محتوى القصة
حركات راسها باه وجهها تسللات ليه ملامح الحيرة والتخوف جر يديه ورجعات باللور تكات على الكرسي كتشوف من زااج التران لي توقف فالمحطة ماعطاهاش فرصة تحرك افكارها...دغيا ناضوو خرجوو وتسلمو بكاجهم وغادرو المحطة شدو طاكسي يوصلهم
حذيفة: دابا نييت غتمشي ديكلاري
ايمان: مكاين لااش مبقا وصلني والو
حذيفة: متاكدة
ايمان: ممم
كانت فقط بغات تنفارد بوحدهاا وتفكر وترتب افكارهاا وصل معاها لباب العمارة توادعوو باش يتلاقاو من هناا اسبووع او اكتر على حسب هوا كمل طريقو لمطار لي كان ديجا مقطع بليل
كل واحد فيهم غادي وكيفكر فالطرف التااني كيفاش غتكون حياتهم الى تجمعو بجوج ! كيفاش غتكون الى كل واحد شد طريق مختالفة على التااني
حذيفة خلاها فيد الله ولي مكتاابة غتوصل الى كانت ايمان فرزقو مكاين لي يحيدها لييه
اما ايماان مغناطيس الهم وكثرة التفكير المفرط ...كلسات فالصالون وسكات مكاين حد مربعة ايدها وكترجع فالهدرة حرف بحرف فعقلهاا
واش هي قادرة تشارك شخص اخر حياة وحدة
كتبغييه ولكن جاتها مسألة الزواج مزروبة وهي فوضع ماحاساش براسها مزياان الرجال بصفة عامة والازواج بصفة خاصة لي دازو فحياتها معطاوهااش امل فالزوااج ولا فالحب ورا زوااج حسام ونورة كان كيحماق عليها وفاول فرصة بغا يخونها مع بنتهاا ، الكوبل لي كبرات معاه كثر عبد الله وخولة الرجل السلييط والزوجة الضعييفة لي دوز عليها الصرااط وخانهاا مرة وجوج وعشرة وسكتات باش دارها متشتتش ، نجمة وكريم الثنائي لي يكرهك فزوااج
شكون الضحية فهدشي كامل وفهد الازواج كامليين هوماا لوليداات
هدا هوا الزواج لي شافت ايمان فحياتهاا شافت رجال غالبة عليهم شهو_اتهم ومكيفرقوش بين مزوجة ولا طفلة ولا مطلقة المهم يلبي رغبتوو
دياق صدرها وهي كتفكر مجموعة ديال لمراات لي تعرضات فيهم لتحرش من الجنس الخشن
بورش لحمهاا وشداتها لخلعة فلمعدة حسات بصدرها كيديااق عليهاا مشات بجري لبالكون يضربها لبرد
كتحاول ما امكن تعيش طبيعية ولكن مقادراش المااضي حبالو شدات فحاضرهاا و دكرياتهاا خلاتها كل مرة ترجع السينتة لكئيبة لي كترجعها لحالتهاا الميؤوس منهاا
مبقاتش كتشوف نقطة ضوء فشي علااقة خايفة تشتت خايفة ديك جمرة الحب تطفاا بيناتهم بعد الزواج ويغلب عليهاا العتااب والخصاام حتى كيولي يبان ليهم انسب حل هوا الطلااق
من دابا كتحس بالضيااع وبليي موضوع الزواج مغيناسبهااش غايعرف ماضيهاا يقدر واحد نهار يعايرها بيهاا
داخت كدوور بووحدها فداار حتى تخنقاات ومبغاتش تبقا بووحدهاا بكات تعياات وجبدات تيليفونها كتصوني لنصيرة الاخيرة جاوباتهاا بفرح وقالت: وهانتيي شكون تفكرني
ايمان(نضفات حلقها )نصيرة بخير اختي
نصيرة: صافا بب ونتي ؟ صوتك مهواش مالك
ايمان: واش نقدر نجي ندوز معاك واحد دوجوغ مبغيتش نبقا بوحدي فداار
نصيرة: بيان سيغ شيغيي مرحبا بييك نجي ندييك ؟
ايمان: لا بلا متعدبي راسك غنجي فطاكسيي
جمعات صاكها ولي غتحتاج خدات طاكسي ومشات لدار نصيرة سلمات عليهاا ودخلات كان لحال ظلام وقت العشاا لقات نصيرة موجدة بيتزا وعصير كتسناهاا تعشا معاها كلسوو فصالون دارهاا لي حتى هي بصالون مغربي بسييط دار صغيرة على قدهاا متولاهاا ومخلية فيها لمسة تمغرابييت
نصيرة: كيداز السفر مع الحب
ايمان: ههه زويين ...بلجيكا واعرة اصااحبتي
نصيرة: سيي بصح كتكون فنة فهاد الشهور شي مرة نمشيو ليها مجموعيين ندوزو الحماق تاني
ضحكات ايمان شادة حنكها والشهية مسدودة ليها بلخلعة
نصيرة: شاغلاك شي حاجة
تنهداات حتى كيصوني تيليفونها لقات وديان جاوباتها بابيل فيدييو كاتسولهم على الاحوال حاطين التيليفون على الطبلة وكياكلوو
وديان: ناري واحد القنط خنقوني النااس
نصيرة: صبري اصاحبتيي مربما ضبري على شي عريس من صحاب باباك الناس الهااي
وديان: سيري تخراي تانتيي
ضحكوو وايماان كضحك وعقلها مكاينش معاهاا حتى نطقات وديان وقالت: شنوو درتيي مع حبقلبك
ايمان(هزات عينيها فيها بهدوء تبسمات ) طلب مني الزوااج
نصيرة(بصدمة): حلفيي
وديان : العااار (بحماس )عاااودي اصااحبتي ونتيي مصدوومة اش وقع
ايمان: هدشي لي كايين طلب مني الزوااج وقاليا فكريي مزياان قبل متجاوبينيي ...طلب مني باش منبقاش نلبس لمعري منبقاش نغني فاي بلاصصة حياتي انا واياه تبقا بعيدة على سوشيل ميدياا (ساطت ) معرفتش ترونت
نصيرة:علاش غترونيي اصااحبتيي كنشوف عادي يطلب منك شي حاجة بحال هكا
وديان: كيفاش عادي ! الى مشات حتى وافقات على شروطو غدا يقوليها مبقيتيش نتي تغني فخطرة وهاهوما فلمشاكيل من ديباار
نصيرة: متكونيش هكا ا وديان ...واش هوا زعمة معارفهاش كتغنيي ؟ شنو غيقولييه يحبسهاا هوا الحاجة لي شاف راسو غيهدر عليهاا من بعد الزواج سبقها ليها داباا متغنيش فبلايص مشبوهة لي ريستو بيان سيغ لي تيكونو مخلطيين ومتلبسش معري
وديان: غدا يقوليهاا متسافريش مع صحباتك متخرجيش بووحدك مديريش مكيااج مطلقيش شعرك متنفسيشش
نصيرة: زدتي فييه
وديان: شوفي انا عارفة هادشي ماهواش ولكن بغييت نهار نقرر نحيدو نكون انا مقتاانعة بييه شخصيا ماشي تفرض علياا من الرااجل مالو هو كامل مكمول زعمة هابط من السماا معندوش ديفوات ؟
نصيرة: شتي نتي ميقبل عليك حد بهد لقباحة لي فييك
وديان: شكون قالييك بغيت شي حد يقبل علياا ااانا لي نقبل علييه ويفتاااخر بيهاا
هي فهاد الحوار كامل كتسمع ليهم وساكتة شادة حنكها بحال الا ماشي هي موضوع النقاش كتشوف هي فشنو دماغها هاد الشروط لي طلب هي اخر همهاا هي كتفكر فداكشي لي متقدرش تقبلو كامراة من كترة التح_رش لي تعرضات ليه ولاات حساسة من زواج والعلاقات الحميمية ، نطقات موقفة حوارهم : ونزيدكم باه فقييه وراقي
نصيرة: حلفي ! (تلفات )معرفت اختي والله
وديان: ايمان خودي وقتك وفكري نتي شنو مسلكك مبغيتش نأتر علييك بافكاري ولا نصيرة تأثر علييك ...باش تزوجي بشي ولد من عائلة متدينة كيف قلتيي ليا وكيف قالييك داك نهار بليي خواتاتو كلهم لابسين الخمار وبليي بااه مهدرش معاه غير حيت ختار يكون مصمم فراه حالتك صعيبة ،معرفتش انا شخصية حذيفة معاك باش نحكم علييه يقدر يكون انساان كيعيش حياتو ليه ماشي لناس الى كان هكا فراه غتكونو بخير الى هوا كيشوف فعينين النااس وشنو غيقولو علييه فكوني أكيدة غيقولييك اعتازليي حيت باا فقييه
ايمان: ماظنيييتش ماشي لهاد الدرجة
وديان: صافي حنا غنسكتو خودي قرار لي يناسبك نتي باش متندميش ...الحب بوحدو مكافيش باش الزواج يطول خاص الصبر خاص المفاهمة خاص خاص خاص انا عيت انا مبغيتش نتزوج ههههه
نصيرة: الله يستر منك نتيي
فعلا كيف قالت انها غتاخد القرار لي ينفعهاا وليي تكون مقتانعة بييه
فرشات فالصالون شادة تيليفونها وعقلها خدام بغات تلف وفكرات تهدر مع مراد تلف عليها الموضوع شوية حيت بدا كيطير ليها لمورال ..صونات لييه شادة لكارط ديالو فايدها حتى جاوب ب :اولاا
ايمان: مرااد
مراد: سيي
ايمان: معاك ايمان
مراد: اااه ايمان ههههه وافيين بخير وقلت واش نسيتي نمرتي عاود
ايمان: ههه لا لا غير عاد رجعت لدار فين رااك
مراد: انا رجعت لداري شنو اخر الاخباار عندك
ايمان: والو غير الخدمة
بقاو كيتداكرو فامور الخدمة شنو دار فهاد السنين وفين استاقر وفيين وفيين توصلو ل مدير اعمالهاا وبليي خاصها تلقا البديل قبل ميمشيي
مراد: اش بان لييك نكملو منين خليناهاا انا راه بدييت كنخدم مع منتجيين هناا
ايمان: غنجيو هاد الاسبوع نييت ل روما ونهدرو فهدشي كتر
مراد: قلتي ليا غتكوني ف ݣوشي
ايمان: سيي نشوف شنو الشروط ديالهم
مراد: وقرااي مزيان تاني دوك العقوود وعرفي فين كتوقعي
ايمان: باقة تدار بياا كنت غنمشي لحبس بااطل
مراد: هاد لݣور مكنتيقش فييهم كيبغييو يخرجو منك كلشي وكيتسناوك غير تغلطي معاهم باش يقلبو عليك كلشي
ايمان: انا خدمتي غادي نديرهاا لمهيم ملي نجي تماا نهدرو كتر
سلاو الاتصال ورجعات لتفكيرهاا بييه رسلات ليه ميساج فييه : وصلتي
خدا وقت طويل باش جاوبها وقال: مزال فايقة ..ياله وصلت
ايمان: مزيان ..على سلامتك ..تصبح على خير
رد عليها كدالك وبقات متكيية كتقلب فبلاصتهاا فينما تغمض عينيها تجي صورتو فبالهاا
دوزات يومايين من التفكيير بين قلبها لي باغييه وبين عقلهاا لي مرضها بالافكار السلبية ...دارت بوز لافكاارهاا وبدات خدمتها
الاسبوع اللول كان خاصها تمشي لايطاليا باش تلاقاا مع الماركة العالمية كوشي الى تافقو على الشروط غتسني معاهم كونطرا
فعلا شدات الطيارة هي ومحمد ودارت باش تلاقاا مع مراد وتعرفو ب محمد هوا لي غيرافقهاا مع محمد لشركة ..قرات النص لي عليهاا وعطات شروطها حتى هي تافقو على المبلغ وعلى العقد لي غيكون لسنتيين غتكون وجه اعلامي ل صيكان وحتى لحوايج لي كان شرطها انهم يكونوو مامعرينش بزاف ...حيت بزااف من حوايج كوشي كيكونوو غير ميترو ونص ديال الثوب وشي مرات غير خيوطة هدشي هي مبغاتوش فكان الاختيار انها تلبس كساوي او كومبلي نسائي ومعاهم صااك
خدا منهم اسبووع اخر من التجهيزات لاشهار لاعلاميي ..بدلو ليها تقطيعة ديال شعر ولماكياج كان جريء كان اول اعلان فلمطار لصيكان كبار كيتبدلو ليهم وهي وشخص اخور لباسها كان عبارة على تريكو لاصق بصدايف محلولين حد الصدر وسروال بوي فراند ثوب وسمطة سوداء من كوشي نظاظر كوشي وصيكان كدالك لاشهار تصور فيومايين ومن بعد بقا التصوير ف الاستوديوو مع مجموعة من العارضاات ومنهم مشاهير كل وحدة منهم بلبااس مختلف ولكن هي فضلات يكون لبسها محترم حيت مقارنةً مع لبنات لي معاهاا فكانو مغطيين عوراتهم فقط
سلات التصوير منهناا ومحمد كان موجد ليها سفر اخور لبلاد اخرى وبالضبط لمصر ام الدنياا باش دير جينيريك لاحد المسلسلات لي غتنشر ف رمضان
15 اليوم دوزاتها كلهاا جري كطيح دودة بالعياا وكترة الوقيف والتصوير والكاميراات عينيها ضروهاا ...مرجعات لدار حتى ل اللول فشهر 3
دخلات لدار وهي عارفة بلي وديان كايينة حيت جات سيمانة هاديي دخلات بالشانطة ديالهاا و قالت : دودو
طلات وديان من الصالون وقالت: على السلامة
ايمان(عنقاتهاا ): ماخداماش
وديان: ياله كنت خارجة وتسنييتك اناا وكريس
ايمان: كريس !
