محتوى القصة
حل الباب من بعد رجوعو راسو مشنج عليه بكترة الاعصاب لي ركبت فيه طلع ديريكت لشقتو فتح لباب لقاها ناوية تهبط شافتو تبسمت ليه تدور في عينيها بالخجل و حشمة لي طاحت فيها بغات تخطاه و جا قدامها مانعها بكتلتو و سد لباب برجليه
نوح""( بصوت منخفض ) لفين
نوارة"" ( مشتتة شوفاتها عليه) خ خاصني ننزل نعاون زينة على الغدا
قرب هز يديه و حطها على دقنها رافع عينيها لعينيه و حشمة موردة خدودها مخلياه غي ماتيزيد يغرق فيها وفي تفصيلها لي تتبان ليه نهار على نهار غيرتها ليوم كانت بحال نقطة العسل على قلبو حمقاتو و هبلاتو
نوح""( طلع ليد تانية تيدوزها على شعرها ونطق بهدوء) عيطي لداركم و علميهم نمشيو نشوفوهم هاد لعشية
نوارة""( علات عينيها بفرح) بصح
نوح""( حرك راسه بتقالة و نطق ) اتمشي الواليدة معانا
نوارة""( تبسمت و حنيكاتها زادو في احمرار نطقت) واخة
دغيا سلتات من وسط يديه و دخلات لبيت مدوزة الخط لفاطمة باش تعلمهم مخلياه متبع ليها العين تيتبسم مشى دخل للحمام، و هي خرجات دغيا تتسلت قبل مايخرج ماقدرتش تجي عينيها في عينيه نزلت دغيا و فرحة امتالكات قلبها في كل مرة تيدير شي حاجة تتفرحها و يفكر ليها قبل مايفكر ليه نزلات عندهم لقات شامة خارجة كاينة غي زينة تتگرض بصلة و عينها مدمعة مشات جنبها و ابتسامة فالتة ليها
زينة""( تتشوف فيها معلية حاجبها) ياخيتي ياخيتي على خويا ماراهوش ساهل
نوارة"(مشات هزات موس تتنقي بطاطا ) علاش ماله
زينة""( تبسمت و دفعت بيها شوية بكتفها) شوفي ليه سر لي طايح عليك تصالحتو امم
نوارة"" ( ضحكت) ايوا صافي اصلا ماكنتش مخاصماه
زينة"" كولشي من ديك بنت خالتي ماتتحشمش
نوارة"" امم ( علات عينها و نطقت) واش كت
زينة"" ( قاطعتها) من شحال وهي حاطة عليه العين ولكن خويا ماتيديهاش فيها مخلي تقارو بعيد غي هني بالك
نوارة" ( تبسمت بفرح)امم
زينة""" ياخيتي على مرات خويا غيورة
بقات شادة فيها و تضحك عليها و تحشمها كل ماتلقى فرصةردو الغدا و مشاو جلسو تيتحتو تادخل عليهم سلمان تيغني مع شي فيديو تيتفرج عليه هز عينه شاف نوارة و بغى يخرج بدون مايحرجها ردت ليه لبال و عيطت ليه
نوارة"" سلمان
سلمان""( حرك راسه) ختي
نوارة"" ( تبسمت) جلس نهضر معاك
سلمان"""( بغى يجلس و خاف من شي دخلة تجيه من شي قنت) اختي عندي مايتقدا
نوارة""( نطقات بهدوء) جلس قلت ليك
سلمان"(جلس حط تلفونه و هز كاس ماء شرب) اختي ماخصني بشي قتلة اخرى حلاقمي باقين لدابة مورمين
زينة"" اويلي اشمن قتلة
نوارة"" سمحليا بسببي تقصحتي
سلمان"" اسمحيلي اختي على ذلك نهار والله ( شاف في زينة و نطق) خوك موصون كان ايقتلني بالحق انا لي مادرت فيها مايصلح ( نطق منزل عينه بحشمة) تطاولت على نوارة و
نوارة"" حيت ماكنتيش عارف اسلمان عادراك نسى موقف هاداك صافي ( مدت يديها مبتسمة) مسامحة
سلمان""( تبسم و مد يديه ) مسامحة اختي والله ماعرف فين نحط وجهي
زينة"" ناري مسخوط و نوح عصبيتو خايبة ماتيعقلش على راسه
نوارة""( جاتها بحالا تتهضر مع شي حد اخر) بالعكس
سلمان""( حرك راسه و تبسم) لهلا يوريك اختي فيه غاخليك بالخاطر معاه واي واي نوض( ناض هز تلفونه) يوجد الغدا و عيطي ليا
زينة"" جيب معاك زريعة من تكون جاي
سلمان"" تفرقي عليا يرحم بوك قهرتيني
زينة"" هانتا تهنى مني
سلمان""( شاف فيها واحد شوفة وحس بغصة في قلبه ) نتهنى منك
قالها و خرج حس بقلبه تزير عليه مخليها هي دمعتها نزلت
نوارة""( مسحت ليها دمعتها) ولا بدة من هاد نهار اي وحدة تتجيها صعيبة تفرق على واليدها وخوتها
زينة""" ( بصوت منغنغ) صعيب عليا نبدل البلاد مرة و نخليهم عرفتي ماما شحال تكرفصت علينا بابا مات و حنا مزال صغار خدمت علينا بثلاثة حتى نوح كان باقي تيقرا و باقي صغير
نوارة""( جرتها لعندها حابسة دمعتها نطقت بصوت حنين وهادئ) الحمد لله ربي عطاها 3 وليدات مربين احسن تربية تكرفصت عليهم باش تشوفهم احسن وتشوفهم مرتاحين ايوا هادشي ماتيعنيش انك غاتهجريها هاديك ميمتك من تجيك فرصة غاتجي و تجيبي ليها تانتي كاديوات هاكي اماما شوفي اش جبت ليك اكيد اتفرح، الام ازينة ديما تتبغي يكونو ولادها خير منها
مسحت على دمعتها و تلاحت في صدر نوارة لي محاوطها بين يديها و دمعتها نازلة ،و عيون باكية قبالتهم لي سمعت كولشي بودنيها و قلبها تعكر من كلام بنتها و فرح من كلام نوارة حسات بالخجل من معاملتها ليها اول مرة عرفت بلي قلبها زين و بيض مسحت دموعها ودخلات متجهة للكوزينة
جالسين فوق سداري زينة متكية على كتف نوارة تينقبو زريعة و تيتفرجو في فيديوهات في تيكتوك و شامة تتنقي زنجلان جنبهم
زينة"" ياختي باين تيبغيو بعضياتهم شوفي
شامة"" باز بقاي متبعة ليا داك تخربيق غاتيجمعو فلوس على ضهركم
نوارة"" بصح مابقيتي تعرفي من صحيح من الكذوب في هاد سوشل ميديا
شامة"" ابنيتي مشات الحياة مع جيلات ديالنا كانت غا تلفازة تتخدم بيض و كحل و نخدموها غابالباتري
نوارة"" ( تبسمت) اييه اخالتي كان با الله يرحمو نضلو مصدعينو باش يعمرو
زينة"" دابة العكس كولشي موجود و البركة و ديك جمعية قلالت و الخير مابقاش في بنادم
شامة"" ( تنهدت سرحات بعينها قدامها) ايييه ابنيتي نعقل على نوح باش تزاد مسكين كان ليل معتم و مضوين غي لفتيلة و شمع
نوارة""( شافت فيها مركزة و بالها تعرف عليه شي حاجة باقة حشمانة من تجبد معاه موضوع ولادته و كيفاش رباتو خالتو) شحال كان عمرك
شامة"" شي 16 السنة ابنتي ( تبسمت و رجعت تتنقي) شديتو في يدي بحال شديت ولدي من لحمي، وليدي مسكين عمرو شاف ميمتو و لا شم ريحتها
زينة""( نزلات عينها بأسف) من ولدت كان عندها مضاعفات و نتي عارفة كانت في ديك الوقت ولادة اكترية في دار قليل لي تيمشي لسبيطار
نوارة""( قلبها ضرها و تزير عليه واشحال هاز في قلبه من هم ) الله يرحمها مسكينة
شامة"" امين امين ( شافت فيها) الحمد لله ملي شفته خدام و داير مستقبلو و قريب نشوف وليداتو
نوارة""( حدرت راسها بخجل) ان شاء الله اخالتي
زينة""( قربت ليها هضرت في ودنيها) هي قريب نولي عمة
نوارة"( شافت فيها ) اويلي مكاين تااحاجة هاد ساعة
قاطعهم غي حسو داخل هو سلمان دخلو رماو السلام عليهم مشاو جلسو
سلمان"" كاين شي غدا الواليدة
شامة"" (شاف في زينة و نطقت)موجود نوضي ابنتي قلي داك فريت
نوارة"" انا نوض ازينة غي رتاحي
ناضت و تبعتها زينة دخلو لكوزينة نوارة تتقلي لفريت وزينة واقفة جنبها
زينة"" نسيت تلفون نديرو في سارج ايطفى انا نجي
نوارة""( حركت ليها راسها و نطقت) غي سيري رتاحي
مشات و هي بقات تتقلي و تحرك في ديك بطاطا حسات بيد تحطت على خصرها عرفاته من ريحته لي مغللة بين عروقها خاشي وجه في عنقها
نوح"( قرب وجه لودنيها و نطق بصوت خافت) مرتي
دارت بزربة و تتشوف جهة باب تتبعد يديه
نوارة"" ( بصوت خااافت) اويلي حشم ايدخل شي حد يشوفك قريب هاك
نوح""( تكى بنصف ضهره على بوطاجي شاد بيديه بزوج و منزل براسه لعندها عينه معسلين فيها) شنو الموشكيل
نوارة""( شافت فيه غالباها ابتسامة و دارت تتحرك في فريت ) واخة حكاك اتنحشم اويلي خوك هنا و مك ختك ماشي بوحدنا
نوح""( بنفس شوفتو ليها و نبرة صوتو ) واخة امدام ( قرب محني بشفايفو تحت ودنيها طبع عليهم قبلة و نطق بشوية) ماشي بخاطري
نوارة""(دورت وجهها عندو و دفعاته بخفة من دراعه الضخم ناطقة بشوية) صافي سير خرج حشومة
نوح"""( حرك راسه بتقالة مابغاش يزيد يحرجها قرب شوية عندها و نطق بشوية) واخة هاني نمشي
عطاها بضهره و عينيه عليها مستمتعة بخجلها خرج مخليها تتبسم غي لوحدها بحال هبيلة الحب
من تيدق قلوبنا تنساو و نتشافاو من بزاف الحوايج بالخصوص يلا كان الشخص الصحيح هاكذا نوارة بنت رهيفة و خفيفة و تبكي دغيا و تضحك دغيا ربما مشاكل و محنة لي دازت منها اخدت منها الحياة و ابتسامتها و العوض كان هو نوح لقات فيه الحب و الحنية شافت فيه حوايج لي ما عمرها شافته و احسايس عمرها عاشتهم دخل لقلبها بدون علم ولو حقدها ليه كانت فقط فوق القلب لا من داخله
الحُب شعورٌ مختلط من السعادة والطمأنينة والأمان، خاصًّة إذا وُجِد عند الشخص الصحيح؛ فالحب الصادق قليل تواجده في وقتنا الحاليّ، وعلى من يجده أن يتمسك به جيّداً
مشا ريح مفرق رجليه بكل اريحية متكي بضهره على مخدة و تلفونه في يديه شامة حانية على زنجلان
سلمان""( متكي بدوره رامي رجليه فوق تكاية سداري و شاد تلفونه تيتفرج نطق) نوح
نوح""( هز عينه فيه تيتسناه يهضر)
سلمان"" ( تيشوف فيه باغي ينطق ومابغيش ) ب بغيت ناخد رآيك في شي حاجة اخويا
شامة""( هزات عينها فيه عرفاته اش ينطق) زعمة نتا مابغيتش تحيدها من بالك
نوح""( شاف فيه و حرك راسه ونطق ببرود) شنو كاين شنو ل يحيد
سلمان"" ( ناض حط تلفونه جنبه جلس و شابك صباعه ونطق بهدوء ) واحد خونا تنعرفو بغى يبيع بغيت ناخدو benelli
نوح""( عقد حاجبه و شاف فيه شوفة شك ) شنوا
شامة"" هدا مريض اوليدي باغي يتلاح فشي حاجة انا مامرتاحاش ليها
سلمان"" الواليدة الله يهديك عارفاك خايفة عليا عقلك فين تيمشي
