محتوى القصة
بورشها بهاد الكلمة وحبسات من الهدرة معارفة بااش تجاوبو وقالت: الله اخلييك لياا احبيبيي ،عفاك معمرك تبل علياا محتاجة لي يحن فيا ويبغييني
باسها فشفايفها بلطف بورش احاسيسها بحال الا اول مرة يبوسها ولكن كل قبلة كتختالف على وحدة وكل وحدة شنو كتعنيي
حذيفة: حبيبة دياليي
تبسماات وحضناتوو لمدة طويلة كتستامد منو القوة والعطف
مشاو لكوزينة بجوج كيوجدو فطورهم عاادي ورجعو لايامهم العاادية مكاين لي يدق علييك ولا فين تخرج كلشي كالس ومحاصر فداارو التواصل الوحييد هوا التيليفون والابيل فيديو مع الحباب و الصحاب
صونا حذيفة لبااه وهضر معاه باحترام بارك لييه العوااشر مطولوش فالهدرة حتى جوج دقايق دغياا قطع ودور لمو
هضر معااها وهوا ضاحك ومبتااسم وايمان مقابلة معااه كتشووف الاختلاف مع بااه ومع موو
مكبر الصووت حتى نطقات موو وقالت: وفيين بنتيي اييمان
تحرك قلبهاا بديك الكلمة وفرحات بيها قدااش تقادات فلكلسة وتبسماات ونطق حذيفة : هاهي اميي هدري معاها
ايمان(باستحاء): الوو خالتيي لطيفة لباااس
لطيفة: تهنا الوقت الحبيبة الحمد لله مبرووك عيدكم ابنتيي كيدرتو مع الوقت
ايمان: لباس اخالتي نتي الصحيحة بخير البنات و خالتي ربيعة
لطيفة: كولشي بخير ا يلي مهلي فيك شي حذيفة
ضحكات: مهلي فيا اخالتيي
لطيفة: وتهلاو ايليي
حذيفة: ياله الواليدة تهلاي
لطيفة: ايكي عاون ربيي احنيني
قطع الخط وغمز ايماان وقالت: شنو هي ايليي كتقولها لياا خالتي بزااف
حذيفة(كيمسح فنظاظرو): هي بنتيي
ايمان: علمني الشلحة عفااك ياك قلتي ليا غير يسالي رمضاان ،انا راه دغياا كنتعلم باش نبقا نفهم خواتاتك كنحس بييهم كيهدرو بالعربية غير بزز معاياا
حذيفة(ضحك): لا لا غير كيجيب لييك راسك وصافيي ، راه حتى مرت محمد عربيية و الواليدة نييت راه ماشي مغلوقة بالشلحة كتخلط شي مع شي راه غير الوليييد ليي (حرك راسو يميين وشماال كيضحك ) شاد فالعرق السوسي مجدر
ايمان(كضحك ) : ههههه ولكن ملي كيبغي يقرا القراان كيهضر بالعربية ههه
حذيفة: ومع الناس لي كيجيو عندو لرقية راه مخلطيين ،شلح وعربي شمالي وفااسيي ...الحمد لله كلنا مغاربة وجامعانا بلاد وحدة مخاصش يكون التمييز الله يهدي ماخلق
ايمان: امييين ،دابا شنوو غتعلمنيي الشلحة
حذيفة: نعلم الحوبيينو الشلحة
ضحكات وقال: صافيي مشاات
فهاد الشهر كانت تسجلات ف مدرسة اللغة كتعاود تقرا الاسبانية حييت لمدة طويلة ماتكلماتش بيهاا ولات كتلقاا راسها نسات بزااف ولات كدير كورس اونلااين لمدة تلت شهور
باش تعمر فراغهاا وتستافد وتعرف شنو ديرر ومتلقاش مشكيل فاللغة من بعد
هضرات مع وديان باركات العييد لزينة فالتيليفون وحتى نجاة هضرات معااهاا وباركات لييهاا وخة هضرتهم قلالت وكل وحدة تشغلات بحياتهاا معمرها تنساا خيرهاا ديما كتفكرهاا وديماا كانت كتسيفط ليها لفلوس بااش تهلا فبنتها وتشريي ليهاا كتغبر حتى تعيا ونهار تهدر كتقولييها غنسيفط لييك شي حاجة ل منى
وفعلا كتسيفط ليها غير ب 3000 درهم الفوق مكضربش حسااب الفلووس الكونط عاامر
وزادها حذيفة مامخليهاش تحط اورو واحد ف داكشي لي كيجيب ولا حتى شنو هي كيخصها من غير لدارت كموند من لكارط ديالهاا مكيحكرش عليهاا كل مرة شنوو جايبة
مرة مقدية حوايج مرة مقدية ديكورات منزليية وكل مرة شنو دايرة
بغات طل على انسطاا وكتقلب على الصورة المنااسبة لي عاد خدات دابا مع حذيفة عذباتو دير ايدك هك لا هكا لا مجاتش تصويرة زوينة عاودها وهادشي غير لايديهم بجوج
شاد التيليفون من فوقها وكيصور ايدهاا مشابكة مع ايدو والخاتم بايين
قاداتها و وضحاتها مزياان وحطاتهاا فانسطاا بوسط وكتباات بالعربية
باركات للنااس بالعربية وحتى بالانجليزية وبداو اللايكاات والقلووبة والمباركات بگاع اللغات
كلسو بجوج كيقرااو كيفااش لپوووسط دغياا طلع فليجييم وبداو النااس كايطاگيوها فسطوريااتهم
فرحااات قدااش هي كتقراا وكيشوف فييهاا گالس جنبهاا وكل مرة يلووح ليهاا قبلة فعنقها كتضحك وتعوج حتى زندات علييه الاحااسيس ونطق برغبة بجانب ودنهاا وقال: نطلعو لبييت
حطات التيليفون كضحك وشافت فييه كيعجبها بدييك النظرة وديك الرغبة لي كتكوون فعينيه بااينة كيولي يتلبد ليها بااي طريقة ...كتبغي تسل منوو كتلقا راسها طاحت فشبااك لعبتوو ومجرورة وراه تلبي رغبتهاا وتعييش السعادة معااه محارماش رااسها من المتعة فاللول كانت كتحشم من بزاف تاع الحوايج داباا كلشي ولاا كيبان لييهاا زويين ومبااح فاطار الحلال لاش غتصعبها على راسها وتكبت اعجابها بالعلاقة الحميمية معااه
اي رجل كيبغي الشرييكة ديالو تكوون مستمتعة معااه ولي كيزيدو فخر وفحولة ورجولة ملي كيبلغهاا للمقصصود كيحس برجولتوو وفحولتوو وقوتوو فلعلاقة
من وراا علااقة جمعاتهم فبيتهم الدافئ نعسو ديك العشيية كااو طاح عليهم العياا و السهيرر محركوش رااسهم حتى بدا الحال كايظلاام تجمع عليهم العصر والمغرب لي كيادن فتيليفونو
ناض كيفيق فييهاا بحب وكيدوز على ظهرها العاري بقبلااتو وهي كتنين مساخياش بديك النعسة لحلوة لي غااالبا فيين كتحس بحلاوتهاا
حك ليها جناابها بحال شي بنيية صغييرة وهي استحلاات ايدوو وگالسة كتفشش علييه وكترجع تجرو عندها حتى جمعها بابيدو وهزهاا نيشاان لدووش
بعد وقت طوييل جمعهم فالدووش غير صوتهم لي مسموع البراا خرجاات مزنكة هااربة منو ملوية فبينوارهاا كضحك
خلاتو كيتحلف عليها ومشات تلبس طلات على البوسط فتيليفونهاا لقاتو ضرب ملييون تحلوو عينيهاا بالفرحة وهادشي غير فأقل من 12 لسااعة
دغيا هدرات مع وديان شاركها الفرحة وهبطات صلااة معااه تقريبا كل صلاة كيصليوها بجوج جماعتاا ولا عندها روتيين ياماا تسنااه حتى يجيي ولكانت مشغولة كيبقا يزرب فيها ويتسناهاا
شهرااين وهوما الرااس فالراس دوزوها كلهاا حب ومعاملة طيبة وزوينة
تسالاا نهار العييد وجا تااني عييد وحييت مناعسيينش بكري صبحو خاامريين واول من فااق حذيفة على صوت ميسااجات كيوصلووه بشكل متتالي دار النظارات فعينيه و وقف لبس علييه الشوورط وخلا ايمان مشبحة مستورة بايزاار وشعرها مخبل فوق المخدة
هز التيليفون حتى كيلقااا اسم ودياان طالع تفاجئ وفنفس الوقت شداتو الخلعة حيت ميمكنش تسسول فيه غير هكاك
*عفاك لكنتي حدا ايماان خرج من حداها وصوني لياا *
طيحات لييه المااا فركاابيي هبط مع درووج وصونا لييهاا فلبلاصة جاوبااتو وقال: شنوو وااقع
وديان: واش ايماان بخيير ! مواقع ليها والوو
حذيفة: ودياان واش لبااس. مال ايماان راه بخير نااعسة
وديان(تنهدات ) ادا مشافت والو
حذيفة: شنو غتشووف
وديان: حذيفة دير جهدك كلوو ومتخليهااش تدخل لسوشيل ميدياا ولاا غدير فراسها شي مصييية ، غنسيفط لييك واحد الفيديو داباا رااه دااير بووم فلانترنييت تلاح لايف البارح فتيكتووك على ايماان
بقا واقف كيتسنا الفيديو يوصل وعينيه مرة مرة كيطلو عليهاا حتى كيتصدم وبدا كيعرق مع كل كلمة فداك الفيديو
حط ايدو على صدروو من الصدمة كيكدب شنو كيشووف وقال: ميمكنش لا ميمكنش
اشنو كتوقعوو ؟
في المغرب
كالسة مربعة فوق ناموسيتهاا كتقاد حجبانها كطراسيهم مقررة مع 11 تاع الليل تطلع لايف كيف عادتهاا
سالات حتى كيصوني تيليفونها بنمرة صاحبتها من اياام الطفوولة فاتي
نورة: الزيين صافا
فاتي: صافاا اش خباارك
نورة: هاحناا مسلكيين قهرنا الملل فالداار
فاتي: ههه مازال گاع مبغيتي طيحي شي دااعم ويجي يتزوج بييك
نورة: ويلي تانتي كون بغيت كون تزوجت
فاتي: شفتيي اخر الاخباار !
نورة: شنوو
فاتي: غيولي عندك نسييب ههه ايمان تزوجاات
نورة: ونتي باش عرفتيهاا !
