محتوى القصة
عطاتو الدعوات يفرقهم ومشات عند وردة للبيت مدات ليها عشرة ديال البطاقات .. هما هادوك نيت عائلتها بخواتاتها بخوتها . بقاو ليها صحاباتها لي قراو معاها ومعارفها هيا ودارت بحساب الفنانين حتى هما وطباليهم ورجعات بحالها لدارها مع الحلة دلباب لقات ياسين فالدار قفزها بالخلعة ودارت يدها على قلبها
ذكرى: فوياخ جيتي؟؟
ياسين: دابا عاد فاين كنتي؟
مشات عندو كتحل الصاك) كنت كنفرق البطاقات دلحضور .. هانتينا ها دياولك خاويين نتينا تعرف لمن تعرط
شدهم كيشوف فيهم ويقرا داكشي وقال : ميمكنشي ميجيوشي لعيال؟؟
ذكرى: مهم غيير باش يعملو بحسباهم وصافي فهمتي .. لي قدر ميجيبهمشي احسسن. لعرس خصو يكون منضم
ياسين: وشكون عيفرق عليهم هادشي هادا؟
ذكرى: ماماك اياسين هي احسن واحد تفرق البطاقات على الناس ديالها والناس د باباك(مع ترقيق الحىوف)
ياسين: جمعهم كيتسوط) صافي كملتي كلشي واجد؟
ذكرى: باقي خصك اللبسة ديالك ديالك .. انا جيبت لبلدي معايا حسب اللباسي لي عندي.. نتينا بقا لك غير لكوستيم
جرها بقوة: شفتك خدامة كتهضرلي على العرس ماتوحشيتينيشي زعما .. خمسطاش ليوم غاابر
ذكرى: بابتسامة) ايوا جيتي مع التحضيرات
قنتها مع ااطبلة: نتينا ماحضرتيشي راسك
ضرب ليها بوسة هي هاديك وجلسو كيتباسو كيوريها ويضحك ويالاه غيحيد ليها حوايجها رجعات اللور
ذكرى: فيا رييكَلة
ياسين: اللوزة ديالي معلكة ولا هه
ذكرى: هههه ستنا ست اياام
ياسين: (دوز على شفايفها كيشوف فيهم) كاين البديل ازايني
شدها كيشلقم فيها ويبزل ويمص فكل مصة يسمي على بزازلها لكوكو وهي كضحك ..بدات تجانس معاه وتتعود على داك الاسلوب الوقح بدون خجل وحتى هي بدات كتطلق راسها وتعنقو وتبوسو كيجيها الحنان فدوك اللحضات كيرجع عزيز عليها وكتودد ليه تصبر معاها حتى تولف . دةزوها تخينات مليحة وبدا يفسخ فالسمطة وقال
ياسين: زربان ولد ٠٠٠٠ خمسطاش ليوم فالصبر
عرا عليه حتى دار طررن بحال لا نطير قدام عينيها وشدو وشدها من رقبتها هبطها
ياسين:يالاه ازايني
ذكرى: فدهشة ) شنني.؟
ياسين: نقي غير م٠
ذكرى: اوااعدي..!!!!
قبل متكملها دخلو ليها حتا جافت سدلت عينيها وجمع ليها شعرها كيوريها وهي مزيرة كل مرة تشكي بالالم فالفك ديالها ويسايرها بالصبر حتى كمل ودوش ليها بيه كيضحك وهي سادة عينيها عافت وبغات ترد
ياسين : جااامع لك ازايني
ناصت كطير للدوش غسلات كمارتها وشعرها وحالتها وحكات سنانها وجات خارجة تلاقاتو داخل
ياسين: دااااابا ترجع تسرطو بلا خبز
ذكرى: هيييه يعع
ياسين: ايوا دابا تشوف .. مشي تفرج فالافلام دسيككس ساعا ساعا تعلم لك شوية ماينفعك
مور التدويشة لي ضرب جلس لابس بينوار كحل محلول على صدرو وبانطوفة فرجلو وهي مشات بدلات عليها باش تتعشا معاه ولبسات سوميج دو نوي حريرة فيه فرو ناعم دلببجاماتضاير عل. الصدر والروايح والزين كيتشاير والشعر مطلوق جدابة وانوثة طاغية .. كي الرجلين كي اليدين كي الوجه كي الصدر .. عاطية للعين ومريحة فالمنضر .. جالسين كيتعشاو من العشا لي جاب معاه فالطريق منوع وبينهم صينية ندورة قدها قداش عامرة روز مشرمل وفوقها تستيفة شي حدا شي ديال فواحك البحر بانواع وكل واحد كيفاش طايب. طاسات ديال ليصوص فالجناب والحلويات والمبشروبات الغازية وكارطونة فالارض فيها شي ربعة دالانواع ديال مشروبات كحولية .. شاد فيدو كاس ويسكي وهي شادة روج مرة مرة كتفزك داك الروز قدامها بيه وكيتجمعو
ياسين: اعيييت... واللع لعضيم خصني نرتاح ثلت ايام منوضشي
ذكرى: وكنتي كتقرا مساجات ديالي؟
ياسين: اه شفتهم .. باك لاباس؟ شني كيعمل فير جالس؟
ذكرى: كان سيفور ددطاكسي ودابا جلس من لخدمة
ياسين: وخاك ؟
ذكرى: والو كل مرة فاين خدام .. مرة هاهوا هنايا مرة هاهوا فسبتة... خسرلي روبيني جا با عندي جاب المعلم عدلولي
ياسين: صافي هادشي لي كاين؟
ذكرى: صافي.. (هزات كتفها) جات نورة هنا كتسقصي عليك .
ياسين: شكون نورة؟
ذكرى: صاحيبتي لي قلتي لي ماتهضرشي معاها .. جات عندي هنا قالت .. قلت ليها صافي حنا مزوجين ماتبقاشي تسقصي عليه وصافي ومشات
ياسين: دور وجهه) لق٠٠ب عاوتاني
ذكرى: مكانتشي عارفة اصلا راحنا مزوجين دابا صافي عومرا ترجع
ياسين: تكا) كعملتي مناااقص من هاد العرس
ذكرى: دورور نعمل لك مساج للطهر ديالك ديالك
حيد البينوار وتقلب على كرشو وناضت جابت زيت اللحم بالزهر من بيتها ورجعات طفات الضو وشعلات شميعات كبار كيطلقو الريحة مهشيين فكيسان الزاج كبار بحال الفيزان واحد حدا واحد فوق الطبلة وبدات دلك ليه كتافو وضهرو وجنابو حتى داه النعاس نعس وغطاتو خلاتو تما ناعس وجلسات حداه رجعات لديك الماكلة دارت رجل على رجل طالعة نازلة فاللنستا كتفرج وبانت ليها فداء فالمالديف ودخلات عليها سيفطات ليها مسج عرضاتها للعرس
صبح سعيد الصباح كيفرق البطااقات على جيرانو وتلاقا مع الحاج عبد الرحيم خارج من دارو ووقفو سلم عليه
سعيد: كيف نتينا الحاج لاباس كلشي بيخير
شاف فيه عبد الرحيم بصرامة وكان واضح عليه ماعندوش معاه غير كيدير الواجب وصافي . مد ليه سعيد الدعوة ليه ودعوة لمرتو ورحب بيهم ومشا بحالو في حين دخل عبد الرحيم لدارو هازهم فيدو مدهم لمراتو وقال
غبد الرحيم: سعيد دجار ديالنا بنتو عاملة العروس عرضاتنا
مريم:ذكرى!! الله يكمل عليها بلخير يا ربي
عبد الرحيم: هاني مشيت نالشغل.. رد بالك مع نورة ادا بغات تخرج ماتحكرشي عليها .. خليها على الخاطر ديالها .. مانعرف شني عندها متبقاتشي كيما كانت . العايلة تقول عندها شي مشكل مابغلتشي تقولو لنا
مريم: تجبرها غيرانة من صاحيبتا ذكرى وصافي .. كوراه فراسها لخبار شحال هادي
شدات الدعوة ودعات الحاج مشا ودخلات عند نورة لقاتها متكية وساهية وجلسات على جنب السرير كتبسم وقالت
مريم: داابا حتى نتينا يجيك سعدك ماتعرفوشي فاين كان مخبي لك..(وراتها الدعوة) ايوا هانتينا .. ها ذكرى عارطاتنا للعرس ديالا وصردت لنا الدعوة .. ايوا نوض .. نووض نوض ماتبقاشي هايدة مرخيااا
وصل النهار الكبير وطبعا باش كلشي يبقا على خاطرو مهني لا مها لا باها ويتصرفو بأريحية ناضت كرات دار كبيرة مفرشة وقريبة شوية من دارها والقاعة ومها تبارك الله واقفة ليها على كلشي. جابت لعيالات لي يخدمو وخلات بنتها ترتاح ، اما سعيد والو ميعول عليه حتى واحد وعاصم بزز باش كيشدوه يتسخر وغير غادي جاي فرحان بديك طموبيل لي عطاتو ذكرى، جا نهار الحمام ودارتو بقواعدو على حقو وطريقة وجات ليمزين قدها قداش كحلة عالية تقول هامر هزاتها بحال شي ستار من الدار هي وبنات عائلتها لابسة القفطان والبلغة والسلهام واللثام وصحاباتها كذلك والقفات فيديهم لقاو الدقايقية فباب الصالون الكبير كياسناوهم وستقبلوهم بالزغارت والتمر ولحليب والورد والحمام بالعود و الشمع دارو ليها تحميمة ديال لعروس ووجدات راسها للحنة ورجعات فليموزين للدار استقبلوها كذلك بالزغارت والعائلة المقربة مجموعة والجلسة دالحنة كي دايرة وكلشي على حقو وطريقة طنجاوي بامتياز. جلسات طالقة الشعر ولابسة تكسيطة فالباج والخضر ديال التضخيم والسمطة دروميو والعقد دالجوهر فعنقها قدو قداش ويديها بالديامو كيشعلو مدات يديها على صوت اكبر واشهر عداية فطنجة والنقاشة حداها تقول هي العروسة باللباس والزينة كتنقش ليها والزغارت .. عمرات ليها يديها ورجليها وخلات ليها مربع فقلب يدها خاوي فيه سمية ياسين ودزات الحنة ديالها من اروع ما يكن .. كانت حماتها ولوايساتها حاضرين وعقدات ليزار ديالها على راوية بطقوس وتقاليد طنجوية حتى كملات الحفلة والناس كلاو ونشطو وفرحو ودخلات لواحد البيت كبير بالنموسية عامر بالكادوات تكات فيه كتهضر مع ياسين وتتجمع وتعاود ليه فين وصلو وهوا فالقهوى مع صحابو جالسين مجموعين .
