مدللة العميد الجزء العاشر

حدرات راسها الكاس د أتاي كتدورو بين يديها صغار بثوتر حتا كتحس بأنفاسو ساخنة فعنقها : الله يعطيك صحة .

عضات شفايفها المنفوخة بعنف حتا تطرطق د*م وناضت مفزوعة صافي سلاها ليها لأنو ايلا بقات شوي حداه فراه غتسخف ليه تم ..شافت فياسمين لي كانت جالسة كتهدر مع حليمة وقالت جمرة : ياسمين عفاك تقدري تمشي معايا واحد دقيقة .

ناضت ياسمين غادة لعندها طالعين مع دروج ..قلبات جمرة راسها لوراها بضبط عند عثمان كتلقا سيد مفطح على الفوتاي والكاس لي شرباتو منو جالس كيشرب فيه بكل نخوة وكيستبنن فيه ونضاراتو عليها غياكلوها ..دورات راسها بزربة طالعة هي وياسمين الجناح.

دخلات جمرة الجناح وياسمين من وراها .. مشاو جلسو فسرير وقالت ياسمين : مالك اجمرة علاش عيطيلي ؟

جمرة بثوتر : والو غير بغيتك تمشي معايا ..لقيت دوك العقروشات تاوع سلمى ومليكة كيشوفو فيا وبغيتك تبقاي معايا ..مبغيتش نبقا جالسة حداهم ويعصبوني .

ياسمين خنزرات : المشعوذات لآخرين ساحرين ليكم وما بغاو يحشمو .

جمرة هزات حواجبها : كفاش .

ياسمين باستغراب : مفخبارك والو ؟

جمرة ضحكات بفقسة بلعاني باغا تعرف شنو كتقصد بساحرين ليكم : ههه دوك شيطانات ومنعرف عليهم والو اصاحبتي ...كملي .. كملي من عندك راني باغا نيت نفهم منك كتر .

بدات كتعاود ليها ياسمين من أول كلمة قال ليها عصام لأخرها بأسلوب كأن جمرة كانت عارفة وعثمان معاود ليها كلشي ..

خرجات عيونها مشرعاهم مصدومة من أعمال مليكة وسلمى الخبيثة + عثمان لي معاود ليها والو حسات براسها بلا قيمة ...علاش ياسمين يعاود ليها راجلها وميخبي عليها والو وهي لي كانت حياتها وحياة راجلها غضيع معارفة والو .

ياسمين باستغراب : جمرة مالك .

جمرة بتاسمات بتوتر عيونها دمعو : ءءلا والو غير هاد الموضوع فينما كنتفكرو كنتحسس .. هادوك جوجات إنشاء الله انتكلف بيهم اياسمين ..كوني هانيا ..

ياسمين رتبات على كتفها : وانا معاك اختي .

ناضت ياسمين خرجات من الجناح وعثمان لي تلاقا معاها فالباب ..دخل الجناح سد الباب كيلمحها جالسة فسرير حادرة راسها مكتحركش ..

هزات راسها بتتاقل فيه نيشان على وجهو كتشوف فيه ..ناضت وقفات من سرير ومشات لعندو بخطوات بطيئة ..وقفات عليه مبتاسمة إبتسامة باردة وقالت بخفوت : علاش منعرف والو ..هممم ؟ علاش ...شكون أنا ..همم ؟ هدر شكون أنا [ ضربات على صدرو بصبعها وغوتات مجننة ] هدرررر شكوون أنا ...وهدررر متعصبنيش ..هدررر شكون أنا [ حدرات راسها وشهقة خرجات من فوهها ...هزات راسها فيه دموعها نازلين على خدها ] أنا مراتك اسي عثمان ..مراتك أنا .. محشوماش عليك ..هاا ؟ واش محشوماش عليك ... راجلي كانو بغاو يسحرو ليه وانا مفخباري والو ...فين هي زوجة هاا ؟ فين هي زوجة لي توقف مع راجلها وتحضنو فيين [ ضحكات بفقسة فوجهو ] حتا يكون بعدا زوج لي يعاود المرتو وميخبي عليها والو ..[ شدات ليه يديه كترعد ] علاش ياسمين تعرف قبل مني وانا لا علاش ياسمين يعاود ليها راجلها وانا لا؟ علاش ياسمين ميخبي عليها راجلها والو وانا لا .... علاش هدر علااااااش ؟ بغيتك غير شي نهار حتا أنا تجيبني حداك وتهدر معايا كأي زوج وزوجة ...وتجمع معايا بحال شي بنت ناضجة مزوجة [ بتاسمات بحرقة فوجهو ] واش كنبان فعيونك برهوشة ؟ واش برهوشة لي مكتعرفش تهدر مكتعرفش تجمع بحال ناس واش برهوشة لي متقدرش تحمل المسؤولية ..هاا ؟ واش برهوشة ..عفاك جاوبني .. جاوبني [ شهقات بصوت عالي ] واخا تعيااو تقولو بلي جمرة كانت عايشة عيشة زوينة ومفششة عند باها وخوتها ..واخا تعيااو عمركم تشوفو الحگرة لي دازت عليا ..سمعتي هاا ؟ سمعتي ..عمرك غتشوف الحگرة لي دازت عليا ..سمعتيني ؟ عمرك غتشوف عيالات عمامي لي كانو كيجمعو ويضحكو مع بنات عماتي لي قدي فالعمر وانا راديني لور زعما ماشي ديال جماعة بحال ناس الكبار غير برهوشة باقا كتلعب برا بتراب ونماري تاع الحجر ...كنت نشوف بنات عماتي وبنات خالاتي يجمعو مع ناس الكبار ويعطو رأيهم حتا هوما بحالهم بحال ناس وانا كيدفعوني لور باش نرد البال لدراري صغار لي كيلعبو برا ...ونهار لي قلت غنتزوج براجل لي غيجمع معايا ويعطيني وقت ويعاود ليا كلشي كزوجتو الوحيدة ولاكين كنت غالطة ..عمرو مداز شي حوار بيني وبينو وبعقلو كأي زوج وزوجة [ ضربات فصدرو بصبعها ضربات متتالية وقالت مكشرة على نيابها نازلين دموعها وقالت بحدة أول مرة فحياتها غتهدر بيها ] منسمحش ليك ..منسمح لحتا واحد يردني برهوشة ..منسمح لحتا واحد يسوخرني لور .. منسمح لحتا واحد يهيني [ قربات وجها لوجهو وقالت بنبرة خافتة حادة مخرجة عيونها كلبؤة شرسة ] لي قدامك مبقاتش جمرة تهامي ..لي قدامك جمرة الوزاني ودخلها مزيان فهاداك دماغ ..وديك مليكة وسلمى ااانا لي غنتكلف بيهم ونتا ما عليك غير تهبط يديك وتشوف ..

..صدرها كيطلع وينزل بعنف شديد وعيونها خارجين فيه بحدة وشفايفها كيترعدو عليها بالاعصاب لي شدوها ...هزات يديها لي كيترعدو مسحات دموعها بقوة حاردة حناكها وقالت بنبرة حادة مكشرة على نيابها : ومنننن ليوم أي حاجة غتوقع فرياض ..غتكون فخباااري اناااا لولى ..[ خفضات نبرة صوتها ] ياك كتقولي أنا هي مولات الرياض ومرات سيد العمدة ... إذن من اليوم اسي عثمان الوزاني غتمشي على هاد الجملة لي من نهار حطيت رجلي فهاد رياض ونتا كتقولها ليا ..من ليوم ومن هاد دقيقة وتانية لي واقفة معاك فيها غتمشي على هاد المينوال وأي حاجة وقعات غتقولها ليا [ قربات كتر لعندو حتا كانو شفايفهم قراب يتلامسو وقالت بخفوت ] متنساش شكون أنا اسي عثمان .

مخرجة عيونها فيه والقوة والعزيمة والجرأة من عيونها خارجة .. مخايفاش منو ولا من أي واحد ..

فور معارفات سلمى ومليكة شنو دارو تما فين فاض الكاس ..سكتات وميكات ورحمات وسامحات ودارت عين ودن ميكا ...وما عمرها قالت ليهم شي كلمة ولا وقفاتهم لعند حدهم .. لكن دابا ..صافي الكاس فاض وجا الوقت فين تكرد ليهم وتوريهم جمرة الوزاني شنو كتسوا .

عيونو صقرية مفيكسين مع عيونها الحادة لي مخرجاهم فيه ...فقط الهدوء والجمود لي مرسومين على ملامح وجهو رجولية ولي ما عمر بانت عليه شي ردة فعل إلى يومنا هذا من غير نهار لي خرجاتلو على طوعو ملي لبسات المزير وخرجات ...عوج راسو بطريقة جنونية وقرب لعنقها خاشي وجهو وتنفس بنفس سخون حارق بشرتها وقال بفحيح هامس : وما عليا غير نشوف بنتي علاياش قادة .

زمجر بنفس سخون مخليها تزيد تزير على يديها وتغمض عيونها من قربو ليها ...هزات يديها حطاتها على صدرو القاسح ودفعاتو بشوي وبكل هدوء هزات فيه راسها وقالت بنبرة باردة : متقربش ليا ...دابا باقي مشفتيش جمرة الوزاني الحقيقية ..ملي تشوفها عاد قرب ..[ عوجات راسها كيف دار وخشات وجها فعنقو قالت بهمس أنوثي محلون ] تفاهمنا ؟

هز يديه وحطها نيشان على صدرها كيف دارت ليه حتا هي وشهقات من حركتو الجريئة وبعدها عليه بكل هدوء وقال منزل راسو ليها بحكم قصرها : وملي نشوف جمرة الوزاني الحقيقية لي مكتخاف من والو ..عاد داك ساعة تقرب ليا [ عوج راسو ومشا نيشان الوذنيها قال بهمس رجولي ] تفاهمنا ؟

بعدات عليه مخنزرة معاجبها حال مراضياش وقالت بنبرة زعلة قالبة وجها عليه : بزعطا .

شاف فيها شي شوفات غراب وقرب ليها بخطوات بطيئة حتا وقف وراها عاطياه بضهرها ..دورها لعندو حتا تزدحات فصدرو وقال بنبرة باردة قاتلة كيشوف فشفايفها : لسانك نقطعو ايلا سمعتو نطق بشي كلمة ما هياش ..

جمرة خرجات عيونها فيه ما مصدقاش وقالت : حلف بالله ...ناري مكنتش عارفة .

خرجات لسانها فيه وقالت بنبرة معكلة لسانها خارج مكتخرجش الهدرة : ياكما غتقطعو ليا دابا نيت ..زيد مرحبا ..مرحبا بيك اسي عثمان تفضل قطعو ليا ...يلاه قرب ..قرب .

