محتوى القصة
تحنات قفازية حاطة يديها على طرف السرير مسندة عليه مراقبته و هو ناعس تتبسم و بالاخص حاضية شفارو قربت تتحنزز فيهم كبار ومشفرين هزات يديها حطاتها على لحيته خشنة تدوز بشوية بيديتها تاحسات بقبلة عليهم و عيونه مزال مغمضة حطات يديها على فمها تضحك بصوت منخفض حل عينيه شوية
نوح""( صوت مدعدع) تتحرشي بيا امدام
نوارة""( ضحكت تدوز يديها على صدره العاري) شنو بان ليك
نوح""( جرها بخفة جات فوق صدره طبع قبلة جنب فمها و نطق بداك صوت صباحي) مزينو الصباح
نوارة""( تبسمت و تتفك راسها منه) نوض نوض تفطر باش تشرب دواك
نوح""( غي بيد وحدة حاكمها مامخليها فين تزيد ) ماباغيش داك دوا ( تبسم ابتسامة ماكرة مع غمزة متااااقلة ) دوايا تمااا ( منعت لجسمها) جا معايا بزايد
نوارة""( تزنكت حالة فمها في زعامتو) اويلي على راجل
نوح""( قهقه ببحة خشنة مرجع براسه وراء عاود شاف فيها جايبها من رقبتها لشفايفه طبع عليهم قبلة ساخنة بعد شوية و نطق) حلاوتك امرتي
شافته رخف يديه و هي تنوض دغيا راجعة بلور مخلياه جالس يعبر فيها بديك بيجامة عازلة مؤخرة صغر عينيه عاود طلع لصدرها مزيرة تا من تما
نوح""( نطق وحواجبه مگرونة) كنتي نازلة لتحت
نوارة""( حركت راسها) ايه عاد طلعت باش نفيقك
نوح""( لمح بشوفة قاصحة) هبطتي هكاك
نوارة""( تتحرك في عينيها) ا اه
نوح""(زاد بتكشيرتو مخلي جبهته تتجعد ناطق بصرامة) شنوا ( تكعد ) داك لي لتحت ماشي راجل نازلة ليا هكاك
نوارة"" ( تدهشرت بحدته ) لا راه مكانش
نوح""( رفع صوتو) ولا دخل ولقااااك هكااك
نوارة""( قفزت تتفرك في يديها) مايسحبليش
نوح""(ناض من السرير و قرب محني عندها و تخنزيرتو طيحت منها النص) تتمرگني عليا ولا شنو
نوارة""( خلعها بالمزيان) مرة جايا نرد بالي
نوح""( ضرب على ناضرها ) برب الجليل و نلقى ملتك نازلة بشي شرويطة بحال هاكة نقطع مها فوق لحمك
نوارة""( غلباتها بكية منزلة عينيها) الصمت
تخطاها و مشا دخل لحمام مخليها اتموت بالخوف غاشوفاته تتطيح منها النص بقى غاصوتو لي تهز عليها مشات قدام مرايا وشافت جسمها لقاتها بصح مزيرة على مفاثنها لعنت راسها من مالبساتش بينوار ديالها هزاته لبساته تتحزم فيه تابان ليها خارج من الحمام تيمسح على وجهه مشا هز تيشورط غايلبسها و قربت ليه شداتها من عندو و هي ماتتشوفش فيه دفعاته من صدره
نوارة"" جلس نحيد ليك بانضة
شوفاته كانت حارقة ماقدرش يدخل لراسه شي حد كيف مابغى يكون يشوف فيها ،جلس مراقبها و هي تتعاونه بهدوء عكس ملامحها لي مبينة مقلقة عليه لبس تيشورط و صايبت ليك بانضة و ناضت حلات لباب
نوارة"" نزلت ليك دوا هبط تفطر
خلاته مراقبها و تيكتم غضبه و نفسه عارف راسه قصح معاها لكن ماشي لخاطرو احساس الغيرة و التملك هو لي هضرو ناض بشوية جبد جاكيط لبس الكم و الكم تاني رماه عليه هز تلفونه و سجارته و نزل وصل عندهم صبح عليهم و جلس جنبها
شامة "" كي بقيتي ولدي شوية
نوح""( حرك راسه) مزيان الواليدة
زينة""( عاد دخلت ) صباح النور ( شافت في نوح) كي صبحتي اخويا
نوح""( جاوبها غي براسه شاف في شامة و نطق) فين سلمان
شامة"" مشا شي خرجة مع صحابو
نوح"" ( عقد حاجبه مستفسر) بالموطور
شامة"" لا اولدي في مركوب كنت نقولها ليك لبارح و نسيت
دور عينيه ليها لقاها تتقطع في رغيفة بطراف صباعها و ديك حنة مزيناتها
شامة""( مخاطبها) رتاحيتي شوية ابنتي كون صبحتي مدكدكة
نوارة""( كانت تتمضغ غي سمعتها بدات تتكح) كح كح
نوح""( مد ليها كاس ماء بشوفات هادئة عكس كي كان لفوق) بشوية عليك
نوارة""( شداته من عنده شربت و شافت في شامة نطقت) ايه اخالتي عييت ( شافت فيه و نزلت بزربة) بزاايد
زينة"" تعياي تعياي يحسن عوانك
هزات عينيها فيه لقاته تيرشف من قهوته و متكي بضهره على خدية براحة
شامة"" نوح كول شي حاجة راه خاصك تاخد دوا
نوح""(عينو تيميلو ليها نطق ) صايبي شي طرف حرشة
نوارة""( هزات طريف و نطقت منزله عنيها عليه) شنو بغيتي فيه
نوح"" لي درتي
صايبت طريف فيه الجبن البلدي و مدتها ليه و هي ماكتشوفش فيه شد من عندها و قاس على يديها بصباعه دغيا دارت عنده ميقة ليه خلاته حابس ابتسامته جرت يديها و شافت في زينة
نوارة"" ( تكات بيد على خدها و تدوز يد ثانية على كاس) ماقلتيش ليا كيف جاتك ديك تصويرة
زينة" وااعرة كتعرف تصور خطيرة
نوارة"" اممم كتصرعهم
شامة"" قولي ليا ابنتي خوك خدام في بنكة
نوارة" ايه قريبة ليكم هنا
زينة"" اه نسيت كنت بغيت نسولك و تدهيت ياختي واخد الخطرة مشينا على ود كارط و تعكسو معانا ولاد الحرام صراحة هو لي تما وقف معانا
نوارة"" ( تبسمت) ياختي على صدف
شامة"" ( شافت في نوح) ليوم خالتك جايبة الغدا
فور مانطقتها هزات عينيها عليه لقاته بملامح جادة و هادئة و جات في بالها تاني سعاد و بقات تخمم و تدي وتجيب في تفكير حسات بضيق بالاخص من نطق
نوح"" مرحبا بيها ( شاف فيها عاق و فاق بملامحها غيورة)
شامة"" ايه قالت لي بلي ماتقدرش تجيو عندها لدار بغات تجي هي
زينة"" ( شافتها تزيرت ) نوارة اجي معايا نوريك شي حاجة
نوارة""( تبسمت وناضت ) نجمعو طبلة بعدا
زينة"" ( شدات فيها) تانزلو بيما سالاو
شدات فيها و مشاو متوجهين للطبقة الثانية مخلياه مراقبها تاحس بالباب تزدح و دور عينيه لشامة
نوح""( بجدية ) بلاما تخليني ندير شي حاجة نندم عليها
شامة"( ناضت قربت جنبه) عفى وليدي ماديرش هاكة خالتك مسيكينة بغات غاتفرح بيك و بمرتك
نوح""( بنبرة هادئة لكن حادة في نفس لوقت) عارفاني علامن تنهضر الواليدة ديك خيتي و تعاود تقودها تاني مانعقل لا عليها لا عليك انا فين گلتها ليك
شامة"" صافي يرضي عليك دويت معاها و دوات معاها مها
نوح""( بدون تعابير و لكن شوفاته قاصحة ) مانبغيش نبشة ( سكت للتواني و كمل كلامه) ولا نص حرف ينقص منها
شامة"" كون هاني وليدي غاريح بالك
نوح"" مهم اديري في بالك نخرجو مبكرين
شامة"" علاش ماغاتريحوش معانا شوية زعمة راك كاعما خدام
نوح"" لا مزال عندي شي خدمة
شامة"" ايوا ماعليش ( حدرت راسها و عاودت طلعاته فيه) وليدي راه زينة لول الشهر جاي غاتكاتب
نوح""( رشف من كاسه و حطه) من تحتاج شي حاجة تعلمني
شامة"" ( ضحكت وطبطبت على ركبته ) الله يرضي عليك اوليدي
حرك راسه و ناض من طبلة متوجه للشقة ديالته داز على لبنات لقاهم مجمعين في صالون تخطاههم و كمل طريقو
زينة"( نغزتها) واقيلة بغاك ازين شاف فيك وًزاد
نوارة"" ( هزت كتافها) ماغاداش
زينة" تانتي زدتي فيه اصحبتي قالك ماتلبسش مزير ماتلبسيش
نوارة"" ايوا هو مسبق العيب ماخلاني تانفسر ليه
زينة"" هو دغيا تيتعصب و هضرتو قاصحة
نوارة" لاش يغوت عليا هكاك مالي انا غانبغي نلبس هكاك قدام سلمان
ماكملتش كلامها تا كان مقاطعها ميساج فتحاته
<طلعي احبيبي طلعي >
طلعات عينها ليه و كتنزلهم للخاتم صغير و خفيف و داك قليب مترصع يبري تبسمت تاتغمضو عويناتها و ديك ابتسامة وشنو تدير فيه
سنااء"" ( بفرحة مبينة في وجهها) تيحمق
نصير""( عجباتو و عجباتو فرحتها شابك صبيعاتها مع صباعو و طبع قبلة عليهم ونطق بحنية) عجبك
سناء""( تتحرك راسها باه و ابتاسمتها مزينة ملامحها و داك سر لي طايح عليها ) بزاف والله ( سكتت للتواني و عاودت سولاته بخجل ) باشمن مناسبة
نصير""( حاوطها بيديه بزوجة منزل راسه لعندها نطق بخفوت ) ماشي ضروري تكون مناسبة مهم نشوف فرحة في عينيك حيث تيزيدو زيانو و هي عليك
مراقباه بعيونها و قلبها تتحس بيه ايطير من بلاصته مايمكنش كيفاش زرع حبه فيها بهاد السرعة هزات يديها و عنقاته بكل مافيها مخلية عيونها مغمضة و عطره تتحس بيه دخل مع عروقها حاوطها بيديه بزوج دخلات لحياته و دخلات احاسيس جديدة عليه بعدت عليه شوية متبسمة
نصير""( قرس بخفة على خدها مٌحْمَّر ) على هاد حساب ايخصني فين مانبغي نشوف ضحكتك نجيب شي حاجة في يدي
