محتوى القصة
واقف عليها بطولته عينيه حمريييين مفيكسيها على عينيها بدون رمش و يديه مورمة ممدودة ليها باقة هاكا داك دم فيه لي نشف و لي مزال وسطها الزاج قلبو تيضرب ضرييب مجهد خايف ..خايف بزاف ترفض يديها تحط وسط يديه بقات ممدودة لمدة لابأس بيها تا بدات تترعد عليه كتر من قلبو عينيه ماعياتش و ماملش من ديك شوفة ...
تاحس بيديها تحطت عليه خلات لبرودة تاني تطلع مع ذاتو قرب بخطوة ونصف تاكان قدامها تحنى باليد تانية موقفها عينيها شلال تموووت ماتفرقش على يديه حاوطها بيديه على خصرها و رفعها لعندو و خرج من تم مادوا ماتكلم غادي في طريقو لطوموبيل عينيه قداموو ... هي عينيها ماقدروش يحبسو من البكى و لا قدرت تحبسهم من شوفت ملامحه حست براسها ضلماتو على خاوي ضلماتو على شي حاجة ماديرهاش ... وصل بيها لطوموبيل فتحها و حطها بشوية تحنى عليها تيدير ليها ساتينغ و هي مراقبته بكل مافيها تاشافتو بعد سد لباب و دار فتح لباب و طلع و هي مزال مراقباه دار ساتينغ و ديمارا تاحس بيديها تحطت على يديه شاف فيها و هي تمشي بديها بشوييية شدات على يديه مورمة جابتها قدامها حطاتها قدامها حلاتها و تتحاول مع ديك ضبابة دموع تشوف و تحقق هزت يديها لاخرى مسحت بكمامها و عاود رجعت تتشوف وضاحت ليها رؤيتها كان فيها جروح كتيرة و باقين شي زاجات مخشين زادو دموع بنزول تابداو يطيحو على يديه هزات كمها تتمسح ليه و تعاود بقهرة .... طعناتو قهراتو الماتو و هي تتبكي بهاد قهرة تيشوف و القلب عالم بيه غي الله شي حاجة زاطمة وسطو .. مسحت ليه بكمامها و تحنات تتنقي ليه داك الزاج مجاهدة و محاولة باش تشوف مزيان تانقاتها مسحت عليه الدم شافت فيه نطقت بصوت مقجوج
سناء"" يخصك ت تعقمها
جر يديه من فوقها حرك راسو بشوييية تقول مابينيش كاع و كسيرااا خارج من الفيرما هي من شافتو ماجوبهاش نزلت راسها مابغاتش تعاود تهضر معاه عرفاتو مقلق عرفاتو معصب تكات براسها على كوسان مغمضة عينيها و تتفكر في كلامو
من دويت فيك عمر عيني جات فشي ق** ة
عيني عمرات بيك
نويت حلال لي عمرني نويت ولا درت في بالي غادي نديرو
تاشفتك و نتي معششة هنا ( غمضت عينيها بجهد من تفكرت كيفاش كان كيضرب على راسو و دمايات تطيح) هضرتو ماشي غا ضراتها قصحتها بجهد ..
بقات تدي و تجيب في كلامو و تفاصيلو و كيفاش كان تيهضر بالحرقة حتى حست بالوجع فجأة حلات عينيها و تحركت بيديها تحت كرشها بزربة
سناء""( بانين منخفض ) ااامم
نصير""( كان صايگ تاحس بيها تحركت دور عينه بزربة شد على دراعها بخوف نطق ) مالك
سناء""( مغمضة عينيها كارزة عليهم و معوجة محنية تحت ) اااحح رجع لي تاني
نصير""( زاد بسرعته ورمى يديه على ضهرها تيحركها طلوع و نزول شطناتو و زادت بهاد الوجع نطق بشوية ) صبري اول كلينيك يبان لينا ندخلو ليه صبري
زادت نزلت و يديها على كرشها تتحس بشي حاجة تتنزل منها ماحست بقلبها خفق بجهد خافت ورجع ليها سؤال نوارة و مليكة واش تتنزل منك شي حاجة ماحسات بدموع بداو ينزلو تاني خافت ،،، خافت يكون تيضيع منها شافت في نصير لي لقاتو عين في طريق و عين عليها
سناء"" ( بصوت قليل ) عفاااك سربي تنتقطع انصير تنتقطع
نصير""( هز يديه لشعرها تيدوز عليه و قلبو مضرور ) مابقاش بزاف صبري
حيد يديه من عليها و زاد بسرعته ماواعيش بالو مشطون بيها و بلي هازة في كرشها ولكن بيها هي كتر ماتحملش يشوفها تتوجع ولا تزيد تبكي ......
دازت ديك طريق كلها شطنة بان ليه اول كلينيك ووقف قدامو نزل بزربة و دار عندها حل لباب و رفعها لعندو و تم داخل بخطواته تابانت ليه ممرضة معرضة ليه
ممرضة"" اش عندها اسيدي
نصير"" حاملة فيها وجع قاصح
ممرضة""( سابقاه بخطوات مسرعة) جيبها اسيدي هنا
داتو للغرفة الفحص دخل حطها فوق بياص و بعد مشى حدا راسها غادي يهضر تاحس بطبيية دخلات
ممرضة " تقدر تسنى برا اسيدي
نصير"" ( حمر فيها وشاف في طبيبة ) الله يحفضك شوفي ليا مالها وجع قاااصح محنها بزايد
بقاو بعينيهم عليه من وقف عليها تاهزها بين يديه و خرجها من حداهم تابانت ليهم نجاة جلست دايرة يديها على وجهها تتبكي
نجاة"" الله ياربي منين خرج ليهم هادشي
نوارة""( قربت جنبها شدت من دراعها دموعها هوادين) الحمد لله دازت على خير
نجاة""(بحرقة) انا لي شفت ولدي تضر تضر في گلبو مقصح
نوح""( داير يديه في جيب و مراقبها تنهد) الواليدة نعلي شيطان
نجاة""( تضرب على صدرها) وليدي كنت نهزو بسناني و ماينقص منو حد وليدي دزت عليه في صغرو مابغيت تجيه في قلبو حيث ( زادت تضرب على قلبها) هاد الكافر صعيب تجي فيه الضربة
نوارة هزات عينيها في نوح و حركت راسها مافهمتش علاش تتهضر غمض عينيه و فتحها بشوية بمعنى من بعد و نهضرو قرب لعندها و جلس قفازي شد على يديها نطق
نوح"" ( بصوت مقهور)الحمد لله لقاك حداه و رافدة عليه من صغرو لقاك جنبو ماكتخصريش ليه يرجع و يلقاك تتساينيه يرجع يلقاك موجدة ليه مايلبس ماياكل تسوليه كي داز نهارو وقفتي معاه في صغيرة قبل كبيرة
قرب باس على يديها بجههد مغمض عينيه و عاود طلع عينيه ليها و عاود نطق
نوح"" كيف ماكان حال راه باه واخة معاملتو كانت قاصحة كبرو راجل
نجاة"( قرب شدات على راسو تتبوس فيه) نتا اوليدي نتا الفضل تيرجع ليك كون مانتا كنتي مدرعو وراد ليه لبال كون تبع طريق خرا وخرج على راسو
نوارة حدها مراقبة نوح بعيون مورمة و على الحنية لي مازايدة تبان فيه اما صوتو هو و تيهضر قطع ليها قلبها طراف طراف
نوح""( باس يديها و طبطب عليها) كولشي فات دابة تزوج و قريب يدير وليداتو يعمرو عليك الدار
نجاة""( حركت راسها) الله يرضي عليك ( شافت في نوارة ) تانتي بنتي تهلاي في هاد انسان راه قلبو لي ديتي ماتلقاي بحالو دازت عليه وليدي تاهو ( دارت عندو شدات يديه باستها) عمرني فرقت بينك و بينك وليدي من نهار لي دخلتيه عليا و هو في ديك حالة و نتا في قلبي
نوح""( تكعد باس على راسها ) خليت ليك الراحة ميمتي
ناض بالخف دار ماعاود شاف فيها خلاها عاضة على فمها تتبكي اما نوارة بقات مراقباه تاخرج و حست بنجاة طبطبت عليها تاشافت فيها
نجاة""( بصوت مقجوج) ديك ميمتي تيقولها غا ليا وليدي ماعرفتش واش معاود ليك واش عارفة عليه ولا لا لي نقولك ابنتي تهلاي فيه ويااااك تخسريه ولا تسمحي في داك القلب
نوارة""( شهقتها مدبوحة ) عرفت اخالتي شي حوايج قاصحين من ولادتو لكن بعدها مازال تنعرف
نجاة""( تنهدت بجهد ) احح ابنتي م مادوز داك القلب ( طبطبت عليها ) هكاك ماسمحش في صاحبو جاي تابعو تيجري راد ليه بال في صغرو و في كبرو الله يرضي عليه ( هزت يديها تدعي ) ياربي ياربي انا راضية عليه قد السماء مع الارض ياربي تعوضو لي داز عليه ياربي و تفتح طريقو بلي تريحو
نوارة""(مسحت على دمعتها و باست راسها ) امين امين
نجاة""(طبطبت عليها و باست على راسها ) نوضي بنيتي تبعيه واخة نقولو يجلس ماغاديش يبغي تبرد القضية و جيو لداركم ابنتي ( حركت راسها ) و ردي ليها لبال ابنتي و ردي عليا باش ماكان الله يرضي عليك الله يثبت حملها ولها توريها لي تخلعنا
نوارة""( حركت راسها وناضت سلمت عليها باست على راسها ) امين خالتي امين بسلامة رتاحي واخة رتاحي
تبسمت ليها و هزت صاكها و خرجت تتزرب و شوقها غي فيه تشوفو خرجات مع لباب بان ليها متكي على طوموبيل تيكمي منزل راسو و مبين ساهي تمشات بخطوات دغيا عندو وقفت قدامو هز عينيه حمريييييين فيها بقى كيشوووووف مطووول تاحس بيها تتقرب و تزدحت راسها ماصدرو مخشية فيه خلاتو يغمض عينيه بجهد عليه لاح داك الكارو و دور يديه عليها منزل براسو لعنقها غاطس فيه براحة .......
تقدمت طبيبة جنبها تحت نضاراتو ليها لي كانت كلها شطنة و خوف
طبيبة""( نعتت بيديها) تفضلي معايا هنا امدام
في ساع ناضت بشوية شادة على كرشها و خوفها مسيطر عليها توجهت لمكان الفحص بالسونار جرت عليها ريدو
طبيبة"" حيدي امدام حوايج تحتية ( سروال )
تحنات بشوية بحكم كرشها مزيرة عليها و عاطياها الحريق خايفة تكون نزلت منها حشمت حتى تقولها ليها تتنزل و قلبها غادي يخرج لحسن الحظ انه كانت افرازات بيضاء لا غير حيدت سروال وطلعات فوق بياص تكات عاونتها طبيبة كيفاش دير ...
