محتوى القصة
خلا ايدو وراهاا تجاو الدراري و حيدهاا هوماا كيهدرو وزينة فلكوزينة وهي عقلهاا كيفكر الشهية مقطوعة ليهاا حاسة بالمعدة مسدودة كتبقا تفكر وتعراق غير بوحدهاا
تحط العشاا لي كان طبسيل عامر لحم وبرقوق
طارق: الله اعطيك الصحة ابنت العميم
ناصر: خاصك تزيدها فصدااق
طارق: تستااهلوو
زينة (ضحكات عاجبها الحال ): بصحتكم
بتاسمات ايماان لييهم حتى هوما عاد مزوجيين والحب باين فعينيهم والاهتمام كذالك
حذيفة: ايمان كوليي
بدات كدير ايدها معاهم غير باش متسمااش مكلاتش اللحم كان كيشهي ولكن نفسها مسدودة ...تعشاو وحطو الديسير من وراها ناضو بالزربة حيت 9 كلشي خاص يكون فداروو
ناضو كيتسالمو فالطريق ترجعات زينة هازة صاشية مكتوبة فيها "Primark" وقالت كادوو ليك
ايمان: عدبتي راسك والله
زينة: ويلي شنو درت لييكم (باستهاا)بالرفااه والبنين ان شاء الله
ايمان : امين يارب لينا وليك ،حشمتيني وانا مجبت لك والو كتساليينيي كادو
زينة(بمزاح): الاغنية الجاية ديري ليا ديديكاس
طارق(ضربها لكتفهاا ) : ياك
زينة(شدات دراعهاا ): هداا
حذيفة: تصبحو على خير
ضحكات ايمان وهبطاات وهبط معاهم ناصر لي حتى هوا كاري غير قرييب تما مشا على رجليه وهوماا مشاوو لدار الطريق كلها ساكتة كيشوفو فزنقة على غير العادة خااوية و السكااات كلشي داخل لدارو الدنيا مشطبة من النااس
طلعو حتى هوماا لدار والتيليفون كيصوني فايدو ..حل الباب ودخلو ورجع سدو وراه
ايمان: شكون !
حذيفة: الواليدة نرتاح ونهدر معاها
ايمان : هدر معاها لتشوش علييك ...واش قلتي ليها بلي تزوجناا
حذيفة(كيحيد تجاكيط ) : مزال
ايمان: مبغيتيش تقولهاا
حذيفة: علاش مبغيتش ممم
شافتوو كيشوفييها ومشات سلتات لكوزينة كتقلب على لكاس تشرب وهوا حداهاا ..ضحك عليهاا ولعب على خوفها وجا وراها مد ليها لكاس وحاصرها بايدو على لبوطاجي وقال: فين باغة تهربي
ايمان(توتراات وقلبها كيضرب بالجهد ) مهاربااش
حذيفة(غمض عينو ونيفو على شعرهاا كيشم ريحتهاا مبعد جسمه عليهاا فقط نيفو لامس نيفها مبغاش يزرب وتنفر منوو) : متعشيتيش قبيلة مالك
ايمان: و والوو (تزنكات )غير عييت شوية خاصني ندوش
حيد ايدو كيضحك وقال معنكش شعرها قبل مايمشي لتلاجة : زعيبيلة
ماشرباتش مزال خلاتو مشاا لسرجم كيكميي وهي طلعات لدوش مدخلة معاها بيجامتهاا والفوطة ..سدات لشاس وكلسات هازة تيليفونهاا
كدير روشيرش على ليلة الدخلة داكشي كثير وكل كيلغي بلغااه لقات عرام تاع الميساجات من وديان مهدرات معاها ملي خرجو من القنصلية وعلماتها بليي عقدو
وديان: ويلي البنت غبرات ايكون لاعبين الماتش الخامس ههه
جاوباتها ايمان كضحك: الله امسخك ياله دخلنا عرضنا صاحبو طارق ومرتوو
سيفطاتو ليهاا ومشات لكوكل كتقراا حتى وصلها ميساج من وديان كاتبة : ياله دخلتو مممم احيانا علييك هههه دقتي الحلوة ونسيتيني ههه
ايمان: والله حتى معاك بالصح
وديان: ههههه الحمقة غير كنضحك معاك ولدرتيها بصحتك
تنهدات وكتبات : وديان خاايفة بزااف والله
مع سيفطاتوو غرغو عينيها وطاحت دمعة دغيا مسحاتهاا الموضوع ماشي ساهل بالنسبة ليها كتحاول تفكر بايجابية وتنساا كلشي ومكتقدرش جسمها تعود ينتافض من بلاصتو بلا هواهاا...كيطيحو فبالها دكريات مخلات كيفاش دارت باش تنساهم لاصقين فيهاا
وديان: ايمان واش كدوي معقول ؟ اصااحبتي هدشي راه نورمال علاش اتخافي !
الهدرة ساهلة بمقارنتا بداكشي لي هي حاسة بييه وقالت: غير الستريس
وديان: عادي ابب تعاملي مع الموضوع بشوية وحتى هوا يحاول علييك غير بلخاطر وغيكون كلشي بخير اما لبقيتي مزيرة ومخلوعة سينورمال مغتحسيش بداكشي زوين
ايمان: شنو ندير
وديان:ضربي لك واحد الدووش سخني فيه عظيماتك وترخااي ... ديجاا الامور ملطة بالليزر يا الصݣعة مخليتي باش يكالي هههه مهيم عطري لياا اللحم وتريحيي وفرحي براسك راه غير لبدية لي صعيية من بعد اتحسي بالحيااة ههه
ايمان: واش فايتة تزوجتيي
وديان: هههه نهار نتزوج غيقول عليا متعودة ههه المهيم ديري شنو قلت لييك وترخااي باش متزيريش وتصدقي مقسحة بلا متعة
سالات الهرة معاها ناضت حطات حوايجها دارتهم فالسلة ودخلات لدوش كتسوط معصبة مع ايدهاا دوشاات بلما سخون رخاهاا
لبسات ملابس داخلية وبيجامة حريرية فلغوز بارد فيها دونتيل فالسروال لتحت والكمام ...رشات ريحة وخلات شعرهاا مبوكلي بالمااء ...الحنيكات تزنكوو بالسخونية دارت كلوز لشنايفها ومرطب لبشرتهاا
خرجات مع هوا خارج من البيت التاني مبدل عليه شافهاا مزنكة طايح عليها السر طبيعية بلا مكياج وابشعر فازݣ والبيجامة بيناتها كيووت وانثوية ، تبهض بقا غير كيشووف..معرف ميقول
حذيفة: بالصحة
ايمان:الله اعطيك الصحة ...غت غتهبط لتحت !
حذيفة: شوية ونجي
مزادتش معاه الهدرة خلاتو وهبطات بقا متبع ليها العيين باعجاب وريحتها بقات وراهاا لاصقة حدااه
خلات وراها الدوش كيفور وريحتهاا طاغية فييه..ضحك على راسوو وهوا كيطلق لما سخون يدوش من بعد يوم عاامر ومتعب
هبطات كتفتف فلكوزينة قلبهاا غيسكت حسات برجليها فشلوو ومشات كلسات فوق الفطوي جارة ملاية دافية تغطا بيها مكمشة فوق الفطوي هازة تيليكموند كتقلب فنتفليكس على فيلم تلف بييه لمدة طويلة حتى تفكرات تيليفونها بقا فالدووش وناضت طلعات تجيبو
لقات الدوش خاوي هزات التيليفون وكتسمع حذيفة كيهضر من البييت مع مو فتيليفون وطلقات ودنيها معاه من بعد مسمعات "بغيت نقوليك شي هضرة "
_ الله يسمعنا خير اولدي
حذيفة: كل خير اميي ...عقلتي على البنت لي قلت لييك حلمات بيا مهاا
_لاا معقلتش
حذيفة: لي قلت لييك عطاتني 3 تميرات
_اااه ايه ايه عقلت مالهاا
حذيفة (بابتسامة ) تزوجت بيهاا
دامت دقيقة صمت خلات ايمان تقرب لباب من الفضول
حذيفة(ضحك كيشوف فمو من لكاميرا ): شفتك سكتي ،ياك ديما مصدعااني خاصك دير لي يونسك
الام: اش غنقولك اولدي صدمتيني شكون هاد البنت وامتاا عرفتيهاا دغياا تزوجتي
حذيفة: دابا غير عقدناا كنت ناوي نهبط المغرب وندير شي عرس ولكن هادشي ترون فاخر دقيقة كلشي تسد داكشي علاش درت العقد اليوم
_والعروسة فين هي
حذيفة: تالغدا وتجي ...ههه تشوفيهاا ؟
_اوى اش غنقوليك اولدي ...نتا تعرف ليي فمصلااحتك وتكون شي بنت النااس صالحة
حذيفة(بابتساامة ) : بنت النااس اميي ...تشوفيهاا غتعجبك
الام بتردد كتنهد : ااامي حناّا شنقولو ل الحااج
تلغات ضحكتو وقال: واش حتى الحلال امي غيعكس ليا فيه ؟
الام: و (ساطت كتنهد ) وحنان اولدي
الام: وحنان اولدي
تقلب جهتهاا مخرج عينيه ونقص الصوت: مالها حنان امي ماالهاا
الام: الحاج اولديي ،الحاج غيعكس لييك
حذيفة: ميي من بعد ونهدروو وخة المهيم الهدرة فراسك
بقات واقفة مسمرة حدا الباب كتردد فعقلهاا حنان شكون حنااان شكون حناان شكون حنان
تحل الباب وهزات عينيهاا فييه صفرة مصدوومة وغير من نظرتها عرفها سمعات
حذيفة(بغا يشدها من يدها وجراتها راجعة باللور): ايمان غنشرح لييك
ايمان: ش شكون حنان
حذيفة: متفهميش غلااط اجي كلسيي نشرح ليك واجي الله اهدييك...ايماان عفااك
تجاوزاتو وكلساات كترقبو تكلس حداها وقال : بغيتي تعرفي علاش الواليد مكيهضرش معاياا ! حيت بغاني نتزوج بنت خوه، ملي كنت مزال فالمغرب باش يربطني حدااه
فاللول درت ليه خاطرو خطبنا البنت شفت راسي مقادرش نتقبل بليي هاديك تكون مرتي كنت معتابرها بحال ختي زائد كنت كنفكر نخرج على براا منبقاش فالمغرب مزال مكونت راسي ماا خدمت شي خدمة مزيانة ،الى كملت كنت غنضيع راسي ونضيعهاا معااياا
الوقت لي جيت لتركياا صارحتهاا بداكشي لي عندي بلي منقدرش نكون داك الراجل لي باغة ،هوا تقلق وقطع علياا الهدرة من تما دابا كايهضر غير فوق الخااطر مرة مرة
ايمان: وعلاش قالت ليك و حنان !
حذيفة: حيت الواليد مزال عندو ديك الفكرة فراسو بلي غنرجع وغنتزوج بيها
ابمان: داكشي علاش مامشيتيش
حذيفة: تماما ، دابا غيعرفني تزوجت غيطمر ويقلب على هاد الموضوع فخطرة ...هادشي لي كاين والله مكدبت علييك ولا زدت عليك شي حاجة ...
ايمان(كتشوفيه بضعف) حذيفة عنداك شي نهار تكدب علياا
حذيفة: ايمان واش هادشي كامل لي دوزنا ونكدب عليك فحاجة بحال هادي ؟
رجع شعرها اللور باش يبان ليه وجهها واضح ونطق بابتساامة وايدو كدوز على حناكهاا بشوية: اناا منهار شفت عينيك مبقا كيبان لياا والوو، منهار شفتك فلبحر ونتي لاصقة فباليي
هبطات عينيهاا وضحكات بخجل من المدح ديالو وقالت: متخبي علياا والوو
حذيفة: ونتيي مخبية عليا شي حاجة
صدمها بالسؤال بقات غير كتبرق فعينيهاا فييه لدرجة ركز معاهاا كيشوف فيهاا باهتمام وقال: ايمان
ايمان: مم و والوو ..
