قصة قطعة من الجحود الجزء الأول

قصة مختلفة تلتمس الحب والعتاب.

* * *

الحياة ليست دائما كما نتمنى، فمثلما يوجد فيها الفرح يوجد الحزن، ولكل إنسان منا نصيبه منها. كلنا نعيش فيها أوقاتا من الفرح والسعادة، وأيضا أوقاتا من الحزن والألم والكآبة. ولكن من يستطيع الصمود فيها من بين البشر هو من يمتلك قوة التحمل والصبر على أوجاعه وآلامه، ويحول كسره إلى جبر. أما من يستسلم لما يحدث له في الحياة ولا يتحمله، فسوف يعاني من الكآبة ولا يستفيق منها إلا عندما يحاول النهوض مجددا بنفسه أو بمساعدة الآخرين. لذلك يجب علينا أن نتخير أشخاصا في حياتنا نجدهم معنا في أوقاتنا العصيبة، لكي يخرجونا مما نعاني منه ويهونوا علينا مرارة ما تذوقناه في الحياة.

* * *

هي: "قمة الخذلان أن أنهض من نومي متألمة، أتحسس ظهري فإذا بطعنتك قاتلة، وجرحي منك ينزف والظهر مشطور لنصفين. أوما كفاني ظلم الأيام لتكون أنت والأيام ضدي؟"

هو: "ما حدث مني كان مجرد خطأ لم أقصده، وقد تألم قلبي على ذلك وعاش مرارة خطئه. وها أنا أقدم اعتذاري بين يديك، لعلي ألتمس منك عفوا أداوي به جراحي قبل جراحك."

قطعة من الجحود بقلم Karima El Hamraoui

* * *

حطات رجليها في الجردة فين مولف تيريح و بان ليها جالس في بلاصته معتادة بجلابة بيضاء و سلهام فوقه و تسبيح في اليدين رمات خطوات عنده و جالسات في الارض حطات راسها فوق ركبيه وعينيها نازلين بدموع فقط بدون تعابير

الجد:: ( عينه قدامه هز يديه و حطها على شعرها و نطق ) هادي نويويرة ديالي

نوارة::( غمضات عينيها من اول مالمس عل شعرها) الصمت

الجد::( تبسم ) نويورتي بوحدها لي تتجلس و تحط راسها عل ركابيا و هي بوحدها لي تنشوفها

نوارة:: (شدات يديه باستها من وسط ونطقات بصوت مجروح ) با حنيني

الجد:: فينك ابنتي شحال تسنيتك ترجعي بلاصتك مايعمرها لا تالي لا والي

نوارة:: (هزات عينها فيه وحطات يديها عل لحيته بيضاء و تجاعيد وجهه) الحنين فيا سمحليا غبت عليك ضروفي( تنهدت ) ضروفي تحتمت عليا نخليك

الجد:: هاديك داركم ابنيتي كيف ماهي دارهم و لمكتوب ما منو هروب مادرتيهاش بيديك

نوارة:: ( رجعات حطات راسها عليه)مانقدرش ابا نرجع لديك دار تيتمت ابا من كلشي الام الاخ الخوال كلشي نكرني بحالا انا ما عندي تا واحد

الجد :: عندك الله ،و انا ابنيتي تايق فيك و عارفك مادرتيهاش وعمرك ديري شي حاجة تغضب الله ،بنتي مربية و بنت الاوصول

نوارة:: ( هزت راسها و مسحات دموعها باست عل كف يديه و باست على راسه ) ديما نبقى نجي نشوفك ابا ماتقول لتاواحد راك شفتيني

الجد:: (شد يديها ) فين كنتي ،فين عايشة ،باش عايشة ،معامن ساكنة، فين ساكنة

نوارة:: ( عنقاته و باست جبهته نطقت بصوت مجروح )ماتشطنش على نويويرتك عايشة واكلة وشاربة ماتخافش عليا

الجد"" عفى بنيتي رجعي لداركم كيف ماكان الحال هادشي خاصو يتحل ماتبقايش مجلية وسط الذياب

نوارة"" ذياب ابا عايشة وسطهم و ماداروش ليا مادارو ليا حبابي

قالت كلامها و قصدات طريقها و عينيها عليه والدموع مابغاوش يحبسو و تتشوف كيف ماد يديه للخاوي وقفات حتى شافته نزل يديه و عرف بلي غبرات عليه و مشات تتجري و دموعها غي مازايدين في نزول

وصلات للمحطة قطعات ورقتها و جلسات تتسنى وقت لي تخرج فيه تران مشات خدات قهوة و وخدات شي حاجة حلوة حسات بدوخة مافطراش تالفطور وصل عليها وقت ركبات كان سويعات تاكانت وسط حومتها جديدة لي احتاضنتها بكلشي فيها دارت جيران و صحابات بزز عليها بحكم سكنتها بيت مع جيران فيه كوزينة و فيه بيت نعاس كولشي مجموع فيه حلات باب و طلعات اول حاجة شربات كينة راس و تجبدت فوق سداري ماحساتش تاسمعات دقان عرفات وقتها وصل ناضت غسلت وجهها و دارت ميكاب خفيف لبسات صاية فوق ركبة و قميجة كولشي اسود في اسود طلقات شعرها و قادات قصة تضرگ شوية من عينها جدابة لبسات مونطو طويل و خرجات لقات صحبتها تتلبس بوت

نوارة:: ( خرجات شعرها من مونطو) شنو غايجي خونا يدينا ولا نشدو تاني طاكسي

سناء :: (هزات عينها فيها ووقفات ) عيط لي راه كيتسنا في نفس لبلاصة ديال ديما ( قربت ليها) كنتي تبكي تاني

نوارة""( تبسمت بألم ) شفت الحنين و جيت

سناء"" مشيتي لرباط ورجعتي

نوارة"" مشيت على قبلو حيث هو لي حاس بيا و مشطون عليا

سناء""( شدت يديها تطبطب عليها بحنية) غايجي شي نهار كولشي يعرف الحقيقة

حركت راسها و عينيها فيهم نضرة انهزام جربتها سناء و خرجو سدو لباب و هبطو شادين في بعضياتهم وحدة رافدة همها عل لاخرى وصلو الشارع و لقاو سيد لي تيوصلهم لخدمة ركبو وزادو ماشي بزاف الوقت حتى كانو وصلو قدام باب

نوارة:: زعمة ايجي شي نهار ويحن علينا الله من هاد خدمة

سناء:: بعدا راه لقيناها هي قابلة علينا

نوارة:: (ضحكت) زعمة متصالحة مع نفسك

سناء ( ضربت في راسها) وشنو يسحب ليك تلقاي شركات غاتيتسناو فيك هههه زيدي ابنتي زيدي

ايه خدمة وحدة لي بانت قدامها من نهار حطات رجليها هنا دخلات لداخل حيدات مونطو و بدات خدمتها لي هي سرباية في بار او ملهى ليلي معروف وسط كازا تيجيو ليه لملعقين او لي لاباس عليهم كيما تنقولو ، تقبلات فيه من اول ما حطات رجليها فيه و طلبات خدمة ،زينة و عاطية العين ابتسامتها ديما علي ملامحها كتخلي اي واحد يسهى فيها عكس مامامخبية لداخل

سناء ::( قربت ليها تتنعت بعينيها ) نوارة سيري لديك طبلة طالبينك فيها

نوارة:: ( دورات عينيها و ميقت ) عوتاني داك خونا يخخ تيعيفني بهضرته

سناء ::( شافت فيه مشمئزة) كلهم بحال بحال ( هزات طلبية و نطقت) ايوا اش ديري صبر تايحن الله

نوارة:: انا هاد خدمة بديت نكرها و تطلع لي فراسي بسبب هاد نماذج

زفرات بضيق هزات مشروب لي طلب و تبسمت بزز عليها وقصداته

نوارة:: مرحبا سي لؤي مشروب لي طلبتي

لؤي:: ( من شافها جايا و هو حاضيها و عيونه حمرة نطق بصوت تقيل)انا تنشرب غي من عينيك لا شافو فيا( طولها) تننروووووح

نوارة:: ( حطات مشروب في طبلة و شافت فيه و تبسمت )مرحبا بيك في اي وقت بلاصة بلاصتك اسي لؤي

لؤي::( حرك راسو بشوية مكتر شراب) كون تعرفي اسمي شحال خارج حلو من فمك

نوارة:: ( تبسمت و غادية دايرة ) بصحت سي لؤي

لؤي"" ( شد يديها تيحاول يحل عينيه) بلاتي نهضر معاك

نوارة""( جرت يديها و محمرا عينيها) ماتحطهاش عليا مرة أخرى

لؤي""( هز يديه بزوج) اوكي رووولاكس

طلعت و نزلت فيه و مشات و خلات عينه يخرجو من بلاصتهم تيحل عينه بزز بقوة سكرة لي تتسكرو تيشرب و حاضيها عيا معاها بالحيلة بالخاطر ولكن عارفها نقرة صافية و ماشي ديال تباع و تشرى مختلفة تماما عل بنات لي عرف واخة هو لي حل عليها فمو تتجيه و كاع بنات تما تيغيرو كيف تيشوف فيها كيف تيهضر معاها بغاو غي نضرة وحدة منو بحكم زين و فلوس ولكن هو باغيها هي بدات كل ليلة يجي عل قبلها يشرب عندهم و يبقى يتأملها تاكتسالي خدمتها تخرج عاد تتيمشي

سالاو لبنات خدمتهم كانت 7 صباح دقت لبسو عليهم و خرجو عيطو للسيد لي توصلهم و قصدو لبيوت لي كارين دخلات لطواليط خوات عليها ماء و خرجت نشفت شعرها و نعست بالبنوار ديالها في بلاصتها حطات راسها على مخدة و شعرها نازل على مخدة تبكي و تفكر فلي هي فيه مكرهاتش كون تا هي وسط دارهم و حبابها ولكن مشي فين مشاك الله ضروف عطاتها قتلة كانت تا هي وسط ناسها معززة مكرمة و ضحكة مكانتش تتفارقها

حطت يديها عل مجير حداها حلاتو و جبدت صورة ديالها هي وخوها و ماماها و باباها عنقتها و غمضات عينيها دموعها غي ما زايد ينزلو

بقات عل ديك حالة تاغفات و هي قابطة صورتهم و معنقاها بكل قوتها

الجد محمد :: ( جالس وسط بيته و شاد تسبيح و قرآن مخدم في راديو لي جنبه و جالس حداه شخص في اربعينيات ووشاد بنته قدامه حط يديه عل راديو و نقص شوية صوت و نطق ) يوسف

يوسف:: نعام ابا

الجد:: هاديك بنيتيك اوليدي ياك

يوسف:: ( هز عينه فيه و نزلهم ونطق ) كبدتي

الجد:: كون باك باقي عايش الله يرحمه كون حتى هو شاد عل بنته و حاضنها بين دراعو و مايخليش كلاب ينبحو عليها

يوسف::( حدر راسه بأسف عاض على فكو و عينيه حمارو ) تخدلت الواليد راه دايرها كتر من اختي

الجد:: الله تعالى و جل تيغفر فما بالك بالعبد شكون يكون لي مايسامح

يوسف:: ( نزل عينيه في بنتو و دمعة تتبري وسط عينيه ) قلبت عليها ابا تا عيت ندمت قد شيب لي فراسي ماكرهتش كون شديتها بين يدي ومخليتهاش تمشي

الجد:: ( ضرب عل رجليه و نطق ) بعد مرات اولدي تندمو حتى يفوت لفوت

يوسف:: غادي نعاود نقلب عليها ابا تانلقاها و نجيبها معايا في يدي

الجد:: ختك اولدي و نتا في مقام باها ماتزيدتش غلط في غلط كبرتيها و قريتيها كسيتيها سبطتيها كمل اجرك اولدي و رجعها لدارهم عزها كيما رجال يعزو بناتهم

يوسف:: ( تحدر عل يديه باسهم بزوج و حطهم على راسه بندم ) كنواعدك با نقلب عليها تانجيبها بيناتنا

الجد:: ( تبسم و ضرب عل راسه بخفه ) الله يرضي عليك اوليدي و لي ولدك ماماتش

كانت جوايه العصر سمعات الصوت الاذان حلات عينيها و يديها مزال مزيرين عل صورة باستها و رجعتها بلاصتها لبسات حويجاتها و دخلات توضات صلاة و شحال هي تبكي عل ربي سبحانه و تشكي ليه و تطلب الله يغفر ليها و يسامح عليها

