محتوى القصة
من بعد موصلو لرباط كيقلب فين يمشي يعووم كيعرف بلاصة وحدة هو شاطئ الاميرات مشا نيشان ليها وصلو لتماك وهي متبسمة غطير بالفرحة خرجو من الطموبيل وكضرب فيها ريحة البحر وداك النسييم الخفيف هو هز صكادو ديالو وتم جاي عندها طلعو درووج وهي كتشوف البحر اونفاص معاها والرملة كدخل ليها بين صباع رجليها شدت فذرااعو بلا متحس
ملاك: يااااااه البحر
اورطيغا: اول مرة ؟!
ملاك: (بفرحة حركت راسها باه بوحدها من دون خوتاتها للي اول مرة تجي ليه اما خديجة كانت ساكنة حداه مريم منين تزوجات كانت كتمشي هي وراجلها وفاطمة ونعيمة حتى هوما كان كل صيف كيدوزووه بين العروبية وصفرو ومهم كانت مكتحملش البحر اذا باهم مغيخليهمش يسافرو ليه بوحدهم وحتى فاش تزوجت خديجة هي ممشاتش حيت كانت دابزت مع راجل خديجة فالعرس.. بقا كيشوفها)
اورطيغا: زولي صنداالتك (بقات شادة فذراعو على محيدتها بقات شداها عاد حيدت يدها منو بقاو كيتمشاو فالرملة جاه واحد كيكري كراسة وبراسول دارلهم جلسة حدا لبحر هي غير كتمنظر حست براحة خطييييرة حتى كيصوني عليها باها)
ملاك: ويلي ويلي ويلي ويلي بابا (جاوبت دايرة يدها على الميكروو)
الو بابا... فالخدمة اه... التلفازة مجهدة ديال الاجتماع ... ا.. لا لا ماشي فالاطلس.. بحال لبارح.. واخا نخرج ونصوني عليك (قطعت وشافت اورطيغا للي كيشوف فيها ديك الشوفة ديال الكذاابة ردت التيليفون لصاكها)
بسبابك كذبت على بابا
اورطيغا: (طانز) وايلي!!
ملاك: وشنو!!! مهم هو نتا دابا راك محسوب خاطفني فخباارك بابا يحصلني والله منعقل عليك
اورطيغا: ههه (زول التيشورت وبقا بشوورط) جلسي جلسي ݣاع داك زهر عندك باش نخطفك
ملاك: مسكيييين تايق فراسو (جلست كتشوفو مشا جهة لبحر دخل كيحني يهز لما ويقيس كتافو وصدروو وهي متبعاه)
ولد لحراام كيدير الإغراء ولا شنو؟!!!
(عوجت فمها) شكون داها فيييه!!!
(شوية دار غطسة ومع موجة جاية بان حتى رجعت كشكووشة تبسمت حيت دار كيشوف فيها عاد كمل كيعوم.. ممتيقاش انها فالبحر عاد كانت فاس ودابا فربااط ومعاه!!! هزت صكادو ديالو حطاتو حداها باش متبقاش حاضية لبحر ويجي شي واحد يهزو..
دورت عينها كاين دراري صغار لبنات لابسين دوبياس ومكاين غير لعرا مسوقتش حيت فبالها كولها حر يلبس للي بغا، رجعت كتشوف فاورطيغا للي مبقاش كيبان ليها وقفت كتشوف مزيان)
اويلي ياكما غرق؟!!!
ويلي شكون يردني لفاس؟!
اليوم بابا يقتلني مافييهاش؟!
(كمشت عينها كتقلب) مشاااااا الراجل
(كتقلب لدرجة بعدت من الجلسة مقربة لبحر حتى كيبان ليها واقف مع شي جوج بنات غوبشت)
وكان غير غرق حسن (رجعت تجلس وهي كتنݣر)
للي فيه شي ڤيييس!! (دازو قدامها شي دراري غير الشوىط والعضلات بقات كتشووف فيهم متبعاهم ورجعت كطل على اورطيغا لقاتو كيعووم بوحدو)
العزواااا لااخر...
اورطيغا: (جاي كيقطر بلما وهي حاضي دوك القطرات نازلين من صدرو لكرشو وداك لوين فيه شكيلييط ونقيي) الما غزاال
ملاك: هم!! شهيتني فيه
اورطيغا: (بغمزة) شكون
ملاك: لماا (شقلبت عينها مدورة وجهها) يياااااء
اورطيغا: اممم دخلي تلعبي فالكشكوشة شوية
ملاك: ها ها ها احسن ميترناجور هنا يعلمني العومان
اورطيغا: (ضار مخنزر فيها وهي بتعالي شافت فقنت اخر) وااا جربي
ملاك: ممحتاجااش اصلا مبغيتيش وصاافي
اورطيغا: (حرك راسو بلا حولة وجلس بقا كيتمنظر صونا تيليفونو بلا متحس جبداتولو من صاكادو قرات سمية ديال اسماعيل عاد عطاتولو)
وي حبيبيي.. (خسرت وجهها لاوية شنايفها)
ياااك؟!!...
اممم لا صافي...
انا بعيد شوية..
صافي غير قضي نتا.. لععز..
(قطع وهي تصوني غيثة قطع الصوت ومدو ليها عاود قرات بلا متحس رداتو حتى هي للصكادو طافية لافيشور ݣاع)
ملاك: واش واقعة ليك شي مشكل فالخدمة؟!
اورطيغا: (بهدوء) لا..
ملاك: (حركت راسها باه) داك لبلان للي كيتبنى اونفاص مع الموبل للي كارين فيه، واش نتا خدام فيه ولا حاضيه
اورطيغا: واقف مع واحد صاحبي فيه
ملاك: اممم عندك صحاب بزاف فالليدو
اورطيغا: اوا راه فيه كبرت، واخا الوالدة خرجت منو من شحال هادي انا بقيت فيه
ملاك: عليها مبغيتش تقولها على لبلاصة الي كاري فيها
اورطيغا: حسن غتبقى مشوشة علية راك شفتي كل مرة تيخرج منتيف وهي تتخااف علية
ملاك: صراحة صعيبة ديك الحومة شوية انا فاش كنت كنقرا فلفاك كنت كنخاف منها وسبحان الله فبالي كنت كنقول مستحيل شي نهار نكري فيها، كتخوف ديك الحومة
اورطيغا: شوية وصافي ولكن انا راحتي تنلقاها تماك
ملاك: (حركت راسها باه، رجعت كتشوف فلبحر لدرجة سهاااات وقف قدامها كيعلمها غيرجع يعووم حركت راسها وبقات متبعااه)
امتى غنتحابو انا وياك اداك العزي
(بقات حاضيااه هاد المرة مطولش دغيا رجع مسح صحتو بالفوطة وبقا وااقف شافت فالساعة كانت دازت شي ساعة ونص)
اورطيغا: مشيينا؟!
ملاك: صافي؟!
اورطيغا: مسخيتييش؟!
ملاك: صرااحة اه، ولكن خاص رجعو
اورطيغا: باك يقدر يجي لفاس فأي لحظة، وأصلا مصالحش نبقاو هنا انا جبتك تبدلي الجو شوية
ملاك: باااز، باش بدلتو ياك نتا للي دخلتي تعووم
اورطيغا: ههه حتى دابا حنا فيها نمشيو نشريو باش تعومي ورجعو (شاف فالساعة كانت 3) مزال الحال
ملاك: (بقات كتفكر حتى كانت غتوافق وهي تفكر فباها للي سولها فين كاينة خافت يكون اصلا ففاس) صافي نمشيو فحالنا
اورطيغا: فوقما بغيتي نجيو نجيو معنديش مشكل، (مجاوبتش ناضت كتنفض الرملة،)
ملاك: معرفت,
نشووف..
اورطيغا: نمشيو نتغداو بعدا ونشدو طريق الا كتاب...
رجعو لفاس شادين طريق من بعد متغداو خالقين جو المعاودة ولا هو داير ليها لونكيط كتعاود على خدمتها وفاش قرات فاس 4 سنين ومنين خدمت يعني كتعاود داكشي للي باين ومعروف..
اورطيغا: معليش ندوزو للخدمة باغي ناخد شي حاجة؟!
ملاك: والطموبيل؟!
اورطيغا: نهار تبغي ترجعي لصفرو نجيبوها
ملاك: ههه بغيت غير نفهم علاش مبغيتينيش ناخد طموبيلتي راه 15 اليوم مشفتها
اورطيغا: نتي مريضة معندك فين تصوݣي دابا وللي بغيتيه نقضيه ليك انا
ملاك: لا بغيت طموبيلتي ونخلص السيد
اورطيغا: غدا نخرجو ونجيبوها
ملاك: (تبسمت اصلا ناقصة عليها المازوط ونيت حجة باش يتشااوفو حيت غترفض تخرج معاه بلا حجة، صونا عليها يوسف جاوبت هاد المرة) وي يوسف
اورطيغا: (زاد فالسرعة كتر مدابز مع الطموبيل للي قداامو) شوف قدامك البغل
ملاك: (ولفات عصبيتو فالصوݣان)
يوسف: شكون هدا؟!
ملاك: امم صاڤا يوسف؟!
يوسف: الحمد لله نتي مزيان؟!ا
ملاك: الحمد لله هاد الساعة
يوسف: شحال صونيت عليك لبارح صباح متتجاوبيش
ملاك: مشفتووش وقلت نعاود نصوني ونسيت، ياكما بغيتني فشي حاجة؟!
يوسف: وحتى نبغيك فشي حاجة عاد نصوني
ملاك: لاااا انا غير قلت زعما.. مهم الامور هانية؟!
يوسف: (معجبوش الحال وبغا يعرف شكون معاها) هانية.. تكوني بلاتي فالدار
ملاك: فالدار؟! اه غنكون
يوسف: حتى نجي ونصوني عليك
ملاك: واخا فاش تجي نهبط عندك.. ياله بسلامة (قطعت ردت التيليفون الصاك مراداش البال للي مخزز حداها وصلو للمحال هبطت حتى هي، شاف مع الدري شي حاجة متعطلوش وهي بقات كتفوه رجعو للطموبيل)
اورطيغا: هادشي كامل فيك نعاس
ملاك: هه وييه
اورطيغا: انا مزال عندي شي شغل فبنسوودة، تبغي نعطيك الساروت ديال الدار لفوق طلعي تماك رتاحي فيها على منكمل حيت الموبل راه مرون بالبوليس وتيسولو فالناس تماك صداع الراس وصافي
ملاك: بالصح؟!! ولكن انا مدايرة والو يسولو نجاوب بداكشي للي عارفة
اورطيغا: ماشي قضية مديراش غير الا تشدو دوك ولاد **** غيقولو كنا مخبيين عند لبنت للي لفوق ويبداو يمرضوك سير واجي
ملاك: (هو عارف دوك الطلبة مع 6 دصباح كانو فتاونات داوهم دراري، وهي عارفاه باغي يشدها تبقى معاه كتر ولكن هضرتو جاتها منطقية نوعا ما) اوا صافي نبقى فشي كافي
اورطيغا: عادي تمشي تقنتي فشي كافي ولكن متقدريش تنعسي فالدار
ملاك: ماشي هكاك
اورطيغا: انا بغيتك غير ترتاحي شي 2 سوايع على منرجع عندك
ملاك: والا جات مك امراد!!! لا لا منقدرش نتحط فداك الموقف
اورطيغا: وتمشي معايا لبن سودة حيت منقدرش نسمح فيك بوحدك
ملاك: (كانت عياانة) نمشي...
غيثة: (وصلت الكافي لقات ادم تماك وقف زرب عليها ماد حنكو تسالمو وجلست اونفاص معاه)
الصهد اليوم بزااف
ادم: سي.. (كيشوف فيها باعجااب)
غيثة: مهم مبغيتش نتعطل حيت تنخرج مع ماما بزااف نتقداو
ادم: العرس؟!
