محتوى القصة
غمضات عويناتها بآسف فور ما قرات ميساج عرفاته تصلق حطات تلفون من يديها و كملات دهين بوماضة عل يديها و ناضت خرجات عند جدها عاونتو دخل لحمام و رجع لبلاصتو تكى تتعطي فيه
الجد"" الله يرضي عل بنيتي سيري رتاحي وخلي داك وجيه يصبح منور كي مولاتو
نوارة"" ( تبسمت باست على راسه ) تصبح على خير احبيبي
مشات بخطواتها صغار لبيت زولات بينوار و تريكو فوقان بقات بضوني تخشات في بلاصتها تتكتب ميساج
^^ نعستي المشعكة
^^ لا مزال كنت تنعاون ماما تتبدل قالت لي طبيبة بلي غادير عملية هاد ليامات
^^^ واش اتحيدها مرة ( سرطان الثدي)
^^ قالك من احسن تحيد باش مايدلعش فيها
^^ ان شاء الله تكون نهايته احبيبتي
^^ ايوا وجدتي راسك اعروستنا
^^ باااز ليك اش نوجد
^^ تيخصني نكون معاك صراحة
^^ ماكرهتش كاين غي با معايا
^^ الله يكمل بالخير حبي انا معاك بقلبي
^^^ عارفة حبيبتي
^^ يلا سيري ترتاحي لبارح مانعستيش
^^^ لا نعست حتى كان هو برا ماحسيتش براسي
^^هانتي هضرة با محمد ولات تتدخل معاك هههههه
^^ اش تيدخل الله يهديك
^^ قالك بلي راجل من تيكون في ضهرك هو حماك
^^سيري تنعسي بديتي تاني
^^ غدا صباح نهضرو حبي
حطات تلفون و حطات راسها بقات فكرة تديها و فكرة تجيبها و تخمم في نهارها مكرهاتش كون تزوجت كيما لبنات و تخطب و تلبس و تقاد و يخرجوها بالصلاه و السلام تكون معاها ميمتها و خوها حسات بدموعها اينزلو مسحت عينها دغيا و غمضات تسنى نعاس يجيها
______
اليوم الموالي ،
كان خارج من دوش ريحته سابقاه لاوي عليه فوطة عل تحتو و تيسمح على شعرو قرب لتلفون هزو مدوز خط
نوح""( تكلم و يد لخرى مزال تيمسح عل شعره لي تيتقطر مقابل مع مرايا) فينك راه 12 هادي
نصير""( كان سايق ) انا وصلت اصحبي قريب لدار نساينك في قهوة !
نوح"" ( لاح فوطة ) نلبس عليا و نلحق عليك
نصير"" ( تبسم) خود راحتك مولاي السلطان
نوح"" ديك ت** بلاما تبقى ديرو عليا
نصير"" ( دخل لكافي ريح ) هاني ريحت بلا ما تخلي *** تنساين بزاف
نوح مخلاهش تايكمل هضرته قطع عليه مشا جبد شوميز اسود سروال اسود جبد ساعته لبسها و سباطو هو الوحيد لي لونو مختلف كان باللون البني لبسه و هز جاكيط لبسها رش برفانه قاد شعره هز بوماضة دهنه عل يديه و دار فاصمة صغيرة هز تلفونه و سوارته و خرج سد لباب تم نازل تيلمح لشامة خارجة مصادفها عند لباب
شامة"" تبارك الله عل وليدي مزيناته راجل
نوح""( باس راسها) فين غادية
زينة"" ( رمات على كتف ماماها كاب ) داخلين عند الجارة اخويا دايرة السبوع لولدها
نوح""( جبد من جيبه فلوس مدهم ليها ) قدي بيها تانرجع
شامة""" بلاش عليك اولدي
زينة" (تدور في عينها ) خوياا
نوح"" (هز عينه فيها وعاود خشا يديه في جيبه جبد 500 درهم ) هادشي لي كاين دابة
زينة"" ( تبسمت خجلانة )لخير و لبركة اخويا لهلا يحرق فيك شي عضم
شامة"" ( تضحك من ودنيها طبطبت عل كتفه) انا بغيت ليك نهار الخايب تكون غايب فين ماحطيتي رجليك تربح
نوح"" سيري الواليدة تعطلي
مشات متخطياه تتحسب في داك فلوس لي عطاها و تتبسم بقى تيشوف فيها مطول تابعدات عاد تبعاتها زينة بقى مراقبهم تافاتوه عاد طلع في سيارته و كسيرا ديريكت لعند صاحبو
كانت قدام مرايا تتقاد شعرها مخلياه عل راحته و غرتها مزينة ملامحها صغيرة لابسة عباية في باج طويلة
سناء "( مراقباها من كاميرة تلفون) ديري شوية ميكاب نتي وجهك صفر تقول شاداك لموت
نوارة"" من نيتك من لقيت هاد عباية لاباس عليا
سناء""" الله عل حبي دابة يبرعك نسيبي ماتخميش
نوارة"" ( تتقاد شال فوق راسها) مبرعاني ليام ماتتشوفيش
الجد"" نوارة اجي ابنتي اجي
سناء "" سيري شوفي شنو بغاك و خلي لمكالمة دايزة ولا نجي نفرع مك
نوارة"" اويلي مالك
هزات تلفون و خرجات عنده
نوارة"" با بغييتني
الجد"" دفع ليها بعكازه باليزة متوسطة حجم في لون الباج
نوارة"" ( لمحت بعينها ) شنو هادشي ابا
الجد"" ماعرفت ابنتي صيفطو ليك نوح هاد صباح
سناء "(تنهدت) احح سربي سربي فتحي شوفي شنو فيه
نوارة"" (هزات ديك فاليز و تمات داخلة لبيت تحت نضرات سناء لي شادها فضول من راسها لرجليها) امتى وصل هادشي تاني
سناء "" قابلي تلفون مع داكشي دغيا تفلتي عليا شي لعبة نخرج لطاسيلتك من هنا
حطات تلفون قبالت فاليزة و فتحاتها اول حاجة لقاتها هي قفطان خفيف في بيض بشالو و صندالة كعب خفيف و صويك فيه ميكاب من اوله للاخره و برفان زوج انواع باين غالية ثمن
سناء"" ( جاتها بكية) الله يا ربي عل حنية ياصحبتي
نوارة""( هزات بارفان شماتها حمقاتها تبسمت) هادشي اختاره هو زعمة
سناء "" عجباتك الصكيعة احح تستاهلي
نوارة"" ( دارت منها مغمضة عويناتها مستنشقة عبيرها) زوينة بزااف
سناء"" يلا بداي كون قرب لوقت باش يوصلو لبسي
داكشي لي كان لبسات قفيطين لي كان خفيف جاها مع فورمتها تيحمق دارت شوية ميكاب بزز عليها كون مادرتوش كون خرجت ليها سناء من تلفون شبعاتها معيور
نوارة"" هاااه صافي باركة ياك قلتي وجهي صفر مابقاش صفر ولا حمر دابة
سناء"" مال جدك تترطاي عليا ديري شي كلوز
نوارة"" لاااح ماديراهش
سناء"" ديريه الكلبة
نوارة"" اوووووف
دارت منه شوية صدق مثير كثر عل شفايفها منفيخين هادشي غي مادارت لا احمر شفاه لا والو
سناء"" ضوري نشوف احبي
نوارة"" (هزات تلفون قاداته معاها) هااا
سناء""" (تبسمت) تبارك الله ما شاء الله عليك احبي تتحمقي
يلا تجاوب سمعات دقان
نوارة"" ( حست بقلبها ايسكت ) ناري اصحبتي اشش هادشي اش داني كون باقة في براكتي
سناء """ اتهدني اشمن براكة و لا النم تنفسي مزيان ( قربت تلفون عند مليكة لي بدورها تيصليو هل النبي بصوت خافت ) الصلااااه و السلام عل رسول الله
نوارة"" ( تبسمت ليهم رمات عليها شال و يديها ماتبتينش ) يخليكم ليا ( شدات على قلبها )فيا السخفة
مليكة"" الله يحجبك بنيتي دابة تفوتك ابنت الاصل
نوارة"" الله يخليكم ليا
سناء"" اللهم صل و سلم على نبينا محمد خرجي ابنتي
نوارة"" شيرت بيديها ليهم و قطعات معاهم قرات معودتين حطات يديها عل باب فتحاته منزلة شال عل وجهاا مغطي ملامحها خرجات ودارت تسد لباب شمت ريحته وراها مع ضل مغطي جسمها دارت بشوية منزلة عينها للارض تيبان ليها غي سباطه
نوح""( مع سمع لباب تحل ناض ملمحها خرجات بقفيطنها حشمتها طاغية عليها معكلة في وقفتها وقف قريب ليها منزل يديه ليديها مورمة هزها لعنده بالطف و نطق بصوت قليل) شوية
نوارة"" ( هزات راسها فيه بشوية تاتقابلو عيونهم حركت راسها برفق )
نوح""( عينه ملاقيين بلاصة يركزو عليها تيتساراو عل راحتهم عينها نيفها خدودها لي مزال تيزيدو في احمرار اخر حاجة شفايفها مثل كرز عاضة عليهم بحشمة جرها شوية من دراعها جابها جنبه و نطق منزل راسه لعندها) من هاد خطوة هادي خطوة وحدة نخطويها انا وياك العمر كامل
هضرته دخلت ليها مع داتها حست بقلبها ضرب بجههد خلاها تطمئن بلهلا يطريه ليها نزلات عينها الارض و خطاويها ماتبتينش جا قدامها و هي وراه دخلو عند العدول و الجد و نصير مشات جلسات جنب جدها لي بدوره حس بيها حط يديه عليها مطمئنها محسسها بالامان بداو العدول في مراسم الزواج
العدل"" ابنتي نوارة اليازيدي تقبلي زواج بسي نوح السيد مقدر الصداق خمس ملاين
نوارة""( هزات عينها فيه بصدمة من سمعات مقدر صداق و نزلاتهم بزربة بعد مالمحاته مراقبها ونطقت بصوت حشمان ) ق قابلة
العدل"" سي نوح السيد قابل زواج من نوارة اليازيدي
نوح""( بدوره هز عينه عليها و نطق بثبات ) قابل
وصل وقت بصمة بصم هو لول و مد ليها العدل العقد قدامها باغي يشد يديها تبصم
نوح""( ناض سبقه قرب لعندها ) سمحليا اشريف يديها مقصحة ( قرب هو لعندها شد صبعها برفق و هي تطير بالحشمة و غير ماتيزيد يغرقها بهاد حنية لي تيدير عليها )
وصل وقت الشهود كذالك بصمو و ناضو العدل متجهين لباب ناض معاهم نصير لباب
الجد"" الله يكمل عليكم بالخير وليداتي
نوح نوارة"" امين
نصير"" ( قرب سلم عل نووح سلام رجولي ) مبروك اصحبي
نوح"" الله يبارك فيك
نصير""( مخاطبها) ختي نوارة مبروك عليكم
نوارة"" (هزات عينها مع ابتسامة مزينة شفايفها نطقت بخفوت) الله يبارك فيك خويا
ناضت برزانة متجهة لكوزينة بقفطانها مزين عليها مخلية عينه يمشيو معاها بكل اريحية مستفسرين فين غادية ناض بشوية عليه و مشى وراها
نوح""( دخل لقاها تتشعل عل بوطة قرب لعندها) شنو كديري
نوارة"" ( دارت بزربة مفزوعة حتى زلق شال من عل شعرها بخفة نطقت بشوية تترد شعرها ورا ودنيها ) فقت بكري ووجدت الغدا
نوح"" (زاد قرب شوية عندها و نطق بنبرة رضى ) علاش معدبة راسك كولشي غايوصل لدار
نوارة" ( عينيها في الارض) كولشي واجد مكاين لاش ماكلة الزنقة
نوح""( هداته من كترة لباقة لي فيها و عقل حرك راسه بايجاب نطق بنبرة رضى نطق منزل راسه عندها) نعاونك
نوارة"""( تبسمت ونطقت بشوية) ل لي بغيتيي
مشا قطع لخبز داره في بلاطو تاعه وعينه راضين عليها مستغرب واش باقين بنات تيفكرو هاكة نهارها وطيبت فيه و شقات فيه
نوارة""( مراقبه مبتسمة في سرها حاضية يديه ضايرة عليها فاصمة رقيقة قربت شوية عنده) كي بقات يديك صبحات احسن
نوح""( هز يديه قدامها تيحل فاصمة وعينه على عينها زول فاصمة ) قلت ليك مكاين والو هاد فاصمة درتها غيي باش ماتقاسش بشي حاجة وصافي
نوارة""( تهزت شوية برجليها طلت عليها و حطت صبعها ) شوف نبلات من هنا عامرة بالماء خاصك تعاود ليها دوا ضروري
نوح""( عينيه تيتساراو عل ملامحها بأريحية و رضى عل وجهه نطق منزل صوته ) كاين شي حوايج تتقدي على اي حاجة تقدر توجعك.
