محتوى القصة
جالس في سيجور قدامو شي ضوسيات خدام عليهم و هي جنبه تطوي الحوايج
نوارة""( مراقبته تتبسم نطقت بصوت منخفض) نووح
نوح""( جاوب و عينه في ضوسي) امم
نوارة"" واسي كوميسير
نوح""( هز عينيه مصغرها فيها ابتسامة جانبية مزينة ملامحه الحرشة) واخة ماشي كوميسير وليني الهيبة ديالو تتجي قدامك و تتهرب
نوارة""( جامعة فمها حابسة ضحكة) لاتديش عليا تيتخلطو عليا ديني على عقلي
نوح""( حرك راسه بتقالة) قولي لي بغيتي
نوارة"" راك عيان عاطينك وقت باش ترتاح نتا جايب معاك خدمة للدار
نوح"" ( رجع بعينه لضوسيات) مكاين بو راحة
نوارة"" تبغي نوجد ليك شي حاجة
نوح"" شي كاس قهوة الله يرضي عليك
نوارة"" هي لولى احبيبي
ناضت في ساع مشات وجدت ليه كويس ديالو كيف تيبغيها و جابتها ليه حطاتها قدامو و مشات تتكمل طي وحاضية ملامحه و حروشية تتقطر منه تتبسم غا بوحدها دخل حياتها خربقها و خرج عقلها ملامحه ولات ادمان عندها تيزيد يكمل عليها بحنية ديالو فيها و كيفاش تيراضيها و كيفاش تيهضر معاها عكس مع الباقي ديما مخليها متميزة عن الكل
نوح""( جبد سجارته دارها في فمو هز بعينه ليها لقاها ساهية نطق وكارو في فمه) مال حبيبي
نوارة""(حست بالاحراج تبسمت ببلاهة بقات ساكتة لتواني عاد نطقت) والو غا تنحماق على واحد بوليسي
نوح""( تبسم تيعصر بين عينيه و عاود شاف فيها مطوول) بديتي تزعمي ماعليكش
نوارة" ههه غابعد مرات
نوح""( شعل كارو تينتر منه و نطق مخلي دخان تيخرج من نيفو و فمه) نتي لي ماعرفتش منين خرجتي لملتي
نوارة""( تبسمت و ناضت من بلاصتها توجهت ليه جلسات بين رجليه مدورة يديها على رقبته) خرجت من الجنب ( تبسمت) مهم درت بلاصتي عندك ياك
نوح""( مراقبه بشوية عليه حرك راسه بنفي و عينيه مطوووولة فيها ) فين اديري بلاصتك و نتي ملكتي كولشي
نوارة""( عاجبها الحال ) يعني
نوح""( دور راسه لجهة الثانية بخ كن فمه و عاود رجع شاف فيها بعيون مرخية) ديتي القلب
نوارة""( عضت على شنوفتها) شي هضور عندك ناري
نوح""(تبسم ونتر من سجارته بعد عليها تاني بخ و عاود شاف فيها مقرب بشفايفه لصدرها طبع عليه قبلة و نطق) تتخرجيهم نتي
نوارة"" ايوا الله يخليني ليك
نوح""( طفى كارو و حط يديه على خصرها ) تنوضي تخليني نكمل شغلي ولا لا
نوارة" تاا انا عندي شغل و جيت عندك
نوح "" خدام امرتي
نوارة""( گرنت حاجبها وناضت ) واخة هاهي
نوح""( شد يديها و جابها فين كانت و طبع قبلة بين حواجبها و نطق) فكيها
نوارة""( هازة شوكتها) الصمت
نوح""( هز يديه تيبعد شعر على عينيها ونطق بصوته تخين) نبغيك
نوارة""( تبسمت ) احياني عليك
نوح""( مراقبها بعيون مرخية و حرك راسه بمعنى مالك) الصمت
نوارة"" تتعرف وقت امتى تنطقها تتخدم معايا اساليب بوليسية ، تتخدمهم عليا تخليني ننسى اش كنت نقول
نوح""( عيونه تتسارا براحة كي تتغنج عليه) نوح لي قدامك اشمن بوليس
نوارة"" ( تدور في راسها) احياني عليك ( باست جنب شفايفه) كمل احبيبي خدمتك
من بعد ماخرج من عند سناء مشا لفيرمة طل على نجاة ريح معاها شوية و خرج شد طريقو راجع بحالو غي داز على دار سناء و باله كيرجع كلام مليكة كيف كانت نضرتها ليه و هي كتأمن بنتها ليه اما ملامح سناء كانت حكاية اخرى بقات بين عينه هز تلفونه و دوز ليها الخط غي سمع صوتها عرفها ماشي تالتم حبس طوموبيل جنب الطريق و جاوبها
نصير""" تتبكي
سناء""( مع قال ديك كلمة وشهقاتها بدات كتجهد) الصمت
نصير"" ( كيتسمع غي تنخصيصها قوي داخل طوموبيل عض على فكه بقات فيه بجهد نطق بهدوء) سناء تصنتي ليا
سناء""( بصوت مقجوج) ن نعا م
نصير""( خدم طوموبيل مافكرش زوج مرات تاقلب الدورة و نطق بهدوء من صوته) لبسي عليك و خرجي عندي
سناء""( في لحضة سقلت تتسوعب كلامه عرفاته مزال قريب ) ع علاش م زا ل
نصير"" خرجي ابنتي خرجي
سناء""( بخفوت غالباه شهقات ) غي ر س ير ترت تاح
نصير"" ديري لي قلت ليك خرجي عندي انا قريب ليك
قطع عليها باش مايخليهاش تزيد تهضر ماشي من عنادها لكن من صوتها لي ماقدش يتحملو و دوك شهقات تيحس بيهم تيدبحوه وقف بطوموبيلته قدام لباب و سكتها و طفى الضو وبقى تيساينها غي سمع صوت لباب و دور تلفون بانت ليه خارجة فتح لباب و نزل تكى بنصه على مقدمة طوموبيل تاوقفت قدامو شد يديها و جرها لعنده محاوطها بيديه بزوج و شفايفه على شعرها خشاها وسط صدره كيحس غي بهزات صغيرة دلالة على بكاها مددة و هي معنقاه ماعرفتش شحال فقط داك الحضن كانت محتاجاه باش تخوي مافي قلبها و هو مزير عليها ماهضر ماتكلم ماحبسها ماسكتها تاحس بيها رخفت يديها و بغات تهز راسها نزل بيديه و جرها فتح لباب لور و دفعها من خصرها طلعت و طلع هو جنبها شعل ضو داخل ودار عندها تيشوف ملامحها عويناتها منفوخين و نيف احمر شفايف تيقمزو تنهد تنهيييدة طويلة مد يديه مسح على جفونها و نزل لخدودها بزوج كيمسح بحنية و عينيه على عينيها
نصير""( بهدوء) شوية دابة
سناء""( تتحرك راسها و شهقاتها كيتسابقو معاها) الصمت
نصير""( شد على كتافها و جابها لصدرو و اليد لاخرى شدت على يديها مشابك صباعهم مع بعض نطق بصوت قليل ) عارف مكانتها عندك حليتي عينيك عليها و هي تتشوفك غي نتي ، ماشي ساهل هادشي لي تتعيشيه لكن ، الاقدار من الله سبحانه ، ربي مكتب ليها و لينا لي انعيشوه يعني خاص شوية الصبر منك و ماتضعفيش
طبع قبلة على راسها بحنية و سكت تيتسناها تهز عينيها و تستاجب معاه بالفعل هزات عينيها في عينيه و دموعها تينزلو شلال
سناء"" ( بصوت مخنوق) كتوصيك عل يا انص ير ما مقدرتش ن نسم عها
نصير""( حط خده على خدها بحنية و نطق بخفوت ) باراكة الله يرضي عليك تتمرضيني بشوفتك هاكة
سناء""( غمضات عينيها مجرد مالمسات لحيته خدودها كتستنشق عطره ) الصمت
نصير"" ( بصوت قليل ) انا معاك في ضعفك و في غبينتك قبل فرحك و قوتك ماتحتاجش توصيني عليك
هزات يديها حطاتهم على رقبته تخشات فيه ماوعياش اش تدير فقط متبعة قلبها واش تيقول ليها مغمضة عينيها براحة و هو مزير عليها تيوصل ليها كلام قبل ماينطقه بقات لتواني وهي مغمضة عينيها تاحست براسها رتاحت شوية و بعدات وجها لكن البعد كان شبه منعدم تتشوف في عينيه الخوف بقات مدة و هي مراقبة عينيه كأنها تتاخد قوتها منه و توگض
نصير""( مسح على خدها و مسح تحت عينيها بصوت خافت) مزيانة دابة
سناء""( تبسمت ابتسامة باهتة و نطقت بشوية) الحمد لله
نصير"" هاد الكلمة ايخص تقال ديما اسناء
سناء"" ( حركت راسها ) تنعيا نقوي راسي قدامها وماتنقدرش
نصير"" ( تيدوز كف صباعه على خدها بحنية) الانسان ولابد يضعاف يضعاف يعيي مايبغي يبين قوتو تتجي شي فترة ماتيقدرش يكمل
سناء""( تبسمت نزلت عينيها و عاودت شافت فيه) ماعرفتش شنو نقول ليك والله
نصير""( تبسم) قولي ليا غادية نتوگض على قبل ميمتي و نوقف معاها تاتولي مزيانة يلا بغى الله و مانضعفش
سناء""( حركت راسها بنفي بشوية و هب مراقباه) تنهضر عليك نتا
نصير"" مالي انا ( تبسم)كنت دايز و قلت نعيط لمرتي نشوفها
سناء""( تبسمت تتمسح على عينيها) لا ماشي هاكاك
نصير"" ( شد يديها باس على كفها وحطها هلى قلبه منزل براسه لعندها ونطق بشويية ) هدا لي قال ليا سير عندها محتاجاك
سناء""( تلفت من نبرة صوتو و من شوفاته بقات غي تتشوف و هي تتحس بنبضات قلبو ) الصمت
نصير""(تبسم) يعني ماكذبش عليا ( نزل براسه كأنه تيطل عليها) كنتي محتاجاني العسيلة
سناء""( تبسمت بخجل من كلامه ماعرفت باش تجاوب فقط حركت راسها بايجاب ) الصمت
نصير""( بقى تيحرك راسه بتقالة عاض على شنوفته لتواني عاد نطق ) اجي عندي
زادت قربت عنده فتح يديه و تخشات فيه و كان الصمت ،بصح كانت محتاجاه و محتاجة كلامه ليها و محتاجة احضانه مجرد ماتتحط راسها على صدره تتحس بانهيارات و في نفس لوقت تتحس براحة من بعد ، هو بدوره شي حوايج جداد عليه كلشي فيها تيحفضو و يرسخو في راسه مقلقة حشمانة فرحانة ،نهار لول شافها عرف نيتها دوز شلا مراكي لكن هادي جاته مختلفة على باقي مزال تيزيد يتعارف عليها وغير ما تتزيد تخليه باغي يزيد يعرف نهار على نهار تيزيد يتعلق بيها بلا اذن منه تيلقى راسه غارق في تفاصيلها ،..حس بيها هزات راسها ليه نزل بعينه ليها تيشوفها تتقرب ببطئ تاوصلات لخده طبعت قبلة عليه بكل بطئ تاخلات عيونه يتغمضو بملمس شفايفها ، دائما ماتتكون مبادرة منه لكن هادي كانت بنسبة ليه مختلفة ، و هي مزال عليه تا ميل بشفايفه لشفايفها طبع قبلة عليهم بكل حنية و بطئ و نطق و هو مزال عليهم
نصير""( بخفوت ) كتقتليني
بقى معاها بالحيلة و الهداوة تاتهدنات و رتاحت عاد تحرك شد طريقو و هي دخلات بوجه الاخر تتبسم دغيا بدل مودها للاحسن دخلات على مليكة تتفرج في تلفازة
مليكة"" ماسخيتوش وو
