محتوى القصة
خديجة: (كانت هي ويوسف واقفين واورطيغا جالس كانت كتهضر معاه خالتو وولدها باش يجيو من ݣرسيف للي تلغى رواح فآخر لحظة وغيجيو يوقفو معاه)
..عرفتي شكون مات!
يوسف: شكون؟!
خديجة: جارنا للي اونفاص معانا شحال بقا فيا
يوسف: هداك سميتو حمزة ولا معرفت شنو
خديجة: لا لا باه
اورطيغا: (هز راسو فيها يعني باين حمزة غيكون مات بالفقسة؟! ولا مريض!! تفكر ملاك كيزيد غير يحقد على شنو شاف لبارح قاالب وجهو باينة ختها مفراسها والو على شنو واقع)
يوسف: لا حول ولا قوه الا بالله العلي العظيم مسكين الله يرحمو، ولكن!!
خديجة: صافي صافي فهمتك شنو بغيت تقول (هزت حواجبها) براسي مفهمت والو
يوسف: (استغرب بزااااف لعدم تواجد ملاك!! جات ختو للي صفرااااا وغير كتشهق) غيثة حبيبة سيري للدار ترتاحي
اورطيغا: (وقف) غيثة شنو كنتو تتديرو فداك القنت!!!!
غيثة: (بخوف وباين فيها بزااف) انا مدرت والو
اورطيغا: مقالك حتى واحد درتي شي حاجة
خديجة: (بشك كتشوف فيها)
غيثة: (رجعت كتبكي) كناا غاديين تنهضرو وصافي
اورطيغا: نتي للي قلتيلها تجي عندك لتماك
غيثة: اه، حيت كنا دايرين نتلقاو فمرجان صافي تنهضرو حتى (طرطقت كتبكي جاي عندها هز يدو يدرعها وهي تحامات بيدها حسابها غيضربها حتى عنقها وزاد ما بيها ولكن عندو راه هي للي نقذت مو حيت قال طبيب لوكان تعطلتو شوية كانت غتموت)
يوسف: (بقا غير كيشوف حيت فديك الوقيتة للي خرجت غيثة مها حتى هي كانت عيانة بزااااف بالصح سؤال كيدور فراسو اشنو خرجها لتماك ومع أمينة!!!)
غيثة اجي نوصلكم نتي وخديجة
اورطيغا: خاي يوسف حتى نتا راك عيان سيرو ترتاحو
يوسف: انا غرجع
غيثة: لا انا بغيت نبقى حتى تفيق طاتي أمينة
اورطيغا: (مهدوود) غتفيق ان شاء الله سيرو دابا رتاحوو واجيو من بعد
يوسف: انا نوصلهم ورجع
اورطيغا: بلاش اخاي يوسف
خديجة: (حاطة ليه صاك تماك) عفاك كول شي حاجة راني جبتلك غير شي حاجة خفيفة تقوت بيها (حرك راسو باه) كول باش تبقى موݣض اخويا..
أميمة: (طلعت لسطح كتسلت سولتها مها للي تماك، خرجت عينها فيها بعصبية)
بغيت نبقى وحدي ممنحقيش نبقى بوحدي نتفس شوية!!!
(ختها غير كتشوف فيها معاجبهاش الحال هوما وحزنانين على عمهم وختهم واالو بحال تقول كانت كتسنى هاد نهار!! حتى حزنها راه راجلها لقاوه مع وحدة ممقنعش عارفينها كتمووت على حمزة ولكن ختهم تبدلت بزاااف.. خلاوها باش متزيدش على نجية للي بقات فكوولشي خاسرة جوج وأعز جوج عندها نقزت لسطح حنان للي دايرة معاها تحل ليها باب سطح هبطت كانت الدار خاوية حيت عائلتها فدار نجية هبطو بجوج من بعد متلتمو بلتام مها وخرجوو من الدار ماشيين للتيرة فين علمت ادم لقاتو كيتسناها حيدت لتام... كتهضر بالزربة)
عطيني عطيني دغيا باش نمشي
ادم: (ببرود جبد تيليفونو صورها وهي مصدومة بغات تهرب وجهها وشدها من يدها بقوة)
أميمة: اااااااي طلق مني
ادم: (كمل تصوار على خاطرو، مد ليها جوا للي تافق معاها فيه) تجبديني فالهضرة نصيفطك عند عمك نيشان
أميمة: (بخوف) لا لا منهضرش
ادم: غير هضري انا مغتدي مني باش تنقي سنانك ولكن انا غندي منك غير متحاوليش!! (مشا خلاها وااقفة شافت داك جوا ويدها متقلة هزت كتافها ممسوقااش اش غيشدوها ولا تهضر راه هي للي ضحية فهادشي!!
رجعت عند حنان للي حاضية السيكتور وزربو راجعيين دخلت أميمة طواليط كتحسب لفلوس هوما هادوك عطاها 3 فاللول وزادها 3 هزت 5000 درهم وعطاتوو لحنان)
حنان: يا بسم الله
أميمة: هانتي تقولي رجعت فكلامي ولا شي حاجة مليون ونص شكون قال تشديها باردة هاكا
حنان: هه وييه، قوليلي شكون هداك؟!
أميمة: راجلي المستقبلي ههه
حنان: ههه بيناتنا مبقاش فيك حمزة كنعرفك كتبغييه
أميمة: (بقا فيها) اوا هو للي ضبر عليها اش داه يخوني
حنان: اشمن خيانة واش نكذبو الكذبة ونتيقوها
أميمة: مكنهضرش على دابا كنهضر على من شحال هادي
حنان: امم، شحال جاتك نتي دلفلوس ؟؟
أميمة: بحالك راه قسمتها معاك ولكن نسدو فامنا ومنبينوش علينا الفلوس حتى تبرد القضية وخبيهم مزيان
حنان: نتي قبيلة عيييت نغزك تسكتي تسكتي ونتي حليتي فمك مع ختها لكبيرة موليتيش شديتيه وعاد البرهوشة واش صورات ولا لا
أميمة: ما شعرتش باينة حتى هي غتحفرلي ولكن انا غندير دخلت فانهيار عصبي وماعرفت شنو نقول جوج دميعات نطلب سماحة قدام الناس ومريضنا معندو باس!!!
مريم: (ورات طبيبة الڤيديو وبقات كتبكي وتألم وتكتائب عطاتها تمشي لطبيب نفسي وكتبت ليها دوا على لحريق خرجت شادة فباها)
دابا هاد لخبيثة ابابا متكونش دار..
رشيد: صاااافي امريم دابا شوفي غير صحتك علاش مشيتي عند هاديك الهبيلة ݣاع تهضري
مريم: ممشيتش انا شفت غير مرت عمي للي جاتها النفس على ملاك ومشيت نفاك
رشيد: متمشيش متهضريش معاها واش حنا باغيين نفاكو المنامة ونتي ماشية تهضري معاها!!
مريم: (مبغاتش تزيد تعصبو عارفة باها كيتعصب من بعد كيتهدن، مشاو للدار دخلو الحومة كان صقيير)
بابا غنخليو ملاك بوحدها!؟
رشيد: (مجاوبهاش حل لباب بالساروت دارلها إشارة دخل وهو رجع لطموبيلتو مقادرش يدخل للدار)
~~~~~~~~~~~
أذن الفجر ملاك وهي مزال غير كتخمم وتفكر ناضت كطل على حمزة فهاد الظروف وعارفة راسها خسرت بزاااف ولكن مقدرتش تشفى فيه بلعكس حتى هي جاتها ذكريات مع باه قبل ميتسيف راه كان ظريف معاهم وكيعاملهم بحال بناتو قبل ميصدمووولدو وقالو بغيت نتزوج بملاك، حطت راسها بلاصتو كانت تحماق الا باها وقع ليه شي حاجة وهي هنا عاد الاحساس بالذنب!!!
ملاك: (وقفت شادة فدوك القضبان ديال الحيد كطل عليه) حمزة
حمزة: (هز راسو) رتاحي املاك غدا ان شاء الله نشوفو كنديرو
ملاك: البركة فراسك
حمزة: (زفر بقهرة) سمحيلي املاك
ملاك: شنو غنديرو؟!
حمزة: مزال الخبرة مزال الكاميرات غدا غتجي طبيبة (بحرقة ولبكية غالبة كلامو) خاصني ندفنو املاك ميمكنش نبقاو هنا
ملاك: (بقهرة) ميخليوكش تمشي؟؟ نتا ماشي مشدود على الحشيش ولا لقتيلة غير رغبهم غيخليوك
حمزة: (ها باش هي عندها مكانة خاصة، برغم ازمتها كتفكرلو ماشي حبا ولكن إنسانيا واخا هاد الإنسانية ديالها هي للي خلاتها هنا!!)
عطيتك عهد الله مغتبقاي هنا وحقك غنجيبو ليك
ملاك: (عينيها دمعو) وبابا؟!
حمزة: ندير جهدي كامل باش ترجعو كما كنتو وغترجعي للحومة وراسك مرفووع نتي مدرتي والو هادي اول حاجة حطيها فراسك وخليك تاايقة فراسك ماشي هادي للي غتهرسك بلعكس غتقويييك
ملاك: (حركت راسها باه مشات القنت جلست جا شي واحد خرج حمزة على للي فهمت يمشي يصلي هي كانت عارفة عليه مكيزݣلش الفجر مع باها وباه وجدها وعمها تفكرت اورطيغا مسخاتش بيه ولكن غيكون صافي كرهها، هو غير السلام مع حمزة كانت كتنوغشو اما دابا يكون كرهها!! واخا تمنات غير يجي يحيح يدير شي حاجة ولكن هاد الطريقة قاسحة للي هو صافي هز يدو عليها!!
بقا فيها راسها بزاف حيت تظلمت ظلم كبيييييييير وهادشي غيهرس كولشي وكل علاقاتها...
بقات هكاك راسها غيطرطق حطت راسها على الحيط مقدرتش تشرب حتى جغمة ديال لما كل تفكيرها كفاش غتخرج من هاد الحبس!!! الحبس للي عمرها فكرت شي نهار دخل ليه ولا جاتها حتى على البال ها هي فووسطو حتى البرد للي تماك خلاها باردة حتى من لدااااخل!!!! ولكن حمزة مرجعش واخا بدا صباح كيطلع!!)
حمزة توقع الشاف ديالو غيدير معاه المزيان باش يخرج لدفينة بقا فالمكتب شحال سنا ورقة عاد خلاوه يخرج مع دراري للي غيرافقوه بلا مينوط ركبو فلبارتنير داوه (لا موغ ) باش يشوف باه كانو عمامو وعائلتو تماك سلمو عليه عادي اصلا الراجل مكيتحاسبش على هادشي دالخيانة سوا ثبتت عليه ولا لا!!
واخا لي تخانت هي بنت عمو غير العائلة كاملة عارفة قصتهم وانه شحال من مرة بغا يطلق كيوقفولو هوما نيت عمو عنقو كيبكي على خوه وحتى هو مقدرش يشد راسو، دخل شافو قبل ميديروه فالصندوق طلب سماااحة وعطاه سمااحتو من قلبو واخا مجرووووح بزااااف ولكن كيقنع راسو بالسيف باش ميردش اللومة عليه حيت حتى هو طرف فهادشي!!
باسو فجبهتو ودموعو فراس نيفو دخلت مو كتبكي عنقااات حمزة وكتغرد زادت بقات فيه لمن غيخليها وهوما بجوج مشاااو باس راسها
نجية: مشاااا باك اولدي مشااااا
حمزة: (باس يدها) دعيلو بالرحمة أَمِّي وبشوية على صحيحتك
نجية: شنو غدير اولدي فهاد الموصيبة
حمزة: حضي غير ديك الكارثة متهربش متخافيش غنخرج اليوم!! شنو قال عمي رشيد؟؟
نجية: حالتهم اوليدي ولكن هوما للي واقفين على ݣنازة باك هو وخوتو الله يجازييهم بالخير
حمزة: بنتو راه معذبة بزاف تكرفست عليها ديك الموووسخة واش ملاك ديال لحباسات امي!!
نجية: شواتنا شواااتنا
حمزة: با مات بمسبتها والله متبقى فيها بغات غير تصيفطني الحبس انا نصيفطها فين صيفطات با
نجية: متقولش هكاك اولدي باك ربي بغااه ووصلت نوبتو (رجعت كتعنقو وهي مضروووورة غير كتبكي جا الوقت باش يخرج حمزة رجعوه لبارتنير على ميديو باه للجامع دالحومة يصليو عليه وصلو لتماك كيشوف رشيد للي كيشوف فيه شوفة غرق فراااسو تمنى يموووت ولا هاد النظرة منو!!