طلات فالصالون كيبان ليهاا كالس كيضحك تبسم ليهاا وقالت: هيلووو
كريس: مبقيناش كنعرفو نوصلو لييك
وديان: متهدرش مع الوجة الاعلامي مبقاتش غتعرفناا
سلمات عليه كضحك وكلسات كتسولو على بنتوو وفين استاقر
ايمان: كيفاش كانت العطلة فلمكسيك
كريس: مزال كنتسالكم تمشيو معاياا
وديان(بلعربية )بغيتي تصفيها لينا نتا هههه (تكلمات معاه)وقت لي خديت كونجي نمشيو علاش لاا اما ايمان حالة خاصة غتزوج
ايمان(شافت فيها بصدمة ) : عرضت علييك لشي عرس
وديان: عندي احساس
كريس: فهمونيي !
وديان: عقلتي على دااك (عرضات ايدها كضحك )
كريس(ضحك ) صديق ايمان
وديان: معمرو كان صديق هداك حبيب الحبيب
كريس كيضحك منيتو وايمان مربعة ايدهاا كتشوف وديان كطنز عليها بهاد المفهوم
وديان: طلب ايد ايماان
كريس: خبر زوين هدا هههه
ايمان: هاد الساعة مزال مقبلت كتسبقي الأحداث
وديان: عندي الحاسة السادسة ...مزال مجاوبتيه !
ايمان: مساليتش نهائياا ياله دابا غنفكر براحتي ...اجي كاين شي عرض لموضة فپاغي
وديان: فكرتيني فييه بدا لبارح ويليي على حواييج والشووووهة الى بغيتي العشية نخرجوو تشوفيي حوايج لبال فين تبان الطاليان فلموضة
كريس: فعلاا ايطاليا بلاد الموضة بامتياز
ايمان: نخليكم نمشي نرتاح عييت راسي كيدور
ناضت مخلياهم بجوج دخلات لبيت وسدات عليهاا منفاردة اخيراا ب الحرب لي فراسها وتفكر بخاطرها على لقرار المصيري فعلاقتها مع حذيفة لي طول هاد الايام فتواصل معاه بكلام عادي معمرو جبد معاها الموضوع كان كيسولها شنو درتيي شنو درتي فالتصوير كيدوزتي نهارك لاا غير
كتمشي وتجي فلبييت كلسات على السرير شادة التيليفون حتى بدا كيصوني فايدها خلعهاا لقاتو هواا بقا كيصوني حتى كان غيقطع وجاوباتو تالفة
ايمان: الوو حذيفة
حذيفة: ايمان بخير وصلتي لدار
ايمان: وصلت شوية هدا ...نتا امورك بخير
حذيفة: الحمد لله (سكت شوية وكمل كلامو ) اناا كاين فپاغي يمكن خديتي الوقت الكاافي باش تفكريي وتعطيني جوابك
ايمان: حذ
حذيفة: مبغيتوش فالتيليفون ...لكنتي عياانة خليي تالغدا ولكن انا مركهتش تعطيني جوابك اليووم نقدرو نتلقاو فالعشية !
ايمان(شدات فقلبها لي غادي يسكت ) واخا ...فين
حذيفة : فجردة لي حدا توغ ايفيل مع 6 غنكون تماا ؤك
ايمان: صافي واخا
قطعات معاه وايدها كيترعدوو دخلات عندها وديان وقالت: هضرتي معاه
ايمان: غيتسناني حدا توغ ايفل مع 6
وديان: هاي هايي لبلاصة رومااانسية باش تقبلي الزواج
ايمان : فنظرك نقبل
وديان: قبليي جربيي الزواج ههه
ايمان: وديان كطنزي علياا
كلسات حداها وهدرات بجدية : علاش غنطنز علييك ...الزواج بحالو بحال اي مرحلة فحياة الانسان ...يقدر ينجح ويقدر يكون العكس ولكن متيكونش نهاية العالم عادي نهار تشوفي راسك مبقيتيش مفاهمة معاه كتفارقو حبيا ومريضنا معندو بااس علاش عاطية لموضوع كثر من الحجم ديالو ...غير متولديييش ههه
ايمان: دابا هدا هوا التشجيع لي تعطيني
وديان: ايماان راه غيجي واحد النهار غتفكري فالاستقرار و الزواج ولوليدات هدشي بيان سيغ ...دابا نتي لقيتي حذيفة الانسان لي كتبغييه شنو غيمنعك ترفضي الزواج منوو ...جربيي عيشيي معاه داكشي لي عمرك عشتييه ...تفاهمتوو هاديك احسن حاجة متفاهمتوش كل كيشد طريق لي تناسبوو ...كنشوف ماما كتنصح خوتاتي كتقوليهم بلي العام اللول ديال زواج كيدوز صعيب
ايمان(بخوف): علاش زعمة
وديان: كتسوليني انا مزوجة هههه ولكن كيقولو بليي ديك الساع كتبدا حياة مشتركة خاصك تولفي علييها والراجل حتى هوا يولف كتولييو مداخلين فحياة بعضياتكم خاص كل واحد فيكم يتشارك شنو باغي يدير فهمتي مكيبقاش عندك حرية شخصية كتولي حياتك مشاركة معااه اي قرار بغيتي تاخديه خاص يتشاارك ويقدر يترفض ويقدر يتقبل فهمتي داكشي علاش كيكون صعيب تستاقري ولكن اناا كنقول العكس الى دوك الزوج قبل ميتزوجو حطو شرووط وحطو كلشي فوق الطبلة كيمشي داك زواج بطريقة سلييمة خاص غير كل شخص تكون عندو واحد الشوية تاع الحرية ومتكونش ديك الغيرة الخاايبة وداك الزياار والغوات
ايمان: بهدرتك كنزيد نتلف
وديان: شوفي (رجعات ليها شعرها ورا ودنها )قبليي ...الى مقبلتيش غتبقاي ديما تحسريي علييه اللهم تشدي الطريق معاه ديك الساع غتقتاانعيي
تنهدات وهي كتسمع ليها فالاخير نااضت دوشاات وجبدات كسوة طويلة فلابيض والبيج متقبة ولكمام عراض ولكول v مدورة بلحزام من تحت الصدر ولتحت عريضة ...شراتها من جولتها فمصر ...دارت اكسسواراتهاا الذهبية وخلات شعرهاا مطلووق رشات من الرييحة ودارت مكياج خفيف حاسة بمعدتها كترعد بلخلعة هزات صاكها الاسود بسميطات ذهبية من *gucci " وسبرديلة كذالك من نفس الماركة وصلها ميساج من عندو فواتسااب مسيفط ليها لوكاليزاسيون فين غيكوون ورسل ليهاا صورة وهوا كالس فكرسي فالجردة مقابل مع بحيرة صغيرة وقبالتو البرج
تبسماات وهزات العقد ديالو دارتوو فعنقها وضحكاات كتهبط النفس وطلعهاا
وديان(طلات عليهاا عاد جات من خدمتها )جاية كنجري حسابني تكوني مشيتيي (صفرات)نااااري على كوشي كيتشطح
ايمان(دارت)كيجيت
وديان:وااعرة ناقصك غير خاتم الزواج
ضحكاات بخجل كتشوف فلمراية وقالت : فرحانة وخايفة فنفس الوقت
وديان: ههههه كلشي غيدوز مزيان ...ياله نوصلك قبل منبدل !
ايمان: لا غير خلييك غنشد طاكسيي باش بلا مترجعي فزحام لمدينة عامرة بداك لفيستيڤال
وديان: ؤك ردي لبال وعنداك ديري الدخلة تنقلبك
ايمان: الله يمسخك تء حيدي علياا
دازت فيها كضحك هزات تيليفونهاا وهبطات فالسانسور كتشوف راسها فلمرايية
الاخير كان وااقف مقابل مع لبرج مكمش عينووو من ضواو لمحيطة بيه لي بدات كتشعل شوية بشوية ...هز معمص يدو و شاف سااعتوو وكيشوف واش جاوبات على لميساج لي شافت الاخيرة لي من الخلعة نسات حتى تجااوب
لابس تيشورت بيج ومطلع ليه لكمام مع دجيين ...حاط تجاكيط حداه ليتحرك لبرد كيمشي ويجي فبلااصتوو بتوتر وكل مرة يدوز ايدوو على لحيتوو ويشووف فسااعتوو
جبد من جيبوو بواطة كحلة مربعة حلهاا وكان ضوء ازرق مضوي على خاتم من ديامند بشكل رااقيي مكون من خاتم واحد مدور بحجر رقيق ولفوق حجرة متسوطة الحجم كتبري مع اللون الازرق
سد البواطة بتوتر كيسووط ...خاتم الزواج بنسبة ليه شي حاجة لي مكتعطااش كل مرة خاتم واحد مرة فلعمر لانسانة غتكمل معااه العمر ختار يكوون من الالمااس وخة الثمن كان طاالع ،قيمة ايمان فقلبوو طالعة كثر ،شراه حيت متاكد غتقبل لانه الحب لي كتبين لييه والحب لي كيبين ليهاا ميقدرش يترفض ..كيتسنا فقط قبولهاا من فمها ويطلب منها الزواج رسمياا
تحل باب السانسوور وخرجات منو كتسد فالصاك وكتزرب لتعطل علييه ..خرجات قاصدة الشارع لانو العمارة جات داخلة على الشارع لكبير ...
حسات بشي حد تابعها تقلباات وراها لمدة كتشوف الدنيا خااوية ورجعات كملات طريقها متناسية الامر حيت عرفات راسها ولات غير كتهتر وخايفة بوحدهاا
ارتاطم جسم معاها من اللور قبل متغوت كان سد ليها فمهاا بثوب خانق فيها النفس وكتشم فييه ريحة مجهدة رخاتهاا بحال البنج قبل مترخاا جات طموبييل وقفات بسرعة جنبهاا تحل لباب بسرعة ورماها فطموبييل وطلع حداها ونطق بالايطالية :غبرر دغيااا ...
هزات راسهاا دايخة والاصوات ثقيلة فراسهاا حتى كتحس بايد كتجرهاا من شعرهاا من وراهاا مكانتش عندها القدرة تغوت تكلساات وراسهاا فحضنوو هز ليهاا وجهها عندوو حتى كتشووف ديڤ مبتااسم ليهاا وقال: واخيراا طحتي فايدي
✦
شي وقات كنقول واقيلة الدنيا ضاحكة ليا ،وشي وقاات كنقول بلي الدنيا غير ضاحكة علياا
هبطات وديان غادية لطموبيلتهاا حتى كيبانو ليها نظاظر فلاارض وماشي اي نظاظر هادو تاع ايمان من لماركة لي خدمات فيها
وديان: ويلي اش طاح ليهاا (جبدات تيليفونهاا كتبات ليها مساج باش )نظاظرك لقيتهم هاهوما عندي
كانت التمنية وصلات دازت ساعتيين على الوقت لي كان خااص تكون عطاتوو رأيهاا كلس فلكرسي حاس بخيبة امل مرة اخرى مقادرش يتخيل بليي معبراتوووش معطاتش اهتمام للموضوع ومجاتش
جبد تيليفونو معصب ݣارن حجباانوو وجبد كارو كيكمي فيه وفنفس الوقت كيدوز نمرتهاا ..كيصونيي حتى كيتقطع بوحدو...جوج مرات بدون نتييجة ..حس براسو تشمت ملي عطا لراسو فرصة اخرى
وقف لبس تجاكيط ديالو حيت تحرك لبرد ومقدرش يمشيي من تما حتى يفقد الامل فمرة ...گلس فداك لبرد كايربت فرجلوو مباغيش يبدل لبلاصة كيحاول يقنع راسو بلي غير تعطلات ...بلي غير شاداها شي حاجة وغتجيي التسعود دازت والعشرة تاع الليل وصلات
بدا كايحس بالقلق بلاصة الغضب ورجع كيصونيي و كايدور عينيه على لبلاصة ربما تبان لييه
طلق رجلييه خارج من تماا وكيدور راسوو لتبان لييه ..جبد لعنوان لي عطاتو فاش رسل ليهاا الكادو ركب فالطاكسي ومشاا نيشان لعنوان طلع لدار كيدق فلباب وكيصووني وكيسمع واش كاين شي حد ..بقا واقف حتى كيبان ليه السانسور تحل وخرجات منو وديان حاطة التيليفون فودنهاا هزات عينيهاا فحذيفة وقالت: حذيفة ! بخير
حذيفة: الحمد لله اختي
وديان: عاد لقيتيني كنصوني لايمان تعطلاات ...دخلات !