سناء""( ضحكت و حركت راسها بنفي) لا لا ماشي حتى لديك درجة ( هزات يديها واخة مرعودة حطاتها على لحيته و نطقت ) غي تعاملك معايا بهاد شكل تيفرحني
نصير""( ملمس يديها صغار على لحيته جاب ليه راحة ) مرتي و ملكي مني و فيا حاجة لي تفرحك اتفرحني ( بقى سكت لتواني مخلي عينيه عليها بشكل ذوبان )
سناء""( شوفاته تيقتلوها من ماقدرتش تزيد بشوفتها فيه نزلت عينيها كتبسم تتلمس في داك خاتم بيديها ) علاش اختاريتيه في الاحمر
نصير""(حرك راسه بتقالة )هو لي ختارك
سناء""( تيساليهم ليها باجوبته دورت عينيها للطبلة ) عوتاني صايبتي لفطور
نصير""( تيبعد شعر على كتافها نطق ) عندي مرتي مفضية
سناء""( حلات فمها و دارت عنده) انا مفضية
نصير""( تبسم و حرك راسه بايجاب) ايييه و نعاسة
سناء"" ( ضحكت ) في هادي بصح عزيزة عليا نعاس
نصير"" ( مراقب ضحكتها) هي نبقى نمشي بلا فطور
سناء"" ( بغنج) لا حشومة فيا نخليك تمشي بلا فطور نبقى نوجدو بليل و تفيق سخنو( حابسة ضحكة)
نصير""( تبسم طبع قبلة على كتفها) ياااك اختي
سناء""( تبسمت ) غير تنضحك معاك ماتخافش نوض نوجدو ليك ونفطر معاك ( ضحكت) و نرجع نعس ديك ساعة
نصير""( شد رقبتها و قربها لعنده حط شفايفه على شفايفها تيقبل فيهم بحب بعد حاط جبهتها على جبهته نطق) هادشي لي تيجرني ليك بزاف ، تلف عقلي حق رب
سناء ""( سرطت ريقها لي هي براسها كتر منو و كأنه تيهضر عليها حطات يديه على صدره ) الصمت
بعد عليها و عيونه هايمة فيها جر بيديه صينية و كب ليها اتاي ماخلى ماشرا و ماجاب ماعرفش بضبط اش تتبغي ولكن مابغيش تتشهى شي حاجة و ماتلاقاهش قدامها وكلها بيديه و هي فوق رجليه بحال بنيتة صغيرة و اخة كانت حشمانة ولكن تتحاول تنقص منها
كملو فطورهم و ناضت تجمع طبلة واخة ماخلاهاش ولكن غير عاوناتو بحوايج خفيفة كمل و مشى ريح فوق فوطوي شاد تلفون تيهضر مع نوح قربت عنده بغات تجلس و جرها جات جنبه محاوطها بيديه مدرعها ويديه تتلمس في كتفها بحنية تتبان جنبو كي نملة جرها حطات راسها على صدره ومكمل كلامو مع صاحبو و هي مستحلاتها تتستنشق في عطره بكل جوارحها و ابتسامتها على محياها
ناضت من عند زينة و طلعات عنده كيف قالها فتحات لباب لقاته متكي بضهره على ضهر فوطوي رامي رجل فوق طبلة ورجل منزلها قدامه قهوته و تيهضر في تلفون تمشات بخطيواتها هازة شوكتها جلست بعيد عليه تتقاد في غرتها و هو مراقبها بشوفاته معتادة من دخلت مع لباب و حتى جلست
نوح""( بتقالة و عينه متيرموش) صافي كيما قلت ليك ، الله يعاون
قطع مكالمة وحط تلفون و هز قهوته رشف منها و رجع كيما كان مراقبها مدورة عينها عليه تتهبله من تتبقى تسناه يحرزها و تفشش عليه
نوح"( بصوت تخين مصغر عينيه) بحالا مغبنة عليا لا ( خبط على رجليه) اجي هنا اجي
نوارة"( شافت فيه مطلعة حاجبها و نطقت) غوتي عليا وتتقولي اجي
نوح"" و لاش طالعة ( شافها دورت عينها تاني مطلعة حاجبهها كمل) من ماغنتفاهموش لاش طالعة
نوارة""( تتحرك رجليها بدقات تقيلة ) خليني هنا مرتاحة
نوح""( عاود خبط فوق رجليه) عارفاني ماتنبغيش نعاود هضرتي
نوارة""( هزت عينه غاتهضر و شافت عينيه و شي شوفات ملمح ليها تا دهشرت بقات تتشوف للتواني و هو نضرته كيما هي و ناضت جلست جنبه) الصمت
نوح""( مزال نفس نضرة عاود خبط فوق رجليه ونطق بحدة ) هنا
ناضت بلهلا يطيره ليها جلست فوق رجليه مدورة عينيها عليه
نوح""( طلع يديه لشعرها حل عليه تاتلاح قدامها و نطق بصوت قليل) بحالا بديتي تنساي اش قلت ليك
نوارة"" ( بدات تدهشر بلمساته و نبرته عارفاه تيهضر على شعرها ) اش نًنسى
نوح""( فتح صدفة بيجامة و جر حزام بينوار ) راكي فاهمة ( عاود فتح صدفة تحتية تابان ليه صدر مكروز ) مقلقة على حبيبك
نوارة""( تيدوز اطراف صباعه على صدرها و عينه نايمة فيه نسات تقليقتها ) ايه بديتي تغوت دغيا ماخلتينيش تانهضر
نوح""( نطق بصوت تخين) شي حاجة خاصة بيا ما نبغيش شي حتى يفكر فيها ( قرس على راس صدرها تاتوهت) جسمك مفتون و مبين بهادشي لي لابسة
نوارة""( شادة على صدرها بغنج ناويها فيه) ااحح قصحتيني انووح
نوح"( طلع حواجبه وزاد خشى يديه تحت بيجامة تاشده بين يديه مخليه نفسها تطلع و تنزل) داكشي لي باغي
نوارة""( حطات يديها على لحيته) ماغطلبش مني سماحة
نوح""ش بان ليك تندير دابة
نوارة""( شافت فيه بنضرة ديال تتهضر بصح) دابة هادي سماحة عندك
نوح""( شوفته منومة تتخرجو على طوعو شد على سميطة ديال سوتيان من قدام و جرها عنده طبع قبلة مدوز لسانه بمصة على شقة صدرها و نطق بفحيح) تسمح ليا عمري
طلع عينه فيها بتقالة تيلقى وجهاا مزنك تدور عينيها و صدر يطلع وينزل بقوة تيخربق ليها احاسيسها تيتحكم فيها و يتحكم في جسمها كيف بغى
نوارة"" ناس تيبوسو راس ماشي صدر
نوح""( تبسم ابتسامة جدابة مرخي براسه للوراء ناطق بفحيح) هادوك ناس و انا نبوس لي بغيت
نوارة""( حابسة ابتسامتها ) امم مسامحة ماتبقاش تسبق ليا الغوات ( بغنج) تنتقلق من تتغوت عليا حبيبي
نوح""( زايدة على مابيه جنناتو نطق شوفاته معسلة بيها) نبغيك
نوارة""( تبسمت و حنيكاتها تزنگو ) تا انا ( نزلت عينيها و طلعتهم) كنبغيك بزاف
حط يديه بيجامتها و جرها زدحها مع صدره تالصقت معاه و نزل بشفايفه لشفايفها تيمص فيهم بحنية و بالهداوة مخليها عجينة بين يديه رحيقها سرى ليه مع الدم بحال ادمان يلا ماخداهش مايرتاحش و مايدوزش نهارو مزيان دورت يديها على عنقه تتمخشش فيه و تستنشق عطره
نوارة"" ريحتك مهبلاني
نوح""( تيطبع قبلات راسها) خوديها
نوارة""( طلعت عينها فيه تاشافته نزل بعينه لعندها) وراني واخدة مولاها ( طلعت يديها لعنيه تتحس رموشو) رموشك كبار زوينن
نوح""( تبسم باس على يديها ) خوديهم تاهوما
نوارة"( زادت تمخشت فيه بحال قطة نطقت ) نووح
نوح"" ( يديه على خصرها مغمض عيونه متنغم بعطرها و جسمها و هي مخشية فيه) روحو
نوارة"" داك نهار من سولتك قلتي ليا ماعمرني كنت خدام هنا ( سكتت لتواني و نطقت) و علاش ماعمرك قلتيها ليا كان في بالي بلي خدام تما ( هزات راسها ليه متبسمة) قولي بعدا منين جبتي نمرة ديالي
نوح""( منزل عينيه ليها تيقلب على جواب هاد اسئلة لي ماشي في وقتها اش يقول ليها عمرني هضرت معاك و ماعمرني واعدتك بشي حاجة تبسم نصف ابتسامة و جر راسها حطو عل صدره مغمض عينه وًنطق ) في هاد دنيا عندي غي نتي
نوارة""(هزات يديها ليحيته ) انا ديما ليك و معاك احبيبي
متكية على صدره و ابتسامتها مزينة على ملامحها و عويناتها تتشوف في خاتم و تتلعب بيه قطع مع نوح حط تلفونه و حط يديه على شعرها تيلعب فيه
نصير""(نطق بهدوء) فيك لي يخرج
سناء""( عضت على فمها بخجل ) علاش
نصير"" ( تيجيب شعرها لنيفه تيشمه)سولتك جاوبي امدام
سناء"" (بصوت خجول)اه نقدر
نصير"" نوضي لبسي عليك
سناء"( هزات عينها فيه تاتلاقاو عيونهم و قربهم كان فضيع) فين نمشيو
نصير""( عيونه تتحرك ببطئ على ملامحها هبط يديه تيدوز صباعه على عنقها بشوية ) نخرجو و ندوزو نتغداو و نرجعو ( طبع قبلة على عينيها )باش نشدو طريق
سناء""( نزلات عينها من سمعت اترجع حاسة براسها ماقدراش تبعد عليه نطقت بتعلثم) و و امتى نمشي للدوار
نصير""( يديه تتسارا على ملامحها) نسالي غدا لخدمة و نوصلك
سناء""( تبسمت ونزلت عيينيها) ان شاء الله ( طلعت عينيها تاني ) اماغديش نشوفك ب بغيت نقول ماغاديش نتشاوفو
نصير؛؛( مصغر عينيه و مراقب شفايفها لي تيرجفو قدامو نطق بصوت قليل ) و علاش اعسيلة
سناء؛؛ ( حطات يديها على صدره لي كان تيبان شوية من تيشورط بطريقة خلات برودة تطلع مع جسمه) يعني تا العرس باش (تبسمت) يطيح عليا سر و