هزات التيليفون التاني ديالها من نوع ايفون مع دخلات الفيس لقات حديث الساعة هوا البوسط لي حاطة ايماان
فاتي: الوو
نورة: قطعي قطعيي
قطعات عليها والصهدة طلعاتها دخلات عندها لانسطا لقات راسها مبلوكياهاا
مشات لتيليفون التاني لي حالة منو كونطات وهميية لقات البووسط محطوط وضارب ملييون والصرف هادشي كلوو معندها بييه سووق ركزات على الحرف لي بين الخاتم وقلبها تزير وبدات كتعرااق وعينيها كيتغرقو بالدمووع حساات بخنجر كيضرب فيهاا ولي زاد صدمها هوا اليد لي شادة ايمان فيهاا خالة صغيرة بحال النقطة فمعصم ايدو كاينة حتى عند حساام
نورة(بكره): ولاد الحراام ولاد لحراام والله تنشوهكم هءهءهءه لحتوني كي لك_لبة وعايشين حياتكم بلااتيي
بكات حتى شبعاات ومافلتاتش الايف حلات الايف وخلات بنادم كيتجمع كلشي باغي يعرف مالهاا وبداات كتهدرر بحقد وجهالة ودمووع كتشري بيهم العطف
نورة: حاولت نسااا ونصبر رااسي بالموااقع ونضحك ولعب وندير بلي تحاجة موااقفة فاللخر هوما عايشيين حياتهم واناا (كتبكي) ماباغااش نخرج على صورتها حيت اناا ام واخا هدشي كلو لي دارتوو فياا ولكن لي ضرنيي هواا تزووج من رااجل مهاا تخيلوو معااياا ،كيفاااش كيفاش غتكون هاد الحيااة ….. سرقاااتني وسرقات لياا دهبيي سرقات ليا رااجلي وسرقات لياا بنتيي وهرباات هءهءه قولو لياا شنوو ندير انا مبقيتش قاادرة نسكت ،سكتت حتى عيييت وداباا غنهضر وغنفضحهاا كلكم كتعرفووهاا وانا سكت وقلت عقل الصغر دابا دير عقلهاا ولكن هي مبغاتش دير عقلها هيييي دااات راجليي وفلوووسي ودات بنتيي وتزوجاات ب بااهاا وحاطة ايدو فالسطوريات زعمة شووفي شكوون تزوجت برااجل مك البرهووشة تزوجتي بالشياطة ديال مك السلكووطة
بدات كتبكيي وبنادم شوية بشوية ولا كيدخل عندهاا وضربات المشاهدة اكبر عدد من نهار بداات
فالتعاليق كلشي واكلو الفضوول شكون هاادي كيفاش كلنا كنعرفووها
_قولي ليناا شكوون هااديي
_شكون لي حطات اليووم تصويرتهاا بخاتم الزواج ؟
_بياانكاا ؟ واش بيانكا علامن كدوي جاوبينا اختي
_متبكييش الله اياخد فيهم الحق ،حقك ميضييعش
_لا تبكي يارووحي بلييز
بداو الهدايا كي الشتاا كيوصلوهاا الداعميين كيسيفطو ليهاا سبع وكاع الهدايا لي ساويين لبثمن
نورة: انا كنت باغة نساا هدشي كنقول ملي تكبر بنتيي راه غتجي عندي حيت فعمرها 7 سنين غتعقل علييا داباا غتكون عندها 13 العام هءهءه ست سنين البنات مشفتهاا انا مبغيت منهم والو يعطييوني غير بنتيي …..كيفاش عايشة حياتهاا طول وعرض وانا مكرفصة ومكنعسش بالليل باغة بنتيي ...سمعونيي بجوج بييكم البنات بغيت هاد اللايف يتبارطاجة يوصل ليهاا راه عاارفة راسهاا الى مهدرااتش معاياا وعطاوني نهدر مع بنتيي غنحط ورااقييك كااملييين هي راه معرووفة والى مشيت حتى دوييت غنهرس ليها لكاريير ديالها انا مبغيت منها والو تقوليا غير بنتي فين كااينة غنعطيها ساعتيين منهنا ل 1 تاع الليل غنعاود الايف
هادشي تبارطاجاا وديان كانت كالسة فالسطح كتاكل الزريعة حتى كتشوف اللايف طالع غير شاافتها عرفااتهاا دخلات لانسطا ديالهاا كتاكد واش فعلا هي حتى طاحت فلفيديو القدييم ديالهاا
وقفاات مصدوومة وايدها على فمهاا كتمشي وتجيي وهي كتفرج دخلات لتيكتوك ديالها لقات النمرة محطوطة
مكايين ميدار وكورونا قهراتها بالملل وهادي مكحكحة عليهاا غتسمع ليها جوج كلماات كي السسم تبتها اللارض كانت الطناش تاع الليل ديك السااع
هزات نمرتها وصوونات عليهاا جاوبات نوورة وقالت: الوو شكون معااياا
وديان: خلا دار مك الصووبيصة ،واش نتيي ام الخااانزة نتيي ام
نورة: جمعي رااسك شكون تكوني نتيي كااع
ودياان: واش مكفااكش داكشي لي درتي فبنتك مازال بغيتي تخرجيي عليهاا فاش كتفكريي فااش
نورة: شكوون نتيي ولكن مزياان لكانت حداك ديك السلكوطة قوليهاا والله تنشوهك برب العاليي حتى نهرس لييك حيااتك كيف هرستيها فياا ،ترجع لياا بنتييي انا مشغلييش فييها تزوجات بييه الله اعطيهم موصيبة بجووج
نورة: بغيت ديك الموصيبة ترجع لييك حيت نتي متسواااي واالوو واكتر خير دااروو هاد راجلك هوا دا بنتك وخلاك كطوطحيي فتكتووك كي لك_لبة كتسعااي المتابعيين على سبع بغييتو يهنشر ليييك ديك القزيبة يالشااارفة الهارفة لي دايرة فيها عندك 20 عاام ....والى تزوجاات بصحتهااا …. كيتك نتيي لي غتموتي قدام لاايف مجموع فييه المكاابيت
نورة(سرطات ليها لساان ) : عقلي على هاد الهدرة ،هزاتك النفس عليهاا بلاااتيي ،راني عرفتك شكوون ديك الطبيبة لي طالعة هابطة معااهاا يااك صوتك مخافيش
وديان: اناا عاقلة نيت خاصني الحمااس فهاد كوروناا اش جهدك ديريي ،سيري تكمشي والله متقدي علياا وفوتي علييك ايماان
قطعات معاها وحساات بلي بردت غدايدها فيها ولكن نورة حلفاات ،لقات شنو يطلع ليها التفاعل ويمكن هكا تضغط عليها تشوف بنتهاا
مع ضربات الوحدة حلات اللايف لقات بنادم معندو ميداار كيتسناها تحل كلشي هجم على لايف حتى لي معمرو سمع بيها كلاه الفضول وبغا يعرف شكون هاد المشهورة وخة راه الاكثرية قالو بيانكا حيت بوحدها لي حطات بوسط كتعلن فييه زوااج
بدات اللايف سااكتة و وديان حتى هي داخلة قلبها كيضرب وقالت: بنت لحراام ناوية على خزييت
اول مدارت نورة جابت التيليفون لااخر وطلقاات التسجييل ديال وديان طلقااتوو كتبكيي وقالت: مزال حتى مهدرت ولات كتسيفط لياا الخانزات صحاباتها باش نسكت
وديات شدات حنكها بالصدمة وقالت: نااري نااريي غنخرج لمها من التيليفووون
بدات الدمووع وهي تطلق القنبولة لي كلشي كيتسنااهاا
نورة: شفرات لياا دهبيي ومشاات حاركة لطالياان قلت خليها تعييش حيااتهااا ماشي مشكيل لفلوس كيتعوضوو ،حصلتها كدوي معااه كتقولييه جيي عنديي شنو بغيتي بالشاارفة تاع مييي
وديان(ضربات حناكها ): اويلااااي اويلي
نورة: وسكت وميكت وقلت ميديرهااااش ودااارها بيااا طلقني البنااات ودا بنتيي خرجها برا تاع البلاد دا بنتيي ودابا تزوج بييهاا ..حاطة تصويرة كتفقصني يحسابها غنبقا سااكتة ومغنهدرش
جبدات تيليفونهاا على البووسط ديال ايمان وقالت: هاااااهي شفتووهاا عرفتووها هادي ايماااان *** ولدتها من كرشي ايمان لي كاتبة بيانكاا معمرها دخلات المغريب منهار مشات حيت عارفانيي غنديها فين تربااا ….. حرقات لباهاا الداار والى كانت مرا طلع وتكدبنيي ولمرت باهاا طلع راه تاهي عندهاا انسطا ولكن منجبدهاش حييت طليقتو وعندها الحق دافع على رااسهاا شفراتهااا حتى هي سرقات ليها دهبهاا وهرباات (كتبكي)كون غير سرقات ليا دهب ومشاات سرقات ليا حيااتيي وبنتي ودااريي شرداتني كنت بلفيلا والخدامات ولييت كااريية منهاريي مبقا عندي مستقبل بسبااابهاا بسبااابهاا(بحقد) مشات ليا خدمتيي وفلوسي وطموبيلتيي
قدام الدموع الانساان وخصوصا حنا الاناث كتشدنا العااطفة وكنتعاطفوو وكنقولو مسكيين كيبكيي بحرقة دونك راه مظلوم ،العقل مكيقولش ااه بلاتي القصة فيها جوج ديال الناس خاصنا نسمعو ليهم بجوج ولكن هنا العكس
وراتهم تصاورها فصغرهاا ومع بنتها لي مغطية ليها وجهها وراتهم حساام حدا ايمان مصوريين فشي عيد ميلاد تاع البنت تبتات انها هي بنتهاا
بنادم جااهل معندو ميدار فنص الليل كلشي هجم على ايماان بالسباان والهضرة الخااسرة وطلعو حملة لسينيال فلفييس وهي غارقة فحضن حبيبهاا منعازلين على العالم ومخليين راسهم ف حميميتهم ودفئ فراشهم
السبان دخلو فيها طول وعرض مخلاو فيها غير لي نسااو
**
كيقرا فلپوسطات والسكرينات لي حطات وقلبوو كيتزير جبهتوو تكمشاات بالتخنزيرة لي ضاارب فالتيليفوون كيحل عينيه يقراا يتاكد واش فعلا هادشي لي تقاال عليهاا
بدا كيدور عينيه حدا لكوزينة كيقلب على التيليفون ديالها لباارح حيدو من ايدها على غفلة وحطوو مطلعاتوش معاها لفووق مشاا كيقلب فلمخااد تاع لفطووي حتى المشة هزها لاحهاا بلا ميحس تغوتات معرفات باش تبلاات حتى لقااه طاايح لتحت غيتفركع بالاتصالات من مراد ومحمد اما وديان مصوناتش بتاتا عندهاا
عرف لكوود ودخل ديك السااع لانسطاا لقاا لبووسط لي فييه التصويرة واصل ل 20 الف كمونتير محدو كيقراا وهوا يكشووف بنت كتعاير بنت كتسبهاا وكتنقص منهاا كيسبوو فييهم وكيعايرو جوج ديال الناس معارفيين عليهم والوو
داز لجيهة لميساجاات ومكاين غير السباان بلا ميدخل يقرا
ضروو خااطرو بزااف معرفش كيفاش يتصرف ،شحال جهدو يمسح من تعليق ولا ميسااج