حذيفة(تقاد فلوقفة من بعدما كان متكي على لحيط ) : كيفاش دخلات فين مشات
وديان: كيفاش فين مشاات ؟ ...واش مكانتش معااك احذيفة !
حذيفة: من 6 وانا كنتسناهاا حتى ل عشرة
خبطات حنااكها بخوف : اويليي راه مشاات تشووفك
جبد تيليفونو بغا يصونيي تقالت : راه كنصووني
درات مكبر الصوت كيصوني والو حلات لباب بالساروت وقالت: دخل (بتاكيد)دخل احذيفة
دخل ورااهاا وقفو فالصالون كيصونيو لييهاا كيشوفو اخر سطوري لاحت كان فيديو قصير فيه كلام قاصوو
**
في بعض الاحياان ،يجيك شخص ..يجعل ظلامك نور ،ويجعل من الليل الي فييك شمس
شخص يحييك بعد الموت ،فيه من هو على هده الارض ..قادر على اشعالك بعدما انطفأت
من ظلم الليالي
من ظلم السنين
من ظلم البشر
يكون هو فقط العوض الجميل
**
سمع الفيديوو كيمسح فجبهتوو وديان كتصوني ل نصيرة ولكريس واش تواصلو معاهاا
حذيفة: غنمشيي لبوليس
وديان: صبر نمشي معااك
سدات لباب مشاو بطموبيلتها لمركز حطو الشكاية وكيف كانو متوقعيين مكياخدوش امر الاختفاء بجدية لشخص راشد
_شحال تقريبا تاع الوقت بااش غبرات
حذيفة: 6 الساعات داباا
تبسم الشرطي وقال: تقدر تكون سافرات ولاا بغات تبقا بوحدهاا ولاا تقدر تكون مبغاتش تشووفكم
وديان: كانت خارجة باش تلاقاا معاه كيفاش كتقول مبغاتش تشووفناا ...البنت واقعة ليها شي حااجة
_ المدة لي خاص يتعلن فيها الاختفاء هي ربعة وعشرين سااعة والصديقة ديالك مادوزات حتى نصهاا ...زائد المدة لي دكرتو اي واحد يقدر يبغيي يغبرها مع راسوو
حذيفة (مبرد لهدرة وفنفس الوقت مزير على ايدو بالعصب ) : هادشي بالنسبة لينا حناا ماشي طبيعيي واش تقدر دير شي حاجة
_نوو منقدرش ...غدا الى مارجعاتش جيي قدم الشكااية ديالك
وديان(تكلمات بالعربية ) : نووض احذيفة حتى يتقطع بناادم عاد كيسيفطو ليه برية ديال الاعتدار
خرجو من لمركز دايخيين معارفيين شنو يديروو كيصونيو التيليفون خداام ولا مجيب
حذيفة: متاكدة مكاينش فيين تمشيي هناا
وديان: متاكدة ايمان حدودية مع النااس كتمشي لبلايص محدودين مكتبدلش
فعلا داكشي لي دارو لبلايص ليي كتمشي لييهم فلاوهم وسولوو والوو حتى السبيطارات قلبووهم والو
حذيفة: معندكش النمرة ديال لمنادجر ديالها
وديان: شكون فيهم ؟
حذيفة: علاه شحال من واحد
وديان : دابا زادت مرااد واحد الولد مغربيي
حذيفة(ساخط ): عرفتوو
وديان: نمرة محمد عندها ف انسطا ديالهاا
اتاصلات بييه وعطاها نمرة مراد واكد ليها بليي مشافهااش صوناو لمراد حتى هوا وكانت عندو نفس الهدرة اخر مرة شافهاا ملي كانو فاجتماع مع ادارة گوتشي
صافي هناا الدنياا داارت بييهم ..بقاو واقفيين حدا باب العماارة كيكمي واحد ورا واحد وكيقول غير تجي غير تباان
حذيفة: ودياان
وديان(شافت فيه وعلامة الخوف فوجهها )ممم
حذيفة: ملي خرجات من دار كيفاش كاانت !
وديان: خرجات فرحاانة باش تشوفك نهار كلو وهي كتوجد (بدات كتبكيي ) قلت ليهاا نوصلك ،كون غير وصلتهاا ميمكنش تغبر غير هكاك
تفكرات الحالة لي كتجيهاا واش زعمة تقدر توصل بيهاا لدرجة طج وتهرب ميمكنش هي ماشي فحالة حرجة لهاد الدرجة
هز عينوو فلعماراات وتاابع الطريق حتى وصل لشارع كيبانو ليه كاميراات مفرقين على الشارع ورجع عند وديان
حذيفة: كاينين الكاميراات
وديان: يعطييوك عينيهم وميعطيوكش تشوف لكاميرات الى مكانو البوليس
صونا تيليفونهاا وقفزاات كانت نمرة اسبانية وقالت: هدا مرااد
حذيفة : ارا نشووف
جاوبوو بصووت مستريسيي كيتسناه اش غايقول
مراد: الوو
حذيفة: الوو معاك حذيفة
مراد: كاين شي خباار ؟
حذيفة: مزال هد السااعة
مراد: هدرت مع محمد بااش نحطو واحد الاعلان فانسطاا باش لخبار تنتااشر نوضو الروينة باش لبوليس يتحرك حيت لبقينا هكا مغيدير والوو
حذيفة: وهدشي غيعطي نتيجة
مراد: غيعطي نتييجة تقدر تدخل تا القنصلية المغربية الى متحركووش فهمتيني يعني خاص روينة تنووض ف السوشيل ميدياا ...قلبتو السبيطارات
حذيفة: قلبناا والوو
مراد: دونك صافيي القضية فيها ان هدشي مافيهش اللعب
قطع معااه وبقا واقف جامد كيتفكر الميساجات لي كانو كيجيوهاا ف التيليفون شاف ف وديان وقال: مهدراتش ليك على لميساجات لي كانو كيجيوهاا فالتيليفون !
وديان: لاا اشمن مساجات ؟
حذيفة: وشي حد سميتو ديڤ كتعرفييه
من الخلعة تحلو عينيهاا وطاح ليها التيليفون وهي كتفكر نهار طلق القرطااس فسماا بحال شي حمق
وديان: لا لا ميمكنش واش واش السيبة فلبلاد هوا راه روشيرشي تابعينو بوليس الطاليان
حذيفة: هانتي قلتيها الطاليان ماشي فرنساا
دخلات لانسطا ديالوو كتورييه لييه جهد عام مبقاش اكتيڤ فيه غبر ليه الاثر
عاودات ليه على شنو كان كيدير وكيفاش كان تابعها من بلاصة لبلاصة بحال ظلها
الروينة نااضت وقف كريس بطموبيلتوو عاودات ليه وديان شنو كااين
حذيفة: واش عندك شي معرفة ف ايطالياا ...تقدر تعرف واش تشد ولا مزال
كريس: راني متبع ديك القضية هو ولوناا مزال متشدو
بعد ساعة انتاشر الخبر ف السوشيل ميدياا باختفااء المغنية المعروفة باسم بيانكاا
والاجانب عارفينها فقط بلكليب والاعمال لي كانت كدير فايطاليا اما العرب فكانو عارفينهاا
الخبار انتشاراات فايطالياا وحتى ف فالمغرب وبدات الهدرة
*كنت حاسة بليي قضيتها مغاديش تخرج سالمة مع الطالياان ...منهار قالت بلي مغربية وهي مسلطين عليهاا
غيكون غير البووز تانيي بغيتي توريني الفنانة ديال داباا كتشوف راسها تنسات كتبغي تخلق البلبلة
جاوباتها وحدة ف التعليق :هادوك غير المكرديين اما هي راه شاابعة فلووس القضية فيها الماا_فياا وتصفية الحساباات شحال من فنان مشا فيها غير بهاكا
واش هاد المغنية البنات معندهاش عائلة ؟ معمر باان معاها شي حد من غير ديك المغربية لي طبيبة ف فرنساا عجيب ؟
الطاليان كان عندهم ارااء اخرى ومطالعين على القضية كثر كلهم رجحو الامر ل تصفية الحسابات وبليي يوسف هو سبابهاا او دوك الجوج لي مزال مطلوقيين
رويينة فالوااقع وروينة فالمواقع كل كيلغيي بلغااه وكل واحد كيفسر الموضوع بطريقتو وبداكشي لي شاف و سمع فحياتوو
حذيفة كيقراا والعرق هابط مع ظهرو بالستريس وقلة الحيلة والقوانين الصارمة فهاد البلاد
بداو كيصونيو ليه طارق وناصر لي وصلاتهم الخباار ولكن معندوش الخاطر يهدر رجعو من جديد بثلاثة بيهم تفرقوو على المدينة كيشوفو السبيطارات الجرادي القهاوي اي بلاصة كيدخلو ليهاا حتى تنااص الليل
انتااشر فيديو ف فرنساا كيبين عملية الاختطاف وباينة فيهاا اييماان وحتى ديڤ هناا تروناات ديال بصح والصحافة دارت خدمتهاا وكيقلبوو على مصدر الفيديو
9 تاع صبااح وحذيفة قرب يخرج ليه العقل صاافي ولا متأكد بلي ايماان يا تقت_لاات ياا تقت_لات الافكار السلبيية التعاليق السلبية لي قراا والفيديو لي شااف عقلو بغا يخرج صافي بداو كيدخلو لييه بليي ايماان كون مزال عايشة كانت غتباان
دخل لمركز من جديد هاد لمرة جاعر ديال بصح تابعو كريس دخل لبيرو وقال: اشنو الدور ديالكم الى مكنتووش غتقلبوو عليهاا
شافيه الشرطي وقال: راه قلت لييك شروط الاختفاء اشناهوماا ...كيف كانت مشهوورة كيف كانت مواطنة عادية القانون ساري على الجميع
حذيفة: هادي 20 يوم كانو وصلوها مساجاات تهديد
_شنو فيهم
حذيفة: بلي سااعتك قرباات وبلي مبقا والوو
_ عندك شي اثبات
وقف معصب شاد عنقو تقدم كريس عندو وقال: تقدر تتاصل بالشرطة الايطالية غيعطيوك معلوماات ...بيانكا او ايمان كانت شكات ب شي اشخاص متورطيين فجريمة ق_تل واحد منهم تشد وجوج مزال ...واحد من دوك الجوج على مقالت لينا صديقة بيانكا بليي حمق وكيتبعها فينما مشات ...كانظن هدشيي بوحدو كافي باش تحلوو تحقيق
_العشية جيي
بغا يهدر حذيفة لي تعصب وحبسوو كريس بيدو وشاف ف الشرطي : صوني لبوليس ايطالياا عفااك
قبل ميديرهاا دخل شخص ثاني من الشرطة وقال: جانا بلااغ من القنصلية المغربية بغاو يتأكدو من هاد الخباار لي منتااشرة حالياا واش بصح وانتااشر فيديو كايأكد حالة الاختطااف
_اشمن خباارك ؟ ..اه واش جنسيتها مغربية يعني ماشي اوروبية
حذيفة: كاين شي فرق !
