مجدول الذهب الجزء السادس

- هاشم [ سكت أش غايݣوليهم ، بلي فينما تلاݣا معاها كتنوض بيناتهم ، وبلي كتعصبو .. يݣوليهم بلي هي لي لي عندها السلسلة ديال مجدول الذهب الثانية ، شنو غايݣوليهم بضبط ] :

هكاك وصافي ، التيقار زوين .. ماشي بضرورة ناخدو من نفس العائلة .. ودابا انا مكنفكر فزواج .. بغيتيني نسافر نبدل الجو الواليدة ماݣلتي عيب نمشي ، ولكن الزواج فهاد الوقت غير نساوه ، نهار نبغي نتزوج انا لي غانقرر بيمن وإيمتا ..

- وقف باس ليها راسها ويديها وطلع لبيتو ..

- نعمة [ بقات متبعاه بالعين ، دورات راسها شافت فتوفيق ] :

شتيه ، شتيه ... واش يلقى بحال قوت ، هدا مالو واش سحرات ليه ديك خيتي أستغفر الله العظيم ..

- توفيق :

حتى انت زربتي عليه انعمة ، الولد مزال حتى ماطلق ..

- نعمة [ تعصبات ] :

ومالو ايبقى حازن ، حتى هداك يسميوه الناس زواج .. بحالو خاصو يدير صدقة ويفرح حيت ربي نجاه منها ..

- توفيق :

الالة خرجي سوقو يضبر راسو ولمحاينو ، صافي شغلو هداك راه بعقلو عارف اش كيدير. ..

- نعمة [ بإصرار ] :

هاد المرة أنا لي غانزوجو ، شفنا الإختيار ديالو الزين النايح تبارك الله كيداير ، انا درتو فراسي ، من قوت والله مانخلاق ، هي لي تصلاح لولدي وهي لي اتكون مرات ولدي وربي كبير وهانت وهانا ..

- توفيق [ كيشوفيها ] :

عجينة يدي ، الى درتي الحاجة فراسك كتوصلي ليها ، علاش ناوية يا هاد المرة ، خلي عليك ولدك فتيقار ، هو ماباغيش وإلى جا للبنت مكتابها ؟

- نعمة [ كتف فكمها ] :

برات البلا والباس ، الله يحفظ ياربي مايجيها حد حتى نديها لودي ، وهي لي غاتكون مرات ولدي انا صافي تخايلهم مزوجين مايحيدهاش ليا الطبيب ، قوت للهاشم وهاشم للقوت .. انت غير نصي ليا الأمور على وديت التسافيرة ديال الشمال ، وخرج هاد السوق ..

- توفيق [ حرك راسو ] :

ايوا أش غانݣوليك ، ديري لي بغيتي .. صافي أنشوف مع واحد السمسار كنعرفو ، نريزيرڤي عندو من دابا إيمتا بعدا ؟

- نعمة : ورا العيد الكبير إن شاء الله ..

- توفيق :

إيوا راه مابقاش بزاف ، الى خلينا حتى لداك الوقت كتعمر دنيا صعيب تلقى شي دار للكرا ..

- نعمة [ ناضت وكلسات حداه بإبتسامة حطات راسها على كتفو معنقاه ] :

لهلا يخطيك عليا أتاج راسي ..

- توفيق [ ضحك وعنقها ] :

عارفاني مكنݣدش نخسر ليك خاطرك ، الله يخليك ليا..

- نعمة [ تنهدات تنهيدة طويلة] :

اللهم آمين يارب ..

_______________

- خولة [ هازة فيها عينيها ] :

بغيت غير نعرف ، علاش معصبة دابا مافهمتش ؟

- قوت [ شافت فيها ] :

بغيت نعرف لاش هاد تسافيرة كاملين ، مالفين كنمشيو غير حنا .. كنخرجو بخاطرنا نعومو فالبحر بخاطرنا ، دابا لاش غانسافرو اعباد الله بزوج ... مغاناخودش راحتي ..

- خولة :

زعمة حيتاش غايكون هاشم ؟

- قوت :

خولة انا وداك السيد اختي مكانتفاهموش ، بحال المش مع الفار ، سبحان الله العظيم واش انا كتعرفيني عصبية ، لا قليل شيحاجة تأتر فيا ولا تنيرڤيني .. هداك النخلة ماعرفتش مكنكرهش نشدو نتفو زغبة زغبة علاش الله أعلم ، كيجيني عاجبو راسو بزاف .. ماحساك نتجمعو تحت سقف واحد ، ونخرجو كاملين ونتبحرو كاملين ..

- راحتي راه مغاديش ناخودها ، منقد نعوم انحس بنقص اصاحبتي ، وبحال والو يجيب صاحبو معاه بحال إكس ..

- خولة [ خبطات فخاضها ] :

متقوليهاش حتى بضحك هالعار ..

- قوت : والله أعلم ..

- خولة : شوفي ، يجيب صاحبو ولا صاحبتو شغلو هداك ، حنا إن شاء الله ندوزو وقيتة زوينة نخرجو نفوجو ، السفر راه كيجي امرة وحدة فالعام لي هو الصيف ، وشمال عمرنا شناه ولا مشينا ليه ... حسبيه مكاينش ݣاع حنا جايين مع العائلة ونبينا عليه السلام ..

- وأنت تفادايه ، البلاصة يكون فيها هو خويها أنت ، راه ماهما كان راكم عائلة غير تعودي عليها وصافي ، داكشي لي كنعرف عليك طبقيه ، انت تعاملك بارد ومرزنة ومتبتة ، وهادشي لي رباك عليه عمي ... راه جاك فواحد الوقيتة لي انت فيك الدورة ، كتكوني معصبة فيها واقل حتجة كتعصبك ، راه غير تفوتك ترجعي بيخير واخا يجيب تما طبالة مايحرك فيك والو ..

- قوت [ ݣلسات على الكرسي قبالت خولة ] :

بصح عندك الحق [ تنهدات تنهيدة] هاد لغيݣل مكتمشي حتى كتمرشني وحق الله العظيم .. عندك الصح والله ، الله يصاوب من عندو ياربي ، ولكن نعاود نقولها بلا لغيݣل ، هاد هاشم والله مادخل ليا لقلبي .. جاني تقيل على القلب ..

- خولة [ كطنز] :

ايوا غير الله يستر ، لا هاد التقولية ترجع خفوفية ، وتلقايه فرت دخل للقلب وتربع عليه .. [ غمزاتها] .. يلاه اتجاوبها قوت ، وهو يبدا تيليفونها كيسوني ، هزاتو وهي طلع ليها نمرة غريبة عليها ممامسجلاهاش ، فتحات الخط وبصوت هادئ رزين :

ألـــو ..

- جاها صوتو من الجهة الأخرى :

شوفي بلاما تقطعي ، خلينا ندويو غير بالعقل .. انا صلاح ..

- قوت [ عقدات غوباشتها او وقفات ] :

فين جبتي نمرتي ؟ واش ماكفاكش العصى لي خديتي ، واش مابغيتيش تعطيني تيساع ؟

- صلاح [ بترجي ] :

قوت سمعي ، قسما بالله حتى ندمت وحق الله ، ىاه داك الوقت كنت طايش عقلي سايط فيه الريح .. راه بنادم كيغلط .. زعمة نسيتيني ، الحب الاول مكايتنساش ..

- قوت [ ضحكات ] :

وحق الله العظيم الى راك هبيل ، أشمن حب ولا نبݣ .. تكون طايش ولا مطايش أخويا شغلك هذاك ، يحسابليك قوت القديمة هادي الهبيلة لي كانت غير نية ، هيهات تم هيهات .. فقت وعقت داكشي غير تخربيق ..

- صلاح :

عمر الحب مكان تخربيق ، أنت دابا غير دايرة فيها عزة نفسي ، أنا راه ماباغي منك والو ... عطيني غير الأوكي نجي لداركم الله يرضي عليك ..

- قوت [ بصرامة وبرود ] :

سمعني أصلاح مزيان شنو غادي نقوليك ، راه واخا تبقى انت بوحدك لي راجل فهاد الدنيا ، او واخا نعرف نبقى بلا زواج ونظفر الشيب لا تزوجت بيك ... راه كنت غير حمقة وحيت انت او ذكر دخل لحياتي حيت حاشة تكون راجل ، حيت لي رجال دبصح ... مكايشدو الهضرة مع صحابهم بسيرة بنات الناس ويرضوهم ضحكة ..

- وشوف نقوليك جوج كلمات ، راه شتي نسابنا أش دارو ليك ياك ، وهاد المرة وحق لا إله إلا الله ، وأقسم لك يمينا حتى نديكلاري بيك عند البوليس ، ونقوليهم كيتبعني ، وكيسوني عليا وكيقطع عليا الطريق وكيهددني ، وراه كاينين الشهود ، وديك الساعات دوز حياتك فالحباسات ويخصر ليك ضوسي .. وبعد مني حسن ليك لا مايعجبك حال راه منليقش ليك الله يعاون ..

- ماعطاتش ليه الفرصة فين يجاوبها وقطعات عليه لايحة تيليفون فوق نموسية ..

- خولة [ بإستغراب] :

هاد الكيدار منين جاب نمرتك ؟

- قوت [ بإنفعال ] :

ماعرفت ليه ، هو لي كان ناقصني ... غدا غادي نبدل النمرة ديالي ، بحال والو يكون سيفط ميساج فنمرة الواتساب ديال الخدمة ، مجاوبتوش فيها سونا ليا فهادي .. قاليك نجي لداركم ، الطماع لاخور ..

- خولة [ جمعات الوقفة ] :

انمشي نعس ، غدا فايقة بكري خاصتي ندوز لدار ... انا راه بقا لبا الشهادة السكنى عندكم ، شي نهار نلقى عمك محمد حورية حاطين ليا حوايجي عند الباب ..

- قوت [ كضحك ] :

ماكرهتش ، تجي نيت تونسيني فبلاصة سناء ..

- خولة [ كضحك ] :

باز يلاه تصبحي على خير ..

- قوت : وأنت من أهل الخير ... ، مشات خولة تنعس وقوت هزات تليفونها دارت ليه وضع طيران حطاتو على الكوافوز تخشات فبلاصتها ونعسات ..

________________

‏" القوة لا تكمُن في أن يكون الشخص صلبًا، غير مباليًا، مُتجاهلًا للمشاعر ولا يكترث حتى بِخسائره، وقلبُه أشبه بالصخرة.. القوة الحقيقية تكمن في رقّة القلب، دُموع الرحمة، العطاء بلا مُقابل، أن تهِب الحُبّ لمَن حولك بالرغم من حُطامك أنت ..

- فوسط عيادة لأمراض النفسية ، ݣالسة على برا لابسة جلابة فالغوز ، مع صندالة ميني طالون ، شعرها مسرح على راحتو .. حاجة ساكها حداها ، معنقة يديها لعندها كتحس بيهم باردين ، كانت متوترة ومخلوعة ..

- ݣالس حداها حاضيها وحاضي تحركاتها ، كان عارفها خايفة ومتوترة .. شاف فساعتو ورجع هز راسو فاش وقفات عليهم البنت لي فالإستقبال :

مدام سناء تفضلي ... وقفات سناء هازة ساكها ، تبعات البنات او وراها ياسين .. حلات ليهم الباب دخلو وسدات الباب وراهم ... الطبيبة كانت فالأربعينات من عمرها ، الإبتسامة على وجها وملامحها بشوشة ، قدامها كان محطوطة سميتها دكتورة نعيمة .. :

مرحبا .. تفضلو .. ، ݣلسات سناء فليمن وياسين فليسر .. سناء مكانتش عارفة واش هي لي تبدا الهضرة ولا تخلي ياسين هو لي يدوي ..

- فاش ممكن نعاونكم ؟

- د.نعيمة تبسمات من ورا ماعاود ليها ياسين كولشي ، هزات راسها وشافت فسناء لي كانت حشمانة بزاف ..

- سناء قولي ليا ، الطفولة ديالك كيف دازت ؟

- سناء [ تفاجأت من هاد السؤال ] :

طفولة لي مزيانة الحمد لله ..