بقا ساكت وخة عينيها كايقولو هضرة غير لي قالت بلسانها ياله بغا يهضر قالت :شفت واحد الفيلم زوين فنتفليكس. .. نتفرجو فييه ؟
سايسها وقال: وخة ...شنو سميت الفيلم
ايمان: راه درتو فتلفازة لتحت
حذيفة: لا نتفرجو هناا نرتاحو كتر وتلفازة كبيرة كتكون فيها لفراجة زوينة
حركات راسها باه مشا طفا التلفازة لتحت وطلع لقاها تكات فبلاصتها شادة تيليفون شعل تلفازة دار الفيلم وطفا الضو
شد بلاصتو حداهاا والفيلم بدا لاح ايدو وراها وقال: قربي عندي مالك هاربة
قربات عندو كضحك حضنها بايد وتكات على كتفو
عينيها فالتلفازة وعقلها كيدور فلهدرة ..خاصها تصاارحو بداكشي لي عندهاا تحيد عليها هاد العبئ ميمكنش يبداو حياتهم وهوا معارفش ماضيها وداكشي لي مقادراش تقولو
كيفاش غتكون ردة الفعل خافت بزااف ،خافت يجي نهار وتعااير بهاد الماضي ،خافت من شي كلمة تجرحها تزعزع بلاصتوو
حسات بقلبهاا ضرها وطلعات تنهييدة قوية بلا متحس بلي هوا حداهاا
غير تنهدات حرك ايدوو على كتفهاا وقال: ايمان (طلع ايدو داعب خدهاا )مالك !
ايمان: والو هه كتجيب ليا هر هكاك
ضحك وخشا نيفو فشعرهاا حتى بورشهاا وضربات الطم لسانها تربط
حاول يطلع ليهاا وجههاا عندو وكتفادااه وتخشيه فعنقو
حذيفة: غتبقاي هاربة منيي ممم
ضحك ملي شافهاا ضربات الطم وبقا كيعنكش فيهاا كيهرهاا فكرشهاا وفعنقهاا وهي كتكمش تعطاتوو بالظهر باغة تفك منوو كضحك ...حاصرها بايدو من كرشهاا وجرها عندو
حذيفة: زعمة هربتيي
ايمان: ههه بغيت نشرب
حذيفة(باسهاا فكتفهاا ولاح عليهاا ايدو حطها على جنبها تقفزاات ) : شوية ونوض نجيبوو لييك
ايمان:حذ (تنهدات)
بعد شعرهاا وبااسهاا فعنقهاا وفودنيهاا وهي حاولات تندامج معااه ولكن مقدرااتش داتها كلها كترجف وقلبها غيخرج من بلاصتو
حذيفة: مالك خايفة اعمري
حركات راسها بلاا حاول يدور ليها راسهاا ورفضات غادي معاها بالسيااسة كيطيبهاا ولكن هي مكنزة وحالفة مدور عندوو ولا تخلييه يقرب جيهتهاا
حتى صافي طفح الكيل بالنسبة ليهاا وعياات مقدراتش تخلييه يقيسهاا كل مرة تبعد لييه ايدييه حتى غوتات علييه: متقيسنيييش ه،هء عفاااك بعد
كلسات بعيدة علييه كتنهج مخليياه كيشوف فيهاا ويرمش مفهم فيها والو
تكمشاات حدااه ضامة رجليها عندها مزيرة على رجليهاا كترعد
وقف شعل الضو غمضات عينيها مغطياهم وسط رجلهاا بقا واقف شاد جنبوو ومشا جيهتها بغا يقيسهاا ورجع ايدوو لبلاصتها وقال:ايمان غتقولي لياا شنو عندك ولا لاا
هزات راسهاا فييه وقالت:مقادرااش هءهءه
حذيفة(بتفهم ) : شنو لي مقادرااش واش خايفة مني مالك شنو عندك ،لا بقيتي هكا ساكتة نتي كضريني وانا غنضرك راه ميمكنش
مسحات عينيهاا وقال: عطيني وقت
حذيفة(تنهد ): عطيني سبب علاش خديتي الموضوع هكا ،واش خاصني نعرف شي حاجة هضريي قولي شنوو عندك
ايمام: ماتفهمش غلااط هء انا عمر شي حد كان فحيااتيي
حذيفة : اوى علاش هاربة منيي بحال هكاا ،راه حتى نتي اول مرا فحيااتي ،باغي نعيش معاك كلشي ولكن لكنتي فرحانة ماشي بزز منك
ايمان: مقدراش نخليك تقرب ليا هءهءه ماشي لخاطري محسااش براسي مرتااحة هءهء
حذيفة: وخة غير تهدنيي ...تهدني(حط ايدو عليهاا وقفزات وحمر فيها )ايماان واش حتى تزوجنا عاد وليتي خايفة نحط ايدي على ايديك ...شنو وقع شرحي لياا
هزات عينيهاا فييه حمريين كتشوفو كالس جنبها كيتسناها تهدر وقالت: ف هءهء
حذيفة(ساط): ايماان عفااك احبيبة دياليي بلا بكاا مبغيتينيش نقرب ليك منقربش لييك حتى تكوني بخير ولكن قولي ليا مالك شنو عندك ...هاد السؤال منهار عرفتك واناا كنسولك ودابا بغيت جوابوو ...فينهياا البنت لي شفت اول مرة فلبحر ممم من وراها ولاو عينيك كيبانو بااهتيين وقليل فين شفت الضحكة فيهم
ايمان: ماتت مع ميي
حذيفة: انا عارف شنو هي الام ولكن واش تموت ونتي تموتي فالدنيا ! واش ماشي كضري نفسك وغتحاسبك حتى هي
ايمان: علاش هوما ميتحاسبووش ،علاش انا بوحدي نتحاااسب علاااش
حذيفة: شكون. هوماا
ايمان: ماشي ديما الام ام احذيفة هءهء انا معمر كانت عندي ام هء معمر كان عندي اب منهار وعيت على راسي وبا وميي هوما جدي وجدة هءءه عرفتي شكون اناا ههء انا هي ديك البنت لي تاحد محاملهاا تاحد مباغيهاا فحياتوو كرهوني واناا مدرت والوو (بحرقة )حيت اناا بنت الحرااام ،حييت تولدت فلحرام بين جوج حيوانات بينهم وبين البشر غير السمية نورة و كرييم ، حياتي عذاب من نهار وعيييت على هاد الدنياا وانا من وحدة لوحدة هازة ذنب فجبهتي وانا معندي فييه حتى شويية (طاحو دموعها كتشوفييه بضعف وهواا تابت بملامح جامدة بحالا كتخوي علييه الثلج ) لعبو بياا كيف لكورة بيناتهم نهار درت تمن سنين عاد عرفت شكون باباا(مسحات دموعهاا ) موراها غبر تاانيي كنت كنشوفوو فزنقة وكنمشي نجري عندوو ..كيخسر علياا درهم يحطها فايدي ويقوليا سيري لدار ،معمرو سولنيي ، كنت محتااجة شي راجل فحياتي احذيفة(بشفايف كيترعدو ) كنت باغة حتى انا نقول بابا بحال صحبااتيي (شابك ايدو مع ايدها مغمض عينييه وحلهم مغرغرين مقادرش يحل فمو بكلمة وحدة غير كايسمع ) واحد النهار كنت كنسمع بنت خالي كتقول باباا وحتى انا بغيت نقولييه باباا قالياا بزاف عليك نكون بااك مكنولدش بنات الحراام ههه وتخيل هاد خالي فعرس ماما لقيتو مع واحد البنت بنت خالتو مزوجة و والدة شادها فالظلمة كيبوس فيهاا ملي كنت غادية كنجري بلخلعة طحت فلابيسيين وكنعيط لييه ومبغاش يعتقنيي كان غادي هارب وخلاني كنغرق باش ميتفضحووش غير واحد لولد لي عتقنيي عاد جا كيجريي تمن سنين احذيفة قالياا الى سمعت شي حاجة نق_تلك ... شبعنيي عصاا كنكون كنلعب انا وبنتوو ويسمع الصداع كيجي يضربني انا بالسمطة كنت كنسمع منو غير بنت الحرام ،السلكوطة ،قدام الزلط والنحس
العقاب لكبيير لياا
ولالة ماما من ورا متزوجات بالنسبة لعائلة راجلها انا ختهاا عمري كنت بنتهاا ،وبابا نهار حيا فيه الضمير كان مرة مرة يكسيني مرة مرة يديني لطبيب ونهار بغا يتهلا فياا حتى هوا خطب ومقايلش لمرتو راه عندي بنت ملي شافتو معاياا خرجني ركبنيي فطاكسي وانا عندي 11 العاام مع راجل مكنعرفووش
مبقاتش بغات تخرج ليها الهدرة وحطات ايدها على قلبها بالنخصة لي ضرباتهاا
ايمان: مم
حذييفة(مسح عينيها ) : صافيي غتمرضي رااسك باركة
حركات راسها بلاا وقالت: هادشي لي عاودت لييك راه والوو واش عرفتي شنو وقع داني لخلاا وقف الطاكسي وبدا كيقيس فرجليي وانا عندي 11 العام هءهءهءه ...هربت بوحدي فلخلاا ومعارفاش الطرييق(كتشهق ) تما لقاتني نجاة وصلاتني لداار ومسولش مقالش واش وصلاات
تزادت ختيي وكتقوليا طاطاا وكانت الحاجة الوحيدة لي مصبراني هي ميي تنقول عندي بعدا شي حاجة زوينة فحيااتيي ونهار ماتت حسييت بليي الدنيا طفات وفعلا طفاات مزال ميي مبرداتش فترابها بداو كيفرقو فالورث وشكون غيشد هاد الخطية لي هي اناا بحال شي سلعة خامجة بغاو لمن يلصقوهاا
مبغانيش نبقا فدااروو ضربنيي وجرا علياا ومشييت معاها لدارها هي وراجلهاا كانت كتقوليا فوجهي مكنحملكش نتيي كتفكريني فدنوبي وكتفكريني فالشماتة تاع بااك...كانت دايرة ليا كلمة فصباح وكلمة فلعشية لنساا هه
كنت كنعس وكنحس بييه دخل لبييت ونهار عقت بيه قاليا غير كنسمعك كتغوتيي ببقيت فييه
نهار قلتها ليها متيقاتنييش قالت لياا وخة نشوفو منتيقكش
سجلتوو باش نوريه ليهاا كان بغا يتعدا عليا ملي شافتو ولاا كيدافع علياا سيفطاتني عند بابا مزوج وعندو جوج وليدات مرتو رجعاتني خدامة وكتزيد تحرشوو علياا لاحت علياا باطل فرمضان وشتا خيط من السماا داني لعند مو بليل مجيت فين نكلس حتى دخل عاوتاني كيضرب فيا وقالياا شفرت لمرتو الدهب قلب لكارطابل ولقا السنسلة سلخنيي وجرا علياا بليل و الشتاا ،مشيت كنتلاوح بليل عند خاليي وتهوا جرا علياا مرحمنييش بقييت فدييك الشتاا خييط من السماا
كي اليتييمة تاحد مرحمنيي غير نجاة لي لقيتها فوقت الحزة عمري نسا خيرها داتني لدارهاا يوماين واناا عندها تاحد مسول فياا ... الحقد قدام لي كنحس بيه جيهتهم غير شوية من بزااف
رجعت عندهاا ومشات كرات ليا بيت فالسطح وقالت لياا عيشي الحيااة لي حرمتيني منهاا بسبابك مدوزتش حياتي كيف الناس ...كتلومني حيت ولداتني
خليتهم حتى تجمعو ومشييت شوهتهاا قدام عائلة راجلهاا (بدموع)حرقت لبابا داروو كيف حرقوو قلبيي ،اتاهموني بالسرقة وسرقت ليهاا رزقيي لي نهار عطاها القااضي فلوس ليصانة ديالي مشات شراتهم دهب من عند خو بابا باش تفقصوو ...بعت كولشي وجيت لتركياا ولحد السااعة معمر شي حد سول فييا لاا مسكينة ماما خافت علياا ومشات لشوف تيڤي قالت ليهم بنتيي من صلبيي هربات لياا مع راجليي وبنتيي