غيثة: اه، مبقالو والو
ادم: ونتي مناوياش تكوني عروسة
غيثة: هههه هاد السؤال رجعت تنسمعو بزااف هاد الايام
ادم: اممم من عندمن؟!
غيثة: لافامي
ادم: (حرك راسو باه) وشنو جوابك
غيثة: (فكرت فاورطيغا) نهار يكتاب ان شاء الله اما دابا باغية ركز على خدمتي
ادم: شنو خدامة؟!
غيثة: عاد ناوية عندي ديبلوم بغيت ندير شي سطاج خفيف باش نبدا وعاد من بعد ندير مشروع ديالي
ادم: شنو ديبلوم ديالك؟!
غيثة: fashion design تصميم الازياء
ادم: اممم مزيون
غيثة: (تبسمت جا السرباي طلبت) موخيتو فروي غوج
ادم: بحال الآنسة.. وفين بغيتي ديري سطاج
غيثة: خصني نشوف شي وحدة تكون برو فهادشي
ادم: تبغي نعاونك؟!
غيثة: مبغيتش نبرزطك
ادم: بلعكس شرف ليلي (تبسمت) تتعرفي ليلى
غيثة: ختك؟!
ادم: اه
غيثة: اممم شوية قليل فين تنتلقاو غتجي حتى هي العرس
ادم: هي دابا فرنسا معرفتش بالظبط امتى تجي
غيثة: ااااه.. (بقاو مجمعين كيتعارفو وكيهضر على خدمتو كانت ناوية متكملش ربع ساعة صدقة فساعة ونص أصر عليها يوصلها فين تحاشمات مع مها خارجة هي وخالتها وهي نازلة من طموبيلتو، نزل سلم عليهم ودعهم ومشا..
دارت الغالية عند بنتها)
متفهميش غلااط
الغالية: اوا حبيبة فهميني الصح؟!
غيثة: غير عادي وصاافي مكاين والو
الغالية: اممم (ظحكت مع ختها) زيد قداامي بعدا عرفتي تختاري هاد المرة (بقاو شادين فيها مشاو لتريتور باش يديرو اخر الاختيارات فالاطباق والمقبلات والغالية داافعة الجهد... لدرجة الماكلة دارت موني فيها يعني المعازيم يختارون اي حاجة فوقما بغاو عاد الاطباق الرئيسية استقرت ب3 دالاطباق لحم مشوي دجاج بالدغميرة وبسطيلة دالحوت عاد الديسير منوع بين ݣلاص وفواكه متنوعة...
رجعو عند النݣافة للي خديجة ختارت جوج لبسات باش دخل واللبسة البيضة مبغاتش دير الفاسية وشي لاخر وحتى يوسف أيدها اما الحنة غديرها فداارهم وهوما معروضين ليها)
غيثة: ماما واش يوسف غنديرو ليه الحنة
الغالية: ماشي من عوايدنا داكشي
اخت الغالية: كفاش اختي ماشي من عوايدنا؟!!
الغالية: خلاااص علية داكشي ديموودا وقدااااام الراجل مبقى تيدير شي حنة العروسة وقريب تبقا حتى هي دير بناقص منها....
اورطيغا: (دار بناقص من شي بنسودة حيت تماك غير تكرفيس وهو خاصو يدخل الݣرنة ومعندوش فين يخليها وحتى الا بقات فالطموبيل غادي غير تكرفس بالحرارة وعاد يتزللو عليها مشاو لبرج فاس طلعو للقهوة للي لفوق بعدا مبردة تمااك خداو ݣلاص جالسين كيتمنظروو ولهوا مغربي شوية)
ملاك: اممم مراد فين واصل فلقرايا؟!
اورطيغا: النيڤو
ملاك: وعلاش مدرتيش باك ليبر؟!
اورطيغا: شنو غندير بيه؟! نطلع ݣراض نبقى نذبح الخيل زعما
ملاك: ههه لا غير..
اورطيغا: انا من اللول مكانش عندي عقل ديال شي قراية، حليت عيني على ذبيحة ولحساب والبيع وشرا هادشي للي تنعرف ندير التجارة
ملاك: وحسابلك التجارة ساهلة!!! راه شي حاجة مهمة ماشي اي واحد يعرف ليها والله ومكنتي حافظ صواريك ومطور كتزيد فيها
اورطيغا: اممم (شاف فيها) ياك!!!
ملاك: وعاد فيها!! راه الموظف صالير ديالو باين وعاد يخدم سوايعو كل نهار نفس الروتين اما التجارة ويكون عندك عقل ديالها راه دير لبااس بيها
اورطيغا: (حرك راسو باه) اوا خرجي من الخدمة اجي خدمي عندي
ملاك: ههه اوهوو اووهوو كنحماق على خدمتي
اورطيغا: كل واحد فين تيرتاح
ملاك: (تفوهت دايرة يدها على فمها صونا عليها باها تفافات ولكن مبينة العكس)
الوو بابا..
انا قريبة للدار..
بالصح.. أنااا فبرج فاس
(اورطيغا هز حاجبو فيها اول مرة مكتكذبش)
صافي انا نتسناك فلباب.. واخ
(قطعت ووقفت)
بابا هنا
اورطيغا: نمشي معاك
ملاك: وشكون نقولو الفاهيييم
اورطيغا: شنو بغيتي تسميني نتي؟! (دار معلقة دلاݣلاص ففمو)
ملاك: (تبسمت) اممم (كطلع وتهبط فيه) صاحبتي
اورطيغا: (تخضر عليها محايد المعالقة) وسيري قبل منقلب على مك هاد الطبلة
ملاك: (ميقت فيه) هرموناتك مخربقين اصاحبتي هه تكالماي تكالمااي
اورطيغا: ملاااااااااك (بقات كظحك باين عليها العيااء هزت صاكها مشيرة ليه يدها باي باي وهو لا رد لا حركة غير متبعها بعينيه حتى هبطت من السلم الاليكتروني.. وهو بقا كيكمل لݣلاص مصوني على الدري يعرف اخر الاخبار..)
~~~~~~~~~~~
ملاك: (مع وقفت كتشوف باها جاي هو وجدها سلمات عليهم)
رشيد: شنو كديري هنا ابنتي
ملاك: غير خرجت من الخدمة وجيت نتقدا شي حاجة خصاني فالدار
رشيد: ياله نهبطو كاملين حتى مك وصاتني على شي حاجة نجيبها من هنا (هبطو لكارفور لتحت تقدات شي سقاطة وباها كينݣر على سقاطة للي كضيع ليها صحتها خدا حتى هو شي تخربيق للدار وهي خدات شكلاط لمها مصيفطاه معاه واخا هو اصلا للي خلص كولشي)
مزال مترجعي للدار
ملاك: بقات يوماين
رشيد: متعاوديش تقبلي بهاد الخدامي
ملاك: (هي اصلا راجعة ترغب المدير يزيدها وفينما تبانلو شي خدمة فاس يصيفطها) واخا بابا
رشيد: (كملو وهوما يهبطو لكاب دازت من حدا اورطيغا للي جالس فطموبيلتو وحال لباب دارت راسها مكتعرفوش بقا غير متبعها وركبت مع باها باش يوصلها للحومة...)
ملاك: (وصلها باها وجدها تحت توصيااتهم، ومشاو وهي بقات كدور عينها واش يبان واش جاي من موراها تسنات شوية ودارت السلة بالخلنوت دخلت شرات مسكة واالو مكاينش!! طلعت الموبل للي مكان فيه والو يعني تسالاو دوك الإجراءات وكان صقييييير، طلعت للدار سدت لباب دورت الساروت اما الساقطة مزال مفروعة خافت غير يجي عاود يحل بلا ميعلم حيت بغات تمشي تنعس، مشات بدلت حوايجها واخا زمتات راسها بلكيطمة وهي تفكر بيت وفاء كيتسد بالساروت حيت ساروت بيتها نسات خديجة وداتو معاها لصفرو، سدت عليها باب لبيت طرقت السرجم والبالكو عاد حيدت حوايجها شعلت لا كليم وبقات متكية على كرشها كتفرج فتصاور للي دارت وهي فلبحر تبسمت داز عندها نهار زوييين وأصلا اي نهار كتخرج معاه فيه كيكون زويين وعندو لمسة خاصة كتبقى فالبال، ومعاه كتمشي غير لبلايص لي عمرها مشات لييهم، صونات مها عليها وعينيها كانو كيتغمضو جاوبت وهي منشوية مع هاد الاحسايس زوييينة)
امم ويييي ماما
زهرة: فينك اديك الجروة من صباح وحنا نصونيو عليك
ملاك؛ (مفرنسة) كنت خدااامة
زهرة: جا عندك باك
ملاك: اه هو وجدي مشينا لكارفور ودابا راهم شادين طريق لصفرو
زهرة: اممم مالكي عيانة؟!
ملاك: لا غير عييت بالخدمة, صراحة اماما مكنتش خدامة اليوم سلت وعرفتي فين مشيت (تبسمت) لبحر
زهرة: (كان لبيت عامر) بالصح!! اوا مزيان مزيان ابنتي مزياان
ملاك: بالصح!! حسابلي غتقلقي مني
زهرة: لا لاااا ياله رتاحي شوية ونصوني عليك
ملاك: يخليك ليلي يا أحسن أم فالدنيا (قطعت مهم متكذبش على مها.. واخا مسولتهاش كفاش ومعامن جرت لغطا شوية ونعسااات)
~~~~~~~~~~~~
يوسف: (دخل معطل كلا ماكلتو وغيثة مزال كتهضر مع ادم فالواتس وجالسين مجموعين هضرتهم كاملة فالعرس صيفط ميساج لملاك علمها غيجي عندها باش تنزل عندو مجاوبتش)
غيثة مهضرتوش نتي وملاك هاد نهار؟!
غيثة: لا، مساليناش ݣاع وكان غير عيطتلها تجي تبات معانا
الغالية: علامن تتهضرو
غيثة: على ملاك خت خديجة
الغالية: مالها عاود هاد ملاك
يوسف: (كمل ماكلتو طلع لبيتو بدل عليه وتم خارج) انا جاي
غيثة: واش ماشي عند ملاك نمشي معاك؟!!
يوسف؛ لا خارج عند دراري غدا الا تلاقيتها نديك معايا
غيثة: اه ضرووري حيت خاصها تهضر مع النݣافة حيت كانت ديجا ختارت شي لبسة ومرجعتش أكدت عليها
يوسف: صافي واخ انا نقولهالها..
اورطيغا: (مشا لبنسودة باش يعرف شنو لكموند للي عندو باش يصبح عليهم الغد ليه بكري كيبغي يقاد.كولشي باش غير يجي ميبقاش كيدور وهاد جيب هادي وفين هادي، صونات عليه مو للي كانت فالدار ديالها مشا عندها وتفكيرو فملاك للي مزيان ممشاتش باش مطيحش فموقف خاايب هو كان غيكون معاها ومكان غيخلي مو تقول حتى شي حاجة ماشي هي هاديك ولكن صورتها تبقى بعيدة عليه حيت غيفهمو غلاط وينزل عليه الباطل وهو مداير والو!! لقاها هي والحاج تماك جلس معاهم مجمعين كيتعشااو شاف فالساعة كانت 10 دالليل)
ياله نخلييكم
أمينة: فين ماشي اولدي بات هنا
اورطيغا: لا لا غير خودو راحتكم داير مع دراري نتلقاو
أمينة: بلاتي مزال باغيين نهضرو معاك (عارفها شنو غتقول) مناويش دير عقلك
اورطيغا: علاش قالو لك علية ماشي وتنضرب عباد الله فزناقي
أمينة: نتا عارفني شنو باغية نقول اولدي
الحاج: بغيناك تزوج اولدي
اورطيغا: (شاف فمو للي فهمها مليون مرة ولكن واالو ومنين عرفت يوسف غيتزوج وهي كل مرة كتسولو وتبرزطو..) بغيت حتى نجمع راسي مزيااان
الحاج: شحال خاصك؟!
