محتوى القصة
ايمان: ديري هد سمية فانسطاا
بالفعل كتباتهاا وطلعات ليهاا وقالت: هاهي
ايمان: واش ديالوو زعمة
وديان :هانتي شووفي راه فيهاا لي موديل ومزال ياله بادية شوفي هد الفيديو
كيبانو ايديه كيقطعو فتوب تبسمات وقالت: هوا ههه ااه هاهوا كاتب سميتو الفوق
وديان: ياله عندو 10 الاف ابوني
ايمان: قاليا مكيحطش بزاف
وديان: الى خدم علييه غيطلع والله انسطا هد الوقت ولا كيفتح بيبان ...ياله حلي حلي
كتحل فالسينتة متحمسة هزات الغطاء حيداتو بان ليهاا الغلاف قطعاتو حتى كتخرج كلمات الاندهاش بعفوية: واااو شوفي
قربات وديان تشووف وايمان كلسات على ركابيها هازة الكسوة من الكتااف طالعة بيهاا وتفاصيلها كيبانوو ...ديطااي والكمام الشفافيين والمطروزين بحباات اللؤلؤ سوداء جاية بتوب حريري ب بليات فالصدر مع طرزات كيبرييو عاد من جهة الخصر فيييه جزء تاني من الثوب ليي كيبقاا مجرور ورا الكسوة ...مستورة وانييقة فنفس الوقت
بان اعجاابهم بالكسوة وكلسوو كيفلييو فتفاصيلهاا وكيشوفوو كيفاش داكشي مديطاي والثوب مكانش اي ثوب عادي كان باين من اجود الاثواب الحريرية...عشقاتوو فثوانيي قرباتو لنيوفها مغمضة عينهاا كتشم فيه وكتخيل حذيفة كيفااش خيطوو وقادوو باش يعطيه ليهاا كادوو غير مجرد التفكير بليي تخيط على قبلهاا خلا قلبهاا يشطح ويطلع هرمون السعادة لاقصى حد فرحاات وكلمة الفرحة مقدراتش توصفها فجملة
وديان:تبارك الله عرفتي هدا كون باعو شحال غيجيب لييه اصااحبتيي خدمتو غيمشي بيها بعيييد ونفس الطاي ديالك ل m غيجييك نااضي مع نتي بيضة وهوا بلو ماغين وااو
ايمان: نسيفط ليه مساج نقولييه شكرا ههه
وديان(قلبات لكرطونة) باقة شي حاجة لا !
كتقلب كتلقاا عطر فااخر من ماركة "good girl"
طيراتو ليهاا ودياان عينيها خاارجيين وقالت: نااري منين ضبر علييه واش لڤري ولا لكوبي هداا
ايمان: ههههه شوفيي التيكيت راه لڤري
وديان (بحماس )نحلوو
ايمان:حلي اصاحبتي ههه
كلساات بحمااس كيحلوو فييه وريحتو المعرووفة برائحة الزهوور والمسك الخفيف كتعطي منهاا حمقاتهمم ..كيلقاو بطااقة بيضاء على ظهرها افعى ذهبية شعار لبرفان واللور مكتووبة خصائص العطر وشنو فييه وتوقييع لتحت وخط جميل بالانجليزية لتحت مكتوبة : happy birthday iman
وديان: كون كتب ماي لوڤلي غيصرع البلان
ايمان: هههه راني غير ختوو
وديان: خوي ليكم ضراس هههه
ايمان(كتشم وتستنشق داك العطر لي فكرهاا ملي كانو كيتمشاو فالنمسا وسط جردة عامرة ورود نفس الرائحة نعشات داكرتهاا وتفكرات كيفاش كيحط الوردة بين شعرهاا ...عينيه ضحكتوو
خرجاتها وديان من موجة الذكريات بقات ساكتة كتبتاسم ودياان كترش وكتقلب فكوكل على الثمن وايمان مكايناش فهد العالم ...كدوز ايدها بلطف فوق ديك لغوب ومع تفاصيلها الجميلة
وديان: كيدير الف اورو بحالا ملييون مغربية
ايمان: ممم
مكانش عقلها معاهاا عقلهاا كيصور ليها ذكرياتها اللطيفة وزويينة معااه ...وكيفاش حياتها غتكون كون كانت مزال فعلاقة معااه واش غتكون هازة ليه هد الحب كاامل ؟ ولا غير شوقها ليه لي كيخلييهاا كتفكر فييه ليل ونهاار تفيق بيه وتنعس بييه
ايمان: وديان ...انا راه مكنبغيش حذيفة
وديان:(كتشم )وشنو نسمييو هاد شي
ايمان(كتنهد ) بزااف على الحب (حطات ايدها فصدرها) حاسة بالنفس غتقطع علياا الى مشا من حياتي فخطرة ...ربي بوحدو عالم ربع سنين لي فاتوو كيفاش دازت وانا باغة غير خبارو
وديان: شوفيي نقوليك بلان الى كتبغييه قوليها ليه نيشان ...علاش غتبقاو تلعبوو علييا هنا بخويا وختي
ايمان: ولكان هوا صافي محاني من قلببو وليت غير صديقة وصافي
ودييان: مضنييتش والله ...كيخاف علييك باينة كيبغييك
ايمان: خفت نتيق هدشي ونزيد نتعذب
وديان: سمعيني اللهم تعدبي شوية ولا تبقا هكا حاايرة ...ملي تلقاو بجوج حاولو توضحو الاموور باش حتى نتي ترتااحي
حركات راسها بااه وهزات تيليفونهاا كتبات ليه مسااج كتشكروو فييه ورد عليهاا ب بصحتك ازعيبيلة
ضحكاات وقالت: دابا غنسسافر لبنان ومن وراهاا غنمشي لمارساي
حذيفة: طريق السلامة ملي توصلي علميني ...مبقيتيش رديتي علياا تمشي معاياا
ردات بثوثر او وديان كدعمها توافق : واخة
حذيفة: بيناتنا التيليفون
حطات التيليفون كتكمل جميع شانطة صغيرة حيت مزال اترجع وتجمع الشانطة لي تدي معاها لمارسااي
فعلا مشات لبنان دوزات تصوير البرناامج والحلقة مزال متعرض موراها رجعاات لفرنساا هي والمنتج جمعات اشنو غتحتااج من جديد بقات على تواصل بحذيفة بكلام بسيط صباح الخير " كيدوزتي نهارك " تصبح على خير
هدشي بالنسبة ليها كافيها كيسولها كيداز نهارهاا كيصبح عليها كيمسي علييهاا
توادعات من جديد مع وديان وشدات طريقها لمدينة مارساي الساحلية من بعد رحلتهم خداو اوطيل قريب لمكان الحفل كلسات كترتااح وقبل الحفل عندها جلسة تصوير هي لي طلباتهاا للمنتج باش تعرض ديك التحفة لي جاتها كادو
خدات صباط عالي فالاسود وفورير اسود حيت كاين البرد تلبسو فوقو ملي تكون خارجة ولات كترافقهاا بنت عشرينية متخصصة فالمكيااج والشعر فرنسية الجنسية
صايبات ليها الشعر ومكيااج سموكي برز زروقية عينيها لصقات الشفار شفرة شفرة ...شعر بووكلي ...دارت عقدها الخاص من الذهب الابيض فعنقهاا ...لبسات ديك الكسوة وتقابلات مع المراية مغرمة بتفاصيلها لعنق جاي على شكل v لفوق كلو مطروز ولباقي توب حرير طويل ...الميكاب ارتيست بقات كتشووف حمقهاا وقالت: زويين بزااف
ايمان(تبسمات ليها ودوزات ايدهاا على صدرهاا...دارت حلقااتهاا والبراصلي ديالها من الذهب الابيض
رشات ريحتهاا لبسات لفورير فوقهاا وخرجاات كتمشى بتقالة وبرقي بحال الى خارجة من فلم اميرات ديزنيي ... توجهات لبلاصة فين كان عندها التصوير خدات صور احتراافية وركبو وراها فطموبيل متوجهيين لاوطيل لي فييه السهرة راكب حداها محمد ولقدام الشيفور
شادة التيليفون يوماين هادي مهضرات معااه ومقادراش تهضر معااه خافت تكون كديرونجييه وكتبرزطوو
محمد: شاغل بالك شي ؟
ايمان(بابتسامة )لاا ...ااه يمكن غنسافر بلجيكا
محمد: ااه كثير منييح انت وميين ؟
ايمان(غلبات عليها التبسيمة )صديق
محمد: مممم هيدا الصديق شو اسمو
ايمان: حذيفة
محمد (تبسم) اسم جميل ...بس انتبهي ع حالك ؤك
ايمان: ؤك
وصلو لبلاصة السهرة قرابة المغرب والبرد هبطات لابسة الفورير يسخنها شوية ...كتشوف الاجوااء مغربية فدخلة دايرين رمى تمر والحليب استقبلوها احسن استقبال بحالها بحال مجموعة من الفنانين لي حفاو راسهم فمجال الفن حتى هي ولا عندها صدى فالمغرب حتى هي ولاو فئة شبابية كتسمع ليهاا وكتنغمهم
خدات صور مع مجموعة من المعجبيين نسااء وسيداات صغار وكباار واستقبلاتهم بكل فرح كتهدر معاهم وضحك وتنشط
كان فنان من الشعبيي خدام لداخل كلساات وفجانبها البنت كدير ليها روتوش على المكياج و السائق ومحمد متبع الاجراءات وحتى البروتوكول لي خاص تبع هوا كيسبق ليه وكيتافق معاهم على الثمن السااعة وشنو خاصها دير هي كتجي تغني كتاخد الفلوس وكتمشيي
هادي كانت اول مرة تغني قدام الجالية المغربية ...شداتها الخلعة وحسات بداتها كترجف...الاوركيسترا كانت على اتم الاستعداد باش دخل
دخلات للمنصة هازة لغوب من لتحت باش متعكلهااش وشعرها المموج كيلعب فكتاافهاا غير بانت فوق المنصة للجمهوور بداا التصفييق والتصفار وموراه شي سيدات كيصلييو على نبيي فجو مرح ضحكاات ونص الاغاني كان من طلبهم المغربي الشعبيي واغانيهاا بطبيعة الحال ...
حتى جات عندها واحد البنت من الجمهور طلبات منهاا اغنية خلات ضحكتها تلاشى شوية وقلبها يضرب ...شافت فبعض النساء كيطلبووها باش تغنيهاا
ايمان: هد الاغنية كانت عزيزة على اعز انسانة على قلبي ...ميمتي الله ارحمهاا
مممم ...توحشتك يالميمة...صبران مفاد صبري ..صبرااان مفااد صبري ...كينشوف صورتك الزينة...ينووح ويضياق صدري وهاااه
ݣاع ماننساك هاا العوينة. مكوي وهدا قدري ...معطووب وهدا قدري
فراقك عجب فيناا ...الحمام بطل يجيي وهااااه
غلبو عليهاا دمووع وتنخصيصة ومقدراتش تكمل هبطات لميكرو وعطاتهم بالظهر جات البنت لي معاها جابت ليها كلينيكس مسحات عينيهاا وتقلبات لجيهتهم كضحك بزز : سمحولي ههه هاد الاغنية كتفكرنيي فبزااف مقدرتش هه
بداو بعض النااس كتسمع منهم الله ارحمهاا وقالت بمزاح: نكملو سهرتها فلي ينشطناا يااك هههه
خدات نفس جديد بزز منهاا كتهز عينيهاا حتى كتصادفوو شاد طبلة بعيد عليها شوية متكي على لكرسي داير رجل فوق رجل ومربع ايديه مقابل معاهاا قدامو كاس تاع العصير لابس دجين زرق وقميجة سخونة فلكحل وحاط على لكرسي مونطو فلكحل ....تبسم ليهاا وزرع فيها الرووح من جديد ضحكاات وتقلبات حيهت الخشبة كتشوف فمحمد كيشير ليهاا لساعتوو وقالت: في قدامك خمس دقايق بس
حركات راسها بااه وشافت فناس وقالت: غنختمو ليلتناا بواحد الاغنية زوينة كنهديها لاي شخص قلبوو زوين(شافت فحذيفة )
حيين التقيتك عاد قلبي نابضاا
وجرى هواك بداخلي مجرى دمييي
(عينيها ف حذيفة
الاخير ليي خرجات الابتسامة منوو بلا يمحس وهوا كيتفكر الليل ونجوم وجبال وحدود صوفياا وصوتهاا الرااسخ فبالو بنفس الاغنية )وشعرت حضنا دافئاا ورايتني
رغم الحياااء اذوب فييه وارتمييي ..