بدات في الفحص بالسونار المهبلي مع دخلاتو وسط رحمها و هي تغوت بالم
طبيبة"" ماتخافيش ( منتبهة مع جهاز السونار) رتاحي
سناء عينيها غي قدامها و تعاود تدور لملامح طبيبة تتحاول تقراهم
طبيبة ""( جبدت من عليها ) تقدري تلبسي
حركت ليها راسها و ناضت لبست و شطنة دارت ليها حالة لبست دفعات داك ريدو و دار هو بالخف تيفحص في ملامحها تالف و دايخ ماعرفش مايقول مايقدم وما يوخر
طبيبة" سيدي تقدر تقرب لعندي هنا
حرك راسو و ناض دغيا مقرب ليها و شي احساس اجتاحو في شكل . بدات ليها فحص فوق كرشها هو عين عليها و عين قبالت ديك جهاز لي قدامو
طبيبة""( بهدوء مركزة قدامها ) تتبان ليكم ديك نقيطة
نصير""( مصغر عينيه ) شنو كاين ادكتورة الله يحن عليك مناش هاد الوجع ولاش قاصح عليها
طبيبة"" ( تبسمت ) ماتخافوش كولشي مزيان بيبي هو هاد نقيطة صغييورة لي هنا ( زادت تبسمت) حمل عمرو 2 اسابيع و 3 ايام بضبط
بقى تيشوف ومركز فديك نقطة و ودنيه تيعاودو ديك هضرة لي تنطقت منها كاملة تيحاول يستوعب و يدخلها لدماغو دور عينه لسناء لقاها مركزة كتر منو قلبها تيضرب يضرب بجهد هزات عينيها فيه و جات وسط عينيه حاسين بلسان لي ينطق شي كلمة في داك موقف ماتعرفش ليهم قاطعتهم غي طبيبة لي كانت بعدت
طبيبة"" تقدرو تفضلو معايا ( مشات جلسات)
نزل ليها حوايجها على كرشها و شد على دراعها منزلها بشوييية محاوطها من خصرها جابها للكرسي جلسها و جلس قبالتها
طبيبة" ( شافت في سناء )شحال ديال الزواج عندكم
سناء"" 3 سيمانات
طبيبة""( بهدوء) كانت بيناتكم علاقة جنسية قبل مايشدك الوجع
سناء""( حشمممت نزلت عينيها و حركت راسها ) لبا لبارح
طبيبة""( شابكت يديها ) الوغ مدام في بداية االحمل غادي تبعي بعض خطوات كيما نشرح ليك باش بيبي يشد بلاصتو تنقصو من علاقة الجنسية او ماتكونش علاقة عنيفة او تحركي بشكل مستمر او تهزي تقل او طلعي في دروج و تنزلي بشكل مستهتر فهمتو قصدي
نصير""( بشطنة ) الوجع غادي يبقى فيها هاكة
طبيبة"" غادي نكتب ليها ديكالمو و مثبت الحمل تاخدو لمدة 10 ايام و ترجع نشوفو واش واش كولشي مزيان
نصير"" الوجع مناش جاها بضبط
طبيبة"" الوجع في بداية الحمل طبيعي لكن هي كانت بسبب علاقة الجنسية و الاعصاب داكشي لاش تكمل داواها و ترجع باش نعرفو المشيشة واش واخدة بلاصتها ولا لا كا احتياط دير بالنصائح لي منيت عليكم و يكون خير
تحنات كتبات ليهم الدوا مدتها ليه و ناض مقرب ليها شد عليها موقفها محاوطها بيده شاف في طبيبة حرك ليها راسو بشكر و خرج استقبال خلص و عاود حاوطها بين جسمو و خرجها للطوموبيل حل ليها لباب طلعت و طلع تاهو و كسيرا يقلب على شي فرماسي قريب بانت ليه حدا لكلينيك نيت نزل دغيا خدا الدوا ورجع شد طريقو لكازا ....
هي غي طلعات مع وصل وقت داك وجع تيفوتها غمضت عينيها وقف في سطوب و دار لقاها نعسات نزل ليها الكرسي باش ترتاح في نعسة بقى تيشووووف حس براسو مخربق كولشي جاه في دقة داخلو فرحان بخبار حملها لكن خصومتو معاها جاتو قاصحة و بالاخص انها ما وفاتش بوعدها انها ماتخبيش عليه تا حاجة ماتوجعش ليه و حتى البيبي مايكونش خوف عليه هاك. و عاد وجعو هو لي جاه قاصح عليه... بقى مراقبها بعيون معاتبة محبة عشقانة تلف تلف تلفة صعيبة تيقرب بشوية تاتحط نيفو على شعرها تيشم فيه باللهفة و عينيه على ملامحها و هي جفونها منفوخين فيقاتو غير تنهيدة مع شهقة صغيرة عض على فموووو بجههههد و بعد مزير على فولون عاود كسيرا و زاد قاصد الدار
مخشية فيه كأنها تتمص جرحو و حزنو لي كان مبين على ملامحه و ديك لكنة لي كان تيدوي بيها واخة مابغيش يبين لكن هي كانت حفضاتو و عرفاتو مقصصصح بجهد في الموضوع هزات راسها فيه تبسمت
نوارة""( حطات يديها على لحيته نطقت بحنية ) انا مرضية لي ربي لقاني براجل حنين و الشهم بحالك
نوح""( تبسم تيرد شعرها لي تيطيرو ريح قدامها ) نتي لي عندي
نوارة""( سرطت ريقها بصعووبة باش ماتخليش دموعها ينزلو بسبب هاد الجملة ضراتها و حسكت ليها القلب ) انا معاك حبيبي و عمرني نفوتك ( حطات يديها على يديه زيرت عليه ) مكتجمعنيش بيك غي عقد زواج انا منك و نتا مني لي تضرك اتضرني كتر و لي تفرحك تفرحني بفرحك انا معاك حبيبي ..
هاد الكلام ماشي ساهل بالنسبة ليه هاد الكلام جاه قاصح كتر على قلبو حيث تيدخل ليه و تيحفر شوية بشوية مامولفش بهاد الحنية تالهاد درجة واخة كانو ضايرين بيه بعض لكن حنانتهم مختلفة كليااا على عاد الملاك لي قدامو تتكافح باش ترخف عليه قسوة الحياة لي دوز .. تبسم و قرب بشفايفو طبع قبلة تقيييييلة كأنه تيشكر دوك شفايف لي تيطلقو غي حروف المهدئة و حنينة فيه ..
بعد و باس على كف يديها و نعت براسو باش تطلع دارت بغات تمشي و عاود زير عليها حبست و شافت فيه بحنية
نوح""(نطق بصوت مختلط بين الهدوء و الالم ) في حياتي كاملة عمرني جربت شطنة في عينين شي حد ( جرها حط يديها على قلبو نطق منزل براسو لعندها ) حتى دخلتي ليه ولا لي يتشطن و يخاف لا يتجرح ( تبسم بنصف ابتسامة ) ماجيتيش ودخلتي ليه بهاد سهولة
نوارة""( ماقدرتش تحبس دمعتها هنا بصح كلامو قليل لكن من تينطق تيخليها غا تتشوف و تعاود كلامو مية مرة في بالها قربت عندو نطقت مطلعة عينيه ليه) شحال ماقدر انسان يخبي و يدير راسو قوي ضروري ماتتجي شي حاجة او شي صدفة او انسان لي تيخليه يبين ضعفه ( شدات وجهو بين يديها ) ربما خبيتي قاسيتي تمحنتي تقصحتي من الدنيا من زيادتك لهنا لكن تتبقى انسان انوح (دموع بداو ينزلو ليها) غانعاود نقولك انا معاك انا عائلتك من مك من باك من ختك من خوك كيف ماكتقولي نتي مني انا نقولك نتا مني و فيا حبيبي ..
نوح""( من حدها هي تتهضر و تيحس بقلبو بحالا شي ثلجة تدوب في وسطو شوية بشوية عينيه مافلتوش من عينيها و هي تتواسي و تطلع ليه في مورال تخفف على ملامحه لي كانت مزيرة جرها لعندو بشوية عاود حضنها لكن كانت هادي بقوة كبيرة مدور يديه دا شفايفو لودنيها بصوت منخفض) نورك لي ضوا عليا ظلام الدنيا
مدة هو مزير عليها وسط ضلوعو امتصت شي احاسيس دينا خانقينو ديما واحلين لي في الحلق و عمرو عرف حروف كيفاش تيتنطقو ... بعد عليها باس على جبينها بحنية
نوح""( بصوت منخفض) نتيسرو ؟؟
دوزت يديها على دراعو بحنية و حركت ليه راسها متبسمة و مشات طلعات و طلع تاهو و كسيرا خارج من الفيرما و عينيها غير عليه شطنها بزايد و قلبها تيضرها من تتشوف ملامحو مزيرة
تنهدت و نطقت مغيرة موضوع
نوارة"" نعيط ليها نشوف اش دارت
حرك ليها راسو جبدات تلفونها من الصاك و دوزت ليها الخط غا صونا دغيا تفتح الخط
نوارة"" سناء كيف بقيتي شوية
نصير"" ختي ماتشطنيش ، راه مزيانة ( شاف فيها و زاد خفض صوتو ) ناعسة داكشي باش جاوبتك
نوارة"" واش دوزت ؟؟
نصير"" اه اختي الحمد لله كولشي بيخير تفيق و تعيط ليك
نوارة"" واخة اخويا واخة بسلامة
قطعت معاه شافت فيه و نطقت
نوارة"" قال بلي كولشي مزيان عالله يكون بصح كولشي مزيان كيما قال
نوح""( شد يديها باس عليها) كولشي يفوت
نوارة""( جابت يديه معنقاها ) مانكذبش عليك ماعرفت علامن نتقلق واش عليها و لا عليه هو قطع ليا قلبي كيفاش ديك شمتة خدلان لي كان تيهضر بيها
نوح""( شاف فيها و عاود ركز مع طريق) القلب من تيهضر هو تيكون الم واضح في وجهو
نوارة"" تيبغيها مسكين ماقدرش يخسرها
نوح"" حتى هي معذورة افكار السوداء و الغيرة عماتها اكيد كان واضح هادشي لي يكون
نوارة""( تنهدت ) الله يدير تاويل الخير ( عاودت شافت فيه متبسمة) صٌحْبَة بينك و بين نصير زوينة شحال ديال العْشرة
نوح""( تبسم و شاف فيها ) 20 سنة ديال عْشرة
نوارة""( حلات عينيها) واااو يعني من الصغر ( صغرت عينيها) ولكن كفاش هو دارهم هنا و نتا من الرباط
نوح""( بهدوء ) هوما في الاصل من هنا لكن السكنة و الزيادة ديالو في الرباط
نوارة""( تبسمت ) ايوا كنتو ولاد حومة وحدة
نوح""( حرك راسو بالنفي ) لا هو ساكن في جهة و انا ( شاف فيها ) في جهة بعيدة كل البعد فين كان هو
نوارة" كيفاش ؟
نوح""( شاف ليها وًتبسم ) هو في الديور و انا وسط البرارك الكاريان
طولت شوفتها ليه تتستوعب تبسمت بزز تاسمعاتو نطق تاني
نوح"" كانت عندي 13 العام واحد ليلة مع ديك العشرة ديال اليل كنت وسط واحد الگولفازور( بيار) جنب ديك الحومة لي تيسكن فيها نصير ، كنت تنبقى نتسخر ليه و نحضي ليه داك گولفازور ( شاف فيها ) يعني خدام عندو بمعنى ( عاود تبع مع طريقو ) عطاني شي سخرة نوصلها لشي ناس يلا نخرج من تما ....