سناء"" ( تبسمت وجات تكات على حجرها) كنتي حاضيانا اميليكة
مليكة"" ( قرصت عليها) ماعرت ليك خرجتي في وجه و دخلتي في وجه
سناء"" ههههه وااامليكة الله يهديك
مليكة"" عقلتي فاش قلت لمك هو لي تيعرف ليك
سناء"" ( تبسمت) عقلت عقلت
مليكة"" ايوا هانتي وصلتي على كلامي
سناء"" مي بغيت نسولك
مليكة"" سولي
سناء"" من امتى وهوما ساكنين هنا
مليكة"" هوما في الاصل كانو ساكنين في الرباط وراجلك خلوق و زيادة تما تا شد راجلها تقاعد عاد سكنو هنا في خطرة
سناء"" راجلها تعقلي عليه نتي
مليكة""شوية شوية راه كان ديما تيجي مرة مرة ( صغرت عينيها تتفكر ) راه كان اش تيقولو ليه ياربي نسيت مهم كبير جدارمي اش تيقولو ليه
سناء"" لاجودان
مليكة"" لا اش كانت قالت ليا كونو
سنااء"" ههه وا مي كولونيل
ملبكة"" ايييه هاديك
سناء"" هانتي قولي غا ماجور ساهلة ههههه
مليكة"" مهم راك عرفتيها
سناء"" هوما اصلهم دكالي من هنا
مليكة"" دكالة غي ماشي من دوار غا شراو هنا
سناء"" العجب عمرني شفت نصير هنا
مليكة"" ماتيجيش قليييل اول مرة نشوفو انا نهار درت ليهم رفيسة وهو راجل نوارة
سناء"" ( تبسمت) ياااه على صدف امي شكون قال نتلاقى معاها و نتزوجو انا وياها صحاب و عشران
مليكة"" اييه ابنيتي القدر من تيبغي يجمع بين زوج تيدير طريق
سناء"" حتى صحيبتي مسكينة تعدبات و دازت عليها
مليكة"" قولي ليا اسناء داك سيد لي تعدا عليها معاودش بان
سناء"" لا ماعاودت سمعات عليه تاخبار من خرجت من دارهم رمابقات سولت و زيد ماتعداش عليها دار الله خير و ماقاصهاش ( شافت فيها) نوح راجلها اول واحد يقيسها امي وهو لي دخل بيها
مليكة""الله ياخد فيه الحق مخلي لبنت تخرج من دارهم و بنادم ياكل فيها مسيكينة
سناء"" رجعات لدارهم و هي بشان و المرشان نوح شد يديها ودخل عليهم كيف السبع
مليكة"" الله على بنيتي مسكينة مهلي فيها بعدا
سناء"" ( تبسمت) مهاااااالي فيها ولات كي نويورة و هي معاه
مليكة "" الله يسهل عليها و يفرحها ديما ورا الغمة تيجي الفرج من عند الله( تتحك ليها راسها) الله يفرحك ابنيتي و يفرح كااع بنيات
سناء"" ( مغمضة عينيها مستحلية حكان على راسها )اميين يااحنينة ديالي امييييين
مليكة"" و توگضي معايا ابنيتي عرسك مابقى ليه والو يلا نوجدو لي ايوجد
سناء"" كولشي يكون هو هداك غارتاحي ليا يالحبيبة
مليكة"" ان شاءالله ابنتي ان شاءالله
جالس باريحية رجل فوق رجل متكي بضهره على الحيط و هي جالسة في حضنه تتلعب بيديها على صباعه وباليد ثانية شادة تلفون
نوارة"" شوف هاد صورة كانت حفلة المسيرة الخضراء ( ضحكت) هههه اويلي كي تنبان
نوح"" ( نزل بعينه ليها ) كنتي ضعيفة شوية
نوارة" اه كنت مريضة هنا
( هزات عينيها فيه) وراه قلتها ليك ( تبسمت) باش هضرتي معايا اول مرة كنت يلا خرجت من كلينيك
نوح""( عض على فكه و تبسم بجنب تلف ليه الكلام ) امم
نوارة"" وهادي صورة قبل العطلة كنت شوية رتاحيت ، شحال كنت تنفرح من تنشوفهم و من تيجيو يسلمو عليا
نوح""( بهدوء) تبغي ترجعي تخدمي
نوارة""( تكعدت تتشوف فيه) شنو
نوح""( عيونه وسط عينها) فهمتي اش قلت
نوارة""( حركت راسها بتلفة ) ماعرفتش صراحة تجيني تقيلة نرجع و
نوح"" لا بغيتي ماعنديش موشكيل
نوارة"( تبسمت ) بصح
نوح""( حرك راسو بايجاب) الصمت
نوارة""( حطات تلفون و تكات على صدره مطلعة عيونها لملامحه) انا دابة محسوبة عليك يلا كنتي تتقولها من قلبك نقدر نقبل ماكنتيش مرتاح ماعندي ماندير بيها نريح في داري
نوح"" مدام قلتها ليك الا راني مقتنع بكلامي
نوارة"" كولشي مخربق تالعام الجاي
نوح"" ( تيلعب بصباعه وسط صبيعاتها) كولشي يتقاد يلا قبلتي ، غاتمشي المدرسة لي كاين في دخلة الشارع
نوارة""( بفرحة) لاااا ماتقوليش ضبرتي في كولشي عاد جيتي تقولها ليا
نوح""( حرك راسه بايجاب نطق بهدوء ) امم يلا قبلت مرتي ترجع لخدمتها ،تصبري واحد شوية الوقت بين ماتخرج وحدة اخرى من تم
نوارة""( قلبها تيرفرف بالفرحة من كلامه و منو هو لي ماتيخلي مايدير باش تكون مرتاحة ) والله ماعرفتش اش نقولك ديما تتصدمني بالفرحة
نوح""( بثبات ) شي حاجة لي تفرحك مانقدرش نمنعك منها
نوارة"" وعلاش كنتي تقولي ماتخرجش بوحدك و مانعتبش لباب ، يعني لا خدمت نولي
نوح"" ( مقاطعها)نولي نوصل مرتي و نخرجها اولا طاكسي يديك و يجيبك لاغير، تصبري معايا تاتيسر امور ناخد ليك طوموبيل
نوارة"( تبسمت) لا لا هادشي بزاف عليا والله
نوح""( منزل بعينه ليها مرخية) شنو لي بزاف
نوارة"" يعني تخليني نرجع لخدمتي و باغي تاخد لي طوموبيل خاصة بيا جاني هادشي مجهد
نوح""( تبسم بجنب و جاب يديها لشفايفه طبع عليها قبلة ) الصمت
نوارة""( كحزت مدورة يديها على رقبته و وجها في عنقه) شكرا احبيبي على كولشي
نوح""باقي نسمع هاد كلمة نقطع لمك دوك شفايف
نوارة""( ضحكت تتلعب بالحيته و نطقت بغنج) ههه وباش نبوسك يلاه
نوح""( تبسم مطلع يديه لخصرها ولصقها معاه مخلي شفايفه على ادنيها بصوت يبورش) انا قادي الغرض
دازت اربع ايام كلها في توجاد للحفلة من طرف سناء و مليكة وجدو كلشي وشراو لي يخص يتشرا، ليلة الحنة وصلت من بعد مامشات الحمام فركت الحالة و مشات الصالون تهلات في الوجه و الشعر و الضفيرات
كلشي قداتو في راحة نصير مامخليهاش تتمحن بين طرقان مشيان و مجيان من الدوار للمدينة ،شيفور تيجيها لتا قدام باب يديها و يرجعها
حسات بروحها متوحشاه طبقات كلام ايخصو يتوحشها صدقات هي لولى بيه تالهضرة كانت قليلة ماخداتش حقها و ماتتلقى الوقت فين تطول معاه بالكلام من بعد ما تغداو و جلسو يرتاحو هي و مليكة و قدامهم صينية اتاي
مليكة"" معاياش تجي نقاشة
سناء"" تاورا المغرب بيما وصلات نوارة هي اتجيب ليا لبسة الحنة
مليكة"" ايوا مزيان جايا هي
سناء"" مزال ماخرجاتش راجلها عندو كونترول مشات معاه عاد يجيبها
مليكة"" ااييه ايوا ماعليش الله يجيبهم على الخير
"""""""
وسط الكلينيك بضبط داخل غرفة كانت نوارة واقفة عليه تتعاونه يحيد الجاكيط تاسمعات باب تحل عليهم
طبيبة"" ( دخلات عليهم )السلام عليكم ، عميد نوح كي بقيتي
نوح""( حرك راسه بشوية) الحمد لله
طبيبة"" ( وقفت جنبه ) مابقى حريق بعدا
نوح""( بنفي) لا
طبيبة""(شافت في نوارة لي كانت تتحل لي صدايف شوميز من بعد ما زولت ليه البانضة ) مدام سمحي لي دقيقة
بعدات كيما قالت ليها جلسات و هي مراقبتها تتنزل ليه كم شوميز حيداته و بقى ملبوس غي من الكم الثاني يعني نص صدره كله باين مگضر عليهم
طبيبة"" الحمد لله جرح مزيان و مداوي مزيان ، شكون تيداويه ليك
نوح""( من جلسات قبالته و هو عينيه مافالتيش منها نطق بهدوء) مرتي
طبيبة"" تبارك الله متمنكة
اما هي غي حاضياها بنص عين ماحملتش دوك لمسات واخة راه خدمتها الا ماقال ليها راسها
طبيبة "" (شدات دراعه تتحركو) حركو مزيان شوف واش تحس بحريق او زيار
نوح""( دار كيما قالت ليه و نطق و هو ماهازش عينو فيها) عادي
عقمت ليه دارت ليه غي فاصمة بغات تعاونه يلبس تاكانت ناضت نوارة تتبسم
نوارة"" خليك انا نعاونو
طبيبة""( تبسمت و مشات جلسات) نوح مراتك زوينة تبارك الله
نوح""( مطلع عينيه على ملامحها بهدوء حس بيها منيفخة) الصمت
نوارة""( شافت فيها و تبسم) ربي يخليك شكرا
طبيبة"" ضروري ماتدوزو عندنا شي نهار و تجي تطلو علينا
نوح" ان شاء الله
كملت معاه لبس جاكيط و قرب جلس على كرسي قبالتها
طبيبة "" ماتحتاجش ديك بانضة مزاال لكن تعقيم مايتحبسش تالكونترول جاي و نعاودو نشوفوها
نوارة"" و الخياطة تتبان لي نشفات ولكن خيط مزال مابدا يطير
طبيبة"" ماتخافيش جرح لي فيه ماشي ساهل و في ديك بلاصة لحم صعب يتجمع دغيا غير تبعي معاه كي نقولك غادي يبدا يكرم و يطيح الخيط
نوارة"" واخة شكرا
كملو معاها من بعد نصائح ديالها لي تتسمع ليها نوارة و تدخل لدماغها توادعو معاها و خرجو ديريكت لطوموبيل طلعو و كسيرا
نوارة"" ( ملامح شبه هادئة )فين تتعرف هاد طبيبة
نوح""( دار شاف فيها حابس ابتسامته على منضرها) تتمشي معانا في دوريات
نوارة"" مزوجة
نوح"" ( شد يديها ) مزوجة بعميد معانا و عندهم زوج ولاد
نوارة""( دغيا تبسمت) مسكينة ضريفة
نوح""( تبسم و شاف فيها نطق متاقل ) ملامحك هاكة تتقتل وااي
نوارة""(تبسمت ببلاهة ) كيفاش
نوح""( مركز مع طريق جاب يديها لعند قلبه و نطق بهدوء) نبغيك
تاني سكتها و خلاها تدخل سوق راسها جاوبها غي بالفن ماحملتش تاني راسها و هي الغيرة اتاكلها خلاها دورت راسها عليه تتلعن في راسها ، كولشي تتلقى راسها غيرانة منو تالهاد درجة كلا قلبها و مابغات تاوحدة تقرب منو وصلها قدام العنوان ديال السيدة لي تاخد منه القفطان نزلت خداتو و خلصتها ورجعت طلعات وزادو متوجهين للدار باش يشدو الطريق للدكالة
