محتوى القصة
سكت العدول شوية كيشوف فمراد اللي عينيه ما زالين خارجين فيه ... حنات حياة راسها كضحك و حشمانة و قلبها كيضرب.
العدول كح كحة خفيفة و قال بصوتو الرزين : بسم الله... نبداو على بركة الله .
الصالون كامل سكت غير صوت البخور كيشحّر و الدقايقية برا نقصو الصوت ديالهم شوية احتراماً للعقد.
قال العدول و هو كيشوف فمراد : السي مراد شنو الصداق ديالك للالة حياة الوزاني ؟
وقف مراد بقامتو العريضة كتافو عراض وسط الجلابة البيضة كتشعل عليه و ريحة العود ديالو واصلة حتى لعند حياة.
دار يديه مورا ضهرو كيما كيدير العمدة عثمان و شاف فالحضور كاملين بنظرة ديال ثقة و همة.
قال بصوت عالي و رزين و كيهدر على الفلوس كأنها والو سيد مبرد :
صداقي للالة حياة هو فيلا فمراكش فالمسيرة بإسمها بوحدها و شقة فكازا فعين الذئاب بإسمها و 15 فالمية من أسهم شركة الاستيراد والتصدير ديالي بإسمها و 100 مليون كاش مهر و مستشفى افتتاحي فإسمها وهادشي قليل فحقها .
الصالون كامل تجمّد..سي رضوان حل فمو و قال اللهم بارك وهو مصدوم حيث ولدو ما قال ليه والو على هادشي .. لالة زهرة كذلك لي شهقات وسمات الله و زغرتات بأعلى صوتها و دموعها نازلين ...
الحاجة ياقوت : الله أكبر الله أكبر .
حياة بلعات ريقها عينيها عامرين دموع و مصدومة كتقول فخاطرها : م مراد
العدول بقا حال فمو و قال: اللهم بارك.. اللهم بارك.. واش قابلة أ لالة حياة؟
حياة هزات عينيها شافت ف عثمان شافت فيه مبتاسمة مطمأنها بعينيه .
قالت بصوت خافت مبتاسمة بخجل :
قابلة .
دار العدول لعند لمراد : واش قابل اسي مراد؟
فين مراد ؟ مراد مكاينش مراد رااه هاااز ستيلو اوقع توقيع ديالو متسناهش حتا فين يسول ...عطا مراد ستيلو لحياة قال بالزربة وبصوت مبحوح : يلاه وقعي ا ملاكي وقعي .
حياة كون نشفات الارض وبلعاتها من تقزديرتو ...رتابكات شدات ستيلو وقعات وشافت فيه كضحك ...قرب ليها طبع قبلة على جبينها كيضحك بكل حب .
الصالون كامل تفجر ضحك و زغاريت علات .
أشار الحاجة ياقوت للموظفين الأربعة اللي واقفين حدا الدفوع
قالت بصوت وقور الحاجة ياقوت : حلو الدفوع خليو العروسة تشوف شنو جاب ليها راجلها .
تقدمو الموظفين هزو الثوب الأبيض الناصع اللي كان مغطي كلشي..
ماشي دفوع عادي كان كأنه محل عالمي فاخر هزوه وجابوه لداخل الرياض
كان مستف على تمنية ديال الطوابل عالين من الخشب المذهب ومغطيين بثوب مخمل أبيض .
الطبلة الأولى الصيكان العالميين
تلاتة صيكان من هيرميس بيركين واحد فالبيج وواحد كحل وواحد أبيض كريمي و
جوج صيكان من شانيل كلاسيك فلاب كحل وبيج و
جوج صيكان من ديور بوك توت وليدي ديور بيضاء وجوج صيكان من لويس فيتون نيفرفول وصيكان صغار ديال المناسبات .
الطبلة الثانية الصبابط والبلغات
ربعة صبابط بالطالون العالي من لوبوتان الكعب الحمر كيشعل
وجوج صبابط من جيمي تشو مزوقين بالحجر الكريم
تلاتة و صبابط من شانيل كلاسيك و
ستة بلغات مغربية فاخرة مطروزة بالصقلي الحر والذهب .
الطبلة الثالثة حوايج المرا الخاصة اللي كتحتاجها أي عروسة كانو فيها
ستة بيجامات من الحرير من فيكتوريا سيكريت ولابيرلا ساتان فالبيج والأبيض والحمر و
حوايج داخلية فاخرة من لابيرلا وانتيميسيمي دانتيل وحرير واقمصة حريرية بيضين وكحلين و
روب طويل أبيض من فريت بالفرو و
معاطف وجاكيطات من ماكس مارا كشمير أصلي .
الطبلة الرابعة الذهب والألماس والسوايع
علبة كبيرة من كارتييه فيها ساعة بانثير ذهب أبيض وألماس
طقم كامل من فان كليف أند آربلز سنسلة وحلق وبراسلي وخاتم الخضر الملكي
طقم بولغاري سيربنتي ذهب أبيض وألماس
خاتم خطبة كبير من تيفاني أند كو ألماس كبير فعلبة زرقاء كتشعل ودياموند .
