محتوى القصة
من بعد مادخلات لدار و داك استقبال لي سبقوه ليها وفرحتها بجو جلست جنبهم في طبلة كسكروط و تكات براسها على كتف الجد
زهرة"" نوضي كولي بعدا
نوارة"" ( شدات يديه تتبوس فيها) حنيني بنتك غارت
زهرة"" ( ضحكت) يابنتي من نهار رجعتي وهو وجه مبشور
نوارة"( باسته من تجاعيد جبينه) حبيبي
الجد""( دور يديه خاشيها فيه) نويورتي بنيتي مولفها من كانت صغييورة هي عويناتي
نوارة" الله يطول لينا عمرك حبيبنا
زهرة"( مدت ليها كاس اتاي) خودي بعدا سخني كرشك شوية اتجي نقاشة باش تنقشي
سمعو زغاريت داخلة مع لباب كلهم دارو تيشوفو شكون داخل لي غي شافتها و ناضت تتبسم قربت عندها سلمت عليها
نوارة" شيماء اش خبارك امتى جيتي
شيماء"" ( سلمت عليها و شدت على كتفها) عاد وصلت دابة شوية اش خبارك ( تبسمت) مبروك عليك حبي
رقية""( دخلات من لباب هازة معدات ديال الحنة) اهلا شيماء ( قربت سلمت عليها) على سلامتك
شيماء"" الله يسلمك اعمتي (مشات سلمت على لبقية و جلست )
نوارة" مزال في داك لكلينيك
شيماء"" ( تبسمت) ربي جاب الفرج قدامك قدام رباح ( بفرح) غانخدم هنا قريب
رقية"" ايوا على سلااااامتك ابنتي كنتي محنة بداك كرا و داك مراكب
شيماء"" ( بأسف) وييه تمحنت مانكذبش عليك وصلات بيا للعضم ( تنهدت) لي تنصورو تديه ليا سعيد و بديعة
الجد"" صبري ابنيتي الله يعفو عليهم و يهديهم
نوارة"" دابة يفرجها الله
بقاو مجمعات عيالاات على طبلة غي قولها و ضحك عليها الجد خرج للجامع نزلات فاطمة وجهها مزنك سلمت على شيماء و جلست
نوارة"" ( غالباها ضحكة) هاهي جات امضرا
فاطمة""( هزات كاس لماء تتشرب) اسكتي القلب ايسكت غي هربت ليه
رقية"" و مالك دايرة داك زيف هاكاك بحال نينجا
زهرة"" حيدي نشوف اش خالعك
نوارة"" وااشحال خوافة راه مامحيدتش غي تشقير وصافي
شيماء"" بسيف اختي هههه راه يوسف عدوه تقيس حاجبها ولا تنقص منهم تعقلو نهار حيديته بلا خبارو اش دار لينا كاملين
فاطمةة"" وراه داكشي مناش خفت تاني
رقية""ماتعرفيش تحلوني عليه رجال دغيا تيسيحو و ينسى
زهرة"" ( ناضت) نوضو تكعدو جمعو طبلة ووجدو صالون للحناء
رقية"" هاحنا نايضين غي رتاحي
نوارة"( هزات تلفونها ناضت) انا لفوق فين نحني هنا ولا لفوق
فاطمة"" هنا هنا في صالون راه اتلقاي جوهرة لبسيها
نوارة"" ( غادية متوجهة لباب) واخة يرضي عليك
هزات تلفونها تتشوف مزال ميساجها ماوصلهش عرفاته باقي ماسالاش صونات ليه و تلفون مشغول دخلات لبيتها و دوزت الخط لسناء
نوارة"" صلاااة و السلام على رسول لله ، الف مبروك حبينو
سناء""( كانت جالسة معاهم ) الله يبارك فيك اختي
نوارة" اممم وانا نفهم كاينة معاهم ، ايوا خلي تاتسالي و نهضرو احبي عارفاك تتحشمي
سناء"" ( تبسمت)ايه واخة
قطعت معاها و مشات لميسااجات كتبت ليه تاني
""نوح ماتزيدتش شطنتي عليك يوصلك ميساج ديالي طمئني عليك ❤️""
شافته وصله و هي تبسمت حطات تلفون و ناضت مشات الحمام قدات حاجتها و رجعت شافت قفطان و حداه بواطة اكسسوارات لبست قفيطين لي كان في لون الذهبي حيدت زيف طلقات شعرها مشطاته و جمعات خصلات من جناب دارت ميكاب خفيف و دارت خيط الريح ولبسات بليغة لي كانت في نفس اللون دارت سميطة ديالها و مشات هزات تلفون رادة بالها مع مساجات لي باقين كيما هو مازال ماقراهمش يلا تصوني و دخلات عليها فاطمة
فاطمة"" ساليتي ( تبسمت) ماشاءالله لي لبستيها تتواتيك
نوارة"" شكرا حبي
فاطمة"" كيف جاك عجبك ، حطيتو شحال هادي كنت متأكدة غايجي نهار لي تلبسيه فيه
نوارة"" زوين عارفة دوقك ( قربت عنقتها) مرات خويا الحبيبة ( باستها) يلا سيري لبسي قفطانك تانتي
فاطمة"" يوسف مزال لفوق
نوارة"" ونااااري فقصتيني ( تبسمت) تسناي ( مشات لماريو جبدت واحد غوب كانت مغطية ببلاستيك ) تعقلي عليها هههه
فاطمة""( حطت يديها على فمها) هههه شكون ينسى تخاطرنا باش ندخلو نشوفوها تاصدقنا واخدينها وخارجين
نوارة"" ولكن راه مثييييييرة بزاااف ( غمزت ليها) استغلي فرصة و لبسيها ليه ليوم
فاطمة""" اويلي اختي راه مزال تنحشم منو في هادشي ماتنقدرش نزعم عليه
نوارة""( شافت فيها شوفة من نيتك) ديك لي بلزتو قداها قداش ماكنتيش تتحشمي (لاحتها عليها تاجات في وجهها)
فاطمة"" ( شدتها)زمر راه معرية بزاف و انا مامولفاش نلبس بحال هاكة
نوارة"" ( تقابلت مع مرايا ) فرصتك تبيني ( شافت فيها) راك مبدلة لوك كامل و زدتي غلاضيتي و خرجت ليك ترمة تجيك بومبا سيري لبسي قفطانك و اجي ندير لي ميكاب باش من تسالي تلقاي راسك دايراه( غمزتها) تبقى ليك غي لبسة
متكي براسه على كوسان عيونه مغمضة و كاسكيط نازلة على عينه تيتنفس بجهد و العروقات نازلة على ملامحه سمع دقان في زاج حل عينه بشوية و دار ببطئ منزل زاج
مراد""( الشرطي تحنى عنده بشوية بشطنة) شاف ياكما مقصح بزاف
نوح""( حرك غي عينه لي مركزين قدامه) الصمت
مراد"" (شاف جرحة جنب حاجبه و حنى عينه على كتفه لي شاد عليها يديه تتقطر ) جرحك غارق مايمكنش هاد دمايات كاملة
نوح"" ( دور راسه و حمر فيه) اش درتو معاه
مراد"" من تيريتي فيه ديك ساع طاح ( كيشوف في ارجاء) كنتسناو لومبيلونص باش نديوه
نوح""( نعت بعينيه) علم دراري و طلع نتحركو
مراد"" ( بتحية) هي لولى الشاف
رجع تكى براسه على كوسان و يديه مدها لجيبه جبد تلفون جابه قدامه بان ليه مساج ديالها مادخلش ليه ومشى دوز مكالمة لنصير
""نصير"" واا ز*** ي خليتي القرود تيشطحو في مخي ،( سااط بجهد) امور مزيانة
نوح"" ( غمض عينيه و زفر بجهد و نطق ) مزيان مزيان
نصير"" قالو ليا تضربتي اصحبي
نوح"" ( غوبش)عنداك از** يسمعك شي حد
نصير"" ( زاد بعد و ملامح وجه زادت شطنة) لا انا برى قوليا واش مقصح بزاف
نوح"" ( مغمض عينه و راسه متكي بيه) ماشي بزاف درت غلط و تحملت عواقبه
نصير"" قلت ليك الق*** نمشي معاك
نوح"" ( بصوت خشن) مريض لا
نصير"" معاياش تجي
نوح"" ( تنهد تنهيدة طويلة بالم) ناخد حوايجي و نجي نقطع طيارة مقاد على تران
نصير"" للرباط ديريكت ولا تجي لهنا عاد تمشي
نوح"" ( عض عل فكه و جبهته تتصبب بالعرق) مابغيت يشوفني حد بهاد لحالة
نصير"" قطع للكازا انا نجي عندك للمطار نديك لدار تريح عاد نشدو الطريق
نوح"" ( بصوت عيان)سير الله يعاون
قطع معاه و طلع مراد كسيرا متوجين اقرب كلينيك لي مكانش بعيد بزاف وصلو و نزل مراد فتح لباب ونزل شاد على كتفه دخلو لداخل عند طبيب قلب ليه الجرحة لقاها مزگة و غارقة
الطبيب"" ( شاف فيه ) ضربة غارقة بزاف يعني ترشگت الجنوية عاد تعوجت
مراد""( قرب جنبه مربع يديه و عاود شاف فيه) يعني ؟؟
الطبيب"" خاصنا نديرو شي اجراءات نشوفوهم هوما لولين
مراد"" قدي ادكتور ( قرب لنوح لي مغمض عينه شاد باليد تانية على جبينه نطق بشوية) الشاف اصبر معانا شوية
نوح"" (حل عينه زفر بضيق ماحملش كترة لغى و لا حس شي تعطال بغى غي امتى يرجع فحالو شاف في طبيب) يلا كان ممكن تسربيني
الطبيب""( حرك راسه ) غي تهنى ليلة تبات في دارك غي ضروري من فحص تام
خرج طبيب و جات ممرضة عقمت جرحة لي فوق حاجبه وعاوناته حيد جاكيط وطلعت ليه تشورط فوق كتفو و عقمت ليه جرح دخل طبيب و بداو الفحص و هو بدون تعابير فقط عيونه مركزة قدامه مرة مرة تتقرب تسد بكل ماتتدخل لبرا و تخرج و صورتها تتجي بين عينه كأنه تيتبث نفسه واخة دارو ليه بنج ماشدتش فيه من كترة تمزاگ لي تمزگ مدة و هوما على نفس الوضع تاحس بطبيب بعد طلع عينه عنده و جات ممرضة تتقاد ليه بانضة على دراعو باش مايحركش دراعه
نوح"" نقدر نمشي في حالي دابة
الطبيب"" غي شوية وقت و تمشي
مراد"" شنو بان في جرحة
الطبيب"" الحمد لله ماتقاسش كنا شاكين في عصبة تقطعت لكن غي مقيوسة ويخصها راحة تاااامة ماتجهدش عليها
