محتوى القصة
خلات شوفتها فيه تطول لاول مرة نزلات عينها في شنو لابسة بخجل و عاودت طلعت عينها نطقت بزز
نوارة" بغيت نطلبك
نوح"( نزل يديه باش مايزيد يخجلها ومزالو قريب ليها و نطق) كنسمع
نوارة"" ( شادة عل بيجامتها ) صحبتي ماماها في سبيطار ( هزات عينها فيه تشوف ملامحه ) بغيت نمشي نشوفها
نوح""( منزل راسه عندها بعدم رضى ) ما عندك فين اتخرجي ( نعت براسه لباب) خروج منو من غير رجلي برجلك
نوارة"" ولكن انا
نوح"" ( بعد عليها ومشا جلس تيحيدت صباطه ) هضرتي ماتنبغيش تعاود
نوارة"( حدرت راسها بغبنة) كنت عارفاك ماتقبلش
(قالت بكلامها و مشات لكوزينة مشكرفة بمشيتهاا
خلاته مزال جالس و متبع ليها العين خرجات صينية حطتها ورجعات جابت رغيف و رجعات حطات كيك تتمشى بتعكال و هو داير مرافقه عل ركبيه و عينه تتمشي و تجي معاها وديك بيجامة في كل خطوة تتطلع بقى غي تيطلع و ينزل فيها براااحتو ناض و هي دوز من حداه هازة طبيسلات حطاتهم و هي منرفزة مبعدة عينها عليه
نوح""(بغات تخطويه وهو يجرها من معصمها جابها قدامو ) مالك
نوارة" ( مدورة راسها لجنب) مامليش
نوح"" كيفاش هاد مامليش ( شد دقنها دورها عنده) قلت لعيب رجلي برجل مرتي
نوارة'' وانا ماقلتش ليك نمشي بوحدي مخلتينيش نكمل هضرتي صديتني
نوح"" فين كاينة هي
نوارة""( سرطت ريقها) الجديدة
نوح"" ( قوس حاجبه) اذن ميمكنش ( زاد نزل صوته) 3 ايام و انا غابر عل الخدمة مايمكنش نزيد نغبر واجبي خاصني نديرو
نوارة""" ( حدرات راسها بفهم) واخة ماشي مشكيل بلا ما نحكر عليك
نوح"" ( تيحاول يقنعها بلا ما يقلقها )يكون عندي وقيت و ونديك
نوارة""( حركت راسها بايجاب و مشات جلسات ) جلس تاكل
نوح"" (مشا غسل يديه و رجع جلس قبالتها حطات ليه كاس قدامه وشدت كاس قدامها تتلعب فيه و عيونه مركزة بتفاصيلها صغيرة و كيفاش مغبنة عليه ) هزي عينيك
نوارة"" ( سمعت صوته و هزاتهم شوية عنده )
نوح""( برزانة ) نحاول ندير وقيت
نوارة"" ( حركت راسها بإيجاب و تبسمت) واخة سمحليا غير صحبتي ماعندها تا حد و ماماها مسكينة عندها عملية للسرطان
نوح"" ما فيها باس ( قرب يديه جر كرسيها جابها لاصقة جنبه شد يديها و نزل راسه عندها صوته شبه مسموع ) ندير لي مايدارش مهم نشوفك مرتاحة معايا
طريقة باش جر كرسي عنده و كيفاش نطق كلامه و كيفاش تيحاول يخليها ترتاح ليه و مايخسرش ليها وكيفاش يهضر معاها غي ماتتزيد بغرقهاا فيه متسناتش وقت بزاف باش يريحها كان وقت صغير و قصير بدا القلب يلين من جيهتو و معاملتو ليها خاصة بزاف
نوارة"(نزلات عينيها باسف ) تنحس براسي ظلمتك معايا بزاااف انووح
نوح"( هز حاجبه) وعلاش
نوارة"" ( شافت فيه تتلعب بليد لاخرى في بيجامة و عاودت نزلت عينيها) تتحاول تدير عل قبلي اي حاجة تقدر تخليني فرحانة و ( شافت فيه ) و زواجك مني حسيتو بحالا( هزات عينيها فيه شافتو قصح شوفتو سرطت ريقها و كملت ) و بلا خبار داركم تضريت من جيهتو حسيت براسي بنت الح
نوح"" ( مقاطعها مجرد ماسمع كلمتها الاخيرة بخشونة) بنت الاصل تزوجت بيك حيث باغيك مرتي انوارة ( زاد تحنى عندها شوية لين صوتو) ودارنا من تعرفي عليهم و تفهميني انوارة ( طلق يديها و دفع ليها طبسيل) تاكلي ولا ندير بناقص تا انا
نوارة" ( شافت فيه بخجل ) وانا علاش طيبت هادشي
نوح"" ( بعد كليمتها تتخرج من ثغرها تتخلي قلبه يفرح) كملي ماكلتك باش نخرجك تاخدي لي غ يخصك
نوارة""(بمراعات) مكاين لاش خليك مرتاح تا لمرة اخرى
نوح"" ( صغر عينيه )شنو نبقى نعاود هضرتي
نوارة"" (حركت راسها بنفي وتبسمت) لا صافي لي بغيتي
كلاو و ناض جمع طبلة من بعد ما مخلاهش تحط يديها قال ليها تمشي تلبس مشات لبست جلابة هي لعندها محترمة خرجات لقاته تيلبس سبرديلته و ريحته مليانة مكان شافت فيه بإعجاب كان لابس سبور قبية و سروالها باللون الاسود و سبرديلة بلون الابيض كاسكيطة اسود رامي عليها قب شافها وقفات و ناض تاهو مد يديه ليها بتقالة منه تقالته و رزانته معاها هي لي تتخليها تبسم بلا هواها شدات فيه و قلبها يطير خرجو ركبو في سيارته و داها ختارت تقريبا كلشي عل دوقه تتهز وتوريييه و حوايج لخروج كان مستور والاهم كان حتى هي عاجبها لحال ما خلى ليها تاحاجة ماخدا ليها منها بيجامات و كسيوات و حوايج داخلية اشكال و انواع خلاها تدخل راسها بلاما يخجلها كملات اختيارتها و خرجات عنده
نوح"" ( جبد تيخلص و هي كانت جنبه شادة عل صاكها فرحانة خلص و هز هو ياها صيكان و شد يدها و خرجو دار عندها و نطق و هو قريب ليها) شنو مزال ناقصاك شي حاجة
نوارة"" لا هادشي و كتير
نوح"" حقك ( نطق ديك كلمة مخليها تتبسم في سرها وصلو لسيارته طلعو و كسيرا شعل موسيقى كان اغنية شاب حسني لي بيني و بينها سر مخبي منزل صوت كان جو دافئ بيناتهم و احاسيس جياشة كانت تتضارب دار عندها لقاها متكية راسها علي كوسان و مراقباه بدون وعي منها نطق برزانة) كولشي من حقك
نزلات عينيها بالخف على كلامو تتستوعب هاد هضرة اش تيعني بيها شافها هو غرقانة بخجلها معاودت هضر معاها قربو لدار ووقف قدام صناك حبس قدامه نزل
نوح""( طل عليها من زاج )شنو تبغي
نوارة"" مكاين لاش نطيب شي حاجة خفيفة
نوح"" هضري
نوارة"" واخة ناخد بيتزا!؟؟
نوح"" نتي اش مشهية
نوارة" ( حشمانة ) صافي بغيتها هي
نوح""( حرك راسه و مشا وعاود طل عليها شاف زاج من جيهتها نازل شوية طلعه حتى الحد و نطق بأمر ) ماتنزليهش مزال
مشا و خلاها تتحنزز مافهمت والو دورت عينيها لزاج و بقات تتقاد في غرة و شعرها و بقات شادة تلفون طالعة نازلة حتى بان ليها جاي فتح لباب و طلع حط داكشي قدامها و كسيرا دخلو للحي ديالهم بلاصة سيارته في باركينغ و طلعو دخلات لبيت لبسات بيجامة من لي شرات جمعات شعرها مهمل و خرجات لقاته تيهضر في تلفون دخلات كوزينة عمرات اتاي و حطت لبيتزا و موناضة و بقات تتسنى منه يسالي قطع ولاح تلفون بزعف وتنهد بنرفزة
نوارة"" ( نطقت باطمئنان) واش بيك شي حاجة
نوح"" ( عض عل شنوفته تحتية و هز عينه فيها ) غي خدمة ماتشطنيش
نوارة''' كولشي يكون مزيان ( تبسمت)
نوح""( هز عينه فيها) غادي نغبر عليك شي يامات
نوارة"' ( بصدمة) ك كيفاش وانا
نوح"" ( جر كرسي عندها منزل راسه عندها) نتي في دارك
نوارة"" تنخاف مانقدرش
نوح""( نزل صوته بإطمئنان) نقدر ندير نهار يومين ماعرفتش شحال بضبط ما عندك مناش تخافي موبل كامل مطمئن
نوارة""( حسات بقلبها تزير وبغات تبكي ماعرفتش علاش) و نتا ماشي هوما
نوح""( شد يديها شابك صباعه مع صباعها و يد لاخرى تيرد ليها شعرها ورا ودنيها) ماااعندي جهد خدمتي هي هادي
نوارة""( شافت فيه) واخة و فين اتمشي
نوح"" مانتعطلش عليك نسالي نكون معاك ( شافها حركت راسها و نطق بشوية ) مقلقة
نوارة"" لا غي ولفتك بغيت نقول زعمة طيفك في دار وو
نو ح""( عينه غيير عل شفايفها اش ينطقو) وشنو
نوارة"" ( تسرط لسانها فور مالمحت بنضراته فاتنة فيها قلبها دقاته تسارعو)
نوح""(دور وجهها قابله مع ملامحه و كان قرب بيناتهم فضييع و بريق عيونهم كان العالم الثاني نطق بصوت خاااافت بزاااف ) جمرتك غير ما تتزيد تزند فيا
هزات عينها عليه بخجل و تبسمت و دورت راسها بخفة لجهة لاخرى مبعدة ملامحها عل عينه عاضة عل شنوفتها عاود قاس دقنها بحنية مدور ملامحها لعنده زاد نزل راسه تيطل عل عينها لي منزلاها بخجل مجرد ماشافت فيه و تبسم كانت اول مرة تشوف ابتسامته زادت فتحات عينها ببلاهة خجولة تتنزلهم لشفايفه و تعاود تطلعهم لعينه شي لي خلى ابتسامته زادت
نوح""( نطق بخفوت) باين لي نبقاو بلا عشا