هبط حمزة دايرين بيه صحابو للي ملابسينش اللبسة باش يدخلو معاه الجامع صلا عليه صلاة الجناازة وهو كيبكي خرجو من تماك وكولشي ركبو ماشيين للمقبرة حضر لدفينة للي دفنو بيدو وتم ماشي وهو يوقف عم ملاك للي كيشوف فيه مخزز دفل على صندالة حمزة جا يبعدو البوليسي وحمزة شدو رشيد جر خوه كيعاتبو وحمزة غير متبع وشافو مشا مقهووور خارج من المقبرة وبين عينيه غير بنتو شي حاجة واحلة فحلقو مقادرش يخرجها ملاك عندها مكانة خاااصة من بين خوتها ودابا مشاااات، زفر وهو شاد فصدرو للي كيألمو ومشا لطموبيلتو كيشوف حمزة ركبووه ومشااو...)
خديجة: (فاقت بكري اصلا محلالهمش نعاس وامينة فديك الحال ناضت لطواليط كولشي مزال متكي، جالسة كتفكر فملاك شنو وقع وحتى مريم لبارح كتهضر معاها بغمووض ناضت من تماك مكملة روتينها هزت تيليفونها مشات لبالكو ديال الكوزينة قبل ميفيقو صونات على مها للي جاوبتها سدت باب البالكو عليها)
زهرة: (منعست مشافتو) ابنتي!!!
خديجة: ماما شنو وااقع عندكم فين ملاك علاش كتصوني تليفونها طافياه!!! مريم قالتلي منسولش عليها بزاف شنو واقع حتى بابا مكيجاوبنيش
زهرة: راكي بوحدك؟!
خديجة: اه غير قولي واش فرتكوها هي ومراد واخا ݣاع مو راه كتمووت الله ينجينا
زهرة: (بقات فيها صاحبتها) اويلي!!
خديجة: والله، راها كومة مسكينة وطبيب قال ليوسف غيشوفو الا مستاجباتش غدخل فشي حالة خايبة بزااف للي تاليتها موت على للي فهمت عندها شي نزيف فالراس
أمينة: لا حول ولا قوه الا بالله العلي العظيم (كتبكي) الله يا ربي خفف علينا حنا تحت رحمتك
خديجة: شنو واقع اماما؟! عفاك قوليلي
زهرة: ختك حتى هي تعداو عليها ابنتي ولسقولها تهمة راها فالكوميساريا
خديجة: اويلي اشمن تهمة؟!
زهرة: أميمة مرت حمزة معرفت كدارت ليها وحبستها مع حمزة وجابت ليهم البوليس (نفسها كيتقطع بلبكى) وكان تشوفي كيف خرجو لحبيبة ديالي من الدار وداوها البوليس
خديجة: اويلي!!!!
زهرة: (كتمسح دموعها) متبقايش تقولي اويلي، بنتي غيوقف معاها اللي خلقها هدا غير امتحان ليها لحبيبة ديالي الله ياخد حقها
خديجة: اوا؟!
زهرة: باك حلف لا تبعها لبارح وانا راني كنسايس معاه لبارح ناعس حدايا وهو كيبكي جدك مبغاش يسكت من نݣير مرت عمك مسكينة تفقست بزاف ومي حلو طلع ليها السكر راها فبيتها طايحة
خديجة: وشنو غنديرو؟!
زهرة: غتسكتي قدام ناسك بحال مقلت ليك والو حتى نشوفو شنو غدير ختك راه خرجت صباح دات ليها محامية
خديجة: واش نجي اماما؟! ميمكنش نخليوها بوحدها
زهرة: لا بنتي خليك تماك معندك فين تجي ولكن سدي فمك
خديجة: وعلاش هادشي كيتقال ملاك داك نهار قالتها هادي منوياليش على خير ومسمعها حد
زهرة: قالتلها لحبييييبة قالتها.....
خديجة: (قطعت مع مها منين سمعت الحس دارت تليفونها فجيب بينوارها وبقات كتشوف الجو خايب مرة مغيم مرة تخرج الشمس ولكن البرررررررد دق باب الزاج ديال البالكو ضارت لقاتو يوسف كيدير ليها إشارة باش دخل دخلت باسها فحنكها تبسمت)
يوسف: مالكي؟!
خديجة: واالو
يوسف: علاش جبتي هنا البرد عليك!!
خديجة: غير جيت وصافي الجو دغيا كيتقلب
يوسف: دخلي باش متمرضيش نمشيو عند طبيب ديالي ومن موراها نجيبك هنا ونلحق على اورطيغا
خديجة: نمشي معاك
يوسف: لا نتي خاصك الراحة من نهار حملتي مشفتك جالسة مرتاحة الا بغيتي اليوم نمشيو لداركم
خديجة: لا لا.. راك عارف الجو تماك والموت خاطري مغيكونش مرتاح تماك اكترية داك السيد كان عزيييز عندنا الله يرحمو مسكين
يوسف: اممم لا حول ولا قوه الا بالله العلي العظيم هو نيت للي مات ليهم حفيدهم
خديجة: اه مسكين.. فين غيثة؟! فاقت؟
يوسف: مزال مخرجت من لبيت انا نخرج نجيب شي حاجة لفطور تبغي شي حاجة
خديجة: (حركت راسها بلا اصلا مسقووظة تفكيرها فملاك جا ماشي وتم راجع عندها)
يوسف: شي خبار على ملاك!!
خديجة: فالدار!! واقلة مخاصمين وبابا راك عارف مغيخليهاش تجي لفاس
يوسف: داكشي للي قلت حتى انا مهم انا مشيت (مشا لبس جاكيط ديالو كيمشي غير بشوية مزال الدوخة والراس كيضروه الا جهد على راسو وعاد الهرس هي بقات غير واقفة صونات على مريم)
خديجة: فينك اصاحبتي واش مشيتي عند ملاك
مريم: (كتهضر بشوية) بلاتي شوية اخديجة انا عندها
خديجة: غير تكملي صوني علية راه غنحماق هنا..
مريم: (صونا عليها راجلها مجاوبتش كتسنى برا خرجت طبيبة من الغرفة ومشات عند البوليسية للي تماك واقفة) عفاك واخا نشوفها عفاك اختي (كانت رغبتها بزاف)
البوليسية: غير 5 دقايق اختي
مريم: الله يسهل عليك اختي الله يرحم ليك الواليدين (دخلت عندها لقاتها كتلبس حوايجها وكتبكي غير شافتها عنقتها)
صافي احبيبة دابا يفرج ربي
ملاك: (بقات غير كتبكي كتحس بحݣرة خاايبة اكترية داك التقلاب للي دارت ليها طبيبة اول مرة فحياتها تقلب والمشكل هنا تقلبت ليها العذرية من جوج جيهات كتمسح وججها وباينة عليها مفقوووسة ووجها شاااحب)
كيف بقات ماما وبابا
مريم: دابا فكري غير فراسك واش خاصك شي حاجة
ملاك: بابا شنو قال؟! انا عارفة ماما غتيق فية بابا للي شنو دار وشنو قال؟!
مريم: ملاك حبيبة دابا ديها فراسك
ملاك: (بحزن اكبر) يعني سخط علية (بتنهيدة) حتى خدمتي غيوقفوني هادشي للي قالتلي المحامية قبيلة
مريم: مسخط والو راه انا وياه صباح قلبنا على المحامية
ملاك: بالصح؟! ولكن مقلق !!!
مريم: شوفي متفكري فوالو دابا
ملاك: الله يهديك اختي راه كولشي ضاااع كولشي خسرتو كفاش منفكرش راه موتة دالكلاب حسن من هادشي للي كيوقع لية!!!
مريم: ومراد؟! فخبارك شنو وقعلو؟!
ملاك: (بخوف) شنو؟!
مريم: خالتي أمينة دارت كسيدة خايبة وراها كومة
ملاك: اويلي امتى!!
مريم: لبارح حتى هي, شي عين كانت تابعاكم بجوج يا ربي السلامة
ملاك: ودابا كيف بقات ناري غيحماق مسكين!! الا وقعت لمو شي حاجة وديك السيدة الله يعمر ليها الدار
مريم: حنا للي عاد عرفناها وقطعت لينا قلبنا الله يكون معاه ومعاك اختي (خرجو برا شافت حمزة دخلووه جات البوليسية دخلتها) متخافيش انا غير على برا مع المحامية
ملاك: صافي غير سيري وقولي لماما انا بيخير وحتى نتي سيري ترتاحي متهزووش همي (مع تنطقها بقات كتبكي دخلتها البوليسية بقات مريم غير كتبكي على ختها دخلت حمزة شافها كتبكي)
حمزة: سي طارق انا واخا نعرف المحضر يتكتب فيه دابا تافقنا انا ومرتي باش ندخلو ملاك للدار على اساس دايرة معايا ونديرو ليها القالب باش نظحكو عليها ولا شي حاجةا!! مهم هي مغتزيدش ليلة فالحبس وأصلا فين تقرير طبيبة؟!
ملاك: (شافت فيه كتمسح دموعها كان عامر تراب باينة من حالتو كانت فالقبور حنات عينها تفكيرها فموصيبتها وباها ومراد!!!)
جاو البوليس خداو تسجيلات الكاميرات للي فالحومة دق وواحد فباب أميمة عيطولها جات علمها باش تلحق عليهم للكوميساريا وعطاوها الاستدعاء وأكدو باش متسافرش حتى يقدموهم للمحكمة غير الا بغات تنازل حركت راسها باه وجاتها نجية
نجية: عفاك ابنتي سيري خرجي الولد يوقف على ݣنازة باه (بغات تبوس يدها) عفاااك ابنتي
أميمة: الا خرجتو غيقتلني واش مكتفهميش وحتى هاد البوليس علاش غيبغيوني نتنازل شي إن تماك!!!
نجية: ميقدش ابنتي مكاين لي يقرب ليك عطيتك عهد الله الا خرجتيه مغيقرب ليك
أميمة: اوا انا شنو غربح؟! شنو خارجلي من هادشي عارفاه غير غيخرج غيطلقني!!
نجية: (بقات كتشوف فيها) للي بغيتي ابنتي (خرجت زهرة وهي تشوف أميمة محست غير قصدتهها جراها من شعرها بلا متشعر)
زهرة: انا نوري لمك شنو هي اليهودية!!! انا تديري لبنتي هاكا وتفقسيلي بناااي (قبل متهبطها جاو لعيالات كيفااكو وهربو أميمة للي كتعاير وتسب من الصمطة لتحت كولهم ضربوها!!!)
زهرة: والله متبقى فيك يا الهبييلة حسابلك معندها عائلة والله يا الكلبة حتى الحبس للي بغيتي دخليلو بنتي غدخليلو نتي ولا انا ندخلو عليك غاااا صبري
(قدات حوايجها هازة راسها من حدا لعيالات للي جالسين فلكراسا)
غير للي موصلش لالاها ملاك حلت فيها فمها الله ياخد حقها من أي واحد طعن فيها ويبين فيه البرهان
(تمت ماشية وهي تلقاها وحدة من الجيران جات عندها بعصبية)
شنو!!!
الجارة: (جرتها مبعدة على الناس كتهضر بشوية) انا كنت خليت صاك بنتك وسطلها عندي فالدار خفت عليها وداك نهار منين بغيت نخرجو ديك لهبيلة بغات تبخ ريتها
زهرة: (بعصبية) عطيهملي، والله يرحم بيها الواليدين
الجارة: سولت الكسالة الحمام هاد صباح.. الحمام للي كانت فيه بنتك وكانت فيه حتى حنان (شيرت ليها لدارهم للي اونفاص معاها) ويمكن بحال والو صورتها وهي كتلبس
زهرة: حنان بنت حَدْهُمْ؟!
الجارة: هي ولكن اختي مقلتلك موالو
زهرة: هاي هاي دايرين على بنتي عصابة!!
الجارة: سيري سولي على بنتك متخليهاش تماك مظلومة
زهرة: الله يرحم بيها الواليدين
الجارة: اودي الظلم مكيبغيه حد
زهرة: كاين ربي... وبناء مدارتش معندها فين تخاف حقها يرجع يرجع...