و يعاونها تدوز محنة لي راه فيها جمعات صلاية و ناضت هزات عباية و رمات عليها شال فوق شعرها لي باين من قصة و نازل عل ضهرها هزات سويرتات ديالها ونزلات متجهة لسويقة لي حداهم هزات عينيها و بانت ليها سناء تتزرب في مشيتها و تجري و لونها مخطوف منه دم

نوراة: ( حبستها و شداات من دراعها جرتها عرفاتها مرفوعة ماشفتهاش ) سناء مالكي صحبتي اش واقع

سناء :: مي تزاد عليها حال ايخصني نمشي ضروري للدوار

نوارة:: (شدات في يديها لي تيترعدو بالخلعة ) واخة تهدني بشوية عليك ردي روح فيك

شداتها من دراعها و رجعت معاها لدار طلعو عاونتها جمعات ليها لي تجمع

نوارة::( شدت يديها وحطت ليها شي بركة كانت جامعاهم) عاوني بيها

سناء ::( دغيا زولت يديها و تتبكي ) لا لا اصحبتي اويلي راه نتي محتاجاهم كتر مني

نوارة:( خنزرت فيها) شششش مانسمع تاكلمة ماماك محتاجة دوا و مصاريف بزاف عليك عاوني بيها

سناء::( تلاحت عنقتها و زيرت عليها) الله يسهل امرك اختي و يجمعك بحبابك و ينقي طريقك من شوك ياااااربي عمرني ننسى خيرك معايا

نوارة:: ( دوزت يديها عل شعرها وتبسمت)صافي تاتخدمي ورجعيهم لي مضوبلين

سناء :: ( عاودات عنقتها ) الله يسر امرك حبيبتي

نوارة:: ( تحنات عل صاك هزات معاها) نزل معاك تحت

هزات معاها صيكان ديالها و عطاتها ساروت البيت ووصاتها باش ترجعه لمول دار

سناء:: ( دموعها غي مزايدن ينزلو) انتوحشك بزااف اختي

نوارة :: ( بادلتها عناق زيرت عليها ) نتسناك ان شاء الله ترجعي و ماماك تدوز هاد محنة ماتبكيش واخة ( شدت وجهها بين يديها و باست عل جبهتها ) غادوز غادوز

تعانقو بزوج و تسالمو طلعات سناء في طاكسي و مشات و نوارة بقاات حاضيهها تاغبرت عل عينيها و طلقات دموعها ينزلو عل راحتهم تنهدت و رجعت تخشاات في بلاصتها شدت تلفون بقات تتراسل مع سناء

سناء :: وصل عليك وقت خدمة ماغاداش

نوارة:: قررت نحبس منها و نشوف خدمة حلال عليا

سناء :: سيري بعدا خودي حسابك و قولي ليه عليا و فلوس لي يعطيك خليهم عندك

نوارة:: من نشدهم نصيفطهم ليك اصحبتي اش نخلي عندي الله يهديك

سناء :: كوني تسمعي هضرة كلمة وحدة قلتها خلصي بيهم كرا و قدي بيهم بيما لقيتي خدمة

نوارة :: يحلها الحلال احبيبتي مهم نخليك نوض نمشي

سناء :: بسلامة حبيبتي من نوصل نخلي ليك ميساج

ناضت وجدت ليها مايتكال نقبت ماشي كلات شهيتها مسدودة و ناضت غسلت يديها و لبسات حوايجها جينز و تريكو صوف رقيق و جاكيط فوقهم و لبسات كاط و طلقات شعرها و دارت قب عل راسها كان الوقت غيمات هزات سوارت و تلفون و بزطام و خرجت شدات طاكسي وصلها قدام باب

مع ادخل و سمعت صوت وراها

لؤي:: ( سد باب لوطو برجليه و معوج راسه لعندها ) انا كنقول مال دنيا نورت عليا

نوارة:: (عبست من سمعت صوته ضورت راسها ب شوية ) لؤي

لؤي :: ( داير يديه في جيبه ) مالك معبسة

نوارة :: ( تمات داخلة) سمحليا خاصني ندخل

لؤي:: ( قرب شوية )بلاتي مالك واش باكية

نوارة::( تبسمت) لا غي

لؤي:: ( هز يديه باغي يحطها على خدها وهي تبعد دغيا ) عينيك مايكذبوش

نوارة::( هزت صبعها) ماتحاولش تحط يديك عليا اش تيسحب ليك انا م دوك بنات لي تتعرف

لؤي::( تبسم ) هادي بدات لي محمقاني فيك

نورة ::( دفعاته و دخلات مخنزرة ) اييخ تفو عل بشار

دخلات لقات جيرون ديالهم داير يد عل لاخرى و عينيه خارجين فيها تيتسناها توقف قدامه

؛؛؛؛: شنو نبقاو نتسناو سيدة فاضلة تاتجي عاد نبداو خدمة ياك

نوارة:: ( شافت فيه ) انا جيت ناخد حسابي و نمشي بحالي اسيدي

جيرون:: كيفاش الاله كان عليك تعلميني بكري ماشي عاد تالوقت خدمة غاتشدي ليوم من تسالي تقدري تمشي بلا رجعة من تسالي دوزي عندي نعطيك حسابك

قال كلامه و زاد خلاها في دوامة وقفات تاعيات و مشات دخلات بدلت حوايجها قالت لهوما نزيد هاد سويعات و ندي زرقي ولا نزيد نغرق وانا ما عندي تاريال بدات خدمتها كي عادة جات عندها بنت خدامة معاها

بنت:: نوارة تكلمي لسي لؤي

نوارة :: ( زفرات بضيق و تمشات خطوات لعنده و تتقول بقى غي شوية و وتهناي منه ) طلبتي شي حاجة اسي لؤي

لؤي:: ( سمع صوتها و غمض عيينه بحلاوته) تقدري تجلسي شوية

نوارة:: اسيدي انا خدامة هنا ماشي ضيفة شرف

لؤي:: كون درتي بهضرتي كون راه كولشي ديالك

نوارة:: ( حمرت عينيها فيه)يلا نسيتي هضرتي قبيلات نعاود نفكرك انا ماشي من اخوات لي عل بالك

لؤي:: (تبسم و دفع كرسي برجليه هز يديه للبنت لي خدامة معاها وعينه عليها هز حاجبو منعت الكرسي ) عرفتك ليوم لاخر عندك بغيتك تجلسي ولو 5 دقايق نهضر معاك و سيري

نوارة::( دورات راسها للجيرون ماباتش ليها و جلست ) شنو عندك مافيا لي يسمع هضرة

لؤي::( حط يديه عل طبلة ) سمعت غاتخرجي من هنا بلا شك باغا خدمة حلال ديال وجهك

نوارة:: مامحتاجاش دابة انا باغا نرتاح و خدمة يجيبها الله من بعد

جات بنت خدامة معاها حطات ليها كاس عصير وكاس ماء معاه

نوارة:: ( هزات عينها فيها بدون فهم ) شنو كديري

لؤي:: انا لي طلبته شربي عصيرك و خلي دماغك معايا انا باغي نعاونك لا غير

نوارة:: ( نزلات عينها للعصير و مارتاحتش قربت يديها لكاس ماء هزاته شربت منه و حطاته ووقفت) هاني شربته معاك و حققت ليك اش طلبتي خليت ليك راحة

لؤي:: (تبسم و بقى متبع ليها العين و هي تتمشى قدامه كي الفراشة ) واخة الاله نوارة

كملت دوك سويعات و مشات تتبدل حوايجها لبسات و مشات جيرون عطاها حسابها و حساب صحبتها بلاما يقول تاكلمة نيت مافيها لي يبقى يتجادل معاه او تفسر تتحس براسها عيانة و مهدودة

نوارة:(: حطت راسها عل الحيط و دوخة بدات تضرب ليها راس ) اي اش هادشي

خرجت من تما تتمايل بدوخة و لسانها تقال عليها رجليها ماشي ديالها بقات غادية موودة عل رجليها خلات طريقها و مشات عكسها بقوة دوخة لي شدتها و تقالة لي في رجليها

وصلت حدا واحد الشجرة و تكات عليها براسها و قلبها دقاته تسارعو عينها تيتقلبو وتتحاول مجاهدة باش تحلهم و توضاح ليها صورة ، تتحس بضل وراها مغطي ضو بولة عليها يلا دور تانزل بشفايفه عند ودنيها

لؤي::: نوارتي ماخليتي لي تاحل من غير هادا

نوارة::( هزات عينها فيه بتقالة تتشووف و ماقاداش تخرج تاحرف ) ا انا نتا ا ا

لؤي:: ( زاد لعندها و شد دراعها مقربها لعنده كارز عل فمه) ما عندك فين تهربي مني دابة راكي بين يدي زيدي معايا

نوارة ::( جمعات شوية سوفل و دفعاته وهضرات بتقالة ) بعد منيي الشماتة ن ن نتا ماشي راجل

لؤي""(عاود قرب و شد عل شعرها و قربها تالوجهو) ماشي راجل بصح لي موريتكش رجلة من لول حاسة بزينك بزاااف وانا تيعجبوني لي بحالك تيضورو تيعياو و يرجعو يبوسو رجلين

نوارة:: ( هزات عينها فيه وتكلمت بصوت تقييييل كي عادة ) راك قلتيها هادوك تتعرفهم غي نتا اما انا ماتنعرفهمش

لؤي::( زاد زير عل شعرها و قربه تيشم فيه كي مجنون ) ليوم ماغادي يفكني منك تا واحد

جمعات قوتها وعطاته لحجره ديريكت و بغات تهرب تحنات تحت شجرة جمعات كمشة تراب في يديها يلا يتبعها ورماته عل عينه و هربت واخة رجليها تقيلة ديك تراب خلاه يتعطل شوية و زادت سبقاته تتعكل في مشيتها و ما حداها غي شانطي تحط رجليها فيه و تعكلت مع تروتوار تا تخبطت عل قدام ديال شي طموبيل واقفة جنب طريق هزات عينيها تشوف واش تابعها بان ليها جاي و تيقرب يلا تنوض و حست بجرة من يديها و تغطات بضهر حجب عليها شوفته

واقفة وماواقفة تكات عل طموبيل بيديها و نص ضهرها و عينها تيتحلو بزز وزادو في احمرار عاد ما زايد داكشي لي شربها تيشد فيها

::( ربع يديه وجه مغووبش شاف فيها و عاود دار جا قدامها مدرق عليه شوفتها و نطق بصوت خشن) شكاين

لؤي:: هاديك مراتي شربات بزااف ايخصني نديها

نوارة:: (تضرب بصبعها عل ضهرو بتقالة وعاودت تكات براسها عليه) كذاب كلكم كدابين الشمايت

لؤي سمعها اش تقول و يلا يرمي يديه يجرها حت حس بيده شدات من دراعه مزير عليه

""( هضر كازر عل سنانو وعينيه حمريين) تحط يديك ن****

قبل مايكمل هضرته تاوقفات طوموبيل خاصة ديال الشرطة بغى يهرب ساعة كان سباق و رمى يديه لقرفادته مزير عليه و ضربو بركبتو على فخضو تاتسمعت غوتة وسط داك شانطي طاح على ركبيه و جاو بوليس مينطوه و داوه طلعوه

:: ( وقف تيشوف فيه و يشوف في نوارة ) نوح لي ورااك ماتمشيش

نوح:::: ( دور عيينه ليها شافها حادرة راسها و الغرة مغطية وجهاا و شعرها نازل كولو هز يديه بنعت بد و نطق و عينه مزال عليها ) سير انصير

نصير:: (حرك راسه و مشا متوجه الطوموبيل ) واخة تانتشاوفو

دار عندها بجسمه كامل قرب بخطوات بطيئة هز يديه و حطها عل دراعها وقفها مزيان حيث ماثابتاش و هي تقفز

نوارة::( هزات صبعها و راسها محني تتهضر بتقالة ) قلت ليك ما ماتقربش انا ماشي دو دوك خياتي