نوارة"( تداركت موقفها و بلاهتها خجولة حطات يديها عل كرسي و بعداته عليه مدورة راسها حابسة ابتسامتها ) الصمت
نوح""( تكى بضهره عل ضهر كرسي بتقالة مدوز يديه على لحيته و ابتسامته عل محياه نطق متقل) نواارة
نوارة"" ( دفعت ليه طبسيل قدامه و عينها ماقدراش تهزهم عليه قلبها تبسمت بداك صوت و كيفاش عيط ليها هزات عينيها فيه بخجل و نطقت ) م معاياش تمشي
نوح""( تيشوف ملامحها خجولة نطق ) مبكر شوية يخصني 9 نكون تما
نوارة"" واخة نفيق نوج
نوح""( مقاطعها برزانة) ماعندك ماتفيقي ديري خلي راحتك
نوارة"" ( باهتمام)ايخصك تفطر راك اتشد طريق غي قولي معاياش نفيق نوجد ليك و نرجع ديك ساعة نعس
نوح""( مراقبها براااحتو و على الهم لي رافدة ليه نطق بهدوء ) و انا قلت ليك رااحتك انوارة رااحتك
نوارة""( حركت راسها بايجاب بخجل نطقت ) لي بغيتي
كملو عشاهم بنسمات جياشة و مشاعر خاصة متضاربة جمعات طبيلة غسلات ميعنات و خرجات من كوزينة لقاته داخل لبيت و في يديه شي ضوسيات
نوارة" ( نطقت موقفاه ) نووح
نوح""( دار عندها بعد ماسمع اسمه من شفايفها بطريقة حنينة حرك راسه متصنت ليها ) نعام
نوارة""( تبسمت تتلعب بصبيعاتها ) غي بغيت نقولك ( حركت بصبعها اتجاه لكوزينة ) بلاطو فيه لي تحتاج من تفيق
نوح"( متبع معاها من يديها كيف تتحركها و عويناتها خجلانين وكيف مهتمة بتفاصيل ورافدة همه في صغيرة و لكبيرة تمشى بخطوات بطيئة وقف قدامها منزل صوته ) رافدة همي
نوارة"" ( تبسمت مطلعة شوفتها ليه) واجبي يعني ( وثرها بشوفاتو) الواجب ديالي خاصني نديرو
نوح"" ( تبسم بجنب و حرك عينه لبيتها ناطق بنبرة هادية) واجبك تمشي تنعسي و تريحي تكون مزيااانة
ماعودتهاش معاه ديك لحضة دارت مشات داخلات و سدت عليها تكات عل باب عاضة عل شفايفها شوفته ليها تتخليها طايرة مشات تكات في بلاصتها و هو بدوره دخل لبيته بقى تيقاد شي ضواسة قدامه جمع صاكه و مسائله و دخل دوش و مشا تكى في بلاصته بتعب
كانت غارقة في نعستها فيقها غي صوت ميساج لي وصلها شافت ساعة كانت 10 عرفاته يكون وصل
°°°فين اعروستنا كي صبحتي
تبسمت على ديك كلمة و جاوبتها
°° فين شعكوكة كي بقات خالتي
°° مزيانة غدا العملية
°° سمحليا حبيبتي مكرهتش كون كنت معاك
°° ماديرش في بالك حب نجي انا نشوفك
°° بصح والله ماكرهت نشوفك كنت بغيت نقولها لنوح يجيبني ولكن سافر مكاينش
°° غي خليك خدمته هي لولى نجي ليوم و نرجع من حده مكاينش نحشم من نسيبي انا
°° واخة الله يجيبك عل خير شعيكيكة انا نصيفط ليك عنوان
°° هاد شعيعيكة دوزت واحد فلم بالحق تانوصل و نعاود ليك ماشي ديال تليفون
°°باينن افلامك نتي
بقات مجمعة معاها شحال عاد ناضت من بلاصتها خرجات اول حاجة مشات بيها رجليها لبيته حلاته ضربتها ريحت بارفان دياله غمضات عوينتها تستنشقها و خرجات منه مشات لكوزينة عمرات اتاي و خدات طرف كيك ومشات جلسات شعلات تلفزة تتفرج سمعات تلفون تيصوني هزاته و قلبها نبضاته تسارعو فتحت الخط حطاته عل ودينها جاوبت بصوت منخفض خجلان
نوارة" الو
نوح" ( كان خارج من دورة تكوينية مع شي ضباط و نصير بعد عليهم و نطق بعد مافتحت له الخط) صبحتي مزيانة
نوارة" ( تتلعب بقاع الكاس خجلانة) الحمد لله نتا
نوح""( ركب سيارة ديال نصير ) لا كنتي مزيانة هادا المهم عندي
نوارة" ( ابتسامة خجولة) ربي يخليك
نوح""( دور عينه بان ليه نصير يفتح لباب و هو يسورته مخليه برا ) محتاجة شي حاجة
نوارة"" لا غي صحبتي جايا ليوم تشوفني
نوح"" تحتاجي شي حاجة عيطي لي كولشي يوصلك مع كونسياج و رجليك مايعتبوش برات دار
نوارة"" ( قوست حاجبها ) وعلاش
نوح"" ( نزل صوته) مابغيش مرتي تخرج إلا رجلي برجليها
نوارة""( فهمات قصده و نطقت بخفوت) واخة لي بغيتي
نوح"" ( بقى ساااكت شوية تيسمع غي صوت انفاسها سريعة تبسم باغي يحشمها نطق بشوية) ديك الحشمة خليني تا نجي ونشوفها
ما خلات ليه فين يزيد يهضر قطعات عليه و لاحت تلفون و بقات تتنش بيديها عل خدودها شدتها سخفة خشات طريف كيك فمها ع الله تفوتها فلتات ليها ابتسامة على حالها و كيف تيولي بقات جالسة شوية و ناضت وجدت الغدا دارت بدار شوية هواتها و مسحت لي يتمسح سيقت و جفت عطرتها و قادت لي تقاد من مقبلات و عينها غي مع ساعة لي توصل صحبتها
__
اما هو من سدت عليه الخط عاد تفكر صاحبه تكى براسه عل كوسان و دور راسه بشوية فتح ليه لباب
نصير"" ( حل لباب طلع ريح تيقاد ساتينغ و نطق ) لا كون زدتي شوية علاش حليتي دابة
نوح""( شعل سجارته و عينه قدامه بلا ماينطق) الصمت
نصير"" ( كسيرا ) مخلي **ي تينفخني لبرد
نوح"" ( بخ من فمه دخان عينه شبه مغمضة) يسحب ليك مارديتش لبال ،داك ت** ديالك ماديروش قدامي انصير
نصير""( مركز مع طريق حرك راسه بقيلة حيلة) زعيمة اصحبي بزاف اش ندير
نوح""( عاود بخ من فمه ) ق***ة من لخر ،و نتا كتر منها
نصير"" الله يهديك اصحبي مالي اش درت
نوح""( خنزر فيه) تا انا هضرت تعاود نتا وياها داك بلان مانعقل لا على ق** مها ، لا تانتا معاها
نصير"" ( هز يديه بقلة حيلة) هادي و توبة مخلي الواليدة ف دار لقاك عند راسي تحرم تحرم عليا ( دور راسه لعنده وتبسم) نسيتي راسك اصحيبي
نوح""( بخ الاخيرة من فمه وشاف فيه ناطق بهدوء) وقت و داز يعني كاين الحلال قدامي
نصير"" ( تبسم و شاف فيه ) ايييه تدخلي فكرة لراسي غي بالفن
نوح"" ( طفى سجارته و حطها ) قلت لي كاين ماكين لا فكرة لا ***ي بعد على ديك النم ماتصلاح ليك
نصير"" نتا عارفني اصحبي وزيد هي لي تترمى عليا
نوح"" ( بحدة)كترمى عليك و كيعجبك الحال ولكن بلاصة الخدمة لاش رد البال تصرفاتك اصحبي
نصير"" الق***ة عارفة ك**ي مقودة عليا فينما تتجي تلقاني
نوح"" ( تكى براسه و عينه مع طريق )على هاد كلمة نقولك عندي لالاهم في الدار المعدن و الاصل باين
نصير"" الله يبارك اعشيري
نوح"" شدرتي مع نجاة
نصير"" ( وقف في سطوب شاف فيه ) كي ديما الو غااتوصلك تصويرة شوفها الو مالك ماجوبتينيش واش ماعجباتكش
نوح""( تبسم نطق بهدوء) و شكون بحالك
نصير"" تا كيفاش شكون بحالي ( جبد سيجارته شعلها و شاف فيه و عينيه مرخية بتعب ) بصح شكون بحالي مزوج ماعرت بشحال من وحدة ( تبسم مخلي دخان يخرج من فمو ) حدي كنقول ليها الواليدة راه معجباتنيش وانا اصلا ماشايفهمش
جالسة في سيجور تتفرج سمعات صونيت لباب ناضت بزربة حلات باب بانت ليها هازة الورد مغطية وجهها بيه
نوارة"" شعيكيكة ولات تعرف الورد هاي هاي
سناء "" ( نزلات الورد تتضحك و غمزت ليها) تعلمت على ود صحيبتها
تلاحت عليها تعانق هي و ياها تقول شهر ماتشوفو دخلو وسدو لباب وراهم
سناء""( تدور راسها في دار) ياااي جيت لدار صحيبتي احساس زييين هدا ( شافت فيها )واااو شحال زوينة و دوووق
نوارة"" ( مبتاسمة) قلتها ليك ( جرتها لصالون كان كبير و مفرش بآخر مكاين ) قلت ليك دواق اصحيبة
سناء"" ( عاودت عنقتها) تستاهلي حبيبتي نتي بنت مزيانة و ضريفة و المْحَنَّة ديالك والله لا لقاهاا في شي وحدة
نوارة"" ( كلستها) جلسي رتاحي اني جاية
مشات مخلية سناء تتشوف و تتبتاسم فرحانة لصحبتها بانت ليها جايبة ليها الماء
نوارة"" مرحبا بحبي عندي
سناء"" (غمزتها)عقبة نشوف وليداتك (تبسمت)
نوارة"" ( اختفت ابتسامة ونزلات راسها ) هاد موضوع خايفة منه بزاف اختي
سناء"" ( حطات كاس و طبطبت عل يديها باطمئنان) خاصك تنساي باش تعرفي تعيشي خلي مشاعرك و قلبك ليه انسان لي دارك حلالو الطيب و ولد الناس تيكبر بيك بزاف ( خفضت صوتها) و قدام داركم ياحسرة
