفة ملي سمعاتو غوت مخلوعة لقاتو معنقهاا وهي كتبكيي وراخية ايدهاا ولخرا مزيراهاا
ايمان:هءهءهء بغيت غير نمووووت هءهءه بغييت نمشي عند مييي هءهءهءه وبغييبت غير مييي ااااه
حذيفة(زير عليهاا ): ششش ايماان رجوع الله
لطيفة(قربات ليهم ): ايماان رجوع الله ابنتي ،لمشاات المرحومة انا ميمتك ابنتيي (بعدات ولدهاا كطلب فييه يتهدن )وحضري عقلك ابنتيي غااااتبراااي ان شاء الله وهدشي يبقا هضرة وكلام وصاافي صافي(عنقااتهاا والاخيرة كتشهق هزات ايدهاا زيرات على لطيفة وحذيفة كيشووف ونفسيتو حتى هو مرضااات وصاابر ومكااابر ولا عايش بلكارو وقهوة كحلة وزاد ادماانوو عليه من بعدما كان كيتنشوا بييه ولاا كيتكالماا بييه
گلس على الفطووي مهمووم فوق الجهد الخدمة مصدعينو من قنت ،هم ايمان من قنت ،مشاكل الدعوة والصفحات لي معندهم لاشغل لا مشغالة باغيين اخبار يغديو بيها تفاعلهم
داقت بييه وبغا غير امتاا يشد الطيارة يبات ميصبح هناا
وفعلا كانت اخر ليلة ليهم فلكلينيك ،كالسة لطيفة حدا ايمان من بعدما هدناتهاا وحذيفة فلفطوي مشاابك ايدو تحت دقنو كيخمم حتى تحل الباب ورما السلام كيف عادتوو من وراه خديجة و اسراء وخولة هازيين قفة صغيرة ديال المااكلة
تلاحت خولة بدموع كتبكيي وتعنق فايماان لي سااكتة كالسة وسط فراشها كتنفس ولكن روحها ميتة
كلسات حداها كتعنق وتبووس ولخرا مدارت حتى ردة فعل
خولة: سمحيلي ابنتيي مجييت عندك هءهء ماشي لخااطري
خديجة : ايماان (لمسات شعرها ) كيف بقيتي (شافت ف حذيفة)كيف بقاات
بتنهيدة حاارة هز ايدو ليهاا براك كتشووفيي حركات راسها باسف وشافت فيهاا وشافت فمها لي قالت: الله يدير تاويل ديال الخير
اسراء: ايمااان لبااس
خولة(مسحات دمووعهاا ) ايماان شوفي ابنتي شنو جبت لييك ،اسرااء
مدات ليها لقفة فيهاا كاسرونة فيهاا حسوة بالسميدة وطريفات ديال الفرماج وقالت: كانت عزيزة علييك عقلتيي ،عقلتي شحال درتهاا لييك !
ايمان (حركات راسها بااه ): شكرا ولكن مافيااش
لطيفة: كولي ابنتيي راك مواكلة والوو
حركات راسهاا بلاا والحاج كيشوف من بعييد وكيتحسر عليهاا ويستغفر الله كايشوف فولدو لي ولات حالتو حاالة لون وجهو تبدل
مشا كلس حدا حذيفة وقال: واش اولدي باغي تديها شوف حالتهاا شكون غيقاابلهاا خليها معاناا واش متاايقش فيناا ! راه لعين متحطش فيها وراك عارفنيي
حذيفة(باس ليه ايدوو بامتنان) وفيتي اباا عمري نسا وقفتك معاياا ولكن لا خاصها تمشيي خاصها تشوف الطبيب راه ولات ريسك على رااسهاا لي علياا ولي فجهدي غادي نديرو معاهاا
الحاج: وكيف غادي دير معاها ومع خدمتك
حذيفة: صاحبتهاا شافت لياا واحد السيدة مغربية غتقاابلهاا ملي منكونش فالدار خاص غير نمشي ونهضر معااها ويحن الله ،كلشيي غيسهل فيه الله خاص غير هي تولي لبااس
الحاج: الله اكون فعونك ويشافيهاا هادشي لي نقول ،لا حول ولاقوة الا بالله العلي العظيم … بقا تقرا عليهاا شوية راه القران دوااء اولديي ،تستر راسها وتستر حياتها راه الدنيا مدايمة لحد الدايم هوا الله
حرك حذيفة راسو كيتنهد وقال: الله يدير لينا تاويل ديال الخير
جا كلشي زارهاا وباش نيت يتوادعوو معاها حتى من مجيد وزهور جاو شافوهاا مشا الحال وكلشي خرج ،خرج معاهم يودعهم وهي تكاات على جنبها مغطية ،حتى سمعات الباب تحل شافتو دخل وقرب ليهاا قاد عليهاا لغطا على كتاافهاا باسها فحنكها حتى سدات عينيها
حذيفة: محاسة لا بحريق لا والوو
حركات راسهاا بلا جر كرسي كلس حداها كيحك فايدها ولعياا باين فييه حتى هوا كل مرة يحك عينيه
ايمان: حذيفة
حذيفة: ممم
ايمان: واش درنا العرس !
حذيفة: لاا مزال جات مع كوروناا مدرنااهش ،علاش
ايمان: والو غير متفكرتش شي حاجة بحال هكا حسابلي واش نسييتو
حذيفة: غير تولي لبااس ندير لييك احسن عرس
بقات كتشوفييه بلا متجاوبو بحال الى كتلغي ديك الفكرة تنهدات وقالت: حذيفة ر
حذيفة(قاطعهاا ) : نعسي باش ترتاحي
ايمان: الى بقيتي معاياا غير غاديي تعدب
حذيفة: تشكييت علييك ؟
ايمان: باينة فييك وشوف شحال ونتا حابس الخدمة والمصاريف ،عفاك انا مبغيتش داركم شي نهار يقولو بلي كرفصتي ولدناا ،اناا عييت والله عييت بزااف ومقادراش نعيي معايا شي حد
حذيفة: غنحبسو هاد لهضرة هناا برااي بعداا ونشوفك بخير هادشي اهم ليا من كلشيي قبل هادشي متفكريش تدوي معاياا .دابا نعسي رتاحي غدا تابعانا الطريق
قاد عليها لغطا وبقا كالس جنبهاا شدات فايدوو وقرب جيهتهاا باسها فجبهتهاا وقال: تحاجة مغتفرقني معااك فالدنيا غير هني بالك
غمضات عينيهاا مجاوباتش زيرات على ايدو كتنهد وبقا مونسهاا تنعساات ومشاا تكاا فلفوطوي مسخسخ مشابعش نعااس
قبل اياام وفاليووم لي نورة تحولات لسجن من بعد التحقيق وطليب ورغيب من محاميتهاا لحذيفة باش يتنازلو ولكن مبغااش نقلوها لحبس عينيها منفوخين بلبكا كتشوف حياتها ضااعت فلحظة لي كانو عينيها معميين وداخلهم لحق_د ومباغاش شي حد يكون مرتاح فحياتوو وهي كتبكيي فالظلمات على بنتهاا ليي فقداتهاا وهي حية
دخلوهاا لبلاصة لي تخصصات ليهاا كانو اسرة شي فوق شيي وجيهة لباب لحوايج منشووريين سبق ليها دوزات ست شهوور عارفة اش كيوقع فلحبس وعارفة لباب ملي يتسد كتوليي بوحدك مسدود علييك
لعيالات لي تماا بقاو كيشوفو فيهاا تاتسد لباب رمات السلاام وردوها علييهاا جاها صوت من لبناات قال : نوورة !! اش كديري هناا
شافت صديقة ليهاا ماشي صديقة مقربة ولكن ناس المواقع كيعرفو بعضهم كاين لي معرفة شخصية وكاين لي غير من كونط بعضياتهم وهادي حتى هي كانت مؤثرة على منصاات تيكتوك وانستاغررام
نورة(بصوت مبحوح ) حياة
تسالمو وجراتها لبلاصة وقالت: اش جابك اصااحبتي ؟
نورة: مشكييلة غرقت فيها رااسي(كتبكيي ) ففف
حياة: يكما نوضتيها مع شي وحدة ! تانتي ياختي فمك بااري منك كتر منيي
نورة(مسحات عينيهاا ) كنقول فين غبرتي امتا تشديتي
حياة: غير السيمانة لي فاتت
زورة: تحكمتي !
حياة: تحكمت ب عام
نورة(تهز قلبها)اويلي عاام غير على الهضرة لي قلتي
حياة: غير شافونيي تشدييت وهوا يجي واحد لحمار تهواا كيتسالني شي فلوس وقاليهم نصبات عليياا ودفع شييك ،جاب الله خرجت لفلووس من لكونط عطيتهم لماما مخباايهم اما يديهم ليا نخرج نلقاا غير يدي ورييح
نورة: وعام اصاحبتي جاتك ساهلة
حياة: على الشيك جاتني غير تلت شهور والباقي على ديك الهضرة ونتي اش جابك ؟
نورة: حطيت شي حاجة على ايمان والبرهوش تعرف
حياة: وييلي كيفاش تعرف ؟
نورة: كيدير الشونطاج لبنادم بلكونط عطيني ولا نشوهك
حياة: حساب ليك غير انا ونتيي لي جايين من تكتوك هههه ويلي بلاتي تخرجي لساحة شي ربعة اخريين معروفيين الشوهة صاافي غيحلو حبس خااص ليناا
نورة: كضحكي
حياة: ههه ودرناها لراسنا اصااحبتيي ،مقالش ليك المحامي شحال يقدرو يعطيوك ؟
نورة: والله معرفت المهيم راه غتكون فايتة عاام
حياة: مشكييلة الله يطلق سراحك على خير ،انا هادي والتوبة نخرج ندير شي مشروع بدوك لفلووس مباقي نتعاطا مع حد ميتعاطا معايا حد
نورة: غير نخرج مبقيت بغييت والو بنتي ضااعت وحياتي ضااعت (كتبكيي )كلشي ضااع لياا كلشي
حياة: واا حتى نتي بقيتي تاابعة هاد ايمان تصدقتي فلحبس اشنو بغيتي عندهاا كون تصالحتي معاهاا كون صوڤاتك اصااحبتيي واش عرفتي الاشهارات لي كضرب ؟ والاغاانيي راه لملاااين اصااحبتي حساب لييك بحالناا كدير شوتينغ عند نكافة ب الفين درهم ولا هي راه كتخرج غير بلملاين شوفي غير لفرييع لي كتلبس وراجلهاا حتى هوا مصمم وكدا يعني الحبة ضاايرة ،عواض تبحلسي عليهاا بغيتي طيحيهاا وتانتيي عمااك الحق_د اما كون راك عايشة فلاورو ،لي عطا الله عطاه داباا يخرج لييك الحكم دفعي استئناف ديالك ودوزي شنو خرج لييك ولبديهاا
بكات تعياات وسكتات كتنخصص
**
اليوم المواليي ناض هوا كيجمع فمسائلهاا بينماا رجعات من لكونطرول ديال الطبيب كالس فالشومبر بوحدو كيجمع فالصاك تدخلات موو و الحاج بقا واقف تقالت ليه مرتو دخل
حطاات القفة صغيرة فيها لفطوور كلشي فتيرموس باقي كلشي سخون
لطيفة: فين ايمان
حذيفة: مشاو يديرو ليها سوان ودير كونطرول على كتفهاا ونتحركو
لطيفة: كون سعفتيني كون خليتيهاا معاياا تاتبراا
الحاج: خلييه يدي مرتوو غتعرفي حسن منو
لطيفة: وغير باش حتى هوا ميتعدبش
حذيفة: مكاين حتى عداب اميي ،دقة دقة حتى ترجع حسن ان شاء الله
هوما كيهدرو دخلاتها لفرملية ف كرسي متحرك شافتهم وتبسمات لييهم بخفووت جا حذيفة عاونها تنوض لانه مقسحة من جيهة لفخض تما فين جاتها الدقة ديال الطموبيل
داها كتعرج كلسها على لفراش عطاتها لطيفة تفطر وكدالك حذيفة دمق شوية وهي شربات غير قهوة بلحليبب سااكتة حتى حط حداها سورفييت فلكحل مع تقيشرات وسبرديلة فلارض
خرجات لطيفة و الحاج و حذيفة سد الزاج ورجع عندهاا كيعاونهاا واقف قدامهاا وكل مرة تهز فيه عينيهاا وهوا كيحل فصدايف لبيجامة مركز وسااكت
حيد ليها لبانضة بشوية بحال الى كيلبس فدري صغيير وفعلا كيعاملها بلطف
لبسها تريكو بيض وفوق منو القبية خفيفة سد ليها السنسلة ونوضهاا عاونها تلبسات السروال وشااف جنبهاا كلوو زرق تنهد ودوز ايدو تما تقفزاات وقال: كيضرك بزاف
ايمان: شويية
باسها تماا وتبسمات لييه وكمل لبسها بهدوء حتى لبسها تقاشر وسبرديلة جمع ليهاا شعرها بظفيرة ودار ليهاا لكاسكييط ديالهاا
هز صاكها فكتف وشدها حتى هي ساندهاا عندوو كتعرج شوية برجلهاا وجهها شااحب وعياانة نفسيا وجسدياا
خرجو من لكلينيك لقاو الحاج و لطيفة واقفيين فلباب وقال: خرجو لطموبيل نجيب شي وراق ونجيي
هوماا خرجوو سنداتها لطيفة بلخاطر والحاج سابقهم حل الباب اللوراني ليها باش دخل ياله شدات فلباب والحاج قصد الباب القدامي. يكلس شافت جوج جايين كيجرييو عندهاا بغات تدور راسهاا
:ايمااان على سلاامتك فرحنا ملي شفنااك بخير
بغات تفاداهم: شكراا
الحاج: طلعووو دغياا متء اش هدشيي
ركبات لطيفة من الجيهة التاانية وايمان حتى هي مزال مسداات الباب حتى نطق الاخير وقال: شنو احساسك ملي عرفتي بليي الام ديالك وراا ديك لبااج ديال الفرشة كوم
هزات فييه رااسهاا بحال الى كتاكد من شنو سمعات هبط الحاج ديك السااع بعدهم بنرفزة منوو وسد عليهاا الباب حتى شاافو حذيفة جايي وهربوو بلا ميدورو قداامهم
حطات لطيفة ايدهاا على ايد ايماان وقالت: بعدي ابنتيي من هادشي بعدي راه مغايخلييوكش مرتاحة
ايمان(كدور فعينيهاا): واش بصح هادشيي
مجاوبتهااش حتى دخل حذيفة والحاج معصب كيهضر معاه بالشلحة حتى طلعوو
هز الاخير عينوو فييهاا وقلبهم دغيا بحال الى هارب من سؤواالهاا
تكات راسها على كتف لطيفة وغمضاات عينيهاا
طول ديك الطريق كاملة سااكتيين مرة مرة تحل عينيها وتبقاا تفكر فشنو ادات هاد الانسانة لدرجة تقلب على اكفس حاجة فحياتها وتبينها لنااس ،واش دارت ليها شي حاجة خاايبة ونسااتهاا فهاد لكسيدة معرفاتش شنوو واقع
وصلو لمطاار مد ليها نظاظرها ولكاسكييط دارتهم وهبطاات بالشوية عليها ضاربة فيها الشمش
هزات عينييها لسماا وجات فبالهاا اللقطة لي داخلة فيهاا لمطار كتجري، تفكرات لاوديو لي سيفطات لنورة و لعافية لي شعلات فدار كرييم
بقات سااكتة كتفكر واش بسباب هدشي حاقدة عليا ولا شنو واقع
جر حذيفة والحاج الشانطات لدااخل وايمان شاداها لطيفة ساكتيين حتى دخلو
حذيفة: الحاج(باس ايدوو )سمحليناا عذبناكم معانا
الحاج: اوهو اولدي مكاين حتى عداب ان شاء الله كلشي غيتقااد بإذن الله
حذيفة: ان شاء الله
لطيفة: تهلاي فراسك ابنتيي
ايمان: سمحولياا على كلشي
لطيفة: الله يديكم على خير
حذيفة: اميين اميي(جا عنققهاا وباس رااسهاا
ايمان توجهات لحاج باست ايدو و قال: تهلاي فراسك نشوفوك المرة الجاية فاحسن الاحوال ان شاء الله
تبسمات لييه وعنقات لطيفة وغمضات عيينيهاا بعناق حنين وباست ايدهاا
توادعو معاهم وخرجو وحذيفة جر لباگاج وشاد ايماان مسايرها فخطواتها تقاال خلاها كلسات ومشا هوا يقضي المساائل
بقات كتشووف وكتسمع شي بكا وراهاا وكدوور مكتلقا والوو
تقدات فبلاصتها حتى كلس حداها فايدو قهوة ليها شداتهاا كدور فيهاا وقالت: واش نورة لي حطات داكشي علياا
حذيفة: ممم، شدوهاا
ايمان: واش درت ليها شي حاجة ومتفكرتهاش !