التيليفون فايدو حتى صونا مرااد وجاوبو فالحيين كيمشي ويجيي فوسط الدار وعينيه فالدروج
مراد: ايمااان شنو هادشيي
حذيفة: معاك حذيفة
مراد: واش شفتوو اش وااقع راه ميمكنش
حذيفة: شفت كلشي شفت
مراد: خاصكم تكدبو هادشي راه هجموو على لكونط ديالها راه كيتسينيالاا غيطيرووه
حذيفة: غير يطير المهم متسيقش لخبارا
مراد: حذيفة هادشي ماشي ديال يتخباا راه غيمشي ليها لكاريير ديالهاا وهي غاتأزم
حذيفة: واش انا غير فلكاريير امرااد ،مراااتي غتمرض هادشي مخاصووش يووصللهاا دير خدمتك ياك نتا منادجر
مراد: ولكن شنو ندير هادشي خاصو يتكدب يعنيي خاصهاا تشرح
حذيفة: شووف كيفاش دير مبغيتهاش تسيق الخباار لهادشيي امرااد
مراد: هاد خيتي معمرها دير عقلهاا خاصها ترفع عليها دعوة تاع السب والقدف وحتى دوك البراهش لي تاابعيينهاا
حذيفة: واش عارفهاا
مراد: راني عاارفهاا المرحومة بوحدها لي دروييشة اما التريكة كاملة مساخييط وهاد خيتي بغات طلع الكونط على ظهر ايمان ولكن والله لدازت ليهاا كاين القانوون غير دارتها كوروناا اما طييارة نهبط عليهاا نيشان لكوميسارية
حذيفة: غناخد نمرتك وغنطفي تيليفونها حتى نشوف شنو ندير
قطع معااه وطفا التيليفوون كيقلب فين يحطوو حتى سمعهاا حلات باب الدوش لي كيدير شوية الصوت وخشاا التيليفوون فالجيب اللوراني تاع الشورط
هابطة كتااوب لابسة غير تيشورت ديالو حد فخاضها وبانطوفة فرجلهاا
ايمان: صباح الخير
حذيفة: صباح النوور ...نعستي مزياان
ايمان: ممم حاسة بدگدييگة
كلسات على الفطووي جا ورااهاا كيماصي ليها فكتفهاا وكيتفكر شنو مكتوب عليهاا والدعاوي لي خدات باطلاا كيكفر حتى برك علييه غوتات بالالم وشافت فييه مصدومة وقالت: وعتينيي
حذيفة: سمحيلياا انشووف (باسها فرااسهاا ) ااح (باسها فلبلاصة ) نسييت رااسيي
ايمان: وصافي برااكة ههه ايدك شحال قااسحيين اويليي كنتي غطير ليا كتفيي
ضحك بمجااملة ودغيا كتهرب لييه الضحكة مشاا هز لكاارو مشا لسرجم وقالت: ياك تافقناا متبقاش تكمي مع الصبااح
مجاوبهاش راسوو عامر وماسمعهاش من الاصل تكات راسها على لفطوي مقابلة معااه مرخية بالنعااس
تفكررات تيليفونها ونااضت لقات ديجا المخاد مرونين حطاتهم بلاصتهم كتاوب وناضت حدا التلفاازة كتقلب خنقها بلكارو وقالت: حذيفة برااكة خنقتيني
شافتو مسمعهاتش ومشاات كتجر فبانطوفتها حيداتو لييه من ايدو وهوا محنيي على زاج الشرجم مخرج راسو وحاط ايدو لي فيها لكارو على جبهتو حتى حس بيه طار من ايدو ودار فجنبو لقاها شادااه كتقلب فين طفييه وقالت: واش لي مكميتيهش فرمضاان بغيتي تكمييه داباا خنقتينيي وتافقناا بااش متبقاش تكمي فالصبااح وبقا عند كلمتك
حذيفة: وخة
ايمان(كتقلب بعينيها ): ماشفتيش فين حطييت تيليفونيي ! ملقيتوش اويليي
بان ليها تيليفونو محطوط فوق الطبلة وهزاتو : نصوني لييه
قفز من بلاصتوو وحيد ليهاا التيليفون حيت ادخل لنوامر غتلقا وديان صوناات بقات ايدها مممدوودة فلهوا وكتشوف فييه بصدمة متوقعاتش يحيد ليها التيليفوون والمشكيلة تلف مامولفش يكدب ومعرف شنو يقوول وهي كتشوفييه بديك النظرة ديال الشك فلبلاصة
ايمان: حذيفة ماالك هاد ابصبااح شنو واقع ؟
حذيفة: مواقع والوو احبيبة سيري دوشي نطيب لييك الفطور
ايمان(بتاكيد ): حذيفة قوليا شنو كااين
حذيفة : صافي ا ايمااان طلعي دوشيي السعاتو لله واااه متحكرييش
شافت فييه كترمش ومعجبهاش نهائيا جواابوو مشاات مهبطة راسها معاوداتش شافت فييه دخلات لدووش وبقا فيها الحال من الدورة لي داار فيهاا هبطو دموعها و ضرها خاطرها
اما هوا معالم بخاطرو غير الله كيمشي ويجيي وطالعوو الصهد والفقصة والحبس ليي تربطو فييه مقادرش يحرك تحاجة من بلاصتهاا كلس فالطبلة شاد كاارو و شاد تيليفونها كيمسح فالتعاليق حتى طااب ومزال مامسح حتى نصهم
تصدم من هاد الهجووم على اللااايف ! طاحو سب وشتم فوحدة معارفينهاش غير بسباب العااطفة والدمووع صافي حسمو الامر وتيقوو لي بغاو يتيقوو متسنااوش يعرفوو شنو وااقع
ضرب واحد لفااز بايدوو حتى طااح مشتت فلارض
خلاهاا تقفز من بلاصتهاا فالدووش وطلق ودنهاا حبساات الماا وقلبها كايضرب كتسنط مسمعات مزال والوو رجعات كتكب عليهاا لماا
سااط وهبط كيجمع فداك الزااج والورد كيسوط جمع كلشي ومسح لماا لي طاح من لفااز ...خبا التيليفوون فوق لپلاكاار عارفها مغتوصلش تماا وطلع عندها لقاهاا خرجاات من الدوش دخل غسل وجهوو وسنانوو وخرج عندها لقاها كالسة حدا لمرااية كدهن فلحمهاا لابسة غير ديباردو قصيير مع شورط ديالو قصير فلبيض .. هزات عينيها فييه من لمرااية ورجعات هبطاتهم كدير فمرطب لشفايفهاا
كلس حداهاا فوق لفطووي وعنقهاا من اللور وقال : تقلقتيي منيي !
ايمان(بهدوء): عاادي السعاتو لله
حذيفة: غير صبحت مقلق شوية هدا مكاان
حركات راسهاا بااه كدهن ايدهاا فصمت
حذيفة(باسها فكتفهاا ) : شوفي فياا عفااك ، معمرها تعااود
بقات كتشوفييه وهبطاات راسهاا جرها عندوو وبقاو كالسين والجو فعلا مكهرب مقادرش يبين بلي تحاجة مكااينة وحتى هي محكراتش نفسيتها خاصهاا غير نغزة وتمرض اللهم تميك
وصلو مساج فتيليفونو طلق منها ونااض قال: غنمشي نصايب لينا شي حاجة ناكلوهاا
خرج متسناش جوابهاا هبط فدروج كيقلب فتيليفون لقاه مراد كاتب ليه مسااج : خاصنا نوكلوو محاميي باش نرفعو دعوة عليهاا السب والشتم والقدف والتشهير كتعرفو شي حد تيقة ويقدر يتكلف !
حذيفة: بلاتي ونرد علييك
دخل فليميساج عند ودياان سولها بلا سلام ولا كلام لقاها ديجا مسيفطة ليه ميسااج
وديان: ديك القضية لي دكرات ديال ايمان مابغاش دخل لمغرب حيت داعياها تواصلت مع واحد الصديق فلبوليس داكشي مامنو والو ومكاينة حتى شكاية بسمية ايمان
حذيفة : كتعرفي شي محامي نشوفو الاجراءاات لي ناخدو؟
وديان: نسول باباا ضروري يكون كيعرف شي حد ،واش ساقت لخباار
حذيفة: مزال
سد التيليفون وهبط لتحت تبعاتو ساكتة ،كلسات قدام الشميشة فلكرسيي كيبان شعرهاا كيلمع بدهبيتوو وجهها فييه براائة لطيفة كتعجبوو، بقا مقابل معاها كتلعب بطفوولة مع لمشة فوق رجلهاا كرشها عريانة ولبيرسينغ كيبان كيبري مع الشمش تبسم غير بووحدو وتبع تبسيمتو تنهييدة معارف ميقدم ولا يوخر
عطاها بالظهر كوجد وهي ناضت كتقلب على تيليفونها ظهر ليها لعجب فين غيكوون طااح
ايمان: مبانش لييك تليفونيي
حذيقة: اجي هاهواا عنديي
مشات منيتها عندو حتى جرها حطها على الكونطوار وتقابل مع وجهها باشر معاها فقبلات سطحيية حتى طلقات معااه نزل لعنقها مبرد فييه خلاه حمر كيطلب الشرع معااه ،هبط ليهاا دوني كانت طالقة صدرها مدايراش السوتيان ياله بغا يغرق فييه صونا تيليفونو فالجيب
متسوقش لييه خلاه كايڤيبري وهزو حطو حدا البووطة ، كيوزع كلمات زوينين كطلع ليها الموراال شوية بشوية حتى رجعات كضحك وتفشش علييه
هزات السميطات سترات صدرهاا وقالت : فيا الجوع احذيفة
هز راسوو وقال: داباا احبيبة
كالسة ورما ليها تميرة ففمها وباسهاا ضحكاات وفرحات بحال شي بنية صغيرة ابسط حاجة كتفرحها ماشي مهم تكون كبيرة عطاها طحن العصير وهوا وجد صاندويتشات خفاف بلاداند حيت كانت الجوج تاع النهاار
حطو كلشي فالطبلة رما طلة على تيليفونو لقاا غير ختو لي صونات مشا كلس حداها كيوكلهاا وتوكلوو
وراها جمعو لمااعن وصلاو بجوج وقالت: عطيني طابليت ديالك
حذيفة: علاش احبيبي
ايمان: حذيفة ههه راه عندي كوور مع 4
حذيفة(حط المقص وجا عندهاا ): اليووم مكااين والو غدا وعوضيهاا ...انا بغييتك غير لياا
ايمان: ههههه مبرزطني باش نقراا وفاللخر مباغينيش نقراا واش حماقيتيي
حذيفة(هزها عندو ): نتي لغتحمقينيي
ايمان: حذيفة عيقتيي عليااا (كتغببن )صافيي برااكة نديرو بووز ههههه وعيييت بدوووش حرااام
حذيفة(رماها على لفوطوي وجا فوقهاا) : لبوز لوحييد هوا لي غنعطيك مرة فالشهر ...ضارب لافوكا ولفروي سيك وباغاني نخلييك فالتيقاار
ايمان(شدها الضحك ) : طيبتييه مسكييين
حذيفة(ضحك ): هوا كيعجبوو لحال كينشط كيولي يترعد
ضحكاات مضاربة معااه حتى حكمهاا مزياان سرح لفطووي وشدهاا كي لفرخة تحتوو
موراها تكا وجرها عندو سااكت كيدوز لسانو على فموو كيحك لحيتوو وكيخمم وهي حاسة بلي شي حااجة ماهيااش ،احساسهاا مهوااش
مغطين بملاية رقيقة سترات بيها صدرها وهزات راسها فييه وقالت: مالك (كتلعب فصدرو بايدهاا ) قنطتي معاياا !