نوارة"" هادشي لي تيقتلني فيه مامخليش لي شي حاجة لي تخليني نبقى نحقد عليه
سناء"" (ضحكت و عوجت فمها ) ههه اي هاي ( قربت ليها و شدت في يديها) هادشي ازين غي مادار لابيدو لا برجلو و نتي حقدتي عليه
نوارة"" ( تنهدت) حيث بقيت تنتسناه اسناء يعني كون جا في الوقت كون كاع ماوقع ل
سناء ""( مقاطعها) نساااي نساي عيشي لحضة بلحضة داكشي فات تمحنتي اه ،تكرفصتي اه ،هادشي مايخليكش تبقاي سادة على راسك و سادة عليه تاهو ، ( شافتها اتبكي و هي تهز ليها راسها) رفعي راسك بلاش من هاد تفكير زايد
نوارة"" ( حركت راسها) واخة نحاول
سناء"" ماشي تحاولي قولي اندير بكلامك و نعطي لفرصة لراسي وليه تاهو لابقيتي عايشة وسط الماضي و تفكير عمرك ديري شي حاجة ( قرست على خدها و نطقت متبسمة ) راه مايقدرش يصبر على هاد الزين
نوارة""( شدت يديها و تبسمت) صافي كوني هانية اشعيكيكة ندير بهضرتك ( نزلت عينيها و عاودت شافت فيها) شوية بشوية نتطلق معاه
سناء"" تانتي خليه يقرب وماتصديهش راه راجلك لا قاسك او قرب ماعليه حرج
نوارة"" ( تبسمت خجلانة) واخة
سناء""" هاك على بنية حشمااااانة ههههههه
نوارة"" اختي راه كلامو و معاملتو بزاااف (تبسمت نطقات ) كي خليتي خالتي
سناء"" ( تنهدت)عادية، هاد ساعة بيخير اتدير عملية و نشوفو ديك ساعة
نوارة"" (عنقتها) اتولي بخير ربي قادر عل كلشي
سناء"" ( مسحت عل دمعتها لي تسابقت معاها ) كنتمنى عارفة بلي علاقتي معاها كي دايرة خرجت من دوارنا باش نخدم و نعالجها
نوارة"" هادشي كامل فيه الخير الحمد لله بعدا من لقيتي ديك المرأة في طريق عاوناتك و عملية عل حسابهم
سناء"" سمعت بلي سكنات في فيرما في مرة من تخرج مي و نمشي نشكرها عمررني ننسا خيرهم فيا ،
نوارة"" ان شاء الله. حبيبتي كولشي يفوت " (رجعات شعرها ورا ودنيها خجلانة تنطق اسمه ) نقول لنوح يجيبني نشوف خالتي
سناء"" اي هاي على نوح كي خارجة من فمك اختي بسيف مايذوب فيك هههههه طريقة باش نطقتيها بزااااف ههههه
بقاو مجمعات واخدين راحتهم فشو قلبهم عل بعضياتهم كيف ديما ضحكو شوية و بكاو شوية وصل وقتها تمشي توادعو و مشات بقات نوارة في دار لوحدها مرة مرة تيطمئن عليها بميساج متكية في سيجور مغطية حاطة راسها براحة و عينها عل تلفزيون تتفرج في مسلسل تاتسمعت تلفون تبصوني في ساع جاوبت من شافت اسمه
نوارة"( قلبها تيضرب بجههههد نطقت بصوت خجول) الوو
نوح"( متكي بضهره على فوطوي لابس غي سروال سيرفيت وفوق عريان و سيجارة في فمه ) مسالخير
نوارة""( شادة على قلبها من صوته ) مساء النور
نوح"" (رجع راسه لور و بخ من فمه دخان ونطق ببحة منخوية) اش مزال مفيقك
نوارة""( حسات بصوته كي ساقعة عل قلبها حسات بالبرودة في داتها دورت عينها عل اطراف تتبان ليها الدار خاوية نطق بعبس) تااا، مافياش النعاس
نوح""( هز راسه فوق و بخ من فمه مطاااول مخلي عينيه تتغمض نطق متقل) صوتك ( نتر وكمل) مالو
نوارة"( غمضت عينيها حيث عارفة راسها كاذبة عليه) ما مالي والو غي هرب لي نعاس وصافي
نوح"" ( حاس بيها تالفة) متأكدة هادشي لي كاين
نوارة"" ( تتحرك راسها بنفي حابسة بكية) اه
نوح""( عاود سولها بصوته تقييل )صوتك مالو انوارة
نوارة"( غي عاود سولها و هي تبدا تبكي و تمسح دغيا هوما ينزلو و هي تمسح نطقت بصوت حابس دمعة) ووالو
نوح""( تكعد طفى سجارته عل طفاية جالس محني مرفقه عل ركابيه نطق بصوت نازل) تتبكي
نوارة""( تتحبس بزز تبسمت و دموع تيسبقوها) لا علاش نبكي مابيا والو غي كون هاني
نوح""( عصر جبهته بطرف صبعانه ) نهنى يلا ريحتي عينك
نوارة""( مسحت دموعها ) امتى ترجع
نوح"" ( عض على فكه تيحك على جبينه ) معرفتش بالضبط، يلا تعطلت سيمانة
نوارة"" ( نطقت بزربة بغفلة منها) بزاااف
نوح""(كلمتها خلاته يبتاسم عض عل شفتيه تحتيه و نطق ) يمكن نزيد نتعطل شوية هنا
حلات عينيها على جهدهم عاد وعات براسها اش قالت حناكها تزنكو عضت على شنوفتها تحتية بجههد كأنها تتلعن فيهم اش خرجو تاسمعت صوته تاني متقل خلى بروودة تطلع مع داتها وتزيد تخلطها مع سخونية و صهدة لي فيها
نوح""( بصوت منخوي ) ماشي بيدي نتعطل على مرتي
سقلات من كلامه تاني تتلولب في عينيها تبسم عرف ملامحها خجلت تاني رمى تقل ضهره على ضهر فوطوي و نطق بهدوء
نوح"" جات صحبتك
نوارة""( تبسمت) اه جات تغدات معايا و مشات
نوح"" مزيان الاله ( سكت التواني و نطق) مرتاحة
نوارة""( نزلت عينيها باسف مرتاحة اه لكن بوحدها في دار جاتها قاصحة شوية و هي اصلا باقة مامولفاش ) الحمد لله بلاما تشطن راسك معايا
نوح""( عض على فكه و نطق بتقالة) ماتخليش بالي معاك بشطنة رتاحي و رخفي ليا نفسك
نوارة""( قلبها تيضرب بجههههد على كلامو نطقت بخجل) و واخة
تبسم و خلى روحه متبعها حتى حس بيها رتاحت مابقاتش مزيرة عليه و مقلقة ، في لحضة مابقاتش تتجاوب عرفها نعسات عاد قطع معاها و ناض نعس تاهو في بلاصته
____
هاكة دازت 6 ايام و هو غايب عليها مرة على مرة تيهضر معاها مكالمة او غب ميساجات و كتطمئن تا على مليكة لي دوزت عملية على خير و خرجات من الكلينيك و مشاو لدوارهم نوارة تتحس بالقنط بدا يسالي معاها واخة في كل مرة يكون عنده وقت يهضر معاها الا وهي حسات بروحها باغة تشوفه و تحس بطيفه قدامها تدوز كي نهارها كي ليلها حاجة لي تتخرجهها من باب هي محيبقات الورود الضل لي في جناب باب الدار تتخرج تسقيهم و تدخل
وصلات العشية لوقيتة لي تتخرج تسقيهم حلات لباب وتحنات تتسقي و تتنقي في ورق لي طايح و شعرها مغطي وجهها حسات برجلين وراها هزات عينها بزربة من شافت وجهه غريب و هي تنوض بغات تدخل في حالها وحبسها بكلامه
سلمان"" ( منزل عينه و يطلعها) فين داخلة
نوارة "" ( مستغربة) كيفاش شكون نت و شنو دخلك فيا!
سلمان"" ( قرب شوية عندها تيطلع و ينزل فيها ) خويا تيعرف يختار ( بغى يقيس شعرها و بعدت و خوف بدا يسرا معاها) كيعرف اش تيدخل لداره
نوارة""( رمات خطوات لور داخلة و بغاات تسد لباب و هو يدير رجليه وسطو حابسو ) سير اخويا بحالك عفاك
تخطاها ودخل ماداهاش فيها دفعها من دراعها مخرجها و سد وراها لباب ممخليها حتى تهضر و لا دافع عل راسها عيات تدق و لا تصوني مكاين تارد جمعت يديها تتفرك فيهم و تدور راسها بحشمة و الحكرة لي حساتها فديك لحضة فشلتها ودموعها نازليين حسات بخنقة في صدرها مشات جلسات في دروج مكمشة في قنيت جامعة رجليها ناضت هكاك بالحفى نزلات بخطوات حشمانة لقات كونسياج جالس في كرسي مخدم راديو تيتصنت تا شافها ووقف
حسن"" بنتي مالكي
نوارة"" ( هضرتها حشمانة ومنزلة راسها الارض ) تسد عليا لباب مانلقاش عندك ساروت
حسن" لا ابنتي نهار لي دخلتي ليها حيدو لي الشاف
حسن"" ( ناض هز واحد صندالة للوضوء حطها قدامها و كبوط دياله )خودي ابنتي هادي و ريحي هنا انا نجي
شافته خرج و ريحت في الدروج تتبكي و تنخصص حسات براسها تالفة نزلات راسها تتفكر في هاد وحلة لي طاحت فيها كي دير تقولها ليه حتى تليفونها بقى لداخل بقات تتخمم و تبكي حتى سمعات صوت المرأة جنبها هزات راسها فيها
بنتي يلا تمشي معايا لدار انا مرات عمك الحسن ما عندك مناش تخافي
نوارة"" ( ناضت منزلة عينها بحشمة) نتسناه هنا ماعليش
"" لا ابنتي حشومة خيره كبير علينا ونتي مراته ماشي وحدة برانية ( شدتها بحنية موقفاها)نوضي عفى بنيتي نوضي
حسن"" ابنيتي تلفون مشغول ولا ماعرت كيفاش ( باطمئنان )نبقى نعيط تايجاوب غي سيري رتاحي مع خالتك عيشة
