محتوى القصة
يديها تتصبب بالعرق و شفايفها ماتبتينش تيرعدو بكترة الخجل ديك شوفة كيفاش تيشوف فيها تتهلكها و ذوبها نزلات راسها تاشعرها نزل معاها
نصير"( يديه مشات لشعرها و رماه وراها منزل براسه كأنه تيطل عليها ) نهارك ماقلتي عليه والو
سناء""( جرات يديها حيث مابقاتش قادرة تزيد في خجلها هزات عينها في ملامحه ونطقت) ندير حفلة صغيرة ( بخجل حيث اصلا فلوسها على قدها ) باراكة
نصير""( كان قرا ملامحها وحتى في نفسها عارفها) لي بغيتي وراق ايخرجو منا سيمانة لول سيمانة ثانية نديرو العقد
سناء""( بتعلثم) و واخة
نصير""( بتبرير حيث عارف كولشي زرب فيه) احم عارف تقولي ماموجداش وزربت عليك العقد هو لي يخليك مرتاحة معايا ( شافها غارقة و زاد تيشرح بحالا تيشرح لبنت صغيرة) يعني غادي تكتر مشيات مع الواليدة و داك طلوع و لهبوط مانبغيكش تكرفصي ليا بوحدك تيخصني نكون معاك ( زاد بخفض صوته) تكون يدي بيديك
سناء""( طلعات بشوفتها ليه و تبسمت و نزلات براسها) ان شاء الله
نصير""( سكت لتواني مصغر عينه و تيعض عضات خفاف على شنوفته مخلي باله مع عيونه مع هاد خجولة لي قدامه نطق ) هادشي ل عندك
سناء"" ( حركت راسها و خجل غالب عليها ) هادشي لي كاين
نصير"" ( ناض وقف و قاد شوميزته ناضت تاهي وقفات تتفرك في يديها مشتتة شوفاتها ناطق برزانة مابغيش يزيد بخجلها ) الله يكمل بالخير
نطق كلمته و خرج بخطواته تقيلة تحت نضاراتها لي شافته قرب عاد خرجات هي جلست جنب مليكة
نجاة"" تفاهمتو اولدي
نصير""( حرك راسه بتقالة) تفاهمنا و العقد منا لسيمانة ثانية و نديرو حفلة صغيرة
نجاة"" علاش اولدي حفلة صغيرة من حقنا نفرحو بيكم
نصير""( شاف فيها و نطق بثبات) اتفرح براسها كيف بغات ( شاف في نجاة)من تجي لدارك فرحي بيها كيف باغة
مليكة"" ( بنضرة بشوشة) من تفاهمتو اولدي ماعندنا مانقولو سوى الله يكمل بالخير
نجاة""( هزات يديها) نقراو فاتحة اولدي
هزو يديهم و قراو فاتحة و تفاهمو بيناتهم على كولشي و جبدو هضرة حطات مليكة الغدا كلاو و هي دخلات في حالها ورا فاتحة حتى ماكلة ماقدارتش تبقى المغرب فات و ليل طاح عاد ناضو توادعو مع مليكة ناض هو لول سلم عليها و خرج و عينيه تتفلت لباب لبيت ربما تبان ليه خرج قدام باب ريح فوق كرسي تيلبس صباطه و عينه مازكياش
مليكة"" سناء اجي بنتي تسلمي عليهم
نجاة"" تتحشم بزاف مسكينة غي خليها
وقف خشى يديه في جيب و بعد على باب مخليهم على راحتهم
خرجات من بيت كانت مزال لابسة قفطانها قربت لعندهم لباب و سلمت عليهم و رجعات لور مابانش ليها دورت عينها بان ليها بعيد واقف بهيبته تيشعل سيجارته هز عينه و بانت ليه عينها عليه بخ من فمه و تبسم مخلي حواجبه يتقوسو بطريقة خلاتها تتبسم بلا هواها جبد تلفونه من جيبه تيكتب و تينتر
""مبروك علينا""
شافته تيكتب عرفته ليها تاحسات بيه وصلها فتحاته و بانت ابتسامتها طلعات عينها ليه و حركت راسها بشوية نزل راسه بشويية و طلعه تيسف فداك كارو لاحه وعفس عليه و قلب دورته مشى اتجاه طوموبيل
من بعد ماقطعات معها مكالمة قادت دوك نصوصة ديال معقودة في طبيسلات و جبدت موناضة ليها و عصير ليمون و حامض ليه خرجتهم حطاتهم فوق طبلة و عينها غي عليه لي متكي براسه على حيط و مربع يديه و عيونه مغمضة حطات داكشي من يديها و قربات عنده بشوية قاست جبينه
نوارة""( بصوت منخفض) نوح (شافته مزال مغمض عينيه هزات يديها تدوز يديها على خده بحنية ) نوح
نوح"( حل عينه بشوية لي خداو لون احمر و بان فيهم المرض )
نوارة""( عينها باين الخوف فيهم و الشطنة ) نوض جلس كول شوية باش تشرب دوا
نوح""( ناض بتقالة رمى رجليه جلس و شد على راسه و هز عينه فيها و نعت بعينيه) دوك نصوص تاكليهم بوحدك
نوارة""( غلباتها ضحكة) اويلي راه 9 نص
نوح""(تبسم و حك جبينه) كولي ل قديتي عليه و شي لاخور
نوارة"" ( قاطعته)شي لاخور انجمعهم و نزلهم لبا االحسن
نوح""( كمش جبينه) فين اتنزلي
نوارة" ( تبسمت ببلاهة و تفكرت اش وقع من قبل ) ماعندي فين نزل انا عرفتي عيط ليه يطلع و مدهم ليه نتا
نوح""( طول شوفته فيها و هي خايفة منه) اري نشوفو هاد معقودة كي دايرة
ناضت دغيا مدات ليه نص و جلست جنبه و في يديها نص
نوارة" واخة بردات داز عليها نص نهار ( حاضية ملامحه مع اول ذغمة عض) راه مافيهش الحار هاداك
نوح"" ( حرك راسه بشوية عاجبه وضعه وهي رادة بال في ابسط حاجة)
نوارة"" ( بحنية)كيف جاتك يلا ماعجباتكش نطيب ليك شي حاجة اخرى
نوح"" مزيانة غي ريحي ( شافها مزال مابدات تاكل) تاكلي و لا نحبس انا
نوار""( تبسمت و بدات تاكل بشوية ) سمحلي خرجتك و تزاد عليك الحال
نوح""( مطلع عينيه لي ترخات بزايد و غمزها ناطق بصوت قليل) نسمح نسمح
نوارة"" ( تبسمت و حنيكاتها توردو نزلت راسها تتاكل و تتسرط بزز ) الصمت
نوح""( قتلته بخجلها هز يديه و شد رقبتها و جرها لشفايفه طبع قبلة جنب فمها و ناض) كملي ماكلتك انا نشرب دوا و نعس
نوارة""(ناضت حطات داكشي من يديها ) انا نجيب ليك دوا غي سير ترتاح
نوح"" واا راسك عاصي
نوارة""( هزات كتافها ) نسالي معاك و نرجع ناكل
حرك راسه بقلة حيلة و تمشى بخطواته رزينة دخل حيد جاكيط حطها فوق فوطوي و مشى جلس جابت ليه شرب دوا و سيرو و تكى
نوارة"" ( تتغطيه) حاول تنعس رتاح مزيان
نوح""( شد يديها و جرها جات فوقو و فمه على ادنيها ناطق بهمس) عارفة دوايا شنو هو
نوارة""( تبسمت و مشات بشفايفها للخده طبعت قبلة ) نسالي و نجي
رخف يديه ناضت من فوقه مشات تتزرب بلاما طلع يعينها فيه خلاته متبسم على حاله كيف وصلاتو و هو بين يديها خرجات من عنده قلبها يضرب ضريب و تضحك كي الهبيلة رجعت جلست تتاكل و عقلها مغيب في صباحها معاه و كيف كان اعترافه ليها بشكل حمقها بقات تدور في عينها من شافت راسها مانطقت ليه تاحرف ولا كان رد بسيط منها خلى دقات قلبها يزيدو يتسارعو بقات تفكر كيفاش تهضر معاه و تجاوب معاه في هاد موضوع كملت ماكلتها جمعت طبلة و كوزينة و مشات دخلات بشوية لبيت لقاته ناعس على كرشو قربت جلست فوق ناموسية و مشات بيديها لشعره تدوز يديها وسط خصلاته بشوية قلبت جبينه بطراف صباعها لقات حرارته نزلات تنهدت براحة و مشات جهة ثانية تخشات جنبو جرات يديه بشوية و نعسات على دراعه شي زعامة تطيح عليها غي ماتتزيد تحرجها
حس برقبتها على دراعه و دار جرها بالخف تاتخشات في صدره و نزل بيديه بين فخاضها تيتلمس وسطهم و شفايفه لودنيها
نوح""( ناطق بصوت مخلي جسمها يرجف) بحالا عطلتي عليا دوا امم
""شكرًا لدخولك حياتي ومنحي السعادة، شكرًا لمنحي ذلك الحب الجميل، شكرًا على تلك الذكريات الجميلة التي سوف أعتز بها ما حييت، بالرغم من كل ذلك، شكرًا
بعد اسبوعين بالحساب كان وقت المغرب حاطة الفاليز فوق سرير و تتجبد من ماريو و تحط و الحيرة قالباها تاسمعت باب تحل عليها هزات عينها بان ليها داخل تيهضر في تلفون
نوح""( تلفون في ادنيه و عينه في ساعة ) شي ساعة هكاك
هز عينه فيها و غمز ليها بتقااالة و مشى جلس فوق فوطوي داير رجل فوق رجل مريح برزانة
نوح"" ( تيهضر و عيينه تيهبطو و ينزلو براحة )ماعليش ماشي موشكيل اخاي حقها
نوارة""( كانت محنية على بلاكار خاص بصبابط تتجبد منه و سمعات كلمته و دارت تتبسم عرفت معامن تيهضر )
قطع تلفون و ومد يديه بتقالة حرك راسه باش تجي عنده حطات داكشي من يديها و مشات شدت عليه و جابها قدامه
نوح""( عيونه مليانة عشق ناطق بصوت مثقققل ) تسخاي براجلك
نوارة"( تبسمت و تدوز صبعها على صدره لي تيبان من شوميز) نشوف واش نخلي بلاصتي
نوح""( طلع حاجبه و مخلي صوته زايد في تقالة ) مانعمرهاش تاترجع مولاتها
نوارة( قوست حاجبها) كيفاش ماتعمرهاش فين اتمشي فين اتبات مافهمتش
نوح""( تبسم) براحة عليك ( هز يديه تيرمي شعرها ورا ضهرها) نوصلك و نرجع بعدها نشد الطريق للناظور شي خدمة
نوارة" (عبس وجهها بالخف) كيفاش واش ماتحضرش معايا
نوح"" ( شد يديها حطها على قلبه ) نحاول
نوارة" ( غلباتها بكية)صافي كون درنا بناقص كاع
نوح"" ( عقد حاجبه ) وعلاش
نوارة"" ( تتهضر منزلة راسها وبانت فيها تغبينة) و وا ماتحلاش ليا هاد حفلة لا ماكنتيش فيها
نوح""( كلامها خلات عيونه يتحلو و يسبقو ابتسامة على شفايفه طلع يديه على ضهرها و دفعها تاجا وجهها قدامه مخلي فجوة صغيرة بيناتهم بصوته التخين ) و انا ماتحلاش ليا نشوف حبيبي مقلق