_ نوو .. عندها اوراق الاقامة
حذيفة: عندهاا
_كلس كيشوف فالفيديو وقال: متأكدين هي لي فلفيديو ؟
حذيفة: متأكدين
_صافيي غنحلو تحقيق وخاصنا نلقاو لي صور هاد الفيديو اولاا
خرجو من تماا وكريس كيحاول يهدن فحذيفة
كريس: عصبيتك معندها باش تفييدك لا نتا ولا حتى ايماان ...ملي غيتفتح التحقيق غيبداو بييك نتاا اللول حيت دائما مكيشكو فهداك لي جاا فتح التحقيق
حذيفة: عواض يقلبوو عليهاا
كريس: هكا القانوون غيحققو معاك معايا مع وديان عاد يقدروو يشوفو لكاميراات
الوقت كيدوز علييهم تقيييل وهما كيتسناو… بدا التحقيق ،دخلات وديان و حذيفة حققو معااها فين كنتيي علااش وقتااش كيفااش وكدالك حذيفة علموو المراكز وبداو اخيراا خدمتهم مشاو لفين ساكنة وديان تعطاهم ادن باش يشوفو الكاميرات ،لقاو الشخص لي نشر الفيديو ودارو معاه تحقيق مفصل تخرجووها منوو حييت زرع الخوف فلبلااد وجبد علييهم النحل من السلطاات المغربيية ولات بغات تاكد بليي الامور تحت السيطرة
ف بعض الجر_ائم او حالات الاختفااء تيكون التواصل مع بعض الدول ماشي كلشي ولكن بالضبط بين فرنساا واسبانياا وايطالياا عندهم الحق تدخل السلطات المغربية وخة يكون البلد اوروبي ، يقدر يكون تعاون بيناتهم الى كان الشخص المعني كيحمل الجنسية المغربية او العكس ...خصوصا لكانت موضوع السااعة وتحولات القضية لراي عاام
فوقت السوشيل ميديا ، الفاايس بوك مبقات حتى حاجة مستورة دغياا القضية كتكبرر وكتروون وكيكون الضغط على المسؤوليين باش يديرو خدمتهم كتر
الفيديو انتااشر بشكل كبير عاونهم باش القضية تحل قبل ميكمل الوقت القانوني عاد زييد الضغط لي دارت ليهم القنصليية لانو ايمان مواطنة مغربية ميمكنش يغمضو عينيهم كيفماا هوما كيدخلو ملي كتكون شي حالة فالمغرب لشخص كيحمل جنسية فرنسة او جنسية اخرى
لقات تضاامن كبير من بعض الفنانة منهم ليي قابلاتهم وتعرفات عليهم ومنهم لي فقط من دافع الانسانيية و الد_م المغربي لي رابطهم ،النهار كلو وحديث الساعة فقط هوا: المغربية الملقبة ب بيانكا تتعرض للاختطاف في فرنساا
**
في المغرب وبالضبط ف دار ام كرييم كالسيين مجموعيين ...حتى دخلت عندهم
اسية: كرييم شوف شوف واش هادي ايماان ! حاطها سعد المجرد فسطوري
عطاتوو التيليفون شدو كيقراا وقال: ايه مالهاا !
اسية: تيقولوو خطفها شي حد ف فرنساا نايضة الرويينة
الام: مالها كاينة السيبة فلبلاد كيدارو خطفوهاا
اسية: وراه لايحين الفيديوو دخل لفيس كلشي كيهدر علييه
كلس شاد التيليفون باهتمام كيقلب حتى طاح فلفيديو وقال: هي (هز عينو فيهم )
الام: اويليي وعلاش ايكونو خطفوهاا
كريم(هز تيليفونو كيدوز النمرة ): نصوني لمهاا
اسية: اش باقة كدير عندك نمرتهاا
كريم: سكتي شوية ...الوو نورة
نورة: الوو شكون معاياا
كريم: معاك كرييم
نورة: شكون كر،،، كرييم ! علاش صونيتي لياا
نورة: واش كتهدري مع ايماان ! شفتيي داكشي لي واقع
نورة(ببرود ) : شفتوو ومن بعد ، ضبر لراسها مكنعرفهاا مكتعرفنيي
كريم: بزاف عليك تكوني ام
نورة: ونتا بزاف علييك تكون اب اشماتة
كريم(كيتشفا) : شتي احسن حاجة دار راجلك هوا دا البنت وخلاك كاتشوااي عليها حيت نتي مصاالحاااش ،الله اغبر لييك الشقف فهاد نهار
قطع عليها كيترعد وكمل على السباان وقال جاهل: شفت فناس تعييت مشفتش هاد لخليقة لي معندش جدها الكبدة
الام: تلاقيتوو ودنووب ديك الدريية عليييكم اكرييم غتفرقوهم بجوج
اسية: متقدرش دير شي حاجة وتعرف لخباار
كريم: معندي منديير ،حتى ديك نجاة غبراات هي لي تكون عارفة خبارهاا
اسية: ضيعات راسهاا طريق الغناا اش فييه
كريم: شنو تسناي من بنت نورة
اسية: والداها مع الحيط ...سبحان الله كتصدمنيي اكريم والله ..ولادك من نجمة دايرهم فعينيك وهادي لايحينها والله تحرام علييكم ونييت غير خليوها يتييمة منها لحياتها تاتجيكم خبار موتهاا
كريم: متعصبينيش ا اسية راه معندي كيندير ليهاا راه ففرنساا ندير جنااح ونطير
الام: كانت غير حدااك ومديتيها فيها بقا غير دابا ...غااا خليهاا كاااين لي يرد ليها البال كل فوول غيكون عندو كيالو
**
فمكز الشرطة كيدوزوو فالساعة ليي بانت فيها ايماان وكيفاش هجم عليها الشخص من اللور ودخلها لطموبيل بلعنف وحذيفة كيشوف وراهم و وديان مصدوومة وقالت: هووو هوووو
_شكوون !
وديان:ديڤ
تحل الباب من طرف الشرطي وقال: كاين واحد الراجل كيقول بلي عندو معلومات على هاد الاختطااف
خفق قلب حذيفة وهو كيتسناا البشاارة ماشي العكس حتى دخل واحد الراجل من لبسو وملامحو اتعرفو ايطالي او اسبانيي حتى نطق بالايطاليية وقال: انا جييت نبلغ على ولدي ديڤ هو لي مختااطف المغنية بيانكاا هو مريض نفسيي ومنقدرش نضمن الافعال ديالو وهو مشاربش دواه
حذيفة هنا صعر ديال بصصح وصاح فوجه الرااجل لي رجع اللور وكريس جاي وسطهم
حذيفة: كنتيي تحبسووو ولاا تعطيه لبوولييس شنو كيدير واحد هبييل فالزنقة (بتهديد)الى قاااس شعرة منهااا غندفنوو بايديي
كريس: امييين عرف شنو كتقوول
الاب شاف فحذيفة وقال: انا مجيت هنا الا وبغيتهم يشدووه باش يتعالج
ش_كيفاش عرفتييه اختاطفهاا
_ كنت ديتو لالمانية باش يتعالج (تنهد)بيتو كان عامر غير بتصاورهاا هاد لحالة ماشي اول مرة فايت دار هكا مع مغنية اخرى ولكن هاد لمرة كفس بزاااف ولاا مهووس بيها لدرجة ولا كيقول بليي غيتزوج بييها بزز والى مبغاتش غيق_لتهاا ويق_تل حتى راسوو
حذيفة(كيمشي ويجي بخوف ) شنو كتسنااو داباا
كريس وحذيفة خرجو من تماا ولبوليس بداو خدمتهم كايقلبو على لماطريكيل ديال الطموبيل ..ودارو تتبع الايفون لي عندها
**
حلات عينيهاا فبلاصة مظلمة كيبان ليهاا واحد لقنت فالحيط بووحدو لي داخل منوو الضو كتحس بدووخة والردة والبرد لقات راسها مجبدة فالارض باردة تحسسات لارض وكان بحالا ناعسة على ربيع كارم ولا تبن ...ريحة خانزة و السكات محييط بيهاا مع حاولات تنوض شداتها الدوخة ورجعاات تكااات فلارض على جنبهاا
بدات كتسمع الحركة برا حتى كتسمع دورة الساروت ومعرفات اشمن جيهة غيتحل لباب من كترة الظلام لي هي فييه حتى كايتحل فوجهها عما ليها عينيها بضو لي دخل تغمضات عينيهاا
بدات كتحل عينيها بشوية حتى بان ليهاا راجل قدامهاا حط ليها ساندويش وكانيط و قرعة تاع لماا ونطق بالايطالية: كوليي
ايمان (كلسات بتعب و الدوخة شاداهاا معرفات شنو بيهاا ) ف فين اناا
الرجل: فيقي مزييان وغتعرفي فيين نتيي
حاولات تشوف شكوون هو مقدراتش تركز فييه...رجع سد عليهاا الباب لقات الحيط وراها وتسندات علييه فالظلام ...بحالا ظلمة حياتها مكافياش زادوها ظلام اخور
كتقيسها شي عشبة فايديها وكتقفز كلهاا كتبكيي
من بعد مدة جمعاات طاقتهاا وناضت كتمشاا بالشويية كتقلب وتحسس بايديها على الباب حتى لقاتوو كتحط ودنها تسمع شنو كاين براا مكتسمع والوو
بدات كدور بداك لبييت تقااست شي حاجة فالظلام وطااحت
بدات كتغوت بهستيرية وخووف وهلع وكتبكيي حتى كتبح
ايمان:هءهءهءه حلو الباااااب هءهءهءه (سدات ودنيهاا كتغووت )ااااه
تاحد محل ليها الباب ..تكات بخلعتها فالارض البااردة كتبكيي حتى عياات ولات حالة عينيها فالظلام وكتحرك لعشب بايديهاا بجموود ...سلمات امرها وكتسنا نهايتها يمكن هكاا ترتاح وتهنا
تحل الباب ومتحركاتش من بلاصتهاا هزات عينيها فالباب تحل وهي بعييدة علييه ب 3 امتاار ...هزات عينيها فالشخص لي دخل كيبان ليهاا ديڤ ...كلسات قافزة وراجعة اللور ...حتى شعل الضو عليهاا وغمضات عينيهاا ضروها بانت لبلاصة فاش مرميية ...بلاصة عامرة بلعواد فواحد القنت والنص التااني عامرة ب كورات التبن وايمان مخشيية فقنت البييت السقف من العوود ولكن باينة قديييم وعامر بالغبرة ورتيلة فكاع لقنات
شافت داك المنظر وحسات بتبوريشة سرحات معاهاا كادور فجناابهاا وتهبط فلكسوة على رجلييهاا تحساات بييه حداها على ركابييه غوتات رااجعة باللور كتشوفو كيبتااسم ليهاا حالتو كتخلع بقا كيبان فييه غير الراس ولوشاام ضعاف وعضامو بااينين لابس حوايج عرااض علييه وكيفرنسس
ديڤ: سوربراااايز
ايمان(برجااء )هءهء د ديڤ ش شنو بغيتي منيي هءهءه
حاول يقيس شعرها كيضحك وبعداتت منو حتى لصقات مع الحيط وهوا كيضحك ويميل رااسو وهي مطاكية بايديهاا وجارة رجليها عندها
ديڤ : 300 يوم وخمسة الساعات و تلاتيين دقيقة وثانية وحدة(قرب ليها وجهو كيضحك)باش مشفتكش هههههه
ايمان: عفاك بعد
ديڤ: تء تء انااا انا تحديت كلشي باش نجي عندك وداباا ب ببغيتي نمشيي ؟ (تبدل وجهو دغيا وجرها من شعرهاا وغوت عليهاا)لاااا لاااا مغنمشييش (رجع لهدوءوو كيمسح فخصلات شعرهاا ) غنبقا معااك مغنمشيش
حبسات لبكاا ونطقات كترعد: شنو بغيتي منيي
ديڤ: والوو (ضحك )غني ليااا
طاحو دوك الدمعات لي لاصقيين فعينيناا بانهيار كضرب فوجههاا بحال الحمقة بقا كيشووف فييهاا
ديڤ: لا لاااا متبكيييش ششش شش
بغا يحط ايدو علييها وضرباتها لييه وصاحت فوجهو : بعد عليياااا
دفعاتو تطاح گالس وبقا كيشووف فييهاا ورجع كيحبوو عندهاا وهي كتبعد فجنبب خافت تهجم علييه ويصدق داير فيها شي موصيبة
ديڤ: غنيي لياا