نوح""( حنى عينه في تلفون و نطق) سمع كلام مك بلا ما كترة فهامات
سلمان"" ( حك جنب حاجبه و قرب لشامة باس راسها) الله يحفظك الواليدة عارفاني باغي موطور
شامة''' لا ماقبلاش وليدي تنشوف شي حوايج بيه تيخلعو
سلمان"" ( واقف عند راسها) الله يهديك عاارفك فين تتفكري يسحب ليك انبقى نكابري بيه وسط الشارع وكذا ولكن والله ماندير حاجة لي تقلقك
شامة""( هزات عينها فيه مخنزرة ) انا خارجة سوقك من هنا نقولها ليك شي حاجة توقع نتا مسؤول
سلمان"" ( تبسم و عاود باس راسها مشا جلس و هز عينه قبالك نوح لي مربع يديه ومقابل معاه) شنو بان ليك
نوح""( دوز يديه على لحيته و مركز مع كلامه هز عينه في و نطق ) غادي ندير ليك خاطرك ولكن برب الكعبة و تدير شي كارثة مانعقل على مك
سلمان"" وايلي زدتو فيه كاع مالي اش ندير بيه ان شاء الله نترسم و نبقى نمشي عليه الخدمة يهنيني من طوبيسات
نوح""( ببثبات ) شحال باغي يبيعو
سلمان""( حك رقبته بحرج) هو شاريه ب 3 مليون 80 الف وقالي نخليه ليك زوج مليون حيث يلا شااريه و شي ضروف بغى يبيع
شامة""( هزت راسها بصدمة) اويلي على 2 مليون كلها منين تجيبها
سلمان"" عندي شي حاجة و يزدني نوح شي لعيبات نخدم و نرضهم ليه
شامة"" اش تتقول مال مك هو تيطبعهم ووو
نوح"" ( جبهته مكشرة و نطق بصرامة ) شحال عندك
سلمان"" ( نطق بشوية)عندي 60000 درهم
شامة""( هزت بلاطو لي تتنقي فيه و قصدات كوزينة تتخاصم) لا صافي تبارك الله سير تكمش من الحماق ديالك
سلمان""( حدر راسه و يا وعاود شاف في نوح) صافي اخويا نسى موضوع
نوح""(بهدوء ) غدا و لا بعدو يوصلوك ولكن ماتخلينش نندم راك عارفني نضرب على ملتك من عقلي
دخلات شامة للكوزينة لقات نوارة تتگرد الخبز و ديرو في شبيكة ديالو شافت فيها و نطقت بهدوء
شامة"" صافي ابنتي واجد الغدا حطي يكون جاهم جوع
نوارة"" واجد اخالتي
خرجت شامة تعيط على زينة هزات نوارة الخبز خرجاتو حطاتو على طبلة تتحس بعنين عليها هزت عينها لقاته مراقبها بشوفات مرخية و بديك جلسة لي جالس مخلي هيبته طاغية و مشتتة عليهم تبسمت و دورات وجهها بخجل ورجعت لكوزينة تتحط الغدا و تجمعو على طبلة جابت طبسيل حطاته ومشات جلست حدا نوح بداو في ماكلتهم
شامة"" ( مخاطبة لنوارة) علمتي داركم ابنتي
نوارة""(حركت راسها بشوية) اه اخالتي
زينة"" ( شافت فيي نوارة ) انا مانمشيش معاكم اماما
نوح""( هز عينه فيها ) السبب
زينة"" ( تتسرط دغمة هي تترجع) غي مافيا لي يمشي
نوارة""( شافت في زينة و رجعت شافت نوح ) خليها خاطرها تالمرة اخرى
نوح"(شاف في زينة عاقد حاجب هز صبعه لراسه بفهم منه ) ماتخلينيش نغلط معاك
زينة""( نزلت عينها في طبسيل و نطقت) كون هاني اخويا
كملو ماكلتهم سلمان خرج و نوح طلع و زينة دخلات لبيتها تكات في بلاصتها تادخلات عليها نوارة قربت ليها تحنات عندها
نوارة"" مالكي ازينة( حطت يديها على كتفها ) شوفي فيا
زينة""( تكعدت و جلست دايرة مخدة قدامها حابسة لبكية) كان دار معايا يشوفني بغى يودعني حيث ايمشي للناظور مع مو و باه و سيمانة داخلة ايرجع يعني ( نزلات دمعة من عينيها) بغيت نشوفو
نوارة""ان شاء الله تشوفيه ( تتدوز يديها على شعرها) نتي مابيكش انك تشوفيه مقلقك حيث ايرجع
زينة"""( مع هضرات و دموعها بداو ينزلو بغزارة و شهقاتها تيوقفو ليها الكلام)
نوارة""( طبطبت عليها بحنية و مسحت دموعها) عويشة دميميعة رتاحي دابة واخة حبسي من بكى
ناضت من حداها خرجت من بيتها و طلعات لطابق لفوقاني دخلات و سدت لباب لقات نوح متكي في سيجور مكونسنطري في ماتش مشات جنبه و هزات عينها في تلفازة
نوارة""( قربت حداه و نطقت) نوح
نوح""( هز عينه فيها دغيا و رجع للماتش) امم
نوارة""( نزلت صوتها ) بغيت نطلب منك طليبة
نوح""( مركز مع تلفازة و جاوبها) شنو
نوارة""( فقصها هضرت بنرفزة ) و نتا ماتتشوفش فيا و بغيتيني نهضر
نوح""( دار عندها عاقد حاجبه ) رفعتي صوتك واقيلة
نوارة""( خبطت بيديها و دورت راسها ) نتا ماتتصنتش ليا
نوح"""( نقص صوت تلفازة و دور عينه عندها مشربن) نتصنت بعيني ودني ل عندي راه سمعاتك
نوارة""( دبلات عويناتها فيه) مالك تتغوت عليا دابة مابغيتينش نهضر معاك مانهضرش
ناضت بزربة وقفت و شدها جرها جلست بلاصتهاا
نوح"" قولي اش عندك
نوارة""(نزلات عينها و عاودت طلعاتهن فيه ) دابة زينة
نوح""( زاد كشر معوج راسه لعندها ) نساي موضوع
نوارة""( زادت كحزت عنده و نزلت صوتها ) حشومة هو ايسافر و بغى غي يودعها
نوح""( زاد منزل راسه و عروق جبهته برزت تاقفزات من بلاصتها) عاودي اش قلتي
نوارة""( تترمش بزربة عرفت راسها قفرتها حطات يديها على فوطوي تتكحز من حداه) زعمة غي حيث غايمشي و
نوح""نوارة خليك بعيدة على هادشي
نوارة""( حركت راسها بشوية منزلة راسها و عينها غرغرو ) سمحليا مكانش عليا ندخل
شافها ناضت غمض عينه و حرك راسه بعصبيية مد يديه شد دراعها و جرها جلسات قدامو مدور يديه على خصرها
نوح""( هز يديه دور وجهها لعنده) من يعقد عليها يمكن ليه يتلاقها وقت لي بغاو هاد خيطي بيطي ماعنديش معاها
نوارة""( بغنج) و نتا نسيتي راسك
نوح""( طلع حاجبه) ياك غي 3 ايام و كنتي حلالي
نوارة" نتا لي زربتي عليا ديك زربة الحارة
نوح""( جرها لصقها معاه و نطق بشوية) زربة زيينة
نوارة""( هزات عينها و حطات يديها على لحيته تتملس فيها بشوية) دير لي خاطري مابغيتش نشوفها مقلقة عزت عليا
نوح""( متبعها عاقد حاجبه ) ماتتسمعيش اش قلت
نوارة"" 10 دقايق ولا 5 ماتكونش قاصح( تتغنج و نزلت صوتها ويديها تتسرا على ملامح وجهه ) هانتا دير راسك في بلاصتها غادي تسافر و ماتشوفنيش خويا مايخلينيش باش انحس انا
نوح""( بشوفات معسلة ناطق بخفوت ) شنو غاتحسي
نوارة""( عاد وعات اش قالت بقاات تتدور في عينها قربت ليه بزعامة و طبعت قبلة خده ) انا تنهضر على لبنت مع خطيبها ماشي علينا
نوح""( طلع يديه مع بيجامتها وصل لسوتيان و فتحهها برمشة عين و عيونه معسلة فيها ناطق بشوية) تتلوي ليا دراعي ابنتي( طلع يد لاخرى مع كرشها ) عشرة دقائق تكون هنا تزيد دقيقة وراها نخلي مها في زنقة
نوارة ( كانت منسجمة بلماسته غي سمعاته اش قال و هي تفيق) بصح شكرا حيث ماردتيهاش لي في وجهي
نوح""(تكاها بجنبها على صدره و تيزيد في طلوع يديه اتجاه صدرها تااستقر عليه بين يديه مخلي جسمو يطلع بحرارتو نطق وشفايفو على ادنيها ) حتى نتي ماترديهاش في وجهي
تدعقت من ملامسته خلى قلبها يخفق من جديد بكتر الخجل هزات عويناتها فيه لقات عينه محمرييييين و معسلين مطول شوفته لعينها شي لي خلاه يبتسم ابتسامة تقيلة خلات ملامحه تزيد في وسامتها حسات بخجل من شوفاته تبسمت و تكات براسها عليه عض على شنوفته مطلع يد تانية علي شعرها مبعده على رقبتها
نوح""( بخفوت) حشمتك اش تدير فيا
نوارة""( نطقت و هي مزال راسها عليه ) نتا تتبقى تشوف فيا بديك شوفات
نوح""(حنى براسو تيطل على عينيها) شمن شوفات
نوارة""( عضت على فمها متبسمة) هادو لي داير فيا
نوح""( تبسم هو براسو ماتيوعاش براسو اش تيدير دوز يديه على شعرها ناطق بحنية ) مزال مقصحة
نوارة""( زادت حشمتها من سؤاله نطقت وهي خاشية وجها في صدره) مزال شوية
نوح""( خجلها تيحمقو هز يديه و حطها على وجهها مدورها عندو ونطق) خلي عينك علاش تتبعديهم
نوارة""( تبسمت و حنيكاتها بيطرطقو تتنزل عينيها و تطلعم بزربة) شوفاتك ماتنقدرش عليهم
تبسم و نزل بشفايفه لشفايفها طبع قبلة مغمض عينه ذايب في رحيقها و غارقين في بعض شاركين ريقهم مع بعض حتى
قاطعهم صوت باب دقات خفاف
قفزات من فوقه و هو شاد فيها و هي تتبعد وهو تيرجعها مزير عليها
نوارة"" اويلي طلق يشوفونا
نوح""( غلباته ضحكة من منضرها نطق بهدوء) ريحي
نوارة"" ( تتحرك و تشوف جهة لباب لا يتحل) نووح
نوح"""( حاكمها ولا على بالو ) مالنا تنسرقو
نوارة""( بغات تنوض و هو يرجعها جلسها) انشوف شكون بعدا حشومة
نوح""( رخف يديه و خلاها تنوض) يلا سيري
مشات تتجري هو زاد في راحته في جلسته حرك راسه بتقالة حابس ضحكة حاط يديه على فمه بانت ليه راجعة في يديها طبسيل ديال ديسير
وصلات حداه حطات ديسير يلا جلست و سمعت كلامه
نوح"( حاط يديه على فكه براحة و عينه تتشوف فيها بشوية) رجعي بلاصتك فين كنتي جالسة
نوارة""( ردات شعرها ورا ودنيها ) بلاش انجلس هنا
نوح""( نعت بعينه) رجعي بلاصتك انوارة
نوارة""( تتشوف فيه و تنزل عينيها تتفرك في يديها قربات بشوية تتبغي تجلس و توقف ونعتت بصبعها لجنبه تبسمت ببلاهة ) نجلس ليه احسن ياك
نوح""( مطلع حاجبه و هو باقي على حالته ) لا ريحي فين كنتي
شافته مصِّر وبقات تتقرب بشوية و جلسات على طرف ركابيه تا كانت اطيح و جرها عنده و نيشان جابها للشفايفه جنناتو و حمقاتو بخجلها بابتسامتها و بحنيتها بزينها بعينها بشعرها لي مخرج ليه العقل بقى غارق وسط شفايفها يتبنن فيهم عاطي للكل شفاه حقها مخليها منسجمة معاه بكل تانية تتمر و هي وسط من كتلتو
في يدي الواحدة خمسة أصابع.. أراها متساوية جميعاً بالخشوع حينما تلامس يديك.. ضاع عمري مرّتين.. مرّة قبل أن ألقاك.. والثّانية.. عندما لم أعد ألقاك.
