محتوى القصة
دار باغي يدور يطلع مع دروج حتا كيتسمع صوت جمرة من الفوق الجناح : وااااسي عثمااان.. وحشومة عليك خليتيني بووووحدي ورجلييي كتقسحني بزاااف مع الهزان .
هز عثمان راسو الفوق مغمض عينيه متنهد بعمق مزير على قبضة يديه ودار شاف فيهم كيلقا كلشي طار ايلا عصام واقف فقط بجمود ..قرب عند عصام وقال بصوت رجولي : دور شي دويرة فرياض اعصام لا تكون شي حاجة الله يرضي عليك..
دار عثمان عند جلال : ونتا اجلال سي...
وقف عثمان على كلامو كيشوف فجلال واقف هاز راسو الفوق راد ايديه ورا ضهرو وكيشوف بجمود فسقف حابس ضحكة زعما رآه متمر ...تحدر عثمان بشوي وبكل هدوء التحت وحيد سندالة لي كان لابس ..شدها بين يديه وقال بهدوء : جلال .
شاف جلال فعمو وعيونو حمرة قال بنبرة رجولية باحة حابس ضحكة : سمح ليا العميم ولاكين رآه بربي مقادر نحبسها .
مع قال كلامو كانت سندالة جات نيشان فراس جلال لي هرب بصندالة عثمان كيطير ويجري كيضحك بهيستيرة وعثمان وراه كيجري : وقف أولد العبد وقففف
جلال طلع الجناح عند عذراء حل الباب وسد قال من ورا الباب : الميمة اعمي ..الميمة لما آخر مرة ...رآه ديك مرتك كتساليه معايا .
عثمان بجمود واقف ورا الباب : ارا سندالة
جلال هز سندالة قدام وجهو كيشوف فيها قدها قد الفلوكة ..شاف فعذراء لي واقفة ...وراها سندالة وحلات فمها كضحك بلا متصدر صوت من سندالة لي كبيرة ..زعما جلال رجليه صغار وهو رجليه فوطو كوبي تاوع عثمان قدهم قد الفلوكة .
نطق جلال ببحة ورا الباب : عمي واش هادوك رجلين عندك ولا فلوكة ..
عثمان بهدوء : ارا سندالة .
شاف جلال فعذراء بمعنى مشييييت فيها ..بلع ريقو بصعوبة وحل الباب بشوي وخرج سندالة من جنب الباب ويلاه بغا يسدو حتا كيتدفع الباب من طرف عثمان وجر جلال من قرفادتو مخرجو لعندو ..
عثمان شاد جلال من قرفادتو كيدور فيه : ضسرتي اولدي ضسرتي .
جلال حادر راسو كيتركل كيبان بحال شي وليد صغير وعثمان الأب ديالو لي مفاتن معاه ...لأنو جلال فور مكيكون مع عثمان كيخرج داك طفل صغير ومكيبقاش جلال الكبير لي بعقلو وخاتر ورزين ..
جلال هز راسو كيشوف فعثمان وقال بهمس رجولي : وااعمي وطلق وهيبتي مشات قدام مراتي ..وشتييي دابا .
عثمان زاد ورك عليه من قرفادتو وقال بصوت غليض : باقي مباغي دير عقلك ...هممم؟
جلال كيحاول يتفك منو : نديرو العميم نديرو غير طلق .
عثمان زاد ورك عليه : كلشي دار العقل ايلا نتا يا ولد العبد .
جلال تفك منو وهرب قال بصوت عالي كيضحك على عثمان : و دارتو مراتك بعدا باش نديرو أنا .
دخل جلال الجناح ديالو عند عذراء كيضحك وعثمان بقا واقف كيشوف قدامو بجمود ..
نطقات جمرة بصوت مرتافع من الجناح: وااااااااسي عثماااان وتعااااالاااا حل علياااااااا البااااااب ...واعععععععع
غمض عيونه مزير عليهم وحلهم بهدوء كيطرطق فعنقو يمين و شِمال ... خرجات تنهيدة طويلةةة من أعماق قلبو وقال بهمس رجولي باح : مكدبش ... كاع لي دايرين بيا معندهم عقل .. [ هز راسو الفوق كيشوف فسقف بدون حيلة ] كيفاش محماقيتش ؟
جمرة كضرب فالباب تاع الجناح كتغوت : وااااااااسي عثمااااااان وحلللللل .
غمض عيونه وحلهم زافر بغيض وحرك خطواتو غادي لعندها...وصل الجناح حل الباب بساروت ودخل عليها كيلقاها جالسة فالارض مربعة رجليها لابسة بيجامة تاع نعاس فالغوز ومخنزرة .
جمرة ميلة شنايفها بزعل : علاش سديتي عليا الباب ...هااء ؟
عثمان تجاهلها كيحس بشقيقة شداه ومشا كيقاد ليها في فراشها باش تنعس قبل ميصدق لايحها من شرجم .
جمرة دارت لعندو وهي باقا فالارض مربعة رجليها: وهدررر علاش سديتي عليا الباب وشنو وقع ... أش داك صوت ..
عثمان بهدوء بلا ميشوف فيها : غير الكوزينة تحرقات شي حاجة فيها
جمرة قرنات حواجبها : وعلاش تسد عليا الباب هاا ؟ علاش .
جا لعندها تحنى ليها هزها بين يدو فأحضانو كي الكميشة متاجه بيها فسرير باش يحطها حتا كتعلق فيه كتر مزيرة مباغاش تنعس : والله لا نعست حتا نتفاهم معاك على داك الباب لي سديتي عليا .
عثمان كيشوف فيها كيفاش مخنزرة وشادة فيه : مباغاش تنعسي ؟
جمرة حركات راسها بنفي : ااالاء
عثمان بهدوء : طلقي وسيري تنعسي .
جمرة حركات راسها بنفي بطفولية مكتشوفش فيه ..معرفتش علاش ولاكين ملي كتكون معاه كتكون طفولية قدامو : اااالاء
بقات معلقة فيه مباغاش طلقو ودار البالكون لي فالجناح كيطل على جردة التحت ..وقف قدام البالكون لي محلول ودار زعما باغي يلوحها حتا غوتات خاشية راسها فعنقو كتغوت : لا لا لا لا مديرهاش لا لا
عثمان كيشيرها جيهت البالكون زعما غيلوحها : رآه غنطوعك
جمرة خرجات راسها من عنقو كتبوس ليه فراسو بحال شي راجل كبير : مييييمتي ...ميمتي صافي رحم .. منعاودش .
عثمان بهدوء هاز حواجبو : غتنعسي ؟
جمرة بزربة نطقات : غنعس ..واااغنعس وغير نزلني .
عثمان شاف الفوق دافع جبهة حس براسو : حلفي !
جمرة حركات راسها بالايجاب بزربة : والله حتا نعس غير حطني .
حرك راسو بالايجاب بهدوء ومشا تاجه بيها السرير وهي فأحضانو هازها مدورة يديها على عنقو ويديه تحت من رجليها ..
حطها فسرير متكيها وجر الغطاء مغطيها مزيان وجلس محني ليها كيحك ليها فشعرها قال ببحة : نعسي
جمرة كتبرقق فعيونها فيه مكلكمة فالمانطة كتبان بحال شي مشيشة : هاا ؟
عثمان فزعها بصوتو الجوهري الغليض العالي : نعسيييييي
سدات عيونها بزربة داخلة فنوم وهو حداها حاضيها بجمود كيشوف فملامحها الفاتنة البريئة ...بقا على حالو مراقبها شي دقائق هكاك حتا حس بيها نعسات ..وقال :
عثمان هز يدو حطها على راسها كيطبطب عليه وقال بهدوء : شفتي شحال زوين تسمعي كلام باباك ..همم ؟
أصبحنا وأصبح الملك لله .. فجناح عثمان وجمرة ..ناعسين فسرير بجوج مع بعضياتهم ...كان وجهو مقابل مع وجها كيشوف فيها بامتعان وهي ناعسة بحال شي ملاك ..هز يديه وبدا كيمررها على حواجبها بشوي ...داز لعيونها تلمس شفيرات عيونها لمرورا أنفها صغير ...بقا غير كيشوف وكيتنهد ..غير مشيشة وناعسة حداه ..تفيكساو نضاراتو فشفايفها المنفوخين الحمرين ...عض شواربو بطريقة جنونية وهو كيلمحها ناعسة وكتمصمص فشنيفاتها ..عندها عادة ديما ملي كتكون ناعسة كتمصمص شفايفها وهي غارقة فنومها ..
قرب ليها كتر دوز يديه من ورا خصرها وجرها لعندو وهي زادت تمخشات فيه كتر ناعسة ..وجها مقابل مع وجهو ...بقا مطول كيشوف فشنيفاتها وكيفاش كتمصمص فيهم ...قرب كتر حتا لامس نيفو نيفها وغمض عينيه كيستنشق رائحة أنفاسها ...حط شفايفو على شفايفها بشوي وبسكون بلا ميحركهم بقا على حالو هكاك فقط مغمض عينيه متحسس رطوبيت ملمس شنيفاتها وانفاسها ساخنة كضرب فوجهو .. حرك شفايفو وبدا كيقبلها بنهم وشغف مستمتع بحلاوتها وهي ناعسة ..حبس القبلة ممتيقش شنو كيدير ..حتا ...
حتا كيحل عينيه بجهد فايق من الحلم لي كان كيحلم فيه بلي كيقبل فيها ..لكن كان القدر له رأي آخر ..مع حل عينيه من الحلم لي زارو ..كيلقا راسو منخشش فيها وحاط شفايفو على شفايفها ولالة جمرة هي لي كتبوس فيه بمعنى كتمصمص ليه فشنايفو وهي ناعسة بلا متحس ...عند بالها كتمصمص فشفايفها ..تصدم ..تشوكا ...تفيكسا .. مبقا عارف شنو يدير ..واش سيد كان ناعس كيحلم براسو قريب ليها حتا كيفيق و كيلقا سيدة جالسة تمص ليه فشنايفو وهي ناعسة ..
بقا غير كيشوف فيها مخرج عينيه وشفايفو وسط شفايف جمرة كتمص فيهم ببرائة بلا متحس ...بقات كتمص ليه فشنايفو بلا متحبس ..وكون غير كان شي مصان يحمر الوجه وهي سيدة بحالا كتمص فصبعها ..شتو دراري صغار ملي كيكونو ناعسين وكيمضمضو قنانفهم وهوما ناعسين ...بحااال هكاك جمرة كدير لعثمان نيت ..معرف شنو يدير واش ينوض ويخليها ولا يفيقها ...دااب ..وداااب ...وستحلاها وسخنن واش جا ما يبردو دابا ..مبقاش باغي ينوض كاع ..غمض عينيه ومخليها دير فيه ما بغات ...