نوح:: (عاود قرب شد دراعها حط يديه عل دقنها هز راسها ب شوية تابانو ملامحها كاملة

نوارة::( طلعت عينها فيه و تبسمت ابتسامتها حلوة و عينها معسلين هزت يديها حطتهم على وجهه و نطقت متقلة ) واش تا انبقى نشوف وجهك ف فين مامشيت

نوح:: (تيشوووف و تعابير وجهه مامفهوماش عينيه تيتساراو على ملامحها بشوييية هز يديه ليديها نزلها من على وجهو وعينه تيدورو عل وجهها ب شوية نطق بهدوء) فين ساكنة

نوارة:: ( دورت راسها هنا و هنا و عوجت فمها ) ماعرفتش يمكن لهيه ( بغات تخطاه و شد عل دراعها مرجعها بلاصتها تكات تاني على طوموبيل) غي ط طلقني ا انا نمشي بووووحدي عارفة طريقي

نوح::( شد دراعها و اليد لخرى على ضهرها و جرها حل باب طوموبيل و جلسها بشوية زتحنى قفازي هز قهوة كحلة ديالو وقربها لفمها نطق ) شربي

نوارة:: ( دورت وجهها) ماش ماشارباش تدير لي شي حاج حاجة فيها

نوح::( عض على فكه و شد بزز على دقنها و حط كاس في فمها تا شربت بزز عليها )

نوارة:: ( عينها مازكينش تيشوفو و يحققو فيه ) ياك خلييتك و هربت ع علاش ت تنشوفك ف اي بلاصة م مشيت ليها

نوح::( هز عينيه لعينيها و بقى تيشوف فيها شحااااال زفر مخرج نفس سخوونة من منخاره حط داك كاس و هز كلينكس مسح ليها فمها و وجهها ) الصمت

نوارة: ( شدات جاكيط ديالو بزوج يدين و جراته عندها وتلاقاو عينيهم بزوج بقات تتهضر بصوت مجروح ) ما م ما نسمحش ليك ( دموعها نزلو ) ضيعتيني عمرني ن نسامحك

شد يديها ونزلهم ب شوية شافها ترخات دورت راسها متكية عل كرسي طومبيل تحنى عل رجليها هزهم دار ليها ساتينغ و سد عليها لباب و طلع و كسيرا عينيه عل طريق و مرة عليها وقف في سطوب ودار عندها قاد ليها راسها و كمل طريقه نيشان لداره وقف طومبيل باركينغ و مشا حل الباب و هزها بين يديه و طلع حل لباب و دخلها لبيته ديريكت حطها حيد ليها سباطها و غطاها و خرج سد لباب مشا دخل دوش و لبس حوايجه عبارة عل قبية سوداء و سروال ديالها اسود ودار القب عل راسه دخل وجد قهوته و مشا يلا جلس هو يسمع دقان مجهد عرفها فاقت

فاقت مفزوعة ماعقلات على والو حدها عقلت عل وجه لؤي لي كان شادها و تتبغي تهرب منه وقفات بزربة غادية لباب بغات تحله لقاته مسدود

نوارة: اويلي شنو دار لي هاد مسخوط فتح لباب الله يلقيها ليك

حساب لباب تحل و هي تجرو دغيا بان ليها داير غادي اتجاه سيجور ايجلس

نوارة:::( تبعاته دغيا يلا يجلس وشداته من دراعه دوراته عندها شافت ملامحه قدام عينيها ريقها نشف و ولات تتنفس بزربة تتحس برجليها خواو ) ك كيفاش

نوح::( حاضيها بعينيه بدون تعابير عل وجهه حدو تيشوف بلا ماينطق حرف

نوارة::( دموعها نزلو و تبسمت) ماكفاكش داك نهار و

نوح:: ( وجهه مغوبش حاضي ملامحها ) الصمت

نوارة::( قربت ليه بزاف و دموعها هوادين) شنو درتي ليا قول عفاك الله يخلي ليك ما اعز عندك ( شدت عل قبية بزوج يدين و تترجاه) عفاك قولي شنو درتي ليا ذ

نوح::( شد يديها و عينه وسط عينيها و بعدها و جلس و جرها جلسات جنبو ونطق بيشوية ) ريحي ( عاود دار عندها بشوية و حط يديه عل دوا و دفعه ليها) شربي باش يفوتك داك سم لي فمعدتك

نوارة:: ( شافت في دوا وعاودت شافت فيه) السم شربتو شحال هادي ماشي عاد

نوح::( حل غشا و مدو ليها مخنزر فيها ونطق بحدة) باين فيك اول مرة تاخديه شربي باش تزيدي قدامي ديكلاري

نوارة::( شدت و حطاته فوق طبلة بخبطة وبغات توقف ) ماعندي مانشرك معاك لا دوا لا سم

نوح::( شافها ناضت و شدها من يديها معاود متبتها الارض ونطق شوية بغوات) غاريحي الارض و تشربي ق"""" لي عطيتك يااك باش تزيدي قدامي نشوفو داك خونا ولا مابغيتيش تقيدي بيه

نوارة:: ( تفكرت وولات برودة طالعة مع جسمها) ياااكما دار لي شي حاجة

نوح::( نعت بعينيه لدوا وشاف في عينها) شربي و نهضرو

نوارة :: ( هزات دوا دارته في فمها شربات لماء حطات كاس ماثبتاتوش و طاح ليه عل رجليه) هاأاا س سلمحلي

نوح::( ما دار تا ردة فعل حدو متبع ليها العين وجهها كي شاحب و هارب منو لون و عينيها مدمرين و خوف باين عليهم نزل عينيه وتنهد تنهيدة طويييلة وعاود طلعهم فيها ونطق بالاطمئنان) كنتي هاربة منه و لحسن الحظ جيتي قدامي مشا هو كوميسارية و نتي جبتك حنا حيث ماكنتيش واعية باش نأخدو اقوالك

نوارة::( تنهدت بارتياح نزلات عينيها ) مابااغا نشكي بحد دابة يتخلص عل فلعته من عند الخالق سبحانه

نوح::( تحنى هز كاس حطو فوق طبلة بحس مرتفع تاغمضت عينيها بالفزعة) الهروب عندك ولا هواية

نوارة::( حلات عينها فيه و تبسمت و دمعتها نزلات ) يااااك علاه ماشي بسببك نتاااا اه ماقدرتش نشوف في وليديا ياك بسباك نتا جراو عليا كي كلبة نكروني و

نوح( غي متبع و مخليها تعاتبه عل خاطرها وتخوي قلبها متبع كل كلمة و كل حرف تتتخرجو بدون تعابير )

نوارة::(تضرب بصبعها لكتفه) واش هادشي لي انا فيه بسببك ولا لا هضر

نوح::( شد يديها و دار عندها و نطق بشوية و عينه في عينيها ) لو كان يخيروني بين النار و طعنة بالسيف نختارهم بزوج

نوارة:: ( جرات يديها بزربة ووقفات ) اسيدي ماتختار لا هاادي لا هاديك لي عطالله عطاه مايتبدل والو ضاااعت

نوح::( نزل راسه و عاود شاف فيها بشوية عليه نطق ) فين ناوية

نوارة::( مشات تتلبس صباطها) للجايحة لي تضربني و نتهنى منكم

نوح::( بقى بعينيه عليها شحال ناض بتقالة مقرب بخطوات بطيئة شد دراعها و جرها تجات قدامه و نطق ) ما عندك خروج من هنا ( دور عينه في دار ) هنا اتبقاي

نوارة::( تتحاول تفك منه وتتهضر بنرفزة ) اش تتقول اش بيني و بينك اخويا لي نبقى معاك ايسحب ليك خرجت لطريق راك غالط اسيدي غادية نمشي هي انمشي عندي داري مخبية فيها فهمتيها هادي

نوح::(عقد حاجبها و زاد زير عليها و قربها تالوجهه) هربتي مرة لولى ولكن دابة ماتحلميش بيها

نوارة::( غمضات عينها بالم في دراعها) وعتيني رخف يديك

نوح::( زاد كرز على دراعها و قربها لعنده كتر تا جات عينه لاصقة مع عينيها ونطق بصوت خافت حتى خلاها تغمض عينيها ) جمرة لي فيا لداخل ماتطفاش عمرها تطفى ودابة من لقيتك باغة تهربي و تزيدي تزنديها

نوارة:: (حلات عينيها بشوية ونطقت ) ماتكونش بحال عافية لي حسيت بيها انا عرفتي شحال وانا تنتسناك ( نزلات دمعة نطقت) تسنيتك بزااف انوح في لاخر ممم

نوح::( قاطعها بصوت خافت و مزال قرب كيما كان) ششتتت نتي دابة عقلك مشتت و انا مشتت كتااااار منك و الهضرة ماتبرد فيك تاشوية غاتريحي و تهدني نهضرو

نوارة::( حطات يديها عاد يديه تتبعده عليها ) مكاين لاش ديك شفقة ديالك عليا اسي نوح مامحتاجاهاش نتا في طريييق و انا في طرييييق كيما لول خليك هكاك دير بلي ماشفتينيش ليوم كااع

نوح::( بقى متبع ليها بعينه تاكملت هضرتها و بعد عليها دخل لبيته لبس حوايجه هز ساروت وتلفون ووقف عليها تتلبس صباطها نطق وشار بعينه لكوزينة ) لا بغيتي تاكلي كوزينة قدامك و حوايجك ايوصلوك

نوارة::( حلت فمها فيه ) اش كتخور عليا نتاا اشمن حوايج ولا زعتر تا يمكن غااااالط فيا

نوح::( حل لباب و دار شاف فيها و نطق ) نغلط في راسي اما فيك نتي عمرني نغلط فيك

زدح لباب دغيا و خرج مخليها تتضرب في باب و تغوت

نوارة :: الله يخاد فيك الحق ( تكات راسها عل لباب و بقات تبكي في صمت نزلات بشوية و عنقت ركابيها و حاطة راسها عليهم ) اش بغيتي عندي تاني لاش جيتي قدامي ياك خليت ليك مدينة عل قدها و بعدت عليك

هو كان مزال ورا الباب تيتصنت اش تتخرج من قلبها حدر راسه بألم و عينيه فيهم شرار محمريين و عروق جبهته مطراسين تنهد تنهيدة طويلة قرب راسه شوية تيتصنت ماسمعش حسها و رمى خطواته خارج و قلبه وجعه ماعرفش من شافها قدامه ماتيقش كيف حالتها تشفي كي كانت و كي ولات شافها دابلة قدامه و ضعافت و حزن مغطي ملامحها صغيرة قلبه وجعه وديك نار غي ماتتزيد تگدي فيه شحال صعيب تكون سبب في جرح بنت في ريعان شبابها شهور دازو و عمر نهار الزين شافو نازل في دروج خاشي يديه في جيبه و عينيه في الارض حس براسه تالف وصل للطوموبيل طلع و تكى راسه غمض عينه لعلى وعسى قلبه يتقادو نبضاته

شكراً لشدة اهتمامك، أن تذهب وتتركني تمزقني الصراعات، أن تبقى كل هذا الوقت دون سؤال، أن تتركني على وعد وتنسى الوعد بعد أن تترك حروفه شفتاك.

