محتوى القصة
ملاك: واش معندكش الرومانسيه ؟!
اورطيغا: عندنا كولشي غير نتي متيعجبكش داكشي ديالي
ملاك: جرب
اورطيغا: اش غنجرب!! نتي دفعة وجبدتينا المخزن اما الا تكيييت مك اش غديري
ملاك: كنهضر على الرومانسية والكلام زوين وتجنب على ركااابيك وتكون هاز الورد و
اورطيغا: حلي داك المجر ابنتي
ملاك: (عوجت فمها حلاتو لقلت بواطة فلكحل تبسمت هزتها فتحتها لقات وريقة شافت فيه ورجعت هزتها كتلقاه بون ديال الزليج) زليج!!!!
اورطيغا: ها صداقك!!
ملاك: ههه كطنز
اورطيغا: مهم كادوووك هو زليج الكوزينة والحمام
ملاك: ههه فشييييشكل هاد الكادو ولكن شكرا
اورطيغا: اوا فين هي الرومانسية!!!
ملاك: (ظحكها بهاد الكادو شافت فيه) هادشي داخلة فيه الخدمة دلمعالمية
اورطيغا: اه ومعاهم حتى فام دميناح كل سيمانة تتجي تغسل الزليج
ملاك: هههه شكرا.. ولكن فشكل!!! الواحد ميتسناش منك شي حاجة رومانسية
اورطيغا: داكشي فوق الشبعة ازين
ملاك: حتى هادشي عجبني!! عرفتي شحال عجبني الحال منين ساليت كريدي ديالي
اورطيغا: راااحة..
ملاك: انا عارضاااك هاد نهار ياله ختار فين تبغي تعشا
اورطيغا: مكرهتش الدار طيبي للي بغيتي قااابل عليه
ملاك: ختاااار
اورطيغا: الدار ونتي ختاري ديال السعادة ولا الليدو ولا دارك ولا دارنا للي بغيتي؟!
ملاك: ههه وااااختاااار
اورطيغا: عيااان املاك بغيت غير رتاح فشي كوااان مبغيتش نمشي لشي قهوة
ملاك: نمشيو عند خالتي أمينة
اورطيغا: لا بغيت نبقاو غير انا وياك
ملاك: مراد حنا قربنا نتجمعو خليها بحلاوتها منقدرش نمشي معاك لشي بلاصة نكونو فيها بوحدنا
اورطيغا: مال حسك دماغك تيمشي لبعيد
ملاك: مرااااد صافي نمشيو لشي بلاصة اخرى
اورطيغا: مور زواج نساااي شي حاجة سميتها خروج برا والله يا مك تندمك على هاد ليام
ملاك: ههه علاش لي غيكون مع حبيبو غيندم ويبغي يخرج برا انا براسي منخليكش تعتب باب الدار!!
الغد ليه مراد دوز وقتو بين سوااق ولكن تفكيرو كولو غير فرشيد خايف يتستافزو وخايف من راسو حيت مغيسكتلوش... صونات عليه ملاك كان التيليفون فجيبو
اورطيغا: راكي عند السمسار؟!
ملاك: باش عرفت؟!
اورطيغا: حيت قاستك البلية الزين من دابا ونتي فمطرقة ديال الزليج صبااغة
ملاك: ههه والله مكذبت ونيت هو عيطلي لقيتو جايب لية الزليج واش نخليه يطلعو للدار؟!
اورطيغا: خليه فالصالون
ملاك: وووو مفيهش ديال الارض زعما..
اورطيغا: هههه ديري علاش والكادو جاي ديال الارض
ملاك: هههه طمااااع
اورطيغا: ياااك المهم نتي ماشي طمااعة!!
ملاك: ههه بااي (قطعت معاه عطات الاوكي للسمسار باش يقول لدراري يطلعو الزليج لدارها)
سمسار: مزيان درتي هاد الزليج حيت أغلبية غيسكنو فيها غير الكراية يااك
ملاك: علاش مزوينش مشفتوش مزيان!!
سمسار: لا مزيان وتيتقام رخيس بزاااف ماشي بحال لاخر لي تيكون بالشهوة
ملاك: اممم (حركت راسها باه) مهم قاضي غراض؟!
السمسار: لا لا مزيان أغلبية هنا ديور لكرا فيهم..
(كملو الفَيَاجْ ديال الزليج خلصااتهم وهي طلعت للدار علمات مها شنو دار معاها اورطيغا صونات عليها أمينة جاوبتها) وي خالتي!!
أمينة: هبطتي لداركم؟؟
ملاك: لا مغنهبطش خديجة غيخرج اليوم شيخها وغنشد ليها الولد ونتي؟!
أمينة: مخلانيش ولدي، ݣالك حݣا ما حݣا بغا غير رجال معندو ميدير بحديث لعيالات
ملاك: ههه عبر عليك
أمينة: ياك لمك!! لباس بعدا بغا يدي معاه غير الحاج حتى يرصي مع باك وديك السااااع نمشيو ݣاع
ملاك: ان شاء الله
أمينة: الا كنتي غتمشي لدار الغالية ديني معاك
ملاك: صافي واخا فلعشية نعلمك توجدي باش نجي ناخدك
أمينة: الله يرضي عليك ابنتي.. (قطعت جات عندها مفتاحة) دخلي امفتاحة
مفتاحة: غتمشي عند ديك قليلة لحيا
أمينة: من صوااب علاه نتي مغتمشيش؟!
مفتاحة: حتى نكون حمقة باش نعاون نحط رجلي تماك عند دااااك رخيسة!!!
أمينة: هادشي زااند عندكم ياك عاد كنتو عسيلة وسمينة
مفتاحة: دابا قطرااااان
أمينة: اوا الله يصفي خواااطركم...
الغالية: (جابو راجلها للدار مكتهضر مع حتى واحد فالعائلة حيت الخبار واصلة ناقصة وكلها شنو كيسول حيت مفتاحة دارت ليهم الطر والبندير ولكن حتى واحد ميقدر يهضر قدام راجلها واولادها... كان يوسف كيهضر فالكولوار مع اورطيغا قطع معاه)
ولدي بلعشية جيب مرتك وختك وجلسو فبيتكم نجلسو مجموعين هاد ليام راك عارف سيد الحاج تيبغي ديما يشوفكم مجموعين
يوسف: داكشي فاش فكرت ولكن هضري مع اشرف
الغالية: دابا نهضر.. قولي.. (زادت جراتو القنت كتهضر بشوية) صاحبك ولد لݣرسيفية لباس عليه ؟!
يوسف: (باستغراب) لباس الحمدلله
الغالية: لا زعما واش ميسوور عندو لفلوس؟!
يوسف: ههه علاش؟!
الغالية: قلت منين ختك لاسقة فيه وباغااه غير هو من دون لعزارا صافي يجي يتقدم ليها والا كان قاد بيها حنا نزيدوهم غير الخير وحتى ميقدش حنا مغنخليوهمش
يوسف: شتي قلة نعاس شنو تدير فيك الوالدة؟!
الغالية: ياك صاحبك وعزيز عليك وتظلو تشكرو وتحبو فيه!!
يوسف: واش بنيتك الوالدة!!!
الغالية: علاه شنو سباب مرض ختك ماشي هو!! متنقولش هو سباب ولكن حيت مبغاهاش شو شنو دارت منين نتوما تتشوفوه صااالح صافي يجي مغنعرفش حسن منكم ندير هاد المرة رايكم
يوسف: مفخباركش السيد خاطب!!
الغالية: واخا يكون حتى مزوج حنا بغينا غير ختك مترجعش لداكشي.. شنو فيها الا دار ليها خاطرها ومنها متبعهاش الهضرة ياك عزيزة عندو وخايف عليها قلت يعقد عليها
يوسف: واش غير باغية تلسقي غيثة لشي واحد والسلام!! وشكون اورطيغا لي ديما دايرها ختو؟!
الغالية: ماختووووش اسيدي مااااختوووش علاه انا غير جيت وقلت هادشي وهدا ماشي اي واحد داكشي باش هضرت
يوسف: (بقا غير كيشوف فيها)
الغالية: ختك شفتها كضيع مبغيتش نعاود نشوفها هاكا انا للي حاسة بيها وشفتها شحال تعذبت وبكات عليه كنت حتى كنضربها وهي تتقول تنبغيييه... ولدي راك شفت ختك الا بغيت تعتقها هضر مع صاااحبك حنا مطالبين منو واالو غير يصون ختك وصافي.... (مشات هو صيفط ميساج لخديجة وغيثة يوجدو راسهم باش يجييبهم وبقا كيشوووف مو خلاتلو ڤيس فراسو...)
~~~~~~~~~~~~
زهرة: (كانو كيوجدو لعشا دخل رشيد جايب الديسير خرجت كتمسح فالسربيتة كتشوف واش جاب داكشي لي وصااتو عليه شدت فذرااعو ماشيين القنت)
هااااااانتا ارشيد ضيع سعد بنتك
رشيد: سعد بنتي!!!! مالها الا مداهاش هو عمرها تزوج؟! وݣاع لا تزوج!!
زهرة: لا حول ولا قوه الا بالله العلي العظيم اش عندك مع هاد الولد
رشيد: حيت ولد مزال مشارب عقلو نهار يكون راجل وقاد بيها نعطيهالو بعينين مغمضين
زهرة: وباش عرفتيه عاشرتيه باااااز خاصك غير فين تهضر وصاافي اسيدي انا عاجبني وبنت عاااااجبها وغير هو من لعزارا لي بغيتو لبنتي ونسمعك قلتي ليه شي كلمة ناقصة ودوك الشوفات قااادهم معاه راه جاي يهضر على زواج ماشي على يقسم ورتكم
رشيد: الالة انا بناااتي هوما الورث لي طالع بيهم فهاد الدنيا بغا لبنت خاصو يتقاااد
زهرة: نفكرك فحمزة!!!
رشيد: حمزة ولدي وعزيز علية ومكانتش غنعطيه بنتي حتى هو
زهرة: هاكا كدير معاهم كاملين واش بغيت هاد لبنت تخللها عندك
رشيد: اه
زهرة: (حركت راسها بلا حولة من ديما كتشوفو رزيين الا فزواج بناتو.. واكترية ملاك...)
ادم: (كان مع وصل دار التحاليل رجع باش ياخد النتيجة وبقى كيتسنى على نااار حتى دخل طبيب) دكتور!!!
....: (كيشوف الوراق) كما قلت ليك دوك الأدوية والإبر لي كنت تدير مستحيل يخليوك تحمل شي وحدة من غير الا خديت دوا باش يعكس المفعوول ولمدة عاد باش ترجع طبيعي
ادم: مكاينش شي حالة خاصة!!
....: ميمكنش!! اكترية نتا متبع النظام مزيااان وحتى اخر مرة درتها ليك مزال حتى مكملت الوقت للي خاصك تعاود دݣ فيه الإبرة
ادم: (غيحمااااق وديااالمن هداك الولد راه كانت معاه غير هو!! خرج من بعد متشكر طبيب..)
💯 غيكون ولد هداك الشمكار!!!!
~~~~~~~~~~~~~~~~~~~
اورطيغا: (رجع من للمحال ومشا للدار دوش لبس حوايجو تعطر صونا على ملاك)
زين
ملاك: الا بابا قالك شي حاجة دير راسك هبيل مكتفهمش
اورطيغا: ههه بغيت غير نعرف مالو حاااااقد!!
ملاك: مساخيش ببنتو حبيبتو
اورطيغا: وبنتو راه حبيبتي حتى انا!!
ملاك: وهادشي لي ممسروطلوش هاد الساعة حيت عارفني باغياااك
اورطيغا: وامتى يهضمها حتى تلقاوني طرت من بين يدكم
ملاك: فين غطير؟!