مراد"" ( مد يديه)شكرا ادكتور
نوح""( شاف في مراد) زيد عاوني نلبس
جا قرب منه حيد تجاكيط ديالته و لاحها عليه من فوق و خرج كمل اجراءات لي عليه و رجع عنده لقاها قدام لباب يلا يحلو
مراد""( جنبه) كولشي مزيان غايشدو طريق لكازا
نوح"" سير نتا معاهم انا نمشي في طيارة
مراد"" ( وصل حل ليه لباب طوموبيل)نبقى معاك الشاف
نوح"" ( شاف فيه عاقد حواجبه) غير سير معاهم نهار الاثنين نجي نشوف داك داكشي
مراد""واخة الشاف لي بان ليك
طلع و كسيرا مراد وقت قليل تا قدام لوطيل نزل وتوجه لغرفة ديالو ريح بتعب فوق فوطوي رامي راسه لوراء مغمض عينيه و العرق متصبصب على جبينه و تينزل مع جناب بكترة سخانة و الحريق لي شدو جبد تلفونه وبان ليه ميساج ديالها مزال معلق دخل ليه و جاوبها
""يلا كنتي بيخير حبيبي راني بيخير""
طلعات بسلتة و يديها تترعد بديك غوب لي في يديها خايفة يحصلها زيرو زعامة عندها واخة 5 سنين زواج باقة تتحشم منه لدابة بالخصووص في هاد مسائل حميمية حلات لباب و دخلات بان ليها مشعل تلفزيون تيتفرج و تيكمي غي لمح ليها داخلة و هو يعيط لها ردات غوب على جنب
يوسف"" ( نزل عينه ليديها و طلعها لعندا) فين بنتك
فاطمة"" لتحت مع رقية
يوسف""( باقين عينه تيدورو عليها مافهمش مالها ) مالك
فاطمة""( تبسمت) ماماليش نمشي نلبس عليا و نزل ااتجي نقاشة
يوسف""( بخ من فمه و حرك راسو ) الصمت ( شافها دخلات لبيت و نطق ) من تنزلي جيبي لي شي كاس اتاي
فاطمة"" واخة نسالي و نهبط نعمر ليك كويس
مشات لبسات قفطين جوهرة كان اسود دارت ليه حزام دياله و خرجت لقاته مكاينش الحس في حمام نزلات دغيا دخلت عند نوارة
فاطمة"" ( قربت عندها) ديري ليا ميكاب يكون خفيف ماشي قوي
نوارة""( شافت فيها) قربي قربي يااخويتي وتاك كحل البَّيْضة
فاطمة"" ديري ليا خليني نزل نعمر ليوسف اتاي تيتسنى
نوارة" ( تبسمت) واخة ازين ديال خويا
قادت ليها ميكاب خفيف و ركزت ليها على عويناتها و لونهم جاها تيحمق دارت ليه عكر احمر ماط گلوز زدها اثارة طلقات ليها شعرها على راحته مع طويل واصل لخصرها وداك لوين لي دخلت مع لون شعرها جاها تيهبل بعدت عليا تتصفر
نوارة"" ما شالله على مرت خويا تبارك الله
فاطمة"" جيت زوينة
نوارة""( شدتها من يديها و دورتها للمرايا) شوفي يالحبيبة شوفي
فاطمة"( حلات فمها كانت اول مرة تشوف لون شعرها وداك ميكاب بارز ) ياااا ختي غي تهملو راسها مزيناتنا ههه
نوارة"" ( دفعتها )يلا سيري وجدي لخويا اتاي ماعرت يشربو ولا يشربك نتي
فاطمة"" ( تبسمت عاجبها الحال) نمشي نمشي
نزلات لتحت لقات رقية تتعمر اتاي هزات براد صغير قداتو في بلاطو
رقية"" اي هاي مزيناتها عروسة جاك شعر زين
فاطمة"" ( بخجل )بصح هي انعجبو
رقية""( تبسمت وحركت راسها) نتي اصلا عاجباه ماشي عاد سيري قبل لا يبرد داك كاس
خشات قفطان في سمطة معلياه لا تصدق مكركبة في دروج هزات صينية و طلعات لقات نوارة في دروج
نوارة" عندك يشدك تما نزلي ، جات نقاشة ولا مزاال
فاطمة"" ماعرت مارديتش لبال غا سيري انا نجي
نزلات نوارة وفاطمة كملت طلعتها دفعات لباب برجليها بشوية و تمات داخلة كان متكي بضهره و حاني عينه في تلفون بان ليه خيال جنبه و تم مطلع عينه بشوية من تحت و هو طالع و عينه تيزيدو يوساعو وصلات جنبه تحنات حطات بلاطو فوق طبلة و شعرها نزل معاها طلعت عينها فيه رامية شعرها وراها و ابتسامتها مبينة
يوسف""( صغر عينيه تاحواجبه تگرنو و هو مزال يطلع و ينزل هز يديه و مدها لها) قربي قربي
فاطمة""( جاب لها ضحكة بشوفاته قربت شوية شدات يديه جرها بشوية جات فوق رجليه ) مالك على هاد شوفات احبيبي
يوسف""( شد دقنها و قربها مزيان حار فين يشوف واش عينها ولا شفايفها و لاشعرها ولا حواجبها حس بلسانه تقال تلفاتو قرب بين خدها و عنقها مغمض عينه ) باغة تزيدي تحمقي ديلمي في هاد ليل نهار
دخل نصير من بعد ماكمل هضرته مع نوح مشى ريح جنب سناء لي ملمحة ليه من دخل حاضية ملامحه كانت كيما هي
سناء"" بيخير
نصير""( حط يديه على خصرها ونطق معوج راسه لعندها) هني بالك ( تبسم)
سناء"" ( حركت راسها و هزات عينها في باب بانت ليها مليكة داخلة ناضت عندها) مي بيخير ياكما حاسة بشي حاجة
مليكة""( دوزت يديها على شعرها) حاسة بالفرحة بنيتي ماتشطنيش بالك
مشات معاها جلست و هي جلست فين كانت جالسة جات نجاة بيديها الحليب و تمر
نجاة"" ( ماقادها فرحة) تبارك الله على وليدي و عروستو ( حطات تمر و حليب قدامهم ) نبداو بحلاوة ياك
فاطنة"" ايه وكلها و توكلك اولدي
نصير""( عقد حواجبه بعدم فهم راسه مبرزط و جبهته مطارسية بعروق لي مبرزين ليه صوت منرفز ) ضروري هادشي
سناء هزات عينيها فيه تتحاول تتفهم قصده و ملامحه لي كانت ماشي على بعضها حست بنغزة في قلبها كان ممكن يرفض بطريقة احسن ماشي هاكة
نجاة"" ايوا اولدي هادشي تقاليدنا ( دفعت ليه بلاطو) شربها غي حليب بعدا
نصير""( دور عينه لعندها لقى شوفاتها ليه كأنها تتستفسر ردة فعله لي عاد وعى بنفسه راه مرتو و اول ليلة ليه معاه تكعد و قرب عندها متبسم) واخة مافهمتش هادشي ديالكم
هز كاس و قربه لشفايفها حطهم عليها شربت شوية منزلة عينيها
فاطنة"" نوبتك اسناء شربيه تانتي
هزات كاس تترعد بيه و حاضية عي ملامحه لي كانت مزال كيما هي مابغاش يتفهم ليها و حست بخنقة قربت لشفايفه شرب شوية و حطات كاس بشوية
فاطنة"" نتا ماعرفش تقاليد شوف وسكت اولدي خلي لكبار يديرو لي خصو يدار
مليكة"" ههه ايوا هاد الجيل كولشي تبدل فيه
نجاة"" هو عندي داير هاكة
سناء كانت تتسمع منهم و عينها غي عليه ماتفهمش ليها مالو نزلت عينها ماعاودتش شافت فيه بقاو مجمعين وصل وقت العشا تعشاو و خداو راحتهم
نصير""( لي كان باله غي مع صاحبو شاف في ساعته و رجع شاف في مليكة) الواليدة بنتك اتمشي معايا ليلة
سناء""( دورت عينيها بزربة صدمها ) ق قلتي ليا صباح
نصير"" ( شاف فيها و عاود شاف مليكة) الواليذة ماعندكش موشكيل
مليكة"" لا وليدي مرتك هادي ماعندي موشكيل
سناء""( بقى ليها غي لبكى تبكيه مافهمت مالو و طريقته في كلام مبدلة بزاف نطقت بشوية مقربة عنده) نصير كيفاش قلتي ليت تالصباح
نصير""( شاف فيها و نطق ببرود) خرج لي شي غرض ايخصني نمشي ليلة نقديه
نجاة"" ايوا من خدمتك اولدي ماعليش . بحال دابة بحال صباح
مليكة"( ناضت) ايوا نوض سمحو لينا على دخلتن
( شافت فيها ) نوضي ابنتي تمشي تاخدي حوايج لي يخصوك غدا
سناء""( راسها داخ ماعرفت اش واقع كولشي تيرايي من قنت هزات عينها في نصير لقاته مقابل تلفون ) واخة امي
نصير"" ( ناض ) نوصلكم الواليدة و من تم نمشيو
نجاة"" ماترجعش اولدي ياك
نصير"" لا الواليدة
ناضت مليكة تسالمت مع نجاة و فاطنة و سناء تاهي تسالمت معاهم و خرجو ركبو في طوموبيل وصلهم دغيا نزلو شدات في يد مليكة و دخلتت
مليكة"" مالكي ابنتي وجهك ماهواش
سناء"" ماعرفتش ماعجبنيش لحال نمشي دابة
مليكة"" عادي ابنتي راجلك خدمتو تحتمت عليه سيري وهني بالك
دخلت بلاما تجاوبها هزات صاك لي كانت ديجا جامعاه و موجداه سلمت على مليكة و وصاتها على دواها و ترد بالها مع صحيحتها سلمت عليها و مشات بخطوات اتجاهه و قلبها نبضاته ايخرجو و لبكية غالباها وصلت و تفتح لباب طلعات شد من عندها صاك داره لور و كسيرا اما هي مادوات ماتكلمت غي تتشوف فيه وجهه متغير شي لي لاحضه فيها اننها ممرتاحاش دور عينه عندها
نصير""( نطق بهدوء) مالك
سناء"" ( كانت طايبة عليها)انا لي خاصني نسولك مالك بحالا ماعجبكش لحال هضرتك و شوفاتك تغيرو بحالا ن
نصير""( مقاطعها و نبرة صوته تغيرت) كمليها ماالك حبستي
سناء"" ( دورت وجهها لزاج و يديها تتعصر فيهم بجهد بحالا تتحبس دموعها) الصمت
