محتوى القصة
صبح الصباح لي غيعقد فيه ياسين على نورة وعائلتو فالدار الثانية كتسناه . صبح مخنزر وطالع ليه الدم وتالفة ليه لاكارط ناسيونال . عيا يقلب والخدامة تقلب وكل شوية يعيط لذكرى يسولها حتى تعصب ويأس ومشا لدوك لكامرات ديال الدار يراجعهم يشوف راسو فين حطها . جلس قدام البيسي كيجر فلحيتو ساخط وكيسب ويلعن داك النهار وداك الزواج وجلس كيدوز فالمقاطع حتى فجأة بان ليه مقطع غريب داز ورجع ليه كيجري وقفو وعاودو من الاول كيشوف سعيد داخل للدار ومعاه واحد طويل ومكدر باينة فكمارتو مقطع الاوراق ومشمكر جلسو فقلب الصالون بجوج وحطو القرعة والشقوفة وجلسو كيضربو فيهم لعشية كاملة حتى شبعو جلاس مع راسهم وخرجو مشاو بحالهم .. تكرر جلاسهم فالدار مامرة ما جوج وياسين جالس كيتفرج واعصابو كتغلي تعصب وهز تيليفون عيط لذكرى
ياسين: الو .. فاين ما كنتي تجي عندي داااابا للدار
ذكرى: انا فالصالون كنعدل دفاري شني واقع؟
ياسين: دااابا نشوفك واقفة قدامي
قطع عليها وحتى هي حضرات فالحين مخلوعة دخلات علبه بسورفيت اديداس والجاكيط مفزوعة وشعرها محلول كتسول
ذكرى: شني وقع اياسين؟ علاس عيطيتيلي خلعتيني؟
ياسين: ناض) جلس تفرج مع راسك.. جلس
جلسات بلاصتها مخلوعة مافهمات والو وقربات للبيسي كتشوف وتفرج وعينيها كيوساعو رجعات حمرا وحشمات ومارضااتش وياسين طلع ليه الدم وكشكش خلاها عليها
ياسين: باباك مدخلي الجناكا(شمكارا) الجنّاكا داخلين لي فلقب داري جالسين فالصالون فين كنجلس انا ويطلقو لي رجليهم فوق الطبلة
ذكرى: كتهدنو) ياسيين..صافي صافي انا والله مانخليها فبا واخا با
باسين: خرج فيها عينيه)علاش عطيتيلوو مفاتح ددار؟؟ علاش عطيتيلو مفاتح يالاااه هضاااار
ذكرى: كتفتف) ماقلتشي مع راسي غيعمل هاد الفضيحة
قلت نخلي لو السوارت ما ربانا ينفعنا وحنا مسارفين ومنها يتفح باب للزوهرة تجي تخملها قبل مانرجعو
ياسين : نتينا عاااارفة باباك جنايكي وعاطاه لفمتاح (هز يدو) حيد من قدامي... حاااياااد عاديضرب دي٠ ديماك ..
مشات للبيت سدات عليها كتبكي وعيطات لخالها كتشكي .. اما ياسين كمل المقاطع ساخط حتى شاف راسو فين حطها ومشا للمجر دالمكياج ديالها جبدها وزدح الباب خرج خلاها جالسة كتشكي عاى خالها لي مشا عندها للدار كيجري وجبدات ليه المقاطع كتوريه وكتبكي .. تعصب ومشا عند باها للدار مالقاهش وعيط ليه فتيليفون عاتبو حتى ماقد .
اما ياسين وصل عند لعدول هوا. عيد الحق و ونورة وباها وعمها وشي مكيهضر مع شي .دخلو تكاتبو وبدا العم كيبارك ومالقا غير عبد الحق قدامو لي كان كيساير الوضع .
خرج من تما ياسين ركب طموبيلتو كان غيمشي بحالو لاكن شدو عبد الحق كيسايس معاه باش يمشيو معاهم للدار قدان الناس وقدام عائلتها بلا ميعطيو الريحة والناس تشك.
فديك الاثناء كانت ذكرى غادية فسيارتها كتبكي وتمسح وطالقة المكالمة مع خالها كاتشكي وتبكي حتى وصلات لدار باها ونزلات كتنخصص بغاا تطلع لاكن فجأة سمعات الزغارت وجايين من دار نورة وقفات كتشوف الطموبيلات قدام دارهم لاكن كانت مهمومة كفاية باش تعطي لشي واحد اهمية ومشات طلعات للدار لقات خالها جالس وصوتو مسموع بالجهد كيهضر مع سعيد وعاصم جالس بيناتهم مهىج عينيه
ذكرى : ببكاء) الله يا بااا واش خصك تخرج عليااا؟؟ ةاش خصك طلقني من للراجل ديالييي؟ شني عملتي فيااا شنييي قولي
سعيد: بارتباك) ماعملت والووو.. انا كنت ماشي عندك ندار تلاقيت واحيد صاحبي حشمت نخليه فالزنقة طلعتو معايا
ذكرى: بفقصة) واش عتحمقنييي.. نتينا جالس مرة وجوج وتلاتة وكاميرة كتصور فيكم وياسين شاف كولشي واش هادي التقة لي عملت فيك .. انا عوومريييي ضنيت تعمل هايدا خصوصا فالدار دنسيبك!!! واش حماقتي هااا؟ شني مشنقول انا لياسين وشنو عنعمل حطيتي لي وجهي فالغيس حتى رجع ميقول على بابا دجنّااك
عبد المالك: ا ذكرااا.. صافي صافي مضمرطشي راسك صافي .. متبكيشي انا عنمشي عندووو .. وعنهضار معاه
ذكرى: انا مابقاليشي الوجه لي يتشوف فه ااحشاامت
عاصم: نتي حماقتي اباااا !!! شعندك شني كيوقع لك نداك الراس كتجلس غييير كتخور
سعيد: هز يديه) انا غلاااطت . صافي ها السوارت ديالك سمح لي(مسح فصدرو) سمحو لي كاملبين بيكم انا مابقاشي نجي نديك الدار
ذكرى: شني دابا زعما ضلمناك؟؟ واش معارفشي ياسين كينزل لحوايج ديالو تما .. نتينا ماعارفشي ياسين كيف عامل ؟؟ كيشك فجنابو جيتي نتينا دخلتي لو الجناك نقلب الدار جلستيه فالموطع لي كيجلس فيه (شافت فخالها كتبكي) علاااين يضربني والله العضيم.. هوز يدو كان غيطررشني
عاصم : كيكشكش) المااارض هادا اقسم بالله المرض انا غسلت عليك يدي ابا .. ماشي كتقلب على المشاكيل مع النسيب
عبد الحق: كيفتش علحبس مع النسيب .. نتينا عندك النسيب فشكال وعارفو كيف عامل وكتحاك عليه عتبقا حتى يسفطك نلحبس هاني فاين قلتها لك
سخفات ذكرى بالهضرة عيات ودورات وجهها خرجات فحالها وتبعها عاصم وخالها كيهدنو فيها ويسكتوها حتى دازت الجارة حداهم هازة الزبل لاحت السللم ووقفات كتشوف فيهم
الجارة: ذكرى لاباااس؟؟ كيف نتينا لاباس؟ كيف نهيا ماماك لاباس عليها
ذكرى: لاباس الحمد لله شكرا (مسحات عينيها)
الجارة: شعندك كتيبكي مالك؟
ذكرى: والو غير عيانة وصافي
الجارة: و مامشيتيشي عندك صاحيبتك ؟؟ عملت الفرح ماشيتيشي عندها؟
ذكرى: سكون صاحيبتي؟
الجارة كتمايع) صاحيبتك نورة؟؟ ليوم عندها لملاك ةماعرطوشي على حتى واحيد من جيران .. ايوا هانتينا كتشوف!! زعما حنا جيران .. عرطاتك؟
ذكرى : لاء؟؟ وشكون تزوجات؟
الجارة: مااانعرف يا لحبيبة ما قالو واالو.. عملت كلشي بالسكات هانتينا كتشوف.. حشوومة ايوالله ..(تنهدات) ايوا سلم على يماك الحبيبة الله يعاون
مشات الجارة وبقات ذكرى واقفة غير كتشوف جهة الباب وميات سؤال كيدور ليها فراسها وخوها عاصم مناقش هوا باه وخالو فالزنقة حتى شافوها ركبات وشيرات لعاصم بيدها عيطات ليه مشا طل عليها وقالت كتشوف جهة باب الدار دلعروسة
ذكرى: نورة عندها الفرح فالدار؟؟
عاصم : تلفت) منعرف؟؟ علاش؟
ذكرى: قربات منو) تشوو.. عاصم.. غير بايني وباينك .. عسس عليهم شوف شكون مشا يزوج بيها.. انا خصني نعرف
عاصم: وعلاش نتينا خصك تعرف ضبر راسها
ذكرى: لااء خصني نعرف .. هي صاحيبتي وعارفة عليها بزااف دلحاجات.. ضاروري نعرف .. نتينا بقا عاس عليهم شوف شكون خارج من تما وصافي
عاصم : مد يدو) وا ضور معايا والله خصني نعمل ايصانص للطموبير
ذكرى: حلات صاكها) واحضي ليا شكون خارج من تما عندااك يفلتو لك .. خصني نعرف شكون عيزوجها
مدات ليه لفلوس فيدو فرح ورجع اللور .. اما هي ديمارات وزادت نيشان دازت حدا باب الدار فين كان عبد الحق واقف ناوي يخرج وخلاها حتى دازت وطل لقا الدنيا خاوية ومشا مهبط راسو نيشان ركب فطنوبيلتو وعاصم فالسطح كيطل غير شافو داز خرج عينيه وهز تيليفون عيط لذكرى
عاصم: الو ذكرا!! شفت دابا خاه دياسين خارج من عندهم مشا ركب فالطموبير ديالو .. واقيلا هوا لي تزوج نورة صاحيبتك
ذكرى: خرجات عينيها) عبد الحق؟؟؟ كيفاش عبد الحق؟؟ متأكد؟
عاصم: ااه متأكد شفتو بعاايني
ذكرى: وشني عيعمل عبد الحق تما ؟؟ ميمكنشي يزوج نورة اواعدي؟؟
عاصم: وا هوا لي شوفت خارج من تما
ذكرى : انا ماجا انا ماجا ..