حذيفة: حشومة عليك تقولي هاد لهدرة
ايمان: حاسة بيك مهوااش واش مقلق منيي (هبطات عينيها ) مولف كضحك وتمازح معاياا ملي كنكونوو فشي غولاصيون ودابا كنتيي سااكت محسيتش بييك مرتااح
حذيفة: تءء لاا مشيتي بعييد لاقي معاك رااحة عمرني عشتها فحياتيي ،ومعنديش علاش نتقلق منك اكبيدة... غير حسيت براسي تحبست كنت اكتيڤ بزااف وبغييت نسافر معااك لبزاف تاع لبلايص حسيت براسي تربطت
ايمان(تبسمات وباستوو): انا حتى الدار عاجباني معااك منحتاجش نساافر
ضحك وباس جبهتها وقال: ندوشوو اكبيدة
حركات راسها بااه وناضت لاوية عليهاا لملاية طلعات بيها خلاتو مسفح كيقلب على حوايجوو وكيجمع فالرويينة لي خلاو وراهم
حذيفة: كاع الدراري لي جمعت لحتيهم ليا فالسطل
سمعها كضحك فدرووج ودخلات لدووش هز تيليفونو وتبعهاا حطو فدريسينغ حدا حوايجوو ودخل معاها لدووش
دوشو بجوج وخرجات مخليياه وراهاا لبسات حوايجهاا وهبطات كتقلب بعينيها فين يكون داروو
قلبات الدنياا كاملة ضحكات عاضة على فمها كدور فعينيهاا حتى هزات عينيها فلبلكاار مشات جابت كرسي وتهزات على صباعهاا كتقلب فلحاشية عاضة على لسانهاا كتحس بصبعها كيقيس شي حاجة ولكن بعييدة عليهاا
سمعاتو جااي وحيدات الكرسيي وكلسات علييه بحال الا مواقع والوو باش ميعرفهاش ملهوفة على التيليفون
صلاو العصر بجوج كلسو كيشغلو راسهم بايي حاجة تفرجو ف فيلم بجوج كوميدي كتقلب على تيليفونو بعينيها حتى هوا غبروو
دوزات النهار كلوو مشغولة غير بيه وحتى هوا مهزش التيليفوون قدامها
بعد منتصف الليل نعس حاضنهاا وهي النعاس طاير من عينيهاا حاسة بصدرها مزير عليها ومخنووقة
خلاتو ناعس وناضت هبطات مشعلة الضو
شربات لماا ومشات لمجورة ديال الثوب لي حاط فلقنت هزات الطابليط ديالو وشعلاتهاا قاداتها فوق الطبلة كتسناها تشعل
كانت مكونيكطية مع تيليفونو فيها الواتسااب والفيس وانسطا
دخلات لانسطا ديالو ودارت سميتها فروشيرش عاضة على فمهاا من كترت التعاليق فاخر بووسط شادة حنكها وكتفرنس حتى دخلات كتقراا شوية بشوية ضحكتهاا تلغاات وتمتمات بشفايفها: شنو واقع
بداو عينيها كيلمعو بالدموع وقلبهاا تزيير عليهاا ايديها كترجف وهي معارفاش لاش هاد السب والشتم وكينعتوها باقسى العبارات
بغات تدخل لفيس تدخلات لواتسااب بلغلط وطلعات ليهاا وديان الفوق وتحتها مرااد
جرها مساج وديان طالع الفوق : ضروري تعرف باش نسرعو الإجراءات
دخلات كتقراا طالعة طالعة حتى لقات سكريناات ومزال مفاهمة والوو حتى طلع لفيديو دارت بلااي ودموع كيقطرو من عينيها
حل عينيه تحسس بلاصتها بايدو ملقهاش وهز رااسوو..عيط باسمها جوج مرات وناض كيتااوب شاف الضو شاعل لتحت...سمع زداف فلارض وهبط كيجري فدروج كيعيط بسميتها حتى شافهاا مرمية فلارض جسمها كلوو كينتااافض من بلااصتوو بحال الى ضاربها الضوو
ماعرف بااش تبلاا مشاا كيجريي عندهاا كلس على ركاابييه ، اول مطاح فبالوو حل ليها فمهاا ليكون تسرط ليهاا اللساان قلبها على جنبهاا محضر عقلوو فهاد الوقت
طلع كيجري جاب تيليفونو ورجع هبط عندهاا ديك الساع ربط الاتصاال مع المستعجلاتت...كيشرح ليهم حالتهاا وكيعطيووه شنوو يدير ليهاا ولكن ايمان هنا غيباات وعينيهاا مقلووبيين مزير عليهاا فحضنوو وعلمهم بحالتها ولااح التيليفون كيمسح جنااب فمهاا
حذيفة: ايمااان ايمااان اييمااان
زير عليهاا فحضنوو وغمض عينيه حاس برااسوو كايدوور
رش عليها لماا دار الرييحة
مشاا لبييت هبط الحواييج لبسهاا كسوة ولبس علييه سورفييت ديالوو بانت لييه ديك الطابلييت محس براسو حتى رماها مع الحييط حتى تقسماات الزااجة وطلعاات الصوورة مضببة مشات ليها لفيشوور هز ورااقو وسواارتو حتى سمع صوت لومبيلوونص لتحت هزهاا بيين درااعوو سد الباب وهبط كيجريي بيهاا فالدرووج
كلشي كيطل يكما لومبيلونص الخاصة بكوروناا لقاوها العااديية طلعوها فلبيااص وطلع حداها كيدير لباافييط ديالوو وهوما كيعبرو ليهاا فالضغط ودقات القلب كيحلوو عينيهاا كيضرب فيهم الضو مقلووبيين
كيمسح على شعرهاا وكينطق اسمها بهمس
وصلوو لسبيطاار خلاوه فالاستقباال ودخلوها هي لمستعجلاات شرح ليهم الحالة لي كاانت فييها وكلس شاد رااسوو ومرة مرة ينووض يمشي ويجيي ملاقيش رااحتوو
الوحدة ونص تاع الليل ومزاال معطاوه تخباار علييهاا ،دارو ليها فحص شاامل من تحاليل وسكاانير حيت ماشي غير سخفاات غيباات
خرج الطبيب داير لبافيط حتى هوا فايدو صور الرااديو وقال: مبدئيا درناا الراديو على راسهاا معندهاا والوو ،التحاليل الصبااح غيكونو عنديي ... كتعاني من شي حاجة مؤخراا ! حالتها النفسية كيفاش دايرو كتاخد شي دوا
حذيفة: كتاخد غير لا بيليل وقبل ميوقع ليها هادشي شاافت شي حاجة شوكااتهاا وكتجييهاا واحد الحالة مرة مرة كريز بانييك
_ طبيب كان كيحرك راسوو مع كلام حذيفة وقال: بالي ،غنتسناو التحاليل بعيدا على انه انهياار عصبيي ،ممكن يكون فيها مرض الصرع هوا لي كيسبب ديك الرجفة فاش لقيتيهاا،حاليا منقدر ناكد ليك والوو حتى نتاكدو من التحاليل
حذيفة: نقدر نشوفهاا
_نوو دابا معاها الممرضة غتبقا معاها الليل كلو باش ترااقبهاا الصباح وتشووفنا
حذيفة: واخة واش تقدر تنصحني بشي طبيب نفسيي تشوفوو !
_سيي تفيق ونهدرو فهاد الموضوع
لقا راسو جاي بلا طموبييل ولا واالوو لبرد كيضرب فييه
مقدرش يمشي ويخلييهاا رجع كلس فالاستقباال كيربت على رجلوو والسواايع كيدوزو كل مرة يسول واش فااقت وكيقولو لييه لاا كيزيد
مشاا لداار على رجلييه طلع خداا شي حوايج ليها هز وراقها تيليفونها و سوارت الطموبيل ورجع خرج هز طموبيلتو ومشا وقف فلبارك ديال السبيطاار كيتسناا النهار يطلع طالق سورة البقرة فالطموبيل ترييح بالو شوية
جبد تيليفونو كيقراا فشنو مسيفط لييه مراد وحتى وديان
وديان: راه هضرت مع واحد السيد قال بليي تقدر دير ليه توكيل وهوا يتكلف بالقضية
قرا ومجاوبش مشا كايقرا فشنو كاتب مراد وقال: صباح غنحط واحد الفيديوو خاصنا نتحركو بهاد السكات بحال الى كناكدو داكشي لي تقاال من الاحسن هي متردش على هدشي انا غنتكلف
حذيفة: ؤك
شعل تيليفونهاا وتسنا حتى تقااد ومشى لفيس عارفها مدخلة كروبات مغربيية كتاار حتى كيلقاا بوسطاات كيهدرو فالموضوع دازت عليهم كتر من 12 لسااعة لي لقااه حاط بوسط وكيسب كيسكريني كلشيي وكيسيفط لتيليفونوو
ماشي معقوولة انسان معمرك حتى تشاركتو السلاام تحط علييه وتبداا تنتااقد وتفصل وتخيط علييه لا يعقل
وهوا طاالع لقاا بووسط فيه صورة ايماان قدام لكيك وكتفهو حداها حاطاه بنت ياله بغا يسكريني رما عينو كيقراا
راه لاا يعقل البنات هاد الهجوم لي على هاد البنت بالضبط فهاد السنين اللخرة مكتجي فين تهز رجل كطييح وحدة اخرى
راه ميمكنش تصدمت دخلت كنقرا فتعاليق لقييت غير السباان حشوومة ديرو هكا فبنت بلادكم ماعمرها جبداتكم بالعيبب داخلة سووق رااسهاا كتخدم على رااسهاا علاش كيبغييو يطيحو الاصواات المتمييزة ، علاش دغياا تيقتوو هادييك راه القااضي وكيسمع للمتهم مرة وجوج عاد كيحكم نتوماا كتسنااو غير امتا ترمييو سمكم فبناادم
انا فاايت طلاقييت بيها فبرشلونة دارت معايا جيست زوين عمري نسااه ليهاا طيبة وظريفة لا هي لا صااحبتهاا وقالت بلي مها ميتة ،راه حنا بشر وكنغلطوو حشومة اتقاو الله راها بنت بحالها بحالناا متبقاوش ديما كتميلو مع الموجة ارحمو من في الارض يرحمكم من في السماء
قراه كامل ودخل لتعالييق شي كيقوول بووز شي كيقول راه وراات التصاور راه بنتها شي كيقوول قلة ميدار ، الاراء كثيرة
وفهاد العالم الى بغيتي ديري سمعة وشهرة خاص يكون قلبك حجر ومكتسوق لتا حاجة حيت هضرة بنادم سم كيسرح مع الد_م
سيفط كلشي لمراد لقاه داخل السبعة تاع الصبااح غير شافو دخل صونا علييه مغيدد
مراد: هادشي لي سيفطي لياا كلشيي غيمشيي لمحااميي ،مكاينااش السيبة
حذيفة: انا بغييت لخراا لي تمشي فيين ترباا حيت متربااتش (ضرب الطموبيل ) حبساتني الوقت اما نورييهاا شنو نقدرر ندير فديلمهاا
مراد: غير تهدن غنلقاو حل وغنقلبو عليها هادشي كاامل غير صبر ايمان شنو كتقول
غادي لباب سبيطار كيهدر: ايماان جاتها كريز لبارح ناعسة فالسبيطاار
مراد: لااا فففف
طل على لانسطا ديالها وحط فيديو لاية 6 من سورة الحجرات
﴿ يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ﴾
[ الحجرات: 6]
دارو فالجيب ودخل كيسول عليهاا طلبو منو يتسنا شويية حتى يجي الطبيب ويعطيه تقرير عليهاا
بقا كايتسنى جهد شي سااعة حتى عيطو ليه ومشاا لعند طبيب لقاه كالس فلبيرو وقدامو طبيب اخر كيقرا فالورااق
فشلووه وهوا كل ما في الامر انهم كيعطييو للمريض اهميية وكيبغييو يديرو خدمتهم فاكمل وجه
الطبيب: داكشي لي كنا خايفيين منوو مكااينش يعنيي داك الارتجاج لي جاها غير من حالات الهلع ليي كتجيهاا وعندها طيف الاكتئاب لي خاصو يتعالج قبل ميتحول ل اكتئاب حاد
حط ايدو على البيروو وشد رااسوو كيدخلو معاه مصطلحات طبيية وكيشرحو لييه حالتهاا كيشرحو شنو كتعنيي نوبات الهلع وشنو الجهد ديالهاا وشنو العلااج لي خاص يكوون هادشي كلوو كيسمع وكيحرك راسو بالايجاب لاي حاجة تنفعهااا
ناضو مشاوو عندها كانت نااعسة خلاوه معاها حتى تفييق والفرمليية على براا ...تحنا حدا راسها باسها فجبهتهاا وجر كرسي عندهاا كيداعب فشعرهاا
بدات كتحل عينيها على لمستوو فشعرهاا حلات عبنيها وحبس ايدوو كيشوف فيهاا وهي كترمش فيين وعينيها تقاال
ايمان: شنو كندير هناا!