اورطيغا: لا بغيت نجمع راسي
أمينة: (خرجت عينها فيه) راه من حقنا نعاونوك اشرييف
اورطيغا: عارف، ولكن (حتى بغا يتعصب) مهم نهار يكتاب غنجي عندكم ونتوكل على الله
أمينة: محاط عينيك حتى على وحدة؟! ولا داير شي وحدة فراسك؟!!!
اورطيغا: لا
الحاج: كاينة غيثة بنت سي عبد الجليل
اورطيغا: لا هاديك بحال ختي
أمينة: اوا متعاودش تحسبها ختك
اورطيغا: راه هضرت معاك الوالدة يهديك الله باغا تلسقي البنت صحة فية!! انا عمرني نفكر نكون لية مراا ونهار يكتاب غنجي نوريك للي غنختار، (ناض خرج من لبيت مكيبغيش يتعصب عليها واكترية قدام الناس ولكن هي! مشا لبيتو وهي تابعاه كتهضر تهضر تهضر)
واخا انا غنتزوج (تبسمت) ولكن ماشي من غيثة
أمينة: ماشي مشكل فينما رتاح خاطرك انا بغيتلك غيثة غي حيت كنشوفها دريويشة ومربية ولكن شوف نتا فين ترتاح
اورطيغا: نهار نقاد اموري غنجركم معايا مزيان
أمينة: (متبسمة) ان شاء الله اولدي، غير هي نبدا نوجد
اورطيغا: اه شي عماين ولا 4 منتعطلش (خرجت عينها وهو ظحك باس راسها قبل متهضر سلت تابعاه فلكولوار زرب هبط باغي يمشي يلحقها معرف واش باقي باها معاها صونا مكتجاوبش استغرب!!! مشا نيشان للحومة لقا طموبيلة يوسف تماك خرج عينو معصب عاود رجع صونا مكتجاوبش هبط خابط لباب حتى كيشوف يوسف جالس مع دراري وهو حسابلو كاين مع ملاك لفوق.. زفر ومشا سلم عليهم جلس حداه)
هانتا هنا!
يوسف: سولت عليك دراري قالولي مجيتش هاد نهار
اورطيغا: اممم مساليتش
يوسف: بوحدك؟!
اورطيغا: انا وملايكتي
يوسف: هه، صونيت حتى على ملاك متتجاوبش
اورطيغا: (قلب وجهو كيهضر مع دراري لوخرين عاد رجع شاف فيه) اوا اش فيها؟!
يوسف: غدا محركين لايفران ياله معانا
اورطيغا: شكون ݣاع
يوسف: دراري نيت للي تتعرف
اورطيغا: امم (لوا شنايفو منعرف) عندي شي خدمة
يوسف: كملها ولحق الا كنتي معطل بزااف حيت كولنا حتى تعاشا لعشية عاد غنمشيو
اورطيغا: صافي (يوسف وقف) مشيت؟!
يوسف: واحد الراس تيقولي نطلع نشوف ملوكة
اورطيغا: تبع الراس التاني وسير لداركم تنعس ترتاح راك عريس وجد الا عندك متوجد
يوسف: ههه وااخا (وقف معاه لاخر ركب وهو طلع عندها يفهم علاش مكتجاوبش!!)
اورطيغا: (كيدق بالجهد عليها واخا عندو الساروت اصلا كانو غير بوحدهم فالموبل حتى سمعها كتقول يصبر، شي 2 دقايق عاد حلات وجهها منفوخ بنعاس)
كنتي ناعسة؟!!
ملاك: (تبسمت) كنت فغيبوبة محسيتش على راسي ݣاع
اورطيغا: اوا فالليل ازين شنو غديري؟!
ملاك: ههه دابا رجع نعس وهانية
اورطيغا: خميرة وصافي
ملاك: الحانوت لتحت حال؟!
اورطيغا: بغيتي شي حاجة؟!
ملاك: اه، انا ندخل نلبس صندالتي نمشي نشري شي حاجة (دخل تابعها، ضارت) راني بوحدي زعما
اورطيغا: والشيطان تالتنا
ملاك: ههه خرج خرج
اورطيغا: قولي شنو بغيتي نسخر الدري
ملاك: الا حشوومة، وخرج بعدا
اورطيغا: (دوز لسانو على ضرووسو وتم راجع حدا باب الدار) ياله نطلعو لسطح
ملاك: (باغية) مافياااش
اورطيغا: وياااله
ملاك: اممم نشووف
اورطيغا: شنو بغيتي تاكلي وكان؟!
ملاك: (هزت صاكها جابدة بزطامها وهو متكي على لباب) مكرهتش الا لقالي شي ݣلاص وشي طونيك ودانون مهم هادشي ديال سقااطة (مدت ليه 100 درهم وهو يشدها للي لواها بحال شكل ݣارو) وخود نتا الا بغيت شي حاجة
اورطيغا: وااااايلي!! شنو هاد الكرم للي نزل عليك دقة وحدة
ملاك: ههه علاش كفاش تنبان ليك
اورطيغا: جلدة!!!
ملاك: ههه غير كيبان ليك...
اورطيغا : انا سابقك لسطح غير توصل الماكلة نصوني عليك طلعي (حط فلوسها فوق بلاكار صبابط للي حدا لباب وجر لباب سادو وهو مشا يقاد الجلسة)
ملاك: (هزت فلوسها ردتهم للصاك) ويلي وكان خداها قلبي كان غيسكت (مشات بدلت حوايجها لقات مها وكولشي مصونيي عليها، رجعت صونات على مها للي شحال عاد باش جاوبت ابيل ڤيديو)
ازيين
زهرة: (بعصبية) لا مزيان تبارك الله طوال ليك الرجلين وليتي تمشي للبحر
ملاك: (جمعت الظحكة) ياك قلتيلي مزيان
زهرة: كانو حدايا الناس والله يا ملاك حتى نحلف عليك هاد الخرجات متعاودييهم معامن مشيتي الحمارة؟!
ملاك: بوحدي
زهرة: كفاش بوحدك؟!!
ملاك: (خرجت عينهل) والله مامشاات معايا حتى شي بنت قنطت، وانا عمرني مشيت شفت لبحر، مشيت للرباط مكملتش فيها حتى جوج سوايع ورجعت فحالي
زهرة: وليتي ديري شراع يدييك ابنت رشيد مبقى حكام عليك ولا شنو؟!!
ملاك: ومكنخبي عليك والو اماما
زهرة: اييه مكتخبيش حتى كترجعي من الموصيبة الي كديري عاد كتعلميني، سمعي املاك متخلينيش منعاودش نتيق فيك
ملاك: (لوات شنايفها معاحبهاش الحال)
زهرة: امتى غترجعي
ملاك: بعد غدا فلعشية ولا الليل
زهرة: اوا حسن اجي مع لعيالات ولا متعذبيش راسك حتى نجيبو ختك عروسة لتماك ونصيفطولك سميت القاعة الا كنتي مسالية اجي مجيتيش نديرو معاك ابيل ڤيديو
ملاك: وراه خدامة اماما ماشي كنتفلى
زهرة؛ مع تكملي خدمتك تجي
ملاك: على حݣااااااااارة خسارة فيك داك الشكلاط للي صيفطتلك
زهرة: (قطعت عليها وظحكت كتبغي تعصب وتحلف فيها ولكن كتجي حتى لملاك وكتساليهم ليها رجعت عند الناس الدار بدات كتعمر حيت كيجيو عائلة رشيد باش يحضرو العرس...)
ملاك: (صونا عليها اورطيغا اول مرة تهضر معاه فالتيليفون حنحنت مزيان عاد جاوبت) اااالو
اورطيغا: منين تكوني طالعة جيبي معاك جوج مخاد
ملاك: (بدماغ خاسر) علاش؟!
اورطيغا: (كتر منها) صافي جيبي غير وحدة لية نتي ختاري فين تجلسي (بقات ساكتة قطع عاد شغل دوك اللمبات صغاار للي لواهم فسلوكة دنشير وفرش فالارض مع وسايد صغار عندو كانت جلسة زوينة فسطح، والدري جاب الماكلة وسقاطة حطهم تمااك طلعت هي معنقة جوج وسايد مع دخلت لسطح عجبها الديكور تبسمت شافتو جا من موراها سد باب سطح ودور الساروت)
ملاك: علاش سديتييه
اورطيغا: باش ميطلع حتى واحد
ملاك: اممم (مشات جالسة متيقاش فيه، لقات قوة سقاطة حطت لوسايد وحطت صندالتها ودخلت جلست تم جاي هو شعل باف صغير داير فيه موسيقى)
كولي
ملاك: (اول حاجة هزت ݣلاص فتحاتو فتح ليها الشكلاط حطو حداها تبسمت بامتنان) شكرا
اورطيغا: (كيشوف فرجليلاتها كانو عاديين مغلاض ماارقاق ولكن صغار) شحال تتلبسي
ملاك: (جرت رجليها دايرة فوقهم الريبيكا للي لابسة مخبعاهم) 37
اورطيغا: وشحال الطول ديالك
ملاك: وعلاش كتسول
اورطيغا: بغيت نعرف، شي متر؟!
ملاك: ها ها ها
اورطيغا: معاك بالصح
ملاك: 156
اورطيغا: 156 باش تبان كتييرة ههه (ميقت فيه كتاكل، حرك راسو باه) وشحال تتوزني؟!
ملاك: ونتا مالك
اورطيغا: عندك غير لسان فيه 60 كيلو
ملاك: (كتسممو بحواجبها) بصحتي وراحتي
اورطيغا: (تبسم حل هرنيس كياكل منو حاضيها كفاش كتاكل لݣلاص حتى نواها وصدقت كتعض منو باش تساليه دغيا)
ملاك: ونتا شحال فيك
اورطيغا: مياااااا وتسعوووود وتمانييين
ملاك: اممم مبيناتناش بزااف (بقا كيظحك حتى تبسمت) راه عادي الراجل كيكون طويل على لبنت (بقا متبسم عاد طلعت معاها يكون نواها فين هي كانت قاصدة زعما هوما كووبل)
اورطيغا: معليش داكشي للي معندكش فالطول عندك فداك لساان
ملاك: عيقتي بهاد التنمر ديالك للي سمعك يقول هادي قزمة
اورطيغا: علاش ماشي قزمة؟!
ملاك: راك نتا للي طويل كتر من لقياس
اورطيغا: هه.. (حل ليها ساشي ديال المكسرات حطها قداامها) جا يوسف هنا
ملاك: بالصح!! غيقول غير مبغيتش نتلقاه
اورطيغا: وعلاش غتلقايه فهاد الليل (شافت فيه وفنفسها زعما نتا ضارب بية اللاكط ولكن هاد المرة مقدرتش تقولها) فين تعارفتي نتي وياه؟!
ملاك: تعارفنا فاوطيل
اورطيغا: (شاف فيها ورجع كمل) زعما بأي صفة باش تعارفتو كانت بيناتكم شي لعبة
ملاك: لااااا من اللول عادي
اورطيغا: نتي كان عادي عندك فاللول ؟!!
ملاك: مفهمتش؟!
اورطيغا: كان عاجبك فاللول؟!!!
ملاك: (بقات كتشوف فيه حيت ملامح وجهو تبدلو) شنو هاد الهضرة؟!
اورطيغا: جاوبي املاك!؟
ملاك: وعلاش غنجاوب هادشي غير تخربيق متنساش هو راه راجل ختي
اورطيغا: قبل ميكون راجل ختك!!
ملاك: دابا فنظرك غيكون معايا وشوية يمشي عند ختي يتزوجها!!
اورطيغا: منين تعارفتي نتي وياه فاللول النية ديالك كيفاش كانت واش كان عاجبك؟!