قطعات ورجعات للميساجات كتراسل معاه صورات راسها عروسة وسيفطاتها ليه ورد عليها وعاودات سيفطات ليه تصويرة يدها فالكف لي كاتبة فيها سميتو
ياسين: واجي ازايني نمشيو دار علاش مابغيتيشي ترجع فحالك
ذكرى : كيفاش عنعمل؟؟ اتا وسط العائلة
ياسين: يمشيو يق٠٠٠و انا مشهي مرتي نشوفها هايداك
ذكرى: بلاتي حتى ينعسو
ياسين: مالنا كنسرقو؟
ذكرى : واغير خلي حتى نسد عليا الباب وينقص الصدع شويوش
ياسين: انا برا مغتمشيشي للدار حتى نديك معايا
ذكرى: واخا
حطات تيليفون وناضت جلسات تاكل شوية هي وراوية وكيتجمعو
راوية: ماعرضتيشي نورة ياصيحبتي؟؟ عرفتي شحال وهي كطلب لي نيمرة دياسين حتى حشمت والله
ذكرى: صردت لها الدعوة هي ويماها وباباها
راوية: تكون تصدمااات
ذكرى: شني عنعمل لها انا الراجل جا عندي قالي نتزوج بيه نقوليه لا .. حقا صاحيبتي باغاك .. هوا اصلا ماكيعرفشي حتى اسما
راوية: بصاااح؟؟ وياك شوفتيه نتينا وسماح وصلها ديييك المرة
ذكرى: عادي ياصيحبتي راه ديال راسو ضاروري ميعرف هادي وهادي وهادي .. وانا قالي المعقول نقولو لا مالو قالي نتصاحبو؟
راوية: كن بقا فيها الحال زعما؟
ذكرا: وانا مالي ومال الناس كل واحد كيعمل لي بان لو مناسب.. انا خاك عجبني تزوجت بيه صافي عملت العورس ديالي فرحانة براسي..جات مرحبا بيها ماجاتشي ضبر راسا ..شغنعمل لها يانا .
راوية: نعيط لا نهضر معاها ؟؟ شنو ضهر لك؟
ذكرى: بلاش غتقول كيحزرو فيا نبانو حنا لي غالطين تقول خطفناه لها من الورقة دكاغيط
نقصو الضياف وعائلة العريس مشاو وبقات غير ذكرى وعائلتها .. خلاتهم حتى بداو ينعسو شي مور شي وينقص الصدع وناضت عند مها تحجات ليها بالمشية لدار باها على شي غرض وخرجات لقات ياسين فالباب كيتسناها راخي يدو وشاعل كارو .. طلعات حداه كضحك وتلفت طلع فيها وهبط مبسم
ياسين: لاللة لعروسة
ذكرى : كنموت بالنعااااس.. كنموووت
رخات راسها على كتفو وعنقها بواحد اليد زاد مع الطريق داها للدار بقفطانها كانت ميتة بالنعاس لاكن غير دخلات للدار ضربات واحد جوج كيسان دروج ودخلات فالليلة الحمرا معاه طار ليها النعاس.. واخا هاد المرة الليلة كانت بقواعدها بالخاطر وكلشي بالخاطر مكاين لاعنف لا سرعة لا مبارزة.. التقالة والخاطر تقول اول ليلة ليهم دوزوها بالكانة والحنان .
صبحات مدوشة وجامعة حوايجها .. كانت عوالة تبات مع العائلة حتى للصباح وتجي لدارها تاخد حوايجها ومن تما للقاعة .. لاكن صدقات بايتة فيها جمعات عاى خاطرها وكانت موجدة باليزة ديال تكاشطها وحوايجها هي وياسين هبطهم للطموبيل ونزلات معاه لابسة جلابة بيضا داعروسة بالقفطان من لتحت والشال على راسها ركبات حداه كضحك حتى بانت ليها نورة واقفة قدامهم وجمعات الضحكة مهرجة عينيها كتشوف فيها . كانت نورة وجهها اصفر تقول داخلاها الموت ..مشات عندو من الجيهة لي راكب فيها بقا كيشوف فيهامعبس
نورة: ياسين لاباس؟ خصني نهضر معاك
ياسين: شنو كاين؟؟ هضر كنسمع
نورة: شافت فذكرى بنص عين ) فتشت عليك وعاى نيمرة ديالك ماجبرتكشي
ياسين: هانتينا جبرتيني شنو كاين؟
دورات ذكرا وجهها ودارت النضاضر دارت راسها مكتسمعش واخا وياسين كيطلع فنورة ويهبط من النافدة
نورة: بتردد وحزن) ياسين.. انا ..
ذكرى : بتدخل) انا مخصنيشي شي حاجة ترون لي النهار ديالي ادا عندك شي حاجة مشي حتى لنهار اخر ماشي ليوم
ياسين: طلع الزاج) مشي حتى نعيط لك .. دابا نعيط لك يالاه الله يعاون
نورة: شدات الزاج بيدها) ياسين. . وواقف وقف ..اما حبلة اياسين
هبط الزاج كيشوف فيها : حبلة...ايوا مشي عند باباه قولها لو
نورة: نتينا هوا باباه ..نتينا بواحدك
ياسين: بغا يطلع الزاج بسخرية) مشي مشي. عنوريك باباه ويماه كيف عاملين ههه مشي
ديمارا السيارة ونورة كتوقف الزاج بيدها وقالت
نورة: ياسين نتينا عارفني كنت عزبة و...