حذيفة: نسااي هادشيي صافيي
بقات سااكتة وكالس جنبهاا حيدات نظاظرها كتشوف فالنااس حتى تمات جاية عندهم واحد لبنت كتبسم بقا حذيفة متبعهاا حتى مشات لايماان وقالت : هااي
هزات ايمان عينيها فييهاا كتشوف وقالت بالاسباانية : نقدر ناخد معاك سيلفيي
ايماان(بامتنااع ) : لاا عفااك منقدرش
حسات لبنت بالاحراج وقالت: سمحيلياا
ايمان: نوو نتي لي سمحيلياا ولكن انا عياانة شويية وماشي فوضع ديال التصااور
تبسمات لبنت وقالت: ؤك على خاطرك تشرفت بشوفتك على خير كنتسنااو فيديواتك الزوينة فلكوزينة ههه عنداك تحرقيي ايدك هاد لمرة ههه
تبسمات ايمان بمجااملة وكتدكر اشمن فيديوات كتهضر عليهم حتى حركات راسها باه وقالت : ؤك
مشات لبنت وحذيفة غير سااكت مهضرش حاني راسو فتيليفون وداير لبااڤيط وساكت حتى وصل وقت طيارتهم
شدو بلايصهم ف هدوء غادي معاها وحاضي لتكون شي كاميرا موجهة ليهم كيفما بزاف لمراات
وضعية لي محاملهااش وعاف العالم ديالهاا لي عامر بالنفااق ووالضحكة لي وراها حقـ_د كبير
خداو مقاعدهم بهدوء حطات راسها على الزاج جامعة ايدها وكتفكر ف حياتها لي حسباتها ضاعت و عيشها ولاا بدون فائدة وغير متقلة علييه وفاضحاه معاهاا وهادشي زاد على مابيهاا
غمضات عينييهاا وهبطو دميعات دغياا مسحاتهم كتشوف غير فالضباب والسماا حالتها مابقى فيها مايتعجب حاسة بدمار كلي
بعد ساعاات كانت فالطموبيل متوجهيين لدارهم سكنهم وعشهم الزوجيي لي عاشو فيه الزوينة كتر من الخاايبة
كتبقا الحياة هي هادي ولابد من شوية الملح باش يتقاد الطعم
عند باب الدار لقا مجموعة ديال لكراطن حطهم تما المكلف بلعمارة وامنهاا مستفيين حل الباب بالسااروت ودخلهم وهي ورااه
شمات ريحة دارهاا لي غبرات عليها شهر على طولو كتشوف فقنات الداار والاثاث والصور ولبالكون وقفات مقابلة مع لبالكون لي مشاا حذيفة يحلو تهوا الداار كتفكر داك النهار لي بغات ترمي راسهاا منوو والغواات والهيجان لي كانوو فيه كتحس بداك لغوات فرااسهاا والطرشة والبكاا
شدات فصدرهاا حاسة بلخنقة جا قرب جيهتهاا حذيفة شدها من دراعهاا وجرات ايدها منوو وقالت: بعد هءهء بعد
حذيفة: مالك ايماان شوفي فياا
خلاتوو ومشاات لدووش سدات عليهاا وكلساات كتنهج وترمي فحوايجهاا والبكية خانقاهاا وعقلهاا كيهيئ ليهاا بزاف تاع الاصوات ،الغوات ،الضحك،البكاا،صوت مرا كيعيط ايمااان
هوا عند الباب كيدق بخوف وكيرطب معاها تحل خصوصا ملي سمع بكااهاا وشهقتهاا حدا الباب
حذيفة: ايمااان ،حليي ،ايماان
سادة ودنيهاا كتنهج وصهدات كتنهج وقلبهاا حاسة بيه غيوقف عرقات وراسها عطاهاا الحرييق و الصداع
وقفات بخوف وهلع حلات الباب وترمات فييه مزيرة علييه كتبكيي
ايمان: غنحمااق هءهءههء غنحماااق راسي كيضرنيي
حذيفة(تنهد ) : اجيي رتاحي غير لعياا
داها لبييت كلسهاا ومشا جاب كاس ديال الماا ودواهاا ديال الالم عطاه ليهاا باش ترتااح وتنعس شوية
اكتافى انه يحيد ليها سبرديلتهاا يقادها فبلاصتها يغطيهاا وكلس جنبهاا شاد تيليفونوو كيطل على الرونديفو ديال الطبيب لي مزال ليه سيماانة
ناض خرج على اساس يوجد ليها شي حاجة بدا كيصوني ل طبيب باش يستعجل على الرونديفو ولكن كان عاامر
بدا كيقلب على طبيب تااني كيعطيوه موعد طول من لي فاات
عمر الطفاية بلكارو وهوا كالس محسش براسو حتى ضرب لباكيية
دوز الاتصال لوديان لي جاوبااتو وقالت: وي حذيفة وصلتوو
حذيفة: وصلناا قولي ليا واش السيدة. لي كتعرفي معقوولة ؟
وديان: الله اعمر ليها الدار دوزات عندي هنا عمااين مراة معقولة انا راه شرحت ليها شنو كاين ،
حذيفة: حالتها غادية وكتكفس
سكتات شوية وقالت: تشوف طبيب ويكون خير
دوز الاتصال لسيدة المغربية لي غتجي غدا شرح ليها المطلوب منها فقط ، رحبات بكلامو واتافقو غدا تجيي من بعد عاد يقادو امور لكونطرا ولوراق
مقدرش حتى يخرج يتقداا ويخليهاا ضطر يسخر طارق يجيب شنو خاصو ويجيب لييه القطة حتى هي
خدا دووش دغياا ودنييه وبالو معاها كل مرة يحل لباب يطل
هي فلبييت مرة ناعسة مرة فاايقة مظلمة لبييت وطالقة القران من تلفازة دخل عندها حذيفة فايدو لمشة وكلس وراها وقال: ايماان شوفيي !
ضارت عندوو وشعل ضو بانت ليها المشة وتبسمات هزات ايدها تلاعبها و دغيا المشة تخشات فييهاا
ايمان: كبراات
حذيفة: سيي دغيا كيكبروو
كتلعب مع لمشة وهوا كالس جنبها كيداعب شعرهاا وقال: تشهيتي شي حاجة نطيبها ليك
ايمان: لاا مافياش الجووع
حذيفة: ضروري تاكلي شي حاجة باش تشربي الدوا ،انا عارف شنو كيعجبك متحتاجيش (باسها فجبهتهاا وناض مخليها مع مشتهاا كتلعب حداهاا
وجد ليهم ميااكلوو ونوضها بزز كلات شربات الدوا ورجعات لبلاصتها
جا نعس حداهاا عنقهاا طافيين الضوو حتى قالت: كنتفكر شي حواييج فلغابة ملي كنا جايين ولكن معرفتش شنو وقع بالضبط
تهز قلبو و قال : كيفاش شنو وقع ملي هربنا من لبوليس
ايمان(كتدكر ) : كنا هاربيين ولكن معرفتش شكون، حاسة بليي نسيت شي حاجة
حذيفة: منسيتي والوو الحاجة لي وقعات هي كنا هاربين من لبوليس كانو غيشدوناا
ايمان: ملي تخبينا تحت الشووك
حذيفة(شابك ايدو معاها ): سيي
ايمان(بتشويش): معرفتش
حذيفة(قلب المووضوع) : غدا غتجي واحد السيدة غتقابلك وتقابل الدار حيت غنرجع لخدمة غدا عندي التزامات
ايمان: ؤك
موراها سكتوو كينعس ويفيق كيلقاهاا كتحرك ولا نعساات كتبدا تهضر فنعاسها مامرتاحاش وتهوا مامرتاحش بالو معاها حتى فنعاسوو
الاحلام والكوابييس مزال مراافقيينهاا مرة تقفز مرة تغوت فنعااسهاا مرة تفيق مخلوعة حتى دازت ديك الليلة
صلى ولبس عليه صايب ليه قهوة وكلس كيتسناا فلمرأة تصونات علييه مشا حل عليها كانت سيدة اربعينيية بحجاابهاا وملابس محتشمة
_السلام عليكم سي حذيفة
حذيفة: وعليكم السلاام ، مليكة دخليي
دخلات شادة فصاكهاا نطق حذيفة كاسر تاملها فالدار وقال: عاودات لييك وديااان كلشي
مليكة: اييه الحمد لله على سلامتها
حذيفة: الله يسلمك ،راه ناعسة دابا تردي ليها البال واي حاجة اتاصلي بياا ولبغات تخرج خرجي معاهاا
مليكة: كون هااني نديرها فعيينيي
عطاتوو نسخة من وراقها الشخصية لبس حوايجو وخرج مخليها مكلفة بالدار كتمسح وتوجد لفطور كيف قاليهاا
وايمان كانت ناعسة تخلعها صوت لسبيراتور ناضت قلبهاا بغا يخرج
خرجات من لبيت شعرها مرون وعينيها منفوخين باقة لفاصمة فجنب رااسها لي حيدو ليها الشعر فبلاصة لفاصمة شادة دراعهاا كتماصي فيه حيت ضرها حتى بانت ليها مليكة كدوز على الزربيية تشافت ايمان واقفة وحبسات بابتساامة وجاية عندها كتمسح فايدها وايمان كتشووف
مليكة (برحابة سلمات عليها من حناكها ): على سلامتك ابنتي كيف بقيتي شويية
ايمان: الحمد لله ، ش شكون ؟
مليكة: معرفتينيش ؟ انا ملييكة
ايمان: شكون !
مليكة: ملييكة انا هي لي لي جيت بكونطرا وحركتهاا وكنت مساعدة عند ودييان
ايمان(كلساات فلكرسيي بحذر حكات راسها وقالت) : سمح ليا معقلتش
مليكة: ولكن انا عقلت وخيرك عمري ما نسااه ، كنتي عطيتيني واحد لبركة باش دير مي العملية فلمغريب نتي و ودياان الله يسهل عليكم دنيا واخرة مي ديماا كدعيي معاكم مسكيينة
تبسماات ايماان وحركات راسها بالايجاب وقالت: مبقييتيش ف فرنساا !
مليكة: نوجد ليك لفطور !