قطعات وبدات دورها فراسها وتقول مع راسها وهي راجعة لدارهم . ميمكنش عبد الحق كيتزوج نورة !! ميمكنش وعلاش اصلا مافخبارها والو ماقالو ليها والو !!! مشا تزوج وبيمن بصاحبتها وماقالو ليها والو؟؟ مستحيل
رجعات للحومة بسيارتها الفخمة داخلة ودايزة حدا الباب كتشوف من النافدة ومشات حدا باب دارهم ووقفات السيارة وبقات جالسة كتشوف تما وتيليفون فيدها كتصوني لياسين لاكن الخط كان مشغول.
كان فهاد الاثناء جالس مع الرجال حدا باها والطلبة وكيقراو القرآن والغروسة فالفوقي كتنقش وعائلتها مجموعين والداخل والخارج عندهم وجالسة معاهم ماريا وراوية والبنت الصغيرة . ناض ياسين دخل لواحد الحمام وسد الباب ووقف فتح الخط رد
ياسين: الو عزوز؟ شنو تما؟
عزوز: مرى ديالك عاود رجعات ندار دباباها .. واقفة فالباب ماطلعتشي .. هاهي جالسة فطموبير ديالا
ياسين : امم.. صافي خلي عينك عليها
قطع الخط وبدات كتصوني ليه والزغارت فالدار ماردش عليها وهي جالسة بدات كتعصب حتى سيفط ليها مسج
ياسين: سننو كاين ؟؟ انا مشغول
ذكرى: انا خصني نهضر معاك
ياسين: عندي شغل قلت لك حتى نجي للدار فاين نتينا؟
ذكرى: انا فلعيادة
ياسين: انا ماجي للدار يالاه سير
ذكرى: واخا
قلعات من تما عاوتاني غادية وراسها كيدي ويجيب وعاودات صونات لعاصم
ذكرى: تشو عاصم. خلي عينك على باب حتى تشوف شكون ياخور خارج وعيطلي .. عندااك تمشي شي بلاصة .. حضيهم وانا ديك الساعة نزيدك شي حاجة
عاصم: هه صافي تهنا ... انا جالس هنايا مامحركشي .. قهيوة ديالو .. شيشية ديالي وعيني عليهم من هاد الصطح يالاه
ذكرى: اايواا هايداك .. يالاه بسلامة
رجعات للدار دايخة .. نسات باها ونسات المشكل لي دار ليها وبقات غير كدور وكتفكر فشنو كيدير عبد الحق تما .. صونات لماريا ماجاوباتهاش وصونات لراوية كذلك مجاوباتهاش وهنا بدا يدخلها الشك وشوية بشوية دخلها ليقين .. عرفاتهم كيدرو شي حاجة فالسر مابغاوهاش تعرف وياخوفها ياسين يكون كيدير داكشي لي فراسها !! وعلاش قلب الدنيا على لاكارط ناسيونال الصباح وكلهم غابرين وزيد نورة لي كتقول حاملة منو .. شنو لي كيوقع وشنو لي وقع ورا ضهرها وماعارفاهش. تزاد معاها الزايد بدا قلبها يضرب من لخوف ديال داكشي لي كتفكر حتى فجأة صونا عاصم وقفزات ردات عليه
ذكرى: الو عاصم شني ؟؟
عاصم: بففهه عرفتي شكون كان فالدار دنورة
ذكرى: وقفات)شكون?
عاصم: الراجل ديالك ويماه وختاه .. خرجو دابا مشاو نيشان ركبو فواحد الطموبير كحلة
ذكرى: اواعدي؟؟ دبصااح متأكد
عاصم: انا صورتووووم لك هههه اجي شني كيعملو عندها ؟ علاش نتينا مافخبارك والو؟
ذكرى: صردلي دغيا فيديو صرد.. بلحق ماتقدولشي نشي واحد هادشي خليه بيني وبينك .. انا ديك الساعة نتهلا فيك
عاصم: شحتل عتعطيني؟
ذكرى: واحتا نتلتقاو
عاصم: انا خصني واحد الفين ددرهم
ذكرى: وصافي ديك الساعات نعطيه ليك
عاصم: انا عنجي عندك داابا صافي
ذكرى: لاااء ماشي دابا ياسين ماجي
عاصم: عنجي منطلعشي لوحها لي فشي حاجة من باالكو
ذكرى: وصافي صافي يالاه غير متعيقشي
قطعات وجلسات فشلانة ..ركابيها خواو بيها وتأكدات من مخاويفها وبقا فيها الحال وبدات كتبكي وضارت بيها الدنيا وداخت وجلسات فداك البيت كتبكي حتى سمعات الباب تحل ودخل نيشان عندها للبيت لقاها كتبكي وخرج عينيه فيها وقال
ياسين: شعندك شني واقع؟
مسحات عينيها: ماعندي والو.. مشيت عند با عملت ليه فضيحة صافي معايبقاشي يجي ..عتارف بالغلط ديالو
ياسين: تهدن) الغلط دباك .. نتينا ماعندك علاش تبكي
ذكرى: وراه با عملي هاد الفضيحة فقصني
ياسين: مشا طبطب عليها) صافي صافي.. صافي ماتبكيشي .. يالاه نمشيو نخرجو يالاه
نترات يدها ودورات وجهها) خاليني.. مافيا لي يخرج
ياسين: نوضها) يالاه نخرجو من هاد الدار واش عنبقاو محبوسين هنايا مناقرين انا ونتينا .. نوض يالاه نمشيو نشوفو فاين نمشيو يالاه نوض
لبسات ليبة موس مع كسوة كحلة باليدين سامبل وفوقها مونطو كامل ديال الدان وفيه الفرو فالاسود وليبوط عالين طالعين حتى للفخاد لاسقين منبتين كيبىيو. ضربات عكار بوردو وشعرها طلقاتو وياسين فالدوش كيدوش وهي كتقاد وتنخصص فصمت وكتكحل وتبكي وترش الريحة وتبكي حتى سيفط ليها عاصم مسج ومشات طلات من النافدة رمات ليه الفلوس فواحد الطاسة ورجعات كتنخصص من لداخل والدمعة كتهبط وهي كتمسحها حتى خرج ياسين بدا يلبس ويسول فين يمشيو وهي مكتهضرش.. كل شوية يسول ويخمم بوحدو وفين ما يدور يشوف فيها قدام المرايا كتبان ليه ساكتة وكتنخصص بوحدها بلا دموع وكتقاد المسائل ديالها .
لبس حوايجو وتفركس وخرجات قدامو عينيها مدمعين وركبات حداه مربعة يديها والصاك حداه وهوا غادي وعيا يصبر فاللخر شاف فيها وقال
ياسين: شعندك من الصباح ونتينا هيق هيق ياك لابااس؟
ذكرى: كتنخصص) ما. عندي والو
ياسين: هانتينا كتنخصص شني عندك
ذكرى: بالنفي) عيانة وصافي
ياسين: هاحنا خارجين .. معتبقاشي عيانة
كمل طريقو حتى وصل بار كبير معروف من افخم البيران واغلاهم كيكون فيهم الرقص ولانيماسيو ودخلو جلسو قدام المنصة الطويلة لي غادية وسط الطابلي وكانت مغنية مشهورو كتحيي الحفل تما والنشاط والغرامات عليها لعلك ترضى، جلسو فطبلة ديجا محجوزة ليهم وحيدات المونطة وتركنات والضيم طايح عليها ماعندها خاطر ولا كانة لشي سهرة وجالسة كتنخصص وهوا حيد لافيست ديال لكوير ديالو حطها وبقا بتيشورط كحلة والطبلة بدات كتسربا والعشا بدا يتحط .. جلس كيسرح عينيه ويتفرج وكل شوية يدور يتلفت ليها حتى لواحد اللحضة قرب وقال
ياسين: شعنداك اذكرى مالك ؟؟ كضرك شي حاجة؟
دورات وجهها كتبكي وبداو الدموع كيطيحو وهوا كيشوف فيها وجرها شد ليها فيدها عنقها كيسكتها مافهم مالها .. بدا كيمسح ليها وجهها وهي ماقدراتش تسكت حتى انتابهات ليها الفنانة لي كتغني وبدات تقرب منها مدات ليها يدها تنوض ونوضها ياسين هاكاك كتبكي وتنخصص طلعاتها فوق المنصة وذكرى كتمسح عينيها وتبسم بزز والفنانة كتسولها على سميتها وبدات تعيط .. انا وهادي .. وذكراا .. ودكرى ودكرىىى وعاوتاني دكرى .. وديما دكرى حتى ضحكات دكرى بزز منها وجبد ياسين بريكة ديال الاورو مدها لدكرى بدات تحل فيها وترمش حشمانة قدام الناس ووطلقات ديك البريكة دالاورو تسرسبات كلها حتى تغطات المنصة وسلمات على الفنانة ونزلات جلسات بحالها كتنفس وتجمع النفس ورجع ياسين عنقهابيدو كيمسح على كتفها
ديك السهرة ماعرفاتها كي دازت وديك النعمة دوزاتها بحال الشوك وبقات كتشرب كتشرب كتشرب حتى فقدات الوعي ديالها بدات تميل وناض هز لافيست ديالو وقف ولبسها المونطو ديالها ونوضها شادها لا طيح . هز ليها صاكها وخرجها من تما مقادراش توقف على رجليها تقول مربوطين . بقا شادها وغادي بيها حتى للطموبيل حطها فصلاتها ومشا كيجري طلع بالزربة هبط ليها لكوسان اللور وفالبلاصة نعسات ماهضرات ما نطقات .