سمعات كلامو و هزات عينها لفترة محققة في عينه سود ونضارته لي تتخلي رجفة في قلبها نزلات عينها ومشات هزات طبسيل قرباته للطنجرة وتكات بيديها تتحاول تنفس بشوية و تخلي ارتباكها ينزل شوية
اما هو شاف راسه خجلها خرج الخبز تيحطو في طبلة
نصير""( مطلعه بنضرة غالباه ابتسامة) با ! العريس راه تيتسخر علينا
الجد""( تبسم) للخاطرو
نوح""( حك دقنه بارتباك و خنزر في نصير وعاود شاف في الجد و نطق ) بنتك الوليد عدبت راسها و طيبت واخة موصي عل الغدا
الجد"" ( ابتسامة رضى عليها ) طبع مايقدرش يتبدل اولدي هاكة دايرا هي
هز عينه بانت ليه هازة طبسيل الدجاج قرب شد من عندها و حطه و هي رجعات جابت كيسان موناضة و ماء حطاتهم وجلسات جنب جدها
نوارة"" با كيف ديما ياك
الجد"" ( ضحك و نطق ) هاد فشوش ديالك غادي يخرج عليك
نوارة""( ضحكت و تكات راسها بدلع عل كتفه و قاست لحيته بغنج نطقت بخفوت) شحال عندي من حنيني
نصير"" ( عينه غي في نوح لي تيحس بعينه يطيحو من كترة تحنزيز عفط عليه و قرب ليه شوية لودنيه) ذوبان ذوووب اعشيري
نوح"( دار عنده عض عل فكه و عينه مشربنين نطق تحت سنانه) ن*** لا ماسكتيش
نصير""( حابس ضحكة دار يديه عل فمه )
الجد"" بسم لله اوليداتي
داكشي لي كان بداو تياكلو بالاخص غي هوما اما لاله لعروسة غي تتنقب حشمة قتلاتها تتحس بضغمة ماتتبغيش تسرط لما لا وهو عينه مانزلينش عليها مخليها تتوكل جدها وتنسى راسها شاف راسه عيق و حدر عينه هضرو فشلا مواضيع مخلين الجو يكون هادئ
الجد"" نصير اوليدي تسالي توصلني
نصير"" هي لي ماتعاودتش ابا
نوارة"" علاش ابا ماتبقاش معايا تالعشية
الجد"" لا ابنتي مك خرجات من سبيطار هاد صباح بلا ما نزيد نتعطل
نوارة""( حسات بغصة في قلبها من سمعت كلامه حدرات عينيها دموعها تحگنو) بصح ابا
(قالت كلامها و ناضت تتجمع في طبلة )
نوح"" ( دار شاف في نصير نطق ) وصلو حتى للدار
نصير"" معااياش تخرجو انا نرجع ديريكت
نوح"" نديها لدارهم ليل نرجعو
نصير"" في امان لله ( شاف في الجد ) با مشينا
الجد"" ( دفع طبلة شوية قرب منه نوح موقفه حط في يديه عكازه)واخة وليدي الله يرضي عليك ( منادي عليها ) اجي ابنيتي
كانت في كوزينة تتمالك دموعها سمعات صوته و مشات لعندو وقفت جنبو شدات عل يديه
نوارة"" ( نطقات بصوت خفيف) هانا ابا حنيني
الجد"" ( حط يديه عل راسها جايبها عنده حطه عل صدره ) انا راضي عليك دنيا و اخره عطي لراسك وقيت كولشي يتصلح باذن لله
نوارة""( خشات وجهها فيه مخليا دموعها نازلين) واخة ابا واخة
الجد"" الله يرضي عليكم كاملين ويسهل عليكم
طبطب عليها حس بيها جمعت قواها شوية و بعدها عليه قرب منه نصير شد على يديه وخرجو من دار
نصير"" ( وصل لباب سيارته نوع اوودي حل ليه لباب طلعه قاد ليه ساتينغ و طلع و شاف فيه ونطق) وبا
الجد"" نعام اولدي
نصير"" ( تبسم و حرك راسه بتقالة محنن صوته) و زواج زين تيبان ليا ابا
الجد"" ( حط يديه بزوج عل عكازه ) الحلال اولدي الحلال عنده طعم خاص
نصير""( خدم localisation وكسيرا ) اي هاي على با
الجد""( تبسم) اش تيسحب ليك اولدي راه شاب راسي
نصير"" باين الحاجة كانت واخدة عقلك
الجد"" ( تنهد) اييه وليديي فاش فكرتيني عمرني شفت وجهها حتى دخلوها عليا نهار العرس اش نقولك اوليدي داكشي لاش قلت ليك الحلال الحلال
نصير"" صافيي نتوكل عل الله تا انا
الجد"" تا اتضحك عليا ولكن غاتجي لي تضحك عليك ماتخافش
نصير""( ضحك) الله يا با اش جابني انا كاع
الجد"" دابة يلا طولي الله في العمر و نشوفك
نصير"" (تبسم)اش بيني و بين شي زواج ابا ماشي تاعو
الجد"" سر بوك زواج باين لي طاغي نتا
نصير"" ( ضحك من قلبو ) والله ابا يلا عندي واحد الواليدة فين ما اآلو واش ماتجيش راه لقيت ليك عروسة كل مرة معيطة لي لاقيا لي وحدة في شكل
الجد"" ايوا هي لي عارفة مصلاحتك الحلال زين اوليدي
نصير"" ( تبسم ) الله يطعمنا الحلال اتنضحك ابا غي هو هادي لاخرى ليا مع الواليدة يلا ماقبلتش تجيبها ليا تالعندي
الجد"" ( ضحك ) هاديك هي لي تحدهم لحسك
نصير"" ( وقف لوطو قدام الدار ونطق ) وصلنا ابا
الجد"" الله يرضي عليك وليدي والله يحنن قلبك عل الزواج نقص شوية من طغيان
نصير"" ( تبسم حاط دراعه عل كوسان) امين ابا هكاك بقى دعي معايا من تفكرني
الجد"" كون هاني عزيز عليا رجال الشهامة اولدي ويدخلو من باب
نصير"" الله يطول عمرك ابا تحضر عرسي
الجد"" ( ضحك) احياني عليك لف و دوران ايندموك انا فين قلتها ليك
نصير"( ضحك و نزل مشا حل ليه لباب مخرجه و مد ليه عكازه و باس راسه) اتنضحك معاك با ماتديش عليا نضرة خايبة
الجد""( ضرب عل دراعه و تبسم) شهم الرجال باين اوليدي الله يكملك بعقلك
مشا بعكازه نصير مبقى متبع ليه العين حت شافه دخل مع باب و ركب في سيارته و شد طريقه لكازا ديريكت
من خرج نصير و الجد من باب بقات واقفة حست بالارض تدور بيها احساسها تغير من شافته مزال معاها وانها ولات مراته بالشرع و القانون شافت فيه و نزلاات عينها دغيا دارت بغات تمشي حست بيديه جراتها بخفة موقفها
نوح"" ( قبط يديها بحنية جلسها جنبه نطق بشوية) ريحي انوارة
نوارة"" ( جلسات منزلة راسها حاسة بالبكية سخفة قلبها ايسكت) الصمت
نوح""( زاد قرب بكتلته ضخمة حداها و شبك يديها مع يديه تحنى براسه لعندها و نطق بثبات ) عارف عارف احساسك مزيان بزاف افكار في بالك ،بزاف اسئلة باغا جوابهم ،كولشي بيديك ،ياتجمعي نفسيتك و تكوني قوية كيما شفتك نهار اول ،يا تبقاي تبكي و تمرضي راسك و تمرضيني معاك ،ولو هادشي انا وياك عارفينه مزيان ما عنده منفعة لا ليك لا ليا ( هز يديه مع يديها قدام عينيها ) قبطت يديك ماعمرني نفوتها كيما قلت ليك من قبل، خطوة وحدة نخطويها انا وياك ، طلبتك من باك حيث انا باغيك مرتي شي حاجة اخرى لوحيها وراك
نوارة""( دقات قلبها غي ماتيزيدو تيتسارعو وعينها تيرمشو بزربة من كترة حشمة ) الصمت
نوح""( هز يديه لدقنها و طلع وجها قابله مع وجهه و حرك راسه بتقالة نطق بصوت خاافت) تفاهمنا
نوارة""( شافت وسط عينه ديريكت ونطقت بصوت مترعد) بزاف حوايج باقين ماوضحينش ليا انوح
نوح"( حرك راسه مثبت كلامها نطق بصوت منخفض) وقت لي بغيتي نوضحهم ليك وقت كله قدامنا
نوارة"" ( حركت راسها بايجاب و نطقت و عينها في الارض) يخصك تصبر عليا
نوح""( حرك راسه بتقالة ناطق بصوت مطمئن ) وقت كله ليك
نوارة""( مزال عينها في الارض و قلبها غي ماتيزيد يتسارع في دقاته) و و يعني
نوح""( حط يد تانية عل يديها نطق مطمئن عرفها خايفة) كل حاجة تتجي في وقتها تتكون حلوة انا ما طالب منك والو غي تكوني مرتاحة باش خاطري يزيد في راحتو
نوارة""( هزات عينيها فيه و بانت شبه ابتسامة عل ثغرها و نزلات عينها دغيا نطقت بصوت غي مسموع) واخة
نوح""( زاد نزل راسه عندها و نطق بصوت خافت ) ماسمعتش
نوارة""( يديها بدات تترعد وسط يديها ) قلت ليك واخة
نوح""( زاد زير على يديها لي تترعد وسط يديه و نطق بصوت مطمئنها ) هانتي بديتي تسمعي لقلبك
نوارة"" ( هزات عينه فيه باستغراب) الصمت
نوح"" (عينه مركزين في عينها وبصوت قليل نطق ) عاونيني باش جمرتك تطفى
سكاات لكن عينيهم كان ليهم بزاااف هو كيحاول يخليها ترخى و تزيد ترتاح ليه و تحاول تماشى ما وضع و تنسى متجرا ليها ، و هي عقلها و قلبها مضاربين عرفت بلي صافي تكتب كتابهم ولات مزوجة و مرتو يعني بزز منها تقبل بقدرها، تلفها بشوفاتو بدات تتشتت شوفاتها حيث خجل وصل بيها فين بغى وهادشي كولو توضاح ليه من ملامحها
نوارة"" ( تتحاول تفك يديها من يديه ولكن بدون جدوى ) بغيت نسولك
نوح""( حرك راسه بمعنى كنسمع ) الصمت
نوارة"" واش مابقيتيش خدام هنا في الرباط
نوح""( عض على فكه و حرك راسه بشوية و نطق متقل) عمرني كنت خدام هنا من بديت بديت في كازا
