محتوى القصة
اورطيغا: (كتساالي معاه بهاد النقاشات ديالها شي مرات كيحس براسو غتقنعو واخا ميكونش مقتانع حتى كيبغي يرطاااب ويردها ليه كيتفكر هرووووبها كتكفروو خرج من الكوزينة وحتى هي خرجت صونات عليها خديجة باش يتجمعو يمشيو للصالون)
فين كاين؟!..
لا انا فالدار انا وخالتي أمينة.. (ماشية لبيت فين فطرو)
بالصح وفاء عندك!! كتجمعو بلا بيا؟!
صافي نشد تاكسي ونجي عندكم.. اه نقولهالها ضرووري باش من تماك نمشيو للقاعة.. (قطعت ياله ماشية لبيت أمينة دق عليها جرها من يدها اكيد كان كيتصنت عليها دخلها لبيتو وسد لباب بقات مطرطقة عينيها فيه)
اورطيغا: معامن تشاورتي؟!!
ملاك: انا جاية نقولهالك
اورطيغا: نتي قلتيلها انا نشد تاكسي!!!
ملاك: (عارفاه عيشوري خافت يضيع ليها المشية للعرس وأكيد كولشي غيوقف معاه فصفو)
مراد انا كنت غنعلم مك ونجي عندك ضروووري كنت غنقولهالك واش انا ماشي مزوجاك وكنت كنشاورك ودابا منشاورش وحتى الا بغيت هاحنا جالسين منمشيوش
اورطيغا: المشاكل ديالي انا وياك ماشي بالضرورة تبينيها لكولشي
ملاك: انا ممبينة والو ختي عيطات وقالتلي نتلقاو فالصالون ديال نسا نمشيو مجموعين وراه باينة اصلا نتا لي غتجي من مورانا باش تدينا انا وخالتي
اورطيغا: (كضمسوو) شحال خاصك فهاد الصالون ومنبغيكش تديري المكياج
ملاك: (فنفسها وعلاش غنمشي الهبيل) لي عطيت
اورطيغا: (كتخليه غير كيشوف) ملاك العرس تيكون مخلط خليك بعقلك
ملاك: (حركت راسها باه) انا مموالفاش اصلا كنشطح قدام لعزارا ورجال كون هاني
اورطيغا: وهادشي لي عارف عليك (حل باب بيتو) لبسي وانا نعلم الوالدة نوصلكم
ملاك: والكادو؟!
اورطيغا: عطيتولو فلوس
ملاك: (جلست فوق النموسية كتفكر وتخمم وتخطط حتى جات أمينة علماتها ان مها مغتجيش وسافرت هي وباها لبلاد ضرها خاطرها كانت عندها فرصة تصالح مع مها دارت فراسها انها عارفة لبسو وهزو لباس لي كراو ومشاو للصالون...)
ادم: (وجد راسو حتى هو باش يمشي للعرس دابا تورق ووراقو تحطو فوق الطبلة وغيبدا اللعب على المكشوووف.. صونا على ليلا فتيليفونها التاني للمرة الألف مكتجاوبش)
شحال قدك تهربي!!! هربتي مرة وحدة المرة جاية متقدرييش!!! انا غنوريك مزيان كفاش تخونيتي وتعطي سوارت ديال داري ونتسرق...
(تدق لباب كان واحد من صحابو دخل)
....: شفتك ملبدها هاد ليامات!!!
ادم: مشغووول
....: عطينا الجديد نلعبو بيه حتى هو
ادم: ساليتو بالقديم؟!
...: كون هاني
ادم: نتوما لي ضبرو رااسكم الا خليتو من موراكم شي حاجة اما انا بعييييد، بلان التاكسي راني تنجري فيه باش ميبقاش ولكن هاديك نتوما بغيتو تلعبو نتوما ساليوها
....: وااااكوون هاني عطينا الجديد لي مشغول بيه حنا نهنيوك منو
ادم: (تفكر ختو لي باااعتو لاورطيغا) مزال شوية
....: غتمشي العرس؟!
ادم: اه
....: والله حتى عرفتك ههه
ادم: تماك متنعرفكم متتعرفوني..
....: والجديد امتى نتجمعو عليه!!
ادم: حتى نعلمكم..
~~~~~~~~~~~~~
ملاك: (دارت ميكاب خفييف زايدها جماال وفنفس الوقت باقة بملامحها وممعيقش لبست التكشيطة لي كرات وقدات فولارها كيعجبها ديرو سامبل وكولشي قااد حتى أمينة دارت شوية حقها.. حلت راحة يدها كتشوف الحنة خرجت ليها زويييينة تفكرت الخاتم كانت جايباه فصاكها رجعت حلات لبواطة كتشوف فيه حتى صونا تيليفونها كان باها خرجت برا)
ألو!!!...
الحمد لله ابابا ونتا؟!!..
مشيتو لتماك!! غير نتوما؟!!...
وفين ماما؟!!
كتهرب مني قالاك!!! دوزهالي عاافااااااك...
اممم صافي تيقتك قولها منين ترجع تصوني علية واش هي متسولش فية زعما راني عرووسة!!!..
ههه كون هاني!!!
باي باي بوسلي أنييير..
(قطعت قالها مها مشات عند الجيران رجعت لداخل كتسنى خاصها شي حيلة باش تصااالح مع مها وترجع علاقتها مع اورطيغا كيف كانت ميمكنش تبقى فهاد العذااب!!!)
اورطيغا: (حدا دوش خفيف صونا عليه حمزة كيتسناه فين دارو لبس وخرج عندو.. بقاو بجوج كيتسناو الهاكر للي ضبرو عليه حيت شحال من مول التيليفونات لي كيصلحهم وكيصلح لبيسي مقدرووش يحلو لبيسي وواحد التيليفون...، جبد تيليفونو حتى كتب ميساج ملاك شاف فحمزة للي جالس اونفاص معاه مربع يديه وهاز راسو لسما كيشووووف ساااهي مسح لميساج حتى نطق)
ديك العائلة تتجي عندهم تماك؟! زعما كما كانو تيجيو عندها هنا؟!!
حمزة: (شاف فيه.. حرك راسو بلا) بانو غير هاد العام هوما غراضهم غير فملاك شفتهم مرة وحدة سولو عليها عطيتهم جوابهم.. وهي هاديك فاش جات المشية ديالها هنا تبعوها لفااس
اورطيغا: علاش؟!
حمزة: حيت كانت ممزوجاش معرفت يمكن حسابلهم دغيا يغمقو عليها
اورطيغا: وحتى مثلا الا لقاوها تزوجت وكان عقلها خاوي ودغيا لعبو بيها ساهلة باش يديوها؟! وشنو غيديرو بيها؟؟
حمزة: انا شكيت داك جدها كان باغي يزوجها لشي واحد منهم داكشي باش كان حاضيها اما دابا تزوجت غتجيه صعيبة شوية وعاد عندهم كيبغيوها تكون عزبة
اورطيغا: اممم حيت نتا ولد الجيران عارف الشادة والفادة عليهم
حمزة: حتى انا مكنتش عارف فاللول اصلا ملاك مكتقول والو وياااااويييلو حتى لي سولها على هاد القضية
اورطيغا: زعما عادي!! (باغي يعرف مدى معرفتو بيها) ماشي شي فضيحة لي تتخبى عادي تكون قالتها ليك
حمزة: خاص يكون الواحد بعقلو باش يقول عادي ولكن واحد حمار بحالي من شحاال هادي مجاتوش عادي
اورطيغا: (دغيا تسيف عليه) مريض ف*** زعما باغي تبينلي ندمت عليها!!
حمزة: (بقا ساكت مدة) اصلا داك زواج كان مغيكملش.. عمي رشيد غير سمع من الوالدة باغي نخطبها السلام هي التالية مبقاش تيقراها علية دراري لي خدامين عندو فالقهوة الا جلست تماك مكيسربيونيش... فشكل هو مع بناتو يفرح بيهم فكولشي ولكن صعيب تقنعو بزواج منهم خديجة فاش طلقت فرح حيت كان ضد زواجها اللول ونيت هضرتو صدقت بالصح!!! اما ملاك بنتو صغيرة اوهوووه... ما رجع معايا مقاد حتى قالتلو ملاك مبغيتوش
(تفكر داك نهار لي هو للي قلب عليها وقالها مبغيتكش ولكن مبغاش يقولها)
...جا عندي فرحان كيقولهالي (شافو مكيظحكش عارفو مغيااار) انا وملاك من ديما كنا بحال الخوت وهكدا غنبقاو ديك الساعة كانت غير هضرة لعيالات حقا منين تكبر ملاك نزوجها لحمزة ومها درويشة حتى انا كنت عزيز عندنا اما باش كانت شي حاجة بيناتنا لااااا..
اورطيغا: تنقول حسن السلام متجمعكمش
حمزة: السلام راه غير دي.. (عيطلهم داك الهاكر قربو لعندو سادين الموضوع شدو داك التيليفون حتى كيتصدم حمزة)
اورطيغا: شنو تما؟!!
حمزة: هدا تيليفون أميمة!!
اورطيغا: مرتك؟!!!! علاش معرفتش من اللول راه ديالها؟!!
حمزة: (كيقلبو) لا.. (حتى شاف التصويرة ديالها فالشاشة) هدا غيبقى عندي خاص نقلبو مزيان
اورطيغا: شوفو هنا حتى انا باغي نعرف شنو كانت ناوية مع ملاك
حمزة: غنعلمك بالي كاين وحتى البيسي نقلبو نديه لواحد صاحبي غيتخشع فيه مزيان (اورطيغا مغيعرفش يقلب فيه مزيان بحال لاخر راه هو لي بوليسي) ونعطيه ليك من بعد ونقولك ݣاع لي نحتاجوه
اورطيغا: (تاق فيه) وااخ..
حمزة: (بشك) تكون زعما مزال هنا؟!!!
اورطيغا: بحال إكس!! مهم حتى نتلقاو انا تابعني شي شغال.. (مشا ركب فطموبيلتو وزاد مخلي حمزة دااايخ بشكو فين أميمة ومدام لقا تيليفونها فدارو الا راها معاه!!!)
اورطيغا: (مشا باش يرصي مع عيساوة مجاتوش يسمح فيه فنهارو صونا على مو علمها عمر غيجي ياخدهم من الصالون ويديهم للقاعة فين كاين العرس حيت هو ممساليش)
فينها ملاك؟!
زهرة: ها هي حدايا هاكها هاكها (مدات التيليفون لملاك عرفاتها بززات عليهم بجوج يهضرو مع بعضيااتهم)
ملاك: احم وي!!
اورطيغا: كما وصيتك صباح انا نكمل شي شغال ونلحق بيكم خليك متبتة (قطعت عليه)
ياااااو ونشد طاسيلت مك!!! ولكن باك كان بغا مصلاحتي من اللول انا لي كنت حمااار!!
(كمل شنو توكل ليه من اشغال علمو عمر راه وصل العائلة للعرس وكيتشكى انه عرس مخلط ماشي كما كان متوقع)
اورطيغا: هوما غيجلسو بعييد كون هاني بلا متفكر بزااف
عمر: معرفتش درت مع وفاء تجلس شوية وندوز من موراها حسن نمشيو هاد الليلة نسافرو
اورطيغا: دير اولد خالتي لي يسلكك.. (قطع معاه مشا للدار دوش بدل حوايجو شاف باليزتها وهو كيمسح راسو بالفوطة تفكر كلامها منين قالت واش هكا بغيت نبقاو نتفكرو نهارنا!!! فقرارة نفسو ندماتو على نهار لي معطاهاش وقت تشرح ليه ولكن هو هكا داااير امورها وأي حاجة ديالها ميبغيش يعرفها من عند لبراني يبغي يسمعها منها هي اللولة وشحال من مرة نبهها متخبي عليه والو!!!
لبس حوايجو كلاص شوميز بيض وسروال كحل دار بارفان ديالو ساعتو هز سوارتو وتم ماشي للقاعة كانو الاجواء زوينة مع داااخل كيدور عينيه كتبان ليه مو وملاك جالسين كياكلو وباين كيتعاودو فشي موضوع مزيان منين سمعت هضرتو ياله ماشي لعندهم جراتو بنت سعد باش يشطح كتعتابرو بحال خوها لكبير ولكن هوما تربية سبووور مع ولاد العائلة هانية التعناق وتسلام بالوجه وهادشي دااز قدام ملاك)
ملاك: (بقات حاضيا وكتجغم من العصير بشوية مركزة معاهم عينيها مقدرتش تحايدهم من عليه)
أمينة: وااااا لبنت فين كتسهاااي؟!