اورطيغا: منعرف الخطاب راه داويين فية الصݣعة حتى انا
ملاك: ههه مثلا
اورطيغا: حتى نكمل هاد لبلان مع باك عاد نبين ليك
ملاك: (مهتماتش للي شاغلها هو تعامل باها معاه) انا غنمشي عند مك باش نمشيو عند دار يوسف نشوفو باه
اورطيغا: اممم قالتهالي وليتو تديرو شرااااع يدك
ملاك: هااانتا غتجلسو تعشاو غير باش تكون على بال مديرش الطيارة وبغيت نرجع ومنعرف!! ماما راه مطيبة ليك داك دجاج لي عجبك داك نهار
اورطيغا: تديرولي الاغراء
ملاك: ههه ومتديهاش فعمي الا قال شي حاجة راه انا بنت خوه وكارهني
اورطيغا: هداك تاليتو غندوز عليه شي موس حاافي!!
ملاك: نتزوجو وانا نسلخو معاك غير خلي هادشي يكمل على خير
اورطيغا: تانتجوااانطا على داك لعقيييل الإجرااامي لي عندك
ملاك: ههه تعجبك عندي شي أفكار!!!
اورطيغا: وعاد تقوليلي!!! حقا شنو درتي فخدمتك امتى تبداي؟!
ملاك: مزال حتى نجيب واحد الورقة من المحكمة
اورطيغا: (كتصوني عليه مو) شحييييمة شوية ونصوني علية (قطع مجاوبها) الوالدة!!...
وصلو ملاك وأمينة للڤيلا ددخلو لقاو خديجة فلباب هازة سليمان لي متمسك بيها وهي عاطيااااه الخاااطر وممعييهاش بزااف، سلمت عليهم مستقبلاهم دخلو لداخل فين كاين العائلة للي جاو يشوفوه جلسو مبعدين شوية بقاو مجمعين بالظحك والنشاط حتى جات الغالية سلمت على امينة لي عاونتها ملاك توقف مزيان بقات كتشوف فيها عارفة هادي هي خطيبة اورطيغا وعارفاها صاحبت غيثة وعارفة للي طلبت ميمكنش ولكن عندها أمل فاورطيغا لي كولشي كيعاود عليه مزيان ومكينساش صحابو غيوقف مع غيثة جلست موجهة الهضرة لأمينة لي بقاو بوحدهم..
الغالية: أمينة نتي للي قلتي لمفت..
أمينة: قبل متكملي انا داك نهار ݣلت ليك حضي من داك الكلب راه شفتو شادها فسطح ونتي مسمعتيليش!!!
الغالية: (تنهدت بحزن وندم) اه انا الغااااالطة انا لي كنت معمية فيه!!
أمينة: باش نقولك الغالية ماشي يانا للي نشوه بنتي غيثة نتي مزال معارفة معزتها شحال عندي كبيرة
الغالية: عارفة ولكن مكرهتش...
أمينة: سمعيني للي فهمت من مفتاحة راه داك الكلب لي عيط على مو وݣالها كولشي باش يعرف شنو تحت راسكم وشنو باغيين ديرو
الغالية: وشنو باغي يزيد على بنتي
أمينة: للي نݣولك الله ياخد فيه الحق للي عليك نتي أالغالية هو وݣفي مع بنتك راه معندها حد من غيركم رحميها وعناي بيها راه ماشي لخاطرها وكانت غير مݣيدة وبالسيف عليها!!
الغالية: (حركت راسها باه عيطت عليها ختها استئذنت وناضت مشات عندها...)
~~~~~~~~~~~~~
اورطيغا: (كان حتى شريف معاهم ماشيين فطريق وكلامهم غير على الخدمة حتى وصلو للحومة كان كيتسناهم رشيد مشاو للدار فين موجدبن ليهم كاسكرووط فالصالون جلسو بعد الترحاب بيهم وبقا الحاج هو كيهضر مع رشيد واورطيغا غير كيشوووف راسم على وجهو الهدوووء وكيتسنى من رشيد يقلل منو حيت راه اخر مرة كان بيناتهم احتكاك خاااايب...)
رشيد: (شاف فمراد) اوا سي مراد سمعنا كلمتك
اورطيغا: (برزااااانة وهدوووء) مكاين منزيد فوق للي قالو الحاج نتا الا عندك شي شروط نسمعوهم
رشيد: شرطي راه باين هو تهلا فبنتي انا عندي بناتي هوما عينيا منبغي حتى حاجة ضرهم ولا تمسهم بالخايب ولو بكلمة صغيرة بغيت ان شاء الله تهلا فبنتي
اورطيغا: مرحبا
رشيد: (كان كيتسناه يقول شي حاجة) وحتى هي غنوصيها عليك كما نبغي لبناني نبغي حتى لولاد الناس
اورطيغا: ان شاء الله.. شي شروط اخرى!!
رشيد: بيناتكم اولدي داكشي لي تفاهمتو عليه حنا نزيدوكم غير الخير
العم: متلقاش اخويا شي عريس بحال هدا لبنتك
رشيد: حتى هو ميلقاش بحال بنتي (متبسم) نتا عارف ملاك بنت زوينة قارئة مثقفة مربية وكان ماشي سنة الحياة منسخاوش بيها لا انا لا مها مرضية تبارك الله
اورطيغا: ملاك راه لالة لبنات وليلي الشرف تكون مرتي وهادشي كامل لي قلت خلاني نخطبها تربيتك معندنا منتناقشو فيها
(وشحال مكرهتش ينوض لداك عمها حيت معتابر معاملتو لملاك شخصية يعني حتى هو تمس بداكشي!!.. تقلب الموضوع حيت تفاهمو وناضو خرجو للقهوة يكملو جموع ديالهم حتى يرجعو لعشا جا حمزة جلس حداهم)
رشيد: هدا ولدي حمزة كابر مع بناتي وانا للي مربيه (اورطيغا قلب وجهو باين شنو كيبغي يوصل ليه.. بقاو مجمعين مراد حس بعينو كتمشي باغي ينعس كيحاول غير يبقى متوݣض ومكرهش غير يمشي فحااالو يحط راسو ولكن مجاتش براكة غير مكيشاركش معاهم المواضيع... ولكن لي مرضو حمزة كيهضر كيتقرس منو لا رشيد لا ملاك يعياو يزينو صورتو كيبقى كان خطيبها ودازت بيناتهم شي حاجة!!..
عيطو ليهم على لعشا بقا مكونكطي مع ملاك فالتيليفون مرة مرة تعشاااو وشدو طريق لفاس وتفاهمو رشيد يبدا يقاد وراق ملاك وحتى هو حيت غيديرو خطوبة ولاكط فنهار واحد من مور عرس شريف والعرس غيكون غير قريب.. صاݣ شريف واورطيغا جبد عليها بنعسة وصلووه لدار السعادة طلع داايخ مع دخل لقا أمينة وملاك ووفاء تماك)
اورطيغا: العصابة!! تجمعتو؟!
أمينة: مالك اولدي؟؟
اورطيغا: خ*** بنعاس
أمينة: المسخ!!! دخل دخل دوش واجي عاودنا
اورطيغا: صافي وجدو الزريعة والمسكة وانا جاي (مشا لبيتو هز حوايج تابعاه مو اما ملاك جالسة على الشوك باغا تعرف ولكن الاصول كتقول متزيدش تجلس كتر حتى وقفت حداهم)
ملاك: منين جا مراد حنا نمشيو
اورطيغا: (تكا على حافة الباب) خليهم هوما يمشيو وبقاي نتيا
أمينة: (ضرباتو لكتفو) الله يمسخط كتر مانتا ممسوووخ...
اورطيغا: نعيط على تاكسي توصلك للرياض؟!
ملاك: ههه انا مشيت
اورطيغا: خليك راه باك عطاك لية وقريت على جد امك الفاتحة...
مشات ملاك ووفاء حيت كان باين عيان وبغاتو يرتاح واخا عيات كترغبهم أمينة يباتو هي مكرهتش ولكن من صوااب وحتى مها مغيعجبهاش الحال الا عرفتها باتت سوا كان بايت فالدار ولا لا...
مشاو لدار ياله غيطلعو صونا عليها يوسف باش غيديهم يتعشاو واخا رفضو ولكن كان مقرر وأصلا كيتسناوهم جا خداهم مشاو معاه كانت العائلة مجموعة جلسو تعشاااو
ملاك: خاص نمشيو
يوسف: باتو هنا علاش غتمشيو؟!
ملاك: نمشيو اخويا هنا العائلة بزاف وانا باغية نعس فبيتي كناخد راحتي
يوسف: حتى هنا نشوفك بيت بقاي فيه بوحدك الالة
ملاك: غير خليني نمشي اخويا مرة أخرى راه غدا ان شاء الله ورجع هنا
يوسف: خلي نمشي نجيب شي سخرة ونجي نوصلكم
ملاك: الا مصلاحش ماشي مشكل نشدو تاكسي (شاف فيها ديك الشوفة ديال بنيتك مشا وخديجة جرتها مبعدين) اماااالكي؟!
خديجة: اخر الاخبار الغالية هضرت مع مراد باش يتزوج غيثة
ملاك: (خسرت كمارتها) شنااااااوااااا!!!! كفاش يتزوج غيثة؟!!! مالو صايط فعقلها الريح؟!
خديجة: ايييييه هضرت معاه وقالتلو بنتي كتبغيك وبسبابك وقع ليها هاكا! ورجعت هضرت مع يوسف منين ملقات جواب من عند مراد باش يتزوجو قالتلو معندهاش مشكلة واخا تكون بنتها هي التانية زعما نتي وياها تكونو ضراير
ملاك: علاه هو تزوج اللولة بقات غير التانية!!
خديجة: شوفي باينة مراد مبغاش ولكن باش توصل طلبو وهي لي كانت كتكرهو عرفيها صافي وصلت الطوب
ملاك: بنت ***** بغات تخرجلي فعودي
خديجة: مقالك مراد والو؟!
ملاك: (عاد فهمت منين قالها كيخطبو فية غوبشت) مزال العزي لاخر!!
خديجة: هه صافي خوي راسك حتى يقولهالك هو باش تعرفين ممسوقش.. وزايدون هو اليوم كان كيتفاهم مع بابا عليك
ملاك: اممم (شافت الغالية ماشية للكوزينة خلات ختها كتهضر ومشات معمية كانت الغالية كتقاد شي مشروب سخون ومن حسن حظها كانت بوحدها طاحت عينها فلماااس فوق البوطاجي هزت لكبير قاصدة الغالية لي تخلعت حاطة يدها على قلبها)
تعاودي تضوري بمراد ديالي نحرك!!! (مخرجة عينها) نحرك يا الغالية!!! كولشي نسامح فيه الا هو ومعنديييش مع الشركة وقيليني عليك وخليني محتارماااااك!!!! بغيتي تزوجي بنتك عطا الله لعزااارا بعدي الشمكار ديالي ياك هاكا كنتي كتعيطيلو!!
(حطت الموس خابطاااه فوق البوطاجي وخرجت مكضويييييش...)
متسناتش يوسف جرت وفاء ومشاو شدو تاكسي راجعين فصمت باين عليها معصبة بزااف من الغالية ومن راسها صونا عليها يوسف مجاوبتش
وفاء: شنو وقع ليك ازمرة؟!
ملاك: هاكي جاوبيه قولو جات شي حاجة على غفلة ولا راجلك بغاك شي حاجة وخاصك تمشي للدار باش نهضرو فخاطركم مهم قولي شي سبة
وفاء: انا نكتبلو ميساج حسن (كتبتلو على أساس ملاك لي كتكتب وصلو للحومة راس كيقولها تهز طموبيلتها تمشي عند اورطيغا تفرݣع عليه وراس كيقولها خاصها تهدن وترزن براكة غير فلم الرعب للي دارت مع الغالية وهادشي ماشي ديالها!!!... طلعت لبيتها مكتضويش وحتى هو مرجعش صوناا عرفاتو غيكون نعس محملتش يوقع هاد الجست تايقة فيه ولكن...)