نصير""( ساط مخرج نفس سخونة من منخاره نطق) تتخوري
مجاوبتهش و راسها مزال داير عليه حابسة دمعتها بقى مركز مع الطريق محاولش يهضر حاس براسه غادي يزبلها و هو لسانه مبري منه بقى صامت تادخل لوتورت و زاد سرعته مخلي نفسه تتكالما عينه تتهرب لها مرة مرة شاف تاعيا و نطق
نصير"" مالك ( شافها مجاوبتوش و حبس بجنب و دار كامل عندها شد دقنها ودورها عنده شاف دموع محگنين نزل بتنفسه بتنهيدة طويلة في ساع ترخات جبهته من زيار نطق بشوية) سمحلي ليا ( طلع بيديه لجفنها مسح مامخليش دمعة تنزل ناطق بصوت خافت كأنه تيزيد في اعتداره ) غي ماتنزيد نقودها معاك ( شد يديها طبق قبلة عليها ) يلا عرفتي تعدريني ( مراقب شوفاتها مقلقة ) عقلي مشطون في خدمة ( تنهد بتعب ) مع نوح
سناء""( حاجبها تعقد بخوف) مالو ياك لاباس
نصير""( رجع بضهره للكوسان و نطق واخة ماكنش باغي يقولها) تضرب
سناء"" اويلي على تضرب واش بيه دابة كي بقى فين هو
نصير"" تهدني وياك تقوليها لنوارة راه بيخير غادي يشد طيارة باش مايتعدبش في طريق داكشي لاش بغيت نرجع دابة باش نتعرض ليه نجيبو
سناء""( حطات يديها على فمها و بالها غي مع صحبتها) ناري و تسمعها نوارة تحماق
نصير"" مكاين لي يقولها ليها يلا ماقلتيهاش نتي ويااك ( بتحدير)
سناء"" لا اويلي مانقدرش نقولها من احسن تايبان قدامها و هو بنفسه يقولها ليها
نصير"" داكشي لي كان مبرزطني( قرب باس على جبينها ناطق مخلي نفسه ساخنة تضرب عليها) مانويتش نقلقك
سناء""( هي براسها حشمت من كلامها ليه طلعات عبنها و هو مزال قريب ليها وداك لون عينه متخلطة مع احمرار تلفها نطقت بشوية) انا لي مافهمتكش
نصير""( عينه تيتساراو على ملامحها و تيركزو على شفايفها لي تيقمزو قدامه مقرب ببطئ شديييد تاوصل ليهم و غيرها تاتطبعت بين شفايفها و خدها جات نصاصية نطق بشوية) تفهميني مع الوقت
من بعد مانزلات دخلات للصالون كانت نقاشة و رقية تيصايبو الجلسة الحنة تبسمت و مشات أسلمت على نقاشة و جلست بعيد عليهم و بالها مع تليفونها بالها معاه لي كانت هضرته قليلة ليوم يلا تكتب ليه ميساج و صونا تلفون في يديها هزات عينها فيهم و ناضت من حداهم دخلات لبيت جدها وفتحت لخط
نوارة""(بصوت مغبن) الو
نوح""( كان جالس مزال في لوطيل سمع صوتها عقد حواجبه ) مالنا على هاد صوت
نوارة '" مامالناش
نوح"" مزيانة ؟
نوارة"" مالك ماعيطتيش ليا ماتصيفطي لي ميساج ماسولتيش فيا
نوح""( تبسم عجبه الوضع لي هو فيه) ماساليتش الروح
نوارة"" ( زادت تغبينة و نطقت ) امم
نوح"" (تنهد بألم ) مقلقة عليا مرتي,(سكت التواني و نطق ) غي الخدمة قلت ليك ماتشطنيش معايا
نوارة"" و حيث نسيتيني
نوح"" مانقدش ننساك
نوارة"" (حاسة براسها تبكي ماعرفتش علاش) نووح نتا لاباس مكاين والو
نوح""( بصوت خافت متألم) ناقصاني نتي
نوارة""(تبسمت على كلامه عضت على شنوفتها نطقت بشوية و قلبها سابقها ) نووح
نوح"" (بنبرة تخينة) روحو
نوارة""(غمضت عينيها ونطقت بصوت بالكاد يتسمع ) توحشتك
نوح""( كانت عيونه مغمضة بألم لي حاس بيه غي سمعها حل عيونه معسلة بكترة التعب جلس مقاد و قلبه زايد في نبضاته ناطق بنبرته حرشة ) شنو احبيبي
نوارة""(حناكها بيطرطقو تترمش بزربة حست براسها تسخف ) ماهضرتيش معايا و
نوح""(مقاطعها) لا واش قلتي
نوارة"" ( سبقوها دمعات تانبرتها تغيرت) واه قلت ليك توحشتك انووح باين لي ماتجيش مزال مطول تما
نوح""(عاض على شنوفته فوقية و تتردد ديك توحشتك في قلبه ماشي غي مسامعه وديك نبرة كيفاش ناطقاها خرجت عقله تنهد تنهيدة طوييييلة كأنه باغي يسمع شي حاجة تخفف عليه ستريس لي داز عليه نطق الحروف متااااقلة ) كون تعرفي اش دار فيا عشقك (سكت التواني ونطق بصوت نازل مخليها تغمض عيونها) حتى حبيبك موحشك بزااااايد
نوارة""(تنفسها ضياق عليها و ديك سخونية لي طلعات معاها نطقت بشوية ) امتى تجي
نوح""(يلا يجاوبها و سمع اتصال تاني ناطق بهدوء) تصبري عليا حبيبي نجاوب تلفون
نوارة"" واخة بسلامة
قطعات معاه و بقات تتنش بيديها على تنزل حرارة حنيكاتها لي غادي يطرطقو بكترة سخانة خرجت من بيت جدها مشات للصالون كانو كملو توجاد جلسة الحنة
""في الغياب.. نرى من نحب بصورة أوضح ونحس بمدى أثرهم وتأثيرهم بشكل أدق.. ففي الغياب تكبر محبتنا لهم وتصغر محبتنا لأنفسنا""
في فوق رجليه و حنيكات موردين بشوفاتو بغات تنوض ورجعها بلاصتها
يوسف"" ( طلع يديه لشعرها و جرها تاجابها محنية عنده) برب الجليل و يلمح شي قمقوم شي زغبة منه تانݣطع بوه من جدر
فاطمة""( قربت ليه باست على عينه) مايشوفو حد من غيرك حبيبي
يوسف"" ( بصوت معسل بيها ) تتحشيها ليا ابنت الريف
فاطمة( وقفات تدور بجسمها قدامه تترد شعرها طويل وراها عارفاه تيحمقو ) ماقلتيش ليا كيف جيتك جاني لون زوين
يوسف""( عينه ملهوفين يطلع و ينزل فيها ناطق ) زينك فااات الحدود
فاطمة""( قربت شوية وراته يديها لي مزينة بالخاتم تتلعب بصبيعاتها) ضفراني ؟؟
يوسف""( نزل بعينه ليديها رهيفة شد عليها و عاود شاف فيها تيقبل صبيع بصبيع) نتي لي زينة
فاطمة""( تبسمت عاجبها مدحه وهادشي شافتو في عينه) يعني عجبتك ؟؟
يوسف""( تبسم وحنى براسه تيدوز يديه على لحيته ) ياربي على درية
فاطمة"" ياك قلتي انا ماشي درية انا مرا مرااتك ايوسف دابة وليت درية (عوجت شنوفتها)
وقف وطلعات عينها ليه متبسم طبع قبلة على جبينها و نزل بعينه مصغرهم لحجبانها لي عاد فهم بلان تشقير تبسم ) تتزيدي تخرجي على ملتي
فاطمة"" ( حطات راسها على صدره) الله يخليك ليا عارفني مانديرش شي حاجة لي تقلقك ليا
يوسف"" ( باس على شعرها )الله يرضي عليك ( قابل وجهها مع عينه) و هاد لعكر ماشي معيق
فاطمة"" ( دبلت عينها) خليني براحتي غي عاد يومين حبيبي عفاك
يوسف""( نزل بشفايفه ليهم طبع قبلة سطحية) ديري غي لي قلت ليك
فاطمة"" كون هاني حبيبي ماكينش لي ايدخل اصلا
يوسف""( باس على جبينها ومشى ريح فوق سداري ) نزلي نزلي
قربت بزربة شدات على وجهو و باست على خده موركة عليه
فاطمة"" ياحبيبي يااالكبيدة تنحبك انا
يوسف"" ( منعت بعينه و حرك راسه بشوية ) نزلي قبل ما يغير بوه هاد كبدة ديالك رأيو
من بعد ماقطع معاها ناض بشوية من بلاصته هز صاك ل كان جايب معاه جبد منه سروال سيرفيت هو لي جاه ساهل بقى تيحاول مع تيشورط مالقاش كي يدير لاح فوقها جاكيط لبس كم و مخلي كم فوق كتف لمضرور هز كاسكيط لبسها و هز مسائله و خرج برا لوطيل لقى تاكسي تيساينه شده ديريكت لمطار ريح بتعب تيساين الوقت باش تقلع دازت ديك ساعة طيارة مخففة ماشي بحال تران كتفه عاطيه الحريق تيحس بيه اينصل نزل و مشى برات مطار بان ليه نصير متكي على طوموبيل تيبخ لي غي لمح ليه و جا مسرع خطواته
نصير""(شد من عنده صاك و درعه بجنب) صحبي كيف بقيتي
نوح""( حرك بعينه باطمئنان و ضرب بيديه على كتفه) مزيان مزيان
تمشاو اتجاه طموبيل حله لباب طلع و طلع كسيرا متوجهين للدار
نصير"" كيفاش وقع ليك اصحبي مافمهتش
نوح""( تيدوز يديه على وجهه و تعب مبين عليه) وقع لي وقع
نصير"" ياصحبي كون جاتك للعنق
نوح"" لاح عليا سلاح و ديك ساعة تيريت فيه ضرت و كاليت بيه جات فيه دقة
نصير""( ساط بجهد عروقه خارجين) و ضربة لي في حاجبك
نوح"" ( بنرفزة راسه مشقوق) وااصافي از*** راسي مفركع تزيد عليا
نصير""( مركز مع طريق) سر جدي نيت ( شاف فيه) محرم عليا العشاء ماعرفتو كي كان
نوح""( ضحك مدوز يديه على لحيته) مبروك اودي
نصير"" گلبتي ليا مجاج بقات فيا غا دريا مافهت فيا تا ق****ة
نوح"" ( تكى براسه على كوسان) عوضها ليها مزال وقت قدامك
نصير"" ماقلتيش ليا
نوح""( دور عينه عنده و حرك راسه بشوية ) شنو
نصير"" معاياش تمشي غدا