نوراة"" ( بصدمة ) كيفاش وعلاش كنتي داك نهار في الكو
نوح"" ( مقاطعها) قلت ليك كولشي يوضاح ليك مع وقت
سمع صونيت لباب طلق يديها و ناض فتحه كان ليڤرور مد ليه شي ساشيات دخل هز بزطامه جبد منه فلوس خلصه و سد لباب و راجع متجه عندها مد ليها و نطق برزانة
نوح""" ماعرفتش اختياراتي واش تعجبك قضي بيها بيما تخرجي تاخدي لي يخصك عل دوقك
نوارة""( وقفات قبالته عينيها في ساشي مدت يديها شداته من عنده ) شنو هادشي
نوح"" ( هز جاكيط لبسها و تكلم ) بدلي عليك انا نتسناك
نوارة"" فين نمشيو
نوح""( جلس رامي رجليه عل طبلة جبد كارو من جيبه شعله نطق كارو وسط شفايفه ) داركم
نوارة"" ( حسات بدمها برد عليها) ولكن انا
نوح"" ( هز عينه فيها مخليها تسقل و مقصح شوية كلامه) يلا هضرت معاك دابة و قلتي لي تفاهمنا ، راك مرتي عاد عقدت عليك دابة تا قمقوم مامن حقه يقول شي كلمة ( نعت ليها لبيت بصبعاه كارو وسطهم )اتدخلي تلبسي انا تنساينك
نوارة"" ( ماحساتش براسها تالقات راسها وسط لبيت شادة عل قلبها من خوف ) عاد دابة كنتي تتهضر حنين ودابة تتغوت عليا و تتقولي غادي تصبر عليا
وقفت مربعة يديها تتحنزز في ساشيات لي قبالتها تفكرته تيساين و مشات قلبت وحدة من ساشيات جلابة دو بياس في لون رمادي و مارو
نوارة" ( حطت يديها عل فمها باعجاب ) لاااا مايمكنش عل دوق عندو
حيذت قفطان و لبساتها جاتها عبار جات فصالتها مخزانية شافت ساشية تانية لقات فيه صباط كعب خفيف في لون البني و شال حريري وصاك بنفس اللون
نوارة""( بإعجاب ) امم صدقتي دواق اودي
قربت مرايا عاودت مشطت عل شعرها و قادت الغرة هزات شال دارته في عنقها بقى نازل مع جلابة جاتها لبسة هماوية رشات من بارفان لي شرا ليها قرسات على خدودها زادو احمرار على احمرار هزات صاكها و
تمشات بخطوات خجلانة حلات لباب
اما هو كيما خلاته كي ما باقي خاشي وجهه في تلفون سمع خطواتها وتلفت بشوية عليه مطلع عيونه من رجليها و هو طالع بتأمل حتى تلفت ليها خطوة وصلات جنبه و الحشمة قاتلاها
نوح""( نزل رجليه بتقالة ووقف خشا تلفون في جيب لوراني تسروال و عينه كيطلعو و ينزلو براحة نطق وهو منزل راسو ) مزال ناقصة شي حاجة
نوارة""( حركت براسها بعدم فهم ) شنوو لي ناقص
نوح""( رمى خطوة لور هز ساشية صغيرة جبد منها بواطة لون احمر و قرب وقف قدامها حل بواطة جبد منها خاتم الزواج سامبل و مقاد تياخد العقل تحنى بلطافة شد يديها بحنية لبسها ليها طلع عينه عليها و يديه مزال قابطة يديها صغيرة نطق بخفوت ) عرفتي شنو لي كان ناقص
نوارة""( عينيها ذبلانة بطريقة مخلياه غرقان فيها بشوفاته ) الصمت
نوح""شنو مزال ناقصة شي حاجة اخرى ياك
نوارة"" ( سرطت ريقها تدور في عيينيها) الصمت
نوح""( شاف فيها بمعنى شنو شافها نزلات عينيها حشمانة خشا يديه في جيبه جبد خاتم ديالو مده ليها) تركبيه ولا ديري بناقص
نوارة""( فلتات ليها ابتسامة رداات شعرها ورا ودنيها شدات خاتم في يديها تترعد تتبغي تشد يديه ماتتقدرش من كترة خجل )
نوح""( شافها مرعودة غي لوحدها زاد قرب يديه قدامها و نطق مازحها) ماتخافيش
نوارة""(سمعات صوته شدت يديه ركبت ليه خاتم بزز من كترة ترعاد لي شدها ) الصمت
نوح""( بقى حاضيها عل راحته تاكملت ونطق وهو مزال نفس قرب بيناتهم) نشوف يديك ديما تبقى مزينة بيه
نزلات عينها بخجل وحنيكاتها غايطرطقو بالحشمة حركت راسها بايجاب منزلة عينيها للارض و نطقت
نوارة" واخة
نوح" ( حرك راسو و مشا هز سوارتو و قرب ليها تاني ومد يديه تشد فيه ) مشينا
نوارة""( شدت يديه مزيرة عليه ماعرفتش علاش لكن داكشي لي بان ليها هو تزير على يديه ) نمشيو
نوح""( زير عليها بدوره و شاف فيها عرف بلي قلبها مهزوز و خايفة من دخلتها على دارهم ) نشوفك تتبكي ولا تتغبني نتفاهم معاك
نوراة"" ( حركت راسها بإيجاب بزربة ) واخة
خرجو من عمارة ركبو في سيارته و توجهو للدار ديالهم تتفرك في يديها هو صايݣ و عينيه تتمشي ليها و بالاخص يديها لي تيحس بيهم غايتقطعو بكثرة زيار لي تتزير عليهم
نوح""( عاود شاف فيها نطق بثبات ) خصنا نديو شي حاجة في يدينا
نوارة" ( تتفرك في يديها) م ماعرفتش
نوح"" ( عينه عل طريق) شوفي لور داكشي واش مزيان
نوارة"" ( دارت تشوف لقات بوكي الورد بلاطو التمر و فواكه الجافة و بلاطو فيه الشكلاط باين غالي دورت عينها فيه و تبسمت بإعجاب غي ماتيزيد يغرقها بمعاملته معاها و كي تيحاول يكبر بيها قدام عائلتها نطق بخجل ) شكرا بزاف
نوح""( دار مستغرب عاقد حاجبو نطق بخشونة ) علاش
نوارة"" هادشي بزاف تتفكر في شي حوايج لي انا مانقدرش نفكر فيهم
نوح""( فقط مركز مع طريق بدون ما يجاوبها حيت عارف واجب الزوج بمراته ماشي بالمقابل مهم يششوفها مرتاحة دار مع زنقة ديالهم و دار شاف فيها ) وصلنا ياك كيما قلت ليك
نوارة"( تتفرك في يديها و قلبها تزير عليها ) واخة
حبس سيارته قدام باب دار و نزل بهيبته كانو عيالات و بنات و دراري صغار كولشي حاضيه شكون هادا و شكون لي معاه كولشي تيهضر و تيحلل مشا حل ليها لباب شد يديها و رمات باول خطوة ليها في حومتها بعد ديك ليلة
نوح""( شافها ماتابتاش و جرها لعنده بشوية هضر في ودنيها بصوت نازل ) بنت الاصول ماتنزليش راسك
شافت فيه و تبسمت ديك جملة دخلات ليها مع العروق كانت كافية تخليها ترخف نفسها هزات راسها و دارت شافت في عيالات وبنات الدرب لي كانو واقفين قبالتها تبسمت ليهم و حركت راسها عاطياهم السلام بلا ما تنطق خلاتهم غي مبلگين عينيهم و كيستغربو كيف خرجات من الدرب و كيف دخلات كي الوردة
نوح""( حل الباب هز بوكي عطاه ليها و هو هز باقي سد سيارته و حط يديها عل خصرها منزل راسه لودنيها ) ماتجاوبي تا حد
نوارة"" دار خالي هي لي شادة علينا اكيد ايسمعني جيت غايجي
نوح"" ماتجاوبيش مع هاداك بالخصوص
نوارة"" ( دخلو من باب زنقة و وقفات قدام باب دخلاني دقات زوج دقات و دخلات و نوح وراها ) السلام عليكم
كانت اريج تتلعب غي شافتها جات ترمات في حضنها لي نوارة بدورها تحنات عنقتها تتبوس فيها وابتسامتها مافرقتهاش
اريج"" عميتو توحشتك بزاااف
نوارة"" حتى انا حبيبتي بزااااف
( هزات عينها لفاطمة لي غي شافتها جات تلاحت عنقتها)
فاطمة"" ختي لحبيبة
نوارة" اش خبارك ختي عل خير
فاطمة"" زيدو دخلو مرحبا بكم هاهوما لداخل في بيت
دخلات تحت نضرات نوح لي بقى في بلاصتو حط داكشي فوق طبلة ووقف بثبات
نوارة''' ( دخلات لمحت ليوسف و الجد و زهرة ) السلام عليكم (حطت بوكي في جنبها)
زهرة"" ( هزت يديها باش تجي تعنقها) بنيتي لحبيبة
نوارة""( تلاحت في حضنها ) كي بقيتي حبيبتي شوية فاتك الحال
زهرة"" بيخير ابنتي راكي عارفة سكر كي تيلعب عليا
نوارة"" ( باست راسها ) حاولي ماما عل صحيحتك ( دارت عند خوها لقاته جالس حاني راسه و حاط مرافقه عل ركبيه ) يوسف
يوسف""( هز راسه بشوية ووقف حرك راسه ) نوارة لاباس عليك
نوارة""( تتشوف فيه بشوفات مدمرة و حشمانة ) اشنو مابغيتيش تسلم عليا اخويا
يوسف"" ( مجرد ما شاف عينها و كيف تتشوف فيه بخجل منها و كأنها تتقوله توحشتك قرب لعندها مد يديه ) بيخير
نوارة""( شدت يديه تحنات عليها باستها هادا هو سلامها معاه ) لاباس اخويا يسول فيك الخير
الجد"" نوارة بنيتي
نوارة""( تحنات باست راسه و كتفه ) الحنين ديالي
زهرة"" جيتي بوحدك ابنتي فين راجلك
نوارة"" ( شافت فيها بابتسامة فخر) لا معايا اماما غي ماقدرش يدخل بلا اذن انا نكلمو
(تمشات بخطوات رزينة لقاته عاقد حواجبو و واقف مسند على الحيط و رجولة فايحة منه وسط داك المرح وقفات قدامو و تبسمت ليه نعتت ليه براسها باش يجي معاها داكشي لي كان تبعها قرب عندها و دا خل بخطواته تابثة )
نوح""( رمى السلام) السلام عليكم
كل "" وعليكم السلام
نوح""( تحنى على يديها باسها) الواليدة كي بقيتي شوية ليوم