بعدت عليهاا ومزال صهدها كيوصلني ،مقادراااش والله عيييت حاسة برااسي عيييت مبقيتش كنقدر نعس كيفاش هوما عاشو حياتهم وانا بقيت كنعاني ا حذيفة غير قولياا شنوو ذنبيي مكنت باغة والو ليصرفو علياا ولا يعطييوني والو كنت بغييت غير كلمة زوينة نحس تا اناا بلي عندي عائلة باغااني
بكسرة وشهقة :باش تعيش حياتك وسط ناس مباغينكش احذيفة صعيبة بزااف
قرب جيهتها هدرتها دمراتوو نفسياا ،كيفاش هازة هادشي كلوو وصابرة عنقهاا طلقات العنان لبكاها فينما كيفكر المواقف لي تعرضات ليهم لحمو كيشوك وكيحس بالقهرة والغضب والحقد على اشخاص معمرو حتى شاافهم
كيفاش غينفس عليها حرقة المااضيي وداكشي تغلغل فعقلهاا
هضرات وكانت باغة قلبها يبرد ولكن عاد مرجعات معاها العافية وحسات بكاع الجروح كينزفوو ولات معدبة جسديا ونفسياا
بعد عليهاا جر ايدها باسها وقال: نتي مدنبك والوو وتاحد فينا مكيختار واليديه ولا شنو غيعييش من بعد ...الحاجة الوحيد ل عندنا فيها اختياار هوا الطريق الصحيح وشريك الحيااة
بغيتك تنسااي هادشي...نتي عندك انا وغنعوض لييك كلشي ...معمر شي حاجة ضرك غنديرك فعيني كيف بغات المرحوومة وكيف وصاتني علييك (داعب حنكها بصباعوو) مبقيتش نشوفك كتبكيي ...اليوم غنطويو هاد الصفحة ونبداو حياتناا بجوج وخة حبيبة
حركات راسهاا باه حسات براسها بغات تكاا مقدراتش مزال تدوي جراتو من ايدو ملي تكاات تنهد وجا وراهاا تكات فوق ايدو كيحس بقطرات دموعها كيطيحو فوق ايدوو
جر عليها الغطاا كتشهق مرة مرة وهوا كيداعب شعرهاا
الموضوع مقادرش يستوعبوو ب ببساطة ...كيفاش ام تقدر دير هكا فبنتهاا ...كيفاش اب يعرض بنتو لتحر_ش وهي طفلة
كيفاش وكيفااش وكيفااش
كلمة مبرداتش لييه جوفوو معندوش طريقة يبرد بيهاا على خاطرو لي تزير وعرووقو ليي حرقووه فعنقوو
الوقت كان داز وهوما فنفس الوضعيية نعساات ومزال جسمها كينتافض من كترة البكا...بدا كيسل ايدو بشوية من تحتهاا ونااض محتاج الهواا وجرعة من النيكوتيين
معمرو كماا فهد الوقت لي كانت 4 تاع الليل تقابل مع السرجم وكلس كيكميي واحد ورا واحد محسش بليي ضرب كمية كبيرة من لباكية لي كانت فالاصل كتدي ليه يوماين دابا حلها جديدة ضربها فسااعة ومبرداتش ديك الحرقة لي عندو لدااخل
حس بتانيب الضمير على نهار مشاا وخلاهاا كيأنب رااسو ويعاود ،كان خاصو يكلس معاهاا يفهمها وتفهموو تسرع وحس بلي أداها نفسيا بلا ميحس
كالس مشابك ايدو تحت فمو ودخل فدوامة التفكير وستريس
طلع بدل عليه حوايجو لي شدو ريحة الكارو وشلل فمو بلغاسول ومشا لبييت لقاها مزال فوضعيتهاا كيف خلاها قرب جيهتها غطاهاا تحسس ايدها لقاهاا سخونة وطلع ايدو لجبهتهاا لقاهاا كتشوط
حذيفة: متتتء بفف ...ايمااان ..ايمان
ناض كيجمع فلكمام هز فوطة صغيرة وجاب سطيلة فيها لما باارد حطو عليهاا وبدات كتنين كيدوز على عنقهاا
طلعاتها التزنيݣة وبدات كتهبط ليهاا الحرارة شوية بشوية مع طلوع الضو وهوا مزال منعس دازت عندو ليلة بيضاء مشافش فيها النعااس
من بعدما صلى صلاتو دخل معاهاا فلفرااش منعس راسهاا على صدرو بقا كيحك على راسهاا حتى بدا كينعس زادت تمخشات ولاحت رجلهاا عليه وتكمشات...مسح على ظهرها وغمض عينيه من بعد نهار وليلة دوزو فيها جميع المشاعر الزوينة و الخايبة
حلات عينيهاا بالشوية كتلقا راسها فحضنوو مدور عليها ايدو دليل انه فاايق لايحة نصهاا علييه وراسها على صدرو كتسمع دقات قلبوو ورجعو معاها ذكريات الباارح كيفاش خوات قلبهاا حتى خلات عينيه دمعوو من قساوة الاحداث لي دوزات وهي مرااهقة ...بقات على وضعيتهاا كتسمع لنفسوو ودقات قلبوو
عينيهاا ضارينها وحاسة ب داتهاا بحال الا واكلة العصاا...كتسمع لفريخات دخلو كانو تلاتاا كيشربوو وياكلو لي كتحط لهم ...تبسمات بهدوء ...حاسة بدفئ فحضنو مسخاتش تحرك بعد دقائق هزات راسهاا كتحس بيه تقيل عليهاا
شافت جيهة حذيفة لقاتو رجع نعس، خدات وقتهاا كتشوف فملامح وجهو حققات فشفارو لكحليين لحيتوو وشعروو القوي مخربق بنعاس ..بشرتو القمحية ...بعض الشيبات فشعرو اما لحيتو كحلة
ناضت بتتاقل من حداه حاسة براسها واكلة العصاا قضات حاجتها وتقابلات مع المرااية وجهها شااحب وعينيها منفوخيين
تنهدات باسى على حالهاا ،فالوقت لي كان خاصها تفيق اليوم فرحانة فاقت وقلبها مقبووط ،حسات براسها كظلمو معاهاا جراتو لعالمها الكحل من بعدما كان مرتااح فحياتوو هادشي بحد داتو كيضرهاا ولكن ملقات ليه جهد
غسلات وجهها ورجعات لبييت لقاتو مزال ناعس..مشات جنبو تكاات مقابلة معاه وهوا نااعس...حتى حل عينييه ولقاها كتشوفييه ...بقات على وضعيتها وهوا كدالك عينو عليهاا هز ايدو بعفووية وداعب دقنهاا وقال بصوت باح: صباح الخير
ايمان: صباح الخير
حل ايدو ليهاا وربت جنبو وقال : اجي عنديي
ابتاسماات وقربات عندو رمات راسها فوق ايديه ودخلات فصدرو مغمضة عينيهاا معنقيين بعضياتهم لوقت طويل
خلاها متكية فبلاصتهاا وهبط لتحت كيحاول يخلق جو لطيف يبعد الغمامة ،وجد فطور وشكل طبيلة بلفطور لي كيعجبهاا وطلع عندها
مكمشة ف فراشهاا وكتشوف غير فريدو كيحركو البرد حتى سمعات حسو وراها تقلبات جيهتو ،كلس جنبهاا وقال: نوضي نفطرو
ايمان: مافياااش
حذيفة: وعفااك ديري لياا خاطري (وقف ومد ليها ايدو)نوضي
وقفاات وشدات فايدو ، عنقها بايد وحدة فالدرووج مزير عليهاا
ايمان: ههه حذيفة قجيتيني
حذيفة: باش ياله نهبطو بجوج بينا فالدرووج
هبطات كضحك شد فايديها وداها لكرسي فطلة لي كتعجبهاا حدا السرجم كطل على العمارات وجريدة كانت خاوية مفيها حتى واحد ،بقات ساهية تحط قدامها القهوة وطوست فيه البيض وجبن
حذيفة: ياله فطري
هزات القهوة شربات منهاا وحطاتها كتشوفييه كدور فعينيها وقالت: داباا حبستي الخدمة
حذيفة: لي على براا ولكن هادشي لي وراك محاابسش
كيقصد لكسوة لي كيصايب وقالت: كموند !
حذيفة: سيي .. خاصني نوجدهاا بعد غدا ..(جر ايدها عندو ) مزيانة نكلسو مع بعضياتناا شوية
تبسماات وكل مرة ياكد عليها تفطر كدير ليه خاطرو وخة الشهية مسدودة وغير مكابرة على راسهاا وكل مرة تسهاا وتسكت ...لاحظ كلشي ولكن مبغاش يحكر عليها
حذيفة: فين تبغي نسافرو مليي يطلقو الطريق !
ايمان : معرفتش
حذيفة: نمشيو لواحد لبلاصة كتعجبك (غمزها )كنت واعدتك بيهاا ملي كنا فالنمساا
تبسمااات بلطف وقالت: سويسرا
حذيفة: اش بان لييك
ايمان(حركات راسهاا ): ؤك ههه
جمعو ديك الطبيلة ومشات كلسات على الفطوي سااهية حتى صونا تيليفونها من طرف مراد
كان حذيفة واقف قدام المانكان شاد لبرا وكيقاد لبلياات وراهاا
ايمان: هدا مرااد
حذيفة: جاوبييه
ابمان: مافيااش
حذيفة: تقدر تكون شي حاجة مهمة جاوبيي
جاوبباتو بهدوء وقال: مراد بخير
مراد: صافاا ! عييت نصوني
ايمان: غير عيانة شوية هدا مكاان
مراد: دازت الحلقة ديال البرنامج البارح
ايمان(نسات): والله متفكرتهاا غتكون الاعادة
مراد: سيي ضروري غتكون فيوتوب ..شوفي واحد لمارك اسبانياا ديال السوايع بغاو يصورو معاك اعلان
ايمان: ولكن ياك كلشي حابس اشمن اعلان غيتصور وفيين
مراد: حالياا بغاوك ديري بحال انتيرڤيو على السااعة ومن بعد تصوري اعلان شنو قلتيي
ايمان(تنهدات ) : مراشقا ليا على والو امرااد بغيت غير نرتاح حالياا وصافي
مراد: ؤك نقوليهم يأجلو حتى تقاد الامور
ايمان: صافي
مراد: ايمان الشركة لي دايرة معاها شومبوان
ايمان(حطات ايدها على وجهها كتسوط ): مالهاا
مراد: سيفطو ليا الباارح بليي خالفتي الشرووط ومبقيتيش كتوري المنتوج كيف اللول ،شرحت ليهم شنو كاين ولكن وخة هكاك خاصك تصوري واخة غير مرة فسيمانة
ايمان: عرفت
مراد: مبغيناش مشاكيل معاهم ا ايمان ديري لي تقدري عليه وراني محمد لكونطرا بقات ليك معاهم شهراين ... كملتيي الاغنية فالكتبة
ايمان: هي لي بقاات امراد
مراد: نساااي وشغلي رااسك وقت لي ساليتيها نديرو ابيل فيديو مع محمد ونتافقوو مزيان ميصلاحش لينا نتلاقاو حالياا
ايمان: حالياا بغييت نحبس كلشي ونرتااح
مراد: ولكن متنساايش العقوود لي سانية عليهم خصوصا مع الشركات لكباار
سلات معاه الهدرة وحطات تيليفون تقابلات مع حذيفة وقال: شي مشكيل ؟
ايمان: الخدمة وصافيي ،اجيي امتاا غاتخيط ليا لاغوب الحمراء ههه
حذيفة: اشمن غوب ؟
ايمان: كان عندك واحد دفتار كترسم فيه كنتي جايبو معاك من تركياا
حط داكشي لي فايدوو ومشا لواحد الرفوف جر لمجورة كيقلب تلقاه وراه ليها وقالت هوا ومشا كلس حداها
شداتو من عندو وقال: شحال هدا مرسمت فالوراق
ايمان: فين كترسم
حذيفة: ديريكت فطابلييت كتعطي ديطاي كثر وريه ليا نعاود نرسمو هناا ونصاايبوو لحبيبة دياليي شحال عندي منهاا
ضحكاات مدورة راسهاا وقال كيضحك: كتحشمي ازعيبيلة
ايمان: ههه وصافي سكت
لاح ايدو وراهاا متكية على كتفو كاتقلب فلوراق وراتوو اللبسة وقال: ايييه صافيي جاتك خاص غير الثوب
ايمان: مكاينش هناا !