ملاك: (بينت معجبهاش الحال حطت شنو كتاكل)
اورطيغا: عادي غتجاوبي اه ولا لا
ملاك: (بنرڤزة) لا ومعنديش مع هاد تبرهيش مفهمتش اصلا نتا كفاش كتفكر هاكا
اورطيغا: (كان ديجا يوسف قالو هي مبينت والو ومكان حتى شي شعور من جيهتها وهو كان باغي يعرف منها ضروووري)
غير سولت عادي حيت فاش كنت تنشوفكم فاللول كنت.. صافي نساي
ملاك: (قلبت وجهها وفبالها اصلا هدا هو الجواب للي كان باغي يسمع شخصية اورطيغا بدات كتوضااح وانه مكانش باغي يسمع انه كان اعجاب من جيهتها)
اورطيغا: ملاك كانت شي حاجة فراسي وكنت بغيت نعرف
ملاك: بغيت نهبط
اورطيغا: غير الا لوح مك من سطح صافي هضرة مغتعاودش
ملاك: مكيعجبنيش للي يبقى يسولني بحال هاكا ونتا شحال ونتا كتشوفمي وباين كفاش انا ويوسف دايرين هو راه بحال خويا انا وياه أنتيييم لا غير
اورطيغا: كنتو
ملاك: كفاش؟!
اورطيغا: (حرك راسو بلا) امتى عندك الكونجي؟!
ملاك: المونجي مخديتوش هادي شحااال
اورطيغا: هي عندك شي حصييصة
ملاك: كاين شي برااكة كنقول ناخذها نهار نبغي نمشي لشي بلاصة رتاح فيها
اورطيغا: (كمش عينو فيها) امتى تاخديه؟!
ملاك: مزال معرفت خاص حتى نهضر مع المدير بعدا حيت معارفاش شكون خارج دابا وعاد شهر 7 و8 كياخدوه للي عندهم وليدات
اورطيغا: (حرك راسو باه، بقاو كيتعاودو وحتى هو علمها عندو كونجي مزال مخداه.. بقاو هضرة كتجبد هضرة شافت فالساعة لقاتها 3 دصباح وكانت مزال مسخاات بكترة مكيضحكها وكيعاود على مغامرااتو فالليدو وشنو دوز مع الطلبة والسيمي وهي غير كتسمع وظحك..)
سمعو الاذان ديال الفجر وبقات كتشوف فيه وتبسم وهو مكمش عينو غير كيدير هاد الشوفة فيها كتلف
ملاك: اممم (وقفت) عييت خاص نعس وووو تعطلنا محسابليش الوقت فات 1
اورطيغا: (غير متبعها بعينيه)
ملاك: مغتنعسش مزال غتسهر؟!!
اورطيغا: الا بقيتي نتي
ملاك: ياك عندك خدمة بكري خاصك ترتاح
اورطيغا: (بهدوء ومزال نفس الشوفة) انا مرتاح
ملاك: حم (تبسمت كدور عينها هاربة من عينييه حنات معاطياش بظهر هزت وسداتها باش جات شافت فسقاطة للي ضربوها كولها لا وعاد قالتلو مقدرتش تاكل) انا نمشي اجي عفاك حلي لباب
اورطيغا: (حك حدا نيفو وناض وهي لبست صندالتها) وهاد روينة شكون يجمعها
ملاك: (كتبسم هزت حواجبها بجوج) للي عرض هو للي يجمع
اورطيغا: هه ياااك!! مردوودة
ملاك: هه (حنا كان باقي الشكلاط واحد عصير عطاه ليها شداتو وتمات ماشية من موراه معبزة دوك لوسادات حل باب سطح وبقا واقف فنص طريق) تصبح على خير
اورطيغا: (غير كيشوف فيها بغات دوز واقف فالنص دارتلو إشارة باش تدوز ووالو، واخا هكاك سبقت لوسادات وبغات تدخل بالجنب كدفعو بشوية غير وصلت اونفاص معاه مقرب مدخلها فالحيط هي ووسادتها للي جاو وسطهم وهو داير يد فوق من راسها)
ملاك: (خافت منو) رجوع الله، رجوع الله !!
اورطيغا: هههه (فشلاتو بالظحك حتى بعد وهي هربت كظحك لدروج تبعها بعينيه وهي هابطة غير غبرت مشا يجمع بلاصتهم وهي دغيا حلت لباب ودوزت الساروت حطات لوسايد ودارت يدها على قلبها كظحك دخلت لطواليط، ومشات لبيت وفاء طرقت عليها لبيت وبقات غير كتفرنس وتفكر شنو داز عمرها دوزت مواعيد بحال هاكا كانت كتصاحب ولكن هاكا بلا مصاحبة بلا هضرة زايدة لقات افعالو كتر وحسن من الهضرة تنهدت وهي متبسمة حيدت حوايجها بقات بديباردور ولبست شورطو طلقت شعرها متنغمة مع هادشي للي وقع ميهمش هاد الغلاط ولكن شحال ما عجبها الحال عاما!!!..
طرقت السرجم والبالكو وطلقت لاكليم يتبرد البيت وهي مزال كتفرنس هزت تيليفونها كتفرج فتصاور وكانو دايرين سيلفي بقات كتزومي وهي منتاعشة بدوك المواقف للي طراو بيناتهم حتى غمضت عينها على تفكيرو... حتى سمعت الدقان ناضت مفزووعة حيت هاد الدقان كيجهااد وأكيد هو، درت شعرها من مور ودنها خرجت رويسها من لبيت كتقلب عليه متيقااش فيه عاد مشات لجهة لباب فين كاين الدقان)
شكون
اورطيغا: متبقايش تقولي شكون راه باين أنا للي غندق عليك
ملاك: امم وشنو نقول
اورطيغا: مهم راه نسيتي واحد بيمو
ملاك: ههه مغنحلش الباب امراد
اورطيغا: راه زوين ديال الشكلاط
ملاك: عندي الشكلاط غير خودو نتا
اورطيغا: اممم.. هدا شكلاط زوين
ملاك: ههه سير فحاالك مغنحلش
اورطيغا: واخا، غدا نمشيو نجيبو طموبيلتك (فرنست من مور لباب) نكمل الخدمة وندوز عندك فلعشية
ملاك: واخا.. (سمعات صقيير بقات غير كظحك دخلت لبيت وفاء عاود طرقت ونيشان نعست...)
أصبحنا وأصبح الملك لله..
ملاك: (فاقت معطلة حيت متابعها واالو وعاد القلييب نااشط ومرتاح للي دوزاتو مع اورطيغا البارح ميمكنش يكون عاادي وعمرها غتنساااه، صبحت كدندن وكتطيب فطورها للي قلات جوج بيضات وعمرت أتاي بلويزة لبست كيطمة ديالها لوات شالها هبطت الحانوت شرات كوميرة كتشوف الدري للي دخل ولد الحومة كيكون حاني راسو احتراما ليها خلاها تحس بالفرحة،
طلعت للدار فطرت مزيان وهي شاعلة التلفازة كتفرج شربت دوا ديالها هاد نهار كتحس براسها مزيان، هزت تيليفونها كتخربق فيه اول حاجة دارت دخلت نمرة اورطيغا عندها وهي كتبسم)
ولكن علاش مصوناليش ولا كتبلي ميساج يقولي فيه "صباح الخير وداكشي"
يكون زعما من داك النوع للي معندوش مع التيليفون بزاف!! ولكن انا كيعجبني هاد تواشا، بففف مزال خاص روديييه على شحال من حاجة
(حطت التيليفون وهي تصوني عليها فاطمة ختها ابيل ڤيديو كانو عند النݣافة بقات كتشوف معاهم شنو كيختارو وحتى هي بغات يشدو ليها الاكسسوارات بقات شحال كتهضر معاهم حتى رجعو للدار صونات على مها والو مكتجاوبهاش عارفاها مقلقة منها، رجعت لبيت وفاء وجبدت عليها بنعسة حيت دوا الدوخة كيرخيها وهي اصلا طالبة على نعاس حيت غترجع للدار مع روينة العرس موحال واش يصلاح ليها تنعس على خاطرها..)
~~~~~~~~~~~~~~
اورطيغا: (كان فبن سودة (حي فاس) كمل خدمتو باش يمشي فحالو للمحال للي فالسعادة كيزرب حيت داير بروݣرام فباالو، حتى وقف عليه الحاج جاي مع شريف)
اهلان اهلان اهلااان بالحاج نهاار مشحم هدا
شريف: اورطيغا صاڤا!!
الحاج: أسمو مراد اش هاد سمية كتقولو (مكيحملش داك اللقب ولا يسمع شي واحد كيعيطلو بيه)
اورطيغا؛ بحال بحال الحاج، كريييم جيب كرسي الحاج (جابلو كرسي حطو فالظل والحاج جلس) أفين العوييتق
شريف: هاحنا موليتيش شفتك!!
اورطيغا: غير هنا نتا متتسولش
الحاج: علاش متتلقاش مع خووك وتسول فيه خوك صغير الا مسولتش فيه نتا شكون غيسول؟!!
شريف: (خنزر فيه اورطيغا وتبسم) غير انا الحاج للي مشغول شوية
الحاج: مشغول على خوك صغير؟!!!
شريف: متعاودش ان شاء الله
الحاج: مهم اولدي اليوم سير لݣيݣو على حساب داكشي للي قلت ليك
شريف: علاش؟!
اورطيغا: (بقا غير كيشوف حيت ديجا قالو علمني قبل) اليوم؟!
الحاج: اه اولدي الناس علمتهم قبيلة وراهم تيتسنااوك وموجدين ليك فين تجلس وانا غدا غنصيفط ليك الفلوس حتى تڤيرسيهم نتا ليهم
اورطيغا: ولكن قلت ليك علمني
الحاج: السيد مزروب والشرايا كتاار وعطاه واحد السيد كتر من داكشي للي عطيت انا وحيت عطاني الكلمة دار معايا اليوم
اورطيغا: وانا ممساليش (شريف من مور الحاج كيرغبو) كنت علمتك تعلمني ماشي تهبط علية سير اليوم نتا معارفش راه غتكون عندي شي حاجة مهمة!! مثلا!!!
الحاج: أولدي مكنتش عارف براسي شنو كاين حتى عيط لية الدري (اورطيغا تعصب كان عندو بروݣرام اخر وأصلا مكيحملش هادشي يكون هاكا ملقى قدامو غير يقبل)
اورطيغا: اوا والوكالة
الحاج: غير كمل نتا الإجراءات حتى تجي ونقادو الامور الفلوس غدا صباح يكونو عندك
اورطيغا: لا اليوم
شريف: (جا يهضر باه) صافي اليوم اخويا
اورطيغا: (كيشوف فالحاج للي قلب وجهو مكرهش ينزل عليه بالكروشيات ولكن باانت فيه كاعي الحاج وشريف مشااو خلاوه كيدابز مع ذبان وجهو...)
ملاك: (سمعت تيليفونها كيصوني هزاتو لقات ortéga جلست مرجعة لافخوونش من مور ودنيها وجاوبت كترقق صوتها وتلحنها)
الوو
اورطيغا: تمشي لصفرو ؟!!
ملاك: (مفهمتش) كفاش؟!
اورطيغا: عندي شي خدمة ومغنكونش ها ليام فاس
ملاك: (سكتت شحال) انا مزالة غدا
اورطيغا: مغنخليكش من مورايا غير جمعي حوايجك باش تمشي
ملاك: ميمكنش... ويااك كن..!!!
اورطيغا: ملااك ديجا مخ** فراسي شنو بقالك ديري هنا ياك حتى الخدمة مبقاتش
ملاك: ولكن!! (كانت باغية تلقااه)
اورطيغا: انا غنجيب طموبيلتك ونجي عندك لقاك واجدة الله يرضي عليك (قطع هو براسو محاملش هاد البلان ولكن بعدا لقا من عندها ردة فعل انها باغيا تبقى خلا طموبيلتو فالسعادة ومشا بطموبيلتها للحومة هبط وطلع عندها نيشان دق لباب بقا شحال باش عاد حلات لقاها بلباس ديال الدار للي موالف كيشوفها بيه)
ملبستيش؟!!
