محتوى القصة
دازت ثلاث ايام و هي معاها مافرقتهاش دوزو الصدقة للمرحومة و خلاص نصير يخصو يرجع في حالو الخدمة .. نهار ثالت غي تعشاو و ناضو مبكرين رجعو في حالهم و حتى نوارة معاهم مشات لكازا دارت مع يوسف يجي غا وصلو لدار نصير بعد مدة صغيرة وصل للعنوان نصير نزلت في حالها و شدو نيشان طريق للرباط مع الصباح بكري ...غي وصلو عاونها طلعات لبيتها ديريكت لبست عليها بيجامتها و نعسات حاسة براسها ماهياش عياانة بزااف طريق و شلى احسايس مخلطة فيها عيانة دهنيا و نفسيا و جسديا ..
——-
دازت ديك ليلة غا في نعاس و جا نهار الثاني كذالك الوق معطلة عااد ..فاقت بعد وقت طوييل و هي ناعسة قلبت تلفون تتلقى الضهر قرب يوذن و هي مزال جابدة عليه ماقدرتش تتحرك من بلاصتها حالة عينيها مورمين حمرين كولشي مبين فيهم .. ناضت بتقالة خرجت للحمام قضات حاجتها و توضات رجعت لبست عليها صلات و نزلت دقة دقة مع دروج لقات زهرة و فاطمة جالسين
نوارة""( ريحت جنبهم) صباح الخير
فاطمة""( قربت سلمت عليها) صباح نور كي بقيتي شوية
هزات عينيها فيها و خيبت سيفتها و ناضت بخطواتها تتعكل متوجهة للحمام مخلياهم وحدة تتشوف في لاخرى .. حتى بانت ليهم راجعة شادة على فمها ريحت وجهها صفر تكات بمرفقها على طبلة شادة على راسها
فاطمة"" ( بالعاني زادت قربت منها و هزت يديها تتبعد شعر على ادنيها حيث هي لي فيها بارفان ) مالكي ..
نوارة""( بعدت يديها ) اووف ياا اش هاد ريحة قوية اصحبتي
فاطمة""( شافت غي زهرة و غمزت ليها ) اش كاين اخالتي
زهرة""( تبسمت ) نوارة ماتفطريش
نوارة""( شافت في طبلة و نطقت) تااا مافياش بغيت غا شي حاجة باردة والله فياا شي عطش واا
فاطمة"" امم واخة انا نوجد ليك شي عويصير
حركت راسها و تكات على مخدة و يديها قريبة لنيفها بحالا ساداه و زهرة غا حاضياها و تتبسم .. تاشوية جمعتها من شافت دموعها هوادين من عينيها قربت ليها و جرتها لعندها حاطة راسها على صدرها ..
زهرة ""( بحنية ) رتاحي بنيتي رتاحي
نوارة"" عييت اماما عيييت والله
زهرة"" بنيتي عمرك تبقاي تسرعي ديما عقلك يخدم قبل قلبك ديما...
نوارة"" ( تنهدت بقهرة ) كنبغيه اماما كنبغيه
زهرة"" تاهو باغيك بعد مرات خصام ابنتي تيبن و يوري القيمة بعضياتكم
نوارة""(مسحت على دموعها ) ضلمتو مرة لولى و مرة ثانية تنجرحو بلاما نفكر في عواقب
زهرة""( تبسمت و تدوز يديها على ضهرها بحنية ) مزيان ابنتي تعتارفي بالغلط ديالك ولكن ماشي ليا اعتارفي ليه هو و اعتاذري منو حيث هو لي معني بالامر ماشي حنا .....!!
دخل مع الباب و في يديه الغذا حطو فوق الطبلة و مشى تيقلب بعينيه في كوزينة و عاود مشى لبيت النعاس مالقاهاش بان ايه ضو شاعل في الحمام دق عليها دقة صغيرة
نصير"" سناء نتي هنا
سناء""(فتحات لباب لابسة بينوار الحمام ) هانا حبيبي
نصير""(شد يديها باس عليها و جرها لعندو معنقها ) شوية ليوم
سناء""(تخشات فيه) الحمد لله على قدر لله
نصير"" الحمد لله تلبسي عليك واجي تغداي
سناء"" ( خيبت سيفتها) مافياش والله
شد يديها مطلع حاجبو بتخنزيرة داها لسرير جلستها مد ليها فوطة تنشف شعرها و مشى جاب ليها ملابس الداخلية نعت باش تلبسهم و رجع جاب بيجامة عاونها لبساتها ... كملت شد على يديها و داها لسيجور جر ليها كرسي جلسات جبد بيتزا حطها قدامها و جبد العصير افوكا حطو قدامها و جر كرسي ريح قبالتها و نعت بعينه تيدوز يديه على خدها
نصير""( بصوت منخفض) رخفي على راسك و على لي في كرشك ..
سناء""( شدت يديه تبسمت محركة راسها بايجاب) شكرا حبيبي .. ح
نصير""( مقاطعها بقرصة على شنوفتها) خليهم ساكتين احسن
نزلت عينيها تتبسم خدات طرف بيتزا و بدات تتاكل و هو مقابلها تادفعت ليه باش ياكل معاها .. تغداو و جمع داكشي و رجع لعندها لقاها متكية تتغمض عينيها مشى جاب ليها باش تتغطي و تحنى قفازي عندها
نصير"" ايخصني نمشي تحتاجي شي حاجة قوليها
سناء""( حركت راسها تكعدت شوية و عنقاتو بجهدها ) الصمت
نصير""( باس على عنقها تيدوز يديه على شعرها و نطق بخفوت) نعشق فيك
سناء"" حتى انا كنبغيك بزااف نصير ( شاف فيه حطات يديها على وجهو ) نتا لي عندي حبيبي
نصير""( قرب و طبع قبلة على تغرها بحنية و تقابل مع عينيها) ماشي غي انا بوحدي( حط يديه على كرشها) و لي هنا نسيتيه( شافها تبسمت و تبسم معاها ) هنا واحد نصيصير صغيور واقيلة
سناء""( ضحكت) كون يجي يشبهك صراحة
نصير""(تبسم تحنى باس على شفايفها ) و شحال تتجي عليك ضحكة عسيلة .. الله يداومها .. حاولي على راسك قتلتيني بالشطنة معاك
سناء""( تدوز يديها على وجهو ) شوية بشوية فراق صعيب
نصير"" الحمد لله على كل حال .. نخليك نعسي رتاحي
عاونها تكات و باس على جبينها و نزل لشفايفها غطاها مزيان و هز جاكيطتو لبسها و خرج مخليها مراقبة تتبسم بشوية نزلات دمعة تتجري مسحتها ورجعت تكات براحة ..مزال العياء و قلة نعاس مسيطرة عليها ...هزات تلفون قبالتها لقات ميساج من عند نوارة ديك ساعة دوزت ليها الخط
سناء"" عاد فقتي كي بقييتي
نوارة"( لي بدورها متكية في بلاصتها ) شوية و كان
سناء"" مزالك تبكي اصحبتي
نوارة"" ( مسحت على دمعتها ) نفسية دين مها مزفتة ماعرفتش مالي باغة شي حاجة ماعرفتش اش هي باغة ( تغلقت) ياختي حاسة براسي باغة نشوفو توحشتو بزاف .. مافهمتش و الله هادشي لي راني فيه ايحمقني مخلطة عندي
سناء""( تبسمت و هي عارفة اش ناقصها و اش يبدل ليها لمود نطقت) كولشي ان شاء الله ايتقاد ماتبقايش تخممي بزااف
كملو هضرتهم وحدة تصبر وحدة ... وحدة تواسي لاخرى مدة طويلة و هوما تيهضرو .. حتى غلبهم نعاس بزوج و كل وحدة و شنو لي شاطنها و معمر قلبها .. وحدة بميمتها لي مشات و خوات عليها الدنيا .. ووحدة لي العشق مرمدها و زايدة بمعاتبة لنفسها و تسرع لي عدب قلبها ...
دازو ساعات و ساعات و هي نفس شي مزال ناعسة حتى كتحس بيد تتفيقها حلات عينيها بشوية و تبسمت من شافت ملامحو متبسمة
نوارة"" خويا !!
يوسف"" فيقي خلاص... ماشي كترتي من نعاس !
نوارة"" غي العياء اخويا ( تكعدت ) حاسة براسي عيانة و ماعندي العضم الصحيح
يوسف""( طبطب ليها على دراعها بحنية ) نوضي غسلي وجهك و نزلي كولي شي حاجة وطلعي عندي بغيت ندوي معاك
نوارة""( حسات بقلبها مشى وجا تزيرت ) فاش اخويا
يوسف"" ( بهدوء ) قلت ليك تا طلعي عندي ( شاف في ساعتو ) نوضي توضاي بعدا صلي المغرب و لا تالعصر مزال؟؟
نوارة"" ماعقلتش امتى نعست ( بحشمة ) واخة نصلي و نزل ناكل و نطلع عندك
يوسف""( باس على جبينها) الله يرضي عليك ( غمز ليها وًنطق بهدوء) رخفي رخفي ...
نطق ديك كلمة و مشى مخليها متبعة ليه العين تاخرج و سد لباب نزلت عينيها و نطقت
نوارة"" كي ندير نرخف و هو بعيد عليا اخويا ( نزلت دمعة مسحتها ) ياربي دير لي ليها الخير يااربي راني عييت
تنهدت و رمات رجليها من فوق سرير و ناضت تاحس براسها رجعت جلست شادة على نواضرها من كترة الدوخة .. رجعت جلست مدة و هي مغمضة عينيها تا حست بيها بدات تمشي .. عاد ناضت لبست في رجليها و خرجت لحمام توضات و خرجت صلات صلاتها و نزلات لتحت لقاتهم زهرة و فاطمة تيتفرجو في تلفازة جلست جنب زهرة و تكات عليها
زهرة"" مالك ابنتي عيانة
نوارة"" فقت دايخة راسي تيدور عليا
فاطمة"" تبغي شي حاجة حلوة يكون طونسيو كترتي من نعاس
نوارة"" واخة ( هزات عينها فيها) جيبي ليا ديك حليوة لي صايبتي داك نهار ديال تمر باقي فيها ولا لا
فاطمة""( تبسمت و ناضت ) يلا مكانتش نوجدها لنويورة
تبسمت ليها تاهي و رجعت تكات على زهرة تدوز ليها يديهاعلى راسها حتى شافتها حطات ليها طبسيل قدامها و ناضت تتاكل فيها وحدة ورا وحدة .. زهرة و فاطمة غا تيشوفو في بعضياتهم و شكوكهم بدات تتقوى ... نقولو كملتهم عاد هزات عينيها كبت ليها اتاي و خدات رغيفة دارت فيها فروماج كلات منها شوية و حطتها حست بيده زهرة تدوز عليها بحنية
زهرة"" لا ساليتي تكلمي لخوك ابنتي
نوارة" ماعرفتوش لاش بغاني
زهرة"" ( حركت راسها بنفي )هو لي عارف ابنيتي طلعي و يكون خير
حركت راسها و ناضت توجهت للطابق الفوقي بالضبط طابق ديال يوسف .. قلبها مزير و غالباها بكية عارفة موضوع و عارفة فاش يهضر معاها .. وصلت لباب دقت تاسمعاتو قال ليها زيدي و توجهت بخطواتها مضهشرين متوجهة لداخل ديال الصالون منزلة عينيها و يديها تترعد و تفرك فيهم بشكل غير طبيعي.. هزات عينيها
و قلبها زاد يخفق و يطلع بجهههد رجع ... كاين.. واش تنحلم.. كولشي جا في بالها ديك ساعة و استعااب كان بطييييئ عينيها على كتلتو و هي فوق داك السداري مشابك صباع يديه و هي مزينة بديك ساعة و العروق وااضحين بيها... ولا عينيه لي مراقبينها بهدوووء و داك لمعة لي وسطهم و هي وسط عينيها.. فيقها من هاد تلفة غي يوسف لي شد على كتفها و نطق جملتو و مشى خرج
يوسف"" قولي لي عندك ..