توريس""( مول لبيار داير شعر تيفتن جوان ) غادي توصلها هاد سخرة بجرا ماتلفتش وراك سمعتيني
نوح""( حرك راسو) كون هاني اخويا
توريس"" يلا غبر
بقى مراقبو خارج تيجري تادرگ عليه و دار مع الزنقة تيجري بصح ماتلفت وراه ما حبس من جرا وصل لبلاصة فين قاله يمشي وقف تتبان ليه عامرة بالجوندارم وقف راس زنقة تيشوف مصغر عينيه تيحقق بان ليه مخرجين داك ل غادي عندو بالمينوط بانت علامة الخوف في وجهو عبقى و تيرمي دوك خطوات للوراء تا حس بزدحة مع شي حد هز راسو بزربة بان ليه واحد مربع يديه نازل بعينيه معقودين بقى نازل بعينه تيزيد يتحقق تا بدا يسرط ريقو من وضاحت ليه الرؤية اللبسة جدارمي
جدارمي"" اش تدير هنا ف هاد لوقت
نوح"" ( كحز بخطوة لور مطلع عينيه لعندو ) مسخر
جدارمي"" ( تيشوف في يده) لفين
نوح"" ( شاف في يديه و عاود شاف فيه ) لواحد دري
جدارمي""( قرب بنترة جر ليه داك ميكة قلبها و شاف ليه شدو من قرفادتو ) شكون عطاك هادشي
نوح""( منزل راسو ) غا مسخر ماعرفش اش تم
جدارمي""( تحنى قفازي و جرو ) عارف اش هادشي ولا لا
نوح""( حرك راسو ) والله ماعرف انا مسخر لتوريس لي قالها ليا تنديرها خدام عندو في بيار وقالي تنسخر عند فلان انا جيت
جدارمي"" توريس ؟
نوح""" (حرك راسو ) اه الشاف
جدارمي""( زاد جرو عندو ) غادي ترجع عندو و قوليه سخرتك وصلت ويااك نلقاك تدور تما و لا ريحتك تبقى تعطي حداه سمعتيني
حرك ليه راسو و مشى تايجري تاني ملامحو مستفسرة مشى الكاريان نيشان دخل مع الباب براكة
شامة ""( شداتو من قرفادتو مزيرة عليه) يالكلب تنقول ليك ماتخرجش انا بغيت تسخر ليا مالقيتكش
نوح""( منزل راسو ) سمحي ليا امي راه
شامة"" ( دفعاتو تتجبد فلوس من بزطامها ) مامكش انا تحرك جيب ليا الحليب من فرماسيان قبل مايسد
( مدتهم ليه و نطقت ) رجع الصرف نلقى شي درهم ناقصة نبيت مك على الضس
خرج من تم تيمسح على دموع لي شقو طريقهم،، بدات الشتاء تتصب مجهدة ولكن مافكرش و ماخافش لكن سخرتو خاصها تقدا مشى تيقلب على داك الحليب وسط داك الليل تا لقاه كاع دازت شتاء فوق راسو و غيوسات مرمدت حالتو راجع في حالو وداز من زنقة توريس في لحضة وقف زادت رجفة على رجفة حل عينيه عل جهدهم ولا تيترعععععد بقوة ماحيلتو للشتاء و الرعدة الخوف ...
كحز مضرگ و تيشوف توريس كله دمايات شادينو زوج واحد تيخبط فيه (بالجن~وية )كولشي تيتفرج ولا واحد قدر يقرب نوح مزير على داك الحليب و كولو تيترعد مافكرش تا وكان تيجري غادي في حالو و الخلعة زادت على مابيه ،، وصل البراكة و تم دا خل تاوقفاتو بصوتها
شامة"" وقف وقف بلاصتك ( قربت شد من عندو الحليب و صرف) دخل طواليط غسل حالتك عاد دخل
نوح"" ماء بارد؟؟
شامة"" ( خنزرت فيه ) يا ماء بارد يا تبقى هوكاك
حدر راسو و رمى دوك خطوات دخل لطواليط نصل حوايجو عمر سطل بداك ماء مگلاصي و كبو عليه في دقة تا شهقة تحبست ليه في حلق مدددة شحال عاد قدرت تهبط تيترعددددد كله تاحس بحوايج ترماو عليه من فوق لباب هزهم دغيا من الارض معنقهم باش مايفزكوش تيلبسهم برعدة خرج لقاها تترضع سلمان و مراقباه
شامة"" دوز تاكل لابغيتي تاكل
دور عينيه بانت ليه نص زلافة بيصارة كارمة و معاها طرف الخبز عاود هز عينيه فيها
نوح"" عارفاني امي ماتناكلهاش
شامة"" ( حمرت فيه) بلاما تبقى تبعكك عليا هنا بنت ليك عندي الخير مدفگ عليا
نزل راسو بشعرو تيقطر عليه قرب تيترعد وسط دوك حوايج لي نصهم فزك جلس على ديك طبيلة تيشوف في داك زلافة و يعاود تا قفز من غوتتها
شامة"" نحسب لثلاثة مابديتيش تاكل نحيدها لمك و بقى بجوع
مافكرش و ماتسناش تا بدى ياكل و دموع واقفين ليه في جفونو عينيه ماتيرمشوش كمل داك شي بزز عليه و ناض لبلاصتو ينعس ...
هكاك دازت ايام و ايام ولقى راسو رجع لبيار تيخدم توريس مابقاش تشد و بقى خوه في بلاصتو هو لي مراقبو
خرج من مدرسة مع ربعة و مشى محني تيجمع تشطيبة لي شطب تاسمع صوتو تيهضر مع شي حد عاطيه الضهر
حمد:: ليلة ليلة غادي تجيبو ليا يلا ما عدبت دين مو كيف ما عذبني على خويا مانتسماش (زاد غوت) ماشي سوقي شحال ما كان في عمرو صغير كبير ( شافو غا يهضر مقاطعو ) ليلة يكون عندي الق**** ي سمعتيني باش نشوفو داك المخزن ديالو غادي ينفعو ولا لا
بقى مراقبو و طالق ودنيه تيحلل في هضرتو و فهم من كلام و هضرة لي دازت من قبل من دراري انه حقد على ولد الجدارمي لي شدو و عذبو حتى گر بداكشي لي داير و تحكم ب15 العام ديال الحبس داك نهار عندو داز كولو غا حضية شكون دخل شكون خرج وصلات 11 الليل بقاو غا هوما حلف هو لا بغى يتحرك من تم ضرو راسو بغى يعرف اش يدير
حمد:: اجي نتا اك البرهوش( مد ليه 10 دراهم) يلا سير لداركم
نوح""( هز راسو فيه ) مزال ماسالتش خدمتي
حمد"" نبقى نتلاج انا وياك ولاااا تحرك عليا من هنا
حدر راسو و خرج راسو بقى دارو مشى لقنت و ريح تاسمع هضرة كتيرة بين شي دراري
""" واصحبي شفتو شادينو و داوه لحدا الكاريان غايتكرفصو عليه مساخيط
مافكرش زوج مرات تا مشى تايجري و بالاحر عارف فين ايكونو بالضبط حيث كليكة ديتلهم عندهم واحد القنت تيشربو فيه و يتقرقبو مشى تيجري حتى وصل لبلاصة و بالفعل بلا حس تخشى في قنت مراقبهم بان ليه الغاشي ديال زوج دراري و الثالت مزال صغير فهم بلي هاداك هو ولد الجدارمي رابطين ليه يديه و كلو تيترعد و باين الخوف في وجهو بقى تما تيشوف دوك لي شادينو جايبين الكاو مدابزين مع راسهم تيتمايلو يطيحو و ينوضو ،، مدة هوما هكاك تيتسناو دنيا تخوا عاد يديوه لحمد بان ليه واحد منهم جاي اتجاهو تيتمايل تا قدامو فين مخبي و وقف مخليه غايموت بالخلعة لكن ثابت و حابس من حركة و حتى من تنفس تا بانزليع تخطاه عاد تنفس بقى مراقبو تاغبر عليه ودار بعينيه لتاني بان ليه بدا يغلبو نعاس بقى هكاك حاضي من و من تا بان ليه نعس تحنى شد حجرة و رماها باش يشوفو واش يحس ولا لا لقاه مشى خرج بشوية من ديك قنيتة بلا حس تا وقلبو غادي يسكت بالخوف لكن مضر داك دوي فزعو مابغاش ليه المضرة وصل قدامو و دري حاضيه تيترعد
نوح""( هز صبعو على فمو نطق بشوية ) ششش
قرب تيحل داك ربطة لي ربطو فكو دغيا و شدو من يديه تاوقف و سمع تنحنيحة
جمدو في بلاصتهم نوح هز عينيه منين جاي صوت لقى هداك لي مجبد تيتحرك و تيحنن مغيييب شاف في دري و جرو بلا ما يديرو الحس غا بشوية تا فاتو ديك بلاصة و عطاوها للجرا ماحبسوش تافاتو لكاريان بمساافة و تحنار تيتنفسو مدة هوما هكاك عاد تكعدو
نوح"" ياكما دارو ليك شي حاجة
:: (حرك راسو بنفي عاد تفكر يديه هزها قبالت ضو و بانت ليه جرحة شادة تحت ديال يديه ) هنا باش كنت نتجار معاهم يمكن تجرحت
نوح""( هز يديه لقاهاا تاهي مطلية بالدم شاف فيه) الحمد لله من طرا ليك والو ( تيتشرش ) دابة خاصك تمشي لداركم
""" صراحة ماعرفتش فين بلاصة انا
نوح"" شنو عارف شي بلاصة تتعرفها قريبة لداركم مدرسة لي تتقرا فيها
""" ايكول العولمة
نوح"" (ضحك) العولمة ( جرو ) زيد اولدي زيد
جرو من دراعو و تمو غادين نوح مراقب طريق لا يصادف شي واحد من دراري ديالو بالفعل داه لجهة مدرسة عاد قدر يعرف طريق دار مشى معاه نوح تالقدام الدار لي كانت مقلوبة سفاها على علاها كولشي تيقلب غا شافوه و بداو يجريو عندو يعنقو فيه يسولوه و هو تيعاود ليهم بقى واقف مربع يديه مراقبهم مدة نزل براسو و قلب دورة غادي تحس بيد تحطت على كتفو دار
"" شنو سميتك
نوح"" نوح
"" نصير ( قرب عنقو بجهد )
بادلو عناق تيخبط ليه بشوية لكن بدون تعابير شافو بعد عليه و جات الام لنصير تحنات شادة على وجهو
نجاة"" ( تتبكي)الله يرضي عليك اوليدي ( شدات على دراعو ) عمرني نسى ها الخير درتي فيا عمرني
حرك راسو و تبسم ليها و بعد قلب دورتو و رجع في حالو قاصد الكاريان
__ العودة للحاضر_____
نوح"" ها كيفاش تلاقينا ( حبس طوموبيل بعد ما وصل قدام العمارة دار لقاها تتبكي عبس وجهو ) مالكي
نوارة"" ( بصوت مخنوق) واشمن جهد عندك حبيبي تا هاز هادشي
نوح""( تبسم حل ساتنيغ و جرها لعندو معنقها ) قلتي ليا عاود لي كيفاش تلاقيتو امم
نوارة""( زيرت على جاكيط هزات عينيها فيه) و و
نوح"" مرة كنت خارج من المدرسة و غادي في حالي تاحسيت بيد شدت على دراعي ضرت بان لي نفس ا جدارمي لي حيد ليا داك سخرة من يدي فهمت منو بلي هو اب ديال نصير كان مرة مرة تيجي يديني عندو لدار تما تعرفت على نجاة دازت مدة هضر مع صديق باش يعطيه وراق ديالي باش يدخلني مدرسة عسكرية صديق قبل لكن شامة كانت رافضة فكرة في مرة واحد صباح شدني صديق من يدي و داني لعندو طلعني لطومبيل ديالو و رمى ليا كلام و مشى
صديق"" كون راجل باش تكون منك كاينة اوليدي
تما فهمت بلي عطاه وراق بتخبية و تقيدت في المدرسة العسكرية انا ونصير و نقراو فيها
نوارة"" و شامة
نوح"" شامة نفس معاملة كنت تنجي السبت و الاحد و العطل داك الاحساس اليتم و الحكرة كبرت بيه وعمرو تغير بالنسبة ليا
نوارة""( تتشهق بالقهرة على حالتو) يعني كانت معدية عليك بزاف
نوح"" ( تيمسح عليها الدموع) كانت ديما افضلية لسلمان قبل ماكنتش معاملتها قاصحة معايا تاهاد درجة كانت شوية لكن من تزاد سلمان قصاحت بزاف ، يعني عمرني تكسيت بحال لولاد و لا كليت بحال لولاد اول لبسة عرفتي شكون خداها ليا ( تبسم ) نجاة اول وحدة حطات عليا شي حاجة جديدة اول وحدة تتسول واش خاصاني شي حاجة واش مشهي شي حاجة كانت ديك وقيتة لي تندوزها معاهم احسن وقيتة نصير مشاركين كلشي نجاة حنينة فيا و حتى المرحوم بسببو راني هنا و بهاد المنصب
نوارة""( حطات راسها على صدرو بشهقة ) بزااف هادشي قاااصح انوح قاصح