~~~~~~~~~~~~~~
حمزة: (شغلات بالو قضية ملاك يخرج ليها تعويض بهاد السهولة وماشي حتى عن طريق المحكمة سول على راسو مزال مكاين والو ماشي حيت غار منها وباغي لفلوس ولكن جاتو فشكل نورمال حتى ترجع لخدمتها عاد يجيها التعويض للي خاص تجيبو ليها المحامية ديالها ماشي من يدهم ليدها بدون ساااابق إنذاار..
هز تيليفونو مدوز الوقت حتى كيطيح فغيثة دايرة ليه ابوني فأنستغرام دخل لعندها ونيشان هبط كيشوف تصاورها فرق كبيييير على كيف كانت وكيف هي داابا واش من نوعية الكاميرا والتصوير ولا زمان للي خلاها تضعاف كتر من لقياس ولونها يرجع شاااحب راه ماشي مشاكل قلال للي دازو راه لي كيدووز على 100 واحد داز عليها بوحدها وفمدة قصيييرة دخل كيقرا لكومنت لي مكتوبين ليها حتى جاه نعاس صونا عليها جاوبت دغيا)
ياكما ناعسة
غيثة: (جالسة فالجردة) لا جالسة فجريدة
حمزة: علاش نورمال خاصك ترتاحي!!
غيثة: مقدرتش احمزة تنحس بواحد الكره ليلي فالدار لداخل
حمزة: لا لا غير كيبان ليك
غيثة: انا لي تنشوف شنو تيقولو بعينيهم!!
حمزة: متعمريش راسك.. كيف بقا باباك؟
غيثة: مزال عيان حدو كلا شوية مزال مشفتووو ولا شافني
حمزة: نتي معليييك والو اغيثة راك نتي لي ضحية من هادشي كااامل
غيثة: (رجعت راسها متكية متنهدة) عييييييت.... (سدت عينها) مكرهتش نغمض عيني ونحلها لقا كولشي غير كوشماغ وفقت منو...
حمزة: حتى دابا حسبيه هكاك وشارجي راسك بطاقة إيجابية راه مزال تابعك تربية تربيها ومزال عندك مستقبل قدااامك.. فكري فيها من واحد الجهة هادشي للي داز غير الخاااايب وبقا ليك غير زوييين...
اصبحنا واصبح الملك لله...
ملاك: (تحرم عليها نعاس حست بخطر خايفة من جهة ان مراد يحن ويقول هو سباب مشاكل غيثة ويبغي يدير شي خطوة متهورة وغبية فحقها وغيكون مصيرهم الفرااق!!
واخا تقرر ظابا يدار لاكط خاص تعرف شنو تحت راسو وكفاش كيتصرف!!! متنكرش خايفة من ظغط الغالية وبحال والو يوسف يتقلب عليها راه ختو اقرب ليه منها هي..
صونات عليها خديجة جاوبت..)
وي!!
خديجة: ههه اش داكشي درتي للغالية المجينينة؟!
ملاك: المرة جاية مغيكونش غير الشفوي
خديجة: اويلي واش حماقييتي اصاحبتي ههه... شتي مراد غير سمع ليها
ملاك: مخاصهاش اصلا تفكر فهادشي شنو هاد الأنانية للي فيها باش ترضي بنتها تمرضني انا!!
خديجة: ههه عرفتي تصنت عليها كانت كتعاودها ليوسف هبلت بالظحك
ملاك: وشنو قال يوسف؟!!!
خديجة: مزال مقالي والو.. براسو قال لمو راكي غير كتخربقي
ملاك: وعلاش مشات كتقولها ليوسف بففف حشمااتني معاه!!
خديجة: ههه تجي عندي؟!!
ملاك: زمر الا عاودت حطيت رجلي تماك
خديجة: راه بلاتي غتجي ماما وبابا بالسيف عليك ازين غتجي
ملاك: تفوووو.. صافي منين يقربو يجيو قوليهالي باش نجي... (قطعت الا باها عرفها مبقياش مع ختها غيردها لصفرو.. مكرهتش ترجع للخدمة ديالها ترغبهم يخدموها بلا صالير غير تخدم ولا ترجع لدارهم!! ناضت جمعت بيتها طوات حوايجها صونا تليفونها كان اورطيغا جاوبت معصبة)
الو!!!
اورطيغا: مال مك
ملاك: والو غير.. فينك نتا؟!
اورطيغا: فبن سودة.. شوفي الوالدة بغات تمشي لدار باين يوسف باش تلاقا بمك وصليها الله يحفظك انا مغنساليش بكري
ملاك: واخا
اورطيغا: خاصك شي لعبة؟!
ملاك: لا.. علاش ما... مهم نتا امتى غتسالي؟!
اورطيغا: مزااااال مشدود هنا
ملاك: اممم اوا الله يعاونك
اورطيغا: ياله شريييه (قطع ورجع دغيا لخدمتو...)
ملاك: ولد لحرام مزال مناوي يقولي جاو فيه الخطاااب اويلي استغفر الله انا ومبقاوش كيجيو فية الكلب مبقاش كينبح علية!! ودابا هو رجع مطلووووب!!!!
(معصبة) العزي لاااااخر!!!!
حمزة: (كان باغي يتلاقا بغيثة ولكن بأشمن صفة يمشي لدارهم وحيت ادم مكاينش وليلا باقي معاها على تواصل الا عرف شي حاجة عاد يطلع لفاس..
قرر يهبط لصفرو يشوف أعمال باه فين واصلة تشغل بزاااف باش ينسى شحال من حاجة ولكن دابا خاصو يتوݣض!! الخدمة قرر انه ساعتو سالات فيها واخا مسخاش بيها وكانت من احلام طفولتو ولكن مبقاش صالح يرجع لبلاصة تهااان فيها بكل معنى الكلمة!!
لقا مو فالدار جالسة هي وسهام لي كتكتب ليها لعيالات لي خاصها تعرض)
ديالاش هاد لعراضة!!
سهام: مك بعد غدا اولدي غتحايد حق الله
حمزة: (تفكر حسرة باه قلبو ضرب بوجع) دااز الوقت
سهام: الله يرحمو ويوسع عليه فهاد نهار.. مزال ملݣيتو ديك الصلݣوطة!!!
حمزة: مزال
ام حمزة: الله ياخد فيها الحق اولدي
حمزة: (حرك راسو باه مشا لبيتو صونا على عمو الا كان شي خبار على بنتو لي تبرأ منها شحال هادي والو معندو عليها حتى خبار قطع ورجع عندو مو باش يتسخر اشنو غتحتاج...)
~~~~~~~~~~~
ملاك: (بقات فالجردة مزعمتش تدخل ولا تشوف فيوسف لي حشمت منو اما معندها حتى احساس بتأنيب الضمير جهة الغالية.. شافت باها ومها وعمها داك ضريف داخلين مشات جيهتهم سلمت عليهم) تماااااارة هنا
زهرة: اشمن تمارة علاه مالك كتشقاي معاهم؟!
ملاك: (خرجت عينها) اااااه
زهرة: واخا نشوفها بعويناتي ابنتي منتيييقش
رشيد: ههه (كان هاز كرطون سكر) متقمعيهاش ازهرة بنتي حادݣة
ملاك: هاهاها.. (دخلو لداخل جلسو وهي غير كدور عينها حتى جات الغالية حداهم كترحب بيهم ولكن حطاتها بوجهها منين عاودت لزهرة قدام أمينة شنو دارت ليها ملاك بقات غير مطرطقة عينها محستبهاش غتفرشها)
اوا قووولهم علاش
زهرة: (بعصبية غوتت عليها) ملااااك!!!
أمينة: (شادة الظحكة بالسيف شكت يكون على موضوع زواج حيت اورطيغا عاود ليها)
ملاك: (وقفت مبغاتش تزيد تحرج كتر ومها باينة غتوبخها مزياااان) اممم انا نطلع عند غيثة رغباتني باش نديها لكلينك.. (مشات مع غيثة لي مفخبارها والو على شنو طاري...)
ملاك: (ملات وهي جالسة كتسنى غيثة تكمل منين كتوقف طل على ولدها من السرجم وهي جامدة كتسناه يتحرك ولا معرفت مبغاتش تزربها حيت الا حطت راسها فبلاصتها غتكون فنفس حالتها يمكن او اكثر.. صونا تيليفون غيثة هزاتو من صاكها كان حمزة بقات كتشوف وتسائل فنفسها
واش هادو ولات بيناتهم علاقة!!!
واش صافي حمزة مبقاش كيبغيها؟!
واش ڤري نساها وبدا كيفكر فغيثة كما كان كيفكر معاها؟!
بزااف دالاسئلة...)
غيثة!!! حمزة كيصوني عليك
غيثة: (جات بالزربة شدت من عندها وجاوبت) اهلييين..
(تبسمت) اه عند ولدي...
جيت أنا وملاك راك عارف الدار عامرة وكيودعو بابا...
بالصح مقلتلكش!! اااه غيمشي هو وماما لفرنسا...
غيعيدو تماك نيت عند عميتو..
اه.. تماك تيتعالج...
غنبقى مع خويا يوسف راك شفتي أشرف!!..
ونت؟!...
بالصح... معرفتش شنو تيقولو فهاد المناسبات..
ههه... واخ
(قطعت متبسمة وضارت عند ملاك لي كتشوف فيها باستغراب)
شنو؟!
ملاك: واش تصاحبتو؟!
غيثة: ههه اويلي لااااا غير اصدقاء تنتاعودو وصافي
ملاك: اصدقاء!!! كطنزي على الوقت نتي لقلوبة خارجين من عينيك وهو كيسول بحال داير ليك لونكيط
غيثة: واش انا فهاد الحالة املاك مزال نبغي شي واحد
ملاك: وراه القلب ولد الكلبة مكيعلمش!!
غيثة: وعاد بحمزة؟!!
ملاك: علاش حݣرتيه؟!
غيثة: لا لا لاااااا ماشي حݣرتو غير مستحيل يشوف فية راه عارف شنو كاين عارف ديطاااي كولشي عاودتوليييه وهو باين عليه تقليدي صعيب واخا باين ولد الوقت ولكن فهادشي متنظنش يقبل على راسو وحدة كانت مدمنة وعندها ولد فلحرام
ملاك: زعما!!
غيثة: نتي تتعرفيه كتر مني قوليلي كفاش داير
ملاك: كنعرف عليه غير لي كيعرفوه الناس لي ضايرين بيه.. ولكن باش نحكم على عقليتو وكفاش كيشوف الامور واش متعاطف ولا لا واش متفهم هادشي منقدرش نجاوبك مكاينش حسن منو هو لي يجاوب
غيثة: ولكن مزال علاقتنا متطورت لهاد الدرجة
ملاك: الوقت غيبين ومن الطيارة باين مايل ليك ومايلة ليه...(جاها ميساج من عند مها)
*★*والله يا الكلبة متبقى فيك انا نوريك يا الشمكارة هزان الموااس شحال كيتقام*★*
ملاك: (عوجت فمها) ياله نمشيو لشي بلاصة.. منمشيوش لداركم دابا
غيثة: نزيدو معاه غير شوية
ملاك: نرجعو بلاتي...
زهرة ورشيد وعمها مشاو فحالهم علماتها خديجة راه مها مشات ونبقى حتى خطر.. ملاك رجعت غيثة للدار مبغاتش دخل معاها خرجت عندها أمينة لي خاص توصلها شافتها بقات كظحك
ملاك: شنو؟!
أمينة: ويل مك الراجل عندك ولاو يجيو فيه الخطاب وشكون الغااالية بنت القاع والباع عرفت شنو تختار هادشي غير كحلوش انا وكان زعر وكان طارولك بيه شحال داااااا
ملاك: (ميقة فيها) ماشي حبا فيه ازين!! راه غير كتقلب على شي حميدة وصافي
أمينة: ههه واااه وعلاه مݣالتها لشريف
ملاك: حيت قرب عرسو
أمينة: عاوديلي غير كيف درتيلها
ملاك: وصااافي اخالتي... متقوليهاش لولدك
أمينة: غير على ميطلع علية صباح
ملاك: وا عفااااك!!
