محتوى القصة
<الدوار>
بعدات عليه بخطوات للوراء هزات عينها فيه و نزلتها في ساع من لمحت عينيه مراقبتها بشوفاته
سناء""( نطقت بثعلتم) ا ان شاء الله تفوتك و ماتبقاش فيك
نصير""( بعد بشوفاته بلاما يزيد يحرجها ) ان شاء الله نتمنى ' خليت ليك راحة
سناء""( بتردد) غاتمشي ف تالعشية
نصير""( شاف ساعته و عاود شاف فيها ) شي ساعتين او ثلاثة بين ما فقت و نمشي
سناء""( حركت راسها) الله يديك على خير
نصير""( اشار لتلفونها ) خليه معاك تحتاجي شي حاجة عيطي ليا
سناء""فكرتيني انجيبه ليك
نصير""( بشوفة عدم فهم) اش تجيبي
سناء"" تلفون حطيتو لداخل
نصير""( وراها تلفونو قبالتها) هاهو ( وعقد حاجبه) شي حاجة اخرى مادياليش
سناء""ولكن انا عندي
لمح ليها بشوفات حارين باش بلاما تنطقها حتى حساب بلسانها تسرط تتدور في عينها بالخلعة
نصير""( خشي يديه في جيب و نطق بصوت منخفض) تحاليل ايخرجو منا 3 ايام ايجيبك العربي تلقايني في كلينيك باش ناخدوهم
سناء""( هزات عينيها اتنطق و عوج راسه باش ماتنطقش تاني شي حاجة و هي تنزل راسها ) واخة
نصير""( تبسم على خوفها بطريقة بريئة تمشى بخطوة لعندها و رجعت بخطوة و شعرها تيطاير مع ريح زاد خطوة و رجعات بزوج تا قهقه بصوت منخفض بمنضرها) مالك ياها لبنت غا وقفي في بلاصتك
سناء""( تتشوف فيه و تنزل عينها) ماتقربش لي ( نعت بعينها) خليك تما انا وياك مازال مابيني و بينك والو
نصير""( قرب رمى يديه و جرها جات قدامه و ضرب على راسها بخفة مخفض صوته) لسانك تيتحل غي وقت ل بغى امم ، ( سكت للتواني مخلي عينه تتشبع من خجلها و نطق) جيبي ليا وراقيك باش ندفع طلب للعقد ( نزل براسه لعندها) باش مانزيدوش نتعطلو بزاف
سناء"" و و ولكن باقي ماتخطبنا ماجيتي لدارنا
نصير""( تبسم و دوز يديه على لحيته و نطق) طلب ايخصو الوقت باش يخرج وانا السبت نجي لداركم ولا بغيتي تاليوم نمشي نجيب نجاة و نجي
سناء"" ( هزات عيينها) هااا اويلي مالك مزروب
نصير""( قهقه تيعصر بطراف صباعه على عينه شاف فيها) نتي قلتي ماتخطبنا نمشي نجيبها دابة نيت و نتهناو
سناء""( مرگها بالحشمة و زعامته سرطت ريقها ) الصمت
شافته مزال على حالته و مشات دخلات جابت ليه حالة المدنية و لاكارط مدتهم ليه
نصير""(شدهم و شاف فيها) وراق مطلوبة نتكلف بيها ( نسخ كاملة وراق مطلوبة في عقد) خليت لك راحة امدام
سناء"" بسلامة
نصير""( ونطق بخفوت مقرب شوية عندها مع غمزة ) ابتسامتك على ملامحك ونتي حشمانة تتلف عقلي
في الدار نوارة جالسين مجموعين على كسكروط
الجد"" يوسف هضرتي مع نوح قرر معاك امتى ولا باقي
يوسف( رشف من كاسه و حطه و نطق) قالي يايفوت ويكاند و يرد عليا و ليوم يلا الخميس ابا
زهرة"" ماشي موشكيل الوقت لي يكون فيه خدمته هي لولى وليدي
فاطمة"" الله يعمرها دار داك السيد نوارة ربي جازاها على محنتها
زهرة"" اييي ابنيتي داك نهار عمرو يتنسى ليا من لحت بنيتي في زنقة
يوسف""( ساط بجهد من زنافرو و لمح لفاطمة بتخنزيرة ) نساي الوالدة كولشي داز و الضروبة مخيرة تدبح و ندير ليها ليلتها و تفرحي بينتك امي
زهرة""( طبطبت على ركبته و تبسمت) الله يرضي عليك
مع اخر كلمة ليه دخل تيضحك بفقصته و كشاكشو خارجين
سعيد"" بغيتو ديرو ليها العرس من بعد هاد شوهة كاملة
الجد"" ناس تيقولو الله يكمل بالخير اسعيد
زهرة"" واش اخويا تندخل فيك ولا في في بنتك
سعيد"" انا بعدا مانرضتهاش تدير بنتي ديك شوهة مانعقلش عليها الى يوم الدين
يوسف"" ( هز عينه فيه و نطق مشربن ) خالي واقلة زدتي فيه خليني نحتارمك( وقف ) شحاااال و نتا تتهضر و حنا تنسمعو ولكن ( قرب حداه و نطق بصوت متقطع) مانسمحش ليك تهضر عليها بالخايب اخاااالي
سعيد"" نهار لي جرتيي عليها كانت ديك ساعة خايبة دابة زيانت ولا شفتو راجلها ليه الشان غادي يجي لوقت لي يرجعها ليكم كيف لحتوها نتوما
زهرة""( وقفت و غوتت في وجهو) اسعيد وااااخويا و نتاااا اش ليييك في بنتي سوووقك شغلك ' بنتي تعرضت لاستبزااز هادشي يقدر يوقع لاي بنت ' سير اسعيد خرج عليا و طلب السلامة ماتشفاش (قرب يوسف حط يديه على كتافها تيهدنها و ملمح ليه بتخنززيرات حارة)
الجد""( شد عكازه و ضرب بيه) تزيد كلمة انا ساخط عليك اولدي قد السماء مع الارض
شرار تيخرجو من عينيه و ودنيه بداو يصفرو ماحملش كلام ختو ليه ديما هدا هو سوسة و بقى يحرض فيهم مرة لولى و نفعت معاه جراو عليها بلا شفقة بلا رحمة ديما ديك الغيرة من نوارة و يوسف تتاكلو لا هو ولا مرتو
سعيد"" واخة هاهو خارج و هضرتي اتوصلو ليها
دخل بعجاجته و خرج بعجاجته مخلي كل واحد شاد من راسه
زهرة"" غايقتلني هاد مسخوط بغيت غانعرف بنتي اش دارت ليه
فاطمة""( قربت ليها عطاتها لماء) تهدني اخالتي نتي ماعرفاهاش ديما تيتسنى غا الفرصة باش يشمت
يوسف""( شعل كارو و بدا يسف فيه و يديه تيترعدو) غا جاني دمي برب يما نعقل عليه
الجد"" لا حول ولا قوة الا بالله تهدنو واستغفرو مولاكم هاد المسخوط عمرو يدير عقلو تيوعى غي من تيفيق كي ليلو كي نهارو
فاطمة"" عنداك غي يجبدو صداع و هاد الهضرة ابا قدام الناس بالخصوص مرتو نتوقعها منها
يوسف"" ( تينتر و يبخ بشرار بعينه) برب و تخرج شي كلمة فييها تنقتلها و نشرب دمها
زهرة"" الوحيدة لي كتعرف ليها هي شيماء بنتها انوصيها ( تدوح راسها) بنية وحدة لي عندي مابغيتش تاففرحها تغبن فيه
يوسف""( شاف فيها مشربن كرز على يديه و ناض ) تا انا هضرت امي يمشي يلوح خنزو لهيه و يبعد من شري احسن ليه
زهرة""( مراقبة ولدها و تتحرك راسها بقلة حيلة) ابنتي سيري شوفيه فين مشا يعطيك الرضا
فاطمة""( طبطبت على كتفها) واخة اخالتي غاتهدني نتي عفاك يلا وليتي شوية
الجد"" غاسيري ابنتي طلي على داك الراجل الله يرضي عليك
مشات بخطواتها طلعات تتجري دخلات لبيتها مالقاتوش عرفاته يكون في السطح هزات صويك لاباراي السكر و طلعات لقاتو متكي براسه و تيضربو بشوية مغمض عينيه تيحاول يثبت راسه وًيديه تترعد كلها قربت حداه و حطات يديها على ركابيه
فاطمة""( هزات يد حطاتها على وجهه نطقت بشوية) يوسف حبيبي شوية
يوسف""( حل عينيه بشوية لي حمرة بالاعصاب و هو مزال مسند براسه على الحيط ) علاش طلعتي
فاطمة""( هضرت بصوت منخفض محاولة تهدنه تدوز يديه على شعره) جيت عندك احبيبي ماتنحملش حالتك هاكة
يوسف""( تنهد بملامستها ليه و نطق بهدنة على عكس من قبل) عيييت عيييت سمها مزال تيقتل فيا لحد ساعة انا مامسامحش لراسي ( هز يديه) وهاد الق*** مزال تيزيد يشعل فيا العافية
فاطمة""ششش عفااك صافي تهدن وريح مابغيتش يوقع ليك شي حاجة ( هزات لاباراي و شدات يديه عبرات ليه السكر ) يلا تهبط ترتاح عفااكً سكر طلع ليك
يوسف""سيري هبطي شوية و نتحرك لبرا
فاطمة"" ترتاح شوية و سير ( شدات يديه بغات تنوضو و جرها جلسها جنبه)
يوسف""( حط جبهته على كتفها غمض عينه على وعسى تبرد نارو) ريحي نتي تانهبطو بزوج
"في الكلينيك"
هازة تحاليل في يديها خارجة من عند الطبيب زدحت لباب و قفزت بملامح جامدة هزات عينها قدامها تيبان لها ناس غادين جاين واصوات بزاف ودنيها تيصفرو و قلبها تتحس بيه ايسكت و شي برودة تتطلع مع رجليها بان ليها باب غادية بخطواتها اتجاه خارجة تاشوية تتحس برجليها تيخويو تتبغي تخطوي تتجيها تقيلة لحضة تتحس بداتها مهودة للارض تتسنى بخبطت جسمها حسات بيدين تحاوطو على خصرها بخفة ملصقها مع جسمه تحط راسها على صدره و عينها مقلوبين و يديها ترخات طيحت دوك وراق لي في يديها دور راسه بانت ليه طبيبة تتجري اتجاهه
طبيبة"" اراها اسيدي لهاد لغرفة
تابعها و عينه غي عليها قلبه نبضاته غبر مرتبة تيحس بروحو تتجيفو من منضرها دفعات لباب و دخل بيها حطها بشوية على سرير
نصير""( شاف فيها و تينطق بصوت منخفض بالخوف و يديه تيدوزهم على شعرها ) سناء
الطبيبة""( جات تتفحصها) اسيدي واخة تسنى برا
نصير""( شاف فيها بشوفة حادة) ماعندي فين نخرج شوفيها مالها
شافت فيه و كملت فحصها تتقلب و تفلي فييها قاست طونسيو و سكر و نبض و علقت ليها سيروم
طبيبة""( بعدا عليها و شافت فيه) ماتخافش اسيدي غي فقدات الوعي شوية تبدا تفيق
نصير""( تيسمع و عينه عليها بخوف و شطنة قرب ليها و بلاما يشوف طبيبة لي شافته ماشافش فيهاو هي تخرج قرب لعند وجهها يديه تهزات بلا وعي منه تيدوزها على خدها و يطلع لحاجبها و نزل تالرقبتها حس بروحه متآلمة من شوفتها و هي طايحة منضرها خربقو حس بعينها تتفتح بشوية و هو بدون حراك تيتسنى منها تكمل فياقها تاحس بيها طلعات عينها فيه نطق بشوية) على سلامتك
سناء""( تتشوف عيينه و تتأكد واش هو ولا شي حلمة شوية جاتها هضرة طبيب ف ودنيها تتعاود و قفزت شدات على دراعه بزربة مزيرة عليه و طلقات دموعها) ن ننصير
نصير""( قرب جلس جنبها و و حط يديه على يديها و نطق بصوت منخفض) شش تهدني انا معاك
سناء""( بقاو دموعها نازلين و صوتها مشى ليها مخلية غي دموعها و يديها مزيرة على دراعه كأنها تتاخد قوتها منه باش تهدن راسها و تقبل بقدر الله بقات ساكتة شحال و هزات عينها فيه بشوية لي غي تقابلت مع عينيه و حطات راسها على صدره و نطقت بصوت جارح) مي تضيع من يدي انصير
نصير""( هز يديه بزوج حاوطها خاشيها وسط صدره و عينه مغمضة ناطق ) الحمد لله الحمد لله قدر الله '( بعد راسها على صدره و شد وجهها بين يديه و نطق و عينه في عينها) تصنتي ليا كولشي بيد الله تعالى و حنا تنديرو اسباب و ان شاءالله ربي يستاجب و تتعالج
سناء"" ( تتهضر بصوت منغنغ و تتسنى منه يطمنها )زعمة تقدر تعالج قالي سرطان قاص المعدة
نصير""( حرك راسه بايجاب) كولشي باذن لله شحال من واحد تعالج منه علاش فقدتي الامل في خطرة ياك هضرنا في هاد موضوع من قبل امم
سناء""( غمضت عيينها شادة على قلبها و تتحاول تتنفس)
نصير""( شاف ملامحها تبدلت و زادت ملاحمه تخوف) ياكما اتوقفي تاني نعيط لطبيبة
سناء""( شدت على يديه) لا لا نخرج برا مابغيتش نبقى هنا
نصير""( حرك راسه و مسح على شعرها) واخة لي بغيتي تهدني و ردي روح فيك و نمشيو
بقات مغمضة عينها و يديها شادة عليه مزيرة عليه بقوتها و تتحاول ترجع نفس فيها بقات مدة و هو ماهدرش معاها مخليها على خاطرها و حاضيها قطعت قلبه و آلم لي حس بيه كان مضاعف باش تشد وراق ميمتك بين يديك و عارف مرضها و هي و تكون تتسنى منك خبر و تلقى راسك نتا ماقدرش تتقبلها دغيا بقى ليك غي توصلها ليها و تخفف عليها من الم خبر حلات عينيها لقاته قبالتها وً يديه مزير عليها باطمئنان عاونها و قفت و خرج من لغرفة مشى استقبال