بعدت عليه شوية و هي مزال بين احضانه و عينها على عينه
نوارة"" واش نمشيو دابة
نوح""( دوز يديه على خدها ساخن و نطق) توجدي و نمشيو
نوارة"( حركت راسها و هزات تفاح) نقي ليك ولا تتبغيه هاكة
نوح"" ( غارق فيها) لي بغيتي
قطعات و بدات تتنقي و هو حاضيها كيف مهبول تالهاد درجة امتالكت ليه العقل بهاد السرعة و بدون سابق انذار، نقات ليه طريف و مداته ليه و هو بلاصتو ماتحركش
نوارة"" شد مابغيتيهش
نوح"" اش بان ليك
نوارة""( حركت راسها يمين شمال وتبسمت فهمتها و قربت لفمه ) نتا لي خاصك تفششني
نوح""( بهدوء) لغالي يرخاص ليك
نوارة""( بغنج) غادي توحل معايا
نوح”" ( تيطلع و ينزل فيها براحة) راحتي من راحتك
تبسمت و نزلات عينيها تيسقلها بكلامو ،كلاو ديسير براحتهم و غزلو لي فين مايلقى فرصة يزيد بيه يشوف خدودها كيف تيتلونو كملات ناضت وجدتت راسها هو بقى في بلاصته تيتفرج تاكملت لبست كسيوة من لي شرا ليها ورا زواجهم اكترية خدات كسيوات لقات راحتها فيهم بدون ماتحرج راسها و تحرجه تاهو فكرت بحاجة الطويلة لقات راحتها فيها وجدت و نزلات عند زينة علمتها و تلاحت عنقتها و شكرتها و مشات عند شامة باش تعلمها لقاتها تتلبس نزل هو هز سوارته و خرج تيتسناتهم في طوموبيل عاد خرجو و قصدو دار نوارة كانت شي نص ساعة ديال الطريق لي بيناتهم دخلو للدرب نوارة تخلطت عليها الفرحة و الدهشة و الخلعة من تفكرت ملاقتها عجوزتها الاول مرة مع دارهم بلاصة طوموبيل و نزلو نوارة كانت هي لولى مشات اتجاه الدار و تبعاها شامة و عاد نوح مشا الكوفر هز سكر و شي ساشيات كأي دار مغربية في اي مناسبة تيبقئ السكر فال مزيان تدخلو على مضايفكم حلات فاطمة باب سلمت عليهم و دخلو لقاو زهرة في استقبالهم
زهرة""" مرحبا مرحبا نهاار كبييييير هدا
شامة"" (سلمت عليه) ترحب بيك الجنة اختي
نوح""( قرب سلم عليها باس على راسها) الواليدة كي بقيتي
زهرة"" الحمد لله وليدي يسول فيك الخير دخلو دخلو مرحبا
نوارة""( عنقتها ) حبيبتي كي بقيتي شوية
زهرة"الحمد لله بنيتي لاباس وليت بييخير
دخلو الصالون لي كان متوجد بالصينية و العطور فايحة منه كان جالس الجد محمد و يوسف
يوسف""( وقف سلم على نوح بسلام رجولي) فين خويا بيخير
نوح""(خبط على ضهره ) الله يحفظك اخويا نتا مزيان
يوسف"" يسول فيك الخير و رباح
زيد مرحبا
قرب للجد باس راسه و بعد يوسف كدالك سلم على شامة باس راسها و سلم على نوارة و مشاو ريحو في قنت مخلي مسافة مع عيالات لي ريحو بيناتهم نوارة مشات عند فاطمة للكوزينة تتوجد معاها واخة لقاتها موجدة كولشي خاصها غي تحط لي قسم الله هزات معاها خرجو للطبلة و قادو كولشي لطبلتهم و طبلة رجال و جلسو تيديرو صوابهم
شامة""( تبسمت ) اختي سمحلي لينا على دخلتنا
زهرة"" مرحبا بيك ماتقوليش هاد لهضرة حنا عائلة
شامة"" ( تدور راسها في الدار لي كبيرة و باين خيرهم عليها) ايوا عاد كتاب نتعارفو ماجاتش لوقت
زهرة"" ( ابتسامة) ايوا المكاتيب اختي مزال لينا الوقت فين نتعارفو
فاطمة""( مخاطبة نوارة) امتى جيتي
نوارة"" جينا لبارح خت نوح كانت عندها خطبة
زهرة "" تبارك الله الله يكمل عليها بالخير
شامة"" امين اختي لهلا يخطيك
فاطمة "" مدي يديك مرحبا بيك اخالتي عندنا
في قنت تاني جالسين رجال و صينية قبالتهم واخدين راحتهم في كلام
الجد"" يوسف تهضر ولا نهضر انا
يوسف""( حط كاسه وشاف في نوح) ايه ابا ، نوح بغينا نديرو شي حفلة ان شاء الله و من يكون شي وقت عندك بغيناك تعلمنا ( شاف نوارة و كمل هضرته) بغينا نفرحو بيها
نوح""( نطق بهدوء كان هو باغي يديرها ولكن من سمعها من خوها و جدها ماقدر يقول والو ) بنتكم هادي الوقت لي يناسبكم غي هو فوتو ليا هاد سيمانة مانقدرتش
وقف قدام الدار حط بسكليت على جنب في واحد القنت و تيدور عينه لا يبان ليه شي حد ولكن ماكينش حسهم نزل عينه و قلب الدورة راجع في حالو تا سمع صوت تيدندن بصوت رقيق حبس و بقى تيقلب بعينه بانت ليه مخشية وسط جلبانة تتگلع و تحط في شبيكة قدامها تبسم خشى يديه في جيب كويرة و تمشى بخطوات تقيلة و هي ملهية مع اغنية ماهياش هنا تتكلع وحدة و تنقب زوج دايرة كاسك و تدير حركات بيديها قرب ووقف معلي براسه مفرق رجليه بكل رجولة حابس ضحكتو على منضرها حنحن باش تشوف فيه ساعة عرف بلي ماتسمعوش تحنى بتقالة قفازي و هز حجيرة صغيرة و رماها قدامها جات قريبة لها حتى قفزات بغات دور و جات رجليها في خوية و تلاحت و جلبانة جات فوقها كاع تشتات ماهزاتش تاعيناها تشوف شكون حسات غي بطيف
سناء"" ( منزلة راسها تتنفض يديها) ناااري دير الحس يعطيك العذاب تفوو
هزات عينها شافتو عينها خرجو حسات بفمها تشلل نزلات عينها و عاودت هزاتهم فيه بحشمة
نصير""( مزال جالس قفازي واشار ليها تحيد لكيت شافها حيدتهم و تبسم ناطق بمزاح ) ماشفتيش العذاب لي راني فيه
سناء""( باقة مربعة في الارض حسات بالاحراج ) لا سمحليا حيث تخلعت و ماعرفاش اش خرجت من فمي والله
نصير"( تبسم قرب محني عندها بيديه ونطق بشوية ) نوضي بعدا
سناء""( شافته قرب و مد يديه بدات تترمش بزربة و عويناتها ماتبتينش هزات يديها بشوية حطاتها على يديه و هزات عينها فيه شد يديها باللطف و جرها براحة تاجات قدامه قريبة ليه نزلات عينها بخجل ) شكرا
حرك راسه بتقالة و تحنى تحت رجليها هز شبيكة و بقى تيلقط ديك جلبانة و داك القرب لي حداها خلاها اتموت تحت منها منزلة عينها لضهره و كتافه العراض وديك كويرة مزيرة عليه و شعره اسود لامع بقات ساهية وتحنزز تاحسات بيه ايوقف و كحزات بتوتر رادة شعرها ورا ودنيها وقف قريب ليها مد ليها شبيكة
نصير""( منزل راسه عندها و نطق بهدوء) بقاي تردي بال
سناء""( شدت من عنده و عينها ماقدراش تهزهم) سمحليا حيث دعيت فيك ماقاصداش والله
نصير""( رمى القب على راسه و خشى يديه في جيبه ونزل راسه عندها مبين نصف ابتسامة من خجلها) ماعليش
سناء""( هزات عينها فيه و نزلتهم بشوية و بغات تخرج من وسط جلبانة جات مجنبة عليها و شافت فيه) انا بصح ماقصدتش غي من تنتخلع من تتخرج لي هضرة بلا نوزنها
نصير""(قرب حداها و دور راسه في ارجاء و عاود. شاف فيها ) نساي ماوقع والو
سناء""( توترت بقربه تتزير على ديك شبيكة و تتشتت عينها فين ماكان ) الصمت
نصير"""( عينه تتسارا عليها براحة بدون مايرمش حدر راسه و عاود طلعو على ملامحها و نطق بصوت خافت) سناء
سناء""( هزات عينها بشوية وسط عينه و نزلتهم في ساع ماقدرتش تبقى تشوف فيهم جاوبت بشوية ) ن نعام
نصير""( تبسم و حنحن قاد صوته دوز يديه على لحيته باغي يهضر و ماباغيش نطق بهدوء عينه مستفسرة اكتر منه ) باغي نعرف الجواب من عندك
سناء'''( حست بقلبها دقاته بداو يتسارعو و حروف لي اتقادهم و تعرف تخرجهم تلفو بقات غي منزلة عينها ) ش شمن جواب
نصير""( شاف ارتباكها زايد بزاف و خدودها محمرِّين بقى بعينه على ملامحها نطق بشوية) جواب واحد لي باغي ماكرهتش نسمعو منك
سناء""( رجعت بالور منزلة بعينها تتحس بالارض تتدور بيها وخطواتها تيتعكلو نطقت بخفة ) جوابي ايوصلك مع مي
قالت كلامتها و مشات هربانة تتزرب مخلياه هارب بشوفته ليها عاض على شنوفته و ابتسامته فاضحاه تحنى قفازي على حبة جلبانة نقاها و لاحها في فمه بقى متبعهاا و هي هاربة ناض خشى يديه في جيبه و زاد في حالو
غي حسات براسها فاتتو شوية و هي تبدا تجري ماوقفت تالقدام الدار تتنهج شادة على قلبها و خجل دارها بيها ماكنتش دايرة في بالها غاتسمع منه مباشرة تمشات بشوية جنب واحد حيط قصير و طلات بشوية بان ليها جاي و هي تدرگ راجعة بلور بقات متبعاه تافاتها جابد تلفونه تيهضر هزات برجليها تتطل عليه دور راسه بشوية شافها و حرك راسه بتقالة و تبسم و كمل طريقه مخليها تتغزل برجليها مابقاوش هازينها جرات كرسي و جلست تتنش على وجهها حيت تتحس بيه غادي يتفركع
سناء"" ويلي ويلي ويلي اش هاد الحالة يا ربي
هزات عينها باب دار بانت ليها مليكة مسندة علييه و وجها مخطوف ناضضت تتجري
سناء"" مي مالكي
مكملتش سؤالها لميمتها تاطاحت بطولها حسات براكبيها تهدو حداها غوتت غوتة وحدة
سناء"" وااا مييييييييي مالكي اميييييييي جاوبيني
هزات راسها تتغوت معنقة ميمتها بين يديها غوتتها تسمعت وسط ودنيه خلاتو يوقف قطع تلفونه و رجع تيجري وتيخشي تلفون في جيبه لمح ليها طايحة في الارض و مليكة في حضنها وصل حداها بزربة تحنى على ركابيه
سناء"" ( بعينن شلال و صوت متقطع)عفااااااك عاوني الله يخلي ليك ميمتك
نصير""( بشوية تيحاول يهدنها )شششش تهدني ( رجع شاف في مليكة هز يديها قاس نبضها عاود شاف فيها ) نديوها لطبيب مابيها والو
سناء"" ( بصوت قطع ليه قلبه ) مي انصير مي عتقني عفااااك
نصيير""( وقف شد يد مليكة و رفعها ) عاونيني
وقفت دغيا عاوناته رماها في ضهرو و مشات تتجري و تتبكي و عينها مضببة هزات دواها و ضوسيات ديال لكلينيك و خرجت تتجري تابعاه و صورة ميمتها قدامها غي ماتتزيد عليها وصلت لقاتو طلعها لطوموبيل
نصير” طلعي دغيا جبتي ليها كولشي دواها ؟
سناء""( حطات ليه داكشي في يديه و رجعت تتجري دموعها نازلين ) نسيت لانسولين
حط داكشي جنبو و طلع بانت ليه جاية و خدم طوموبيل و ديمارا راجع باللور باش يتقاد مع الطريق حبس شافها طلعات حدا مليكة و كسيرا بجهد مخلي عجاج وراه
سناء""( تتطبطب بيديها على وجه مليكة) مي تتسمعني احبيبتي عفااااك ردي عليا
نصير""( مكسيري و عينه عليها من مرايا ) عطيها لانسولين بعدا
سناء""( دورت راسها تتقلب و تتحرك بتلفة ماعرفتش مادير و صوتها منغنغ ) مي صبري امي صبري
نصير""( قلبو تزير من شوفتها زفر بضيق و نطق) لانسوليين قدامك اسناء قدامك
سناء""( سمعاته و هزاتها دغيا و هي تتفتف عينيها عامرين بدموع مامخلينهاش تاتقداه ) ياااربي
نصير"" ( بهدوء) سناء تبتي راسك بشوية عطيها دواها
مسحت على دموعها بكمامها من سمعاتو دگت ليها شوكة و شداتها قدامها معنقاها و تتبكي
سناء"" ( حاسة فمها على راس ميمتها) مي هادي ،هي لي عندي انصير هي لي عندي، علامن نتخلع علامن
قلبو يوجعو عليها و لا على مها ليي طايحة في حضنها دخل لوتورت و زاد سرعتو و مرة مرة تيمشي بعينه ليها قطعت قلبو بقات فيه حالتها ديك خلعة و ديك رجفة و ديك كلام لي تتخرج ولا شوفتها وهي تترجاه يعاونها زفر بضيق و كمل طريقو