الطبلة الخامسة العطور والمكياج العالمي
صندوق كبير من ديور فيه عطر جادور وميس ديور ومكياج ديور كامل
صندوق شانيل عطر شانيل نمرة خمسة وكوكو وحمر شفاه
صندوق من إيف سان لوران ومكياج و
عطور عربية فاخرة عود ملكي أصلي ومسك الطهارة وبخور فاخر فعلب كريستال
طناش كريم من لامير ولا بريري ..و كريمات الوجه والجسم ..
الطبلة السادسة القفاطن والتكاشط كان قفطان فــ البيج الملكي بالنطع و
تكشيطة البيضاء الملكية بالباروك
وربعة قفاطن أخرين بالنطع والصقلي الحر خضر ملكي وحمر وزرق ملكي وذهبي .
الطبلة السابعة والثامنة الهدايا الكبار
آيفون 16 برو ماكس ذهبي جديد بعلبتو
آيباد برو مع سماعات آيربودس ماكس و
صندوق خشب فاخر فيه 100 مليون سنتيم كاش مربوطة بشرائط لويس فيتون
وفالوسط تماما تاج ديال الألماس الحقيقي من شوميه باريس فوق مخدة حرير بيضاء كيشعل كأنه تاج ديال أميرة بصح .
الطبلة التاسعة العناية الشخصية ديال البنات
بوكس كامل من سيفورا فيه كتر من خمسين منتج غسول الوجه تونر سيرومات كريمات
مجموعة كاملة للشعر من أولابليكس وكيراستاس شامبو وبلسم وزيوت و
علبة كبيرة من باث آند بودي وركس لوشنات الجسم وغسولات بروائح الفانيلا والورد
مجفف و شعر دايسون الأصلي باللون الذهبي ومكواة شعر دايسون و
مناكير وبديكير كامل ألوان من ديور وشانيل و حوايج الدين والستر
سجادة صلاة فاخرة من الحرير الأبيض مطرزة بالذهبي
مصحف كبير مغلف بالذهب ومكتوب عليه بخط أبيض حياة مراد و
جوج جلالب ديال الصلاة وحدة بيضاء حريرية فخمة ووحدة بيج ملكية بالنطع و
إسدال صلاة أبيض طويل من الحرير و
عبايات فالكحل للخروج و
مسك الطهارة وعود وبخور و
واخير حاجة المفاجأة اللي خلات الكل يبتاسم كان
دب كبير أبيض ضخم طولو متر ونص بفرو ناعم كالحرير لابس فيونكة حمراء كبيرة وحاضن قلب أحمر كبير مكتوب عليه بخط ذهبي " كنبغيك يا أميرتي" .
حياة و
الدراري الصغار غوتو الدبدوب الدبدوب وحتى من عثمان ابتسم من اللطافة حاني راسو كيقهقه من هاد نسيب لي ولا عندو شاف فجمرة لي كانت كتنقز مع البنات كضحك وحدر راسو كيضحك قايل بهمس : بحالها بحال خوها فالهبال .
أما حياة فما بقاتش قادرة تهضر دموعها نازلين كتشوف هاد الجبل ديال الفخامة وكتشوف فمراد اللي جالس حداها وهو كيشوف فيها بحب قايل ليها بصوت خافت غير هي لي سمعاتو :
كلشي ديالك .. أي حاجة كتحتاجها المرا كاينة هنا وإلا نقصات شي حاجة نزيد نجيبها ليك دابا ا ملاكي .
حياة حنات راسها حشمانة وقالت ليه وهي كتبكي :
بزاف عليا والله بزاف ..
قرب ليها طابع قبلة على جبينها وعاودت الزغاريد تفجرات فالرياض والدقايقية برا كيطبلو حتى تزلزلات القبيلة كاملة .
الرياض ولا سوق عالمي ديال الفخامة والكل مصدوم من قيمة الدفوع اللي فات الصداق كامل بمراحل كثيرة .
كانت أرض كبيرة ورا الرياض مقسومة على جوج خيام كبار لي كانو مبنيين سنين هادي وخاصين فقط المناسبات الفخمة ...الخيمة الأولى كانو الرجال فيها الأناشيد والتبوريدة والقرطاس كيضرب والاكلات والمشروبات مستفين بعناية فائقة وسرباية كيضورو ويفرقو على الحضور بكل إحترام ..اما الخيمة تانية فكانت فيها العيالات اللي كتخطف العين... خيمة العيالات مفروشة بزرابي بيض والأحمر وثريات كريستال مدلين من السقف والورد الأبيض نازل كشلال والسرباية لابسين أبيض وذهبي كيجريو والأغاني الشعبية مطلوقة والحاجة ياقوت وجمرة وحليمة جالسين فالصدر كيزغرتو...