زهرة""( تبسمت و طبطبت عل يديه ) انا بيخير اوليدي الله يرضي عليك
نوح""( مد يديه ليوسف) عل سلامت الواليدة
يوسف"" الله يسلمك اخويا، الله يجيك الخير
نوح""( تحنى عل راس الجد محمد) الواليد مزيان
الجد"" الحمد لله وليدي الله يرضي عليك
كمل سلام و مشا وقف جنبها كأنه تيقول لها انا جنبك و رتاحي تيحاول ما أمكن باش يكبر بيها و يخليها تتصرف عااادي بغى عائلتها تشوفها مرتاحة
فاطمة""( وقفات حداهم تترحب ) اجيو الصالون ترتاحو
نوح""( شاف في نوارة و نطق بخفوت ) خليك نتي مع الواليدة حنا برا
نوارة"" ( حركت راسها بأه و تبسمت) واخة
خرجو هوما مشاو و هي بقات مع ميمتها يهضرو و يتعاودو جات اريج و فاطمة ووقت تيجري شحال تعاودو بكاو و ضحكو
زهرة" بنيتي تتباني لي مرتاحة مع راجلك
نوارة"" الحمد لله إماما مزيانة
فاطمة"" قولي ليا فين تعارفتو امتى تزوجتي منين هو عرفينا على نسيبنا
نوارة""( سكتات لتواني ماعرفتش كيفاش
تجاوبها شافت فيها و تبسمت نطقت ) هو من هنا و تلاقينا في كازا يعني تما ساكنين خدام تما
زهرة"" باين فين ولد الخير ابنيتي الله يسهل عليكم
تبسمت ليها و هزات كاسها ديال اتاي تتحاول تلف شوفاتها و ملامحها حيث حست براسها تلفات و تدهشرت من سؤالها
اما في الصالون كان غي نوح و الجد لي تيهضرو يوسف كانت هضرته قليلة غب منزل عينيه و تيحاول على قد كلام و صافي
نوح""( لمح ليه ونطق بصوت رزين ) خويا يوسف نتمنى تكبر عقلك و ماتخليش امور معقدة
يوسف""( حط كاسه من يديه و شبك صباعه بقلة حيلة ) مديرهاش مني قلة الصواب اخويا ربيتها عل يدي و عارف معدنها ولكن انا راني حشمان منها ماشي كارهها حشمت منها انني مادخلتهاش و ماحميتهاش من هضرة ناس من عينين بنادم كلا جلدها وهي حية داكشي لي مرضني
نوح""( نطق بثبات مقصح هضرته) معدنهاا و تربيتها كان باين عليها يعني ماتسناش من بنادم يوريك في بنتك نتا مربيها و مكبرها
يوسف"" ( عصر على نواضرو )اي كلمة قلتيها عندك فيها الحق اخويا
نوارة"( كانت تتسمع كلامه و عوينتها ماقدرتش تحكم فيهم ) حتى انا حشمانة منك اخويا
يوسف"" هز عينه فيها و وقف ديك ساعة مقرب عندها جرها في حضنه ) سمحي ليا ابنتي يلا ماوقفت معاك في محنتك
نوارة"" ( عنقاته و خلات دموعها ينزلو شحال و هي ساكتة و مخشية فيه توحشاتو وتوحشت ديك تعنيقة توحشت كلامو و توصياتو ليها هزات عينها فيه) نسى الموضوع انا اخويا لي وقع معايا و ( شافت في نوح و قربت عنده جلست جنبه و شدت دراعه و عينها في عينه ) محنتي و جمرة لي في قلبي لقيت لي يطفيها
شاافها جايا اتجاهو برزانة جلسات جنبو و دور راسو معاها تا جا قريب ليها و عينه عليها بتقالة تيتسناها اشنو دير شدات على دراعه مدورة يديها عليه نزل عينه ليديها كيف تحطات عليه و عاود هز عيونه عليها فور مانطقات عل لسانها كلامها حسساته برجولتو و فخامته قدامهم
نوح""( نزل عينه ليدها و حط يديه عليها بإطمئنان و دار شاف في يوسف ونطق بتباث) ختك عل دمتي و شرفها من شرفي و لي تضرها اضرني ( عاود شاف فيها و نطق) ولي رتاحت فيه انرتاح فيه ( عاود شاف في يوسف و كمل كلامه ) نتمنى من الله يقدرني نبقى ضلها فين ماحطت رجليها
الجد""( تبسم و نطق بفخر ) اولدي الحكمة للعقل و الطهارة القلب القوة الايمان ماكتليقش بأي واحد و ماكتشرى لا بمال ولا بالكلام ولا غيرها، بنتي تحت جناح الصقر مانخافوش عليها
دخلات زهرة مع اخر كلام ليهم شادة في يد اريج لي غي شافت عمتها مشات طايرة عندها
اريج"" ( وقفت قدامهم و حاضية يديهم كيف قابطين بعضهم و عاودت هزت فيهم عينها تتبسم و تكلمت لنوح ) عريس عميتو
نوح"""( نزل مصغر عينه فيها ) امم
اريج"" ( نطقات دايرا يديها لفمها) سمعت بلي نتا بوليسي ياك
نوح"" ( حرك راسه بايجاب) شنو بان ليك نتي
اريج""( هزات يديها زعمة تحية) باينة فيك بزااف قوي ' اوو تيقولو شرطة في خدمة الشعب
فاطمة"" وابنتي الله يهديك اجي تريحي
نوح"""( هز يديه بلطافة حطها عل راسها ) خليها ايه في خدمة الشعب باش يكون كولشي مرتاح
اريج"" ( دارت شافت فيهم) اذن غادي يكون ديما حاميها مايخليهاش تبكي
نوارة"" (جرتها باستها) اي هاي عل فنكوشة و خدمة الشعب
فاطمة"" شفتي تلفون اش تيعلم كولشي ولا و يفهمو فيه
نوح"" ( حط يديه عل راسها مدوز عل شعرها) اتنقص منه شوية بشوية ياك
اريج""( دارت تحية ) اوكي الشاف كون مرتاح
نوح""(فلتات ليه ابتسامة صغيرة عل ثغره ) اوكي
الجد"" سير ليك مع هادي تاني
يوسف"" شكدير للتحليلات جالسة و و تقيد
نوح"" مزيان يكون عقلها خدام ولكن في حاجات لي ينفعوها ماشي العكس
اريج"" واخة اندير بكلامك الشاف
خلاتهم تيضحكو عل هضورتها من تجلس و هي كل واحد تعرف طبعه من دقة لولى ديما تحلل و تناقش غ بوحدها
زهرة"" ( شافت في نوح و خاطبته )وليدي ماكرهتش نطلب منك طليبة
نوح”"( شاف فيها) مرحبا
زهرة"" ماتخليش ليا نوارة شي يامات توحشتها و بغيتها تريح معايا شوية
نوارة هزات عينها بصدمة شافت في مها و في نوح تتسنى جوابه واخة عارفاه غي من ملامحه تعقدو و مبينين
نوح""( عقد حجبانه بطلبها حك دقنه و نطق بنبرة تقيلة ) الواليدة مابغيتش نخسر ليك الخاطر ولكن ماباغيش نبشة فيها و نتي عارفة مزال خواطر حداكم ماصافياش ( تيقصد خالها و مرتو شاف فيها و نطق) مانقدرش نخليها ورايا
كلامه ليها غي ماتيزيد فراحتها شافت فيه و نزلات عينها بخجل كيفاش شاف فيها و كيفاش نطقها
الجد"" (مخاطب زهرة) الله يهديك ابنتي سيد خدام جابها تطل عليك بغيتي تاخديها ليه
نوح"" مقالت عيب الواليد موحشة بنتها غي هو ( شاف في زهرة) من تولي مزيانة و اجي نتي لدار بنتك ريحي معاها
يوسف"" عندو الصح الواليدة خليها مرتاحة نتي عارفة ناس داخلين خارجين و الوقت ماهياش ترتاحي و انا نديك عندها
زهرة"" واخة اولييدي لي بغيتو
نوح""( شاف نوارة و ناض منعت ليها بعينه) نمشيو
يوسف"" جلسو تعشاو معانا
نوح"" ( تيقاد في كم جاكيط) مزال وقت قدامنا فين نريحو ولكن دابة ايخصنا نمشيو تابعانا طريق
يوسف"" ( وقف بابتسامة) ان شاء الله اخويا مرحبا بيكم دار داركم
ناضت وقفات جنبه و تمشات بخطواتها هزات صاكها و مشات عند زهرة عنقتها سلمت عليها
زهرة"" ( تتكلم بشوية) تهلاي ابنتي في راسك و تهلاي في راجلك
نوارة" ( تبسمت) واخة اماما نتي تهلاي في صحيحتك
فاطمة"( قربت بدورها سلمت عليها ونزلات لودنيها) تعرفي تختاري اخوينزة
نوارة"" ( تبسمت وعضت عل فمها باش تسكت ) ياك اختي فاطمة غير هو لي اختارني صراحة ماشي انا
فاطمة" الله يخليكم لبعضياتكم اختي ( حطت يديها عل خدها بحنان )تستاهلي احبيبتي ماشي ساهل لي داز عليك
تعانقت معاها و مشات سلمت عل يوسف و جدها
خرجو معاهم لباب يودعهوم جيران لي مزال عل حالتهم تيهضرو اما زهرة تتشوف و هي مفتخرة ببنتها و راجلها طلعو في سييارة
نوارة هزات يديها تتودعهم و هوما بدورهم تيودعوها كسيرا نوح خارجين بشوية من زنقة و تلاقاو بخالها و مراته في دورة لمحت ليهم نوارة وقفو و حاضين طوموبيل ببهضة مستفسرين اش جاو يديرو هنا لي هي بدورها شافت فيهم و دورت عينيها متجاهلاهم
نوح""(لمحها و نطق ) دغيا كتعلمي
نوارة""( شافت فيه خجلانة و نزلات عينها ونطقت بشوية) ك كيفاش
نوح""( زاد سرعته فور ما خرج للشارع عينه مركزة مع طريق) راحتك
نوارة"" ( عاودت شافت فيه بعدم فهم )
نوح"" ديري حاجة لي تحسي براسك مرتاحة فيها ماتخليش ناس ياكلوك كوني ديما واقفة عل رجليك ماتخليش فرصة لشي لسان يتكلم عليك ولي مابغياش تجوبيه سرطي لسانك
نوارة""( عينها غي عليه و عل كلامه لي تيدخل ليها مع عروقها تبسمت ودارت تتشوف في طريق نطقت بخجل ) نبشوو فيا و شدو بيا حديث صواني انوح
نوح""( شاف فيها و عاود دار مركز مع طريق نطق بخشونة) نتي عارفة راسك !!