وصل الدار وهزها ناعسة طلع بيها فالاسانسور مع الجوج دليل دخلها للدار وتعرضات ليها الزوهرة وهي دايخة بالنعاس ومولفة تعيش الموت معاهم لا فاش يخرجو ولا فاش يسهرو فالدار ضاروري شي نهار يسكر شي واحد فيهم
حطوها بلاصتها وبدات الزوهرة تحيد ليها ليبوط والمونطو وحوايجها وراسها محزوم بزيف حياتي ونواضرها ميطلو فيهم الشيب .. ولفات ديك الحياة رجع كلشي عندها كلشي عادي وواخا ولادها كبرو مابقاتش محتاجة للخدمة لاكن هي لسقات لسقة وحدة فدار ياسين وذكرى مابغاتش تخرج وكتضل النهار كامل بوحدها وكتشقى ويبقا ليها نقي مكاين لي يرون وكتاكل لي بغات ولي عمرها عرفات وداقت وعاجباها الحياة تما وكتخلص مزيان والشقا لكبير كتجيب ليه عيالات يشقاوه . اما هي تقول ربة البيت . كتقدا وتسخر وهازة الدار لي بغا شي حاجة تعطيها ليه ولي حتاج شي حاجة توجدها ليه ولي وسخ تنقي من وراه ومرتاح واخا كيكسرو فيها النعاس ماعندهاش مشكل. حيدات لذكرى ديك الكسوى ولبساتها واحد السوميج وغطاتها وحطات ليها حوايجها بلاصتهم ورجعات نعسات . اما ياسين رجع للدار من بعد مانسا تيليفون فالطنوبيل ودخل حيد حوايجو وتخشا حداها عاد جاه يقرب ليها ويعاشرها وهي مكايناش فداك العالم .. عجبو الحال يعاشرها بديك الطريقة وخدا راحتو حتى سالا على خاطرو ومسح ليها حالتها ونعس
اسوء ايام جالسة كدوز على ذكرى ، اما ياسين وبحال عادتو كيغبر ويسافر وهاد المرة طريقو لهولاندة وخلا ليها فلوس تلول تكمل لكلينيك ديالها حتى يرجع . لاكن صعوبة الامر ماخلتهاش تركز ورجعات كتمشي لدار باها بزاف غير باش تشوف دار نورة.. بقات هاكاك ديما كيديها احساسها لتما حتى لواحد النهار مشات دقات فالباب وحلات ليها مريم . فالاول ماعرفاتهاش. ذكرى بنت الحومة ماشي هي ذكرى لي واقفة قدامها .. هادي شخصية ومضهر باين عليها الفلوس . حيدات النضار وكانت لابسة مونطو بوردو بالرفو على العنق وليدين وتحتو بودي مشبك يديه طوال كيدخلو فيه الصبعان بحال القفازات ودجينز واسع من لتحت وصباط كحل عالي وصاك فيدها والشعر منفوخ طبيعي مقلوب للجنب
ذكرى: سلام خالتي مريم.. كيف نتينا لاباس؟
مريم: مصدومة : ذكرى؟ كيف نتينا لاباس؟؟
ذكرى: بابتسامة)لاباس.. الحمد لله .. جيت نشوف نورة قالو لي تزوجات جيت نطلل عليها
مريم: بمجاملة) مرحبا .. دخول
دخلات مع الباب طالعة فالدروج كدور عينيها وطلعات حتى للدار ومريم وراها استقبلاتها
مريم: جلس .. مرحبا بيك
جلسات ذكرى كدور عينيها فدار نورة لمتولة ومشات مريم كتجري طلعات لفوق للدار للبيت دنورة دخلات عليها لقاتها كطوي الباليزة ديال الولادة وكرشها لفمها لابسة بينوار والعقدة مقلزة فوق الكرش وشعرها مجموع اللور كحل وزيانت طاح عليها السر مع الحمالة .
مريم: نوض نوض.. نوض ذكرى جات قالك خصها طلل عليك
نورة: مخرجة عينيها) شني خصها؟؟ علاش ماجاا؟ كتفتفش على الصدع
مريم: ساييس معاها .. سايس حتى تمشي خلينا ماخصنا صدع هانتينا قربتي تولد ودخل بنتك فالحالة المدنية مع باباها .. عنداك تغلط .. نتينا فكر فالراجل ديالك خلييها هي .. ماتعملشي الصدع نىاسك مع الراجل ديالك
نزلات نورة بالبانطوفة دخلات للدار هازة نيفها وذكرى كتشوف فيها من لفوق للتحت وتبسمات قائلة
ذكرى: مبروك... قالو لي تزوجتي.. مبروك عليك اللع يكمل بلخير
نورة: الله يبارك فيك .. شكرا
ذكرى: تنهدات) انا عرفت راسي خطيت معاك .. بلحق الانسان كيخطا .. كلنا كنخطاو .. ونتينا صاحيبتي وجيرانا .. المسامحة
نورة : انا ماعندي علاش نطلب السماحة .. ناينا ادا سمح لك الله انا مسامحاك
ذكرى: انا ماعملت والو انورة.. نتينا عارفة مزيان بلي انا ماعملت والو .. وكااع واخا نكون عملت .. انا ونتينا دابا بحال بحال (تبسمات) كيقول لك كنل تدين تدان
نورة: كيفاش زعما مافهمتشي؟
ذكرى: غير هضرة وصافي.. بلحق الاحساس نفسو .. داكشي لي حسيتي بيه حسيت بيه حتى انا .. داكشي علاش جيت نصافيو الخواطر. ماتهز فقلبك من جيهتي مانهز فقلبي من جيهتك
كتهضر وقلبها غيخرج من بلاصتو وهي كتشوف فالكرش دنورة وكاتمة احساسها .. اما نورة كان كيتملكها الخوف .. خايفة على داك الزواج وخايفة من ياسين وخايفة دير شي خطأ تندم عليه والمجية ديال ذكرى وتراتها وهي يالاه كتقاد الامور ديالها بزز وتحت الضغط
نورة: المسامحة .. انا مسامحة ليك غير خليني عليك اذكرى
ذكرى: انا مخلياك..غير جيت نشوفك وصافي(ناضت) المهم .. الله يفك وحايلك على خير
نورة: اميين
مريم: الله يعاون ابنتي تا نتينا الله يسهل عليك
خرجات من تما وبقات نورة كترعد هزات تيليفون صونات لياسين كتفتف ماجاوبهاش، سيفطاتليه مسج
نورة: سلام ياسين لاباس؟..ذكرى جات عندي ندار وكان خصني ضاروري نقولا لك
فالبلاصة صونا عليها فتحات الخط وردت مدعورة
نورة: الو ياسين
ياسين: شني جات تعمل؟؟ قلتي لها شي حاجة؟
نورة: ماقلت والو حتى دقات علينا فاجآتنا قالك خصها تشوفني وطلل عليا
ياسين: شمات شي حااجة..عنداك تكون فلتات ليك شي حاجة ولا باك قال شي حاجة ولل يماك
نورة: لالالالا با فالبلاد ومكيهضر مع حد مقال والو مسكين ماخصوشي الصدع وحنا كاملين بينا ماخصناشي الصدع هي راسها جات كتسقصي وكتقول شي هضرة مافهمتاشي
ياسين: شنو قالت ؟؟ هضر
نورة: بقات كتقول انا ونتينا عندنا نفس الاحساس وكما تدين تدان .. مافهمتشي شني كتقصد
ياسين: ياك نتينا ماقلتي والو؟
نورة: لااء ماقلت والو قلتها لمسامحة صافي
ياسين: كيسوط) دابا شننو قالك الطبيب؟؟ فوقاش عتولد؟
نورة: مابقاشي بزاف عطاني اخر تاريخ عشرة فالشهر
ياسين: امم.. صافي .. مهم نتينا خليك بعيدة حسن لك كتسمع
نورة: انا والله بعييدة لخروج مكنخرجشي
ياسين: وهايداك .. غير تقرب تولد قولها لي
نورة: ان شاء الله
نورة تقلات وهمها تولد على خير وبيخير ونفسيتها مدمرة من جيهتها باها .. مكياكلش معاها فنفس الطبلة ومكيهضرش معاها وقاطع معاها الكلام وحتى هي مكتنزلش عندهم للدار ومكتقدرش تبان تبان قدام باها بديك الكرش ، من نهار وقع لي وقع وهي عازلة راسها لفوق وهوا عازل راسو لتحت وواخا سترو لفضيحة مابقاوش كما كانو وحياتهم تبدلات وكأن داك النور لي كان منور حياتهم تكسر .. رجعو عايشين حياة كئيبة وكل واحد همو فعينيه وداخل سوق راسو. اما ماريا كانت ديما معاها على اتصال كتسول فيها وتسول شنو خصها وكيف احوالها وكيف احوالها بنتها وديما على اتصال معاه متبعة اخبارها فتيليفون وكتوصيها ترد بالها .