ايمان:غير (شافت فلكوزينة ) معرفتش شنو كاين
مليكة: قلتي ليا فرنساا من ورا ماسكنتيي مع وديان كنت انا تزوجت بواحد لݣاوري دار ليا وريقاتي الله اخلف علييه
ايمان: مزياان مبروك عليك ...درتي شي وليدات
مليكة(ضحكات كتحل فتلاجة ) : لوااه هههه الراجل شرف وانا لاحݣة علييه اشمن ولاد مشااا لحال ابنتيي عندي ولد من زماااان مطلقة علييه وهاني كنتجاابد ونتعااابز مع الوقت باش نجيبو عندي كنجمع ريال وخوه باش نجيبو عندي
تبسماات كتحرك فواحد لوردة يبسات ف لڤاز وقالت: گاع الناس لي شفت فحياتيي ا مليكة كيدابزو ويتقاتلو على وليداتهم (هرسات لوردة وحيداتها من لڤاز ) الا لمرا ليي توجعات عليا و ولداتنيي
سكتات ملييكة وقالت: كتبغي السكر فالقهوة !
حركات ايمان راسهاا بااه ومشات لبالكون وكلسات فطبيلة كيضرب فيها لبرد حطات ليها قهييوة وطوسط مدهون بلفرماج ولعسل بيضة مصلوقة وتميرات فيهم لكركاع تبسمات لطبق وقالت: وصاك !
مليكة: لقيت كلشي مكتوب فتلاجة
ايمان: كلسي تفطري معاياا
مليكة: دايرة الريجييم ولكن نكلس معاك ههه
بقات كالسة معاها كتحاول تونسهاا قدر الامكاان وناضت مخلياهاا ف دوامتهاا مربعة ايدهاا والشمش ضاربة فيهاا والمشة كتلعب حداهاا
وقفات كتكتاشف الدار وقناتهاا وكترجع دكرياتهاا فكل بييت بانو ليها لكراطن وكلسات كتحل فيهم كتلف فلوقت
هادو رواييح هادو برودويات هدا مكيااج هادو حوايج من شركات وماركات متعاقدة معاهم مرة مرة كيسيفطو ليهاا باش يجددو الاشهار
حطات داكشي فبلاصتو ومشات لبييت تكمشاات بهدوء وحذيفة مرة مرة يصوني لمليكة يتاكد من حالتهاا حتى جا بالليل لقاها موجدة لعشا ومنقيية الدار مشات لدارها وهوا سد الباب توجه لعندها لبيت لقاها نااعسة تحنا جيهتها باسها فجبهتها
وكلس كيشوفيها ،توحشهاا توحش طفوليتهاا ملي كاتلقى ليه عند لباب تعلق فييه ،توحش حياتهم الهادئة ونطيرهم على بعضياتهم عتابهم وشقاوتهم ،تنهد ومشاا غسل عليه ومشاا توضا وفرش صلايتوو
حلات عينيهاا من بعدما خفت الاضواء وصلى العشااء بصوت خاشع من بعد الشفع والوتر طول فدعائو مع كل تنهييدة
لاحت لغطاا عليهاا وقصدات المكان المنااسب لييها هز عينو فيهاا شافها قاصدااه متحركش بقا كيتسناها حتى كلسات قدامو وتكات راسها فوق ركابييه
تحنا باس راسهاا وبدا كيمسح ليها على شعرها بهدوء
،،،
دازت اياام قليلة بنهار كظل معاهاا مليكة وبالليل كيبقاا معاهاا مقادرش يخليها دقيقة وحدة منفاردة مع راسهاا
نهار كلو والليل كلو سادة عليها فلبيت حوارهم قليل كيحاول ما امكن يخرجها من ديك الدوامة والوو واش كتبغيي تخرج لييه ولات انسانة فاقدة الشغف فالحيااة
هاد السيمانة دازت طويلة عليه بغا امتا يوصل رونديفو باش يلقاو حل ربما الحل بسييط وهي سدات على راسها لي سنين كيتمنا وكيطلب الله ليل ونهار بااش تحسن حالتها ويكملو حيت حياتهم توقفاات فشي نقطة معينة وهدشي ازموو حتى هوا ولا غير ساكت وسااهي وتركيزو مشتت كيفكر غير فيها وفحالتهاا
حس براسو هوا الشخص الوحييد لي مسؤول عليهاا فهاد الدنيا من واجبه ومن اولويته يخليها توقف على رجليها بسلامة وبنفس مطمئنة باش ترجع ليه الرووح لي حس بيها تسلبات منو فداك النهاار
،
فاقت دايقة بيهاا من بعد ليلة عامرة احلام خاايبة ليلها عداب ونهارهاا كفس بتعب مشات لدوش دوشاات بماء داافيي ومشاا لبسات عليهاا ومليكة مراقباهاا حتى خرجات لابسة عليهاا دجيين وقبية وسبرديلة حطات من ايدهاا لماعن ومشات عندهاا
مليكة: ايمان صباح الخير
ايمان(شافت فيها): صباح النوور
مليكة: فين غادياا
ايمان: خارجة نتمشا شوية
مليكة(حيدات لبلوزة ديالها ): صبري نلبس علياا نمشي معاك
ايمان: غير خليك بغييت نخرج دغيا ونجيي
مليكة: عفاك نتيي مزال عياانة شحال من مرة شداتك الدووخة فالداار خلييني غير نتمشا معاك ولمبغيتينيش نهضر والله منطق شي كلمة نتي خارجة شنو ندير بوحدي فالداار
تنهدات وقالت:وخة
بالزربة قاداات زيفهاا هزات صااكهاا سدو لباب وراهم وتمشات معاهاا خداو طاكسي لقلب المدينة مليكة علمات حذيفة فميسااج وتمشات معاها فشارع عامر ساكتة وغير تابعاهاا فينما دازت كدوز معاهاا دخلو لأحد الاسواق الكبرى غير حيدات نظاظرها جاو دغيا لبنات لي مسؤولين تما كيرحبو بيهاا تجاوزاتهم بمجاملة ومشات دايرة ايدها فجيوب القبية وكتمشاا
تابعاهاا مليكة كتشوف فلحواييج باعجااب مبهووضة بالاثمنة الغالية وهي ك انسانة مقاتلة مع الوقت وديما مسبقة راحة ولدها عليهاا فمكانوش فلوسها كيمشيو فلبس ابدا
كان همها فقط ولدهاا يلبس ويشري لكتوب ويقراا تهز ميمتهاا وتكون مرضية
ايمان: عجباتك !
مليكة: زويينة وينيي انا كندير لفولاار
ايمان: ااه قصيرة
مليكة(جبدات تيليفونهاا كيصوني ) خير يارب...هادي لواليدة
ايمان: جاوبيهاا ...انا غير هناا
خلاتها كدوي وغادية مع داك لكولوار قدام مليكة حتى ضارت لجيهة التانية وقصدات طريق لباب وخرجاات
مباغة والو غير دقيقة بوحدهاا بعيدة على النااس وعلى نظرات الشفقة والمعاملة بحال شي طفلة صغيرة
شدات طاكسي غير غادي بيهاا توصلها لكورنيش خلصات وهبطاات كيضرب فيها الهوا ديال البحر ، الجو مغيم والمواج عاليين البحر هاايج
حسات برعشة من البرد بورش لحمهاا
كلسات فواحد لكرسي تماا وبقات مقابلة البحر ف تاملهاا ودموعهاا
اما مليكة صفاارت مخلات فين قلباات ولغتها الاسبانية مزال ضعيفة ولكن غير قالت ليهم بيانكا عرفوها وقالو ليها خرجاات
الاخيرة خرجاات بغات تندب وقفات لمدة طويلة فالطريق ربما ترجع ربما خرجات تقدي شي حاجة وترجع ولكن والوو حتى صونا حذيفة ليهاا ،خافت ومعرفات مدير جاوبات بتوتر
حذيفة: لا مليكة الامور بخيير
مليكة: اش اش غنقوليييك ،مشيناا لواحد لمكازة وتلفات عليااا عييت نقلب وقالو لياا خرجاات كنتسناها ترجع والوو
حذيفة(ناض من لبيرو ديالو مخلووع كيرمي السانتيم من ايدو ): فيين فين اشمن بلاصة و،واش قلبتي مزياان
مليكة: قبلت تعييت ،تكون مشات لداار
حذيفة: صافي سبقيني تمااا وردي عليا انا جااي
شدات لميترو قربها لداار ومشات كتجري دخلات كتنهج لقاتها مكاينااش
كان حذيفة جااي وخبراتو بلي مكاينااش مشا كيقلب فلبلايص لي كتمشي ليهم بزااف جرادي ولي بارك لي كتكون فييهم وقصد جيهة لبحر حط الطموبيل وتمشاا مع لكورنيش كيقلب بعينييه يجريي هناا وهناا حتى بانت ليه مكمشة فوق لكرسيي وشعرها كيديه الرييح كيبري بالشمش مشا كيجري لجيهتهاا مع عيط باسمهاا هزات راسها عندوو ومسحات عينيهاا
تحنا عندها مخلووع وقال بصوت مرتاافع: واش بااغة تحمقينيي علاااش كتمشي بلاا خبااري علااش
نوضهاا رماهاا فحضنو كينهج تخلع وتحشو علييه رجلييه بلخلعة
مهضرااتش شدها من كتفهاا تحت ايدوو وداها لطموبيل غير ديماراا جبد لكاروو كيكميي فييه واحد تابع واحد الطريق كلهاا
كان حاط تيليفون لوسط حتى بداا كيصوني رمات عينيهاا لتيلفون حتى تهز قلبها مع اسم " كرييم"
دغيا رما ايدو لتيليفون قطع علييه وقلبو ظنا منو انها مشاافتوش
نترات التيليفون من ايدو وقالت وعينيها مضببين بالدموع وقالت: شكون كرييم
حذيفة(مركز مع الطريق ومد ايدو ليها ): حبيب
ايمان(بصراخ ): شكون كرييييم احذيفة ،علااش كدويي معاااه علاش عاطييه نمرتك دويي معاياا علاااش
ملقاش كيفاش يدير يتحاور معاها وسط الزحاام و الطموبييلاات
شدات راسهاا كتبكي وتخبط قدامهاا وتغوت توصلو لداار ،طلعات كتبكيي بحال الى شانق عليها شي حد بغات تلوح حوايجها وتغوت لربي لي خلقها على الغصة لي واحلة فحلقهاا
مع وصلات لداار شهقاات كتمشي وتجي وسط الداار وملييكة واقفة مقداتش تدويي تدخل حذيفة وقال بهدوء. : ايماان
ايماان: علااش كدوي معاااه هءهءهءه واش مكفاكش هدشي لي داار فيااا بسبااابهم اناا ولييت مرييضة غنحمااااق غنمو_وت بلفقصة ونتاا كدويي معاااه كدوي معا لي جراا علياا وشتا خييط من السمااا هءهءه كدويي مع لي بسبابو كانو غيتعداو علياا معامن كدويي معااامن
شاف حذيفة فمليكة وطلب منها تمشي وفعلا مشات حانية رااسهاا وسااكتة
وايمان كتبكيي كتهز وتخبط باغة تخرج شي حاجة واحلة ليها فحلقهاا ومقدرااتش كيبان ليها داكشي وااحل فحلقهاا كي السم مقادراش تخرجوو
عياات ورجليها فشلوو ولارض كدور بيهاا طاحت على وقفتها كالسة حتى شدهاا كيرش عليهاا لماا وسمعها تقيييل كتسمعو كيعييط لييهاا وهي فعالم آخر فيه اصوات كثيرة ودكريات مخربقة بحال شي اسطوانة مخربقة كتعاود فترتيبهاا
تنتراات منو وهوا مزير عليهاا وسط الحطاام من جديد نفس السينارييو تعااود قداموو
ايمان: وبغييت نبقا بوووحديييي ااااعععع هءهءهء طلق منييي طلق منييي
خذيفة: خايف عليييك راه ياله فقتي من كووومة ا ايماان
ايمان(بصرااخ ): كون غير مـ_ت علااش فقت علاااااش علاااش (كضرب برجلها فكراسة الطبلة )علاااااش بغييت نموو_ووت هءهءهء ومبغيتش نعييش
حذيفة: متبقايش تهدري هكا ا ايماان عفااك، مـ_ت وحييت معااك
تسالاو لييه ومعرف كيفاش يتعامل مع حالتهاا بقا كيرطب معاهاا حتى نوضها من لارض كلسها على لكرسي وجاب ليها لماا بدا كيجمع ورجع لكراسة لبلاصتهم كلس حداها ياله بغا يهضر سمع الدقان فلباب مشاا كيلقاا سوكيريتي ديال الاقامة
_جيران تشكاو بلي كايين شي صدااع عندكم
حذيفة(تنهد كيحك لحيتوو) : ااه غير شي مشكييل
_ هادي تاني مرة كيتشكااو المرة جاية غيضطرو يعييطو لبولييس
مشاا وسد حذيفة الباب وهي كالسة كتسمع وكدور فداك لكااس مشا لجيهة لبالكون كيكميي وعاطيها بجنب تنطقاات بصوت بااح : علاش كدوي معااه
حذيفة: بغا يهضر معااك وكل مرة كيسول فييك
ايمان: كيسول بغا يعرف شنو صنعو فلحرام وخلاوني كنتعدب
حذيفة(تنهد): ايمان راك ماشي نتي اللولة ولا اللخرة لي واليديك غلطو
ايمان(شافت فيه بديك الضحكة لمخلطة بدمووع ): شفتي حتى نتا قلتيها انا غلطة مكانش خاصهاا تكوون
لاح لكاسكيط وشد راسوو كيتنهد وقال: ماشي هادشي لي قصدت
ايمان(بقات كتشوفييه بحزن ودموع هابطيين ) : معرفتش شنو مخلييك معاياا ،مع وحدة وراها غير المشااكيل و الصدااع ،كارهة حياتهاا وبغيتيها تنور حياتك !