الرئيس: (كيقرا المحضر وشهادة الطبية ديال ملاك للي تفلات كاملة من عنقها لتحت) جلس ابنتي
ملاك: (جلست طلب منها تعاود ليه كولشي ومتنسى حتى تفصيل حيت القضية مبقاتش غير خيانة زوجية) ...حتى دخلاتني وسدت لباب شي شوية جات جايبة البوليس بحال كانت عالماهم من قبل حيت معروف عندنا البوليس والوقاية كيجيو معطلين
طارق: (تبسم)
ملاك: احم لا زعما ماشي مكيديروش خدمتهم غير جات علية انا وجاتهم الروح الوطنية
حمزة: هه صافي املاك فهم.. سي طارق انا فقت دايخ ومعاقلش على راسي وبيت الواليد ماعمري نعست تماك علاش دابا غندخل ليه وانا عندي بيتي؟!! بيتي راه حداه تقريبا وأصلا مكنتش عوال نعس داير مع دراري نحركو شوية ولعبو كورة
ملاك: تكون عطاتك شي حاجة دنعاس فلغدا!! وحتى باك الله يرحمو قلت تغدا بكري ياك موالفين كتاكلو مجموعين
حمزة: ڤوالا حنا معروف فالدار كنجلسو مجموعين هو لي يشهد (بحيرة مخرج عينيه) مشا عند الله
الرئيس: الله يرحمو، خاصك دير تحليلة ديال الدم
ملاك: والتصويرة غتكون صوراتني حنان حيت هي للي كانت حدايا منين كنت كلبس حوايجي وأصلا كانت باغية تجبد معايا الهضرة وانا مبغيتش
حمزة: (كيشوفها صفرااا) انا مكيهمنيش حقي يرجع بكترة ميرجع لهاد بنت الناس..
ملاك: حتى نتا اخويا حمزة خاص حقك يرجع راه باك للي مات اه واميمة كانت كتهضر مع واحد البوليسية فاش جاو بحال زعما صحابات
طارق: (مخرج عينيه) شكون كان؟!
حمزة: (كيحاول يتفكر) معقلتش خاص نسولو دراري لي جاو انا كنت مرفووع (شاف فملاك) براڤو عليك..
~~~~~~~~~~~~~
اورطيغا: (مقدرش ينعس كيخاف ينعس وتفيق وهو ناعس ولا تحتاجو ولا العكس!! جغمة دلما هبطها من حلقو بالسيف.. جاه أبيل من عند شريف ان الحاج تزاد عليه الحال وغير كيهترف بسمية أمينة بقا فيه ولكن عقلو عااامر بمو هاد الساعة داوه هو المصحة فين موالف كيتعالج وهو بقا بووحدو كيتسنى شي معجزة من عند الله..
جات غيثة للي من 5 دصباح وهي معاه جابت ليه قهوة كحلة كفاش خلاوها دخل مفهمتش ولكن باينة ضارت فلوس)
غيثة سيري للدار
غيثة: منقدرش خاص نبقى هنا نخاف يرجع
اورطيغا: شكون؟
غيثة: للي بغا يقتلها واش مكتشوفش نتا فرمضان ودابا طاتي جاتك عادية!!
اورطيغا: (جا فبالو سعد دخلوه تناوي) عارفة نتي شي حاجة
غيثة: (خافت يمشي يتهور بقات غير كتشوف)نتا فين شاك؟!
اورطيغا: (هز حاجبو) فسعد !!!
غيثة: لا عمو سعد ميمكنش يدير هاكا
اورطيغا: امم.. (حرك راسو بأه جغم من القهوة خاصو يكمي يرد الراس شوية)
غيثة: فين ملاك؟! علاش مجاتش
اورطيغا: شنو بغيتي ملاك تجي تبات معايا اغيثة (ببرود) هي فدارهم
غيثة: لا انا غير سولت
اورطيغا : قلت ليك من شحال هادي متعاوديش تسولي هي متتخرجش فهاد الوقت!! مهم انا نخرج السرجم برا نكمي الا رجع طبيب عيطي لي!!!
خديجة: (خدات فطور لاورطيغا من بعد مفطرو هوما ومشاو طبيب ديال يوسف كانت حالتو في تحسن ومن تماك مشاو لصبيطار طلعو عندو نيشان حيت كانت وقت الزيارة لقاو غيثة تماك للي حسابلهم مشات عند مها صباح بكري)
غيثة: مقدرتش اخويا نعس بغيت نشوف غير طاتي بغيتها تفيق مزال صورتها وهي واقفة حدايا حتى شفتها بدماياتها مخلاتنيش نعس ولا رتاح
يوسف: (كيدابع بصباعو حنوكها) دابا تفيق ان شاء الله
خديجة: (حطت بانيي ديال لفطور فالشومبر للي كيعطيو لمراد يرتاح وفراشو ممقيوسش اذا منعسش) غيثة فطري راني جايبة بزايد فين مراد؟
غيثة: خرج تيكمي فالسرجم
خديجة: (مشات تشوفو لقاتو كيكمي بشوية وسااهي فسما) مراد.. اجي تفطر اخويا
اورطيغا: (لاح داك الݣارو بعيد جايبو فالحجر) علاش تتعذبو راسكم اختي
خديجة: مكاين بو عذاب كيف ب..(صونا تليفونها كانت مريم ضرووري تجاوب)
سمحلي نجاوب
(بعدت شوية وحيت الدنيا خاوية صوتها مسموع واخا كتهضر بشوية)
وي مريم امدرا!!
اورطيغا: (باغي يسمع بقا فالسرجم عاقد حواجبو وطااالق ودنيييه)
خديجة: صافي غتخرج!! الحمد لله يا سيدي ربي!!!
وعلاش اصلا خلاوها تبات؟!
يااك!! بنت الحرام دايرة عصابة عليها!!
صافي واخ..
بالصح!! ولكن هي غير مظلومة!؟!!
تجي عندي هنا ترتاح
صافي واخ.. بسلامة باشما جاوبيني انا كنتسناك
اورطيغا: (هو عارف شي حاجة ماشي هي هاديك ولكن!! عاود كيرد السيناريو كفاش عصابة وكفاش ملاك ومو فنهار واحد!! كفاش اقرب جوج دالناس على قلبو وقع ليهم هاكا فنفس نهار وفنفس الوقت تقريبا!!!)
خديجة: (بلا عقل مشات حدا يوسف مبغات تعاودلو والو حتى تبان براءة ختها)
~~~~~~~~~~~~~~
زهرة: (وصلت عند رشيد للي كيتسناها، كانت القهوة محلولة ولكن لعزو ديال صاحبو، تماك دايرين رجال ونسا فالدار طلعت للطموبيل شاعلة)
بنتك غتخرج حيت صدقو دايرين عليها عصابة
رشيد: شكون؟!
زهرة: أميمة وحنان وعلم الله شكون اخر ميمكنش هاد الطرنونات يديروها بووحدهم
رشيد: (مهضرش هو عارف مريم دات محامية ليها دابا وراه واقفة معاها حيت هو للي عطاها الفلوس وجاب نمرة المحامية شافتو ساكت ولكن حزن كبيير فعينو)
زهرة: بنتك راه مظلومة ارشيد واش غتسمح فيها وهي مظلومة؟!
رشيد: (شدو طريق لفاس) زهرة!! (سكت شحال) مكانش خاصها دخل لتماك كان عليها تجي عندي
زهرة: كتااابت شنو نسمحو فيها!!
رشيد: انا مقلتش نسمحو فيها غرجعو من عند السيدة ونمشيو عندها
زهرة: الحبيبة ديالي الا مكناش حنا معاها ربي راه وااقع معاها حسن منا ومن كولشي!!!
رشيد: زهرة يهديك الله
زهرة: امين يهدينا ويهديييك!! (شادين طريق لفاس كتعاود ليها شنو قالت ليها الجارة...)
ادم: (كان فدارو مخبي منين مزال مكيقلب عليه حتى واحد إذا غيثة مزال مهضرت واخا معندها حتى دليل الا مبغاش الاصابع تشير ليه..
دار اتصالاتو عرف أمينة مزال مماتت صونات عليه أميمة فالنمرة للي عاطيها قطع عليها وبلوكاها اخر همو دابا هي هادي للي شاد عليها بزاف دالادلة ميقدرش يغامر براسو الا مشدش على شي واحد واخا يكون صديقو شي دليل للي يخليه ديما داير احتياطو، وعاد حلها ساهل مغيحنش فيها..
صونا بريڤي على غيثة جاوبت بصوت مخنوق)
حبيبة تتبكي؟!
غيثة: (خرجت عينها وبعدت من حداهم) مزال عندك الوجه للي يصوني علية
ادم: علاش مكملتيش داكشي للي قلت ليك بغيتيني ندير داكشي باش واعدتك!!
غيثة: متقدر دير والو دابا حيت أنا غنفرش كولشي، صافي!!! بغيتي تشوهني للي بغيت ديرو ديرو مبقاش تيهمني الا جات شوهتي على حساب حياة الناس صافي غير شوه
ادم: متأكدة!!
غيثة: (قطعت وهي كترجف ميمكنش على اعصاب مركب فيها رجعت عند لوخرين)
اورطيغا: (تنوغش بزااف على ملاك وصل عمر ووفاء وخالتو معطاهمش وقت برااف تم هابط فدروج حتى كتبانلو زهرة ورشيد طالعين تصدم من وجودهم بقا وااقف كيشوف فيهم)
زهرة: (كسرت داك الصمت) ولدي كيف بقات أمينة!!
اورطيغا: راه.. اجيو معايا (تم راجع متوقعش نهائيا يجيو مشا داهم فين كاينة بقا رشيد برا حيت اورطيغا بين مو فالعناية ملبساش دخلت غير زهرة شافتها من الزاج وكانت حتى خالتو تماك بقات كتبكي، كولشي لبنات تجمعو عليها حيت سخفت مخرجينها هو غير كيشوف فيها ضارت عندو زهرة وهي مدمعة ولكن بلا غوات ونديب شدت فيدو وعينيه مضببين)
زهرة: (بصوت مخنوق وكيرجف بلبكى) ان شاء الله ختي أمينة غتبرا وترجع حسن من اللول حنا علينا بالدعاء اولدي ربي كبير وحنين وكيحن فينا هدا غير امتحان من عند الله اولدي (سالو دموعو) خليك قوي اولدي خاصها تفيق تلقى ولدها حداها فجنبها
اورطيغا: (مسح دموعوو مقادرش يهضر)
زهرة: غتبرا اولدي بجهد الله غتبرا وترجع لينا..
اورطيغا: (حرك راسو بأه كيحس بيها كتفهمو بزاف بقات كتهضر معاه تخفف عليه وهو مقادرش يخرج من حلقو حتى كلمة جات عندو خالتو كتعنقو طلقت منو زهرة.. بعد منها بشوية)
انا نمشي نقضي شي غرااض..
(خرج من تماك مخنوق ركب فطموبيلتو وشد طريق لصفرو..)
رشيد: (كان بوحدو وااقف حتى يوسف معطاهش صواابو اكترية منين كيسولو على ملاك وفين غابرة، صونا على مريم كيعرف الاخبار فين وصلو)
اوا وشنو دارو؟! راه عيطلي السيد للي خدام معاها
مريم: شنو قال؟!
رشيد: غادي توقف من الخدمة حتى تجيب برائتها من المحكمة وترجع تخدم
مريم: ولاد لحرام حتى هوما غيزيدو عليها
رشيد: وفين هي؟!
مريم: لداخل مع المحامية دخلو شي بوليسية كيتصنتو ليها و كيتسناو أميمة تجي ومن موراها غدير محضر ونمشيو للمحكمة باش ملاك ترد حقها هادشي داخلين فيه بزااف ابابا وحنان فاش مشاو عندها يعيطو ليها تجي ملقاوهاش كاينة
رشيد: يااك!! (تم جاي عندو شريف للي جا يسلم عليه) ياله ابنتي الله يعاون..
اهلا ولدي لباس عليك...
~~~~~~~~~~~~~~
أميمة: (عيطولها اتاني مرة باش تجي تعطي الإفادة ديالها ولكن خاافت وبغات تزيد تعطل وتخليهم يتعذبو كتر مشات عند حنان ملقلتهاش ختارت حتى هي تهز صاكها بقات بعبايتها الكحلة خرجت كتسلت وأصلا دايرة فيها مصدومة مكتبغي تهضر مع حد مشات للمحطة يديها لفاس باش تركب فتران تمشي لطنجة..)
~~~~~~~~~~~~~
اورطيغا: (مع دخل كتبانلو مريم مع شي وحدة غير شافتو تصدمت من وجودو هنا)
مريم: سمحيلي أستاذة واحد دقيقة.. (هو وقف وهي مشات عندو بلا مقدمات) شنو كدير هنا؟!