حذيفة: عيتي شوية وجبتك
ايمان(كتحاول دور راسهاا تقييل ): علاااش شنو وقع
بقا سااكت حاط قبضة ايدو على فموو تنهد وقال: باش كتحسيي
ايمان: كلشي تقيل علياا وراسي كيدوور
حذيفة: دارو لييك شي براا هي باش نعستيي ...شوية وغتولي مزياان
ايمان(حالة عينيها فالسقف) : معاقلة على والوو شنو وقع
حذيفة: ماوقع والوو خوي رااسك غتولي مزياان وغنمشييو لدارناا احبيبة
بقات كدور فعينيهاا حتى دخل الطبيب ومعاه الطبيب النفسيي كيسول فيها اسئلة اعتياادية ،باش كتحسي ،كضرك شي حاجة
من بعد اسئلتهم نطق الطبيب النفسي ب بشاشة وقال: تخليونيي معاهاا
بغا ينوض حذيفة وزيرات على ايديه
حذيفة: انا غير هناا
خرج حدا الباب وبقا واقف مربع ايدو
الطبيب جر لكرسي وكلس حداهاا بابتساامة وقال: بياانكااا
لاحت عينها عندوو بلا متحرك ملامح وجهها الجامدين وجهها صفر وعينيها دابليين بالمهدئ لي عاطينهاا
_ انا خوسيه طبيب نفسيي
غمضات عينيها كتنهد وقالت: معارفاش شنو وقع بلا متسولنيي
_مغنسولك على والو بغيت غير نهدر معااك ،شحال فعمرك
غمضات عينيها كتنفس بجهد وقالت: 25
تبسم ليها وقال: عرفتي بشحال فايتك اناا ! ب 25 عام باينة فيااا ؟
حركات راسها بلاا وقال كيضحك : ونتيي كتبااني صغيررة ياله عندك 18
ايمان: هداك هوا العمر فاش تبلوكييت
_علاش ،شنو وقع فييه (ربع ايدو ) عاودي لياا
بقات كترمش فييه وقالت: مقادرااش
بقا ساكت كيشوف فيها لغا ضحكتو وقرب ليهاا وقال بصرامة : بغيتي تبقااي تجي كل مرة لسبيطاار طايحة كومة !
حركات رااسها بلاا وعينيها قطرو بالدموع
_يعنيي غتعاودي لياا وغنعاونك انا قاادر نعاونك تيقي بياا كل واحد فالدنيا عندو شي جرح غااابر مع الوقت داك الجرح كيتعفن وكيخناز ويعطي الرييحة ...كتبقا قدام الاختيار واش بغيتيي تعالجوو واخا غيبقاا بلاصتو باينة ولكن كيتعالج مكيبقااش يضرك وكاين حل اخر تخلييه يخمااج ويسررح وتجييك العدوة ومتلقايش علااج مزاال (حيد نظاظرو وتقابل معاها )شنو قلتيي !
غمضات عينيها تقطرو دموعهاا وقالت: بغييت نتعالج ولكن حاسة برااسي معنديش الجهد
_ غنعطييك (هز جوج صبعان )يومااين لي هوما السبت والحد وغنتواصل معااك نهار التنين
حركات رااسهاا بااه كتب واحد الدوا فورقة وخرج عطاه لحذيفة وقال: خود ليها هاد الدواا ونهار تنين غيخصها تجيي باش نبداو مرحلة العلااج
حرك راسو بااه سد الورقة حطها فجيبوو وخدا الاذن باش تخرج مشا جاب ليها الصاشي ديالهاا
لقاها كالسة فوق السرير نتراات السيرووم من ايدهاا والفرمليية كتحبس ليها فالد_م وهي كتبكيي بحرقة، شافهاا ومشى عندهاا عنقاتو باييد والتانية عاطياها لفرمليية
حذيفة: صاففي شش
ايمان: هءهءهءه علاااش دارو فيا هكاا علااش
حذيفة: الوقت غينسي كلشيي
بكات حتى عيات فصدروو وعاونها تلبس ساكت كيخمم لبس ليها تقاشرها ولبس ليها بانطوفة و
دار ليها البافيط ديالهاا وخرجوو عطا المعلومات ديالها ورقم تيليفونوو وخرجها لطموبيل ركباات سااكتة وعينيها منفوخيين بلبكا عاد رجعات معاها صدمتهاا وكلام نورة كيتردد فعقلهاا بحال السم
شاف صيدلية وقف جاب ليها الدوا وعينيه عليهاا تخداه ورجع بجري لقاها كيف خلاهاا مهبطة راسها كتفرك فايديهاا ساكتة
مشا نيشاان لدار وتيليفونو لوسط كيصوني طلعات نمرة مراد وقلب التيليفون وهي دورات وجهها جهة الزااج عينيها مافيهمش الحيااة
كتشوف شنوو دارت لهاد السيدة حتى دارت فيها هاد الحاالة
هبط وحل عليها الباب هبطهاا طلعها لدار سااكتة غير دخلات بدات كدور عينيهاا بانت ليها الطابلييط مهرسة فلقنت كتر من قلبهاا لي فينما تجمع شضياتو تلقااه مرة اخرى كيتفرتت
حذيفة(عنقها عندو وقال) : اجي طلعيي رتااحي
ايمان (بسهوة) : كون غير مت
تشوكا من ديك الكلمة لي خرجات بسهولة شافيها بحال شي شمعة طافية فاقدة النور ديالهاا شد حناكها وقال: واناا مافكرتييش فياا
ايمان: تستااهل حسن منيي
حذيفة: وحدة لي كنستااهل ديتهاا ساليناا حنا بجوج غندوزو الحياة كيف كانت حلوة ولا مرة هادي غير حجرة عكلاتناا ونقزناهاا صاافي مكاينش لاش تمرضي رااسك
ضحكاتت وعينيهاا مغرغريين بحال الى كتقولييه راه طريقي كلها حجر فين بانت لييك طريق مسرحة
حركات راسها بااه وطلقات منوو طالعة لبييت بكل هدووء شادة ايدها مع الحييط
دخلات وتلاحت على الناموسية ..حسات بييه كيحيد لييها لبانطوفة،قادها فبلاصتهاا وغطاها كمشات على الغطاا وغمضات عينيهاا وقالت: ظلم البييت عفااك
دار شنوو بغات ..كان لبالكون كيتحل الزااج بحال السرجم وفييه السااروت سدوو وحيد السااروت وظلمو جاه الوسواس هز كاع لي ڤيتاميين لي حاطة تماا والدوا ديال الرااس
وخرجهم لبلكار فديريسنغ وسد علييه كيتنهد رجع طفا عليها الضو ورد لباب ماسدووش مخليها نعساات من الدوا لي شرباات باقي مأثر عليهاا
هبط لتحت هاز التيلفون يشوف شنو وقع لقا مراد حاط فيديوو فلانسطا ديالو وداير مونسيون لايمان باش يطلع حتى انسطا ديالهاا
كيكدب شنو واقع وكيواعد نورة بالقضااء والطعن فالسمعة وجبد اسمااء النااس لي سبوو واحد بوااحد وكلشيي تكتب كلشي غيتدفع لمحكمة فالمغرب
نورة غير وصلها الفيديو تزاد معاها الزاايد وصونات لصاحبتها
نورة: الو فاتي بخير
فاتي: لبااس مالك ياك لبااس
نورة : شفتي اللايف ديالي اللخر !
فاتي: قولي شكون مشافووش مكانش عليك اصااحبتيي تحطي داكشيي تخيليي دعييك
نورة: داك لمنادجر ديالها حط بليي غيلتاجئو للقضاء زعمة عندهم الحق ؟ وهي فبلاد اخرى
فاتى: ففف دخلتي راسك فلمرض ا نورة تيقتتي بلي ايماان تزوج ب حسام واش بعقلك شنو غيخليهاا 6 سنين هادي عاد تزوج بييه نتي هاد حساام خرج لييك العقل والله
نورة: متسرطاتش لياا اصااحبتيي متسرطااتش يبغيي البرهووشة
فاتي: راه يقدرو يدرو الوكالة لشي محامي وترفع علييك دعوة نتي راك ماخليتي فيها غير لي نسيتي وهي ماشي وحدة عاادية راه معرووفة يعنيي بغيتي تسالي ليها لكاريير تشوييه السمعة والقدف والتشهير الصااحيبة
نورة: نسبق انا وندعيهاا
فاتي: شنو غتقولي ليهم شفراتني عندك الدليل ؟ دات ليك بنتك ؟ ميمكنش متقدرش تخرج بيها برا المغريب بنتك مع باهاا ...نورة ايمان راه ماوصلاتكش ندمت كاع حتى قلت لييك حاطة بووسط ...بغيتي تخرجي عليها ولكن راه غتمشي فيهاا لحبس
نورة: وخة كوروناا يقدرو !
