محتوى القصة
ملاك: (بقات بوحدها حتى هاد نهار سادة عليها كتسمع الحركة فوسط الدار مها جات عندها تصيفطها لكوافورة تدور بحالتها مبغاتش رفضت بحجة راها مقادة،
بقا فيها الحال بزاااف من جيهتو حتى منين صونا وهضر مع مها يعاود يصوني عليها ويقول ها متعاوديش تقولي لفراق مهم يحسسها بأهميتها عندو!! تلفها راس كيقول غير تمشي لشي مدينة ولا تمشي عند ختها مريم مهم مغترضاش بهاد التعامل..)
~~~~~~~~~~
حمزة: (مبغاش يدي ليلا للدار واخا شحال لمحت ليها هضرة اورطيغا كدور فراسو القانون ماشي غير دقة دقة وهوما للي واكلينها وظهور ادم داير ليهم ستريس كيتسناو غير الدقة منين تجيهم!! ها التاكسي بان وباغي غير يديوها ليها الفحص وياخدو كولشي منها قانوني مبغاوش حيت مكاين حتى دليل ومولاها لي خاصو يتشكى ولا لي تضربت!!)
ليلا: حمزة!!!
حمزة: نعااااام!!!
ليلا: تتبان معصب بزااف
حمزة: غير مع شي خدمة.. قبيلة فاش هضرت معاك كنتي مع خوك؟!
ليلا: اه قولي مالك تتبان معصب شي حاجة اكتر من الخدمة
حمزة: لا.. غير الخدمة!! (مقالتش ليه شنو دار ادم حدها قالت غيبين لكولشي ان الولد ماشي ولدو وهو لي مظلوم وغيخليهم يطلبووووه ويرغبوووه) فين نوصلك؟!
ليلا: ياك غنبقاو هاد نهار كامل مع بعضياتنا؟!
حمزة: نكمل شي حاجة ونصوني عليك الا كنتي غتمشي عند خوك علميني باش نجي ناخدك من تماك
ليلا: لا هو اصلا سمعتو غيسافر مع صحابو غيكونو دابا فطريق
حمزة: (فكر) امم ااه.. (وقف حدا واحد المحال) معليش ليلا دخلي تجيبيلي ݣارو ملقيتش فين نسطاسيوني وباغيييه
ليلا: (حركت راسها باه هزت صاكها وهو يخطفو ليها ومد ليها لفلوس) ألااا!!
حمزة: براكة غير سخرتك!! (شدات من عندو فلوس مع دخلت قلب صاكها هز سوارت ديالها كاملين لقا عندها حتى بروطيكس سد الصاك وحطو فكرسيها تمت جاية طلعت ردت الفلوس فالقجر ديالو بقا كيكمي ويكذب عليها فالخدمة وعلى المشاكل وصلها لعند شي صاحبتها ودار معاها فالليل غيصوني عليها توادع معاها صونا على يوسف باش يصيفط ليه نمرة اورطيغا مع صيفطها صونا عليه)
انا حمزة..
عندي سوارت دار ادم وهو مكاينش ففاس هاد الليلة..
حتى انا تلقاني تماك!!!.. (لقاه واجد مشا مكسيري نيشان لتماك...)
اورطيغا: (بقا قاني على العمارة للي حدا العمارة فين ساكن ادم مع تحل لباب نزل كاسكيط على راسو ومشا دخل قبل ميتسد لباب مبغاش يمشي للمصعد ممكن يكون كاميرات طلع فدروج حتى الطبقة السادسة اخر ايطاج حل باب سطح كما متوقع الحيط قصير لي فاصل بين العمارات ولكن لسوء حظ ديالو باب سطح لاخر مسدود.. صونا على حمزة لقاه ياله وصل للشارع)
طلع حلي باب سطح..
(بقا تماك كيتسنى حتى تحل لباب نزلو بجوج فدرووج وصلو حدا الدار شافو فلكولوار مكاينش كاميرات بقا حمزة كيقلب فسوارت ويجرب حتى طاح على ديال لباب دخلو بجوج سدو لباب كل واحد فين دخل كيقلب.. مراد لقا فلمجورة بزاف التيليفونات هزهم كاملين داز حتى على لبيسي هزو)
حمزة: غتاخدهم؟!
اورطيغا: الا كان فيه تناوي ودغل معندو ميصور من عندنا وغيكون هاد **** بالكود خاص نفتحوه ونقلبو فيه مزيان الا مكان فيه والو غنكون قو**ها
حمزة: مالقيت حتى شي وراق!!
اورطيغا: نقلبو على لحوايج الا كان مخليهم هنا الحوايج لي ضرباتو غيثة فيهم
حمزة: معندهم باش يفيدونا حتى ولقاوهم تقدر تكون شي حاجة لي تجرها حتى هي ويكون دمها حيت حتى هي تضربت
اورطيغا: (حل الماريو ديالو كان مستتف عاد فيه حوايجو هز صاك صغير حلو كيبان ليه باسبور حمر هزو دارو فجيبو اللوراني حمزة غير كيشوف الطريقة باش اورطيغا كيهز بحال شي شفار قديييم فالحرفة هزلو وريقات ديالو شاف فيه)
بعدا نشدووه هناا
حمزة: (حرك راسو بأه سدو الباب ومسحو أي حاجة قاسوها من البصمات خرجو من تماك بجوجهم طلعو لسطح وهبطو من العمارة التالتة حيت لي طلع منها اورطيغا لقاوها باب سطحها تسد جبدو ݣارو كيكميو بجوج)
كتعرف شي واحد يحل هادشي؟!
اورطيغا: وحدييين هوما
حمزة: ثقة!!
اورطيغا: علاش تتسول؟!
حمزة: حيت مصور غيثة!! (طيرها لاخر فسما) خاص نوقفو عليها غير يحل لي كووود وحنا ناخدو شنو بغينا (لاخر حرك راسو بأه....)
اورطيغا: (حمزة رجع لصفرو وهو مشا للرياض باش يجيب مو دازو عند محال خاص بلكادويات خداو الهدايا للي تقادو وعطاوهلو يديزاينيهم بشكل لايق لعروسة دارهم فالكوفر جاه ميساج من عند ملاك عارف غتلوح شي قنبولة عااود)
ملاك: "لقا شي سبة غدا متجيش انا ميمكنش نتزوج هاكا"
اورطيغا: (حرك راسو بلا حولة وقال) هادي هي خليني نضربك ولا نبكي!!
(رد التيليفون فجيبو سد الكوفر مشا جلس حدا مو لي من دابا تابخة ليه راسو بالعرس وفين يدار وشكون تعرض وعاد كتمهد ليه غتعرض شي عائلة بقات معاهم على تواصل من ݣرسيف)
أمينة: هوما شمتو فية نهار جراو علية وانا غنورييهم الخير والعز للي ولدي معيشني فيه!!
اورطيغا: نتي نهار لكسيدة معاقلة على والو ؟!!
أمينة: بحالاش؟!
اورطيغا: التاكسي لي ضرباتك
أمينة: التاكسي ضرباتني وانا عاطياها بظهر اولدي علاش راك تسول؟!
اورطيغا: يمكن بانت ديك التاكسي
أمينة: بلحݣ!!! وفين بانت واش عرفو داك الجغديد هو سباب!!
اورطيغا: لا مزال الا شدو التاكسي وقلبوها غيجبدوووه ولكن قرييب يتعرف
أمينة: ولدي هااااا العااار بعد من هاداك الكلب!!
اورطيغا: انا مبعــــــــ........ــــد!!! انا غير للي سمعتو قلتو ليك وصافي..
(طلعو للدار وطلع غير شي حاجة لي خاص دخل للثلاجة هي دخلت لبيتها ترتاح وحتى هو جلس فوق نموسيتو جبد التيليفونات وبقا كيتفرج فالڤيديوهات للي مصور حتى وصل لڤيديوهات غيثة مينكرش داكشي مرضو فصحتو واكترية حاسب غيثة ختو للي ايجابي شوية فهاد الڤيديوهات بيدايتهم ونهايتهم حيت باقيين عندو لي بلا مونطاج للي كيبين انه كيجربها وعاد الضرب لي كيضربها والتهديد ونهار حطها حدا دارو باش تمشي عند اورطيغا!! عاد منين كيعطيها لادروووغ!!
كره راسو بهادشي وندم على نهار لي تبع فيه ليلا لسطح!!! خرج من داكشي لايح التيليفون فوق الكوافوز وبقا كيشوووف فسقف واش لهاد الدرجة الواحد مريض هاكا!! تمنى وكان جات فيه هو الضربة ومتجيش فهاد تلاتة ملاك ومو وغيثة!!)
~~~~~~~~~~~
حمزة: (عيا كيصوني على غيثة مكتجاوبش كتب ليها ميساج)
""غيثة صاڤا؟ كيف بقا محمد؟""
غيثة: (تفقست حيت مبغاش يخرج ليها الحليب يعني مضطرة تعطيه حليب فرماسيان بدلات ليه ليكوش وكل شوية كتلبس لبيسة فرحانة بيه وفرحانة بلحويجات للي شرالها يوسف حطاتو فوق النموسية منعساااه شافت ميساجو وقلبت التيليفون)
خليك مع ديك المدودة غير فاللول مراد ودابا حمزة!!
(تفكرت انه كان خاطب ملاك للي نكرات انها كانت بيناتهم شي حاجة.. تسائلت هو كيشوفها ديما زعما معندو حتى شي احساس ليها!! رجع صونا ابيل ڤيديو مقدرتش متجاوبوش جاوبت ممبيناش وجهها)
عارفاك باغي تشوف محمد (قلبت الكاميرا ليه) ها هو
حمزة: (تبسم شاف فيه) بوݣوص مع راسو كيشبه لماماه!!!
غيثة: (تبسمت بقات ساكتة مخلياه كيهضر معاه حتى ولدها نعس...) حمزة انا غنعس محدو ناعس حيت غيفيق بلاتي يبغي يرضع
حمزة: كيرضع طبيعي؟!
غيثة: لا.. فرماسيان
حمزة: حاولي معاه يرضع من البز**
غيثة: (خرجت عينها حشمانة) احم مفيااش الحليب...
حمزة: تبقاي تجربي حتى يخرج ليك لحليب
غيثة: (حساتو موضوع محرج وكفاش هاد تجرب!!!) مبغاش احمزة!! ياااااااء
حمزة: وضوري الماميرا نشووفك ونهضرو مقااد
غيثة: (بلا متحس) مدايراش درتي!!
حمزة: (عجبو الحال خدات الدرة بجدية) ديريها ولبسي مزيان نتسناك!!
غيثة: علاش ليلا مخليالك الوقت فين تهضر على خاطرك معايا بعدا؟!
حمزة: (تبسم) وباااني خلاص اغيثة
غيثة: واش فخبارك راه بسباب هاد ليلا مراد كان غيموت منين باها صيفطلو رجال يضربوه!
حمزة: انا بغيت نهضر معاك نتي وعليك نتي خلينا من شي ليلا ولا شي مراد.. ياله انا كنتسناك
غيثة: (ناضت لبست عباية ولات شال عليها دازت حدا لمرايا رجعت دغيا قدات راسها شوية عاد قلبت الكاميرا كيهضرو...)
وي!!
حمزة: دابا نختم نهاري مزيااان....
~~~~~~~~~~~~
أصبحنا وأصبح الملك لله..
ملاك: (منعستش فخاطرها بايتة كتقلب وتأفأف بقات فبلاصتها كتخمم شنو دير راس كيقول ليها باها ومها غيسامحوها الا مشات هربت واحد اليوماين دارت زبايل كتر من هادشي وسامحوها حتى دابا غيسامحو عادي..
ناضت كتجر رجليها هزت صويك دارت فيه بوركيني وهو يجي فبالها هو وشكون غيرو وهو اصلا مكيغيييبش على بالها هو لي كان شرالها ݣاع داكشي ديال البحر العام للي فات زاد بقا الحال حتى بقات كتبكي..