ملاك؛ اصلا مفهمتكش
اورطيغا: شنو مفهمتيش املاك انا مغنكونش هنا شنو غتبقاي ديري وحتى خدمتك مغتوليش تخدمي شنو للي غيخليك تبقاي؟!!!
ملاك: (معصبة) ولكن مزال خاصني نشري شحال من حاجة
اورطيغا: (تكا على لباب مربع يد وداير يد على نيفو ووفمو مباغيش يتعصب بقا سااكت وعاد هضر معاها بهدوء) شنو خاصك
ملاك: (بقات كدور عينها) ماما وصاتني على شي حوايج
اورطيغا: ساعة كافيااك نديك تقداي شنو بغيتي.. جوج سواايع!!!
ملاك: (بقات كتشوف فيه حيت معندها متقدى اصلا، تمت داخلة وهو غير متبعها دخلت لبيتها سدت لباب مساخياش ترجع فحالها راه تقدر تكون اخر مرة يعطيها المدير تجي هنا كانت مرتاحة وعاجبها الحال ديجا جمعت حوايجها فشانطة ديالها تأكدت انها منسات والو بدلت حوايجها دارت اكخو وعكر خفيف دماغها خدام انه كاين بزااف دالطرق يتشاوفو واخا مغتكونش بحال وجودها فاس وفوق من دارو، جرت الشانطة خارجة لقاتو جالس فدروج برا غير شافها بقا متبعها حتى وصلت حداه نافخة حنوكها)
اورطيغا: مال الزين مقلق
ملاك: والو
اورطيغا: مزال ترجعي؟!!
ملاك: معرفت
اورطيغا: غترجعي..
ملاك: (دورت وجهها معاجبهاش الحال)
اورطيغا: (حرك راسو باه وقف وهي هزت راسها فيه بحال بغا يهضر وهو يسكت حنا جيهتها تنغمت بريحتو هز ليها الشانطة وتم هابط سدت باب الدار وتبعاتو لقاتو واقف حدا باب دارو) حقا متشوفيش بيت نعاس ديالي؟!!
ملاك: مرااااد
اورطيغا: مدخليش!!
ملاك: (تبسمت تخطاتو وهبطت مع دروج تبعها وصلو لتحت شافت طموبيلتها وهي تبسم فرحانة) ناري توحشتها
اورطيغا: (حل الكوفر كيدخل الشانطة كيشوفها وهي كتقلبها قربت تعنقها وداكشي للي لقاها معنقة لڤولون تكا على الباب) سعدااتو (شعل ݣارو للي قلييييييل فين كتشوفو كيكمي)
ملاك: احم بشحال حسبها
اورطيغا: مليون ونص
ملاك: (تبدلو ملامحها) شناااااااهوااا!!!
اورطيغا: (صاك الدخان) كيف سمعتي ازين..
ملاك: (خرجت عينها) حلف بالله!!!
اورطيغا: ههه محسبش شي حاجة يمكن راه قلييلة، مهم شنو بغيتي تقدااي؟!
ملاك: صافي بلاش
اورطيغا: هه متاكدة؟!!
ملاك: اه اصلا خاص نرجع كولشي مجموع وانا بقيت هنا واش بالصح مليون ونص مالو ركباي فيها موطور ديال الطيارة
اورطيغا: هه نتي بزااف
ملاك: بعدا حين من شوية (هز حواجبو فيها) بالص بالصح شحال قلتي حسبها ليك باش نمشي نتيري
اورطيغا: دابا سد حتى ترجعي وخلصيه
ملاك: معارفاش المحال فين
اورطيغا: وانا لاش كااين، انا ندييك ليه (تبسمت وشافت فيه بغات تركب وهو يدير يدو مدخلش) انا نوصلك
ملاك: (عجبها الحال وفرحات) لا بلاش عليك
اورطيغا: (شير على شي واحد ضارت كتشوف كانت صطافيط) ياله املاك باقي تابعني طريق
ملاك: علاش فين غتمشي
اورطيغا: ركبي بعدا (مشات ركبات فالجهة الاخرى ركب هو وزادو تابعاهم صطافيط) مغدية بعدا
ملاك: لا حتى نمشي للدار
اورطيغا: علمتيهم؟!
ملاك: لا ماما كتبقى رادة البال معايا بزااف حتى كنوصل
اورطيغا: (نفس التفكير) عندي شي خدمة فݣيݣو
ملاك: ݣيݣو؟!!
اورطيغا: الحاج بغا يشري شي فيرمة تماك بكولشي ديالها، بك** مكنتش عارف حتى طاح علية بحال شي حز**
ملاك: (غير كتسمع تخصار الهضرة عندو فالدم ولكن كيعاود معصب مصلاحش تريكلامي) معليش
اورطيغا: الا فت الجمعة و البلان متغيزش حتى العرس موحال نحضر ليه
ملاك: ألااااااااااا
اورطيغا: (شاف فيها ورجع شاف فطريق)
مهم نشوف كنديرلها
(بقا كيعاود ليها على هاد الفرمة للي مهمة عند الحاج وشنو فيها للي خلاه يشريها، صفرو مكانتش بعيدة دغيا وصلو شافتو ماشي فطريق دارهم)
ملاك: عارف طريق؟!
اورطيغا: اممم
ملاك: من داك المرة فاش جيت
اورطيغا: تحفرات عندي (فرنست قبل ميوصلو للقهوة)
ملاك: صافي غير هنا
اورطيغا: علاش؟!
ملاك: بابا كيكون فالقهوى هو وعمي وجدي ورجال خوتاتي راك عارف
اورطيغا: (حبس فالجنب وشاف فيها وحتى هي واخا كتهربهم مرة مرة)
مهم، الألو بيناتنا
(حركت راسها باه حتى شافها هبطت حتى هو هبط وتمات جاية عندو هو كيشوف فالارجاء واش يبانلو حمزة، حتى ضارت من الجهة الأخرى ركبت فالطموبيل)
ركبتي الوزغة
ملاك: سير باش متعطلش
اورطيغا: اوووو متبكيش عارفك مسخيتيش بية
ملاك: ههه كنتخنق امراااد ههه (بقا كيتبسم سد باب طموبيلتها)
عنداك تزݣلي شي بوطو
(شيرت باي ومشات حاضيااه من لمرايا وهي تشوف دغيا حيت مزال موصلت لداك سطاج تصوݣ وتحضي اما هو ركب فصطافيط مع الدري وتمو ماشيين...)
ملاك: (وصلت حدا القهوى ديالهم وحطات الطموبيل ديالها كدور عينها كيبان ليها راجل نعيمة جاي فاتجااهها تبسمت معاه وقف حداها مدت يدها سلمت عليه كيتساولو على الاحوال خرجت الشانطة من الكوفر)
قولي الدار عامرة
حميد: عاااامرة
ملاك: ههه صبر وصاافي (بغا يجر معاها) معليش اخويا غير رجع للقهوى متقيلاش.. (رجع هو وهي بقات جارااها ووجها متبسم دوزت أحسن أيااام لدرجة مسخااتش ومتوحشاتش داارهم!!
وصلت للدرب كتلقا مع بنات عمها للي جاو تسالمت معاهم ودخلت الدار كانت عامرة بالعائلة هاد الاجواء كيعجبووها سلمت على كولشي ومها عجبها الحال حيت فهمت انه منين خاصمت عليها رجعات فحالها.. حطو الݣوتي بقاو كياكلو حتى جاها السؤال)
....: مزال مبان شي عريس املاك؟!
ملاك: (تبسمت) واامخبيتو عليك اخالتي
...: اوا راك كبرتي نوضي تزوجي ديري ولادك
زهرة: كفاش كبرات؟!! (من سؤالها بينت معاجبهاش الحال، هضرت وحدة من العائلة تبرد الطرح كتشكر فملاك، ومها بقات ساكتة ولكن هاد المرة مغتسكتش ومغتخليش شي واحد يآذي بنتها صغيرة)
سمعي افتيحة وهادي اخر مرة نعاودها لا ليك لا للكولشي بناتي انا ربيتهم ماشي على فكرة زواج هو كولشي فالدنيا هو مكتااب من عند الله ياك هاكا تعلمنا فالدين ولا لا!!!
الكل: كاينة
زهرة: اوا اخر مرة نشوف حباب بنتي كيسولوها على زواج حيت هي وكان بغات غير تسمى عليها مزوجة وكان راه مشحاال هادي تزوجت بنتي نهار تبغي ونهار يكتاب غتوكل على الله وللي بغا يفرح بيها بنتي تبارك الله خدامة وكتكمل قرايتها وعندها احلامها كتحققهم راسها انا مكنقص من حتى واحد ولا وحدة كولها ربي وباش كيسهل عليه وشنو مكتبلو ولكن كل مرة نسولو بنت على زواج انا براسي مكنفهمهااش هاد القضية (للي سولت معجبهاش الحال بقات غير كتصووط..
كملو جموع وملاك لقلوبة خارجين من عينها على حساب مها ولكن تلفت بقات غير كتشرب فأتاي كاس مور كاس كملو جموع وجا دجاج باش يتنقى)
خديجة: ملاك تمشي للنݣافة
ملاك: (حاضية تيليفونها كتسنى ابيل من عند اورطيغا) ما فياااش
خديجة: عفااك يااله باش نشوفو الجلسة دالحنة وحتى نتي تختاري دوك لعيبات
ملاك: وااخ (مشات لبيت ماماها كتسائل) واش نصوني عليه!! لا لا هو يصوني حسن (دخلت عندها مها مشات عنقتها)
توحشتك ازمرة
زهرة: (ضربتها لظهرها) شي نهار نحك لمك السودانية لدوك شناايف
ملاك: ههه وغير حبا فيكي وصافي
زهرة: معامن مشيتي لبحر
ملاك: (بعدت من حداها وتبسمت) مع واحد (كتفرنس)
زهرة: هااااااه (جات هادة عليها بغات تضربها وهي طلع ليها فوق النموسية مشايفاش أنير للي ناعس تماك)
ويل مك خوك نااعس
ملاك: (شاف تحتها على شوية كانت غتزطم عليه) والله مشفتو...
اورطيغا: (غير وصلو لݣيݣو
(ڤيلاج صغير بين صفرو وبولمان كولو فيرمات وفلاحة)
مشاو عند مول الفرمة للي كانت بعيدة شوية على لڨيلاج لقاوه كيتسنااهم دخل شافها كانت كبيرة فيها ارض الفلاحة فيها كوري كبيير مقسوم بين شيااه والبݣري فيها ساريج كبير ديال لما و3 ديال لبئر عجبو بزااف عطاه التسبيق على ميوصلوه الفلوس فالكونت ديالو نيشان مشات تكتابو عند العدول فالدار حيت هو عارف الحاج وتااايق فيه، عاد دااهم لبلاصة للي غيباتو فيها هاد الوقت منين يكملو..
دخل هو دوش عاد رجع تكا فطليق هز التيليفون هضر مع الحاج عطاه التقرير بالتفاصيل واخا هكاك علمو باش يفيق بكري يرجع للفرمة ويتحقق من كولشي، قطع معاه من بعد معرف انه غيتخلص على هاد الخدمة للي حتى هو مكيتعاتقش حيت الخدمة خدمة والعائلة عائلة، مصوني على مو يطمئنها على حالو ولقاها كتوجد باش صباح غتسافر لصفرو، قطع وحط التيليفون متكي فوق السداري اما الدري للي معاه مشا خرج يجيب شي حاجة، راسو عاامر بلمطااارق مغمض عينو باغي ينظم افكارو مزياااااان...)
