قطعة من الجحود الجزء 21

فمها ما داق نعمة و لا عينيها تلاقاو رموشها و نشفو من الدموع دوزت ساعة بختها و هي نفس الحالة .. تا وصلت عشرة ديال ليل جات عندها فاطمة تقولها تنزل تعشى لكن شكون قدر ولا فين هي الشهية عيات معاها مابغاتش نزلت جابت ليها عشاها لبيت و هي حاضية داك تلفون في كل ليلة و في نفس الوقت تيصوني حاطة تلفون قدام عينها و ديك دقيقة بضبط وصلت و قلبها تيضرب و يزيد و هي عقلها مخربق .. لكن فكرة انها تقدر تجاوبو زادت و قوات .. دازت ديك دقيقة وًزادت ثانية و ثالثة ..... الى اخره لكن ماعيطتش وزادت كملت عليها داك العشاء حدا راسها و تلفون قدام عينيها شي تيشوف فشي .. شحال ديال وقت وشحال ديال سوايع على نفس الحالة ... حتى داتها عينيها و تغمضو و اخيرا ....

—

ضربتها الفيقة مع داك الصباح و سرجم بقى محلول صابحة هالكها البرد و حلاقهم مجروحين ناضت بتقل عضامها كاع مضرورين جلست و شدت تلفون مالقات منو تا حاجة و لا صونيت لاحتو و ناضت مشات الحمام غسلت و توضات صلاة صلاتها و نزلت لقاتم تيفطرو

نوارة"" صباح الخير

زهرة - فاطمة"" صباح الخير

نوارة""( جلست جنبهم ) فين با

زهرة "" خارج عارفاه تيفطر بكري

فاطمة"" فيك لي يخرج ازين

نوارة"" لا مافياش والله عيانة صبحت ( دارت يديها على حلاقمها) مجروحين

فاطمة"" كولي شوية نجيب ليك الدوا خروج تالنهار اخور

حركت راسها و بدات تتاكل بشوية و سااهية هكاك داز فطورها و رجعت طلعات لبيتها تاني تجبدت حاضية داك تلفون و تفكير .. تفكير من اول للاخر .. كيفاش تلاقو كيفاش تزوجو هكاك ولات حالتها .. يومين تعاود حياتها و دخلتو عليها .. و حاجة لي لي قاهراتها هي تعاملو معاها .. جرت الغطاء عليها مكمشة فيه و تبسمت بقهرة اخر مرة باش جاتها ديك رجفة جابها فوقو معنقها و هي مكمشة على جسمو .. وداك الخوف و داك الحنية لي تعامل بيها في مرضها من لول لاخر ..

غمضت عينيها بتعب كولشي ضارها قلبها راسها حلقها نيفها عضامها كولشي باغيه في ديك اللحضة .. انا الندم كلاها و مزال تيزيد ياكل فيها ..

______

خارج من الكوميسارية هو و عزالدين طلعو في طوموبيل خاص و قصدو الدار ليل كامل و هوما خدامين حاس براسو غادي يتشتت عليه بالتفكير تخلطت عليه من كولشي .. داز داك الرقت غا في الكارو لي تيتحاور هو وياه يبخ و ينتر تاوصلو للشقة طلع نيشان تيحيد في جاكيط

عزالدين"" الشاف تبغي شي حاجة قبل ما نعس

نوح"" غا سير ترتاح

دخل في حالو لبيت لاح داك جاكيط فوق سرير و تلاح معاها تاهو على كرشو بحوايجو و بسباطو مغمض عينيه و تيشوف .. تيشوف عينيها .. ملامحها .. ضحكتها .. شفايفها اخر ما تذكر غمض عينيه بجههد تيعض على شنوفتو ساط بجهههد و جر مخدة دارها فوق راسو حاول ينعس ربما يرتاح من هاد احاسيس و من العياء حيث بصح حاس براسو مابقاش قاد ....

اول ماحلت عينيها حلاتها على يديه و هي محطوطة على شعرها بعد ما ليل كامل و هي تخمم و تبكي فوق صدرو ... طلعات عينيها بشوية لقاتو مراقبها غا شافها طلعت بعينها و تبسم

نصير"" ( بخفوت) صباح الخير

سناء""( زادت تخشات فيه ودورت عليه يديها بغصة ) صباح الخير

نصير""( حاوطها ) سناء !! الله يهديك ( شد وجهها بين يديه و نطق ) يسحب ليك دموعك ماغيأثروش عليها تلقيها تاهي مسكينة بايتة تبكي

سناء""(شفايفها تيترعدو ) صعيب عليا حبيبي ماقدراش نتقبل .. صافي ميمتي مشاات

نصير""( عاود جرها لعندو) ماتقوليش هاكة ربي قادر بكولشي .. الحمد لله على كل حال وگضي راسك روحي

سناء"" ( تتمسح على خدودها ) غير ماقديتش حليت عيني عليها ديك صحيحة تعبت عليا من وانا صغيرة حاسة براسي ماوقفاش جنبها

نصير"" ( بهدوء تيدوز يديه على خدها ) واااقفة درتي جهدك و فوق جهدك سمحتي في قرايتك باش تمشي تخدمي و تداويها .. ربي تيختابرها حيث باغيها .. و كيختابرك نتي على صبرك .. الواليدين من تتجي فيهم اكبر اختبار مانكروش هادشي

سناء""( زادت عنقاتو ) شكرا حبيبي حيث لقيتك في جنبي نتا و خالتي .. عائلتي عمروهم عقلو عليا

نصير""( ضرب بخفة على راسها ) ماتبقايش تقولي ديك شكرا و لا نگطع بوهم دوك قنانف .. نتي راك مرتي و مك هي مي .. راني ولدها ماشي غا نسيبها امم

حركت راسها داخل حضنو بقهرة بكات تا حست براسها تفشت شوية و ناضت جلست تتجمع شعرها ناض هو لول مد يديه نوضها مد ليها بينوارها لبسو ليها و خرج هو لول و داك الجو صباحي وقف في الباب دار تيشوف بعينيه و بانت ليه هازة العواد متوجهة بيهم الكوزينة ديال الطين توجه ليها بخطواتو ،،،

نصير"" الواليدة اري نعاونك

مليكة""( تبسمت ) غا خليك وليدي ( شد عليها ) اري اري

دخلهم بالفعل لداك كوزينة لقاها عاجنة الحرشة بلدية تحنات بغات تشعل داك العافية و شد عليها شعل عليها و هي غا تتشوف و تتبسم

مليكة"" فرشت ليكم ورا المحال سيرو تريحو غا طيب هاد الحريشة او نجيب ليكم تفطرو

نصير""( قرب باس على راسها ) الله يخليك لينا .. داكشي لي كاين ناكلوه ماتمحنيش راسك

مليكة""( خبطت ليه بحنية على ضهرو ) بالفرحة عليا نوحم بنيتي .. غا من شفتها فرحانة بيك و بداك الصبي و لا الصبية في كرشيتها وليدي .. ماتيبان لياا بو مرض

تبسمت و تحنات تتگرص في ديك الحريشة مخلياه غا تيشوف و الاشمن حنانة و الاشمن قلب عند هاد الام لكنتها و شوفتها و طريقة كيفاش تتهضرك تدخل مع القلب رمى خطوة و خرج من تم حلقو تقج فمابالك بلحمها و صلبها و هي مراقبة ميمتها تتدبل قدام عينيها ... زاد شوية ووقف تيشوف هنا و هنا و كل شبر في داك الارض حتى حس بيها خارجة بخطواتها تقيلة

مليكة "" الجو زوين اولدي داكشي ( نعتت بيديها ) لاش فرشت ليكم برا ،، نمشي نعمر اتاي و نجيب ليكم

نصير"" (وقفها من كتافها) هو اتاي ديالك مايكون بحال لي تنوجد انا .. نمشي انا نعمرو غا ريحي نتي

مليكة""( تبسمت) واخة وليدي راه كولشي في كوزينة

حرك راسو متبسم و توجه للداخل دخل الكوزينة ديريكت لقى ماء طايب عمر البراد دارو تيتشحر حتى حتى حس بيها و بريحتها وراه ضار عندها مصغر عينيه

سناء"" راه ماتعرفش تعمر بحالها اخويا

نصير""( قرب و شد يديها جرها لعندو تا زدحها مع صدرو و تحنى بشفايفو على شفايفها بقبلة بطيئة و نزل بيديه على كريشتها ) نعرف نعمر كولشي حبيب الروح

سناء"" ( تبسمت و بعدت عليه) ماسخ

نصير""( غمز ليها و تكى بيديه على بوطاجي) هاد ماسخ قتليته

وجد الفطور و خرجو برا فطرو سناء محاولة تشد في راسها بزز كل ماتطلع عينيها ليه تتلقاه يصبرها.. حتى فطرو عاونها نصير تاني هز داك الماعن دخلهم لداخل و تا من الغسيل غسلهم عيات فيه مليكة و لكن ماخلاهاش هز جاكيطتو و خرج لعندهم لقاها متكية على ميمتها

نصير"" الواليدة ماديريش الغدا غانمشيو نتغداو في الفيرما

مليكة"" وعلاش وليدي بقاو معايا

نصير""( تحنى باس على يديها) نتي لي تمشي معانا اميمتي

مليكة"" و غا ترجعو معايا حيث بغيت نوجد لهاد مخلوقة واحد طاجين تيعجبها

نصير"" ( حرك راسو بايجاب) الليل نتعشاو بيه الواليدة

مليكة "" من هوكا ايه اوليدي ( مدت يديها ليه نوضها ) نمشي نعطي لواحد بگيرة تورد ( تشرب)

نصير""( مد يديه لسناء) خليك غانمشي انا وياها جالسة تدير

مليكة"" و غابشوية عايش وليدي

سناء""( تبسمت شافت فيه ) ماتخافيش هو لي يوردها بيديه

شد عليها و جرها متوجهين للكوري مخلين مليكة مقابلاهم غا فاتوها و هزات يديها ضعاف للخالق دمعتها نزلت تجري..

مليكة"" ياربي حنيني تفرح هاد البنت و تكمل عليها فرحتها .. ياربي راك عالم و راقب انا راضية عليها الدنيا و آخرى...

نزلت يديها و توجهت بخطيواتها لداخل .. فين حين سناء و نصير كيتمشاو بشوية مراعي ليها تا وقفو قدام كوري

سناء"" لي عمرك درتيه في حياتك اتجربو معايا هههه

نصير"" ( تحنى براسو دخل و جرها بشوية لعندو و لصقها مع الحيط ) هانتي قلتيها نجرب مع ملتك فين ماكان

سناء""( حلات عينيها ) اويلي اش تجرب تا مالك سافل مالك

نصير"" ( قهقه بخشونة ) تجي زينة هنا وسط كوري و البگر

سناء""( دارت يديها على و جهها و بقات تضحك تضحك حيث بصح فشلها بطريقة كيفاش قالها و فين هوما سالااات معاها ) ههههههههههه لا مايمكنش

نصير""( تبسم حيث هادي لي كان باغي يشوف ضحكتها و ابتسامتها ) مالي كذبت ( حط يديه على مؤخرتها) تجربي

سناء""( ضرباتو لصدرو) اويلي يااراجل دير عقلك و سير تورد ديك البݣرة جالسة تشوف فينا

نصير""( دور راسو شاف فيها و عاود شاف ليها ) و مالها هي باش حاملة دابة تاهي كانت تدير بسالة

سناء"" ماتنقولوش حاملة .. تنقولو (ضارة) ضارة اسي لمديني

نصير"" و نتي شنو

سناء"" ياك دابة انا وليت بگرة

نصير"" ( غمز ليها عاض على شواربو ) ياك حاملة حاملة صافي وسط كوري و هي حاملة و نتي حاملة

سناء""( ضرباتو على كتافو ) هههه عييقتي الماسخ دور عطيها تورد دور دور

تبسم و دار لعندها تحنى هز التيو الماء حل روبيني و طلق الماء وسط داك البانيو ( جلدي ) خاص بالبهايم عمر ليها ماء اما لاله سناء جبدات تلفونها و دايرة ليه فيديو .. محني هكاك بكتلتو تيجر تحتها لقنب لي كانت ضايرة على رجليها حيدها و تكعد غسل يديه وسد روبيني و علقو في بلاصتو

سناء"" عطيها تبن عطيها نسيتيه

نصير""( شاف فيها غمز ليها بمكر ) اجي عندي نتي نشوفو تبن لاخور

سناء""( حلات عينيها تاني و داك فيديو قطعاتو تا طاح ليها تلفون وسط الزبل ديال البݣر ) ناري على ماسخ ( تحنات تتهزو و كان تطلى من جنب ) شوف شوف كي درتي ليا لتلفوني

هزت راسها بان ليها تيعطيها تبن كي قالت ليه بقات تتبسم و رجع لعندها وقف قبالتها شادة تلفون بنص صباعها و شادة على نيفها تتنعت بعينيها عليه شدو من عندها و خرجات لبرا تتدفل و تنش بيديها .. تبعها تيطل عليها

نصير"" مزيانة ؟

سناء""( شافت فيه) غا من هزيت تلفون طلعات معايا ريحة وصافي

نصير""( شد من كرشها و زدحها معاه محني براسو خاشيه وسط عنقها) غي بغيتي تفلتي من وسطو وكان !!!

