محتوى القصة
حمزة: (بقا غير كيسمعهم لي عارف على مراد كاري فالليدو يعني باين كانت دار ديال زهو وحاليا ولي كيسمع ساكن مع مو وخدام مع راجلها يعني معندو والو من غير الطموبيل واش أصلا ديالو ولا لا أُووو واخا هكاك ملاك كتبغيه وتحدات باها عليه كيعرفها كتفكر بعقلها ومنطقية مااااشي شي وحدة طماعة لي فالراجل ولكن غتبغي تكون عايشة بيخير وماشي من النوع لي تصرف على الراجل وأكيد مغتكونش جامعة فراجل مو لي يصرف ولي فاهم ولادو كيكرووه يعني مغيصور والو من عندهم شاف فاورطيغا كيتفحصو اكيد كان زير نساء باش عرف يقنعها تبغيه هاد الحب كاامل!! وكيبان قاسح وفمو خااسر كيكمي ويدو سابقاااه شنو خلاها كتمووت عليه منين كتشوفو القلوب كيخرجو مع عينيها!! علاش فضلاتو عليه واش حيت كان صريح معاها كتر منو ولا شنو زااايد فيه!!)
مووهيم انا غنهبط لصفرو دابا
يوسف: غدا مرحبا بيك نتا والوالدة ديالك بلا منعاودها معاك الدار داركم
حمزة: ان شاء الله.. وووموضوعناا!!!
اورطيغا: (كيشوف فيه وكيتسائل واش هدا حب كولو لغيثة لي ماضيها كان كحل وزعما معندو حتى شي شعور لملاك؟! وغيثة لي كانت كتبغيه دغيا بغات حمزة اذا كما كان متوقع غيثة غير كانت مقتاانعة انها كانت كتبغيه اما من ديما احساس وحب الإخوة هو لي كان جامعهم غير هي معرفتش تفهمو..)
يوسف: يفوت سبوع وعرس هاد خونا ونجلسو مجموعين
اورطيغا: وانا ماالي رسيو مع السيد اه ولا لا!!
حمزة: ههه كاينة
يوسف: شوف أخاي حمزة انا مشفت منك غير الخير مغلقاش راجل حسن منك لختي غيثة غير هي ياله تداوا وتتفوت ديك المرحلة الخايبة لي دازت منها
حمزة: انا فاهم داكشي غير بغيت نوضحو الامور بين العائلات
يوسف: ان شاء الله يكون خير..
حمزة: ان شاء الله.. (مشا ركب فطموبيلتو وشدها طريق لصفرو هاد نهار كان قريبب يشد أميمة ويرتاح ولكن.. شحال بغا يشوفها وهي حية!!)
اورطيغا: عطيو للسيد الكلمة اصاحبي يا كحل يا بيض ختك باغاه ونتا باغيه شنو تتسناو
يوسف: الواليد لي وقف هادشي بغا غيثة تفكر مزيان خفناها تكون بغات حمزة غي حيت قابل عليها وخفنا هو يكون باغي يتزوجها غير شفقة منو واش فهمت!!
اورطيغا: تتفكرو بزاااااف!! راه باينة هو باغيها وحتى هي هكاك واش حنا عايشين فيلم باش زعما غيفكر تبقى فيه راه زواج هدا الواحد تيفكر ألف مرة عاد تيتݣدم ويق***
يوسف: ههه عارف زواج بعدا غير تݣديمة
اورطيغا : خليها على الله..
يوسف: الواليد ضروري خاصو يتقنع راه صحتو على سبة امراد حتى هو تيلوم راسو على شنو وقع ليها وتيلومنا حنا لي خليناه معارف والو حتى وقع لي وقع واجي راه بنتك ولدت وها شنو وقع جاتو قاسحة الحمد لله غير ممشاش لينا بالفقسة
اورطيغا: نتوما تعرفو لي يسلككم ومن جهة عندو الحق.. (دوز نمرة ملاك)
ياااااله!!! هو هدا اعشيري خاص نمشي نشوف الوالدة فين وصلت..
(مشا من دار يوسف ملاك مجاوبتش رجع صونا عليها جاوبت)
التوتوووز!!
ملاك: عاد تفكرتني!!
اورطيغا: عرفتي شنو غديري!! نزلي عندي نشوفك عاد نمشي للرياض
ملاك: مغنمشيش معاك!!
اورطيغا: هبطي اصاحبتي نهضرو 10 دقايق وطلعي فين غتمشي ونتي دماغك هو لي ديما ماشي
ملاك: واخ.. (قدات راسها شوية نزلات عندو تسناتو عاد بان طلعت عندو الطموبيل عاود ليها شنو داز وهي كتصنت كانت منفخة حتى عرفت سباب عاد طلقت من الغوبشة)
وملقيتوش هاد أميمة؟الله يعطيها موصيييبة! اجي كفاش ولد خوك حتى هو فهادشي زعما يكون عندو يد فداكشي لي كان طرا لخالتي أمينة!!!
اورطيغا: كولشي غيتورق من بعد
ملاك: مراد عفاك بعد من هاد صدااع خلي البوليس هوما لي يديرو خدمتهم
اورطيغا: (حرك راسو بأه) اري شي بوووسة وسيري طلعي (باستو فحنكو) عاود!! شي يبوس شي يشوف!!
ملاك: ههه هادشي لي كاين هاد الساعة!! (خرجت من الطموبيل طالعة للدار وهو مشا مكسيري مكمل معاها الهضرة فالتيليفون..)
نهار سبوع بنت خديجة داهم يوسف هي وملاك للڤيلا باش توجد راسها كيشوفها ممسوقاش كلامها ظحكتها كولشي بلݣرااام كانت مو موجودة كولشي هي مدخلت حتى فحاجة حتى فاش كيسولوها كتبقى غير تشوف بحال كتقولهم وأنا مال!!! حيرااتو وشغلاتو ماشي هاكا خديجة حس براسو ضيعها وبسبابو تأزمت هاكا!!!
كان جو ديال المناسبات عندهم فالدار جاو شي وحدين من العائلة ديالهم دار الواجب ديالو سلم عليهم مرحب بيهم كما موالف، جاو عائلة خديجة ختها مريم وولادها وعائلة ختها نعيمة لي فمكناس ووواليدها وعمامها لي فصفرو
ملاك: (كتقاد راسها مبغاتش تكتر المكياج خلات داكشي حتى لعرسها مشات طل على خديجة لقاتها كترضع بنتها)
زين مزال مدرتي المكياج؟!
خديجة: (بضجر) مزال
ملاك: راه بداو كيجيو الناس وكيسولو عليك
خديجة: (عوجت فمها) مقلت لحد يجي عندي
ملاك: مالكي اخدووووج؟!
خديجة: والو راسي كيضرني بغيت غير نتكى باينة الليل فايقة مع غزال
ملاك: قولي الصراحة وش مخاصمة مع يوسف؟!
خديجة: لا! بغيت غير نعس وصافي منعستش مع غزال لبارح
ملاك: كملو ذبيحة وتكاي انا نشدها ليك حتى ترتاحي (حطت بنتها ناعسة وملاك عيطت لميكاب ارتيست دخلت لبيتها كتقاد ليها وخرجت ملاك كتصوني على أمينة لي مزال مجات)
فينك اخالتي؟!
أمينة: هانا نتسنى فمراد يجي واش كولشي جا؟!
ملاك: اه تقريبا كولشي هنا
أمينة: اوا بلا منتسنى مراد حتى يلحق نجي انا والحاج
ملاك: وفينو هو؟
أمينة: كان فالكوري مشا يجيب الحولي
ملاك: اممم هو لي غيذبح؟؟
أمينة: معرفتلهم اوا هانا نجي دابا..
ملاك: (قطعت وبقات كطل على لتحت وتشوف الغالية لي واقفة على كولشي كان داكشي متول ومشيك، بقات كتسنى خديجة تكمل جا حداها يوسف تبسمت معاه حتى هو تكى على الحديدة كيطل وكيهضرو)
يوسف خاصك الخاطر مع خديجة
يوسف: دايرو والله
ملاك: متديش عليها الا تقلقت ولا نفاجرت عليك
يوسف: قالت ليك شي حاجة؟!
ملاك: لا ولكن باينة فيها مراشقالهاش على حتى حاجة مدوزتش قليل فحمالتها من مشكل لمشكل ودارت الخاطر لكولشي دابا جا الوقت الواحد يديرلها الخاطر حتى هي
يوسف: على للي فهمت منها حسابلها حنا مفرحانينش بغزال وانا لقسم بالله بالفرحة متنعسش غير تنفكر انه عندي بنوتة كنبقى غير نظحك
ملاك: ههه وييينووو (شافت مراد داخل لابس عادي تيشورت كحل مع سروال بارا واسع ماشي لباس دالمناسبات هز عينو فيهم حيت كانو كيطلو من الطبقة الثانية)
يوسف: دوك الشوفات ديال غيذبحني فبلاصة الحولي
ملاك: (جمعت الظحكة وشيرت لمراد باي باي) اوا هرب (هبطت عندو بقا واقف مشات سلمت عليه بالوجه حنا عندها باقي بنفس الشووفة)
كبيييدة
اورطيغا: هانتي مجمعة؟!
ملاك: غير على خديجة وصافي، علاش ملابسش حوايجك؟!
اورطيغا: خلينا مزيانين داك جموع داك نهار قلتلك زولييه البنت
ملاك: راه غير هضرة عادية..
اورطيغا: شنو هاد هضرة عادية غنتسناك حتى تهضري هضرة ماشي عادية!!!
ملاك: (مغيقتانعش شافت شي وحدين كيشوفو فيهم وفين هو بالظبط وفاهمة غيجمعو على حوايجو) مهم واش جبت حوايجك هنا؟!
اورطيغا: جبت الحولي عاد غنمشي للدار لبس
ملاك: نمشي معاك؟!
(تبسمت كترمش عينها بالزربة حتى تبسم بقات كتهضر معاه بدلع وتحلون)
وا سير باش تجي دغيا لوكان جبدتيهم هنا تلبسهم ونعاونك فيهم
اورطيغا: وياله دابا
ملاك: ألااااءح بابا ميبغييش
(شافت الغالية كتشوف فيهم تفكرت منين خطباتو لغيثة وهو منين قالها منسمحش فيها وهي تسيف عليه)
ياله سير شنو كتسنى!!
اورطيغا: (دغيا كتلبسو) لا حول ولا قوه الا بالله العلي العظيم..
داز العقيقى فصباح خداو تصيورات مع الحولي ومنين تذبح وسماو البنت غزال بموافقة خديجة جلسو فطبالي لي قادوهم تريتور باش يتغدااو كاين الطبلة لي مخلطة وكاين لي جالس بوحدو ملاك كانت غير حاضية اورطيغا لي مشا للدار بدل حوايجو ولبس تريكو سامبل مع سروال لاطوال وفوق منو كويرة زولها منين دخل.. لوكان ماشي باها لي كاين فسبوع وجالس حداه كيزيد يعرفو بالعائلة ونساب بحكم هو نسيب جديد كانت تجلس حداه رجعت مكتشبعش منو..
تحط لغدا وبقاو كياكلو مع صوت اغاني كلاسيكية فاسية "يامن ملكني عبدا..."
ملاك: (كانت فالطبلة لي فالصالة لداخل عاطيينها لجمووع والظحك وتعاويد واخدين راحتهم حيت غير لعيالات بيناتهم حتى سمعو الهيلالا)
شنو هاد لغوات!!!
(كان الصوت فالجردة حسابها الياقوت شافت فخديجة لي جالسة معاهم حتى لغوات انتاقل لداخل فلڤيلا)
ماشي ديك العزافة؟!!
خديجة: (على سبة) مصاااب تكون هي!!
اب ادم: (داخل محيح قااصد اورطيغا) راه بسباب هاد خينة هاد المشاكل نايضيين
اورطيغا: (كان كياكل ضهشروو دغيا سرط داكشي باش يجاوب حتى وحلو فحلقو خرجو لعيالات كيطلو)
ااب ادم: لوكان بعد من بنتي نهار اللول حتى واحد مكان غيوصل لهادشي!!! علاش كيضيع بنات العائلااات وييخسرهم!!!
يوسف: ونفتارضو بالصح وختي اش دارت لمرييض ديال ولدك!!!
اورطيغا: واااا سير (شاف فرشيد ونساابو لي كيشوفو فيه.. زاد تكره عيا كيقاد صورتو قدامهم ودابا!!!)
يوسف: وومدخلش مراد فهادشي ولدك لي مجرم خاصو يتعاقب بسبابو كانت غطيح شحال من رووح ولدك قتااال وكلب وغنبقى تابعو حتى ندخلو للحبس
اورطيغا: (شاف لعيالات كيطلو ومنهم مو هز سربيتة مسح فمو وحطها بهدوء عكس الغضب والضغط لكبير لي فداخلو تم ماشي باغي يخرج وهو يوقف اب ادم من الكول محس حتى ضربو بونية لصدرو وجمعو بنص خلا مرتو لي جات من موراه تابعاه كتغوت والناس باغيين يفاكو)
تعاود تقيسني اولد**** نفݣس مك!!! خليني طرونكيل حيت الا جبدتيتي غتلقى غاا لخ**
رشيد غير كيشوف شاف فخوتو حتى هوما متعجبيين ولي باقي من العائلة..