خلااها كدوي مهضرهااش ومعندوش الجهد لنقاش خااوي معندو فين يخرجوو مشا كيقاد قهوة وهي تكلمات: فيين تيليفونيي
حذيفة(عاطيها بالظهر): تهرس ملي درتي لكسيدة، حتى لمن بعد ونشري ليك واحد
ايمان: مامحتاجاهش معندي معامن نهضر فييه
هز عينوو فييها ساكت شافت فييه بعينين منفوخين وحمرين وناضت
ايمان: انمشي نتكا
مشات لبيت وهوا حط داك لكاس بالزعفة كيتنهد ،وبقات الامور غادية بهاد الشكل حتى لاخر ليلة قبل رونديفو ديال الطبيب ناعسة عاطياه بالظهر وهوا جنبهاا لايح ايدو عليهاا تقلبات على ظهرها وميلات راسها لعندو لقاتو فاايق تبادلو نظرات صامتة وقالت: وليتي كتكمي بلا قيااس
حذيفة: بحال ديما
حركات راسهاا بلا وقالت: واش بغيتيي تخرج على صحتك (حطات ايدها على لحيتوو )
حذيفة: رجعي غير صحتك نتيي وغنرجع كيف كنت
ايمان: سمحلياا بزااف
باستوو جنب فموو بوسة لي مقنعاتووش توحش طعمهاا ورطوبيية شفايفهاا ومداقهم لي بالنسبة لييه ادماان طاح فييه، قبلة طويلة مقدرش يحبس منهاا فيقاات الرغبة والحب والاشتياق ليهاا
خداتو لقبلة لقبلاات فجسمهاا وهي هادية ومسلمة نفسها لييه مامتانعااتش كانت مرحبة بلكلماات والقبلاات على جسمها بحال شي دواء خفيف كيداوي دوك الجروح السطحيية فنفسيتهاا
كانو جسد لجسد فعلاقة حميمة هادئة عبر ليهاا بحبه واعجابو بالاف الكلمات وهي كلها اداان صااغية لييه ...
كانت قرابة الفجر معنقهاا كيلعب فشعرها وقال : نوضي ندوش لييك !
ايمان: مم بلاتي غير سير
لبس عليه ومشاا لدووش كيدوش ودمااغو عامر ،كانت علاقة زويينة عادية على غير العاادة وعلى غير الشغب لي موالف فحميمتهم ضحكهم لعبهم
كانت عاادية بالنسبة لييه ولاول مرة من نهار تزوجو حس بليي اول مرة كتكون علاقة بهاد الشكل وبلي غير دارت لييه خاطرو وحتى هوا مقدرش يصبر عليهاا ،حس بحال الى استاغل ضعفها
شخص اخور غيجيه الامر عادي وبليي هداك حقو ،ولكن هوا كشخص وطبيعة علاقتهم لي تبناات بالترااضي وكيفما العلاقة فيها جوج خاص يكونو بجوج راضيين، محملش راسوو هناا وكمل داك الدووش معصب غير مع رااسو
خرج كينشف فشعرو لقاا الادان فتيليفونوو، لقا الضو شاعل فلكوزينة ومشا لعندها كانت لابسة تيشورت ديالو على جسمهاا فقط كتشرب فلماا وقال: دوشي داباا واجي صلي معاياا
حركات راسها بواخة وقرب جيهتهاا وقال: ملي مابغيتيش علاش ماحبستينيش
شافت فييه وقالت: شكون قالييك مابغيتش
حذيفة: مولفيين حنا بحال هكا ؟ جاتك نورمال هاد لغولاصيون لي درناا
ايمان: عادي
حذيفة( عض على فمو سااكت ومشا هز لبريكي ولكرطونة ): سيري دوشي
بغا يكميي وتفكر الصلاة ورماهم فوق الطبلة بالزعفة ومشا يلبس تسناهاا حتى جات لابسة عباايتهاا وقفات ورااه وباشر بالصلااة حتى كمل مشات تكات وهواا قصد لقهوة ولكاارو حتى بدا لحال كيباان
حتى سمعهاا كتغوت نااض قاافز من الصالون دخل عندها لبييت لقاهاا واقفة كتنهج شافتو وترمات فييه مخلووعة مغريباش علييه حالتهاا حلمة من احلامهاا تاانيي
بقا كيهدن فييهاا شربها لمااء وكلس جنبهاا حتى تهدنات
عاد ناضت لبساات عليهاا وحتى هوا لبس علييه باش يخرجو يفطرو فالطريق لانو الطبيب بعيد شوية وداكشي لي كاان
هزات وراقها فالصااك وتبعااتو شاد فايدهاا تالطموبيل مشاو فطروو ومخليها على راحتهاا ساكتة في هدووء وتيليفونو كل مرة يصوني من الخدمة وهي كتشوف فالاخير طفااه
شدو طريق للعياادة والقران ونييسهم فالطرييق شاد ايدهاا طول الطريق وهي عينيهاا فقطراات الشتاا لي كطيح برا كتعلن على انسحاب الصيف
الجو مغيم وشتاا غير قطيرات خفاف ،جو لي ديما كيفكرها بشي حدث مرتابط بحزنهاا وكيف قالت ليهاا القابلة لي ولدااتهااا
"نهار تزاديتيي كانت الشتا خييط من السماا نتي كتبكيي والنااس كتصلي الفجر "
هبطو كتقاد فجيلي لي لابسااه دافيي طلعو للعياادة وكلسو كيتسناو ماشي بزااف حتى عيطات المساعدة باسمهاا وحذيفة بقا كالس جنب الباب وجبد تيليفونوو شعلوو كيصادف مساج من مراد كاتب فييه
مراد: ليوم تحكماات نورة وداك لبرهوش ...تحكمات ب 3سنين و دري ب4 سنين
حذيفة: لي كيقلب على العفن كيغرق وسطو هدشي لي نقول
دخلات ايمان لداك لبيرو لكبيير فوطويات مفرشيين بجلد فيه ريحة زوينة ومطلووقة موسيقى كلاسيكية ،واقف الطبيب كيقاد فلموسيقى وهز عينو فييها مزال واقفة عند الباب شاف جيهتها وتبسسم وطبطب فوق واحد لكرسي تاع جلد كاشارة باش تجي تكلس فييه وفعلا جاات بشوية عليهاا كلساات وقال: شنو تبغي تسمعي ؟
ايمان: والوو ،طفيهاا
_بكل سرور
طفاهاا وجا كلس فلفطوي لي جنبهاا بحال الى كالسيين فصالون ماشي بيرو وقال: تشربي قهوة !
حركات راسهاا بلاا مهبطة راسهاا وقال: علاش مرجعتيش ملي قلت لييك رجعيي !
مهبطة راسهاا وجامعة ايدهاا كتلعب فظفارها بغات طيرهم وكمل كلاامو وقال: شنو قلت ليك داك النهاار بليي ديك الجرحة الى مداواتش فوقتهاا غتعفن لييك ومسمعتيش كلاميي ولكن مامشاش لحال مزال الوقت فيين تشفي رااسك وتعالجي داك لجرح الغاارق الى بغيتي
ايمان :معنديش غير جرح واحد باش نداويه (هبطو دموعها)بزاف
_منين بغيتيناا نبداوو اشمن جرح ضارك كثر
هبطات راسها و الدموع كيقطروو وقالت: بغييت غير نبقا بووحديي حياتيي كحلة مافيها ميتشااف وبيين جرحة وجرحة كاينة حفرة غااارقة صعيب نوض منهاا من ضربة لضربة من مصيبة لمصيبة من شوهة لشووهة بحال الى كيتساابقو تيقولو شكون يطيحها كتر ولكن انا هادشيي ولفتوو لحاجة لي مبقيتش بغييت هواا نعدبو معاياا خليتو يهز هميي فلوقت ليي خاصوو يتقا_تل ويوصل حسيت براسي حبستوو وجريتو وراياا وكنت اناانيية ،محدو معاياا غيبقا ديماا مكرفص معاياا
_ ولكن كنتفكر بليي اخر مرة سولتك علييه والى مكانش فحياتك شنو جاوبتيني
ايمان(كتمسح فعينيهاا )غنساليهاا هء ولكن حسيت بييه معدب معاياا هء هء داكشي لي مقدروش واليديا يديروه بغا يديرو لياا هواا ، بزااف علييه
حط المذكرة وقال : حالتك فيها بزاااف ديال المرااحل (توجه ل تيليفون) واولهم ساكن الروح (كيهضر فالتيليفون ) بغيتك تلغي لياا كاع لي رونديفو لي عندي فهاد نص نهار اللول ممم سي سي و زوج ايماا يتفضل لبيرو يرتااح عطيه قهوة حيت غيتسناا شوية ولبغا يمشي يمشي حتى تعاودي تاصلي بييه
قطع معاها ورجع عند ايماان وقال: نبداو من ايماا الصغيرة ! عاودي ليا باش نقدر نعاونك ...
بقا حذيفة كيشوف فالمساعدة كتعتادر من جوج ديال الناس كالسيين ورتبات معاهم موعد ف العشية اما هواا شافت فيه وتبسماات وقال: تفضل معااياا
تبعهاا تحلات الباب التاني ديال البيرو وقالت: الدكتور طلب منك الى كنتي زرباان تمشي حتى نتاصلو بيك ولا تقدر تبقاا
حذيفة: غنبقاا
دخل لبيرو وسدات ورااه كيشوف باب تااني ل صالون لي فيه ايمان والطبيب تمشاا لكرسيي قدام لبيرو فوقو شاشة كبيرة مقسمة على ربعة فيهم كاميرات وحدة منهم عليه والتانية ف صالون لي فيه ايمان ولاخرين على برا
قاد نظاظرو كيشووف فيها كالسة مكمشة والطبيب كالس فلقنت من منظرها بايينة كتبكيي والطبيب شاد معاهاا الخااطر محسش بالمساعدة لي دخلات قهوة حتى بغات تخرج عاد شكرهاا
تركيزو كلوو ف ايماان وخة الصوت مكااينش كيشوف الطبيب كل مرة يمد لييها لماا ولاا كلينيكس قلبو حرقو عليهاا خافهاا تسخف ولا توقع ليها شي حاجة خصوصا مزال فمرحلة العلااج وستريس صعيب علييهاا
لوقت طوااال ودخلو فساعتيين و الزياادة كل مرة تبدل لبلااصة حتى استقرات فلفطوي طوييل وتكات راسها على القنت كاتهضر والطبيب واخد مكاان مع مدكرتوو كلو اذان صااغية حتى سكتاات وغمضات عينيهاا كتنخصص عيات وفشاات قلبها من الخااطر
خلاهاا هكاك وشافو جاي لبيرو وتقاد فكلستو كيمسح فعيينيه من كترت التركيز فليكرون
دخل الطبيب وابتااسم كيحيد لكرفااط وقال: حذيفة !