حركت راسها بايجاب تمشات معاها وشافت بلي لهوما تمشي معاها ولا تبقى جالسة و هي في ديك الحالة لباسها قصير و بالحفى مشات معاها لدارها لي كانت مابعيداش بزاف دخلت لدار وقفت تاتبسمت ليها عايشة و دخلتها أصالة صغيرة و حركت ليها راسها باش تجلس و مشات للكوزينة، جلست تتفرك في يديها و عينيها ماحبسينش من دموع
عيشة" ( جابت ليها ماء و سكر) شربي ابنتي اتسخفي ماوقع والو اي واحد تيوقع ليه هاكة
نوارة"" ( تبسمت بخجل و حكرة) بصح غي حيث ماعرفاش و جديدة ماا
عيشة"" (تبسمت) ماشي موشكيل ابنتي تا هنا داركم حسبي بحالا في داركم واخة عل قد الحال
نوارة"" ( تبسمت و هي ربي لي عالم بيها موقف ذاحت فيه مكانت ليها في بال تتفكر كيفاش تقوله و دافع عل راسها و هو اصلا ماعرفهاش مرات خوه ولا في خباره تزوج اصلا نزلات دميعة مسحاتها و عينها في الارض ) ماتقوليش هاكة اخالتي سمحليا وصافي
عايشة""" مرحبااااا بيك رتاحي غي يجاوب سي نوح و يخبرو عمك الحسن ماتشطنيش راسك
نوارة"" تلفت والله تاتلفوني بقى لداخل
عايشة"" صافي ماوقع والو ابنتي راكي ماشي في زنقة تبقاي هنا تايوصل راجلك على خير و تيسري لدارك
ليل طاح و الظلام علم بغمامو جاي في سيارة مع نصير راجعين من سفرتهم و عينه حمروو بالشطنة تلفون قدام عينه هادي اكتر من ستين مرة و هو يصوني ولا مجيب تيحس بنواضرو غادين يخرجو من كترة خبيط
نصير"" ( بهدنة) تهدن اصحبي تكون ماسمعاتوش
نوح"" مايمكنش من امتى و انا تنصوني، شي حاجة تما ( عاود اتصال ولكن لا مجيب قلبه زاد تزير وزفر بضييق ) اااف
نصير"( شاف اعصابو ماتتحملش واعارفو من تتطلع ليه لون عينه تيتبدلو ) قربتي لدار و تعرف ديك ساعة غي بشوية عليك
مجاوبوش و ديك طريق تتجيه طويييلة و ضيقة كي قلبو 'عينو عل تلفون و سيجارته في فمه تينتر بجههد و يبخ وبقى عل ديك حال وغي ماتتزيد الوقت، وهو تيزيد يضيق صدرو،
حبس نصير بسيارته قدام العمارة و خرج ديك ساعة و تم دخل و عاد كونسياج رد له بال يلا يعيط لقاه طلع بزربة درجة يطلعها و ربعة يخطويهم وصل حل لباب عينه مستفسرة و قلبه اكتر مشا لبيتها هو لول و كوزينة مالقاهاش مشا لبيتو فتحو و حواجبو تݣرنو و غوباشتو زادت على حدها عرفو غا من نعستو تمشى بخطواتو ووقف عد راسو لي كان ملاوح عل كرشو بصباطو و داير خدية عل راسو
نوح""( حيد ليه خدية و شده من قرفادته موقفه قدامه جايبه عند عيينه و كلامه متقطع ) فيين هي
سلمان"( بآلم) اطلقني اخويا ر راه
نوح""( شده من عنقه مزير عليه و زدحه مع الحيط بجههد تا حس براسو ايتشق عينه زادو احمرار على احمرار و عقلو غ يطيرر ) شنو درتي ليها الق***
سلمان""( تيحس بكلام هرب ليه و حلقه ضاق من كترة زيار عليها)
نوح""( غي مازاد زير) قستيها الق******د
سلمان"" ( عينه خرجو و تيحرك راسه ببطئ)
نوح""( زاد طلع ليه راسه بيد و يد لاخرى لواها ليه وراه) حطيتي عليها يديك
سلمان"" ( صافي حس بداته تتودعو حرك راسه و عينه نازلين منهم دموع بكترة زيار )
نوح"" ( رخف عليه عرفو وصل للنهاية تحمله طلقو و نزل عليه بكف يديه عل فمه حتى طوش دمه بالغوات) قلت لز**بوك فين هي
سلمان"" (طاح عل ركبيه تيرجع نفسه حس بالقلب غادي يحبس و تنفس صعااااب عليه ) ماع ر ف تش
نوح""( عاود هزه من كوله و عينه وسط عينه) عارف ***ي ما تنبغيش نعاود هضرتي فين هي؟؟ اش درتي ليها ؟؟
سلمان""( هز راسو بشوييية و عينيه تينزلو دموع شلااال واخة يديه تحيدت ولكن مزال حاس براسو تيتقج) م ع رف اش اصحبي
نوح"""( تحنى قفااازي و عينيه تقول غا العافية وسطهم شدو من كوول جاكيط لي لابس وجرو تا لقدام وجهو ونطق بنبرة قااااصحة ) توقع ليها شي حاجة حق رب المعبوووود دددممك نشربو ليك
داه و جابو تاتلاح تحت رجليه ناض من جنبو باغي يخرج فحالو تا سمع صونيت لباب مشى بخطوات حل باب و بان ليه قدامه الحسن
الحسن" ولدي
نوح"( عينه ماكتبشرش بالخير) ش كاين
الحسن"" ( حس بيه بغى يطمئن نطق بشوية) غي هني بالك اولدي مراتك مع مك عيشة في دار اجي معايا
نوح""( حس بروح رجعت ليه زفر برااحة و نعت بعينه ونبرة صوتو قاصحة ) نزل نتا انا جاي
مشى الحسن و هو دخل نيشان شدو من دراعه موقفه مخرجو من بيت سلمان حاس بركابيه ماهزينوش و حلقه ايطير مافهم تاحاجة ولكن بالو غي مع الوجع و زيار لي في حلقو نوح جارو مخرجو من باب منزلو من دروج مكركبو ماشي مهبطو غي وصل بمقدمة ديال دروج و لاحو تاجا جالس على اخر درجة تيمسح على فمو
نوح"" ( جبد تلفونو و دوز الخط و عينيه غي على سلمان كون يصيبو يقطع ليه صباعو سمع الخط تفتح و نطق) رجع تلقى شي حاجة في باب ديها معاك
قطع عليه تلفون و طلع تاني بدوك خطوات دخل لبيت ديريكت هز ليه شكارته و تلفونه ونزل عندو لاحهم عليه حدا رجليه
نوح""( تحنى براسه عنده) تنعيا ماندير في الخواطر ولكن سم يقتل يقتل
تخطااه و نزل من دوك درجات لقى الحسن تيتسناه براا قرب عندو و توجه معاه لدارو تيحس بعروق نوااااضرو غادين يتفرعو حس بذنب و الغلط ديالو انه ماعلمش بهاد موضوع، لكن ل ضرو هو كيفاش تحݣرت و خرجت من دارها هادشي لي مخليه تيحس بسيوووف تيدخلو لداتو و يخرجو بطعنااات تقيييلة
____
جالسة فوق سداري مكمشة بداتها لعندها ومتكية براسها بجنب و ساهية تتخمم في حالتها تا دخلت عليها عيشة و جلست جنبها حطت يديها على دراعها
عيشة "" ( في يديها بينوار وصابو) هاكي لبسي عليك ابنتي و اجي معايا
نوارة"" فين اخالتي نمشي في هاد ليل
عيشة""( ابتسمت باطمئنان) ماتخافيش غي اجي معايا ابنتي
ناضت رمات عليها داك بينوار و لبساات الصابو في رجيلاتها و رمات بخطواتها وراها خرجات من صالون مكمشة بيديها على للبنوار منزلة راسها خرجت للمرح و شمات عطره وسط داك الدار هزات عينها بالخف تا بان ليها واقف بهيبتو ويديه في جيابو عينه مفيكسية ماتيرمشوش من عليها تيشوووف تيطلللع و ينزززل شوفاتو خلاو مصارنها يتحركو من كرشها خلعها و دهشرها بالمعقول بقى تيشوووف مدة تاحست بركابيها تيخويو بيها عاد طلع لعينيهاااا شاف عيينيها و طريقة كيفاش تتشوف فيه خلات صدرو يتكرز عليه تتشوف فيه بطريقة محگورة و مغبووونة بلا قيااس حابسة دمعتها على طرف جفونها و عاد ملامحها طاافية و جفون العين منفوخين و حمرين جبد يديه من جيبو بشوية و رماها ليها باش تجي عندو
ماقدرتش تحبس دموعها من مد يديه ليها كأنه تيقول ليها انا معاك قربات بخطوات بطيئة حطات يديها وسط يديه و جرها لجنبه منزل عينيه لعينيها تيفحص فيها و عاود شاف في عيشة نزل راسه و طلعو تيشكرها و جرها و هو ماتيشوفش فيها ماعاودتش حط عينيه فيها و لا نطق شي كلمة هو قدامها و هي وراه بخطوات مزروبة بحكم خطواتو هو كبار و عراض حاضية ملامحه بجنب ، قلبها طايب و كمل عليها بشوفتو هاكة عرفاته معصب غا من عينيه طريقها معاه كانت كلها اسئلة واستفسارات غي طلع فتح لباب و يديه مازال قابطة عليه دخل و دخلها و دفع لباب برجليه بجههههد تزدح واقفزت قدامو
نوح""( نزل عينيه لداك بينوار جر ليه حزام بالخف عينيه غي اش كانت لابسة قبل كيفاش شافها خوه و كيفاش نضرته كانت ليها شاف ديك بيجامة معزولة و و على جسمها بالاخص ليهونش و صدرها قرب لدراعها جرها تاجات قدامو وعاود تزدحت مع الحيط قرب بخطوات تامابقى تيفصل بيناتهم واالو شد فكها مطلع راسها لفوق ناطق تحت سنانه ) حليتي لباب واخة قلت ليك ماتحلي تالقواد
نوارة""( عارفة راسها دارت غلط نطقت بتبرير غمضت عينها بآلم ودميعات نازلين عل خدها) ياريت كون ماخرجت
نوح"( زاد زير عليها سمع ديك كلمة مكبزز عل سنيه) قال ليك هاد الق***** ي لي معاك ماتعتبش رجلك برا لباب قلتها ولا لا
