محتوى القصة
مع سالا كلامه حط شفايفو على جبينها طبع عليها بجههد تاحست بانفاسه حرقاتها بعد عليها هز تلفونو و خرج مخليها شادة على فمها و عينيها مورمين رجعت بخطواتها لحمام عاودت غسلت وجهها و خرجت بدلت عليها لبسات قفطين ثليجة عاودت قادت شعرها خلاتو مسرح دارت ميكاب خفيف ماعندها جهد وماعندها خاطر لكن باش تخبي ملامحها قدامهم حطات داكشي من يديها و بقات تتشوف في مرايا هزات يديها و نزلات شعرها قاداتو بحالا تدرق بيه مشات جبدت صندالة كعب خفيف لبساتها هزات تلفونها و مشات فتحات لباب بقات واقفة شوية تطلع نفسها و تخرجها عاد هزات على رجليها قفطان و تمشات متوجهة للدروج لي غي تحطت رجليها في درجة لولى و هي تسمع زغاريت خلاتها تطلع عينيها تقابلو مع بعض عيالات عائلة جالسن في الصالون مقابل مع دروج تبسمت و مشات بيها عينيها ليه لي جالس مبعد عليهم رامي تقل جسمه على سداري رامي يد على خدية و ليد الثانية شاد بيها الگارو تينتر و عينيه مفيكسية فيها بشكل دوخها ماهي تخنزيرة ماهي تغوبيشة ماهي شطنة عليها تدهشرت كبززت بيديها على داك القفطان و قلبها تتحس بيه ايتوقف... نازلة و عينيه مابغاتش ترمش ولا قدت ترتاح من شوفتها تتقرب و قلبو تيزيد يتجهد بضرباتو تاوصلت حداهم متبسمة ديك ابتسامة لي واخدة عقلو عينه مشات معاها و هي تتسلم عليهم برزانة و خجل توقفت مع اخر واحد تسلم عليه و لي كان قريب ليه دورت عينيها ليه بشوية شافتو مزال على حالتو و دوك شوفات غايفشلوها تاني
نجاة""( قربت ليها حاوطتها بدراعها) كي صبحتي بنتي
سناء"" ( تبسمت و حطات يديها على يديها )الحمد لله اخالتي
نجاة"" ( دفعاتها بشوية) ريحي جنب راجلك تفطرو
مشات جلست جنبو و هو عينيه متقلين هزات عينيها فيه و شافت ديك حمورية وسطهم بخ من فمه بخة اخييرة و تحنى طفاه و رجع لمكانو رمى يديه وراها دور عينيه ليها بشوية تيشوف ملامحها هز يديه و تحطت على خصرها و جرها لعندو بلا سابق انذار تا قفزت بالحشمة و حناكها زادو خداو لونهم المفضل
نصير"" ( قرب بشفايفه شوية تحت ودنيه) تبعدي تاتعياي تلقاي راسك قريبة
سناء""( بقات تدور في عينيها كلامو زاد من توترها بحالا تيشرح ليها واخة ماعرفش موضوع دورت عينيها بشوية لقات ملامحه قرييبة ليها هزات عينيها لعينه و تلفت تاني مبين ليها شطنتو عليها تبسمت ليه و نزلت عينيها ) الصمت
تحطت طبلة متوسطة قدامهم تحط الفطور المشكلة باي حاجة مشهياه العين لكن منين ايدوز هي شهيتها مغلوقة و جلستها كانت بزز لى قلبها كون تصيب تبقى في بلاصة بوحدها و هو لي عينيه مانزلوش عليها بشطنة و قلقة لي دايرة ليه
هزات عينيها و بانت ليها نوارة نازلة ونوح وراها غلباتها بكية ماكرهتش تمشي عندها و تحكي ليها تبسمت ليها من شافتها تتشوف و تضحك قربت عندها عنقتها تتهضر بشوية
نوارة"" كي صبحتي عروستنا
سناء"" بيخير و نتي
نوارة"" مزيانة مزيانة
باست على جبينها وقادت ليها شعرها و مشات جلسات جنب نوح لي كان جالس في طرف واخة جالسن في صالون واحد لكن كبيييير جاو في قنت بوحدهم
نوح""( طول شوفتو لنصير و ضرب على كتفو و نطق) هانية الوقت
نصير""( حرك راسو بتقالة تاتغمضو عينيه و تحلو ببطئ ) مزيان
نوح شاف في نوارة لي لقاها تتشوف فيه و هي تقرب منو هضرات في ودنيه
نوارة"" سناء باكية يانوح شي حاجة تما
نوح""( دور عينيه ليهم بزوج و عاود شاف فيها وشاف فيها بطريقة كأنه تيقولها ماشي وقت لكلام ) فطري
داز داك الفطور نصير خرج للجردة هو ونوح بعد ماعلمها تجمع حوايجها باش يرجعو في حالهم للكازا و لبنات طلعو للفوق للبيت لي غي دخلت سناء و هي تجرها نوارة جلستها فوق فوطوي و جلست جنبها
نوارة"" مالكي اسناء اش كاين
سناء""( صغرت عينيها بعدم فهم مصطنع) مالي
نوارة""" بلاما تكذبي عليا الزمرة باكية و شابعة بكى علاش هادشي كامل
سناء""( نزلت عينيها تتفرك في يديها و عاودت هزات عينيها فيها) مامليش غي حيث انفرق مي و
نوارة"" بنت ليك مكتوبة في جبهتي حمارة ماتتفهمش راكي عشرتي هاد لبكى ماشي ديال وحدة اتفرق مها
سناء""( تتحرك راسها بنفي ) لا انوارة تنهضر معاك بصح مكاين والو
نوارة"" واش نصير لي بكاك
سناء "" لا لا اصحبتي غي مشى بالك بعيد مادار لي والو ( بداو دموع يهبطو تاني )
نوارة""( زادت كحزت عندها حطات يديها على خدودها و جرتها لعندها حاطة راسها على صدرها نطقت بصوت منخفض) شششش سنااء
غي تحط راسها عليها و كملت بكاها تابرداتو نوارة ماعاودتش سولتها عارافها ماتهضرش بقات معنقاها تاسكتت بوحدها هزات ليها راسها تقابلاتو مع عينيها مسحت ليها على خدودها
نوارة"" مابغيتش تقولي ليا ولكن من تجي لدارك غانعرف اسناء سمعتيني
سناء""( عاضة على شنانفها بجههد ) الصمت
نوارة"" راني حافضاك ابنتي حافضااك (قربت باست على جبينها و نطقت) نشوفك من تجي احبي
ناضت خرجات من عندها و مشات لبيت هزات فاليز ديالها و صاكها و نزلت مشات سلمت على نجاة و عطاتها صوابها و خرجات لقات نوح و نصير برا جنب طوموبيل شد من عندها العربي داك صاك و فاليز و مشات عند نوح
نوارة""( وقفت جنبو شدات في دراعو و هزات عينيها ف نصير و نطقت) خويا امتى ترجعو
نصير""( شاف فيها و نطق بهدوء) عشية نيت
نوارة""( حركت راسها و شافت في نوح وعاودت شافت فيه) ان شاءاللله ، من تجيو نجي نشوفها
نصير""( تبسم بجنب ) مرحبا بيك اختي
نوح""(نزل براسو ليها و نطق ) نمشيو
شافها حركت ليه راسها و عاود شاف في نصير لي كان خاشي يد في جيب سروال و يد وسطها الكارو منزل راسو للارض
نوح"" من تجي نهضر معاك
نصير""( حرك ليه راسو و نتر من كارو) تانجي
حط يديه على خصرها و دفعها حل ليها لباب طلعات و مشى طلع و كسيرا و خرجو من فيرما
نوارة""( شافت فيه ) نووح
نوح""( شاف فيها و رجع كمل شوفتو للطريق فهمها اش باغا تقول ) يكون خير يرجع و نهضر معاه
مد يده حطها على كتفها و جرها لعندو جابها متكية على كتفو حط شفايفو على راسها طبع عليها قبلة و رجع متبع مع الطريق...
اما نصير بقى تيسف في داك الگارو تا كملو لاحو و عفس عليه برجليه و تحرك لداخل بخطوات تقيلة غي تم طالع و سمع نجاة تتعيط ليه من قدام بيتها نزل من دوك درجات و توجه لعندها دخلات سابقاه دخل و سد لباب
نصير"" نعام الواليدة
نجاة""واش بصح اتمشي ماتبقاش تاليل
نصير"" ( حرك راسو بشوية) غانمشيو الواليدة عرفاني ماعنديش مع قوة بنادم ( حرك راسو بنعت) تاهي عيانة تمشي في حالها لمحالها ترتاح
نجاة"" وايه ماقلتي عيب غي زعمة تالورا العشاء
نصير"" راه كنت انمشي دابة غا من سمعت الواليدة ديالها غاتجي داكشي باش ريحت
نجاة"" ايوا ضروري اتجي تشوفها كي صبحت
نصير"" ( حرك راسو و تم غادي و عاود شاف فيها ) شوفي لي العربي يجيب ليا دوا
نجاة"" مالك ضراتك شقيقة تاني
نصير"" ( حل لباب و نطق) ماشي بزاف
خرج من عندها و طلع متوجه لبيتو و عقلو شلى اسئلة فيه وصل ليه حل لباب و بانت ليه تتجمع شي حوايج في فاليز ،حست بيه دخل و لا هي قدرت تهز عينيها فيه تتسمع خطواتو تيقربو و يديها بدات تترعد عليها مابغاهش يعاود يسولها حتى حست بيه تخطاها مشى تلاح فوق فوطوي بتقلو مفرق رجليه حاط مرافقو بزوج على ركابيه هز عينه لعندها مراقبها بدون رمش ،اما هي ركابي خواو ليها هزات عينيها فيه و تبسمت و عاودت نزلت عينيها تتكمل داكشي لي مافهمتش راسها ت شتدير تتحط دوك حوايج و تعاود تهزهم و تعاود تحطهم تلفتتتت بشوفاتو بزاااف هو غي تيشوف اش تصنع سدت داك فاليز و دارت غادية تاحست بيديه تحطت على دراعها و دورها لعندو بشوية جارها تاجات فوق رجليه هزات عينيها فيه و ديك نضررررة باقة كي كيماااا هي تتلفها و تمحنها بالمعقول تتسرط ريقها بزز باش تبلل داك الحلق لي تتحس بيه مجروح و ناااشف هز يديه بشوية حطها على بلاصة الحلق تيطلع كف صابعو عليها و تينزلهم بشوية في لحضة نزلت يديه لخصرها و ثانية على مؤخرة راسها و جرها لعندو بجهههدد تاتلاقاو شفايفهم لاهو قدر يتحكم في راسو ماباغيش يزيد يبعد عليها شحال هو تيتوعد عليهم باغي يدوق حلاوتهم و يتعمق فيهم و لا هي قدرات تتحرك حاسة بجوفها ناشف عليها ، مخليها تتنفس بزربة حطت يديها على صدرو بتلفة عاد مزاد حكمها كلاهم و تفنن فيهم كي بغى ماقدرتش تحرك و كمل عليها بقبلة فرنسية و هو تيجر ليها في لسانها و يمصو تلفت و تدهشرت بالمزيان مخلياه نفسها ليه و تشبع منو سمعت كلام عليه و لكن باش تبعد ماقدرتش باش تغضب عليه ماقدرتش.. هادشي لي زايد على ما بيها ..حست بيه بعد شوية مخلي شفايفو على شفايفها و نطق بشوية
نصير"" امانتي من الله سبحانه...
ديك جملة بقات تتقال و تعاود في ادنيها مقابلة عينيه و شوفاتو ليها تتزيد تكمل عليها حافضتهم و رسختهم في قلبها قبل عقلها هزات يديها حطاتهم على لحيتو تتحسس بيهم بحنية عقلها قلبها مضاربين مافاهمة والو وااش تدير ولاش غا دير قربت بشوية حطات راسها على صدرو براااحة مخلياه يزيد يحاوطها بيديه بزوج كانه يمتص داك غبينة و تقليقة لي على ملامحها ولفها بحشمتها ولفها بضحكتها وشوفاتها خجولة ماكرهش يدخل وسط عقلها و يعرف اش مقلقها و اش بدلها تالهاد الدرجة تيحس بيديها تترجف على رقبتو فين محطوطة و تنفسها تقااال عوج راسو تيطل عليها لقاها تطلع نفس بصعووبة
نصير""( جاب وجهها قدام عينيه بالخوف) ماالك
سناء""( تتحرك راسها بشوية و زيرت على يديه ) ماتخافش
نصير"""( وقف و هي بين يديه حل باب بالكو و حطها فوق كرسي و تحنى قفازي تيحك على يديها نطق بهدوء) بشوية عليك
سناء""( غمضت عينيها تتحاول تطلع النفس ) انا بيخير
نصير"" ( عاقد غوباشتو ) كيفاش بيخير نمشيو لطبيب
سناء""( تتحرك راسها بنفي ) لا لا مايحتاجش غاتفوتني
نصير""( هز يديه تيبعد شعر على وجهها و الخوف مبين على عينيه لي تيديرو على ملامحها بزربة ) شكون اسناء شكوون
سناء""( طبطبت على يديه ) الصمت
نصير""( زفر بضيق مكالمي نفسو بزز و زادت كملت عليه بهاد الخنقة لي شدتها نطق بشوية) غي نطقيها اسناء شكون لي وصلك ليا لهاد الحالة
سناء""( زيرت على يديه) ماتخافش غي من تنبكي و تن....