من بعد مافقدت الامل في باب ماغاديش يتحل ناضت دخلات لبيت لي كانت ناعسة فيه مشات تتقلب عل شي ساروت ربما يكون ضوبل ليه تما ولكن غي يديها و البحت مامخلي تا حاجة تا من تلفونها مالقااتوش حداها ساطت بجهد تتضرب برجليها بعصبيية

نوارة::( جلسات فوق سرير و شدت راسها من وجعه) يا ربي اش هاد شي تابعني في حياتي يا ربي واش انا خايبة تالهاد درجة

تكات فوق سرير جامعة رجليها و مسندة يديها من كترة وجع راس لي شدها

ماحساتش براسها امتى نعسات حتى سمعات حس لباب كيتحل ناضت دغيا بان ليها داخل بشوية و عينيه مراقبتها سد لباب ووقف

نوارة:: ( وقفات قدامه و مدت يديها) عطيني تلفوني خليني نغبر كمارتي

نوح::( بقى تيشوووف عاد خشا يديه في جاكيط جبد تلفون و زاد قرب عندها ونطق ) وجدي راسك نمشيو

نوارة:: ( بعدم فهم) اش تتخور نتا فين انمشي عمر طريقك تشد طريقي كون هاني

نوح::( خشا يديه في جيب نطق بهدوء منعت براسه) يلا مسالية زيدي قدامي

نوارة:: اه انا واجدة ولكن ماشي معاك

نوح::( هز صبعه و اشار ليها بتحدير ) شووفي راسي مفروع عليا بلا ما نبقى نتلاج انا وياك ليل هادا حوايجك جبتهم ليك كولشي في طوموبيل لبسي صباطك و زيدي قدامي

نوارة: ( باستفهام) شنو زعمة هاد زيدي قدامي فين غاتديني

نوح::( دخل لبيته هز صاكو جمع فيها شي حاجة و شي وراق دارهم فيها و خرج عندها لقاها مزال واقفة في بلاصاها خنزر فيها وخبط داك صاك مع الارض نطق منزل راسه لعندها ) ماتخليينيش نبقى نعاود في هضرتي كتر من مرة

شافها مزال واقفة قرب شد دراعها جلسها فوق كرسي هز صباطها و حطو حدا رجليها

نوح:: ( اشار بعينه) لبسي

نورة:: واش

نوح:: ( قصح معاها) لبسي الق*** ماتجعريش ديلمي

نوارة:( قفزات من صوته بقات تتشوف شحال و تحنات لبساته و لبكية حابساها بزز و جامعه نفسها قدامه)

نوح::( بقى واقف عليها تاسالات هز تجاكيطة ديالها لبسها ليها و شد يديها خرجها و سد بابه هي تتبرص ليه ماتباتاش حده زير عليها تا وعتها و دار خنزر فيها و هي ترخف غادي بيها باركينغ حل ليها باب طلعها و طلع كسيرا بلا ما ينطق ولا يشوف فيها هيي حسات براسها تهدات و جسمها تقال عليها و راسها غي مازاد تزير شدت على راسها و تحنات حاطة مرافقها عل ركابيها بوجع

نوح::( شاف فيها و نطق) مالك

نوارة::( باقة عل حالها ) ماشي شغلك فيا كون غي مت ولا نشوف وجهك

نوح::( سايق و عينه في طريق ولكن عقله مازاكيش و قلبه اكتر حل مجر جبد منه دوا و هز قرعة ماء مدهم ليها) شربي دوا و يفوتك مازال تابعك طريق

نوارة::( حسات بدوخة و لسانها تقال عليها حتى باش تجاوبه او تجادل معاه ماقادرتش شدت دوا شربته و تكات راسها جهة لاخرى و في ساع عيونها تغمضو )

حس بيها نعسات طرف طوموبيل جنب طريق نزل ليها كرسي شوية باش تريح و هز جاكيط ديالته غطاها و رجع بلاصته تكى راسه وشحال وهو تيشوف فيها بدون تفسير منه عاود كسيرا وشد طريقه،،،، مايقارب ساعتين و نصف ديال الطريق كان وقف طوموبيل قدام مستشفى خاص دار شاف فيها لقاها مزال ناعسة و شعرها مغطي وجهها قرب بشوية لحداها هز يديه غيحطهم عليها و بعد دغيا نزل و مشا حل ليها لباب حط يديه على يديها

نوح::( تحنى عندها و نطق بشوية ) فيقي راه وصلنا

نوارة::( حلات عينيها بشوية دورتهم تشوف راسها فين مافهمت والو من غير مستشفى لي مكتوبة في باركيينغ ) شنو فين حنا

نوح::( شد يديها خرجها و سد باب وقفها قدامه قريبة ليه ) غاتبتي و بلاش من تفركيل ديالك ماشي وقتو

نوارة:( تخلعات) شنو واقع

نوح::( قاطعها) تهدني (شد يديها و تبتها مع يديه وزير عليها) اندخلو انا وياك و يدي ماطلقيهاش تفاهمنا

نوارة::( غي ما قلبها زاد تزير و شداتها تبوريشة ولات تترعد ) شش شنو كاين

نوح:( زير على يديها تيحاول يطمئنها و تيتمشى و هي تابعاه و وتتشوف مرفوعة غي تابعاه و خوف و دهشة خلعة خنقة فشلة ماعرفتش شنو احساسها فديك لحضة تابعاه و عينها غي علييه كتزيد تقرب و رجليها تيزيدو يفشلو و خطوة تتعكل بيها

نوح:( حس بيها وقف ودار عندها حط يديه عل دراعها ونطق بثبات) رخفي فيك نفس و توگضي معايا ماتخافيش

بقات غاتتشوف خلعتها نساتها في الحروف و الكلام وصلو لواحد لغرفة شاف فيها و شابك صباعو مع صباعها و دق زوج دقات خفاف دخل هو لول و هي كانت موراه مغطيها بجسمه عريض

كان يوسف و الجد محمد و الام عل سرير طريحة فراش

نوح:( هز عينه فيهم وحرك راسه بثبات)السلام عليكم

جرها بشوية جابها قدامه و هو في ضهرها و اليد مزال متشابكة معاها

نوارة::( هزات عويناتها بشوووية من صدمة و دهشة لي فيها مشاات عينها غي لماماها دموع نزلو نطقات بصوت متقطع و هي خايفة من ردة فعلها )ما ما

زهرة::( بوجه تعبان تبسمت تبسيمة خارجة من قلب هزات يديها ) بنتي الحبيبة

نوارة غي مقالت ليها ديك كليمة و مشات تلاحت عل رجليها تتبوس فيهم و تعاود تيتسمعو غي شهقات حارقة فداك بيت

نوارة::( قربت ليها شدت من وجهها ) ميمتي شنو عندك

زهرة::( هزات يديها و حطتهم عل وجهها و دموعها نازلين ) الله عل حبيبتي فين كنتي و خليتيني بوحدي

نوارة::( تلاحت في حضنها بلاما تتكلم خلات غي شهقاتها مدبوحين يتكلمو بقاو عل داك الحال تا زولو شوقهم هزت راسها ) شنو وقع ليك اماما مالكي

زهرة:: انا دابة انولي لاباس من شفت بنيتي

نوارة::( هزات عينها في خوها و دموعها تيتسابقو معاها شافتو جامد حدر راسه من شافت فيه تبسمت وشافت في نوح ونزلت راسها

الجد محمد::( هز يديه ) نويويرتي اجي

نوارة::( مشات تحنات عل ركابيها كيما عادتها معاه باست يديه ) با الحنين

الجد::( حط يديه بزوج عليها و تبسم) محنة دايزة ابنيتي

نوح::( عينيه مافرقوهاش من دخلت وهو حاضيها قرب شوية و نطق) الواليدة عل سلامتك

زهرة :: الله يسلمك اولدي

وقفات نوارة من سمعت كلامهم حدرت عينيها تتفرك في يديها تاحسات بالباب تحل و دخلت عائلة كتهز عينها و تحدرهم و قلبها تيضيق عليها كل ما دخل شي حد

نوح واقف مبعد لكن عينيه غي عليها تيفحصوها من داتها لراسها عرفها ماتبتاش خطى خطوات بطيئة لجنبها بهيبته ورجولته حط يديه بشوية على ظهرها مخليها توقف مقادة و تهز راسها و تخليه مرفوع و ماتضعفش فهمها بطريقته و بلاما ينطق حرف شافت فيه قلبها تيضرب حسات براسها مخنوقة و نفسها تتضياق عليها عينيها تيضببو ماقدرتش توضاح ليها صورتهم

نوح""( زاد قرب مخلي يديه على ضهرها نزل براسه لعندها و بضبط لودنيها و نطق بصوت قليل ) هزي راسك

حدرت راسها وعاودت طلعاته يديها تتفركهم و تترعد هزات عينها بشوية لقاتهم كولشي تيشوف فيها و عينهم مستفسرة من شوفتها من الخال و مراته و وبنته و خالتها و راجلها

الخال سعيد::( قرب شوية عندها و عينه تيخرج منهم شرار) نتي اش كديري هنا مكفاتكش مك لحالة لي وصلتيها ليها زايدة جايا تالهنا برجليك

نوح::(زاد بخطوة هز يديه حطها على دراعها ودارها وراه و عينيه في وجهو بتبات ) يمكن تطاولتي شوية الشريف

بغا يجرها وزاد قدامها نوح مخلي سعيد تحتو تيطل ليه على قليلة راسو عينيه مشربنين فيه

سعيد""( كشاشكه خارجين)

شوهت وجهنا و وجه خوتها

نوح::( حس بيديتها على ضهره مزيرة عليه بقوة صوت لي تهز عليها زادت تخشات فيه و هادشي غي مزاد جعره زاد عند وجهه و حمر فيه بشوفاته و ضرب بكف يديه على كتف سعيد بشوية ) شديت يد مرتي و جبتها تشوف الوالييدة و يمكن لي لي نشد يديها تاني و نديها ولكن حيت هي مآصلة و بنت الاصل و على وجهها مانغلطتش فيك

مع قال ديك لكلمة مرتي شي بقى يشوف فشي كيفاش وقع و ايمتى جاء يوسف شد خاله و بعده عليها تحت نضرات نوح قاتمة

زهرة::( تكلمت بصوت عيان) سعيد جاي تشوف ختك ولا تنقص من بنتي

بديعة::(مرات سعيد) علاه باقي عندها وجه تجي تالهنا وتشوف في عيينينا ااه

الجد::( نطق بتبات) اي واحد فيكم يزيد يقول شي كلمة عليها ما انا باكم مانتوما ولادي ( وقف ) ولدي نوح

نوح::( قرب لعنده و شد يديه وقفه و عطاه عكازه ) الواليد

الجد::( طبطب عل يديه و نطق ) دي مرتك و سيرو بدلو ساعة باخرى

نوح::( هز عينه فيهم و دار شاف فيها لقاها دموعها عل طرف جفن وتتشوف قرب منها شد يديها و زيرت عليه في ساع و رجع شاف فيهم ) ماشي مرغوم عليكم تبغيوها او تسمحوها ولكن احترام مفروض عليكم ( هز صبعه ) عائلة على راس و العين ولكن هي عل دمتي ولي نبش فيها ربع نبشة ايكون حسابي معاه في قاصح

قال كلامه وجرها متوجه لباب حتى حس بيها زيرت علي يديه وقفت

نوح::( شاف فيها بشوية و حنى عندها ونطق بشوية ) مالك

نوارة ::( شافت فيه و نطقت بصوت خافت) نسلم عل ماما

نوح::( حرك راسه بتبات ) خودي راحتك

طلق يذيها و مشات عندها تبسمت و قاست وجهاا تحت انضارهم لي حسات بيهم غاياكلوها بعينيهم

نوارة:( باست راسها) تانشوفك من بعد ا ماما امم

زهرة::( طبطبت عل يديها و تبسسمت) نتسنى بنيتي

ودعتها و مشات مقربه لنوح لي كان واقف في باب شافها وصلات عنده و حط يديه عل كتفها خرجها وهو وراها احساس لي حسااتو ليوم ذبحها ماعرفاش شنو تقول ماعرفت واش دافع عل راسها او تعاتبهم عل تخلي لي تخلاو عليها

نوح::( قرب ليها شوية وقفها بيديه و نطق بشوية ) مزيانة

نوارة::( هزات عينيها فيه و بقات تتشوف مدة عاد نطقات) علاش كذبتي عليهم و قلتي ليهم مرتي

نوح:( خشا يديه في جيبه و نطق ) نمشيو و نخليو هضرة من بعد مزااال قدامنا كلام كتييييير

حط يديه عل خصرها بشوية و دفعها اتجاه سيارته فتح لباب طلعات و طلع هو سد باب ودار عندها

نوح( تبت عينيه عليها لي حدرات راسها تتقرص في جااكيط لي لابسة) شوفي فيا

نوارة ::: ( دورت عينها فيه ) مافهمتش علاش خرجتي في طريقي اصلا

نوح:: حيث ربي بغاك في طريقي

نوارة:: مكاين لاش تجمعهم مزال انا و نتا طريقنا مختلفين

نوح:: ( برزانة نطق) غي باش تكون في بالك هاد هضرة ما عندها باش تنفعك ابنت الناس

قسح معاها بشوفته باش تصقل داكشي لي دارت نيت دورت راسها لزاج وهو كسيرا طوموبيل بلاما يزيد يعطيها وقت فين تهضر مزال و هي بالها تيرجع غي شنو وقع قبيلة كيفاش كانو تيشوفو فيها كيفاش هضرو معها حتى كيفاش دافع عليها نوح و وقف قدامها حاميها من عائلتها لي كانت تحامي بيها ماتنكرش بلي عجبها فعلته ليوم ولكن مانساتش بلي جرا ليها للحالة لي راها فيها