نصير"" شي وراق اختي طاحو من يدين مرتي قبيلة
"" ايه اسيدي هاهوما
شدهم من عندها و يديه محاوطها عليها خاشيها وسط دراعه خرجها لبرا
نصير"" تقدري تمشاي و لا تسناي نجيب طوموبيل
سناء"" نمشي نمشي ( لونها مخطوف شادة على قلبها)
بقى غادي معاها دقة دقة تاوصل طوموبيل فتح ليها لباب طلعات و طلع دغيا و كسيرا دور عينه ليها لقاها مسندة براسها على كوسان نزل الزاج من جيهتها و مشى للبلاصة خاوية من صداع و الناس ووقف جنب الطريق نزل زاج في مرة مخليها تتقاد تنفسها دار عندها
نصير""( حط يديه على يديها جابها لعنده) شوية دابة
سناء""( شافت فيه و تبسمت بزز منها) الحمد لله
نصير"" ( شد يديها بيده بزوج بحنية وًنطق بصوت قليل ) سمحليا حيث تعطلت عليك و خليتك تدخلي بوحدك عند الطبيب
سناء( تبسمت و حركت راسها نفي) عادي عادي اصلا كنت متوقعة نتيجة تقدر تخرج خايبة انا غ غي حسيت براسي تهديت و ماقدرتش
نصير""( مقاطعها) داكشي لاش قلت ليك سمحلي كان عليا نكون معاك ( مسح على خدها دمعة كانت نازلة) عمرني نخليك بوحدك مك هي مي و همك هو همي هاد محنة غادي دوز باذن لله امم
نصير""( هز يديه بعد شعر على وجهها و هز دقنها معلي عينها لعنده نطق بخفوت) بارك من البكى ماغادي ينفعنا بوالو ايخصك تكوني قوية باش تقوي الميمة و تدوز هاد المحنة و هي نفسيتها مزيانة( قرب شوية وحط راسها على كتفه و يديه تيدوزو بشوية على دراعها) في خبارك نفسية هي الدواء تنعرف واحد السيدة كان عندها سرطان بحال الواليدة ديالك دارت عملية حيدتها و جاها في جهة اخرى من جسمها و دارت عملية و بقات متبعة العلاج تشوفي نفسيتها و كيف متقابلاها و تتمشي تعالج و تتخرج و تتضحك و تسافر ودابة صحة السلام ( سكت و عاود نطق) عرفتي علاش حيت نفسيتها متصالحة معاها لقات عائلتها تاهي معاوناها مامخلينهاش تحس بمرضها داكشي لي خاصك تديري تكوني نتي نفسيتها و ديري يقينك في الله سبحانه و هادشي كامل غادي يدوز باذن لله
سناء""( هزات عينها فيه طولت في شوفته و تبسمت ناطقة) كون ماكنتيش نتا جنبي كون
نصير""( مقاطعها حاط صبعه على شفايفها بصوت منخفض) شتت انا ديما بجنبك و قدامك و في ضهرك خلينا نوقفو بزوج مع ميمتنا و تتعالج
سناء""( غي تتشوف هاد كمية الحنية لي فيه و تتبان ليها في كل موقف تتحط فيه خلات عينها على عينه و داك القرب مخليها غارقة ف لون عينه نطقت بهمس)
ماعرفتش شنو نقولك بضبط
هزات يديها بزوج و زادت كحزات و دورتهم على عنقه معنقاه بكل قوتها كلامها تلف و خافت تشكره و يغضب عليها هز يديه بشوية و حاوطهم عليها و عينه مغمضة من دفئ حضنها ليه و ريحتها لي على شعرها خلاته يستنشق بلا هواه و يديها دافية لي على رقبته ولا وجهها لي على عنقه تيحس بانفسها دافية عليه
سناء(نطقت في ادنيه) تنحمد الله جيتي في طريقي و مخلتينيش نمشي بوحدي فيها
نصير""( صوتها على مسامعه كيف رنة خافتة نزل بشفايفه ادنيها و نطق بخفوت ) قريب تحسبي عليا عمرني نفوتك و طريقنا انمشيو فيها بزوج
طريقته في الكلام و في المواساة كانت دغيا خدات اكلها عندها دغيا طلع نفسيتها تبسمت و بعدت بشوية رجعات بلاصتها منزلة راسها
نصير""( مراقب تفاصيلها صغيرة) مزيان دابة
سناء""( حركت راسها بايجاب وشافت فيه) احسن من قبل
نصير""( شاف في طريق و رجع شاف فيها) شنو دابة نخطفك
سناء""( ضحكت بخفة دورت راسها في ارجاء غي خلا و قيفار ) صراحة مايعيق بيا حد
تبسم و دار خدم طموبيل و كسيرا و بانت ليه طريق خاوية و قلب دورة
سناء"" فين غادين
نصير""( كان مركز مع طريق غي سمعها و دار عندها حرك راسه بتقالة و غمزها ) خاطف لي خطفت العقل
سناء"" (بقات غي تتشوف بكلامه ولا ديك غمزة لي صيفط ليها طيحتها في كمية خجل ) الصمت
نصير""( دخل لطريق لوتورت وزاد سرعته و شاف فيها ) خفتي مني
سناء""( حركت راسها بنفي و هي تتشوف في طريق قدامها و تتشوف في سرعة ) لا علاش نخاف
نصير"( تبسم و مخلي سرعته زايدة و تيلمح بعينه ليها لي غي تيزيد تتشد على قلبها نقص منها تتريح يزيد تتشد على قلبها تبسم و نقص شوية و نطق) لا باين ماتتخافيش
سناء"" انا قلت ليك ماشي منك ولكن سرعة خايبة تتخلعني
نصير""( دار شاف فيها و شد يديها و عاود ركز مع طريق) لي تبغيه خاطرك الاله نقص من واليدها ( شاف فيها ) باقة مخلوعة
سناء""( يدها تتحس بيها تترعد وسط يديه حركت راسها ببطئ) الصمت
شابك يديه على يديها و ركز مع طريقه و دخل وسط المدينة لداخل
سناء""( تتشوف ارجاء) علاش جبتينا لهنا
نصير""( تيدوز بصبعه على راحة يديها بحنية و مركز مع الطريق) غي شي حاجة ( شاف فيها و دوز صبعه على يديها) لايقة هنا
وقف بسيارته من بعد بلاصاها و نزل مخليها مزال تتستوعب و تفكر في كلامه مشا حل لباب من جيهتها و مد يديه ليها
نصير" ( نازل براسه لعندها) يلا مدام
سناء""( عاقدة حاجبها) بلاتي كيفاش فهمني بعدا شنو تتقصد
نصير""( شد يديها و جرها لعنده منزلها زدح لباب و شابك يديه مع يديها ) راك فهمتي شنو قصدي
سناء""( تتجر يديها) اويلي نتا مالك كولشي عندك مقلوب
نصير""( زير على يديها و حمر فيها باش ماتبقاش ترطى تحته) ثبتي و زيدي
تمشى بديك خطوات كبار و هي تتحاول تتقاد مع خطواته رد ليها لبال و تقل حتى جات جنبه دخل محل خاص بالذهب
السيد"" مرحبا اسيدي اش مطلوب
نصير""( حرك راسه بتقالة ) بغيت موديل خاتم الزواج
السيد"" مرحبا اسيدي هي لي ماتعاودتش جلسو رتاحو انا نجيبهم ليك
جلست هي و هو تكى بيديه على كرسي نزل بعينه ليها لقاها تتدور في عينها و الحشمة غاطرطق ليها خدودها حط ليه موديلات و تحنى بشوية جنبها غطاها بجسمه العريض هزات عينها فيه و نعت بعينه باش تختار
نصير""( تحنى بشفايفه لودنيها و نطق ) ختاري و خلي غضبك لمن بعد
حلات عينيها سرطت ريقها بهاد زعامة و زربة لي داير ليها نزلت بعينها تتشوف في موديلات و عقلها مغيب بالحشمة حسات بيديه تحطت على يديها زير عليها بحنية بحالا فيقها من سهوتها و رجعت تتقلب بعينها و تدورهم بشوية و هو عينه غي على عينيها و تيركز فين تتشوف قرب يديه و دفعهم
نصير""( بزرانة و ثبات) يلا كاين شي حاجة اخرى
جبد ليه موديلات اخرين و حدين وبذهب الابيض حطهم قدامها تتدور عينيها بشوية على لولين و ومشات بعينيها للذهب الابيض هو مركز مع عينيها بكل مافيه كأنه تيختار معاها شافها فين تتشوف و حط صبعه عليه
نصير"" نشوفو هدا
جبد السيد الخاتم لي كان خفيف و مرصع حطو قدامها هزات عينها فيه و تتشوف كيفاش فهمها نزلت بيديها حمرة و تترعد هزاته
نصير""( بصوت منخفض) قيسيه
هزت يديها قبالتها و يديها مرعودة قيساته و بان في يديها تيحمق و جاها عبار فلتات ليها ابتسامة صغيرة و هي تتشوف فيه
نصير""( هز راسه لي السيد و نطق) شي حاجة تتمشى معاه
حرك ليه راسه و مشا و هي تشوف فيه بعدم فهم
سناء"" ( نطقت بشوية) شنو هادي تاني لي تمشى معاه واش نتا
مقاطعها بتخنزيرة مطلع حاجبه فيها و و شاف في السيد لي حط موديلات براصليات نفس الشكل الخاتم حطهم قدامها و نزلت عينها تتشوف و ترجع تشوف فيه
سناء"" هادشي ديالك راه
نصير""( حمر فيها) قلت ليك خلي هادشي ديالك من بعد
ساطت بقلة حيلة نزلت عينها تتشوف واحد تينسي في لاخور بقات تدور عينيها تابان ليها واحد خفيف حطات عليه صبعها و دورت راسها ماعجبها حال
نصير"( طلع و نزل فيها بتقالة و تبسم قرب حدا ودنيها و نطق ) بحالا تتفشي عليا لا
هزات عينها في و غمزها و هز داكشي ومشى يكمل مع سيد و خلاها تتستوعب هادشي لي تيدير تبان لها جاي عندها مد يديه شدها و خرجو وصل للطوموبيل طلعات حط داكشي قدامها و مشى طلع و كسيرا
سناء""( ربعت يديها و دارت عنده وجهها مزنك) بلاتي هادشي لي تدير فيه دابة مابانش ليك غريب شوية مسبق الخاتم على خطبة و وراق صداق قبل كولشي
نصير"( مركز مع طريقه و نطق بتقالة) ماغريب ما والو
سناء""( ضحكت بنرفزة و دورت راسها) لهيلا هادشي عمرني شفتو
نصير""( وقف في سطوب تكى براسه على كوسان و دور عينه لعندها يديه مشات ليديها جرها شابك يديه مع يديها هو همه غي ينسيها في حزنها نطق بصوت منخفض) دوري شوفي فيا
سناء""( تتشوف عكسه مابغاتش تدور تتتسمع طموبيلات وراه تيكلاصونيو باش يخويو طريق تتشوف من مرايا و تتجر يديها) طلق و خوي طريق لعباد الله
نصير""( بحالا تتهضر مع شخص اخر باق بنفس حالته ناطق بشوية) شوفي فيا بعدا
سناء"" ( شافت فيه ) واش حمق نتا ولا شنو
نصير""( غالباه الضحكة من منضرها عض على شنوفته و نعت بعينه ) يلا ماشفت ضحكتك برب لاتحركت
حلات عينها بصدمة بقات تتشوف في طريق و صداعات ديال ناس وراها دارت شافت فيه لقاته مراقبها عاض على نصف شنوفته تحتية مبتاسم شافت منضره غلباتها الضحكة بزز عليها ماشي غا بتاسمت كانت ضحكة خارجة من قلب خلاته غي مراقبها ورهي تضحك قدامه و حنيكاتها مزنكين كيف فريزة فيقه غي دقان في سرجم دور راسه نزل زاج
نصير""مالنا الشريف
شخص"" مالنا نتا اخويا حابس علينا طريق جالس ( دور راسه باغي يطل و جا قدامه براسه) تكرر
نصير"" ( دور راسه و تيطلع زاج نطق) سير الق****
و كسيرا في ساع براحته دور عينه لعندها لقاها شادة على وجهها بخجل
نصير""( شد يديها حيدها من وجها و جابها لعنده تيدور صباعه عليها بحنية) نقولك شي حاجة
سناء""( شافت فيه و حشمة واكلاها) شنو
نصير""( شاف فيها و حرك راسه يمين و شمال بتقاااالة و تبسم ) ضحكتك
سناء""( حابسة ابتسامتها منزلة عينيها) مالها
نصير"" ( بتقالة ) هبلااااتني
عيات تحبس ضحكتها ولكن طريقة باش قالها قتلتها و حمقتها بقات تضحك مدورة راسها للزاج
حتى حست بجرة خفيفة
نصير"" قلت ليك خاصني نديرها صونيت لتلفوني
سناء""( ضربت على يديه و جمعتها ردت شعرها ورا ودنيها) صافي براكة يااه تتحشم فيا
نصير""( شاف فيها و عاود ركز مع طريق) نتي عجباتك هاد حالة لي درتي ليا بضحكتك
سناء""امم
نصير"" ( شاف فيها و تبسم على هاد مخلوقة لي دخلت لحياته قرب يديها لشفايفه و طبع قبلة عليهم بشكل خلاها شعر جسمها يوقف نطق بصوت خافت ) راها محنة ليا
وصلها للدوار ووقف بضبط قدام لباب الكبير لي تيدخل لدارهم و سكت طموبيل و دار شافيها تتدوز يديها بارتباك على ملف تحاليل دار بكتلته كامل لعندها