نوح"" نحط راسي نرتاح بعدا و صباح نرد عليك
نصير"" حيث معايا سناء نخرجها تاخد شي حاجة
نوح"" ( دور راسه عنده مكشر جبتهته) كيفاش قلتيها ليها
نصير""( قاطعه ) اتهدن مرتك ماوصلها والو كنت نجيبها صباح ولكن من وقع معاك هادشي جبتها ليوم باش نديها عند مرتك
نوح"" تتقولي نوصلك نتا غادي مع مرتك وانا اش دخلني وسطكم
نصير"" ( خنزر فيه) كيفاش اش دخلني علاه مالك
نوح"" ( دور راسه منتبه مع طريق تيسوط بالم) غي سير مع مرتك انا نضبر للحالي
نصير"" هااانتا تبدا تخور انوح صباح من نسالي معاها ندوز عندك و نشدو الطريق
بلاصة طوموبيل قدام عمارة و نزل حليه لباب و هز صاك و طلعو لقاو الحسن لي غي شافهم و جا تيجري عنده
الحسن"" اولدي ياكً لاباس
نوح""( ضرب على كتفه) شي باس ماوقع ابا الحسن كولشي مزيان
الحسن"" الحمد لله ولدي على سلامتك
حرك راسه بتقالة و طلعو للطابق ديالهم حل نصير لباب و دخلو معاونو
نوح"" زيد عاوني نحيد هاد نم
نصير"" اش تحيد خليها مكالياك اصحبي
نوح"" باغي نبدل تيشورط مزال عامرة دم
عاونو نصير حيد جاكيط و حل لبانضة حيد ليه تشورط بشوية باش مايتقصحش دخل لحمام غسل و نصير بقى تيساينه تاخرج
مشى نوح دخل لبيت لبس سروال سيرفيت و فوق بقى عريان خرج عنده هاز تيشورط شافه نصير و عاونو لبسها و عاود قاد ليه بانضة
نوح"" يحفظك اصحبي سمح نا برزطناك و نتا عريس
نصير"" ( تيقاد لي سمطة لبانضة ) باقي ماحسيت بيها ( غمز ليه ) نمشي و نشوف ديك ساعة
جليسة الحناء كانت مزينة وسطها العروسة و ضايرة بيها كل من فاطمة و شيماء و رقية و صوت موسيقى مجهد ناشطين و فرحتهم بيها كانت لا مثيل لها كل ماداز عليها تستاهل تفرح و تزول الهم و الغمة نقشات يديها و فاطمة شبعاتها تصاور
فاطمة"" نوارة ماتصيفطيش لراجلك يشوف
نوارة"" ( تزنكت) اش يشوف تا نسالي و نصيفطهم راسي
شيماء"" شوف ليك حنيكات خفتيه يسمعك شي حاجة مابغتيناش نسمعوها معاك
نوارة"" الله يمسخك
رقية"" ههه ايوا خليها تسمع بوحدها نتي اش باغا تسمعي
نوارة" وبارك ياا ، ( مخاطبة شيماء) قلتي لبديعة تجي تعشى
شيماء"" قلت قلت ( غمزتها) خلي فرحتك كاملة شبغيتي بصداع راس
نوارة"" واخة هكاك تتبقى مرات خالي
فاطمة""( شدتها من حنيكات) ياااويلي على حنينة سعدات نوح بيك ياااخويتي
زهرة""( دخلات لصالون و قربت باست على راسها) الله يحجبك بنيتي ( بعدات) جاوك شي حباب بغاو يشوفوك ابنتي
نوارة" شكون اماما
زينة""( داخلة مع لباب ) اناااا ياامرت خويا زينة
نوارة""( تبسمت ليها) زينة
زينة""(قربت سلمت عليها ) ماشالله عليك جيتي تتحمقي
نوارة""( حنيكات مزينكين و زادو ) ربي يخليك حبيبتي
مشات سلمت على بقية و ريحت جنبها بقاو يتحتو ناضو لبنات تيشطحو و يزغرتو دوزو سويعاتهم بنشاط و الفرح
نوارة""( سمعت تلفون تيفبري تحتها و هي تهزو بطرف صبيعاتها بانت ليها مكالمة منه هزات عينيها في فاطمة ) نقصي شوية صوت نقصي
يلا تجاوب و قطع و هي تلوح تلفون شافتها زينة و قربات ليها تتبسم
زينة""مال زين تكشر بلاتي
جبدات تلفونها و دارت سيلفي معاها و صيفطتها ليه
زينة" هاهو يعيط ليك دابة نيت ههههه ماتقلقيش
بعدت عليها تضحك مخليها تتعرق و تنشف ماهي تتستوعب تابدا يصوني تلفون جنبها هزاته
نوارة""( مخاطبة نقاشة) واخة نوض ماعليش
نقاشة"" غي نوضي و حاولي ماتخليش قفطانك ينزل على رجليه
تبسمت ليها و ناضت من حداها دخلات لبيت ماماها و سدت لباب
نوارة"" نوح
نوح"" ( محبس روحو بزز و وسط عينيه صورتها و هي مزينة بالحناء و تقليدي تيزومي على صورتها و يعاود و شوفته تتهرب للصيگان تيبريو مخلين شي احاسيس ينوضو نطق بصوت معسل اكتر تقالة ) ناوياها فيا
تبسمت عضة على صبعها و عويناتها تترمش بزربة تاسمعته نطق تاني
نوح"" ( تبسم بجنب)ماكنتيش بغيتي توريني رزقي
نوارة"" ( تتنفس بزربة ) لا غي ك كنت انصيف ليك غ قلت تانسالي مكانش عندي كي ندير
نوح"" خرجتي عقلي
نوارة""( تبسمت تتعض على شفايفها) واخة نصوني ليك ابيل فيديو
نوح""( غمض عينيه فور ماسمعها) لا لا مامساليش
نوارة"" تاتسالي
نوح"" نقديو بتصاور تالغدا
نوارة"" ( كشرت على جبينها) مبين من كلامك موحال تحضر معايا
نوح"" ( تبسم) في شك امرتي
نوارة" ( غلباتها لبكية) و واخة
نوح"" ( حس بصوتها تغير و تبسم عرفها تتغبن) لبكى ممنوع تخصري داك شي لي دايرة ،( سكت للتواني ونطق ) جاك زين
نوارة""( قلباتها ضحكة) بصح عجبك
نوح""( بهدوء) تاتصيفطي لي نشوف حبيبي
نوارة"" ( بخجل ) واخة
نوح"" ( غمض عينه بكترة حريق ) يلا سيري كملي شغلك
نوارة""( بصوت مغنج) نووح
نوح"" ( بنبرة اكتر خشونة مستمتع بصوتها على مسامعه) عشقو
نوارة"" ( هي ماباغاش تقطع معاه حاسة براسها متوحشاه بلا قياس و بغات تزيد في كلامها معاه) من تسالي تعيط لي !!
نوح"" ( شاد على كتفه و عروقات نازلة من جبهته) نسالي معطل يلا ماعيطت ليك صباح نعيط لحبيبي
نوارة""( بقلة حيلة) واخة الله يعاونك
نوح"" ( ناطق بزز ) نتسنى نشوف مرتي و تكون قريييبة متوحش عينيك
نوارة" ( حنيكات غايطرطقو زايد على مابيها) و واخة انا نصيفطها ليك
نوح"" ( تبسم ) نتسنى
قطعات عليه خلاته تيتبسم بزز عليه حاس بحرارة جسمه تتطلع و شي حريق في الجرح لا يحتمل ناض للحمام غسل على وجهه و رجع لكوزينة بان ليه غي ديسير مشى خدا منه و رجع بلاصته كلا طلع عينه لبارفان تاعها و ناض بلهلاا يطريه ليه رش منه قدامه تادخلات مع عروقه مغمض عينيه نزل براسه تيتبسم على حالته و رجع بلاصته شرب دوا و تكى فوق سرير معذب بلا قياس دور عينه لبلاصتها تاسمع ميساجات متتالية تبسم و هز تلفون دخل بان ليه تصاورها و كيف مزينة بقى يحقق و يعاود في ملامحها حلوة ماكرهش كون كانت جنبه جنناته و دوك عينين و شفايف مزينين سلبو عقلو كتر ماهو مسلوب بيها صيفط ليك ميساج
"نوارة الحياة"
وصل لباب شقته فتحو و رمى رجليه و عينه تهزت فور ماشفها وقفت من شافتو دخل صغر عينيه بمنضرها دفع لباب برجليه تاتسد و قرب ليها بخطوات تقيلة
نصير""(بانت ليه مدهشرة هز يديه تيهدنها ) رخفي فيك النفس
سناء""( ردات شعرها ورا ادنيها مشتتها شوفتها لي كانت مفضوحة) ك كي بقى نوح مقصح بزاف
نصير""(حيد جاكيط لاحها فوق فوطوي و حرك حواجبه) مقصح نقولو دازت طريفة
سناء""( نزلت عينيها و جلست فوق فوطوي تتعصر في يديها و قلبها يخرج من بلاصتو) الصمت
جابت ليه ضحكة ملمح ليها بشوفات نزل راسه تيحرك شمال يمين بشوية عاود طلع عينه فيها و مشى ريح جنبها حاط مرافقه على ركابيه منزل راسه عندها بطريقة فشلتها داك قرب خلاها تكحز بلا عكز عليها حبس ابتسامته بزز و زاد كحز وهو مزال في وضعه غي عينه لي تيزيدو يترخاو بشوفتها بغات تزيد تكحز ولكن مالقات فين كانت وصلت للخر زاد بجسمه تاتلقى بجسمه عليها خلى ريحته تطلع مع نيفها
نصير""( زاد تحنى و قرب بوجهه نطق بشوية) مالنا
سناء""( شافت فيه بالخف و نزلت عينها تتمسح في يديها من كترة العرق لي وسطها ) الصمت
نصير""( تبسم على ملامحها خجولة و نطق بهدوء) غي رخفيها و رتاحي
سناء""( حست باحراج هزات يديها تتحك ورا ادنها نطقت بصوت اكتر خجل ) انا مزيانة
نصير""(مشات يديه ليديها بشوية يلا ايشدها و ناضت بغات تمشي و جرها من كرشها تاجات فوق رجليه عاطياه بضهر قرب بيديه رمى شعرها قدامها تابانت ليه رقبتها تشع قرب بشفايفه لادنيها و نطق بشوية) ريحي ريحي
سناء""( عينها لي تفتحهم تتحس بيهم تقااال و لمساتو ولا جلستها قريبة منو زادت فشلت ليها ركابي سوى تنفسها لي كان قوي ملاحض بجسمها لي تيطلع و ينزل فوق رجليه) الصمت