بقات ملهية مع التوجاد ماكتقدرش تشرط ولا تقول خاص وحتى الزنقة مكتقدرش تخرج ليها ومريم بوحدها لي كتمشي تشري ليها ولبنتها لحوايج .
ونهار اللي شد نورة الوجع دالولادة وطلقات ديك الغوتة مع الصباح هوا نفس النهار لي كملات فيه العيادة ديال ذكرى بكل ما فيها ومابقا ناقصها حتى حاجة من غير الطبيبة ديالها .. عيادة واشمن عيادة يحشم الواحد يدخل ليها بصباطو .. داكشي خيالي والديزاين مكاينش خوه والغرف مقسمة والاجهزة مجهزة والنقا والدنيا كتشعل وتبرق والبيرو ديالها قدو قداش مجهز وراقي ومضوي وعندو شرفة كبيرة فيها الربيع والطبيعة وصوت السيارات فالشارع كيتسمع. كانت عيادة متطورة جدا وحديثة جابو اجهزة من برا جديدة وسيستيم جديد وكلشي مزال مغلف بالبلاستيكة ديالو . اما اللوحات الاشهارية على برا حديث ولا حرج.. اشم ذكرى قدو قداش والديكور ديال العيادة من برى جدا ملفت وراقي ومابقا خاص هاد العيادة غير شي افتتاح دايزو الكلام .. كما حلمات حققات وداكشي لي بغات وصلات واعضم هدف حققات ونجخات وقدرات راسها وعضمات نفسها وعطات لقيمة لراسها واحتارمات راسها اكثر على داك الانجاز اللي وصلات ليه .. كتشوف راسها واقفة فالقمة اخييرا وبقات خطوة وحدة ولشعاع هاد الانجاز يشع ومابقا والو .. كلشي واجد كلشي جاهز خاصها فقط الانطلاقة وشي انطلاقة تكون فالمستوى ديال ديك العيادة وتليق بالمستوى ديال ذكرى .
فجهة اخرى كانت نورة كتعيش اصعب لحضات حياتها .. كتغوت وتبكي وتجاهد فسبيل ديك الولادة حتى حطات ديك البنيتة وتفكات على خير وانتهت رحلة وهن على وهن واحتضنات بنتها الصغيرة الشقراء صاحبة العيون الزرقاء.. غير شافتها بدات كتبكي وكتشوف ومها كتبكي وكيشوفو اعضم دليل كيتبت النسب ديالها هوا داك الشبه الكبير والغريب بينها وبين. بين باها.. نفس درجة لون العيون.. ونفس الشعر ونفس الفم ونفس الانف وكلشي غير هوا محطوط . طلعات لغرفتها ترتاح وبنتها فيدها كترضعها ورسلات ليه مسج قائلة
نورة: سلام ياسين.. انا ولدت الحمد لله على خير
صورات البنت بلبيسة زهرية يديها مغطيين وخالة عويناتها ورسلاتها ليه ورسلاتها لمو وختو كأنها كتقولهم ها الدليل رسلو ليكم الله
بداو الاتصالات كيوصلوها من مو وخواتاتو كيسولو وشدو الطريق حتى لعندها طلو عليها وشافو البنتوحتى هما تصدمو بالشبه الكبير لؤ بينها وبين ياسين وخصوصا مو لي عارفها كيفاش كان وهوا صغير وتأكدات انها فعلا بنتو . عيطات ليه ديك الساعة فتيليفون كتهضر معاه والبنت فيديها
ماريا: اممم.. كاين شبه كاين ... بزااف اياسين غيزيد يبان مع الوقت
ياسين: ضاروري نتأكد
ماريا: انا متأكدة ... الا ادا بغيتي تنكر بنتك
ياسين: منكرتهاشي ادا كانت بنتي انا معنخليهاشي للبراني يربيها ماريا: دابا جاي ولا باقي؟
ياسين: فالطريق انا عنشد الطيارة دابا
ماريا: صافي الله يوصلك على خير
فهاد الاثناء كان عاصم داير خدمتو كما وصاتو ذكرى .. شغلو هوا يحضي ليها نورة وشكون دخل عندهم وشكون خرج ورجع بحال العساس نهار ومطال وهوا فوق السطح جالس على واحد الكرسي عساس ، شافهم فاش خرجو غادين للكلينك وتبعهم حتى دخلو ووصلها لذكرى سخونة وهي فالعيادة قدام البيرو ديالها كتقيد مذكرات حفل الافتتاح ، نوض فيها العافية فاش سمعاتو قاليها راه مشات تولد وشعلات من لداخل بدات كتغلي وتحرق على نار مهيلة. عيات تصبر وماداهاش النعاس ديك الليلة وباتت كتخمم وقلبها غيسكت. مانعسات ماشافتو حتى صبح الحال ووصل ياسين للدار مع السبعة دصباح لقاها واقفة فالمطبخ بالبيجامة كتشوف فالقهوى كتعصر وساهية ماحساتش بيه كاع حتى دخل عليها وتبسم
تلفتات فدهشة لقاتو وراها وضعافت بان الضعف فعينيها وقلال صبرها وبدات كتنهج تقول غتسخف . يالاه عنقها بيدو بغا يبوسها رجعات لور بعدات وجهها وشدات فالكرسي فشلانة كانت غطيح ومابقاتش قادرة توقف وهوا كيشوف فيها مافهم مالها وشدها مد ليها الماء بسرعة شربات كترعد والكاس،كيقفف فيديها
ياسين: مريضة؟؟ كضرك شي حاجة؟
ذكرى: مخنوقة) فتح لي الطاقة(السرجم) فتح جاتني الخنقة
رجع فتح النافدة ومشا شد فيدها نوضها داها للفوطوي جلسات وشدات راسها كترعد وتميل يمين يسار وعينيها كيتسدو
ياسين: نديك للكلنيك؟؟ واش نديك
ذكرى: خليني .. خليني نتنفس
ناض رد جاكيتو عليه بزربة ووقف شد ليها فيدها خرجها للطموبيل حطها حداه وركب داها نيشان لكلينيك قريب ليه دخلوها شادين فيها وهي زيرو طاقة . دخلوها فحصاتها الطبيبة شافت مالها وخلاوها ترتاح علقو ليها السيروم باش ترد قوتها وقالت لياسين لي واقف حدا ذكرى كيشوف فيها عينيها داخلين وبزز باش كتحلهم
الطبيبة: الارهاق والتعب خصها ترتاح ضاروري ترتاح ماتهدشي راسها وتاخد فيتامينات وتاكل مزيان(شافت فذكرى) خصك تنقص من التفكير حتى هوا كيعمل الارهاق ويتعب النفسية .. الله يشافيك امدام
بقات بوحدها وياسين واقف على راسها ويديه على الدورة دسروال كيشوف فيها عاقد حجبانو وغادي جاي
ياسين: بقيتي كتجري مور العيادة حتى طحتي .. ادابقيتي هايدا موحال كاع واش تلحقها
ذكرى: بنفور) خليني بواحدي .. مشي جيب لي مامما
ياسين: وانا شنو عملت لك ياك لي خصاتك كنجيبها انا سبب السخفة
ذكرى: بنفاد الصبر) مشييي بعد منيي(خرجات عينيها) خصني نرتاح مشي خليني بواحدي
قلب الدورة زدح الباب وراه خلاها بوحدها
. دورات وجهها وبدات كتبكي وتنين وتكمش فالبيجامة بيديها وتجر .. كاع داكشي لي ردات لداخل خرج على صحتها وطيحها جبدها فالفراش مابقاتش قادرة كاع توقف والسوفل ماعندهاش .. نفس الشيء لي وقع مععبد الرحيم اب نورة وقعليها حتى هي .. السخفة والالم فالصدر لاكن اعضائها مابيهم والو غير عضامهامهدودين ومستنزفة الطاقة
خرج لبرا رد على مو كيسوط غادي جاي وتزاد معاه الزايد كيهضر معصب ومتوثر
ماريا: شنوعندها مريضة؟
ياسين: مامريضاشي انا كنقولك عرفات شي حااااجة متقوليشي ماشماتشي شي ريحة انا خصني نعرف غير واش فراسها شي حاجة
ماريا: شوو حنا مع نورة فالدار هاحنا دابا عنخرجو نجيو نطلعو على ذكرى
ضرب تيليفون لمها علمها باش تمشي طل على بنتها وجلس تما فالكلينيك كيشطح برجلو حتى وصلات وسيفطها للغرفة ووصلات مز حتى هي وختو الصغيرة وسارة معاها كيجريو سيفطهم عندها ومشا ركب سيارتو غادي وكيهضر مع نورة فتيليفون توجد راسها باش يشميو يديرو تحاليل.