أمينة: (تبسمت) حقا حتى تختاري تواب للي تبغي كاين واحد الخياط كنخيط عندو كيتقن ݣاع الموديلات لي تبغي
ملاك: ان شاء الله
أمينة: صدااقك ضربيه ذهب عنداك تمشي ضيعيهم فشرااوط
ملاك: هه تافقتو نتي وماما واااقلة
أمينة: شراوط يمشيو ويجيبو والصح هو للي كيبقى
ملاك: واخ مهم نتي متقولي لمراد والو.. فين تبغي نوصلك؟!
أمينة: رديني ابنتي للرياض راني نعاون معاهم فعرس شريف
ملاك: مزال العرس!!
أمينة: راهم يوجدو على تيساع عندهم بزاف دالناس..
ملاك: هي غيديرو شي عرس مطرطق؟!
أمينة: عراسهم زينيييين غير هو مافيهش لعلاوي وفيهم كترة التبجاااق
ملاك: اممم
أمينة: فعرسكم غنجيب شيوووخ والغياطة جوج ليلاات متابعين وعاد يا ربي وكان طحت فنمرة السيمو العيساوي ويغنيلي الليلة كحلة
ملاك: هههه مراد مبغاش العرس
أمينة: ومالو غيتزوج بوحدو نتي وقفيلو حسكة ݣولوو بغيت العرس وفيه سبع أيااام
ملاك: ههه انا براسي مبغيت عرس داكشي لي نضيعووه نمشيو نتسراو بيه
أمينة: وانا؟!
ملاك: مالك نتي!! نديوك معانا الالة!!
أمينة: والله لكانت ليكم يا العرس يدار يا انا لي واقفااالكم فيها....
وصلاتها للرياض وطلعت جلست معاها تحت طلبها.. حتى خلط مراد عليهم كان حالتو بريحة الغنم والسوق ملاك مبقاتش كتشوفو بزاف بحكم الخدمة عندو كتيييرة هو دخل للدوش دوش أمينة وصات المساعدة تجيب لولدها شنو ياكل بحكم ديما الماكلة عندهم حيت الرياض مكيخواش والخير ديما مدفݣ عندهم.. خرج لابس حوايجو لاوي فوطة على راسو كيمسح قرفادتو وباين عيااان
أمينة: ولدي رتااح شوية من هاد تمارة
مراد: باقي واحد اليوماين
أمينة: بزاااف مبقيت لا نشوفك لا والو ها لوخرين مكايدوش ݣاع هاد تمارة لي كضرب كل عام
ملاك: (كتفكر واش كل عام غيبقى هاكا!!!!)
مراد: راك عارفة يامات العيد لكبير كيف تدوووز واش نخليها للشناقة واجدة!!!
أمينة: خلاااااص علية!!!! علاش راك كتجري راك درتيييه (هز حاجبو فيها زعما سكتي وعارفها كتهضر على ديور) ونتا امتى ناوي بالظبط باش نعرف شنو ندير؟!!!!
اورطيغا: نشوفو مع لالة لبنات!!
ملاك: (تبسمت فخاطرها مكرهتش تقولو حتى دابا) معرفتش!! نشوف مع بابا وماما!!
اورطيغا: قالك باك امتى نوينا؟!
ملاك: من مور عرس شريف ياك!!
اورطيغا: نديرو لاكط حفلة بيناتنا عشا خفيف ضريف والله يجعل البراكة
أمينة: عشا خفيف زعما المحمصة بالحليب!!
ملاك: ههه
أمينة: لقياااك فالتيد اداك الجحموم؟!
اورطيغا: اش تاني!!!
أمينة: العرس تم العرس تم العرس
اورطيغا: هنينا الوالدة باش نديرو العرس تابعنا نسدوه فقنت اخر ولا لا املاك!!
أمينة: العرس ولا ندير (خرجت عينها زعما نقولها) شراع يدي قالك تسد!!
اورطيغا: (بقا كيلعب بلسانو فوسط فمو عارفها غتبقى دير ليه الشونطاج!! جات الماكلة بقا كياكل)
ملاك: (معجبهاش الحال علاش مبغاش العرس اه هي مبغاتش ولكن حتى تقولها هي ماشي هو لي يبقى يأكد شافت راسها متناقضة وغير كتخربق فراسها مصالحش ليها تاخد موقف منو وهو تعاملو فوق فيݣيݣ معاها)
أمينة: اسبحان الله (شاف حتى مراد فيها) فين سهيتي!!
ملاك: ها.. لا غير بقيت ساهية وصافي
اورطيغا: امتى غتنزلي لصفرو؟
ملاك: ها ليامات نيت على حساب العيد (حرك راسو بأه ناضو باش يمشييو هي ركبت فطموبيلتها وهو فديالو تابعها ماشيين للحومة صونات عليها مها مجاوبتش عارفها غتوبخها مزيااان.. وصلو نزلت ونزل جاي عندها) كتبان عيان بزاف
اورطيغا: مُّتْ دعيان!! مكرهتش شي مساااج... طلعي برجيلاتك فوق ظهري (تبسمت) مديريش فية هاد الخير!!
ملاك: ههه حتى نكبرو ونتزوجو ونشتف عليك مزيان
اورطيغا: داوي بالصح مكرهتش دابا
ملاك: سييير سيير
اورطيغا: بانلي نمشي لشي قنت تيديرو لمسااج نتي ما فييدكش
ملاك: سيير امراد تنعس راك بديت تدخل وتخرج فالهضرة قاالك مساااج..
اورطيغا: اوا نتي ديما لا لا لا
ملاك: (جات بغات تطلع وشدها) طلق
اورطيغا: صافي بلاش الرجلين ديري غير بيدك ابوزبال
ملاك: مغتخلينيش نمشي؟!!!
اورطيغا: وشكون يونسني؟!
ملاك: نوصل ونصوني عليك نهضر معاك
اورطيغا: لا بغيتك تكوني حدايا
ملاك: مراااااااد
اورطيغا: مفيييدكش سيري سيري..
دازت يوماين خديجة رجعت لدارها من بعد مودعو الغالية وراجلها فالمطار للي مشاو فين كيدوا باه ملاك غتهبط لصفرو بأمر من باها وحتى هي كتناقشتش معاه حيت باغية نركبو باش يخليها تعيد مع خديجة لي هاد المرة رغبتها ديال بالصح تبقى معاها..
ملاك: (كتجمع صاكها لي جابت معاها وغيثة كتشوف فيها) مالكي؟؟
غيثة؛ اليوم دار حمزة دايرين صدقة
ملاك: ديالاش؟!
غيثة: ماماه بغات تحايد لباس لبيض
ملاك: اااااه يا سبحان الله كفاش طار الوقت بحال عود لبارح (تفكرت داك نهار ضرها خاطرها) الله يرحمو مسكين مشا مغدووور
غيثة: هاكا حتى حمزة تيقول
ملاك: وراه بالصح مسكين مشا مفاهم والو مفقوووص واخا جات ساعتو ولكن... الله ياخد الحق فديك البرهوشة ديال بنت خووه..
غيثة: قاسحة عليه وعليك حتى نتي
ملاك: اودي.... شنو تبغي تمشي معايا؟!
غيثة: ومحمد؟!
ملاك: سيري شوفيه دابا قبل منمشي وغدا صباح رجعي بكري اصلا فالليل مكيخليوكش تبقاي
غيثة: ميخلينيش يوسف
ملاك: (لدابا مزال متلقاتوو كانت كتبقى فدارها) صيفطيلو خديجة
غيثة: (بغات تشوف حمزة) معندي ما منلبس شحال هادي مشريت شي حاجة
ملاك: انا حوايجي ميجيوكش شوفي مع خديجة عندها قوة العبايااات واخا تجيك واسعة ولكن عندها مستيليين وأصلا طاايتك لبااسة.. (دق يوسف فلباب غيثة مشات عنقااتو وملاك مقدرتش تهز عينها فيه وكملها منين قال..)
يوسف: شريميييلة !!!
ملاك: (شافت فيه وتبسمت) ياله تهبطو معايا لصفرو شحال هادي ممشيتو للدار وحتى خديجة توحشت تمشي لتماك
يوسف: ياااك!! (غيثة تبسمت)
ملاك: الا صلاااح
يوسف: عندي شي غراض نقضيه وعاد ندوز عند محمد
ملاك: اوا يهبطو معايا حتى تلحق نتا بلاتي..
اورطيغا: (لدابا من للي وصاااهم معطاوه شي خبار شكون للي تحرق فالطموبيل هدا سؤال مهم خاص يعرفو شكون ديك الجثة!!
راه الا جبدو شكون هدا ولا هادي يقدر يجر ادم للقانون.. بانلو سعد جالس مع شريف مشا جيهتهم حيت عرف واحد الخيط صغيييير لي غيديهم لادم)
عيطووولك على حساب لونكييط؟!!
شريف: (كانو متافقين) اه غدا غَنْهَوَّدْ عندهم ونت؟!!
اورطيغا: ياله قبيلة علموني ولكن بالرب مغدووووش طرييفة لداك شماااتة واخا دوز عليها 10 سنين حقي منسمحش فيه ولو بالموووت
سعد: (مفهمش شنو طاري ولكن هضرة مراد التالية عارفها ليه)
شريف: ويييه مول الشي مخليينو يسافر وحنا تيطحطحو فينا بتساااول بحال انا داخل فوسط عقلو..
اورطيغا: معلييييكش الا نيت كان هو غيخلص!! ياله هو هدا... تهلاااا
شريف: سييير فالليل نباان عندك (مشا مراد مخلي سعد مفاهم واالو)
سعد: شنو واقع واشمن بوليس وعلاش تيهضر هاد خينا؟!
شريف: نتا معيطوش ليك ولا نتا اصلا متتعمرش بزاااف معاه
سعد: شكوون؟
شريف: على ادم ولد محمد شاكين فيه البوليس حيت شي صاحبو عطا بيه ولكن مكاين حتى شي دليل اوا من زهري دوك ليام كنت مجمع معاه بزااااف مكناش تنتفارقو
سعد: كفاش ادم وكفاش شاكين فيه!!
شريف: داكشي لي وقع لمراد فرمضان
سعد: واش فاش تعرضو ليه؟
شريف: اه حتى نتا تتجمع معاه ميكونش قالك شي حاجة!!
سعد: (بقا غير كيشوف علاش اصلا يشكو فادم عارفو مكيحملش مراد وعارف راسو لي دار هادشي!!! للي ديرونجاه هو حسابلو القضية تضمست وتطوااات) انا هاد ادم شحال مشفتوو وعلاش اصلا يعيطو علية واش انا مسالي نجمع مع برهووش قد ولدي!!! حدي فاش كنت تنجلس مع باه فالقهوة كان تيجلس معانا!!
شريف: وكفاش تيبان ليك فيه فهاد التالي!!
سعد: من اخر مرة ضبر علية فواحد لبلان معاودت هضرت معاه
شريف: اشمن بلان؟!
سعد: لعميمي لي عندو التاكسي كان ادم وصاني بغاها نسقت ليه مع السيد وقع شي خواض بيناتهم ولا شي تمشكيييل مشا عندو قالو درت بيها كسيدة شحال نعطيك فيها مهم روييينة ناضت بيناتهم
شريف: (هاد لكلام للي تقال لمراد) اوا باش فاراها معاه؟!!
سعد: ضارت فلوس على مدازت شي يامات ورد ليه التاكسي ولكن لعميمي من داك نهار وهو حاطها خايف يكون دار بيها شي مونتيييف
شريف: اوا يسول على راسو!!
سعد: بيناااتهم اخويا انا قطعت كلامو فمرة.. (بقا حااير علاش اصلا ادم يحطو فراسو داك نهار كلا سلخة من عند رجال بأه جات فبالو سؤال ياكما لقاه بالصح هو للي حط لحشيش فجيب باه حيت ديما كان كيقولها وحتى واحد متيقو!!!
ولكن من جهة أخرى عارف راسو هو ضبر عليه فرمضان ماشي ادم)
علاش حتى لدابا عاد ناض تيقلب على للي ضربو؟!...