نصير""( بصوت رزين و مثبت ) سناء هزي عينيك و تصنتي ليا مزيان
سناء""(حسات براسها تزيرت من وصلات هزات عينها فيه ) نعام
نصير""( بحدة كأنه تيفيقها) وااش نعاود هضرتي من اول
سناء""( حركت راسها بنفي بزربة) انا ماعرفتش غي ( شدات على قلبها)
نصير"" (بهدنى)تصنتي ليا والله يلا هاد البكى و غبينة ماينفعنا ماينفعها هي خلي نفسيتك مزيانة
سناء""(هزات عينها فيه و هي براسها ماعرفاتش علاش بضبط عليه هو تتخوي قلبها و دموعها على سبة من تتشكي عليه نطقت بصوت منغنغ) و واخة واخة (سكتت لتواني و نطقت) يلا تدخل معايا
نصير""( حس بيها معمرة و خايفة ولكن موضوعها حساس مابغاش يتدخل مد يديه شد على يديها و تيدوز صباعه بحنية) رتاحي و حتى يلا مابغيتش تهضري معاها ليوم خلي من بعد تاترتاحي امم
سناء"" ( حركت راسها بشوية) واخة ندخل و نشوف نلقى فرصة و نخبرها
نصير""( خفض صوته ومشات يديه لشعرها بلا وعي منه ) ريحي ليا بالك (دوز يديه على خدها )مابغيتش نشوفو لمرة جايا و لغبينة عليه
لمساته و همساته كتخدير بنسبة ليها اما شوفاته ليها حاجة اخرى اعجاب و حنية مبينة عليهم نزلات عينها بخجل و حطات يديها على باب تحله تاسمعاته تسد من عنده دورت راسها لعنده و لقاته مطلع حاجبه
نصير"" لا بسلامة لا تصبح على خير لا عبو ريح مالنا
سناء""( تبسمت عاضة شنوفتها ) انا مانقولش ليك تصبح على خير تا توصل
نصير""( عينه غي مع داك شنوفة لي معضوضة خلات عينه يتنومو نطق بشوية) واه على ناس لي خايفين على حبابهم
سناء""( حطات يديها على فمها تتضحك بشوية نطقت بشوية ) ايوا حيث ضربتي طريق على ودي
نصير""(تبسم ) نضرب والديها طول و عرض نشوفو هاد ضحيكة
سناء"" ( وجها رجع احمر ) صافي حلي لباب خليني نزل
تكى براسه على كوسان بتقالة و عينه اياكلوها حاس براسه ماقدرش يغض نضره عليها بقى ساكت مدة و هو تيتأمل فيها و في خجلها مد يديه فتح ليها لباب بدون ماينطق
سناء""( حطات يديها على باب فتحاته و شافت فيه لقاته مركز معاها بدوك شووفات لي تتحس بيهم بحال قوس على قلبها تبسمت حطات رجليها تنزل و عادوت شافت فيه و نطقات ) عفاك سير غي بشوية و رد بالك في طريق
نصير""( غمض عينه و فتحها كيطمنها و نطق بشوية ) نشوفك السبت امدامتي
تبسمت بخجل و نزلات بزربة ردحات لباب و مشات تتزرب و هو متبع ليها بالعين بتقالة فتحات لباب لكبير و دارت شافت فيه شيرت عليه و دارت يديها بنعت لتلفون و دخلات بانت ابتسامة على شفايفه و زاد لدارهم يشوف مو عاد يشد طريق لكازا
وصل بسيارته باركينغ العمارة و توجه لداره قابل عينه مع ساعة شاف وقت معطل بزاف هاد يومين تيجي تا لاشمن وقت خدمته مزيرة تهد و عيا تيدخل تيلقاها ناعسة و حتى باش يطول معاها في هضرة و يشبع منها ماقادرش حل لباب و جات عينه فيها مشعلة ضو خفيف و ناعسة في سيجور مكمشة و شعرها على مخدة زفر بضيق على حالتها وقرب حط سوارت فوق طبلة بشوية باش مايخلعهاش و قرب عندها بشوية مخلي عينه و قلبه عشقان بشوفتها و عطرها حس بروحو متوحشها بلا قياس تحنى عندها و هو رامي يد من هنا و يد من هنا مقرب بشفايفه لراسها و ريحتها خلات عيونه يتغمضو بلا شعور طبع قبلة بشوية و بعد جلس قفازي و عينه منومة عليها يديه مشات لشعرها تيدوزها بحنية عليها شي لي خلاها تفتح عينيها بشوية
نوارة""( تبسمت من شافته وتكعدت ) على سلامتك
نوح""( مزال جالس قفازي و يديه محطوطة عليها ناطق بصوت قليل) مالك ناعسة هنا قلت ليك ماتسناينيش
نوارة""( رمات رجليها و كحزات عنده بخجل) ماقدرتش ننعس و نخليك بغيت نقول ايخصك تعشى عاد تنعس
نوح""( تبسم بتعب على كلامها دوز يديه على جبينه وحك نيفه دلالة على البرد لي ضربه عاود شاف فيها) تتسنايني ولا على ود العشا
نوارة""( ابتسامتها خجولة هزات صباعها) بزوج بيهم
نوح"" ( حط يديه على فخضها و نطق بهمس) نخليو غي وحدة تانية ماعندي ماندير بيها
نوارة""( حسات بدعقة من مامس يديه تتحرك عينيها بتلفة) ا ايخص تاكل انا موجدة ليك عشاء و نتا تتقولي مابغيتوش(حطات يديها على جبينه عاقدة على حاجبها بخوف) ضربك البرد انوح صوتك مبدل
نوح""( شد يديها و نزلها للشفايفه) دابة يفوت
نوارة"" تعشى باش تشرب دوا ولا موحال يكون ياك صافي انوجد ليك غي شي اعشاب يفيدوك تشربهم ياك
نوح""(غي ماتتزيد على مابيه عينه اياكلوها هز يديه لخدها دوز عليه كف صباعه ونطق) نشرب نشرب ' شنو موجدة العشا
نوارة"" غير لازانيا
نوح"" واخة الاله
ناض تيحيد جاكيط و جلس تيحيد صباطه و التعب مبين عليه ناضت وقفات جنبه و قربت تحنات حطات بانطوفة حدا رجليه
نوارة""( بحنية) خدمتكم صعيبة يحسن عوانكم شتا والبرد كلشي عليكم
نوح""( محني بيديه تيحيد صباط وعينه غي على هاد كمية لحنية و لطافة لي قدامه و تيستوعب هاد شي لي عمره حس بيه و لا شافه ناض و شد يديها بزوج و طبع قبلة عليهم ناطق برضى) هادشي مومولفش بيه ابنت الناس ( حط يديها بزوج وراا ضهرو وجرها خشاها فيه و فمه على شعرها ) تسنايني تا نرجع و ترفدي همي واش عيان من تمارة
قابل وجها معاه و باس جبينها و غمزها بتقالة و هز جاكيط و مشى تيطرطق في عنقو من كترة العياءً لي على داتو خلاها مبتسمة شافته دخل و هي مشات كوزينة سخنت ليه العشا و خرجاته ووجد ليه العصير الليمون و الحامض على حساب مرضه حطات كلشي فوق طبلة و راجعة للكوزينة لمحت ليه خارج لابس سورفيط سخونة و رامي قب على راسه عرفته مدوش تبسمت ليه ودخلات لكوزينة جابت لماء لقاته جلس
نوارة""( قربت حطات ليه طبسيل و جلست قبالته) ضارك راسك و حلقك عاطيك لحريق
نوح""(جر كرسيها لعنده و نطق) ياك تنقولك بلاصتك حدايا
نوارة"" غي نسيت دابة جاوبني راني سولتك
نوح"" لا غي شوية راس و نيف
نوارة""( بغات تنوض و حبسها ) نمشي نوجد ليه غي لقت ليك
نوح""( قرب بشفايفه لعنقها و استنشق ريحتها ونطق )ريحي مخاصني والو مرتااااح
نوارة""( حسات بقشعريرة من انفاسه شافت فيه و تبسمت حطات يديها على خدها حاضياه) نووح
نوح""( هز عينه فيها بديك تعيطة لي تتفشلو حرك راسه بشوية مستفسر)
نوارة"" دابة نتا عيان و تمشي غدا لخدمة
نوح""( حرك حاجبه بشوية) ماخدامش غدا
نوارة"" مزيان خاصك راحة مبينة في وجهك انوح
نوح""( حرك راسه بتقالة مع غميزة) اش باين فيه
نوارة""( ضحكت) ههه العيا و المرض و
نوح""( حط يديه على يديها وقبلها من كفها ونطق بخفوت) و مامبينش راحتي بشوفتك
نوارة""( حطات يديها على فمها حابسة ابتسامتها و فرحتها و عاودت رجعتها للخدها مخلية شعرها نازل على طبلة ونطقت بشوية ) مبين
نوح"( دار دغمته في فمه و شاف فيها ) ماباينش شي حاجة اخرى
نوارة""( زادت ابتسامتها حركت راسها بايجاب) امم
كمل ماكلته و تكى بضهره على كرسي شد يديها و جرها جلسات قدامه و يديه تحاوطت على خصرها قابلها مع وسط عينه للمرض مبين عليهم ومخلي شوفته على ملامحها حلوة كأنه تياخد قوته منها فقط عينه لي تتسارا كان العيا و مرض واصل معاه فين بغى و هادشي غي ماتيزيد يشطنها هزات يديها و حطتها على جبينو و نزلات للخده دوزت يديها على للحيته و في كل مايحس بيديها عليه تيغمض عيينه و ديك دفئ لي حس بيه بزاف وهو بين يديها مخلياه يحس بضعفه و هي لي مخلياه يتهد و هي لي مخلياه يجرب الحنان و هي لي مخلياه يعرف شنو هو مرض و تيشوف الخوف و حنية في عينها مولف تيمرض ماتيلقى تاحد جنبو حتى كيتوكض راسه
نوارة""( نطقات مخفضة صوتها باش ماتزعجوش ناضت و شدات يديه ) نووح نوض تكى بلاصتك والله ماعجبتيني
نوح""( مد يديه بتقالة رجعها جلسات فين كانت ناطق) من نبغي انوض خليك حدايا
نوارة""( عاودت ناضت ) انا معاك تكى بعدا عفاااك
هز عينه فيها و ناض بتقالة و ابتسامته خافتة على شفايفه جراته للسرير حلات لغطا و نعتت بعينها جلس و تكى و هو غي حاضيها مادايهاش في مرضه و مخلي عينه ياخدو راحتهم شافتو تكى دارت ليه مخدة وراه
نوارة"" رتاح انا نجيب ليك لاعشاب واخة
مشات و ماتسناتوش يجاوبها مشات تتقلبت على لي تحتاج خداتهم وجدتهم ليه كباتهم في كاس و رجعت عنده لقاته داير دراعه على جبهته قربت جنبو و جلسات
نوارة"" نووح
حيد يديه و شاف فيها
نوارة""( مدت ليه) خود شرب واخة يجيك حار شوية ماعليش
نوح"" ( شد من عندها و تبسم ناطق بتقالة ) لو كان تجيبي سم نشربو
نوارة""الله ينجيك ماحنا على فالك
نوح""(تيشرب ويخيب سيفته) حار بزاف
نوارة""( مسترجية) عفااك شربه ، ياك قلتي السم تشربو
طول شوفته عليها و هي مبينة خوفها عليه و حرك راسه لها و بدا كيشرب بزز عليه ماعندوش مع حار ولكن شربه و دار لها خاطر شدات من عنده داتو كوزينة و هزات دوا ديال الراس هو لي كان موجود صيباتو ليه و جابته عطاته ليه شربو و مشات بلاصتها تخشات جنبه و هو حاضيها كي تتحرك برزانة و ثبات كلات عقلو شافها مقربة ليه مادارش مبادرة مخليها هي بانت ليه حلات يديها و حطاتها على راسه و جراته بحنية جابته فوق صدرها و معنقاه و تنغطي فيه بحال الام محوزة ولدها شي لي خلاه يزيد يتهد و هو بين يديها تحنى و يديه حاوطتها مخلي راحته و عيونو تغمضو مخلي انفاسه تتعلى و هو مستنشق ريحتها عطرة
نوارة""( هزات يديها تدوزها على شعره بحنية مخلياه يزيد بغرقته ناطقة بشوية بخوف ) ان شاء الله اتصبح لاباس
شافته ماجاوبهاش حده يديه قبطت يديها و بقات تدوز يديها عليه وبالها غي معاه تتفكر في كلامه نهار كان تيعاود ليها على حياته و حبس معاها فاش وصل معانات اخرى من تزاد سلمان و ربطتها بكلامه لي قال قبيلة عرفاته ماعمرو جرب الخوف ولا حنية من عائلته تنهدت وهي وسط تفكيرها تتحس بقلبها تزير عليه جبل قدو قداش و ضعفه تتشوفه غي هي حنيته تتشوفها غي هي تبسمت وسط خوفها و غمضت عينها و هو وسط احضانها ماتحركش ولا تململ من بلاصته نزلت عينها عرفاته نعس جرات غطى غطاته مزيان و غمضات عينهاا
كانت مرة مرة تتنوض و تقلب حرارته للحسن الحظ ماطلعاتش ليه بقات على ديك حال تااالاشمن وقت عاد غفات و حسات بجرة بشوية جابها للاحضانه من بعد مافاق ولقاها معنكشة و عرفها نعسات معدبة و باين العيا و هي مقابلته جرها خشاها وسطه قرب بشفايف طبع قبلة على شفايفها و غمض عينيه مخلي راحته عليها
أنت العوض اللي ما يتعوض بعمري كله ، انت قلبي و أنت غير ، أنت تشبهني و أنا أحبك أكثر ، أنت لقلبي دائمآ و ابدا ، أنت النعمة المقيمة ب أضلعي ، أنت وتيني وشريان قلبي، اللهم أنت للنهاية.. لحد موتي."