دخلات على مليكة لكوزينة لي كانت بالطين على برا هي بعض من النساء الدوار تيتعاونو على طياب
سناء"" السلام عليكم ،( تبسمت) الله يعاونكم
كل"" امييين
جارة"" اش مدخلك هنا ابنتي سيري تريحي
سناء"" ( ضحكت) نعاونكم ههه ، اتنضحك معاكم مي اجي وريني فين حطيتي ليا قلت ليك
مليكة"" ( قربت ليها ) راه قلت ليك في ماريو جهة ديالي تحت حوايجي
سناء"" ( شدت حناكها) ويتي على حنوك مزنگين ( شافت فيهم )طايح سر ياكو مرة جايا نعرسو ليها هي
مليكة تتقرص فيها و هي تهرب مخلياهم يكملو شغلهم هاكة ناس الدوار و ديك جورة نقية تلقاهم في فرح و في القرح هوما لولين عائلتها قليلة و تيجو تاساعة فرح ، يلا تدخل مع الباب و هي تسمع صوت طوموبيل برات لباب الكبير تيحلوه دراري صغار وقفت وعينيها عليها دخلات طوموبيل ديال نوح لداخل وحبس نزلات من دريجة متبسمة تبانت ليها نازلة و ضحكة على ملامحها قربت تعانقت هي و ياها
سناء"" على سلامتكم احبي
نوارة" الله يسلمك حبيبة ديالي
سناء""( هزات عبنيها لنوح لي كان نازل) خويا نوح
نوح""( قرب مد يديه حرك راسه ببطئ) ختي اش خبارك
سناء"" لاباس خويا كي بقيتي
نوح"" الحمد لله اختي
سناء"" دخلو مرحبا بيكم
نوارة"" ( شافت في نوح و عاودت شافت فيها) غير انا لي ندخل غادي يرجع تالغدا
سناء"" غير يرتاح بعدا
نوح"" ماعليش اختي مرة جايا ( شاف في نوارة و حرك راسه)
نوارة""( تبسمت و شافت في سناء) كاين شي حد يعاونا نزلو هادشي من طوموبيل
سناء"" ايه
عيطت لشي بنات و دراري هزو معاهم مخلات ماجابتش حلاوي و التمر و شي تقدية كانت موصياها مليكة تجيبها معاها نزلو كولشي دخلات سناء من بعد ماودعات نوح ركب في طوموبيل و رجع لبرا لباب و حبس تبعاته نوارة تتجري حلات لباب و طلعت
نوارة"" اي هاي مزروب
نوح"" ( صغر عينيه فيها ) عرفتك اتجي
نوارة"" ( تبسمت)تايق في راسك بعدا
نوح""( تبسم محرك راسه بتقاالة) قلبي لي تايق فيك
نوارة""( ضحكت حاطة يديها على فمها بقات غب تتشوف في ملامحه ) الصمت
نوح""(نزل راسه و طلعه باش تقرب ) قربي لعندي
نوارة""" اويلي اش دير راه ناس قدامنا
نوح"" من بعد
نوارة"" حشومة جيتي تالدوار اويلي
نوح""( حل ستان و عينيه مرخية بشكل ماكر ) لي بغيتي
نوارة""(حلااا عينيها و وجهها تلون تتشوفه تيقرب ) نووح
قرب بشوية عليه و براااحته عوج راسه تا استقر شفايفه على شفايفها مخلي نفسه سخونة تخرج منه وريحته كانت هي تخضير ليها طبع قبلة لي كانت شبه عنيفة بعد شوية و حط بشفايفه بين فمها و خدها وًنطق بشوية
نوح"" نتوحشهم
نوارة""( تانطق عاد بدات تستوعب حناكها توردو نزلت عيينها جاب ليها بلي كولشي شافهم ) الصمت
نوح""( رجع لبلاصته و هز يديه لشعرها تيدوزها عليها بشوية) شحال من خطرة قلت ليك فيمي تاحد مايشوفك
نوارة""( شافت فيه) واخة هكاك اخويا حشومة
نوح"" وليت خوك دابة
نوارة"" ( تبسمت ) غي دابة ( بتردد) بصح مايشوفنا تاحد
نوح""( حرك راسه بنفي بشوووية و عينه مرخية ) الصمت
نوارة""( قربت ليه بشوية و عنقاته ) كنبغيك
نوح""( تبسم حاوطها بيديه بزوج ) الصمت
نوارة""( بعدت مبتسمة و باست على عينيه) انتوحش هادو انا
نوح"" يلا نزلي خليني نتحرك
نوارة"" وراه قلت ليك كنبغيك
نوح"" سمعتك
نوارة"" ( ميقت ليه )سبحان لله ماكنتش في خباري
نوح""( عض على شنوفته حابس ابتسامته) في خبارك دابة
نوارة"" ( خنزرت فيه) هاهي غادا زرع في بلاصتي بصلة ( حطات يديها على باب تحله تاسمعاته تسد و هي تغلبها لابتسامه كتمتها و دارت شافت فيه) و حل نزل
نوح""( صغر عينيه نطق بصوته التخين) قربي لهنا
نوارة"" ( تتحرك راسها بنفي) لا
نوح""(شد يديها و جرها لعنده نزل براسه وشفايفه تحطو تحت ودنيهاو نطق بخفوت) غرامك تيقتل فيا شوية بشوية
بعد عليها ابتسامة خاترة على ملامحه و هي قدامه كاع الاوان على ملامحها نزلت عينيها في كل ماتتبغي تزعم تايسقلها بطريقته
نوارة"( بخجل) الله يوصلك على خير
نوح"( تكى براسه على كوسان مراقبها براحة) تهلاي ليا في روحي
نوارة"( تبسمت و شافت فيه ) واخة حتى نتا تهلى في راسك و عقم جرحتك قبل ماتنعس
نوح""( حرك راسه بشوية) خلي تلفونك حداك بلاما تخليني نهضر بزاف
نوارة"" كون هاني حبيبي رد بالك مع طريق
فتح ليها لباب نزلت حط مرفقه على باب ويديه على دقنه و عيونه مشات معاها خطوة بخطوة تاوصلات لباب شافت فيه و هنا تأكدت بلي بصح ماتيبان والو دخلات تضحك هو غي غابت على عينيه و زاد مكسيري راجع فحالو
""""
دخلات مع الباب بانت ليها مليكة معرضة ليها و يديها مفتوحة
مليكة"" بنيتي الحبيبة
نوارة""( عنقتها) خااالتي كي دايرك لاباس
مليكة"" لاباس حبيبة ديالي نتي اش خبارك ، لاش راجلك مادخلش
نوارة""(خفضت صوتها) مايدخلش اخالتي دنيا عامرة
مليكة"" خياااار ابنيتي ماشي موشكيل (محاوطاها بيديها معنقاها وداخلين لداخل ) مرحبا ببنيتي ( تبسمت)وجييييهك منييور مزيانتو جاك معاك زواج
نوارة"" ههههه يااك اخالتي راه انا لي جيت معاه
مليكة" الله يتاويكم بالخير ابنيتي ( حلات ليها باب) هاهي هنا ابنتي دخلي انا نجيب ليكم كسكروط
دخلت لقات سناء جالسة معبسة قربت جلست جنبها
نوارة"" مال لاله العروسة
سناء"" ماعرفتش ( شافت فيها) اختي انا طاااحت و لي عطا الله عطاه
نوارة"" ( ميقت فيها) اييي هاي و مالك تتقوليها معبسة
سناء""( هزات كتفها و حجبانها مگرونين) حسيت براسي باغة نشوفو باغا نشوف عينيه و ضحكتو من تيبدا يشد فيا و حتى الهضرة ماهضرناش صوتو توحشتو
نوارة""(ضحكت ) ههههه لا نتي فتي سطاج الوحش
سناء"" تضحكي عليا الكلبة
نوارة"" بقات ليك هاد ليلة و تجمعي معاه العمر كامل ( ضربت بكتف على كتفها) تولي شاركين دم واحد
سناء""( هزات عنيها فيها عاضة على فمها ) شركناااه
نوارة"" ( حلات عبنها بصدمة ) شركتووووووه هاك على سيدة سخونة
سناء"" تخراي لا ( نزلت صوتها) ابشوية يسمعك شي حد
نوارة"" ههه امتى هادشي
سناء"" نهار حفلة ديالك باش رجعنا لدار
نوارة"" ( حابسة ضحكة) امم
سناء"" غا طلقيها لاش حابساها
نوارة"" (بحاالا عطاتها ضو الخضر ) ههههه ماعليكش والله
سناء"" ياك حلال ماشي حرام ايوا صافي
نوارة"" تنضحك معاك احبي ( شافتها مزال معبسة) و عيطي ليه نتي
سناء"" والله لا كانت ليه هو لي يعيط ليا ، زعمة ماطحتش في بالو
نوارة"" ماتيبغيش يبرزطك عارفك مامسالياش
سناء"" امم تيقت
تفتح عليهم الباب و دخلات مليكة و معاها جارة هازين صينية اتاي و معاهم مسمن و حرشة و حلوة
مليكة"" نوارة ابنيتي جبتي ليا تقدية
نوارة" اه اخالتي راه محطوطة في كوزينة لداخل
مليكة"" الله يرضي عليك ابنيتي
حطو داكشي فوق طبلة و مشاو يكملو شغلهم و هوما بداو على كسكروط و مجمعين كاع لهضرة ل كانت مخبية تجبدت قاطعهم غا صوت تلفون تيڤيبري تحت من سناء
نوارة"" يلا تگعدي
سناء"" غاميساج ابنتي
نوارة"" اش قال اخويتي
فتحاته و هي تفلت ليها ابتسامة و خدود تزنكو شافت في نوارة لي لقاتها مراقباها خطفت ليها تلفون و قرات ميساج
نوارة"" مخلية ليا غا لمرورة اعسيلة ( هزات عبينيها ليها هازة حاجبها) اش تيعني اخويتي
سناء"" ( خطفت ليها تلفون) تي سبب
نوارة" وانا اش دخلني
سناء"" راه هزها فيا عسيلة و معسل من سمعني ديك خطرة باش قلتها ليك في تلفون
نوارة"" ههههه و نمرة واشمن نمرة هادا عندك
سناء"" زعييييم يااختي بزااف
نوارة"" هههه والله ماباينة فيه
سناء"" ( تبسمت) واخة تيحشمني ولكن عاجباني
نوارة"" تلاقيتو نتي مطفراه غا باقة ماوريته وجه لخور هههه
سناء"" ماشي تالديك درجة
راه قدامو هو تنسى تالحروف كي تيخرجو
نوارة"" غي الحب هداك بدا يدخل معاك ، الله يفرحكم ياارب
ليل طاح وصوت الشعبي مجهد خارج تالبرا العروسة لبسات قفيطين ثليجة باللون الاخضر باكسسوارات خفيفة مع خيط الريح نوارة هي لي تتقاد ليها كولشي بحكم مكاين ناس بزاف غي شي بنات جيران و شي عيالات قراب منهم بغات كولشي تديرو بسيط ميكاب تاهو قاداتو ليها خفيف تيبانو ملامحها طبيعية طلقات شعرها و جمعات بعض خصلات من جناب
سناء"" زين هادشي جا عليا يااكي
نوارة"" نتي زينة لي لبستيها تجي عليك
سناء"" تسالي و صوريني
نوارة" امم وانا نفهم
سناء"" ايوا يشوف راسو اش واخد
نوارة"" ( دورتها قدامها )واخد الزين و الجمال تبارك الله تبارك الله
بنت"" سناء ، نقاشة وصلات
نوارة"" قاديتي اختي جليسة كيف قلت ليك ياك
بنت "" ( تبسمت)ايه كيما قلتي لينا
نوارة"" شكرا ازين عقبة ليك تانتي تفرحي براسك
سناء"" سيدة راه مخطوبة بعدي منها
نوارة"" ههه مبروك ازين ايوا تفرح بنهارها مهم جات عليها
بنت" ربي يخليك اختي ، يلا ساليتي اسناء خرجي
سناء" واخة احب واخة ( شافتها خرجات و هي تمد ليها تلفون) صوري انويويرة ديالي تكون شي صورة مهيبة كيف علمتك