~~~~~~~~~~~
ملاك: (مشاو للنݣافة تشغلو كيختارو الجلسة والاكسسوارات)
واش غيجي يوسف صافي تأكدتو
خديجة: هو اه غيجي ولكن المشكل مو مابغاتش تجي
ملاك: اوا يجي غير هو
خديجة: داكشي للي قال ولكن غير غتعرفوو جاي حتى هي غتبغي تجي
ملاك: تجي مرحبا بيها
خديجة: داكشي، ملاك انا عارفة يوسف قالك فين غنمشيو من مور العرس
ملاك: اه
خديجة: قوليلي فين
ملاك: هه لا
خديجة؛ وعفااك ختك انا
ملاك: بيناااتكم اختي وحتى نتي صبري على خبزتك السيد داير ليك مفاجئة علاش بغيتي تحرقيها!! مهم لبلاصة زوينة
خديجة: غير اشمن بلاصة فاوروبا
ملاك: علاش هو قالك اوروبا؟!؟
خديجة: (تصدمت) هااء!! وعلاش بغا الباسبور وهو بفمو قالي برا المغرب
ملاك: واااا اوروبا اختي خديجة راه فيها الڤيزا وشلا ورااق
خديجة: كفاش زعما راه غيكون صايبهم هو
ملاك: لا الڤيزا نتي كتكوني حاضرة فيها وبرا المغرب راه فيه بزاااف ماشي غير اوروبا (شافتها تصدمت) راه المهم هو غتسافرو بجوج ودوزو شهر عسل زوييين شوفي هو كيفاش فكر يبدل ليك الجو وباغي غير يفرحك
خديجة: اه. لكن غير فين زعماا!
ملاك: فينما خداك راه ربح متبقايش تحكري بزااف مهم البلاصة بحال شي جنة شي حاجة طووووووب
خديجة؛ بالصح!!
ملاك: كتحمق وكتر من هاكا مغنقوولك والو ياله زيدي نمشيو
خديجة: (خلاتها داايخة بغات تعرف فين غتمشي وكلام ملاك منطقي هي مقادات لا فيزا لا واالو علاش مفكرتش فهادشي حست براسها بالصح مكلخة!! زادت تنوغشاات فين غيدييها!!!
دارت لاصير لحمها كامل من غير المايو حتى نهار العرس ودارت معاها ترجع غدا باش تقاد ظفار اما الميكاب ارتيست غتجي للدار باش تقاد ليها داكشي دالحنة وتلبسها...)
يوسف: (سول على اورطيغا وعرفو مشا يدير شي خدمة دالحاح) وااايلي والحاج معارفش راه العرس بقاتلو يوماين عاد بانلو يصيفطو
شريف: قلتلو نمشي انا!!! ولكن هو باغي اورطيغا نتا عارف اي حاجة فيها شرا مكيتيق حتى فحد من غير اورطيغا
يوسف: خلينا من شي ثيقة ولا !!!! وفالتالي يقولو اورطيغا ممزيانش تيتعصب!!
شريف: بالصح!! (جبد تيليفون صونا عليه مجاوبوش) متيجاوبش
يوسف: (تأسف حيت الشلة كاملة كاينة هنا الا اورطيغا معجبوش الحال، رجعو تجمعو مع دراري حتى وصلو ميساج من عند خديجة انها رجعت للدار بقا كيتميساجا معاها)
بوحدك؟!
خديجة: لا معايا ملاك كنا كنجمعو حوايجي
يوسف: مقلتيليش ملاك رجعت؟!
خديجة: جات قبيلة حتى حنا مكناش عارفين
يوسف: (اوطوماتيك فكر اورطيغا غيكون بزز عليها تمشي ولكن هي مغسمعش ليه ماشي من النوع للي كيتبزز عليه من غير الا هي كانت باغية، اصلا لدابا مكاين والو بيناتهم رجع مركز مع دراري للي مقشبين عليه وانه غيودع العزوبية...)
~~~~~~~~~~~~~
ملاك: (كتفكر فيه وانه لدابا مصوناش عليها) ولد لحراام..
مريم: امالكي ههه
ملاك: لا واالو غير كنت ساهية داكشي للي ختارت خديجة زوين
مريم: متأكدة مبقاش بيناتكم شي تخربيقة نتي وخديجة
ملاك: لا لا راه هضرت معاك داك نهار (تبسمت من القدر للي بعد عليها يوسف وكان عندها ما احسن فالافعال) انا ويوسف اصدقاء مكاين حتى حاجة
مريم: حسن باش متبقى حتى حاجة فالخاطر
ملاك: فمرة.. اوا متنوضيش تولدي شي بنووتة
مريم: اودي راه مصدعني على هادشي
ملاك: اوا شنو كتسناي زعما الحالة الحمد لله ووليداتك كبرو وحتى خالتي الضاوية كتعاونك مسكينة
مريم: بالصح ولكن غير كنتفكر داك سهير وتمارة!!
ملاك: وراه كولشي بحلاوتو
مريم: (حركت راسها باه) اوا هاد الغبور فداك فاس مجانيش عادي
ملاك: ههه بحالاش
مريم: معرفت شوفي نتي مبقيتي كتسولي الا مصونيتش أنا نتي متصونيش ماشي من عوايدك
ملاك: غير مع الخدمة وصافي
مريم: كتهزي الطوبية زعما
ملاك: ههه واقوليلي شنو غتعطي الكادو لخديجة
مريم: كتهربي القردة!! انا وفاطمة درنا ليها النݣافة والديدجي اما حتى لحويجات راه شارية داكشي غزاال وماركة، ونعيمة شرات ليها سنسلة وماما عطاتها دبليج وزادتها شي حويجات وداك ليزار المطروز مهم كل واحد باش تكلف وبابا عليه الماكلة والحلوة دارتها مي حلو..
ملاك: (كضور عينها) وانا عاونتها فطلاق
مريم: أمهضر معاك حد هههه..
ملاك: (نعست فالسداري مكرهة ولفت ناموسية بوحدها وعاد كانت فلبيت بوحدها كانت كتنعس باش بغات ماشي بحال دابا ممكن اي واحد يدخل للبيت فعمامها ولا خوالها، وعاد كان معاجبهاش الحال علاش مصوناش عليها واش داك الاهتمام كان حدو فاس ولا غي حيت كانو كيتشاوفو ولا هو عندو للي قريب للعين هو للي قريب للقلب!!! تنهدت وهي كتفكر، خديجة شادة تيليفونها كتفرنس فاطمة ومريم كانو كيتوشوشو وباين موضوعهم ساافل نعيمة كانت فلبيت لاخر عطاوه ليها على حساب بنتها وحتى من بنات عمها كولها شادة تيليفونها)
**** لاخر
(هزت تيليفونها دير شي فلم تجيب بيه نعاسها جاها الصهد بقات كتنش على راسها بيدها)
ناري الصهد
خديجة: اه تزمتات القضية
ملاك: (قلبت لوسادة من الجهة الأخرى للي كتكون مبردة ودارت الفلم كتفرج وهي معصبة)
~~~~~~~~~~~~~~
أصبحنا وأصبح الملك لله...
الغالية: (كان كولشي واجد بقات غير العروسة تجي صونات على يوسف للي قريب يجيو من ايفران هو وصحابو) غيثااااا غييييثاااا
غيثة: (هابطة من دروج) شنو اماما
الغالية: ياله معايا للمطار نستقبلو خالتك
غيثة: مفياش اماما ومجاتش نخلي بنت حبيبي بوحدها
الغالية: اوا معليش نمشي انا ومرت خااك
غيثة: صافي واخ.. حقا ياك بلاتي غنمشيو لصفرو حيت سولاتني خديجة
الغالية: مشي مشي علية بقالي غير داك تخربيق نحضر ليه
غيثة: انا غنمشي مع خويا اماما وخديجة مسكينة قالتلي نجي
الغالية: علاش يوسف غيمشي؟!
غيثة: اه (وراتها لميساج كيقولها تقاد حيت فالليل غيمشيو) هو باغي يحضر
الغالية: لا مزيان تبارك الله
غيثة: واا لبارح صونات خالتو زهرة عليك مجاوبتيش وصوناو على بابا وعرضونا وأكدو، ويوسف شحال رغبك راه نتي للي مبغيتيش تمشي
الغالية: ويمشي بلا بية؟!!
غيثة: اوا ياله..
~~~~~~~~~~~
كان فاق مع 6 دصباح مشا للفرمة كيقلب فيها مزيان كما وصلاه الحاج، ل10 كان عند مول شي باش يكمل ليه الفلوس دابا المهمة ديالو يقلب على خماس وللي يحضي الفرمة ويتسنى شيااه للي غيشرييهم وهادشي باين غياخد وقت حيت صونا عليه وقالو مزال فميسور للي بعيدة على ݣيݣو ب130 كلم زاد تعصب صونا على مو
اورطيغا: فيين
أمينة: انا فالتاكسي اولدي ماشية لصفرو
اورطيغا: (باستغراب) صفرو؟!
أمينة: العرس دخديجة بنت زهرة مالك نسيت؟!!!!
اورطيغا: اه اه (حرك راسو باه) مزيان، بوحدك مكانش زعما ݣاع للي يوصلك
أمينة: مبغيت حد شديت كورصة يوصلني حدا باب الدار كنت باغية نمشي مع بنتها صغيرة ساعة لبارح مشات عندهم بلا ميعرفو حتى هوما ونسيت موصيتها
اورطيغا: ملاك!
أمينة: اه ملاك، اوا صافي راها هضرات مع مول التاكسي عطاتو العنوان وغلقاهم كيتسناو نتا مزال مجاي
اورطيغا: (مكره) مزاال
أمينة: علاش؟!
اورطيغا: الخماس مزال بعيد وحتى مول شيااه مزال حتى مخرج من مدينتو شوف تشوف غدا واش نجي
أمينة: الا مجاش اجي نتا، مزيان تبارك الله تمارة فيك والفرح متحضرش ليه
اورطيغا: ونخلي خدمتي
أمينة: اه خليها حتى ترجع
اورطيغا: الله يهديك الوالدة من امتى خليت خدمتي ناااقصة... مهم انا نعاود نصوني عليه..
(قطع مع مو كان باغي وبقوة يهضر معاها ولكن خلاها هاكا حتى يتأكد مزيااان...)
ملاك: (كعات ولكن داكشي مخلياه بينها وبين راسها وحتى الاجواء هنا خلاتها مشغولة وهاد صباح كانو العيالات كيتغدااو مكانوش بزاف دالمعازيم داكشي باش كولشي كان منظم والدار كافية وحتى شغل ماشي بزاف حيت كاينة الطيابة ولي كتغسل لمااعن وللي كتعمر أتاي لبنات كيتسخرو.. جات عندها مها باش تخرج تلاقا أمينة مشات لبست جليليبة لوات شاالها ولبست صنداالة عالية وخرجت حدا القهوى حتى كتبان ليها أمينة هازة كادو فيدها لابسة جلابة اخر شيك شيرت ليها مابغاتش تبان قدام باها حيت مكيبغييش جات عندها أمينة سلمت عليها بحماس)
مرحبا بيك اخالتي
أمينة: (فرحانة واخيرا دارت حباب ويعرضووها ويحسسوها انها مهمة) ترحب بيك الجنة ونعايمها ابنتي الله يجعل كولشي مبارك ومسعوود
ملاك: امين اخالتي لهلا يخطيك
أمينة: وعقباالك ازيين
ملاك: (تبسمت) أمين (سمعت تيليفون كيصوني عليها جبدت كتهضر ومن الهضرة باين اورطيغا بقات هادئة فوجهها ولكن لداخل كتسبو بجميع انواع السباب والمعيوور)
أمينة: جات عندي بنتي ملاك تعرضت لية.. بغيتها!! اهااه (مدت لملاك التيليفون) هاكي ولدي
ملاك: (بإستغراب وحشمت) الوو
اورطيغا: تهلايلي فمي اديك الوزغة
ملاك: (شادة لسانها) مرحبااا
اورطيغا: ههه باغا تهضري ومقاداش
ملاك: (تبسمت واخا كانت مقلقة) اه بالصح
اورطيغا: الا سميت مك مرا ونص قوليلي العزي قداام ميينا
ملاك: اه فلكحل
اورطيغا: هههه (جاه لابيل من عند الخمااس) ياله سيري بلاتي ونتهاضرو (تقطع الخط)
ملاك: (ردت التيليفون لأمينة وهي كتسب وتلعن وعاد زاد قطع عليها، ماشيين فطريق حتى كتسمع شي واحد كيعيط ضارو بجوج كان حمزة خرجت عينها) شنو اخويا؟!