قل لي ايااا رجلا لاي قبيلة ...ولا اي عصر ا وجنس تنتمي
ولمن تعوود اصول عينيك اللتي ،أضحت قناديل الضياء بعالمي
سلات الاغنية تحت تصفيقاتهم وغادرات المنصة بقلب كيضرب على جهد ...التوتر والحماس لشوفتو اخيراا قبالتهاا حسسها بالفررحة
لبساات عليها من البرد تفاهمو مع المنادجر وخرجو من تماا لقات شتاا كتنقط شوية والحال مظلم تسالات سهرتهاا وخرجات بعينين كلهم شوق يشوفوه للحظة وقع صمت فداخلهاا طلبات من محمد يسبقها كتقلب بعينيها علييه وقالت: يكماا تخيل لياا ؟
جاها صوتو من وراها كيقول بالاسبانية : كتقلبي على شي حد امادموزيل
ضحكااات قبل مدور عندوو بابتساامة عريضة استقبلااتوو وهوا بالمثل ب بشاشة وايديه فجياب لكويرة واقف ومعوج راسوو
خرج ايديه من الجياب ومد ليها ايدو فرحاات ومدات ايدهاا سلمات علييه بخجل وقلبهاا يقدر يكون سمعوو حسات براسها غتسخف
تعانقات روحهم وهوما واقفيين حدا بعضياتهم من قد الشوق لي باين فعينيهم مقدرووش يهدرو والخجل واضح فضحكتهم
حذيفة(حك حاجبو كيتلفو): بخير !
حركات راسها باه وضحكات قالت: مقلتيش لياا غتجيي
حذيفة: مكنتش بغيت نواعدك ..خفت تخرج ليا شي حاجة على غفلة
ايمان: ااه مزييان
حذيفة: جا معااك
ايمان: ش شنوو (عاقت وضحكات )شكراا دوقك زويين
حذيفة: القالب غالب الالة
ضحكات بخجل وصوت الموسيقى جاي من لدااخل حذيفة كيشوف وراه ويشوف فطموبيل لي باقة كتسناهاا وقال: نخلييك تمشي ترتااحي ...شمن اوطيل كالسة ؟
ايمان:***
حذيفة: صافي ...سيري رتااحي لڤول لبلجيكا غداا بليل
ايمان: شحال من نهار
حذيفة: 4 اياام ان شاء الله ااا تكوني مرتااحة لخرجتيي داباا
ايمان: دابا ؟
حذيفة: سيري بدلي عليك بشي حاجة مريحة ولبسي راه البرد غنتسنااك
ايمان: وخة !
حذيفة: بيناتنا التيليفون
تفارقات معااه ومشات لطموبيل الفرحة غتخرج من ودنيهاا بغات امتى توصل تبدل وتخرج عندو وداكشي لي كايين دخلات لبيت ديماكيات وجهها جمعات شعرها كوب شوڤال مموج ولبسات سورفيت سخونة مع سبرديلة طالعة رشات عطرهاا وبقات كتشوف راسها فلمرااية معرفاتش علاش كتبغي تكون مع حذيفة بطبيعتها بلا زوااق
لقاتو مسيفط ليها مسااج باش تخرج عندوو كيتسنااها حدا لاوطيل
هبطات بجري وبالفرحة طايرة لقاتو كيتسناها مشات عندو خاشية ايدهاا فالقبيية تبسم ليها وقال : نتمشاو شوية ؟
ايمان: الجو زويين ياله
تمشاو جنب لجنب فشارع الكبير فمدينة مارساي ...كيتشاركو الهدرة على الاجواء كيعاود ليها على تقافتو العامة على هاد المدينة شنو فيهاا شنوو ميزتهاا وهي باغة غير تسمع صوتو وتنغم بييه باغاه غير يبقا يهدر ويعبر وخة يكون كيهدر على المجاعة المهيم يهدر
وصلو لساحل ضرب فيهم ندى والبرد منعش ...استنشقو ريحة المااء و ريحة ندا ديال شتاا وقالت: توحشت بحال هد الجو
حذيفة: كيعجبك شتا على الصيف
ايمان: بزاف ههههه عرفتيي الصيف كيقهرنيي كندووب والله ولحمي كيولي كيقرصنيي ملي كنت فلمغريب كانت كتقرصني شنيولة لحمي كلو كينبل مي مسكيينة كتبقا دهن ليا فنعناع الليل كلو
تبسم لحماسها لدكرياتها وقال: الصهد حتى هوا عندو منافع ولكن لي تزاد فشتاا كيبغي شتا كتر
ايمان: اه حتى اناا تزادييت فشتاا هدشي لي قالت ليا مي ، اا حذيفة
حذيفة: نعام
ايمان: واش أناقة لي فانسطا ديالك ؟
حذيفة: سيي
ايمان: نقدر نطاكيك ؟ حيت صورت لغوب وبغييت نحط سميتك
حذيفة(بقا كيشوف فيها ): ضروري زعمة !
ايمان: علاااش واش مبغيتيش تزيد بخدمتك لقداام ؟ شنو فيها الى بارطاجيت شي حاجة زويينة
حذيفة: ههه وشنو غيزيدني الى بارطاجيتي هدشي
ايمان: غيزيدك ليزابوني ويقدر شي وحدة تبغي تلبس من عندك علاش لا
حذيفة: اناا كنخدم فالواقع ا ايمان ماشي فالمواقع ...هداك درتو غير پارازار نقدر نحط لي كنخدم من بعد وصافي
ايمان: الى حطييتي بلي نتا لي ربحتي فداك البرنامج والله حتى غيطلع وبالعكس غتكون نتا الرابح منوو ماشي العكس غير جرب
حذيفة: ان شاء الله غنفكر فيهاا اجي معاياا
تبعااتوو مشاو لريستوو جنب البحر كيضرب فيها الهواء نقيي كلسات مقابلة معاه فطبيلة والريح كيحرك شعرها شوية رتاحت فلكلسة خصوصا هوا جنبهاا ..خداو اطباق الحوت من بعدما عرفوه حلال
ايمان: معمرك هبطتي المغرب !
حذيفة: لا مزال ونتي
ايمان(ضحكات) شنو غنهبط ندير
حذيفة: انا نيت مزال حاليا مكنفكر نهبط
ايمان: تصالحتي مع الوالييد ديالك
حذيفة(مسح فمو كيضحك وحرك راسو بالنفي ) كنهدرو مرة مرة كيهضر معايا غير باش ميتسماش قاطع صلة الرحم اما من قلبو لاا
ايمان: ناري غيكون طبعو صعييب
حذيفة: بزااف
من بعد العشاا جاب السرباي ݣاطو صغير لشخصيين من فوقو جوج شميعات بالارقام "25" ...شكر السرباي والاخير تمنا ليها سنة طيبة وهي كتشووف وضحك بفرحة وحاطة يدها على فمهاا
ايمان: شكراا بزااف (بعفوية شدات ايدو المحطوطة على الطبلة كتشكر فييه
الاخير حس بايديهاا وجرها من تحتها وطبطب على ايدهاا بلطف وهز ايدو قرب ليهاا الطبسيل وقال: بكل متمنيتي ان شاء الله
كتشوفييه وضو شميعات ضارب فيها وقالت: وخة تصورني
حلات تيليفونهاا وعطاتوو لييه حشمات تبقا تبوزا قدامو فتصاور كتافات تصور مربعة يديها على الطبلة وشميعات فلكيك شاعليين
بدل الكرسي حداها مقابل مع البحر شدات من عندو التلفوون وتصورات معااه والكيك وسطهم
حطاتوو وقطع ليها الكيك خرج منو الشكلاط بحال العسل عضات فمها وكلات منوو هوا دااق شوية لا غير عارفااه مع الحلاوة مكتعجبوش محكراتش علييه
ايمان: اليوم نتا كملتي 33 تبارك الله
حذيفة: شرفت !
ايمان: علاه 33 كيشرف الواحد ! عاد كيبداا الشباب والنضج
حذيفة(حك عينيه كيضحك ): على هاد الاساس نتي باقة بريهيشة ههه شوفي النضج معندوش علاقة بالعمر كاين لي فعمرو 40 عام وتلقايه ميكسابش العقل ههه وكاين العكس
حركات راسها بااه وكملات الحلوة وقالت:هاد الطرف مبغيتيهش ؟
خذيفة: غير كولييه بصحتك
ايمان: قولييه يجمعو لييك نديه معايا دابا شبعت
ضحك كيحرك راسو بالايجاب حشماات ولكن ميمكنش تخلييه وراها لا هوا لا شميعاات
جمع ليها داكشي وعطاه ليها فكرطونة خرجوو من الريستو قاصديين الطريق منين جاو محدها كتقرب لاوطيل محدها مساخيااش بييه وقف وقال: سيري رتاحي نتلاقاو غدا بليل
ايمان: صافيي ان شاء الله ...شكرا على العشاا والحلوة...سمحليا انا مجبت ليك والو مكانش فبالي غتجي اليوم
حذيفة: مابيناتنااش هد الساعة لكادو الزوين هوا تكوني مرتااحة
ايمان:ههه شكرا ...تصبح على خير
حذيفة: تصبحي على خير
دخلاتت مرة مرة دور عندو توحشات هاد اللقطة يتسناها تدخل ويمشي فحالوو
طلعات لشومبر هازة الحلوة معاهاا مع دخلات حطاتها ومشات تلاحت على السرير بخفة هازينها الفرشات من رجليهاا ...حضنات المخدة بحب وبقات ساهيية فلحييط كتفكر الليلة كيف داازت
صونات لوديان فداك الليل تشاركها الفرحة
وديان: هاي هاي الحنيكات حمريييين ياختيي ههه
ايمان: تعشيت مع حذيفة ههه وجاب ليا كاطو فرحت والله
وديان(بحماس )اااييه وفاش كملتوهاا ؟ شنو قلتوو فاش هدرتو
ايمان: هدرة عاادية ماجبد معايا والو
وديان: اويلاااي كيفاش مجبد والوو مهدرتوش كاع
ايمان:لاا لا هدرنا هدرة عاادية غدا غنجي باش نسافرو فالعشية عرفتي متحمسة لهاد السفر بغيتو يدوز زويين وخة مابيناتنا والوو
وديان:هههه ان شاء الله ترجعو مزوجييين وحاملة بالتالت
ايمان(خرجو عينيها)اويلي هههه خليني نبوسطي واحد الصورة
خدات صورة لي فيها بجوج قطعاتها وبقا غير كتفو بايين فالصوورة وكتبات لتحت: "hey it's my birthday"
حطات التيليفون على صدرهاا متكية على لفراش رتااحت من الفرحة وناضت لديك لحلوة تساليها كلاتهاا غسلات سنانهاا ومشات لفرااشهاا جبدات من بزطامها صورة مصغرة ل نعيمة وجنبها صورتهاا هي و حذيفة مصغراهم خاشياهم فلبزطام ...هزات صورتها كتبتااسم وكترحم علييهاا
خرجات لبالكون لجو كي السم باارد تكمشات فالسورفيت دخلات معاها البرودة نعشااتهاا
لمدة وهي هكااك مشات لفراش كتحاول تنعس طفات ضواو وخلات ضو الفييوز شاعل بضو خفيف عنقات المخدة وبقات مغمضة عينيهاا كتقلب فلفرااش مرة تفكر فحاجة تفرحها مرة بحاجة تكفس عليها مورالهاا ...كتحل عينيها تشوف فسقف تاتعيا وتسدهم
مع قرابة ضو يطلع نعساات ...حتى كتحرك فبلاصتهاا كلها عروقات وكتحرك شفايفهاا وملامح وجهها بغات تبكيي بحال شي حد قا_جهاا او تابعهاا تفااقت كتغوت و تركل فبلاصتهاا كتنهج وكلها كترعد شدات فقلبهاا كتنهج وتبكيي وخايفة من خيالهاا نقزات من الفرااش كتشووف جناابهاا كان الضو بدا كيباان خرجات لبالكون خاايفة وسدات الباب كطل على البييت بخوف وقلبها غيسكت كلها كترعد والمعدة تقلبات عليهاا كتنهج والرعدة شدااهاا
كلسات فالارض بااردة كطلع النفس بصعووبة رجليها وايديها ولاو حمريين تكمشات فالارض حتى ضربات فيها الشمش وناضت بعيااء دخلات وتكمشات فبلاصتهاا متقولش هادي لي كانت الباارح غطير بالفرحة دغيا تقلباات لكئابتها وعينيها كيجريو بدموع
صبح عليها الحال من جديد عينيها لاصقيين فلبالكون مكمشة فوق الزربية وعينيها دابليين بقلة نعاس و لأفكارها ومرضها لي غادي وكيزييد دقات عليها المسااعدة وناضت بتقالة حلات لباب ونطقات بالفرنسية : مسيو ميد كيتسنااك باش تفطري وتشدي الطريق
حركات راسها بواخة دخلات الاخيرة كتجمع ليهاا فلحواييج وكترجع لفستان لبلاستيك ديالو مع سباط وايمان خدات دووش وخرجات لبسات دجين وتيريكو صوفي و ميني بوط خدات صاكهاا وخرجات عينيها فالتيليفون كتشوف فاخر بووسط تحط لقات وديان الاخيرة مسيفطة ليها عرام تاع سكرينات وقالت: معطلووكش اصاحبتي ههههه
لقات صورة لي حطات وكتف حذيفة بايين وشوية من ايديه خلق البلباالة وكلشي ضرو راسو شكون هدا لي معاهاا ...ضحكات وقالت: حنا المغاربة مشاركين فالفضول
نطقات المساعدة لي معاها وقالت: باغدون ؟
ايمان: هههه غيان
قصدات طبلة الفطور لقاتو كيتسناها كلسات كتفطر معااه وقال : لسة رايحة ع بلجيكا ؟
ايمان: سي اليوم بليل
محمد: عندي الك خبار ساار وخبر ماكثير رح يعجبك
ايمان(حكات كاس تاع العصير وقلبها كبضرب)شنوو
محمد: الخبر الساار ..اجاني اتصال مبارح بس مقلتلك شي حتى اتاكد منوو ...فيي ماركة عالمية بدهاا توقع معك عقد لتكوني وجه اعلامي لالهن
ايمان: اسم الماركة
محمد؛ "gucci"
حطات ايدها على فمهاا بصدمة وفرحة وقالت: واش كتهدر بصح
محمد: ماا عم بمزح قلتلك محبيت خبرك لحتى اتاكد منييح ... عندك موعد معهن بعد اسبووع بدي ياك تكوني كتير مرتاحة ومنييحة لحتى تكون المقابلة لصالحك اكيد ...اه ذكرت المقابلة رح تكون ف ايطالياا وبالضبط فروما شو قلتي
ايمان: (عضات على فمها كتفكرر ) روماا مم نشوفو الشروط اولاا
محمد: هيك منييح
ايمان: والخبر السيء !