نصير""( مقاطعها) من تتقلقي اسناء ، من تيضرك قلبك ، تتزيري هاكة
زيرت على يديه غمضاات عينيها بقااات مطلعة نفسها بجهههد غي طلقت نفسها و هي ترجع عادية ، تنفسها رجع لطبيعتو بقات هاكاك تطلع و تخرج مدددة عاد فتحات عينيها عليه و هو مزال قدامها بدوك شوفات تيضعفوها و يساليو معاها تبسمت ليه
سناء""( بصوت منخفض) هاهي فاتتني انصير
نصير""( حط يديه على قلبها ديريكت و نطق ) هنا مافاتكش اسناء غادي نزطم عليها و نخليها تانتحركو من هنا و حق رب المعبود تاتخرجي لي كاين هنا
سناء""( تبسمت و بان ليها تحرك راسها بايجاب باغة تهدنو و تخليه يعطيها وقت حيث شوفاتو دهشروها و خوفوها بالمزيان ) واخة انصير واخة
نصير""( بقى تيشوف في عينيها قاريهم و عارفها اش تتقول بيهم ) ماتحاوليش تلعبيها عليا
سناء""( هزات عينيها قبالتها بحالا تتلف ) ماتنلعبش عليك
نصير""( نزل يديه ليديها شابك صباعو مع صباعها و يد ثانية دور بيها وجهها قابل مع عينيه) عقلي ولف عليك و عارف امتى تتقلقي و امتى تتفرحي
سناء"""( حابسة دموعها بززز تبسمت ليه و زيرت على يديه) واخة
نصير""( نزل صوتو مخلي عينيه وسط عينيها) گد بعدتي گد قربتي عمرني نغلط فيك وفي حقك
دازت داك الوقت كلو تفكير عند نوارة حتى وصلو لدار طلعات هي و هو مشى يتقدا فتحات لباب و دخلات مهدودة بالعيا و كملت عليها صحبتها دخلات ديريكت لدوش خوات عليها ماء تريح عضامها لوات عليها فوطة ديالها ومشات ماريو جبدت دوبياس في الاحمر وريحت فوق كرسي دهنات كريم ترطيب نشفت شعرها خلاتو مطلوق و لبسات فوقهم بيجامة قصيرة واصلة للفخاد في الاحمر و خرجات بخطيواتها لكوزينة توجد اتاي ترد مجاجها تكات على طبلة بمرافقها و تتكتب ميساج لسناء
// شوية اصحيبتي //
شافتو ماوصلهاش حطات تلفون و تكات بيديها على خدودها تاسمعت لباب تيتحل دورت وجهها و جسمها باقي كيما هو عاطية بضهرها بان ليها نوح داخل و في يديه تقدية و عينه تيطلعو و ينزلو على خيرو جاب ليها ضحكة
نوارة"" مالك
نوح"" ( عض على شنوفتو بشهوة) مايل ليا
نوارة""( ضحكت على طريقة باش نطقها ) ههههه اويلي
حط داكشي من يديه فوق طبلة و قرب بيديه على مؤخرتها تيتملس عليها منزل وجهو في عنقها
نوح"" شوية حبيبي
نوارة""( دارت بشوية تخشات في صدرو خاشية يديها بين جاكيط و جسمو تتمخشش فيه و نطقت ) شوية غير بالي تيبقى يفكر بزاف
نوح""( تيدوز يديه على شعرها بحنية نطق بصوته الخشن) كولشي يتصلح رتاحي ليا
نوارة"" واخة ( هزات عينيها لملامحو و تبسمت) سير غسل و بدل عليك انا تنوجد كويس اتاي نشربوه بزوج
نوح""( حرك راسو بشوية باس على جبينها ) واخة
مشى و هي عمرت براد اتاي خرجاتو للطبلة و حطات معاه من تقدية لي جاب بتي بان و حريشات صغار و فواكه الجافة وجدات كولشي و ريحت تتنقب من لوز تاشمات ريحتو سابقاه جاي لابس سروال سورفيط في الاسود و تيشورط بيضة مزيرة عليه محني براسو مركز على تلفون بقات حاضياه تا جلس جنبها حط تلفون جنب و دار عندها محني بمرافقه على ركابيه غمز ليها
نوح"" الروح
نوارة""( تبسمت و هزات كاس حطاتو قدامو ) نبقى ديما روحك
نوح"" ( بعد شعرها على رقبتها رادو وراها )جاوبتي راسك (نطق بشوية )كاين شي حد يبقى عايش بلا روح
نوارة""( حنيكات تزنگو عضت على فمها ) شي هضرة تتخرج
نوح""( تبسم و هز كاسو رشف منو حطو و جر كرسيها لصقو مع كرسيه حط يديه على فخضها نطق ) ماشي انا لي تنهضر
نوارة""( عاجبها الحال ) اممم
نوح""( قرس على فخضها) بقاي زايدة بحلاوتك عليا
نوارة""( كمشت حاجبها تتحك بلاصة قرصة) احح نوح قصحتيني حشومة عليك
نوح""( طلع و نزل فيها بديك بيجامة حط يديه على فخضها طلوع نزول معاها ) جاك زين لون
نوارة""( جامعة شواربها تدور ميقت ليه و قربت لوجهو بصوت قليل ) انااا زوييينة لي لبستها تجي عليا
نوح""( متبع غنجها عليه و سايح بيها بشوفااات مرخيييية حط يديه على خصرها و جابها قدامو نطق بصوته التخين ) واش تديري لحلاوة يابنتي
نوارة""( دورت يديها على رقبتو و يد لاخرى تتلعب في شعرو تاكانت تهضر و عقدات حواجبها) اجي بعدا نتفاهمو
نوح""( هز حواجبو نطق بشوية ) نتفاهمو احبيبي
نوارة""( نزلت يديها مربعاتهم قدامها و نطقت ) علاش لبارح مخلي ديك شيخة تتهز و تحط عليك
نوح""( صغر عينيه حابس ابتسامتو و حرك راسو بلاما ينطق ) الصمت
نوارة""( حناكها تزنكو ) و معاك داوية علاش مانضتيش من بلاصتك و لا درتي شي حركة خلتيها تتحنى عليك
نوح""( عينيه مراقبتها بشوية عليه هز يديه بعد شعر على وجهها و تيدوز كف صبعانه على خدودها لي سخنو بزااف نطق بشوية ) ماشفتهاش
نوارة"" كيفاش ماشفتيهاش و هي جالسة تمحكك حدا رجليك
نوح""( تبسم و مراقبتها كيما هي عيونه مرخية نطق بهدوء ) نبغيك
نوارة"" ( ساطت بجههد تاشعرها تهز على دورت راسها بزعاف ) الصمت
نوح"( دور ليها وجهها لعندو و قرب حط شفايفو جنب شفايفها سخاااان و نطق بفحيح) و غيرتك محناااني
عشية تعاشات و المغرب وذن في وسط لبيت تتقاد الشال فوق راسها بعشوائية لابسة جلابة بيج و الابيض تحل عليها لباب عرفاتو من ريحتو دورت عينيها بشوية شافت فيه لقاتو توجه للفاليز هزها و دور عينه ليها مد يديه ليها
نصير" واجدة
سناء""( تتشوف في يديرو تشوف فيه نزلات يديها من على الشال و قربت ليه حطات يديها وسط يديه نطقت بشوية) واجدة
نصير""( تيدور عينيه بشوية على ملامحها جرها تاقربت ليه نزل بشفايفو على جبينها بحنية مطووول و شاف فيها نطق بشوية) مزيانة ؟
سناء""( تبسمت بدون خاطر) مزيانة مزيانة
شاف فيها مطول عارفها من فوق خاطرها حرك راسو بشووية و دار متوجه لباب فتحو و نزلو لتحت لقاو نجاة و فاطنة و مليكة و شي عيالات وصلو قدام الصالون دور راسو شاف فيها
نصير"" ( بصوت منخفض) انا برا
شافها حركت ليه راسها و دار شاف فيهم مشا سلم على نجاة و قرب من مليكة لي غي قرب ليها وفتحت يديها مدرعاه من كتافو لي بدورو تحنى على راسها باسو ليها
مليكة""( طبطبت ليه على كتافو ) الله يرضي عليك وليدي
قابلت عينيها معاه و تبسمت شافت في سناء و عاودت شافت فيه
مليكة"" تهلى ليا فيها صبر عليها و معاها
نصير""( باس على كتفها ) في دمتي اميمتي
تبسم و بعد و توجه لبرا مشات هي قربت لسناء لي منزلة عينيها حابسة بكاها هزت مليكة وجهها بين يديها و باست على جبينها
مليكة"" ( هضرت بشوية بتوصية )الله يرضي عليك و يكمل عليك بالخير ابنيتي رخفي نفسك تهلاي في راسك و في راجلك شدي في يديه واااياااك طلقيها
سناء""( تلاحت في حضنها بعناق وًنطقت ) واخة اميمتي تهلاي تانتي في راسك و ماتنسايش دواك تحتاجي شي حاجة ولا تحسي بشي حاجة عيطي ليا
مليكة"" ماتخفيش بنيتي مايديرش بالك انا بيخير مهم عندي تكوني مرتاحة
بعدت عليها و سلمت على نجاة لي بدورها وصاتها تاني بحال بنتها سلمت على بقية و خرجات من باب بزغاريت مشاو معاها تاوصلات لطوموبيل دارت شافت فيهم تبسمت تاحست بيديه تحطت على خصرها من بعد ماحل ليها لباب طلعات و طلع تاهو و كسيراا خارج من باب الفيرما الصممت من جيهتها لي تتفرك في يديها هو ماهضرش معاها مددددة ديال طريق و نفس الحالة تا خرجو من الطريق الواليدية و دار عندها
نصير""( مد يديه ليديها شد عليها بحنية تيدوز ابهاامو عليها نطق بهدوء) براكة عليها طيبتيها
سناء""( هزات يد لاخرى تتنزل الشال من جهة العنق واخة مرخوف جاب ليها الصهدة و تلفة ) الصمت
نصير""( وقف بجنب الطريق حيد ساتينغ و دار عندها بكتلته تيفحص فيها و هي مزنكة غا بوحدها ) مالنا ياهاد البنت
سناء"" فيا العطش
نصير"" ( قرب بيديه تيقس على حنياكتها بضهر يديه ) فيك العطش دايرة ليا هاد محنة
سناء""( شافت في عينيه و نزلاتهم عيات من هاد هادشي لي مخربقها ساطت ) الصمت
بقى تيشوف مطول عاد نزل ياخد ليها الماء و هي بقات متبعاه بعينها غادي تيتمايل عليها تما نزلت عينيها و عاودت طلعتهم بان ليها هاز ماء و شي ساشي جاي مراقبها بشووفااات تاتفتح لباب و طلع حل ليها قرعة ومدها ليها الماء خداتو تتشرب و تتحس بعينه مراقبينها برااحة متكي على كوسان مربع يديه كملت ديك شربة بزز شافت فيه و بقى على نفس حالتو بهدووء عينيه تينزلو و يطلعو على ملامحها
سناء"" مالك
نصير""( حرك حجبانو بمعنى نتي لي مالك ) الصمت
سناء""( مدت يديها) ارا نسد القرعة تكفح
نصير""( عض على فكه من داخل بقى شحاال هو سااكت تاعاود حركت يديها باش يعطيها غلاقة شاف يديها و عاود شاف في عينيها و نطق بهدوووء عكس شطنة لي فيه لداخل ) فيا و شنو درتي
محني قفازي بكتلته على راسها هي ممددة على السرير غارقة في نومها تيدوز يديه على شعرها بحنية محاول باش مايفيقهاش لكن مجرد مابعد يديه فتحات عويناتها بشوية شدات على يديه
نوارة""( بصوت مبحوح) فين غادي
نوح""( بحنية تيقبل خدها ) جيت احبيبي جيت
نوارة"" ( تتشوف في ارجاء تتلقى راسها دخلات لبيت لي عقلت عليه هو كانت متكية عليه في سيجور) ماحسيتش بوالو
نوح""( شد دراعها تيحاول ينوضها) نوضي تشربي الدوا
نوارة""( تكعدت عاد وعات براسها تتطيب بالسخانة و حلاقم مجروحين رمات يديها تخشات فيه غالباها لبكية ) الصمت
نوح""( شد على خصرها و جرها عندو و ناض بيها خاشي وجهو في عنقها لي تيطييب نطق بهمس) ششش حبيبي