سعد: ولكن.. علاش حتى لدابا عاد هداك ناض تيقلب فالي ضربو راه دازت شحااال من رمضان ديال عاااام لول
شريف: حتى هو موقفش من شحااال وهو تيقلب
سعد: امممم ومبازلو غير ادم زعما علاش هو
شريف: راه صاحبو لي عطا بيه عند البوليس هاد ليامات، مهم نتا خوي راسك اصلا نتا بعيد على هادشي ياك!!!
سعد: (حرك راسو بأه خااف هادشي يتفرش ويبان هو نيت مول الفعلة.. جا الحاج كولها خدا حقو وشد طريقو للمحال ديالو)
اورطيغا: (معرفش علاش مبقاش عندو سووق فسعد يبان هو مول الفعلة ولا لا مموالفش راسو سمييييح فحقو، ولكن للي واقف بين عينو هو الحاج ميستاااهلش يعرف هاد الخبار للي مغيصبرش عليه.. صونا على ملاك للي لقا لابيل ديالها)
التوووت
ملاك: (صاايݣة) فينك؟!
اورطيغا: ياله غادي المحال, راكي فطريق؟!
ملاك: اه ماشية معايا خديجة وغيثة ويوسف غيلحق بلاتي
اورطيغا: زعما الا صبرتي شوية نشووفك شنو كان غيوقع؟!
ملاك: بابا امراد هو لي كيسول
اورطيغا: مال هاد بااااك؟!!
ملاك: انا نوصل ونصوني عليك (قطعت حيت عارفاه شنو غيقول..
وصلو لصفرو غيثة جبدت من صاكها ݣلوص دارتو ورشت بارفانها شافت فيها ملاك ديك الشوفة للي بقاو كيظحكو اما خديجة ملهية مع سليمان مجايبة خبار حتى لحاجة.. وصلو للحومة نزلت غيثة صيفطت ميساج لحمزة مكملاش دقيقة حتى وقف حداااهم)
حمزة: سلاااام.. (شاف فغيثة) صاڤا!!
غيثة: الحمدلله ونتا؟!
حمزة: الحمدلله زارتنا البرااااكة
غيثة: (خديجة وملاك زادو القدام... تبسمت معاه) بغاوني لبنات نجي معاهم وحتى يوسف قالي نبدل الجو شوية
حمزة: احسن حاجة درتي.. وكما قال خوك تبدلي الجو شوية
غيثة: (بقات متبسمة) انا نمشي لبنات تيتسناوني
حمزة: اجي بلاتي معاهم للدار
غيثة: معرفتش... تنحشم!!
حمزة: غير اجي.. بغيتك تجي
غيثة: ان شاء الله...
غيثة: (ودعت حمزة ومشات لحقت بلبنات جاها احساس خاااايب بتأنيب الضمير كفاش هي فهاد الحالة وباغية تفرح راسها كفاش كانت سباب باش ولدها كيعيش هاد العذاب وهي مزال طامعة تخلي قليبها يدق بحب جديد!! فلبلاصة حست بالانزعاااج بقات غير ضاربة الطم دخلت لدار ملاك للي رحبت بيها زهرة اما شي لاخر مفخبارو والو عليها خدهم دارو صواب معاها، دارو الݣوتي وملاك طارت لسطح سادة عليها)
ملاك: (جاوبت اورطيغا) راه كنت مع العائلة ازمر
اورطيغا: مزال شي **** تماك تيهضر معاك؟!
ملاك: بابا مغيخلي حتى واحد يهضر معايا داك نهار نوضها معاهم ومن التالي قالهم زعما قال لخوووه نتا وبنتي متجمعكمش حتى السلام
اورطيغا: امم..
ملاك: (طامعة فيه يجي) بلاتي غيجي يوسف عندنا يتعشا ويرجع فحالهم
اورطيغا: (طلع للدار) مزيان.. نتي عندك شي بلان؟!
ملاك: (عوجت فمها) لا غير الدار ونت
اورطيغا: انا غندخل ندوش نقصي نعس شي سوييييعة ونرجع للمحال
ملاك: مغتلقاش مع دراري يوسف وشريف؟!!
اورطيغا: لا ممسااليش.. مهم من بعد الحب ونصوني عليك..
(جاوب شريف لي صونا عليه قالو شنو كاين وأكد عليه بلان التاكسي يعني ادم بداك التاكسي ضرب مو ولكن البوليس منين قلبو وشافو الكاميرات التاكسي مكانتش فيها بلاكة ديال الماتريكيل وحتى الرقم مخبع.. وميمنعش هادشي باش ميكونش دليل وخيط يتبعوووه... دخل دوش كان جايب معاه 3 ساندويتش معقودة عمر أتاي كلا داكشي وتجبد فالسداري مريݣل التيليفون باش ينعس شوية ويفيق يرجع للمحال...)
~~~~~~~~~~~~~
خديجة: وصافي ياله تبدلي الجو اصاحبتي
ملاك: علاش دايرين الشيخات ؟!
خديجة: (ميقت فيها) جايبين مقرئات ابنادمة وكيبقاو يعاودو شي قصص زويييينة
ملاك: خيااااار داكشي قريتو فالتربية اسلامية
خديجة: باااااااز...
ملاك: (كملت كتقرا شي موضوع فلفايس هي مغتمشيش لدار حمزة بقات بوحدها سادة عليها باب بيتها، مشات غيثة وخديجة لي عيات ترغب ملاك تشد سليمان ومبغاتش ليها.. شافت فالساعة كانت 9 دالليل)
هاد ززمر غيكون مزال مفاق!!!
(جاها تبدل بزاف حيت هضرتهم قلالت اما لملاقية مرة فشحااال عارفاه مشغول ولكن توحشاااتو...)
حمزة: (جالس فالقهوة حتى كيبان ليه رشيد جاي هو ويوسف جلسو معاه حتى بلا ميطلبو)
رشيد: (مكمل الحديث مع يوسف) انا عارفو يتهلا فبنتي ولكن معرفتش شي حاجة ماشي هي هاديك..
يوسف: شفتي اسي رشيد يجيك كولشي غريب الا هداك السيد ماشي تنشكرو ليك حيت صاحبي ولكن راه رجووولة فينما وقفت عليه تلقاااه
رشيد: مقلتش العكس اولدي..
يوسف: عطيه الامان وغتعرفو مزيان اعمي رشيد
رشيد: الله يصاوب وصافي.. (شاف فحمزة) لعمر كيمشي مناويش نتا زواج!!!
حمزة: (تبسم من هاد الحديث، كيتفكر نهار عرف حمزة بغا يخطب ملاك قلب عليه مبقاش كيقول ليه حتى السلام عاملو واحد السيمانة بحال شي غريب عدو ديالو حتى عرف بنتو مقبلتش وتلغى كولشي عاد رجع كيعاملو عادي هنا عرف المشكل ماشي فالخطاب المشكل فيه هو للي مخاصو حد يخطب بنتو)
حمزة: مزال كنتسنى براتي من عند بنت عمي
يوسف: هههه
رشيد: وغتبقى غير تسنى!!! راه عندك الحق تزوج حتى ومتبانش على ميقول القاضي كلمتو.. دير وليداتك اولدي هي نهار ربي غيبغيها تبان راه غتشد شحال قدك تبقى جالس معصب ومقلق وتسناها تبان!! فرح ميمتك وونس راسك وعيش حياااتك..
يوسف: (ميمكنش يدخل فهاد الموضوع غير كيسمع وكيشوف حيت ماشي شغلو ومعندوش علاقة وطيدة مع حمزة باش ينصحو..)
حمزة: مع المكتاب اعمي
رشيد: مك راه تشكاتلي وبغات حتى هي للي يعمر عليها الدار نتا من نهار دفنا المرحوم ونتا مجلي ففاس وفمشاكيلو وهي جالسة فالعروبية باك الله يرحمو مكانش غيبغي هادشي يوقع وتشتتو من هاد الدار عمر الدار اولدي ورجع شملكم
حمزة: (منين كيتجبد سيرة باه كيحني راسو) مزال اعمي الوقت
رشيد: شحال هاد الوقت مزال خاصك قدك قد مريم بنتي ها هي عندها جوج وليدات وبنت نتا مديرش شي واحد يكبر معاك يونسك وتعلم تربي!! حتى داك طرف الخبز للي غدخلو عليهم غتحس بحلاوتو
يوسف: (عجبو كلام نسيبو) كاينة!!
رشيد: نوي الخير اولدي وربي هاد المرة مغيخيبكش...
غيثة: (بكاااات وشبعت بكا لا هي لاخديجة قلبهمم طااايب غير جلسو وهوما يهرنطو مع المقرئة وكولها وهمها..
شافو رأسهم عيقو والعينين عليهم خرجو لوسط الدار يضربهم الغربي شوية، مشات للسقاية غسلو وجههم وهوما يطرطقو كيظحكو)
ههه علاش تتبكي نتي!!
خديجة: معرفت شفتك كتبكي بقيتي فية وحتى انا دوزتها مع يوسف
غيثة: ههه معمرني قلت غنعيش هادشي كااااامل غير قبل بعااامين كفاش كنت ودابا!!!! (بتنهيدة) كولشي تقلب سفاه على علاه
خديجة: مزال الايام زوينة قدااامك (دورت عينها فالدار) فين وصلتي مع حمزة؟!
غيثة: معرفتش اخديجة حتى وتكون شي حاجة واش غيرضى بية!!
خديجة: واش نتي حمقة عمرك تفكري هاكا ولا حتى تبينيها ليييه راه هو ماشي ملاك ودوز حقوووو حتى هو
غيثة: معرفتش.. انا راه عندي ولد
خديجة: اوااا ربيوه بجوج هو اصلا موت ولدو خلاه غيحمااااق راه تماك عاد باش بدا عقلو كيرجع ليه..
غيثة: والله معرفت منقدرش دابا ندخل فشي علاقة خليني نفك علية هاد الموصيبة.. (دخل حمزة شافهم تماك تم ماشي عندهم)
حمزة: غيثة!! ياكما ماشية؟!
غيثة: ها!! لا غير خرجنا هنا وصافي.. (تبسمت) داركم زويييينة
خديجة: (كتشوف فهاد لبنت لي كانت عاد ميتة بلبكى ومباغاش دخل فعلاقة كفاش كتقلب منين كتشوفو!!!!)
حمزة: (حرك راسو بأه جات مو عندو درعها) هادي راه ضيفتي تهلاي فيها الوالدة
رقية: (عجبها الحال اذا ولدها ناوي زواج شافت قلبنا زويييييينة) مرحبا مرحبا بنتي هادي راه دااااركم بحالك بحال خديجة
غيثة: (حشمت) الله يكبر بيك اخالتي
خديجة: هادي لووستي صغيرة
رقية: (زادت فرحت حيت سامعة بالعائلة متبتين مرزنين وبغات ولدها دابا يتزوج بشي وحدة مقتانع بيها)
تبارك الله وما شاء الله غزيييولة دخلي ابنتي مجاتش ماماك معاك؟!
خديجة: لا خالتي وعمي مشاو لفرنسا مع شيخي عيان شوية وتماك متبعيين
ام حمزة: الله يشافيك ويخليه ليكم دخلو متبقااوش فلباب
غيثة: (متبسمة ولكن مألمة فلداخل ديالها ممكن تكون عجبتها ورسمتها مرت ولدها ولكن منين تعرف حقيقتها غتكون هاكا ردة فعلها!! شافت فحمزة لي كيشوف فيها)
حمزة: ياله دخلي خديجة تهلاي فضيفتنا... (شاف فمو) انا مشيت الوالدة محتاجة شي حاجة؟!! لعشا قرب؟!!!
رقية: قرب اولدي دابا نعلم خالتك زهرة باش رجال يتجمعو فالدار نحطو ليهم...