- د . نعيمة :

او العلاقة ديال والديك مع بعضياتهم كيدايرة ؟

- سناء :

مزيانة ، من نهار عقلت عمر بابا غوت على ماما ولا أداها بشي كلمة ولا جرحها كان كيعاملها زوين ، حتى دابا واخا كبرنا وكولشي ، مزال المعاملة ديالو عمرها تبدلات .. ، كيحتارمها كيقدرها وحتى هي هكاك ..

- د . نعيمة :

داكوغ ، شنو السبب لي هلا هاد الإحساس ديال الخوف يتزرع فيك ، من جهة راجلك ؟

- سناء [ بلعات ريقها وحدرات راسها حشمات ، كانت كتلعب بصباعها بتوتر ] ..

- نعيمة [ شاف فياسين ] :

موسيو ياسين ممكن تخلينا بوحدنا الى ممكن ؟

- ياسين هز براسو ، ناض من على الكرسي خرج وسد الباب وراه ..

- نعيمة : دابا تقدي تعاودو وتاخدي راحتك ؟

- سناء [ تنهدات تنهيدة طويلة] :

الصراحة ، انا كندخل للمواقع تواصل بزاف ، وكنسمع لبزاف ديال القصص ... وكنشوف البنات كيتشكاو من رجالتهم ، شحال من وحدة قالو بلي ماتت بسبب نزيف فليلة الدخلة ... وشحال من وحدة ق**طعها راجلها فديك الليلة وخيطوها بسبب العنف ديالو ..

- كاع القصص لي قريت عطاو إنطباع خايب على ديك الليلة ، انا ديجا مكانوش عندي علاقات قبل ، وماعندي حتى تجربة مع الجنس ديال الرجال ، هادشي خلاني نبغي نتزوج .. ولكن ..

- د . نعيمة [ تبسمات ] :

سناء أنت قارية ؟

- سناء : اه الحمد لله قارية ..

- د.نعيمة :

داكوغ ، الى جيتي تفكري راه غادي تلقاي الجواب لهادشي لي كدوزي منو فداركم ، خاصك تعرفي بلي الناس ماشي كيف كيف .. كل إنسان فهاد الحياة كيختالف على لاخر ، على حسب التربية وكيفاش كبر وعاش ، وشنو هوما العوامل لي كبر عليهم وعاش فيهم ..

- الى سمعتي شي حد كيضرب مراتو ، راه ماشي كاع الرجال كيتصرفو بداك التصرف مع عيالاتهم .. كل إنسان والبيئة فاش عاش ، وانت عاد قلتي بلي الأب ديالك كيعامل ماماك مزيان ، عمرو أداها ولا ضرها ..

- يعني راه من هنا اتعرفي بلي الناس ماشي بحال بحال ، والى شي وحدة فشل الزواج ديالها ، راه ماشي حتى أنت غادي تفشلي فزواجك .. هادوك غير اواهم وتخيلات كينتجهم العقل الباطني ديالك ..

- تنفسي ورتاحي وبداي حياتك عادي ، هداك راجلك حلالك ... ماشي شي واحد لي براني لي غاتخافي منو ، عيشي حياتك وستمتعي بزواجك ، واش شفتي طبيبة نسائية قالت ليك اينا نوع من غشاء البكارة عندك ؟

- سناء :

أه مشينا قبل منجيو عندك ، قالت ليا بلي عندي النوع لي عادي ، يعني مغادي نلقى مشكل ..

- د.نعيمة [ بنفس الإبتسامة ] :

اذا ماعندك مناش تخافي ، عطي راسك فرصة ولا راجلك ، وراه كيبان ليا بلي كيبغيك .. حيت قليل لي كنشوف الازواج كيبغيو يجيو مع زوجة ديالهم للعند طبيبة نفسية ..

- كاين بزاف لي مكايتقبلش هاد القضية ، اما هو كيبان ليا متفهم ... ماتخسريش سعادتك ، ستمتعي بوقتك بالكامل ، تافقنا سناء ؟

- سناء [ رضات عليها بإبتسامة ] :

إن شاء الله .. تشكراتها وناضت خرجات لعندو ، غير شافها وقف وجا عندها

- ياسين [ بإستجاوب ] :

مزيانة ساليتو ؟

- سناء : الحمد لله مزيانة ، اه صافي سالينا ..

- مشا خلص ، وخرجو بزوج بيهم ، من العيادة .. الطريق كلها وهي كتفكر شافت فيه وقالت :

عفاك واخا دوزني عند ختي للمحال ديالها ، وديك ساعات سير بغيت نكلس معاها شوية ؟

- ياسين [ شافيها ] :

واخا لي بغيتي ، الى بغيتي ترجعي سوني ليا نديك ..

- سناء :

اليوم مغاديش ندير الغدا ، بحال والو نتغدا معاها ، بلاما تعذب راسك ، أنا غاناخود طاكسي ونمشي لدار ..

- ياسين [ ستغرب ] :

واخا ..

- حطها عند ختها ومشا هو للخدمتو ، قوت كانت لداخل خدامة على الصفحة ديالها للمحال فالانستغرام حتى دخلات عليها سناء ..

- قوت [ هزات فيها راسها بإستغراب] :

ياختي ياختي شكون جا عندي فين كنتي ؟

- سناء [ ضارت عندها سلمات عليها وݣلسات ] :

كنت انا وياسين عند الطبيبة ... شوفي داك الخلخال لي قلتي ليا جيت باش نديه ، قلت لياسين بلي غادي نتغدا معاك بلعاني ..

- قوت [ ضحكات ] :

هي نويتي طبقي النصائح ديال خولة ؟

- سناء [ عضات على شفايفها كضحك ] :

وراه داكشي لي قالت الطبيبة ، غير هي ماشي بتفصيل ... قالت ليا ستمتعي بزواجك ، وشلا ماقالت والى جيتي تشوفي عندها الصح ، تبعت القصص ديال الانترنت حتى كانو غادي يخرجو عليا ..

- قوت [ بجدية ] :

داخلت عليك بوجه الله ، واش عمرك شفتي شي وحدة حاطة بوسط كنقول انا الحمد لله فرحانة فزواجي وراجلي مبرعني ولا ولا ولا ..

- سناء [ كضحك ] :

الصراحة لا ..

- قوت :

كتلقاي غير لي كتشكا فعل ليا دار ليا ، تكرفص عليا ... حيتاش لي عايشة بيخير وفرحانة ومرتاحة فحياتها ... مكتشاركش داكشي مع الناس ، مخبياه حيت هي ماشي حمقة تشاركو ..

- سناء [ جاها تأنيب الضمير ] :

عندك الصح والله العظيم ، تكلخت فهادي وخدمت حمارة ..

- قوت وقفات ، حلات الفيترينة وجبدات منها واحد الخلخال زوين منبت بالحجيرات .. هزاتو ودارتو فالبواطة ديالو ومداتو ليها :

هاكي يالالة تبرعي ليا مع راسك ..

- سناء [ عنقاتها ] :

لهلا يخطيك عليا ، أجي المحال الاول اش غادي ديري فيه ، كون غير شداتو خولة ايبقى مسدود هكاك مايمكن ..

- قوت :

علاش هي بغات تسمع ليا ، عييت معاها قاتليك حشمانة من الحاج مبارك تخلي ليه البزار .. ولكن غير حتى نشوفها هاد المرة غانبزز عليها ، اللهم هي تشدو غادي نأمن عليه وهي فيه ، ولا نخلي البراني والثقة مكايناش ..

- سناء [ وقفات ] :

بصح عندك الحق ، المهم انا خاصني نمشي يلاه يلاه نوجد راسي ، نجيبها مع العشا هي هاديك ، لهلا يخطيك عليا على قبل الخلخال ، ياربي نرضها ليك فساعة الخير ونفرح بيك ..

- قوت [ بإبتسامة ] :

بصحتك وراحتك ، تلبسيه بالهنا وراحة .. خرجات سناء من عندها ، وقفات فشارع شيرات لطاكسي .. وقف ليها ركبات ومشات .

_______________________

- مقابلة الخدمة ديالها ، كانو واقفين عليها جوج من السياح الاجانب ،عاطياهم صوابهم والخاطر .. لابسة سروال ديال الثوب فالأورونج مبين فورمتها .. وطولتها ، مع شوميز فالبيض .. وبوني على راسها فيه الألوان ، شعرها مطلوق على خاطرو .. صندالة خفيفة فالبيض فرجليها .. وبراسليات فيدها ..

- كيسولوها على شي طابلويات ، وهي كتشرح ليهم والإبتسامة مامفارقاش وجها .. تغلغلات ريحة رجولية لنيفها ، وظل غطا على باب المحال ، هزات راسها تشوف شكون دخل .. حسات بقلبها كيضرب ورعدة شداتها ... طلعاتو ونزلاتو ورجعات إهتمامها للتوريس بحال الى مكاينش نهائيا ..

- خداو التوريس لي بغاو من ورا ماعطاتهم صوابهم ، غلفات ليهم داكشي لي شراو ، خرجو وهوما فرحانين عاجبهم الحال .. رجعات للبلاصتها كتستف السلعة لي جبدات حتى وقف عليها ، ناطق بصوتو الرجولي ، لي كان فيه بحة ديال التوتر :

خولة صاڤا ؟

- خولة [ هزات راسها فيه ، ببرود وصوت انثوي ] :

اهلا صاڤا الحمد لله ، وأنت ؟

- فؤاد [ هزهز براسو ] :

حتى انا .. [ دور راسو فالمحال ورجع شافيها ] المحال زوين تبارك الله ..

- خولة [ هزهزات راسها ] :

اه زوين .. دور وشوف لي بغيتي ، والى بغيتي شيحاجة محددة قولها ليا ..

- فؤاد [ توتر ، ماحملش راسو ، كيحس بحال الى باغية تكركبو دغية ] :

خولة الصراحة ، جيت باغي ندوي معاك ..

- خولة [ جمعات حجبانها وبإستغراب نطقات ] :

فاياش بغيتي تدوي معايا ؟

- فؤاد :

ماشي بلاصتها هادي ، الى ممكن تعطيني نمرتك ديال التيليفون .. ندوي معاك نديرو انا وياك شي قهيوة ..

- خولة [ سكتات ، وبإبتسامة شافت فيه بتقالة ورزانة ] :

سمع أفؤاد ، أنا مكانݣلس فقهاوي مكنجمع فديور مكانتلاقى ناس على برا ..

- فؤاد [ شوكاتو ، حس بصهدة طلعات معاه ] :

وعلاش ؟

- خولة [ ببرود ، هزهزات كتافها ] :

منبغيش شي واحد ينعت فيا ، ولا يمشي عند با ويقولو لو شفنا بنتك فالبلاصة الفلانية مع فلان ، إلى انت عندك عادي فراه انت راجل أما أنا لا ... وحاجة اخرى ، أنا مامسلياش ماعنديش الوقت نݣلس فالقهاوي ، وقتي عامر الصراحة ..

- فؤاد [ عض على شفايفو تعصب ماعجبوش الحال ، جمع يدو على شكل قبضة ، كيعض فباطن حنكو .. حس بالإهانة ، والقمعة لي دارت ليه عمرو دارها ليه شي واحد ، هزهز راسو ، ونطق ببرود ] :

واخا ماݣلتي عيب .. حنا راسو ورجع منين جا ...

__________________

- الشمس غربات ، وبلاصتها القمرة تعلات .. دخل الساروت فالباب ، مع حلو تعطاتو ريحة غريبة ، ريحة ديال حب الملوك .. دخل للدار سد الباب مع ضار كتبان ليه واقفة ، الصدمة فشلاتو لدرجة السوارت طاحو من يديه ، كتبان ليه واقف لابسة كسوة قصيرة ، رجليها عريانين .. صبيعاتها مصبوغين بالبوردو وخلخال مدهب مزين ساݣها ... بمشية انثوية جات قاصدها ، وبصوت حلو نطقات :

على سلامتك أحبيبي [ تعلات على صبيعات رجليها عنقاتو ، بعدات شوية كتشوف فيه بكل حب وطبعات بوسة طويلة على خدو مخلية أثر العكر على خدو .. ] .. بلع ريقو ودقات قلبو كيتسمعو .. صدرو كان كيطلع وكينزل من هادشي لي كيشوف قدامو ..