نوح""( حاوطها باس على راسها) مزال الوقت و تزيدي تعرفي هادشي و قليييل صبري عليا ماشي كلشي في دقة
فتح الباب الشقة بعد ما وصل يديه مافلتاتش منها دخلها بشوية عليها و هي مزيرة على دراعو بيديها بزوج تتحس بالدوخة مع طريق و قوة المشاعر مخربقة لي دوزت و لي مزال وسطها دفع لباب برجليه و توجه بيها لسيجور جلسها
نصير"" ( نطق بشوية ) مزال فيك الحريق
سناء""( هزات عينيها ليه و حركت راسها بنفي ) غا شوية دوخة
حرك راسو و مشى تيحيد الجاكيط ديالو تحت نضاراتها لي متبعاه في كل حركة منزل عينيه عليها عاقد غوباشة مبينة من شكل حواجبه لي مگرونة تاقالت باراك خاطرها مضرور و زاد نزلت عينيها عاضة على شواربها حابسة بكية تابان ليها خارج من كوزينة جايب ليها كاس ديال العصير تمر حطهم قدامها نطق هو ماتيشوفش فيها
نصير"" خودي داكشي قدي بيه بين ما وصلت ماكلة باش تاخدي دوا
حركت راسها و هي تتشوف في داك بلاطو غا شافتو دار غادي لبيت و هي تنزل دمعة تتجري شدات على راسها للمدة لاباس بيها عاد هزات داك كاس شرباتو في دقة حطاتو هزات تمرة دارتها في فمها و شمات ريحتو لي مزال حتى ما خرج غمضاات عينيها من حر عطر لي سلب ليها مع العروق حتى حسات بيه قدام نيفها حلات عينيها لقاتو واقف قدامها مدوش و مبدل حوايجو تيقاد فاصمة على يديه
نصير"" من يوصلك ل
قاطعو صونيت في باب و دار بخطواتو فتح لباب خدا طلبية خلصو سد لباب و توجه لعندها تحنى حطها قدامها و هز عينيه فيها حمررررة و مرخية نطق بهدوء
نصير"" نمشي الخدمة يلا حتاجيتي شي حاجة خلي ليا ميساج
سناء""( وقفات جات قدامو تتشوف فيه بملامح قلقانة ) نصيير يديك
نصير""( عينيه مرخية تيدورو على ملامحها بشووووية ) ماعليش
سناء""( نزلت راسها و مشات عينيها ليديه شدت عليها جابتها قدام عينها عاودت هزت عينيها مغرغرين فيه بصوت مبحوح ) خليني نداويها
ماقدرش يرفض ، ماقدرش لسان يتحرك ،وهو تيشوف كيفاش مبينة خجلها و حشمانة و ندماانة من موقف لي طرا عارف ماشي دنبها لكن باش الشرط ماوفاتش بيه ضرو بالجهد ... شافتو مادار تاردة فعل و تمشات لكوزينة حلات بلاكار جبدات دواء و فاصمة و رجعات لقاتو مزال واقف في بلاصتو تيعصر بيديه على جبهته وقفات قدامو حطات داكشي فوق طبلة و قربت شدات على يديه بشووية بحالا خايفاه يتقصح حلت ديك فاصمة و جراتو جلس حاط مرافقو على ركابيه بهزات لانكول و جلست جنبو حطات يديه فوق ركابيها و بدات تعقم ليه جروح و قلبها تيضرب بجههد و هي تتحس بنضراتو لي مختارقينها حتى بدات تترعد و هي شادة عليه عينيها بداو يضببو عليها بالدموع
هزات عينيها فيه و عاودت نزلتهم تتعقم و شفافيها تيقمزو بشكل فضيع
سناء"" س س مح ليا نصير سمحليا عارفة راسي درت الغلط كان غادي يشتت لينا العش لي مزال مابديناش نبنيو سمحلي حيث خبيت عليه سمحليا حيث ماقدرتش ننطق شي كلمة و خليتك تتخبط واخة ما عندك حتى ذنب سمحلي حيث ( هزات عينيها ليه ) حيث ضرييتك
ماقدرتش تزيد تنطق حيث تغلقت و بكية زادت خنقتها وسط قرجوطتها ماجوبهاش و مادار تا ردة فعل عينيه ... فقط عينيه .. كانت تتجاوب معاها و تزيد تحفض حروف لي خرجت من وسط شفايفها .. حس بيها تتربط ليه فاصمة نزل عينيه ليديها و عاود طلعهم لملامحها تا كملت و شافت فيه
نصير""( نطق بصوت تقيييل وقليل ) تا انا ماكذبتش عليك عيني عمرت بيك نتي.... ( تنهد تنهيييدة طوييلة و عينيه زادت بالرخوة ) مابغيتش خلاصي يكون بيك
دخلات للدار مشات ديكريت لدوش طرفت حالتها بدلت عليها لبسات بيجامة دافية و خرجت لكوزينة توجد العشاء اما نوح وصلها و مشى ديريكت للخدمة باحر عند نصير حيث عارفو غادي يكون تما ... جبدات سباگيتي و حطات تلفون قدامها بعد مادوزت ابيل لسناء
نوارة"" صحيبتي كيف بقيتي
سناء""( كانت مزال حاضية ديك ماكلة لي وصى عليها و تتبكي ) شوية اختي
نوارة""( حطات داكشي من يديها و هزات تلفون ) نصير ماكينش
سناء"" مشى الخدمة
دوزت ليها ديك ساعة ابيل فيديو و بانت ليها عينيها مورمين
نوارة"" ( بشطنة )مالك تتبكي
سناء"" واختي مطيح مني العين
نوارة"" سناء هادشي ماشي ساهل نقولو دغيا ينسى خلي ليه الوقت باغيك و باغيك في حياتو
سناء""( حطات يديها على دقنها وًدموع تيجريو) حتى اانا باغياه داكشي لاش قهرني
نوارة"" حبسي من البكى دابة راكي حاملة و مامزيانش ليك
سناء"" وا يمكن تاهي زايدة عليا
نوارة""( تبسمت ) جاك الوحم عليه
سناء"" علاه مالو ايبدا دابة ( مسحت دموعها)
نوارة"" ههه اختي غا تتعرفي راسك حاملة تبداي ، فاطمة هكاك وقع ليها سبحان الله مجرد ما عرفت نفستيها تغيرت
سناء"" ( حركت راسها شادة على وجهها ) عليها جالسة نشمشم فيه كي هبيلة
نوارة"" ( ضحكت ) عادي اختي رزقك شمشمي و رخفي نفسك مقلق و من حقو تاهو كيف ما من حقك ... بقى فيه علاش خبيتي عليه لا غير
سناء"" و كنت نصارحو من نرجع غا تاوقع لي وقع
نوارة"" وا اخيتي كون مادخلناش كون وقعت ليك ش حاجة نتي و لي فكرشك
سناء"" الله ياخد فيها الحق
نوارة"" ماتخميش غا تاخد جزائها ( تبسمت ) صيفط ملتها لورزازات
سناء"" ( بالغوات ) صراحة كان تا نشوف ق*** مها عاد تمشي ماعرفتش كيفاش تعميت تالديك الدرجة لعبت بيا كلبة
نوارة""( تبسمت ) شفتها و عطيتها لاش دور كنت بغيت نكمل غا شدني نوح
سناء""( حابسة ضحكة) ماتقوليش ليا خصرتي لهضرة
نوارة""( هزت حاجبها) الصمت
سناء"" ( ضحكت من قلبها ) ياااختي و نوح قدامك لاااا
نوارة""غاسكتي واش دار ليا
سناء"" قولي ليا اش تطيبي
نوارة"( تبسمت) ها لي قلنا
سناء" هضري هضري
نوارة"" سباگيتي
سناء"" احح تتصرعيها الخوينزة ، غدا طيبيها ليا
نوارة"" صباح انا عندك بعدا نصير خدام ليل و لا نهار ؟؟
سناء"" ماعرفتش باقي هاد سيستيم مافهمتوش
نوارة"" اممم مهم صباح ( سمعت لباب تحل ) نجي عندك احبي
سناء شافت خيال نوح و خطوات قراب ليها دارت ليها باي و قطعت عليها دارت عندو تبسمت ليه
نوارة"" دغيا جيتي مالقتيهش ( نزلت بعينها ليديه لقاتو جايب ليها الشكلاط و شلى انواع في ساشي عينيها ضحكو قبل شفايفاها)
نوح""( تبسم و قرب ليها يلا تشدو و ردها وراه مصغر عيينه) الصمت
نوارة""( ضحكت تتميق بعويناتها )المقابل يعني
قربت هازة راسها لعندو تهزت على صبيعات رجليها حطتهم فوق رجليه دورت يديها على رقبتو و دات شفايفها لشنوفةً تحتانية طبعت عليها بوسة و عضتها عضيضة صغيرة تاحست بيه دور يديه على خصرها
نوح""( خشى شفايفها وسط فمو مصو مصة مجهدة تاتسمعت حر جرة و نطق متبسم بجنب ) المُقابل الزِّين
نزلها مخلي يديه ضايرة عليها منزل بوجهو وسط عنقها تيشم عليه و يقبل قبلاات بطيئة تاكتعوج راسها بهرة لحيتو
نوح"""( بصوت قليل ) نبغيك
نوارة""" ( تتمخشش وسط جسمو) حتى انا حبيبي كنبغيك بزااف
بعد قابل عينيه مع ملامحها وهي متبسمة ليه قرص على دقنها و مد ليها ساشي شداتو من عندو تتقلب فيه و هو خرج تيتبسم على حالتها مشى دخل يدوش و هي كملات توجاد العشاء و حطات كلشي فوق طبلة كتشم غا ريحة الكارو خارجة من البيت تمشات بخطواتها دفعات لباب لقاتو جالس فوق فوطوي قدامو شي ضواسة و كارو في يديه حس بيها داخلة و هز عينيه بشوية معلي حواجبه تيبخ من فمو دخان مطول
نوارة"" حطيت لعشاء ( جلست جنبو شادة على دقنو تتلعب بالحيتو ) نوض اسْمَير ديالي
نوح""( هز حاجبه) منين تتجيبي هاد الهضور
نوارة"" هادي اغنية ( تبسمت بدات تدندن) حبيبي وداك سْمَيرْ
نوح""( بخ من فمو تيتبسم عينيه مرخية فيها ) بحالا بديتي تضسري عليا لا
نوارة""( ضحكت تدوز على يديها على شعرو بشوية شافت في عينيه نطقت بصوت حنين) حيث تنرتاح معاك و تنرتاح من تنشوفك مرتاح
نوح""( شد يديها طبع عليها قبلة ببطئ و حطها على لحيتو ) بسببك تنقوي راسي و بسبب عينيك تنضعف ( نزل يديها لقلبو ) ملكتيه و عارفة اش فيه
نوارة""( تبسمت و قربت حطات راسها على كتفه ) ماشي ساهل ندخل ليه و نعرف اش فيه
نوح"" ولكن ساهل عليا نبغيك
نوارة""( تبسمت ) هضرتك تتقتلني بالحلاوة
نوح"" ( جابها قدامو خاشي يديه تحت بيجامة ) كون تشوفي حلاوتك
نوارة""( ضربت على دراعو ) كون تحشم
نوح""(حل ليها سداداة ديال سوتيان تيتبسم) نتي ما نوياش تعطيني نوارة صغيرة
نوارة""( ضحكت ) بغيتيها ؟؟
نوح""( قرص على حلمة صدرها نطق بخفوت ) ماكرهش حبيبي ، و تكون عينيها بحالك
نوارة"" لا تشبه ليك تكون بوكوووصة ( هزات يديها بزوج تتلعب في لحيتو ) حيث باباها زوين ( نزلت لشفايفو ) ضحكتك واخة تتوريها ليا قليلة ولكن مزيناتها تتحمقني
نوح""( ضرب على فخضها ) نوضي عليا نوضي
نوارة""( تبسمت ناضت و عاودت جلست عليه ضايرة عاطياه بضهر ) سد لي هادشي لي حليتي بعدا تعرف غا تحلها
نوح""(تبسم و هز ليها على حوايجها سد و طبع قبلة على ضهرها و نطق ) نعرف حبيبي نعرف
العشرة ديال الصباح داخل بخطوات تقيلة عينيه مرخية بالعيا و داتو تيحس بيها مهدودة اما شقيقة دارت فيه مابغات .. مع دخلة عينيه مشاو تيقلبو عليها سقيل عرفها نعسات من خرج لبارح كان مرة مرة تيصيفط ليها ميساج يسولها واش ترخف عليها الوجع ليل كامل و هو تيقكر غا فيها و في نهارو لي داز مضغوط من جميع جوايه .. مشات بيه رجليه لباب بيت فتحو و بانت مزال ناعسة فوق سرير بيباجمتها وردية ساتان شعرها مغطي مخدة باحر ناعسة في بلاصتو قرب بخطوات تقيييلة يد في جيب جاكيط و يد هزات كرسي و مشى جهة في نعس حطو بشوية و جلس تكى بضهره على ضهر كرسي مفرق رجليه بشكل رجولي و عينيه مرخية رخووووة وهي تتدور بشوية عليها و على ملامحها
مارمش و ماعياش كاتم بزز نفسو من انه يقرب ليها ماشي مابغيش لكن كأنه عقاب ليها .....