هزها بين يديه و عينيه تيفحصو فحص دخل بيها للحمام حطها تحت رشاشة وجهها مزنك و طاااايب حيد جاكيتو بقى بتشورط و قرب منها لي بدات تترعد بجههد قرب ليها بزربة خوا عليها ماء دافئ عاد بدا تيحيد ليها حوايجها مراعي ليها قلبو مكروز عليها و زاد بشوفتها و هي ضعيفة كمل ليها حوايجها و بدا تيخوي ليها على ماء تا حس بيها حبست من رجفة كمل ليها دوش دغيا و جاب ليها فوطة لواها عليها و رفعها تاني بين يديه و داها السرير و هي مغيبة و مرخيييية بكترة السخانة و مبينة عقلها مشتت لبسها حوايجها و عبارة على بيجامة دافية و تكاها في بلاصتها غطاها و مشى وجد ليها شوفان بالاعشاب و الحليب وجلس جنبها مقرب منها
نوح""(حط يديه على خدها بحنية و نطق بحنية ) كولي شوية تشربي دواك
نوارة"" ( شدات على حلاقمها) مافياش انوح
نوح""( كمش على جبينو بعدم رضا نطق بصوت قليل) تاكلي باش ماتهلكيش معدتك الله يرضي عليك نوضي
بقات غا تتشوف مدة عاد حركت ليه راسها و شد خصرها و كعدها جلست مقادة و بدا تيوكلها بشووية يبرد و يعطيها و عينيه مازاكينش ضراتو في خاطرو و قلبو بقى معاها بالحلية تاكلات شوية و رجعت تكات براسها على جنب السرير مغمضة عينيها ناض دا داكشي لي كوزينة و رجع عندها و في يديه الدواء شربها و مشى بدل حوايجو لي تقاسو بالماء لبس غا سروال سرفيت و بقى من فوق معري جا تخشى جنبها و جرها لعندو خشاها في صدرو و غاطاها مزيان حيث كانت فيها رجفة بقى مزير عليها مدة هي غي شربات دوا و بدات تترخى و هو مراقبها مخلي شفايفو على راسها يديه تطلع بحنية و تنزل على جنبها تاحس بتنفسها تقاد عاد قدر يرتاح شوية شطناتو بالمزيان ماقدرش يشوفها بيها شي حاجة ولا شي حاجة تتضرها او تآلمها محاوطها بيديه و قلبو مضرور اكتر منها نزل بعينها لملامحها مطوول عاد مددها لبلاصتها قادها مزيان راقب ليها السخانة لقاها نزلات تنهد براحة و بقى تيمرر يديه على شعرها بحنية و عينيه مركززة تركيز على ملامحها بالو معاها و مشى تفكيرو مع هاد المخلوقة اش دارت في حياتو اسم على مسمى من نهار دخلات و حياتو تنورت الحاجة لي تتبغيها ولا يبغيها حاجة لي تتفرحها تتفرح تاهو حاجة لي تقلقها تقلقو تآثيرها قوي و قوي بزاف عليه بقى مراقبها مدددة ماعرفتش و ماعقلش و ماملش و ماعياش من شوفتها تحنى تقاد معاها خشى يديه تحت عنقها و جابها لعندو لي بدورها حاوطاتو بجهدها كامل من رقبتو مخلية تنفسها على عنقو
ديريكت غمض عينيه براحة قلبو و هي قريبة و يشم عطرها مسلوب وسط عقلو
•••وذلك عندما نبض قلبي بحبك، لقد نما حبك بداخلي حتى تملّكني فصرت أسيراً في ذلك الحب•••
حل لباب الشقة و فتح يديه باش تدخل و تسبقه غمضات عويناتها بجههد و رمات اول خطوة و حسات بشفايفو تحت ودنيها
نصير""( بهمس) نورتي دارك
عضت على شنوفتها بجههد تا تقطع فيها الدم دخلات بديك خطوة تاتسمعت سدة لباب ووقفت قلبها تيخبط خبيط فيقتها يديه لي تحطت على خصرها و يد حطت فاليز شافت فيه و تبسمت و رموشها تيلعبو بزربة مبينة الخجل و حيرة من موفقها
نصير""( جا قدامها و يديه مزال على خصرها غي هو زاد قرب ليها تاولات تاتبان تحت منو طلع يد لاخرى لدقنها مقابل ملامحها قدام عينيه ) رتاحي نمشي نجيب شي حاجة و نجي
سناء""( حركت راسها بايجاب و تبسمت ) و واخة
صغر عينيه مطول شوفتو ليها تاحست براكبيها خواو خافتو يسولها تاني لكن بعد عليها و خرج عاد تنفست و مشات جلست فوق فوطوي شادة على قلبها شحااال حاسة براسها تالفة بالمزيان
سناء"" ياااربي اش هاد الحيرة ياربي اش ندير
هزات بعينيها للشقة تدور في عينيها بشوية عقلها واش تيقول ليها هاد بلاصة ماشي بلاصتك غير جيتي فيها هاد فراش ماشي نتي لي كنتي تريحي فيه ناضت بشوية متوجهة لبيت حطات يديها على بواني فتحاتو بشوية و عطاتها ريحتو خلات بوها تغمض عينيها بزز عليها شعلات ضو و مشاو بيها عينيها فوق السرير و جملة وحدة جات في بالها هي ""شركنا تالفراش"" حسات بدموع تحگنو تاني حبستهم زز مابغاتش تبكي حيث عارفة غادي يجي يلقاها باكية غادي يعاود يسولها و هي ماعندهاش الجهد لي يعاود يهضر او يقول شي كلمة نزلات عينيها و خرجات ن البيت مشات لفاليز جراتها لبيت حطاتها فوق السرير فتحاتها جبدات منها لوازم ديال الحمام خاصة بيها حطتهم على جنب حيدت شال و جلابة بقات بكولون و بودي ديالو هزات في يديها جلابة و شال علقتهم فب بلاكار و رجعت هزات لوازم حمام و دخلات خدات دوش مخفف دارت روتينها ليلي و خرجات لاوية عليها فوطتها نصاصية مشات بخطويتها فالبز جبدت ملابسها داخلية و حطتهم بجنب و خدات كريمها مرطب و جلست تدهن براحة و عينها سارحين و عقلها مشتت تاحست بالباب لبيت تحل بشوية هزات عينيها بزربة لقاتو تيشوف فيها براحة وعينيه فين مشاو غي لعينيها كأنه تيحقق واش باكية تاني سد لباب و تم مقرب ليها بخطوات تقيلة وهي مراقباته و قلبها تيتهز و يتخبط غا بوحدو كل ما تيقرب و هو تيزيد يطلع فوق ديك فوطة غا وصل قدامها و تحنى بكتلتو قفازي مطلع عينيه لعينيها ديريكت هز يديه بعد خصلات على عينيها و شي شوفات تيدير فيها خلاوها تدوخ و تلف تاني هاد قوة احاسيس جاوها مجهدين عليها بزاف ماقدراتش عليهم بالمرة حست بيديه تحطت على جنب فخضها من تحت فوطة لي تيحس بيه سخووون و طايب قرب بشوية تاستقر بوجهو على عنقها الوعي لي يوعى براسو اش تيدير خاينو بالمرة طيفها و ريحتها لي وصلات ليها من دخلة باب هي لي جابتو تالحدا رجليها اما هي بقى ليها غي لبكى تبكي قوة احاسيس لي فيهم خلاو داتها تغزل و هي تتحس بلحيتهو على عنقها شفايفو تحطتو تحت ادنيها نيشان حست بيهم سخااان قبلها ببطئ شديييد مخليها تعوج راسها بكترة حلاوتها طلع لودنيها و نطق بهمس تقيييل
نصير"" كي غبينتك كي فرحك معاك و عمرني نفوتك
مغمضة عينيها بهمسته و زادت كزرت عليها بجملتو لي تنطقت لي حست بيها من قلبو ماشي فمو حسات بيه تقابل مع ملامحها و هي تفتح عينيها بشوية تاجات عينيها وسط بحر عينيه لي تيخليوها تايهة في ماجو غمضات عينيها بمجرد ماحست بقربه لي استقر بشفايفو على شفايفها بحنية بالاخص شفاه تحتية لي كانت تترعد قدامو بشكل فضيع خشاها وسط شفايفو مصها بشوييية و بعد عليها بفجوة صغيييرة و نطق بهمس اكتر تقالة
نصير"" يلا شفتي مني فالطة ، نصلحها
جملتو بقات تردد في مسامعها بجههد واخة نطقها بشوية تتحس بيه عارف اش بيها و لا فهمها قبل مايعرف ، كلامو كلو تيبغي يبين ليها بلي كلام لي تسمع ماشي صحيح حلات عينيها بشوية لقاتو مراقبها تاني بقات مراقباه من عين اليمنى و تتحول للعين لليسرى بهدوء تالفة بهاد كترة كلام و الاعتدار لي تتشوف منو و هاد الخاطر لي تيدير معاها تيحاول يفرحها و كمل عليها بانه تيحاول و يجاهد باش يفهمها و يعرف اش واقع معاها تبسمت نزلت عينيها و علودت طلعتهم فيه و نطقت بشوية
سناء"" علاش تتقول هاد هضرة
نصير""( بهمس) حطيتك على سميتي ، نكوي قلبي و مانشوفش حالتك هاكة
سناء""( زيرت على يديها بجهد قتلها و دفنها بهاد الحنية نطقت بشوية و هي عينيها عليه) نصير
نصير""( مقاطعها بهدوء تيدوز يديه على فخضها بحنية ) لبسي عليك و خرجي تاكلي باش تنعسي ترتاحي
قال كلامو و ناض من قدامها توججه للبلاكار هز فوطة و دخل لدوش مخليها اتحماق بكترة افكار تلفها و شطن بالها شدت على راسها بين يديها تتفكر كيف اتصرف معاه بضبط باغة تبعد و تعطي مسافة تاتعرف بضبط اش كاين و باغة قربو ليها ساطت بجهد و ناضت لبسات دوك دوبياس و لبست فوقهم بيجامة ساتان في الابيض و فيها وريدات المارو جاتها مزيرة مشات قدام مرايا دهنات وجهها بالكريم الليلي هزات يديها تتجمع شعرها سمعت باب الحمام تحل و جاتها ريحتو وسط نيفها خلاتهاا تاتي تدوخ و تلف بقات تتجمع في داك شعر و لاهو بغى يتجمع و هي عينيها عليه من مرايا لي واقف وراها بصدرو تيقطر و شعرو حاجة اخرى بقات شافتو هز يديه و حطها على يديها و نزلها و طاح شعرها معاها زاد قرب لعندها و نطق بشوية
نصير"" خليه
نزلت يديها تاهي بزربة تتكرز عليها كريز عينيها تيطلعو و يتزلو فيه ماتنكرش جسمو عاد قدرات تتمعن فيه و داك شعر صدرو تلفها اما شعرو لي طايح على جبهتو و هو تيقطر على وجهو خلاوها تسهى و ماكرهتش يديها تمشي ليه نزلات عينيها لعينيه لي مراقبينها باحكام حست بيه تيقرب و هي دور دغيا حطات يديها بزوج وراها شادة بيهم وصل تاولا يطل عليها و هي هازة راسها ليه تاحست بقطرة نزلت على نيفها خلاتها تغمض عينيها برزبة و تفتحها حست بيديه مشات ليديها تتهز بشوية تاتحطت على شعرو ديريكت حلات عينيها بصدمة واش تالهاد درجة تيفهمها و يقرى اش تيدور في بالها متلفها و زاد كمل عليها يديها تحطت عليه اه لكن الوعي فين مشا يد على شعرو و اليد تحطت على صدرو مشعر تاحست بشفايفو ملتاهمين شفايفها حكمها من رقبتها و خصرها مامخليها فين تتحرك تيعيا ما يجمد راسو لكن كل مايشوف شفايفها تيبغي يتحسسهم و يسرط ريقهم
لي من نهار داقهم و مداقهم محلي فمو هو ماواعيش و هي اكتر منو هاد قبلات تيبنجوها و يرفعوها للسماء شحال الوقت ولا امتى يسالو ماعرفوش لاهو قدر يبعد و لي هي قدرات تبعد ولو غي هو لي تيقبل هي غا حاطة شفايفها مخلية ليه هو يتفنن في بوستو كيف بغى نساها تا شكون هي عطى لكل شفة حقها من قبلات و ختمها بالسان لي تمص تاحست بيه غا ينصل عاد بعد مخلي ليها فين تنفس عاود قرب معوج راسو طبع قبلة سطحية من جنب شفاه و رجع عوج راسو للجنب شفاه جهة لاخرى طبع عليها و بعد متوجه لبلاكار باش يجبد حوايجو مخليها اتحمااق بقربو و اتحماق بهاد كترة لخبطة لي هي فيها بقات واقفة حاضياه تاشافتو حل لفوطة و هي تحل عينيها على جهدهم مجرد ماتستوعب تانزل لفوطة و عينيها مشاو ديريكت لخيرو ماهي ثانية و لا ربع ثانية تاكانت طارت من لبيت مخلياه تيتبسم على ردة فعلها لبس علي بوكسر و شورط قصير مسح شعرو و خرج هكاك مبدر لقاها جالسة في سيجور شادة على حناكها بزوج زادت ابتسامتو و مشى الكوزينة جاب ساشي لي فيها العشاء و مشى ريح جنبها و حط داكشي قدامها