جمعت حوايج دارت جوج كسيوات ملابس داخلية مغتحتاجش بزااف للي بغاتو غتشريه والوجهة غتكون للشمال نيشان اي مدينة بانت ليها غتجلس فيها.. بقات غير كتنهد وقلبها كيتقطع ممقتانعاش كما موالفة ولكن هاكا كتشوف احسن.. كتسمع قوة الحركة اكيد ناضو يوجدو كفاش غتواجه مها وباها!! غيسميوها غير قلة العقل وحتى واحد مغيفهمها!!
الخل لي بقالها معاه هو تهرب حيت مغيخليوهاش تمشي وفنفس الوقت مبغاتش تحطهم فموقف خاايب ومنين مردش عليها مراد لبارح كاين احتمال مغيجيش عارفاه نفسو خااايبة وصيفطات ليه رابع ميساج كطلب منو ميجيش حيت هي مغتقبلش بيه!!..
طلت من السرجم لي كيطل على وسط الدار كان جدها وعمامها كيفطرو وكيهضرو مكاينش باها حيت سمعات زهرة كتقولو يمشي يجيب السخرة!! مشات بالزربة لبست حوايجها قلبها كيزدح قررت تسافر يعني غتسافر ومتحملة العواقب لي جاية!!!)
اورطيغا: (لبس تيشورت بولو مع سروال بيج قاد حالتو كان مشا عند الحلاق مشا جاب طموبيلتو من لاڤاج لقا مو لابسة مقادة جلابة بقفطانها وبذهوباتها جات وفاء وعمر ولحق شريف جايب معاه الحاج اما خديجة وغيثة وولدها ويوسف سبقوهم بشي دقايق..
صونا على ملاك تليفونها طافي هبط داكشي لي طلعوه فالليل وشدو طريق كل واحد فطموبيلتو مو بقات كتصفق وتزغرت فطريق حتى ظحكاتو)
طالبة عليها!!
أمينة: (عينيها مغرغرين) هدا هو نهار لكبير عندي اولدي!!
اورطيغا: كاعي من ملاك الوالدة
أمينة: علاه!! متݣولش من داكشي ديال مها انا حسابلي نتا عارف
اورطيغا: وهادشي لي معجبنيش علاش متقولهاش عادي ما فيها واالو
أمينة: حيت ماشي شغلك فهادشي هاديك حياة مها العيب والعار وكان خبات عليك شي حاجة ديالها هي
اورطيغا: عيب الوالدة عيييب!! منين نلقى كولشي عارف علاش انا منعرفش بووحدي!!! وسولتها على عائلتها مها شحاال قالتلي هي مكتعرفهمش عادي وكان قالت ها شكون وزيد شحال وهوما ماشيين جايين عليها فدارها وكان دارو ليها شي حاجة!!!
أمينة: اييه متافقة معاك اولدي هنا كان خاصها تهضر ولكن ربي حضر السلامة دابا ماشي وقت لملامة دابا خاصكم تفرحو براسكم وتخليونا نفرحو معاكم
اورطيغا: فرحي الالة!!! (نوا حتى يكملو هادشي ويجلسون يهضرو ويحط النقط على الحروف بالهداوة) حقا شنو البلان!! حيت خاص نرجع مع شريف باش يكمل شغاالو وهي خاصها ترجع معانا
أمينة: واه راني هضرت مع مها باش تجي معانا
اورطيغا: نتي بايتة لهيييه
أمينة: (خرجت عينهل) بايتة فداري
اورطيغا: (شاف فيها) خلينا مزيانين أمينة
أمينة: شووف يا مك من هنا نفريوها البنت غتبقى فأمانتي حتى ديرو عرسكم
اورطيغا: صافي سدي علينا هادشي!! قالك امانتك (تبسم بسخرية مولاتش هضرت معاه..)
أمينة: شحال غتعطيها فصداق؟!
اورطيغا: عطيتولها
أمينة: بالحݣ!!!
اورطيغا: داكشي بيناتنا الوالدة!!
أمينة: يݣطع شرك شنو هاد بيناتنا عااود ݣول شحال عطيتها هاديك والله حتى تحط فوجهك ݣدام جماعة وتصدق محشمني معاك!!
اورطيغا: وصااافي هضرنا.. (قربو يوصلو رجع صونا عليها ووالو طافي وصلو لصفرو دارو يمشيو عندهم للدار عاد يمشيو لعدول منين توصل نوبتهم.. مع وصل كتبان ليه واقفة حدا طموبيلتها وكاين يوسف وخديجة معاها قوس عينيه باستغراب ودخلو لباركينغ... بتسائل وحدة عروسة شنو كدير تماك بحوايج لخرووج!!!)
غيثة: (بقات فالطموبيل مستغربة واش ملاك كانت باغية تهرب ولا شنو!! كتشوف فهاد البنت كفاش عااازة راسها هي معارفاش شنو المشكل لي كاين بينها وبين اورطيغا ولا واش عندها شي مشكل فالدار ولكن عارفاها كتبغيه وحتى هو باين كيبغيها علاش غتبغي تهرب نهار زواجهم راه غيرها كيتمنى هاد اللحظة!! وحتى الا كان شي مشكل ممكن تصبر اما هي بكل جرأة زايدة مع طريق!!)
يوسف: نعلي الشيطان املاك
ملاك: (هي براسها ممقتانعاش وخايفة من هاد الخطوة لي دارت ولكن حست بظغط كبيييير أكترية من تعاملو معاها وهي ماشي من النوع لي غتصبرلو ودوزها ميمكنش تعقد بيه ومعارفاش اصلا واش مزال باغيها ولا غير داير الخاطر حيت باها لي قال كلمتو)
خديجة: بنيتك املاك!! اويلي استغفر الله وكان موصلناش قبل الوقت!!
ملاك: كنت غنمشي وحتى.. (بانت ليها طموبيلتو وهي تشدها اللقوة والرعدة)
وكان غير موقفتونيش ها هوما جاو!!
يوسف: سيري للدار دابا! ودير عقلك املاك تنعرفك نتي مولات العقل
خديجة: زيدي قداامي الهبيلة اوييييلي استغفر الله
ملاك: واش نتي غير كتويلي علية!!
خديجة: دايراها قد راسك ومزال زايدة فتخراج العينين (جرتها خديجة قبل ميخلط لاخر شافت فيوسف)
لحق نتا وغيثة ندخل هادي
ملاك: كدخلو فشي حاجة ماشي شغلكم فيها!!!!
خديجة: وهاد الناس للي جاو والدار لي كولشي كيوجد مفكرتيش فيهم!!
ملاك: (معجبهاش الحال بانت برهووووشة ولكن حتى واحد مبغى يفهمها!! وصلو للدار شافتها مرت عمها لي لابسة قميص اصلا كولشي لبس وتقاد الا العروس!!)
سهام: مزال ملبستي؟؟
خديجة: انا ندخل نقاد معاها (جات مها خارجة مزرووبة باش تشعل المبخرة لقاتهم تماك)
زهرة: (شافت بنتها لابسة حوايج لخروج معبسة شافت فخديجة للي جارها لبيت بقاو 10 الثواني كيتشاوفو هي وبنتها عاد زهرة استوعبت) سيرو لبيتي ولبسو انا جاية
ملاك: (خافت من مها مشاو لتماك خديجة كتلوم فيها) سكتي اخديجة شوية واش انا ناقصااك حتى نتي
خديجة: من ديما كنتي كتعرفي تفكري شنو وقع ليك هاد المرة!!! وفنهار لعقيد؟!!!!!!
ملاك: (سكتت وخديجة كتعاونها تلبس ياله غتلبس القفطان فوق ديباردور والشورط دخلت مها سادة لباب)
زهرة: فين كنتي ماشية؟!
ملاك: خديجة لي عيطتلي نتعرض ليها برا (خديجة ملقات غير تحرك راسها باه)
زهرة: (مشات عندها وجمعت معاها بجوج قرسات ففخضها ولوخرا غير كتوجع)
يكمل هادشي وعندي حساب معاك اخر حيت نتي طغيتي علية وبزاااف!!! ولكن ابنتي هادي هي التالية ديالك معايا من دابا غتشوفي وجه اخر!!!!
اورطيغا: (عطل مو منزلتش من الطموبيل حتى شاف خديجة وملاك بعدو حس بشي حاجة ماشي هي هاديك وتمنى ميكونش انها كانت طاااجة حيت عارفها وعارف دماغها شنو كيقول معجبهاش الحال كتخوي!!)
ااااحم... صافي نزلي
(نزل وهو يجي عندو عم ملاك لي ظريف معاها سلم عليهم صوناو على رشيد باش يجي كل واحد نزل من الطموبيل باش يدخلو وكولها شنو هز فالهداايا اورطيغا بقا غير ساااكت ظارب الطم رحبو بيهم وتمو ماشيين للدار مع دخل بداو زغااارت)
ملاك: (كتمسح دموعها وهي كطل من السرجم عليهم داخلين.. علاش كتحس هاكا نورمال خاص تفرح ماشي تحزن وتبغي تهرب ݣاع!!)
خديجة: براكة من لبكى اصاحبتي نتي عارفة ماما تعصب منك شوية وتجي تهضر معاك
ملاك: مشفتيش كيف دارتلي
خديجة: (جابت اتروس ديال المكياج) اجي نديرلك شوية
ملاك: مبغييتش
خديجة: والله يا مك حتى ديري اويلي واش حمقة تبقاي صفرة وباينة فيك باكية!! واخا كنت نحلم بيها بالالوان مكنتش نقول ملاك دير هاكا نهار العقيد ياك هدا لي شحال نتي وياه تقاتلوا دابا كتهربي وكان غير شي سبب مقاد يخليك تهربي مشديتيه لا مع شي وحدة مضربك موالو غي حيت مناقشين وصافي!!
ملاك: سكتيني اخديجة
خديجة: نتي يا مسحورة يا محسوودة وحدة فالجوج
ملاك: على اساس خاطبني براد بيت!!
خديجة: ههه ويل مك ويسمعك
ملاك: يمشي يخ** (دارتلها خديجة شوية دالمكياج جمعت ليها شعرها ولوات الشال عليها مباينش فيه شعرها)
صافي غير سيري خرجي اخديجة
خديجة: متخرجيش؟!
ملاك: حتى تقولي ماما اجي (خرجت خديجة.. وتحط الفطور لضياف كولها في مجمع هزت تيليفونها من صاكها وشعلاتو لقات ليزابيل منو تنهدت بحزن تحل لباب كان أنير حلات ذراعها وتم ماشي معنقها بقات معنقاه بحزن وكتهضرو دخل باها بقات كتشوف فيه بخوف)
بابا!!
رشيد: بنتي مراد بغا يهضر معاك
ملاك: (يعني باها مفبالو والو حطت أنير وخرجت لوسط الدار لقاتو جالس مشات لحداه جلست مبعدة وهو حاضيها ماشي هاكا موالفة كتكون وماشي هاكا كان متوقعها راه الشوفة مطلعتهاش فيه)
شنو بغيت؟؟!!
ملاك: شنو!!!
اورطيغا: (حك فوق نيفو) كنتي هااربة املاك!!!
ملاك: (ببرود) كنت مسخرة!!
اورطيغا: علاش كاينة شي وحدة تتسخر نهار زواجها؟!
ملاك: اشمن زواج لبارح قلت ليك شنو كاين!! (بعصبية) نتزوج واحد كل مرة نااافخ مكيعطينيش وقت حتى نهضر وغير كيغضب وخاصني نبقا نشرح باش ياله ياله يفهمني وعاد العصبية شنو فيها الا سمعتيني عادي بحال الناس!!
اورطيغا: (غير كيشوف فيها) واش كنتي هاربة!!
ملاك: علاش غنهرب؟! انا قلت ليك شنو كاين بلا خوف ولا حشمة زعما الا كنت هاربة مغنقولهاش!!!