حذيفة: على حسب الموديل ...شي مرات كندير لكموند من تركيا ولا المغرب على وديت ثواب ودابا داير مع واحد التركي كيتقدا الثوب وصيتو على شي ثواب وصاري من الهند ومشاا ودابا راه واحل تماا
ايمان: هههه شنو غيدير
حذيفة: معندو ميدير الى رجع حي راه لبااس الهند داير فيها المرض خبلة
ايمان: هاديي الواليدة ديالك
تبسم لصورة ودوز ايدو عليها وقال: سيي هي هادي
ايمان: نهار شفت هد التصويرة تنقول معرت فين شايفاهاا
حذيفة:تقدري تكوني شفتيهاا حيت لواليدة ديالها كانت فكازا
ايمان: معرفتش قليل فين كنشوف شي مرا مزال دايرة هاد النقااب مغريبي ...اجي واش ماماك ماشي شلحة
حذيفة: نص نص هي شلحة من نواحي تازة ولكن مشات صغيرة لكازاا وعاشت بزاف مع مها لي ماشي شلحة
ايمان(هزات راسها فييه ) عاود لياا علييك
كيلعب فشعرها وكيشوف فيها : شنو غنعاود ليك ديجا عاودت لييك
ايمان: علييك وصافيي على قرايتك على ماماك باباك خوتاتك خوك المهيم
حذيفة: ههه ومرت باا نسيتيها
شهقات: مزوج جوج
حذيفة: ايييه المرا اللولة مولداتش لييه وتزوج الواليدة
ايمان: قلتي لياا كان عندها ولد
حذيفة:مم قبل الواليد كانت مزوجة ومات ليها كانت ياله حاملة ب محمد وباهاا كان عندو حانوت وديك الساع الواليد كان فالجامع وتجمعات العلاقة وتزوجوو موراها تولدات خديجة ، امينة، فاطمة ، واللخرة لي قبل مني اسية
ايمان: ثم حذيفة
حذيفة: الربحة ههه
ضحكات وقالت: شحال فعمرهمم
حذيفة: محمد غيكون ف 41 وخديجة غتكون ف 39
ايمان: هي مبيناتهمش بزاف
حذيفة: راه مليي تزوج بيها الوالييد كان محمد ياله عندو شي ست شهور ...وبين البنات غير عماين وبيني وبين اسية شي 3 سنين
ايمان: وكلهم تزوجو
حذيفة: دابا حسبينا كلنا تزوجناا محمد حتى هوا عقد على شي بنت وملي جات هاد الروينة مدارو والوو والبنات راهم مزوجين وبوليداتهم ...خديجة ولدها تبارك الله راه عندو 19 كيقرا فلفااك
ايمان: تزوجو صغار
حذيفة: معقلتش عليها هي بالضبط
ايمان: و ماماك مفاهمة مع مرت باك
شدو الضحك من ديك ماماك وقال: ماما هههه
ايمان :ههههه شنو كتقوليهاا
عصر ليها فمها بايدو وقال: ميييي ميي. ومرت با كنقولو ليها اينا
ايمان: شنو هي اينا
حذيفة: هي مي بشلحة ههه والحاج كانقولو لييه باا ولا بابا (بترقيق الباء)
ايمان: المهيم معنى وااحد
حيد ليها الدفتار من ايدها وجر ايدها عندو تهزات راسها فيه وقال: دابا نهدروو عليك شوية
ايمان(تلغات ضحكتهاا وبغات تقاد وحبسهاا ) معندي تحاجة نقولهاا
حذيفة: تء عندك خلييك ياك تافقناا ناقشوو اي حاجة (حركات راسها)تافقنا ناخدو راي كل واحد فينا وناخدو قرار مزياان يااك ..شوفيي اعمري اناا بغيتك تنسااي لي فاات اعتابريني انا هو عائلتك ولي ربي ضيعك فييه فعائلتك ندير جهدي كلو ونعوضو لييك ...انا عارف بلي شي حوايج تاحد ميقدر يعوضهم (كيقصد الاب والام )ولكن نكملو بعضياتناا يااك !
ايمان(حركات راسها بااه)
حذيفة(باس ايدها ): داباا سمعيني مزياان (بتردد )تبغيي احبيبة نشوفو شي طبيب نفسي
جرات ايدهاا منوو وتقادات فلكلسة وقالت: علاش ؟ واش كنبان ليك حماقييت احذيفة
حذيفة: واش الطبيب غير الى حماقيتي ! شوفي فياا ،شوفيي هاد الحالة لي كتجييك ملي كتخلعي جاتك نورمال
ايمان: اشمن حالة
حذيفة: الحالة لي خلاتك تخرجي من الطموبيل بلا ماتشعري
ايمان: داكشي علااش بلوكيتي الطموبيل قلتيي هادي حمقة
حذيفة: حيت خفت عليك ماشي حيت قلت حمقة ،دابا كنهدر معاك سمعيني
حركات راسها بلاا كتبكي: مبغيتش نمشيي ،شنو غنقولييه
حذيفة: هو غيعرف ،راه خدمتو وعارف شنوو كيدير
ايمان: نقوليه بليي كنت جاية فلغابة وقت_لت رووح
حذيفة(مسح على وجهو كيتنهد ) : كيبان ليك بلي خاصك تمشي لطبيب غير على هادشي ! نساااي دكشي لي وقع
ايمان: كون قدرت نسا كنت غنسا شي حوايج دازو عليهم 18 العام ،نتا كطلب منيي شي حاجة منقدرش نديرها احذيفة الطبيب معندو ميدير لياا ،داكشي عندي لدااخل
حذيفة(كلس قدامهاا ) : عفاك سمعي ليا الهدرة ، امتا اول مرة جاتك ديك الحالة !
تنهدات كتمسح فعينيها وقالت: نهار مشيتي وخليتيني ، فالمحطة ديال التران شفتك مشيتي وركبتيي ومقدرتش نوقفك (بضعف حطات ايدها على صدرها )كنت حاسة براسي غادي نمووت عمري حسييت هكاك
رجع باللور كلس فوق الطبلة شاد جبهتوو وقال: علاش محبستينيش
ايمان(حركات راسها بلاا ) : كون بقيتي معايا كنتي غتشبع غير مشاكيل (كتبكي )هادشي علاش كنت كل مرة كنرفضك باش منمرضكش فحيااتك هءهءه حيااتي مكفسة احذيفة ...حياتيي خااايبة خايبة بزااف غانظلمك معايااا فهمنيي ،انا مخاصنيش. طبيب خاصني شي دوا نساا 25 عام من حيااتي هادشي لي خاصني وهاد الدوا مغيعطيه ليا حتى طبيب
خلاتو مشوكي فوق الطبلة وناضت طلعات البيت نعساات كتبكيي
خلاتو كالس فوق الطبلة شاد راسوو وكيتنهد على حالهاا وفين وصلات ،بقا فيه الحال كتر وكتر ملي عرف الضرر لي خلا غيابو عليهاا ،كيبغيها وكيموت عليهاا ولكن تعلقهاا بييه والطريقة باش كتقولييه عنداك تخليني عرف بلي متشبتة بييه بحالا هوا الطوق لي غينقدهاا من هاد الهم لي عايشة فييه
حس بصدرو تزير علييه ومرض فخااطروو ومعرفش كيفاش ينفس عليها وعلييه خصوصا كلشي مسدود كلشي مطرق مكاين فين يخرج الواحد الا لضرورة وهادشي زاد ازم الامور عليهم
جبد تيليفونوو كيقلب على نمرة وديان حتى لقاهاا وصونا عليها وعينيه ف الدروج حتى جاوبات
حذيفة : السلام وديان بخير
وديان: لباس اخويا الحمد الله ،واش هانية الوقت ! ايمان مكتجاوبش
حذيفة: لا بخير ...انا لي بغيت نسولك داكشي لي قلتي لياا على ايمان ..عاود وقع ليهاا
وديان: هضرتي معاها على الطبيب !
حذيفة: مبغااتش
وديان: ولكن راه خاصها تمشي لطبيب ...داكشي راه كيتزاد مع الوقت مكيبقاش لواحد حاس براسو مزياان ...سولت عميي طبيب نفسي هنا فالمغرب على هاد الحالة ...عندها بعد خاايب بزااف خاصها تعالجها
حذيفة(تنهد): شنوو نقدر ندير متلا بلا طبيب
وديان: معرفتش والله غير تبعد من الستريس وشوف واش غتبقا تجيها هاد الحالة ولا نو سينو ضروري طبيب كيعطيها واحد دوا كيخفف ديك الحالة مع الوقت
حذيفة: صافي شكرا اختي الله احفضك
قطع معاهاا وناض طلع لعند ايمان لقاها مكمشة فبلاصتهاا كتشوف فاص ليهاا وكتمرش بشوية حتى حسات بيه كلس وراهاا وتقلبات جيهتو
ايمان: الى باقي تعاودات غنمشي
حرك راسو باه مداعب شعرهاا وقال: مبغيتك تخبي علياا والوو لي حاسة بيه زوين ولا خايب قوليه ليا متبقاايش تخبي فقلبك (بغا يبدل الهدرة ) عطيني نقرا الكلماات لي كتبكيي
ايمان(ضحكات ) : ياله كتبت كلمة
حذيفة: شنو هي
ايمان: الغربة
حذيفة: ممم مغربية
ايمان(حركات راسها بااه ) : ولكن معرفت
حذيفة: شنو لي معرفت
ايمان: مبقيت بغيت ندير والوو ،وليت خايفة من كلشي ومقادراش نتحرك
حذيفة: سالي الكونطرات لي مسينيا عليهم ديك السااع غترجعيي تقرااي خلي هادشي هوااية ومتااخدييهش شي حاجة دايما
ايمام: مبقاتش عندي حتى الرغبة فلقراية...علمني نطيب
ضحك وقال: بغيتي تقلبيها ربة بيت
ايمان: حتى هي معندي ليها جهد
ضحك لضحكتها وقال: ولاش عندك الجهد الالة زعيبيلة
ايمان: مكرهتش نبقا غير ناعسة
حذيفة(جرها و وقف ): نوضي نوضي من العكز
جرها وقفهاا وقال: وصاافي ايماان ...دخلي دوشيي باش ترتااحي وهبطي عندي لتحت ... عندي واحد الثوب نعلمك تخيطي
ايمان: ههه مشيتي بعييد
حذيفة: تبعييني ههه
دار فيها شوية الحمااس مشات دوشاات وضارت بحالتها شوية وكيف قاليها مراد تصور علاش قداات بلمنتوحات لي مخلصة عليهم لوات عليها فوطة ومشاات كتختاار شنو تلبس جابت 3 تاع البيجامات ملات منهم...لبسات سروال سورفييت ومشات لحوايج حذيفة بانت ليهاا قميجة مخططة فلحمر ..من ديما كيعجبوها حوايجو ضحكات ولبساتهاا جاتها عريضة ولكن كيوت مع الكولون كحل جات هابطة عليها طوات الكمايم وسدات العقاد حتى لصدر لبسات تقيشرات بويض ورشات ريحتها تفكرات الكادو لي عطاتها زينة ومشاات حلاتوو كان قفطان جوهرة فلغوز بارد ب راندة خفيفة وفيه الحزاام شافت فييه باعجااب ورجعات طواتو وقالت: تنلبسو شي نهار
جبدات كارطونة مربعة ومسطحة حيدات ليها لبابي كادو كانت عباارة على شوميز باللون الاسود بتوب الستان الحرير فيها الشوميز وبينوار ديالو لكمايم والصدر بدونتييل داكشي رااقيي وزويين حمقووها وتمنات امتا تلبسوو براحة وبلا توتر وخوف غيهلكها وتهلكو حتى هواا رجعات داكشي لصاشية وهبطات
كان كيجبد من واحد لكرطونة ثوب تهز عينو فيهاا وتبسم ليهاا وقف كيشوف فيهاا بنظرة اعجاب حشمها توترات وقالت: الحوايج لي جبت طلعو لييا فراسيي ههه خاصني نتقداا
حذيفة: لا غير لبسي حوايجي
ضحكات وقربات لييه عطاتو ريحتها المنعشة والبارفاان المغري شفايفها لي كيبريو بالملمع وحناكها الحمرين بالسخونة منظر حرك غريزتو ولكن مقادرش يتحرك
حسات بييه ترون حداهاا وكيحاول يلهي رااسو كتزيد تعرف بلي ظالماه معاها وهادشي عندو تأثير سلبي علييه شحال جهدو يصبر وهي حداه كلها انوثة ...تنهدات وبعدات من حداه مشات تشرب لماا ومتبعاه حتى جبد واحد الثوب ابيض مشبك كلو
ايمان(قربات جيهتو ) : زوييين
حذيفة: كان شاط ليا من واحد لغووب
ايمان: واعر ولكن مشبك
حذيفة : تيجي تحتو هداا توب ابيض سامبل بحال دوبلور
ايمان: ممم بغيتو كسوة
حذيفةة(هز حاجبو وشاف الطول ) : ديال داار مزيانة براا اوهوا
ايمان:هههه وخة
هز السانتيم عبر الطول وقال: اجي نشد ليك العبار
ضربات ليه ايدو كضحك وقال: براكة من البساالة راك عارف عبااري
لوا عليهاا الساانتييم وجرها عندوو كضحك وقال: باغي نتأكد
ضحكات وحاصرها بايدوو ملاصق ظهرها معااه باسهاا فراسهاا كيعنكش فيهاا
ايمان: مزال مهضرتي مع خالتي
حذيفة(نيفو فشعرها ) : دابا الواليد كالس فدار متقدرش تهدر بخاطرهاا
ايمان(هزات كتفهاا ): وعلمني نخيط
حذيفة: وايدك !