نصير""( تحنى متبث مرافق على ركتبه و يد لاخرى جرتها تالصقت مع جنبو و نزل براسو تيطل عليها بصوت منخفض ) نتعشاو اعسيلة
صبح الصباح تتفتح عينيها بشوية و داك العيا و المرض خلى داتها كلها مرخية دورت عينيها في بلاصتو لقاتها خااوية مدت يديها لتلفون شافت ساعة لقات وقت معطل يعني غايكون في خدمتو ناضت تتماصي بيديها على نواضرها بتعب رمات رجليها عاد بدات توعى لابسة حوايج اخرين من غير لي كانت لابسة بدات تفكر عضت عل شنوفتها بخجل مشات للحمام دارت روتينها صباحي و خرجت بخطوات تقيلة لكوزينة لقاتو موجد ليها بلاطو محطوط فوق طبلة مغطيه بسربيتة هزات عليه و تبسمت لقاتو موجد ليها العصير الليمون و صوب شوفان هزات داك صوب دارتها تسخن و مشات هزات تلفونها لي لقات ميساج منو واصلها بشي 2 دقايق في الواتساب فتحاتو و قلبها يرفرف بجههد
••من تفيقي فطري مزيان و ماتنسايش دواك حبيبي ••
بالفرحة و الحب لي حسات بيه عنقات داك تلفون بقوتها و البسمة مزينة شفايفها دخلات سجلات اوديو بصوتها انثوي
{ماتشطنش ليا حبيبي ديالي انا مزيانة }
صيفطاتو و لاحت داك التلفون قلبها تيضرب بجهههد و حنيكاتها اكتسو باللون الاحمر مشات خرجات لكوزينة تتبسم عاضة على شنوفتها
اما هو كان جالس فوق كرسيه داير رجل على رجل تيتحرك يمين شمال بداك كرسي ببطئ مركز مع ضوسيه و معاه دراري ديالو تاسمع رسالتها لي كان تيتسنى و بالو غي معاها من ناض من حداها و بالو مشطون سمع داك رسالة بانت ليه صورتها مزينة شاشة هز عينيه بتقالة على دراري لي معاه لقاهم مركزين مع خدمتهم
نوح""( حنحن ببحة خشنة تاحس بيهم انتابهو ليه و حرك حاجبه ) تقدرو تخرجو دابة
قال كلامه و ناضو في ساع عطاوه تحية و خرجو بقى بعينيه عليهم تا تسد لباب و تحنى بعينيه لرسالة و فتح داك اوديو مقرب تلفون لعندو و حواجبه مكشرة تيتسنى اش تقول حتى حس بداك حواجب تيترخفو شوية بشوية غمض عينيه صوتها واش دار ليه اما ديك حبيبي ديالي خلاص خلات يكرز على فكو بجههد تيماصي بيديه على جبينه
تيسمع و يعاود و يركز على لكنتها واش مازال مضرورة واش بصح خفف عليها المرض و لا
دوز مكالمة ديك ساعة باش يزيد يتأكد بقى تيساينها تجاوب تاتقطع راسو
اما هي كانت جالسة تتقرقب بداك زلافة و معلقة ماسمعتش تاهزت كاس عصير تتشرب عاد سمعت تلفون ناضت دغيا بجرا مشات هزاتو و تبسمت جاوبت بصوت منخفض
نوارة""( مكمشة حاجبها) نووح
نوح""( بهدوء و بلكنة خشنة) حبيبي ديالي
نوارة""(عضت على فمها متبسمة بخجل ) لاباس
نوح""( تكى براسو و تيضرب بستيلو على بيرو بضربات بطيئة ) نتي ، كي بقيتي
نوارة""( عبست ملامحها خفضت صوتها) اا نووح لبارح كنت نموت طلعات لي سخاانة غيبت واقيلة ياك
نوح""( تبسم بجنب على كلامها و نطق) غيبتي
نوارة""( حلات عينيها ) اويلاي كاع ياكما بديت نهتر عليك
نوح""( عض على شنوفتو حابس ابتسامتو ) دابة مزيانة حلقك مزال مجروح
نوارة"" لا لا مزيانة غي حاسة براسي فاشلة مدكدكة
نوح"" ( بهدوء) فطري و رجعي تكاي رتاحي
نوارة"" واخة
نوح"" محتاجة شي حاجة نجيبها ليك
نوارة""( بغنج) بغيت شكلاط مر و حلوة الكوك اوو طارط الحامض
نوح""( تيسمع و تيكمش على حاجبو شافها سكتت و نطق ) صافي غي هادشي
نوارة"" اممم باقة حاجة
نوح"" ( تبسم بجنب ناطق بصوت قليل ) شنو مزال مشهية
نوارة"" نتا
نوح""( عض على فكه و نطق بداك صوت التخين بهدوء) مشهياني انا
نوارة""( عااد وعات بلسانها اش خرج وجها حمرررررر غايطرطق تضرب على فخاضها ) ا لا بغيت نقول غي تجي نتا و صافي غ غي هادشي صافي ماتجيب والو نسى
نوح""( حط يديه على دقنه حابس ابتسامتو نطق بهدوووووء تااام ) تا انا مشهيك احبيبي
بعد عشاها لول معاه وسط دارها لجديدة دازت بهدوء ماحاولش يهضر معاها مخليها على خاطرها كملو عشاهم و ناضو نعسو عادي هي مخربقة مع مخها و هو مخربقاه غي هي
طلع صباحهم اللول في وسط البيت كانت اول ماتفتح عينيها حلاتهم على صدرو لي مخشية وسطو و ريحتو معششة فيها الداخل طلعات عينيها بشوية لملامحه لقاتو مزال ناعس بعدت بشوية عليه ناضت من جنبو بشوية مراعية باش مايفيقش دخلات لحمام دارت روتينها صباحي توضات و خرجات جات عينيها عليه مشتت بضخامتو على كرشو بقات تتشوف فيه مدة عاد مشات هزات عبايتها و خرجات للصالون صلاة صلاتها و توجهت لكوزينة وجدت الفطور لي يتوجد لي ديجا جابو معاهم كولشي من عند نجاة وجدت طبيلة على برا تاحست بالباب البيت تحل ماقدرتش تدور تشوف بقات تتقاد في ديك طبلة واخة مافيها مايتقاد صغر عينيه طلوع نزول فيها قرب بشوية تاجا وراها حط يديه على كرشها و زدحها معاه بشوية حط شفايفو على جنب فمها
نصير""( بصوت مدعدع بالنعاس) صباح الخير
سناء""( دورت عينيها ليه و تبسمت ) صباح النور
نصير""( حرك راسو و بعد عليها جر كرسي و جلس و عينيه عليها) مزيانة
سناء""( منزلة عينيها حركت راسها و جلسات تاهي قبالتو مبعدة عليه) الحمد لله لاباس
مراقبها بشوية تنهدد بجهد نزل عينيه جر كاسو تيرشف منو هي هزات حلوة تتعض فيها و قلبها يتخبط غابحدو هزات عينيها بشوية لقاتو منزل عينيه عليها تيدور داك كاس في يديه
سناء""( نطقت بشوية) ماتفطرش
نصير""( حرك راسو بالنفي و هز كاسو و ناض ) فطري نتي
توجه لبالكو مخليها مراقباه تتعض على فمها فهمات بلي بدا يطلع لي هادشي في راس و غادي يجبد معاها موضوع تاني حطات ديك حلوة من يديها و ربعت يديها فوق طبلة دمعتها على طرف جفونها
هو كمى داك كارو و زاد كارو اخور تيحس براسو مزير و كملت عليه بهاد الصباح و بدا يتنيرفى لكن ماباغيش يبدا عليها من صباحهم لول دخل لبس عليه حوايجو هز كويرتو في يديه و خرج لقاها مزال جالسة وقف جنبها
نصير"" يلا محتاجة شي حاجة خلي ليا ميساج
سناء""( غاشافتو لبس و ريحتو سابقاه و قلبها بدا يتزير تطلع و تنزل و حاجة وحدة جات في بالها ) فين غادي
نصير""( بهدوء) الخدمة
سناء"" قلتي لي عطاوك 3 ايام راحة
نصير""( لبس جاكيطتو و قرب عندها) غادي عند نوح و نرجع
سناء""( حركت راسها و افكارها لاعبة عليها العشرة ) واخة
ناضت هزات صينية و مشات لكوزينة مخلياه تيعض على فكو تاكان يهضر و عض على لسانو بزز و قلب دورتو لباب خرج غي سمعاتو تسد و هي تطلق عنان لدموعها جلسات على كرسي مسندة يديها على راسها و في بالها غي هي و هضرتها دخلت ليها الشك بالمعقول واش بصح غادي عند نوح ولا غادي عندها
اما هو غي خرج مع باب ونزل متوجه ديريكت لطوموبيلتو بصح بغى غي يخرج حيث من لول كاتم عصيبتو بزز عليه هادشي بدا يطلع ليه في راس كسيرا و قصد نوح ديريكت يشوف اش باغيه واخة شك في اش بغاه طريق كلها و هو غاتيفكر وصل الكوميسارية و طلع بخطواتو تيدوز و تحية تتعطاه من دراري وصل لبيرو نوح دق و فتح الباب ودخل
نوح""( طفى كارو و نطق دخان خارج من فمو ) اش تدير هنا نتا
نصير""( سلم عليه بسلامه معهود و ريح راد راسو لور ) قلتي بغيتي تهضر معايا انا جيت
نوح""( شبك صباعو و حط يديه على بيرو ) امم ( بقى تيشوف مدة عاد كمل كلامو )شنو كاين
نصير"( ساط بجهد) ماعرفتش اصحبي ماعرفتش
نوح""( عقد حجبانه) شكون يعرف انا
نصير""( شاف فيه ) مابغاتش تهضر عيت نسول
نوح"" ماشي منك اذن
نصير"" مني مني ولكن اش درت ماعرفتش
نوح"" خليها تا ترتاح عاد هضر معاها بشوية تعرف
نصير"" ( جبد كارو شعلو تيماصي بطراف صباعو ) حق رب يلا راسي تنحس بيه تيتشق بكترة تفكير ، كنا مزيانن تادخلت عليها ليقتها تتبكي ماعرفتش واش مني ولا من شي حد من دارنا سمعت شي حاجة ليلة عرس هادي لي مابغاتش تدوز ليا
نوح"" ( بقى تيشوف فيه ) منك ؟؟ متأكد مادرتي ليها والو
نصير"" ( عينيه ولا حمريييين)كون غا درت نعرف بعدا هي سادة عليا و عاطياها لبكى هادشي لي تيقتلني
نوح"" شد غا لسانك و عطيها وقت محدد
نصير"" ( بخ من فمو و نيفو دخان و نطق و عينيه مشربنين قدامو ) همي نعرف شكون لي غبنها ليا
جمعت الكوزينة طرفت الدار واخة كولشي مقاد هو هداك لكن دارت يديها على لي بان ليها و جلست في سيجور متكية براسها على يديها و عينيها و عقلها فين سارحين تاسمعت تلفون تيصوني قلبها تهز تيسحب ليها هو لكن كانت نوارة لي تتصوني ابيل فيديو جاوبتها فين الحين
سناء""( تبسمت) صحيبة
نوارة""( لي بدورها كانت متكية فوق سرير مغطية صوتها مبحوح) على سلامتك ابنتي كون ماصونيتش ليك ماتعيطيش
سناء""( صغرت عينيها) مال صوتك واش مريضة
نوارة""( طلعت حاجبها) انا بعدا عرفتي اش عندي بلاما نقول
سناء""( دورت راسها و عاودت شافت فيها) نوارة راه مك
نوارة"" بلاما تبقاي تخراي عليا تما عارفة بيك شي حاجة
سناء"" ( متفادية تكمل معاها) كي بقيتي نتي شوية
نوارة""( بالالحاح) غير يفوتني الحال و انا عندك شووفي راه مادوزيهاش عليا
سناء""(حركت راسها) واخة
نوارة"" فين نصير
سناء""( تنهدت) قالي ايمشي عند نوح
نوارة"" امم ( كح كح ) نخليك نعس شوية
سناء"" واخة خودي شي دوا ياكما شداتك حالة لي مولفة تجيك الصكعة مرضك شحال صعيب