زاد كيصحك بسخرية خلاها واقفة وكمل طريقو قال
ياسين: شايطين عليا ولادي نخويهم فلي كان هه .. قالك كنت عزبة
ذكرى: خليني من هاد الحمقا.. كتخور وصافي .. قولي اياسين كنت عنقولك نمشيو ندوزو شهر العسل فلمالديف
مشات لعروسة لقاعة فرحانة كتبلاني لحياتها ومستقبلها وجلسات نورة فالطموبيل ديالها كتبكي وتنين كتشوف حياتها ضاعت ومستقبلاها مشا ةكلشي ضاع .. فرمت عين ضاعت الاسرة والمستقبل وتدمر كلشي بسبب غلطة ياريت كن رجع بيها الزمان اللور عمرها تفكر تغلط داك الغلط . لاكن مع الاسف .. فاات الاوان والحقيقة ماشي هي الحلم .. واخا تمنات تكون غير كتحلم وضربات وجهها ما مرة ماجوج لاكن فكل مرة كتقول واقيلا كنحلم كينوضها الوحم من القلبة وتبدا ترد حتى يخرجو مسارنا .. يأسات وتقصحات بزاف وعيات وتعبات وضلامت الدنيا فعينيها وطفا النور ومابقات حتى حاجة كتبان ليها زوينة فهاد الحياة . كلشي تدمر كلشي ضاع ومابقاش علاش تبقا عايشة ونزيد تشوف وجهه واليديها فالتراب ببسببها .. اصلا اللي جاي كله غير النكد والمصايب ومابقات حتى تفرح وتعجب وكاين غير الاسوء والاسوء كتر من الاسوء اللي كتعيش فيه حاليا.. الطامة الكبرى هي فاش تتفضح وسط عائلتها .. والمشكل الهضرة مغترجعش غير عليها بل حتى باهاومها لي غيضطرو يقطعو العائلة كلها بسبب الشوهة لي دارت ليهم بنتهم ومغيبقا عندهم عائلة ولا وجهه يشوفو بيه الناس. قررات تنهي هاد المهزلة وتوضع ليها حد وناضت شرات دوا الفيران كما شافت وعاودات فالمسلسلات بحكم معارفة حتى دةامن غيرو ورجعات لدارهم جثة بلاروح لقات مها كتوجد راسها تمشي للعرس وباها كيغلف الكادو .. وقفات كتشوف فيهم مطولا ومشات بابتسامة شاحبة عند مها عنقاتها وسدات عينيها مطولا حتى بدات الام كضحك وتشججعها باش تلبس تمشي معاها . دازت عند باها باست ليه راسو وقالت كتتأمل فوجهه
نورة: نتينا احسن اب فالدنيا... ربيتيني احسن تربية وعطيتيني كلشي ماحرمتينيشي من حتى حاجة
ضحك باهاوهوا كيغلف الكادو ورتب على كتفها
عبد الرحيم: الله يرضي عليك ابنتي.. نتينا المرضية ديالي ديما ربي واقف معاك .. الله يرضى عليك .. حتى نتينا عنفرحو بيك ونعملو ليك العورس فاين يبان العرس ديال ذكرى
مريم: ان شاء اللع ياربي ... عندنا غير عوينة وحيدة عنعملو ليها العرس مضخخخم
نورة: ان شاء الله .. ونتجمعو فالجنة ياربي
عبد الرحيم: هاد الكيلمة لي قلتي دابا مزياانة .. الله يفرحك ويحفضك ابنتي المرضية ديالي
مريم: ةامشي ابنتي وجد راسك يالاه .. مشي الله يرضى عليك
عنقاتهم العناق الاخير وباست على راسهم بجوج ومشات جهة البيت وكل شوية تلفت تشوف فيهم فرحانين وكيوجدو راسهم
لاللة لعروسة بدات فالمكياج والزيانة كتصاوب ليها وضايرين بيها بحاا الاميرة.. لابسة سوميج دونوي بيضا ناصعة كلها مشبكة وفوقها بينوارها دالعرايس باليدين فيه الفرافر كامل مشبك وطويل فيفزي وواسع بحال شي غوب والريس فاليدين ودايرة رجل على رجل هازة راسها كتماكي ويديها ورجليها بالحناكي حمرا كتولول والصدر معري كامل مغطي فيه غير الريوس.. شادة تيليفون كتكتب لياسين والزيانة خدامة ليها والباب دالبيت مسدود عليهم حتى كملات ليها المكياج ودخل هاز فيدو كانيطة دكوكة محلولة مدها ليها غمزها وشداتها كتشرب منها مرة مرة وراسها مهزوز كيصايبو ليها المشطة. ماهضرات مع ياسين مانطقات كان الحوار كله دايز فالواتساب بيناتهم . غير حط ليها السخرة لي طلبات ورجع خرج لابس البلدي من توقيع روميو . اللبسة سنيي بالسلهام والبلغة كان فالقاعة مع الرجال وكانت زاهية عندهم نشاط مع زهير بهوي والقيامة قايمة والفلوس كتشتت فالسما والزحام فالمنصة والغوات والهايلالا ومرة مرة ينقلو داكشي فالشاشات للعيالاات والشاشة عند ذكرى لي جالسة كتصاوب باش تدخل بالشدة الطنجاوية للقاعة الثانية عند العيالات لي كانو كيتسناوها غير فوقاش تدخل يشوفوها كي طلعات ةيشوفو حتى المغنية لي غتحيي ليها العرس .
وجدات لاالة لعروسة ودخلاتها الزيانة شادة ليها فيدها والنكافات كينكفو وهي غادية بالطالون ويديها محلولين شادة بيه التوب من هنا ومن هنا وكتتقدم هازة ىاسها وعينيها فالارض مكتهزهمش نهائيا حتى وصلات للقاعة ودورات الزيانة للعيالات تحت الزغارت وجلسوها فبلاصتها مهبطة عينيها .. طلعات ملكة الجمال كتفتن وتدي العقل كلشي بقا كيشوف فيها وفلباسها وجلستها وهي حادرة عينيها ..بقات هاكاك حتى بغا ىاسها يتفكرع بديك الشدة المزيرة عليها وناضت عاوتاني بنفس الطريقة خروجوها طلعوها للبيت جلسات جلسات سخفانة فكو ليها راسها وبدلو ليها كولشي.. المشطة والمكياج تبدلات كاملة ولات وحدة اخرى بلوك جديد والشعر عالي مطلوق بالمشطة والتاج دالاميرة واللبسة فالابيض كتهبل ديال الاميرة واخا خدا ليهم داكشي الوقت لاكن يستاهل . المكياج خفيف بزاف كأنها ما دايرة والو وبغات جمالها الطبيعي يبان مع البركة ديال المكياج وصافي .
دخلات بحلة جديدة كتشوف فالحضور وتتبسم وتضحك على غير الدخلة الاولى . هاد المرة شافت فالحضور فرحانة وكتشير بيدها وتتبسم ودخلات المغنية تغني على الدورة دالعروسة وكلشي ناض كلشي باغي يتصور كلشي باغي يبان كانت غتنوض لفوضة لولا ليكارد كورد عيالات ناضو نضمو الشغل وفكروهم فقانون الغرس والتصوير الممنوع .هزو العروسة فالعمارية والمغنية كتغني وتقول ما غنيت حتى نزلو العروسة ومشات وقفات فالمنصة جنب الفنانة فرحانة عاجبها الحال غرمات عليها ثلاتة دلبريكات ووقفات كتسفق بيديها وتبسم بتبات ورزانة وكتشطح بشوية وبالتاويل فوق الكعدة
بانت ليها فداء وسط الحضور دالقاعة الفخمة واقفة حتى هي بالتكشيطة هماوية والشعور كتشالي بيديها وتشطح فرحانة واخا مكانتش متوقعاها ذكرى تحضر وقالت اجي نعرض عليها باش تعرفني غندير العرس اسطوري.
شطحات ذكرى وردحات بالتاويل والتقولية وقالت مع راسها راني حيحت ماخليت ما درت .. هاداك هوا طوب الحيوح عندها صافي والباقي دوزاتو وقوف وتفراج كتسها مع الناس لي محيحين وكتبقا معجبة فيهم غير كتشوف وضحك . مشات جلسات بلاصتها رتاحت ومن وراها دخلات عائلات العريس مدخلين ليها الدفوع واخا ماحطاتش كلشي وعطات اهمية للذهب والديامون وداكشي لي شرات من سبانيا من ىوليكس وكارتيي.فقط . قادوهم فصنادق صغيرة وكان كافي بالنسبة ليها بلا متفرش حوايجها كاملين . دخل لعريس بالبلدي مولاي السلطان نيت .. عاجبو راسو وفرحان باينة من عينيه واخا مكيسوف لا هاكا ولا هاكا كاتعزلي من الرجال غير هوا .. دخل ليها الدفوع ديالها من بعد ما دوزو طقوس الحنة فالقاعة عند الرجال وجا هاز الور وحداه مو بالقفطان كضحك مصاوبة سعرها باببليز زاد قصار طلع فوق الودن لاكن جا خطير تبدلات بزاف وكتشوف فالناس كتبان نية واخا هي ماشي نية فالخقيقة ولاكن منعاكسة عليها العقلية الاوروبية ومعاها سارة بتكشيطة والمشطة وراوية ماعليها كلام نجمعة الحفل وحداه طارق داخل بالكوستيم كيشوف قدامو حشمانين من النسا ووراه عبد الحق حتى هوا بالكوستيم والامين بجلابة دايزها الكلام . سلمو عليها باليد ووقفو فالجناب وجلس ياسين حداها كيشوف فيها ويتبسم بدا كيهضى. هوا وياها ويتصورو وجلس معاها شوية وناضو مشاو كيتصورو تصاور بوحدهم فخاطرهم ماخلاو حتى وضعية .. عايشين اللحضات كلشي مزيان كلشي هوا هاداك في حين كان عبد الرحيم كيعيش الحرق على كبدتو هوا ومرتو وهما واقفين فلكولوار دلكلينيك .. باقي بجلابتو ومرتو بتكشيطتها وشالها مقادرنيش يصدقو اشنو واقع .. البنت مشات لبيتها تلبس صحة سلام حتى لقاوها كتخرخر والقرعة ديال الدوا حداها وبلا عقل هزوها كيجريو يلحقوها ويتسابقو مع الوقت .