- ريحتها تغلغلات ليه وسط نيفو ، كيرجع يشوف فهاد الكتلة ديال الأنوثة لي قبالتو ، مامتيقش بلي راه بصح هادي مراتو لي كانت نهار الأول حشمانة منو وكانت حارماه منها ..

- ياسين [ بلع ريقو وشاف فيها ناكق بصوتو الرجولي] :

سناء ، صاڤا مزيانة ؟

- سناء [ ضحكات بأنوثة عاضة على شفايفها بخجل ] :

عمري كنت مزيانة قد اليوم .. العشا واجد ، نتعشاو وتدخل تدوش عليك باش تحيد العيا ديال الخدمة ..

- جراتو من يدو ، وهو مݣيد بلا هواه ، محاسش على راسو ، جرات الكرسي ݣلساتو ، ومشات تحط العشا .. كانت بلعاني كتعوج قدامو ، الكسوة لي كانت قصيرة ، كضرب ليها عند الفخاض .. عندها فتحة جهة الصدر ، شعرها لي كانت مصايباه .. والمكياج لي كانت حاجة مكانش كثير ولا تقيل ..

- ريحتها مزال لاصقة ليه فنيفو ، وملمس لحمها الرطب مزال كيحس بيه فيدو ... حطات الماكلة وݣلسات ، بداو كيتعشاو وهو لقمة ففمو وعينيه عليه ، كلما هز فيه عينو كتبسم ليه ..

- ياسين :

هادشي بنين الله يعطيك الصحة ..

- سناء :

بصحتك وراحتك ماكليتي والو ، بلاتي بلاتي [ وقفات وجات لعندو ، بدات كتهز من الحوت لي طيبات وكتوكلو بيديها ، كان بحال دري صغير ، كتحلي فمو كيحلو كتوكلو وساكت مبهور بيها .. ماعندوش خبرة مع العيالات ، وهادشي لي كدير فيه سناء أول مرة تطرا معاه ، جاه هادشي جديد عليه ، ولكن إحساسو فهاد الساعة مكايتوصفش ..

- خصوصا ، فاش تجرئات وݣلسات على رجليه كتوكل فيه بحال شي وليد صغير وتبسم ليه فوجهو ... كان ݣالس بحال الى ݣالس على العافية ، كيحس بصهدة قلبو كان كيضرب بجهد ... النفس كيطلعو بصعوبة ، حركات فيه أحاسيس عمرو حسهم فحياتو ، رجولتو تحركات من جهتها ..

وقفات غير بالمهل ، هزات العصير وكبات ليه .. مدات ليه الكاس وقالت :

هاك خود باش دوز ... خدا من عندها العصير نزل عليه دقة وحدة ، كان بارد مبرد النار لي شعلات فجوفو .. نطق بصوت مرتاجف :

انوض ، [ سكت ورجع نطق ] خاصني نوض ندوش ، ناض من على الطبلة هربان ، دخل للحمام وسد عليه ، وجهو تزنݣ وداتو كلها مابقاتش ديالو ، زول حوايجو ودخل تحت دزش طالق عليه الما البارد ، على وعسى هاد الما يبرد ولاو شوية من هادشي لي كايحس بيه ..

- فهاد الوقت ، طارت سناء بالماعن للكوزينة ، دارتهم فالماكينة ديال الغسيل ، غسلات يديها ورجعات للبيت طرفات حالتها ، عاودات العكر لي تمسح ، رشات من ريحتها وزولات ديك الكسوة ، بدلاتها بواحد الشوميز فالازرق كانو جابوه ليها فدهازها ، مشات بالخف للكوزينة ، هزات البلاطو لي كان مستف فيه ديسير وبيمو .. حطاتو فبيت النعاس ، شعلات التلفازة وحطات حداها واحد الزيت ، خرج ياسين من الحمام ملوي فالفوطة .. دخل للبيت وقف ، مبلوكي كيحس براسو دايخ واش هادي دارو نيت ولا غلط فالعنوان ، سناء كانت حالفة حتى تصفيها ليه هاد الليلة ، واش هادشي جاي منها هي ولا جاي من الماكلة لي وجدات ولا من جهدو هو ..

- غمض عينيه وحلهم ، بانو ليه حوايجو فوق النموسية هزهم يلاه غايخرج يبدل فالبيت لاخر وهي توقفو بكلامها :

ياسين ، قبل لا تلبس حوايجك عفاك وقيلة لويت عنقي فاش كنت كنطيب ، كنحس بيه كيضرني ، عفاك واخا تماصي ليا ؟ [ مدات ليه القرعة دزيت ] ..

- بقا كيشوف فديك القرعة وفيها ، بلع ريقو وشد من عندها القرعة :

واخا ...

_________________

- خوفها مكان ليه معنى ، كانت بحال شي حورية بين يديه رفق بيها وحن عليها ... حسيسها بالامان والراحة ، حسسها شحال هي غالية ، وزادت غلات وبصمة عدريتها مزينة اللحاف لي كان مغطي بيه النموسية ، كانت مخشية بين يديه حاطة راسها على صدرو وخدودها موردين ومزينين بحموية الحشمة ، كيدوز على راسها بحنان ، وتبسيمة مزينة وجهو الرجولي ..

- كيتفكر تصرفاتها وحركاتها ، كاع ديك الجرأة ديالها تبخرات فاش قرب ليها ... حنحن بصوتو الرجولي ومن بعد سكوت طويل نطق :

شكون علمك هادشي ، تمجهدتي عليا ..

- سناء [ زادت تكمشات بين يديه ] :

هههه وصافي اياسين نعل شيطان وهنينا ..

- ياسين [ كيضحك ] :

مابقيتش حبيبي ، وليت ياسين هههه سبحان مبدل الأحوال ... شكون لي طورك وقرصك ، ياكما طبيبة ؟

- سناء [ ضحكات ] :

بحال هكاك ، قول هي وصافي ..

- ياسين [ دوز لسانو على شفايفو ] :

الله يكثر خيرها ويكثر من مثالها فكل بلاد .. [ بعد عليها بشوية ، هز ليها راسها كيشوف ليها فعينيها لي كانو حمرين بالعيا ، قرب منها وطبع قبلة على جبهتها رجع شافيها ناطق ببحة ثقيلة ] :

الله يخليك ليا ، واهلا يحرمني منك ياربي ..

- سناء [ تبسمات ] :

اللهم آمين يارب .. ناض من حداها ، رجع للدوش .. وهي ناضت بشوية ، لبسات عليها واحد البينوار ديال الستان ، هزات داك اللحاف طواتو ودارتو فالماريو ديالها ، غير خرج هو من الحمام دخلات هي ..

- لبس حوايجو وجر البلاطو ديال ديسير :

ودابا عاد تحلات الشهية على الماكلة ..

__________________

- ݣالس فالمحال ، هز عينيه للواحد الشهرية .. كان مكتوب فيها مجوهرات السهري ، شاف تاريخ داك النهار كان 04/06/2023 .. داز شهر على زواج خوه ، وعلى طلاقو لي اليوم كانت اخر جلسة ، سونا ليه التيليفون كانت نمرة المحامي ..

- هاشم [ ببرود ] :

وي أستاذ [ بقا كيسمع ، شاف فالساعة ] وعلاش انت ماميمكنش ليك تسني بلاصتي ضروري ختص نسني انا على الورقة ديال الطلاق ؟

- [ تنهد تنهيدة طويلة وهو كيسمع ليه ] :

صافي واخا 3 غادي نكون العدول تهنى ، واخا شكرا .. قطع المكالمة وحط التيليفون ، مكانش حامل يرجع يشوفها ، ولكن ضروري مايحضر باش يسني على الورقة ديال الطلاق ، الورقة لي غاتحكم بلي طلق بشكل كلي ..

___________________

- أجمل ما في الأيام الماضية أنّها مضت، وأجمل ما في الأيام الحاضرة أنّها ستمضي، وأجمل ما في الأيام التي ستأتي أنّها لم تأتِ، وأجمل ما في الحياة أنّ هناك أمل يتجدّد ولا ينتهي. الحريّة هي الحياة، ولكن لا حريّة بلا فضيلة. الحياة حقل تجارب، ننيره بالفكر الجيد، وحكم أجدادنا وخبرتهم في الحياة. ما دام يوجد خطأ فلا بد أن يوجد صواب، وإذا وجد الصّواب مرة فيمكن أن يوجد مرّة أخرى، وإذا كان قد انتكس بعد وجوده فيمكن أن نضمن له حياة لا تعرف الانتكاسة .

إذا أغلقت الشتاء أبواب بيتك .. وحاصرتك تلال الجليد من كل مكان .. فإنتظر قدوم الربيع وافتح نوافذك لنسمات الهواء النقي ! وأنظر بعيداً فسوف ترى أسراب الطيور وقد عادت تغني .. وسوف ترى الشمس وهي تلقي خيوطها الذهبيه فوق أغصان الشجر .. لتصنع لك عمراً جديداً وحلماً جديداً .. وقلباً جديداً .

- فرحبة الحوالة الدنيا عامرة ، كل واحد وجهدو .. لي قاد على الغالي شراه ، ولي قاد على الرخيص خداه وحمد الله بيه ، أما لي مسكين ماعندوش ومايكسابش ، راه كيتسنى الفرج من عند الله سبحانه ..

- و بحال كل عيد ، نزل للرحبة ، لباسو مكانش بحال اللباس لي مالف ، لابس صندالة ديال الجلد عادية ، سروال ديال الكيطمة ، واحد تيشورت فالكحل .. كان محسن شعرو ، لباسو لباس عادي .. دخل للرحبة كيدور على البياعة ويسول ، عينيه كانت كتجول ..

- خدا السومة وعرف كل حاجة شحال ثمنها ، بعد على البياعة ، ومشا حدا مالين الكرارص لي كيعاونو الناس يديو ليهم الخرفان للدار مقابل 10 دراهم ولا 7 دراهم لي كيجمعوها مساكن مرابانا تجيب ليهم باش ياخدو ديك 4 كيلو ديال اللحم ..

- وقف عند واحد السيد ، راجل كبير مسكين ، لباسو بالي ݣالس وشاد حنكو كيخمم بصوتو الرجولي المتميز ، ولكنة المسفيوية العبدية :

واحد السلامة عليكم ..

- جاه الجواب ، من صوت باينة فيه العيا ، باين مولاها هاز من هموم الدنيا قنطار :

وعليكم السلام اسيدي ..

- هاشم : وهاد العام الكسيبة زينة .. واخا كاينة الغلا شوية ..

- ياااه أولدي ، الغلا ، وغير الدرويش والمسكين هو لي واكل الضق .. غير لي عندو لي غايعيد اما لي ماعندو اولدي ، ماعندو مايدير .. كيبقاو فينا الوليدات مساكن ..

- هاشم [ حك حاجبو ] :

وايلي اعمي ، شكون لي مغايعيد ، وݣاع لي جاي لرحبة راه معيد ..

- [ تبسم مسكين وعينيه جنابهم كانو مدمعين ، أشر بيديه للشي رجال كبار كانو واقفين حدا كرارصهم ] :

هادو كاملين أولدي مامعيدينش ، كاملين مساكن كيدابزو على طرف دالخبز ... هاد الايام كاملين كيظلو تحت شموشات ، على قبل 10 دراهم ولا 140 ريال ، مغاتجيب ليهم والو مساكن .. الله يكون فالعون أولدي ..

- هاشم [ هزهز راسو ] :

اللهم آمين اعمي ، خليت ليك الراحة الله يعاونك .. خلاه ݣالس ، رجع حط يدو على خدو كيخمم مهموم ... رجع هاشم عند واحد البياع ، ختار 10 ديال الحوالة ، شراهم .. خلصهم وخلاهم عند السيد ..