يوم بعد يوم دخلو في سيمانة ثالثة الحالة كيما الحالة لا جديد يذكر تفيق و تنعس على صورتو اما صوتو ماسمعاتوش و ماعاودتش عيط ليها ولا عرفت عليه شي حاجة من اخر مرة بدات تزيد في تأزم و تزيد في غبينتها توحشاتو و توحشات صورتو اما ملامحهو ولات تشوفها بالليل و النهار ..

جالسة قبالت تلفون ابيل فيديو مع سناء ...

نوارة" ( بدموع)و كي بقات دابة

سناء""( تنهدت مسحت على دموعها) مزال ميمتي تتدبل اختي نهار على نهار .. قلبي مابقاش مطمني عليها

نوارة"" يكون خير احبيبتي ماعرفنا منا القدام اش يوقع

سناء"" حتى اطباء راه قالو لينا اش كاين من جبناها اختي لطبيب

نوارة"" تبتي راسك ابنتي تبتي الله يرضي عليك

سناء"" الحمد لله على كل حال و لي جات من عند الله مرحبا بيها واخة ماساخياش بميمتي

نوارة"" الله يقويك احبيبتي تاحد مايسخى بحبابو ( تنهدت ) تاحد

سناء"" بقاي تنهدي عليا تما قريب شهر مزال مافكرتي مازال برد قلبك

نوارة""( شدت وجهها بين يديها) توحشتو توحشتو لا كنت ضريتو خديت دوبل اصحبتي ووفيت

سناء"" ( قلبها طايب تاهي بدات تدمع ) صافي صافي دابة ترجع لمياه مجاريها اختي

نوارة"" انا لي درتها لراسي عاودت ضلمتو و عاودت قصحت معاه بزاااف كلامي ياااختي و لساني جرحتو بزاااف

سناء"" صافي دابة رتاحي تايرجع و يكون خير

نوارة"" علاش هو فين مشى

سناء"" اودي نهار فعلة ديالك و خروجك من دار جات شي تسافيرة لنصير و هو شد في بلاصتو مسيكين (مسحت دمعتها لي نزلت تجري)باش يبقى قريب مني و قريب من ميمتي بحالا حس بينا

نوارة"" مكاينش في دار يعني .. هو

سناء"" لا مسافر لوجدة على شي خدمة اطط نصيفط ليك تصويرة ديالو

هزات تلفون نصير و صيفطت تصويرة لعندها و عاد صيفطتها ليها ديك ساعة فتحاتها ..

سناء"" مصورو صاحبو لي مشى معاه هادي وسط الخدمة

نوارة"" ( عينها مشرعين في لي جنبو ) شكون هاديك لي جالسة جنبو

سناء"" خدامين خدامين اصحبتي ( تبسمت ) بقات ليك غا الغيرة. ااه كون تسلطت عليه ههه و داتو ليك

نوارة""( بدات تبكي و تنحط ) و لا اصحبتي نموت فيها انا

سناء"" اباراكة باراكة هادشي كان عليك تفكري فيه من قبل ماشي عاد

نوارة"" ( تتزومي وتتحقق فيه بكل مافيها ) ياختي زاد زيان و صحاح لا .. داك شوميز كي مزيرة عليه ( تتبكي ) لا ماخصهاش تجلس جنبو و تقيس عليه

سناء""( حاطة يديها على حنكها) اديك شوفي فيا نتي (شافتها هزات عينيها و هي تصبع ليها ) هاكي ليك و لتفكيرك

نوارة""غا عطيني نستااااهل و نزيد

تحل لباب دورت عينيها بانت ليها شيماء داخلة قربت لها من عرفت معامن تتهضر حيث اصلا باينة معامن

شيماء "" سناء اش خبارك ازين

سناء"" اهلا بالحب لاباس عليك

شيماء"" لاباس احبي كي غادية مع حمالة بيخير واليدة شوية

سناء"" نقولو الحمد لله احب

شيماء"" ( شافت في نوارة ) نوضي تكعدي نخرجو شوية نوضي

نوارة"" مافياش اصحبتي غا سيري

سناء"" تكعدي خرجي يضربك ريح نتي بقى فيك غا راس اصحبتي

شيماء""( شدت يديها ) نوضي نوضي نمشيو غا الجريدة نريحو فيها نديو اريج تلعب شوية و نجيو

سناء"" نوضي ابنتي نوضي ..

قطعت عليها بلاما تسناها تجاوبها شدات على يديها و جرتها داتها قدام الماريو و نزلت بقات وااقفة شحااال و بين عينيها غا هو استغفرت الله و لبست عليها سورفيط في الكحل لبست سبادري في ابيض ..و لاحت عليها جاكيط هزات تلفونها ونزلات لقات شيماء و اريج و فاطمة تيتسناوها غا شافوها و ناضو و خرجو متوجهين للجردة......

وصلو للجردة شراو زريعة و كاوكاو و شلى سقاطة فرشو تحت واحد شجيرة و ريحو اريج قبالتهم تتلعب تتنقب من ديك زريعة و عيينيها تيجريو بالدموع ..

فاطمة"" توحشتيه ؟؟

نوارة""( نزلت عينيها تتمسح على عينيها) بزاف عاد عرفت و حسيت بشحال كنبغيه اختي عاد عاد

شيماء"" و عيطي ليه

نوارة""( شافت فيها و عاود شافت قدامها ) مانقدرش

فاطمة"" كرامة و لا حشمة

نوارة"" مانقدتش مانعرفش اش نقوليه واش نعتادر منو على كلامي ولا على فعلتي من اول فرصة صديتو و هو انا عارفين ماليه تاواحد غا انااا

شيماء"" حلي بعدا داك بلوك على اقل

فاطمة"" دابة ترجع يرجع كولشي كي كان و احسن كاع تاهو حامق عليها ( باسف) بالحق على حساب درجات جرح لي وصل بيه

نوارة""( شافت فيهم ) عفاكم باراااك عليا ( تضرب على قلبها بقهرة ) راه قلبي تياكلني و يضرني بسبب هاد خرا و هاد كلام لي خرجت والله ما من قلبي ماعرفتش بقيت نهضر و نهضر و انا غا تنبرول بلا فرانات راجعت راسي تا بعدت عليه

شيماء""( حطت يديها عليها) ششش صافي بشوية عليك

فاطمة"" تا ترتاحي و عيطي ليه لا كنتي باغة راحة قلبك ..ماتزيد تقهري راسك و لا تقهريه

نزلت عينيها تتنقي داك زريعة بيديها فاطمة و شيماء تيشوفو في بعضياتهم و تيتحسرو على حالتها .. فجاة تيسمعو الغوات و كولشي تيجري من داك الجردة فاطمة مشات شدت اريج قدامها معنقها تتبكي ناضت شيماء و نوارة مقربين تيشوفو .. زوج دراري تيدابزو و بيناتهم بنت

شيماء"" ناري السلامة اش تيشلخ فيه

نوارة""( تتصغر في عينيها فور مالمحت موطور حبس و ماخافيش عليها قلبها تفز عليها و عينيها تحلو و هي تتشوف نزل تيجري ) سلماااان اويلي ( مشات تتجري و ضارت عند فاطمة ) سيري لدار نتي دي بنتك

فاطمة""( بالغوات) اويلي فين غادة المسخوطة

تبعتها شيماء تتجري خرجو مع الباب كلشي تيفرج هوما جالسن يشلخو بعضياتهم بعدت ناس لي قدامها بزربة تتشوف زوج من اكبر بزنازة واحد ولد حومتها و لاخر من حومة ثانية و زادت صدمتها من مخلوقة لي وسطهم شادها واحد من دراعها الدم يجري من فمها

سلمان"" اصبر از*** و طلق لبنت

البزناز1"" ( مخاطب البزناز التاني)برب و ماتطلق درية تانقتل مك نتا وياها

نوارة""( زادت دخلات بناتهم و جات قبالت بزناز لي تتعرف و لي هو شادها ) خويا طارق طلقها يعطيك ستر راه تنعرفها

ماحستش تا تجرت من قدامها و زادت شبكت و جلس واحد يشلخ في تاتي سلمان مشات يديه دغيا و جر نوارة وراه ومشى يجر ثانية تا جاتو دقة ليديه بالجنوية و عاوداتو دقة بالكفى تجنوية على كفاه تاطاح و جات نوارة طايحة حداه

نوارة"" لااااااااا سلمااااان لا عفاااااكم اخويااااااا لا حبسو

مع طللعت عينها و زادت صدمتها بثانية و داك جنوية تشلخ فيها بدقة لوجه و الفخض تا طاحت بحر الضربات تسمعو لبوليس جاين هربو و بقات ديك مخلوقة بيناتهم بزوج

نوارة"" ( ناضت من حدا سلمان و مشات لثانية )شيمااااء و اختي ديري شي حاجة عيطي لومبيلونص

مشات شيماء عند سلمان حيدت كاشكول و شدت حزمت ليه يديه

شيماء"" ( تتبكي ) صبر اسلمان صبر عفاك

سلمان "" ( شد يديها ) بيخير بيخير شوفي لي ديك مخلوقة

كانت تحنات عليها نوارة حيدت جاكيطتها و جلست تغطي ليها في الجرح و الفخاض لي عريانين لي عاد جابو ليها ناس فوطة حطتها ليها ليها وجهها

نوارة""( تتبكي على حالتها لي ماتبغيهاش لعدوك ) و اااختي اش داك .. اش داك خرجتي على راسك اسعاد

وصلت اسعاف خاصة بالكلينك لي فيه شيماء بعد اسرار من نوارة خافت يزيدو يتعطلو عليها طلعوها مشات معاها شيماء و نوارة ركبت في طاكسي مع سلمان و طلبت ولد حومة يدي لموطور للدار ديالهم ..

