محتوى القصة
بقاو تيتمشاو و يديه ماطلقاتش عليها كل مرة يحشمها تايتوردو حنيكاتها و شميسة ساطعة عل عويناتها لعسلية قربو لدار سناء وقفها
نوح""( جابها قدامه وتكلم) ندخلو لجو بدا يتقلب
نوارة"" ( مشتتة شوفتها عليه بخجل) واخة
نوح"( دور راسها بشوية عنده) من نكون تنهضر معاك شو في فيا
نوارة"( بعدت عليه و شافت فيه و نزلات راسها غالبتها ضحكة مشات سابقاه تتزرب) انا نمشي
خلاته متبع ليها العين و أَحاسيسه مضاربة معاه تبعها
لقاهم مفرشين قدام دار زربية و بونجات بمخيداتهم و طبلة جلستهم مقابلة مع طبيعة و اجوائها تحل الشهية
سناء"" اجيو تريحو هنا احسن من داخل
نوارة" (حيدت سبرديلة و طرفتها في قنت و جلست) درتيها زوينة ( هزات عينها بان ليها ريح جنبها متكي بمرفقه عل خدية واخد راحته و عينه قدامه )
مليكة"" ( خرجات من كوزينة الطين تتكون خاصة غي الجمر ) عيتو ياكما جاكم جوع شوية و نحط الغدا
نوارة"" لا خالتي عادي غي تمشينا شوية و صافي
سناء"" (جابت لهم صينية اتاي و كبت ليهم ) كون غي بتو معانا تالصباح منها نيت ترتاحو
نوارة"" ( شافت ف نوح بخجل) مانقدرش نزيد نقجر عليه هو ديجا يلا جا من سفر
نوح""( رشف من كاسه و عينه فيها مطلعه و منزلها براحة ) مرة اخرى ان شاء الله
سناء""( تتشوف شوفته لنوارة و تبسمت تحت منها ) مرحبا في اي وقت
دازت وقت قليل تا بانت ليهم مخرجة كصعة كسكسو الدكالية حرة مع لبن البلدي تغداو و تبادلو حديت او بأحر غي هوما نوح كان جوابه فقط لي هضر معاه او سوله كملو ماكلتهم
نوح""( ناض و نطق برزانة و تبات) الواليدة سمحي لينا عل دخلتنا
مليكة"" بالفرحة عليا وليدي تجيو لخيمتي
نوارة ""(ناضت بدورها عنقتها بحب و و تسالمت عليها ) مرة اخرى خالتي غايمشي عند دار صاحبو يشوفهم و نمشيو
مليكة"" ايه مافيها باس ابنيتي جيتو جيتو
سناء""( عنقتها و تهضر في ودنيها ) تهلاي في راسك احبي و في راجلك
نوارة" ( تبسمت ووتكلمت بشوية ) وصي عليا انا لي تنذوب اختي ما كنت لي على بال
سناء"" سيحي عليه اختي حلالك
بعدت عليه و هي حابسة ضحكتها بزز نوح سبقهم و هوما وراه غادين معاها فين كاين سيارته
خرجات مليكة بالگفة عامرة بالخير العروبية وراهم لحقات عليهم لمحتها نوارة لي وقفو تيتسناو نوح يقرب سيارته لعندهم
نوارة"" علاش عليك اخالتي ب هادشي
مليكة"" سكتي ابنتي مالي اش عطيتك هادشي موجود الحمد لله ماتكلفت ماتسلفت
سناء"" ( عنقتها بجنب) انتوحشك حبي
نوارة"" حتى انا حب والله
مليكة""( شافت في نوارة) يعطيك رضا ابنتي يلا ماهضري معاها تمشي لعرس ولد الشيخ عيت فيها انا مافيا لي يمشي قلت تمشي في بلاصتي
نوارة( خنزرت فيها )غاتمشي اخالتي دويت معاها
سناء"" غا حيت بززتو عليا وصافي
مليكة"" ايوا ابنتي واجب ماجاتش تاوحدة فينا ماتمشي منها نيت تفوج شوية راه دازت عليها
سناء"" ( معنقة نوارة بجنب و لاحت لميلكة بوسة) نمشي نمشي ازين
وقفت سيارته جنبهم سناء هزات گفة دارتها في كوفر و رجعات وقفت جنب ماماها و نوارة طلعات جنبه
مليكة"" الطريق السلامة اوليدي تهللى في نويورة غي درويشة
نوح""( تبسم بجنب محرك راسه) ماتحتاجيش توصي راجل عل مرتو
سناء"" الله يوصلكم عل خير ردو بالكم مع الطريق
هزات يديها تتشير عليهم لي بدورهم ودعوها و بقاو واقفين تاغبرات عليهم سيارته عاد تمو داخلين بحالهم لخيمتهم
وقت قليل جداّ تاكانو دخلو فيرما نجاة كانت هي فيرما الاولى في دوار دخلو بسيارته و نزلو شد على يديها و قصدو الباب
نجاة المرأة سيتينية وجه بشوش و شادة في راسها و مهلية واقفة بقميص ثليجة حرة خفيف وفوقه كاب و فولار كارزاه عل راسها و شمار عل دراعها و يديها مزينة بسرتلة الذهب واقفة قدام الباب مستنيتهم و ضحكة عل ملامحها
نوح""( تحنى عل راسها بكل احترام) مي نجاة ش خبارك
نجاة""( عنقاته تتطبب عليه بحنية) يرضي عليك الحمد لله نتا مك و خوتك كاع لاباس
.ء
نوح""( شد من دراعها محني راسه باحترام) يطول عمرك ا مي نجاة ( دور راسه بانت ليه شادة عل صاكها مبتسمة شد يديها و جرها عنده ) مرتي ( رجع شاف نجاة) نوارة
نجاة""( فتحت يديها تتسلم و تعاود بعدتها شوية عل وجها و مزال يديها عل دارعها بزوج جيباها قدامها) تبارك الله تبارك الله شحال زينة و مسرارة ( شافت في نوح و نطقت) تتعرف تختار وليدي الزين و عمر داره بالزين
نوح"( شاف فيها لقاها شفايفها تيترعدو بحشمة مبتسمة خدها حمّر بكترة خجل لي طاحت فيه جرها عنده حاط يديه مدرعها عنده ناطق و عينه اياكلوها) بشوية عليها ا مي نجاة تتحشم بزاف
نجاة"" ايوا اولدي زين يحشم عل زينو مكذبتشاي زين الزينة الله يبارك ليك فيها
نوح""( دور عينه عندها لقاها منزلة راسها و يديها كارزة عل صاك ) امين امين
نصير""( واقف في باب تيستناهم يدخلو) ياودي الواليدة ترحاب عندك فيه ساعة غا في لباب
نجاة"" مال طاسيلتك نتا اش دخلك
نصير" (نزل من دريجات برزانة معلي راسه ) مادخلنيش الواليدة ( شاف في نوح و حرك راسه ناطق بشوية) كحلتيها عليا غازيد
نوح""( مزال دراعه محاوطها و حرك راسه ) ما عليا والو
نجاة""( سابقاهم ) زيدو دخلو مرحبا مرحبا و زيد القدام
دخلو داخل كانت دار كبيرة كلها صالونات بلدية بالزليج بلدي و الجبس مغربي مية بالمية كولشي حر جلسو في صالون كان مفتوح بشوفته تيطل على جردة و شجر الزيتون
نصير"" مرحبا بمرات خويا نهار كبير هدا
نوارة"" يرحب بيك الخير اخويا
نجاة""( خنزرت فيه) دير نفس اوليدي ودخل عليا تا نتا شي عروسة ( شافت في نوارة و تبسمت) تكون بحالها تبارك الله تبارك الله مزيناتها
نوح""( تبسم من شافها حطات يديها عل فمها بخجل ونطق ) الواليدة هضرنا معاك
نجاة"" مالك تانتا اويلي
نصير"" تتقهر حق رب
نوارة"" غي خليوها عل راحتها
نجاة"" يعطيك الرضاء مزيناتو الصواب فيك ابنتي
نصير"" ( تبسم ) يلا شدي لا ماسكتيش راه ماتفوتكش
نوارة""( درگت عينها بيديها خجل ياكلها مبتسمة) ماعليش
نوح""( مستمتع بشوفتها و بخجلها ) باراكة الواليدة باراكة
نجاة"" ( حطات يديها عل فمها) هاهي ساكتة
جلسو معاهم شوية عطاوهم صوابهم و بزز باش قدرو يخرجو من عندها مخلاتهم يرجعو دركتهم يباتو معاهم ولكن نوح اصر يرجع في حاله لداره
___الدوار___
ليل طاح كانت واقفة قدام مرايا لي معلقة في مرح الدار لابسة تكشيطة في الاسود بسمطة ذهبية لون طالقة شعرها طويل مجعد دايرة ميكاب بارز و قوي مخليها فاتنة بكل مافيها هزات صندالتها في يديها و يد لاخرى شادة بيها صاك
مليكة""( جالسة و تتشرب اتاي) اويلي مالكي عل ديك سبرديلة مالكي غادة تحرثي لارض
سناء"" ( حطات صاك ورجعت تتقاد عكر لي كان في لون احمر غاااامق غادي للبني ) ومالي بغيتيني نمشي بطالون في هاد طريق بغتيني نتهرس امليكة
مليكة"" بسيف ابنتي وداك طالون قد زرواطة مالكي عليه كون لبستي غي بلغة حادرة
سناء"" لا ماما طالون هو طالون
ملييكة" ايه سيري ابنتي فوجي شوية و سلمي على مرت الشيخ و باركي ليها بلاصتي
سناء"" ( مزال تتقاد بفمها) اوكي ازين ( دارت عندها) كي جيتك امي
مليكة"" مزيناتك بنية يشوفوك بالعين الرحمة
سناء"" ( حطات يديها عل فمها و لاحت ليها بوسة) محح انا مشيت حبي
خرجات بخطواتها لقات بنات دوار تيتسناوها و تيشوفو فيها بإعجاب كان صوت جوق مجهد بحكم مابعيدتش عليهم بزاف
بنت"" احح باغة غي نركز
سناء"" شنو جايبين
بنت تانية"" ولد الحوات و ماادراك من ولد الحوات و شيخات طايح كتر من نايض عند رجال هاد ليلة
سناء"" الله يدوزها عل خير كون كولشي تكب عليهم ههه
تيقربو و ناس تتجمع ودراري صغار تيتناقزو ويلعبو ورا خزانة دايرين خزانة كبيرة مفروقة عل ثلاثة جهة العيالات في جهة الثانية للرجال و جهة ثالتة مخلينها للضياف صحاب الشيخ مخلين مسافة بيناتههم و زرابي مغطين الارض مشاو البنات جلسو في طوابل القدامية مقابلين مع جوايه بزوج
في جهة خاصة بناس الشيخ كانت جالسة نجاة و سرتلة مزينة يديها تتبري و سنسلة قدها قداش تتبان من بعيد و عينها تتقلب عليه باش يبان قدامها
دورت راسها بان ليها جاي و هيبته وطغيانه مخلي لعيون لي تما كلها عليه لابس سروال اسود و صباط اسود و تريكو كول اسود و كويرة مزيرة عليه تاهي في اسود في يديه تلفون هز عينه بانت ليه شيرت عليه و مشا عندها جر كرسي و جلس جنبها
نجاة""( هضرت في ودنيه) فين كنتي تعطلتي
نصير""( جلس جنبها مفرق رجليه متكي بضهره عل ضهر كرسي تيهضر مجهد باش تسمعه معبس ) هانا جيت الواليدة عارفاني جاي بزز
نجاة""( محنية عنده و طبطبت ليه عل يديه) وصافي على وجهي بدل شوية لجو المخزن و صداعو شوف ليك ولد الحوات و عراسو
نصير"" ( خشى كارو في فمه وشاف فيها زعمة واش ) ماعليش الواليدة
نجاة""( خنزرت فيه) تنقولك قطع عليك زمر نتا ماتتسمع
نصير"" ( شعله وتكى بضهره باريحية و عينه تقابلو نيشان مع طبلة فيها بنات مجموعين مراقبينو) دعي معايا الواليدة
نجاة""( شافته فين تيشوف وقربت لودنيه) عجباتك شي وحدة من تم اولدي
نصير""( نتر من سجارته منغم بيه ) بدييتي الواليدة
نجاة""مالك مزيناتهم بنات دوارنا و عارفينهم
نصير""( زاد تكى بضهره تينتر و عينه مشاو نيشان لمولات كحل كانت محنية تتلبس صندالتها و شعرها مجعد طايح عليها مغطي وجها عرفها غي من شعرها بقى حاضيها تاهزات راسها و تترد شعرها وراها تكى بيديه عل يد كرسي و تحنى عند مو منعت ليها بعينه ) شكون هاديك الواليدة
نجاة""( شافت فين تيشوف و تبسمت ) عجباتك نهضر معاها
نصير"" (تبسم ) والواليدة وااااا الواليدة ( عاود تكى بضهره عل كرسي مخرج دخانه من فمه و عينه مشات ليها ديركت و ضو ضارب عليها جالسة بثبات عكس لبنات لاخرين تيشطحو و باغين يتيرو انتباهه تينتر و يبخ و عينه غي عليها
نجاة"( نغزاته وهضرات في ودنيه) نزل عينك شوية اولدي اوو
كانت شادة تلفون قبالتها كتصور و تدير بوز بفمها بكل انوثة نغزتها بنت جنبها
"" شوفي ولد نجاة كي حاضي طبلتنا
سناء" (غي سمعت سيرته بغات تشوف هاد ولد نجاة هزات عينها فيه و بان ليها حاط صباعه عل دقنه متكي عليه و عينيه عليها سرطت ريقها و نزلات عينها بزربة ) واش هو هاداك ولدها
بنت"" ايه هو شحال زوين تيحمق
سناء"" ( عاودت دورت عينها بشوية لقاته مزال على حالتو مشتت بديك الكتلة تما هاز رجليه على كرسي قدامو داير دراعو على يد الكرسي و صباعو على دفنه وعينه غير عليها هزات تلفونها مغطية عينها ووجها حشمها تتهضر تحت منها) مال هاد النم
بنت" نوضي تشطحي
سناء"" لا مافياش غي شطحي نتي
بنت""( جرتها منوضها) شطحي اصحبتي
دارت ليها خاطرها و بقات تتمايل بشوية و تتضرب بيديها و حاسة بعينن غاياكلوها
تكى بضهره عل كرسي مربع يديه عنده وجالس بكل اريحية مفرق رجليه مخلية فورمته بارزة و عينه غي على مولات الكحل لي عاطياه بجنبها متفادية شوفتو ليها تتمايل برزانة و شعرها تيمشي و يجي في كل ميلة مالت دارت و هزات عينها بشوية فيه و لقاته باقي عل حالته مشات جلست منزلة عينيها حسات بيه حشمها و كولشي اينتابه ليه بغات تاكل جنابها بفقصة شدات تلفونها و تفكرت بلي عندها نمرتو جبداتها و صيفطت ليه ميساج
** واش نتا مريض و لا مالك شوف قدامك باغي تجبد عليا هضرة **
حطات تلفونها بزعاف و شربت من كاسها تبرد بيه حتى وصلها ميساج
** لي قدامي راني تنشوفو **
قراتو خبطت تلفون مع طبلة ماحملاتش وضع عارفة ناس دوار تيقلعوها في سماء بحال هادشي حطات يديها عل بعض تتفرك فيهم بعصبية
اما هو مامسوق لتا واحد عينه مانزلوش عليها انتباها كان باين ليه من شوفته لولى جاته مختلفة على بنات لاخرين هز تلفونه و صيفط ليها ميساج
** رخفيها الدكالية رخفيها **
سمعت ميساج و هي تهز تلفون قراته طلعات عينها مابانش لها في بلاصته عاد حسات براحة شوفاته كانو مبرزطينها و اي واحد يشوف شوفته اينويها غلط بقات جالسة شوية حطو العشا تعشاو و ناضت عطات صواب للام العريس وخرجات جلسات في واحد جدر الشجر برا مشغلة فلاش تلفون تتحيد صندالتها
تاحست بخيال وراها بقات تدور في عويناتها بخوف شدات صندالتها و وقفت تدور بشوية بان ليها خيال
نصير""( شعل بريكه قريب لوجهه مخلي لون عويناته يضويو معاها ونطق باطمئتان) خلعتك!!