ماملش مدة هو نفس الوضع تاحس بيها تحركت و كتستعد تفيق .. كانت ريحته سباقة باش تحس بيه جنبها او راه قرييب ليها مع حلات عينيها مع لقات عينيه مرخوية قدامها قلبها بدا يضرب بجههد تكعدت شوية و عينيها منييفخة تترمش بزربة جلست و عاودت قابلت عينيها معاه
سناء"" ( بصوت مبحوح صباحي ) ص صباح الخير
نصير""( حرك راسو بتقالة و نطق) كي بقيتي
سناء"" لاباس لاباس نعست مزيان و مجانيش لوجع مزال
نصير"" ( حرك راسو بيطئ و عينيه تيفحصو و يعاودو فداك الوجه و دوك شفايف مكرهش يغطس فيهم ناض من بلاصتو نطق ) نوضي غسلي باش تفطري تاخدي دواك
سناء""( وقفت ) خليك انا نوج ( فجأة حست بدوخة شدت على راسها ) او( حست بيديه ضارت على خصرها مقربها ليه شدات على جاكيط مطلعة راسها ليه و دوك العينين بالخصوص ) عادي غير حيث نضت بزربة و
تلفت ماعرفاش ماتنطق ماتقدم و لا توخر عشقت فيه و في تفاصليو و في عينيه و شوفاتتو بالاخص .. فيقها من تخضيره غي صوته
نصير""( بصوت منخفض هادئ عكس لي لداخل ديالو ) حاولي على راسك
طلق منها تاشافها شدات توازن ديالها عاد تحرك خارج من البيت تمشات بزربة جات قدامو
سناء"" (هازة عينيها لعينه) مالك تتصرف معايا هاكة
نصير"" عادي
سناء"" (شافت في عينيه من ليسرى لليمنى ) هاد عادي لي مابغيتش قهرتني بزاف
نصير""( شوفاتها تلفت ليه العقل تيحاول جاهد مايغرقش فيها ) الصمت
سناء"" ( بدات تغلبها لبكية ) مابغيتهاش ديك عادي و شوفاتك .. شوفاتك ماتغيروش انصير
نصير""( يقدر يتحكم في كولشي لكن قلبو و عينيه مايقدرش عليهم نزل بعينيه لشفافها مدددة و عاود طلع لعينيها بلل شفايفه و نطق ) صبري عليا كي ما صبرت معاك
نزلت راسها تاشعرها نزل معاها عاضة على شفايفها حابسة بكيتيها بعدات بخطوات دارت تمشي متوجهة لحمام حتى حست بدموع تيتكبو كانت تتسنى منو يعنقها باغاها يعنقها حطت يديها على بواني فتحات لباب
تاحست بيديه تحطت على يديها و عاود تسد دورت راسها تازدحاتو على صدرو بكترة القرب لي كان قريب سرطت ريقها و تمات طالعة بعينيها تاقابلتهم مع عينيه حسات بيديه ماشية بشوية مع يديها تاوصلت لخصرها و دور عليها بيديه و زاد جرها لعندو تا ما بقى يفصل بيناتهم واالو نزل براسه ببطئ تاتحطو شفايفو على شفايفها بحنية تيقبل عليهم بشكل بطييييييئ مدددة طويلة ماقدرش على بكاها وماقدرش على تقليقتها واخة عارفها غلطت لكن قلبو ماساعفوش يزيد يقصح معاها شد يديها حطها على قلبو ... بعد بفجييييوة صغيرة ناطق تاشواربو تيضربو عليها
نصير""( بصوت تقييييل منخفض ) سكنتيه و ماتزيديش بعذابو
زيرت على تريكو فين حط ليها يديها غمضت عينيها بجههد تتكب دموع لي نزلو بقوة .. حست بيديه تتمرر بشوية على خصرها خلاتها تحل عينيها قابلتهم مع عينيه لي زادت برخوتها و دخلت معاها حمورية
سناء""( بصوت مقجوج) حتى انا تضريت ماشي لخاطري خفت.. خفت.. خفت نتيق هضرتها خفت تكون بصح معاها خفت نخسرك و انا ماباغااش طعنتني و عرفت كيفاش تطعني و هي تتنعث بيديها لفراش لي كان يكون جامعنا طعنتني و هي تتوريني تصويرة تتبوس فيها طعنتيني ليلة عرسي لي صافي غادي نتجمعو انا وياك رسميا ( بشهقة ) خفت نصارحك و نندم (خفضت صوتها شهاقاتها متسابقين معاها ) و انا لقيت انسان لي عارفة غادي يكملني انسان لي كان اول واحد سمع ليا اول واحد حط راسي على حضنو باش مايشوفنيش مقلقة اول واحد ( نزلت راسها و عاودت طلعتو لعينيه بضبط تتمسح على وجهها) اول واحد باغة قربو باغة عتابو باغة تقليقتو باغة عصبيتو باغة ضحكتو باغة صوتو باغة ( نزلت دمعة ) باغة عينيه و هوما تيتغزلو ليا قبل شفايفو ( حطت يدها على قلبو ) باغة قلبو لي عمرني نلقى بحالو ( عضت على شفايفها منزلة عينيها عاودت طلعت عينيها لعينيه لي ماتيرموش ولا تلاقاو رموشها نطق بصوت منخفض) كنبغيك ( هزات يديها تتحركها بتوتر و نطقت بشهقات متتالية ) ماعرفتش امتى ولا كيفاش و لا علاش ( عضت على شنوفتها بجهههد دبلات عينيها بطريقة بريئة ) بصصح كنبغيك والله والله انصير
اش تقال واش خرجت من فمها اش خرجت من قلبها حيث هو لي كان تيهضر كلو تسجل في وسط اعماق اعماق قلب قلبو قبل عقلو مجنناه و زادت بهاد قوة اعترافات لي تنطقو في دقة واحدة تعابير وجهها و كيف تيتغيرو في كل لحضة و في كل حرف حفضهم و هو ماقدرش يرمش بحالا خايف يضيع شي لقطة مجرد مع تنطقت كلمة (كنبغيك ) خلات قلبو يضرب بجهههد ربما حست بيه تا من حطات يديها عليه و انه تجاوب معاها قبل ماينطقها هو ...