بقا كيشوف فيها ببرود مطول ..هبط عيونو لسانها لي خارج ولي عليه ريقها ..غمض عينيه وحلهم بهدوء كيطرطق فعنقو وبدا كيقرب ليها بخطوات ثابتة وهي راجعة بلور .

لصقات مع الحيط وهو قبالتها واقف عليها ..حنحن بهدوء وقال : خرجيه .

جمرة بعدم فهم : شنو ..بعد عليا .

عثمان شاف فسقف كيحك فدقنو : خرجيه .

جمرة شافت جنابها بثوتر من قربو ليها وقالت بنبرة مثلعتمة : ققق قل قلت بعد عليا .

عثمان قرب ليها وقال بنبرة أجشة : ياك قلتي ليا قرب

شافت فيه بناضارات متوترة وزلقات ليه من تحت يديه خارجة من الجناح كتجري .. أما هو فبقا واقف فبلاصتو كيشوف فالحيط لي كانت لاصقة فيه ..قلب خطواتو خاشي يديه فجيابو ودخل دريسينغ ..وقف قدام واحد الخزانة فالاسود حلها كانو وسطها حوايجو لي كيلبس ديال الخدمة ..حيد دوك الحوايج حتا بان زر أحمر صغير مكيبانش بزاف لاصق ...ورك عليه حتا تحل داك الحيط ودخل الغرفة سرية ديالو بهدوء وسد الباب وقاد داكشي لي خلى كأن شيء لم يكن .

التحت نزلات مع دروج بخطوات ثابتة كدور فعيونها بطريقة غريبة ....دخلات الصالون كتقلب عليهم بناضراتها حتا كتلمحهم جالسين حدا بعضياتهم ومخنزرين ..غير بوحدهم وحتا واحد مكاين حداهم بحكم كل واحد مشا يقضي شغالو ..ولي خرج المزرعة .

بتاسمات إبتسامة فشكل وزيرات على يدها بعنف شديد ..كملات خطواتها ودخلات عندهم ..مشات وقفات عليهم كي قباض رواح وقالت بهمس سامعينو غير هوما : وقفوو .

هزو فيها راسهم مستغربين من وقوفها المفاجئ عليهم ..شافو فبعضياتهم هازين حواجبهم ..شافت فيها سلمى بناضرات حقودة وقالت : شكاين اللالة

جمرة ببرود : سي برافو ملي عرفتيني لالاك .

سلمى خرجات عيونها من وقاحتها وناضت كي شياط كتزمجر بعنف : شكااااين البرهوشة مالك ..شخاصك هااااا ؟

جمرة شافت فيهم ببرود .. هبطات راسها طلعاتها ونزلاتها بسخرية وقالت بابتسامة مستهزئة : جيتي حتا الداري ومتعلمتيش تلبسي حتا مقاد ..همم؟ أش هاد ستيل عندك ههه اسلمى ... لباسك ملايقش الرياض .

مليكة وقفات مصدومة من جمرة ومن كلامها لي قالت ...وقفات حدا سلمى كتلولب فعيونها وقالت : هييه نتي اديك البرهوشة جمعي صواريك مع عروستي حسن ليك .

جمرة ضحكات ضحكة طويلة ديال الباطرونات : غتورو لالاكم لي جالسين عندها شنو غدير ..همم ؟

هبطات عيونها لسلمى مطلعاها ومنزلاها وقالت كتميق : بنسبة لباسك نتي تقول بحالا عمرك شتي نعمة .

سلمى مرضاتش زمات عصبيتها وقالت : المهيم حسن منك فزين البرهوشة وكيبغيني راجلي كيتك نتي يا البرهوشة

جمرة بقات كتشوف فيها ببرود بلا مدير حتا ردة فعل حتا كتفركع عليهم بضحك شادة فكرشها ...ضحكات عليهم حتا عيات ومسحات وجها بلباقة وقالت : اوووه شحال ضحكتيني اسلمى الله يكتر خيرك [ شافت فيها هازة حاجبها ] قلتي بلي حسن مني فزين وراجلك كيبغيك ..

ضحكات برقة وكياتة كتلعب بشرعها بين صباعها وكتعيوج عليهم فاقساهم بفورمتها وقالت : زين مشناه اسلمى أما حتا راجل لي قلتي كيبغيك مكاين لا راجل لا والو أما ايلا كان كيبغيك فهاديك بعيدة عن كل البعد ..[ قربات الوجها وهمسات كضحك كتقلب ليها سم ] واش هداك بغا حتا راسو بقا ليه غير يبغيك احبيبة همم ؟ ههه قالت ليك راجل [ غمزاتها ] حتا يوصل لسيدك عثمان بعدا ازين .

قدات شعرها طويل من ورا ضهرها بطريقة فقساتهم من جمالها الفتان وشافت فيهم كتعيوج فهدرتها : المهيم ازينات ..نووضو دابا الكوزينة عاونو البنات فشغل وتقنو خدمتكم ومنبغيش نلقا شي حاجة ..[ شدات فصدرها شهقات حالة فمها ] هاااء نسيت بلي عطيتهم عطلة ..المهيم كاينين غير نتوما ..خملو الكوزينة مزيان ومنلقاش شي حاجة موسخة ..

شافو فبعضياتهم مصدومين منها ودارو فيها فخطرة وحدة : شنووووووووو .

جمرة كتلعب بشعرها كتمصمص فشنايفها وقالت بنبرة محلونة : ديرو شغالكم لي قلت ولا دردبو عليا من داااااري ودار راااجلي .

حلو فيها فمهم مصدومين ..قربات مليكة منها حدا وجها وقالت : شش شنو ..شنو قق قل قلتي البرهوشة .

شافت فيها جمرة بناضرات باردة لا تبشر بالخير وقربات ليها ومليكة راجعة بلور كتفتف خايفة من نضاراتها لي كيخلعو كانو قراب لشوفات ديال عثمان وهنا كنعرفو بلي جمرة تستاحق يقول عليها عثمان "بنتي" .

جمرة غادة قبالتها ومليكة راجعة بلور حتا طاحت فالارض وجمرة قالت بنبرة باردة مستفزة كتشوف فيها التحت فالارض : وقفي ..

مليكة تمتمات : ءءءااا .

جمرة بحدة : وقفيييييي .

وقفات مليكة كتفتف خايفة غير من خيالها ..شافت فيها جمرة ببرود وهزات يديها قربات يدها لوجها حتا تنفضات مليكة من بلاصتها تسحابها غضربها ...ضحكات جمرة ضحكة طويلة سخرية وقربات لشعر مليكة كتلمس فيه حتا كتنتف ليها زغيبات بطريقة عنفية ومليكة غوتات من الألم لي شدها وقالت جمرة بهدوء : برهوشة ؟ هممم ؟ أنا برهوشة ؟

شافتها مجاوبتهاش وعاودات نتفات ليها شعرها بجهد حتا غوتات مليكة : لااال ماشي برهوشة ...لااال طلقيي ...عفاك طلقي .

جمرة ضحكات برضى ودارت شافت فسلمى لي غير مصدومة حالة فمها فجمرة وقالت جمرة بابتسامة مريضة : هههه شتي شحال هاد عگوزتك كتصنت لهدرة [ جمعات ابتسامتها بشكل مرعب وقالت ] كوني بحالها ولا يكون مصيرك ميطيحش على بالك .

بعدات عليهم كتنفض فيديها بطريقة مستفزة ستفزاتهم وقالت غادة عطياهم بضهرها كتعوج : يلاه الخدمتكم نجي الكوزينة نلقاها كتشعل ... [ دارت لعندهم غوتات حتا قفزو من بلايصهم ] يلااااه .

دردبو من حداها كي الفيران خايفين منها أما هي ضحكات بقهقهة وقالت بخفوت : غير البداية المشعوذات ..

. ودارت غادية الكوزينة ..دخلات على الخدامات وقالت : الله يعاونكم البنات .

ردو عليها مبتاسمين وقالت جمرة بابتسامة بشوشة : ايلا صبتو الغدا سيرو الجردة جلسو شوي شربو أتاي والكيك لي صبت ستاراحو والكوزينة حتا وحدة فيكم متجمعها ..مليكة وسلمى غيجو يخملوها الكبيدات .

حلو فمهم مصدومين وشهقو ما متيقينش وقالت فاطمة رئيسة تاعهم : ككك كفاش ..واش مدام سلمى ولالة مليكة .

جمرة بابتسامة مشرقة : آه مليكة وسلمى [ هزات صبعها عليهم كأنها نقراتهم بطريقة كضحك وكيوت ] آه ونزيدكم آخر مرة نسمعكم عيطتو عليهم بمدام ولا لالة ..[ غمزاتهم ] متافقين الكبيدات ؟

شافو فيها كلهم مصدومين ومستغربين من شكلها لي غريب وحركو راسهم حابسين ضحكة من طريقة باش كتهدر ...قشعاتهم حابسين ضحكة وهي تقول كتشوف فيهم بنص عين : غير طلقوها أشنيولات .

شافو حتا عياو حادرين راسهم حتا كيطلقوها كاملين كيضحكو شادين على فمهم .

نطقات وحدة من الخدامات كضحك شادة على فمها : ههه ضحكتيني اختي جمرة والله ..خصوصا وكفاش كتهدري عليهم ..

نطقات فاطمة كضحك : سمحيليا اختي جمرة ولاكين بنتي ليا بلي باغا تربيهم نيت هههه

جمرة شافت بعيد مبتاسمة إبتسامة هادئة ومرعبة : هادي غير البداية افاطمة ..غير البداية [ شافت فيهم جامعة ابتسامتها وقالت ببرود ] باقي مشافو والو ..غنخليهم يطيحو على رجليا ويطلبو رضايا .

شافو فبعضياتهم مبتاسمين من شخصيتها القوية والمفاجئة لي مكانوش متوقعينها منها ونقزات نفس الخدامة لي عارفة كلشي على مليكة وسلمى وقالت بهدوء مبتاسمة : وحنا معاك أختي جمرة فأي حاجة بغيتيها ..

نطقات وحدى أخرى بابتسامة : اه اختي جمرة حنا معاك واي حاجة بغيتيها غتلقاينا فجنبك .

جمرة ضحكات ببشاشة : يخليكم ليا يا الوريدات ههه .

فاطمة قربات ليها شدات فيدها وقالت بصوت حنين : عمرنا ضحكنا اختي جمرة فهاد رياض والله ...حتا جيتي نتي لهاد رياض عروسة ليه وضحكة عمرها فارقات وجوهنا ..حتا من الحاجة ياقوت وكاع لي هنا .

نطقات وحدة من الخدامات : حتا من سي عثمان لي مكانش كيعمر بزاف ومكيهدرش ومكانش كيجلس مع عيلتو نهار لي تزوج بيك وجابك تغير 180 درجة والله .. نتي نعمة نزلات علينا فرياض اختي جمرة ..