سلمان""( تيحس بدوخة عينيه بداو يتسدو ديك ضربة جات على كفاه ) و اختي

نوارة"" شش رتاح دابة من بعد (تتعيط لشيماء لي جاوبتها غي الحين ) امضرا اشيماء شنوو

شيماء"" ضربات غارقة بالخصوص لي في وجهها اصحبتي كلاتها سلمان مزيان؟

نوارة"" دوخة شاداه

شيماء"" ماتخليهش يسد عينيه ردي لبال ويااك ماتخليهش انوارة

قطعت معاها تتحس بيه تيشد راسو بزز مرة على مرة تيتحط راسو على كتفها من كتر التقل

نوارة"" سلمااااان خوويااا صبر ماتغمض عينيييك عفاااك اخوياا

سلمان""" ( شد على راسو )ختي شي نعاس جاني

نوارة""( قلبها تيتهز و يتحط حطات يديها على وجهو تضرب ليه) عفااااك اسيدي زيد شوية

وقف بيها طاكسي و خرجت تتجري حلات لباب و عوناتو نزل كانت يلا وصلت اسعاف و صااتهم شيماء كانو موجدين ليه كرسي غي شافوها و جاو زوج ممرضات عاونوها حطوه و دخلو بيه و نوارة معاه ماطلقتش من دراعو حتى دخلوه و هي بقات برا تتمشي و تجي تا بان ليها يوسف داخل و معاه زهرة

يوسف""( وصل عينيه حمرين بالخوف شد على كتافها ) شنو وقع نتي بيخيير

نوارة""( حركت راسها ) بيخير اخويا بيخير سلمان تضرب و بنت خالتو

زهرة"" الله ياربي و علمتي دارهم

نوارة"" مزال مزال تلفوني بقى في جاكيط لي غطيت بيها سعاد

بقات تمشي و تجي عيطو ليها استقبال باش تعمر لوراق مشى معاها يوسف عمرو كولشي و خلصو لي خصو يتخلص تاوقفت و رجعو فين كانو يتسناو شي خبار عليهم شيماء

نوارة"" امضرا سعاد

شيماء"" مزال ماعنديش عليها خبار يلا خرجت من عند سلمان

يوسف"" مزيان هو

شيماء"" بيخير بيخير غي يديه لي كلاها فيها ..دراعو مفلح بزاف

نوارة""(نزلو دموعها ) الله ياربي وفين هو نقدر نشوفو

حركت راسها و مشات هي وياها للغرفة فين كاين فتحات لباب و بان ليها تيقادو ليه بانضة على دراعو شافتها و حرك براسو

سلمان"" امضرا شنو دارت ديك خيتي

نوارة"( قربت حدات يديها على كتفو ) مزال تا خبار .. عيط لدارهم اسلمان .. عيط

حرك راسو و جبد تلفون من جيبو و عيط لزينة شرح ليها كولشي و قالها تتكلف بمنانة خرجو لبرا تيتسناو شي خبار

سلمان""( قرب لنوارة) شكرا اختي على وقفتك

نوارة""( تبسمت و ضربت ليه على دراعو ) خويا ماشي غريب عليا .. الحمد لله دازت عليك سالمة

قاطعهم غوات منانة و هي داخلة تطيح و تنوض في دوك درجات وراها وفاء و شامة و زينة

منانة"" و بنتي و الصكعة ليام خرجت على راسها بنتي

قرب منها يوسف موقفها حيث ركابيها تيلعبو لعيب شامة مشات لسلمان تتجري تتقلب ليه في وجهو و داتو

شامة"" واوليدي اش طرا ليك مالك على هاد حالة

سلمان""( شد يديها باسها ) اتهدني امي ماوقع والو تهدني

زينة""( تتبكي و قربت ليه باست على كتفو ) وكون جاتك اخويا شي دقة خايبة نموت فيها

نوارة""( قربت لمنانة دموع يجريو ) خالتي تهدني راه لاباس ماتخافيش

منانة"" ( تحرك من هنا لهنا ) وراه مسخوطة خرجت على راسها مسخوطة خرجت على حياتها

وفاء"" ( شاداها من جنب لاخر تتبكي ) عفاك امي حاولي على راسك غاطيحي ليا هنا و تكملي عليا

قاطعهم الطبيب و معاه شيماء لي وقف جنبهم و عيط بالاسم سعاد.. خلاهم يدورو كاملين

الطبيب"" مريضة تعرضت للضرب بالسكين الحاد لي خلى اثر جسيمة على لحمها و بالاخص الضربة لي في وجهها لي جات مشروكة بين الخد و العين اما ديال رجلها فا تقاست ليها العصبة اي تقطعت للاسف

كمل كلامو و مشى مخلي لكل ضارت عينيهم لديك انسانة و ملامحها تتلون .. في كل ماسمعت كلمة لي تتنطق من فمو و تتحس بكبدتها تتقسم و تتگرض .. حتى طاحت بطولتها وسطهم

جالسين في كولوار نوارة متكية على زهرة على كتفها تاوقف عليها يوسف جايب ليهم القراعي الماء مدهم ليهم خدات من عندو تا تمت جايبة شيماء تلفون مدات لنوارة شداتو من عندها و هي توقف عليها شامة

شامة""( شدتها من يديها ) اجي معايا ابنتي يرضي عليك

حركت ليها راسها و خرجو لبرا في جريدة خاصة بالكلينيك و ريحو في كرسي ..

شامة"" شي خبار ابنتي على نوح

نوارة"" ( نزلت عينيها) خالتي مازال ما

شامة"" ( شدت يديها و جابتها لعند ركبتها ) بلاما تزيدي تصعبيها على داك القلب ابنيتي .. ( نعتت بعينيها لكلينيك) ديك سيدة لي مجبدة لداخل تتخلص على مادارت .. يلاه دوات فيك بالخايب و يعلم لله اش كانت ناوية دير .. و هي لي صيفطت براهيم باش يهضر معاك ( نزلت عينيها تتبكي ) نوح جا داك ليلة محطم و كتر من شافو وسط الدار تيسحب ليه انا لي قلت ليه عليه صدقت هي .. هي عاودت ليه كولشي و بانت ليها فيك لقات فرصة حيث عارفاه مايسامحوش قالت ارا نصيفطو لعندها.. يلا بنتي كان هاد سبب خصامكم هو هاد براهيم .. راه هي سبب و لا قال ليك نوح شي كلمة ضراتك بسبب باه راه ماشي لخاطرو وليدي ( تتخبط في صدرها تتبكي) انا ابنتي انا ضمرت ليه حياتو ..طفولتو .. تعديت عليه من كولشي ابنتي و هكاك ماتيحافينش و ماتيضركش عليا وجهو .. عمرو تشكى و لا قال لي عيت ..( هزت يديها مسحت اثار دموع من عينيها جرتها باست راسها ) عفاك ابنيتي نتي دواه لا تخلايش عليه .. راه غا دريويش

ناضت من جنبها تتمسح على دموعها توجهت لداخل و هي يقات جالسة منزلة عينيها حطات يديها على راسها مغمضاهم و دموع غا مازييدين تينزلو .. كل مرة يجي واحد يعطيها كلام تيزيد يندمها عل ما دارت فيه حست بيده تحطت عليها دارت لقات يوسف تبسمت و كحزت حطات راسها على صدرو محاوطها بيديه

يوسف"" ماعيتيش من البكى

نوارة"" هادشي لي وقع ليوم ضرني في خاطري ياخويا

يوسف"" ماشي غي ليوم ابنتي .. شلى يامات و نتي نفس الحالة عمرني بغيت نسولك و لا نعرف سبب لي مخليك في هاد حالة

نوارة"" خويا غي

يوسف""( مقاطعها) طلبني نرد ليك لبال تايرجع و وصاني نتهلى فيك ( شدها من دقنها ) ولكن ماوفيتش بوعدي ضعافيتي و بان فيك الهم

نوارة""( نزلت عينيها باسف) كيفاش وصاك !!

يوسف"" ( رفع حواجبه تيحرك راسو بتقالة ) قالي نتهلى فيك نرد ليك بال بين ما رجعت ..سافر و مزال مسافر.. يومين تيعيط ليا باش يعرف خبارك واش بخير ماضاراها والو .. دوزتي وقت وعرفتي شنو غاديري... مزال باغاه انوارة؟؟

نوارة"( نزلت عينيها تتبكي ) الصمت

يوسف"" سمعي باش تبقاي كل مرة تبكي نهار و ليل نفس الحالة .. هادشي مابقاش عاجبني غانعاود نسولك لاخر مرة باش نسدو هاد الموضوع في الخطرة.. واش مزال باغاه و تكملي حياتك معاه ولا لا ؟؟

نزلت براسها عينيها تيقطرو بالدموع .. كولشي باين فيها و كولشي واضح من اول مادخلت لدارهم تالهاد لحضة كولشي لاحضو فيها لكن باغي يسمع منها

يوسف"" ( طلع وجهها لقبالتو و نطق ) شنو انوارة

نوارة""( عضت على فمها بخجل ) باغة نكمل معاه غير

يوسف""( وقف ) تتعاودالصلاة على النبي ( مد يديه شد عليها و جرها عندو مدرعها) ولابد من المشاكيل و سوء تفاهم .. لكن انوارة عودي خدمي عقلك هاد مرة ماتبقايش تسرعي في قرارتك .. كاين شي حوايج تيبغيو تجلسو فوق طبلة و تناقشوهم فهمتي

حركت راسها و توجهو لداخل كانو عطاوهم موافقة باش يدخلو دخلت منانة و وفاء و شامة و بقات زينة و زهرة و سلمان

يوسف"" ( شاف في ساعتو ) نمشيو

نوارة""( حركت راسها ) واخة ( شافت في سلمان) موطور راه عندنا في دار تقدر تجي تاخدو لوقت لي تبغي

سلمان"" شكرا ليكم بزاف ( حرك راسو و قرب شوية عندها ) بالنسبة الخلاص اختي غدا يكونو عندك

نوارة"" ( گرنت حاجبها ) شمن فلوس

سلمان"" ديال الكلينيك

نوارة""( خبطت ليه على كتفو ) سير ترتاح مايكون باس عندك

زينة""( قربت عنقتها و نطقت ليها في ودنيها) فكي بلوك احبي ماتنسايش

تبسمت ليها بجنب و حركت راسها و شدات في زهرة و خرجو ركبو في طوموبيل و توجهو لدار .. جبدات تلفونها و دخلات لنمرتو و يديها بدات ترعد ماعرفتش واش تبرك ولا لا صبعها تيترعد بشكل غير طبيعي .. حتى تفك بالفعل بقات تتشوف ماعرفتش كفاش حتى بركت عليه .. قلبها بدا يرفرف غا بوحدو عاودت خشات تلفون ف جيبها و ركزت مع الطريق .. حتى وصلو نزلت و طلعات ديريكت الفوق دخلات للدوش غسلت عليها خففت عضامها لبست و نزلت .. لقاتهم مجموعين على طبلة تعشاو و كل ناض ينعس في بلاصتو و هي طلعات لمحت لتلفون شاعل قلبها بدا يضرب .. يضرب صافي بالها مشى معاه و مع صوتو لي توحشاتو .. قربت بخطوات تقيلة جلست بجنب على سرير هزاتو .. و رجعت ملامحها طفات مالقات منو لا ميساج لا ابيل كاع ميساجات من عند سناء و شيماء .. دوزت الخط لشيماء ديك ساعة

نوارة""الو حب لاباس شي جديد

شيماء"" مكاين والو .. ( سكتت شوية و عاودت نطقت ) عندك شي خبار على سلمان ماعاودتش شفتو

نوارة""( تبسمت مطلعة حجبانها) اممم سلمااان يااختي

شيماء"" صافي صافي بلاش

نوارة"" ههههه غا توصلك نمرتو اسولي فيه بخاطرك يلااا

قطعت عليها تتبسم قالت لزينة تعطيها نمرة ديالو غي وصلتها و لاحتها ليها تنهدت و تكات في بلاصتها جرات عليها الغطاء غمضت عينها و جات في بالها غا ديك تصويرة عاودت جبداتها و جلست تحقق فيه و تعاود غا تتبان ليها لي جنبو و تبدا تخنزر تعاود عينيها تمشي ليه وديك تخنزيييرة و تغوبيشة لي. مبينة حمقتها ماحسات غا بدموع تينزلو ماكرهتش كون يديها على ديك لحية كيف ديما .. و ندامة غير ماا تتقتل و تزيد فيها ..