نوارة""( طلعات عويناتها ليه من ديك كليمة خلاتها تسقل و تركز في ملامحه ) الصمت
نوح""( طبع قبلة على شفايفها ناطق بشوية ) عندي غي نتي
نوارة""( ماعرفتش علاش قلبها تزير حاسة بروحها تطلع منها مابغاتش تبعد عليه واخة غايغيب عليها غي 4 ايام خلات عينها على ملامحها بالهفة حطات راسها على صدره مخشية فيه بحال بنية صغيرة ) مانقدش
نوح""( قلبه كان عالم الثاني و اكتر منها ولكن فرحها مابغاش يمنعها منه حاوطها بيديه بزوج مزير عليها و شفايفه على شعرها مخلي ريحيتها تدخل مع عروقه ) خدمتي انوارة غانحاول غانحاول
نوارة""( مغمضة عينيها مخلية راحتها وسط احضانه و ريحته مختلطة بين بارفان و الكارو تتحمقها بصوت منغنغ) و واخة
نوح""( هز راسها قدامه معبس وجهه) البكى علاش يا هاد البنت
نوارة"" ( مسحت خدها و تبسمت بزز عليها ) نحط ليك تاكل و نلبس عليا
ناضت مخلياه حاط يديه على خده متبع ليها العين تتخبط في دوك فاليز تتسد فيها و خرجات تنهد تنهيييدة طويلة كأنه تيصبر نفسه حك على وجهه بيديه بزوج حاط مرافقه على ركابيه مخلي تقل لي حاس بيه ينزل تا بانت له هازة بلاطو حطاته قدامه فوق طبلة و جلسات جنبه حطات راسها على كتفه
نوح"" ( دور راسه اعندها و باس على راسها) كليتي
نوارة" لا مزال كنت تنتسناك ترجع
نوح"" ( شد يديها باس عليهم من كف ) يلا كولي باش ماتعاييش ليا في طريق
مد يديه كب ليها كاس اتاي و مده ليها كلات شوية و ناضت لبسات عليها سورفيت و سبادري و لاحت فوقها مونطو خلاته محلول مشات تتمشط شعرها و عينها تتمشي ليه بلا سابق اندار كان تيسف في كارو و تيجغم من كاسه و عينه مازكينش جمعات شعرها على شكل كعكة و قادت لي يتقاد هو اي شافها كملت و ناض تيقاد في جاكيطته مشى بلاكار جبد شي فلوس و قرب عندها
نوح""( مدهم ليها) خلي عندك هدشي تحتاجيهم
نوارة" ( تتشوف فيهم) بلاش عندي انوح
نوح""( كمش جبهته ناطق)نعاود هضرتي دوك فلوس خودي بيهم شي حاجة باغاها ماشي تصرفيهم
نوارة"""( شدت منه و حركت راسها بايجاب) و واخة
نعت بعنيه باش تسبقه داكشي لي كان هز فاليز و تبعها سد لباب و نزلو ركبو في سيارته و كسيرا محاول يطحن الطريق باش يرجع مبكر شوية
داخلة مع الباب و الشتاء تتصب مدخلة في يديها سخرة كولها تتقطر
مليكة"" ( كانت متكية تتفرج في تلفازة) قلتها لمك مالكي تعطلتي
سناء""( تتحيد مونطو ) لهيلا فزكت ديال بصح ( هزات عنيها فيها) باش عرفتها اتكون قوية هاكة ،
مليكة"" لقيتيها بعدا ولا غاضربتي تمارة
سناء""( عوجت فمها بمعنى والو ) لقيتها سدت نتي امي ماتفكرينيش، جبت غا سخرة من حانوت
مليكة"" و نسيت ابنيتي شحال و حنا نجريو من ورا خطبة وجرا مارتاحينا كاع
سناء""( دخلات لبيت تتبدل و تتهضر) بقى ليا غي هاد ليلة امي و نتحسب على راجل مانبقى محسوبة عليك
مليكة""( تنهدت و تبسمت ) الله يكمل ابنتي بالخير هو لي دايم ليك ، ماقلتيش ليا شكون ايمشي معاكم
سناء""( خرجات تتلبس بينوارها) نتي و خالتي نجاة العربي غايدينا و نتلاقاو في الجديدة مع نصير عند العدول
مليكة"" ايوا كنا بغينا نديرو حفلة من ترجعو
سناء""( قربت باست راسها) بغيتي تهناي مني ياااا ( تبسمت) على ود نوارة اجلناها و حتى راجلها نوح مايكونش مهم تخلطت دعوة لاخر سيمانة داخلة ان شاءالله نديرو ديك حفيلة ( حدرات راسها حسات بالغمة) و غانمشي و نخليك ميمتي بوحدك
مليكة""( جرتها لحضنها) الهبيلة غي من نشوفك بدارك هاداك هو الفضل عندي ، وتكوني تحت حماية راجلك عندي اهم من اي حاجة راجلك راجل مزيان و الهنى و راحة تتبان لي غي معاه ابنيتي دابة تولفي و انا مرة نجي عندك مرة تجي عندي ( باست على راسها) الله يرضي عليكم
سناء""( باست يديها و خلاتها على شفايفها) الله يشافيك لينا احبيبتي
مليكة"" و نوضي سخني ديك حريرة اري لينا نسخنو عضامنا
ناضت ديك ساعة تتسخن و عقلها سارح بيها و خلعة و خجل واكل منها و تا مشية من دارهم جاتها قاصحة تفرق ميمتها بالاخص عارفاها عيانة خرجات الحريرة و كلاو و هوما موضعهم غير على توجاد و عراضات و اش تلبس مهم موضوع غي على الحفلة
ـ_ــ_ــــــــ
جهة اخرى كان وسط بيروه غارق في خدمة تكى بضهره على بيرو مغمض عينيه حاس براسو مهدود سمع دقان عطى اذن بالدخول وعينيه مزال مغمضة تيتحرك بشوية بكرسي تاحس بجلسة على ركبته خلاته يفتح عينه بشوية بدون حراك فقط يديه لي مشات لعنقها
نصير""( هز راسه بشوية و رجعها لوراء ناطق بهدوء عكس بركان لي مشعل داخل) تتخلي الز****بويا نهضر بزاااف
ايمان""( شاده على يديه تتحاول ترخف) ط ط ل ق
نصير""( دار عكس زاد كرز و عينيه خداو لون الاحمر مخلي عرق متصبصب من جبينه ) يلا راسك قاصح انا كتااااار منك داك ح**** لي ح**** ماقنعكش الق***
ايمان""( هزت رجليها و عطاته لتحته خلاته يزيد يحكمها و يخبطها مع بيرو و عيونه قريب يخرجو لعافية تتهضر بزز ) هاد الح**** لي ه ضر تي عليه عمرك تج ربو مع شي وح دة
نصير""( شد شعرها و جابها تالقدام عينيه) ياالق*** هادي عندك فيها الحق بالمزيان
(دفعها تاتردحت مع بيرو تاخلات كولشي تردخ من فوق بيرو و جلس ) مانعاودت نشوف حس ط**** مك تتحومي جيهتي ماتخلينش نخرج عليك
ايمان""( ناضت شادة على عنقها وتحنات على ركابيها تتبكي) عارفة راسي تطاولت عليك ماتخلينيش عفاك ندير لي بغيتي
نصير""( زدح راسه مع كرسي بنرزفة مصبر راسه مابغاش يزيد يدير ليها شي حاجة ناض وقف و شد دراعها موقفها بيديه بزوج ) شوفي فياا مزياااان ( خلخضها تامشات و جات قدامه) هاد وجه لي قدامك اتولي محسوبة عليه لالاك يعني ماشي رخيصة تجي كل مرة ترمي عليا لحمها انا ( كرز على سنانه ) شااااارييها بدم جوفي ( دفعها) غبري مانعاودش نشوف الز****بوك قدام عيني
دازت ديك ساعتين ديال الطريق كلها و هو ماطلقش من يديها دخلو للرباط من حده تيزيد يقرب للحي ديالها و هي تتزيد تزير ماسخياش بيه و مابغاتش تخليه شي لي حس بيه و شافو في ملامحها
نوح""( جاب يديها لشفايفه نطق بهدوء) مالنا على هاد وجه
نوارة"( مابغاتش تزيد تقلقو تبسمت و نزلات عينيها) مامالوش
دخل مع زنقة ديالهم و لبكية تتقرب تخرجها وقف بيها قدام الدار وسكت طوموبيل بشوية و دار عندها بكتلته شد يديها بزوج
نوح""( ناطق بصوت منخفض مخليها تحبس دمعتها بزز ) شوفي فيا ( هزات عينها و ابتسامة بزز لي تتكون حابسة دموع و شفايف يترعدو هي لي كانت عليها صغر عينه فيها و جرها لعنده خاشيها في حضنه تيتبسم ناطق بشوية ) تعالي ليا ، ( بمزاح) اتخليني ندير بناقص من مها شي حفلة
نوارة""( تبسمت وسط دمعتها و طلعات عينيها فيه بشوية ) نووح
نووح""( حط يديه على شفايفها و عينه مشاو ليهم بلا حس نطق بخفوت) العمر ديال نوح
نوارة""( دقات قلبها كانت عازفة سمفونية مع غزله ) اتحاول تجي ياك
نوح""(حرك راسه بشوية مخلي عينه يتسدو و يتغمضو بتقالة) على ودك نحاول
نوارة""(دورت عينها هاك هاك و قربت شدت على خدوده بزوج و حطات شفايفها على شفايفه بقبلة سااخنة لي كانت اول مرة تقبله بديك طريقة و بعدات حشمانة )
نوح""(صغر عينه فيها من حيلتو للبوسة و لا زعامة لي زعمت عليه بديك بوسة لي فيقت فيه سواكن لداخل دور وجه حابس نفسه و عاود شاف فيها عاض على شنوفته و نطق بصوت منخفض) زعامتك هادي تتقتلني
حسات براسها ماقدارتش تزيد تبقى تحت عينه و ديك شوفة لي داير فيها حطات يديها على باب فتحاته نزلات نزل لقى يوسف خارج من باب قرب و ابتسامته كانت سابقاه
يوسف""(سلم عليه سلام رجولي) على سلامتكم اخويا
نوح""( بادله سلام ) الله يسلمك اخاي
يوسف""( دور عينه و جرها عنده باس راسها ) اش خبارك
نوارة""( باست يديه) لاباس اخويا الحمد لله
مشى جبد فاليز و خداهم من عندو يوسف
يوسف"" دخلو انا ندخل هادي غي زيدو
دخلو كانت سباقة هي نوارة دخلات لقاتهم مجموعين على صينية اتاي
نوارة"" السلام عليكم
الكل"" وعليكم السلام
مشات سلمت عليهم قرب نوح بادل سلام للزهرة و اريج فاطمة اكتفى غي من بعيد جلسو يرتاحو
زهرة"" على سلامتك اولدي
نوح"" يسلمك الواليدة كيف بقيتي
زهرة"" لاباس وليدي الله يرضي عليك
اريج""( مشات قدامه) عمو شكرا حيث اتخلي معانا عميتو هاد ليامات
نوح""( هزها فوق ركبته و تحنى عنده منزل صوته) اتهلاي فيها ياك