نوارة"" عرفناااك تتعرفي تصوري
بدات تتصور فيها و هي في كل بوز خاصها تضرب خمسة ستة ماسالات ليها تاشحفتها
نوارة" الله ياختي سخفتيني
سناء"" ( تتشوف في تصاور)خاصك تضربي بزاف يلا تصدق ليك واحدة ، دابة هادو تصاور هادو
نوارة" سيري تخراي لا
سناء"" نشي على ختك شدها ستريس
نوارة"" باين( قربت قرست على حنيكاتها) مزيناتها عروسة الله يحجبك
تبسمت ليها شد يديها و خرجو للصالة لي كانت مزينة بجلسة العروسة كولشي بساطة في بساطة لكن نوارة ماخلاتش من جهدها جابت ليها كاع لي تيرافق جليسة ديال الحنة دخلت و ارتفعات زغاريت من عند بنات لي حاضرين و الفرحة على ملامح الكل جلست دخلت مليكة و نساء لي كانو معاها تيزغرتو شافتها سناء وعينيها غرغرو و هي تتشوف ملامح ميمتها كيف فرحانة ليها و ناشطة نسات مرضها و دخلات تتشطح مع نساء حسات بيد نوارة كرزت عليها دارت شافت فيها
نوارة""( قربت باست على جبينها) بلا دموع احبيبة عيشي فرحتك
سناء"" ( نزلات دمعة بلا ماتحس) واخة واخة
نوارة""( مسحت عليها و تبسمت ) الله يرضي عليك
حركت ليها راسها و ناضت نوارة تتشطح مع مليكة و لبقية
بدات تتنقش و عينيها غي على الفرحة لي فرحانين ليها حبابها
نوارة""( جات جلست جنبها) هانتي ليك على مليكة و درديك
سناء"" دكالية حرة هههه
( نعتت بعينيها لتلفون) من قبيلة و هو يصوني
نوارة"" اويلي ( هزاتو لقات ربعة لابيل من نوح) ويلي ويلي غادي و تيوصي كحلتها صافي
ناضت بزربة خرجات برا و عاودت اتصالت بيه غي سمعات الخط تفتح و هي تزرب عليه بصوت محلون
نوارة"" حبيبي ديالي
نوح""( كان وصل لدار بدل عليه و تكى في سيجور كان غي ضو تلفازة تلفون في ادنيه و حواجبه معقودين نطق ) هضرتي زايدة ناقصة عندك
نوارة"" والله ماسمعتو حبيبي
نوح""( بصرامة)ربعة خطرات انوارة
نوارة" هانتا حبيب ديالي كنت مع سناء تنعاونها و من خرجات كان صوت اغاني مجهد ( بصوت منخفض ) والله كبيدة والله
نوح""( مع ديك كلمة لاخرى عينيه تغمضو بحلو صوتها زفر مجهد و نطق) حاكمها فيا بداك لسان
نوارة"( تبسمت عرفت راسها سلكت) حاشة حبيبي انا ، هضرتي تتحلى غير قدامك وليك
نوح""(تبسم مغمض عينيه تيعصر بطراف صباعه بين حواجبه ناطق بصوته الخشن ) زيدي لعبي
نوارة"" ههه راه بصح تنهضر يالكبيدة ديالي
نوح""( عيا يكتم ضحكتو لكن سلاتهم ليه تبسم بتقالة عاض على شنوفته بقى ساكت لتواني جنانتو بداك صويت نطق بصوت تخين ) واخة الكبيدة دخلي في حالك من البرد
نوارة"" واخة حبيبي بسلامة دير دوا لجرحك عنداك تنسى غي تقطع معايا ديرو
نوح"" دوايا بعيد عليا
قطعات معاه حط تلفونه جنبه و بقى تيشوف في سقف مدة تيعض على شفايفه حس بتلفة و شطنة شي حاجة ناقصاه فديك لحضة تكعد جلس تيعصر على جبينه ناض بتقالة للبيت حيد تيشورط بقى معري مشى قدام مرايا و بدا تيصواني في الجرح سمع تلفونه تيصوني برا حط داكشي من يديه و توجه للطبلة بانت ليه تتصوني ابيل فيديو هز تلفون و فتح الخط بانت ليه مبعدة تلفون لابسة قفطان صغر عينه ليها و مشى شعل ضو
نوارة" واااا الشريف راه مصونيا فيديو تستر ياا
نوح""( مامسوقش ليها تيشوف فيها و كيتمشى داخل لبيت )الشريف
نوارة"" ومالك معري عليا تما
نوح""( حط تلفون قبالتو و رجع تيكمل صوان) شا ندير في نضرك
نوارة""( هزات تلفون و دخلات لبيت سدات عليها) بغيت انوريك اش لابسة و نقطع
نوح""( دور عينيه شاف فيها و عاود رجع تيصواني) صبري عليا
نوارة"" واخة
بقات مراقباه كي مهبولة ودوك درعان مكروزين و عروق تيبانو ليها من بعيد و كتاف كي مهيبين و تتشوف ملامح جامدة گارن غوباشتو كمل صوان دار فاصمة جمع داكشي و حط يديه بزوج على كوافوز محني براسه لتلفون تيطلع و ينزل براحة مصغر عينيه لابسة قفيطين جوهرة في الابيض و فيه الصفر خياطة عصرية مزير من فوق من جهة الصدر و كمام خفاف و كلوش من تحت و جهة اليدين مقادة الشعر وميكاب خفيف بقى ساااااكت تيطلع و ينزل و حواجبه مگرونة غي وصل للصدر و زاد گرن
نوح"" دوري نشوف
نوارة""( تبسمت حطات تلفون قبالتها و بدات كدور قبالته ) جاي عليا
نوح"" مزير داكشي و خفيف
نوارة"" ( قربت لوجها مدبلة عينيها)هو تيتلبس هاكة
نوح"" ( بنفس الغوباشة) خلي تلفون قريب و نزلي شوية
نوارة""( عرفاته لاش تيلمح حبست ضحكة و نزلت بشوية تابان ليه الصدر تيطل شوية ) الصمت
نوح""( نطق بداك صوت الغليظ) شايط عليك
نوارة"" ( عاودت قابلت معاه) ايوا هو تيتلبس بهاد شكل اش ندير
نوح"" ( نفس غوباشة ) لبسي شي شرويطة من تحت ، لا شايط على ملتك نشوه مو
نوارة"" ( عوجت فمها ) وراه مكاين حد غي شي بنات احبيبي داكشي لاش عجبني و لبستو ( خفضت صوتها) ماقلتي ليا والو مجاش عليا
نوح""( مراقبها ماكارهش يخشي شفايفه وسط داك الجسم لي تيتمايل قدامو بقى ساكت مووودة عاد حرك راسو بشوية و عينيه مرخية ) جاك
نوارة""( ميقت و رمات شعرها وراها ) مالك تتقولها و نتا مغوبش
نوح""( نزل راسه و عاود هزه فيها تبسم بجنب و نطق ) لي لبستيها تجي عليك
نوارة""( تبسمت ودارت يديها بنعت على ابتسامة) و هكاك هاديك لي بغيت نشوف نتا تتوريني ضحكتك مرة في سيمانة
نوح""( زاد تبسم ماشي على كلامها و الا على حالتو كي ولات من نهار دخلات لحياته ،مجنناه و تتزيد في جنوونه عليها ) نتفاهمو على هادشي من بعد
نوارة""( تبسمت هازة حجبانها ) واخة الكبيدة
نوح""( حرك براسه ببطئ شديد و عيونه علاين تطيح بكترة عسولية بشوفتها) لسانك تيتسرح ماشي في وقتو
نوارة"" ( زايدة على مابيه ضحكت بخفة ونطقت بغنج) هههه بسلامة اكبيدة ديالي ( هزات يديها و صيفطت ليه بوسة بيديتها ) نموت فيك
ديك ساعة قطعات عليه في كل ماتتقول كلمة جديدة تتحس بالاحراج عارفاه ايحشمها داكشي لاش طلقات ديك كلمة و قطعت مخلياه باقي على حالته تيعض على شفايفه بطريقة مجهدة تاحس بمداق الدم نزل براسه تيشوف و هزه خبط بصباعه و هز تلفونه و خرج متوجه لبلاصته تكى منزل رجل و مخلي رجل مغمض عينيه و صورتها وسط دماغو تنهد تنهيدة طوييلة تاسمع صوت ميساج فتحه و بانت ليه مصيفطة ليه صورة بنفس بوزيسيون ديال البوسة غي هاد مرة بجسمها كامل باين و عيونها مغمضة و شعرها مايل معاها شافها و حط تلفون فوق كرشو وتبسم تيعصر بين عينيه
دخلات لداخل و فرحة على ملامحها من جيهة حبيبها و من جيهة صحيبتها و هي حاضرة ليها في نهارها و في فرحها قربت ليها لقات نجاة تتسلم عليها قربت سلمت عليها و جلست جنبها
نوارة"" حبي مرتاحة
سناء"" عيت اخويتي وانا حاطة ترمتي لهوايش تتاكل فيا
نوارة"" هاك على عروسة ( شافت ف حناء) قريبة تنشف و نوضي بردي قليبك
سناء"" لهيلا راني جالسة بزز
نوارة"" عارفاك الدكالية
بقات جالسة معاها تيتحتو و عيونهم على لباقي عاطينها لدرديك و شطيح حطو ليهم العشا تعشاو و جات نقاشة حتت ليها الحنة و ديك ساعة ناضت تبرد الهوايش دخلات تشطح هي ونوارة و مليكة و جرو نجاة معاهم مكاين غالله يعطيك صحيحتك تاحست براسها بردت و رجعت بلاصتها تتنش بيديها و عروقات على جبينها شدات مشوار تتمسح بيه
هزات تلفونها لقات ابيل منه تبسمت بلهلا يطريه ليها واخة هازة من جيهته ناضت بشوية عليها هضرات مع نوارة غي باشارة مشات لبيت سدات عليها لباب يلا تجلس و سمعاته تيصوني تاني لكن ابيل فيديو بقات غا تتشوف جاتها حشمة و دهشة و خدودها في ساع توردو تلفت بيها تاقرب يقطع عاد جاوبت
سناء""( تبسمت) سلام
نصير""( كان متكي فوق السرير غي شاف ملامحها و تكعد تقاد بجلستو نطق بتقالة ) مرتي
سناء""( تتشوف ملامحه باللهفة و بنفس الوقت حشمانة من شوفاته ليها) لاباس عليك
نصير""( حرك راسه يمين شمال بتقالة ) وااش هاد الزين
سناء""( ضحكت بخفة و درقات عينيها بيديها حسات بحناكها تيترعدو بكترة خجل ) الصمت
نصير""( تبسم على خجلها و عينيه على يديها كيف مزينة ) و الحناني محناني
حس بيها بعدات تلفون دوز يديه على لحيته عاجبه الحال عاود نطق بهدوء
نصير"" باني ليا اعسيلة باني
سناء""( نطقت بصويت خافت و هي مزاال مدرقة عليه وجهها ) ماتبقاش تحشمني ولا نقطع عليك
نصير"" تقطعي نشد على مك طريق
سناء""( قربت تلفون و بانت له تاني) كلامك تيحشمني انصير
نصير""( بقى ساكت مدة تيفحص فيها ) جيتي زينة
سناء" (تبسمت) شكرا
نصير"" دازت عليا سيمانة قاااصحة امرتي
سناء"" ( بقات غاساكتة تتشوف فيه تاهي ماكرهتش تقول ليه تا انا تا انا دوزت هاد مدة بلا بيك قاصحة و قاصحة بزاف ) الصمت
نصير"" ( تبسم و في لحضة لقى كلامه تلف و هو تيحقق فيها بعيون هايمة حاس بروحه باغيها جنبو و قريبة ليها يتحسس خدودها و شعرها بيديه و يغرق في دوك الشفايف سرط ريقه بصعوبة و حنحن قاد صوته و نطق ) مرتاحة !!