ملاك: (زفرت حيت شافتو دار لهاد لبنت خاطرها كتر من لقياس مكاين غير الظحك وشطيح وعاد هي حاكة يديها فجنابو وقرييييبة ليه غتكون معرفة من العائلة ولكن كرهاتو وعاد لبنو زوييينة والمشكل عارفااااه مغيكونش زݣلها هي ولا شي وحدة من تماك الا مكانوش كوولهم!!!)
أمينة: ملاك!!
ملاك: (مكرهة) نعاااام!!
أمينة: مال مك مجاتش كانت عوالة تجي
ملاك: معرفتش يمكن بغات تبقى مع بابا فلبلاد.. شكون هادوك الخ**** لي مع ولدك؟!!
أمينة: (بقات كتشوف) هادوك بنات خوتو
ملاك: (مخنزرة فيها) سبحان الله دابا عاد بانو عندو هاد خوتو!!!!
أمينة: انا نعيط ليه.. مرااااااااااد مرااااد مكيسمعش يمكن مزال مشافنا راه غير داير الخاطر ابنتي وهادوك بحال خوتاتو صغار
ملاك: (حركت راسها باه كيبانلها غير فداك الموس والفرشيطة لي محطوطيين حداها) اممم...
اورطيغا: (دار لبنات خاطرهم من ديما عزاز على بعضيااتهم وعاطيينو قيمة عكس باهم ومهم وبزاف فالعائلة كيعتابروه خوهم لكبير وكيشاورووه فبزاف دلحوايج وشحال من مرة وقف معاهم وعاطيهم الخاطر ديال مراهقتهم وماشي معاهم دقة دقة..
شاف فمو للي واقفة كدير ليه باي باي وتشيرلو باش يجي حط يدو فظهر وحدة فلبنات حاني مقرب لودنيها قالها انه ماشي حتى يولي يشوفهم مشا باتجاه مو كيشير لشي وحدين كيعرفهم وحاط يدو على صدور كتعبير بالفرحة حيت كيباركو ليه... شاف فملاك لقاها كتخنزر فيه وقلبت وجهها مشقلبة عينيها عجباااتو بداكشي لي لابسة جات زويينة سلم على مو لي فرحانة بيه باسها فراسها وفيدها اما ملاك هزت تيليفونها حانية راسها عليه زعما راه مغنسلمش عليك غير متحرجش راسك.. نزل ليها الفولار من القدام على وجهها باش تنتابه ليييه)
ملاك: (شدت لسانها براكة غير تخنزيراتها دايرين خدمتهم قدات فولارها اما هو جلس حدا مو وفنفسها كتسبو)
حمار!!
اورطيغا: شنو بانلك يسالي العرس نرتاحو نشدو طريق لشي قنت!!!!
أمينة: سيرو غير بوحدكم نتا ومرتك اولدي.. ولا عندك الصح قنطت خاص نمشي معاكم منخليهالكش وحدها كتهبلها مسكينة
اورطيغا: ههه ولاش نايضة علية تزوج تزوج باش توقفيلي فيها حسكة!!!!
أمينة: حتى ديرو عرسكم اداك الجحموم
اورطيغا: مدااير عرس.. (شاف فملاك للي غير مهمومة غضبانة مقلقة عمرو شاف تقليقتها وهمها طول لهاد الدرجة راه مفاهمش واش محاملاهش هو نيت ولا حيت مخاصمة مع مها حيرااتو ناض من حدا مو ومشا جلس حداها جار كرسيها حتى تشابكو رجليهم مع بعضياتهم قرب لودنها.. مباغيهاش تكون فهاد الحالة باغيها تفرح وتكون ناشطة..)
باغي غير نعرف مالكي؟!!!!
ملاك: (شافت فيه مكرهة) شوف نتا!!
اورطيغا: قوليلي واش لهاد الدرجة كارهااااني!!!
ملاك: مكارهاااكش تصرااافتك مكيعجبونيش!!!
اورطيغا: ونتي عاد غتعرفيني املاك اليوم!!
ملاك: (قلبت وجهها) ماشي وقت الهضرة
اورطيغا: اجي نخرجو برا (وقف شد يدها موقفها مخرجها من القاعة تصادفو مع شريف باغي يدخل هو ومرتو دورها من الجهة الأخرى فين كانت الدنيا خاوية من غير تريتوراا لي داخلين خارجين من الكوزينة ديال القاعة)
نهضرو هنا شنو مقلقك!!
ملاك: (تفرݣعت عليه) شنو زعما داخل ومجمع مع دوك لخر***!!!! مضيعلي صوورتي قدام الناس شنو بغيتي الناس يقولو علية!!!! هدا عاد دار لاكط وباقي قزقاااز من وحدة لوحدة هادشي غير قدام عيني انا من مور ظهري علم الله شنو كدير!!!
اورطيغا: (بقا كيشوف فيها) هادوك راه من العائلة البنت!!
ملاك: هاد العائلة عاد نبتات البارح ياك من ديما كتقولي عائلتك هي مك ولا منين كيكونو فيها لبنات كيوليو عائلتك!!!
اورطيغا: (كفاش غيفهمها هادو راه عزازين عليه وعلاقتو بيهم مزيانة وبحال خوتاتو صغار)
غنبقاو من مشكل لمشكل!!!
ملاك: المشاكل نتا كديرهم ولا حلال عليك وحرام علية!!! انا لي كيهمني صوورتي قدام الناس شنو زعما داخل مليوح عليهم وكتلسق وتشطح شنو غيقولو علية انا الناس!!!! جاية لهاد العرس ونتا بلعاني داير هاد لفضيييحة قدامي من اللول باغي هاد زبل متجيبنيش هنا!!!
اورطيغا: (بقا كيشوف فيها الموسيقى زاادت تعلااات حيت العرسان داخلين للقاعة)
ملاك: (حتى هي ممرتاحاش فهاد الوضع ولكن هادي مقدرتش تدووزها هوما وضعهم حساس وعاد زايدها دار هكاك حيت هي وكان دارت داك الجست مكانش غيسكت ليها) مزيان تبارك الله هاكا عيني عييينك زعما نتي ردخي راسك مع الحيط
اورطيغا: هادوك راه بنات سعد بحال خوتاتي صغار...
ملاك: بحاااال.. هانتا قلتها بحاااال ماشي خوتاتك كاين فرق اشريييف
اورطيغا: (مسح على وجهو كنوع من العياء ولكن ماشي العياء الجسدي ولكن سيمانة وهوما هاكا شاف فيها داير يدو على الحيط مكالي جسم ديالو كيشوف فيها وعينيه مكيرمشووش)
هاد صداعات مكانوش حتى فيامنا اللولة
ملاك: (هزت كتفها) مغتفرضش علية نتقبل تزلالت ديالك ونبقى حانية الراس انا ماشي من داك النوع لي غنشوف هادشي ونسكت غالط غالط
اورطيغا: (تفكر كلام يوسف منين قالو ملاك صعيبة مقدرتش عليها)
هادوك راه خوتاتي كبرنا مجموعين
ملاك: حتى حمزة كبرت معاه وكتنوض القيامة الا قلت ليه غير السلام من لبعيد
اورطيغا: (غير كتجبدو كتصوطي ليه الڤيزيبلات شد فك فمها) تعاودي تجب...
ملاك: (دفعاتو بكل عصبية وغضب حتى سالو دموعها)
متعاودش تقيسني!!! (بحرا كتنفس) والله وتعاودخا عمرك تحلم بية!!!
(هو ماشي ضربها حتى الشدة شدها بشوية جات ماشية بغا يشدها من يدها ميخليهاش دخل هكاك وهي تزرب دافعااه مشات داخلة وسط زحااام نيشان مشات طواليط)
اورطيغا: (ضرب يدو مع الحيط حتى تعوق وضراتو شد فيها معصب معرف شنو يدير معاها حااار بغا يسالي هاد صدااع ويبداو صفحة جديدة ومعاها تلف!!!)
ملاك: (دخلت طواليط سادة عليها كتبكي هي ماشي تعدمت منو ولكن كولشي تجمع عليها كتحس باحساس خااايب معرفتش منين جاها نورمال راه تزوجت بحب قلبها خاصها تكون فرحانة ولكن عقلها وتفكيرها كولو مع مها وتصرفو معاها حست بكولشي حاݣرها وهي مقادرة دير والو..
حتى صاكها بقا حدا أمينة مجابتوش بغات غير تسمع صوت مها تصوني عليها تهضر معاها..
خرجت كتشوف فلمرايا كتنعل الشيطان الدنيا كتبانلها كحلة الا غسلت وجهها كامل مشا المكياج بقات كتمسح غير بيدها تحت عينها فين ساح ليها حتى تحل لباب كان هو وباين كيقلب على شي حاجة شافتو دخل سد من موراه لباب كيشوفها هي ضارت عاطياه بظهر لمرايا مشا من موراها حنا عنقها من اللور مكمشها فوسطو شدت دموعها بالسيف باسها فكتفها)
اورطيغا: تنبغيييك
ملاك: (حركت راسها بلا غضبااانة)
اورطيغا: واش نحلف لجد امك هنا باش تيييقي!! (رجع حاني باسها فحنكها) تنموووووت عليك انص متر ديالي مغنكمل معاك العام حتى يتقسم لي ظهري بكترة الحني
ملاك: (خرجت ليها ابتسامة كتحاول تجمعها تكمل الهبة)
اورطيغا: شنو مقلق لكبييييدة
ملاك: (بصوت مخنوق) ضربتني!!!
اورطيغا: لقطع لهاد اليدين واخا احبيبة مضربتكش ولكن.. صافي نسااي متنبغيش نشوووفك هاكا
ملاك: والخيانة!!!
اورطيغا: الله ابنتي لهلا يطيح علينا شي بااااطل!!
ملاك: وشنو تتسمي داكشي قبيلة
اورطيغا: راه بنات العائلة!! (خنزرت فيه وهو كيشوفها من المرايا رجع باسها فحنكها جات تهضر وهو يتحل لباب داخلين شي بنات بغات تهرب وبقا شادها ضار عندهم)
اورطيغا: اجيو تشوفو مدامتي ادوك البرهوشات
سماح: وييينو (ملاك ميقت فيها بغات تقولها راه قالك المدام ماشي بيبي) شحال وانا باغية نتعارف معاك احبيبة (طلق منها اورطيغا وحنات سلمت عليها حتى هي طويلة)
انا سماح
ملاك: مشرفين
اورطيغا: هادي سماح هادي نادية هادي نرجس وهادي ملوكة (بقاو كيتسالمو) ياله شريييوه
ملاك: حنا نخرجو خلي لبنات يمكن بغاو يقادو الميكاب راه ضاع ليهم مكتشوفس (تبسمت معاهم وهي كتشوفهم قويفزات ولكن شعور والطولة والمكياج والفتحة ديال تكاشطهم من الرجلين فين واصلين شافت فيهم)
خلي لبنات ياخدو راحتهم
سماح: يخليك لية اكبيدة بعدا نتي تتفهمينا ماشي بحال حبيبي
ملاك: ها!!
اورطيغا: خالها زعما!! (بقا مدرع ملاك من كتفها وخرجوا برا)
انا نشوف واش ديال رجال عامر
ملاك: واش حمق مخلي بلايص الدنيا والدين وكيبانلك نهضرو غير فطواليطات
اورطيغا: لبلاصة الوحيدة لي تنتصالحو فيها هي طواليطات
ملاك؛ وشكون قالك انا أصلا تصالحت معاك!!! (جات ماشية وهو يضربها فترمتها ضارت شافت فيه)
اورطيغا: سبقيني حدا أمينة حتى نمشيو لطواليط دارنا
ملاك: (غلبتها الظحكة ومشات متبعها بعينيه حتى غبرت ودخل طواليط...)
ملاك: (جلست حدا أمينة لي كتعاود ليها شنو فاتها)
فين وفاء؟!
أمينة: دااااها داك المعقد ديال ولد ختي!!
ملاك: ههه من حقوو..