جمرة حدرات راسها بخجل وقالت بابتسامة: الله يرضي عليكم اخوتاتي ...يلاه خرجو رتاحو شوي [ غمزاتهم كضحك ] خلو المدلولات يخملو الكوزينة فراحتهم .

ضحكو بقهقهة من كلامها وخرجات من الكوزينة مبتاسمة إبتسامة هادئة على ملامحها الفاتنة ...طلعات مع دروج بخطوات بطيئة وبشوي حتا كتسمع شي صوت قوي صدر من فوق دروج ..هزات راسها بزربة قارنة حواجبها من صوت لي سمعاتو وكملات خطواتها بشوي كتسيحت ..تحنات غادة كتمشا بشوي بلا متصدر صوت باش تعرف شكون لي الفوق ..غادة فدروج محنية فالارض على دروج حتا كتهز راسها فجأة و كتلمح شي واحد لابس كلشي كحل وقناع أسود على وجهو وملابس سوداء على جسدو خارج من الجناح ديالها هي وعثمان .. خرجات عيونها مصدومة كتفتف بطريقة هيستيرية ...تقابلو عيونها المدمعين مع عيونو سود من تحت القناع وتاجه ليها بخطوات بطيئة وقف عليها كيشوف فعيونها ببرود ...بقا مطول فيها شوفة لثواني وهي فالأرض محنية كترعد وعيونها مدمعة : ععع عث عتمان عث عث عثثمن عثمان ععع عث ..

داز من جنبها هابط مع دروج بخطوات تقيلة وببرود كأن سيد كيتمشا فدارو ...وقف على باب رياض حلو وخرج عادي كأن شيء لم يكن ...

أما هي فكانت طايحة فالأرض كتفتف وحاجة لي كدور فعقلها .. هداك لي خرج من الجناح فراه قتل عثمان وخرج هرب .. وقفات من الأرض كتمشا وطيح فالأرض وعيونها فقط كيشوفو ضباب كثيف ..وقفات حدا الباب وهي كتحس براسها فأي لحضة غطيح ..دورات البواني بيديها بشوية وحلات الباب ببطئ ..دخلات الجناح كتقلب عليه حتا كدور راسها بلهفة وكتلمح عثمان فالارض طايح جثة هامدة ..وسلا*ـح حداه طايح بعشوائية ..

حلات فمها شهقات شادة على قلبها لي ضرها بطريقة عنفية ونفس تحبس فيها ..طاحو دموعها مسرسبين على خدها الناعم .. شدات على راسها مخرجة عيونها بقوة ما متيقاش ...حركات خطوة باش تمشي لعندو حتا كيخويو بيها رجليها وكطيح بقوة مردوخة مع الأرض بطريقة عنفية راسها على الأرض بجهد فاقدة الوعي ..

__________

خارج من دريسينغ شاد فصدرو مورك عليه بعنف وجهو حمر وتنفس عندو صعيب .. تاجه السرير باش يجلس حتا كيطيح فالارض على ركابيه شاد فصدرو مورك عليه بعنف كيطلع نفس وهيبطو ..تسرح فالارض بكسدتو ضخمة ناعس ..حل كول دالقاميجة وحيد سلاح من خصرو لي كان مزير عليه...رد راسو لور مغمض عينيه وصدرو كيطلع وينزل ...

بقا شحال هكاك حتا كديه عينيه وكيغفى فنوم وهو فالارض مسرح ..

أما هي دخلات الجناح بخطوات تقيلة كتلمحو طايح فالارض جـ*ـثة وسلا*ـح حداه طايح بعشوائية ..

حلات فمها شهقات شادة على قلبها لي ضرها بطريقة عنفية ونفس تحبس فيها ..طاحو دموعها مسرسبين على خدها الناعم...شدات على راسها مخرجة عيونها بقوة ما متيقاش ...حركاات خطوة تجاهو حتا كيخويو بيها رجليها وكطيح بقوة مردوخة على الأرض بجهد على كرشها فاقدة الوعي ..

حل عينيه على وسعهم من صوت القوي وقلب وجهو لجنب حتا كيلمحها فالارض مردوخة ... ناض بزربة لعندها طاح حداها قلبها على ضهرها بلهفة .

عثمان كيضرب على وجها بخفة : جمرة .

بقا على حالو كيضرب فوجها بضربات خفيفة ..هزها بين يديه كي الكميشة وداها الناموسية حطها ..جلس حداها كيشوف فيها بناضرات جامدة بلا ميدير شي حركة ...هز يدو بهدوء وحطها على شعرها كيدوز بآناملو على خصلاتها سوداء بحنية ..

حلات عيونها بتتاقل على وجهو لي كان كيشوف فيها بعيونو سود الهادئة ..تأملاتو لي لحضة كتشوف فيه بناضرات ماليها الحزن ...غرغرو عيونها وبانت لمعة تاع دموع فيهم ..بداو شفايفها كيترعدو كأنها غتبكي ...نزلات دمعة من عيونها وقالت بنبرة باكية كتقطع فالقلب : سس س سي عث عثمااان ..

عضات شفتها سفلية نازلين دموعها وقالت : كن كك كنت ك كك كنحلم .. يي ي ياك ؟

حرك راسو بالايجاب بهدوء كيتفحص دموعها لي نازلين ببرود وعاودات قالت بنبرة محروقة : علاش كدير فيا هاكا .. هممم ؟ علاش ...علاش فينما كنبغي نبعد عليك كنزيد نقرب ليك كتر... [ شافت فعيونو ونضاراتو لي ضروها فقلبها...غير هي لي فهماتهم ] متشوفش فيا بحال هاكا .. متشوفش ..واخا تعيا تبقا ساكت ومكتهدرش ..واخا تبقا تبين راسك بارد من برا عمرك غتغير نضرة لي كنشوفك بيها ...[ حطات يديها على قلبها كترعد ودموع فعيونها نازلين ... نطقات بنبرة مقطعة مخنوقة وشهقاتها خارجين ] أنا مخنوقة .. مخنوقة بزاف ...كيضرني قلبي بسبابك ..بسبابك ..فكر فراسك شوي .. فكر فيه ونسا كلشي ..نسا كاع ناس لي كضحي براسك على قبلهم [ غمضات عيونها وحلاتهم عاصرة دموعها وقالت بخفوت حارق ] ونساني حتا أنا .

غمض عينيه وخرجات تنهيدة طويلةةة من أعماق قلبو ..حط يدو على قلبو لي تزير عليه وحنى راسو بهدوء كيتنفس بنفس مسموع ..هبط براسو حطو على كتفها بواحد طريقة خلاتها تغمض عينيها ودموعها نازلين على خدها ..خرجات شهقة حارقة منها وحطات يدها على شعرو كدوز يديها بحنية كأنها الأم تاعو..

غمض عينيه وخرجات تنهيدة طويلةةة من أعماق قلبو كتعني بزاف الحوايج لي عندو وحتا واحد معارفهم ولا حاس بيه ...هبط براسو حطو على كتفها بواحد طريقة خلاتها تغمض عينيها ودموعها نازلين على خدها ... خرجات شهقة حارقة منها وحطات يدها على شعرو كدوز يديها بحنية كأنها الأم تاعو ..

بقا شحال حاط راسو على كتفها مغمض عيونه حتا داه نعاس فوق كتفها غافي فنوم عميق ... أما هي حسات بتنفسو لي نتاضم وطلات عليه بنص عين..لمحاتو مغمض عينيه وعرفاتو بلي نعس .. بتاسمات إبتسامة هادئة وغمضات حتا هي عيونها غافية فنوم ويديها على شعرو كدوزها بحنية ...

بعد مرور ساعة تسمع صوت دقان فالباب ..هز راسو من على كتفها وتقابل وجهو مع وجها وهي كذلك حلات عيونها من نومها ..تقابلو عيونهم لي لحضة كيشوفو فبعض والخدامة برا كدق .

الخدامة : سي عثمان لالة جمرة الغداء واجد .

جمرة نطقات بنبرة مثلعتمة كتشوف فعيونو وهو فوق منها : هاحنا جايين ا هبة .

نصارفات الخدامة من حدا الباب هابطة مع دروج .. أما هوما فالجناح كان عثمان مقابل وجهو مع وجها وقريب ليها بزاف كيتنفسو نفس الهواء ..

خرجات لسانها دوزاتو على شنيفاتها مفزگاهم بطريقة خلات أنضارو ينزلو على شفايفها لي كيبريو بريقها ..طول فيهم شوفة لدقيقة وطلع بناضراتو لعيونها ..بقا كيشوف فيها لثواني بهدوء وتنهد بعمق ....

هبط لوجها كيتنفس بنفسو سخون على وجها ...باسها فخدها ليمن مطول ودار الخدها كذلك طبع قبلة طويلة عليه ..عاود طبع قبلة أخرى وقبلة تانية أخرى وثالتة ورابعة بلا ميحبس وكل قبلة فخدها كان كيطول فيها لثواني طويلة ..هز راسو كيشوف فيها بناضرات هادئة هايم فملامحها الخجولة وحنيكاتها لي رجعهم ليها حمرين مزنگين ...

هبط لصق شفايفو على نيفها صغيور بجهد ودقنو كذلك على شفايفها رطبين مورك بوجهو على وجها كتر حتا انات بألم ..بقا على حالو هكاك وهي كدفع وتنين ..واخا يكون سيد مكيعرفش يترومانسة وميديرش ليها هكاك ...

حس بيها تقسحات وبعد شوي باسها فأرنبة نيفها الحميمر الصغيور بحنية وشاف فعيونها لي مكشرين بتنخنزيرة .

جمرة مخنزرة : ابشوية عليا أبا عثمان ..رآه وجه هداك ماشي حجرة ..نيفي راك بجغتيه .

عثمان بهدوء : نيفك لي صغير أنا شنو ندير ليه .

هزات يدها كتعوج فنيفها لي ضرها حتا كيبعد ليها يديها وشد نيفها الحميمر بين صباعو الكبار كيعبز فيه ويدلك بحنية حتا كيزيد مورك على نيفها بلا ميحس وهي تخرج عيونها فيه كتفركل وكتنطق بصوت رقيق مغنغن بسباب نيفها لي شادو ليها : اغغغ وغغ وغتطلق اغغ وطلق نيفي المصيبة الكحلة ..نيفي نيفي ..ونيفي المسخوط .

عثمان شاد ليها نيفها كيعبز فيها وقال بنبرة هادئة على نيتو : كندير ليك مساج لنيفك ..ياك گلتي كيضرك .

جمرة كضرب فيديه وكتغوت بصوت مغنغن : وغغغ وغغغغ وطلق وغ وطلق امسخوط الوالدين ..اييي غ ونيفيييي .