سناء""( حركت راسها بايجاب) الحمد لله
نصير""( عينيه تيشوفو فيها بطريقة معسلة و حنينة نطق بصوت خافت) ملامحك هاكة زايداك حلاوة ( سكت لتواني و نطق بنفس نبرة) ماتتجيش معاك الغبينة
ماعرفات ماتقول غي تتصنت ليه و تتشوف شوفاتو لي تيذوبها نزلت عينيها بخجل و عاودت شافت فيه تبسمت حتى نطق تاني خلاها غارقة في حوايجها و عيونها تحلو بدعقة
نصير""( بفحيح و عيونه مرخية بشكل ذوبان) توحشتك
ديك كلمة خلات داتها ترجف و بالنفس لوقت تتحس بالسخونية شعور غريييب اجتاحها في ديك لحضة معالم الصدمة و الخجل كاع توضحو على ملامحها تتسرط ريقها بصعووبة و ريق نشف باش تدوزه
عيونه مركزة عليها بشكل كبييير تيحس بتلفون تيتحرك فهم بأنها يديها بدات تفشل وهادشي غي ماتيزيد على مابيه تيوصلها لقمة الخجل و الحشمة باش يستمتع بملامحها شافها تلفات و حاول يهضر معاها تاني
نصير""" ( صغر عيونه و حواجبه تجمعت نطق بصوت هاااادئ ) سناء
سناء""( شافت فيه و قلبها تتحس بيه غادي يحبس نطقت بشوية ) ن نعام
نصير"" ( تبسم على حاله ماعرفش اش كان يخرج من فمه ) سيري ابنتي ترتاحي
سناء"" (كانت طايبة عليها حيث وصلها للحد) و واخة بسلامة عليك
نصير"" ( بخفوت) نشوفك غدا حلالي
تبسمت و هزات يديها دارت ليه باي و خجل واكلها حرك راسه بتقالة قطعت عليه و جلست الارض شادة على قلبها لي تيتهز بشكل قوي وكرشها تتلوى عليها حتى سمعت ميساج منه هزات تلفون قبالتها
""عينيك قتلوني ""
عضت على شفايفها حسات بالبكية و نفسها تخربقت كولشي جديد عليها مامولفة بغزل مامولفة تتخلطت بالجنس الخشن اول واحد و اخر واحد هو راجلها حلالها عليها جاها هادشي مجهد عليها و احاسيس قوية وقفات بشوية حسات براسها تنفست براحة عاد خرجت لكمالة حنة مع لبنات
دازت حفيلة بسيطة و غالب عليها الفرح و النشاط دكالي ، جارات و لبنات لي كانو حاضرين معاهم مامشاو تاتعاونو كاملين مع مليكة في شقى و جميع عاد مشاو يرتاحو ،و نجاة تاهي واخة مكانتش مسالية جات تحضر و تكبر بعروستها و مشات مبكرة بحكم الدار عندها عامرة بالحباب ، لبنات دخلو بدلو عليهم و فرشو حدا حدا عاطينها لحديث و تقشاب
اليوم الفرح عيالات صابحين فايقين بكري جاو لدار العرس متعاونين و رجال طلعو الخزانة على الفجر تفرشت و تقادت و دراري صغار مجموعين تيلعبو وفرحانين ، داخل الكوزينة ديال الطين لي على برا مجموعين عيالات على صينية اتاي و عاطينها للتقشاب و الزغاريت من بعد ماترد الغدا ، دخلات عليهم نوارة رامية عليها البينوار
نوارة" صبااااح الخييير عليكم
الكل""" صباااح الخاااير
نوارة""( قربت متبسمة ريحت على كرسي قصير خشبي) الله يعاونكم
مليكة"" ابنتي نجيب ليك شي حاجة ديريها فوق داك كرسي قاصح
نوارة"" لا لا غا رتاحي ( تدور عينيها في ديك بساطة رادين الغدا على الجمر و عيالات مفرشين الحصيرة على الارض شافت في مليكة ) خالتي سيد لي يجيب كراسة و الطوابل تعطل لا
مليكة" شوية ايجي راه غاقريب من هنا
نوارة"" اييه ايوا مزيان
الجارة"" زيدي تفطري معانا ابنيتي
نوارة"" ( تبسمت) عطيني كويس اتاي نتسنى عروسة تاتفيق
الجارة"" هي لي ماتعاود ( مدت ليها كاس اتاي ) هاكي بنيتي
شداتو من عندها و شربت منه تتسخن يديها بيه تاسمعت دراري صغار تيتغاوتو ناضت مليكة طلات لقات سيد وصل ناضت تاهي بكاسها قدام باب تينزلو من هوندا متعاونين تبسمت لاول مرة تحضر للعرس البادية اكتر حاجة عجبتها هو تعاون ديالهم مع بعض كملت كاسها و دخلات حطاتو في صينية و غادية متوجهة لباب دار تاوقفتها بنية صغيرة تكون في سن 4 سنين
بنت"" خالتي
نوارة""( شافت فيها و تحنات عندها شدات على حنيكاتها) صباح الخير يازوينة
بنت"" صباح الخير ، نطلبك طليبة
نوارة"" ايه يالحبيبة طلبي ، ولكن تانعرف سميتك
بنت"" سميتي مروة
نوارة" متشرفين ازوينة انا نوارة
مروة"" (ضحكت شادة على فمها ) زوينة نوارة
نوارة"" ( باستها ) نتي لي زوينة ( كمشت حاجبها) يلا طلبي نشوف امروة
مروة"" بغيت تقادي لي ( نعتت لجبينها) شعري بحالك
نوارة""( تبسمت) ياخويتي على زين ، هاكة شعرك زوين غير هو انا مانعرفش نقادها ليك ولكن نقدر نصايبو ليك يولي رطب بزاااف باش تطلقيه من تلبسي قفطان
مروة"( ضحكت تتنقز) اه اه صافي
نوارة"" يلا سيري دخلي نفطر و نعيط لزين
مشات تتجري عند وليدات لخرين تتخبرهم بقات حاضياها تتبسم ناضت و مشات توجهت لداخل فتحات لباب البيت لقات لعروسة مزال جابدة عليه قربت ليها جلست على ركابيها تتلعب في شعرها
نوارة"" واالعروسة دكالية تكعدي
سناء" (جرت عليها الغطا) اشوية و نوض اصحبتي
نوارة""( حيدت عليها الغطا ) تكعدي راه جاني جوع باغا نفطر
سناء"" (شافت فيها عينيها منفوخين)فطري شكون شادك
نوارة" نتي ( تبسمت) يااخويتي على سر صابح طايح عليك هاي هاي ، نوضي نصير صابح هنا
سناء""( تكعدت دغيا وجهها تزنك ) او امتى جا
نوارة""( مطلعة حاجبها فيها) هاااك على لبنت سمعتي حسو تكعدتي بزز منك
سناء""( خنزرت فيها و ضربتها) يلعن حسك تتفلاي عليا
نوارة"" كاين شي عريس ايصبح في دار عروسة
سناء"" ( شدات من نواضرها) بعدي مني يرحم جدك
نوارة"( هزات تلفونها و جلست ) نوضي راه فيا جوع نوضي ( شافت ساعة ) تي يلا غاتوصل ثمنية صباح
سناء""( تتفوه) لاش مفيقاني الخرا كون خليتني نشبع غا نعاس
نوارة"" نوضي گلاك راه تابعك شلا مايدار
بقات تتخنزر فيها ناضت بشوية مشات خرجت للطواليط ناضت نوارة جمعات الفراش رداتو في بلاصتو و قادت البيت بالمخيدات ديالو و جلست شدات تلفونها ضربات سيلفي و صيفطاتو لنوح و كتبت تحتها
""صباح النور حبيبي ديالي ""
دخلات سناء مسحت وجهها و جلست جنبها مدوخة تتحك على عينيها شافت في البيت و نطقت
سناء"" اخر نعسة ليا هنا
نوارة""( تبسمت بأسف نطقت بهدوء) غاتبداي حياة الجديدة دابة غاتعرفي على عائلة و على ناس جداد هوما لي تكملي معاهم حياتهم
سناء""( نزلو دموعها) احساس ( شدت على قلبها) صعييب
قربت منها نوارة شدات على راسها و جابتها لصدرها بحنية تدوز يديها على شعرها باست على راسها
نوارة"" السنة الحياة احبيبتي اي بنت نهار فرحها تتحس هاد احساس ولا بدة
سناء""(غمضات عينيها و حاوطتها بيديها) نتوحش دارنا و و فياق على صوت مليكة
نوارة"" ( هزات ليها راسها ) اتي مالكي مصبحة عليا بالبكا جمعي عليا خنونتك و تكعدي ( مسحت ليها دموعها) ضروري غاتجي و تباتي معاها و ( شافت في فراش ) ماتبقايش تنعسي بوحدك تعمري بلاصة
سناء""( ضحكت ) ههه اسكتي على اخر يامو نعس مو في الارض
نوارة"" هههه بكل هيبتو غاطيحي باباه و تكعدي راه صابح فيا شي جووع بزاف
سناء"" راه الجو العروبية هاكة تيدير انا والله من تنجي تنولي غانسرط
ناضت و مدت بيديها ليها و خرجو برات المرح لقاو جارة جايبة صينية و ريحة نعناع تعطعط من بعيد تحطت صينية و الخبز الزرع سخون و مسمن وحرشة الزرع مرافق مع الزبدة بلدية و البيض و الزيتون و طبسيل الحلوة جلسو بداو الفطور و حديث لي ماتيساليش عندهم نوارة عينيها على تلفون لي شافته شعل هزاتو تتبسم و فرحة بانت ليها في عينيها لقات ميساج من عنده معلق تحت الصورة
""روح الروح ""
يلا يتجاوبو وصلها ميساج تاني
""صبحتي مزيانة حبيبي""
نهار تيدوز و الوقت تتجري العائلة و الحباب بدات تاتجي و دنيا بدات تعمر شي غادي شي جاي لعروسة وسط البيت من بعد ماجات النكافة و تقادت البرزة
كانت في اخر لمسات شعرها خلاته على راحته و ميكاب لي كان بارز و متمكن مبين ملامحها حلاوة و عيونها عسلية بانت براقة لبسات تكشيطة في لون الابيض اخر حاجة لي تتقاد هي الاكسسوارات باش تكمل الزينة
تفتح الباب و دخلات نوارة تتبسم لابسة قفطان گرونة موبرا و ميكاب خفيف طالقة شعرها
نوارة"" لاله عروسة واجدة
سناء"" ( مدت يديها ليها) قريب قريب
نوارة""( شدت يديها بحنية) ابشوية عليك حبي
سناء"" كولشي جا؟
نوارة"" تقريبا باقي ناقصين غي فاميلة العريس و مولاي السلطان و راجلي قالي وصلو قبيلة راهم في فيرما
سناء""( تطلع نفس بصعوبة ) فيا شي خلعة اووف
بنت""( بعدا عليها من بعد ماكملت ليها اكسسوارات ) ماشاء الله عليك ، جيتي زينة
سناء"" ربي يخليك اختي شكرا
لبنت"" ختاريتي غي زوج لبسات ياكي
سناء"" اه ازين
نوارة"" ( تبسمت) الله يعطيك صحة هادشي عندك زين
بنت"" ربي يخليك اختي
خرجات لبنت بقاو هوما بزوج قربت ليها نوارة و نطقت
نوارة"" تبارك الله ميكاب جاك فتان ، مع مامولفاش تديريه قوي دابة جاااك واااو
سناء"" طاح عليا سر هههه
نوارة"" نصير يتلف بيك اصحيبتي
سناء"" اوو ماتفكرينيش ( سكتت تتصوت لكلاكصون طموبيلات ) سمعي سمعي يمكن وصلو
نوارة"" ( مشات طلات من باب و رجعت عندها) ايه وصلو ازين ( دارت ليها باي ) نمشي نشوف راجلي انا توحشتو
مشات تتزرب و خلات سناء تتفرك في يديها بالرجفة و الخلعة