صبح الصباح هي مزال ناعسة علاش و هي مانعستش تاني بايتة تخمم حتى وجد الفطور و فطرو و هي مزال في بيتها .. طلعات عندها فاطمة باش تفيقها لقاتها حالة عينيها و مزال مجبدة في بلاصتها

فاطمة"" نوارة نوضي تفطري

نوارة"" واخة اختي انا نوض

فاطمة""(جلست جنبها ) نوضي اخيتي راه بغيت نخمل دار وجدي ليا نتي غا شي شهيوة منك ( تبسمت) شحال توحشت طيابك

نوارة""( ناضت جلست و تتجمع شعرها) ياك اخيتي داكشي لا مفيقاني

فاطمة"" عارفاني من تنسيق تيجيني جوع مانصبرش ههههه

نوارة"" صافي انا نعجن بيتزا و نطلع نتعاونو بزوج

فاطمة"" يرضي عليك نيت تحركي شوية راك غملتي والله .. يلا نوضي نوضي تفطري

ناضت في ساع بخطوات متقلة مشات للحمام توضات صلات صلاتها و نزلت لتحت مالقات تاواحد غا فطور لي محطوط فوق طبلة جلست تتفطر و شادة تلفون تتراسل هي وسناء كملت كاسها جمعت طبلة غسلت ماعن و طلعات لفوق ثالثة عند فاطمة لقاتها تتحيد التلامط

فاطمة"" زيدي جري معايا عاد الزمر

نوارة"" وخيتي هادشي تقيل عليك كون تسنيتي تا جا يوسف

فاطمة"" مخاصماه اخيتي مانقول ليه والو

نوارة""( صغرت عينها و جلست ) علاش اخيتي تخاصمي خويا

فاطمة""( تتجر في داك تلميط و تخبط ) دار لي حالة لبارح قالي علاش جيتي بوحدك و علاش خليتي نوارة بوحدها علاش ماعيطتيش ليا و علاش و علاش

نوارة""( حبست ضحكة ) و تخيلي مشى من بالي كاع هادشي

فاطىمة"" ضحكي عليا ضحكي مخشية وسط زوج بزنازة و تحامي عليها و نسيتي راسك مزال هاد تفاصيل ما تذكروش كون علق مك في دخلة الباب

نوارة""( تبسمت و نزلت راسها و تخيلت كون نوح ساق لخبار ) هو ليه دوا

فاطمة"" ( تبسمت ) امم السيد العميد

نوارة"" (ناضت تتعاونها) نوضي اخيتي من هضرة بان ليا بدا ينساني و يتقبل خروجي من حياتو

فاطمة""( تبسمت طلعت فيها و نزلت ) اممم

هكداك عاونتها حيدو تلامط و نزلت عجنات بيتزا و طلعت تاني هزات هي و ياها سدادر وقفوهم و سيقو و جلست فوق كرسي تترتاح حتى سمعت تلفون تيصوني فوق حيط قصير ناضت بلا عجز غادية و ماهي غي تزلگ بيها رجليها و جات طايحة حتى تسمعت غوتتها من قاع الدار طلعات فاطمة تتجري و زهرة تابعاها دخلو لقاوها شادة على رجليها و تتغوت بالحر

فاطمة"" ( قربت ليها شادة ليها من رجليها ) الله ياختي مالك واش طحتي ولا شنو

زهرة""( تحنات هزات ليها رجليها بخوف ) مالك ابنتي مالك

نوارة""( ماحست تا دموع بداو ينزلو مخلطة عليها الدعوة اول حاجة طاحت في بالها هو نوح و كيفاش تيخاصم عليها على الحفى ) احح زلقت ياماما و من طحت حسيت بيها ضارت

فاطمة"" و تنقولك من تسيقي ماتسيقيش بالحفى اصحبتي

نوارة""( غمضت عينيها تاحست بيهم نوضوها ووالو بزز صافي ماقداتش ) يااماما ياماما ماقديتش

نزلوها لتحت و عيطو لواحد مراة جارتهم قلبت ليها رجليها لقاتها مفدوعة مسدت ليها و حزمتها ليها و هي غا تتكبي ماعرفتش داك احاسيس لي فيها خربقوها ماكرهتش كون كان معاه و تعاود ليه ..و تقوله اش وقع ليها ..و يخاصم ..و يعاتبها ... سمعت صوت يوسف و محمد مع الباب نزلت عينيها تتمسح عليها

يوسف"" ( مقرب مصغر عينيه فيها) مالك

زهرة"" كانو تيسيقو و زلقت

يوسف""( قاس على شعرها بخوف ) ديتوها لطبيب

زهرة"" لا جات غا مرت المعطي مسدت ليها

يوسف"" الله يهديك الواليدة يخصها تشوف طبيب

نوارة"" لا خويا مكاين لاش راه تنحركها عادي غي من تنوقف عليها تتعطي صداع و صافي

يوسف""( دور عينيه ) فين فاطمة

زهرة"" طلعات للسطح تنشر

حرك راسو و ناض تيفك عليه داك كرافاط و تم طالع مع دروج دخل لداخل لقى كولشي مهزوز حط جاكيط ديالو فوق صور و تم طالع للسطح تيسمع الماء مطلوق وصل دفع الباب و بانت ليه مدابزة مع واحد مانطة تتهز و تحط معاها باش تلوحها في النشار .. صغر عينيه دور راسو واش كاين شي حد في سطوحة لي حداهم و قرب شد من عندها تاقفزت من بلاصتها بالخلعة شادة على قلبها

فاطمة"" ناااري خلعتيني ( عاد تفكرت ميقت ليه و مشات تتكمل داك نشير ) الصمت

فين ما تهز شي حاجة تيشدها من عندها و هو تيشوف فيها تتهز عليه مزنكة شد من عندها اخر حاجة هزت شبكة الصابون و توجهت نازلة مع دروج حتى حست بيه جرها و سد باب سطح

يوسف"" مالك ماتتجاوبيش في داك مشقوف

فاطمة""( هزت حاجبها ) مكانتش مسالية باش نشدو ( نعتت لحوايجها ) هانتا تتشوف

يوسف""( عقد حواجبه) مولفة تديري هادشي حتى كنكون هنا ( محرك راسو بغمزة ) اش طرا هاد مرة

فاطمة"" لي طرا هو خاصني نخمل و هانا خملت و ساليت ياخصني نزل باش نبدل عليا

دارت غادية و عاود جرها لكن هاد مرة جابها من خصرها و يد ثانية على رقبتها تاتحل داك الزيف وشعرها نزل معاها و هي معوجة بشفافيها و هوما وسط شفايفو بقبلة غاارقة تا سد ليها نفس عاد بعد شوية

يوسف"" سمحي ليا ماقصدتش نغوت عليك

فاطمة"" ( تتجر منو )بعد مني دابة عاد تتقولها

يوسف""( زاد جرها و نزل براسو مكبزز) بلاما تزيدي على ديلمي عارف غلطت و جيت طلبت سماحة .. و عارفة لاش غوت عليك بلاما نحتاج نعاودو من لول

( باس على عينيها نطق بشوية ) رخفي عليا اريفية ديالي

بقات هكاك تاليل تعشاو و ريحت معاهم تيهضرو و و يجبدو مواضيعهم و هي .. حست براسها زادت تكتفت و هي جالسة وسطهم مغلوبة ..و مهمومة .. معلقة رجليها فوق مخدة تا قرب منها يوسف جلس جنبها

يوسف"" تطلعي ولا تنعسي غي هنا

زهرة" تبقاي ابنتي في بيتي

نوارة"" صراحة ماكرهتش نطلع

يوسف""( وقف و وقفها من خصرها ) زيدي

شدات فيه و جات فاطمة من جهة الثانية طلعوها في دروج دقة دقة تاوصلوها لبيت حيدت عليها بيجامة من كترة الصهدة دي شداتها .. وتمددت فوق السرير خدات تلفونها قدامها مرة مرة تدخل لواتساب و محادثة بينها و بينو تتلقاه بلي فايت فاتح لاحت تلفون بزعاف حطات يديها بزوج على حناكها دموع نازلين على خدودها ..

____

هو كدالك مدد فوق سرير بعد نهار متعب و ايام اكتر تعب هو بلا صوتها ولا ملامحها توحشها بزاايد و زايد بوحشو واخة مطمأن عليها لكن بينو و بين قلبو حاجة اخرى ماقادرش يطمئن عليها عرفها و عارفها مزيان .. بكاية .. حساسة .. اي حاجة تتأثر فيها .. لكن باغي يخليها على خاطرها و باغي يهضر معاها راس في راس احسن و بزاف كاع ... شد تلفون في يديه و مشى لاوديو ديالها طلقو و هي تتنطق ديك ( حبيبي ديالي ) فلتتليه ابتسامة بين شفايفو .. عاود رجع تلفون قبالتو و مشى لصورتها .. حتى وصلو ميساج .. و من عندها هي بضبط في الواتساب .. صغر عينيه و يلا كانت مبلوكية رقمو دخل ليه لقاها مصيفطة ليه (ايموجي معبس 😏)

___

ااما هي طلع ليها داك ايموجي وبدات تخبط في حناكها بالحشمة و زربة لي دارت لراسها بالغلط صدق مصيفطة ليه .. و اول حاجة طاحت في بالها هو انها بغاتو يحزرها .. وجهها ولا حمررر شدات تلفون تترعد و خرجت من واتساب لاحتو و عاودت هزاتو و دخلت تتلقاه ڤري مطلع ليها (ڤي) و زادت سخانة على سخانة و صهدة على صهدة .. ماجوبها و ماعيط ليها من حر فقصة بدات تبكي تبكي تاني و تغدد غابوحدها طلع ليها (ڤي) و سد بقات على داك الحال تاتحل لباب و دخلات شيماء متبسمة

شيماء"" قالو ليا طحتي الصكعة

نوارة"" غا سكتي نتي سبب نتي

شيماء"" الله ياختي مالي اش درت انا طيحتك

نوارة" نتي لي قلتي ليا فكي البلوك نتي

شيماء""( جلست جنبها مافهمة والو ) و شنو من بعد

نوارة" بالغلط صيفطت ليه ايموجي و طلع معايا ڤي فين نديرها يلااا ( رجعت تتبكي )

شيماء"" (حابسة ضحكة ) و انا لي قلت ليك يطلع ليك ڤي

نوارة" تخراي الكلبة

شيماء"" ههههههههه واربي على الوحش الغدار

نوارة"" تفرقي عليا يرحم باك

شيماء"" ها هي غادية جيت نطل عليك و نمشي احبي (ناضت و قرست ليها على خدها ) عيطي ليه قولي ليه بالغلط

نوارة""( شيرت عليها بمخدة ) بعدي مني بعدي

خرجت تتضحك على حالها صافي بينت عشقها و اشتياقها ليه نزلت في دروج سلمت على زهرة و خرجت لبرا غاتفتح الباب دارهم و سمعت تحنحينة وراها من صوت عرفاااااتو شكون !!!!