صاحت فوجهوو وقالت: واش نتااا مريض فيين جبتيني (دفعاتوو )بعد لهيييه بعااااد
ديڤ(طاح اللور من لي دفعاتو وكلس كيضحك وكيجمع شعرو بلباانضة ورجع كلس على ركابييه. كيضحك ) عفااك غني لياا
ايمان: علاش جبتيني لهناا شنو بغيتي
ديڤ: (بهمس)منقدرش نحضر ليك ونتي كتغنيي غيشدونيي وغيديونيي لسبيطاار وهاد لمرة مغاديش نخرج ... ش شنوو كتغنيي فراسسك ههه فراسك تعلمت لاغانييك العربية...انا نقوول ونتي غني معايااا صافيي(قرب ليهاا بالجهد تخلعها وغوتات )واش مزييان
حركات راسها باه مطاكية بايديها على وجهها
ديڤ: بهبيي فييك كلام اينيك هموت اليك وشواي لييك مليني واولك اييييييه
كيغني لعربية و الحروف تالفيين لييه من الخلعة شداتها هستيريا تاع الضحك بحال شي حمقة كثر منوو هوا كيضحك فقنت وهي فقنت مبقاتش بغات تحبس بالضحك تحسات بكرشها ضراتهاا
لقاتو محني على ركابيه بحالا بغا يصليي وكيشوف فيها وكيضحك وكيقول: صافي غني لياا بطاليانية بورفابوور
ايمان: وغاتخلييني نمشيي
ديڤ:ن نفكر
حركات راسهاا بااه وتقادات فلكلسة كتغني لييه وهوا كيشطح بلا موسيقى وكيغني معاها مرة مرة وكيدور على رااسوو مقطع الورااق وخاصها تسايسوو ...الكسوة البيضاء ولات كلهاا ترااب وجاها البرد تكمشات فراسهاا كتغنيي وفينما تبغي تسكت كيغوت باش ترجع تغنيي ...معياااش ومتهدش مخلاهاش تحبسس كتغني وتغنيي وكل مرة يقوليها غني لييا اغنيية فشكل
ايمان(صوتهاا وحلقها عيااو )براكة عييت ضرني حلقيي
ديڤ: انا مزاال معيييت(بصوت عاليي )غنااااي
ايمان: متبقاااش تغوت علياااا مبغيييتش نغنيي بغيتي تقت_لنيي ؟ قت_لناااااي صافيي هنيني وسد فمك
ديڤ(وقف كيشوف فيهاا وهي وقفات فوجهوو بغا يقرب ليهاا ودفعاتو محمرة عينيها فييه ) بييااانكاا
ايمان: غنييت ليييك ديني فحاليي داباا
ديڤ: لا لا غداا غداا عيد ميلاديي ...غتغني ليااا
ضربات وجههاا وكتافها طاحوو وبدات كتبكيي بغا يشدها من كتاافها ودفعاتوو ومع ضعييف دغياا كايطيح ويرجع ينووض ...مشات لباب كدق حيت عارفة معاه شي حد براا
ايمان: حلوو الببااااب تخنقت ءهءهءهءه ديڤ خلينيي نمشيي عفاااك ونغني لييك هءهءه نبدل حوايجيي شوف نغني لييك موسخة
ديڤ: داباا غيجيبو لييك حواييج
تكات راسها على الباب كتبكيي حتى جاها من اللور عنقهاا وقال: متبكييش
تخلعاات وغوتات معرفات امتاا جراتوو وكلساات كتعطيييه فلعصاا والقميش والعضاان مرمداتو فداك التبن تولا كيغوت وديك السااع ضار الباب وتحل محساات حتى تجراات من شعرهاا ورماها شخص اخور نيشاان الارض تحسات بايدهاا تحلات من المرفق وبداات كتغووت بحرقة والم
ديف: علااااش ضربتيهااا علاااش (ناض كيطرش فالشخص التااني والاخير كيعتاادر
مشااا يشووف مالهاا وركلااتوو شادة ايدهاا كتبكيي
_:ديڤ ديڤ...البوليس كيقلبو عليها
ديڤ(ضحك)بحالي هههه
_اجي نهضرو براا
ايمان:هءهء خليو الضو عفاااك ديڤ
ديڤ:ؤك
خرجو مخليين الضو ...عطاتها ايدهاا صداااع ونص الظفار طاحوو
عرقاات بالام لي كتحس بييه فايدهاا ملقات غير لكسوة من لتحت قطعاتهاا فايد ورجلهاا ومدابزة حتى تجر الثوب وهزاتو كتحاول تلوييه على ايدهاا وجهها تزنك وشعرها تخبل ولاصق فييه تبن ولورق تاع لعواد
ناضت كتمشي وتجيي كيبان ليها الضو داخل يعني هوما فالنهاار اشمن ساعة ولا اشمن نهار معارفااش
كتقلب فلقنات شنو يقدر ينفعها وباش تقدر تعاون راسهاا الدقة قاسحة جاتها فالايد اليمنى اما اليسرى متقدرش تحكم فيها بزااف
لقات لعواد كتاار فواحد القنت مستفيين على فوق طولهاا بان ليهاا عود مااضي الوسط جبداتوو وتبعوهاا كاع العوااد طاحو عليهاا
سمعو صدااع وتحل الباب من طرف ديڤ وصاحبوو لقاوها تحت العوااد
ديڤ(مخلوع)بيانكااااا بياانكاا
تقسحات وسكتات مكمشة تحت العوااد دارت راسها سخفاات
جرهاا من كتاافهاا والاخير كيدفع العواد كتحل عينيهاا بشويية بان ليهاا الباب محلول وجاي الضوو تاع براا منوو
فالوقت لي ديڤ كيحيد ليهاا العواد من الكسوة الشخص التاني جمع العواد ورجعوو طاحو علييه
ديڤ: واش نتاااا حمق حيد داكشيي ...حيد داااكشيي
شافتو ملهي معااه ونااضت ضربات فلباب حتى تقلبو عندهاا
لقات راسهاا براا وغير لخلاا وشجر وطموبيل فاش جابوهاا عطات رجلها لريييح وديڤ والشخص لاخور ورااهاا
كتلوى لييه من قنت لقنت وكتغوت ولكن كاين غير الشجر وغواتهاا محسو بييه غير الطيوور لي طارو من الشجرة لحرث كيعكلها كل مرة حتى طاحت ومن شدة الالم فايدها مقدرااتش تنووض حتى جرهاا صاحب ديڤ من شعرهاا اللور كينهج سخفاتو اما ديڤ كلس حدا الطموبييل سخفاان شاد قلبوو
طاحت ليهاا سبرديلة بكترة التركال تقلبات عندوو شداتو من رجلوو وعضااتووو حتى غوت هو كينتف بالجهد وهي كاتعض مصبرش لداك لالم وطرشهاا تصمك ليها ودنها ولات كتسمع غير تصفاار بديك الطيحة جا وجهها فتراب تحساات بالطعم ديالو ففمهاا
ماستسلماتش كمشات التراب بايدها ليسرية مع وقفهاا من شعرهاا رماتو لييه فوجهوو وعينييه وركلاتو لبيين رجلوو وديڤ كيضحك كالس على ركابييه وكيتفرج فييهم
ديڤ:ههههههههه ميمكنش
حاولات تهرب ولكن هاد لمرة تعامل معاها بعنف وشدها من الايد لي كضرهاا حتى تقبات لييه الطبل تاع ودنييه بغواتهاا القوي من شدة الالم طاحت سخفاانة
التحقيق مستمر وداروو تتبع لتيليفونها وعطاتهم الاشارة لخارج المدينة بلغو السلطاات ومشااو
وحذيفة سايݣ طموبيلة وديان وهي حدااه تابعيين البولييس ..حتى لقاو راسهم فالارااضي خارج المدينة بأميال فواحد الاسطبل او قبو كيجمعو فييه العوااد وحتى تراكتور ومكينات الحصاد فالشتاا
وقفوو ربعة تاع السيارات تاع البولييس وحذيفة وقف وراهم ولكن تدخلو البولييس ورجعوه لطموبيل لتوقع شي موصيبة
خرجو البوليس والسلا_ح فايديهم داروو بداك القبوو وكل واحد كيعطي الاشاارة لثاني باش يتقدم
فينماا يقربوو حتى دفعوو الباب ودخلوو كيلقااو السكات والباب الثاني مسدود ومجموعة ديال الالات مركونين فالقنت نتاشرو البوليس وحلو الباب تاع الحديد التااني دفعوه برجلهم كان مظلم شعلو الضو من براا كيبان ليهم فيه غير لعواد طايحيين وتبن مزلع كيسمعو صوت التيليفون من وسط داك تبن بنغمة موسيقية بصوت ايماان...شافو فبعضيااتهمم وكان عندهم تخوف انهم يلقااو شي جثة تماا حيت التبن كان مزلع كانو على اتم الاستعداد وهوماا كيرميو داك التبن من تماا حتى لقاو الصااك والتيليفون فوقو على يوتيوب شافوو فبعضيااتهم ..وبداو كايقلبو تماا لقاوو الظفار ...لقاو آثار روايض محكوكين حدا الباب فردة ديال السبرديلة فالترااب
حذيفة كيترقب البووليس شنو كيدير مخلاوهش يخرج
وديان : شفتهم رااجعيين !
خرج حذيفة غادي لعندهم وراوهم ربعة ديال الميكاات وحدة فيها التليفون الظفار فردة تاع سبرديلة والصااك
_ملقيناهاش ...هادوو ديالهاا
حط ايدوو على وجهوو كيصبر فراسوو تجات وديان اكداات لييهم بلي دياولهاا وقال: غيكون عرف بليي كنقلبوو علييه ...وغيبدا يلعب بينا من قنت لقنت مغيكونش بووحدوو
حذيفة: شنو داباا غنبقاو نتسناو حتى نلقاوها مق_توولة
_جهدنا كنديرووه خاصنا نعرفو شكون معااه
حذيفة: داك بااه غيكون عاارف
_باه مزال فالتحقيق كون هاني غنلقاوهاا
مشاو كيسولوو فشي ديوور بعااد على المنطقة مبان ليهم حد وحتى شي طموبيل غريبة مصادفوهاا هناا
وسعوو نطااق البحت من بعدما عرفوو نوع الطموبييل والماتريكيل من الفيديو كلشي ولا راد البال فالطرييق وبداو كايقلبو فكاع لبلايص لي بعاد على المدينة حيت كلشي كيقلب عليهم ميقدروش يدخلو لمدينة
نهار التااني دااز او ولاو ف 48 ساعة ديال الاختفااء قوات عليهم الهدرة فكل جهاات من الدولة ومن الصحافة ومن الرأي العاام
حذيفة فهدشي كلو كيحس براسوو مربووط مقادر يدير والوو طلب طموبيل لوديان وعطاتهاا لييه كيقلب حتى هوا وعينو على كاع الطموبيلات لي شافها كحلة قلبو كيضرب ويقول هي كاع القرى المجاورة قصدهم وهكا داز اليوم الثالث وصدروو ديااق لا اثر من جديد ولاا حتى اتصاال شنو غيكون جاري فيهاا شنو غيكون دار فيهاا
بقاا حتى وصل ل قبو فين كاانت .. هبط كيدور راسوو يمين وشمال وكيتخيل بلي كانت هناا كيفاش غتكون حالتهاا !
خايفة
باكية
يكما ضربوهاا
تعداو عليهاا
قت_لو التفكير لدرجة كبيرة مرض فخااطرو ومعرفش فين يفرغ ديك الخنقة لي فصدروو من جيهتهاا
دخل كيبان لييه السكات و الظلام تما شاف لبلاصة فين لقاو الظفار والتيليفوون بقا واقف كيشووف ويتحسر عليهاا لوقت طوييل عاد قدر يخرج من تما هاز فكتافو هم ...فالوقت لي كان كيقول بليي غيكون كيعيش اسعد ايامو ملي تقبل تزوج بييه ويفكرو لحفلتهم وزواجهم ويعيش الحب الحلال لي طامع فييه معاها ...لقا راسوو مهموم وغصة فصدرو على ايماان... كان التجاؤو فقط لرب العالميين بدعواتوو وبسجودوو وبإلحاحوو باش ترجع سالمة لييه ...هدشي فقط لي قدر علييه قدام هاد المصيبة كااملة
فااقت ولقات راسهاا فبلاصة خراا مقادرة تحرك مقادرة تهضر ...كان سكوطش على فمها ...كالسة فكرسيي ورجليها مربووطيين ومزيريين وايديهاا كدالك مع حركاتهم وراها حساات بالضو ضربها وخرجو عينيهاا وكتنين من قوة الالم فايدهاا ....