- رجع شد هوندا ، وتعاون هو وشيفور ديالها حتى طلعو دوك الحوالة للهوندا .. رجع عند واحد الكساب اخر خدا من عندو 5 على دوك 10 هي 15 ..

- نزل واحد فيهم وتوجه عند داك الراجل مول الكروصة ، وقف عند رجليه :

هاك أعمي بصحتك وراحتك فرح الوليدات .. داك الراجل وقف مامتيقش ، عينيه مدمعين ، بدا كيبكي .. :

الله يرحم الوالدين اولدي ، الله يسهل عليك وينقي طريقك من الشوك ياربي الله يجازيك بيخير ..[ جا يبوس ليه يدو وجرها خاطفها ]

- هاشم : حاشا أعمي ، سير فرح الوليدات [ جبد واحد جوا من جيبو ومدو ليه ] هاك اعمي ، بلاما تبقى مشارجي هنا فشموشات دخل لدارك بكري ..

- خلاه ومشا عند دوك الرجال البقية ، أي واحد داز عندو كيمشي من عندو وهو معمر بدعاوي ، حتى فرق دوك 15 حولي و15 جوى فيه الفلوس باش يتقداو اي حاجة خصاتهم ..

- 5 يام قبل العيد كلها دازت عندو على هاد الشكل ... كيهبط للرحبة واي واحد شافو مخصوص كياخود ليه ، مخلي الناس البقية للفؤاد ، وياسين وباه ..

- كانو هادو من العدات ديالو فكل عيد ، او عواشر هكا كيدير وتعلم هادشي من والديه ، تربى على هاد العادات لي تشبت بيها وترصخ بيها ..

- وصل النهار ديال العيد ، الرجال فاقو بكري وخرجو يصليو صلاة العيد مخليين العيالات فدار ، كيوجدو الفطور ويوجدو البلاصة ديال الدب*يحة ..

- هاد العيد كان غير الأعياد الأخرى بنسبة للسناء حيت غادوزو مع عائلة راجلها .. غير فاقو بكري مشا هو للمصلى وهي وجدات راسها او وجدات الشهيوات ، لبسات جلابتها ديال العيد لي كانت فالبيستاج والبيج مع ساكها وصندالتها .. غير سلات الصلاة جا ياسين داها ومشاو للدار والديه ..

- قوت كانت بوحدها مع مها وباها ، لابسة كندورة مع كولون وصندالة ديال الميكة عاكفة راسها ، داخلة للكوزينة من ورا ما وجدات البطبوط طيباتو ، وجدات المسامر ديال القتبان فوق الطبلة الملحة الكامون .. حطات الصينية ديال أتاي ..

- غير جا الݣزار ، طلعات مع باها للسطح ، دب/ ح الأضحية ، وقادها هبطات الكرشة وصفية تكلفات بالدوارة ، دخلات للكوزينة غسلات ديك الضوارة وسقطراتها مزيان ، قطعاتها ودارتها تصلق مع الحامض او ورقة سيدنا موسى ، طرفات الكوزينة غير تصلقات الكرشة سقطراتها قطعاتها ونصباتها فالكوكوت ..

- صفية [ كتعيط ] :

قوت ، يلاه ابنتي أجي خلاص ..

- قوت [ كتمسح يديها فالمنديل ] :

فين بابا ؟

- صفية :

دابا يجي راه دخل ايدوش دغية ... كلاو والتيليفون ماسكتش من تبريكات ..

- جا عبد الرحمان ، كلاو وسلاو ... غسلات الماعن قوت وطرفات الدنيا جففات عاد دخلات دوشات عليها ، لبسات واحد العباية فالزرق ولاحت عليها شالها ، هزات تيليفونها وبزطامها .. وقصدات دار خولة باركات لوالديها وباركات ليها ، ورجعات كدق على كل دار وتبارك ليهم العيد .. دازت على الجيران والحباب عاد رجعات لدارهم .. حطو الغدا تغداو .. وطلعات لبيتها تكات شوية باش ترتاح حيت كانو العشية معروضين عند دار نسابهم ...

___________________

- لبسات جلابة أنيقة فالأخضر ملكي والفوشيا ، .. مع ساك فاللون الفوشيا وصندالة ماعلياش فنفس اللون ، وشال حريري فيه نفس اللون الخياطة ديال الجلابة ، رشات من ريحتها هزات ساكها ونزلات عندهم للتحت ..

- عبد الرحمان كان لابس جلابة فالݣري وبلغة ، أما صفية كانت حتى هي لابسة جلابة جديدة فزرقة مع صباط پلا وساك فالكحل وشال فتيركواز بارد

- ركبو مع عبد الرحمن وشدو الطريق للڤيلا السهري...

حلات الخدامة الباب ، دخلو مستقبلاهم نعمة ، لابسة سروال ديال التوب فالبيج ديال الستان مع شوميز فنفس اللون وكيمونو طويل عاقداه بمجدول ديال الحرير ، اما شعرها كانت جامعاه ولايحة حليه شال خفيف ..

- نعمة [ بابتسامة مشرقة ] :

مرحبا مرحبا .. زارتنا البركة ، سلمات على كل واحد فيهم ، الداخل كان ياسين وسناء لي غير شافتهم ناضت تسلم عليهم ، كان توفيق وهاشم ... سلمو على بعضياتهم وݣلسو ..

- ݣلسو كاملين مجموعين فصالة وحدة .. حطات الخدامة العصير والحلويات .. كانت مقابلة معاه ، جات بين ختها ومها وهو جا من الجهة للخرى حدا خوه وباه ..

- نعمة :

قوت ، كيغادية مع الخدمة وكيغادية مع المحال ؟

- قوت :

الحمد لله اخالتي ، الأمور غادية مزيانة ..

- توفيق :

المحال الأول محلول ولا مزال مسدود ؟

- قوت :

لا مزالو مسدود ، خاصني نخلي فيه شي حد ثقة داكشي باش مابغيتش نحلو دابا حتى نصيب ..

- توفيق : ايوا مزيان الله يوفقك أبنتي ، قليل لي تلقاي شي بنت فهاد الضومين ..

- عبد الرحمان :

ودابا تبارك الله العيالات ماخطاو بلاصة ، وليتي تلقاها بيلوطة تلقاها عالمة ، دابا مابقاتش الخدمة محتاكرة غير على الرجال ولاو غير العيالات ..

- توفيق :

داكشي لي كاين ، تبارك الله ولاو فݣاع المجالات ، غير أنا كنفضل إلى الوحدة تزوجات ورزقها الله بوليدات من الأحسن تݣلس فدارها ، حيت الخدمة وتربية صعيب ..

- خصوصا ولينا كنشوفو دابا الوحدة كتجيب مربية ، كتخلي ليها وليداتها والثقة مكايناش ..

- نعمة :

بصح ، بحال عرفتي أنيسة مرات الحاج نعمان بنتها ، جابت مربية وهي عندها بنيتة ، والمربية باش ماتصدعهاش البنية كديرها فتلاجة ..

- حتى لنهار لي خرجات عند جارة وتسد عليها الباب ومنين هرسو الباب لقاو البنية ميتة ..

- هاشم [ بصوت رجولي وتقالة ] :

هادشي علاش انا ضد المرة تخدم الى تزوجات ، تݣلس معززة مكرمة فدارها مايخصها خير ، حتى الىبغات تشغل يديها عطا الله مايدار من دارها ، عطا الله عيالات خدمو من ديورهم ، بلاما يحتاجو ينزلو لشارع ويخدمو ..

- عبد الرحمان :

عندك الصح أولدي ..

- نعمة [ بلعات ريقها كتضحك وتشوف فقوت ] :

وصافي دابا تقلق قوت ..

- قوت [ شافت فيها وتبسمات براحة وبتقالة ] :

لا مانتقلق والو ، بالعكس .. حتى انا ريي من راي عمي توفيق وبابا الوحدة إلى تزوجات او ولدات من الاحسن تخدم من دارها ، انا بنسبة ليا مستحيل ولادي نخليهم للمربية ... ومنقدش نأمن عليهم بالي يبقى مشغول مانقدش ..

- نعمة :

دابا الى جا شي ولد الناس ، وقاليك ݣلسي من الخدمة ماتخدميش تݣلسي ؟

- قوت [ تبسمات بخجل ، هاد الموضوع ماعندهاش إشكال تدوي فيه ، حيت باها علمها تعبر على رأيها بكل حرية الى مغايمسش بالحياء ] :

لا انا بابا علمني ناخود قراراتي راسي ، وندير لي يسلكني ... وندير داكشي لي انا مقتانعة بيه ومدام الحمد لله مكندير حتى حاجة ديال العيب ، فراه مقتانعة بخدمتي ... وديما كنقولها حالة وحدة لي ممكن تخليني نݣلس من الخدمة ..

- نعمة :

لي هي ؟

- ياسين [ كيضحك ] :

امالكم دورتو البنت ؟ اختي راه الواليد والواليدة الى مشاو حتى دوروك صافي مشيتي ، حنا راه ملفينهم ههههه ..

- قوت [ كضحك ] :

لالا هانية والله العظيم ..

- نعمة :

سمعتيها ودخل سوق راسك ، اخويا انا وبنتي وأنت مالك ؟؟

- هاشم هاز حاجب ومهبط الثاني حاضي مو وشنو كدير ، كيفكر لاياش كتبلاني وفاياش كتفكر ..

- نعمة :

متديهاش عليه أبنتي كملي ليا فأشمن حالة تقدي تݣلسي من الخدمة ؟

- قوت [ شافت فباها وتبسمات بفخر ] :

الى كان هاد الانسان كيشبه لبابا ، الى كان غايعاملني بحال بابا ... يخاف الله فيا يحتارمني يقدرني كيفما بابا كيحتارم ماما ويخاف عليها ويخاف الله فيها ، يكون عارف بينو وبين لي خلقو .. يعاملني بالحسنى بغيت إنسان يكون شبيه ليه .. واخا راه قليل فين تلقى شي حد بحال باك ولكن انا هادشي لي كنتمنى ..

- ومايفرضش عليا نݣلس من الخدمة ، يقوليا ديري انت لي يناسبك وكتشوفيه مناسب لوحدة غاتزوج ، ديك ساعات غانݣلس من الخدمة بلاما يقولها ليا هو ..

- توفيق [ بإبتسامة ] :

الله يرضي عليك أبنتي ويكملك بعقلك ..

- جات الخدامة علماتهم بلي العشا واجد ، تجمعو على طبلة ، تحط العشا شلايض والكتف ديال اللحم مبخر ..

- كانو مثال للعائلة لي فرحانة .. سلاو العشا ورجعو ݣلسو فصالون حتى دوات نعمة :

اش بان ليكم إن شاء الله سيمانة جايا نشدو الطريق ..

- صفية :

انا ماعندي ݣرام دالمشكل لي درتوها أما معاكم فيها ..

- توفيق : أش بان ليك الحاج ؟

- عبد الرحمان :

اهاه مرحبا ..

- توفيق [ شاف فهاشم ] :

ماتنساش أولدي تعلم فؤاد .. راه دايرين بحسابو ..

- هاشم [ هزهز راسو كيحط فاللحيتو ] :

إن شاء الله ..

- ݣالسة فبيتها كتجمع حوايجها فباليزتها وحداها خولة .. هزات فيها راسها لقاتها كتشوف فيها .. :

مالك ؟

- خولة [وقفات من فوق النموسية ، هزات باليزتها حطاتها على جنب ] :

مالك أنت لي غير ساهية ؟

- قوت :

انا ماماليش ، غير كنفكر هاد التسافيرة كيفاش غادي دوز .. مالفين كنسافرو بوحديتنا خفاف ظراف ، كنخرجو فينما بغينا ناكلو فين بغينا ، دابا ماعرفتش ..

- خولة [ ببرودة ] :

صافي ماتسوقيش لهادشي ، تصرفي عادي كيفما مالفين ، نخرجو ندورو نضحكو نتصورو .. ماتبقايش تفكري بزاف ...