شافها سكتت منزلة راسها تتمسح على دموعها بحالا تتسناه يجاوبها او شي ردة فعل مدة هو عينيه معسلة و زاادت حماارت بشكل رهيييب على ملامحها حس بحنيكتها تزنگو و بحالا انحرجت بقات تترمش بزربة .. مسحت اخر مسحة تحت جفونها تتحاول تنسل من وسط يديه في بالها مزال مقلق و ماحاول يدير مجهود او رد .. تسللات بصح دارت مدت يديها تحل لباب لكن سبقاتها يديه لي شدت على يديها و رجعها بخطوة للوراء تاتزدح ضهرها مع كرشو نقولو خشاها وسط جسمو و هو مدور يديه بين يديها و كرشها حركتو خلات تنفسها يرتفع بشكل فضييع حتى صدرها تيبان تيتهز و يتحط وهي تتحس بوجهو تيقرب بشويية حست بيديه دورت شعرها على جنب تاتحط بيه على عنقها و شفايفه بضبط على ادنيها
نصير""( بصوت خافت مخلي شعر جسمها يوقف ) في قلبي واش درتي
غمضت عينيها بجهد من كترة مشاعر لي تتحس بيهم دعقها و مرمدها .. دورها بشوية اتقابلت معاه حتى بان ليها فرق يديه بتقالة باش تجي تخشى في حضنه صدقت سبقوها دموع عاد تلاحت في حضنو بجهدد دور يديه بزوج تا ترفعت من الارض دورت يديها بجههد على رقبتو و خاشي وجههو في عنقها تيشم عليه بكل جوارحه اما هي كانت بحال شي سم في داتها و تتاخد جرعتها منو باش تداوا حست بالبرودة و سخونية و هي مزيرة عليه بقوتها كلها و تتشهق و تقول قليل انهارت كليا ماحبسهاش حدو تيدوز يديه على خصرها بحنية .. مدددة طويلة و داك العناق لا هي قدرت تبعد ولا هو قدر يتحرك و هو هاز كتلاتها وسط جسمو .. طلع يديه بعد شعر من جنب ودنيها
نصير""( بصوت تقيييل معسل ) مانقدش نسمح في عمري ( بصوت اكتر تقاالة زايد في تعسالو ) نعشق فيك
ديك تعنيقة كانت محتاجاها و هو محتاجها كتاار منها مشاعر لي من جيهتها جاوه قوييين عليه بزاف ماتحملش بكاها ماتحملش وجعها و هي محطمة .. اما اعترافها بهاد الشكل و كيف تتهضر بقهرة خلى قلبو ينبض بشكل قاصح .. نزلها بشوية خايف عليها تيسمع تنخصيصها و هي منزلة راسها
نصير""( بلل على شنوفتو و طلع ملامحها قدام عينيه نطق بخفوت ) ششش باراكة عليك من بكى
سناء""( عضت على فمها بجهد و عينيها مزال ) الصمت
نصير""( حط ابهامو على شفايفها باش ترخف عليهم و تحنى بشوية طبع عليهم قبلة نطق ) مابغيش شي حاجة مزال تبكيك ليا ..عارف تا انا قصحت معاك ( مسح على خدودها بحنية ) باراكة باراكة عليهم طيبتيهم
سناء""( تبسمت ) الصمت
نصير"" ( بصوت معسسل تيدوز ابهامو على شفايفها ) باغي نشوفها متوحشها بلا قياس
سناء""( حركاتو جننوها و طريقة باش تيهضر بداك صوت الغليظ جاب ليها تخضير ) ا نصير
نصير"" العمر ديال نصير
سناء""( تبسمت بخجل تا عويناتها تسدو مع منفوخين و حمرين ) بغيت ن
نصير""( صغر عينه) شنو باغة عسيلة
قربت بشوية و عوينياتها خجلانين كتر ما دوك خدود لي يطرطقو تعالات شوية و قربت جهة عنقو غمضات عينيها من شافت مزال بعيد عليها شدات على الكول جاكيط و جراتو تاتحنى بطولته لعندها و خشات نيفها وسط عنقو طلعات زفييير مجهد و نزلت تتبسم زادت بخجلها من هادشي لي هي فيه هزات عينيها فيه لقاتو مراقبها بعينيه مرخييييية مافهم والو و علاش دارت هاد الحركة
سناء"" ( بقات تدور في عينيها) صافي هادشي لي كنت بغيت نقولك
نصير""( بقى تيشوووف مدة حتى بانت ابتسامتو عل شفايفه حرك راسو بعدم فهم ) عجباتك
سناء"" ( عضت على شنوفتها بخجل مشتتة شوفاتها واش تالهاد درجة تتعيق حركت راسها بشوية ) الصمت
نصير""( تبسم و فهم البلان و صغر عينيه بعدم فهم مصطنع ) لا عاجباك خوديها ( شافها تبسمت بخجل و عاود نطق منزل بيديه على كريشتها و عينيه غارقة فيها ) عارفة اش عاطياني ولا لا ..سمحي ليا يا سناء عوض ماتفرحي بيه طعنتك بفعايلي
سناء"" ( حركت راسها بزربة بنفي هزات بحاجبها ) كولشي جا مدروك و بزربة بزوج غالطين و بزوج تنتحملو هادشي لي جرا ( قربت تاني تاحاوطها بيديه خشات نيفها في عنقو و نطقت ) و تتعجبني عليك ماشي ناخدها ( بعدت مقابلة مع عينيه تتبسم)
نصير""( عض على شفايفو و تحنى عندها تاوصل لجنب شفايفها و نطق ) اانا تتعجبيني نتي
سناء"" ( غمضت عينيها بقربه و هاد حركات ل توحشتهم بلا قياس مابغاتش تزيد تحرج راسها تسللات من قدامو و نطقت بشوية ) ن نمشي لحمام
قالت كلامها و رمات دوك خطوات و دخلات لحمام مخلياه مراقبها تيتبسم مدة و هو واقف جنناتو و زايدة خرج و توجه الكوزينة ماعرفش اش خاصها تاكل ولا اش مشهية بان ليه غي الحليب كب ليها في كاس دارو في بلاطو و حط طبسيل تمر على ما قال ليه راسو راه مفيدين ليها على قبل الدوخة و السخفة قطع بعض الفواكه حط داكشي في طبلة ... مشى تيقاد كاسو لقهوة في لاماشين هز كويسو و ريح رشف منو سمع خطيواتها تتقرب هز عينيه بانت ليه تتفرك في يديها و شي حشمممة عليها حمقااتو طووول بشوفتوو و هي تتقرب جرات كرسي تجلس حيدو ليها من يديها و جرها لعندو جلست قدامو مشات يديه لفخاضها تيدوز يديه بشوووية طلع عينيه لملامحها و نطق بصوت منخفض
نصير""" شوري ليا على ولدي
وسط الكوزينة بعد مافاقت صباح مع نوح وجدت ليه قهيوتو و فطرت معاه قادت الكيك الشكلاط طيبتها زينتها و حطتها على جنب و مشات تتغسل و تطرف حالتها لبست عليها جلابة دافية هزات تلفون مدوزة لخط لنوح تعلمو بلي غاتمشي
نوارة""( متبسمة ) حبيبي
نوح""( وسط بيروه معاه صحاب الخدمة دخاخن شابكة شاد على راسو ) مزيان
نوارة""( فهمت بلي ماشي بوحدو) بيخير حبيبي بغيت نعلمك غادية نمشي عند سناء
نوح"( ناض من بلاصتو مشى جهة سرجم) امم تسناي تايوصل تاكسي
نوارة"" ماعليش نهبط لتحت و ناخدو
نوح"" واخة ردي بالك ( دار شاف في دراي و نطق ) غادي نتعطل شوية ليوم
نوارة" مانتسناكش تدوز عندي
نوح"" بيناتنا تلفون باش ماكان نعلمك
نوارة"" واخة حبيبي بسلامة
قطعت معاه و مشات هزات صويكها ومشات لكوزينة خدات صاك دارت فيه طويسة كيك و خرجات سدت لباب نزلت لقات طاكسي تيساينها تبسمت على هاد راجل لي عندها تيدير لي قال ليه راسو ركبت توجهت عند صحيبتها .....
جالسة قدامو بعد مابزر عليها تشرب داك كاس الحليب
سناء""( جغمت منو مخيبة سيفتها) صافي صافي ماقديتش
نصير""( بهدوء تيبعد شعرها على ملامحها ) هملتي ليا راسك هاد ليامات ( حط يديه على كرشها) مابقيتيش ليا بوحدك
سناء""( دورت عينيها لعندو تتبسم حمقها كيف مهتم بيها) دابة تتبزز عليا على ودي ولا على و
نصير""( مقاطعها بهدوء ) نتي يالمحناني نتي ( دوز يديه على كرشها بشووية ) عاد هو من تكوني نتي بيخير تاهو يكون بخير
سناء""( حركت راسها تتبسم ) امم فهمت
نصير""( نعت بعينيه) يلا كولي الدكالية ديالي
سناء"( دارت بكتلتها دورت يديها على عنقو ) شحال توحشت هاد هضور ديالك
نصير""(ضمها حاط يد خصرها و يد على مؤخرتها خاشي وجهو في عنقها نطق بفحيح) كيفاش نسمح فيك كيفاش
سناء""( مغمضة عينيها براحة قلبها و هي غرقانة غرق نطقت في ودنيه) حتى انا ماقديتش نتخيل نبعد عليك
نصير""( راحة لي فيها كانت حاجة اخرى و هو تيحس بقلبو تينبض بيها طبع قبلة على عنقها بشكل بطيئ تاتبورش لحمها تحت شفايفو ) و شحااال نعشق فيك
بعدت عليه قابلت عينيها مع عينيه لي تتبان ليها مرخوية بزايد
سناء""( هزات يديها تدور صبيعاتها على حواجبو و تنزل لعينيه مضمرينها ) باين العياء في عينيك نوض دخل ترتاح
نصير""( مطلع عينيه ليها رافع حواجبو) و شنو باين فيهم مزال شوفي مزيان
سناء""( خدودها تزادو في احمرار نطقت بشوية) باين لي غي تيحمقوني بالخصوص كيفاش تيشوفو فيا
نصير""( عض على شنوفتو و ابتسامتو واضحة برغم من عينيه تيحس بيهم غايطيحو بالعياء و الزيار حط صبعو على شفاه تحتية تا نزل وقرب حط شفايفو عليها مصها بيطئ و نطق ) حيث معمراهم و موفية ( عاود مصة اخرى و نطق بفحيح) مايمكنش نشوف غيرك و انتي عيني
كانو منساجمين في جوهم لي كانو يقلبو عليه و توحشوه بزايد ربما هاد مشكل زاد فرگع مشاعرهم و زاد قوة حبهم كل واحد فيهم عرف بقيمة الثاني
سناء"" ( دوزت يديها على شعرو ) نوض ترتاح داخل
نصير""" ( بعيون مرخية ) شكون قالك مامرتاحش ( طولها )مرتااااح
تبسمت تتغمضو عويناتها مخلياه تيتبسم بلهلا يطريه ليه
نصير""" مزينها ضحكة هارب العالي
سناء"" ( خشات وجها لي عنقو تضحك ) هههههه (قفزها صونيت لباب ) تكون نوارة
نصير"" ( وقفها و ضرب على مؤخرتها ) بشوية امدام
حست بسخانة طلعت ليها من قاع رجليها حنيكات بزربة تزنكو بان ليها مشى يحل لباب و هي بقات جالسة تتنش بيديه.. فتح الباب و بانت ليه نوارة متبسمة
نوارة"" السلام عليكم
نصير""" وعليكم السلام اختي ( عطاها مساحة بترحيب ) مرحبا بيك اختي دخلي
دخلات و بانت ليها خارجة من كوزينة متبسمة طولت شوفتها ليها تحقق ملامحها لي تتبان مرتاحة
نوارة"" ( قربت ليها )بشوية اختي بشوية ماتبقايش تزربي و تحركي بجهد شوري ليا على بيبي
سناء""" ( سلمت عليها قرصت عليها) وليتو تحماو
نصير""(قرب جيهتهم و نطق ) قالت ليك لي كاين تبعي اشي قالت ليك طبيبة
قال كلامو و دخل في حالو لبيت مخلي نوارة تتبسم و تتشوف غي شوفات لسناء لي كانت مزال حاضياه تا دخل و عاد ضارت عندها
نوارة"" ( شدت على قلبها ) اي گلبي گلبي
الرباط
يضبط دار تاع نوح داخل المرح جالسة شامة و منانة و سعاد
شامة"" ايوا اش قالت لي طبيبة
سعاد" اش تقول طونسيو تاني طلع
منانة""( مخنزرة فيها) شكون طلعو ليا من غيرك شكون
سعاد""( تبسمت بمكر ) اممم
شامة"" مالكم اش كاين وقعات شي حاجة
سعاد""( تبسمت و شافت فيها هازة حاجبها) مكاين والو غا تتزيد فيه وصافي
منانة"" فين زينة
شامة"" مشات باقين لي شي وراق تكملهم
سعاد"" امتى تعقد
شامة"" ( رشفت من كاسها ) غي يدخل المغرب ايعقد عليها
سمعو صونيت لباب ناضت شامة تحل تا كانت سبقتها سعاد
سعاد"" خليك الخويلة انا نحل
مشات متوجهة لباب فتحاته و صغرت عينيها بتحقيق رجل بنية جسمانية متوسطة بلحية متوسطة و مضهر انيق دورت عينيها لطوموبيل بماتركيل اوروبي
سعاد"" ( حطات يديها على لباب) نعااام
'''' كاينة شامة
سعاد"" شكون نتا لي تتسول عليها
""" قولي ليها ابراهيم
حطات داكشي لي جابت فوق طبلة و جات شداتها من يديها و داتها للصالون جلستها
نوارة"" ريحي اخويتي ريحي لاش نايضة
سناء""اويلي لاش ما نتحركش
نوارة"" لا اختي عطي لراسك راحة
سناء"" ( تبسمت ) قوليا اش جبتي في داك صاك
نوارة" والو اش نجيب
سناء"" العااار
نوارة" الله ياختي مالنا ترمي عليا في عارك ريحي انا جاية
مشات الكوزينة وجدت طبيسلات و قطعت الكيك و خلاتها في مول ديالها كبات العصير لي جابت معاها ديال الحامض كيف ما تتبغي سناء و خرجتهم ليها للصالون
سناء"" (عينيها بداو يبريو) الله على صحيبتي
نوارة""( حطات ليها طبيسيل قدامها و كاس عصير ) بصحتك انا شوية نوجد ليك سباگيتي كي تبغي
سناء""( طاحت على ديك كيك تبنن و تعاود ) الله يعطيك صحيحة ( شافت فيها ) و شي بنوتة تشبه ليك
نوارة"" مالكم مع بنات نوح قالك باغي شي بنوتة و نتي تدعي معايا بيها
سناء""( شربت من عضير وشافت فيها ) ايوا الفال الزين هادا
نوارة""( تبسمت ) صراحة ماكرهتش تا انا
سناء"" ايوا بالي اخويتي ( دفعت ليها طبسيل) قطعي قطعي
نوارة"" ( دفعت ليها مول ) هاكي احبي خودي خودي لي بغيتي
هزات طرف كبير و بدات عليه تاهو هزات عينيها في نوارة لقاتها مقابلاها تتبسم
سناء"" مالكي
نوارة"" تصالحتو ؟؟
سناء"" ( ميقت ليها ) امم ( قربت حداها و نطقت بشوية ) اختي ماوعيتش و بديت نهضر نهضر لقيت راسي قلت كاع داكشي لي في قلبي و بلي ما نقدتش نتفرق عليه
نوارة""( مقاطعها تتبسم ) اعتارفتي ليه
سناء"" (تبسمت) اه و حتى هو نفسي شي اختي راني كنحماق عليه فوق الحب هادشي لي تنحسو من جيهتو والله بزاف حوايج فيه تيجننوني وزدت وليت في شكل
نوارة""( طبطبت ليها على يديها ) غي الوحم ضروري نفسية تتبدل الله يخليكم لبعضياتكم حبيبتي الحمد لله ازمة و فاتت
سناء"" الحمد لله ( شافت في كيك) نوض ندي ليه شوية و نشوف حيث كان مضرار بديك شقيقة
نوارة"" ( تبسمت ) امممم مضرار
ضربتها بخفة حابسة ضحكة هزات طرف كيك و كاس العصير ميقت ليها و مشات مخلية نوارة تموت بضحك على حال صحبيتها و هاد طيحة لي طايحة كتر من طيحتها هي مع نوح ......
