محتوى القصة
تمشات خطوات قلال ورجعات ياله بغا يهدر قالت: عطيني سوارت نسبقك !
حذيفة:ممم!
زينة:سوااارت معندييش
حذيفة(كيقلب فجياابو حتى لقاهم خرجهم امام ايماان مكتوبة فلعلاقة ديالهم home) غير سبقيني انا جاي داباا
بحال شي حد طرشها ولا ضربها فظهرها بشي حاجة قااسحة ودقتها مسمومة...كتشوف فزينة شدات السوارت وضحكات وكتشوف فيه هوا ...خافت تضعف فهاد اللحظة ورجعات بخطوة اللور
كانت هابطة فالطريق ومشافتش الطروطوار وراهاا تعكلات ملقات متشد جات طايحة وايدها تحردات بغا يشدها وبعدات ايدهاا
ايمان:اناا بخير تعكلت
خرجات وديان من طموبيل جااية لجيهتها:ايماان
وقفات وقالت:منعطلكش سمحلياا لديرونجيتك ..ب بسلامة
حذيفة: مكاين حتى ديرونج (تبسم ليهاا ) مرحبا فاي وقت
ايمان(بهدوء) ش شكرا
عطاتو بالظهر كتحاول تبقا قوية قبل مدخل لطموبيل ركبات اللور كتحس بصداع قوي فودنهاا مخلاها تسمع حتى صوت اخور ضاير بيهاا...سدات لباب وشافت فوديان كتسولها ولكن حاسة بصوتها مواصلهااش
تكاات على رجليها وعينيهاا محلولين بالصدمة معرفاتش امتا تحركات الطموبيل وشحال داز تاع الوقت
حلات وديان الزاج يدخل ليها شوية البرد ...كتمسح على شعرهاا بلطف ومعارفاش شنو لي خلاها تقسح بهاد الطريقة
وصلو لاوطيل هزات صيكانهم بجوج وشداتها من كتافهاا بحال الصنم كتجرو وراهاا
طلعو لشومبر كلسات على السرير متحركاتش وديان فسرير المقابل كالسة قبالتهاا
وديان: دوي معاياا ...قاليك شي كلمة جرحاتك ؟ مبغاش يسمح لييك ...ايمان دويي معاياا
ايمان: تزوج ...هاديك مرتوو
جات حداها عنقاتهاا كتواسيها وقالت: مامكتابش ا ايمان ...صافي نسااي
حركات راسها بااه وتكات فبلاصتها بحوايجهاا ..حيدات ليها وديان سبرديلة وخلاتهاا طفات الضو وغطاتهاا ولكن عينيها مبغاوش يتسدوو ...مقدراتش تقبل بليي الشخص الوحيد لي بغات من قلبهاا هي ولات عندو غير مااضي
مقادراش تيق بليي صافيي مبقات حتى حاجة غتجمعهم مزال
كتبكيي بصمت وكتقول كيفاش غنسااه ..كيفاش نمحبيه من قلبيي وهوا تحفر لدااخل بلاصة عمر شي حد وصلهاا
كيفاش غنكمل حيااتيي من ورا عاد الواقع ، كيفاش غنولف بليي كايعنق مرا خرا كينعس ويفيق مع مرا اخرا كيضحك مع مرا اخرى
تخنقو نيووفهاا بلبكا كاتهز كلها فلفرااش والشهقة ضاراها فقلبهاا
عانات وعانات ومزال كتعاااني ،كيبان ليها كلشي ظلام مبقا حتى نور خفيف يضويي حيياتهاا فقدات الامل بلي غيجي شي نهار وتكون فرحانة كيف النااس
شهقات شهقة مقدراتش تحبسهاا ...تحساات بحضن وديان فالظلام من وراهاا كتقول: غير بكيي بكيي وخوي قلبك
بكااء قووي شهقاات بحال الطفلة وصووتهاا مبقاتش قادرة تحبسو كتبكيي لي عمرهاا بكاتوو كترعد وترجف بلببكا لمدة طويلة مقادرااش تحبس ديك النوبة وحاسة براسهاا فواحد الانهياار محساتش بيه من موت جداهاا
جاهاا الموضوع بحال شي مو_س عاود فتح جراحهاا ودكرياتها الكئيبة...
بقات جامدة فوضعيتها حتى حسات براسها فشلاات وسخنات بكترة البكا لي بكاات ...بقاو غير الشهقات حتى نعساات جسمها كيتهز ويتحط مع شهقتهاا
مشات وديان لبلاصتهاا كتمسح دمووعها لي طاحو من حالة ايمان قدامها ..بقات رادة معاها لبال وكل مرة طل عليها حتى نعساات حتى هي
فاقت وديان كتااوب تقلبات جيهة ايمان لقاتها فايقة كتجبد لحوايج من لماريو وكترجعهم لشانطة...عينيها منفوخيين بدلات حوايجها بسورفيت ولبسات سبرديلتهاا ...بقات فبلاصها مدة كتستوعب حتى بانت ليها كتسد فلباليزة وجمعات شعرها
قفزات وقالت: فين غادية الصباح هدا
بصوت بااح ردات عليها: غنرجع لطاليان قطعت مع 11
وديان: واش حماقيتي ...فين غتمشي دوزي تكلسيي العطلة ديالك باقة ليها سيمانة
ايمان: خاصني نمشيي عفااك اوديان غير خليني
وديان: وصبري نمشي معااك
ايمان : وديان ...كلسي اختي دوزي لفاكونص ديالك ورتاحيي ...انا بغيت نبقا بوحدي
وديان: منقدرش نخليك تمشي فهاد لحالة
ايمان: دزت من ماكتر ماتخافيش علياا (بحرقة ) غادي نساا خاصني غير الوقت
وديان: ولكن فطري
ايمان: غنفطر فلمطار ...رجعي تنعسي اوديان عفااك
وديان: صبري نلبس ونمشي معااك تالمطار
بدلات عليها وتبعاتهاا خرجو كان باقي لحال ياله تمنية ونص وصلو لمطار مع 9 شربات قهوة دايرة نظاراتها الشمسية هزات قرعة تاع الماا ساكتة مهدراتش كالسين فلكراسة كتسناا طيارتهاا وتنهد حتى سمعات النداء وناضت ودعات وديان
وديان: ياك بخيير (مسحات على كتافها )هدشي عادي دابا تنساايه
ايمان(حركات راسها بالايجاب)متشغليش بالك
وديان:ملي توصليي صوني لياا
حركات راسها بااه ومشات فلممر جسد بلا رووح ...غير تابعة الناس وغادية...حتى لقات راسهاا فبلاصتهاا...معندها شغف لا تقرا ولا تشوف التلفون بغات غير تنعس وظلم عليهاا وحدتها لا غير
وصلات لايطالياا شدات طاكسي لدارهاا
دخلات جارة خيبتهاا الجديدة تزيدهاا على الخييباات وكانت هادي اقساهم عليهاا حطماتهاا وعصراات قلبها حتى نزف
سدات لبالكوين وكلسات فوق السرير ضامة رجليها عندها كتشوف فلكاسكيط لي معلقة حدا لمراية ودموعها هابطيين فصمت
التيليفون كيصوني حدا رجلها معندهاش ليه الجهد
عاملها بجفااء ...عاملها بحالا شي قصة انتهت من حياتوو ..عاملها معاملة الغربااء ،كان عندها امل خفيف تحسن علاقتها معاه وترجعو لحياتها ولكن هوا نهار خرج من الطاليان حتى هي خرجها من قلبو ...
**
دازت 4 ايام ...ربع ايام دازت قااسحة عليها مقدراتش تقبل نهائيا شنو حساات وشنوو شافت وشنو ضرهاا
التليفون مسكتش من ليزابييل كتفات بمساج لوديان قبل يوماين فييه بلي وصلات لدارها وبغات ترتاح اماا يوسف كيصوني ويعاود
غبرات على السطوريات 5ايام هادي من اخر سطوري حطات ملي كانت غادية تشوفوو
دخلات فحالة معالم بيها غير الله ..كتشوف الاتصالات حتى مع صحاب لبرودويات لي كان مفرووض تحط ليهم اشهار لشي برودوي واخدااه ...التزماتها فوق حالتها النفسيية
ناضت بملامح طاافية وعينين دابليين لي نعسااتهم غير بدواا كتكره راسها كلما فاقت وكترجع تشرب كينة وتنعسس
خدات دوش مرة مرة تكا على الحييط باقة فيها الدوخة تاع الكينة لي شرباات
مشات صايبات قهوة شرباتهاا شعلات الرينك لايت وجبدات المشطة برونشاتهاا فلبرييز دارت التيليفون فبلاصتو كيسجل كل مرة تسجل فيديو ترجع تمسحوو.. حتى عياات ودارت فيديو عادي رافقاتو باغنيتهاا ...صورات سطوري تاني موجهة لكاميرا لمشطة كتشرح لشنو كتستعمل والمزاية ديالها بصوت هادئ كتبان غير ايدها كتحرك فوق لمشطة وكتوري ريوس لي كيجيو معاهاا
هكل دوزت نهار ...باليزتها باقة هكاك عند الباب
صونا ليهاا يوسف من جديد تعصبات وجاوباتو:شنوو ايووسف شنو
يوسف: اجيي عندي داباا ...راني عرفتك كاينة فدار اجي نهدرو
قطعات عليه وناضت لبسات دجين وقميجة وشعرها جمعاتو لفوق مدارت والو لوجهها هزات نظاراتها الشمسية عريضة وخرجات ...ضربات فيها الشمس لي طول هد الايام مشافتهاا ...لابسة فرجليها صندالة غادية كتجر فيهاا توصلات لريستو اول مدخلات تعرضو ليها جوج بنات خدات معاهم صور بابتسامة باهتة...ودخلات محاملاش راسهاا ولا دخل هناا تاني
ناصر:ايمااان صافاا جيتي
ايمان:لباس اش خبارك
ناصر:بخير اختي الحمد لله ...الصراحة البلاصة هنا بلا بيك مظلمة
تبسمات لييه وزادت طالع لعند يوسف دقات مع الدخلة كتبان ليها وحدة كالسة فوق يوسف غير شافتها جمعات النوضة هوا متحركش ودعها وخرجات
يوسف:على سلاامة (تسرح فوق الكرسي ) كنتيي تعلميني نجي نتعرض ليك فالمطار باستقبال زوين
ايمان(بنفاد صبر )معنديش الخاطر ايوسف قول شنو بغيتي
يوسف:عندك الخاطر غير تغنيي ف اسبانيا وتنوضي لبلبالة هدشي وزايداهاا مبدلة كود حساب لانسطا باش ديري لي بغيتي فييه(بابتسامة وقف)هدشي غير اغنية وحدة ضربت 16 الملييون درتيي هد الحالة
ايمان(جبدات تيليفونها دخلات ليوتوب لقاتها ضربات 18 مليون فضرف 15 اليوم ) لا راك غالط 18
يوسف(قرب جيهتهاا) لي واقف قدامك راه مدير اعمالك
ايمان:مدير اعمال لي كيجيوني اعمال عربية ومكتقبلش بيهم
ضحك عطاها بالظهر كيمشي ويجي قدامهاا وقال: ملي باغة تشهري عند العرب علاش ازوينة جاية ضاربة الطريق باش انااا نورييك لايطاليين باش تنوضي نتيي تحيا فييك الوطنيية فدقيقة ؟
ايمان:اشنو دخل هدشي فالهدرة
يوسف(بحدة ) ازوييينة ...راه عندك التزامات معاياا عندك خدمة وعندك مدير اعماال ،اما باش تصرفي بوووحدك مغنخلييكش سمعتيني ... شكون غيخلص ليا انا الخسااائر تاع الناس لي جاااو على ودك وملقاوكش ...مقالوش لييك بلي هادي سيمانة كانت الصالة خااوية كتصفر !