خرجات نوارة لبرا لباب و تيبانو ليها طوموبيلات جايين من فيرما تيقربو و بقات تتقلب بعينها على رونج ديال نوح تابانت ليها و هي تبسم كانت هي لاخيرة عاد خارجة من باب فيرمة خرجو عيالات و بنات لي تما بطعارج و بنادر معرضين ليهم قدام الباب الكبير وصلو و نزل كلشي و نزلو لهدية الكبيرة على اصوات دقايقية نجاة كبرات بعروستها كولشي فخم و غالي
اما العريس كان وسط طوموبيل مع نوح هوما الاخرين حبس نوح و شعل سجارته تيبخ تاوقفت عليهم فاطنة طلات من زاج
فاطنة"" نزل السلطان
نصير""(بقى غا تيشوف) فين اعمتي
فاطنة"" اويلي حي على فين تا نزل تدخل بهديتك لعروستك
نصير""( عض على شنوفته و شاف في نوح لقاه مبرررد مامسوقش) يلا معايا تا ، نخرج بوحدي وسط هاد الهارج
نوح"" ( عوج راسه بشوية وبخ من فمه ) نزل اصحبي نزل
دوز يديه على لحيته بقلة حيلة فتح لباب و نزل دخلو لداخل بزغاريت و الفرحة دخل الدهاز للخزانة و نصير شي ارتباك فيه بزاف فكاتو غي نوارة لي وقت جنبو
نوارة""( مدت يديها) خويا مبروووك عليك
نصير""( تبسم وبادلها السلام ) الله يبارك فيك اختي ( شاف في ارجاء) فكيني اختي الله يحن عليك
نوارة"" ههه داكشي لاش جيت اخويا ، تجي معايا تشوف عروستك
نصير""( تبسم حرك راسه ببطئ) نشوف نشوف
تبسمت و تشمات قدامه و هو وراها منزل عينيه للارض دخلات مع لباب غي وصلات لبيت ووقف و تلفتت ليه بابتسامة
نوارة"" كاينة هنا دخل
قالت كلامها ورجعت للخلف بخطوات و خرجات برا و عينيها مالقينش الراحة تتقلب و تعاود هزات قفطان على رجيلاتها و تلفون في يديها و داك الطالون معدبها في مشية خرجات على برا
بانت ليها طوموبيلته مبلاصية هي الاخيرة و بقات غادية خطوة خطوة منزلة عينيها و حاضية مع الارض لا طيح هزات عينيها ماعرفاتهش واش لداخل ولا لا زاج ماتيبين والو
اما هو من خرجات مع لباب و قشعها عرفها تتقلب عليه تكى براسه على كوسان و عينيه عليها جايا تتمايل بداك القفطان و شعر داير ليه حاله تيطيح معاها و تعاود تردو وراها بكل انوثة غير شافها هزات عينيها مصغراهم في طوموبيل و هو ينزل الزاج بشوية ميل راسو بشوية لعندها غي شافتو و هي تبسم ابتسامتها هداتو ، فتح لباب و نزل بتقالة عيونه فيكس على عينيها تكى على طوموبيل وزادت وصلت حداه و قلبها تيرفرف شوفته قدامها تتخليها طايرة ماكرهتش تلاح تعنقو
نوارة""( ابتسامتها مفضوحة) على سلامتك( شافته مد يديه ليها بشوية هزاتها تترعد وحطاتها وسط يديه )
نوح""( جرها بشوية مراعي ليها لاطيح ليه حط يد على خصرها و جابها قدامو منزل بشفايفه لودنيها و عيونو في ساع تغمضو من عطرها نطق بفحيح) دمي
دق زوج دقات خفييفة و حط يديه على بواني حواجبه مگرونة فتح لباب بشوووية و رمى رجليه داخل لبيت جات عينيه في البنت لي كانت خارجة
بنت"" مبروك اخويا
نصير""( نزل راسه و عطاها طريق ) شكرا اختي
تسمعت زدحة الباب في ادنيها و تعطاتها ريحة بارفان تاعو خلات عيونها تتغمض و صدرها تيطلع و ينزل و هي عاطياه بالضهر تتحس غي بخطوات مقربة ليها شدت على تكشيطة مكبزة عليها صوت صباطه تيتسمع على قلبها و ريحته حاجة ثانية بقات على داك حال تاحسات بجسمه مغطي جسمها يديه تحطات على دراعها و تم منزلها بشوووووية تاوصل ليديها بحنية فكها من ديك زيار لي مزيرة عليها و اليد لاخرى تحطت على خصرها مدورها لعندها بشوية تاتقابلت معاه لكن ملامحها مزال مغطية هز يديه بزوج على داكشي لي مخليه ايزيد يتشوق تيعري عليها ملهوف باش يشوفها ماحدو تيهزو عليها وتتزيد توضاح ليه ملامحها تاتعرى وجهها بالكااامل جات عينيه في عينها ديريكت حس بتلفة و الدعقة للتواني و هو تيشوف حتى شاف ابتسامة صغييورة منها عاد فاق نزل بعينه لشفايفها و هوما متبسمين بخجل واضح عليهم و عاود طلع لعينيها بشوية نضارته كانت كفيلة تزيد تغرق... نزلت راسها مشتتة شوفاتها بخجل هز يديه حطهم على دقنها و طلع وجهها تاني قابلو مع عينيه و نزل براسه ببطئ لعندها ماعرفتش و ماوعيش لكن شفايفه كانو عارفين فين غادين نزل بشوييية جنب فمها و طبع قبلة عليهم و دار جهة الثانية في نفس مكان جنب فمها طبع قبلة بطيييئة مخلياتها تغرق بملمس شفايفه و ريحته دوختها بعد شوية و هو مزال قريب ليها طلع بشفايفه لجبينها و طبع قبلة بشوية و نزل عينيه لعينيها
نصير""( نطق متاااقل) الله يبارك ليا فيك
سناء""( شفايفها لي يهضرو تيترعدو بقات تتشوف مدددة عاد تبسمت و نطقت بشوووية) امين
نصير""(عينه ماواخدينش الثبات تيشوف جزء بجزء نطق بصوت قليل ) فهمت كلامك دابة
سناء""( تبسمت منزلة عينيها) الصمت
نصير""( نزل بيديه ليديها وهزها بشوية لعنده مزير عليها ونطق بفحيح) لكن ماشي بهادشي ( حط يديها على قلبه) هدا لي غبتي عليه بزايد
سناء""( تتسمع ليه و قلبها تتحس بيه ايوقف من كترة الخبيط لي تيخبط ) الصمت
نصير""( تبسم و عينه مرخية بشكل ذوبها) جيتي زينة
سناء""( غلباتها ابتسامة بقات تتشوف فيه لي عاد ردات لبال اش لابس سروال في الاسود و شوميز بيضة و گرافاط في الاسود جاته مزيرة مبينة ضخامته نطقت بصوت بالكاد يتسمع) حتى نتا
نصير""(صغر عينه و حجبانه تگرنو ) حتى انا شنو
سناء""( حابسة ضحكتها نطقت بصوت خجول) حتى نتا ( سكتت لتواني ) جيتي زوين
نصير""( تشرعت ابتسامته من منضرها و هي حشمانة و كيف تتهضر ) و ختاريت الزين
سناء"" ( ضحكت بخفة مشتتة بشوفاتها ) ههه
نصير""( حرك راسه يمين شمال بتقالة ) زيدي على مابيا
هي تتضحك و تبسم و هو عينيه تيمشو لشفايفها عطشان بيهم باغي يروي من رحيقها شاد نفسو بزز عليه بقى بعينيه على ملامحها عجباتو و فتناتو غي شوفاتو كانت مبينة كولشي توحشها بزايد توحش ضحكتها توحش ملامحها و هي حشمانة توحش عينيها من تتجي في عينيه صبر تاعيا و شد من خصرها جرها شوية عنده و نزل بشفايفه لشفايفها طبع قبلة سطحية و نطق بشوية
نصير""" تالهادو مانقدتش نصبر
دورت عينيها بالخف تشوف واش شي حد حداهم من داك القرب و جرة لي دار ليها من مالقات تاحد عاد تبسمت مبعدة شوية عليه نطقات بشوية
نوارة" نووح حشوومة يشوفنا شي حد
نوح""( بقى تيشوووف مطول تاسمع شي هضرة دور عينيه هنا و هنا بانو ليه شي رجال دايزين شد يديها وداها لجهة لاخرى حل ليها لباب ونطق بداك صوت غليض) طلعي
ركبت و سد عليها لباب شادة ضحكة بزز دار فتح لباب و طلع سد عليه وشاف فيها لقاها حاضياه و تتبسم
نوح"" مالك
نوارة"" ( ابتسامة فاضحاها )ماماليش
نوح""( تيعض على فكه و عينه ماتترمش تيشوف فيها مطوول هز صبعه و نعت لوجهها) تمسحي داك شي من كمارتك
نوارة""( حلات عينيها بالصدمة) شنووو علااش انا مادرتوش قوي اصلا
نوح""( جبهته مطراسية بمولاتي تكشيرة نطق ) و القوي كي غايبان عليك
نوارة""( نزلات عينيها مغبنة ) هادي هي جيتي زوينة ماشفتي اش لابسة ماشفتي فرحتي كلامك لول هو هدا
نوح"" ( زفر مدور وجهه لجهة الثانية و عاود شاف فيها مغبنة عليه بقى تيشووف عاد نطق ) دنيا مخلطة و ماتبانيش ليا للرجال مزوقة
نوارة""( جاتها لبكية كانت تتسنى منه يمدحها و يتغزل بيها ساعة صدمها بقات منزلة عينيها تتفرك في يديها وتترمش بزربة دلالة على دموع واقفين في باب ) الصمت
بقى غاتيشوف فيها جنناته لكن ماحاملش شي حد تجي عينه فيها و يشوفها مزينة هكاك بقى تيعض على فكه بجهد تاكيحس بمداق دم داخل فمو شافها غادية بيديها لباب و سده بهدوء دارت عنده و مبعدة عينيها عليه
نوارة""( نطقت بصوت مغبن) ن نمشي نمسحو
نوح""( مد يديه جبد كلينيكس و مدو ليها بطرف صباعه ) هنا
مدات يديها تترعد شداتو من عندو و كحزات بحالا مقربة ليه مدت يديها دورت مرايا ليها و بدات تتمسح وهو عينيه مركزة معاها و غاياكلوها بدات بالعكر هو لول تيشوف دوك شفايف تيترغونو قدامو وعاودت تتمسح فوق عينيها و نزلات لوجهها مسحات كولشي بقى داكشي فوق مخفف
نوارة"" ( نطقت) صافي!!
شد من عندها داك كلينيكس جمعو بيديه و دارو في مجر مابغاهاش تاتلوحو رجع تكى على كوسان و طلع بعينيه ليها تيشوف عارفها حابسة بكية غي من شفايفها بحالا تيقمزو حط يد على فولون و يد ثانية على كوسان ديالها و تم مقرب ليها بكتلته تاستقر بشفايفه على عينيها و نطق بشوية وهو مزال عليهم
نوح""وياااك تخرجيهم
نوارة""( بحالا قاليها نزليهم ديك ساعة بداو يتسرسبو ماشي على ميكاب وانما على غزله لي ماسمعتش منه ) الصمت
حط يديه تينزل كرسي بشوية تانزل وجات متكية و هي هاديك
نوارة""( حطات يديها على صدره تتبعده) نووح
نزل بشفايفه على شفايفها مسكتها و نيت غارق في رحيقها تخلطت عليه انه ماتيقدرش يقاومها و منها يسكتها و منها شفايفه يتغزلو بيها قبل ماينطقو
قبلها بجموح بعد شوية مخلي مسافة باش ينطق
نوح""( عينيه وسط عينها) باراكة بزينتك ليا ماشي للبراني احبيبي
نوارة""(بقات كتشوف في عينيه لي كانو راگدين نطقت بثعلتم ) ليك!!