ايمان: اه فكرتيني خاصني ندير شي كونطرول على ايدي باش يحيدو ليا هدشي ديرونجاني
حذيفة: حتى نشوفو
جاتها لحظة ادرااك وضربات فايدو وفسانتيم وقالت: وهادو ليي كتخيط لييهم كتعبر لييهم
شدو الضحك: شنو كنعبر ليهم ههه
ايمان: لقيااس
حذيفة: هدشي كانت كتعاوني فييه زينة كتشد ليا العباار
ايمام: ممم علمني انا نشد العباار ...اه نسييت عطيني نمرة زينة نشكرها على لكادو
حذيفة: شنو عطاتك !
ايمان: قفطان جوهرة زوييين حتى لرمضاان ونلبسسو
حذيفة: اول رمضان بجوج
ضحكات وحركات راسها بااه وهزات راسهاا عندو وقالت: بغيتو يدوز زويين
حذيفة: ضروري
كيشوف فيها وزعم وخايف فنفس الوقت باسهاا فحنكها سرطات ريقهاا وميلات وجهها عندو بحالا كتقولييه زعم
دورها عندو وقلبهاا كيضرب شد حناكها بايدو وتحنا عندهاا كيوزع القبلات على عينيها وحناكهاا ونيفهاا ،مغمضة عينيها كتحس بقبلتوو ونفسوو قريبة ليهاا مبغاتش تمنعو وتمنع رااسها تعيش طبيعيية وحياة زوجيية كيف النااس
مع كانت قصيرة علييها هزها فوق الطبلة ديال الفصالة تشهقات وشدات فكتافوو وقالت بتوتر: هه خلعتيني
داباا عاد اياخد راحتو ولات فنفس طولوو ميحتاجش يتعدب وقال: ملي كانو الناس كيطوالو فين كنتيي
ايمان: كنت ناعسة
حط ايدو على جنابهاا تقفزات وتزنكاات وقال قريب ليهاا : كنبغيك
هزات يدها حطاتها على شعروو مرجعاه بايدها اللور حتى غمض عينيه مع لمستها حتى حس بشفايف رطبين لامسوو جانب فمو
كانت بحال اشارة لموافقتها باش يتملك شفايفهاا،، بعدات شوية ورجع قرب ليهاا شدها من خلف راسهاا وتملك شفايفها حتى زيرات علييه تنهد وسط ثغرها بحالاا وصل لمراده وتدوق شنو تشهاا
كانت قبل طويلة تشااركو فييهاا انفاسهم كتحاول تبعد وكيرجع يجرها مسااخيش هبط لعنقهاا برد فييه حر الشوق والشهو_ة لي تحرم منهاا ،طبعو ليها وهي صاابرة وخايفة تصدوو ،كيتخيلو ليهاا صور فبالهاا وكتحل عينيهاا كاتلقى الشخص لي كتبغيي وترجع تزير علييه كتاكد بلي مكتحلمش وبليي كتشاارك احاسيس زوينة مع شخص كتبغييه ولكن باش تسلمو نفسهاا خافت ترفضو خافت تنفروو منهاا بصدهاا ليه كل مرة
بعد عليها بزز طالب على بزاف ولكن مبغاش يخسر الفرصة لي تعطاتوو ويمشي شوية بشوية مزربانش
حساات بالسخفة كون بقات واقفة كانت غطييح ...اول قبلة حميمية فحياتهاا كان ليها طعم زويين حسات برااسها كتحلم باقي طعم شفايفوو على فمهاا وتوزوييز لي فعنقهاا
*ما اجمل الحلال*
كتكون اي حاجة عندها بصمة زوينة لكانت مع الشخص المناسب شخص كيعرف كيفاش يعامل الكائن الانثوي ويلعب على الاوتار
حيد عليه واحد العقبة ديال التقرب منهاا والباقي شوية بشوية توصل نوبتو
حذيفة(باسها قبلة سطحيية ونفسو سخونة كضرب فيهاا ): كيف تخيلتهاا
تبسماات مهبطة عينيها وباسهاا فوقهم وقال كيضحك: فين خليناهاا ؟ شنو بغيتي هادي كسوة
ضحكو بجوج للموقف وقالت: ديرها لي بغيتيي هههه
ايمان: بغيت ناخد شي حوايج
حذيفة: شوفي شي سيييت (جبد تيليفونو )شوفي هدا
عطاهاا تيليفونو كتشوف ليسيت فاسبانياا
دخلاتوو عندها و مشات كلسات فوق الفطووي لي عجباتهاا كتختاارها وبالخصوص حوايج الدار بيجامات كيووت وديال النعاس خصوصا دابا بدا الحال كيسخن
بقات كالسة وهوا مشغول فخدمتو حساات بوجيعات خفاف فكرشهاا وناضت طلعات لدوش لقات لي غيݣل جاتها ..مشات شربات كينتهاا ديال الوجع ومشاات لرفوف لي فيهم ملابسها الداخليية كتقلب على الفوطة لقات راسها مجابتهاش معاهاا مظنااتش غايتسد هدشيي
بقات حايرة شنوو دير وهبطات عند حذيفة
ايمام: حذيفة خاصني شي حاجة واش منقدرش نخرج !
حذيفة: شنو خاصك ؟ كتبي ليا داكشي لي خاصك باش نتقداه
حشمات تقولييه شنو بغاات وهوا كيشوف فيها كيتسناها تهدر وقال: اكمل الفراغ بما يناسب ههه
ضحكاات عاضة على ظفرها وقالت : واش نتا تقدر تخرج ناري الملل
حذيفة: هههه ياله سيمانة جاك الملل (قرب ليهاا وهي متكية على لبوطاجي )انا العكس هاد كورونا جات فصالحي نشبع منك
ايمان(دفعاتو كضحك): وسير تقدا لييا خلاص ..اه راه درت واحد لكمونض عطيتهم العنوان هنا
حذيفة: مزيانة (هز سوارت ودار لباڤيط ) خلي تيليفونك حداك مغانتعطلش ميركادونا غير هنا ...غيخصك شي دوا ؟
ايمان: لاا ههه
خرج عادي وهي حشمانة غير بوحدها وحناكها تزنكوو ...هدرات مع وديان ابيل فيديوو كيهضرو فامور طبيعيية وكتعاود ليها شنو واقع فالمغريب والحال لي وصلات ليه بكورونا
وديان: سيمانة باش سدوو هدشيي ورويينة مرجان متلقاايش بلاصتك واحد راه تشهر مقدي عراام ديال بابي جينيك كطيح عليه الكرش بلخلعة هههههه
ايمان(ضحكاات )ههههه كيطلعو ليا الفيديوات
وديان: ولكن بقاو فيا الناس لي ضاعو فخدامييهم خصوصا المشاريع الحرة ولي خدام بلا ورااق المهيم الروييينة والنااس خايفة مغيسالي هادشي حتى نص عباد الله يجيهم تسمم من لالكول والخل راه بزااف
ايمان: هناا واحد جريدة كانت ديما عامرة بلبراهش دابا خاوية
ايمان: شتي المغاربة لي تما ولا كاع المسلميين لي كيصومو رمضان واهلي الحياة السعيدة عاد غيعرفو رمضان كيف غيدوز
ايمان: معرفت كيف غيدوز رمضان مع حذيفة ههههه
وديان: داك عزيزي ظريف ولد النااس حنين البنات
ايمان(تبسمات وسهات قدامها مترددة تهدر وحتى وديان ماسولاتهاش على ليلة البارح حيت عارفة داكشي شخصي وحشوومة تسولي شي عروسة كي دوزتي ليلتك )ودياان بغيت نسولك
وديان:نعام احبيي
ايمان(كتلعب بصبعها فطبلة ): حمم لباارح م مخليتوش يقرب لياا
وديان (بجدية ) : خفتيي ولا شنو
ايمان(مهبطة عينيهاا وحركات راسها بالايجاب )مم
وديان: هدشي عادي ابب علاش باغة تبكيي اي وحدة نهار اللول كيشدها ستريس
ايمان: ولكن ماشي وحدة بحاليي (حركات راسها كتمسح دموع من عينيها ) مقادراش نخلييه اوديان كنحس بروحي بغات تخرج
وديان(تنهدات): معرفتش علاش معكسة راسك كون خديتي سايونص عند طبيب نفسي كنتي غتكوني بخيرر
ايمان: مالكم مع هاد الطبيب واش كنبان ليكم حمقة
وديان(تنهدات ) واش شوية لباس واش كيمشيو غير الحمقيين وغير باش نديرها فبالك الحمق مكيمشيش لطبيب كيمشي لسبيطار الطبيب غير كيشخصص حالتو ...نتي ا ايمان خاصك غير تفرغيي التراكمات لي عندك فرااسك ،، نساااي شنو عشتي شوفييها بشكل ايجابيي
حذيفة هوا العوض وعطاك ربي فرصة باش تدوزي الحاجة لي مدوزتيهااش قبل شوفيي تخيلي معايا كون جيت هناا ونتي بقيتي بوحدك ف فرنسا ..تما فين كنتي غتحمااقي ديال بصح ،ربي دار ليك تاويل ديال الخير ...تنفسي ورتااحي هداك رااجلك الزيين (بطنز) خاصو غير يكون حنين حتى فالسي_كس
ايمان(كتمسح دموعها وكضحك) الله يمسخك
وديان: ههههه طلقيهاا ونتي شداها ومزيراها بزاااف
قطعات معاها وبقات كتلعب بتيليفون مدة بملل ولفات تحرك تساافر تخرج دابا تحبسات ، سمعات الساروت كيدور وقفزاات حتى تحل الباب دخل هاز ميكات تقدية تبسمات لييه ،داز نيشان حط كلشي فلكوزينة ومشا غسل وبدل علييه ورجع عندها لقاهاا هزات شنو بغات من الميكا وطلعاات
بدلات عليهاا عاد رتااحت وهبطات عندو وقال: غمضي عينيك
ضحكات وغمضاتهم مشاا حل الباب تاع الدار ورجع سدوو وقال : حلي عينيك
حلاتهم حتى كتشهق بفرحة شافتو هاز فايدو مشيشة بيضة صغييرة تكون فعمرها شهر ومكاملش عينيها زرقيين وصغييورة حمقااتهاا
شداتها من عندوو كدوز عليهاا ومشات كلساات خلاتو واقف كيضحك
ايمان: زوييينة صغييورة
جا وراهاا وباسها فحنكها: بغيتيهاا !