نوارة"" واايه بحال ديما دابة راه شداتني رجفة تاني
سناء"" ( بخوف) ياكما نجي عندك
نوارة"" خليك مرتاحة نوح شوية غادي يجي
سناء"" اممم مابقيتيش محتاجة ليا
نوارة" لا الحبيبة عندك راجلك شوية و يجي مابقيتيش ديال راسك
سناء"" (تبسمت) يالخوينزة تجري عليا غالقايني تنحشم من نسيبي كون راني حدا راسك
نوارة""( ضحكت) غي يفوتني لحال تلقايني عند ملتك نشوفو مالك
سناء"" واخة بسلامة تاتجي تاتجي
قطعات معاها و مشات ردات غدا و جلست تتگرض في شلاضة سمعت ساروت في باب عضت على فمها و حسووو و ريحتو اش دايرة فيها خطواتو تيقربو و هي تتزيد تدهشر تاحس بجرة كرسي جنبها
نصير""( متفادي يحك عليها نطق بهدوء ) مزيانة ؟؟
سناء""( مركزة مع الخيارة تتنقي فيها) مزيانة الحمد لله
نصير""( بقى تيدور في عينيه على ملامحها و ينزل ليديها لي تيترعدو قرب بكرسيه لعندها شد من عندها داك خيار و موس حطهم و شد يديها مدورها لعندو بشوية نطق بتقالة ) علاش محنة راسك
سناء"" مادرت والو الغدا اصلا طايب و و قلت ندير شوية شلاضة
نصير""( جر كرسي تاتخشات بكرسيها وسط رجليه لي مفرقها ) بحالا قويتي عليا لا
سناء""( تترمش بزربة شواربها تيترعدو هزات عويناتها بشوية فيه لقاتو راخي عينيه فيها بشكل دوخها نطقت بشوية ) ش شنو قويت
نصير"" ( تيدوز ابهامو على الحنة لي مزينة صبيعاتها و عينيه على عينيها ) البعاد اسناء البعاد
سناء"" م مامبعداش
نصير"" ( تبسم نطق ) غادي نزيد نزطمها و نصبر عليك عرفتي علاش
سناء""(تدور عينيها على عينيه من يمنى لليسرى تتسناه يكمل كلامو ) الصمت
نصير""( جاب يديها لشفايفو مقرب نطق عليها) حيث باغيك نتي تهضري مابغيش ندير شي حاجة لي نبزز عليك بيها ( زاد خفض صوتو )باغي راحتك معايا رانا شركنا حياة وحدة و دم واحد اسناء
سناء""( نزلت عينيها حابسة دموعها ماعرفاش كيف تصرف مع هاد حنية كاملة لي تتشوف منو ) الصمت
نصير""( جرها لحضنو محاوطها بقوتو ) كلاني تخمام في حالتك ، نصبر راسي واخة مامولفش بيه ، نعض على لساني واخة ماشي ديالي على قبلك راني نكابر في الصبر باش نعطيك وقت تانتي
قطعات مع سناء ناضت جبدات مانطة اخرى دارتها عليها و تكمشت شربات دوا زادت تكات مكمشة و حالتها كلها تترجف و تزيد و عاودت طلعات ليها تا السخانة حنيكات تزنكو تاني و شواربها يترعدو بدات كتنين بصوت تقيل و هي مكمشة مابان ليها غي البكى تبدا تبكي ماشي من حريق او مرض غا هاكاك من تتمرض تبدا تبكي بالخصوص يلا سولها شي حد و قالها مالكي سمعت الباب تسد و هي تخرج راسها من مانطة حاضية الباب البيت تاتحل و هي تگعد بشوية ، غي بانت ليه و جا بخطوات مزروبة عينيه غادين ياكلوها بالفحيص قرب بخطوات مزروبة تحنى عندها بيديه تيقلب فيها باللهفة
نوح""( بالخوف) مالك احبيبي
نوارة""( شدت في يديه و بدات تبكي ) الصمت
نوح""(زادت عليه من سمع شهقاتها ريح جنبها و هي تدور يديها على على كرشو تيدوز يديه على شعرها) شش انا معاك الروح انا معاك
نوارة""(هزات عينيها فيه ) نووح
نوح""( مسح على جفونها نطق بهمس) خديتي دواء
نوارة"" خديتو خديتو( رجعات تكات براسها على صدرو ) ماتشطنش غي من تنمرض تيوليو دموعي على سبة
نوح""( طل عليها تيدوز يديه على شعرها) دموعك على سبة البكاية !!
نوارة"" ( دلات شنوفتها )تضحك عليا
نوح""( دوز ابهامو على شنوفتها) خلتي بالي في شطنة
نوارة""( تبسمت ودوك حنيكات حمرين ) تتحبني الشاف
نوح""( تبسم نزل بشفايفو نيفها باسها و نطق ) ش بان ليك
نوارة""( زيرت عليه تتمخشش) فين طارت لي قلت ليك
نوح""حطيتها في ثلاجة يفوتك الحال و كوليها
نوارة""( هزات عينيها و تبسمت) الله يخليك ليا ، ماتبقاش معايا !!
نوح""(قرب بشفايفو لشفايفها قبلللها بجهههد و بعد بفجوة ) جيت نطل على حبيبي و نرجع
نوارة""( ناضت و زادت طلعات فوق فخاضو تتزيد تتخشى فيه و تمخشش كيف بنية صغيرة بكتلتها كاملة خاشية شفايفها في عنقو نطقت بخفوت و ديك سخانة لاعبة عليها ) خليك معايا حبيبي
نوح""( دور يد على فخضها جامعها لعندو و يد لاخرى على خصرها نطق بحنية ) راني معاك معاك
بقى محاوطها بيديه خاشيها وسط جسمو شفايفو ماحابسينش تيطبعو قبلات على شعرها تاحس بيها ثبثت من رجفة و تنفسها انتظم على عنقو نزل براسو تيطل عليها لقاها نعسات مال بيها فوق سرير بشووووية قادها في بلاصتها وًهي مزال قابطة على جاكيطتو شد يديها جابها لشفايفو تيقبل فيها تاحس بيها ترخات تاني و حطها بشوية غطاها و قرب باس على جبينها ونزل بشفايفو لودنيها
نوح""( نطق بهمس قليل ) عشقان فيك الروح
بعد مرور 7 ايام
خارجة من الكوزينة هازة كويس لعصير لاوية عليها فوطة وجها اصفر من المرض لي دبلها توجهت للطبلة حطاتو و جلست العيا المرض مبين فيها بزايد تحل لباب دورت عينيها تبسمت من بان ليها داخل بكتلته بادلها ابتسامة و عينيه مراقبتها بشطنة على حالتها
نوح"" السلام عليكم( جلس على طرف الطبلة باس على شعرها ) مزيانة ليوم
نوارة""( دورت يديها عليه ) بيخير حبيبي احسن من قبل
نوح""( هز دقنها و تحنى معوج راسو طبع قبلة على ثغرها بحنية) خرجتييها مني
نوارة""( تبسمت ) تخلعتي عليا
نوح"" ( تبسم و نطق بحنية ) علامن بغيتي نتخلع
نوارة"" ( حطات راسها على صدرو )محنتك معايا هاد ليامات ترجع من خدمة مهدود و تنزيدك لا غدا لا عشاء سمحليا حبيبي
نوح""( تبسم تيدوز يديه على شعرها) هادشي كامل ندوزوه ( قرب بشفايفه لكتفها لعاري و نطق ) حلاوتك لي مانصبرش بلا بيها
نوارة""( حلات عينيها و حنيكاتها زادو في احمرار ) الصمت
نوح""( حط يديه على دقنها و هز راسها لعندو مراقب شفايفها لي كارزة عليهم بسنانها بخجل نطق بهمس على خدها ) توحشتك بزايد
تبسمت مخليا عينها متبتة على هاد كتلة الرجولة لي قدامها و كيف عشقان فيها
نوارة"" نمشي نلبس ياك ب باش توصلني
نوح""( صغر عينيه بنصف ابتسامة) تريگلي عليا
نوارة"" ( بخجل منزلة عينيها) ت تا نرجعو و ( هزات عينيها فيه و عاودت نزلتهم) زعمة ( وجهها ايطرطق) و
نوح""( عض على شفايفه متبسم على حالتها و هي حشمانة تالهاد درجة بقى ساكت تيتصنت ليها ) الصمت
نوارة""( سكتت هزات عينيها فيه و تبسمت ) صافي
نوح"" ( نطق بصوت هادئ زايد بخجلها) ما قلتي تاجملة مفيدة
نوارة""( دورت وجهها مبعدة عينيها تتبسم حاطة يديها على فمها) نووح
نوح""( تبسم دور ليها راسها لعندو قرص على دقنها بشوية و حرك راسو ) لبسي عليك نتسيرو لبسي
وقفات بزربة كانت طايبة عليها قربت لعندو باست جنب شفايفو بشوية و مشات تتزرب مخلياه معوج راسو متبعها وداك الجسم لي فاتن عقلو تيتمايل قدامو عض على فمو تيتبسم نزل بعينيه على كاس العصير ل باقي محطوط جنبو هزو و تبعها بخطواتو المتقلة لقاها تتنشف شعرها قرب منها تاجا وراها تبسمت ليه مد ليها الكاس بيد و اليد لاخرى شدات عليها سشوار نعت بعينيه باش تشربو شداتو بدات تشرب و هو تينشف ليها شعرها هو مركز مع شغلو و هي مركزة معاه و غاتحماق على هاد الشخص وحنيتو لي غي مازايدة عليها هز عينيه فيها لقاها ملامحها متبسمة دار سشوار وراه و تحنى لخدها طبع قبلة عليه و نطق بهمس قليل متقققل
نوح"" والله نبغيك
اما عند سناء كانت تتوجد في كسكروط وعقلها غايب و قلبها مزير ايامها لولى الزواج دازت قاصحة و بالاخص من عندها نصير يقرب و هي تبعد مازال ماعاودت ليه و مااعطاتو راس الخيط من لي وقع دوز معاها ثليام بالخاطر و مسايسها رجع الخدمة ديالو يرجع ترحب بيه عادي لكن البعد تيحس بيها بعيييدة و بزاف هادشي بدا ينيرفيه يومين لاخيرة لاحضت عصبيتو واخة تيحاول يكتمها و مايبنهاش لكن كلشي مبين في عينيه و حتى سكاتو لاحضت مابقاش تيهضرها كيف كان هادشي كمل ليها باغاه يهضر و هي تتبعد كي دارت ليها الله اعلم قررت تواجهو و تعاود ليه اش وقع بتفصيل منها تفهم واش هضرة صحيحة و منها تشوف واش تكمل في هاد خطوة و لا تبعد و تخليه يكمل حياتو مع لي بغى ، وجدت كولشي تتسنى غي يجي و يجيب سخرة لي خلات ليه ميساج يجيب معاه الحليب لي كان تسالا مشات الطبلة السيجور تتقاد طبيسلات الفواكه الجافة سمعت ساروت الباب هزات عينيها بزربة بان ليها داخل على عكس العادة كان اول ما كيدخل تيقلب عليها بعينه لكن هاد مرة دخلتو كانو عينيه مع الباب لي سدو بشوية عاد توجه ليها تقرب عاد هز عينيه حمرررررة فيها
نصير""( بصوت مدعدع) السلام عليكم
سناء""( تبسمت قربت شدات من عندو ساشي ) و عليكم السلام على سلامتك
شاف فيها و تفادى يهضر حرك راسو و توجه لبيت بقات مراقباه غادي تاتسد لباب نزلت عينيها حابسة دمعتها و توجهت لكوزينة فيضت داك الحليب و قادت القهوة كولشي في بلاطو خرجاتو لطبلة جمعات يديها تتفرك فيها و هي حاضية باب لبيت ماعرفت مادير شافت تاعيات رمات خطوة متوجهة لعندو فتحات لباب بشوية بان ليها جالس في فوطوي و الدنيا كلها دخاخن و ريحة گارو جابت ليها الخنقة لدرجة ماتوضحتش ليها رؤية بقات تنش بي يديها مشات نيشان حلات ريدو و باب بالكو دورت عينيها عاد بان ليها مزيان مدد برجليه فوق طبلة راد راسو للوور و عينيه في سقف حس بطيفها قدامو و كعد راسو بشويية شاف فيها ديريكت في عينيها و نطق بصوت اجش بداك كترة كارو لي سف
نصير"" جاو؟
سناء""(حركت راسها بنفي و مراقبة عينيه ولونهم كيف مخلط ) مزال
قربت بشوية تتفرك يديها مرة مرة تتنش بيديها على ريحة صغر عينيه فيها و نطق تاني
نصير"" سيري خرجي في حالك ( حرك عينيه) بين ما مشا هادشي