أمينة: يݣطع جدرو شحال بقات فية شحال وهي توجد للعرس وجا حرمها عليها ها هي فوسطنا ݣلنا ليه متشطحش نبقاو غير نتفرجو ووالو هي ترغب وانا نرغب وهو طالع لسما يخخخ داير بحال.. اوا الله يرحمو بلا منسبو هاد نهار
ملاك: ههه بيناتهم اخالتي هوما يعرفو شنو يسلكهم نتي بقاي بعيدة هو من اللول قالها الا كان العرس مخلط مغتجلسيش
أمينة: يمشي يلعب!! فين الجحش لاخر!!
ملاك: راه تابع لبنات مربيتي واالو أمينة فينما كانت شي جماعة دلبنات محشي فوسطهم حشم بيك وبية عند الناس!!! غيقولو الݣرسيفية مخلية ولدها غير دااايع حتى يجيب ليك شي كرش ويقولك اجي ستريني
أمينة: اوا وشنو نتي كديري
ملاك: والله منطيح براسي انا نشوف عليه قد هاااك نفرتكها معاه ونخليه ليك شفاااية ومطلق
أمينة: هههه يا الجنية
ملاك: اواااا هانا قلت ليك انا معندي لا هاديك بحال ختي لا بحال بنت عمي راك شفتي فين كبرنا
أمينة: فين مشيتي ديني معاك
ملاك: هههه
أمينة: شوف شوف دييك شنو لاابسة.. (قلبوها تبرݣيݣ حتى شافوه دخل مع دراري كيشطح منوضين شريف مو بقات كتصورو وهي كتشوف فيه وتبسم ولكن مزال مقلقة منو شوية صيفطات ميساج لمها)
"ماما سمحيلي والله مقادرة نفرح ونتي مقلقة مني"
زهرة: (جاوبتها) "فرحي مع راجلك وناسك ومتبيني والو وديري عقلك مراكيش صغيرة"
ملاك: (فرحت منين جاوبتها بقات كتقرا)
"غييير لحظة طيش اماما وصافي معرفتش ݣاع شنو وقع لي والله عمرني نعاودها يمكن سحرولي"
زهرة: "اوا ديري عقلك"
ملاك: (تبسمت) "كنبغيك يا أحلى أم"
(صيفطاتها وهزت راسها لقات أمينة طالة عليها كتقرا) باااااز
أمينة: مالكم؟؟
ملاك: ههه موصيك ولدك؟!
أمينة: ها هو جايك منن ݣبيل وهو يحنزز فيك..
ملاك: (جلس حداها وقرس فخضها كيتلمس فيه حتى خرجت عينها حركت راسها بشنو!!!) تحمست شوية!!
اورطيغا: (بغا يشد التيليفون ديالها يقرا شنو كانت كتقرا وظحك وجراتو) طلقي ولا غنݣرض مك!!
ملاك: (قرباتلو) تعلم تيق فية ابنادم وتحتارم الخصوصية ديالي انا معندي منخبي عليك ونعطيك تقرا لي بغيت ولكن ماشي حيت شاك فية ومتايقش نعطيهلك بخاطري (كيشوف فشنايفها وعض على شنايفو)
تأ!!! بفففف
(قلبت وجهها كازة على تيليفونها مخلاتوش يقرا.. تفكرت ختها قلبت بعينيها عليها مكيناااش كانو جالسين فطبلة وحدة هي وشي بنات منين ياله جاو!!)
فين خديجة وغيثة؟!!
أمينة: مشاو يبدلو لمحمد
ملاك: اااه.. (عاود قرسها وهي ضور عندو) وااااا مراااد
اورطيغا: ياله نمشيو نكملو هضرتنا
ملاك: لا
اورطيغا: غنهز مك بالسيف!!!
ملاك: (شافت غيثة جاية هازة ولدها من جهة وولد خوها من جهة ااخرى)
مالكيي؟!
غيثة: خديجة شدها الوجع بزااااف مقدرتش حتى توقف
(كولهم ناضو يمشيو يشوفوها هو هز عليها ولد يوسف ومشا كيقلب على يوسف لقاو خديجة كتوجع حتى من سقية طرطقت ليها لحق يوسف واورطيغا بجرا خرجوها من تماك مركبينها فالطموبيل ملاك جاتها لبكية على ختها وهي كتشوفها كتوجع ركبت معاها ومشاو لاكلينيك معيط يوسف لطبيبة لي متبعة معاها باش تجي تولدها بقا يوسف مساعف معاها هي وملاك حتى وصلو لحقو بيهم لوخرين وكولشي دخل كيتسنى)
ملاك: (شافتو جاي بقات كتغبن كتر هي اه خايفة على ختها ولكن زادت نغيزات بغات تعرف كفاش يتصرف معاها!!!)
اورطيغا: (هاز سليمان مشا عند ملاك لي علمت حداه باها ومها وحتى مريم، شافها كترعد جرها باليد التاني خاشيها فحضنو)
متخافيش عليها ان شاء الله تولد على خير ونشوفوها هي وبنتها بيخير
ملاك: ان شاء الله.. احم (بعدت زعما راني مزال مقلقة شافت غيثة متقاتلة مع ولدها للي صعر مبغاش يسكت من لبكى)
خالتي أمينة عااوني غيثة راها وحلت مع ولدها (مشات عندها أمينة كتعاونها وبقاو كيتسناو باش يطلع يوسف من لبلوݣ فين كتولد خديجة ويبشرهم ان خديجة ولدت على خير..)
غيثة: (واقفة كتسنى حتى هي صونات على مها وباها علماتهم حتى أشرف ومرتو لي مشافوهمش وهوما خارجين..
صونات على حمزة مجاوبش كان أكد عليها غيجي للعرس وشحال وهوما كيهضرو صدق مجاش ومكيجاوبش!!! شافت يوسف بان مشاو عندو وكان غير كيظحك باين فرحان علمهم خديجة ولبنيتة بيخير على ميطلعوهم للشومبر ويدخلو يشوفوهم بقاو كيباركو ليه والتيليفونات خدامين كيعلمو للي عاد جايين فطريق ولي كيبارك ليه..)
ملاك واش قربت توصل خالتي زهرة؟!
ملاك: اه
غيثة: كانو فصفرو؟!!
ملاك: لا كانو فلبلاد من تماك جايين علمتهم قبيلة منين خرجنا من القاعة
غيثة: اااه.. الله يوصلهم على خير
ملاك: اميين (اورطيغا خرج قبيلة باش يسكت ولد يوسف لي بكا بزاف بقات حاضيا غير لباب باش يبان ليها.. علموهم باش يطلعو عند خديجة وكولشي طلع..)
~~~~~~~~~~
حمزة: (كولشي ممسوح مخلي غير شي تصاور ديالها قبل الواقعة على لي فهم كانت فطمجة ولا باقا تماك وحتى لميساجات ليزاپيل جبد تيليفونو كيقلب على الوقت لي كانت صونات ليه بيناتهم شهرين تقريبا)
زعما تكون غير ففاس؟!!!!
(ولكن هي مصوناتش بنمرتها علاش عندو يقيين انها صونات بهاد التيليفون وأنها مهرباتش لبرا كما متخيل انها غير فالمغرب وقرييييبة..
مشا لدار ادم صافي غيتواجه معاه يعرفها فينا هي!!!
غيثة كتصوني مجاوبش حيت دابا دماغو مخربق كيحس انها الا تشدت وبانت غيرتاح خصوصا من جهة موت باه لي تأنيب الضمير كيقتلو كل نهار وفوقما غمض عينيه..
طلع لدارو عيا كيدق ووالو.. شك يكون مشا للعرس ولكن راه مزبلها مع كولشي كفاش غيمشي!! صونا على ليلا تيليفونها طافي حتى هي استغرب علاش قطعت الاتصال فجأة!! وقال ممكن تكون مشات لفرنسا!!
تلف صونا على غيثة باش تقولو واش كاين تماك فالعرس مجاوبتش رجع صونا على اورطيغا جاوبو)
اورطيغا: وي!!
حمزة: خاصني داك ادم!!!
اورطيغا: علاش؟!
حمزة: نعرف فين هي ديك الكلبة ميمكنش تيليفونها معاه
اورطيغا: فينك نتا؟!
حمزة: باغي نجي للعرس قلت غيكون تماك.. واش هو تماك؟!
اورطيغا: لا حنا مكاينينش تماك ولكن غنشوفلك واش تما! غير هو حسن معندك مدير بيه دابا الا كانت مرتك هنا غتبان غتبان
حمزة: مغتبانش شهووور هادي مبانتش وانا شحال وانا حاط العين عليه مبانتش
اورطيغا: يكون غبرها؟!
حمزة: داكشي لي بغيت نعرف
اورطيغا: متكونش هي لي حرقها؟؟؟
حمزة: هضرات معايا من مور داكشي ماشي هي لي حرق ولي تحرق راجل
اورطيغا: (عرفو غيكون معصب ودابا مخاصش يضيعو شنو بداو) حنا فكلينيك **** اجي عندنا انا تنتسناك..
(قطع وهو مكره)
وصلت زهرة للي عقلها طاار مع بنتها بقات تبوس وتنق فيها رشيد حتى هو قرأ على لبنيتة وأذن فوذنيها بطلب من يوسف لي حتى هو دار نصيبو دارو ليها التحنيك بتمرة وبقاو ابيل ڤيديو مع الغالية لي كتبكي بغات تحضر لحفيدتها ومنها تستعطف ولدها لي علاقتها معاه تدهورت!!!
كانو اجواء عائلية مريم وصلت حتى هي باش تزور ختها اما ملاك عقلها غير مع العزي لي مولاش بان!! وبالسيف رزنت راسها متقلبش عليه ومتصونيش عليه حتى يبان هو!! خرجت من الشومبر ديال خديجة كطل حتى كيبان ليها فالجردة هاز سليمان ومعاه شي واحد عاطي بظهر جات غيثة حداها لي مقلقة كتر منها من تجاهل حمزة
غيثة: ماما وبابا غدا يجيو
ملاك: الله يجيبهم على خير
غيثة: امييييين ملاك علاش مقلتيليش نتي وحمزة كنتو مخطوبين
ملاك: حيت ماشي شي خطبة غير هضرة ماواتنا وصافي
غيثة: ولكن
ملاك: شنو؟!
غيثة: سولتك داك نهار وقلتيلي لا هو بحال خويا
ملاك: وراه بحال خويا وداكشي داز عليه شحال من عام حنا وممسوقينش ليه
غيثة: كان تيبغيك؟!
ملاك: كيموت علية دابا الا قلتلو نعاودو نتزوجو يجي كيطير (غيثة تصدمت) هههه ونتي كتقلب على شي حاجة مكيناااش راني مزوجة ابنتي ولا نسيتي اشمن حمزة ولا غيرو الله يهديييك
غيثة: خلعتيني!!!
ملاك: غير نصيحة لله خليه هو يجي من موراك ويبقى ملهوف عليك
غيثة: كفاش ندير
ملاك: بغي راسك كتر من أي واحد اعتباري انك شي حاجة مميزة فهاد الدنيا
غيثة: (بقات كتشوف فيها) صعيييب
ملاك: هادي اول كلمة زوليها من فمك آمني براسك وقولي انا أحسن وحدة فهاد الدنيا وسعدااات هدا لي غنقبل ونكون معاه عمري وقتك ديري شنو كتبغي ياك كنتي دايرة شي ديبلوم ولا معرفت كملي فيه الجهد للي تعطيه لشي واحد باش تهتمي بيه عطيه فالموهبة لي عندك وطوريها وكولشي ملحوق راه حتى الحب زوين غير ميكون من الأولويات حيت الا بقيتي متبعاه غير هو غتمرضي فراسك وصحتك ديري هاكا وهاكا باش يكون تواااازن..
ادم: (وصل للعرس عرف مكاين حتى واحد من للي باغي واولهم غيثة هادي مجاتوش على لبال يكونو مكاينينش عرف من تماك انه مشاو لصبيطار حيت يوسف مرتو كتولد!!
رجعت صونات ليه مو خرج من اجواء العرس مبعد)
ويييي!!!
ام ادم: واش متاصلاتش بيك ليلا؟!
ادم: قلت ليك 100 مرة لا متاصلاتش يمكن تلقايها سافرت مع صحاباتها وطفات تيليفونها
ام ادم: هي تتعلمني!!
ادم: متأكدة هي تتعلمك شحال من مرة دارتها ليك.. مهم نتي مغشيتيش العرس؟!