حمزة: بغيت نهضر معاك
ملاك: (مكرهتش حجر الدرب كامل تبعو بيه تبسمت) مرحباااا (جا جيهتهم سلم عليهم)
حمزة: فوقاش جيتي؟!!
ملاك: لبارح، احم مهم خويا حمزة مشغولة شوية ، ياله اخالتي
حمزة: واخا ولكن مزال خاص نهضر معاك (بقا متبعها حتى دخلت لمرا ضارت شافت فيه مصبعاااه)
ملاك: الله يحرق الز*** بوك يا شمااتة
(مقالتهاش بالجهد ولكن باينة بقا غير كيرمش دخلت مفقووسة كانت زهرة وبناتها كيتسناو سلمو على أمينة ودخلاتها لبيت لاخر على فين جالسين لعيالات كترحب بيها بالجهد اما ملاك مشات لبيت مها تنتف راسها بالاعصاب للي خلا فيها حمزة....)
يوسف: (رجع للدار هو ودراري للي مشاو فحالهم من غير شريف للي بقا معاه حيت هو الوزير ديالو بقا لتحت وهو طلع الفوق ياخد دوش خفيف)
غيثة: (كانت العائلة وهو كان جالس بعيد شوية، شافتو مشات عندو) شريف صاڤا!!
شريف: اهلان أهلاااان بالزين فين غابرة
غيثة: (تبسمت بدلع، حنات سلمت عليه بليبيز) فالدار وصافي تكرفييس مع هادشي دالعرس
شريف: اممم لحداااݣة، قالي يوسف بغيتي تبداي الخدمة انا هضرت ليك مع واحد السيدة تنتسناها تجاوب باش تبداي معاها
غيثة: بالصح ميغسي بزااااف، غتمشي معانا لصفرو
شريف: ضروووري
غيثة: عائلة خديجة زوينين شوفلك حتى نتا شي عرووسة ولا عرفتي شوف مع ملاك راها غزاالة وبنت الناس وغتفاهمو
شريف: اممم تخطبيهالي؟!!
غيثة: (بجدية) اه
شريف: ههه بجيغييطة كبرتي وليتي بغيتي تخطبي لخوك لكبير
غيثة: ههه وعلاش لا
شريف: ههه واخ نمشي ونشووف
غيثة: شوف مع ملاك وهاكا صحاب يتزوجو لخواتات ومتفرقوش ݣاااع
شريف: اممم صراحة فكرة وهاد الفكرة عندكم متوارتة
غيثة: ههه حتى يوسف قالهالك
شريف: هه سي، فين داك العريس راه خاصو يمشي للصالون
غيثة: حتى ماما راها تتوجد راسها
شريف: (كان عاودلو يوسف مغتمشيش حيت مبغاتش) صافي مزيان ونتي مغطلقيش عليهم زييينك
غيثة؛ منحتاجش!! زيني مطلوق حتى ومنتقادش
يوسف: شريف مشينا
غيثة: معاش الساعة اخويا خاص نكونو واجدين
يوسف: انا علمت الوالدة حتى ل10 حيت عندهم الفقهة ويكملو لعشا ديالهم عاد نمشيو
غيثة: (حركت راسها باه هوما خرجو وحتى وهي وبنات العائلة مشاو للصالون يقادو داكشي خفيف حتى العرس ويديرو تقييل.. اما الغالية وجداتلو حوايج ولكن بطلب من زوجها يكون لباس تقليدي وهي وافقت وحتى هي وجدت راسها مزياااان وخرجت مع ختها شراو شنو ياخدو معاهم حيت مكانوش عوالين على يحضرو للحنة..)
~~~~~~~~~~~~~~
أميمة: (كانت حاضية ملاك للي كتسخر مرة مرة جاتها عادية ماشي شي زين فتاااااك للي يدير حمزة عليها هاد الحالة وعاد كتبان بحال شي بنت صغيرة قزووومة، كانت جالسة مع شي جارات)
...: اوا أميمة كيف غادا مع شي خفة
أميمة: هانا احبيبة ماشيين
....: وبعدا امورك مع راجلك مزيانين
أميمة: (كانت وصلاتهم لخبار غيطالقو) اوا يبعدو علينا غير بنات لحراام
...: واش على ملاك بنت لالة زهرة؟!! حيت كنت كاانشوف حمزة كيهضر معاها فاش نتي مشيتي لدار باك
أميمة: اوا ها هو رجع لمرتو وولدو وهي بقات باايرة
....: وا بنات هاد الوقت مبقاو كيحشمو ...
من بعد مسرباو العيالات وشطحو شوية على الباف مشاو وناضو كيجمعو الدار على حساب رجال والفقهة للي غيجيو فالليل لعشا حتى يمشيو عاد غيديرو الحنة لخديجة بين المقربين فقط يعني ماشي بحال عرسها اللول للي كيكون بحال شي موسم،
رشيد هز تيليفونو وأكد على اب يوسف يحضرو فلعشا ماشي حتى يدوز وعرض حتى على الحاج بن سليمان للي خدا النمرة من عند أمينة للي عجبها الحال ورتاحت لهاد العائلة كولشي خدام وحتى هي لبست بيجامة وحلفت حتى دير يدها خلاتها زهرة على راحتها وخاطرها حيت عارفاها مشتااقة تحس براسها فوسط فاميلتها.. اما ملاك مخشية فسطح مخبعة على شقا وفنفس الوقت كتنقي ظفار رجليها باش تصبغهم شافت تيليفونها صونا كانت غيثة عوجت فمها وجاوبت
غيثة: حبيبة صاڤا
ملاك: الحمد لله ازين ونتي
غيثة: الحمد لله احبيبتي قوليلي فيها شي شطيح بلاتي
ملاك: داكشي للي دايرين واقلة
غيثة: يييس، شوفي راني عند كاميليا واش صافي تخليلك هاديك التكشيطة
ملاك: الحمرا؟!
غيثة: اه، حيت جات كليانة بغاتها وحنا معودناش رجعنا أكدنا عليها
ملاك: قولها تخليهالي والا صلاح ليها تصيفطلي الكونت ديالها نصيفط ليها فلوس حتى انا تشغلت بزاف ونسيتها
غيثة: اويييلي لا مبيناتناش
ملاك: لا واالو اغيثة غير صيفطيلي عفاك الكونت
غيثة: واخا لالة، وتبغي شي حاجة اخرى نشدلك رونديڤو عندهم على حساب غدا
ملاك: اممم لا بلاش اصلا غنبقى مع خديجة هنا صافي غير شديلي التكشيطة
غيثة: والاكسيسوارات؟!
ملاك: (بإستغراب مالها عروسة) لا
(كملو هضرتهم وبقات جالسة حتى كملت بدا كيتبرد الجو شوية ناضت طلات عليهم واش كملو باش تهبط لقاتهم شاعلين مبيخرة كبيرة وتريتورا هوما للي كيدورو هزت لاتروس ديالها وهبطت لبيت مها لبست قفطان جوهرة مع صندالة عالية شوية عكرت يعكرها الخفيف عاودت دارت ستيك العرق، دارت شالها وخرجت مشات للصالون صغير غير لعيالات كيديرو الكوتي جلست حدا ختها وبدات كتاكل.. بهمس)
شنو جابت ليك ماين مراد
خديجة: واحد الكوڤر كيصطي داكشي دالعرساان وعطات مسكينة لماما 1500 درهم
ملاك: هاه ملعقة
خديجة: ههه الله يكتر خيرها مسكينة شحال راها فرحانة حقا غتجي ماين يوسف
ملاك: يااك!!
خديجة: والله كنت عارفاها غتجي (صونات عليها الكوافورة) واقلة جات خرجي عندها املاك
ملاك: فينها
خديجة: حدا القهوى
ملاك: منخرجش بقفطاني
خديجة: ونخرج انا اصاحبتي
ملاك: وانا مالي
خديجة: عفاك اختي عفااك
ملاك: زمر.. (ناضت مشات لبيت مها حطت القفطان ولبست جلابة لوات شالها كتدعي غير متلقاش بحمزة عاود مشات عندها وتمو جايين بجوج دخلو لبيت مها باش خديجة تقاد على حساب الحنة ولكن غدير داكشي خفيف...)
كان لبس يوسف البلدي وتعطر من بعد مرجع من الصالون وقاد اللحية وشعر مو لبسات جلابة بقفطانها مصاوبة شعر ولاوية شال خفيف مبين شعرها مع ميكاب خفيف حتى غيثة لبست قفطان ثليجة مخلية شعر مطلوق وميكاب هاادئ وخالتها لابسة بحال مها ومقادة فولارها خوه لابس ݣندورة فلون قفطان مرتو والبقية مغيمشيوش حتى يحضرو العرس حيت جاتهم حشومة ياخدو العائلة كاملة للحنة شريف لبس عادي جاب الحاج بنسليمان ومفتاحة مابغاتش تحضر، حطو داكشي للي شراو فالكوفر وشدو طريق لصفرو
يوسف؛ (كيصوني على اورطيغا مكيجاوبش) متيجاوبش
شريف: (معجبوش الحال خوه ميحضرش ولكن ميقدرش يهضر) انا نعاود نصوني
الحاج: غتصوني ونتا صايݣ؟!!!
شريف: (حط التيليفون راد الاعصاب فالڤلون للي مزير عليها)
يوسف: صافي خليك انا شوية ونعاود نصوني
الحاج: مراد منين غيكمل شغاااالو غيجي علاش تتصدعووه دابا وتتزعجووووه
يوسف: (تشاوفو هو وشريف وسكتو كانو مركبينو معاهم اللور صيفطلو ميساج)
أفينك اولدي؟!!
شوف حنا فصفرو على حساب الحنة اجي عندنا ضرووووري تحضر
نوصل ونصيفط ليك لوكاليزاسيون ديال الدار
(صيفط ميساجات وهي تصوني خديجة)
ازين.. حنا فطريق.. (تبسم) اممم.. شي ربع ساعة.. واخا.. (قطع وشاف فشريف)
حتى نتا خاص تجمع راسك اصاحبي
الحاج: قولهاالو انا كنت قدو كانو عندي جوج خوتوو
شريف: (شاف فيوسف للي ضبرلو على نݣير ولاخر كيظحك) مع تيسير الله الواليد
الحاج: اتوكل على الله واش باغي هاد الولاد يكبرو معاك ونتا شاارف (بقا كينݣر عليه ويعاودلهم على ريعان شبابو...
وصلو لصفرو حطو الطموبيل فلباركينغ تحت ترحيب رشيد وعائلته نمو ماشيين مع الدخلة ديال الدرب كانو مناشير ديال ضواوو شادين بين دار حمزة ودارهم عاطية منظر زوين نسا فالمقدمة ورجال من مورااهم مع وصل يوسف بداو كيصلييو على نبي تضهشر وحشم وكيشوف ملاك فالمقدمة هي وخوتاتها تبسم معاها ودارتلو إشارة انه جا زوين حنا راسو حشماان وهي تجي مو شداتو فذراعو تمو داخلين والمبخرة زادو فيها بخور ديال العود عاطية ريحة زويينة، حطو فوسط الدار فوق الطبلة داكشي للي جابو معاهم من تمر معمر حنة حليب ولكن مأنتكين فاكية شكلاط ورد... وقفو رجال للي فالصالون كانو تقريبا 3 ديال طوابل اب يوسف نغز الغالية باش طلقو طلقت من يدو وتقدم شريف حداه بحكم الوزير ديالو وتمو داخلين لعند رجال سلمو على الناس ورشيد كيقدم ليهم العائلة اما زهرة جات سلمت على الغالية وختها وبنتها مرحبة بيهم)
غيثة: (كتشوف فالجلسة لي مقادين على حساب الحنة كانت زوينة وطاغي فيها الطاابع الأمازيغي مكرهتش تصور ولكن قالت حتى يكون كولشي حيت مشافت حتى بنت كدور تماك كولشي مشا للصالون صغير وحتى هي تبعاتهم مشات عند أمينة وملاك كتعوج فيها مشات حدا خديجة فلبيت فين قدات ميكاب خفيف ودارت الفولار حيت وكان مجاوش عائلة يوسف كانت غتكون بلا بيها حيت غيكونو غير لبنات)
خديجة: ملاك ديري شوية دلمكياج
ملاك: يمكن حتى غدا
خديجة: وديري دابا غير شي حاجة (ملاك فكرت دير غير شوية (عكر وفاراجو) على حساب تصاور ولكن متعيقش غير هو تفكيرها فاورطيغا للي من كلام مو مغيجييش...)