ايمان(كلسات على البيرو ) جيت نهدر معاك ....اناا مبقيتش بغييت نغني فالريستو عييت من خدمة الليل مبقيتش كنعس ...مستاعدة نخدم معااك فلحفلات برا لبلاد ولكن الريستو صافيي لاا منقدرش
يوسف(بصدمة قرب ليها )عاودي شنو قلتيي
ايمان (تنهدات)راك سمعتيني ...مبقيتش غادي نغني فالريستو عيييت كترات عليا الخدمة بزااف خاصني رااحة
يوسف :غندير راسي مسمعت والوو وغتمشي تهبطي لتحت توجدي راسك لسهرة ديال العشية
حركات راسها بلا ببرود وقالت: لااا
يوسف(بنفاد صبر) راك كتختابري شوية تاع الصبر لي باقي عندي معااك ...شوفي الحمامة (قاد ليها لكول ) زويينة العيب مقادينش علييه ؤك غتمشيي تلبسي وغاتوجدي راسك ...غتزيدي معايا كلمة وحدة غادي ندير واحد التصرف مغيعجبكش
ايمان:كتهددني ايووسف ولا
يوسف(ميل راسو ) لا لا مزال موصلنا لتهديد
ايمان:عرفتي شنوو ...طلعتووو لياا فراااسيي مبقيتش بغيت نخدم معاااك ياله بوووم طرطق شنو غادي ديير
حرك لسانو على شفايفوو كيشوف فيهاا وضحك باستفزاز وقال: شوفيي خودي لييك وقت زيدي رتاحي فييه ؤك منخرجش انا وياك للعيب حيت مدوزنااش قليل ؤك (مسح ايدو مع بعضياتهم)ميغركش شي واحد ...شفتي هدشي فاش عايشة نتي دابا والامتيازات لي عندك ...حتى حد مغيعطيهم لك الا اناا
بقات ساكتة عياانة باغة غير تسد عليها وتنعس وترتاح خرجات من تماا...لقات ناصر واقف فلباب كيتسناها غير شافها وقفهاا
ناصر:ايمان ...بغيت نهدر معاك
ايمان:من بعد انااصر اخوياا ...من بعد
ناصر: غير اجي نهدروو الله احفضك
تنهدات وتمشااو حتى لسااحة وقالت: شنوو بغيتي تهدر معاياا
ناصر: هد ليامات ملي مكنتيش جا واحد لمخربق تيغوت على يوسف وجرا على عباد الله كامليين
ايمان:شكوون مفراسي والو
ناصر: واحد السلكووط كلو وشاام شنق على يوسف وكيقولييه دابا غتحضرها لياا
ايمان(ضرب قلبها بجهد ) واش وااشم ايديه بجوج وضعييف
ناصر: اييه زعر وعينيه خضريين ...قاليه يوسف غادي تجي قريب تجي قالييه داك خينا الا مجااتش غادي نرجعك فين كنتي ...
حسات بلخوف من يوسف ديڤ تلميحات لوناا هدشي كلو ولا موسوس عقلها كتر وكتر
ناصر:حم ...تلاقيتي بحذيفة
دغيا شافت فييه وقالت:ياك مكتهدرش معاه ؟ كدبتي عليا اناصر
ناصر:لااا والله اختي مكادب عليك فشي حاجة ... كنت كنهدر مع عتمان على وديت الوراق اختي هد خيناا مبغاش يدير معانا شي حل
ايمان:ناصر اخويا صبر راه انا 4 سنين ونص عاد درتهم نتا عاد عماين ونص معااه نتا عارف الطاليان مصعبيين الورااق شوية خدام بصالير مزيان غير شوية صبر
ناصر: تاصل بياا حذيفة شي يوماين هادي
ايمان:شنو بغاا !
ناصر:قالياا ...الا مامسلكاش ليك تماا جي عندي هناا نديرو ليك كونطرا دغيا طلع وراقك ...مول الريستو عندو كيتعاون بزاف مع المهاجريين
ضحكااات وضحكااات بهستيرية خلات ناصر غير كيشووف وقالت: حتى نتاا انااصر بغيتي تمشي (تغرغرو عينيهاا ) حتى نتاا
ناصر: الظرووف اختي والله الغربة صعيبة بلا ورااق توحشنا تاحنا الواليدين بغينا نفرحوهم ونعاونوهم ولكن بلا وراق راه مقدرتش اختي
ايمان: عطيني نمرتو عطيني
ناصر:ديال حذيفة !(جبد تيليفونو عطاها ليهاا ) ايمااان
مشات وخلاتو كتمسح فدمووعهاا وكدوز الخط لييه وشفايفها كيترعدو مع خرجات الشهقة مع جاوب بصوت هاادئ
_الوو
ايمان(بنبرة بكاء عاالية )شنوو كيحسااب لييك رااسك مشيتيي نتا ديتي طارق وداباا بان لييك فنااصر هءهء علاش شنو درت لييك لي باغي تخليني بوووحدي فهد لبلااد هدا كلوو حقد فييك علييا
ايمان: هدا كلوو حقد هءهء علاش كدير لياا هكا علاش شنو درت فحقك احذيفة هء شنوو
حذيفة: ايمان !
ايمان(بلغوات ودموع كيقطرو من وجهها)فيين ايمااان فييين كون غير تدفنات فديك الغابة حسسن لييها ...فاش اديتك مشيتيي بلا حتى كلمة وديتي معاك طارق وداباا بغيتي تجر حتى نااصر شكون غيبقا معاياا هناا هءهء
حذيفة: ايمان نتي راه بورااقك واش ماشي من حق داك لولد حتى هوا يدير ورااقوو ...هوا حتى لكونطرا مدارهاا لييه ! شحال غيبقاا بلا ورااق خمس سنين ! سبع سنين ؟
قطعات علييه كتبكيي ورجع كيصوونيي ولكن حلفت لاجاوباات ردات التيليفون لجيبهاا ومشاات لريستوو كتمسح عينيهاا
دخلات نيشان لبيرو بلا مدق جمع شي وراق كان كيقرا فيهم تدلخلات
يوسف: كنت عارف غير مقلقة ودغيا غترجعي
ايمان: بغيت ندير شكاية بواحد لحمق
يوسف(وقف جاي عندها) شكاية ! ديالاش
ايمان: واحد المريض ديما كيتعرض لياا حدا الدار وتبعني حتى لفرنساا عارفة غير سميتوو راه ديما كيجيي هناا بليل غتكون عاارفوو
يوسف: شكون !
ايمان: سميتو ديڤيد عطيني سميتو كاملة بغيت نمشي نديكلاري بييه
يوسف: واش كتهدري على لولد لي وااشم هههه واش نتيي حمقة بغيتي تخرجي عليناا
ايمان: علاش غنخرج علييك بغيتيه حتى يق_تلنيي
يوسف: هههههه ديڤ يق_تلك هههه هداك راه حمق وصافيي متديش علييه معندو ميدير لييك
ايمان: انا قلت ليك عطيني سميتو كاملة مقلتش لييك غيدير ليا مغنتسنااهش حتى يدير
يوسف(كيرطب معاها)شوفي ..غنهدر معاه غير كوني هاانية ...بااه راه من اكبر المستتمرين فايطالياا وعندو غير هوا الى مشيتي حتى دعيتيه ادخلي معاه فشي طريق خايبة ...غتخرجي خاسرة حتى لكاريير ديالك ...غير رتاحي انا نهدر معااه راه وخة تشوفيه هكاك راه ميأديكش
طبطب على كتاافهاا وقال: رتااحيي يمكن فرنسا منفعاتكش (تبسم ليها )راحتك هناا ..من بعد نبداو خدمتناا ونزيدو نحتافلو بنجاح الاغنية
خرجاات دايقة بيهاا نيشان مشات لدار سدات عليهاا وكلساات فبلاصتهاا حيدات القميجة كتماصي صدرهاا كتنهد وتسووط باش تمشي ديك الخنقة لي ولات كتعاني منهاا بشكل غادي وكيتزااد
رجعات لبلاصتهاا موسدة مخدتهاا وسارحة محاضراش فواقعهاا
جاها اتصال من وديان مقداش تهدر ولا تحاور مع شي حد موراهاا نمرة كريس والرد من عندها مكااينش
مشات جبدات لكارط ڤيزيت لي عطاها المنتج كدور فيهاا حايرة شنو دير بغات تصوني لييه تلقات باتصال وديان وجاوبات بلا قصد تنهدات وجاوبات
وديان: حراام علييك والله ،مالك قلبتي هد القلبة كلهاا اصااحبتي خليتيني مخلوعة علييك
ايمان: راني قلت ليك بليي بغيت غير نرتااح مابياا والو اوديان مكاين لاش تخلعيي
وديان: فينك داباا فدار ...نجي ندوز معاك شي يومااين ؟
ايمان: غنبدا الخدمة
وديان: وشنو قلناا ! ياك غتحبسي الخدمة بليل
ايمان:مبغااش ومبغيتش نتزايد معاه فلهدرة حتى نشد فلوسي من الاغنية بعدا
وديان:خاصك تعرفي شحال نسبة ربااح
ايمان:اش بان لييك ...نزعم مع المنتج اللبناني !