ايمان:ممممممم هممم اااا ااااام اهم (دموع هبطو مع جنااب عينيهاا
رجليها مقادرااش تحركهم وكتشووف فوقها كاينة فرفاارة كبييرة ملصقة فالحيط كانت دار مهجوورة كلياا وعامرة بالاثاث القدييم فجنااب والشراجم مسدودين بالعود فجنااب ومطرقيين ...ريحة الغموولة والخنز والحيووط مقشريين والحشراات فالارض ورثيلة فجناب الحييوط ...كطلق ودنيها تسمع كااين براا مكتسمع والوو من غير صوت الكلااب بكثرة ...سرطات ريقهاا حيت دوك الاصوات قرااب وبقاو لمدة طويلة وحاسة بيهم كاينين غير تماا مكيحيدووش من نفس البلاصة
سمعات الحس جايي من جيهة الباب وغمضات عينيها ورجعات لوضعيتها بحالا ناعسة شعرهاا مغطي وجهها ومهبطة راسها لقدام ... كتحس بيه كيقرب شافت سباطوو واقف قبالتهاا وايديه دازت على شعرها بشوية كيدندن باغنية ولكن ماشي صوت ديڤ هدا
من صوتو ولكنتو عرفاتو فرنسيي ماشي ايطالي
اشمئزات من ايدو وريحة الشراب لي فييه حتى كيقفزها صوت ديڤ وهوا كينطق بالانجليزية : اش كدير تماا
جمع الاخير ايدو وقال: كنشوف واش فااقت
ديڤ: خرج خرج ...قلت لييك خرج
هزات رااسها كيبان ليها ديڤ عاطيها بالظهر كيرد فلباب لي نصو مهرس و فالسمطة تاع السروال بان ليهاا س_لااح ...حسات بقلبهاا سكت ورجع كيضرب بجهد بالخوف
بقات مترقباه بعييون مغيم عليهاا الخوف ودمووع كايهبطو بصمت وكتشهق بحال شي بنت صغيرة ...كتحرك راسهاا بنفيي كترجااه بعينيهاا قرب ليها محنيي على كلستهاا وهز ايدو كيحيد ليها الشعر على عينيهاا
ديڤ: متخافييش ششش اناا مغندير لييك والوو ...متخافيش (مسح دموعها )منقدرش نأدييك
مشا لجيهة الشرجم المسدود بطراف العواد كيشوف من الشقاات شنو كاين براا ...كيوصف ليها لبلااصة بليي ضاير بيها لكلاب بزااف
ديڤ: كاين تقريباا عشريين كلب وكلهم كيعضوو (تقلب جيهتهاا حط ايديه على ركابييه كيطل عليهاا ) متهربييش
بعدات راسهاا وجوبات بنفي خوفاانة وكتسمع لكلاب جاهليين برا ومن اصواتهم بااين بلي كتاار
جر واحد الكرسي قدييم قدامهاا وكلس كيدور فعينيه وقال: كتشبهي لماما ..نفس العينين ...نفس شعر..نفس(حط ايدو على عنقو )الشاامة لي عندك فعنقك (تحولو ملامح وجهو الحزن ودغياا عينيه تعمرو بدمووع ) ولكن ...ماتت
لا لا م مامااتتش (بهمس قرب ليهاا) تق_تلاات
كدور ايمان عينيهاا علييه كيفاش كيهدر وهي كتنخصص وفمها مسدود بسكوطش
ديڤ: ك كانت عندي 8 سنين (طاحو دموعو) كان كك كيضربنيي وككك كيسد عليياا فالظلام باش يضرب ماما ويدير فيها مابغاا ...حتى الواحد نهاار رماهاا من فوق السطح
شفتووو...شفت خيالوو فلارض فالوقت لي كنطل من الشرجم(متل بايدو)بانت ليا ماما جااية هااااااابطة مع الرييح بحال شي حمامة (ضحك)ولابسة البيض ...هوا لي قت_لها (بهمس مسموع)باباا قت_لهاا (بدا كيبكيي ) عاملنيي خاايب ...ضربني وحبسنيي فلاكاڤ ربطنيي بحال الكل_ب وحمقنيي باش ...باش تاحد ميتيق هدرتيي باش نبان حمق (ضحك )حمقنييي ههههه هوا هه ه هواا لي حمقنيي باباااا
دخلنيي لسبيطار وشربونيي الدوا بزز و ولييت حمقق و ولييت حمق حيت حيت باباا ق_تل ماما هء
و و واخة نبغي نكون انسان طبيعيي ، الذكريات معمرها غتخلينيي نتشافاا
تكا على رجليهاا كيبكيي بحال شي دري صغير كتافو كيتهزوو وهوا كيقول توحشت ماما بحال شي دري صغير.
بكاتها هدرتوو وبكاهاا حالها الميؤوس منوو فعلا كيقولو بلي
المجروح من عائلتو لا يشفى ،ولكن الى بصح هدشي لي قال فعائلتو رجعات منو مختل عقليي ميمكنش توقعي اي حاجة منوو حيت مرفوع عليه القلم مرة عقلو كايحضر مرة مغيعقلش علييك ولا فين عرفك
على اساس بلي هي عاشت طبيعية وعاشت وسط اسرة وحضن دافئ ...حياتها كلها دوزاتها معاناات 25 سنة وهي كتقلب على الراحة النفسية على الطمأنينة ومزال مفرحاتش بيهاا
كتشوف قبالتها وكتافهاا ترخاو مستسلمة لمو_تها باي طريقة غير يهنيهاا وترتاح حيت لا حياة تخلقات ليهاا
ديڤ معارفش بلي طاح فوحدة فايتاه غير بشوية تاع صبر وتوليي كفس من حالتوو ، فهاد الروينة كلها لي واقعة فحياتهاا عرفات راسها انها نكرة وتمناتت شي حد يخاف عليهاا ويقلب عليهاا
هاهي رجعات ! شكون غيفرح ب رجوعها شكون قلبوو خاف على فراقهاا ...شكون سهر شكون جوع راسوو شكون خااف عليهاا
عند بالها دازو يوماين ولكن هي كانت فالنهار الرابع فصبااح ،فقدات الامل تشوف الدنيا مرة اخرى تكسرو جنااحها وعرفات بليي مغتخرجش ليها سالمة
عينيهاا كتحس بييهاا هابطة شوية وكضرهاا ايديهاا عاطياها حرييق قويي ...مواكلة والوو ربعيام هادي قوتهاا تسالاات ومرة مرة تغيب وترجع تفيق تلقا راسها مزال فنفس لبلاصة
حركات رجليها باش ينوض ديڤ من عليهاا ،تكان غايطيح وناض قاافز حاط ايدو على سلاح ورااه وقال: بغيتي تهربي (غوت)دويي بغيتي تخلينيي
حركات راسها بلاا وحركات حجبانها وعينيها هابطيين لتحت باش يحل فمهاا
جر سكوطش شوية من جيهة ودنيها وقطعو بموس صغير وبدا كيحيدو ليهاا لواه عليها بحال شي كرطونة....تنفساات من فمها وقالت بتعب: ب بغيت نشرب لماا عفااك
لبا الطلب ديالهاا وجاب قرعة صغير حطها فمها كيهبط لماا مع عنقهاا وهوا متبعو بعينوو تكيهبط لشقة صدرهاا
بعدات فمهاا وحسات بعينيه كيجلدوهاا بدوك النظرات لي عامريين بشهو_ة وخبث
ملقات كفاش دير طلع عنق لكسوة لي تعوجات.
ديڤ: فين بغيتي نعيشو ورا منتزوجوو ! شنو نسمييو ولدناا !همم
ايمان(مسايراه بشفايف كيترعدو)معرفتش
ديڤ: غنكون فرحان معااك (تبسم )مغنحتاج لا دوا لا والو غنعيش طبيعي بحال كلشيي ..غنطيبو بجوج ...غنضحكو بجوج ...غنغنييو بجوج...غتكوني الاميرة دياليي
حرطات راسها بااه وقالت: فكنيي عفااك
ديڤ: تء منقدرش...بابا كنت كنطلبوو ومكيبغييش يفكنيي كنبقا مربووط لايااااام وهوا كيجي يكلس حداياا ويضحك ويشرب ويمشيي
غمضات عينيهاا كتنخصص وبدات كتغوت كتغوت بلحرقة والبكاا
ديڤ(وقف مخلووع)ستاااااي ستااايزيتووو ستااااي
ايمان(بحرقة): مساااكتااااش وااااااااااع وااااااع (كتنهج) يا قت_لنيي يا خليني نمشي
دخل الشاب الاخير لي معااه باش يسكتهاا جبد لفرديي من جنبوو وحطو فجبهتهاا وقال: سدي فمك ***
ايمان: تيريي اش كتسناا
ديڤ: لااا حيد حييد
_شنو دابا كتحدايني مخاايفااش البرهوشة
ايمان(كاتشوف بجرأة) لكنتي رااجل تيريي
قبل ميحرك السلاا_ح كان ديڤ جبد سلا_حو كيترعد وتيرا فرجل الشخص التاانيي...تغمضات ايمان عينيهاا قافزة
طاح لارض شاد فخضوو كيغوت ويتعصر بالم طار عليه ديڤ حيد ليه السلا_ح وقال: متزادش هدا لي يحط ايدوو على بيانكااا
_اعععع ااااه
رجع باللور كيعرج هارب وديڤ كيمشي ويجي وايديه فوق راسو كل ايد هاز فييهاا سلاا_ح كيهدر مع راسوو وكيسب ويعااير غير مع رااسو...هنا ايمان التازماات الصمت ولات كتشوف غير بعينيهاا خايفة مزال تحرك
اليوم الرابع قرب يساليي وهواا فجنب المركز كل مرة يدخل يشوف الجديد معاه مراد لي جا نيابة على محمد وكيحاول يطمن صحاب العقوود كلشي كيعييط تيليفونو مسكتش ..كان اختفائهاا كيزامن التصوير لي دارت فلبنان لغاو الحلقة حتى يعرفو المستجداات ديالهاا ...لداخل كاين اب ديڤ كيحققو معااه لساعات كيحاولو يعرفو واش تواصل معااه مراقبين التيليفوناات بلا حتى نتيجة
شاف المحقق خارج ومعاه لبوليس تابعيينو مشا عندو حذيفة موقفو وقال: واش كاين شي جديد
_جاتنا اخباار من السبيطار بليي جا عندهم واحد مضروب وعندو نفس نوع الطموبييل لي تشدات فلفيديو
واخيراا بصيص امل خدا الطموبيل مخلي وراه وديان ومرااد وكريس واقفيين وديان كدعي وتقول ياارب يلقاوها دغياا كلشي على اعصابوو
هوا تابع البوليس بلاا ميعيق ولا يدير شي تصرف يبعدووه
وقفو قدام السبيطار ودخلوو من الباب الرئيسي هو بقاا بعييد فطموبيل وكيتسنااهم يخرجو بنتييجة لصالحهم
حتى كيبان لييه خارج من باب اخور ديال السبيطار فاصمة على رجلوو وكيعرج كان مزال شااب فتلاتينات كلو وشاام وباينة سوابق غادي وكيعتر ،شافو حذيفة قاطع الطرييق وهارب من البولييس
غادي وكيشووف وراه ويتلفت وشاد فرجللوو ليي تحل جرحها ولا كلو د_م ...بانو ليه البولييس خارجيين فالاتجاه ديالوو تابعيينو عرفووه هوا المقصوود...شافوو كايوقف فالطااكسي والاخير وقف لييه بسرعة هبط بجرية وحدة مخممش لقا راسوو قدام الطاكسي حابسو تكان غايجي فييه الشيفوور كيغووت وحذيفة متسوقش مشاا نيشاان الباب اللورانيي حلوو بغا الشااب يضربوو ولوا لييه ايدو تغوت وجبدو بنتيير من الطاكسي حتى وصلوو علييه البوولييس
دارو ليه ديك السااع المينووط وداوه لطموبييل رجلو كلها د_م وكيعرج وكيغوت رجعو دخلووه لسبيطاار وهاد المرة دارو بوليسي عند الباب او واحد معاه لدااخل والفرملية كتعاود ليه الخيااطة
_معارفش علاش شديتوني
ش: علاش هربتيي
_حيت غتسولوني شكون ضربنيي
ش_ وشكون ضربك
_ واحد العصاابة كان عندهم معايا حساب قبل ماندخل الحبس
ش:شكون هاد العصابة
_اعععع منقدرش نقولييك شكوون
ش: الطموبييل من نوع *** ديالك
بقا كيشوف وكيدور فعينييه وقال : لااا
ش: الكاميرا بينات بليي ديالك، ونتاا رهن الاعتقال ك مشتبه به ب اختطااف ايمان ***
_راكم كضيعوو الوقت معاياا مكنعرف تاحد بهاد الاسم
ضحك الشرطيي وقال: هاحنا غنشوفوو
فديك الوقيتة نييت كانت الطموبيل مشات لخبرة والفحص لقاو شعر فلكوسان اللورانيي ومشا لتحليل وقبل ميخرجو النتائج كانت فايدهم حاجة اخرى لي فلمركز دخلو حذيفة من بعدما شكروه حيت تعاون معااهم
_مليي بحثنا ف الطموبيل لقيناا (جبد صااشية) لقيناا هد لكولي طايح لتحت
من بعدما طول الشووفة فييه حس بالارض ضارت بييه وشد راسوو بايديه محنيي على ركابييه بحسررة وقال: ديالهااا
_عندك شي تأكيييد
حرك راسوو باه جبد تيليفونو والغصة قت_لاتوو مكرهش ينووض يغوت دخل لكوكل فوطو فين كيخزن الصور لي بغاهم يبقاو عندو وخة يبدل اي تيليفون كيدخل كيلقااهم بقاا هاابط بالتاارييخ حتى 2015 وبالضبط فتركياا ف عيد ميلادهاا ملي خداو الصور فمدينة الالعااب وكان ياله عطاه ليهاا... وراه ل مفتش زوما على الصوورة وفايدوو العقد لي فلبلاستيكة مطابقيين ونفسهم
رجع ليه التيليفون وقال: كون هاني حنا قربنا ليهاا داباا غيعتاارف بزز منوو على صاحبوو
الليل كلو دوزوه فالتحقيق حتى اخيراا اعتاارف علمهم بلي مسلح وبدل القصة كلهاا بلي حتى هوا كان تحت التهديد وملي بغا يهرب ضربوو
خلاوه تحت المرااقبة وكيتسنااو نهار يطلع ديال اليوم الخاامس
حاسة براسها بدات كاستنزف اخر حاجة فطاقتهاا مبقاتش قاادرة حتى تهز راسهاا ولات كتهلوس كتر وكتسمع اصوات كثر ، مكلات حتى حاجة هدا خامس يووم ليهاا من داك الشرجم دخلو منوخيوط الشمس فظلام البييت ايديهاا كاتعطيها الصدااع لي بقا كيطلع توصل لعنقهاا ....حاسة بالسخانة كتااكل فيهاا ورااسهاا كيدوور بالجوع والكلاب براا ونضرتها فلبيت مبقاتش حاضرة ...طاحو دموعهاا وهي كتقول فنفسها
شحال من مرة خاصني ندوز من حدا المو_ت باش نرجع لطريق ...كيفاش نقدر نطلب الله ينجيني من هاد الموصيبة وانا بيني وبيين الاسلام غير القران لي كنطلقو ملي كيديق صدريي ...معمري حاولت نبدل حيااتيي لجانب اخور بقيت غادية على جنب واحد حتى ريبت كلشي ورجعت لزيرو ...