اورطيغا: (كمل معطل صونا على ملاك جاوبت وهي كتسكت سليمان للي ضربو أنير غاير منو حيت منين بغات يتعشاو جاو حطو البز عندهاا)
شنو هاد الروض فين راك البنت؟؟؟
ملاك: (عصبوها) هاد زمر خلاولي ولادهم ومشاو يتعشاو بحال عندي حضااانة انا اصلا معنديش مع البتااااااهش
اورطيغا: (تبسم كظحكو منين كتكون معصبة مكتخهليهاش فقلبها) فين مشاو؟!
ملاك: دار الجيييران عندهم صدقة (عطاات لأنير الطابليط وهازة سليمان كتراري بيه) هاك الطابليط نتا تفرج فهادشي لي كيعجبك
اورطيغا: واش تتعطيهم الطابليط فهاد العمر املاك؟!
ملاك: اللهم يجيهم التوحد هوما ولا يجيوني الاعصاب انا
اورطيغا : ضربنييييييي على أمهااات المستقبل وباغية نولد طااااشمة
ملاك: مال ولادي غنديرلهم هاكا!! وزايدون كيتفرجو غير فالروسووم ݣاع كبرنا بيه شنو وقع لينا
اورطيغا: اممم زيديييني
ملاك: شنو دابا؟!!!
اورطيغا: والو غير تنهضر.. شنو معصب الزين ديالي؟!
ملاك: نتا!! نتا كتغبر بزااف
اورطيغا: واش بخاطري احبيبة راه متلقاش وقت حتى باش نشوف أمينة!! ولا نرتاح فخااطري حتى انا توحشتك صبري علية غير هاد لياااام وانا معاك الكبييييدة
ملاك: اوا نقص شوية على راسك
اورطيغا: وباش غنعييشو الا نقست راه فعيد الكبير تنضرب ضربتي ومزال تابعني نفرش دويرتنا ونقادها مزيااان
ملاك: راه حتى انا فاش نبدا نتخلص غنعاونك فالفراش ديال الدار
اورطيغا: واااايلي؟!
ملاك: اه ضرووري معمرني غنسى الوقفة ديالك معايا فداري وزايدون حتى هاديك داري
اورطيغا: كولشي ديالك احبيبة
ملاك: (تبسمت وباست سليمان) حتى غدا تابعااك الخدمة؟!
اورطيغا: غدا غنطلع للشمال
ملاك: مقلتلي والو؟!!!
اورطيغا: غير يوماين كاين شي كسيبة وكليان تيشريو منها وضرووري نكون معاهم
ملاك: فين فالشمال؟
اورطيغا: لعرايش.. تبغي نجيبلك شي حاجة؟!
ملاك: بغيتك غير نتا ترتاح شوية من هاد تمااارة فين دااافن راسك...
جاو لبنات من دار الجيران جايبين لملاك لعشا واخا عياو فيها تمشي هي لي رفضت رفض قااااااطع مقدرتش تخطى داكشي فاش دااازت وديك الدار متقدرش تعاود تدخل ليها مرة اخرى..
بقات كتسنى اورطيغا يصوني عليها ووالو خديجة وغيثة باتو معاهم ويوسف رجع فحاالو حيت تابعاه الخدمة وخاصو يطل على ولد غيثة.. هروب ادم خلا ليهم شوية ديال الفسحة واخا بغاوه يتشد اليوم قبل غدا باش يرتاحو نفسيا فاقو صباح ملاك كتحاول متخرجش من بيتها حتى الفطور مفطرتش معاهم دايراها خطة باش باها ومها تبقى فيهم ويشوفوها ممرتاحاش محبوسة ويخليوها تمشي تعيد مع خديجة للي حتى هي كترغبهم حيت بغات ملاك تعاونها وتونسها..
~~~~~~~~~~~~
شريف: (سمح فداكشي دالعيد وهاد الايام مشغول بعرسو اكتر وشنو خاصو يوجد الدار كانت عندو مقااادة وحتى للي بقا خداوه هو وأسماء وكملوها، تلقاو ومشاو باش يتفاهمو مع القاعة تريتور نݣافة حيت غيديرو عرس واحد قادو كولشي هوما ما عليهم غير يلبسو ويحضرو للعرس اما كولشي غيتقااااد من تريتور وصلها لدارهم وهو مشا لل فين ساكن مقصد مول التاكسي لي لقاه فالقهوة)
سي بنعميمي بغيتك فواحد لبريكول
....: (بلكنة فاسية) متقولش حتى نتا بغيت التاكسي
شريف: علاش خارجة؟!
....: اشنو عندكم مع هاد التاكسي اولدي كل مرة طالبها واحد مرة خوك ومرة نتا وعاد جاو شي دراري بغاوها وانا نغبرها
شريف: شكون طلبها
...: معرفتهمش واخا بغاو يعطيوني مليون فالساعة
شريف: مليون!!
...: و خوك سعد داك نهار عطيتهالو عطاها لشي واحد مردهالي حتى شحفني بغيت غير نرجعها تخدم وخفت
شريف: عطيني الماتريكيل ونقولك واش فيها شي مشاكل ولا لا غير هو واش من داك نهار معطيتها لشي واحد؟!
....: حتى واحد معاود دخل فيها ولا قاسها
شريف: عندك سويرتات هنا؟!
...: موجودين
شريف: لعشية نجيبلك لخبار عليها (خدا سواارت عيط على حمزة للي جايب معاه واحد مختص فداكشي ديال البصمات والدلائل بقا كيتسناه شي جوج سوايع فالرياض على مجا مشاو للتاكسي وخلاو السيد فالݣراج خدام لداخل وهوما برا واقفين حداها بحال مواقع واالو)
زعما يخلي من موراه شي حاجة!!
حمزة: على الله شحال ما كان قااافز غيخلي شي لقطة ضدووو
فلا الطموبيل مزيااااان من كولشي برا ولداااخل دار داكشي داكشي فباليزتو على ميديه للمختبر وكان وصل الطموبيل متقاسش باش الا صدق شي حاجة ديالهم غيديوها للكوميساريا باش يعاودو يفحصوها بأمر قانوني وتكون دليل على ان هاد الطموبيل هي لي ضربت أمينة.. رد سوارت لمولاها حتى يرد عليه الخبار.. خرجو من الحومة
شريف: كنت شاك فشي حاجة وبغيت نقولهااالك الا مرتك كانت تعاونت معاه وعلى حساب عقليتو لي عرفناها متكونش هي للي حرقها فطموبيلتو
حمزة: (حرك راسو بلا) هضرت معايا من مور داكشي
شريف: اه يعني ماشي هي واخا كنت تنقول 💯 هي
حمزة: لا للي تحرقت ماشي هي.. وعاد أكدت لية انها مكيناش هنا فالبلاد غير واش بالصح ولا لا مزال مباان والو
شريف: يصاوب الله اخويا
حمزة: مهم انا مشيييت غير تبان شي حاجة غنعلمك
شريف: الله يعاونك، اااه راك معروض لعرسي ان شاء الله
حمزة: الله يكمل بالخير
شريف: انا نعلمك امتى بالظبط..
حمزة: ان شاء الله غير هو كفاش فكرتو فهاد القضية ديال التاكسي
شريف: ماشي انا اورطيغا للي جاب هاد تنقنيقة
حمزة: مزيااان... الله يعاون (مشا حمزة وشريف رجع للمحال ديالو كيتمنى خوه سعد ميكونش متعاون من ادم فهاد الجرائم كاااملة للي واقعة!! علم مراد بالجديد ودابا غيتسناو على ميردو عليهم..)
~~~~~~~~~~~~~~~
داز نهار عادي فدار رشيد غيثة وخديجة رجعو لفاس باش توجد هي تقضية ديال العيد باها مزال مخلاش ملاك تمشي معاهم وزادت غضبت وعتاكفت فبيتها اما الهضرة مع اورطيغا كانت قليييييلة الوقت باش يهضر ويجمع كينعسو..
~~~~~~~~~~~~~~
ادم: (كان فالمصحة ياله خارج من العملية لي دار على 🍌 ماشي باش يرجع يمارس حياتو طبيعي دار غير باش يبقى يبو* طبيعي اما ممارستو الجنسية قتلاتها غيييثة من غير الا دار عملية الزرع..
وهادشي هو متقبلوووش علمو الدري للي مرااقبها انها رجعت لدار خوها وكان قرارو متقاسش حتى يعرف شنو غيدير حيت دابا باين حاطين عليه العين وغيتسناو منو يدير شي حاجة باش يغلط!! صونا عليها بنمرة من تماك ماشي ديالو مجاوبتش وهو يصيفط ليها ميساج)
غندمك على هادشي كووولو
غيثة: (مع صونا عرفاتو هو حيت مكاينش لي غيصوني عليه من نمرة غريبة فرنسا من غيرو وكملها بلميساج جاوباتو)
بيناتنا القانون
ادم: قلبي على شكون باين داك الولد....
ملاك: (رجع مراد لفاس ولكن باقي مشغوول هي جاها القنط والملل كتبقى نهار كامل فبيتها هاد المرة ݣاع معايشة اجواء العيد باها مخلاهاش تمشي لفاس بغاها تعيد معاهم..
الجو بدا كيسخن والبيت عندو سرجم على وسط الدار حلاتو باش يتنفس البيت شوية كتلقى باها وعمامها كولها فين جار الحولي مدخلينهم يطلعوهم لسطح.. شوية شافت حتى حمزة مقاااتل جار حتى هو حولي تبسمت من ردة فعل ديالو حيت جارو وخااايف كما عادتو معندوش معاه.. شاف فيها كتبسم)
حمزة: وانا كنقول مالو خاف مبغاش يطلع قولي شافك نتي
ملاك: هه ماشي خايف غير مسيكين معارفش طريق لسطح اما يجرك يطلعك اظرييف
حمزة: هههه (جا باها جر ديال حمزة)
رشيد: هنا ميعولش عليك الواحد
حمزة: هه الله يطول فعمرك اعمي.. (شاف فملاك) هانتي حابسة راسك هنا!!
ملاك: سلااااك وصاافي
حمزة: طلعي تشوفي لحوالة راه غلقاو عندك خبرة فهادشي
ملاك: هاهاها هداك راجلي المستقبلي هو للي عندو خبرة اما انا كنعرف غير ناكلهم
حمزة: (قرب لسرجمها) شنو بانلك فغيثة املاك؟!
ملاك: (بفرحة) لزواج؟!
حمزة: اه
ملاك: نتا عاجباااك؟!!
حمزة: (كيفكر وهو كيشوف اونفاص ليه) اه
ملاك: اوا توكل على الله شحال قدك تبقى بااير راك شرفت
حمزة: (تبسم) ومها؟!
ملاك: منين خديجة تزوجت يوسف غير زعم ههه
حمزة: التسليييم مع ديك السيدة غير راكي عارفااني أغراس أغراس
ملاك: دابا تهد ديك الغالية شحال قدها تبقى هكاك (كتفكرها منين عرضت على مراد زواج كتكعى) صافي غير سير هضر مع خوها قبل ميزوجو البنت
حمزة: نتسناو على حساب ولدها
ملاك: اضرب الحديد محدو سخون
حمزة: ههه (شاف فيها جاتو غريبة ماشي هادي لي كان حامق عليها دابا كيشاورها بزواجو من غيرها وهي كتزيد تقنعو بيها) يصاااوب الله..
اورطيغا: (وصلت لعشية مشا عند مو يخرجها ياخد ليها شي حاجة للعيد كما موالف مبغاتش بحكم كانت خيطات قبل جلابة دو بياس وشرات لي تحتاج.. منين مبغاتش عطاهم ليها فلوس كما العادة... كان من صغرو كيعطيها فلوس التضويرة ديال العيد مكيهمش شحال واخا 50 درهم مهم عندو هو كيعطيييها)
أمينة: اجي نتا دوك ديور للي عندك كاريهم!!!
اورطيغا: ههه لاش باغا توصلي؟!
أمينة: علاش متشريش كوري يكون ديالك بشياااهك وكمل حتى نتا فهاد الحرفة باش غدا ولا بعدوو كما كتݣول ميحل حتى واحد فمو عليك وتصدمليا البشااااار اااااح فوقاش نطرطق لشي وحدين مرااارتهم كما كانو كيطردݣوهااالي!!!