اورطيغا: (ببرود) كان جاني شي ميساج من ختك ودخلوني فيه تناوي مغتكونش هي للي كتباتو ولا حتى صيفطات التصويرة
مريم: راه بالصح ماشي هي !!!
اورطيغا: عارف، عارفها مغدير حتى حاجة من هادشي داكشي باش جيت الا كان غيفيدها هادشي
مريم: يعني نتا متيقها مظلومة!!
اورطيغا : لا هي ظاالمة حيت مشكلتي معاها هي ديك الدار للي من الأول دخلت ليها من بعد متيهمش علاش وكفاش من اللول كان شرطي الوحيد عليها هو تبعدو وهي ختارت تلوح هضرتي فأقرب زبالة ودخل
مريم: هي غير تزرفت بغات دير الخير
اورطيغا: ختي الله يحفظك.. (زعما سكتي) اشمن خيير اشمن خير غديرو فدوك ل(سكت) اش داها دخل لتماك!!
مريم: شوف دابا للي وقع هي تظلمت وبزاف تجي معايا (تبعها) هادي هي المحامية ديالها (هضر بأدب واخا كيبان معصب عاودلها الهضرة وكان هادشي فصالح ملاك للي وراها الميساج والتصويرة هوما كان غراضهم يشوفها)
المحامية: (كتشوف وقت اتصال أميمة البوليس مبيناتهم بزاف) يعني البوليس صونات عليهم قبل حتى متدخل عند حمزة بشي دقايق
اورطيغا: علاش هي دخلت عندو!!
مريم: لا زعما بغات تقصد ليك منين دخلت مع أميمة
المحامية: اه وحتى هو كان مخدر ومخلياه فلبيت (رجعت شافت فالتصويرة)
اورطيغا: ختي هاد التصويرة راه ميمكنش تبقى تضوور هاكا السيدة راه محجبة ووو مجاتش!! راه عمرها عرفات حتى ذراعها باش دابا يشوفوها المنواالة
المحامية: لا غادي تعطى للقاضي مغطية مغتكونش هاكا
مريم: كيف بقات خالتي أمينة
اورطيغا: (حرك راسو باشارة يعني باقية هي هي تم راجع فحالو مخلي النمرة المحامية منين تحتاجو يجي وهو طلع للطموبيل ديالو بقا فيها شي 5 دقايق بحال واحد مصدووم باغي يدخل يشوفها يسمع منها ولكن لا الوقت سامح لا هو مستاعد ستواجه معاها ويبقى مكالمي تظلمت اه ولكن مسمعتش لهضرتو!!!
تم شاد طريق لعند مو للي مخاصوش يخوي من حداها حتى دقيقة...)
مريم: (بقا غير ساهية باينة كيبغيها غير منين جا وهو فهاد الحالة لي كان باين عليه التعب بزااف وفنفس الوقت غاااضب، فنفسها) مزيان مشافتووش ملاك كانت غير غتزيد تأزم..
حمزة: (جا المحامي ديالو للي تسناو أميمة تجي منين مشاو قلبو عليها ملقاوهاش وحتى دارهم معندهم عليها حتى شي خبر)
إوا شنو غندير دابا غنبقى محبوس حتى تجي؟!
المحامي: حنا نتسناو نتيجة ديال التحاليل قربت توصل
حمزة: (شاف فالشاف) كولشي مخططة لييه
طارق: حاليا نتا غتوقف من الخدمة ولكن من حقك تابعها وانا معاك فأي حاجة بغيتها
حمزة: وحفصة!! شنو غندير معاها انا مغنسكتش على حقي واميمة مكانتش عندها صحابات بوليسيات
طارق: خاص مرتك تحضر
حمزة: (هو صافي قرر غيديميسيوني ولكن خاصو يجيب حقو منها او بالأحرى حق ملاك للي جالسة ولكن غير مصدوومة مخرجة عينها)
ملاك صاڤا!!
لا رد منها غير كتفكر وتخمم تحلل وتحاجي وتفصل...
(دخلت المحامية ديالها عطاتهم شنو جاب مراد للي الميساج جاه وملاك تليفونها كان عند أميمة وبشهادة البوليسي حيت زعما نسات ملاك تليفونها فالصاك دلحمام وفاش جات أميمة ولقات داكشي حدا لباب وهي عيطتلهم قارنو بين وقت الميساج وبين وقت فاش عيطت لبوليس لقاو من مورا فاش عيطت ب10 دقايق زاد هادشي أكد انهم غير متفاهمين عليهم وهنا غيخرجو بجوج بيهم... وغيتم استدعائهم الا كان شي جديد
~~~~~~~~~~~~~~
رشيد: (راجعين فطريق وزهرة كتبكي) دابا تفيق ان شاء الله ويكون خير
زهرة: (بقات فيها بزاف) تحلف ما هي للي مجبدة تماك مسيكينة وجهها غاابر ومهرسة الله ياخد فيه الحق هدا للي ضربها وهرب
رشيد: حتى ولدها هاكا وقعلو فرمضان!! شي واحد هدا للي تابعهم ولا مقصدهم ولا شي عصابة نييت
زهرة: ديني عند بنتي
رشيد: (هو كان ماشي اصلا لتماك نيشان للكوميساريا وقفو فباركينغ قطعت طريق لتماك كانت مريم واقفة شادة فجنابها) شنو دارو؟!
مريم: (فرحت منين جا باها) لقاو فالدم دحمزة عاطياه شي حاجة كدوخ بحال سيرو دنعاس
رشيد: وهي شنو كتقول؟!
مريم: ملاك؟!
رشيد: لا الجايحة دمرتو
مريم: عيطو ليها تجي مجاتش مشاو يجيبوها ملقاوهاش ودابا غيلونصيو بيها هربت بنت لحرام
رشيد: هربت!!
زهرة: يااااا ربي مع الڤيراج اللول يلقطووها وفين بنتي فين ملاك؟!
مريم: مزال لداخل حيت جا الوكيل وخاص يعطيو أقوالهم دابا باش يخرجو وعاد فيها شي بوليس حتى هوما عندهم يد القضية مرونة وخاص الكلبة تحضر باش يكملو الإجراءات دالبراءة
رشيد: (حرك راسو باه وبقاو كيتسنااو حتى شافوها خرجت هي وحمزة والمحامين غير شافت واليديها طلقت بكية بحال دراري صغاار للي كتغيب مو نهار كامل وكيضربوه غير كيشوفها كيبكي ويشكي ليها مشات عندها مها عنقتها)
زهرة: صافي احبيبتي محنة ودوووز مكتاب الله ابنتي والحمد لله على كولشي...
ملاك: (من بعد مسالات العناق مع مها شافت فباها للي داير يديه من مور ظهرو وحاني راسو مشات عندو وهي كتشهق بلا بكا)
بابا.. !!!
حمزة: (جا عندو) عمي ملاك مظلومة بزااف مسكينة من لبارح وهي مقهوورة كانت داخلة تعاون حتى طاح عليها باطل وباطل صعيب وقاااسح
رشيد: (شاف فبنتو للي بكترة القهرة كطلع ليها الردة شد فكتفها وهي ترما عليها عنقااتو كتبكي وهو كيطبطب عليها)
صافي براكة عليك ابنتي
زهرة ومريم كانو واقفين على اعصابهم مستريسيين خايفين من شي ردة فعل خايبة منو راه كان قال صافي معندو بنت سميتها ملاك ولكن زهرة عارفاه غير غيشوفها كيتطفى داك الغضب..
رشيد: علاش ابنتي دخلتي ديك الساع اجي عندي
ملاك: محستبليش كتكذب حتى فهادشي!!
رشيد: حقك دابا يرجع ابنتي..
طلعو ركبو ملاك كانت فيها السخفة من لبارح بحال هاد الوقيتة مكلات مشربت ولدابا مزال نفس الحالة غير للي تحسن ماشي خروجها من الحبس بكترة منين شافت باها ومها كيتسناوها.. (ركبو كاملين مع رشيد حمزة كيعاود لرشيد شنو وقع من اللول وملاك متكية فحضن مها مكتهضرش ولكن جاها نعااااس..
وصلو للحومة قلبها تقبض كتر كيهضرو معاها مكتجاوبش حط باها الطموبيل وخرجو هي مقادراش تهز راسها حتى شافت مرا هي بنتها كيشوفو فيها بصعوبة هزت راسها بشمووخ متبينش انكسارها بقاو كيشوفو حتى قلزت ليهم بصبعها ومغتجي غير فباها شافها دغيا جمعت يدها حنات راسها قلب وجهو تمو ماشين دازت من حدا طموبيلتها للي شي واحد خابشها بساروت ولا شي حاجة حادة مكتوب ق*** شافها غير حمزة وطمر بعد من حداهم مخليهم يمشيو بوحدهم وجودو معاهم غير كيزيد يضيعها، بقا واقف فراس الدرب وهي طلع معاه نسااا نسا فمرة انه غيدخل للدار ومغيلقاش باه للي غيعاتبو عاود علاش لاسق فملاك!!!
بحال تضرب بالضو كفاش قدر ينسى هادشي كفاش اصلا نسا راه بيدو دافن باه فصباح ونسا فالعشية انه مات!!!!
بقا غير كيضور عينيه بحال شي حمق حس براسو تزعزع فمخو كفاش قدر ينسى وعاد منين بدات الناس لي متلقاهمش فالمقبرة كيجيو يعزيو فيه!!! تلف معرف حتى شنو يقول وشنو يجاوب)
ملاك: (دخلت خايفة مرعوبة ضورت
رااسها لدار نجية للي عامرة عيالات من هنا خرجت لبارح مشوهة!! دغيا قلبت وجهها جات عندها مرت جدها كتعنق فيها وحتى مرت عمها للي دغيا دخلت معاها فالموضوع شنو دارو وكفاش ومعاااش ومريم عطاتها الخاطر كتشرح ليها مغتنساش كفاش وقفت مع براءة ختها قبل مدخل جات نجية لعندهم كتبكي للي لدابا زهرة معزاتهاش عنقت ملاك)
نجية: سمحيلي ابنتي سمحيلي ومسحيها فية سمحيييييلي انا للي خليت لفعة عندي عندي
ملاك: (غير ساكتة معندها متقول، عاد عزااتها زهرة ومريم معرفتش علاش كتحس موت اب حمزة كان بسباب هادشي حيت لدابا مفهمتش كفاش مات!! هاد قدرت تنطق)
البراكة فراسك اخالتي..
اورطيغا: (وصل لتماك عقلو كان مع ملاك وعلامة استفهام كفاش عصابة!!!!
طلع لقاهم كولهم مزال باقيين من غير زهرة ورشيد باينة غيكونو مشاو عند بنتهم جا عندو عمر كيهضرو حيت دابا طبيب دخل عندها لداخل، تسالات وقت الزيارة جاو باش يخرجوهم بقا غير هو للي مسموح ليه يبقى عيات ترغبو خالتو هو يمشي وهي تبقى مبغاش واخا دارت جست زوين ولادها وراجلها وبنتها ياسمين رجعو مشاو للسويد وهي أجلت سفرتها على حساب ختها)
غير سيري اخالتي نعطيكم الساروت سيرو للدار
خديجة: يمشيو معايا!؟
اورطيغا: للي بغيتو (مشا هو حدا لباب مخليهم كيتعارضو بينااهم، للي عندو مهم هو كيتسنى طبيب يخرج مشوش بزاف على مو وعندو تشويش اخر على ملاك اه هو عارفو ملعوب وزاد تأكد ولكن هي علاش من الأصل تدخل لتماك!!)
خديجة: (جا يوسف جايب غدا لاورطيغا للي مكلا والو من لبارح كما كيحطولو لبانيي كيردووها)
مراد غنرجع لعشية غلقاك واكل هادشي راه ميمكنش غتبقى عايش غير على القهوة والدخان!!
اورطيغا: ان شاء الله
خديجة: تبغي شي حاجة من حوايجك نجيبهالك
اورطيغا: بلا متعذبي راسك اختي
خديجة: مكاين بو عذاب راك خوويا قولي شنو تبغي؟!
اورطيغا: واالو.. (مقادرش يدير صواب يجمع يظحك يهضر عندو هم كبييير مخلي ملامح وجهو فقط تبين التوتر.. مشااو هوما وبقا جالس بوحدو خرج طبيب نفس الهضرة لي قال لبارح وعندهم أمل تفيق.. شوية كتبانلو غيثة جاية بحال هاربة ولا كانت مخبعة)
شنو تديري نتي هنا؟!