نوارة""( حست بفكها ايطير دموعها نازلين كيف شتاء ناطقة بالم) نوووح طلقني قصحتيني حشووومة عليك
نوح'"( عيونه معمية فكرة خرجات من دارها محݣورة تدݣ فيه و تعاود نطق الحروف مزيررر عليهم ) عارفة خرجتك كي كانت
نوارة""( حطاات يديها عل يديه تتحاول تجرهم حيث وصلت للحد تحمل مابقات قادرة تصبر لكن بدون جدوى بقات تضرب في يديه و وجها و تتهضر بالغوات) طلق مني انا مادرت والو خرجت تنسقي غي داك الورد ووقف عليا ماعرفتوش ماعرفتوش طلق مني
نوح""( عينه جمر تيدورو عليها بشوية زاد طلع راسها حتى حبست من ضرب و نطق ) قاسك
نوارة"" ( تتحرك راسها بنفي ) الصمت
نوح""( مازال عل حالته) يديه تحطات عليك
نوارة""( حركت راسها بنفي و دموعها طايحن عل يديه ) الصمت
بقى تيشوووف و يتنفس بزررربة داك الصدر تيتهز و يتحط احاسيس مخلطة عليه عينيه غي شرار العافية وسطهم ،شي حاجة في صدرو تتحرقو ماقدرش يدخل فكرة لمخو تخرج بديك طريقة من دارها و من عند من ،من خووه يتطاول عليها عارف بلي الغلط ديالو ماشي ديالها هو كإحتياط كان تيقوليها ماتخرجيش باش ما يقرب منها و مايئاديها مايقلل منها حد باغي كلشي بوقتو لكن ماضربش الحساب اخوه يقدر يزعم تالهاد درجة بقى تيشوووف ملامحها و هي تتبكي قدامو مغمضة عينيها بألم لي في فكها عاد رخف يديه من عليها تاشاف صباعو مطراسين عليها حمرييين و بشرتها من نوع لي دغيا تتبان فيه بقى تيشوف تا طلعت عينيها لعينيه بتدمر من شوفتو خلعها و خوفها حطات يديها على صدرو بغات تدفعوو لكن كان سابقها شاد يديها بيد وحدة و مزال على صدرو و اليد الثانية طلعات تحت جفونها بحنية تيمسح ليها ببطئ شديد بكف صباعو
نوح""( نطق بصوت نازل عكس براكين لي شاعلة) النار تتݣدي فيا ݣديان انوارة
مبعدة وجهاا لجهة لاخرى عاود دورها لعندو مقرب وجهه ليها اكثر) شنو مكانش عندك لسان لي تهضري بيه تدافعي على راسك
نوراة"(غمضات عينها بداك القرب لي كان بيناتهم تتنفس بصعوبة تتهضر و تنخصيصة غالباها ) مخلاش ل لي فرصة
نوح"" ( بصوت لين) حتى لامتى هاد الفرص ماتيكونوش ليك انوارة تا لهاد درجة تضعفي امم
نوارة""" ( صوت مجروح و منخفض تشوف في عينيه ) نووح اي واحد اينويها في شكل لي عارفني مراتك غي عائلتي و ناس لي ساكنين هنا عائلتك لااا
نوح""( عينيه مفيكسية وسط عينيها نطق) هضرتك صحيحة ،انا لي عارف علاش وماشي من حق الز**بوه يدير لي بغى(لين صوتو) مرتي و تتهميني نتي من هادشي كامل لهلا يشهر ط*** مو هاد زواج عندهم ولا يعرفووه كاع ، ( بحدة)رااك مرتي و هاد ضعف لي فيك مالايقش انوارة مالايقش
نوارة""( تتشوف فيه بعينيها حمرين بلبكى كلامو لالخر عرفاتو صحيح مئة بالمية حتى يفوت الفوت عاد تتستوعب شافت وسط عينيه ديريكت ونطقت و صوتها يقطع في القلب ) يمكن انا نبقى ديما هاكة و
نوح""( مقاطعها و عينه عل ملامحها لي محمرة و دموع مطراسين على خدودها نطق بشوية) ششششش شو في فيا ( شافها غمضتهم مخلية دموع ينزلو براحتهم هز بيديه مدوز كف صباعه جنب حاجبها ناطق بشوية) حلي عينك
نوارة"" ( صوته و طريقتو في كلام تتخليها تتهز و تصنت بلا هواها وكمل عليها لداك قرب لي قريب منها انفاسو تضرب فيها حلات عينها بشوية و دموع مسردين شفيراتها) الصمت
نوح""( دوز صبعه ماسح تحت جفونها بحنية مقرب وجه لعندها و يد لاخرى نزلات لخسرها جرها لعنده تاتلاصقت مع جسمه العريض عيونه منغمة بشوفتها و لي بدات ترجع في لونها طبيعي قرب بشفايفه لعينها بحنية ونطق ومزال عليها) سمحي ليا على غبينتك
نوارة"( حسات بشفايفه كي جمر محطوطة عل عينها حسات بقلبها نبضاته غير منتضمة مخربقة سريعة و بطيئة في نفس لوقت داتها بردانة و سخونة احاسيسها مامعروفينش فقط نيفها مستنشق ريحته ممزوجة بين كارو و بارفان تدخل ليها مع العروق حسات بشفايفه سخوونة نازلين ببطئ كتيير جهة خدها غمضات عينها مزيرة عليهم و طلعات بيديها لصدره دفعاتو و نطقت بخفوت خلاته يفيق من تخضيرها ) ماتقسنيش مرة اخرى
قالت كلامها و مشات تتجري دخلت و سدت عليها مخلياه مغمض عينه كأنه كيصبر راسه و يلعن روحه علاش تجرأ و قرب منها وهي علماته انه يعطيها وقت مشا بخطواته لبيت وبانت ليه ديك خدية و فراشه لاحهم بعصبية من تفكر سلمان و معاملته ليها ريح على سريره حاط راسه على جبين تيعصر فيهم بجهههد مغمض عينيه و صورتها قدامه تتقتلو و كلامها لاخر كيتردد في مسامعه، كلامه او يديه تيمشيو ليها بدون وعي منه حس براسو باغي يشوفها كان تيساين لقائه معاها يكون غير هادا فيقه من سهوته تلفونه تيصوني جبده من جيبو و جاوب
نوح"" شدرتي
نصير" معايا في دار حالتو حالة اصحبي
نوح"" خليه معاك تا نجي
قطع معاه و ناض خرج من بيته من مابانتش ليه مشى بخطوات لبابها هز يديه ايدق و تراجع في اخر لحضة مشا خرج لعند نصير
اما هي من دخلات لبيتها و هي مغمضة عينها و تتحاول تنفس براحة ولكن مقدراتش حسات براسها مقلقة ولكن ماشي من لي وقع من انه غوت عليها و قصحها كأنه ولفها حنيتو عليها و جاتها غريبة انه يغوت و يتنيرڤا عليها حلات عينها ومشات مرايا مقابلة عينيها هزات يديها حطاتهم عليها كأنها تتحس مكان شفايفه حلات عينها و ديك سخونية لي خرجات من شفايفه مزال تتحس بيهم اما ريحته مزال لاصقة فيها و في نيفها غا هي تمشات جنب السرير و جلست بنرفزة
عند نصير لي جالس فوق كرسي و محني عندو حاط مرافقه على ركبيه و سلمان قبالتو جالس في الارض و متكي راسه عل حيط شاد على عنقه بتحسس
نصير"" تتقلب عل شر ***ك ولا كيفاش اش جابك لهنا
سلمان"( صوته ماشي تينطق بصعوبة) عندنا سطاج و قلت نشوفو
نصير""( حرك راسو مصغر عينيه) تشوفو!!
سلمان""( هز راسه لعندو و شاف فيه بعينين حمرييين ) عرفتي اخر مرة كليتها من عندو امتى
نصير"" كون علمتيه مكانش يدير لك هاد *****وي كاملة
سلمان" شكون هاديي لي دار لي هاد حالة بسببها
نصير'''(سمع دقان ) ها هو لي يجاوبك
مشا حل باب و دخل بخطوات بطيئة وكارو وسط صباعه و يد لاخرى في جيب قرب تا لقدامو و تحنى قفازي مطول شوفتو الحادة علييه تانطق بخشوونة
نوح"" نجاوبك انا !!!!
سلمان""( جلس مقاد منزل عينه من كترة خوفه منه) اسمحلي اخويا
نوح"" ( ناض جلس قبالته على ضهر فوطوي مفرق رجليه بأريحية نطق بحدة) اش جابك لعندي
سلمان"" سطاج اخويا
نوح"" مولف تتعلمني اش طرا هاد مرة ( تكى بمرافقه عل ركبيه تيخرج دخان من فمه) شمن حق تجي لداري و تصرف فيها كي بغيتي ، (كرز على سنانو )مخرج لي مرتي من دار مجري عليها ومتكي في فراشي
سلمان" ( صدمته) مراتك
نوح"" شنو تيسحب ليك نجيب ق****بة للداري و فراشي
سلمان"" ( بتبرير )خويا باش عرفت مراتك ولا تزوجتي اصلا ماقلتيش لينا
نوح"" هاهي في فخبارك صباح مانلقاش روايدك تيضورو في كازا( خنزر فيه) ولا بلبوزة عينك نجبدها
سلمان"" واخة اخويا لي بغيتي وو
نوح"" موضوع زواج مايخرجش من حلقك ولا نجبدو ليك
سلمان"" الله ياخويا انا باقي نعاود ( تيحسس ) اح يا ربي كنت نموت
نصير" ( قرب مد يديه ليه باش ينوضو ) نتا لي قلبتي عليها
سلمان"" ( شد منو وناض وقف ) اناااااا، جيت نطل يقطع طلي
نوح"" ( جبد دوا من جيب جاكيط و لاحها ليه ) شرب هاد الق**ي
سلمان""( تحنى هزها من تحت رجليه ) تتشرب ولا تتسرط
نوح"" ( ناض مقرب لطبلة طفى كارو في طفية و هز عينه فيه) نجي نطلعها مع ***ك
نصير""( مخاطب نوح) اخويا سير بحالك من ولينا في تطلاع
نوح" ( دار مقرب عندو و عينه عليه جبد من جيبه فلوس لاحهم ليه فوق طبلة ) صباح روول ( زاد خنزر فيه موضح كلامو) وهضرتي دخلات ك***ك !!