فاتي : كوروناا حابسة البوليس تي واش لبااس فكي حريرتك
ملقات مدير وصونات لوديان بقات مسجلة عندها نمرتهاا جاوبات وديان وقالت: الوو
نورة: الوو
وديان: شكون معاياا ؟
نورة(بتهكم ) : دغياا نسيتيي السبان لي عطيتيني
وديان(بركات على التسجيل): ااه اش بغيتيي ...دخل معاك الصهد نتلاقاو عند وكيل الملك
نورة: انا بغيت نعرف غير بنتي فين هي
وديان: كنتي تسوليني فاللول وغنقولييك ايماان منهاار جريتي عليهاا معاودات شافت كمارت شي حد فيكم ولكن نتيي لاا مشييتيي بغيتي تعرعريي
نورة(كتبكيي) : واليد ديال الرااجل ديال حسام
وديان: شوفيي ولا سمعيي ولا معرفت اش كديريي ...الى حسام هرب وخلاك ماتوحليييش فبنتك وماشي غير حسام لي كتبدا سميتوو ب ح المكلخة
نورة: عفااك انا غندير لايف و نعتادر وقوليها مدعينييش
وديان: نتي مخليتي فيها غير لي نسيتي كدبتي عليهاا ولحتي فلبااطل ودابا جااية كتبكيي
نورة: اوا أعلى ما فخيلها تركبوو
قطعات عليها خلات وديان كدعي فيهاا قلبات على الاوديو وسيفطاتو لحذيفة وقالت: سيفطو ل مراد وصلها الصهد جاية كطلب وترغب
كان كالس كيكمي وداير لكيت كيتسنط سيفطو لمراد ومع مكاين ميدار دغيا جااوب وحطوو سخوون تسجييل صوتيي وانقلب السحر على السااحر لا وديان ولا حذيفة كالسين كيتفرجو فالانقلاب ليي وقع طار ليها لانسطا والتيكتوك معطلوهااش وحذيفة كالس كيمسح فكمية التعاليق والميساجات جهد شي ساعة ولا كتر حتى ضروه ايدوو ومراد حتى هوا خدام فسطوريااتوو كيخلع فلبشاار وكل سطوري جابد وحدة من البنات كيحط سمية الكرووب وكيبقا عليها بالخلعة والهدرة حتى كتمشي تمسح الكونط كتشدها الخلعة وكتمشي ديزانسطالي الفيس حتى تبرد
عطاهم مهلة ديال 24 ساعة بااش لي حط شي حاجة يمسحهاا ولا القانوون فوق كلشيي
وداكشي ليي كاان الخلعة والخوف كتخلي بناادم يفش الصدر لي دافع ويدخل سووق جواه ويبعد من المعااطيية
وبدات الفئة التااانية كطلع وكتقوول شفتو شنو قلت معمري كنتيق صحاب التيكتووك هاهي بانت على حقيقتها غير سمعات لبوليس ولات كتبكي وتقوول الضغط يولد الانفجاار
لقات اللناس فاش تشد ولات حديث السااعة وهي مجايبة لدنيا خباار مكمشة ف فراشها مناضتش منوو غير لبغات تقضي حاجتها وبزز كينوضها تصليي معااه شحال من مرة كتبدا تبكيي فوق السجادة وتنخصص كيخليهاا تخرج شنو عندها كيقرا عليها شوية تاع القراان و كيعطيها الدوا لي خرج ليها الطبيب
كيخليها تهدن وتنعس كيعطيه ليها بايدو من بعد مكتاكل شوية
اليوم الثالث وصل
جرها عندوو خشا ايدو تحت حوايجهاا وهي عاطيااه بالظهر
لابسة كسيوة قصيرة سميطاات حالة عينيهاا كترمش قبالتها غير قاسها غمضات عينيهاا
باسهاا فكتفهاا وعنقهاا حتى تكمشاات
حذيفة: زعيبيلةة دياليي (عضها من شحمة ودنها تدورات ايدها حكات ليه فشعروو ) صبحتي مزياان
ايمان: صباح الخيرر ...شحال دابا
حذيفة: شكون عرف (كيدوز ايدو عليهاا ، دورها عندو كيبوس فعنقهاا وصدرهاا
ايمان: حم حذيفة خاصني ندوش
حذيفة: علااش مالكي
ايمان: محسااش براسي مزياان
باسهاا وقال: مزيان وفوق مزيان
حركات راسها بلا وقالت: عفااك
بعد ايدوو فين كان حاطها وقال: وخة
ايمان: تقلقتيي !
حذيفة: لاا علاش غنتقلق بزز
ايمان: غير بغيت ندوش ون
حذيفة: شش مواقع والوو نهار كلو ديالناا
تبسماات لييه وحركات راسها بااه وقال: اجي فطريي معاياا توحشتك ... توحشت البساالة معاك
ضحكات بلطف فحضنوو وقالت: وخة
حك ليها شعرها شوية ومشا حل البالكوون طلع الريدو وبان الضو...رمات عليها لفرااش وبقات كالسة فبلاصتها ساهية حتى كلس قفازية قدامها جمع ايديها قدامهاا وقال: واش غنبقااو هكاا ! الحاجة لي دازت ترون ليينا حيااتناا مم شنو قلناا مم
مكاين لاش تمرضي رااسك
حركات راسها بنفي وقالت: بغيتيني ندير بحال الى موقع والوو النااس كتسب فياا وهوما مامدوزينش حتى ربع لي دوزت
حذيفة: واش غتسكتي بنادم ؟ مغاديش يسكت وغايهضر فلخايب والزويين حيت كاين واحد النوع تزاد غير باش يعاتب الناس ويغفل على حياتو وحنا نمرضو راسنا بييه ؟ غنوقفو حياتنا ونسدو عليناا ونخليوه يفرح بداكشي لي بغاا ااه
هاديك السيدة وكاع لي قال فيك كلمة ديال العييب غيمشيي يتربى
حركات راسها بلاا وقالت : معندي مندير بيهاا تبعد منيي وتنكرني هادشي كافيني
حذيفة: ولكن خاصهاا قرصة باش توكض وترجع اللور نتي مدخليش فهادشي مراد مكلف وخة
مشات لدووش وهوا هبط قاد ليهم فطور خفيف حتى هبطات كتحاول تبيين راها بخير ولكن حاسة بنفسيتها مزيرة وباغة غير الظلام والعزلة غير كتشوف فيه كتحس بتانيب الضمير بحال الى معرفت شنو دايرة لييه
لابسة تيوشرت طويل مع تقيشراات هابطيين وشعرهاا مخلياه فازك منكووش
بتاسمات لييه وعيط ليهاا جات عندو عنقهاا وتحسس جسمها من فوق التيشورت وقال: كاين البرد شوية ملابسة والو
ايمان: مرتاحة هكا احبيبي
حذيفة: اتااي ولا قهييوة ازعيرة
ايمان (كتلعب بلحيتوو فايدهاا ) : كلشي منك عسل
تبسم لييه وضربها فمؤخرتها وقال: كلسيي
كلسات فبلاصتهاا حدااه كيفطر فييهاا وكيعاملها فوق الزويين وهي شنو كتعطييه والوو غير الغبينة
هادشي كلو كيدوور فرااسها وهي كتفطر معاه
ايمان: علاش هرستي الطابلييت ! وخدمتك ليفيهاا
حذيفة: نسااي كلشي كيتعوض
ايمان:(عينيها فلكاس ): مكنتيش تخبي علياا كنت نقدر نتقبلهاا
حذيفة(مسح على وجهوو ): مقدرتش
حركات راسها بااه وقال: سمحيلياا
ضحكاات وقالت: انا لي سمح لياا رونت لييك حياتك
بقا ساكت كيشوف فيها وقال: مغنساليوش من هاد الاسطوانة شنو درتي باش رونتييها ..بلعكس حليتيها وزينتيهاا ودرتي لياا التشويق والتجديد
ضحكاات بلا هواها وقالت: فاش هاد التجديد
عضها من كتفها وقال: نورييك فيين درتييه ؟
خشا ايدو تحت التيشورت وقفزاات كضحك وقالت: صافيي صافي هههه عرفت عرفت
حذيفة: اش عارفة سكتيي اجي نعلمك باقة صغيرة
جرهاا لقاها مدايراش حتى السوتياان داكشي صغير و واقف كيحمقوو وكيبانو الريووس مطراسين فتيشورت
جابها فوق منوو فاتح ليها رجليها وضحكات: بقا غير لكوزينة احذيفة
حذيفة: شفتي بلاصت لفراان
ضارت منيتها كتشوف وقالت : مالها
حذيفة(عضها فصدرها من فوق التيشورت حتى غوتات وقال): تما فيين غنمحطك مع العسل والشكلاط طلعي لياا لانسوليين
ضحكاات منيتها كداعب فشعروو وبدا كيسخن عندهم الطرح
سمعو تيليفونو كيصووني وقفزات اما هوا مغيبب معاهاا تعاود صونا من جديد
ناضت من فوقو خلات عينيه ناايميين وعلامو مهزوز كضحك علييه وقف كيجاوب وكيشووف فيهاا
_مم سي سي معاش (هز ايدو يشوف الساعة ) صافي ؤك
قطع وحط التيليفون وقالت: شكوون
حذيفة: ممم
جرها قبل متهرب غفلها وهزها عندوو طالع بيها فالدرروج كيبوس ويتحلف حتى رماها على لفرااش ملهوف على معاشرتها حتى قاطعاتو وقالت: ولكن راه مشربتش لفنيد هاد يومايين
حذيفة : كلشي ليه الحل الا القطعة من ورا الولف
ضحكات وعطاتوو جسمها بااس ومص وعض عاد برد خلاها كتوزوز وترعد غير بوحدها تلاح حداهاا كيفور وهي كتر كيردو النفس والتلفازة شاعلة قدامهم
ايمان: نوض ندوش
جر ايدها رجعهاا وخرجو عينيها كضحك : لااا احبيبي عفاااك براكة
ضحك بتقاالة وجرها لحضنو وقال: عدبتك لهاد الدرجة
ايمان(بخجل كضحك ) : مممم بزااف كتولي واحد اخوور (ضحكاات مخبية راسها فعنقوو وهوا كيضحك )
حذيفة: غير قوليها ، قول فين كانو رابطيينك هههه
ايمان:هههه(هزات رااسها كتلعب فلحيتو لي قوات ) بيناتنا زعما ماعمررك قستي شي بنت !