محمد: ما كثير سيء ههه اعمالك يا ايمان ماشاء الله كثيرة وفييه تنقلات من دولة لدولة واناا تعبت من السفر الكثير ...انا بدي ياكي تشووفي مدير اعمال ثقة ليكون في جنبك فكل الاوقات
ايمان: لااا (بحزن )
محمد: في كثير ناس فهاد المجال ثقة ومتلاقي معهن مشكلة بس لازم يكوون قريب منك لحتى تكون بيناتكن تقة يكون فنفس المجال لحتى يكون يعرف كيف يتصرف فالاوقات الصعبة ...انا قررت بعد كم شهر يمكن فنهاية السنة رح استقر ف امريكاا جنب اولاديي بس لاا تخافي مارااح فل من حياتك بهد السهوولة هههه رح كون فجنبك فمسيرتك الفنية طول ما انا عاايش
ايمان: صعيب نلقى شخص تقة !
محمد: ما تعتلي هم في قدامنا وقت طويل لحتى نلاقيي الشخص المنااسب ...ياله ع المطار
وصلهم الشيفور لمطار ركبات وهي كتفكرر تانيي ف هاد مدير الاعمال حتى قالت تهنييت ومحمد كان ظريف وكيعاملها بطيبة بحال بنتو عمرها شافت الدغل من جيهتو طيلة هاد العام لي خدمات معاه كيعرفها على منتجيين اخريين على مخرجيين وعلى ملحنين بدا كيعرفها على اشخااص على فنانين كباار فهاد المجال معمرها قالت غتشوفهم ...فتح فوجهها بيبان كثيرة وخلا الطلبات يجيوهاا بكثرة
باقي الوقت قدامها منهنا لنهاية السنة وتشوف شنو دير وصلات لباريس بعد ساعات فوق سحاب وصلات لدار بتعب من طريق لي ولات كضرب وكتنتاقل من مدينة المدينة ومن بلاد لبلاد
كانت مزال واقفة سيفطات لحذيفة مساج وقالت:عاد وصلت لدار ..قوليا معاش الطيارة فالعشية !
مشات البيت تكات ترتاح توصلها ميساج فيه: مع 12 تاع الليل ..ولكن مع 10 نكونو فالمطار
جاوبات ب ؤك ومشات كتوجد راسهاا دخلات لحمام عمرات الماا حطات حوايجها ودخلات وسط الرغوة والريحة المنعشة ...مغمضة عينيهاا وترخاات حتى كتسمع خبطة تاع الباب ناضت قافزة عينيهاا حمريين ترخات بنعااس...
ايمان:وديااان جيتي ؟ وديااان ...وديااان
مجاوباتهاش ناضت لوات عليها لفووطة كلها رغوة طلات برااسهاا لقات السقييل ورجعات لماا تاانيي من وراها دوشاات حيدات التعب وبدات بسكين كير قدام المراية فالبيت لي صايباتها وجهزاتها باضواء باش تصور قدامهاا ..لابسة بينوار ودايرة فوطة على شعرهاا بدات روتيينهاا لبشرتهاا وشعرهاا حتى هواا من ورا ما سالات لبسات عليها ملابس مريحة وقصدات سونتر بيوتي تبدل لجيل لظفارها وحتى الشفاار
بدلاتو بالغوز بب خفيف هوما ورجليهاا صايبات حجبانهاا وشفاارهاا ..خرجات كتشعل من بعدما دارت سوان لشعرهاا
مشات لريستو قريبة لدار فين دارت مع وديان يتغداو لقاتها دارت لكموند عاودات ليها شنو داررت وقالت: خاصني نمشي نتقدا شي حواييج ديال البرد
وديان: شحال غتكلسسو قلتيي
ايمان: 4 ايام
وديان: مزيانة عنداك تغبري هههه ياله نتقداو نيت خاصني نشوف دي كادو لماما
ايمان: ومتنساايش لبيبي تاع ختك
وديان: مم فكرتييني
ايمان: ماشي مكشيل على وجه ماماك
وديان: دعي معاياا حتى انا نلقا شي زمان نشد فيه بايدي بجوج
ايمان:هههه ان شاء الله
مشات تقدات لي خاصهاا محسوش بالوقت حتى بدا الحال كايظلام رجعات صايبات الشانطة ديالهاا وهزات اي حاجة تحتااجها فالسفر منساتش برودوياتهاا لي خاصها ضروري تصور فروتينهاا
لقات طاكسي كيتسناهاا لابسة تجاكييط فلكحل مصوفة من لداخل وطاكية على شعرهاا دجيبن وتيشورت فلبيج ..بعد نصف ساعة حطها الطاكسي قدام المطار كدور فعينيهاا تشوفو هبطات الشانطة وجراها حتى بان ليهاا موقف الشانطة وكاالس عليهاا كيتسناهاا ...شافتو وتبسماات كان مدور راسوو لجيهة اخرى مع شافها تبسم ليهاا او وقف وقال: تعطلتيي
ايمان:هههه سمحلياا
حذيفة: اجي بعدا ندخلوو ندوزو البكاج ونقادو وراقناا ؤك
الاجراءات خدات وقت كيف ديماا مابيين طبع و لبكااج وطلع فطيارة كانت مدة طويلة حيدات تجاكيط وكلساات كلس حداهاا حتى هواا ..كيستاعدو لرحلة لمدينة الزهور "بروكسيل"
ايمان: شحال تاع الوقت ؟
حذيفة: ساعة تقريبا
ايمان: مبعيداش بزااف
حذيفة: سيي كنت بغيت نقوليك نمشييو ف تران كيدير ساعة ونص ولكن ملي غادين بليل من الاحسن طيارة حتى نكونو راجعيين
حركات راسها بااه وبدات رحلتهم ...
عييات وتكات رااسها على كتفو نهار كلو وهي جري هناا وهناا غمضات عينيهاا وتكاات عندو ...ميل راسوو جيهتهاا لقاها مغمضة عينيهاا...هز تجاكيط ولاحها عليهاا غطاهاا...تكا راسو على الكرسي مغمض عينيه
دازت ساعة بتمام لقاو راسهم ف بلجيكاا والعاصمة بروكسيل
بعد ساعة اخرى خرجو من المطاار باش يشدو طاكسي لاوطيل لي محجوز ديجا لجوج تاع الناس لمدة اربع ايام
جاهاا البرد قااسح سدات تجاكييط ورجليها كيترعدو وقالت: البرد ههه اويلي راه السم
حذيفة: هههه عندك الزهر ملقيتيش الثلج اجيي ها طاكسي ..
ركبات وهوا تكلف بشوانط حتى ركب حداها عطاه العنوان كيشوفو من الزااج مندي بقطراات شتاا ...حلات الزااج وخرجات رااسها شويية كيضرب فيها لبرد و الهواء نقيي حتى حسات بنيفها كيقرصهاا ودخلات راسها وسداات الشرجم شافت فحذيفة وضحكات
حذيفة: بغيتي تمرضيي !
ايمان:هههه غدوز خرجة من داكشيي
ضحك معااهاا حتى وصلوو لاوطيل مع 3 تاع الليل خداو لي شومبر ديالهم حدا بعضياتهم وطلعوو هوا كيتاوب غيطيح بنعاس وهي عينيهاا عاد تحلوو وفااقت غير ديك الساعة لي نعساات فالطيارة غتخليها سهرانة الليل كلوو تانيي
حذيفة(عطاها لكارط تاع الباب ) دخلي رتااحي نشوفك صبااح
ايمان: وخة تصبح على خير
حرك ليها رااسو بااه دخلات لشومبر وسدات وراهاا طلقات من الشانطة وكتمشا فالغرفة وكتشوف فالديكوور والمباني فكروها فديزاين تاع ايطالياا كلشي نقيي كلشي هادئ ..حلات البالكون فيها طبيلة تاع الزااج والحاشية كلها زاج كطل لقات راسهاا عالية بزااف شداتها الرهبة وبعدات قلبها كيضرب وكتخيل الى دفعها شي حد من هنا كيفاش غتكون غتشتت كااملة ميلقاو ميجمعوو فيهاا شادة فالحاشية والافكار السودوية هجمو عليهاا تانيي حتى كيباغتهاا صوتوو من جنبهاا خلاهاا تقفز وتشد قلبهاا
حذيقة(باستغراب )ايمان !
حذيفة: ايمااان
بعدات كتشوف مصدر الصوت لقاتو جاي من لبالكون لي جنبها فارقهم نص حيط ونص لاخر بحال شجر ولكن فلڤيزان كبيير
حذيفة(راقبهاا باهتمام ) مالكيي !