اريج"" كون هاني الشاف غانرد ليها بال بيما جيتي
نوارة""( باست يديها) يااااحبيبيتي و لهضور يخليك ليا
يوسف"" (تبسم) من سمعت اتجيو و هي تسنى و تسول
نوارة"" ( حلات يديها تجي تعنقها)حبيبتي اجي عندي
نوح""( بهدوء ) با محمد مكاينش
يوسف"" مشا يصلي العشاء
نوح"" ( ناض استآدن) اتسمحوليا
زهرة"" الله ياوليدي جلس غير تاتشرب اتاي
نوح""( حدر راسه باحترام) مانقدش الواليدة مزال تابعاني طريق تانرجع و نريحو
زهرة"" الله ياوليدي كولشي واجد نحطو ليك غي تعشى و سير
نوح"" ( تبسم و باس راسها) لهلا يخطيك الواليدة خاصني نمشي
استأدن منهم و تبعاته نوارة للباب
نوح""( شاف فيها و نطق بشوية ) ردي بالك امم متخليينيش نتشطن عليك
نوارة""( شدت على دراعه) صوك بشوية عليك واخة و خلي تلفونك حداك من توصل عيط ليا
نوح""( تبسم) ا تهدني رتاحي ليا مزيان
قاطعهم يوسف لي كان خارج عنده شد من كتف نوارة و نعت ليها باش تدخل داكشي ل دارت عرفاته بغى يهضر معاه تبسمت لنوح
نوارة"" ( بصوت ماشبعش منه) بسلامة
نوح"" ( اكتفى يحرك راسه بشوية و خرج مع لباب مشى حل سيارته و دار عند يوسف و نطق بهدوء) رد ليها بال ( شاف في دار لي جنبه ديال سعيد) عارفني لاش تندوي مابغيتهاش تشطن ليا بلي تغبنها
يوسف"" ( خبط على كتفه بشوية تبسم على كلامه) كون مهني
نوح""( حرك راسه بتقالة) خليت ليك راحة
يوسف"" الله يوصلك على خير
مزادتش كلمة اخرى كان زاد بسيارته حاس بروحو خلاها وراه احسايس جديدة عليه مخلين قلبو مضارب غي مع نفسه حاس بضيق في صدره و باله ما صايبش الهناء و الراحة
احاسيس كانت جديدة بالنسبة ليه حاس بلي مخلي عقله و قلبه تما خايف عليها من لهضرة و لا تسمع كلمة لي تقلقها واخة وسط دارهم ولكن خاطره مامهنيش بالخصوص من ناحية عائلة و بالاخص خالها شافو مرة وحدة و عرفه سام و هضرتو كتر مشى شد طريق لدارهم دخل مع زنقة و بان ليه الموطور قدام باب متكي عليه سلمان و معاه شي دراري وقف بسيارته جنبه و نزل سلمان غي شافه و تكعد و لاح الكارو لي كان في يديه
سلمان""( قرب سلم عليه سلام رجولي) نوح على سلامة
نوح""( بادله سلام و كانت عيونه مصغرة في لي معاه) الله يسلمك
قال كلمته و دخل بخطواته دفع لباب دخلاني و بانت ليه شامة في كوزينة
نوح""السلام عليكم ( قرب باس راسها) شخبارك الواليدة
شامة""( تبسمت) لاباس وليدي نتا بيخير( تتشوف وراه) فين مرتك
نوح""دوزتها نيشان
خرج من كوزينة و تبعاته مستفسرة
شامة" وعلاش وليدي كون جات باتت هنا تالغدا و تمشي
نوح""( جلس هز عينه فيها ونطق بصوته خشن) دوزتها ديريكت بيدي حيث راجع فحالي
شامة" ( جلست جنبه) و علاش ماتحضرش معاها
نوح"" ( عصر جبينه بطرف صباعه) خرجت شي خدمة الواليدة
شامة"" الله يسر ليك اولدي
نوح""( دور عينه ) فين زينة حسها مقطوع
شامة""( هزات راسها تتعيط ) زيينة اجي ابنتي تسلمي على خوك( شافت فيه) كانت تتجمع شي وراق اولدي راك عارف طلوع و نزول
نوح""( حرك راسه بشوية) شنو قدات كولشي
شامة"" تقريبا قربت تكمل بقات شي حاجة
قاطعهم خطواتها لي تتزرب فيهم من سمعاته جا
زينة"" على سلامتك اخويا( عنقاته مبتسمة) لاباس عليك ( دورت عينها) فين نوارة
شامة"" دازت لدارهم ابنتي مجاتش لهنا
نوح""( شاف في زينة ) مزيانة
زينة""( حركت راسها بايجاب ) الحمدلله اخويا
شاف في شامة و جبد ليها شي فلوس حطهم فوق طبلة
نوح""( شاف فيها و نطق ) قومو بيها و كبرو الواليدة ( شاف في زينة) نتي تعرفي اش تيعجب لبنات
زينة""كون هاني اخويا غدا نمشيو ناخدو ليها
شامة""( تتشوف في فلوس لي تتبان كثيرة و طلعت عينيها) ان شاء لله غي هو هادشي بزاف اولدي يعني ماشي عاد نخطبوها او نروحوها
نوح"" ( صغر عينه و كانت نبرة حادة و في نفس الوقت مخفض صوته) قلت خاص تكبري و تقومي الوليدة ( عوج راسه) يعني بحال بنتك بحال بنات ناس
شامة""( تبسمت ) ماقلت اولدي لعيب غير
زينة""( قاطعتها) زعمة اماما شي حاجة رمزية لي تكبر بولدك و بيك نتي لي غتديها في يديك ( شافت في نوح) ياك انوح
نوح"" ( حرك راسه بشوييية و عينه على شامة لي قرا مفهومها) تما كاين لي تخصك و تخصها
شامة"" واخة وليدي لي بغى خاطرك
نوح""( ناض هز تلفونه ) دوزو بخير
شامة" تاتعشى اولدي و سير
نوح"" ( حرك راسه بنفي ) تابعاني طريق الواليدة ( قرب باس راسها) بسلامة
شامة""( طبطبت على دراعه بحنان) الله يرضي عليك وليدي و ينقي طريقك من الشوك ( خارجة معاه لباب) و تهنى من جهة كبرانية ماعلينا غي نحمرو ليك وجهك قدام نسابك اولدي
نوح""( دور عينه بان ليه سلمان طار دار شاف فيها ) هاد ولدك قوليه يعقل شوية و يعرف معامن يترافگ
شامة"" ( حركت راسها تطمأنه) واخة وليدي غي رتاح و ريح بالك ( سكتت وعاودت نطقت ) قوليا اولدي
نوح""( هز عينه فيها بمعنى تنسمع) شكاين
شامة""( مراقبة ملامحه) نقولها لمنانة و بناتها يمشيو معانا
نوح""( زفر بجهد و دور عينه و عاود شاف فيها ناطق ) منانة ايه و بناتها لاش الواليدة ، نسيتي اش دارت داك نهار
شامة""(شدت على دراعه) وا وليدي ماعندنا من غيرهم و هي ماعندها من غيرنا و سعاد طايشة موحال تمشي اصلا مهم غي ندوزوها عليهم
نوح""( عض على فكه محاملش سيرتها و لا جرتها معاه قرب عندها شوية منزل راسه) تحملي مسؤوليتك الواليدة نسمع شي كلمة ولا شي بلان خرجات بيه تاني مانعقل على ط***** مها ( زاد نطق بحدة) دوزتها ليها مرة لاخرى برب هاد مرة تندفن مها الحية
شامة"" (شافته شعل و بغات تهدنه) ماتمشيش هي كاع مهم عندنا هي منانة اولدي
نوح""( حرك راسه و مشى اتجاه سيارته حلها و شاف ليها ) تا انا علمتك باش ماتقوليش مادارش بوجهي
طلع و كسيرا مخليها وراه شادة من حنكها غادي شاعل جاي شاعل حركت راسها يمين شمال و دخلات لقات زينة شادة تلفون
شامة"" يابنتي على خوك
زينة"" مالو اماما مزيناتو راجل
شامة"" قالك سعاد ماتمشيش
زينة"" ( شافت فيها و حطات تلفون) لا من نيتك اماما باغاها تمشي ماشفتيش اش دارت لبنت داك نهار و بغيته يقولك اه
شامة"" ومنانة ابنتي اتقلق نتي ماعرفاهاش
زينة"" ماما هاديك دار نسابو حقو يقول لي بغى و يمشي لي بغى هو
شامة"" احياني عليك نتي ديما جيهتو
زينة"" ( وقفت) ايه ماشي خويا بدم ولكن كتر من خويا راه كون ما هو كون ملاوحين زنقة
شامة""( تنهدت و حدرت راسها) احياني ابنتي واش داز عليه
زينة""( خفضت صوتها بأسف) قولي اش دوزت عليه اماما ( سكتت لتواني و نطقت) ولكن مانساش الخير هو لي بسبابه ساكنة في هاد الدار و هاد الحي ولدك قرا و خدم و انا قريت دابة تيكون بيا تانمشي لداري
شامة""( نزلات دمعة من عينيها هزات شالها تتمسح بيه) يابنيتي براكة عليا
زينة""( قربت باس راسها ونطقت ) غير بغيت نفكرك اماما ماعندك من غيره هاز همنا كاملين و باغة تزيديه هم ديك مخلوقة
من بعد ماخرج نوح دخلات هي لعندهم و جلسات جنب زهرة و تكات ليها على صدرها
زهرة""( هزات يديها تتدوزها على شعرها) بنيتي لحبيبة
فاطمة""( جايا من كوزينة) ياخويتي على الحب مالكي داخلة مغبنة ماسخيتيش
نوارة"" ( خنزرت فيها بالحشمة) احشمي
زهرة""( شافت في فاطمة) امضرا عيطتي للنقاشة فكرتيها
فاطمة" عيطت ليها ماتخافيش صباح نمشيو الحمام وعشية نمشيو للصالون تقاد شعرها و ضفيراتها و تدور بوجهها ياك احبي
يوسف""( كان داخل و سمعها اش قالت و لمح ليها بشوفة ) شكون غايمشي معاها
فاطمة"" ( تدهشرت )ا انا ايوسف نمشي معاها
يوسف"" ( قرب هز كاس اتاي و دار طالع للسطح )مولفة تمشي لصالونات
خلاها اتاتشوف دارت شافت في زهرة و نوارة و نزلت عينها
زهرة"" هادا مالو تاني
فاطمة"" ( بغمة) واخالتي راه غايكونوً غي لعيالات مانتزوق للحد بغيت غا نفرح براسي تا انا شحال ماحضرت لشي عراضة و خديت راحتي قلت زعمة ديال نوارة و غي في دارنا
نوارة"( ناضت جلست حداها ) ياخويتي ديك فارق العمر لي بينو و بينك داير ليه قهرة
فاطمة"" دوي معاه نتي انوارة ايسمع ليك
زهرة"" ايجي نهضر معاه انا نيت الجلاخة تاع بوه مالو على هاد قصوحية كاملة
نوارة"" ( تبسمت و حاوطتها بديها) يوسف مغيار بزاف عقلتي اش كان داير ليا انا هههه
فاطمة"" خمس سنين ديال زواج و مزال نفس طبع
زهرة" وابنتي مكانش هاكاك من نهار خرجتي و دوا فيك داك خونا لي تسلط عليك
نوارة"" ههههههه ناري فاش فكرتيني
فاطمة"" ( ضربت عليها) تضحكي عليا من تما ماشفت نهار زين