شد راسو مفاهم والو ومرتو كتسبح بصبعناها وتستغفر كبطلبو الله تنجا . طاح منهم النص فاش خرجات الطبيبة عندهم خبراتهم بلي راها مزيانة لاكن الطامة الكبرى فاش عرفوها حاملة .. مريم ضربات فمها من الصدمة وباها صدقش تبعها فداك الكولوار وقفها وقال
عبد الرحيم: واقيلا غلطتي انا بنتي مامجوجاشي
الطبيبة: بأسف ) غير سمح ليا سيدي .. يمكن هادا هوا سبب محاولة الانتحار
اسوء خبر يوصل للواليدين .. كتخان فيها التقة وتمشي للتربية واللومة كترجع ليهم وهم اول من كيلومو نفسهم وكيبقاو يشوفو شنو دارو وفاش خطاو فتربيتهم وشنو لي غفلو عليه .. من حر الخبر جلسو كيبكيو والكلينيك كيدور بيهم .. وعبد الرحيم كأي اب غضب فديك اللحضة كره بنتو واخا عاد قبل خمسة الدقايق كان غيموت قبل منها ومخلوع وكيطلب الله تنجا وترجع ليه طفي نارو . فجأة تحول داك الاحساس لكره ونفور وحقد وهز راسو كان غيخليها تما تمشي لاكن سبحان من اعطى للمرأة الثبات.. واخا شربات من نفس الكاس تبتاتو وشداتو كترغبو تبكي وطفي داك الغضب واخا كاتمة غصبها فصدرها ودافناه ، غلبات عليها كبدتها وبدات تفكرو بأنها بنتو .. بنتو الوحيدة وشنو ما طرا كتبقا طرف منو صعيب يفرط فيها .. وشوف تشوف شنو وقع ليها واش تعدا عليها شي حد واش ضحك عليها شي واحد .. مزال معارفينش السبب والاسباب كثيرة . هدناتو وجلس هبط وجهه كيبكي ويشوف راسو فمصيبة وسط المجتمع والعائلة ونفسو ماتستحملش الاهانة واصابع الناس ليه . تشواو بمعنى الكلمة ودازت عليهم ليلة مزفتة افس من ليلة لقبر على الكافر. ماصبح الحال ولاح الصباح حتى كانو هداو والعافية رجعات رماد وطفاو وتقبلو الامر الواقع لاكن ماقدروش يدخلو عندها يشوفها .. خلاوها لداخل ناعسة كتبكي فوق البياص وعنقها متقوب كيدوزو ليها الاكل سيروم من تما لانها متقدرش تاكل وتبلع اكل عادي . الفاصمة ملوية على عنقها شادة الانبوب ويديها زورق بالابر وكتشهق وتشوف فداك البيت وهما برا جالسين فاصل بيناتهم باب واحد.. لاهما قادرين يمشيو ويخليوها ولا هما قادرين يدخلو عندها يشوفوها على الاقل كيف بقات
بين نارين.. ماقدرو يديرو حتى حاجة .. زادت الطبيبة عطاتهم تقريرها كامل وباها حادر الراس ووجهه زرق .. الجنين فايت ثلت اشهر وتكون وغادي واحوله مزيانة ماعندو حتى حاجة وماوقع ليه حتى ضرر .. والضرر كله جا فالام والواليدين لي كانو كيتمناو يسمعو ديك الاخبار على حفيدهم فضروف اخرى حسن من هادي ويكون كلشي فرحان.. اما دابا كيسمعو وكارهين بنتهم وكارهين لي فكرشها حتى هوا .
قررو يدخلو يشوف هاد لحريرة لي مغاطس فيها حتى واحد من غيرهم . دفعو الباب دخلو سخفانين وتعبانين لقاوها كتبكي فصمت وتمسح خدها .. باها بقا غير كيشوف فيها وهي مهبطة عينيهاماقدراتش تشوف فيه .. بغا يهضر لاكن بدا كيترعد قبل ميهضر ويتمتم وقال كينهج سخفان
عبد الرحيم: هادي التقة لي عملت فك انورة . هايدا ربيتك ...
ماكملهاش وعيا بدا كيترعد بزاف وطاح فالارض .. ناضت من بلاصتها كتجري تنتر داك التيو من حلقها بالجهد وليباري لي فيدها ومها كتغوت . دخلو الممرضين شدوها ردوها بلاصتها وهي كتعيط على باها وصوتها مبحوح مكيتسمعش وكبخرج نصو من فتحة الحلق عينيها خارجين .. كيرضو ليها المسائل وعينيها مع باها لي هزوه خرجوه من تما ومرتو كتجري تابعاه . كارثة وكابوس كيعيشوه كحل باغين يفيقو منو لاكن صعيب..صعيب يرجع كلشي كي كان وصعيب بزاف .
رغم كلشي لي وقع رجعات لدارهم مع واليديها .. ماحاملينها ماقابلينها لاكن ميقدروش يسمحو فيها وينعسو مرتاحين بعاد عليها. دخلات لبيتها جلسات مهدودة مريضة وباها مريض مابقاش قادر ينوض والام بوحدها بيناتهم . جات لحضة المواجهة بينها وبين امها وكان اضعف موقف طيح فيه وخاصها تقوليهم شكون مولاها وهادي فحد داتها صدمة اخرى .جلسات جنبها مريم مسكينة كتسول مقهورة وقالت
مريم: قول شكون عمل هاد العملة؟ يالاه قول
نورة: بخجل) غير خليني اماما انا عنمشي نبعد نسكن بواحدي ونهز المسؤولية دالخطأ ديالي
مريم: دابا فاات الفوت .. قول شكون شكون باباه (ترقيق الحروف) يجي هوا خصو يتحمل المسؤولية ديالو
نورة: اامّااما باباه انا مشيييت لو قالي ماتجيشي عندي ماعندو مايعملي
مريم : بصرامة) عتقولي شكون باباه ولا عنضبر معاك .. قول قبل مايجي ليللك باباك يعرف شكون بزز منك
سكتات نورة شحال مترددة كتمتم ومها واقفة لها عند راسها حتى نطقات بصبر وقالت
نوىة: باباه هوا.. الراجل ذكرى
مريم: شنني؟ (استوعبات) ااا واعدي (ضربات فخادها ) راجلها ديال ذكرى؟؟ شني كتقول
نورة: قبل ما يجوج بيها
مريم: اواعدي شنني كنسمع.. شنني هاد الباااطل طاح علينا وشني عنعملوووو .. شني عملنا لك يا بنتي عملتي فينا هاد الفضيحة شنني تسالنا
ضربات مريم فخادها كتغوت وتبكي ومزيرة نورة تعاود ليها كيفاش وقع ونورة كتعاود وتبكي بغات تموت حتى عرفات مريم الحقيقة وناضت كتكمل عليها
مريم: رخصتيي راااسك... جبرك رخييييصة لعب بيك ومشا عند لاللااااااك .. لاللااااك ذكرى زوج بيها وعمل ليها لعوورس هاااايداااا .. دسلاااطين كاع الحومة كتهضر عليها .. ونتينا طحك عليك ورماك بحال الحشرة ... كيفاش عنعملو دابا نعاووطو هاد الفضيحة وهوا بزناس قد السخط .. ندعيوااه؟؟ منقدوشييي... نعملو لو فضييحة؟؟ حنا لي عنتفضحووو .. الله يابنتي شني عملتي فينا وحنا ماشي ديال فضييحة والصداع اش عملتيي فينا الله ياخد فيك الحق ابنتي يا نورة