ملاك: (سمعت اورطيغا شنو دار ناضت باغا تشوف حتى قشعاتو من السرجم خرج تبعاتو من لباب دالكوزينة حيت باب الدار فيها واقع المشكل وعاد كينوضو داك الغليض ديال باين ادم.. تبعاتو الغالية للجردة)
الغالية: واش بالصح نتا سباب بنتي؟!!
اورطيغا: كفاش سباب بنتك؟! علاش انا هي لي خطبتها لداك الز*** وتنقولها هدا هو لي يستاهل هدا هو ولد القاع والباع!!! هدا لي يستاهلك ماشي الشمكار لي تتفكري فيه!!
بنتك شحال جات تبكي عندي باش نعتقها منك نتي ومنو ونتي تتخسري عليها الا مبقيتيش معاه غنسخط عليك؛!!
جربي دابا السخط فين وصلك الالة الغالية خرجتي على بنتك ودخلتي لداارك شيطاااان (مخرج عينو فيها)
فقاااع دارك كان تيتكرفس عليها فبيتها فين كنتي تتسيفطيه ليها كان ت (كان مغدد وسكتوه غير دموعها وباينة الحسرة والندم على وجها)
ملاك: (كتزرب منين شافت الغالية واقفة معاه)
(اب ادم جاي هاجم على اورطيغا بكرسي والناس شادينو سبوووع تقلب كااامل كولشي فالجردة ولاخر صاااعر)
اورطيغا: وقييس ضرب لشماتة واااا بربي لكرييييييم (تخضر فهضرتو) أَبْلاَبَزْ عينيك نجبدهم ليك
اب ادم: الله ياخد فيك الحق خرجت على ولادي
اورطيغا: غاا بحال ولادك غير يموتو حسن موتهم حسن من حياتهم
اب ادم: ضيعتينا وخرجت علينا!! بيدي خرجت بنتي من دارك منين خطفتيها باش تكرفس عليها
(اورطيغا بقا غير كيشوف قادر يسكتو بضربة ولكن تحط فهاد الموقف يديه مكتفييين وكولشي كيتفرج.. وقفت حداه ملاك شادة فيدو)
ملاك: ياله نمشيو من هنا (كتشوفو مكيتحركش عينيه مكمشين غير على لي كيغوت) مراااااد!!!!
يوسف: غتمشي من هنا حسن ليك ولا غنعيطو ليك البوليس
اب ادم: واش مبغيتوش تحلو عينيييكم هو ضيع بنتكم و!!!!
الحاج: (وصل حداهم بكل رزانة وعينيه صقر على اب ادم) خرج علينا من هنا ومن هاد نهار غتنسانا وتنسى راه حنا عائلتك من اليوم منبغيش نشووفك فالرياض ولا مع شي واحد من ولادي
سعد: الحاج مظلموش حتى نتا!! راه ولاد..
الحاج: (ضار عند سعد) اوا سكت باش منظلمكش حتى نتا!!! (شاف فلاخر) ولدي مراد منو من ولادي لي ظلمو ووصلو غيلقاني انا فطريقو كل واحد يرجع لبلاصتو ونتا غتخرج من هنا حبيا قبل منعيطو ليك على البوليس!! بلا منقولك هادشي الا مغيطناش على لومبيلونص تجمعك!!!
أمينة: (من بعد هضرة الحاج مبقات هضرت حيت جا فصف ولدها ولكن بكات على الحݣرة لي مزال ولدها كيتعرض ليها واخا راه رجع راجل وكياخد حقو بيد ولكن علاش كيحݣروه علاش اي حاجة خايبة كتمشي ليه!!
يوسف كيفرق الجوقة ومراد مشا لقنت بوحدو كيكمي اب ادم خرجوووه احدا باب الڤيلا معاه ولاد الحاج لي مزيانين معاه واكيد اي حاجة قد مراد هوما فصفها!
لاخر بقا شاد فصدرو فين مقسح اما ام ليلا واقفة مع لعيالات كتبكي ومزال كتلوم اورطيغا حتى دخل حمزة مجايبش مو مبغاهاش تجي حتى يعطيوه جواب كان جاي معطل لسبوع حتى كيشوفو ديك جقلة تماك)
حمزة: ياكما شي واحد وقعت ليه شي حاجة؟!
يوسف!!
(مشا عندو يوسف كيرحب بيهم) شنو واقع
يوسف: من بعد ونقولك دخل مرحبا بيييك (كيحاول يكون هادئ بحال حتى حاجة موقعت ويرجع الناس الداخل يكملو غداهم)
(عيط على مو دخل لعيالات ودخلت ام ليلا كتبكي!
ام ليلا: راه ليلا عاودات لينا كولشي حيت باباها وخوها مرضاوش دارو هاد الحرب بيناتهم من اللول يبعد من بنات العائلة عييييب هادشي وحشووومة
عم ملاك: شنو هادشي ارشيد
رشيد: (لوا شنايفو) منعرف ومباغيش نعرف
عم ملاك: راه راجل بنتك زعما!!!
رشيد: مالو قتل؟! حنا اصلا مفاهمين والو باينة عندهم شي مشاكل قديمة مشغلناش فيهم ومنين الحاج نصفو حنا معندنا منقولو.. (فلداخل ديالو مفقوووس محملش هاد الديكور لي وقع)
اب ادم: (عاود جاي داخل للڤيلا واورطيغا فالقنت كتبردو ملاك حتى شافو داخل)
ملاك: فين ماشي عاود؟! مراد راه ݣاع العائلة تماك!! مراااد (مشا عندو) بففففف خ** على نهاار!!
اورطيغا: (تبعو قبل ميعتب الڤيلا وقف عليه) شنو باغي من التالي!!!
اب ادم: تخلص هادشي!!!
حمزة: (قرب حداهم فاهم لبلان) ولدك هو ادم؟!
اب ادم: اه!!
حمزة: ادم لي بسبابو الواليد مات مفقوس؟؟؟ وبسبابو ولبنت لي بحال ختي خرجها من الخدمة وعاد مخبي مرتي عندو؟!!! ولا حتى هادو مراد كان سباب فيهم!!!!؟؟؟؟؟
اب ادم: (مخسر وجهو) شكون نت؟!
حمزة: انا لي تنجري من مور ولدك كنواعدك اسيدي ولدك غيتشد غيخلص لقديم وجديد..
حمزة: الا كنت كتلومو حيت قرب على بنتك ومكملش حيت هو طردها انا بنتك جات عندي بايعة راسها برخيس نعطيك الأمارة؟!!!
يوسف: (هز حواجبو!!!!)
اورطيغا: (مفهمش هاد حمزة واش كيحاول يدافع عليه حيت مكلخ هو راه تزوج بملاك ودار اللاكط علاش هو كيضيع صورتو مع الناس لي طالب بنتهم ومزال كيتسنى يجاوبوه!!)
سمع ابنادم انا ماشي بحال يوسف ولا الحاج ونقولك خرج بظرااافة!! غتخرج على رجليك ولا غتخرج على لكتاف ختار وحدة فيهم!!!
اب ادم: بان على حقيقتك
اورطيغا: هنا كولشي تيعرفني بالشمكاااار وماااعندي منخسر
(جات ام ليلا كتجرو وتمو خارجين جاو يشوهو واحد صدقت بنتهم لي مشوهة واكترية من كلام حمزة واخا ماشي كولشي سمع ولكن براكة غير دوك لي سمعو)
ام ليلا: كلب وغتبقى كلب
اورطيغا: (قبل ميهضر جاراه ملاك وهو تابعهم) وسيري ت*** قبل منجي ن***
ملاك: (طلقت منو) باش تجمعهم هي وبنتها وتكون كملت السِّيرِي!!!
اورطيغا: بنتها مقستهاااش ابنادم!!
ملاك: (متاقتوش) وبقا فيك الحال!!!! (تم ماشية هي تابعاه) منين مزبلتهاش علاش دايرين عليك هاد الحالة!!!
اورطيغا: يعاودوها لك*** (شاف فملاك) دخلي نتي فحاالك
ملاك: حتى نتاا دخل
اورطيغا: مبقالي فين ندخل غنمشي نغبر نق** من هنا
ملاك: (خافتو يدير شي حاجة) لا رجلي برجليك
اورطيغا: ملاااااك خليني ترونكيل هاد الساعة باغي نبقى بوحدي دخلي فحالك حتى نعيط ليك
ملاك: (قبل متهضر تم ماشي فحالو حست بيه فهاد اللقطة كفاش كانو مدورينو وأكيد مغيعجبوش الحال، دخلت لقات غير توشويش والماكلة هي هي لي تحطت ياله كل طبلة مقيوس منها شوية مشات لطبلتها فين كانت جالسة أمينة كتبكي ضايرين بيها كيسكتوها حست بالخنقة حتى هي كان فرحان كيوجد لعرسو وحتى لهاد سبوع بقا فيها بزااف خرجت برا كتقلب على طموبيلتو مكيناش مع دخلت لقات باها وااقف داير يديه من مور ظهرو مشات عندو كتوجد للأجوبة)
بابا!!
رشيد: شنو هادشي!!
ملاك: (عاودت ليه لي عارفة بلا مدخل فتفاصيل مراد) هوما خلاو المشكل لكبير وبقاو مركزين مع مراد لي بسبابهم بغاو يقتلولو حتى مو
رشيد: ونتي علاش دارلك هكاك؟؟!
ملاك: هو مكيعرفنيش انا أميمة لي مشات عندو كترغبو يعاونها باش تنتاقم مني ومن حمزة حسابلها بيناتنا شي حاجة
رشيد: لا حول ولا قوه الا بالله العلي العظيم دخلي فحاالك لداخل فين راجلك؟
ملاك: قهروووه ومشا فحاالو, بابا واش نلحق بيه؟!!
رشيد: (حرك راسو بلا) بقاي حدا ماماك وخوتاتك هو وكان بغا الناس غيبقى هنا باينة بغا يبقى بوحدو..
اورطيغا: (تفقس تفقس تفقس.. فنفسو جملة كتردد علاش ديما كيطرالي هاكا وعاد قدام نساابو مرضاااش حاس انه النحس غيبقى تابعو حياتو كاملة من نهار تولد والتهم راكباااه دار ولا مدارش الا غيتحاسب على ليلا راه برجليها مشات معاه وهي لي عرضت راسها عليه وهو كان زلال يعني هوتة جات بين يدو واستاغلها !!!
صونا تيليفونو كان يوسف مجاوبش نيشان مشا لدارو لي مزال مفرشاش دخل لبيت نعاس وجلس غير كيفكر وكيعاود يتخيل داك الديكور كيكره راسو وكيزيد يحقد على ديك العائلة مكرهش موس واحد يدوزو عليهم كاملييييين، صونات عليه ملاك جاوبها)
وي ملاك!!
ملاك: حبيبي فينك؟! (اول مرة تنطقها)
اورطيغا: (مردش البال لكلمة حبيبي) فالدار واقعة شي حاجة!!
ملاك: (عرفاتو منتابهش واخا حشمت وهي كتقولها) نتا فدار خالتي؟!
اورطيغا: لا، فداري!!
ملاك: كنت بغيت نجي عندك
اورطيغا: لا.. خليك فسبوع و نتي اصلا غتهبطي مع داركم لصفرو متفكريش فداك تخربيق كولشي داايز
ملاك: انا اصلا ممسوقاش
اورطيغا: امم..
ملاك: ووووحتى بابا مقال والو قال راجلك لي عندو الحق حيت لوخرين لي تهجمو عليه وأصلا هو عارف ولدهم شنو دوز عل..
اورطيغا: (معندو خاطر ومافيهولي يهضر ومعصب) ملاك!! حبيبة من بعد ونصوني عليك!!
ملاك: (معجبهاش الحال يعني حتى هي ومباغيش يهضر معاها)
واخ...
(قطعت مكرهة)
هاد ادم خرجلي عووود فحياتي!!
(الناس كملو سبوع اصلا كانت بحال غير عراضة بين العائلة كاين الديدجي ولكن اغاني كلاسيكية مكاين لا شطيح لا رديح دخلت الفيلا كتقلب على خديجة مكيناش طلعت الطبقة التانية لقات الغالية كتغوت والموضوع أكيد هو الشمكار شافت فيوسف لي سكتت احتراما ليه)
يوسف: الواليدة!!!! (بتشدد) مراد خويا!! بغيتي ولا كرهتي اخر مرة تعاودي تحݣريه هاكا والغلط ماشي غير ديالو ديالنا كاملين وأولهم حنا أنا ونتي واشرف الا كنتي غتلوميه لومي حتى راسك منين كانت تتبكي عليك ونتي تتلسقيها فيه!! و منين عرفناها تتدروݣا ونتي مخليتينيش نديها تداوا بزاااف..
(شاف فملاك)
ملاك دخلي عند ختك..
(دخلت مبغاتش تدخل بعدا يوسف هضر عليه بزوين وكيدافع دخلت لقاتها لابسة بيجامتها كترضع بنتها)
ملاك: كيف بقيتي؟!
خديجة: بغيت غير نمشي لداري ونعس
ملاك: (تنهدت) حتى أنا!!! ياكما تقلقتي على حساب سبوع
خديجة: (ممسوقاش) جا يوسف كيقولي سمحيلي انا اصلا مديت مجبت انا باغا غير نعس
ملاك: لا مخاصش تكوني هاكا
خديجة: كولشي طلعلي فراسي رجع عندي كولشي عادي باغا غيير راحتي هاد الساعة وأصلا راحتي كانت هو نطلع لبيتي يعني دارو فية خير هه
ملاك: مصائب قوم عند قوم فوائد
خديجة: شنو وقع (عاواتلها ملاك) بغاو يديرو قضية ضربني وبكا سبقني وشكا!!