دخل مع لباب عينه مخنزرين فيها ناضت من شافته دخل ودارت عند زهرة
فاطمة"" خالتي نسخن العشا ياك
زهرة""غاسخني ابنتي باك كون جاي
يوسف""( مشا جلس جنب نوارة ومخاطبها) كولشي هو هداك
نوارة""( باست يديه) الحمد لله خويا
قاطعتهم غا تحنحينة ديال الجد لي فين مايدخل مع باب تيدير الحس و هادي عادة فيه لي غي سمعتها ناضت تتجري عنده
نوارة"" ( عنقاته و باست راسه )بااا حنيني توحشتك
الجد"" ( تبسم) وانا تنقول هاد نور لي تنحس بيه ديالمن
نوارة"" نورك حبيبي كي درتي مع صحيحة با مزيان (محاوطاه بيديها مخشية فيه غادية بيه للصالون فين جالسين)
الجد"" بيخير نويورتي ( جلس و شد يديها) اش خبار نوح لاباس عليه
نوارة" لاباس ابا سول فيك و مالقاكش
زهرة""ويه مسكين ماجلس مارتاح
يوسف"" ( رامي يديه براحة على خديات ) ايوا خدمة المخزن هي هادي
زهرة"" نوضي ابنتي جيبي لباك يغسل
نوارة" هي لولى
ناضت جابت ليه الغسيل و خرجات الخبز فاطمة جابت كيسان العصير و حطاتهم و عينها ماهزتهمش في يوسف لي من تتخرج و تدخل و هو حاضيها هازة من جيهته
يوسف""( ملمح ليها ) مالنا على هاد الخبيط
فاطمة"( شافت فيه و دخلات لكوزينة ) الصمت
زهرة"" ( خنزرت فيه) رخف على دريا تا ماعيتيش
يوسف"" ( بحدة ) ماشي دريا مرا مرا مراتي حاجة لي مرتاح فيها اتديرها سالينا
زهرة"" اسمعني منها من نوارة غايمشيو بزوج ( خبطت على يديه) تديهم و تجيبهم بيديك
يوسف""( كمش جبهته) لا تبارك الله ماعندي خدمة ماعندي شغل
حطات عشاء و مشات تجيب كرسي مابغاتش تاتجلس جنبه شي لي خلاه يجرها جلست جنبو و نطق تحت ادنيها
يوسف"" برب يا فاطمة لابقات فيك على فشوش لي وليتي تديري ليا
بداو عشاهم و فرحة لي كانت في عينين نوارة بوحدها لي شحال و هي محرومة منها حسات براسها توحشت لمة عائلتها صغيرة
يوسف"" الواليدة صباح ايجيب الكزار داك ضروبة موصيه يجيبها مگردة هي هاديك
نوارة"" علاش اخويا ماحن راسك ياك گلتي غي حفلة و
زهرة "" علاش ابنتي انا شحال عندي بغيت نفرح ببنتي و نكبر بيها ( شافت في يوسف) صافي اوليدي الله يرضي عليك
الجد"" راجلك ابنتي واش مايحضرش معانا
نوارة"" والله ماعرت ابا جاتو سفرة للناظور و قالي ايحاول يجي
فاطمة "" ماتقوليش ليا ايضرب طريق من هنا تالناظور وراه البعد بزاف
نوارة"" لا قالي غادي في تران
فاطمة"" تاع حيث 6 سوايع ولا ماعرت 7 كاين طريق بزايد
زهرة"" قولي ليا ابنتي اش خدمته بضبط
نوارة""( تبسمت) عميد الشرطة اماما
زهرة"" (بافتخار)تبارك الله تبارك الله على نسيبي
اريج "" ( جايا تتحك عينيها)ماما
فاطمة"" فقتي حبيبتي ( هزاتها قدامها ) تاكلي
زهرة"" اجي عندي نوكل بنتي خلي ماماك تاكل
اريج"" مابغيتش ناكل الميمة ( شافت في يوسف) بابا مخاصماك
يوسف""( قوس حاجبه ) وعلاش شنو درت ليك
اريج"" حيث ماخليتيش ماما تدير صبغة لضفرانها ( ربعت يديها) و مخلاتنيش تا تنا قالت لي ايضربك باباك
يوسف"" ( ناض من طبلة و خبط فوطة و مشا جلس مبعد على عليهم )لا صافي هادشي لي بقى ليا كنت في وحدة زدت ثانية
نوارة و فاطمة تيشوفو في بعضهم حابسين الضحكة
نوارة"" هانتا اخويا يلا عزيزة عليك خليهم على خاطرهم غي هاديك ليلة صافي عفاك
يوسف"" بلاتي شرحي ليا ( هاز يديه تيهضر و صوته مرتفع بعد شيئ) ندير قبلت و ديك خرجة لي تتخرج من صالون مزوقة ليا وجهها مايشوفها حد زعمة
نوارة""( حابسة ضحكة ) هانتا ماتخرج من داخل تاتكون وصلتي عندنا اتغطي وجهها كامل
يوسف"" ( زفر نفسه بجهد مخلي صدره ينزل ) انقبل على حاجة وحدة غدا تمشيو و تجيو ، و نهار السبت ديك لي تقاد ليكم اتجي عندكم ، ماشي نتوما لي تخرجو مزيانة دابة
نوارة"" ( ضحكت حيث ماقدرتش تحبسها) واخة اخويا لي بغى خاطرك
زهرة حاطة يديها على حنكها و حاضياه تاهز عينيه فيها و حرك راسه بمالك
زهرة "" ياولدي شهمتيني
كملو عشاهم يوسف طلع لبيتو و الجد دخل تاهو لبيتو بقاو غي زهرة و فاطمة و نوارة لي ناعسة عليها اريج تبادلو شلا كلام و شلا تعاويد جبدو كاع لي طرا فديك شهور لي كانت غايبة عليهم
زهرة"" قاسيتي ابنيتي
فاطمة"" الحمد لله ربي عطاها الراجل مزيان يعوضها على لي داز
نوارة""( تبسمت بخجل) الحمد لله
زهرة"" ( شافت بريق في عينها من سمعت حسه) باين بلي مهلي فيك
نوارة"" ( تدوز يديها على شعر اريج نطقت بنبرة محبة ) تعامله معايا اماما و على حنية تنشوف فيه بزاف
فاطمة"" ( تبسمت )باين غير من وصى عليك
زهرة"" ( فهمت قصدها) مايكنش لي ينقص من بنتي
فاطمة"" نوارة بغيت نسولك ' عائلته عارفة بلي طرا ليك ولا لا
نوارة"( حركت راسها بنفي ) لا ماعرفينش
شافت فاطمة في زهرة لي كانت نضرة وحدة و تفكيرهم مشا غير لسعيد و مرتو
زهرة"" ايوا نوضو تنعسو باش تفيقو بكري تابعكم شلا حوايج يتقضاو
فاطمة"" ( ناضت هزت اريج ) تصبحو على خير
نوارة" ( ضحكت) سيري تلقاي صعصع تيتسناك
فاطمة"" ماتفكرينش ياربي نلقاه نعس
زهرة"" لا دوا معاك غانوريه سيري ابنتي
مشات و نوارة هزات تلفونها لي من قبيلة و هي مرة مرة تطل واش جات شي حاجة منه قربت باست راس ماماها
نوارة"" ( هزات فاليز ) شحال توحشت بيتي ياااماما
زهرة"" باقي هو هو احبيبتي غي شوية تعديلات في فراش خوك من عرفك اتجي مشا خدا ليك فراش ناموسية كلو
نوارة"" ( ملامحها فرحانة ) خويا حبيبي
زهرة""( ناضت تاهي ) يلا سيري ابنتي ترتاحي
مشات نوارة طلعات لطابق تاني هو لي فيه بيتها و باقي كوله صالونات للضياف و طابق الثالت خاص بيوسف و فاطمة دخلات و مشات عينها لباب بيتها فتحاته و و عقلها راجع كل لحضة دوزتها اخر مرة خرجات منه هو داك نهار مشؤوم دخلات بخطوات بطيئة مشات للبلاصتها جلسات وعينها تتدورها فيه و في داك ديكورات لي دايرة و حوايجها باقين كيما هوما كولشي باقي في بلاصته ماتحركوش ولا نقصت شي حاجة مشات خدات بيجامة لبستها و دارت روتينها ليلي و جمعات شعرها و مشات تخشات في بلاصتها هزات تلفونها دخلات واتساب لقاته مادخلش ليه من قبل مايشد طريقه للرباط
قوست حاحبها و صيفطت ليه ميساج
"" نووح""
شافت ميساج وصله عاد ترخات فيها النفس و دوزت مكالمة تتسناه يجاوب
نوارة"""( في لحضة حنيكاتها خداو لونهم المفضل بصوت منخفض) نووح
نوح""( كان يلا وقف في باركينغ عمارة تكى براسه مستمتع بصوتها نطق بصوت التخين) روح الروح
نوارة"""( غمضت عينها بالفرحةمن هاد اللقب خلات قلبها ينبض بسرعة نطق بشوية ) وصلتي على خير
نوح""( نزل من سيارته بتقالة و زايد متوجه لدار) مشطونة ليا
نوارة""( تكات براسها على الحيط بصوت باكاد يتسمع) بزاف
نوح""( فلتات ليه ابتسامة وقلبه حاجة اخرى) خلي بالك في راحة باش نرتاح تا انا
نوارة" واخة رد بالك من البرد انوح و تلقى واحد طويسة فوق طبلة لي حدا ثلاجة تلقى فيها حلوة بالشوفان و مكسرات ديرها في فاليز ديالك ديها معاك و ماتنساش تاني تلفونك خليه معاك عنداك تخليه يطفى تاني وتدير لي بحال داك نهار
نوح""( في كل كلمة تتخرج و ابتسامته تتزيد ديك شطنة و وصايات منها كيف نقطة عسل على الجرح مخلياه دايب و هايم في صوتها و هي تعد و توصي وصل فتح لباب و دخل ديركت لكوزينة و شاف طاسة لي قالت ليه حلها هز منها وحدة دارها في فمه ونطق بصوت مرخي ) حلاوتك مادايرة فيا
نوارة""(تبسمت) دقتيها عجباتك راه فيها سكر طبيعي يعني حلاوة غير ديال تمر و زبيب عارفة بلي ماتيعجبكش الحلاوة بزاف داكشي لاش درت ليك هديك
نوح""( دخل لبيت و عطاته ريحة عطرها تبسم مدوز يديه على جبينه بتعب مخلي عينه يتغمضو ونطق بصوت قليل ) حلاوتك لي تتقدي عليا ( ريح جنب سرير ونطق ) سيري رتاحي ليا
نوارة"" لا نبقى معاك تاتوصل
نوح""( قوس حاجبه ناطق بصرامة) شنو غاتدخلي لبلاصتك و تنعسي انا من نوصل نخلي ليك ميساج
نوارة"" ولكن انا بغيت
نوح""( حواجبه تگرنو و نطق بحدة لكن صوته منخفض) يا نواارة الله يهديك
نوارة"" ( باسف) واخة
نوح""( بصوت قليل حيث عرفها تغبنت تاني) غدا تابعك بزاف بغيتك تكوني مرتاحة ليا
نوارة"( عاجبها الحال ) امم
نوح""( تبسم عاض على شفته تحتية تاحس بطعم الدم بصوت التخين نطق ) عشقان في الروح
""رغمَ أنَنِي قلت الكَثِير، إلا أنني لم أستطِع وصفَ مَا بِدَاخلِي بِدِقَة، فهَل أخبَرتكِ يَوماً أن حَياتِي مِن دُونكِ تنقصهَا حَياة""