اورطيغا: هادي هي ديالك ضربني وبكا سبقني وشكا!!
ملاك: الموووهيييم
اورطيغا: سمعي ابنتي الناس انا من اللول تفاهمت معاك متخبعي علية والو
ملاك: داكشي حياة ماما مشغل حتى واحد فيها!! واخا تكون نتا!!
اورطيغا: (كيشوف فيها بزقووولة وشنو دايرة فيه وعاد كتخرج عينها فيه للي عندها كتقولو مكتسوقش ومكتخافش!!)
ملاك: (معرفتش شنو كيدور فبالو جابت خديجة صينية فيها أتاي وحلوى ليهم)
خديجة: شي عيين هادي خرجت فيكم نعلو الشيطان
اورطيغا: (بقا ساكت مشات خديجة وشاف فيها بغا يهضر ولكن شافها شادة لبكية حابساها بالسيف)
ماشي وقت هاد الهضرة
ملاك: وقتها باش نعرف فين كنحط رجلي!!
اورطيغا: متعصبينيش املاك ماشي نتي غالطة وتقلبيها علية!! حسابلك غندوزها ليك!!
ملاك: شنو درت؟! مجيتش كنعاود ليك على حياة ماما؟! هنا غلطت!!
اورطيغا: غلطتي منين مجيتيش تقوليلي دوك الناس تيجيو عندك وباك ومك خايفين عليك سولتك داك حمزة علاش مزال تيدور عليك ديك الساع جاوبيني حطيني فالصورة حتى أنا باش نعرف ماشي نكون اخر من يعلم!!
رشيد: (عيطلو العدول مشا عندهم) ياله نمشيو راه عيطولي العدول اولادي!!
اورطيغا: (هو وقف وهي بقات جالسة.. بهدوء شاف فيها براسو مزال مفهم هاد نهار كفاش طااالع) ياله
ملاك: (إحساس خاايب مفهمتش منين جاي واش بالصح كتبغيه واش ممقتانعاش بيه!! واش غي حيت مخاصمين!!! شافت فيه عاقدة حواجبها حتى نواااتو انها تراجعات!!)
رشيد: ياله ابنتي لبسي جلابتك دغيا ولحقي
اورطيغا: ياله املاك
ملاك: (وقفت مشات لبيتها فين كاين جلابتها اورطيغا حاضيها مكرهش يتبعها واش مبغاتوش فاللول هربت تانيا كيحس بيها مترددة وهادشي دق ناقوس الخطر عندو!! جات عندو مو مخلاهاش تمشي حيت غيمشي هو والحاج وباها وعمها)
اورطيغا: صافي الوالدة ماشيين غير رجال غنقضيو الغراض ونجيو هنا
أمينة: شحال وانا نتسنى فوكاش يجي ها..
اورطيغا: (معصب) دخلي عند ملاك زربيها الوالدة!!
أمينة: باااااز مااامقصح من ݣلبك اولدي
اورطيغا: أييييه غير زربيها (مشات عند ملاك للي قلبااتلو راسو.. خرجات من بيتها لابسة حوايجها مشات دخلت للكوزينة وغير حاضيها جا يوسف حط يدو على كتفو مطلعينها عليه هو وشريف تابعهم عمر)
يوسف: شكون قااال العزي يتربط!!!
شريف: هههه وييه تعقل فاش كان تيقول المقولبين ماشي المتزوجين
اورطيغا: لقيتو علامن طلعوها؟! انا داير غير خاطر الوالدة
يوسف: ههه تورقتي اخاااي العزي
اورطيغا: (تبسم بقاو شادين فيه حتى شافها خارجة والبكية فعينيها مشات عند باها تمو ماشين تابعهم هو ركب معاه الحاج وهي ركبت مع باها وعمها.. زفر وقتل فنفسو)
غتحمقني شي نهار!!
الحاج: ولدي (مد ليه جوا) زيدو مع صداق لي تعطي للبنت
اورطيغا: خلي فلوسك عندك الحاج
الحاج: ݣاع ولادي تنديرلهم هاكا وملاك حتى هي راه رجعت وحدة من بناتي
اورطيغا: عارف ولكن خلي فلوسك عندك الحاج مرتي انا قاد بيها
الحاج: عارفك اولدي تقد وتفوتها هادي غير هدية بسيطة فرحان بيك وبمرتك وزايدون هدا ليها ماشي ليك.. انا بحال باها لي عطاها ليها!! ...
زهرة: (تفقست بزاف مبغاتش تهضر مع بنتها لي جات كترغبها فالكوزينة اخر حاجة توقعتها هي تهرب نهار زواجها!! جات خديجة عندها كتحاول ترطب الجو)
سكتي علية!! وش هي هبلت!! واش هي صغييييرة باش دير ديك الفضيحة
(دارت يدها على حنكها بحال كتندبو)
تهرب!!!!!!! اويلي على فقستي وعلى فضيحتي وفين كنا غنعطيو وجهنا لوكان هربت!!!!!
خديجة: غير يمكن تضهشرت وخافت من المعقول
زهرة: هاديك راه تخوف قبيلة!! مزيان تبارك الله ولفاتها قاعدة معجبهاش الحال كتهز راسها وتزيد مع راسها المرة اللولة نهضر معاها حد التانية دارت السبة بيك والتالتة جابتها حتى لعرسها؟؟؟؟؟؟!!!!!
خديجة: راه كانت غير حدا الدار اماما ماشي هاربة
زهرة: سكتي!! كل مرة كنقولو لا حقا هي لا كدا ولكن باش تهرب فين كانت غتحط وجهي ووجه باك ولا بغات تأكدها على راسها ها عمها وجدها خاصهم غير معامن وكان هربت شنو كانو غيقولو!! كانو غيدورووونا ويردونا ممربينهاش!!!
خديجة: وصافي اماما ها هي مشات دابا معاهم وغتعقد والناس هنا!!
زهرة: مزال حساابي معاها انا لي خنتها كتر من لقياس وانا لي غنعاود لمها ترابي!!
خديجة: انا كنقول غير خافت وصافي
زهرة: سيري جلسي مع لوستك متخليهاش وحدها واش حتى راجلك شافها؟؟
خديجة: لا انا سبقت لقيتها واقفة حدا لباب ودخلنا مشافها حد
زهرة: امم (كملت شغلها خديجة مشات حدا لبنات براسها مفهمتش ملاك فين كانت كتفكر!!)
~~~~~~~~~~~
وصلو حدا العدول نزلو من الطموبيلات هي مكتاحيدش من حدا باها باش متهضرش مع اورطيغا كتخمم غير فطلاق دير دابا خاطرهم حتى تشوف شنو غيوقع! معندهاش مشكل تسمى عليها مطلقة طلعو دروج وجلست حداه ساكتة هادئة حانية عينها.. لحق اورطيغا والحاج شاف فيها يموت ويعرف شنو عندها فداك الراس دابا!!! دخلو عندو لعدول حيت وصلت نوبتهم..
رشيد: اجي أبنتي.. (وقفت تابعااه دخلت وجلست فالفوتوي حداه اونفاص معاها جالس اورطيغا حدا لبيرو مجلستش حداه بدا العدول كيهضر ويقرا هي والو مهزتش الراس عاد سول العدول)
ولدي عندك شي شروط؟!!
اورطيغا: (حرك راسو بلا) لا
...: بنتي ونتي عندك شي شروط؟؟
ملاك: (هزت راسها) اه (اورطيغا كيشوف فيها مقوس عينو مجاتوش غريييبة راه ملاك هادي اكيد غتشرط وعاد دابا منين معصبة ومكضويييش!!! باها كيشوف فيها كيتسنى شنو هاد الشروط!!!!)
وعندي بزاف الشروووط...
رشيد: (تبسم وشاف فيها) اشنو شروووطك الالة خلعتينا العريس!!
اورطيغا: (بفقسة عارفها غتبلزها) لا لا.. لا تاخد راحتها من حقها تشرط
ملاك: خدمتي موووووستحيييل نخرج منها واخا يوقع لي يوقع
اورطيغا: (مربع يدو وعينيه فيكس عليها كيشوف تعابير وجهها بحال ماشي كتشرط بحال باغا غير تستافزو راه كيعرفها مزيان والخدمة اصلا مغتحتاجش تشرط حيت براسو عاجباااه وعندو عادي!!)
بنسليمان: مقاالت عيييب خدمتها زوينة وشريفة
رشيد: صراحة حتى انا اولدي هدا شرطي من غير الا تفاهمتو من بعد بجوج بيكم
اورطيغا: زيد!!
ملاك: (مشاولها الشروط لي كانت موجدة بقات غير كتشوف لسانها تسرط) هم!!
اورطيغا: صافي؟!
ملاك: ممنوع التعدد!!
العدول: ولكن ابنتي هدا شرع الله
ملاك: ايه اعمي شرع الله وحتى انا ربي عاطيني الحق فنختار نقبل ولا لا وانا مقابلاش شرطي ممنوع التعدد (شافت فباها) مقلتش شي حاجة عييب حيت منبغيش تجي من بعد وتقولي حقا كدا وكدا انا منقبلش بالتعدد
اورطيغا: (كيلعب بلسانو فوسط فمو محرك راسو لا باه لا بلا)
ملاك: (وترها شافتو مهضرش فنفسها كتقول واش هاد زمر ناوي يغدر؟! كولشي كيشوف فيه واش يقبل ولا لا)
اورطيغا: زيدي
ملاك: (هنا حست بحال داخلة فحرب بقا فيها الحال عاد كانت فمركز قوة وباغا تفرض راسها لقاتو مكيتجاوبش وتقلب عليها الاحساس حركت راسها بلا حيت بالصح معرفتش شنو تقول والا زادت هضرت غتكون مبرهشة!! حيت بالصح ملقات متشرط) صافي
اورطيغا: فكري مزيااان
رشيد: صافي اولدي براكة نتا الا بغيت تقول شي حاجة راه من حقك
اورطيغا: معندي شرووط انا بغيها تبقا كما غنجيبها من عندك اسي رشيد
رشيد: (عجبو الحال يعني هضر على التربية)
ملاك: (شافت فيه بحال كيقولها بديتي كضساااري)
العدول: قابل اولدي بشرووط مليكة بنت رشيد بنت حمو ايت
ملاك: (خنزرت فلعدول منين دخلت وهو مليكة مليكة)
اورطيغا: (ببرود) اه
العدول: (كتبو شروطها وبقا كيفتي) ...وعلى الصداق بينهما..
اورطيغا: (كمل العدول هضرتو وصل لصداق جبد جوا فيه) 20000 درهم (ملاك مدارت حتى ردة فعل مهمهاش شحال غيعطيها حيت داكشي لي دار معاها قبل خلاها تعرفو غيكون طوب ديال سخي معاها!! وأصلا دابا عندهم مشكل كبيييير... عيطولها تسني شدت ستيلو كترجف لا شعوريا وهو متبعها سنات على 3 دلورقات سنا هو وسنا باها وبقاو كيباركو ليهم عطاوهم التوصيل على ميخرج ليهم لاكط من دابا 3 أيام وخرجوا من تماك مدرعها باها ولوخرين من موراهم)
ملاك: (شهقت وشافت فباها كتهضر بشوية) ويلي ݣاع مهضرت على مؤخر الصداق!؟؟
ملاك: (شهقت كتهضر مع باها بشوية) هءءء ݣاع مهضرت على مؤخر الصداق!!
جرها بااها ومن ديك الجرة كتعني تهضري ترعفي.. تسناتو حدا الطموبيلات حيت كان كيهضر فالتيليفون.. تسناتو يجي يقولها شي حاجة ولا اجي ركبي معايا نتفاهمو شافتو طلع فطموبيلتو نيشان مكيشوفش فيها ومعاه الحاج طلعت حتى هي اللور معصبة اصلا محساتش بشي حاجة تزادت سيناتور سناتو فورقة وصافي!! مشاو للدار خايفة من مها لي هماها دابا خلاتها غضبااانة منها بزاااف وصلو كانو دراري فالقهوة شافوهم مشاو عند اورطيغا كيباركو ليه انا هي من بعيييييد عارفين عقلية باها واورطيغا كيف دايرة تمو ماشيين للدار مع دخلو تجمعو لعيالات ووفاء هازة بلاطو فيه زليفات الطاوس فيهم حليب وعسل وطبيسبل فيه تمر معمر باللوز كيصليو على نبي وقفوهم حدا بعضيااتهم جات أمينة مدات لاورطيغا لحليب
اورطيغا: متنشربوش!!!