تخضر بلمسها وكيفاش خجلانة و مبينة اول مرة يكون قريب منها شي الجنس خشن هادشي ملاحضو و فاهمو مزيااان عاجبو حاالو خلات يديه تتمادى و تحطات على كرشها بحنية و قرب ببطئ ب شفايفه طبع قبلة على رقبتها حتى عوجت براسها من ملمس شفايفو عليها فرق رجليه تجات جالسة وسط فخاضه تكى بضهره على فوطوي و دورها عنده تكانت يديه مدرعها و يد تانية على كريشتها
نصير""( مراقب ملامحها لي كانت اكتر خجل) هزي عينيك هزي
سناء""( هزات عويناتها بلهلا يطريه ليها مراقبة عيونه معسلة لي كانت فيهم نضرة جامحة على ملامحها) الصمت
نصير""( جرها بشوية تاحطات راسها على صدره نطق بفحيح ) خفتي مني
سناء""( عاضة على شنوفتها حابسة ابتسامتتها نطقت بخجل) لا
نصير""( منزل بعينه تيطل عليها بطريقة ذوبتها خلات عينها فاشلة بديك شوفة لي داير فيها و بعض احمرار داخل مع لون عينه ورخوتها نطق منزل صوته ) خلي راحتك ( فهم قصدهانطق بنفس نبرة ) داكشي لي في بالك ايجي بخاطرك قبل خاطري ( عينه مشات لشفايفها لي تيقمزو قدامه بالخجل نطق ) كلشي تيجي بوقتو ( نزل براسه ببطئ شديد و نطق بصوت خافت بزاااايد مخليها تتخضر بين يديه) واخة راكي مكتوبة عليا ماعندك مناش تخافي ( هنا كان وصل بشفايفه فوق شفايفها و عيونو في حين تغمضات بداك احساس لي هو فيه شي حاجة جديييييدة و مختلفة بزااف عليه طبع قبلة بطيييئة خلاتها ترفع بين يديه كانت منه هو فقط لي تيقبل بهدوء مخلي شفايفها وسط شفايفه وهو تيحرك شواربو معاها بحنية تاحس بيها مرخييية و في نفس الوقت تتنفس بصعوووبة بعد عليها شوية مخلي مسافة صغييرة بين شفايفهم نطق بشوية) حلالي
تنفسها كان مخنوق و مزروب بقربه بديك شكل و نبرة صوته كانت فشلة ليها حطات يديها علً فخاضه و تكعدت من قدامه بزربة مشات تتجري لحمام خلاته حابس ابتسامته حط راسو على حيط مغمض عيونه للتواني و هز راسه و ناض بتقالة رمى خطواته متوجه لبيته جبد تيشورط و سروال سورفيط بدل عليه و خرج ريح فوق فوطوي شعل سجارته
نصير""( طلع عينه لباب لحمام و بخ من فمه) تاكلي شي حاجة
سناء""( حركت راسها بنفي) لا مافياش جوع
نصير""( نعت بعينه باش تجي جنبه) ريحي نهضر معاك
سناء""( مترددة تقرب جيهته حاسة بسخونية في خدودها قربت تجلس مبعده عليه) نعام
نصير""( حرك راسه بتقالة مع غمزة ) مالك اتسخفي ليا هنا( تبسم) بغيتي تخاصميني مع مليكة
سناء"( تبسمت منزلة راسها) علاش
نصير""( نتر من فمه و نطق دخان تيخرج من فمه) مرعودة غي بوحدك ( نطق متقل) صباح نمشي معاك تاخدي شي حاجة للنوارة
سناء"" ( ا تتدور في عينيها ماعرفت ماتقول و بدات تنش بيديها على دخان)
نصير"" ( عاد تفكر و طفاه وشد يديها باس على كفها من داخل. تاتبورشت ناطق بشوية) سمحليا ( حرك راسه) تفاهمنا
سناء""( حركت راسها) واخة
نصير"" سيري ترتاحي مزال تابعاانا طريق
سناء""( دورت عينيها و نقطت بخجل ) فين نعس
نصير""( حاس براسو ماقدرش على هاد انوثة كاملة حدر راسه و عاود طلعه نعت بعينه لبيته) نعسي تما
سناء""( تسلت يديها بشوية من وسط يديه و تبسمت و نطقت تترد شعرها ورا ادنيها) واخة تصبح على خير
نصير""( مراقبها بعيون مرخية كلات عقله) تصبحي على خير
ناضت قدامه بخطوات خجولة تدور في عينها في الدار كان كولشي متول حطات يديها على لباب فتحاته و ضربتها ريحته كان بيت كبير فيه وغالب عليه لون الابيض و البني بشكل عصري و عليه بالكو كله زاج عجبتها بجهد تبسمت على دوقه و مشات ريحت فوق سرير تدوز يديها و فكرة انه راه بيتها و عندها الحق فيه خجلتها خلات خدودها يتوردو بشكل غير طبيعي ناضت خداك صويك لي جابت معاها جبدت بيجامة قطنية بلون الباج فوقية عبار يلا مغطية شوية من مؤخرتها و سروال جاها مزير من جهة فخاد و نازل مرخوف بالصدايف صغيرة جمعات شعرها مهمل دخلات لحمام قدات حاجتها و غسلت وججها و جات جلسات بلاصتها هزات تلفونها لقاته طفى
سناء" لااا ياربي نسيت سارجور ( عضت على فمها) اش ندير دابة نمشي عنده نقولها ليه
ناضت تتمشى على صبيعاتها فتحات لباب بشوية لقاته مبدل عليه و شعره فازك مبين بلي مدوش خارج من كوزينة بكاس ماء في يد و دوا في يد
نصير""( عينيه مفضوحة تطلع و تنزل على فورمتها معزولة فديك بيجامة ) محتاجة شي حاجة
سناء"( هزات يديها بنعت مدهشر) نسيت سارجور و تلفوني طفى
نصير""( قرب لعندها بخطوة عيونه ماوخداش ثبات تلفت عقلو ولو بالقليل ) اشمن تلفون
سناء""( بخجل بصوت قليل ) لي خديتي ليا ( تتعصر في يديها حاسة بقلبها يخونها تاني ) لاخور عطيتو لمي
حرك راسو بتقالة و مشى ريح شرب دوا
سناء"" ( تتشوف فيه ) و واش ضرك راسك تاني
نصير""( هز عينه فيها و حرك راسه بشوية ) ماشي بزاف ( شافه عيونها مستفسرة )غير ضغط نهار ليوم
حركت راسها و تبسمت مشتتة شوفاتها لي كانت مفضوحة بشكل جاب ليه ضحكة
نصير""( نعت بعينه ) تلقاي سارجور في مجر لي جنب ناموسية
حركت راسها و تبسمت ليه تاني و هي ماعرفاش ديك ابتسامة تتزيد تغرقو فيها صغر عينه فيها دارت غادية و هو يعبر فيها شي لي لاحض هو فورمتها كانت منحوتة من الخصر و صدر مؤخرة بارزين
فيقاته من سهوته غي غوتة صغيرة خارجة من بيته ناض بزربة فتح لباب لقاها شادة على صبعها
نصير""( قرب عندها شد على يديها ) مالك
سناء""( بالم) غي بغيت نسده و دغيا تدفع و سديت عليه
نصير""( غوبش) فين كانو عينيك
سناء""( مطلعة عينها لملامحه و ديك غوباشة حمقتها ) مارديتش لبال
هز عيونه فيها بشوية داك قرب لي بيناتهم مخلينه يزيد في تفكيره و غرقاته ماكرهش يزيد يغرق في شفايفها لي حلاوتهم كانت حاجة اخرى او باحر الحلال زاد حلاهم شد يديها بزوج دورهم على كرشه و يديه مشات رقبتها واليد ثانية حيدات مقبط تاتحل شعرها كيرلي حركاته كالمنوم بالنسبة ليها مرة توعى ومرة متخليها ترفع قرب ببطئ شديد و عيونه غي على دوك شنايف تلاقاو شفايفهم شي لي خلاته يترفع لعالم الثاني كانت قبلة ساخنة بعض شيئ خلاتها تزير على تيشورط دياله بلا وعي منها طريقتها خلاته يزيد يغرق في حلاوتها عاطي لكل شفاه حقها من قبلات فصل بينها و بينه فجوة صغيرة مخليها تتنفس
نصير""( حك لحيته مع خدها و مشى ادنيها ناطق بصوت متقل حتى حسات بشوك في لحمها) معسل فيه و فيه ( طبع قبلة تحت ادنيها مع هرة بالحيته) العسيلة ديالي
حلات عينيها و عضت على شنوفتها حست بالاحراج ماوعات تاضربته لكرشو
سناء""( مغوبشة) اتبقى تحشم فيا ماتتنساش ناري
نصير( شد على كرشو حابس ضحكة على منضرها و عاقدة دوك حجبان هز يديه دوزها على حاجبها تاحس بيهم ترخاو بهدوء و نطق بحنية ) شي حاجة متعقلة بيك ماتتبغيش تنسى ليا
سناء""( علات عينيها لعنده ) مانسيتي والو
نصير""( تبسم و قرب طبع قبلة جنب فمها) والو (هزها بين يديه و تكاها فوق سرير و تكى جنبها) شش ماتقولي والو امدام
سناء"" ( تدفع فيه )اش تدير
نصير""(شد يديها بزوج و جاب راسها فوق صدره ) ترخفي ماتخافيش
قلبها ايخرج من بلاصتو زعامته بزاف واخة راه راجلها ملكها و ملكو لكن باقي واحد حاجز بسيط انها تقدر تعطيه حقو كزوجة فيقها من تفكيرها
نصير"" ( طبع قبلة على جبينها) هضرت معاك قبيلة خوي راسك
طلعات عينها عنده لقاته مراقبها بعيون معسلة واخدة لون احمر ماتنكرش بلي عجبها وضعها وهي وسط حضنه شوفاته ليها بضبط كذوبها ذوبان بقات مراقبة ملامحه خشنة حسات بيه رخف يديها و طلعاتها لعنقه و كحزت تاجات قريبة ليه انفاسها تضرب في عنقه خدات وضعية خلاتها ترخى بين يديه جرها زاد خشاها في جسمه مادواو ماتكلمو مخلين مشاعر يتكلمو بلاصتهم كلمته ليها هي كلمة مابغيش يدير شي حاجة لي تخليها مامرتاحاش مابغيش ياخد منها شي حاجة هي ماتاخدش راحتها مرتو حلالو ولكن مخلي كلشي بوقته حاجة وحيدة لي محتاج دابة هو تكون قريبة ليه لهاد درجة ماوعيش بقربها الوعي وحيد لي واعيه هو شرفها اياخدو و هي مرتاحة غمضو عيونهم وراحة قلوبهم كانت اخدت اكلها خلاتهم ينعسو و هوما في حضن بعض. ـــــــــــ