___
وصلو قدام للكلينيك وحبس نزل هو لول حل طوموبيل جرها بشوية عاود ركبها في ضهرو و دخل بيها لداخل و سناء تابعاه تتجري شافوه فرمليات و جابو ليك كرسي عاونوه حطها شد من عند سناء ضوسيات و دواها مدوهم ليهم و داوها دخلوها
نصير""( شاف فيها و قرب عندها لقاها تترعد و تترجف حط يديه بزوج على كتفها و جلسها نطق بشوية ) رجعي روح فيك ان شاء الله تولي مزيانة
سناء""( حدها شدتها رجفة و دموعها نازلين هزات عينها فيه و تتنطق بصوت متقطع ) م ي م ي ما عندي ح د من غي ريها
نصير""( متبعها و قلبو تزير على حالتها ماعرف باش يقد يخفف عليها ماقدرش يتحمل شوفتها هاكة هز يديه ماعرفش شنو يدير حدو حطها على راسها بشوية و جابها للحضنو مدور يديه بزوج مزير عليها ناطق بشوية بهدنى ) شش انا معاك
ما كانت عندها جهد ولا تفكير فقط ميمتها بين عينها تتشوف وجهها مقطوع فيه الدم جسمها مكروز بدون تحرك حسات بجسمها عليه ضربات يديه خفيفة مهدئة لها من كترة رجفة لي جاتها مسحت عينها و بعدت شوية هزات عينها مورمين فيه لقاتو تيشوف فيها شوفات خوف و حسرة على حالتها
نصير""( محني براسه عندها ونطق بشوية ) شوية
سناء""( حركت راسها بايجاب و شفايفها تيترعدو) تا نشوفها
نصير""( حرك راسو ناطق بشويية ) غا تولي مزيانة ان شاء الله
قاطعهم صوت لباب لي تحل و خرج طبيب مشاو متوجهين عندو
نصير"" ( بثبات وقف جنبه) دكتور كي بقات
الدكتور"" نزول في السكر وطونسيو طالع بزااف الحمد لله يلي جبتوها في الوقت
سناء"" ( بخوف) واش دابة فاقت
الدكتور""( شاف فيهم بزوج) ماتخافوش غي خاصها تبقى تحت مراقبة طونسيو مزال ماتقاد تيطلع و ينزل و ايخصها حتى شي تحاليل
سناء"" ( ملامحها تغيرت) ديالاش ادكتور
الدكتور"" الجرتومة المعدة
سناء"" ( مسحت دمعتها ) نقدر نشوفها ادكتور
الدكتور"" ( شاف فيهم بزوج و نطق ) غي تفيق تقدرو تشوفوها
تخطاهم و مخلي سناء تابعاه بعينها قرب منها نصير و شد على كتفها قبالته
نصير"" ( ناطق بصوت قليل بتبات) شوفي فيا
سناء"( هزت عينها فيه و دموع نازلين ) منين خرجت ليها هاد الجرثومة يلا مسكينة تتكافح مع السرطان
نصير"( تنهد و نزل صوته) سمعيني هاد حالة لي نتي فيها مالايقاش ليك خصك تكوني قوية و كيما تتكافح مع السرطان غادية تغلب عليه و عليها وتولي بصحيحتها
تتصنت ليه و قلبها مضرور تتحس بداتها مهزوزة غي دموعها لي تيهضرو بدات تطلع نفس و لكن ماتتبغيش تخرج حسات براسها ماقدراتش
نصيير""( شافها هكاك ماقدرتش تتنفس و نطق بخوف ) مالك ( زير على كتفها )اجي معايا نشوفو طبيب
سناء""( حركت راسه بنفي و شدت على يديه) نخرج برا تفوتني
نصير""" مايكونش راسك قاصح اجي نشوفو طبيب
سناء""( حركت راسها بنفي و هي مزال تتحاول تتنفس) لا ماتحتاجش غي نشم الهواء يفوتني
نصير""( دور راسه بانت ليه ممرضة و عيط ليها ) ختي الله يحفضك
ممرضة"" ( قربت منه ) نعم اسيدي
نصير"" ( عينه غي عليها شادة على قلبها) شوفي كي ديري ماقدارتش تتنفس مقادة
ممرضة"" ايخصها الاوكسيجين اسيدي ( شدت على دراعها ) اجي معايا امدام
مكانش عندها جهد لي ترفض ولا تقول شي كلمة مشات معاها دخلتها للغرفة و جلستها فوق باياص و دارت ليها الاوكسجين و نصير قبالتها مربع يديه و حاضي ملامحها بخوف على حالتها شاف ممرضة خرجات و قرب منها محني عندها
نصير"" ( عينه تيدورو على ملامحها) انا نخرج نشوف الواليدة واش فاقت خليك مرتاحة
حركت ليه راسها بشوية طمئنها بعينيه و خرج و مشا عند الدكتور لبيرو ديالو دق و اعطاه اذن باش يدخل دخل وتوجه لعنده
الدكتور""( جلس و اشار بيديه) تفضل رتاح
نصير""( ريح و نطق بزرانة) دكتور بغيت نعرف حالتها بضبط
دكتور""( شابك صباعه و نطق) مريضة عندها الجرثومة بالفعل ولكن اشمن درجة بالضبط هادشي هو لي ايخصنا نعرفوه غدا من بعد تحاليل يعني كاين حتى الشك بلي السرطان بدا ينتاشر في داتها و بالضبط في المعدة
من بعد رجوعهم من الدار نوارة شدو طريق ديريكت لكازا باش يرجعو مبكرين و يرتاحو الصمت كان وسط سيارة فقط صوت موسيقى خفيفة مد يديه بشوية و حطها على شعرها مبعد خصلات من على عينها و هي غارقة في نومها حسات بملمس يديه و حلات عينها و تبسمت
نوارة"" كيفاش تانعست ماحسيتش
نوح""( نزل بيديه ليديها وجابها لشفايفه طبع قبلة لي خلاتها تتبورش دار شافيها و عاود شاف في طريق نطق بهدوء) حنا قراب
نوارة"( حشمت بملمس شفايفه نزلت عينها و هزات تلفونها) باقة كاعما جاوبتني مامولفاش ليها
نوح""(مركز مع طريق ويديه قابطة عليها) حيدي منك الخوف
نوارة""حيث تلفونها ديما معاها داكشي لاش خلاتني نشك( شافت فيه) في خبارك جات ماماه لصاحبك طالباتها للزواج
نوح""( حرك راسه) قالها ليا
نوارة"" امم هي قبلات ولكن مزال ماردوش عليهم
نوح""( مركز مع الطريق) الله يكمل بالخير ( دار شافيها ونطق) الحلال زين
نوارة''' ( تبسمت و هي منزلة راسها )
يلا يهضر و سمع تلفونه تيصوني و جاوب ديريكت
نوح""( زرب عليه حيث كان داير السپيكر وخافه يقول شي كلمة) شاد طريق شكاين
نصير""( كان خرج من عند الطبيب جلس تيعصر جبهته بصبعانه ) غدا مانقدرش نجي بكري
نوح"" السبب
نصير"" انا مع سناء في لكلينيك
نوارة""" ( شهقات شادة على فمها ونطقت بشوية) مالها
نوح""( شاف فيها و دار حركة بعينه باش تهدن و كمل كلامه) شنو وقع ليها
نصير""( تنهد ) نو ماشي هي الواليدة ديالها عيانة و جبناها لطبيب ديالها
نوارة""( هضرات بدون وعي منها و خلعتها كانت باينة) خوياا واش هي لابس تنعيط ليها ماتتجاوبش
نصير"" ( مابغاش يقول ليها تفاصيل) مزيانة غي نسات تلفونها
نوح""" من تكون معاها عيط
نصير"" واخة اصحبي تهلى
قطع معاه و دار شافيها لقى دموعها نازلين على خدها حبس بجنب الطريق و دار عندها ماتيحملش يشوف ملامحها و هي تتبكي
نوح"" ( حط يديه عليها و جرها عنده تكى راسها عليه و نطق برزانة) المكتوب الله ماعندنا منو هروب
نوارة""( حطات يديها على صدره و نطقت بصوت منغنغ ) انا لي عارفة صحبتي كيفاش حالتها اتكون
نوح""( زفر بضيق و دور يديه على شعرها بحنية ناطق) باركة على هاد العنين
نوارة""( هزات راسها فيه) عفاك عيط ليه يدوزها ليا نسمع صوتها
نوح"" ( بهدوء تيسمح على خدها)راني علمتو يكون معاها يعيط
نوارة""( بترجي ) عفااااك انووح
بعد يده بقلة حيلة ماتحملش يشوفها تتبكي و تترجاه هز تلفونه و دوز ليه الخط بقى تيصوني تا قطع راسه
نوارة"" ( متبعة بعينها التلفون ) عاود صوني
عاود صونا و عينه عليها تيمسح على شعرها بحنية و ينزل للخدها تيمسح عليه تا سمع فتح الخط
نوح"" يلا راك معاها دوزها
نصير""( كان قبالتها تتيحد ليها الممرضة اوكسجين) واخة واحد دقيقة ( قرب عندها هي مزال جالسة مد ليها تلفون) نوارة
سناء""( شدته من عندها ودموعها بداو ينزلو بغزارة و فمها تيترعد و لسان لي يهضر تقال )
نوارة""( مسحت على دمعتها و تتسناها تهضر تتسمع غي شهقاتها نطقت بحنية ليها ) سناء
سناء""( سمعت صوتها و زادت وتيرة ) اختي هانا
نوارة""( كاتمة بكيتها) كي بقات خالتي
سناء""( بصوت متقطع) مزال ا خ تي ماشفت هاش
نوارة""غاتولي بيخير اختي شدي في روحك
سناء"" اختي قلبي مقبوط عليا شوفتها ماعجبتنيش
نوارة"" ( تنهدت بآلم) سناء الله يهديك تبتي راسك و توكضي و لي جات من عند الله مرحبا بيها
سناء""( مسحت على دمعتهاو شافت في نصير واقف قبالتها متبعها بعينه) ونعم بالله كون مالقيتش نصير قدام عيني كون راكي تترحمي ليا على ميمتي
نوارة"" الحمد لله على كل حال ردي فيك روح و نوضي خالتي ماخصهاش تلقاك فديك الحالة
سناء""( حركت راسها بايجاب و مسحت دمعتها) واخة اختي واخة نمشي نشوفها راه فاقت
نوارة"" واخة حبيبتي بسلامة
قطعات معاها شدات على قلبها بالم على حالة صحبتها مخلية دموعها نازلين حاسة بيها و عارفة علاقتها مع ميمتها كي دايرة حسات بيد تحطات عليها بحنية خلاتها تغمض عينها
نوح""( نطق بشوية) محنة و غادوز ان شاء الله
نوارة""( هزات عينها فيه و تبسمت وسط دموعها) صعيبة تبقى بلا الام
شاف فيها و حس بطعنات في قلبو راسو تشنج من ديك كلمة لي هو عمرو حس بيها ولا عمرو نطقها ولا خرجها من فمو بقى تيشوف فيها باغي يواسيها و لكن باش وهو مامجربش داك الاحساس شد على راسها و جابه لصدره بشوية و الصمت ماعرفش اش يقول كلام لي يخرج ماعرفش حروفو
فور ماقطعت معاها مدات ليه تلفون قرب بخطواتو خداه من عندها و شد دراعها ونطق برزانة
نصير"" شوية دابة
سناء""( حركت راسها و تبسمت) شوية نمشي نشوف مي
نصير""( مزال شاد فيها من كترة خوفو عليها نطق بشوية محني لعندها) بلاش من للبكا ماتزيديش عليها
سناء" واخة ندخل الحمام نغسل وجهي عاد نمشي
طلق منها مشات و هو بقى متبعها بعينه تنهد تيحك بيديه جنب فمه ماعرفش اش كيدير مزال و ماعرفش احساسه بضبط لي عارف هو انه خاصو يبقى جنبها حالتها قطعت ليه قلبو سمع باب تحل و خرجت تبسم و هز يديه باش تسبقو خرجو بخطواتهم اتجاه الغرفة فين كاينة مليكة فتحات لباب لقات ممرضة تتقاد ليها سيروم
ممرضة""( تبسمت) على سلامتها
سناء"" الله يسلمك ختي شكرا
نصير""(حرك راسه تيشكرها و قرب حدا مليكة و نطق بصوت منخفض) كي بقيتي شوية
مليكة""( تبسمت) لاباس وليدي
سناء""( قربت باست يديها و ابتسامة في وجهها عكس قلبها لي محطم بشوفتها فديك الحالة ) بيخير ميمتي شوية
مليكة"" ( حركت راسها و وجها مخطوف منه لون) انا بنيتي بيخير مالكي تتبقاي تخلعي ماتخافيش
سناء""( حابسة دمعتها نطقت شادة على خدودها بين يديها) و اعلامن بغيتي نخاف ( شافت في نصير لي كان جنبها مربع يديه ) كون ما هو لي هزك في ضهرو اماما كون راك في حالة
مليكة""( شافت فيه و تبسمت) الله يرضي عليك اوليدي سمحليا
نصير""( تبسم حرك راسه بايجاب ) ماتقوليش هاكة الواليدة المهم هي توقفي لينا على رجليك
مليكة"" ان شاء الله ( طبطبت على يد سناء) هاد مخلوقة قلبها رهيف و دغيا تبكي
نصير""( شاف فيها مطول و نطق) من خوفها الواليدة ، نخليكم
سناء،، (سمعاته اش قال و هضرت بدون وعي) و واش غادي تمشي في حالك
نصير"" ( حرك راسه بنفي بشوية ) لا غي هنا و نرجع
قال كلامه و خرج و هي مشات حدا مليكة تكات براسها على كتفها
مليكة"" شفتي ابنيتي راجل
سناء""( مغمضة عينها ) عمرني ننسى خيرو و قفتو معايا ليوم
مليكة"" داكشي لاش قلت ليك مانخافش عليك يلا تزوجتيه
سناء"" ( تفكرت سؤاله ليوم و هزات عينها عندها) مي س سولني ليوم على جوابي
مليكة"" واش قلتي ليه ابنتي.