ايمان : اه فنة هههه
حذيفة: بصحتك
شافت فيه كضحك وقالت: منين خديتيهاا
حذيفة: ملي كنت كنتقداا لقيتها تحت الطموبيل باينة تلفات على مها حيت قلبت تعيييت ملقيتهااش عزات عليا نخليهاا تما وجبتهاا
ايمان: احسن حاجة ههه غزالة شنوو نوكلوهاا
حذيفة: عطيها لحليب حتى نتقداو ليها لي خااص
ناضت ديك السااع هزاها بايدها لي دايرة ليها الفاصمة وتانية خوات ليها لحليب شوية وحلات ليها الفرماج والما وبقات موانسة معاهاا
حذيفة: نصلي ونجييو ندير شي حاجة ناكلوهاا
كان غادي ورجع وقال: ايمان
ايمان (هزات راسها فييه ضاحكة مع المشة)اام
حذيفة: كتصليي ؟
تلبكات ومعرفات اشمن جواب تعطييه حشمات تكدب عليه ونفس الوقت حشمات تقولييه لاا
ايمان: حم د داباا منقدرش
حذيفة: مكنهضرش على داباا
ايمان: لاا ولكن ناوية غير دوزني ايديي ونبداهاا
حذيفة(مبغاش يحكر عليها )ان شاء الله ،الصلاة ا ايمان هي عماد الديين هي لي كتقربك من الله،حنا ك بني ادم خطائون ولكن الصلاة عمرك تفرطي فيها ولا تقوليي انا كندير هاد الحاجة مغتقبلش صلاتي ،،مزيان الصلة متقطعش مع الله وخة المعااصي وزد وزيد ،ان الله غفور رحييم ،الى مشا حتى شدك الشيطان من هاد النقطة غتبقاي ديما عاݣزة تصليي
ايمان: بصح ،ياربي تسمحلياا
تبسم وقرب ليهاا وقال: كاملين كنغلطو الاهم هوا نعرفو نرجعو
باسها فحنكهاا وخلاها كتواعد راسها بليي غير تغسل تبدا صلاتها لي نسااتهاا الدنياا فيها
بقات كتلعب مع المشيشة حتى جاا الكوزينة وقفات حدااه كيقطع فشرائح اللحم كيعطرهم داير ليݣات وهي كتشوفييه بنظرات الحب والسرور والراحة وقالت: شنو غادي تغدينا الشااف
حذيفة: ستيك بالروز
ايمان: مم نعاونك ههه
جبد لاطة ديال الفران حك فيها التومة والزعتر ملح ابزار والزبدة دارهم فلفران حتى دابت الزبدة كان غسل قياسهم ديال الروز ودارو فلاطة وهي متبعاه كتسجل خلاه حتى شرب الزبدة وزاد علييه الماء الكافي ودخلو الفران ورجع لستيك كيشحر نقص عليهم البووطة وجرها عندو متكي على لبوطاجيي
ايمان: شنو نسميي لقطيطة
حذيفة: (رجع ليها شعرها اللور )انا عندي وحدة باركة عليااا
هبطات رااسها كضحك وعجبها الاطرااء وحلاوة اللسان لي معمرها سمعاتهاا بشكل قريب ومن شخص قريب ...الدلع والحنان والكلام لحلوو دوبها ورطبهاا حتى لقاو راسهم فقبل فرنسية ولمستو بايدو مختاصرة فجنبهاا مباغيش يزعم حتى يلقاها خدات راحتها معااه
بعد عليهاا خلاهاا حناكها غيطيرو بسخونة وشفايفها حمرييين كيلمعوو دوبها تمبقات عارفة شنو دير ولا كيفاش تحبس ...عجبها الاحساس وعجباتها القبلة وبدا خوفها من جيهتو كيخفاف وكتحس بالامان وبصدق المشاعر وبليي مغيضرهاش لا جسديا ولا نفسياا...بدات كتطلق معاه وتعلمات تبادلو القبلة وتعبر على مشاعرهاا ولات القبلة نهار على نهار شيء اساسي وضروري بيناتهم، عارفاه ميزعمش حيت عندها عذر وهادشي بحد داتو مخليها مبردة وعايشة القبلة بلا متقول شنو تابعهاا
كينعسوو معانقين الوقت تقلباات عندهم يقدرو يسهرو فالافلام حتى لفجر كيصلي وينعسوو شي مرات كتنعس شي مرات كتبقاا حالة عينيها والنعاس طاير ومكتقدرش تحرك باش متفيقووش
الامور على برا غادية وكترون و الاكثرية كان واخد الامور ضحك حتى دخل معاهم صحيح فالاول تروج انه المرض كيأثر فقط على الناس لكبار ولي عندهم امراض مزمنة من بعد ولا كيشد فئة الشباب وشحال من واحد كيتريني توفى بييه شحال من واحد صحيح فصييح مابيه والو حتى تخنق ومات ...بدات الامور كتخلع والنااس ولات نفسيتهاا مريضة ولي خايف على حبابو لي خايف على راسوو
تسدو بيبان النااس تحت اختبار الصبر والمقاومة ،كثرو المشاكل لي تقطع من القهوة لي تقطع من الشراب ولي تقطع غير من خدمتوو مرضات الناس ولا واحد كيخرج العصاب فشخص اخر وترونات ديال بصح
دازت اياام وفهاد اليوم فاقت بوحدها فلفرااش عرفاتو منعسش حداهاا حيت كانت عندو خدمة يساليهاا ناضت من بلاصتهاا قضات حاجتها وجدات برودوياتهاا باش تغسل ودوش ، هبطات لتحت كتلقاا السكاات مكااينش فالدار و الكرطونة تاع لكموند محطوطة تما مغلفة بحالها كان سيفط ليها فيها الكسووة كانت قريبة 12 ..دارت القهوة فلماشين
صورات سطوري كتوجد القهوة وحطات تيليفونها كتشرب فلقهوة وهزاتو كتصوني لييه مكيجاوبش بدات كتشطن وعقلها كيوسوس ليها مشات كطل من السرجم كتلقا الدنيا خاوية ياله جوج تاع الناس كيبانو ليها
بقات حاضية الطريق وكتصوني لييه لعبات مع المشة هزاهاا لي طلقات عليه اسم "سنووي "
حتى كتسمع الساروت كيدور حطات القطة وغادية جهة الباب لقاتو داخل صفرر والكمامة على نيفو شافهاا جاية عندو وحبسهاا بايدو باش تبقا بعيدة وقال: بقايي بعييدة
ايمان : علااش ماالك (شافتو هاز صاشية ديال دوا وقالت قلبها كيضرب بخوف)واش كورونا ؟
حرك ليها فقط حجبانو مأكد كلاامها وكلس فالدرووج فااشل وراسوو عاطيه حريق عمرو حس بيه
بحال الا ضربتيهاا وفشلتي ليها الركاابيي ، حسات بداتهاا سخناات وبدات كتعرق وهي كتشوفو فاضعف حلاتوو
ايمان(بغات تقرب لييه) واش مريض بزااف ،حذيفة
حذيفة: راه دويت معااك بقاي بعيدة خاصك ديري تيست لتكوني تعاديتيي ،اايمان عفاك غير ديري لبافيط ديالك وبعدي ،راني بخير غنشرب الدوا ونرتااح
ايمان (غرغرو عينيها ) واش ضارك صدرك
حذيفة: شوية
ايمان؛ درتي التيست
حذيفة: درتوو عطاوني الدوا ولكن الى تزاد عليا الحال غايخصني نمشي لسبيطار ،غير نتكا شوية وغنرتااح
ليمان: اصلا غنكون تعاديت خير خلينيي نعاونك
حذيفة(تنهد مقادرش يهدر ) ايماان عفااك
طلع لبيت مدكد ومهلووك لقا راسو عرقاان ومشاا دخل يدوش طلعاات هي لبيت سدات البالكون وقادات ليه لفراش باش يخرج وينعس
خرج لابس سورفيت عينييه حمريين
حس بعضامو مدكدكيين معمرو حس بلي داتو ضعيفة حتى لهاد المرضة صحتو بحال الا مهلوك عصاا ورجليه فاشليين صدروو مزير وكيتنفس بشوية راسوو كيضرب غير دوش هزاتو الرعدة و التبووريشة ،معطاتهاش خاطرها تخليه دايرة لبافيط وكتغطي غير قاست حرارتوو ترعدات فبلاصتهاا طااايب
ايمان: ندير ليك شي حاجة تاكلهاا
حذيفة: لماا بغيت غير لماا
هبطات دغيا جابت لييه الماا وطلعات عاوناتو كيشرب دوا
ولكن غير متزاد علييه الحاال حسات بييه تهلك و النفس كيطلعها بجهد قوي مخنووق
حذيفة: ايمان ،هزي تيليفوني وصوني لرقم لي مسجل الفوق بكوروناا ،خاصني نمشي لسبيطار حاس براسي تخنقت
قلبات تيليفونو ديك السااع كانوو دايرين رقم خاص بكوروناا كيستقبلو فييه الحالات ،صونات ليهم عطاتهم نوع الحاالة وبشنو كيحس طلبو منها العنوان وعطاتو لييهم ،طلبو منها تبقاا بعييدة ولكن هي لي فيها ماهناهاا كتشوفييه كالس محن وشاد فصدروو كيطلع راسو لفووق ويهبطوو كيقلب على الاكسجيين
يوماين هاديي بدا كيحس بالمرض ومتسوقش قال يمكن ضربو البرد وصدرو مخنوق قال يمكن من الكارو لي كما بزااف واحد النهار اثر علييه غير حس بالشم بدا كيمشي لييه عرف بليي ماشي عادي
كانت لبسات عليها سورفيت وسبرديلتها ومشات جابت لييه بانطوفتو ولبساتوو التقااشر معافرة هي الاخيرة بايدهاا
هبطو لتحت وكلس على الفطووي ماشي بزاف حتى دخلات الفرقة المختصة بكورونا شكلهم ولبااسهم الواقي حسسها بالرهبة والخوف من الوضع
خداوه فاومبيلونص خاصة وداوها حتى هي حيت من المخالطيين دارو ليها التيست وطلع مافيها والوو اما حذيفة فدارو لييه الأوكسجين عاد تنفس شوية
الصحة والشباب او القوة معندها حتى قرار قدام قدرة الله سبحانه ،يقدر الشخص يكون قوي البنيية رياضي بامتيااز ولكن فشي حوايج كيقول بلي المرض معندو ميدي منيي كينساا بلي حنا قدام قدرة الله ضعاااف بزااف وغير حاجة بسيطة تقدر تاتر على حيااتك وصحتك فرمشة عيين
شحال من واحد كان مستهتر بهاد المرض وبليي واخا يجيه مغاديش يمحنوو كيصدق داي معاه اشخااص اخريين
بلا بيه فهاد البلاد لقات راسها معارفة منين تدوز بوحدها حساات بالخوف والخلعة وحسات براسهاا اطيييح ،حسات بخفقاان فقلبها وضعف خاايب وهي على برا مامسموحش ليها تدخل لداخل نهائياا وهدشي ازمها وهي معارفاش شنو واقع لداخل ،
عنداك يمووت
عنداك يمشي ويخلييني
عنداك نبقا بوحديي
شدات رااسهاا كتفكر موت جداهاا كتفكر وحدتهاا وخوفهاا تخيلاتو صافي ماات ومبقااش فحيااتها
جاتها هستيرية ديال البكاا والغوات بلا متحس ولات داخلة فعالم بوحدها ناسية فين هي وشنو كدير هناا
طاحت مغيبة فلارض وضارو بيهاا ممرضين بلباس ابييض كيبانو فيهم غير العينين