؛؛في ديك الاثناء عند نوارة كانت تتحيد القفطان من بعد ما دوزت ليلة الحنة بفرح و السرور مشات لحمام غسلات و مشات تخشات في بلاصتها مراقبة صورته تتبسم غرقانة فيه و زادت بغرقها ووحشها ليه زاد غرق في غرق عنقت صورته و حطات تلفون و غمضات عينها تتسنى نعاس يجيها و فكرتها بنهارها مخليها اتطير بالفرحة -- _---------
خارجة من دوش لبسات عليها ديك غوب في لون احمر عازلة مفاتنها مثيرة الصدر نصو تيطل شعر واصل للخصر و كريشتها نص مغطي و نص مامغطيش على شكل X مغطية مؤخرة فقط كانت قصيرة بزاااف دخلات تتسلت و حشمة واكلاها كان متكي فوق سرير على ضهره لابس غي سروال سورفيت منزل رجل و مخلي رجل واقفة و دراعه على عينه قربت عنده و ضربت ضربات خفيفة على دراعه شي لي خلاه ينزل بدراعه بشوية و وضاحت ليه رؤية مع داك ضو خفيف و هي قبالته مد يديه بشوية شعل ضو جنبه وعيونه زاد وساعت بجمال رزقه قدامه تيشوف و يطلع و ينزل ماعرفتش فين يحقق واش لبستها ولا جسمها لي باين مثير وسط لبستها و لا شعرها و لا ملامحها تلف تلفة ماكنت ليه على بال نزل برجليه على سرير قربت بشوية كانت مبادرة منها تجي جلسات فوق رجليه ودورت يديه على مؤخرتها
فاطمة""( شدات على لحيته و شفايفها مشاو ادنيه ناطقة بشوية ) كنبغيك حبيبي
يوسف""( سرط ريقه بصعوبة حس بداته ترفعت و عقله كتر نطق بشوية) نموت في حلاوتك
(وقفها قدامه ) سيري و جي قدامي ابنت الريف
تبسمت على منضره و وقفت تتمشى كيف قالها وملاحضة ملامحه تتغير في كل خطوة تتخطوي كأنها تتخطوي على قلبه ملاحض مفاتنها لي زادت برزت و شعرها لي مسطيه مركز اكتر على صدرها لي نصو كله تيغمز فيه شي لي خلاه ينوض من بلاصته
تمشى بتقالة و جرها من معصمها تاتزدحت مع صدره
يوسف"( عينه على صدرها لي تيشع قدامه طلع يديه تيدوزهم ليه ناطق بخفوت ) داك شوية العقل لي بقى ليا باغا تديه تاهو
فاطمة""( تترسم بيديها على صدره العاري بغنج )حبيبتك انا ناخدو كيما خديت مولاه
يوسف""( عينه بداو ياخدو لون احمر بكترة رخوة و جسمه زايد ياخد بحرارة قرب بشفايفه لشفايفها طبع قبلة تامص شفه تحتية بقوة و نطق بفحيح) واخدة كولشي
رفعها بين يديه ماقدرتش يتحمل حرارة جسمه و كيف شعلاته لاحها بلطف فوق سرير و جا فوقها يديه تتلمس على فخاضها و هي طالعة اما شفايفه كانت على صدرها تيمص مصات و يطلع لعنقها حس براسه نتاقل لعالم تاني ريحتها و انوثتها سلبات عقلو
مارس معاها طقوس الجنسية بكل قوة مخليها تلهت تحتو بكترة حلاوتو في فراشو كلاها و مخلى تاجيهة في جسمها ماعطاها حقها
ماختمها تاقرب صباح يبان عاد جرها تحته مخلي نعاسهم يحلى
صباح الجديد و مشاعر مختلطة بالفرحة و الحب و العشق قبل ماتفتح عينيها استنشقت ريحته و حينكاتها خداو لون الاحمر فتحات عويناتها بشوية تدورهم وسط الغرفة كانت مبينة ضوو غي شوية دورت عويناتها لبلاصته مالقاتهش ناضت بشوية رامية خطواتها للحمام قدات حاجتها و غسلت مشطت شعرها جمعات غي خصلات جانبية و فتحات لباب بشوية بانت ليها ساعة 10 صباح عضت على شنوفتها حشمانة غادية بعينها للبيت لي كان مردود
تاقفزت بصوته محلي على صباح
نصير""( جنب ودنيها بخفوت متقااال) صباح الزّـِين
سناء""( دارت بزربة شادة على فمها) اام (نزلت يديها غالباها ابتسامة) صباح الخير ( نزلت عينها بخجل و عاودت نطقت ) كي بقى راسك
نصير""( عيونه مفضوحة نطق بشوية محرك راسه بشوية) مت مزيان
سناء""( ضحكت تاتغمضو عويناتها على طريقته كيف نطقها ) هههه
نصير""( بانت ابتسامته على محياه بصوت تقيل) دابة احسن و بزاااااف كاع
سناء""( ضركت بيديها على عينها حناك قراب يطرطقو )
نصير""( قرب طلع قبلة على يديها ل فوق عينيها نطق) حيديها
نزلات يديها ديك ساعة مشتتة شوفاتها قرب يساليهم ليها بدوك عينين لي مقابلينها
نصير""( حط يديه على خصرها و دفعها للكرسي) ريحي تفطري امدام
سناء""( شافت طبلة لي كانت مشكلة قدامها حشمت حيث خلاته يوجده) كون تنستيني تاوجدته انا
نصير""( جلس جنبها طلع حاجبه ) باين لي انا لي نبقى نوجدو ديما
سناء" ( حابسة ضحكة) هو صراحة ماعرفتش لاش صبحت ناعسة
نصير""( تبسم غمز ليها بتقالة) ماعرفتيش علاش
سناء""( عضت على شنايفها بحشمة لي دارت لراسها) نصيير
نصير""( تبسم قرب كرسي جنبها و تحنى تيطل عليها ) ماتعضيش عليها اختي مابقاتش ديالك
سناء""( ضربت على كتفه ناطقة و حشمة كلاتها) عيقيتي واااه
نصير""(قهقه بصوته المدعدع صباحي شد يديها باسها علها من داخل ) انا نوجد لك فطور كل صباح عاد نمشي غي ماتبقاش تعضي عليهم
سناء""( طلعت حاجبها عاجبها حاله) امم
نصير"" ( نزل صوته و قرب تاتقابل عينه مع عينها) خليني انا لي نعضهم
عينيه شوفااته بحال تخضير ليها بقات بعينها وسط عينه تاحسات بشفاايفه تحطت على شفايفها بحنية غمضات عينها مستنشقة ريحته مختلطة بين الكارو و بارفان خلاتها تترفع تاحست بعضيضة عليهم كيما قال ليها دفعاته شادة على فمها
نصير"" تزيدي تعضي فيهم نزيد تا انا ( تبسم و دفع قدامها لفطور) فطري وونوضي وجدي راسك
سناء"" ( هزات كاس اتاي جغمت منه وشافت فيه) نصيير
نصير""( هز عينه ليها ) نعام الزين
سناء"" واصافي يااه ( بخجل )
نصير"" نعام الخايبة
سناء" ( عقدت حواجبها ) الصمت
نصير"" ( جابت ليه ضحكة ربع يديه فوق طبلة و نزل صوته )نعام الدكالية ديالي
سناء""( تبسمت منزلة راسها) واش انمشيو دابة
نصير"" غادي نديك تاخدي لي يخصك و شي حاجة رمزية لصاحبتك
سناء""( طولت شوفتها فيه و تبسمت حطات يديها على يديه)
نصير""( عاق بيها اتنطقها و حمر فيها مخليها تسقل باس على يديها و نطق ) فطري باش نمشيو اعسيلة
في دار نوارة كل فين مصبح على شغلهه زهرة نازلة من عند. طيابة من لفوق و رقية تتحط فطور و الجد جالس تيشرب كاسو و حداه اريج
زهرة" فين فاطمة باقة ناعسة ولا
رقية"" مالكي اختي راه نعسو تااشمن وقت
زهرة"" ( شافت اريج) سيري بنتي فيقي نوارة ( مخاطبة رقية)بااراكة من نعاس 11 صباح هادي
مشات اريج تتجري تلاقات بيها نازلة هزتها تتهرها بين يديها دخلو بزوج
نوارة" صباح النووووور
كل "" صباح الخير
رقية"" كي صبحتي الاله عروسة
نوارة""( جلست جنب جدها باست على يديه) الحمد لله بيخير ( شافت فب باها) كي صبحتي الحنين
الجد"" لاباس انويورتي
دخلات عليهم فاطمة تتفوه و العيا واضح عليها
فاطمة" صباح الخير عليكم
نوارة"( تتشوف فيها حابسة ضحكة) صباح نور امرات خويا
فاطمة""( جلست جنبها و خبطتها لكتفها) حشمي
رقية""( شافت في نوارة و غنزت ليها تشوف عنقها) صبحتي عيانة يابنتي
حلات عينها بصدمة من فهمت بلانهم علاش تيضحكو نزلات عينها بشوية مابان ليها والو
نوارة"" ( قربت لها) طبع فيك ازين
خنزرت فيها باش تسكت و هزات كاس تتجغم منه مافهمة والو
زهرة"" ( جرت كرسي و جلست جنبهم خاطبت فاطمة) تي فيقي راجلك مالكم صابحين خامرين
يوسف""(مقاطعها داخل مع لباب ربحته سابقاه داير القب على راسه شعره نازل على جبهته فازك ) هانا الواليدة
قرب جلس جنب فاطمة مشات اريج تتجري جلست قدامو
زهرة"" وتا داير مع راجل وقت
يوسف"" الوقت لي داير معاه هو ل كاين بشوية عليك
رقية"" فاطمة جيبي ليه براد ديالو راه تيتشحر
ناضت من جنبه جابت ليه براد ديالته جات محنية قدامه باش تجلس و قشع تحت ودنيها شد دراعها و نزلها لفمه
يوسف""( بشوية) باغا تشوهينا غطي داك عنق ولا نزيد لمو عضات اخرين
فاطمة""( عاد فهمت بلان لي كانو تيضحكو عليه قبيلة هزات عبنها فيه و شافت في نوارة ورقية لقاتهم تيهضرو بعدت وطلعات
زهرة" ابنتي معاياش تجي عندك دريا