الاب لي يجري مقادرش ومريض وتعباان .. والام لي بقات هاهي كتحاول تعتق ماحد الكرش مابايناش ويعتقو الى لقاو مايعتقو . شدات العنوان ديال دارو ولبسات جلاتها ومشات هي وبنتها وصلاتها للعمارة وبقات لتحت . طلعات مريم عيات تصوني والو حتى واحد مكيرد .. عاودو رجعو النهار الثاني والثالت حتى لواحد العشية كانت نورة كتقلب فحساب ذكرى على الانستا تشوف فين كاينة ومتبعاها فين كتمشي فين كتجي حتى لقات سطوريات عامرين بتصاور المالديف مكاين غير البحور الفاتحة والماكلة الملونة والمسروبات والشدان فاليدين والنخل والمناضر الخلابة. خا الفطور فالما ها المساج ها لجاكوزي ها الشمع .. داكشي ولا فالاحلام .. تنهدات وقالتها لامها باش متبقاش غادة جايا وكملات عليها مريم حتى هي بالهضرة .. ها لاللاك دارت ها لاللاك مشات. ها لاللاك جات . اما نورة كتاكفات فالبيت وكتأبات وحاضية غير ذكرى فوقاش ترجع وكل مرة تشوف شي سطوري ديالها مصورة شي فيرست كلاص ولا بزنس كلاص كتقول راها جايا وفالاخير كتصدم بسطوريات اخرين من هونغ كونك ولوتيلات الفخمة والصيكان دارميس والحب كيتشاير من تصاور اليدين ديالهم وهما كل مرة فوضعية. بقات هاكاك حاضياها من بلاصة بلاصة حتى وصلات اطاليا وجلسات تما شحال .. كتصور شي مناطق واماكن واوتيلات مكدخلش للعقل.. شي حياة هاربة بزاف وكادوات كتقرقش لعينين .. بلا الورد والاستقبالات لي كتصور كل مرة شادة باقا ورد ومصورة فشي ماركة غالية وهازة صيكان ساويين الملاين كتلبس شي مونطوات مع البرد لي دخل كيخلعو باينة الكاليتي وباين الثمن .. اشمنك يا فرو فالصدر واشمنك يا لباس ودجينات وصبابط كتخلع وليبوط واحد يزدح لاخر .. كتصور راسها مع المرايا ووجهها مغطي وشوية شوية كتبدا تزعم تصور النص من جيهة فمها للتحت بعكار احر بوردو ودفار بوردو والصالونات الواعرة .. البنت تبدلات بزاف وهربات بزاف ونقزات تنقيزات وحدة طلعات فالسما وحسابها بداو يتوددو ليه غيير الطبقات المخملية ولايكات كيحطوها ليهاغير شكون وشكون وكتصور شي ماتيريال ديال التجميل غابر وماضايرش وكل مرة تكتب علبه سوون وكدير التشويق للناس حتى طلع حسابها ضربة وحدة وطلعات طلعة وحدة وبدات تصور ليهم ليفورماسيو ديالها فالطاليان مع اطباء مشهورين وكطاكي فيهم وتقاد بلاصتها فالميدان
الناس كيمشيو لاروبا يديرو ليفوغماسيو فين ما جاب الله المهم يتسماو مشاو دارهم تما وعندهم ديبلومات. انا ذكرى لااا .. كتقلب على اشهر الاطباء والنخبة لي تجيب من وراهم كليان صحاح .. من الاول حاطة فبالها تخدم مع واحد الطبقة معينة فقط بلا متصدع راسها مع لي كان . من الاول كتقلب المتسوى العالي والشهرة التقيلة ولي غيوصلها لهادشي هما دوك الاطباء داروبا لاباطرة لي غدير عندهم ليفوغماسيو.. فطبعا عندهم متابعين غير لاكريم وحتى هي مضرب على ديك لاكريم باغا الفلوس بلا ادنى مجهود . وخصها تستعرض ماتيريال لي ماكاينش فالمغرب وماشي اي واحد يقدر يدخلو واحدث مكاين سبقات ليه هي اللولة.. اما اللغة حديث ولا حرج .. كتبدا تهضر فالسطوريات وهي كتصور لفوغماسيو وكتهضر مع الطبيب بطلاقة ولي مكيطريش فالفرونسي صعيب يفهمها اش كتقول . اما الانجليزية فاش كتبدا تهضر يحلف عليها الواحد مزيودة فنكليز وجا معاها وجا مع ستيلها وهادشي كله داخل فالتسويق لعملها .. كيفاش وحدة كتبان طيارة فاللغات كتهضر وتنتقي الكلمات الغابرة والرقة فالكلام والتفنن فالنطق وبداك الدوق ديالها واخا مكتبانش باين عليها بلا ماتحتاج .. اكيد خبرة ويمشي عندها الواحد معينيه مغمضين من الطبقات المخملية. حطات فالسطورياا وليبوسط حتى شبعات قهرات صحابها فالضومين حتى رجع حسابها مفركع بالاطباء والمسنجر بالرسائل والتودد لعلك ترضى بلا صحاب الاشهارات لي معاها فالضومين .. غير شافو السيدة كتصور خدمة وماتيريال هارب كلشي تكب عليها من الشركات لي فأوروبا ولي تابعين لدوك الدكاترة لي دارو ليها ليفوغماسو وصحاب البرودويات تجميل وزيد وزيد .. البنت كبرات عندها الثقة فالنفس اكثر وتضاعفات ومابقات كترد على حد وصعيب توصل ليها وتتواصل معاها وخالعة اطباء طنجة كلشي عاس عليها وتابعينها سطوري بسطوري. كملاتها وجملاتها مشات من اطاليا لالمانيا وكملات الباهية . بالرغيب والمزاوكة وجميع وسائل التحايل عاد خلاها تحط تصاورها فحسابها وتبان كلها وطبعا فإطار العمل مع مجموعة من الدكاترة . هادوك الصور بالضبط لي بانت فيهم بين الاطباء وصور ديبلومات لي هازة فيدها والتروفي ديال الزاج ديال اخر يوم باللبسة كان ليه وقع كبير على متابعيها .. اخيرا بان وجهها وكان وجه اشهاري بامتياز . السيدة مافيها حتى نقطة عيب وجمال خلاب وتناسق رهيب فوجهها كيزيد يشجع على نجاحها واستقطاب اكثر اعدد من الزبناء ، كان وجهها وجه اعلاني وتمهيد لشنو كتوجد وشنو كتخرج من يديها ونالو الصور عدد كبير من لايكات وبدات كطلع للناس بكثرة وكتزيد تخدم اكثر على بروفايلها وكل مرة صادماهم بشي مأدبة عمل مع اطباء مشهورين كتبان همة وشان ولباس هارب بزاف بلا الديامون لي كيطيروه الالبة من الطيارة . السيدة باينة واقفة على الصح وبخيرها وخميرها مواقفة على حد ومامحتاجة تمسح لحد شي كابة وكلشي كيديرو بفلوسها وعندها سند نييت وداعم قوي موصلها لشنو بغات بعزها وراسها فالسما .
كلشي داز على عينين عائلتها وكلشي متبعها حتى من وردة فرحانة عندها ديك اللوسة ومن زهرها طلعات لوستها اما كوراه حتى هي كتفرج وتنهد .. تابعاها بالتعاليق الاسبانية مكاين غير برافو لوستي برافو حبيبتي والتشجيعات وكتسناه غير تبدا وتبدا بيها تقادها . كذلك راوية كتفرج ومفتاخرة بمرت خوها فين وصلات وكتسيفط لصحاباتها وتسيفط لمها وكلشي عاجبو الحال واخا معتارفين انه كلشي من ولدهم لاكن كتبقا طبيبة فلاخير حيت تزوج اللولة ومدارت حتى زفتة بقات بلاصتها وكفساتها فالاخير
كانت راوية جالسة مابيها ماعليها فدارها فحي راقي فتطوان ومعاها ماريا الام ديالها وسارة ختها .. يالاه جلسو يديرو كاسكروط فالصالون والبلاطوات دالمالح قدامهم حتى سمعو الدقان وناضت سارة حلات الباب ببيجامة دافية وتقاشر لقات نورة واقفة وجهها صفر عيانة مخشية فمونطو وشعرها مجموع اللور ومريم حداها بسروال توب ومونطو طويل رقيوقة وزادت ضعافت والفولار وصباط كحل بلا
مريم: سلام علييكم .. كاينة ختاك راوية
سارة: كاينة
ناضت راوية لاوية عليها ببنوار دافي طلات لقات نورة وتفاجآت تبسمات وسلمات عليها هي ومها ودخلاتهم للدار كترحب بيهم وهما مكيضحكوش وحشمانين .. سلمو وقبل مايجلسو بدات نورة كتبكي وىاوية كتشوف فيها مافهمات والو
مريم: مامّاك؟(شارت بيدها لماريا)
ىاوية: اه ماما شني كاين؟؟ شعندك انورة؟
تلفتات مريم مقهورة وعيانة اخيرا لقات شي واحد فيهم وقالت
مريم: سمح لي دخلنا عليكم هاد دخلة.. جيت عندكم تجبرو معانا الحل لهاد موصيبة لي عمل بنك الاللة
راوية: خرجات عينيها) سمن موصيبااا؟؟ اواعدي شننو واقع
كتشوف فنورة ونورة ساكتة واقفة ورا مها كتمسح عينيها وماريا كتفهم لاكن هضرتها مخبلة شوية
فالعربية
ماريا: كون؟؟ ياسينو؟ سوونو عمال?