نصير؛؛( هز حاجبه بعدم تصديق ) تتهضري بصح (حط يديه على يديها فين محطوطة و نطق هو تيشوف في عينيها بطريقة ذوبتها) قاصح عليا هادشي ( قرب ببطئ تاقرب لشفايفها و نطق بخفوت) ماكارهش نخليك قدام عيني ( حط شفايف على شفايفها و نطق بصوت قلييل) و نشوفك ليل و نهار
حس بيها زيرت على تيشورط همساته بداك شكل كيف تيهضر معاها و كيف تيشوف فيها سلبات عقلها منها و ريحته لي لاصقة في انفها دايرة ليه طريق تتخليها دايخة و تالفة مدهشرة قبلها قبلة حنينة مجرد ماتيفكر ايديها و مايشوفهاش سيمانة جاتو قاصحة ماعرفش هاد احاسيس بضبط جات يومين قداتهم جنبو خربقاتو و غادية ماتيحسش بروحو تاكيحط شفايفه عليها حس بغريزتو تتحيا و بعد بشفايفه عليها ناطق بفحيح
نصير"" سلبتي عقلي
سناء""( احاسيس مخربقة تالفة من قربه و من ريحته نزلت عويناتها و خدود مكسين بالحشمة ) الصمت
نصير"" ( بعد شعر على جبينها و نطق بهدوء) نوضي لبسي عليك ابنتي
ماعودتهاش معاه ناضت في ساع مخلية عينيه تيعبرو في ديك مؤخرة لي تتهز و تحط غي شافها غبرت على عينيه و غمض عينيه تيعض على شفاه تحتية تيكتم غريزته رداتو مهبول بيها و بجسمها تآثيرها حس بيه قوي عليه بزايد اما هي غي دخلات و سدت لباب و شدات على قلبها تتحس بيه ايخرج من بلاصتو شافت سرير وحنيكاتها حساتهم سخنو تفكرت ليلتها و هو باصم عليها مشات لبسات حوايجها
سروال بوي فريند ازرق و بودي ابيض جا قصير طلقات شعرها دارت ايكخو و كحل ماسكارا و سبادري رياضي خرجات لقاته تيكمي دور عينه ليها بشوية طلع نزل فيها بشوية
نصير"" ( صغر عينه نطق بصوت خشن) دوري دوري
دارت بشوية و هي خجلانة و عاودت شافت فيه ملامحه كانت قاصحة بحالا ماعجبوش حال
نصير""( نعت بصبعه لي فيه كارو على بودي ) ماعندكش شي حاجة طويلة
سناء" (حركت راسها بنفي نطقت خجلانة) نسيت جاكيط ماهزيتهاش
نصير"" ( ملامح جادة) و المعمول
سناء"" ( نزلت عينيها) صافي بلاش مانخرجو ( دارت راجعة و هو يوقفها بصوته ) تبتي بلاصتك
دارت شافت فيه لقاته مراقبها و مراقب جسمها بشوفات حارة و تينتر فداك الكارو نترات قاصحة مدة و هو على ديك حال تاحسات بنفسها داقت ماحملش منضرها تخرج معاه بديك لبسة و مؤخرتها بارزة ناض بتقالة و رمى خطوات تاوصل قريب ليها منزل عينه لعينها لي باين فيهم الخوف منه زفر بديق من حس بدهشيرتها
نصير""( نطق بخشونة منعت بعينيه) تحركي لبسي جلابتك
في الصالون كانت جالسة شامة و معاها منانة و ووفاء و معاهم تاسعاد تدور في عينيها كأنها تتقلب على شي حاجة
سعاد"" فين عروسك اخالتي
شامة"" ( حمرت فيها) مع راجلها
سعاد"" ( ضحكت) ومالكي اخالتي غي سولت
سكتت و بقات مراقباهم تتحرك في رجليها بشوية و عينها مرة مرة تتمشي لباب بحالا تسناهم ينزلو مجرد ماتتفكر انهم بزوج بوحدهم تتقتلها و تعميها دازت بعد وقت و نزلات عندهم بخطيواتها هي وزينة دخلات مع الباب متبسمة رمات السلام قربت سلمت عليهم و مشات جلسات وجنبها زينة و عينيها تيمشيو ليها كيف متبسمة ليها و رامية خيرها على السداري و مراقباها و الصيݣان باينن و مزينهم الخلخال فيقتها غي كلام متوجه ليها من طرف منانة
منانة "" كي صبح نوح ابنتي شوية
نوارة""( نطقت و ابتسامة على ملامحها) الحمد لله اخالتي شوية ( شافت في سعاد و عاودت شافت فيها و نطقت) عقمتها ليه عاد نزلت بدا الجرح ينشف
وفاء"" ايوا الحمد الله على سلامتو اختي خلعتها كتر منها
نوارة"" ( بآسف) بزااف ياختي من شفتو بديك حالة بزاف
زينة"" وراه تخلعي ياختي بالخصوص مابغاش يخلعك تادخل عليك هكاك
سعاد"" ( بصوت متقل ) نوح من ديما هكاك حتى كيجي قدامك عاد تعرفي مابيه
هزات عينيها فيها تتلاحض شوفاتها و كتبسم ليها مطلعة حاجبها بطريقة مستفزة دورت وجهها مابغاتش تشوف فيها مزال ماكرهتش تضربها ليها بشي نتفة
شامة ""عيطي لراجلك ابنتي نحطو لغدا
ناضت في ساع طلعات وجها مزنك تتخبط في رجليها دخلت لداخل لقاتو جالس تيبخ في ݣارو لمح ليها شاف حنيكات مزينگين
نوارة""( حركت راسها) نزل تغدا
نوح""( مصغر عينه فيها ونعت بيديه لي فيها ݣارو ونطق متاااقل ) وجهك مالو
نوارة "" (تبسمت بزز ) ممالوش يلا تنزل
نوح""( بقى لتواني معدودة مراقبها بعينه حاس بيها ماشي تالهيه ) قربي لعندي
نوارة""( تبسمت و قربت شوية شدات على يديه مابغاش تزيد تبين ليه) يلا انوح نزلو كيتسناو حشومة
نوح""( جرها عندو جلست قدامو و هز يديه لخدها تيدوز صباعه بحنية ناطق بشوية ) مادوزيهاش عليا انوارة شكاين
نوارة""( قربت باست على خدو) بصح مكاين والو حبيبي يلا نزلو
نوح""( حمر عينيه وعارف علامن تيهضر) هضر معاك شي ق***د لتحت
نوارة"( حشمت من كلامه نزلت عينيها ) لا انوح ( عضت على شنوفتها بخجل ) غي مامرتاحاش وصافي
نوح""( عقد حواجبه ونطق بصرامة) نلقاك تتكدبي عليا نتفاهم مع م
نوارة""( قاطعاتو حيث خوفها ) نهبطو
نوح""( بقى تيشوف فيها و مركز مع ملامحها عارفها مامرتاحاش و غيرتها باينه في عينيها زفر بضيق و نطق متااقل ) نورك مغطي لي العينين انوارة مكاين لاش تدخلي شي حاجة في داك راس
نوارة""( نزلت عينيها من عرفاته فهم وضعها) أنا غي
نوح""( بعيون معسلة مقاطعها بخفوت مخليها تسقل) عشقك سلب القلب انوارة تاوحدة ماتحلى ليا شوفتها
كلامه خفف عليها بعض الشيئ واخة هي عارفاها بلاما يحتاج يهضر ولكن الغيرة لي فيها تتخليها تحماق ناضت من عليه شد في يديها طبع قبلة عليها من كفها و عاود من داخل تبسم ليها و نزلو دخلو مشات جلسات وهو رمى السلام قرب باس على راس منانة و مشى ريح جنب نوارة رامي يديه وراها بهيبته و جلسته مخلية رجولته فايحة فداك الصالون مخلي عيونه البقية عليهم بزوج
شامة""( ناضت ) وفاء يلا ابنتي نحطو الغدا
مشاو تيحطو الغدا الجو مشحون بعض الشيئ منانة شوفتها للسعاد خايفة تزبلها و سعاد شوفاتها كانت نارية و بالنفس وقت متبسمة تتلعب بشعرها نوارة تتشوف فيها بطرف عين واش تتشوف في نوح ولا لا ماحملتش ينزل و يجلس في نفس البلاصة معاها حسات بيديه تتلعب في ضهرها طلوع و نزول بشويية دورات عينها لعنده
نوارة""( بصوت خاافت) نوح حشومة يشوفوك
نوح""(مدور راسه عندها و عيونه نايمة فيها نطق بشوية مع ابتسامة جانبية ) شنو
نزلت عينيها تتبسم حاطة يديها على فمها كاتمة ضحكتها سعاد حاضيهم و حاسة بلمسته ليها و دوك شوفات لي تيدير فيها كان باين عاشقان فيها حسات بحلقها مقجوج ناضت من بلاصتها تتمايل و تحنات على الطبلة تتكب لماء و صدرها تيبان شوية عيون نوارة مالقينش تبات تتشوف فيها بطريقة ديال تنوض تلاح عليها دارت شافت في نوح لقاته تيشوف فيها غالباه ابتسامة من منضرها و حرك راسه ليها عنده قربت مخلي يديه تطلع و تنزل على ضهرها
نوح""( نطق في ودنيها بصوت بالكاد يتسمع ليها) نبغيك
نزلات عينيها وحنيكات غايطرطقو تتبسم تحت منها هزات عينها في بقية و الاخص سعاد لقاتها تتنش على وجهها و مبين بلي رجع ليها صرف عجبها الحال من منضرها عاود شافت فيه وتبسمت ليه ابتسامة كبيرة مقاطعتهم غي وفاء جايبة طبسيل الغدا تجمعو عليه بداو تياكلو نوارة تتقاد دغمة و تتعاون نوح ماعاودت تسوقت ولا حشمت من انه تعاونه كان عاجبها وضع
منانة"" كولي ابنتي نتي رادة بال مع راجلك و نسيتي راسك
نوارة"" ( تبسمت)انا تناكل اخالتي ربي يخليك
زينة"" ياخويتي على مرات خويا الحنينة تالبارح وكلاتو بيديها
نوارة""( خنزرت فيها محشمتها) زينة
نزلت عينيها بحشمة شافت في نوح كان تياكل بهدوء و ملامحه جادة و هادئة ناسمعت صوت سعاد لي خلاتها تهز عينها ليه
سعاد"" قولي ليا ازين كيفاش تعارفتي نتي ونوح
نوارة"( سرطت ذغمتها شافت في نوح لي كانت نضرتو لها هاادئة عاودت شافت فيها ) تلاقينا في كوميسارية
سعاد"" ( تتشوف في نوح )هههه زوينة هادي دخلتي بمونتيف وخرجتي واخدة لينا راجل