دارت بزربة لقاتو مشبح في الارض مدرگ بطوموبيل غمضات عينيها بنفاد الصبر و قربت جنبو

شيماء"" وبابا واش ماعيتيش غا قوليا ليا ماعيتيش

سعيد""( تيخبط بديك زاجة في الارض و تيضهر تقيييل ) دزت عن دك لسبيطار مال لقيتكش الحرايمية ل س

شيماء""( حلت لباب و بدات تغوت ) و بدييييعة هبطي هبطي

نزلات بشوية تتخاصم و مبردة في نفس الوقت وقفت حاطة يديها على نصها تتشوف فيه

بديعة"" اش كاين

شيماء"" وشنو لاش معيطة ليك مثلا زيدي نطلعوه

بديعة""( شدتها من دراعها وجرتها بالغوات) هنا غايبقى راني عيت عييييت منو و من صداعو و من صداعك تانتي كل مرة معيطة ليا

داك الغوات تسمع وسط الدار لداخل و كاع زنقة بدات تطل من سراجم طلات فاطمة و رجعت عند يوسف علماتو نزل بزربة لقى زهرة حلات لباب دفعها بشوية على جنب و خرج شد شيماء رجعها وراه

يوسف"" اش هاد شوهة تاني مالكم

بديعة"" نتا اش دخلك مع بنتي و راجلي نتا مالك

محمد"" الله يقلل حياك ابنتي

خنزر فيها و نزل تيهز داك جرتيلة من ارض حتى وقفاتو بكلامها

بديعة"" لا كنتي غادي تدخلو لدارك ديه عندي مابقيت بغيتو

شيماء"" شنو تتقولي ياماما اش تتقولي

شاف في شيماء و حرك راسو و كان ديك ساعة رد جرتها من قدامو دخلو لداخل لاحو فوق سداري و خرج ديك ساعة شد شيماء من دراعها و شاف في بديعة

يوسف"" هو ايدخل و هادي مادخلاش ف دار جدها ..تا يوليو عندها واليدين و تشوفهم ديك ساعة ( شاف في شيماء ) زيدي قدامي

جرها شدت زهرة من محمد ى دخلو لداخل سدو الباب مخلين بديعة تتخبط فيه و تغاوت معاه

يوسف""( شاف في شيماء ) هنا اتبقاي في دار جدك تتسمعيني

شيماء"" ( بالبكى تترعد ) و خويا نتا

يوسف"" ربما يرجعو عقلهم شوية ( هز يديه بهدنى ) ماشي بزز رتاحي هنا على خاطرك

محمد"" عندو الحق ابنيتي جلسي معايا هنا

زهرة""( عنقتها ) صافي ابنتي باراكة من البكى سيري طلعي رتاحي لفوق

دخلت فاطمة من بعد ما خرجت من بيت نوارة لي شافو كولشي من سرجم غا شافها يوسف و حرك راسو

يوسف"" طلعيها لعند نوارة

(شدتها من دراعها و طلعاها و شاف في زهرة ) هاد الق** ( عض على شواربو بجهد تيلعن في راسو ) استغفر الله العظيم ... اش هاد الماركة الواليدة مابغاوش يحشمو درية وصلت لزواج و هوما نفس الحالة من تزادت ..( هز صبعو بتحدير ) وياكم تخليوها تمشي

نطق كلامو و دار في حالو طالع داز من حدا الباب و سمعها تتبكي ..

معانقها نوارة و فاطمة تتحك ليها على دراعها

نوارة"" صافي عفاك صافي

شيماء"" عيييت عيييت اصحبتي مابقيتش قادرة مابقيتش

فاطمة""( باسف) ماشي ساهل احبيبتي رتاحي دابة و يحلها الحلال

شيماء""( مسحت على دمعتها) كاع ناس عندهم الواليدين الا انا عندي غا بسمية ..

صبح الصباح و ديك ليلة مشحونة عندهم اليوم االاحد كولشي مزال ناعس الا زهرة لي فايقة تتطيب فطور ومحمد تيشرب كويسو بعد مافطر مبكر .. حتى بداو ينزلو واحد بواحد اخرهم نوارة و شيماء لي كانت تتعگز عليها صبحو عليهم و جلسو تيفطرو

يوسف"" ( شاف في شيماءً) مرتاحة بعدا

شيماء""( تبسمت ) الحمدلله اخويا راني مولفة هاد العيشة

زهرة"" اودي ابنتي الله يجيب ليك شي ولد الناس باش تزيد راحتك و تهناي من هاد صداعات

نزلت عينيها بحشمة دورت راسها لنوارة تبسمت و جغمت من كاسها تا تسمع الدقان تهزت من بلاصتها

يوسف"" ( وقف منعت بيديه ) ابشوية عليك

توجه الباب فتحو و بانت ابتسامة منو

يوسف"" سلمان مرحبا زيد دخل

سلمان"" سمحلي اخويا على مجيتي

يوسف"" الله اودي زيد دخل مرحبا بيك

سلمان"" بلاش اخويا جيت ندي غا موطور ( بنعت لدري معاه) معايا دري

زهرة"" (من داخل) ازييد اوليدي زيد دخل

تبسم و رمى دوك خطوات بزز من كترة توثر ورا يوسف تاعطاه طريق مشى قرب لمحمد باس على راسو و زهرة كدالك مد يديه لنوارة

نوارة"" ( تبسمت ) كي بقتي يا خويا شوية

سلمان"( رد بال لرجليها.) لاباس ( مصغر عينيه بنعت ) ياك لاباس

نوارة"" غا زلقت ووتقصحت شوية

سلمان"" ميكون باس

طلع عينيه للاخيرة لي ماكنش متوقع تكون تما و لاهي توقعت تشوفو على صباح تحنى شوية مد يديه عينيه مرخية بالعياء و زادت فيها واحد لمعة غررييبة سلم عليها ورجع لور .. نزلت عينيها و عاودت طلعات عينها في كتلتو و شي احساس داخل في شكل منزل كاسكيطتو على عينيه تتبان غا لحيتو كتيفة .. مخبي دراعو وسط جاكيطتو نزلت عينيها و عاودت طلعاتهم بالخف هاد مرة لقات عينيه عليها نزلهم بعد ماسمع نوارة خاطباتو

نوارة"" جلس اخويا تفطر جلس

سلمان"" لا ختي غير بصحة جيت ناخد موطور

يوسف""نجيب سوارت كاراج و نجي

مشى جاب سوارت وخرج معاه تا خدا موطور و مشى نوارة و شيماء طلعو لفوق و جلسو في صالون

نوارة""( مصغرة عينيها) احح شوفاتكم نتوما بزوج كيفاش ؟؟

شيماء""( حناكها توردو) كً كيفاش ع عادي

نوارة""( تبسمت و هزات صبعها بلا ) تو تو ماعاديش راني خبرة وديك شوفة لي داير ليك عرفتها عرفتها

شيماء""( نزلت عينيها ) ياختي اشمن حب ولا شوفة ماشتيش حالة لي راني فيها

نوارة"" مع عطاتك زهرة دعيوة مع دخل مع باب هههه صافي هو مكتوبك ماتقوليش ليا .. اصلا لوسي زين و ضريف يليق بيك

شيماء"" وا نوارة

نوارة""( تبسمت ليها مع غميزة شادة على قلبها ) وااااح اقلبي ...

جالسة في حضنو و مخشية فيه معنقاه تيلعب بشعرها نزل براسو تيطل عليها لقاها نعسات بعد عليها شوية مددها فوق فوطوي و جاب لها غطاها و بعد جلس قبالتها و في يديه تلفون تيلعب بيه حتى صونا في يديه و دخل لبيت مشى ديريكت لبالكو عاد جاوب

نصير"" نجاة !!

نجاة"" فينك اوليدي بوحدك؟؟

نصير"" ايه الواليدة اش كاين

نجاة"" هنا في الكلينيك اولدي شوف كي دير و جيبها عايش وليدي بلاما تخلعها

نصير"" ( نزل براسو باسف) شنو قالك الطبيب

نجاة"" اش غا نقولك اولدي صعيب الحال عليها تزيد تطول

نصير""( جلس في داك كرسي لي قدامو تيحك على رقبتو ) نجيبها

نجاة"" جي غي نتا اولدي دابة حيث بغاتك مليكة

قطع معاها عاض على شواربو بحسرة و قهرة عارف .. و عارف لاش معيطة ليك و عارف اش غا تقول ليه .. ناض بشوية من بااصتو و دخل لداخل لقاها مزال ناعسة قرب باس على راسها و هي تتحرك حلات عينيها

سناء"" فين غادي

نصير"" ( تحنى عندها شد يديها بين يديه باش عليهم و تبسم )خارج عندي شي غرض و نرجع امم

سناء"" ماتعطلش عليا عندك غي ليوم عطلة زعمة

نصير"" مانتعطلش عليك روحي مانتعطلش

سناء""( تبسمت و حركت راسها ) واخة احبيبي الله يعاونك

نصير""( قرب باس على تغرها مطول ونطق ) رتاحي ليا حتاجيتي شي حاجة خلي ليا ميساج

حركت راسها و ناض من جنبها و مشى هز جاكيطتو و سوارتو تلفون و خرج نزل ديريكت و بخطوات مسرعة ركب في طوموبيل و قصد لكلينيك ديريكت ...

___

وصل لكلينيك و توجه ديريكت للغرفة فين تتكون لقى نجاة خارجة من لباب تتهضر في تلفون باس على راسها و نعتت ليه براسها باش يدخل حط يديه على لباب دافعو و قلبو متألم .. هز عينيه لديك كتلة ممددة على السرير بوجه الشاحب و عياااان تبسمت ليه و مدت يديها قرب لعندها شد يديها باس عليها و جر كرسي جلس قبالتها و يديها مزال شادة عليه

نصير"" ميمتي بغيتيني

مليكة"" ( تبسمت شحاااال و هي ساااكتة غا ابتسامتها لي كانت بااااينة و شي شوووفااات تدير فيه طووويلة عاد نطقت بصوت متعب ) بغيتك اوليدي

نصير""( قرب لكرسي لعندها باش يزيد يسمعها ) هانا ميمتي تسمعك بغيتي شي حاجة شنو محتاجة

مليكة""( زيرت ليه على يديه ) بغيتك تهلى ليا فيها اوليدي راها غاتيتم من باها و ميمتها اوليدي

نصير"" ( بغصة ) علاش تتقولي اميمتي هاد الهضرة

مليكة""( تبسمت و نزلات دميعة تتجري ) هاد الهضرة اوليدي بغيت نقولها و نخرجها من هنا قد كانت ساعتي قريبة قد باقة بعيدة .. نتا باها و مها و خوها و كولشي دابة ...صبر عليها و كون يديها و رجلها فين ما خطات اوليدي الله يرضي عليك

نصير""( نزل بعينيه و طاحت دمعة دغيا اختفت و عاود شاف ليها ) ماتحتاجيش اميمتي توصي راه عيني باش تنشوف

مليكة"" ( تبسمت ) عارفة اولدي عارفة معزتها عندك و عارفاك راجل قايم بيها و قايم بروحها .. راني ميمتها مابغيتش نمشي و نبقى مشطونة عليها ماعندها حد و ماعندها من غيرك دابة تهلى ليا فيها وليدي تهلى الله يرضي عليك

نصير""( ناض و تحنى عليها عنقها و تاهي بادلاتو العناق تدوز يديه على كتافو باس على راسها و عاود باس على يديها بزوج تلفت ليه هضرة و الكلام ) الصمت

مليكة""( مسحت على عينيها بشالها و نطقت ) انا رااااااضية عليك اوليدي و راضية عليها .. رد ليها لبال مع حمالتها و في ولادتها ماتخليهاش تمحن ليا عايش وليدي ( طبطبت على يديه ) الله يرضي عليك الله يرضي عليك اولدي

نهار داز وصل الليل لي تيتخدها تاني للعمق قلب ..متكية براسها على الحيط شادة تلفون في يديها و عينيها عليه العقل غايب بالتفكير صافي وصل بيها الحد و الجنون تدوز المدة و تيدوز الرقت و هي مزال في بلاصتها حاجة وحدة لي تتغير هو تتزيد باشتياقها ليه و تتزيد تبغيه و تعشقو ... تنهدت تنهيدة طويلة غاالباها الشهقة

___

خارجة من الكافي بكاس القهوة متوجهة لاسانسور دخلت حطت يديها باش تسد لباب تاحست بيد تحطت وسط لباب هزات عينيها و بان ليها متبسم

سلمان"" سلام

شيماء""( تبسمت ) و عليكم السلام

كحزت مبعدة لداخل دخل تاهو و تسد باب لاسانسور دور عينيه بشوية ليها لقاها منزلة عينيها و شادة داك كاس في يديها تيحس بيهم تيترعدو و لاو حمرييييييين اما حنيكاتها خلاص تبسم نزل عينيه و عاود طلعهم و نطق

سلمان"" قالو ليا نطلع لفوق على حساب صوان

شيماء"" ( تحل الباب و سبقاتو ) اه اجي نوريك فين

تبعها بخطواتو متقلة و هي مشيتها مضهشرةً و مزروبة حلات لباب واحد الغرفة و حركت راسها باش يدخل .. دخل هو لول عاد هي حطات كاس القهوة على جنب و شافت فيه