غيثة: بغيت نبقى معاكم
اورطيغا: (معندو خاطر) غيثة دابا غتمشي للدار ولا غنصوني على يوسف
غيثة: عفاك اورطيغا خليني هنا
اورطيغا: غيثة دابا غتمشي!!! (حنات راسها وتمت هابطة فدروج هو مباغي يعذب معاه حتى واحد براكة غير هادشي للي دارو كااافي وعاد مباغي حتى شي خلوة مع غيثة واخا فصبيطار.. بحالها بحال لوخرين تجي تزور دير صواب ولكن تبقى معاه لا!!!)
~~~~~~~~~~~
ادم: (جمع حوايجو جاتو زوينة منين طلبوه فالخدمة يرجع لفرنسا ونيت باش تكون حجة قوية ميتسماش هارب الا مثلا غيثة ولا شي واحد فرش بيه.. صونا على غيثة مجاوبتش هز التيليفون لاخر صيفط ليها ڤيديو وهي تصوني عليه)
ضرووري حتى نوريك شي حاجة احبيبة باش تجاوبي؟؟
غيثة: غير زيد صيفط ݣاع داكشي للي عندك باش نوريه البوليس
ادم: ههه نصيفطوه بعدا لالة الغالية ولا باباك حسن؟! (قطعت عليه وهو شد تاكسي نيشان للمطار قبل ميدخل عيطولو علموه بغاو من بعد سيمانة ماشي دابا بقا كيفكر اذا هدا دليل عليه وبكترة مموسوس كولشي كيضرب ليه لحساب فيجاس سيمانة وغيمشي على ميكمل شغلو للي بداه...)
ملاك: (تسلات من ديك جماعة وبغات تدخل غير لبيتها كان مسدود جا عندها أنير كيعيط ليها بحروف مخربيق ولكن ولفاتو وكتفهمو تبسمت ومشات هزاتو جات مها مدت ليها سوارت)
بغيت نعس اماما
زهرة: سيري احبيبتي انا نوجد ليك متاكلي، اري نشد عليك خوك
ملاك: لا لا غير خليه معايا
زهرة: تبغي دوشي؟!
ملاك: لا مافيهاش حتى نوض.. (مشات ملاك مدخلة معاها أنير دخلت لبيتها سدت لباب سالو دموعها توحشت اورطيغا بزااااف بغاتو هو يكون معاها فهاد اللحظة، ولكن شنو غتشكيلو وهو غيكون محاها من بااالو وفنفس الوقت بقى فيها حيت هو فمصيبة أكبر للي هي مو هوما ياله عرفوها وتلعقو بيها وحسبوها وحدة منهم وهو للي عندو غير هي!!
حطت حوايجها كاملين حتى من الملابس الداخلية بدلتهم وأنير كيغنغن كملت فرشت كواش ودخلت فنموسيتها جاي عندها أنير بقات كتبكي وهو شاد حنوكها كيشوفها حتى بقى كيبكي سكتت كتحاول تظحكو وهي بلا خاطر حتى حست بعينيها كيتغمضو مقدرتش تطفي الضو وغفاات وهو فحضنها حتى هو نعس...)
~~~~~~~~~~~~
يوسف: خديجة علاش ملاك مجاتش اليوم وحتى فاش كنصوني عليها نمرتها طافية!!!
خديجة: يمكن مخاصمين هي ومراد
يوسف: تتشوفيها منطقية يتخاصمو ومتجيش فهاد الظروف؟!!! لا لا ملاك متتفكرش هاكا !!
خديجة: راه حتى هوما تماك عندهم ݣنازة
يوسف: خديجة الله يهديك واش انا غنتيق هادشي
خديجة: وراه قلت ليك شنو كاين مخاصمين (مشات للكوزينة حتى سمعت الدقان) يوووووسف
يوسف: انا غنحل (حل لقا ختو) فين تتمشي نتي ياك قلتي غتسبقينا للدار شي نهار غتحمقيني تنعيى نحضي فيك وتلقى راسي محاضي والو
غيثة: (بعياء) غير مشيت خديت شي حاجة ديالي
يوسف: شنو هي؟
غيثة: يوسف خويا والله حتى عيانة بغيت غير ندخل نرتاح (بعد من طريقها دخلت نيشان للبيت قبل متسد لباب دخلت خديجة عندها وسدت لباب)
خديجة مالكي؟!
خديجة: نتي حاملة اغيثة!!
غيثة: لااااا اويلي واش حماقييتي!!!
خديجة: غيثة!! الا كانت شي حاجة قوليها باش نعرفوا شنو نديرو ماشي حتى تزيد تكبر كرشك
غيثة: (أمينة للي كانت غتعاونها راها بين الموت ولحيا شافت فيها بحزن وارتباك) اه (خديجة متصدمتش راه شحال وهي شاكة) شنو غنديرو؟؟
خديجة: يعني حاملة!!!
غيثة: (كتبكي وكتحرك راسها باه)
خديجة: من ادم؟؟
غيثة: معرفتش
خديجة: كفاش معرفتيش واش ادم ولا مراظ هو داك نهار كان كيتحلف ويقول مراد
غيثة: الاااااا ماشي اورطيغا، اما كنت مدروݣيا معارفاش حتى شكون ولكن انا للي تنعرف تنكون غير معاه هو انا اورطيغا مستحيل هو الشوفة وتيشوفنؤ بحال ختي والا بغاني راه كنت غنكون معاه بخاطري ميتسناش يدروݣيني
خديجة: اممم يعني هو، وهو ولد لحرام لاعب عليك وكيقول ماشي انا
غيثة: اه قالي ماشي انا وقال داير احتياطو تيدݣ شي شوكة من 6 شهور ل6 شهور ديال باش ميحملش
خديجة: وغتبقاي ساكتة!!!
غيثة: وشنو ندير؟!!! نقولها ليوسف للي رجع حالتو ولا ماما ولا بابا ولا أشرف راكي من العائلة وكولشي قدام عينيك اخديجة
خديجة: اوا
غيثة: معرفتش اختي شنو ندير حرت وتلفت
خديجة: شوفي نتي غلطتي وبزااف ولكن راه عندك عائلة خاصك تحماي بيهم باش على الاقل يجيبو ليك حقك علاش نتي للي تحملي المسؤولية بوحدك حتى هو خاص يتحمل معاك
غيثة: مبغيتش اصلا نتزوجو!!
خديجة: ولدك ولا بنتك من حقهم ياخدو اسم باهم خاص ضرووري تعلميهم اغيثة..
~~~~~~~~~~~~
حمزة؛ (مقدرش يدخل للدار بقا غير فراس الدرب ولدابا حتى واحد مسولو ولا هضر على الموضوع فقط كيعزيو داز من حداه عم ملاك للي خنزر فيه وزاد يعني ماشي كولشي متيق برائتهم وفعز حزنو كيفكر فتعاملهم مع ملاك كفاش غيكون!! جا عندو عمو اب أميمة وخرجو من حدا جماعة الناس مبعدين)
حمزة: شفتي اعمي شنو دارت أميمة
العم: دابا غير فين هي!
حمزة: معرفتش ولكن الا مجاتش هي غيجيبها البوليس راه دارت جريمة فحقي وفحق بنت الجيران للي ضيعتها وفحق با للي مات مشموووت ومغدووور حيت هي بغات تنتاقم وكان قالتلي بغات طلاق نطلقها ولكن باش دير هاد الفضيحة انا الا لقيت غير تزيد نغرقها غنغرقها!!!
العم: غدخل الحبس؟!
حمزة: عمي مغنكذبش عليك أميمة خشات راسها فحرب كبيرة راه بوليس وتصنتو عليهم هاد نهار وعاد كاميرات وشهود اش داها لهاد تبرهيش للي خرج علينا كامليين...
ملاك: (دخلت مريم جايبة ليها متاكل لقاتها ناعسة هي وأنير معانقين، صونا عليها راجلها خرجت من البيت بالزربة قبل متفيقها)
مريم: وي عبد العظيم!!
كفاش!!! ....
ملاك ها هي فالدار شنو كتخربق؟!..
كفاش الحبس والفساد واش مريض فمخك عارف فمك شنو كيخرج!!!...
لا لا هادشي بزاف نتا عارف مكنبغي حتى لواحد يهضر على خوتي بالخايب وعاد تجي منك!!!! دابا صافي منك لبابا (قطعت)
(رجع صونا عليها عارفاه غيلبدها)
وي!!
اوا نتا كتعصب باش تسولني شنو وقع كتقولي ختك خرجوها فساد بحال معارفش ملاك!!!!
أوا سييير تمشي قالك مكنسمعش!!
اممم سمع ختي تدار بيها ملعوب ودابا راه هي للي داعيااهم راه عصابة ولاد لحرام للي دارو ليها هكاك..
مرتو دابا هربت والبوليس كيقلب عليها هي وشي بنت الجيران اخرى...
حسابها راجلها تابع ملاك اوا منين عرفت خطوبتها قربت ناضت دارت هادشي ولقاوها لاعبة بالتيليفونات والكاميرات وحتى شي بوليسية معاوناها..
ااااااه اسيدي...
ها هي فالدار فين غتكون قالك الحبس!!!.. صافي بلا متجي..
انا مزال منجي نجلس شي يامات ونجي..
ياك العطلة قربت صافي جيبهم هنا
واخ.. (عوجت فمها) موبلغ (قطعت)
ولاد لحرام دغيا وصلوهالو شو شكون هدا لي وصلها للفران سخونة!!! (شافت عمها داخل شاااعل من الكلام للي كيتقال فالقهوة للي ردوها قاعة العزو، شاف فيها)
عم ملاك: فين ديك الكلبة!!
مريم: (طانزة) بنتك؟
عم ملاك: (بعصبية) ديال ختك!!!
مريم: علاش كتسول؟! وهي ماشي كلبة اااااا اعمي!!
عم ملاك: انا دير فية لكلام!!!
مريم: علاش هي فين قربت ليك ولا جبداتك باش دير فيك!! هادشي مقالوش حتى بابا باش تقولو نتا للي غير عمها
عم ملاك: وليتو كلمة بكلمة ابنات رشيد
مريم: اوا الساكت على حقو شيطان صمك علاش مندافعش على ختي!! ونتا عارفها مظلومة وهادشي يقدر يوقع لبنت اي واحد غير بنادم يطلب السلامة
عم ملاك: الهضرة مع باك
مريم: (قالتها بشوية) سير ت*** جري طوالك...
ملاك: (كانت فبيتها صااقرة نوضها الألم لي عندها فصدرها بقات غير صااقرة دابا تفكيرها السااااحق فمراد وشنو غيكون دار، واش خسراتو حتى هو واش غيتوادعوو ولا صافي ضرب عليها بلا حتى متشرح ليه ويفهمها؟!!!! حتى دخلت مريم)
مريم: الزين فقتي!!! صبري نجيب ليك شنو طيبت ليك ماما
ملاك: مقاداش ناكل اختي
مريم: ضروري تاكلي
ملاك: خلي بلاتي والله مقادرة داابا (كذبت) كليت شكلاط كان عندي هني وݣهمني بزااف
مريم: صافي واخ شوية ونجيبلك، حقا قبيلة فالكوميساريا جا مراد
ملاك: (قلبها زدح حتى تخلعت رجعت دغيا كتخلع وتخاااف) بالصح!!
مريم: اه جا باش يشهد معاك وجاب تيليفونو صدقت الكلبة مصيفطالو حتى هو ميساج وتصويرتك فالحمام على اساس نتي صيفطتيها لحمزة قبل كدخلي عندو راه فهادشي علاش عاودو تصنتو على ديك البوليسية غلود
ملاك: (ديك الوقيتة كانت مرفوعة) شاف التصويرة!!
مريم: عرفتي شنو قال المحامية قالها سترووها وقادو التصويرة ميمكنش وحدة متحجبة وتبقى تصويرتها كدور هاكا مسكين كبر فعيني مو فالموت وهو جا يقلب عليك
ملاك: (محست دموعها نزلو) وعلاش متسناش يشوفني ؟!
مريم: ششت براكة عليك من لبكى, نقولك الصراحة
ملاك: اه شنو قالك علية؟!