هزات يديها شدات ليه نيفو كتجر فيه حتا طلق منها ودفعاتو جاي طايح فسرير على ضهرو وهي فوق من حجرو راكبة كتعوج ليه نيفو ..

جمرة كتعوج نيفو وكتقول بحدة : يااالاه كتسحاب راسك غير نتا لي كتقصح ..ايوا خليني حتا أنا نقاد ليك نيفك فبلاصتو .

زادت وركات على نيفو كتعبز فيه وتعوجو من هنا وهنا .

عثمان بنبرة رزينة كيحرك فراسو باش تبعد منو : نوضي عليا البرهوشة .. نوضي .

جمرة خرجات عيونها وقالت بنبرة عالية : عوقتي لي خنفرتي وجالس تقولي نوضي .. والله لا نضت .

بقات على حالها طالعة فوق منو كتعوج ليه فنيفو أما هو فوقف طالق يديه وغير كيشوف فهاد المخلوقة لي فوق منو جالسة تعوق فيه وهو غير كيشوف معندو ما يدير من غير يسكت ويشوف لأنو بكل خلاصة ايلا هز يديه باش يبعدها عليه فراه غيفلعصها من شي قنت وهو يديه قدهم قد سخط مقارنة مع جسدها ضعيف ..

عثمان بهدوء كيشوف فسقف وهي فوق منو كتعبز فيه : تگاعدي البرهوشة .

جمرة خرجات عيونها : برهوشة ؟ أنا ؟

عثمان شاف فيها بنضارات باردة : مغتنوضيش دابا ؟

جمرة خنزرات فيه : لا .

عثمان بهدوء كيشوف فيها : ايلا قستك غنفلعصك من شي قنت .

جمرة قلبات عيونها : حيتاش حگار .

عثمان هز حاجب : حگار ؟

جمرة حركات راسها بالايجاب وعوجات ليه نيفو بطريقة كضحك حتا هزات راسها الفوق كضحك بهيستيرة عليه ..

هزو ريوسهم جيهت الباب بجهد من صوت الحاجة ياقوت لي كتغوت من ورا الباب كضرب عكازها على باب الجناح : وااااالله يمسخكممم يا ولادي ..جالسين تلعبو وحنا التحت كنتسناو فيكم يا قلالين الحياء ...وخرجووو تغدااااو.

شاف عثمان فجمرة مخنزر وهي كذلك شافت فيه حشمانة ..بكترة الخلعة والحشمة لي ركبوها ..حطات يديها على صدرو باش تنوض حتا فجأة كتورك ركبتها فوق من حجرو ونيشان فمولاي سلطان بجهد مخلياه يهز راسو فسقف ويخرج عينيه بجهد على وسعهم وجهو حمر غيطرطق وبلا ميحس دفعها من عليه بقوة حتا جات جمرة طايحة فالارض كي الفارة على المسعودة نيشان وهو ناض من سرير شاد فحجرو مزير عليه وجهو حمر من الألم لي فرجولتو التحت وعلاش لا وهاديك المنطقة هي نقطة ضعف ديال رجل.

عثمان شاف فيها قال بحدة والكشاكش خارجين من فمو : يا بنت العبد باغا ترزيني فالولاد .

جمرة فالأرض كتحك فمسعودتها لي طاحت عليها : وراه مدرتهاش بلعاني .

عثمان عصباتو بزبايلها ونفرزاتو..تحنى هز سندالة من الأرض أما هي غير شافتو شنو هز ناضت بزربة خارجة من الجناح هربانة وصندالة كتجي فالباب مخبوطة ...

هبط عثمان عينيه الحجرو عاقد غوباشتو شاد فرجولتو من تحت سروال وقال بحدة خافتة معصب : برهوشة .

التحت عند جمرة هبطات مع دروج كتجري حتا كتلقا ليها ياسمين فدروج .

ياسمين شدات فيها : اتي مالك .

جمرة كتنهج : ءءواالو والو .

هزات راسها قبالتها حتا كتشوف سلمى ومليكة خارجين من الكوزينة كيتبودرو مع راسهم مخاصهم حتا خير ...هزات جمرة حواجبها فيهم وقالت بصوت عالي : هيييه ..نتوما اجييو لهنا ..

تلفتات مليكة وسلمى ليها كيشوف فيها بناضرات حقودة .. شافو فبعضياتهم وتقدمو بخطاويهم قدامها واقفين ..

جمرة بنبرة خالية : ساليتو تخمال الكوزينة .

سلمى هازة حاجب : مدرناهش اصلن باش نساليوه .

جمرة طلعاتها ونزلاتها ..تقدمات عندها خطوة وسلمى راجعة بلور كتفتف ..وقفات قدامها جمرة محاصراها مع دروج لي طالعين الفوق وقالت بنبرة هادية : وعلاش بسلامة .

سلمى بلعات ريقها بصعوبة وقالت دافعة جبهة : ماشي خدامتك باش نديرو خدمة ديال الخدامات ..[ ضحكات ] ايلا كنتي نتي منهم تفضلي سيري خمليها الخدامة .

ياسمين خنزرات وقالت : شوفو يا....

قاطعاتها جمرة هازة يديها سطوب كتشوف فسلمى بناضرات جامدة وهزات يديها حطاتها على شعر سلمى بشوي حتا كتجمعو ليها بقبضة يديها جارا راسها قدام وجها بقوة ناتفاها من شعرها وسلمى مخرجة عيونها كتنين بآلم ..

جمرة بنبرة حادة هادئة مكشرة على نيابها : نسيتي يماتك ابنت المعيطي ..هااا ؟ نسيتي يماتك ملي كنتي تجي لعندي وطلبيني باش نعطيك حوايجي ..هاا ؟ نسيتي يماتك تجي لعندي وطلبيني نراجع معاك دروس الامتحانات هااا؟ نسيتي يماتك تجي لعندي نعاونك فشقا داع داركم فالمدينة هااا ؟ هدريييي ...نخرج من دوارنا ونمشي نطلب خويا باش يخليني نجي لعندك المدينة ونعاونك فأي حاجة ... نسيتي جمرة لي كانت ضحي بأي حاجة على قبلك هااااا ..وبلا منزيد شحال من حوايج درت معاك ...هدريييي الكلبة هدرييييي ودابا جايا تنعتيني بالخدامة [ بتاسمات إبتسامة مستفزة وقالت ] شفتي هاد الخدامات كاع لي كاينين فهاد رياض فراهم كنعتابرهم سيدات هاد القصر عليك نتي يا مدلولة المدلولات ..ايلا كنتي تجيبيها بطليب هوما جابوها من فم سبع يا موسخة الموسخات ..[ زادت زيرات على شعرها كتر وبقوة وقربات الوذنيها ] ياكما تسحابوني ناعسة على وذنيا ابنت الكلب والعقروشة لي معاك ..[ شافت فمليكة بناضرات قاتلة ] غندمكم على نهار لي هنتوني فيه وضحكتو ناس فيا ...كيفما ضحكتو عليا غنجيب لي يضحك عليكم ..غندمكم على اي حاجة عملتوها فيا ...بيااااا ولاااا بيكم [ شافت فسلمى وقالت بهدوء ] عقلتي على نهار لي هنتيني وهددتيني ودفعتيني فالارض ومشيتي ..[ طلعات ليها راسها الفوق ناتفاها وقالت بحدة ] غندمـ*ـككك ..غنعد*ـبككك ..غنقطـ*ـعككك ...وغنقتـ*ـلككك غير بالمهلل ..غنخليكككك تمناااااي الموت ومتلقاااايهااااش اسلمى ..متلقااايهااش ...عمرني قلت الحاجة ومدرتاهاش ...جمرةة عمرها قالت الحاجة ومدراتهاش [ شافت فمليكة وسلمى لي جراها من شعرها وقالت بهدوء ] نسمح ليكم فكلشيييي ايلا فراجلي اسحارات ..راني ماشي كانبويا احليب الحمير ..

دفعات سلمى على مليكة حتا جاو طايحين الأرض بقوة غادة عطياهم بضهر حتا كتوقف وكدور لعندهم هازة صبعها وقالت : جمرة الوزاني مكتهدرش ...جمرة كضبط ...وليام جايا ..حسبو وعددو على موتـ*ـكم ونتوما حيين الكلبات .

هي كتحط ليه بلا متشوفيه وهو كذلك مهتم بيها ويحط ليها فطبسيلها بهدوء بلا ميشوف فيها ولو نضرة وحدة بيناتهم ولي جالس فطبلة كيشوفو فيهم بنص عين مستغربين من حالهم الغريب .

نطق جلال موجه كلامو لسعيد : كيف داير مع الخدمة ؟

سعيد بدون اهتمام كياكل : مزيان .

جلال شاف فيه بناضرات هادئة : عرفنا ..قلت شنو كدير فالخدمة أما ديك " مزيان " شحال ونتا كتگولها ...

سعيد شاف فيه بناضرات عادية : ونتا مالك .

عثمان كيشوف فماكلتو لي اصلن مكياكلهاش فقط سلطة لي كتحط ليه جمرة ...نطق بهدوء موجه كلامو لسعيد : حتارم خوك .

سعيد شاف فعمو عثمان الهدرة تلجات ليه : ااءءمحتارمو أعمي .

هز عثمان راسو فيه حاط يدو على فخضو برجولة وقال بنبرة باحة كيشوف فعيون سعيد : جاوبو .

سعيد كيتفتف شاف فجلال وقال : الخدمة مزيانة أخويا .. الحمدلله راحنا حاضيين كلشي ..بلا متشطن .

جمرة لي شافت فعثمان بناضرات هادئة لكن من ورا داك الهدوء كانت واحد الابتسامات خجولة وفنفس الوقت فخورة براسها أنها زوجة هاد راجل لي كلشي كيخاف منو ودايرين ليه قيمة وفقط كلمة منو يحنيو راس ..حدرات راسها الماكلتها حابسة الابتسامة تخرج ليها .

مسح فمو بهدوء وبرجولة ..وقف من كرسي بشموخ ونطق بهدوء : بصحة

ردو عليه بإحترام : الله يعطيك صحة .

هربات ليه عينيه بلا ميشعر ليها ..طول شوفة فيها لثواني وبعد عاطيهم بضهرو خارج الجردة بعدما دار حركة الخدامة لي واقفة حداهم بيدو باش تجيب ليه القهوة ..مشات الخدامة وجدات قهوتو وخرجات الجردة عندو هو لي كان جالس متكي بضهرو مفرق رجليه برجولة ونضاضر شمسية على عينيه زايدينو هيبة ... حطات الخدامة القهوة قدامو وقفات حداه لا يطلب شي طلب آخر .

عثمان نطق بصوت رخيم بلا ميهز عينيه فيها : شنو وقع .