نوارة""( شافت فيه وحركة راسها بايجاب) امم
نوح""( بهدوء) سالينا ،،،، ( سكت التواني و شاف فيها و نطق ) خلي راحتك تغلب انوارة
بقات غا تتشوف ماعرفتش اش تجاوبو ، هو لي بدوره كمل كلامه ليها و ركز في طريقه مخليها عل راحتها داز وقت قليل حتى كانو وصلو قدام العمارة
نوح""( عطاها ساروت ) طلعي نتي جمعي معاك لي يتجمع حتى نرجع
نوارة""( شافت فيه باغا تسولو و ماقدرتش) و وواخة
نوح""( فهم نضرتها و نزل صوته شوية) نمشي نجيب شي حوايج من دارنا و نجي
نوارة"" هادي ماشي دارك؟ واش دار واليديك !!
نوح"" ( حرك راسه بايجاب ) للدار الواليدين تما عندي داري وهادي دار نصير
نوارة"" ( نزلات عينها مكبزة بيديها عل ساروت) سمح ليا حيت
نوح""( مقاطعها بلطافة ) من يوصل وقتهم و نعرفك عليهم ( تحنى عندها جا قريب ليها انفاسه تتضرب عل عنقها مخليها غارقة تترمش بزربة صدرها تيطلع و ينزل بسرعة مخلي ريحها عل نيف خضراتو طلع عينه بشوية لملامحها لقاها بقى ليها غي لبكة تبكي بالحشمة تبسم ابتسامة مابيناش حط يديه عل باب فتحه و نطق بصوت قليل) نزلي نزلي
عضت عل شفايفها و الخجل كلاها دفعات باب و خرجات تتزرب في مشيتها مخلياه مراقبها براحتو عاض عل شفته تحتية و ابتسامة فالتة ليه بشوية شافها دخلات و كسيرا ديك ساع لدارهم
اما هي دخلات و بقات تطل عليه بشوية تاشافته مشا ورجعات حطات يديها عل قلبها تتنفس بسرعة
نوارة"" ( تكلمت بشوية)اي اووف ياااربي غادي يفضحني هاد لقلب
(تنفسات شوية و طلعات غي في دروج دقة دقة وصلات موبل حلات لباب شقة يلا تسدو وسمعت تلفون تيصوني
نوارة""( تبسمت بعد ما شفت شكون) حبي
سناء"" اي هاي عل عروستنا صوتك شحال محلي
نوارة" ( تتبسم بغنج) باين فيا
سناء"" احح عل الحب كنتي غا تتفلاي عليا تتقولي لي حاقدة و كداااا دغيا بدلتي رأيك
نوارة"" ( دخلت و سدت و تكات بيديها عل باب و تتكلم و عينها دابلين)ماشي حب، الاحترام وتكبير ،( تنهدت) اما مني انا غي عتااااب اسناء عتااااب على ماجرا ليا
سناء"" ماعليناش مهم عاودتي تلاقتيه ، ودابة راكم تزوجتو يعني جمعكم الحلال ، رخفي فيك النفس و رخفي عليه شوية
نوارة"" ( تبسمت) علاش مالي اش درت ، صراحة هو لي متقل بلا قياس تخيلي تيفكر فشي حوايج لي انا ماديراهمش في بالي كااع ابسط حاجة و عاد مكبر بيا بلا قياس
سناء"" تششش اووؤ اوو اشريفية تجمعي الاله تي غي 3 يام جمعتك بيه و تشتتي وليت خايفة عليك اخويتي
نوارة '' ( مشات جلسات تتلعب في شعرها ابتسامة عل شفايفها) انا براسي مافهمتنيش تيخدرني تنولي نقوله اه بلا هوايا عندو اسلوبو لخاص
سناء"" لمك ماصيفطتيش ليا تصويرتكم نشوفو غا كي داير بعدا واش كي شكلو كي هضرتو
نوارة"" حنا تصورنا بعدا
سناء"" و خودي شي غفيلة و صيفطي ليا
نوارة"" ( قلباتها ابيل فيديو غي بانت ليها جاوبت و هي توريها يديها ) شو في
سناء"" واي شحال حلو عرفتي حسيت بديك كلمة ديال كولشي جا على غفلة هههههه هي لي درتي ليا دابة في ضرف 3 ايام هههههه واااع
نوارة""( ضحكت تادمعو عينها) لا لا والله يلا انا براسي تغفلت ( نزلات عينيها للخاتم) دوقه خيالي اصحبتي ( حطات تلفون قبالتها تتوريها جلابة) شوفي تاني
سناء"" هاااانا تاني اتجيني الغيرة هااا تتزيدي تشوقيني نتعرف عل نسيبي احح شحال ما شفت ضحكتك هاكة حبيبتي
نوارة"" تعامله معايا و كيفاش تيفكر في ادق تفاصيل هي لي سالات معايا
سناء"" ( هازا حاجبها) واقيلة مانلقى مانجمع فيك تي درتي ليا جفااااف و انقهار عاطفي اووو
نوارة" ( حطت يديها عل راسها ) نسيت راسي ابنتي سيري خليني نجمع حوايج كون قريب يجي
سناء"" اوكي انا ندخل عند ماما باي باي
قطعات معاها و مشات زولت جلابة بقاات بقفيطين جمعات شعرها مهمل خشات قفطان في بيرميدا تهز عل رجليها باش مايقنطهاش و مشات بدات بالحوايج جمعاتهم في فاليز و جمعات دوش قادته و قادت بيت و نفضاته و مشات للصالون كدالك نفضاته و قادت مخيدات و مسحت طبيلة اخر حاجة مشات لكوزينة جمعات داك ماكلة و داكشي قاداتو في ساشيات مشات لكيسان تتمسحهم و ترجعهم بلاصتهم متكية بجنبها قفطانها مهزوز مبين مفاتنها و جنابها ساهية تتفكر في احدات هاد نهار تبسمت ماردتش لبال لباب لي تحل تم داخل و عينه يقلبو عليها تا سمع غي صوت كيسان تيتحطو رمى بخطواته لعندها وقف عل باب حاط يديه على الكادر ز معوج راسه لجنب بشوية شوفاتو طالعين من رجليها وهو طاالع فتناتو بداك قفطان و كيف مهزوز على فخاصها و مبين فورمتها، طلع حاجبه من بانت ليه هزات رجيلاتها تحط لكاس في بلاصتو اما هي غي دخلات معاها ريحتو ودارت بزربة شافتو وراها بدات تتنزل قفطانها بدهشة و حشمة زلق ليها كاس من يديها و طاح جنب رجيلاتها مشتت تاتغمضو عينيها غي شافها و خشا سوارت في جيبو دغية ومشا قدامها تحنى بكتلته تحتها تيهز طرف بطرف من زاج لي مشتت جناب رجيلاتها وداك صيكان تيبريو قدام وجهو هز عينه بشوية مطلعهم تاستقرو على عينيها و نطق بصوت قليل لكن لكنتو كانت معاتبها
نوح "" بالحفى انوارة
حاطة يديها بزوج على بوطاجي و تتحس برجليها فشلو و تيترعدو و هو محني بكتلته ضخمة تحتهم تيبان ليها غي ضهرو و كتافو تيميلو مع كل هزة تيهز فداك زاج عينيها تيتغمضو في كل مرة من تيقيس عليها بجنب يديه
نوارة""( تتسرط ريقيها بصعوبة نطقت بشوية) تنرتاح من تنشقى حفيانة
نوح""( عاود شاف فيها و وقف حط زاج عل جنب قرب ليها حط يديه عل خصرها لصقها معاه رافعها من الارض و عينه مرخين فييديها لي تحطت على صدره خلات لبرد يسرا مع ضلوعه نطق بشوية صوت شبه مسموع ) يديك مورمة وباغا تزيدي رجليك
نوارة''( زيرت عل قميجته بيديه و عينها مغمضين نطقت ) حشومة نخليو دار مرونة
نوح""( بعدها على زاج و نزلها بشوية عليها و باقي قريب منها و عينه تيدورو عل ملامحها بشوية عليه) قلت ليك جمعي حوايجك ماشي دار
نوارة''' ( تتفرك في يديها و عينها في الارض) حوايج جمعتهم و وقلت نرجع كولشي كي كان
نوح""( نزل عينه لرجليها وداك قفطين مزال لاصق من قنت ونازل من قنت و عاود طلع عينه شاف فيها ونطق بصوت منزل) ساروت كيبقى عند كونسياج هو لي تيتكلف ( نعت بعينه لباب) زيدي قدامي وجدي راسك
نوارة"" نشطب زاج و نجمع ها
ونوح""( مقاطعها محرك راسو بهدنة ) شنو نبقى نعاود هضرتي
نوارة"" ( حركت راسها بنفي) لا ا انا نمشي
بقى متبع ليها العين تاخرجات هز شطابة جمع داك زاج ومشا بخطواته للسيجور جلس فوق كرسي شعل سيجارته تيبخ فيه هز عينه في باب بانت ليه جارا فاليز ناض عندها دار سيجارة في فمو و شد من عندها و ناطق
نوح"" هي لي كاينة ؟
نوارة"" ( مشات كوزينة تتزرب خرجات ساشيات لي جمعات ووقفت قدامه ) هادشي ايبقى غي يضيع تنزلو معاك لكونسياج
نوح""( بقى تيشوف على رزانتها و حنيتها) خليهم تانوصيه من نزلو
نوارة"" (نزلت راسها و نطقت بخجل من شوفاته) واخة
نوح نعت بيعينه لباب باش تسبقه و داكشي لي كان سبقاته هو هز فاليز و سد لباب هبطو طلعها لسيارته و رجع عند كونسياج عطاه سوارت ووصاه و رجع طلع لقاها تتسجل اوديو
نوارة"" واخة من نوصل نشوف كي ندير نصيفطها ليك شحال تتحكري راه ماتصورناش اويلي
نوح""( مع كلمتها لاخرى دخل شافها حشمت وحطت تلفون فوق ركبتها ) كملي هضرتك
نوارة""( بالحشمة) لا غ غي صحبتي
نوح"" ( كسيرا )شنو اتصيفطي ليها
نوارة """ و ووالو غي
نوح""( شد تلفونها من يديها و نطق ) اشمن تصويرة
نوارة"" ( تتفرك يديها و بدات تدخل و تخرج في كلام ) صحبتي قالت ل لي واش م ماصورتيش تصويرة زواج و
نوح""( لاح تلفون قبالته و دار مطلعها و منزلها بشوية ونطق و هو كتلته قريبة ليها بزاف ) نتي لي بغيتيهاا ولا صحبتك
منزلة وجهها باكمله بخجل و تدعي في سرها عل سناء دارت ليها هاد تحشيمة
نوح"( دور عينه لطريق باش مايزيدتش يحشمها كتر ماهي حشمانة وبالاخص هو لي تيبغي يحشمها ) تبغي تاكلي شي حاجة