شيماء"" اجي جلس هنا

حرك راسو و مشى جلس طلع عينيه معاها و هي تتحرك من هنا لهنا حتى جابت كرسي و جلست قبالتو ييديها بدات تترعد علاش الله اعلم ياك خدمتها و مولفة هادشي دابة اش وقع؟؟؟

شيماء"" ( مدت يديها ) نعاونك تحيد جاكيط

قربت حيدت جاكيط من جنب و كان لابس غي تيشورط سهل عليها شغل بدات تحل البانضة بشوية تتحس بيعينه تتمشي و تجي معاها في كل حركة .. دعقها بنضراتو حلات الفاصمة و نطقت

شيماء"" ( مصغرة عينيها) علاش ما جيتيش صباح

سلمان""( بهدوء عينيه على عينيها ) حيث صباح ماكنتيش هنا

شيماء""( هزات عينيها بزربة فيه حناكها زادو حماااارو بشكل غير طبيعي نزلت عينيها بالخف ) الصمت

سلمان""(تيعض على شنوفتو حابس بزز ابتسامتو بلل شفايفو و نطق ) تتخدمي سمانة ليل و سيمانة نهار ولا كيفاش بروگرام ديالك

شيماء"" ( مركزة مع جرح و قلبها تيضرب بجهههد ) علاش هاد سؤال

سلمان"" باش نعرف امتى نشربو قهيوة انا وياك

شيماء""( هزات عينيها و حواجبها طالعين باستفسار برغم من فرحة لي فيها لداخل ) شكون قالك انمشي معاك

سلمان"" انا لي قلت

شيماء"" ( نزلت عينيها ) سمعني بلاما تدير في بالك داك تفكير انا ماتنمشي لقهاوي ماتنخرج مع د

سلمان""( مقاطعها) عارف ( شافها هزات عينيها ليه و كمل ) عارف ماشي منهم داكشي لاش جايك گود وداكشي لاش جيت تالهاد الوقت

شيماء""( قلبها تتحس بيه غادي يتوقف صافي مابقاتش قادة ) الصمت

نزل براسو شوية جر تلفونها من جيبها و هي تمد يديها باغت تاخدو و زادها بهاد زعامةبعدو عليها شعلو كان مسهل عليه مافيه لاكود ولا والو دخل تيقيد نمرة تا صغر عينه و بانت ابتسامة على شفايفو تيشوف نمرتو مقيدة عاود شاف فيها لقاها تدور عينيها و بقى ليها لبكى تبكي دوز خط صونا و قطع و عاود رجع تلفون لجيبها و نطق بصوت منخفض ..

سلمان"" انا نعيط ليك بلاما تمحني ليا ..

تحل الباب ورمى رجليه لداخل و عينه تتقلب عليها و قلبو مضرار و زاد من بانت ليه طلات من باب كوزينة تتبسم بادلها ابتسامة و قرب منها شد من عندها كاس العصير و حاوطها بيديه و داها للسيجور جلس و جابها قدامو تيدوز يديه على خدها بحنية

نصير"" تعطلت عليك روحي

سناء"" شوية فين مشيتي

نصير""( حط كاس فوق طبلة و دور يديه بزوج على خصرها ) كنت في الكلينيك

سناء""( شدات على قلبها وجهها دغيا تخطف منو اللون) مالها مي

نصير""( شد يديها ) بشوية عليك ماتخلعيش .. لاباس غي مشيت طليت عليها وصافي

سناء"" ( بخوف )مزال ماقالوش على خروجها غاتبقى تما و لا غيخرجوها غدا .. داكشي لاش مشيتي؟؟

نصير"" ( كرز على يديها ) بشوية عليك اسناء ردي فيه الروح امم غي تزاد عليها الحال و عيطو ليا

سناء"" ( بداو دموع يتسابقو )مالها انصير مالها

نصير"" سنااااء الله يهديك رخفي شوية

سناء"" ماتقولش ليا غا تمشي صافي ( بشهقة ) وراااه مانقدتش انصير

نصير""( مقاطعها) ششش سناء الله يرضي عليك

جرها لعندو خاشيها بين احضانو و مزير عليها .. حيث بصح مالقاش و ماعرفش اش يقول راه ميمتها و حنينتها تبكي عليها و تخلع عليها .. حس بيها زيرت عليه و زادت ببكاها

سناء"" كنت حاسة بيها انصير كنت حاسة

نصير"" عفاك حبيبتي

سناء"" قلبي صابح مقبوط عليا تيضرني و قولي ميمتي تزاد عليها الحال ..( شافت فيه) تديني عندها عفاك

نصير"" صباح و نمشيو امم صباح نديك

رجعت عنقاتو بجهدها و هو محاوطها مزير عليها كأنه تيجر المها و خلعتها .. قلبو تزير عليها و على مليكة و كلامها و توصياتها لي دخل ليه مع العقل

نصير"" عفاك باراك عليك حاولي شوية على روحك و على لي في كرشك .. توقع شي حاجة تقلق منك مليكة امم

سناء"" ( خاشية وجها وسط عنقو بصوت مخنوق) تتقولي نوحمك ابنيتي .. تتقولي نوحمك

زاد خشاها لعندو بقلب مدمر على حالتها تيدوز يديه عليها بحنية و تيطبع قبلات على راسها باش تهدن كلامها حسكو .. ماشي ساهلة عليها .. ماشي ساهلة

بقى عليها و معاها بالهداوة حتى نعست و هي وسط حضنه هزها للسرير حطها و مشى بدل عليه و جا تخشى جنبها جرها لعندو و عينيه ماتلاقت و لا شافت النعاس عينيه غي مع تلفون و مع الساعة تادقت .. ستة صباح ناض من جنبها توضى صلى و لبس عليه حوايجو و مشى وجد ليها لفطور و رجع يفيقها .. لقاها خارجة من الحمام قرب باس على شفايفها

نصير"" صباح الخير كي بقيتي عمري

سناء"" ( هزت يديها و كتافها غالباها لبكية ) الحمد لله

نصير""( تنهد و حرها لعندو باس على جبينها ) الحمد لله دائما

(عاود باس على راسها) لبسي عليك باش نمشيو

حركت راسها و مشات لبست جلابة دافية رمات عليها كاب لبست بوت و خرجت جلست جنبو شادة على خدها

نصير"" (مد ليها لحليب و نطق بهدوء) شربي باش ماتجيكش سخفة

سناء"" و الله ماقادة حبيبي غا خليني

نصير""( جر كرسي و قرب شد يديها باسهم و نطق ) يلا ماقدرتيش ماتخليش لي في كرشك بلاش الله يرضي عليك

شافت فيه مطولة تنهدت و هزات داك الكاس تتجغم منو و تحبس تا كملت هز داكشي من طبلة و خرج شد يديها و هز جاكيط في يديه و خرجو ..ركبو في طوموبيل و قصدو لكلينيك ..

داز داك الوقت و داك الطريق تقيييلة ماوصلت تاحست بقلبها غادي يحبس .. وقف بطوموبيل قدام الكلينك بلاصاها و نزل و دار فتح ليها لباب مد يديه ليها شافت فيه و عينيها مغرغرين و قلبها زاد تكرز شدت عليه نزلها و سد لباب و جرها لعندو و يديه ماطلقاتش عليها متوجهين لداخل و تتحس بركابي تيزيدو يخويو بيها .. تاوصلت لباب الغرفة مد يديه حل عليها و دخلات بانت ليها مزال ناعسة سبقوها دموعها من ديك كتيلة لي زادت نقصت و زادت تكمشت قربت تاوصلت جنبها قربت بشوية باست على جبينها مطووولة و بعدت شدت يديها تاهي باست عليها تاحست بيها زيرت عليها بجههههد

مليكة"" ( بصوت تقييل) بنيييتي جييتي

سناء""( عاود باست على راسها ) هانا مميتي جيت عندك جييت

مليكة""( تبسمت و حركت راسها باش تقرب غي قربت و دورت يديها معنقاهااا بجهههد كلام تقييل ومنخفض ) رااا ضية عليك بنيتي

سناء""( كبزت عليها و هنا زادو شهقاتها لي ماقدرتش تحبسهم) كنبغيك امي عفااك ماتخلينيش

مليكة""سكتي يابنتي سكتي مامزيانش ليك البكى ( زيرت عليها ) تهلاي في داك الصبي لي في كرشك بنيتي الله يرضي عليك

نصير""( قرب شوية شد من خصرها باش ماتزيدتش عليها ) سناء الله يرضي عليك

مليكة"" ( تتبسم و تتشوف فيهم بواحد شوووفة غريييييييبة و طويييييلة ) الصمت

سناء"" ( بصوت مقهور ) غا تولي لاباس امي و تخرجي و تحضري ليا لولادتي و توجدي ليا رفيسة ياك امي

مليكة"" ( تتشووووف فييها و تبسمت و تتحرك براسها ) الصمت

نصير""( شد من دراعها وهضر في ودنيها) سناء حاولي

سناء""( شافت فيه ) خليني خليني

عاودت قربت منها عنقتها و هي ماعرفاش اش تدير حسات براسها بغات تحضنها بغات تشم ريحتها بغات قربها و تجلس جنبها جلست بطرف على السرير و تكات ليها على يديها مليكة هزت يديها حطاتها على شعرها تدوز عليها يحركاااات تقييييلة و ديك ابتسااامة ماخطاتهاش و لا خطاااتها وعينيها مشرعيييييين بشكل غرييييب ..... نصير محاولش يقرب مزال و لا يوقفها جلس فوق فوطوي دار مرافقو على ركابيه مطلع بعينيه عليهم بزوج مدددة حتى مابقاش قاد منضرهم زعزع ليه القلب .. نزل براسو تيشوف في الارض ماحسش و ماوعاش تا طاحت دمعة على رجليه حط صباعو بين عينيه مدة عاد حلهم و عاودت تقاابل معاهم .... و ناض حل لباب و خرج جلس برا مقابل مع شومبر تيتراسل مع نوح دازت ساعة ساعتين وًهو في بلاصتو .. حتى دوز الخط و عينيه مع باب شومبر

نصير"" ختي

نوارة""( كانت مزال ناعسة جاوبت بلاما ترد بال للنمرة) نصير( قفزت بزربة تتخلط في هضرة ) ياك لاباس اش كاين نوح .. سناء .. مالك

نصير"" غابشوية عليك اختي ماتخلعيش .. ( عصر بين عينيه) واخة تشدي الطريق لفيرما الله يحفضك

نوارة""( بخوف) شكاين اخويا

نصير"" غا نصيفط سناء لفيرما و بغيتك تكوني معاها .. الواليدة حالتها صعيبة بزاف تحتاجاك ..

نوارة" ( دموع نزلو ) خالتي مليكة

نصير"" بغيتك تبقاي معاها و تكوني قريبة ليها الله يحفظك

نوارة""( بصوت مخنوق ) واخة اخويا انا شوية نخرج شوية نكون تما

قطع معاها و بانت ليه نجاة داخلة مع الباب تتزرب قرب باس على راسها و دخلو لداخل لقاواها مزال على حالتها قرب منها نصير شد عليها بحنية غا شافت فيه و حرك راسو باش ترخف و تنوض من جنبها ضارت لعندها لقاتها نعسات باست يديها و باست راسها و مشات لكتفها باستو تاهو و جرها لعندو معنقها و خاشيها في حضنو خرجها لبرا و علمها باش تمشي لفيرما و عشية ترجع لعندها وافقت بزز مابغاتش تفرق عليها و لا قدرت مشات مع نجاة و دارت بلي ترتاح .. و ترجع لعند ميمتها تاني

غا قطعت مع نصير و ناضت بزربة مافكرتش في رجلها ولا واش تتعرج ولا واش ضاراها اصلا .. عينيها تيتكبو بالدموع داكشي مخلط عندها لداخل نزلت لتحت لقات زهرة داخلة من السوق

نوارة"" ماما يوسف مشى شحال ساعة اصلا

زهرة"" بسم لله عليك ابنتي ياك لاباس

عاودت ليها اش كاين بضبط مخلطة شهقة و بكية نزلت فاطمة و عيطت ليوسف باش يجي يديها داكشي لي كان طلعت لبست حوايجها و جمعت صاك دارت فيه شي حويجات و نزلت لقات يوسف وصل و زهرة لبسات تاهي جلابتها واخة قالت ليها بلاش لكن قلبها ماطوعهاش بغات تاهي تمشي مع بنتها .. شدو طريق ديريكت للدكالة ....