مريم: هو مقلق منك شوية حيت قالي كان نبهك متسلميش على حمزة ومدخليش لدارهم راه هادشي كامل للي وقع هو للي مقلق مننووهو حيت دخلتي للدار اما هو متيق برائتك بلعكس مجاش باش يسول كفاش وفين لا جا كيقول راه شي واحد للي صيفط من نمرتك فهمتي هو متيق نتي غير تلعب عليك
ملاك: (عندها احساس ان داكشي للي بيناتهم عمرو يرجع)
مريم: فاش كتفكري
ملاك: (مسحت دموعها) صافي مراد صافي انا للي عارفااه
مريم: يهديك الله، نتي اصلا مدرتي والو
ملاك: هو فعينيه غير حيت دخلت لديك الدار صافي انا غالطة، انا عارفاه هو من اللول كان كيقولي بعدي بعدي راه معندها معنى تقوليلهم حتى السلام وانا للي حمارة مسمعتلوش انا للي فية الفضول ندخل نشوف كفاش طاح
مريم: شوفي نتي غير بغيتي تعاوني
ملاك: علاش اصلا نعاون!!! منين كانو البوليس مخرجني بحال شي **** شكون عاوني!!!! اصلا شكون تبعني فداك الليل حتى واحد بحال بينت لدوك البوليس للي كانو كيطلعو فية ويهبطو بدوك الشوفات انني بالصح فااسدة!!!
مريم: ملاك اي واحد فينا فهاد العالم معرض باش يكون مظلووم، ونتي تظلمتي بزاف والحمد لله مطولتيش اما كاين للي كيمشي فالرجلين اختي وياما فالحبس كاينين مظلومين
ملاك: (حركت راسها بلا ممقتانعاش بكلام مريم) انا للي غلطت انا للي درتها لراسي!!
اورطيغا: (وصل الليل فين كيبقى بوحدو مخلاش خالتو وعمر يبقاو حيت معندهم ميديرو غير غيعياو وصافي وواعدهم غتكون شي حاجة غيعلمه،
جا عندو شريف جالس معاه مكيهضرش بزاف وحتى لاخر احتارم حزنو فقط بغا يكون معاه ميخليخش بوحدو وحتى هو تقسم بين اورطيغا وبين الحاج لي فالمصحة..
اول مرة مراد كيتسنى خديجة تجي حتى شوية بانت ليه جات هي ويوسف جايبة بانيي معاها)
يوسف: عييت معاها متجيش
اورطيغا: (حاول يبتاسم ووالو جات عندو متبسمة) شكراا اختي تتعذبي راسك معايا!
خديجة: هاد لحمق كيحساب ليه خوك بوحدو راه حتى انا خويا
اورطيغا: خديجة (وقف بعد وجات عندو لوخرين غير كيشوفو، دار يدو على جنابو كيهضر بشوية) شنو دارت ملاك؟!
خديجة: (بشوية جاوباتو) رجعت للدار ولوخرا لي دارت المشكل هربت
اورطيغا: اوا شنو غدير؟!
خديجة: واش نتوما مدابزين!! مكتهاضروش؟!
اورطيغا: جاوبيني اختي الله يحفظك, شنو غدير وحقها؟!
خديجة: على للي فهماتي مريم... شوف صبر نصوني على مريم هي غتفهمك مزيان... (حرك راسو بأه صونات جاوباتها)
مريم فينك..
مريم: (كتهضر بشوية حيت مشاو باش يعزيو الا ملاك)
انا فلعزو بغيتي شي حاجة؟!!
خديجة: مراد بغا يهضر معاك
مريم: صبري (خرجت برا ودخلت لدارهم لي لباب غير مردود) اه واخا
اورطيغا: (شد التيليفون مبعد) شنو غديرو دابا؟!
مريم: (دخل نيشان فالموضوع لا سلام لا والو) أميمة هربت وحتى وحدة هنا مشاركة معاها للي صورتها هربت، اوا غيتسناو شي ورقة من المحكمة باش يخرج قرار التوقيف ضدهم بجوج ونيت غيلونصيو بيهم فكولشي ويجيبوهم البوليس فينما كانو عاد يݣرو بشكون معاهم حيت بجوج ميمكنش يديرو هادشي هكاك!! هانتا غير صباح بانت بوليسية
اورطيغا ؛ البوليسية ساهلة تقول انا غير حاني ابيل
مريم: ولكن هي ماشي من فرقة الاتصال داكشي باش تصنتو ليها
اورطيغا: الا هربت ديك ال.. (شد لسانو ) الموسخة برا؟! كنعرف تكون دايرة شي كونترا شي تخربيقة
مريم: لا متقدرش حيت ديجا عليها قضية خاصها تكملها راه هي للي بداتها كانت ظالمة ولا مظلومة خاص تكملها وتعطي اقوالها.. والمحامية غتعيط ليك فأي وقت حيت شهادتك وداكشي للي عندك فالتيليفون مهم
اورطيغا: فوقما بغاتني نجي، ولكن انا هضرت مع واحد المحامي نمس فهادشي غيهبط يتعاون مع هاد المحامية
مريم: لهلا يخطيك اخويا
اورطيغا: فيها هي؟
مريم: فالدار ناعسة
اورطيغا: (حرك راسو باه زاافر) ...شكرا اختي
مريم: كيف بقات خالتي امينة؟!
اورطيغا: نطلبو ليها الشفاء.. بسلامة (عطا التيليفون لخديجة للي كملت الهضرة معاها)
خديجة: (مشات عندو) ختي غير تدارت بيها
اورطيغا: (حرك راسو باه) عارف (زفر) عاااارف.. (جبد ݣارو مشا بعييد كيكمي وهي رجعت حدا يوسف ضرو راسو يعرف شنو كاين!!!)
غيثة: (قتاتعت نسبيا بكلام خديجة وبقالها حل هي مها تسمع ليها وتلقى معاها حل وواعدتتها خديجة مغتسمحش فيها شنوما كانت ردة فعل مها وحتى يوسف خاص يعرف..
مشات لدارهم دخلت لقات الياقوت جايبة ولدها وجالسين فالصالة وكاين حتى اشرف ومرتو) احم سلام
الغالية: على سلامة الالة غيثة تفكرني عندك دار واليديك
غيثة: راكي شفتي شنو واقع اماما مع طاتي!!
الغالية: اوا وماماك للي كانت مريضة!!
غيثة: ماما طاتي أمينة راها فالموت وكان شفتي حالتها تبقى فيك
الغالية: امم اوا الله يشافيها ويعافيها مقلنشاااي العكس ولكن نتي اجي زورينا ولا ولفتي دار خاك
غيثة: والله ديك الدار تيديني ليها خديجة كتر من يوسف ههه (حتى واحد مظحد من غير مرت أشرف للي حتى هي بينها وبين خديجة غير الخير ماشي صحابات وماشي عدوات عادي..)
الغالية: متجيش تسلم على لالة الياقوت
غيثة: (من بعيد) ياقوت صاڤا!!
الياقوت: (وقفت) متجييش تبوسني وتبوسي ولد خاك سليمان
غيثة: واش هدا ولدك
الياقوت: ولد خااك (جات غيثة سلمت على الياقوت وعطاتها الولد تشدو، شداتو غيثة وجاها خووف راه بضع اشهر غتهز ولدها هاكا بقات كتشوف فيه رداتو ليها دغيا)
غيثة: مااا مـ... تنخاف على لوليدات صغار نقيسهم بالجهد ولا نضرهم
الياقوت: اممم.. (جلست) يوسف مزال مناوي يشوف ولدو؟!
غيثة: اختي داكشي ديالكم بيناتكم هو براسو مشطون هاد الايام مهم انا نطلع لفوق
(خاصها تهضر مع مها حتى كتشوف باها نازل تبسمت وسلمت عليه هبطها حيت توحشها هبطت معاه معاجبوش هاد الوضع ديال الياقوت جلسو مبعدين حتى جاها ميساج من عند ادم)
ادم: قالولي لاللة الغالية مزالة مريضة، بالصح؟! بغيت نجي نشووفكم
غيثة: (غوبشت ومجاوباش رجع جاها ميساج حلاتو كانو جوج ڤيديوهات واحد كتشطح فالديسكو ولاخر سااافل)
ادم: شكون عجبك فيهم احبيبة كتر باش نعطيه كادو لنسيبي (مصيفط سوايع ولكن هي فهمت كيدير هاكا باش ميخليش حتى دليل حتى سمعت تيليفون باها جاه ميساج طرطقت عينها ياله غيهزو وزربت هزاتو)
غيثة: بابا عفاك ابيل مزروب لخديجة كانت وصاتني مسكينة على نجيبلها مونغ تتوحم عليه ونسيت نقولها واش نجيبو دابا ولا لا!!! (حلت الميساج وهي تلقى نفس الڤيديوهات ديالها من ديك النمرة وصلو لباها!!!!)
خديجة: (شريف مشا عند اورطيغا ويوسف مشا عندها) ياكما عييت؟!
يوسف: شنو مخبية علية؟!
خديجة: والو!! علاش؟!
يوسف: شي حاجة عارفاها غير نتي واورطيغا شنو مخبية علية واش ملاك بيخير؟!
خديجة: بيخير الحمد الله راها غير ناعسة اما ندوزها ليك تهضر معاها فالتيليفون
يوسف: (بقا كيشوف فيها حاس كاينة شي ان) واش هوما مخاصمين؟
خديجة: معرفتش علاش ايوسف شاغل راسك بهادشي!! واش حنا دابا فملاك واورطيغا واش مصالحين؟!
يوسف: جوج تيبغيو بعضياتهم فهاد المصيبة تيكونو قراب
خديجة: راك عارف مع بابا متقدرش تجي
يوسف: عرفتي شنو انا غنهبط لصفرو غنسولها هي نيت حيت ملاك ميمكنش دوز شي واحد وحتى داك نهار ماماك غير جبدتها سولتها عليها بقات تتبكي، واش هي مزيانة؟!
خديجة: (بقات كتشوف فيه) لا.. طاحت فمشكل كبير لعبو عليها لعبة خااانزة
يوسف: شكون؟؟
خديجة: خلي حتى نمشيو للدار هنا مصالحش وراك شفتي مراد
يوسف: هو عندو علاقة بهادشي
خديجة: اودي العلاقة لي عندهم بجوج هو يفرقووهم وبانولي ربحو.. مهم حتى نمشيو (حرك راسو بأه وهو حاير شنو يكون وقع مع ملاك!!!!)
اورطيغا: (متبع الطاقم للي عاود دخل عند مو يشوفو حالتها وهو كيدعي)
يا ربي غير تخرج من هاد الكومة!!!
(خرج طبيب للأسف الوضع ديالها مزال هو هو ومخاصش تطول فيه زاد أزمو خديجة عياات معاه غير ياكل شي حاجة والو تعصب عليهم وبغا غير يبقى بوحدو ووالو مخلاوهش حتى كلا شوية من للي جابتلو وصل موعد انتهاء الزيارة خرجو وهو بقا تماك كيحس بوحدة خطييييييييرة عقلو مقسوم النصف لكبير لمو والنصف لاخر كيفكر فملاك...)
ملاك: (كانو العائلة مشاو يحضرو للعشا ديال اب حمزة بقا هي فبيتها مخليين معاها أنير حست بظلم كبير حيت مقادراش حتى تخرج من بيتها ماشي غير باب الدار مقادرة تشوف حتى واحد مقادرة لا تاكل لا تشرب لا تنعس حتى التنفس كيجيها تقييل جات مها كترغبها غير تاكل والو حتى باها للي كتحس بيه غضبان شوية ولكن بانت بقات فيه وكيواعدها كولشي يرجع كما كان مقنعهاش باش تاكل غير كتبكي ولا كتبقى تخمم وسااهية بحال شي وحدة بقات غير لكسدة والروح مشااات من عليها تيليفونها مزال مجابتو ليها المحامية شعلت الطابليط بغات غير تسلي راسها شوية حتى شافت أنير للي تجاهلاتو وقنط وهو كيلعب باللعاب وغير بوحدو مشا يخل لباب مقدرش وبقا كيعيط ليها مكتجاوبش حتى بقا كيبكي باش يتحلو لباب وهاد الصوت دارلها القنطة كتحس بيه داير ميكروفون حدا ودنها وكيغوت دارت يدها على ودنيها)
سكت سككككككككت (محدها كتغوت عليها وهو كيزيد يصغر بلبكى حتى غوتت عليه بصوت عااالي جااهلة)
سككككككككككككككككــ...ــت
(تدق لباب بالجهد فيقها وأنير كيشهق خاف منها وكيبكي ناضت حلت لباب لقات عمها)
عم: مال مك على هاد لغوات للي بديتيه لول لبارح باغية تكمليه دابا بحقلك
ملاك: شنو؟؟
العم: اري الولد هنا، مشوهة وباغية تزيد تشوهنا
ملاك: (غير كتشوفو هز أنير كيعنقو)
العم: احسن حاجة دارولك هاد لقبر هنا تغيري كمارتك علينا
ملاك: (كانت كتجاوب ودافع على راسها انا دابا لسانها كتحس بيه مربووط فقط دموعها للي كيهضرو ويعبرو على حالتها سدت لباب وهي كتشوف أنير كيشوف فيها بحزن بقات كتبكي بالشهقة طفات الضو ودخلت تحت كاشتها غير كتلوم فراسها علاش داك نهار سمعت لأميمة ودخلت معاها انا مكانش غيوقعلها حتى حاجة من هادشي.. حتى اورطيغا مكانش غيتخلى عليها تفكرااتو شحال كان كيواسيها دغيا ويظحكها شحال كان كيشد ليها الخاطر وباغي غير يشوفها كظحك كولشي مشا فرمشة عين وبقات بووحدها..)