نوارة" بلاش تانوصلو
نوح"" بغيتي تشركي ليل مع نهار راني شايفك مكليتيش
نوارة"" ماشي مشكيل
نوح"" ( نعت بيده )حلي داك مجر لي قدامك
نوارة"" ( حطات يديها حلاته لقاته واخد عصير و طاكوس) علاش عذبتي راسك
نوح"" بصحتك
نوارة"( بدات تاكل و تتحس براسها حشمانة تتاكل و هو صايك مدت ليه ) تبغي شوية
نوح( دار شاف فيها و عاود شاف قدامه) ماتنقدرش ناكل وانا شاد طريق
نوارة""( مدت ليه عصير ونطقت ) و حتى هادا ماتقدرش
نوح""( شاف حتى عيى ومد يديه خداه من عندها حرك راسه بشوية و نطق ) نقدر
جغم منه جغمة وردو ليها لي شافته عبس وجهه من داقه وهي فلتت ليها ضحكة
نوارة" مالك
نوح""( شاف فيها ورجع صايك) سكر كتر من عصير
نوارة"" ( جغمت منه) بان لي ماتتبغيش لحلاوة
نوح"" (شاف فيها بعينين نعسانين ونطق بصوته منزل ) على حساب فاش
نزلات عينها و دارت كاس في فمها تتسرط ريقها معاه سقلها ماعاودتش هضرات كملت ماكلتها و تكات على كوسان و حسات بعينيها بداو يتغمضو كان ليل معتم شافها هو ترخات طفا ضو سيارته و نزل كوسان شوية وكمل سواقته و مرة مرة تيخطف نضرة منها دازت ساعتين طريق و هي مزال ناعسة فيقها غي باب لي حسات بيه تسد لمحت ليه مبلاصي لوطو جنب طريق كانت دخلة ديال كازا بان ليها ناس مجموعين وهو واقف مع شلى بوليس تما بقات تتساينو هزات تلفون شافت ساعة و عاودت حطاته تتاوه حتى لا بان ليها جاي تيشعل سجارته
نوح"" ( حل لباب و طلع ) يا كما جاك برد ديك جلابة تتبان لي خفيفة لا
نوارة""( حركت راسها بنفي) لا لا طوموبيل دافية شنو واقع هنا
نوح""( تيكمي و تيخرج يديه من سرجم) شي كسيدة بالموطور طريق محبوسة
نوارة""(باسف) مسكين الله يشافيه هاد لي مضروب
نوح"" ( لاح سيجارته و طلع زاج ) مات في بلاصة
نوارة"" ( حطات يديها عل قلبها بفزعة) مسكيين الله يرحمه و يصبر ميمتو مسكينة
نوح""( تنهد ) تتجي غي فيهم ( تكى راسه عل كوسان شاف فيها ونطق ) عيتي
نوارة"" غي شوية ماشي بزاف
لمح للاسعاف مشات و شير ليه بوليسي باش يدوز بحكم كان مبعد عل طريق شوية، داز من حداهم بتحية منهم تحت نضاراتها عجبتها لقطة تبسمت تتلعب بصباعها على ديك جلابة
وقفت سيارته باركينغ نزلو هز داك حوايج و طلعو حل الباب دخل هو أول ووقف تيشوف فيها
نوح"( هز يديه شوية بنعت و نطق بصوت متقل ) نقدرو نقولو مرحبا بيك في دارك
نوارة"( هزات عينيها فيه بخجل و تبسمت ) شكرا
دخلات بخطوات خجلانة عارفة دخلتها هادي ماشي هي دخلة لي دخلات قبل سد لباب وراه و دخل فاليز لبيت ديالو ديريكت و خرج لقاها مزال واقفة شادة عل صاكها
نوح""( جلس و شاف فيها) رتاحي اتبقاي واقفة
نوارة""( حطات صاكها و جلسات قبالته خجلانة)
نوح""( تحنى بمرافقه عل ركابيه و هز عينه تيشوف فيها و يدورهم عليها بتقالة بدون ماينطق كلمة )
نوارة""( تتهز عينها و تنزلهم و يديها تتفركهم غرقها بنضراته ) الصمت
نوح""( نزل راسه تيبتسم في داخله مدوز يديه عل وجهه و عاود هز عينه ونطق ) شنو مزال دوك ليدين باغة تزيدي تخرجي فيهم شي عجب
نوارة""( هزات عينها فيه) لا غي ( ناضت ) نوجد ليك اتاي
نوح""( مزال هاز عينه فيها وابتسامة شبه مخفية ) ضروري تنوضي زعمة( حك عل عينه بتعب ونطق ) سيري دخلي رتاحي انا نوجده
نوارة""( مقاطعاته تتنعت بيديها لكوزينة) لا لا انا نوجده نتا عيان و طريق كلها نتا صايك تكون تهديتي
نوح"( حاضيها بعينين معسلة بدات في احمرار حرك راسك بايجاب منزل صوته ) واخة
نوارة''' (مشات تتزرب ردات لمقراج و دخلات لبيت جبدات بيجامة هي لي لقات عندها مستورة ) اووف مزيرة هادي اش نلبس و تا لبينوار ماهزيتوش اوووف
(شافت تاعيات و لبستها كانت بيجامة فوقاني قصير بصدايف و و سروالها تيجي مزير في لون احمر توبها موبرة و دانتيل في كميمات و تحت لسروال جاتها لاصقة خلات شعرها عل راحته عضت عل فمها بحشمة ماقدراتش تخرج ) كون رااه نعس ( شافت في مرايا)كون غي بقيت بجلابتي كاع اش داني نحيدها شافت تاعيات و مشات حلات لباب طلات بشوية لقاته مدور وجه خرجات تتزرب لكوزينة بالحفى تاني
نوارة''( طلات بشوية عليه مخرجة غي راسها لقاته متكي بتعب نطقات ليه) تتبغي اتاي حلو ولا ناقص سكر
نوح""( دور راسه عندها وعينه لي زادو تعسلو هزهم فيها لقاها تطل عليه هكاك جابت لي ضحكة هز حاجبه و نطق بصوته غالب عليه نعاس) كي مادرتيه انشربو
غي سمعاته و هي تدخل دغيا وجداته ليه ناقص شوية سكر فهمت بلي ماتيبيغيش حلاوة بزاف وجدات صينية و خرجاتها و عينها غي عليه لي بان ليها متكي بتقله و راسه عل حيط مربع يديه عندو حطات صينية بشوية و طلات عليه لقاته ناعس عضت عل فمها بأسف فهمت بلي تعطلت عليه داكشي باش داه نعاس بقات واااقفة ماعرفتش اش دير واش تفيقو ولا تخليه ناعس جبدات تلفون من صاكها شافت في ساعة و بغاات تحطو وتفكرت بقات تدور في عينها مدددة و مشات حلات كاميرا و زادت قربات حداه دارت سيلفي خدات زوج تصاور مخرجة لسانها تضحك في نفسها بعدت شوية مشات لجهة لاخرى كانت قريبة لوجهو قلبات كاميرا قابلتها مع وجهو ضربت صورة وصدق تضرب معاها تالفلاش ،من كترة دعقة لاحت تلفون وغادية هاربة تاحسات بيه جرها من يديها جات فوق رجليه
نوح""( جابها جالسة قدامه حال عينه بشوية بكترة تعسال تكلم بصوت خافت بزاااااف ) شنو كديري
نوارة""( تترمش بزربة و صدرها تيطلع و ينزل بقووة اما حناكها غايطرطقو كون تصيب الارض تشق و تدخل تحتها حسات بتحشيمة عمرها حساتها ) س سمحليا ك
نوح""( يد شادها بيها و يد لاخرى نازلة فين كاين تلفون هزو و عينه غي عليها ملامحهاااا حمرررررة و تترمش بزربة شي دعقة و شي حشمة مبينة عليها شاف في تلفون شعلو مع كاميرا ديريكت وزاد جرها لعندو كتر و نعت بعيينه للتلفون باش تشوف غاشافها دورات عينيها هو يضرب ثلاتة لسيلفي في دقة جاوهم قراب بزاف وحط ليها تلفون في يديها و نطق مخفض وصوته نعسان) مزيان دابة
بقات غي كدور في عينها تتحس بركابيها تتحس براسها تيدور تلفت من قربو من تحشيمة لي دارت راسها
نوح""( تكى براسه للوراء وعينه تيتسراو عليها عل راحتهم و هي مزال جالسة قدامه هز يديه مبعد غرة من على عينها و نطق بخفوت ) داك الكاس واقيلة مانشربوش من يدك
نوارة"" ( عاد وعات و حسات براسها مابقى ليها جهد فين توقف ولا تحط راسها بعدت دغيا جلسات بعيد عليه شادة عل وجها مدرقة عينها ) الصمت
نوح""( نطق و هو مزال عل راحته) كبي داك الكاس
نوارة"( ناضت جرت صينية هزات براد باغة تكب و يديها تترعد كولها و هي تحطو و نطقت بشوية ) كب لراسك نصدق حارقاك تاني ( قالت كلامها و ناضت اتجاه بيت)
نوح""( هز حاجبه فيها مطلعها و منزلها عض عل فكه من رد بال لبستها و كي جاها الحمر عابرها و مخلي مفاتنها مثيرة سدت عليها لباب و دور راسه بتقالة لجهة لاخرى عاض على شنوفتو حل عينيه تنينتفض براسو حس بيه تقيل و كملت ليه ، تكعد شوية جر صينية كب ليه كاس هزو قدامو شرب منه رشفة تيتبنن وجات قدام عينيه لقطة ديالها فلتات ليه ابتسامة خفيفة لمح لتلفونها محطوط هزو دخل واتساب صيفط ليه تصاور و مسح ميساجات و رده بلاصته
حتى سمع باب تحل وجات بخطوات تقيلة منزلة راسها وصلات فين محطوط تليفونها تحنات هزاتو و هو حاضيها براااحتو من خرجت تاوصلت جنبو تتحس بيه غاياكلها بعينه
نوارة""( هزات عينها فيه و نطقت وهي معنقة تلفون ) تبغي شي حاجة قبل مانعس
نوح""( عينه تيطلعو و ينزلو فيها تيحس براسه ماقدرش يغض بنضره عليها نطق بصوت قليل غالب عليه العيا) تباتي في راحة الله
تبسمت بزز ودارت راجعة لبيت يلا تدخل و سمعات صوته
نوح"" يخصني ناخد شي حوايج من البيت
ماتسناهاڜ تاكان وقف قدامها محني براسه لعندها تيشوووف في دوك خدود تيبريو قدامو وعينيها منزلاهم للارض نطق بصوت تقييل
نوح"" رخفي نفسك
