مدللة العميد الجزء الثامن

فرياض الوزاني ...

عند جمرة لي دخلات الصالون لمحات الحاجة ياقوت ولالة حليمة جالسين كيتحتتو كيف العادة ...مشات جلسات حدا الحاجة ياقوت ولالة حليمة بعدما باست ليهم راسهم ...شدات فيدين الحاجة ياقوت وقالت جمرة بحنية : الحاااجة

حاجة ياقوت ضحكات بقهقهة بشوشة كتلمس فشعر جمرة : وقولي مي راني ميمتك ...على الأقل نتي عيطيلي مي ماشي بحال ولد كرشي لي كيعيط ليا الحاجة .

لآلة حليمة ضحكات وغمزات جمرة : ايوا كوني تسمعي الهدرة

جمرة غطات وجها بخجل كضحك بقهقهة : وااخاا الحاجة ...كنقصد أمّا

الحاجة ياقوت دمعو عيونها : اش اشناهي يا بنيتي ديك لي قلتي

جمرة بتاسمات : أمّا ...أمّا كنقولها لأمّا زهرة

حليمة دوزات يديها على شعرها بحنية : وداك لسان لي عندك يا بنيتي وشحال كيقطر بالعسل ...كاع هدرتك كتعجبني ... [ ضحكات حتا تسدو عيونها ] وكيوت كيف كتقول ياسمين ..

جمرة تهزات باست ليهم راسهم ...رضاو عليها ورجعات جلسات قالت بصوت خجول : أمّاا

الحاجة ياقوت : نعام ابنيتي .

جمرة حنات راسها كتحك حاجبها بتوتر : احم سي عثمان شنو عزيز عليه فالماكلة ...زعما شي حاجة حلوة ..بغيت نصايب ليه شي حاجة صراحة

الحاجة شافت فحليمة غامزاها ... تنهدات الحاجة ياقوت بعمق وقالت بنبرة حزينة : كان فصغرو يجي لعندي

ويقولي ..الواليدة والواليدة نقوليه نعام اوليدي ..ويقولي بغيتك تصيبي ليا الغريبة بنكهة زهر ..ونوض على سعدي ووعدي نصايبها ليه ...وبالفرحااات عليا[ ضحكات ببشاشة ] وبحالا هو لي كان كيصايبها ...فينما ندخل الكوزينة يدخل معايا ويعاوني ..حتا حاجة منهزها كلشي يكون قدامي وانا ما عليا فقط نعجن ونطيب اي حاجه بغيت نديرها فالكوزينة كان كيدخل معايا الكوزينة ويعاوني ..حنين بزااف وليدي ..حتا النهار لي مات فيه المرحوم راجلي الله يرحمو فهاد نهار وداز عام وماتو ولادي بجوج ... [ نزلو دموعها كتمسح فيهم ولالة حليمة كتشوف فيها بحرقة ] مبقاش عثمان لي ربيت على يدي ..مبقاش عثمان لي فينما تكون ضراه شي حاجة يجي لعند ميمتو ويقوليها ...ميمتي راسي كيضرني ...ميمتي عنقيني ...ولا قليل الهدرة والابتسامة سنين عمرني شفتها فوجهو ..تحمل مسؤولية كبييييرة وكبيييرة ... [ شافت فجمرة لي كانت كتشوف فقط ] تخيلي ابنيتي ..تكون عميد شرطة كبير والخطر ضاير بيك من هنا وهنا ..وزيد عليها تكون حااااكم القبيلة ..تقابل هادي وهادي وتشوف الفقير شنو خاصو وتشوف المضلوم لي خاصك ترد ليه حقو ..ومسؤولية العائلة كاملة والمشاريع لي فلبلاد وخارج البلاد ..عاد زيد عليها تكون نتا المسؤول على ولاد خوتك ...تربيهم على يدك ...تسهر ليالي على قبلهم ...تمرض وتعدب غير باش تشوفهم بخير ....وحتا من قرايتهم تكون استاذ ديالهم فدار ...وفي لخر كنقولو مالو بارد مالو حجرة ...مالو مكيبكيش ... معقد لآخر ...شارف ......[ ضحكات وسط دموعها ] مهوات دوك صحابات لي عندي يضلو نهار ومطال يقولو ليا مال داك ولدد ما تزوج لي صغر منو رآه تزوجو ...ونتي ولدك شارف ماتزوج ما ولد [ شهقات الحاجة ياقوت بحرقة ] واش لي متحمل هاد المسؤولية كاملة غيفكر فشي زواج ....واش لي فنا حياتو كاملة على قبل سعادة عيلتو يستاهل هاد الكلام ..[ شدات فيدين جمرة كتبكي ] ملي شافك ابنيتي طايحة فالارض داك نهار وسعيد وسلمى دايرين بيك قاتلينك عصا ...داك السبيطار وجا لعندي ..عرفتي شنو قالي ابنيتي

جمرة حركات راسها باغا تعرف

الحاجة ياقوت بابتسامة : مكيهمنيش كلام ناس الحاجة عليا ..قد مكيهمني ديك بنت ناس لي تمرمدات فتراب وهي ما عليها حتا ذنب

شهقات جمرة طايحين دموعها على خدها الناعم...بداو شفايفها كيترعدو ...تلاحت على الحاجة ياقوت معنقاها كتبكي بصوت عالي محروق وهي كتفكر فجميع لحضاتها معاه ..

بقاو معانقين شحال كيبكيو على بعضهم ..بعدات جمرة كتمسح فدموعها ..هبطات على يدين الحاجة ياقوت طبعات قبل عليهم بجوج وقالت جمرة بابتسامة وسط دموعها : أنا مرتو ..وزوجة الصالحة واجبها رعاية زوجها .

الحاجة ياقوت دوزات يديها على شعرها : الله يرضي عليك ابنيتي .. أنا مغطياك برضا ومفرشاك برضا ..

جمرة وقفات مسحات دموعها وضحكات فوجهم : أنا غنمشي الكوزينة نوجد ليه الغريبة بنكهة زهر لي كتعجبو

الحاجة ياقوت: سيري ابنيتي...أنا وحليمة غنوضو نخرجو نضربو شي دويرة برا ..ياسمين رآه مشات تجيب بنتها من المدرسة وحياة فخدمتها ..ايلا جا عثمان قومي بيه ابنيتي وسوليه شنو خاصو

حركات راسها ليهم بالايجاب مبتاسمة.. توجهات الكوزينة لقات الخدامات ..خرجاتهم بعدما قالت ليهم غير يمشو يخرجو برا يشمو الهواء ويرتاحو عاطياهم راحة ديك العشية كاملة ... بحكم هي لي بغات توجد العشاء وتقوم بيه ما حد رياض خاوي ومافيه حتا حد ...

جبدات كاع داكشي لي غتحتاج ...وجدات بسطيلة كبيرة بالحوت اوحدة أخرى بالدجاج واللوز مع سلطات والمرافق ..سلطة مشوية متكونة من فلفلة مطيشة مشوية وزيت زيتون وزعلوكة الخيزو والباربا ..بطاطا محرورة ولوبيا خضرا بثومة ...وسلطة أخرى بروز وليباط ..دازت صايبات حريرة مغربية وخبيزات عجناتهم بلديين سخان وكرواصة مع بريوات مالحين ..في الأخير دازت صايبات كؤوس فواكه موسمية مقطعة ..رمان عنب كيوي ..تفاح وكمثرى ..بنان ...فريز ..وبعض الفواكه أخرى..

وعصائر منوعة من الحامض وليمون ..وفريز بالحليب...وتفاح والبنان ..

أي حاجة كتخدم بيها كتغسلها فيساع وتردها البلاصتها ..كلشي عندها المتيول ...حطات الحريرة بعدما طابت جنب وداك تخربيق كلو لي طاب ستفاتو ايلا البسطيلات لي خلاتهم مطيباتهمش ...حتا يوصل العشاء وطيبهم باش تحطهم بطراوتهم...

جبدات المقادير لي غتحتاج الحلوة لي كتعجبو ولي سميتها ..غريبة بنكهة زهر..

حطات المقادير قدامها كتشوف فيهم بنضارات متفحصة ..ما باغا تنسى حتا حاجة ..ضهرات شبه ابتسامة خفيفة على وجها وقالت بخفوت: بدلي تصرفاتك صيبيانية اجمرة ..بدلي .

تنفسات صعداء مطولة وبدات فشغلها كتمزج المقادير مع بعض ..جمعات العجينة لي جات متجانسة وشكلاتها كويرات صغيرة ستفاتهم فطاوة بعدما نكهاتهم بزهر لي ضروري ..وحاولات تنقص منهم سكار بحكم معندوش معاه ..

بقات واقفة على الفران حاطة يديها على حناكها وكتشوف مباغاش تفوتو وتصدق الحلوة تحرقات وتمشي هباءاً ..

حلات الفران جبدات الغريبة بعدما طابت وريحة زهر فايحة بجهد عاطية ريحتها فالكوزينة بقوة ... غمضات عيونها مستمتعة بريوحتها ...

هزات حبة داقت شوي وتنهدات من المذاق لي عجبها : اوووف وشحال فنة ..الله يعطيني صحة ...واخا محلوينش لكن فنين ..يهبلو .

سمعات صوت لوطو كسيرات قدام رياض ...طلات من شرجم دالكوزينة حتا كتلمح طوموبيلتو لي وقفات ...

مشات كتجري سدات الباب تاع رياض بساروت سادة عليه باش ميدخلش مخلياه مضارب مع الباب لي مبغاش يتحل ليه بساروت ... طلعات الجناح خوات عليها ميها خفا زربا محيدة منها ريحة طياب بلا متقيص شعرها ...نشفات جسمها دهناتو بكرريم نكهة الفاني ولبسات قفيطين منزلي فالگرونة سامپل وكيوت جا معاها مع تكحيلة فعيونها مجبداهم وفقط عكير فاسي على شفايفها ...ورويحة بريحة الڤاني ....خلات شعرها مطلوق على شعرها ..هزات صبينية شمالية مهدهدة بالخيوط..عكسات بيها راسها مخليا شعرها مسرح وزغيبات خفاف خارجين من صبينية لي على راسها ..لبسات بليغتها بزربة ومشات هبطات حلات عليه الباب كتنهج ..

هو لي مضارب مع الباب لي مبغاش يتحل حتا كيتحل من طرفها هاز فيها عيونو مطلعها ومنزلها بنضاراتو التاقبة لي غياكلوها

قربات جمرة باستو فكتفو وبعدات قالت بهدوء : مرحبا بيك

بقا على وقفتو كيشوف فيها بلا ميبعد عيونو عليها ... أما هي فقط حادرة راسها وقلبها كيضرب طبول داخل صدرها كتحك فيديها بثوتر... دخل سد الباب بهدوء .. قرب ليها هز ليها راسها باس جبهتها مطول كيشم فريحة الڤاني لي دايرة وقال بهمس رجولي: علاش محليتيش الباب .