فتحات لباب بشوية و عطاتها ريحتو رمات عينيها و بان ليها متكي على كرشو خاشي راسو تحت مخدة معري من فوق لابس شورط رامي تعبه على سرير تبسمت تتشوف في كتلته بكل حب قلبها تيرف و يزيد تمشات سدت لباب بشوية و رمات بخطيوات متفادية دير الحس قربت حطات داك طبسيل و كاس فوق كوافوز بشوية مشات جرات الغطا طلعاتو مع ضخامة فخاضو تاوصلاتو لنص ضهرو دات يديها بشوية لمخدة حيدتها من فوق راسو و حطتها على جنب ودارت غادية حسات بيديه شدات على يديها خلى رجفة تطلع مع داتها غمضات عويناتها عاضة على شفايفها ،، عاى دورت راسها لقاتو مراقبها بعينيه معسلة تبسمت و قربت شوية
سناء"" ( صوت منخفض) ايسحبلي ناعس ...كي بقى راسك رخفك شوية
نصير""( باقي على نفس حالة جرها بشووية تا تكات باليد لاخرى على سرير نطق بشوية غالبه العيا) رخفي غي نتي عليا
سناء"" ( تبسمت بحنيكات مزنكين نطقت بصوتها خافت ) و شنو درت ليك اناا
نصير"" (تبسم و باس على كف يديها ) قولي شنو لي مادرتيش فيا
سناء"" ( تتبغي تسل يديها و لكن بدون جدوى كارز عليها) صافي طلق خاصني نمشي عند نوارة بوحدها جبت ليك غي دوق كيك
نصير"" ( حرك راسو بشوية )قربي عندي ندوق شي حاجة احسن
تبسمت و قربت عارفاه لاش تيهضر تحنات لعندو و طبعت بوسة على شفايفو و عاودت طلعات لعينيه لي مشات ليهم بلا ما تحس طبعت عليهم و ناضت في ساع مخلياه تيتبسم
سناء"" نعس رتاح يلا بغيتي شي حاجة قولها لي
نصير""( زايدة في جنونو عليها نطق بصوت منخفض و عينيه حكاية اخرى نايمين فيها بشكل فضيع ) باغي شلى حوايج
بقات مدة واقفة تتشوف دورت وجهها بجنب
سعاد"" خالتي تكلمي
عاودت شافت فيه لقات عينيه مراقبيها بشوفات قاصحة طلعاتو و نزلاتو تا سمعت خطوات و كحزت عاطية طريق لشامة لي تتقاد في شالها لي غي هزات عينيها تشوف شكون و تحلو عينيها على الجهد تتحقق و تعاود مدة و هي غي تتشوف في داك الرجل الغريب لي دق بابهم قربت بخطوات سندات على لباب سعاد في جنبها دايرة يديها على الحيط و تتشوف
ابراهيم"" شامة شخبارك
شامة""( طلعات و نزلات فيه بشوية باستفسار ) براهيم
ابراهيم"" ( حرك راسو بشوية ) هو هدا نقدر نشوف عيشة
سمع الصوت وراهم لي كانت منانة غي اسمعت سميتو من فم شامة و ناضت بزربة خرجات
منانة"" شكون نتا لي تجي تسول عليها
ابراهيم"" ( عوج راسو للناحيتها) ختي منانة
منانة""( قربت قدامو) شكون صيفطك لهنا منين جبتي لعنوان
ابراهيم"" ( شاف فيهم بزوج ) نقدر نهضرو شوية
شامة"" ( بصوت عالي ) سير في حالك ( جرت لباب بغات تسدو و شدو بيديه) بغيتي عايشة سير زورها في القبر الله يرحمها و سير عمرك تعتب هاد الدار
ابراهيم "" ( بصدمة نزل يديه من على باب ) ماتت !!!
منانة"" ماااااتت و شبعت موت من ورا ماسمحتي فيها دابة عاد جاي ( طلعت فيه ونزلت شافت في طوموبيل ) باين عليك الخير سير كمل حياتك
شامة"" تاقبرها ماتعرفوش ، عمرها تسمح ليك على مادرتي فيها عمرها
زدحت لباب في وجهو شدات في منانة لي شادة من راسها بقوة الدوخة مخلين سعاد تتحنزز و تحلل خلاتهم دخلو داخل و عاودت فتحت لباب بان ليها واقف على طوموبيل حاط راسو عليها قربت ليه
سعاد" بلاتي بلاتي الشريف ( زادت قربت تا وصلت ليه) ولا نقول راجل خالتي يااك على مافهمت
ابراهيم""( نزل راسو وعاود هزو) الصمت
سعاد""( تتشوف في داخل طوموبيل و تحنزز فيها كانت نوع مرسيديس ماتروكيل فرنسي) امم كايبان ليا جيتي من الغربة
حطات يديها على طوموبيل معوجة شوية عاودت هزات عينيها فيه و نطق
سعاد"" خاصك تعرف خالتي عايشة بعدا باش ماتت ربما ينفعك هادشي
ابراهيم""( صغر عينيه ) كيفاش
سعاد"" ( ضربت على طوموبيل بطراف صباعها ) الموضوع طويل ( حركت راسها بنعت للدار ) ماشي وقتو
ابراهيم""( جبد تلفونو مدو ليها ) الله يرضي عليك ابنتي مانساش ليك خيرك
سعاد""( ضحكت ) بنتي !!! ( طلعت و نزلت فيه ) راه مزال شباب ماتجيش عليك نقول عمي
دوزت معاها الوقت جبدو شلى هضرة و شلى كلام على لي داز و اش ناوين طيبت ليا سباگيتي تغداو بيها
نوارة""( تتمسح طباسل ) انا نبقى نجي عندك كل نهار بين ما رتاحيتي شوية
سناء"" بلاش ماتعدبي راسك والله
نوارة"" ( خنزرت فيها ) ياك السليعفانة
سناء"" ههه نتحرك غا بشوية
نوارة"" خاصك تبعي مع طبيبة
سناء"" غي نفوت هاد 10 ايام ديال الدوا و نمشي
حركت ليها راسها مسحت كوزينة و قادتها و مشات حيدت فواطة و خرجت هزات صاكها وقربت سلمت عليها
نوارة"" نخليك احبي ردي بالك
سناء""( عنقتها ) يخليك ليا صحيبتي
نوارة"( ضربت على كتفها) بعدي عليا جاك وحم عليا
سناء""( حابسة ضحكة) صراحة ماشي نتي
نوارة"" لا باين هههه
وصلت معاها الباب ودعاتها و دخلات متوجهة للبيت فتحاتو لقاتو مزال ناعس بكتلتو مشتتة على السرير داير دراعو على عينيه قربت بشوية مشات جهة فين تتنعس هزات الغطاء بشوية و تخشات جنبو محاولة ما ماديرش الحس .. لكن هو كان ديجا فاق غير مغمض عينيه حس بيها تكات و هو يحيد يديه و دور عينيه ليها
سناء""( بصوت منخفض) كي بقى راسك
نصير""( حل يديه عينيه مرخية ) اجي عندي و نجاوبك
تبسمت و كحزت بشوية حل دراعو جرها لعندو حاط راسها عليه و دار مقابل مع ملامحها و هي تتشتت في شوفاتها من هنا لهنا تاحست بيد على دقنها مطلعها لعندو
نصير"" وليت مزيان
سناء""( تبسمت هزات يديها بشوية لحيته تدوزها بشوية ) بصح خفف عليك
نصير""( حرك راسو بشوية و عينيه متنغمة بيها ) بصح
قرب بشوية و قلبو يضرب ضريب حط شفايفو براحة على شفايفها قبلها و عاود شاف في عينيها
نصير"" ( بصوت منخفض)كنت خايف نخسر عينيك ..خايف مانعاودتش نغرق في ضحكتك
سناء""( حطات يديها بزوج على وجهو و نطقت بحب) حتى انا على ود هادشي ماقديتش نهضر
نصير"" وياك تعاوديها
سناء"" عمرني نعاود نخبي عليك شي حاجة ( هزات صبعها) ولو قد هاك
نصير"" ( تبسم و باس عليه و نطق ) لا غا عاودي لا ماعلقت مك في دخلة الواليدية
سناء""( تتحس على فاصمة لي في يديه ) عصبي لاخور شوف كي درتي ليديك
نصير"" ماتنحس بوالو من غير ( مد يديه لي عليها فاصمة وشد يديها حطها عل قلبو ) عشقك مرمرد ملتي
تبسمت تاحست بيه جرها لعندو زاد خاشيها فيه و كأنه تيمتص و يخفف من داك احساس لي كان عليه عارف راسو قصح معاها لكن من خوفو انه يخسرها كانت هي فكرة اولى لي مسيطرة عليه بقى تيدوز يديه على شعرها تاحس بيها نعسات تبسم و جر الغطاء عليها و زادو غرقو في نومة العميقة
""""أحبكَ لأنك أنت الذي أرى فيه طفلي عند الحب، وأبي عند ضعفي، وأخي عند شِجاري بمزاح، وكل البشر عندما أشعُر بأني وحيدة""""
رجعت للدار بدلت عليها و مشات تكات في بلاصتها بقات طالعة نازلة في تلفون تا تداتها عينيها ماحستش مدة و هي غارقة في نعاسها تاسمعت ميساج تيڤيبري تحتها هزاتو لقاتو من عند نوح
"" خاص شي حاجة حبيبي ""
تبسمت و ردت عليه بالخف "" مخاص والو كبيدة غي نتا ""
ناضت من بلاصتها عينيها منفوخين بالنعاس مشات مشطات شعرها و دخلات غسلت وجهها و خرجات كوزينة تتعمر اتاي ترد مجاجها خرجات صينية و حطات معاها كيك لي الحلوة و جلسات تتفرج في تلفازة تاسمعت ساروت في الباب هزات عينيها و بان لها داخل بكتلتو عليها تبسمت تاتسناه يهز عينيه ليها مجرد ما هز عينيه و هي تنوض بخطيواتها مزروبة تخشات فيه
نوارة""( بصوت غالباه نعاس ) على سلامتك حبيبي
نوح""( حاوطها بيديه و قبل على شعرها ) الله يسلمك ليا
نوارة""( هزات راسها فيه) عيتي
نوح""( دوز صبعه على حاجبها ) مال هاد العينين منفوخين
نوارة""( هزات حاجبها ) غي كنت ناعسة
نوح""( حط يديه على كرشها و تم غادي للسيجور ) فاتك الوجع
نوارة""( حطات يديها على ليحته ) بيخير بيخير ماتشطنش
ريح و جرها لعندو تيحك على راسها بشوية بشوية
نوارة""( شافت فيه ) بيخير؟؟
نوح"" ( حرك راسو و نزل بعينه ليها ) مزيان
نوارة"" بنتي ليا مغير
نوح"" تبرزيط الخدمة ابنتي
نوارة""( تكعدت ) واخة تنوض بدل عليك و اجي باش تاكل