وصل للحومة بسيارة بيضا عمرو ركب فيها ووقف قريب من الحي حتى بانت ليه مريم جايا كتزرب هازة البنت فيدها ركبات اللور وزاد مع الطريق ما سول لا فنورة لا فغيرها ومريم بوحدها كتشرح ليه بلي عيانة متقدرش تخرج . وصلو لابوراطوار ودخل زربان باغي يعرف فاصلة الدم ديال البنت بعدا دخل هوت اللول عطا الدم عاد دخلات مريم قدامو هازة البنية وهوا كيشوف يحقق فديك البنت وفتفاصيلها الصغيرة .خداو منها الدم وخرج ردها الدار حطها بعيد نزلات مشات بحالها ورجع هوا للمختبر كيتسنا التحاليل حتى خرجو ولقا فصيلة الدم ديالها هي نفسها فصيلة الدم ديالو .. كان عندو شك لاكن قتانع بأنها بنتو بلا ميزيد يقلب ويبحث وهي سبحان الله الشبه ديالو غير هوا ، صافي القضية باينة وتقبل الامر خضع للحقيقة ولقا بلي مو عندها الحق فمسألة الشبه .. باش يزيد يقطع الشك فمرة ويتيقن تاصل بأحد معارفو يدو طويلة على قبل تحاليل لا دي ان وكما كيقول المثل الفلوس دير طريق فالبحر. المال قوة عضمى وكلشي كيدور على المال
طوا الورقة كيتنهد من بعد ما تأكد من تحاليل لا دي ان لي خرجو اجابيين .. واتضح ان البنت بنتو ومابقا ليه فيت يزيد يشك . مشا الوسواس والشك ورجع كيفكر فكيفاش حتى حملات نورة وهوا ديما كيدير احتياطو ،، شنو زعما تسرب داكشي من شي تقبة؟ ممكن .. وملي نورة حملات من التسريب فكيفاش ذكرى مزالة لحد الساعة ماحملاتش وهوا مكيديرش احتياطاتو من نهار تزوج بيها. استغرب من هاد القضية لي اصلا عاد طاحت ليه فالراس . مهم ماعلينا ماشي وقتو دابا هاد الهضرة والمهم هوا بنتو ومرتو لي كيفاش غادي تتقبل هاد الخبر باش هوا يتهنى فمرة من التخوف من انها تعرف .
دخل عليها للدار من بعد ما خرجات من المستشفى ساكتة ماهضرات مع حد نا نطقات مع حد واخا مشات مو وختو عندها شافوها بقات ساكتة ماهضرات مانطقات.
كان خصها الراحة ثم الراحة ثم الراحة ثم الراحة وداكشي لي دارت .. مابغاتش تزيد تفكر وتتفقص
لقاها متكية والعود مطلوق زوهرة كتسخر عليها والسكات وطالقة القرآن فالتلفازة كتسنط ليه وقدامها تيزان والهدووء.. دخل داير صبعانو فجيابو وكيسوط حتى قرب منها وقال
ياسين: كيف بقيتي شوية؟
غمضات عينيها ماجاوباتوش .. اما هوا شار براسو كيسوط وقال
ياسين: جمع جمع حوايجك نمشيو لشي بلاصة شحال ماسافرنا .. يالا جمع لحوايج ديالك وشوف فاين خصك تسافر
ذكرى: عندي العيادة ديالي خصني نوجد للفتتاح
رجع خرج دار عندها: خلي لعيادة دابا ويالاه نمشيو واحد عشر ايام حتى نرجعو وعمل لي خصك تعمل
قال هضرتو ومشا للبيت كيسوط ويعاود دخل لبيتو حيد حوايجو ومشا دوش ورجع لبس حوايج جداد . تفركس بحال ديما وروايحو تعطعط داز حداها وهي متبعة ليه العين بنص عين كطلع وتهبط فيه . هز سوارتو وتيليفونو ناوي يخرج وقال
ياسين: متسنانيشي للعشا عنتعطل صافي
خرج وخلاها كتشوف بنص عين وتنخصص من لداخل حتى سد الباب وخرجات تيليفون من تحت المانطة دوزات لخط
ذكرى : الو عاصم... عسس على الدار دنورة متحركشي مت حداها شوف واش ياسين ماجي عندها
عاصم: انا فالقهوى دابا
ذكرى: انل مرييطة ماتكملشي عليا .. مشي تشوف واش باسين داخل عند الدار ديك اموصيبة
عاصم: ااه كيف بقيتي بعدا قالو لي طحتي سخفتي
ذكرى: طيحت بالسبة ديك الموصيبة .. دابا عمل شني قلت لك اعاصم
عاصم: صافي صافي هاني طالع نلحومة
ذكرى: ورد عليا بشني كاين
قطعات وتكات راسها فشلانة دايخة ما عندها جهد رجعات كتسنط لعضامهاحتى صونا ليهاعاصم وفتحات الخط كتنهد
عاصم: وا شعنقول لك اختي ديالي.. الراجل ديالك هاهوا عاد دخل دابا نندار دنورة
ذكرى: حبسات البكية) صافي شكرا اعاصم .
عاصم: ماتفقصشي راسك .. الصحة ديالك هي الاولى
ذكرى: صافي شكرا
قطعات وهبطات راسها تفركعات بالبكا بغات تموت والزوهرة كتسكتها وتصبرها واخا ماعارفاش علاش كتصبرها .. مدات ليها الماء شرباتها في حين ياسين جالس فالصالون وسط الدار دنورة وحداه مريم مها وهي جالسة شادة بنتها فيدها كترضعها
ياسين: دابا العايلة سجلتها فالسمية ديالي ..
قاطعاتو مريم: عطيه عطيه بنتو فيدو يشوفها .. عطيلو
خرجات عينيها فنورة كتغمزها وحيدات ليها البزولة من فمها مداتها ليه شدها فيدو بقا كيتأمل فيها ومريم كتبسم
مريم: تبارك الله غييير نتينا محطوط ماخداتشي من نورة حتى منخار .. الله يحفضها ياربي .. ليينا.. العزيزة ..هانا عزيزة ديالي ها باباك (مع تصغير الحروف) هانتينا مع باباك العزيزة
ياسين: سميتوها لينا؟
نورة: اداماعجباتكشي نبدلوها..باقي مادبحناشي عليها
ياسين: غير خليها مزيانة سمية
مريم: كضحك) ايوا دابا بقا غير ندبحو عليها وصافي .. (تنهدات) ماعرفتشي شني عنعمل مع هاد جيران دابا وساعة كيسقصيوني واش مامشاتشي ندار دراجل ديالا وشني مزالة كتعمل عندي فالدار
ياسين: غتمشي للدار عند يما
مريم: عنعملو السابع تما؟
ياسين: انا ماعندي ما نعمل بالسابع .. السمية ندبحو عليها والسلام
مريم: تنهدات) ماشي مشكل المهم تمشي للدار ديالا
ياسين: مد ليها البنت لي بدات تبكي) مشي جمع لحوايج ديالك نوصلك
مريم: خليك نتينا مع العايلة انا عنمشي نجمع ليك حويجات ديالك
ناضت مريم وكتحنزز فنورة وتغمز خلاتها حداه ومشات .. جلسات نورة متوثرة ماعرفات مادير.. تقاضاو ليها ولات كتشوفو كتغرق فحوايجها مابقاتش عندها الثقة فالنفس بمرة من الشيء لي وقع الذل اللي عاشت رجع صعيب عليها تهز الراس .. تلفات مالقات ماتقول وقالت كتمتم
نورة: اش عطلقني؟
ناض مشافش جيهتها مشا جهة الباب وقال : اناكنتسناك لتحت
نزل ووقف لداخل عيط لمو علمهاوطلع فسيارة كلهازاج فيمي جلس ومرة مرة كيشوف جهةالدار د ذكرى حتى نزلات نورة هازة فيدهاالبنت كتتمشى بزز .ركبات لور وركبات حداها مريم وزادمع الطريق .