دخل بسيارته وسط فيرما نزل وطالع في درجات متقل تيسد جاكيط جبد سوارته فتح لباب و دخل تيدور عينه تاسمع صوت الهضرة في الصالون تمشى بخطواته تقيلة بانت ليه نجاة و عمتو مجمعين على صينية اتاي
نصير"" ( حيد صباطه و دخل) السلام عليكم
"" وعليكم السلام
نجاة"" وليدي ماقلتيش ليا اتجي ليوم
نصير""( باس راسها) شغيل الواليدة ( قرب باس لعمتو راسها) عمتي بيخير
العمة'فاطنة"" لاباس وليدي نتا بييخير
نصير""( مشا جلس فوق سداري و تكى باريحية تيحك على جبينه ) مزيان ولله الحمد
نجاة" ( نطقت مستفسرة) مالك وليدي جاي في هاد ليل و كون جيتي غاشوية بكري
نصير""( شاف فيها) جبت سناء الواليدة
نجاة"" ااه ايسحبلي جابها العربي تا انا ماسولتوش ايوا اوليدي اش خرج فدوك تحاليل
نصير""( شاف في مو و شاف و عاود شاف في عمتو ) عمتي شي خبار على ولادك بيخير
نجاة""( حسات بيه مابغيش ينطق قدامها ) ايه وليدي جات باش تمشي معانا غدا ان شاءالله
فاطنة"" ايه وليدي ضرتي تا ضرتي وخديتها بنت دوار
نصير"" ( قوس حاجبه) علاش مالها بنت الدوار
فاطنة"" ايوا انا قلت اتاخد شي وحدة من مقام خدمتك
نصير"" ( حجابه تگرن و نطق بحدة) يمكن باغا تمشي معانا للصواب ماشي تدخلي فلي اناخد
نجاة""( خنزرت فيه تتحاول تهدنو ) مقالت عيب غي هضرت وصافي اولدي
نصير""( شافهم بزوج ونطق ) حيث عارف لسانك اعمتي اتمشي معانا و كلامك موزون
فاطنة"" ياك اولد خويا مارضيش بيا
نصير"" ( بحدة منزل صوته) كلامك اعمتي كلامك
نجاة" بحارا لقيت ليه العروسة راه مابغاش يتزوج ولا يسمع حسو
فاطنة"" ( هزات كاسها تترشف منه) ايوا زواج ليلة و تدبيرو عام اولدي يخص تكون مقتانع بزواج ماشي تربط راسك
نصير""( شاف في فمو تيحدرها من كلامها و شاف فيها و نطق) شفتك جايا سخونة كون يكون عندك غي بنات نفهم باغا تزوجيها ليا مالنا افاطنة
فاطنة"" ( شافته قصح معاها و هي تزير ) اتنبغي نبسط معاكً وليدي الله يكمل بالخير
نصير"" دابة مزيان ( حرك حاجبه بتقالة ) هادي لي بغيت نسمع
نجاة"" ايوا نوض اولدي ترتاح
نصير"" ( ناض منيرڤي) نطلع نعس شي ساعة و انرجع فحالي
نجاة"" علاش مابايتش
نصير"" ( طالع في دروج وصوته معصب )خدام الواليدة
طلع مخليهم تيشوفو نجاة تحنات على كاس هزاته و فاطنة قالبة وجهها و تتشوف
نجاة"" ماتديش عليه عارفاه خاسر ' وتانتي مادرتي فيها مايصلح
فاطنة"" او مالي كذبت دري مزيانتو يتزوج من دوار مالو
نجاة"" ( حمرت فيها) لا سرك نيت يجاوبك هو ' تي مالكي مع بنات دوار مزيناتهم ' تشوفيها و تغيري رآيك واخة ماعندو باش ينفع
فاطنة"" اناري على لسان عندك نتي وولدك
نجاة"" نتي لسانك مطفرو اخويتي ديري معانا صواب و سكتي
فاطنة"" ( هزات رجليها بزوج فوق سداري و تغطات )على وجه المرحوم وكان
نجاة"" اااباز اختي شربي كاسك
فاطنة"" ( شافت فيها و هضرات بشوية) قولي ليا ديك بوليسية لي معاه تفارقت معاه كانت زييييينة و تجي معاه
نجاة"" ( خنزرت فيها) دكرنا سمن والعسل افاطنة بحرا تفكيت منها اييخ مانحملها مانقبلها على خفة فيها
فاطنة"" مالها مافيها مايتعاب زين و فورمة مع قلدتو نيشان جاو مع بعضياتهم
نجاة""( بحدة) شربي كاسك افاطنة شربي
فاطنة" تنهضر بصح لاش تفارقو باش جات معاه ديك الخطرة لهنا خلات كولشي يهتت بزينها
نجاة"" ( خنزرت فيها ) ومالو اخويتي' هادي لي تجي معاه و هوما مابيناهم والو تسميها مرا ديال زواج هاهي تشد فيه هاهي تلصق فيه لهوما بنت دوار عارفينها و عارفين معدنها
فاطنة"" نتي تعرفي انا غا قلت
نجاة"" هادشي كامل و غا قلتي باز افاطنة باز
طلع تجبد فوق سريره حس بنواضرو ايخرجو كلام عمتو و هي تتنقص منها ماحملوش و تقبلوش هز تلفونه و صيفط ليها ميساج
" مزيانة "
حط تلفونه و غمض عينه في ساع نعس ربما يريح شوية من كترة ضغط لي حاس بيه
من بعد ما دخلات مع الباب تتقرب و قلبها تيرف تتجمع قوتها و تدعي بثبات و ماتنهارش فتحات الباب دخلات و سمعت الحس في كوزينة
سناء"" واامليكةة
مليكة"" هانا ابنتي ( خرجت عندها) تعطلتي اكبيدتي
سناء""(قربت باست راسها) هانا حبي ( تبسمت) جابني نصير
مليكة"" مسيكين ( دوزت يديها على شعرها) خايف على رزقو موصلك بيديه
سناء""( بخجل) اه جا عندي لكلينيك
(مشات جلسات فوق كرسي وحطات دوك وراق فوق صور )
مليكة" اش خرج فيهم ابنتي ( قربت عندها و نطقت ) المومن مصاب ابنتي و لي دارها الله مرحبا بيها
سناء""( راسها ماقدرتش تهزو تتحل دوك سيور سبادري و تتحس بيهم تيتعاودو يتسدو ) الحمد لله على كل حال امي
مليكة"" وديما ابنيتي تنحمدو و نشكروه
سناء"" ( هزات عينيها و شدت على يديها و نطقت مستنجدة قوتها وكلام نصير في بالها ) عندك شي حاجة امي في معدة قالي طبيب خاصها تحيد باش تحد بالمرة
مليكة""( تبسمت و جرتها عندها) ان شاء الله ابنيتي لي مكتبو لينا الله غانعيشوه
سناء""( غمضت عينيها تتشم في ريحتها و دورت يديها معنقاها وهنا ماحساتش بدموعها امتى نزلو ولكن بدون حس نطقت ) كولشي يفوت ميمتي كولشي يفوت
مليكة""( طبطبت عليها) لي جات من عند الله مرحبا بيها ابنتي امتحاناتنا في الحياة و تندوزوها
سناء"" ( بعدت عليها باست على خدها و توجهت لبيت ) طيبتي شي عشا امليكة
مليكة""( مسحت دميعة نزلات من عيينها و توجهت لكوزينة) بدلي حوايجك ابنتي انا نحط
دخلات لبيت و تكات براسها على باب ماريو تتبث في راسها و تجمع قوتها مابغاتش تبين ضعفها قدام ميمتها و تكون نفسية ديالها مزيانة باش تعاونها على العلاج كيما قالها نصير جبدت بيجامتها لبساتها و مشات للطواليط غسلات و توضات و رجعت صلاة لي فاتها و مشات جلست هزات تلفون و بان ليها ميساج دياله تبسمت يلا تجاوبو و نطقت مليكة لي كانت مخرجة طاجين
مليكة"" سعدي ببنتي و والوجه منور
سناء"" ( بخجل) تبقاي تحشمي فيا امي ياه
مليكة""( حطات طاجين و ضحكت) وقلت لي كاين ابنتي هاد راجل هو لي عرف ليك ياااربي تفرحك معاه يكون الزوج الصالح
سناء"" اميين ياربي (حلات طاجين صفرت) الله طويجين لي تنبغي ( طاجين الدجاج و جلبانة ) اممم مزيناتو ( باست يديها) ياربي لهلا تحرمني من هاد ليديات
مليكة"" بصحت بنيتي وجدتو حيث عارفاك مضروبة عليه
سناء"" الله يخلي ليك صحيحتك ميمتي الحبيبة
بداو العشا واخة ماكنت شهيتها هي هاديك و لكن بزز عليها و في كل مرة تتجي هضرة نصير في ادنيها مخلي اثر عليها و دغيا سرات معاها هضرته و كلامه ولقات كلامه واقف معاها و مخليها ثابثة بقاو تيهضرو و مجمعين كملو عشاهم و ناضت جمعات طبلة و جابت لمليكة دوا شرباته و مشات فرشت ليها
سناء"" يلا نوضي امي تنعسي
مليكة"" نتي ماتنعسيش
سناء"" مزال شوية
مليكة"" هاكيلي على بنتي تتسنايه يوصل
سناء""( شافت فيها و تضحك) باش عرفتيها
مليكة""( متوجها لبيت فين تنعس و نطقت) ايوا الله يوصلو على خير سلمي عليه
مشات و خلاتها تكات قبالت تلفازة و شدات تلفون ردات عليه
""بييييخير الحمد لله يسول فيك الخير و الرباح ""
دخلات لعند نوارة لقاتها مافتحاتش مدة و مشات تتسارا في انستا و فايس عرفاته يا ناعس يا شد طريق حتى شافت ميساج من عنده فتحاته لقاته مصيفط ليها صورة صايگ و كاتب تحتها
" كاين شي خير و رباح من غيرك "
قراته و شدات على فمها كاتمة ضحكتها على كلامه و كتبت ليه
""ايوا صوك غي بشوية و خلي الخير و رباح مرتاح ""
غي شاف مساجها و تشرعت ابتسامته وقرب تلفون لعنده سجل اوديو و صيفطه ليها
"" يلا كان خيري ايرتاح نمشي على رجلي كاع ""
قراته و هنا ماقدارتش تحبس ضحكة تاشافت اوديو لاخور
"" سجليها نسمعها محتاجها ""
صبح الحال و شمس صابحة معلمة و داخلة مع شق الخامية خلاتها تحل عينها بشوية طلعات عينيها عليه لقاته مزال غارق في نومه و لقات راسها ماشي كيف كانت نازلة تحت حضنه عرفتته هو لي قاد نعستها تهزات بشوية شافت ساعة لقات وقت داز قريب تلحق 11 صباح ناضت بشوية و حطات يديها على جبينه و تتنزل بعينها على ملامحه حرشة قلبات حرارته لقاتها معتدلة و تمشات بطرف صباعها حلات لباب و مشات لكوزينة تتوجد لفطور و حسوة بالاعشاب منسمة وجدات كولشي و حطاته في طبلة و حسه مامسموعش عرفاته باقي ناعس حلات لباب بشوية و تمشات تتقلب بعينها بلاصته مكاينش عرفتته في الحمام دارت راجعة تاتدخلات فيه يلا خارج من دوش لاوي عليه فوطة و فوق معري و شعره تيقطر
نوح""( هز يديه حاوطها من خصرها ملسقها معاه و طبع قبلة على ثغرها و نطق بصوت نعسان مدعدع) الصباح النوار
تتدور عينها على ملامح وجهه و تنزل لصدره عاري و تطلع لشعره مبعثر و ماء تينزل منه بطريقة مثيييرة خلاتها تنسنى روحها تبسمت و عينها غي تيدورو ببلاهة خلاته يتبسم على منضرها صغر عينه فيها و تحنى براسه عض على شفتيه تحتية
نوح""( قرس على نيفها بخفة ناطق بخفوت) ماترديش علينا
نوارة""( نزلت عينها بزربة و حسات بديق من دعقة لي تحطت فيها و لحشمة حسات براسها تفضحت ) ص صباح الخير ك كي بقيتي شوية
نوح""( تبسم و طبع قبلة على عنقها ناطق بصوت فحيح و رضى على ملامحه) كيف بغيتيني نصبح و انا بين يديك امم ( طبع قبلة جنب شفايفها تقييلة خلات عيونها يتغمضو ناطق بخفوت) مرتي دواتني ( عاودت دار لجهة تانية من جنب فمها و طبع قبلة اخرى بنفس نبرة صوت ) خلاتني نحس بمرضي وبشفايا