خرجات جمرة لسانها باش تلحس شنايفها ساعة سيدة لحسات ليه غير شنايفو مخلياه يتنفض ورعشة تسري فجسدو وتخرج تنهيدة طويييييلةةةة من أعمااااق قلبو ..
تحركات شوية من عليه كتشخر مبعدة شوي منو كتمضمض فشنايفها ..حل عيونو فيها وتنهد قال بهمس رجولي عثمان : علاش بعدتي ؟
شاف فشنايفها المبللين بريقها وقرب ليها تراجع فلول مباغيش يديرها لكن مقدرش ومعقل على راسو ايمتا جمع ليها شنيفاتها على شكل بوسة وختمها بمصة وعضة فشفتها سفلية حتا انات وملامح وجها تخسرو بسبب لحيو لي دگاتها .
هز حاجب مستغرب من انينها وزاد قرب وجهو لوجها كيدگها بلحيتو الحرشة حتا عودات انات ..
جمرة انات كتحك فوجها مخسرة سيفتها مخنزرة بطفولية وسط نعاسها : أپااا
عثمان بهمس مستغرب : أپا ؟
بقا كيفكر شنو قالت حتا جا فبالو باها سي رضوان ...زمجر بعنف معاجبوش لحال حيت عيطات على باها ومعيطاتش عليه ...شاف فيها مخنزر وقرب لوجها تمخشش فيها حتا دكها عوتاني بلحيتو .
جمرة كتحك فوجها بطفولية : أپاااا ..أپاااا
صدرو بدا كيطلع وينزل بالاعصاب لي ركبوه وقرب لوجها كيزمجر بعنف شديد قارن حواجبو حارقها بأنفاسو ساخنة حتا كتنطق جمرة بهمس متقطع مغمضة عيونها ناعسة : سي عثمااان .
عثمان تنهد غمض عيونه وحلهم بهدوء كيشوف فيها هايم : بنتي .
بدات كتحرك فعيونها دليل على أنها كتفيق ..فور ما لمحها كتفيق سد عيونو داير راسو ناعس .. أما هي فحلات عيونها نيشان على وجهو كتقاد أنضارها فيه بسباب نعاس لي شادها ..
هزات يديها كتحك فعيونها كتستعقل مزيان عاد شافت فيه بوضوح ... بتاسمات ابتسامة خفيفة مزينة ملامح وجها الفاتنة البريئة... مدات يديها كتلعب بشعرو وبضبط فخصلاتو البيضاء الخفيفة لي نازلين على جبينو ..
جمرة بنبرة خافتة : شايب ديالي [ ضحكات بطفولية وقالت ] ..شحال زوين [ عضات شفايفها] أنا لي شارفة ماشي نتا .
طولات فيه شوفة كتلعب بشعرو بحنية بحال شي دري صغير وقالت بهمس : سعداتك .. [ بلعات ريقها بصعوبة وقالت ] نتا ..نتا إنسان زوين بزاف ... تحملتي مسؤولية كبييرة بزااف ...ربيتي ولاد خوك ونتا فسن صغير لي كنتي نتا بنفسك باغي لي يرد ليك البال ...بزاف الحوايج كبار تحملتيهم وزدتيني عليك حتا أنا ..[ غمضات عيونها وقالت بنبرة مرعودة ] عاونتيني ورفعتي ليا راسي قدام العادي والبادي وعمرني درت ليك شي حاجة زوينة [ حلات عيونها كتشوف فيه ناعس ] ولو حتا كلمة زوينة مقلتهاش ليك ...سمحليا على كل كلمة قلتها ليك ..سمحليا على كل تصرف عملتو معاك .. أنا برهوشة وبرهوشة ومنكرش ..حيت كون كنت شي وحدة بعقلي منديرش داكشي كامل فيك وانا فعمر بنت بعقلها ومزوجة ومن الفوق مع الإنسان لي ضحا براسو على قبلي...كنتي دايمن فينما تشوفني كنبكي كتعنقني وتمسح ليا دموعي واخا نكون أنا لي غالطة ... أما أنا شهور وانا معاك وما عمرني عنقتك على أساس أني نحس بيك وبهمومك لي فداخلك ولا سولتك شنو بيك وشنو ضارك [ مسحات ليه وجهو بيديداتها بحنية وقالت بنبرة مرعودة مثلعتمة]
سس سم سمحلياا
قربات ليه باستو فنيفو ونزلو دموعها مفزگين ليه وجهو : سمحليا ...[ باستو بوسة أخرى فنيفو كتبكي ] سمحليا عفاك .
حطات جبهتها على جبهتو كتبكي فصمت وبحرقة فقلبها حتا كتحس بيديه دارو على خصرها وجرها لعندو خاشيها فضلوعو مزير عليها كيمسح على شعرها بهدوء وحنية فقط وبلا مينطق بحتا كلمة مخليها تزيد تنفض عليه بي بكاها مدورة يديها على خصرو كتر..
فبلاصة أخرى عند عذراء لي كانت فلاصال لي كاين فرياض ..كتعمل فرياضة والعروقات نازلين من على جبهتها وجسدها ..دخل جلال عندها بخطوات تقيلة ..وقف حداها وقال ببحة : شي حاجة ماشي هي هاديك اعذراء
عذراء حبسات وشافت فيه كتمسح فوجها وعنقها من العرق : شكاين اجلال ؟
جلال مسح على وجهو متنهد : كيف گلنا ..كاين شي جاسوس كيوصل خبارنا ..
عذراء وقفات مستقيمة قالت بنبرة خافتة : كمل ؟
جلال خشا يديه فجيابو : عصام .
عذراء بتاسمات ابتسامة خفيفة : متقولهاش .
جلال : حتا نتي ؟
عذراء : ايڤت [ نعم ] عصام تصرفاتو غريبة صراحة وكيجيك غامض ...شخصيتو فشكل وغريبة بزاااف
جلال شاف بعيد : شاك وشاك بزاف اعذراء [ حدر راسو حاير ] هو ولد عمي أو وخويا بالأحرى لكن تصرفاتو هي لي خلاتني فحيرة
عذراء قربات ضرباتو فكتفو : حتا حنا ما علينا غير نخدمو قوالبنا ونشوفو شنو كاين
نزلو كاملين مجموعين على طبلة الفطور كيتسناو فعثمان وجمرة وعصام وياسمين .. تم نازل عثمان من وراه جمرة حتا هي...مشا جلس عثمان فبلاصتو وجمرة كذلك حداه ...
تسمعو خطوات تقيلة فدروج ..تلفتو كاملين ايلا عثمان لي كيشوف فجمرة فقط ..ياسمين لي كانت نازلة مع دروج بخطوات بطيئة وبملامح باهتة ..هالات سوداء ضايرة على عيونها ..مشات جلسات فبلاصتها حدا تسنيم لي تعلقات فيها باستها من خدها ورجعات جلسات ...
جمرة لي بقات كتشوف فياسمين مستغربة من حالتها لي ماشي هي هاديك ...تلفتات جنبها شافت فحياة لي هي بدورها كانت كتشوف فياسمين مستغربة حتا هي ..غمزاتها جمرة بمعنى مالها .
حياة قربات ليها وقالت بخفوت : جمرة ..ياسمين مالها دايرة هكاك ..
جمرة حسات بقلبها مقبوط عليها : معرفتش صراحة احياة ..نفطرو ونمشو نسولوها .
حركات حياة راسها بموافقة وحدرو راسهم على فطورهم .
ياسمين لي شافت عصام جا جلس حداها بلا ميشوف فيها ..تنهدات بعمق ومدات يديها حطاتها على يدو حتا حيد يدو بزربة مخنزر فيها شي لي لاحضاتو جمرة بنص عين ..قرنات حواجبها مستغربة من تصرف عصام لياسمين..
حدرات ياسمين راسها لفطورها حابسة دموعها بزز لا ينزلو وهزات عصير كتشرب فيه بزز باش متبين والو عليها ..
نطقات حليمة بابتسامة مشرقة لكن داخلها مقبوط : ياسمين ..مال وجهك صفر وعيونك تحتهم كحل ..ياكما ابنتي مريضة ؟
ياسمين حركات راسها بنفي بزربة كتشرب فالعصير ..ضحكات وقالت : ءءءوووو. واااااالو والو اخالتي والو ..أنا ءءء انااا أنا مزياان والله وو والله حتا مزيان .
شافو فيها مستغربين من طريقة كلامها وتوترها لي باين عليها .. نطقات حليمة بقلق : ياسمين مالك .
ياسمين شافت فيهم كلهم كتفتف كتحس بدموعها غيهبطو فأي لحضة ..دورات راسها لعصام كتلقاه كيفطر عادي بكل برود كأن سيد مكاينش معاهم ...بلعات ريقها بصعوبة حابسة دموعها بزز وشافت فحليمة : أنا بيخير اخالتي والله غير عيانة منعستش مزيان ..
ناض عصام دافع الكرسي محاملش يبقا جالس حداها ويسمع فصوتها لي كيضرو فراسو ...تلفت ليها خنزر فيها مطول ودار غادي : بصحة .
ستغبرو من تصرفو وناضت ياسمين كتعثر فحوايجها تابعاه : عصام ...ععع عصام فين غادي .
تلفت وقال بنبرة حادة محاملش يشوف فيها : ماشي سوقك
ياسمين قربات ليه شدات فيدو حتا دفعها على الأرض جات طايحة وغوت : بعدييييييي
مع دفعها كانت ناضت جمرة وحياة كيجرو مشاو عند ياسمين وكلشي ناضو من طبلة مصدومين من عصام ..
ناض عثمان من بلاصتو بخطوات تقيلة مخرج عينيه فعصام ...وقف قدامو كيشوف فيه بهدوء وقال : شهادشي ..هممم ؟
عصام مشافش فيه : عمي ...مدخلش الله يخليك
عثمان عض شواربو وقال بنبرة حادة هادئة : مندخلش ؟ ياك ؟
عصام شد فراسو مجنن كيحس بصدرو مقبوط عليه ونفس مقطوعة فيه ..شاف فياسمين لي فالارض دايرين بيها وغوت : نضربهاااااا ...نقتلهاااااا ..نعدبهاااااا ..نتوماااا مسوقكمششششش فياااااا
قرب عصام لياسمين بغا يشدها حتا كيجرو جلال شانق عليه : وااااااش منيييتك اصاحبي هاااا ؟ وااااش نتاااا بيخيرر ...بااااااغي ضرب مراتك ؟ هاااا ؟ هدررررر اعصام هدررررر باغي ضرب وليةةةةة ضعيييييفة .