وديان: كيبان معقوول وشارب الفن مزياان وتكون عندك شروطك باش ضمني حقوقك ..يوسف لقاك صغيرة ومزال معارفة والو فهدشي دار فيك لي بغاا ...قولي ليا لكونطرا لي بيناتكم شحال فيها من عام ؟
ايمان:عماين والمشكيلة ماشي بزاف باش سنيتها تانيي ومضنييتش يبغيي بالساهل باش نلغيوها
وديان:قوليه بغيت نعتازل ههه المهيم خرجي راسك باي طريقة ؤك
ايمان:ايكون خير
قطعات معاها لقات نمرتوو مصونية ليها جوج مراات ...مسحاتهاا حيت خافت تضعف كتر ما هي ضعيفة حالياا ...ركبات نمرة لي فلبطاقة ..بعد مدة قصيرة جاوبهاا
محمد:الوو ..مرحباا مين معي
ايمان:مرحبا استااد محمد ...معك بيانكاا
محمد:اهلاا وسهلااا باتصالك ...كيفك ان شاء الله منيحة
ايمان:الحمد لله(كتلعب بلبطاقة )بغيت نقوليك انا مواقفة على طلبك ...بغيت غير شوية الوقت نقاد اموري
محمد: هالخبر كثيرر راح يكون في صالحك اكييد وجودك وغناءك في المطعم مش منيح لا صورتك ولا صوتك ...في انتظارك فاي وقت
ايمان(ابتسامة خفيفة )ان شاء الله
قطعات معاه ورمات التيليفون حدا رجلهاا لاحت المخدة على راسهاا وتكمشات مظلمة البيت من جديد
الوقت دااز رجعات لخدمتهاا المعتادة اشهارات سطوريات ..رجعات بيانكاا ل الريستو كتغني ويوسف نااشط وفرحان بانجاز الكليب لي غادي وكيطلع وب الريستو لي رجع فيها الرواج من جديد
من بعد يوم حافل مشات لبيرو عند يوسف ملقاتووش وبدات كدور بجنابوو...لي بان ليها حداهاا كتقراها ..بغات تحل المجر لتحتاني ديال البيرو لقاتو مسدود فضولها فراسها قال:شنو غيكون فييه ... بان ليها طابلو عوج قدامها ميلاتوو وطلات وراه حتى كيبان ليها مربع بحال كوفر فور كيتحل بالارقام
رجعات الطابلو كيف كان وبعداات من تماا وبالها معاه حتى دخل يوسف فايدو جوا ضااحك
يوسف:كنت كنقلب عليك لتحت
ايمان:سبقتك لفوق ...علاش عيطتي لياا
يوسف:قولي ليا بعدا داك ديف باقي كيبرزطك ؟
ايمان:مدة مشفتو
يوسف : شفتي راني عند كلمتي ههه
ايمان:قوليا شنو بغيتي خاصني نمشي نرتااح
يوسف(وراها جوا) جبت لييك لفلوووس(رمى جواا قدامها فالطبلة ) نصيبك اللول
جرات جوا حلاتو لقات فييه 18 المليون وقالت: ونتا شحال خديتي
يوسف: النص ! حساب لييك الكليب طلع فابور ! هد شهر ياله رجعنا داكشي لي خسرنا من بعد عااد غتبدا الاربااح
ايمان(ضحكات)كضحك علياا ايووسف هههه شهر باش تحط لكليب ...ضرب طوندونس فسيمانة اللولة ...وضرب 25 ملييون فشهر واش شوية لبااس
يوسف: راه الارباح مكدوزش لينا كااملة 45 فلمية كدوز لكوكل
ايمان: يووسف راني مجايااش من شي كهف ورا الشمش ...وريني الاربااح داباا
يوسف: داكشي لي خاصك تشدييه راك شديتيه شي حاجة اخرى راه مكاينااش (بابتساامة ) خدمي على راسك كتر باش تااخدي كتر
ايمان (تزنكاات بلعصااب )يووسف عطيني رزقيي كااامل ....كيفاااش وحديين فيديواتهم مواصليينش تا عشريين ملييون وشاديين لملاااين نتا تجيي ضرب لياا رباح كلو وتعطيني 18 ؟ واش باغي تحمقنيي
يوسف:الفلووس لي كنعطيييك ؟ تداااور الحوايج الماركااات ومزال كدوي ؟
ايمان: كتعطيني رزقييي مكناااكلش لييك رزقك سمعتييني
يوسف: سيري سولي مزيان وشوفي واش ظلمتك
خرجات رادخة لباب وراها كانت كتوقع تشد كتر وخاصها فعلا تشد كتر دارت فلوسها فالصااك وخرجاات كدير فنظاراتها الشمسية مشات حطاتهم فلبنك مع لفلوس لي جامعة ومشات كلساات فقهوة بعيدة على الضجيج شادة راسهاا كتعاود لوديان فابيل فيديو
وديان(بصدمة )راه قلت لييك داك لحمااار واكل على ظهرك لملااين اصااحبتي وغير ڤلوكاات وبنادم كيربحو منو زبالة ديال الفلووس وهوا فيديو قرب يوصل ل 30 مليون عاطيك فيه 18 والله تالحمااق وملقااش ليي يخرج فمو لكل_ب لاخر
ايمان(كتبكي )شنو ندير داباا
وديان:معندك مديري سيري فكي مع لحمار هاد الشركة وعطيه بالتيسااع ...راك درتي صوورتك شوفي غير انسطا شحال وصل غير من ورا الاغنية راك ضربتي فيه 5 الملييون ...حيدييه اليوم قبل غدا من ادراة الاعماال حيدي حتى نمرتوو و جيمايل محيي ليه الاتر من انسطا ديالك وحطي نمرة ديالك حتى تلقااي شي واحد ولا وحدة فادارة الاعماال يتكلف ليك بالاعمال تحت شروطك نتي اماا هدا راه واكل النص وكتر فرزقك
مسحات وجهها وسااطت ...تعشات براا عاد رجعات ادراجها لداار كتقلب على سارووت ديال الباب العمارة حتى كتسمع الحس وراها ضارت مخلووعة حتى كيبان ليها ديڤ لي مدة طويلة مشاافتو واقف قدامهاا وايديه ورااه بابتساامة لابس قميجة بيضاء وسروال بيض ومرجع شعرو اللور ومقاد الحساانة
ديڤ:تعطلتي مدة وانا كنتسنااك
ايمان(هبطات عندو )شنو بغيتي ؟ ياك هدرت معاك قلت ليك متبقااش تبان قدامي
ديڤ:عقلتي ملي قلتي ليا توصل 30 مليون غ غ غاادي نقبل الهدية ديالك
ايمان:مزال ماوصلاتش
ديڤ:شكوون قلقك ؟ غير قوليي لياا يباات ميصبح
بقات كتشوفييه وقالت:عفااك سير بحالك مبغييت والوو ...غتمشيي ولا غنعيط لييك لبوولييس
ديڤ:لاا لاا ااا انا مبغيتش نأديك ...انااا كنبغييك ...ككنبغيك بزااف
مد ليها بوكيي بيض وقال:شششدي شديي
ايمان:وخة سير فحالك
كلس على ركبتوو وجبد بواطة من ورا ظهرو حمرة حلهاا وكان فيها خاتم كبير الحجرة فييه مربعة وكبيرة من دياموند
ديڤ: ق قققبلي تزوجي بياا عفااك
ضحكات بلفقصة وقالت: واشش شايطين علييك لفلووس ؟ نووض سير فحالك نووض
ديڤ(كيحرك راسوو )نووو مغنمشي حتى تقبلي تزوجي بيااا ....ككنحمااق علييك عفاااك (كيبكي)منقدرش نعيش بلا بييك...كلشي فييك كيحمقنيي بغييتك ليااا بوووحديي
ايمان:مقابلاش ..مقابلااش صافيي شوف ليك وحدة اخرى
ديف؛نتي لي بغييت(جر ايدهاا ) غتزوجي بييااا ...هي غتزوجي بييا
خلعهاا ودفعااتو برجلهاا تطااح وقالت:غتقرب مزال غنضربك (بلغوات)تفرق منييي ....انااا مكنحملكش واش نتااا مرييض بعد منيي
ديڤ(كيبكي )ولكن انا كنبغييك و ووومغاديش نخلييك لغيريي سمعتي
خلاتو طايح ومشات كتجريي ملي شي ساكن حل لباب دخلات قبل ميتسد وسداتو كتنهج ومخلوعة خلاتو كيغوت فالزنقة باسمهاا
تكات على لباب كلهاا كترعد كتحس بعقلهاا غيخرج من بلاصتوو
طلعات لدار وسدات وراها بالسارووت مشات كطل من لبالكون لقات جوج تاع رجال جرووه لطموبيل وهوا كيغوت بسميتها
من وحدة لوحدة بحالا دايز على زهرها ايد ميت دخلات لبيت وكلسات كتفكر شنو دير مع يوسف كيبان ليهاا هد الساعة هوا لي خاص كيدير تفك منوو
شربات كينة حيت ميمكنش تنعس بلا بيها مفاقت حتى لطناش تاع نهار فاقت مدوخة بحال شي سكرانة غسلات عليهاا طرفات ،دارت روتينها فلعنااية ومشات بدلات حوايجها بشورط كلون لاصق كحل وبيل سماطي فوق السرة ..لبسات فوق منهم قبية هزات صاك دايرة فييه حوايجها ولفوطة لبسات سبرديلتها وخرجاات فاتجاه لاصال ظافرة شعرها ودايرة كاسكيط ونظارات شمسية فاتحة اللون ...مرة مرة دور ورااهاا يكما تابعها حتى ركبات فطاكسي ..هبطات دخلات كتريني وفنفس الوقت كتلبي طلب المعجبيين فتصااور زادت كبرات شهرتها فينما مشاات خاصها تخرج مقادة ومصاوبة حيت حياتهاا مبقاتش ملكها بتاتا
كملات الحصة وعقلهاا خدام شنوو دير بدات كتفكر فتبدل لبلااد وتجرب حظها فلبنان او فرنسا بينما رصات امورها مزياان...
كلسات من بعد الدوش كتبحت فكوكل وتشوف شنو كاين فلبنان وطريق وبشحال بعييدة ،ميلات فمهاا معجبهاش وفظلات تنتااقل فقط متبدل البلاد وخة المسافة بعييدة
عارفة بلي الى مشات حتى فرقات كلشي مع يوسف حتى الدار غيخصهاا تكري فبلاصة اخرى ..تابعها بزااف خاصها تكون مستاعدة لكلشيي
مشات رتاحت فدار بدلات حوايجهاا وخرجاات قاصدة الريستو بان ليها ناصر وتبسمات ليه مشات عندوو
ايمان:باقي مبغيتي تمشي
ناصر:بغيت غير نتخلص وغنمشيي
ايمان(بابتساامة ) مزياان الله يسهل علييك يارب دير وريقاتك
ناصر:داكشي لي كاين اختي ...الغربة بلا وراق صعييبة ،نهار كنكونو فبلادنا كيبان لينا كلشي ساهل غير كتجي هنا كتصدم
ايمان:ضروري تصدم باش تعيش ههه غيعجبك تماا
ناصر:شفتي لبلاصة نتيي شي ريستو زوينة
ايمان:هي مكبيراش بحال هادي ولكن كتبان عااامرة وزويينة ...