سناء"" ( عاودت تكات عليها مغمضة عينيها)قلت ليه جوابي يوصلكم مع مي
مليكة"" ما فيها باس لا قلتيها ليه ابنتي غايولي راجلك دابة
ديك كلمة راجلك بقات تتعاود في ودنيها بزاف و قلبها رف تبسمت بخجل و تفكرت وقفته و شهامته ليوم معاها و مع مها ماتنكرش بلي عجبها الحال و رتاحت ليه
من بعد مارتاحت شوية من بكى كسيرا و كمل طريقه لي كان بقات ليه غي شوية يوصل الدار بقى مرة مرة تيشوف فيها و هي غارقة في تفكير حاطة راسها على زاج تاحست بيديه تحطت على فخضها بحنية
نوح""(نطق بشوية ) وصلنا نزلي
نوارة وعات من ملمس يديه عليه حركت راسها بإيجاب و نزلات بقات تتسناه برا طوموبيل هز الصاك في يديه و مد يديه درعها عنده و طلعو فتح لباب دخلات هي لولى بخطوات تقيلة بالعيا حيدت صندالة و تمشات حفيانة جلسات و هزات عينها فيه لي كان تيحيد جاكيط علقها و قرب عندها جلس جنبها جرها لحضنه خاشيها فيه
نوح""( باس على شعرها تيشم في ريحته) شوية دابة
نوارة""( غمضت عينها بتعب) امم شوية
نوح""نوضي بدلي عليك و رتاحي انا نمشي نجيب شي حاجة باش تعشاي
نوارة""( هزات راسها تتشوف فيه) لا مكين لاش انوح انا نوجد شي حاجة
نوح"" ( تيشوف في عينها) عزيز عليك تمارة
نوارة""( تبسمت وعينيها تيدورو على ملامحه) كنرتاح في طياب
نوح""( قرب بشفايفه لجنب فمها طبع قبلة عليه و نطق بخفوت) وانا كنرتاح من تتسمعي الهضرة
نوارة""(تبسمت بخجل و عاودت شافت فيه) نووح
نوح""( متبعها بعينن معسلة ) مرتو
نوارة""بغيت نسولك
نوح""( بهدوء) كنسمعك
نوارة"" علاش كيقولو عليك صعيب وقاصح وانا ماشفتش منك هاكة
نوح""( عقد حواجبه بشوفة مستفسرة) حتى انا ماعارفش ( شد يديها تيدوز ملمس صباعه عليها بشوية و عينه وسط عينه بصوت منخفض ) لي عارف هو مانخليش شي حاجة تخليك مقلقة و تغبنك ليا
نوارة""( زيرت على يديه بيديتها صغار و نطقت بصوت خجول ) يعني هادشي غي معايا انا
نوح"( بانت نصف ابتسامة على شفايفه) نتي لي حكمتيها عليا
بقات متكية على كتف مليكة مغمضة عينها تاغفات وماحساتش براسها تفتح لباب و دخل نصير هز عينه وبانت ليه مغمضة عينها و مليكة تاهي ناعسة قرب حداهم وحط شي صاشيات فوق طبلة و جلس في فوطوي خشى يديه في جيب كويرة و رد راسه متكي و عينه عليها مراقبها وبالاخص ملامحها لي عينه مشاو بلا انذار منه بشوية تيدورو عليها الوجه دابل و التعب لي باين في جفونها و خدودها حمرين من كترة لبكى لي بكاتو حس بيها تتحرك حلات عينها ديريكت مشات ليه لي كان قبالتها بهيبته هزات راسها و تبسمت ناضت من حداها بلا حس و قربات عنده تتهضر بشوية باش ماتفيقش مليكة
سناء"" ( تتفرك في يديها بخجل)سمحليا على محنتك معانا
نصير" (تيشوف فيها بتقالة و اشار ليها بعينه لجنبه) ريحي
سناء""( جلسات جنبه تاتقاست مع ركبته و دغيا كحزات)
نصير""( تبسم و عينه مرخين بتعب ناض تقاد في جلسته و جر صاشية جبد منها صندويتش و عصير حطهم قدامها) كولي بعدا
سناء""( تتشوف فيه و تشوف في طبلة و عقلها تيفكر و يحلل فيه حتى حست بيه تيدوز يديه قدام عينها وعات تتحك بصبعها على رقبتها بخجل) علاش محنتي راسك
نصير""( حط يديه على ركبتيه ومدور راسه عندها ناطق بخفوت) تاكلي و نخليو الهضرة من بعد
سناء""(تبسمت و هزات كاس عصير و تتهز عينها فيه بخجل )
نصير""( جبد تلفون من جيبه و حطه قدامها شافها هزات عينها فيه مستفسرة و نطق بشوية سابقها ) خليه عندك من تحتاجي شي حاجة تلقاي نمرتي تما
سناء""( شافت في في مها و عاودت شافت فيه تتكلم بصوت منخفض ) ولكن انا كنت نمشي صباح اصلا للدوار و نرجع
نصير""( صغر عينه و نطق برزانة ) الحال بعيد تبقاي غادة جاية بلاش
سناء""( شافت في حوايجها و شافت فيه) لا خاصني نمشي ضروري
نصير""( زاد عقد حاجبه و نطق بآمر ) غدا في لعشية انرجع عندك و نجيب لي ايخصك ( اشار بعينه) كولي دابة
بقات غي تتشوف ماعرفت باش تجاوبو لقات لسان لي تجاوبت ولا تهضر تقال هزات سندوينش بدات تتاكل و تمضغ بشوية و محرجة من شوفاته ضغمة تتوحل ليها
نصير"( رجع تكى براسه على الحيط ربع يديه و غمض عينه مخليها تاكل على خاطرها من بعد ماشفها حشمانة و ماقدارتش تاكل نطق بخفوت ) من تسالي نخرجو برا باغي نهضر معاك
هزات عينها فيه لقاته مغمض عينه بقات غي تتضور في عينها و قلبها تيدق دقان حست بلي باغي يتكلم في موضوع تيخصهم بزوج تتسرط ضغمة و ترجع حطات سندويتش تاسمعاته نطق تاني
نصير""( مزال في وضعه حل عينه فيها ) قلت ليك تا تكملي ماكلتك ماشي دابة
كملت داك سندويتش بزز ماحيلتها للشوفاته ولا للقربه ولا للهضرة لي باغي يهضر معاها كملت جمعت داك طبلة و دخلات الحمام غسلت يديها و فمها و خرجات لقاته مزال في وضعه غير شافها خرجات و هو ينوض وقف
نصير"" ( بخفوت) نمشيو
حركت راسها بايجاب و حل ليها لباب سبقاته و هو وراها كيف الجبل و هي تحتو ببنيتها صغيرة ببجامتها وداك كاب لي دارتو عليها خرجو جريدة ديال الكلينيك لي كانت خاوية سوى جارديني لي تيدور تما وصلات برا و كمشت الكاب بيديها و دارت عنده
سناء""( بخجل) شنو بغيتي تهضر معايا
نصير"( جبد سجارته و شعلها و نعت بعينه على كرسي) ريحي اسناء
(شافها جلسات و بدات تنش بيديها على ريحة كارو نتر منو نترة و طفاه برجليه ) نحيدوه حنا كاع تصدقي مخنوقة ليا هنا
سناء"" ( تبسمت) ماتنقدرش على ريحتو
نصير""(تحنى هزو من ارض من بعد ماطفاه ومشا لاحه في قمامة لي كانت في جنب و رجع جلس جنبها شاف فيها ) ماعندنا مانديرو بيه كاع
تبسمت منزلة راسها تتلعب برجليها في الارض حاسة بشوفاته عليها مبرزطاها بغاتو غي يهضر خلاص نطقت بشوية
سناء"" قلتي بغيتي تهضر معايا
نصير"" ( لاحض توترها غي من رجليها لي تتحركهم بزربة تبسم و نطق بمزاح) زعامتك فين خليتيها
سناء""( شافت فيه مخنزرة ) قلتي بغيتي تهضر و
نصير""( مقاطعها) بشوية عليك خاص غي لي يجبدك
سناء"" ( عاودت شافت قدامها جهد لي يطول شوفة في عينه ماعندهاش ) غي قلت ليك وصافي
نصير""( تبسم بجنب و ناض حيد جاكيطته و رماها على كتافها محني عندها ) هادشي لي دايرة عليك خفيف
طلعات عويناتها فيه و عاد حسات برجفة تبصح من قربه بشكل و ريحته لي دخلت معاها شدت بيديها و كرزات على جاكيط
نصير""( رجع بلاصته و حط مرافقه على ركبتيه و شاف فيها ونطق برزانة ) خاصني نعرف جوابك الليلة
سناء""( منزلة عينيها و يديها غي ماتتزيد تكرز بيهم على جاكيط قلبها نبضاته سريعة و كتزيد )
نصير""( كمل كلامه واخة بينت من ملامحها كلشي من قبل ولكن باغي يسمعها منها هي بدات عاود نطق مخليها تهضر بزز ) تبقاي تقولي مزروب او ماشي وقته و كدا ،جلستي هادي لي جالسها معاك مخاصهاش تكون وحنا مابيناتنا والو
سناء"( شافت فيه و عاود نزلت عينيها مخلي القلب غايسكت و شفايفها تيترعدو بكترة الخجل ) قلت ليك جوابي يوصلك مع مي
نصير""( منزل صوته و شوفاته كانت على ملامحها ) جواب بغيتو منك نتي حيت هادشي تيخصني انا وياك ماشي مك و لا مي
سناء""( عرفاته تيلح عليها و باغي جواب منها ماشي من شي حد اخر تتبغي تنطق و حروف تيعكلو ليها بزز و بصوت قلييل) ا انا ق ابلة نتزوج بيك
نصير""(تبسم على خجلها و حنى عندها براسه و تكلم بثبات ) السبت في العشية انا في داركم
حركت راسها بشوية و خجل واكل منها كازرة على جاكيط بيديها هزات عينها فيه و نطقت
سناء"" برزطتك معايا و نتا مزال تبعاك الطريق
نصير"" يصبح الحال عاد نمشي
سناء"" ( بآسف نزلات عينيها)ماعرفتش واش مي مزال مطولة هنا
نصير""(شاف فيها و نطق باطمئنان منه على ملامحها لي تغيرت ) خاصها ضروري تبقى حتى تستقر حالتها و يخرجو تحاليل
سناء""(بصوت منغنغ ) قلبي مقبوط عليا
نصير"" ( نبرة صوتها وجعته نزل بصوته) ديري يقينك في الله سبحانه ربي قادر بكولشي
سناء""( بصوت مبحوح) هي لي عندي انصير كنشوفها نهار على نهار تدبل قدامي و انا ماقادرة نعاونها
نصير""( طول شوفته ليها ماعرفش باش يخفف عليها و صوتها مخنوق قطع قلبو قرب حداها بجسمه و شد يديها وسط يديه بزوج مغطيهم و نطق ) لي عارف هو خاصك تبتي راسك و لي كتبها الله مرحبا بيها ( هز يديه حطها على دقنها مدورها عنده ونطق بنبرة خلاها تسمع ليه بقلبها قبل ادنيها) انا معاك في المرة قبل الحلوة نتي ماشي بوحدك من ليوم همك هو همي وفرحك قبل فرحي
تتسمع ليه و دمعتها نازلة ماعرفتش باش تجاوبو واش تقول واش لسانها ايخرج حاسة براسها انهارت قوة احاسيس لي فيها دابة ماقدراتش عليهم حدها مقابلة عينها مع عينيه لاول مرة قدرات طول شوفتها وسط عينه لي تتحس بصدق و خوف و الامان فيهم لي محتاجة ليهم بزاف بوحدها تتخبط من نهار عرفات بمرض ميمتها هز يديه و مسح على خدها بحنية و نطق
نصير""( بصوت قليل ) مك محتاجة ليك تكوني قوية مامحتاجاش هاد دمعات منك( حرك راسه بتقالة) امم