هز عصام يديه وضرب جلال بروسية حتا دفعو عليه وغوت عليهم كاملين : دخلوووووو سووووق كركممم ...مرااااااااتي هاديك ونديييير فيهااااا ما بغيييت
كلشي تصدم فيه واش عصام خسر معاهم الهدرة ..هذا ماشي عصام لي كيعرفو ..ماشي هو. ..فين عصام ضحوكي ولي مفشش مراتو ...حليمة بقات غير مصدومة فيه هو وياسمين فياماتهم ملي كانو مخاصمين وما عمرو دار ليها هاد الحالة كاملة ...كان فقط كيغوت عليها أما حتا يدو عمرو هزها عليها ...ودابا دفعها فالارض وناوي يشدها ويضربها قدامهم ؟ هادي هي لي خرجات ليهم عقلهم ..
حليمة نطقات كتشوف فيه مفاهمة والو : عصام واش باغي ضرب مراتك قدامنها ..هممم؟
ضحك عصام بقهقهة مباغيش يشوف فياسمين لي فالارض كتبكي : واش سوقكم ؟ هدرو واش سوقكم ؟ اه ... اه بغيت نقتلها قدامكم كاع ..كاين شي مشكيل ؟
وقفات جمرة من على ياسمين وشافت فعصام بعيون حادة ...ما متيقاش بشنو كيسمعو ودنيها ...قربات ليه وقفات قدامو يديها كيترعدو عليها والأعصاب راكبينها ودموع فعيونها محجرين باغين ينزلو .. شافت فيه وغوتات مجننة فوجهو : مااااااالناااااا ...هاااااا ماااااالنا اعصااااااام ..مااااااالناااااا....نسمح ليييييييك علىىىىىى كلشييييي ايلا ختيييييي ...ختيييييي اعصااااام ختيييي ...[ سكتات كتنفس وشافت فيه هازة صبعها فوجهو وقالت بنبرة حادة مكشرة على نيابها ] لا كنتي مريض سير داوا ومتخرجش مرضك على ختي ياسمين .
عصام شاف فياسمين كيحس بقلبو كيتقطع حس بعيونو دمعو من حالتها لكن شي حاجة زادت جراتو لعندها مخلياه يقلب وجهو من عليها كاره يشوفها وشاف فجمرة قال بسخرية مبتاسم : ختك ؟ دابا هاديك ختك ؟ [ عوج راسو بطريقة جنونية وقال بفحيح ] هاديك غير يتيمة ما عندها لا أصل ولا مفصل .
مع قال كلامو كان وجهو تقلب لجيهة لاخرى من تسرفيقة لي عطاتو جمرة ...
غوتات جمرة شادة فراسها ما ممتيقاش وقالت بنبرة عالية كتبكي : حماااااااار ..مكتسوااااااااش ..نعلةةةةةة الله وعليييييك إلى يوم دين ...حماااااااار .
شاف فيها عصام كينهج صدرو كيطلع وينزل بعنف شديد وعروقو خرجو بكترة الأعصاب لي ركبوه قرب لجمرة باش يضربها حتا كيطيح فالارض وعثمان فوق منو كيخشي ليه فوجو بالبونيات وكيغوت عثمان لأول مرة ليه فحياتو : فييييينككك ...فيننننك اولدي فييينكككك ...فييييييين ولديييييي لي ربيييييت ...فيييين ولديييييي لي سهرت لياااااالي معاااااه ...فييييييين ولديييييي لي ما عمرو هزززز يدييييه علىىىىىى مراااااااا ....فييييييين [ زاد كيضرب فيه بلا ميحبس ] هدرررررررر ..هدرررررر اعصاااااااااام ....هدررررررر ....فاااااااااش قصرت معاااااااكم ..فاااااااش .
ناض من عليه شد عصام من كتافو بجهد جارو وجلس عثمان فالارض حاط راس عصام على صدرو معنقو وقال عثمان بهدوء كيشوف قدامو بجمود : شنو درت ليكم ..هممم ؟ شنو درت ...فاش قصرت معاكم ؟ فاش ؟ ..دفنت شباابي على قبلكم وانا فرحااان ...علاش منفرحش ؟ همم؟ علاش منفرحش ..وانا عندي ولاد لي غنربيهم على يدي واخا ماشي من صلبي ..ضحيت بكلشي على قبلكم [ زاد زير على عصام فحضنو كتر معنقو ] شنو ضارك ..همم ؟هدر ..شنو ضارك اولدي .
عصام بنبرة مرعودة خاشي وجهو فصدر عثمان : عع عمييي ... ءء ااانا .... انا
بعدو عليه عثمان كيشوف فعصام شاد ليه فوجهو ونطق عثمان بهدوء : هدر شنو ضارك ..گول لعمك شنو بيك ..
عصام ضرب على صدرو : مخنووق ..مخنووق أعمي مخنوووق ..[ بدا كيضرب على صدرو بقوة ] مخنوووق ..مخنوووق اعمي مخنوووق [ ركز عينيه فعينيه عثمان وقال بنبرة باحة كتحرق فالقلب ] كنحس براسي كنتقطع كنمووووت ومقادر ندير والو ...شنووو ندير اعمييي شنوو ..ياااك نتا الأب تاعنا اعمي ...هممم ياك نتا بانا ...حيد هاد الألم لي كينهش فصدري اعمييي حيدووو ...كنتعددبببب ..كنمووووت ومقااادر ندير واااالو .
عثمان حط جبهتو على جبهت عصام وقال بنبرة رجولية هادئة : رجال الوزاني عمرهم كانو ضعاف اولدي ..عمرهم
عصام حرك راسو بنفي وضحك بقهقهة ضرات عثمان فقلبو عارف شنو معنى ديك القهقهة وبزاااف ... نطق عصام : حتا لإيمتا ..هممم ؟ حتا لإيمتا عمي حتا لإيمتا ..حتا حنا رآه بشار حتا حنا كنضعافو ..[ بعد وشاف فعثمان بعيون جمرة مستوطناها خطوط حمراء وهالة تاع دموع وقال بهمس ] حنا مجرد عبد ..مجرد عبد أعمي ..منقدرش نتحمل ...[ نزلات دمعة من عيونو لمحها فقط عثمان لي قطعاتو لأشلاء ] عاوني أعمي عاونيي راني كنموت
مع نها كلامو كان عثمان جرو من كتفو وخشاه فحضنو مزير عليه خاشيه فضلوعو ومغمض عينيه بقوة مزير عليهم حابس شي حاجة سميتها الحزن لي يلمحوها فعيونو ...
جا جلال عندهم جلس حداهم وحياة كذلك لي كتبكي دخلو فأحضان عثمان معنقينو وكذلك سعيد لي بقا غير كيشوف ودمعة نزلات من عينيه ..مسحها دغيا ومشا كيجري عند عثمان تخشا فيه وعنقهم كلهم خاشيهم فأحضانهم مزير عليهم ..معنقهم ..معنق ولادو
ياسمين لي كانت داخل أحضان حليمة والحاجة ياقوت لي كتبكي ...عيونها مفيكسين فقط على عصام وكلام لي قال باقي فدماغها " هاديك غير يتيمة معندها لا أصل ولا مفصل " ..
ياا اااه واش كتسحابوها بقا فيها الحال ؟ لا .. كل ماجرحها هي حالتو لي قطعاتها لأشلاء ..حطماتها ..حرقاتها ...تقبل أي حاجة منو ايلا تشوفو مجروح ولا مضرور .
مدات يديها بعدات حليمة والحاجة ياقوت لي مقطعين من حالتها لي تشفي العدو ..
ناضت من الأرض وقفات على عثمان لي معنقهم ..هز فيها عثمان عيونو شافها وبعدهم عليه مطبطب عليهم .. ناض عثمان من تم وطلع مع دروج بخطوات بطيئة وبملامح جامدة الجناح ديالو ..
حيد جلال وسعيد وحياة كذلك وعصام بقا فالأرض حاني راسو شادو بيديه ..قربات ياسمين ليه وتحنات قرفساء ليه قدامو شادة ليه فيديه .
ياسمين بابتسامة وسط حزنها قالت : عصام ..عصام شوف فيا .
مدات يديها شدات ليه فوجهو مقابلة معاه وقالت بنبرة خافتة : أنا عارفاك غير معصب ولا شي حاجة...كاع لي قلتي ماشي من قلبك .
عصام ببرود عيونو خالية من أي تعبير : ياك نتي يتيمة .. كيفاش ماشي من قلبي ؟
ياسمين بلعات ريقها وبتاسمات مخفية حزنها : ءءاا لا ماشي على هكاك أنا عارفاك .
عصام بسخرية مقاطعها : راك يتيمة ..واش مفخباركش هادي ..[ هز صبعو وضرب على راسها بتسفزاز ] راك يتيمة الحيين .
تحركات جمرة وحليمة باش يمشو لعندهم حتا كيوقفهم جلال ..رجعو لور شادين فراسهم بزز ودموع فعيونهم محجرين .
ياسمين حركات راسها بنفي بزربة وقالت بكلمات مسرعة : لا لا ميتيماش أنا .. أنا أنا ميتيماش .
عصام قرب بزز منو محاملش يقرب ليها وقال اكتر سخرية : يتيييمة ..ولا ياكما بغيتي نفكرك علاش يتيمة ؟ هممم ؟
ياسمين حركات راسها بنفي : لا أنا ميتيماش
عصام ببرود : لاحوك فزنقة ومحنوش فيك .. وجالسة كتقولي ميتيماش ؟
ياسمين شدات ليه فوجهو مقابلة عيونها المدمعة مع عيونو خالية وقالت بنبرة مرعودة مثلعتمة : يييي اا يااااك كنتي كتقولها ...هاا ياك كنتي كتقوليا أنا باباك وماماك وختك وخوك وكلشي ..يااك كنتي كتقولها ليا ..[ قربات كتبوس فيه وهو كيدفع فيها كيحس بالخناجر كيضربو فصدرو ] ي ياااك كتقولها ليا نتا ..كتقول ليا نتي ميتيماش أنا معاك اياسمين أنا معاك .