نوح""( هنا هز عينه بنضرة حادة مخلي عروق جبهته تبرز بطريقة تتخلع نطق بتحدير و الحدة بصوت تقيل ) المونتيف هو لي ندير ليك خلتيني هضرت بزاااف طلعتي لي في ك** ي
منانة"" ( نغزتها تتغزف عليها ) كمل اولدي ماكلتك غي داوية
سعاد""ههه غي نويتها في شكل وصافي انا مانويت والو انوح نتا تزوجتي دابة و دير وليدات ( شافت في نوارة) ياك انوارة
نوح""( ناض من بلاصته رمى سربيتة لي كانت قدامو و نطق مشربن) بناقص من شي غدا ولا شي الق**** ي ( هز صبعه بتحدير) اخر مرة غادي نعاود نحدرك ( شاف ليهم كاملين) مرتي وفي دمتي نص حرف يتقال ليها برب من مانعقل على ط**** مها
دفع الكرسي برجليه تاوصل فين بغى و مشى طلع مخليهم كيشوفو كولهم في سعاد لكانت تتاكل و مامسوقاش لتا شي حد نوارة بقات غي تتشوف و تستوعب هاد وقاحة لي دارت منها حطات دغمة من يديها و شافت فيها مخنزرة
نوارة"" اختي عيقتي بكلامك في كل مرة تبداي تنغزي واش مافيك نفس ( ناضت و عاودت نطقت) جمعي راسك خليني محتارمة ميمتك لي حشمتيها بهاد تصرفات ديال الدل
خرجات من الصالون و طلعت تتحس براسها عطاتها ووفات واخة ماكرهتش تنتفها تمادات بزاف و عيقات بزاف تتنطق بكل وقاحة و مافيهاش گرام الحشمة
مخلين لتحت كولهم تيشوفو ليها بنضرة قاصحة
زينة" شفت تاعيت عمرني شفت الدل لي نتي فيه
شامة"" اناااا لي درتها اما كون مادخلتش ملتك هنا
منانة""(شادة من راسها بحشمة ) سمحوليا انا لي ماربيتش
سعاد""( ولا على بالها جالسة تتشرب في موناضة و تتبسم) واخة عقلو على هاد الهضرة نشوفو شكون مربي انا و لا هي
من طلعات عنده لقاته جالس تيكمي منزل براسه للارض تيضرب برجليه بضربات بطيئة لي غي حس بيها دخلات و هز عيونه لحومر تيفحص في ملامحها واش مقلقة واش باكية ناض من بلاصته قرب ليها منعت براسه للبيت
نوح"" جمعي حوايجك باش نمشيو
نوارة"" ( شوفته بدوك ملامح دهشرها ) رتاح احبيبي شوية
نوح""( حس بيديها باردة تحطت على لحيته ) تحركي ابنتي
حركت راسها بشوية تفادات تزيد تحكر عليه دخلات جمعات لي يتجمع لبسات عليها جلابة جمعات شعرها و خرجت لقاته تيهضر مع نصير قربت جنبه جلست كمل كلامه و حطات يديها على فخده
نوح""( شاف فيها ونطق) شي نص ساعة و يكون هنا
نوارة"" ( كانت تتخمم في راسها ولات تخمم فيه كيفاش نفاعل وكيفاش جاوب سعاد خلاوها تنسى تقليقتها ولا بالها غي معاه ناضت من بلاصتها و جات قدامه هو مراقبها جلست قدامو و هو ولا حراك فقط عيونو مٌحمرّة تتسارا عليها بشوية تاحس بيديها تحطت على رقبته بديها بزوج هضرت بغنج ) حبيبي
نوح""( تيطلع و ينزل من عينيها لشفايفها بشوفات تقييلة و مع ديك حمورية لي فيهم خلاتها دوخ ) الصمت
نوارة""( تتقرب و هي تالفة و حمقة بيه زادت في عشقها ليه بهاد ملامح و كيفاش تغيرت على قبلها باش مايشوفهاش مقلقة طبعات قبلة حنينة على جبينه و نزلات لعينيه بزوج نيفو خدوده هزات عينيها فيه لقاته مراقبها لكن شوفاته تغيرت كشيئ من هدنى بعض ملامستها ليه و تحنات على شفايفه طبعات قبلة بطيييئة بغات تبعد و حست بيديه طالعة من فخاضها و هي طالعة تاوصلت للخصرها و لصقها معاه مخلي شفايفه عليها كملت في قبلتها ليه بحنية و رغبة منهم بزوج حست بيه نزل بيديه لمؤخرتها و هي تقفز تتبسم نطقت مغنجة عليه) نووح فيق (تتبسم و تلعب في حواجبه ) في خبارك حمقتيني
نوح""( صغر عينيه فيها و حرك راسه بمعنى علاش بلاما ينطق) الصمت
نوارة""( تتلعب في لحيته و تنزل للصدره بحركات دائرية بصبيعاتها) واخة خلعتيني ولكن ملامحك زينة بعصبية
نوح"" تنخلعك
نوارة""( حابسة ضحكة) ماشي تتخلع تادهشر
نوح""(مراقبها بعيون عشقانة كيفاش تتهضر و تغنج عليه ) تندهشرك
نوارة""( ضحكت بخفة )ههه و ماشي غي انا شوفتك هاكة تتخلع
نوح"" تنخلعك و تندهشرك
نوارة"( هزات راسها لفوق بقلة حيلة) وااا نوووح ماشي انا ( عاودت شافت فيه تتلعب بلحيته ) كاين شي وحدة تتخاف من حبيبها
نوح( بلل شفايفه ببطئ و عيونه مراقبتها بشكل يدوخ بصوت قليل ) تتلعبي بيا دابة
نوارة""( تتلعب في شعره) لاااا حبيبي بغيتك تهدن ليا و ماتبقاش تعصب
نوح""( جنناته و خرج عقله طلع راسه بشوية باستفسرار و نطق ) عرفتي ليها ؟
نوارة""( تبسمت و حرك راسها بشوية) ايه عرفت
نوح""( بهدوء) كملي مابديتي
نوارة"" ( ميقت ليه نطقت بخفوت ) لااااح
نوح"" (تبسم على هبالها و طلع عينه ليها بتقالة ) لاعباها عليا ابنتي
حاضية ملامحه لي مهبلاتها تبسمت عاضة على شنوفتها مخلية عينيه يطيحو من شوفتها بديك عضة مغرية هكاك تاشفته حط صبعه على شنوفتها و برك عليها تا تاوهات
نوارة"" احح قصحتيني
نوح"( شد رقبتها و جرها معوج راسها تاوصلات لشفايفه و نطق ) لا باغة عضان ( مص ليها شفاه تحتية و عاود نطق بخفوت) خليني انا ندوق دمك
ناضت من فوقو بقفزة تتبسم و تتقاد في جلابة مخلياه مطلع عيونه بتقالة و هي تتحس بلسانها على شنوفتها
نوارة"" قصحتني انووح
نوح""(وقف من بلاصته بشوية عليه و قرب منها منزل راسه لعندها بجنب و قرب ببطئ طبع قبلة على جنب شفايفها و نطق ) شوري على هاد بنادم لي قدامك
نوارة""( تبسمت و حطات راسها على صدره محاوطاه بيديها ) كنبغيك بزااف
نوح""( حاوطها بيد مخلي فمه و نيفه على شعرها عيونه مغمضة براحة قلبه، للتواني معدودة نفسه تريح و يزيد ينقص من عصبيته لي فيه، هز راسها قابل معه و نطق ) يلا نتحركو
حركت راسها و مشات هزات حوايجها شدهم من عندها و نعت بعينه باش تسبقه داكشي لي كان سد لباب و نزلو لتحت لقاو شامة و زينة جالسين
شامة""( هزات عينيها فيه لقاته مغوبش بزيادة قربت ليه) نوح وليدي مسحها فيا يعطيك الرضا
نوارة بقات تتشوف فيه وهو عاقد ديك مولاتي غوباشة و مخنزر قربت لشامة شدات من دراعها
نوارة" ماتشطنيش بالك اخالتي
شامة""(شافت فيها ) يابنتي غاسمحيلي ليا ( بقات تتشوف فيه ربما ينطق شي كلمة )
نوح""( قرب باس على راسها ) دوزي بخير الواليدة
زينة""( قربت سلمت عليه و بعدت) الله يوصلكم على خير اخويا
حرك راسه و شاف في نوارة باش تبعه و خرج من عندهم سابقها قربت نوارة سلمت عليهم شامة تتطلب سماحة و تعاود من نوارة حسات بذنب من لي وقع خسر مجمعهم و مجيتهم لعندها تبعاته لقاته قدام لباب شدت من دراعه ووقفت سيارة ديال نصير قدام رجليهم طلعو لور بزوج من بعد ما سلمو عليهم و كسيرا في ساع شادين طريقهم
نصير"" ( شاف فيه من مرايا مصغر عينه ) هانية الوقت اصحبي
نوح""( اتفدى غي يحرك راسه )
نوارة""(حطات يديها على كتف سناء) حبيبتي كي درتي
سناء""( طبطبت على يديها ) لاباس و نتي كيف صبحتي من العيا
نوارة"" ( تبسمت ) الحمد لله ازين بيخير
من بعد كلامهم قليل بقى غي سقيل نصير مرة مرة تيطلع عينيه في صاحبه عرفه ماشي هو هداك شاف في سناء لقاها حشمانة تتفرك في يديها مد يديه و شد عليها مخليها تترطى و تخنزر جر يديها بزز عليها و شابك صباعه معاها
نصير""( لمح ليها بشوفات حادة باش تثبت) ريحي
رجع مقابل طريقه كأنه شيئ لم يكن مخليها زايدة لي غرقان دورت عينها بطرف لنوارة لقاتها متبسمة ليها رجعت شافت فيه مكشرة على تحشيمة لي داير ليها شاف ليها و تبسم نوارة مقابلاهم و تتبسم دورت عينها لنوح لقاته مزال على حالته شدات دراعه شاف فيها و هي تنطق
نوارة""( بصوت منخفض مدبلة عينيها) فكها شوية عفاك
نوح""( طول شوفته ليها عاقدهم نزل بيديه يديها و كرز عليها كنوع من اطمئنان)
نزلت عينها بآسف مدورة راسها للطريق تطلقات موسيقى من طرف نصير منزل صوت و خدمت اغنية شاب حسام خطيرة خطيرة
سناء""( مراقبته غايبدلها و هي تنطق) خليها خليها( شاف فيها مصغر عينه و هي تبسم) تتعجب نوارة ( شافت في نوارة و هي تضحك)
نصير"""( زاد في صوت ) هي لي ماتعاود امرتي ( قرب ليها شوية و نطق ) نتي اش تيعجبك
سناء""(ضربت على يديه ) اويلي احشم شوية