سناء"" ( كانت تموت بالخلعة شادة عل قلبها حابسة بكيتها) حشومة عليك ( تتحاول تطلع نفسها ) بغيتي تخرج عليا ولا شنو
نصير"" ( حيد بريكة دارها في جيبه مصغر عينيه) مالك على هاد الحالة بشوية عليك
سناء'"( قربت ليه شوية مخرجة عينها) ياكما تيسحب ليك راسك في المدينة تبقى تحنزز و مايديها فيك حد راك غالط ( تحنات بيديها هزات صندالة تانية و خشات رجليها في سبرديلة وعاودت طلعت راسها ) سير بعد من طريقي و هبط عينك شوية
نصير""( قرب بخطوة اتجاهها) نوصل معاك باش ماتخافيش
سناء"" ( مخنزرة فيه ورجعت بلوور ) اش بيني وبينك اخويا تلاقيتك زوج مرات بغيتي تدخل معايا في عضام سير تنعس سير ( دارت غادية و ماشفتش حجرة عكلتها تاكانت تجي عل فمها و شدها من دراعها مرجعها ثابثة )
نصير""(جات قريبة ليه مخلي شوفته ليها عن قرب ولون عويناتها غزالية و شعرها لي تيغطي وجهها ناطق بثبات منزل راسه لعندها) راني ولد دوار كيما نتي بنت دوار مادايرش شي حاجة لي تجبد عليك صداع و الهضرة خلي بالك في راحة
قربت منه شوية مطلعة عينها بعينيه و نطقت بنرفزة
سناء"" بغيتي بالي في راحة طلق مني
نصير""( تبسم و بعد عليها هاز يديه بزوج ) هانا هانا
سناء"" ( طلعت عينها و نزلتهم فيه) ماتبقاش تجي في طريقي
نصير"""( خشى يديه في جيبه و حرك راسه بإيجاب نطق متقل متبسم) كوني هانية غاتبقاي تشوفيني ديما ابنت دوارنا
سناء""( شافت فيه بنص عين وزادت ) زايغ
خلاته في بلاصته واقف متبع ليها العين تبسم ابتسامة جانبية تيحك على جبينه على حالتو و رجع عند مو لقاها تتسالم مع مرات الشيخ تسناها تا سلات و مشا هو ياها فحالهم مجمعين و تيهضرو تاوصلو لدار
نصيير""( تم طالع فحاله) تصبحي على خير الواليدة
نجاة""( جلسات فوق كرسي ) اجي اجي لهنا
نصير""( نازل عندها بقلة حيلة) واش وقت تجماع الواليدة ستة ديال صباح
نجاة"" ( صغرت عينها فيه) يسحب ليك ماشفتكش اش ديك شوفات
نصير""( جلس بقنت عل حيط قصير لمرح تيلعب في تلفون بيديه منزل عينه باغي يتلف هضرتها)
نجاة""( تبسمت) عجباتك فهمتها
نصير""( هز عينه فيها ونطق ) مابيهاش
نجاة"" مابيهاااش( عوجت فمها) شوفاتك مابينوش لي هادشي ( ناضت لواحد بلاكار جبدات صورتها حطتها في يديه) هي مولات تصويرة لي مابغيتيش تشوفها
نصير""( نزل عينه ليديه بانت ليه صورتها موضحة ضاحكة بطريقة بريئة وعويناتها مغمضة تبسم و هز عينه في نجاة هاز حاجبها وعاود نزل تيشوف فيها )
نجاة""( تبسمت بدورها من شافت ملامحه ) نوجد راسي ياك
نصير""( ناض و صورتها مزال في يديه تم غاذي و عاود دار عندها ) توكلي على الله الواليدة
بعد تعب الطريق وصلو معطلين قداو بشي حاجة خفيفة العشاء و دخل كل واحد لبيته يرتاحو بالاخص نوارة حسات براسها داخت وماشي هي هاديك
__
صبح الحال فاق هو لول بحكم ماخدامش خرج جاب فطور من برا فتح الباب و دخل
نوح""( كيسمع تقرقيب في كوزينة دخل لقاها تتعمر اتاي قرب حط داكشي فوق طبلة ) صباح الخير
نوارة'''( دارت عنده مبتسمة نطقت بصوت تعبان) صباح النور
نوح""( قرب منها شوية متكي بيديه عل بوطاجي ناطق بشوية كيشوف ملامحها) صبحتي مزيانة
نوارة""( حركت راسها ) اه غي شوية كرشي تتحرقني
نوح""( هز يديه حطها عل جبهتها لقاها سخونة شوية تكلم بحنية) سخانة اطلع ليك يمكن ،واش ضربك لبرد
نوارة"" ( تتشوف فيه وحركت راسها بنفي وحادرات راسها عاضة عل شنوفتها ) لا غي شوية وجع
نوح""( فهم قصدها و شدها من يديها جارها وراه جلسها ونطق بهدوء) رتاحي نتي
خلاها جالسة وجد صينية و حط داكشي فوق طبلة و هي ملمحاته بكل خطوة مبتسمة مامخلي ليها عقل بكل ما فيه حنيته عليها تتسالي معاها جلس جنبها و كب ليها اتاي مده ليها
نوح""( صايب ليها باكيط و مدو ليها) كولي
نوارة"" ناخد غي اتاي ماقداراش ندوق والو
نوح""( خنزر فيها ) كولي غي شوية
شدات من عنده و كلات بزز مرة مرة تتغمض عينها بآلم هو تيشرب قهوته و عينه تتمشي ليها كمل كاسه و ناض هز جاكيط لبسها و خرج و تكات براسها عل خدية مكمشة عل كرشها وقت قليل حتى سمعات لباب تيتحل داخل منه و في يديه ساشية قرب منها
نوح"( جلس جنبها و جبد كينة عطاها ليها ) خودي باش ماتبقايش موجعة
نوارة"" (خدات من عنده شرباته نطقت بخجل) شكرا
نوح""( عينيه مراقبينها وجهها صفر وعينيها دابلة نطق بشوية) دخلي لداخل و نعسي رتاحي
نوارة""( حركت راسها بنفي) لا مكاينش لاش نبقى هنا
نوح"" ( بصوت منخفض) الا راكي محتاجة شي حاجة علميني
نوارة""( مشتتة شوفاتها خجلانة و زادها ) و واخة ( سكتت لتواني و نطقت) تلفونك من قبيلة و هو يصوني لداخل
حرك ليها راسه من سمعها في ساع ناض متوجه لبيت مخليها تتبسم وراه و حاضية جسمه باعجاب دخل لداخل هزه و ملامح وجهه تغيرت ديك ساعة دوز الخط
تاصلت لسلمان لي لقاه مصوني عليه اكتر من 5 مرات لي ماكانش وقت كتير حتى جابو بالخف
نوح""( جلس على طرف سرير و يديه تيماصي بيها عل جبهته) شنو كاين اسلمان
سلمان" شحال صونيت ليك اصحبي فين كنتي
نوح" ( جبينه تكشر) ش كاين
سلمان"" الواليدة راها جاية عندك
نوح"" ( حجبانه تعقدو ) عاد تتكولها ليا ا***ي
سلمان"" و انا براسي ماعارفش كنت ناعس من فقت لقيت زينة مخليا لي ميساج خرجو مبكرين يلا مكانو وصلو كاع
نوح"" ( شد راسه بيديه ) هي وزينة ؟؟
سلمان"" ايه معاهاا زينة
نوح"" ( عض على فكه من داخل ) صافي سير
قطع معاه و بقى في بلاصته تيخمم و يفكر بلي هاد مجية ماشي في وقتها تفكيرو كولو غي في نوارة ناض مشى بخطواته خرج من بيته و بانت ليه مكمشة و متكية شادة عل كرشها و مغمضة عينها ريح فوق طبلة قبالتها حط مرافقه عل ركبيه محني عندها جا قرييب منها بزاف تيشوف في ملامحها تعبانة و شعرها طايح عل خدية ناض قرب منها تحنى قفازي هز يديه مبعد شعر على خدها
نوارة""(حسات بملمس يديه عليها و حلات عينها بشوية ) الصمت
نوح"" (منزل راسه عندها بحنية) شوية دابة
نوارة""( حركت راسها بشوية ونطقت بتعب) امم شوية على قبيلة
نوح""( حرك راسه بشوية و نطق ) الواليدة
(يلا يكمل هضرته و سمع صونيت لباب مخاطبها ) خليك مرتاحة
مشا بخطواته تابثة حل بابه و بانت ليه شامة و زينة قرب منها باس عل راسها و سلم عل زينة و جنب باش يدخلو
نوارة مجرد ماسمعت اصواتهم و ناضت وقفت تتفرك في يديها وخوفها غي ماتيزيد بانت ليها زينة هي لولى لي هزات عينها وقفت و جمعت ابتسامتها و دارت عندهم مافاهمة والو
شامة""( قربت بانت ليها واقفة قبالتها و دارت عنده و تكلمت) يمكن جينا في وقت مامناسبش اوليدي
نوح"" ( قرب شد على دراعها وناطق برزانة كبيرة) ريحي الواليدة ريحي
مشاو جلسو و حاضين بعينهم ديك غريبة لي مع ولدهم في داره
قرب لنوارة وقف حداها و حط يديه عل خصرها مقربها ليه و نعت بعينه ليها باش تجلس شافها جلست و ريح جنبها متكي بمرافقه على ركابيه هز عينه فيهم
نوح"" ( شابك صبعانه و تكلم برزانة) دارك هادي الواليدة وقت لي جيتي مرحبا كيما دارها تاهي
زينة"" ( شافت في شامة وعاودت شافت فيه) كيفاش اخويا
نوح""( شاف في نوارة لقى وجها تخطف منه لون نزل عينه ليديها حس بيها تترجف) نوارة مرتي
شامة""( شافت شوفة قاطعة فيه و فيها ) تزوجتي و جبتيها لدارك وحنا اوليدي اخر من يعلم
نوح""( ناطق و ملامحه هي هي بدون حراك ورزانة في كلامه) مرتي عل سنة لله و رسوله الواليدة
شامة""( طلعات و نزلت فيه و شافت في نوارة نزلت صوتها) ايه مراتك وليدي و جاتك ساهلة تقولها ليا في وجهي وانا باغة نخطب و نكبر بيك و نعرس لولدي تجي دابة تقولي تزوجتي و جبيتيها لدارك
نوح""(عض عل فكه من داخل دوز يديه عل لحيته وهز عينه فيها نطق بثبات) مادرتش شي حاجة عيب اولا حرام الواليدة
شامة"" العيب هو لي جيت عندك( شافت في زينة ) نوضي تكعدي نرجعو منين جينا
نوح"" ( متبع ليها عين و نطق بصوت عالي شوية) الواليييييدة ريحي فين كنتي
شامة""( حسات بزينة جرتها جلستها )كبرتك و قريتك درتك كتر من ولدي عمرني حسستك بلي نتا ولد ختي و في لاخر تخطوي خطوة حياتك و انا مافراسي والو يسحب ليك جاتني ساهلة
نوح"" ( حس بعروق راسه تنفخت عينه حمّرو) علاش هاد الهضرة دابة علاااش
زينة"" خويا راها ولو حنا مانسمعوهاش ولكن هي اخويا
شامة"" ( نزلو دموعها) كون ماجيتش اولدي مانعرفها
نوح""( ناض قرب منها و جلس قفازي شد يديها بين يديه و تكلم بصوت بطيئ و رزين ) غلطت مانكرش الواليدة ولكن لي في بالك ماشي صحيح
شامة""( تتمسح دمعتها بشال ) وشنو لي خلاك تزوج بلا خبار داركم
نوح""( طبطب على يديها و عينه في عينها ) كون مادرتش هاد خطوة الواليدة غادي نندم حياتي كاملة
شامة""( عقدت حاجبها و خبطت في ركبيها) اويلي غلطتي معاها
نوح""( عقد حاجبه) الواليدة اش تتقولي ( شاف في نوارة لقاها منزلة عينها حابسة دمعتها و لونها مخطوف ) كان خاصها تكون ليا و عل دمتي ( عاود شاف في شامة) يعني ليا ومني و شي حاجة اخرى مكيناش الواليدة
شامة""( شافت فيها مطولة وعاود شافت فيه) راه زواج هادا اولدي خاصك تعرف اش من معدن مدخل لدارك و فراشك وهاد زربة غريبة اولدي غريبة
نوح""( سمعها اش قالت و ناض قرب ليها شدها يديها ) معدنها خالص بنت الاصل و الدار الكبيرة يعني من تنقصي منها راك نقصتي من تربيتك ليا