بعد عليها دفعها من عليه وناض وقف خارج من رياض حاط يديه على ودنيه سادهم مزير عليهم وياسمين وراه تابعاه كتجري ..وصلات عندو دوراتو لعندها وشداتو من الكول تاع القاميجة كتبكي : مديييرش ليا هاكا اعصام ..قوووول لياااا غير شنووو بييك ..قول لياااااالي غير شنووو درت ليييك ..شنو الغلاااااط لي عملتتتت .....[ بدات كتنخض فيه بهيسترية كتبكي ] هدر اعصااااام هدر ...واااهدررررر ...
شاف فيها آخر شوفة مطول وحيد يديها من عليه ودار خارج من رياض خلاها طايحة فالارض كتغوت كضرب الأرض وجمرة وحياة جاو لعندها كيجيرو طاحو حداها معنقينها وهي كتغوت .
ياسمين كتغوت بهيستيرة وجمرة وحياة معنقينها كيبكيو معاها : عصااااااام عصااااام ..االله ياااااخد فيييك الحققق اعصااااام .. الله يااااااخد فييييك الحقققق ..عذبتييييييين ...عذبتييييييني فحيااااااااتي ...دمرتييييييييي لياااااا شبااااااابي ...عصااااااااااام ..عصااااااام [ حدرات راسها منهارة كتبكي وتشهق بكل حرقة ] عيييت ..عييت اسيدي ربي عييت ..صافي مبقيتش قادرة نصبر ..عييت ... [ بدات كضرب فالارض بهيستيرية كتغوت مجننة ] برااااااااكة ...برااااااااكة .. وبرااااااااكة ...صااااااافي برااااااااااكة ...عييييت ... برااااااااااكة.
سكتات كتنهج بهيستيرية ودفعات عليها جمرة وحياة بقوة وناضت كتجري طلعات مع دروج بخطوات سريعة كتجري ..تبعها جلال وسعيد كيجرو والحاجة ياقوت وحليمة وجمرة وحياة كذلك تبعوها أما مليكة وسلمى واقفين كيتفتفو وبدا كيطلع معاهم سخون وجهم صفر .. حسو بلي هوما سباب غير ملي شافو علاقة جمرة وعثمان مزيانة .
دخلات ياسمين الجناح ديالها هي وعصام كتجري ...حلات الباب بجهد ودخلات حتا كتلمح تسنيم جالسة فسرير كتبكي وكترعد خايفة من الغوات والخدامات دايرين بيها كيحزرو فيها ... طولات فيها ياسمين شوفة .
تسنيم ببكاء طفولي : ءء ممم ما مامااا .
غمضات ياسمين عيونها وحلاتهم نازلين دموعها مسرسبين على خدها ودارت كتشوف فالبالكون كترعد ودموع فعيونها نازلين ..تمشات بخطوات بطيئة وبملامح جامدة فقط دموعها لي نازلين وقفات حدا البالكون ..حلات الباب وخرجات البالكون شدات فديك الحديدة لي كطل على جردة وهزات راسها الفوق مغمضة عيونها كتستنسق الهواء على الأقل تخفف الألم لي فقلبها ...حلات عيونها فسماء نازلين دموعها على جناب وجها وحدرات راسها التحت كتلمح عصام واقف فجرة وكيشوف فقط قدامو بجمود مكاينش فهاد العلام .. بتاسمات ابتسامة باردة على ملامح وجها الحزينة وهي كتشوف فيه بكل حب وهيام ...
دارت شافت فتسنيم لي كانت واقفة من سرير كتبكي ..شافت فجمرة وحياة وحليمة والحاجة ياقوت مبتاسمة ليهم ..
طولات شوفة فيهم لثواني مبتاسمة وهوما كيبكيو على حالتها لي قطعات ليهم قلبهم ...
دارت قدامها كطل على عصام وهي تعيط عليه بجهد : عصاااام
تلفت عصام بزربة لعندها كأنها فيقاتو من العالم لي كان فيه ..شاف فيها بلهفة كبيرة كينهج صدرو كيطلع وينزل ..
ياسمين طلعات فالحديدة كأنها غتنتاحر حتا كلشي غوت وشيرات بيديها لعصام كضحك ودموعها نازلين : عصااام .
عصام تفاحة آدم فحلقو طلعات ونزلات نطق بهمس رجولي وهو كيشوف فيها فأي لحضة غتلوح راسها : ي يا ياسمين .
ياسمين بتاسمات وقالت بصوت مرتافع : غتهنااا منيي ..
حلات شفايفها باش تهدر حتا فجأة قرب وجمعهم ليها بمصة حابسها فين تهدر وقال بفحيح وسط شفايفها كيدور لسانو مع لسانها المعسل : باغا تمـ*ـوتي ؟
ياسمين كتشوف التحت وكتبكي كتحس بلسانو داخل شفايفها كيدور كياخد من ريقها الحلو لي مهبلو ..شهقات بصوت خافت حتا بعد مخلي فقط شفايفو فوق شفايفها كيتنفس بأنفاسو ساخنة على بشرتها لامعة .
ياسمين شهقات بصوت خافت نازلين دموعها وقالت بنبرة باكية فوق من شفايفها حادرة راسها : عع علاش .
عصام خدا قبلة سطحية من شنيفاتها : ماشي الخاطري .
ياسمين زيرات على صدرو بيديها : شنو درت ليك ...[ حطات يديها على قلبو ] من غير بغيتك .
تنهد عصام مغمض عينيه كيتنهد فوق من فمها وقال بنبرة رجولية هادئة : وأنا ؟
ياسمين زادت لصقات فيه مبغاتوش يبعد : نتا كتعشقني .
عصام عاود رشف قبلة من شنايفها : مهووس .
ياسمين شهقات كتبكي وزادت لصقات شفايفها مع شفايفو كتر وقالت بنبرة متقطعة كتنهج بهيستيرية نازلين دموعها : مبغيتش نسامح ليك .
عصام دور يديه على خصرها ملصقها فيه كتر كيمص فشنايفها وقال بهمس رجولي : ماشي الخاطري .
ياسمين هزات فيه راسها مقابلة عيونها دامعين مع عيونو الحادة : شنو ضارك ..هدر اعصام ..شنو ضارك .
عصام ببرود شاف بعيد : عمي لي شنو ضارو .
ياسمين مسحات دموعها ونطقات بعدم فهم : كفاش .. شش شنو كتقصد اعصام .
عصام جرها من يديها جلسها فسرير وجلس حداها ..شد فيديها ونطق بهدوء كيشوف قدامو : كانو بغاو يسحرو لعمي .
ياسمين شهقات حاطة يديها على فمها ما ممصدقاش : شش ش شنوو ...شنو كتقول اعصام .
عصام شاف فيها بنضارات فيهم حزن كبير : معرفتش شنو نگول ..واش نگول تاني مرة عمي كيحمينا ..[ دور راسو شاف قدامو ] ايلا جينا نشوفو غنلقا عمي بزااف المرات باش حمانا مكاين لا تاني مرة ولا تالت مرة ولا رابع مرة ..حمانا بعدد لا يحصى ..من نهار بقينا يتامى الأب وهو كيحمينا ..
ياسمين دمعو عيونها : شنو كاين اعصام ..مال خويا عثمان .
عصام عض شواربو بطريقة جنونية وقال بنبرة حادة : ديك شارفة ديال مليكة ومرات سعيد كانوو بغاو يسحرو العمي ..وجاو فيا بالغلط وعمي ساق ليهم الخبار .
ياسمين خرجات عيونها : لا ميمكنش
فلاش باك قبل يومين •••°°°
خرجات مليكة من غرفة تصبين كتجري وبوكسور عصام كيبان من تحت يديها ..تمات طالعة مع دروج كتجري حتا كتدوز خدامة من حداها صدفة وكتلمح داكشي تحت من يديها ..طلعات مليكة والخدامة بقات غير كتشوف مستغربة : شنو كيديرو حوايج سي عصام عند هادي .
قرنات حواجبها مستغربة وبكترة الفضول لي فيها تبعات مليكة من وراها ..وصلات الجناحها وحلات الباب بشوي كطل حتا كتلمح مليكة لابسة جلابة فالكحل وشال كبير فوق من راسها ونضيضرات وساك تحت من يديها مزيرة عليه ...هازة تيليفون حطاه فودنيها كتهضر مع سلمى : جبت داكشي هو هداك ...ايه ايه جبت البوكسور ديالو كيفما قالت لينا ديك شوافة .. سحور لا بغيناه يكون قوي ويشد فيه خاص نجيبو ملابس داخلية تاعو .. ويه راني خديتو بغريق ناشف خفت لا يحصلني شي حد [ ضحكات بشر ] ودابا انشوفو هاد لالة جمرة شنو غدير ملي تشوف سي عثمان حاكم القبيلة معذبها فحياتها ومجري عليها من هاد رياض ...يلاه صبري هاني هابطة عندك اسلمى ..وتي صبري هاني جاية دغياا .
شهقات الخدامة حاطة يديها على فمها ما متيقاش ودموع فعيونها متحجرين وقالت بنبرة خافتة متلعثمة : سس سي عثمان .
دارت مليكة خارجة من الجناح حتا كتحيد الخدامة من ورا الباب بزربة هبطات مع دروج كتجري بصمت .. خرجات مليكة وهي مستغربة من الباب لي كان محلول وهي سداتو بيديها ..شافت جنابها واش كان شي واحد وسدات الباب عادي هابطة مع دروج كتسيحت وخرجات من رياض عند سلمى ..ركبو فطاكسي لي جابوه ومشاو الوجهة تاعهم ولي معروفة طبعا " شوافة "
عند الخدامة واقفة فالحمام سادة عليها وتيليفون فودنيها كتفتف .
الخدامة ودموع فعيونها نازلين : ءءءااا اه اسي عثمان اه ..سمعتها بودني لي غياكلهم دود ودابا راها خرجات هي و مدام سلمى باش يديرو داكشي لسي عصام ...[ شدات على فمها كتبكي ] شفتها بعيني هزات حوايج سي عصام بلغلط تسحابهم ديالك وتصنت عليها بلا ما تشوفني .
عثمان بهدوء كيشوف فهداك لي قدامو لابس كلشي كحل ولي كان كارد خدام عندو فرياض ..شير ليه بيديه باش يخرج يقضي المهمة وحرك الكارد راسو وخرج فوجهتو عند " مليكة وسلمى "
عثمان بهدوء قال فتيلفون : مسمعتي والو ..ومگلتي والو ..تفاهمنا ؟
الخدامة حركات راسها بالايجاب بزربة وقالت بكلمات مسرعة : اه اه مم ممم ماا مقلت والو وماا مسمعت والو اسي عثمان ..كون هاني .