ام ادم: تنتسنى باباك وغنمشيو نتا فينك؟؟
ادم: مع دراري مهم من بعد ونهضرو (قطع كيشوف فطريق كيفكر بزاااااااف تمشى شوية شد تاكسي عطاه العنوان وركب...)
~~~~~~~~~~~~~
حمزة: (وقف بطموبيلتو فلبارك كيبان ليه اورطيغا حدا طموبيلتو هاز ولد يوسف مشا عندو)
فِّيييين!!
اورطيغا: واش مريض باغي ضيع علينا كولشي؟؟؟
حمزة: (معصب) راه مرتي لي عندو!!
اورطيغا: علاش هاديك ديك القح** حاسبها مرا!!!
حمزة: (سكت شوية عاد جاوب) باقا على رقبتي!!
اورطيغا: سير طلق لقلا** وقلب على التيساع
حمزة: حتى نعرف علاش دارت فبا لي ياحصرا عمها هداك
اورطيغا: للي عطا الله عطااااه باك راه فقبرو وهي الا شفتها مغتخليهاش حيو وغتكون اخرتك حبس اللهم من اللول بعد ونهار تبان راه مغتزݣلش
حمزة: غير هضرة أخاي مراد لوكان كنت فبلاصتي
اورطيغا: انا نيت فبلاصتك الكلب دادم عارفو فين كاين وفين ساكن وعايش حياتو وواخا هكاك تنشوفو من لبعيد وتنتسناه يطيييح!!! الوالدة على شعرة كانت غتمووت مرتي دخلها الحبس وضيعها فخدمتها وانا تيدير لية تناااوي كل مرة واشمن بلان خاارج!! واخا هكاك عندي عائلة لي غتضر بلا بية داكشي باش موخر اللور ماشي حيت خايف منو خايف من لي غنخلي من مورايا!!
حمزة: (غير كيشوف دازت طموبيلة الحاج سليماني حداهم سكتو بجوج جا عندهم باغي يطمأن على خديجة ويوسف)
الحاج: (كان صايݣ بيه سعد) فين يوسف ومرتو؟!؟!!
اورطيغا: اجي معايا راهم لفوق (طلعو كاملين ودخلو عند خديجة.. هو بقا برا مع حمزة)
داك لي كان صايݣ بيه ولدو يعني حنا فحكم خوت عرفت شنو دارلي!!
كرالي زوا** بحالو وكانو غيقتلوني فرمضان خلاوني مليوح فلخلاوات عتقني غير ولد باب الله وهانا تنعرف وتنشوفو ولكن فكرت فالحاج هو اللول وطمرت!!
ملاك: (عيات تنغز فمها باش يخرجو برا يهضرو باش صافي تسامحها واالو مطاوعتهاش) بففف ماما تكلمي لواحد لفرملية برا
زهرة: (ضارت عندها) مغتكبريش خلاص؟!!
ملاك: ونتي مبغييتش تخرجي معايا
زهرة: بنتي ديري عقلك راك مزوجة دابا
ملاك: سمحيلي عفاك
زهرة: من بعد املاك ونهضرو والا بغيتي سماحة بينيلي راك بعقلك.. ودابا سكتي (ملاك محركة راسها باه..)
زهرة هي لي كانت غتبات مع بنتها بقات معاها أمينة مصيفطين كولشي فحالو حتى من يوسف حيت عندو ولد صغير يحضييه والغالية وراجلها عندهم الطيارة الغد ليه باش يجيو... ملاك رجعت هي ومراد للدار بوحدهم مكيهضروش طلعو للدار دخلت هي لبيت حيدت التكشيطة وهو دخل للدوش..
ملاك: (كتفكر الا بقات على هاد االحالة معاه شدلي نقطع ليك امتى حتى هي غتحمل وتولد العمر راه كيفووت وحتى هي بغات تفرح بوليداتها متكونش شااارفة خاصها تحضر ليهم وهوما غيتخرجو ومتكونش مريضة وكبيييرة وهوما ياله غيتزوجو وانتى حتى هي تكون جدة!! طاحو عليها افكار فشكل شافتو لاوي عليه فوطة وصدرو عريان بقات كتشوف فيه دخل للبيت حتى كتسمعو كيهضر فالتيليفون..
عوجت فمها وكتفكر الا بغا يدخل عليها راه مغتمنعووش خاص غير تكون بطريقة مرضية بالنسبة ليها يعتاذر وتحس بكرامتها رجعت ليها باش تكون معاه مرتاحة ومن بعد يتناقشو فالمشاكل لي عندهم ويحلوها اليوم فاش كانت عند لكوافورة دارت لاصيغ وقدات راسها مزيان لهاد الليلة!! جا عندها لابس حوايجو)
اورطيغا: غنضرب دويرة عند شريف ونرجع
ملاك: (صدمها فنفسها اويلي حنا راه فالدار بوحدنا ونتا باغي تخرج!!! هادي هي امتى غير نكونو بجوج فدار وحدة!!!)
وأنا مالي!!!
اورطيغا: (خسر كمارتو بحال كيتحلف) داك لساان!!!
ملاك: سير سير!!
اورطيغا: ها هو!!
(هز سوارت طموبيلتو وديال الدار زدح لباب وهو يسد عليها بالساروت هي مدات مجااابت واش سدو قالت غيكون ساروت اخر ناضت بجنون بدلت لبيجامة كانت لابسها دوبياس لتحتاني غير صماطي والفوقاني لي بينوار ودايرة الشال.. شافت فالتكشيطة لي معلقاها باش تردها فصباح متصورت بيها حتى تصويرة وحتى من وجهها مغسلاتوش من الميكاب قالت حتى تبغي تنعس لبست بيجامة اخرى عادية سروال تيشورت وشعلت لاكليم مخلية الشال والبينوار حداها باش غير يجي تلبسهم..
اما هو ركب فطموبيلتو وبقا فيها شحاال كيكمي ݣارو عاد كسيرا مشا يشوف شنو بغاه شريف.. العرس كان مزال متسالا ولكن مغيسمحش فيها فالدار ويبقى تماك.. حدو مشا يجيب العشا ويجيب مو من صبيطار ويرجعو للدار..)
أمينة: (جا اورطيغا دخل شاف لبنوتة ديال خديجة لي كانت ناعسة.. بقا غير كيطل عليها... عارفاه كيحماق على دراري صغار تبسمت حيت بحال والو من هنا 9 شهور يكون عندها حفيدها ولا حفيدتها)
عقبالكم احبيبي
اورطيغا: (فقط تبسم مردش) مشينا؟! خالتي زهرة محتاجة شي حاجة؟!
زهرة: لا اولدي الله يرضي عليك
اورطيغا: (حرك راسو باه) ياله الوالدة (ناضت أمينة باست يدها وحطتها على جبهة ديال لبيبي توادعو معاهم ومشاو ساكتين لباركينغ)
أمينة: ولدي نتا برزقك تبارك الله معندكم علاه تسناو ومديروش دراري
اورطيغا: ان شاء الله
أمينة: عافا وليدي سايس مع مرتك راها دريويييشة وقلبها بيض
اورطيغا: (شاف فيها) شنو قالت ليك؟!
أمينة: ݣبيل معجبهاش الحال فالعرس فين مشيت تشطح وتسالم مع بنات سعد وحتى يانا معجبنيش الحال
اورطيغا: كابر معاهم خاصها تفهم هادشي
أمينة: راه من حقها اولدي ميعجبهاش الحال وعاد نتوما عرسان جداد.. علاه متسافروش شي يامات
اورطيغا: عاد قلتي خلي حتى ديرو العرس!!!
أمينة: (شافت ولدها بارد من جهة ملاك ماشي هكا كان قبل زواجهم وشنو هاد المشكل للي بيناتهم؟! ركبو فالطموبيل باين فيه طافي)
ديني للرياض
اورطيغا: علاش؟!
أمينة: كفاش علاه بغيت نمشي لتما والحاج غير كيسولني فوكاش رجع.. غدا منين تفيقو اجيو حيت غدا نديرو شي عشيوة نتجمعو ونرحبو بملوكة ونيت ماحد عائلتها هنا نعرضو عليهم
اورطيغا: ان شاء الله
أمينة: (مبقالها متقول وصلها داز للقاعة فين سالا العرس ودار مع سرباي يجمعلو حقو من الحلوة الماكلة الديسير كولشي هزو ومشا للدار حل بالساروت وهي توقف عليه شافها شنو لابسة وهو يكفر)
ملاك: علاش سديت علية لباب؟!!!
اورطيغا: (طانز) كنتي عوالة تهربي!!
ملاك: ماشي نهرب ولكن وكان وقعت شي حاجة الله يستر معندي حتى فين نهرب
اورطيغا: كاين لبالكو كاين سراحم اللهم تلوحي راسك ولا تهربي (مشا للكوزينة تبعاتو مجننة ياك عاد كانو غيتقادو وفالقاعة كان واحد اخر ودابا واحد اخر)
ملاك: واش مريييييض!!
اورطيغا: (حط كولشي فوق البوطاجي وضار شاف فيها لابسة بينوار طويل ودايرة الشال مخسر كمارتو) مزال تتغلفي ونتي معايا!!!
اورطيغا: (بقا كيشوف فيها)
علاش مجيتيش تعاوديلي؟! تتشوفيني منستاهلش نعرف!! كما قلتي ماشي واعي وقاري بحالك باش نعرف!
ملاك: انا عمرني قلت ليك نتا مواعيش متقولنيش شي حاجة انا مقلتهاش
اورطيغا: اوا؟!!
ملاك: (فيها الجوع والريحة دلماكلة مجهدة عين عليه وعين على الساشيات لي فوق البوطاجي) مكنتش غتفهمني
اورطيغا: شنو لي مغنفهمش بالظبط؟!!!
ملاك: واخا نشرح ليك نتا كتفهم غير لي بغيت
اورطيغا: (متبع غير عينيها) سيري وكان جلسي انا نحط ما نحنجرو ونكملو هضرتنا تما...
(حتى هي على القرص مكايناش حتى نعاونك ولا غير سير نتا أنا نحط.. ضارت ومشات للبيت حط هو داكشي فطباسل من غير الحلو والديسير حتى تبغي تاكلو دارو فالثلاجة حط داكشي مع جوج طباسل وجلس اونفاص معاها حط ليها فطبسيلها شداتو كتاكل بكترة الجوع لي فيها... بقا كيشوف فيها)
ملاك: مغتاكلش نتا؟!
اورطيغا: (بقا كياكل) كملي شنو لي مكنتش غنفهمك فيك ساهلة مراد عائلة ماما تدور بية
ملاك: حيت غتبقا تسول علاش وكفاش ومنعرف وبحال والو تهور ولا دير شي حاجة
اورطيغا: الا كنتي خايفاني نتقلب عليك حيت ماماك اصلها يهودي راك غير تتخربقي ابنتي!! حيت نتي فيك فعايلهم نيشاان متحتاجيش يكون اصلك منهم
ملاك: (بقات كتخنزر فيه) بزاااااف عليك
اورطيغا: والله ميحايدها لية طبيب عندك شي فعااايل
ملاك: شفتي علاش مقلتش ليك!!!
اورطيغا: (لوا شنايفو بتعجب وبقا كياكل) شحال سهرنا من مرة وانا كنت تنعاود ليك كولشي ساهلة باش تقوليلي ولكن نتي فضلتي ولد الجيران هو لي يكون لبوديݣارد ديالك
ملاك: حمزة كنت ديما كنطردو وهادوك عمرهم خلعوني باش نجيب الحماية حيت ماشي السيبة باش يخطفوني ولا يبغيو يقتلوني كما دارو مع ماما من شحال هادي!!
اورطيغا: حتى انا ممحتاجانيش!!
ملاك: متخلطش شي فشي انا محتاجاك وباغياااك ولكن نتا مشكلتك مكتفهمنيش مكتعطينيش وقت نفهمك
اورطيغا: راه من حقي اشريفة نعرف ماشي على مك ولكن حيت كانو دايرين بيك!!! تتشوفي راسك مظلومة تنشوف راسي انا مخور حيت ديما انا اخر ما يعلم بشحال من حاجة ديالك علاش؟؟ مفهمتش!!
نورمال انا اللول نعرف عليك كولشي نعرف شنو مخبعة وشنو داير بيك !!
ملاك: وعلاش مكتسمعنيش منين كنبغي نشرح ليك
اورطيغا: تنزيد خلفة باش منصدقش داير فيك شي كارثة ياك هاكا تيكونو لي واعيين ومتقفين!!! شنو سميتها (طانز) كيلو مساحة!!