بعد شوية تيضحك على ملامحها مركز في صواگته و نوارة تتدور في عينيها حاسة بنوح مراقبها دورت عينها بشوية لقات مطلع حاجبه بشوفة رزينة تبسمت و غمزت ليه فلتات ابتسامة تقييلة من ثغره جرها شوية لعنده و نطق بصوته الخشن
نوح"" شنو لي خطيرة نتي و لا غمزة لي لحتي ليا
دازت ديك ساعتين تاكانو قدام العمارة نزلو من بعد ماودعوهم طلعو للشقتهم و نصير و سناء كملو طريقهم للدار
سناء"" غي قولي واش نتا ماكتسمعنيش تنقولك ماتبقاش تحشمني قدامهم بالخصوص نوح
نصير""( شاف فيها وتبسم) مرتي شنو موشكيل
سناء"" ولكن راه تنحشم منو بزاف
نصير""( شد يديها و باس عليها ناطق بصوت نازل) نتي تتحشمي من كولشي ( ضحك) هانتي حشمتي تاني
سناء""( جرت يديها و ضربت على دراعه) ناري حشومة عليك
ضحك عليها و تبع مع صواكته مخليها تتنكر عليه و ماعجبها حال حنيكات مزنگين و حواجب معقودبن ،وقت قليل تاكانو قدام الشقة فتحها دخلات هي لولى و دخل وراها مشات جلسات و نافخة عليه هو غي حاضيها و تيتبسم حيد جاكيط فتح شوية صديفات شوميز و جا ريح قبالتها فوق طبلة محني عندها بدوك شوفات ديالو مخليها تترمش قدامو
نصير"" ( بصوت متاااقل )بحالا بديتي توريني وجه مرتي
سناء"" ( دهشرها بدوك شوفات ) و و نتتا لي
نصير""( تحنى بمرافقه لركابيه و قرب بوجهه لها بصوت خافت باغي يزيد على مابيها) لي شنو
سناء""( تتدور عويناتها بغات تنوض و شدها من دراعها رجعها بلاصتها ) نمشي نبدل عليا
نصير"" ( تبسم على منضرها نطق بصوت منخفض) مخرجة عقلي هاد الحشمة
سناء""( نزلت عيينها تتبسم ) نمشي نبدل عليا
ناضت بزربة مابغاش يزيد يحشمها دخلات لبيت مخلياه متبع ليها العين و هو مزال حاني براسه بتقالة تيتبسم على حاله و هو يتغزل فيها دخلات لبيت و سدت عليها لباب تتضحك كي الهبيلة حيدت جلابتها و لبسات بيجامة بنفسجي بسروال و فوقي قصير دخلات لحمام غسلات وجها خلات شعرها على راحته خرجات من البيت سمعات تقرقيب في كوزينة طلات ووسعت عينيها فيه ربعات يديها و تكات على لباب تتبسم كان مبدل عليه لابس سروال سورفيت تريكو ديالته و شعره مبين بلي يلا خرج من دوش بقات ساهية في منضره و هو تيعمر في اتاي
سناء"" احم احم راه كنبغي اتاي بنعناع انا
نصير""( دار عندها بشوية مصغر عينيه تيطلع و ينزل فيها بديك بيجامة و لونها كيف جا عليها) نوجد لزين لي بغات
سناء""( حطات يديها على فمها تضحك) هههه على هضور عندك
تبسم ورجع تيخلط في اتاي
قربت عنده تطل عليه حس بيها وصلت جنبه حط كاس و دار عندها بشوية عليه منزل بعينه لملامحها و هي متبسمة ليه كحز بخطوة تدحست بالبوطاجي جاب رجليها بين رجليه حط يد من هنا و يد من هنا منزل براسه لعندها بطريقة خلات قلبها بغى يسكت من كترة تسارع دقاته تيشوف فيها بشوفات مرخية و معسلة
نصير""( نزل بشفايفه لجبينها طبع قبلة بطييئة) تجيني قاصحة سيمانة بلا بيك
سناء""(خلات عيونها على عينيه تتشوف و تعاود متفادية انها تحشم و تنزل عينيها عليه) الصمت
عوج براسه و نزل على شفايفها طبع قبلة عليهم بطريقة حنينة و اكتر بطئ خلات عيونها تتغمض حط يديه على خصرها و رفعها جلسها فوق بوطاجي و شد يديها بزوج و دورهم على عنقه جات معنقاه و رجع لشفايفها تيقبل فيهم بكل حنية و بشوووية عليه يديه على خصرها حاكمها تيقبل و نيفيه ماعرفش راحة تيستنشق في عطرها لي تيحس بيه ولا ادمان قبلة كانت طويلة و ليها وقت زايد خلاتها تدوخ و تدوب تيقبل فيها بكل احترافية عاجبها حال و مستمتعة بقبلاته على شفايفها طلعات بيديها لشعره غارسة صبيعاتها وسط شعرو رغبتو ليها زايدة و تتزيد تيدور يدور و يلقى راسو غارق في رحيقها
بعد شوية منزل يديه على بوطاجي من هنا من هنا و مخلي شوفاته لملامحها و هي خجلانة قدامو تبسم و نطق بشوية
نصير"" نديرو بناقص من شي عرس ولا النم
جالسة قدام مرايا لاوية عليها فوطة و تتشف في شعرها من بعد ماخدات دوش تحيد عليها العيا ناضت لبست عليها بيجامة بشورط و دوني مزيرة عليها خلات شعرها مطلوق جامعة غي بعض خصلات من جناب خرجات لقاته متكي براسه على ضهر فوطوي و عيونه مغمضة براحة قربت ليه بخطيواتها و ريحتها سابقاها
نوارة""( نطقت بشوية) نووح نعستي ( حطات يديها على شعره) نوض حبيبي نعاونك تدوش
نوح""( فتح عيونه و دور راسه لعندها بشوية نطق ) يلا كانت بحال لبارح ايه
نوارة""( عضت على فمها بحشمة و حناك توردو تبسمت) نوض انوح نعاونك ( وقفت مدات بيديها)
نوح""( عاد رد لبال اش لابسة بقى يططلع و نزل براحة عليها من تحت لفوق من فوق و هو هابط بشكل بطيئ تا دهشرها حط يديه في يديها و ناض و قلب يديها ورا ضهرها و قربها ليه خشى نيفو في عنقها نطق مخلي نفسه تضرب سخونة عليها) اش هاد حلاوة جاياني بيها
نوارة""(هزات يديها لرقبته معنقاه) غي دابة صاااافي؟
نوح""( عض تحت ادنيها ) رابحة عليا ديما
نوارة"( بعدت عليه تتحس بيديها على عضة ) و نووح
نوح""( تبسم عض على شنوفته فوقية و عيونه مرخية فيها بشكل دوبان) فين ماحطيت فمي نلقى حلاوة
ميقت ليه عاجبها الحال نزلت بيديها بزوج جاراه وراها و هو يطلع و ينزل دخلت لبيت جلساته حيدت ليه بانضة و تبعاته ملابسه بشوية عليها هو حاضيها بغرقان دخل لدوش عاوناته خدا دوش مع مراعات للضربة خرج من الدوش جلس فوق سرير بفوطته نصاصية
نوارة""( تتمسح على شعره ) شعرك زوين
نوح""( حط يديه على خصرها جلسها فوق ركابيه) نتي لي زينة
نوارة""( تتشوف في عينيه ديجا معسلين و زادو قربت بشوية شادة بيديها بزوج باست عليهم بزوج ) عينيك زينين
في رمشة عين حكمها بيد و دورها فوق سرير و جا فوقها بجسمه تيقبل في شفايفها بشحفة و لهفة جامحة محمقاه و زايدة فيه بهاد غنج و فشوش و الحنانة لي تترمي عليه نزل بيديه لفخضها تيطلع مع شورط تاوصل لمؤخرتها تيتلمس فيها و شفايفه خدامة مالاقياش راحة تاحس بيديها فوق صدره بحالا تتفيقو
نوارة""( بصوت قليل) نووح نداوي ضربتك بعدا
نوح""( نزل بشفايفه لودنيها و نطق) نشوفو ضرباتنا بزوج حبيبي
كانت سقلة ليها ماعودتش نطقت دوخها بلمساته على جسمها و هي تحتو حاكمها بجسمه العريض حط يديه على ضوني و جر من تحت تابانت شقة صدرها و نزل بشفايفه مص عليها و ناض عليها بشوية
نوح""( عيونه معسلة) تخرجي ملتي على طوعي
نوارة""( تبسمت تتقيس على صدره) نتا لي بديتي
نوح"( جلس على طرف سرير شاد على كتفو ) جاياني بخيرك
نوارة"( ناضت رمات رجيلاتها جنبه حابسة ضحكة ) ضراتك احبيبي
نوح""( مراقبها عاض على شنوفته تيتوعد ليها جنناتو ) تحركي شوفي ليا هاد النم
ناضت تتضحك قدامو حابس نفسو بزز غي عينيه لي تيطلعو و ينزلو على جسمها مشات جابت علبة اسعافات رجع تكى على ضهر السرير جات جلست جنبو
نوارة"" واش عطاتك لحريق انوح نتا سبب مزال جرح خضر و تتنسى راسك
نوح"" ( هز يديه تيلعب على شفايفها )سبب هو نتي
نوارة"" نووح حيد يديك تدرقني
نوح""( تبسم و نزل يديه ) واخة
عقمت ليه جرحة عاوناته لبس عليه حوايجه و عاودت قادت ليه بانضة
نوارة"" خاصك ترجع لطبيب يشوفو لجرح
نوح"" نمشي غدا
نوارة"" ( تتلعب بلحيته )شنو تبغي نوجد ليك تاكل
نوح"" ( باس على كف يديها ) نتي
نوارة"" ( تتضحك ) باراك من بسالة و قولي شبغتي
نوح"" لي درتي احبيبي ناكلو
نوارة" واخة ( قربت باست على خده ) رتاح انا نمشي نوجد شي حاجة خفيفة
نوح"" ( طلع يديه لرقبتها و قربها ليه طبع قبلة على جبينها ) الله يرضي عليك
تبسمت ليه و مشات الكوزينة بقات واقفة ماعرفتش اش توجد حتى بانت ليها في سباگيتي بدات تتطيب تاسمعت تلفونها تيصوني غادية خارجة لقات نوح مخرجو في يديه شداته من عنده و دخلات تاني لكوزينة تتحرك في صوص
نوارة"" مرت خويا اش خبارك ( تكات بمرفقها على بوطاجي عاطية بضهرها)بيخير ازين ديالي نتوما بيخير