- قوت [ كطوي فالبوركيني ديالها ] :

فخبارك نسيت ماقلتش ليك ؟

- خولة [ هزهزات راسها ] :

شنو ؟

- قوت [ تبسمات ] :

ماشي صاحب هاشم جاي معانا حتى هو ، فؤاد صاحب دعوتك ..

- خولة [ بملامح جامدة ] :

كضحكي عليا ياك ؟ العار ناري كون اقلتيها ليا قبل مانجيش معاكم ولا نضرب فيها الضربة ... واش من نيتك ، يجي ولايݣعد وانا مالي ، والله مفايقة ليه من النعاس نهائيا ، راه الطريق قدامو ..

- قوت [ برضى ] :

الله يرضي عليك ، أجي شنو غاتلبسي غدا فاش نكونو غاديين ؟

- خولة :

غادي نلبس سروال ديال البيج ، مع القويميجة لي كنا خدينا انا وياك من القيسارية صافي وصندالة پلا ديك ديال الجلد ..

- قوت :

صافي مزيان ، اتجيك خفيفة ومريحة نيت ... راه قاليك غادي يدوزو النهار فمراكش ، عاد نشدو الطريق إن شاء الله ..

- خولة [ تسرحات فوق النموسية ] :

ايوا ماعليش صافي مزيان ..

- قوت [ كتشوفيها ] :

شفتك تجبدتي فبلاصتي ؟

- خولة [ صوتها مرخي بنعاس ] :

مغانعسش بوحدي انعس حداك ، باش يلاه نقد نفيق ، عرفتي عيييت والله العظيم ، فخبارك الحاج قلت ليه عطيني 20 يوم ديال الكونجي اش قالي ؟

- قوت : اش قال ؟

- خولة [ كضحك ] :

قالي مالك خدامة فبنكة ، الى عوالة على 20 يوم غير سيري ݣلسي خطرة وحدة .. وليت شمورة ضرب كاع السينين لي خدمت معاه ..

- قوت [ بإستغراب] :

وعلاش كان كيعطيك كونجي الأعوام لي فاتو ؟

- خولة : ماشيش هو كان وادو هو لي كيعطيني كونجي ، دابا منين ولدو تزوج ومشا لبرا ، رجع هو لي شاد البزار جلدة الله يستر ..

- قوت [ كضحك ] :

والصراحة من سعدي هادشي لي وقع ليك ، دابا مابقات عندك حتى حجة باش تخدمي معايا ، شفتي ياختي ضرتي حتى عييتي وهانتي اتشدي المحال لي فالمدينة القديمة ..

- مجاوباتهاش ، ضارت عندها لقاتها غمضات عينيها ونعسات ..

- قوت :

سعداتك أختي ، مع كتغمضي عينيك مع كتمشي ... كملات قوت اجميع لا تنسى شيحاجة ، حطات باليزتها مطرفة ، مشات للحمام حكات سنانها ورجعات ، تخشات حدا خولة مغطياها ومغطية راسها ، طفات الضو وهزات تيليفونها عمرات الساعة ونعسات ..

- خرجو من الدار مع 9 ... كان واقفة الطوموبيل ديال ياسين ، راكبة فيها سناء او توفيق ونعمة ، وعاد طوموبيل ديال هاشم لي كان فيها هو وفؤاد ، لابس تيشورت فالكحل ونظارات ديال الشمس ، أما فؤاد كان حداه لابس قميجة فشيبي مطلع ليها الكمايم ، داير نظارات ديال الشمس وكيشوف قدامو ..

- خولة [ بصوت شبه مسموع ] :

صبحنا على الله وملائكة الرحمان .. طلعات اللور ، وتبعاتها قوت من ورا ماسلمات عليهم .. طلعات صفية حدا عبد الرحمان .. وشدو الطريق لمراكش ..

- قوت : بابا ياكما غادي تعيا ؟

- عبد الرحمان :

مع تيسير الله أبنتي .. الجو كان زوين مكانش سخون بزاف الغربي كيدخل من السرجم ..

- صفية : الحمد لله بعدا الجو زوين ..

- قوت :

غير بلاتي أماما نقربو لمراكش وتشوفي الجو كيداير ..

- وفعلا لي قالتو قوت هو لي كان ، غير فاتو أسفي وقربو للمراكش ، وتݣلݣلات الشمس ، وصهد ..

- قوت [ داخت ، مكاتقدش على الصهد نهائيا ] :

بابا حبس الله يعطيك الستر .. حبس عبد الرحمان فجنب الطريق ، غير شافو ياسين حبس حتى هو ، أما هاشم حتى فاتهم شوية عاد رجع وحبس قريب ليهم ..

- كانو شي عيالات حاطين صنادق فيهم البتيخ ، او واحد مول الكروصة حاط سيكوك .. عاد كاين واحد مول الحانوت ، مشات عندو قوت تابعاها خولة ..

- قوت : السلام عليكم ، عفاك واحد جوج كورنيات ..

- خرج فتح الثلاجة عطاها الأول ومد للخولة الثاني ..

- ياسين [ بإستغراب ] :

مالهم علاش حبسو ؟

- سناء :

قوت ختي كدوخ فالصهد ، خاصها ضروري الما البارد يكون وتاكل لاݣلاص ..

- ياسين : وصراحة راه خاصنا كاملين ..

- قوت بدات ليهم الطريق وهوما كملو ، كل واحد فيهم خدا كورنيات ..

- توفيق [ داير واحد طربوش] :

وصهد نيت اسي عبد الرحمان ..

- عبد الرحمان [ ولا وجهو حمر ونيفو حمر ، كينش على راسو ] :

وايييه الحاج .. الله يوصلنا غلى خير ..

- قوت [ وقفات ليه عند راسو كتشوف فيه بشك ] :

بابا ، ياكما سخفان ولا شيحاجة ؟ جبتي معاك الدوا ديال طونسيو ياك ؟

- عبد الرحمان [ كيحرك غير فراسو ] :

جبتو جبتو أبنتي ، ماتخافيش ..

- توفيق [ حالتو ماعجباتوش ] :

الحاج ، كيبان ليا حسن الى ماسݣتيش ، أنݣول لهاشم ولا فؤاد يسوݣ واحد فيهم ..

#

- عبد الرحمان [ خدا قرعة ديال الما كيشرب فيها ، قرب منهم هاشم وعلامات الشك والإستغراب على وجهو ، بصوتو الرجولي ، واقف بكل هبة ، لابس شورط ورجليه طوال مكتاسحهم شعر لابس صندالة مريحة .. سلسلة دالمجدول مزينة عنقو ، وݣورميط مزين يديه مع خاتم وساعة فليد لوخرا] :

ياك لاباس الحاج ؟

- عبد الرحمان [ بإبتسامة إطمئنان ] :

غير اولدي عندي طونسيو ومكايتحاملش مع هاد السخونية داكشي باش ..

- هاشم [ حط يدو على ظهرو ] :

سير الحاج لطوموبيل عندي انا غانسوݣ فبلاصتك ..

- عبد الرحمان :

بلاما نعدبك أولدي ، انݣد نكمل ..

- هاشم [ جرو ] :

مكاين لا عذاب لا والو ، الكليمة كاينة فطوموبيل اتمشي مرتاح ، حل باب الطوموبيل على فؤاد :

فؤاد نزل سوݣ انت ، انا غانكمل بيهم الطريق .. نزل فؤاد وطلع بلاصتو عبد الرحمان ، حل هاشم الباب لوراني ، جبد واحد الترازة فيها واحد التوب ديال القطن ، سد الباب ورجع عند عبد الرحمان مدها ليه :

هاك أعمي دير هادي على راسك غاتريحك .

- عبد الرحمان [ بإبتسامة بشوشة ] :

سير الله يسهل عليك أولدي ، وقفات عليهم صفية هازة قرعة ديال الما ودوا ديالو :

هاك الحاج راه الفانيدة ديال الصباح كاعما شربتيها ..

- عبد الرحمان [ خدا من عندها الفانيدة شربها ] :

مع الزربة نسيتها ..

- هاشم [ موجه كلامو للصفية ] :

خالتي ركبي حتى انت معاه ، الطريق وصهد غادي تكرفصي ، طوموبيل باردة عليكم .. حنا راه نݣدو نصبرو انتوما لا .

- صفية [ بإمتنان ] :

الله يرضي عليك أولدي ، حلات الباب اللوراني وطلعات ..

- قوت [ كانت واقفة كتشوف هي وخولة ] :

كيفاش زعمة ، خلاونا ومشاو ..

- خولة : وأختي راه طوموبيل ديال عمي واخا فيها الكليمة ولكن ماشي بحال ديال هاشم .. أش جاب ديك جيپ لداسيا وسمحيليا بزربة ..

- قوت [ شافت فيها ] :

ومالها أختي داسيا كيجاتك ؟

- خولة : وهي حسن من داسيا لي كانت عندو فالأول ، ولكن مقارنة بطوموبيلت هاشم مايمكنش ، خليهم مساكن يتبردو مع راسهم .. حنا قادين نصبرو ..

- قوت [ هزات ساك صفية ] :

نسات ساكها كاعما داتها فيه ، مشات داتو ليها ورجعات بلاما تشوفيه ، طلعات اللور .. وطلعات حداها خولة .. :

واش اتخليه ݣالس القدام بحال الشيفور ديالنا حشومة ..

- قوت :

الى بقا فيك ، نزلي ركبي حداه ..

- خولة : من نيتك ، نسيبكم انتوما ولا نسيبي أنا زوينة هادي ، هبطي هبطي .

- قوت [ دورات وجها ] :

مابغيتش ، انا هكا مرتاحة الحمد لله .. تحل الباب بجهد وطلع لبلاصتو ، ضار عندها كيشوفيها .. [ بصوت طانز ] :

المدام تبغي نديها لشي بلاصة ؟

- قوت شافت فيه [ كانت لابسة كسوة فالأورونج طويلة مزوقة بزرق ، دايرة معاها شال فالأزرق مع ساك صغير وصندالة پلا فنفس لون الشال ] مادواتش ومجاوباتوش ، فهمات المقصود ديالو ..

- خولة جاتها الضحكة دورات راسها للسرجم كاتمة ضحكتها .. هزات ساكها وقرعتها ديال الما وكورنيها الثاني ونزلات بكل برود ، حلات الباب لي حداه وطلعات .. خلاها حتى تقادات فالݣلستها وديمارا تابع لاخرين لي سبقوه ..

- هزات تيليفونها ، وخدمات البلوتوث ، ودارت أغنية مراكش ݣالو بعيد .. كانت كتحاول تفاداه ، كيبانو ليها غير يديه لي قدهم قداش شادين فالڤولون .. وريحتو لي تسللات لنيفها ..

- جنبها كتحس بيه ماتعليها وهي كتشوف فجهة وحدة .. كتدوز اغنية ودير وحدة أخرى .. سالة داك كورني ، حلات السرجم ولاحت القاغط ..

- هاشم [ ضار شافيها ، هز حاجب ونزل الثاني ] :

تبارك الله عليك الحاجة .

- قوت [ شافت فيه ، عاد وعات شنو دارت .. هي لي مالفة الوبل كتلوحو فدوك سلات ولا طارو ] :

نسيت ، والله حتى نسيت مامالفاش كنديرها غير سهيت .

- خولة : الله يربي مغانوصلو حتى غاندوبو ..

- قوت : علاش انت مزال مادبتي ، انا صافي وا مت .. كل مرة كتشرب من ديك القرعة ، شوية بدات كتحس بنبولة ديالها غاتنفاجر ، كان خاصها ضروري تمشي لطواليط ..

- قوت [ شاف فيه ، بهدوء وصوت أنثوي ] :

عفاك ، واخا تشوفلينا شي قهوة بغيت نمشي للمرحاض .

- هاشم [ شافيها من تحت نظاظرو ، جاتو الضحكة حبسها غير بزز ] :

بغيتي تمشي للمرحاض ؟

- قوت [ هزهزات راسها ] : أه

- هاشم [ حط يدو على السرجم كيعض فشاربو كاتم الضحكة ديالو ، كلمة المرحاض ماسمعها منين كان كيقرا ، وكانو التلاميذ كيقولوها للمعلم الى بغاو يمشيو للطواليط ، حنحن بصوتو الرجولي ] :

كتشوفي على عينيك غير الخلا ، غير صبري شوية ... بقات 10 دقايق وندخلو للمراكش ..