داخل مشفى خلاو نار وسط داك بيت كل يلغي بلغاه و محتارموتش لا مريضة لا الجد واخة هضر معاهم داروه مكاينش

سعيد:: (مخاطب زهرة) كيفاش تسامحيها عل فعلتها واش ماممرمدتش وجهك في تراب و خلات لي غادي و جاي تينعت فيك

يوسف:( ملامح قاصحة عاقد حواجبه ) خاالي خليني نحتارمك وماتخلينيش نهز صوتي عليك ماكتشوفش حالة لي هي فيها و نتا مزال غي تهضر

الجد:: ( خبط خبطة صغيرة بعكازه) فين عمره اصلا كان تيحتارمها باش يديها في صحتها

بديعة:: اي هاي وليتو تهضرو دابة

يوسف::( حك جبهته بنرفزة وعروق جبهته وشير بيديه لباب ) خالي دي مرتك و سير الله يحفظك

هشام ::(راجل خالته خمسيني محترم و داخل سوق راسه و تيخلي تقاره بعيد قرب شد سعيد من دراعه) : عنده الحق سيدة راه براجلها دابة و جات تشوف مها لي هي مريضة مكاين لاش كترة هضرة اخويا نعل الشيطان

رقية::( مرات هشام اربعينية هي صغيرة بين خوتها بزوج بملامح بشوشة قربت عند زهرة) و باست راسها هادشي تتهمينا غي نتي اختي مهم تولي بيخير و ترجعي لدارك ( شافت في بديعة بنص عين) مكاين لاش كترة لغا

الخال:: ايه ايه شفتوها تبدلتو ما ،،

رقية::( مقاطعه) خويا بدل ساعة باخرى احسن ولا بغيتي تشوف ختك ( دارت يديها عل فمها) خيطو

سمع كلام ختو و غي مزاد جعره مشا مكشكش جار مرتو و خرجو عاد تبعاته بنتو تتزرب

الجد:: يالطيف يالطيف عل ݣنس مايرتاح لا هو لا مرتو

يوسف::( قرب لمو) الواليدة شوية

زهرة:: (حركت راسها باطمئنان ) بلاما تخلعو انا بيخير و وليت احسن من شفت بنتي حية

يوسف:( تنهد و تبسم ليها ) رتاحي كولشي يكون مزيان

تحل لباب و دخلات فاطمة مرات يوسف و بنتها في عمر 5 سنوات

فاطمة:: ( تبسمت )واحد السلام عليكووم

كل ::: وعليكم السلام

قربت سلمت عل كل ومشت وقفت جنب يوسف لي كان حاضيها من تحت لفوق

يوسف""" شكون جابك نتي

فاطمة"" طاكسي ايوسف طاكسي ديال عمي محمد جارنا

شافت في بنتها تبسمت ليها و قربت تتجري عند جداها سلمت عليها و تلاحت في حضنها

زهرة:: هانا على بنتي جات تشوف ميمتها

اريج:: الميمة لاباس

زهرة:: لاباس جات عندي الحبيبة ديالي ومانكونش لاباس

___

من بعد الصمت لي كان وسط طوموبيل طريق كلها وصلو قدام واحد برطمات وسط مدينة بلاصة جنبها و دار شافها لقاها تتشوف فيه باش يشرح ليها

نوح::( غي شافها غاتبدا تهضر و قاطعه بثبات) بلا ما تبداي تاني نزلي

نوارة:: ( زفرت ) انا غنهبط ولكن

نوح::( مقاطعها تاني و حل لباب خارج) نزلي انوارة نزلي

نزلات و خبطات باب و جمعات يديها شار بيديه باش تزيد قدامه غادية و هو موراها طلعو في لاسنسور ايطاج تاني وصلو لباب و فتحه و شار ليها باش تدخل

نوارة:: ( مربعة يديها ) شرح لي علاش ناوي

نوح::( حيد جاكيط و كاسكيط حطهم بشوية و مشا جلس و حط مرافقه عل ركابيه هز عينه فيها و اشار بعينه باش تجلس ونطق بصوت تقييل ) ريحي بعدا

جلسات قبالته و عينها مستفسرة و قلبها اكتر ماعرفاش شنو تيطرا احدات تتحس بيهم بسرعة

نوح::( شاف في عينيها ديريكت و نطق ) خاصنا نتزوجو

نوراة::( وقفت مصدومة) شنوووو

نوح::( هز عينو معاها ) كيف سمعتي و بعد غدا انديرو العقد

نوارة::( ضحكت بصدمة) كيفاش انتزوجو واااو و وجدتي العقد كولشي قاديته بينك وبين راسك ( خنزرت فيه) وانا ماموفقة بزواجك غي عدبتي راسك

نوح::( مزال عل حالته غي عينيه لي لي تيدورو عليها بشوية ) لي سمعتي هو لي كاين ( مد يديه جرها جلسات جنبه) هاد شدة لي شديت يديك ليوم مكانتش عليا نشدها وانا ما بيني وبينك والو اذن عقد هو لي يجمعنا وديك ساعة لا شديتها مانطلقهاش

نوارة::: ( بصدمة ) بلاتي بلاتي ماشي تحمستي عليا لا،، لقيتيني فطريقك لبارح،، ليوم جبتيني لدارنا، و قلتي ليهم مرتي، ودابة تقولي نديرو عقد ،لا اسيدي شفت ماما نقدر نجي نشوفها مزال و نمشي في حالي بلاما تدخل و دير فيها راجل الاصول حاگة الواد تدافع عليا، اولا تتشفق عليا ياك !!

نوح::( متبعها بعينه و مخليها تهضر عل راحتها ) كملي راني نسمع

نوارة:: انا لي خاصني نسمع واش نتا بعقلك كيفاش هاد نتزوجو تاني بين ليلة و ضحاها باغي تزوجني

نوح::( عينه تيتساراو مع ملامح وجهها بشوية ) حيث انا و نتي خاصنا نتزوجو

نوارة :: ههه ياااك ايوا سيدي انا مادرتي لي اعتبار ماعرفتيش واش نقبل ولا ما""

نوح::( مقاطعتها ) غاتقبلي، كيف ما قلت ليك من قبل بعد ماشديت يديك ليوم مانطلقهاش مزال

نوارة::( ضحكت بصدمة) لا لا نتا ماشي طبيعي والله

نوح::( تكى بضهره و حك جبينه ) عاد وليت بطبيعتي دابة

سمع دقان و ناض متوجه لباب فتحه وقرب

نوح::( شد عل يديه) مرحبا الواليد

نوارة::( شافته زادت صدمتها وقفات ) با

الجد::( شاد فيه نوح وقربو جلسه) ايه ابنيتي

نوح::( مشا جلس جنبه ) الواليد تقدر تدخل ليها لداك راس ( هز عينيه فيها و نطق ) بلي طالبها للزواج

نوارة:: كيفاش نتوما فين تتعرفو بعضياتكم اصلا فين عمركم تلاقيتو ولا هضرتو مع بعضياتكم باش يطلبني منك!!

الجد:: ( مد يديه ليها ) اجي حدايا بعدا

شافت في نوح لي مراقبها برااحة و ناضت جلسات جنب جدها وشدت يديه بين يديها

الجد:: اسمعي ابنيتي وماتقاطعينيش هو طلب يديك مني وانا وافقت حيث عرفته راجل و ولد الاصل من نهار مشيتي ابنتي مامخلي تاقنت ما قلب عليك المهم هي قصة طويلة ماشي كاع داكشي لي في بالك و ايخصه هو لي يحكيها ليك بنفسه ،طلبك مني قبل مايلقاك وانا وافقت، و فاتحتكم تقرات ابنتي

نوارة::( هزات عينها فيه بصدمة لقاته مربع يديه و حاضيها بملامح رزينة عاود شافت في باها) با واش تتهضر من نيتك شمن قصة وشنو لي ماشي في بالي

الجد:: تبعي كلامي ابنتي كلشي ايجي بوقتو وتعرفي

نوارة:: ( شافت في نوح مطوولة تتحس براسها تالفة شنو تبع واش كلام جدها ولا العقل اما القلب ،،،،) انا ابا ما

الجد::( مقاطعها مزير على يديها و نطق ) قال رسول الله -صلى الله عليه وسلم-: (إذا خطب إليكم من تَرْضَوْنَ دِينَه وخُلُقَهُ؛ فَزَوِّجُوهُ).

نوارة:: ( نزلات دمعة من عينها ) انا مابغيتهش يشفق عليا ولا يتزوجني بزز عليه صافي طرا لي طرا ( شافت فيه و نطقت بغبينة) ممكن هو كان باني حياته و شايف حياة اخرى تاخرجت في طريقو

نوح::( تقاد في جلسته و حنحن نظف حلقه و نطق برزانة) يعني بغيت نبنيها معاك يلا يسر الله، وديك لهضرة لي قلتي في اخر مكاين منها والو، انا باغي نوارة لي قدامي دابة للزواج، نكمل معاها حياتي و ماشي شي وحدة اخرى

نوارة:: ( قلبها دقاتو تسارعو مافهمتش شنو احساسها وكلام جدها تتيتعاود في عقلها و عارفة كلامه ديما على صواب وديما تدير بلي تيقول ليها وتيصدق عل الصواب بصح هزات عينها في نوح و نزلاهتهم دغيا كيفاش تاهو كل مرة تيكبر بيها و يعلي شانها بكلامه حدرات راسها تتفرك يديها بحشمة و خجل )

نوح ::( مراقبها عل راحته قرا تفكيرها لي باين عل وجهها عرف راسه زرب عليها ولكن عرفها غشيمة و درويشة ماشي شي وحدة قافزة تكلم حادر راسه بشوية مخاطبها وعينه عليها) انعاودو الفاتحه

نوارة:: ( شتت شوفاتها بكترة خجل و توتر تاالفة و مخنوقة ناضت دغيا مخلية عينيه يوقفو معاها و زادت توثرت ) ن نمشي لحمام

نوح::( منعت ليها بعينه بهدوء) راه وراك

مشات تتزرب و خلاته متبع ليها العين تيحك في رقبته عاود شاف في الجد

الجد ::( نطق بشوية ) ولدي قرب عندي شوية

نوح::(ناض جلس جنبه ) نعاام الواليد

الجد::( بصوت منخفض) حاول تصبر عليها شوية الله يرضي عليك

نوح::( عض على فكه و نطق) هني بالك الواليد

الجد:: هادشي لي طرا ليها ماشي ساهل اولدي صعيب الحال عليها الله ياخد الحق فلي كان سبب

نوح:: (دوز طراف صباعه على جبهته تيعصر فيها و نطق) عارف الواليد عارف شوية بشوية تولف و تنسى

الجد :: انا راضي عليك الدنيا و الاخره اوليدي ( سكت التواني و ضرب ليه على ركبته) الوراق ديالها اولدي هوما هادوك؟

نوح:: داكشي لي جبتي لي هو هاداك راك عل بال

الجد:: ايوا هدا جهدي وليدي غي هو واش لاكارط ديالها مزال عندك ولا عطيتيه ليا راني نسيت

نوح:: ( طبطب عل ركبته باطمئنان) مزال الواليد عندي نهار العقد و نعطيه ليها (سمعو خطواتها قربات عندهم وسكتو )

الجد:: نوارة بنيتي

نوارة:: (جلسات حداه ) هانا ابا

الجد:: رخفي عل داك العقل و دوك العينين نتي دابة ابنتي غاتزوجي واتبني حياتك و نساي داكشي لي داز عارفك اتقولي صعيب ولكن اي واحد ابنتي تيدوز من شيي محنة تتبقى ليه في بال وصعيب تمحها، و نتي محنتك دوزتيها و دااازت عليك قاصحة، وولدي نوح الراجل مزيان طلبك من عندي شحااال هادي و كنت نقوله غي يجيبك ليا وداكشي لي دار واخة عيت فيك تجي و السبب لي يخليك تجي و نتي رافعة راسك هو زواج ابنتي باش يكون راجل في ضهرك ماشي باش تكوني بوحدك، اولا ابنيتي