نوارة""( شمات ريحته و دارت بعينها لقاته وراها تاقفزت نزل براسه لعنقها تيبوس فيه ) لاباس اختي ماتشطنيش بالك ( دور يديه على كريشتها تيتملس فيها ) واخة بسلامة سلمي عليهم ( قطعت تلفون و طلعات براسها ليه) و نووح
نوح""( بفحيح) روحو ( تيشم في عطرها بالهفة) عشقان فيك
صبح الحال الجو كان المغيم و حالة الشتاء حلات عينيها بشوية ويديها تتحسس على مكانه ملقاتوش جنبها تگعدت و جلست تترد شعرها وراها و عيونها مرخية بالعيا و النعاس هزات تلفونها شافت الساعة لقات الوقت فايت عرفاته ايكون مشا الخدمة ناضت بشوية عليها دخلات للحمام غسلات و توضات خرجت صلات صلاتها جمعات شعرها و خرجات بخطوات بطييئة تتجر في رجليها دخلات لكوزينة لقاته موجد ليها لفطور تبسمت و مشات سخنت اتاي لي عمرو ليها كيما قالت ليه بالنعناع خرجات صينية و جلسات تتفطر سمعات تلفون تيصوني و ناضت لبيت خدات تلفونها و جاوبت خجلانة
سناء"" ( بصوت خجول)صباح الخير
نصير""( متكي بضهره على كرسي و رجليه فوق بيرو) ياودي على المرا عاد فايقة
سناء"" ( غمضت عبنيها بخجل و صويتها غالباه نعاس) ههه العيا العيا
نصير"" ( تبسم)ماعليش ابنتي رتاحي
سناء"" اتجي تغدا هنا ولا
نصير"" ( بصوت تخين) شي ساعتين و نص و نجي ، نجيب معايا شي حاجة بلاما تمحن ليا مرتي
سناء""( قاطعته ) لا لا انا نوجد الغدا (مخفضة صوتها ) حشومة من جيت و نتا تتوجد ليا، باقي مادقتيش ماكلتي
نصير""( عض على شنوفته متبسم نطق بشوية) دقت دقت شي حاجة احسن من ماكلة
سناء""( حطات يديها على فمها بحشمة نطقت بشوووية) اويلي على الماسخ
نصير""( قهقه بصوت تخين تيدوز بيديه على لحيته) و شنو كذبت ( سكت لتواني عرف راسه حشمها و نطق متااقل) و حلاااااوة دوخت عقلي
سناء"" صافي بسلامة ( حشمها مابقات قادرة تزيد يلا تقطع و سمعاته )
نصير""( تبسم نزل رجليه) بلاتي امرتي بلاتي، شنو تبغي نجيب ليك معايا
سناء"" ( بنرفزة )والو ماخصنيش
نصير"" ( عرف راسه زبلها معاها غمض عينيه و تبسم)عارف بلي تتبغي سقاطة ، شنو تتبغي فيها
سناء""( غلباتها ضحكة) والو ماخصنيش منك
نصير"" اختي ماجيبش ليك جايب لبنتي تقلقت عليا
سناء"" هههه ااه صافي
نصير"" واااي و على ضحكة واش دايرة فيا
سناء"" ( بعد تلفون من حداها تتضحك و عاودت قرباته) واخة جيب لي شكلاط
نصير"" واخة الشكيليطة ديالي اش مزال
سناء"" (قلبها ايطير بالفرحة ) صافي براكة
نصير""( تبسم و طقطق بقلم على بيرو ) شي ساعتين و نكون في دار امرتي
سناء"" واخة الله يعاونك
نصير"" بسلامة اعسيلتي
قطعت عليه تتضحك و الفرحة مبينة على وجها و دوك حنيكات كيف الوريدة هزات كاسها تتفطر و مرة مرة تتبسم كيف حميقة على معاملته معاها و كيف تينطق ديك بنتي تتحمقها كملت فطورها و ناضت دخلات لكوزينة تتقلب اش توجد جبدات الدجاج شرملاتو و قادته في طويجين و گردت البطاطا قطعت صلاد وجدتها قلات لفريت و مشات خدات دوش بالخف لبسات بيجامتها و خرجات طلات على طويجين طفات عليه و مشات ريحت في سيجور طالعة نازلة في تلفون تاسمعت ساروت في باب و قلبها تهز هزات عويناتها غي شافته دخل و هي توقف و ابتسامتها غالباها
نصير""( تيشوف ملامحها و هي تتسناه سد لباب و نطق) السلام عليكم
سناء""( حطات تلفونها و قربت) و عليكم السلام ، على سلامتك
نصير""( رامي خطوات لعندها و عينه ماثابتينش حط ساشي من يديه فوق طبلة و قرب قدامها ) الله يسلمك ( تحنى بكتلته طبع قبلة على ثغرها ببطئ بصوت خافت) مرتي تتسناني
سناء""( حنيكات تزنكو زايداها ريحته دوختها) الصمت
نصير""( بعد عليها حيد جاكيط حطها فوق لفوطوي و جلس طلع عينيه لقاها اتجلس جنبه و شد يديها جابها فوق رجليه) هنا ابنتي هنا ( تيبعد شعرها وراها) مزيانة
سناء"" بيخير
نصير"" قنطتي
سناء""( حركت راسها بنفي بخجل) لا عادي
نصير""( تيدوز كف صباعه على عنقها ) تولفي شوية بشوية
سناء"" ( ناطقة و خجل مبين على ملامحها)نمشي نحط لغدا ايكون جاك جوع
نصير""( عينيه ماعرفينش فين يركزو تلفات عقلو نطق بشوية) لي بان ليك ( ناضت من فوقو و ماوعاش تا عاود رجعها جابها نيشان لشفايفه طبع قبلة بحنية عليهم نطق بشوية ) نورتي دارك بزاايد
بعد ماطيبت الغدا و طفات عليه مشات لبيت تكات في فوطوي لي مقابل مع البالكو تتفرج في تلفون تاحست بالباب تفتح عليها شافته و تبسمت
نوارة""(ناضت جلست) تعطلتي
نوح""( قرب عندها جلس جنبها و جرها تكات على صدره) مشيت للخدمة و دزت شفت جرحة
نوارة"" ( هزات عينها فيه) وشنو قالك طبيب
نوح"" ( باس على شعرها) مزيان ماتشطنيش ليا
نوارة"" ( بلكنة متغيرة)علامن بغيتيني نتشطن احبيبي
نوح""( نزل بعينه ليها ) مالك
نوارة""( هزات يديها لحيتيه) ماماليش
نوح"" صوتك مالو ، عيانة؟
نوارة""(ناضت ) لا حبيبي عادي نمشي نسخن لغدا
نوح""( شد يديها و جرها جلست في بلاصتها ) اش كاين مالك؟؟
نوارة""لا بصح م
نوح"" ( عقد حواجبه و بانت تكشيرة على جبينه حس باااعصاب بدات تطلع مكالمي نفسه بزز) هضررررري اش كاين
نوارة"" بصح مامليش ، ماعرفتش ، صراحة والله ماعرفت( حطات يديها على قلبها) شي حاجة هنا مزيرة عليا ماعرفتش
نوح""( رخف تغوبيشتو وشوفاته تغيرت للخوف) شنو عندك مالك
نوارة"" حتى انا ماعرفتش (بداو دموع تينزلو ) قلبي تنحس بيه مزير
نوح""( تيمسح على خدودها مخفض صوتو و خوف متملكه) ششش مالنا على دموع واش قلقتك بشي حاجة ، ( قلبه تزير ) واش مني انا
نوارة""( تتحرك راسها بنفي ) لا لا ( مسحت عينيها)ماعرفتش تفكرت بابا توحشتو بزاف ( شهقت )و تفكرت
نوح""( ماخلاهاش تزيد تنطق كان جرها لعنده تيقبل على جبينها) شش الله يرحمو دعي معاه ماتفكريش بالبكا
نوارة"( مدورة يديها على عنقه بصوت مخنوق) توحشتو انوح بزااف
نوح""( عض على فكه من الداخل و قلبه موجوع عليه باغي يواسيها و ماعرفش ديك كلمة اش تتعني اصلا نطق بخفوت) توحشيه راه باباك ، رباك ، كبرك ، ضرب عليك تمارة، فرح بيك ، ماشي ساهل تنساي بلاصتو
نوارة""( بقات مخشية في حضنه و كلامه تيتردد في مسامعها في لحضة حست بخجل و غيرت كلامه انه اي كلمة من لي قال ماعاشها و لا حس بيها هزات عينيها فيه شافته تبسم ليها تيدوز صباعهه على عينها تيمسح عليها بحنية ) سمحلي ضريتك
نوح""( تيبعد شعر على عويناتها بلطف) باش ضريتني
نوارة"" ( نزلت عينيها) ضريتك بالاسم الاب بلاما نقصد ( كاتمة شهقتها) ضريتك بشي حاجة نتا ماعمرك حسيتيها
نوح""( عض على شنوفته و حواجبه مگرونين بشكل قاصح للتواني وهو ساكت حاضي ملامحها نطق بالم) والفت هادشي ماتلاش يضرني
نوارة""( هزات يديها على خدوده مراقبة عينيه لي تغير لونهم دلالة على عكس كلامه) شوفات عينيك حفضتهم انوح ( بتردد) نسولك
نوح""( صغر عينيه وكأنه عارفها اش تخرج نطق بحدة) سؤالك واضح ، نساي ،واحد لي عرفتو هو صديق الله يرحمو
نوارة""( تطبطب على صدره بهدنى) انا م
نوح"" ( ناض من جنبها متوجه للحمام و نطق) يلا تحطي شي غدا حطيه
بقات مراقبته تادخل و زدح على لباب ندمت تاجبدت موضوع اسااسا شدت على راسها بين يديها تتعض على لسانها وماخرج هو كان تيحاول يراضيها صدقت قلقاتو ساطت بجهد مسحت على دموعها و ناضت لكوزينة غسلت وجهها ودارت لغدا تيسخن تاسمعات خطواته متوجهين لسيجور طلات عليه بشوية لقاته تيشعل في كارو وتغوبيشة مغطية وجهو عضات على فمها تتلعن في لسانها رجعت طفات على الغدا حطاته في طبسيل خرجاته و عينها فالته ليه لي ماهزش عينيه ليها و لا حركهم فقط يديه لي تتمشي بالكارو لفمو تينتر منه و ينزلها حطات كولشي وقربت عنده
نوارة"" ( تتفرك فيه يديها )اجي تاكل
دور عينه ليها نتر اخر نترة و هو تيشوف فيها بطريقة دهشرتها ماشي شوفاته لكن لون عينيه لي خلعاتها نزل براسه طفى كارو و عاود شاف فيها مطول ناض رمات خطيوة بغات تخوي ليه طريق شد يديها و دورها لعنده منزل بعينه لعينيها