- مجاوباتوش ، حابسة البولة فيها ... مارجعاتش تكلمات كتسنى غير الوقت لي يوصلو .. دهلو لمراكش وهي فرحانة حيت أخيرا جا الفرج ، حدا أول قهوة وصلو ليها وقف ، حيدات الصمطة ونزلات كتجري ، نزلات خولة وتبعاتها ، نزل هو ساد الطوموبيل ، كان حتى هو باغي يدخل للحمام ، فطريقو هز التيليفون وسونا للفؤاد :

شوف غير سبقو للجامع الفنا .. انا غانتلحݣ بيكم ..

- خرجات قوت هي وخولة من طواليط ، كتحرك بشوية سخفانة .. كتجر فرجليها حتى خرجات على برا :

ناري يا صاحبتي كنت غادية نطرطق وحق الله ..

- خولة [ حاطة يدها على كرشها ] :

وياختي الواحد كيرتاح فاش كيفش نبولتو والله

- هاشم [ من وراهم ] :

نمشيو دابا ؟

- قوت : اه شكرا

ركبات فبلاصتها وهو طلع لبلاصتو ، ديمارا وشد الطريق لجامع الفنا ، بلاصة طوموبيلتو .. نزل ونزلو هوما ، دارت نظاراتها على عينيها من الشمس شادة فخولة وغاديين حداه تابعينو ، مابغاتش تسولو على فين ايكونو ݣالسين ، حتى بان ليهم غادي لجهة واحد المبنى ، كانو الناس ݣالسين تماك مدرقين من الشمس .

- ياسين ݣااس فوق الضس وحداه سناء مغطة رجليها كتبان سخفانة ، أما نعمة وصفية ݣالسين فدروج وهازين قراعي ديال الما فيديهم ..

- فؤاد كان بعيد فواحد الجهة هاز ݣارو كيكمي فيه ، أما عباد الرحمان وتوفيق كانو فنفس البلاصة قراب شوية للنعمة وصفية ..

- هاشم [ داير يديه على جنابو ] :

كيبان ليا نمشيو للأوطيل نيشان ، حتى تبرد الشمس شوية ونخرجو نتغداو وديك الساع الى بغيتو تمشاو دورو ، اما هاد الشمس والحرارة راه مايصلاحش فيها الدوران ..

- توفيق : داكشي لي كيبان ليا أولدي ، الشمس قاصحة بزاف ، واخا مكاينش شي مسافة طويلة ولكن هاد السخونية راه كتعيي ..

- هاشم [ موجه كلامو لياسين ] :

أش بان ليك ؟

- ياسين : من الأحسن ، البنات عياو شوف وجهم يعطيك الخبار ، الواليد عيا هو وعمي حسن نمشيو للأوطيل نيشان ..

- هاشم [ هزهز راسو حاض على شفايفو ، شاف فجهة فؤاد ومشا عندو وقف عليه عاقد غوباشتو ] :

ياك ݣلنا قطع عليك هاد الهم الكحل ؟

- فؤاد [ لاح الݣارو عاسف عليه ] :

ݣطعناه ، راه غير مرة مرة كنكمي ݣارو وحدة كنطر منو مرة ولا زوج وصافي ..

- هاشم [ ح يدو على كتفو ] :

مكاين لا ݣارو واحد لا نمي ، اتحيد عليك الويل وسالينا ، وحشومة ناس كبار معانا وأنت واݣف هنا على ݣارو ..

- فؤاد [ تبسم ] :

واخا أخويا ، تهنا والله لا بقى تحط فمي ولا طفت بجيهتو .

هاشم : يلاه ، أنمشيو للأوطيل نرتاحو بعدا ، وديك ساعات نخرجو نتغداو بينما بردات الشمس ..

- فؤاد : وعليه ، داكشي لي كان رجعو لطوموبيلاتهم وشدو الطريق للأوطيل ، مع حطو فيه رجليهم حسو بالبرودة ديال الكليمة ، قوت ماكرهاتش تݣلس ليهم تم .. كتحس براسها بغات غير تنعس ..

- ماكرهتش نفرش حنا ونعس ، انا هليوني غير هنا وسيرو ..

- سناء : حتى انا قسما بالله ، ناري بزاف أختي والله العظيم ، وأنا لي كنت كنتمنى نسكن فمراكش كوراه كل صيف تلقاوني جايا عندكم ..

- قوت :

مراكش غزالة ، ولكن الصيف مانقدش على الخرارة ديالها والله حتى نحماق .. جا عندهم هاشم عطاهم كل واحد الساروت ديال بيتو ، طلعو الفوق من ورا ما طلعو ليهم ليڤاليز ديالهم ، كل واحد دخل للبيتو يرتاح البيوت كانو زوينين مفرشين بالبيض وبيج ، مع البالكو كيطل على الشارع والحمام فيه ليجيل دوش صابون كولشي كان نقي وزوين ..

- أول حاجة دارت قوت دوزات الريدو ، مشات للحمام غسلات وجها وتلاحت على نموسيتها نعسات ..

- مكانتش هي الوحيدة لي دارت هادشي ، كل واحد فيهم هادشي لي دار ، من غيرو هو لي زول تيشورت ديالو بقا عريان من الفوق ، تلاح على النموسية ناعس على كرشو .

- كولشي غرق بنعاس ، مافيقهم لا جوع لا صهد حيت البيوت باردين بلاكليم .. مافاقو حتى أذن العصر ، فاق الحاج توفيق وعبد الرحمان ، دوشو عليهم توضاو وصلاو الصلاة لي فاتهم ، عاد تبعوهم صفية ونعمة ونزلو للتحت كيتسناو البقية .

- ياسين [ كيفيق فسناء ] :

براكة من النعاس ، هادشي كامل خمير وعيا تݣول أنت لي كنتي كتسوݣي

- سناء [ كتقلب ] :

والله ماسخيت نوض بالله ، عييت انا راه الصهد كيقضي عليا كنولي بحال دجاجة ، كنفطر بلي انخرج من هاد البرودة وغادي نخرج لصهد كتشدني البكية .

- ياسين [ جرها وقفها كيضحك] :

براكة من العݣز الصهد راه زوين واخا هكاك يحيد ليك البرودة ، دخلي دوشي عليك بالخف أنا نتسناك التحت [ باس ليها جبهتها ] انا مشيت ماتعطليش .

- سناء : واخا

خروج بعض الأشخاصِ مِن حياتنا، مسألةُ تَطهيرٍ للعمرِ المتبقِّي لَا أكثرَ ، فلا تسمحوا لأي أحدٍ أن يطفئكم ، و لا أن يكسر شيئاً داخلكم ، كونوا أقوياء بالقدر الكافي ، لتبقوا الضوء في كل عتمة كعادتكم ..

‏

- أريد أن أخبرك أن فيكي من العذوبة ما يجعل المرء يوّد أن يكون برفقتك ، كل عمره .

__________________

بدلات الكسوة بوحدة فالغوز بارد ، مع بالغين فالبيض وشال بيض ، سكادو فالبيض دارتو جهة كرشها مغطية بيه جهة صدرها بحال الى هازة شي بيبي ، خرجات من بيتها دقات على خولة حتى عيات والو عرفاتها نزلات لتحت .

- التحت كان ݣالس فؤاد داير رجل على رجل عينيه على بلاصة وحدة الكرسي لي مقابل معاه ، كانت ݣالسة فيه خولة لابسة سروال ديال الثوب واسع فالبيض مع تيشرت فتيركواز ساك على جنب فالبيض ، مع واحد البوني بحال البوندو أما شعرها كانت جامعاه وهازاه على شكل ديل حصان على قبل الحرارة ..

- دايرة رجل على رجل وشادة تيليفونها ، طان حاضيها كيلعب بموسطاجو ومصغر عينيه ، ، قفز فاش حس بيد على كتفو تخطاه وݣلس على الكرسي ، شعرو فازݣ يلاه مدوش .. شعرو راضو اللور لابس شوميز فالبيج فيها خطوط بالكحل والموطارد ، مع سروال فالبيج وصندالة فالكحل ونظارات ديال الشمس فالكحل .. ساعتو الرجالية فيدو والسلسلة مزينة عنقو .

- هاشم [ بجدية وببرودة] :

لي فاتو الكار يشوف شي طاكسي ولا يبقى بلاصتو حيت فات عليه الفوت .

- فؤاد [ شافيه كيحرك رجليه ] :

رجعتي لداك الطنز ديالك ، أشمن كار ولا تران يهديك الله .

- هاشم [ بإبتسامة مبينة على سنانو المستفين وضحكتو الرجولية الفتانة] :

وأنا غير ݣلت ، جمع عينيك ابا فؤاد ، الشوف مكايبرد الجوف زلي بغا يشرب يقصد العوينة .

- فؤاد [ رجع كيشوف فخولة ] :

العوينة قصدناها ورجعاتنا .

- هاشم : ولي دار الذنب يستاهل العقوبة أخويا .. وقف توفيق وعبد الرحمان فاش كولشي تجمع ، نزلات سناء وقوت حتى هي ، فؤاد شاف فصاحبو وتبسم :

وصراحة خالتي نعمة عندها الصح ، كون ادرتي مدار خوك عينيك أخويا معميين ، نبصم عليها مغانرجعو من هاد التسافيرة حتى البنت غايطيرو بيها ..

- هاشم [ غوبش] :

شتي انا غير نساني اخويا ، والله ماتصور مني باش تنݣي سنانك ، نوض براكة من كنز العكري ..

- وقفو ولتاحقو بلاحخرين ، البنات غير خرجو وضرب فيهم الصهد عقدو غوباشتهم .. وقفات كيبان ليها هاشم حل طوموبيلت باها وطلع [ نغزات خولة ] :

واش هدا ولفها ، شفتو هو لي غايبقى يسوݣ بينا أويلي وبابا ستحلاها ..

- خولة :

السيد داير لوجيست ، عمي فيه طونسيو صعيب عليه السوݣان فهاد الجو ، وصعيب يشد مسافة طويلة ديال الطريق ، حيت كيبان ليا قيلة هو لي ايسوݣ بينا للشمال ، صافي عادي أصاحبتي .. واش غاتبقاي محسوسة ، راه اعولي تولي تشوفيه بزاف راه نسابكم ..

- وانا كيبان ليا ظريف وكيتعامل مزيان ، زيدي بلاما نبقاو واقفين يقوليك علم الله فاياش كندويو .

- لتاحقو عليه ، خولة طلعات اللور وهي طلعات حداه ضارب فيه ريحتها لي كانت فلوغال خفيفة ماتقيلاش .. شدو الطريق ، حتى هرسات هاد الهدوء قوت :

خولة شنو غادي ناكلو ؟

خولة : وحتى نوصلو بعدا ويحن الله ..

قوت: وغير قولي باش نتافقو من دابا ..

خولة :

ماعرفتش انا بعدا داكشي ديال دجاج محمر ماعنديش معاه فهاد الحرارة ، بحال والو ناخود سوندويتش مع شلاضة .

- قوت [ كتضحك ، بحال الى ماشي هو لي ݣالس حداها .. كنصرف بأريحية مايمكنش تبقى ݣالسة وساكتة ومزموتة خصوصا هاد العطلة ايكون فيها هو اياكلو مجموعين يخرجو مجموعين مايمكنش تبقى قامعة راسها ] :

أنا بعدا أنشد طنجية ، وفالعشا أنشوف لحم الراس مع الكامون والملحة يا سلام ..

- فعز ماهي مركزة فداكشي لي كتقول وكتشرح للخولة داكشي لي مشهية ، تسمعات ضحكة رجولية رنانة جايا من جيهتو ، سكتات وضورات راسها كتشوف فيها .