صدرها تيطلع و ينزل من كتر ضربات سريعة لقلبها عيونها مغمضة و مستمتعة بعطر كلامه معسول و قبلاته حنينة لي من شفايفه هزات عينها فيه و ابتسامتها مبينة و جمعتها في ساع و مشات تتجري
نوارة"" ويلي نسيتيني الحسوة كون تحرقات
زربت عليه دغيا نتافضت من وسط يديه بقى متبع ليها لعين تيضحك على منضرها نزل براسه هز فوطة تيمسح على شعره و تبعها لبرا لقاها واقفة قدام كوزينة
نوح""اش لي تحرق
نوارة""( شادة على خدها بحشمة و نطقت مشتتة نضرها) ماتحرق والو انا اصلا طفيت عليها و حطيتها تبرد
نوح""( ضحك على منضرها تيدوز يديه على دقنه) ماعليش تتوقع
نوارة""( كمشت حاجبها) تضحك عليا دابة ياك
نوح""( حابس ابتسامته) شكون ضحك عليك اودي
نوارة""( طلعت و نزلت فيه) سير سير تلبس راك مزال مريض واقيلة
نوح""( حرك راسه بتقالة ) واخة امدام
خنزرت فيه و تخطاته و مشات للطبلة بقى حاضيها تيتبسم في خاطره مشى لبس عليه سيرفيت و دار قب منزلو على عينه و جا هز كرسي حطو جنبها و جلس
نوح""( تحنى براسه تيطل عليها لي تترشف من كاسها ) مالنا
نوارة"" ماملناش غير درتيني ضحكة تضحك عليا
نوح"( هز يده بعد شعر على عنقها وقرب بشفايفه طبع قبلة و طلع بشفايفه لادنيها ونطق ) كاين شي حد يضحك على روحو
عويناتها تيتسراو على ملامح وجهه بلهفة و في مسامعها ديك كلمة اخيرة بحالا تتستوعب و تفهم معناها سرطت ريقها بصعوبة
نوارة""( نطقت بصوت بالكاد يتسمع) ش شنو عنيتي
نوح""( شوفاتها خرجو ليه عقله و هي باغة تعرف معنى كلامه بلل شفايفه و ابتسامته غالباه شد يديها و حطه على قلبه ونطق بصوت منخفض خلى القشعريرة تطلع مع داتها) مانضحكش على روحي
نوارة""( عينيها ماتيرمشوش ) و و زعمة ( سكتت حيث ماعرفتش اش تقول و احساسها تالف و لسانها اكتر )
نوح""( عينه تيتساراو و مركزين اكتر على شفايفها كيف تالفين و عينها عسلية وًديك لمعة لي وسطهم بانت ابتسامته وحط يديه على خصرها جابها فوق رجليه ويد طلعت شفايفها تيدوز ابهامه عليهم بشوية و صوت اكتر انخفاض) شاري الموت بغرامك
(قرب بشفايفه ببطئ لشفايفها و نطق مخلي انفاسه تضرب عليها ) مقادرش نزيد نخبي عشقي (حط شفايفه على شفايفها طابع قبلة ساخنة و مخلي فجوة باش يكمل اعترافه بصوت فحيح) نبغيك و عشقان فيك ( هز دقنها و قابل عينه مع عينها وًزاد مخلي كلامه لي ماعرفش يتحكم فيه ) عمرني حسيت بهادشي لي راني فيه تاشفتك ( شد على يديها شابكها مع يديه بحنية ونطق ) و ربطت يدي مع يديك خليتك ضابطة و متحكمة فيا بكل مافيا نخمم في راحتك قبل راحتي و ضحكتك قبل ضحكتي نتي امانتي و مرتي ( نزل بتقالة للشفايفها غامس فيها وحط يديها على قلبه خلات دقاته يزيدو على مسامعهم نطق بشوية) ذايب فيك
هو ينطق و يقبل فيها قلبها و هي تتحس بقلبها ايسكت و عينيها تترمش بسرعة شداتها بكية و فرحة و رجفة و سخونية داك احاسيس كاملة ماقدارتش توصفهم متبعة معاه بعينها و قلبها بجميع حواسها تيتسمع فقط ضربات قلبها كانت هي لي تتكلم و كأنها تتجاوب معاه و تفهم كل حرف و كل كلمة تيخرجها من شفايفه هزات يد تانية حطاتها على لحيته و قابلت مع عينه معسلة فيها قربت بشفايفها لشفايفه و طبعت قبلة تقييلة كأنها راضية و مرضية على اعترافه لكن باش تجاوبه لسانها ماعرفش اش يرتب ولا اش يخرج فقط بانت ليها قٌبلة لي خلات شفايفها عليه و عيونها مغمضة مخلية احاسسيه و احسايسها تتطرجم لبعض
"""بدون الأمان في الحب لا يمكن أن يعيش، بوجود الأمان والصدق يصل الحب لدرجة العشق، ويصبح كالانتصار العظيم ونقاوم قساوة الحياة بهذه القلوب التي امتلأت حب وعشق."""
خارجة من دوش وريحتها سابقاها وحنيكات موردين و سر طايح عليها دخلات لبيت و جلست تتمسح على شعرها تاسمعت مليكة تتعيط
مليكة""(تتعيط من برا) سنااااء تكلمي لغزلان ابنتي
سناء"""( ناضت طلات من باب) دخلي اغزلان دخلي
رجعت جلست تتكمل لمسيح شعرها تاحسات بيها دخلات
غزلان"" ( طلات عليها متبسمة) السلااام عليكم الاله العروسة
سناء"" اهلا حب دخلي دخلي
غزلان""( قربت سلمت عليها ) اش خبارك ازين بيخير
سناء"" الحمد لله و نتي اش خبار وليدات لاباس ماجبتيهمش معك
غزلان"" افين انجيبهم اختي غاسلت عليهم و جبت ليك امانتك ( حلات صاشية و خرجت ليها قفيطين في الابيض و مخيط باصفر و معاه سميطة ) هاهو كي جاك
سناء""( شدات من عندها) غزااال ياختي يعطيك الصحة
غزلان"" خالتي مليكة مسكينة تتزرب فيا و تعاود باش يوجد قبل وقت
سناء"" ( شدات يديها) سمحلي ليا اختي برزطتك
غزلان"" اويلي اصحبتي ماتقوليش هاكة بصحتك و مبارك و مسعود اللله يكمل عليك بالخير حبيبة ( وقفات ) خاصني نمشي خليت راجلي تيتسنى برا
سناء"" ( وقفات تاهي و شدات يديها بامتنان) سمحي ليا عذبتك ياختي
غزلان"" ماتقوليش هاكة راه حنا خواتات و بنات دوار واحد و جيران و حباب
قربت عنقتها و تسالمت معاها و مشات و هي رجعات علقت قفطان قبالتها و بقات مراقبه تتبسم دخلات مليكة عندها
مليكة"" و لبسي نتي باقة تتمسكني ايضربك البرد ابنيتي
سناء"" ( دارت عندها تتبسم) واخة وااخة ازين ماتقليقش
مليكة"" ( خرجات تتهضر) يلا يلا و اجي قادي صينية و داكشي لي يتوجد ابنيتي
في جيهة اخرى واقف قدام بيسري شاد على جبينه و تلفون في ادنيه
نصير"" يلا الواليدة راه راسي تطبخ بشمس و تاحاجة ماقلتيها مقادة
نجاة"" و قلت ليك ختار من دوقك مهم ماتجيبش شي حاجة بشكلاط
نصير""( شد على راسه) دابة ساعة انا واقف وتتقولي ليا ختار على دوقك
نجاة"" وصافي نتا خاصك غاعلاش تعصب
نصير""(زفر ) خاص شي حاجة اخرى
نجاة"" الورد راه ضومونديتو من عند سيد لي في دخلة الواليدية عنداك تنساه
نصير"" صافي هادشي لي خاص
نجاة""صافي صافي كولشي خديتو غي ماتعطلش راه درتي مع البنت ربعة اتكون عندها ياك
نصير"" كون كنتي ضابطة كولشي مانبقاش نطوطح في هاد شموسات الواليدة و تزيدي تعطليني
قطع عليها و مشا ختار كاطو گلاصي بمداق الفانيليا هو لي بان ليه ماعرفش ولكن شكله كان ارقى كاطو عندهم خرج برا شعل سجارته تيبخ و يعاود و مرة مرة تيطل بعينه يشوف واش وجد شاف ساعته لقى وقت تيقرب و حاس بضغط غريب و وقت تيدرك بانت ليه لبنت تتعيط ليه. باش ياخد كاطو خلصها و خرج حطها في طوموبيل و طلع مكسيري للدار
الاعتراف بالحب و العشق احساس كان لا مثيل ليه مخلي قلبها يرف رفان و ابتسامة طول جلستها معاه و هي على شفايفها و فرحة كانت مزينة ملامحها ماقدرتش تقول شي كلمة تاهو ماتسناش منها مخلي ليها وقت و راحتها كملو فطور و مشا تكى في سيجور و هي مشات تتجمع كوزينة و غسلات ماعن و رتبت لي يترتب مشات البيت جمعاته و هواته تاسمعته تيكح مشات طلات عليه بزربة عطاته كاس ماء
نوارة"" نمشي نجيب ليك دوا انوح
نوح""( حط كاس تكى كيف كان و طلع عينه فيها ) شنوا فين اتمشي
نوارة"" ( جلسات جنبه) وحالتك ماعجبتنيش انوح مرض غي ماتيشد فيك
نوح"" (شوفته قاصحة) ريحي دابة نصيفط الحسن
نوارة""( مدت ليه تلفون) يلا عيط ليه دابة نيت
نوح""راسك قاصح
نوارة"" يلا كان فيك لي يخرج نمشي انا وياك مكانش ناخد طوموبيل دغيا و نجي
نوح"" ( عقد حاجبه) زعمتي عليا لا
نوارة"" ( شدات على يديه و نطقت بغنج) ايوا تخلي روحك مشطونة عليك
نوح""( مراقبها و داك الغنج لي تيخرج منها محمقه و مخرج ليه العقل من كلمة وحدة خلات داك تكشير لي على جبينه يتلاشى حط يديه على دراعها و جرها تاتزدحت مع صدره ناطق بخفوت) هاد تحلوين ديالك مهبلني
نوارة""( قرب باسته من دقنه) يلا نوض انا نسوگ
نوح""( طول فيها شوفة ) ش باغة دابة
نوارة""( ناضت تتزرب دخلات لبيت و خرجت ليه كويرة دياله ) يلا نوض لبسها انا نلبس دغيا و الله مانتعطل
مشات تتجري خلاته غاتيشوف مافيه لي يخرج ولا يتحرك ولكن خاطرها هو لول عنده مابغيش يخسر ليها يلا ينوض تالقاها دغيا لبست سيرفيت و كويرة تاهي بحالو قربت هزات كويرة و حلتها ليه باش يلبسها تبسم بزز منه و لبس و مشات تتجري جابت ليه سبادري حطاتها ليه لبسها
نوارة""( وقفت قبالته) بلاتي تحنى شوية عندي ( حرك راسه باستغراب تا جراته من كول جاكيط نزل عندها و لاحت عليه القب ) البرد كاين
خشات يديها وسط يديه و تبسمت جرها محاوطها بيديه هز سوارته و نزلو لباركينغ يلا يصوك و جات قدامو
نوارة"" قلت ليك انا نصوك
نوح""( عقد حاجبه) وراقيك فين هوما
نوارة""( جبدتهم من صاك ) هاهوما ماتخافش الشاف خديتهم من الدار من مشيت داك نهار
تبسم على حالته و هو معاها و مشى طلع و طلعات و كسيرات خرجت للشارع
نوارة"" نووح نطلب منك طليبة
نوح"" ( متكي على كوسان تيكح) نشوفو
نوارة""( بغات تنطق و حشمانة) صراحة بغيت ' هانتا ماتقلقش انقولها ليك ولكن ماتزعفش عفاك لا مابغيتيش صافي
نوح""( مراقبها بديك تلفة لي تالفة) نطقيها ونشوف
نوارة"" دابة هانتا في داك الدرب لي كنت ساكنة فيه من قبل كاين تما واحد السيد تيصايب معقودة ( شافت فيه تتقرا ملامحه) و و بغيتك زعمة نمشيو ناخدوها ونرجعو
نوح"" معقودة و في الدرب القديم ( شافها متبسمة و عينها تيبريو سكت ماعاودتش هضر )
نوارة"" ( مركزة مع الطريق باش تبلاصي قدام فارماسي ) صافي دير راسك ماسمعتيش