أمينة: ههه وغير جغمة باش ربي يبيض سعدكم (شد زلافة بغا يشرب) وعطي لمرتك
اورطيغا: (كيتخنق فهاد الاجواء معندوش معاهم وشحال وصى مو مديرلوش هاكا ولكن خاطرها هو اللول للي يمشي ضار عند ملاك بابتسامة خفيييفة مد ليها زلافة جيهة فمها جغمت منو شوية اختار أكبر تمرة تماك دارها ليها فمها كاملة خاشيها حتى بدأت كتمضغ وهي معوقة فمها دارت يدها فوقها.. هزت زلافة وبقا وااقف)
أمينة: اوا حني عندها
اورطيغا: الناس فاش كانو كيطوالو فين كانت هاد نص متر
ملاك: (شادة لسانها بالسيف!!! واكترية منين كتشوف كولشي كيظحك فرحان الا هي موجدالو جواب ولكن باها ومها ومو والعائلة كاينين حنا وهي تشربو محبسااتش عند جغمة وحدة حتى خرجو عينيه شد زلافة بيدو واليد التانية شد بيها يدها ماسح قطيرات على جناب فمو هدا راه العادي عندها ترد الصرف هزت تمرة وحطاتها فمو بقا كياكل درعها بيدو وهوما كيسمعو التهنئة والمباركة من عند كولشي.. شاف فباها)
عمي حنا نمشيو لقهيوة هنا
رشيد: اه
أمينة: منين يقرب لغدا نصونيو عليكم
ملاك: انا نمشي عند ماما (مشات عند مها شداتها من يدها مبعداها فالقنت)
واش اماما غتبقاي مقلقة مني؟!
زهرة: سيري دابا مع راجلك من بعد ونهضرو
ملاك: (عينيها مغرغرين) حشووومة عليك
زهرة: انا للي حشومة علية!! ولكن الهضرة ماشي دابا وسيري راه كيتسناك
ملاك: منمشيش حتى تهضري معايا
زهرة: اييه راك مواالفة بصدااع وعندك هانية ديرينا الشوووهة
ملاك: ياك اماما انا دابا مولفة مشوهاااك؟!؟؟ براك الله وفيك الالة
زهرة: زماااان ابنتي زمااان!!! سيري تمشي من حدايا علاه انا مزال نتيييق فيك!! سيري وبلا متكبري الهضرة فينا حسابنا من بعد انا وياك... (رجعت للكوزينة مخلياها وملاك بقات واحلة ليها لبكية شافت فاورطيغا لي كيظحك مع مو وهاز أنير للي كيعنقو)
ملاك: كولشي بسبابك نتا!!! تفوووو!! ندمت ندمت فاش كنت كنفكر!!!
خرجو من الدار بجوج واحد مكيهضر مع لاخر ركبت معاه فطموبيلتو وزاد مع طريق كتشوف فطريق حتى وصلو لقهوة طلعو الفوق فين كانت خاوية ياله جوج لي جالسين مبعدين، جلست وجلس اونفاص ليها كيشوف كانت قالبة وجهها كتشوف فالزاح لي كيطل على الشاريع
اورطيغا: كنتي هاربة؟!
ملاك: (بتحدي شافت فيه) اه
اورطيغا: (ببرود) وشنو حبسك؟! كان عليك غير تهضري!!
ملاك: (بقات كتشوف فيه وقلبت وجهها جا السرباي خداو بجوج نص نص مكرهتش تاخد حتى ݣارو تبرد فيه هاد لفقااايس)
اورطيغا: علاش هاد الحالة كاملة ولا ولفتيها دراما وافلام!! عشتي الحالة نيت ديال ضربني وبكا سبقني وشكا!!
ملاك: انا للي عندي قلتو ليك فالدار
اورطيغا: راه نتي لي غالطة ابنت العبد!
ملاك: حتى واحد ممعصووم من الخطأ وفاش كنغلط مكنهربش مكنتفخش مكنسدش على بنادم كنبقى معاه حتى كنفهمو شنو غلطو ونسمعو شنو غيقول عاد من بعد كنحكم عليه
اورطيغا: وعلاش من اللول ميكونش كولشي باين وتكوني صريييحة متخبي علية منخبي عليك
ملاك: مثلا هاد صريحة فاش؟! شنو خبعت عليك؟؟؟ شنو هاد الحاجة لي خبعتها وضراتك نتا؟!
اورطيغا: متتفهميش شحال تنبغيك داكشي باش مغتعرفيش تجاوبي على هاد السؤال
ملاك: لي كيبغي امراد مكيديرش هاكا نورمال هاد نهار منكونوش هاكا هاد نهار راه غيتسجل علينا حياتنا كاملة هاكا غنتفكرووه؟!!! ولكن نتا ختاريتي يكون هاكا وانا عطيتك غير شنو نتا باغي كولشي من الغضبة ونفييخ ديالك
اورطيغا: (هز حواجبو بجوج) وتهربي؟! نقولو انا ومتنهمكش حيت لوكان كنت معشش فراسك مفكرتيش تهربي!! مفكرتيش فواليديك فخوتااتك؟!
ملاك: (هنا زاد قاسها من جيهتو ومن جهة واليديها جا السرباي جايب ليهم الطلبية ديالهم ومشا)
اورطيغا: تنعرفك تتفكري بعقلك كتر من هادشي شنو وقع ليك هاد نهار !!
ملاك: (جغمت من القهوة كتسطانع القوة وصارطة معاها البكية للي فحلقها ومباغاش تطلق ليها العنان) الواحد مرة مرة يكون قبييح
اورطيغا: سولتك مرة وجوج منين أصل ماماك فين عائلة ماماك؟! قلتيلي من هرمومو
ملاك: ونتا شنو كيهمك فأصل ماما وعائلتها؟؟
اورطيغا: هنا فين تنهضر على الكذوووب ديالك!!! ولكن وانا فاهمك تتقولي هدا غيعرف أصل ماما ومغيبغيش يتزوجني (تبسمت بسخرية كترجف من لداااخل لدرجة كتحس بمعدتها كتعصر) ويكمل معايا
ملاك: (استفزها حيت هاكا كانت حاسة وخافتو يطير بحال حمزة) بنيتك امراد انا لي مخليني مقلت ليك والو هو هادشي كيخص ماما بوحدها بغات هي تعاودو كانت غتقولو هي مبغاتش شغلها وحياتها هاديك اما باش نخاف على نخسرك! لا.. حيت نتا الا بغيت تمشي مغربطكش معايا بسناسل..
لي ميجي بمحبة ميجيش بحزااارة!!!
ليلا: (حماااقت بالتقلاب على سوارت ديالها ملقاتهمش حتى صونا عليها ادم كيسولها على لبيسي والتيليفونات ديالو)
وشنو غندير بيهم انا مثلا؟!!
ادم: نتي بوحدك لي عندها سوارت ديال الدار
ليلا: وصحابك؟!
ادم: حتى واحد معندو سوارت من غيرك اليلا متعصبينيش علاش هزيتيهم واش بغيتي تديهم لداك الشمكار باش يرضى عليك وينعس معاك!!
ليلا: واش حماااقيت!!
ادم: غنحماق مزيان الا مرجعتيش كولشي بلاصتو سااااعة لقاك هنا وجايبة لية حوايجي
ليلا: معندييييش!!! واش متتفهمش!!
ادم: (بعصبية) سااااااعة لقاك هنا (قطع بقا بحال شي حمق كيقلب والو تفكر وراقو حل لماريو كيقلب وهنا زاد تصدم مكاينش حتى الباسبور ديالو!! ميمكنش هاد الشك كامل لي مشا لمراد هو اش دخلو للدار وكفاش دار ليها!! تجنن وبقا غير كيهرس اي حاجة جات فطرييقو رجع صونا على ليلا)
عطيتيه سوارت ال****؟!
ليلا: (بخوف) نتا راك مرييض
ادم: ساااعة يكون كولشي ديالي هنا ولا مغنعقلش عليك (قطع الا عرف كفاش يوصل لشنو فيهم غيوصلو ليه وغيكون مهدد!!! والمشكل حتى الباسبور مكاينش!!!)
~~~~~~~~~~~~~~~~
ملاك: للي ميجي بمحبة ميجيش بحزااارة!!!
اورطيغا: معقوولة!! يعني لوكان بغيتي تهربي وكان هربت بكري متخليش حتى الوقت لي نكونو جايين فيه باش تبينيلي راك باغا تهربي
ملاك: (بحال كيقرا افكارها) مسكييين!!
اورطيغا: (تبسم جبد ݣارو كيكمي كيشوف عينيها غير طاجين مينكرش ان لسانها سليييييط وماشي شي وحدة لي ضعييفة وعارف بكيتها فحلقها ومبغاش يزيد يصعد الامور هو كانت نيتو منين يتلقاو يصلحو الأمور ولكن..)
مالكي مع ماماك قبيلة؟!
ملاك: (شافت فيه مخنزرة السيد راد معاها لبال بزاااف)
اورطيغا: هضري مالكي معاها!! حتى هي كنتي باغية تهربي منها؟!!!
ملاك: (فرشوها شنايفها للي حاسين البكية ونيفها بدا يسيل مسحاتو بكلنكس) بغيت نرجع عييت!!
اورطيغا: غترجعي بلاتي معانا لفاس
ملاك: لا
اورطيغا: (وقف عافس الݣارو فالطفاية) متنسولكش ازين.. تنعلمك
(وقفت تابعاااه كانت عارفة هاد الحركة معندها متحل محدها مدابزة مع مها معندها فين تصالح معاه كما جاو كيفما مشااو.. وصلو للحومة هو بقا فالطموبيل متبعها وهي مشات لدارهم زاربة عاد نتابه الجلابة لي لابسة اول مرة يشوفها بيها ولكن بكترة المشاكل منتابهمش فاللول!! حاااار فهادشي ماشي هاكا خاص تكون الامور!! وعاد قضية هاربة باش متزوجوش مدخلاتش ليه لراسو!! هبط كانو لوخرين فالقهوة مشا جلس حدااهم وعقلو غير معاها..)
ملاك: (دخلت للدار مفقوسة مفقوسة مفقوسة غتفرݣع!! والمشكل مخاصش تزيد تبين خاصها تبين السعادة واخا هادشي لي كان مفروووض يكون!!!
لقاتهم جايبين النقاشة بنت الجيران معندهاش مع الحنة ولكن غير مها قالت ليها دوزي تحني سمعت ليها على أمل غير تصالح معاها ولكن من شوفاتها مباينش غتسامحها دغيا وعاد مقالت لباها والو مشكماتش بيها.. حطت جلابتها بقات بالقميص خلات فولارها في حالة دخل شي واحد غريب عليهم..)