نوح""(حرك راسه بتقاااالة و نطق ) ماباغي تاقمقوم يشوف فيك
نوارة""( داك القرب دوخها نطقت بشوووية) ولكن انا تزينت ليك
نوح"" ( حط شفايفه جنب فمها و نطق )في دارك ماشي هنا
نوارة""( عاد وعات بروحها بغات تبعد و لكن مالقياش كي دير كاع تقل كتلته نازلة عليها ) صافي انا مسحتو و ماخليت والو خليني نمشي
نوح""ولاش جاية تتقلبي عليا
نوارة""( خنزرت فيه) ندمت تاجيت كاع حل لي هاد زمر نمشي
نوح""( بشوفات هادئة ) غي شوفتك تتشعل فيا العافية
نوارة"" باين عليك ( هزات كتافها بغنج) ماقلتي ليا تاحاجة من غير غواتك عليا
نوح""( صغر عينيه) انا غوت عليك؟
نوارة"" و شنو هادشي لي درتي
نوح""( نطق بصوت تخين و عينيه فاضحاه) حسبيها كي بغيتي حسبي مها غيرة حسبيها حكام لي عجبك
نوارة""( باش تيعجبها هو صراحته و طريقة شرحه لكن دابة عطاها اختيارات ) ههه اويلي على ختاري
نوح"خليهم كاملين ( نزل بالخف على شفايفها لتاهمهم و بطريقة عنيفة مركز بزاف على شنوفة تحتية تاحس بيها تدفعه مشى لودينها و نطق بخفوت) عشقان و نغير
بعد عليها تيطلع ليها كوسان وعيونه مناضرتها بشكل مذوبها لكن هي مزال منفخة عليه منزلة عينها ليديها تتشوف فيهم و عاودت شافت فيه و دورت راسها
نوارة"" حل لي لباب نرجع
نوح"" ( مد يديه ليديها شابك صباعهم مع بعض) هزي عينيك هي لولى
نوارة""( هزات عينيها ميقة و ماعجبها حال ) ها عيني
نوح"" بحالا منفخة عليا
نوارة" الصمت
نوح""( باس على كف يديها حطها على لحيته ناطق بصوت منخفض) تلبسي لي لبستي يجي عليك ( منعت بعينيه لعينيها )و الكحل في عينيك تيقتلني ( زاد خفض صوتو) وجهك مزين تيفتن ، شفايفك(سكت للتواني و كمل) يغريو بلا داك العجب ، ماباغيش شي عينين تجي فيهم انوارة
عاود قبل يديها من داخل شافها مراقباه تدور في عينيها صغر عينيه فيها بمعنى واش فهمتي
نوارة"" و واكون تقولها ليا بطريقة اخرى
نوح""( في رمشة عين شد خصرها و جابها فوق رجليه يد على فخضها و يد محاوطها ملاصقة مع جسمه و نطق بخفوت) كيف بغيتيها
نوارة""( بقات كتشوف ملامحه وتبسم هزات يديها حطتها على صدره لي تيبان من شوميز و نطقت) ماعرفتش انا بقى فيا حال حيث زربتي عليا
نوح"" ( نزل بعينيه ليديها كيف تتلعب فوق صدره و عاود شاف فيها ) واخة تسمح ليا مرتي
نوارة""( ضحكت) مسامحة انا اصلا مانتقلقش منك ا
نوح""( قاطعها بخفوت و هو تيشوف في شفايفها) الكبيدة
نوارة"" هههههه
نوح""( تبسم بتقالة عاض على جنب شفاه تحتية ) لسانك تيحلى غي في البعد
نوارة""( طلعات يديها بشوية تادورتهم على رقبته و حطت شفايفها على شفايفه بحنية طبعت عليهم وطلعات لعينيه و ورجعت تقابلت معاه نطقتها و بخجلللل وبصوت منخفض) الكبيدة
نوح"" ( تلفات ليك العقل ماقادر يزيد غاحشم يتكيها تم نطق) تتساليهم لملتي وزايداني
نوارة"" ( بغنج) داكشي لي بغيت باش ماتشوفش شي وحدة من غيري
نوح""( صغر عينيه) باش انشوف و نتي عميتيهم
نوارة"""( عضت على شنوفتها و ضحكة مزينها عاجبها حال) ناري هاد كلام عندك
تبسم و مسح تحت عينيها شوية كحل ونزل بيديه لرقبتها و جرها لشفايفه تيقبل فيها بكل حب مخليها عجينة بين يديه فيقهم غير دقان في زاج و هي تقفز
نوح"" بشوية بشوية امرتي
رجعت بلاصتها دغيا تتقاد في شعرها و تنزل على حوايجها بقى مراقبها تاكملت عاد نزل زاج كانت نجاة
نجاة "" هبط اولدي مالك جالس هنا ( عاد ردت لبال ليها) ااه نوارة ايسحبلي بوحدو
نوح" انا نزل الواليدة
نجاة "" واخة اولدي نوارة اجي ابنتي غاتخرج عروسة دابة
نوارة""( تبسمت ) واخة اخالتي
مشات و بقات مراقباها بعينيها و دورت عينيها بالعرض بطيئ ليه لقاته تيشعل الكارو عاد شاف فيها و غمز ليها بتقااالة
نوارة"" نزلو
نوح"" ( بخ من فمه مطلع حاجبه و نطق)كاين فين
نوارة"" موجدين بلاصة اصلا ماكينش رجال بزاف غي شي طبلة او زوج
حرك ليها راسه و فتح لباب نزل و نزلت تاهي هازة على قفيطينها سد لباب و بقى تيساينها تاوصلت جنبه و مد يديه شدت فيه و تمو غادين خطوة خطوة مراعي ليها و عينيه مرة فيها و مرة قدامو تيبخ و يعاود تاوصلو لداخل و حبست
نوارة"" ( نعتت بعينيها تحت واحد الشجرة مضللة ماقدين زوج طوابل تحتها ) تمشي تريح تما احبيبي
شاف بعينيه فين و عاود شاف فيها مطووول تانتر و بخ من فمو عاد نطق
نوح"" واخة سيري دابة
حركت راسها متبسمة و مشات بقى هو واقف تاشافها وصلات لباب و دارت عنده شافت فيه عاد دار غادي فين قالت ليه تيتمايل بكتلته جر كرسي و ريح حدا شي رجال و هي دخلات للداخل
خلى مسافة صغيرة منزل براسه ليها نزل بعينه ليديها شد عليها جابها قدام عينيه تيتحسس الحنة بطرف صباعه
نصير""( تبسم و هز عينيه فيها) عليك ولات تعجبني
سناء"" ( باستفسار ) مكتبغيهاش ؟
نصير"" ( قبلها بحب ناطق بصوت منخفض) من ليوم نولي نبغيها
سناء"" (تبسمت منزلة عينيها) الصمت
نصير""( جرها بشوية لحضنه ناطق بشوية) لي تبغيها نبغيها
على اثر كلامه تبسمت و هزات يديها حاطاهم على جناب ضهره في كل مرة و في كل لحضة تيزيد يبين ليها حنيته عليها كلشي فيه تيزيد يغرقها لكن الحنية لي فيه ماشي غي غرقتها سالات معاها و ذوبتها
بعد شوية تيقاد ليها تكشيطة من جهة كتف و ابتسامته ليها خجلتها
نصير"" مرتاحة ؟
سناء""( حركت راسها بايجاب متبسمة بحشمة) الصمت
نصير"" نتمنى نخليك ديما مرتاحة و نتي في جنبي
بقى بعينيه لعينيها بشكل مطول كأنه تيوصل ليها احاسيسه بشوفاته و تيقول ليها باغيك معايا و في جنبي تاتفرقنا الموت باغي نكمل معاك حياتي و باغي نفرح معاك و نحزن معاك عيونهم كانت ليها كلام كتيير قاطعهم دقان خفيف على الباب
دارو بزوج للتواني عاد تحل لباب بشوية و دخلات نوارة متبسمة
نوارة"" سمحوليا على ازعاج ، غي هو وقت خروج العروسة
نصير"" ( تبسم وشاف ف سناء) زيدي خوديها صافي شفتها
سناء"" (هزت حاجبها) ياااك
نوارة( قربت عندهم) الله يكمل عليكم بالخير ياربي و تفرحكم
سناء / نصير ""امييين
دخلات لبنت مع الباب و جات تتقاد ليها نزلت عليها مغطية وجهها باش تخرج
البنت"" غادي تخرج معاها و دخلها تالداخل تاخد معاها شي صور و ديك ساعة تقدر تخرج
نصير""( حرك راسه وعينه غي عليها ) واخة
نوارة غا تشوف في نضارته متبسمة عجبوها بعدت عطاتهم الطريق مد يديه ليها شدات فيه تترعد كلها وباين فيها خلعة زير عليها تاشافت فيه و غمض عينيه بتقالة باش تهدن
خرجو من البيت على الصلاة و السلام خطوة خطوة تاوصلو لداخل خزانة تعالات زغاريت من كل دخلو البرزة العرسان خدا معاها تصاور كيما طلبو منه و هي خلعة دايرة فيها الحالة هادشي نيرفاه و دعقو
نصير""( قرب عندها ونطق في ودنيها ) رتاحي ليا
شافت فيه و تبسمت محركة راسها و ناض من جنبها بتقالة و عاود تحنى بكتلته لودنيها نطق ليها
نصير"" تلفتي عقلي
غي هزات عينيها و بعد بشوية و تانزل من دريجة البرزة عاود شاف فيها تبسم و غمز ليها و دار خارج بخطوات ثابتة و رزينة مخليها متبعة ليه العين تتبسم نسات خلعتها و دهشيرها و بقات مراقباه بديك ضخامة و كتلة لي عطاها الله
خرج من عندها تيدور عينه تاقشع نوح بعيد مشى متوجه عنده هز كرسي و مشى جنبه و جلس
نصير"" الدعيييق ياااصحبي
نوح""( شاف فيه) على قبلها
نصير""( تبسم غمز ليه) سلاتهم لمي
نوح""( رشف من كاسه و تبسم) بصحتك ( نتر من سيجارته و عاود شاف فيه) الله يكمل عليك اصحبي
نصير""( خبط على ركبته) ايحفظك ليا ( مد يديه لباكية كارو خدا واحد و شعلو ) كون يسحب لي هاكة كون راه والد ثلاثة
نوح""(صغر عينيه) اش
نصير""( تكى بضهره على كرسي و نعت بعينه للخزانة) الگلب بدا يتلف بيها
نوح"" ( بقى تشوف بعيد و نطق) الحلال تيزيد الحلاوة
نصير"" ( نزل عينيه تيتبسم و تفكر ليلته لولى و هي في حضنه عرف بقيمة الحلال حرك راسه بتقالة) فاهمك فاهمك اعشيري
دازت مدة ناس ناشطة مكاين غي الشطيح و الرديح لبسات لبسة الثانية و عيطو للعريس دخل تصور معاها و عطاها وقيت و خرج عند الرجال برا تحط الغدا كلاو نشطو لوقت تيدوز و العشية بدات تعاشا بقات غي تركاب الخواتم دخل مولاي السلطان و دخلو معاه الطيافر خاصين بالكادوات من الذهب
جلس جنبها وعيونه مفضوحة مقربين ليههم الحليب و التمر تحنى شوية عندها
نصير""سمحي ليا على داك نهار ( تيقصد نهار صداقهم )
سناء"" ( تبسمت و قربت بصويتها لودنيه ) ماشي لخاطرك
نصير"" ( شاف فيها عض على شنوفته و عينيه مرخية فيها تبسم ) على قبل على صويت ندير والدين مو هاد الخاطر
سناء"" (ضحكت حاطة يديها على فمها)ههههه نصييرر
تبسم ليها مدو ليهم الحليب و تمر شربها ر شرباتو وكلها و وكلاتو وصل تركاب الخواتم كدالك هز و شد يديها ركبو ليها بشوووية بحالا خايف عليها وصلت نوبتها و جلست تترعد كولشي بدا يضحك عليها و هي متبسمة و خجلانة