قرب وهو قابط يديها قدام شامة بثبات و رزانة ونعت بعينه ليها باش تهدن نزلت عينيها فيها كلشي داز عل مسامعها من اول حرف تااخر حرف احساسيها متضاربة من جهة ليها و من جهة ليه و من جهة للام تاهي عندها الحق اي الام تتبغي تفرح لولدها و تتسنى امتى يلقى بنت لي يكمل معاها حياته و يكمل نص دينه و تخطب و تعرس و تجمع العائلة حست بلي جرحاته و ضلماته معاها وقفت قدامها و تتحس بذاتها فاشلة و دايخة ماعرفتش شنو دير هزات عينها فيه و طمئنها بشوفته ليها تحنات عل راس شامة باسته و نطقت بشوية)
نوارة"" سمحلي اخالتي
شامة ماهزاتش فيها العين ولا شافت فيها مادارت تاردة فعل شي لي خلى نوح ينزعج من ردة فعلها و هي مالييها والو في هادشي تجاعيد جبهته بانت بارزة
زينة""( ردات ليه بال عرفات موقفه صعب و لا زاد شوية غايفيض ووقفت قدامها تبسمت سلمت عليها) مرات خويا انا زينة
نوارة""( تبسمت فوق قلبها و بادلتها السلام) متشرفين اختي
نوح""( حط يديه عل خصرها دافعها قدامه و شاف في زينة و تكلم غي بعينه و مشاو اتجاه لبيت ديالها دخل و سد لباب وراه و شافها بعدت عليه و مشات جلسات في طرف سرير تتحرك رجليها عاضة عل يديها حابسة شهقتها بزز قرب منها تحنى قفازي شد يديها لي عاضتها بين يديه تيدوز صباعه بحنية ونطق بصوت خافت) محنتي معاك قصح من محنتي مع الواليدة
نوارة""( منزلة عينها مخليا دموعها هابطين و تتهضر بصعوبة ) ايضرني قلبي عل راسي ولا يضرني عليك لي خشيتي راسك و مخلي مك بلا خبر و لا يضرني على مك لي كبراتك و سهرات معاك تجي تلقاك مدخل عروسة بلا خبارها
نوح""( متبع بعينه و شهقاتها تيتسمعو في قلبه زاد قرب منها شوية مدور يديه على خصرها و يد الثانية هزها لخدها تيمسح دموعها ناطق بصوت قليل ) خلي راحتك معايا (شد يديها حط كفها عل شفايفه و نطق بخفوت ) راحتك من راحتي غبينتك من غبينتي ، من هادشي كامل ماتيهمني تاواحد من غيرك انوارة
نوارة""( هزات ليد تانية مسحت عل عينيها و شافت فيه) من اول زواج ماكنتش مرتاحة ليه و تيبان لي عمرني نرتاح
نوح"( طلق يديها ووقف و عقد حجبانه كارز عل سنانه ) عارفة اش كتخوري ولا لا
نوارة""( وقفت و تضرب عل صدره بصبعها و عينها ) بعدت عليك و عاودتي رجعتي و هانتا كتشوف عائلتك اتاخد سخطهم بسببي اشمن نحس انا فيه اممم قول
نوح""( متبعها بكل حرف مخرجة من فمه تيحس براسه تيغلي و عروقه تنفخو ماكرهش يخيط ليها فمها قرب شد يديها كارز عليها) عرفتي شنوو ماغاديش نجاوبك غانخرج نق★د بحالي من بعد و نتفاهمو عل هاد هضرة
نوارة"" انا لي خاصني نمشي بحالي ماشي نتا
نوح""( قرب منها و عروق راسه زادو تنفخو شد دراعها مزير عليها ونطق بحروف متقطعة ) تعاودي تجبدي هاد هضرة على فمك انحش لمك ركابي
خرج من بيت زدح باب تاكان يتقلع من بلاصته كي ثور هايج عينه احمّرو بكترة الاعصاب
نوح""( جلس قدام شامة لي قالبة وجهها عليه شاف فيها و نطق بالاعصاب) دابة الواليدة من لخر دريا تزوجتها واش باغاني نردها لدارهم ياك ؟
شامة""نوض ضربني احسن واش انا قلت ليك طلقها انا ماف
نوح'"( مقاطعها تيضرب بيديه بزوج) فهمي و لا ماتفهميش تزوجتها و كتبت عليها مابقى ليك فين تهضري سالينا
زينة""( شافته شعل و بغات تهدن لوقت شافت في شامة و حطت يديها عل كتفها) ماما صافي عفاك دابة تزوج و لي عطا الله عطاه بلاش من كترة لغا و شوهة
شامة"" بصح اصلا هضرتي زايدة ناقصة ولا حيث ماشي مك ياك غي ربيتك
مع ديك كلمة بقات تدݣ فيه و تعاود وقف مشربن دفع كرسي برجليه تاتزدح مع الحيط تشتت وقصد لباب خرج و زدحو بجهههد مخلي الجو مكرهب لداخل وصل سيارته فتحها و ريح و سد عليه جبد كارو من جيبه شعله و تيتنر و يقول شي مانترت مطارق تيضربو في راسه و تفكيرو في نوارة اكتر لي ماذنبها والو في هادشي بقى على حالته كارو ورا كارو و باله تيدي و يجيب
فتح الباب داره و بانت ليه كتحط صينية اتاي تمشى بخطواته جلس و بقى بعينه عليها مهبطة راسها ووجها احمر باين فيها البكى لاح ساروت فوق طبلة و تكى بضهره عل الحيط بانت ليه زينة خارجة من بيته
زينة""( مخاطبة نوارة لي كانت مخرجة طبيسيل في كيك) اختي نوارة واخة تعطيني بيجامة من عندك ماجبتش معايا
نوارة""( حطات طبسيل و تبسمت و حركت راسها بنعت ليها باش تبعها) واخة اجي معايا
مشات معاها و شامة غي تتحنزز و تشوف شوفاتها كانو مفهومين بلي ماعاجبهاش الحال
شامة"" ( شافت في نوح )خاصني نهضر معاك
نوح""( هز عينه فيها ) كنسمعك
شامة"" ختك جاينها شي ناس يخطبوها
نوح"" ( حرك راسه )شكون هاد ناس و امتى
شامة"" شي حد من نواحي حدانا ايخصك تمشي باش تتعرف عليه وو
نوح"" بنتك عارفاه
شامة""( تتعلثم في هضرة و تدور في عينها) ماعرفتش يمكن تتعرفو
نوح"( عقد حجابنه بعدم تقة) و شكون قالها ليك من ماتتعرفوش
شامة"" ايوا صافي نتا خليتي المهم وشاد واش تتعرفو ولا لا
بانت ليهم خارجة و نوارة وراها و هوما يسكتو مشات جلسات حدا مها و نوارة جلسات جنب نوح حطات يديها عل صينية تتكب اتاي
زينة"نوارة نتي بنت كازا
نوارة"( مدت لها كاس و حركت راسها بنفي وعينها خجلانة ) لا من الرباط
زينة"" ( بتساؤل) بصح و منين بلاصة واش حدانا
نوح'"" ( مقاطعها) شربي كاسك و خلي تعارف من بعد
نوارة""( هزات كاس مداته لشامة ) هاكي اخالتي
شامة"( خلاتها بلاكة و شدات كاس من يد زينة ) اشنو قلتي اولدي تقدر تجي نهار السبت
زينة""( تداركت موقف و شداته من عندها ) هه اري اختي شكرا
نوح""( عينه تيضورو من هنا لهنا و تفيكساو فقط فيها منزلة عينها وجهها تخطف منه لون عرفها تقرست من معاملة شامة ليها حس بدعقة شاف في شامة و نطق ) السبت نكون تما ( نطقها و حرر شوفته) انا نوارة
جالسة و حاسة بجمر گادي في قلبها تتحس براسها جالسة وسط الغرابة شوفتهم و حديتهم نااقص و عگوزتها دايراها ماكيناش معاهم زينة مرة مرة تتنطق شي كلمة معاها ناضت تتجمع طبلة برزانة ودخلات كوزينة ردات الغدا و دخلات عندها زينة لقاتها تتنقي شلاضة
زينة""( وقفات جنبها ) نعاونك انوارة
نوارة""لا غي رتاحي اصلا ساليت
زينة""( بقات تتشوف فيها ونطقت ) نسولك
نوارة""( شافت فيها و حنات في شغلها) سولي
زينة"" واش ماتتنعسوش في بيت واحد نتي وخويا شفت شي حوايج في بيته و
دخل نوح مع اخر كلمة نطقت شافته خنزر فيها و هي تضرب طم هزات كاسها شربات منه و خرجات
نوح""( قرب منها نطق )محتاجة شي حاجة
نوارة"( نطقات و هب ماتتشوفش فيه) ساليت ماعندي مايخصني هاد ساعة
نوح"( دوز يديه عل لحيته بنفاد صبره نطق بطمئنان) كي بقيتي
نوارة"" ( مزال عل حالتها)الحمد لله
نوح""( شدها من دراعها و دورها عنده حاضي ملامحها ) شوفي فيا من نهضر معاك
نوارة""( هزات عينها فيه تتششوف فيه هازة حاجبها و دمعتها محگنة وسط عينها نطقت بشوية) قلت ليك الحمد لله
نوح""( عينه في ملامحها قلقان) مسحيها فيا
نوارة""( عاودت ضارت تكمل توجاد و عينها ضضبات بدموع ) عادي
نوح""( تنهد بقيلة حيلة و حيرة ) انا عارف
شامة""( قاطعته وهي برا ) نوح اجي اولدي اجي
نوح""( قرب حداها و عاود بعد بقى واقف شوية و خرج خرج) اش كاين الواليدة
شامة"( تتهضر و تلمح) ايوا وليدي راك عارف ختك اتخطب و ايخصني
نوح""( جالس متكي بمرافقه عل ركبيه و تشوف فيها بفهم تنهد و حرك راسو ) قومي بيها الواليدة
شامة""( شافت نوارة مخرجة الخبز و تكلمت بمعاني) ايوا وليدي ايخص ضروري نكبر ببنتي جاين ناس يطلبو يديها
نوح""( هاز عينه فيها و دورها عند نوارة لي حطات داكشي و عينها ماهزاهمش ) لي عليا نقوم بيه ( رجع شاف في شامة شوفة حارة ) و كترة لغى و معاني بلاش الواليدة
شامة"" ايوا معقول لي قلت اولدي
نوح"" ( بحدة) المعقول هو تسرطي كلامك يلا تقولي شي حاجة مزيانة قوليها اتبداي تسممي مكاين لاش
زينة"( شافت نوارة جايبة طبسيلات شلاضة و ناضت شداتههم من عندها و مقاطعاهم قبل ماتتزيد تشبك) اري امرات خويا نعاونك
عاونتها حطو لغدا كلاو نوارة مسكينة تتاكل بزز شامة من جلست و هي مرة مرة تتطلق شي كلمة مسمومة زواج نوح ا بلا خبارها تيدق فيها دقان نقبت شوية و رجعت لور نوح تياكل و عينه تهرب ليها بالو غي معاها كملو غداهم و ناضو بنات جمعو طبلة خرجات ديسير و مشات دخلات لبيت تتحس بالوجع مابغاش يفوتها شربت كينةو تكمشت في بلاصتها و تخمم في حياتها تاحسات بلي تقدر تقاد و تضحك ليها دنيا و رجعت زواتها بقاات تدي و تجيب في بالها
حسات بالباب تحل و طلعت عينها بدون حراك عرفاته هو كان هاز شي حوايج و شي ضوسيات الخدمة لمح ليها مكمشة و مغبنة حط دوك حوايج فوق كوافوز و قرب عندها
نوح""( وقف قريب لراسها منزل صوته كيطمئن ) باش تتحسي
نوارة""( تتشوف قدامها ونطقت بآلم) حاسة بالحگرة
نوح"" (سمعه كلمتها حس بنغزة في قلبه زاد قرب شوية جلس بعيد عليها ) واخة نقول لي نقول مانقدرش نخفف عليك ولكن حاجة وحدة بغيتتك دخليها لداك راس نتي مرتي و حاجة لي تقلقك اتقلقني تالقواد ماتيهمني
نوارة""( قاطعته و ناضت جلست قبالته ) يلا نوض نوض قولها تزوجتيني باش تسترني تزوجتيني بزز منك تزوجتيني بب ( غلبوها الدموع حست براسها تغلقت حطت يديها عل وجهاا )
نوح""( عينه ثابتة وسط عينها مخليها تهضر و تخرج لي عندها قرب عندها حط يديه على كتفها و هي تبعده شدها بزز تاتوهت بآلم) نهار عقدت عليك و نتي امانتي تحسبتي عليا و مني و ديك لهضرة زايدة ديالك حيديها من هاد راس
نوارة""( مسحت دمعتها و تكلمت تتبعده) صافي خليني نغمض عيني عالله تبرد هاد نار لي فيا
طلق منها تكات مغمضة عينها عقلها مشطون اما هو ناض خرج بالكو و جبد كارو تينتر و تيفكر في حياته وتذكر بالضبط لقائها الاول معاه شخصيتها كي كانت و كي ولات