هزوهاا خداوها لغرفة بعيدة على الجناح لي فييه كورونا من بعدما تاكدو بليي مامريضاش
دكو ليها برا مهدئة حيت رجعات بحالة كفس ورجعات كتغوت وتركل وتبكيي وهوما شادينها وصدرهاا كيطلع ويهبط عرفو بلي دخلات فنوبات هلع من الوضع والخوف مأثر عليهاا
دازت سااعة وساعتيين بدات كتحل عينيها شوية بشوية تكلسات قافزة ،كانت فجنبها فرملية شافتها فاقت وقربات ليهاا
_انسة..نتي فسبيطار معندك مناش تخاافي تهدني
ايمان:ش شحال وانا هناا (كتقلب فايدها بغات تنتر لبرا )حذيفة هءهءهء بغيت نشوفوو
_كتقصدي الولد لي جا معااك
ايمان(بلهفة)ااه هواا عااافااك بغيت نشوفوو
_ متقدرييش دخلي تماا ولكن نقدر نطمنك على حالتو غير تهدني ...كان خاصوو اوكسيجين حيت تخنق دابا راه بخير وحالتو مستااقرة
ايمان :بغييت نخرج منهنا
_منقدرش نخليك تخرجي ونتي فهاد الحالة ، عفااك رجعي لبلاصتك وتهدني
رجعات لفراش تكمشاات كالسة وحاضنة رجليهاا كدمع وساكتة وكترجع اللومة لراسها على اساس هي لي دخلات المرض
كتقول بليي كان صحة سلاام حتى دخلات لحياتو ،بدات اسطوانتها السودااويية كتعااود فدماغهاا
نتي مغناطيس الهم والمشاكيل والكآبة ،تابعاك غمامة كحلة كطيح على اي حاجة قربتي ليهاا
نتي خاصك تعيشي بوحدك ،تكبري بوحدك ،حتى تموتي بوحدك
دوزات معاه اياام زوينة وحسسها بقيمتهاا دلعها ودار ليها كيف لما القليل كيف كنقولو لقات علامن تجيب فشوشهاا ودلالها كأنثى ولكن هدشي مطولش،دغيا تقلباات وهي لي كانت ناوية تعيش معاه حياة زوجية سلييمة ومرييحة ،وتقاوم نفسهاا ومتبقااش تصدو كل ما قرب ليها،شلا متمنات وصدمها الواقع بحاجة متوقعتهاش انه يمرض ويدخل لسبيطار
جا الطبيب شافهاا وهي كتسول غير فحذيفة بعد بكائها وطلباتهاا لباو اشنو بغات لبسوها ملابس خااصة معقمة ودخلوها لبلاصة لي كتعقم كل مرة بعمال النظافة كانو غرف خاصة بالأوكسجين وليي تزاد عليه الحال كيهبطوه لعناية المركزة كيعاونوه فالتنفس
شافتو ناعس والسخاانة طالعة لييه وجهاز التنفس كيعاونوو
_غير كوني هانية علييه ،الوضع ديالو ماشي صعيب بزااف ،سيري لدار ورتااحي وقت لي حس براسو مزيان غيتواصل معااك
عطاتوو تيليفونو لي لقات شحال من ابييل باسم " mimti❤️"
بقات كتشوف فداك الاسم وكتنخصص كيصوني رقم باسم خديجة ومعارفاش تجاوب وهي مزال متعرفات على تواحد فييهم ،حلات تيليفونو وحلات لكونيكسيون لقات عرام تاع الاتصالات فواتسااب
كيقولو قلب الام كيحس وام حذيفة حساات بليي ولدها ماشي من عوايدو تصوني وميجاوبش خصوصا دابا غير الدار ومخدامش وصونات مرة وجوج وتلاتا بلا اجابة وهي كتشوف صونا فايدهاا رقم طارق بدات كتبكيي وجاوبات
ايمان: الو طارق
طارق: وي ايماان هانية الوقت ،اش وااقع ! فين حذيفة دارهم مشطونين علييه خوه كيصوني لياا
ايمان : حذيفة شداتو كوروناا هءه جينا لسبيطار ودابا دايرين ليه الاكسجيين
طارق(متيقش) هه و واش كضحكي علياا ،اي ايماان اش واقع
بدات كتبكيي وقالت: راه قلت ليك شنو واقع ودابا انا معارفاش كيفاش نرجع لداار هءهء (داخت )شنو نديرر
طارق: ففف شوفيي اناا جااي عندك متخافيش ،واش حذيفة فاايق شنو وقع حتى تزاد عليه الحال هكا
ايمان: معرفتش مقالي والوو حتى مرض بزااف هءه بلا متجي عطيني غير عنوان الداار دخت نسييت كلشي التيليفون غنخليه ليهم باش ملي يفييق يهدر معاياا
طارق: واخة عطيني نمرتك باش نتواصل معااك (كايهدنها)غير تهدنيي
خرجات على براا الدنياا صااقلة ومكيخرج الواحد الا للحاجة الطريق خااوية وكلشي مطرق ومسدود بحال شي فلم ديال الرعب عاد باديي غادية وكتشوف وراها مخدمة لجي بي اس على العنوان ديال دارها محدها كتقرب بدات كتوضاح ليها الطريق ورجعات تيليفونها لصاكهاا وغادية وكتبكيي حتى وصلات لباب العمارة،
طلعات لدار واكتاشفات بلي ماشي الدار لي جاتها مريحة وزوينة ولكن طيف حذيفة ليي معاها طول النهار،ضحكتو وهدرتوو وريحتوو بحة صوتوو الجوهرية
شافتها المشة وجات عندها كتموك بصوت رقيق هزاتها ودموعها ملاقيين ،حتى فغيابو دار ليهاا لي تونسهاا شوية
مشات لحدا السرجم وكلساات مربعة فالارض حدا بلاصة المشة لي تقداها ليهاا عطاتها تاكل وكلساات مكدوي مكتحرك المشة نعسات وهي تكات راسها فالارضية وتكمشات حداهاا ،كل مرة تصوني فنمرتو كتلقاها طافية كاتقطع ودموعها كايهبطو حتى عيات من الخاطر وحسات بهدشي لي كدوز منو فوق طاقتها وبزااف عليهاا
شنوو ديير ...شنو دير
سؤال بقا كيدور فبالهاا
مسحات عينيها وناضت طلعات لدوش حطات تيليفونها ودخلات تحت لما دافيي هدئهاا شوية غسلات وتوضات من الدورة وخرجات بعيون حمراء لابسة بيجامة حد الركبة نص كم منو لحمهاا لاوية على شعرهاا فوطة نشفاتو ومشاات ل كموند لي كانت دارت كموند ديال عبااية بشال ديالها فلبااج بصدايف القدام لبسات تقيشرات ومشات كتقلب على الصلاية وقلبهاا كيضرب وحاسة بتأنيب كبيير من جهة قربها لله حاسة بلي ربي غضبان علييهاا وداكشي علاش كيعذبهاا فاعز حاجة عندها
فرشاتهاا وعينيها مضببين بدمووع ،كدخل شعرها فزييف وكتدكر اخر صلاة لييهاا كانت فاخر رمضان دوزاتو مع نعييمة ،تفكرات طريقها كل نهار هي وياهاا لجامع يصليو التراوييح
**
خارجين من الجامع شادة ايدها مع ايد نعييمة وغادين كيتمشااو
ايمان: ضرووني رجلي عييت
نعيمة: ملي كضلي تنقزي فلصال مكتعيايش ،كتعياي غير فنهار كبير عند الله
ايمان: ناري امي خاصك تنكري عليا ولبااس ،قولي لييا (تابطات دراعهاا وحطات راسها على كتفها )دعيتي معاياا اكبيدة
نعيمة: دعييييت معااك
ايمان: شنو دعيتي معاييا اميي
نعيمة: باش ربي يسهل علييك وتنجحي وتشد ليا بنتي البااك وتقراا ويلاقيها ربي مع شي ولد النااس زين ودروييش وحنين
ايمان(ضحكات) باقي شي راجل حنين اميي
نعيمة: وعلاه مالو ابنتي لي ميكون ،بنادم طوب وحجر وان شاء الله يلاقييك مع المرضي والحنين
ايمان: اناخدو كاوري امي
نعيمة: اوى على قلة العرب ابنتيي تبغي دخلييه لدينك يخرجك منو ! لا لا انا بغييت لي يربييك
ايمان(خرجات عينيها كضحك)مييي
نعييمة:ايييه بغيت لي يبرييك ويسترك ويكون رااجل بشلاغموو يخرج فيك العينين تبولي
ايمان:مي هذا راه عبد الله ولدك اشمن حنين صافي صافيي ياربي متقبلش دعوتها
نعيمة:ياربي قبلهاا مديش عليهاا ،وتانا بغييت نشوفك بدارك وبراجلك ومرتااحة ابنتيي تولدي وليداتك
ضحمات وقالت: وتسكني معايا امي حيت غنخدم شكون غيقابل ليا ولاديي
نعيمة: نشدهم لييك ونربييهم معااك
ايمان: هههههه مي راه قلنا غير شنو دعيتي معايا نتي دغيا درتي ليا قصة
نعيمة: اوى قولي ان شااء الله ولي فيها الخير توصلك
ايمان: ان شاء الله ياربي ،الله اخلييك ليياا
**
بسم الله الرحمن الرحيم :
(وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا ۖ لَا نَسْأَلُكَ رِزْقًا ۖ نَّحْنُ نَرْزُقُكَ ۗ وَالْعَاقِبَةُ لِلتَّقْوَىٰ). (سورة طه)
طاحو دمووعهاا وتوجهات لله بوحدو بدات صلاتها كتنخصص مع كل حرف فلقران كطول السجود وهي كتناجي ربيي بااش يسمح ليهااعلى بعدها علييه يسمح ليهاا على نسيانها لصلاتهاا لسنين ماشي غير شهر ولا شهراين ...صلاة جوج ركعات وسلماات هزات كفوف ايدهاا كدعي بليي فخاطرهاا كدعي وتبكيي
نص ساعة وهي على وضعيتها فدعاء فوق السجادة التيليفون حداهاا طالقة منو الدعاء كتسمع وقلبها حسات بييه ارتااح وعياات بلبكاا وتكات على السجادة
حتى فجأة كيصوني تيليفونهاا كلساات قافزة وهزاتو مخلووعة طلع ليها اسمو وجاوبات بلهفة ورجفة فصوتهاا
ايمان: الوو الو حذيفة
جاها صوتوو متعب ولكن مكابر وقال: ايمان
ايمان : واش بخيير كتحس براسك شوية
حذيفة: شوية الحمد لله متخلعييش عليا راني بخيير ..غيشدوني هنا 24 ساعة وغادي نجي حالتي مصعيبااش غير تخنقت شوية فاللول
ايمان: ودابا
حذيفة: دابا راني بخيير احبيية ديالي ،درتي التيست
ايمان(مسحات دموعها): درتوو مافيا والو
حذيفة: دونك ملي نجي عفااك بقاي بعيدة علييا هادشي مفيهش اللعب وماشي رواح عادي راه كيهلك ولا غنبقا هناا حتى نبرا
ايمان: لاا واش بغيتييني نحماق بووحدي (كتبكيي)منقربش ليك غير جي عفاااك هءهء داقت بياا بوحديي
حذيفة: ششش متبكييش، عفااك لخصاتك شي حاجة غيجيبها لك طارق ماتخرجييش بوحدك وسدي علييك
حركات راسها وقالت: واخة
حذيفة: خاصني نقطع حيت مقادرش نهدر ...غنبقا اكتيف فلواتسااب احبيبة وخة !