سناء""( دغيا جلسات جنبو تاتقاست مع فخاضو نطقت بصوت غالباه بكية) نصير
نصير""( مراقبها بعينين مرخييية و ديك حمورية زادت من نطقت اسمو تالهاد درجة احاسيسو قوين من جيهتها ) الصمت
سناء""( حطات يديها تترعد على فخضو نطقت بشوية ) بغيت نهضر معاك
نصير""( مراقبها طلوع نزول على ملامحها باغيها تهضر و تمشي على وعدها ) الصمت
زادت كحزت تاتلاصقت مع جسمو نزلت عينيها و عاودت طلعاتهم فيه لكن قاطعها تلفون لي تيصوني في جيبو حيدت يديها من على فخضو جبد تلفون و جاوب ديريكت و عينيه متلفها عليها
نصير"" كاين اصحبي جيت عاد دابة
نطق كلامو و ناض بعد ماقطع معاه و عاود شاف فيها خشى تلفونو في جيب سروال نطق
نصير"" جاو لبسي عليك شي حاجة غطي صدرك
خرج مخليها مراقبته حابسة دموعها مكانش يسحب ليها تآثيرو قوي عليها هاكة مجرد ما تغير تاي تغيرت ولات مقلقة بزايد و بكى على طرف عينيها ناضت بشوية نزلت عينيها على صدرها لي مبين شوية من صدفة لي تحلت سدتها و ناضت رمات عليها تريكو طويل دافي و خرجت متبسمة من شافت صحبتها قدام عينيها
تمشات عندهم متبسمة وصلت مدات يديها لنوح سلمت عليه شافت في نوارة لي بدورها غي شافت فيها حلات يديها عنقتها عاد سلمت عليها عادي و شداتها سناء من دقنها تتفحص فيها بعنين مدبلين
سناء"" كيف بقيتي شوية ليوم بانت فيك مرضة
نوارة""( تبسمت و عنقتها بجنب) بيخير بيخير نتي لاباس سمحي ليا ماجيتش عندك
سناء"" نتي لي سمحي ليا انا لي خاصني نجي عندك نطل عليك و مابغيتيش
تبسمت ليها نوارة و جلست في الحين مشات هي الكوزينة مخلية عينيه متبعاها بكلشي فيها و ديك ضحكة لي تحرم منها من شحال شافت فيه نوارة كيف تيشوف فيها و شافت في نوح نعتت بعينيها
نوارة"" انا نمشي نشوفها
حرك ليها راسو و دار شاف في نصير خبط ليه على ركبتو
نوح"" مزال كيما حال
نصير"" ( محني بمرافقه على ركابيه تيضرب بصباعو على طبلة ) قوات عليا و قويت على راسي بالصبر لي مكانش فيا
نوح""( طبطب عليه ) تحاول نوارة تهضر معاها و نشوفو اش كاين
في الحين صقل و هاد سكوت و الصبر لي ماشي ديالو و مكانش فيه كلو لاحضو فيه نوح استغرب من حال صاحبو
داخل الكوزينة كانت تتقطع في كيك دخلات عليها نوارة وقفت جنبها مسندة على بوطاجي مراقبة عينيها شافت فيها سناء و تبسمت
سناء"" مهلي فيك نسيبي
نوارة"" هادشي ديالك ماشي طول
سناء"" ( مركزة في شنو تدير) نخليو هاد موضوع تالي
نوارة""( شدات من عندها الموس و جرتها للكرسي جلستها بحدة) دابة انسمع دابة
سناء""( عضت على فمها) نخرجو ليهم هادشي ندخلو لداخل و نهضرو
بقات تتشووف فيها ماجاوبتهاش حدها حركت راسها و ناضت ديك ساعة خرجات معاها داكًشي لي وجدات حطوه ليهم من رجعت سناء لكوزينة تكلمت نوارة بصوت منخفض
نوارة""( شافت فيهم) غي كولو نتوما انا نبقى معاها شوية
شافت في نوح و هضرت معاه بعينيه و مشات دخلت الكوزينة شداتها من يديها و دخلتها لبيت و سدات عليهم الباب و مشات هي لولى جلست فوق فوطوي و شافت فيها باش تفهم و تجي تجلس جنبها داكشي لي دارت جلست جنبها و هنا دموع مابغاوش يحبسو ليها شي غصة في قلبها غا مازايدة تخنق فيها قربت منها نوارة و جرتها عندها عنقتها و بقات تبكي تبكي تابرداتو عاد هزات عينيها فيها
نوارة""( مسحت ليها على خدودها بزوج و نطقت بشوية ) تنسمع
سناء""( بصوت مقجوج غالباه تنخصيصة مخلية كلام يتقطع ) لي لة لي طل عت لبيتي عرو سة جات وحدة عن عندي و طعنتي في ق قلبي اصحبتي ف في قلبي
زادت قربت منها نوارة جامعة حجبانها بعدم فهم شدت على دقنها هزات راسها محاولة تقابل مع عينيها مسحت ليها على خدودها و نطقت
نوارة"" شكون اسناء هاد خيتي
سناء"" ( بصوت مخنوق) نصير عندو حبيبتو وكان ناوي يتزوجها هي انوارة انا جيت في طريقهم اختي
نوارة ""( بصدمة ) كيفاش شمن حبيبة و لا زواج
سناء"" كيف سمعتي انا غا جابتني مو طريق باش مايتزوجش لي بغى (حطت يديها على ملامحها ودفعت بشعرها كارزة عليه) انا غا طريق اختي غا طريق هو ماباغيش و ماباغينيش
نوارة""(بقات مدة تتستوعب هاد الهضرة هزت يديها حطتها على يديها حيدتها ليها من فوق راسها و نطقت) هادشي في خبارو هو
سناء"" لا جات عندي البيت ( دموعها تجهدو) تتنعت ليا لفراشي تتقولي هاد فراش شاهد علينا و و ( تغلقت ) وراتني تاتصورتو معري تيبوس فيها راه مايمكنش تكذب عليا مايمكنش
نوارة""( حارت و داخت بزايد ماعرفت ماتقدم ولا توخر حدها شدت على كتافها و جرتها لحضنها مزيرة عليها) ششش تهدني دابة تانشوفوا اش نديرو
سناء" ماعندي ماندير غاتفوت واحد مدة و نخليه ياخد لي بغى خاطرو
نوارة"" دابة نتي سمعتي منها و ماسمعتيش منو هاد خيتي شكون و واش بصح تيبغيو بعضياتهم خاصو تاهو فرصة يعرف مالك
سناء""( مسحت على خدودها و نطقت بالم) لي كاين هو هدا مانقدرش نوقف في طريق زوج باغين بعضياتهم انوارة
نوارة"" ( تدوز يديها على شعرها بحنية باش تهدن) هادشي ماشي ساهل واخة نقولك لي نقول مانقدرش نخفف عليك هاد عافية لي شاعلة ليك في قلبك '،،،لكن حاجة وحدة لي متأكدة منها هو نصير شخص مزيان و حنين فيك و باين بلي باغيك نتي مرتو
سناء""( هزات يديها تتخبطهم على شكل قبطة مع ركابيها و تتبكي بشهقة) واااهادشي لي تيقتلني فيه هادشي لي تيقهرني انوارة مامخلي ليا فين نشك فيه قهرني قهرني هادشي في قلبي اصحبتي قهرني
نوارة""( شدت يديها بزز ودموعها تيتسابقو معاها جرتها لعندها مزيرة عليها ) عفااااك اصحبتي عفااك
سناء""" واختي ليلتي و نهار عرسي تقهرت قهرة ماتبغيهاش لعدوتك
نوارة""( مغمضة عينيها بجههد مخلية دموعها ياخدو راحتهم على حال صحيبتها باست على شعرها ) ششش تهدني دابة
سناء"" كي ندير نمشي عند مي و نشوف فيها اش كنت ندير نهضر معاه ليلة العرس و نفرتك هاد شي من ليلتي.. مي انوارة مي لي مدابزة غي مع مرضها ما تتكمل نهارها تنقول الحمد لله راها بيخير . نجي دابة نقولها ليها ... اختي كي ندير وانا مقهورة هاد قهرة الحارة
نوارة""( تنهدت تنهيدة شدت وجهها بين يديها) تصنتي ليا مزيان غادية تشدي في راسك و هاد موضوع غادين نفهموه مزيان
سناء""( دموعها غا تيتسابقو معاها بشكل دابح) اش نفهمو اختي اش من هادشي كامل بقات فيا غا ميمتي عاد بالها زوجتني و تهنات عليا و انا تقهرت من ساعتي لولى
نوارة""( حطات شفايفها على جبينها ) الله يرضي عليك عفاااااك اسناااء الله يخلي ليك ميمتك و يطول عمرها ماتزيديش تقهري راسك قد ماهو مقهور
سناء""( تبسمت و شواربها تيترعدو بجههد ) كنبغيه اختي كنبغيه كنبغيه امتى و لا كيفاش ماعرفتش بغيتو بحنيتو عليا بغيتو من يواسيني بغيتو من تيبقى يشد فيا و يضحكني من تيشوفني مقلقة و لا تنبكي تنبغي شوفاتو ليا عينيه ، عينيه تيدبحوني ( شافت فيها و تبسمت بقهر) كيدبحوني بحال شي موس حافي
جرتها لعندها مخلياها تخوي قلبها تاوحدة ماتبغي هاد احساس فما بالك بليلة عرسك تطعني بحال هاد طعنة خاشياها وسط صدرها بجهد تدوز يديها على ضهرها بحنية و بالها تيفكر و يخمم واش بصح نصير خرج منو هاد شي كامل واش بصح صحبتها ضحية للزواج غير كامل حست بيها رتاحت شوية و تحنات عندها جلست قفازية شادة وجهها بين يديها و نطقت بحنية
نوارة""( بصوت قليل) حاولي ترخفي نفسك نعرفو اش كاين بضبط عاد نحكمو امم
سناء"" ماتقولي لنوح والو يعني هاد موضوع بغيت نصارحو انا فيه من نرجعو من دوار نهضر معاه
نوارة""( حركت راسها ) واخة ( مسحت ليها على جفونها بحنية ) لي يريحك حبيبتي ، امتى اتمشي
سناء"" ليوم نتعشاو مع مليكة راكي عارفة تقاليد
نوارة"" ( تنهدت ) واخة واخة شدي في راسك و خلي ميمتك في راحة ماتزديش عليها
سناء""( عنقتها حابسة شهقاتها ) على قبلها و على وديتها نتمشى وسط العافية و نقول باردة
نوارة"" ( باست على راسها) الله يدير تاويل الخير ياااربي (طلقت منها و ناضت و نوضتها معاها ) سيري غسلي وجهك دابة و باراك من البكى باش ماتبانش فيك من تمشي عند مليكة
حركت ليها راسها و توجهت للحمام مخلية نوارة مراقباها شادة على قلبها لمضرور من جهة صحيبتها نزلت راسها و توجهت لباب فتحاتو و بان ليها نصير متكي براسو على الحيط مغمض عينيه و گارو وسط صباعو غي سمع باب تحل و هو يهز راسو شاف في نوارة لي تبسمت ليه و قربت جلست جنب نوح لي عينيه مازاگينش من خرجت و هو تيحاول يقراها قرب بشفايفو لعدها و نطق بشوية
نوح"" مزيانة
نوارة""(تبسمت و طبطبت ليه عل ركبته) مزيان الحمد لله
تسمع الباب تحل تاني و ضارت عينيه لعندها بضبط عينيها لي مبينين و بزاااف تنفخو من تحت الجفون و حماااارو بجهههههد بقى جاي بعينيه عليها تاجات جلست جنبو تهز شوية حط مراقفه على ركابيه و معوج براسو لعندها ماخممش و اش يحشمها ولا راه معاه شي حد هز يديه لي فيها كارو و شد على دقنها مدور ملامحها لعينيه و تقابلت عيونهم تاني بقى مدة و هو تيفحص عاد نطق
نصير""" زيدي محني ديل مي زيدي حرري عليا ساعتي معاك
سناء""( شدت يديه و نزلتها بشوية مخلطة عليها قوة احاسيس ) كنا تندويو على مليكة و صافي
نصير ""( نزل براسو لتحت تيحرك راسو ببطئ شديد ) الصمت
نوح""( ناض) نخليوكم الله يوصلكم على خير
نصير""( ناض بدورو ) نهبط معاك لتحت
ناضو خرجو بزوج و نوارة قربت من سناء عنقتها بجههد
نوارة"" بيناتنا تلفون حاولي على راسك و على ميمتك وياااك تبيني ليها شي حاجة
سناء"" واخة اختي سمحي ليا قلبت ليك مورال