خدودها اكتست بلون الاحمر لدرجة عويناتها ماقدرتش تحلهم حست غزله نطق و هو قدام عينها سكتت لتواني ماعرفتش اش تقول و لا لسانها اش يخرج تبسم فقط كان تيتسنى منها شي رد بسيط عرفها حشمانة مابغاش يضغض عليها
نوح""( ناض متوجه للبلاكار) رتاحي ليا
نوارة""( نطقت بشوية) واخة ، الله يديك على خير
نوح"" ( جبد صاك جلدي متوسط حيث ماعندوش بزاف ) امين تباتي في راحة الله
نوارة" ( صدرها يطلع و ينزل لسانها مثعلم باغة تنطق و ماقدراتش ) بسلامة
قطعت و حطات تلفون تدور في عينها و تلعن في لسانها و هاد خجل و حشمة لي تتشدها حطات يديها تحت راسها موسداها هزات تلفون كتبت ليه ميساج و عاودت مسحاته و حطات تلفون بنرفزة
نوارة"" قبيلة لي كان عليك تجاوبيه ماشي في ميساج
بقات تدور في عينها و تفكر تاحسات بعينيها بدات تتغمض
اما هو من قطع معاها جمع حوايجه و دخل للدوش دوش دوش خفيف و خرج لبس سروال جينز اسود و تيشورط رمادية غامقة و جاكيط الكوير اسود كاسيكيط تاهي اسود دار ساعته و جبد سباط بروتكان لبسه و هز صاك في يديه و خرج بخطواته متوجه لسيارته جبد منها شي وراق و سدها و خرج لبرا ووقفت عليه طموبيل خاصة بالشرطة ركب كانو معاه 8 ديال دراري دياله مشاو ديريكت لگار تران كان بقى ليه شي نص ساعة و يتحرك وقت قليل تاكانو طلعو نوح غي شد بلاصته و رد راسه للكرسي متكي عليه ودراري كاين لي قدامو و كاين وراه وكاين لي جنبو
دازت ساعات و ساعات صبح الحال نوارة غارقة في نعاسها زهرة فايقة بكري وجدت لفطور الجد فايق جالس في مرح تيشرب اتاي مولف يفيق بكري و صوت راديو خفيف جنبو نزل
يوسف لي كان نازل من دروج بشوية تيقاد كمام شوميز دخل لكوزينة
زهرة" صباح الخير وليدي
يوسف""( حرك غير راسه و باس راسها) الصمت
زهرة"" ( هزات صينية حطاتها في طبلة و رجعت كوزينة ) اجي ولدي تفطر
فاطمة""( نزلات تلفون لي نساه قربت جلست جنبه) يوسف نسيتي تلفونك
يوسف""( نزل بعينه لصدرها لي كان معري مخلية بينوار محلول ) غطي داكشي شايط عليك
فاطمة""( كمشت فيه حاجبها و سدات بينوار ) معاياش تجي عشية
يوسف""( هز كاس اتاي ) ربعة ربعة ونص راك عارفة وقت
فاطمة"" ( شافت هاك و هاك و قربت باسته من خده و نطقت بشوية ) شكرا حبيبي
يوسف"" ( شد دراعها وجرها شوية ) مزال ماتفاهمناش على لبارح
فاطمة""(تبسمت دوزت يديها على حاجبه لي كانو فيه مبعثرين شوية ) واخة تاتجي و تفاهم معايا
زهرة"( خرجت طبسيل المسمن) سيري ابنتي فيقي نوارة لحمام تيكون عامر ليوم الجمعة
فاطمة"" واخة اخالتي نفيق اريج بعدا نلبسها حوايجها تمشي لروض و عاد نفيقها
زهرة""واخة ابنتي
يوسف""( هز عينه فيها) ردي بال الواليدة لاتخرجو وتخليو كزار واقف برا
فاطمة"" هي اتبقى هنا راه اتجي تا طيابة
زهرة" خالتك رقية اشوية و تجي غير هني بالك اولدي
يوسف""( ناض هز تلفونه و تم خارج ) فاطمة
لي غي سمعاته و مشات تبعاتو وقف في لباب و تسناها جات عنده جرها من دراعها جات قدامو و نطق بشوية
يوسف"" عنداك يغرك داك شيطان لي في راسك و تقيسي حجبانك و لاشي لعبة نتفهم لمك زغبة زغبة
فاطمة""( قاست صدروه) ندير ليهم غير تشقير
يوسف""( قوس حاجبه) ماعرف لا تشقير لا زمر لي عارف هو لاقستيهم و شفتهم منتوفين نحي مك نتي و ياهم
فاطمة""( قربت ليه باست صدره ) تاتشوف و حكم عليا
يوسف""( باس على شعرها) تا نجي و نشوفو
حلات عينها على صوت هضرة في كوزينة لتحت تبسمت مدات يديها على تلفون هزاته و بانت لها رسالة من نوح فتحاته
""صباح النوار ""
ابتسامتها تشرعت شافت لوقت بانت ليها شي ساعتين باش صيفطها عرفاته كان عاد وصل كتبت ليه رسالة و صيفطتها ليه
"" صباح النور كي وصلتي على خير""
صيفطاته و ناضت من بلاصتها دخلات للحمام قدات حاجتها و نزلات لتحت و فرحة مبينة على وجهها دخلات لمرح و تعالات زغروتة من فم خالتها الصغرى رقية
تبسمت و مشات بزربة تلاحت في حضنها
نوارة"" خالتي
رقية"" بنت ختي الحبيبة اش خبارك
نوارة"" الحمد لله حبيبتي نتي اش خبار هشام لاباس عليه
رقية"" لاباس عليه راه مشى يتسخر
زهرة""( مخرجة صينية ) صباح الخير بنتي كي صبحتي
نوارة""( باستها ) الحمد لله اماما نتي شوية
زهرة"" كي بغيتيني نصبح حبيبتي
فاطمة""( دخلات تتحيد فولار ) صباح النور ش خبارك ارقية ( شافت في نوارة ) عروستنا بيخير
نوارة"" الحمد لله حب نتي مزيانة مابيك والو هههه
فاطمة"" تضحكي عليا اخيتي
رقية"" ايه عاودت ليا زهرة ههه اختي رجال هوما هادوك ماتشديش في خاطرك ، هشام باقي لدابة للحكام
فاطمة"" هادا عندي بزاف تيقهر
نوارة"" من ديك ناحية راه كولشي ( هزات زيتونة تتكال فيها)انا مزال ماخرجت بوحدي تيقولي رجلي برجليك
زهرة" ايوا ابنتي رجال غيرتهم صعيبة
سمعو دقان ناضت فاطمة لاحت عليها شال على شعرها و مشات فتحات لباب
فاطمة"" خالتي تكلمي لعالية
زهرة"" دخلي العالية
دخلت فاطمة و راها طيابة لي دخلت سلمات عليهم و طلعو للسطح بقات فاطمة و رقية مجمعين و يضحكو
رقية""( ناضت تتلبس جلابتها) نوضو تكعدو لا غاتمشيو لحمام نمشي نجيب الحلوة دايرة معايا سيدة هاد صباح
فاطمة" يلا نمشيو باش نجيو مع الغدا
نوارة"" واخة نكمل فطوري و نمشي نجمع حوايج
فاطمة" جمعي غير حوايج شي لاخور كولشي واجد ، تا داك ماسك مخلط وواجد
نوارة" ماتقوليهاش ( قرصت على خدها) ياخويتي على مرات خويا مزيانتها
رقية"" لخاطرو خوك غامس هاد تغميسة لحارة
فاطمة"" ياختي راه حنين معايا مانكرش ولكن غيرتو حارة بزاف
نوارة"" صافي تانتي تبقاي شاداها برعي سيد ليوم تحممي و تمشي لصالون بردي الحالة و بدلي لون شعرك تلفي باباه
رقية""( خارج مع لباب تضحك) ههه قالت ليك صح خلي بوه يهتهت
فاطمة"(شادة على شعرها) زعمة يجي معايا شي لون
نوارة"" ايجيك اييجك مع نتي بيضة و زعرة ديري شي لون عرفتي واحد لون بحال لكري بحال زعر ماعرت اش اسمو مع لون عينيك يجيك واعر
فاطمة"" او نديرو كحل ؟
نوارة" باش يلا يحسنو ليك من جدر ههه
فاطمة"" تانمشي لصالون و نشوف ( ناضت طالعة ) طلقي راسك انا نمشي نزل داكشي
كملت ماكلتها و ناضت طلعات لبيتها مشات ديريكت لتلفون مالقات تاميساج عرفاته يكون ناعس خلات ليه ميساج
"" يلا مجاوبتكش راني غانمشي للحمام ❤️""
رافقت رسالة بقلب احمر تتشوف فيه و تضحك عوض ماتقول شي كلمة مخليا ليه قلب بقات تتلولب في عينها حطات تلفون و مشات تنجمع حوايج و مسائل ديالها لبسات جلابة كانت عندها و نزلات لقات فاطمة تتسناها في الدروج مشاو نيشان للحمام فركو الحالة مخالاو ماسكات للجسم و للشعر ماخلاو تبريمات ماكملو تحمحيمة تاكانو بزوج كيف البلارات خرجو لبسو حوايجهم و خرجو متوجهين لدار دخلو مع لباب كانت الهضرة كتيرة
دخلو وسط الدار شافو شكون وحدة شافت في الاخرى تبسمت بزز منها حطات داكشي من يديها و توجهت باش تسلم
توجهت بخطوات و ملامحها مستفسرة واش مرتاحة او لا كانت مرات خالها و رقية من ملامحها باين ماعجبها حال
نوارة" السلام عليكم اخالتي بديعة
بديعة""( تبسمت و عينها تطلع و تنزل) اهلا عروستنا ( وقفت مادة حناكها ) لاباس عليك
نوارة" لاباس اخالتي كي داير خالي و شيماء لاباس
بديعة"" كوولشي لاباس ازين( تتشوف فيها شوفات قوية) راه طايح عليك سر عريسات نيت
فاطمة""( جاوبتها بهدوء) زين زينة و سر ديما طايح عليها ماتحتاج عاد يطيح
بديعة"( ضحكت ضحكة صفرة) ههه مبين مبين ايوا مبروك الاله و بصحة تحمام
رقية""( شافت في فاطمة و غمزاتها) سيرو لفوق طلعو معاكم صينية اتاي راه في كوزينة
شدات في دراع نوارة و جرتها
فاطمة"" طلعي نتي انا نجيب اتاي و نجي عندك
نوارة"" ( شافت في رقية لي هضرت معاها غي بعينها و شافت في فاطمة و جاوبتها )واخة جيبي ليا معاك شي حاجة حلوة
مشات طلعات و هزت معاها صاك الحمام دخلات لبيت و جلسات تتنهج بينا تقادو دقات قلبها لي تتحس بيهم تخلبطو من شوفة و كلام بديعة خوف من هضرة سامة و شوفاتها تتخلعها و تخربقها ماتتخليهاش مرتاحة دورت عينها لتلفون هزاته لقات زوج مكالمات وحدة من سناء و لاخرى من نوح تنهدت و ملامحها في ساع تغيرو
دوزت مكالمة للنوح تيصوني و قلبها تيدق دقان بقى تيصوني تا قطع بوحدو شكات انه يكون مامساليش دوزت مكالمة ثانية لي ديغيا جاوبتها تقول كانت تتسناها
سناء""( شادة جلابة قبالت عينيها) واااالعروسة ديالي
نوارة"" نتي لي عروسة اختي ماشي انا هه اش خبارك