قطع معاها وفرحات حيت فاق وبخير حمدات الله وشكراتوو
ناضت هوات البييت ومشات لفراش نشراتو فلبالكون ضربو الشمش ...رشات معطر الحو برائحة البخوور العربية فلبييت وهزات كاع الحوايج لمسخيين هبطاتهم لتححت لماكينة دارتهم يتصبنوو وجمعات الصالون باش متبقاش غير كالسة كتفكر
شافت وديان حتى هي غابرة صونات ليها حتى عياات على مدة عاد جاوبات بابيل فيديو الاخيرة كانت فسبيطار دايرة كمامة وبايين فيها المرض فشلو عليها ركابيها من جديد والاخيرة حتى هي كتهضر غير بزز وقالت: متقوليش لياا حتى نتيي مريضة
وديان: مكنتش بغيت نخلعك ... البارح تزاد عليا الحاال شكون مريض
ايمام: حذيفة بايت اليوم فسبيطار
وديان: شدوه ؟
ايمان: قبيلة غير دوش وهوا يتزاد عليه الحال مبقاش كيطلع النفس
وديان: مصيبة صافي
وديان براسها مقدراش تهدر مطولوش فلهدرة كلساات فوق الفطووي حتى وصلهها مساج منو وقال: كليتي شي حاجة ؟
فعز مرضو فكر فيها هدشي بحد داتو كيزيد يزير عليها خاطرها كيفاش غدير لمكانش فحياتهاا الموت بوحدها تبردها ولات كتقوول الى مشا حتى خلاني منقدرش نكمل حياتي بلا بييه
الموضوع مبقااش هييين مبقاش سااهل مبقاش حذيفة بالنسبة ليها شخص حبااتوو وتزوجات بييه
تخلط ليها مع النفس والأوكسجين ولا بالنسبة ليها شي حاجة متقدرش تعيش بلا بيها بحالو بحال الما والاكسجيين والماكلة رجعاتو عنصر اساسي فاستقرار حياتهاا
جاوباتوو وقالت: مافياش جوع
حذيفة: نوضي كولي ليك شي حاجة متبقايش بجوع ،نوضي وصوري ليا
ناضت بلا عكز كتقلب فتلاجة جبدات الحليب وحلات الكرطونة ديال لكورن فليكس بشوفان والمكسرات صورات ليه زلافة وكتب ليها: معليش قاضي غراض
ضحكات وفعلا صونا ليها ابيل فيدييو قادات شعرها القداام وكلسات فلكرسي قابلات التيليفون معاهاا وشدات الخط باسها بجوج صبعان حطهم على فمو وبااسهم وضحكات بخجل وقال: كولي
ايمان: ونتا كليتي
حذيفة(مسح نيوفو بكلينيكس ) كلييت
تكاا راسو على المخدة ومرة مرة يغمض عينو وكتحس بصدرو كايطلع ويهبط مرة يحل عينو ويماصي راسو حسات بيه معدب وصابر
شاف الجو غادي و كايظلام دغيا داز النهاار بالاحدااث والليل جاي وهي بوحدهاا حسات بالرهبة والخوف من جديد
ايمان: حذيفة اشمن ابليكاسيون ندير على ود الادان !
تبسم برضى وقال: ديري "salat first" فيها لي غادي تحتااجي ..دابا نيت عاد ادن المغرب
ايمان: صافي دابا نشارجيهاا
حذيفة: توحشتك
ضحكات بخجل حاطة ايدها على حنكها وقالت : حتى اناا
حذيفة: سعداتيي
ايمان: انا لي سعداتي بييك...مم هدرتي مع خالتي
حذيفة: هضرت لقيتهم مشطونين مساكن
ايمان: قلتيها ليهم
حذيفة: وغير صوتي يقوليهم لخباار
ايمان: خاصك ترتااح احبيبي راك مريض
حذيفة (صحك بتعب ) : صافي برييت
خرجات من فمها بلا متحس وضحكات وقالت: داكشي لي بغيت غير تبراا
حذيفة: دابا كان خاصني حتى نمرض باش نسمع شي كليمة منك
ضحكاات وقالت: غير كنحشم منك
حذيفة: هاد الكلمة حسن لياا من حذيفة ههه عاوديها ليا باش نبراا مزال
ايمان: وصافي احذيفة كتحشمنييي ههههه خليها حتى تجيي عفوية
حذيفة(ضحك )ياك العفويية نخلييك شوية ونهضرو
ايمان: صافي وخة
قطعات معاه ناضت صلااة وبدات كدور فالدار وتاكد من الباب مسدود وصقيل على براا خدمات القران فتلفاازة وكلسات كتلعب مع المشة جاها جوع ناضت كلات شوية تاع ديسير بعدات الطبلة من جيهة السرجم وحلات نشاشر نشرات الحوايج فييهم وحلات الزاج باش يدخل الهواء
بقات متكية فوق الفطوي مرة تكلس مرة توقف تمشا كتحسب السوايع و الدقايق امتا خلاص يطلع النهاار ،معرفاتش طعم النوم
حضنات راسها وغمضات عينيهاا ولات الى متخشات فييه وحسات بقلبو ماترتاح وتحس بالامان ودابا حاسة براسها كالسة فزنقة
كدور الخاتم فايدهاا ومتكية راسها على الفطووي
والليل وخة يطوال ولابد يطلع صباحو حلات عينيها المتعبين بقلة النعاس يمكن غفات ساعة ولا قل وقفات بتعب مشات طلعات لفووق كطفي فضواو فدار لي باتو الليل كلو شاعليين توضاات ومشاات كتصليي كانت عاد السبعة تاع الصبااح بدلات بكولون شورط وهزات من حوايجو تيشورت خلات شعرها على راحتو مطلووق وهبطات لتحت وجدات ليها قهوة بلحليب وكلساات شادة حنكهاا مهمومة كتلعب فالتيليفون كتشوف اخر مساج سيفطات ليه مع الربعة تاع صبااح كل مرة طل واش جاوبهاا
هكا دوزت صبااحهاا بغات تخرج تشوفو ولكن مغيخليوهاش والبوليس فالزنقة مغيخليوهاش تبعد
ضربات الطنااش وتيليفونو هاد لمرة طفاا وقفاات كتقلب على سبرديلتهاا لبساتهاا وغادية خارجة مع حلة الباب لقاتو فوجهها
ايمان: حذيفة
حذيفة(قاد لبااڤيط وعينيه حمريين باين فيهم التعب ) علاش تاافقناا
حركات راسها باه حلات لييه الباب ومشاات كتجري جابت باڤيط دارتهاا اشار لييها بايدو بمزيان
ايمان: نعاونك
حذيفة: حاس براسي مزيان خاصني غير نرتااح
ايمان: علاش تيليفونك طافي
حذيفة: تسالا من الشاارج
طلع فالدرووج دخل لبيت لقاه مهوي والفرااش مبدل باش يرتاح كثر طاح فوق لفراش بتعب وحط الدوا وتجاكيط ديالوو
بقات واقفة فلباب وقالت: نوجد لييك تاكل شي حاجة
حذيفة: لا مدااق لا شم ا ايمان معنديش الشهية
ايمان: ولو خاصك شي حاجة تقوييك شوية
حذيفة: واخة
ايمان: نجيب لييك شي حاجة تبدل بيهاا
حذيفة: مم
مشات لدريسينك جبدات ليه سروال سورفيت مقطن وتيشورت كحل مقطن فلكحل ورجعات عندو وقفها عند الباب وقال: لوحيهم لياا
لاحتهم لييه جاه تريكو فوجهو نيشاان وضحكات وقال: زيديني زيديني
ايمان: هههه شنو دابا داير ليا الحصار فهاد الباب
حذيفة : حتى الماكلة حطيها حدا الباب
شافتو كيحيد فالقبية وقالت: نمشي نوجد لييك
حذيفة: صافي سلات المسااعدة
ضحكات فالدروج وهي هابطة وكتفكر شنو توجد ليه خصوصا ايدها مزال مكتخدمهاش بزاف مامساعدهاش والاكل لي معتامد علييه صعيب عليها وكتجيها فيه كترت الخدمة
وقفات فلكوزينة كتشوف شنو تصنع وليي يكون ساهل ويقدر يشبعوو
دخلات اليوتوب تشوف ، شدات حنكها ومعرفات منين تجيي لديك لكوزينة بينها وبين الطيااب غير بيضة مصلوقة والى كااع تجهدات غطيب ليباط بلاصوص ولا بيتزا هدشي باش كانت عايشة نهار كتبغي تبدل كتاكل براا ،
دابا فهاد الازمة متقدرش تكموندي الماكلة يعني خاصها توجدهاا وهناا فين بقات شنو غتوجد لييه
صونا التيليفون فايدهاا وهي ساهية مع فيديو حتى قفزها كانت ابيل فيديو من حذيفة جاوبات دغياا وقالت: خاصك شي حاجة
حذيفة: شنو كتوجد ليا مراتي
ضحكاات كتشوف قدامهاا وقالت: مراتك سطلة فطيااب ونتاا ماكلتك فشي شكل
ضحك بتعب وعينيه معسلين بالمرض وقال: ممم كناكل لفكارن اناا
ايمان: عطيني شنو نطيب
حذيفة: كاين الشوفان حدااك
بدات كتقلب عليه فلبلكارات حتى لقاتو فقرعة وقالت: سيي شنو ندير لييه
حذيفة: خودي شي كاسرول ديري فيها جوج كيسان ديال الحليب
دارت شنو قال حطات التيليفون وهي مركزة مع هرتو وهوا مركز معاهاا غادية جاية قداموو كل مرة تورييه حاجة هادي ولا هادي شنو هادي ندير هادي
بقا معاها حتى وجدات لييه پلا متكون من الشوفان بلفروي سيك وشوية ديال كيوي فجنااب
دارت ليه طوسط معسات نص افوكا مع جبن ودارتها فييه قدات ليه لبلاطوو وشكلاتو ولعباات على الزوااق باش تفتح لييه الشهية
هزات ورقة من اوراق الملاحظات لي معلق فتلاجة قلبات على ستيلو وكتبات بشوية على ايدها "بصحتك احبيبي"
ضحكاات ولصقاتهاا فلكاس ديال الماا وفرحااات حسات براسها دارت انجااز ملي وجدات هاد الپلا
هزاتو بشوية وطلعااتو لييه حلات الباب ،لقاتو كيصليي كالس فوق السجادة
حطات ليه لبلاطو فوق الكرسي حدا الباب وبقات واقفة كتمعن فييه
حتى سلم وشاف جيهتهاا وقال: شكرا
ايمان: بصحتك
حذيفة: ونتي كليتيي
ايمان:مزاال مافياش جوع كول نتا باش تشرب الدوا ،غانمشي نصليي حتى اناا
تبسمات وخرجاات خلاتو قرب لبلاطو هزو وبانت ليه الملاحظة قراهاا وتبسم
ولات مقابلاه بحال عينيهاا وخة مكيخليهاش تقرب كل مرة توجد ليه حاجة باش طلع ليه المنااعة ،عطاتو الاهتمام لي كيعطييه ليها ديما ولا تركيزها غير عليه وتقلب وتبحت شنو طيب ليه شنو لي غينفعو فهاد الحالة ونهار على نهار بدات كتحسن حالتوو وكيقدر يهبط لتحت ولكن مبعد عليها قدر الامكاان
شافت الاهتمام من جيهة عائلتو كل نهار كيصونيو لييه كيف بقيتي كيف ضليتي شنو كدير شنو كتااكل ،وايمان كالسة فلخلفية مزال مجاتش الفرصة المناسبة باش يقوليهم راه معاياا بغا يعرفها عليهم فظروف حسن ،خصوصا ان الاب حتى هوا كيسول وهادشي لي مكانش كيديرو الا فالمناسباات
كان كيهدر مع خوه فابيل فيديو حتى نطق الاخير بهمس بالشلحة وقال: الحاج جااي بغا يهدر معااك
يتبع...
التعليقات
لا توجد تعليقات بعد، كن أول من يعلق.