جمرة بصوت خافت كترعد : كنت فدوش ومقدرتش نخرج وأنا ملابسة والو

عثمان بعد شاف فعيونها لي كتحركهم بتوثر : مكاين حتا حد .

حركات راسها بالايجاب..بلا ما تهدر

عثمان همهم برجولة: همم مزيان .

جمرة بعدات طالعة مع دروج مخلياه متبعها كيطلعها وينزلها من لور ..نطقات بصوت مسموع عندو : طلع راني انوجد ليك الحمام

هز حاجب مستغرب من تغييرها المفاجئ ...تنهد بعمق وداز من حدا الكوزينة كيشمشم فريحة زهر لي جات نيشان فجيوب انفو ...كان طالع مع دروج حتا كيوقف فبلاصتو...تلفت الكوزينة ورجع ..

دخل الكوزينة بخطوات بطيئة ...وقف كيشوف فداكشي لي موجدة ...داز على أي حاجة مصايباها كيتفحصها بتمعن ..بلا ميذوق فقط عيونو خدامة ...بدا كيشمشم فريحة زهر من هنا وهنا حتا كيتلفت بزربة فوق الفران كيلمح صينية فيها غريبة بنكهة زهر ...تحركات تفاحة آدم فحلقو طلوعا ونزولا ..

قرب بخطوات ثابتة كيشوف فالحلوة بنضارات شوق وحنين ..

فلاش باك \\\\ فعمر المراهقة مابين 19 سنة

عزيز : خوياااا وعطيني ندوق الله يخليك

عثمان ضحك : باغيها

عزيز حرك راسو بالايجاب بلهفة مقلق : اااه عفاك اخويا ياك أنا خوك الكبير ..ايوا عطيني ندوق

عثمان بتاسم بحنية جرو العندو معنقو عناق طويل اخوي ...بعد عليه وعطاه طبسيل كامل : هاك سير دوق داك جحش لآخر ..

عزيز ضحك كياكل فالحلوة : واااخا .. أحسن حلوة اصاحبي

عثمان غمزو : الواليدة كتصرعها

عزيز عض من الغريبة كيشم فريحة زهر : عمرك تاكلها ايلا مذوقتينيش

نهاية فلاش باك ////

واقف فبلاصتو كيشوف فالغريبة بناضرات باردة بلا ميتحرك دار غادي يخرج حتا كيلمحها داخلة الكوزينة كتجري بحال شي فراشة ...وقفات على صينية الحلوة...هزات غريبة كتشم فيها مطولة وكتنهد : اوووه على ريحة ..الله يعطيني صحة

يلاه بغات تقربها لفمها باش تاكلها حتا كتحطهاا فطبسيل ...هزات راسها لعندو كتلمحو كيشوف فيها ..قربات لعندو بخطوات بطيئة ..وقفات قدامو مادة ليه طبسيل وقالت بهدوء أنثوي : هادي تاعك ...واش نقدر ناكل منها .. أنا لي صايبتها ليك ..مفيهاش سكار بزاف ..

هزات غريبة بصبيعات يديداتها وقرباتها لفمو : حل فمك ...اسي عثمان

بقا كيشوف فيها مطول بجمود...شاف فيديها لي فيها الحلوة مقرباها لفمو ...حل فمو وقرب عض عضيضة صغيرة ..كيستبنن بمذاقها سحري ولي سنين ما كلاها ...جا حتا لعند هاد البرهوشة وكلاها من يدها ... قرب وبدا كيعض عضة بعضة ومستمتع بمذاقها ونكهة الزهر ..سالاها وقرب الصباعها لعقهم ليها بطريقة ذوباتها خلاتها تنهد من قلبها مغمضة عيونها

بعد عليها شاف فيها مطول بجمود وقال بهدوء : هاني خارج

جمرة باستغراب قالت بنبرة عادية عكس داخلها : فيين ؟

عثمان بعد خارج : الخدمة ... جيت غير نشوف الرياض ونرجع ..ايلا خصاتك شي حاجة...تيليفون كاين

حركات راسها بالايجاب وتبعاتو الباب وقفات حداه وقالت بخفوت : رد البال لراسك

عثمان طول شوفة فيها وقال بهدوء كيشوف فعيونها : ايلا تعطلو عيطيلي .. متبقاايش بوحدك

جمرة كتفرك فيديداتها متهربة تشوف فعيونو ...نطقات بصوت هادئ : ياسمين قربات تجي...مشات تجيب غير تسنيم من المدرسة وتجي

حرك راسو بالايجاب وبعد كيشوف فيها ...خرج من رياض وسد الباب مخليها واقفة كتشوف فالباب صدرها كيطلع وينزل ...هزات يديها حطاتها على قلبها وقالت كتنهج : اووف مال قلبي ..ناري ..علاش كيضرب ملي كنكون حداه ..

نفضات راسها متنهدة ..وطلعات الجناح ...حلات الباب ودخلات وأول ما كتوقع عيونها عليها غير صلايتو والفوقية والقرأن ديالو وتسبيح فوق من ناموسية ...

بلعات ريقها بصعوبة وهي كتشوف فيهم ..قربات جلسات فسرير هزات القرأن فيديها ...قرباتو الشفايفها ..طبعات قبلة عليه وستنشقات عطره رجولي على كتاب الله ... ريحتو ..ريحت عثمان ...وعلاش لا وهو يضل ليلة كاملة معنقو وهو ناعس ..

بتاسمات ومع بتاسمات نزلو دموعها على خدها ... معرفتش علاش .. ولاكين كرهات راسها فهاد لحضة واش هو راجل وكيصلي وهي لي بنت مكتصليش فقط بعد المرات وكتقطع ..حشمات من راسها وبزااف ..حطات القرأن بشوي وهزات فوقيتو البيضاء لي عليها ريحة المسك العنبر والعود ...مسكه رجولي ساحر...قرباتها النيفها مستنشقا ريحتو ..

حطات كلشي من يديها ومشات كتجري الحمام ..خدات ليها وضوء ..توضات وخرجات كتمسح فيديها أوجها... دخلات الدريسينغ ..لبسات الاسدال ديال صلاة فلون البيض وتقيشرات كذلك فالبيض ..ويا اااه وشحال جات فنة وسط داك الاسدال .. فقط ملاك نزل من سماء الأرض منفور محطوط ..

مشات هزات صلاية فرشاتها مع القبلة ..قامت صلاة..صلاة شي ركيعات كتسامح مع ربها ..هزات كفوفها السماء نازلين دموعها وقالت ببكاء حزين كتشهق بصوت عالي :

يا رب، سمح ليا على كل صلاة ضيعتها وعلى كل وقت بعدت فيه عليك.. رجعت عندك بقلب نادم.. وبغيت نبدأ من جديد.. يا ربي ما تحرمنيش من رحمتك..وعاونّي نكون من عبادك الصالحين... يا رب…

أنا ما كنتش الزوجة المثالية..

كنت كنغلط، وكنعصب، وكنقول كلام يجرح…

وهو كان كيسكت، كيتحمل، وكيصبر.

واليوم كنشوف بعيني قلبي شحال كنت قاسية عليه… وشحال هو كبير

يا رب ..سمح ليا…

على كل نظرة قسيت بيها .. على كل كلمة ما حسبتش حسابها ..

على كل ليلة خليتو ينعس وهو مكسور مني…

أنا ندمانة ومحتاجاك تداوي الغلط لي دارني فقلبي

بارك لي فهاد الراجل

وخلي المحبة بينا ما تموتش

عاوني نكون له راحة ماشي ألم

ونسيني فاش غلطت وعلمني نكون أحسن

..يا رب جمعنا ديما فالحلال

ورضي قلوبنا على بعض وغطينا بسترك ومغفرتك

آمين يا رب العالمين

بقات هازة كفوفها السماء كتدعي ودموع فعيونها هابطين على خدها الناعم بحرقة فقلبها وندم كياكل فيها ...بقات على وضعيتها وحالتها كتبكي ودعي بطريقة كتقطع فالقلب ...دوزات يديها على وجها وباستهم ..ناضت جمعات صلايتها وهزات القرآن قرات ما تيسر من سورة البقرة ..سالات وناضت حيدات الاسدال ديالها ..حطاتو فدريسينغ ..قدات حوايجها و صبينية من فوق شعرها .. وخرجات من الجناح..

هبطات التحت ..دخلات الكوزينة حتا كتشوف تيليفونها كيصوني ..لمحات سميتو على شاشة ..فرفرات عيونها بتوتر ..حلات الخط حاطة تيليفون على وذنيها : ءءسلاام

عثمان ببحة رجولية: وعليكم سلام ..لباس

جمرة بصوت خافت : لباس .. الحمدلله ونتا

عثمان بصوت جوهري : لباس ...[ غمض عيونه متنهد بعمق ] جمرةة

جمرة حكات حاجبها بتوتر : ءءنن نعااام

عثمان حط يديه على عيونو مزير عليهم وقال بنبرة هادة : بغيت نشوفك

جمرة بلعات ريقها : هاا

عثمان بهدوء : بغيت نشوفك

قطع عليها المكالمة خلاها غير كتشوف حتا كيصوني عليها أبيل فيديو ...شهقات بصوت عالي معارفة شنو دير بدات كتقاد فراسها بزربة لي اصلن هي مقادة من عند الله ..

فتحات الخط مقابلة معاها تيليفون ..شافت فيه جالس فالمركز وبضبط فالمكتب ديالو بلبسة رسمية ديالو كعميد شرطة والقبعة تاعو حاطها حداه هي والفردي ..

بلعات ريقها بصعوبة كتبحلق فعيونها مباغاش تشوف فيه وقالت بصوت خافت حادرة راسها : ءءاا سي عثمااان

تكا براسو على الكرسي حاط تيليفون قدامو كيشوف فيها وهمهم : هممم ؟

جمرة هزات فيه عيونها : مالك ..كتبان عيان ..

حس بالخنقة فصدرو وتنفس حبس فيه ...تحسس شي سائل سخون هابط ليه مع نيفو ...هز تيليفون بزربة وقطع عليها فوجها قبل متشوفو خلاها مصدومة من تصرفو لي حطم ليها قلبها ...

فور ما قطع عليها ناض بخطوات تقال متاجه الحمام..دخل الحمام شاد فنيفو ..

قرب لفابو ..غسل وجهو ود*م لي عليه ..هز دواء لي كان عندو شربو وخرج من الحمام مشا تكا فواحد الكناپي صدرو كيطلع وينزل كيزمجر بعنف ..

عندها هي لي بقات على وضعيتها كيف قطع عليها بلا متحرك من بلاصتها ... حلات تيليفون بزربة ...دخلات لعندو وسجلات ميساج اوديو ليه ...