ملاك: شفت!!! كولشي عندك بالعنف!! بين جملة وجملة عندك تهديد كفاش بغيتني نجي نعاود ليك؟!!
اورطيغا: (حرك راسو بلا حيت مغتفهموش وبقا كيكمل ماكلتو)
ملاك: (سكتو مدة كياكلو حتى نطقت) علاش مجاتش خالتي أمينة؟!!
اورطيغا: راجل ومرتو علاش باغا الزايد معانا
ملاك: (ضربت الطم كتكمل ماكلتها..)
اورطيغا: (مسح على جنب فمها الشعرية ودارها ففمو كياكل وعينيه عليها)
مسولتيش راسك لوكان هربتي وضربوك لحيووط ورجعتي شكون كنتي غتلقاي تيتسناك؟!
ملاك: نتا!! (قالتها بشوية)
اورطيغا: واخا تنغمي عليها ابنتي وتحلمي!!!
ملاك: (بثقة وهي كتشرب عصير) مكنتش غنحلم امراد كنت غتقلق مني شهر، شهرين، 3 ݣاع... ومكنتش غنخليك حتى ترجعلي!! (شافت فيه وهزت حواجبها) وكنت غتىجع!!! ولكن هنا انا للي مقلقة منك نتا وصلتني لواحد الحالة!!!
اورطيغا: (غير كيشوف فيها)
ملاك: والا غير على لكذوب وتخبية فيك حتى نتا ولا نفكرك فكلام الغالية منين جات كتخربق وتخطبك لبنتها علاش مقلتيلي والو!! واخا كنت مغتبغيش ولا...
اورطيغا: علاش منبغيش غيثة من نهار اللول قلت ليك مغنسمحش فيها!!!
ملاك: (وساعو عينيها) شناااهواااااا!!!!
اورطيغا: (حنا كياكل مبرد ڤري شاداه كان غيتقلق حتى يشبع ومقادرش يبعد عليها حيت ماشي شي سبب لي ينفيها من حياتو.. جبداتو من كتفو شاف فيها) ريحي ولا نهرس مك!!
ملاك: (عصبها) كفاش مغتسمحش فيها!!!!!
اورطيغا: كيف سمعتي (ماااحس حتى الطابلة تقلبت وهو شاد طرف خبز بجوج صبااعو شاف فيها كتنهج بقا غير مخنزر فيها حتى وقف وهنا هي طلعت فوق السداري جاية معاه فالطولة دايرة يديها على خصرها ماشي حتى خايفة من )
انا تقلبي علية الطابلة!!!
ملاك: (بعصبية كتغوت) ونقلب عليك مااااا كتر متنساااش احبيبي نهار العقد سنيت عمرك دير علية الضرة
اورطيغا: (شدها من كول بيجامتها) أنا تقلبي علية الطبلة وتشمكري علية!! (كيديها بيدو ويجيبها فوق السداري)
ملاك: طلق ولا والله حتى نجمع عليك عباد الله!!
اورطيغا: (كتصدمو مكيتوقعش ردود أفعالها غرزت ظفارها فيدو حتى طلق ومشات كتجري فوق سدادر هاربة لبيت تبعها وهي تسورتو)
انا نوري لمك تقلبي علية الطبلة!!!
ملاك: (كتنقز فكل خبطة كيضرب بيها الباب باش تحلو)
سير امراد فحااالك ولا نعيط لخالتي أمينة
اورطيغا: (زاد تجنن مشا للبيت شاف ديك روينة من نهار عرفها وهو كيصبن لمو فزرابي ديال الدار حنا كيجمع ديك روينة ميقدرش يجلس فيها جاب البالة جمع كولشي وحتى الزربية جمعها حطها فالقنت مسح ليدام لي تجلخ فالارض وشوية فالحيط.. سمع لباب تحل بشوية مسمعش خطواتها حتى جات عندو للكوزينة ضار عندها مخنزر هز حاجبو) دابا غطلعي تصبني ديك الزربية
ملاك: (اللهم تهدنو ولا يدير فيها شي حاجة) شوف انا مقصدت والو مفهمتش علاش مكنتفاهموش امراد!!!
اورطيغا: (غسل لماعن حيت تهرس غير طبسيل واحد لي تهرس كمل شغلو مكيجاوبهاش كمل مسح يدو حل تحت البوطاجي حنا جبد برودوي وشيتة ديال التصبين مدو ليها شداتو مستغربة)
تبعيني...
(تبعاتو مفاهماش شافتو هاز الزربية فهمت مسكين غيصبنها عارفة أمينة كتموت على زرابيها ويكونوا نقيين بقا فيها هاد السيمانة دازو فيها احداث بزاف خايبين واخا هكاك داير ليها الخاطر هز شطابة كراطة وتبعاتو لسطح فالمصعد مكان لا كيهضر لا كيشوف فيها غير مخنزر وصافي حتى بغات تعتاذر منو كتقلب غير على الكلمات ولا فكرت تبوسو هي كافية.. وصلو لسطح شعل الضو مكان حتى واحد تماك وكان الجو زوين محرك هواء زوييين فرش الزربية بشوية ركب التيو للي تماك باينة ماشي اول مرة يصبنها فزݣها بالما مزيان رش البرودوي فبلاصة طبايع مدات ليه الشيتة التصبين)
ياله حني تصبني
ملاك: (رجعت يدها) كفاش؟!!!
اورطيغا: كيف سمعتي!! تحني ولا نلوح مك من سطح!!
ملاك: بانلي كامي شي حاجة من غير الݣارو
اورطيغا: وايلا بغيتي نضرب على مك جوج قرعات وديك الساعة اجي شديني علاش ناوي
ملاك: مرااااد واش كتهضر بنيتك انا فدارنا مكنتش كنهز حتى كاس من الطابلة!!
اورطيغا: هاديك فداركم ابنتي اما هنا وسختي الحاجة غتنقييها!! ياله باش ميضربكش البرد ونصدق ضاير بيك فصبيطارات وانا تابعني نعس
ملاك: واش حماقيت!!!
اورطيغا: ياله ابنتي
ملاك: مغنصبنش!!
اورطيغا: متنسولكش ومغنصبرش بزاف حيت صبري معاك تقادا!!..
ملاك: مراد!!
اورطيغا: ياله تنتسنى ومنين تحني كوزي لجيهتي ..
ملاك: اش غنكوز
اورطيغا : (ببرود) ياله تنتسنى!!!
ملاك: (عيات تعافر وتجبد شافتو جدي كتر من لقياس معندها حتى حل ندمت على هادشي لي دارت عمرها دارتو ولا فكرت شي نهار ديرو.. رضخت للأمر) صافي غير هبط
اورطيغا: لا!! مغنخليكش فسطح بوحدك
ملاك: شنو خايف علية نهرب ولا نلوح راسي على هاد الحݣرة لي درتيلي!!
اورطيغا: فيك قوة البلابلا ياله طلقينا!!!
ملاك: (شافت فالزربية ورجعت مخنزرة فيه) معمرني نساها ليك امراد (مجاوبش غير مربع يديه ومتكي على الحيط) عمرني نسى هادشي!!
اورطيغا: (مجاوبش شافها حنات بلا حتى متعري على ركبتها وسروال ببجامتها عمر بلما زاد كعى!! بقات كتحك بالشيتة باينة مكتعرفش حيت ماشي كتحك بحال غير كتمشط للزربية ولكن لي مهم عندو هو الطريقة باش مكوزة)
ملاك: (هزت عينها فيه وبقات واقفة على ركابيها) نتا ممزيانش!!!
اورطيغا: تشمكري علية وتقلبي الطابلة !! فين حسابلك جالسة!!! راك مزوجة امدااام ماشي زوفري محنسر فݣارو
ملاك: نخرج نشري ليك زربية جديدة ومتخلينيش نصبنها وانا ياله عروسة جديدة!! عمرني نسمحلك على هاد الحالة لي داير فية
اورطيغا: (بقا كيشوف فيها تأفأفت حنات كتحك فقساااتو بداك التصبين) هبطي هبطي فحالك (وقفت دغيا وسروالها عامر ما) تتغبني علية على تصببنك الزين!!!
ملاك: (لاحت الشيتة حدا رجلو خرج عينو فيها حنات هزاتها وحطاتها فوق الزربية بشوية عاد المرة) عمرني نسمح ليك!!
اورطيغا: لقاك زدتي لشي قنت نطحن مك
ملاك: (دخلت للعمارة هبطت فالمصعد للدار مشات لبيت تبدل حوايجها صونات على مها كانت غتنعس خلاتها ترتاح صونات على وفاء مجاوبتش شافت الساعة كانت 12 دالليل يعني حتى مريم ختها غتكون ناعسة جلست فوق النموسية جبدت الشال وشعلت لاكليم طلقت شعرها كتحط فبلاصة فين كان مجموع بلاستيك وتكات على الوسادة كتفكر لامتى غيبقاو هاكا!!!! بقات كتشوف فسقف حتى كيبغيو يترونجاو هو كيتفكر هروبها وهي كتفكر نفورو منها وكيرجعو الزيرو هي متقدرش تفارق معاه وحتى هو ولكن جاو بجوج بيهم نفسهم عزيزة عندهم!!! بداو عينيها كيتغمضو وكدخل فنعاس تحل لباب ضارت شافتو متوقعتش يحل عليها لباب دخل كانت شاعلة غير ضو الڤايوز خفييف سد لباب مشا لماريووه وهي متبعاه حط تيشورت حتى شافتو كيحني كيحط الشورط وهي دير ليزار على وجهها مخرجة عينها من الجرأة ديالو بدل عليه حيت صبن الزربية وعمر بلما جا حداها جار ليزار على وجهها)
شنو!!
ملاك: شنو نتا؟!
اورطيغا: (دخل لفراش جات بغات تنوض وهو يشدها مدورها عاطياه بظهر ومعنقها بغات تنوض)
ريحي ولا غندير ما كتر
(جمدت زاد خشاها فيه وهنا حست بشي حاجة فظهرها مولاتش تحركت ولا هضرت حتى التنفس مكرهتش تقطعو اما هو غير صاابر هز يدو كيهبط شعرها حيت كيجي على وجهو)
ملاك!!!
اورطيغا: ملاك...
(مرداتش عليه عرفها فايقة باينة غير من تكنزيزة للي دايرة يابسة بحال شي حجرة دور يديه على كرشها بحال معنق شي وسااادة حاط ذقنو فكتفها)
راسك قاسح بزاف املاك!!
(زاد قرب نيفو لعنقها)
علاش متطيحيش كواريك شوية!! راه زواج هدا لي حنا فيه ماشي تعاارف وماشي حرب..
ملاك: (مخرجة عينها حركااتو زعزعاتها وعاد كفاش كيهضر فعنقها والصهد خارج من نيفو مكتسمع حتى كلمة منو ممركزاش مع هضرتو كتطلب غير يبعد ولا يدير شي حاجة راه الا مهداش غدور هي عندو)
اورطيغا: ملاك!!!
ملاك: (زادت طرطقت عينها منين هز تيشورت ديالها كيقيس كرشها لي منين كدور كتبان كريشتها!! ومع هو مكيحشمش كيحط الواحد بوجهو كتفكر زعما غيلاحظ!!!!)
اورطيغا: خاص نفاريو هاد لمنامة!! ميمكنش نبقاو شدلي نقطع ليك!! (والو مكتحركش حتى تنفسها تقطع حدها سرطت كرشها)
واش مُتِّي ازين؟!
ملاك: (تبسمت وتفكرت هو دازو اشكال انواع بنات يعني غيفرق ويعرف!!)
اورطيغا: واااا ملييييكة!! (جمعت الابتسامة وغمضت عينها.. باسها فعنقها حتى دوز لساانو حتى لودنيها وهي تنقز)
باسم الله عليك!!!
(والو مكتجاوبش زاد خشاها فيه وغمض عينيه بكترة نعاس ومغيديرش شي حاجة هي ممتجاوباش معاه فيها حيت هدا اهم قانون عندو فالممارسة... اما هي نعاس طااار عليها... منعست حتى ترخا هو وللي فظهرها ترخا واخا بقا عاصر عليها بيدو...)
~~~~~~~~~~~~~
اصبحنا واصبح الملك لله..