مخلاهاش تكمل تاكان نزل لفارماسي مخليها هازة شنوفتها وتتخبط بصباعها بنرفزة و ماعجبها حال تاسمعت لباب تحل و طلع و كسيرات ديريكت
نوح""( خدا كينة شربها و نطق ) رجعي لطريق الثانية هادي ماتديش للدرب
نوارة""( تشرعت ابتسامته و دارت دغيا شافت فيه) شكرا شكرا حيث مارديتيهاش في وجهي
هز يديه و بعد شعر على ادنيها و عينه معسلة فيها تا حس بيها بعدات على يديه مخلياه حابس ضحكته على منضرها و كيفاش تتهرب
نوارة"" نووح راني صايكة انصدق دايرة شي كارثة ونصدق لا معقودة لا والو
نوح""( رجع بتقالة تكى براسه على كوسان و ابتسامة مزينة شفايفه ناطق بصوت عيان ) بيك غا المعقودة ( نعت بيديه )غي توصلي لداك شارع الثاني و دوري معاه ( هز يده دايرها على فمه تيكح)
دارت كيما قال ليها و دخلات للدرب وصلات فين كاين محل و بلاصات قدامه
نوارة"" نديوها تالدار و لا ناكلوها هنا
نوح"" ( عصر جبينه بصباعه و عينه ترخاو) لي بان ليك ابنتي
نوارة""( حطات يديها على جبينه ) وجهك تبدل انوح و تاسخانة بدات تطلع عرفتي نمشيو بلاش منها يلا ترتاح
نوح""( حل لباب و نزل) نزلي نزلي
شافته سد لباب و دار جيهتها ونزلت سدات طوموبيل و شدت يديه و دخلو
نوارة""( مخاطبة مبتسمة) السلام عليكم خويا منير
منير"" اهلا ختي نوارة مرحبا بيكم دخلو
نوارة""اش خبار ليلى ولدات
منير"" ايه الحمد لله راه على خير
نوارة"" الحمد لله على سلامتها . هانتا اخويا قاد لي شي ربعة نصوصة انديهم معايا
دارت عند نوح لقاته مراقبها بشوفات بحالا ماعجبو حال جمعت ابتسامتها وجراته جلس لداخل جلسو فوق كراسا عالين عاطين بضهر ولكن كولشي قبالتهم من مرايا
نوح"""( تيدور عينه هنا و هنا زاد نزل قبه على ملامحه قرب شوية عندها و نطق ) قربي قربي لهنا
نوارة""( حسات بدعقة و قربت دغيا تتقلب خده ) مالك انوح ضراتك شي حاجة
نوح""( طمأنها بعينه) بشوية عليك ماتخافيش ، هزي عينك بشوية داك مول لاكوست تتعرفيه
نوارة""( خلعة شدتها من صبعها صغير هزات عينها بشوية وماوعاتش تاشدت على يديه شافت من مرايا ونطقت بصوت منخفض ) اه هاداك تيقولو ليه سحتوت علاش
نوح""( جبد تلفون من جيبو و دفعو ليها قدامها ) بشوية عليك اتهدني عيطي لنصير و علميه بطريقة لي مايشك تاواحد
نوارة""هااه ش
نوح""(زير عل يديها و تبسم على منضرها) تكالماي ( نعت بعينه على تلفون) يلا وريني امدام
هزات تلفون تترعد و دخلت تتقلب على نمرته و تطلع عينها من مرايا تاحست بيه زير عليها شافت فيه و غمض عينه بتقالة باش ماتعيقش دوزت نمرتو و دارتو في ادنيها تيصوني
نوارة""( عينها غي في نوح و مرة مرة تطلع لمرايا سمعات لخط تفتح يلا اتهضر وسمعاته )
نصير""( كان تيلبس عليه باش يشد طريق) و الق***** وي تا نتا زايد على مابيا اش كاين
نوارة""( غمضت عينها و بعدت تلفون من ادنيها شي لي خلى نوح يكرز على يديه و كره نفسو علاش عطاها واخة ماكنش عنده حل عاق بيه خسر الهدرة شافته كمل و هي تنطق ) خويا نصير اش خبارك
نصير""( شد من جبهته و غمض عينه باسف و عاود ركز معاها) ختييي
نوارة""( خلعة راكباها ولكن ثبثت راسها) عرفتك نسيتي العنوان مول المعقودة هانتا سمعني مزيان في شارع==== بضبط قدام مول بنوات ماتعطلش جيب دراري معاك
نصير""( نطق بهدوء) عاودي صيفطي ليا عنوان في ميساج اختي شوية نكون تما
قطعات معاه و هزات عينها في نوح لقاته متبسم و عينه اياكلوها تبسمت و تفكرت ميساج لي قالها نصير و دخلت للواتساب صيفطت ليه و رجعت ليه تلفون
نوح""( تبسم و غمزها ناطق بشوية) معلممممة
نوارة"" ولكن عنداك ايهرب يمكن هو مورانا و حنا دابة ايعطينا بلاتي فكرة
دارت عند دري و هزات يديها
نوارة"" خويا منير زيد خمسة نصوص اخرين الله يسر ليك
منير "" ماعليش نسبق سحتوت اختي
نوارة""( شافت فيه و عاودت شاف في منير يلا تهضر و سمعت صوت سحتوت
سحتوت"" غير سبقهم هوما لوالا ( بصوت تقيل مقرقب شاف فيها) تحياتي اختي نوارة
حلات عينها و دارت بزربة تتحس بقلبها ايسكت تخلعت ماشي منه من داك لي جنبها لي تتحس بشوفاته حارقة ويديه عروقها برزو بكترة كريز لي كارز عليها صوته و هو ناداها باسمها جننو خلاو قرودة تيشطح فوق راسو تكى بيديه على دقنه و عينه كيف جمر مقابلينو من مرايا بقى على داك الحال مدة قليلة تاطلع عينه للبرا و بانت ليه طوموبيل ديال نصير و طموبيل وراها ناض بتبات حيد القب من على راسو و تمشى بخطوات و في ديك لحضة وقفو دراري قدام باب ووحدين برا و نصير داخل بشوية عليه شي لي خلى سحتوت يستغرب ناض بشوية و ماردتش بالو مع نوح لي كان جاي اتجاهو جبد جنوية (14) يلا ايهزها تاحس بركلة ضربات دي جنوية تاتلاحت ليه من يديه كانت من عند نوح لي كان وراه و باقي ماستوعب تا جاته ضربة ثانية على كف لي كانت من عند نصير عاوده ديك ساع نوح لفخاضه بزوج تاطاح على ركابيه شي لي خلا كولشي لي تما تيتغاوت و كتر الهضرة قربو دراري شدوه من يديه بزوج قابلوه مع نوح و نصير
نوح""( قرب و هز يديه و عطاه بلكمة للفم تاحس بسنانه تزعزعو و في ساع دم نزل ) شحفيتينا اولد الق**** ( عاوده بضربة نفس لبلاصة لي زاد دم طوش على يديه ) هادي لداك فم باش يعاود ينطق شي كلمة ماشي ليه
نصير""( قرب شده من دراعه وجره) ريح ( شاف في دراري و نعت براسه باش يديوه )
بقى مراقبه تاطلعوه دراري و داوه عاد تفكرها دار بشوية لقاها كارزة على جاكيط و خوف في عينها هز يديه و نعت بعينه باش تقرب شي لي خلاها تجي تتجري شدت من يديه كارزة عليه خرجو من تما و تبعهم نصير تكى على طوموبيل و ملامحه كانت شاعلة شعيل شي لي خلى نوارة تموت بالخلعة هادشي لي بان قدامها و هو كيفاش قاصح و قبيح مكانش باين عليه القبح تالهاد درجة عاد وعات بكلام سلمان و زينة جاب نصير قرعة ماء
نصير "" هاك غسل يديك
نوح""(زفر بجهد و تحنى بشوية تيغسل و ناض بشوية عليه تينفض على يديه و ناطق بصوت قاصح معصب ) هاد الق*** وصي عليه مايقرب ليه حد تانرجع ليه
نصير""(حرك راسه بتقالة و شرب ماء و نطق) موصي موصي
نوح""( عاد نتابه ليه كان لابس و مقاد) كنتي شاد طريق ولا باقي
نصير""( هز يديه ) خليتينا اخويا ( شاف في نوارة و نطق ) لعبيتها امرات الشاف ماعليكش
نوح""( دور عينيه بتقالة لعندها و شوفاته كانت حارقة و مخنزرة و بنفس لوقت غارقان فيها ) الصمت
نوارة"" هادشي ديالكم انا غي درت ( شافت في نوح )اش قالي
نصير"" ( تبسم) ماتديش على هاد وجه هاكة داير راه تايسحب ليه خدامة معانا واقيلة (شاف فيه) رخف على سيدة اصحبي
نوح"" سير سير راه تابعاك طريق
نصير""( شد من راسه وشاف ساعة ) و زوج و نص اصحبي منين خرجتي ليا نتا منين
نوارة""( تبسمت) لا تعطلتي ماتلقاش سلاكة معاها اخويا شن طن دغيا
نصير"" يرحم باك هانتي دابة في خبارك كولشي ( هز يديه بزوج) لا وحلت شهدو ليا
نوح""( طلع و نزل فيه ) تغيير في محله اودي
نصير"" ( تبسم فهم معنى كلامه و تم غادي) الله يعاون
نوح"" الله يكمل بالخير اصحبي
طلع نصير مشا و هو دار عندها مد يديه
نوح"" اري داك سوارت و طلعي فحالك
معاودتهاش معاه للدرجة خوف لي شدها منه خربق ليها تفكير طلعات ذغيا ويلا يطلع و عاود سد لباب و مشا لعند دري جاب سخرتهم حط داكشي لور و طلع مكسيري حاط دراعه على لسرجم و يديه تيماصي بيها على جبينه بالجهههد و عينيه حمرييييين تقول غي بركان شاعل جنبها
مكسيري حاط مرفقه على باب وًيديه على ڤولون وشوفته كانت مركزة مع طريق ماهضر ماتكلم فقط تيتسمع زفيرو غاضب و عيونه تحمرو بحال الجمر الزاند وفي مسامعه غي اسمها و هو تيتنطق من فم سحتوت كرز على فكه شاف بطرف عينه عليها بانت ليه غي يديها تتفرك فيهم و تتبان تترعد دور وجهه للجنب تيحاول يثبت نفسه
نوارة""( شي خلعة شداتها من منضره بزاف عليها جاتها قوية نطقت بصوت مترعد) ن نووح
نوح""( كان نبرته متغيييرة بزاف على كيف كان تيهضر معاها ) ششش مانسمعش صوتك
سرطت ريقها بصعوبة و بكية حابساها في طرف عينها نزلت عينها و بقات مركزة مع طريق الصمت كان هو في موقفهم هدا حتى وصلو وطلعو فتح باب و دخلت هي لولى عاد دخل هو حط داكشي فوق طبلة و مشى ريح مشات هي دخلات لبيت و هنا ماقدراش تحبس دموعها تسرسبو كيف الشتا ماحملتش موقفها معاه و ندمت علاش خرجت و لا عتبت لديك بلاصة كان صباحها احسن صباح معاه و كيف اعتارف لها و فرحة لي دخل للقلبها ودابة بسببها تغير لونه و شكله لبسات بيجامتهاو مسحت على عويناتها و خرجات لقاته جاالس مفرق رجليه ومتكي براسه على الحيط و تيضرب برجليه بشوية دلالة على انه تيهدن نفسه باش ماينطقش شي حاجة لها سمع حسهاا قريب منه و تكعد حط مرافقه على ركبيه و مطلع عينيه لعندها
نوارة""(بغات تجلس و ماقدارتش بغات تهضر و لسانها ماوازنش حروف) ن نوح انا سمع
نوح""(غي مطلع عينيه عليها تيتساراو وملامح وجهه جامدة في تعبير واحد مامتغيرش ) الصمت