عند مليكة وسلمى لي خرجو من طاكسي مغطيين وجاههم كيتفتفو وقفو كيشوفو قدام الخلى لي مفيهش حس البشار ..حركو خطواتهم كيتمشاو ويترعدو خايفين ..وقفو قدام واحد دار لي كانت مقشرة وحالتها حالة من برا وزبل معشش حدا الباب بحالا قرون متنضفات ديك البلاصة ..شافو فبعضياتهم كيتفتفو ونطقات سلمى خايفة : دخلي اخالتي .
دقات مليكة جوج دقات ..تحل الباب من طرف ولد صغير ..دخلهم كيشوفو جنابهم كيترعدو ...دخلهم داك دري صغير فواحد البيت لي كان صغير ومضلم ومضوي فقط بشموع وريحة خانزة مالية المكان ..لمحو إمرأة جالسة الوسط والمجامر قدامها وكتمتم بكلمات ما مفهوماش ...ولي كانت نفسها " شوافة " وغير بالكدوب وصافي ..ما شوافة ما والو فقط كتنصب على ناس بلي راها شوافة ..تاخد الفلوس وتغبر غبرة وحدة .
نطقات شوافة بصوت مدعدع بلا متشوف فيهم : جبتو داكشي .
مليكة تفزعات من نبرة صوتها : ااااه اه اه جبنااه اللالة جبنااه .
شوافة هزات فيهم عيونها وقالت : جلسو وطلبو تسليييم .
جلسو فبلايصهم كيطلبو تسليم ويشوفو جنابهم خايفين ...جبدات مليكة داكشي تاع عصام حطاتو قدام شوافة وقالت : ها ها هاهوا جبتو اللالة ..شورط ديالو .
شوافة كتمتم بكلمات ما مفوهماش : هممم مزيااان .. مزيااان .
مليكة بترجي : تقني خدمتك ونعطيك لي بغيتي اي حاجة حليتي عليها فمك ..تكون قدامك .
شافت فيها شوافة لي كانو عيونها كيبريو بطمع : طلبي تسلييم ..طلبوو تسلييم .
هزات شوافة راسها باش تبدا خدمتها حتا كتلمح نفس الكارد لي صيفط عثمان ورا مليكة وسلمى حدا الباب ..خرجات شوافة عيونها ويلاه كانت بغات تغوت حتا كتلمح المسد*ـس لي كان فيدو ..حرك ليها الكارد راسو ويديه بمعنى كملي داكشي لي بديتي وسكتي ومديري حتا شي حركة ...ضربات طم ولون تخطف من وجها ..شافت فمليكة وسلمى لي كيتفتفو مباغينش يشوفو وراهم عند بالهم بلي شوافة كتشوف شي جـ*ـن وكتهدر معاه بعينيها ..كمية الكلاخ والجهل الله يستر ههه .
كملات شوافة خدمتها قدام مليكة وسلمى لي مبتاسمين وفنفس الوقت كيترعدو ...سالات شوافة خدمها لي مسمياه سحور ولي كان طبيعة الحال غير كدوب مكاين لا سحور لا سطا حمص حتا من داك شورط ديال عصام حطاتو وراها بتخبية وهي خايفة من الكارد لي كان واقف لور هاز المسدس وكيرمق شوافة بنضارات كيخلعو غير الله يحضر سلامة وصافي ..
ناضت مليكة وسلمى كيضحكو وكيشكرو فشوافة ..عطاوها الفلوس وخرجو من دار بتخبية ...ركبو فطاكسي لي كان كيتسناهم ومشاو الوجهتهم لي هي " رياض "
عند شوافة لي كانت واقفة والكارد واقف عليها حاط الفردي فوق من راسها وهي كترعد ..شدها من قرفادتها خرجها وداها معاه ..نيشان الكوميسارية ..
عند عثمان لي كان جالس فالمكتب ديالو فالمركز وعصام واقف فالحيط مربع يديه هاز رجليه مع الحيط وكيضحك بقهقهة رجولية : أتيني من عندك اسي عثمان ..شنو كيدور فدماغك ...همم ؟
عثمان جالس فالكرسي مرجع راسو لور كيلعب بستيلو أسود فيديو وقال بنبرة رجولية هادئة : هوما ختارعو لعبة ..[ شاف فعصام بناضرات باردة وقال ] وحنا لعبوها .
عصام بتاسم إبتسامة مزينة ملامحو رجولية وقال : منخافش عليك العميم .
عثمان ببرود : خاف من ربك ومتخافش من العبد ضعيف .
نهاية فلاش باك ••••°°°
ياسمين بصدمة حاطة يديها على فمها : ناري واش هادشي كامل وقع ..هادشي خطير اعصام ..واش جمرة فخبارها .
عصام بنفي : لا ..مفخبارهاش .. عمي قال حتا واحد ميسيق الخبار ومشينا فهاد تمتيلية كاملة .
ياسمين بحزن : هادشي كامل دايرينو فجمرة ..ومسكينة هي عمرها دارت ليهم شي حاجة ...[ شافت فعصام ] عع عصام .
شاف فيها عصام وقرب شد ليها وجها بين يديه : سمحيليا اياسمين.. سمحيليا .. ضطريت ندير هادشي كامل ليك ..ضطريت .
ياسمين نزلو دموعها مفزگين رموشها وقالت بنبرة باكية : مهمنيش كلامك ومعاملتك ليا قد ما همني حالتك لي قطعات ليا قلبي اعصام [ حطات يديها على خدو وقربات لامسات جبهتها على جبهتو كتبكي وقالت بحرقة ] قبيلا ..ملي كنتي طايح فالارض ..واش كنتي فديك الحالة بسبابي ..همم؟
عصام حط يديه على يديها لي على وجهو وقال بنبرة باحة كتحرق فالقلب : مقدرتش نستحمل ..فكل دفعة دفعتك فالارض وفكل كلمة گلتها ليك وفأي حاجة درتها فيك كانت كضرني أنا لول عاد ليك نتي اياسمين ...عاد ليك .
بعدات عليه وجراتو من كتفو منخششة فيه معنقاه وكتبكي بصوت عالي كتشهق بحرقة : كنبغيك اعصام ..كنبغيك بزااف .
عصام خاشي وجهو فعنقها كيطبع قبلات متفرقة وهمس داخل عنقها : كنموت عليك ...كنعشقك ابنت قلبي .
••••••••••••••
فجناح عثمان وجمرة ..
عثمان لي كان فالفوتاي متكي مرجع راسو لور مغمض عينيه ناعس ..تحل الباب ديال الجناح ودخلات جمرة منو بخطوات بطيئة دورات راسها كتقلب عليه حتا كتلمحو فالفوتاي ناعس ... سدات الباب من وراها وحركات خطواتها الجيهتو ..وقفات عليه كتشوف فيه بناضرات حزينة وقالت بهمس : راجلي مسكين كيتعذب بزااف ... كون كنت فبلاصتو كون طجيت ..الله يارب على راجلي وشحال معذب .
تحنات ليه ترمات فحضنو معنقاه حتا ناض قافز من طيحة لي طاحت عليه معرف باش تبلى .
عثمان كيشوف فيها معنقاه حاطة راسها على صدرو وكتشهق ببكاء : هييه ..شكديري
جمرة خاشية وجها فصدرو كتبكي على نيتها : متقلقش اسي عثمان متقلقش .
عثمان ما مصدقش مال هاد المخلوقة : لبكا لاش ؟
جمرة ببكاء : بقيتي فيا بزااف وبزاااف اسي عثمان ..نتا تحملتي بزاااف .
طبطبات على صدرو وكتبوس : مديرش فبالك اراجلي العزيز .. أنا معاااك ..مراتك معاك وتخفف عليك .
عثمان غمض عينيه وحلهم متنهد بعمق من هاد المخلوقة لي شي نهار تخرج ليه العقل ..
عثمان بهدوء قال : شكادييري
جمرة هزات راسها فيه وقالت بنبرة باكية : كنواسيك .
عثمان بعدم استيعاب .. كيحس بعقلو غيخرج من بلاصتو : كتواسينييي
عثمان بعدم استيعاب.. عقلو كيحس بيع غيخرج : كتواسينيي .
جمرة حركات راسها بالايجاب ببرائة : آه كنواسيك .
عثمان بصوت مبحوح : متأكدة ؟
جمرة برققات عيونها فيه : اه كنواسي راجلي .
عثمان دوز يديه على وجهو متنهد ..شاف فيها بعيونو سود وشير الباب : نوضي من حدايا .
جمرة باستعاب : هاا ؟
عثمان قرب الوجها : هوو
جمرة ضحكات : هيي
[ ديك لعيبة تاع ..ها ..هو .. هي ..عرفتوها ]
شد على راسو بالفقسة وشاف فيها ما مصدقش : واش لباس ؟
جمرة حكات جبهتها : بيخير الحمدلله ونتا ؟
تحدر لسندالتو هزها وهي غير شافتو شنو هز وهي تنوض كتجري : صافي صافي غير متلوحش هاني خارجة ..حشومة عليك كنت بغيت غير نواسيك .
عثمان بهدوء كيشوف فسندالتو لي هاز : خرجي .
خرجات كتنقز وكتنگر : ايوا الله يستر راني كنت بغيت غير نواسيك ..ايييه اييه دير الخير ميطرا باس ..فينك أپا رضوان فيينك ..[ ميقات فيه مخنزرة ] ولهلااا
شافتو غينوض ليها وهي تخرج من الجناح كي جنية .
عثمان تنهد وقال بهمس رجولي : متخاف ما تحشم .
التحت عند جمرة دخلات الصالون كتلقا الحاجة ياقوت ولالة حليمة وحياة كذلك جالسين مجموعين على كويس دأتاي مهمومين والحزن مالي وجهم ..
جلسات حدا حياة وقالت جمرة بهمس : ختي ياسمين مهبطاتش .
حياة بنفي : نو راها فالجناح يمكن خويا عصام باقي معاها ..
جمرة بحزن : يارب تسهل عليهم ويتصالحو يارب .
حياة رتبات على يديها : امين يارب هادشي لي كنتمناو .
الحاجة ياقوت نطقات كتشوف فيديها باغا تخرجهم من المود د الحزن : والله ما كرهت شي حنينية ليديداتي صراحة .
لالة حليمة : والله ما كدبتي ..توحشناها صراحة .
جمرة نقزات : حتا أنا بغيت نديرها ..