فلاش-----باك
داخل مركز شرطة جالس نص جلسة عل بيرو تيشوف شي وراق و شي ضوسيات مع شرطي تا سمعو دقان و دخلو زوج بنات
شرطي1"" اش كاين
شرطي2"" بزوج باغين يقيدو محضر الشاف
بنت "" الشاف بغيت نقيد بهاد خيتي تهجمت عليا
نوارة""( هازات عينها بشوية نطقت) تهجمت عليها و نعاود نتهجم عليها الشاف يلا عاودت فعلتها
الشرطي"" اام زعامة هادي تتعتارفي بعدا ؟
دور وجهو بتقالة و ناض من فوق بيرو و قرب عندهم بخطوات تقيللة داير مربع يديه قرب بيناتهم منزل راسه عندهم
نوح"" ( بصوت خشن و رزين) شكون لي جايا تقيد
بزوج"" انااا
نوح""( دور عينه شاف في نوارة بانت ليه ضربة في عنقها صغر عينيه و هز صبعه منعت ليها ) شكون دار هادي
نوارة"" ( طلعات عينه فيه بزعامة تتشوف وسط عينه) انا الشاف ماشي هي
نوح""( جمع حواجبو نطق بهدوء) ضربتيها و ضربتي راسك ؟
نوارة"" ( دارت يديها بزوج وراها و حركت راسها بشوية ) اه انا و عانعاود نضربها يلا جابتها الوقت
نوح""( ݣرن حاجبو تبسم بجنب ) و شنو سبب الاله سيبة في البلاد
لبنت"" ( مقاطعه )غا هكاك الشاف كنت تنبييع و نقلب عل رزقي تاجات هجمت عليا
نوح""(عينه عل نوارة و ثبات لي في عينها ) هادشي صحيح
نوارة"" نص صحيح و نص لاخور كذوب هي تهجمت عل سيدة كبيرة في سن و انا دافعت عليها لا غير وحتى تلفوني عندها سرقاته مني هي و خوها
بنت"" تتكذب اسيدي مادرت تا حاجة و خويا ماكانش اصلا
نوح""( عينه تيمشيو من لهنا لهنا عرف شكون تيكذب و شكون تيقول صراحة قرب شوية عند نوارة و نطق ) السيدة لي تهجمت عليها تتعرفيها
نوارة"" لا اسيدي متنعرفهاش غي تترزق الله في سويقة
نوح"" في خبارك يلا مجاتش و شهدت غاتدخلي لحبس
نوارة""( بثبات كبير) تقدرو تسولوها راه عل برا
نوح دار شاف في شرطي تاني وحرك راسه باش يعيط ليها و خرج جابها قدامه سولها و قالت نفس لهضرة لي قالت نوارة بلا زيادة بلا نقصان قيدو معاها محضر تشدت لبنت داوها و نوارة بقات
نوح""(جلس فوق بيرو و شير ليها تقرب عنده) قربي هنا قربي
نوارة""( قربت قدامه و عينها عليه) نعام الشاف
نوح""( تيشوف فيها و يحقق ) نتي ماشي ديال هاد شي ماتبقايش تدخلي راسك فشي حوايج صعاب عليك
نوارة"" ( باسف) مكاين ماصعب من الحݣرة الشاف
نوح"" القانون كاين كان بإمكان السيدة تجي تقيد بيها و ديك ساعة غادا تاخد عقوبتها
نوارة"" كون مشديتهاش من يديها وقلت ليها تمشي تقيد ماتجيش داكشي لاش جيت انا وياها رجلي برجلها
نوح"" ( بقى تيشوف خبط في بيرو بدقات خفيفة و تبسم ) امم يمكن ليك تمشي دابة و تلفونك ايرجع ليك
نوارة""( نزلات راسها و طلعاته بثبات و نطقت ) شكرا اسيدي
خرجت من كوميسارية تتقاد في حالتها لقات يوسف تيساينها برا مشات ركبت في طموبيلته لي عارفاه غايسبطها
يوسف""( مخنزر فيها ) تبارك الله عليك ولا عندي زوفري صافي
نوارة"" وششنوو بغيتي نسكت ليها تتضرب مراة قبالتي و نسكت
يوسف'' نقصي شوية من زعامتك تخرج عليك انا فين قلتها ليك
نوارة"" ( تتحاول تبردو )صافي ازين ديالي اندخل سوق راسي
يوسف""( بحدة) فين تلفونك صوني عل مك مشطونة عليك
نوارة"" غدا نرجع ناخدو مزال ماعطاوهش ليا
كملو طريقهم لدارهم لقاو زهرة تتسناهم في باب درب تا حاجة ناتتخفى عليهم في رمشة عين كولشي سمعها
زهرة"" ( عنقتها) الله عل بنيتي كي درتي
نوارة"" ( تضحك شادة في حنياكتها)مالكي مشطونة اماما مشيت غي زرت كوميسارية وشفتها كي دايرة وجيت
بقات تتضحك فيها و تنسيها خلعتها و دخلو تعشاو و نعسو فاقت صباح لبسات عليها كسيوة صيفية خفيفة بحكم كان جو سخون و صنيديلة خفيفة طلقات شعرها و خرجات شدات طاكسي صغير وصلها قدام كوميسارية نزلات يلا تطلع و سمعت صوت وراها
نوح""( كان لابس لباس رياضي نازل من سيارته ) نوارة اليازيدي
نوارة"( دارت بشوية تبسمت حشمانة) الشاف ا ااجيت ناخد تلفوني
نوح""( زدح باب سيارته ووقف قدامها و تلفون في يديه) هدا هو تلفونك
نوارة" اه هو هدا
نوح"" ( مدو ليها ونطق بثبات ) مرة جاية خليك بعيدة عل صداع مالايقش ليك
نوارة""( يلا تشدو و عاود بعدو عليها ) الصمت
نوح"" ( هز حاجبه بمعنى ) تفاهمنا بنت اليازيدي
نوارة"" ( حركت راسها و حشمت تتشوف فيه نطقت بشوية ) تفاهمنا الشاف
نوح"" ( حرك راسه بتقالة و مشا طالع للمركز ) ردي بالك ردي
بقى تيبخ و عقله تيفكر كيفاش شافها اول مرة و كيفاش راهي دابة ناض بتقالة دخل من بالكو و جات عينه عليها خارجة من دوش تتمسح عل وجهها هزات عينه فيه و نزلت راسها و مشات مكملة طريقها مشى ريح عل سرير حط مرفقه عل خدية و متبع ليها العين هزات حوايج لي جاب طواتهم وشافت فيهو داتههم للماريو قادتهم و هزات ضوسيات دياله حطاتهم في بلاكار و جات بغات تهز تلفون من جنبه
نوح"" ( نزل عينه ليديها و عاود طلعها فيها) شنو غانبقاو نتلاجو انا وياك
نوارة"" (دارت بغات تكمل طريقها شافت فيه و نطقت) حوايجك راك شفتيهم فين حطيتهم
دارت بغات تكمل طريقها حتى حست بيه وقف ودورها عنده بزربة و جبته تتصبب بالعرق من كترة فريع راس لي حاس به
نوح""( منزل وجهه لعنده) مالكي على هاد قصوحية راس مالك راسي مفروع و نتي باغة تكملي على★★ مي
نوارة""( هزات عينها فيه و تتكلم بحرقة) لا نتا راسك مفروع انا راس لي يفكر ماعنديش مافهمتش لاش خرجتي في طريقي اصلا كنت هانية مانزيد شي على شي
نوح""( زاد بوجهه لعندها و شد فكها)
كون مجيتش في لوقت كون طرا ليك ما طرا في لول
نوارة""( تبسمت مع اخر جملة وحركت راسها بتقاالة) غاتبقى ديما تفكرني في راسي
نوح""( عض عل فكه و غمض عينه بعصبية عل كلامه و لسانه اش خرج واخة هو مانواش يجرحها ) ماتبقايش تخلطي في هضرة
نوارة"""( نزعت يديه من على فكها بعصبية) بعد مني انا نخرج و نقولهم كولشي وديك ساعة كل يشد طريقو ماخاصني بزواج ولا
نوح""( جرها تاجات فوق سرير و قرب تالوجها ناطق كارز عل سنانه) برب العالي و تعاودي تنطقيها تاتشوفي مني شي حاجة ماتعجبكش
نوارة""(متكية بيديها و هازة راسها) شنو غاديير ماعندي مناش نخاف ياك الشرف ديالي و ضاع اشنو غادير
نوح"( خنزر فيها و تحنى عل وجها و هي متمردة وسطه زاد قرب تامابقى يفصل بيناتهم دورت وجهها لجهة لاخرى متفادياه نزل بشفايفه لودنيها تاتقاس شحمة ادنيها ونطق بشوية تاحس بزغب رقبتها وقف ) غادي ناخدو ولكن بخاطري وبخاطرك ماشي بزز ابنت الناس
ناض من فوقها وخلى قلبها ايسكت تتعيا تترطى و تبغي تهضر مجرد يقرب ليها تتفشل و تتنسى راسها ناضت بشوية تتقاد حوايجها لي تهزو عل كريشتها وقادت شعرها ووقفات تترجع نفس تمشات بخطواتها فتحات لباب وخرجات بانو ليها جالسين في صالون تيهضرو ردو ليها لبال
زينة"" نوارة تبغي تخرجي معانا
نوارة""( تبسمت وقربت حداها) ماكرهتش احبيبة ولكن ايخصني نرد العشاء
شامة""( تطلع و تنزل ) بلاش ماتعدبي راسك
نوارة"" حاشة اخالتي نهار كبير من تجي لدار ولدك
شامة"( هزات عينها فيه) هانتي قلتيها دار ولدي
نوارة"" ( تبسمت و جلست قبالتها) دار ولدك هادي و شكون قال شي حاجة اخالتي شامة
زينة""( شافت في مها باش تسكت) نوضي اماما نمشيو غانتعطلو
نوح كان خارج من دوش و داز كولشي عل مسامعه قرب عندهم تيمسح عل شعره
نوح"" فين غادين
شامة""( شافته تيمسح. عل شعرو و شافت في نوارة و عاودت شافت في نوح ) ندي زينة تاخد شي حاجة عل حساب الخطبة اوليدي
زينة"" قول لمراتك تمشي معانا اخويا مابغاتش تمشي قالتليك غطيب لعشا
نوح""( دور عينه عليها ورجع شاف فيها) مرتي عيانة ماعندها ماتخرج دير معاكم و العشاء نتعشاو براا
مشى داخل لبيت و خلاهم تيضورو في عينهم بالاخص شامة كيفاش فكر ليها نغزت زينة باش تنوض يلا وقفو و بان ليهم خارج تيجبد فلوس من بزطامه قرب حداهم و مدهم لشامة
نوح"" خودي لي يخصكم من تبغي تمشي نعطيك باش تقومي بليلة ديالها
شامة"" ( شدتهم حسبتهم و خشاتهم في بزطامها ) الله يرضي عليك اوليدي و يرزقك من عنده
نوح""رجعو مبكرين
مجرد ماشدو فلوس خرجو غي سدو لباب وبدات شامة تتهضر و ماعجبها حال
شامة" شفتي نوح موكلاه شي حاجة ماتقوليش ليا
زينة"" الله يهديك ماما عادي ا تكون عيانة
شامة"" اويلي وحدي على مراتي عيانة و غانتعشاو برا فين عمره كان تيخرج يتعشا في زنقة ديما غا في دار
زينة"" ( بنفد صبر)والله يلا زدتي فيه اماما هضرتك مسمومة مراااتو هاديك يبغيها طيب ماطيبتش شغلهم هداك
شامة"" قرست عليها ) زيدي قدامي ياويلة زيدي
زينة"""( شدت بلاصة قرسة) احح واش كذبت اماما نتي زعمة غاتيهمك امرو و مشطونة عليه باااز بلاما تخليني نفكرك
من بعد ماشافتهم خرجو ناضت وقفات قدامو مربعة يديها
نوارة"" علاش قلتي ليهم نتعشاو برا
نوح"( نزل بعينه و طلعها و نطق بصوته خشن) انتعشاو برا وبلاش نتي تاتقلبي عل تمارة
نوارة""( هزات كتافها بشوية) لي بغيتي ديهم صوابي نعطيه لهم و من جات من عندك ديهم يتعشاو
نوح"" ( عقد حاجبه ) كيفاش ديك ديييهم نتي مانوياش
نوارة""( بغات تتخطاه) مغاداش مافياش لي يمشي
نوح""( منزل راسه لعندها حجبانه مگرونين نطق بنبرة قاسحة و مخفضه في نفس لوقت ) انا لي كنقرر واش اتمشي ولا لا
نوارة"" بغيتني نمشي بزز ياااااء
نوح"" ( بنفس نبرة )بزز بالخاطر لي بغيتي