سلمان "" ( حرك راسو بايجاب) كون هاني اخويا دخلات دخلات ( نزل راسو) سمحليا الله يحن عليك مبروك زواجك
مجاوبوش حدو شاف فيه و تخطاه متوجه لباب خارج في حالو تسمع لباب تزدح و هو يجلس شاد على عنقو و شاف في نصير
سلمان"" غا قوليا كي درتي تاتصاحبتي معاه
نصير"" ( تكى بضهره على الحيط قصير مفرق رجليه و يديه مربعة ) لا مرضتي يمرض كتر منك، وتݣعد تنعس قبل ما نكمل على الزا*** بوك
سلمان"" نشرب هاد الق**** على جوع
نصير"" ( نعت بعينيه لكوزينة) تتعرفها نوض وجد لمخك شي حاجة و دوز تنعس ( متوجه لبيت) راسي مفروووع عليا از***
سلمان""" آش جاب ديلمي كون راني راݣد في بلاصتي ( تحسس قرجوطتو) احح صحة سلام
نصير"" ( دار عندو هز صبعه بتقالة و نطق بتحدير ) باش مرة جايا تفكر قبل ماتقلب على شر ك**ك تكعد تحنجر
خرج من عندهم عقله و باله كيفاش تعاملها معاه و كيفاش تعامل معاها هو تعماو ليه العينين عارف راسو قصح معاها هو براسو ماوعاش بروحو اش تيدير خرج لباركينغ و طلع لسيارته و كسيرا متوجه لداره دازت ديك دقائق لي بناتهم كلها كيفاش يتصرف معاها وصل و تم طالع بخطوات بطيئة حل لباب شقتو و جات عينه ديريكت عليها داخلة لكوزينة ببجامتها و فوطة على شعرها سد لباب و تمشى بخطواته تقيلة اتجاهها وصل لباب كوزينة و تلاقاها خارجة مدورة راسها عليه
نزل راسه لعندها شافها بغات تفوته و كحز قدامها عاودت مشات جهة لاخرى و مشا قدامها تاني عينه عل ملامح وجهاا وقفات بنرفزة و هزات عينيها خنزرت فيه
نوارة"" ( بزعاف ) حيد من طريقي
نوح""( دار يديه عل لباب حابسها نطق بشوية) نهضرو
نوارة"" (خشات راسها من تحت يديه بغاات تفوتو حسات بيديه نزلت لدراعها ورجعها قدام عينيه) طلق مني قلت ليك ماتقسنيش
نوح""( تيطلع عينه وينزلها براحة بشويية عليه) مانقدش
نوارة""( هزات عينها فيه بعتاب ) غوتي عليا ،و حطيتي عليا يديك، مقصحني، و دابة جاي تتقولي نهضرو بعد مني ( بغات تمشي و عاود رجعها قدامها ببطئ نطقاات مخرجة عينها) شنوو بغيتي بعد عليا
نوح""( مخليها تعاتبه و تغوت عليه و هو عاجبه وضعه معاها عرفها مقلقة عليه و ماشي منه ) طلبت سماحة منك و مابغيتيش شنو بغيتي ندير
نوارة"" تيساع بعد مني تفرق عليا او ماتتفهمش
نوح"" هادي ماتمكنش ( نزل بيديه بشوية شد يديها و هزها قبالتها حاط صبعه عل خاتم ونطق مقرب ليها ) كاين شي حاجة بيناتنا
نوارة""( شافت فيه و دورت عينها ميقات فيه بشكل خلاته عيونه يبتاسمو ) ايه فهمتك يعني جامعنا غي هاد سلك و
نوح""( هز يديه بغى يحطها عل غرتها ) و شنو
كحزت ودفعاته بغات تبعدو عليها شاافتو بعد تاهو دغيا و معجبها حال تمشات وعاودت وقفت دايرة عنده بنرفزة شافت فيه و عاودت مشات دخلات خلاتو متبع ليها العين مخرج طرف لسانه لشفته فوقية حابس ابتسامته على منضرها و كي تتغنج عليه
خلاها و رخف عليها مخليها عل خاطرها مشا دخل لبيته و هي دخلات لبيتها و كتسنى منه شي مبادرة او ميساج ووالو تكات في بلاصتها مكمشة حابسة بكية احاسيسها مخربقين تتقوله يبعد منها و نفس لوقت باغاه يهضر معاها بانت ليها غي سناء مشات تتهضر معاها ابيل فيديو
سناء'""( مخشية في بلاصتها مكمشة مخرجة غي راسها من مانطة ) بااااااسك ووو
نوارة"" من هادشي كامل شديتي غي بوسة راه ماباسنيش غي عيني
سناء"" نوووو مايمكنش شحال حنين و ديك بوسة العين شحال حنينة اححح
نوارة"" خريتي لا
سناء"" شوفي تنبان ليك مزيان ( هزات يدها صبعت ليها) خوديه يصلح ليك
نوارة"" مالكي دابة عل هاد شي
سناء"" حيث مريضة في ك*** سيد طلب منك سماحة ونتي تتنفخي عليه وش بغيتي يدير راه تعمى عادي يكون داك تصرف باش يرجع لدارو ويلقى هاد فلم كامل راك مرتو الخرا مرتووو
نوارة"" ( هزت كتافها ) حسيت بيه مابغينيش غي تزوجني هكاك علاش مايقولش ليهم راني مزوج
سناء""" ياك قلتي قالك انا لي عارف علاش وهو عارف امتى و لا كيفاش يتصرف راكي مرتو بشرع و القانون ، لا جيتي تشوفي خوه راه ماشي من حقو يتصرف هكاك ولو تكوني ماشي مرتو تاهو هاتر واقيلة
نوارة""" ولكن راه ماعارفش
سناء "" نسيبي عارف راسو اش تيدير سيري رخفي نفسك و خليه هو يتصرف في موضوع ( بالغوات) ورااااه عندو الحق الكلبة مالكي تضعفي قدام بنادم دافعي على راسك
نوارة"" باراكة عليا يرحم باك اختي راه غوت عليا و قصحني في فكي
سناء "" ( بقات تتشوف فيها مدة عاد نطقت) تقودي لا تي من هادشي كامل بقى فيك غا غواتو عليك ( شافتها هزات ليها كتافها فهمت سيدة طايحة بالمعقول حركت راسها بشوية و نطق ) انا راسي مفروووع نتي تتزيدي عليا بهاد خرا ديالك
نوارة"" علاش مالكي تاني
سناء"" والو غا على عرس لي في دوار من قبيلة وانا ندابز مع مليكة تتقولي نمشي
نوارة"" ( تبسمت) و سيري مالكي فوجي شوية و دردكي تحيدي الهم
سناء"" لا مابغيتش
نوارة"" نتي جالسة تخاصمي ( عطاتها صبع ) خودي هادا تانتي
سناء"" هههههه ناري طيرتيني في خبارك عمرني مشيت لشي عرس كانت تتمشي غي مليكة ا و دابة قالت بغات نمشي في بلاصتها
نوارة" سيري حب سيري
سناء"" (غمزتها مخفضة صوتها) جيني صراحة باسك غي عينيك صافي
قطعت عليها في وجهها ولاحت تلفون عاود فكرتها فيه و عبست ناضت تتسلت فتحات لباب و طلات براسها بان ليها ضو طافي و عاودت دخلات زدحت باب و مشات تخشات في بلاصتها
اول من فاقت صباح شافت تلفونها مالقات منو والو زفرات بضيق شافت لوقت عرفاته مشا لخدمة ناضت و توضات صلاة صلاتها لبسات بيجامة قصيرة بالكيطمة تتبين كريشتها شوية وسروالها جاها مزير عل طايتها خلات شعرها على خاطره فتحات باب بيتها خارجة و قفت بغفلة من بان ليها جالس في سيجور بكل اريحية ورجولة مفرق رجليه و كاس القهوة في يديه و يد لاخرى في تلفون سمع بابها تحل هز عينه فيها بشوية و نزلهم عل تلفون كأنه مشافهاش
هي شافت فيه بغرابة من شكله و كيفاش تجاهلها مشات بزربة لكوزينة تتخبط في رجليها بعصبية حابسة بكية تتوجد فطور و تيسمع غي صوت ماعن تتخبط هي وياهم لداخل متبع مع تلفون وحابس ابتسماته من شكلها بغى يدير بكلامها و يشوفها اش دير و شنو حدها جات تتحط صينية و حطاات باكيط و رغايف لي حطتها تتحط بزعاف قالبة عينها عليه و هو شووفة في تلفون و نص شوفه فيها جراات كرسي قبالته جلسات و كبات اتاي و دفعت صينية قدامه زعمة باش يهزه بلا ما تقولها ليه
نوح""( حط تلفون فوق طبلة و هز كاسه حطه قدامه تكى بضهره عل ضهر كرسي مربع يديه و عينه عليها و عل شكلها ناطق برزانة ) مكاينش صباح الخير في بلادكم
نوارة""( شافت فيه و ميقت ) تتكون في بلادك نتا
نوح""( دار يديه عل فمه حابس ابتسامته ) كاين خاص غي لمن نقولها
نوارة""( شافت ديك شوفة ديال من نيتك ) ايوا قلب لمن تقولها
نوح"( رشف من كاسه و حطه ونطق بصوت منخفض ) صباح النووور
نوارة""( هزات عينها للسقف تترد شعرها وراها بآنوثة مخبية فرحتها عليه و كيف تيهضرها ) امم صباح الخير
نوح""( منضرها هبله و هي تتفشش و تغنج عليه ) عرفتيها لمن تتقال دابة
نوارة""( نزلت راسها تتشرب كاسها و خدودها ابداو في احمرار و رموشها بزربة تيتحركو)
نوح""( نزل راسه عندها و هي تهز عينها فيه و غفلها بابتسامة مزينة شفايفه و معاها غمزة و صوته شبه مسموع) بوحدك لي تستاهليها مني
نزلات عينيها و عيات تخبي فرحتها فلتات ليها ضحكة شادة عل فمها مدورة عينها عليه
نوح""( شعل سيجارته عينه فاضحينه شوفته ليها كأنه بغى ياكلها تبسم و بخ من فمه ببطء ) سامحتيني
نوارة"" ( بغنج مهبلته) مزال شوية
نوح""( نتر سجارته و عينه معمين بشوفتها هاكة) شنو خاصني ندير
نوارة"" ( هزات عويناتها و تبسمت) بغيت نشوف خالتي مليكة
نوح""( بخ من فمه و انزعج من طلبها ) مريح هاد نهار باش نرتاح
نوارة""( هزات شفايفها بغنج ) نتا لي قلتي لي اش ندير
نوح"" ( طفى سيجارته و عينه مازاكينش منها) تتلوي لي دراعي
نوارة""( هزات عويناتها مذبلاتهم فيه و نطقت بغنج ) نووح عفاااك
نوح""( عض عل شفاه تحتية بجههد مطلع حاجبه فيها و من طريقة كفاش نطقت بإسمه نطق متعمد احرجها ) عاودي نطقيها
نوارة"" ( سمعاته اش قال ناضت تتجمع طبلة )
تتفلى عليا
نوح"" ( شد يديها جرها عنده ورفعها جابها جالسة عل طبلة متكية بيديها وراها ووقف حط يديه عل يديها بزوج و مقرب لوجها كانت زعامة منها تخلي راسها مرفوع تتحقق في ملامحو نزل عندها حط شفايفه عل خدودها مدوز لحيته مغمض عيونه مستمتع بعبيرها وصل بنيفه لشعرها و نزل لودنيها و نطق بصوت شبه مسموع) يرخاص لك قلبي و دمي