ناصر:يكون خير ان شاء الله
تبسمات ليه ومشات قاصدة يووسف كتوجد فراسهاا شنو تقول وشنوو باش تخرج باقل الاضرار
دقات ودخلاات بهدوء
يوسف: عاد كنت بغييت نعيط لييك ...ديك لحفلة لي تلغات ف فرنسا راه رجعو عيطوو ...وجدي راسك نعار السبت نشدو الطيارة
گلسات فلكرسيي ساكتة حتى كمل هدرتوو وقالت:عندي ليك شي هدرة
يوسف: قلت لييك داكشي لي خاصك تشديه شديتيه ...خدمي كتر تاخدي كتر
ايمان : مبقيتش بغيت نخدم فريستوو ايوسف كلمة مافيهاش رجوع
يوسف:وفين باغة تخدمي هههه نسييت بلي الريستو هي لي بيناااتك
ايمان: اه مختلفناش ولكن واش بغيتي نبقا نغني فيها حياتي كااملة
يوسف :هههه دابا صافيي وصلتي لمرادك مبقيتيش راضية بريستوو تخدمي فيهاا
ايمان:عيييت بغييت نركز مع حاجة وحدة ماشي عشرة ومن الفووق كتلوح لياا شوية من بزااف لي كتشد ...ربحتي معايا ضعف لي ربحت معاك ايوووسف متكدبش
يوسف:شنو بغيتي داباا ؟
ايمان:مابغيت والوو ...نلغيوو لكونطرا لي بيناتناا وكل واحد يشد طريقوو
يوسف:عاودي شنو قلتي ! نلغيييو ههههه غير اجيي ولغيهاا ياك هههههه ضحكتيني هههههه غير اجيي ونسالييو لكونطراا هههه
ايمان(بجدية )مكنضحكش
يوسف: حتى انا مكنضحكش ... انا مباغييش تفسخ العقد لي بيناتناا يعنيي بغيتي ندخلو انا ويااك لمحاكم ياك ! من بعد هدشي كلو لي دوزناا نجرجرك فلحبس ازوينة
ايمان:شنو وصلنا لحبس والهدرة
يوسف:بغيتيه بالترااضي ونسالييوه !
ايمان:ااه
حل لمجر لي حداه كيضحك وجبد من بين لوراق كونطرا لي جامعاهم وقال:بان لياا نهار وقعتي مقريتيش الورقة مزياان
مدها ليها حلات جوا وقالت: فين لورقة لي وقعت
يوسف:قدامك
ايمان: يوووسف هادي ماشي لكونطرا لي وقعت
يوسف:هاديك لي قدامك هي لكونطرا الغزالة
خنزرات وتبدلو فيها لواان دورات راسهاا كتقراا حتى وصلات لصدمة لي لتحت كتقراا وقلبهاا كيضرب بغا يخرج من بلاصتوو
يوسف (مرتاح فبلاصتوو ) اشنو القضية لي بغيتو نسبقوو ...ولاا عرفتي خلصي لياا غير الاتعااب دياليي و شيكات لي عاطيييك ولفلوس لي كنتساالك ودار لي ساكنة فيه 5سنين هادي وضمانات باش ملي تخرجي تخلصي كلشي مجمووع راه كلشي محسوب تماا متحتاحيش تحسبي
ايمان(نقزو عينيها بدموع كتشووف فييه ) خ خ 500 ميليوون ايوووسف
يوسف(ميل وجهو ) ولااا تخدمي عندي حتى بلاا خلاص حتى تسالي لفلوس ليي مسطر عليهم مممم ولااا 4 سنين ديال الحبس(تبسم )هكا تكوني رجعتي ليا 4 سنين واناا كنصرف علييك ..اوى شنو قلتي
حساات بلمعدة تزيرات عليهاا و قلبها وقف من الصدمة ورجع كيضرب فصدرها بقوة من كترة ماا داكشي لي قراات دمرهااا ...هي كتقرا و الدمووع هاابطيين بالصدمة ويووسف كالس وكيهدر ببرود كيزييد يط_عن فيهاا
يوسف: وبالنسبة لداار لي 4 سنين ونتي ساكنة فيها ازويينة ابتداءا من اليوم لي دخلتي فييه حتى لييوم لي خرجتي فييه غتخلصييه كيفما سنيتي علييه فلكونطراا مممم شحال غتجيبيك بما انه فلكونطراا مكتوبة 500 اورو لشهر مممم ههه داكشي كتير بلااتي (جبد تيليفون كيحسب) 500 مضروبة ففف مم نحيد لييك ديك ست شهور ماشي مشكييل نخلييو 50 شهر جابت لييك 25000 اورو (25مليون)
ونزييد ليك حوايج اخرى ولكن بلاتي حتى تمشي هاد الصدمة ورجعي نكمل ليك ههه
ايمان(برجفة )علاش هدشي كلوو هءهءهء حرام علييك هدشيي مسنييتش عليييه
يوسف:هاداك الامضاء ديالك ؟
ايمان:نتاا غدرتيينيي (كتغوت )تفليتي علييا
لاحت لبيسيي من فوق الطبلة ولورااق وكلشيي كتزلع وتغوت بحال الحمقة
يوسف: ماعند هاد الغوات مايدير لييك غنعطيييك سيمانة ...ياا تجيبي لياا فلوسيي يا ترجعي لخدمتك ونرجعو كيف كناا صحااب ...شنو قلتيي
ايمان: نتا واحد مرييض ...انا ماشي لوناا سمعتيي
وقف داير ايدو فجيااب : سيي لونا مافيهاش زعامتك ولكن كيف جيتك هههه حديتهم ليييك
جمعاتها معاه بطرشة فلبلاصة عاودهاا تاا تقلباات و شنق عليها من عنقهاا زادحها مع لحييط ورااهاا
يوسف(صعر): لمرة جاية تحطي عليا ايدك غتلقايها مدفونة ولاا عطيتيها لشي كل_ب فالزنقة سمعتييي(غوت) سمعتيينيي
شادة فايدوو وعينيها خرجوو زراقت وقلبهاا كتسمع دقاتو فودنها غاديين وكيخفافوو قوتو كانت قوا منهاا بايد وحدة عصرها وشللها على الحركة
تحل الباب من طرف ناصر شافو شانق عليهاا وجاا جروو وجمعها معاه ببونيية غفلوو
طاحت كتجر داك شوية النفس لي بقات واحلة فريتهاا ...بغات تنووض مقدااتش كيبان ليهاا يوسف شنق على نااصر ومقداش تنووض. ...تدكرات ليلتها المشؤومة فلغابة ولات كتخييل حذيفة والافريقيي شانق علييه
ناضت بشوية القوة لي بقات جرات يوسف على ناصر وطاحت
ايمان: ناااصر خررج ...غير خررج (بزز)اناا (كتنهج)لبااس خ خرج
يوسف: براا ولا غنعييط لييهم يسيفطوك لبلاادك منين جيتيي برااا
ناصر: اييمان نووضي معاياا
مشا يووسف هز التيليفون وقال: نتا تعرف
وقفات ايمان كتجر ف ناصر وهدرات معاه بلعربية : خرج منهناا وغبرر ...مكيضحكش خررج انااصر
خرجات فيه عينيهاا ودفعاتوو براا مع خرج طاحت لارض عاطية ليوسف بالظهر كاتبكي ومخنووقة محسات حتى لقات يوسف كالس وراها شدها الخووف بغات تحرك وشدهاا
يوسف: تء تء (مد يدو قدامهاا مسح دموعها ولايد لاخرا ورا ليها لكونطرا قطعها قدامهاا ) غير جربتك ونتي درتي فيلم على قدو ! انا عارفك مغتمشيش ؤك ...سيري لدارك رتااحي
مد ليها صاكهاا كلها كترعد بلبكا والخوف والصدمة ناضت كيف شي موميااء مسحوبة منها الرووح
كتحس بحياتها كطفاا ضربة بعد ضربة قريب يبقا غير القلب كيضرب بنصف حياة
تحسسات عنقهاا وشهقات بلبكا وهي هابطة ...ضرب فيهاا الرييح عاد جمعات شوية النفس فصدرهاا
غطات عنقهاا ليي باينة غيكون تطراساو صباعو وفعلاا صباعو الاربعة كيبانو حمريين وصبع الخامس كدالك كيبان مطراسي لدرجة ظفارو جرحوها
غادية وكتمشى بخوف توصلات لساحة كدوور ودوور على راسها كيبان ليها غير لحمام كيطير بغات تغوت بغات تبكيي ولكن تاحد مغيبردها ولا حتى يديها فييهاا شافتو جاي كيجريي جيهتهاا مخلووع بعدما هرب من الريستو كيتسنااها قرب لييهاا بحال شي طوق نجاة شدات فييه عنقااتوو كتبكيي بحرقة ،عارفاه معندو ميدير ليهاا ولكن غير تلقا علامن تبكيي شوية
ناصر: شنوو وقع اييماان ...صافي اختيي صافي
طبطب على راسهاا باسف وعينيه كيدورو بجنابوو بعدات منوو بصوت قرب يبح بشنقة لي تشنقات ولغوات لي غوتات مع يوسف
ايمان:خاصك تمشي منهناا داباا (كطلعها تنخصيصة ) مغتزيدش دقيقة ف الطالياان
ناصر:ونتيي ؟ شنو غتبقايي ديري هنا
ايمان: انا غنتبعك خاصني نجمع حوايجي بلا منعييق لييه
جبدات بزطامها كترعد كاع لفلوس لي كانو فييه عطاتهم لييه مبغااش ييشد تصاحت فوجهو
ايمان(دموع هابطيين)ششد وسير لرووما وتسناني تماا حتى نجي وغنقطع انا وياك لفرنسا عفاك سير منهناا عفااك
خلاتو واقف ومشاات شدات طاكسيي غادية لعند لونا لفيلا ديالهاا
بقا واقف وراهاا معارف شنو يدير بغا يعاونهاا ولكن خاف على راسو حيت معندو ورااق يمشي فيها بلا نقااش
جبد تيليفونو وبلا ميبقا يفكر دوز نمرة حذيفة وكيفكر شنو يقوليه ...
""
حياة هادئة بعيدة على صخب الحيااة ...صوت القرآن مطلووق كيتسمع مع ضربات تاع لمقص على الطبلة
امام طاولة كبيرة شوية ...مزلع ثوب ابيض كيبريي ويد رجاليية بزغب اسود وساعة يدوية وخاتم نقرة كتوسطو حجرة سوداء متوسطة بين صباعو كان لمقص كيقطع بيه الثووب ..وكيجر الساانتيم من عنقوو وكيحسب ويسطر بلحسااب لي عندو...هز ايدو دوزها على عنقوو ...كيحرك فيه ب عيااء مشا لجيهة الزاج ياخد بوز كلس فحافة لبالكون كيكميي ويدوز بقيهوة حاضي لغادي وجااي وعينيه تايهيين ...بانت فصحتو بلي بخيير عايش حياة بسيطة وغادي على قياسو مرتاح ماديا ومعنوياا لحياة لي كيطمح ليها لقى راسو كيبني فيها طوبة ب طوبة وغادية كيف كان بغاها
ياله طفا لكارو سمع تيليفونو كيصونيي ...طفا التلفازة لي فيها القرءان وجاوب ناصر
حذيفة:(بصوتو لجوهري نطق ممازحو) سي نااصر
ناصر(تالف) حذيفة خويا بخيير
حس بصوتو مهوااش وقال: الحمد لله ...هانيا الامور ؟
ناصر: وقع واحد لبلان ...معرفت شنو نديير اخااي والله تلفت
حذيفة(كان متكي على الطاولة و وقف كيماصي عنقوو ) ااشمن بلاان ؟ دويي اصااحبي مالك كتلهت ..واش تابعيينك لبولييس
ناصر :لا لاا ولكن راه بغيت نمشيي لروماا غنتسنا ايمان تماا
حذيفة: ايمان ؟ علاش غتسنا ايماان
ناصر: اش غنقولييك كنت خدام وهي لداخل كتهدر مع داك خيناا يووسف ...كنت فلحمام ودزت من حدا لبيرو ديالو كنسمعهاا كتغااوت معااه وكتقوليه مسنييت على والوو
ضرب حذيفة ف جبهتوو وهبطها على وجهوو كيسووط وقال: كمل !