نوارة" مع ديك وحدة اماما علاش
رقية"" مك راه مشطونة كولشي عندها هو هداك و شطنة قاتلاها
يوسف"" ريحي بالك الواليدة كولشي يكون هو هاداك
نوارة""( بفرح قربت تكات على كتف يوسف) ياخويا الحبيب معذب راسك بزاف
يوسف""( باس راسها) كون جات عليا ندير لبنتي عرس يعهضر عليه لي غادي و لي جاي
نوارة""( باست يديه) الله يخليك لينا احبيبي
دخلات فاطمة دايرة شال على شعرها باحر مغطية عنقها لي غير شافوها و جلسو يتغامزو مخلينها غاًرقة في حوايجها كملو فطورهم و ناضو جمعو دنيا يوسف خرج يشوف اش باقي ايجيب و زهرة خلاص راه مع طيابة و رقية فاطمة تيقادو صالونات لي في طبقة الثانية لي كانت فيها بيت نوارة بوحدو و حمام مساحة لاخرى كانت كلها صالونات جات لبنت لي مكلفة بالجلسة العروسة تتقاد فيها كولشي تقاد جات سيدة لي تقاد ليها ميكاب و لبسة ديالها مهم كل فين حاير باش يكون كولشي بوقته
من بعد ماكملو فطورهم هزو حوايجهم و كولشي معاهم باش من يقضيو شغلهم يمشيو ديريكت عند نوح يدوزو عليه خرجو القسارية يديها في يديه العين حارت عندها ماعرفتش شنو تاخد لصحبتها شافت تاعيات و خدات ليها براصلي ذهبي على شكل وردة اختارته خفيف باش تلبسو مرتاحة عارفاها تيعجبها الخفيف و خدات ليها باك خاص بالعطور العربية خرجو توجهو لطوموبيل لعند نوح داز وقت قصير تاوقف قدام العمارة
نصير""( شاف في ساعته و هز تلفونه ) نزل اصحبي حنا تحت
سناء""( حطات يديها علىً باب تفتحه و شد يديها) نركب لور
نصير"" ريحي تاينزل
سناء"" علاش
نصير""( قرب بكتلته لخدها طبق قبلة بطيييئة) ماساخيش
دورت راسها بحشمة تتشوف لي غادي و لي جاي
سناء"" اويلي مفضوح
حلات لباب نزلت خلاته مطلع عينه ليها تيتبسم مخرج لسانه لشفاه فوقية دارت تحل لباب تاني و بان ليها نوح نازل هبط نصير من طوموبيل و مشا شد من الحسن صاك ديالو و مبين التعب و العيا بقات واقفة تاقرب جنبها حرك راسه بشوية ليها باحترام
نوح""السلام عليكم
سناء""( بخجل نطقت) وعليكم السلام خويا على سلامتك
نوح""( حرك راسه ) الله يحفظك اختي
طلعو في كسيرا في الحين شادين طريق لعندها سناء ضاربة الطم و في بالها غي تلفونها لي ماسراجاتو كاع
سناء""( ضربت على كتفه بشوية مدت ليه تلفون) نصير دير معاك ايتسارجا
نصير""( طلع عينه لماريا و مد يديه ليها شده من عندها و غامز ليها ) نسيتيه لبارح
سناء""( خنزت فيه و نطقت بخجل ) اه نسيتو
تبسم على منضرها كيف حشمت دارلها تلفون يتسارجا و كمل سواقته و هي حاضية عينيه من مرايا كيف مهبولة بدا يسرا معاها بحركاته بشوفاته بكلامه بغزله هوما تيهضرو و هي ساقلة خرجو لطريق لوتوروت زاد بسرعته مرة مرة يهز عينه فيها يلقاها مراقبة طريق عرفها حشمانة مبينة عليها غي من حناكها موردين
نصير""ماقلتيش ليها راك جاي
نوح"( متكي براسه على كوسان ) لا
نصير"" ( مركز مع طريق ناطق ) اتخلعها بدخلتك عليها هاكة اصحبي
نوح"" القدر داير خدمتو
سناء""( قربت عنده حطات يدها على كتفه) شوف واش شعل داك تلفون ليوم تقتلني نوارة
نصير""( هزو عطاه ليها متبسم ) غلط ديالك امدام
سناء"" ( هزت حاجبها عارفاه علاش تيهضر نزلات بعينها شعلاته و نطقت ) من لبارح وهو طافي ماردتيش عليها كاع ( ميسااجات ولابيل بداو وصولوها) ناري كحلتها
طلقات اخر اوديو من عندها زعمة تصنت ليه كيف ناس ساعة لقاتها مكشكشة عليها
"" والخرا الله يلعن اصل مك ""
من قوة خلعة والدهشيرة لي شدتها طاح ليها تلفون من يديها و تطلق اوديو تاني
""سيري غا تقودي نتي و هاد مشقوف ديالك ""
بدات تتخبط في حناكها و قلبها ايسكت جاب الله كان اخر اديوات كان سكت على خاطره تحنات براسها هزاته و طلعت براسها لعندهم لقات نصير مخرج دراعه من سرجم و يديه على فمه باين بلي شاد ضحكته بزز دورت عينها لنوح كان مركز مع الطريق ولكن داخل دياله كان حاجة اخرى صدمته من معشوقته و هي معصبة و صدمته من كلمة لي خرجت من فمها تخيل وجهها كيف تيكون وهي معصبة حط يديه على عينه بحالا تيعصرهم عاض على شنوفته في لحضة وحدة خلاتهم ساقلين اما سناء كحزت مبعدة عينها على عينه ماعندهاش وجه فين تزيد تبان ليهم بزوج حشمتها ماعندها فين تزيد بقات تتلعن في فراسها لاش شعلاته اصلا حرارة جسمها خلاتها تنزل زاج من جيهتها ربما تبرد شوية
جالسة فوق كرسي كانت تدير اخر لمسات من بعد ماقادت ميكاب و تسريحة الشعر كانت خفيفة جامعة بعض خصلات و من الجنب و القصة ( الغرة) مخلياها على راحتها لبسات تكشيطة في لون الابيض و الذهبي اكسسوارات خاصة بالتكشيطة من تاج و شمار الذهبي
جنبها فاطمة مقابلة مع مرايا بالتكشيطة بالاصفر و الشعر واصل للخصر مزينها بميكاب بارز
فاطمة"( بنرفزة) هاد زمر تبقى باينة هاكة
شيماء""( كانت تتلبس الشال ديالها من بعد مالبست القفاطن في الرزق الملكي ) تانتي شكون يشوفها
فاطمة""( تتحاول تضرگها ) شافوها بداو يضحكو عليا
نوارة"" ( تبسمت) شعرك ايضرگها ماتخفيش
دخلات عليهم رقية لابسة قفطان تليجة بالالوان و سمطة ذهبية و شال رامياه عليها
رقية""( تتشوف فيهم باعجاب) تبارك الله ماشالله على بنيتنا الله يحفضكم من العين
شيماء"" تا نتي جيتي زينة اعمتي
رقية"" الله يفرحك تانتي بنيتي
كل "" امييين
رقية"" يلا ناس بدات تدخل طلقو راسكم
فاطمة"" اريج فين هي
رقية"" بانت لي برى مع يوسف
هزات تلفونها و خرجت من لبيت و صيفطت ليه اوديو
" الكبيدة صيفط ليا اريج نلبسها "
كان برا جالس فوق كرسي و في ديه كارو تيسف فيه لابس سروال جنيز و شوميز كحلة مخليها مفتوحة من الصدر و جاكيط خفيفة سمع اوديو و هز عينه لاريج لي كانت تتلعب مع صحبتها عيط ليها شدها من يديها رفعها عنده تيبوس فيها يلا ايدخل و شاف بديعة خرجات من دارها
بديعة"" مبارك و مسعود مادرتو
يوسف""( نطق و حواجبه مقوسة ) الله يبارك فيك امرت خالي
طلع مخليها داخلة وراه طالع و تيزطم على حاله باش ماينطقش شي حاجة لي تخسر ليه مورال طلع لطبقة ديالو ديريكت حل لباب و دخل لقاها مقابلة مع مريا لي كاينة في سيجور تتصور نزل اريج من يديه و عينه فالتة لفتنة لي قدامه و لون كي جاها وداك شعر تيبري وسط عينيه
اريج"" ماما جيتي زوينة لبسيني بحالك
فاطمة""( تحنات عندها باستها) نلبس الحبيبة ديالي
هزات عينها لقاته خاشي يديه لي جيابه معوج راسه لعندها بدون رمش تبسمت هزات على رجليها و قربت قدامه
فاطمة"" كي جيتك
يوسف""( تبسم تيطلع و ينزل ناطق متقل ) زيييينة ( هز يديه و جرها من فتحة عنق ديال تكشيطة بخفة تاجات قدامه ناطق) تبقاي ديما في عيني عروسة لي خدات العقل
فاطمة"" ( حطات صبيعاتها عل شعيرات صدر لي مبينين ناطقة بجرأة) و نتا واخد القلب و عافس عليه
يوسف""( نزل بعينه ليديها و عاود طلع لملامحها مد يديه حطها على رقبتها و جرها يلا يبوسها و شاف اريج مقابلة معاهم باس جنب فمها و بعد ) لبسي بنتك لبسي
من بعد ماوصل نوح لدار قلب دورة لدار نوارة باش يحط سناء من بعد ما طلباته تمشي ديريكت عندها
نصير"" ( مراقبها من مرايا )عنداك تسوطك ليا
سناء""( ماقدراتش تهز عينها فيه) نتا سبب في هادشي
نصير""( قهقه ببحته خشنة مركز مع طريقه) غير هزي عينك امرتي هزي
سناء""( ضربت على كتفه) و نصير حشومة عليك عزيز عليك تبقى تحشم فيا
نصير""( دور يديه شد على يديها و جابها لشفايفه طبع عليهم قبلة ) خدودك لي تيديروها ليك ماشي انا ( بصوت خافت )مخرجين لي العقل
جرات يديها زادها طين بلة بقات تدور في عينيها مخلياه مستمتع بيها تيتبسم وقف قدام الدار نيشان نزل هو لول عاد نزلت كان الجد خارج من الباب
نصير"" ( تبسم و قرب بشوية)السلام عليكم ابا
الجد"" ( تيذكر صوته ) وعليكم السلام نصير هدا
نصير"( باس على راسه) هو هدا الواليد اش خبارك