كانت فهاد الاثناء ذكرى كدوش على الله تخفاف شوية وتبرد . لاكن يالاه خرجات من الدوش لاوية عليها الفوطة على راسها وقالت الله نقصت علياالطاقة السلبية لاكن لسوء حضها تلاقات مع الزوهرو هازة لحوايج صابون فيدها وشادة ورقة فاليد الاخرى مداتها ليهاو وقالت
زوهرة: جبرت هاد الورقة فالجيب دسروال دسي ياسين
شدات ذكرى الورقة حلاتها وقراتها وكانت غطيح من الصدمة .. كانت ورقة لا دي ان .. بمجرد ماقراتها جاتها الدوخة مشات وجات وشدات فالحيط .. وصلاتها الزوهرة للبيت تكاتها وحلات عليها النافدة تتنفس وغطاتها خلاتها كتعيش الاوجاع ديالها وكتعيش الحزن .. الشهية تسدات والخاطر مابقاش ودخلات فدوامة حزن عميق ماقدراتش تتخطاه بوحدها .. هي مجموعة تراكمات من الطفولة وكملات عليها بلي كيوقع فيها حاليا .. ماقدراتش تنعس وبقات كتقلب من جهة لجهة حتى صبح الحال. لاحت يدها مالقاتوش حداها وناضت جلسات سدات عينيها تنفسات بعمق وناضت مهدودة فشلانة وقلبها كيعيى دغيا. لبسات مونطو رمادي طويل مع ليبة موس وبوت عالي فالبوردو بمساعدة الزوهرة وجلسات قدام المرايا طلقات شعرها ويالاه بدات ترطب وجهها هبطو دموعها وكملات داك المكياج بالبكا وناضت هزات قفازاتها اليديوية دالجلد لبساتهم وحطات نضاضر على عينيها ومشات مباشرة لعيادة طب النفسي بعيدا على معارفها و الاصدقاء ديالها ..جلسات تسنات شوية فيدها كاس دالقهوى وطول ديك المدة لي تسنات فيها بكات حتى شبعات عاد دخلات عند طبيبة مدمرة وباين فيها الحزن والضيق والهم مدات يدها للطبيبة عرفات بنفسها واكيد الطبيبة عطاتها معاملة خاصة ورحبات بيها واستقبلاتها بالعصير وجلسات كتشوف فيها وفالحزن لي فعينيها
ذكرى: كتنفس) ماعرفتشي مناين عنبدا قلبي عيسكت ...
عاودات للطبيبة بشنو كتحس ومناش كدوز بالريق الناشف وكمية الحزن لي كتحس بيها كطلع مع الصوت والنفس
طبيبة: ونتينا دابا باش كتحيس اتجاه الراجل ديالك؟ كتبغيه ولا لا
ذكرى: انا بصح تزوجت بيه زواج المصلحة بلحق راه تشاركنا بزاف دالحاجات حساااسين فهمتيني.. يعني كاين واحد الشعور بلحق ماعرفتشي نطرجمو بلساني.. كنحيس بالجرح فقلبي والالم والحزن بزاف والتعب ... كنحيس براسي غريبة عليه وزايد ناقص .. فاش كنشوفو كتباني لمرى لاخرا موراه وبنتو حتى هي.. يعني السيد عااندو العائلة ديالو ودابا كنحيس براسي ماشي من الاولويات ديالو ..مابقيتشي قادرة نتقارب انا وياه ولا نطحيك معاه ولا نرتاح معاه.. كنحيس بحياتي زادت كحالت ..
خوات قلبها وبكات حتى طابت ومابقاتش قادرة تزيد تهضر
. سكتات وبدات تستقبل فالنصائح ديال طبيبة ليها لي معضمهم كيقولو انهاخصها تخرج من الدار هصها تشغل راسها خصها متبقاش جالسة وتقلب على اي نشاط حتى تتجاوز هاد الازمة عاد تجلس تفكر بالعقل وتاخد قرار بالعقل .اما فالوقت الحالي فمن الاحسن ماتفكر ما تقرر وتعطي الراحة لدماغها وتماؤس نشاطات وتخدم على نفسيتها حتى تهدن وباش يبقا مجال للعقل فين يفكر ويقرر.
خرجات من تما ومشات لمقهى كبيرة راقية جلسات تفطر وحطات نضاضرها وصاكها حداها وبدات تتأمل فالغادي والجاي وتتنخصص حتى صونا عليها باسين وفتحات الخط كتنهد
ذكرى : الو ياسين
ياسين: الو ..فين نتي؟؟ جيت دابا للدار مالقيتكشي
ذكرى: انا خرجت نفطر برا قنطت فالدار
ياسين: اناجيبت فيدي الرخصة ديالك دلعيادة هاد الصباح جابها لي الكونطابل
ذكرى : انا ماجا دابا
ياسين: هاهي خليتها لك فالمجر حتى تجي ليها.. انا طالع ماربيا بعد غدا عاد عنجي
ذكرى: قلتي خصنا نسافرو
ياسين: تمشي معايا مربيا؟
ذكرى: لالالالا غير سير حتى ترجع .. اناخصني نمشي دبي ماعندي منعمل فاروبا فهاد البرد
ياسين: صافي حتى نجي وديك الساعة نمشيو
ذكرى: انشاء الله
خرجات من القهوى ومشات لمتنفسها الوحيد وحب حياتها ومصدر سعادتها ولي هوا العيادة. غير كدخل ليها كترجع وحدة اخرى وتبدا تخايل راسها خدامة وعندها كليان كتار وممرضات كتار.
مشات للبيرو ديالها ترخات سادة عينيها وبدات كتخطط لهاد السفر. هزات تيليفونها ودخلات كتقلب فالصفحات على المع الدكاترة ودخلات معاهم فمحادثة كتقلبعلى فوغماسيو ديرها تما وتتعلم تقنيات جداد وبدات تدي وتجيب معاهم فالهضرة حتى عيات وناضت رجعات بحالها للدار بدات توجد راسهاللسفر وجمعات ما قل ودل من الحوايج جهد شنطة صغيرة وحطاتها فالجنب وشدات الحاسوب بدات ترسم مخطط لحفل الافتتاح ديالها لي دير مباشرة من بعد ما ترجع من دبي. لمن تعرض وشكون يكون ضيف الشرف واكيد غتعرض علىمجموعة من لفنانين والمشاهير والاطباء من بينهم لي دارت عندهم فوغماسيو على برا والصحافة والاعلام وزيد وزيد .. خصو يكون افتتاح يليق بيها وبالمستوى ديالها مهما كلفها الثمن المهم الافتتاح خصو يكون مطرطق حيت هاداك هوا نقطة الانطلاقة ديالها .
الراس عامر وياسين كيدير فيها خير بهاد السفر لي كيسافر وكل مرة خارج وديما غايب .. هاكا كتبقا مرتاحة فدماغها احسن ما تبقا تصبح عليه وتمسي عليه صباح وعشية.
فهاد الفترة هادي لي غاب فيها حاولات قدر الامكان تعالج نفسها ، تبعات مع كوتش وانخارطات فجمعيات لي يزيدو يبرزو مكانتهافالمجتمع اكثر ودخلات للجيم وبدات تمارس الرياضةواليوكاوالريجيم الصحي وفكل مرة تعيا او تفشل كتبدا تفكر نفسها انه هادشي كامل غير تجهيز لبداية مشوارها فقط هادشي مجرد تحضيرات لبداية المشوار وخصها تكون وجه وجسم اشهاري للعيادة ديالها وتكون طبق الاصل لخدمتها وتكون دكتورة تجميل اسم على مسمى .