ناض من نعاس على دقات مو فباب بيتو، شاف فملاك لي كما نعسو فالليل كما بقاو
اورطيغا: صبااااااار (ملاك قفزت ضارت عندو) غير نعسي
ملاك: (بهمس) شكون؟!
اورطيغا: الوالدة!! (شافها شهقت) مال جد مك راك ناعسة حدا راجلك!! وديك قضية منتزوجش عليك غير نسايها مغنجلسش تنكف* باش نتي ترتاحي يا ديري شي حركة يا نديرها عليك أنا!!
ملاك: (شافت فيه بحزن..)
اورطيغا: (ندم علاش قال شي حاجة هكا) زعما نغتاصبك ماشي نتزوج عليك وانا نسخى بمليكة ديالي!!
ملاك: بففف (دارت لغطا على راسها وهو ناض يحل لباب...)
أمينة: (عجبها الحال منين باتو بجوج فبيتهم يعني صافي تصالحو سد من موراه لباب) صباح الخير احبيبي الغزال
اورطيغا: شنو تما أمينة؟؟؟؟!! ياك قلتي غتخليني بوحدي
أمينة: هه ياك الكلب مفرحتيش بشوفتي
اورطيغا: اممم دخليني هاد الدخلة!!
أمينة: نوض ملاك واجيو تفطروو راه الحاج جا يشووفك ونوضلي عروستي لغزاالة غير بشوية
اورطيغا: واخ المرة جاية غنمشي لداري
أمينة: تمشي حتى لأرواس تابعاك تابعاك يا الجحموم وفين الزربية دلبيت؟!!!
اورطيغا: (ضار دخل للبيت وسد لباب لقاها لبست حوايجها وياله غتغطي راسها) ديري خرقتك الحاج كاين حتى هو فالدار
ملاك: سميتو شال ولا فولار شنو هاد الخرقة عاود!!!
اورطيغا: (تعمد يقولها هكاك كيعجبو يعصبها عاطياه بظهر كتصاوبو وزولو ليها) هدا هو شعر لي تظلي مخبعة!!!
ملاك: مراااد (ضارت عندو)
اورطيغا: (جبد لاستيك وهي تنتف حسابلو دغيا غيتطلق مع قالت اي بلغوات شدلها فمها بيدو) سكتينا الموصييبة!!!
ملاك: (ضارت ضرباتو فصدرو) عدمتني أزمر!!!
اورطيغا: اوا طلقيه راسك!!
ملاك: لا!! (دارت شالها فوق راسها) لبارح خليتني نصبن الزربية واليوم ناتفني بنااقص منو هاد زواج
اورطيغا: وفالليل غن**** غير عولي عليها وديك الساع عاد غيعجبك زواج... (كتحاول تجمع التبسيمة) هادي ݣاع فرحة!!!
ملاك: زمرة عليك!! (حلت لباب وخرجت حتى هو تبعها سلمو عليهم وجلسو كيفطرو معاهم وهي متبتة تفكيرها كولو فيه كتشوف فيه مرة مرة كفاش كيهضر كفاش كياكل كفاش كيشوف فيها مرة مرة بحال أول مرة تغرم بيه مفهمتش هاد الاحساس واش حيت اول مرة يتقربو لبعضياتهم ونعسوا بجوج.. عندها إحساس فشكل والمشكل أنها فرحانة كتعيى ترد الاحساس القديم ولكن والو الفرحة غااالبة عليها...)
اورطيغا والحاج هبطو لتحت للمحال وبقات ملاك وأمينة كيجمعو الفطور وملاك كتغبن وتشكي عليها
أمينة: اوا!!!
ملاك: (وراتها يدها) حتى الحنة طارتلي شحال كنت فرحانة بيها.. واش كاينة شي عروسة اخالتي كيعطيوها تصبن زرابي فالليل وهي مكملتش حتى يوماين على لاكط ديالها!!!
تأ... عمرني نسالها!!!
أمينة: (شهقت) اويييييييلعداااا!!!
ملاك: بقا فية الحال بزااف اخالتي غتبقى غصة فقلبي
أمينة: يبقى فيك ابنتي يبقى!! لا حول ولا قوه الا بالله العلي العظيم.. غير مسحيها فية ابنتي وهو غير على ميطلع الجحموم بن الجحموم لاخر متݣوليهاش لزهرة ولا باك
ملاك: نتي مدرتيلي والو اخالتي انا غير جيت نشكي عليك ومغنقولها لحد
أمينة: والله متبقى فيه غير خليييه يبااان مزيان تبارك الله
ملاك: (بحزن كتنهد) نمشي نشوف واش نشفت
أمينة: الا.. (شافتها مشات بقات غير مصدومة وهي لي كيحسابها تصالحو ساعة معذب مرتو من نهار اللول!!! حشمت وغتحشم مع صاحبتها ورشيد لي قنعاتو ان ولدها هو سيد رجال وغيتهلى فبنتو شوية سمعات صوتهم مشات تعرضات ليه)
اجي معايا نتا
الحاج: علاش مالكم
أمينة: (سدت باب الدار) علاه ماشي خلا البنت فنصاصات الليل تصبن زربية البيت حيت طيحت عليها شوية ليدام!!!!
الحاج: (شاف فمراد للي هز حواجبو مصدووم) مراد بالصح اولدي هاد لكلام ؟!
أمينة: ومال البنت غتكذب!!!! الا بقيت فيك اولدي!!!!
الحاج: لا ماشي معقول هادشي اولدي البنت امانة عندنا وعاد جديدة لزواج تعاملها هاكا!!!!
اورطيغا: (ميرضاش حتى يقولهم راه قلبت علية الطابلة وأصلا هو لي صبنها ماشي حتى هي سمعو الدقان ومو كتحلف عليه حلت ليها الباب لقاوها مهبطاها معافرة معاها زعما راه تقييلة عرفها كترد ليه الصرف)
أمينة: علاش مهبطاها نتي ابنتي!!!
ملاك: (ببراءة) لقيتها نشفت وهبطتها
الحاج: لا حول ولا قوه الا بالله العلي العظيم هادشي ماشي معقووول امراد ماشي معقوول (دار يديه من مور ظهرو وزاد داخل)
أمينة: (خنزرت فولدها) دخلها لداخل
اورطيغا: (شاف فملاك لي كتشوف فيه وختمتها طلعت حاجب ودارت نصف ابتسامة كتحدي) واخ.. واخ
ملاك: حم خاص نمشي عند ختي لصبيطار
اورطيغا: غتسبق الوالدة والحاج وحنا لعشية غنلحقو عليهم
ملاك: ها.. لا نمشي دابا!!
اورطيغا: لا حتى لعشية بحرا ترتاحي من تصبين الزربية الزين...
مشاو أمينة والحاج للي تحلفت منو وتقلقت منو واخا هضرها مبغااتش تكلمو رراه نيت تهمة لي لسقت ليه حيت مكملتش الرواية الحقيقية.. بقا هو وياها مشا عندها للبيت
اورطيغا: (جالسة كتاكل من الحلوى دالعرس لي جاب فالليل تكا بكتفو على الحيط)
اخر مرة تعاودي شي حاجة ديالنا لشي قرااان واخا تكون الوالدة!!
ملاك: حسابلك غندوزها ليك
اورطيغا: نتي غير عاوديها وانا غنعرف شنو ندير
ملاك: (عوجت فمها كتكمل حلوتها زعما انا ممسوقاش ومخايفاش منك جلس فراس السداري) خاص نمشي عند خديجة ميمكنش نسمح فيها غي حيت نتا معاند معايا
اورطيغا: شكون قالك معاند!!! نتي لي تستاهلي هادشي لي تيوقع معاك
ملاك: علاش!!! (حطت الحلوى) كنت مرت باك ولا شنو!!!
اورطيغا: (خبط سوارت لي فيدو فوق الطبلة حتى تزعزعت) شنو بلاااانك نتي معايا!!!!
ملاك: (مخرجة عينها) معندكش ثقافة الحوار مكتعرفش تهضر ومكتعرفش تحل المشكل حدك كتنفخ وتزيد بلا حتى متسمع للواحد نهار لي خاص نكون فرحانة فيه بايتة كنبكي فيه ونخمم شنو درت ݣاع باش انا يطرالي هاكا والا حتى بغيت نهضر معاهم غيقولولي نتي لي بغيتيه يعني حتى باش نشكي لشي واحد مقدرتش
اورطيغا: متتشوفيش راسك غالطة!!!
ملاك: ونتا؟!
اورطيغا: مني ومنك!!
ملاك: تعلم طلب سماحة وتقول انا غاالط ديك الساعة حتى انا نطلبهاا
اورطيغا: علاش بقات فشكون لي يطلبهاا اللول!!!!
ملاك: ماشي هكاك غير نتا معفر وحاسب فراسك وانا مكيعجبنيش هاد التكبر!!!
اورطيغا : تكبر!!! اممم مزيان (بقا كيشوف فيها) نوضي
ملاك: لفين؟!
اورطيغا : نصلي لقاك لابسة حوايجك
ملاك: (رجعت هزت الحلوى كتاكل وتكات على الحيط)
مغنمشي معاك حتى لشي بلاصة حتى تطلب سمااحة!!
الغالية: (هازة البنت فرحانة بيها) ألالي ألالي ألالي على لالة غزاالي صافي انا غنسميها غزاال لالة غزااال بنت سيدي و مولاي يوسف!!
خديجة: (كانت مقررة تسميها لوجين من نهار كانت مع راجلها القديم وكانت كتمنى تحمل ببنت وتسميها هاد سمية وحتى يوسف كان موافق..
جات تهضر ومها بركت على ذراعها شافت فيها غمزتها باش تسكت وسرطتها مع الفقسة)
زهرة: الله يسخر
يوسف: (شاف فخديجة عارفها شنو باغيا) البنت ان شاء الله نسميوها لوجين الوالدة هاكا بغات خديجة
الغالية: ها!! لوجين؟!
خديجة: ماشي مشكل ايوسف
زهرة: بحال بحال اولدي حتى سمية لي قالت لالة الغالية زويينة وراها جداتها وفرحانة بيها
خديجة: اممم زوينة
الغالية: (كانت عارفة باغية لوجين ولكن محسابلهاش غتقبل تسميها بقات غير ساكتة مقدرتش تزيد تخرج شي كلمة جات طبيبة تشوف خديجة باش تعطيها إذن الخروج حيت كولشي كان مزيان ومع الولادة الطبيعية متحتاجش تزيد تبات..)
يوسف: خديجة!!
خديجة: معنديش مشكل بحال لوجين بحال غزل هي راه مسمية من عند الله
زهرة: الله يجعلها ذرية صالحة هادشي لي كيبغي الواحد ياك الالة الغالية
الغالية: كاينة الالة زهرة..
~~~~~~~~~~~~~
ملاك: (ناضت بغات تمشي لبيت مخلاهاش تمشي حتى تجمع بلاصة فين كلات ومن وقفتو عليها عارفاه مغيتحركش حتى تدير شنو قال ليها ناضت جمعت الماعن ولبيت حتى من الوسادة وقف عليها تقادهم بقات غير كتنݣر ولكن نفسها كملت من لبيت خداها غسلت لماعن لحق بيها شافت فيه) شنو عاود؟! اجي تحقق واش مغسولين مزيان!!
اورطيغا: تعلمي املاك تنقي بلاصتك
ملاك: بزااف عليك انا نقية متحتاجش لي يجي يوريني نق..
اورطيغا: اهيااااا انا متنطايفش هنا ومتعوليش تاكلي وتخلي الوالدة تجمع من موراك
ملاك: (جننها) جمع راسك امراد انا اصلا ماشي هكا
اورطيغا: هاحنا غنشوفو
ملاك: اصلا مابغاش نبقى هنا غنمشي لداري احسن
اورطيغا: ( حنا بوجهو لوجهها) نعام!!
ملاك: عمرك تعاود تقولي نقي بلاصتك عرف شنو كتخرج من فمك
اورطيغا: مقلتش نتي منقبلش ولكن الكاس والطبسيل لي كليتي وشربتي فيه غسليه
ملاك: بعدني!!!
اورطيغا: نعلي الشيطان املاك وسيري لبسي حوايجك نخرجو
ملاك: غتديني عند خديجة!!
اورطيغا: خديجة معاها مك والغالية وكولشي وراجلها اش باغا ديري تم ياك هي بيخير قادي اموورك باش حتى نتي تكوني بيخير!!