نوارة::( هزت عينها فيه و نزلتهم دغيا من شافته مراقبها بايحكام) كلامك هو لكبير ابا

الجد:: تعاود غي الصلاة على النبي

نوح' نوارة:: عليه الصلاة و السلام

الجد:: ( هز يديه ) نقراو الفاتحة اوليداتي

بالفعل قراو الفاتحة و الجد شحال وهو يدعي معاهم بقى معاهم شحال تيوصي فيهم و يعقل في نوارة و يثبتها عارفها ثالفة وماعرفاش هاد خطوات خالعينها

الجد :: (ناض وقف ) نخليكم دابة خاصني نمشي

نوح:: ( مد ليه عكازه) يلا نوصلك الواليد

الجد؛: شد لي طاكسي اوليدي راني واخة عمى بعيني هههه

نوح:: ( باس راسه) الله يطول عمرك

نوارة:: ( قربت ليه باست يديه و راسه و عنقاته و نطقت حابسة بكية) با الحنين ديالي الله يخليك ليا

الجد:: دور يديه عل راسها بشوية) نتي بنيتي وراحتك اهم من راحتي الله يرضي عليك

نوارة:: امييين ابا ( مراقبه غادي شاد في نوح) رد بالك ابا

نوح:: ( وصل الجد لباب خلاه تيساينه ورجع عندها ) غانجيب ليك حوايج ديالك محتااجة شي حاجة ؟؟

نوارة::( قلبات عينيها عليه ) مخصنيش

نوح:: ( صغر عينيه من تصرفها و حرك راسه بشوية مخلي عينيه عليها) لي بغيتي

مشا خرج و هي تخبطت بنرفزة كتسوط وتتهضر غي بوحدها

نوارة:: واش خاصك ش حاجة نتا تتشاور مع شي حد بعدا اييخ ياربي اش هادشي لي انا فيه

__

وصل نوح مع الجد لتحت شد ليه طاكسي عطاه عنوان و خلصه وودعه غادي وتوجه للطوموبيل سمع تلفونه تيصوني

نوح:::( جاوب من شاف اسم) زينة

زينة:: خويا لاباس عليك سمعت بلي راك رجعتي للرباط واش ماتيجيش تشوفنا

نوح:: ( فتح طوموبيل و طلع كسيرا )انجي نشوفكم امور مزيانة عندكم

زينة:: شوية اخويا وصافي راك عارف ماما لاماشفتكش ماتهنى بالخصوص تسناتك من سمعت بلي راه هنا وبغاتك تجي تشوفها

نوح:: من نكمل شغلي نجي نشوفكم

زينة:: بلاتي اخويا ماتقطعتش بغيت غي نقولك

نوح:: تانجي راني صايگ دابة

قطع عليها و مشا لسوبر ماغشي خدا تقدية و اي حاجة تقدر تحتاجها و رجع بلاصا طوموبيل ومشا خرج تقدية و هز حوايج ديالها و طلع فتح لباب لقاها جالسة قدام تلفازة مربعة يديها ودايرة رجل على رجل و تتحرك فيهم بعصبية

قرب حداها حط ليها تقدية و دفع فاليز حداها مراقبها بعينيه

نوح:: اي حاجة تقدري تحتاجيها راهي هنا عنداك يغرك شيطان و تبغي تزيدي شي قنت

نوارة:: (هزات حاجبها فيه ) نعااام

نوح::: ( مشا هز جاكيط و كاسكيط دياله من حداها لبسهم و عينيه تابتة عليها) هضرت و فهمتيني غاتبقاي هنا بيما درنا عقد و اي حاجة حتاجيتيها عيطي لي نمرتي راها في تلفونك

نوارة::: ( عوجت فمها و دارت تتشوف في تلفازة بلا ما تنطق ليه شي حرف )

نوح::( جعراته بناخلة لي عطاته قرب وقف قبالتها و يديه في جيبه هضر تيحاول يكالمي نفسه ) تفااااهمنا ابنت الناس

نوارة:: حركت راسها بايجاب و هي ماتتشوفش فيه

نوح:: (حك عل جبهته حس بيها تزيرت عليه عارف بلي ماشي ساهل تواصل معاه عادي نطق محني راسه شوية عندهاا ) هادشي نتفاهمو عليه من بعد مزال الوقت بيني و بينك

نوارة:: ( شافت فيه و ودورت راسها و نطقت تحت لسانها) ان ششاالله

هزت تلفونها و دارت راسها مشافتوش دخلات تتسجل اوديو لسناء

نوارة :: حبيبة سمحي لي ماعودتش جاوبتك كي وصلتي كي لقيتي ماماك شوية

خلاته مراقبها عاض عل فكه من داخل بقى مطووول بشوفتها تحنى على سوارته هزهم من فوق طبلة و مشا فتح لباب وعاود دار عندها

نوح::( نطق بصوت خشن باين عصبية من عينه و طريقة باش مراقبها) راني هضرت ماتخلينيش نعاود هضرة بزاف

نوارة::( هزات عينها فيه) اجي ضربني احسن ولا علقني في سقف

نوح::( شاف تاعيا وزدح لباب تيتقلع من بلاصته زايد و تهضر تحت منه) واخة انوارة واخة (دوز مكالمة مع صاحبه )

نوح:: مال **** ماتتجاوبش عيط ليك شحال من مرة

نصير:: ماالنا اصحبي مكشكش عليا ياك لاباس

نوح:: حق رب يلا راسي يتشتت

نصير:: ( بمزح) ماشي عاد شهور و نتا تابعها من لقيتيها بديتي تشكى

نوح:: ( حل طوموبيل و طلع ) دابة غادي تبقى تبرول عليا تما ولا شنو

نصير:: بايت معاها نتا

نوح:: شتخور تاني ديتها لدار عندك من حدي ماعقدتش عليها مانقربش لبلاصة لي فيها هي

نصير:: عارف راني غي ضاحك ا***

نوح:: سير خليني ن** فحالي

نصير:: لا نتا ماشي نورمال رخف شوية اصحبي درية تخلع منك

نوح:: ديها غا ف**** انا نشد عند الواليدة تانهضرو من بعد

نصير::: سير اه نسيت ماعلمتكش

نوح:: شنو كاين

نصير:: نسيتي داكشي ديالك عندي في دار لا تكون بغيتيه

نوح:: (كسيرا) ماناسيهش انا خليتو تما مابغيتش يبقى عندي في دار من نرجع غادي تكون معايا غادي تغبرو فهمتي

نصير::: ايوا راه خاصك تهضر معاها تشرح ليها

نوح:: ماشي نتا لي تقول اش ندير وشنو مانديرش

قطع عليه و رمى تلفون بعصبية بقى كيشوف مدةةة قدامو عاد كسيرا

وقف بلوطو تاعو قدام الدار الواليدين في حي الشعبي دارهم كبيرة متكونة ب ثلات طبقات كلها مصلوحة ومفرشة باخر مكاين نزل من لوطو و حل لباب دخل في طابق تحتاني

نوح:: ( دخل لقاها جالسة قبالة تلفازة دايرة نضارات طبية و شادة روز تتنقي فيه ) السلام عليكم

شامة:: ( حطات صينية من يديها) وعليكم السلام اهلا وليدي عل سلامتك

نوح''' ( قرب باس راسها و يديها) الله يسلمك كي راكي مزيانة لواليدة

شامة:: بيخير وليدي حبيبي طولتي غيبتك هاد مرة

نوح::: ( تكي درعانه عل مخدة و جلس جلسة رجولية هيبته مغطية ) مشاغيل و خدمة الواليدة

شامة:: الله يسهل عليك حبيبي و ينقي طريقك من شوك

نوح'' ( حرك راسه باتقالة) امين امين الواليدة ( دور عينه في ارجاء ) مكاين حد

شامة::زينة مشات تسخر تجيب دوا و سلمان ( سمعو باب تزدح ) يمكن هو لي جا

داخل مع باب شاد تلفون تيهضر فيه و في يديه كارو تيبخ و يعود مهازش عينه في لي تم مشا جلس ديريكت و عينه غي عل تلفون

نوح"" ( ملمح ليه بتخنزيرة بطرف عينه مراقب حراكته حنحن بدون ماينطق )

سلمان:: ( سمع صوته قفز و لاح كارو في لاطيراس بدون وعي) خ ن نوح نتا هنا

نوح"" ( هز حاجبه منعت ليه في لاح كارو ) نجي نطفيه لمك في عينيك

سلمان:: (تهز دغيا تيتفتف تيموت من خوه ) هاني سمحليا خويا راه غي ( مشا لاحه و جاي اتجاهه قرب سلم عليه بغى يرجع تاشده من قرفادته خاشي صباعه فيه موعته

نوح:: ( تيهضر تحت منه) هاد خفة لي فيك مابغيش تحيدها منك ولا شنو

سلمان''' ولله خويا يلا

نوح""" (مقاطعه بدفعة تاجابه جالس قبالته)

شامة''' ( تتحرك راسها و تتكزز عل سلمان ) ديما خدر عمرك دير عقل اوليدي

نوح""" ( مخنزر فيه) ضسارتك الوليدة هادي

شامة"" ( تتلطف جو) ههه وباقي صغير اولدي و طايش

نوح"" عوج راسه لعنده بعدم تصديق"" ناس قدو راهم خدامين و ردامين 24 باقي صغير الواليدة

شامة'''' دابة يدير عقلو اوليدي( سمعت دقان ) نوض نوض حل لختك لباب

مشا حل لباب و دخلات تتهضر

زينة""" ما لكم عل هاد تعطيلة اودي شواني لبرد

( دخلت ولمحت هيبته فوق سداري تبسمت) خوياااا جيتي (حطات سخرة ومشات سلمت عليه ) عل سلامتك

نوح'''( نزل عينه شنو لابسة كان لابسة سورفيط خفيف و قصير و مبين طايتها ) قلتي جاك برد ولا صهد

زينة"" (تدور في عينيها) غي حيت قلت غي هنا قريب داكشي لاش مالبست بزاف ( قربت باسته و هربات)

نوح""" ( زفر و ناض) انا طالع نعس

شامة''' جلس غي تعشا بعدا

نوح"" معشي الواليدة باغي غي نرتاح

طلع و خلى شامة تتولول وتعاير في سلمان

شامة''' ياك المسخوط الهاتر ماشفتي طوموبيلته برة ماسمعتي حس داخل لديك حالة

سلمان""" ( هز يديه) والواليدة مالكي تتزيدي فيه و يبقى ديما يدير لي هاد حالة مالي اش درت

شامة"" لا والو مادرتيشاي غا داخل مامسوقش ماتهز عينك داك تلفون دوخ ليك مخ يعطيه هرس

سلمان""" الله يحفظ اوليدة مالكي عل هاد دعوة

شامة"" باش يلا تبت شوية وتشوف قدامك

بقاو مجمعين بالهضرة شحال بزوج بيهم محناهم الوقت بزوج بيهم هازين الهم وحدة للميمتها لي عندها، خرجت من دوارهم باش تخدم و تعالجها، و وحدة الموشكيل لي قلب ليها حياتها رأسا على عقب

نوارة""نشوف هاد حريرة و نجي نشوف خالتي مليكة

سناء؛""" ما عندك ماتجي ديري دابة غا تبتي و شوفي حياتك قلت ليك من تجيو لكازا نجي عندك انا نشوفك

نوارة"" ( غمضات عينيها كتاوب ) سيري خليني نعس نتي بديتي تاني

سناء"" قلت ليك صح مالي كذبت

نوارة"" واخة بونوي حب، تالغدا و نهضر مع خالتي سلمي لي عليها

سناء "" باي حب

قطعات معاها و مشات جابت مانطة حيدات بينوار و بقات ببجامة بسروال مبينة فورمتها تكات قبالت تلفازة نقصات صوت و بقات تاغمضات عينها

___

متكي غي بشورط قصير داير دراعه عل جبينه وعينيه مركزين في سقف شعره فازگ مبين بلي يلا خارج من دوش ريحته مليانة الدار كاملة و باله خدام في جهة اخر سمع دقان في باب ناض بخطوات تقيلة ماشي يفتح