---

كان جالس متكي على الكناپي مغمض عينيه حتا كيسمع ميساج وصلو ...هز تيليفون حلو حتا كيلمح ميساج من عندها فالوتساب ...دخل الواتساب عندها دغيا عكس لي معندوش معاه ومكيبغيش يهدر فيه لكن على جال جميرتو يدخل الواتساب على قبلها ..

دخل عندها وفتح الاوديو ديالها : سي عثمااان ..علاش قطعتي عليا ..هاا ..محشوماش ..أنا سولت فيك ونتا قطعتي فوجهي .. آخر مرة تصوني عليا .. آخر مرة ... ماشي فعايل هادو والله ..حشومة عليك ..حشومة عليك اسي عثمان.

طول شوفة قدامو كيشوف ببرود ..حدر عينيه على تيليفون خرج من دردشة ديالها حتا كيلمح ياسمين مصيفطة ليه اوديو قديم شحال هذا ..

دخل عندها ..فتح اوديو ....وسمع صوت جمرة كتقول ليهم أنا بغيت عثمان ..جيبو ليا عثمان ونحل عيني ..هو أول واحد انحل عيني عليه ...

كاع تسجيل لي سجلاتو ياسمين عليها نهار لي فاقت من الغيبوبة سمعو بكل جوارحو ...بقا كيسمع ويعاود يسمع مساخيش يبقا جالس بلا ميسمع صوتها وخصوصا كلامها الحلو .. " بغيت عثمان " " جيبو ليا عثمان "

رجع راسو الفوق على الكناپي مغمض عيونه متنهد ...هز يدو حطها على قلبو وقال بهمس رجولي : جمرة

عندها هي واقفة فالكوزينة كتقاد فيها وتنتر معصبة منو : علاش يقطع عليا أنا...ها علاش ..وعلااش .

سمعات صونيت فالباب ...حطات داكشي لي فيديها ومشات حلات الباب ...كتلقا الحاجة ياقوت ولالة حليمة ومعاهم حتا ياسمين وبنتها تسنيم ..

دخلو مبتاسمين سلمو عليها ومشاو ريحو فصالون ...

نطقات جمرة موجهة كلامها لياسمين : تعطلتي بزاف اياسمين..

ياسمين شافت فيها : اه كنت جايا الرياض وملي تلاقيت مع خالتي والحاجة مشيت معاهم درنا شوي ورجعنا .

جمرة بتاسمات : يااك ايوا مزيان

ياسمين غوتات على تسنيم : واااابنت الكلبة وتيسيري غسلي ولبسي حوايج دار

تسنيم عيبات فيها : سبيتي غير راسك اماما ..

فسخات ياسمين سندالتها لايحاها عليها : ونوووووضي تكاعدييي

ناضت تسنيم كتجري مشات طلعات البيتها كضحك على مها .

لآلة حليمة ضحكات : شتي يا بنتي هاديك جنية مكيعرف ليها غير باها ..هو لي كيحدهم ليها..

ياسمين زفرات : القردة لاخرى زاعمة عليا وعلى باها تحني راس البرهوشة

جمرة ضحكات : عبرات عليك

ياسمين شافت فيها : شناهواا

جمرة بتاسمات وناضت الكوزينة قالت : و نوضي عاونيني نوجدو العشاء رآه قربو يجيو .

ناضت ياسمين تبعاتها ...دخلو الكوزينة كيضحكو مع بعضياتهم معاونين كيوجدو ...دخلات جمرة البسطيلات فالفران يطيبو ومشاو وجدو داكشي ستفوه فطبلة تاع الاكل..

قادو كلشي على حقو وطريقو ..ومشاو ريحو كيتفرجو فتلفازة ...ناضت جمرة جابت البسطيلات من الفران وحطاتهم فطبلة ومشات ريحات ...تسمع صوت صونيت فالباب وناضت ياسمين وجمرة بقات مخنزرة باقا مقلقة من تصرف لي دار ..

حلات ياسمين الباب كتلقا حياة هي لي جات ...

ياسمين سلمات عليها وقالت بزعل : وفيا الموووت تاع جوع وباقي مجاوش ..اووف

حياة كتشمشم فروايح طياب : احح اش هاد ريحة زوينة ...لقد افتقدناااا كتيرا متل هذه رائحة

ياسمين ضحكات : جمرة لي طيبات العشاء ازين

حياة شرعات عيونها بصدمة : لا متقوليهاش ..

دفعاتها حياة من قدامها مشات كتجري وكتشمشم ...

دارت ياسمين تسد الباب وهي مبتاسمة حتا كتوقف كتشوف فعصام لي واقف فالباب كيشوف فيها بهدوء بلا ميتزحزح ...

شهقات مفزوعةة بالخلعة راجعة لور شادة فقلبها وقالت بفزع : واش مكديرش الحس اعصام وادير لحس [ شافت فيه مصغرة عيونها من منضر ديالو الغريب ] عصام مالك

شهقات مفزوعة بالخلعة راجعة لور شادة فقلبها وقالت بفزع: واش مكديرش الحس اعصام ودير الحس [ هزات راسها فيه شافت فيه مصغرة عيونها وقالت بنبرة هادية ] عصام ..عصام مالك

بدا كيقرب ليها بخطوات تقال وغير كيشوف ببرود ...قرب ليها طبع قبلة على جبينها وبعد عليها تخطاها طالع الجناح ديالهم مخليها مستغربة من حالتو الغريبة...

ياسمين حركات راسها بلا مبالاة : غيكون غير عيا مع الخدمة انمشي نوجد ليه شي اتاي بالعشوب ونعطيه ليه .

قلبات خطواتها الكوزينة وجدات كاس اتاي بالاعشاب كتحيد العيا وخرجات من الكوزينة هازة كاس فيدها ...طلعات الجناح ..دخلات كتلمحو جالس فسرير شاد فراسو بين يديه حادرو وكيخمم ..

سدات الباب تاع الجناح ومشات لعندو وقفات قدامو ..

ياسمين باستغراب: عصام .. مالك

عصام نطق بهدوء بلا ميشوف فيها : مكاين والو

ياسمين حركات راسها بنفي مبتاسمة مادة ليه الكاس : هاكا هاد الكاس احبيبي ... وجدتو ليك يحيد عليك العيا

عصام على نفس وضعيتو : مبغيتش

ياسمين بعناد : لا هاكا اعصام والله رآه يحيد عليك العيا ومتبقاش هاكا

عصام هز راسو شاف فيها بنضارات باردة: مبغيتش ..

ياسمين شافت فعيونو مستغربة لكن عاودات قربات ليه الكاس باش يشدو : عصام والله حتا كي...

ناض بزربة مقاطعها دفع عليها الكاس حتا حا مكفوح على يديها تحرقات وغوتات...قرب ليها شدها من كتافها مزير عليها بإحكام وقال بصوت عالي اجش كيوغت فوجها بلا ميعطي اهتمام ليها ولا يديها لي تحرقات : براااااكة ...راك صدعتييينييي فراااسي ..واااااش مكتقاضااااايش ..هاااا هدريييي

ياسمين بعيون دامعة مصدومة فيه ..: ءءعع ع عص عصا عص عصا م

عصام كشر على نيابو وغوت فوجها حتا غوتات بالخلعة وقال كينطق فسميتو: عصااام عصااام عصام كرهتتتت سمييييتي .. صااااااافي براكة

ياسمين شهقات كتبكي خايفة منو : عصاام ..

عصام بعد عليها دفعها على الحيط حتا طاحت ومشا كيضرب فالحيط مجننن وكيغوت : ااااااااااااااااااه

طاح فالارض منهار هاز راسو الفوق كينهج عيونو حومر والعروق فجبينو بارزين ..صدرو كيطلع وينزل بعنف شديد طلوعا ونزولا ..ويديه على الأرض كيضرب فيها ضربات متتالية ..

شافت فيه ياسمين كتفتف كتبكي شادة على كتفها لي طاحت عليه ويديها لي محروقة ...قربات لعندو كتحبو فالارض ..جلسات حداه كتشوف فيه مطلع راسو الفوق وقالت بنبرة باكية كتقطع فالقلب : ع عع عصاام

بقا على حالو مكيجاوبهاش وهي قربات ليه بدات كتبوس فوجهو وكتبكي : عصاام مالك ..هدر اعصام ..عفاك ...[ هبطات راسو ليها وتقابلو عيونو الحومر مع عيونها المدمعين ] عع عصاام .

عصام شاف فيها بنضارات باردة بقا على حالو كيشوف فيها فقط بدون تعبير لكن حالتو هكاك كانت كتقطع فالقلب ...قربات ليه بدات كتبوس فوجهو وقالت بحنية : واش بيك شي حاجة هاا ؟ ..ايلا كنتي مريض قوليا نجيب ليك شي حاجة..[ بدات كضرب ليه فوجهو وقالت كتغوت ] هدررررر ..جااااوبنيييي اعصام ..جاااااوبنييييي

نفس نضارات فقط كيشوف فيها بلا ميتحرك ولا يدير شي ردة فعل... بقات كتشوف فعيونو الباردة بعيونها المدمعة حتا كتلمح دمعة نازلة من عيونو رماديين على خدو بتتاقل على تعابير وجهو الجامدة ...شهقات بصوت عالي مخرجة عيونها كتحرك راسها بهيسترية وقالت بلهفة كتمسح فعيونو : لا لا لا لا لا لا ..نتا عصام ..سمعتيني ..نتا عصااام [ غوتات فوجهو مجننة كتبكي بصوت عالي وتشهق ] عصااام ..نتا راجلي ..عصام مكيبكيش ..لا .

جراتو لعندها بجهد دخلاتو فحضنها كتبكي وتشهق بصوت عالي ويديها على شعرو كدوزها بحنية مرورا لضهرو ....كان فقط حاط راسو على صدرها كيشوف ببرود كيحس بحال المطارق فراسو كيضربوه ..سد عينيه متنهد وقال بهمس رجولي متعب : ياسمين

ياسمين بدات كتحك ليه فشعرو بحنية ودموعها نازلين محابسينش : نعام احبيبي

ناض من عليها بشوي وقف على رجليه كيحك فعيونو كيحس بصداع فراسو ..هبط عيونو عليها فالارض وقال بنبرة جافة : متبقايش تصدعيني ..البلاصة لي نكون فيها خويها ..تفاهمنا ..

ناضت مصدومة مخرجة عيونها وقالت بنبرة متقطعة : شش شنو ..ك كفاش

نطق ببرود مباغيش يشوف فيها : لي عندي گلتو .

قربات لعندو شدات فيديه وقالت بلهفة : ع... أنا..

دفعها بيديه جات فالارض طايحة مصدومة منو وقال بنبرة عالية معصب: متقربييييش لياااا ..ريحتك كتگوفلنييي ..مبقييييتش حامل شوفة فيك ..بعدي من طريقي حسن ليك .