نطق هاد زوج كلمات و دخل مخليها مراقباه شادة على قلبها لي تتحس بيه غادي يسكت حتى بان ليها خارج و في يديه شي حوايج مبين بلي مخلي ليها لبيت بقات تتشوف دخل داكشي لبيت تاني و عاود رجع مخرج شي ضواسة مهم اي حاجة احتاجها داها للبيت تاني مابغاش يخليها تحس بالخوف و دهشة عارفها غاترتاح يلا كانت وحدها ا شافتو خرج من بيتو و مشى جلس فهمت بلي كمل و تقدر تدخل دابة نطقت بشوية
نوارة"" تصبح على خير
نوح""( شاف فيها بعينين مرخيين وحمررة و بحالا حالهم بززز مبين العيا عليهم نطق متقل) في راحة الله انوارة
تبسمت بزز من كترة حشمة و دارت من جهة لبيت دخلات و سدت لباب و هو كمل كاسو و ناض دخل لبيت بدل عليه و تلاح في بلاصتو بعناء مخلي تقله عل سرير
_____
صبح الحال حلات عينيها بتعب تتحس براسها مدكدكة ناضت لبسات فوقاني لبيجامة ومشات توضات صلاة صلاتها و خرجت طلات عل باب لبيت لقاته مزال مسدود ماسمعاتش تاحس مشات لكوزينة صايبت ليه قهيوة و عمرت اتاي ووجدت ليه حريشة حطات معاه زيت فرماج و الزيتون قادت كلشي فوق طبلة لكوزينة سمعات باب تحل و هي تخرج من كوزينة
نوارة""( لمحاته خارج تيلبس جاكيط نطقت مع ابتسامة) صباح الخير
نوح""( هز عينه فيها بإستغراب ونطق بصوت خافت ) صباح النور ولكن نتي اش مفيقك دابة ( وقف قدامها) عارفة امتى نعستي و معاياش فايقة
نوارة""( تتفرك بيديها) الوقت لي نعستي فيه نتا نعست فيه انا ( ردات شعرها ورا ودنيها بخجل) نعستي بلا عشا وو حشومة فيا نخليك تمشي بلا فطور
نوح""( حاضيها بدون ورمش احساسه بإهتمامها بهاد شكل فرح قلبه نطق برضى) موجدة فطور من فوق
نوارة""( جنبت باش يدوز قدامها ) اه زيد تفطر
نوح""( عض على فكه من داخل و حنى راسه قابل كلامها مامولفش يفطر و مابغاش يخسر ليها خاطرها) الصمت
تمشي قدامها بكتلته رزينة و ريحته طاغية ضربات ليها قاع نيفها خلاتها تغمض عويناتها من كترة ماحمقتها تمشات وراه جلس و قفات جنبو و نطق بصوت خجول
.نوارة"" ما عرفت شنو تتبغي تفطر بيه وجدتهم بزوج شنو تشرب
نوح"" ( حط يديه عل جبته هو ماولفش يفطر اصلا ولكن ماقدرش يخسر ليها الخاطر نطق ) القهوة هي باش تنفطر
نوارة"" ( حركت راسها مع ابتسامتها خجولة خلاته متبع ليها عين ) و واخة انا نكب ليك
كبت ليه كاسه و دفعت ليه حرشة قدامه
نوارة"" بصحة
ضارت بغات تمشي وشد يديها شافت فيه بشوية
نوح""( تكلم بصوت خافت) تفطري معاايا
نوارة"" ( في الاصل كانت باغة تهرب من شوفاته لي تيخليو دقات قلبها يفضحوها ) و واخة
جلسات مقابلة معاه حشمانة حنيكاتها مزينكين و عينها في طبلة كب ليها اتاي و صايب ليها حرشة حطها قدامها بلطف شربات من كاسها ونقبات دغيمة
نوح""( شافها تتنقب و حنى راسه شوية مخاطبها بمزح) ياكما نمشي باش تفطري في راحتك
نوارة"( هزات عينها فيه) لا ماتمشيش ب بغيت نقولك خاصك تكمل فطورك
نوح""( تبسم في خاطره حدر عينه حس براسه عيق عليها بشوفاته ماتيحس براسه تيلقى عيونه مشات ليها لا اراضي كلا شي دغمات كمل قهوته و ناض شاف فيها ) الغدا ديري بحسابك مامغديش هنا و بالنسبة تقدية نرجع في لعشية و نجيبها ليك خلي لي ميساج شنو خاص
نوارة""( وقفت مودعته و حركت راسها بايجاب) و واخة
نوح""( وقف قدام لباب) بسلامة
نوارة" في امان لله
حرك ليها راسه بتقالة فتح لباب خرج و سد لباب رجعات بخططواتها تكات في بلاصتها و فرشات في كرشها هزات تلفونها خلات ميساج لسناء تتلعن فيها عل تصبينة لي دارت ليها لبارح معاه لي بدورها كانت يلا خرجت من عند طبيب غادية عند ماماها قرات ميساج و بقااات تتموت بضحك ولي شافها تيبقى يضحك تاهو
سناء ”"" ههههههههههه وااااع ناري باااا
نوارة"" يلعن حسك كلبة درتي ليا حشمة معاه يقول غي مايتة فيه
سناء"" والله يعطيك ماتاكلي هههههه فشلتني عل صباح ههههههههههه
نوارة"" سيري تخراي تفو عليك وعل افكارك
سناء"" والله فوجتي عليا عل صباح من اخر عطيني تصويرة نشوفها
نوارة"" فديك لحالة مستحيل ندير براأيك لا
سناء'' عفاك احبي راه دابة غديري لي جلطة دماغية و قلبية لا ماصيفطتيهاش
شافت تاعيات وصيفطتها ليها و تتعاير
سناء"" اوؤوؤوووو يااااخييييتي شحال تيحمق فن فن
نوارة"" يا كما نزوجك ليه
سناء"" هانا تاني عل غيرة اححح ولكن راه بصح ناري من شوفة شهامة و حروشية تتقطر منه شوف كيف شادك و عينه معسلين فيك غي هو واش ماتيضحكش
نوارة" مزال عمرني شفته ضاحك ولا مبتسم ولكن مايحتاجش
قالت كلامها و دخلات لصورة تتزومي و تتبسم واخة حشمتها ولكن حمقتها بجهد تيبانو قراب بزاف وصورته هو مع كان فيه نعاس و العيا عينه كانو لهم رونق بوحدو
خرج من سيارته داخل للمركز و شوفاته كانت تغيرت كليا على قبل طاغية عليها الجدية و الثبات و فين ماداز تاتعطاه تحية هو فقط تيحرك غي عينه بشوية كرد منه دخل للمكتب ديالو حط تلفونو و جلس و هز اول ضوسي قدام عينيه بتركيز تا سمع دقان هز عينيه و تفتح لباب دخل منو نصير بترحيب
نصير" ( جلس قبالته)مولاي سلطان صابح هنا
نوح""( هز عينه فيه و تكلم خابط ضوسي مع بيرو) هدا اش باقي تيدير هنا
نصير"" ( نبرته تغيرت للجدية) مزال لي وقت قليل و
نوح"" ( مقاطعو بحدة)تعطلتي بزااف في هاد القضية لا
نصير"" مابقاش ليه بزاف في لاخر ياماتو و يكون قدامك
نوح"" ( زاد كشر عل بحجبانه) برب عندك سيمانة يلا مالقيتيهش ضوسي يمشي من يديك
نصير"" وراني خدام عليه اصحبي عرفنا لقنات لي تيكون فيهم خاصنا غي نحركو
نوح" ( مقاطعه) اخر كلام عندي تحرك ولا جلس ( نعت بيديه باش ينوض ) سير شوف شغلك
خدا ضوسي من قدامو و خرج مشربن مافاهمش راسو ما عمر شي حد دارها بيه تالهادا دخل لبيروه و خبط ضوسي مع مكتب بجهد تا جات شرطية معاه في نفس البيرو وقفت قدامه مقربة ليه
""مالك حبيبة
نصير""( بالغوات) ايمان تنقول ل** ماتبقايش تق**- ليا في بلاصة الخدمة فوتيني عليك
ايمان"" ياك انصير صبنك صاحبك و جاي تتخرجهم فيا
نصير""( دفعها ) سيري لبيروك فرقي شري هاد صباح
مشات بيروها و عينها عليه شافته ناض اتجاها و هي تدور زعمة دافعة كبير وقف جنبها
نصير"" ( تحنى بيديه بزوج عل بيرو و عينه عل البيسي نطق و حجبانه مكشرين ) شو في ليا مواقع فين كان هاد الق**** اخر مرة
ايمان" ( جبدات مواقع و دورت ليه قدامه و نطقت) اخر مرة قالو في الجديدة
جر عندو بيسي وبقى مركز عينه بثبات بلاما ينطق
ايمان"( هزات عينيها فيه) غاتمشي نوجدو دراري
نصير"" مكاين لاش قوة دراري غانمشي انا و عز الدين
ايمان"" اتمشيو بوحدكم مايمكنش
نصير""( بعد عليها مشا لبيروه هز تلفونه و جاكيط ) باش مكان نعلمك
ايمان" ولكن (خلاها ماكملت هضرتها ) اوووف شحال معكس
______
لعشية تعاشات صايبت كسكروط و دخلات لدوش دوشات دوش خفيف لبسات بيجامة كانت قصيرة فوق ركبة والفوطة عل شعرها خرجات تتمشى عل صبيعاتها بكل انوثة لكوزينة تتزين الكيك بالشكلاط و تتمص بصبعها و تبنن و تتحاول تزرب قبل مايدخل يلقاها فديك حالة لي لابسة هزات كيك دارتها في ثلاجة دارت خارجة وماهي تعكلها قشيرة بنان لي ماردتش ليها لبال باش طاحت في الارض حتى و كانت جات مخبوطة و دارت ليها رجليها
نوارة"( شادة من رجليها بآلم ) اااااي رجلي ناري منين خرجتي ليا هاد حالة ااااح
( تتحاول تنوض ماقدرتش دميعاتها تحگنو بقات تتحاول و تتشد من كادر لباب تاوقفات ولكن ماقدرتش توقف عليها بقات تتحاول برجل وحدة من زهرها سمعت ساروت في باب ) ناررري اش هاد لحالة ( عرفت راسها حصلت حطت جبهتها للحيط بقيلة حيلة)
حل لباب دخل و هز عينه بانت ليه غي نص دراعها تيبان عوج راسه تيطل عليها تيقرب منها لي هي غي حست بخطواته و بغات تهرب
نوارة"( بغات تحط رجليها تزيد و هي تغوت بآلم ) ااااي امااامااا
نوح""( وضاحت ليه صورتها مكمشة وجهها معصور قرب بزربة لعندها و عينه تيفحصوها من راسها لرجليها بانت ليه رجليها مهزوزة حط يديه عل معصمها مدورها لعندو بالخف و تحنى حط يديه عل فخاضها ورفعها بين يديه و عينه مشربنين فيها) واش ماكتسمعيش هضرة ولا شنو