ايمان:م مامالييش غير خلعتيني
حذيفة: قبل منعيط لييك مالك كنتيي كاتنهجي غير بووحدك شكون خلعك
ايمان: لاا غير تعكلت وملي طلييت على الزاج تخلعت هههه كنخاف من العلو
حذيفة: دخلي تنعسي نتي شنو وصلك لزااج
ضحكاات وقربات جيهة لحيط عندو متكي هوا على الحاشية تاع الزاج وقالت: عمري فكرت نجي معاك لبلجكا شي نهاار
حذيفة: حنا كنقولو وربيي كيقول
ضحكاات وقالت: الجو واخة بارد زويين (شادة حنكها ومحنية )
جبد كارو كيكميي وهي ساكتة كتشوف قبالتها فالاضوااء والسااحة لي كبيرة عندهم تماا فوقت ربييع معروفة بليي كيكون فيهاا واحد المهرجان كبيير كيشدو الورد بجمييع انواعه وكيصنعو منوو زربية كبييرة باشكال زويينة والوان مختلفة ...الاضواء والموسيقى وكيعرفو بثقافتهم كدولة ...هي ملهيية فالمنظر لي واخة الليل كانو الاضواء كافيية توريها شويية من داكشي لي كااين
حذيفة كان كيشوفها لقاها سهاات وسهاا هوا فييهاا كيعبرهاا شنو تزاد فييهاا فهاد الخمس سنين ...بطبيعة الحال كيشوف قدامو ايمان وحدة اخرى على غير ايمان لي خلا واحد نهار هادي تبدلاات ...كبراات وزياانت ولكن لاحظ فيها حواييج فشكل كتخلع دغياا كتسهاا دغياا ...كيبانو ليه عينيهاا مخبين وراهم خوف منااش معارفش ...شي حاجة فقلبو كتقولييه متفرطش فيهاا وحوايج اخريين تيقولو لييه حياتك بعيدة على حياتها ولكن شيي حاجة كتر كتجروو باش ميخليهاش بووحدها وخة عياا يبعد راسوو كتبان ليه مزال طفلة خاصها توجه 25 عام ولكن مزال كتبان ليه عالقة ف حلقة الطفولة مزال خاص لي يقوليها ها الصحيح ها الغلط مزال كيقول بلي غدا تقدر تغلط كتر من الغلط تاع يوسف متسرعة ودغياا كثييق فالوااحد ...
كمل لكارو وطفاه فطفاية حداه فوق الطبلة وقال: سيري تنعسي غدا وتشوفي كلشي واضح
ايمان:ههه وخة تصبح على خير
حذيفة:تصبحي على خير
دخلات البيت سدات لبالكون من البرد وحطات تجاكيط كان البيت دافي والفراش سخوون...بدلات حوايجها ب بيجامة دافية وجمعات شعرها كلساات شادة تيليفونها لانه النعاس عارفاه مغاتكحلش بيه عينيهاا وخة تبقا تقلب لساعاات ...حتى كتصاادف مساج فرقمها الشخصيي من نمرة مبايناش مكتوبة "privé" لا غير كاتب بالانجليزية
" الوقت كيدووز بسرعة واللقاء قريب "
حركات راسهاا مفاهمة والوو كيفاش اللقاء قريب ! شكون هداا وكيفاش مكاينة حتى نمرة بدات كتبانيكي ودقات قلبها تزادوو مبقاتش مرتاحة فلكلسة ناضت كتمشي وتجي فلغرفة وكطرطق فصباعها ترجع تقراه بتوتر وترجع تحطوو بحيرة
تحفظ فدماغها دااك المسااج كتعاودو بين شفايفهاا نغص علييها فرحتها الحااليية
تخنقاات و والوسوااس حكمهاا تااني بدات كتخييل راسها مقتو_ولة والافكار السودويية هجمو عليهاا ...شدات جناب رااسها مزيرة علييه كتنهج وكتحس بلارض كدوور بيهاا
كيجيها طنين فوذنها كيخليهاا متبقا تسمع والوو حسات بالفشلة والردة وكتقلب على الحمام تطاحت على ركابيها قدام لشااص كترد والمساج مزال كيتعااود...شوية كتسمع شي حد ضحك وكدوور مخلووعة وترجع تشوف فلمرااية تلقا الصورة مضببة مرة مرة فعينيهاا
مشات لبلااصتها بمشقة الانفس شربات دوا ديال نعااس كتبكيي وتنخصص وتحاول تقاد النفس لي كيتقطع فيهاا
عضات على المخدة مكمششة وخايفة كتهز تيليفون تقرا وترجع تحطوو لساعاات فنفس الوضع حتى ترخاات مع لكينة ولكن النعاس مجاهاا
مع سمعات الدقان فلبييت ناضت قافزة مشات لباب كطل حتى بان ليهاا حذيفة فلباب ...شافت راسهاا كيفاش مجرلتة وتحت عينهاا كحل ومشاات بلا متحل علييه ...عاود دق مرة اخرى وهي قدام لمرااية كتمسح تحت عينيها ومشات لجيهة الباب حلاتوو كتحك فعينيهاا وقالت: صباح الخير
حذيفة (بابتساامة ): فقتي النعااسة ! تبغي نخرجو فهاد الجو ولا تكملي نعاسك !
ايمان: غير هناا !
حذيفة: غير نتمشاو على رجليناا
شافتو لابس سورفيت صبور وسبرديلة كحلة قالت: وخة تسناني نمشي معااك
دخلات لبسات عليها حتى هي سبرديلة وسورفييت وزادت جيليي فوقها سخون جمعات شعرها لفوق دارت انتي سيغن تحت عينيهاا ورطبات وجهها وخرجات عندوو غادية حداه كي شي مشة فرق الطول والعرض وااضح
شافت فييه وقالت: واش طواليتي تانيي
ضحك كيحل فالسانسور : كنعس كنطوال راه نتي لي لاصقة فلارض اما انا نورمال
ايمان(خرجو عينيهاا )نوورماال نتا بقات لييك 10 سانتيم على 2 ميترو هههه
حذيفة: هههههه هدشي لي عطا الله
خرجو على برا السم كيقطع كانت 8 تاع الصباح الحال بدا كيبيين والجو بارد سما مضببة على موعد مع شتااء تمشاو وايديهم فجيب دايرين طواݣي والقب محدهم كيتمشااو كيسخنوو ويتحركوو مبهورة بالهندسة المعمارية ديال بروكسيل من جديد وصلو لوسط المدينة الدنيا مزاال خاوية القهاويي بداو كيحلوو والمخابز وريحة القهوة شهاتهاا وطلعو لطبق التاني كلسو كيفطرو مقابلين مع النااس كل مرة توريه حاجة فرحانة بتجربة جديدة ...كتفكر الرسالة لي جاتهاا كيتبوورش لحمها وتشوكاا وتحس بالخفقاان فالمعدة ...ترجع تقول شي حد ملقا ميدير وبغا يتفلا فداك الليل ..خلات راسها فاللحظات الزويينة خرجوو كيتمشااو كيوري ليهاا كل حاجة ديالاش ولا جنبها بحال المرشد السيااحي من طبعو هوا المدينة لي بغا يمشي ليها كيكون حاط شنو بغا يشووف كيقرا وكيعرف اشنو يقدر يشوف فديك الدولة ولا المديينة بدورو حتى هوا كيكتااشف
ايمان: فييها الطبيعة واعرة
حذيفة: بلاتيي نخرجو على برا تشوفيي الطبيعة كيفاش دايرة الخياال سبحان الله ... تقريبا هي المدينة لكبيرة ف بلجيكا وهي المدينة لي فيها بلايص الطبييعة كتر ...كيتكراو فيهاا واحد ديور صغاار مصايبين من العود فلغابات كدوزي فيهم نهاار ولا يومايين
ايمان: بحال شكل سويسرا
حذيفة: ان شاء الله الى يسر الله كنقول غنشري مطوور غادي ندير دورة على اوروباا ونكملها بافريقياا ...تمشي معاياا هههه
ايمان: ههههه انا لبيكالا ومتعلمت ليها غير بزز بقا غير مطور نشد بييه من اوروبا تال افريقييا
حذيفة: صعيبة غير البدية اما كلشي ساهل الى بغيتي تعلمي ليه
ايمان: ان شاء الله
فالرجعة كانو بعدو على لاوطيل بمساافة طوييلة بقاو شاديينها من بلاصة لبلاصة وبالهدرة محسوش حتى لقاو راسهم بعدو شداتهم شتاا مجهدة حيداات القب وكتنقز وسط طرييق وهواا ملقا فين يتخباا ترطبو بلماا...وقفاات وسط طريق وهزات راسها لفووق كطييح شتاا عليها بحال البلسم على الجرووح ديالها حساات بالانتماء و السكون
من وراها تجهداات شتاا بقاو غاديين كيجرييو كضحك وفرحاانة جرهاا تخبااو تحت واحد المحطة ديال البيس لي تماا مغطية من الفووق وفيها كرسي كانو غير بجوج فداك الجو ...غير كلسوو حسات بالبرد ولات كتقفقف وكضحك
كتحل فمها كيخرج منها دخاان
حذيفة: فمك زرااق ههه
ايمان:كون غير بقيت تحت الشتاا
حذيفة:غير الله احفظ نكملو هاد لڤاكونص بشي مرضة
ايمان: ههه
جبد تيليفونو كيشوف النشرة الجوية وقال: غيطيح تا التلج يمكن
ايمان: الجو لي كيحمقني
شاف فيهاا وضحك : ولي غيمرضك ...نوضي محدهاا خفافت شويية
وقفات وجرها كيجرييو والجو مضبب وضبابة هابطات بنادم كيبان ليهم قليل ولي خارج هاز مظل الطاكسي مايهزهمش وهوما مرطبيين وصلو لاوطيل بزز ودخلوو كيقطرو مشاو لشومبرات دوشوو بلما داافئ وعطاو حوايجهم لخدمة الغرف باش ينشفوهم
طلات من الشرجم كيبان ليها حبات الثلج كتهبط عرضات ايدهاا وشداتها بااردة وبيضااء تبسماات و دخلات لبييت تسخن عظامها تحت الغطاا
تغداو بجوج والعشية كانت عندو دعوة العرض ازياء ديال مصمم بلجيكي مشهور فديك الاونة لبس كلاص وايمان كانت لابسة كسوة كحلة فوق الركبة مع ليبة كحلة و صباط وبوشيط وشعرها خلاتو سامبل شادة تيليفونهاا مزال كتقرا فداك المساج وتعاود وتفكر واش شي حد كيضحك عليها شكون غيكون كتبوو ديڤ لي كان تابعها مكاينش منين يجيب نمرتها وغاابر مدة طويلة هادي مباانش
دق بابها وناضت كتلبس فلمونطو الطويل لي غطا الكسوة
حلات الباب الاخير بدورو كان لابس كلشي كحل هز عينو فيها داير ايديه فجياب سروال التوب كحل وقميجة كحلة مع مونطوو كحل ...حطات يديها على فمها والاخير طلعها وهبطهاا وضحك : غادي نعزييو ؟
ايمان(ضحكات): ههههه انا بعدا مهرسة اللون بشعريي زعر ههه ...نبدل؟
حذيفة(حرك راسو بلاا واشار ليها بايدو باش تجي): لاا غير ياله
تمشا قدامها كتسد الباب وكتشوف فيها باعجاب حتى تقلب جيهتها وهبطات عينيهاا واستاغل الفرصة يرمقها بشوفتوو
مشاو البلاصة لي عندو فيهاا العرااضة كانت الدنيا عامرة والمااسق وطبالي مفرقيين بعيد كاينة المنصة وكراسة ضايرين بيهاا كلشي خاوي حيت مزال مبداش العرض ...خلا ايمان واقفة حدا طبلة استأدن منهاا ومشاا عند جوج رجال واقفيين الاخير غير شاافو رحب بحذيفة بحراارة وعرفوو على رجال اخريين
تكات على الطبلة كتشوفييه بطريقة زويينة مستمتعة بشوفتو حتى وقفو عليها جوج سيدات بابتساامة نطقات وحدة فيهم: بيانكاا
ايمان: ويي
نطقات الاخيرة بالايطالية : انا من اشد المعجبيين بييك (بحزن )بقا فيا الحال لي مشيتي من إيطاليا فمرة وفوق هدشي حرمتينا من صوتك
ايمان(بابتسامة ) شكرا
_نقدرو ناخدو معاك صورة !