لبلاد لي مشيت ليهاا كتوقع لياا موصيبة كتر من اللول ...تركياا مع لباار ايطالياا مع يوسف وفرنسا مع ديڤ
واش انا مسخووطة ..واش بصح لي ولد الحرام ديما كيكون تابعو السخط والبلا فينما مشاا ولا غير انا !
علاش كاع الناس عايشيت حياة طبيعية وانا عايشة تكرفييص وعاايشة فلوييل منهار حلييت عيني فهاد الدنياا
"طاحو دموعها " فينما كنبغيي ندير خطوة لجيهة حذيفة كتجي حاجة تبعدنيي حيت هوا انساان زويين وانا انساانة مسلط عليهاا التكرفيص والبلاء ،شنو اخرتيي مقت_ولة على يد ديڤ ولا مقطعة لكلااب ولا اخرتيي بوحدي فشي بييت غياكلني غير الدود
لوكان تعطاتني حياة اخرى شنو غادي نختاار نعييش
*
تكات رااسهاا وعينيها كيتسدوو ويتحلو تقال مدابزة مع راسها باش متغيبش خافت تفيق تلقا رااسهاا فشي بلاصة من غير هادي ولا يتعدا عليهاا ديڤ وخة حتى وهي فايقة مقداش تحرك حتى رجلها باش دافع على رااسهاا
دخل عليهاا ديڤ كينهج كااسر صمتها كيهلووس وكيهدر مفهماتوش و عقلها مقادرش يستوعب مزال
جبد الموس كيحل ليهاا فربااطهاا ...حل لحبل من ايدهاا لي زراقوو حيت كان مزيرهم ورجليهاا حتى هوما
حسات بايدها تقييلة لقاتها تنفخاات بزااف
جرها من ايدها ليسرية هابط بيها و السلا_ح فايدو فمهاا سادو ليهاا
جابهاا قدااموو وقال: نمو_تو بجوج ! مبغيتش نمشيي (كيبكيي )غيرجعنيي غايسد علياا غي غي غيربطنيي ويلوح ليا لكروكيط بحال لكلااب ...لاااا (صعر)لاااا ممم مغاديش نخلييه يقت_لك كي قت_ل ماما (كيبكيي)توحشت ماما توحشت ماما هء هء
ساكتة قداموو داير ايد مدورها عليهاا من عنقها باش يتبتهاا و السلا_ح حطوو على راسهاا
مخافتش فقدات الاحساس دخلاات فلهلوسة ودكريات طفولتهاا ايد حنينة كطبطب على حنيكاتهاا ..دندنة بصوت حنين ونفس ليدين كايظفرو فشعرهاا و الشمس ضاربة فييهم
لعبهاا فسطح وهي كتلعب وسط ليزوور المنشووريين ودور بنعييمة كضحك كضحك ...الاعياد وهي كتحني ليهاا وترسم ليها لقليبات فايديها حيت مكتبغيش حنة بلدية ونعيمة مكتعرفش تنقش ومع دالك كتفررح
تبسماات فعز الالم وربي صبرها بدكريااتهاا الزوينة محسااش بشنوو واقع براا
كان البوليس ضار بديك الداار القديمة لي جات معزولة فييها بزاف تاع لكلا_ب لي كينبحوو بزاف تاع الطموبيلات لومبيلونص مجهزة بطبيب ومساعد مستاعدين لاي حاجة ...
واقف بعييد مخلاوهش يقرب كيبان لييه كلشي مجموع تما الفكرة ديال راها كاينة تماا وديڤ مس_لح غتسطييه وخرج ليه عقلوو
كالس فطموبيل كيدعيي ويقول ياارب ...سمع القرطاس وحط راسوو فوق الڤولون وفمو كيردد دعاء واحد
*
اللهم الطف بنا بما جرت به المقاادير
*
عند ايماان كيهدرو معاه البولييس من براا ولكن مبغاوش يدخلوو حيت طلق قرطاسة عليهم
جر ايمان بزز وطلعها كل مرة تعتر فدوك الدرووج حتى طلعهاا لسطح داار كلهاا قربات ترييب
ديڤ: شنووو غادي نديير غيشدووني غيعدبووني
صاح بصوتو بالايطالية :الى قربتو غانقت_لها
قرب لحاشية تاع الدار كيبانو ليه البولييس فكل بلاصة لابسين جيليي ومخبيين وراا طموبيلاتهمم كيهدرو معاه من البووق بالفرنسية
_ديڤ فير طلقهاا متخاافش ...
دڤ: اش قالوو ؟ بيانكااا
ايمان (الاخيرة واقفة غير بزز كتشوف راسها فلحاافة )غير طلقنيي ومتخاافش
كيدور بلفردي بجناابوو وهي رجليها خواو
بيها وهبطات معاه تقلات علييه تكان غيتعكل علييهاا وهبطهاا موجه فردي لرااسوو وفرديي لايمان وهي محنية فالارض
عاطي لحافة بظهرو وكيغوت: الى قربتووو غ غنقت_لهااا
ديڤ: بيانكااا نمشييو عند ماما !؟ تماك زوييين
هزات راسهاا فييه بزز مقادرااش
كان كيشوف فيهاا وكيبتاسم تجاتو قرطاسة فالكتف وختل توازن ديالوو ورجع باللور تغوتات ايمااان بحرقة بغات تشدوو بديك الخلعة تشدها البوليسي من وراها فاخر ثانية قبل متزلق فالحافة كيبان ليها تسرح فالارض وبسرعة البوليس تجمعو علييه
ايمان: ولااااااا
سمع ديك الصرخة قلبوو تهز من بلاصتوو هبط كيجري لقاا المسعفيين غاديين بالجريي بلبيااص لناحية ديڤ لي منشور فالارض مزال كيحرك فعينيه ومقادرش يتحرك...تجاوزهم وطلع فدوك الدروج كيغوت باسمهاا تلقا راسوو فالسطح لقا البوليس تماا السقف كان رااشي وشي بلايص طاييحين فييه متسوقش وعينيه معميين على كلشي
مشا كيجري عندهاا ملهووف طايحة فالارض كتبكيي والبوليسي كيطمنهاا بليي هي فامان ومبقا عندها منااش تخااف سمعات اسمها
حتى لقاات راسهاا فحضن داافئ مزير عليهاا بخوف وحب هي فالارض وهوا كالس على ركابييه حداهاا
طلع الطبيب والمسعفين لعندهاا...مخلا تاحد يقرب ليهاا هزهاا حتى حس بجسمهاا ترخى
هبطهااا لتحت لقاا اسعاف تانية كتسناا حطها فوق البيااص ونتاابه لايدها زرقة ومنفووخة تحركات لومبيلونص على وجه السرعة وهوما كيفحصوو فيهاا
كيديرو ليها فالصناطاات وجهاز التخطيط وضعو ليها الاكسجيين والسيروم فالايد الصحيحة
مسح ليها على حنااكها بخوف وقال:ايمااان (هز ايدها الصحيحة شابكهاا مع ايدو وبااسهاا كيتنهد بارتيااح لي مازال حية والباقي كلشي يتصلح مبغاش يفكر بزااف مبغاش يتخيل شنو وقع ليها مناش دازت هاد ربعياام كلهاا ....عينيهاا وحنكها فييهم زروقيية بحال شي ضربة سول على ايديها وقالو ليه بليي مهرسة ولكن غيتاكدو بالراديو ...فالمعصم كان الخط تاع الحبل باش كانت مربووطة كيبان وااضح
تاصل ب وديان علمهاا بليي جايين طمنهم ورجع لاحتضان ايدهاا مساخييش يبعد عينو ولا ايدو عليهاا
قدام السبيطار كانت الرويينة موجدين طاقم طبيي كيتسناها البولييس الصحاافة
مخلاو تاحد يشوفها دخلو لكااف ديال سبيطاار وهبطوهاا طلعوها فالسانسوور لفووق تفادياا باش ميتعطلووش ويعرفو شنو عندهاا بادق التفاصيل
بقا واقف فلكولوار حتى جات ودييان صفرة بالخلعة وقالت: شنو وقع فين ايماان يكماا واقعة ليها شي حاجة
حذيفة: حالتهاا مكرفصة ..مضروبة فوجهها و يدها مهرسة (بحقد)كانو رابطيينها لكلااب
مراد : واش فايقة كتهدر !
حذيفة: غير شديتها سخفات الطريق كلها مغيبة
مراد(باسف ) الله يدير ليها تاويل ديال الخير من وحدة الوحدة الله احفظ ففف
كلسوو فلكراسة وهواا غادي جاي البوليس داخليين خارجيين كيسولو على حاالتهاا
دايرين ليها كي لما القليل ولكن هدشي ماغاينقص والو من المعانات لي دوزاتهاا فهاد الاياام
جابت وديان جابت ليهم قهوة وبقاو عاسيين كيتسناو شي خبار
بعد ساعتين او اكتر خرجو الاطباء جوج من عندها تبسمو لحذيفة ومشاا عندهم رجليه فااشليين
_ درنا فحص شاامل للمريضة ...لقينا عندهاا كسر فالايد اليمنى وجرووح وضربة لي فوجهها موقعش اعتداء جن_سي ولا حتى محااولة...دابا غيديوها لشومبر باش ترتاح عطيناهاا مهدئ باش تنعس ابخي غيجيي طبيب نفسي يشوفها ويهدر معاها ...
حذيفة: نقدر نشووفهاا الى فااقت متلقااش راسها بووحدهاا
_وي مكاينش مانع يقدر يبات معاها شي حد
مشاوو وجات عندو وديان ومراد كيطمنو قال ليهم اشنو قال ليه الطبيب
طلعو لشومبر ديالهاا دخلو عندها بهدووء تواحد مكيهدر ...وديان شافت ايدهاا مجبرة وفاصمة فالايد التانية ملبسينهاا لباس سبيطار فلزرق منو لحمهاا ومغطينهاا ب مانطة بيضاء وجهها شااحب ...وفمها ناشف حلاه ناعسة بهدووء
انساحبات وديان خافت تفيقهاا بقات فيهاا ولات حاسباها ختها الصغيرة هي عرفات معاناتهاا من صغرها حسات بليي محتاجة تفرح محتااجة لطاقة ايجابية فحياتهاا
تبعهاا مراد وسد وراه الباب مخليي حذيفة فجنبهاا...جر الكرسيي وهز ايدو كيداعب فروت شعرهاا وكيهدن خوفو من جيهتهاا
حس بيها ناعسة بهدووء مقدرش ينوض ويخليهاا مقدرش يبعد عينوو عليهاا
تحل الباب من طرف وديان من بعد مدة طويلة بانت لييه داخلة بصاشية ديال المااكلة حطاتها فوق الطبلة وقالت بهمس:حتى نتا مكليتي والوو ... عتق باش تقدر تكون بخير معاهاا ...غنمشي لداار نجيب ليها حوايجهاا
حذيفة(تبسم ليها بامتنان)شكرا اختي الله احفضك
خرجات بشوية وسدات الباب ورجع الاخير لكلستو جنبهاا
شومبر كبيرة بحال السويت فيها فوطويات وتلفازة وبلكار كبير ودوش وطواليط
مشا كلس ومسح على وجهو بتعب جبد تليفونو لقا بزاف تاع الميساجات
طلب الادن من الخدمة وعطاوه راحتوو طمن صحابو بلي الامور بخير ورجع رتااح جنبهاا
كان محتاج يسد عينو كتر ما كان محتاج ياكل رجع لكرسي حداها تكا راسو جنب يديها باش لفاقت يحس بييهاا
داك الهدوء لي كاان خلاه ينعس براحة وهوا عارفها حداه مكاين شكون يديها ليه داباا ..مرة مرة يحل عينييه المتعبيين يطل عليهاا ويرجع يغمضهم
حلات عينيهاا بعد وقت طويل حاسة بعظامها كيضروهاا بزااف كلشي فييها كيحرقهاا بحال شي حد واكل قتلة ديال العصاا ...لقات الظلام من جديد
حسات بالانكساار وشكات ان داك الحضن لي حسات بييه غير تخيلاتو وبلي مزال كاينة فشي قنت تاانيي ...بدات كتنين وتنخصص بتعب
حتى شعل الضو فجأة عليهاا غمضات عينيهاا كبكيي حتى باغت دماغها صوتوو لي هدئهاا لطف ايديه لي دازت على راسهاا بحب
حذيفة:ايماان ...ايماان (دوز ايدو على حنكها ) تحاجة مغتقرب لييك داباا انا حدااك
حلات عينييهاا وغير تاكدات بليي هواا حاولات تنووض وحبسهاا
ايمان: هءهءهء حذيفة هءهء
حذيفة(تحناا حضنهاا كيهدن فيهاا )صافيي رتااحيي عفااك متفكري فوالو ،خوي راسك وقولي الحمد لله
كتبكيي فحضنوو وكتقول الحمد لله حتى حسات براسهاا رتااحت بعد ومسح عينيهاا جر الكرسي وكلس جنبهاا حاضن ايدهاا
ايمان: هء واش انا فالسبييطار
حذيفة: ممم الحمد لله
ايمان: واش ما_ت ءهء عيييت احذيفة هءهء عيييت مزال مامشاا من قداميي لي ما_ت فلغا
حذيفة(سد ليها فمها بايدوو )ششش ...ايمان سكتي ...سمعتيني ! ششش...نتي مامسؤولة على تواحد فيهم
ايمان(حركات راسها باه): كيجي وراياا غير المشاكيل ،واش غتبقاا معاياا حتى طيح فشي مشكييلة هءهءه بغيتي تكون هدييك اللخرة لياا
حذيفة: مشغلكش ...واش انا دري صغير ! مكنعرفش نفكر بعقلي ...شنو غايوقع لياا من وراك
ايمان: هءهءه مكتشوفش بلي ربي كل مرة كيدير لييك سبب باش تبعد منيي !