مىيم: لعايلة راها حوبلة .. حوبلاا مع ياسين بنك
راوية: تصدمات) اواعدي؟؟ شنو كتقول؟؟
سارة: شنو قالت؟
راوية: مصدومة)قالك لعايلة حبلات مع ياسين؟!!! كيفاش حبلتي معاه املعوقاااا؟ واش دبصااح
مريم: اايه دبصااح(حلات ليها المونطو) ها نتينا تشووو بعينك .. ست شهور دابا.. وثلت اشهر وحنا نستناو يدخل مادخلشي والعايلة باباها طايح مريييط ... تفضحنا ومابغيناشي نوصلو نلمحاكيم جينا نفتشو على الحل كاملين بينا
مريا: قولتي لياسين تينا حابلة؟
نورة: مسحات نيفها) قولتالو ماسمعنيشي ومشا
راوية: جلسات شادة وجهها) اوااعدي ياناا!! ونتينا متأكدة متأكدة ياسين
نورة: متأكدة اراوية ادا ماتاقشي التحاليل راهم موجودين وكلشي راهو موجود ادا كدبت عليه يدبحني قودامكم
ماريا: مخرجة عينيها) علاااش مشيتي معاه!!!! هوا راه زوااااج
راوية: راه كتعرفااا اماما كتعرفا راه صاحيبتااا
سارة: صاحيبتااا!!!! هييه؟؟ تينا غدرتي صاحيبتك
نورة: هي غدراتني انا ماغدرتاشي انا كنت كنعرفو قبل منها هي وشافتني معاه .. هي زوجات به ماقالتاشي ليا
شدات راوية ىاسها وبقات ساكتة وهما مصدومين عاد كيستوعبو الصدمة .. جبدات راوية تيليفون كتشوف سطوريات وقالت كتحرك راسها بالنفي
راوية: ياسين بااقي فألمانيا مع ذكرا بااقا ماكملاتشي لفورماسيو ديالا.. فووياااخ عيدخل دابا ماعرفناشي
مربم: عيط لخاك قولو يجي .. حنا مكنعيوشي يا نّاااس مكنكلوشي مابقيناشي كنهضرو حتى لهاضراا!! لعايلة علاين تولد بقا اربع شهور وحنا مراطين عايشين على الاعصاب ديالناا.. خصو يجي يجبر الحل نهادشي (شفات فماريا) خايلاه الاللة .. الله يرحم باباك(باست لها راسها) هصار مع بنك يجي (كتبكي) انا بنتي ضاعت لي وعاندي غير هي ولحياة ديالنا ضاعت .. يرحم والديك هصر معاه نتينا يماه نتينا شوف العايلة واحلة فراسا حسبا بنتك خايلاه الاللة يرحم والديك
ماريا شفقات وبقات فيها البنت ومها وحتى راوية شفقات وسارة كذلك ، وجاو فصفها وخا كيأكدو ويعاودو على الحقيقة وراوية كانت متأكدة نوعا ما من الحقيقة وكتعرف نورة مزيان ماشي بنت الزنقة وبدات كتهضر مع مها بالاسبانية بالزربة كتشرح ليها وتيليفون فودنها كتصوني ليه
راوية: بالاسبانية السريعة ) ميمكنشي متكونشي بصح انا كنعرفها ماشي بنت الزنقة ومتقدرشي تكدب على ياسين ادا مكانش هادشي بصح .. هي عارفة ياسين متجيشي غير هايداك مية فالمية بنو وهوا عملها
ماريا: بالاسبانية) هه(ضربات فخدها) وشنو عيقول لذكرا ادا سمعات هادشي تقوليه لا وينوض الصدع وهما عاد تزوجو شنو غيعمل دابا فهاد الموصيبة هادي
سارة :بالاسبانية) ادا كان بنو خصو يعتارف بيه
ماريا: كتشالي بيدها) كلشي كاين كلشي موجود دابا التحاليل كاينة اظا مكانشي هنا فالمغرب يطلعها سبانيا يعرف شنو كاين دغيا.. تخاف مايكون والو من هادشي ميتفاكشي معاها دابا مشكيلة
راوية: كتشطح برجلها وتصوني) انا قلت لك بنو متأكدة ككانت شي وحدة اخرا نقولك فالشك .. هادي والله ماتنزل عليه الباطل
ماريا: وعلاش ولا هي كتقول صاحبتها غدراتها داتو لها وعملتها قد راسها باش تنتاقم منها وتجيب لو لبيبي من شي بلاصة .. هضر بينك وبينها حاول تتأكد منها مزيان واش بصح قبل منتأكدو بيدنا ومراتو تعرف وينوض الصدع على والو ونصدقو مشكل اخر
هما كيهضرو بيناتهم بالزربة وحرف الاسبانية داخلة فبعصياتها ومريم جالسة كتسنا ونورة كتلقط بزز شي كلمات لاكن ماشاداش الموضوع مزيان .شد الخط لراوية وردات بالاسبانية كتسول فوقاش يرجع وتسول على الاحوال ونورة ومها كيحاول يقراو تعابير وجهها لي كانت في حيرة حتى قطعات وقالت بالاسبانية
راوية : قالك ماجيين السبت .. شنو اليوم؟ لاربعاء.
ماريا: صافي قولا حتى يجي قولا معطل حتى نشوفو معاه حنا عاد نعيطو لها بلا منوصلو محاكيم والبوليس صافي براكة
راوية: كتخاطب نورة) واحد عشر ايام عاد عيجيو حنا دابا عنهضرو معاه ادا بصح هادشي خصو يجبر لحل ضاروري
نورة: انا عارفة شني كنقول اراوية متأكدة ادا متاقشي يتأكد بيدو ماشي حمقة يانا نحوط عليه الباطل هايداك
ماريا: انااا نا هضرا معاه تهنا نيتنا انا نهصر معاه
راوية : صافي انورة كوني هانية غيجي غنهضرو معاه ندخلو لو الفكرة راسو بعدا عاد نتلاقاو كاملين ونشوفو الحل
نورة : انا نتيقة فيك اراوية
راوية: صافي كوني هانية
مريم: نايضة) الله يعاونكم.. الله يعاونك الشريفة هاحنا عنتسناومتعطلوشي علينا .
ماريا: منعطلوسي صافي تيناكم كيلمة
مريم: الله يعاونك الشريفة
خرجو من الدار وبقات راوية وختها ومها وختهم الصغيرة مسميين عليها تشوكولاطي كدور بيناتهم وتمشي تعنق ماريا وتخشا فيها
تحرم عليهم داك كاسكروط ماقدروش ياكلو بقاو غير كيشوفو فيه ويتنهدو مهمومين ويتسناو ياسين يرجع وتابعين سطوريات كيشوفو حتى بانت ليهم الطيارة والمنضر من لداخل عاد عرفوه راجع ومشاو لطنجة للدار الثانية الجديدة ليها فيها ثلاتة الطبقات جلسو فيها والبرد والشتا برا خيط من السما ومعاهم فام دميناج كتسخر وهما جالسين وسط الدار على فوطويات بيضا وزربية كيتسناوه من بعد ما دوز يوماين فدارو رتاح فيها
ماريا: صوت الطموبير شوف واش هوا
سارة : جات كتجري) هوا هوا هاهوا وصل.. بلحق معاه ذكرى حتى هي
راوية: شدات راسها) اوااعدي يانااا.. صافي سكتو عنداكم شي واحيد يهضر قوداما
ماريا: هزات حواجبها) دابا عتقول جينا من ياخرا .. مشكيلة
راوية: طلعو للدار لفوقي وهضر معاه .. نتينا اسارة شدها بالهضرة هنا
سارة: انا خصني نطلع نشوف شني عيوقع
راوية: ماعندو مايوقع غير عيخرج فينا لعينين هااايدااا يقولك ماشي يانا وصافي هانا قلت لك شني عيوقع
ماريا: هزات حاجبها) شووو هاما طالعين
سكتو وناضو تفرقو حتى بانو ليهم طالعين مع الدروج وصوت الطالون كيقرب بانت ليهم ذكرى هي اللولة بمونطو قصير كرونة والفرو فاليدين والعنق محزم وكولون غليض كحل قاتم فوقو ليبوط طالعين حتى للركبة فالبوردو بالطالون والصاك كحل هازاه فيدها والشعر طبيعي طايح ورا كتافها كضحك وىوايحها سابقاه بدات كتسلم عليهم عاد بان ياسين وراها بجاكيط زرقا دلاكوسط ودجينز زرق وحداء ابيض وزرق دلوي فيتو نيفو بان وجهه صافي فالبرد طالع ويلعب بالسوارت فيدو هاز صيكان ورقية شي فوق شي فواحد اليد ودخل سلم عليهم وحط داكشي فوق الطبلة
ىاوية: مبروك ذكرى الله يسخر
ذكرى: جلسات كتبسم) اميييين .