- كانت لأول مرة غادي تلمح ضحكتو .. كانت عندو واحد الضحكة خاصة ومميزة كيضحك حتى كيتسدو عينيه ، سنانو كانو مستفين وحدة حدا وحدة ماشي بايضين كيعميو ولكن بياضهم كان كيبين بلي مولاهم معتاني بيه وبلي بعيد على اي مخدر لي كيخرج على الفم ، بلعات ريقها ونطقات :

مالك ؟

- هاشم [ شافيها ورجع كيضحك ، مدة عاد سكت ] :

واش كاين لي كيضرب لحم الراس والحال سخون ؟

- قوت [ بتبات ورزانة ] :

اه انا ، ماعنديش مع الماكلة ديال ريسطورات يحطو ليا حبة فطبسيل نخسر فيها 300 درهم ، مالنا عليها أخويا انا مشهية ناكل طنجية ولحم الراس ، والله حتى خاصك دوقو .. عرفتي خصوصا اللسان عرفتي كيف كيجي معلك مع الكامون والملح والله ماتشبع منو ، جربو ورض عليا الخبار ..

- هاشم [ سكت ولكن بقى مبسم شاف فيها ورجع نظراتو على الطريق مهزهز براسو ] :

نجربوه الالة شنو خاسرين .

- بدات جامع الفنا كتعمر وأول حاجة داروها هي دارو فالمحالات ، شحال من حاجة عجباتهم ختاروها شراوها ، مكاينش شي واحد لي مكايضورش ومهازش فيديه قرعة ديال الما غير حسو بالعيا وقررو يمشيو يتغداو .

- دخلو لواحد القهوة كل واحد وشنو طلب نعمة طلبات ربع ديال الدجاج مع الفريت ، الروز وشلاضة مع المونادا صفية خدات بحالها وحتى توفيق وعبد الرحمان خداو بحال عيالاتهم ، خولة خدات طاكوس مع الفريت والمونادا .

- قوت [ شافت فسرباي بإبتسامة ] :

جيب ليا أخويا الطنجية

- صفية : الله أبنتي الحرارة وطنجية ؟

- قوت : وصافي اماما جينا المراكش ومناكلهاش ، دجاج وداكشي طالع ليا فراسي أنا

- سناء : حتى انا بغيت طنجية وبراد ديال أتاي أخويا .

- ياسين [ هز حاجب ونزل الثاني ] :

حتى أنت ؟

- سناء [ بإستغراب] :

علاش ؟

- ياسين : لا والو خدا هو بلا فيها بروشيت ديال لاداند مع الفريت وشلاضة وفؤاد خدا بحالو ، هاشم حتى هو بحالو غير بلاصة لاداند خدا دجاج مشوي .

- القهوة من الداخل كانت مبردة عكس برا خولة جبدات تيليفونها كتصور هي وقوت .

- سناء : كتصورو أنتوما ؟

- خولة :

سمحيلينا أختي انت دابا مرات راجل باش عرفنا حنا راجلك ايبغيك تصوري ويبغي تصويرتك دار فستوري أنستغرام ولا ستوري فالفيسبوك ، حنا بعدا لا حرج علينا مزالين ليبر .

- قوت [ كضحك ] :

زمطاتك فهادي وعندها الصح اختي تصوري أنت وراجلك راه مايبغيش تصاورك يتحطو فستوريات

- سناء : صافي صافي ݣهمتوني

- جاب ليهم السرباي الماكلة خلا قوت الوحيدة الأخيرة جاب طبسيل خاوي وخوا ليها فيه الطنجية سخونة معلكة.

- نعمة : وصراحة قوت هي لي عرفات تختار

- قوت [ كضحك عاجبها الحال ] :

وشفتي اخالتي غير مابغيتوش ديرو بحالي كاين شي حد يجي لمراكش ومايخدش طنجية ومايكلش الحمص بالكرعين

- فؤاد [ جاتو الضحكة قرب من هاشم ونطق ] :

المرا عندك بلدية ياخويا

- هاشم [ هز فيها عينيه ورجع وجه نظراتو للفؤاد كيخنزر فيه ] :

تا كيفاش المرا عندك بديتي كتقب معايا الورقة أبا فؤاد فوت عليك البنت شتك بغيتي تحامى مع الواليدة الى كانت محرشاك ماشي عليا انا وزير .

- فؤاد [ هز يديه بإستسلام ] :

ماݣلنا والو أصاحبي هاهو ساكت

- هاشم : فوك غير جرتك انت وخطي عليك جرتي

- فؤاد : ضحكنا معاك ندمتينا .

- هاشم [ بدا كياكل ] :

وضحك وزير تعيش مخير ابا فؤاد .

- قوت : لي بغا يدوق يجي يدوق .

- توفيق [ وقف] :

اندوق أبنتي مدات ليه الخبز ݣلس قبالتها فالكرسي ، كلا الدغمة اللولة

تبارك الله بنينا الصراحة المراكشيين كيصرعو طياب

- قوت :

غير ݣلس أعمي كول راه هادشي كثير بزاف عليا

- توفيق : لا حشومة ابنتي أكولي بصحة

- قوت [ شدات ليه فيدو فاش بغا ينوض ] :

والله ماتنوض ݣلس والله حتى تاكل معايا أعمي بالله ، حلفت حشومة أعمي بغيتيني نصوم 3 يام .

- عبد الرحمان [ كيضحك ] :

- الى حلفات عليك قوت الحاج ، ماعندك مادير من غير تݣلس راه والله ماتفاك معاك .

- توفيق [ كيضحك ] :

واش غانديرو والله مانرضها فوجها

- قوت [ قطعات من واحد الخبزة أخرى صاينة ] :

خود هدا اعمي ديال الزرع صحي مغاديش يضرك فالمصران اما هداك ديال الفورص كيضر ، راه قاليك الواحد فربعين كيقطع البيضين ولي هوما الملح والسكر وشحمة ودقيق الأبيض .

- هاشم [ نغز فؤاد ] :

سمعتيها ݣالت لك فربعين خاص تݣطع البيضين .

فؤاد [ خنزر فيه ] :

زعمة كدوق عليا بلي شرفت ، اسي محمد راه يلاه عندي 39 عام .

- هاشم [ كيضحك ] :

هاد 39 مابغيتي ݣاع تحيدها من فمك ، بقات ليك 4 شهور دير 40 شحال ݣاع بقا ليك .

- فؤاد : غيرها الله يرحم باك توحلها لينا .

- تغداو بجموع والضحك غير سلات ناض عبد الرحمان يخلص صبقو توفيق هو يحلف ولاخر يحلف شنوك يخلص ، حتى نطق السيد لي مكلف :

راه وا خلص السيد لي معاكم [ ضارو بزوج بان ليهم هاشم واقف وكيضحك]

- توفيق : دارها بينا خلانا أتا وياك نتناݣرو وهو خلص وخرج ، تبعوه وكملو الدوران ديالهم ، ماخلاو حتى بلاصة مامشاو ليها مراكش غير بدات الشمس كتغرب وبدات الدنيا كتعمر وكتزوهر

- الناس خارجين كيدورو حتى واحد مهامو الصهد خصوصا التوريس عاجبهم الحال بزاف ، خولة وقوت ماخلاو فين تصاورو ركبو فالكوتشي ودارو عاجبهم الحال مستمتعين بالوقت ديالهم .

- وصل وقت العشا وجوع بدا ياكل فيهم بكترت المشي لي كيتمشاو ، سناء ولا كيبان ليها غير تاكول وتمشي للأوطيل باش تنعس رجليها طابو مابقاتش قادة مزال تمشى

- هاشم : سيادنا فين بغيتو تعشاو ؟

- نعمة : ماكرهناش شي ريسطو يكون زوين نتعشاو فيه شنو بان ليكم

- سناء : لي درتوها مرحبا انا بغيت غير ناكل ونعس كنحس برجليا مابقاوش مني

- قوت : أنا بعدا ماديروش بحسابي أنا وخولة [ شافت فخولة] ياك غادي تمشي معايا ناكلو لحم الراس ؟

- خولة [ هزات حجبانها]

الله أختي الله لحم الراس كيغادي نبات لا اختي انا انمشي معاهم لريسطو ناكل أشيحاجة خفيفة

- قوت [ كتشوفيهم ] :

صافي سيرو انتوما وانا غانمشي ناكل لحم الراس فجامع الفنا حتى تساليو وأجيو ديوني

- عبد الرحمان :

لا ابنتي ماتمشيش بوحدك

- هاشم : غادي نمشي معاها أنا أعمي انتوما سيرو تعشاو تساليو سونيو لينا صافي ، ياسين بيناتنا تيليفون .

- نعمة كانت مبسمة وعاجبها الحال حدرات راسها وسبقاتهم لطوموبيل بينها وبين راسها كتردد

مادرتي حتى حاجة انعمة والأمور غادية كيفما بغيتيها ، سبحان الله ربي الى بغا شيحاجة كيخلق ليها ألف عدر

- غاديين فطريق هي وياه هزات فيه راسها :

أنا كيحسابلي قبيلات ادرني ليا خاطري وقلتي ادوق لحم الراس

- هاشم [ شاف فيها ورجع شاف قدامو]

أنت ݣلتي لحم الراس بنين وأنا صراعة عمري ضݣتو جات الفرصة نضوݣوه ونشوفو هاد اللحم الراس لي كتوحمي عليه كيداير

- قوت : والله حتى غايعجبك بنين ادوق وتقول قوت قالتها .

- هاشم : واخا الالة هحنا غانشوفو

- مكاينش شي حد مدازو حداه ومشافش فيهم كانو كيبانو مواتيين مع بعضياتهم بواحد درجة كبيرة ، كاينين بنات كيتحسرو عليه كيقولو شوف قداش معرش كيف النخلة وهي لاصقة فالأرض كل واحد وشنو كيدور ليه فراسو .

- عند بالهم مزوجين خصوصا هي كيف كتبان بالكسيوة وهو كيف كيبان اما عندهم هوما فراه ماعلى بالهم ، هي بنسبة ليها نسيبهم وغادي معاها يتعشاو بماكلة بلدية فقط وهو كذلك نفس الشي .

- وصلو عندو واحد السيد عندو كروصة كبيرة حاط طبالي وكراسة ، جر ليها الكرسي حتى ݣلسات ومشا عند السيد طلب منو جوج نصوصة ديال اللحم الراس ورجع وݣلس هو مقابل معاها ..

- داير يديه قدامو شاف لعندها وتنهد تنهيدة طويلة ، بصوتو الرجولي الثقيل :

حتى لاش قريتي ؟

- قوت [ شافت فيه متفاجئة بسؤال ديالو ] :

أنا شديت الباك ومن وراها درت تكوين طبخ وحلويات شديت الديبلوم ديالي وراها درت لانفورماتيك وخديت ديبلوم ديالي ، مامشيتش الجامعة الصراحة صافي هادشي لي كاين عندي جوج ديبلومات والباك ديالي

- هاشم [ كيحرك رجليه بزربة ] :

مزيان [ قاطعم السيد لي حط ليهم طباسل ديال الميكة فيهم نصوصة دالخبز حط ليهم الملحة والكامون قاليهم بصحة ومشا ]

- قوت [ هزات الخبز ديالها قبل ماتعض منو نطقات ] :

وانت حتى لاش قريتي ؟

- هاشم [ ببحة رجولية ] :

قريت هنا فأسفي وخديت الباك ، من وراها مشيت كملت قرايتي فسويسرا ، technicien en commerce ، ورجعت لهنا بديت الخدمة ديالي .