ملاك: وييييه...
ام ادم: (مشاو عند ليلا لصبيطار مفقوسين واي ادم غير كيتحلف على مراد لي ضربو اما ام ليلا غير ساكتة عارفة الغلط لكبير فين كاين وشكون لي خاصو يتحمل هادشي ولكن مقادراش تعتارف للعلن عرفو أن ليلا حالتها استقرت شوية وأهم حاجة مكاينش اعتداء جنسي عليها فقط ضرب... دخلت عندها)
بنتي صاڤا!!
ليلا: (نفرت فاس والمغرب كرهت جلاسها هنا)
ماما بغيت نرجع لفرنسا مبقيتش بغيت نبقى هنا!!
ام ادم: حتى أنا ابنتي (تنهدت) منقدرش نخلي باباك نتي براي وسيري تماك مبقالك مديري هنا!!!
ليلا: بابا هو سباب المشاكل كاملة علاش هداك نهار ضربووه هكاك (كتبكي) علاش اصلا جاب معاه دوك الناس!! هو قالي الا غيجي غير بوحدو
ام ليلا: وعلاش نتي اصلا مشيتي مع هداك الشمكار
ليلا: باش كنت غنعرفو شمكار انا حسابلي ولد الحاج حتى هو!!!
ام ليلا: حتى أنا هكاك حسابلي فاللول أنا مكنتش غنقبل بعلاقتكم من اللول حتى جا سعد وفهمنا ومنها نيت بغاو يهينووه داك نهار
ليلا: اوا وخويا عذبني للي بزااف عمرني غنسمح ليه نهار ضرباتو غيثة اما لي كنت تنشوفو وبقيت معاه حتى تداوا
ام ليلا: حتى انا صافي مبقيتش تنعتابرو ولدي
ليلا: (تفكرت شنو داز عليها من الضرب والإهانة ومنين قرع ليها راسها) بغيتو يموووت أخيب مووتة!!!
~~~~~~~~~~
كانو فطابلة أمينة فين جالسين قالبينها ظحك باش يسكتوها من لبكى
زهرة: خاص نوضو نمشيو حتى نتي اصاحبتي خاصك توݣضي راه تابعك شلا وشلااالي
أمينة: اييه اييه خاص نتجارا مع الوقت باش ياله لحقو بقات 4 أيام وعاد غيجيو الفاميلة من ݣرسيف!!؟
(الجو تكهرب مبقات أجواء سبووع حتى الغالية طلعت لبيتها مولاتش نزلت عند ضياف)
زهرة: انا نطلع نسلم على خديجة جاب الله مريم ختها غتبقى معاها تقابلها هاد الايام
أمينة: تمشي معاها لدارها؟!؟
مريم: اه ولكن الا بقات هنا ميصلاحش نبقى
أمينة: واه داكشي نيييت...
زهرة: الا كانت تمشي لدارها بقاي معاها
مريم: (تبسمت) ضروري خاص لي يقابلها واخا حتى نتي تمارة بزاف عليك لهيهااات
سهام: بلفرحات علينا نوجدو لعرس ملووووكة علاش شحال عندنا منها فينها بعدا ؟!
زهرة: شفتها طلعت عند ختها!! انا نمشي عندهم ونتونا نوضو وجدو راسكم باش نلحقو قبل ميظلام الحال.. (طلعت الفوق معرفت واش تمشي عند الغالية ولا شنو دير حاارت مشات لبيت بنتها لقات خديجة ويوسف وملاك كيهضرو)
يوسف: دخلي الالة زهرة انا لتحت نشوف الواليد
خديجة: واش نوجد راسي باش نمشيو؟!
يوسف: هانتي دابا مرتاحة غير نبغي نمشيو غنصيفط لي تجمع ليك الحوايج..
عائلة ملاك لبسو حوايجهم وكولها ركب فطموبيل باش يرجعو، ملاك طايرة ليها بلمزيان كانت بغات تشوفو قبل متمشي ساعة هو هرب من صداع ركبت حدا مها متسالمين مع أمينة
زهرة: مالكي غير ساكتة؟!!
ملاك: (حركت راسها بلا حيت معاهم الزايد فالطموبيل.. بقات كتفكر غير فيه كانت عارفاه كان مع ليلا ولكن حتى هي من للي كيلوموه علاش مبعدش بنات العائلة وعلم الله شكون لي داز عليها من غيرها!!
وحتى دوك بنات سعد لي قراب منو علم الله واش كان مع شي وحدة فيهم!!! ضارت كتسمع هضرتهم الموضوع الحالي هو عرس ملاك لي فهمت هو غيديرو ليها ليلة الحنة يشطحو معاها غير لبنات وصافي يعني غاكون عراضة غير بين العائلة وحتى هي مبغاتش تكلف دارهم راه فلوس عرسها دارت بيهم الدار..
وصلو لصفرو لي ولات كتجي ليها غير ضيفة خواتها قبل متزوج ولكن قضية خدمتها مزال مأثرة عليها وعاد الفلوس لي خدات من عند ليهود!! والصالير لي تقطع ليها
مشات لدار، مها بززت عليها تمشي تسلم على جدها دخلت عندو لبيتو باستلو يدو كارهااه وحتى هو غير كيخنزر خرجت من لبيت دغيا مشات لبيتها لي كتنعس فيه بنت عمها بغات تنوض تمشي)
خلييك خليييك..
جيبي شي حاجة فرشيها فالارض وبقاي هنا تنعسي
بنت عمها: نعس معاك ؟!
ملاك: دابا انا لي ناعسة فبيتك لوكان ماشي ظهري كيضرني بزاف انا نفرش لتحت ونتي نعسي فالنموسية (مكيضرهاش ظهرها)
بنت عمها: (عنقتها) غتعطيني بيتك؟!
ملاك: بصحتك الالة حتى انا كنت من شحال هادي كنقول خاص يكون عندي بيتي ويكون بحال هاكا فلغوز ونرسم ونعلق فالحيط نشح ونغني وانا بوحدي
بنت عمها: ههه اااااه
ملاك: ولكن متخليهمش يعطيوه لخووك غوتي وحيحي عليهم قولهم انا بنت انا لي خاص تكون عندي الخصوصية ودخليهم ديك الدخلة انا كنعس وشي مرات كنتعرا هنا غيضربو الطم
بنت عمها: (عمرها 10 سنين) وراه جاتني حق شهر
ملاك: مسميتهاش حق شهر سميتها ليغيݣل هادي غير مرت عمي لي علماتك هاد سمية
بنت عمها: ههه اه
ملاك: كديري اولويز؟!
بنت عمها: لا كندير ليكوش وعرفتي كنحشم من هاد البز****
ملاك: أحااااي قولي صدر ماشي ديك الكلمة.. علاش كتحشمي واش حيت ياله كيكبرو
بنت عمي: اه عقدوني
ملاك: عرفتي شنو لبسي حوايجك ياله نمشيو للسوق (مشات علمت مها كانت غترفض ولكن منين قالت ليها بغات تهلا فبنت عمها بغات ليها مشاو للسوق فسومطر ديال صفرو دخلت المحال ملابس الداخلية شرات ليها ݣاع لي يخصها سليبات سوتيمات واخا معندهاش صدر ياله كينبتو ليها خدات ليها سطوك ديال اولوييز وخدات ليها كريم الجسم وبيجامة سخونة خلاتها طايرة بالفرحة حيت منين كانت قدها دارتها ليها ختها مريم اما هادي معندهاش ختها لكبيرة وبغات تاخد هاد الدور...
كلاو سندويتشات ورجعو للدار لقات باها محيح علاش ملاك تخرج حنات راسها مهضرتش مدافعتش على راسها راه غتوحش غواتو عليها ومنين كيقلب عليها وكيمنعها تخرج غتوحش كولشي فيييه..)
ادم: (لدابا ختو مزال مرفعت عليه دعوة رسمية كان عارف غيوصل هاد نهار ولكن كان خطة ديالو هو يرجع لفرنسا ومنين مراد قرر انه ميرجعش يعني بغاه يكمل معاه اللعبة الحل دابا هو ميبااانش هاد الايام على ميرجع باسبور ديالو..
مشا لبولمان تماك فين كيتخبع حتى واحد معارف دخل كان سبقو ولد سعد لي من نهار شدو مراد فصبيطار وهو تماك مع دخل تعرضت ليه)
أميمة؛ هاد الكونطرا مزال مغتخرج؟!
ادم: غتزيدي تصبري
أميمة: ادم علاش منهربوش من هادشي كامل نتا تعيش حياتك كما بغيت وانا نعيش حياتي لي عمرني اصلا عشتها
ادم؛ ونخليهم؟!
أميمة: هوما بزاف وحنا شوية غيغلبونا شنوما درنا ليهم اه نتا ذكي بزاااف ولكن هوما عصااابة كولهم غايرين منك وكيكرهووك ويقدرو يقتلوك (شافت فللي معاها غمزاتو) ياك؟!
اه عندك الحق هوما كولهم باغيين يحفرو ليك
أميمة: فكر فيها مزيان حتى ختك رجعت ضدك وغتكون عمرت واليديك عليك
ادم: هاديك مخايفش منها!!! و الكلب ديال راجلك هو لي غسل ليها دماغها
أميمة: عندك الصح راه كان حتى انا كيلعبلي فراسي
ادم: مغنسمحش فحقي
أميمة: واخ!!! قولي غير انا شنو غندير منين جبتني من طنجة بقيت غير هنا!!
ادم: صبري دابا تعرفي علاش جبتك
أميمة: (مزال مفهمت شنو دورها وعلاش اصلا متساهل معاها واش حبا فيها ولا شنو مفهماتوش!!! مشات للكوزينة حتى لحق عليها واحد من صحابو لي طايحة معاه دابا)
شنو بغاني ؟
....: معرفتش كان كيقول خافك تبيعيه داكشي باش جابك راك شفتيه كفاش فكيناك منو ولكن بانلي مناويش شي حاجة قبيحة معاك دابا... ولا غيكون قالي
أميمة: بغيت نرجع لطنجة عاوني نهرب انا متيقاش فيه
....: معندو ميديرلك لوكان ناوي على شي حاجة كنت غنعرفها
أميمة: باغي يساومني بشي حاجة أنا متأكدة!! ( مكرهتش تيليفون تستنجد بحمزة حيت عرفت ادم مريض فراسو والعادي أنه يقتلها!!!)
اورطيغا: (صونا عليها من بعد مبرد شوية وحتى كلام مو لي هضرت معاه بردو) كيف وصلتي؟!
ملاك: (مقلقة وحاضية طريق دايرة سبيكر) دابا عاد تفكرتني!!!
اورطيغا: بحال راكي فالزنقة ؟
ملاك: اه خرجت من بنت عمي مشينا تقدينا شي حويجات مجاتهاش شي حاجة ورجعنا نبدلوها دغيا ونرجعو
اورطيغا: مزال احبيبة هاد لحوايج مبغاوش يكملو؟!!
بنت عمها: (دارت يدها متبسمة حشمانة من كلمة حبيبة)
ملاك: (تبسمت يعني برد) حوايج لبنات عمرهم يكملو
اورطيغا: امم مزيان (كتصوني مو) نهضر مع الوالدة ورجع نصوني عليك
(قطع هضر مع مو ومشا لحق بيها للدار ديالها فين جاو العائلة ضرووري يحضر باش يتقدا ويقابلهم معاها يلهي راسو باش ميبقاش كيتفكر شنو وقع ليه..
رجع صونا على ملاك مجاوبتش صونا مجاوبتش قال تكون مزال كتصوݣ مسمعاتوش)
ملاك: (شادها عمها فراس الدرب كيغوت عليها علاش خرجات بنتو وكمل منين قالها)
عم ملاك: الالة بعدي من بنتي متخرجيهاش بغيتي يبقاو ينعتو ليها بصبع وهي مزال صغيرة!!
ملاك: (جرحها ولكن بقات صااامدة)
بلفرحات عليها ينعتو ليها ويقولو بنت عم ملاك بنت سيييييد رجال رشيد ولالااااااااات لعيالات زهرا ولا نتا شايف على خوك شي حاجة!!!
عم ملاك: مزال هاد تخراج لعينين تجي فيك
ملاك: بااااز اعمي بااااز معرفت شنو مزال باغي مني لي شافك يقولك بالصح راني دايراها ونتا عارف غير تݣدمت فيها واش هادشي غيرة منك حيت أنا درت الدار ونتا لا
(كتقليلو السم بحواجبها)
لا حول ولا قوه الا بالله العلي العظيم السم منين وصل عند رجال طاحت قيييمتو
(تمت ماشية اما بنتو صيفطها مغوت عليها غير بعدت سالو دموعها مفهمتش هاد عمرها اي تقلب عليها قبل مكانش هاكا من مور داكشي رجع كيكرها كره فشكل كولشي عرف برائتها وهو متقبلهاش علاش؟!!! مسحت دموعها ودخل للدار جات عندها مرت عمها كتطلب سماحة فبلاصة راجلها)
اهانية امرت عمي انا دابا نجيبلها شي حويجات منين نرجع المرة جاية غير متزولوش ليها لبيت وتعطيوه لعبد الرحيم
سهام: لا لا اكترية منين جاتها حق شهر
ملاك: اعععععع كنكره هاد الكلمة امرت عمي.. (دخلت لبيتها جلست فنموسيتها)
مساخياش لدارنا ولكن هاد الكلب كرهني فييها!!!