حياة خرجات عيونها وشاف فيها قالت بزربة : وياااك وياك ديريها اجمرة وياك .
جمرة تفزعات من حالت حياة : اويلي حي مالك .
حياة بتحذير : وياك ديريها اصاحبتي عمي رآه كيكره شي حاجة سميتها الحناء ..ايلا درتيها عولي على الجحيم ..خصوصا ونتي قريبة ليه بزاف ..أنا والحاجة وكاع لي هنا وداروها كندمو علاش درناها ..محساك نتي مرتو .
جمرة بعناد : لا انديرها ..مسوقيش .
حياة بصدمة : رآه كيعيفها ..مكيحملهاش .
جمرة : مسوقيش ..[ شافت فالحاجة ياقوت] خالتي انديرها ..
الحاجة ياقوت : لا مغديريهاش .
جمرة بعناد مصرة : غنديرها .
لآلة حليمة ضحكات : ايوا سيري خودي الإذن من راجلك واش ديريها ولا مديريهاش .
ناضت من حداهم مزعفة معاجبهاش الحال ...
وصلات الدروج طالعة الجناح وكتنگر : اويلي واش هاد البارد لي خارج من قطب شمالي تحاجة مكتعجبو مني ..نهار لي دخلت الكوزينة معجبوش طيابي وملي بغيت نواسيه قمعني وجرا عليا وملي بغيت ندير الحناء ..حگا ما حگا مكيحملش الحناء ..والله حتا نديرها ضد فيه يااالاه .
غوبشات معاحبهاش الحال ..وقفات فالجناح حلات الباب ودخلات وسدات الباب من وراها ..لمحاتو جالس فسرير قدامو وراق وپيسي خدام فيه ...ميلات شنايفها باغا تبيحلس عليه باش يخليها تحني : سي عثماااان .
قربات السرير كتسناه يجاوبها ..وشافت فيه بنص عين : سي عثمان
عثمان نضاضر دشوف على عينيه زايدينو هيبة على هيبة كيشوف فالوراق لي قدامو وهمهم بلا ميشوف فيها : هممم ؟
جمرة بدات كتقرب ليه كتحبو فسرير كتبيحلس عليه كيجنية : وجاو معاك نضيضرات .
عثمان بهدوء بلا ميشوف فيها مقابل خدمتو فقط : هممم
جمرة هزات تيليفون تاعو كتلعب بيه وكتشوف فيه بنص عين ..فتحات الكاميرا تاع تيليفون وبدات كتصور فراسها وتبوزا وتعيوج غير مع راسها حتا كتهز راسها كتلقاه كيشوف فيها بشي نضارات غير الله يحضر سلامة.
بلعات ريقها وقربات ليه تيليفون حداه بشوي كتشوف فيه وكتفتف : صص ص صافي صافي هاني غنحطو غير متعصبش ..يرحم باباك .[ هزات يديها الفوق ] شوف بااح هاني حطيتو ...
حدر راسو الخدمتو بحالا مكيناش شي لي فقسها وعاودات قربات حداه كطل عليه شنو كيدير : شنو كدير .
هزات فيه عيونها عيبات فيه مخرجة لسانها بحكم مجاوبهاش وقالت بهمس أنوثي منخششة فيه كيالمشة كطل فخدمتو : وشنو كدير .
هز يديه سد ليها فمها بهدوء كيخدم فخدمتو وهي كدفع فيه قارنة حواجبها : اويلي حي .
بقات كتشوف فيه مخنزرة وهو وتقول واش هز فيها عينيه ولو حتا كلمة ما بغا يقولها ليها ..حدرات عينيها ليديها كتشوف فيهم وهي تبتاسم إبتسامة شيطانية فور متفكرات بلي كيكره شي حاجة سميتها الحنا ...قربات حداه حاطا راسها على كتفو كتلعب برجليها مع رجليه المسرحين وقالت بصوت أنوثي ملحون : كنفكر ندير الحناء ...زوينة كتجي مع يديداتي البيوض .
بقات كتعيوج فشنيفاتها حتا كتحس بيه شدها من قرفادتها كي الفلوس قدامو
عثمان هاز حواجبو وقال بصوت غليض شادها من قرفادتها : شگلتي باغا ديري ؟ الحنا ؟
جمرة بدات كدور فعيونها وكتساسي فيه : وغير طلق اسي عثمان..اويلي مالك ..وتا طلق الله يخلي ما عزيز عليك لما طلق .
شاف فيديها لي هزاهم بقا كيشوف فيهم كيفاش صغيورين وقال بنبرة رجولية هادئة : دابا هادو باغا تحنيهم ؟
جمرة شافت فيديها : مالهم كيجاوك اسي عثمان.
عثمان غمض عينيه وحلهم متنهد كيشوف فيديها صغار : حتا يكونو بعدا يدين .
جمرة قرنات حواجبها : ونزلني
عثمان همهم برجولة كيشوف فيها : هممم
جمرة شافت وراه وخرجات عيونها شهقات : هاااااء شوف وراااك اسي عثمان ..نارييي نارييي
شاف وراه حتا كتعضو فيدو وهربات نقزات من فوق سرير وهو دار شاف فيها بنضارات ديال القتيلة .
جمرة وقفات وسط الجناح كتشطح كي طروبية بطريقة كضحك كتعيب فيه : والله حتا نحني يدي ورجيلاتي .
ناض عثمان تابعها حتا كتخرج من الجناح هربانة مخلياه واقف وغير كيشوف ..على آخر يامو ولا مضارب مع برهوشة ...تلفت حرك خطواتو غادي السرير ...جلس مكمل خدمتو عادي حتا كيسمع الباب تحل بشوي : سي عثمان.
هز راسو مغمض عينيه بنفاذ صبر ...حل عينيه فيها كيلقاها مخرجة راسها من الباب كطل عليه كضحك عليه بهيستيرية وقالت كتغني : روح يا سطوحي تعالى يا سطوحي ..تعالى نلعب سوا يا سطوحي
عثمان شاف فيها بنضارات ديال الفقسة وحدر راسو كيحك على عينيه وقال بختورية : مغتريحيش .
جمرة لحونات صوتها : الاااءح .
عثمان بهدوء هز راسو شاف فيها : ديري عقلك .
جمرة كتلعب بصباعها كتعيوج : وراه غير معاك أنا هاكا [ غمزاتو حتا حس بقلبو تنفض من بلاصتو وقالت بهمس محلون ] من غيرك مكندللش عليه .
عثمان بنضارات هايمة فيها : أجي .
جمرة عبزات شفايفها : اضربني ؟
عثمان بهدوء : علاه نضرب بنتي ؟
جمرة سدات الباب ودخلات كتمشا لعندو بخطوات بطيئة وخدودها حمارو بالخجل ..قربات حداه وجلسات فسرير جنبو كتشوف فيه بناضرات خجولة ...بقات كتشوف فعيونو سود لي غياكلوها ..تسناتو يحدر عينيه ويحشم ساعة والو ..وتقول واش سيد حشم ولا شي حاجة ..
جمرة قربات لوجهو مخرجة عيونها فيه : سي عثمان...حشم شوي .
عثمان هايم فعيونها الكبار : يهديك الله ..
شدات ليه يدو ضخمة بين يديها صغار كيوت وبدات كتلعب بصباعو الكبار بشوي وبحنان وقالت : سي عثمان .
عثمان كيشوف فصباعو كيفاش كتلعب بيهم بحال شي بنية صغيرة .. همهم برجولة باقي كيشوف فيديه : هممم .
جمرة بخفوت كتلعب بصباعو : أولا أنا ماشي برهوشة .
هزات فيه راسها وبدأت كتقرب ليه كتر وتمحكك معاه ناسية راسها : وتانيا أنا مراااتك ومعندكش الحق تقولي برهوشة [ لصقات على فخضو كتر حتا تنفض وقالت بهمس محلون ] ولاا
عثمان عض شواربو بطريقة جنونية من حركاتها لي جننوه : ولا شنو ؟
طلعات من فوق رجليه في فخضو وجلسات مخلياه يغمض عينيه متنهد بعمق وشعرها على وجهو كيستنشق ريحتو وحرقة داخلو مغتحيدها غير هي ...دارت بوجها لعندوو حتا جا نيفها على نيفو وهزات يديها كتلمس فلحيتو المطراسية والخفيفة فالاسود عليها شعيرات بيضاء خفاف قلال ... عطايينو رونق خاص وهيبة طاغية ...شافت فعيونو أو على نضاضر دشوف لي كان داير عجبوها أو بالأحرى عجبها هو ...اي حاجة كيديرها كتجي معاه ..وكيخليها غير مسحورة فيه نهار على نهار وكتزيد تيقن بلي هي لي شارفة ماشي هو .. طلعات بيديها من على خدو لنضاضر لي داير ...حيداتهم ليه بشوي وداتهم العينيها حطاتهم وهي كتشوف فيه نيشان مقابلة عيونها مع عيونو الهايمين فيها .
جمرة بتاسمات إبتسامة ساحرة : كيف جاوني .
عثمان بهمس : جيتي معاهم .
جمرة حدرات راسها وضحكات ضحيكة حلوة بخجل من كلامو وقالت بهمس أنوثي : لا هوما لي كيف جاوني .
عثمان زاد جرها لعندو كتر مقربها ليه وقال بنبرة رجولية باحة : نتي لي جيتي معاهم ..[ قرب لخدها وطبع قبلة خفيفة ] عمر شي حاجة لي تجي معاك ..نتي لي كتجي معاهم.
جمرة غمضات عيونها متنهدة من قبلتو لخدها وقالت بهمس : سي عثمان .
عثمان بعد مفيكسي عيونو مع عيونها : مال مولات الخالة .
جمرة بتاسمات ببلاهة : غتخليني نحني .
عثمان حرك راسو بنفي بهدوء ..بتاسمات وقالت : غير عريش خفيف .
حرك راسو بنفي بجمود .
جمرة عضات شفايفها وبتاسمات مخفية فقستها : غير صبيع .
زاد حرك راسو بنفي بهدوء بلا ميقول حتا شي كلمة .
جمرة تنفسات صعداء ونزولا : غير نقش خفيف .
عثمان رجع راسو لور متكي على كادر سرير وحرك راسو بنفي بهدوء .
جمرة غمضات عيونها وحلاتهم كتمنى يقبل : غير يديا وصافي ..رجليا لا .
بقات كتشوف فيه كتسناه يقول شي حاجة ويقبل حتا كتلمحو حرك راسو بنفي عوتاني ...حلات فمها وخسرات سيفتها بحالا غتبكي وتغوت ..