حركات راسهاا بااه جاو حداها وسطوهاا وخداو معاها صور شكروها ومشااو
ببقات كتربت بايديها على الطبلة وكتشوف بعويناتهاا فجمال القاعة وزوااق والموسيقى والعرض لي بداا من اغاني ورقص استعراضي قبل ميبدا العرض
سهات كدور فلخاتم الدهبي فصبعهاا جبدات تيليفونها دارت سطوري للمكاان والعرض لي باادي كتهز عينيهاا كتلقا شخص من الطبلة لي قبالتها حاط عليهاا العيين فينما دور راسهاا تلقااه كيشووف وكيشرب من كاسو بطريقة وتراتهاا وخلاتها تحس براسها مامرتاحاش فهاد البلااصة...كتقلب على حذيفة بين الحضوور مبانش ليه الاثر فكل ما كدور عينيهاا كتشوفو كيشووف فيها خلا قلبهاا يضرب بجهد وحسات بكتافها تقالوو ونفسها تقالت ...حطات ايدهاا على صدرهاا مزيرة على الطبلة كتحس بالطنين فوذنها من جديد تقل كاع الاصوات فمحيطهاا وعينيهاا مزال كيقلبو تشااف جيهتهاا بانت لييه شادة فقلبها استأدن من الناس لي معااه ومشا قااصدهاا كيزرب فلمشية وكيعتادر من النااس لي قداامو تقرب ليهاا
حذيفة: ايماان ..ايماان شوفي فيا مالك
شدها من درااعها لقاها كطلع النفس بزز قربها لييه باش مايثيرش الانتبااه ويتجمع عليه كلشيي ..شد حنكهاا ومد ايدوو القرعة صغيرة تاع لما فوق الطبلة حلها وكب فلكااس عطاها تشرب هزات ايديها كيترعدو شدات فلكااس وعاونهاا ...دورات وجهها لطبلة ديال داك الشخص كتلقاا ناس اخريين وهداك مكااينش
حذيفة: ايماان بغيتي تمشيي ! مامرتحاش نمشييو
ايمان:اا انا بخير غير يمكن طاح ليا طونسيون بغيت نمشي غير لحمام
حرك راسو و هز ليها البوشيط والمونطو شدها من دراعها وكل مرة يهبط راسو يطمن عليهاا وراوه الحمام فين دخلات وبقا هوا برا كيتسناهاا وهي قدام لمراية كدوز الما على عنقها باارد وكتقول فنفسها :شنو هدشي كيوقع لياا واش عادي ؟ واش خاصني الطبيب !
شافت راسها فلمرااية وايديها كيترعدو فوق لڤابو ...جمعات راسهاا مبغاتش تخسر ليه هاد الليلة
خرجات بابتساامة مصطنعة عكس نظرة الخوف والاهتمام لي فعينيه
حذيفة: نمشييو ؟ ايمان الى مكنتيش حاسة براسك مزيان نمشييو
ايمان: راني بخيير
حذيفة: متأكدة !
حركات راسها بااه وخرجو على برا مع بداية العرض خداو بلايصهم ف المقاعد الاماامية كيدوزو قدامهم موديلات ل عرض ازياء رجاليي والتاني نساائي ..مرة مرة يدور عينو عندهاا وتبسم لييه
حتى تسالا العرض مع 12 تاع الليل كان الغرض من هد العراضة هوا يتعرف على مصممين من جنسيات مختلفة ياخد فكرة ويعرف فاش غيركز
خداو طاكسي رجعو لاوطييل وحدا باب البييت قال: شبعي نعاس شوية يمكن منعستيش لبااارح
ايمان: واخا
حذيفة: غدا غنمشيو لواحد البلاصة غتعجبك
حركات راسها بالايجاب ودخلات مع سدات الباب لاحت السباط ومشات لطرف سرير وكلساات كترمش ومهبطة راسهاا كتبكي وتمسح دموعهاا حاسة بلي غتبقاا هكا حتى تلقا راسهاا مي_تة ... حاولات تحيد هاد الافكار وناضت بدلات عليهاا ومسحات وجهها حتى كتسمع صوت قوي غوتات فدوش شادة فقلبهاا تسمعاتو تعاود عرفات الرعدة كضرب رجعات كتمشط شعرها ومرة مرة دور معاها ولا عندها ديما احساس بلي معاها الزايد فالدار
سمعات التيليفون كيصوني ومشات تشوف حتى لقات نفس الشخص لي رسل ميساج مطالعاش النمرة بدا قلبها كيضرب واش تجاوب ولا لاا
جاوبات بتردد وقالت:الوو ...الوو (بخوف)ا الوو
تقطع الخط وصلها مساج فيه " tic tac tic tac" بحال صوت عقارب السااعة
حطات التيليفون بخوف وبعدات علييه معرفات شنو دير هزات التيليفون ومشاات لشومبر ديال حذيفة مترددة تفيقوو ولا تمشي فحالها
دقات فلباب وقلبهاا كايضرب مع حل لباب باينة كان كيستاعد ينعس عينيه كانو حمريين لابس شورط وتيشورت شافها قداموو مكمش عينو من الضوو وقال :ايمان
ايمان: سمحلياا ،فيقتك ؟
حذيفة: مكاين حتى مشكيل ا ايماان مالك (بتاكيد) ايمان...اجي دخلي
حذيفة: دخلي
فسح ليها طريق وهي مزيرة على تيليفونهاا دخلاات كتشم عطرو المنتااشر فالشومبر بلاصتو مخربقة باينة كان ناعس والتلفازة شاعلة سمعاتو سد الباب وضارت عندو
حذيفة: جلسيي
جلسات على حافة السرير جر كرسي وكلس قبالتهاا وقال: شنو عندك
ايمان: لبارح بليل ملي بغيت نعس وصلني ميسااج عطاتو التلفون كيقراا وكمش حجبانوو
ايمان: ودابا تاني صونا ومجاوبني حد ورسل ليا ميساج تاني
حذيفة: مطالعاش النمرة
ايمان : مطالع والو مفهمتش
حذيفة: غيكون شي حد باغيي يتمازح معااك
ايمان: مكنعرف حتى شي حد ونمرتيي لپيرصونيل معاطياهاش لبزاف تاع الناس ..عندي فالتيليفون جوج نوامر
حذيفة: ميكونش داك خيناا ضبر على شي تيليفون فلحبس
ايمان(مسحات دموعها بخوف): معرفتش هءهء مبقيتش مرتااحة بوحدي
حذيقة: متبكييش ...مكاين لي يوصلك... نهار تنين غنمشيو انا ويااك ديكلاري
ايمان: بشكوون هءهء انا معارفاش شكوون
حذيفة: غير تفكري لمن عاطية نمرتك
ايمان: متاكدة مليون فلمية (تخربقات)معرفتش هءهء
حذيفة(شد جبهتو كيسووط): فففف
ايمان: نهار شفت الفيديو انا ويااك بان فلفيديو هداك لي هزو لبنت
حذيقة: اييه لي مزال ملقاوهش
ايمان: هءهء (كتفرك فايدها )هداك كان ..كان تبعني تالفرنساا غير حيت بلوكيتو فانسطاا ...وبقا علياا حتى رجعتوو وكنت انا و وديان وشي دي امي ديالهاا معرفتش كيفاش هجم عليناا وضرب لقرطا_س فالسقف
مع كملاتها ناض معصب دفع لكرسي بالزعفة و وقف شاد جنبوو حدا لبالكون ، عاطياه بالظهر وكتبكيي وهواا مخنزر وكيشوف قبالتوو شتاا عاض فجنب فموو كيكمدها ويسكت
رجع كلس حداهاا جار لباكية والشعلة كماا نصوو سااكت محني على ركابييه كل مرة يسووط كيشوف فالارض لوقت طويل
حذيفة : الى مكنتيش مرتاحة نرجعو غدا وديكلاري بييه
ايمان: ولكن هوا منين غتجيه نمرتيي مكانتش عندو نهائياا
حذيفة: دورتي بييك فديك لبلاد غير هوماا وكتبكيي داباا ؟ تء ففف ..شنو كتسنااي من هاد العالم لي دخلتي راسك فييه خاصك توقعي اي حااجة الى مرديتيش لبال لرااسك ...نتي فواحد المجال اي واحد كيبغي يكون مشهور على لااخر جيتيي نتي فظرف عامين ولاو الاغاني ديالك كيضربو الملااين ...شنوو كتسناااي مفهمتش
ايمان: كتهدر بحالا انا بوحدي لي كنغنيي لميريكان اغانيهم كيضربو ملياار ماشي غير ملاين
حذيفة: هادوك المناافسة بيناتهم ولكن العرب فيهم السم والحسد ومكيبغييوش شي حد يكون حسن منهم خصوصاا نتوماا البناات نتي براسك غتجي وحدة من ورااك وطلع وضرب فطوندونس وتنسااي نتيي غتعوااجي
ايمان(وقفات ): نمشي حسسن ديرونجيتك
جرها من ايدهاا تكلساات: ريحيي اللرض
حذيفة: نهار اتنين غنمشييو ديكلاري بييه ونشوفوو واش تشد ولا مزال مطلووق ...مكاين لي يقيسك معايشينش فغابة غير نتي عرفيي فيين كتمشيي ونقصي من الطيراان وخرووج الليل
بقات غير كتشووف جات تشكي ليه بهمها صبنهاا هدرة وخافت تقول شي كلمة وطبز ليها العيين بقات غير كدور فعينيهاا حتى كما داك لكارو وطفااه
شافت لففوطوي ومشات كلساات فييه مقابلة مع الشتا لي كضرب فزاج تاع لبالكون
ايمان: نقدر نبات هناا
حذيفة: دوزي تقادي فبلاصتي
ايماان: لا لا غير لفطويي كافينيي عطيني غير مخدة
كان داير مخدة على مخدة هزات لفوقانية ومشات لفوطوي وهوا واقف كيشوف فيهاا جر لغطا غطاها بييه شكراتوو ومشاا لبلاصتوو مسرح على ظهرو طفا الضو ودام الصمت مدة طويلة من غير الشتاا والرعدة لي كضرب مرة مرة ...دورات راسهاا لجيهتو لقاتوو مقلوب على صدرو
هي داك النعاس حلف لكحلات بيه عينيها فينما تسد عينيها يبانو ليها غير الافكار لكحلة لي كطير النعاس ..هاد التهديد هوا لي كان ناقص حياتها المثالية باش تكمل
مرتاحتش فالنعااس وكلسات ضامة رجليها ومغطية ومعارفاش شنو مزال كيتسنااها
جرات المخدة شماتهاا وحضناتها فوق ركابيها وتكات ...هوا مغمض عينيه وحاس بيهاا مناعسااش كل مرة كتحرك
تقلب جيهتهاا لقاهاا كالسة فالظلام حيد علييه الغطاا مهدرهااش شدها من ايدها تخلعهاا وجرهاا توقفات شادة المخدة داها لجهة التاانية من الفراش حيد ليها المخدة والغطا وقال : نعسي
ايمان: مافياش النعااس
حذيفة: وانا شنو تخليني بلا نعااس ...نعسيي راه مكنعضش
ضحكلت فالظلام وتكمشاات فبلاصتهاا تغطات كيبان فيها غير الراس داز لجيهة لاخرى وتكا هوا الاخيرر وبقات بيناتهم مساافة فلفراش حيت كبير ...بقات كتشووف فييه من داك شوية الضو ليي داخل من البالكون ...حسات بالراحة والأمان ولا لحظة خافت منوو غمضات عينيهاا وارتااحت هوا الاخير نعس
صبح عليهم الصبااح وصبحات الشمييسة مضوية من وسط الغيووم ...