خديجة: يوسف واش مزال منمشيو؟؟!
يوسف: واش شي واحد قالك شي كلمة معجباتكش؟!
خديجة: لا غير بغيت نمشي لداري حتى مريم كتسنانا لتحت
يوسف: انا هضرت معاها وبغات تبقى
خديجة: كفاش؟؟؟
يوسف: حبيبة واخا نزيدو نجلسو شي يامات الواليد راك شفتيه متيبغيش يبعد على دارو وطلب مني نبقاو شوية هنا ومنها يعاونوك فغزال وهو رغبني نبقاو
خديجة: واخا يوسف اصلا ولفت كدير خاطر كولشي الا خاطري والا على المقابلة راه جلست ختي مريم تقابلني
يوسف: عفاك احبيبة حتى هنا غتلقاي راحتك
خديجة: عفاك خرج بغيت نتكى شوية
يوسف: (حنا باس ليها جبهتها من نهار ولدت وهي كارهاااه وهو غير شاد ليها الخاطر خرج من لبيت صونا على اورطيغا مجاوبوش صونا على شريف فلواتس وهو ماشي للجردة)
أفين اولد العبد بحال عمرك ضربتيييه؟!!
شريف: هههه شنو تما؟!!
يوسف: وصلت ولا مزال؟!
شريف: ياله وصلنا دابا عااااد فهمت علاش جلست هنا وطفيتي علينا التيليفون فشهر العسل
يوسف: مكرهتش نرجع أخاي لتماك
شريف: خلي لبنوتة تكبر ورجع نتا والمدام
يوسف: ان شاء الله هي عرس اورطيغا مغتنكونش فيه؟!
شريف: كنا بغينا نحضرو منين رجعنا من الشمال ولكن منين زادو أجلوه مصلاحش ديجا كنا مقطعين لبيي
يوسف: معليكش هو معندو غراض فيك صيفط غير لبروسي كما خلاها هو
شريف: ههه علاش زݣلني راه حتى حطيتو عاد تحركت
يوسف: (كمل معاه وقطع بقا جالس فالجردة تفكيرو دابا فخديجة هو متفهم حالتها ولكن مبغاهاش تبقى هاكا معرفش شنو يدير حيت الا مشا ذكر تشوف شي طبيب نفسي غتكفس الأمور بيناتهم..)
ليلا: (كلفت المحامي بظغط من واليديها باش متعطيش الإفادة ديالها للبوليس بحجة الصدمة ومقادراش تهضر)
علاش مبغيتونيش نهضر واش نسكت على حقي؟! ولكن راه مجرم كلب قتال
اب ادم: وتصيفطي خوك للحبس؟!
ام ادم: خليه على الاقل يمشي لفرنسا ومغنبقاوش نهضرو معاه!!
ليلا: من ديما تتجيو فصفو واش مشفتوش شنو دار فية عاجبكم حالي!!!
اب ادم: شفت!! شفت أبنتي خوك غلط بزاااف وخاصو يتعاقب ولكن حني فيه الا دخل لحبس المغرب مغيقدرش عليه غقتل راسو
ليلا: يمووووت!! والضرب لي ضربني؟؟!!!
اب ادم: هو دار هكاك باش ينتاقم لية
ليلا: وانا مالي الا كانت عندو المشكل مع اورطيغا علاش دخل غيثة ويوسف وحمزة فهادشي؟!!! علاش تعدا علية وعلى الناس ولي عندو مشكل معاه مقدرش يوصلو حتى فاش بغا ينتاقم منو بغا يقتل ليه مو؟!!!
اب ادم: شكون قالك هادشي!!
ليلا: هو ومزال كيحلف غيقتل ليه مو ومرتو واي واحد قريب ليه!! ادم مبغاش ينتاقم ليك أبابا ومكيسوفش أصلا ليك ولا لماما ادم متقبلش اورطيغا حسن منو متقبلش داك لي كانو تيقولو عليه شمكار حسن منو
اب ادم: (بتعصب) باش حسن منو؟؟؟
ليلا: (كتبكي) بكوولشي.. بكوولشي!! أبسط حاجة عليه لبنات ديال عائلتو كيحميهم من الناس الخايبين ماشي بحالكم تتفكرو غير فولدكم! انا غرجع لفرنسا وغنسى راه عندي عائلة هنا!!
حيت بحالكم بحالو هو بدا ونتوما تتكملو علية!!
~~~~~~~~~~~~~
اورطيغا: (سلم على خالتو وراجل خالتو لي اول مرة يجي عندهم لوخرين سلم باليد عادي حيت مكيعرفهمش ومباغيش يعرفهم كيدير غير خاطر مو سلم على جداتو لي بقات كتبكي ولكن دوماج محس بواالو هادشي كان محتاجو من شحال هادي منين تزاد وكان برهوش!! ماشي دابا شاف فمو كتبكي دار بملامح وجهو باااز وهي تخرج عينو فيه زعما باش يبوس راسها وهو كيحرك راسو بلا دار يديه فجياابو بملامح باردة زعما مكيأثروش فية)
الحاج تيصوني داير نتلاقا معاه انا نوصل ليه شي أمانة ونجي
(ضار خارج تابعاه أمينة كتعيط)
شنو اصاحبتي؟!
أمينة: متبوسش راس حنَّاك الجحموم؟!
اورطيغا: لا راسها خااانز
أمينة: (مخرجة عينها مخنزرة) شنووو!!!
اورطيغا: زعما دايرة الحنة كرهت جد مها ديك الريحة عيفاتني
أمينة: انا بغيت ملاك ديرها حتى لهنا (حطت يدها فكوعها)
اورطيغا: واخا يشدوها يغمسوها من رجليها لشعرها ويعاودو يغمسوها فلݣطرااان عندي عسل هاديك البونتة
أمينة: ههه ولد لحرااااام عندك شي هضوور
اورطيغا: (ظحك وتم ماشي كان تسخرلها كولشي جاابو ليها، هبط لتحت صونا على ملاك وهو ماشي للمحال ديالو مجاوبتش غوبش رجع صونا والو وهو يصوني على مها عرفها كاينة فبيتها ناعسة استغرب علاش غتنعس دابا قطع دخل للمحال وهو يلحق عليه عمر..)
ملاك: (فيقتها مها من نعاس) اممم
زهرة: علاش نعستي ابنتي هاكا واش عمك قالك شي كلمة قبيحة عاود؟!
ملاك: يمشي ي***
زهرة: ملاااااك!!! قولي شنو قالك
ملاك: (بغضب) مااامااااا مبغيت صدااع هاد الساعة (جلست مسحت على وجهها وحايدت شالها كتحك ففروة شعرها) راه قلب علية وعطيتو هو جوابو!! موهييم
ماما شنو بانلك نكري داري للطلبة هي جاية حدا لفاك وجاية حدا مدرسة لفراملية وعاد القشلة ديال العسكر!!
زهرة: كملي ليها الزليج بعدا
ملاك: الزليج راك شفتي جابولي مراد وعندي شي حاجة فلفلوس نصبغ بيها شي صباغة عادية وعاد لي غيعطيوني الناس
زهرة: عاودي عاودي اش غيعطيوك هادوك غيمشيو لباباك لي غيجيب لحم ودجاج والحلوى
ملاك: وعلاش بالسلامة؟!
زهرة: نفكرك راك خديتي فلوس العرس وبزايد على خوتاتك كاملين
ملاك: وشنو عوالة تقسمي معايا فلوس كادوياتي؟!!!
زهرة: (ضربتها بشوية لفمها بقات كظحك) باااز على هاد السنطيييحة لي عندك باااز
ملاك: وااااااغير كنظحك معاك الزعرة
زهرة: حتى كتشوفيها ممسلكاكش عاد كتقلبيها ظحك؟؟
ملاك: واداابا غير سمعي الزليج جابولي مراد وانا غنخسر عليه غير المعلم نديرلعا صباغة عادية ونيت نكريها ودوك الفلوس نقضي بيهم على منرجع للخدمة واخا مراد مغيخلينيش مخصوصة ولكن انا ولفت بزطامي يكون ديما عامر معرفت الدنيا وزماان ميمكنش نتيقو فرجال
زهرة؛ تشاوري حتى مع راجلك
ملاك: هو مغيقول والو وزايدون راه رزقي هداك ندير بيه لي بغيت ولا عرفتي نكريه لشي محامي ولا دونتيست ولكن مغيبغيوش يخرجو دغيا الا بغيت نغضب فداري
زهرة: ههه مسبقة الغضبة من دابا
ملاك: وقلتلك متعرفيش الوقت شنو جايبة!!
زهرة: الله يستر تفائلي ديما الخير، ودارك امتى تفرشوها
ملاك: انا لي مخليتوش حيت معندووش وياله مكافي مع هادشي راك شفتيه داافع غير بالجهد
زهرة: (يعني مفراسهاش راه عندو ديوور فنفسها مشطبة هادي راه نهار تعرف غينوضوها بيناتهم)
كولشي مع الوقت زوين وحتى مراد الله يسهل عليه راجل دالوقت ودرويش وغيكون داير علاش يرجع ضرووري غيكون تحتو شي حاجة
ملاك: عندو غير الدار ويمكن مزال حتى فالكريدي، انا مكنهضرش معاه ݣاع فهادشي وحتى هو مكيجبدووليش معنيني حتى انا ما فية لي يسمع شكا ولبكى
زهرة: لا لا غيكون داااير السترة زويينة ابنتي متعرفي يجي نهار يقولك هانا بخيري وخميري
ملاك: ان شاء الله.. مهم نوض نتوضا
زهرة: راه صونا علية بغاك صوني عليه..
نهارـالحنة
ملاك: (رجعت من الصالون من بعد متقادات مزياااان وحيدت اخر زغبة عندها.. قلبها كيضرب بالخلعة كتفكر انه غدا نهار الدخلة يعني صافي معندها فين تهرب ممتخيلاش شنو غيوقع بيناتهم وغيبقاو بجوج عريانين ويتقاربو كتزيد تخلع وتظحك لقات حمزة حدا بابو باين شافها جاية وتسناها تبسمت مقادراش تخبع فرحتها)
فين؟!
حمزة: انا كنعرف العروسة مكتخرحش سيمانة من دارهم هادشي فخبار الموسيو!!
ملاك: لواااه عام!! مزال مردو عليك ولا قالولك حط السيڤي حتى نعيطو عليك
حمزة: معرفت شنو تيتسناو هاد جماعة!!
ملاك: عرفتي شنو عرفت؟! (حرك راسو بشنو) كيعمروها عليك وكيقولو ليها متزوجيش الا كنتي باغا غير باش تسماي مزوجة يعني الا قبلت بيك عرفها نيت مزعووطة الا قالولك بنتنا مزال مبغاتش تزوج عرف راسك غير نزوة ودازت
حمزة: ههه ياك!! (شاف عمها جاي) سيري دخلي قبل ميجيو يجمعوني وهاد المرة جنايات
ملاك: (ضارت شافتو عوجت فمها ودخلت حيت الا لقاهم بجوج متعرف شنو غيدير لقات كولشي كيوجد استغربت اصلا غير بين العائلة علاش هادشي كامل!! صونات على مراد ممتيقاش انها خلات واحد زلايلي من الطراز الرفيع كاره سيرة زواج يتزوج بيها جاوبها كان كيرسي مع كولشي على حساب الغد ليه)
مراد مغديرش الحنة؟!
اورطيغا: غنجيب نقاشة تنقش لية ز** مزياان!!!
ملاك: بفففف
اورطيغا: متكتريش ازين معنديش مع ريحتها
ملاك: (مكتعجبهاش) انا بعدا كتحمقني غادي ندير يدية بجوج وحتى رجلية
اورطيغا: (عاد كانت قالت ليه معندها غراض فيها) واخا لالة تبغي شي حاجة؟!
ملاك: لا قولي شنو كدير هاد الايام غير مشغوول
اورطيغا: مشغول احبيبتي غير مع خالتك أمينة جمعت لݣرووپا ديالها وتيظلو معمرين القنت
ملاك: جماعة العائلة زوينة
اورطيغا: اشمن عائلة ولا ق**** دابا عاد تفكروونا
ملاك: معليش هانتا كدير ليها خاطرها هادشي كيفرحها
اورطيغا: معلييش... شنو تدير الزين ديالي وجدتي لية داك ط***بين
ملاك: واااا مراد
اورطيغا: ههه وشنو غنقولو!!
ملاك: (تبسمت) فوفو
اورطيغا: هااااحححح على فوفو لي غندير فيه النونو
ملاك: ههههه أمراااااد!!!!! امم قولي شنو كدير دابا!!!
اورطيغا: كملت خلاص تريتور ومشيت تنشوف داكشي لي وجد!
ملاك: اممم مزيان يوسف جا بكري خدا داكشي لي شرااتلي خالتي أمينة قالتلي بغات ديرو فطيافر
اورطيغا: فخباري.. ملاك حبيبتي من بعد ونهضر معاك بانلي براج البوليس فطريق (قطع وكمل طريقو وصل لمدينة لقديمة فين كاين الرياض جمع ولاد الحومة لي تماك مدور معاهم باش يحضيو على حساب ادم ميقدرش يتيق ويخليها مفدنا لييه وهو غيكون مشغوول..)
فلعشية وصلت نعيمة ختها من برا هي وراجلها وبنتها اما فاطمة مصلاحش ليها تجي من كندا واعدتها من بعد تجي لعندها لدارها، يوسف جاب خديجة وبنتها وجات حتى الغالية وغيثة جايبين سليمان معاهم والغالية بغات تشوف هاد ماين حمزة لي مصدعين ليها راسها بيها وقالو الدار حدا الدار الا تزوجت بنتها بهاد حمزة تعرفها بعدا فين غتكون واخا هي مقابلاش!!!..