نطقات الخدامة ولي كانت نفسها لي عودات ليه الحقيقة : ختي جمرة قادة بكلشي اسي عثمان .

حرك راسو بالايجاب بهدوء كيتفحص جردة وقالت بصوت هادئ : عينك عليها .

الخدامة هزهزات راسها بالايجاب : كون هاني اسي عثمان ..ختي جمرة رآه فعينينا .

عثمان بنبرة خشنة : ختي جمرة ؟

الخدامة بتاسمات إبتسامة خفيفة : آه ختي جمرة ..قالت لينا متبقاوش تعيطولي بكلمة لالة ... نتوما هنا فعينيا ماشي خدامات فقط خواتاتي وصافي .

عثمان بهدوء : خدمتك .

حركات راسها بالايجاب بإحترام ونصارفات من حداه ملبية كلامو .

أما هو فقلب راسو لجيهت البالكون كيشوف فيها جالسة فطبلة كتاكل وضحك معاهم بحماس والفرحة باينة فيها وهي كتهدر معاهم ..

حيد نضارات شمسية من على عينيه بشموخ وهيبة طاغية ورجع شعيرات خفاف بيضاء كانو هابطين على جبينو ...وبقا مطول نضاراتو ليها بهدوء وجمود كيشوف فيها فقط بلا مينطق بحتا كلمة .

كانت كتاكل وابتسامتها على وجها كضحك بمرح مع جلال وعذراء وعصام وياسمين وحياة أما حتا لآخرين فناضو من طبلة .

جلال كيضحك : وبرب ما كنكدب ..نسيتي راسك اعصام ولا شنو .

عصام خنزر فيه حابس ضحكة : سكت امسخوط الوالدين .

ياسمين ضحكات بقهقه : ههههه عاود عاود ليا أخويا جلال عاافاك .

خنزر فيها عصام حتا جمعات ضحكة ياسمين .. أما جمرة فكانت كضحك وعذراء غير حاضية كتشوف فجلال وكتقول : الله يستر وصافي

جلال شاف فيها مخنزر : بنت ليك مقطع حوايجي الشريفة .

عذراء ميقات فيه : هاشي لي باني [ هادشي لي بان ليا ] .

جلال تفرشخ عليها بضحك: نطقيها غير مقادة بعدا .

خنزرات فيه مراضياش وقلبات وجها كتعيب فيه وهو كيضحك عليها .

جمرة لي كانت كضحك بمرح حتا كدور راسها عادي لجيهت جردة ..كتلمحو جالس فكنابي لي فجردة وكيشوف فيها ..بلعات ريقها بثوتر وهي كتشوف فيه حاضيها ..

قلبات وجها بزربة قدامها كتفتف من خجل لي كتاساها ..هزات كاس العصير كتشرب فيه بتوتر ضاهر ..قلبات عيونها الجيهتو بشوية حتا كتلقاه حاضيها ..غمضات عيونها مزيرة عليهم كتعض شنايفها ..شربات العصير كامل كتبرد على راسها كتشوف قدامها لدقائق حتا كدور وجها الجردة كتلمحو باقي جالس كيشوف فيها ...حطات يديها على طبلة وتكات بحنكها على يديها كتشوف فيه هايمة مبادلاه نضاراتو ليها بلا ما تشعر لأنو مستحيل تقدر تحيد سحر لي كيلقي عليها بشوفاتو لي ذوب صخر ..

نضاراتهم متبادلة هو كيشوف فيها بناضرات هادئة وهي كذلك ..قلبات وجها من جيهتو خاشياهم وسط يديها كأنها ناعسة لكن كانت ضحكاتها طفولية الخجولة مسموعة عند لي حداها .

شافت حياة فجمرة لي كانت خاشية وجها بين يديها بحالا ناعسة وهي كتسمعها كأنها كضحك : جمرة بسم الله عليك هههه .

ياسمين ضحكات : هادي واقيلا نعسات وكتحلم .

جلال بتاسم : هاد مرات عمي شحال [ شاف فحياة ] شنو كيقول احياة

حياة ضحكات : كيوت ههههه

جلال ضحك : اه كيوت هاد مرات عمي ..تشوف كيفاش كضحك وهي ناعسة .

عصام ضربو فقرفادتو : سكت امسخوط الوالدين بغيتي العميم يجي يفلعصك من شي قنت.

جلال قهقه برجولة : قول غيتبعني بصندالة .

ضربو عصام فكتفو كيضحكو وناضو من طبلة خارجين من رياض معانقين .

ياسمين ناضت قربات الجمرة كتحرك فيها : جمرة مالك واش نعستي فوق من طبلة د الماكلة

هزات جمرة راسها بزربة حناكها حمرين بكترة الخجل كتشوف فياسمين وحياة لي واقفين عليها ...دورات راسها بزربة الجردة حتا كتلقاه ناض جاي داخل الرياض..غير شافتو جاي ناضت بزربة من بلاصتها ومشات كتجري الكوزينة بخطوات سريعة حياة وياسمين مستغربين من حالها ..

دخل عثمان بلا ميشوف فيهم ..داز من حدا الكوزينة لقى نضرة كيلقاها مخشية فالخدامات مدرقة ..ميل فمو جنب محرك راسو بلا حول وطلع مع دروج الجناح بهدوء كتافو العراض كيتحركو

نطقات حياة موجهة كلامها لياسمين هزات سوارت دلوطو : يلاه نخليكم انمشي نخرج دابا .

ياسمين طلعاتها ونزلاتها : بهاد الحوايج ..تاوع دار ؟

حياة شافت فبيجامة لي كانت لابسة وضحكات : راني غادة غير الحانوت اصاحبتي .

ياسمين حركات راسها بالايجاب أما حياة فمشات حلات الباب خارجة حتا كتسمع جمرة كتغوت من الكوزينة : وفين غاااادةةةة .

حياة : غادة الحانوت نجيب سقاطة .

جمرة بصوت عالي : وجيبيلي معاااااك .

حياة ضحكات وقالت : واغنجيب ليك ههه بغيتي راجلك يلوحني من شرجم حيت متفكرتكش يا زوينة .

جمرة : وعنداااك .

ضحكات حياة على جمرة وخرجات ..حلات لوطو وطلعات مكسيريا كتقلب على شي حانوت صغير لي حال ..لقات كلشي ساد بحكم وقيتة الغدا وكلشي كيدخل لدارو يتغدا عاد يخرجو لشغالهم ..

بقات غادة بين طريق بلوطو كتقلب على شي حانوت حتا كدخل فواحد الحي لي كان شوي خارج على القبيلة وكان حي كالم وزوين فشكل ديالو فيه غير البارتمات العصرية ولي غالية ..لمحات واحد الحانوت لي كان كبير حدا واحد البارتمة لي كانت جنبو ملاصقة ..

نزلات من لوطو كتقاد فبيجامتها البيتية لي كانت لابسة والڤينية لي على راسها ..تاجهات الحانوت دخلات ليه وقالت : سلام الله عليك اشريف .

نطق مول الحانوت ببشاشة ولي كان سيد كبير فلاج : سلامك وصل وشرفك زادنا البركة ابنت ناس..قولي غير شنو باغا وكلشي موجود .

حياة بتاسمات إبتسامة كيوت : الله يزيدك نور وفضل غير بغيت شي حاجات صغار اشريف.

مول حانوت بتاسم وقال بصوت رجل كبير فسن فيه شوية العيا : ياك نتي ابنيتي هي بنت خو سي العميد .

حياة بتاسمات : آه اسيدي هي أنا ..حياة بنت خو عمي عثمان ...شكون نتا اعمي

مول حانوت تنهد وقال : أنا العربي وكيعيطولي با العربي هنا وصلي سلامي لسي العميد الله يرضي عليك .. .

مول حانوت شاف فحانوتو لي كان كبير وعامر وفيه الخير والبركة : هاد الحانوت هو لي عطاه ليا باش نصرف على وليداتي مساكن ..كنت غير كندور فزنقة وجار معايا كروسة فيها نعناع ... أما حتا قراية ولادي لي شي كيقرا على برا وشي كيقرا غير هنا فمتكلف بيهم سيد لي كيسكن فدار لي جنبي ..سميتو مراد الله يرضي عليه ..

حياة لي اصلن متعودة فينما تمشي لشي بلاصة كتعرف يد عمها كاينة تم ..بتاسمات من طيبتو والخير لي كيدير فناس .. كمشات حواجبها من الاسم لي قال " مراد " ونفضات أفكارها مكاينش غير هو لي سميتو مراد ..طلبات تقيديتها وجبدات فليساتها باش تخلصو حتا كيحبسها ..حشمات منو وهزات تقديتها وخرجات من الحانوت بعدما سلمات عليه ..وصلات الباب الحانوت خارجة حتا فجأة كتزادح مع شي حاجة قاسحة وتقديتها كاملة كتجي طايحة فالارض...

تحنات الأرض كتجمع فسقاطة تاعها بزربة فساشي ..حسات بشي ضل ضخم درق عليها ..حتا كيقيسو يديها لي كانت كتجمع بيهم تقديتها من الأرض يدين رجولية كبار عليهم شعيرات خفاف ..حلات فمها مخرجة عيونها وهي كتشوف فيدين رجوليين على يديها ..هزات راسها بتثاقل وبشوي على شخص لي محني عليها حتا تقابلو عيونهم ..عيونها زرقاء كصفاء البحر مع عيونو رمادية الحادة لي كانت دايرة بيهم هالة سوداء على لون رمادي ... بلعات ريقها بصعوبة عاضة شفايفها كتشوف فعيونو ...وتمتمات : مم مراد .

شاف فيها مطول بناضرات باردة وهو كيتفحص ملامح وجها الفاتنة البريئة ولي كتاساهم الخجل ..

حدر راسو بعد ليها يديها كيجمع ليها فتقديتها فساشي وشدها من يديها موقفها بشوي بلا ميقول حتا كلمة ..

جا مول الحانوت العريي وقف عليهم وقال : بنتي حياة واش بيخير ..ياكما تقسحتي .

حياة بكلمات متقطعة كتشوف فمراد لي مزحزحش عيونو عليها ..تلفات وشافت فسي العربي وقالت بابتسامة مخبية توترها : لا أنا بيخير أبا العربي غير تقديتي لي طاحت أما أنا موقع لي والو .

العربي ضحك شاف فمراد :ايوا ملي شفت هاد طولة وضخامة قلت غيكون خرج فيك وقسحك .

حياة ضحكات بخفة : ههه لا مضربنيش .. المهيم هاني غادا .

العربي شاف فمراد: دخل ولدي دخل مرحبا بيك .

خرجات حياة بخطوات سريعة مكتشوفش وراها أما مراد فشاف فالعربي وقال : مرة خرى أبا العربي مرة خرى انشاء الله .