تبسم و شد يديها بحنية شافت فيه لقاته متبسم ليها و عاودت نزلت عينيها ركباتو ليه بشوية و الخجل واااكلها اكل وصل لكادويات ركب ليها اونصوبل براصليات و خاتم بقات كتشوف في يديها عجبها اختياره شافت فيه وتبسمت دوز صباعه على كف يديها متبسم تعالات زغاريت فرحانين نشاط نوارة قربت عندها عنقتها و سلمت عليها
نوارة"" مبروك حبيبتي الله يفرحك
سناء"" الله يبارك فيك حبي
قربت خدات معاهم صورة و نزلت تمات خارجة و هازة تلفون قدام عينيها صيفطتت ليها ميساج
"" حبيبي واخة تقرب عندي بغيتك""
كان جالس و شاد تلفون في يديه تا شاف ميساجها و هز عينيه بشوية بانت ليه مبعدة على خزانة ناض من بلاصتو و توجه عندها ، غي شافته و هي تبدا تبسم بلا هواها مشيته تتحمقها خاشي يد في جيب و يد فيها تلفون منزل عينيه و ديك لبسة كي جايا عليه تيبان ميهيب وصل قدامها وقف
نوح"" ( بصوت تخين) شي ناس فرحانين بشوفتهم ليا ؟
نوارة""( تبسمت و حرك راسها) ايه ونتا
نوح"" اش بغيتي امرتي
نوارة""(هزات صبعها ) نطلب منك طليبة صغييييورة
نوح""( صغر عينيه ) شناوا هاد طلب صغير
نوارة"" تدخل نتصورو معاها حبيبي
نوح"" ( هز حاجبه و حرك راسه بنفي قاطع) لا انوارة
نوارة"" ( شداته من دراعه بغنج ) عفااااك حبيبي دير لي خاطري
نوح"" نوارة ماتحكريش
نوارة"" ( نزلات شنوفتها بصوت قليل ) عفااك كبيدة
بقى غاتيشوف لسانه تقال عليه غي عينيه لي تيتساراو على ملامحها هي تتسناه يهضر او بقات مراقباه بان ليها عض على فمو بجهد و عينيه ماتيرمشوش دور عينيه للارجاء و عاود شاف فيها منزل راسه شوية
نوح"" واخة ، لكن تاتخرج من تم
نوارة""( عبست لكن مابغاتش تزيد تحكر) واخة على خاطرك
دارت غادية و شد دراعها مرجعها قدامو بتقالة
نوح"" ( بصوت قليل )بلاش من ملامحك هاكة حبيبي
نوارة""( طلعت عينيها فيه شافته تبسم ليها بتقالة و هي تميق ليه غالباها ضحكة) تدير لي تلاميص
نوح"" دخلي حتى تبان وجبة و علميني
نوارة"" واخة حبيبي
مشات دغيا دخلات عندهم و هو رجع فحالو ريح تابان ليه نصير خرج و ريحو بقاو غي عيالات مكاين غادرديك و النشاط نوضت نوارك عروسة تتشطح واخة الحشمة لكن دارت صواب
دازت الوقت و ضلمة بدات الطيح لي بعيد شد طريقو و العائلة العريس مشات لفيرما باش يكملو سهرتهم بقاو شي عيالات وبنات لي قراب تيتعاونو
شدات نوارة سناء من يديها و خرجتها لبرا بان ليها غي نوح و نصير لي بقاو في ديك طبلة نعتت ليها ليهم
نوارة"" واجي اختي باقة تنسالكم تصويرة
سناء"" حشمت من راجلك اختي
نوارة"" زيدي من الهضرة
تمشات بشوية هازة عليها تكشيطة معاوناها تاقربت جنبهم عاد قشعها نصير و هو ينوض دغيا من بلاصته شافه نوح فين تيشوف ودور عينيه بشوية و بانت لي محبوبته جاية تقاد بجلسته وقف تاهو
نوح"" (مد يديه) الله يكمل بالخير اختي
سناء"( بادلاته سلام) الله يبارك فيك اخويا شكرا
نصير""( شد يديها و قاد ليها كرسي ) رتاحي امرتي رتاحي
سناء"" ( حلات عينيها بصدمة و جلست حشمانة) الصمت
مشات نوارة تتقلب على لبنت باش تاخد ليهم صورة و نوح نزل بعينه لتلفون مخليهم على خاطرهم
نصير""(جلس جنبها مقرب ليها تيفحص عليها) عيتي
سناء"" ( حركت راسها متنهدة) بزااف
نصير"" ( تبسم وشد يديها حطها على ركبته )غير شوية وتمشي ترتاحي عسيلة
سناء"" (بخفوت و وجها تلون) نصير حشومة
بقى تيتبسم على منضرها تاتحلا ليه من تيبقى يحشمها وقفات عليهم نوارة و بنت باش تاخد ليهم صورة وقفو بزوج وشافت لنوح و حركت راسها باش يقرب ناض بتقالة قاد عل حوايجو و قرب جنبها حست بيديه تحطت على خصرها وريحته دوختها هزات عويناتها فيه
نوارة"" نووح
نوح"" (نزل بعينه ليها) شنو
نوارة "" ( حركت راسها باش ينزل عندها غي شافتو نزل و هي تنطق بشووية )تبسم شوية عفااااك كبيدة ديالي
شاف فيها موسع عينه كملت ليه لي بقى لقاتها حيلة بهاد تحلوين و غنج لي تدير ليه بقى تيشوف في عينها و هي تترجاه شاف في كاميرة و تبسم ابتسامة صغييرة على شفايفه تصورو وهزات عينها ليه
نوارة" شكرا حبيبي درتي ليا خاطري
نوح"" (كرز على خصرها و نطق في ادنيها تا شعر جسمها وقف ) خاااطرك
وقفت عليهم متبسمة و والوجه بين الفرحة و الحزن لفرحة ببنيتها لقات شريك الحياة و تبدا حياتها من الجديد و حزنها حيث تخوي عليها الدار حطات يديها على كتفها و نطقت
مليكة"" بنيتي عيااات
مع سمعت صوتها حسات بالقلب تفز هزات عويناتها فيها بزربة و تبسمت ابتسامة مغلوب عليها الالم
نوارة"" (شافت فيهم بزوج و عينيهم كانت موضحة كولشي لكن سناء حست بيها موقفاهم بزز نطقت بهدوء) ضروري اخالتي من العيا
مليكة"" ( شافت فيها تبسمت و عاودت دارت بعينيها على بنيتيها بشوفات فشكككل تبسمت وقربت باست على راسها) الله يفرحك يالحبيبة
نصير حاضي ملامحه مرتو كيف تبدلت و يديها كبزت على ركبته عرفها ماشي تالهيه و تتحبس دموعها بزز مد يديه بشووية شابك صباعه مع صبيعاتها بحنية
تبسمت و نزلو دموعها ماقدتش تحبسهم ماقدتش تكتم عيات تقاوم شافت في نصير طلقات من يديه بشوية حرك ليها راسه بشوية فهمها غي بعينه و ناضت وقفات هزات يديها وعنقتها بكل قوتها و مليكة تاهي ماقدرتش تخبي دموعها نزلو على خدودها معنقتها و تتدوز يديها بحنية
مليكة"" الله يكمل عليكم ابنيتي الله يفرحكم و يهنيكم
بعدات عليها محاوطة وجهها بين يديها متبسمة
مليكة"" انا راضية عليك قد السما مع الارض ابنتي
حاضينهم بالالم نوارة دورت براسها مبعدة على جيهتهم و شافت لجهة فين كاين نوح هازة يديها كأنها تدرق وجهها و خلات دموعها ينزلو براااحة
نوح""( عينيه مشات ليها منضرها فزعو و طريقة باش طلقات دوك دموع ضراتو في خاطرو شد كرسي بيديه و كحز عندها شد يديها زير عليها و يد دارت على خصرها و قرب لودنيها ناطق بشوية تسمعو ) ششش حبيبي
حطات بيديها على كتفه و زادت درقت بكتفه مدورة راسها للوراء جاتو قرييبة لوجهه هو تيشوف في في ملامحها بالهفة و الخوف مكرهش يخشيها في حضنه ربما تسكت ماتحملش دموعها و بكاها بهاد شكل
نصير""( لي كان في جهة الثانية متآلم بجهد من ناحيتهم بزوج من ناحية مرتو و نسيبتو ناض بتقالة حط يديه على خصر سناء باش يفهمها بطريقته لي بدورها غي حست بيه و بعدت بشوية مبعدة عليها و شافت فيه هضر معاها بعينيه و شاف فيي مليكة قرب و باس على راسها ) امين الواليدة
مليكة"" ( مسحت دموعها و تبسمت) تهلا في هاد بكاية وليدي
نصير""(تبسم محرك راسه و شاف في سناء بشوفات حنينة ناطق بهدوء) امانتي الواليدة
مليكة""( شافت فيها) ايوا الله يتاويكم بالخير ياربي ، ( طبطبت ليها بحنية) لحگي لدارك بنيتي نسالي مع ناس و نلحگ عليك
سناء""( تبسمت و حركت راسها ) الصمت
مشات مليكة و ناضت نوارة عند سناء تتمسح ليها دموعها تتبسم وقفت عليهم نجاة شافت في سناء و طببت عليها بحنية
نجاة"" يلا وليداتي نمشيو ، وترتاحو شوية مزال تابعكم ليل تاني
قالت كلامها بوجه بشوش و مشات تتعيط على العربي باش يدخل طوموبيل شدات نوارة يد سناء دخلو لداخل بقات تتسكت فيها مخلين نوح و نصير واحد تيشوف في واحد مدة عاد نطق نوح بثبات
نوح""" وياك تغلط معاها شي نهار ، مجرد ماتفكر ديرها ، تفكر غا هاد الوقفة لي وقفت قدامك دابة الواليدة ديالها
نصير"" ( تنهد تنهيدة طويلة كأنه كيخرج الم لي شاف من منضرهم شاف فيه) ولدتها رباتها و كبرتها ، ودابة عطاتها ليا امانة ، ماعليا غي نديرها في عيني و نصونها
نوح"( خبط على دراعه ) الله يسهل عليكم
سمعو زغاريت هزو عينيهم كانت خرجة اخيرة للعروسة من دار وليديها جايبنها اتجاه العريس وزغاريت ماحابساش دخلات طوموبيل لداخل و حبست ناض نصير و قرب منها بخطوات تقيلة وقف جنبها مد يديه بشوية ليها شدت فيه و زير عليها طلعات في طوموبيل تيرشو عليهم الورد و الماء الزهر مشات نوارة عند نوح شدات في دراعه و خرجو للطوموبيل سبقوهم
نوح""( شد ييدها و يد لاخرى على خصرها ناطق بخوف) شوية دابة
نوارة""(بحنية) بقاو فيا بزااف انوح
نوح""( حل ليها لباب و دوز يديه على شعرها ناطق ) هادي هي الدنيا ، و هادشي مقدر لاي بنت ضروري ماتمشي تكمل حياتها في دار راجلها
تبسم و حرك ليها راسه باش تطلع حركت راسها و طلعات سد عليها لباب و طلع بانت ليه طوموبيل غاتخرج و كسيرا هو سابقهم و العرسان وراه
دور عينيه ليها تيشوف واش مزال مغبونة شي شطنة تدير فيه مجهدة عليه شد يديها باس عليها من داخل شافت فيه و زيرت عليه باليد لاخرى متبسمة
نوارة"" انا بيخير حبيبي ماتشطنش بالك
تبسم بجنب و ركز مع صواگة وصلو لباب الفيرما و حبس تاوصلات طوموبيل ثانية عليهم عاد تحرك بشوية داخلين لقاو العائلة مجموعين في باب دخلاني بالدقايقة مستقبلينهم بالحليب و الثمر وقفو طوموبيلات نزلت نوارة و نوح مشى تيبلاصي قربو لعندهم البقية نزلت نجاة هي لولى فتحت ليهم الباب و الفرحة غاتخرج من عينيها نزل نصير مد يديه لسناء لي شدت فيه تترعد نزلت وحاوطها بيديه من خصرها جايبها لاصقة عليه نزل بشفايفه لودنيها ونطق
نصيير"" مرحبا بمرتي في دارها
يتبع...
التعليقات
لا توجد تعليقات بعد، كن أول من يعلق.