ملاك كتقاد ليها الكوافورة للي قدات فالصالون جلسة ديال حنة باللون الاخضر والذهبي قدات الديكورات وكولشي ملاك لبست قفطان أبيض بالطرز الفاسي لي قدات ليها زهرة وكانت قداتو لبنااتها كاملين عند خياطة مصايباه على اليد قدات ميكاب خفيييييف وطلقت شعرها لي قداتو بوكلي ومع ليميش لخفاف لي دارت جات زوييينة ملامحها بقاو طبيعيين لبست الاكسسوارات الشمار والحلقات والمضمة، طاح عليها السر جات غزاالة..
صونا مراد أبيل ڤيديو مسمعاتوش جاو لبنات خرجوها للصالون بصلا سلام حتى دخلوها
اورطيغا: (هاز التيليفون وكيشووف فيها.. كل مرة بحال أول مرة كيشوفها محايدة فولارها ولكن هاد المرة كانت خطيييير عينيه تفيكسااااو مكيرمشوووش جات مو حدااه حتى هي كتفرج)
أمينة: لوكان غير خطفنا شوية حداهم
اورطيغا: (متبع ملاك) مالها صفرو فالدورة راه 30 كلم اصاحبتي وهاد ضياف لي مجمعالي هنا شكون يقابلهم والا سمعونا غاديين كولها غينقزو وانا وأنا!!
أمينة: اوا نوض حتى نتا تلبس وجلس مع الطلبة راه غيبداو
اورطيغا: مزال شي صحاب الحاج تيتسناهم (شاف فالتيليفون ياله بغاو لبنات ينوضو يشطحو تقطع لابيل وكتب)
شكرا اختي غيثة الا صورتيها بوحدها صيفطيهالي
غيثة: اوكي
اورطيغا: (هضر مع مو) شوفي دراري السرباية غيجيو متحتاجيش تبقاي داخلة خارجة هوما غيتكلفو بكولشي
أمينة: اوا ولعيالات؟!
اورطيغا: غيجي جوج بنات وحدة غتسربي ولوخرا غتغسل لماعن نتي غير بقاي مع الناس
أمينة: الله يرضي عليك اولدي... (كانت ظاحكة من ودنيها واخيرا واقفة فعرس ولدها وزوينة كاينة ختها ومها معاها لي كانت كتقول مستحيل يعاودو يتجمعو!!
كانت فرحتها كبيرة وباينة عليها)
ام أمينة: هنيا عليك ابنتي
أمينة: (متبسمة وشافت فختها) عݣبااال لياسمين
اخت أمينة: فحياتك اختي
أمينة: وعݣبال لوافا بشي وليد ولا بنية
وفاء: أميييين (شافت فعݣوزتها لي كتنݣر عليها وعلى عمر على دراري ولكن هي مقررة متحمل حتى يتجمعو ويستاقروو بجوج ماشي هو لهيه وهي فالمغرب!!)
اورطيغا: (جااتو تصويرة كانت ملاك متبسمة..) غير لي يشد على مها طريق!!!
ملاك: (دارت نقش خفيف صبيع فكل يد ودارتو بطريقة عصرية من للي خارج دابا، أما رجليها مبغاتش تحني واخا عيات معاها مي حلو دير طليسة وكانت كترفض حتى مبقاتش كتجاوبهم ݣاع وخلاوها على خاطرها)
نعيمة ختي جيبيلي تيليفوني غيكون مراد صونا علية
(عطاتولها لقاتو مصوني عليها عاود صونات حيت الموسيقى تنقسااات حيت حطو لعشا لعيالات جاوبها دغيا دغيا حيت كان فوسط الطلبة شاد التيليفون مع تشاوفو تبسمو مع بعضياتهم بلا هضرة، دابا كتبانلو قريييبة حول عينيه زعما جاه الملل وهي بقات كظحك ورات ليه يد على الحنة هز حواجبو زعما زوييينة دور ليها الكاميرا قاطع صوتها بقات كتشوف الطلبة ودغيا قلب الكاميرا ليه باغي يهضر ويعبر ولكن مقموووع فالجلسة وكل الأعين عليه شيرتلو باي باي وقطعت طااالقة تنهيدة ديال الفرحة حتى جاها ميساج من عندو)
"غناكل مك"
ردت عليه "جيتي بوݣووووص بالجلابة الفقيه"
مجاوبش حيت الطلبة بداو كيديرو تقاليد الحنة..
كل واحد كمل ليلتو دالحنة على خيير بداو رجال كيمشيو من بعد متعشااو وكان واقف فالباب هو والحاج كيودعهم وكولها شنو كيعطيه فجوا مشاو ودخل حدا العائلة لي بقاو مجمعين باغي غير ينعس عيا بزاف كملو تريتورا ناض خلصهم وبقا واقف عليهم حتى خرجو وخداو الماعن وطوابل ديالهم
يوسف: (طلعو لسطح يكميو بجوج) مزيان منين درتي الحنة هنا
اورطيغا: جاتني هنا حسن مبغيت حد يتجمل علية..
يوسف: الحاج بلعكس يفرح راك واحد من ولادو
اورطيغا: واخا هكاك تتبقى البلابلا والوالدة لي عايشة فوسطهم راه داكشي لي غندير غدا مخليتش الحاج يحط درهم فيها
يوسف: حسن
اورطيغا: اوا مالك غير مهموم
يوسف: حرت مع خديجة اخااااي لدرجة حتى ماكلتها رجعت قليلة رجعتها لدارها مبغاتش تجلس لهيه واخا هكاك
اورطيغا: شدها وقولها شنو معاجبكش ابنت الناس نصلحو هضرو
يوسف: عييت معاها
اورطيغا: خاصكم تخويو من هنا ديها فين تتبغي سافرو، نتوما من عرسكم مسافرتو سيرو خويو من هنا الا تيعجبها البحر ديها لتماك مهم حطها فين تتبغي باش غتهضر
يوسف: هانتا وليت طبيب
اورطيغا: لا ملاك لي قالتلي ها شنو تقول ليوسف
يوسف: هههه حتى انا حسيت كاينة لاتوش ديالها
اورطيغا: ههه لي قالتلي المدام تنقولو
يوسف: ههه اودي... مراد عريس
اورطيغا: (هز حواجبو) شكون قال!!!
ادم: غدا كاين عرسو ساهلة غدخلي غتحطي (حط قريعة صغيرة فوق الطبلة) نقطة وحدة من هادو فكاس ديالو
أميمة: هداك سم؟!
ادم: اه
أميمة: (بقات مدة ساااكتة) والا عااقو بية
ادم: غتعرفي كفاش ديري مجاتش على هادي ومغتسلكيش راسك؟!!! (جبد باسبور وعطاه ليها) ومن تماك مغتشوفينيش سيري ضبري راسك
أميمة: (قرات الباسبور دايرو باسم بنت اخرى لبنى حفيظي وداير تصويرتها يعني باسبور مزور حط ليها حتى كارت ناسيونال شافتو) كولشي مقادو!!! وعلاش حتى نتا متقادش واحد وتمشي من هنا
ادم: ماشي شغلك فية المهم نتي كمليلي هاد شغل توصلني اخبار غنعيط ليك نوريك فين تلقاي باسبور ديالك والفلوس والبيي لتركيا
أميمة: تركيا؟!
ادم: هي بلا ڤيزا ونتي شغلك هداك فين تبغي تبقاي!! متخافيش القح*** بحالك تيخدمو تماك مزيان
أميمة: (حركت راسها باه متيقاش فيه خايفاه يغدرها راه غير باش ميقتلهاش شحال رغبت وباست رجليه ووعاداتو دير لي بغا)
واخا ولكن خاص نبدل شوية من راسي
ذ
ادم: غدا نبيل غيديك لأحسن صالون قادي راسك فيه وغتلبسي حوايج مغيبينوكش وغتمشي على اساس صاحبت توفيق (ولد سعد) هو للي غيدخلك للرياض (عطاها تيليفون عظم) هدا خليه عندك منين نعرف شغل تقدا غنعلمك فين غنخلي ليك كولشي
أميمة: مغتخويش بية!!
ادم: (مجاوبهاش خرج كيهضر مع صاحبو هو لي باغي يوصلو يآذي مراد ومن بعد ساهلة يهرب.. عطا لصاحبو واحد جوا)
هدا صباح حطو عندهم فلڤيلا !!
~~~~~~~~~~~
اصبحنا واصبح الملك لله..
ملاك: (كانو حوايجها وكولشي مجموع خاصهم يمشيو لفاس بكري على حساب العرس غيبداو فلعشية حيت قبل 12 دالليل خاصهم يكونو سالاو وتعشاو وعاد دايرة مع الكوافورة تماك يعني هنا حدها غتلبس جلابة وتمشي هي وعائلتها لدار خديجة من تماك غيجي يهزها مراد كان هدا هو المخطط ديالهم ولكن باها عندو رأي آخر!!)
اورطيغا: (مشا بطموبيلتو هو ومو ومن موراه يوسف بطموبيلتو باش يعاون بالطموبيلات ويجيبو الناس لي تماك وعاد واحد صاحبو اخر وخلا عمر يتسخر وصلو الحومة تسناو دقايقية لي دار معاهم اورطيغا وهدا كان طلب رشيد.. قرر انه بنتو ملاك غتخرج من دارهم بالتقاليد ميمكنش تخرج غير هكاك بلا حس وبلا حتى ميجيبها الراجل واخا كانو متافقين الا هو هكا طلب ومراد تفهمو وأيدو بزاااااف وخصوووصا يسكت الشائعات لي عليها..
دخل مراد ومو ويوسف للدار ملاك بقات غير كتشوف مكانتش عارفاهم جايين ضايفووهم ومراد جالس حدا ملاك لي قالها علاش وكفاش جاو شافت فباها لي واقف مع خوه كيهضرو البكية فحلقها)
اورطيغا: ملاااك!!
ملاك: (بملامح حزييينة وعينين دامعين شافت فيه ورجعت شافت فباها عاد طلعت معاها مزياااان أكتر واحد مغتسخاش بيه هو باها!!! ناضت مشات عندو معنقااه خالعاااه بقا كيظحك ويطبطب على ظهرها وهي كتبكي بحرقة كبييييرة لي بكاتو ولي بقا متبسم وللي ظحك.. لي شافهم من ديما مطايفين ولكن واحد مكيقدر على بعد لاخر..
مراد غير كيشوووف مها مشات حداها كتواسيها وكتهضر معاها بحال شي بنت صغيرة والو واش طلقت من باها غير مكتزيد تبكي كانت كتفكر ذكرياتنا كاملة معاه مع هزت عينها فيه لقات حتى هو عينيه مدمعين زادت كتبكي)
نعيمة: (كتهضر حدا راجلها) حتى انا شحال بكيت داك نهار!!!! (بتنهيدة) وعاد ملاك وبابا كانو بحال صحااب..
اورطيغا: (مبغاش يدخل فهاد اللقطة حيت خاصة بيها وبباها، شاف فمو لي كتبكي) خاصكي غير علاش؟!
أمينة: انا للي عارفة حرقتها مسيكييينة نوض حداها اولدي
اورطيغا: علاش؟!
أمينة: نوض اداك الجحموم حداها
اورطيغا: (بقا كيظحك ناض مشا حداهم والو غير كتبكي ومزيرة على باها معنقاه واخا عيا يظحكها) ملاك صافي هاحنا نكملو العرس ونردك هنا واش انا هبيل نفرقك مع باك!!
ملاك: (فلبلاصة ضارت مخنزرة فيه حتى كولشي طرطق بالظحك)
رشيد: ههه الله يرضي عليك ابنتي منبغيش نشوفك كتبكي وصفرو غير حدانا وانا كل 3 أيام كنهبط لتماك نجيب السلعة كل مرة ندوز عندك وعند ختك
ملاك: حلف!!
رشيد: واش الحمقة انا ساخي بيك حتى ومنطلعش على السلعة نجي انا ومك نشوفوك نتي وختك
زهرة: لا صافي معندنا دابا منديرو بيهم جا وقتنا نسافرو شوية
ملاك: هاااااا دابا عاد بانلك سفر حتى صردتيتي أنا!! (قلبوها ظحك وخرجو من تماك مراد هاز الباليزة وهي معنقة باباها حتى كتشوف دقايقية بداو الطرح حدا باب الدار تبسمت متفاجئة بقات غير كظحك وعينيها منفوخين بالبكا وباها كيمسح عينيها حتى وصلو للطموبيلات ركبت مع مراد ومو ومعاها أنير لي متعانقين ولوخرين كولها فين توزع باها وعمامها حتى الليل عاد يلحقو بيهم للرياض...)
اورطيغا: (كيهضرو على ضياف لي فالدار ومرة مرة كيشوف فملاك من لمرايا لي غير ساااهية معنقة أنير لي ناعس على حضنها عرفها مسخياش بدارهم بباها ومها وحب بزاااف علاقتها مع باها ݣاع داك صداع وتخراج عينيها تبخر منين جات خارجة!)
ملووووكة!!!
ملاك: هم!!! (بهدووء ضارت عندو) نعام؟!
اورطيغا: فين ساهية؟!