دورت راسها معاه مراقبااه لحضة غمضت عينيها و تيتسمعو دوك خطوات تيبعدو و هي عينيها مزال مغمضة تاتسمع الباب تسد و قلبها بدا يضرب و يزيد بجهههد كبزت على يديها سرطت ريقها بصعووبة و قلبها تيضرب فوق الجهد حتى كيبان فوق ديك بيجامة لي لابسة .. حلات عينيها و تمات ضاييرة بشووووية و عينيها في اللارض تيبان ليها غا صباطو و مزال بنفس جلسة تمات طالعة بعينيها بشووية و هي طالعة و قلبها تيزيد يتخربق بشكل قاصح .. حتى وصلات ملامحو .. عينيه بالاخص وداك الشوفة لي توحشتها بزاف ... بقااات تتشوف و هو كذالك مارمش و لا تلقاو رموشو .. متوحشها و زاد بوحشو و هي قدامو تيشوف و ماقادتش يشبع حاس بيها حشماانة و مدعوقة .. نزل عينيه بهدوء ليديها كارزة عليها و عاود طلعها لعينيها لي بدا يبان فيهم يبريو .. دلالة على دميعات لي بداو يتجمعو ... ناض وقف بشوية و هي مع تلفة ضارت بزربة و رمات خطوة باغية تهرب و مع داك تعكيلة رجليها كانت ساهلة عليه ..شد يديها بهدوووء .. هنا دموع بداو ينزلو و ينزلو .. تلفات و تدعقت بالمزيان تتحس بيديه سخوونة تتسل بشوية تاشدها مزيان .. تم مدورها بشوية .. تا تقابلات معاه لكن راسها نازل .. بحشمة .. نازل بالغبينة لي دخلات ليه .. نازل بالخيبة لي خاب ضنو فيها و هي من اول فرصة سمحت فيه و زادت.. قرب بخطوة لعندها و زاد القرب كتر .. تاحست بيديه تسللات لخصرها و ماهي دفيعة صغيرة باش تخطوي و تجلس .. هنا عرفت ماكين مافر و خاصهم يجلسو و يتفاهو بزوج .. الى خطوات قليلة جلست تتمسح دمعاتها ... و مشى قبالتها دار مراقفه على ركابيه و صباعه مشابكين محني براسه بحالا تيطل عليها ...
نوح"" ( بصوت تخين هادئ) كي بقيتي
نوارة""( تتفرك في يديها دموع تنزل عليها نطقت بالغصة) الحمد ل لله
نوح""( عض على شواربو بجهد ماحمل بهاد كترة لبكى ) مخليك على خاطرك باش نلقاك قادرة تهضري !!!
نوارة""( مسحت دمعاتها و طلعت عينيها بشوية ) الصمت
نوح"" قادرة و لا ماقدراش
نوارة""( عاودت نزلات عينيها ودموع دايرين طريق ..بصح حاسة براسها تغلقت بزااف ماعرفتش اش تقول ولا باش غاتبدا ) الصمت
نوح""( بهدوء و بتعميم على دموعها ) مابغاش تهضري ولا مابغاش تشوفيني كاع؟؟
نوارة""( حطات يديها على وجهها و بدات تبكي بالصوت ) الصمت
نوح""( دوز يديه على لحيتو بهدوء و عاود رجعهم مشابكين زاد كحز شوية لعندها و هنا زاد القرب بيناتهم و هو محني عندها نطق بصوت منخفض ) نقدر ندوي دابة ؟
نوارة""( مسحت على خدودها لي ولاو حمرين و هزات عينيها فيه نطقت بصوت مقجوج ) انا ل ي بغيت ندوي نووح
نوح""( بلل شفايفو بتقالة ونطق بهدوء) دوي يلا شي حاجة باقة ضراك من جيهتي خرجيها ..
نزلت عينيها مخلية دموع يتكركبو وحدة ورا وحدة يديها ولاااات حمرة بجهد من كترة ما تتحك وحدة بالثانية.. عاودت طلعات عينيها لعينيه لكن هاد مرة كانت مطولة شوفتها لدوك عينين لي محنوها و مرمدو قلبها ...
نوارة""( بصوت مغلوب ) بغي بغيت ندوي .. نقولك غلطتي ( شافت ملامحه كيما هي و نزلات عينيها و عاودت نطقت ) و لكن غلطي انا كتر من هادشي لي درتي ... يعني كان ممكن نبعد و لكن ماشي عليك في خطرة ... انا صدقت ماتنسواش في عز ازمتك مع داك با ( شافتو عض على شنوفتو بجههد و عينيه في ساع ولات حمرة ) داك السيد لي سنين و هو ناكر لحمو .. الوقت لي يخصك تحط عليا الراس و انا ادرى بكولشي .. خليتك فيه و مشيت ... انا بصح انانية فكرت في راسي و فكرت في مشاعري ..( نزلت دمعة تتجري ) مافكرتش في داك القلب و شنو رافد من جهتي ...
نوح"" الوقت لي بعدتي و بعد عليك عرفتيه شنو رافد ولا لا
نوارة"" ( مسحت دموعها و نطقت) عرفت بلي انا مانستاهلكش
نوح"" شنو مزال
نوارة"( بخنقة) حيث ما درتش اعتبار لداك قلب لي سنين وهو معطوب .. وزدت عطبتو ليك (سكتت مدورة وجهها للخلف تتمسح على عينيها و يديها تترعد )
نوح"" ( بهدوء) مزال عندك شي حاجة اتقوليها
نوارة""( شافت فيه نطقت بشوية) كنعتاذر منك على هادشي لي درت معاك
نوح"" ( صغر عينيه و نطق ) لي درتي ليا ݣولي ؟؟
هزات عينيها فيه و هي عارفة هضرتو شنو عنى بيها عارفة بلي قصحاتو بمشيتها عليه ... و بكلامها .. لسانها لجارح .. نزلت عينيها مزال ماقدرتش تزيد تطول فيه الشوفة..
نوح"" نقدر ندوي ( سكت حتى شافها حركت راسها ونطق) من قبل ما يوقع الموشكيل و نتي في راسي .. فكرت بزاف مرات باش نجي ندوي معاك .. تتجي شي حاجة تتعطلني عليك .. جات خدمة بعيدة و زدت بعدت .. ( عض على فكو) وداك ل... ( سكت ماقدرش يكمل ) عموما هو في دار الحق و حنا في دار الباطل .. في ديك مدة بضبظ جا دوا معاك بصيفتي ووقع لي وقع و تعرفتي معاه... دازت شهرين جيت لكازا عيطو ليا من الكوميسارية رباط و قالو ليا بلي باغيك '.. قلت منها فرصة نيت نجي نهضر معاك .. جيت لعندو لقيت فلم ملعوب بسميتي معاك .. خبيت عليك ماغاديش نكر هادشي غلطت اه.. ولكن حاجة وحدة لي ماغالطتش فيها هي اختاريتك و جيت خطبتك من باك و بغيت نكمل معاك ماتبقى في حياتي .. غلط درتو و كنت نتحمل عواقب .. لكن ماظنيتش نخلصو غالي من جيهتك
هزات عينيها فيه ماقدرتش تكتم دموعها حيث حست براسها بصح ماعطاتوش فرصة للتبرير و لا عطاتو حق انه يفسر ..
نوح"" قتلتيني بداك الكلام حيث نقدر نتقبلو من اي واحد و مايأثرش فيا .. منك نتي هرسني و ماخلاني علامن نعگز ... جاتني دقة واعرة ولكن عاذرك .. عرفتي علاش .. حيث باغيك و صعيب عليا نحقد عليك ..
زاد كحز عندها بكتلتو حتى تلاصق ركبتو مع ركبتها خلاها تعرق و تنشف غا بوحدها تخلطو عليها احاسيس بحالاا اول مرة يقرب منها زادت نزلت عينيها تتفرك في يديها بشكل مزروب ... تاحست بدفى يديه عليها بحنية تيحاول يفك يديها .. تاكتشوف بصح فكها و تمات متبعاها بعينيها تاتحطت على قلبو ديريكت
نوح""( عينيه ولات حمراااا و كترت من تحطت يديها عليه ) مزاال كيما هو ماتغير فيه والو .. ولكن مازال تيزيد يعشق فيك .. ( طلعت عينيها لعينيه بدون رمش لكن دموع ماحبسينش ) واخة تبغي تسمحي فيه هو يقدش يسمح فيك .. كنعتاذر حتى انا على غلط لي درت معاك
نزل يديها و غطاها بيديه بزوج بحنية .. شاف دموع مزال تيتكبو هز يديه مسح ليها على جفونها بزوج تا حست بدفئ يديه و هوما تيقيسو عليها و عاود خشى يديها وسط يديه بزوج ..
نوح""( نطق بهدوء وبصوت خاافت) ترجعي تنوري دارك ؟
عينيه تتمشي و تجي مع وجها و ملامحها لي زادت حمارت و تلونت كأنه اول مرة تسمع غزل او كلمة منو سرطت ريقها و عاودت نزلت عينيها
نوح ""( تيدوز اطراف صباعو مع يديها ) القلب و راكي منوراه .. رجعي لدارك تزيدي بنورك عليها
نوارة"( عاودات هزات عينيها بزربة بحالا تتأكد من هاد المخلوق و كلامو الحنين ) الصمت
نوح""( هز يديه داها لدقنها و طلعات بشوية مع خدودها و زادت تالجفونها مسح ليها و نطق بهدوء ) بحالا تكرفسو ليا عليك
نوارة""( نزلت راسها و شبه ابتسامة صغييييرة مبينة ) الصمت
نوح""( تيطلع عينيه من هنا لهنا و يزيد يراقب ملامحها ) ضعافتي !!
نزل بيديه لخصرها و رفعها تاجات فوق رجليه يديه طلعات لرقبتها و جرها تالصق شفايفو مع شفايفها .. شحال هو مبعد على رحيقها .. كيقبل عليهم بحال العطشان و هي كتر منو.. قبلة ورا قبلة .. ماقنعانينش من بعضياتهم .. و عمرهم يقنعو ..بعد شوية بفجوة تيمسح على خدودها اثار دموع
نوح""(بصوت منخفض) ششش باراك حبيبي
نوارة""( دورت يديه على رقبتو خاشية نيفها وسط عنقو بخفوت) سمحلي انووح سمحلي
نوح""( باس على عنقها تيدوز يديه على شعرها ) نساي نساي ..
بعدت عليه شوية منزلة عينيها حيث واخة هضرت و هضر هو مزال قلبها مضرور من جهتو مزال ماعرفتش علاش هي لراسها جاتها صعيب انها تسمح لنفسها ..