- قوت [ كتبنن وتهزهز براسها ]

تبارك الله والله إلى مزيان ، القراية على برا كتكون مزيانة كتفتح ليك بزاف ديال الأفاق

- هاشم :

بصح ماشي بحال هنا ، واخا راه حتى هنا مزيان غير هو مقارنة باللهيه شوية تما فايت هنا فشي حوايج ، انت عندك ديبلوم فطبخ والحلويات علاش ماخدمتيش فهاد الضومين؟

- قوت :

الصراحة انا عزيز عليا الطبخ كنكدبش ، ولكن مكنشوفش راسي خدامة فيه أنا مكنتش عارفة راسي شنو باغية حتى درت 30 عام

- هاشم [ وحلات ليه كيكح ، غنض عينيه وحلهم وبإستغراب ] :

واش فعمرك 30 عام ؟

- قوت [ كتشوف فيه بإستغراب] :

مالك تصدمتي وراه عندي 33 سنة دابا

- هاشم [ كيهزهز براسو ] :

مايمكنش كتفلاي عليا أقوت ولا كيفاش ؟

- قوت [ ضحكات ] :

والله القسم مكنضحك عليك وحق الله النعبود حتى عندي 33 سنة زايدة 1990 علاش غانكدب عليك ، واش مابيناش عليا كنبان كبر ولا صغر ؟

- هاشم [ هز حاجب ومنزل الثاني ] :

كتبان يلاه عندك ديك 24 عام ، منݣدش نعطيك كثر من هاد العمر

- قوت [ بإبتسامة رزينة حلوة عينيها الكحيلة كتبري ] :

كيقولوها ليا فدار شوف شتي الى كان قلبك بيض وكتبغي الخير لأي واحد ومكتهزش فقلبك وطالقها تسرح ومزيان مع والديك ومع الله سبحانه ، هادشي كيبان على وجهك اما الى كان قلبك كحل وعامر واناني ومسموم راه واخا تكون عندك 16 عام ، غاتبان عندك 50 عام

- هاشم [ مركز فيها الشوفة ومتبع مع كلامها ] :

عندك الصح ، كلامك معقول مشينا ؟

- هاشم خلص مول الكروصة ، ورجع عندها

قوت : كيجاك لحم الراس ؟

هاشم : واعر ماعندي منݣول بغيتي شيحاجة تشهيتي شيحاجة قبل لا نمشيو ؟

- قوت [ حدرات راسها. حشمات هو لي خلص العشا جاتها فشكل هزات راسها فيه وبإبتسامة بريئة ] :

غادي نمشي ناخود كاس ديال عصير الحامض نجيب ليك معايا ؟

هاشم [ وقفها بصوتو المدعدع ] :

هداي فين غادية ؟ لا يضحك عليك راسك تݣولي خلص العشا نخلص عليه العصر داك التخربيق ماعنديش معاه ، معاك أنا خودي لي عجبك الخلاص مادخليش فيه ، فاش تكوني بوحدك ديري لي عجبك يلاه زيدي .

- سبقها وهي تابعاه هازة حاجب ومنزلة الثاني شاداها الضحكة ، ضار على غفلة لقاها حابسة الضحكة وقف كيطل عليها بنظراتو الغريبة :

طلقيها لا تنفاجري ، مالك على حالتك حابساها

- قوت بحال الى كانت على سبة كضحك حتى دمعو عينيها

- هاشم [ ببرود كيشوف فيها ] :

ساليتي ؟

- قوت : الحمد لله

- هاشم : لاش كضحكي ؟

- قوت [ حبسات الضحك] :

والله ماعرفت ، هانت سمحليا ومديرهاش مني قلت الصواب ولكن انت والله القسم حتى فشكل بالله ، ماعرفت التركيبة ديالك غريبة مرة كتكون ظريف وحنين مرة كطلع الدم للواحد وكتعصب

- كل مرة وشنو كتخلي الواحد يبقى يحلل ويفكر فشخصيتك سمحليا ولكن انا لي على قلبي على لساني ، مكنعرفش النافق ولا نكدب هكا تعلمنا

- هاشم [ بقا ساكت كيشوفيها والناس غاديين جايين عليهم ، بهدوء وصوتو التقيل ] :

ماشي ݣاع لي كنشوفوه نتيقوه ، ماشي اي تصرف شفنا شي حد دارو صافي نݣولو هاديك راه شخصيتو كاينين شي حوايج كيوقعو معانا كيبدلونا من الداخل ، كيخليو تصرفاتنا تبدل وتفكيرنا يتبدل

- قوت : على حسب واش غاتبدل للأحسن ولا الأسوء

- هاشم [ هز راسو اف لبعيد ورجع شافيها ]

على حسب الظروف لي داز منها الواحد واش ظروف مزيانة غاتخلي شخصيتو تبدل للاحسن ولا الاسوء ، شحال من واحد كانت الضحكة مكاتفارقوش ودخل فإكتئاب وزيد وزيد يلاه باش منتعطلوش

- مشاو عند واحد كيدير العصير ديال الحامض ، خدا ليها كاس وخدا هو كاس ، شربوه وهوما ساكتين واحد مكايدوي مع الثاني ، خلص مول العصير وتوجه للعند مول الحانوت ، خدا من عندو بيموات وزريعة رجع عندها ومد ليها ديك الميكة ، خداتها من عندو وهي كتشوف فيه بإستغراب فتصرافاتو .

- هاشم : بغيتي نخلطو عليهم ولا نمشيو للأوطيل نسبقوهم الى عييتي ؟

- قوت [ هزهزات براسها كتحس براسها صافي عيات ]

لا غير رجعني للأوطيل عييت ، تبعاتو وهو سابقها طلعو فطوموبيل لي كان مبلاصيها بعيد شوية ، مع ركب هز النيليفون سونا لياسين :

وي ياسين ساليتو ، مزال شوف حنا غانسبقوكم صافي حتى تخلطو علينا أخويا ݣولها للوخرين ، يلاه في أماني الله .

قطع مع خوه وديمارا شد الطريق للأوطيل وحد مكايتطلم مع حد ، حبس قدام الأوطيل مسكت الطوموبيل حيدات السمطة والميكة فيديها قبل حلات الباب بغات تنزل رجعات شافت فيه ، بصوت انثوي رزين وهدوء وإبتسامة حنونة :

شكرا بزاف غير هو بغيت نقوليك واحد الحاجة وسمح ليا بزاف إلى دخلت فشيحاجة مكتخصنيش ..

- هاشم [ هزهز براسو ]

خودي راحتك دوي

- قوت [ تنهدات تنهيدة طويلة] :

حتى حاجة فهاد الدنيا مكاتستاهل نبدلو الشخصية ديالنا على قبلها شحال من واحد كان مامبليش ومتبع طريق الله ، وبسباب وحدة غدراتو كيتبلا وداكشي لي عمرو دارو كيرجع يديرو ، وكيصدق معذب والديه مساكن حيت غير الوالدين لي كياكلو الشحط ، هداك الشخص لي غدر داك الانسان راه عايش حياتو وهو كيبقى مدمر ، ماشي بضرورة يكون لي غدر بنت ممكن صاحب ممكن أح ممكن أخت

- الحياة تجارب وأي حاجة كتوقع لينا راه من الخير ، مستحيل انا نبدل شخصيتي على قبل شيحد حيت والديا ماولدونيش وجابوني لهاد الدنيا وكبروني باش يجي شي حد يعذبني انا واخدة مبدأ فحياتي الحاجة ، كيبقى فيا الحال عليها 3 يام من بعد كنلوحها ورايا وربي بغا يبتاليني بيها حيت كيبغيني وأي حاجة من الخير هادشي لي بغيت نقوليك وسمحليا تصبح على خير .

- هاشم [ مصغر عينيه كيشوفيها متبع مع اي حاجة ݣالتها ، هز براسو وبهدوء ] :

تصبحي على خير .

خرجات من الحمام كتنزل على كمايمها شافت لجيهتو كان هاز التسبيح كيسبح ، هزات الصلاية ديالها وصلاة العشا لي فاتها سلات ومشات للبلاصتها حداه كان كيسبح وساهي وهادشي لي لاحظاتو عليه .

- صفية : الحاج شنو لي شاغل بالك شتك ساهي ؟

- عبد الرحمان (شافيها تنهد تنهيدة طويلة ونطق بصوت واخد من الهبة والوقار ) :

تمنيت بنتي ياقوت يسهل عليها الله بشي ولد الناس بحال ولدي هاشم تبارك الله ماشاء الله

- صفية [ تبسمات كتفكر ] : عندك الصح والله العظيم حتى انا تمنيت ليها شي واحد بحالو ، اللع يعمرها دار ، شفتي كيفاش ماخلاناش نشدو الطريق فطوموبيل ديالك سمح لينا فطوموبيل ديالو مسكين.

- عبد الرحمان : سمح فطوموبيلتو ، وعطاني طربوش ديالو درتو على الشمس كون بقيت فطوموبيلتي مع هاد الحرارة وتشوفي [ شاف فصفية ] والله ماكرهتو للقوت

- صفية [حدرات راسها و سكتات كتخمم ورجعات شافت فيه ] : ولكن الحاج الولد عاد مطلق و ..

- عبد الرحمان [ قاطعها ] : وشنو فيها أصفية الطلاق واخا هو أبغض الحلال عند الله ولكن راه حق مشروع ، ومحللو الله سبحانه الى كان بنادم مضرور ماشي أي واحد كيطلق أصفية راه خايب علاش أنت ماديتينيش مطلق ؟

- صفية [ تنهدات تنهيدة طويلة] : عند الصح الحاج أنا غير حيتاش يلاه طلق والواحد ماتعرف شنو تحت راسو هدا مكان وصافي ، او واخا انت مطلق الحمد لله لي رزقني ربي بيك عمرك عݣرتيني ولا قلقتيني ولا نفرتيني .

- عبد الرحمان [ كيسبح ويخمم] : الحمد لله حتى أنت احسن نقلة نحمد ربي عليها ، عوضتيني على كاع الحوايج الخايبة الله يرضي عليك .. والله العظيم أصفية الى ماكرهت لبنتي تزوج ونتهنى من جيهتها

- صفية : كلنا هكاك الحاج ولكن أنت عارف بنتك ، ماتقدش تبزز عليها شيحاجة ولي بغاتها هي كديرها والى شافت شيحاجة فيها مصلحة ليها راه كديرها ، علاش انت واش الحاج دوا معاك فشيحاجة حيت شتك حكرتي على زواج قوت وهاشم

- عبد الرحمان [ حط التسبيح حدا راسو ] :

وهو مݣاليا والو غير انا لي ݣلت ، وحتى ݣاع يݣوليا أنا مانݣد نفتي رايي على بنتي الى هي مابغياش الحاجة منݣد نبزز عليها نطلبو ربي يسهل عليها ويفتح عليها بيبان الخير وتيسير ياربي .

- صفية : اللهم آمين الحاج من فمك لباب السما .

_____________________

- الليل كلو وهو موسد المخاد ، رجل منزلها ورجل هازها داير يد على راسو ويد على كرشو وكيفكر فالكلام لي ݣالت ليه ، كلامها كان كلو معقول بحال الى كدوي عليه ، كونما كانش عارف مزيان بلي داكشي لي وقع بينو وبين نسرين مافخبار حتى واحد كان غادي يݣول بلي راه داوية عليه هو نيت .

- كيتفكر كلامها منين ݣالت والدينا مجابوناش لهاد الدنيا باش نتكرفصو وبلي مخاصناش نخليو شي واحد ينغص علينا حياتنا والى وقعات شيحاجة لينا فراها من الخير .. كلامها داز قدام خيالو كامل

- فكر مزيان ولقى بلي حتى حد فهاد الدنيا مايستاهل يبدل الشخصية ديالو على قبلو ، قاد المخاد ديالو طفا الضو ونعس على كرشو غارق فنعاسو

________________

الحياة في نهاية المطاف تغلب، وإن بدا غير ذلك والبشر راشدون مهما ارتبكوا أو اضطربوا أو تعثرت خطواتهم، والنهايات ليست نهايات، لأنّها تتشابك ببدايات جديدة.

بالرغم من أنّه لا يمكن أن نعود إلى الوراء لنصنع بداية جديدة إلّا أنّه يمكن أن نبدأ من الآن في صناعة نهاية جديدة ..

- شدو الطريق من مراكش مع الصباح بكري ، واخا ديك الصبحية وكانت الشمس مݣلݣلة وكيف حسات قوت بلي هاشم هو ليغايسوݣ بيهم ظنها مخابش حيت فعلا هو لي تكلف بسوݣان مخلي الحاج عبد الرحمان وصفية يرتاح مع فؤاد .

يتبع...