سناء"" لاباس احبي فين كنتي شفتك ماجوبتينش صونيت ليك
نوارة" كنت في الحمام عاد دخلت
سناء"" بصحتك ياختي لقيتيني غانلبس جلابتي نمشي للفيرما انا مليكة نتغداو تما عاد نشدو الطريق
نوارة"" مزيان يالحبيبة بصحتك الغدا و مبروك مسبقا معاياش اتجي غدا
سناء"" ( خجلانة) نقولها لنصير نشوف معاياش يسالي
نوارة"" ياخويتي على نصير هههه تعقلي كنتي ضحكي عليا
سناء"" ( تبسمت على حالها) ايوا اش ندير دابة غانتحسب عليه هو لي يقول لي ايجيبني
نوارة'"" نضحك مع حبي الله يتاويكم بالخير و يكمل عليكم ياااربي مهم تاتعقدو و تقادو اموركم و سوليه يجيبك ليا بكري
سناء"" واخة ازين نمشي نلبس عليا باش نمشي
نوارة" واخة مبرووك مبروك احبي
سناء"" ( خجل دار ليها حالة ) الله يبارك فيك
نوارة"" بسلامة حب في امان لله
قطعات معاها و مشات بعينها لميساجات لي بينه و بينها لقاته مزال مافتح عاودت اتصال لكن لامجيب تفتح لباب و دخلات فاطمة ووراها اريج لي جات تتجري عندها
اريج"" عمييييتو
نوارة"" حبيبت عميتو ( هزاتها فوق رجليها) مشيتي ليكول ليوم قريتي مزيان ياك
اريج"" ( وراتها يديها فيها بوان) اه جاوبت معلمتي صحيح و دارت لي بوان في يدي
نوارة""( باست من خدها) برافو حبيبة ديالي
فاطمة""( مدات ليها كاس اتاي ) سيري ابنتي تلعبي نهضر مع عميتو
مشات اريج تتلعب و جات فاطمة جلست جنبها
فاطمة"" ماديش على ديك مسمومة غي الغيرة تتهضرها
نوارة"" ( جغمت من كاسها) مافهمتش علاش هاد الحقد كامل وهادشي عارفاني مادرت لا بيدي لا برجلي
فاطمة"" سم لي تيهضر هوما من ديما ماشي عاد تعقلي اش كانت تتخرج عليا مع خالتي زهرة جاب الله يوسف و خالتي كانو عايقين بيها
نوارة" نعقل نعقل باز عندهم وقت و عندهم خاطر لهادشي
فاطمة"" نساي عليا زمر يعومو في بحرهم غي يبعدو لينا من عروستنا
نوارة"" كون جبتي ليا معاك غا شوية خبز ولا شي حاجة من غير حلوة
فاطمة"" راه وقت الغدا هدا يجيو من الصلاة نتغداو
نوارة" (هزات تلفون قدامها ولاحته) واخة
فاطمة"" ( شافت في تلفون و عاودت شافت فيها) ياخويتي توحشتيه
نوارة"" ( تبسمت بخجل) غي حيث من جيت لقيت ابيل من عندو صونيت ليه و مجاوبش
فاطمة"" يكون غير خدمة ابنتي ( ناضت ) رتاحي ازين انا نطلع عند خالتي و رقية نشوف فين وصلو
حركت ليها راسها حيدت شال بقات غي بالبوني و حيدت جلابة و مشات تجبدت فوق سرير هزات تلفونها بغات تصوني و امتانعت مابغاتش تبرزطو دخلات انستا طالعة نازلة تاصونا ليها تلفون في يديها لاكن كان ابيل فيديو ناضت بقفزة جلست تتقاد في بوني و قلبها تيرف مخلي صدرها يطلع و ينزل جاوبت و ابتسامتها الخجولة فاضحاها
فتحات الخط و ابتسامتها كانت واضحة و فرحة اكتر مابانش ليها صورته صغرت عينيها تيبان ليها غي فوطوي و صوت تقرقيب تاسمعت خطواته تقيلة بانت ابتسامة مجرد ماشافت نصه تحتي بسروال سورفيت و بانت غي غي كرشو كانت عريانة قبل مايجلس قبالت تلفون ووضاحت ليها صورته كان باين عاد خارج من دوش شعره فازك
نوح""( جلس براحة منزل راسه لتلفون ووعينه مرخية باين العيا لمح بشوفتها تتعض على ضفرها بخجل فالتة ليها ابتسامة نطق بصوت مدعدع و تخين) نور الحمام ( تبسم وشعل سجارته ) بصحتك
نوارة"""( حطات يديها على عينها بخجل و نطقت) الله يعطيك صحة
نوح""( بخ من فمه عينه نايمة نطق) مزيانة
نوارة"" ( حركت راسها) الحمد لله نتا وصلتي مزيان
نوح"" (تبسم وسط دخان لي معتم حداه ) شوفتك لي مزيانة
نوارة""( تتشوف فيه و في ملامحه ماكرهتش تكون جنبه ) نووح
نوح"( بخ من فمه و حرك راسه بشوية ) روحو
نوارة""( بعدات تلفون من قدامها مغمضة عينيها يديها تترعد تاسمعاته نطق
نوح""معيط ليك باش تدرگي عليا
نوارة""( قربته بشوية تاتلاقات عينها مع عينه عاضة غلى شنوفتها بخجل)الصمت
نوح""( هز تلفون قربو باش يزيد يتمعن في جمالها نطق ) شوفي فيا
نوارة""(هزات عينها ليه) نعام
نوح""( هز يد تانية و تيدير حركة باش تقرب ) قربي قربي
نوارة""( يديها مرعودة محبسة شفايفها من رجفة غير بعضة عليهم قربت بشوية على ملامحها ) ها
نوح""( عينه مرخية و معسلة و زادته بشوفتها و دوك خدود مزنكين و الوجه تيبري قدامه ماكرهش يكون تيتبننهم بلسانو بقى ساكت للتواني ونطق بتقالة ) كولشي فيك زين
نوارة""( حابسة نفسها بزز غي عينها لي تيرمشو بزربة ماعرفتش ماتقول ) الصمت
نوح""( مستمتع بخجلها و شوفتها تكى براسه راجع لور خلى شعره ينزل على جبهته و تيتقطر ) مهلين ليا في مرتي
نوارة" ( بخجل ) امم ماتخافش ( شافت ماء نازل من على شعرو) نووح اتمرض تاني مسح شعرك
نوح"" ( حرك راسه بدون جواب ) الصمت
نوارة""( عقدت حاجبها ) وزايدها بالعرى نوض مسح شعرك انوح
نوح""( تبسم و تكعد حط تلفون و مشا جاب فوطة و رجع ريح هز تلفون قبالته تيمسح تبسم ) مزيان دابة
نوارة""( تبسمت بلهلا يطريه ليها ) تتخاف مني ( ضحكت)
نوح""(تبسم و هز حاجبه ) نخاف نخاف
نوارة" وغير حيث خفت تمرض و نتا تما و
نوح""( بشوية) و شنو ؟
نوارة"(؟كبتعلثم) يعني بوحدك زعمة تجيك صعيبة
نوح"( عشقه ليها غير ماتيزيد كون يصيب تبقى تهضر و هو متبعها يسمع ليها نطق مسكتها) محتاج غي ليك
نوارة"( تبسمت و طولت شوفة في ملامحه مكرهتش كون كانت فوق صدره و يديها تمشي لحيته لي تتحمقها نطقت بلا حس) انا معاك ديما
نوح""( ملامح محبة و عينه اكتر عشق وكلامها ليه بحال ماء بارد على صدره تتبرد ليه ديك جوف وديق لي كان عايش بيه خلات قلبه يتغيرو دقاته نطق بفحيح محرك راسه بتقالة ) و شحال عشقان فيك
طريقته بالكلام و شوفاته منين تيتغزل بيها تتخليها ذايبة و عقلها مغيب نزلات عينيها و عاودت شافت فيه ربما تشجع و تنطق شي كلمة حاسته محتاج بزاف شي تلميح او كلمة باش تجاوب معاه
نوح""( شعل سجارته الثانية حاس براسه مشكرف نواضرو ايخرجو هز عينه فيها و بخ من فمه ناطق مخلي دخان يخرج ) مرتاحة
نوارة"" (حركت راسها بايجاب وخجل واكل لسانها) نووح
نوح""( نتر و حرك راسه بشوية ) مالنا ( طلع راسه تيبخ مع ابتسامة) الجفاف في داك الفم
نوارة""( حطات يديها على فمها تبسم وعينيها على ملامحه خشنة و هو مراقبها ) نوح نتا ح
تحل لباب و دخلات اريج تتجري عندها
اريج""عميتو تكلمي قالت ليك الميمة تغداي
نوارة""( حابسة الضحكة من شافته كشر على جبينه ) نسالي و نهضرو
نوح""( تيحرك راسه بشوية نتر نترة طوييلة و عينيه مركزين فيها ) بصحة
اريج""( دخلات راسه في تلفون) عموووو
نوح""( كان ايكمي و نزل يديه و نطق) اريج لاباس
اريج"" لاباس اعمو ، عمو عرفتي عميتو ادير عرس و تلبس قفطان و دير تاج و تنقش
نوح""( تبسم و حرك راسه بصوته مدعدع ) تهلاي ليا في عروستي
اريج"" كون مهني خاصك تجي باش نتصور معاكم ( هزات يديها) بزوج عريس و عروسة
نوارة""( حشمتها ) يلا نزلي حبيبة نقطع مع عمك و نجي
صدرتها مشات تتجري و طلعت عينيها فيه لقاته مراقبها تيحك على جبينه تبسمت ونطقت
نوارة"" يلا بسلامة سير ترتاح
نوح""( حرك راسه ) بسلامة
قطعات معاه و هزت شنوفتها علاش ماقال ليها بسلامة و شي حاجة وراها جاتها ناقصة تافيقتها غي تعييطة فاطمة ناضت ذغيا نازلة تتجري لقاتهم مجموعين على قصرية كسكس
نوارة"" السلام عليكم ( لمحت لهشام مشات سلمت عليه باليد ) هشام لاباس عليك
هشام""( تبسم ) الحمد لله انوارة نتي بيخير
نوارة"" لاباس الحمد لله كي بقات يديك شوية(جلسات جنب فاطمة و رقية)
رقية"" كانت اتمشي ليه يديه الصكع غاربي حفضو
الجد"" دوك ماكينات النجارة صعاب اولدي
هشام"" ايوا قدر الله سبحانه
زهرة""( شافت في رقية) وصيتي على حلوة لي قلت ليه
رقية"" وصيت وصيت غي كولي نتي من صباح و نتي تجري
نوارة"" اشمن حلوة ياك مشيتي تجيبيها
فاطمة"" ݣاطو ديال العرس قالت تصوري معاها نتي ونوح ( شافت فيها) ايبغي يدخل يتصور بعدا يلا جا
نوارة"" يلا كانو عيالات مايدخلش ، اما لاكنا حنا تاهي في شك
الجد"" الله يرضي على بنيتي بغى هي هاديك مابغاش ماتقجريش عليه داكشي ماش موهيم
زهرة"" ايوا غي دكرى وصافي ابا تالا مابغاش تاتخوا دنيا ويطلع
نوارة" ( نطقت باسف) ايوا تانشوفو واش ايحضر ولا لا اماما
فاطمة""( قربت ليها و نطقت) تاكلي و سيري وجدي راسك يوسف ايجي مبكر شوية على قبل
نوارة"" واخة