لاح كلامو على وجها لي كي صاعقة ومشاا دخل الحمام ساد الباب بنترة مباغيش يزيد يشوف فيها ... أو بالأحرى ريحتها مباغيش يشمها حداه ..حتا من الجناح مكرهش يخرجها منو ويبقا غير بوحدو ..

أما هي فكانت باقا على وضعيتها غير كتشوف قدامها ودموعها نازلين محابسينش...حدرات راسها على الأرض متكية كتبكي فصمت بلا صوت وقلبها داخلها كيتحرق...

_________

برا رياض كانت مليكة واقفة حدا الباب وسلمى حداها لابسين جلالب وزيوفا على راسهم ونضيضرات فوق زيوف واقفين وغير كيتفتفو ..

سلمى قربات وقالت بصوت منخفض : متأكدة اخالتي واش متأكدة بلي داكشي لي جبتي صحيح

مليكة ضحكات بشر : واايه مشيت بيت التصبين وهزيت ليه الملابس داخلية ديالو ..

سلمى كتفتف مخلوعة : ناااري اخالتي وتخيلي يصدق سي عثمان سايق لينا الخبار بلي سحرنا ليه ..

مليكة نغزاتها : اتي سكتي اكحلة ليام ..كوني هانيا مغيسيقش الخبار .

هزات راسها الفوق مبتاسمة من داكشي لي دارو ..

فلاش باك ¥¥¥

دخلات مليكة بخطوات بطيئة فبيت تصبين ..لمحات سلالي فيهم حوايج تصبين ..قربات لواحد سليلات فيهم الحوايج رجالية ...بقات كتشوف فسلة ولأخرى كذلك لي حداها مستغربة اينا وحدة فيها حوايج عثمان ..

سمعات شي حد جاي ...خرجات عيونها وبكترة الكلاخ لي فيها و تلفة والخلعة لي ركبوها... لمحات بوكسور رجالي طايح فالارض حدا سلة ليمنية... ولي كانت كضن أنه ديال عثمان لكن فالحقيقة كان ديال عصام ..

هبطات هزاتو بزربة بلا ما ترد البال وخباتو تحت من حوايجها ...خرجات من بيت تصبين كتجري ...طلعات البيتها خبات داكشي فميكا كحلة وحطاتهم فساكها ...مشات لبسات جلابيتها وخرجات عند سلمى .

سلمى بصوت خافت : جبتي داكشي

مليكة ضحكات بشر: كلشي هو هداك

نهاية فلاش باك ¥¥¥

سلمى خنزرات بحقد : ايلا مفرقتها عليه وخليتو يدلها ويعذبها فحياتها كاملة منتسماش سلمى ... متزادتش هادي لي تكون فوق مني وتحكمني ... [ شافت فمليكة ] مكرهتش حتا من هداك نصفيها ليه بداك تكبر لي فيه كل مرة يخرج من جيه ويدافع عليها بحالا غير هو لي مزوج فهاد العالم

مليكة : اويلي شكون .

سلمى ميقات مخنزرة : سي عثمان

نطق عثمان ببرود خاشي يديه فجيابو : خصاك شي حاجة ا مرات ولدي

تلفتو وراهم مفزوعين كيتفتفو ود*م مخطوف من وجهم ..شافت فيه سلمى وجها صفر كترعد وقالت بثلعتم : ءءسي عثمان

عثمان شاف فيهم وحدة بوحدة مطول بناضرات باردة...بلا ميزحزح عيونو القاتلة عليهم ... نطق بنبرة هادئة : خصاك شي حاجة ؟

سلمى شافت فحليمة كترعد حتا كتقفز من صوتو ..

عثمان بنبرة جامدة حادة : ملي نهدر شوفي فيا ومتشوفيش فجنابك .

سلمى بلعات ريقها بصعوبة وتوتر ضاهر عليها ...تنفسات صعداء بغات تنطق حتا كتنقز مليكة قالت : لا هي راا..

عثمان هز يديه مقاطعها بلا ميشوف فيها وقال ببرود : ماشي زنزونة

ضربات مليكة طم وهي كذلك كترعد بخوف غالب عليها ...نزغزات سلمى بشوية بلا ميشوفهم باش تهدر ...

نطقات سلمى كتفتف : ءءقلت زعما أنا ووو س وسعيد نسافرو سي بلاصة نرتاحو فيها ..ووو وق قلت الخالتي ممم مليكة ناخدو الإذن مممم من من سي عثمان بببب بعد بعداا [ شافت فمليكة ] يييي ياااك اخالتي ..

عثمان راسو كيلعب برجليه : امم مزيان [ هز راسو فيها بناضرات هادئة كيخلعو ] ومالك كتفتفي ؟

سلمى حركات راسها بنفي بزربة : لا لا لا مكنتفتفش اسي عثمان والله تيقني

عثمان هز حاجب منزل لآخر وهز يدو مهدنها : رولاكس ... بحالا دايرة شي جريمة ؟؟ هممم ؟

شافت فيه مخرجة عيونها وتلفتات شافت فمليكة لي شوي وغتسخف ليهم تم ...

وقفو سيارات تاوع جلال وكريم ومراد ... نزلو ومعاهم حتا عذراء وعاليا ...شافو عثمان لي واقف على سلمى ومليكة ومشاو تاجهو ليهم .

جلال قرب لعند مليكة باس ليها راسها وشاف لبس لي لابسة وضحك : الواليدة اش هاد لبس ..دايرة بحال دوك لي كيمشو يسحرو لناس بتخبية [ شافت فسلمى بناضرات سخرية وضحك ] ياكما حتا نتي معاها .

نطقات سلمى بزربة : ككك كفااااش ..

مليكة حاولات تشد فراسها لأنو بكل خلاصة غتزيد شوي مع عثمان لي واقف عليهم كي قباض رواح غتمو*ت ليهم تم فساعتها : جلال اش كتقول اوليدي ..[ ضحكات بزز] نعل شيطان ههه

كريم ضرب جلال فضهرو : زيد زيد ندخلو اصاحبي رآه فيا الموت د جوع

مراد شاف فسلمى مطلعها ومنزلها بنضاراتو التاقبة لي خلعوها كتر ما هي مخلوعة ...

نطق عثمان بهدوء كيشوف فسلمى بجمود : دخلو هاني تابعكم .

حركو ريوسهم داخلين ودخلات معاهم حتا مليكة ..دارت سلمى باش دخل حتا كتوقف مصمرة فبلاصتها ..

عثمان بدون لف ودوران : نلقاك دايرة ليا بمراتي شهدي على روحك ....[ بفحيح ] متنسايش شكون هاديك وشكون نتي !

لاح عليها كلامو كيشوف فيها ببرود وقال : تحرركي

قفزات خوفانة منو ودارت دخلات الجناح .. أما هو فجبد تيليفونو ودوز مكالمة هاتفية ...

الداخل فرياض كانو مجموعين فصالون ..مراد جلال وكريم ومعاهم عاليا وعذراء ..

عاليا شافز فيهم : معرفتش علاش قبيلا 001 مبغاش يورينا وجهو ....اه عرفنا بلي مفروض عليه وعلينا ولاكين رآه مبقيناش قادين نصبرو ..سينين هادي معرفناه .

نطقات عذراء كتشرب فقهوتها بنخوة : صبر .

كريم قرب لعاليا ونطق فوذنيها : ايلا دخلتي سوق راسك غنعرفوه ازين ديالي

عاليا شافت فيه مخرجة عيونها : كريييم ..ديك الغيرة حيدها رآه 001 هذا ..خونا ..سمعتي ..هذا خونا .

دخلات جمرة عليهم فصالون مبتاسمة وقالت بنبرة انثوية باين عليها مرا ديال دار نيت : مرحبا بكم تفضلو طبلة واجدة ..

ناض كريم وجلال مسابقين كيدافعو شكون غيسبق ..ناضو كلهم مبتاسمين ليها ...مشات جمرة كتجري لعند مراد تلاحت عليه عنقاتو وهو كذلك مبادلها العناق ..

مراد زيرها لعندو : بنتيي

جمرة بعدات شافت فيه مبتاسمة : لباس عليك أخويا

مراد قاد ليها صبينية لي على راسها وقال ببحة : الحمدلله بيخير

جرها لعندو معنقها كيلعب فشعرها وقال : بقات بلاصتك كبيرة فدار اجمرة .

جمرة حاطة راسها على صدرو : توحشتكم بزاف صراحة .

عند عثماان لي حل باب رياض ودخل ...سد من وراه ودار داخل الصالون ...لمح جمرة فأحضان مراد وهز حواجبو غير هكاك ...بقا كيشوف فيهم مطول بجمود بلا ميدير الحس ...شافهم طولو وهوما معانقين مبغاوش يتفارقو وهو فعقلو كيقول : علاش مجاتش عندي .. أنا لي راجلها وأنا لي تجي لعندي وتعنقني .

زير على شواربو بطريقة جنونية هو بنفسو معارفش مالو ...بدا كيحرك فسوارت فيديه باش يتلفتو ليه لكن وااالو ..بدا كيضرب رجليه مع الأرض على الأقل تبعد من مراد وتشوف فيه هو ..لكن وااالو

زمجر بعنف معاجبوش الحال ...حنحن بصوت باح عالي حتا تلفتو ليه

كانو معانقين كأخ وختو صغيرة ..سمعو تحنحينة رجولية تلفتو وراهم كيلمحو عثمان واقف كيشوف فيهم بناضرات باردة ...بعدات جمرة من على مراد وخنزرات فعثمان باقا مقلقة من المكالمة لي قطع عليها قبيلة ...

شدات فيدين مراد وجراتو غاديين عندهم على طبلة العشاء مخليا عثمان غير كيشوف مصدوم ..ااه سي عثمان مصدوم ...ومصدوم من لالةة جمرة .. عثمان بشحمو ولحمو لي ما عمرو تصدم ولا بانت عليه شي حاجة دابا جات هاد البرهوشة وصدماتو مخلياه فحرب

بقا واقف كيشوف مطول فالبلاصة لي مشات منها ...هز يديه حك راسو نافض راسو من هاد تصرفات لي ولا كيجيوه مؤخرا وتغيير لي لاحضو فراسو ..

..مشا غسل يديه وخرج عندهم مشا ريح معاهم مترأس طبلة ...جلس فبلاصتو كيشوف فيها بنص عين وغير بتخبية هي واقفة كتحط كل واحد فطبسيلو ..

جلال ضحك كياكل ناسي راسو هماه غير الماكلة: الله يعطيك صحة امرات عمي ..هادشي زين

نطقات عاليا بصدمة : واش بصح نتي اختي جمرة .

جمرة ضحكات بخفوت كتحط لتسنيم لي جالسة بوحدها حدا حليمة ياسمين وعصام مكاينينش....قالت : اه أنا اختي عالياا

عاليا بتاسمات: بنين بزااف والله ..الله يعطيك صحة وخلاص .