نوح""( هز دقنها تاتقابلت معاه) شنو مزال؟ مزال شي حاجة ناقصة؟؟
وقفها بشوية تاشدت توازن و تحنى هزها بين ييديه
نوارة"" نوح نزلني كنهبط راسي والله غي
نوح"" ( نازل بهدوء ) ششش يانوارة (قرب لودنيها) قلتي ليهم علاش جيتي لهنا ولا لا
حركت راسها بنفي و هبطها بالفعل تالطابق السفلي و نزلها بشوية وقفت على رجليها و شد على يديها محاوطها من خصرها و تم مدخلها تالدخلو للصالون لي كانو مجموعين فين كاملين.. غي شافوه و شي بقى كيشوف فشي الا يوسف لي كانت عينيه عليهم.. شاف وجه ختو كيف كان و كي ولا .. عرف نزلتها ماشي هي طلعتها كي لول
يوسف"" زيدو رتاحو
داها جلست و جلس جنبها بهدوء مخلين اعين عليهم واخة كولشي واضح لكن باغين يعرفو قرارهم بلسانهم ...
نوح""( دور عينيه ليها مطووول و عاود شاف فيهم بهدووء ) وقع سوء تفاهم بيناتنا خلاها تجي لدارهم .. ( عاود شاف فيها و نطق ) غانعاود نتعتاذر منك (رجع شاف ليهم ) قدامكم على اي تصرف ماعجبهاش مني ولا خرجت مني شي حاجة ماعجبتهاش او جرحتها بشي كلمة.. ماقصدش
نوارة""( بقات غا تتشوف كل مرة تيزيد يصدمها .. بحنانتو و رجولتو ..) الصمت
محمد""( تبسم على كلامو ولو عارف كولشي و عالم بالفلم كامل نطق برزانة) اعتذار من الشيم الرجال اولدي.. يلا هي كانت عارفاك غالط فا اكيد غا تقبل اعتذار.. اولا ابنتي ؟
نوارة""( نزلت عينيها تتفرك في يديها) حتى انا ابا درت غلط معاه .. حتى انا تنعتاذر منو
يوسف"" الصلاة على النبي .. (فمن عفا واصلح فأجره على الله)
الكل"" و نعم بالله
نوح""( دار لعندها و نطق بشوية ) نتيسرو ؟؟
سمعو يوسف و اسر عليه انه يبقى يتعشى نيت بين ما جمعات حوايجها .. داكشي لي كان عاوناتها فاطمة طلعات معاها لبيت ..
فاطمة"" (حلات فاليز )ياختي وجهك تبدل من شفيته
نوارة""( تبسمت و مسحت على دمعتها لي نزلت مخلطة بالفرحة و الحنية ) توحشتو بزااف ماااتخيلش داكشي لي تنحسو من جيهتو بزاف .. ضلمتو انا و كيعتاذر مني قدام كلشي .. كل مرة تيزيد يكبر في عيني
فاطمة""( قربت عنقتها ) باراك من البكى شدي في يديه هاد مرة من يكون شي موشكيل حليه بالعقل ماشي تبقاي تسرعي ..
نوارة""( حركت راسها و تبسمت) واخة مانعاودتش
كملو جميع حوايج فاليز و نزلت فاطمة تكمل العشاء و هي لبست عليها جلابة دافية رمات عليها شال على عنقها هزات صويكها و نزلت بشوية في دروج و توجهت لكوزينة نيشان .. مشات لفريت تتلقم فيها وحدة ورا وحدة
فاطمة""( مدت ليها طبسيل ) نوارة نقولك شي حاجة امم
نوارة" قولي نشوف
فاطمة""( نطقت بشوية ) من تمشي لدارك خودي تست و جربيه بنتي ليا ماشي تالهيه اصحيبتي
نوارة""( صغرت عينيها و كتنقب في بطاطا ) كيفاش زعمة ولكن( زادت تتفكر ) نكون .. دابة هادي سيمانة رابعة و انا في دارنا !! و
فاطمة"" ( ضربت ليها على كتفها) انا متأكدة خليك من تفكير و ديري تست
هزات الخبز خرجاتو و هي مسحت يديها و خرجت تتعكل بمشيتها تاتمات داخلة للصالون و مشات بيها عينيها قبل رجليها مشات.. لكتلتو و هي فايحة وسطهم ..قربت بشوية و جلست جنب محمد باست يديه جرها لعندو خاشيها وسط دراعو عينيها على لي مقابلها بعينين مرخية و مبين شلى العياء .. تبسمت و نزلت عينيها .. في حال هو ماقدتش ينزل عينيه وهي مخشية تحت دراع جدها بديك طريقة .. عض على فكو .. و نزل عينيه
تحط العشاء تجمعو عليه كاع براحتهم و بترحاب العائلة ... كمل العشاء تحط ديسير و ريحو شوية معاهم .. حتى ناض جمع الوقفة تيقاد لي جاكيط ديالو
نوح"" خليناكم على خير ..
ناضت تتسالم معاهم و يوصيو و يعاودو من الام و الاخ و الجد و فاطمة .. خرجو معاهم البرا تالطوموبيل طلعو و عاودت ودعتهم بيديها و كسيرا ... تتفرك في يديها و تزيد بحالا كولشي جديد عليها .. تدور عينيها على طوموبيل و تتشم في عطره و هي مغلغلة وسطها ...دور عينيه بشوية ومد يديه ليديها شابك صباعو مع صبيعاتها جابها لشفايفو باس عليها و حطها قدامو عاود شاف فيها
نوح""( نطق بشوية ) ياكما بدلو ليا نوارتي
نوارة""( نزلت عينيها تتبسم ) لا هي هادي
نوح""( غي خرج للشارع و حبس طوموبيل طفى ضو دار عندها لقاها تتدور في عينيها تيحس بيديها عرقت...عرقت مسح عليها و قرب تالعندها و تبسم بتقالة و نطق بخفوت) لا بدلوك ليا مافيهاش ( زاد تبسم ) زدتي زيانيتي ( قرب بزااف تاولاو شنانفو يقيسو شنانفها نطق عليهم بخفوت) لفين زايدة بحلاوتك .. قهراتني .. ( غطس معاها في قبلة بطييييئة و حنييينة مددة عاد بعد شوية و نطق بصوت منخفض) روح الروح
عاشقها و غي مازايد بعشقو ليها ... ماباغيش يخسرها و لا تزيد تبعد عليه .. هاد ليامات كاملة دازت عليه حارة.. و هي بعيدة عليه.. لا صوتها يتردد في ودنيه .. لا عينيها و هي مراقباته .. لا حنانتها و هي رافدة همو...كولشي في عقلو ثابت .. طبع قبلة على سطحية على ثغرها وبعد متبسم ورجع لمكانو و عاود كسيرا دور عينيه لها تاهي شافت فيه متبسمة و فرحتها كانت مبييينة .. تبسم و رجع مركز مع الطريق مخليها مراقبة طريقو و لي كانت مبينة بلي بصح قاصد يخرج للطريق باش يشد كازا ماشي لدار ...
نوارة"" (بهدوء) نوح
نوح""( شاف فيها و رجع مركز مع طريق) دمو
نوارة""( تبسمت توحشت كلامو و وردودو لمحمقاها) واخة نهضر معاك شوية حبيبي
نوح"" ( هز يديه بنعت) ماباغيش ندوز انوارة غادي لداري ديريكت
نوارة"" ( بتردد) ماعمرك عرفتي عليهم خبار
نوح"" ( حرك راسو بالنفي ) و ماباغيش
نوارة"" ( شدت على يديه بحنية) نوح حبس شوية نهضرو ديك ساعة شد طريق لي بغيتي
شاف فيها و زادت مكمل طريقو تاوصل لجنب خاوي و ووقف ..جبد الكارو شعلو و شاف فيها
نوارة"" في خبارك على بلي سلمان مضروب ؟؟
نوح""( كان غادي بالكارو لفمو حبسو في طريق و دار شاف فيه مستغرب ) كيفاش؟؟
نوارة""( شدا يديه) اه وحدين كانو مدابزين .. ووسطهم سعاد .. هو من شافها بغى يتدخل جات فيه ضربة لدراعو و ( نزلت عينيها باسف) سعاد مقصحة بزااااف ( حركت راسها بنفي ) مشى ليها وجهها و ساقها يانوح ضربات قاصحين ..
نوح"" ( خوفو عليه كان واضح ) سلمان؟؟
نوارة"" بخير بخير الحمد لله ماجاتوش دقة في بلاصة اخرى ( نزلت عينيها ) واخة سعاد سبب هادشي لي وقع لينا كامل .. بقات فيا والله حيث فيها ضربات خايييبين بزااف..(سكتت منزلة عينيها وعاودت طلعتهم ) هي لي قالت ل داك سيد عليا باش يهضر معايا و تجبد الصداع بيني و بينك .. وهي لي قالت له على مرحومة و بلي كانت حاملة .. خالاتك ماعطاوهش وقت ولا نواو يجبدوك ..
نوح""( دور براسه تيعض على فكو بجههد و حواجبه طالعين دلالة على عصبيتو لي مابغيش تبان) الق***ة ..( عاود شاف فيها) نتي باش عرفتي هادشي
نوارة"" ب باش وقع ليهم داكشي كنت في جردة مع فاطمة و شيماء و حضرت لكولشي
نوح""( طلع حاجبه ) كنتي وسطهم ؟؟
نوارة""( تدور عينيها) في لول ماشفتش سعاد .. شفت غا سلمان و مابغيتوش يتقاص داكش
نوح""( مقطعها بشوفة ماهي بتخنزيرة ماهي خوف عينيه ماتترمش ) تتهضري من نيتك نتي
نوارة"" ( شدات على دراعو ) نوح بغيتي تخاصم عليا خاصم ولكن بغيتك تمشي لدار طل عليهم و نشدو طريق .. عفااك حبيبي عفااك .. دير لي خاطري بصح شامة دارت معاك خايب مانكروش هادشي .. غاطل عليها نمشيو بغيتي ماتعاودتش ترجع عندها ماترجعش ..
نطقت كلامها عارفاه غادي يمشي ماشي حبا و لكن على قبلها و على طلبها دور راسو لجهة لاخرى نتر نترة مطولة و عاود ديمارا بلاما يجاوبها .. حتى بالفعل بان ليها شاد طريق للدار تبسمت و تكات على دراعو .. حتى وقفت طوموبيل قدام الدار و نزلو شد على يديها .. ودخلو كان لباب مفتوح دخلو مع الباب كانت هي سباقة دخلات و بانت ليها شامة متكية شادة على راسها و سلمان جنبها شاد تلفون
نوارة"" السلام عليكم
هزو راسهم متبسمين شامة تگعدت فاتحة يديها
شامة"" بنتي مرحبا بيك (سلمت عليها) اش خبارك
بعدت تتسنى جواب حتى دورت عينيها و بان ليها داخل مع الباب بملامح هااادئة و عادية .. تبسمت و وقفت شداتها واحد رجفة غرييييبة عينيها تيتكبو بالدموع
شامة"" جيتي اولدي جيتي طل على خالتك اوليدي.. تاميمتك مانستاهلهاش..