ناصر:شوية نااض الصدااع لدااخل كنسمعها كتغوت سمعتها طرشاتوو وهوا يطرشهاا وشنق عليها ...انا شفت هكاك دخلت شنقت علييه منيي منوو حتى بعداتني ايمان قالت ليا خررج وهوا بغا يصونيي لبولييس وو
حذيفة (صعر )خرجتي وخليتيهاااا اناااصر
ناصر: راه معرفت شنو ندير اخوياا والله داك ولد لحراام خفتو يسيفطني من نهااري ...خررجت وغير بشوية تبعاتني اييمان داباا معرفتهاش فيين مشاات كنصوني لييها مكتجااوبش ...دابا غير قولياا شنوو ندير
كيمشي ويجي فبلاصتوو وقال:صافيي سير لرووماا
ناصر:وايمااان
حذيفة:صاافيي غير سير معندك باش تنفعهاا بلا ورااقك سيير
قطع معااه وحط ايدوو على الطبلة ديال لفصالة وساط النفس بقوة : الطاليان لي حلفت عليها هانتي غترجعيني ليها تاانيي
طول طريق كتفكر ايمتى سناات على دوك لورااق كيفااش وقع لي عارفة هوا هدشي خادمو يووسف وجرهاا فواحد كومة ديال المشاكيل لي مغاديش تخرج منهم سالمة
بكات طول الطرييق وكتزيد تاكد بلي هي متخلقاتش باش تفرح وتعيش حياتها طبيعيية الشقاء والمعاناة تخلقو ل ايمان وايمان تخلقات باش تعاني
هدشي لي كيطييح فبالهاا وهي كتبكي توصلات لقدام لفيلا هبطات كتمسح عينيهاا ونيفها وتشهق بدات كتصووني حتى تحل لباب من طرف المساعدة
ايمان: كاينة لوناا
كتشوف فييهاا وفحالتهاا:اه كااينة فبيتها
مزادتش معاها طلعات بجري تحلات الباب على لوناا كتكب من القرعة وكتشرب قدام تلفازة كبيرة قدامها طبلة عامرة ب لݣارو و لقراعيي والفواكه الجافة ...لونا لي شافت اول مرة ماشي هي لونا لي قدامها داباا دبلاات وشرفات فظرف 4 سنين ضعافت وتكمشاات
لونا: بيانكيتاا (هزات لكاس )اجي ونسينيي
ايمان: كنتيي عارفة شنو دار لياا يووسف هءهءهء ماحرامش علييك الونا شنوو دنبيي شنو درت باش نستااهل هاد التهديداات منوو بغا يخرج لياا على حيااتيي
لونا(حطات لكاس متكية راسها كتشوف فيها ) كلشيي من صاحبك ...نهار اللول قلت لييه متخليهااش ورااك ..ولكن مسمعش لياا
ايمان(كلسات كتبكيي ): لوناا عفاااك هضريي معااه راه غرقنيي معندي منين نجيب ليه هاد لفلووس
لونا: هربيي ...شنو كتسناااي حساب لييك يوسف غيوقف على هدشي ؟ راك غالطة ا بيانكاا ... يوسف عمرو حمل العرب كيبانو ليه استغلالييين وقلبهم كحل (تنهدات ) صدق هوا نييت بديك الصفات (تبسمات باستهزاء) شفتي الانسان ملي كيبقا يعيب على شي حد بلا ميحس كياخد الصفات الخايبين لي فييه ممم
بيانكاا: غير قولي ليا شنو مخبيية على يووسف ...الى كتعرفي عليه شي حاجة(قربات ليهاا)قوليها لياا نعتق راسي ونعتقك معاياا شنو شاد علييك يوسف حتى ردك ميتة ونتي حية قوليي
لونو(جرات شعر ايماان ) ديري لي قالييك وسكتيي باش متعيشيش ميتة بحاليي ...انا لي ختاريت نبقا معااه شنو غتعتقي فيا هههه
هزات كاسهاا كتشرب وايمان معرفات شنوو ديير وشكون غيعاونها حصلات حصلة متبغيها لعدووك القضية فيها ملااين كثيرة وخة تبيع راسهاا متسواش داك الثمن كلوو
جمعات راسها وخرجات من بعدماا لقات راسها مصورات والو من لوناا خرجات كتبكيي منهاارة والريح كان قويي كل مرة كيحركها من بلاصتها مكرهاتش يطيرهاا علىى هاد الوجود كامل وقفاات وسط لخلاا والقطراات تاع شتاا كيطيحو عليها تدريجيياا ..هزات راسها لفووق كتشووف فالضبابة بعيونها الزرقااء المغيمة بلحزن حمريين طايبيين عياانين كدور على راسهاا بحال شي حمقة ...كلسات على ركابييها فلارض شادة حناكهاا
حتى طلقات غوتة على الله تبرد قلبهاا عوداتها وعوداتهاا حتى لقات صوتها بااح ومكاينش ليي يتسوق لييهاا
فالارض شادة جنااب رااسهاا كتبكيي بهستيريية وكضرب فرااسهاا وكتقول شنوو ندير شنو ندير
غابت على الوااقع مسمعاتش التيليفون كيصووني ويصووني وصوونيي وهي معايشااش معاه
كملات طريقهاا جارة داك الصااك شاداه من السمطة كل مرة يقيس لارض ...لاحت الصندالة وتمشاات بلحفاا مساافة طويلة
بزاف تاع التراكمات القوية جمدات عقلهاا على التفكيير وعقلها تيقوليهاا صافي سطووب رمي رااسهاا من اقرب بلااصة
بدات كدور عينيها كيبان ليها غيرر طريق وشجر ...حاسة براسها الموت بوحدها تبردها وتهنيهاا وصلات لوسط المدينة حفياانة وحالتها حالة محساش بلعياا كتر ماحاسة بدنياا دارت سطووب
مبقاات ضاربة حساب لا شي حد يصورهاا ولاا تنشر صورتها فشي بلاصة حيت العقل حالياا مبقاش حاضر معاهاا كتجر فرجليهاا حتى وصلات لعمارة تكات على الباب عياانة ورجليها كحالو من لتحت...شدات فلباب نااضت وحلات بساروت
دخلات فازݣة بشتاا دخلات لدوش تلاحت تحت لمااا كتكمل طقوس بكائهاا وغواتها وكتعدب نفسهاا بضرب لربماا تعاقب راسهاا
خرجات لبييت كتمشي وتجيي معرفات شنو ديير ...بان ليها دوا محطوط قدامها قلباتوو لقات فييه 10 الحبات لي بقاو...حطاتوو وبعدات بايدين كيرجفوو وعقلهاا كيغوت لدااخل شربييه وهنيي رااسك شربيييه
ايماان(شادة راسهاا كضرب فييه مرة مرة)شششش هءهءه سكووووت هءهءهء سكوووت
كتحاول تغمض عينيهاا كيبان ليهاا الد_م قدامها كتحل عينيها كيبان ليها دوى قبالتهاا
مشات لماريو جبدات الشانطات بجوج كبار حطاتهم فوق سرير وكلسات كتهز وتحط فيهم كاع داكشي لغاليي لي تقدر تعاود فيه البيع ويجيب ليهاا ثمن كثر
الصيكان سبابط سوايع حواييج ..بدلات حوايجهاا بكسوة نص كم موردة فلخضر طويلة وفيها فتحة فجنب لبسات سبرديلتهاا وكتجمع
تفكرات تيليفونها ومشات لصااك لقاتوو غيطرطق ب الاتصالات واكثرهم بنمرة جديدة ملي تدكراتهاا كلساات الارض حدا سرير كتبكي وقلبها كايضرب وقالت: علاش خليتيني هءهءهء علااش كنتي تجرنيي هءهءه كنتي ضربني ومتخلينيش ورااك هءهءهء ولكن اناا مسمعتش لييك انااا نستاهل اي حاجة كتوقع لياا ...نتا ربي كيبغييك(بحرقة)داكشي علاش بعدك علييا هءهءهء
طلع لييها مسااج من يوسف فواتسااب دخلات تشوف شنو كاتب حتى كتصدم كلسات على ركابيها من الصدمة حالة الصوورة على لباسبوور ديالهاا واوراق الاقاامة
وقفات كي المصعوورة كتقلب علييهم فصاكها وفجناابهاا وفحوايجها ملقات والوو ياله رجعاات لتيليفونهاا لقاتو كاتب
يوسف:هادو ديالك هاهوما عندي فالحفظ والصوون حتى ديري عقلك
ايمان(كتبات ليه ) حرام عليييك كيفاش بغيتيني نخدم معاك من ورا هدشي كلوو واش نتاا مريييض شنو درت ليييك
يوسف:البنت لي طلعتها تبغي تغدر بياا ولكن نتي لاا نتيي غتبقااي بزز ولا بلخااطر ياله جي تخدميي
ايمان(بحقد)مجيااااش وربح بيييهم والله تنشوهك
يوسف :هههههه
ختمها بضحكة وخلاهاا كتندبب وتشهق تقجااات ولات كلها كترعد وكترد وترجع تكلس دايخة بيها لرض
دازت ساعة ولقات راسها جامدة فبلاتهاا شادة تسبييح مها وكاسكيط حذيفة وكتشوف فالفراغ لي كتر من حيااتهاا ...كتبان ليهاا لبككية تاع الدواا فوجهها مقابلة معاهاا كتعيط ليها كتقوليها انا الخلاص ديالك غير جربيني
شيطانهاا طاوعها وهزات لكيناات وحداها كاس تاع لماا...تكات راسها كدور شريط الحيااة قدام عينيهاا شي حاجة ترجعها تشبت بحياتهاا والوو ...فرااغ فوحدة ...فقهرة ..ف صمت
جدها مات...جدها ماتت الام والاب غايبين على حياتهاا وهوما فالحيااة ...الخال كان غيخليها تمووت ...الخال التاانيي نكر وجودهاا فخطرة ...صديقتها تزوجات قلبات علييها صديقهاا حتى هوا تزووج وبغا يدوز بيها الوقت
نهار لقات الانساان لي قلبهاا ملكوو ولات حاسة بلي القلب لداخل مع كل ضربة كينطق اسموو وفكل ضربة كيزيد يحفروو فكل انش منهاا
حاسة بضياااع خاايب بوحدة قاتلة كتفكر تساليهاا ...معدبة فدنياا وكتقول اللهم عداب الله ارحم
نسات بلي ربيي غفور رحيم ولكن شديد العقااب
حلاتهم فايدهاا كلهاا كترعد كيبغيو يطيحو لحبات من ايدها وترجع تشدهم تبكييي ترااجع وترجع تحقد
مع زعمات رجع صونا تيليفوونها وطلعاات نمرة وراها صوت عشيق قلبهاا ورووحهاا المقهوورة
هزات التيليفون بعييون مضببة قطع ياله بغات تحطو عاود صوناا تبسمات بلطف وقالت فنفسها غيشرفني يكون اخر صوت فحياتيي
حلات مكبر الصوت وتكات راسها حدا التيليفون دايرة صوورتوو قدامها
ايمان(بصوت خافت كابحة فيه نبرة البكااء )الوو
سمعات تنهييدتوو فتيليفون وقال بهدروء : 3 سواييع وانا كنصووني لييك ...واش نتي بخير
ايمان(بهدوء ودموع هابطيين )لبااس ونتاا !