نوارة""( قربت حداه و جلست جنبه و رعدة متملكاها شي خوف وشي احساس حساته عمرها جرباته كحزت بشوية تالصقت مع جنبه وحطااات يديها على يديه لي تترعد و يد ثانية مشات لحيته ودورت عنيه لقبالتها ناطقة بشوية غالباه بكية ) عفاك ماتشوفش فيا هاكة ا انا والله ماتنعرفوً( تتشوف ملامحه و تقراهم ولكن مافهمت والو سوى عينيه لي تتشوف فيها بدون رمش و احمرار زايد ) دابة هو انا تنعرفو ( زادت تترعد) لا لا ماشي هكاك تنعرفو غي حيث معروف في داك الدرب ( سرطت ريقها) وشفتو مرة وحدة ماعرفتش منين عرف اسميتي ( شافته عقد حاجبه و جبهته تطراسات بخطوط مكشرة) غير سمعني هانتا و واحد مرة كن كنا راجعين انا وسناء من لخدمة و و مع طلعنا لسطح ت سمعنا حس و جا قدامنا طايح من سطح لاخور و خفنا و تسمرنا من شفنا ديك جنوية لي هاز ت تخبى في واحد القنت تما و و حتى سمع حس بوليس مشاو و خرج نعت لينا بصبعه باش نسكتو و و صافي مشى نزل فحالو و تما عرفتو واخر مرة شفتو عرفنا من جيران اسمه ح حيث كان تيتخبى فشي سطح ديال جيران و تيخافو منو
( نزلات دميعة و تغلقت من شافت ملامحه جامدة ولا تغيير حيدت يديها من فوق وجهه وناضت من حداه دخلات للحمام مخلياه متبع ليها العين مانطقش و مقال تاكلمة ولكن داخله مكانش فيها ضرة شك عارفها ماقاصداش ولكن كاان محتاج تفسيرها ربما يبرد قلبه من جمرة لي مزندة بسبب الغيرة لي شداته و لو هو ماشافتش فيها شوفة مجرد اسمها لي تنطق من فمه خلاته يشعل مبغاش يهضر ولا ينطق مخليها تتعاود و تكلم و تشرح وهو عينه تيتساراو عليها وديك لكنة و طريقة باش تتبرر ليه خرجت عقله سمع باب الحمام تحل و هز عينيه فيها وجهها فازك و مٌحمَّر بسبب البكى ماهزاتش عينها فيه غادية اتجاه بيت وقف بتقالة اتجاها مد يديه لدراعها و جرها بشوية جات قدام عينه )
نوح""( عينه مركزة مع عينيها باكية و جفونها آحمَّرو)
نوارة""( نبرة صوتها مدبوحة ) شوفاتك انوح ركبوني رجفة
نوح"( هز يديه على رقبتها و جاب جبينها للشفايفه طبع قبلة عليهم و عاود شاف فيها ناطق بصوت منخفض دلالة على الهدنى ليها عرفها خايفة منه) اسميتك منو قتلتني
نوارة""( هزات عينيها فيه وغي ماسمعت صوتو تهدن و بدات تبكي و تشهق ) راه لي قلت ليك هو لي كاين والله
نوح"( حط شفايفه على شفايفها كاتم تنخصيصها و رجفتها بعد شفايفه و نطق) ششش عارف عارف
نوارة""( دفعاته و نسات بكاها) من عارف لاش مركب فيا الخلعة مخليني نسرسر ليك بحالا تنهضر مع بوليس ماشي مع راجلي
نوح""( هز حواجبه حابس ابتسامته ) مزال ماتفاهناش في داك موضوع تستري على المجرم
نوارة""( حلات عينها و سقلت ) ك كيفاش تاني
نوح""( رجع بخطوة للوراء وخشى يديه في جيب جاكيط و نطق بصوت مغاير) قصدي مفهوم تسترتي على مجرم لي شحال و حنا مقربلين الدنيا على قبلو ( سكت لتتواني و عاود نطق) يعني هادشي تيعاقب عليه القانون امدام
نوارة""( حلات عينها على جهدهم ) و انا مالي اخويا فشي معقودة و لا زمر اش داني نخرج ولا نمشي لشي قنت كون بقيتي مجبد مرتاح احسن ليك وليا
من بعد ما رجع من عند نوح تبعهم للكوميسارية كمل اجراءات معاه ووصى عليه كيما قاله نوح و خرج و باله غي مع وقت لي تيحس بيه تيجري و هز تلفونه بغى يصوني ليها و عاود امتانع ركب في طوموبيل و كسيرا اتجاه داره يهز لي خاصه و يشد طريق وقت ماشي بزاف تاكان وصل للدار طلع بزربة هز صاك جامع فيه شي حوايج و ومشى كونجيلاتور جبد الكاطو و خرج ديك ساع باش مايزيدتش يتعطل واخة فاتت 3 و هو داير معاها وقت بالتدقيق حاس بنواضرو تيزدحو و شي ارتباك حاس بيه بزاف طلع و كسيرا و سرعته زايدة
هي لي قبالت مرايا تتقاد شعرها لي سرحاته تاوقفت عليها مليكة
مليكة" اكون زدتي تعطلتي شوية مالكي بااقي الحال
سناء"" وامي انا ساليت مالكي باقة ساعة باش يجيو
مليكة"" ( مشات تتهضر) و اسربي طلقي يديك شحال تقيلة
كملت شعرها لي سرحاته مابقاش مجعد بين ملامحها متغيرة و هزات ميكاب لي اكتفت بكولشي خفيف مخلية ملامحها طبيعية و ناضت برزانة هزات قفطان لبساته و يديها تترعد و احساس لي شادها غريب مخلي حنيكاتها يسخنو و ياخدو لونهم الاحمر بقات قدام مرايا تتقاد بشوية عليها
سناء"" واااماليكة اجي
مليكة""( كانت خارجة من كوزينة تتمسح على يديها) مالكي اش كاين
سناء"" اجي سدي ليا هاد سمطة اميليكتي
مليكة"" هداي عليا نغسل يدي مزيان و نمسحها
تبسمت و بقات مراقبة ملامحها و داك الابيض كيف جاها حتى حسات بمليكة وراها
مليكة""تبارك الله على بنيتي الله يحجبك ليا
سناء"" ( غمزت ليها) والدة زين ياكي
مليكة""( هزت سمطة تتقادها ليها) الله يكمل على بنتي بالخير و نشوف وليداتك يجريو تا انا وسط خيمتي
سناء""( دارت عندها و شدت على وجهها و باست جبينها حابسة دمعتها) الله يطول لعمر لميمتي و يشافيها لياااا يااااربي و تشوفني كي بغات
مليكة""( شدت يديها و باستها) ان شالله ابنتي يلا رتاحي ليا بينا جاو
خرجت و بقات مراقبها حسات بدمعتها تحجرت و هي تبدا تنش بيديها ربما تمشي مابغاتش تبكي و تقلقها منها مسحت بصبعها تحت عينيها و مشات هزات تلفون تتشوف وقت قريب دخلات لعنده مالقات تا ميساج ولا مكالمة دخلات للكاميرة و تصورت بالقفطان و صيفطت صورتها للنوارة و مشات جلست و ارتباك غي ماتيزيد وصلات وقت و مازال مجاوش و في كل مرة تطل من سرجم كوزينة لي قبالت فيرما ديالهم و مكاين تا حس شداتها رجفة و قلبها تيضرب ضريب وصلات خمسة و مزال ماكين حس مشات لبيت ديالها و جلسات تتضرب برجليها هزات تلفون تعيط ليه و عاودت لاحته
وقف بطوموبيلته قدام باب فيرما تيكلاكصوني باش يتحل لباب لي تعطل باش يتحل غي شافه تحل و دخل مْنَيَّرْ و حبس قدام باب و نزل بكتلته ضخمة و ملامح وجهه مزيرة
نصير""( شاف العربي لي كان وراه) ساعة باش تحل داك الق***** فين كنتي
العربي"" ( حادر راسه) اسمحلي اسي نصير غي كنت لداخل عند لاله نجاة
نصير"" دخل كلمها ( شافه و غوت) وااااالواليدة
كانت خارج لابسة جلابة دوبياس و دايرة شال و يديها مزرزرة ذهوبات و باين خيرها عليها
نجاة"" اولدي تعطلتي مالك
نصير""( حاط يده على باب طوموبيل) نهاري مقوووود مافيا لي يهضر زيدي طلعي خلينا نتيسرو
نجاة"" بشوية عليك اولدي ( شافت العربي ) جيب داكشي دغيا حطهم في كوفر وبشوية تقلب داكشي ولا تقيس داك كاطو ( دورت راسها ) وواااااافاطنة مانواياش
فاطنة""هانا ( خارجة تاهي بجلابة هماوية و ورامية عليها شال مخلية شعرها باين من مقدمة راس) مالك نتا على هاد تعطيلة اولدي عرقنا و نشفنا وحنا نساينو
نصير""( جبد سيجارته شعلها و عينه شاعلة كتر منهم و عرق متصبصب من جبهتو شاف فيها و حمر ) فوتي شري اعمتي يرحم باك باراك عليا غا هاد ساعات لي دوزت تزيدي عليا تانتي
فاطنة"" بسم لله عليك نتا غاطير عليا ( تتقاد كاب ) السلامة
نصير""( نتر نترة طويلة و شاف فيها بحدة) عنداك يزنزن ليك داك راس تاني و تبقاي تبرولي
فاطنة"" ( جبدات كلينكس من صاكها و مدتها ليه) مسح مسح غي ديك جبهة تتنسنس
نصير""( لاح كارو عفس عليه وشد من عندها تيمسح و تينطق بتحدير ) تا انا غا علمتك افاطنة لسانك يخرج شي حاجة مزيانة هي هاديك مابانش ليك سرطيه ماتهضريش
نجاة"" ( خبطت على كتفه) اتهدن اولدي راني هضرت معاها
فاطنة"" ( طلعات لطوموبيل ) اناري اناري على هضور
طلعات نجاة و هو بقى متبع مع العربي شافه حط كولشي و سد كوفر و طلع راجع ماشريان تاخرج من باب الكبير و قصد دارهم
عينه متبعاها بشوية وقفته كي لول بيديه في جيبه و منزل راسه لعندها بتقالة و رزانة قدامها
نوارة""( تدور في عينها) دابة اش ايخصني ندير واش اتشدني
نوح""( بلل شفتيه فوقية حابس ابتسامته حرك راسه بشوية) انشدك
نوارة"" ( تتشوف فيه بطريقة محلونة من عين يمنى و تمشي لعين ليسرى عاضة على شفايفها وشدات على جاكيط بيديها بزوج منزلاه عندها و بصوت قليل ) و تسخى بيا نبقى مجرجرة
نوح""( عينه تعسلو و هي تتحلون قدامه مراقب غي شفايفها كيف تتلعب بيهم طلع حاجبه بتقالة و نطق) خدمتي خاصني نديرها
نوارة""( دخل معاها زايد شافته مصمم بقات على حالتها) و دابة اش يخصني ندير
نوح""( نعت بعينه لي شبه مغمضة من كترة تعسال لشفايفها و بلل شفايفه بتقالة بصوت خافت ناطق ) ها شنو خاصك تديري
نوارة""(جمعت حاجبها و دفعاته تارجع بنصف خطوة ) عوتاني ضحكتي عليا
نوح""( بعد بخطوة لي دفعاته من عليها و مزال يديه في جيبه هز حواجبه و ابتسامة تشرعت على شفايفه بتقالة خلاتها ساهية ) سولتيني جاوبتك من لاخر
نوارة""( حمقها بديك تقالة لي فيه و كيفاش تيشوف فيها ربعت يديها ماعجبها حال ) ولفتيها فيا نتا
نوح""( زاد بخطوة و تحنى بشفايفه باس بين عويناتها لي مجموعين بغضب ناطق بشوية) رخفيها
نوارة""( تيكمل ليها بكلامه و كيفاش تيراضيها هزات عينها فيه) الصمت
نوح""( حرك راسه بشوية ) نبقى نتسنى ( كح) بغيت نتكى ابنتي
نوارة""( قربت قاصت على خده و طلعات لجبينه و شافت عبنه ترخاو و حرارته طالعة شوية و شوفاتها دغيا تبدلو قربات بخطوات وهزات صبيعاتها حطاتهم فوق رجليه و يديها على جاكيط تعلات ببطئ و مشات بشفايفها لشفايفه حيد يديه من جيبه بشوية و حط يد على خصر و يد على مؤخرتها هزها لعنده مخلي راحتها عليه طبعات قبلة على شفايفه و هي بين يديه مستمتعة بلحضتها دورت يديها على رقبته بعدت شوية تقابلت مع عينه معسلة و عاودت طبعت قبلة على عينه و بعد نطقت بدون وعي منها) شوفتهم فيا محمقاني