ملاك: وفين غنمشيو؟!
اورطيغا: لشي كوان نفريوها (حتى هي باغية تهضر باش يبداو صفحة جديدة.. خرج من حداها خاصو يستغل هاد الوقت لي مكيخدمش فيه حيت الجزارة كيكونو سادين من مور عيد لكبير.. بقا كيتسناها حدا لباب حتى خرجت عندو باش كتعجبو ستيل حوايجها مكيخليهش فين يهضر)
ملاك: فين غنمشيو؟!!
اورطيغا: علاش تتسولي؟!
ملاك: من حقي نعرف!!
اورطيغا: هي الا جات غير على الحقوق راه عندي عليك بزااف امداام ومتنهضرش
ملاك: (فهمت قصدو وعجبتها ديك مدام) اممم موهيييم فين غنمشيو!!
اورطيغا: (جا قبالتها هزت راسها فيه غفلها شد بيدو بجوج راسها ونزل لوجهها ومص شنايفها بجوج بشوية بدون سابق انذار محايد لݣلوص وهي بقات جااامدة مغمضة عينها بعد راسو ب2 سنتيم)
خليك بلا زواق طبيعية حسن!!
(حلت عينها فيه زاد حل باب الدار خرج تبعاتو وهي مزال مرفوعة هبطو بلا هضرة لسو صول ركبو فطموبيلتو وعقل كيقولها تعاود دير لݣلوص وتكتر منو باش يعاود اللقطة!!)
خرجت خديجة للدار واخا ألحت الغالية يمشيو للڤيلا عندها ولكن مبغاتش ويوسف دار ليها خاطرها براكة غير قبلت بالاسم لي بغات الغالية لبنتها بلا صداع ولا جدال!!..
زهرة بغات تدخل تطيب ليها فالكوزينة والغالية جابت طيابة باش طيب ليهم لي بغاو
زهرة: (مولفة هي لي كطيب لبناتها فاش كيولدو كيعجبها الحال بزاف ولكن منين العݣوزة هضرت واخا هي بغات غير تهنيهم من تمارة.. مبقالها فين تهضر جلست حداها أمينة)
ملاك مزال متجي؟!
أمينة: صباح ݣالو غيلحݣو علية
زهرة: منين زوجنا دوك جوج عاد مزال يلحقو علينا ولا يعرفونا حتى فين حنا
أمينة: خلينا منهم يضبرو لروووحهم نتي مالكي؟!!
زهرة: والو
أمينة: لا لا بيك شي حاجة ياكما لغويلة ݣالت ولا دارت شي حاجة
زهرة: لا لا بلعكس من غير خديجة انا عمرها وصلتني واخا لي وصل بناتي وصلني ولكن عارفة خديجة حتى هي مغتسكتش ليها
أمينة: اوا مالكي؟!
زهرة: بغيت ندخل نطيب لبنتي والغالية جابت طيابة مالقيت كيف ندير
أمينة: دخلي ديري شراع يدك راه دار بنتك كنا دار ولدها
زهرة: هي ماشي كتحارب معايا راها غير بغات تهنينا من تمارة
أمينة: هناتك اصاحبتي
زهرة: ولفت بناتي كاملين نطيب ليهم ونقابلهم فنفاسهم هكا كيعجبني الحال
أمينة: هانتي تسع شهور واجي قابلي ملوكة وطيبي على خاطر خاااطرك
زهرة: ههه هي ما فيها عرس؟! (حسابلها صافي قضاو الغراض)
أمينة: (متأكدة ولدها مغيصبرش وأصلا باتو بجوج فبيت واحد) العرس نديروه واخا يجرو معاهم طاشمة دلولاد
زهرة: هه (كتفوج عليها جاو شي وحدين من عائلة يوسف يباركو هوما بقاو غير حدا خديجة كبحسبو معاها زرورة والكادويات....)
ركبو فالطموبيل وهو مشغول مع التيليفون كيهضر مرة مع كليان مرة مع شريف عرفت انه الخدمة كتكون قليلة بزاااف من مور عيد لكبير وحتى ذبيحة فبن سودة قليلة وحيت هو وشريف عرسان جدد سعد وشفيق هوما لي غيتكلفو ويصيفطوو للمحالات كل واحد فيهم نصيبهم..
ملاك: (فهمت انه هاد الخرجة ماشي غير ديال عشية ويرجعو للدار وانه مغاديش تمشي عند خديجة)
فين حنا ماشيين؟!!!
(مجاوبهاش بقا مكمل لابيل مع الولد لي خدام عندو باش يحل المحال غدا وغتوصلو شي سلعة قليلة وميدخلها حتى يشوف لحم مطبوع..)
اورطيغا: (كمل ووقف فسطاسيون هضر مع السيد لي جا عندو)
مازوووط.. 600 درهم الله يحفظك...
(ضار عندها)
ملاك: فين غاديين؟!
اورطيغا: إفران
ملاك: علاش؟!
اورطيغا: حيت بغيت!! عندك شي مشكل؟!
ملاك: اه ختي خديجة ياله ولدت ولدابا مشفتها مزيان مجلست معاها حشومة وحتى لبنيتة مزررتهاش غيبقى فيها الحال
اورطيغا: ملاك تتفكر لغيرها فشكل!!!!
ملاك: كفاش؟!
اورطيغا: تنعرفك تديري داكشي لي فيه مصلاحتك وصافي ويمكن مصلاحتك ماشي معايا!!! مابغاش تبقاي معايا؟!
ملاك: (بقات مخنزرة فيه)
اورطيغا: ملاك!! انا وياك خاصنا جليسة هاد شدلي نقطع ليك والعناد المبرهش وهاد خروطو كامل معنديش معاه طلعلي فصحتي!!! يا بيض يا كحل صداع ال** مباغيهش هاد الساعة
ملاك: انا صداع؟!!
اورطيغا: واش باغا غير دابزي والسلام؟؟؟؟ (جا عندو السيد خلصو ديمارا وتم صايݣ) بقاي تكلماي شوية وعرفي الهضرة فين ماشية عاد جاوبي!! متنعرفكش هاكا زعما!!!
ملاك: (قلبت وجهها وهي تفكر) مجبتش حوايجي شنو نلبس
اورطيغا: زواج هو تبقاي عريانة حدايا!!! داك قوة لحوايج لبسيهم للبراني
ملاك: بنيتك امراد!!
اورطيغا: بريتي!!.. حاولي تكالماي ازين حنا حدنا غنهضرو ونقادو أمورنا... ز** عزيز علية متلوحش راسي على لي مباغيهش
ملاك: بففف
اورطيغا: غتفرݣعي! رخفي فيك النفس ابنتي راني غير أنا العزوة وداك لكلام زوين ديالك
ملاك: ههه عارف راسك بعدا
اورطيغا: عزي ولكن (حط يدو فوق صدرو) قلبي بيض!!
الجو دغيا تقلب وغيمت هو طالق موسيقى كلاسيكية وهي كتفرج فطريق..
شاف فيها مركز معاها ومع طريق مكرهش يدخل فوسط عقلها يعرف غير فاش كتفكر بهاد الطريقة والحالة فين هي كتخليه حااااير واش غيبقاو ديما هاكا ولا مع المدة غيولف هاد الميزاج لي عاد كتاشفو فيها واش غيردها على ملتو ولا هي لي غتردو على ملتها واش غيتفاهمو حاجة وحدة لي مبغاش يفكر فيها حتى تنطقها قصة هروووبها واش كان غيكمل ولا لا!!!!
خلاها غير كتفرج فطريق منين يوصلو وغيهضرو كمل صوݣانو بدات شتا كتنقط ماشي ݣاع هاكا خلاو الجو ففاس..
قرب لبراج ديال الجدارمية شافهم شيرولو يوقف وقف فجنب متعجب حيت كان ماشي فالسرعة ديالو وكولشي مظبووط حتى جا عندو كيقيد ليه على الصمطة لي مدايراش ملاك
ملاك: (شافت فراسها وشافت فاورطيغا خايفة من ردة فعل ديالو حيت غيخلص بروسي عاد شافت فالجدارمي) والله منتابهت!!
اورطيغا: راه غير نسات الشاف
ملاك: والله الشاف منتابهت عفاااك غير هاد المرة
اورطيغا: (ضار مخنزر فيها وهي كتبسم وترغب الجدارمي ) كفاش عفاااك واش نتي مرييضة!!!! قيد قيد داك لبرووسي الله يرحم الوالدين!!
ملاك: راه هضرت معاه غير باش متخلسش الخطية
اورطيغا: وااا ديها فرااااسك نخلص حتى جوووج زويييينة هادي ياااااا!!!!!! (خرج زادح لباب عليها جابد الفلوس مشا لعند الجدارمي لا هضرة لا جوج خلص وشد الريسي وتم راجع عندها)
تعاودي ترغبي شي ز*** وتحلوني عليه نفرݣع مك
ملاك: عيقتي بهاد العقل لي عندك اشمن تحلوين درت!!!
اورطيغا: وا بربي حتى نوريك الوجه التاني!!!!!
(كسيرا وزااد كينݣر وهي غير كتصوووط دايرة الصمطة حتى الموسيقى طفاها غير كينݣر.. وصلو مجلسوش فالمدينة شافتو خرج من افران باقا عااقلة على هاد طريق وكانت لبلاصة لي باتو فيها فأول مرة تشاوفو ديك المرات كانت مثلجة والدنيا كولها بيضة اما دابا الجو خرييفي والجو خيااااالي بحال شي لوحة فنية بين الخضووورة وصفووورية..
هبط وهبطت حتى هي تابعاااه لي فهمت ديجا داير حجز عمر شي ورقة وهي واقفة حداه كتشوف شي ݣور عاد دارت عندو باغا تجبد معاه الهضرة على الله ينسى شوية ديك العصبية)
ملاك: مراد واش غنباتو فشومبر وحدة؟!!
اورطيغا: (ضار مخزز ياله غينفاجر عليها)
ملاك: غير سولت!!! احم فية الجوع... خاص نمشي ناخد شي بيجامة.. (مخسر كمارتو) صافي انا سكت
اورطيغا: مرة مرة سكتي خير لييك..
اورطيغا: (خلاتو فالاستقبال وتمشات مبعدة جااوها ذكريات وهي هنا تفكرت اعجابعا بيوسف داك الوقت ودابا جاية مزوجة بصاحبو تبسمت ضارت لقاتو كيهضر فالتيليفون اصلا تيليفونو مكيسكتش مرة كليان مرة الحاج مو وصحابو... بقات كتشوف فيه غير منين جاو هنا ديك المرات كانت كتكرهو مكتحملش حتى الشوفة فيه بلا مدابزااتهم وشو دابا ها هي مرتو وكتمووت عليه هادشي خلاها كظحك مع راسها حتى شافتو جاي وفوجهو سؤااااال ولي عرفاتو غينطقو)
معامن تتظحكي!!
ملاك: مع ملايكتي
اورطيغا: واااا معامن كتفرنسي ابنادم!!!
ملاك: (جمعت الظحكة) هكا مزيان كيعجبك تشوفني هاكا!!!.
اورطيغا: (ضار كيقلب يشوف معامن كظحك مكاين حد)
ملاك: معمر الشك غيخليك تزيد القدام معايا أنا!! (مشات قدامو تابعها كينݣر، جلست فريسطو وهزت الموني كتشوف داكشي غاالي ولكن مسوقتش باش توريه الشك ديالو.. اما هو بقا غير كيشوف)
مغتشوفش شنو تاكل؟!
اورطيغا: هنا ماكلتهم متتعجبنيش
ملاك: كتجي بزاف هنا؟؟؟
اورطيغا: كنت..
ملاك؛ اممم وشنو باغي تاكل؟!
اورطيغا: خودي نتي انا غنديپاني
ملاك: (حطت menu) الا بغيت نمشيو لشي بلاصة لي كتعجبك معنديش مشكل.. مبغيتكش تبقى بالجوع وتبدا تبكي علية (بغات تلطف الجو)
اورطيغا: (مظحك متبسم) معامن كنتي تظحكي!!
ملاك: بففف تفكرت شي حاجة وصافي.. واش غتبقى هاكا ديما كتشك ومكتيقش فية؟
اورطيغا: شكون قالك تنشك
ملاك: غير دابا هاكا كتبين لية
اورطيغا: تيبان لييك انا سولت عادي نتي لي منوية مني اي حاجة مبقاتش تتعجبك وانا هنا جبتك بغيت نسولك مبقيتيش باغا تبقاي معايا ابنت الناس؟!!! حتى واحد مغيبزز عليك هاد زواج!!!