تقلب جيهتها لقا راسهاا حداه ومعوجة ...خداا وقتوو وهوا كيتمنضر فيهاا كيشوف فشفاارهاا ويتدكر ايمتا كحالو ياك كانوو زعريين .. وشعرها كدالك مبقاش فلونوو الطبيعيي ولا غامق وبخصلات ذهبية و البرسينك فنيفهاا
هكاا زويينة ولكن هوا بغاها بالجمال الربااني لي عطاه ليها الله بحروف طفوولية وبريئة
ناض من حداها كيتااوب ويسرح فايديه دخل توضى وخرج صلى صلاتو دخل لبس علييه سورفييت وخرج لبالكوون كيضرب فييه جو باارد منعش
حسات بالحركة وفااقت نسات فين هي و ناضت طافجة حتى شافتو فلبالكون كلسات كتااوب وحسات بلي قدرات تنعس شوية وترتاح من التفكيير ..لاحت لفرااش ولبسات پانطوفتها وضمات يديها من لبرد غسلات وجهها وصايبات شعرهاا ومشات عندو لبالكون وقالت: صباح الخير
تقلب عندهاا بابتسامة وقال: صباح النوور ...نعستي مزيان
حكات عينيها وقالت: ممم ، نمشي نبدل ونهبطوو ؟
حرك ليها راسو بااه ومشات مخلياه كيشوف فالمناظر وهي قصدات الشومبر بدلات عليهاا وبدلات لموراال بمورال حسن من بعدما نعساات شوية وارتااحت وتفكيرها صفاا وخلاها تقول بليي مول الميساجات شي برهووش بغاا يخلعهاا بلا متخلي الموضوع يدمر هاد الرحلة لي فيها هي ...هزات الصاك جمعات فييه وريقاتهاا لبسات بودي كراميل مع سروال دجيين وهزات المونطو فايدهاا كتفات بريحتها ومرطب وخرجات لعندو كان واقف حاني راسو على التيليفون كيقلب على بروغرام يدوزو فيه النهاار ويتلفو ليلة البارح...
دخلو لريسطو لاوطيل خداو فطورهم وكلسو كيهدرو
حذيفة: رجع صونا لييك شي حد !
ايمان: لاا
حذيفة: متبقايش تجاوبيي شي حد الى معرفتيهش ...وعرفي معامن كتخدمي
ايمان : واش فينما تشكيت لييك من شي موضوع كترجعني انا لي ظالمة احذيفة !
حذيفة: حيت عارفك ا ايماان ...كيحسااب ليك كلشي زوين وكلشي غادي يعاملك زويين ... راه الغدر لي كاين فبنادم مكاينش فشي حاجة خرى ...يقدر يضحك لييك يقدر يبين لييك بليي الدنيا زويينة وهوا راه كيحفر لييك
ايمان: عارفة هدشي
حذيفة: مزال معارفة والوو ...دخلتي بواحد العالم نتي صغيرة عليه...خاصك تكون ديب باش مياكلوكش الدياب
ضحكها وقالت: هههه مالي داخلة نتعااض احذيفة ههههه
حذيفة: فطري المشة فطري بزاف عليك تكوني ديب
ضحكاات كتفطر وهي جنبوو مسح ايدو وقال: هاني جااي
حركات راسها بواخا مشا الحمام بقات كتشرب فكاسها ديال العصير وكدور فعينيهاا تبان ليهاا واحد الشخص جاي قبالتهاا هوا ومراتوو من جنبها بقات كتشوفييه مكمشة عينيها فييه وكتقول واش هوا ولا ماشي هواا ...نطقات بصوت عالي شوية : مرااد !
مع قالهاا تلفت لمصدر الصوت ودغيا تبدلو ملامح وجهوو لتفااجئ طلق من ايد البنت وقال: ايمااان ههه والله حتى هي ههه
ناضت كضحك جرات الكرسي وسلمات عليه من وجهوو وسلمات على السيدة معاه لي قدمها ليها على اساس مرتو
مراد: غبرتتيييي علييناا
ايمان: ههه شنو كدير فبلجييكاا
مراد: جيت غير ڤاكونص والمدام بلجيكية اما انا مستااقر ف مدريد
ايمان: وايليي مزييان ضبرتي على كاورية ههه
مراد: والله حتى غير الزهر وصافيي من وراك بشي عام سيفط ليا خويا كونطرا وجييت هناا ...كيجاتك المدام هههه
ايمان: تيتيزة ههه ديتي الزيين
مراد: عرفتي شحال حاولت نتواصل معاك فانسطاا
ايمان: بصح !! معرفتش والله عرفتي مدة مببقيت قريت المساجات تشغلت
مراد: وبزااف تاع المراات ...سيفط ليك حتى فلايميل ديالك ولكن مرديتيش قلت صافي ايماان وصلات لشهرة نساات ايام الراي مع مراد
ايمان: ههههه لا لا والله منسيييت (شاف حذيفة وراهم جايي رمى السلاام عليهم )حذيفة هدا مراد كنت كنخدم معاه فيديوات ف المغرب ...عقلتي على واحد الحفلة كنا درناهاا فواحد الفيلاا راه كنتيي
عطاه ايدو سلم علييه وقال: مم عقلت ...مشرفيين
مراد: الله احفضك اخوياا
ايمان: شنو درتيي نتاا كملتي فالدوميين
مراد : لي فالد_م فالد_م ههه كملت ومزال كنخدم على راسي شوية بشوية حتى نطلعو هههه ...(جبد لكارط ديالو )ها لكارط دياليي يااك ابخي نهدرو ...دابا عندي الطيارة خاصني نمشيي
ايمان: صافي ان شاء الله
دارت لكارط ف الصاك ورجعات كلساات قدام حذيفة لي حجبانو مݣرونين فيها كيشوف وسااكت حاط صباعو على فموو والايد لخرى كيربت فيهاا فوق الطبلة ... حساتو كيجلدها وخافت تدويي ويعطيها
ايمان: اجي نسولك ...فديك الحفلة نتا شنو كنتي كدير تما !
حذيفة(سااط ): مشيت مع واحد صااحبيي ..شكون هدا !
ايمان: كنا حنا فرقة بلاتيي نورييك "وراتو لاشين القدييمة لي كانو دايرين ف المغرب " مراد قرا الموسيقى وكان استااد فليسي ديال الموسيقى وكيلحن ولكن معرفتش دابا شنو دار
حذيفة: ممم ...خاصني نوض غير 5 دقايق باش يتجمعو علييك زعمة
ضحكاات وقالت: شنو ندير نجري علييهم
حذيفة: لاا حاشاا ...نمشييوو !
ايمان: مم ياله
هبطوو شدو طاكسيي ومشاو لمتحف هاري بوتر ملي دخلو وهي كتصوور وهو موراهاا تنفس شوية من ورا مكان كاعي وبرد ... دخلو كيكتاشفو البييوت والكتب والعصا السحرية والطائر لي كيبان ليهم فوقهم بتقنية الهيليغرام دوزو فيه ساعة بحالا كاينين وسط الفيلم تماما كتاشفات كلشيي وخرجوو من تماا والوجهة لجردة كبيرة بحال شكل ملاعب الغولف ...كتوسطهاا بحيرة صغيرة كيتمشااو وسط الشجر والورد كيتشاركو الهدرة فلحظة بجوج سكتوو كيتمشاو وساكتيين بجوج حتى قربو لبحيرة وكلسوو على لݣازو ...كتشوف فشي وليدات بعاد عليها كيلعبو حداا باباهم وماماهم وكتبتااسم لضحكهم
كان كيلعب بواحد لوريدة فايدو صغيرة شافت فيه مبتااسمة
هز ايدو لي فيها الوردة وحطها ليهاا وسط شعرها وتبسم ليها
ايمان: حذيفة
قلب وجهو لجهتهاا وقال : اش تما
ايمان: نسولك بصراحة وجاوبنيي
حذيفة: هدشي فيه الصراحة هه ونوضي بعدا راه الارض فازݣة
ناض ونوضهاا كيتمشاو شادة الوردة وقال: اش بغيتي تقوليي !
وقفات قدامو كتلعب بالوردة فايدهاا :فهاد خمس سنين لي دازت معمرك تعرفتي على شي بنت ؟
حذيفة: على اساس شنوو
ايمان: نتا عارف شنو بغيت نقصد اشمن اساس بغيتي ههه
حذيفة: وغير بغيتك تحددي وصافي
ايمان: زعمة عمرك بغيتي شي وحدة فهاد السنين لي دازو
حرك راسوو بلا وقال: مكنتش مسالي ...دابا عاد كونجي
ايمان: كضحك علياا هههه حرام علييك كنهدر بصح
حذيفة: راه جاوبتك قلت ليك لاا
ايمان(ربعات يديها قدامو ) علاش زعمة !
حذيفة: ضروري خاصنيي نبغي شي وحدة باش نعيش ولا
كانت كتسناه يقوليها حيت كنبغييك او شي حاجة بحال هكا ،صدق كيجاوبها بطريقة باردة معطاهاش حتى فكرة بلي كانت فحياتوو
ايمان: بغيت غير شوية من برودية قلبك
حذيفة : شنو بغيتي ديري بيهاا
تلاشات ضحكتهاا قدااموو وقالت :باش نسااك كيف نسيتيني... اناا باغة نعرف حاجة وحدة باش نكون مرتاحة واش نسيتيني ! والى كنتي نسيتيني الى كنت بالنسبة لييك بنت عادية علاش كدير معايا هدشي كلوو علااش (بحيرة ورجفة بصوتها ) ولا كنتي كتبغيينيي علااش قدرتيي تغبر عليا هاد السنين كلهاا بلا حتى متسول فياا ! ديتي معاك قلبيي ومشيتي !
كتشوف فيه بنظرة ضعف وهوا كيرمش وكيشوف فيهاا ومترقب كلامها ليه وقالت : كنبغييك
الحب هو رؤية السعادة في الشخص الآخر واعتباره أكثر أهمية من أي شيء اخر...
الاعتراف بالحب كيخلييك تحيد ديك الضبابة على عينيك كيخليك تعرف راسك من رجلييك باش تزييد ولا تحبس فديك المشااعر العاطفية من جهة شي شخص استثنائي ...
ايمان : كنبغييك احذيفة
كيشوف فيهاا ويقرا ملامح وجهها وعينيها...جبد ايدو من جيب وشد ايديها البارين وسط دفئ ايدو وهز عينو فيهاا بصوت هادئ قال: فنظرك واش هادشي لي كنديرو معاك نقدر نديرو مع اي بنت دازت فطريقيي ولا شنوو !