حذيفة: شنوو وقع دويي (صعر عليهاا ) ياك عارفة مصلااحتك شنو هاد لخراا دابااا ولا كيشنق عليييك ولد لكل_بة عجببك لحاال
وصلات لدرجة حتى غواتو توحشاتو وجاهاا بحال العسل على قلبهاا بقات مدة ساكتة وقالت: اناا جيت لهاد الدنياا غير بااش نتعدب ...ماشي شي حاجة جديدة علياا ولفت(مسحات نيفوهاا) عرفتيي (غلب عليها ليكا وسكتات كتنخصص وهوا كيسمع )احسن حاجة درتيي هوا مشيتيي (شهقاات ) كنت غنجرك معاياا لهلااك ونتاا ولد النااس معمرك كنتي ديالي هء هء انا مبغييت والوو داباا
حذيفة(كيسايس معاها بهدوء ) شووفي هاد الهدرة معندناا منديرو فيها قولي لياا شنو المشكيل لي عندك معااه...انا غنقطع داباا غنجي غنوريي ليهو_دي لي حطو يحط ايدوو لمسخة عليييك
ايمان(بدموع )متجييش عفااك ...شوف ناصر غيمشي لروماا ...كنت دايرة نتلاقا بيه تما ونقطع ليه ولكن
حذيفة:ايمااان قولي شنو كاااين دوووي
ايمان:فرحت لي سمعت صوتك والله ...تهلا فراسك هء وسمحلياا بزااف
قطعات وقلبهاا كيتقطع ملييون طرف حاسة بعذاب قوويي لقات رااسهاا معندها والو فحياتها مكاين لاش تجر معاها شخص اخور لمشاكلهاا
كمشاات على 10 الحبات من المنوم كطلب المغفرة من الله وهي غادي دير اكبر معصيية لا تغفر وهي تق_تل نفسهاا
مع كتبغي دخلهم لفمها كترااجع والتليفون كيصوونيي ويتقطع ويعاود يصووني
مكانتش بالشجاعة لكافية وخة دمااغها تيقوليها كووولي وهني راسك ولكن شي حاجة مزال فقلبها كتقوول ليها حبسيي وياااك
بقات كتشوف فتصاور حذيفة حتى بدا الباب كيصوونيي ودقاان قويي ناضت مفزوعة وقالت: حذيفة !
مشاات بجريي حلات لباب وعينيها مورميين بدمووع حتى كترجع خطوة اللور ملي شافت قدامهاا كان واحد متقدمهم وجوج ورااه سلاح فجنب سروال كري وتيشورت لاصق عليهم فصدر مكتوبة "polizia" بقات شادة فلباب بخوف تقاال بصوت خشن ايطالي
:ايمان ***
حركات راسها بااه ولمعدة تقلبات لييهاا مجا فين يكمل كلامو حتى تقدم شرطي من ورااه شد ايدهاا رجعهم اللور ومينطها وقال: نتي رهن الاعتقال
ايمان: وو ولكن شنوو درت ايي اي بشويية قوليااا شنو درت علاش غاديين بيييااا عفاااك شرح لياا
_حتى لمركز وغتعرفيي
هبطوها فسانسور ايديها قداامهاا وشعرها مموج طايح على وجههاا كتشووف ومن الصدمة مقدراتش حتى تبكيي قلبها حاسة بيه غيسكت كتسول فيهم وهوما ساكتيين مع خرجو من باب الدار جا فلاش قوي فعينيهاا خلاها تغطي عينيها حيت تعماو بضو
مع هزات راسهاا كتشوف جوج صحفييين كيصوروو ..بقات كتشووف حتى جرها الشرطيي هابط بييها دريجات لعمارة وهي كطلب فيه غير يفهمها اش وااقع
مع هزات عينيها فطريق ...كتبان ليها مرسيديس كحلة مركونة قبالتها فلوقت لي لبوليسي حل ليها لباب اللور تركب
عرفات يوسف ورا هدشيي
ركبات وسطهم بجوج والتالت ساايݣ ...كتبكيي وتندب غير بوحدهاا وشعرها لصق على وجهها بدمووع كتردد بالايطالية: شنوو دررت قولو ليا شنو درت
دخلوها لمركز الشرطة كتبكيي وكتقول مدرت والوو داوها لواحد لبيرو فيه طاولة لوسط فقط وجوج كراسة زاج اسود فواحد جيهة وكاميراات ف فلقنات
اشار ليها البوليسي باش تكلس بمينوطهاا ...الشومبر كتخوف كانت كتشوفها غير فلافلاام كيعصرووهم لساعات هناا ..تسد عليهاا لباب كتبكيي هزات ايدهاا غطات بيها وجهها ولِ لحظة فكرات وقالت فنفسها كون غير شربت الدوا قبل مانحل لباب
بضع دقائق وتحولات لجماد فوق لكرسي كتشووف بعييون حمرااء والدمووع كل مرة يهبطوو بصمت شعرها مزلع على وجههاا مزيرة على ايدهاا بظفارها بلا متحس كانت جرحات ايديها من اللور غير كتقمش بلا احساس
ساعة ولا كثر وهي هكاك مجا عندها حد ..حتى سمعات لباب تحت تحولو عينيهاا لجنب تابعة الصوت لي كيقرب بلا مدوور
تحط قدامها ملف اصفر حتى طير شعر خفيف على وجههاا كمل الشخص طريقو تال لكرسي قبالتهاا وكلس كانت شرطية ...شبكات ايدها قدامها حتى هزات عينيها فييها برجفة لقات قدامها امراءة سمراء بقميجة بيضاء وسلا_ح فجنبهاا مخنزرة فييهاا خلعاتها
ايمان: ششش شنوو كندير ننا هء ععلاش جابونيي هءهء انا مدرت والوو
ش: انا لي كنسول هناا ماشي نتيي ...نتي متهمة بالسرقة
ايمان(صدمة )السرقة ؟ شنو سرقت
ش: جوزيف خوان
ايمان(طاحو دموعها وححركات راسهاا ب ااه ) مدير اعماليي
ش_ كيتااهمك بليي سرقتيي لييه مبلغ 200 الف اورو)
شداتهاا اللقوة معرفات شنو هاد لباطل لاح عليها كيفاش وعلاااش معرفاتتشش بقات كتحرك راسهاا بلا والشرطية قبالتها ..حلات لبيسيي قدامهاا دورات لعند ايمان كتشووف وتزيد تصدم كتر
ش:هادي نتيي ؟
حركات راسها باه
ش:شنو كديري فلبيرو ديالو ...وشنوو هزيتيي وعلاش شنو كنتي كتقلبيي
ايمان:هءهءهء مدرت والو هءهء والله مدرت والو (شدات وجهها بيين ايدها كتبكيي
ش:الادلة كلهاا ضدك ...من الاحسن توكلي محاميي ولا نوكلوه لييك ...واحد شوية غيجيو يديوك تعطي معلوماتك الشخصية ...عندك الحق فاتصال واحد من بعد انبداو معاك التحقيق
خرجات وخلاتهاا كترجع السينتة الللور قبل سنتيين تقريبا
واقفة ايمان فواحد الطبلة من بعد السهرة شادة تيليفونها كتسنا فلعشاا ديالها حتى كلس حداهاا يوسف شاد راسوو
ايمان:ماالك يووسف
يوسف (بالم)مممم عتقينيي بواحد لكينة كاينة فلبيروو عفاك راسي غيطييح
ايمان:ديال الرااس ! اشمن بلاصة كاينة
يوسف:غير قلبي فلمجوورة ...اه وجيبي ليا معااك واحد جوا حتى هوا كااين فلمجر لتحتااني ومتعطلييش عفااك
ايمان:ؤك
ناضت لبات الطلب حيت شافتوو كايتألم
طلعات لبيرو كتقلب بعيننيهاا على لكينة ..بدات كاتحل لمجورة وكتسد وكتقلب فلبلكاراات حتى لقات جوا عاامر فلوس كبير كان محلول وقفات وطلات شنو فييه وخرجو عينيها من كمية لفلووس ...حتى تفكرات لكينة ورجعات كتقلب حتى عيياات وخرجات لعندو
يوسف: عطيني لكيينة
ايمان:مخليت فين قلبت(حطات جوا) ملقييتهااش
يوسف:فف غتكون تسالات لياا ..صافي غنمشيي ناخدها من براا
خرج بابتسامة جانبية ركب فطموبيلتوو وخرج تيليفونو يراقب لكاميرا رجعها اللور كتباان لييه كتقلب فلمجورة حتى لقات لفلوس وكيف توقع غضرب طلة علييهم حيت خلاه محلول وكملات التقلاب ورجعات خرجات
تبسسم بخبث وقال: وقت الحاجة لا غير
رجعات لواقعهاا والغرفة فين تحطاات كي شوية الهم قلبها من كترة التراكمات حاسة بييه قرب يتقطع طراف صغاار
طاحت فحفرة مسخة تفكرات الصحافة ليي كانو حدا لباب الصور لي تخدااو ...طاحو كتاافهاا حيت الاشاعات دغيا كيطلعو طوندونس وهي عاد بدات كدير بلاصتها وخصوصا دابا تعرفات مغربيية ..شهرتها مبقاتش غير فايطالياا
خداو معلوماتها الشخصية وداوهاا لانه الوقت كان متأخر للحراسة النضرية وبعد ليلة كاملة رجعوها لتحقيق ليي كيطول حتى كيشحفووهم كيبغييو الاعتراف يكون صحة
دق عليهم لباب من طرف شرطيي وقال:محامي المتهمة وصل
ش:قوليه يدخل
دخل رجل ستيني بمحفظة وملف فايدو سلم على الشرطية وعلى ايمان عرف براسو وكلس
ش:داباا واش مكفاوكش هاد الدلائل علاش مزال مصرة تنفي هدشي
م:الموكلة ديالي مغجتجاوبش على هد السؤال
شافت فيه الشرطية وشافت فايمان:شنو كتقول فهاد لفيديو (وراتو لييه كيفاش ايمان داخلة لبيرو كتقلب تهزات جوا وخرجات )شنو كتقوول
رد بهدوء : عندنا حق الصمت ...كنطالب بالافراج بكفالة على موكلتي ايمان ***
ردت الشرطية وقالت: لموكلة ديالك تحت التحقيق حالياا وطلب الكفالة مرفووض الا من بعد التحقيق
م:الموكلة ديالي كتعرض لمكيدة من طرف مدير اعمالهاا
ش:ماشي هدشي لي كنشوف فلفيديو
م: احد حقوق الموكلة ديالي هوا نكلس معاها قبل التحقيق
بقات الشرطية كتشوف و قالت: وخة
داوها لغرفة ثانيية حتى هي بحال غرفة الزيارة كلسوها وكلس قبالتهاا المحاميي
م:هيي حلي ليها لمينوط ...متهمة بالسرقة ماشي الق_تل
بقات كتشووف فييه وتحناات حلات لايمان لمينوط الاخيرة شدات ايدهاا حمريين كتقاد فييهم وكتبكي وقالت للمحامي:هء هء مدرت والوو
_معاك المحامي : ݣوستافو خوسيه بغيتك تعاودي ليا بالضبط شنو وقع باش نقدر نعاونك
ايمان: هوا لي سيفطنيي باش نجيب لييه لفلوس وقالياا قلبيي فلمجورة حتى تلقايهم هءهءه انا مسرقتووش
م:عندك شي مشاكل معاه ؟
ايمان: بغيت نفسخ العقد لي بيناتناا وبدا كيهدد فياا وراني شي ورااق ماعمري سنييت علييهم
م:كتشكي بلي مزور الوثائق
ايمان:انا متأكدة هوا لي زورهم ميمكنش انا مسنيتش على داكشيي هءهءه مسنييتش بغا يضيع لييا صورتيي حييت طلببت نفسخ العقد معااه
م:سمعي لياا ...الموضوع مسااهلش وهاد الفيديو لي شفنا داباا فيه ادانة كبيرة لييك ..غندقق فالتفاصييل ونشوفو واش غنخرجو بشي نتيجة مرضية لي علياا غادي نديرو
ايمان:واش غنخرج
م:غنديرو طلب باش تخرجي بكفالة حتى الوقت المحكمة وهدشي غيطلب وقت
ايمان(حسات بلفشلة وهبطات راسها بحزن )ونتاا شكون وصاك دافع علياا ؟
جبد لمحفضة ديالوو وعطاها ورقة بيضاء مربعة دفعها جيهتها وقال: هاد الشخص
مسحات عينيها من الدمووع وهزات لورقة قلباتهاا وضرب قلبهاا بحال شي نعشة قوية نعشات شوية من تعاستهاا ...الكتابة عربية لهجتهاا وخط مميز
" متخافيش نتي ماشي بوحدك"
خافت تقولييه شكون صيفطها ويجيها احبااط كلشي ولات مرجعاه حذيفة خافت تصدم ولكن متقدرش تكتمها فقلبهاا
ايمان:واش حذيفة !