الحاجة ياقوت بتاسمات بفخر كتشوف فجمرة : الله يخلي ليا عروستي يارب [ شافت فمليكة وسلمى لي مخنزرين معاجبهن الحال ] والله يحفضها من كل سوء وشر .

قربات جمرة لعثمان كتحط ليه فطبسيلو ...تحنات عليه كتحط ليه حتا هبط شعرها الوجهو...حطات يديها على طبلة شادة فيها توازنها وكتحطلو فصحن ديالو بلا مترد الشعرها لي على وجهو ..

بقات على حالها كتحط ليه وغير مخنزرة مباغاش تشوف فيه باقا مقلقة منو ..مالها هي حمقة تهدر معاه وهو قاطع عليها نيشان فوجها ...ايوا حتا تكون كبيرة المدلولات عاد ديرها نيت .. ماشي هاذ تغيير كامل فلخر ضربو فزيرو .. آه هي غتبقاش برهوشة وتعامل معاه زوين مي غتخدم معاه شوية البرود وتجاهل باش سيد يرطاب شوي ويتبعها ماشي غير هي لي تابعاه..حيت ايلا بقات غير كتبكي وتغوت فراه سيد غيبقا تلجة ...

سالات من الحطان وسيد خاشي وجهو فشعرها كيشمشم فريحتها معلابالوش ..بغات تبعد تمشي البلاصتها حتا كيشدها من يدها لي على طبلة ...بقا مزير عليها خاشي وجهو فشعرها وطبيعة الحال كان ضهرها وكتفها مدرق كلشي عليهم وهوما اصلن ناسيين شي حاجة سميتها جمرة وعثمان ...غير ملي كياكلو داك العسل لي مصايياه ليهم جميرة فراه ينساو دنيا وما فيها ..

نطقات جمرة بصوت منخافض كتحاول تنتر منو بشوي: سي عثمان ..سي عثمان طلق عفاك

زاد زير عليها كيشم فشعرها بهوس بلا ميديها فحد ..

جمرة طلات عليه بعيون كالقطة وقالت بخفوووت : سي عثماان

عثمان هز راسو شاف فعيونها وقال بهمس رجولي دايخ : تبتي

جمرة عضات شفايفها المنفوخة : اويلي نعل شيطان اسيدي .

حرك راسو بنفي باقي على حالو كيشم فشعرها مكيحبسش ...واش سيد عاد كيعيش لمراهقة دابا ...ايلا كان هاكا فراه مشات فيها جمرة وخاصها تصبر نيت ايلا بغاتو يبدل شوي ويرطاب .

طلات عليه وقالت بهمس : سي عثمان ..مالك .

مليكة وسلمى كيشوفو فيهم مستغربين وعلامة دهشة مرسومة على وجهم ..واش هوما سحرو ليهم باش يفرقوهم ولا يكونو قراب لهاد درجة .. أما لآخرين فكانو غير كياكلو ناسيينهم اصلن.

هز عثمان عيونو فجمرة كيشوف فعيونها مطول ..بقا على حالو كيشوف فعيونها ...طلق من يديها وحدر راسو الماكلتو كياكل بهدوء ..

أما هي فكانت تنفسات صعداء ومشاات دارت جلسات حداه وبدات ماكلتها ...

الحاجة ياقوت كتشرب فصوپة : فيناهيا ديك سگعة ليام تاع حياة .

جات حياة كتجري وقفات عليهم : هااااني جيييت

...مشات بزربة جلسات فببلاصتها بلا مديها فيهم وبدات ماكلتها ... هزات راسها الفوق مغمضة عيونها متنهدة من المذاق ...مع بغات تهبط راسها حتا كتلمحو مقابل معاها كيشرب فكاس دالماء ببرود وكيشوف فيها ...

وحلات ليها الماكلة كتكح وجها حمر ...خدات الإذن باش تنوض وناضت بزربة من فوق طبلة ومشات الحمام كتحاول تاخد نفس ..

غسلات وجها وعنقها وتهدنات شوي ...مسحات وجها من الماء ودارت بغات تحل الباب باش تخرج حتا كتدفع بقوة جات داخلة ومراد دافعها مدخلها وسد عليهم فالباب مكالي عليها فلافابو لاصق فيها ....

خرجات عيونها فيه مصدومة وقالت كتفتف : شششش شنو بغيتي

مراد مد يديه جبد خصلة من خصلات شعرها كيدورها بين صباعو وقال بهمس رجولي : حياة

حياة غمضات عيونها مستمتعة بريحتوو رجولية : همممم

قرب ليها كتر وخشا وجهو فعنقها قال بهمس اجش : بغيتك

على آخر كلمة قال خرجات عيونها بجهد مصدومة وبعدات دفعاتو من عليها على أقصى جهد عندها وقالت : بعددددد ..بعدددد اخويااااا ..بعددددد .

قرب مراد شدها من كتافها كيحرك براسو بطريقة جنونية وقال : نبعد ؟ گلتي نبعد [ ضحك بقهقهة رجولية ماشي طبيعية ورجع شاف فيها بناضرات هادئة كيخلعو ] حلمي ...حلمي ابنتي...نتي ديالي وغنقرب وقتما بغيت و ونبعد وقتما گالها لي راسي .

حياة بصدمة كتحرك راسها بنفي دموعها نازلين : ششش شنو شنو درت ليك أنا ها ؟ هدر اش درت ليك ..

هز يديها وحطها على راسو وقال بنبرة فحيحية جنونية : ها شنو ...درتي [ قرب حط جبهتو على جبهتها] دخلتيلي الراسي ومكينش لي يخرجك

حياة بنبرة باكية : نتا راك مريض ..نتا نرجسي مستحيل تكون طبيعي ..

بعد عليها معصب وغوت فوجها : مباغيش نحط عليك يدي .. مباغيش ...مبااااااغيييش

تفزعات من نبرة صوتو الجنونية وزادت فنبرة بكاها وقالت بنبرة باكية كتشهق : غغغغ ءءء أنا غادي نقولها البابا ...غنقولها ليه ..انقولو كتحگر عليا وكتغوت عليا ..وهو داك ساعة غيوقفك عند حدك ...[ هزات فيه عيونها وقالت بحدة ] سمعتييييي

مراد هز حاجب مستغرب من كلامها ...شكون باها ..ياك هي يتيمة الأب وباها ميت ...شاف فيها وقال بهمس رجولي: باك ؟

حياة حركات راسها وقالت بنبرة باكية : عع عمي عثمان ..عمي عع عثمان هو بابا ..هو لي غيوقفك عند حدك ..هو بابا وميبغيش ليا المضرة [ خرجات شهقة من أعماق قلبها كتبكي ] ع عمي [ شافت فيه مخرجة عيونها نازلين دموعها وقالت ] غير شفتيني معنديش بابا قلتي انحگرها وندير فيها ما بغيت هاا؟ ياك .. هادشي لي فبالك ..باغي تستاغلني ..عع عمي هو بابا هو لي غيتحاسب معاك ... انا ميتيماش باش دير فيا لي بغيتي ..أنا ميتيماش...طول ما عمي معايا فراه أنا ميتيماش....[ تنفسات صعداء وشهقة فيها ] فهمتيني ؟ هاا؟

بقا مطول كيشوف فيها بناضراتو لي غياكلوها وقرب رد شعرها من ورا وذنيها وقال بهمس رجولي : صغيورة ..[ قرب باسها فأرنبة نيفها الحميمر من كترة البكا ] كلشي فيك صغيور .

حياة خنزرات : ممم مراااد

تنهد بعمق وجرها لعندو خاشيها فحضنو معنقها كيدوز يديه على شعرها بحنية وهي فقط مغمضة عيونها كتبكي على صدرو ...مقادراش تبعد لأنو بكل خلاصة هي بنفسها مباغاش تبعد عليه ..ومكرهاتوش يبقا معاها حياتها كاملة وميخليهاش ...لكن معاملتو نرجسية والغريبة هوما لي خالعينها ..

بعد عليها كيمسح فدموعها بحنية وقال وهو كيشوف فعيونها المدمعين : مكنخاف لا منك لا من عمك ..[ ضربها فنيفها ضربة خفيفة بصبعو وقال ] نتي ديالي ..نتي برهوشةة مراد ..غير دخليها الدماغك مزيان ..ولفي عليا غتلقايني فأي بلاصة مشيتي ليها ..[ قرب حط شفايفو على خدها باعزو ليها وقال بفحيح صلب حارقها بأنفاسو الحارقة] نتي ملكي .

بقا على وضعيتو مخدر بريحتها ..بعد عليها بشوي قاد ليها شعرها لي تخربق وجرها من يديها غسل ليها وجها ويديها بحنية عكس ملامحو الصارمة المخنزرة ..

بقات غير كتشوف فيه وهو كيمسح ليها فوجها بالفوطة .. حط الفوطة وهبط راسو ليها بحكم طولو الفائق ليها وقال بهدوء : ربع ميترو.

حياة هازة فيه راسها كتبرقق فعيونها : هاا ؟

هبط باسها فخدها : والو .

بعد عليها كيشوف فيها وخرج من الحمام بهدوء ساد الباب مخليها غتغرق فحوايجها بكترة الحشمة لي ركباتها ..

هدنات راسها مزيان وخرجات من الحمام متاجهة لعندهم ..جلسات فبلاصتها متهربة تشوف فيه وغير كتفتف ...

جلال شاف فيها : الكتكوتة ديالي ..مالك واش مريضة

حياة هزات فيه راسها حركات راسها بنفي مبتاسمة: لا اخويا ما بيا والو أنا بيخير .

مراد شاف فجلال بشي نضارات غير الله يحضر سلامة وصافي ...زير على يديه بقبضة قوية معصب من ديك الكتكوتة ديالي لي قال جلال لحياة ..شكون هو باش يقولها ليها بسلامة ...معندوش الحق اصلن باش يهدر معاها واخا يكون خوها ولا معرت شكون ..

بقا كيشوف فجلال مخنزر مكرهش ينوض ليه يقطـ*ـع ليه داك لسان لي نطق بيه مع محبوبتو ..

نمشو عند لالة جمرة لي كتاكل بشوية وبكل لباقة ورياقة وكتعيوج مخنزرة قالبا وجها من على عثمان مقلقة ..وهو غير حاضيها بنص عين .

مدات يديها باش تهز سلطة حتا كيسبقها هو بلهفة ويديهم كيتلاقاو هزات عيونها فيه وتقابلو عيونهم فخطرة كيشوفو فبعض مخليين كاع لي تم يشوفو فيهم ..

هز عثمان صحن ديال سلطة وعيونو باقين عليها ..بدا كيهز من سلطة وكيحط ليها بهدوء وهي غير كتشوف فيه حابسة ضحكة من تصرفاتو الغريبة لي ولات فيه مؤخراً ..