_____بعد مرور ساعتان—-

تم داخل مع باب الكلينيك بعد ماكان خارج تيهضر مع نوح و شي دراري في خدمة توجه لشومبر ديال مليكة.. فتح الباب و بانت ليه فايقة تبسم ليها و بانت ليه هزات يديها توجه عندها بخطوات مزروبة شد عليها و تحنى عندها بحالا باغة تهضر او تقول شي كلمة

نصير"" هانا ميمتي بغيتي شي حاجة !!

مليكة""( زيرت ليه على يديه و لسااانها تقييييل ) سناا

نصير""( باس جبينها ) بغيتي تشوفيها عشية ترجع عندك

مليكة""( حلات فمها بشكل بطيئ و زادت زيرت على يديه ) ت تهلى فيها ولي دي

نصير"" ( بقلب مكسوور) رتاحي اميمتي رتاحي

حس بصبعها تيضرب عليه بشكل بطيئ نزل عينيه ليديها و عاود شاف فيها لقى عينيها تشرررعت عاود نزل بعينه لصبعها شد عليه

نصير""( قرب عندها ) اشهد

مليكة""( تبسمت) اشهد

نصير"" ان لا اله

مليكة"" لا اله الا اللللللل الله

و كانت اخر كلمة و اخر حرف و اخر جملة تخرجها .. و اخر شوفة و ..اخر نضرة و .. اخر توصياتها مشات الحنينة و هي شادة في يديه نزل براسو على يديها باس عليها مطول و عاود طلع لجبينها باس عليه تادمعة نزلت على عليها .. رجع شاف فيها مد يديه و دوزها على عينيها تا تسدت و فارقت الحياة و فارقت الدنيا فارقت ناسها و فارقت دارها فارقت بنيتها لي كانت متمنية يطول ليها العمر و تشوف وليداتها و تشوفهم تيلعبو في دارها ووسط محالها .. لكن العمر اقتدى و مشات بلاما تشوفهم...

بقى بيديه عليها مدة و عينيه .. عينيه ماقدروش يحبسو من دموع .. و هو تيفكر في كلامها و تيفكر فديك الحنينة لي تتسنى منو خبر و تتسنى لوقت لي يجي يديها لعندها .. عاود باس على يديها من كفها و رجع لجبينها باس عليه و نطق حدا ودنيها

نصير"" ان لله و ان اليه راجعون .. الله يرحمك ميمتي ...

تحل لباب و دخلات طوموبيل غا حبس و هي تحل لباب و بغات معاقرة باش توقف تاحست بيوسف شدها و ووقفها و تم داخلين لداخل و تسمعت الغووووووتة بجهددد تا قلبها تهز خلاتها تنسى وجعها دخلت بزربة لقاتها بين يدين نجاة شادة تلفون بديها تلفون تتبكي

سناء"" ( طاحت على ركابيها بقهرة )و قولي انصير كيفاش قلبها توقف ماتت ياااك غا قول لي ماتت ميمتي

نوارة""( تحنات دموعها يجريو ) سناء ( شدت تلفون ) نصير ( عضت على فمها بجههد بقهرة ) صافي اخويا صافي

سناء""( تتشوف فيها ) ماتت ياكي

نوارة""( جرتها لعندها ) الله يرحمها اختي الله يرحمها

سناء"" و ااااامي واااحبيبتي و اميييي

نجاة""( عنقتها ) عايش بنيتي حاولي على راسك

سناء""( ناضت ) بغيت نمشي لمحال ميمتي بغيت نمشي نشوف غاتجي ياكو غاتجي

نوارة""( شدت في وجهها ) سناء سناااء الله يهديك ( بقهرة ) ميمتك اه ولكن هي ماتبغيش هاد الحالة الله يعطيك الستر

سناء"" ( تلاحت في حضنها) و راااه مي ميمتي اختي ميمتي هي لي عندي اختي هي لي عندي ماتخلنيش بوحدي

فراق يالفراق .. بالخصوص فراق الواليدين صعيب صعيب .. احساس صعيب توصفو و صعيب تهضر عليه فما بالك بيها هي لي ولات يتيمة لا حنين لا رحيم .. مشات عليها الحنينة لي حلات عليها عينيها و تمرت و تمحنت ركبت وشقات على وديتها مشات لي تحط عليها الراس و تبكي تحط عليها الراس و تعاود ليها حلوة و مرة ....

بقات معاها و هي وسط حضنها حتى وقفتها باش يمشيو محالهم خرجتها بشوية ركبو مع يوسف و مشاو لمحال ديالها كان الناس بداو يجيو و الرجال تطلعو الخزاين نزلت و تتشوف تيجيو عزايا يعزيوها و هي مرفوعة لا صوت لا كلمة غا دموع تينزلو و ه تتشوف جنازة ميمتها واقفة مشات بيها نوارة لقدام الباب بغات تجلسها و متانعات

سناء"" ندخل لبيت ميمتي

خلاتها على خاطرها و دخلتها لداخل و لبيت ميمتها بضبط فتحات داك لباب و عطاتها ريحة ميمتها تبسمت و هي تتشوف جليلباتها معلقين بيجامتها مطوين على جنب مشات بيها رجليها لبلاصتها و تكات خدات بيجامة من جنبها و جابتها لنيفها تتشم عليها

سناء"" قلتي ليا امي غا نوحمك ياكي و مشيتي بلا ما توحميني قلتي ليا بالفرحة عليا نشوف ولادك تيجريو لي محالي .. و كعما غا تشوفيهم اميمتي

نوارة" (جلست جنبها) تشوفهم في الجنة اختي

سناء"" ( شافت فيها ) كنت حاسة ماغانعاودتش نشوف ميمتي كنت حاسة

نوارة""( قربت عنقتها دموع مابغاو يحبسو ليها ) عفااك اختي صبري صبري صبري

بقات عليها و معاها حتى تهدنت شوية و حاولت تخرجها لبرى و قالت ليها يجيو العزايا غايبغيو يعزيوك عاد خرجت جابو ليها كرسي وريحت قدام الدار الدار عمرت الخزاين عمرو كولشي تيتسنى باش يجيبوها ناضت نوارة من جنبها و هضرات مع نصير و علمها بلي تيوجد وراق الخروج و بلي غايجيبوها مع العصر باش تدفن رجعت جنبها معنقاها بين احضانها و دموع ماحبسوش و لا قدرو يرتاحو ......

نهار لي كاع تنخافو منو كاع تنبقاو نتخيلو ان ميمتنا تمشي و تخوي علينا هاهو وصل .. وصل عند سناء و هي تتشوف ميمتها جاية في نقل اموات وقفت بزربة و زادو دموعها تينزلو بغزاااارة و تردد بالسانها

سناء"" مي مي مي جات جات انوارة جات

نوارة"( شاداها من خصرها حيث تتحس بيها مابقاش ليها بزاف و تنهار) بشوية عليك حبيبتي بشوية

وقفت سيارة نقل اموات قدام الدار و وقفت طوموبيل نصير لي غا شافتو و هي تبدا تبكي و تبكي بصوت لي كان حابس ليها من مدة.. جات نجاة قربت منها و شدت عليها من جهة لاخرى

اما هو غا وصل و نزل و عينيه تيقلبو عليها تا بانت ليه محاوطينها سد طوموبيل و تمشى لعندها .. غا وصل و طلقوها نزلت من ديك دريجات و قربت منو

سناء"" ( بصوت مرتفع شوية ) جايبها ليا في الكفن انصير

نصير""( شد على يديها و جرها شوية لعندو تاتلاحت في حضنو حاوطها و حاجة وحدة تتردد على لسانو ) الله يصبرك احبيبتي الله يصبرك

تم ماشي معاها دقة دقة تاوصلت لسيارة نقل اموات فتحو ليها الباب و عاونها طلعات و طلع تاهو معاها حيث ركابي والو خاوين و زادو خواو من شافتها وسط الكفن .. قربت لوجهها و عرا عليها على وجهها وقرب لودنها

نصير"" دعي معاها ماتبكيش في ودنيها روحي صبري

سناء"" ( و قربت باست على جبييينها مطووووولة ) الله يرحمك ميمتي الله يرحمك الحنينة ديالي

شد عليها و نزل وعاونها نزلت تسد لباب و و تسد الحنان ميمتها عليها قربت نوارة و نجاة شدو عليها و هو عينيه غي معاها ماتحملش و ماقدرتش يزيد يتحمل و هي في ديك الحالة زادت نقل اموات خارجة و هو مزال يديه عليها تاحس بيها تطييييح و عينيها تشرعوووو بجههد و ه حاضية ميمتها غاااااادية

سناااء"" وااااااا ميييييي فين غااادية ( غوتت غوتة وحدة ) واااااااااااااااااااااع

تاكانت طايحة و جا هو بزربة رفعها بين يديه و دخلها لداخل لبيت و معاها نوارة و نجاة

نصير"" ( تيضرب على وجهها ) سنااء

نوارة"" ( تحنات تتبكي ) ماتخافش اخويا ماتخافش غي سير

نصير"" ( ناض و قلبو غادي يحبس ) ردي ليها البال اختي

خرج بزربة و طلع في طوموبيل ديالو و ديمارا و تبع السيارة النقل الاموات تبع نسيبتو و ميمتو تانية كيما تيقول ليها... و لي ماتت و هي ترضي عليه ...

الليل طاح جالسين برا نجاة و زهرة و سناء متكية على نوارة و عينيها مغمضة الجنازة قايمة تيوجدو العشاء

نجاة"" نوضي ابنيتي دخلي داخل من البرد

سناء""( جاوبت و هي مزال مغمضة عينيها )بلاش اخالتي غا خليني

زهرة"" الله يرزقك الصبر ابنتي هادشي لي نقدرو نقولو ليك الله يصبرك

سناء""اميين اميين دعي معايا اخالتي دعي معايا

سمعت صوتو قريب و هي تحل عينيها باللهفة بان ليها جاي اتجاها و تيهضر مع العربي شاف في نوارة و حرك راسو فهماتو و ناضت من بلاصتها و جا جلس جنبها

نصير""( شد على يديها و نطق بشوية ) تقدري تنوضي شوية

حركت راسها و ناضت بشوية شادة عليه بعدو شوية مشاو تحت الشجرة و قاد ليها الكرسي و جلست و جلس جنبها شاد على يديها تيدوز اطراف صباعو عليها

نصير"" كي بقيتي حبيبتي

سناء"" ( نزلت دميعة تجري ) الحمد لله ماعندي ماندير خوات محالها انصير

نصير""( مسح على دمعتها بحنية ) مانقدرش نقول شي حاجة من غير الله يصبرك ماشي ساهل عليك تدفني ميمتك الحمد لله حنا باغينها ربي بغاها و داها

سناء"" ( تتشوف فيه )الحمد لله الحمد لله

نصير""(ناض و تحنى قفازي فهمها و فهم شوفاتها مسح على دمعتها و قرب منها و تلاحت في حضنو تتبكي و تزيد هز يديه تيدوزها على ضهرها بحنية ) بكي حبيبتي بكي

سناء"" صعيب هادشي لي تنحسو صعيب

نصير"" الله يصبرك ليا

بقات معنقاه و ماملتش و ماعياتش حاسة براسها باغة حضنو و باغة مواساتو حتى حست براسها رتاحت شوية و بعدت تتمسح على دموعها

نصير"" ( باس على يديها ) كليتي شي حاجة

سناء"" جابت ليا خالتي قبيلة

نصير""( بحنية) ميمتك تتوصي و تعاود على لي في كرشك ماتهمليش راسك امم

سناء"" ( شواربها تيترعدو ) كانت بغات تحضر معايا انصير

نصير""( مسح على خدها) شش خلاص يااا سناء ربي تيدير لي فيها الخير .. موتها راحة ليها مسكينة كانت تتقاوم لكن عيات و مابقات قادة ربي رحمها بموتها .. كاع ماسخيناش بيها ولكن ربي باغيها امم

سناء"" و نعمة بالله الله يرحمها ياربي

نصير"" اميين اميين

قاطعو اتصال جبد تلفون ديالو شاف نمرة و عاود شاف فيها ونطق

نصير"" نوح غادي يكون برا يلا نديك حدا صاحبتك

حركت راسها و داها جلست جنب نوارة و تخشات تاني وسط حضنها و مشى هو للبرا بقات مراقباه تا درگ عليها

سناء"" ( هزات عينيها فيها) كي بقات رجليك نتي شوية

نوارة"" شكون حاس بيها و لا عرفها كيف بقات

سناء""( نعتت بعينيها ) ها لي يحس بيها وصل

دورت عينيها لفين نعتت و بان ليها ... ايه بعد مرار و بعد الوقت و نهارات مٌرة لي دوزت بان تاني و خلى قلبها يتخربق .. بان تاني بوسامتو و بكتلتو و هي مشتتة و معمرة العين و الموفية مغرومة و زادت بغرامها ليه بالباس الاسود كسواد الليل كيتمشى جنب صاحبو و بخطوات تقيلة خاشي يد في الجيب و اليد تينتر من الكارو تيقرب و عينيها تتزيد تعمر بالدموع و قلبها تيزيد يخفق بجهههد كتر ماهو تيخفق.....