(وعاودت نزلات لشفايفه بالاخص شنوفة تحتية عضت عليها خلاته يزيد يكزر على مؤخرتها تاتوهات ليه في فمو) و هاد الفم واش تيخرج ( مراقبها بهاد زعامة لي زعمت عليه و هاد تحلوين تيسالي معاه و مهبلو هاد مرة هو لي خشى شفايفها وسط شفايفه بقبلة ساخنة مخلي لسانها وسط فمه ويمص رحيقها و يديه واخدة راحتها و هي تتدوز بشوية على مؤخرتها تمشى بيها حطها فوق طبلة و حاصرها بيديه بزوج منزل راسه لعندها
نوح""( هز يديه و شد على مقدمة كيطمة و نزلها لتحت تابان ليه صدرها تيطل مزير و ديك شقة تتغمز فيه تحنى ليه و طبع قبلة ماتهز تاجره بمصة و عاود حاوط بيديه بزوج على طبلة و شاف فيها لقى عينها معسلين تبسم عاض على شنوفته على منضرها غمز ليها بتقالة) دوايا تما
نوارة""( تبسمت و شدت على جاكيط و قرباته لعندها قربت لعنقه و استنشقت رايحته و عينها مغمضة) وشحال و انا باغة نقولها ليك و ماتنقدرش شحال تتحمقني ريحتك
نوح""( مع هي تتشم و هو تيطبع قبلات على شعرها شافها طلعات عينه فيه ونطق بخفوت) محمقاني نتي
دفعاته و هزات داكشي من فوق طبلة و مشات لكوزينة و خلاته تيتبسم مشى تلاح فوق فوطوي بتقله رامي تعبه عليه غمض عينه بالم لي في راسه و داته
جالسة في طرف ناموسية تتحرك رجليها بعصبية و حنيكاتها لي ديجا كانو مزنكين وزادو هاد مرة بعصبية لي ركبت فيها و توتر ناضت غادية اتجاه لباب اتهز يديها تدفع لباب و سمعت الهضرة و رجعات صدرها يطلع و ينزل مغمضة عينها عاضة على شنوفتها بالاخص من سمعت صوته الخشن و هو تيرمي السلام على مليكة تكات بضهرها على ع الحيط و يديها طلعات على صدرها ربما تنزل من دقات قلبها لي تيتسمعو في الارجاء
دخلو بترحاب الكبير من مليكة و الوجه المبشور دخلو جلسو في الصالة لي مفرشة غي بالزرابي و بونجات نازلين و مخيدات ضايرين بيها و ريحة العود عاطية
نجاة""( مبتسمة) كي دايرة اختي و كي بقيتي
مليكة"" الحمد لله اختي يسول فيك الخير( شافت غي نصير) اش خبارك وليدي على خير
نصير""( حط يديه على صدره بترحيب) الحمد لله الواليدة الله يطول عمرك ( عيونه تتحرك ببطئ نطق ) سمحولينا على الوقت غي شي خدمة جات على غفلة
مليكة""( تبسمت و ناضت) مرحبا في اي وقت اوليدي دار داركم
مشات من حداهم و خلات نجاة متبعة العين و ابتسامة على ملامحها شافت في فاطنة لقاتها غي تتشوف
فاطنة""( هنا اتسمع صوتها) ماعندها حباب مسكينة
نصير""( لمح ليها بشوفة حارة كانت كافية تصقل ) الصمت
دخلات مليكة تترحب و تعاود مخلات ماحطات فوق طبلة اشمن فاكية و اشمن حلاوة كولشي قامت بيه و هي شحال ويه تسنى في نهار بنتها صواني تتشع من بعيد كولشي بلدي من صينة و كيسان ولا برارد بداو اطراف الحديث بين العيالات و هو غي ساكت و تيشوف و عينه مرة مرة تتمشي لباب واحد بيت ماعرفش واش هو بيتها ولكن عيونه تتمشي ليه و في يديه تلفون تيلعب بيه
فاطنة""لالة مليكة ايوا عيطي لينا لعروستنا نسلمو عليها
مليكة""( تبسمت) هي لي ماتعاودتش اختي انا نعيطليها
شاف في فاطنة واول مرة كلمة خرجت منه جاته على كانتو
اما هي كانت مقابلة مع نوارة ابيل فيديو
نوارة"" ( كانت في كوزينة) بشوية عليك حبي تبارك الله شحال وتاك شعر هكاك
سناء""( لسانها تيترعد) تنرجف اصحبتي ماعرت مالي
نوارة( مبتسمة) كنتي تضحكي عليا داك نهار فين حدك دابة
سناء" ( يلا تهضر و سمعت لباب تحل و بانت مليكة) هاهي جات تخرجني ياا
مليكة""( قربت شافت في نوارة لي صيفطت ليها بوسة ) اش خبار بنيتي لاباس
نوارة"" لاباس ميمتي يسول فيك الخير ' شدي ديك مرعودة ولا قرصيها باش توكض
سناء"" ياك لمك تضحكي عليا
مليكة"" يلا ابنيتي ناس بغاو يشوفوك
نوارة"" سيري احبي الله يكمل بالخير من تسالي عيطيليا
قطعت عليها ودارت عند مليكة لي بدورها شدت على يديها تتهدنها
مليكة"" الله يابنتي مالك تترعدي غ بشوية عليك يلا زيدي
رمات اول خطوة وعينها ماقدارتش تهزهم خطوايها ماوازنيش بكترة الخجل تمشات بشوية ورا مليكة شادة على قفطانها وصلات لباب و مشات مليكة بجنب خوات طريقها و بانت ليهم كيف شميعة
نجاة""( وقفات ) تبارك الله على عروستي ماشاءالله ماشاءالله
سناء""رمات خطوة لعندها متبسمة و عينها في الارض) السلام عليكم ( سلمت عليها باست على يديها)
نجاة""( دوزت على شعرها) الله يرضي عليك بنيتي
فاطنة""( وقفات تاهي سلمت عليها) تبارك الله عليك ابنتي
سناء""( تبسمت بصوت خجول) ربي يخليك
هنا غادية اتجاهه لي من قبيلة و هو يساينها تدخل بلا مايحس مجرد ماطلقات عمتو ديك كلمة و هو عينه زادت في الشوق يشوفها تيسمع حس لباب هنا عيونه تهزو بلهلا يطريه ليه كانت مضركها مليكة و هي وراها تاخوات ليها طريق هنا عيونه تحلو بجمال رزقه و داك السر لي طايح عليها و لا حشمتها لي مبينة في مشيتها
وصلات قدامه مدت يديها لي زادت تترعد اكتر من شافت جسمه تهز من قربت ليه مدت بلاما تهز عينها وقف و مد يديه ضخمة حطها على يديها لي كانت باردة و تترجف دوز صبعه بحنية غير باش تفهم وتهز عينها فيه ساعة ماكنتش ليه بعدات من حداه و مشات جلسات جهة مقابلة معاه حدا مليكة تتفرك ف يديها و عينها منزلاها للارض
نجاة""( غي حاضياها) الله يبارك ابنتي تفتني
تبسمت بزز من كترة حشمة ودوك شوفات لي تتشوف بطرف عينها تشجعت و هزات عينها فيه بشوية جالس بكتلته و هيبته مطيح رجل و مخلي رجل واقفة حاط يد على ركبته و يد ثانية تتلعب بتلفون و لكن عينه مختارقينها وصلات بعينها لعينه و بانت ليها شبه ابتسامة منه خنزرت فيه و نزلات عينها خلاته حاط يد على لحيته حابس ضحكته عرفها مقلقة عليه
وقت تيدوز عندهم بالحق عند سناء كان بطيئ لاقصى درجة تتحس براسها ماقدراتش تزيد تجلس
نجاة""( شافت فيها) ايوا من تفاهمنا ايبقى شروط العروسة
نصير""( حنحن قاد صوته مخاطبهم بثبات) شروطها او اي حاجة بغات تقولها غاتقولها ليا انا بييني و بينها ( ركز مع مليكة) الواليدة ممكن نهضر معاها بوحدنا
مليكة""( ابتسامتها كانت باينة من اول كلامه و كيفاش رزين و باغي ياخد رأيها بوحدها في كولشي ) ايه وليدي حقكم ( شافت في سناء) نوضي ابنتي سيري لبيت تاني و تفاهمو
هزات عويناتها فيه دغيا و نزلتها ناضت شدات على قفطانها بطرف صباعها و تمشات وقف تاهو و تبعها بخطواته و عينه تيطلعو وينزلو فيها باعجاب كيف تتمايل قدامه دخلات لبيت كان مفرش بالزرابي بلدين و مخيدات تاعهم على شكل حنابل بالموزون في لون الاحمر دخل لقاها جالسة على مخدة و قفطانها مرمي على جنابها مثل شميعة منزلة عينها و حاطة يديها على ركبيتها قرب بخطوات تقيلة مد يديه لخدية و حطها و جلس جنبها و شابك يديه مع بعض مخلي عروق بارزين طلعت عينها بشوية على ضخامة جسمه و ديك قميجة مزيرة عليه و صدره تيبان شوية لي غي وصلت ليه و نزلت عينها بالخف
نصير""( غي مراقبها و مراقب دوك خدود لي مكروزين نطق بصوت نازل) غا هزي عينيك فينا مالنا
سناء""( صوته تيجيب ليها رجفة دورت وجهها لجهة ثانية) الصمت
نصير""( تبسم عرف مقلقة عليه ) عارف راسي مقوودها معاك ( دور وجهه و عض على لسانه عاود شاف فيها لقها عقدت حاجبها تتفرك يديها بحشمة حك على جبينه بارتباك) سمحي ليا ماقصدتش ( شاف يديها و طلع وجهها تيتسنى دور )عارف راسي درت فالطة نفوتو هادشي و تفاهمي معايا (مراقب ملامحها خجولة)
سناء""( غي تتسمع منزلة عينيها ) الصمت
نصير""( دوز يديه على لحيته باغي يشوف عينها بدات نزل براسه لعند وجهها تيتبسم) خليني غا نشوف باش انتزوج
سناء""( حابسة ضحكتها مدورة راسها لجنب) الصمت
نصير""( بلل شفايفه و نطق بشوية) هادي سميتها الرؤية الشرعية نشوف لاتكوني حولة ولا شي لعبة
سناء"( شافت فيه تتضحك بهمس) حول هو نتا
نصير""( تشرعت ابتسامته ) لا عرفت راسي حول لي ماشفتكش من شحال هادي ( نعت بعينه لعينها و نطق بصوت خافت )من جيت و انا باغي نشوفهم
سناء""( خلات عينها عليه و ابتسامة خجل فالتة ليها) الصمت
نصير""( حنحن قاد صوته و نطق) كنسمع شروطك الاله
سناء""( تتفرك يديها لي تتحس بيهم عرقو نطقت منزلة عينها) مابغيتكش تمنعني من مي ( بارتباك) يعني عارف مرضها و هي بوحدها زعمة نبقى نرد ليها بال
نصير""( طلع حاجبه) قلت ليك شروط ماشي الواجب
سناء""(هزات عينها فيه برزبة غيرماتيزيد يغرقها بحنيته ) بغيت غي الاحترام و المودة بيني و بينك
نصير""( تبسم نزل عينه ليديها و عاود طلع لعينها تيشوف انها ماطلبت لا مال لا ذهب لا دار قرب بيديه شد يديها وً نطق ) نقدر نقول شروطي تا انا
سناء""( حركت راسها بايجاب ) الصمت
نصير""( شابك يديها مع يديه) يدك ماتفرقش على يدي ماتخبي عليا تا حاجة قد كانت زينة قد كانت خايبة الاسرار بيناتنا ماكينش
سناء""( حركت راسها و تبسمت) واخة
نصير"" بالنسبة موضوع الواليدة نتي بنتها وانا ولدها مانمنعكش منها و مانمنعهاش منك
سناء""(غالبتها بكية مزلات عينيها للارض) الصمت
نصير""( قرب يديه لدقنها و قابلها مع عيينه بصوت فحيح) شش مالنا امم ( ناطق ) باقة شي حاجة ماقلتهاش ليك
سناء""( تتشوف فيه و تتسناه ينطق ) شنو
نصير""( حرك راسه بتقالة و عينه متغزلة كتر من لسانه) شعرك جاك زوين ( زاد خفض صوته و نعت للبسة ) لباسك فاتن ( نعت بديه على ملامحها بشوية و نطق بنفس نبرة بالكاد يتسمع) فتنتي العقل
يتبع...
التعليقات
لا توجد تعليقات بعد، كن أول من يعلق.