قربت لعندو بواحد خطوات غريبة غالباها رجفة و خوف مسيطر عليها وقفت قدامو تتشووف تاطاحت على يديه باستها دغيا جر يديه و حطها على كتفها عاود باست على دراعو
شامة"" شطنتيني وليدي قلت عمرني نشوفك و لا تسامحني
نوح""( قرب باس على راسها ) كي بقيتي
شامة"( تبسمت و دموع تيجريو) بيييخيير وليت لاباس من شفتك اوليدي
ضرب على كتافها بشوية و لمح لسلمان واقف جنب نوارة تيشوف و يفحص بديك ضربة تا بان ليه تيقرب لعندو سلم عليه
نوح""( في ودنيه) نتفاهمو من بعد على هاد الق**ي
سلمان""( تبسم منزل عينيه) لي درتيه اخويا قابل عليه
تبسم و خبط ليه على كتفو تيدور عينيه على زينة تا سمعو الحس تتجري داخلة مع الباب غا دار و تلاحت في حضنو تتبكي
زينة"" خويا جيتي
نوح""( حاوطها باس على راسها ) شش هنينا
زينة""( تتبكي ) خفت تمشي مانعاودتش نشوفك اخويا والله
نوح""( هز ملامحها تيمسح عليها دموع بيديه بزوج) انا هنا ماعندي فين نغبر عليك
عاودت عنقاتو تتشوف في نوارة و غمزت ليها بشكر حيث عارفة بسببها هي عاود شافتو و عاود شافت ضحكة مها بعدت عليه و مشات عنقاتها و تتشكر فيها.. جلسو معاهم شوية و خرجو يكملو طريقهم للكازا...
تفتح الباب دارها في وجهها و يديه على خصرها معاونها تدخل بشوية عليها مكبززة على يديه تاشوية شدات من على فمها و دخلات لحمام بزربة لاح سوارت فوق طبلة و تبعها دق لباب بعد ما سمعها تترد فتحو و دخل عندها لونو مخطوف بالخوف عليها حواجبو مگرونة عاقدة لحداش شد كتافها تيبعد شعر على ملامحها لي كان نازل معاها و هي مزال تترد شد على راسها مزير عليه من جهة نوضر باش يعاونها و ماتزيدتش تزير .. حتى كملت غسل ليها لوجهها هز فوطة مسح ليها و خرجها بشوية حتى جلست و جلست قبالتها قفازي
نوح"" ( شد يديها تيحك عليها ) مالك ضراك شي حاجة ؟؟
نوارة"" ( تبسمت) ماتخافش غي مع طريق يمكن
نوح"" ( دوز يديه على خدها ) مولفة بالطريق ..ولكن مامولفاش تتدوخي حبيبي
نوارة""( بقات كتشووف فيه مدة ) نوح
نوح"" دمو !!
نوارة""( تبسمت و هزات عينيها تدورها في دار كاملة ) الصمت
نوح""( تبسم) باقة تخويها ؟
نوارة"" ( نزلت راسها تتبسم حيث بصح حسات براسها تسرعت على والو ) لا ( شافت فيه ) تسرعت و خويتها و انا ماشفت فيها غي الخير و ايام زوينة معاك
نوح""( قرب و باس على شفايفها مطول و نطق بخفوت) مزال تعيشي احسن من قبل من حدي حي و من حدك معايا
نوارة""( عنقاتو دانفة و جهها في عنقو ) الله يخليك ليا حبيبي
باس على عنقها و كتفها بوسات متتالية و بعد عليها .. تبسم و وقف متوجه لبيت تيحيد جاكيط ديالو حل لباب و عطاتها ريحة العطر لي شخشخت غمضت عينيها بجههد من ريحتها و من حشمة لي دارت ليها .. حلات عينيها و ناضت تاهي متوجهة لبيت لقاتو نصل عليه حوايج فوقية بقى غي بسروال تكات بيديها وراها مع الباب و بقات مراقباه بحب و بالخصوص الكرش سداسية لي زادت برزت كتر سرطت ريقها من شافتو طلع بعينيه ليها تبسمت و زادت لعندو مد يديه ليها شدت عليه و جابها لعندو غرس صباعو على مؤخررتها تاغوتت هزات عينيها ليه مغبنة قرب بوجهو حواجبو طالعة فين بغات مخفض صوتو
نوح"" شرحي ليا المدام ديك دخلة
نوارة"" احح نوح قصحتني شنو نشرح ليك
نوح"" وسط بزنازة و مرمية عليهم كيفاش بلانك
نوارة""(سرطت ريقها من شوفاتو نبرة صوته ) و ح سلمان ك
نوح"" (زاد برك تاطلعت على صباعها غي باش تخفف من حر غرسة ) تيسحب لمك يحنو فيك كون جات فيك شي دقة..(ضرب على جبهتها بصبعو) بعد مرات تتبداي غا تخوري
نوارة"" (دعقها بمعقول و جاتها بكية تاعينيها بداو يبريو بالدموع )ماشعرتش بقى فيا سلمان و
نوح""(كرز على سنانو مخلي موسطاجو يوقف) باقة تخشي وجهك في شي قل***ة نتفاهم مع ملتك
نوارة"" احح قصحتيني طلق مني ( بداو دموع ينزلو ماشي حيث غوت عليها.. حيث توحشت هاد الغوات ) نووح
نوح"" هاد نوح ديالك تطلعي ليه القلا** ي لراس بفعايلك اخر مرة تدخلي راسك فشي حاجة
نوارة"" (نزلت عينيها ) صافي سمح ليا
حطت يديها على يديه نزلتها و تمات غادية تاني تارجعها بين جسمو وسط رجليه بضبط محاوطها بيديه بزوج دافن وجهو وسط عنقها ضرب ليها مصة تا غوتت
نوح"" بربي يابنتي و نعاود نسمع بحال هاد فعايل تاندفن مك
نوارة( تبسمت تتحس على عنقها و طلعت يديها لحيته و دازت لشفايفو نطقت بغنج) شفتك رجعتي جاعر عليا ياك لاباس
نوح""(عينيه تعسلت بيها بحركتها لي توحشها) جاعر ماكذبتيش ( رجع بشفايفو لشفايفها بمصة حارة تاتسمعت وسط بيت ) دابة جات ليك هنا مرة جاية يعلم غي الخالق .. لاماقطعت لمك رجليك ماوخداش نوح
نزلت عينيها حابسة ضحكتها و عاودت طلعات بيديها مع كرشو و تمات طالعة بحركات خلات غريزتو تطلب شرع معاها نزل بيديه بزوج مؤخرتها و رفعها غاطس تاني في شفايفها... شلى احاسيس .. زادو جربوهم ..وزادو قواو .. بالبعاد .. عدبوهم .. و عرفو بالقيمة بعضايتهم.. هزات راسها تتشوف فيه و هو عينيه مارمشتش ولو رمشة عاشقها و غي مازايد ... تبسمت و عاودت تكات براسها على كرشو .. زايدة براحت قلبها لي كان مضرور و مجروح بالبعاد ..
نوح"" ( نزلها تيدوز يديه مع مؤخرتها بصوت منخفض) شوية دابة؟؟
نوارة""( هزات راسها متبسمة و عينيها تيبانو عيااانين) احياني عليك تكوي و تبخ.. ندخل نغسل و نعس حاسة براسي عيانة بزايد
نوح""(حرك راسو و نزل بيده لمؤخرتها) ياكما تبغي نعاونك؟؟
نوارة""( صغرت عينيها بحشمة) قادة
نوح""( تبسم و حرك راسو بتقالة) تا انا قاد ( خفض صوتو) بزااف
نزلت يديه من عليها و بعدت تتضحك تحت منها و هي متوجها للحمام و كملت ضحكة على خاطرها عاد حيدت حوايجها و دخلات خدات دوش مخفف و خرجات لقاتو دوش و مشى تكى تبسمت ليه و مشات جبدات بيجامة ساتان بالشورط لبستها هو مراقبها بكل خطوة و كل حركة وداك الجسم لي توحش يديه تسارا فيه ..حتى جات جنبو حل يديه و تخشات فيه معنقاه جر الغطاء عليها تيلعب في شعرها و تيطبع قبلات عليها .. و يديه تتنزل و تطلع بحنية على دراعها سكااات .. حتى بصح سكتت ودغيا داتها عينيها نزل بعينيه تيطل عليها تبسم على زربة لي دارت ليه نطق بخفوت..
نوح"" في راحة لله حبيبي
صبح الحال و هي مزال ناعسة ماحست لا بفياقو لا بخطواتو ولا بحتى حركة.. كون ماصونا تلفون ماغاداش تحل عينيها .. مدت يديها لي تلفون و جاوبت وهي مزال مغمضة عينيها
نوارة"" الووو
سناء"" ياودي يالاله لعروسة تكعدي ياا
نوارة""اممم شنوو
سناء"" نوضي حلي باب نوضي
نوارة""( حلات عينيها بعد تلفون تتشوف 12 غادية تدق) ويلي نتي في باب وو بوحدك؟؟
سناء"" ايه غا حلي
ناضت ديك ساعة رمات عليها بنوار ديال بيجامة و خرجات حلت لباب و بعدات تادخلت و دفعاتو ضارت عندها سناء تطلع و تنزل
سناء"" العروسة صابحة منورة
نوارة""( قربت تتبسم سلمت عليها معنقاها ) صحيبتي
سناء"" غي قالي نصير راكي جيتي و جيت نشوفك
نوارة""( شداتها من يديها و داتها جلستها) كون غي قلتيها ليا بلاما تعدبي راسك
سناء"" لا اختي انا بغيت نبدل شوية الجو قنطت بين ما رجال بزوج خدامين نهار ندوزو وقيت بزوج توحشتك
نوارة""( تكات على كتفها بتعب ) حتى انا يالحبيبة كي بقيتي
سناء"" الحمد لله بديت نولف اختي ماعندي ماندير
نوارة"" الحمد لله احبي الحمد لله
سناء"" مالكي نتي ماعجبتنيش
نوارة""( هزات راسها فيها و نطقت ) حتى انا ماعجبنيش حالي حاسة براسي ماهياش ..
غي ذكرتها و هي تنوض شادة على فمها تترد ناضت سناء تبعاتها تابانت ليها خارجة وجهها تتمسح بالفوطة
سناء"" بيخير ..
نوارة"" لي كنت نقولك يمكن يمكن حاملة اصحبتي
سناء""( بفرح) حلفييييي
نوارة"" راني قلت يمكن حيث تعطلت عليا بزوج سيمانات دابة
شداتها من يديها و مشاو جلسو بقات معاها بالاسئلة و تعاودو مع بعضهم عاودت ليها كيفاش هضرو و كيفاش تصالحو مهم ماخلاو تا موضوع ماجبدوه
وجدو الغدا بزوج بالاخص سناء.. نوارة غي ماتتزيد تتأكد و هي ماقاداش تشم ريحة الطياب .. تغداو و دخلو لصالون مجمعات تا بانت ليها مشات تترد و كاع داك الغدا رداتو ورجعت تكات تاقفزتها سناء
سناء"" نوضي تكعدي قدامي نتي
نوارة"" افين اختي خليني عليك
سناء"" نوضي نوضي نمشي عند سهام دابة نيت
يلا غا تعتارض و هي توقف ليها حسكة مشات معاها جبدا ليها ما تلبس و عيطت لنوح قالت ليه غادية هي وسناء لطبيبة ماسولش و ماحكرش قال يمكن مع سناء .. وسناء لي هضرات مع نصير و قالت ليه لي كاين بلي شاكين .. واخة كان معاه في نفس بيرو مابينش ليه غا هو جالس و يتبسم غا بوحدو .. بالفعل خرجو شدو طاكسي تالعند طبيبة سهام و حسن الحظ كانت مخففة يلا قدامها زوج الناس .. وصلت نوبتها و بدات تترعد و خايفة مايكونش صحيح .. دخلت معاها سناء بترحاب من عندها طلعات فوق سرير الفحص بالسونار و بدات الفحص و نوارة قلبها يضرب يضرب .. حتى فيقتها بسؤالها
سهام"" شحال معطلة عليك الدورة انوارة دورتك منتضمة ولا تتعطل عليك
نوارة"" معطلة عليا تقريبا ب2 سيمانات او منتضمة 28 يوم
سهام""( تبسمت ) مبروووك عندك ستة اسابيع و يوم
سناء""( بالفرحة ناضت ) بصح
شافت فيها تتحرك راسها تبسمت و عاودت تتفحص و تعاود بشكل مطول اما نوارة حاضية غير ملامح طبيبة لي مبين مركزة بشكل كبيييير ....