تيقرب بخطواتو و هي تتزيد تزير عينيها بداو يرمشو بزربة نزلات عينيها و عاود طلعاتهم عرفاتو جاي قاصد فين هي و باحر جاي يعزي سناء بغات تنوض حيث ماقدراش تشوف في عينيه تالقات يد سناء شادة عليها و عاودت جلست .. تا وقف قدامهم و ريحتو ضربات ليها في قاع نيفها مخليها تتشوف غا من تحت صباطو تاسمعت صوتو الخشن لي مغلغل ليها وسط الدماغ ...

نوح"" السلام عليكم ( قرب باس لزهرة راسها ) اش خبارك الواليدة

زهرة"" لاباس اوليدي الله يرضي عليك

نوح""(قرب سلم على نجاة تاهي باس على راسها ) الواليدة باراكة في راسك

نجاة"" مامشى معاك باس وليدي .. كي درتي مع الطريق كون تمحنتي

نوح""الحمد لله قدي (شاف في سناء مد يديه نطق ) ختي باراكة في راسك .. عظم الله اجركم

سناء"" مامشى معاك باس خويا

نوح"" الله يرحمها و يرزقك الصبر اختي

حركت راسها طلق منها و ضارت عينيه ليها تيشوووف مطول بديك ملامح متوحشها و زاد بوحشو وجه الدابل و طافي ضعافت و تحت عينيها ولاو كحلين هز يديه و مدها ليها .. هي عينيها ماقدرتش تهزهم ولا قدرت مجرد ماشافت يديه تمدت ليها بداو دموع ينزلو عيات و عياااات تحبسهم و مابغاتش تبين ضعفها و لا بغات .. لكن خانوها .. طلعاات عينيها بشويييية تاستقرو في عينيه .. يااا وشحال توحشت ديك شوفة و دوك ملامح الحرشة و دوك عينين من تيترخاو .. هزت يديها و حطتها وسط يديه دافية ..

نوح"" ( بهدوء و عينيه مرخية فيها بشكل فضيييع) براكة في راسك

نوارة""( حركت راسها) مامشى معاك باس

جر يديه من عليها و دور وجهو شاف في نصير لي درعو و مشاو مخلين عينيها غايطيحو معاه و زادت بدمعات لي تينزلو وحدة ورا وحدة نزلت عينيها تتفرك في ديك ليد لي قبطت ليها ماوعات تا هزتها لنيفها مغمضة عينيها و دموع تينزلو بغزارة .. حست بيدين سناء ضارو عليها وحدة تكات على وحدة ..

مشاو جلسو برات الخزانة جبد الكارو تيشعل فيه تا وقف عليه يوسف خبط ليه على كتفو غا شافو و ناض سلم عليها بسلام رجولي و جلس جنبهم

يوسف"" على سلامتك

نوح"" الله يسلمك اخويا نتا امور هانية

يوسف"" الحمد لله مزيان

نوح""( دور عينيه ليها لي جالسة قبالتو نطق ) هي ؟؟

يوسف"" شفتي كولشي ( يعني وجهها يبين ليك)

نوح""( عينين عليها و الكلام ليه ) رجليها ؟؟

يوسف"" ( شعل كارو نتر منو )كانو تيسيقو و زلقت

نوح"" ( مزال عينيه عليها مدوز يديه على لحيته ) بالحفى ؟؟

تلفت و حسات بضعقة و زادت رجليها عطاتها الحريق ماعطاتهاش الراحة و عطاتها الدق ليوم بزايد.. شافت في سناء و نطقت

نوارة"" نمشي نجيب الصاك ديالي ناخد الدوا لحريق

حركت ليها راسها و ناضت تتعرج و تعكل في خطواتها غادية بشوية .. بشوية تاقربت ليهم فين جالسين و تسمع صوتها و هي تتنادي لخوها صدقو هزو عينيهم بزوج واحد بالخوف و العشق لصوتها واحد باستفسار منها ..

يوسف""( ناض قرب) مالك

نوارة"" بغيت غي سوارت نجيب صاكي ناخد دواء رجلي عطيتها دق و صدقت ناضت عليا

يوسف"" سيري تريحي انا نمشي

نوارة"" غا خليك نمشي راسي

حرك راسو باش تمشي و هو يمشي مخليها واقفة بالتلفة ماعرفت تزيد و لا ترجع و لا تسناه كحزت شوية مبعدة على خزانة الرجال مربعة يديها و ضورت عينيها بلاما تبين لبلاصتو لقاتو مكاينش نزلت عينيها بقهرة مخلية عينيها تاني يطيحو دموعهم .. حست بلي بصح ناوي فراقها و ناوي يبعد ... هزات يديها تتمسح على عينيها و هي مزال منزلة براسها محاولة انها متبينش دموعها .. حتى تتشوف صباطو قدامها .. تمت مطلعة بشوفاتها بشوية و هي طالعة تا وصلت لملامحو و عاودت نزلت ليديه لي ممدودة .. بمرهم على حساب رجليها

نوح"" مايكون باس عندك

نوارة"" ( حارت ماعرفت واش تشد ولا ترفض ..شافت تاعيات و خداتو) لهلا يوريك باس شكرا

نوح"" ( دور عينيه للارجاء و عاود شاف فيها مطوووول لعينيها ) حاولي على روحك

نوارة"" (نزلت عينيها و عاودت شافت فيه) غ غي زلقت و (تلفت ليها الهضرة صدقت ساكتة منزلة عينيها) الصمت

نوح""(خشى يديه في جيب و زاد حداها مفرق رجليه برجولة نطق بهدوء و عينيه واااخدة راحتها ) على لاقل ردي بال لراسك ( زاد شوية بوجهو و كمل) ماتعكسيش في كولشي (خفض صوتو ) اتبقاي ديما طيحي!!

نطق كلامو و نزل براسو وزاد مخليها طاحت ..اه طاحت في عشقو و مزال تاتزيد تطيح وتطيح .. هادشي غي مازايد تيمرمدها و يكرفص قلبها .. و هنا زادت تأكدت مزيان ماقدرتش يبقى و مقدرش يزيد يطول كلامو.. ماكرهتش كون زاد طول هضرتو و ماكرهتش يعاتبها .. ماكرهتش يخاصم عليها .. ماكرهتش يغوت عليها و يخنزر فيها بالخوف... نزلت عينيها لداك المرهم و عاودت هزات عينيها و راه تيبعد و تيمشي .. مخلي قلبها غادي يسكت بكترة نغيز لي تينغز فيها .. حست بيوسف جاي مسحت على دموعها و قربت خدات منو صاك و تمات غادية تتعرج و تتبكي هاد دموع لي مابغاو يحبسو و لا ينشفو ... عيات و عيات بالمعقول هادشي لي دارت كرفصها بالمعقول جابتها غافي راسها و في قلبها بالخصوص من عاشقاه تالهاد درجة علاش محنتيه و محنتي راسك ...

دارت دوا بالاخص المرهم لي دارتو و دموعها تينزلو معاه لبست عليها جاكيط ديالتها و خرجت جلست حدا سناء حاطة عليها الراس .. داز العشاء و دخلو لداخل تكاو في البيت بقاو تيهضرو تاداتهم عينيهم ..

اول مافاقت و حلات عينيها حسات بيد تدوز على شعرها بحنية ناضت قافزة

نصير""( باس عليها ) بسم لله عليك غي انا

سناء""( شافت فيه و تكعدت معنقاه ) نصير

نصير""( جرها لعندو محاوطها ) هاني معاك العمر معاك

سناء""( مخشية فيه بحال بنت صغيرة ) مولفة تفيقني هي .. هي

نصير""( بحنية) كتسنى منك الدعاء ماشي البكى احبيبتي صبري صبري

سناء"" ياربي ترحمك اميمتي ياربي ترحمك

بقات شحاال و هي وسط احضانو لي مصبحة عليهم لي اول ما شاف نوارة خرجات برا سول عليها و دخل عندها لفين ناعسة شحال وهو معاها مراقبها .. ضراتو و طعناتو في قلبو وسط عينيه غير مليكة و هي تتوصي فيه عليها.. شد وجها بين يديه و طبع قبلة على ثغرها مطول حط جبهتو على جبهتها ونطق بخوفت

نصير"" بلاصة ميمتك عمر شي حد يعمرها .. حاجة وحيدة لي نقدر نقولك و كنتمنى نقد بيها هو انا مك و انا باك و كولشي عمرني نفوتك عمري

سناء""( عنقاتو خاشية وجها في عنقو دموع نازلين على حنانتو و كلامو ) الله يخليك ليا حبيبي الله يخليك ليا

ولابد من تقبل و لابد ما نصبرو راسنا بزز علينا على قدر الله .. بقى عليها حتى جمعت قواها و عاونها ناضت و خرجو برا معاونها لقاو مصايبين ليهم طبلة تحت الشجيرة فيها نجاة و نوارة جر ليها كرسي و جلست و ناضت نجاة باست ليها على راسها

نجاة"" كي صبحتي بنيتي شوية

سناء"" الحمدلله اخالتي قدر الله

نصير""( تحنى عندها) نمشي لعند رجال تحتاجي شي حاجة عيطي ليا

حركت راسها و شافت في نوارة لي شادة على راسها بتعب

سناء"" فين خالتي زهرة

نوارة"" (هزت رجليها فوق كرسي مغمضة عينيها) مشاو صباح بكري يوسف خدام راكي عارفة

سناء"" كون يجلسو غي العشاء بعدا

نوارة""( شدت يديها بحنية ) ماعليش احبيبتي راكي عارفة خدمة يوسف

جلست تدور في عينيها من هنا لهنا و عينيها واش باغة تشوف و علامن تتقلب باينة و مبينة .. حسات بسناء زيرت عليها غي شافت فيها و نطقت

سناء"" مكاينش غير بلاما تقلبي

نوارة"" ( تبسمت و نزلت عينيها) اودي...

سناء"" غي تعشى و مشى لفيرما هو نصير باتو تما و صباح مشى في حالو .. اصلا جا لجنازة نيشان عيان

نوارة"" الله يعاونو ( نزلت دمعة بالخف مسحتها ) اصلا ماتنقلبش عليه غي

سناء""( تكات عليها مقاطعاها) بلاما تبرري كولشي باين وواضح

يتبع...