أمينة: (كل مرة تمشي تبوس ملاك وتبااارك ليها نقشت غير صبع وحبست النقاشة) زيدي ابناي شوية غير عمريها
ملاك: (خبراتها) مراد مااااا مكيبغيش.. (هو مقال ليها والو)
أمينة: واه واه صافي فهمت ابنتي.. ( نوضت ملاك وجلست بلاصتها بالظحك نقشت هي يديها ورجليها كتموت على الحنة وجابو فرفارة حداها باش دغيا تنشف ليها ونقشت حتى غيثة ولبنات زهرة مقابلة غير الكوزينة..) خديجة ابنتي سيري جيبيلي صاكي راه بقا فالصالون
خديجة: ياك اخالتي كتنوضيني وانا متقلة
أمينة: لي سخر الحاملة كيدي فيها لاخر
خديجة: نتي غير مع الرابحة!! (مشات جابت ليها صاكها حلاتو كما قالت ليها وجبدت لبواطة حمرة كانت متوسطة)
أمينة: عطيها لختك! هدا كادو ديال راجلك ابنتي الله يكمل عليكم بالخير
ملاك: (تبسمت شداتو، نفسها كتقول غتكون هي للي شراتو وبغات تسبيها فيه باش تزينو فعينيها.. شداتو حلاتو كان خاتم المارياج معاه براصلي زوين وأنيق) زوييين شكرا اخالتي
أمينة: تلبسي وتعاودي احبيبتي
سهام: اري نشووف (عطاتو ليها) تبارك الله غزااال وصحييح بصحتك أملوووكة
ملاك: الله يعطيك الصحه امرت عمي
مرت جدها: بصحتك ابنتي تلبسيهم بلهنااا (كولشي بقا كيبارك ليها هي حدها كتبسم معاهم مكرهتش غير دخل لبيتها تشبع غير بكا مها فجيهة واورطيغا فجهة جا وقت لغدا ملاك مشات عند مها لوسط الدار اصلا معندو منين يدوز ليها)
ملاك: اماما عفاك سمحيلي
زهرة: ملاك نتي عارفة منين كنكون معصبة سيري جلسي مع الناس ومتزيديش تبيني
ملاك: واااعفااااك اماما (داخلين رجال) راه هو ولد لح..
زهرة: (خرجت عينها فيها) سكتي!!
ملاك: (ضارت لقاتهم داخلين محس حتى جا عندهم وهو كيطلعها ويهبطها وهي كتخرج عينها فيه)
اورطيغا: هاد القفطان للي لابسة مزير!!
ملاك: بففف (مشات من حدااهم لبيتها وهو بقا متبع ليها العين)
اورطيغا: (شاف فزهرة) احم غير معصبة
زهرة: ههه خلعها المعقول.. متديش عليها اولدي دخل تغدا
اورطيغا: حتى نتي الالة زهرة متديش عليها راه شي مرات تيهرب ليها الريزو متتعرفش شنو تدير واخا متتكونش قاصدة ديك الحاجة
زهرة: (عرفاتو ولد الناس يعني عرفها مزبلاها وكانت بغات تهرب وعاد كيدافع عليها من الفوق.. تبسمت معاه) الله يكملك بعقلك اولدي دخل تغدا..
تغداو وهي كانت فبيتها مبغاتش تاكل معندها منين يدووز شافت فلحوايج لي جابو زوينين ولكن الݣانة والو تدق لباب حلت كان هو
اورطيغا: متغديتيش؟!!! (حركت راسها بلا) وجدي راسك شوية وغنمشيو!!
ملاك: فين غنمشي!!!
اورطيغا: حميدة انا نخليك من مورايا باش تهربي؟!!!! دابا راك محسووبة علية المرة اللولة دازت سالامات دابا لا ازين تهربي منعقلش عليك احسن جنوي يدوز على ديك لَعْنِيݣَرَة
ملاك: هادشي لي كتعرف غير التهديد والشونطاج
اورطيغا: انا غنوريك تهربي مني؟!! يانا تهربي مني!!
ملاك: لي فجهدك دييرو (سدت عليه لباب فوجهو) وانا للي غنوريك هادشي لي عيشتيني فيه!!! مخليتنيش حتى نفرح بنهاري!!
اورطيغا: (بقا كيشوف شي 5 الثواني ضار يشوف شكون شافو لقا باها تبسم مع رشيد لي شافها زدحت لباب عليه فبالو عنداك غير يفهم غلاط وانه بغا يتخلوا بيها ولا يدير مع بنتو شي حاجة وهي مبغاتش)
اااااا غنمشيو لفااس نتوما غدا ان شاء الله غتجيو؟!
رشيد: ان شاء الله اولدي يكون خير
اورطيغا: احم (حك قرفادتو) انا تنتسناهم برا.. (خرج غير كيتحلف فيها بغا غير يكمي ݣارو جاتو عييب واخا عارف باها كيكمي ولكن احتراما لدار انسابو شوية كيشوفهم جايين وهي معاهم، حل ليها باب الطموبيل ديالو كانت غتخطاه جرها من ذراعها ركبها القدام طلعت سد لباب عليها ضار شاف فمو) فين جاية؟!
أمينة: نركب
اورطيغا: متوحشتيش ولد ختك؟!
أمينة: ههه اييييه ولد وربي وخرق ووكل ويجي جحموم دلخلت يفضل مرتو من نهار اللول
اورطيغا: سيري الوالدة بدليييها
أمينة: (مشات عند عمر جلست القدام شافت فوفاء) شي حاجة؟!
وفاء: ههه وانا نقدر
اورطيغا: (طلع ركب فطموبيلتو شاف فملاك لي رادة راسها اللور وباين الهم واكلها) مخاصمة مع مك ولا مساخياش بيها ولا شنو عندك
ملاك: (عينيها مغرغرين) بسبااااابك!!! نتا فرحان مع مك وانا هاجرااه فرح دابا هانتا ربحتي
اورطيغا: شنو داير انا فملك الله ݣاع!!
ملاك: (سكتت وشافت قدامها حتى شافت باها جاي جايب ليها باليزتها هبط مراد شدها من عندو دار ليها باها باي باي دارتها ودمعتها فخدها يمكن اكتر واحد مغتسخاش بيه هو باها شافت فمراد واش هاد الشخص بالصح يستاهل هادشي!!! مكانش خاصها دير ديك الخطوة وتبغي تطج ها هي شراتها مع مها ومعاه ندمت بزاااف ولكن!! واخا تعيى تشرح وتفهم كتبقى هي الظالمة)
اورطيغا: رخفي على راسك شوية ماماك غير شوية وتصالح معاك!!!
اورطيغا: (زاد فطريق كيشوفها كتحارب مع دمعتها كتمسحها قبل متهبط لحنكها وكتبعد وجهها باش ميشوفهاش اسئلة بزاف فراسو واش مساخياش بعائلتها ولا محاملاهش هو نيت ولا عندها مشاكل معاهم وعاد هروووبها صباح خربقاتو بلمزياااان)
لوكان موصلوش قبل مني مكنتش غلقااك؟!
ملاك: (مسحت على وجهها وشافت فيه كان كيشوف فطريق كانت معصبة بزاف خروجها هاكا ومها مقلقة!!!)
اه مكنتش غتلقاني
اورطيغا: امم... يعني مباغيانيش وانا مبزز راسي عليك!!
ملاك: (سكتت وقلبت وجهها متقدرش تجاوبو راه كتبغيه.. كتشوف فطريق هزت تليفونها كتكتب ميساج لمها)
"ماما عفاك سمحيلي والله متسمحيلي حتى نهرب وهاد المرة منرجعش"
(خطف ليها التيليفووون قبل متصيفطو)
ملاك: (بعصبية) طلقلي زمري ممنحقكش تهزلي تيليفوووني
اورطيغا: كان ممنحقيش دابا كولشي من حقي
ملاك: راك غااالط فية وبزااف!!! ماشي ديك السنية للي درت فداك الاكط هي لي غتخليني تحت رجليك
اورطيغا : علاش أرب* انا باغيك تكوني تحت رجلي؟!
ملاك: اه منين مكتعطيش الواحد حقو باش يشرح ويفهم وتغضب وتنفخ وتغبر بالايام كيحسابلك الدنيا دايرة عليك نتا!! وغير تفش تجي تهضر تلقاني هي هاديك!!
اورطيغا: (شعل تيليفونها وهي كتحاول تحايدو شافتو كيعوج فلڤولون كيخلعها خاافت يقلب الطموبيل قرأ الميساج وشاف فيها)
عقلك فيه غير الهروب!! تتلومي الواحد ونتي كفس منو
ملاك: بزاف عليك
اورطيغا: شنو لي بزااف هانتي دابا كفاش تتعتاذري سامحيني ولا نهرب بأشمن منطق!!!! تهربي المرة اللولة التانية الواحد يحماق معاك ويقلب من بعد غتولي عادة وتولي نتي زايدة ناقصة!!
ملاك: داكشي بيني وبين ماما نتا مشغلكش في (طرطقت كتبكي) عمر ماما تخاصمت معايا هاكا كولشي بسبابك
اورطيغا: (كيغوت) شنو هو للي بسبابي!!!
ملاك: (حنات راسها مقدرش فهما يخرجها حيت مبغيتش نتزوجك بغيت نهرب شي ايام ماما غضبت مني مقدرتش تزيد تقولهاالو)
اورطيغا: الا كانت شي حاجة درتها قبيحة انا ندخل مع مك غير نعرف انا شنو درت ليك
ملاك: (شافت فيه غضبااانة كتحاول تفهم واش هدا معرفش انه جرح مشاعرها منين غير 3 أيام بلا ميسول ولا يهضر معاها!! واش كيدير هاكا بلعاني ولا شنو!!)
اورطيغا: هضري باش نفهم شنو عندك فداك الرأس!!!!!
رشيد: (دخل لبيتو بقا زهرة معنقة آنير لي ناعس على صدرها وهي سااااهية محستش بيه حتى منين دخل عندها)
زهرة!!
زهرة: (شافت فيه) شنو!!
رشيد: مالكي فين غرقتي؟!
زهرة: والو غير كنفكر خاص نوجد لخديجة مبقالها والو وتولد
رشيد: شغل لبنات مكيتقاضاااش
زهرة: ويبيع ولكن معندنا منديرو راه بناتنا وهوما لي مخليين الرواااج فحياتنا
رشيد: ههه زينة عندك هاد الرواااج!! شنو غير نكملو نمشيو شي يوماين لشي مدينة
زهرة: زعما؟!
رشيد: نمشيو حتى حنا وأنير نبدلو الجو شوية راه جات حاجة من مور حاجة
زهرة: فين هو الوقت ارشيد خديجة قربت تولد ملاك حتى هي عرسها غير هاد ليام وعاد خاص نجلس مع خديجة شي يامات ماااتما عݣوزة للي تأمنها معاها
رشيد: نخطفو حنا واحد السيمانة ومن هنا لتماك يحن الله
زهرة: يصاوب الله..
رشيد: غدا فوكاش تبغي نوصلك لفاس؟!
زهرة: معرفتش حتى لغدا ونشوف..
~~~~~~~~~~~~~
ادم: (غيحمااااق عندو جوج شكووك يا ختو لي هوت داكشي وعطاتوو لاورطيغا ولا شي واحد منهم دخل هز داكشي عارف الفيديوهات لي تماك بلا داكشي للي مخبع يعني الا فلاو داكشي مزيان غيبقاو بزااف دلحوايج غتقلب ضددو!! حتى الباسبور مخلاوهش ليه باش يهرب!!
رجع صونا على ختو مجاوبتش عارفها دابا غتهرب منو بقا غير كيتجنن والمشكل الكاميرا بي داير فالدار دايرهم مع البيسي وواحد من التيليفونات لي عندو وحتى هادشي معندو باش يفيييدو غيعرف شكون هز هادشي ولكن الا هدد غيجيه تهديد كبر!!
صونا على واحد من دراري)
واش رجعتو لفاس؟!..
وإمتى؟!...
صافي غير تبان سول فية...
اه بغيتك ضرووووري...
(قطع وبقا غير جالس كيخمم ويفكر فشي تخريجة من ديما كيفكر لمن بعد وكفاش يخرج بأقل الأضرار.. رجع صونا على ختو لقاها مبلوكياااه)
انا غنوريك اليلا كفاش تخرجي أسراري ومتحافضيش عليييهم!!!!
وصلو لفاس وهو يضووبل الطموبيلات لي هبطو معاه وشدها سرعة قبل ميقشعووه فين ماشي حتى دخل فدرييب باش يختاصر ويمشي للحومة تماك غيكونو بجوج ويهضرو على راحتهم اما هي بالخلعة ضربت الطم بديك السرعة باش ماشي...