عثمان ببحة ساهي فيها ناسي راسو : نزيدك

جمرة حركات راسها بنفي : لا صافي براكة .

عثمان عوج راسو وقال بصوت خشن لين : غير خليني نزيدك .

جمرة حدرات راسها حابسة الابتسامة لي غتخرج ليها وقالت بخفوت بلا متشوف فيه : سي عثمان ..صافي براكة [ شافت فزعلوك لي حدا جلال] خويا جلال عفاك واش تقدر تعطيني شوي من زعلوك

دور وجهو كيشوف فطبلة بتفحص حتا كيلمح زعلوك لي كان بعيد شوي حدا جلال ...ناض على سعدو ووعدو وحيد صحن تاع زعلوك لي كان فيد جلال... خطفو ليه من يديه بزربة مخلي جلال حال فمو مصدوم من عمو .. تمشا عثمان جلس حطو حداها وقال بنبرة رجولية هايم فيها : هاهوا.

شافت فيه بناضرات خجولة وحركات راسها كشكر : شكرا .

حدرات راسها كتاكل مكملة ماكلتها عادي ..لكن سيد بقا غير حاضيها نااسي شي حاجة سميتها الماكلة ولا رآه حداهم ناس آخرين لي جالسين مصدومين من الجيست لي دار أو تصرفاتو جديدة لي ولات كتبان فيه بسباب جمرة ..

هي حادرة راسها كتاكل بشوية وبلباقة غافلة على عينين عثمان لي غياكلوها ..وكاع لي تم فطبلة حاضيين عثمان ونضاراتو الجمرة والحاجة لي صدماتهم كتر هي أنو محاضيهاش بناضرات وهو مخبي سيد كيشوف فيها هااايم وداااير لعندها كاامل ومربع يديه على طبلة وكياكلها بناضاراتو كأنو كيتفرج فشي لوحة فنية ...

حنحنات الحاجة ياقوت باش تفيقو من سهو لي ساهي فجمرة لكن سيد صافي مشااااا...غاااب ..مبقاش معاهم كاع فهاد العالم ..

هزات الحاجة ياقوت معلقة كتقرقب فطبسيل باس يسمعها ويعيق براسو ساعة غير الحيوطة لي سمعوها وحشمو ..

شداتها ضحكة الحاجة ياقوت وشافت فحليمة لي مبتاسمة من نضارات عثمان لجمرة ..

غمزات الحاجة ياقوت حياة لي مبتاسمة باش تكلم ليها جمرة لي حداها ..حركات حياة راسها كضحك ..ومدات يديها لجمرة كتنغز فيها من التحت ...تلفتات جمرة لعند حياة وقالت بخفوت : مالك احياة

حياة بهمس : تكلمي الحاجة .

دورات جمرة راسها لعند الحاجة لقاتها كتشوف فيها مبتاسمة وغمزات ليها باش تشوف فعثمان ...دورات راسها ليهم كاملين كتلقا جلال وكريم كيضحكو ميتين بضحك على عثمان ومراد شاد فراسو غير كيشوف وصافي أما عذراء وعاليا حادرين راسهم حابسين ضحكة ... أما حتا سعيد حادر راسو مخنزر وسلمى ومليكة كذلك قاتلهم الحسد ... هزات جمرة حواجبها مستغربة منهم كاملين ...شافت فالحاجة لي غمزاتها باش تشوف فعثمان ..

دورات راسها بالعرض البطيئ لجيهتوو حتا كتلقا سيد كيشوف فيها هااايم وماهوش كاين فهاد العالم ..

حلات فمها شهقات بصوت عالي ..رجعات سدات فمها بزربة كتغمض عيونها وتحلهم ..شافت فيه مصغرة عيونها وقالت بهمس خجلانة منهم : سي عثمان ؟

قربات يديها حطاتها على يديه بطريقة حنينة وقالت بهمس سامعو غير هو : سي عثمان ...مالك

عثمان فاق من سهوتو ..غمض عيونه وحلهم زافر بغيض مراضيش بهادشي لي ولا فيه كيحس براسو بحال شي مراهق ... حك جبهتو وبكل تقة وقواه العقلية قال : أنا بغيت غير نعرف شنو درتي فهاد الماكلة حتا خلاتني فاقل ...كون غير مقربتيش لديك الكوزينة حسن .

جلال وكريم لي مبقاوش قادين يصبرو ...شدو على كروشهم كيضحكو بهيسترية ما متيقينش صافي سالاها معاهم غير ملي قال هاد الكلام سيد من صباح وهو ساهي فيها فلخر خسر عليها ..شنو دايرة فهاد الماكلة ..

دور راسو لجيهت جلال وكريم لي شادين فكرشهم ميتين بضحك ..شاف فيهم كاملين حادرين راسهم حابسين ضحكة ..هز يدو حتا الفوق وضربها مع طبلة حتا قفزو ضاربين طم ...ناض من الكرسي دافعو لور كيشوف فيهم كاملين بتخنزيرة طيحات منهم نص وقال بصوت غليض خوف جمرة خلاها كترعد : لعب دتبرهيش متخدمووهش قدامي [ شاف فجلال وكريم وقال بنبرة حادة ] تفاااهمنا .

جلال وكريم شافو فبعضياتهم عرفو راسهم رآهم زبلوها معاه .. هزو راسهم فعثمان ..حركو ريوسهم بالايجاب بإحترام وقال جلال بهدوء : ميكون غير خاطرك اعمي

طول شوفة فيهم كاملين مخنزر ..دور وجهو الجمرة لقاها كتشوف فيه كتفتف وقال بنبرة هادئة..يغوت على كلشي ايلا على جميرتو مدللته : كولي نتي .

تفزعات منو وحركات راسها بزربة وحدرات راسها كتاكل مهزاتش راسها فيه ... أما هو فهز تيليفونو من طبلة وخلاهم مكملين ماكلتهم ومشا خرج الجردة ..

عند ياسمين لي كانت باقا طايحة فالارض كتبكي وتشهق بخفوت وهي كتسنا فيه يخرج من الحمام لي تعطل فيه ..

ناضت بشوي عليها مشات الحمام بخطوات تقيلة ..وقفات فالباب ومدات يديها كدق فالباب دقات خفاف ..تسناتو يحل عليها لكن والو ..

عاودات دقات كتسنا فيه يحل حتا قالت بنبرة منكاسرة : عع عصاام ..عصام ..حبيبي حل عليا الباب عفاك ... عفاك حل الباب وقولي شبيك.

دقات جوج دقات كتبكي : حل الباب عفاك....حل اعصام ...مديرش ليا هاكا [ حطات راسها على الباب كتبكي وتشهق نطقات سميتو ببكاء حارق ليها حلقها ] عصااام .. عصام [ طاحت الأرض على ركابيها كتشوف فالارض وغوتات كتحرك راسها بلا بحرقة ] عصاااام ..عصااام ..صافي براكة ..وصافي [ قربات حطات راسها على الباب وقال بصوت خافت باكي ] متعدبنيش عفاك متعدبنيش ..عييت ..تقهرت ..طاقتي مشات اعصام ..مشات .

حطات راسها على الأرض متكية كتبكي بصوت مقهور وكتقول بكلمات متعبة : صافي عييت تهديت ..مبقيتش قادرة نتحمل ..عييت .

تنهدات بعمق وحرقة من قلبها ..ونعسات غفات فنوم عميق فوق الارض ناعسة بسباب كترة البكا لي بكاتو

صافي..عياات ..تهدات ...تهرسات ...

واش هي ماشي إنسان ؟ واش هي متعيش بحال أي بنت فعمرها بفرح ؟... واش هي مترتاحش بحال ناس ؟

علاش هي ؟ علاش هي بضبط ؟ علاش هي ؟ علاش معندهاش العائلة لي تمشي تغضب عندهم ؟ علاش معندهاش باها لي توقف ورا ضهرو ويكون حامي ليها ؟ علاش معندهاش مها لي تحط راس على رجليها وتلعب بشعرها وتمسح ليها دموعها ؟ علاش معندهاش خوها لي تشكي ليه ويمشي يحاسب هذا لي بكاها ؟ علاش معندهاش ختها لي تشكي عليها وتعاود ليها أسرارها ؟

فين مشاو ؟ فين عائلتها ؟ فين سندها ؟ هي بنت صغيرة ! واش غير حيت غلطات مع واحد وحملات منو لحتوها فزنقة ..هاا ؟ ياك كنقولو ايلا خناز لحم كيهزوه ماليه ؟ فين مشات هاد المقولة ؟ ولا غير الهدرة الخاوية ؟

هي كانت بنت ..بنت صغيرة ...بريئة ...ضعيفة ...مراهقة ...فين مشيتو ؟ فينكم اعائلتها ...فينكم ؟

علاش تخلاو عليها بضبط ؟

حتا قلنا واخيراااا والحمدلله ملي عندها راجلها لي واقف معاها ...لكن حتا هو طمعتو فيه ؟ سحرتو ليه ! دمرتوه ...ضيعتوه ...حرقتوه...راجلها لي يحرق دنيا وما فيها فقط ايلا لمح دمعة نازلة من عيونها ...هاهوا ولا هو جحيمها ... آه جحيمها .. معذبها ... مرضها...لكن ماشي الخاطرو ...اه ماشي الخاطرو ..

باقي الايام جايا لي غتبكو مع ياسمين وعصام ...علاش دنيا هاكا دايرة ..علاش حتا كنقولو كلشي تقاد فلخر كنعاودو نروجعو نفس الموال ..علاش ؟

عرفتو علاش ؟

حيتاش دنيا غداااارة وغداااارة وموسخةةة ..💔

فالداخل ..الحمام ..عند عصام لي كان طايح فالارض ..شاد فراسو كيضرب فيه بيديه ...ساد عيونو مزير عليهم ... وجهو حمر ..والعروق فجبينو بارزين ..نواضرو منفوخين ...

سد ودنيه مباغيش يسمع صوتها ...اه مباغيش يسمع صوتها ..كلامها لي ضرو فقلبو لكن صدعو فراسو ..كرهو ..حتا سميتها مبقاش حامل يسمعها ...لكن قلبو حاجة أخرى ..واخا يديرو لي يديرو ..عمرهم غيغيرو شي حاجة سميتها الحب ...شتي الحب القوي ايلا كان ..فكونو متيقنين عمركم غتربحو شي حاجة ...

ناض من الأرض شاد فراسو ..دار الباب دور البواني بشوية... حل الباب ببطئ ...خرج من الحمام بخطوات بطيئة ... حدر راسو الارض حدا الباب تاع الحمام ..حتا كيلمحها فالارض ناعسة وشهقات خفاف خارجين من فوهها ..