نوارة"" كولشي مزيان؟ ياكي
سهام ""( جبدت سونار و عاونتها باش تنوض تلبس شافتها كملت و نعتت ليها باش تكى تاني ..تكات و دارت ليها فحص على البطن تاني ) كوولشي بيخير و كاع لبيبي بيخير
سناء""( صافي مابقى ليها صبر ناضت جنبها تتشوف) كيفاش اختي كاع
سهام""( تبسمت و رجعت تتوريها ) هانتي مولف تكون نقيطة وحيدة هنا ياكي ( شافت فيهم ) ماشاء الله حاملة بتوأم الثلاتي
خرجو من تما و الدهشة مزال مسطيرة عليهم و هي في يديها صورة تتشوف و تحقق و بالفعل ثلاثة نقيطات
سناء"" و تبااارك الله ياختي ..( نزلت دمعة) سبحان لله ياختي تلفت والله
نوارة"" ( شافت فيها يديها تترعد بشكل فضيع) ماعرفتش شنو نقول
سناء"" ماتقولي والو غادية تزيدي احبيبتي لدارك ترتاحي .. انا باغة نشوف وليداتك كولهم بين عيني ( عنقتها ) احح شحال فرحت ليك اصحبتي
نوارة"( شافت فيها) ن نووح
سناء" يلا لدارك دابة رتاحي ماتقولي ليه والو تا تقوليها بشي طريقة زوينة ياختي راه اتحمقيه و تهبيليه بالخبر هدا
شدات فيها معنقاها و شيرت على طاكسي ركبو فيه و توجهو لدار ديريكت فتحات سناء لباب و بان ليها نصير جالس وعاودت شافت ليها و غمزت ليها بلي راهم بزوج هنا حركت راسها و دخلو لداخل نوح مكانش معاه سمعت الحس في كوزينة
سناء""( شافت في نصير و غمزت ليه متبسمة جلست جنبو حطات يديها على ركبتو) فين ازين
نصير""( شد يديها باسها وعاود شاف في نوارة لي مدت يديها سلمت عليه ) ختي بيخير
نوارة""بيخير اخويا نتا مزيان
نصير ""(تبسم ليها و شاف في سناء) بييخير اختي يحفضك
تبسمت و مشات متوجهة لكوزينة مخالياه داير بعينيه لمحبوبتو ل باين فرحة في عينيها باس عل عنقها و نطق
نصير"" شي خبار زينة بحالك
سناء"" اويلي راه حنا عند ناس كون تحشم
نصير"" ( معوج براسو لعندها و عينيه مرخويية ) تتزيدي تزياني العمر
سناء""( ضحكت تاتغمضو عويناتها و تنهدت و عاودت شافت فيه نطقت بشوية) حاملة ( دارت بكتلتها بفرحة ) بالتوأم الثلاثي ياااانصير
نصير""( عض على شنوفتو و ابتسامتو متشرعة ) بربي
سناء"" والله ماشاء الله ماشاء الله معجزة والله
نصير"" الله يبارك .. يارب تكمل عليها بالخير سبحان الله ربي من تبيغي يعوض .. تيكون العوض الزين تينسي كاع لي كنتي طامع و باغي .. يستاهل كل خير
سناء"" و نعم بالله و الله يلا فرحت ليهم بزااف تبارك الله الله يثبتهم ليها
نصير"" ( تبسم و غمز ليها ) تولدي هادا و نزيدو الثاني مكاينش راحة
سناء"" ( تبسمت ) الله ياخويا
نصير"" ( تكى بجنب تيدوز يديه على ضهرها حتى شافت ليه و نطق بخفوت) انا لي تنعطي ..
سناء""( ضربت على ركبتو) و الماسخ
نصير"" ( حط يديه على كرشها جرها بشوية تاتكات على يديه و جات مخشية فيه خشى وجهو في عنقها تيقبل فيه ) ماشي غا هو يماركي هاتريك .. نغييير انا
دخلت عليه الكوزينة لقاتو محني براسه بديك الطولة منساجم مع البراد تيعمر تمشات بخطوات غير مسموعة ... تاتحطت يديها على ضهرو و تمات غادية بيها تا ضارت على كرشو عنقاتو حاطة راسها عليه ..
نوارة"" تعطلت عليك احبيبي
نوح""( شد يديها و ضار بالعرض البطيئ تا جات قدامو و دورها مدور يديها وراها متبسم) بزاااف
نوارة"" ( تعلات و باست على عنقو ) مانعاودتش حبيبي
نزل بشفايفو طبع على شفايفها ببوسة معدبة تاحس بيها دفعاتو بصدرها
نوارة"" طلقنا بداك الكاس صاحبك برا يمكن
نوح"" ( طلقها و جاب يديه لشفايفها و تم منزلها بشوية تاولا لصدرها جر تريكو منزلو تابانت شقة صدرها و نزل معوج براسو ودا بشفايفو مص عليه ونطق ) خليه براحتو
نوارة""( ضربت على يديه ودفعاتو مشات تتقاد داكشي لي جاب معاه في طبيسلات عاودت شافت ليه نطقت بشوية ) حشوومة حبيبي ديالي ماشي لوحدنا
هزات طبيسيل تبسمت وغمزت ليه و مشات مخلياه تيدور لسانو وسط فمو غالباه ابتسامة تاخرجت بمدة عاد هز صينية خرجها و رجعت جابت باقي طبيسلات و جلسو براحتهم كلاو جمعو مع بعض نفسية بدات ترجع شوية نوارة فرحانة برجوعها وباقة مضهشرة بحملها .. نوح نفسيتو مرتاحة و هي قبالت عينيه سناء.. بدات توالف وًفرحتها بصحيبتها نساتها قنطتها و غبينتها ..نصير فرحان لصاحبو برجوعه مع مرتو و وليدات لي جاين في طريق ... ريحو معاهم شوية و ناض نصير و سناء توادعو معاهم و مشاو في حالهم لدارهم
نوح نزل ياخد شي ضوسيات من طوموبيل بقات هي تتبرقق في عينيها ماعرفتش كيفاش تصارحو ولا كيفاش تقول ليه .. ناضت تتجمع طبلة فجأة تاني شداتها دوخة جلست شادة على نواضرها تاتحل لباب و تم داخل عينيه عليها تمشى بخطوات مزروبة جلس قفازي قبالتها
نوح"" مال حبيبي
نوارة""( هزات عينيها ) غا نضت بزربة و ضخت احبيبي ماتشطنش
نوح""دخلي بدلي عليك و ارتاحي انا نجمع هادشي امم
نوارة"" نوح غي خليك نجمع هادش
نوح""( مقاطعها) عزيز عليك نبقى نعاود هضرتي
تبسمت و حركت راسها بنفي باس على نيفها و حرك راسو باش تنوض ناضت بقى متبع ليها العين تادخلات و ناض حيد جاكيطتو گفض على كمامو و بدا تيجمع الطبلة بتقالة و بالو معاها مشطون .. رجع كولشي لكوزينة غسل لماعن و نشفهم رجعهم بلاصتهم و خرج لسيجور تحنى يهز ضوسيات ديالو تاحس بخبطة ضوسي من عندها عليهم ..
نوارة "" ( نطقت ) شوف داك ضوسي بان لي مهم عندك بزااف انوح
نوح""( دار بالعرض بطيئ تتبان ليه مربعة يديها صغر عينيه و غمز ليها ) شمن ضوسي تاني .. كاع ضوسيات فكيتهم معاك !!
نوارة""( هازة حاجبها حركت راسها بنفي نعتت بعينيها) شرح ليا اش داكشي تم
صغر عينيه فيها و تحنى هزو تيشوف فيها حلو و هو مزال تيشوف نزل بعينيه و بدات شي حركات بحجبانو و عينيه .. هو تيشوف داك صورة (ايكوغرافي) سرط ريقو جامع حواجبو بطريقة مستفسرة كتر من عينيه لي ضارت عندها .. اما قلبو بدا يضرب يضرب
نوح""( نطق بخفوت حيث صوت لي ينطق بيه جاه خاين في ديك لحضة) شنو حاملة ؟؟
نوارة""( تبسمت وقربت تالقدامو شدت يديه حطاتها على كرشها ويد الثانية طلعات لعنقو جراتو تامشات بشفايفها لودنيه و نطقت بشوية) مبروك تولي اب حبيبي
تسمر في بلاصتو ودنيه مضاربة مع عقلو واش بصح داكشي لي سمع ولا غا تهيئ ليه دور عينيه ليها بحالا تيقول ليها عاودي اش قلتي اني ماسمعتكش مزيان .
نوارة""( قربت بشفايفها لشفايفو بقبلة حنينة و بطيئة و بعدت شوية ) لا راه بصح حبيبي تولي الاب و تشد وليداتك بين يديك (شافتو زاد صغر عينيه و تبسمت مكملة كلامها ) حاملة بالتوأم كبيدة.. الثلاثي
سمع .. وسمع و فهم و دا كلام في بالو و جابو .. لكن باش يتجاوب كانت تقيلة عليه .. كترو عليه قوة احاسيس في ديك اللحضة من كترة ما في كل مرة تتكون معاه و في كل مرة تدخل ليه فرحة لحياتو تتجيه استعاب تقيل .. لكن هاد احساس لي هو اجتاحو في هاد لحضة جاه غريييب و اكثر غرابة.. هو تيشوف روح منو و منها داخل احشائها .. لكن بتوأم ثلاثي مكانتش على بالو غادي يجيه العوض على قسوتو و حياتو و تمارتو و غبينتو .. من انسانة لي تخليه يجرب اجمل شعور في الدنيا .. طلع عينيه بشوية لعينيها شد على خصرها يناضرها بشوفات عشقانة و فرحانة و واحد برييق وسط عينيه غرييييب
نوح""( نطق بصوت كأنه كان هاز الجبااال فوق كتافو و تقل كتيير ) يااااااا الله ...( جرها لحضنو غاطس في كتلتها صغيرة ) لك الحمد و الشكر يااااالله .. اللهم ملك الحمد على ماأخدت و ماعطيت ..