ناضت من فوق منو بشوي وغير ساكتة وكتشوف ..خرجات من سرير وقفات وسط الجناح وبدات كدور بحال شي حمقة مقطعين ليها الوراق ..شادة فراسها ودور من هنا وهنا معارفة ما دير ..وقفات فسكون عاطياه بضهر وكتنهج وهو غير كيشوف عااادي وبهدوووء كأن سيد مخاصو حتا خير ... حتا كيقفز من بلاصتو بقوة ملي كيلمحها دارت لعندو وجها حمر وكتغوت كضرب في فخاضها .
جمرة بصراخ جنوني : واعععععععع وفقستييييينيييييي ..وفقستييييينيييي .... والباااااااردددد واااااالي خارج من قطب شماااااالي ...[ مشات كتجري لعندو تلاحت عليه مقربة وجها لوجهو وغوتات مجننة مخلياه يخرج عيونو فيها ] وغندييييرها شتييي ديك الحنااااء وبربييي حتا نديرها ..
من كترة صدمة لي ركباتو ما بقا عارف شنو يقول أما هي تسناتو يقول شي حاجة حتا كطير على عنقو وكتعضو وكتغوت مجننة بكترة الفقسة لي ركبها فيها .
بعدات عليه كتنهج مخليا ليطراس تاع سنانها فعنقو لي بارزين فيه عروقو وشافت فيه صدرها كيطلع وينزل معصبة ...بقات كتشوف فيه بناضرات حادة حتا كطيح على ضهرها وعثمان فوق منها خاشي وجهو فعنقها ..همس بهمس ساخن حارق بشرتها : غير نتي كتعرفي تعضي ... هممم ؟
جمرة مخرجة عيونها فسقف وكتنهج بعنف ..قلبها داخلها عامل إعصار ..حلات فمها باش تهدر حتا فجأة كتغمض عيونها مزيرة عليهم وآنات .
حل فمو وعضها فعنقها عضيضة خفيفة مخلي ليطراس تاع سنانو فعنقها ...هز يديه ومشا نيشان تحت يديها فطوابگها وبدا كيهر فيها وهي طلقها بواحد الغوتة كضحك بقهقهة بهيستيرية ..وكيعضها فعنقها وحنيكاتها الحميمرين بحال شي بنية صغيرة وهي كضحك ..
جمرة غتمو*ـت بضحك : وااااهههههه ولاااااا ومتعضش واااامتعضش ...ااااايييي الهران لا ..سي عثمان لااااا ..ولااااا ...واااكنتخنق ههههههه ..اااححح عنقيي مشااااا ..وطلاااااق ..وكنطلبك واااعفااااك لااااا ..
كتركل وتفركل وضحكاتها العالية طفولية مالية الجناح كامل وهو فوق منها كيعضها ويهر فيها .. ما مديهاش فغواتها ...مجننها وصافي .
جمرة كتهز وتحك كضحك بهيستيرية : وااااههههه وااالاااا عثماااااان ..ايييي حبس حبس عفااااك .
حبس فجأة كينهج فوق عنقها مغمض عينيه وصدرو كيطلع وينزل .. خرج لسانو لحي ليها عنقها بطريقة بورشاتها وبعد عليها كيشوف فعيونها المدمعين بسباب ضحك لي ضحكاتو ...بعد بشوي ناض من عليها وتاجه الحمام دخل ليه بلا ميقول حتا شي كلمة مخليها مستغربة من شكلو ..
ناضت من سرير كتقاد فحوايجها لي تخربقو ومشات وقفات قدام المراية كتشوف فليطراس دسنانو فعنقها ...بتاسمات ابتسامة خجولة وخدودها حمارو ..
هزات فوندوتان قريبة لون بشرتها ودارت شوي فعنقها كدرق ليطراس لا يقشعو شي واحد وتصدق محشما معاهم .
خرج من الحمام كيمسح فوجهو بيديه برجولة وشخامة ..هز راسو فيها كيلمحها كتدهن فعنقها بفوندوتان لي هو حسبها بوماضة .
قرب ليها هاز حواجبو مستغرب وقال كيشوف في الفوندوتان : شهادشي ...علاش درتيه جي لعندي ونعطيك بوماضة ديال ليطراس بلا مديري هادي من شكلها كتبان ما مزياناش .
جمرة تلفتات لعندو شافت فيه بعدم فهم : كفاش ؟
عثمان كيشوف فعنقها لي مبقاتش كتبان ليطراس بسباب الفوندوتان وقال : باينة غتخلي ليك ليطراس ..بوماضة ما زويناش [ قرب كيشمشم فريحتها لي كانت طاغية وزوينة وقال مخسر سيفتو ] هاا هاني قلتها باينة غير من ريحتها المجهدة ... البوماضة المليحة هي لي مكتكونش فيها ريحة مجهدة .. هادي عامرة زبل ولا معرت شنو .
جمرة مصدومة معارفاه أش كيقول : سي عثمان شنو كتقول ؟
عثمان هز الفوندوتان كيشوف فيها : هادي تاع ليطراس ولا غير كتغطي .
جمرة عاد فهمات سيد بلي كيسحابها بوماضة..حبسات ضحكة وقالت : لا هادي فوندوتان اسي عثمان .
عثمان بعدم فهم : فودوتا ؟
جمرة عضات شفايفها حابسة ضحكتها : لا.. فوندوتان .
عثمان بهدوء بلا ميعطي اهتمام : لواه نبگ ..حيدي زبل رآه ديك بوماضة مصالحاش ليك لا دير فيك شي عجب فعنقك ..تسناي نجيب ليك بوماضة حسن منها .
جمرة تفرگعات عليه شادة فكرشها كضحك بهيستيرية : وااهههههه واااههههه وكرشيييييي ..وقاليييك بومااااضة ..واهههه .
عثمان بقا كيشوف فيها صدماتو من حالتها المفجئة ..معرفش اصلن علاش كضحك ..ياك هو مقال حتا شي حاجة لي كضحك ..فقط بغاها دير بوماضة زوينة حسن من ديك البوماضة لي ريحتها مجهدة .
.. كان فقط كيشوف فيها ومستغرب من حالتها ..حل فمو باش ينطق حتا كتنقز هي وقالت .
جمرة كضحك بشوي كتوريه في الفوندوتان : هادي ماشي بوماضة ديال الجرح ولا شي حاجة ديال ليطراس هادي فقط فوندوتان ديال البنات كيديروها باش تصفي ليهم بشرتهم ايلا كانو كحلين ولا فيهم شي جروح كتدرق ليهم وصافي بمعنى هادي من ضمن الماكياج تاع البنات ههه ...فهمتي اسي عثمان .
عثمان طول فيها شوفة معاطيش أهمية لشرحها وقال خارج من الجناح : وانا مالي .
خرج من الجناح مخليها واقفة مشرعة عيونها وحالة فمها وقالت بنبرة خافتة : أنا مالي ؟
حشرات سيفتها مخنزرة وقالت كتجمع فداك تخربيق ديالها : متعجرف لآخر ...عاجبينك شيباتك لي مزينينك يا البارد لآخر ... سرييي ..سرييي أنا لي جالسة نشرح ليه .
جمعات البيت وقداتو مزيان وهبطات عندهم التحت جلسات معاهم فصالون مجموعين كتشوف فالحاجة ياقوت ولالة حليمة وياسمين كيحنيو وحياة جالسة حداهم كتنقش ليهم بحكم محترفة فنقش .
بقات كتشوف فيهم مخنزرة ومعاجبها حال ....
جمرة قالت بنبرة خافتة : عفاكم خلوني نحني ..عفاكم .
مجاوبوهاش كيحنيو ويضحكو مجمعين وهي شدتها الفقسة غير لا لآخر بداها الفوق وهادو كملوها ....بدات كتعصر فدميعاتها بزز لي اصلن بحالا كانت موجداهم .. وبدات كتشهق وطيح فدميعاتها وطبيعة الحال كان غير تبوحيط ..
شافو فيها كاملين مصدومين من حالتها ودموعها لي طايحين ..وقالت الحاجة ياقوت بنبرة حزينة : ماال زينت البنات مالهاا .
جمرة كتهز فكتافها وتبكي بلعاني : أنا علاش منحنيش علاش ..ها ؟ شنو فيها حتا أنا ايلا حنيت ..مالكم باغين تحرموها عليا .. مالكم ..ايلا كان داك راجلي مكيحملش الحناا ..أنا شنو ذنبي ..ها ؟ أنا شنو ذنبي ..ايلا مكانش يحملها يمشي القرينة كحلة يجلس فيها حتا تحيد مني الحنا وعاد يجي ..أنا بغيت نحني أنا ..واابغيت نحني .. حشومة عليه وعليكم والله ... والله حتا حشومة ..وضلم هذا وحق الله حتا ضلم ...نحرم راسي وشبابي من فرحة الحنا على قبل واحد حتا حاجة متعجبو ... قاليك مكيحملش الحنا ...هو اصلن فين عمرو عجباتو شي حاجة ..ها ؟ فين عمرو ..ودابا جاي يقوليا مديريش الحنا ..وعييت اسيدي ربي عييت ..جمرة مديريش هادي ..جمرة ديري هادي ...جمرة متلبسيش هادي ..جمرة لبسي هادي ... جمرة متخرجيش بوحدك ...علاش دخلتي نتي لديك الكوزينة كاع كون غير مدخلتيش ليها ..اووف وناري رآه عيق [ شافت فالحاجة ياقوت مسبلة عيونها كتبوحط ] خالتي خليني ندير الحنا عفاك .
بقات الحاجة ياقوت غير كتشوف فيها وشحال قطعات ليها فقلبها ..بعدات عليها حياة لي كانت جالسة حداها وقالت : زيدي حبيبتي زيدي اجي عند خالتك جلسي حدايا وحني .
ناضت جمرة كتجري مشات جلسات حداها باستها من خدودها كضحك بحالا ماشي هي لي غير دابا كانت كتبكي ودمع فعيونها ..
مدات يديها لحياة بزربة وقالت : حني ...ويكون نقش خفيف الله يرضي عليك .
حياة وياسمين شافو فيها مصدومين وعاقو بيها بلي كانت غير كتبوحط .
نقشات ليها حياة يديداتها بجوج لي كان نقش خفيف وزوين سامپل مكتيرش بزاف وعطاها جمالية خاصة فيديداتها صغار .