حذيفة: سيي
توجه لبيرو ديالو كيحط مذكرتو وقال: اسمك صعيب ولكن من كترت مدكراتو ايماان حفضتو حرف ب حرف وانا متاكد عمري غنسااه
تنهد بلا ميجاوب حتى كمل طبيب وقال : كاول سؤال غانسولو ليك نتا كزوجهاا واش لكسيدة كانت صدفة ولا انت_حار
حاط ايدو على فموو كيسمع وديك اللحظة لي بقات فبالو ملي ضرباتها الطموبيل كتعاود فبالو فينما غمض عينييه تفكر كيفاش كانت غادية كتجريي بلا عقل لطريق وسمعات لكلاكصوون وزطمات فالشانطي بلا عقل مقدرش يفسر واش انت_حار ولا كانت غايبة على عقلها فديك الفترة ..تقاد فبلاصتو وبدا كيعاود ليه كيفاش حتى وصلات لديك لحالة وكيفاش لقاها كتحفر والهضرة لي ولات كدخل وتخرج فيها الاحلاام ،الاصوات لي ولات كتسمع
وطبيب كيسمع ويحرك براسو حتى سالا وقال؛ حنا مبقيناش قدام حالة ساهلة غتبرا بشوية ديال الدوا ،قدامناا حالة من الاكتئااب الحااد لي تحول لييها الهلوسة وهوس بالمو_ت ،باش توصل لهاد الحالة والحد الادنى من المرض النفسي لي الى ماتشافاتش منوو غتولي حالتها من ثنائي القطب وديك السااع الانقطاع على الدوا كييولي بحد ذاتو انت_حاار للمريضة باش نشرح ليك كتر وراه ورقة مرسوم فيها هرم وكل خانة فلهرم ملونة باسم بقا غادي طالع شوية بشويية كيشرح لييه حتى وصل لتحت القمة وقال :شفتي هاد الخانة الحمراء هنا فين واصلة ايماان مكيفصلهاا على ثنائي القطب غير شوية ،مغتبقاش عارف معامن كتعيش واش انسانة مريضة ولا صحيحة هاد المريض مكيبقاش عندو تفكير ،مكيبقاش مسؤوول ورسميا كيوليي مريض نفسي بينو وبين الحماق غير شعرة رقيقة ساهل تقطع ،فهمتيني؟
حرك راسو بااه
_كيف قلت ليك ايماان قادرة تعرض راسها للخطر فاي وقت فييه بووحدهاا انسانة ولات كتشوف حياتها سودوية مقتااصرة على انسان واحد يضوي حياتهاا لي هوا نتاا ،شوية بشوية ولات كتشوف راسها كاتظلمك وخاصك تبعد عليهاا وان بالنسبة ليهاا ما حدك حداها كتزيد تعدب ، شرحات ليا لفلوس لي خسرتيي ..الادمان لي غادي وكيزيد لكاارو ..اهماالك لصحتك ولروتين حياتك الكالم ...شوهات سمعتك على قولتهاا ...وبزااف بزااف مفادهم حذيفة
كتحس بييك كتبغيها شفقة لحالتهاا وبليي مقادرش تخليها بوحدها غير حييت مريضة ،وهدشي كييزيد يازمها ويزيد عليهاا
غنعطيك حل وحييد لحالتكم ايمان خاصها دخل ل مركز نفسي باش تعالج ضروري ومؤكد وفاسرع وقت خاصها رعاية طبية مشددة على جانبها النفسي وتانياا خاصها فترة تبعد علييك بااش ترتب افكاارهاا وتعرف تماماا واش حبها لييك صحيح ولاا غير تعلقاات بيك فلوقت لي كانت وحييدة ،فحالة ايماان ربماا الفرااق انسب حل الى كانت كظن بليي كضرك كتر مكتنفعك
بقا كيسمع ليه بهدوء ومركز مع كلامو حتى شوية ولاا كيعطيه معلوماات على لبلااصة
_ سونتر زويين غترتااح وغتحسن نفسيتهاا فييه اطر طبيية كفوئيين .فييه مساحة كبييرة وانشطة مختاالفة لي يقدرو يخرجوهاا من ديپريسيون لي هي فييه انا كل سبت واالاحد كندوزو تماا كنشوف لمرضى لي عندي كنكلس معااهم وكنشووف التحسن لي كيوقع تماا ،تيق بيا الاحسن ليهاا ولييك هوا تدخل تما باش تجدد نفسهاا
حذيفة: شحال تقريبا ديال الوقت لي تبقا فييه
_على حسب حالتها واستجابتهاا منقدرش نحدد ولكن يقدر من ربع شهور كتبدا تبان النتييجة
تقاد فكلستو مصدوم: ربع شهور
_ ممكن كثر ومن بعد غنتبعو بالجلسات و الدواا حتى نوصلو لنتيجة مُرضية من بعد غنخففو الدوايات ،انا عارف صعيبة علييك ولكن راه انسب حل وهي رحبات بالفكرة و وافقات حيت بغات تعالج بغات ترجع طبيعية حيت عياات
كلام مكانش سااهل بالنسبة لحذيفة حس براسو تهز حتى لسماا وتحط على الضس
راجع بيهاا لدار وكلام الطبيب بحال شي سيناريو كيتعاود فعقلوو ،هي كالسة ومتكية راسها على الزاج وسط عالم بوحدهاا ،كتشوف فالشتاا كتهبط على الزااج بهدووء
وضجيج فعقلها وقلبهاا حتى حسات بايدو سخونة كمشات ايدهاا وقف فسطوب وشاف فييهاا ،تبسمات لييه بلطف باس ايدها معبر ليها على بزاف ديال الهضرة ترااكمات عندو مقدرش يخرج حتى حرف
راجعيين لداار من بعدماا رصاو امور المركز واتاصل الطبيب خدا ليهاا بلاصة وهاد لمرة هي لي تكلفات بلخلااص كيف قاليه الطبيب ماعتاارضش وكانو ملااين هوماا ولكن على سبيل صحتهاا تعطي كتر
غيخصها تجمع حوايجهاا باش الصبااح تكون مستااعدة للعلااج
وصلو لداار من بعد يوم كاامل على براا جاب معاه عشااهم وطلعو لدار ساكتيين كانت مهدودة بدل وصلى وبقا غير بشوورط كالس كيخمم حتى دازت هزات لفوطة دخلات لدووش سمع لما تطلق وتحناا شد راسوو فلبييت وقلبو كيتعصر
وقف بغا يمشي يكمي حتى سمع تنخصيصها من الدوش بقا واقف متردد واش يدخل ولا يخليهاا ،ماعطاتوش خاطرو وحل الباب لقاها كالسة مزال مادوشاات فوق لاشااص كتبكيي غير شاافتوو نااضت ترماات فييه مزيرة علييه كتبكيي زير علييهاا كيبوس فعنقهاا وكتفهاا ويشم رييحتهاا لي غيتحرم منهاا لشهور حل عينيه محقونين بالد_م مدمعيين وقال : كلشي غيفووت وغترجعي حسن من اللول انا نصبر على بعدك (تنهد )غير برااي لياا (بضعف )مبقاش حذيفة بلا ايماان ،نساي كلشي ومتنساايش بلي كنبغييك عفااك
خرجها لبييت كلس قدامهاا كيمسح ليها فوجهها وهي كدالك وقال: تبغي نشوفو شي فيلم بجوج !
ايمان: وخة
وقف كينظف حلقوو وقال: خرجات ديك لاسيري لي كنتي كتسنااي نشوفوهاا نييت راه كاملة
حركات راسهاا بااه مشا جاب لماا طفاو الضو وتخشاو فبلاصتهم متكيها فحضنوو ومشابك ايدو معاهاا ساهرين على مسلسل امريكي كيعجبها من حلقة لحلقة في هدوء وسكيينة وكل مرة يشوف السااعة كيحس بلي الوقت معاند معاه وكايجريي كتر من القيااس
تسالات اخر حلقة وقال: فيك النعاس !
ايمان :لاا ونتاا
تكاا وتكاها على دراعو مقابل معاهاا كيداعب بشرتهاا و شعرهاا باسها فجبهتهاا وتفنن فتقبيلهاا فشفاايفهاا حتى ضرهاا وحبس مشارك معاها الحديث كيتدكروو بعض الاحداث الزوينة لي دوزوهاا فكرها فبلجيكاا فكرها فلبحر فكرهاا فبزااف ديال لحوايج خلاها تبسم ويطلعو حناكهاا بالضحك تبسم لمنظرها وبااسها فجبهتهاا وقال: الله اخلييك ليا اعمري
جوابهاا كان تزيد تقرب وتغطس فحضنو بتنهييدة عميقة زير عليهاا بقات كتشم فريحتوو سادة عينيهاا وكتخمم حتى طلع الصبااح وصبح مهموم وهي كتر كتجمع فلباليزة لي غتحتااج ملابس مرييحة ورياضية سبرديلات ومونطوات لانه الحال غيبرد والمنطقة لي فيها المركز جات خارجة على المدينة كتكوون بااردة
كاع لي غتحتااج جمعااتو حتى جاا عندها هاز تيليفونها شافت فييه وشافت فالتيليفون وقالت: ياك قلتي تهرس
تنهد كيمدو ليها وقال: الطبيب نصحني باش نعطييه لييك وخة مكنتش باغيي (مدو ليها )عفااك خلي راسك وبرااي بعدي من الحاجة لي تزيد علييك
حركات راسهاا بااه ودارتو ف الشانطة فطرو ولبساات عليهاا ملابس دافئة وخرجو من الداار وفايدها وريقاتهاا والضوسي ديالهاا ،مطلقش من ايدهاا حتى صونا تيليفونو لوسط طلع اسم ودياان وقال: جاوبيهاا غتكون بغات تهضر معاك
هزات التيليفون جاوبات وديان بهدوء حتى قالت: نقدر هاد الايام مانتواصلش معاكم
هنا المقصود بيهم حتى حذيفة شاف جيهتهاا ورجع وجهو لطريق ساكت
وديان: انا المهيم عندي هوا ترتااحي واحسن بلاصة ترتاحي فيهاا هي ديك لبلااصة ،بغيتك ترجعي ايماان حسن وتنسااي كلشيي وتخليه ورا ظهرك
ايمان: ان شاء الله
وديان: مغنبرزطكش ولكن غنفرح ملي تهضري معاياا ونعرف بلي رااك بخير
قطعات معااهاا خدات منهم الطريق قرابة السااعة لوكاليزاسيون عطاتهم واحد الارض بحال الى طايحة فيها قطرة مااء من جنة ،مساحة كبييرة كلها شجر بحال الغابة
تحل الباب الرئيسي الكبير من طرف الامن ودخلو فواحد الرصيف عامر شجر ولكراسة بيضين مزلعيين فديك الخضوورة الطريق كلهاا ظل بالشجر حتى وصلو لبارك ديال الطموبيلات لقلال تماا ومجموعة ديال لبيكالات مصافيين فلبيض مسلوبة بلجمال تشدها من ايدها تبسمات ليه وقصدو باب المبنى الكبيير لي لوسط مكون من 3 ديال الطبقاات وكبييير محلول الباب كيبانو ليها النااس غاطسين وسط الشجر والخضوورة
طلعو دريجاات كيصادفوهم بناات بلباس ابيض بابتساامة قدمو راسهم انهم مساعداات طبية مكلفين بنظافة المبنى وجهوهم عند الاطباء المقيمين ف المبنى رحبو بييهم وبداو كيورييوهم كاع المرافق لي كايينة
السبااحة
ساحات الريااضة ،التنس، الكرة ،كرة السلة ، مرافق الدرجات
الزرااعة، الرسم،الموسيقى ،اليوغا وقاعات الرياضة والرقص
_انا متاكدة غتخرجي بخير ومرتااحة . هناا كاينين نااس غير كيعيااو من روتين المدينة كيجيو يدوزوو ايام هنا كيرجعو بخير
حذيفة(بمزاح) : كاينة شي بلاصة لياا
_هههه مرحبااا خاصك تشد النوبة
ضحكو وطلعاتههم لفوق فين كايينين لي شوومبر كل واحد وبييتوو داتها لبيت حلات بالساروت ورحبات بييهم دخلوو كيشوفوو فلبييت مشمش وفيه ريحة زويينة ،تبسماات ملي شاافت مجمووعة من الورود فلبييت وشافت ف حذيفة وغمزهاا
ايمان: واش الورد صدفة ولا وصيتي عليه ؟
كان طبيب سول حذيفة شنو لحاجة لي كتريحها فلبييت وجاوبوو بلي كيعجبها الورد الحمر والبيض وهادشي نيت لي كان لبيت كلو فيه ريحة الورد
فراش كبير فلوردي باارد دوش فواحد جيهة بلاكار ديال الحوايج بلاصة ديال لمرااية ومجورة
مشاو لديك الطلة كان بالكون دائري مدور ب اطراف العود ك زينة ونفس الوقت حمااية لا يطيح شي حد من الفوق فييه كلسية صغيرة
عجباتهم لبلااصة ورتاح علييهاا شوية ،مغتحسش بالوقت هناا وخة دوز حتى عاام
بعد الاجراءات طلع ليها الشانطة ديالهاا عاوناتها الفرملية باش تقاد امورهاا وحوايجهاا فلبلكاار وهبطاات معاه حتى لطموبييل والفرملية بقاات بعييدة واقفة كتسناهاا شد ايدهاا بجوج مساخيش يرجع ديك الطريق بووحدوو وقال: تهلاي فراسك
ايمان: حتى نتا (طلقات من ايدو وعنقااتوو زير عليهاا مسااخييش بييهاا بداو دموعها كيتساابقوو مقدراتش تحبسهم ،مسحهم ليها وباسهاا فحناكهاا وهي كتنخصص )
حذيفة: كنبغييك
ايمان: حتى انا كنبغييك هء
تبسم ليهاا وطلق من ايدها رااجع باللور ..شداتو من قميجتوو كتبكيي وقالت:حذيفة
غمض عينيه بتنهييدة حارة باس جبهتها وقال:العهد بيناتناا
جات لفرمليية شداتهاا من كتاافها بطبطة وقالت : الوقت دغيا غيدوز
كتشوفييه غادي لطموبيلتوو مهزش رااسو حتى ركب مباغيش يشوف جيهتهاا ويبعد عليها شوية بشوية دغيا دور الطموبيل وعطاهاا بظهرو حتى غبر فداك الممر
البعد علييهاا كان بالنسبة لييه صععييب صعيب لدرجة كبييرة قسحااتوو غادي وعاض فالصبر حتى عياا و وقف جنب الطرييق كيكميي وبلاصتها خاوية جنبوو
ماشي هكا توقع حياتهم ولا مشاكلهم ، المريض النفسي مع الوقت حتى لي ضاايرين بييه كيمرضو معااه هازين الهم وحاضين الشادة والفاادة حتى هوماا نفسيتهم كتكفس وكينشطو ويضحكو غير لكان الشخص المريض نااشط
هدشي لي ولا كيعاني منو لا خدمة بقات كتبان ليه لا خروج لا دوران باغيها غير تولي بخيير ويعيشو لي قسم الله في اماان
مشا نيشان لخدمتوو حاول يتلف كالس فلبيرو ديالوو قدامو مجموعة من لموديلات ومعااه شي ناس من الشركة كيتاافقو على كوليكسيون ديال الشتاء شنو يديرو شنو يوجدو كيفاش غتكون كيتشاورو معاه حيت هوا المصمم لي مكلف بهاد الموسم ولكن عقلو غاايب
كيحرك راسو ليهم كلمة يسمعهاا وعشرة لاا
من بعد جولة فوق لبيكالاا مع الفرملية لانه الارض كبيرة والمرافق كل وحدة بعيدة على وحدة مخلاتهاش دقيقة وحدة تنفاارد بكاات حتى عياات و وقفاتها باش تولي بخير ويرجعوو وهدشي لي عطاها القوة والصبر ،حيت بغات تعالج بغات تشوف الدنيا من جانب مشرق عكس الظلام لي عايشة ومعيشة النااس فييه
خداو جولة كبيرة فديك الارض المغولة بالشجر والنباتات والزرااعة لمشاش وبلاصة فيهاا الدجاج والبط والوز وكل ما هوا اليف