نوارة"" انا لي خاصني نقولك سمحي ليا خليتك بوحدك مالقيتي علامن تشكي و لا علامن تخوي قلبك
سناء"" ( تبسمت ) سيري ابنتي عند راجلك تانهضرو من بعد
سلمت عليها عاود و خرجات سدات لباب لقات نوح تيساينها في مقدمة ديال الدروج قربت مد يديه شد عليها و جرها لعندو هزات عينيها في نصير و نطقت
نوارة"" نصير ماتقجرش عليها دوزو هاد مشية من ترجعو اخويا يكون خير لا مادواتش انا غا نعاود ليك اش وقع بتفاصيل لكن نقولك حاجة وحدة اعذررهااااا اعذرهاااا الله يعطيك الستر
قالت ديك الكلام و نزلت راسها تاهو ماحكرش عليها ولكن حاس براسو بحال شي جبل و تيروب شوية بشوية كمية قهر لي حاس بيها دابة جاتو تقييييلة عليه حرك ليها راسو بايجاب تمو هابطين في حالهم و هو بقى متبعهم تا شافهم نزلو و تنهد تهنيدة طوييييلة هاز راسو الفوووق تاحس بقرجوطتو تقجت عليه و صعاب عليه يسرط ريقو تحرك بخطوات للوراء و تم متوجه للدار فتح لباب و دخل و بانت ليه تتجمع الطبلة و يديها تيترعدو قدامو هزات عينيها فيه و تبسمت ابتسامة خافتة و رجعت نزلت عينيها مع شغلها مكملاه مشى ريح متكى بضهرو على ضهر فوطوي مفرق رجليه مخلي كتلته مشتتة و عينيه تتمشي و تجي معاها ماتحرك مانطق كمية الجهد و الصبر لي تحط فيه على قبلها بزاااف هو من نوع لي ماتيصبرش دغيا تتطلع القردة شخص انفعالي بزاف و عصبي بلا قياس فمو خاسر و يديه خاسرة كتر لكن معاها هي بدات غيرت فيه شحال من حاجة كاتم في الصبر فوووق فوووق جهد جهدو على قبلها ساكت و على قبلها عاطيها وقت على قبلها مابغيش يضغط عليها و ضاغط على نفسو ... بقى مدة و هو على نفس حالتو تاحس بيها دخلات لبيت غمض عينيه تيحس بنواضرو ايخرجو عليه الشقيقة دايرة فيه مابغات لكن تفكيرو غي فيها هي نسى شقيقتو و نسى راسو مممدة هو على داك الحال تاحس بخطيواتها و ريحتها مسبوقة دخلات مع قاع نيفو خلاتو يهز راسو بشووووية متقااال قابل عينيه مع قاهرتو وسط همو و وسط مشاكلو تتوقف قدامو تتلف باباه بزينها و بحنيتها و بخجلها بقى تيتأمل مدة فيها كازرة على صويكها بيديها بزوج و داك الخاتم مزين صبيعاتها و جلابة لي جاتها مفتونة فوق جسمها وصل بعينيه لعينيها طووول شوفته تاحس بيها تدهشرت و حناكها اكتسو باللون الاحمر ثاني تتحاول تشتت شوفاتها بشكل خرج ليه العقل .. اما شواربها لي تتعض عليهم بشكل قاصح ماكرهش هو يكون تيتلدد فيهم توحشهم و توحش مداقهم باغي قبلتو تكون ليها طعم ماشابعش منها و من جسمها و من ريقها نزل بعينيه للارض و تگعد شوية و عاود شاف فيها و نطق بشوية
نصير"" واجدة
سناء"" ( حركت راسها بزربة ) ا اه صافي
حرك راسو بتقاالة و ناض بشوية عليه مقرب تالعندها حس بيها تتزيد تكرز على داك صاك و عينيها تيتغمضو و يتفتحو بزربة عقد حاجبه و قرب منزل براسو لعنقها و هنا استنشق ريحتهااا بجهههد مزة لابأس بيها و هو تيشم في عطرها عيونه مغمضة و مزير على قبطة يديه كاتم نفسو و بزز عليه بعد شوية و طلع بعينيه لملامحها مخلي راحة عينيه عليها و زاد تخطاها مخليها تتنفس بزربة شادة على قلبها توحشاتو توحشاتو بزاااف ماكرهتش تاهي تعنقو و تخشى في حضنو و تعاود ليه و تقوليه رانا باغياك و هادشي قهرني بزااف ... لكن غالب عليها الخوف بزاف عقلها و قلبها كل واش كي رايي عليها مرة تتيق كلامها و مرة تتنفرو و تتقول غي كاذبة .....سمعت خطواتو وراها تابان ليها جا قدامها تحنى هز تلفونو و سوارت و دار شاف فيها حرك راسو بمعنى يلاااه ...
فتح باب الشقة دفع لباب و حط يديه على خصرها باش تدخل سبقاتو عاد دخل هو و سد لباب و عينيه مشات معاها منزلة عينيها بغبينة و وجهها معصور منو الدم من طلعت لطوموبيل و هو مراقب تفاصيلها و ملامحها ماهضرش معاها و ماسولهاش عارف ماشي في وقت لي يسولها لدالك خلاها تاتريح شوية تبعها بخطواته تقيلة جلست و جلس جنبها بكتلته يديه مشات لخصرها و جابها قدامو بين رجليه محاوطها بين يديه بزوج
نوح""( نازل بلحيته على خدها ناطق بصوت منخفض) ش كاين حبيبي
نوارة""( ماعرفتش دموع امتى شقو طريقهم بداو يتسرسبو كيف الشتاء زيرت على دراعو لي محاوطاها نطقت بصوت مخنوق) نووح
نوح""( طلع يد لخدها تيمسح ليها ماحملهاش تبكي ) ش كاين انوارة ش كاين
نوارة"" عاودات ليا سناء كولشي
زاد تحنى براسو شد دقنها و قابل ملامحها معاه تيمسح ليها بحنية عينيها قتلوه و شهقاتها دبحوه
نوح"" شنو عاودت ليك
نوارة"" ( هزات عينيها فيه) لكن قالت مانقولش ليك بغات موضوع تهضر فيه هي نيت معاه
نوح""( عقد حاجبه) دار ليها شي حاجة
نوارة""( حركت راسها و دموعها نازلين) لا ياريث كون جات منو
نوح""( زاد عقد حواجبه باستفسار) وشكون
نوارة""(تلفت ماعرفتش واش تنطق ولا لا) ولكن ....
نوح""(مقاطعها) تصنتي ليا بعد مرات تيكون غي سوء تفاهم بسيط و تيخرج على عائلة على قدها ( زاد خفض صوتو تيمسح ليها)عساك صحبتك و صاحبي عارفو مزيان راه العشرة ديال القلب انا وياه يلا كان دار معاها شي حاجة ولا جات منو شي حاجة نعرفها
نوارة""( بتردد) ولكن هي قالت لي ماتق...
نوح""( مقاطعها بهدنى) يلا كان تدخل ديالنا ايجيب الخير ماخصناش نشوفوهم تيضيعو قدامنا
نوارة""( نزلت راسها تدوز يديها على عروق يده لي مشنجة قدامها) ماعرفتش والله تلفت
نوح""( زاد جرها باس على شعرها و نطق بشوية ) خرجي اش عندك احبيبي
نوارة""( دارت بجسمها وسط كتلته و شدات على صدرو مخلية عينيها وسط عينيه و نطقت ) صاحبك كذب عليها .. هو تزوجها غي باش يدير الخاطر لمو ياك ؟؟
يعني كذب عليها و طمعها مخليها تبغيه و هو قلبو مع وحدة اخرى تزوجها باش يسكت مو تزوج بنت ماذنبها والو بغات تأسس حياتها تاهي و تدير وليدات مع الشخص الصحيح لكن هو كاااذب عليها
يلا كان الراجل تيكذب على مرتو في وجهها اش من زواج هدا من لول مبني على الكذوب كيف غادي يكملو و كيف كل نهار يشوف في عينيها و هو عارف راسو كاذب عليها و مخبي عليها اممم
عينيه مركزة تركيز وسط عينيها بدون رمش هي سكتت و صوتها مزال تيزنزن و يتعاود وسط ودنيه تيشوف في عينيها و قلبو تينغز فيه نغيز مجههد ضرو بزااف حس بيها حطات يديها على قلبو ديريكت بحالا فيقاتو من شرود لي هو فيه
نوارة""( نطقت بشوية ) تاوحدة ماتتحمل الكذوب عساك راجلي يكذب عليا
سرط ريقو بزز و هو تيسمع كلامها و عتابها بقى ساااكت و تيشوف تا عاودت فيقاتو
نوارة""( تنهدت بقهرة ) جات ليلة عرسها و هي مزال لابسة ابيض طعنتها و قهرتها بكلامها
نوح""( عقد حاجبه ) شكون هادي
نوارة"( هزات عينيها فيه ) وحدة قالت بلي حبيبتو و ناوين يتزوجو و مو بززاات عليه زواج وقال ليها بلي لي جابتها مي غانتزوجها ندير ليها خاطر
نوح""( عض على فكه و عقلو مشا ليها ديريكت عرفها و عرف علامن تيهضر ) اممم كملي
نوارة""( هزات عينيها فيه) وراتها تاشي تصاور ( نزلت عينيها بخجل ) تيبوسها و في م معري
نوح""( عض على فكوووو بجههههههد على الوقاحة لي وصلت ليها ) ايمااان
نوارة"( هزا عينيها بصدمة) تانتا عاارف و مشارك معاه
نوح""( خنزر فيها) اش مشااارك الله يهديك
نوارة" اها وشنو هادشي باش عرفتيها
نوح""( ساااط بجهههد تيعصر جبهتو و عاود شاف فيهاا ) كانت معاه
نوارة"" ( باستفسار )يعني
نوح""( شاف فيها و نطق ) يعني هو مدوز الوقت و هي مدوزة وقت معاه
نوارة"" ( عقدت حاجبها )كيفاش زعمة مافهمتش
نوح""( عض على فكه كيفاش يشرح ليها) فهميها راسك
نوارة"" يعني مصاحبين
نوح"" ( زفر و عض على شواربو بجههد و نطق ) يهاد البنت فهميها ( غمض عينه و فتحها و نطق ) شاركين فراش سفر خروج كولشي
نوارة""( حطات يديها على فمها وعينيها تفتحو على جهدهم ) يعني كلبة مولفة تت
نوح""( صغر عينيه فيها وحرك راسو بايجاب ) مولفة
نوارة"" ( عضت على فمها) ويلي على كلبة بنت حرام بان ليها غا هو تلصق فيه حمارة لاخرى ( شافت فيه مصغرة عينيها فيه) ياكما
نوح""( حرك راسو ببطئ مخنزر ليها عارفها اتبدا تخربق عليه) ياكما شنووو
نوارة""( سرطت ريقها من تخنزيرتو و هي تصقل عاودت شافت فيه و نطقت ) دابة بلااتي نتا شاهد عليه
نوح"" مانكرش حدرتو من هاد فعايل ما مرة ما زوج خروج و لبنات و تخلاط تنقوله ليه غايخرج عليك ولكن عمرني درت في بالي غادي يتغير تالهاد درجة بصح باغيها مرتو و يكمل معاها حياتو
نوارة"" ( تتكدد في فكها بجهد عينيها حمارو بالاعصاب ) يعني لعبة لعبتها و صدقت معاها خانزة بغات تفرقها عليه و يرجع معاها تاني من فيها دودة تمشي تزوج اش باغة براجل مزوج كلبة خانزة
للحضة سكتت تتوعى اش نطقت نسات راسها اش كانت تتقول و نسات راه معاها بقات تدور في عينيها بزربة وجهاااا رجع حمرررررر حبست من تكداد و هزات عينيها بشووووية مطلعاها تاوصلات لعينيه لقاتو مراقبها بشوفاتو معتادة تبسمت ببلاهة و بغات تنوض من قدامو لقاتو ديجا مدور يديه على كرشها
نوح""( غمز ليها بتقالة ) لفين
نوارة""( سرطت ريقها بزز ) و س سمحليا ماقصدتش نهضر هكاك و س
نوح""( هز حواجبه باش تقرب طلع يديه مع ضهرها تاجابها قدام شفايفو عوج راسو غطس بالسانو ديريكت مع لسانها مصو ليها بجهد تا كرزت عليه من عنقو نطق وسط فمها بشوية ) مرة جاية نكدد ديل مو
عضت على شنوفتها بجهد تا بان دم معصور منهم طلعت عويناتها بخجل لعينيه و دبلتهم فيه
نوارة"" ( نطقت بشوية ) غي ماوعيتش ماقصدتش
نوح""( هز حواجبه بتقالة معوج بشواربو بمعنى تيقتك نطق بصوتو تخين ) نتيقك زعمة !!