نوارة""( منزلة عينيها وحطات جبهتها عل كتفه بآلم ) رجلي تتحرقني بزاف
نوح""( تمشى بخطواته جلسها عل طرف سداري و تحنى منزل رجل ومخلي رجل ويديه لرجليها و رفع عينه عندها مكلمها بصوت قليل) شوفي فيا ( غي هزات عويناتها فيه و هو يدور رجليها بزربة حتى غوتت بآلم نطق بهدنة ) ششش ماتخافيش حركي رجليك دابة
نوارة"" ( حركتها و عاودت حركتها حسات براحة هزات عينها فيه بآسف ناطقة بشوية ) ماشفتش قشرة و زلقاتني
نوح""( مقاطعها ) حيت معكسة
نوارة"" ( نزلات عينها وتتلعب في صبيعاتها ) عرفتك اتخاصم عليا
نوح"" ( مزال محني عليها وعينه تيطلعو و ينزلو عاد رد بال اش لابسة و شعرها لي فازگ تيقطر عل بيجامتها نطق كلامه خافت ) من عرفتيها علاش تتمشاي بالحفى عزيز عليك تشوفي راسك مقصحة ولا كيفاش
نوارة""( تدور في عينها بحشمة ) صافي اخر مرة واخة كون لبست كنت نزلق( دلات شفايفها) موشكيلة في قشرة لي ماشفتهاش باش طاحت
نوح""( صغر عينيه من منضرها كيفاش تتهضر نطق ) موشكيلة فيك نتي اش داك (وقف مد يديه شافها هزات عينها فيه و نعت بعينه ليديه باش تشد فيه حطات يديها وقفها) تمشاي عليها نشوف
نوارة""( حشمت وجهها ايطرطق و تتنزل في بيجامة تستر واخة ما عندها ماتستر هزات عينها فيه لقاته نعت بحاجبه باش تمشى هزات رجليها بشوية عفطات عليها) الصمت
نوح""( مركز معاها عينيه متابتينش) شنو ضراتك
نوارة""( حركت راسها بنفي ) لا مابقاتش
نوح""( قرب بخطوة لعندها هز دقنها رافع راسها لعنده نطق بصوت شبه مسموع معاتبها) بقاي تردي بال لراسك انوارة
تتقاد لماماها فولار من بعد مابدلت ليها و لبستها جمعت لحوايج في صااك وقادت ليها بلاصتها غطاتها مدت ليها تسبيح
مليكة" الله يرضي عليك بنيتي
سناء"" امين اميمتي اميين (هزات شوية من صوبة ) انديها لديك مرأة لي هنا في جنبنا ونشوف واش محتاجة شي حاجة
مليكة"" واخة ابنتي سيري مافيها باس
خرجات من عندها وصلات لبابها دقات زوج دقات خفييفة فتحات لباب وطلت براسها مبتسمة
سناء "" واحد السلام عليكووم
المرأة"" ( كانت حالتها شاحبة ) وعليكم السلام ابنتي
سناء"" ( قربت منها شدات في يديها و تبسمت) عل سلامتك اخالتي
المرأة"" الله يسلمك ابنيتي و الله يشافي ليك ميمتك
سناء"" امين يا ربي تشفيكم كاملين و تخليكم لينا
شخص"" اميييين (داخل مع لباب شاب ابتسامته تشرعت من شاف وجه الام
مرأة"" وليدي جيتي
شخص""" سمحي ليا تعطلت عليك الواليدة
مرأة"" ماشي موشكيل وليدي خدمتك هي لولى
شخص""( دور عينه بانت ليه واقفة جنبها) نتي هي لي عاودت لي لواليدة عليك شكرا اختي حيت كتوقفي معاها
سناء"" ( نصف ابتسامة) ماشي موشكيل ،الله يخليها ليك اخويا (دورت راسها خارجة و قلبات عينيها وهضرت بين سنانها) اييخ عل ولاد ومايجي منهم لا كانو بحالك
مشات خدات قهيوة و ريحت تتبنن فيها و طالعة نازلة في تلفون تا حسات بيه وقف قدامها
شخص"" نقدر نريح معاك
سناء""( طلعت عينها فيه مخنزرة) ماماك محتاجاك تجلس معاها اش جاي تدير عندي انا (جا يجلس وهي تحط كاسها عل كرسي) شفتك بحالا بغيتي تشرك معايا الهضرة اخويا فين تنعرفك ( نعتت بعينها ) سير قنع من ميمتك سير
شخص"" ( بالغوات)مالك تترطاي عليا اش كاين
سناء "" كاين تيساع ( هزات يديها و عينها تتنعت بان ليها واحد لابس كاسكيط و كويرة في اسود دار ليها صبعو في فمو باش تسكت وتينزل يديه باش تهدن و مادير تاحركة بقات تدور في عينها بخوف و الخلعة مبيناااها بقات ليها غي بولة تطلقهاا في سروالها ) وو
هو من شافها تتمتم و تتشوف وراه تاهو دار بزربة وعاق غاشافو و بغى يهرب و يتخطاها و تا هي ماشي من عاݣزين سرحت رجليها عكلاتو تاجا مخبوط و جرها معاه جا راسها عل قنت كرسي يلا بغى ينوض يهرب و تحطت عليه يد من قفاه مزير عليه
نصير "" ( لوا دراعه موقفو و قلبو على الحيط مخلي وجهو لاصق مع الحيط ونطق بكلام متقطع ) ولد** ق مرمدتي ملتي ( مينطو و دفعه بجهد عند عزالدين ) ديه انا جاي
اما لالة سناء كانت مزال طايحة او مشبوحة في الارض و كولشي داز على عينها و القلوب تيخرجو من عينها من منضر لي داز قدامها غا شافتو دار عندها و تكعدت شوية مكمشة عينيها
نصير"" ( تحنى عندها قفازي و مد يديه ليها شد على دراعها ووقفها نطق و هو تيفحص فيها) مزيانة
سناء""( تتنفض يديها وعينها غااارقة في لون عينه جاوبت زعمة راه مكاين والو ) تااا انا بيخير بيخير مافيا والو غا تعكلت و طحت
نصير""( بقى تيشوووف و يفحص تا بانت ليه جرحة فوق جبهتها لاصقة مع الشعر وشوية دم تم نازل قريب يوصل لحواجبها زاد قرب شوية حط صبعه مسح ليها وهزو قدام عينها نطق متقل ) باين مافيك والو نيت
سناء "" (دورت عينها للصبعه و شهقت) الدم اويلي اويلي
نصير"" ( خشى يديه في جيبو و جبد كلينيكس و مدو ليها) مسحي ماتقيسيش على جرحة حتى تعقم
سناء"" ( شدت من عنده بدات تتمسح و تشوف فيه تطلع و تنزل) اش جاب جدي نشرب شي قهوة ولا زمر
نصير"" ( بنبرة زايدة عاقد حاجبه )اش داك تعكليه ولا تجي في طريقو
سناء"" ( حلت عينها فيه) يااااااك اخويييا ( طلعت و نزلت فيه ) كون ما انا كون كاعما شديتيه وتجلس تدي و تجيب معايا في هضرة
( طلعت فيه و نزلت و دارت غادية ووقفها من معصمها مدورها لعندو بشوية)
نصير""( ناطق برزانة) عطيني نمرتك
سناء"" ( خنزرت فيه نطقت بغمزة) شفتك تحمستي ازين ايسحب ليك طحت فيك حيث عينيك ملونين وو ( بدات تاتمتم) و بغيت نعاونك اااااصلا و مكانتش عليا تا نخرج نشرب شي قهوة و لا النم
نصير""( صغر عينيه من منضرها) نعام !!
سناء""( ميقت ليه) شوف اخويا بوليسي انا ماقادة على صداع و ماتنتصاحبش باش تقولي عطيني نمرة
نصير""(طلع حواجبه غالباه ابتسامة) ساليتي ( تحنى شوية براسه شد تلفونها من يديها قيد نمرتو و عاود شد يديها وخبطه بشوية معاها نطق وصوته منخفض) غي احتياط نتي نوتيها عوجة
سناء"( سمعاته اش قال فهمت راسها بلي داارت لراسها اكبر تحشيمة بقاات تدور في عينيها ، عاد ادركت موقف و هي تبدا تخبط في خدها بشوية و خوف بان في عينها) اويلي زعمة يعقل عليا
نصير""( اطمئنان) شش ماعندك مناش تخافي احتياط وصافي في حالة ما قع شي حاجة عيطي ليا
سناء"" ( حاطة مشوار عل جبهتها) من شديتوه غاخليوه عندكم يرحم بوكم
نصير""( تبسم و دور عينه وعاود شاف فيها ) شنو سميتك
سناء""( طلعت حاجبها ) هااااانتا تاني زعمتي عليا
نصير"""(حك جنب فمه و نزل عينيه و عاود طلعهم و تبسم) سمحي ليا الاله ، وبلاما تديري بالك مع خونا
سناء"" ماشي مشكيل بحال داك نوع سر بوه الحبس ( هزات يديها بنعت) ميمتو في فراش الموت مامديها فيها
نصير""( دوز يديه على لحيته و حرك راسه متقل) كتجي فيهم غي هوما
سناء" (حركت راسها و دارت غادية و عاود شافت فيه بعينن مدمعين و شهقة تتفلت ليها) تهلى في ميمتك يلا باقة في الحياة و حاول تجلس معاها وتقنع منها ( نزلت عينها و عاودت شافت فيه و تبسمت ) و سميتي سناء
خشى يديه في جيبه وبقى متبعها تاغبرات و كلامها لاخر بقى تيتردد في مسامعه جبد تلفونه ودوز نمرتها
نصير"" نجاة
نجاة"" يلعن حسك شحال وانا نصوني ليك مالك ماتتجاوبش
نصير"" ( تم خارج بخطواته و تيهضر ) الله يهديك الواليدة راني خدام ماشي اي وقت تنكون مساالي
نجاة"" شوف لمك اتوصلك واحد تصويرة شوفها ورد عليا
نصير" هادشي لاش باغة تهضري معايا يسحب لي توحشتيني
نجاة"" لا غا لقيت ليك واحد مرضية تشوفها تعجبك
نصير"" باقي شي واحد الواليدة تيتزوج بتصاور الله يهديك
نجاة"" اه نتا غاتزوج كي بغيت انا
نصير""( مقاطعها وصل لسيارته طلع ) الواليدة راسي مشتت عليا هاد موضوع بدا يطلع لي في ك’''''' نجي و نهضرو ( لعن راسه من وعى كيف هضر) الواليدة لي بغيتي نديروه ولكن تانجي و نهضرو وجه في وجه
يتبع...
التعليقات
لا توجد تعليقات بعد، كن أول من يعلق.