حركت راسها تتمسح على خدها منزلة عينيها و شهقاتها كاتمتها بزز منها حست براسها محتاجة شي حاجة و ماعرفاتش هزات عينها فيه بتقالة ووقفت و دارت عنده لي بدوره غي شافها وقفات حتى كان جنبها قربت بخطوات تقيلة مقربة ليه حتى حست بيه حط يديه على رقبتها و جرها عنده بحنية محاوطها بيديه خاشيها وسط صدره و يديه على شعرها مغمض عينه تيحس غي بشهقاتها وسط صدره و اهتزاز جسمها صغير مرة مرة كأي واحد من تيحس بالخنقة في قلبه ويكون محتاج للحضن لي يقدر يخفف عليه و يواسيه هاكة شاف في عينيها بقات لفترة طويلة وهي تتشهق ماحبسهاش كأنها تتفرغ لي خازنة في قلبها من مدة طويلة مانطق حتى حرف و ماتكلمش مخليها حتى تكمل و تحس براسها هي باغة تبعد حدو كيدوز يديه بحنية على شعرها حس بيديها ترخات و شهقاتها خففو نزل براسه تيطل عليها هزات عويناتها فيه لي كانو قراب يتسدو من كترة مابكات و تورمو جفونها ولا و حمرين مسح على خدودها مبعد شعر على وجهها لي لصق مع دمعاتها
نصير""( بحنية و صوت خافت) شوية دابة
سناء""( حركت راسها و تبسمت ابتسامة خفيفة خجلانة واحساسيها متخبطة)
نصير""( كشر حاجبه ونطق بمزاح بصوت منخفض) هادشي كامل كنتي خازناه
سناء"" ( غلبتها ضحكة مدورة راسها مبعدة عينيها عليه ) الصمت
نصير""( تبسم ابتسامة جانبية و قاد ليها جاكيط على كتافها مغطيها و مخلي عينه على عينها ناطق بثبات ) لكل الشدة مدة و كل الضيق له متسع، الامل في الله ديما كاين سوى ربي كتب ليها تعالج و سوى( تنهد) مامكتبش الله هادشي كله تيبقى امتحانات من عند الله سبحانه و ربي تيدير لي فيها الخير مرضها و حزنك و بكاك هادشي كله ربي مكتبو ليك وهو بوحدو لي عارف علاش
لقات راسها متبعة معاه بودنيها و بقلبها و عقلها كلامه و حروفه تتسمعها بجميع حواسها و كتمعن في اي كلمة قالها و الصدق كلامه مواساة وقت الهموم و الحزن احساس بوحدو هادشي لي حساته و هو تيواسيها تبسمت من كلامه و نطقت
سناء""( بصوت خجول نطقات و هي تتحرك برجليها في الارض) سمحليا لحت عليك حزني ومخلياك بلا نعاس ولا راحة
نصير""( خشى يديه في جيب سروال و نزل براسه لعندها تيطل عليها) مامسامحش
سناء"( هزات عينها فيه لقاته قريب ليها و بعدت عليه بحشمة) و و نتا لي بغيتي تتعاوني و
نصير""( تبسم على خجلها ونطق بشوية) مامسامحش على ديك شكرا ' حيث كتقال لشي حد براني ( زاد نزل صوته) ولا انا مزال براني عليك
سناء""( عينها تتحركهم في ارجاء و حشمتها طاغية شي لي خلاه غي ما زايد يتمعن فيها)
نصير""( عض على شنوفته و دور عينه و عاود شاف فيها و نطق برزانة) بلاش ماتخليني نسمعها تاني
سناء""( هزات عينها و دغيا نزلتها من شافت شوفاته ليها بطريقة متمعنة) و واخة
نصير""( تبسم و زاد قرب شوية و هي تكحز دغيا ،تبسم و عاود رجع بلور) خايفة مني
سناء"" ( حركت راسها بنفي و هي منزلة عنيها) الصمت
نصير""( زاد قرب) بقاي في بلاصتك
وقفت ماعاودتش تحركت زاد قرب حتى ولات فجوة صغييرة بيناتهم هز يديه حطها على جاكيط ومشات يديه لجيب دخلاني و عينه تيتساراو على ملامحها بتمعن من عويناتها لي ماتبتينش ونيفها لي تيبان احمر من كترة للبكى ولا شفايفها تيترعدو بكثرة الخجل جبد يديه من جيبو و جبد منها دوا و بعد عليها متبسم
سناء""( هزات عينها في دوا و شافت فيه مستفسرة وحشمات تسولو ونزلات عينها ) الصمت
نصير"( خدا كينة شربها و عينه عليها لي مبينة استفسارها نطق مجوابها) دوا الشقيقة ، داكشي لاش قلت ليك شمس ماتنقدرش عليها
سناء"( شافت فيه ونطقت بخوف) صعيبة بزاف حتى مي تتقضي عليها مامجربش ليها كرع سلاوية
نصير""( تبسم على كلامها هز حاجبه و عاود شرب و حرك راسه بنفي و بدون مبالاة ) ماتتبقى تبان تا حاجة من غير هاد قوة دوايات
سناء"" من نرجع الدوار نجيب ليك منها جربها تخفف عليك
نصير""( عقد حاجبه محرك راسه بتقالة) قولي من تجي نتا للدوار واش هضرتي صعيب تدخل لهاد راس
سناء""( تفكرت هضرتو و تبسمت) غي نسيت
نصير""( حرك راسه منعت ليها) يلا دخلي من البرد
سناء""( بدون وعي ) و نتا
نصير""(تبسم نصف ابتسامة و نطق بشوية جابد سجارته من جيبه) دخلي نتي انا نجي
سناء""( فهماته و حركت راسها ) واخة
مشات هو بقى متبع ليها العين و سجارته في فمه تيحس براسو ايتشتت من كترة الصداع لي فيه جلس فوق كرسي تيماصي جبهته بصباعه و تيتنر و يقول شي مانترت على الله يخفف صداع لي هو فيه
دازت ديك ليلة عندههم عادية و القلب متآلم كل واحد و منين و علامن، صبح الحال و نسمات الريح داخلة و الجو الشتا كان مضلم ناعسة فوق كنباي ديال الغرفة و مغطية بجاكيط ديال نصير فيقها غي صوت ممرضة تتكلم مع مليكة حلات عينها و ناضت جلست مراقبتهم
مليكة"" ( ردات بالها معاها) خليك ابنيتي مرتاحة
سناء"" كي صبحتي مي شوية
ممرضة''( تبسمت) ماتخافيش الحمد لله سكر تقاد و حتى لاطونسييو هي هاديك
سناء""( حركت راسها متبسمة) الحمد لله
ناضت وقفات جنبها تدوز يديها على يد مليكة وباستها
ممرضة"" ( تتحيد ليها سيروم) غاناخدوها تدير تحاليل
سناء"" هاد تحاليل واش تيطولو
ممرضة"" شرحنا كولشي للزوج ديالك الصباح امدام ناخدو عيينة من المعدة ديالها اي غادية تدير (تيو) يعني تبنج واحد ساعة ولا ماكملاش ديك العينة هي لي نديرو بيها تحاليل
سناء"( حشمت من ديك كلمة الزوج غي تتسمع و تحرك راسها شافت في مليكة و قربت يديها تتقاد ليها فولار و ربي لي عالم بيها) صبري ميمتي
مليكة""( طبطبت على يديها ) كولشي يدوز بنيتي سيري جلسي ورتاحي
حركت ليها راسها ببطئ و عينها على ميمتها غادية بيها ممرضة تاتزدح لباب و مشات جلسات فوق كنباي شادة على راسها مغمضة عينها بحسرة و الخوف بداو دموعها يتحگنو و جاها صوت نصير في ودنيها و كلامه لبارح ليها دورت راسهاا لكويرة ديالته جنبها هزتها بين يديها وهضرته كلها جات على مسامعها هزات تلفون لي كان محطوط فوق طبلة قدامها لقات ميساج من عنده في الواتساب
{ صباح الخير كولشي يكون مزيان بلا دموع البكاية}
تبسمت على ديك الكلمة لي كتب في الاخير و كتبت ليه مجاوباه
{ صباح النور }
صيفطاته لميساج وحطات تلفون و دخلات لحمام قدات حاجتها و غسلات وجهها و خرجات تتمسح وجهها تتسمع صونيت في تلفون مشات جلسات و هزات تلفون و يديها تترعد حنيكاتها توردو فور ما شافت نمرته
سناء""( جاوبته بصوت منخفض) الو
نصير""( كان في بيرو ديالو متكي بضهره على كرسي و يد تتلعب بالقلم بصوت خشن و غالب عليه العيا ) كي بقيتي
سناء""( غمضات عينها من سمعت صوته الغليظ في ادنيها ) الحمد لله شوية
نصير"" امضرا الواليدة
سناء"" داوها تدير تحاليل ( بآسف) قالت لي ممرضة غاتبنج
نصير"" ( باطمئنان) ماتخفيش كولشي يدوز مزيان فطرتي
سناء"" بخجل تدور عينها) مزال
نصير""( عقد حاجبه و نطق بنرفزة ) علاش ماوصلك والو
سناء""( بصوت خافت) لا انا عاد فقت اصلا
نصير""( برزانة) من يوصلك كولي ماتبقايش بجوع
سناء"" ( بتردد عاضة على شفتيها) ك كي بقيتي شوية راسك
نصير""( بانت ابتسامته مغمضن عين و فاتح عين ) مزياان مزيان مولف بهاد الحالة
سناء"" ( بصوت خافت غالب عليه حنية) الله يشافيك
نصير""(صوتها دخل بحال شي رنة لقلبه دوز يديه لحيته و نطق بخفوت) امين زعمة تقدر تفوتني
سناء"" ياك قلتي الامل في الله و هو بيديه كولشي
نصير""( تشرعت ابتسامته من عرف كيفاش يجبد معاها الهضرة) الامل ديما كاين ابنت الناس ، و هادشي راه حنا فيه دابة نيت
سناء"" ( عقدت حجانها بعدم فهم) كيفاش
نصير""( دار بالكرسي ديالو بجنب و بانت ليه جاية اتجاه تكلم برزانة و عينه مراقبينها ) نهضرو من بعد ديري لي قلت ليك
سناء"" واخة تقول للنوح على نمرة نوارة
نصير""( تخنزيرته بانت على ملامحه و صوته تغيرت من لي جالسة فوق ركابيه) توصلك ولا نعطيها نمرتك
(قطع معاها و عينه مثل شرار شد دراعها تاتوهات) اش هاد فعايل نتي اش تديري هنا
ايمان""( حطات يديها على لحيته و طبعت قبلة على شفته تحتية) صباح النور و عيون الزرق
نصير""( شد دراعها مورك عليها و دفعها تاكانت اطيح تيهضر كازر على سنانه) تقودي عليا اخر مرة تبقاي تقربي جيهتي
ايمان ا""( حابسة دمعتها) ياك انصير هادا هو صباح الخير و توحشتك ( عاودت قربت شدات على صدره و هضرت بغنج) ماتوحشتينيش
نصير""( حس براسه تشنج و العرق في راسه تنفخ قرب تالحدا وجهها ) اخر مرة نشوف ط ****مك تتقربي مني ولا تحومي جيهتي ، تهضري معايا في الخدمة شي تق*** اخر ماديريهش معايا( هز يديه و نعت ليها) بيروك ( بالغوات مشربن تاقفزات تحته) غبرييي يلااا
مشات من قدامه ومحملاتش وضعه معاها مكان كاع تيرفضها مشات المكتب ديالها تتغبن و تمسح في دموعها و هو واقف كيف جماد ملمح ليها بتخنزيرات حارة كون يصيب العافية يشعلها فيها جبد سجارته شعلها و خرج بان ليه نوح دخل و تبعه تاحل عليه لباب
نوح""( دار شاف بيه و نطق) مالك
نصير""( تينتر و عينه كيف الجمر مشا جلس) راااس غايتشتت عليا و مصبحة عليا ديك ق**** وي
نوح""( مشا جلس و هز قهوته رشف منها و طلع عينه فيه ) وصلتي على كلامي
نصير""( شاف فيه و رجع مدور وجهه) دابة جاي نهضر معاك ولا تتزيد تكمل عليا