اصبحنا واصبح الملك لله..
حمزة: (رجع للكوميساريا يشوف فين وصل داكشي ديال الكاميرات اما حتى التيليفونات مغيعتامدوش بزاف عليهم من غير الا جا خطيب ملاك شهد بنفسو فالمحكمة حيت ديجا هضر مع المحامية وغيطابقو وقت ميساج لي جاه مع الكاميرات امتى دخلت ملاك وعاد التصويرة للي مسصوراتش من تيليفونها)
الكاميرات كاملين للي فالحومة!
طارق: كاينة كاميرا ديال دار حداكم لقيناها خاسرة
حمزة: من امتى وهي خاسرة ؟!
طارق: عاد غيجاوبوني
حمزة: السيدة للي فالحمام تعطي حتى هي تسجيلات الكاميرا غتبين الوقت للي خرجت فيه ملاك ودخلت للدار والوقت للي عيطات فيه أميمة البوليس حيت مكملاش حتى 10 دقايق منين دخلاتها وجاو البوليس
طارق: (بقا كيفكر فكلامو)
حمزة: وهي منين مدايرة والو علاش غتهرب؟!
طارق: انا عارفك مظلوم نتا وديك البنت ولكن خاص كولشي يكون قانوني باش نتا وهي تاخدو حقكم منها راه حتى الخدمة بجوج توقفتو منها يعني غتربحوو من توقيفكم
حمزة: انا نكمل هاد روينة صافي غنحط لا ديميسيون
طارق: فكر مزيان
حمزة: صافي منين ولاو البرااهش داك نهار كيترطاو علية صافي
طارق: الا على حساب المينوط
حمزة: ماشي المينوط راه ساهل يجيو من الجهة الاخرى يجيو جوج دالناس يعلمو كنا غنجيو ماشي بالفضيحة والشوهة للي مشا فيها با حط راسك بلاصتي اسي طارق لبنت راه مرضت فراسها
طارق: فااهمك داكشي باش كنقولك خليلك وقت تفكر فيه مزيان..
~~~~~~~~~~~~~
غيثة: (مشا نعااس منين ادم وصل لنمرة ديال باها اذا ناوي عليها وعلم الله اشنو غيطلب منها هاد المرة!! خرجت من بيتها حتى كتشوف الياقوت دايرة من حداها ببيجامتها هازة بيبرو معاها فيها لحليب)
تتباتي هنا؟!
الياقوت: صباح الخير بعدا
غيثة: ياقوت واش تتباتي فبيت يوسف وخديجة ؟!
الياقوت: اه عائلتي قالولي سيري حتى يدير ليك الحل نبقى فالزنقة!! خاصو يدير حل راه ولدو هدا
غيثة: وشنو تتسناي يوسف يتزوج بيك؟!
الياقوت: (هزت كتفها بابتسامة شريرة ومشات كتعوج لبيت يوسف وسداتو من موراها مشات عند مها مدقتش لباب حلاتو عليها)
بنيتك جايباها الدار ساكنة معاك؟!
الغالية؛ مجبتش!!!! (سدت لباب كتهضر بشوية) حتى لقيتها جات كتبكي معرفت مندير
غيثة: هاكا غير ودعي ولدك اماما (حلت لباب وخرجت واش هادي للي غتلقالها حل وهي كتجري فخراب عش ولدها!!)
اورطيغا: (بقا على نفس الحالة لا ماكلة لا نعاس غير واقف كيتسنى حيت عندها الاطباء لداخل جات خالتو وعمر جا حتى الحاج برجلو وااخا مريض وشريف كولشي على أعصابو هو غير كيشوف، مبعد على جماعة ماشي كرها فيهم ولكن منين كيكون متوتر وخايف مكيبغيش يكون حدا الناس..
شاف غيثة جات وباها خرج طبيب زرب دغيا ماشي عندو نفس الهضرة مكاين حتى شي تحسن فحالتها..
زفر تعصب جاتو هاد الايام أعوااام ولكن كيستغفر الله باش مغيفقدش الأمل فربي وغيتفااائل،
جاه أبيل من عند شي نمرة مجاوبش صونات عليه خديجة جاوب بالزربة علماتو راه مريم للي كتصوني عليه رجع صونا عليها)
وي مريم!!
مريم: مراد كيف بقات خالتي امينة؟
اورطيغا: الحمدلله باقية عايشة
مريم: الله يشفيها اخويا.. عارفة ماشي وقت هادشي للي بغ..
اورطيغا: شي حاجة على ملاك؟! تبغي نجي؟!
مريم: اه بغاتك المحامية على حساب الميساج والتصويرة
اورطيغا: (شاف فالساعة فيدو) ساعة نكون عندك
مريم: صافي مزيان نتلقاو حدا المحكمة
اورطيغا: ان شاء الله.. (قطع مشا عند خالتو للي علمها غيمشي يقضي شي غراض ويجي، وصى عمر الا كانت شي حاجة يعلمو هبط تابعاه غيثة)
شنو اغيثة!!
غيثة: فين ماشي ؟!
اورطيغا: غيثة سيري للدار انا دابا خارج
غيثة: (هي خايفة من ادم واورطيغا احسن حامي ليها) صافي انا نتسناك هنا شوية وتجي خديجة ونيت نعلمك واش غتنشي دارك ترتاح!!؟؟؟
اورطيغا: (هبط ممجاوبهاش مشا لطموبيلتو ركب نيشان لدارو فالليدو مقادرش يمشي السعادة طرف راسو دغيا، حايد حوايجو للي عطاو بريحة لعرق ومن تماك شد طريق لصفرو وهو كيهضر مع عمر كل 10 دقايق كيسولو شنو الجديد!!)
ملاك: (عيطت ليها مريم علماتها مراد غيجي وعاودت ليها بالحرف شنو قال وكفاش، قلبها ضرب قطعت لدابا مخرجتش من بيتها من غير الا بغات تدخل طواليط حتى صلا رجعت كتعݣز عليها وهي للي مكانتش كدوز حتى شي ركعة جات عندها مها جايبة ليها مسمن بالشحمة داكشي للي كتبغي ووالو مبغاتش تاكل)
والله معندي الشهية اماما
زهرة: وشنو تاكلي احبيبتي
ملاك: ما فيهاش والله مقادراش على ليدام
زهرة: شنو بغيتي تاكلي
ملاك: خليني على خاطري اماما عفاك والله لبارح مريم بززات علية بقيت غير كنتقيا
زهرة: نجيبلك شوية ديال الديسير معندو ميديرلك...
مريم: (بقات هي والمحامية كيهضرو قدام المحكمة جا عندهم المحامي للي صيفط اورطيغا باش يعلون، لحق حمزة لي حتى هو كلف محامي باغي غير فين يغرق أميمة)
حمزة شنو درتي
حمزة: كنتسناو المذكرة تعطا باش يجيبوها سولو العائلة كاملة حتى واحد معندو
مريم: زعما متكونش غير هنا مخبعة ولا مشات غير لبلاد
حمزة: حتى تماك سولو.. وقلبت فحوايجها مكاين والو ، مشيتي لخدمة ملاك؟!
مريم: مشيت المدير مسكين مقال والو من غير كيطبق القانون ضروري خاصها تجيبلو ورقة من المحكمة على البراءة باش ترجع للخدمة ومن حقها حتى هي تابعهم
حمزة: مهم الطرد مكاينش؟!
مريم: لااااا لا لا مدايراش شي حاجة علاش تطرد راه غير مسألة وقت وصافي (شافت اورطيغا جاي شيراتلو ضار حمزة كيشوف فيه)
انا جاية.. (هبطت دروج بشوية شادة فكرشها ماشية عندو)
سمحلي بزااف كنصدعك معايا
اورطيغا: لا.. شنو درتو؟! (كيحاول ميشووفش فحمزة الا شاف فيه غيتقاتل معاه)
مريم: خاص داك الميساج والتصويرة يطابقوها مع الوقت المحاميين غتكلفو غير ضروري من شهااادتك زعما تكون حاضر
اورطيغا: (حرك راسو باه) صافي (جبد التيليفون عطاها ومشات عند المحامية عطا بظهر كيشوف شوية جات عندو)
فين ملاك؟!
مريم: فالدار
اورطيغا: شنو دارو معاها فالخدمة ؟؟
مريم: وقفوها مسكينة حتى تجيب ورقة من المحكمة بغيت نسولك ومتديهاش مني قلت صواب (حرك راسو باه) نتا متيقها؟!
اورطيغا: داك نهار قلت ليك شنو كاين اختي انا تاايق فييهاغير مان عليها ديك الدار تخطيها ماشي حيت كنت تنشك ولا شي حاجة ولكن معندها معنى تعاود تدخل تماك بغات تعاون غتعيط على باها اي واحد راجل يعاون واخا مفهمتش انا اصلا هي فيها جوج عضيمات لتر دم فاش مثلا غتعاون!!!
مريم: (ظحكها) هي مفكرتش فهادشي سمعت الراجل طايح ودخلت
اورطيغا : (حرك راسو بلا) اختي مريم المرة اللولة سلمت منين دارت بيها شكاية ودغيا تنازلت
(مريم طرطقت عينها محسابوش عارف)
المرة التانية مغنتيقش فواحد باغي غير يقلب على السبة باش يغرقني
مريم: شي مرات متنفكروش بعقلنا
اورطيغا: وهادي هي المشكل.. (صونا عمر جاوب) وي عمر شنو كاين!!..
كفاش!!!
واش ماتت؟!...
انا جاي انا جاي...
(تم ماشي بلا عقل ومريم تابعاه كتعيطلو ركب طموبيلتو وهي تابعاه حتى حلت لباب)
مريم: شنو واقع؟!
اورطيغا: خاص نرجع مرة أخرى ونعاود نجي عندك
مريم: صبر صبر نمشي معاك (مهضرش زاد فطريق هي صونات على المحامية عتاذرت منها هو صايݣ بلا عقل حتى شافها شدت فكرشها حيت تخبط فضوضان وهو ينقص شوية السرعة..)
غيثة: (جات خديجة ومشات عندها عاودت ليها كولشي شنو وقع ليها وحتى علا الياقوت) شنو غندير دابا!!!
خديجة: واش هاد مك حماقت؟!!
غيثة: (بخوف) تلفت تلفت حتى باش نمشي لشي بلاصة ونبعد مقدرتش عارفة راسي اخديجة منقدرش نعول على راسي
خديجة؛ بففف المشكل كفاش نوصلوها ليوسف خاصو يعرف اليوم قبل غدا قبل منوصل بطريقة أخرى ليه!!!! هداك مزال كيدور فالمغرب؟!
غيثة: انا قلت ليك مراقبني بحال والو داير شي كاميرا فالدار عندنا ولا باش عرفني جالسة مع بابا وبكل وقاحه مصيفط ليه لي ڤيديو!!
خديجة: ولد لحرام!!!
غيثة: (بقاو غير كيفكرو حتى بانت ليهم وفاء جات) انا جاية
خديجة: متخرجيش!!
غيثة: لا نمشي غير نجيب شي عصير دخت
خديجة: (جات عندها وفاء) فين نتي البنت
وفاء: فين ملاك عيت نصوني واش بدلت نمرتها؟!!
خديجة: ضاعلها التيليفون
وفاء: حتى خالتي زهرة مكتجاوبش واش مقلقين مني؟
خديجة: ألاااااا غير مشافتوش يمكن، كانت كنازة عندهم جيرانا مات باهم اوا تلهاو معاهم
وفاء: شكون؟!
خديجة: باين حمزة
وفاء: ايييه الله يرحمو ولكن كفاش ملاك مكيناش هنا؟!
خديجة: راكي عارفة بابا منين عرفهم بجوج وقربت خطوبتهم زير معاها ومكيخليهاش تخرج جاو غير نهار اللول
وفاء: (حركت راسها باه واخا عارفة ملاك سلايتية الا بغات تجي غتجي ولكن الا كان شي زياااار كتر راه مغتجيش!! بقاو كيهضرو وكيتسناو طبيب للي دخل ومعاودش خرج...)