م:أمين ؟
حركات رااسهاا بااه واحد لفررحة فرفراات قلبها من وسط حزنهاا وبكاات وقالت:واش كااين على براا (شدات فايد لمحامي )واش كاااين هءهءهء حذيفة براا
حرك المحامي راسوو بااه وقال: هواا لي واقف براا
حطات ايدها على قلبهاا ضامة الورقة كتبكيي تخلط عليها كلشيي ...ملقات حتى جيب فلكسوة خباتها فصدرهاا وقالت:بغييت نشووفوو واش نقدر
م:غنحاول ندفع طلب غدا المهيم حتافظي بأي إجابة للاسئلة حتى نكون معااك غنحاولو نتكملو مع جوزيف ونقلبو على ادلة تتبت بليي هواا ملفق هد التهمة ليك
حركات راسها بااه وقف دق لباب وحل ليه الشرطي ودخل الاخير شد ايماان ..داها لسجن الاحتياطي تماا سناات فلورقة ودخلات كلسات فواحد لقنت فلكرسي ديال السيمة ولبلاصة بااردة...جبدات لورقة من صدرهاا كدوز ايدها عليهاا تونسها فهاد لبلاصة
*
مع هبط من طيارة شد طاكسي نيشاان لدار تاع ايمان فكتفوو صاك صغير جامع فيه وريقاتو ومسائلو الشخصية ...ياله بغا يطلع لدارها كيصوني لييه نااصر جاوبو وقال: ناصر عاد وصلت داباا
ناصر:مصيبة اخاي واش مشفتيش اش واقع
رجع خطوة اللور من بعدما بغا يطلع فدروج وقال مكمش حجبانو :اش واقع
ناصر:شوف انستغرام ... ايمان كاينة عند لبوليس دابا
حذيفة:ك كيفاش عند البوليس شنو دارت
ناصر: دخل تقرا راه سيفط لييك ليان فواتساب
قطع معاه ودخل لواتساب حتى كيتفاجئ بلي بوسط عليها مخرجينها لبولييس والعنوان كان " اتهام بيانكا بسرقة مدير اعمالهاا "
شد فموو وكلس فلعتبة ديال لباب فااشل كيقراا...طلعات ليه نمرة باسم زينة وقطع عليهاا
داير لكاسكييط كيف عادتو حيدهاا ودوز ايدوو على راسوو كيفكرر شنو يدير فهاد الحالة
دخل لكوكل كيقلب على محاميي فهاد القضايا لقاه ديك السااع كانت ايمان دوزات عند البوليس ليلة كاملة ...المحامي دخل وحذيفة بقا على براا كيتسناا المحامي يخرج بخبار زوينة
حتى شافو خاارج كيقلب عليه بعينيه ومشا عندوو
م:القضية صعيبة شوية مافيهاش غير الهدرة ...كاين دليل ..مفبرك ولا لا دليل كيثبت بلي هزات الفلووس
حذيفة(بنفي )مديرهااش
م: كتقول بليي هوا لي سيفطها تجيب لفلوس وهوا خدا داك الفيديو ضدهاا ...الامر موقفش هناا كتقول بليي بغات تفسخ العقد لي بيناتهم حتى كتصدم بليي ماشي نفس العقد لي سنات علييه ...خاصنا دلائل كثيرة باش نقدروو نخرجوها منهنا بلا حتى تهمة
حذيفة:والكفالة لي قلتيي
م:مزال تحت التحقيق من بعد نقدرو ندفعو طلب بلمحاكمة فحالة سراح ...هدشي غيااخد وقت خاصنا نلقاو فجوة لهاد جوزيف قبل ميغرقهاا فمرة ...كان كيتسناها غير تغلط باش يحط دليل يشوه سمعتهاا
بقا غير كيشووف وهدشي ليي خاف منو نهار اللول هوا لي طاحت فييه داباا..احساسو معمرو خيبو فنية بناادم عاطيه ربي ميزة كيعرف ان داك الانسان غيجيه منو غير لمصائب
تنهد لحالهاا من الشهرة لقاع الحبس صعيبة ومتبغيهااش لعدووك الحبس والغربة لا حنين لا رحييم كيف المقطوع من شجرة
بقا واقف بدون حيلة واقف ساهيي كيشوف فلارض حتى وقف علييه كرييس وقال بالانجليزية :شنو وااقع ؟
شافييه حذيفة وحكا لييه الواقعة وقال:خاصها محامي ؟
حذيفة:تكلفت
كريس:مكانش كيحساب لياا غيتمادا لهاد الدرجة مليي تبغيي تسالي لكونطرا معااه
حذيفة: دابا معندنا حتى حل من غير نتسناو المحامي ! ففف نقدر نمشي نهدر معاه الى بغا لفلوس نلقا معاه حل
كريس؛ معرفتش
11 تاع الليل وهوا تالف معرفش بشنو يقدر يعاونهاا واقف قدام الريستو كيمشي ويجيي حدا طموبيلة يوسف المركونة فجنب حتى كيبان ليه جاي كيضحك
حيد حذيفة لكاسكييط وتقدم جيهتو عياا يخفي ملامح الغضب ومتحكم فراسوو ولكن بانت فوجهوو كتر
هز يوسف عينيه لقدام كيبان لييه وااقف قبالتو ناوي على خزيت ولكن ماحركش من بلاصتوو
يوسف:تقدر تبعد على الطموبييل ؟
كان حذيفة متكي علييهاا وتقاد فلوقفة فوجه يوسف ولا كايبان طول منوو ومهبط عينيه فييه كيشوف فييه بهدووء وايديه فجيياب كيدقق فييه ويوسف تراجع خطوة للوراء وقال:شكون نتاا
حذيفة: شنو بغيتي من ايمان ؟
ضحك يوسف وقال:ااااه نتااا لولد ليي كنتي معاها فاللول ومشيتي مممم ههههه مدة طويلة متشاوفنااش فين مشيتي
حذيفة(بهدوء ) يمكن راه سولتك
يوسف:ههههه وشنو كتسنا منيي داباا ...الهدرة مع المحامي دياليي
بغا يدووز و وقف قداموو حيد ايدوو من جيبوو ومسح على نيفو مبعد النظر ديالو من يوسف وقال: لقيتيها بوحدها
يوسف:ديك الساع متبقااش بوحدهاا ...والى قربتي لياا خطييييوة وحدة وتجرئتي علييا غنسيفطك تونسهاا ...متنسااش لي قدامك ايطالي نقدر نسيفطك لبلادك (طرطق صباعو )فرمشة عين وخة تكون بوراقك
حذيفة(ضحك بتقالة ) دابا قوليا شنو بغيتي ...لفلووس ؟ شحال
يوسف: بزاااف ومغتقدرش عليهم ...ايمان بووحدها لي قادة تعطيني دوك لفلووس ...قوليها دير عقلهاا وتخلينا رابحيين بجوج ولا عمرها غتخرج من داك الحبس
شافو حرك ايدو ورجع باللور وقال:اييه تء تء تء متحاولش نقدر نزيد ليها حاجة خرا على ديك السرقة وتصدق غارقة فلحبس حياتها كلهاا
حذيفة (تبسم بفقصة )شديتيني من الايد لي كضرني ياك ؟ وغير صبر دقتك خايبة منرحمكش
يوسف(باستفزاز) ؤك خليني نمشيي عندي شلا ميداار
حيد من طريقو ركب يوسف وزاد مع طريق مخلييه واقف كيشوف شنو يقدر يدير باش يعاونها ..