يوسف: (عجبوه الاجواء هنا بزااف وكفاش كيقراو القران بلا تيليفون كولشي حاافظ، حشم من راسو فهاد العمر حيت حافظ غير باش كيصلي يعني سور صغار، كيشوف فباه للي ندامج معاهم وحتى الحاج بنسليمان شاف فشريف وخوه وحناو راسهم، وعاد فاش بداو كيدعييو مع العريس وهو حشمان فرحان مضهشر شوية جابو قراعي ديال الحليب والكيسان جا عندو راجل مريم للي تعارفو من قبل طلب منو جلابتو تفاجئ ولكن وقف يحايدها)
راجل مريم: (فكروني شنو درت ليه فسمية)
(موجه بمزاح الهضرة لشريف الي متبع بعينيه)
الوزير للي نتسناو براكتو تبع العريس غير بعويناتو
كولشي بقا كيظحك ولاخر وقف كيظحك حدا يوسف كيعاونو يزول جلابتو
حميد: كولنا أخاي يوسف تݣريسينا فنهار اللول غير الله يكمل كولشي بالخير
يوسف: ههه
رشيد: ههه ماشي عاطييكم ضو عيني (حيدو جلابتو وحتى البلغة ديالو وحطوهم فصينية)
حتى الساعة اولدي
(جا يحايدها يوسف)
ههه غير كنظحك معاك اولدي (كولشي للي تماك كيظحك جابو كرسي فالوسط )
اجي اولدي
اب يوسف: (كيهضر هو وبنسليمان عاجبهم الحال حيت مزال محافظين على التقاليد ديال حنة العريس يوسف بقا بالشوميز وسروال قندريسة جلس حتى كيشووف تريتورة داخلين بصواني ديال نحاس فيهم باغفان رجالي كحل وحنة مخلطة فطبسيل فضة والصينية لوخرا فيها جلابة وبلغة ومسك ولكن ماشي هادو للي كان لابس)
زهرة: لالة الغالية الا بغيت تطل السرجم غيبين ليك ومع الخامية نتي متبانيش
الغالية: واخا الحبيبة (ناضت تابعاها غيثة أما للي تماك مناضوش كولها خايفة من راجلها وأصلا ولفو بقات كتشوف ولدها جالس فالوسط وبداو الاذكار بصوت جميل من عندهم للي أغلبية كيكونو فالزااوية عاد ناض رشيد موقف معاه الوزير للي مظهشر كتر من العريس لبسوه جلابة جوهرة رجالية كانت مخدوومة على اليد بطريقة مخزانية لبسو شريف البلغة نوض باه باش يكحل ليه وحتى يوسف ممناعش بلعكس مرحب بهاد التفاصيل اصلا كيعشق التقاليد وحتى باه كان على دراية دوزلو خط تحت عينيه ومسح بلانجيت بقا غير طبايع شادين فرموشو نوض خوه للي حتى هو عاجبو الحال وهو للي حنا ليه ودار 10 دراهم عليها وفاصمة وجمع يدو شربوه الحليب والأذكار مزاالين على الطريقة التيجانية، والمصور كيدوور مفيلمي كولشي اما الغالية كانت فالسرجم هي وغيثة كيدمعو الموقف خلاهم عاجبهم الحال بزاااااف وهنا حست بولدها عرييس...)
زهرة: (حاضية ردة فعل الغالية للي كانت بين تبغي وبين لا ساعة لقاتها عاجبها الحال مشات باغية ترطب الاجواء باش بنتها تعيش فسلام لمست على ذراع الغالية) الله يكمل عليهم بالخير
الغالية: (كتمسح دموعها) شكرا بزاف لالة زهرة صراحة هاد التقاليد بالقران مزيييونة بزااف
زهرة: راه ولدنا دابا
الغالية: ربي يخليك الحبيبة
غيثة: هادشي تيحمق اطاتي زهرة بزاااف
زهرة: فعرسك ان شاء الله والا بغات ماماك نديرلك تقاليد حنة على اصولها
الغالية: فحيااتك ان شاء الله الحبيبة
زهرة: اجيو تجلسو باش نحطو لعشا (مشات الغالية متأثرة جلست كتعاود لختها منكراش ان هادشي عجبها جابت ليها زهرة ساشي فيها جلابة وبلغة ديال ولدها للي جا لابسهم، اما رجال كملو فقراية الحليب للي تقرا عليه دوك الاذكار تريتورة مدو الصينية حتى لعيالات باش يشربو حتى هوما.. عاد تحط لعشا.. رجال بداو كيخرجو وبقاو غير المقربين لبنات مشاو قادو الحالة كولها لبست قفطانها واغلبية كولشي لبس إكسيسوارات ديال اللبسة دالشلحة من الصبنية اللبان الموزون حتى داك الوشام تحت الفم وبين لحواجب دارووه ملاك بقات كتشوف فغيثة باقي من داكشي حيت النݣافة جابت بزااف)
ملاك: غيثة الا بغيتي اجي حتى نتي تلبسي
غيثة: (بحماس) اه اه اه (ناضت فرحانة مخلياها الغالية للي مزال متأثرة مشات حتى هي قدات ملاك مخلات حتى وحدة من خوتاتها يلبسو صنادل كولشي شراابل من غيرها للي لبست صندالة عاالية واخا غتعذب ولكن راه هادشي فيه تصاور وڤيديوهات غيبقاو ديما حتى زهرة لبست قفطان اما خديجة كانت هي الطوب فيهم دايرة ميكاب عادي لعينيها ولكن عكر حمر مبين شنايفها المطراسية وحتى هي دايرة الوشام ولابسة لباس امازيغي من القفطان حتى الاكسسوارات ديالو لبسوها الحايك وسبقت النݣافة كتصلي على نبي فين الانظار توجهت ليها اما الديدجي كان كيسااين حاطينو بعيد شوية ولكن متحكم فالضو
كولشي بقا كيصلي على نبي رجال كانو لداخل ويوسف شاد راسو بالسيف جالس بلاصتو فالصالون باغي ينوض يشوف خديجة
الحنة كانو فيها مالين الدار خوتاتها عݣيزاتهم نجية ومرت ولدها والعائلة للي جاو داكشي كان خفيف عكس عرسها اللول.. كولشي بدا كيصلي على نبي وهي خارجة من بيت معا وخوتاتها ضايرين بيها جلسوها فين قادووها والنقاشة كتسنااها عاد الديدجي طلق الاغاني ولبنات حطو لكراسة باش لعيالات للي ميشطحوش يجلسو يتفرجو)
ملاك: (شادة تيليفونها كتصور خديجة للي جات زوينة وهو يوصلها ميساج)
اورطيغا: واش الدار فيها العرس ونتوما سادين لباب؟!
ملاك: (حيدت الكاميرا متبسمة مع الميساج حتى جاها اخر)
اورطيغا: حلي نتي لباب
ملاك: (متحركاتش من بلاصتها حتى كتشوف راجل نعيمة مشا يحل لباب بقات حاضية حتى شافتو داخل كان لابس سروال دجين مع تيشورت كحل وشحال فرحات بشوفتو..
ضار كيشوف حتى هو كيقلب بعينيه حتى ناضت أمينة كتعنقو وتهضر معاه وهو كيتبسم شوية ملاك جمعت التبسيمة منين غيثة سلمت عليه بالوجه قلبت وجهها لخديجة للي مزال كيتصورو معاها، رجعت كتشوف باها جا يسلم عليه ودخلو للصالون ناضو شي بنات عمها صغار كيشطحو تبسمت معاهم ضارت كتشوف لقات أميمة كتخنزر فيها وطلعها وتهبطها، بعصبية)
شنو نتي عاود!!!! (لوخرا ضورت عينها محاملاهاش) خ** عاااود حتى هاد لمرض
حااولت متعصبش هي عارفة غيثة كفاش دايرة معاه ميمكنش كل مرة كيشرح ليها راها بحال ختو وهي تبدا تحسس من جهتها اه باينة طايحة فيه ولكن هو لا!! ولكن عقل كيقولها لميساج يمكن جاهم بجووج حتى رجع جاها ميساج من عندو دخلت قراتو
هانتي طاالقة زيينك!!
ملاك: (شافت راسها بغات تفرنس) ولا ولا لااااا هاكا كتبدا راه هاد زمر كيتحكم فية نيييت...
(ضورت عينها جاب الله الموسيقى كاينة اما كولشي يسمعها شافت حميد هاز طبسيل فيه دجاجة ماشي للصالون، حطت التيليفون ممجاوباهش حتى على شي ميساج، النقاشة بدات كتنقش لختها)
اورطيغا: (كان كيعاود الحاج بنسليمان انه وقف على شغلو مشا جاب الخماس من مدينتو ميسور وبرزط مول شياه حتى جا وشاف حتى عساس حيت الفيرمة كبييرة منين كمل شغلو تم رااجع، عجبو الحال حيت كيوقف على الحاجة حتى كيقضيها وهو يحشيهالو قدام كولشي )
الخماس والعساس ومول شياه خلصتهم من عندي حتى رجعو لفاس ونتحاسبو انا ويااك
يوسف: (تبسم عجبو الحال فالحاج حيت بقا فيه اورطيغا وهاد تمارة للي ضرب)
الحاج: ضرووري اولدي وعاد خلاصك
اورطيغا: اه, (شكر حميد على لعشا كان ميت بالجوع ولكن ممرتاحاش راه مع الدخلة بانلو حمزة مرتاح جاالس بقا كياكل والحاج مصدعو بالاسئلة على الفيرمة باش يهني راسو صورهالو بالديطاي لمدة 20 دقيقة خلاه كيتفرج وبقا كياكل معاطيهش التفاصيل انه تشاطر وسخسخ الشاري فثمن البيع وشيط لراسو كما موالف...)
حميد: العريس يبغي ياخد تصيورات مع مرتو
رشيد: اهااه
يوسف: (جاه حميد على الݣانة عكس راجل مريم للي كبير شوية انا راجل فاطمة بحال شي ݣاوري غير كيظحك خرج مع بان لعيالات بداو صلاة على نبي تبعو شريف للي نݣرو عليه انه خاصو ديما يكون معاه وصل حدا خديجة للي تبسمت عجباتو بزااف بهاد اللوك وقفت مو مشات عندو هي وختو حتى هي للي شكرها انها جات زوينة وصلو حدا العروسة وهي كتنقش جلس حداها معرف واش يسلم عليها ولا شنو يدير من غير باسلها جبهتها جا المصور كيدير ليهم تصيورات مو حيدت ليها الفاصمة ومسحت ليه الحنا باش يتصور خبر خديجة فودنها)
سخفتيني اخديجة
خديجة: (غير كتبسم فرحانة وطااايرة شاف فالحنة للي كدير وخبراتو حيت الموسيقى عالية) ياكما معندكش معاها
يوسف: بلعكس جاتك غزالة وخفييييفة
خديجة: (كانت اصلا ختارت موديل خفيف وخااوي..)
اورطيغا: (صيفط ليها ميساج)
" تكلمي لباك قالك اجي جمعي الطبلة"
يتبع...
التعليقات
لا توجد تعليقات بعد، كن أول من يعلق.