اورطيغا: (وصل للحومة هبط وهي بقات فالطموبيل مشا حل باب عليييها) متنزليش؟!
ملاك: لا
اورطيغا: نزلي بالخاطر حسن املاك!!!
ملاك: (نزلت وشافت فيه) هادشي لاش كتعرف غير الغوات والتهديد ولكن انا دابا نزلت غير باش نفهم شنو ااااخرك من هادشي كااامل
(مشات قدامو بكل ثقة اما هو سد باب الطموبيل كتعرف كفاش تقليلو السم مزيااان.. تبعها لدروج صونات عليه مو جاوبها)
أمينة: واش مشيتو للدار!!
اورطيغا: لا، من بعد ونصوني عليك (قبل متهضر قطع ودار mode avion خلا أمينة غتفݣس وكان غير موصاتوش!! وصل عندها حل لباب دخلت ودخل من موراها مشات لبيت نعاس نيشان جلست فوق النموسية.. تابعها بقا كيشوف فيها دارت رجل فوق رجل شي مرات كتفاجئو بهاد الثقة لي عندها فراسها وكتكون جاية من عصبيتها كتكون مستاعدة تخسر أي حاجة غير متكونش ضعيييفة)
ملاك: كنسمعك
اورطيغا: (جر كرسي مقرب وشاف فيها) انا لي تنسمعك
ملاك: انا معندي منقول الوقت لي بغيت نهضر فيه نتا مسمعتينيش ونتا حر كما أنا حرة
اورطيغا: هكا مغنوصلو حتى لحاجة
ملاك: نتا لي ختاريت ديك المرة تفاهمنا الحوار هو كولشي نتناقشو نتفاهمو وديك الساعة نخرجو بحل ماشي تقطع الهضرة بحال معرفت شنو درت ليك وقلت اه مكملاش حتى شهر رجعت نفس الغلط يعني نتا مباغيش تسمعلي وحتى ونحلو الامور دابا غتعاودها وهاكا غير كنخويو الما فالرملة
اورطيغا: متنبغيش الكذوب املاك
ملاك: مكذبتش انا مقلتش ليك وصافي
اورطيغا: هي هي
ملاك: لا فرق وأصلا علاش نجي ناقش معاك شي حاجة كتخص ماما واش الف مرة نفهمهاالك انا مثلا ميمكنش نحمر عليك ونبقى نقولك على خالتي امينة
اورطيغا: وعلاش حمزة عارف!!!
ملاك: (بقات كتشوف فييه) راه ولد الجيران وداخل خارج عندنا عادي يعرف
اورطيغا: مشكلتي ماشي مع مك ولا هي منين ومنين أصلها شغلها هداك!! انا لي هامني منين باك كانو دايرينو بوديݣارد عليك وانا تنسول علاش كاين!!! علاش هو بالظبط!!! ديك الساعة غتجي تقوليلي شنو كاين حيت نتي كنتي عارفة
ملاك: نتا مكتقبلش تسمع حتى سميتو عاد نقولك علاش مصيفطو بابا؟!
اورطيغا: لا لا كاين فرق بين هادي وبين هادي
ملاك: مووووراااااد من التالي نتا لي معاجبكش من هادشي كامل هو علاش حمزة يعرف ونتا لا!!!!!!! علاش هو يعرف قبل منك ونتا لا!!!
حمزة: (رجع للدار يبدل حوايجو ويرجع يجلس مع دراري لقا مو خارجة من دار الجيران تسناتو حتى وصل عندها باين من ملامح وجهها عندها تساؤلات)
الوالدة؟!
نجية: جابك الله بغ.. (سكتو وهوما كيشوفو واليدين حنان جايين عاود للمرة الألف حتى ملو منهم)
اختي الله يهديييكم راه غير كضيعو وقتكم
...: اللله يرحم والديك بنتي كضييع
حمزة: وللي مات؟!
....: أجلو اولدي الاجل بنتي غلطت وبزاف منين تبعت ديك اللفعة ولكن ماشي هي كانت سبابو هي غراتها غير بدوك جوج دريال
حمزة: تجيب فين كاينة اللفعة وانا نديرلك تنازل لبنتك ونديرلها حتى محامي
...: ومنين اولدي راه معرفتها فين زادت راها ظل تبكي وتحلف
حمزة: ضبر راسها تجيبلي فين كاينة وديك الساعة اجيو عندنا (جر مو ودخلو)
متبقايش تعطيهم صوابهم هاد المرة خرجي عينك فيييهم
نجية: (بغات تقولو راه بقات فيها حنان وهي تسكت) قولي اولدي ديك لبنت لوسة خديجة
حمزة: (فهمها) مال غيثة الوالدة؟!
نجية: كانت مزوجة؟!
حمزة: (بقا ساكت شحال وشاف فيها) كان تكرفس عليها واحد
نجية: وداك الولد؟!!
حمزة: ولدها
نجية: ونتا باغي تجوجها؟!
حمزة: الكلب لي كان داير يد مع أميمة هو نيت لي تكرفس عليها وهو نيت لي ضرب ماين راجل ملاك وكان غيقتلها مهم هو داير عصابة ولكن قريب ان شاء الله يتشد
نجية: وعلاه؟!
حمزة: حيت مريييييض
نجية: اوا اولدي (مترددة) وتجوج بيها؟!!
حمزة: درويشة بزاف ومربية شفت شنو داز عليها راه بزاف.. حتى هي مكرهتش وكان كملت حياتها عادي كما كنت مكملها انا قبل منضيع فخدمتي لا انا لا ملاك ولكن كتابت عليها انا عاودت ليك هادشي حيت مبغيت حتى حاجة تخبا عليك ولكن هضرتنا هنا تدفن الا كتاب وتزوجنا انا وديك بنت الناس غتشوفيها وتعامليها كما عرفتيها نهار اللول تعامل بحال ياله تولدت من كرش مها وانا باغيها..
نجية: (وهي تعاود تدخل فاختياراتو وهي تايقة فولدها) الله يكتب ليك للي فيها الخير اوليدي..
حمزة: أمييين (باس راسها) أمييين الوالدة..
اورطيغا: (حتى واحد مفاهم لاخر وحتى واحد ممتنازل ناض من حداها كما ݣارو فلبالكو راد لباب شوية وهي جالسة هزت تيليفونها صونات على مها سمع صوتها كتهضر بقا كيشوف فظهرها، لي مزعزعو علاقتهم فالطوب ديال التوتر وهي لي هامها دابا هو مها تسمح ليها يعني كتبغيه ولكن حبو كاين فالمرتبة من مور واليديها هادشي واش غيفرحو ولا شنو!!!.. مو صيفطات ليه ميساج يجيب ملاك للدار دااااباااا عارف دماغها فين ماشي مخاصوش يدخل عليها حتى يديرو العرس)
ملاك: (جاوبتها) ماماك عفااااك..
لا انا بووحدي..
والله مكنت هاربة علاش غنهرب؟!...
ها!! كنت غير خارجة نجيب شي حاجة ونتي حسابلك هاربة علاش غنهرب ياك انا لي بغيتو نهار اللول؟؟؟...
والله اماما..
عفااااك والله حتى حشومة عليك نتي مسمومة نهار لي تفرحي معايا فيه غضبانة مني!!! وكان كنت انا ݣاع منديرلك هاكا..
عاافااااك..
واخ.. (قطعت مكتقدرش على زعل مها، باها ممكن تسلك معاه ودغيا كتغمق عليه ولكن مها لا)
اورطيغا: (لاح الݣارو عفس عليه ومشا جيهتها) ياله نوصلك لعند الوالدة
ملاك: (عارفة دابا حوارهم معندو فين ينفع وقفت وقرب ليها هزت عينها فيه)
هاد نهار لي كنت كنتمناه يوصل مفرحتش فيه
اورطيغا: كنتي باغا تهربي فيه!! واحد غيري ميزيدش فيها الضربة معاك املاك
ملاك: (واحد كيلوم لاخر وحتى واحد ممعتارف بغلطو حنات راسها جات خارجة شد فذراعها)
شنو!!
اورطيغا: متعاودي والو لأمينة
ملاك: انا اصلا مكنبغي نعاود والو على حياتي، ومشاكيلي كيبقاو ديالي
اورطيغا: راني شفت والا بغيتي تعاودي عندك المقربين دياولك
ملاك: (بقات كتشوف فيه ووقفت بكل ثقة) واخا نشرح ليك واحد الحاجة!!! حمزة مكان عارف والو واخا كبر معانا داكشي بقا بين لكبار حيت باه كان صاحب بابا من صغر يعني كان عارف شنو كاين من نهار تعارفو بابا وماما ونهار تخطبنا ماشي تخطبنا غير هضرة ضااارت باه دحمزة قالو شنو كاين جا عندي كيسول بالنفخة مجاوبتوش حطيتوا فلبلاصة سطل بلا تقرقيب معطيتوش وقت اصلا حتى باش نسمعو ماشي حتى باش نشرح ليه غير باش تفهم ماشي انا لي مشيت وعاودت ليه هو عرف من باه لي كان ضد زواجنا ونهار ندمو منفعت ندامة ومبغيييتش نرجع معاه، حيت حتى واحد ممنحقو يلوم ماما على شي حاجة مشغلوش فيها ماما كتبقى عندي خط احمر حتى واحد ميتعداااه!!! اما نتا كنت مستاعدة نفهمك ونعاود ليك ونشرح ليك وتسنيييتك تبرد وتهضر ونتا مبغييتش وانا مغنبززش عليك!!
ودابا كتلومني علاش انا دايرة هاكا!!! كانت ساهلة نهضرو ولو غير نهار قبل لاكط!!
(شافتو مجاوبش ومشات حدا لباب لحق بيها سااكت حلت لباب وهبطت ربعة درووج زعما راه معندي منزيد فالهضرة دابا، سد لباب وهبطو بجوج فهدووء ركبت معاه وصلو للسعادة كان صونا على مو ووفاء لي معاها باش يهبطو حيت بغاو يمشيو يكريو تكاشط على حساب العرس.. جات مو نزلت هي ورجعت اللور ماشي احترام لأمينة غي حيت مقلقة منو...)
مشاو كيقلبو على فين يكريو التقليدي، ملاك واخا المورال ناازل بقات كتقلب على شي تكشيطة ديال النخوة خرجت أمينة مقيسة وحدة كتسولهم على رأيهم كتخلق جو زويين ولكن هي بغات مها لي تنشطها وظحك معاها.. كل وحدة شنو ختارت ومشاو كيخلصو
وفاء: تصالحتو؟!
ملاك: (حركت راسها بلا)
من بعد ونهضرو
(شيرت بعينها لأمينة تسكت قدامها حيت مغتفاك حتى تصالحهم والمشكل مواقفش على لي يدخل بيناتهم حيت خاص هادشي هوما يحلووه.. خرجو برل كان فطموبيلتو كيتسنااهم طلعو كل وحدة هازة شنو كرات)
اورطيغا: تعطلتو كنتو تتخيطوهم؟!!!!
أمينة: انا ݣلت لݣاك مشيت ساعة راه دزنا فوجه ملاك
اورطيغا: (ديمارا وزاد) غتمشيو لشي قنت اخر!!
أمينة: علاه متعرضناش اليوم زعما راك تزوجت
اورطيغا: فين تبغي تمشيو؟!
أمينة: (حست بشي حاجة فهاد الجوج ملاك غير قالبة وجهها مكتهضرش وحتى هو ماشي شي هضرة معاها.. ضارت عندها) فين تبغي عروستنا تمشي؟!
ملاك: (تبسمت) فين ما بغيتي نتي اخالتي
أمينة: (ميمكنش تدخل حتى تعرف شنو كاين ربما يكون موضوع خاااااص..