اورطيغا: ههه الوالدة.. (عجباتو الفكرة) نفكر فيها !!
أمينة: غير فكر اولدي كما بدا الحاج حتى نتا بداها وخلي لوليدااتك الخير والخمير فين يتمتعو ونتا براسك تمتع
اورطيغا: يااااك ندمر على الورثة من دابا؟!
أمينة: لا عيش حياااتك حتى نتا بغيتك تلبس وتݣاد وتسااافر ومتخليش شي حاجة فخااااطرك ونختموها بشي حجة..
اورطيغا: ههه ان شاء الله
أمينة: ان شاء الله اولدي.. حݣا شفتك مديتيش التفكيرة لملاك
اورطيغا: واش?!!!
أمينة: تفكيرة راه خطيبتك وقربتك تكون مرتك خاصك تفكرها غير ببيجامة يا المقشاش وعاد نتا عندك الخير مكرهتش نديولهم حولي
اورطيغا: مقشاش!! لوكان تعرفي... ولا غير خليني ساااكت شنو نصيفط ليها شي حاجة فلفلوس؟! حولي حتى تجي لداري ونجيبلها حتى جوج
أمينة: ان شاء الله.. متصيفط بو فلوس كتجي ناااقصة ياله نشريو ليها شي حاجة ونمشيو عندهم
اورطيغا: عيان الوالدة !!
أمينة: نفض عليك العݣز وياله دير صواااب مع الناس
اورطيغا: نحلف عليها غير نتي قنطانة وباغا تجرجربني معاك!!
أمينة: زيد زيييد (ناضت لبست علمات زهرة باش غيجيو وخرجو تقداو بيجامة بملابسها الداخلية وشالها وخداو ليها كسيوة بشالها..
خرجو من تماك وشدو طريق لصفرو)
شحال غتعطيها فصداق؟!
اورطيغا: شي أسئلة عندك!!!!
أمينة: واااا هضر!!
اورطيغا: قالتلي ملاك حفظ غير سورة الفاتحة والله يجيب التيسير
أمينة: باللللللللحݣ!!!!!!!
اورطيغا: وشنووو البنت عندي طالبة غير سلاااك والسترة وتعيش طروووونكيل
أمينة: اييييه تيقتك حتى متكونش دات فلوس عرسها من باها باش شرات الدار
اورطيغا: كفاش؟!
أمينة: وݣفت على باها عطاها فلوس عرسها لي يخسرهم وزادت عليهم شحال كانت جامعة بيهم باش شرات الدار
اورطيغا: هههه تتعرف تفكر ديك الجنية...
وصلو للحومة مشاو نيشان للدار استقبلووهم كانت الدار عامرة حيت العيد لكبير كيجيو العائل يدوزوه معاهم بحكم هي الدار لكبيرة لي كتجمع العائلة..
ملاك فالكوزينة كتسنى مها تعطيها الإشارة باش تهز صينية ديال أتاي وتخرج عندهم غطير بالفرحة توحشااو بزاف وعجبها الحال منين تفكرها.. دخلت عندها بنت عمها لكبيرة لي قد مريم اختها كانت علاقتهم زويييينة من صغر..
صفاء: خطيييبك مِّيييييلَحْ يا ختي!!!
ملاك: ههه ياااك!!
صفاء: كنتفكر منين كنتي كتقولي لينا بغيتو زعر ولباس عليه شنو وقع ليك؟!
ملاك: المكاتيب لقيت الرجلة حسن من هادشي كامل
صفاء: هاي هاي على ملوكة دارت عقلها ولات تعرف فزمان ورجال!!
ملاك: جا بابا حداهم؟!
صفاء: اه ولكن داك عمي حسن مفهمتوش السيد مكيقول والو وهو بحال كيحاول يقنعو بيك كفرني حتى نضت من حدااهم
ملاك: بحالاش؟!
صفاء: سمعتو كيقولو خاصك تزوجها راه أملنا غير معاك ودرنا الغر عليك
ملاك: حلفي!! ولد *****
صفاء: ويلي استغفر الله راه عمك الحمارة
ملاك: يعمييييه الكلب كيدير هاكا بلعاني باش يزيد يفقسني بابا هضر معاه ميات مرة وهو مبغاش يبعدني
صفاء: صافي متسوقيش ليه.. قالولي خطيبك ݣزار
ملاك: امم
صفاء: ملاك نتي بحال ختي صغيرة واش متأكدة باغية هاد السيد قريتي توظفتي شريتي دارك وطموبيلتك...
ملاك: حتى هو راه برزقو
صفاء: نتي مقتانعة بيه؟!
ملاك: زمرة علييييك بابا ومسولنيش هادشي كااامل وكان ممقتانعاش بيه وكان كركبتو من اللول بحال خوتو
صفاء: (ضربتها ضربة خفيفة لراسها) حيت كنخاف عليك يا البهلة راني بحال ختك مريم
ملاك: ومقلت والو غير متعمريش راسك مراد كنشوفو أحسن واحد لية انا وياه متفاهمييين اما الفلوس حنا لي كنديرووهم ماشي هوما..
بففف واش مغندخلش هاد الصينية خلاص؟!! (مشات صفاء كتسول حتى عطاتها زهرة الاوكي هزت ديك الصينية ومشات للصالون كتقلب بعينيها كاين غير لعيالات تكرهت وكان حسابلها هاكا ݣاع مدخل ولا تعيي راسها مع هاد الصينية لي فيها 24 كاس وحوج باررد طيحولها كتافها..
سلمت على أمينة وجلست حداهم غير مستمتعة بحديثهم باغا تشوفو هو للي توحشاااتو حتى خرجت مها ورجعت عند بنتها جلست حداها مخبراها)
زهرة: مراد بغا يهضر معاك فوسط الدار سمعي اديك القزقاااازة تبتي ورزني راه ݣاع العينين عليك
ملاك: (فرنست) يتعماااو هاد العينين للي غير خاضييني (شافت فمها) ندخلو لبيتي باش ميحضينا حد
زهرة: (طلعت معاها بقرصة حتى جمعت الظحكة) اوا نوضي دابا
ملاك: (وقفت وخرجت لعندو لقاتو جالس فوسط الدار باين عليه لعيا بزااااف ولكن عاجبها... مشات عندو بلا متمد حتى يدها كان حاضيها بدوك العينين والشوفات لي كيعجبووها تبسمت شافت رجال اونفاص فلبيت لاخر)
امم مراد.. اجي نوريك لحوالة فسطح!!!
ملاك: نطلعو لسطح نوريك الحوالة؟!!
مراد: (تبسم) جلسي املاك
ملاك: بففف راه وليت محضية هنا (جلست) بغيت نرجع لداري مبقيتش حاملة نجلس هنا توحشت بيتي
اورطيغا: ديرونجاك شي واحد؟!
ملاك: بغيت غير بغيت رجع وصاافي
اورطيغا: مبقى والو املاك ونجيبك عندي!!
ملاك: عرفت شنو قالك عمي وهادشي كيمرض انا راه ماشي عااالة على شي واحد هنا زعما بابا وماما بلعكس هوما مساخيينش بية
اورطيغا: شنو هاد عاالة؟!
ملاك: انا ماشي بفففف صاافي ماشي وقت هاد الهضرة
اورطيغا: لا بغيت نعرف تاليتها داك عمك نمشي نهرس لمو داك الفم واش كنتو ديما هاكا؟؟
ملاك: لا!!! عادي كنت كنحتارمو وحتى هو واخا مكيعجبوش داك الردان ديالي ولكن من داك نهار جهل علية كرهني وحتى انا وليت كنكرهو
اورطيغا: الوقت لي تكرهيه فيه بغيني انا!! بدل متصدعي مخك معاه فكري فلحوايج زوينة لي غتجمعنا واش انا جد مك جاي حتى لهنا وخاار* بنعاس ولعيا باش نهضرو على المقل.. دعمك!!
ملاك: (تبسمت) توحشتك!!
اورطيغا: (بقا كيشوف اونفاص ليه مقوس عينيه شاف فيها) دابا عاد تحل ليك الفم
ملاك: هه شكرا على شنو جبتيلي
اورطيغا: انا غراضي غير نشوفك اما أمينة لي جابت ليك داكشي
ملاك: (تبسمت شافت فباها خارج من لبيت كحزت شوية من حداااه بلا متعيق مبعدة شوية جا حدااهم)
رشيد: (جلس حداها وملاك مزال كتزيد تبعد شوية بشوية) انا غير يدوز العيد ان شاء الله غنبدا نجمع وريقات بنتي
اورطيغا: وراقي وجدتهم (ملاك تبسمت)
رشيد: للي نوصييكم عليه هو تهلاو فبعضيااتكم تعاونو على الحلوة والمرة حتارميه ابنتي وحتى نتا اولدي حتارمها الاحترام شي حاجة زوينة فزواج وحتى صبر ولعناد مخاصوش يطول ماشي مشكل مرة مرة الواحد يتفشش على لاخر وهادشي عادي باش تعرفوا القيمة عند بعضيااتكم.. غير ميطولش وميكترش زواج ماشي هو نفرض عليك راسي باش نطبق الهضرة ديال من نهار اللول كيموت المش لا خاص نخدمو العقل ورزاانة (شاف فملاك) وبلا كترة الردان فالهضرة والعناااد!!!
اورطيغا: (بحال شي طبيب نفسي كيهضر معاهم ماشي اب البنت للي غيتزوج) كاينة..
رشيد: (تفكر) ملاك اولدي مكتعرفش لطياب وداكشي دالكوزينة حيت أنا ومها فششتها عكس خوتاتها للي كانو كيدخلو للكوزينة
ملاك: (تبسمت وهاد الحوار شحال حمقها واكترية المبادرة من باها مكيهمش بينها ماشي حادݣة حيت اصلا عمرها طلبت يكون عندها هاد اللقب)
اورطيغا: معنديش مشكل!!
ملاك: هو كيعرف يطيب (جوج خنزرو فيها هي كانت بغات غير تلطف الجو..) هاكا قالتلي خالتي أمينة
رشيد: سكتينا!!! (بقات كتحنحن) غتصبر عليها شوية انا تزوجت بزهرة مكتعرفش تشعل حتى البوطة بقينا انا وياها كل مرة كنطيبو ونتعلمو نخربقو حتى رجعت كتعرف طيب
اورطيغا: معنديش مشكل اسي رشيد كل حاجة تتجي بوقتها ماشي مزوجها باش تبقى فالكوزينة
رشيد: وخدمتها الله يرضي عليك متجيش شي نهار تخيرها بينها وبينك من غير الا برضاها بغات تخرج
ملاك: إلاَّ خدمتي!!!!
رشيد: (شاف فيها شوفة ديال تعاودي تزيدي شي كلمة!!!!) وحتى المعاونة اولدي راها زوينة الا تعاونتو بجوج على زمان
اورطيغا: (غير كيشوف فيه ويحرك براسو حيت هضرتو جاتو معقولة مفارض عليه واالو بلعكس هادشي متفاهم فيه هو وبنتو) انا خدمتها معنديش فيها مشكل حيت محتارمة وووو مزياانة
رشيد: (شاف فملاك) منبغيش شي نهار صوتك يعلا على صوتو وداك الردان دالهضرة زواج كندخلو ليه بنية ديال كل واحد يتنازل شوية ماشي باش نبين راسي انا واعر
ملاك: وانا عم..!!