كل مكيزيدو الطريق كيتلاقاو مع مقيميين تماا كيديرو الرياضة ولا كيلعبو التنس ولا كيمارسو شي نشااط ف الجردة لمهم كل واحد عايش حريتوو ومستمتع بالجو النقي
من بعد هادشيي شافت طبيبة تماا هي لي غتكلف بوقت الدواء ديالهاا غتعطيه ليها بايدهاا وغتحرص على شربهاا دواهاا وفعلا بعد يوم كاامل تماا شرباتهاا دواهاا ومشات لبيتهاا جبدات صورتهم حطاتها حدا راسهاا شوية هزاتهاا حاضناهاا ومغمضة عينيهاا كتبكيي لوقت طويل عاد رخاها الدوا ونعساات
اما هوا كي رجع لدار فوقت معطل ضربوه لحيووط والدار لي سااكتة بقا واقف مدة عند لباب كيشووف كيتسناا يكون كيحلم وتجي تعلق فييه من شي قنت على قصد تخلعو كيف موالف ،ولفاتو شقاوتهاا وفينما شافتو عياان ومستريسي كتفاجئو بشي ليلة زوينة ولا هدية بسيطة بخط ايدهاا ولا تحمقوو بشي براانك بينها وبينوو
اول متفكرهاا تبسم ولمعو عينو
الحب الصاادق الحقيقي،ماشي كلشي كيوصل لييه انك دير اي حاجة فسبييل تشوف الضحكة مرسومة على شخص عزيز بلا متسناا مقابل من غير الود والحب هناا حصلتي علييه
وايمان كانت فعلا كدير اي حااجة فسبيل تفرحو وتفرح وتعيش زواج مستااقر وعلاقة حب طويلة ،هدشي خلاه هوا بنفسو يتعلق بيها اشد التعلق ،مكيفارقهااش لا فسفر ولا فتسوق ديما فجنبوو وديما فجنبهاا
الغربة خلاتهم يكونو عائلة لبعضياتهم جامعاهم طبيلة فكاع المناسباات جامعاهم صلاية فكاع الصلوات الخمس
اشياء بسيطة ولكن كتخلي بصمة عندهمم
هي هازة صورتهم وهوا كلس فالضس جابد بزطاموو كيجبد منوو بزاف ديال لويقاات مكتوبين ومرسومين بخط ايدهاا كيبووس فييهم ويشم ريحتهمم
،
دازو اياام الاولى عليهاا فلمركز صعااب حالات الهلع ،الهوس ،الاحلاام
الغوات التهرااس البكاا اضطرو تبقا معاها فرمليية فساعات نومهاا الدوايات عراام فواحد لمجر مسدود سوارتو فقط عند الفرملية عامر وكل واحد فوقت واحد كينعس واحد كيهدئ واحد كيخرجها من الهلوسة وغاديية الاموور هكاا
هوا بدورو ولا عايش مسلوب الرووح مكرهش يبقا ليل ونهار براا من خدمة لخدمة وريتو كتهلك بلكاارو وكيشوط فيهاا ،حس براسو دخل فحالة صعييبة فالوقت لي كان باغي يخرج ايمان منها لقا راسو غادي وكيطيح فالعزلة والبعد على الله ورفض الايمان بالقدر خيره وشره
دخل لدار مصمم يجمع راسووو وكيسول فراسو تحت دووش
مالي ولييت هكاا ؟ جمع رااسك توكض اش هاد لحالة واش سيفطتيها تبراا باش تجي تلقااك مرييض
وكيفاش عطاتو خاطرو ما مرة ما جوج غلبو الشيطان وخلاه يفكر ف الشراب ينسي بييه كيلعن الشيطان فاخر دقيقة ويبقا يستغفر
هز الطووندوز دوز على لحيتو لمغووفلة وشعروو حتى هوا قنطو المظهر ديالو وبغا يجدد فرط فشعرو ربما نفسيتوو ترتااح ضرب الجوج لشعروو تعطر وخرج قاصد المولى عز وجل مشا لاقرب جاامع لييه بجلابة دافئة تقاشر بويض وبليغة
جا مع صلاة العشااء صلى وتخشع جدد ايمانو واستغفر على افكاارو واعد راسوو ونفسو يبعد قدما قدر على السووء وعلى المعصية
فرجوعو لداار خدا اول قرار يحيد علييه البلية ديال لكاارو رما علييه لباكية ولبريكي لي كانت من نوع لغاليي هرسهاا ولاحهم فلبركاصة عاد طلع لداروو طلق فيها القراان وشوية ديال العوود وقرر يجمعها ويستفهاا ويطوي حوايجها وبروديوياتها فبلايصهم لوقت طوييل غير باش يتلف ما تفك حتى ودن الفجر صلاه ونعس
دخلو فالشهر لاول بلا ميتواصلوو كان تواصل ديالو مع الطبيب كيعطييه الجديد ونهار تكون مستاعدة باش تشوف شي حد غيعلموو وهوا كيتسنا على احر من الجمر نهار يلقاها على خير هدشي لي مصبروو على شوقو لييها
على ابواب راس السنة الجديدة دخلات فشهراين ونصف علااج ،بحداء ريااضيي وسورفييت بييج كتمشاا وسط الطبييعة كتاسبات وزن زائد خدودها عمراات جنااب صدر وشوية ديال لكرش وخة لصال وخة كتحررك الدوا كينفخ ،الوزن مشكلش ليها عيب لانه جا معاها ومع وزنهاا ولكن كيبقا وزن غير صحيي وكيعيها لانه بسباب الدوا لي كتشرب
بدات كتحسن شويية نفسيتها رتااحت بعدات كل البعد على التيليفون وشنو واقع براا حطات فلوسها وفعلا بدات كترتااح حاجة وحدة لي ضاراها فخااطرهاا هي شوقها لحذيفة ومزال كتقوول بليي خلييه ملهي فحيااتو بلا منرونها تااني وخة كتقاتل باش تحيدو من بالها دقيقة فالنهار مكاتقدرش ، هوا ماشي مرض ماشي هوس هوا حب هوا اماان هواا عوض
هدشي كتشرحو لطبيب فكل جلسة علاجية لييهاا ضروىي يكون اسمه مدكوور ودائما كيطرح عليها نفس السؤال واش مستااعدة تشوفييه
كان جوابهاا دائما ومدة شهراين ونص هواا التردد وكيجي من وراه الامتنااع
دائما قبل ماتنعس كتسول راسها واش نسااني واش برد من جيهتيي واش رتااح من هميي
راسها بداو كيترتبو افكااروو وبداات كتشووف بلي حياتها كانت فوضى وعمرها قالت اجي نرتبهاا ،خلات كلشي يترااكم حتى ولاات فحالة صعيب ترتب فيها رااسها وخاص لي يرتبها ويعاود يرممها من جديد
عيات وكلساات فواحد لكرسي خشبي بحال الارجوحة لاصق فالشجرة كدحرج برجلهاا وايدها فالجيب ، صوت لفريخاات فالشجر ولكلاب من بعييد كتشوف شي وحدين كيلعبو التنس ولاا كرة المضرب فجهة بعييدة
ريحة الطبيعة المخلطة مع ريحة الشتاا ليي عاد طااحت ،الجو باارد وشميشة داافية ضاربة فعينيهاا صفات لونهمم الازرق ورجعات ابرونق لشعرهاا وبشرتهاا لي رتاحت من كترة البرودويات وبدات كترجع الحاجز الطبيعي ديالهاا
غمضات عينيها كتستنشق ريحة والهدوء حتى سمعات صوت الفرملية وراها تكات على راس الكرسي وقالت: عندي لييك خباار زويينة الى عجباتك
ايمان (حلات عينيها بابتساامة ) شنوو
_ راس العاام بقات ليه غير شي يومااين
ايمان(ضحكات ) راه قلت لييك مكنحتاافلش بييه
_ولكن كاينة عطلة ساارية على كلشي ماشي بالضرورة تحتاافليي ...فراس العاام تيكوون واحد لجو زويين هناا كنديرو حفلة ديال الشوااء ،متخافيش حلاال حيت كيجيبوو حولي
ايمان: ولكن واش مدبووح ههه
_مدبووح طبعاا حييت راه كاين هنا لي ݣاوري ولكن مسلم وباش منطيحوش فهدشي كنجيبو اكل لي غيااكلو كلشيي
ايمان: بصح ! بان ليا غير انا لي عربية هناا
_لاا شفتي لي كيلعب ب تنس
ايمان:سيي عرفتوو فحصة الرسم
_ هداك جا على وديت الادماان راه نصوو عربيي ونصوو اسبانيي
ايمان: اااه قولي لياا وديك البنت راها كالسة بوحدها لي عاد جات مؤخراا
_ااه ميليس ..فرنسية كان عندها اكتئاب وملي كتحس براسهاا عيانة كتجي هناا
ايمان: ااه يعنيي قدييمة هناا
_سيي مدة طويلة وهي مسجلة هناا .دابا خليناا فلحفلة لي منظمنييهاا مسموح ليكم تجيبو شي حد بغيتو دوزو معاه راس العاام ...متعيطيش زعمة لداك زويين تعرفيني بييه
ايمان(تقلبات عندها وقالت)هداك راه رااجليي
ضحكات لفرملية وقالت: عرفتو راجلك مالك جاتك الغيررة هههه غير كنضحك معااك غيكون توحشك وحتى نتيي موحشااه الى كنتي باغة تشوفييه هد المنااسبة احسن وضع ونزيدك مسموح ليكم داك النهاار نييت دوزوو نص نهار بجوج على براا سوا الصباح ولا العشيية فقط
ايمان: زعمة نخرج (جاتها الرهبة )لاا مبغييتش
_ هي نويتي باش تبقااي هناا حياتك كاملة! راه ولابد واحد نهار غيخصك ترجعي لحياة الطبيعية ،حياة لي فيها بناام ..فيها نااس جداد فيهاا خدمة فيها قرااية فيهاا احدااث بزااف ...خاصك تبداي تاقلميي حناا مكنعاونوكش باش تولفي غير هناا ...حنى كنعاونوك بااش تكون عندك نظرة اخرى للحيااة واش فهمتيني ازوينة !
حركات راسها بااه وقالت: ديري الخطوة الاولى خرجي معااه شوفي كيفااش غتحسي من جيهتوو ،هادي تجربة عليها غتكملي العلااج ،ربماا هداك لي كتهربي منو يكون علاج لييك
ايمان: خفت ..خفت يكوون نسااني وبدا حياتوو كاالم ومرتااح و نرون ليه حياتوو ...داك الراجل تقاس فكرامتوو بسبابيي ...صغارت صورتوو قدام دارهم بسبابيي ،شحال جهدو يصبر لهدشيي ..كنحاول نتاقلم على فراقوو باش نقدر نكمل فحالة الى مكاانش
_ شكون قالييك نسااك واش اكد لييك بلي بدا حياة جديدة بلا بييك ؟ ،علاش غتاخدي بحال هاد القرار بلاا متسولييه وتوضعو النقط على الحرووف نتوما راكم مزوجيين بيناتكم ورااق وحب وسنين ميمكنش تفارقو بلا حتى كلمة ، ربماا تبقاو اصدقااء من بعد الى فعلا حسيتو بلي نتوما كضرو بعضياتكم ،ولكن هدشي خاصو يكون بحواار ونقاش ماشيي تبقااي تقولي صافي خلييه يعيش حياتوو
ايمان: كاين واحد المتل عربي كيقول (كتفكر فترجمتو للاسبانية ) البعييد عند العين بعييد عن القلب
_ياك بعد علييك ربع سنين قدرتي تنساايه
ايمان: ولكن هوا قدر يكمل حياتو فديك الفترة بلا بياا
_متنسايش بليي جرحتييه بهضرتك ومع دالك فاول فرصة حتاجيتيه جاا عندك
ايمان: وهدشي لي بغيت نقولييك ،مزال عندي نفس الاحساس بليي كيبغيني شفقة وصافيي عندي احساس بليي حياتو بلا بيا غتكون حسن ،كنفكر مع راسي وكنقول ياربي مقلبتش علييه وخليتو يكمل حياتو بلا بياا كون دابا راه مزوج وعندو وليداات يونسووه ماشي تابعني من حمق لماكتر من الحبس لسبيطاراات هوا موالدنيش باش يتحمل كلشي وكنرجع نقولهاا ، لي واليدينيي وداروو جهدهم كامل باش يهرسونيي وها نتيجتهم كنخلص عليها فلوس كتيرة وشوف تشوف واش نبرا ونرجع نتقبل كلشي بايجابية
_ متسرعييش والقرار كياخدوه جوج ديال الناس حنا كنهدرو على انسان عارف مصلاحتوو هوا ماشي مجبوور يبقا معااك ونتي كدالك ولكن الى كان الحب بيناتكم كلشي كطيح صلاحيتو ..مثلا قولي لياا ؟ لوكان هوا لي داز من هاد الظروف كاااملة لي دزتي منهاا واش غتوقفي معااه ؟ واش غتسنديه كيف سندك ، واش مغتعطيش على ودوو بزاف باش يتعالج ويكون احسن ؟
ايمان: بلا منفكر نعطيه روحي الى حتاجهاا
_روحك غير صالحة للعطااء ازويينة ... حنا ك ناس محتاجيين للعطف سوا مرا سوا رااجل ،ميغركش طولهم وقسوحيتهم .من لداخل شحال من رجل كيكون طفل صغير كيكون هشيش قدام لمرا لي كيبغيي صعيب يضرها صعيب يجرحها ولو بشوية (رتبات ليها شعرهاا ) ياله دخلي باركة علييك وقت لغدا هدا ،العشية عندك حصة ديال الرسم
ناضت وهي عند بالها انها كانت فحوار عادي ولكن الفرماية كانت معاها فجلسة قصييرة تعرف شنو كتفكر وكلامهم كلوو غتقولو لطبيب حرف بحرف
دخلات تغداا متبعة حمية لانه وزنها تزااد كتحاول تااكل اكل نظيف حيت معارفاش مصدر اللحم منين جااي وخة تشهااتو ولكن مقدرااتش تقريبا اكلها كامل عبارة على حووت وشلاايض عواصر و فواكه وبيض
بقات كالسة فحصة الرسم موراهاا حصة اليوغاا سادة عينيها وشاداها دغدغة فلمعدة ملي كتفكرو وشنو دير اتااصل بييه ولا لاا
من بعد يومها قصدات الدووش دوشات حيدات لعرق وقصدات مكانها المفضل ونيسها فهاد البييت فرشات صلايتهاا الورديية لبسات العبااية نوراات وجهها صلاة العشااء وبقاات كالسة على الصلااية كتقرا فاخر صفحات القران الكرييم وبفضل الله وتقربها منوو هادي تاني مرة كتختموو
قبل متنعس كتسبح بتسبييح مهاا دعي معااهاا وتقرا الورد اليومي ديالها وكتشرب دواها وتنعس بكري ،معمرها حلات تيليفونهاا ولا شعلاتوو ملي جات ..من بعد الختمة رجعات لسورة البقرة كتحاول تحفظها وخة مزال كتغلط فنطق شي كلماات ولكن كبدايية خدات قرار عمرها تهجر القران ولو تقرا حرف واحد وتنعس دائما ونيسهاا
ديما كتفكر كلستها مع الحااج والقصة ليي عاود ليهاا ،صوتو وهوا كيرتل القران علييها غير كتفكروو كتبوورش ،وصااهاا وشدات وصيتوو فوحدتهاا كيفما القران كينور القبر راه كينور حتى الحيااة
من بعدما قراات وسالات لبسات بينوار دافي فوق البيجامة وهبطاات كانو الاضواء خاافتة كاين لي مزال ساهر كاين لي مشا ينعس
قصدات الفرمليية لي ديما مرافقاهاا وقفات حداها بتردد تنطقات البنت بابتسامة مادة ليها السمااعة وقالت: بغيتي تصوني !