بقات كتسنا فيها تنشف شحال حتا نضرات وناضت غسلاتها بماء تاع الورد وبقات كتشوف فلوين زوين بي خرج ليها ..حلات فمها مصدومة من جمالية نقش على يديها ومشات لعندهم كتجري فرحانة وراتهم يديها
جمرة شافت فيديها فرحانة : الله يعطيك صحة احياة وخلاص [ تلاحت عليها كتبوس فيها فرحانة ومشات ليهم كاملين باستهم غطير بالفرحة ] كنحبكم أنا كنحبكم .
جالسة فصالون معاهم كضحك بسعادة غامرة غطير بالفرحة كتشوف فيديها البيضين لي زادو جمالية بنقش الخفيف لي دارت ليها حياة .. مجموعين على كويس دأتاي حداهم ومليكة وسلمى لي غير مخنزرين فجمرة وسم كياكلهم .. أما ياسمين فكانت جالسة حدا حياة وجمرة وكتخنزر فمليكة وسلمى من داكشي لي عاود ليها عصام ..
ناضت جمرة مبتاسمة وقالت بنبرة مرحة : ناري فرحانة ومتحمسة لدرجة مكرهتش نوض الكوزينة و نصيب شي حاجة من يديداتي .
لالة حليمة بابتسامة بشوشة : سيري يا بنيتي ورينا حنينت يديك ..
الحاجة ياقوت بفخر كضحك : عروستي حاادگة ماشاءالله أنا لي مزوجة وليدي .
لالة حليمة شافت فياسمين مبتاسمة : ايوا حتا انا .. أنا لي مزوجة وليدي بزينت البنات .
حياة بقات غير كتشوف فيهم وميقة فيهم قالت : وانا ؟
جمرة وياسمين فخطرة وحدة كيضحكو عليها : سيري حتا تزوجي عاد جي هدري .
ميقات فيهم لاحت شعرها ورا ضهرها وقالت : وشلااا .
ضحكات جمرة وكملات خطواتها الكوزينة ..دخلات عند الخدامات لي كانو كيوجدو الغدا ...
جمرة بتاسمات ابتسامة بشوشة : سلام الله عليكم البنات .
الخدامات : وعليكم سلام لالة جمرة .
جمرة غمزاتهم : حيدو لالة الله يرضي عليكم ههه... راني شحال مرة كنقولها ليكم .
شافو فبعضياتهم مبتاسمين من طيبتها وقالت فاطمة لي مكلفة بيهم : ميكون غير خاطرك أختي جمرة ..راحنا غير كنساو وصافي ههه
جمرة حركات راسها بالايجاب مبتاسمة : معليش ..معليش ازينات .. عفاكم جبدولي مقادير دالكيكة باغا نصيبها بهاد اليديدات لي نقشت ههه .
شافو فيديها مبتاسمين وكل وحدة قالت ليها كليمة زوينة فرحانين معاها .. أما هاديك لي كانت عارفة بقاضية سحر بي كانو غيديرو مليكة وسلمى ليها كانت غير كتشوف فيها ومبتاسمة ابتسامة حزينة وكتقول فراسها : طيبة قلبها واخلاقها هوما لي خلاوني نعرف شنو مخططين ليه دوك سحارات ..الله كيبغيها هذا علاش صيفطني فطريق دوك المشعوذات يارب تبعد عليها كل سوء وشر مسكينة ..
حطو ليها المقادير وداك تخربيق لي غتحتاج وبدات كتصيب فالكيكة وابتسامة خفيفة على وجها ..قدات الخليط تاع الكيك لي كان كتير ..خوات الخليط فثلاتة تاع ليمول ورماتهم فالفران لي كان كبير .. وجلسات حداه مقابلاه وكضحك مع البنات كأنهم ماشي الخدامات دياولها ونعم زوجة حنونة ..
حلات الفران جبدات الكيك بعدما لقاتهم طابو ..حطاتهم يبردو ومشات توجد صوص بنكهة ليمون ..قداتو وخلاتو يبرد شوي عاد جبدات الكيكات ودهناتهم بصوص تاع ليمون ..ودردرات عليهم من الفوق الكوك ..قطعات طريفات كبار وحطات كل طرف فطبيسيل صغير وحطاتهم فبلاطو كبير ومشات وجدات براد كبير ديال أتاي بالاعشاب الطبيعية منعيشين ..وخواتهم فكويسات مخصصين ليهم وعطاتهم وحدة من الخدامات .
جمرة بابتسامة : هاكي دي هاد البلاطو فرقي عليهم هاد الكويسات أتاي بالاعشاب الطبيعية مزيانة لهاد البرد الله يرضي عليك .
الخدامة : واخا اختي جمرة .
خرجات الخدامة بالبلاطو وجمرة رجعات هزات البلاطو لي فيه طبيسلات تاوع الكيكة باش ديهم حتا كتوقف مفزوعة .
دخلات ياسمين وحياة الكوزينة وجهم حمر كيضحكو بهيسترية عليها وقالو فخطرة وحدة : قفرتييييها [ عيبو عليها ] سيديي عثماااااان جاااا [ غمزوها ] وريه حنينك هههه .
جمرة هبطات شافت فيديها المنقوشين بالحناء لي هازة بيهم البلاطو وقالت بخفوت خايفة : مشيت فيها .
حياة ضحكات : نتي غير مشيتي فيها وصافي ..رآه كيكره شي حاجة سميتها الحناء اصاحبتي .
ياسمين ضحكات : ناري اصگعة قبيلة جالسة تبوحطي ودابا خايفة ههه .
جمرة شافت فيهم دافعة جبهة : مخايفة من حد أنا ..لي بغا يقول شي حاجة مرحبا بيه ..شكون كاين فصالون .
حياة : كلهم ..كلشي جا [ غمزاتها ] وراجلك اللالة حتا هو هه .
جمرة بلعات ريقها بصعوبة وتمشات خارجة من الكوزينة بخطوات بطيئة والبلاطو فيديها كيترعد بكترة الخلعة لي راكباها ..وصلات الصالون وغمضات عيونها فور موصلاتها ريحتو رجولية ...مدات رجليها ودخلات عليهم حالة عيونها نيشان عليه كتلقاه كيشوف فيها ..مشات لعند الحاجة ياقوت عطاتها طبسيلها ديال الكيك ومعيلقة صغيرة ولالة حليمة كذلك مرورا ليهم ..عطات كل واحد فيهم الكيكة وبقات مليكة وسلمى وعثمان وتسنيم...وصلات لعند تسنيم لي كانت جالسة حدا عثمان .. عطاتها طبسيلها وقالت تسنيم مبتاسمة إبتسامة طفولية : حنتك فيدك جات معاك اطاتي جمرة .
جمرة غمضات عيونها وحلاتهم وقالت فخاطرها : لقوة يا العقروشة .
دورات راسها ليه قربات لحداه مادة ليه البلاطو باش يهز الكيك حتا كتنطق مليكة بنبرة معوجة : مكياكلش الكيك ونزيدك كيعييف الحناا ..بمعنى كيعيف اليدين المحنيين ..
شافت جمرة فيديها المنقوشين وبلعات ريقها بصعوبة هزات عيونها فيه كتلقا سيد كيشوف فيديها المنقوشين بناضرات ما مفهومينش واش معصب ولا شنو .. غمضات عيونها وحلاتهم ورجعات لور باش تبعد عليه حتا كيمد يديه وكيهز طبيسيل ديال الكيك والمعلقة حتا هي ..شرعات عيونها مصدومة فيه وابتسامة خفيفة بانت فملامحها ... أما لي تم بتاسمو من تصرفو لي مكانوش متوقعينو منو ..من غير مليكة وسلمى لي خرجو عينيهم مصدومين والغيرة وسم كياكل فيهم .
حدر راسو كياكل فالكيك بهدوء بلا ميديها فحتا واحد ..حس بيها غادة تعطي المليكة وسلمى الكيك حتا كينطق بهدوء : جلسيي .
وقفات شافت فيه : ءءااا ؟
هز راسو شاف فيها بنضارات جامدة مشير ليها حداه بلا ميهدر ..هي فهماتو ومشات حطات البلاطو فطبلة لي قدامهم وجلسات حداه جنبو بلا متعطي مليكة وسلمى لي غياكلو جنابهم .
دور عينيه ليها لمحها غير جالسة وكتشوف ..هبط عينيه اليديها المنقوشين ... يا اااه وشحال عجبوه و حمقوه ..بيوضيتهم وطراوتهم ورطوبيتهم خداو ليه العقل أما نقش تاع الحناء فراه خربقوه مبقا عارف شنو يدير ..كان كيكره شي حاجة سميتها الحناء دابا ولا كيحماق عليها ... وغير فيديها فقط من غيرهم متحلا ليه ..
شافها معندهاش أتاي والكيك وقرب حداها كتر عطاها كاسو لي شرب منو شوي وقال بنبرة باحة : شدي
جمرة شافت فيه : ءءشنو .
عثمان بهدوء : شدي شربي أتاي .
جمرة بخفوت : كاسك هداك .
عثمان بصوت خشن : وانا بغيت نعطيه المراتي .
حشمات وخدودها حمارو مبقات عارفة شنو تقول ...مدات يديها لي كيترعدو باش تشد الكاس حتا حطاتهم على يديه لي شادين الكاس ..بداو يديها كيترعدو كتر وبهيستيرة من رعشة لي سرات فيها فور ملمسات يديه الحرشة ..هز يديه لأخرى وحطها على يدها لي كترعد فوق من يديه وقال بصوت هامس : بشوية عليك .
شافت فيه بعيون دايخة فيه وشدات الكاس خداتو لعندها ..قطع طريف من الكيك ومدو لفمها كلاتها ..شربات جغمة من اتاي لي كان شارب منو هو قبل ..دورات راسها ليه كتلقاه كيشوف فشفايفها لي كيترعدو ..هبطات عيونها الكاس لي شربات منو وتفكرات بلي هو شرب منو قبل منها ..بلعات ريقها بثوتر ضاهر ..هزات راسها عليهم كتلقاهم جالسين كيجمعو وكيضحكو كاع مكيشوفو فيهم ..تنفسات صعداء مرتاحة حتا كدور راسها الجنب وكتلقا مليكة وسلمى كيشوفو فيها بشي نضارات غير الله يستر وصافي ..ميقات فيهم بلا مديها فيهم .
حدرات راسها الكاس د أتاي كتدورو بين يديها بثوتر حتا كتحس بأنفاسو ساخنة فعنقها : الله يعطيك صحة .
يتبع...
التعليقات
لا توجد تعليقات بعد، كن أول من يعلق.