مع قال كلامه تخطاته و دخلات دخل تاهو لبيت لاخور حتى فتح عليها لباب و ف يديه حوايجه و اي حاجة ديالو كانت في داك بيت جابها لبيت عندها و هي مراقباه خلعة ممتالكت قلبها عرفت بلي قضية عندها تتحماض واخة تبغي تهضر ماشي وقته من جهة الام اتلاحض و تبدا تهضر و هي ما فيها لي يسمع كلامها و من جهة عرفاته ايدير لي في راسه هي من تتشوفو قريب تتوليي ترعد بقى ليها غي ايولي هو و ياها في نفس لبيت يتنفسو نفس الهواء و تشم ريحته في المكان نفسه بقات تضور في عينها
بقات تضور في عينها و مراقبته بان ليها خرج و ناضت جلست فوق كرسي قبالت مراياا فتحات شعرها العسلي و تفتح معاه باب و تفتحت عينه مع منظر لي قدامه كتلة من الانوثة هازا يديها بظهر مستقيم قبالت مرايا تتجمع شعرها رشف من كاسه القهوة لي عصرها باش يرد مجاجه ولكن عينه قبالتها لي ترد باله و نفسه تمشي بخطوات لفوطوي لي جنب بالكو ريح و قدامه ضوسيات لخدمة حط كاسه وعينه غي على لي قبالتو ماردش بال و تكفحت ل ضوسي حرك راسو و ساط بجهد
نوارة""( سمعت صوت كاس لي طاح دورت راسها وناضت عنده بصوت رقيق رادة بالها مع ضوسي) اي مالك فين كنتي تشوف
نوح""( تحنى على كاس لي طايح جنبها حدا رجليها قبل ماتقيسه جا وجه قريب ليها هز عينه في رقبتها تتبان كاملة مبعدة عليها شعر دايراه جنب و بانت ليه تتشع عليه و فيها خالة(الشامة) بقى ساهي فيه نطق بصوت فحيح بدون وعي منه ) فيك
نوارة""( حسات بانفاسه و شوفاته دهشرتها بالمعقول دورت وجهها بشوية خجل واكل منها) و واش كاس قاسك تحرقتي
نوح""( حرك راسه بنفي بشوية و عينه تيدورو عل ملامحها و ينزل لرقبتها تيشوف فيها برااحة ) الصمت
نوارة""( ناضت وقفت دغيا ) انا نجيب باش نمسح
نوح""( شد دراعها بهدوء و نطق) كملي شنو كنتي تديري انا نجمع هادشي
نوارة""( حركت راسها بالنفي ) لا غي خليك انا نجمعو
مشات بخطواتها قدامه كأنها تتخطوي عل قلبو جسمها فتنو بالمزيان وديك مشية عندها تتخربق ليه المخ في كل خطوة مؤخرتها تطلع و تنزل عليه تما عض على شنوفتو و قلبو تيخبط خبيط، مشات جابت زيف ورجعت تحنات قفازية تتمسح ضوسي و هو ساهي فيها بحال مهبول عينه تيتساراو كي بغاو مخليها اتموت بخجلها منه حساتو اياكلها بنضراته هزات عينها فيه و نزلتهم و مدت ليه ضوسي ووقفت جابت زيف فازگ مسحت الارض و نشفت و رجعت بلاصتها تتمشط شعرها و قلبها تتحس بيه ايسكت و يديها تيرجفو ماحاسش براحة من شوفاته تيذوبوها و يتلفوها دارت عنده بشوية و نزل عينه مع ضوسي تيقراه ولا ضوسي لي تيقراه فيقو من سهوته غي هي صوتها رنان تتنادي بإسمه
نوارة"" نووح
نوح"" ( هز عينه فيها وديك طريقة باش تتناديه نطق متقل) نعام
نوارة"" ( تتمشط ببطء و عينها فيه ناوياها فيه) بغيت نسولك
نوح" (حرك راسك و عينه باغين ياكلوها و من نطق اسمه منها تيحمقه وزادت بدوك حركات بيديها على شعرها) سولي
نوارة"" ( بصوت منخفض)واش بغيتيني نمشي مافياش لي يخرج
نوح""( تجاعيد جبهته برزت دغيا ) ماباغاش او لا مافيكش
نوارة""( نزلات صوتها و هزت كتافها) صراحة غي مامرتاحاش
نوح""( تكى بضهره باريحية مستمتع برنين صوتها نطق برزانة) نديرو بناقص
نوارة" ( حلات عينها بدهشة ) لاا نووح انا مانحرمهاش عليهم حشووومة
نوح""( بصوت خافت ) و تبغي تحرميها عليا انا
نوارة"( حسات ببرودة في عروقها دارت كي كانت و منزلة عينها بخجل تدوز مشطة ببطء شديد نطقت بشوية بالكاد يسمعه ) حاشة
نوح""( ناض بخطوات بطيئة نحوها وقف وراها شد من ضهر كرسي و نزل براسه حتى خده قاس خدها وتيشوف عينيها و حنيكات مزينگين نطق بفحيح ) فين تحطات رجلي تحط رجل مرتي
نزلات عينها بخجل اياكلها تترطى تاكتعيى غي تيجي جنبها تيتقاداو ليها
نوح"" ( هز يديه و بعد شعر لي غطى خالة رقبتها تحنى بشفايفه ببطئ شديد تاتقاصو شفايفو ساخنة عليها طبع قبلة دافية خلاتها تعوج عنقها بغنج هز عينه في مرايا بانت ليه عينها مغمضة تبسم و نزل بشفايفه لأدنها و نطق بشووية) وجدي راسك باش نمشيو
نوارة""( فتحات عينها بشوية و تبسمت ) واخة
نوح""( نزل بيديه بزوج عل كرسي و عينه في عينها من مرايا و خده قايس خدها بدفئ ناطق بصوت فحييح) فكري في وقت لي عطيتك ماتنقدرش نضمن راسي عليك
نوارة""( بدهشة منها فتحات عينها و قلبها ايسكت تخلطت عليها ماعرفت ماتقول) الصمت
نوح""( تبسم من منضرها ودور وجهه عندها ونزل بشفايفو طبع قبلة قريب لفمها و نطق مزال شفايفه عليها ) فهميها كي بغيتي ابنتي
صدرها تيتهز بكترة دقات قلبها لي زادين في وتيرة بقات تضور في عينها و حشمة غالبتها تتبرك بيديها عل ديك مشطة لي مالها ذنب
نوح""( مراقبها و عينه مليانة و معسلة فيها ناطق بمزاح ) فين لسانك
نوارة""( حدرت راسها و تبسمت حتى حنيكاتها حميمرين برزو نطقت بشوية ) تتبقى تحشمني
نوح""( زاد نزل و تيشوف خدودها ) حيث مخرجة لي عقلي
نوارة""( هزات عينها و نطقت بغنج) شكون
نوح""( دوز كف صباعو عل شامتها بحنية و نازل بيديه عل عنقها ناطق بصوته خشن) هي و مولاتها
نوارة""( نزلات عينيها وغي صدرها لي تيتخبط ) الصمت
نوح""( شد يدها وجرها موقفها عنده ملصقها معاه يديه محطوطة عل خصرها ويد تانية مطلعها مع خدها بحنية منزل براسه عنده ) لعبتيها فيا و تتزيدي تلعبي
حاسة برجليها ماشي ديالها طلعت يديها عل صدره و هزات عينها تتشوف ملامحه هزات يديها ببطئ حطاتها على لحيته كتيفة كسواد الليل تتحسها خلاتو يعمض عيونو بحنيتو يديها حس بيها تهزت عاود فتح عينيه بانو ليه رجيلاتها تهزو بطولته ماعرفاش اش تدير بدون وعي منها و عينها عل شفايفه تلفاتو بزعامتها و يديها صغيرة على لحيته خلاته ينسى روحه نزل بيديه مزيان على تحت خصرها و رفعها شوية من الارض منزل بشفايفه لشفايفها منفخين واخدين لون حبة التوت حطهم على شفايفها
بالحر تحطو شفايفهم عل بعض و تسمع صونيت لباب قفزات بين يديه عاضة عل شفايفها دارت عاطيااه بضهر مغمضة عويناتها هز عينه في مرايا بانت ليه بمنضرها الحلو غي ماتتزيد تغرقو
نوح""( قرب لودنها و نطق بشوية) مزاال ماسليناش امرتي
نطق كلامه و مشى بخطواته و هو مكشر شكون حرم عليه يدوق حلاوت شفايفها مخليها غارقة و تستوعب اش كانت تدير واش بصح هي لي بادرت لولى جلسات عل كرسي
نوارة" اويلي ياك عاد كنتي تتخاصمي عليه وليتي باغة تقربي منه تالهاد درجة ( حطات يديها عل شفايفها تتحسسهم و قلبها ضرباته مجهدة) هرموناتك انوارة ايجيبو ليك لبلا
قفزات بفتحة لباب عليها دخل وهي منزلة عينيها ماقدراتش تدور ولا دير شي حركة هو حاضيها و ابتسماته فالتة ليه من منضرها قرب ليها وقف وراها
نوح""( حط يديه عليى دقنها رافعه قبالت عينه) نوضي وجدي راسك
نوارة""( دارت عنده و نطقت بشوية ) ضروري انووح
نوح""( حرك راسه ببطء) تا انا هضرت نخرج نقولهم عيانة و نديرو بناقص
نوارة""( وقفات قدامه) صافي واخة انا نوجد
مشات في ساع بلاكار تتقلب اش تلبس جبدات كسيوة دافية في اللون رمادي و جبدات بوت ابيض طالع شوية هزاتهم و بقات واقفة عاطياه بضهر
نوح""( كيسد صدايف سروال و معلي راسه مراقبها ) اتبقاي واقفة بلاصتك
نوارة""( سمعاته و دارت بشوية جات عينها عليه و هي تدور عينها دغيا للجهة لاخرى ) ا ا انا نتسناك تاتسالي
و كأنه ماسمعهاش كان لابس غي سروال و من فوق ما لابس والو تينزل عينه و يطلعها فيها بشوية مستمتع بخجلها هز شوميز كان في لون رمادي غالق لبسه بشوية عليه تمشى بخطوات جنبها هز ساعته فوق بلاكار لي حداها و هي مكمشة عل حوايجها و تموت من كترة توثر لي شدها من منضره طلعات عينها بشوية بانت ليها كرشه مطراسية و نزلت عينها مبعدة شوية من حداه و مشات طايرة للحمام و سدات عليها بدلت ملابسها داخلية و عطرت و لبست كولشي و خرجات و هي ماتتشوفش فيه كان جالس بنصه على كوافوز و يقاد ساعته ناض هز جاكيطته لبسها و ملمح ليها هازة ماسكارا ديرها قرب منها و حط يديه عليها حيدها من يديها
نوح""( بهدوء) عزيز عليك نعاود هضرتي امم
نوارة""( تتوريه وجها ) هانتا والله ماديرا شي حاجة
نوح""( متبع معاها قاس على خدها) داكشي لي بغيت
نوارة""( بغنج)عيقتي عليا وجهي يبقى باهت
نوح""( دوز كف صباعه عل خدها و تم نازل لعنقها بحنية نطق بشوية عينيه في عينها) ماتخلينش نغضب عليك ابنت الناس
نوارة"" ( تلفها بدوك لمسات لي تيدير ليها حدرات راسها مبعدة عليه هزات كاب رماتو عل عنقها ووقفت قدامه) ه ها هاني واجدة
نوح""( جرها من خصرها وقفها قدامه طبع قبلة على جبينها بحنية) الله يرضي عليك
نعت بعينه باش تسبقه داكشي لي كان تبسمت و تمشات قبله و هو وراها خرجو لقاوهم تيسانو
نوارة" ( قربت حداهم مبتسمة و حنيكاتها مزنكين) على سلامتكم
زينة"" الله يسلمك ازين عرفتي شحال دنيا عامرة
نوارة" ياك المهم قديتي الغرض
شامة غي تتشوف و ماعجبها الحال قربت زينة شدات فيها و مشاو اتجاه لباب و تتعاود ليها و نوح بقى مراقب شامة تاخرجات وسد لباب نزلو
زينة""( وقفو قدام لباب سيارته وهضرات بشوية ) عفاك ماتديش على ماما
نوارة"" انا عاذراها
زينة"" ( تبسمت و عنقتها بجنب ) على قبل حبيبك صبري
هزات عينها من شافته جاي بخطواته مسترجلة و تبسمت من كلام زينة بعدت عل باب سيارة و مشات ركبات لور شي لي خلى شامة استغربت من فعلها ممخليا ليها فين تشدها ركبو و كسيرا شدو طريق
زينة"" خويا ماتديرش لينا حفيلة نتعرفو عل عائلة ديال عروستنا ونفرحو بيها
شامة""( عدم مبالاة) نفوتو بعدا ناسك و خطبتك
نوح""( هز يدي قاد مرايا عل عينها مراقب ملامحها و نطق بصوته خشن) الوقت و فين و امتى بيد عروستكم ليلتها مانحرمهاش منها