ربي شاهد علياا بليي بغيتك حب نقي تمنيتك لياا لديماا ...لا الوقت ولا السنين لي دازو محاو شي حاجة من هادشي
ايمان(طاحت دمعتها) : وعلاش خليتيني
حذيفة(مسح دمعتها باهتمام ) : حيت شفت بلي انا ويااك صعيب نكملو غنجرحو بعضياتناا وخفت نولي انا ويااك عديان قلتها وغنعاودهاا،قلت اللهم نبعد حتى لتلاقيناا الصدفة نضحكو فوجه بعضياتناا ماشي نبدلو الطريق
ايمان: على اساس نهار جيت عندك ضحكتي فوجهيي
طلق من يدها منهد وقال: لوكان تعرفي بشنو حسييت نهار مشييت وخلييتك وراياا كنتي غتعدريني ا ايماان مكانتش سااهلة علياا نخلييك وفوق هادشي كنشوفك فرحانة وعايشة حياتك فالسطورياات ،شنو بغيتي ندير ؟ ااه شنوو نرجع نبكيي علييك باش تعرفي بليي كنت كنبغييك ! شنو كنتي كتسنااي مني بدييك الهدرة
ايمان: نتا حكمتي على السطوريات ...مشفتيش العداب لي خليتيني فييه
حذيفة: فكرت فراسي ديك السااع معرفتش مكانش باين هدشي لي كتقولي فيه داباا ...بينتي ليا بلي انا زايد ناقص فحياتك ...واش كنبان ليك ناقص رجولة باش نميك على ديك الهدرة ونكلس ، هي معرفتينيش مزياان
ايمان: معمري بغيت شي واحد فحياتيي احذيفة، مشيتك وخبارك لي تقطعات كانت بالنسبة ليا صدمة حياتيي مقدرتش نساهاا
حذيفة(باس ايدهاا بلطف وتنهد ): سمحيلياا ... كون رجع بيا الزمان اللور مكنتش نقطع صلتي بيك فخطرة ، كلمة كنبغيك شي حاجة قليلة باش نقولييك شنو عندي من جيهتك ...نتي عششتي فالقلب ، ومعمر شي وحدة وصلات لمكانتك فقلبيي
ضحكات بخجل وتبسم لييهاا جرها عندو وحضنهاا وحتى هي زيرات علييه وغمضات عينيها براحة فصدرو وقالت: كنبغييك بزااف
حذيفة(ضحك ) : حتى انا كنبغييك
ايمان: معمرك تمشي وتخليني مرة اخرى عفااك
حذيفة: منقدرش ،غير رتااحي
بقات مدة فحضنوو بعدات وتبسمات لييه فرحانة
دوزو يومهم الثاالت فالدوران ضاحكيين حتى الجو كان منااسب ليهم كيعشقو شي حاجة سميتها الشتاا والبرد
كلسوو ساكتيين كيمتعو عنيهم فالجو لي تقلب شتاا وهوماا فكافي كطل على الاجوااء الخرافية لتحت ...حطات قهيوة سخوونة مع كريب شوكولا وهوا خدا غير قهيوة
ايمان :يمكن هاد الاياام غنمشي ل ايطالياا لروما
حذيقة(تقلب جيهتهاا) : علاش !
ايمان: عيطو ليا من الفرع تاع كوشي
حذيفة: ليااش زعمة
ابمان: علاش فنظرك ههه
حذيفة: لا زعمة علاش واش روايح ولا حواييج ولا شنو
ايمان: الصراحة معرفتش مزال مامتاكداش لمنادجر مكلف بهدشي انا لي عليا هوا نشوف داكشي واش منااسبنيي ونوقع ،ولكن الصراحة مكرهتش ...مبقيتش بغيت نشد الاشهارات الصغار
كيربت على الطبلة وكيسمع ليها كيفاش كتهدر على الموضوع باهتمام وحمااس وفحلقوو شلا هضرة ولكن شكون هوا باش يعطيها النصائح ...قرصة الاذن لي عطاتو هادي 5 سنين خلاتوو يتعلم يسكت بزاف ويهدر شوية
ايمان: شفتك سكتيي...مالك ؟
حذيفة: لاا غير كنسمع لييك
ايمان: سمعتي لاخر اغنية حطييت
حذيفة(تبسم ليها) مم سمعتها نتي لي كتبتيهاا
ايمان: وكنوجد فواحد الاغنية اخرى (بابتسامة حماسية ) غتكون زويينة ...اتكون هاد المرة مغربية ...غتكون اخر اغنية مع هد المنتج معاياش خدامة
حذيقة: علاش !
ايمان: غيستاقر ف ميريكان وغيخصني نقلب على شي منادجر ومنتج
حذيفة: هدشي عندك معقد نييت
ايمان:ههه شوية
حذيفة(رتاشف من قهوتوو وعينيه لتحت فديك الجردة وشاف فيهاا ورجع هبط راسو كيدور فكاسوو ) وقراايتك!!
ايمان: خاصني نعاود البااك ولا نترجموو معرفتش شنو ندير حايرة
حذيفة: شنو لي حيرك
ايمان: معرفتش. مزال معرفتش ف اشنو نقدر نعطي
حذيفة: الهندسة صافيي نسيتيهاا
ايمان: ماشي نسيتيهاا ولكن (كتحرك فلكااس ) معرفتش مكنشوفش راسي فيها الصرااحة كيعجبوني لوليدات الصغاار بغيت شي مجال لي نقدر نعاونهم
حذيفة: مساعدة اجتماعية
ايمان: المهيم موضوع القراية مزال مأجلاه شوية حتى نعرف مزيان شنو بغييت ندير نقدر ندير مهندسة ديكور
حذيفة: الله يسخر
ايمان: اميين ،داكشي لي كااين
بعد يوم كاامل ضحكوو فيه ونشطو رجعو ادراجهم لشومبر باش الصباح يفطرو ويجيبو دورة خفيفة ويشدو الطريق لفرنسا ف التران هاد المرة
تفارقو عند الباب دخلات بابتساامة شادة تيليفونهاا كتصوني لوديان وكتلعب فالسنسلة لي فعنقهاا جاوباتها الاخيرة وقالت :زيين
إيمان: كيوصلتيي ..كيف لقيتي داركم
وديان: منقوليكش لقييت كلشي مجموع هنا ههه تقول جاية من الحج
ايمان (تبسمات): غيكونو توحشووك عطيهم وقتهم
وديان: كيداز النهار شي جديد
عضات على فمهاا ومشات لجيهة لبالكون مسدود متكية على الزاج نفخات النفس حتى ضبب الزاج وكتبات اسمه بالعربية وضحكات وقالت: صبرت حتى عييت وقلت لييه بليي كنبغييه
وديان: كطنزي ؟
ايمان(ضحكات )لا والله تا بصح هههه عييت نبقا ساكتة وهوا ساكت
وديان: وكيفاش تصرف معااك من بعد شنو قاااليك ؟
ايمان: قالياا حتى انا كنبغييك
وديان: وعلاش زعمة بقا ساكت ومقاليك والو
ايمان: عرفتي شحال من مرة كان كيلمح لياا وكنصدوو هاد المرة سكت ومقال والو حتى قلتها
وديان: اييييه اوى
ايمان: اوى شنو
وديان: وكملي وشنوو قاليك من بعد
ايمان: صاافيي شرح ليا علاش مشاا وقطع معاياا ومن بعد كملنا نهارنا عادي
وديان: دابا رجعتو اونكوبل ؟
ايمان(سكتات شوبة ) قلت ليه كنبغيك اوديان ماشي نتصااحبو ههه
وديان: اوى شنو كيجي من بعد الاعترااف اصاحبتي شنو وقع
ايمان: متصاحبنااش ومجبدش الموضوع (سكتات شوية وتنهدات ) يمكن مبقاش باغي تكون بيناتنا شي حاجة
وديان: وشنو هاد التناقض كتبغيو بعضياتكم صافي بسلامة
ايمان: اناا كانت ديك الكلمة ضاراني فقلبيي خاصو يعرفها قلتها لييه وحتى هواا انا عندو عزيزة والله اوديان هدشي كافيني ...خفت تكون بيناتنا شي علاقة و نخسرو بعضيااتناا والله
وديان: علاقتكم فشكل والله دابا غاتكملو بحال الصحاب ،واش متاكدة قاليك كنبغييك !
ايمان: ممم قالها بواحد الطريقة زويينة (تبسمات )عمري نساها ...شوفي سيريي شبعي من داركم ودوزي وقييت زويين
وديان: ضرني هدشي فراسي مكرهتش نعرف مخو اش فييه
ايمان: ههههه ياله سيريي خليني نمشي نرتااح
قطعات معاها والابتسامة مفارقااتش فمها لبسات بيجامة بسروالها سخونة ..خلات شعرها على راحتوو تريحاات وخرجات لبالكون يضربهاا البرد كتسمع فحذيفة كالس فلكرسي فلبااكون كيكمي وكيهدر ابيل فيديو فالتيليفون كانت اول مرة تسمعو كيهدر بالأمازيغية السوسية لانه الجذور ديالو من اكادير
كان كيهدر متقل ومتبت كيف عرفاتو ديماا جاها فضول تعرف هاد الشخص لي كيبان ليها هي فييه اي حاجة زويينة شنو الحاجة لي مخلياه فصراع مع بااه لدرجة يقاطعو فلهدرة
تكات على الزااج كتسمع صوت بنية صغيرة كتهدر معاه بلعربيية وشي كلمات بالشلحة كيضحك معااها ويرقق صوتو بحالهاا كتشوف قدامها وكتبسم ...معندها فيمن تسول جات فبالهاا نجاة سيفطات ليها مساج فنمرتها كتسولها على الاحوال ديالهاا وزواجها وبنتهاا ورجعات حطات التلفون فوق الطبلة حتى حركات لڤاز من وراها سمعاتو سالا الهدرة و وقف محني على الزااج حتى تقابلو وضحكات وقالت: فين السوسي شحال من عام مسمعت الشلحة ههه
حذيفة: معندك معامن تهدري بيهاا داكشي علاش ونتي اصلا ماشي شلحة باش تعرفيهاا
ايمان: ههه علمنيي ونهدر بيها معاك كتعجبني ،شكون هاد لبنية معامن كنتي كتهدر صوتها كي شي فارة
حذيفة: الفارة ديال العائلة هاديك ههه
ايمان: الجو واعر لتحت
حذيفة: بغيتي تهبطيي ! ولكن راه شتاا
ايمان: نهبطو نگلسو تماا مغطي على الشتاا
حذيفة: واخة ياله
دخلات كتنقز لبسات سورفييت وسبرديلة ديالهاا وخرجات عندو لقاتو زاد على سورفييت تجاكييط خفيفة وقال: راه البرد لبسيي
ايمان: لاا كيعجبني نحس بلبرد
حذيفة: نتي هي نتيي
ضحكات وهبطوو لجردة ديال الاوطيل كيتمشاو فوسطهاا كلسو شوية فواحد الارجوحة مغطية من لفوق ومفرشة بحال الفطوي كيدفعها برجلييه وكيتفرجو فالشتا كطيح فلبيسين المضويي الجو اكثر من شااعري ...ساكتيين جبد الكيت بلوتوت ديالوو عطاهاا وحدة شداتهاا بابتسامة دارتها فودنهاا وهوا دار وحدة وبقا كيقلب فسبوتيفااي
حذيفة: ندير لييك لخاتر تاع الطرب
ايمان: نعرف دوقك هههه
مع بدات الاغنية ضحكات وقالت: جورج وسوف هدا ههه
حذيفة: سمعي وسكتي
ضحكات مربعة ايدهاا كتسمع تشافتوو وقف متبعاه بعينيهاا حتى تحنى ومد لييها ايدوو ضحكاات ومتردداتش تعطييه اييدهاا
جرهاا على انغام الموسيقى لي فودنهم دخلاتهم فجو رومانسي وشاعريي وملييئ بالاحاسيس دورهاا علىى راسهاا وشعرها كيتمايل معاها جابها لعندو تحت الشتاا شابك يد والتانية وضعها من ورا خصرهاا وهي كضحك وعاجبها لحال لابعد الحدود كيبعدها علييه وكيرجع يجرها عندو وهي كدور حتى كيجمعها مع صدرو هادشي كللو و الشتا خداامة والموسيقى فودنهم وضحكتهاا سامفونية اخرى فودنييه
كانت اول مرة من زمان بعييد ضحك من قلبهاا وتفرح
كلمات قمر الزمان وديع مراد
لو رحتي بتضلي بقلبي وبعيوني كمان
وعشفافي اسمك يا حبي بيغرد عشقان
وع بالي بتبقي ع بالي يا اجمل انسان
يا نجمة بتضوي ليالي وبتشعشع حنان
طلي هلي يا قمر الزمان