ملاك: والو غير كنشوف طريق وصاافي
اورطيغا: (حرك راسو بأه قادر يهضر ويواعد ولكن هو غيدير بالفعل ماشي غير بالهضرة.. وصلو لفاس عند دار ختها تماك فين غيتجمعو عائلتها ويجي مراد ياخدها نزلت ونزل هو مكرهش يعنقها)
ملاك!!
(وقفت حداه عينيها ذابلين بكترة البكا للي بكات.. بقا غير كيشوف فيها)
ملاك: غير مسخياش ببابا وماما
اورطيغا: هوما قراب لينا فوقما بغيتي غييجيو عندك نمشيو عندهم والتيليفون تيقرب كولشي
(حركت راسها باه)
كفاش انا غنظحكك دابا!!
(تبسمت)
وااااا صافي احبيبة رخفي شوية على راسك راه اليوم نهار عرسك خاصك تكوني فرحانة شحال ونتي تتسناي هاد نهار
ملاك: زعما نتا مكتسناهش
اورطيغا: تنحبك الوزغة
ملاك: (متبسمة) أنا نطلع خاص نمشي لكوافورة
اورطيغا: ملاك غتلبسي الحجاب ديالك الدنيا غتكون مخلطة فالليل
ملاك: (حركت راسها باه) عارفة واصلا علاش غنحايدو؟؟
اورطيغا: واخا غتكون غير العائلة ولكن ديريه ومتكتريش من المكياج (حركت راسها بهدوء قرس حنكها ومشات وهو طلع حدا مو ورجعو للدار يغديو العائلة ويوصلوهم للرياض على متوجد ملاك باش تجي..)
~~~~~~~~~~~~
فلعشية كانت ملاك واجدة فدار ختها كتسنى مراد بقات معاها وفاء وخوتاتها والعائلة كولشي مشاو للرياض
ملاك: (كتشوف راسها فلمرايا كانت لابسة تكشيطة فلبيج ديال لعريسات كولها منبتة مع فولار ساامبل دايرة ميكاب زوين محليها كتر وخوتاتها كيشكرو فيها وصل مراد طلع عندها ونزلو كيظحكو على هاد العراسية لمفشكلة هوما من اللول حتى واحد فيهم مبغا العرس.. طلعت فالطموبيل ديالو كان لابس كوستيم بقا كيشوف فيها حيت حدا خوتاتها مقدرش يهضر ولا يمدح كيف بغا بقا كيشوف فيها باعجاب هز يدها وباسها)
عارفة عارفة جيت زوينة
اورطيغا: (هز حواجبو) لووووووز
ملاك: ههه حتى نتا جيت زويييين اول مرة نشوفك بلكلاس
اورطيغا: واخر مرة من غير الا بغيتي تعاودي تزوجيني (ضرباتو لصدرو) احححح غير بشوية علية راه تابعني يكون عندي السوووفل هاد الليلة!!!
ملاك: زمر (بغا يقرسها من شنايفها) لا لا العكر امراد
اورطيغا: دايرة العكر؟!
ملاك: لا انا شنايفي حوومر من عند الله
اورطيغا: ههه تخراج العينين!!
ملاك: (بقا كيشوف فيها حتى حشمها) وصاافي صوݣ نمشيو
اورطيغا: عندك زهر الناس تيتسناو اما نزطم بيك (فرنست) على بركة الله....
صايݣ فطريق ومرة مرة كيكلاكسوني خالق جو العرس وهي غير كظحك وصلو للدرب بقا فطموبيلتو دراري دالخومة كيخويو ليه طريق باش يصلاح يدخل ومضربش مسافة ديال طريق وهي عرووسة ويقربها للرياض اما لوخرين كولشي بقا فلباركينغ وجات على رجليهم مكانتش مسافة بزاف..
(كانو عيساوة فالدخلة واجدين بلبستهم والماتريال ديالهم تبسمت وشافت فيه)
ملاك: جبت عيساوة؟!!!!
اورطيغا: اممم وبغيتك طلعي فالعمارية ولكن تلبسي واحد لبيسة
ملاك: (مدهشة) بالصح!!!! شنو هاد اللبسة!!
اورطيغا: تعجبك اللبسة الفاسية؟؟!
ملاك: امم ههه معمرني لبستها
اورطيغا: اليوم تلبسيها اكبيدة وهدا طلب مني من ديما بغيت تنتخيل نشوفك لابساها
ملاك: هه بالصح؟؟ ههه الا هكا واخا واخا!! (هبط ومشا حل ليها الباب عاونها تنزل بشوية بداو عيساوة والناس معرضين ليها وفمقدمتهم أمينة لي هازة مريشة دايرة فيها ماء زهر كترش الفوق دخلوها للبيت لي حدا الباب كانت الكوافورة تماك كتسناها بقات كتلبسها وهنا كان العذاااب الحقيقي لبسة تقيلة والاكسسوارات تقااال جاتها لبكية وهي مكوانسية حتى بغات ترااجع ولكن مقدرتش ترفض طلبو الغريييب مراد ماشي من النوع لي يبغيها تبع هاد التقاليد!! كملت ليها دخلو خوتاتها كيظحكو عليها وهي مكووفرة)
سيرو ت"****
نعيمة: عبر على مك من نهار اللول كووفرك
مريم: (دايرة أبيل ڤيديو مع فاطمة)
ههه شوفي شوفي مقادراش حتى تحرك راسها.. دارلك قضية نهار اللول يموت المش
ملاك: (مخنزرة جاها هدا انتقام ماشي شهوة يشوفها لابسها)
وفاء: حشومة عليكم بعدوها جات زوينة هه ملاك جيتي فاللبسة شوية دالوجه وبزااااف دلحوايج
ملاك: سيري تخ***
(هي غير مخنزرة تخنقت بهاد اللبسة وعاد التاج تقيييل بزاااف حاسة براسها ضارها.. دخلو العمارية هي جلست فيها بمساعدتهم كملت النݣافة اخر لمساتها وخرجوها كان مراد برا تبسم وهي والو مكظحكش زاد ظحك بداو النݣافات كيصليو على نبي هو كيشوف فيها متبسم كيدير ليها إشارة باش ظحك غير حشمت انا تصبعو..
دخلوها للرياض لداخل وهنا بقات غير كتشوف طبيلات والرياض كولو ورد جاي مدلي من الطابق التاني ومضوي كان زويييين بزاااف والناس واقفين مع الدقة العيساوية ومع دخلتها هي غير كتشوف حتى بقات كتبسم مع الكاميرا ومها كولشي لي فرحان ليها مراد مشا وقف حدا الكوشة ديالهم كيشووف فيها وااقف حتى وصلوها عندو حناو دوك دراري لي هازين العمارية راكعين على رجل وحدة مقربينها ليه بخطوات قرب ليها متبسم باس جبهتها حنات راسها حشمااانة وطلعوها عاود هو بقا واقف بشموووخ كان عااجبو الحال مرتاااااح الحاج عطاه الصلاحيات يتصرف هنا كأنه ولد هاد الرياض ولكن مقبل منو فهاد العرس حتى درهم واخا تقلق منو!! فالاخير تفهم انه هاكا يكون مرتاح يعاونو فشي حاجة اخرى ولكن هاكا باغي!!!
شاف فمو لي غير كتشير باينة الفرحة الكبيييييرة فعينيها وفكل طرف منها قربت تحير بالفرحة، مشات ملاك من تماك خرجوها باش تلبس حوايجها وترتاح غير لبست عيطاتلو وحدة من بنات النݣافة مشا عندها باش يدورو على ظياف والعائلة وهي شادة فذراااعو كيباركو ليهم وهوما كيتجاوبو معاهم وصلو الكوشة جلسو شد فيدها كانت جامدة بالبرد ظغط عليها مزيان وهي كترجف هضر فودنيها)
علاش تترجفي!!
ملاك: (جاوباتو بنفس الطريقه) حشمت هه هادشي زويييين
اورطيغا: نتي كتر!! (شافت فيه متبسمة)
ملاك: شوف مك!! هه
اورطيغا: ضار شاف فمو لي مشات الجوق شادة 200 درهم كتبرح وتبارك لولدها وملاك وترحب بالناس وكتقولهم يديرو الرݣادة مع داروها بقات كتشطح جاية اتجاهو نوضااتو ونوضت ملاك لي غير كتصفق وظحك هو شطح معاها حتى ناضو كيشطحو دايرة أجواء دالعرس...)
مشات تبدل باش تلبس اللبسة التانية باش تعشا هادشي مكانتش ݣاع عوالة عليه جاها أحسن عرس ممكن تحلم بيه فوسط عائلتها وكبر بيها بزاف عمرها تنساها عشر مساءا ليه هو ومو لقات تكشيطة فصفر تحتاني بيض ودو فاص هي زوينة مشارجية شوبة ولكن اللون!!!
ملاك: مكايناش شي حاجة اخرى!!! شي. لون اخر؟؟
النݣافة: راجلك لي وصى على هاد اللون بزااف وبغاه
ملاك: (بقات غير كتشوف عندو شي أذواق مرة يا كلاص بزااف يا مفشكل بقات كدورها فراسها تلبس ولا شنو دير التكشيطة ماشي خايبة ولكن كاين ألوان حسن وعاد هي عروسة يعني كاين تكاشط اخرين خاصين بيها)
مكاينش شي حاجة اخرى؟!!!
النݣافة: جبت جوج تحسبا الا معجباتكش شي حاجة من هادو ولكن بجوج فالبيض ونتي لبستي البيض راه حتى هادي زوينة ابنتي ونصحك وخوديها مني نصيحة بحال ماماك راجلك عشق هاد اللون عليك وبغا يشوفك بيه معليش ديري ليه خاطرو راه جوج مرات كيأكد علية تلبسيه
ملاك: (بقات غير كتشوف التكشيطة زوينة ومن النوع جديد وداخل فيها لوينات زوينين واكسسوارات ديالو زوينين) واخ صافي
النݣافة: انا لبسهالك ونقادك غتجيك زوينة (لبساتهالها وقدات ليها الاكسسوارات الخاصين بيها عطاوها منظر اااخر وجاي زوين قدات فولارها بطريقة سامبل وزوييينة ممبينة والو لا رقبتها لا زغبة من شعرها المكياج بدلت لعكر دارتو خفيف حيت غتعشا ودارت ليها روتوشات خفاف مع عقيقات فحنيكاتها)
حتى هادو طلبهم راجلك
ملاك: ههه (شافت راسها فلمرايا جات زوينة ودوك لعيبات فحنيكاتها ديال عريسات زمان والأميران غير دابا بطريقة عصرية زوينة حركت راسها باه دارت ليها تاج صغيير ورفضت لفوال هاكا عجبها راسها لبست طالو عالي باش تبان التكشيطة وتجي معاه فالوقفة.. حلت لباب كان هو تبسم منين شافها)
هه بغيت نفعه غير علاش لصفر؟!!
اورطيغا: مصااوي شنو بغيتي لبسك لخضر!!! (الماص هو الفريق الفاسي دالكورة)
ملاك: ههه هاد نهار درتي فية شراع يديك مزيااان
اورطيغا: (قوس ذراعو باش دخل يدها) ومزال يعجبك الحال!!!
ملاك: ههه (عجبها الحال كفاش كيشوف فيها بإعجاب جاو بنات النݣافة لي كيكونو معاها دخلوها بصلا وسلام كولشي فطباليه كيتسناو العشا جلسو فطابلة لعشا مع الحاج وأمينة وزهرة ورشيد وبدا العشا كيتسرابا كان كولشي مضخم أطباق متنوعة شافت فيه)
مقلتيليش موجد هادشي عليها كنتي مشغول علية!!
اورطيغا: تستاهلي كولشي (تبسمت فرحااانة شافت فباها غمزاتو كدور عينها زعما كيف جاك مراد بقا باها غير كيظحك...)
ولد سعد: (كان دخل معاه أميمة فالوقيتة لي كان كولشي مشغول باش يتعرضو لملاك، كانت لابسة عباية كحلة مع نقاب ديالها باينين فيها غير لعينين نيشان داها لبيت باه وسد عليها بقات هي تماك طول المدة وهو خرج يحضر للعرس كأن مداير والو حاضي الوقت لي يصلاح ليه واخا حلف فيه اورطيغا وقالو نهار نعرفك سباب الوالدة غيقتلو ولكن هو استغل ان مراد مشغول بعرسو وحضر جالس مبعد..
تحط لعشا الديسير وبقاو جالسين مجمعين فطوابل رجع هو وعروستو الكوشة ديالهم مقرب ليهم طبيلة فيها طبسيل ديال الديسير،
ناض سعد لعند السرباي طلب منو قهوة نص نص للعريس مشا بالزربة عند أميمة)
خرجي للكوزينة نيشان داكشي ديريه فالقهوة دلعريس
أميمة: (بخوف) كفاش ندير ليها؟!!
ابن سعد: ضبري لك***
أميمة: واخ... ياك من بعد نخرج؟!! نمشي فحالي؟!!!
ابن سعد: اه
أميمة: (متايقاش فيه ومتيقاش فادم وعارفة هادشي لي فيدها سم يعني غتقتل!!)
وريني الكوزينة
ابن سعد: تبعيني...
(خرج تبعاتو دازت من مور الحضور شافت بالخطفة فالموطودين مفرزت حتى رجعت شافت فملاك لي كانت عروسة يعني كولشي عايش حياتو عادي وهي لي هاربة ومغضوب عليها ومكروهة ومسخووطة!!! جاتها لبكية من هاد الحالة لي حطت راسها فيها واخا حمزة مكانش كيبغيها ولكن كان واعدها يكملو زواجهم ويصلح راسو من بعد موت ولدهم ودابا بكترة الحقد والكره والانتقام غتحول حياتها وبقات ليها دقيقة وغترجع قتالة!!