نوح''' ( لقى خته هازا بلاطو فيه عشا تكلم غي بعينه بمعنى علاش جبتيه )

زينة""( فهماته )خويا جبت ليك تعشا ماكلتيش

نوح"" راني قلت للواليدة مابغيتش واكل غي رديه باغي نحط راسي عيان

زينة"" ( من نبرته عرفاته ماشي هو هاداك ) واخة اخويا لي بان ليك

شافها ضارت نازلة مع دروج دخل و سد لباب حك عل جبهته بتعب ماشي بلاصته ريح تاسمع تلفون تيصوني جنبه هزو غي بانت لي نمرة في ساع فتح الخط

نوح"""( بنبرة تقيلة مستفسر ) مالك

نوارة""( بنبرة مبحوحة و رجفة غالباها ) ن نوووح

نوح""( سمع صوتها و تكعد حجبانه تكرنو ) ش كاين

نوارة""" ( مكمشة ورا باب و رعدة في جسمها كامل ) ع عفااك مانقدرش نبقى هنا بوحدي

نوح""( ݣرن حواجبو و نطق بخشونة) مالك شنو وقع

نوارة"" (ماقدرتش تنطق تغلقت ) ع عفااااك

ماحسش براسو تا ناض في ساع لاح عليه تيشورط و سروال هز جاكيط في يديه هز سوارت و نازل في كل خطوة تيدير ثلاثة ركب في سيارتو و كسيرا بسرعة ماعرفش احساسه بضبط تلفاتو و في مسامعه اب صوتها تيتعاود صايك و تيدوز خط ليها مكتجاوبوش غي مازاد جعر

نوح"" ( تيعاود اتصال ولكن والو )جاوبي جاوبي

وقت ماشي بزاف حتى كان تحت عمارة نزل من سيارته و طلع في درج خايف لاسانسور يزيد يعطلو تيقرب و تيسمع صداع ديال شي راجل

نوح""( مع حط رجليه قدام موبل بان ليه واحد متكي عل باب ديال شقة و تيخبط فيه براسه ماحس تا كان فوق راسو مد يديه جرو من كول ديالو موقفو شانق عليه و عروق جبهته خارجين تيتكلم بصوت متقطع ) ق*** مك مابغيتش تفوت شري

شخص""" ( مكلكلها شراب) و مابغاش تحل ليا لباب الشاف ( تيغوت) واالحنانة

نوح"" ( زاد شنق عليه تابان ليه عينيه ايخرجو ) باب لي حطيتي عليه يديك نهرسو ل** مك على راسك

خرجات المرأة كبيرة في السن شداته من دراعه تترغب فيه

المرأة"" عفاك اولدي طلقو الله يرضي عليك انا لي ماسمعتوش

نوح""( زاد شنق عليه حتى رجليه تهزو من الارض ونطق تحت سنانه) برب العالي دمك نشربو ليك لا لقيتك خطويتي جهت هاد العتبة مرة اخرى

طلقو تلاح تحت رجليه كي جرتيلة خطواه جبد ساروت من جيبو و حل لباب و عينه ملهوفين تيقلبو عليها

نوح""( كيرمي عين هنا و لهيه بلا ينطق دخل لبيت نيشان مابانتش ليه يلا يخرج و سمع شهقة صغيرة قرب بخطوات تقيلة جنب سرير مغوبش لقاها جامعة رجليها عندها خاشية وجهها في ركبيها و سادة ودنيها بيديها و تترعد كولها قرب شوية و تحنى قفازي ونطق بشوية بطمئنان ) نوارة

نوارة"" ( سمعات صوته و هزات عينها بزربة تتشهق و صوتها متقطع بالمرة ) نو وح ج. يت ي انا

نوح""( زاد قرب شوية و حرك راسه بإيجاب و مد يديه ونطق بنفس نبرة ) ششش انا هنا ماتخافيش ( شافها مرعودة و خايفة حط يديه عل يديها و عينه تيضورو على وجهها بأكمله شد درعانها بزوج ورفعها عنده بشوية موقفها واخة ركبيها خاوين حط يديه عل خصرها موقفها جات قرييبة ليه نطق بنبرة خاافتة مخليها تهدن ) بشوية عليك ماوقع والو

نوارة""( حطات يديها عل صدره و طلعات عينها دبلانين بشوية لعنده و نطقت برجفة) موحال نبرى انووح

نوح""( يديه مازال عل خصرها زاد جرها بشوية حيث كانت تترعد وماثبثاش خلى عينه وسط عينها نطق بصوت مسموع بزز) انا معاك ( حرك راسه بشويية كيطمئنها) مانخليش غبينتك تزيد

حدرات عينيها بشوية مخليها دموعها يتكركبو ويديها منزلة بشوية من عليه محاولة تجلس على سرير

نوح""( مراقبها ويديه عل خصرها حتى جلسات ومد ليها كاس ديال ماء بين يديها تيترعدو ماتبتينش وهو محاولش يحيد يديه حط كاس في يديها و قابط يديها من فوق كاس مقربه لفمها شربها و نطق بصوت خافت مطمئنها) مايقدرش تا حد يقرب منك من حدي مزال واقف عل رجلي( حط كاس فوق طبيلة ورجع وقف جنبها حادر راسها لعندها) نعسي رتاحي و ماتخافيش

نوارة""" ( كانت غي مراقباه و حالتها تشفي احساسها كان اصعب من انه تهضر او تخرج حرف من فمها حركت راسها بإجاب و كحزات بشوية تكات عل خدية و جمعات رجليها مكمشة و عويناتها مزالين شلال)

نوح""" ( بقى تيشوف فيها مدة ماعرفش اش يدير ،هز مانطة و قربها من رجليها مخلي مسافة عليها عرفها خايفة ، رجع بخطوات بطيئة للوراء و عينه مركزين عل حالتها عض فكه من داخل و نطق بنبرة خافتة) انا عى برا نعسي رتاحي

دار حل لباب و عاود شاف فيها بقات متبعة ليه العين حتى خرج و سد لباب شافته خرج زادت تكمشت هزات يديها دارتها عل فمها تتعض عليها مكبززة و راسها تيتحرك مع كل مرة تزيد في وتيرة عضان عليها حتى خدودها حمرو و عرق متصبب من جبينها و دموع دايرن طريقهم كاتمة صوت شهقاتها رجع ليها مواجع لي شحال وهي تتحاول تنساهم جات لحضة وحدة خلاتها تتذكر كل ثانية دوزتها فديك ليلة مشؤومة

____

صبح الحال فتحات عيونها ماعرفاتش امتى نعسات تنهدت و ناضت من بلاصتها وتقابلت مع مرايا تيبان وجهاا صفر دوزت يديها عل خدودها و عينها مورمين جفونها احمر بقوة البكا لي بكاته دخلات حمام غسلات وجهاا جمعات شعرها و خرجات يلا تحل لباب و تفكرته يكون عل برا مشات هزات بينوارها لبساته ونزلت عينها على عضات لي في يديها نزلات كم عل يديها تتضرگ فيها حلات باب بشوية و خرجات راسها بانت ليها رجليه مزال عليها الݣاط ديالو و مهزوزة على طبلة عرفاتو بقى على حالتو هكاك و نعس في بلاصتو خرجات بشوية مقربة عنده شافت كتلته ضخمة قدامها تلفت تتشوف في هنا و هنا و عاودت شافت فيه متكي دراعه عل عينه زادت وقفات جنبه تطل عليه بشوية و يديها مرعودة تتدرق فيها تمشات بخطوات خفيفة تهز تلفونها كان جنبه تحنات شوية مقربة منه حطات يديها عل تلفون تهزه تاحسات بيده شدتها

نوارة""( قفزات تاوهات فور ماتحطت يديه على يديها ) اييي

نوح"" ( طلع عينه عل عينها لي كانت بحال لجمر الزاند حس بيها تخلعات و رخف يديه شوية نزل عينه ليديها بانت ليه مورمة و عضات زورق هز عينه عندها مدوز صبعه بلطف على عضة ونطق بصوت نعسان) ماقصدتش نوعتك سمحي ليا

نوارة""( جرات يديها بشوية حادرة راسها و تتغطي فيها ) م ماشي موشكيل

نوح"" (نزل رجليه ووقف جنبها ونطق ) كي بقيتي

نوراة""( هزات عينها لعنده و حركت راسها بإيجاب بلا ماتنطق ) الصمت

نوح""( تحنى عل تلفونه و سوارته هزهم من حداه و شاف فيها و نطق) محتاجة شي حاجة

نوارة""( حركت راسها بنفي و نزلاته ماعرفاتش كيفاش تعامل معاه واش حشمة واش عناد نطقات بشوية ) لا

نوح""( حرك راسه بإيجاب ومشا متجه لباب حلو تم خارج و سمع صوتها وراه

نوارة""( باستفسار و صوتها خافت وملامحها خوفانة) واش اترجع

نوح""( سمع صوتها و دار عندها بشوية معلي عينه علئ عينيها و نزل راسه بشوية كيطمنها نطق بصوت خافت) انرجع

نوارة"" ( طمئن بالها حركت راسها بإيجاب ونطقت بشوية ) و واخة

نوارة" (شافته خرج عضت عل شنوفتها بخجل و شدت عل وجهاا لي تتحس بيه ايطرطق بايحمرار نطقت و بالها مخربق ) يخ منو وعينو فيه , اش هاد حالة ياربي

خرج من عندها بخطواته رزينة و تقيلة متوجه للدروج عينه على تلفون مدوز الخط

نوح""( نازل و حجبانه مقوسين ) فينك الواليد

الجد"" اني تنساينك في نفس بلاصة اوليدي

نوح"" صبر عليا شوية وقت نكون عندك

قطع معاه حل سيارته و طلع متجه عند الجد بالحكم مابعيدتش فين دار معاه دغيا وصل عنده لقاه جالس فوق واحد كرسي وقف عليه طموبيل و نزل عنده

نوح"" ( وقف قدامه شد يديه) السلام عليكم يا كما تسنيتي بزاف

الجد"" ( تبسم) لا وليدي جيتي في وقت

نوح""( شده من دراعه موقفه غادي بيه للطوموبيل) مكاينش من غيرك الواليد

الجد"" ( عاونه يطلع في طموبيل) ولد الاوصول

نوح""( طلع تاهوو دار قاد ليه ساتينغ وكسيرا ديك ساعة متبع مع الطريق ونطق بثبات) تصبر معايا هاد ليلة غدا نعقد عليها ديك ساعة ( دار شاف فيه) نخليك مرتاح

الجد"" اوليدي غي من رجعتيها ليا نبقى عساس عل بابها و مانسمعش هاد الحالة لي شدتها

نوح""( فور تفكر عينها و جسمها كي كان خوفان دوز يديه عل لحيته و ساط مجهد ) الغلط ديالي الواليد لي ماعلمتهاش من قبل واحد برهوش قليل عقل يشرب شي كاس و يجلس يبرول على عباد الله

الجد"" الله يهدي هاد الجيل اوليدي مسكينة يمكن بقات عندها فوبيا من اي واحد ماشي في وعيه

نوح""( عض عل فكه من داخل و عينه حمّرو بغضب و الصمت كان هو موقفه ماقدرتش ينطق شي حاجة)

الجد"" ( اتدارك موقفه و بدل موضوع) معاياش تعقدو اوليدي وشكون ايكون معانا

نوح"" نتا الواليد و صاحبي ( وقف سيارته بجنب شارع و نطق) نجيب شي حاجة ونرجع

الجد""( حرك راسه سمع باب تزدح و نطق) يااربي تحنن قلبها و تسهل عليهم يااربي راه بنيتي عانات بزاف ،كلشي عالم بيه ياااربي ( قاطعته صوت باب سيارة لي تحل طلع نوح و كسيرا مخلي صمت يعم داخل طوموبيل فقط انفاسه غير منتضمة مرة يسوط مرة يتنهد وقف قدام عمارة و نزل فتح له لباب منزله بلطف

الجد"" الله يرضي عليك المرضي

__

كانت تتقاد صينية اتاي فوق طبلة تاسمعات ساروت دورات عينها لباب بان ليها حل لباب متسع و دخل منه الحنين