تبسم ليها ابتسامة جانبية باس جبينها و ناض بخطوات تقيلة تيحيد جاكيط و هي مرااقباه بشطنة .. مشى لبيت نصل حوايجو و دخل خدا دوش يخفف عضامو و يحيد عليه العياء ديال النهار و خرج لبس عليه قبية و سروال سورفيت في الاسود رمى عليه القب و خرج لقاها مخرجة البراد اتاي من كوزينة بعد ماعاود سخناتو
نوارة""( حطاتو فوق طبلة و شافت فيه ) ياكما تبغي قهيوتك
نوح""( قرب لصق بجسمو عليها مدور يديه على كرشها دافن وجهو في عنقها نطق بشوية ) نبغيك نتي
نوارة""( صوتو كان مختلف مبين شطنة حطات يديها على يديه و نطقت ) مالك حبيبي
نوح""( طبع بشفايفو على عنقها ) عشقان فيك
نوارة""( ضارت بشوية تاتلاقات مع عينيه ) الصمت
نوح"" ( عينيه مرخييية منعت بيها لباب ) دخلتي من هاد العتبة ولات تجيني زينة
نوارة""( تبسمت تتحس بيديها وجهو ) انا معاك ديما و ديما تدخل تلقاني نساينك
نوح" والفت حبيبي ( شم على عنقها) والفت ريحتك مع دخلة الباب ( باس جنب فمها ) والفت الشفايف واش يخرجو ( قابل عينيه مع عينيها ) والفت حنانتك لي مخلية الگلب يضرب بيك
نوارة"" ( هزات عينيها گارنة حواجبها من كلامو ) الصمت
نوح""( تبسم تيدوز يديه على خدودها بشوييييية طلوع و نزول و عينيه مغرومة كتر من قلبو ) احسن حاجة وقعات لي من نهار عقلت على راسي
نوارة""( ماعرفت ما تقول حدها غاتتشوف و تحقق في ملامحو و كيفاش تيهضر تعلات شوية و عنقاتو بكل جهدها و نطقت بخفوت)و نتا الحبيب العمر ونعمة الزوج .. لي اي وحدة تتمناه .. كنبغيك ..لهلا يحرمني منك
نزلات يديها بشوية ليديه و جراتو جلس و جلست جبنو طلعات بيديها بحنية لحيته و عينيها مستفسرة من ملامحه
نوارة""(بحنية ) ضاراك شي حاجة احبيبي مالك
نوح""( حط يديه على يديها و جابها لفمو باس عليها و نطق ) مكاين والو الروح
نعت بعنيه لصينية بقات تتشوف فيه مطولة عاد جرات صينية كبات ليه كاسو مداتو ليه و دفعت ليه طبسيل الحلوة
نوارة"" ( هزات غريبة البهلة مدتها ليه ) لقيت واحد مراة كبيرة مسكينة تتبيعها و خديتها من عندها
نوح""( نزل بعينيه ليديها و عاودت شاف فيها مد يديه شد من عليها بقى تيشوووف فيها ) الصمت
نوارة"( مستفسرة ) ماكتعجبكش ؟ ( مدت يديها تاخدها و بعد يديه )
نوح""(شاف فيها و تبسم بجنب ) تتعجبني
نوارة"" حيث شفت بحالا ماعجباكش
نوح""( عض منها و نزل بيعينه ليديه و بين صباعو بضبط عاود هز عينيه فيها ) من صغر
نوارة" ( تبسمت ) كنتي تتاكلها بزاف يمكن
نوح""( خشى لي بقى في فمو جغم من اتاي و بقى تيمدغ بتقاالة و عينيه حمارو فجأة ) مرة وحدة ( دور بعينيه ليها و راها بين صباعو و نطق بصوت مقجوج ) و كليت هاد كية بالموس
نوارة""( نزلات عينيها ليديه بضبط فين وراها تتبان بلاصة كحلة و مبينة ) حرقة هادي
حرك راسو بايجاب و مشا بيه بالو
في نهار لي عمرو يتنسى ليه راجع من المدرسة مع الربعة العشية دخل لقى شامة تتوجد غريبة البهلة و حداها سلمان تيلعب شافتو دخل و نطقت
شامة"" هاك دي هادي و جيب لي طاوة لاخرى من الفران
نوح""( حيد شكارتو من ضهرو و تحتى عندها ) تتصايبي لينا الحلوة امي
شامة"" ايه ( شافت فيه ) و تكعد نتا جلستي
ناض دغيا جمع الوقفة و قرب منها شد من عندها طاوة دارها فوق راسو
شامة"" وياااك تبقى تزرب و طيحها ليا
نوح"" ماتخافيش امي
خرج و تيسر للفران وصل ليه طاوة و جاب طاوة ثانية و تم راجع تاقرب و بان ليه الرجل كبير في السن جالس فوق حجرة حالتو كلها موسخة و يديه تترعد عليه واقف قبالتو تيشوف ماعرفتش واش يزيد و لا يعطيه تا مشى و عاود رجع لعندو حط طاوة على جنب و تحنى قفازي
نوح"" با عندك شي حاجة ماتاكل ولا لا
الرجل"" ( تبسم وشاف فيه و راه طريف الخبز بيديه ) الحمد لله وليدي شبعان
نوح""( شاف فيه و عاود شاف في خبز و هز شي 3 حبات ديال البهلة و حطهم ليه في وسط يديه ) تسناني تانجيب ليك الخبيز
الرجل""( هز يديه و خبط على كتفو ) ربي عمرو يخيبك اوليدي صبر صبر صبر على محنتك
ناض وقف هز ديك طاوة وداك الكلام تطبع ليه وسط مخو قصد البراكة و في بالو كولشي و عارف كولشي موجد راسو ليها و لكلامها لكن....
دخل مع الباب و تحنى حط طاوة قدامها و بقات تحقق و تعاود
شامة" فين كمالة الحلوة
نوح" كليتها امي دقت منها
شامة"" ( بالغوات )شنوووووا كيفاش كليتيها ( قربت ليه قرصت على دراعو ) شنو قلت ليك انا ااام دوييي
نوح""( غمض عينيه بجههد بحر قرصة لكن ماتململش ) سمحي ليا امي غا ...
شامة""(نزلت عليه بطرشة ) مامكش مااامكش الحيوان ( بعدات عليه محيحة ) اويلي وحدي انا باغة نبيعها و لا ناكلها اويلي
منزل عينيه الارض حابس دموعو بزز عليه عارف راسو غايسمع الهضرة و معيور لكن ماعمرو طاحت ليه في البال انه يتشوى فيقاتو غي جرة لي جراتو من يديه بنتشة مجهدة تا مشى و جا مدت يديه لعندها و حطات موووس حااامي بين صباااعو تا تسمعت غوتة من حرررررر جهد جهدووووووو ماطلقاتو تا ديك حمورية لي في موس كاع طفات عليه و على رهوفية لحيمتو دفعاتو تاطاح تحت رجليها
شامة"" هااااااهي لدوك صباع لي يتمدو لشي حاجة ماشي ديالهم
ما تحركش من بلاصتو مدددة مامشى لماء زعمة يبرد ولا شي حاجة تخفف عليه ... جمع رجليه بشوووية لعندو ووقف منزل راسو
نوح"" سمحيليا ام ( سكت ماقدرش يكملها ولا قدرت تعاود تخرج ليه ) مانعاودتش
دور عينيه بشوية و شاف فيها لقى دموعها تاني عمرو خدودها بقى تيشوووووف و قلبو حاجة تانية .. واش تاهو لقى لي يتشطن عليه للقى لي تحن فيه لقى لي ترفد همو .. هز يديه و مسح على خدودها بحنية
نوح""( شد على دراعها و جرها ) تعالي ليا
نوارة""( ناضت بالخف دورت يديها بزوج عليه و هنا زادت بشهقاتها على حالتو ) وبزاف هادشي انوح بزاف
نوح""( مغمض عينيه براحتها و هي عليه تيدوز يديه طلوع نزول بحنية نطق بصوتو الخشن ) ششش لا بقيتي تبكي مانبقى نعاود ليك تا كلمة
نوارة""( قابلت عينيها مع عينيه لي ولاو لونهم متغير تاني ) ماشي لخاطري هادشي تيضر في الخاطر والله واش تالهاد درجة على حبات ديال لحلوة
نوح""( تيسمح ليها على خدها) كانت صعيبة و بزااف و كملت من زادت طوالت العشرة و زادت مسؤولية
نوارة""( شدات يديه بيديتها بزوج بضبط لفين محروق وزادو دموعها ) و هنا جلدة رقيقة يانوح كي درتي صبرتي ليها
نوح""( غارق و زاد بحنيتها فيه ) مكانتش عندي حل
نوارة""( قربتها لشفايفها باست عليها بحنية تادموعها نزلو عليها) هادشي كامل و مزال تتحن فيها .. و رافد همها
نوح""( شد على يديها و زاد حاوطها خاشي كتلتها فيه و نطق ) كل تيتخلص على افعالو ، على قبل صديق مصرف فيا خير كبير راني رافدها و عمرني نقطع عليها رزقها من حدي حي
نوارة""( شدت على خدو) و ربي عمرو يخيبك حبيبي .. و من مشيتي لمدرسة عسكرية رتاحيتي شوية
نوح""( حرك راسو بشوية ) احسن بزاف من عيشتي معاها ، ولكن ديك مجيات و عطل نفس شي ماتغير والو
نوارة"" ناري على قلب عندها مايمكنش والله كرهتها
نوح""( تبسم بجنب تيبعد شعرها ورا ودنيها نطق بصوت منخفض) ربي عوضني في كبري الحمد لله جا الفرج زين ( باس جنب فمها ) و عوضني بيك ..
نوارة""( عنقاتو بجهد ) الحمد لله ربي تيدير لي فيها الخير لقاك بناس مزيانين وقفو معاك تاقريتي و تخرجتي
نوح""( تيلعب في شعرها ) خيرو كتير و موفي
نوارة""( عاودت شافت فيه ) و كيفاش تاتحولتو من براكة
نوح"" كانو تيجهزو ليهم بلاصة و خرجنا كرينا حيث مكانش باش يبنيوها فاتت سنين ديال الكرا بديت نتخلص بدينا نبنيو شوية بشوية تاربي سهل و خديت ديك دار لي فيها دابة و لاخرى عطيناها المنانة و بناتها
نوارة"" يعني ديك دار ديالك
نوح""( حرك راسو بايجاب ) الصمت
نوارة""( حطات راسها على صدرو) الحمد لله حبيبي لكل محنة وراها الفرج ، طفولة دائما ما تتبقى شي حاجة زوينة تنتفكروها ، لكن نتا عندك العكس ( زيرت عليه ) و قلبك شحال حنين كون انا مانعقلش عليها والله
نوح""( هز دقنها لعندو و نطق ) صبري كولو نلت بيه نتي ماعليش ، شفت شحال من حاجة و عشت شحال من حاجة معاك صبري و خديت جزائي..
يتبع...
التعليقات
لا توجد تعليقات بعد، كن أول من يعلق.