ملاك: (جا السرباي هي خدات هوت شوكولا معطاتهاش خاطرها طلب غدا حيت شافت الأثمنة مبااالغ فيها وهو خدا قهوة.. بقات غير كتشوف فيه شحاال.. السؤال لي سولها معجبهاش)
شنو لي وصلنا لهادشي امراد؟!
اورطيغا: انا ولا نتي متيهمش! لي مهم هو معرفناش نخرجو منو!!
ملاك: حيت من اللول مكانش الحوار راه الحوار والنقاش اهم حاجة فالمشاكل
اورطيغا: اوا والهروب؟!
ملاك: معرفتش اصلا كفاش فكرت داك نهار ومكنتش غنقدر منقدرش نديرها ببابا وماما وخوتاتي (زادت الحدة فشوفتو ليها) وحتى نتا غير كنت غضبانة وصااافي
اورطيغا: ولي بغضب املاك ينوض يهرب نهار عرسو؟!!
ملاك: كنت مقلقة بزااف
اورطيغا: ماشي سبب املاك اي واحد كان فبلاصتي مكانش غيزيد معاك الضربة تهربي نهار لي جاي نتزوجو فيه؟؟
ملاك: وانا مكنبغيش أي واحد امراد كنبغيك نتا وعارفاك حافظني وعارفني مزيان داكشي باش عرفت (سكتت حيت شافت راسها كتخربق فالهضرة)
اورطيغا: (بقا كيشوف فيها مقوس عينيه فيها)
ملاك: مقدرتش نتقبل نهار لي كنتسناو نتا غضبان وساد علية.. كفاش قدرت تهرس فية ديك الفرحة ومخليتنيش نفرح ونشط بحال اي وحدة غدير لاكط مع إنسان كتبغيه وتحتارمو ووقفت فوجه باها عليه
اورطيغا: (كتشقلبوو بهضرتها)
ملاك: خاصك تفهمني امراد انا موضوع ماما مكنبغيش نجبدو مع حتى واحد حنا فالدار بيناتنا ومكنجبدوهش وانا حسابلي نتا عارف حيت خالتي أمينة كانت عارفة قلت غتكون عاودات ليك كما كتعاود ليك كولشي وعاد كنت كتلمحلي راك عارف منين كنت كتقولي فيك فعايل ليهود قلت صافي عارف غير منحتاجوش ناقشووه حيت اصلا موضوع هاارب علينا مكيهمناش
اورطيغا: راه بالصح انا متيهمنيش داكشي لي معجبنيش هو كانو محومين عليك فحوومتي ونتي مقدرتيش تجي عندي
ملاك: مكنتش خايفة منهم اصلا معمرتش راسي بيهم نهائيا
اورطيغا: واخا هكاك!!
ملاك: (بقات كتشوف فيه) كنت غنعاود ليك من بعد
اورطيغا: (حرك راسو بلا ممقتانعش) هاديك "من بعد" هي لي ضاير عليها الفيلم املاك انا تنعتابرك مني، نتي هنا (حط يدو فوق صدرو)
باغيك وباغي أي حاجة فيك وشروطي من نهار اللول باينين باغي نعرف كولشي عليك صااافي!!
ملاك: (تبسمت من الطريقة باش كيهضر حسن ألف مرة من كلمة كنبغيك)
اورطيغا: (هز حواجبو بجوج.. جا السرباي حط شنو بغاو ومشا)
تتفرنسي عاود!!!!
ملاك: (حطت يدها بجوج على الفنجال)
انا منويت والو مكنتش باغية نخبع عليك شي حاجة... يمكن فرحتي لي معاك كانت غالبة داك تخربيق انا منسيتش فاش وقفت معايا وتيقتني فداكشي لي وقع مع حمزة وفاش كنت مريضة ومخاصمة مع بابا وعمي وجدي فنظرك هادشي كان مخليلي شي عقل نهضر على داك تخربيق!!!
اورطيغا: اه.. حيت جاو مرة وجوج وتلاتة وحنا كنا تنتلقاو ونهضرو ديما يعني العادي هو تعاوديلي
ملاك: مراد مغتنسااش!!
اورطيغا: هادشي معصبني غي حيت باغي نعرف كولشي عليك
ملاك: عارفة
اورطيغا: نجيو دابا لقضية الهروب
ملاك: نهضرو بعدا فقضية الغضبة ونفييخ وتسد على بنادم حتى ترشق ليك عاد تهضر معاه!!!
اورطيغا: انا هاكا داير تنبغي نبعد باش منديرش معاك شي غلط
ملاك: شنو الغلط لي غدير!! مراد راه غنسكنو بجوج فدار وحدة.. قولي فاش غنغلط شنو غديرلي!! حيت ميمكنش غتخليني سيمانة بوحدي فالدار وتهرب
اورطيغا: متنهربش ومغنهربش وتعاملي غيكون على قد غلطك معايا والعشرة حاجة اخرى املاك والبعد حاجة اخرى!! مغنكونش ستيلو حمر تابعك تغلطي باش نلومك ولا ندير شي حاجة
ملاك: وشنو غدير؟!
اورطيغا: علاش اصلا تتهضري فهادشي لي بعيييد!! خايفة مني زعما!!
ملاك: باغيا نعرف امراد
اورطيغا: بففف (قلب وجهو تخنق من هاد الشدة لي دارت فيه)
ملاك: (بهدووء) انا غير كنبغي نعرف فين نحط رجلي!!
اورطيغا: بنيتك!! عاد بانلك فين غتحطي رجليك!!!
ملاك: انا كنبغيك وتايقة فيك ولكن نتا كتخوفني منين كتقولي انا كنهرب باش منديرش شي حاجة شنو هي الحاجة؟
اورطيغا: راه فرق املاك بين حنا بعاااد وحنا معاشرين الضرب انا متنضربش عيالات
ملاك: كفاش عيالات انا راه بنت متبقاش تقولي عيالات
اورطيغا: ومالك غتبقاي ديما بنت!!!
ملاك: (جابلها الظحك وبقات كتشرب من مشروبها)
اورطيغا: (جغم من القهوة وشاف فيها بجدية) تفاهمنا دابا!!!
ملاك: معرفتش....!!
اورطيغا: شنو معرفتيش املاك
ملاك: مزال خاص نهضرو
اورطيغا: واخ.. (كيحاول يكون مكالمي) نمشيو نقصيو شي حاجة ونرجعو هنا نهضرو حتى لصباح
ملاك: خديجة غيبقى فيها الحال الا مكنتش معاها فهاد الوقت
اورطيغا: نفهم مباغياش تجلسي معايا؟!
ملاك: (بقات كتشوف) ماشي مباغاش، باغا وبزاف!! غير راها عاد والدة وجات حشومة!!
اورطيغا: نفكو حريرتنا حنا ومن بعد نديك عند ختك اما هاد شدلي نقطع ليك املاك عيااتني..
ملاك: اممم(حركت راسها باه) صافي واخ .. (خلص وقفو وخرجوا برا ركبو فالطموبيل) وراااك حتى نتا كتخبع علية!!
اورطيغا: أنا (مركز مع طريق) شنو!!
ملاك: والو والو...
اورطيغا: ياااا هضري!!! بديتي الهضرة كمليها!!
ملاك: (بقا بالها منين قال غيثة منفرطش فيها) منين خطبااتك الغالية لغيثة!!
اورطيغا: (شاف فيها) راك قمتي بالواجب معاها اشريميلة!!
ملاك: (بغضب) تبارك الله على لالة أمينة مكتستر والو
اورطيغا: يوسف لي قالي (وقف الطموبيل وضار عندها) شنو كنتي ناوية ديري للسيدة؟!
ملاك: (حيدت الصمطة) والو (حلت باب الطموبيل مكانتش بغاتو يعرف خرج حتى هو.. شافت شوااية)
بففف ݣزار شنو كنتسنى من عندو غيديني لريسطو كلاص مثلا!!!
(قالتها غير بشوية تسناتو يمد يدو زعما يتشادو ولا شي حاجة والو عمرو اصلا دار هاد القضية فالزنقة تبعاتو دخلو جلسو،
بقا كيظحك مع الدري لي جا عندو وسمعاتو كيطلب بلا حتى ميسولها شنو تبغي تاكل)
اورطيغا: شي كيلو تكون فيه تخليطة ملييحة.. شلايظ الا كانت شي كرعين بالحمص وطبسيل ديال فريت للكتكوتة!! (تبسمت ابتسامة صفرا) شي براد أتاي (شاف فيها كيسول) نعناع ولا شيبة؟
ملاك: مونݣ!! (شقلبت عينها)
اورطيغا: ههه شيبة اخااي (مشا الولد وضرب رجليها بشوية) مال مليكة كاعية؟!!
ملاك: مراااد هضرت معاك ألف مرة سميتي ملاك ملاك ملاك!!!
اورطيغا: وا بربي حتى مليكة حسن من ملاك وجايا معاك مليكة مرت الݣزاار (قلبت وجهها مكرهة) ههه وصافي الهبيلة راه بحال ملاك بحال مليكة الله يجعل غير الصحة والسلامة
ملاك: (خنزرت فيه)
اورطيغا: شحيييمة ديالي نتي...
رشيد: ملاك مزال متجي؟!
زهرة: راها مع راجلها ارشيد
رشيد: عرفناها مع راجلها.... مغتجيش نشوفوها وتجلس شوية مع ختها ومعانا راه مزال مدارت العرس
زهرة: (معندها خاطر) منين تجي نصيفطها عندك
رشيد: (حرك راسو بأه رجع جلس حدا رجال حيت كولشي جا من العائلة الا مراد..
تدق لباب حل يوسف كان حمزة تفاااجئ بمجيتو دخل سلم عليه ومشا حدا رشيد حيت هو لي كيعرفو من هاد المجمع)
هانتا هنا!!
حمزة: (كيهضر معصب) عرفت بلاصة أميمة..
رشيد: (خرج عينو وقف دايرلو إشارة يتبعوو.. يعني غيمشيو لبلاصة بوحدهم مشاو بعدو منو مور لفوتوي لي فمكتبة يوسف كانت خاوية) فينها؟! عنداك تكون درت شي كارثة!!
حمزة: كانت فطنجة متبعة مع شي طبيب نفساني
رشيد: ودابا؟!!
حمزة: من تماك جات لفاس
رشيد: شكون قالك هادشي
حمزة: وحدة من عائلتها سولاتني كتقلب عليها منين زيرتها عاوداتلي انها بحال دارت راسها بحال حماااقت منين هربت من عندي وبقات كدوز ليها حصلت عند طبيب باش يعطيها شهادة انها ممتوازناش وتهرب من الحبس الا تشدت!! اوا واحد نهار خرجت قاتلها غتخرج تلاقا بشي واحد من تماك مرجعاتش عندها
رشيد: وعندمن مشات؟!
حمزة: واحد لي غيبغي يخبعها هو داك ادم باش متشكيش بيه وباينة غيكون جابها لفاس الا مصفاهاش للكلبة
رشيد: واش شفتيها بعينيك؟!
حمزة: لا... ولكن لقيت تيليفونها فدارو وشي تصاور ياله جداد
رشيد: وقلتيها للخدمة ديالك ولا باغي دير شراع يدك
حمزة: (حرك راسو بلا وبقا ساكت يعني باغي يدير شراع يديه)
رشيد: باغي تدخل للحبس هاد المرة ومتخرجش منو؟!
حمزة: اصلا شاكين فيها البوليس انها حرݣت والملف غيبقى شوية وغيسدوه على حساب التقادمية
رشيد: مزيان!! هي انا ربيت قتال!!! جالس كتفكر نيت كفاش ديرلها
حمزة: داكشي لي دارت قليل؟!!
رشيد: عرفت الا درتيها عمر وجهي ميتلاقا بوجهك ولا نبقى نعرفك ومك غندخلها لدار العجزة حيت مولداتش رجال ولدات شمايت لي باغيين يديرو شراع يدهم!! (حمزة غير كيشوف)
يهديك الله اولدي باش تجي تفرحني تقولي باغي نتزوج جاي كتقولي باغي نقتل؟!!!!
يتبع...
التعليقات
لا توجد تعليقات بعد، كن أول من يعلق.