ملاك انزاعجاات حيت بسبابهم دايرين جو مكهرب فوسط الناس لي فرحانين ليهم، وصلهم للدار هز باليزة ملاك مطلعها من مورااهم دخلها لبيتو وهي كتشوف.. هي دخلت لداخل حداهم جلست سااكتة)
اورطيغا: انا نقضي شي غراض ونجي عندكم لقلكم واجدين
أمينة: واخا اولدي الله يرضي عليك (شاف فملاك لي جابدة تيليفونها مشافتش حتى فيه، هاد الوجه عمرو شافو منها من ديما كانت كتبعو بعينيها وباينة لأي واحد مزعوطة فيه!!
مشا معاجبوش الحال خرج اما أمينة داخت بين هاد الجوج مبغاتش يبقاو هاكا)
ملاك: خالتي بغيت ندخل ندوش؟!
أمينة: داركم هادي احبيبتي ݣاع متبقايش تسوليني ديري للي عجبك وحوايجك راهم فبييتك (ناضت ملاك مشات لبيت مراد كان الكوڤر مبدل ولبيت معطر جلست عياااانة ماشي بالحركة ولكن بالتفكير وسهييير وهادشي سخسخها معارفة شنو دير ولي موقف حالها هو مها محدها مقلقة منها حتى حاجة متحلا ليها...)
امينة: (عيطلها الحاج بنسليمان لي مشاو سبقوهم للرياض أكد عليها يجيو على حساب لعشا ويرحبو بالعرسان عتاذرت قالتلو حتى لمور عرس شريف ويديرو شي عشا لملاك وعائلتها واليوم يخليوهم على راحتهم!! قطعت ورجعت صونات على مراد داخلة لبالكو مخلية وفاء متكية على ميجي عمر عندها)
ولدي فينك؟!
اورطيغا: (معندو خاطر) انا مع دراري
أمينة: شنو طاري بيناتكم نتا ومرتط راكم دوختوني!!
اورطيغا: (مزال مولف لقب مرتك) متعمريش راسك!!
أمينة: واش نمشي للرياض نخليكم بجوج حتى تفاشو!!!
اورطيغا: ههه مكاين والو غير مسخاتش بدارهم وصافي
أمينة: لا لا هادشي كتر من مسخاتش غير ݣول اولدي شنو درتلها؟! راه والله منسمح ليك الا غضبتيها وعاد هي عروس!!!
اورطيغا: وعلاش متكونش هي لي دارتلي شي حاجة ياك حتى انا عريس!!
أمينة: وا هضر اداك الجحموم
اورطيغا: صافي غير بقينا مناقشين شوية على داك موضوع مها
أمينة: ونتا مالك ومال مها يا داك الجحموم!!!! زعما راك كنت ظل تصلي على هيدوورة سبع وتصلي بالناس باش دخل فشبوقات الناس
اورطيغا: هه الوالدة!!! دخلي سوق راسك داكشي بيناتنا انا وياها
أمينة: مندعيش فيك اليوم راك عريس ولكن والله مدير عقلك يا داك الكلب حتى نديرولك
اورطيغا: فين راها؟!!
أمينة: دخلت دوش
اورطيغا: حضيها غير متزيدش لشي قنت هاديك راه عقل لاروووب
أمينة: بزاف عليك!!! ياله اجي نتا وعمر وجلس معاها الا كانت شي حاجة ݣادوها بيناتكم ونعلو الشيطان راه ماشي هاكا كيبدا جواج
اورطيغا: شي ساعة ونجي
أمينة: الله يرضي عليك اولدي متعطلش شري ليها شي وريدات
اورطيغا: بقاو شي كرعين عندي فالثلاجة مقاضيينش الغراض؟!!
أمينة: (قطعت عارفة ولدها قاسح ولكن ماشي من داك النوع لي يدقق فمها!! حييرووها)
غير عوييينة قاستهم ومصلاتش على نبي..
(دخلت لبيت كانت وفاء ناعسة طفات عليها الضو، ومشات دقت فالدوش)
ملاك!!!
ملااااااك!!!!
ملاك: (خرجت ليها من لبيت) مزال مدخلت اخالتي انا عاد ندخل دابا
أمينة: واخا حبيبتي.. (مشات للكوزينة تقلب على الشبة والحرمل باش تبخرهم ساعة ملقاتهمش حااارت ومبغاتهم يبقاو هاكا...)
اورطيغا: (كيعيى يدير ليها أعذاار وانه بالصح غلط ولكن فكرة هروبها كتفشلو!!! كفاش قدرت تهرب حركة جرييييييئة منها دغيا بغات تسمح فيه!! معجبوش الحال فمرة!! هو معنى واحد لي كاين هو بالنسبة ليها زايد ناقص!!)
عمر: وااا مرااااد رجووووع الله اصاحبي
يوسف: بحالا دخلك هم زواج من دابا!!!
اورطيغا: (تبسم نصف ابتسامة..) عيط على خديجة نمشيو نتعشاو مجموعين راك شحال ونتا تتعرض علينا
يوسف: أنا عرضتكم دابا!!!
عمر: ههه تشديييت ابن عمي!!
اورطيغا: شنو بحالا كبرتي عليها!!! خوك عريس بغيتني من نهار اللول نخسر فلوس فصباح وفالليل وانا عاد صارف ملاين صباح
يوسف: جااااتكم.. علاش ملوكة عندنا رخيييسة!!
اورطيغا: (مخسر وجهو) شنااااهوااا!!!
يوسف: ههه الالة أمينة
اورطيغا: مكاين لا ملاك لا أمينة!! كاين غير هاد بوق*** للي حداك!! وا جمع ***
يوسف: ههه
عمر: (صونا على وفاء جاوباتو ناعسة علمها قربو يجيو ويوجدو راسهم!! ناضو من تماك شريف مشا فحالو يوسف مشا يجيب خديجة وغيثة ولوخرين مشاو طلعو للدار دقو فلباب مبغاوش يحلو بالساروت حيت ممكن يكونو لبنات بلا فولار.. حلات وفاء لابسة حوايجها دخلو هو مشا نيشان لبيتو لقاها متكية فوق النموسية لابسة حوايجها ودايرة فولارها جلست.. سد لباب كيشوف فيها)
ملاك: ياكما باغي غتبدل؟!
اورطيغا: (كيدير فيها شي شوفات دلقتيلة حل ماريووه كتشوفو كفاش مطوي مقاد جات نايضة بلا ميدور)
جلسي
ملاك: شنو راه مغنديرو لا دخلة لا خرجة!!
اورطيغا: (شاف فيها شوفة بحال كيقولها اخر همي!! زادت تفقست)
فين كنتي غتهربي؟!
ملاك: مكنتش غنهرب بغيت نضرب دوييرة وصافي
اورطيغا: دويرة!!! (حرك راسو بأه كيلعب بلسانو فوق فمو وهو سادو!! حط التيشوورت بقات كتشوف فظهرو وذرعااانو قليل فين كيلبس شي حاجة مغرية ولا لاسقة باش يبانو عظلاتو من ديما ستيلو تيشورتات واسعين عارفاه مهلي فراسو وحتى خدمتو وتقل لي كيظل يهز معاونو باش محافظ على فورمتو هز تيشورت وضار عندها)
وشنو هاد المخ*** لي تستاهل تهربي عليها! (كانت فظهرو رجعت كتشوف فكرشو هي وعندها شوية دلكريشة عقلها سررررح)
ملاك: هم!!!
اورطيغا: هادشي يستاهل تهربي!!!
ملاك: (كتشتت انتباهها وتحر راسها بلا) لا!!
اورطيغا: إواا!!!!
ملاك: احم مبغيتش نهضر فهادشي دابا حيت غيعطلنا على كولشي!! براكة غير كولهم عرفينا مخاصمين وممرتاحينش!!
اورطيغا: ونتي مرتاحة!
ملاك: لا
اورطيغا: (غتحمقو بهاد التصرفات لبس التيشورت)
ملاك: الصهد!! انا نتكلم لمك راها كتعيط!!!
كانو كيتعشااو مجموعين خالقينها بالظحك ملاك غير كتبسم معاهم قلييييييييل فين كتهضر مرة مرة كتلوح عينيها عليه مجمع مع دراري وظاحك بحال مواقع والو بيناتهم كتفكرو قبيلة عريان ماشي اول مرة تشوفو هكاك ديجا شافتو فالبحر وشي مرات فالتيليفون فاش كيكونو كيهضرو أبيل ڤيديو ولكن دابا فرق راه رجع ديالها شرعا وقانونا وقريب يكون قراب لبعضياااتهم عجبها متنكرش ولكن هي وعندها شوية دلكريشة زفرت بحال تقداو ݣاع المشاكل!!! حتى كتبغي تغبن ونفكر فشي حاجة اخرى كتلقى عقلها كيدور غير فهاد الحلقة بغاتو يبغيها من كل الجوانب ولكن ممستاعداش لشي ريجيم ولا سبووور...
هزت تيليفونها صيفطات ميساج لمها
"ماما عفاك سمحيلي والله مكنت غنهرب واش انا نديرها"
رجعت كتبت ليها اخر
"راني مقادرة لا نفرح لا والو حتى حاجة مكتحلى لية من غيرك عفاك اماما غير جاوبيني"
زهرة: (كتبت ليها) توصلني شي تبرية منو ولا من أمينة ديك الساعة لحساب ديالك غيتقال معايا
ملاك: (كتبت ليها) راه هو لي عصبني اماما
زهرة: هو عصبك وحنا؟! كنتي بغيتي تشوهينا؟!! هادشي لي نستاهلو منك انا وباك؟؟!؟
ملاك: (كتقرا حتى خطف ليها التيليفووون خرجت عينها فيه دار التيليفون فجيبو وميل راسو عندها)
اورطيغا: معامن تتهضري؟!
ملاك: (شافت فيه) عطيني نكمل كنهضر مع ماما!!
اورطيغا: (هز التيليفون ديالها بغات تهزولو شد يدها مزير عليها ودارها تحت الطبلة كتبغي تجبدها ووالو دار تيليفونها قدام وجهها باش يتحل خرج فلميساجات كيقرا فهم دابا المشكل وحط ليها التيليفون جبدت يدها للي كمشها فيدو)
كولشي تيعاني معاك ابنت رشيد!!!
ملاك: (استفزها) بصحتي ولي مقبلش علية جلاااااا
اورطيغا: (كتغددو عندها جواب على الناب!! بقا ملبدها قبل ميقلب عليها هادشي كامل!! كملو عشااهم ناضو يتفرقو لديورهم بقاو بتلاتة وصلو للدار هي مفاهماش فين غتنعس واش معاه ولا يفرش لتحت!!! حتى شافتو هز وسادتو ومشا الصالة حسابلها غيهضرو ويتفاهمو حيت فالليل غتسمعلو أمينة مشات تنعس اما هي لبست ديباردور بشورطو طلقت شعرها قدات راسها في حالة الا دخل عليها للبيت بعدا تكون سيكسي...)
~~~~~~~~~~~~
غيثة: (كانت كتهضر مع حمزة أبيل ڤيديو كتعاود ليه على نهار وكيبقى معاها حتى فاش كتبدل لمحمد لحوايج ولا ليكوش وكترضعو مونسها بزاف لدرجة كتبقى غير فبيتها.. صونات شي نمرة عليها)
تتصوني شي نمرة!!
حمزة: جاوبي.. غيكون داك الكلب وسجليه وصيفطيهلي
غيثة: (حركت راسها بلا) منقدرش احمزة نهضر معاه
حمزة: خاصك تواجهيه ولا غتبقاي كتخافي منو ديما
غيثة: دابا مقاداش
حمزة: على راحتك.. اوا كملي امتى غندبحو لمحمد ونسميوه؟!
غيثة: ههه غتكون معانا!!
حمزة: نشوفلها شي تخريجة!!!
اورطيغا: (بقا كيتقلب فبلاصتو دماغ كيقولو نتا شماتة ماشي راجل كفاش ضارب لاكط وناعس بوحدك؟؟؟ وماشي اي وحدة البنت لي كتبغيها وشحال ونتا كتسنى تجمعو!!