الجد"" لاباس ولدي
نصير ( جر سناء جنبه بمزاح) الواليد قلت ليك انتزوج و تشوف هاهي مرتي معايا
الجد""( تبسم تيخبط بعكازه ) ماعندي مانقول دابة
سناء""( باست على يديه) سلام ابا
الجد"" لاباس بنيتي الله يسهل عليكم و يفرحكم
؛؛( نطقو بزوج )امييين
الجد"" دخلو مرحبا
نصير"" اتدخل غاهي ابا ( شاف في سناء و نعت ليها ) دخلي نتي ( نزل بعينه لقاها هازا غي صاكها) فين شي لاخور امدام نسيتيه ( قرس على يديها ) ياودي على مرا ياودي
خلاها تتضحك تحت منها مشى هز الصاشي و جابه ليها شداته و نطقت
سناء"" ( بتردد)دابة نتا فين غاتمشي
نصير""( صغر عينه فيها) عند مرتي لولى
سناء"" ( طلعت حاجبها) ايوا سير ماتخليهاش تسنى
نصير""(تبسم تيدوز ابهامه جنب حاجبه) نمشي عند نوح تانجي انا وياه
سناء"" ( تبسمت بخجل ) واخة بسلامة
بقات مراقبه تاكسيرا و مشى تضرگ على عينيها شافت في الجد لقاته متبسم
الجد"" يلا بنيتي تدخلي مرحبا بك
شدت على دراعه و دخلو لداخل طبقة تحتية كانت جالسة بديعة مقابلة و رقية و زهرة تيمسحو كيسان
سناء""( بخجل ) السلام عليكم
هزو عينهم و ناضت زهرة عرفتها ردو السلام
"""وعليكم السلام
زهرة"" مرحبا بيك ابنتي زيدي دخلي
سناء"" ترحب بيك الجنة اخالتي
(دخلت سلمت عليهم وجلست جنبهم )
رقية"" ( تبسمت) اجي معايا نديك عند صحبتك ابنتي
ناضت هزات صاك و صاشي معاهاو طلعت لطابق الثاني تتسمع الهضرة تتقرب و تتعبس في وجهها عرفتها غاتحيح عليها
رمات رجليها في الباب
رقية"" نوارة تكلمي
نوارة""( هزات عينيها فيها ووقفت قبالتها مخنزرة ) يا الكلبة نتي جاية مخليا القرود يشطحو فوق راسي
من بعد ماوصله دخل لدار بخطواته شامة في البيت و سلمان مزال بحوايج رسمية ديال الخدمة تياكل
نوح"" السلام عليكم( حط الصاك)
سلمان""( يلا يخشي ضغمة في فمو و طلع عينيه و تهز من بلاصتو من شاف حالته) نووح مالك اخويا
نوح""( عقد حواجبه باش يرخف تابانت ليه خارجة من بيت عينيها مستفسرة سبقها بخطوات باس راسها ) الواليدة
شامة""( لونها تخطف شادة على وجهه) مال وليدي اش وقع ليه ( تتشوف في دراعه بخوف ) واش مضروب
نوح"( شد يديها ) الواليدة بشوية عليك ( جلسها ) ماكين والو غا حادث
شامة" ياااوليدي هاد بانضة ضايرة عليك هاكة ماشي بسيطة
سلمان""( قرب ليه سلم عليه مدرعه) على سلامتك خويا ( شاف في شامة) صافي الواليدة رخفي رخفي
شامة"( باست يديه) خلعتيني وليدي
نوح""( بقى تيشوف مطول هز يديها باس عليها ) ماتخافيش الواليدة ( شاف قي سلمان ) عاد جيتي
سلمان"" عاد خويا دخلت
نوح""( ناض ) نعيط ليك اجي عاوني
سلمان""( حرك راسه مشا رجع ياكل ) كون هاني
شامة"" ( متبعاه بعينيها لونها مخطوف) الله عل ولدي كون طرات ليه شي حاجة عمرني نسمح لراسي
سلمان"" ( جغم من كاسه و متبع معاها ) سيري اواليدة كملي لباسك تعطلي على ناس
تم طالع بتقالة وصل لطابق الثاني و لمح لزينة خارجة هازة صندالة اتلبسها هزات عينيها و قفزت تاتلاحت من يديها و جات تتجري عنده
زينة"" نووح مالك اخويا ( قاست على دراعه و عينيها تحگنت بدموع) شكون دارليك هاد لحالة
نوح""( تبسم وجرها باس جبينها) ابشوية عليك راني لاباس
زينة""( حطات راسها على كتفه تاني ) الله ياخويا ضريتيني في خاطري
نوح""( طبطب عليها) سيري كملي لباسك باش نمشيو
زينة"" نوارة في خبارها مضروب (شافته حرك راسه بالنفي بشوية تبسمت و ضربت بشوية عل دراعه ) يكون في عونك
تبسم تحنى بغى يهز صاك وشداته عليه ونعتت ليه بيديها باش تسبقه مشات و هو تابعاها حل لباب و دخل حطات ليك صاك و قبل ماتنزل نطق
نوح"" قولي لسلمان يطلع عندي
زينة"" واخة اخويا
مشات وهو مشى ريح جبد تلفونه من جيبه صيفط ليها ميساج
"" شخبار مرتي ""
قاطعه سلمان طالع تيدندن وصل عليه و وقف جنبه
سلمان"" هانا اخويا
شافه وقف توجه لبيت تبعو عاونو حيذ بانضة مشى غسل عليه و خرج عاونو يلبس لبس سروال جينز اسود و شوميز بيضة و صباط في الاسود طالع شوية عاونه على بانضة رجعها ليه هز ساعته مدها ليه ركبها ليه ورجع لور
سلمان"" صافي اخويا محتاج شي حاجة اخرى
نوح""( حرك راسو بنفي ) شكرا
خرج سلمان هز بارفان ديالته الاخص لي تتعجبها رش رشات و حطها ومشى ريح فوق سرير ودوز ليها الخط
حطات من يدها صاك و قربت ليها مدبلة عينيها ربما تحن فيها
سناء"" والله يلا تلفوني طفى احبي
نوارة"" ( بالغوات ) بااااز من لبارح و هو طافي كان ضو مقطوع
سناء"" ( قربت باست على جبهتها) ماتغوتيش تخصري لميكاب ابنتي
نوارة""( ضربتها لراس ) تقودي
سناء""( حلات عينيها من تفكرت فلاش لي دارت ليها بسبب كلمة ) ششش سكتي سكتي شوهتيني مع ( في اخر لحضة تفكرت بقات تدور في عينها) مع نصيير يالكلبة طلقت اوديو ديالتك و سمعه راجل حشمتيني
نوارة"( شدات على حنكها ) اويلي ( شدتها من شعرها ) زيدي زيدي باقي شي حاجة اخرى اويلي على مشوهة فين ندير وجهي معاه دابة اويلي وحدي ياااويلي
سناء""( شدات على راسها بالم ) طلقي ازمر تعطليني طلقي
طلقتها تادفعت من حداها عاد ردت لبال شكون معاها تبسمت تتقاد شعرها كانت شيماء و فاطمة
سناء"" سلام عليكم
فاطمة"" ( قربت سلمت عليها )سناء مرحبا بيك
سناء"" فاطمة يااك ( بادلتها سلام ) ترحب بيك الجنة ( باعجاب ) ماااااشااالله عليك شحال زوينة
فاطمة"" عويناتك حبيبة
سناء""( قربت لشيماء سلمت عليها ) سلام اختي لاباس
شيماء"" لاباس ازين مرحبا بيك
سلمو عليها و نوارة مخنزرة فيها تتشوف فيها بنص عين
سناء"" واصافي رخفي شوية الخرا باراك عليا غاهاد جرتيلة لي ترجتلت ليوم كافية
نوارة يلا تهضر و قاطعها. تلفون لي تيصوني خنزرت فيها مخلية سناء تتنفس على خاطرها كانت خايفة تزبلها ر تنطق شي حاجة دارت عند لبنات ريحت جنبهم تيهضرو اما نوارة خرجات من لبيت و جاوبت
نوارة"" ( بغبينة)مجايش يااك انوح
نوح"" ( داير haut parleur و سيجارته في فمه مخلي دخان معتم جنبه ) موحال نشوف عروستي مزينة
نوارة""( عبست وجهها جاتها لبكية) بصح كنت دايرة ناخد صورة معاك وو ( نزلات دميعة ) بغيت نشوفك ( تخلطت عليها هضرة ) بغيتك تشوفني واش لابسة و
نوح""( مغمض عينه مستمتع بصوتها تكى براسه على الحيط مطلعه و تيبخ مطووول ) و شنو باغة مزال
نوارة""( سكتت تتمسح دمعتها نطقت بصوت مغنغن ) نشوفك انووح
نوح""( ماحس تاتسللات ابتسامته على شفايفه مغمض عيونه و تينتر ربما تبرد حرارة جسمه نطق بهدوء) نبغيك
نوارة""( تتصنت كاتمة شهقاتها) الصمت (تادخلات رقية تتعيط لبنات باش ينزلو نطقت بقلق ) ايخصني نقطع
نوح""( ماكرهش يضمها في حضنه عرفها مقلقة و مغبونة متوحشاه و هو كتر تنهد تنهيدة طوييلة كأنه تيتبث نفسه نطق بخشونة ) ماتقلقيش حبيبي نحاول نجي ( زهقت ليها شهقة جاته كيف قوس على قلبه ماحملت نفسه يزيد يكذب عليها ) نوارة بلاما تشطني ملتي لاش لبكى
نوارة"" ( بصوت متقطع ) صا في بسلامة ا ا ايخصني ننزل ( بقات ساكتة شوية مابغاتش تزيد تشطنه مسحت على دمعتها و نطقت ) صافي الله يسر ليك ماعليش ماكتابش مامقسمش الله تحضر معايا
نوح""( عيونه مغمضة مخرج دخان بتقااااالة نطق بشوية) نحضر مع حبيبي ( سكت للتواني و نطق ) رتاحي ليا و فرحي بنهارك مابغيتش من نجي نشوف غبينة على وجهك
نوارة""( تتحبس دموعها و هوما تينزلو ) امم واخة بسلامة
قطعت عليه و مشات دخلات لبيت كاتمة شهقتها لقات غ سناء تتقاد ليها لبنت ميكاب لي غير شافتها و نااضت عندها
سناء""( عنقتها ) الهبيلة لاش لبكى ياك قال غادي يجي اختي نبقاو نتسناوه تايحط رجليه هنا مالنا اش نخسرو ( قابلت وجها معاها تتمسح بخفة على خدها ) تخسري تعب البنت مسكينة
يتبع...
التعليقات
لا توجد تعليقات بعد، كن أول من يعلق.