سارة: شوفت سطوريات ديالك كاملين
ماريا: بالاسبانية)كتقولي تجي ذكرة تعملي تجي ذكرا تعدلي متبعاااك
ذكرا: ههه ان شاء الله
راوية: تعطلتوو.. جيبتو حتى ماتيريال؟
ياسيت: هاز رجل على رجل) عيسيفطوه هما نيشان هنايا
ذكرا: قالك هاد الشهر يكون هنايا .. حيت كل حاجة مناين شرينها ماشريناهشي كولو من نفس موطع
راوية : ااه.. مزيان .. وفاين عتعمل العيادة.. جبرتي الموطاع؟؟
ذكرى : فمدينة (كتلعب بشعرها) فالدار ديالي تما
راوية : عرفتي شحال دصحاباتي كيسقسيوني واش فتحات واش جات واش بدات .. هههه قلتلوم باااقي غير تفتح نتوما لولين
ذكرا: ديك الساعة نعملو فتيتاح كلشي يعرف
هزات كاس داتاي كتشرب والحلوى قدامها وكلشي قدامها وياسين كيهضر مع البنيتة بالاسبانية ويجرها من شعرها وهي كتغوت وتخرج فعينيها حتى قالت لو فجأة بالاسبانية " نتينا عيجيك بيبي صغيورك متبقاشي تبغيني"
تلفتات ذكرى شافت فيها بابتسامة مستغربة بينما جراتها سارة للكوزينة وياسين كيضحك كيقوليها غير طلقيها مادا ماجاب.. نخزاتو مو وشارت ليه براسها بقا كيشوف فيها متبع ليها لعين عرف شي حاجة تما وخلاها حتى طلعات وناض هاز تيليفون تبعها وبقات ذكرى مع راوية متلفاها بالهضرة
تبعها للفوق لقاها واقفة كتسناه وسدات عليهم فواحد البيت وبدات تشرح ليه بالاسبانية وهوا مبررد كيسمع حتى كملات الشرح وقال بسخرية
ياسين: غا لي جا يضحك عليك امامّا وكتيق بكلشي الله يهديك
ماريا: العايلة مكتكدبشي اياسين وكن بصح هادشي بنك يالاه؟
ياسين: بانفي)ماشي بني... عارف شنو كنقول
ماريا: ونقولو بنك ؟؟ وقع لي وقع
ياسين: بارتياح)ككان بصح نعتارف به .. بني ديالي متخليهشي
ماريا: ايوا العايلة قالت لك نعملو تحاليل.. متأكدة.. نعملو التحاليل ونتأكدو بيدنا
ياسين: مامساليشي لهادشي .. ادا عاودات رجعات عندك قولا لي نضبر معاها هي وطاسيلة ديالها كاملة
ماريا: شدات فيه) لالالالا مناقصينشي راه لي فيهم كافييهم ..راهم مرااض مساكن
ياسين. ايوا تمشي تشوف شكون عمل لها ديك الفضيحة
ماريا: معتخسر والو ... هانتينا جلس وخلي ذكرى تمشي ونعيطو لهم وشوف بعينك .. ماتزربشي
طبطات عليه كتحاول تقنعو وهوا راسو قاصح مابغاش وشداتو كتبسط ليه الامور بشوية بشوية حتى سخفات ةبززز باش قبل يشوفهم ، نزل قالب وجهه طايرة ليه معبس جلس شوية وخرج هبط للكاراج كيشوف طموبيل اخرى محطوطة تما وذكرى لفوق كدير كاسكروط ومرتاحة جلسات شوية وكانت ديارة حسابها تمشي تشوف مها .. ناضت كتقلب عليه وتصوني وهبطات عندو لقاتو حال لكاراجات وقالت كتبسم
ذكرى: صافي نمشيو؟
ياسين: مد ليها سوارت) مشي نتينا شوف ماماك انا عندي الشغل حتى نسالي ونجي
ذكرى: تجي تعاشا معانا؟
ياسين: نشاء الله
شدات السوارت ركبات فالسيارة الثانية لي تما ورجع اللور كيشوف فيها حتى خرجات وسد الكاراجات طلع بحالو للدار هاز حاجبو وجلس وسط الفوطويات شاد تيليفون
ياسين: عايط لهاديك داغيا نشوفو هاد (خفض صوتو) لق٠وي عاود مناين خرج
ىاوية: جلسات حداه) قولي واش بصح عملتي شي حاجة؟
ياسين: كيفاش عاود عملت ما عملت
راوية : بيني وبينك دابا غير قول باش حتى حنا نرتاحو .. عملتي شي حاجة؟
ياسين: هي بووتا بغات شديتها بزز منها ولا
راوية: حنا خصنا نعرفو باش ميوقعشي شي مشكل .. تقدر تمشي عند ذكرى وتقولها
ياسين: وا فراااسااا
راوية: حلات عينيها) فراسها حاملة
ياسين: كيشوف فتيليفون) فراسها كلشي
راوية: بقات مصدومة) شنو قالت؟
ياسين: متاقتشي بداك التخربيق.
راوية: بيني وبينك اياسين.. واش نورة كانت عزبة؟
ياسين: باش عنعرف ؟؟
راوية: بااينة
ياسين: شار براسو) راهم كيلسقو لعجب ويشدو فالناس
راوية: نتينا دابا قولي وصافي. جبرتيها عزبة ولا لاء
ياسين: بنص عين) راه قلت لك مانعرف...واش دبصح ولا ملسقة تما شي عجب
راوية: تنهدات) بلحق كنعرف نورة يانا ماشي بنت الزنقة
ياسين: بسخرية) ماشي بنت الزنقة هه... مشي اراوية خليني عليك مشي
ماريا: جات كتزرب) هاهما جاو .. ماتعملشي شي صوت ولا شي غوات .. بررد وصافي خليني انا نهضر نتينا سمع وصافي
ناضت راوية كتجري هبطات حلات الباب واخا واحلة فراسها تعرضات ليهم وقالت
ىاوية: الله يرحم الواليدين متعملشي غير شي صوت ولا تغوت .. حنا عنقادو كلشي بشوية بلخاطر .. اما ادا بقيتي تصدع وتغوت مغنتقضي واالو.. غير ببشوية
طلعو للدار وكانت نورة حالتها وحشمانة مهبطة راسها .. قمة الذل وماعندها جهد ومكتهزش الراس ومها كتر منها باغا غير الحل ويسترو داكشي قبل مترجع فضيحة قدام الناس.
ماهزش عينو ماشافش حتى فيهم بقا مهبط راسو راسو على تيليفون وهما جالسين حداه ومو وخواتاتو واقفين ضايرين بيهم
ياسين: ماهزش عينو فيها)عندك شي دليل كيقول انا باباه داكشي؟ ادا عندك دابا نفكو هاد روينة
مريم: بالخاطر) الدليل عند الله ابني... الله سبحانه وتعالى لي عندو الدليل.. حنا فاش عيخرج هادشي للدونيا عنععملو ليه تحليلة .. ادا كدبنا عليك او تعدينا عليك عمل فينا لي بان ليك .. دابا الله يرحم باباك ستر لنا هاد الفضيحة(بدات كتبكي) ماعندناشي الوجه لي نشوفو بيه فالناس.
ياسين: انا ماعندي ماانعمل لك الشريفة هاد الساعة حتاا يجي داكشي ونشوفو بصح ديالمن ويحن الله
مريم: الله يرحم والديك .. انا راه ماخصني والو .. خصني غير بنتي تسترها ليك
ياسين: بنتك كسترات راسها نهار اللولي مطيحشي فهاد الموصيبة
مريم: عنداك الحق... عاااندك الحق . ماستراتشي راسها تستاهل .. بلحق اابني شوف فالوجه ديماها وباباها الله يرحم الوالدين.. ماتعطينا والو .. ماخصناشي .. غير سترنا انا وبابها وصافي هادشي لي خصنا.. حنا بيدنا ماخصناشي البوليس والمحاكم والفضيحة .
ياسين:شاف فيها )سمع الشريفة.. انا ماعندي منعملك انا مزاااوج (وراها الخاتم) وعااندي المرا ديالي .. وهاد روينة غتعمل لي المشاكيل وانا معارفشي اصلا مناين جابت بنتك داكشي
نورة: كتبكي) ااقسم بلله ماجبتو من شي موطاع ما عملت شي حاجة مع شي واحيد .. ادا مكانشي بنك هانا عمل لي عجبك .. ماتعتارفشي به دابا خليه حتى يجي وتأكد راااسك.. انا غير سترني قدام الناس وصافي
بدات كتبكي وتعطي لقلبها وتحلف ومها كتبكي وتشكي
مريم: هي مشات نتاحرات رديناها من الموت .. حنا دابا كنموتو .. باباها كيموت بالفقصة
بقاو كيبكيو ويرغبو وهوا كيشوف فتيليفون ماحركو فيه حتى شعرة حتى نخزااتو مو مشات لبيت معاه سدات الباب وتبعاتو راوية كيحاولو يقنعوه بشوية وبقات فيها نورة قطعات ليها فالقلب
ماريا: صافي ماتعتارفشي.. زوج بيها دابا قدام الناس وخليها عند يماها حتى تولد
ياسين: انا متأكد ماشي بني واش عتحمقوني ولا؟
ماريا: متقولشي هايداك متعرف شني وقع .. راه ادا كتااب ليه يجي راه يجي متعرف كيف وقع لو.. كاع الناس كيغلطو واخا يعملو لي عملو .. انا فهاااامتك شني كتقصد فهاامتك .. بلحق انا قلت لك ..ماتيقشي راه الغلط كيوقع
راوية: وانا امّاما شربت فباسطيات (كينات) حتى شبعت فاللخر هانا ها نتيجة .. حتى حاجة ما مضمونة
ماريا: عمل لي قلت لك عليه الله يرصى عليك. غير قدام الناس وصافي
ياسين: هه وذكرى
مريا: خرجات عينيها) متعرفشي.. واااالو .. ماتسيقشي لخبار كاع خلييها.. نتينا فك هاد المخلوقة ويماها وباباها وذكرى خليها ملهية فلعيادة ديالا صافي.