فديك لحضة ...شديتي قلب عصام بيديك ...عصرتيه ...قطعتيه ...وجعتيه...نزفتيه...شعلتيه بالعافية ...ومرحمتيهش

هاكا باش حس عصام ملي شاف محبوبتو ...بنتو ..روحو ..قلبو ..طايحة فالارض ..ناعسة ...ودموع شاقين طريق فخذها...وشهقات متقاطعة كتصدر منها بوجع وجعو فقلبو ..فقلب عصام .

نزلات دمعة من عيونو على خدو...كدمعة اليتيم ...وعادوات نزلات دمعة أخرى ...غمض عيونه مزير عليهم عاصر دمعات آخرين ...عض شواربو مزير عليهم حتا تطرطق د*م ..

حل عيونو سود فيها وتحنى باش يهزها حتا كيبعد بجهد مصدوم ...عيونو خارجين فيها ...كارهها ..عااايف ...عايف منها ..

بقا واقف كيشوف فيها حتا قلب وجهو بزربة مغمض عينيه مباغيش يشوف فيها نهائيا ...مباغيش يشوف وجها المشوه لي تسيف فيها ...وجها الخبيت ..وريحة الخانزة لي كتصدر منها ...كرهها فديك لحضة وهو معاها ..كأنك هزيتي عصام وحطيتي عصام آخر ... وطبيعة الحال بسباب سحر

حرك خطواتو تخطاها برجليه بكل برود .. بلا ميديها فيها ولا يحن فيها ويهزها من على الارض ويديها السرير تكمل نعاسها براحة ..

يلاه وقف على الباب تاع الجناح باش يحلو حتا كيوقف مصمر فبلاصتو وهو كيحس بشي حاجة نغزاتو فقلبو ...هز يديه حطها على قلبو كيتحسس نبضاتو المتسارعة الغير منتضمة ..

دار بكامل جسدو ضخم ليها ..كيرمقها بناضرات هادئة وهي فالأرض ناعسة ...تبع قلبو وحرك خطواتو لجيهتها ..وقف عليها كيناضرها واخا محاملش لكن عيونو كيهربو ليها وبدون شعور منو .. تحنى ليها ..مد يديه لي كيترعدو وهزها دغيا وداها السرير حطها بزربة محاملش راسو يقيسها ..

مع حطها فسرير مشا دغيا خرج من الجناح ساد الباب وروحو كيحس بيها غتزهق منو...

التحت عندهم كانو كيتعشاو ...ناض جلال وكريم مدابزين ومعاهم حتا وعاليا وعذراء غير كيحركو راسهم بلا حول من كريم وجلال أما مراد شاف فحياة نضارات أخيرة ...ودعهم وخرج من رياض غادي الدارو لي عندو فقبيلة الوزاني ...ناضت حياة من الكرسي تاعها كتمسح فمها ..شافت فجمرة مبتاسمة وقالت : الحمدلله .. الله يعطيك صحة اختي جمرة ..

جمرة ضحكات بخجل : بصحتك احياة .

نطقات الحاجة ياقوت موجها كلامها الجمرة : ايوا نوضي ابنيتي وجدي قهيوة لراجلك .

جمرة قالت بزربة بلا ما تحس : رااجليي ؟

الحاجة ياقوت ميقات فيها : لا راجلي ابنيتي ..وتي سيري وجدي لراجلك قهوتو براكة من الفهامات ..

حركات راسها كتبلع فريقها ومشات الكوزينة ...جبدات القهوة وطاس لي غديه ليه ...طيباتها بكل عناية والكشكوشة طالعة الفوق مفخفة وقاسحة كيف كيبغي سيد رجال لي عندها ...

هزات البلاطو حطات فيه كاس دالقهوة بعناية و حداها شوكولا أسود مر ..

خرجات من الكوزينة بخطوات تقال كدور فعينيها كي لفعة بوسكة وخرجات الجردة كتقلب عليه ..لمحاتو جالس فواحد الجليسة وبيسي قدامو خدام فيه ..

ميقات فيه من البعيد باقا مقلقة منو ...وتمشات لجيهتو وقفات عليه قالبة وجها بطريقة كضحك ...

هز راسو بتتاقل كيشوف فيها بهدوء وهو كيتفحص فيها غياكلها بناضراتو ...بقا كيتسنا فيها تحط ليه القهوة لكن سيدة وااالو واش عاقت براسها وحطات ليه قهوتو....فقط مدورة وجها الجنب مخنزرة بطفولية وكتعض شفايفها ...

عثمان حنحن بهدوء وقال: هيييه .

قلبات عيونها دايرة راسها مسماعتوش ... أما هو فضرب صباعو مع طبيلة بصباعو بنقرات : ابنتي .

زادت قلبات وجها كتر زعلانة كتسنا فيه يحزرها حتا كيصدمها بشي لي قال ..

عثمان بلا مبالاة لكن داخلو باغي يعصبها شوي ... آه سي عثمان حتا هو ولاو فيه القوالب والفعايل ...حنحن حاك حاجبو وقال بنبرة هادية : حطي القهوة لا بغيتي تحطي وسيري خليني خدام فراحتي .

دارت لعندو مصدومة مخرجة عيونها وفمها محلول ..المهيم وجها كان كيجيب ضحك واخا معرفت شنو تكون ... غضحك بلهلا يطريه ليك ...لكن سي عثمان فقدر يحبس ضحكة بزز لي كانت غتخرج لو وبقا بملامحو صارمة الجامدة ..

جمرة مخرجة عيونها وقالت بصدمة : شنووووو

عثمان بقا على نفس الهدوء : شكاين ؟

جمرة باقا مخرجة عيونها فيه : ياااك ..هاا ..يااااك اسي عثمان ..يااااك

عثمان بتساؤل زعما سيد مدار والو : فيك نعاس ؟ يلاه سيري تنعسي..[ حدر راسو على الپيسي وقال بهدوء جايب ليها الفقسة] نعسي بكري الله يرضي على بنتي .

جمرة شهقات مصدومة منو ..واش سيد قاليها حطي القهوة وسيري خليني خدام فراحتي وباش كملها وجملها قاليها سيري تنعسي ...يعني باغي يتهنى منها عاين باين ..

ضربات البلاطو لي فيه القهوة مع طبيلة بجهد حتا تكفحات القهوة وقالت بنبرة طفولية عصبية : ايواا سرييي ..سرييي اسي عثماان ..سرييي ..[ شافت فعيونو مخرجة عيونها مخنزرة] ايوا هاني غنخليييك على راحتك ..

دارت بغات تمشي حتا كتجر من طرفو بجهد وكتجي طايحة على رجليه ...قادها فوق منو مقابلها معاها شاد فوجها وقال بصوت رجولي حرش شعيرات خفاف بيضين نازلين على جبهتو ...زايدينو وقار وهيبة : مالك ؟

قلبات وجها مخنزرة مبغاتش تشوف فيه حتا نخضها وقال : هدريي ..مالك ؟

شافت فيه مجننة قالت معبسة شفايفها زعلانة بطريقة كضحك: حزرنيييي

عثمان صغر فيها عيونو وقال بهمس رجولي: نحزرك ؟

جمرة حركات راسها بالايجاب مخنزرة : آه حزرني .

بقا كيشوف فيها مطول متنهد من قلبو ...خشا يديه فجيب دسروال ...جبد شوكولا فكيس صغير وحطو ليها فيدها ..

شافت جمرة فشكلاطة صغيرة لي فيدها باستغراب وهزات فيه راسها قالت بهمس ممتيقاش : سي عثمان شهادشي ؟

عثمان على نيتو : شكلاط .

جمرة غمضات عيونها وحلاتهم ممتيقاش من هاد سيد لي مكيعرفش شي حاجة سميتها رومانسيه وقالت بنبرة خافتة : شكلاط ؟ ياك؟

عثمان حرك راسو بالايجاب بهدوء وقال ببحة : اه .. شكلاط ..

جمرة شوي وغتلاح عليه بالعضان بالفقسة لي شداها : هاكا رجال كيحزرو عيالاتهم ؟

عثمان بتساؤل : شنو كيديرو ..

جمرة حطات جبهتها على صدرو متنهدة وقالت : الله يارب الله وشنو غندير مع هذا

هزات راسها من على صدرو وشافت فيه مطولة ...ناضت من فوق رجليه...شافت فيه مخنزرة ..لاحت شكلاطة عليه وقالت : كولها غير نتا ...بنت ليك أنا بنية صغيرة ..

دارت عاطياه بضهرها غادة كتنقز معصبة وتنگر من هنا وهنا مخليا سيد غير كيشوف فيها ويشوف فشكلاطة لي فيدو ...حرك راسو بلا حول ودار عند الپيسي مكمل خدمتو ..لكن كيغايدير يمكل خدمتو وهي سيدة غير جات فربلات ليه العقل ومشات خلاتو واحل ..

سد البيسي بنفرزة ورجع راسو لور على الكنابي كيشوف فنجوم لي مضوية سماء المضلمة وريح خفيف كيطير فشعيرات البيضين الخفاف لي نازلين على جبهتو ...

ناض بشوي هز البيسي وداك تخربيق ديال خدمتو ..ودار غادي الرياض ...دخل من البالكون ..لمح ضواو طافيين والحس مقطوع دليل على أنهم نعسو ..

وصل الدروج وطلع الجناح ..دخل الجناح كيقلب عليها لكن مكيناش حسها مقطوع ...حط داكشي لي فيدو فوق من الكوافوز وحيد حوايجو وكلشي بقا فقط بالبوكسور ....هز الحوايج لي كان لابس ودخلهم معاه الحمام حطهم فسلة الخاصة بالحوايج تاوع تصبين ..

رد الباب من وراه ودخل من تحت رشاش هابط عليه الماء بارد ...هز راسو الفوق مغمض عيونو والماء على وجهو هابط .. بقا على حالو الماء هابط عليه ..حتا كيطفا عليه الماء فجأة وهز راسو كيشوف فرشاش لي حبس ليه وبقا معاه كيقاد فيه

---------

عند جمرة لي دخلات الجناح هازة فيديها قرعة زجاجية فيها الماء وكاس كذلك ..تمشات حطاتهم جنب سرير فوق من الكوافوز ...ودارت كتشوف فراسها فالمراية .

جمرة بهمس كتميق فراسها قدام المراية : نمشي ندوش دابا نيت كنحس براسي عيانة عاد نعس نيت ما حدو مكاينش معايا فالجناح .