نوارة""( بادلاتو عناق بجهد مزيرة عليه و دموعها بداو يتكبو بجهد ) الحمد لله حبيبي الحمد لله العوض من الله اجمل
بعد هاز ملامحها بين يديه و قبالت لعينيه تيشوف مدة تاغطس بقبلة على تغرها تانزلت دمعة على خدها لي كان اول مرة تشوفها و اول ما دمعت عينو قدامها .. بعد حاط جبينو على جبينها بحب ناطق بشوية
نوح"" العوض اول و الاخير بيك نتي خليتي يامي زينة ..و غاتزيدي تزينيها بدمي
نوارة""( باست على شفايفو ) الله يخليك لينا حبيبي .. و تزيد بفرحتك من تشوفهم تيدور في دارك و يتعرضو ليك في باب و تسمع كلمة بابا ..
نوح""( باس على جبينها بحب ) الله يثبثهم ياااربي .. الله يقويك حبيبي حتى للاخر ..
نوارة"" امين احبيبي اميين
نزلت عينيها و عاودت طلعاتهم فيه بحشمة و خجل واضح
نوارة"" خلعتك بهاد دخلة لي درت ليك
نوح""( شاف في ضوسي و نطق ) مزينها دخلة و مزينك نتي و بهاد فرحة لي تتعطيني كل ماراكي معايا
نوارة""( تخشات في حضنو) ديما معاك كبيدتي .. الله يخليك لينا
نوح""( باس على راسها ) عشقان فيك
تبسمت في رمشة عين هزها بين يديه و شفايفو غرقانة غرق في شفايفها دفع الباب لبيت برجليه و مشى بيها للسرير حطها بشوية و نزل معاها يقبلات و عاود بعد مخلي تقل جسمو بعيد و عينيه تمشي و تجي مع ملامحها حتى حس بيها حشمت تبسمت و نزلت عينيها
نوح""( تيدوز ضهر صباعو على خدودها و داك حمورية لي مزيانتهم نطق بهدوء) ماتهزي ماتحطي وتا الشقة من اخر سيمانة لاخر سيمانة تجي شي وحدة تدير كلشي
نوارة""(تبسمت على كلامو) و لكن
نوح""(ݣرن حواجبو) شمن ولكن ابنتي عطي لراسك راحة خلي ولادي ايثبتو ( تبسم على ديك ولادي) كولشي على راحتك حبيبي.. ولي مشهياها توصلك
نوارة"" (جمعت حواجبها) عرفتي اش مشهية دابة(شافتو حرك راسو ) بغيت غي تفاح و يكون حااامض عرفتيه داك لي تيكون لونو خضر عفاااااك حبيبي جيب لي هدااك
نوح""(تبسم و باس على خدها بشووووية و نزل لشنوفة تحتية و طلع لفوقية بمصة و مشى لودنيها مص على شحمتها و نطق بخفوت ) نجيب لحبيبي لي بغات و لي مابغات تاهو نحضرو ...
جالسة فوق السرير تتاكل في التفاح لي مشى جاب ليها انواع مشكلة و شلى ديسير و تتهضر مع فاطمة و هو جالس قبالتها فوق فوطوي دار يديه على دقنه و عينيه تدور عليها بشووووية و بهدوء بنضرات عشقانة.. فرحانة.. تالفة بيها و بخبارها ليه.. حتى شافها سالات تفاح و مدت يديها لطبسيل بلاما تشوف دور عينه معاها لقاها كملت لي نقى ليها .. ناض بهدوء خرج لكوزينة هز لي باقي و رجع جلس جنبها تينقي و يحط في طبسيل كمل مشى غسل يديه و رجع لقاها سالات مكالمة تبسم وًدوك نضراااات حمقوووها و سطاوها ... بادلاتو ابتسامة قرب منها جلس شد على خصرها و جرها لعندو ومشى بشفايفو لعنقها طبع عليها قبلة و نطق وهو مزال عليه
نوح"" حبيب الروح
نوارة""( عنقاتو تتبوس على رقبتو ) كنبغيك حبيبي
نوح""( شاف فيها تيبعد شعر على عينيها ) نموت فيكم
نوارة"" (تبسمت) وليتي تهضر بالجمع يااا
نوح"" العوض من الله
تبسمت و زادت تخشات في حضنو بحب تتمخشش فيه هزات عينيها ليه و نطقت
نوارة"" بان غادي تفشنني كتر ما نتا مفششني
نوح"" ماعنديش ما اغلى منك ( حط يديه على كرشها) و منهم
نوارة"" امم واخة ( هزات براسها تتلعب في صدرو حشمانة تنطقها) و الخدمة يانوح
نوح""( قرص على نيفها) خدمة عاد تتسولي عليها ؟؟ مشات عليك بلاصتك .. لكن في مرة حيث ما تعاوديتش تقرقبيها غا رتاحي
نوارة"" و علاش ؟؟
نوح"" يلاه ترتاحي و تقابلي لي ولادي براحتك ماتشطنيش ليا و ماتعبيش راسك ..
نوارة"" ( بغنج) و نتا تعاوني عليهم احبيبي
نوح"" ( نزل بيديه على مؤخرتها و جرها تكاها على سرير و غطس في شفايفها ) نعاونك دابة نيت ..( نطق بخفوت يديه تدوز على جسمها) متوحش حبيبي
دورات يديها على عنقو و زاد بغرقو في ريحتها و رهوفية جسمها لي توحشها و كانت بعيدة عليه ... و تا هي توحشاتو و بزاف .. توحشات قربو عليها و لمساتو ... همساتو.. علاقتها معاه .. لي من قرب منها و هي غريزتها تتزيد محاول .. و محاول عليها كي ماء قليل لكن اشتياقو للجسمها مامخلي ليه صبر غطس بشفايفو في رهوفية جسمها و يديه مستمتعة بين تجريد ملابسها و لمسات حتى بالفعل جردها من ملابسها وتحط بجسمه تحتي فقط باش مايتقل عليها .. و هي مجنونة بحركاتو .. حتى تسمعت غوتة صغيرة من فمها بعد ماغرسو داخلها و زادت حلاوتها و هو محاول عليها بالعرض البطيئ .. محاول عليها من تقلو من عملية ايلاج .. شبع غريزتو و غريزتها اكتر لي كانت باينة و مع خالوطة هرمونات كملت عليها ... سالات علاقتهم حميمية و جرها لعندو خاشيها وسط جسمو ساخن تيقبل على جبينها و ينزل لشفايفها ويديه تتسارا على كريشتها ..و شي احاسيس في ديك اللحضة عالم بيها غي الله .. دائما ربي تيدير لي فيها الخير .. تدوز محن .. و محن .. لكن تيعوض بما احسن و بزاف .. هاكة العوض بالنسبة لنوح و نوارتو.. قاساو و تعبو .. لكن في الاخير فازو بحبهم و عشقهم لبعض .. و ربي رزقهم بثمرات حبهم لي غادين يزيدوهم حلاوة و هوما تيتساراو و معمرين عليهم مسكن حياتهم.........
صبح الحال .. اول مافاقت قلبت بلاصتو لقاتها خاوية تكعدت هزات تلفونها تشوف ساعة تاتحل عليها باب البيت تم مقرب ليها
نوح""( مصغر عينيه ) نقولو صباح الخير ولا مساء الخير امدام
نوارة""( تتحاول جاهدة باش تحل عينيها تيبان ليها داير يديه وراه ) شنو تما جبتي ليا شي حاجة
نوح"" (قرب قفازي باس على صدرها العاري) فيقي بعدا توضاي فوتي عليك صلاتك
نوارة""و قولي شنو تما يااا شي حاجة تتكال انوح فيا الجوع ( بدات تبكي )
نوح""( تبسم و حط داكشي في الارض و قرب تيبوس على ملامحها ) شش اي رتاحي و على سبة راكي.. نوضي بعدا نوضي
ناض جاب ليها بنوار رماه عليها تيتبسم وداها تالدوش دخلات هي توضى و هو خرج لكوزينة وجد ليها الفطور او سخنو حيث من فاق صباح وجد ليها طبيلة بكلشي فيها .. خرج كولشي لسيجور تاسمع لباب تحل و خرجت بخطوات تقيلة تتجر في رجليها قرب منها حط يديه على خصرها تاجلسها بشوية و هي تدور عينيها على ديك طبلة .. خلات شهيتها تتحل .. اي حاجة تتبغي و كانت تتوصي عليها محطوطة ضورت عينيها تتشوف فيه تتبسم تا عينيها تيتغمضو .. حنانتو معاها مهبلاها و تتزيد شدات يديه باستها دور يديه بزوج باس على رقبتها .. تاحست بيد الثانية تحطت قدامها .. نزلات عينيها و عاودت شافت فيه نعت بعينيه باش تحلها ضحكت عاضة على شنوفتها و عينيها تيبريو كانت بواط في الاسود حلاتها و زادو عينيها تحلو ... كانت قلادة ذهبية على شكل (الام و الطفل )
نوارة"" نووووح تتحمق والله ( ناضت عنقاتو بحب غرقها و مزال تيزيد يغرقها بهاد كترة حنانة ) ياحبيبي حنين فياااا ( هزات بعينيها ليه) وراه يخصهم يكونو فيها ثلاثة
نوح""( تبسم و نزل بشفايفو لجنب فمها طبع عليهم نطق ) نجيبهم مفرقين كل وبلاصتو ... و بلاصة ميمتهم بووحدها...
كملت ماكلتها و بقات جالسة في بلاصتها حاضية ديك داك بواط و تتبسم رمات يديها ليها عاودت فتحاتها طلعات عينيها لنوح لي كان في كوزينة سدت بواط و ناضت بشوية تترمي دوك خطيوات تاوصلت لباب كوزينة تكات عليه و بقات حاضياه لي كان لابس غا سروال سورفيط .. عضت على شنوفتها بحب و هي عينيها غا تطيح مع جسمو و كيف مكروز
نوارة"" احم احم الشاف
نوح""( ضار مطلع حواجبه ) لاش نايضة
نوارة"" اويلي مالي مانوضتش كاع جيت نشوفك اش تدير ..( قربت عندو تطل ) كتعرف طيبها بعدا
نوح""( كحز بخطوة خشاها بين رجليه و رفعها تاحطها فوق بوطاجي و باس على عنقها ) خليك معايا تجي مخيرة
نوارة""( دلات شنوفتها ) و راه مابقاتش موتزاريلا .. ( شافتو شاف فيها و هي تنزل عينيها ) باش مشيت مكانتش زعمة
نوح""( قرص على نيفها وزاد بخبطة لفخدها ) هادشي عاقلة عليه بعدا
نوارة"" ( بغنج )احح ضريتيني يااا راني مابقيتش بوحدي يسحب ليك مابقاش لي يحامي عليا
نوح""( تبسم و زاد عندها مخلي يد من هنا و يد منها منزل ليها داك ضوني على كتفها و نزل معاه سميطة سوتيان و تحنى معوج براسو تيقبل عليه ويمشيى لصدرها تيدوز لسانو عليه) نحامي عليك قبل منهم
نوارة""( تبسمت ورمات يديها على رقبتو ) تحامي عليا من راسك
نوح""(تبسم عينيه مفضوحة بعشقها ) حيث مانضرش حبيبي (عقدهم فجأة مخلي حواجبه يطلعو تاني و يديه قرصت على فخضها ) كون وقعت ليك شي حاجة و نتي رافدة دمي
نوارة"" اححح نوح وانا باش عرفت غا نكون حاملة اصلا .. و و مادرت والو
نوح"" على هاد مادرت والو شحال من واحد مشى فيها اخر مرة غا نعاود نهضر انوارة ماتبقايش تدخلي راسك فشي قلو**ة
نوارة"(دغيا نزلت دمعة تجري ) وصافي هضرتي معايا و عاودتي هضرتي لاش باقي تغوت تخسر معايا الهضرة
مسحت دمعتها و بغات تنزل تايديه كانت سابقة وقفتها ضارت على ضهرها ويد لاخرى على مؤخرتها
نوح"" ( مقرب بوجهو لعندها ) عارفاني لاش تنهضر ؟؟؟
نوارة"" ايه عرفتك خايف و حتى انا ماوعيتش و م
نوح"" صافي ( هز يديه مسح على دمعتها ) سمحي ليا حبيبي .. ( تبسم ) واقيلة تالهضرة ما نبقاش نهضر
نوارة"(غلباتها ضحكة هزات كتافها عليه) بعد مني نتا
نوح"" مانگدتش ولادي تم ( تحنى و باس على كرشها بثلاثة قبلات متتالية ) سمحو ليا تا نتوما
نوارة"" ( حطات يديها على لحمو تتلعب على صدرو ) و انا
نوح""( تبسم و تحنى على شفايفها ببوسة حنيييييينة و بطيييئة مخليها تايهة و تالفة بعد شوية ) نتي ديالك وحدها ملدمة بعسلك ..