شداتها من عندها بواحد الرجفة وقلبهاا كيضرب دازت جيهتهاا وايديهاا كيرجفوو عاضة على فمهاا وبدات كتركب رقمو لي تحفظ فداكرتهاا حتى سالات الرقم وغمضات عينيهاا ملي سمعات الخط دااز كيصوني حتى تقطع وخاب ظنها وقالت: مكيجاوبش غيكون خدام
_ماشي مشكيل عاودي صوني لييه
ايمان: لا صافي بلااش ،بلاش
_على خااطرك
طلعات لبيتهاا وشوقها لييه تضااعف كانت متشوقة تسمع صوتو ولكن جاتها الخيبة ملي مردش
الاخير كان ماخدامش وناعس فالبييت مرون و الدوايات حدا راسسو مريض بالروااح ومع عطلة راس العاام كلشي كونجيي وهوا مدوزو تحت لمانطة و السخاانة طاالعة لييه وقف بحال الى واكل لعصاا ملي سمع تيليفونو فالصالون كيصوني ناض بزز يجيبو عينيه محلولين بزز
فهاد الايام كان كيهز لموطور بزاف وكيمشي حدا لبحر يكلس كلاهاا فصدرو فلبرد عاد تكمش فدار
لقا نمرة جديدة وفلبلاصة دوز النمرة بلا ميتردد جاوباتو بنت وقال: اولاا
سكت شوية وقال: شكون معاياا ..عاد شوية هدا صونات ليا هاد النمرة
_سيي نتاا (كتقرا فلورقة قداامها)خو هوديفة
حذيفة: سيي سيي
_ تسناا واحد الدقيقة
حذيفة:واش سونتر؟ ايمان لي تااصلات بياا
_تسنا واحد دقيقة ونجاوبك
خلاتو شاعلة فيه العافية كتر من لي شادااه داباا لوا علييه ملااية ودار القب هزاه الرعدة كالس فلقنت كيعطس كيعطس حتى جااه الرد فودنوو بصوتها ليي ميخفااش علييه صوت هادئ انثوي حنين : رحمك الله
لماذا لماذا طريقنا طويل مليء بالأشواك..لماذا بين يدي ويديك سرب من الأسلاك..لماذا حين أكون أنا هنا تكون أنت هناك
وقف ومامتيقش واش صوتها واش هي ؟ ولا غير كيهتر بالسخاانة
حذيفة؛ ايماان ؟ ايماان
ايمان(غلبو عليهاا الدمووع ملي سمعات صوتوو ومقدراتش تهضر برجفة شفايفهاا وهوا كيعاود الوو الوو وهي سااكتة حتى وعات على نفسها وقالت ):ااه واش نتا لبااس ؟ صوتك (مسحات عينيهاا)صوتك مبدل واش مروح ؟
شكون باقي حس بالروااح الفرحة خرجاتو من المرض وضحك وقال: بدلتيي حاليي مليي سمعت صووتك العمر والفنون دياليي
تبسسماات ساكتة وحنااكهاا تزنكو كانها اول مرة تسمع منو هاد لكلاام كيسمع صوت نفسهاا وانها كتهضر بهمس وصوت لطيف دخل معااه بحال لبنج ...
ايمان: حذيفة
سمعات تنهيدتوو وغمضاات عينيهاا حتى كمل هوا لكلام وقال: توحشتك ،توحشتك وكلمة متوصفش شنو كنعيش بلا بييك
ايماان (تبسمات بحب ) : حتى اناا توحشتك صورتك فبالي فكل وقت مونساني وخة بعيد علييا
حذيفة: قولي لياا جي داباا نجي نشووفك
ايمان: ههه مشا الحال
حذيفة: نجي غدا اعمريي ؟ مسموح ليك ؟
ايمان (ميلات راسهاا بحناك سخااان وشحال توحشاات هاد لكلام الزويين بيناتهم وخة حاسة براسها حشمانة بحال الى اول مرة تسمع منو هدشي ) بغيتك تجي عندي نهار الخميس ..مسموح ليا باش ندوز معاك نص نهار على براا
حذيفة: واش بصح ؟؟ نجيي نجيي ههه احسن حاجة ،واش خاصك شي حااجة احبيبي نجيب لييك معايا شي حاجة ممم
ضحكات بخفوت وقالت: جي غير نتاا باركة ...حم غيخصني نقطع حيت وقت النعااس هدا ...تصبح على خيرر
حذيفة: فرحت لي هضرت معااك، وغنزيد نفرح ملي نشووفك
ايمان(بخفوت) : تصبح على خير
قطعاات وقلبهاا كيضرب وحسات بنعشة فقلبهاا طلعات لبييتها مبتااسمة وفرحانة تكات ففراشهاا مغطية من لبرد هزات صورتوو باستو ورجعاتها لبلااصتهاا كتشوفييه حتى نعساات
اما هواا نعس بحال المقطووع فرحاان لي سمع صوتها بخير وخة ديما اخباارهاا كتوصلو من الطبيب ولكن باش يسمع صوتها شخصياا حس بالرااحة وعطاتو امل بليي الامور غتحسن ان شاء الله
رجع لبلاصتوو مغطي والسخانة سادة ليه العينين و النيووف مسدودين نعس حالتو بالمرض ولكن خاطرو مرتااح ومتفائل خير
ايمان بلفرحة لي فيهاا كلسات هي ولفرملية كتختار شنو تلبس وبما انه مجايباش حواييج لخروج قررات تكموندي من برا ونييت مع الوزن لي زاد كلشي ولا كيجيها مزير غيخصها تاخد طااي جديدة
واليوم الموعود قلبهاا كيضرب بالحمااس والخوف كلشي مخلط شداتها نوبة هلع خفيفة وكلساات كترتب تنفسهاا مع لفرمليية لي مفارقتهااش ..عطاتها دواها ديال الفترة الصبااحية ولبساات دجيين لارج فلبييج مع بودي لاصق وفوق منوو جيليي فلمارون ولتحت مصوف تريحاات مشطات شعرهاا سامبل وعطراتوو وكلسات كتسناا الوقت لي مابغا يدووز
كالسة لتحت فواحد القاعة كبيرة فيها فوطوياات كطل على براا كتمشيي وتجيي مرة تهضر مع شي حد مرة عينيهاا يمشييو لجيهة لباب نداتهاا سيدة خمسينية كتلعب كرة الطاولة وقال: بياانكاا تلعبييي معاياا
شافت فيها وتبسمات وقالت: كنتسناا شي حد
_اوووه شكوون
نطقات الفرمليية كضحك وقالت: واحد الشخص بحال الى خارج من ابطال الروايات
_ ههههه داكشي بااش مزنكة وفرحانة مممم
ضحكات ايماان مربعة ايديهاا قدام الزاج كتشووف ،كتسنا بفارغ الصبر تشوفو ،شافت فلفرملية وقالت: تعطل
_نهار كلو ديالك صبريي وتنفسي مزياااان
ايمان: والى مجااش
نطقات السيدة كضحك : هوا لي خااسر .. وغنسهرو اناا ويااك فاحسن بلاصة اليوم
تبسمات ايماان بخوف انه ميجيش ويهرس فرحتهاا تنهداات حتى كتبان ليها طموبيل كحلة جايية محدها كتقرب محد الابتسامة كتوسااع ملي عرفاتها ديالوو ، مقدراتش تصبر خلاتهم كيهضرو ومشاات بجري خرجاات بحال شي بنت صغيرة شافت باهاا بعد يوم كامل غابر عليهاا
غادية وشعرها كيلعب وراهاا لجيهة لباارك والفرملية تبعااتهاا مبعدة عليهاا
خرج من الطموبييل ملهووف عليهاا غير شافها بحال الى شااف بحيرة وسط الصحرااء بخطووات متساارعيين قرب لجيهتها فااتح ليها ايدوو هاز بوكيه ديال الورد فالاحمر برحاابة صدر باش يعاانق جسمهاا
دوك لخطوات لي بقاوو جراتهم عندوو حتى دخلاات فحضنو وحضنهاا من وسطهاا مزير عليهاا حتى هزهاا عندو بشوق هبطهاا وبااسهاا فحنكهاا بزاف ديال المراات عاد بعدها علييه كضحك وجهها حمر وهواا كيشووف شكلها لي تبدل لحنيكات لي تهزو وزنهاا لي غير شكلهاا دورهاا على راسهاا وقال كيضحك: اش هدشيي ههه شكون بدلك لييا
مد لييها لورد شماتو كضحك
ايماان : ههههه (رجعها لحضنوو استنشقات ريحتو النقيية مافيهش ريحة لكاروو بتاتاا كانت ريحة العطور العربية لي مولف كيدير كتعشقهاا فييه ) حتى نتاا تبدلتيي بزااف ههه
بعدها علييه وقال: شنو تبدل
ايمان(ضحكات كتشوف فييه وميلات راسهاا ) نقصتي اللحية (طلات على شعروو وميلات لكاسكييط بصدمة وقالت: اوييليي قرع ههههه
حذيفة: لوااه لواه ههههه هاد الشعر كلو وقررع غير ولفتيني مغوفل جيتك داباا قرع
ايمان: حرام علييك ...كان شعرك زويين
حذيفة: حتى التجديد زويين راه خلف داباا خاصك تشوفي مليي ياله ضربت لييك لواحد
ضحكات وهوا مبسم ليها تجرها من حناكهاا بايدو باسها فجبهتهاا وقال: شحال توحشتك
ايمان: حتى انا توحشتك
قاطعاتهم لفرملية مبتااسمة وقالت: باش متبقاوش ضيعو فالوقت سني ليا على واحد الورقة اسيدي ونهار ديالكم
حذيفة: وخةة مرحبااا
دخلو لادارة السونتر شاد فايدها مرة مرة يشوفو فبعضياتهم ويضحكو مامتيقيينش بليي واقفين حدا بعضياتهم
تحناا على لبيرو كيقرا فلورااق بليي تحت مسؤوليتوو داباا وميفوتش واحد الوقت محدد باش تجي على حسب الدوا
سنا على الشرووط وعطا نمرتو لييهم مدات ليها الورد طلعو لبيتهاا وخرجوو من تماا ضاحكيين هزات صاك صغير دارتوو وخرجوو وقالت: فين غنمشييو
حذيفة: بلاصة غتعجبك بزااف
حل ليها الطموبييل ضحكات وركباات حدااه كدير فالسمطة حتى جا لجيهتهاا فرحان ومقداه فرحة ،،خرجو من تما شاد ايدها دافيين وسط ايدوو
ايمان: ههه حشمتيني بهاد الشوفات ههه
حذيفة(كيضحك ) راه نتي لي صدمتيني ههه تبدلتي علياا
ضحكاات كتحل فالزااج يضربها الرييح خرجات ايدهاا كتشوف فالطرييق وقالت: كيف غادي مع الخدمة
حذيفة: الحمد الله ..هاحناا ونتي حسيتي برااسك وليتي مزياان (شاف فيهاا )رتااحيتي
ايمان: الحمد لله شوية ... حسن من قبل
باس ايدها وقال: داكشي لي بغييت العمر
حلات لبواط وقالت: مبقاوش هنا نظاظري..هاهوما صافيي
دارتهم من شميشة لي ضاربة فيها
خداو طرييق غير على طريق المدينة شي ساعة ديال الطريق باش يوصل لواحد لبارك ديال الالعاب بحال عيش سفااري بحال شي غابة مصغرة فيهاا الى كان فيك شي خوف كيحييد
كان جسر طوييل بين الشجر كتلبسي حزام الاماان لي لااصق فلخيوط لفووق وكدوزيي
حطو اشيااءهم بحال التيليفون سواارت واي اكسسوار خايفيينو يتلف ركبو ليهم السمطة وليݣات وهي بلخلعة بغات تهرب وكيجرهاا كضحك تجابهاا قداموو
ايمان: لا لا غنطيييح هههههه حذيفة هدشي عاليي عنداك نطييح كيتحرك اوييليي
حذيفة: هههه شوهتينا سكتي غير زييديي اناا شادك
رمات رجلييهاا فيييه كتشوف لتحت واد ديال لماا داايز والجسر كيتحرك والشجر ضاير بييهاا كل مرة تشوف وراهاا تلقاه جنبهاا