نوح""( لمح ليه بتخنزيرة حادة ) دابة حاجة اخرى انصير واحد السيدة راك هاضر فيها يعني غادي تشد طريقك ولا انا لي غنتصرف في هاد موضوع
نصير"( بخ من فمه و عينه زادو في احمرار) كيفاش تاني هاد غنتصرف از****ي واش باين ليك غادي نتفلى
نوح""( جبد ضوسي قدامه و نطق برزانة واخة هو عارف صاحبه مزيان ) فهمتي قصدي انصير تفلية على بنت الناس ماعندنا مانديرو بيها
نصير""( رفع صوته مشربن) واش عاد غاتعرفني الق***ي ( شافه خنزر فيه من رفع صوته زفر بضيق مدور وجهه و عاود شاف فيه منزل صوته) السبت غادي نخطبها و هاد خيتي طلعت لي في ك** ك***ي شوف كي دير وبعدها عليا مابغيتش نبقى نشوف كمارتها قدامي
نوح""( نطق بجمود) اخر نهار عندها في داك مكتب غايجي جليل تما
نصير""( صاط بجهد وراس غادي ينفاجر بقوة الحريق منزل راسه تيماصيه بصباعه و نطق ) عطيني نمرة نوارة ولا نصيفط ليك نمرة سناء بغات تهضر معاها
نوح"( حط ضوسي و شاف فيه تيضرب بصباعه على بيرو) خلي ليا نمرة ديالها انا نصيفطها ليها ، ( حنحن قاد صوته كمل كلامه) كي بقات الواليدة ديالها
نصير""(زفر بضيق) دخلوها ياخدو شي تحاليل من معدة ( سكت لتواني و عاود كمل) احتمال كبير السرطان دلع في داتها
نوح""( تنهد و شتت شوفاته بآسف) لا حول ولا قوة الا بالله
نصير""( كيزير بصباعه على جبهته ) دخت حق رب تنحس براسي مشتت افكاري مقااااودة
نوح""( برزانة) هدا هو الوقت لي خاصك تكون ثابت حالة ديال الواليدة تدهور و باش تهز الهم لوحدها راه صعيب عليها
نصير"" هادشي لي ضرني في خاطري اصحبي تهدااات ،( تنهد لتواني و كمل كلامه ) حملها نهزو فوق كتافي و نريحها هي
غارقة في نومها مكمشة في بلاصتها حاسة براسها ماعندها جهد ولا قوة تنوض من بلاصتها حتى نوح ماحساتش بيه امتى فاق ولا امتى خرج لخدمة حلات عينها بشوية تتمد يديها فوق كوافوز تهز تلفونها لي تيڤيبري حدا راسها جاوبت بلا ما تشوف شكون
نوارة""(بصوت نعسان محلي ) ام الو
نوح""( طلع حاجبه تيرشف من قهوته) مزال ناعسة
نوارة"" ( بغنج )امم ماقدرتش نوض من بلاصتي
نوح""( عض على شنوفته بداك صوت لي مصبح علييه) زيدي في راحتك الاله
نوارة""( تتفوه) مافقتش حتى بيك ماوجدتش ليك فطورك ولا قهيوتك
نوح"" ( بصوت منخفض) مصيفطاني بلا حلاوة يديك
نوارة""( ضحكت تتلعب في شعرها) ههه صافي تسالني
نوح""(تبسم بجنب ) اتوصلك نمرة سناء
نوارة""( عبست ملامحها و تنهدت من سمعت اسمها) واخة نيت محتاجة نهضر معاهاا نخفف عليها ولو غي من بعيد
نوح""( ناض وقف مشى لسرجم متبع بعينه الشتاء تتصب) ردي بالك لا تحلي بالكو و نتي عاد فايقة الجو صعيب
نوارة""( تبسمت و فرحة في قلبها كيفاش تيفكر ليها و كفاش خايف عليها) واخة كون هاني
نوح""( كلامه و خوفه تيجي بدون انذار منه تيخرج كلامه عاد تيوعى نزل براسه تيتبسم و عاود طلع عينه و نطق ) خليت ليك راحة
نوارة""( زربت قبل مايقطع) نووح
نوح"" امم كنسمعك
نوارة"" ا ا بغيت نقولك
نوح""( عقد حاجبه تيتسناها تهضر ) خاصك شي حاجة
نوارة"( عاضة على شنوفتها و حشمة واكلة منها) لا بغيت غي نقولك ( تيسمع غي التنفس ديالها بزربة )
نوح""(بخوف) مالكي واش بيك حاجة
نوارة"" لا لا صافي نسى
نوح""( بنرفزة معلي صوته ) نواارة هضرتي كملي كلامك
نوارة"" مالك تتغوت عليا ياااه
نوح""( صدره تيطلع و ينزل بعصبية مغمض عينيه تيتبث راسه ) دابة نبقى نتلاج انا وياك صباح هدا
نوارة""( معبسة وجهها ونطقت بصوت خافت غالباه البكية) مزال تتزيد تتغوت عليا ، بغيت غانقولك الله يخليك ليا و لكن نتا دغيا تتسبق العيب بسلامة
نوح""( مقاطعها ) بلاتي بلاتي ( ابتسامته بانت على ثغره من كلامها تكى بيديه على زاج و نطق بصوت منخفض و مهدن على عكس الاول ) شنو كنتي بغيتي تقولي و غوت عليك
نوارة""( منرفزة) والو سير تخدم على راسك خاصني نوض نقدي شغلي
نوح"" عاودي اش قلتي
نوارة"" ماقلت والو نتا كل مرة تتبدا تغوت عليا بلا تاسبب
نوح"" ( بصوت منخفض)سمحليا الاله غوت عليك و ضلمتك
نواة""( غلباتها ابتسامة وهي مزال هازة زنافرها) اه غوتي عليا انووح
نوح""( يلا يجاوبها و سمع دقان و كمل كلامه من بعد ماعطاهم اذن يدخلو عاود دار لسرجم ) بسلامة نكملو من نرجع
جوايه المغرب و الشتاء خيط من السماء واقفة جنب السرجم مكمشة في داك كاب لي دايرة عليها و عيينها وعقلها سارحين بيها في هاد الحياة و هاد امتحانات لي هازة في كتفها تفكر و تناقش و تحلل غي لوحدها مرض مها علاجها ولا خطبتها لي قريبة ماعرفتش كيف تتعامل مع هادشي كامل تنهدت تنهيدة طويلة حاملة فيها بزااااف دورت راسها بانت ليها مليكة فاقت تبسمت و قربت بشوية باست على راسها
سناء"" رتاحيتي شوية
مليكة"" الحمد لله بنيتي ( شافت فيها ) بنيتي الجو بارد ونتي مزال مكمشة فديك بيجامة
سناء"" نوارة اتصيفط ليا ماتشطنيش راسك حبيبتي
، بلاتي نصوني ليها شحال وانا نهضر معاها كنتي ناعسة
مليكة"" واخة ابنيتي دوزيها ليا
سناء"" مشات هزت تلفون وصونات ليها ابيل فيديو بالخف جاوبت) حبي.
نوارة""( كانت في كوزينة تتوجد كسكروط) خالتي الحمد لله على سلامتك
مليكة"" الله يسلمك بنيتي الحبيبة كي دايرة كي داير راجلك
نوارة""( تبسمت ) كولشي بييخير اميمتي رتاحي رتاحي كولشي يكون مزيان
سناء"" مالها شبعات نعاس مع راسها( تبسمت و شافت في مليكة)
نوارة"" خليها الله يزيد في راحتها' راه صيفطت ليك شي حاجة تتعجبك مع نصير
سناء"" لهلا يخطيك احبيبتي سمحلي ليا
نوارة""( خنزرت فيها) ياك الجدرة ، ماعليناش المهم نوجد راسي للخطبة ياك مليكة
مليكة"" هداك هو نهار الكبير ابنيتي نشوفها عروسة ونفرح بيها
سناء""غاتحضري مع صحيبتك ياكي
نوارة"" والله ماعرفت موحال على مابان لي نوح موحال يشد طريق مزال عيا بزاف كل اخر سيمانة تيشد طريق ( لاحت ليها بوسة) ولكن في الصداق ضروري نحضر و نفرح بصحيبتي
سناء"" ( صيفطت ليها بوسة تاهي ) ياختي ياختي على درية تتفكر لراجلها و نسات صحبتها
مليكة"" عنداك بنيتي راجلك هو لول ماكرهناش تحضري ولكن صداق ضروري تكوني نتي وراجلك
نوارة"" ضروري اخالتي مهم تولي لينا بيخير و على خير باش تدردكي لينا الدكالية ديالنا
مليكة""( ضحكت ) هههه الله يابنتي يلا لقيت جهد مايخصشاي
سناء"" ههه من ديك ناحية تموت على درديك خاصها غي معامن
شلا كلام و شلا موضيع تجبدت من فم نوارة لعلى و عسى تخفف من همهم ماكرهتش تكون معاهم و تكون قريبة منهم ولكن الوقت مامساعداهاش و كان تلفون وسيلة مهمة و احسن من والو بقاو مجمعات تادخلات ممرضة عليهم و قطعو معاها هزات صينية و خرجتها للطبلة و كيك و مشات جلسات تتسنى يدخل في كل مرة تقلب تلفون وتشوف وقته تيدوز و هو مزال مادخلش ناضت في اتجاه البيت و هي تسمع ساروت تيدور و فلتات ليها ابتسامة و قلبها رف بخطواته الاولى بعد دخوله دارت بشوية عنده دايرة يديها وراها بطريقة طفولية مبتسمة مخلية عينه غياكلوها و هي فرحة باينة من عينها بشوفته حيد جاكيط علقها و لاح ساروت فوق طبلة و تمشى بخطوات بطييئة عيينه معسلين بشوفتها وقف قدامها و هي تحته معلية عينيها لعنده و بتسامتها مبينة على شفايفها وردية
نوح""(عينه فيكس و سط عينها نطق ) تيبان لي شي ناس مزيانين بشوفتهم ليا
نوارة""( حركت حاجبها مبتسمة) غي تيبان ليك
نوح""( ابتاسمته بانت على شفايفه و حط يديه على خصرها شاد على يديها بزوج وراها و زدحها مع صدره ناطق بخفوت مغمض عينيه بريحتها لي فتناته) باين لي تخرجي لي عقلي
نزل بشفايفه لشفايفها طبع قبلة سطحية و بعد شوية مراقب عويناتها بريق لي وسطهم تاحس بصبيعات رجليها فوق رجليه معلية عنده مخلياه محاوطها بيديه بزوج و متبع معاها اش دير حطات يديها بزوج على وجهه و تعلات عند وجهه و عينيها غي على شفايفه قربات ببطئ تاحطاتهم على شفايفه بطريقة خلاته يرفعها عنده يد هازها بيها و يد على وجهها حاكمها بيها غرقو في القبلة شغوفة مؤلمة بلا الم كأنهم تيريوو عطشهم من بعض بعدات شوية عليه خلاته يفيق
نوارة""( نطقت بغنج) يلا نزلني
نوح""( شوفاته تعسلو) كيفاش ديك يلا ، شنو زعمة
نوارة""( تبسمت تتميق ليه و تغنج) سلمت عليك وصافي
نوح""( عض على شنوفته مخيليته هايم و مفتون بيها و بكلامها نطق بخفوت و ابتسامته خفيفة معسلة ن شفايفه لي حطهم جنب شفايفها ) مزينو السلام
من بعد ماقطعات مكالمة مع نوارة ممرضة راقبت الوضع مليكة طمئنتهم بلي حالتها مستقرة سكر و لاطونسيو تابتين رتاحت نسبيا و بالها غي مع تحاليل و نتيجة ديالهم لي غاتخرج ورا 4 ايام عاد يعرفوها عاونت مليكة كلات و قادتها في بلاصتها شعلات ليها تلفزيون و نقصات صوت
سناء""( هزات تلفون دارته في جيب بيجامة ) مي انا نخرج ناخد شي حاجة و نجي
مليكة"" ( شافت شتا تتصب) افين ابنيتي ماتتشوفيش الجو كي داير
سناء"" راه الحانوت غي قريب دغيا انجي