خرج من الحانوت تابعها بخطوات تقيلة لكن مسرعة فنفس الوقت ..وقف وراها جرها من يديها حتا زدحها مع صدرو وقال بنبرة هادية رجولية كيشوف فعدسات عيونها زرقاء لي سلبوه وهي كدور فيهم كي طرومبية : فين غادة اشريفة .

حياة بثلعتم كدور فعيونها على ملامح وجهو رجولية صارمة : ءءءاناااا ؟

مراد بصوت خشن : لا أنا

جرها معاه غادي حتا كتنفض منو وكتوقف كترعد ..شاف فيها بنضارات باردة : مغتجيش دابا ؟

حياة شافت فدار لي حداهم بناضرات خوف ورجعات شافت فيه كتبلع فريقها : ءءبلاااش ..غير سير نتا أنا ءءاانمشي الرياض .

شاف فيها بنضارات لي جاوها فشكل ما عمرها شافتهم فيه وقال مراد عاطيها بضهرو : ماشي شماتة باش يمشي بالك بعيد ابنت ناس .

شافت فيه مخرجة عيونها وهي كتلمحو غادي لدار بلا ميتلفت ليها ..حكات شعرها معارفة مدير ..دارت حلات لوطو لاحت تقديتها وسدات سيارتها ودارت تابعاه بخطوات سريعة ..كان يلاه بغا يسد الباب حتا كتحط يديها على الباب حابساه باش ميسدوش لكن صباعها كيزلقو ليها فجأة والباب كيجي عليهم حتا كتغوت مجننة بألم لي جاها ..

حياة بعدات يديها دغيا كتنقز فبلاصتها : أاااااي ..أاااااي .

تلفت عندها دغيا مفزوع من غواتها قرب ليها دخلها الدار ساد الباب جلسها فالأرض وجلس محني ليها قرفصاء شاد ليها فيديها كيشوف فصباعها لي حمرين ..

حياة ببكاء : ص صص صباا صبااااعي ..

مراد شاف فيها مخرج عينيه فيها نطق بحدة : ونتي لمك واش مكتريحيش هاااا .. ااااش وصلك الباب ..هدريييي ..اش وصلككك .

حياة غوتات مجننة كتبكي : متغوتش علياااااااا ..مااا متغوتتتششش عليااا .

مراد خفض نبرة صوتو بنبرة رجولية هادية مقرب منها كتر كيتلمس فصباع يديها بحنية : ونتي علاش كتغوتي ..همم؟

حياة بصوت مرعود باكي عالي : متت متغوت متغوتتتشش عليا ...مم مدااارت ليك والووو آناااا .

مراد بجمود : اش داك يوصلك لباب ..هدري؟

حياة هزات فيه راسها بعيون كيبريو بدموعها لي طايحين وقالت بنبرة مرعودة باكية جسدها كيتهز ويتحط بطفولية : ككك كنت جايا عندك ..ككك كنت ببب بغيت نن ندخل ممم معاك دددااار ..

مراد بهدوء مد يديه كيمسح فدموعها بشوي : باغا تجي لعندي ...همم ؟

حياة حركات راسها بالايجاب كتبكي وقالت بنبرة باكية كتقطع فالقلب : ككك كيقسحووني ..صصصب صب صبااعي ..ككي كا كككيقسحوني .

شاف فدموعها مطول بجمود ومد يديه جرها لعندو كتر خاشيها فحضنو مزير عليها عاصرها بين ضلوعو وهي مخشية فيها كي المشة كتنحط بصوت عالي كتبكي ودموعها مفزگين صدرو لي كانت القاميجة تحلو ليه صدايف لولين وخلات رعشة تسرا فجسدو بسباب دموعها وشفايفها لي كيترعدو على صدرو ... تنهد مغمض عينيه وزاد زير عليها حتا دورات يديها على ضهرو مخششة فيه كتر .

بقاو على حالهم شي دقائق هكاك عاد بعدها عليه شاد فيدها كيتفحص صباعها .. قرن حواجبو مستغرب من بكاها لي جاه فشكل ولي أصلن صباعها موقعش ليهم شي حاجة لي تستاهل أنك تخليك تبكي داك البكا كامل .

هز فيها راسو كيتفحص ملامحها الباكية وقال بنبرة خاترة : علاش كتبكي .

حياة شافت فيه بعيون دامعة : كي كك كيقسحوني .

مراد تنهد : متأكدة ؟

شافت فيه بناضرات متوترة وقلبات وجها مكتشوفش فيه حتا كيقلب ليها وجها لعندو وقال بفحيح : متأكدة ؟

حياة شافت فيه بخجل : كك كت كتخلعني .

مراد بعدم فهم : كنغلخك ؟

حياة حركات راسها بالايجاب حانية راسها وقالت بخفوت : ءءااه .

مراد كيتلمس فصباعها لي حمرين شوي والمهم خفيف : فاش كنخلعك ..همم؟

حياة على نيتها : شكلك ..ديما معصب ومخنزر ..وحتا تعاملك قاسي ..[ هزات فيه راسها مقابلة عيونها مع عيونو ] علاش محنينش ؟ ومكضحكش ؟.

شاف فيها مطول متفحص زرقاوية عيونها الخلابة حتا كينوض فازعها ..

مراد وقف : تهزي براكة من تبرهيش .

حياة شافت فيه مخرجة عيونها مصدومة من تغيرو ..تقول سيد بحالا مكيعرفش الحوار ...

وقفات من الأرض كتقاد فبيجامتها ..شافتو دخل الكوزينة وخرج هاز كاس د الماء ..وقف عليها ومد ليها الكاس بلا ميشوف فيها : شدي

شدات من عندو الكاس وعيونها عليه كتبرقق فيه ..شربات الماء كامل بسباب العطش لي كان فيها ومدات لو الكاس باش يديه حتا كيبعد وقال عاطيها بضهرو : ديه راسك را الكوزينة حداك .

حلات فمها مصدومة منو وطريقة باش هدر معاها ..غززات شفايفها مراضياش ومشات دخلات الكوزينة بخطوات بطيئة كتفحص فشكلها العصري .. حطات الكاس فلافابو ودارت كتشوف فالكوزينة لي عجبها شكل ديالها .

خرجات من الكوزينة مشات الصالون لي كان صغير على قدو .. فيه لا يشري كبر منها ولا ڤيلا كاع مي عندو البساطة هي راحة البال وكلشي ... ماشي ساكن فربعة وربعين حيط معارف من ساسك لراسك ..بدات كتشوف فالفراش لي كان عصري بلون الابيض والاسود ..ودارت على دار كاملة ولي كان طابعها طابع رجولي بامتياز ..

خرج مراد من الجناح ديالو لي كان مقنت بعيد على صالة والبيوتة والكوزينة ..كان مدوش الماء كيقطر من شعرو لي نازل على جبينو نيشان الصدرو الفولاذي لي كان عاري ولابس التحت فقط سروال كيطمة فالكحل ...

دخل عليها صالون كيلقا سيدة واقفة كدور فصالة وكتلمس بأصابعها فديكورات لي كانو رجوليين مزينين صالة ...تمشا وقف وراها حتا ستنشقات ريحتو رجولية طبيعية وريحت الباندوش وشمبوان تاع القهوة ..حسات بقطرات مياه طاحو على عنقها وتلفتات دغيا حتا كان وجها قريب لوجهو وشعرو كيقطر بالماء على عنقها ..

حياة شافت فيه بناضرات خجولة وخدودها حمارو عليها من الوضع بي هي فيه ..صدرها كيطلع وينزل بعنف شديد وهي كتشوفو قريب ليها بزاف ومن الفوق صدرو عاري ملابس والو ..حلات فمها كثلعتم وقالت : دااار زوييينة ...ءءءهاد ددد دااار ديالك ؟

مراد عوج راسو بطريقة خلاتها تغمض عيونها وقال بفحيح : لا ..ديال جيران وعطاوها ليا نبات فيها ورجعها ليهم .

بعد عليها كيشوف فوجها وهي مغمضة عيونها ..بتاسم بسخرية وحلات عيونها فيه ميقة فيه : ايوا الله يستر .

بعد عليها عاطيها بضهرو خاشي يديه فجياب سروال دالكيطمة و كيضحك بقهقهة رجولية على تخنزيرتها طفولية .. أما هي عيبات عليه من القميع لي كل مرة قامعها وكيضحك عليها ...دارت كتشوف فشكل تاع دار لي حمقها وتبعاتو كتسمع فيه كيقرقب فالكوزينة .

دخلات الكوزينة كتلمحو واقف كيقلب فالبلاكارات وقالت : مالك .

مراد بلا ميشوف فيها : كنقلب لا نلقى شي حاجة نصيب شي غدا خفيف .

حياة بتساؤل : مكتصيبش طواجن ..تغماس بالخبز .

مراد كقلب فتلاجة : معنديش ليه الوقت باش نتسنا .. [ شاف فيها وقال بصوت رجولي ] كنطيب ف خمسة دقايق وكناكل ونخرج ..معنديش وقت .

حياة : اااه مزيان .

داز من حداها خارج من الكوزينة ودخل الجناح وخرج منو كيلبس فتيشورت اسود هاز سوارت دلوطو خارج من دار ونطقات حياة : فين غادي .

حل الباب خارج وقال : نتقدا شنو لي خاص لدار .

سد الباب من وراه وهي دخلات الكوزينة كدور وتشوف ..شافت فتلاجة ومشات حلاتها حتا كتصدم ..اشمنك يا فواكه على شكال ونواع والخضرة حتا هي ومواد غذائية منوعة ..مالحة وحلوة ..حلات فمها شهقات حاطة يديها وقالت بصدمة : اويلي وقاليك خارج نتقدا ..وعاد الخير فين غيمشي هاااا؟ ويلي ويلي حي هاد مراد رآه باينة فيه شي خلل فعقلو .

ضحكات بلا حول وبقات كتشوف فتلاجة عاضة صبعها كتفكر ..تفكرات بلي سيد عايش غير بالوجبات سريعة لي ما تشبع ما تنفع ..وقالت : علاش لا منصيبش شي طويجين مغربي حر فاعل تارك .

جبدات الخضرة بي غتحتاج وداك تخربيق ديال طاجين ..دات كلشي البوطاجي غسلات الخضرة لي اصلن كانت مغسولة ومعقمة عاد محطوطة فثلاجة ..

جبدات لحم من الفريگو حطاتو فالماء حتا تطلق شوي وعاد حيداتو من البلاستيك وحطاتو فطاجين بعدما فرشات البصلة..رمات عليه العطرية وربيع وثومة وزويتة رومية ..حطاتو على العافية يتقلى كتحرك فيه بالفروشيط باش يتشحر مزيان ويجي بنين .