وصلت للكوزينة لي كيغسل لماعن لي كيوجد لعواصر وكيمسح الكيسان وطباسل باينة غيحطو الطورطة ولد سعد بعينيه شير ليها على بلاصة ديال القهوة لي كانت كتبريصا وخرج حدا لباب حاضيها بقات بوحدها خايفة متوترة بقات كتقرب وجبدت لقريعة)
ابن سعد: (للسرباية لي ماشي عند اميمة) ختي شي قهيوة نص نص
أميمة: (دارت نقيطات فالقهوة دغيا بعدت منين جات السرباية) عفاك اختي لعروسة بغات عصير الليمون
السرباي: واخا ختي انا نديلهم القهوة والعصير غير سيري ترتاحي
أميمة: شكرا (خرجت وهي كتنهج بالخوف ابن سعد خوالها طريق وعطاها التيليفون عظم باش تواصل مع ادم وهي فلباب دارت نمرة ديال حمزة دغيا لي حافضاها صونات مجاوبش ورجعت كتبت ميساج)
"""*قهوة ديال العريس فيها السم*"""
ابن سعد: سربي راه تيتسناك الدري
أميمة: (خرجت زاربة دايرة النقاب على وجهها ياله غدور حتى كتشوف حمزة برا حدا طموبيلة العريس كيهضر فالتيليفون ومعاه راجل خديجة بقات واقفة مشوووكية... شنو غدير واش تهضر ولا تبقى ساكتة تهرب ولا شنو دير؟!! عاود كتبت ميساج مخربق باش يقرا)
Nccdgvj
(صيفطاتو والو مزال داير التيليفون فودنو هنا زادت خافت كانت هادي هي الخطة ديالها الوحيدة جاتها لبكية متقدرش ترجع وعندها طريق وحدة هي تهرب!!!)
يوسف: (واقف مفقوووس كيتسنى حمزة يعطيه الخبار صحيييح..)
حمزة: (حرك راسو بلا) ضروووري خاصنا نعرفو واقفين عليها.. اه عرفت مشا الحال غير شوف كيفاش دير!!!
فلاش باك
من مور مرجع من عند ملاك لي جابوها من صفرو وحطها فدارو عيطلو خوه يجي للڤيلا حط لي جاو معاه ومشا الفيلا كيلقى الغوات وأشرف محيح على غيثة لي كتبكي
يوسف: شنو واقع؟!!!
اشرف: (كمش الورقة للي فالأرض وعطاها ليوسف)
ها لي قلنا الولد بالصح ماشي ولدو
يوسف: (قرأ الورقة كيتمعن فيها)
غيثة: (كتبكي معنقة مها) انا مكنت تنعرف حتى واحد من غيرو!!! والله القسم الا هو باااه!!
اشرف: وااا الولد من عند من الكلبة ؟!!!!!
الغالية: (عندها شك واحد هو اورطيغا يمكن جاتو فحالة ميكونش واعي وهي مواعيااش نهار لقاوها فدارو وعاد أغلبية فاش كتحصلها مغيبة كتسولها معامن كنتي كتقولها مراد ونهار جات بلا سليب قالتلها مراد لي عراني وهي مشات رغباتو يتزوجها ݣاع علاش رفض!!)
يوسف: يقدر يكون مزور هادشي مزور؟!
اشرف: واش مباغيش تحل عينك اصاحبي الولد باينة ماشي ولدو قالها مرة وجوج وتلاتة ودابا جايب لينا التحاليل من بلاصة معروووفة باين ماشي مزور
يوسف: وباش نعرفو انا متنتيقش فيه (شاف فغيثة لي كتبكي) شنو!!
غيثة: والله اخويا متنكذب انا كنت تنعرفو غير هو ميمكنش
يوسف: (مباغيش يفكر بزاف ولكن راه باينة منين كانت مغيبة كان كيعطيها لصحابو كما دار مع ختو!!! (ظن منو انه حتى ختو دورها بين صحابو) ضرو خاطرو بزاااف وبقا غير مشوووكي مكانش باغي يكون هاد الاحتمال ݣاع كااين ولكن هدا هو الواقع)
انا غنصيفط لابوراطوار فين تدارت هاد التحليلة!!!
اشرف داك الكلب راه اكبر كذاب شنو اصلا تنتسناو من واحد بحال هداك دايرهم ب10 متيعرف لا ربي لا عبدو
أشرف: هاحنا غنشوفو!! انا الا لقيتو نقتلو !!
يوسف: (بزفرة مخنووق) كفاش وصلتكم هاد التحليلة؟!!!
اشرف: لقيتها فأنڤولوب حدا لباب.. الكلب نشدو نقتلو!!!!
يوسف: علاه هو راجل باش يبان صافي غيثة الوالدة وجدو راسكم للعرس
غيثة: مبقيتش باغا نمشي!!!
يوسف: شنو قلنا مغيخلعناش هداك شماتة وجدي راسك غتمشي وغتنساي هادشي
الغالية: انا مغنمشيش
يوسف: الوالدة!! شكون يقابل معاها ولادي وولدها؟!!
الغالية: (سكتت كولهم مضمرين فالداخل ديالهم وعالم بيهم غير الله أما يوسف مزال كيقرا ديك التحليلة لي نسبة تطابق ادم مع ولد غيثة غير 1٪ يعني 99٪ ماشي ولدو...)
ملاك: (حطت يدها على عنقها لي متشنج) اححح عنقي!!!
اورطيغا: مالك؟!
ملاك: عنقي ضرني بديك اللبسة غير قولي واش كنتي تنتاقم مني بديك اللبسة
اورطيغا: (بهدوء) جيتي زوينة بيها
ملاك: وعلاش هي بالظبط؟؟ نتا ماشي من النوع لي كيديها فهادشي
اورطيغا: قالي الحاج الا صبرت المدام على ديك اللبسة ولبستها غتصبر معاك على الحلوة والمرة
ملاك: دعييييتك الله الحاج
اورطيغا: (متبسم) هاديك هي الغراض من ديك اللبسة الفاسية وبلا هادشي عجبتيني بيها
ملاك: اممم اوا وباش نعرفك نتا واش تصبر معايا ولا لا
اورطيغا: باش تعرفيني صبار... هو تزوجتك
ملاك: (ميقت فيه) شنااااوااااا
اورطيغا: متخسريش لمك كمارتك فية والناس تيشوفو!!!!
ملاك: بااااز!! بلفرحات عليك قبلت نتزوجك (قرس فخضها تحت الطابلة حتى نقزت) اححح.. عندك مع هادشي ديال التقليدي مبيناش فيك!!
اورطيغا: تيعجبني شوية بين او بين
ملاك: مرة المنمر مرة الأصالة مرة الماص شنو باقي
اورطيغا: (متبسم) الواحد هو لي يكون ميلونج من كل حاجة ولا لا
ملاك: اممم كديرلي الإغرااء (بقا كيظحك) فين غنسافرو
اورطيغا: غرتاحو بوماين هنا وبعدو غنمشيو لمراكش هو اللول ومن بعد نشوفو
ملاك: اوكي
السرباي (حط كاس العصير لملاك وقهوة لمراد ممنتابهيش مزال كيهضرو)
ملاك: مكرهتش نتصور هنا فالكوشة انا وياك ولكن بلا فولار
اورطيغا: لا
ملاك: وا غير قلت مكرهتش اما هنا مصالحش الدنيا مخلطة
اورطيغا: (شاف فيها) هاكا جيتي حسن
ملاك: (هزت حاجبها) عارفة!!!
أميمة: (كانت هاربة باش مدخلش الحبس على حساب شنو دارت لحمزة وملاك هي وحنان ودابا الا تشدت غدخل حيت قاتلة!!! مشات زاربة قاصدة ولد صغير كيلعب وهي كترجف معندهاش درهم باش طلبو)
الولد الولد!!! اجي اولدي عفاااك سير عند هداك الراجل قولو راه ولد خو العريس دار السم لعريس فقهوة جري جري راه غيمووت والعرس يتقلب ݣنااازة!!
الولد: (كان واعي شوية عندو 10 سنين مشا كيجري عند السيد لي نعتات ليه)
عمي عمي واحد المرا قالتلي العريس غيقتلو شي واحد بالسم فالقهوة ديالو
يوسف: شنو؟!
الولد: (شير لفين كانت واقفة أميمة لقاها مشات هاربة) كانت هنا واحد لمرا لابسة كولشي كحل قالتها لي
يوسف: (حنا عندو) شنو قالت ليك؟!
ولد سعد منين شافها خبرت الولد صغير حيت كان متبعها وشاف الولد مشا عند يوسف عرف غتكون باعت بيهم واكترية منين سمع الدري شنو قال وبغات تلسقها فيه
...: قالتلي خو باين ولا ولد العريس معقلتش غيدير السم فالقهوة ديالو بغا يقتل العريس
يوسف وحمزة تشاوفو وشدوها كعطة للرياض تابعهم الولد وولد سعد هو من اللول متايقش فيها حبس فالدخلة بحال والو يلقاو مراد طايح ميت وغيتبعو كلام الولد وأصلا هو كان مشبووووه ودابا غيتأكدو رجع اللور و مشا يتبعها
يوسف: (مكاين لا مراد لا ملاك وڤري لقا غير طبسيل ديال فنجال القهوة والعصير حداهم فطابلة ديالهم سول واحد من الحضور)
فين مراد؟!!!؟ (لاخر جاوب بمنعرف!!!...)..
يوسف: (بقا هو كيقلب وحمزة مشا من حداه!!) فين مراد الالة أمينة
أمينة: (شافت فبلاصتهم) عاد كانو هنا اولدي ياكما مشاو يبدلو!!!!
~~~~~~~~~~~
أميمة: (مشات كتجري فين دايرة مع صاحب أدم وكطلب الله يعتقو مراد قبل ميشرب القهوة هي مسوقهاش يموت ولا يحيى ولكن متكونش هي سباب!!! لقاتو واقف فين ورااها)
عطيني الباسبور ديالي دغيا
....: قالي ادم حتى يجيه خبار صاحبنا
أميمة: (يعني غنمشي فيها) انا درت لي علية عطيني داكشي ديالي قبل منبظا نغوت فهاد الليل ونجمع عليك الناس
ولد سعد: (لحقها دفعها مع الحيط) الكلبة باينة ضيعت كولشي وعاد مسبيااااها فيا؟!!!!
اميمة: (بخوف) مضيعت والو كولشي درتو ونتا شااايف وانا نسبيت فيك والو
ولد سعد: (شاد يدها مزير عليها) شنو قلتي الولد يقول ليوسف القح*** قلتيلهم أنا لي درت السم!!!
أميمة: مقلت والو والله مقلت والو الولد لي سولني واش شفت مو وقلتلو يمشي يسول صحاب العرس
....: ياله نديوها بالطموبيل
أميمة: (كتحرك راسها بلا هنا عرفت غتمشي للموت برجليها وحتى هداك لي طايحة معاه مكاينش لي يعتقها) ويييييييك ويييييييك عتقو الرووووح!!!!
ولد سعد: (كيسد ليها فمها ومع الليل رجل قليلة والصوت مسموووع) سد الق*** فمها انا نجيب الموتور ديال خويا الطموبيل بعيدة
أميمة: (كتبكي) عفااااكم خليوني نمشي انا درت داكشي لي قلتولي... (سدلها فمها وهي كتركل شدلها راسها وهو يدفعو بقوة مع الحيط حتى دااااخت والضو ضرب فنيفها وعينيها مبقات عرفت راسها باش تبلات.. حست بعظم نيفها تهرس)
انا درت داكشي (داخت حتى بغات تطيح....)
ملاك: (كانو كيهضرو على العرس حتى شافت العصير) نتا طابت العصير
اورطيغا: لا
ملاك: امم عنداك تشربو
اورطيغا: هه (شاف فالقهوة هزها ياله غيشرب منها)
ملاك: مرااااد
اورطيغا: شنو؟!
ملاك: بغيت ندخل طواليط!!!
اورطيغا: اجي معايا لبيت الوالدة حسن !!!(مشات معاها ختها وصلهم لبيت مو وهو طلع لسطح شاد قهوتو كيتسناها حتى تعيطلو بغا يكمي وهو يتفكر الريحة خلاتو حااابس..)
ملاك: كيف جاك هادشي ؟!
نعيمة: غزااال ابنت الحرام نتي لي صدقاتلك درتي الدار بفلوسك ودرتي عرس بفلوس لعريس
ملاك: ههه والله مكان فخباري غيدار هادشي كاااامل حسابلي غيديرو بحالنا غير عراضة وصافي ساعة حايدت شهوتي من العمارية وهو لي ختارلي لباس هه (دخلت لطواليط غير رادة لباب)
نعيمة: بصحتك احبيبتي جيتي زوينة وحتى مراد رااااجل وسيد رجال تهلا فيك بلمزيان معندي منتسالو
ملاك: شفتي!!
نعيمة: وأنا نفهم علاش شديتي فيه بديك ورجليك
ملاك: ههه شفتي!!!
نعيمة: الله يخليكم لبعضياكم (خرجت ملاك من طواليط) هو بغاني نحمل من اللول وأنا شربت الكينة هاد ليامات خفتها تجيني
نعيمة: اوا حبسيها دابا راه فاتت المناسبة
ملاك: وفاش نسافرو؟!