وفاء: مسكيينة متستاهلش ولكن اش داها لتماك على للي فهمت هي كانت كتوجد الخطوبة
خديجة: حتى حنا معرفناش اودي غير تنوض دابا ومن بعد هي غتعاود لينا كولشي
...خرج عمر ومو مع طبيب مزال الحالة هي الحالة وديك الحالة فاش بدات كتزعزع كتوقع لأي واحد داخل الكومة وللي كيستعملو ليه أدوية الصرع باش كيخليوه يستاجب ويفيق.. مشا طبيب وهوما بقاو مجمعين كيتسناو اورطيغا حتى لحق ريتو غتسكت بكترة مجرا فهموه شنو وقع وانهم بداو معاها أودية باش تفيق مشا عند طبيب باش يشرحلو مزيان ويفهم عاد مريم وصلت كتلهت)
خديجة: مريم!!!
مريم: (كتلهت مشات عندها خديجة جرت ليها كرسي جلست كترد نفسها عاودات ليها شنو وقع وكانت حتى وفاء للي عاد فهمت شنو واقع مع ملاك وعذرت منين خديجة مقالت ليها والو..)
فينو مراد؟!
خديجة: مشا عند طبيب
مريم: وهي كيف بقات
وفاء: مانعين يدخلو ليها من غير ولدها مرة مرة كيطل عليها وخالتي نعيمة من مور الزاج اما حتى واحد مكيدخل عندها لداخل من غير طبيب...
ملاك: (سمعت لغوات برا عاود ودفيع الهضرة من جدها وعمها جات مها زادحة لباب عليهم جايبة ليها طبسيل ديال الديسير ودانون ومعصرة ليها كاس الليمون)
واش مبغاوش يبعدوني اماما؟!
زهرة: يمشيو يق**** ݣاع متديها فيهم قبيلة الهبل
ملاك: (تصدمت وظحكت اول مرة تشوف مها كتخسر الهضرة) ههه ضعتي الزعرة!!
زهرة: يكفرو للي ميكفر كولي ابنتي (صونا تليفونها كانت مريم) ياله كولي
ملاك: (هزت طرف الاجاص كتاكل وتسمع فهمت مريم ختها مشات مع مراد لفاس حيت مو وقعت ليها شي حاجة)
زهرة: (بخوف) وكيف راها؟!!...
... اوا الحمد لله, الله يشفيها يا ربي ويخليها لوليدها..
شفتو داك نهار قطعلي قلبي...
نشوف مع باك ابنتي..
صافي واخ.. وعبد العظيم؟!
صافي واخ.. (قطعت كتشوف فملاك للي كتشوف فيها بفضول)
من قبيلة هزيتي داك الطرف مكملتيهش!!!
ملاك: شنو وقع لخالتي امينة؟!
زهرة: خاص نمشي نشووفها (شافت فبنتها) نعطيك التيليفون تصوني على مراد؟!
ملاك: (بخوف حركت راسها بلا)
زهرة: الله يصفي قلووبكم غيمة وغدوز ابنتي
ملاك: مجاش لدابا اذا متايقش فية
زهرة: علاه الهبيلة للي مكيتيقش كيجي يشهد معاك ومخلي مو فصبيطار زعما راكي كطيريها من سما.. كولي داكشي نرجع ملقاش طرف باقي..
ملاك: (مها خلات التيليفون فوق كوافوزها وحتى هي منبهتهاش هزاتو بتردد دارت #31# ودارت نمرتو صونات مغمضة عينها مجاوبش رجعت صونات هي حسابها باقي غيطلع بريڤي عندو ولكن طلعت نمرة مها وحيت ديجا عندو ومقيدها جاوب)
اورطيغا: وي!!
ملاك: (قلبها ضرب ويدها بقاو كيرجفو حتى كرشها ضرااتها بقات ساكتة وحتى هو)
اورطيغا: (ماشي مها للي غتبقى ساكتة هاكا بقا غير داير التيليفون على ودنو باغي يسمعها!! حتى قطعت بقا شاد التيليفون باش تهضر وتشرح بقات غير ساكتة تفكر تيليفون مو لدابا مجابوش من الكوميساريا صونا على شريف للي عندو معارف تماك)
عشيري داك التيليفون ديال الوالدة لدابا مزال مجابوهلي..
اه بغيتو...
صافي اخاي..
لا مخااص واالوو..
الله يحفظك...
(قطع خديجة ومريم جاو ودعووه شكرهم على هاد الوقفة وهبطو عند يوسف لتحت للي مصر بزاااف يهبط لصفرو وغيشوف فاش يعاون ملاك!!!)
يوسف: (وصلو لصفرو كيشوف واحد كيستيكي فطموبيلة ديال ملاك) شنو واقع اخاي؟!
....: غير شي واحد كتب شي حاجة خايبة كنحيدها
يوسف: (حرك راسو بأه مشاو للحومة ودخلو للدار تحت ترحيبات الناس للي فيها دخلو جلسو) فين ملاك؟!
زهرة: (مدام جا الا رجع كولشي فخبارو) راها ناعسة فبيتها
خديجة: انا نمشي عندها
يوسف: انا نخرج عند عمي رشيد.. (خرجو هو وخديجة لوسط الدار) قولها بغيت نشوفها
خديجة: واخ ندخل نهضر معاها غير تبغي غنعلمك
(هو مشا للقهوة وهي دقت حتى حلت ملاك عنقتها وبقات كتشوف فيها مكملاش سيمانة باش متشاوفوش ملاك دغيا ضعافت ووجها شاااحب)
ملاك مالكي؟! مكتاكلي موالو!!
ملاك: غير مفياش وصافي
خديجة: شنو مافيكش! باغية تقتلي راسك!! راه هادشي للي بغاو يوصلو ليه
ملاك: راهم وصلو وفاتوها
خديجة: لا لا هادي ماشي ملاك للي كنعرف اويلي نوضي وتوݣضي اصاحبتي ونوضي نتفيلك شي وحدة ولا واحد
ملاك: ههه خديجة مغاديش تفهميني حيت داكشي للي دوزت داك نهار انا لدابا مزال ممتيقاهش!! أنا أنا!! للي دايرة حدود بيني وبين بزاف ومفتاخرة حيت صااينة راسي وعازااه يدارلي هاكا !!!!!
خديجة: هو امتحان من عند الله
ملاك: الا امتحان راه جاني صعييب ويمكن مقدرتش سقطت فيه حيت بالصح فشلت
خديجة: فترة ودوز
ملاك: عمرها دووز غادي تبصم علية بالعشرة واخا البوليس يجيبو بووق ويبرءوني صافي غتبقى علية خرجوني من عند حمزة بديك الشوهة!!
خديجة: حمار من اللول كان خاصو يوقف عند حدو
ملاك: انا وياه بحال بحال مظلومين ومشينا فالرجلين الخدمة خسرناها بجوج هو عاد خسر باه ومات مفقوس انا بابا كنحس بيه مراضيش واخا متأكد براءتي ولكن الهضرة اخديجة غتخليه ديما مريض فراسو!!
يوسف: (صونا عليه مراد منين عرفو مشا لصفرو) امدرا خاي مراد؟!
اورطيغا: مشيت عندهم للدار؟!
يوسف: اه ودابا فالقهوة
اورطيغا: مع باها؟!
يوسف: لا ملقيتوش هنا كاين غير عمها وصافي
اورطيغا: اممم
يوسف: سمعت شنو وقع لملاك معجبنيش هادشي للي دارو ليها السيدة منين جات مخرجت من بيتها مها تتبكي عليها متتاكل متتشرب
اورطيغا: علاش الباطل سااهل!! ولكن يحاولو معاها غير بشوية
يوسف: كنت بغيت نشوفها نهضر معاها شوية، ساعة سادة عليها
اورطيغا: خليوها ترتاح هي مباغاش للي يهضر معاها هي باغا ترتاح وتيق داكشي للي دازت منو (كيهضر مقهوور) غاتجيها قاسحة من بعد غتقسح راسها باش متعاوديش تدار بيها
يوسف: الا سمعت منك نتا هادشي حسن!!
اورطيغا: مباغيش نتحاك مع باها ولا نشوف داك ال**** تماك
يوسف: خليت خديجة كاينة معاها فبيتها
اورطيغا: اممم الا كانت شي حاجة علمني..
يوسف: (قطع معاه عارفو مقلق ولكن راه كيدافع عليها مفهم والو منو جا عندو عمها جلسو مجمعين كيتسناو رشيد)
~~~~~~~~~~~~~
خديجة: (عيات معاها تخرج عندهم يجلسو مجموعين مبغاتش خرجت وهي بقات غير كتخمم جا يوسف والو مبغاتش تخرج دارت راسها ناعسة تعشاو ومشاو وموضوعهم غير ملاك.. صونات عليها غيثة)
وي غيثة!!
حنا فطريق..
راكي فالدار مزيان!! حنا بقالنا شوية ونرجعو..
غيثة: (بقات غير جالسة صونا عليها اورطيغا جاوبت)
مراد!!
اورطيغا: نتي للي صونيتي على الوالدة تجي عندك؟!
غيثة: (بخوف) اه
اورطيغا: نمرتك مكيناش عندها فليزابيل !!!!!!!
غيثة: يمكن طلعت بريڤي!!
اورطيغا: لا مكيناش بريڤي كاين انا وخالتي زهرة ونمرة اخرى!! (فتاها عليها) نمرتك هادي اغيثة!!
غيثة: اه... دابا هو.. انا عندي جوج نوامر يمكن لابيل دازت من النمرة التانية مرديتش البال!!
اورطيغا: وشنو بغيتيها وعلاش مرجان اصلا علاش من مور مرجان!!
غيثة: (كتمشي وتجي فلبيت وتنش على راسها مبغاتش تكذب عليه ولكن شكون غيفهمها) غير بغينا نهضرو عادي وصافي بحال أي مرة تلاقينا
اورطيغا: كفاش بغيتو تهضرو عادي (شك فهادشي) البوليس شكو فأخر نمرة وغدا قالي واحد غيجيبو التسجيل دلابيل
غيثة: (خافت) انا قلتلها غير نهضرو علاش زعما البوليس غيشك فية
اورطيغا: غيثة قوليلي شي حاجة انا معارفهاش، تنعرف الوالدة عزيزة عندك بزاف خاصنا نتعاونو كما قلتي انا فرمضان وهي دابا !!
غيثة: تتشك فية امراد؟!
اورطيغا: واش حمقة راك نتي للي عتقتيها علاش غنشك انا بغيتك غير تعاونيني
غيثة: انا معارفة والو كنا تنهضرو حتى جات التاكسي قاصدانا وكان ملتم
اورطيغا: (ديك ملتم هي للي مخلياها جريمة كتر متكون حادث بدون قصد حتى الكاميرا شادة من لبعد ولكن مباين والو ولكن علاش اصلا يتلقاو تماك) علاش اصلا تلقاو تماك!!
غيثة: حيت أنا كنت فمرجان وصافي مالقينا راسنا غير ماشيين من تماك
اورطيغا: (غيبقى معاها كل مرة حتى يجبد منها الهضرة)
واخا أغيثة انا من بعد ونهضر معاك..
(قطع كيشوف فتيليفون مو للي مهرس من الزاجة وشوية من لتحت تخيلها وهي خايفة من الموت والتاكسي قاصداها تخيل بزاف دلحوايج للي خلاتو شاااعل وكيتحلف الا طاح فيه يقتلو بلا ميفكر جوج مرات وللي يوقع يوقع!!
فكر شحاااال!!! راس كيقولو غير يمشي لملاك ولكن فهاد الوضع غيزيد غير ما عليها، صونا على زهرة جاوباتو مخلوعة)
لا مواقع والو بغيت، خالتي زهرة بغيت نهضر مع ملاك واحد دقيقة
زهرة: (خافت كتر يزيد يكمل عليها) ولدي هي فواحد الحالة!!
اورطيغا: عفاك اخالتي زهرة مغنطولش عليها كنت بغيت نجي نشوفها ولكن..
زهرة: واخ (مشات دقت بابها حتى حلت ليها مدت ليها التيليفون)
مراد بغا يهضر معاك
ملاك: (شدت التيليفون وهي كترعد وكتسرط فريقها، مها مشات سدت لباب وحطت التيليفون على ودنيها مقادراش تواجهو ولا تسمع منو شي حاجة تزيد تهرسها)
اورطيغا: (بقات ساكتة هو نطق) ملاك!!!!
يتبع...
التعليقات
لا توجد تعليقات بعد، كن أول من يعلق.