شدت بيديها على لحيته و جراتو لعندها تتبوس فيه كيف مجنونة مكملاها بمصات على شواربو بطريقة خلات بوه يتلف تانساو داك معكرونة بدات تعطي ريحة حراق و ضارت بزربة
نوارة"" و تحرقات
قرب طفى عليها بوطة حط يديه بزوج على بوطاجي و ضار شاف ليها لقاها حابسة لبكية نزل بعينيه و عاود شاف فيها تا بانت ليه دمعة نزلات تجري
نوح"" لاش تتبكي دابة
نوارة"" تحرقات (وبحالا عطاها ضو الخضر دموع بداو يتسرسبو) و انا كنت مشهياها يانوح كي ندير دابة
نوح""( تبسم على حالتها و قرب لعندها رفعها بين يديه وتم مخرجها) ششش غانعاود نطيبها ماتبكيش امم ( حطها في سيجور وجلس قفازي تيدوز يديه على خدودها تيتبسم ) رتاحي نوجدها و نجيبها ليك (باس على ركبتها) بقاي هنا باش مانصدقوش حارقينها تاهي
دوشت لبست عليها بيجامة بشورط قطنية مخلية شعرها طايح عليها .. خارجة من البيت بخطوات تقيلة متوجهة لكوزينة .. سمعات لباب تحل و بانت ابتسامتها قداش تكات على باب لكوزينة و مربعة يديها تا كيبان ليها مدخل شلى صيكان هز عينيه ليها طلعها و نزلها براحة غمز ليها تاسمع ضحكتها لمخرجة عقلو
نصير""( حط كولشي فوق طبلة و نطق ) احح امي .. عاوديها
سناء"" اش نعاود اويلي
نصير""(قرب تزدحها معاه مخشى شفايفو و نيفو في عنقها تيشم بحر جهدو ) اححح ورب العالي
بدلاتو تعنيقة تتشم فيه تارفعها بين يديه و مشى بيها فوطوي و جلس و جلستها قداموو
سناء"" جبتي ليا كولشي لي قلت ليك يااااك
نصير"" كولشي كولشي (تيبعد شعرها على ودنيها ) رتاحيتي شوية
سناء" الحمد لله احبيبي احسن
نصير"" الحمد لله ديما امم
سناء"" ( شدات خدوده بين يديها و قبلت على شفايفو ) تنحمد الله حيث جابك ليا و في هاد الوقت الحساس .. حيث كنت نبقى بوحدي
نصير"" (تبسم تيدوز يديه على كتفها طلوع نزول و عينيه مرخويية فيها بشكل فضييع ) انا لي عندي الزهر جابك لي الله نورتي ليا يامي و حليتيها ( تبسم ) جاينا لي يضويها كتر
سناء"" يلا كان ولد نسميه انا و لا كان بنت تسميها نتا
نصير"" سمي كولشي انا نعرف غا نعطي
سناء""(خبطاتو على كتفو ) اويلي فراني شوية
نصير""( حط يديها على حجرو ) مكيشاورش شنو تيجيب .. استقبلي نتي و سمي نتي
سناء""(وجهاااا ولا حمرررر جرت يديها بزربة و بقات تخبط فيه) نصييير عيقتي ويلي
نصير"""(حابس ضحكتو و شدها من يديها بزوج و مال بيها تاتلاحت و جا عليها ) قلت ليك لي كاين العمر انا نعطي و نتي سمي كي بغيتي
سناء"" (بقات غا تتشوف باش تجادل معاه و لا تحرك ممنوع ساد عليها من كل جوايه ) الصمت
قرب بشفايفو لشفايفها غطس عليهم غطسة لغدايد مصهم تا رجعهم حمرين و مورمين
نصير"" (بصوت منخفض )حلاوة تقطر منك
سناء""(حاضية عينيه وداك رخوة زادت حمقتها ) ياربي عينيك غادين يحمقوني
نصير"" كون تشوفي اش محمقني انا
خبطاتو بيديها على هاد سفالة لي فيه تا وقف تيتبسم و ناضت تتقاد في حوايجها و حاضياه تيجبد ليها كاطو لي موصياه عليها حط كولشي قدامها من عصير و كيك و شاف ليها منعت ليها بيديه بلي يمشي يكمي و يجي حركت راسها و تبسمت بقات ملاحقاه بعينيها و ديك كتلة كاملة في اسمها و في قلبها ...
مرور 10اشهر
الفيرما الدكالة
طالع بخطوات رزينة و عينه مع طرف منو و هو في يديه نفس ملامح و نفس العيون تقول نصير مصغر ...
نصير"" ( باس على نيفو ) شفتي ماماك نافرانا اولدي شفتي
وصل لطابق فوقي و بالضبط البيت نعاس ديالهم دق زوج دقات خفاف و حل لباب لقاها جالسة فوق السرير شادة راسها بين يديها بزوج تتبكي
نصير""( قرب بشطنة ) سناء ...مالكي تاني تدمعي
سناء""( هزات عينيها فيه تتمسح على نيفها) بعد مني ماتهضرش معايا ماتقربش حط لي ولدي وسير
نصير""( تبسم و قرب جلس جنبها ) الله يهديك الدكالية ديالي فين غانمشي
سناء""( حطات يديها على نيفها ) قلت ليك ماتديرش ديك ريحة عاد قرب ليا ( شدت سلطان بين يديها تتشم فيه) بدل حوايجك بدل
تبسم ناض في ساع حيد تيشورط دارها سلة داخل الحمام و لبس وحدة اخرى و قرب جلس حداها
نصير"" مزيان دابة نقد نقرب
سناء"" بعد مني
نصير"" باين هاد الوحم غادي تكرفصي عليا بالمزيان
سناء"" ( زادت تتبكي ) و بقى فيا سلطان مسكين باقي يلا 4 اشهر ما كملها
نصير"" وراه تعطلنا كان عليك نهار 40 تحملي محنتي ديلمي ديال بصح
سناء""( خنزرت فيه غالباها ضحكة ) لا درتيها بصح نيت
نصير""( قرب باس على شفايفها بحنية وًنطق ) نعشق في عمري
سناء"" حتى انا كنبغيك حبيبي ( شافت في سلطان لي حاضيهم و تيضرب بيديه) نتا تنمووت عليك الكبيدة يالعمر ديال ماماه
نصير""( قرص على شنوفتها ) تكعدي امدام وصلات عائلة تصحبتك
سناء"" ناري غايشدو فيا انا عارفاهم
نصير"" مزال من تولدي تزيدي واحد اخر ان شاء الله باش نتعادلو معاهم
سناء"" عيقتي نتا واه مانتسارحش انا
تبسم و حط يديه على خصرها و جرها متكيها و هو فوقها تيقبل على شفايفها تاحس بخبيطة صغيرة على فخاضو دور براسو ليه
نصير"" راه مرتي هادي الشريف جمع راسك شوية
سناء""(دفعاتو وجابت سلطان تكاتو لعندها) بعد ليا من ولدي
نصير""" (تكى جهة لاخرى تيلعب في شعرو) ماتنسايس ولدك لكبير حليب واحد راضعينو
سناء""(دورت عينيها حابسة ضحكة) اويلي على ماسخ " وزايدون غا وقعت ماشي متعمد
نصير""(تبسم تيحرك راسو بتقالة عاض على شواربو) اححح مزينها مصة
سناء""( خبطاتو لكتفو ) و نصير عيقتي ،، راك درتي الولاد ياااا تبقى تهضر قدامهم هاكة
نصير"" (حاضي ملامحها تاكملت وباس على كتفها بحب و عينيه غرقانة) العمر ديال نصير ..
تبسمت و هو مسكتها بشوفاتو مدوخاها ناضت مخلياه متبع ليها العين ..عاد تكعد مد يديه ليها شد من عندها سلطان نزلو لتحت و خرجو للجردة لي مزينة بشكل راقي و عصري بمناسبة العقيقة لمواليد ثلاثة نوارة و نوح .. بانت العائلة كاملة جالسين في جردة من زهرة يوسف محمد فاطمة و اريج و شيماء .. مزال العائلة نوح ما وصلتش
في نفس الطابق و البيت لي جنبهم خارج من الدوش تينشف شعرو و عينيه عليها ناعسة معدبة و بين ايديها بنوتة الوحيدة بين الثوأم الثلاث لي تسمات على اسم الام نوح (عائشة) قرب بخطوات تقيلة مايديرش الصوت باش ما يفيقهمش قرب جنبها بغى يطفي عليهم ضو لي جنبهم لكن فاقت ماشي نوارة فاقت صغيورة تبسم من شاف عويناتها تحلو قرب قفازي شد على يدياتها و هي زيرت على صبعو قربها لشفايفو باس عليهم ..
نوارة"" نعاس نملة عندها تاهي
نوح"" (قرب باس على شفايفها) الله يسمح لي منك حبيبي
نوارة"" ( تكعدت تتحرك دراعها بتعب) حتى نتا مامقصرش حبيبي ( دورت عينيها ) فين هو طه
نوح"" ( نعت لسرير صغير وراها) راه عاد نعس
نوارة"" داك مشاغب ديال محمد باقي مع خالتي نجاة
نوح""( تبسم محرك راسو ) مزال معاها نعساتو تاهو ( قبل على شفايفها) رتاحتي شوية حبيبي
نوارة"" الحمد لله حسيت براسي نعست بزاف ( باست على عنقو) بفضلك حبيبي عاونتيني بزاف
نوح"" داكشي لاش ريحت هاد ليامات ( باس يديها) باش نريحك شوية
نوارة""( عنقاتو مغمضة عينيها) الله يخليك ليا كبيدة
ماكملت كلامها تابدات ديك غويثة صغييورة دورو عينيهم و بانت ليهم عائشة تتبكي شافت في نوح و تبسمت قرب نوح هزها بشووووية و جلس جنب نوارة مدهة ليها
نوح"" فيها جوع يمكن (هز عينيه ليها) باغة ترضع
نوارة"" بغات تبدل كوشة
نوح"" (حرك براسو و حطها ) غا خليك مرتاحة
حطها جنبها و هي مراقباه مشى جاب ليها كوش و كل ما تحتاج و قرب ريح جنبها بدات نوارة تبدل ليها و هو عينيه عليها و بهاد حب الأمومة لي في محبوبتو تكرفسات ليه بزايد من ولادتها و هي ماشابعة نعاس واخة دوزت معاها زهرة مدة و سناء... هزات عينيها شافت فيه تبسمت و نطقت
نوارة"" مالك تتشوف ..