ياما عينينا ياما ايدينا
حكيوا عنك حكوا عني وقالوا عشاق
ياما ليالي القمر العالي
دل علي ودل عليك وناطر مشتاق
مع سلات الاغنية كان جرهاا عندو حطات راسها على صدرو كضحك سخفاات وشعرهاا لصق على وجهها وقال: يمكن حالف نمرضك هناا
ايمان : هههه الى كنت فرحانة ومرضت ماشي مشكييل ههه
هز ايدييه و بصباعو حيد ليها الشعر لي لاصق على وجهها شد حناكهاا بلطف تحسس رطوبيتهم وهي كتشوف فييه بورش احساسها باييديه كتشوف فعينيه وشفارو وشعرو لفازݣ بشتاا شافتو تحناا عندهاا غادي لجهة حنكهاا استسلماات لدغدغة القبلة على حنكهاا حسات بالرعشة من صبع رجليهاا مكتافاش بوحدة قبل ميفصلهاا عاودهاا فنفس لبلاصة باحساس كثر
حسات برجليها خواو وطلعات معاها الرعشة والحشمة والرهبة من ديك اللحظة تخلط عليها كلشيي وبعدات باحرااج وقالت: نمشيوو
حذيفة: ياله قبل ميضربك البرد
بقا شاد فايدهاا عطاتو لكييت وطلعو لاوطيل مرة مرة تهز عينيهاا فييه يتلاقاو عينيهم ويتبسمو لبعضياتهم
"
يتهمون الحب بالاعمى ،وانا بك ابصرت الحياة
*
مسخاتش بييه ومسخاتش تسد الباب عليهاا و تنفارد براسهاا
حذيفة: سيري بدلي دغياا ..تصبحي على خير
ايمان: تصبح على خير
طلقات من ايدو بزز ودخلات لبيت سداتو وتكات علييه شادة فصدرهاا ...كانو هاد اليوماين لي دازو من اسعد ايام حياتهاا
دخلات لدوش بنشااط كدوش وكضحك كتفكر رقصهم تحت الشتاا وكيفاش كيشوف فيهاا ...كيفاش كيعنقهاا كيفااش وكيفاااش وكيفااش
بزاف الحوايج دارهم معاها زوينين واش هدشي هوا لي كيسمييوه لهفة البدايات ولا العشق
رجعات لبسات بيجامتهاا نشفات شعرها و ظفراتو ومشاات لبلاصتهاا تغطات هزات تيليفونها وبلا متردد كتبات لييه : شكرا بزااف على هاد الايام الزوينة لي دوزت معااك سنين هادي مقدرت نضحك من قلبيي مع شي حد اخور الحاجة الوحيدة لي كانت كتفرحني فحياتي هي ميمتيي ومن بعدهاا جيتي نتاا خليتي فقلبي ذكريات زويينة الموت بوحدها لي تنسيني فيهم ، شكرا بزااف
كان كالس فلفطوي كيكميي والتيليفون فايدو كيتصفح فيوتوب حتى طلع ليه مساج من نمرتهاا ...تقاد فلكلسة ورجع ظهرو على لفطوي كيقرا باهتمام والابتساامة على شفايفو
حط لكارو وتحنا على ركابيه كيكتب ليها ميساج بالمختصر المفيد ؛ قدامنا طريق طويلة مزال نديروو احسن دكريات ان شاء الله
تبسمات لداك الميساج حضنات تيليفونهاا وتكاات كتخيل الاحلام الورديية معااه ولا شاغل كل تفكيرهاا واحلامها منهنا القدام دائما فيها حذيفة
اليوم الاخير فبلجيكا فاقت شبعانة نعااس دوشاات جمعات الشانطة ديالهاا دارت سطووري من بالكوون الشومبر وكتبات بالانجليزية : الايام لي دوزتها هناا معمري غادي نسساهاا
لبسات عليها لمونطو ديالهاا ومشات كدق على بيت حذيفة
حل عليها الباب والاخير كان واجد كيسد ف الساعة فايدو وقال: شوفو شكون صبح فايق
ايمان: ههههه واجد نهبطو نفطرو
سد الباب وهبطو بجوج فطرو وخرجو دوزوو نهار براا شافو لي مزال مشافوهش رجعو خداو حوايجهم وشدو طاكسي فالعشية باش يمشييو فتران هاد لمرة
شدو بلايصهم بيناتهم طبيلة صغيرة قبالة الزاج حطو اللعبة الشهيرة قدامهم" بارشسيتي " يدوزو بيها الوقت
ايمان: شنو دابا ندير
حذيفة : طلعي ب 6
دارت شنو قال لعبوو و التران شاد طريقو مع غروب الشمس
حذيفة: ايمان
تقلبات جيهتوو بابتساامة و الشمس ضاربة فيهاا حاطة ايدها على حنكهاا ...شد يدها لمحطوطة على الطبلة شابكها مع ايدوو كيداعب صبااعهاا وقال
حذيفة: خاصناا نوضحو شي امور
حركات راسهاا باه وعطاتو تركيزها وقالت: كنسمعك
حذيفة: هدشي لي بيناتناا خاص تكون ليه سميية نعرفو راسنا شنو كنديرو ياك ؟
ايمان(قلبها كيضرب )مم
حذيفة: اناا حالياا وحذيفة ديال دابا 33 سنة خداام والحمد لله مستاقر فالعلاقة الوحييدة لي غنطلب منك ...هي تكوني مراتيي على سنة الله ورسوله...انا مباغييش شي حاجة ديال شهر ولا عاام انا بغييتك لديماا كيفما نتيي باغاني .. حتى انا باغيييك فحياتيي كلهاا ...باغييك لحلاال ا ايماان تقبلي تزوجي بيا ...
كمية الاحاسيس تخلطو عليهاا فاجئها ومتوقعاتش نهائيا يتطرح عليها سؤال بحال هداا ...طلعاتها التزنيݣة والحشمة والهدرة تلفات ليهاا ضحكات وقالت: فاجأتينيي
حذيفة: انا مبغيتكش تجاوبيني داباا ...بغيتك تاخدي وقت وتفكري مزيان فلهدرة لي غنقولييك داباا ا ايماان
ايمان: كيفااش
حذيفة: الحاجة الوحيدة لي خلاتني نبعد علييك فهاد الاعوام لي فاتوو هوا الاختلاف لكبير لي فحيااتناا ،نتي ختاريتيي واحد الطريق ديال الغناا والفن والاضواء والشهرة وبزاف تاع الحوايج ، انا ماشي ضد هدشي حيت كتبقا حياتك ونتي حرة فيهاا ...ولكن الى كنتي غتقبلي الزواج بياا ...يعني غدخلي لحيااتي ...غدخلي لعائلتي غتوليي منيي وسميتك مربوطة حدا سميتيي ...(تنهد ) لازوون لي كبرت فيها ا ايماان مغيتقبلووش حتى واحد فلمية من حياتك ولكن انا هادشي مكيهمنييش كنشوف الحاجة لي ترضيني اناا
ايمان : شنوو (بغصة ) مراضيش بيياا !
حذيفة: شنو هاد لكلمة داباا ! كيفاش مراضيش بييك
ايمان: فهمتك احذيفة ،بغيتي تقول لكنتي غتزوجي بيا خاصني نتناازل على هادشي لي اناا فييه
حذيفة: ماشي تنازلي ولكن تعرفيي الحدود لي عندك
ايمان(ميلات راسها): وشنو هوما الحدود
حذيفة: تبدلي اللبس ديالك تقبلي الرأي دياليي فشي حوايج كيفما انا غنتقبل الرأي ديالك ...كأي راجل حر منبغيش يتقال علياا ديو_ثي ...عارف بلي تواحد فدنيا مكاامل ولكن الواحد ملي كيبغي الاستقرار كيتنازل على الحاجة لي ترون لييه حياتو ...انا مطالب والوو بغيتي تكملي فهاد الفن تعرفيي لي ينااسبك تغني فبلايص محترمة تلبسي محترم ...حياتي انا ويااك متكونش على السوشيل ميديا نهاائياا... كبرت فواحد الدار ليي الواليد فيهاا كان محرم علينا حتى التلفاازة و التيليفون كان رجل دين ولكن رجل متشدد بزااف وهدشي مبدلاتوش لا الوقت ولا التطور فلبلااد مزال على حالتو ليومنا هدا ...من ديما انا بالنسبة لييه خارج الطريق حيت مخرجتش كيف بغاا ...بالنسبة لييه غير التصميم ونخيط لي غوب لي غيكونو لاصقيين هدشي بالنسبة لييه حراام حرام ومعمرو تقبلوو لياا ...دوزت لقباحة دوزت لبسالة وتسلكييط والضحك ملي كنت ف تمنطاش تسعطاش ولكن ماحد الواحد كيكبر كيبغي الاستقرار والحمد لله حاليا كنشوف راسي مستاقر مادياا وبغييت نكمل ونستااقر معنوياا مع الانسانة لي مقدراتش السنين تبدل بلاصتها فقلبي ...عارف حياتناا بجوج بعاد على بعضياتهم ولكن اناا قابل الى حتى هي قبلات نكونو عائلة ..نتفاهمو على اي حااجة ونتنااقشو على ايي حاجة ...وتكون متاكدة بلي كلمة العيب ماعمرها تسمعها منيي وخة يوقع لي يوقع غتلقاني ديما فجنبهاا (زير على ايدها )والى كان جاوبك عكس هدشي لي قلت تحاجة مغتبدل ونكملوو طريقناا مفرق وحباب وصحاب فهاد لبلااد
كانت كتسمع فهضرتوو ومقادراش دير ردة فعل حاسة باحاسيسهاا تبنجو وخاصها بيت تسد عليها باش تقدر تفكرر فهدرتوو
حذيفة: القرار ديالك كيفما بغا يكون مغيبدلش معزتك عنديي ...من هنا لشهر 3 غيكون واحد معرض لموضة فباريس وغنكون فييه ...بغيت جوابك الصريح مبغيت تحاجة تضغط علييك ...بغيتك تكوني واثقة ف لقرار لي غتاخدييه ومتندميش علييه من بعد
ايمان: حيت كتعطي فرصة مرة وحدة
ضحك وقال: هدشي كان قبل منعرفك ولكن فهادي بصح الموضوع غيتسد ،حيت يا اماا نكملو هاد القصة بجوج يا اماا نكملو حياتناا مع ناس اخريين
ايمان(فشلها ): عندك البديل على هاد الحساب
حذيفة: هههه شفتي عندي شي رويضة سكور ا ايماان غير فنطاق الهدرة وصافي
ايمان: ولكن الى كنتي كتبغيني واش مغاديش تقبلني كيفما اناا
حذيفة(سكت شوية كيشوف فيها )ولكن شي حوايج منقدرش نتقبلهم ...انا معنديش عقلية متفتحة لدرجة كبيرة ...ومعنديش عقليية قاسحة لدرجة كبيرة انا جيت الوسط كنشوف بليي مع الوقت الانسان كيتعلم بوحدو الصح لي خاصو يدير الحاجة الوحيدة لي طلبت هوا احترام الشخص التااني لي معااك ...وخة فنظرك الى تزوجناا واش غتسلمي على راجل اخور من وجهوو ؟ مغنقبلهااش ..وخة تقولي لياا هدا فلاان كنعرفوو
عرفاتو كيضرب على مرااد وقالت: انا هاد الخدمة لي كندير فيها السفر بزااف فيهاا تورنااج بزااف ...انا منقدرش نقولييك بلي هدشي كلوو غادي نخلييه احذيفة
حذيفة: طلبيي وااضح ا ايمان انا طلبت منك تحيديي الحاجة لي غير زاييدة ولي كتشوفيها ممكن منهنا القدام دير لينا مشكييل وراه ديجا هي سباب هاد البعد كاامل
ايمان: اللبس !
حذيفة: اللبس ..والغناا فبلاايص خايبة انا بغيتك تقدري نفسك تقدري صوتك وذاتك قبل متقدريني اناا ولا شي حد اخوور ...العراا معمرو كان رمز الجمال ولا رمز الفن ..هادي ثقافة جديدة باش البنت تحس بحريتهاا وبجسمهاا ولكن نتي كتغني بصوتك مامحتاجااش لشي حاجة اخرى تبينييهاا ...انا بغييت نعرف قرارك ملي تفكري فييه على خاطرك واي قرار خديتيه مغادي يبدل والوو بيناتنا غتلقايني فجنبك فاي وقت
يتبع...
التعليقات
لا توجد تعليقات بعد، كن أول من يعلق.