كلامه دخل مع مسامعها بحال نسمات بردانة خلى عيونها تتغمض و قربه ليها بشكل و ريحته متغلغة مع جيوبهاا انفية مخلياها ثابتة بدون حراك حسات بشفايفه نزلات تحت اذنها بشوية خلاها تعوج راسها بهرته لحيته عليها طبع قبلة دافية عليها خلاها تآوه بحلاوتها ببعد شوية شاف ملامحها و مشاو بيه شفايفه عنقها طبع قبلة بطييئة عليه
حس بتخضيرها بدا مفعولو يسرا معاه ريحتها حشمتها منه من يلوح ليها شي كليمة خلاته عقله يفكر ليها قبل مايفكر لراسه قربه منها كان فقط تسارع وتيرة ضربات قلبه بدون وعي منه تيلقى راسه مستنشق ريحتها كأنه دواء يخصه ياخده باش يرتاح عيونه مغمضة و نيفه يستنشق بثبات نازل بشوية لرقبتها طبع قبلة ثانية و بعد وجهو ولكن بعده عليها كان شبه منعدم تيشوف ملامحها بشوية و هي منزلة عينها خجلانة عاضة عل شفايفها بطريقه خلاته عقله هايج
حس براسه ماقدرش يبعد و بالنفس لوقت باغي منها هي مبادرة باش مايسبقش و يجرحها واعدها بلي يعطيها وقت منه
نوح""( حيد يدييه من على يديها و بعد شوية دوز كف صبعه عل خده حس بيه ساخن و محمر لالاقصى درجة نطق بشوية) وجدي روحك نديك تشوفي الواليدة صحبتك
نوارة"(هزات عويناتها فيه بشوية وخجل واخد منها تيتحد ليها من تيكون قريب منها نطقت و هي تتششوف فيه و تحدر راسها) واخة ولكن هي ماساكناش هنا ( قالتها بطريقة خجلانة تنطقها) ساكنة بعيد شوية في العروبية
نوح""( متبع ليها العين ) فين ما كان ماعليش نهاري نعطيه ليك
نوارة"( هزات عينه فيه وابتسامة الرضى عل ملامحها) ربي يخليك
نوح""( حط يديه على خصرها و هزها منزلها من فوق طبلة و مدورها اتجاه بيتها نطق بآمر بشوية) سيري وجدي تابعانا طريق
( في ساع ماعودتها معاه تمشات بخطواتها خلاته عينه مع كل خطوة تخطويها تتخطويها عل قلبه وديك بيجامة مفتونة وسطها خرج لسانه للشفته فوقية من شاف خسرها باين منه حط طرف صباعه عل جبهته كأنه تيرد عقله لراسه ناطق تحت نفسه ) حاكمها فيا
__
دخلات لبيتها عاضة عل شفايفها بخجل و فرحتها ماليانة قلبها مشات جبدات تريكو ابيض فيه كتابة اسود و سروال جنز نوع wide leg و حداء رياضي في الابيض طلقات شعرها دارت شوية ميكاب ركزت عل عينها عسلية خلات لونهم يبرز بطريقة حلوة و لاول مرة تحط شي حاجة في عينها مولفة تتحط ميكاب خفيف بزاف ماتيبانش هزات مونطو في يديها لونه اسود هزات صاكها و خرجات لقاته واقف مفرق رجليه بكتلته و رجولته متكي بنصف ضهره عل حيط القصير ديال صالون منزل عينه في تلفونه لبسته كانت رياضية وكويرة مزيرة عل عضلاته فاتنة كاسكيط حلات فمها فيه قربت بخطواتها بغاات تمشي لكوزينة
نوح""( استنشق عبيرها قبل شوفتها هز عينه فيها بشوية من تحت و هو طالع عجبه ستايلها مستور مجرد ما وصل لوجهها بانت تجاعيد جبهته شافها تخطاه و جرها قدامه منزل راسه لعندها ) قلت ليك اتمشي عند صاحبتك ماشي لعرس
نوارة""( بخجل) درت غي شوية
نوح"" هادشي غي شوية، بزاف ملامحك يتبدلو يمكن
نوارة" ( عبسات وجهها منزلة شفتها تحتية ) شنو فيها
نوح""( عينه تيدورو ببطئ عل ملامحها شد من دراعها و جرها عنده بلطف هز يديه و حط ابهامو عل شفايفها ناطق تحت سنانه) يفتنو بلا هاد لعجب ( دوز صبعو ماسح ليها و دوك شفايف تيترغونو عليه نطق ) اخر مرة نشوفك دايراه و معتبة للبرا
نوارة""( هازة عينها فيه مخلياه و مستمتعة بغيرته عليها ) كاع لبنات كيتزينو
نوح""( خنرز فيها صوته تهز ) كيتزينو باش يعجبو و يمدحوهم نتي اش باغة تعجبي
نوارة"" ( غمضت عينها قافزة من علو صوته )
نوح""( شافها تخلعت و نزل صوته قابط يديها منزل راسه عندها ) فاتنة بيه ولا بلا بيه ( هز يد تانية منعت لعينها) مسحي تا داكشي ( جرها شوية من شعرها تاقربها عند وجه و نطق بشوية) جمعيه
نوارة"( لاحت صاكها و مونطو في الارض خابطة برجليها بعدم رضا ناطقة بخفوت وتمات داخلة لبيت ) عيقتي يااه
تحنى بكتلته بشوية هز صاكها و مونطو و عاود تكى عل الحيط مفرق رجليه و عينه عل لباب تا بانت ليه خارجة منزلة راسها جامعة شعرها و ماسحة وجهها و عويناتها وقفات قدامه مدورة وجها عليه
نوح"( هز صاك قدامها شداته و لاح مونطو عل كتافها بحنية ناطق في ودنيها ) هاكة حلاوت شوفتك زايدة
دائما كلامه تيخليها ترضى بلا كترة ممبررات مشى جهة طبلة هز سوارته و نعت ليها براسه باش تجي خرجو و هوما قابطين يدين بعضهم و شدو الطريق الدوار من بعد ماعطاتها سناء اسم لي كان في نواحي الجديدة بالضبط دوار كيفصل بينه و بين المدينة ساعة و نص تقريبا يعني بين كازا و دوار يستغرقو 3 سوايع طريق عل اقل صايگ مرة مرة يخطف نظرة منها ماشبعش من شوفتها و هي حشمتها مغطية ملامحها شافت بلي فاتو الواليدية
نوارة"( دارت عنده صايگ مركز مع طريق و عينه عل تلفون نطقت بتساؤل) يا كما مامبينش ليك فين بضبط
نوح""( جاوبها و هو مزال مركز مع طريق و تلفون) امم ( حط تلفونه و دار عندها) عرفته مزيان هاد دوار
نوارة" اييه فايت ماشي ليه
نوح"" ( اوما براسه ) ماشي مرة ماشي زوج
نوارة""( شافت في طريق تبسمت) الصدف سبحان الله
نوح"" ( ناطق برزانة و عينه عل طريق حابس جنب واحد الحانوت و نعت بعينه لي خارج منه هاز شي ساشيات في يديه و جاي اتجاهم ) دوارهم
دورات راسها و بان ليها نصير دار جهة نوح مد ليه ساشية لي و بدوره حطها قدامها
نصير""( تحنى براسه طل عليهم و سلم عليه بيد بروجولة) فين على سلامة ( شاف في نوارة و تبسم) مرحبا بختي في دوارنا
نوارة""( ابتسامة خجلانة) الله يكبر بيك اخويا
نوح""( متكي بضهره عل كوسان شعل سيجارته و تكلم ) نجاة هنا
نصير"" ( مدور راسه لارجاء بثبات)و فين تكون دوز مدام لفيرما
نوح""( حرك راسه برزانة ) سير تانتشاوفو
نوارة فقط متبعة كلامهم عل مسامعها و عينها في تلفون تتجاوب سناء
نصير'''( مبعد بيده) يلا انا نمشي تهلى
نوح""( حرك ليه راسه و دار عندها مخرج دخان من فمه) مرتاحة
نوارة"" ( شافت فيه و تبسمت و نطقت بخفوت) بزاااف
نوح""( كيخرج دخانه من فمه و عينه معسلين بشوفتها لاح سجارته و عاود كسيرا مكمل طريقه للدوار) الصمت
نوارة"" نصير دارهم هنا
نوح"" ( مركز مع طريق) الواليدة ديالو لي ساكنة هو تيجي مرة مرة
نوارة"" اااه سبحان الله شوف الصدف كي دايرة ' فايت ماجي لهاد دوار بزاف ؟؟
نوح" ماشي بزاف مرة مرة
حركت راسها متبسمة دورت عينيها للخضورة و الجو تيحمق بقات تتشوف و تستمتع بلحضتها جبدات تلفون و بقات تتصور هو عينيه مرة في طريق مرة عليها تيشوف ديك راحة و فرحة في عينيها لي كانت باينة و زادت في راحتو
جالسة فوق واحد حجرة جنب لطريق لابسة بيجامة سخونة ورامية عليها كاب تتلعب بعصى في التراب و رادة بالها مع تلفون و جنبها عيالات تيبيعو الخير البلاد من بيض و من لبن و من حليب من اي حاجة تتنتج في عروبية
سناء""( ناطقة مع مرأة كبيرة) وامي هاشمية تي اش بقى فيك ليي خرج
هاشمية"( تجاعيد وجها باينن و يديها بعكازه و سنانها مدهبة) ايوا ابنتي غي لبلية تنجيب هاد بيضات تنبيعهم و نلقى باش نتسوق الجمعة
سناء"" ايوا الله يفرجها ( ردت بالها لسيارة من النوع اوودي السوداء تتبري وقفت جنب الطريق بالاخص قدام رجليهم دلالة يشري من عندها ) تكلمي الهاشمية
الهاشمية"" مدي ليه ابنتي هاد شبيكة البيض يعطيك الرضاء
ناضت بلا عجز منها مع ابتسامتها انها تعاونها مشات بخطواتها دارت من جهة الثانية و تتسنى زاج يتفتح منزلة تتقاد فديك شبيكة تاسمعت زاج نزل بالكامل هي تهز عينيها بشوية في ملامحه ديريكت للتواني و هي تحقق هز يديه حيد نضارته و هنا توضحات صورته قدام عينيها و لما لا دوك عينين قدامهم تفرشت ديك فرشة الحارة صغرت عينيها او كشمت حواجبها بطريقة خلاته يبتاسم
نصير""( نطق بهدوء مخلي عينيه على عينيها عسلية) السلام عليكم
سناء""( اكتفت تحرك راسها للتواني عاد نطقت) وعليكم السلام ( مدت ليه شبيكة ليديه تاسمعت كلام هاشمية تتعطيها شحال كاين بضبط من بيضة نطقت برزانة) سمعتيها ؟؟
نصير""( شد من عندها ديك شبيكة و هي ترجع لور دغيا نطق ) سمعت سمعت
نزلت عينيها ماقدرتش تطول شوفة في عينيه وزادت كملت عليها الشمس بينت و برزت لونهم بشكل فتان دورت راسها تتلف شوفاتها تاحست بيديه مدودوة بالخلاص 200 درهم شدتها و عاودت شافت فيه
سناء"" الصرف منين تجيبه ليك هي تتضحك على راسك
نصير""( دور عينه لعينيها و نطق مبتاسم) بنت الدوار نتي
سناء"" بحالا بغيتي تجمع معايا
نصير"" عمرني شفتك هنا
سناء"" ايه بنت دوار و تسنى نرجع ليك صرفك
نصير""( مقاطعها) لا خليه ليها راه هي عارفة
سناء" اممم ( شافته حاضيها و حركت راسها بمعنى ) ياك لاباس
نصير"" كي بقات جرحتك