رشيد: وحتى هاد تخراج العينين منبغييهش الاحترام الاحترام الاحترام (هنا اورطيغا عجبو الحال وملاك غوبشت شاف فيها ظحكاتو ردة فعل ديالها تبسم)
اورطيغا: سي رشيد
رشيد: عمي رشيد انا اولدي دابا غنكون فمقام عمك ونكون حتى بحال الواليد ديالك غرجعو عائلة وحدة منبغيش الرسمية تكون بيناتنا راني عاطيك بنتي ضو عيني
اورطيغا: الله يكبر بييك.. (تلفو شنو بغا يقول)
رشيد: تطلع نشوفو لحوالة؟؟؟ (اورطيغا فنفسو هدا وبنتو اش بغاو مني وحوالاهم) غتكون كتعرف حسن مني
اورطيغا: واخا خدمتي ولكن نتا راك فايتني بالتجربة
رشيد: (طلعو تابعاهم ملاك واخا مقالهاش تطلع كانو الحوالة تماك مراد عجبووه قلبو الموضوع على لحوالة وملاك خارجين من عينيها القلوبة وهي كتشوف الحبان ديالها مجموعين ومتفاهمين هبطو من تماك)
اورطيغا: نمشيو حنا... ملاك عيطي للوالدة الله يحفظك
ملاك: (مشا باها يتكلم) جلسو تعشاو
اورطيغا: خاص احبيبة نمشيو باش نشوفو شنو خاص
ملاك: مسخيييتش بيك
اورطيغا: (تبسم) سيري عيطي لأمينة خليني زوين مع باك!! (مشات ملاك تعيط لمو كانت بغات تبوسو وملقاتش الفرصة هادشي لي وقع هاد نهار فرحها نساها القنطة والملل وزعاف لي طالع ليها من هاد الدار توادعو معاهم ودخلت لبيتها سادة عليها منتاااشية هاد الفرحة وجالسة كتفرنس وهي كتشوف فسقف بيتها...)
اصبحنا واصبح الملك لله..
نهار العيد لكبير
ملاك: (صونات على مراد كان كيذبح لمو والحاج فالرياض شدها حاط التيليفون قريب وهو كيسلخ طلعات حتى هي كتوريه باها وعمامها كيذبحو الفوق مع باها جبد الدوارة)
ييييععع
اورطيغا: هههه زينة عندك هاد يع!!
ملاك: ( هبطت من تماك مخسرة وجهها) مكنحملش ريحتها
اورطيغا: ومنين نجيك للدار كولي هاد الريحة
ملاك: نتا غنشمك مسك بارفااان اي حاجة منك غتكون زوي.. احم (سكتت ومها كتميق فيها مبعدة)
اورطيغا: ههه (عرف شي واحد سمعها) تتعرفي للدوارة شوية؟!
ملاك: فلماكلة اه اما طياب ولغسيل أووووهو
اورطيغا: ساهلة!!
ملاك: عندك نتا العمر
اورطيغا: (متبسم) مع 6 غنجي عندك نتحركو لشي قنت وجيبي معاك زرييقة
ملاك: (طالبة عليها) اه صافي
اورطيغا: ياله تلاحي غنمشي نتكى
ملاك: مغتغداش؟!
اورطيغا: حتى يوجد وغتفيقني الوالدة (قطع معاها مكمل شغلو مع خواه خلاه ينشف هبط بدل وطرف حالتو وبقا كيهضرو هو وشريف على داك الموضوع حتى نطق..)
شريف: الا كان سعد هو مول الفعلة شنو غدير؟!
اورطيغا: انا عارف شنو غندير والا على الحاج غنخليه بعيد ولكن باش نسمح فحقي أخاي شريف لا حيت تنشوفها كانو غيضرو الوالدة بية
شريف: الله يهديه وصافي
اورطيغا: ميكونش هو لي كان تيضيع لية ضواسا فالمحكمة؟!!
شريف: قلبت من موراه هو اللول راك شفت ملقينا والو
اورطيغا: اممم ومحاتكش فشكل شي عام ولا كتر مكاين والو!!
شريف: ويييه حتى انا داكشي لي قلت شحال مدارت بيك
اورطيغا: مهم انا غنمشي نتكى شوية (ياله نايض كيبان ليه باين ادم ومو وليلا داخلين بسباب ديك الليلة شحال من واحد حياتو تقلبت بزق فالارض مخسر كمارتو مخليهم غير كيشوفو وطلع للفوق...)
~~~~~~~~~~~~
ملاك: (صونا تيليفونها بريڤي جاوبت حيت كتقول فأي لحظة يصوني ليها)
وي!!
الجد: ملاك لباس عليك؟!
ملاك: شكون؟
الجد: انا جدك داڤيد!!
ملاك: ااااه ليه*ودي!! شنو؟! ياكما غتبارك لية العيد؟!
الجد: بغيت نعرف واش نتي بيخير
ملاك: الحمدلله والشكر لله شنو باغي؟!
الجد: بغيت نطمئن عليك ونعرف حقك رجع ليك!!
ملاك: اشمن حق؟!
الجد: التعويض.. التعويض لبسيييط
ملاك: (طلعت معاها بقات مخرجة عينها بلعت ريقها وفهمت داك التعويض السريع السااهل منين جاها) ونتا اش دخلك؟!
الجد: راني قلت ليك مغنسمحش فيك
ملاك: (طانزة ومعصبة) لا عفاك غير سمح!!! وااا بنااادم نسا انا عمري مغنكون متافقة معاك ولا نحط يدي فيديييك انا ونتوما بعااااااااد كل البعد حتى حاجة مكتجمعنا
الجد: كيجمعما الدم وهدا هو المهم
ملاك: داك الدم شربو انا جامي نعتارف بيك شي نهار... (قطعت وبقات غير مخرجة عينها شنو غدير ميمكنش ترد داك الشيك ولا واش خاص ترجعو؟!!!...)
دازو اجواء العيد عادية عند الكل
العشية تعاشات والدار كتزيد تعمر بالعائلة ملاك اول مرة غتقول لمها على موعدها بمراد وخلاتها تمشي بشرط دغيا ترجع، لبست الكسوة لي شرا ليها ولبست أنير حوايج العيد وشدت فيدو كتمشا معاه بشوية حتى وصلت لراس الدرب تلاقاها فبلاصتهم فين موالف تسالمو بالوجه وشد أنير طلعو للطموبيل حط أنير فوق ركبتو كيصوݣ بشوية
ملاك: باينة غتكون أب حنين
اورطيغا: هي الا طلقتينا باش نديرو هاد الولاد نشوفو هاد الحنان
ملاك: هههه مبقى واالووو..
اورطيغا: اممم (بقاو موضوع من مور موضوع مشاو حتى لايفران تماك دوزو عشيتهم) شفتك مقلتيليش مشا الحال هاد المرة!!
ملاك: الدار عامرة وماما عارفااني معاك يعني توقعلي شي حاجة هاكا ولا هاك مغيتفاكوش معاك نتا!!
اورطيغا: عقلك ديما سااارح بعيد
ملاك: هاكا باش كنخرج بأقل الخسااائر ههه ديما كنشوف بعيييد وشنو ݣاع الخاااايب للي يوقعلي باش منتصدمش ونكون واجدة نفسيا وجسديا
اورطيغا: اممم كتكوني واجد بعدا جسديا
ملاك: ضروووري ميمكنش منوجدش راسي راه الله يستر حتى الا تقلبت فصبيطار منتحشمش
اورطيغا: ههه مزياااان!!! غير انا حدي الا درت معاك شي حاجة غير *****
ملاك: بفففف مرااد راه معانا ولد صغير ورجع كيهز الهضرة ويعاودها وزايدون هاديك ماشي شي حاجة لي خاااااايبة انا كنهضر على لقتيلة
اورطيغا: ههه نتي علاااام (خرجو من الكافي وشدو طريق كيبغي يحط يدو على فخضها كتقمشو وواخا هكاك مستسلمش وصلها لحدا دارهم من الجهة اللورانية خرج من طموبيلتو حيت كان ظلام بقا واقف متكي عليها)
اجي هنا منسيتي والو!!
ملاك: ههه لا!!! شوف ولاد عمامي راه كيبقاو يدورو غير هنا
اورطيغا: اممم ماشي غير ولاد عمد شفت حتى الجيران مدخلين **** وجالسين معاكم فالدار
ملاك: حيت العام اللول باش مات صاحب بابا داكشي علاش عيدو معانا عرفتي شحال بكا عليه بابا مسكين فصباح بقا فية والله علاين كانت غتقلب لينا مناحة فالدار كولشي تأزم
اورطيغا: ااااه ونتي مشيت تتواسي
ملاك: علاش نواسي مواسيييت حد مالي شغلي انا كنت كنتسنى غير بولفاف مع كليتو مع نعست
اورطيغا: تيقتك
ملاك: وݣاع لا
اورطيغا: (قرس شنايفها) باك قال ردان الهضرة واخراج العينين لا
ملاك: ااااح مرااااد!! تأ!!! هاداكشي معاه هو والناس لكبار غير مكملش هضرتو اما نتا لا ياك انا وياك واحد وقابل علية كما كنت
اورطيغا: والله منعقل عليك!!!
ملاك: (تحركو يوصلها) صوڤاج!!
اورطيغا: دابا نوريك الصوفاج اش غيدير
ملاك: (وصلت الدرب مبغاتش تسلم عليه حتى بالوجه هي مشات فحالها وهو رجع لطموبيلتو شاد طريق لفاس..)
فالرياض كانو اجواء اخرى من غير العيد كان الاستعداد لعرس شريف الابن صغير ديال الحاج المدلل عندهم كاملين الابن الخلوق المطيع المؤذب لحنين لي كولشي تجمع على احترامو وحبو..
اورطيغا ممشاش لتماك ومعندوش غراض فداك جموع هو توحش جماعتو مع دراري ديال الحومة توحشت ريحة الشيشة والتبويقة واخا مكيدير والو ولكن جماعتهم كتبدل ليه الجو من نهار تزيرت الخدمة مجلس معاهم ولا شااافهم وهو فطريقو للحومة.. صونا عليه يوسف
يوسف: فين اولدي مبقيناش نشوفوك
اورطيغا: هانا موجود
يوسف: كولشي مجموع هنا حتى شريف تشكى قالك مجيتش
اورطيغا: نتا راك عارفني مع داك المجمع وزاد كاين داك **** تماك..
يوسف: امم شفتو اجي حدانا للدار نقصرو شوية
اورطيغا: شووو تبغي تزها شوية؟!
يوسف: (خرج من حدا جماعة كانو مجموعين هو مرتو وختو خوه ومرتو وولادهم) فين؟!
اورطيغا: أغير مع دراري, أسبحان الله!!!!
يوسف: هه واش فالحومة اللييدو؟
اورطيغا: تما
يوسف: انا غنجي واش فنفس ديك الدار؟! للي قسرنا فيها داك نهار؟!
اورطيغا: تما اعشيري (صونات عليه ملاك) ياله قطع من عندك حتى تلحق غتلقاني تنتسناك!! (شد ملاك فالخط) لكبيييدة!!!
ملاك: (فرنست) فين نتا؟!
اورطيغا: فالحومة الزين ديالي
ملاك: ممشيتش للرياض؟!
اورطيغا: لا باغي نبقى مع دراري شوية
ملاك: حتى نتا امراد باش تجلس مع مك جالس تماك
اورطيغا: كفاش تما؟!
ملاك: تما زعما دوك دراري!!! (عارفة شي بنات كيدورو بيه هادشي بلا الإكسات ديالو لي تماك) تبقى مع مك حسن ليك من داك الجميع دوااالو
اورطيغا: ملااااك الله يرضي عليك!!! مغتورينيش معامن نجلس
ملاك: علاش شنو فيها الا وريتك ولا نتا كيعجبك تدخل فية وانا لا
اورطيغا: ملااااااك!!
ملاك: صافي هضرت معاك مغتمشيش لتماك هي مغتمشيش!!! سير عند مك ولا سير لدار السعادة جلس فيها حتى تنعس ياك قلت باغي ترتاح
اورطيغا: (هز حواحبو) تطنزي!!!
ملاك: لا!! كنهضر بالصح متمشيش لتماك حتى نكون انا فداري!! ياك نتا كتمشي لتماك غير على ودي انا!! اوا صافي رجع فحلاتك
اورطيغا: بسلتي لا!!!
ملاك: كفاش هاد بسلت؟!
اورطيغا: من بعد ونصوني عليك لا نصدق مݣرع عليك...
يتبع...
التعليقات
لا توجد تعليقات بعد، كن أول من يعلق.