نوح"" (بصوت منخفض و عينه مرخية) تزيدي تزياني حبيبي
نوارة"" ياك علاه انا مازويناش
نوح"" (تبسم باس على ركبتها بحنية) شنو بان ليك
نوارة""(بغنج) عنداك ماتبقاش تبغيني ولا ..
مقاطعها بجرة من خصرها تاتحنات لعندو ولصب ششفايفو على شفايفها ببوسة سكتاتها من كلامها و حركاتها و تفكيرها .. فيقهم و قاطعهم غي طه لي ناض تاهو بعد تيشوف في نوارة لي حابسة ضحكة تبسم و ناض لعندو هزو بين يديه بشوية مقرب لعندها
نوح""(بصوت منخفض) نتفاهمو من بعد اولدي
نوارة"" (تبسمت ) طه و محمد غي نتا سبحان الله
نوح"" (نعت بعينيه لعائشة) نتي مصغرة
نوارة"" مزيان باش تفششها تاهي كتر مني
نوح"" (قربو باس على جبينو بحب) غير مايتكرفسوش ليا على حبيبي
تبسمت على كلامو و جبدت بزولتها و بدات ترضع عائشة ونعتت ليه باش يعطيها طه تاهو قرب نوح من جهة ثانية تم معاونها شاد طه و عينيه عليهم بثلاثة و بالاخص هي مخلياه يعيش ايام حياتو بمعنى الحياة الزينة من نهار دخلتها ،،قرب تيبوس على عنقها بحب غارق في ريحتها ..... تارجعو نعسو وليدات هزهم حطهم في بلاصتهم بزوج بيهم و قرب لنوارة قفازي تيدوز يديه على شعرها و ملامحها
نوح"" يلا نوضي لبسي عليك باش تنزلي داركم وصلو قبيلة
نوارة" ( تبسمت باست على يديه ) واخة حبيبي ناخد دوش و نزل ....
لبست عليها قفطين خفيف جمعات شعرها بجنب ميكاب خفيف تغطي التعب في حين نوح تيلبس ساعتو و عينيه مراقبتها بحب قرب منها تا لصق بجسمو عليها و يديه ضارو على كرشها
نوح"" روح الروح
نوارة""( حطات يديها على لحيته متبسمة ) العميد قلبي
دورها بالخف تازاد لصقها معاه باحتكاك غاطس بشفايفو على عنقها بمصة تادفعاتو تتضحك
نوارة"" نوووح رد بالك
نوح""( عاود جرها تاتزدحت معاه نطق متبسم و عيينيه مرخييية ) متوحشك
نوارة" ( تتقيس على عنقو وتنزل على صدرو ) ماعليك غي بالصبر اكبيدة
تخطاتو هزات قفطان على رجلاتها و مشات عينيه معاها و هي معرية دوك صيگان يبريو عض على فمو بجهد تيتحلف عليها شافتو جاي و هي تزرب خرجات تتبسم تبعها سد لباب بشوية و شدها في دروج حبسها بيديه رامي يديه على خصرها و نزلو بزوج توجهو للجردة .. لي كان طوموبيل ديال سلمان عاد داخلة مع الباب .. كولشي ضار تيشوفو فيها و طلقو زغاريت وقفت طوموبيل نزلت شامة .. تتزغرت .. تعرضت ليها نوارة تعنق فيها و تعاود باترحاب و نوح لعند سلمان.. سلم عليه بسلام رجولي
سلمان"" مبارك و مسعود ماداير اخويا
نوح""( درعو ) الله يبارك فيك
توجهو لعند البقية للطبلة لي كانت على شكل طوولي جامعة الفاميلة كلها .. توجهت نوارة سلمت عليهم كاملين و نوح كان ديجا شافهم و سلم عليهم شامة كذالك سلمت على باقية ...كل مجموع الا شخص واحد كان ناقص في ديك لحضة .. و عينين تيقلبو عليها تقلاب .. حتى بانت جنب بيسين تتمشى و في يديها سلطان تتلعب معاه عوج براسو بشكل ملفت للنضر حتى حس بخبطة عل كتفو دور براسو بانت ليه نوارة حركت راسها باش ينوض .. داكشي لي دار وقف هز تلفونو مشى حداها لي بعدت شوية وقف تيتبسم
نوارة"" زير شوية راه شلى عينين هنا
سلمان"" ( تبسم ) مانگدتش اختي مانگدتش
نوارة"" دوز ابيل لزينة دوز
سلمان"" صدعت ليا راسي من قبيلة و هي وصلتو صور لي ولاد خويا عنداك تنسى
نوارة"" كون غي كانت حاضرة معاانا والله
سلمان"" ماتخافيش غا تولد هنا في المغرب
دوز ابيل مد ليها تلفون خداتو منو و نطقت بشوية
نوارة"" راها مشات عند الخيل ( نعتت بعنيها) سير من جهة الثانية
تبسمت و بعدت شوية تتهضر مع زينة و هو كان متردد شوية شاف تاعيى و قصد نعت لي قالت لي نوارة .. بالفعل بانت ليه واقفة قدام الخيل تتقيس عليه هي وسلطان ..
شيماء"" شوف تكبر وتولي تخيل عليه ياك حبيبي
سلمان""( تحنى تالودنيها و نطق بخفوت) و حبيبي انا
شيماء""( ضارت بقفزة تتدور في عينيها) اويلي اش تدير هنا نتا يشوفك شي حد اويلي
سلمان""( شد يديها باس عليها ) شش تهدني مالكي
شيماء"" ( وجهها تزنك جرت يديها ) حشومة
سلمان""( هز يديه بزوج بقيلة حيلة .. خشاها في جيبو مصغر عينيه فيها و متبسم تحنى بكتلته لعند سلطان باسو تيلعب معاه و استغل داك قرب و طلع عينيه ليها و دوك ملامح خجولة غمز ليها نطق بشوية ) تتزيدي حلاوة حبيبي
نزلت عينيها و تخطاتو مخلياه تيتبسم وراها مشات تتزرب و هو ضار من جهة الثانية ماشي بشوية تلاقى مع نوارة عطاتو تلفون و مشى لطبلة ريح جنب نوح و نصير و جا مقابل مع يوسف و امحمد
سلمان""( دور عينيه كان كولشي جالس منساجمين مع بعض شاف في الجد نطق ) با محمد
محمد"" نعام اوليدي
سلمان""( دور عينيه كان كولشي صقل مركزين معاه شاف في نوح و عاود ضار لعندو و شاف في يوسف) با بما انك كبير العائلة و مول الكلمة ..بغيت نطلب منك يد بنتكم شيماء على سنة لله و رسوله
محمد"" ( تبسم بقى ساكت لتواني عاد نطق ) وليدي انا عليا نعطيها ليك .. الدار الكبيرة .. الناس ملاح .( خبط على ركبة يوسف) اولا اولدي
يوسف"" ( حرك راسو بثبات و نطق ) القرار ديالها .. ماتبقى كل مسئلة وقت
محمد"" ( متبسم بالرضى و هز يديه ) الفاتحة ....
بالفعل تقرات الفاتحة و عينيه مشات ليها ديريكت لي مخبية وسط سناء و نوارة حتى هزت عينيها بشوية و تبسم عينيه مفضوحة .. فلتات ليها ابتسامة صغيرة و خبات وجهها في نوارة
نوارة"" ( نطقت بشوية ) مبروك امرت لوسي
بقاو مجمعين مع بعض كأي عائلة صفات خواطر و قلوب بياضت من عند الكل .. تحط الغدا تغداو بقى غي بوڤي تيوجد بنات مجمعات مع بعض حتى ناضت نوارة و في يديها جوا توجهت لعند شامة و حطاتو قدامها
نوارة"" خالتي هادو شي فلوس كولشي لي في هاد طبلة كاع ساهم بمبلغ لي قدر عليه
شامة"" علاش ابنتي هادشي
نوارة"" نوح يوسف نصير سلمان خالتي نجاة شيماء ماما و با سناء كلهم حطو يديهم .. عطيها لسعاد على قبل العملية لي اتدير وجهها ( شافت فيهم كاملين ) شكرا حيث مارديتوهاش في وجهي
شامة""( بحنية) الله يشد ليك ابنتي في صحيحتك و وليداتك و راجلك
تبسمت و باست على راسها ورجعت جلست تدورت عينيها لي قبالتها تيشوف فيها بحب تبسم ونطق بين شفايفو ولي كانت وااضحة وضوح
نوح""نبغيك
نزلت عينيها تتبسم بخجل تا سمعت صوت نجاة تتعيط
نجاة"" نوارة نوضي تكلمي شي حد تيسول عليك ابنيتي
نوارة""( حركت راسها و ناضت شافت في نوح لي كان عينيه عليها قربت ليه و نطقت ) انا جايا
مشات و هو دار بعينيه معاها متوجهة بخطواتها لباب الفيرما غي قربت و هزات يديها بنعت .. تمت داخلة طوموبيل في الابيض نوع مرسيدس كلشي بقى تيشوف و مستغرب من شكون لي داخل و هوما في علمهم كاينن غي عائلة حتى وقفت .. تحلو بيبان بزوج و نزلو منهم بنت وولد في بداية عشرينيات كيتشابهو بزاااف و مبين الثوأم قربت منهم نوارة تتبسم شدت عليهم بزوج و جابتهم تالقدام نوح لي مافهم والو و تاحد مافهم شي حاجة
نوارة""( بهدوء متبسمة ) شهرين و هوما مترددين باش يتعرفو عليك
ناض وقف و قربت لبنت متبسمة عنقاتو من كرشو شاف في نوارة مستغرب
نوارة"" خوتك انوح .. زيد و زينب
نوح""( بقى تيشوف ماعرفتش كيفاش يتصرف) كيفاش
زيد""( قرب شد يديه وباس عليها باحترام ناطق بداريجة معكلة) فرحان انا لقيتك هنايا خويا
زينب"" با با الله يرحمه قال لينا عليك .. جينا نگلبو عليك .. نواغة قالت لينا نجي هنايا
حس بالصدمة و دعقة لكن حاجة وحدة لي ماقدرش ينكرها هو ماقدتش يحقد او ينكرهم .. شاف فيهم بزوج لي كانت منهم نضرة غرييبة مخلطة بالفرحة و احترام
نوح""( تبسم و جرهم بزوج عندو معنقهم ) مرحبا بيكم
محمد"" باقي حاجة وليدي ..قرا فاتحة على داك السيد و صفي خاطرك من جيهتو ماتزيد بعدابو اوليدي
حس بيد نوارة تحطت عليه شاف فيها و تبسمت محركة راسها بايجاب و هو محاوطهم باس على راس زينب و باس على راس زيد بحنية و رفع يديه
نوح"" مسامحة ليه في الدنيا و الاخرى ..
تقرات فاتحة من كل و زادت خواطر صفات مشاو جلسو كاع قطعو كاطو و تجمعو كاملين بصورة تذكارية مع وليداتهم و حبابهم صغار و الكبار ......
النهااااااااااية
التعليقات
لا توجد تعليقات بعد، كن أول من يعلق.