وجدات كلشي للسفر وبقات ليها شي حاجة قليلة . صبحات فاآخر ايام الاسبوع شادة الطريق للعيادة والشتا خيط من السما ..كانت لابسة دجينز وسبرديلة لوي فيتون فخمة وجاكيط دبالونصياكا فبيسطاش فاتح وشادة تيليفون فيدها دوزات لما فلوس فلكونت ديالها كما جرات العادة وسيفطات ليهامسج علماتها ومشات نيشان للعيادة ديالها الفخمة . دخلات مباشرة لصالة العمل ديالها حيدات الجاكيط ولبسات القفازات وحلات الثلاجة جبدات قراعي علب مسطيلة حطاتهم قدامها وجبدات معقم وجرات المرايا قدامها وجلسات على كرسي بدات كتنضف وجهها وتمسح مزيان وبدات كضرب ابر النضارة لوجهها حتى قاطع عملها اتصال ياسين وفتحات الخط بواحد الصبع عرفاتو رجع
ذكرى: الو
ياسين: الو زايني،،
ذكرى: راني فالكابيني
ياسين: صافي انا عندوز عندك
ذكرى: اوك
قطعات كتقلب فعينيها بنفور وكملات شغلها ما جا فين يوصل حتى كانت جمعات وطوات ماخلات فدوك الابر دنضارة حتى بلاصة.ها الصدر ها الوجه ها اليدين ها المؤخرة دخل لقاها كتستف وتنضف بلاصتها ولقا نضرة على العيادة ومشا عندها عنقها من اللور
ياسين: شكتعمل؟
ذكرى: عملت الدوا لفمي باش متنوضشي فيا سخانة
قالتها وعلطياه بالضهر مابغاتش تشوف كمارتو نهائيا .. اما هواغير كيدور بيها ويعنق من كل جهة وباسها فعنقها وقال
ياسين: واضووري واش انا كنعنقك ونتي ماكايناش هنا؟
ذكرى: فشل) عييت اياسين .. عييت واقيلا مريضة بالقلب خصني ضاروري نمشي عند طبيب
ياسين: كيفاش مريضة بالقلب
ذكرى: كنحس بالسخفة ... كنتحرك غير شويوش كنسخف
ياسين: دورها عندو) شعندك العايلة متوحشتيشي راجلك
ذكرى: بفشل) سخفت .. سخفت ماعرفت شني عندي .. فيا السخفة
جلسات وخلاتو كيشوف تبدل لونو ودار يديه على جنابو هاز مناخرو وكيشوف فيها مطولا .. قلب ضهرو مشا وخلاها وبقات هي شادة قلبها ومتبعة ليه لعين كترمش حتى سمعات الباب تزدح وسدات عينيهاوناضت كتنفس جمعات شعرها ولبسات جاكيط ديالها وهزات صاكها خرجات مالقاتش سيارتو .. ركبات سيارتها مشات بحالها للدار وكذلك مالقاتوش تما وسولات عليه الزوهرة لاكن مابانش .. لاحت الساروت ماتسوقاتش ليه ومشات مباشرة لبيت النعاس جبدات كسوة كحلة باقا جديدة قصيرة فوق الركبة وقررات تعيش حياتها وترجع صحاباتها وماتخليهش محور الكون والوحيد فالمحيط ديالها
لبسات الكسوة وكانت ساوية الثمن وغالية بزاف .. دارت معاها لبوت عالي والمونطو وسيفطات مسج لصحاباتها عرضات عليهم للشعاء وخرجات مشات طالقة الشعر واللباس وكتفتن بالزين . مشات تلاقات صحاباتها لي شحال ماشافتهم ودارت ليهم عراضة يعاودو يحييو بيها الايام الجميلة وايام العزوبة وجلسات فمطعم كبير بالرقص الشرقي كتتعشا وناشطة معاهم وكيتفرجو والكيسان كيدورو حتى صونا ليها ياسين وهزات تيليفون كتنفخ ردت عليه
ذكرى: نعام اياسين؟
ياسين: فين نتي؟
ذكرى: انا كنتعشا مع البنات
ياسين: واخا .. يالاه اجي دابا للدار
ذكرى: باقي الحال
ياسين: اجي داباللدار
قطع وكان كيهضر مبررد.. ماداتهاش فيه وجلسات كملات عشاها على خاطرها ونشطات عاد ناضت ركبات سيارتها ومشات بحالها للدار .كانت لحداش دليل فاش دخلات ولقاتو جالس مقابل مع الباب محني على تيليفون. سدات الباب وراها وشافت فيه بنص عين وقالت غادية لبيتها
ذكرى: بونسواغ
مشات ويالاه دازت حط تيليفون على الطبلة وناض تبعها والزوهرة كطل من باب المطبخ ويدها على فمها كدور راسها وتعض شنايفها فتح الباب يالاه حيدات الكسوة حطاتها فوق الناموسية ولاحت عليها البينوار ومشا هز الكسوة قدام عينيه طلع وهبط فيهاوفجأة فصلها فالنص شركها وقال
ياسين: كساوي تقح٠٠ين
دفع البلاكار بالجهد تحل وبدا يجر فلكساوي لي مقزبين كاملين ويدوز بيدو وفين ما كانت شي كسوة معرية جبدها وبدا يشرك فيهم ومكاين غير الغالية على ختها . هادي بمليون هادي بثلاتة هادي بجوج هادي بخمسة هي مخلوعة كتشوف فيهم كيطيحو ويالاه بغات تجر من يدو كسوتهانتر يدو شركها وجرها عندو من رقبتها حتى قاس نيفها نيفو وقال مخرج فيها عينيه
ياسين: تعاود تفوتي العتبة دهاد الدار نطلع ليماك الروح
ذكرى: بتحدي) عنخرج.. يالاه وريني شني غتعمل
طلقها ورجع اللور هاز نيفو كيشوف فيها وعطاها ضهرو بدا كيقلب فالمجورة حتى جبد الطوندوز وجرها بالقوة من شعرها
وقف ليها الماء فركابيها ونضرات التحدي تحولو لخوف واستعطاف وشدات فشعرها مخلوعة بدات كتبكي
ذكرى: شعري شعري .. شعري لاا
ياسين: كنلعب معاك باش تقولي شعرك لا ولا اه ..
ذكرى: شعري لا اياسين.. شعري لااا عفاك
ياسين: رجع طوندوز وراه ) واجلسي ومنشوفش رجلييك برا العتبةد دار.. سمعتي. عنوريك اشنو عنعمل ونوريك الخروج مع الصحابات والعشا فالزنقة ماعندك راجل زعما تحلو عينيك على التقح٠٠ين حتى نتي
رخاها بالجهد ولاح داك طوندوز فالمجر وخرج خلاها شادة وجهها كتبكي ومهبطة راسها بغات تموت بالفقصة ومابقات عارفة شنو تقدم ولا شنو توخر.
دوزات ليلة بكاوالزوهرة كتجمع فالحوايج المقطعين حتى صبح الحال .
صبح الحال فالدار عند ماريا ونورة والاجواء كانت عندهم ياسلام.. مجموعين كلهم ونورة كتحاول دير بلاصتها بيناتهم وماريا اصلا مكتميزش بين نورة وذكرى ..عقلها فحفيدتها فرحانة بيها وكتراري وترضع فيها والجو عندهم زوين . اما نورة كانت مزالة نفيسة جديدة ومزالة صحتها مهلوكة وكرشها منفوخة وباقي لغراز ماطاحوش وعاطياها للنعاس والماكلة والراحة مكدير حتى حاجة.. كانت عندهم خدامة كدير كلشي اما نورة غير متكية وحتى بنتها مكتقابلهاش..ماريا كتبدل ليها وتغسل ليهاوكلشي ديرو ليهاوشاريين ليها حوايج جداد وكساوها من راسها لرجليها .
صبحو كيفطرو مجموعين وكيهضرو بالجهد وصوتهم مسموع والدار كبيرة فيها ثلاتة طبقات والبيبان محلولين . تم ياسين نازل من لفلوق ماعرفوه فوقاش فوقاش دخل لبارح لاكن باينة فيه بات لفوق .
هزات ماريا عينيها فيه مصدومة ونورة بالزربة بدات تقاد شعرها وجلستها
ماريا: نعستي هناياا؟؟ ماشفتكشي
ياسين. : امم
مشا نيشان عند لينا وجلس القرفصاء كيشوف فيها والسكاتة فمها وبدا يهرها بصبعو وتبسم ورجع وقف كيهضر الاسبانية معمو وخرج مشا خلاهم جالسين
ماريا: شوية شوية ترجع لينا عزيزة عليه
نورة: وانا شني عملتلو؟؟ هادشي ديال الله
ماريا: نتي مابغاكش صافي.. الى بغاك غيجي شي نهار يهضر معاك (هزاتكتفها) مانعرف .. الرجال ماتقدرش تعرف شنوعندهم فراسهم
نورة : نتينا يماه نصحني بشي حاجة
ماريا: هزات حواجبها كتفكر) مانعرف .. منعرفش نصحك مكيعاودليشي
سارة: كتشرب القهوة) كتبغيه نتيناك؟؟
نورة: بغيت يكون راجلي زعما
ماريا: هزات يديها ) ولاكن مجوج بيك فالاوراق... مكاين والو . تجوج بيك على لعايلة
نورة: بأسى) واش قالكم غيطلقني؟
ماريا: لااء لااء... مقال والو .. لاكن عملا فراسك.. خصك تكون عاملها فراسك ... (هزات كتفها) ماعندك ماتعمل
نورة: ادا هضرتي معاه وقنعتيه زعما يقدر يبدل الرأي ديالو .. انا ماخصنيشي نطلق عتبقا لي فضيحة قدام العائلة
ماريا: كاكنتي كتبغيه يقدر يغير رأيو.. نقولو ماطلقهاش راه كتبغيك .. بغات تبقا معاك .. صافي يخليك
سارة: امم ادا كنتي كتبغيه ميطلقشي
نورة: كترمش) كنبغيه
تحضيرات للدبيحة واخا غيدبحو على السبوع الثانية يعني السيمانة الثانية مور الولادة .. بالفرحات على ماريا هزات البنت ومشات هي وسارة جلبو ليها وردوها لنورة لي شبعانة راحة مهازة الهم لحتى حاجة.. شكون بحالها واكلة شاربة مفطحة ومها كل مرة تجي عندها وبنتها هازينها كيتناوبو عليها بالفرحة كانو جالسين مابيهم ماعليهم حتى وصل ياسين وعبد الحق فواحد طموبيل كبيرة كحلة فيها حولي صردي قد العجل.. خرجوه من الكوفر كيبعبع دخلوه للكراج ربطوه وماريا كدور بيه من جهة لجهة عاجبها الحال وكتشوف فيه عجبها الحولي وبداتتصورو وطلعات لفوق لابسة واحد سورفيت وبانطوفة ودايرة الراسطة لشعرها .. تقدر هاد المسألة تبان غريبة لاكن هي كانت فشكل .. كان ستيلها غربي وعندها نية وحدة لي كاين كتقولو لا هيا لاسارة . كانت دايرة راسة رمادية مع شعرها الاشقر ودايرة الراسطة لبنتهاالصغيرة حتى هي فاكحل . لقات نورة كطل من البالكون ومشات كتوريهاتيليفون وتوريها الحولي وتكبر الصورة وقالت
ماريا: شفتي الحولي... جابو ياسين.. كبيير شوفي
واخا كتقاتل مع الدارجة لاكن مزططة راسها ومرة مرة كدير نضاضر الشوف ولا ليلونتي الشوف كانت كتهضر على لحولي حتى سمعوهم طالعين ودخلو بداو الهضرة على السبوع والدبيحة لي غيديرو لغد ليه .. مشاو غسلو يديهم جاو مع الغدا نيشان وجلسو فالطبلة مجموعين كاملين لاكن ياسين مكانش كيشوف فنورة ولاكيكلمها وهادشي كيخليها تحرج بيناتهم وتتزير .