حذيفة: عنداااك عندااك
تخلعاات وشدات فتجاكيط ديالو وهوا ميت بالضحك عليييهاا وقالت ولاااا ولا منقدرش
حذيفة: ههههه ومتخافيش راك مربووطة
شدات فييه وكل مرة تزلق ليها رجليها وسط القنب وتغوت مدازو داك الجسر حتى نشفاات
جمعات شعرهاا وقالت: متقولش ليا غنرجعو منوو
حذيفة(جرهاا عندو): الى خفتي نديرو شي عشة انا وياك هناا
دفعاتو كضحك وقالت: ولينا قروود ههه
مشاو كيتمشاو وسط الشجر توصلو لسااحة كبيرة فيهاا نااس كيلعبوو بسلا_ح الكرات الملونة
كيعطيوهم كومبليزو بلون الخزي وكاسك وسلا_ح فيه الكراات
ولداخل بحال ساحة ديال الح_رب كاينين طموبيلاات مشخشخيين ولا رواايض كباار باش يتخبا لواحد كايين شجر صغير وحيط على شكل داار ولكن غير من لعوود هدشي كلو فواحد السااحة كبيرة فين كيلعبو الناس فمجموعاات
مع كتقلب فين تخباا جاتهاا دقة لترمتهاا من طرف سلاحو بكورة زرقااء حتى غوتات وقالت: وقسحتينييي
ضحك وقال : غنحسب حتى لتلاتة ولا غنكرفصك
ايمان(بتحدي ) : قلبتي عليهااا
طلقات كورة جاتو فدراعو وهرباات ماجات فين تخبا جاتها وحدة خراا فقزيبتها وقالت كضحك: حذيفاااا هههه
كل مرة تخباا لييه فقنت مرة ضربو مرة ضاربها حتى سالاو الطرح الاول وعاودو التااني وديما كيعطييها غير لمؤخرتهاا حتى ضرهاا تسالاو الكراات عندها وهربات لييه وتبعهاا بجريي كضحك وتغوت هاربة منو كل مرة كتخبا لييه فققنت وكضربو بلحجر لي طاايح وكترجع باللور وهوا منيش عليهاا
ايمان(بلغوات) :هههه حذيفاااا عيقتيي راه ضريتيني
غطات وجهها تجاتهاا الدقة فكتفهاا تغوتات وناضت لييه وهرب ليهاا من لحجر لي كتسيفط لييه كلسات كتحك فالضربة وكلها عامرة بلزرق
جاها من اللور عنقهاا كتفركل فايدو وقالت: هههه والله والله متبقا فيييك
باسها فحنكهاا كيضحك وقال: نعاودو شيي طرح اخور
ايمان:لا لاا هههه بعد علياا عيقتيي جبتيني هنا تكرفصتي علياا بلمزياان ههه
جرها تحت ايدوو خارجيين من تماا لڤيستير يغسلو ويبدلوو عليهم تعطلات هي كتغسل فوجهها وفايديها بالصابوون حتى دق عليها فلحمام
حذيفة: ايماان وجدتيي !
حلات الباب عليه كتغسل : بلاتيي شي طبعات زرقين مبغاوش يحيدو من وجهي
دخل كيضحك وسد وراه الباب تكا على الحيط كيشوف فييها شافتو فلمرااية كيشووف فيها وضحكات وقالت: غير بلااتي دابا نرجع لييك الصرف
قرب لييهاا جر شعر من عنقها ونطق بهدووء : مرحباا
تبسماات كتمسح فايدهاا وقالت: شدني الجووع هنا كاينة لماكلة ؟
حذيفة: كاين سناك ولكن معرفتش واش داكشي زويين
ايمان: عرفتي ملي دخلت لسونتر مكليت اللحم ههه كنخاف يكوون ماشي حلال
حذيفة: هنيتي رااسك
جا قدامهاا وحاصرها بايدوو كيشووف ف ملامح وجهها وعينيهاا شد دقنها بصبااعو وقال: تشهييت نشوفك عروسة
ضحكات وتهزو حنيكاتهاا وقالت : حتى نتاا غتجي عرييس من داكشيي
هزهاا حطهاا على رخامة لي وراهاا باش تولي فلمستوى ديالوو حسات بنفسوو قريبة حركات نشوتهاا لييه وتعسلو عينيها فييه كتسنااه يبووسهاا ويروويها وهواا كيطيبها بلمهل ،مدات ايدهاا حيدات لكاسكييط و النظاظر ولاحت ايدهاا على كتاافو
كيبووس فكفهاا وهبط لكوول على عنقهاا ومص لحمهاا حتى صدرات انيني خفيف فودنو
طالع مع وجهها كيبوس وكل مرة تعوج راسهاا عندوو كتبغي تبووس كيخليهاا حتى تحل فمهاا ويخوي بيهاا يبوس فقنت اخر
عضات على فمها فقصهاا : تء كتفلاا علياا
ضحك فعنقها وباسهاا جنب فمهاا ونطق بهمس: لبوسان فابوور
ضحكات وقالت: عفااك احبيبي بووسنيي ،يبووسك الخير ههه
حطات راسهاا على كتفوو كضحك وهوا كداالك حتى دمعو عينيهاا وهزات رااسهاا فييه ماجات فيين تهدر باغتهاا بقبلة ،غمضات عينيهاا بتلقائية وحلات شفايفهاا باش تشاارك معااه طقس من طقووس الادمان عندهم بجوج قبلة مصااحبة للمسااتوو الجريئة على جسمهاا حتى نسااو راسهم
حتى سمعو الهضرة براا عاد وعى الدماغ ليي تبلوكاا وعرفو راسهم فيين
ايمان: نسينا راسناا هناا
مساخييش ولكن هدا جهد هاد القنت هبطات عطاتو بالظهر كتقاد حوايجها وهوا مزال مساخيي هيي كتجر وهوا كيجرر تهربات لييه حلات الباب خلاتو حاصل تماا
لبسات عليهاا جيلي ديالهاا وخرجات يضربها لبرد حتى جاتها دقة فمؤخرتها حتى شهقاات حيت كضرها بلكرات لي جاو فييها ضحك وجرهاا عندوو غاديين راجعيين وقالت: كلشي كيضرنيي حرام علييك
رجعو منين جااو من داك لجسر كل مرة يقرصها من بلاصة حتى كتكلس كضحك وكتبقا ضرب فرجلوو حتى سبقهاا وجات نووبتهاا تعطييه علاش كيقلبب عكلااتو قرصااتوو وتجبدات تهبط لييه السروال سعاتي مزيرو بالسمطة مصورات منو والوو..حتى رجعو لطموبييل واحد هارب من واحد
ايمان: حبيبي راه فياا جووع ،الدوا لي كنشرب كيجوعني بزااف
حذيفة: اندخلو لمدينة هناا ناخدو شي حاجة
ايمان(شادة فايدو ) : توحشت دااري وتوحشت مشتيي
تبسم ليها وقال بحب: الدار خاوية بلاا لي منورااهاا ، مبقاا والوو انا مدا بيا ترجعي معايا من داباا ولكن احبيبي صحتك اهم من كلشيي
ايمان: داكشي لي كااين
شافت فالطرييق مبتااسمةة ومن كترت مضحكاات طلعاتها تنهييدة خفيفة ولكن سمعها هوا وقال: مالك
ايمان: مالي ؟ والو
حذيفة:وديك التنهييدة
ايماان: شحال مضحكت قد هكاا معااك توحشت حياتيي معااك
وقف الطموبييل فجنب الطرييق وشاف جيهتهاا وقال: حسيتي براسك شويية ملي دخلتي لسوونتر تبدلات شي حاجة
ايمان: شويية بدييت كنتعلم نتصرف وقت ديك لپانيك لي كتجييني ،مبقااتش قااسحة كيف اللول ... دوك الاحلاام لي كنت كنحلم مبقااوش ، بدييت كنرتااح (تبسماات )
حذيفة: باقة كتصليي
ايمان(بابتساامة ) الدواا عندو نصيب من العلاج دياليي ،ولكن الصلاة ولييت كنلقا رااحتي فوق الصلاية ولا هازة القراان (تبسمات بافتخار) ختمتو 2 مرات وبدييت كنحفظ فسورة البقرة داباا حفضت 3 الصفحاات
حذيفة(بفرحة ) : ما شاء الله ، داكشي لي بغييت قربي من الله تلقااي رااحتك
ايمان: فعلاا عمي خلاها ليا فباليي نسو الله فأنساهم انفسهم
حذيفة: ومتنساايش المؤمن مصااب ربي بغاك تشدي فصلاتك وفقرآنك وتقربي منوو
ايمان: كنفكر منهنا القدام ان شاء الله ندير عمرة معااك
حذيفة: نهار غيكتااب داك المقام غيعيط ليناا ان شاء الله
ايمان(تبسمات ) ان شااء الله
شدو الطرييق وقف قدام ريستو معروف بلكباب حلال خدا ليهم بلا وداه لطموبييل وداها قابلها مع لبحر كلاات وتبنننات حتى شبعاات
جاتها لحظة ادراك بلي معاه من 10 تاع الصباح ودابا قريبة 3 مهزش لكارو وريحتو ولا لكرطونة مكدوورش
ايمان: حذيفة
حذيفة: نعام الزيين
ايمان: قطعتي لكاارو
حذيفة (تبسم ليهاا ): عفا الله عما سلف
ايمان: هههه معقوول فرحتينيي (عنقااتوو ) كان غير كيهلك لييك صحتك ،عندك ترجع لييه
حذيفة: صافي معمرو يطيح ففميي مزال
ايمان: واعدنيي
خذيفة: حتى تواعديني نتيي بليي غتولي لابااس ومتبقاش اي حاجة تاثر فيك
ايمان: كنواعدك
حذيفة:حتى انا كنواااعدك دوزت القطعة ملي مكنتييش ههه دابا تشافييت ولييت انساان عااديي ولكن تبلييت بالقهوة
ايمان : بغيت نستااشر معاك
حذيفة(باهتمام ) : شنوو
ايمان: اناا قررت باش نعتاازل الغناا
تقابل معاها باهتمام وقال: متاكدة قرار لاا
ايمان(قاطعاتو بتاكيد): لا رجعة فييه متاكدة ، انا عارفة راسي مزاال موصلتش لدرجة التوبة الكبيرة من جهة لبسيي ولا شعريي ولكن الغنا اصعب حااجة بغييت نحييدو .. من اللول مي الله يرحمها كانت ضد الفكرة ولكن انا فاللول كنت درتها غير هواية بينما استااقرييت شوية بدييت كندخل لفلووس وتغرييت بالشهرة وعجبني الحاال ومبقاش كيبان لييا لحلال من الحرام فهاد الموضوع ،كنت كنقول ياك مكنتصاحبش مكنزنييش مكنشفر مكنشرب يعنيي تحاجة مكندير معصيية ، ولكن كلشي من بعد تقلب علياا ،شي مرات لفلوس والشهرة كيضسرو وانا هزوني حتى لسماا وخبطوونيي ، خلييت قراايتيي وسمحت فلحلم الاصلي لي علييه كبرت وتبعت الحلم لي كنت باغة نخليه غير هواية وصافي ولكن تغرييت وداباا فققت
حذيفة: من ترك شيئا لله عوضه خير منه
ايمان: ونتا هوا العوض الجميل لي تمنييت
حذيفة (تبسم ليها ) : لهلا يحشمنيي معااك العمر
ضحكاات متكيية على صدرو سااكتيين وقال: ودابا شنو غديريي غتكملي فنفس التخصص لي بديتيي
ايمان: اه غنكمل
حذيفة: الله يسخر
ايمان: ولكن باش نكون واضحيين ،نتا عارف بليي عندي كونطرا ديال الخدمة مع كوسميتيك !
حذيفة: سيي عارف
ايمان: يعني خاصني نسالي لكونطراا ولا نعوضهم ، انا ماشيي فوقت التعويض دابا دونك غنكمل ولكن ماشي بحال اللول ،مغنكونش اكتيف كيف اللول حتى نسالي الكونطرا ونشووف ديك السساع
حذيفة: ان شاء الله (سكت شوية وقال) حتى انا عندي شي حاجة خاصني نقولها لييك
يتبع...
التعليقات
لا توجد تعليقات بعد، كن أول من يعلق.