نوارة"" ( تبسمت و مشات بخطوات مهيلة تلاحت في حضنه ونطقت بصوت مرتاح) الحنين فيا

الجد""( طبطب بحنية و ابتسامة الرضى) الله يرضي عليك ابنتي (شداته من يديه مادياه يجلس )

نوح""( مراقبها سد لباب غي شافها هزات عينها فيه و جبد شي حاجة من جيبو و حرك راسه باش تقرب عندو)

نوارة""( عينها ماتبتينش و احساسها خاينها تمشات بخطوات ممهلة اتجاهو تاوقفات نطقت بشوية ) نعام

نوح""( مد لها جوا ديال فارماسي محني راسه عندها و نطق بصوت خافت بالكاد سمعوه غي هوما بزوج ) جروحك ايخصهم دوا

نوارة""( حدرات عينها لجوا و عاودت هزاتهم فيه شافت عينيه و نزلتهم في ساع ماقدرتش تتحمل احساسها هزات يديها تترعد شدت من عنده نطقت بخفوت) شكرا

نوح""( نطق برزانة) غادي يبقى معاك الواليد باش تبقاي مرتاحة هاد ليلة

نوارة"""( هزات عينها فيه دوزت شعرها ورا ودنيها بخجل لي ماكنتش دايراه في بالها مخلي عقلها و قلبها و لسانها مضاربين ) اصلا نعست مرتاحة يعني ( حسات بلسانها ماتبتش و دارت دغيا غمضت عينها زلة لسانها نطقت بشوية ) واخة شكرا

نوح""( حرك راسه بتقالة حك جبينه و نطق ) الواليد خليت لييكم راحة

الجد"" جلس اوليدي شميت ريحة اتاي (موجه كلامه ليها) تتوجد شي كويس من داكشي اولا ابنيتي

نوارة"" ( تبسمت بخجل و عينها في الارض شي حشمة طاحت عليها ميمكنش نطقت بشوية ) با غي تتبغي دير لي خاطري وصافي ( هزات عينيها فيه لقيته مرااقبها براااحتو نزلت راسها مشتتة شوفاتو)

الجد"" على هاد كلمة ( وجه كلامه ليه) والله تاتجلس اولدي شرب و رد عليا

نوح""( قرب شوية جر كرسي و جلس قبالتها عينه عليها) نرد عليك الواليد

الجد"" يلا كبي ابنتي كبي

نوح""( لمح يديها تترعد وتتجبد في الكم مغطية ديك عضات مخليها على راحته يشوفها اش دير ) يمكن مابغاتنيش نشرب كاسها

نوارة""( هزت عينها فيه بصدمة لقاته مخلي عينه عليها ناضت في ساع تتكب هزات كاس اول حطاته وسط يدين باها و كاس تاني دفعاته قدامه حتى تخوا عليه نصه ناضت بزربة اتجاهه ) ويلي ويلي اش درت ليك سمحليا حرقتك سمحلي

نوح""( مدت يديها هزات لكاس من قدامو جات قريبة ليه نطق بشوية ) ماعليش ماشي موشكيل

الجد""( تيحرك راسه ) دقتيه اولدي حار

نوح""( تينفض يديه بشوية نطق و عينه عليها ) ماعليش حتى حار تينفع

نوارة"" (شافت فيه بعدم فهم مشات جابت مشوار حطاته عل يديه تتمسح ليه بشوية نطقت بأسف) تتحرقك ياك

نوح""( حرك راسه بإيجاب بتقالة و عينه عل ملامحها كيف تتبدل كل لحضة ) الصمت

نوارة""( عينها مدبلة في يديه و ساطت بأسف) حيث فيه سكااار وحلاوة هي لي تتخلي الحريق

نوح""( عينيه وااخدين راحتهم في ملامحها و حرك راسه بإيجاب نطق بشوية) لحلاوة زايدة تتقهر

الجد""الله يابنتي صلقتي سيد

نوارة"" مادرتهاش بالعاني ابا والله

نوح"" ( تيمسح عل يديه بشوية و شاف فيها ) ماوقع والو عادي و كاسك مزال ليا وقت فين نشرب منو

نوارة""( هزات عينها و نزلاتها دغيا حشمت ماعرفت كي دير ولا تقول) الصمت

الجد"" دير ليها دوا ولدي باش ماتنبلش كيما قالت ليك حلاوة صعيبة مع جلد

نوح""( حط مشوار جنب ) ان شاء الله الواليد ( ناض وقف)

نوارة""( وقفت قدامه ونطقت بأمر ليه بملامح حشمانة من فعلها) ماتنساش عفاك دير ليها دوا باش ماتنبلش و تعطيك لحريق

نوح""( تحنى شوية براسه لعندها و نعت بعينه ليديها ) يلا داويتي يديك نداوي تا انا

نوارة"" ( في ساع حركت راسها بايجاب) نداويها مانساش والله

نوح""( حرك راسه بتقالة عينه متقلين فيها ) تا انا مانساش

بقات ملمحة ليه ماشي بخطواته و ديك كتلة تتمايل بتقالة اسود في اسود من سباطو تالكسكيطتو حدرت راسها فور ما تسد باب ماعرفتش احساسها بهاد السيد رزين و الغامض تلفت باش تقدر تواجه في كل مرة تجي عينه في عينها كيف تعامل معاه و هي وياه تحت سقف واحد نزلات دمعة من عينها مسحتها بزربة و هي متجهة جنب جدها تكات على رجليه مكمشة و عينها مغمضة بحنان

الجد"" ( هز يديه حطهم عل كتفها تيدوز عليها بحنية مخليها ترخى و نطق بثبات و صوته مطمئن ) ديري شوية من عقلك على قلبك حتى يستقيم و شوية عاطفة على عقلك حتى يلين ابنتي

غمضات عينها و تنهدت عقلها تيفكر في هضرة جدها تتحس براسها ضايخة مدهشرة

الجد"" شنو ماتوجديش لينا الغدا توحشت طويجنات لي تيخرجو دوك ليديات

نوارة"" ( تبسمت و هزات راسها فيه) احياني عليك من تتبغي تقلب لي هضرة

الجد"" وشنو بغيتي نخلي بنتي مقلقة

نوارة"" راه بصح ابا باغا نعرف كيفاش تلاقيتو و

الجد""( مقاطعها) ابنتي انا ماشي هو لي عندي الجواب كاين هضرة كتيرة هو الوحيد لي غادي يشرح ليك بطريقتو دابة غاتنوضي توجدي لينا ماناكلو و توكضي معايا الله يرضي عليك غدا نهارك بغيت وجيه بنتي يكون كي سميتها منور

نوارة""( حطت يديها عل تجاعيد وجهو ) ما عرفت بلا بيك اش كنت ندير كنتي ديما سندي في اي خطوة تنخطويها

الجد"" ( حط يديه عل يديها و باسها) انا باغي نشوفك فرحانة في حياتك و تنساي ما طرا ليك من عطيت اسمك ليه الا وعارفو راجل مزيان ايحطك في حمايته و ينسيك ماجرا و يداوي جروحك بكلامو برجولتو بحنيتو و سهم الرجال باااين ابنتي

نوارة"" ( تبسمت و حناكها حمرو من غزل لي تنطق من فمو ليه) حتى لهاد درجة كلا عقلك ابا

الجد"" ( ضحك حتى تجاعيد وجه غمضت عينه ونطق يديه تتدوز عل شعرها ) ايوا انا دوزتها بعقل و تبات نتي اياكل لك قلبك بلاما تحسي بيه

نوارة"" ( تنهدت ) ماشي عاد ابا رجوعه حيا فيا شي حوايج مابغاوش يتفهمو ليا ،عقلي و قلبي مضاربين ابا

الجد"" غاتفهميهم مزياااان ابنتي مع وقت لي نقووولك هو توكلي على الله و خلي قلبك مسلم ليه و لهاد زواج ماتفكريش فلي جرا عيشي حياتك مع راجلك

نوارة"" ماعرفتش سرك معاه ابا ولكن كنتمنى كيما قلتي نفهمه مع الوقت

الجد"" التأني مع الخيبة خير من التهور مع النجاح ابنتي كلشي بوقتو

نوارة"" كلامك ابا ديما تيقنعني و كنمشي عليه و عارفة راسي مانخسرش ( باست يديه) الله يخليك ليا الحنين

الجد"" ( تبسم) شاب راسي ابنتي في تجارب الحياة و في هاد الدنيا خاصك تكون حكيم في قرارتك وتفكر منا القدام ماشي غي ديك لحضة

______

كانت ليلة دافيية و هي في حضن جدها الحنين ناعسة عل كتفه مغطين بزوج صوت الاخبار لي تيتسمع نقولو غاهو لي متبع اما هي كان بالها في جهة أخرى تتفكر في هاد الاحدات متسارعة كولشي تتحس بيه بزربة لقائها معاه كان قاصح عليها بجهد ،و طلب زواج منها خربق ليها العقل اما القلب كان ليه رأي آخر ، هزات عينيها في جدها تتشوف فيه

الجد""( حس بيهاا) ماتكتريش ابنتي على داك العقل لي عندك بكثرة تفكير خلي بالك غي في لي جاي و يكون خير ان شاء الله

نوارة"" ( باست يديه ) ان شاء الله ابا نتمنى

الجد"" ( نطق بعتاب)ما فيك صواب ولا تيتحد ليك غي معاه هو

نوارة"" ( هزات راسها فيه) علاش ابا اش درت تاني

الجد"" عيطي ليه سولي فيه صلقتيه من يديه و تتقولي اش درت

نوارة"" ( هزت يديها قدامها و عضت عل شفايفها ) اي بصح نسيت مادرت دوا

الجد"" اشمن دوا اديري

نوارة"" ( حسات عل روحها اش قالت) لا بغيت نقولك نسيت ماعيطتش ليه يدير دوا

الجد"" هي لانضتي دابة نيت

نوارة""( بقات تدور في عينها و قلبها ايسكت ناضت بخطوات بطيئة متجهة لباب بيت فتحاته و دخلات هزات بوماضة مشاات جلست على طرف سرير حطتها فوق رجليها و شدت تلفون تتبغي تصيفط ميساج و تتمسحه بزربة ) اويلي على وحلة

^^سلام نتمنى تكون وليتي مزيان ^^

صيفطاته ولاحت تلفون و قلبها تيضرب بجهد و حنيكاتها ايطرطقو من حشمة لي متالكت داتها هزات بوماضة حلاتها و بدات تدهن بشوية ساهية تاقفزها ميساج لي وصلها طارت على تلفون هزاته

^^^ و عليكم السلام مزيان واخة كترتي حلاوته مانبلتش ^^^

شادة تلفون تتقرا و تعاود و قلبها غي ماتيزيد يضرب ماقدرات تتحكم بسرعة دقاته تتستوعب حتى وصل ميساج تاني

^^^ يديك كي بقات درتي لها دوا ^^^

ماعرفاش اش تكتب الحروف تلفو ليها

^^^ عاد تنديرو دابة نتا درتي ليها دوا باين مادرتيهش قلتي لي اتديرو يلا درتيه نتي ^^

بقات ملمحة لتلفون شافته قرا ميساج و بقات تتسناه غي يكتب حتى شافته خرج

نوارة"" عجرفة هالي باغة تسول فيه شدي دابة اييخ

مزال مكملات نگيرها تاسمعت ميساج مشات عينها طايرة باللهفة

^^ المهم عندي يديك تولي مزيان منا للغدا ماتعطيكش الحريق ^^

نوارة"" اويلي هدا تحمس مالي غانطيبها

ضربت على راسها بقلة فهم لي تطيح عليها عاد ستوعبت غادة تبصم بيها و عاودت كتبت ليه ميساج

^^ مادرتيهش كنت عارفة مادريهش ماعندكش كلمة^^

صيفطاته و عاد ستوعبات طاحت تضرب عل حناكها على خفة يديها واش كتبت

نوارة"" اويلي اويلي مالي انا اش جابني فيه

حسات بزوج ميساجات وصلوها في دقة مابغاش تشوفه بقات حاضية تلفون من بعيد و تولول غي بوحدها شافت تا عيات و حلات ميساج

بانت ليها صورة فيه يديه عليها دوا و فاصمة رقيقة و ميساج تحت صورة

^^ كلمتي وفيت بيها صباح من كبيتي عليا حلاوت كاسك^^

يتبع...