نقات الخضرة وغسلاتها وقطعاتها ... قطعات البصلة المفرومة طوال وحلات طاجين لي لقات فيه لحم تطلق وتشحر مزيان وريحة زوينة فايحة منو ..رمات البصلة ودردرات شوية القرفة وسكار باش يجي معسل وشوي زبيب ..

سدات عليه بغلاقتو خلاتو يطيب على عافية مهيلة ..هزات كاسرونة ومشات كتقلب فالبلاكارات وتلاجة وهي معصبة من تقلاب لأنو معارفاش الماعن وداكشي لي باغا فين كاين ..هزات بلاستيكة من تلاجة فيها البرقوق ..غسلاتو وحطاتو فالكاسرونة مع شوي القرفة وسكار والماء ..رماتو فالعافية يتسعل ومشات نقات الخضرة كتصايب فشلايض ..والعصير لي كان تاع ليمون معصور على يدها منعش مع هاد صهد ..

شافت فالكوزينة لي روناتها وعضات شفايفها كدور فراسها .

حياة عاضة شفايفها كتشوف فروينة لي عملات : ويلا جا ولقا هاد روينة .. ناري مشيت فيها .

شافت فتيليفون تاعها لي كان فوق صالة مونجي ..مشات هزاتو و شعلات أغنية يارا" ما بعرف "

..

حيدات الڤينية فوق من راسها جمعات شعرها فوق شفنجة وربطاتو بڤينية الفوق على شكل وريدة وخصلات هابطين على جبينها ..

مشات لافابو غسلات الماعن بخفة وكتعيوج فجسدها وترقص ناسية راسها ...

سالات الماعن ومسحات البوطاجي بخفة وأي حاجة دازت عليها كتخلي لمسة وريحة نقاوة ورقة فأصابعها ..

خرجات الدار شطباتها وسيقاتها وختمتها بمعطر الجو فدار لي كان فن ومنعش ..دازت الحمامات سيقاتهم والأغنية شاعلة مجهدة كترقص معاها وضحك فعالمها الخاص ...دازت الكوزينة كتمسح فالبلاكارات والأرض واخا كانت دار نقية ولكن راسها وشنو قالها ..

تحل الباب من طرفو هاز سوارت فيدو وساشيات د تقدية هازهم قارن حواجبو مستغرب من صوت الأغنية لي كانت مسموعة فدار وريحة طياب عاطية فدار ..كان أول مرة غيحس بهاد شعور ..حط ساشيات حدا رجليه وحط سوارت فوق من طبيلة صغيرة لي كانت حدا الباب ...

حرك خطواتو جيهت الكوزينة واقف فالباب حتا كيتصدم من المنضر لي كيشوف فيه ..كانت واقفة هازة كراطة فيديها وكتلعب بيها بين يديداتها كتجفف فالارض وتحرك فجسدها بطريقة مغرية كترقص على الأغنية وكتغني معاها .

كانو نضاراتو ملهفة وتفاحة آدم فحلقو كطلع وتنزل بعنف ..خرجات إبتسامة رجولية خفيفة فملامحو الصارمة ..قرب لعندها بخطوات بطيئة وتقيلة وقف وراها كيشوف فيها فيها كيفاش كترقص وتغني بصوتها الحنين .

حياة هازة راسها فوق كتغني مغمضة عيونها مبتاسمة وكتغني : حسيت قربك بالأمان صرت بزماان غير لي كااان ..عم اعشق أنا عم بخلق من أول وجديد ...عا إسمك أنا عم إلبس خاتم عمري بلإيد ...

وقف وراها متلهف يشوف وجها ...مد يديه دورها لعندو بخفة حتا شافت فيه مخرجة عيونها وشهقات بالخلعة ..دور يديه على خصرها ملصقها معاه ..حلات فمها باش تنطق حتا كينقض على شفتيها في قبلة عنيفة كيمص ويعض فشنايفها وهي كدفع فيه باش يطلقها ..كتنين ودفع ولا هو واش سمعها ولبى طليبها ودفيعها ..حس بيها تخنقات وبعد عليها كيلقا وجها حمر كتنفس بصعوبة جرها لعندو خاشيها فصدرو وجها مخشي فصدرو كتنهج بصوت عالي كترد نفس وقالت : ها ها هاشنو اااشنوو ددد درتيي .

مراد كيمرر يديه على خصلات شعرها بأصابعو وكينهج : مقدرتش نصبر .

بعدات عليه بزربة مكتشوفش فيه حادرة راسها ..مشات كتجري الطاجين لي لقاتو طاب وقالت بخفوت بلا متشوف فيه : الغدا طاب .. غنحطو .

شاف فيها كينهج وهي واقفة عاطياه بضهرها ..هبط عينيه التحت الحجرو حتا كيلمح مولاي سلطان غيخرج من سروال ...

مراد عض شواربو مغزف : فاااااااك

ضرب واحد الكرسي كان حداه برجلو بعصبية وخرج من الكوزينة كي شي ثور هايج يفك حريرتو فدوش على الله يبرد

حياة لي تلفتات شافت فالكرسي لي دفعو برجليه حركات راسها بلا حولا منو وحناكها حمرين بالحشمة من القبلة لي خدا منها ..عضات شفايفها المنفوخة لي كانو مجروحين بسباب سنانو وعضانو العنيف وقالت بهمس كتلمس فشنايفها : قسحني .

نفضات راسها ورشات شوية الماء على وجها باش تحيد سخونية لي ركباتها ..جابت البرقوق لي تعسل وزوقات بيه طجين ولوز وزنجلان كذلك ... هزات كلشي وستفاتو فصالة مونجي جابت العصير وشلايض ..لمحات بلي الخبز مكاينش ..خرجات من الكوزينة حتا كتلمح ساشيات تاوع تقدية لي جاب ..مشات هزاتهم دخلاتهم الكوزينة جبدات داكشي لي فيها ستفاتو والخبز كذلك لي جابو باقي سخون وطري ..مشات جلسات فطبلة كتسنا فيه حتا كيتم داخل بعضلاتو الضخمة ملابس والو الفوق فقط شورط فالكحل مبين عليها فخاضو لي كانو معرقين ومزغبين ...قلبات وجها كتميق ومخنزرة وقالت بخفوت : مكيعرفش يلبس الله يستر ..مسفح علينا هنا

مراد هز الخبز كيقطع فيه : ياكما عجبتك .

حياة شافت فيه قالبة عيونها : كول طاجين ..لا بغيتي تاكل.

مراد شاف فطاجين لي ريحتو فايحة وشكلو معسل كيشهي : على زينو ....باين المذاق ما هواش ..نغامر وناكل [ شاف فيها مبتاسم بسخرية ] بنت الفشوش كطيب ..خايبة حتا التعاويدة .

خنزرات فيه ما مجاوباهش وهزات الخبز كتاكل ما مدياهاش فيه ..مراد غمس دغمة وحطها في فمو ..مضغها وغمض عينيه متنهد من المذاق لي ستمذقو ..حل عينيه كيشوف فيها كتشرب فالعصير مكتشوفش فيه .. قطع الخبز كياكل وكيغمض عينيه مستمتع بالمذاق ...مبقاش قادر يصبر وبدا كيقطع وياكل بلا ميتنفس ...مشا مراد راقي ولي عندو كلشي بشوي ورزانة وجا مراد جديد لي ما عمرو بان ..

حياة لي مدات يديها بغات تهز شوي لحم بلا متشوف فطاجين ..حطات يديها باش تهز لحم حتا كتحس بطاجين خاوي وبحالا مغسول مافيه والو ...هبطات راسها بشوية فطاجين حتا كتلقاه فيه غير عضم صغير تاع البرقوق .. حلات فمها ما مصدقاش من طاجين لي خاوي ومافيه حتا شنتينة ..هزات راسها فيه بشوية حتا كتلقا سيد مرجع راسو لور مغمض عينيه شاد على كرشو وكيتنهد ..

حياة بصدمة : ممم مرااااد ...

شاف فيها حال عيونو وقال بهدوء كيمسح فمو بمشوار : شكاين ؟

حياة مخرجة عيونها : فين طاجين .

مراد شاف فطاجين لي حاوي : هاهوا قدامك .. آه واش بغيتي تغسلي الماعن ..صافي هزيه وغسلي معاك الماعن الله يرضي عليك ..

ناض من الكرسي بهدوء ..مشا خارج من الكوزينة حتا كتوقفو ..

حياة بنبرة هادية : فين المرقة ..واش كليتيها كاملة

مراد شاف فطاجين لي هاوي وقال بهدوء : كليتو .

حياة بفقسة : ياك قلتي معجبكش ؟

مراد : لا مذاق لا شكل .. معجبنيش صراحة ..حداكتك زيرو [ حك حاجبو ] جوع ولد الحرام كيديرها .

قال كلامو وخرج من الكوزينة يغسل يديه أما حياة فبقات كتشوف فطاجين لي كان ملموس مافيه ختا حاجة من غير عضم ديال برقوقة

فرياض الوزاني ...عند جمرة لي كانت فالكوزينة واقفة كتطرب فالبيض والخدامات حداها خدامين حتا هوما ..

فباب الكوزينة تم داخل عثمان بخطوات بطيئة مرجع يديه ورا ضهرو بشموخ هاز راسو الفوق .. الخدامات لي غير شافوه حطو كل ما فيدهم وخرجو من الكوزينة حادرين راسهم أما جمرة فكانت غارقة فخدمتها وهي كتطرب ناسية كلشي ..وقف فالبوطاجي لي كان بعيد عليها مربع يديه كيشوف فيها .. نطقات جمرة بلا متلفت : هند[ الخدامة] عطيني سنيدة عفاك .

تسناتها باش تجيب ليها سنيدة حتا كتلفت فجأة وكتلقاه واقف فالبوطاجي خاشي يديه فجيابو وكيشوف فيها بجمود ..بلعات ريقها وتجاهلات كأنو مكاينش وقربات باش تهز سنيدة لي كانت فوق منو معلقة فالبلاكار وقالت بهدوء بلا متشوف فيه : عفاك حيد بغيت نهز شغلي .

عثمان بجمود بلا ميتحرك من بلاصتو : هزي لي باغا .

شافت فيه مغززة شنايفها بفقسة وجاتها فكرة نيت تستافزو ..قربات ليه كتشوف فالبلاكار لي كان عالي ونيت هي قصيرة مغتقدرش توصل ليه ...قربات لعندو كتر حتا وصلات قدامو كتشوف فعيونو بتحدي ..هزات رجليها وركبات فوق من رجليه باش طوال وتهزات على أصابع رجليها فوق من سباطو الاسود لامع حتا قاس نيفها نيفو وشفايفهم قراب يتلامسو ..