زينة"" ( دارت عندها و غمزت ليها ) قولي قولي امتى
نوارة""( حشمها بنضراته و كلامه لي فين مايلقى فرصة يكبر بيها ماتيخلي ليها عقل حطات يديها عل جبينها بخجل و نطقت بشوية ) ماعرفتش
شامة"( ماعجبها حال مدورة راسها للسرجم ) باقي الوقت
نوح""( نطق بثبات و هدووء ) كيف عائلتها عطاوها ماعليا نكبر بيها
شامة"" ومالك لي مايعطيوها ليك تبارك الله فين يلقاو نسيب بحالك عميد الشرطة قدو قداش
زينة"" ( طبطبت عليها و تبسمت و تنقص من حرارة كلامها ) حتى ولدك مجاش و حط عينو عليها اماما
عطاتها كلمتها سكتتها و شافت في نوارة و عمضت بأسف تتعتادر منها نيابة عل كلام مها تبسمت ليها و هزات عينها في مرايا لقات عيونه عليها حركت حاجبها تتقوله شوف قدامك ونزلات راسها تتبسم حراكتها تيجننوه عض عل شفته تحتية ودور راسه حابس ابتسامته وقفو قدام مطعم خاصة بالشواء بلاصا طوموبيل نزل هو لول و عاد نزلو لبنات و شامة هي الاخيرة
زينة"" هانتي ماما اجابك تاكلي لي يعجبك
شامة"" الله يرضي عليه
قرب جنب نوارة لي حشمانة خاشية يديها في جيب حط يديه على خصرها وجرها لعندو
نوح""( نعت بيديه لزينة و مو ) دخلو
( سبقوهم داخلين و هو نزل براسه لعندها ناطق بشوية) ياكما ( نعت بعينيه بيديها لي مخشية في جيب)جاك البرد
نوارة""( حرك راسها بنفي و حشمانة من شدته ليها ) لا هادي لي لابسة دافية
حرك راسه و نزل بيديه ليديها قابط فيها و دخلو عند بقية
جلسو و تعشاو في جو عادي شامة تفادات تحك عليها شي لي خلى نوارة مرتاحة و نوح اكتر من شافها كلات على خاطرها و وجهها مبشور كان حديت داير بين الام و ابنها عل خطبة اما لبنات كانو تيهضرو و يتعرفو نوارة مرتاحة لزينة خلاهتها تتطلق في كلامها
زينة"" خويا نطلب منك طليبة
نوح""( شرب من كاسه و عقد حاجبه ونطق بهدوء) شنو كاين
زينة"" ا ا تخلي نوارة تمشي معايا يعني توجد معانا و
نوح""( عقد حاجبه مامخليها تاتكمل هضرتها قاطعها بثبات منه ) هضرت السبت انجيو انا و ياها ( شاف فيها مكشر) ماتعتب تالشي بلاصة من غير معايا
خوفها من شوفاته خلاها تضرب الطم شافت في نوارة و حركت راسها وتبسمت من ردة فعله اما شامة غا تتشوف و تقيد باقة مامسروطة ليها ناض هو لول من بعد ماسالاو عشاهم و شربو كاسهم و ناضو خرجو متوجهين لدار وقت قليل حتى كانو وسط الدار زينة توجهت لبيت وعاودت دارت عندهم
زينة"" تصبحو على خير ندخل نعس تنحس براسي عييت
نوارة""" تصبحي عل خير
شامة"" وليدي صباح نمشيو بكري شوية
نوح"" ( بهدوء ) صباح قبل مانمشي للخدمة نوصلكم للمحطة
شامة"" واخة ولدي لي بان ليك سير ترتاح دابة
نوارة""( تبسمت ) تصبحي على خير خالتي
نطقت كلامها و دخلات ماتسناتش منها واش اتجاوبها ولا لا نيت هي غي حركت ليها راسها و طبطبت على الكتف نوح و دخلت لبيت تنعس تمشى بخطواته فتح لباب لقاهاا تتحيد صباط حيد جاكيطته وتحنى تيزول صباطه تابانت ليه هزات بيجامتها و دخلات لحمام بزربة بقى تيتبسم حيد شوميزته لبس تيشورط مزيرة عليه و لبس سروال سيرفيط هز تلفونه و خرج حلات باب لحمام و خرجت راسها مابانش ليها و هي تخرج لبست بيجامة خفيفة مبينة طايتها مفرزة طالعة عل خصرها مشات قدام مرايا تتجمع شعراتها مخلية بيجامتها تطلع ماحست الا ويديه تحطات عل كريشتها و شفايفه تحطات على شامتها
نوح""( حط شفايفه عل شامتها و نيفه يستنشق من عبيرها ويديه تتحرك بشوية عل كريشتها مخليها تحس بشعر جسمها وقف ناطق عليها بصوت شبه مسموع ) شي حاجة مزال ماكملتش
حراكته مفاجئة تتخليها بلا عقل كتبغي تستوعب و ماكتعرفش خلات احاسيسها هوما لي تكلمو غمضات عينها واش بلمسته و لا شفايفه لي محطوطة عل رقبتها و لا كلامه لي خرج منه بقات تابثة سوى صدرها تيطلع و ينزل بقوة بعد شفايفه عل شامتها و نزلهم لكتفها طبع قبلة عليه تاهو و يديه تطلع بشوية تتسارا عل بطنها بحنية حكمها و رفعها بين يديه و عينه معسلة بشوفتها و هي خجلانة و خدودها متوردة منزلة عويناتها تمشى بخطواته متجه السرير نزلها ببطئ حاس بيها اتغرق بخجلها
نوح""( قرب جنبها جر عليها غطاها وتخشى حداها دخل يديه من خصرها جابها لاصقة عليه وزاد بشفايفو حطهم على خدها و نطق بشوية ) احسن حاجة دارتها شامة من حطت رجليها هنا
نوارة""( دورت عينها لعنده لقاته قريب منها بزاف ) انا و م
نوح""( طلع حاجبه ونزل بعينه لشفايفها وتبسم ) نتي شنو
نوارة""( نزلت بزربة تخشات و غطات راسها و نسات اش كانت اتقول ) ا ا
نوح""( تبسم و نزل يديه حيد الغطا عل راسها بتقالة و تحنى عندها مخلي عينه يتمتعو من منضرها قدامه نطق بصوت فحيح) لاش زايدة تمنعي عيني عليك
نوارة""( هزات عينها بشوية خلات عينها تشبع من شهامته و قربه نطقت ) نووح
نوح""( مع نطقتها غمض عينه و فتحها بتقالة مستمتع بحلاوت اسمو من فمها نطق) نعام
نوارة"" ( ضحكت بصوت مسموع حتى تغمضو عويناتها من منضره و نطقت بشوية) حتى لهاد درجة
نوح""( سهى في ضحكتها هز راسها جابها عل دراعه و يديه عل كريشتها ونطق بشوية) منين خرجتي لي
نوارة"" ( دارت شوية و حطات يديها عل صدره ) نتا لي منين خرجتي لي شحال وانا عارفة راسي حاقدة من شفتك نسيت حتى واش وقع
نوح""( يديه تيدوزها عل شعرها بحنية متبع كلامها و بأحر شفايفها لي واكليين لي عقله بغى غي امتى يلتاهمهم نطق بثبات ) ملي قلب تيتغلب على عقل تتكون نتيجة هاكة
نوارة""( بعدم فهم) مافهمتش يعني
نوح""( حط ابهاهو عل شفايفها و نطق تيحاول يشرح ليها ) قلبك عارف الصح و عقلك تيقول عكس
نوارة"" شرح ليا مزيان شنو بغيتي تقصد
نوح""( هز حاجبه و تبسم ) شنو بغيتي تفهمي
( مزال تيحرك ابهامو على شفافيها بقى مطلع بيديه ونزل بشفايفو للخدها وتم نازل طبع قبلة عل جنب فمها و نطق بصوت فحيح ) شفايفك لي يفهموني
هزات عينها فيه و عضت عل شفتيها من داك القرب و عينه كيف تيشوفو فيها نزلات عوينتها لشفايفه كتشوفو تيقرب و قلبها يزيد في نبضه غمضات عويناتها مستنية يتحطو شفايفه عل شفايفها وردية طبع قبلة سطحية بببطئ و بعد عليها شوية مطلع عينه ليها كأنه تيزيد يتأكد شافها مرخية ليه هز يديه تيمررها ببطئ عل خدودها تيحس بيهم سخااان و ديك حمورية لي عليهم زادت طين بلة و عويناتها خجلانة خجل وهنا ماقدرش يصبر نزل بشفايفو ليها وهاد مرة كانت قبلة غير سطحية لتاهمهم و ذايب في رحيقها وسط فمه مخلي احساسيهم متحكمة فيهم ناسين رأسهم ومستمتعين بقربهم للبعض حط يديه على مؤخرة راسها كأنه تيزيد يقربها و يتحكم فيها مزيان لتاهمها و تفنن فيها بالمعقول داق رحيقها و ماقدرش يبعد داق شفايف لي محنوه و شحال و هو باغي يدوق حلاوتهم ماعرفش امتى و لا شحال لوقت و هو تيجر في دوك شفايف زادت رغبتو فيها كتر ،حتى حس بنفسها تتضيق و بعد شوية مقابل وجه بوجهها و قرب مزال كما هو
نوح""( بصوت بطيئ و مرخي ) واا اشنو درتي فيا
نوارة""( هزات راسها تكات عل صدره مانعة ملامحها خجلانة قدام عينه و قلبها تتحس بيه ايسكت و شفايفها تتحس بيهم سخااان و طايبين نطقت بشوية) نووح
نوح"" ( هز صبعو تيمسح ليها لعاب شفايفه لي مفزݣين شفايفها بكترة و ديك حمورية كملت ليه طلع عينه ليها شافها حشمانة وغرقانة بملمس يديه و جرها من خصرها محاوطها بيديه منزل فمه عل شعرها نطق بصوت مرخي) شش صوتك
نوارة""( هزات عينها فيه مبتسمة نطقت تاني) نووح
نوح""( نزل بعينه معسلة و نطق ) علاش تتقلبي
نوارة"" ( بقات تتشوف فيه حطات يديها عل صدره ) تتعجبك من تنقولها ليك
نوح"" ( تيشوف فيها بشوفات معسلة ماعرفاش هي داك تحلوين باش تتنطقها تتنوض فيه شياط تبسم ابتسامة جانبية تيدوز ابهامو على شفايفها نطق متقل ) كيفاش تتخرج منهم
نوارة""( حابسة ابتسامتها نطقات بخفوت) نووح
نوح""( جنناتو بحركاتها ليه شوفاتها ليه ماتيزيدو يغرقوه نطق وناويها فيها ) ابقاي تقولي لي صبر عليا و حاݣة وهادي (نزل بصوته و عينه عل شفايفها) حلالي شوفتك كافية تشعل فيا نار
بقات تدور في عينها و لسانها تربط عرفاته اش تيلمح عرفت بلي باغيها ففراشه ملكه و من حقه فيها حراكتها ليه غي ماتتزيد عليه و تجهله حسات بيديه داافية تخشات تحت ديك كيطمة تيتلمس كرشها و يحركها بحنية و عينيه معسلة بكترة تيحس بسخانة تطلع معاه ماكرهش يديه تمتلك جسمها كامل و يبصم بصمتو شاف راسو غادي غي يزيد يتعذب و دورها عنده بشوية خشاها وسط صدرو غمضات عويناتها مستمتعة بدقات قلبه و دفئ لي حساته و هي في حضنه خلاها ترخى و بالها هاني لي من شحال ماحسات بيه
صبح الحال و هي مزال في حضنه حلات عويناتها بشوية لقات نفسها مخشية فيه بحال بنية صغيرة هزات راسها بشوية لقاته ناعس داير يديه عل عينه و اليد لاخرى محاوطها بيها تهزات بشوية وقفات بدون حس هزات تلفون لقات قريب لوقت مشات لحمام غسلت و بدلات ملابسها لبست بيجامة دافية و خرجات الكوزينة اول حاجة ردات الماء يطيب وخبزت رغيفات و الحرشة سميدة عمرات اتاي و خرجت كولشي لطبلة تسمعات باب تفتح و خرجت منه شامة
نوارة"" ( تتهضر و تقاد طبلة)صباح نور اخالتي كي صبحتي
شامة""( دورت عينها عل طبلة و شافت فيها وجاوبتها و هي داخلة للحمام ) صباح الخير
زينة""( خرجات بدورها تتبسم) صباح السمن و العسل ( شافت طبلة) مالكي معدبة راسك
نوارة"" صباح نور( دارت شافت فيها) و شنو تمشيو بلا فطور
زينة""( هزات زيتونة دارتها في فمها) خويا واخد زين و الحداگة في خبارك هاد حرشة باقة تتغلبني