بقات غاتتشوف حركت ليها راسها و هزات تسبيح ديالها و دورت راسها مشات حلات بلاكار و هزات جاكيط ديالو شافت في مليكة لقاتها مامنتابهاش معاها قربتها لنيفها تتشم عطره فايح منها مغمضة عينها تبسمت و لاحتها عليها و سدتها جاتها كبيرة ساترة شوية مؤخرتها الكاب دارته على شعرها و خرجات بخطوات سريعة وصلات للبرا شمات ريحة الشتا و داك الجو خلى ابتسامتها على ثغرها خشات يديها في جيب جاكيط و رمات بخطواتها للحانوت لي بعيد على كلينيك بشي 5 دقائق فقط وصلات عنده و خدات اش بغات هزات شاصية و خرجات حادرة راسها تتقلب واش نسات شي حاجة تاحسات بزدحة مع شي حد
سناء""( هزات عينها) سمحليا اخويا ماردتيش لبال
''''' ماشي موشكيل سمحلي تانتي ( مبعد مضلة و تيحقق فيها ) بلاتي سنااء
سناء""( تتحقق فيه وبلا ماتبين بلي عرفاته ) يمكن تغالطت ليك اخويا
""" لا مايمكنش نغلط فيك ( هز صبعه بنعت) نفس العنين نفس الشعر
سناء""( بغاات تخطاته و جا قدامها) حيد من قدامي اخويا ايحفظك
"""( ضحك وبغى يقرب ) نفس الكلمة مالك خرجتي من تما و بغيتي تنساي تالكليان
سناء""( خنزرت فيه مطلعاه و منزلاه) فهمتي بلاما نشرح ليك و بعد على طريقي
""""( بعد من قدامها عطاها الطريق وعاود جا قدامها ) عطيني نمرتك بعدا قبل ما تمشي
سناء""( حسات بجنون فوق راسها و شتا دخلات معاها فين بغات غوتت في وجهه) واااااا بعد من طرييييقي اعبااااد الله واش ماتتفهمش
قاطعهم غي صوت لفران بجهههههد لي تضرب جنب رجليهم هزات عينها و حسات برجفة من شوفته خارج من سيارته كحزات بلور
نصير""( طلع حداه وقف قدامه مع طويل جا تحتو تيطل على قليقلة راسو و تخنزيرته مخلية عينه زورق تتحول الاحمر ناطق تحت سنانو ) غاديي تحسب زوج خطوات للور و تغبر ( ضرب على صدرو بكف يديه ) ماتخليش ط***** مي نغلط فيك
""( تبسم )زعامة هادي جيتي باغي دير فيها بطل
سناء""( عينها غي عليه شافته زاد بخطوات وكرز على المضل جاره لعند وجهو و هي توقف شدات دراعو) نصير يلا نمشيو
نصير""( حس بملمس يديها عليه و دار لمح ليها بتخنزيرة حادة و نطق كارز على فكره) طلعي
سناء"" يلا حتى نتا ب بلاش
نصير""( بالغوات) وااطلعي بحالك
قفزات من غواته حابسة البكية طلقات من دراعه و تخطات طموبيلتو و مشات غمض عينه بالاعصاب ودار شاف فيه عطاه بروسية تاطاح تحت رجليه و نطق و عروق جبهته غاتفركع
نصير"" باش تفكر مرة جاية توقف على مرت راجل الق***د
رجع بخطوات للوراء و عينه عليها غادية تتزرب و تدور تشوف فيه مشا حل طموبيل و طلع و كسيرا راجع بالور و تيتسمع داك صوت طوموبيل وسط ودينها و الخوف و الرجفة في داتها حتى حست بيه وقف منزل الزاج
نصير"" ( بنرفزة)طلعي
سناء""( وقفة مكمشة و عينها مشاو لعينه و داك الاحمرار خلعها ) و وصلت صافي
نصير""( قرب حط يديه على لباب و حله حتى مشا و جا بجهد كان يتقلع و نطق متبت راسه) طلعي
سناء""( دورت عينها هنا و هنا مكمشة يديها فداك صاشية و شتاء تجهدت )
نصير""" ( قفزها تاني) واا طلعي
قربات عندو تتفتف شدات بيديها على لباب و طلعت و سدا لباب منزلة عينها تتفرك في يديها و وجها تيتقطر هزات عينها فيه وهو يكسيري بسرعة مخلي غي صوت زفيره تيتسمع و شعر راسه لاصق على جبهته و ماء تيتقطر من جبهته مثبت راسه بزز عارف فمه خاسر قلب دورة باش يدخل لباركينغ ديال كلينيك تاسمع شهقة صغيرة خبط بيديه على فلون تاعاودت قفزت
نصير""(شاف ليها ) هاد الق*** ي قدامك قالك من تحتاجي شي حاجة اناااااا نجيبها ليك قلتها ولا لا
سناء""(منزلة عينها و شي خلعة شداتها منه خلاتها غي دموعها نازلين نطقت بصوت مبحوح ) ن ن تا تعطلتي و خرجت ناخد لي محتاجة
نصير""( غمض عينه بعصبية و حبس من بعد ما بلاصة طوموبيل و دار عندها شاف فيها تتقطر بالماء تنهد مشتت عينه باش يثبت راسو كتر نطق وصوته اكتر عصبية) عجبك الحال جالس يتزلل عليه داك الق*** د
سناء"""( دورت عينها فيه و بكية غالباها) شنو كيفاش عجبني الحال احتارم راسك ( مسحت على دمعتها و كملت كلامها) لا عجبني بصح حالتي بانت ليك عاجبني ياك
حطات يديها على لباب تحله تاسمعاتو تسورت
سناء""( شافت فيه) حل زمر خليني نمشي في حالي
نصير""( حط راسه ببطئ على كوسان تيماصي بيديه على جبينه و عاود شاف فيها بهدوء مصطنع عكس البركان لي فيه الداخل نطق ) علاش ماعيطتيش ليا
سناء""( تترمش بزربة و دورت راسها عليه) الصمت
نصير""( عض على فكه من داخل وعاود نطق تيحاول يراضيها بلاما يزيد يتعصب ) خلي لي ميساج ديك ساعة
سناء""( مازال مدورة راسها عليه تتبكي ) الصمت
نصير""( صاط بجهد وشد دراعها مدورها لعنده باللطف شاف ملامحها فازكة و شفارها ساردين عاطين بريق لامع و شفايفها تيترعدو فور ماهزات عينها فيه حس ببرودة على قلبه سرات معاه خلاته ينطق بصوت منخفض) ماقصدتش نغوت عليك سمحي ليا
عينها بداو يتسرسبو منها دموع كيف الشتاء شي لي خلاه يزيد يكحز شوية عندها رافع يديه لخدها بكف صبعانه
نصير""( ماحملش دمعاتها ينزلو بسبابو خفض صوتو) من خوفي عليك ( سكت لتواني مبعد شعرها على عينها) هضرتي قاصحة و لساني خاسر ماباغيتش ننطقهم عليك
سناء""( بعدت يديه عليها تتمسح فيه وجهاا لي رجع احمر كتر من الاول نطقت و شهقتها تتحبس كلامها) ن نتا تت تقولي ع عاجبني ا ال الحال
نصير""( تنهد بديك شهقات حس بيهم بحال لشي سهم على قلبه شد على يديها و قربها لشفايفه و نطق بشوية) سمحلي ليا ، فمي مبري مني( طل بعينه عليها مطلع حاجبه و عاض على شنوفته ) حق الرب يما خارجة من قلبي ( عاود طبع قبلة على يديها ) باين المعدن من النحاس
سناء""( ملمس شفايفه على يديها خلاتها تبنج و غي دقات قلبها لي تيهضرو لسانها تسرط و شهقاتها قلالت و نزلت في وتيرة جرات يديها بشوية منزلة عينها تتحك في نيفها و خرجت ليها العطسة) الصمت
نصير""( حس بخجلها و بعد عليها متكى براسه علئ كوسان و عينه عليها ومخشية في ديك كويرة ناطق بصوت منخفض) خرجتك هادي اتخرج عليك و عليا
سناء""( شافت فيه ونطقت بحالا ماشي هي لي كانت تتبكي) علاش مالك نتا ( شافته تاهو تيقطر) امم
نصير""(تبسم ماسح بطرف صبعه على جبهته ماء لي نازل و عينه عليها) اتخرج عليا بشوفتك عيانة
سناء""( نزلات عينيها بخجل من كلامه مشتتة شوفاتها نطقت تحت منها ) خاصني نطلع باش نبدل عليا
نصير""( فتح سيارته و نطق قبل ماتخرج ) ضروري تاخدي دوش قبل ماتبدلي(مد يديه لصاك محطوط لور مدو ليها) هادشي صيفطاته ليك نوارة
سناء""( شدات من عنده و عينها تحت ماقادراتش تشوف فيه ) شكرا
نطقتها و خرجات دغيا تتجري مخلياه متبعها بعينه عاض على فكه و تيلعن في لسانه حط صباعه تيعصر بين عينه و داك الصداع لي فراسه غي ماتيزيد دور راسه بانت ليه تيشورط دياله محطوطة هزها نشف شعره و مسح على وجهه و نزل حل لكوفر جبد شي شاصيات و سدها و تبعها دق و دخل لقاها تتحيد جاكيط
نصير""( شاف في مليكة و حرك راسه بتقالة ) الواليدة كيف بقيتتي
مليكة""(تبسمت) لاباس وليدي ( تطلع و تنزل فيه ) تانتا فزكتي وو
هز عينه في سناء لقاها تضور في عينها مشا حط داكشي من يديه و قرب باس على راس مليكة
نصير"" بنتك معسكة الواليدة
مليكة"" قلتها ليها قلت ليها الشتاء وغاتمرضي و هي ماتتسمع
سناء"" ( هزات صاك و مشات اتجاه الحمام ) الصمت
مليكة"" وباز ابنيتي باز( شافت فيه ) وليدي اصبر معاها شوية
سناء""( من داخل الحمام) واامي
نصير""( تبسم و مشا جلس حاط مرافقه على ركابيه وعارفها تتسمع) ماعليش الواليدة تصبر عليا و نصبر عليها ( عصر جبهته بطرف صباعه بالم ) حتى انا لساني قبيح
مليكة"( تبسمت و نزلت عينها على كلامه) وليدي الراجل و المراة من تيتلاقاو في الدار وحدة شحال من حاجة تتبدل (شافت فيه) ولا بدة في وقت الخصام واحد فيكم ينزل
نصير""( حرك راسه برزانة) عندك الحق الواليدة
سمع لباب تفتح و دور راسه مطلع عينه ليها بتقالة و مزال جلسته كيما هي تتمسح على شعرها مدوراه قدامها و عينها منزلتها عارفاه حاضيها جلسات فوق كرسي قبالته تتمسح عليها لابسة سيرفيت في الرمادي و دوك حنيكات مزنكين قبالته حطاات فوطة و رمات شعرها وراها و بقات تضور في عينها مامخلي ليها فين تتحرك ولا تهضر خجلها بشوفاته طلعات عينها بشوية لقاته عينه مرخين واخدين العيا و المرض
سناء""( هضرات بصوت منخفض) ايخصك تنشف شعرك الفزوگية مع شقيقة اتزيد عليك و و
عينه متبتها عليها بطريقة خلات هضرة تتلف منها تاسكتت تتحرك في يدها و عينها بطريقة خجوولة تبسم و حرك راسه يمين و شمال بتقالة
مليكة"" ( ناضت متجهة الحمام ) ايه وليدي ديك الموصيبة شحال صعيبة
نصير""( وقف متبث عينه عليها ) تنقديو معاها بالدوا الواليدة بيما خففت عليا
سناء""( وقفات بدورها تتفرك في يديها قدامه) غادي تمشي ( دورات راسها شافت الشتاء من سرجم ) الجو برا صعيب و نتا في حريق الراس يعني
نصير""( هاز تقل حاجبه على عينه متصنت ليها بكل حواسه قرب بخطواته تقيلة حدااها منزل براسه لعندها و نطق بخفوت) يعني راك خايفة عليا
يتبع...
التعليقات
لا توجد تعليقات بعد، كن أول من يعلق.