زادت لصقات فيه كتر كتمحكك معاه وكتورك برجليها كتر على رجليه ..هبطات عيونها لشفايفو مطولة فيهم شوفة وقربات كأنها غتبوسو حتا كتهز راسها الفوق ويديها كذلك باش تهز سكار سنيدة لي جاها بعيد شوي ..بدات كتطاول باش توصل حتا كتحس بيديه هزوها من خصرها علاوها شوي باش توصل وصدرها على وجهو وبضبط فالفتحة تاع الكسوة لي كانت لابسة محلولين ليها صدايفها لولين وصدرها نصو باين كيبان بيض ولامع طري ..نيفو جا مخشي وسط شقة ثذيها مغمض عينيه ..هي حسات بيه ..عضات شفايفها مبتاسمة بتوتر وسخرية كذلك ..هزات سكار سنيدة وهبطات شوي من عليه ملصقة صدرها لي كان عاري شوي كتر على وجهو حتا تنفض .. جمرة قربات بوجها لوجهو مبتاسمة إبتسامة مستفزة كتعض فشفتها سفلية بإغراء وقالت بصوت محلون مقحـ*ـبن : شكرا أدادي .

قربات شفايفها على شفايفو بشوي باغا تجعرو كتمحكك معاه بلعاني وبعدات مخلياه يتلهف عليها ..عطاتو بضهرها كتعيوج فمشيتها باغا تعصبو وتخرجها منو ..ايلا كان هو بارد فهي راه سخونة وغتسخنو معاها بزز .. رجعات الخدمتها كتصيب فالكيكة وهو وراها واقف فالبوطاجي صدرو كيطلع وينزل بعنف والعرق فجبينو متصبب ... حابس راسو بزز لا يدير شي حاجة .. نفض راسو ومشا شرب الماء يبرد على راسو ..

جمرة لي شافت فيه بنص عين مبتاسمة ورجعات الشغلها كتقوم بيه وقالت بتحلوين : عثماااان .

عثمان قلبو لي تهز داخلو من طريقة باش نطقات سميتو بوحدها ..همهم برجولة هايم فيها : هممم ؟

جمرة دارت شافت فيه بناضرات كيدوبو صخر : جيبلي عفاك شكلاط رآه كاين فتلاجة ..[ لعقات شفايفها بلسانها ] احح نوتيلا .

بلع ريقو من الحركة لي دارت ومشا بخطوات ثقيلة كيحك فجبينو حل الثلاجة جبد قرعة شكلاط ومشا تاجه لعندها واقف من وراها ..قرب لعندها لصق عليها من لور حتا تحسس مؤخرتها البارزة على حجرو وغمض عينيه متنهد ..

هي لي غمضات عيونها مزيرة عليهم كترعد من الحشمة لي ركباتها من قربو ليها وكيفاش لاصق عليها كتحسس شي حاجة قاسحة لاصقة فيها من لور ..عثمان لي حل قرعة شكلاط خشا صبعو هز شكلاط وداها لعنقها لصق شكلاط فعنقها وقرب همس بفحيح : نوتيلا .

هي عوجات عنقها من انفاسو ساخنة لي حرقاتها فعنقها من لور حتا كتحس بلسانو على عنقها كيلحس ليها شكلاط لي دار ليها ..هزات راسها الفوق حالة فمها مغمضة عيونها كتأوه من نشوة لي زارتها ومن لحيسو بلسانو على عنقها ..

لعق بقايا شكلاط بشوي وبهدوء بلسانو وقال بنبرة رجولية خافتة شفايفو على عنقها كيتحسس رطوبيتو : بنينة ..[ زاد لصق عليها كتر بحجرو على مؤخرتها حتا تأوهو بجوج فخطرة وحدة وقال بخفوت ] نوتيلا .

ورك على واحد الز بصبعو كان لاصق فالبوطاجي كيسد باب الكوزينة اطوماطيكمو ..وبقاو فقط هوما بجوج فالكوزينة ..راس فراس ... عثمان وجمرة !!

دورها لعندو بجهد ولصق فيها هز ليها كسوتها الفوق حتا الصدرها وبان سليب لي كانت لابسة فلون الابيض ...مد يديه خشاها تحت من سليب لي لابسة وحطها نيشان على توتو كيتلمس فيه بصباعو كيتحسس رطوبيتو وسيلانو لي هابط منها ..

عض شواربو كيشوف فيها قالبة عيونها كتعض شنايفها بعنف وكتأوه بصوت عالي ما متيقاش كيفاش دار ليها ..كانت بغات غير تستفزو حتا كيصدق سخون كتر منها ..

جمرة كتنهج كتحسس صباعو كيفركو ليها شفرات مهبـ*ـلها : احح عثمان صافي حبس .

قرب منها حط شفايفو على خدها وقال بنبرة رجولية خاترة : الأزواج كيديرو دخلتهم فليل وحنا غنديروها فنهار [ سكت مطول وقال ] باغا تكوني جمرة الوزاني مرات سيد العمدة الوزاني ؟ ..هممم؟ [ بعد كيشوف فيها حالة عيونها فيه كتنهج وقال بهدوء ] باغي دم عذريتك على فراشي ابنت ناس ..[ حرك راسو بنفي بتثاقل وقال بهدوء كيفرك فتوتو تاعها لي كيسيل بصباعو مخلي اهاتها يتسمعو بخفوت ] ليوم مكاين مني هروب ..ليوم غتكتبي على سميتي ود*ـم عذريتك فسلطاني .

مخلاهاش فين تستوعب حتا كينقض على شفايفها فقبلة ساخنة ...عنيفة ..ملهفة ..جامع فيها من كل فن وطرب ...ويديه تحت من سليبها كيلعب ليها على الوتر الحساس ..

حط شفايفو على شفايفها بلا ميحركهم وقال بهمس رجولي مغمض عينيه : بنت گلبي .

جمرة بهمس مغمضة عيونها كتحسس شفايفو على شفايفها : أنا بنتك ؟

عثمان بهمس رجولي : بنتي قبل مراتي .

جمرة بهمس : ونتا ..نتا أپاا ؟ ..ننن نا نتا راك راجلي .

تنهد تنهيدة طويلةةة من كلمة لي نطقتها " نتا راجلي " قفز قلبو داخل صدرو لي كيطلع وينزل بعنف ...

عثمان كيحرك شفايفو بشوي وبحنان على شفايفها بلا ميتعمقو فقبلة وقال بهمس هادئ : حلي عينيك .

دارت بكلامو وحلات عيونها ..شافت فيه مقابلين عيونهم مع بعض وشهوات خارجة منهم ..عضات شفتها سفلية مزيرة وقالت بنبرة مرعودة : ممم مالك .

عثمان بعد وقال بهدوء : سيري الحمام .

كفاش بعد عليها و سيري الحمام ..واش هذا مباغيهاش ..صافي واش نافرها لهاد درجة ..لهاد درجة معتابرها برهوشة ومباغيش يقيسها ..يعني كاع الكلام لي قال فالكوزينة كان غير كلام خاوي ما منو والو ..شافت فيه بناضرات باردة فيهم الحزن مغشيين بزجاجة دموع ...ويا اااه وشحال كسرها وحرقها فقلبها ملي صدرها و بعد عليها ومبغاهاش ...حسات بأنوثتها تهانت فهاد لحضة ...ندمات وندمات أشد ندم علاش من الاول قربات ليه ..

بلعات ريقها بصعوبة شديدة .. غمضات عيونها نازلة دمعة من عيونها وقالت بنبرة متقطعة حابسة دموعها لا ينزلو : صص صااافي ..اننن انمشي نيت نتوضا ونصلي العصر .

داكشي لي كان دازت من حداه كي البرق شادة على فمها حابسة شهقاتها ..دخلات الحمام وسدات ..طاحت على الباب كتبكي وشادة فمها مزيرة عليه كاتمة شهقاتها المحرقة ...هزات يديها كضرب فراسها مغددة ..وقالت بهمس متقطع : ءءءانااا أنا ماشي ممم ماشي بنت ووببب وبرهوشة ..برهوشة وفف وفعيونو منستاهلش نن نكون جمرة الوزاني لل لي تليق بكنيتو ..[ هزات راسها الفوق كتشوف فسقف وقالت بنبرة باكية حارقة كتقطع فالقلب ] علاش بعد عليا واش لهاد درجة مكيحملنيش ...علاش اسيدي ربي علاش ..

بقات على حالها كتبكي وكترعد ..وقفات كتمسح فدموعها ..دخلات تحت من رشاش فركات لحمها مزيان من كترة ما هي معصبة وحزينة نسات راسها وفركات جسمها فريك نيت ..دارت الباندوش بنكهة الڤاني الجسمها ..دازت الشعرها كذلك غسلاتو وعملات العناية ديالو والماسكاات لي كانو كلهم بنكهة الڤاني مكتبغيش تخلط وتجلط ..تشللات مزيان ..لبسات بينوارها وفوطة من فوق شعرها ... خرجات من الحمام لمحات بلي حسو مكاينش فالجناح ...مشات نيشان الدريسينغ دارت عنايتها تاع نضافة وترطيب جسمها ..دهنات بكريمات الجسمها بنكهة الكوك ..وختمتها بسبراي فخانش ريحتو زوينة وسامپل تخليك غير تشمها تسرح بعيييد فعالم أخر ولي كان كيخلي بريو صقلي خفيف فالجسم وكيرجعو مثير ..دهنات شعرها كذلك بزيت الكوك بعدما نشفاتو ..لبسات دوبياس لي كانو خفاف فالأسود وفوقهم عباية طويييلة وعريضة مكتبين فيها والو ...وسروال عريض كذلك تحت منها خاص بصلاة ..دارت شال فوق راسها وخرجات من دريسينغ كتلمحو واقف فبلاصة لي خاصة بصلاة ولي كانت متجهزة بصلايات وكتب قرأنية وتسابيح إلخ... كان مكان مخصص فقط للتقرب من الله وصافي ..وراحة كتبعت منو .

شافت فيه لابس فوقية فالأسود وتقاشر كذلك فالكحل ..طلعاتو ونزلاتو وهبطات راسها بزربة ... أما هو فكان كيشوف فنور لي على وجها وحناكها مزنگين وريحتها لي دوخاتو واصلاه وقال بهدوء : العصر باقي ما أذن .

جمرة متهربة باش متشوفش فيه : اه نسحابو أذن .

حرك خطواتو جيهتها ..وقف قدامها ..جرها من يديها معاه ..وقفو فسجادات لي كان مفرشهم ..حطها فسجادتها لي كانت الوراء وهو سجادتو قدامها ...

عثمان وقف فسجادتو وقال بنبرة خاترة : غنصلو جوج ركعات ..

شافت فيه بعدم فهم حتا كتشوفو كيقيم صلاة وحتا هي مشات معاه متبعاه فصلاة ..

يتبع...