سناء""( ردت شعرها وراها وزادت مغطية بداك لكاب او مخشية فيه ) عادي
نصير""( عيينه متبعين شعرها مجعد تيطيره ريح بشوية ) مالقيتي تامشكيلة وراها
سناء"" لا
نصير""( حرك راسه بتقالة و نطق) شكرا الدكالية
تبسم ليها و كسيرا مخليها حاضية سيارته السوداء و شادة بيديها الكاب و تتستوعب هاد كلمة مشات عند الهاشمية مدت ليها فلوس و حطات يديها على دراعها منوضتها
سناء"" سيري دخلي محالك الهاشمية
الهاشمية""( باست نقدها و تكلمت) الله يرضي عليك و يرضي عليه تاهو دييما مهلي فيا صراحة
سناء""( عنيها مستفسرة ) كيفاش عمرني شفتو في دوار
الهاشمية"" تيجي قليل ابنتي ولكن هاد ليامات ولا تيجي ، راه غا هو لي عند مو
سناء"" ( حركت راسها ) تي ناس الدوار كولهم معروفين شكون هي مو
الهاشمية "" ولد كونونوليل الله يرحمو
سناء "" ( ضحكت شادة على دراعها) كولونيل ههههه سيري اخالتي سيري
الهاشمية""( ضحكت تابانو تجاعيد وجهها ضربت بعكازها على الارض ونطقت) هههه و موهيم فهمتيها ابنيتي
ردت بالها لسيارة رونج جاية وهي تصغر عنيها باش تشوف داخلها لاكن ماشافت والو ماتيبانوش ليها تاحبست حدا رجليها و بانت ليها صحبتها فتحات لباب و تشرعت ابتسامتها مقربة ليها
نوارة""( تلاحت معنقاها) توحشتك
سناء"" ( مبادلها عناق ) كون تشوفي انا مرحبا بيك حبيبتي في دارنا و دوارنا
نوارة "" يحفظك ليا
تحل باب سيارة و نزل منها نوح شافتو سناء و قربت بترحاب تسلم عليه
سناء"" (مدت يديها مبتسمة ) مرحبا بيك اخويا نوح
نوح""( حرك راسه بايجاب مد يديه ليها) الله يكبر بيك اختي
سناء"" ( نعتت بيديها الطريق) طريق مغيسة شوية من احسن تخلي طوموبيل هنا توحل
نوح"""( دور راسه هنا و هناا و حرك راسه) واخة ماعليش نحيدها من طريق
سناء"" ( نعتت بيديها جنب ) بلاصيها قدام ديك طاحونة مبعدة عل طريق
حرك راسو و مشى داكشي لي دار بعد سيارته بلاصها و هوما بقاو حاضينه من بعيد
سناء"" الله ياربي الله ديتي زين
نوارة""( ضربتها لكتفها) حشمي شوية
سناء"" و كذبت مباشرة مزيناتو طولة وزين و هيبته طاغية و مكفحة
نوارة" سكتي سكتي ايسمعك
قرب منهم هاز في يديه زوج صيكان قرب و هوما يتمشاو لبنات سابقينه و هو وراهم دخلو بلاصة في ساكنين كانت ارض ما كبيرة ما صغيرة وسطها دار مبنية بالطوب العادي و حداها كوارا ديال البقر و خرفاان مبنيين بالطين و الدنيا خضرة تتحل نفس وصلو بنات لباب دخلات سناء و نوارة تسناته حتى وقف جنبها حط تقدية قدام باب خرجات مليكة عندهم ابتسماتها كبيرة مرحبا بيهم
نوارة"" ( عنقتها )خالتي كي دايرة و كي بقيتي
مليكة"" ( تعنق و تبوس و تعاود ) لاباس يالحبيبة لاباس الله عل بنيتي مرحبا مرحبا زيدي دخلي ( هزات عينها في نوح و مسحت يديها بطيبة قبل ما تسلم عليه مدت يديها) مرحبا بيك اوليدي دخل دخل
نوح""( باس يديها و راسها ) الله يحفظك الواليدة كي بقيتي
مليكة"" شوية وليدي يعطيك الرضى دخل دخل نهار كبير هادا
دخلات سابقاهم و هوما وراها دخلو الصالة كانت مدورة بالبونجات خفاف و مخيدات و زرابي منجين باليد و طويبلة وسطهم
سناء"" مرحبا جلسو انا نجيب ليكم الماء
دخلت هي لولى تتبتاسم و دور راسها باعجاب ف دار دورت راسها عنده و نعتت براسها باش يجلس يرتاح
مشا جلس متكي عل حيط منزل رجل و مخلي رجل عل راحته جلسات جنبه بكل انوثة طلع عينه فيها تيشوف ملامحها مبينة فرحتها ورضاها خلاتو يتبسم بلا هواه بادلته ابتسامة حلوة على ملامحها منزلة عينيها خدودها توردو من نضرة لي داير فيها
حدرات راسها بحشمة سمعات صوت سناء كانت تتهضر مع مها وصلات عندهم هزات عينيها فيها تبسمت ليها
سناء""( هازة في يديها بلاطو لماء حطاته فوق طبلة) نهار كبير والله ( جلست وشافت في نوح و نطقت) شكرا اخويا والله من جيتي و جبتيها عندنا
نوح""(مد يديه لكاس ماء شرب منه و عاود تكى بضهره عل الحيط و حاط يديه عل ركبته لي مزينة بساعة انيقة حرك راسه بتقالة و تبسم ابتسامة جانبية) ماشي موشكيل بسببي مجاتش شافتكم في الكلينيك
سناء"" ( شافت في نوارة و حطات يديها عليها ) شوفتها هنا احسن تجي تشوف بلاد وتبدل الجو
مليكة""( داخلة بصنية اتاي ريحته العاطية من دخلة) مرحبا مرحبا
سناء"" ( ناضت شدتها من عندها) خليك اماما علاش هازاها
مليكة""( باابتسامة خارجة من قلب ) بالفرحة عليا تجي بنيتي هي وراجلها عندي
نوارة"""( تبسمت ونطقت كلامها موزون و مرزن) الدار الكبيرة اخالتي الله يخلي ليك صحيحتك
مليكة"" الله يرضي عليك ابنتي و يبارك ليك في راجلك
مشات جابت بلاطو منوع بين الزبدة بلدية و الزيتون و البيض مسلوق و الزيت وراها سناء هازة حرشة بلدية و المسمن
نوارة"" مالكم معدبين راسكم اخالتي
مليكة''' مكاين بو عذاب ابنتي
( شافت في نوح ) مرحبا وليدي قرب بيديك شرك معانا
نوح"( حرك راسو محاورها بثبات) ماشي اول مرة الواليدة ندوق ماكلتك
مليكة"" ( صغرت عينها ) ماعقلتش وليدي
نوح""( شرب من كاسه و حطه ) انا هو لي تتوجدي ليه الكسكس في دار نجاة
مليكة""( خبطات يد بيد انه عقلات عليه ) اييييييييه وليدي عقلت عقلت يااا عل الصدف صدقتي نتا راجل نوارة صحبت بنتي
سناء و نوارة غي تيشوفو مافهمو والو
سناء"" لا فهمت شي حاجة يعطيني العمى
نوارة"" حتى انا مافهمت والو
مليكة"" هاد سيد تيجي مع ولد نجاة مولات فيرما لي حدا مدرسة و نجاة فين ماتعرفو ايجي تتوجد ليه كسكسو و تتجي تطلب مني نصايبو ليها
سناء""( بعدم فهم ) بلاتي نجاة مولات فيرما هي لي تكلفت بالعملية و طبيب و داكشي
مليكة"" هي هي ابنتي
نوارة""( شافت في نوح و نطقت ) الام ديال نصير ياك
نوح""( شاف فيها و حرك راسه بتقالة) الصمت
مليكة"" الدنيا صغيرة ابنيتي ( تتقرب ليهم لي بعيد ) كولو مرحبا مرحبا نهار كبير
بقاو تيهضرو مجمعات اما نوح كلا شوية و هز كاس اتاي معاه و خرج مخليهم عل خاطرهم مشاو مع مليكة ناصبة كسكس الدكالي مكاين غي قولها وضحك عليها مستمتعين بوقيتهم
مليكة"" قولي ليا ابنتي مال راجلك محن راسه و جايب هاد خيورات كاملة او هاو
نوارة ( تبسمت معنقها بجنب) الخير للناس الخير اخالتي و حشومة ندخلو بيدينا خاوين
سناء"" مال جدك جايا عند براني
نوارة"" حشاك جيت الدار صحيبتي ( صيفطت ليها بوسة ) حبيبتي
مليكة"" هاد بوسة سيري عطيها لراجلك ماعرت فين زاد سيري قلبي عليه
سناء""اويلي نسيناه هنا
نوارة""( ضاحكة ) اويلي راه هو قالي نخرج مخليني معاكم
مليكة"" و صافي بنيتي سيري شوفيه فين مشا حشومة
نوارة"" واااخة انا نمشي
خرجات من عندهم لبسات في رجليها و لبست مونطو مكمشة فيه كان جو شتاء تيسوط بريد زويين و ريحة خضورة واصلة فين بغات تتمشى و تتقلب بعينها عليه بان ليها جالس فوق كرسي قبالته ناس كل واش تيدير لي تيحرث و لي سارح و لي تيسقي تمشات بخطواتها عنده هو دور راسه لمح ليها جايا عنده تتعكل بمشيتها و حاضية لا طيح بحكم للارض محروثة ممقاداش عينه تيطلعو و ينزلو براحته قربت ليه هزات عويناتها فيه و تبسمت ليه مخلياه غي ما زايد يغرق في ضحكتها
نوارة"" ( وصلات حداه وقفات قدامه ) بعدتي بزاف
نوح""( رشف من كاسه و طلع عينه عندها ناطق و عينه مثبثة وسط عينيها عسلية) نزيدو نبعدو
نوارة"" ( تبسمت وهزات كتفها بغنج) فين نبعدو
نوح""( ناض حط كاس فوق كرسي و دار عطاها يديه مقرب ليها) ماشي مهم فين
نوارة"" ( شافت يديه و دارت شافت ناس ) حشومة ناس دوار
نوح""( شد يديها جارها لعنده ) ماتيبان لي والو هاد ساعة
جرها مزير عل يديتها بحنية تتبان قدامه كي نملة مقارنة بكتلته هو تيتمشى بتقل مراعي لمشيتها متعكلة
نوارة"" عندهم البحر هنا ياك
نوح""( دار كارو في فمه شعله و يد تانية مزير بيها عل يديها ) امم بعيد عليهم بشي 15 لدقيقة
نوارة"" ( تدور عينها هنا و هنا مستمتعة بطبيعة) زوينة دنيا هنا
نوح""( فقط حاضيها هي خرج دخانه من فمه ناطق) شكون
نوارة"( شافت فيه لقاته تيشوف فيها و هي تنزل عينها بحشمة غالباها الضحكة) العروبية العروبية زوينة
نوح""( نتر من كارو مبعد عينه عليها تيشوف في ارجاء ) تتبان ليك ديك دار لي داير بيها الصور
نوارة"" ( تتعلي في عينها) فين
نوح""( شدها من خصرها جابها قدامه ملصقها مع كرشه و يديه مزال قابط فيها منعت بصبعه ) لي فيها شجر الزيتون هي دار نصير
نوارة"" ( بعدت دغيا حشمانة من قربه و ريحته مخدرة ) ااه شفتها
نوح""( شافها بديك ردة فعل بخ من فمه دخان سجارته و ابتسامته بانت عل شفايفه ناطق منزل راسه لعندها ناوي يزيد بحشمتها لي تتعجبو ) هادي هي لي تتخرج عقلي
يتبع...
التعليقات
لا توجد تعليقات بعد، كن أول من يعلق.