نوارة"" ( راجعة ببلاطو للكوزينة) غي بالخاطر تعرفي ليها
زينة"" نوح باقي ناعس
نوارة"" اه انا نفيقو
مشات و خلات شامة خارجة من حمام تبسمت ليها و دخلات تتقلب بعينها تاحست بيه مدور يديه عل كرشها و منزل شفايفه عل عنقها تبسم على عطرها
نوح""( ناطق و فمه عليها بصوت خشن نعسان) صباح النور النوارة
نوارة""( تبسمت و دورت راسها لعنده بان ليها لابس حوايجه و معطر بقى تطلع و تنزل فيه بإعجاب و خجل لي باين عل خدها ) صباح الورد
نوح""( منزل براسه لعندها و بعينه بطريقة مخليها تذوب بصوته صباحي ) الورد هو لي قدامي
نوارة""( تبسمت منزلة راسها و عاودت طلعت راسها عنده ناطقة بغنج) كي صبحتي
نوح""( نزل بشوييية بشفايفه لجنب فمها و نطق بشوية ) شنو بان ليك
نوارة""( بعدت عليه تتقاد ليه جاكيط و نطقت) يلا تفطر وجدت ليك قهيوتك
نوح""( عينه اياكلوها وكي تتغنج عليه مخلياه بلا عقل تبسم و نبرة صوته منخوية ) تعطيني تا سم نشربو حاكماها فيا
بعدت عليه تتضحك محشمها خرجات و خلاته منغم بشوفته مشا هز سوارته و تلفونه و خرج لقاهم مجموعين عل طبلة و هي تتكب اتاي
نوح(خرج ملامحه تغيرت قرب جلس جنبهم و نطق بهدوء ) صباح الخير
زينة- شامة "" صباح النور
شامة" كي صبحتي ولدي
نوح"( حرك راسه بإيجاب ونطق بثبات ) السبت بالليل عاد نكون في الدار
شامة" ماتقدرش تجي مبكر شوية
نوح""( رشف من كاسه و ناض) الخدمة الوليدة انا لتحت
ناضت نوارة وراه تحت نضاراتهم تبعاتو لباب حس ب خطواتها وراه و دار عندها ببطء
نوارة"( بصوت خافت ) الله يسر ليك
نوح""( تحنى شوية عندها) اميين محتاجة شي حاجة عيطي ليا
بقات بعينها عليه خرج يتسناهم تحت و رجعات بخطواتها وقفت حداهم و ملامحها هادئة على غير العادة
زينة""( وقفت و هزت صاكها وقربت منها سلمت عليها) بسلامة اختي تانتشاوفو نهار السبت وشوفي مع خويا تجي بكري
نوارة""( تبسمت و طبطبت عليها ) ان شاء الله مع الوقت يلا سالا بكري خدمتو
( دارت عند شامة قربت منها باست راسها ) الله يوصلك عل خير اخالتي
شامة"" ( شافت فيها و حركت راسها ملامح عادية) بسلامة
تمشات خارجة و حبستها نوارة بكلامها ليها
نوارة" خالتي ( شافتها دورت راسها قربت منها و كملت كلامها) نتمنى ماتبقايش شادة في قلبك من جيهتي نتي امو و تبقاي اول وحدة بغاها قلبو عارفة موقف لي طحتي فيه اي الام تتبغي تفرح مع ولدها سمحي ليا اخالتي( باست راسها) بزاف عارفة زواجي منو جا مزروب و نتي مافخبارك والو ( نزلت عينيها و عاودت شافت فيها) كيف ماقالك ليك كون ماتزوجتش انا وياه يعني
زينة""" ( قاطعتها حاطة يديها على كتافها) مابغيناش نعرفو السبب من هادشي كامل تزوجك حيث باغيك مرتو ، ايه هي شوية صعيبة ولكن قراراتو عمرنا تحكمنا فيهم هو عارف راسو حيث حياتو بوحدو و غايعيشها بوحدو مع البنت لي باغي قلبو و حتى دابة باقي الحال ازين ضروري ماديرو لينا شي حفلة زينة و نشطو تا حنا
نوارة"" ( تبسمت ليها ) ان شاء الله اختي
شامة""( كانت متصنتة ليهم كلام نوارة كلو على حق و عارفاه على حق نزلات عينها و عاودت شافت فيها و نطقت ) بسلامة ( دارت غادية و عاودت شافت فيها ) نبغي غي راحتو مدام اختارك بين لبنات الا وقلبو عطاه ليك نتمنى ليه وليك غي الخير
مشات و خلات نوارة رتاحت نسبيا من كلامها خرجت هي لولى وزينة وراها شافت في نوارة و غمزت ليها باش ماتقلقش منها و تاخد موقف مشات معاهم لباب ودعتهم و دخلات اول حاجة جمعت طبلة و غسلات لماعن و جمعت كوزينة و مشات حلات ريدو تخلي الهوا يدخل للدار جمعت و نضات كولشي و مشات تكات بتعب تتلعب بشعرها و تتفكر ليلتها اولى وهي وسط احضانه بقات تتبسم و تضحك كي لهبيلة هزات تلفونها و دخلات واتساب تتشوف صورته و تتزومي عليها و تدخل لصورتها هي و ياه و قلبها تيرفرف حتى وصلها ميساج من عنده تبسمت و مشات فتحاته
----مزيانة النوارة
ضحكت و قلبها تيدق دقان جوباته
---لاباس و نتا وصلتي الخدمة على خير
-- لا
ناضت قادت جلستها و عينها مستفسرة من رسالته
^^^مالك ياك لاباس وقعات معاك شي حاجة
بقات تتسناه يجاوبها و شافته سد لواتساب وعقلها و قلبها مشطونين صونات له لقاته تلفونه مشغول زاد على ما بيها وقفات تتمشي و تجي في داك سيجور تتحس بقلبها ايسكت بالخلعة ماقدرتش تتحمل رجعات تتصوني ليه ووالو مشغول بقات على ديك لحالة و قلبها ماتيزيد يتزير
في لحضة حسات برجليها مابقاوش هازينها جلست فوق كرسي دارت يديها بزوج عى راسها و تلفون قبالتها و كاع افكار طاحو في بالها تكون وقعات ليه شي حاجة بقات فكرة تديها و فكرة تجيبها و الوقت تيدوز سمعت تلفون تيصوني هزاته دغيا و رجعو ملامحها بخيبة جاوبت
نوارة"" الو
سناء""فين الحب بيخير
نوارة""لاباس و نتي كي راها خالتي
سناء"" لاباس مال صوتك
نوارة"" ماعرفتش اختي تنعيط لنوح ماتيجاوبش
سناء"""راه خدام مالكي تتسبقي لخلعة
نوارة""( صوتها تنغنغ و حسات بالخنقة )لا اصحبتي كان تيهضر معايا وسولتو واش وصل مزييان قالي لا من تم ماعاود هضر معايا و تلفونه مشغول ولا طافي شي حاجة وقعات ليه
سناء"" تهدني نتي ما تسبقيش الاحدات و الخلعة عاودي عيطي ليه و ردي عليا
قطعات معاها و عاودت اتصال ولا مجيب عاد مازادت لخلعة ركبتها بقات عل داك الحال وساعة تدور عشية تعاشات قبالت عينيها و هي قلبها غي ما زايد يتزير ماعرفتش اش دير واش تمشي و هي ماعرفاش تا فين تصد اشمن مركز فيه هو ناضت لبيت تتقلب تلقى شي حاجة فيها اشمن بلاصة بضبط مالقات والو
خرجات من بيت بخطوات فشلانة سمعات ساروت و علات عينها بان ليها داخل مع باب بقات تتشوف و تحقق واش بيه شي حاجة مافكرتش زوج مرات تامشات بخطوات مسرعة تلاحت في حضنه تتبكي
نوارة""( في حضنه مزيرة عليه من كرشو و نطقت بصوت منغنغ و مخنوق ) نووح
نوح""( خلعاتو و دهشراتو بداك خوف و بكى لي تلقاتو بيه حاوطها بيديه دفع لباب برجليه و خشى وجهو في شعرها بخوف نطق بشوية) ماالك
نوارة""( بعدت عليه و دميعاتها عل سبة ) مالك ماتتجاوبنيش شفتي اش قلتيي لي اخر ميساج قلتي لي ماوصلتيش بيخير و سدتي عليا ماعودتيش جوبتيني
نوح""( متبعها بعينه و داك خوف لي في عينها حط جبهته عل جبهتها) شڜشش تهدني اوكي ماوقع والو والو
نورة""(بعدت عليه دفعاته من صدرو معاتباه)كيفاش ماوقع والو ماعرفتيش نهار كلو و انا بالي معاك ايسحبلي وقعات ليك شي حاجة قلتي لي هضرة مخليني انحماق شحال من حاجة طاحت في بالي( زادت تتبكي ) حشووومة عليك نووح
نوح""(مراقبها بعينيه غي مازايدة تتجنو عليها خوفها و معاتبتها ليه كانت كي نقطة عسل عل قلبو حط يديه على خصرها وفي رمشة عين تاكان ملصق جسمو مع جسمها و شفايفو مسكتاها بقبلة حنينة على شفايفها وغادي بيها اتجاه طبلة حطها فوقها ودا يديه لخدودها بزوج حاكمها و كمل على ديك بوسة جننوه شواربها تيترغونو عليه و زايدة كلشي فيها تيحمقو لكن فشوشها و معاتبتها ليه سالاتهم ليه بالمزيان ،حس بيها ترخات و بعد عليها شفايفو حط يد من هنا و يد من هنا على جنابها منزل راسو لعندها قريييب و عينيه مرخييية نطق بخفوت) تخلعتي عليا امرتي
تتمسح دمعتها منزلة عينها منه بغات تنزل و عاود رجعها بلاصتها بالهداوة مخلي عينيه اياكلوها اكل يديه واخدة راحتها تيدوزها على خدها و ينزل لعنقها
نوارة"" ( دفعات يديه) بعد مني ماتقيسنيش
نوح"" ( بصوت قليل) كيفاش هاد بعد مني
نوارة"" اه بعد مني جاتك عجب
نوح"" ( تبسم نطق تاقرب لشفايفها و عاود رجع قبالتها متبسم) العجب هو لي راكي دايرة فيا
نوارة"" ( شافت فيه و مزال مابردتش ) مافكرتيش فيا من ورا ذاك ميساج ماقلتيش راه واحد خيتي خليتها في دار اتخلع عليا
نوح""( جبد تلفونز من جيبو بشووية عليه و بتقالة و هو عينه عليها مستمتع بعتابها جابو قدام عينيها و نطق ) طفى بوحدو انوارة
نوارة"" اه عندك غي ديك لحيلة لقيتيها مسلكاك ديك ساعة شوف تلفون خدمة و عيط و قول نطمئن ديك حمارة لي في دار راه يمكن مخلوعة عليا او نطمئن عليها ( ساطت) وحتى انا ماسولتيش فيا و لا ماجيتش في بالك كااع
نوح""(مخليها عل راحتها و متنغم بصوتها و عتابها عينه مراقبنيها بثبات شافها سكتات و طبع قبلة عل ثغرها بدون ماينطق)
نوارة"" ( دفعاته ونزلات معاجبها حال عاود شافت فيه ) انا تنغلي و نتا ساكت بقى ساكت ماتديها فيا
قالت كلامها ودفعاته تارجع بنصف خطوة و هي تنزل و مشات لبيت وزدحات لباب بقى مراقبها تيتبسم تبعها بخطواتو تقييلة و قلبه يدق بيها فتح لباب و بانت ليه تتسد ريدو حيد جاكيط بشوية عليه حطها بالهدى و حاضيها تتخبط و ماعجبها حال عصبيتها حلوة حمقاتو
نوح""(قرب بخطوات تقييلة رفعها بين يديه جلس و جلسها قدامو ) نقدر نهضر دابة
نوارة""( دورت عينها عليه ميقة فيه) قبيييييلة كان عليك تهضر مخلبني جالسة نبرول و
نوح"" ( مقاطعها) تسمح ليا مرتي ( بعد شعر عل رقبتها شاف في عنقها و عاود طلع لعينيها و نطق بصوت قليل وعينه وسط عينها ) تسمح ليا النوارة حياتي
دبلت عينه على كلامو و ديك كلمة لي قال في اخر حابسة ابتسامتها دورت راسها طلع يديه بشوية مع ضهرها و جابها عنده مقرب وجها لوجه
نوح""( كيطلع عينه و ينزلها بشوية) مامولفش
نوارة""كيفاش
نوح"" ( هز شعرها بيديه و حطه عل نيفيه نطق بشوية ) هادشي جديد عليا
نوارة""( تتلعب بيديها عل صدره) امم ' ( هزات عينها ونطقت بشوية) ولكن بصح خلعتيني بزااف انووح