الغربة ... الحبس كتفكر كلام حذيفة قبل ربع سنين هادي ملي كيقوليها طلعي درجة درجة باش لطحتي تلقاي راسك قريبة ...هي نساات لرض وبقات طالعة طالعة بلا فرناات مدارت بلي بنادم يقدر يغدرها فلحظة
كتيق فاي شخص ؟ اه كتييق هي انساانة من كترة خيبات حياتهاا كان عندها امل تلقا ناس ميخدلوهاش
كانت عارفاه طمااع وكيدي نص فلوسها ولكن معمرها قالت بلي يقدر يغدرنيي
كانت وسط فراشها رطب كريماتها وعطورها لفااخرة لجاكوزي لي كيحيد ليها ستريس فاخر نهارهاا ...ولات عايشة عييشة الرفاهيية حتى لقات راسها مهددة بلحبس لسنين على حاجة مدرتهااش
حاضنة رجليها كتشوف فلفراغ كاينين جوج بنات معاهاا كل وحدة شادة قنت وساكتة الشرطي مرة مرة يدوز من حداهم...كتنهد وتجبد الورقة تاكد بليي حذيفة كايين وجا على قبلها ماشي هلوساتها اليوميية ...مكرهاتش تشوفو ولو غير من بعييد مبغاتوش ياخد عليها نظرة خايبة كتر مواخدهاا ...بغاتو يعرف بلي مهزاتش بلي هي مظلومة وغير ݣدمهاا
الوقت داز تقيل علييه تكات راسهاا على الحييط كدندن باغنية اسبانياا...
الليل داز عليها طويل مشافوش عينيها النعااس حاضية جناابها وكالسة مكمشة كيبان ليها المستقبل مظلم كتر من لي كاان وراقها داهم ليها غرقهاا فلحبس وهادي زيد لوراق لي مزاال عندو
دار خطة مدرووسة باش عمرها تهز الراس مزاال
فاليوم التااني عطاوها تفطر شوية وبداو معاها التحقيق ليي كان خارج بنتيجة وحدة ونفس الاقوال مكتبدلهمش واخة الدليل قدامهاا
رجعوها لبلاصتها سخفانة وقلبهاا غيخرج من بلاصتوو نفسيتهاا عيااات وصلات لحد الاحتمال كتمشي وتجيي ومعرفاتش الوقت شحال داز حتى شافت البوليسي كيحل الباب بدا قلبها كيضرب وقالت:غنخرج ؟
ش: جا المحامي ديالك (اشار ليها بايدو باش تجي عندو شد ايدها قدامهاا ومينطهاا )
ايمان:ولكن علاش راني مغاديش نهرب
ش:تهربي (ضحك )زيدي
شدها من دراعهاا كتهز ايدها تقاد لكسوة على صدرها ملي كيبان وتمسح وجهها من التعب
كتمشا بتعب وحزن الحمامة ملي قررات طير تهرسو جناحهاا
حل لباب وامرها باش دخل...هزات عينيها فلمحاامي ورمات عينيها لشرطي قدامها كيحيد ليها لميينوط ...كيبان ليهاا شخص اخر من ورااه ...ميلات راسهاا تشوف شكوون حتى كتحس بلبنج سرح من دمهاا
غير سد الشرطي وراه الباب خلاهاا كتشوفييه قداامهاا كان كالس غير شافهاا وناض دافع لكرسي اللور وتقدم جيهتها بملاامح اسف وحسرة علييهاا ...كيف عادتوو انيق وخة يكون لباسو بسييط بشوميز زرقاء محلولة تحتها تيشورت بيض ودجيين زرق ...حذيفة فقلبهاا متبدلش نفس الملامح الجميلة البشوشة
بدات كترمش بكترة وكتبكيي فمكانها بحال الطفلة صغييرة نطقات برجفة مزيرة على ايدهاا
ايمان:مدرت والوو هذهء مدرت والوو
كانت قداموو فاضعف حلاتهاا قرب لجيهتهاا بحزن باين على ملامح وجهوو حضنهاا لصدرو وغمض عينييه مكمش ايدو فشعرهاا
غاطسة وجهها وسط صدرو ...هزات ايدها دوراتهم عليه مزيرة على قميجتوو وطلقات العنان لدموعهاا بحال شي درية صغيرة كانت تالفة ولقات مهاا من بعد كتافها كيتهزوو وقلبهاا من كثرة مكيخفق كيحس بييه فظهرها
حذيفة(تنهد ) صاافيي تهدنيي
ايمان(بخوف)مبغيتش نبقا هنا هءهءهء انا مدرت والوو
جر ليها وجهها من حضنو وقال: غنلقااو حل غنهضرو معاه نشوفوو شنو تحت راسوو
ايمان(مسحات عينيهاا)لاا لا لا متقربش لييه متوصلش لجيهتو احذيفة سمعتينيي ،واش سمعتيني يقدر يدير ايي حاجة هوا حتى من وراقي داهم لياا
حذيفة:مكايناش السييبة معندو ميدير لييك ولا حتى لياا
ايمان:مكاين لاش ترجع لمشاكل حياتي احذيفة (شدات يدو بامتنان)شكرا حيت وقفتي معايا مرة اخرى(طاحو دموعها )ولكن مبغيتكش ضيع راسسك نتا بنيتي حياتك فبلاصة اخرى مبغيتكش ترون حياتك مرة اخرى على قبليي احذيفة هء اناا هء هء انا نستاهل هدشيي حيت كنت مغمضة عينيي على بزااف
حذيفة(شافييهاا بابتساامة خفيفة ) سمعينيي كلشي غيتقااد متفكري فوالوو ...اجي كلسيي
كلسات وكلس مقابل معاهاا وحداهم المحامي مفاهم والو من حوارهم ...شدات فايديه شدة وحدة
كتهدر مع المحاميي وحذيفة عينوو عليهاا هبط عينوو لايديهم فوق الطبلة كيشوف فييهاا بلطف حتى وعى على راسسو وجر ايدوو بشوية وشابكهم تحت دقنو كيسمعو لمحاميي
م:غندفعو طلب باش تخرجي بكفالة بينما لقينا حل مع المشتكي
ايمان:بغيت نعرف شحال نقدر ندوز ديال الحبس فهد الحالة !
م:من 6 شهر الى 4 سنوات على حسب السرقة
ايمان(شدات وجهها ) صافي ضاع كلشي
م:ماشي بهد السهولة نقدروو منهنا الوقت المحاكمة نلقاو شي دليل ضدو
ايمان:مرتو بوحدها لي عارفة شنو تحت راسو ولكن ديما سكرانة ...كاينة شي حاجة بيناتهم بجوج مخليااها متبعدش علييه
حذيفة:فين غنلقاوها
شافت جيهتو وتبسمات ليها : معندك مدير بيهاا احذيفة الى مكتاب ندوز لحبس غادي ندوزوو (بحرقة ) وصافي نتا بقا بعييد على هدشي عفااك
دخل الشرطي وقفهاا باش يدير ليهاا لمينووط كتشوف فحذيفة ..بعدات من لبوليسي بجرية تلصقات فحذيفة ترجع باللور من ارتطامها بييه زيرات علييه كتبكيي حضنهاا وقال: انلقاو حل
استغلات فرصة العنااق مبغاتش تبعد لبولييسي يجر وهي لاصقة فييه
ايمان(بلغوات)عفاااك غير شويية هءهءن غير شويية مبغيييتش نبقا بوحداااي
حذيفة(زيرها عندوو )دقيييقة ،دقيقة
جر ليها الشرطي ايديهاا رافض طلبهم ولخرى بقات شادة فايدوو منظر هرسوو من جيهتهاا ملقا جهد هي كتبكي والبوليسي جاارها عطاها حذيفة بالظهر سارط الغصة وقلة الحيلة تكاا على الحيط قداموو وخبط ايدو مع الحييط
في حيين خرجها الشرطي بزز تطاحت لييه وسط لكولوار وعاونها تناضت بزز وجرها تدخلها لبلاصتها وطاحت فلارض فوضعيتهاا تكاات منها لضس كدور بيها الدنيا
خرج من تماا معارفش فيين يمشي غير زرباان ندم لاش دخل ندم لاش شافها ف نقطة ضعفهاا كيفاش شدات فيييه وكيفااش كطلب فلبوليسي باش يخليها معااه ...بعد ابعد مساافة وكلس كيكميي ويخمم
خرج المحامي كيقلب عليه بعينيه تبان لييه كريس ومعاه ودييان كتسول ومخلووعة بغات تشوفها ولكن متقدرش تستقبل زيارات بزاف
سهات وهي فنفس الوضعية حتى ظن الشرطي بلي مغيبة وجاا حركها لقاها كتشوف فبلاصة وحدة رشها بلما تسدات عينيها ورجع لجموع مع صاحبو
فقدات الادراك بالوقت واش ليل ولا نهار لي عارفة هوا دوزات ايام هناا
اليوم التالت من التحقيق واخر نهار قبل متلتااحق بسجن ديال بصح داوها لغرفة الزياارة متلهفة تشوف شكوون حتى كيبان ليهاا يوسف كالس كيربت على الطبلة حتى شافهاا وتبسم ليهاا...وقف جاي عندها حال ايدو تبعدات اللور
يوسف؛توحشتك ...هههه كيفاش كانت الضيافة هناا امم غتكوني 3 ايام مدوشتيي
ايمان:علااش علاش وصلتيني هناا شنو درت لييك انا مديت لييك والووو هءهءه شنو بغيتي مننييي
يوسف:انا مبغييت منك والوو نتي لي محتارمتيش مجهودي معااك ...جيت غير نفرحك ونقولييك بليي هاد الاشعات وصلات الاغنية ل 34 ملييون هههه شفتيي واخة هكاك مزال رابحة ومزال فالصدارة
ايمان(برجاء )دي كلشي هءهء ولكن خرجني منهنا عفاااك مبغييتش نبقاا هناا حرام علييك ايووسف
يوسف (ربع ايدو كيشوف فيها كطلب فييه بضعف وتبسم بانتصاار) هدشي درتوو غير باش تعرفي شكون اناا وصافي منقدرش نفرط فييك ونخلييك فلحبس وخصوصا ملي يعرفووك اجنبية علييهم عرفتي كيفاش غتعااملي فلحبس ! (وقف حداها)غتولي خدامة عند لباروناات (مشا قرب لودنهاا التانية ) غتوليي تنعسيي حدا طوالييط (هز ليها شعرهاا جيهت ودنها ) وغادي توليي مونيكة كيلعبو بييها دوك **** كيعجبووهم بحالك(دوز صبعو على كتفها وهوا وراها ) هشيشة ونقيية
بعدلت كتفها كترجف وتنخصص
مشا كلس بلاصتوو قبالتها وقال:كلسي نتافهموو (بامر )كلسييي
كلساات مبنجة وهدرتو كدور فراسهاا ضماات ايديهاا كتحمي نفسهاا من افكارهاا وتخيلاتهاا كترعد بوحدهاا
يوسف:غادي نتنازل ليك على هدشيي ب شرط واحد
ايمان(حركات راسها بالإيجاب ودموعها كيقطرو )
يوسف:غادي نلغيو كلشيي كاع دوك لكونطراات لي بيناتناا وغنسنيو كونطرا خاصة
ايمان:شمن كونطرا هء
يوسف(بابتساامة ) الاعماال ديالك نص بالنص (حركات راسها بااه ) متافقة علييه
ايمان:موافقققة هءهء عفااك خرجني منهنا
يوسف:مزال موصلناش لشرط الخااص ... بغيت منك ولد ولا بنت
يتبع...
التعليقات
لا توجد تعليقات بعد، كن أول من يعلق.