كلاو و بقاو هضرة تجيب هضرة نوارة قلبها فرحان و لما لا و هي وسط عائلتها فرحانين بيها و بغاو يكبرو بيها غي كملو ناضت رقية جمعت طبلة و فاطمة غسلات ماعن زهرة طلعت للسطح تشوف الطيابة و الجد دخل لبيتو يتكى و هشام خرج
نوارة""( دخلات عليهم لكوزينة) رقية مروان شي خبار عليه
رقية"" لابااس عليه قلت ليه عليك شحال فرح (تنهدت) كون تشوفي شحال قلب عليك يابنتي كان ايحماق
نوارة""( تبسمت و نزلت عينها) راه خويا ماشي غي ولد خالتي نقاطعت علاقتي معاه من نهار مشيت تندخل نشوف غي تصاورو في انستا ديالو و نخرج ماقدرتش نهضر معاه ولا نزعم
فاطمة""( تتمسح للماعن و تتهضر) هو الوحيد لي كان تيدافع عليك
نوارة"" خويا حبيبي اخر صورة حطها كانت في طنجة خدم تما
رقية"" اه خدم في المناء
نوارة"" ( تبسمت ) شحال وهو حامق يخدم تما ايوا الله يسهل عليه
رقية"" اميين اميين ( خارجة من كوزينة) نطلع لفوق سيرو وجدو راسكم يجي يوسف يبدا يصعر عليكم تاني
طلعات نوارة هي لولى حيدت بيجامة بقات بضوني و كولون من تحت لبست فوقهم جلابة و هزات شال دارته عليها هزات تلفونها ونزلات تلاقات بيوسف داخل مع لباب
نوارة""على سلامتك اخويا (قربت باست يديه)
يوسف"( باس راسها) الله يسلمك ( تبسم) مزيانة
نوارة" ( عنقاته من كرشو) بييخير اخويا
يوسف"" نطلع نبدل ونزل نو
فاطمة"" ( قاطعته نازلة من دروج ) بلاش بلاش غي وصلنا و رجع
يوسف""( طلع عينه ليها بشوية تاجات قدامو تتبسم) في هادي واجدة مابغاش تعطلي (مد ليها صاك دياله) طلعي هادي بعدا
فاطمة""( خدات منه تتبسم) واخة اراجلي العزيز
طول شوفة فيها و هي طالعة تتجري شاف في نوارة و نعت ليها باش تخرج فتح لباب خرجات و ركبت في طوموبيل طلع تاهو تابانت ليه فاطمة سدت لباب و طلعات تتنهج
فاطمة"" ( شافت فيه) يوسف جيب اريج من المدرسة عنداك تعطل عليها
يوسف""( ديمارا طوموبيل ) معاياش تساليو هاد شي ديالكم
فاطمة" نساليو نعيط ليك
يوسف"" باين لعربون ( شاف فيها) فين كاين هاد صالون
عطاته العنوان بضبط و كسيرا لي كانت عشرة دقايق ديال الطريق تا كان قدام صالون نزلت نوارة بغات تنزل فاطمة و شدها من فخضها
يوسف""( بنبرة آمرة ) هضرت صباح ( مكمش جبينه ) بلاما نعاود هضرتي
فاطمة"" ( حطات يديها على يديه ونطقت بهدنى) صافي حبيبي هضرتي و قلت لك مانديرش شي حاجة تغضبك عليا
يوسف""( تيطلع و ينزل ) حلاوة اش تديري ليها ( نعت ليها بعينه باش تنزل ) نزلي نزلي ابنتي
من بعد ماتغداو مجموعين في فيرما شدو طريق ديريكت للعنوان ديال العدل و لالة سناء لي خلعة وخجل كلاها يديها تتعرق و تنشف تتقرب تزيد رجفة وقف العربي قدام المكتب العدل
العربي"" على سلامتكم
نجاة"" ( جبدات تلفون ) نعيط ليه نشوفو فين وصل
العربي"" بلاش الاله نجاة راه طوموبيلته فين مبلاصية
مع قال جملته و هزات عينيها بشوية بان ليها قاطع الشانطي و هيبيته مغطية على مكان و خطواته متقلة و رزينة نضارات شمسية مغطية عينيه و في يديه تلفون و سوارت نزلو من طوموبيل بقات هي اخيرة تترعد و تقول ماترعدت وصل سلم على مو و نسيبتو و طلع عينه لعندها يلا رامية رجل نازلة من طوموبيل و رمات يديها هزات تلفونها و وقفات دارت بشوية مخلياه ينزل و يطلع براحة بداك جلابة مهيبة وسطها و لا شال لي ملاوح ليها بعشوائية قرب بخطوة لعندها
نصير""( تبسم و حيد نضارات كأنه تيتحقق من جمالها و ديك شمس ضاربة في عويناتها مد يديه ناطق بشوية ) اش خبارك
سناء""( مدت يديها و تبسمت ناطقة بصوت بكاد يتسمع بكترة خجل) لاباس الحمد لله
شد يديها قدامهم شابكها مع يديه دخلت مليكة و نجاة هوما لولين عاد تبعوهم
سناء"" ( بشوية ) طلق يدي حشمتيني
نصير""( نزل بعينيه لعندها) علاش اختي (حرك بعينه ل اسم مكتب العدل نطق بشوية) مرتي
نطق كلمته تيتبسم و جرها هو سابقها و هي وراه بنصف خطوة دخلو للمكتب و اتمو اجراءات كاملة بقات غي كتابهم يتكتب
العدل"" سناء مرزوقي قابلة بزواج من بنصير الزياني على سنة لله و رسوله و مقدر الصداق قدره ثلاثة ملاين و طقم الذهب مقدر ثمنه 3 ملايين و نصف
سناء""( منزلة عينيها شربكها و دوخها بديك نقد كاملة في صداق نطقت بخجل) ق قابلة
العدل"" نصير الزياني قابل بسناء المرزوقي كزوجة على سنة لله و رسوله
نصير"" قابل
مد ليهم العدل يسنيو و كذالك الشهود مليكة و نجاة اتمم كلشي على خير و خرجو وهي مازال غرقانة في حشمتها
نجاة""( قربت لسناء عنقتها) مبروك ابنتي و مرحبا بيك وسط عائلتك
سناء""( منزلك عينها ) الله يبارك فيك اخالتي
مليكة""( جرتها لحضنها) الله يكمل على بنيتي
بالخير ( شافت في نصير ) مبروك اوليدي تهلا ليا عوينتي
نصير""( قرب باس يديها و راسها و شاف في سناء و شوفاته كانت عالم الثاني ) بنتك في عيني
قرب لنجاة باس ليها راسها باركت ليه بدورها مدرعة على ضهره
نصير""( شاف في نجاة) سيرو نتوما ( شاف في سناء وشد يديها) نقديو شي غرض و نتبعوكم
نجاة"" واخة اولدي غير ما تعطلوش للعشاء
جرها من يديها و هي خطواتها متعكلها و تتشوف زعامته طلعات عينها فيه لي غير حس بيها و نزل بعينيه لمستواها و تبسم مانطق ماتكلم تاوصل لطوموبيل حل ليها لباب طلعات سد لباب و مشا طلع و كسيرا' اما هي بقى لها غي البكى تبكي ماحليتها لزعامته و لا هاد مشية لي ماعارفة فين غتصد يديتها تتصبب بالعرق من كترة فريك لي تتفرك فيهم
نصير""(دور عينه بتقالة وشاف يديها مد يديه لعندها و شابك صباعه مع صباعها و قربها لشفايفه ناطق مخلي انفاسه تضرب على يديها ) الله يبارك ليا فيك
سناء""(شفايفها تيترعدو لواحد درجة بزاف ) الصمت
نصير""( تبسم و مخلي يديه مع يديها ) ماسمعتش صوتك مالنا
سناء""( تتنش يديها حاسة بضيق لي غي لمح ليها و نزل زاج شوية شافت فيه ) شكرا
نصير"" مابقاش بزاف تنزلي
سناء"" ( بخجل) فين غادين
نصير""( شاف فيها و غمز ليها بتقالة مع ابتسامة خدات عقلها) مرتي
حناكها ايطرطقو دورت عينها بانت ليها نفس البلاصة لي خداو منها خواتم وقف قدامها و نزل مشى حل لها لباب و مد يديه شدات فيه و دخلو لقاو سيد برا لي غا شافهم و دخل
نصير""( جابها قدامه تجلس) ريحي انا جاي
مشى بخطواته عند السيد هضر معاه و رجع جلس جنبها
نصير""( منزل صوته و بثبات نطق) نص صداقك هنا اتختاري لي يعجبك من هادو لي ايجيب ليك
سناء""( غي ماتزيد تغرق نطقت بخفوت ) نصيير مكاين لاش هادشي كامل
نصير""( قوس حاجبه فيها مخلي تكشير جبهته تبان) حقك
قاطعهم غي السيد جايب 4 اطقم كاملة حلهم قدامها و تحلو عينها معاهم تتشوف في نصير و ترجع تشوف فيهم
نصير"" ( شاف في اسيد باش يفهم راسه غي شافه مشا و قرب عندها منزل صوته) لي مشى بالك معاه خوديه
و هي عينها غي معاه هو ناسية الذهب و ناسية تاشكون هي مامايقاش راسها هاد حنية و هاد الخير تكتبت على اسمه وعات على راسها تبسمت ابتسامة خجولة و نزلت عينها تدور عليهم بربعة كلهم واحد ينسيك في لاخور
قرب السيد و في يديه زوج اطقم متوسطة و تكلم
السيد"" هادو عاد وصلوني و قلت نوريهم ليكم ( شاف في نصير ) يعني بزوج بيهم تيوزنو طقم من هادو
نصير""(حرك راسه و نزل بعينيه لعندها منزل صوته) شوفي لي يعجبك
نزلات بعينها و دوخة شدتها ماعرفتش ماتصبق ماتوخر شافت اخر حاجة لي حط ليهم السيد و طولت شوفة فيهم كانو اخف من لولين كلهم انصومبل بالخاتم و حلقات و سنسلة و كورميط
واحد فيه حجيرات بالاحمر و لاخور حجيرات بالابيض شافت فيه كانها تتلمح ليه بلي عجبوها هادو بالخف فهم قصدها تبسم و ناض عند السيد تفاهم معاه كمل مسائل معاه و رجع عندها هز داكشي في يديه
نصير""( مد يديه و حرك راسه) نقدرو نمشيو امرتي
مدت يديها شدت عليه و خرجو ركبو في سيارته و دار عندها عينه واخدين راحة في ملامحها الحلوة قدامه و هي كاسيها الخجل قرب بشوية بيديه لي مشات لدقنها دور وجهها لعنده بشوية
نصير""( نطق بصوت التخين) باغي صوتك
سناء"" ( بخجل نطق و صدرها كيرتفع بسرعة لدقاته ) نصير انا ما طالبة لا ذهب لا فلوس ( بتعلثم) يعني هادشي بزاف
نصير""( عقد حواجبه مخلي جبهه تتطراسى يديه تتحرك بشوية لتحت شعرها قاس على رقبتها و جابها عنده بشوية مقرب بشفايفه على جبينها طبع قبلة عليها ناطق بصوت فحيح ) راني كاتبك على اسمي نعطيك لي عندي و لي ماعنديش نحضرو ليك