نوح""( بصوت منخفض) سمحي ليا يلا هضرت معاك مامزيانش
نوارة""( كرزت على يديه غلباتها لبكية) انا لي خاصني نطلب منك السماحة ، بلاما نقصدت صدقت مقلقاك
نوح"" ( طبع قبلة على راسها و عاود شاف فيها بعينيه مٌحْمَرَّة كيف الجمر )الواحد مايقدرش يغير القدر ديالو ، ( هز يديه) هادشي لي مكتب لي الله تنعيشو
( دوز يديه على شعرها و نطق بصوت قليل) الحاجة الزينة في حياتي هي نتي، نورتي الظلام لي كان معتم فيا الداخل
تغداو في صمت فقط كانت نضرات منها ليه اما هو تياكل و عينيه قدامه كلاها قلبها عليه هي بدون قصد عكرت مزاجه كمل هو لول لي كانت ماكلتو قليلة ناض غسل يديه و مشى تيوجد كاسو قهوة مخليها تتجمع الطبلة و بكية غالباها دخلات عليه لكوزينة و عينيها ماقدراتش تهزهم فيه دور راسه بشوية لعندها تيشوف فيها مطول تتغسل فدوك لماعن منزلة عينيها عارف راسه قصح معاها واخة هي ماقصداتش تغيرو هز كاسو و تخطاها مشا لبالكو ريح فوق كرسي و جبد كارو تيكمي هي ماحكرتش عليه عرفاتو تغلق و موضوع بالنسبة ليه منتهي و ماباغيش يتنطق حرف فيه كملت شقاها و مشات لبيت تتشم ريحة الكارو و دخان واصل لوسط البيت ريحت فوق فوطوي مكمشة بيديها و عينيها حاضينه تيبخ و يعاود دقايق كتيرة دازت و هو نفس الحالة ماهضراتش و ماقربتش منو تابان ليها ناض من بلاصتو هز كاسو و دخل لمح ليها مراقباه حط كاس بشوية و هو مزال مراقبها تتشوف و تنزل عبنيها عارفها مدهشرة و خايفة تنطق شي كلمة ليه او تهضر معاه قرب عندها بخطوات بطيئة ريح جنبها و عينيه على يديها كتفرك فيهم و مشتتة شوفاتها بارتباك مد يديه ليديها و جرها بشوية لعنده تاجا راسها على صدره محاوطها بيديه هنا خلات دموعها ينزلو عيات كاتمتها عيات تخبي غبينتها هو مانطقش ماتكلمش لتواني تاحس بيها تهدنت شوية و نزل بعينه ليها
نوارة""( هزات عويناتها فيه تتشوف عينيه لي كانت اول مرة تشوف لونهم هاكة كانت كسواد ليل بانو ليها مضلمين نطقت بصوت مجروح ) سمحليا والله ماقاصدة
نوح""( مسح على دمعتها و نطق بصوت تخين) ماعليك والو ( دوز يديه على خدها ونطق) غير ماتبقايش تحكي على ضبرة
نوارة""( مسحت عينيها ) عمرني نعاود انا بصح ماقصدتش ماعرفتش تسرعت ونطقت ليك سيرته انا واخة نهضر لكن ماعرفتش معاناتك و
نوح""( حط صبعو على شفايفها) باراكة انوارة باراكة
نوارة""( حركت راسها بايجاب و نزلت عينها) سمحليا انووح
نوح""( باس على جبينها) سمحي لي لا قصحت معاك
هزات عينها فيه ملامحه متغيرة بدات تعرف عليه و تعرف الجانب المضلم في حياته و زادت عرفاته ليوم تقليقتو خايبة و صعيبة ماقدراتش عليها هزات يديها حطاتها على لحيته بحنية
نوارة"" نووح
نوح""( نزل بعينه ليها) الصمت
نوارة"" ( بصوت حنين و عويناتها تيبريو) عارفاك قاسيتي و دازت عليك شحال من محنة ( تقادت في جلسة و شدات يديه) انا معاك احبيبي عمرني نخلييك
نوح""( عيونه مرخية تتطلع و تنزل على ملامحها و مسامعه مركزة معاها زير على يديها ) الصمت
نوارة""( ناضت ببطئ وقربت ليه باست على جبينه بحنية و عاودت تقابلت مع عينه ) ماعرفتش اش ندير وجهك هاكة قصحني
نوح""(شدها من خصرها و جرها عنده خاشيها وسط صدره و غاطس بوجهه في عنقها نطق بشوية) تعالي ليا
عنقاتو بكل قوتها حاسة بنار و ذنب من موقفها معاه بغات تخفف عليه اما هو مجرد ما تتزير عليه و داتو تيحس بيها تترخى الا عيونه لي كانت شوفة فيهم مثل القوس قاصحة و تتخلع كرز عليها ،هادشي جديد عليه مولف غضبه تيفرغو في خدمة ،موضوع باه تيحاول ما امكن يدفنو لكن ماقادرش ديك لعنة ديما تابعاه ، حس بيها رخفت عليه و بعدت عليه مخلية عينها عليه سرط ريقه بصعوبة و هو تيشوف فيها
نوارة"" شوية
نوح""( حرك راسه بشوية و باش جبينها) ماتشطنيش راسك
(ناض بتقالة جبد كارو دارو في فمه شعله و حرك راسه بشوية ) نخرج ل شي خدمة
نوارة"" ( قربت قاست على صدره) عيان فين اتخرج انووح
نوح""( بخ من فمه و نطق بصوت متقل و عيونه مشربنة) شي خدمة انوارة
بان ليها زاد ماعاودتش نطقت ليه شي حاجة عرفاتو بغى يخرج ربما يتهدن غي سمعت لباب تزدح و هي تجلس شادة بيديها على راسها بقلة حيلة تلفت بيها و نفسها ضاقت بقات تذكر كلامه و هو تيعاود ليها و مبزز عليه ، باش تزاد و تتوفى الواليدة ديالو ورا ولادته مخلياه ماعرفها وماعرف باه شكون تزاد لا ورقة لا هوية ماشي ساهلة عليه
"""طبعت السنيين قسوتها ومرارتها على وجهي. أتعلم ما الفرق ما بين صدري والمقابر؟ المقابر مخصصة لدفن الأموات وصدري يدفن الأحياء بداخله""
غسلت يديها بعد ماكملت جميع الكوزينة ورجعت كل حاجة بلاصتها زينت كيك لي وجداته من قبل دخلتها للثلاجة خرجت متوجهة لبيت تجمع حوايجها بان ليها خارج من البيت الثاني تيهضر في تلفون ويديه فيها شي ضوسي تيشوف فيه توجه للطبلة و جلس بطرف عليها دور عينه لساشي لي مازال محطوطة بلاصتها و طلع عينه ليها و نعت باش تقرب تاخدها حركت ليه راسها و مشات هزاتها تتبسم بدات تتقلب فيهم و هو حاضي ملامحها بشوية عليه جابت ليه ضحكة و لفرحة كيف مبينة عليها جبدات شكلاط حلاتو دارتو في فمها و شافت فيه تتبسم بانت ليه بحال شي بنيتة صغيرة من تيفرحوها و يشريو ليها تبسم و مد يديه جرها لعنده بتقالة جابها لوسط جسمه تيلعب في شعرها و هي اتموت غي بالحشمة من شوفاته
قطع تلفون وحطه فوق طبلة و طلع عينه لملامحها تبسم قرس على نيفها و عينيه تتفحص و تزيد في ملامحها
سناء""( نطقت والخجل مالكها) ن نمشيو دابة
نصير""( حرك راسو بشوية) شوية و نتحركو
سناء ""( تتشتت شوفاتها تتحس براسها تسخف بدوك شوفات لي تيدير فيها ) الصمت
نصير""( هز يديه حطها على دقنها وجرها شويه لعنده و نزل براسه حط شفايفه على شنوفتها تحتية مص شكلاط او مصها هي نيت زادت على مابيه بعد عليها تيتبنن و نطق الحروف تقييلة) حلاوتك مغطية حلاوتو
سناء""( تتحس برجليها ماهزينهاش تتيذوبها بديك تقالة ) الصمت
نصير""( تبسم ابتسامة جانبية ونطق) شنو دابة مانشوفكش سيمانة كاملة
سناء""( حركت راسها بنفي بصوت خجول نطقت) لا
نصير""( وسع عينه و حرك راسو بتقالة ) شنو زعمة
سناء"" ( ردات شعرها ورا ادنيها) يعني ( نزلت عينها) الصمت
نصير"" يعني شنو
سناء"" ( بخجل) زعمة العريس ماخاصوش يشوف عروسته على مدة( تبسمت ) يعني
نصير"" ( مصغر عينه بصوت قليل ) باش نشوفك مزينة و تعجبيني ( حرك راسو بمعنى بحال هاكة)
سناء""( تبسمت و حركت راسها) اه
نصير ""( تبسم و دور راسه الارجاء و عاود نزل بعينه ليها نطق بهدوء) شي حوايج شفتهم فيك مغطين مضهر و زينو ( قرس على دقنها) زينة لداخل و برا ( قربها لعنده طبع قبلة على الجبين بحنية) كولشي فيك زين
حط راسها على صدره محاوطها بيديه بزوج خاشيها فيه مخلي أنفاسها تتخرج بسرعة عليه و شي رجفة تيتحسسها منها باس على شعرها نطق
نصير"" يلا وجدي راسك باش نمشيو
حركت راسها و بعدت عليه مشات لبسات عليها و جمعات حوايجها و خرجت عنده لقاته مزال في بلاصته و كارو في يديه تيبخ شافها خرجات و طول بشوفته ليها وصلات قدامه ووقف هز واحد جوا من جنبو مدو ليها
سناء" شنو هادشي
نصير"" صداقك
سناء""( تتشوف فيه و تعاود تشوف جوا حشمت ماعرفتش اش دير) الصمت
نصير""( شد يديها و حطهم فيها) حقك هدا مكاين لاش ديك حشمة
نزلت عينها و حنيكات ايطرطقو شافها هكاك تبسم و تحنى بكتلته قفازي حل صاك و دارهم فيه هزو و ناض شد يديها وجرها باس على جبينها و خرجو متوجيهين للدوار
دازت وقت كتير وهي متكية فوق السرير عيات تتسناه يدخل تاداتها عينيها و القلب ديالها كانت تتحس بيه تيتقطع بقى فيها بزاف وديك نضرة لي كانت في عينيه و دوك ملامح مابغاوش يتحيدو من بالها ......