راوية: بصح .. بلحق ساكنة حداهم غتعرف غتعرف .. احسن كن رحلو .. هما جيران
ماريا: مايمشيشي عندوم ادا بغاو يعملو الفرح يعملوه بيناتهم هوا يتسرها غير فالارواق صافي قدام العائلة. حتى تولد ونشوفو ادا بصح بنو راه يعتارف به.. ادا مكانشي بنو مايلومو الا ىاسوم .. ياك اياسين
دور وجهه كيسوط: عتغرقونا فالمشاكيل وصافي تفوو
ماريا: فك عليك يالاه يالاه .. ذكرى خليها عليا
ياسبن: معترجعشي نتينا نسبانيا؟
ماريا: فاين عنرجع نخلي هاد الفضيحة؟؟ يالاه بالاه
خرجو ووقف شار بيدو ليهم وقال
ياسين: ادا مكانشي هادشي ديالي ماتلوم الا راسك
زاد وخلاهم وبقات مو جالسة كتشرح ليهم عاد ردات فيهم الروح وترخفو تقول كانو كيشهدو ليهم وطاحت عليها مريم كتبكي وتبوس ىاسها ويديها وراوية ساكتة كتتأسف لاكن شنو ما دارو مايبانش قدام ديك الفكة لي اخيييرا تفكو وغادي يفكو الكابوس
ىاوية: دابا عنجيو نخطبو وموراها لعقد نيشان ..نتينا ادا بغيتي تفرح براسك فرح بلحق بشرط... حتى واحد مايعرف فجيران ديالكم ولا مراتو تعرف .. ذكرى ماخصاشي تعرف نهااائبا باش ميوقع حتى مشكل وكلشي يضيع
مريم: حنا قااابلين... حنا نعملو لي قلتو المهم العايلة ماضيعشي هي وبنا
ماريا: مدات ليها لفلوس) عمل لخطوبة ديالك حنا عنجيو
مريم: لاالا الشريفة ماخصنا والو الله يكتر خيرك ..خصنا غير تجيو داغيا نعملو العقد (ناضو وقفو) عنمشي نقول هادشي لباباها ونوجدو لخطوبة خايلاه ماتعطلوشي راحنا تعطلناااا
راوية: هاد ليوماين ان شاء الله عنجيو..نتوما ادا سولكم شي واحيد فالعائلة على الخطيب قولو لو برااا وفاش عيجي عنعملو لعقد نيشان
مريم: فويااخ نعملو لعقد
راوية: كلشي عنعملوه دغيا غير تهنا .. مهم حنا غدا ماجيين نخطبو نزولو الخطبة من الطريق
فراوها اخيرا ورجعو للدار مدلولين .. دخلات لبيتها مرتاحة نسبيا الشوكة المألمة اخيرا تفكات . اما مها مشات للبيت عند باها كان متكي ومريض منهك نفسيا والى جيتي تشوف واش كيضرو شي عضو ماتلقا حتى حاجة كضرو لاكن مهدود نفسيا السوفل ماعندوش ويكنهج مسكين .. وصلات ليه مرتو لخبار وماعتارضش وحتى هوا باغي لفكاك ومع الساهلة بلا فضيحة بلا شوهة والحل لي بغاو يديرو مايتشرط ما يزيد ماينقص.
على سعدها ووعدها ناضت الام عيطات لختها تعاونها وخملو ديك الدار كلها لي تهملات وتنسات ودخلها الاكتآب وهزو راكانيها ساسوهم من الهم وناض عبد الرحيم من فراشو دوش ووقف بزز منو . عرض على شي خوتو باش يحضرو وتشيع خبار الخطبة وبداو يصلحو الامور بشوية بلا حتى واحد ماينتابه .اما نورة ماخرجاتش من بيتها وكتلبس بينوارات بزاف كتخبي فيهم كرشها ومتبعة الطبيبة كل شهر كتديها مها وتردها وراسهم فالارض مافرحانينش بديك البنية لي هازة فكرشها وحتى واحد ماكيتسناها لا باغيها واخا كيشفقو عليها وكتبقا غير روح بريئة ماختارتش ومادارتش لابيديها ولا برجليها.
لاح الصباح وصبح ياسين كيفطر مع ذكرى وراسو مرفوع وطالع ليه الدم مافيه اللي يهضر وهي حداه كتهضر مع مهندسة ديكور لي تصمم ليها ديكور المحل. ماداها فحتى كلمة من داكشي لي قالت وهي زربانة كتلبس حوايجها تخرج في حين كان مشطون كيتسناها غير فوقاش تمشي تلهى مع شغلها وسيفط وراها العسة عاوتاني يعلموه بطريقها لدارهم الى ضارت ليها فلخوى .
سدات الباب وراها وجبد تيليفون عيط لمو
ياسين: شني عملتي ؟
ماريا: حنا ماشيين .. انا هضرت مع خاك عبد الحق قلتو لشني وقع وغيمشي معانا يهضر مع باباها .. كنا تافقنا معاهم .. نتينا فاوروبا دابا حتى تجي وتعملو العقد والنهار فمرة وحدة.. زعما ماعمدكشي الوقت
ياسين: يالاه سير.. نشوفو هاد الروينة فاين عتصفي.. عنداك شي واحد من فاميلا د كرى يشوفكم داخلين
ماريا: كن هاني .
تقضا الغرض دارو الصواب مشاو يخطبو وحطاتهم طموبيل اخرى فالباب ونزلو رادين البال مع دار دكرى لي كانت حداهم فنفس الزنقة ودخلو هازين صوابهم طلعو للدار لقاو العائلة وباها بالجلابة والخطوبة حقيقية مافيهاش ادنى شك. واخا ضاحكين بزز منهم لاكن ماعندهم مايديرو .. غير داكشي لي وصلو ليه لحد الساعة راه انجاز عضيم بالنسبة ليهم .
استقبلوهم فالصالون وجلس عبد الرحيم غير ساكت وكيشوف قدامو وخوه لي كيهضر مع عبد الحق ومريم وختها والعائلة كيهضرو مع ماريا وراوية ومشاركين الحوار بحال اي خطوبة. دخلات نورة مهبطة راسها مقادراش تشوف فباها ومها حانية راسها والضيم طايح عليها دوزاتها ليهم لابسة قفطان واسع بلا حزام والشال والبلغة سلمات عليهم وجلسات حانية راسها كتسمعهم كيهضرو ويدكرو الخطيب لي فالخارج وجاو يخطبو ليه بحال لي كيديرو شحال من واحد .. شحال من ام ولدها برا كتمشي تخطب ليه هي حتى كيدخل ويعقد نيشان
دازت الخطوبة مزيانة كلشي هوا هاداك وحزن الواليدين صرفاتو لعائلة على انه حب لبنته والخوف من الوداع وجلسو كيصبرو فيهم ويضحكو .
اما ذكرى كانت منغامسة مع المهندسة فالدار كيصورو داكشي بكامرات اخترافية دالعمل كتشد العبارات وكيتسنطو لشروط ذكرى وشنو باغا يكون فعيادتها وشنو الآليات لي غيجيو من بعد وفين بغاتهم يكونو .. كانت مستمعة بدوك الاجواء وفرحانة بيهم وعايشة السعادة وكل مرة تصور سطوري وسطورياتها كيطلعو لنورة لي مهمومة فبيتها كتشوف حياتها لي تقلبات وزواج الدل المدلدل لي غتزوج وكيفاش شاف فيها واحتاقرها وكيفاش كتشوف فدكرى عايشة .. حتى ولات كتقول مع راسها بلي كيبيغها ولي بغاتها كيديرها ليها وهي فقط مجرد غبار على حياتو فأي لحضة ينفضو
وقفات ذكرى على عيادتها بيديها .. شافت التصميم الاول والثاني وثالت كلهم تروا دي وختارت التصميم لي عشقات نفسها وتشهاتو وتحمسات تشوفو فوق ارض الواقع وتشوف ديك الديار لي قريبا غتتوحل كلها لعيادة وغتتبدل تماما . وباش تتهنى من المسألة دالفلوس عطاتهم رقم ياسين يتواصلو معاه نيشان وخرجات من باب واسع خلاتو منو ليهم وكيجي يسول غير واش هادشي علاش تافقو ويرجع يمشي يشوف شغلو .. جا معاه الزواج الثاني رتاح فيه وبانت عليه الراحة فوجهه وفعينيه وحتى الدار كيعمر فيها بزاف والجلاس لي كان كيجلس مع البنات رجع كيديرو فالدار مع ذكرى وحتى هي عمرها قالت عييت . كتخسر عليه كلمة للمساعدة لي عندها كتمشي تتقدا ومكلفة بالدار ومسءوليتها وكتقاد ليهم الطبلة كما بغاتها ذكرى وتشهاتها وكيبقا المشروب على حسب ياسين كيديه معاه . فالاول كانت كتسيفطها فخالها ومن بعد فاش ولفوها رجعات كتبقا واخا يكونو جالسين كتبدا تتسخر عليهم وتجمع ديك الماكلة لي،بقات ولي شاطت كتديها. تبرعات معاهم مابقاتش كاع كتقدا تقدية لدارها خصوصا كتشوفهم كيعمرو الطبلة بزاف وديما عندهم جلسة فالعشا وكيحطو اصناف كتيرة مطيبة فريسطورات وكايكلو منها غير شوية وكيبقا داكشي كله بلي فيه مكيعاودوش يسولو فيه .
يتبع...
التعليقات
لا توجد تعليقات بعد، كن أول من يعلق.