حذيفة: لااا والله اول مرة معاك(ضحك ) علاش
ايمان(غالب عليها الضحك ): هادشي كلو عارفوو ومعمرك قستي شي بنت
طلق واحد الضحكة خلاتهاا تسد لييه فموو حشمهاا وقال: شنو بغييتي نديرو كوية الواليدين ولاا
ضحكات وقالت: اشنو هي هادي
حذيفة: ههههه كينعسو فالظلام هههه العلم طور ودخولو بوزات جداد
ايمان: هههههه الله يمسخك هادشي فيه العلم
حذيفة(كيمسح عينو من الضحك ): ههه فييه حتى الفيزيك خاصك تكون معلم وتلقاا النقطة منين تدوب لييك الشحييمة ههههه
ايمان: لاا والله حتى كتصدمنيي ههه شمن نقطة
حذيفة: دابا بلا حشمة متزوجناش باش نحشموو شنو كايعجبك
ايمان(تزنكاتت ): معرفت هههه
عضها فودنها : انا عاارف لپوان فيبل ديالك
ايمان: دابا تا انا خاصني نعرف لپوان فيبل ديالك
حذيفة: لاا نتي غير كوزيي وتفرجيي لي پوان هواماا
طرشااتوو بالضحك وخرجات عينيها فييه وقالت: والله مكاتحشم اوف
حذيفة: غدا نعلمك درس جديد ههههه
دفعااتو بالضحك وقلبها فوقو وقاال : حركيها الحمامة
بغات تهرب ملقات لييه جهد عصر علييها كي المشتاق الى دااق
حتى سالا ليها جهدها ماخلاهاش تفكر فشي حاجة من غيروو حتى تيليفونها ماسولاتش علييه
حتى صافي دوشوو وكل مرة تشدها الضحكة من هضرتوو وزعاامتو كان كيبان دروويش حتى تقلب سيكسااوي من داكشي الرفييع
دخل عندها بالفوطة وقال: كتلبسيي
ايمان: ااه
جا وراها عنقهاا وقال: نهدرو شوية
تلغات تبسيمتها وقالت: شنو واققع
حذيفة: واالو والو مواقع حتى حاجة احبيبي (باسها فكتفهاا ) اي حاجة كنديرها لمصلاحتك وعفااك فهادي بالضبط مبغيتش شي كلمة فوق كلمتي معااك وخة
دورها عندو وقال: خديت ليك رونديڤو مع الطبيب وغنمشيو نشوفووه
ايمان: علاااش انا بخيرر
حذيفة: لااا نتي ماشي بخير
ايمان : ملي كنكون معااك كنكون مزييان واش كتحس بيا كنضحك بزز معااك ولا كنهضر معاك بزز (برجاء )مبغييتش
حذيفة: راه هنا فين كاين المشكييل ا ايمان ،انا بغيتك تكونيي بخير فحياتك فرااحتك حاس بييك كضحكي وتهضري غير باش متخسريش ليا الخااطر
ولييت خااايف ولييت موسوس من جيهتك ؤك دابا حنا كالسيين مع بعضياتنا ولكن واش هدشي غيطول لاا غيخصني نرجع لخدمتي لي شي مرات كتكون بالليل اشنو غادي ندير الى جاتك كريز بووحدك الى خفتي الى تخلعتيي شنوو غادي نديير حسي بيا تا اناا
ايمان(كتبكي): شنو غنقوولييه
حذيفة: قوليه شنوو كتحسيي شنو المشكيل لي كيوقع ليك نتي ماشي مضطرة تعاودي لييه قصة حياتك ايمان راه باديك اكتئااب رااه ماشي حاجة سااهلة
ايمان(بامتنااع ): لاا لا لا
حمر فييهاا وخرج عينيه فييها وقال؛ غتزيدي قداااميي وبلا هضرة زايدة ، لبسي ا ايماان
ضارت كتنتر كاتهز فحوايجهاا وكتلبس وهوا حداها كيطلع فالسروال كيسد فالصدفة كيجبد فتيشورت مرييح يلبسسو كان موجدو وكلس كيلبس فتقاشرو وهي مزال تالفة شنو تلبس
ايمان(بنفخة ): شنوو غنلبس كلشي سخوون
حذيفة: ولفتي التقزااب ماشي جاك الصهد،تفكري جهنم وغتهزك (كيرجف بايدوو )تبوريشة ديال شهر 1
جبدات كسوة كلووش نص كم عرييضة جات مع ركبتها نيشاان لبسات تحتها شورط وهزات شوميز دجين لبساتها كدور فعينيها باش يقولييها بركي اللرض السعاتي محكرش وهبطات تابعاه كتنهد
شدها من ايدهاا مد ليها صاكها وخرجو سادين وراهم الباب
هبطو لطموبيل دارو لباڤيط ديالهم وشد الطريق داير العنوان فلمابس وهي كتحرك فلخاتم بتوتر وقلبها كايضرب
شد يدها باسها وقال: مالكي واخدة الموضوع هكا ،واش عاجباك لحالة لي كتوصلي ليهاا ممم لكريز بانيك جاتك نورمال
ايمان راه الطبيب النفسي بحالو بحال اي طبيب راه غير لواحد لشدو ستريس كيمشي يخرج شنو عندوو والطبيب كايعاونو كيشوف شنو محتااج الرااحة ولاا السفر ولا الدوا هذا مكاان
وصلو لمكاان العياادة الدنياا خاوية و الصقيل فالشوارع مع الدخلة كايلقاو الملصقاات على التبااعد والكمامة والمعقم كديريه قبل مدخلي من الباب حاطينو تما
مسحو ايديهم ودخلوو لقات شخص واحد لي كالس تما شاد جورنال كايقرا غاطس رااسو فييه
كلسو حدا بعضياتهم كتربت برجلهاا وكتزير على ايدهاا حتى وصلات نوبتهاا جات المساعدة تكلمها وجرات يد حذيفة والمسااعدة رفضاات وقالت: بوحدك
حذيفة: اناا هناا متخافيش
زيرات على صااكهاا ومشاات حلات ليها الباب دخلات ايمان وسدات وراهاا بقات كتشوف فلباب حتى تكلم طبيب وقال: اولااا بياانكاا ولا ايماا ؟
قلبات عينهاا عندوو داير لبافييط حتى هوا ومحتاارم مسافة الاماان مخلي البيرو ديالو وكالس فواحد لكرسي وقدامو طبلة تاع الزااج فوقها كلينيكس وقراعي ديال الماا ومعقمات وحداه فطووي ، موسيقى هااادئة كلاسيكية كتسمع ، بزاف تاع الشواهد معلقيين فالحييط اشار ليها بايدو باش تجيي تكلس قبالتو فوق الفطووي
خوسيه: شوية !
ايمان: ش شوية
خوسيه: علاش خايفة زيارة طبيعيية كونما الجائحة كنت نقدم ليك القهوة والبيسكوي
تبسماات كتلعب فالسمطة تااع الصااك وقال : مغربية !
ايمان: سيي
خوسيه: تبغي نتواصلو بالاسبانية ولا الايطالية ؟
ايمان: الايطالية
خوسيه(قاد لكرفااط ) : عاودي ليا على المغرب
هزات عينيها فيه متفاجئة من سؤالو وقالت: زويين ،الوطن ،الانتمااء
خزسية: علاش هاجرتيي منوو
ايمان(عينيها تغرغرو وسكتات ..رجعات بظهرها اللور ) : مبقيتش مرتاحة فييه
خوسيه: علاش (بهدوء )عاودي لياا على طفولتك على فين كبرتيي
هبطو دمووعهاا وقالت: شنو غايفدني هادشيي من غير تضبرني فالجرحة
خوسيه: الجرحة خاصها تبراا باش متبقاااش تعطيك الصدااع
عطات طاقتها غير فلبكا وهوا كاالس كيشووف فيهاا داير رجل على رجل بسروال توب وقاميجة بيضاء مع كرفاط شعرو شاايب ونظارات طبية رجل خمسينيي شارب الحياة
خوسيهه: نوبات الهلع شحال ديال الوقت وهوما كيجيوك ؟
ايمان(مسحات عينيها ): شي خمس سنين هادي
هز مذكرتو وقال: قولي ليا باش كتحسيي
ايمان: كنحس بقلبي كيضرب ،خوف ماشي طبيعيي ،كنقول صافي غنموت ،ايدي كيرجفوو ،مكنبقااش مركزة قداامي ،كنولي نتخيل شي اصواات مكاينينش
كيكتب ومرة مرة يشووف فيهاا وقال: اجتماعية مع النااس
حركات راسها وقالت: كنت مبقيتش
_علاش !
ايمان: مبقيت بغيت حتى واحد تانيي فحياتيي
خوسيه: وراجلك ؟
تبسماات وعينيها فلورد لحمر : هداك هوا النور لي باقي فحياتيي
خوسيه: كتبغييه
ايمان: منقدرش نعيش بلا بييه (حطات ايدها على صدرهاا )الى شي نهار مكانش فحيااتيي م منقدرش نكملهاا
خوسيه: شنو تقدري ديري الى مكانش فحياتك
ايمان(بتاكييد ) : نساليهاا
كان كيكتب وتوقف على الكتاابة وهز عينو فيهاا كيقرا عينيها وهاد الكلمة لي قالت كتباان واثقة من كلامها ماشي قالتها غير فسيااق الكلاام
خوسيه: تنتاا__ حري !
ايمان: مكانتخيلش حياتي بلاا بييه
توقف لدقيقة غير كيشوف فييها وقال : عمرك فكرتي فالانت__ حار
حركات راسها بااه وقال: شحال من مرة وعلاش
ايمان: 3 ديال المراات
خوسيه: اولهم
ايمان: ملي ماتت مي جربت ناخد الممنوعاات وكترت
خوسيه: من بعد
ايمان: ملي ضااقت بياا وملقيت حتى حل فطريقيي بغييت نساليهاا
بقا كيكتب ياله بغا يزيد يسولهاا قالت: صافيي مقادرااش عيييت
سد المذكرة ومشا لبيرو ديالو وقال: غنكتب لييك الرقم الشخصي ديالي تواصلي معايا فأي وقت
هدا دوا غيعااونك باش تحدي ديك الحالة لي كتوصل ليييك ومتخالفيش الموعد لي غتعطيك المساعدة (شاف فيها )عفااك ،هادشي غينفعك نتي ماشي اناا...
ايمان(حركات راسها باه حاطة ايدها على صدرها باغة غير تخرج ): ؤك
_كتفكري تحملي حالياا ؟
حركات راسها بلاا وقال: ؤك كتاخدي بيلييل (جاوباتو باه وهوا كيكتب )
مد ليها الورقة عامرة مكاشي فيهاا وبطاقتو الشخصية وقال: كنتسنا اتصالك فاي وقت
حركات راسها بااه وخرجاات لقاتو كالس على الشوك غير شافها وناض عندها
ايمان: نتسناك حدا الطموبيل تخنقت
حذيفة: لا لا اجي
شدها من ايدهاا جبد خلص 100 اورو حطها فنص سااعة خدا الموعد التاني لي منهنا 15 اليوم وخرجهاا براا تكات على الطموبيل محيدة لبافيط كتنفس ،حيدات تجاكييط وطلعات فطموبيل حل كاع الشرااجم وزااد مع الطرييق ...مباغيش يحكر خلاها على خاطرهاا شد من عندها الورقة قراهاا وهبط خدا ليهاا شنو تحتااج ورجع لطموبيل نيشان لداار
مع دخلوو لاحت تجاكيطة كتسووط ومشاات كلساات على لفطووي معوجة قنانفهاا ..لاحت حتى لكسوة وبقات بسوتيان هابطيين بشبكة وشورط
حط شنو جاب معاا سبرديلتوو ومشا غسل ورجع خدم لماشيين ديال القهوة ،حط جوج كيسسان دار ليهاا قياسها ديال السكر ومشا كلس حداهاا حك شعرها وتبسم ليها : مزياان !
ايمان: ممم
حذيفة: مالك !