حذيفة: يمكن كيدير ليك السبب نتيي بااش تشدي طريقو ...انا ماشي ملاك نازل من السماا علاش غيبعدني علييك ؟ انا مكنغلطش ولاا كيبان لييك شي ملاك حداياا هاز ݣومة كيمسح ليا الذنوب ...قوليي اعوذ بالله من الشيطان الرجييم
حسات بالقبلة فايديهاا حسساتهاا بليي هي ماشي بوحدهاا كايين لي مونسهاا وكيطمنهاا
رجعات نعساات فلبلااصة ومفاقت الا على ضو النهاار طلع حلات عينييهاا لقاتو متكي راسو حداها تبسماات وهزات ايدهاا بشوية ترددات تحطها على راسوو لمدة عاد لامساات رطوبية شعرو لكحل بين شعرو لكحل بعض زغباات بيضيين مفرقيين
حس بيهاا وبقا على وضعيتوو مغمض عينيه وحاس بايدهاا كدوز على شعروو بلطف
تحل باب البييت ...هز راسوو وتبسم ليهاا حتى دخلات الفرملية بالفطور وقالت: صباح الخيير ...كتحسي برااسك مزياان ؟
ايمان(حركات راسها باه ) ايدي عاطياني الصداع شوية
_سي نورمال ...فطري باش تااخدي الدوا ديالك عفاك تقدر تخرج تفطر ولا تقضي اغراضك بينما فطرتهاا انا معاها داباا
حذيفة(شاف فايماان وتبسم)نمشي نشرب قهييوة نرجع الراس بلاصتو ونجي
حركات راسها باه فهماتو بغا يخرج يكمي على براا ...بقات مع الفرملية كتفطرهاا ...شرباتهاا الدوى ديالها
ايمان:واش نقدر ندوش !
_بيان سييغ ...صاحبتك قالت بليي غتجيب لييك لي برودوي ديالك وحوايجك هاد الصباح اپخي دوشي
ايمان:و يدي !
_غندير لييك بخوتيج ديال الماء ضروري...من بعد البوليس غيجيو يهدرو معااك
حركات ايمان راسها وتنهداات حتى دخلات وديان بشانطة صغيرة حطاتهاا ومشات عنقاتها بقوة
وديان: الحمد لله على سلامتك ابب كنت غانمو_ت بالخلعة علييك (باستها فحنكهاا ) كيف بقيتي
ايمان:شوية اختيي الحمد لله
رجعات عنقااتهاا وقالت: متفكرييش فداكشي بزااف ؤك ما شيغي ؟
شافت فيها ايمان وحركات راسها بالايجاب
دارت ليها لفرملية بلاستيك مضاد الماء ودخلات لدووش وديان كتعاون فيهاا
طلقات عليها الما سخوون فوق شعرهاا حسات بالرااحة مغمضة عينيهاا وكتشوف ف الحبل لي بقا مطراشي فايديها ورجليهاا
ايمان: ودياان عطيني الشومبواان
حلات الزاج وغطات صدرهاا وقالت:خلعتيني
وديان (كفضات على السورفييت كضحك) ضوري الله امسخك
غشلات ليها شعرهاا مزياان وايمان حشمانة عمرهاا تعرات قدام شي حد
وديان:عرفتيي رويينة نااضت هاد الايام فلفيس وانسطاا علييك
ايمان(كتشوف قدامهاا ) طاح قدام عيني اودياان
وديان: كونما طاح كان غيطييحك نتيي ... مالو بقا فييك ! سمعت بلي دخل ف كومة ماماتش
تنهدات مغمضة عينيهاا حتى دوشاات ليهاا وعطاتها البينوار نشفات ليهاا شعرهاا وعاوناتها تلبس
لبسات سورفيت دافية فلكحل وتيشورت كري وتقيشراات ...نشفات ليها شعرهاا مزيان و ظفراتو ورشات ليها ريحتها شوية ...دارت ليهاا ݣلوز ومورد الخدود
ايمان: ههه وديان واش انا فلمكياج
وديان: سكتيي غيشوفك عزيزي صفرة يهرب كان غيسكت ليه القلب هاد خمسيام
ايمان(تلاشات ضحكتهاا )واش خمسياام لي دازت !
وديان: نهار لخامس لقاوك(باسف)نسااي نسااي
عطاتها بانطوفة لبساتها وجمعات كلشي وراها وخرجوو رجعاتها لبلاصتها جات لفرملية رجعات ليها السيرووم
بينما حذيفة دخل هز عينو فييها وتبسسم ليها تزرع فيها الد_م من جديد
حذيفة: شوية !
حركات راسها بااه وقال: البوليس بغاو يهدرو معااك تقدري
تنهدات وقالت:ؤك
دخل جوج ديال المحققيين طلبو من حذيفة و وديان يخرجو برا وبقاو مع ايماان كيفاش وقع شنو وقع اش دارو لييك فين داوك ...عاودات ليهم كلشي بالتفاصييل وعاودات ليهم حتى الهدرة لي قال ديڤ بلي كيتعدب من طرف بااه وبطبيعة الحال واحد عندو خلل نفسيي ميقدروش ياخدو كلامو على محمل الجد
هضرو البوليس مع الصحافة وطمنوهم بليي حالتها مستااقرة وبليي مكاين حتى أذى جسدي من غير انها طاحت على ايدهاا
وبداو التحقيقات مع الشخص التااني لي حولوه لحبس اما ديڤ فكان فسبيطار اخر مع الحراسة المشددة واخا كان كومة يقدر يفيق فاي وقت
داز اليوم التااني والتاالت فسبيطاار مبغاوش يخرجووها حتى تولي لبااس دخل عندها طبيب نفسيي هدر معاهاا وكلس معاها واحد السااعة كان باغي يعرف شنو حسات فهاد الاياام
_ من ورا متخرجي من لوبيطال كنتسنااك تجي عندي ل عيادة ونهدرو بشكل مطول كثر ...صديقتك علماتني بليي كتجييك كريز اطاك من مدة طويلة. شحال دابا
ايمان: شي 5 سنين دابا
_كتعاني من اعراض وحدة اخرى !
ايمان(تنهدات)مكيجينيش نعااس ...كنتخنق ...كنحس ديما بشي حد معاياا كيوليو ايدي كيترعدو ملي كتشدني الكريز
_عندك مشاكل شخصية !
ايمان:السؤال خاص يكون واش عندك شي حاجة زوينة فحياتك
بقا كيشوف فيها مطولا وقال: كنتسنااك فاقرب وقت ...غناخد اسمك والمساعدة ديالي غتشوف اقرب رونديفوو لييك وتجيي ؤك سمعتيني !
حركات راسها بواخة وخرج ..
دخلات وديان لي بدورها كانت متوترة وعينيها باكيين ولكن مبغاتش تبين
ايمان (تقادات فلكلسة وايديهاا دايرة ليهاا سمطة على كتفهاا ) وديان شنو وااقع مالك (بخوف)مخبية عليا شي حاجة من البارح ماشي على راحتك
وديان: ماما واقعة ليها شي حاجة (كتبكيي ) قالو ليا بليي ضاربها البرد واليوم تواحد مكيجااوبنيي
دخل عندها حذيفة مبدل علييه معتامد لباس مرييح لي هوا سورفييت وكاسكييط غير دخل حيدهاا وكلس حداهاا وقال: كيف بقيتي ليوم شوية (شاف ف وديان )ودياان بخير
وديان(حركات راسها باه كتمسح دمووعهاا ) لباس اخويا شكراا
حذيفة:واقعة شي حاجة !
وديان: دارنا تاحد مكيجاوبني البارح ماما كانت مريضة خفت غير تكون كوروناا وصلاتها كانت عاد فتحات وبنادم كيدخل ويخررج عندها
حذيفة: وايليي !
مزال كيهدرو تصونا تيليفونها شافت ف ايمان وقالت: وجداان ختي
ايمان:جاوبيهاا
وديان: نتي عارفاها مكتصونيي غير لكانت شي حاجة نيييت
ايمان(بخوف ) وغير جاوبيي اوديان
بعدات كترعد وجاوبات ختها لي مطولاتش معاها الهدرة
وجدان:الو ودياان
وديان:ويي بخير كنصونيي تواحد مكيجاوب
وجدان: كلنا كنا فلاكلينيك ....خاصك تجيي بابا وماما بجوج بييهم فيهم كورونا وماما راها كومة دايرين ليها الاكسجيين لقاو المناعة طاايحة
وديان(شدات فقلبهاا ) اويليي
قطعات علييهاا ناضت ايمان مخلوعة كتسكت فيهاا حتى دخل كرييس هاز الورد شاف حالتها وقرب لييهم عاودات ليهم شنو كااين
ايمان:نوضي قطعيي شنو كتسنااي
كريس: متمشيش بوحدك فهاد الحالة غنمشيي معااك
حذيفة: من الاحسن
وديان(شافت فايمان )سمحيلياا ا ايمان
ايمان:نوضي اصااحبتيي واش انا صغيرة شوفي ماماك ان شاء الله ميكون والوو ياله تجمعي وتقطعي فاقرب وقت
توادعات معااهاا وخرجاات وخرج معاها كريس رجعات ايمان لبلااصتهاا وقالت:منين خرج هاد الفيرووس حتى هواا واش صعيب !
حذيفة: لي المنااعة ديالوو قليلة كيمحنوو فالرية بزااف ...نتمناو ليهم الشفااء بداو الحالات كيطلعو فالعالم كامل وصل تالمغرب
حركات راسها وتنهدات وقالت :ونتا..واش غنبقا شداك على خدمتك احذيفة
حذيفة:كتجري علياا ازعيبييلة
كانت متكية وتقلبات على جنبهاا جيهتو وقالت: حاشاا نتا معارفش معزتك فقلبيي قدااش
داعب صباع ايدهاا وقال:على هاد قدااش انا معاك حتى توقفي على رجلييك ...بغيت نطلب منك واحد الطلب (حركات راسها باه وكمل كلامو ) بصح خاصني نمشي حيت عندي التزاماات بالخدمة وبزاف تاع الحوايج ولكن مبغيتش نخلييك هناا بوحدك ...ياله معاياا الى كنتيي قدام عيني غنرتااح
ايمان:انا بخير احذيفة غدوز كيفما دازوو لي. قبل (بانكسار )ولفت
حذيفة: فهميني منقدرش نخلييك بوحدك ترجع وديان ورجعيي ونييت تبعدي شوية من هاد الروينة وترتااحي ...مغانبقاش نطلب فيك هنايا كوني تسمعي الهدرة
ايمان (بحب داعبات ايديه )واش نستااهل منك هدشيي احذيفة
حذيفة(باس ايدها وقال) :تستااهلي رووحي نعطيها لك
يتبع...
التعليقات
لا توجد تعليقات بعد، كن أول من يعلق.