نوح""( تيدوز يديه على عنقها بشوية ) سمحي ليا هاد مرة نرد بالي ( باس كتفها) مرتي تخاف عليا
نوارة""و هو ايسحب لي طرات ليك شي حاجة في طريق او بقى بالي تيدي ويجيب في احدات فارغة
نوح"( رجع تكى بضهره عل فوطوي وشوفاته تعسلو بيها كيفاش تتخرج كلامها من شفايفها و كيفاش حركات وجهها تيتبدلو مع كل كلمة خرجتها كتخليه غي ما زايد في غرقان بقى غي متبع كلامها بلا مايهضر )
نوارة""(سكتات شوية وعاودت هزات عينها فيه لقاته تيشوف فيها بشوفاته لي تيغرقوها في لحضة نزلات عينيها و حشمت ووعات عل روحها اش دارت ليه غوتت عليه و تعصبت عليه و عاتبته و بينت خوفها عليه بقات تضور عينيها و قلبها ايسكت نزلات عينها لقاات راسها فين جالسة هزات عينيها و هو يتبسم ردت شعر ورا ودنيها و بغاات تنوض و شدها رجعها بلاصتها ) ن ن نمشي ناخد شي حاجة نكلها باقة ماكليتش
نوح""( عقد حاجبه مكشر نبرة صوته تغيرت) من فطورك لدابة
نوارة""( تخلعت من شوفته) هو انا من م ماجوبتينيش بقيت
نوح""( مقاطعها) واش باغة تخرجي عل صحتك ولا كيفاش
نوارة""( قفزت حابسة بكية) علاش كتغوت عليا تاني
نوح"" دابة هادا غوات عندك
نوارة""( بدات تدمع و تغبن) اه غوتي عليا مالك ماتتشوفش ( حطاات يديها عل حجبانه) هادي تعطيك لخبار
نوح""( زفر مدور راسه جهة تانية وعاود ضار عندها ومخلي صوته يعلى ) و غادي نغوت مزال يلا بقيتي هاملة راسك(بغات تكعد من فوقه و دموعها نازلين وعاود رجعها بلاصتها مسح عللى خدها بحنية و خفض صوته) صحتك ،فرحتك، رضاك ،الهنا ، كلهم بغيت نشوفهم فيك مانبغيش شي حاجة تخصك منهم انوارة
جرها بشوية تكى راسها عل صدره طبع قبلة عل راسها و يديه تتطلع و تنزل بحنية عل ضهرها مخليها ترخى في حضنه مغمضة عينيها
__يقد يقول ليك شي حاجة زوينة ، أو يبوس على رقبتك أو يعنقك ، او يمكن احساسك من يشد يديك حاجة مريحة بزاف . ولكن جلوسك في حضنه من احسن و افضل المشاعر لي تقدر تخليك في حالة الهدنى هاكة كان احساس نوارة يما دوزت الم ولا لقات حضن لي تحط راسها عليه و تحس براحة __
نوارة""( طلعاات عينها فيه وهي مزال بين احضانه) علاش هاد احساس انووح علاش من شفتك مابقيتش حاقدة عليك علاش تنشوفك تنحس بالامان و علاش من تنحس بيك قريب مني تنحس براسي مرتاحة
نوح"( باس عل راسها و نطق بصوت خشن و رزين ) بعد الاحيان القلب كيشوف لي ماتقدرش تشوفو العين
نوارة""( دورت يديه عل عنقه مخشية وسط احضانه مخلية دمعها ينزل ) عانيت بزااف انوح
نوح""( محاوطها مزير عليها مخليها تخوي قلبها نطق بشوية) عارف
نوارة""( قلبها تزير و حسات بالخنقة بقات تتشهق) حسيت بالحكرة من كلشي انوح انا مادرت لا بيدي لا برجلي ( مزيرة عليه ) حطيت رجلي في الحومة و كلشي بدا ينعت فيا و شووفاتهم انوح شوفاتهم كانت بحال قرطاس وكلها تنشوفها اشمئزاز مني
نوح""( متبع كلامها و يديه مزيرة عليها)
نوارة""مي خويا خوالي ماسمعوش ليا ماعطاونيش وقت ( هزات عينها فيه و نطقت بشهقة ) تخيل سدو عليا لباب في نصاصات الليل و جراو عليا
نوح""( قلبو تيتعصر من كلامها تيمسح ليها بحنية عل خدها حاس بيها و بأي حرف تتخرجو من فمها نطق بحنية) انا معاك في المرة قبل الحلوة و من تكوني في غبينة غاتلقايني جنبك نتي مني و فيا مرتي حلالي
كلامه ليها حسات بيه بحال الثلج عل قلبها نزلات دميعة و عاودت حطت راسها عل صدره الدافئ خلاها تحس بالامان و راحة غمضات عينها و هي بين احضانه
/فلاش باك/
قبل9 اشهر
حلات عينيها تضور بشوفاتها في مكان ماشي مكانها في فراش ماشي فراشها في بيت ماشي بيتها نزلت عينها غير مستوعبة مجردة من ملابس تماما مغطية بليزار ساترها تتشوف و تحقق في راسها واش في حلم و حقيقة هزات يديها قدامها تتحقق تتقرص راسها و تضرب باش تفيق حتى باش تحس بداتها ماحستش دورت وجها بانت ليها كسوتها لي كانت لابسة رماتها عليها و شعرها كله مخبل و كحلها دالع بين جفونها خرجات من بيت بانت ليها دار مختلفة عمرها شافتها نزلات بعينها ولقات محطوطة فلوس فوق طبلة و ورقة مكتوب فيها
{ ايتها العالقة بين اوردتي احبك بجنون }
بقات تتقرا و تعاود كأنها تتستوعب و تذكر اش وقع تمشات حلات باب لقات الظلام معتم بسواده ودنيا تتصفر بقات غادية و عينها متيرمشوش وسط شانطي خاوي غادا مرفوعة وصلات لدربهم حطات رجليها بان ليها قدام دارهم ناس لي غي ردو بالهم بطيفها و كل شي تيشوف و رادين بال حالتها كل واش يقول
يوسف""( لمحها و قرب ليها شد عل شعرها) فين كنتي اممم
نوارة""( هزات عينها فيه وجهها وملامحها دابلة دموع لي ينزلو ماعرفتش فين مشاو) خويا ا
خال سعيد""( قرب طرشها) اش هاد الحالة جايا بيها شحال و حنا نقلبو تاجا واحد قال لينا شافك مع واحد بالطوموبيل دوييي فين كنتي
نوارة""( شدت من خدها منزلة راسها) خ خالي فهمتو غلط
زهرة"" ( قربت عندها و بقات تطرش فيها و تعاود و تبكي ) يااك الحرايمية ياك ابنت كرشي
يوسف""( شد عل شعرها تا بقى نصه عل يديه) سيري كملي سهرتك وهاد باب عمرك تلحقيه
نوارة""( طاحت عل ركابيها تحت رجليه) خويااا عفااااااااااأك سمعني نشرح ليك الله يخليييييك
حيد رجليه بنترة تاتلاحت جنبو و جر مو و دخل و زدحو داك الباب بجهد خلاها طايحة في الارض محنية و تتحس برجلين تتمشي و تجي دنيا تتبان ليها كحلة ودنيها تيصفرو بقات على ديك حال في الارض تا سمعت و اصواتهم تيهضرو
ويلي اش هاد شوهة
شوهت بدارهم و بخوها لحيته قداش
مكنتش عليها ترجع اصلا
يحسن عوان ميمتها مسكينة
وقفات برجليها و دارت تتمشى و ماعارفة فين تصد ولا فين تشد طريقها كلشي حومتها كانو تيتفرجو و حسها عل كل دار كلشي شد بيها ليلته
في ديك نهار بالضبط كان الاذان العصر يتسمع في وسط المستشفى خاص الشخص متكي و حالته مستعصية بعد ماتعرض للحادث و هو فيي حالة السكر داته كلها سيرومات و ضرابي و بأخص انه في حياته الاخيرة
دخل بخطواته رزينة وقف عليه عند راسو، تيشوف و يدور عينه شاف فيه بشوية من شافه جا غمض عينه و فتحه باش يقرب ليه
نوح"" (بالفعل تحنى عنده باش يسمعه) علي اش تما
علي""( بصوت قليييل متقطع) خد م تسج يل في تلفون بعدا
شاف فيه بنضرة شك وعدم فهم عاقد غوباشتو جبد تلفونه و خدم تسجيل بالفعل وقرب ليه بزاف
علي"( نطق بصوت قليل بكاد يخرجه) انا علي العربي ن نوارة اليازيدي يلا بقيتي عاقل عليها لي جات هي ووحدة من جيتي لرباط في ديك سيمانة عل ود شي خدمة عندك هنا
نوح""( عقد حاجبه يتذكر و قرب شوية) مالها
علي""( بصوت قليل) عشقتها اخويا من اول ماحطات رجليها عندنا من داك نهار وهي في بالي هضرت معاها و تبعتها تا عيت مابغاش تهضر معايا درت حيلة بمعرفتك ليها و انك خديتي نمرتها من تكلفتي نتا باش ترجع ليها تلفون
نوح""( عقد حاجبه و زاد تحنى و عقله تيعطيه اشارات لي في باله) امم كمل
علي""(بصوت قليل تعبان ) درت بلي نتا خديتي نمرتها و تنهضر بيها معاها و خليتها بادلتني الكلام و المعرفة ولكن هي عشقاتك نتا ماشي انا بغيت نعتارف ليها بصرا حة و درت معاها لبارح نتلاقاو لاول مرة وانني كنت مسافر عاد رجعت بحكم هي عارفاك خدام غي هنا في الرباط مشيت بديك فكرة على ودها باش نشوفها و قبلت بزز تشوفني درت معاها ننتلاقاو في قهوة بالفعل جات و كانت تتسناك توصل بقاات تتساين بزاااف تما كملت خطة ديالي ووقفت عليها شافتني وناضت خارجة ماحملتش وجهي عرفاتني غانعاود نفاتحها في الموضوع شديتها من دراعها باش توقف و دارت و دفعتني قلت ليها راك فهمتي غلط نوح تيتسناك برا عاودت شافت فيا مخنزرة و خرجات، تمشات برا وانا تبعتها جات قريبة للطوموبيل ديالي جاتني فرصة جيت وراها درت ليها المنوم و طلعتها دغيا للطوموبيل بلا حس وبلاما يلاحظ تا شي واحد
نوح""( عروق جبهته برزو عينه بحال جمر زاند حط يديه عل خدية و كمش عليها كارز عل سنانه) ك م ل
علي"" من بعد ماديتها مشيت لدار صاحبي خاوية دخلتها لبيت نعاس وفي بالي فكرة أنني نصورها و تبقى تحت تهديدي ربما تقبل بيا ( سكت لتواني تيشوف فيه نطق بتقطع ) ح ي د ت ليها ح و ايجها
بقى تيتسمع صوت الاات في غرفة و دخل طبيب تيجري و معاه ممرضات
ممرضة"" عفاك اسيدي خرج
بقى مراااقبو مدةة عاد تمشى بخطوات راجع بلور و عينه مراقبنه بشرار سد تلفونه و خرج تيعصر على جبينو ريح فوق كرسي على برا تيعض على فكو بجههههد ماعرف اش يدير فيقو من سهوتو صرخة الام تتبكي من بعد ماعطاوها خبر بوفاته وقف ديك ساعة خشى تلفونو في جيبو و خرج و عقله خدام ركب في طوموبيل و قصد مركز شرطة وصل دخل ديريكت
الشرطي( بتحية)"" عميد نوح مرحبا
نوح"" ( حرك راسه بتقالة و جلس) محتاجك تجبد لي واحد ضوسي
الشرطي"" مرحبا الشاف
نوح"" بغيت العنوان ديال نوارة بالضبط شهر 6 ماعرفش بنهاار بضبط مهم شهر 6
الشرطي ""( حرك راسه و بدا يقلب في بيسي قدامه ) نوارة اليازيدي ياك
نوح""( ناض وقف قبالت بيسي مراقب معاه) ايه خاصني العنوان جبد معلومات لي عليها
داكشي بالفعل جبد ليه كولشي قدامو
نوح"" ايخصك مزال شي خدمة توجد لي محضر من نرجع باسم ( صعب ينطق من كترة دسانة لي حس بيها) العميد علي العربي
الشرطي"" ( بانت علامات صدمة دار تحية) واخة الشاف
خرج نوح بعد ماخدا عنوانها ركب بسيارته و كسيرا ديريكت لدارهم وقف جنبها و لقى الرجل كبير في السن جالس قدام بابهم تيتغاوت معاهم شي لي خلاه مزال في بلاصته ماتحركش
يتبع..
التعليقات
لا توجد تعليقات بعد، كن أول من يعلق.