نوارة""( هزت كتافتها و نزلت عينيها) اه غا تاخرجت لي ديك هضرة ( هزاات عويناتها فيه ) انا ماتنهضرش هكاااك
نوح""( صغر عينيه و حرك راسو بشوية متقل ) الصمت
نوارة""( بقات تدور في عينيها) ماتيقتينيش
نوح""(حرك راسو بنفي) الصمت
نوارة""( نزلت عينيها و دارت ليها طررن في راسها عرفاتو علاش هضر عاودت طلعت عينيها ليه و تبسمت ) ا ا داك نهار و انا باش تيسحب ليا اتطلق اوديو قدامكم ولا اصلا اتكون معاهم
انتفضت من فوق رجليه و ناضت زعمة بغات تقلب ليه الكفة مشات تتخبط برجليها دخلات لبيت مخلياه مراقبها تيتبسم تيحك على لحيته ناض بتقالة تيحيد ديك جاكيط دخل لقاها تتجبد باش توصل لطبقة فوقية لماريو وقف لتواني عينيه تتهز و تحط في كل نزلة و طلعة منها تمشى اتجاهاه و جبد ليها اش باغا
نوارة""( شدتها من عندو بنترة و بغات تخطاه تاشدها من رقبتها و دورها عندو معوجة براسها بصوت منخفض) احححح ضريتيني
نوح""( تحنى معوج راسو تاستقر بشفايفو على عنقها بقبلة عنييفة خلات صوتها يترفع ) دابة عاد
نوارة""( كمشت على بين حاجبها شادة بلاصتها تتحسسها ) وااانوح اتبقى مطراسية عليا دابة
نوح""( مشات يديه لمؤخرتها وزدحها معاه بجهد ) باغيها نيت
نوارة""( حطات يديها على صدرو تتحل ليه صدفة فوقية و عينيها مطلعاها ليه نطقت ) واه بصح قصحتيني حبيبي
نوح""( بغج ليها على مؤخرتها تاتوهت بحر المها حلو ) سيمانة هادي وانا باغيها فيك
نوارة"" ( تبسمت و زادت حلت صدفة ثانية) وكنت مرييضة
نوح""( مراقبها بهاد حلاوة لي مغطساه فيها ) اناا لي مريض هاد ساعة
ضحكت بصويتها رنان تاردت براسها لور و رجعت شافت فيه علات رجليها تادورت يديها ورا رقبته مخلية عينيه يتنومو و يزيدو رفعها من مؤخرتها و هي تحبسو
نوارة"" بلاتي بلاتي
نوح""( كمش جبينو) شنو لي بلاتي
نوارة"( نزلت عينيها ) تصبر عليا شوية حبيبي
نوح"" ( غادي بيها لسرير خاشي وجهو في عنقها ) اش
نوارة""( حست بيه حطها و هي تهرب دارت عندو لاحت ليه بوسة بطريقة محلونة تتبسم) اتسناني يالكبيدة
مشات هزات ديك صاشي و دخلات لحمام تتبسم مخلياه تيستوعب على هاد زربة لي دارت ليه مشى حيد ديك شوميز و حيد سروال لبس عليه غي شورط و مشى عصر قهيوتو دارها في طويس و رجع لبيت ياخد تلفونو تحنى هزو من فوق كوافوز تاتسمع صوت ترن ترن بشكل بطيييئ و خفيفة كمش على حاجبو و دار بالعرض بطيئ متبع داك صويت دار وصل مكان صوت و عينيه زادو تحلو تاتكشيرة جبينو توضحت دار بجسمه اكمله تيحس بحلقو نشف سرط ريقو تابانت ديك تفاحة ادم بصعوووبة تتطلع و تنزل نزل بعينيه من ملامحها و هو نازل بشويييييية و بشكل بطيئ تاوصل لتحت و بضبط رجليها مصدر الصوت لي فيقو من شرودو وهو داك خلخال مزين رجيلاتها و عاود تم طالع بعينه من فخاضها تاوصل لداك ميني الاسود مخلية لحمها يبري تحتها كانت قصيييييرة مزينة في الجنب بترصاع و تم زايد طالع كريشة معرية دايرة ليها ليها اكسكوار خفييف لاكن تيبان تيبري مع ضو و تم طالع مع لنص تاني لي مضرگ صدرها جا طالع تالعنق تاعو مرصع مع فرقية الصدر و داير جناب وصل لشعرها مطلوق و ملامحها متزينة بشكل مثير مركزة على عويناتها و شفايفها لي دارت ليهم احمر شفاه ناااصع غاحسات بيه وصل لعينيها و هي تبسم ابتسامتها لحلوة ورمات دوك خطوات بالحفى متوجهة لعدو و داك الصوت الخلخال تيضرب ليه في قاع ودنو مخلي مخو و عقلو غادين يحماقو تاوصلت قدامو شدات دراعو بقات غادية معاها تاحيدت ليه داك القهوة و تلفون من يديه و دارت غادية مخلي عينيه يمشيو معاها داتهم للطبلة لي جنب فوطوي حطاتهم و دارت عندو متبسمة و داخلها غادي يطير بالفرحة و هي تتشوف صدمتو اعجابو لي كان واضح وضوووح غا من تسميرة لي تسمر في بلاصتو جلست فوق فوطوي مخلية جسمها و جنابها ياخدو راحتهم و يتشتتو طبطبت على بلاصة جنبها بيدها و نطقت بصوتها منخفض
نوارة"" اجي حبيبي
دازت الطريق كلها سكوووت في سكووت مرة مرة تتسمع بين شهقة و تنهييدة من طرفها قتلها هادشي قتلها ولفت مزاحو معاها ولفت من يكون صايگ يشد يديها ولفت يبقى يشد فيها توحشااتو بزاف وقفت طوموبيل قدام الباب الكبير حيد ساتينغ و نزل فتح داك الباب كلو و تم راجع بديك مشية منزل راسو و عينيه في الارض طلع و عاود كسيرا دخل لداخل بلاصة طوموبيل قدام الدار سكتها و هز عينيه فيها بشوية لقاها ديجا عينيها عليه مطولة بشوفاتها
نصير""( شاف في عينيها مدةة و تم نازل بعينه مع ملامحها بشوووية استقرو عينيه مع شواربها تيقمزو حابسة بكية غمض عينيه بجههههد حيث صبرو بدا يتقادا ولكن مابغيش يعاود يسولها حيث ماشي وقتو عاود شاف فيها ونطق بهدوء عكس عاصفة لي فيه الداخل ) يلا نزلي
نطق ديك الكلمة و نزل كرزت على جلابتها بجهد و عضت على شنوفتها حابسة بكيتها تاشافت مليكة خارجة مع الباب كتمت كلشي في ديك لحضة فتحات الباب و نزلات ترحاب من مليكة لي فاتحة يديها باش تجي لحضنها تمشات بخطوات مزروبة تخشات في حضنها تتبوس على صدرها و كتفها
مليكة"" بنيتي الكبيدة على سلامتكم
سناء""( بعدت و شدات وجهها بين يديها) كي درتي ميمتي شوية
مليكة""( طبطبت عليها و جرتها عندها بجنب ) ماتشطنيش بنيتي لاباس
نصير""( حط شي صيكان قدام الباب و تحنى باس على راسها) كي درتي الواليدة
نجاة""( دوزت على دراعو الضخم بحنية ) الله يرضي عليك وليدي لاباس الحمد لله نتا على الخير
نصير""( حرك راسو بايجاب و شاف في سناء ) الحمد لله الواليدة بيخير
تبسمت ليه و جرت سناء و دخلو بترحاب ليهم دخلو لداخل الصالة و جلسو حيد صباطو و دخل جلس قريب منها
مليكة"" جلسو رتاحو انا نجي
سناء"" خليك امي مرتاحة انا نوض
مليكة"" جلسي حدا راجلك باقة حال فين تنوضي نتي
قالت كلامها و تبسمت بالفرحة و هي تشوف بنتها و راجلها جاين يزوروها خلاتهم كل واحد قلبو عالم بيه غي الله هي ماكرهتش كون جات تاهي مجيتها لولى لدارهم تكون فرحة مبينة على وجها و هو ماكرهش يعرف شكون و شنو سبب لي مخليها وصلات تالهاد الحالة
سناء""( ناضت و شافت فيه نطقت بشوية ) خاصك شي حاجة
اكتفى يحرك راسو ببطئ و مشات هزات صاك و دخلات لبيتها سدت لباب و نزلو دموعها تتشوف في حيوط داك بيت تتبسم و في نفس الوقت دموع هوادين على خدودها سمعت الهضرة برا و انتفضت راسه و مشات حلات صاك جبدات بيجامة دافية لون رمادي لفوقي قصير و سروال على شكل كولون مزير و رمات فوقها بينوارها مخلياه مفتوح طلقات شعرها نشت على وجهها ربما يبرد نارو و خرجات متوجهة عندها لقات نجاة حطات صينية و بعد مقبلات معاها تبسمت ابتسامتها الحلوة و هزات عينيها فيه ل كان غارق تالودنيه تيطلع و ينزل براحة بدوك شوفات محمقينها و لون عينيه مع الظلام ماكرهتش تمشي تغرق وسطهم نزلت عينيها حيث تلفها و تلف ليها مشية جرت مخدة و جلست جنبو و ريحتها خلات عيونه يتنومو دور عينيه بشوية لعندها يعيا يقاوم لكن مجرد ماتوقف جنبو و لا تقرب كيتلف بقى مدة هو جالس يتأمل تا حس بالكاس تحط قدامو خلاتو يفيق دور عينيه لكاس و عاود هز عينيه لمليكة لي كانت مراقباه متبسمة على حالو
مليكة""( بصوت حنون) كول اوليدي مرحبا بيك في داركم
نصير"( تبسم و حرك راسو باحترام ) الله يطول عمرك اميمتي
مليكة""( شافت في سناء) كولي ابنتي درت ليك مسمن لي تيعجبك
سناء""( تبسمت ليها و باست على يديها) الله يعطيك الصحيحة علاش محنة راسك قلت ليك ماديري والو
مليكة"" و نتي اش دخلك انا باغة نوض و نوجد لبنتي و ( شافت في نصير و نطقت ) و نوجد لنسيبي تا انا
نصير""( تبسم على كلامها لحنين و نطق ) راحتك الواليدة هي لي بغينا
مليكة" بسم لله راه هادشي كيف والو ولفنا وليدي نتمرو
بداو ماكلة و تبادلو اطراف الحديث كمل نصير و هز كاس اتاي و خرج لبرا يكمي ناضت سناء جمعت الطبلة و دخلات مع مليكة الكوزينة لقات العشاء مردود و خبز يلا طايب على الفران ديال العواد ريحتو عاطية
مليكة"" خرجي ابنتي لراجلك غاديك تجاكيطة راه البرد
سناء"" ( تتشم في داك ريحة الدخان لي خارجة من لخبز ) ريحتو مزيناتها ميمتي
مليكة"" ( صغرت عينيها) معاك داوية ابنيتي
شافت فيها باست من حنكها و قسمت طريف الخبز و خرجات هزات جاكيط منين معلقة و خرجات لبرا لقاتو متكي على طرف الصور لي ضاير على الباب و تينتر من سيجارتو قربت بخطيواتها تاوقفت قدامو
سناء""( هزات عينيها فيه و نطقت بصوت قليل ) كاين البرد جبت لك ( مدتها ليه ) جاكيط ديالك
بخ من فمو بشكل مطوووول مفيكسي عينيه وسط عويناتها مد يديه لكن ماشي لجاكيط لدراعها و جرها بشويييييية تاتزدحت مع صدرو منزل براسو قدام ملامحها و عويناتها كيفاش تيشوفو فيه
نصير""( نطق بفحيح حتى انفاسو مختلطة مع ريحة الكارو ضربت عليها ) محنتي ديلمو هاد الگلب
يتبع...
التعليقات
لا توجد تعليقات بعد، كن أول من يعلق.