حيدات حوايجها عليها لي كانت لابسة كاملين وكذلك ملابسها الداخلية حتا بقات عارية فقط كيف ولداتها مها نيشان ...تمشات بخطوات بطيئة حلات الباب تاع الحمام ..دخلات حادرة راسها كتشوف فرجليها لي كتفكر تصبغ ضفيراتها بلون الغوز بيبي ...حلات البلاصة لي خاصة برشاش وبحكم عثمان كان الماء طافي و دوش غير بالماء بارد محساتش بسخونية ولا البخار باش تعرف واش الحمام عامر ...دخلات برجيلاتها ..ومع دخلات جمرة كان عثمان شعل رشاش والماء هابط عليه كيشلل فراسو ... هزات راسها فجأة كتخرج عيونها مصدومة وهي كتشوفو تحت من رشاش عاري الجسم كلوو ...بلعات ريقها بصعوبة وسخونية طلعات معاها وهي كتشوف فيه عاري ممصدقاش ...واش عثمان قدامها ...تحت من رشاش فالحمام...وعاري الجسد من الفوق ؟

هو لي فلاها من الفوق التحت وعيونو كيتساراو فجسدها العاري ومناطقها الأنثوية وتفاحة آدم فحلقو طلعات ونزلات بعنف ...ما مصدقش شنو كيشوفو عيونو ..

عاقت براسها بلي رآه ملابسة والو وهو كذلك .. دارت خارجة حتا كتبغي تزلق بيها رجلها فجأة كيدورو يديه على خصرها وكيجرها لعندو بقوة حتا تزدحات على صدرو وجها على وجهو كتشوف فعيونو كتنهج صدرها كيطلع وينزل... وأجسادهم العارية ساخنة ملاصقة مع بعض والماء بارد هابط عليهم

أجسادهم العارية ساخنة متلاحمة مع بعض وماء بارد لي هابط عليهم مقادرش يطفي حتا شوي من الحرارة لي طلعات معاهم ...

تسللات يدو ليمنى من خصرها لمرورا المؤخرتها ...بقا كيتلمس بشوي وعيونو مغمضة مزير على شواربو ..جمع ليها مؤخرتها بقبضة يديه حتا هزات راسها الفوق وحلات فمها شهقات بصوت عالي ...

قلبها على غفلة منها جات ملاصقة مع الحيط وهو قدامها ملاصق معاها ...هز يدو شدها من عنقها مطلع ليها راسها الفوق مع الحيط كأنه قاجها ...مد رجليه وفرق ليها رجليها خاشي ركبتو بين رجليها حتا قاست ركبتو توتو دياالها .

هز عثمان راسو الفوق وتأوه بصوت ذايب فور متحسس رطوبيت ملمس توتو ديالها : ااااااه

أما هي فكانت غايبة مكايناش فهاد العلام ...حلات عيونها مخرجاهم وشهقة خرجات من فوهها ..فور محسات بركبتو على توتو ديالها تصدمات ومبقات عارفة من ساسها لراسها...قربات ليه و بلا متحس شنو دارت عضاتو فعنقو حتا تنهد بعمق..

جمرة بعدات حاطا راسها على الحيط كتنهج : امم سس سي عث عثمااان ..

عثمان بدون شعور منو حط راسو على صدرها العاري كينهج بعنف شديد : هممممم

جمرة هزات يديها حطاتها من ورا عنقو وهو حاط راسو على صدرها زايدة طين بلة : امم اح ..بب اح بعد عع عفاك .بعد

هز يديه وحول الماء البارد الماء دافئ وخرج راسو من صدرها كيشوف فعيونها المقلوبين .

عثمان هز يديه وخشا صبعو في فمها كأنها كتمصو و بعيون معسلة بصوت مبحوح دايب .. قال : جمرةة

جمرة بدون شعور منها لعقات صبعو داخل شفايفها مخلياه يغمض عيونو وتأوه بروجولة ...حركات راسها بالايجاب بزربة وقالت بكلمات متقطعة بسباب صبعو لي في فمها : ءءاا عفاك ..

عثمان زاد ورك على توتو ديالها بركبتو حتا وحوحات وقال بهمس رجولي كيشوف فيها هايم : شششت ...

مدات يديها باش دفعو ومع هي مغمضة عيونها بسباب نشوة ... كانت يديها جات على المعلم ديالو نيشان ...تفيكسات يديها تم فوق منو وهي كتحس بيه كبير ..قاصح ..وطويل .. وصدرها كيطلع وينزل من داك الإحساس لي زارها فديك لحضة ..

حلات عيونها فيه كتلقاه مغمض عينيه ..عضات شفايفها المنفوخة وحدرات عيونها بتتاقل التحت حتا كتلقا يديها فوق من مولاي سلطان شداه بصبيعات يديداتها رطبين ...

حلات فمها شهقات وهزات راسها بزربة لعثمان كتلقاه حال عيونو سود فيها وتفاحة آدم فحلقو كطلع وتنزل ..

نزلات دمعة شاقة طريق فخدها ...هزات يديها وجراتو لعندها من ورا عنقو...حطات جبهتها على جبهتو ونزلو دموعها قالت كتنهج وكتبكي : سس سي عثمان .

عثمان صدرو كيطلع وينزل نهجة شداه بسباب نشوة : هممم

جمرة بثلعتم كتبكي بطفولية : قفرتهاا ..قفرتهااا [ شهقات بخفوت وزادت لصقات جبهتها مع جبهتو وقالت بنبرة باكية] قستو ..قستوو ناري قستو [ كتقصد مولاي سلطان ..ايوا الله يمسخك ابنتي جمرة ]

بعدات عليه بزربة وتعلقات فيه معنقاه مدورة رجليها على خصرو وتوتو ديالها رطب جا مع كرشو الفراكة وصدرها البارز ملاصق مع صدرو الفولاذي مخلياه يتحسس رطوبيت رزقو لي عندو .

خشات وجها فعنقو كتبكي ممتيقاش بلي راها عريانة وهو كذلك عريان ومن الفوق تلمس مناطقها الأنثوية وهي كذلك تلمسات رجولتو بيديها وتحسساتو ..زادت زيرات عليه كتبكي من الحشمة لي ركباتها ..مكرهاتش كون تشقات الأرض وبلعاتها .. أي بنت غتكون فداك الموقف ضروري مغادي تبكي خصوصا ونتي تربيتي فوسط واحد الجو أنك مخاصكش تكوني مع الجنس الخشن المعنى متكونيش بوحدك مع شي راجل من غير خوك وباك ..وهادشي لي تربات عليه واخا كانو ولاد عمامها وخوالها بحال خوتها لكن كانت حشومية بزاف معاهم ..محساك مع راجلك لي باقي مزاعماش عليه ومن الفوق يشوفك عريانة ويتلمس فيك هذا غير باقي مدخلش معاك فالمعقول .

عثمان حل عينيه عاض شفتوو سفلية وخرج راسها من عنقو مقابل وجها مع وجهو ...قرب لوجها كتر كيشوف فشفايفها المنفوخين المبللين بالماء ..

قرب كتر لشفايفها حتا لامس نيفو نيفها ويلاه غيحط شفايفو على شفايفها حتا فجأة كيهزو ريوسهم الفوق مخرجين عيونهم من صوت المرتفع لي تسمع ولي كان بحال صوت إنفجار فرياض .

نزلها من عليه بزربة ..شاف فيها كتبكي مخلوعة وقرب ليها قال شاد وجها كيمسح فدموعها كيهدن فيها : ششت صافي ..صافي ابنتي صافي .. تهدني .

بعد عليها باش يخرج حتا كتجرو لعندها غوتات فوجهو كتبكي : فف فين غااااادي ..ممم مت متمشيييش ..متمشيييييش

قرب باسها فجبهتها بهدوء وبعد عليها بزربة لبس فقط سروال كيطمة فالكحل والفوق ملبس والو فقط مخلي صدرو العريض بااين ..هز الفر*دي ديالو وخرج من الجناح ساد عليها الباب بساروت ..

جمرة..فور مخرج خرجات حتا هي من الحمام و لبسات حوايجها بزربة .. قربات الباب باش تخرج حتا كتلقاه مسدود ...بقات محاولة معاه باش يتحل ليها لكن واااالو ..ضربات رجليها مع الأرض وتقسحات بزاف مع ضربة وغوتات مجننة : اححح رجلي .

هبط عثمان مع دروج بخطوات سريعة ..كيلقا جلال وعصام وعذراء جالسين فدروج شادين فراسهم والحاجة ياقوت وحليمة وكاع ناس رياض واقفين لابسين بينوارات طوال مستورين ديال نعاس ..وكيشوفو فيه مصدومين..وعلاش لا وسي عثمان لأول مرة غيوقف عليهم وهو صدرو عريان ...

عثمان شاف فيهم واحد بواحد بعيون جامدة وقال بهدوء : شواقع

نطق عصام بهدوء كيشوف فالحاجة ياقوت لي كتفتف وهي سباب فالانفجار لي وقع فالكوزينة كانت كتصيب شي حاجة حتا كترطق الماكينة تاع طحين : والو ...غير الحاجة بغات دير شي اختراع وكانت غتفجر رياض ولي فيه ..

شاف عثمان فالحاجة ياقوت مطول وقال هاز حاجب : فهاد ليل ؟

الحاجة ياقوت حلات فمها باش تنطق حتا كتلمح سيد عثمان ملابس والو من الفوق ..عاري صدر وعضان وقميش جمرة فعنقو وكتافو ...شافت فشعرو الفازگ دليل على أنو خرج من الحمام مدوش..وعلاش مدوش فهاد ليل ..ايوا رآه باين غير من داك القميش والعضان لي فيه .. خرجات عيونها شهقات شادة على فمها .. وحدرات راسها كتولول وبدات كتستغفر الله : استغفر الله العظيم استغفر الله العظيم واتوووووب إليه.

عثمان بخشونة : الحاجةةةة ؟

الحاجة ياقوت كتولول حادرة راسها: وتستر واااتستر أولد كرشي ..واتستر ..

هز جلال وعذراء راسهم كيشوفو فبعضياتهم بهدوء وبملامح جامدة ...اه ملامح جامدة وهوما بزز باش حابسين ضحكة لا تخرج ليهم ويصدقو مقفرينها ....بقاو على حالهم كيشوفو فبعض مخنزرين وشفايفهم كيتحركو دليل على ضحكة لي بغات تخرج ليهم ....زيرو على راسهم كتر باش ميضحكوش وحدرو راسهم كيشوفو فالارض مخنزرين بزز منهم .

الحاجة ياقوت شافت فعثمان مجننة من تقزديرتو : واااااسيييير لبس حواااايجك اعثمااان وسيييير لبس حواااايجك .

عثمان حدر راسو كيشوف فصدرو حتا كيلمح عضان وقميش جمرة فعنقو وكتافو ...هز راسو بهدوء وشاف فالحاجة ياقوت وحليمة ومليكة كيلقاهم كيولولو ..

دار باغي يدور يطلع مع دروج حتا كيتسمع صوت جمرة من الفوق الجناح : وااااسي عثمااان ..وحشووومة عليك خليتيني بووووحدي ورجلييي كتقسحني بزااااف مع الهزان [ كتقصد رجلها ملي هزاتها وضرباتها مع الأرض ]

يتبع...