شحال ونتا شاد راسك ومبغيت دير والو ودابا منين درت لحلال مكدير والو؟!!...
جلس مغوبش كيشوف اونفاص ليه ناض مكيفكرش خرج من الصالة كيتسلت على حساب مو لي دايرة ليه العرقلة مشا لبيتو حل لباب بشوية دخل شعل بيل التيليفون ديالو كيشوفها غاااارقة فنعاس حيت مرة مرة كطلع جخرة شاعلة لاكليم بقا كيشوف فيها وشنو لابسة وكفاش ناعسة!! كانت ناعسة على كرشها وليزار ملوي على تر*** وطالقة ذرعانها.. بقا فبلاصتو وكيفكر كفاش **** ولكن هوما مخاصمين مكانش عندو المشكل غير هي واش غتقبل؟؟؟؟!!!
زاد غوووبش عارف مغيدير والو غير يمشي فحالو حسن بلا ميزيد يتغبن ويكمدها فقلبو خرج من لبيت واخا عيا يفكر يتراجع ويطبق شنو كيقول ليه راسو حبا وزكارة فيها...)
~~~~~~~~~~~~~
كان نهار العرس كولها وفين كيتجارا ملاك فيقتها أمينة وهي كتلمس فوق شعرها
ملاك: (حلت عينها لقاتها هي جلست) خالتي!!
أمينة: صباح الخير ازويينة ديالنا
ملاك: (تبسمت) صباح الخير
أمينة: كيف صحبتي ابنتي رتاحي شوية
اورطيغا: (طل عليهم) كاين شي فطور؟!
ملاك: (شهقت ودخلت تحت ليزار) تبقى تحنحن!!
اورطيغا: واش هادي مضروبة بفردي خاوي ولا بمقلة؟؟
أمينة: ههه هدا راجلك احبيبتي متحشميش مع الوقت دابا توالفو
ملاك: قولو يخرج اخالتي (اورطيغا خرج براسو مكره على صباح مدوش وهو مداير والو ومزوج من الفوق هادشي غير كيزيد يشعلو عليها..)
أمينة: راه مشا ابنتي نوضي باش تفطري راك لبارح مواكلة والو
ملاك: واخا خالتي انا جاية.. (خرجت أمينة سدت من موراها لباب ناضت لبست دغيا بيجامة خفيفة ولوات شال مزال ممولفة تعرا قداامو واخا غير شعرها صونات على مها مجاوبتهاش صونات على باها عرفت منو مها غتحضر للعرس يعني فلعشية غيجيو.. خاصها دير شي حركة باش مها تسامحها)
اورطيغا: (دق عليها حتى فافاها) وبناااااااادم بغينا نحنجروووو...
خديجة: (كانو هي ويوسف مزالين فدار واليديه بحكم بغاو يبقاو مجموعين على ميجيو الغالية والحاج...
كانت جالسة هي وغيثة كيتناقشو فالعرس ديال شريف شنو يلبسو كانت غيثة مترددة تمشي متمشيش حيت ولدها مكاينش لي يشدو وعاد الا بانت بيه شنو غيقولو وغير غتمرض فراسها وصافي!!
سمعو الصونيط مشات المساعدة حلت لباب حتى جات داخلة ومن موراها الياقوت شافو فيها باستغراب وتشاوفو بيناتهم)
شنو جاية كديري هنا عاود؟!!
الياقوت: فين ولدي؟!
خديجة: ااااااااه الفلم غيبدا بكري هاد النرة!! قلت زعما حتى يدير عام باش غتجي ساعة ربحتيني اغيثة
غيثة: ههه راني حافظااها...
الياقوت: (بعصبية) فين ولدي!!!!!!
غيثة: نااااري الياقوت غتبداي دراما ديالك عاود.. شوفي سيري حتى تكون ماما واجي نتفرجو مجموعين
الياقوت: بغيت ولدي!! (شافت فخديجة) فين ولدي؟!!!!
خديجة: عطيتيني اختي شي حاجة؟!
الياقوت: غيثة صوني على يوسف دااابا يجي هنا هو لي عندي معاه الهضرة ماشي هاد الشلحة
خديجة: فخبارك ولدك كيقولي ماما وشي مرات كيقولها بالشلحة حيت كنعلمو الشلحة (فرنست باستفزاز) تبارك الله غيطلع قاااافز وواعي احسن حاجة سمحتي فيه وخليتيه يعيش فبلاصة نقية
الياقوت: غيثة!!!!! صوني على خوك!!
غيثة: واش انا خدامة بااك!!! صافي قلناالك سيري حتى نعيطو ليك
خديجة: ههه بحال شي كونكووور (شافت فالياقوت) الدل ياااختي الدل لمدلدل هو نتي شخصيا
الياقوت: دايريني ظحكة بيناتكم؟!!!
خديجة: سيري تمشي دابا
الياقوت: انا غنطلع ناخدو
خديجة: أقسم بالله وتطلعي درجة من داك دروووج نطبق عليك الهااااجم يمووت شرع (لمست على كرشها) وكلمتي بكلمتك ونشوفو شكون غيربح!!!!
الياقوت: غتخلعيني؟!
خديجة: جربي
الياقوت: ياكما حسابلك انا مكلخة مدايراش حسااابي لهاد نهار غير نسااااي لا نتي لا يوسف
خديجة: الا كملتي سدي من موراك لباب والمرة جاية منلقاكش معتبة هنا
الياقوت: طاتي الغالية لي تتعرف ليك
خديجة: (بهدووء) ياله لباب..
ملاك: (خرجت من بين اورطيغا لقاتو كيحط مع مو الفطور بوجه ملائكي مافيها لي يتقاابح ولا يجيد صداع واكترية قدام مو لي مذنبها والو من غير بغات تفرح بيهم)
احم نغسل وجهي ونجي!!
اورطيغا: (وقف كيشوف هادي مالها مهدنة ياله نوضوها فلبيت)
سيري....
ملاك: (مشات لطواليط قضات روتينها الصباحي توضات رجعت للبيت صلات صلاتها وكدعي من قلبها يصلح أحوالها راه معارفاش شنو وقع ليها باش وصلو هي واورطيغا لهادشي!! اورطيغا طل عليها باش يعيط ليها ودغيا رجع بغا يخلي ليهم الخصوصية بينها وبين لي خلقها واكترية منين شافها كدعي كولشي فيها كيعجبو ومحتارمها ولكن حاس براسو باغي يضربها بكترة عنادها وقسوحية راسها وطول لسانها..
جات عندهم تحت ترحيبات أمينة خلاتها تبسم جلست كان فطور متنوع والطابلة من الطرف الطرف عامرة بين الحلو والمالح)
أمينة: أتاي ولا قهوة ولا عصير
اورطيغا: كبيلي أتاي!!
أمينة: كبها راسك انا راني نهضر مع بنتي!!
اورطيغا: سييييير على الله هي بلاش متتحتارمنيش زيدي ضسريها علية
ملاك: واااشوفي اخالتي واش انا جبدتو!!
اورطيغا: لا (خرجت عينها فيه عارفة دماغو وهي كتر منو!!)
أمينة: بعد من لبنت!! شنو نكب ليك؟!
اورطيغا: (كب راسو وبدأ كياكل هوما كيهضرو على العرس صونات عليه ليلا باقية نمرتها مسجلة عندو، عندو احساس انها باغياه فشي حاجة لي مهمة وعندها صلة كبيرة فهادشي لي كيقلبو عليه)
ملاك: (جاها فضول شكون كيصوني خلا ملامحو تبدل وزاد كمل منين ناض من حداهم وخرج)
اورطيغا: وي!! (توقع هي لي تهضر)
ادم: غتجيب التيليفونات والبيسي ولا غنزيد ندمك على نهار لي تولدت فيه
اورطيغا: ترعدت حتى بل* على سروالي اجمي!!!
ادم: نتا غتكون سبابها!!
اورطيغا: (باستغراب) شنااااوااا!!!!!
ادم: جيبلي باسبور ديالي وهي هادشي لي دارتو معاك مغيوقفش هنا
اورطيغا: واش باغي تقتل ختك؟!! (ادم مجاوبش) قتلها وانا مالي ياكما غنحزن عليها!!
ادم: جيبلي حوايجي!!! وانا عارف شنو غندير!!! (قطع وبقا معصب غيدير اي حاجة باش هو لي غيربح ومغيخلي حتى واحد يغلبو واخا بلمووووووت....)
اورطيغا: (بدا كيسب فخاطرز دابا همو غير بين رجليه ممسوق لوالو هاد الساعة لا ادم لا ليلا لا حمزة حتى واحد!!! رجع لطابلة لفطور شاف فملاك باغي غير منين يدوز ليها) علاش مزال نتي دايرة الحجاب؟!
ملاك: (مجاوبتش غير كتشوف فيه)
أمينة: واش مباغيش تبعد من لبنت نتا؟!
اورطيغا: واش انا مزوج بيها باش تبقى مغلفاالي نشوفو غير شعوور بعدا!!
أمينة: واش اداك الجحموم مكتحشم مكترمش!!!! دير بحسابي غير منين راني معاكم!!!
اورطيغا: علاه هادشي فيه الحشمة عادي راه خاصهت تعرا قدامي للي حشومة وعيب هو قدام البراني
ملاك: (كتقليلو السم بحواجبها وتشقلب فعينيها)
أمينة: باااااز بااااز اولدي ولكن الوجه لي احسن بيه راه مشوط!!!
ملاك: هههه
اورطيغا: (تبسم وأمينة كملت فطورها هزت تيليفونها مدوزة ابيل تخليهم بوحدهم)
أمينة: ألوووو.... (خرجت من لبيت)
اورطيغا: (تكى على جنبو كيجر ليها الشال من اللور حتى بعدت من حداه كتقادو من القدام)
شنو!!
ملاك: شنو نتا؟!
اورطيغا: نشوف شعر ولا نكون مقووولب فيه حتى هو
ملاك: اه مقووولب شعري حرش كرد ما فيه ميتشااااف انا شوية ونمشي نقرعو
اورطيغا: مزيااانة لية باش فاش نكون عرقانين ميلسقش فلحمي ونبدا نسرط فزغب
ملاك: (ناضت بغات تخرج وشدها من يدها)
اورطيغا: الطبلة غنجمعها يانا؟!! مكفاكش انا والوالدة قادينا ليك الفطور الأميرة!! نعيطو ليها هي تجمعها؟!!! لمرا قد مك!!!
ملاك: جمعها نتا نيت
اورطيغا: انا الا نضت غنجمعها معاك بشي **** ونتي ختاري
ملاك: مريييض!!
اورطيغا: (زاد تكى) بزاااااااف!!!
ملاك: (شافت انها حشومة أمينة تبقى خدامة عليها جمعت الطابلة مبعداااه حاسة بشوفاااتو فيها حطت داكشي فالكوزينة خاطرها مخلاهاش بقات كترد كل حاجة بلاصتها والماعن دارتهم فماكنة ديالهم ولكن معرفتش تخدمها قالت حتى تجي أمينة تشعل عليهم جات خارجة وهو يحبسها فدخول)
شنو عاود راه مغنتقاد معاك حتى نحلو المشكل ديالنا!!!
اورطيغا: انا خارج غرجع باش نديكم للقاعة منبغيش ديك لبسالة ديال المكياااج وتبقاي لاسقة فأمينة منين نبغيك!! وشطيح وداك الظحك الزايد مكاينش
ملاك: أهاااه مرحبا!! وهاد الهضرة غطبقها حتى على راسك أسي!! باش نخليو الناس فرحانين بعرسهم ومنخسروش ليهم رزقهم (جات ماشية شدها من كتفها رادها) شنووووو!!!
اورطيغا: واش متتقضااايش!!
ملاك: تعلم امراد لي ينطابق علية ينطابق عليك!!!
يتبع...
التعليقات
لا توجد تعليقات بعد، كن أول من يعلق.