حطو واحد المقلة قدها قداش ديال البايلا عامرة حوت والطباسل ضارين بيها و اصناف السمك والفواكه البحرية معمرة الطبلة والشلايض وجلسو كيتغداو والهضرة بسبليونية كتشاير ونورة شي كتفهمو شي مكتفهموش ..غير جالسة كدور عينيها بيناتهم . صونا ليه تيليفون وهزو لقا ذكرى وعاود سكتو ورجعو للجيب وكمل الماكلة عادي وفين مايصوني يسكتو فالجيب ويرجع لطبيعتو .
كان الجو عائلي وكلشي مزيان ..داز لغداوطلع هوا وعبد الحق الحق للفوقي كيتجمعو وكانو كيوجدو للخرجة ديال السلعة ويخططو ليها كيفاش دوز . دوزو للنهار كله فتخطيط وتعشاو بوحدهم لفوق وكل واحد نعس فبيت حتى صبح الحال وصبحو موجدين للدبيحة . دخل ياسين توضا وصلى واخا كيصلي غير فالمناسبات والاوقات الضارورية ومن بعد نزلو لقتو نورة واقفة هي وماريا وسارة ومريم ولابسين قفاطن ومحتافلين غير بيناتهم عاوناتهم ماريا شدو الحولي فداك الكاراج لي كان طالع كامل ويالاه هبط ياسين دوز عليه دبحو مع الهزة دعينو فرانات طموبيل ديال ذكرى قدام الكراج
نزلات من الطموبيل زدحات الباب لاكن قبل مادور لاح ياسين ديك جنوية مشا نيشان عندها جرها وهي عينيها فابدبيحة وفنورة كتغوت ودفعو . مع النزلة لي نزلات عاود طلعها لور بزز منها ماهضرش معاها وركب لقدام زاد بيها وهي كضرب الباب وتشوف وراها فداك المنضر بغات تموت ورجعات حمرا والعافية شعلات فيها ..صرب الدورة بعدها وفرانا نزل عاد حل الباب ونزلات كترعد عليه وتنهج
ذكرى: شني كتعمل؟؟ جاوبني شني كتعمل؟؟ شني واقع مورا ضهري شني كتعمل
ياسين: بجنون) قلت لد٠ ديماك ماتخرجشيييي من داااار .. قلتها لك ولا ماقلتهالكش؟
ذكرى: دفعاتو) نتينا شني كتعمل مور ضهرييييؤ. الخاااائن ... نتينا خااااائن ..نتينا ملتصلاحليشي كتسمع .. انا ماشي ديالك وعووومري معنكون ديالك ... حيت نتينا خااائن وماشي دالمعقول والقلب ديالك كحللل ... (كتبكي) ما فكرتيشي ليا ؟؟ ماحسبتيليشي انااا لحساب وشني عيوقع لي وشنو عنحيس يانا .. انا ماشي منادم حجرة يانا
ياسين: ماكنتيشي زعما عارفة؟؟ هاا؟ يالاه جاوبني ماكنتيشي عارفة عاملة هاد الداريم كااملة ونتينا عارفة
ذكرى: شني عنعرف؟؟ نعرف عندك العايلة؟؟ نعرف بالورقة د دنأي لي جبرت فالجيب ديالك ؟ نعرف بالزواج ديالك مع نورة والتخلويض لي كتعمل كامل وتجي عندي طحك فوجهي؟؟ نتينا ماشي عادي ...اوااعدي ميمكنكشي تكون عادي ههه . عامل رواية مور ضهري وحابسني فالدار منخرجشي!!! ديك الساعات اجي عندي قولي ها شني كاين ابنت الناس عنقوليك الله يربح لك طلقني اولد الناس والله يعاونك انا نهار اللول تزوجت بالراجل ديال راسو ماشي عندو بنيوتة والمرى ساترها عليا
ياسين: دابا عرفتي شنو كاين؟ وا مشي للدار نيشان يالاه تحرك
ذكرى: معنمشيشي للدار... عنمشي لدار با وبيني وبينك الطلاق اياسين ..عطلقني سمعتي
خرجات عينيها فيه عطاتو بالضهر بغات تركب لاكن جرها بالقوةغزز سنانو وقال
ياسين: غتمشي للدار نيشان مغتجلس حتى نجي .. ماتخرجليشي عقلي ونقلب فيك اذكرى شي قلبة تندم عليها حياتك كاملة.. وا مشي للدار هاناجاي
حل ليها الباب طلعات وبقات كتشوف فيه وتنخصص من لداخل وركبات بدات كترعد ويديها كيقفقفو وكتفتف بغات ديماري . فتح الباب عليها نزلها ركبها للور وطلع بلاصتها زدح الباب ديمارا وهي كتبكي موراها وهواغادي كيهضر مع عبد الحق وهي كتسمع وتشوا بلاصتها
ياسين: الو عبد الحق..انا غتتعطل غير سلخ داك الحولي نتا ومامّما حتى نجي فلعشية . مكاين والو مهم فلعشية انا عنجي .. يالله الله يعاون
قطع وكيسيرا كيطير ويسوق بواحد اليد واليد لاخرى كيكتب بيها مساجات لطارق وعي وراه غتموت بالبكى .وكتشوفو كاع مامسوق خدام كيكتب فالمسجات ويرد على طارق ورسالة غادية رسالةجايابالاسبانية وهيغير كتشوف وتنخصص اللور حتىوصلها للدار
دخلات للدار ودخل وراها وزدح الباب وقال
ياسين:جوج كلمات عنقولهم لك... غتجلسي تعمل عقلك حسن لك .. ولا معيبقا لا كلينيك لا ق٠٠ وي وعتجلس فالدار ومتشوفشي الزنقة مرررة
ذكرى: انا منقدرشي نبقا معاك . نتينا مافيكشي التيقة مرررة !!! منقدرشي نعيش معاك ونأمنك علياو وقلتهاا لكوعنعاود نقولها لك ... انا فقدت فيك الثقة ومتقدرشي نبقا معاك
ياسين: اييه وشنو خصك دابا؟
ذكرى: خصني طلقني نرتاح انا وترتاح نتينا وعمل لي عجبك
ياسين: الطلاق مكينشي متصدعشي راسك
ذكرى: ههه وانا راه ميمكنشي نكون ليك مرى فهمتي
ياسين: مشي فحالك عادي نعمل فيك يدي مشي ماتحمقنيشي هاد النهار
ذكرى: قربات منو) برااااد لي خاطري من جيهتك ... صاافي..بنتي على حقيقتك ... حيت انا متزوجتشي بهاد الانسان النهار اللولي تزوجت بانسان اااخر ... اما هادا مكنعرفوشي ومعنزلشي للمستوى ديالو
هز يدو صلاها بالمقلوب : يالاه مشي ولا عنوريك المستوى كيف عامل يالاه تحرك
شدات حنكها مشات للبيت كتجري زدحات الباب بالجهد وجلسات كتبكي ..سدات عليها وبكات حتى شبعات وحتى نشفو دموعها وسهات وهي متكية عاى كرشها فوق النموسية فجأة دارت طنن فالراس ورجع ليها تفكيرها وعقلها وناضت جلسات كتستوعب داكشي لي كيدور ليهافالراس..رجعات ذاكرتها اللور وتركيزها وبدات تتذكر الراسائل لي كانو كيدورو بين ياسين وطارق وكانت مرة مرةكتجي عينها عليهم حسب مافهمات انه كاينة شي بيعة وشرية هاد الاسبوع نيت فوقاش بالضبط الله واعلم .. المهم كاينة شي حاجة فهاد الايام هادي . ناضت مسحات دموعها وحلات الباب خرجات لقات نضرةوسولات الزوهرةأكدات ليها ان ياسين خرج . رجعات للبيت وخرجات للبالكون صونات لعاصم وخفضات صوتها وقالت
ذكرى: عاصم.. سمعني مززيان شني عنقولك ..
عاصم: مشيتي عندو ندار فين عاملين الدبيحة؟
ذكرى: صافي خلي داكشي وسمعني مزيان ... خصك تبع ياسين فاين مامشا ... فاين ماحط رجليه تبعو ما تغفلشي عليه هاد السيمانة هادي
عاصم: صعيييبة وهوا الطموبير عندو كطيير وانا عندي هاد غولالة على قد الحال
ذكرى: سمعني مزيان ..انا فالدار ماعندي كيفاش نعمل نخرج.. انا عندوز فلوس لماما من تيليفون نوصيها تعطيهم لك ومشي كري شي طموبير صحيييييحة... وتبعو فاين ما كان راه عندو الشغل وانا خصني هاد الشغل نعرفو ضاروري
عاصم: نتينا رجعتي كتخلعني اي والله .. شني خصك تعرف وشني عندك فداك الراس
ذكرى: نتينا تبعو وصافي والفلوس عنبقا نصردهم لماما هي تعطيهم ليك ..يالاه مشي دااابا بداتبعو راه مشا عند يماه مشي لحق عليه وعسس عليه فاينما كان
يتبع...
التعليقات
لا توجد تعليقات بعد، كن أول من يعلق.