نعيمة: شوفي قالك!! متشربيش صافي متشربيش باش فاش تجيك قولو نتا لي قلتلي متشربيهاش
ملاك: وا غير بغيت تفوت زعما المناسبة
نعيمة: صافي حبسيها راه كاين شي رجال مكيبغيوش كلمتهم تنزل للأرض يقدر يلقاها عندك ويخاصم عليك
ملاك: لا صافي اصلا مجبتهاش معايا حبيتها لبارح بالليل
نعيمة: اوا مزيان اصلا الله يحفظ شي مرات كتشد على الحمل (دخل يوسف عليهم خلعهم)
يوسف: فين مراد؟!!!
ملاك: مالك شنو واقع
يوسف: فيييين مراااااد؟!!!
ملاك: معرفت يمكن رجع لتحت علاش؟!!
يوسف: (خرج زارب مخلي لخواتات غير كيتشاوفو.. هبط لتحت كيقلب بحال الحمق حتى مشا للجوق اخر حل بقالو هز الميكرو)
مرااااد مراااد!!
(كولشي ضار كيشوف)
وااااا اورطيييييغا!!!
(كولشي مستغرب طل مراد من سطح وتم نازل بشوية حاط الفنجال فطبيلة تماك غير شافو يوسف قرب حداه)
يوسف: (حط الميكرو ومشا عندو) فين القهوة؟!
اورطيغا: هه اشمن قهوة!!!
يوسف: واش شربتي منها!!!!
أميمة: (دايخة شادها لاخر وهي بحرا كتقدر تحل عينها حست بنيفها تهرس لدرجة عينها بغاو يتسدو وحريق خاااايب ولكن عارفة تابعها ما أكتر مع هاد الهبل لي تسلطو عليها!!!!)
طلق مني!!!
...: (سد فمها مزيااان وهي مع الدوخة مكتقاومش) سكتي!!!! اليوم حتى واحد مغيفكك منو
أمينة: (باغا تهضر) انا درت داكشي لي باغي
....: سكتي دابا حتى نوصلو عندو
حمزة: (وصل حداهم شاف فيهم واحد شاد وحدة منقبة باين غير عينيها بشك تكون هي) أميمة!!!!!
أميمة: (هنا سخفت كولشي تجمع عليها الخوف الدوخة كولشي.. الا مقتلهاش ادم حمزة مغيرحمهاش حتى هو وعاد الا حتى واحد معتق العريس ومات!!!)
حمزة: (مشا يفكها لاخر لي كان شادها زدحها من الأرض عافط عليها ومشا شدها بجرية وحدة مغيغامرش على حسابها وأصلا مكتعرفوش!!! حتى حمزة متبعووش مشا عندها زول النقاب وجهها كولو دمايات كيشوف فيها داز من حداه موطور ولي راكبو كيشوف فيه عرفو هدا لي شدو مراد داك نهار فسبيطار!!)
حتى نتا معاهم؟؟؟؟!!!!!
ابن سعد: (زاد السرعة مجاوبوش ومشا فحالو)
حمزة: (بقا مدة فهاد اللحظة ذكرياتو مع باه كولهم حضرو فبالو وبين عينيه عقلو رجع شهووووور اللور وبالظبط داك نهار!!!
تفكر داك نهار لي خلاتو يخرج يلعب الكورة مع صحابو ووعاداتو تهلى فباه لي كان عيان شوية تعطيه يتغدا ويدخل يتكى كفاش طاوعها قلبها تحط عمها فداك الموقف غي حيت غارت عليه من ملاك كفاش عطاها خاطرها تحضر لدفينتو وجنازتو وهي من سباب موتو!!!
كفاش عطاها خاطرها دخل راجلها وولد عمها الحبس وهو مظلوم ولاعبة عليه!!!
كفاش مبغاتش تنازل باش هو يحضر لدفينة باه!!!
تفكر باه كفاش كان كيدافع عليها وكان باغيها تكون عروسة ولدو لدرجة قطع الهضرة معاه غير باش يتزوجها.. صونا على الشاف ديالو علمو أنه لقى أميمة سخفانة مقربش ليها حتى يجييو يديرو الإجراءات حيت الا هزها متعرف باش تغرقو عاود! واخر حاجة باغي دابا هو تزيد ضيع ليه حياتو ويخلي مو بوحدها!!
انتابه للميساجات لي تصيفطلو من نمرة غريبة باش يحضيو العريس شك تكون هي نيت لي بغات تحذرهم يعني جوج احتمالات يا هي لي دارت السم يا ولد خو اورطيغا!!! صونا على يوسف باش يعرف شنو وقع مع مراد!!!)
اورطيغا: (شافو جدي كتر من لقياس) اش تما اعشيري!!!!! شنو بلان هاد القهوة عاود!!!
يوسف: هضر ابنادم واش شربت من القهوة؟!
اورطيغا: اشمن قهوة ا***!!!!
يوسف: قهوة لي عطاوك
اورطيغا: معطاني حد!! (عاد تفكر!! كان بغا يكمي بيها ݣارو ودار بناقص معقلش حتى فين حطها ضار كيشوف فين دارها) لا
يوسف: (شاف كولشي كيشوف فيهم جرو مبعدين) ادم صيفط شي حد دارلك فيها السم!!! شي مرا هي بيعت بيه!!
اورطيغا: (متفاجئش من الفعل ولكن خمم لوكان شربها!!! رجع كيشوف اللور مخرج عينيه واش بقات فسطح ولا فين حطها؟!! ومينكرش انه خاااف)
يوسف: متأكد مشربتش حتى جغمة!!
اورطيغا: لا.. لا عنداك غير شي واحد يشربها!! معقلتش اجني حتى فين حطيتها!!! كفاش مرا وكفاش هاد الق*** عاود!!!
يوسف: (كان قلبو غيسكت بالخلعة) الحمد لله بعدا دازت بخير!!!
اورطيغا: (رجع للداخل اخر حاجة يبغيها هو يشربها شي واحد فنهار عرسو وعاد الا كان من المقربين تعصب ولداخل ديالو كيفور يعني هاد الانتقام مزال مبغا يسالي هاكا غيبقاو حياتهم كاااملة ميتهنى حتى يصفيها لشي واحد قريب ليه ولا هو نيت!!! كيدور عينيه وكيشوف طوابل كولشي مجموووع محطوطين غير طباسل وفراشط جاه تريتور)
...: خويا نحطو الطورطة دابا؟!!!
اورطيغا: (واش مزال يتيييق دابا ولا شنو رجع عند يوسف هامل السرباي لي كولشي رجع كيجيه مصيفطو ادم) شكون لي دار السم؟!
يوسف: (كان كيهضر مع حمزة فالتيليفون قطع وشاف فيه) مرت حمزة!!
اورطيغا: كانت حتى هنا؟!! وكفاش دخلت وشكون دخلها!!!
يوسف: هادشي لي عرفت حتى انا دابا
اورطيغا: يعني شي ولد الدار لي دخلها غيكون غير الز**** ولد سعد هو لي كان تيحوووم داك نهار عند الق***
يوسف: دابا خلي الدعوة ساااكتة كمل عرسك وهي راه البوليس غيجيو يجمعوها دابا وغتݣر بكولشي
اورطيغا: القهوة فين حطيتها بزاف هنا ناس يقدرو يشربوها!!
(طلع لسطح تماك كان ملقلهاش رجع نازل بشوية كيقلب والو واقف كيدور عينيه على الحضور حتى واحد مهاااز قهوة مشا للكوزينة لماعن كيتغسلو)
واحد القهوة كنت حطيتها مزال مشربتها؟!
....: مشفتش اخويا اما لي علية جمعت كولشي وجبتو يتغسل!!! عبد الرحيم قالنا كولشي يتجمع ويتغسل باش يخرجو لماعن!! ياكما نقاد ليه شي وحدة
اورطيغا: (خرج بلا عقل من تماك كيشوف ملاك كتشير ليه باش يرجع مبقا عندو خااااطر لهادشي ضار خااارج من تماك هز ݣارو شعلو كيكمي صونا على حمزة لقاه مزال حدا أميمة باش متهربش كيتسنى البوليس لومبيلونص حيت مزال مغيبة فهم هي لي نقذاتو ولكن شكون لي دار السم خاصها تفيق باش يعرفو واش هي ولا واحد اخر وشنو اصلا كانت كدير فالرياض... جا عندو يوسف)
يوسف: دخل كمل ليلتك باش كولشي يتفرتك القهوة لوكان شربها شي واحد وكان راه طاح يمكن تزلعت بالصح!!!
ملاك: (مشا جلس حداها شافتو تغير ماشي هكا كانو قبيلة وأصلا علاش يوسف كان كيقلب عليه!! مفهمت والو غير مغوبش ومشافش فيها ݣاع) مااالك؟!!
اورطيغا: والو!!
ملاك: (شدت فذراعو كتشوف فيه ملاحظة فيه عينيه غير كيدورو بقات كتشوف فين كيشوف والو غير الناس جالسين قربت لودنيه) مراد مالك؟!
اورطيغا: والو أملاك غير عييت
ملاك: مناش؟!
اورطيغا: صافي بغيت نمشي فحالي!!
ملاك: واش درت شي حاجة قلقاتك؟!!! (شاف فيها وفنفسو هي متستاهلش ضيع فرحتها ولكن راه لا يكلف الله نفسا إلا وسعها راه بنادم وكان غيتقتل وخايف شي واحد يشرب من السم لي نجاااه الله منو راه تخربق العادي هو يفشل)
والو احبيبة غير لاطارط معجباتنيش ماشي هاد النوع لي وصيت عليه وطايفت مع داك تريتور
ملاك: ماشي مشكل هادشي ݣاع ميقلقك!! (تبسمت مفرنسة) كاينة حتى لاطااارط!! هه
اورطيغا: هه كاينة..
ملاك: بزاااف عليك هادشي
اورطيغا :(تبسم.. تطفا الضو زاد تنوووغش واخا عارف علاش ولكن مبقاش كيتيق دخلو السرباية لاطااارط شاعلين فلامااات فيها وهو حاضي واش غيوصلو هو ولا ملاك شي واحد!! وصلو حداااهم نوضها وهي غير كظحك بالفرحة قطعت منها هزت بفرشيطة بغات توكلو خبرها انه بلا مياكلو منها راه كلاو بزااف حركت راسها بلا وحطت الفرشيطة حدا فمو كلا منها وكديرلو إشارة باش حتى هو يدير شنو دارت دارلها الخاطر واخا معندوش مع هادشي وبداو السرباية كيقطعو ويفرقو على الناس)
ملاك: (كتاكل منها) زوينة بزااف
اورطيغا: بالصحة
ملاك: كووول
اورطيغا: (حرك راسو بلا.. بقا غير كيشوووف وكيدعي حتى واحد ميموت هاد الليلة جاه ميساج من عند حمزة انه داو أميمة لي تهرست من نيفها غتعالج وغالبا غيهبطو لصفرو يكملو الإجراءات وهو غيبقى معاها جا عندو يوسف بعد على ملاك لي طلبت الطرف التاني كتاكلو)
لقيتو؟!
يوسف: قلب الرياض كامل من سطح لتحت حتى لبيوت دخلت ليهم مكاين حتى فنجان قهوه شوف منين موقع والو لشي واحد القهوة متشربتش وتلاحت ربي دار الخير وكما نجاك وعمرك باقي طويل حتى الناس فهاد الليلة هكاك
اورطيغا: (بزفرة) على الله
ملاك: (قربت حداه) فاش كتهضرو؟!
اورطيغا: ياله نمشييو؟!
ملاك: فين (مشا يوسف)
اورطيغا: دارنا باسم الله عليك ياكما زربت عليك ولا خلعتك
ملاك: ها!! لا غير
اورطيغا: صافي ازين الحفلة هنا سالات دابا لقانا نمشيو لدويرتنا نطيحو الباش
ملاك: كفاش!!
اورطيغا: زياره اصاحبتي فالدار ونفهمك
ملاك: (عاد طلعت معاها شنو تابعها حطت الطبسيل التاني ديال الحلوة وضربت الطم وجمعت تفرنييسة من ديما كانت كتخيل الدخلة ديالها ولكن دابا جاها احساس فشكل بحالا خااافت!!! بدا كولشي كينوووض تريتورا كيجمعو دوزانهم هي غير كتشوف وتسمع كل واحد فين غيبات ومراد كيقسم المهام ناضت مشات تبدل حوايجها تلبس التكشيطة البيضا لي جات بيها من دار خديجة جاتها تروح بالتكشيطة حسن من لاغوب لبيضة وهاد المرة لبست ذهبها هي ماشي الاكسسوارات ديال النݣافة جا عندها للبيت فين كتبدل) حنا غنمشيو لوطيل؟!
اورطيغا: لا لدارنا
ملاك: ممفرشاش!!!
اورطيغا: فيها بيت نعاس احبيبة ولا نسيتي!!
ملاك: ها!! اه، واخ.. (خرجت من تماااك ماشية تينا مها وخوتاتها ومو شادة فذراااعو خارجين من الريلض حشمااانة بزاف وهي كتشوف باها برا مع الحاج واب يوسف)
ناااااري على تحشيمة!!!
(راه باينة فين ماشية وعلاش وشنو غدير!!!! معرفت كفاش تصرف من غير دارت راسها مكتعرف حد لا باها لا حتى واحد حنات راسها وركبت فالطموبيل لي دخلوها قريبة للدرب...)
يتبع....
التعليقات
لا توجد تعليقات بعد، كن أول من يعلق.