دخل مع الباب بخطوات تقيلة تيقلب بعينيه عليها مشى لباب لبيت فتحه و بانت ليه فوق السرير من نعستها لمعذبة ميبنة كانت تتسناه عض على فكه و قرب ليها بشوية تاوصل جنبها ريح قريب منها مد يديه لشعرها تيدوزها عليها بحنية و عينيه حمرة حاول يبعد و يخرج حتى يحس براسو تهدن عاد يدخل عليها هكاك بان ليه حلات عويناتها من لمساته عليها بغات تنوض و نطق موقفها
نوح""( بخفوت) خليك مرتاحة
نوارة""( ناضت جلسات و قربت منه عنقاته خاشية وجها في رقبته ) فين مشيتي احبيبي
نوح""( تيدوز يديه على شعرها و ينزل لضهرها بحنية) انا حداك
نوارة""( بعدت و تقابلت معاه) جاك جوع نوجد ليك شي حاجة تاكل ماتغديتيش مزيان
نوح""( تبسم تيدوز يديه على خدها) رافدة هم حبيبك
نوارة""( فرحت من شافته تبسم في وجهها طلعت يديها لحيته ونطقت بغنج) قلتيها حبيبي و راجلي علامن بغيتيني نرفد همي يلا مارفدتوش عليك
نوح""( هداته و تتزيد بهاد تحلوين لي تتبقى دير ليه ديجا عينه حمرة و تتزيده بالعيا و هو تيطلع و ينزل فيها بتقالة تبسم بجنب ونطق ) واش تديري لحلاوة
نوارة""( ضحكت تاتزنكو حنيكاتها) قلت غي لي كاين احبيبي والله مازدت شي حاجة
نوح"" ( قرب ببطئ لعنقها و طبع قبلة عليه دافية ) كولشي باين فيك
نوارة"" ( تبسمت) اش باين فيا
نوح"" تتمرݣني عليا ولا شنو
نوارة""( تبسمت) صافي باين بلي كنبغيك ( نطقت بشوية بخجل )كنموت فيك
نوح""( نزل براسه موسع عينيه و ابتسامة فالتة ليه بشكل زاد حشمها) عاودي اش خرج داك الفم
نوارة""( حدرت راسها بغات تنوض و رجعها بلاصتها ) الصمت
نوح""( عض على شنوفته حابس ابتسامته ) عاوديها عاد تحركي من هنا
نوارة"" وطلق ماقيلاش يلاه
نوح"" ( تبسم على منضرها) واخة غمضي عينيك
نوارة""( ضحكت و دغيا غمضات عينيها ) شنو جبتي ليا
نوح""( قرب لشفايفها و طبع قبلة عليهم و بعد) اش نجيب
نوارة""( حلات عينيها مغوبشة) وعلاش غمضتي لي عيني
نوح""( عينيه غاياكلوها نطق بهدوء) يلا غمضي
نوارة""( تبسمت تاني و غمضت عينيها) هانا
نوح""( عاود طبع قبلة على عنقها و بعد تيتبسم) الصمت
نوارة""( حلات عينيها ميقة فيه) تضحك عليا ( ناضت رمات خطوات و رجعها تاني حطها فوق رجليه غالباه الضحكة ) درتيني ضحكة انوح ياك
نوح""( حرك راسه بنفي و عينه مفضوحة نطق بصوته التخين ) غمضي دابة مانضحكش عليك
بقات تتشوف فيه مدة شافته نعت بعينيه باش تسد و هي تغمضهم نافخة عليه تبسم على منضرها و جبد من جيبه براصلي رقيق فضي فيه قلب صغير
نوح"" حلي عينيك
نوارة"( فتحت عينها بشوية بحالا شاكة شافت فيه عاد نزلت عينيها ليديه ضحكت وشداته بين يديها) زوييييين بزااااف ( شافت فيه) غادي تضسرني او بزاف عليا هادشي انوح ( نزلت بعينيها كتحقق و بان ليها داك قليب تيتحل ) لاااا شحال زوين( فتحاته و بانت ليها اول حرف من اسمه و اول حرف من اسمها هي هزات عينيها فيه) ناري تيحمق زويييين بزاااف ( عنقاته ) شكرااا
نوح""( ديك فرحة ديالها سطاتو غي مراقبها تبسم و شده من عندها ركبو ليها و باس على يدها) سمحي ليا على ماشفتي مني من قبل
نوارة"" ( قرب باسته جنب فمه بشوية و نطقت) انا لي خاصني نقولك تسمحلي ( شافته لمح ليها بشوفات و هي تسقل تتبسم) غادي توحل معايا
نوح"" ( شد رقبتها و جرها باس على جبينها و تقابل مع عينيها بصوت خافت ) عينيك و وحلوني ماتنقدش على دموعهم
نوارة""( عنقاته مزيرة عليه) الله يخليك ليا حبيبي ياااربي لهلا تحرمني منك ( بعدت عليه و تبسمت تتشوف في براصلي ) ولكن راه عندك شي دوووق بزاااف
نوح""( بابتسامة جانبية و عينيه معسلة بحلاوتها قدامه بصوت متقل) دوقي مبين منك احبيبي
دخلات سيارته من باب الكبير ديال الدار وقفها تحت واحد شجرة قدام دارهم ودار عندها متقل
نصير""( تيشوف فيها مطول و هي تتبسم بطريقة خجولة حك بصبعه على رقبته دور عينه الارجاء و عاود شاف فيها نطق الحروف متقلة) مرتي تخلي عليا بلاصتها
سناء""( منزلة عينها وديك لكنة باش نطقها كملت عليها تبسمت تتلعب بيديها على حوايجها) الصمت
نصير""( بصوت خافت) هزي عينيك عندي
هزات راسها بشوية و خدودها ايطرطقو شافته تيقرب عضت على شنوفتها و قلبها تيتهز فوق صدرها وصل بشفايفه لشفايفها غمضت عيونها بداك دفئ لي في شفايفه قبلها و بعد وعاود قبل على خدها مخلي لحيته تتحس على خدودها بطريقة خلاتها تنسى روحها فين
نصير""( قرب لودنيها ونطق بشوية) تهلاي ليا في راسك العسيلة
بعد عليها متبسم بتقالة لقاها غارقة في حشمتها كون يصيب ياكلها وديك حشمة لي تتبان في ملامحها شافت فيه و تبسمت نزلت عينيها تاسمعاته حنحن شافت فيه
نصير""( نعت بعينه) الواليدة
دارت شافت مليكة جايا من بعيد هازة في يديها قبطة النعناع مبين عاد مݣلعاه من السانية
سناء""( شافت فيه و نطقت بصوت خجول) يلا تدخل ترتاح شوية
نصير""( تبسم) لا نزلت مانرجعش
سناء""( ضحكت) ههه مرحبا بيك
تبسم و فتح لباب نزل و نزلات تاهي مشات سلمت على مليكة و عنقاتها مخشية فيها دارت لقاته داير يديه في جيبيه و مراقبها قرب باس لمليكة على راسها
نصير"" كي بقيتي مزيانة
مليكة "" لاااباس اوليدي يرضي عليك
سناء"" ( قاصت خدودها ) ماضارك تاحاجة
مليكة "" مزيانة بنتي مالك شاطنة راسك(شافت في نصير و نطقت )دخل ولدي تشرب كويس اتاي
سناء""( شافت فيه) قلتها ليه امي غادي يدخل
نصير"" ( صغر عينيه) وانا نقدر نقول لا
تبسمت على كلامه و دارت شادة في دراع مليكة هوما قدامه و هو وراهم دخلو لداخل مليكة مشات لكوزينة و قربت سناء حطات ليه خدية باش يجلس
نصير""( مراقبها بشوفاته ونطق بشوية) جيبي لي شي كاس ماء ندوز هادشي
سناء"" ( حابسة ضحكة) اش تدوز
نصير""( شد يديها و قربها عنده ونطق ) نرجع و نوريها ليك
بعدت دغيا ومشات لكوزينة تتبسم جابت ليه ماء و رجعت عاونت مليكة حطات معاها كسكروط لي كانت مقادته قبل مايوصلو مسمن و حرشة البلدية مع الزبدة و الزيت
مليكة "" ( تتتكب اتاي) مرحبا بولدي
نصير"" الله يكبر بيك اميمتي
مليكة""( تبسمت و طبطبت على ركبته) بغيت نقولك اوليدي شي كلام كنت نقولو ليك من قبل ولكن دابة من جات فرصة نقولوه دابة ( شافت في سناء و عاودت شافت فيه) تهلا لي في بنيتي هي لي عندي انا مانشكرهاش ليك نتا راجل وعارف سهم العيالات.. بنتي درويشة حاطة راس عليا بزاف ( تبسمت) الموت و الحياة في الدنيا عطيتها ليك باش تأمنها و تكون في كتافها ماتخليهاش تميل ولا طيح شد يديها و شد معاها الخاطر وليدي الله يرضي عليك
هي تتنطق كلامها هو عينه غي عليها لي حاس بعينيها عياو يحبسو دموع وشفايفها تيقمزو بشكل قاصح
نصير"" ( بصوت هادئ)بنتك امانتي منك و من الله سبحانه ، نديرها بنتي قبل مرتي
هنا ماقدرتش تحبس دموعها حطات يديها على وجها و خلات دموعها ينزلو حسات بيد تحطات على كتفها و تجرت الحضن حنينة تتبوس على راسها عارفة كلام ميمتها عارفة هضرتها علاش تتعني بيها
نصير""( كيحس بقلبو تزير من منضرها ماتحملش يزيد يشوف دموعها حنحن قاد صوته و نطق ) الواليدة الله يطول في عمرك و تشوفيها فرحانة كي متمنية
مليكة """( تبسمت) ان شاء الله اوليدي تفرحوني بشي حفيدة ولا حفيد
مع قالت ديك كلام و هي هزات عينها في نصير تتمسح عليهم ولاح ليها غمزة كأنه تيأكد كلام نسيبتو و عاجبه حال نزلات عينها و حشمة قاتلاها ماحيلتها لمها ولا ليه وزعامة لي فيه
نصير"" ان شاءلله الواليدة علاش لا
كلا و جلس معاهم شوية و ناض باش يمشي في حاله كان المغرب غادي يودن ليل بدا يطيح مشات معاه هي باش تودعه وصل الطومبيل حلها و دار عندها
نصير"( حط مرفقه على باب بعيون مرخية ) يلا ترجعي في حالك
سناء""( ضحكت تتلعب بشعرها) ههه لا اخويا
نصير""( قرب تا جا قدامها منزل براسه لعندها وشد على دقنها مطلع عيونها لوسط عينه و نطق متااقل) كي ندير مانشوفش عينيك
يتبع...
التعليقات
لا توجد تعليقات بعد، كن أول من يعلق.