ايمان(تنهدات كتسووط ) : حذيفة مبقيتيش تقولييا نمشي عندوو
حذيفة(حط الكاس بانتباه ) : علاش شنو وقع
ايمان: ماوقع والوو ياك مشييت درت ليك خاطرك شنو تبدل ؟ كنت ناشطة بخيير حتى مشييت عندو ،انا مخاصنييش الطبيب بنادم لي ضاير بياا لي خاصهم
حذيفة: غدا ناخد رونديفو نمشي
ايمان: تء حذيفة راك عارفني مكنهدرش علييك
حذيفة(قرب ليها بهداوة كيمسح على شعرهاا ): شنو قالييك مم عاودي لياا
ايمان: مقالياا والوو انا كنهدر وهوا كيقييد منصحنيي معطااني حل ما واالوو عطاني الدوا وقالياا صافيي سيري منهنا 15 اليوم جيي باش ملي ندخل تانيي يعطيني نفس الاسئلة واش اناا مريضة وهوا كيقولياا عاودي ليا على المغرب كنبان لييه خدامة صحفيية ولاا شنوو
حذيفة: الزيين راه هوا عارف خدمتو كيفاش يجيريهاا بغا يجبد معااك حواار نورماال
ايمان: مارتااحييتش (شدات يدو برجااء ) غنتبع الدواا لي عطانيي راه فييه شهرااين من وراهاا الى حسيت براسي مزال كنحس بنفس الحاجة غنشوف الطبيب حسن ...شنو غنمشي ندير عندو نبقا نهدر معااه ؟ انا كنهدر معااك
حذيفة: كتخبي علياا شنو كتحسيي ا ايمان راني ماشيي كنعس نعسة اهل الكهف ...مكتنعسييش
ايمان(مسحات على وجهها ): عادي كيطير النعااس
حذيفة: نتي طااير ديما ماشي غير مرة ولا جوج الى مشيتي حتى فقتيي كتبقاي شادة تيلي تالصبااح و البيبان مخاصهمش يتسدو راه هادشي بحد داتو خاصك تعالجييه
ايمان: كلشي غيمشي مع الوقت كنواعدك ...ولكن غير متقولش لياا سيري لطبيب دوايا غنكملو كنواعدك والله تغنشربوو وغنصلي وغنقرا القراان وغنقرا الأذكار ونستغفر كيف قلتي لياا وغنولي بخيير
حرك راسو بااه وسكت كيشرب فديك القهوة حتى نطقات : فين تيليفونيي
توقف وحط الكاس شاف فيها وقال: اش بغيتيه
ايمان: راه عنديي عقوود احذيفة خاصنيي نشوف شنو عنديي
حذيفة: كون واقعة شي حاجة كون اتاصل مرااد
ايمان: عفااك والله مغنتسووق لي وقع وقع
حذيفة: من بعد من بعد ياك نتيي بخير ومرتاحة
ايمان: مرتااحة وبخيير
حذيفة(باسها ) : نوضي طيبي لينا منااكلو
طاحو كتافها وقالت: لااا كنتلف ومكنعرف منطيب
حذيفة: طيبي طاجيين
ايمان: حرام علييك
حذيفة: و نوضيييي نوضي حتى نشوف هاد الطاجين كيف دااير عاد نفكر نعطيه لييك ...والله وخة تقلبي علييه تحت لحيوط لا لقيتيه
ايمان: فالطموبيييل ههه
حذيفة(حرك راسوو بلا) : نوضي تكعدي
ضرباتو لكتفو حتى تزلعت علييه القهوة فوق السروال وناضت كضحك وقالت: مزيانة فييك
شافها بغات طلع لميكة ديال الدوا وقال: ارى نشوف شنو كاين تماا
مداتها ليه بعفوية وقال: كوزينتك
ايمان: بااسل والله
طلعات الفووق جبد عرام ديال الكين قدااموو كيسووط ها لي مع الفطور ها لي قبل النعاس ها لي قبل الماكلة ورا المااكلة
جبد تيليفونو كيكتب الاسمااء وكيقراا علييهم
هدا تاع اضراب النوم
هدا تااع الاكتئاب
هدا تاع التعب
هدا هدا حتى دااخ ملقا قدامو غير وديان هي عندها علاقة مع الطب وفايت قالت عمها طبيب نفسي
صور ليها كلشيي وقال: تقدري تسولي عمك واش هادشي مزيان ! جاني كتير
كانت داخلة خدات وقت كتشووف التصاور وقالت: مشاات ! عاودات ليك شنو وقع
حذيفة: مبقاتش بغات تمشي
وديان: شووف الى شديتي معاها الضد حتى نتا مغتبقااش تعاود لييك غتولي تمتل راه بخير بحال كيف كانت كدير معايا ملي برزطتها على الطبيب ...عطيها مسااحة وشوف شنو غادي دير خليها ترتااح ومتعطيها التلفون حتى تصلح الاموور مع هاد خيتي ،انا سيفطت هادشي لعمي يجاوبنيي ونجاوبك
شكرها وحط التيليفون حتى بانت ليه هابطة جمع دوك الدوايات وحطهم وطلع بدل عليه بشوورط وجاي عندها تالفة حدااه
ايمان: شنو ندير
حذيفة: اجي نعلم حبي الطيااب
ضحكاات وجمعات شعرهاا الفووق كيقول ليها شنو دير وحتى هي كتوجد والحال بدا كيظلام والطاجيين صغير قياس جوج ديال النااس ديال طيين كيطيب فوق البووطة على عافية مهييلة
كتقطع مطيشة وجا وراهاا كيعنكش فييها وكيقطع معاها وهي كضحك
ايمان: ويلي والخبز نتا عايش غير بطوست هههه
حذيفة: حتى هوا راه خبز انا مكناكلش الخبز
ايمان: باش غادي تغمس هههه
حذيفة: بييك
ايمان: ويلي على ماااكلااا غتاكل بلفرشييط سميتك فرانسيسكوو
حذيفة: اللهم لفرشيط ولا تخرج لياا كرش بوشعيب
ايمان(ضحكات ) : ههههههه وناري علييك خايف تغلاض ،غايجي معااك
حرك راسو بلا كيضحك وقال: غلاضي نتي ...بغيتي ضيعي لياا لونطريما ديال 6 سنين فدغمة تاع الخبز
ضحكات وصونا تيليفونو وقال :هاكي صاحبتك عطيني نكمل
مسحات ايدهاا وشدات من عندو التيليفون جاوبات ابييل فيديو وقالت: ويليي نهار كبير ومضخم هدا
ايمان: قطع عليا الما و الضو
ودياان: عزيزي باغي ليك الخيير كوني تسمعيي هضرت رااجللك
ايمان(هزات حجبانها بمعنى منييتك ) : فيك السخانة
وديان(كضحك) : خفتو تانا يبلوكينيي عزيزي راك تماا
ضحك حذيفة حداهاا وايمان كضحك معااها خلاتوو ومشاات كلساات فطبلة كتهضر وتجمع مع ايمان مجبدوش حس المووضوع نهائياا شي ساعة وهوما دودودو فالهضرة ماعيااوش قطعات معاها وحطات تيليفونو حدا لبوطااجي لقاتو طلع ومشاات عاضة على فمها بغات تدخل من عندو لانسطاا لقاتو جامعهم فضووسيي كاامليين مخلي غير الواتسااب ومطرق علييهم بلكوود وقالت كتسمع لييه : ناري على فعاايل فييك احذيفة
جاوبها من الفووق وقال: كملي عشاااك هاني جاي
حطاتوو مقطووعة قلبات الطاجين لقاتو طاااب طفات علييه حتى بدا تيليفون كيصوني وقالت: حذيفة ،حوووذيفااااه
حذيفة: رااه غنهبط ليك
ايمان: ههه هبط ختك خديجة كتصوني ابيل فيديوو
حذيفة: هضري معااها قوليهاا شوية ويجي
ايمان: حتى تجيي
حذيفة: وهضري
قطعات ورجعات كتصووني قادات شعرهاا كانت لابسة غير كسيوة سميطات
فتحات لكاميرا بابتساامة تبانت قدامها لطيفة وتبسماات ليها
ايمان: خالتي لبااس
لطيفة: لباس ايلي كيدايرة تهنا الوقت
ايمان: الحمد لله البنات كلشي بخير
لطيفة: اللهم لك الحمد ،فين حذيفة مكاينش
ايمان: لاا كااين كيقاد واحد لباب الفوق شوية ويهبط
طلات خدييجة عليهم وقالت: السلام ايمان لبااس
ايمان: لباس اختي الحمد لله كيدايرن وليداتك كلشي بخير
خديجة: الحمد لله
جاي حذيفة كينشف فايديه وتبسمات لييه غمزها وقرب ليها تشااف شنو لاابسة وخرج عينوو فيهاا
مادات ماجاابت
هز التيليفون كيهضر مع موو حتى باانت خديجة وقال: خديجة لبااس
خديجة(بالشلحة ): الحمد لله نتا لبااس مباغيش دوي معايا ولاا
حذيفة(مشا لفوطوي ): لا علااش مالنا مدابزيين
خديجة: شتك مبقيتي كتسول قلت واش مقلق
حذيفة : ملي يكون شي حد راه كندويو باللغة لي كيفهمها اخديجة ماشي العكس ،راه الواحد كيتنواا على والوو
قلباتها عربية وقالت: هاك خالد بغا يسلم عليك (ولدها )
هضر معاه شوية وقطع
غير قطع جات تلاحت فوق رجلوو وقالت : مالك كتخرج عينيك قبيلة
حذيفة: جاوبتيي هكا كون كان الواليد
ايمان: الصراحة مطاحتش فبالي قلت غير خديجة
حذيفة: هاهي فبالك
ايمان: وعلمني الشلحة كنبقا كي الاطرش في الزفة هههه
حذيفة: الليلة نعلمك كوني هانية ندير ليك درس خاص
ايمان: لا لا بلاااش ههههه
تفكر الحوار لي ضار مع خديجة من ورا هادشي لي وقع لايماان كان فالطموبيل حتى كتصوني لييه جاوبهاا من بعد السلام
خديجة: حذيفة واش هدشي لي كدير فييه عجبك !
حذيفة: علاش شنوو كندير اختي ؟
خديجة: واش اخويا على قلة البناات ،منين طحتيي عليهاا منين ماهي من سهمك ما نتا من سهمها بعاد كي بعد السما على الارض
حذيفة: هي من سهمي وانا من سهمها معنديش مشكيل شنو لي معاجبكمش
كتهدر بالشويية وقالت: واش معمية لييك البصيرة ولا مالك ،البنت من ساسها لرااسهاا مشكييل اخوياا شنو باغي تصنع …. نقولوو الانساان خطااء تزوجات تمسسح كلشيي وتبت ،انا شفت داكشيي تصدمت ونتاا شاايف وسااكت عرضك وسُمعتك هكاك احذيفة
حذيفة: واش نتوما تقبلتوني حتى انااا بقا غير مرتي اخديجة
خديجة: حيت باغيين مصلااحتك صداعك من اللول مع باا غير على لكاارو شويية على هاد العجب لي تبعتي فاللخر تحش لييه الركابي بهاد التزويجة معولين عليا انا نقولها لييه ! والله اخوياا مندير ايديي فهاد لحريرة الى نتا مقتانع الله يسهل لييك معااه قولييه تزوجت وقوليه نيت شكون مرتك وشنوو كدير باش تكون هي اللخرة لييه معااك …. حنا كنرطبو الطرح معااه كانقولو ليه تبدلتيي وشديتيي فصلاتك ومخرجتيش الطريق وخة بلاد الغربة ، تنوض نتا من اللخر تجيب لييه وحدة
حذيفة(قاطعها ): خديجة محتاارمك فوق الجهد وحتارمينيي شويية هادييك الوحدة انا لي معاشرها وعارفهاا وبناادم نتوما معرت اش بغيتووه يصنع باش يعجبكم ؟ بغيتيها تبدل على قبلك باش تعجبك ولاا ، انا عاجباني ومتحمل المسؤوليية صاافيي ! نهاار غتقتاانع غتبدل رااسها مغنبدلهاش اناا
خديجة: واش ضربك طلاميس ولاا ماالك ،جمع رااسك راه بدا كيتشتت راه مبقاتش غير فالزيين حتى من خالد عاارفهااا اويليي واش بعقلك اخويااا مع تحط رجليها كلشي غيعرفهاا
حذيفة(تنهد ): خديجة داكشي قبل منيي يعنيي مغانحاسبهااش علاش لبساات وداارت
خديجة(بانفعال) : تمسح وتديها فدارها وراجلها لاش مزال كتحط لاش مزال كدير لفيديوات
حذيفة: خديجة اختي مامسالييش وانا ماشي صغير توريني شنو ندير كل حر فحيااتوو وكل واحد قبرو بووحدو
خديجة : ولكن راه غتدي ذنب مساترهاش
حذيفة : هانتي قلتيها انا لي غندييه صافيي مشغل حد نخلييك الله يعاونك
يتبع...
التعليقات
لا توجد تعليقات بعد، كن أول من يعلق.