داخل الصالون كانو لبنات قربو يساليو مابقاش ليهم بزاف نوارة صايبت شعرها و دارت سوان للوجها قادت الحجبان الوجه مرياا يبري اما فاطمة صبغت شعرها باللون رمادي مختلط مع لون شعرها و دارت تشقير للحواجب و سوان للوجه على العموم زاد سر طاح عليهم ناضت فاطمة عند نوارة لي كانت مزال ماكملت لها لبنت ضفران جلست جنبها
نوارة"( تتشوف فيها باعجاب) ياختي خويا يدوخ ليا ليوم
فاطمة""( عضت على شنوفتها) خفته غي مايعجبوش لون
نوارة"" ايعجبو مهم ماديرش غي لكحل ههه
البنت""( شافت ليها) ماشاللله عليك ايخصك غي شي لبسة تكون ناضية بربي تاحمقيه ماشي غي تعجبيه
فاطمة"" اويلي اشمن لبسة
البنت"" ماعندك شي كسوة شوميز دونوي يكوون معري كتر من مغطي ديري ميكاب و باني ليه ديك ساعة
نوارة"" ( ضحكت ) ههه اي ياختي معلمة
البنت"" ههه ايوا راه هكاك باش تنسكتوهم انا غي تنشوف راسي عيقت عليه تنبدل لوك ههههه
نوارة" ( تبسمت و ماعرفتش علاش حشمت من طاح في بالها) امم
البنت"" بصحتكم ابنات جيتو تتحمقو ماشاللله و مبارك عليك اختي نوارة
نوارة"" ( تتشوف في ضفارها) لهلا يخطيك حبيبة
فاطمة""( شدات يديها قباتها) جاوك زوينن تبارك الله عليك
نوارة" تا ديالك جاوك زوينن خفاف ضراف
فاطمة""( ناضت هزات تلفونها) غي نعيط ليه يجي ياك
نوارة" صافي سالينا
بعدت من حداهم و مشات عيطت ليه مجاوبهاش خلات ليه اوديو و رجعت جلست جنبها
نوارة" ( حاضية حجبانها) ياختي جاوك فنين
فاطمة"" تتخلعيني نتيا
نوارة"" ( شافت تلفونها) شوفي شوفي اش قالك
هزات تلفونها شافت ميساج و ناضت
فاطمة"" نوضي ابنتي نمشيو لبسي عليك
ناضت نوارة لبست جلابتها و دارت الشال مغطية شعرها و فاطمة لي دارت فولار و نزلاتو تاغطات حجبانها بالخوف طلات من زاج بانت ليها طوموبيل ديالته وقفات
فاطمة"" زيدي زيدي جا (تتزيد تنزل على حجبانها) ليوم يقتلني
نوارة"" ( تتموت عليها بالضحك)ههههه وااا ناري فشلتيني زيدي و سكتي ازمر
شداتها من يديها و خرجو ركبت نوارة لور و فاطمة حدا يوسف لي كان شاد تلفون في يديه تاسمع السلام من نوارة
يوسف"" وعليكم السلام ( حط تلفون بالهداوة و طلع عينيه بشوية على لي جنبه بانت ليه مغنبرة و دايرة راسها تتقلب على شي حاجة بحالا ماتتشوفش فيه تحنى عليها بكتلته تيطل عليها تاجات عينها فيه و هي تبسم بيلاهة و حنيكات غايطرطقو بقى تيحرك عينيه على ملامحها من شفايفها موردة و هو طالع لعينها لي ماتبتينش شفارها لي مستفين يلا يوصل لحجبانها غايهز يديه و هي تضرب يديه بخفة خلاته حابس ضحكته بزز عليه رجع لبلاصته بتقالة و كسيرا ) نتفاهمو من بعد
نوارة غي شافته تيقرب ليها و هي تشد تلفون مخلياه على خاطره دخلات للواتساب لقاته مخلي ليها ميساج فتحاته و نسات اش شكون معاها تتقرا و تعاود في داك ميساج
" يلا مجاوبتكش ماتشطنش ليا نوارة حياتي "
تاحست بيه تحرك عاد هزات راسها اما فاطمة خلعة فيها تتغزل و تتحرك رجليها بزربة هادشي لي لمحاته نوارة ونغزتها باش تبت
هاكة فاطمة تتموت عليه و تتموت منه نقولو مربيها على يديه تزوجها على 18 العام و هو كان في عمره 38 العام تزوجو زواج تقليدي عاد جمعهم حب من وراه،، فارق السن لي بينو و بينها لي تيقهره تيغير عليها بلا قياس و هادشي هو لي مخليها تتخلع منه حيث عارفة ردود فعل دياله منفعلة بزاف و ماتيقدرش يتحكم في روحو دازت ديك 10 دقايق تاكان حبس قدام دار نزلو لبنات دغيا دخلو للدار بقى يوسف حتى بلاصة طوموبيل عاد دخل تعالات الزغارايت من تم دخولها داخلة حشمانة
رقية "" لولولولولولولي
يوسف""(دخل جلس بنصه على طبلة محني عند الجد محمد ) هضرتي ليا مع صحابك ابا
الجد"" هضرت معاهم اولدي غي كون هاني غدا يكونو هنا
هز راسه فيهم تيقلب بعينه مابانتش ليه معاهم و ناض بشوية عليه خرج من عندهم و تم طالع بشوية خاشي يديه في جيب سورفيت وصل للطابق ديالو حل لباب و عينه تتقلب غي عليها سمع حس في الحمام مشى تكى بضهره على الحيط و رجليه مفرقة بكل رجولة عينه على باب الحمام لي سمعه تحل وخرجت منزلة عينها غادية تدخل لبيت تاشافت رجليه و هي تقفر شادة على قلبها
فاطمة"" ناري خلعتيني ( نزلت عينها مشتتة شوفاتها ) نتا اش تدير هنا ( بدات تتخلط في هضرة) سير هبط شوف بنتك فين هي
تمات داخلة و هو يمد يديه بتقالة جرها من دراعها جابها قدامه منزل راسه لعندها شد شال و جره تاتلاح في الارض طلع يديه لدقنها و هز راسه تاتقابلت عينها لوزية مع عينه و ديك زيف حياتي محزوم على شعر و نازل تالحاجب لي مزال ماوضاحت ليه روئيتهم
فاطمة""( بقات تدور في عينيها و في عقلها غي هضرة البنت حطت يديها عل صدره و طلعت بشفايفها لشفايفه باست عليهم و نطقت بتلحوين وصوتها منخفض ) صبر عليهم حبيبي خليني انا نوريك
قبلة الجبين دائما ما كتعبر على الاحترام و التقدير و حس مسؤولية اتجاه ذالك الشخص هكدا كان احساس نصير من دخلات رسميا لحياته و انهم ايتقاسمو حياة وحدة اما احساسها كان فوق خيال زاد احترامها ليه و كيف مكبر بيها و تيفكر في راحتها من نهار تعرفت عليه ، قبلته كانت دافية على جبينها خلاتها تغمض عويناتها بزز عليها و قلبها دقاته غي ماتتزيد تطلع بعد شفايفه عليها و رجع لبلاصته و عينه عليها كيف خجلانة و حنيكاتها ايطرطقو بالحمورية طول شوفته ليها مستمتع بيها نزل عينه و كسيرا
نصير"" ( مركز مع الطريق كيحاول يخليها تطلق معاه )معاياش باغة تمشي غدا
سناء""( تبسمت و نطقت بخجل ) الوقت لي تكون مسالي فيه
نصير""(شاف فيها و رجع تركيزه للطريق) صباح اتجي معايا باش مانضربش طريق زوج مرات
سناء"" كيفاش واش نمشي معاك كازا عاد نمشيو
نصير""( شاف فيها مصغر عينه و تبسم ) ومالك تتقوليها مخلوعة
سناء"" ( مشتتة شوفتها) لا غي سولتك
نصير"" (تبسم) اااه سولتي
سناء""(حطات يديها على فمها تتبسم) الصمت
نصير"" ( لمح ليها و عاود رجع مركز مع الطريق تاسمع تلفونه تيصوني مىد يديه و فتح الخط) الواليدة ، حنا جاين شي نص ساعة هكاك
قطع معاها و دار قرب يديه شد عليها مخليها تتزيد في خجلها و قلبها دقاته مسرعة طلعات عينها ليه من شعره و هي نازلة مع ملامحه ماتنكرش بلي بدا يدخل لقلبها بتصرفاته بوقفته معاها و كيفاش تيحاول يفرحها و يهز همها تبسمت و دورت راسها مركزة مع الطريق كان الصمت و الهدوء فقط كان مرة مرة تيهز تلفونه و يعاود يحطه شي لي لاحضته وملامحه كانت مشطونة
سناء"" واش مبرزطاك شي حاجة
نصير""( تبسم ) ماتشطنيش ليا غي الخدمة
سناء"" (مزال عينها عليه تتقرا فيه) متأكد ماشي شي حاجة اخرى ( نعتت بعينها) وجهك مغير
نصير""( شاف فيها و قرب يديها للشفايفه طبع قبلة) الخدمة الخدمة
رجع بعينه مركزة مع الطريق و سكات منها مابغاتش تعاود تسولو عرفاته مبرزط وصلو للفيرما دخل بسيارته حبس و دار عندها
نصير"" تسناي هنا نهضر في تلفون و نرجع
سناء"" واخة ( بقات ملمحاه بعينها تانزل و بعد عليها بقى تيهضر في تلفون تيمشي و يجي و مرة مرة يديه تتهز و تيشد في جبينه كان مبين اعصابه تالفة وواصلة بيه فين بغات شافته قطع تلفون و جاي قاصدها حلات لباب و تمشات قدامه نطقت بهدوء) مزيان
نصير""(غمض عينه و فتحها بدون نطق حل سيارته جبد منها جاكيط ديالو لبسها و شاف فيها لقاها تتفرك يديها شد يديها بين يديها ) ندخلو امدام
تبسمت ليه و توجهو لباب لي غي وصلو ليه تعالات زغروتة من عند نجاة لي تترش عليهم بمريشة فضية ماء الزهر قربت عنقت سناء لي كانت كارزة على يديه بخجل
نجاة"" مرحبا بيك بنتي في دارك
سناء"" ( تبسمت منزلة راسها) ربي يخليك اخالتي
وصلو للصالون لقاو فاطنة لي شافتهم دخلو و مشات سلمت عليهم
فاطنة""( درعت نصير) مبروك اولد خويا
نصير""(باس راسها) الله يبارك فيك اعمتي
فاطنة""( قربت لسناء سلمت عليها ورجعت بلور تتشوف و تحقق ) مرحبا بيك ابنتي في دار راجلك
سناء"" ربي يخليك اخالتي
جلس بعناء هاز رجل فوق فخضه و مرجع راسه على الحيط و جلست جنبه تتدور في عينها شي لي لاحضته نجاة
نجاة"" هاهي تجي ابنتي مشات تجيب غي دواها
رتاحت بعد ماطمئنتها هزات عينها في نصير لقاته مراقبها بعينه بدون رمش نزلات عينها تترد شعرها ورا ودنيها عاودت هزات عينها لقاته مزال على حالته وترها بزايد عتقها غب تلفونه لي في يديه تيصوني هزه قدام عينه و ناض في ساع خرج برا فتح خط
نصير"" واا ز*** ي خليتي القرود تيشطحو في مخي ،( سااط بجهد) امور مزيانة
يتبع...
التعليقات
لا توجد تعليقات بعد، كن أول من يعلق.