الماكلة كانت مستفة على تمنية ديال الطوابل عالين من الخشب المذهب ومغطيين بثوب حرير أبيض... الطبلة الأولى الأكل المغربي الفخم التقيل فيها جوج بسطيلات كبار فخمين وحدة ديال الحمام باللوز والعسل والذهب قابل للأكل كتقطع قدام الناس ووحدة ديال الحوت الملكي بالكروفيت والكلامار وطاجين كبير ديال اللحم بالبرقوق والعسل واللوز المذهب ..وطاجين ديال المروزية الفاسية بالعسل والزبيب والقرفة... الطبلة الثانية الشوايات الكبار فيها عجل كامل مشوي فوق طبلة كبيرة بوحدو مزين بالبيض واللوز والخضرة والمنظر ديالو كيفتح نفس وخرفان محمرين صغار بالروزماري ودجاج بلدي محمر مرقد ومزين بالزيتون والليمون مصير والزبدة البلدية كتقطر منو... الطبلة الثالثة السفة والرفيسة الفخمة فيها سفة مدفونة كبيرة بالدجاج والزبيب والقرفة واللوز فقصعة فخار بيض كيطلع منها البخار ورفيسة بالمسمن الرقيق والدجاج البلدي والعدس والترافل الأبيض فوقها وقصعة كبيرة ديال الكسكس الملكي بالخضرة واللحم وتفاية مع بعض حلويات مجففة ديال دراري صغار بحال الفانيد والمسك شوكولاته إلى آخره ... الطبلة الرابعة الأكل العصري العالمي الفخم فيها لوبستر تيرميدور كامل مزين بالذهب وريزوتو بالترافل الأبيض فكاسرونات صغار سخونين وواكيو ياباني شرائح رقيقة كيذوب فالفم وباستا بالكافيار الأسود والكريمة وبلاك كود بصلصة الميزو... الطبلة الخامسة المقبلات الخفيفة والسلطات الفخمة فيها سلطة بوراتا مع الطماطم والترافل وسلطة أفوكا وروبيان جامبو وسوشي فخم بالسلمون والواكيو والكافيار مصفوف فصحون سود وبرشيتا بالسلمون المدخن والكريمة وأرانشيني بالترافل وسلطات الخضر مشكلة بالألوان وسلطات الفواكه الاستوائية مانغو وأناناس ودراغون فروت ورمان كيبانو كجواهر...
أما الطبلة السادسة المشروبات وأتاي على حقو وطريقو فيها برارد كبار ديال الفضة فيها أتاي منعنع كيتصب من الفوق وريحتو فايحة وعصائر طبيعية وغادية ليمون وبرتقال ورمان ومانغو وباشن فروت فقراعي بلار وموكتيلات وردية وذهبية فكيسان رقيقة طويلة وقراعي ديال الما والشامبانيا مصفوفين... الطبلة السابعة والثامنة الحلويات المغربية والعصرية على الأشكال ونواع فيها كعب غزال ومحنشة وبريوات وبقلاوة وغريبة مغربية مزوقة بالذهب وبرج ماكارون وردي وأبيض وذهبي طالع حتى للسقف وتارت شوكولا بالترافل وتيراميسو وكريم بروليه فكيسان صغار ونافورة شوكولا بيضاء نازلة وكتلمع وحداها فواكه مقطعة... وفالوسط تماما البرزة الأسطورية كرسي عالي مذهب مفروش بالحرير الأبيض وتحتو ورد أبيض بزاف كتسناها...
مع المغرب تسمع صوت الدفوف ضربو والباب تاع الخيمة تحل ودخلت العمارية البيضاء مزوقة بالورد الأبيض والذهبي هازينها ربعة رجال لابسين أحمر وفوقها حياة بالتكشيطة البيضاء الأولى بالنطع والباروك والتاج ديال الألماس كيشعل كتشاير بيديها ونݣافات وراها كيصليو على نبي والبنات تاع العائلة كيزغرتو ناشطين ..كان مراد داخل معاها بجلابتو البيضاء كيتمشا بخطوات التقال سيد ما هامو حد المهيم يهز مرتو ويمشي بحالاتو يخلي هاد زمر كامل ...
حطو العمارية فالارض بعدما دارو بيها بحركات ..تحنى ليها وهزها بين يديه قدام الحضور كاملين مخلي عيالات القبيلة يوشوشو على هاد سي سلطان لي تابع سي عثمان طبعا ولي تواحد ما يفوتو.
حطها فالبرزة وجلس حداها شد يدها وخدا معاها تصاور على قبل خاطرها وهو مراضيش يبقى بزاف قدام العيالات لي غير مخرجين عينيهم فيه.. ناض طبع قبلة على راسها.
مراد بهمس فوذنيها : ايمتا غيسالي هاد زمر ؟؟
حياة بخفوت مبتاسمة : قريب ا مراد قريب ...هههه .
رمقها بعيونو رمادية: كضحكي ؟
طول فيها شوفة وبلا حشمة ولا حيا قرب منها رشف قبـ ـلة من خدها مخلي وجها يحمار بكترة الخجل .
دار مشا لخيمة الرجال... وبقات حياة بوحدها جالسة فالبرزة مبتاسمة وكتشوف فتحضيرات وفناس اللي حاضيين جمالها وكتشوف فالخير اللي دار ليها عمها عثمان .
بقات حياة جالسة فالبرزة كتفرج فالبنات لي كيشطحو وكيصفقو وهي كتبتاسم وحشمانة وعينيها كيدورو غير على الباب تاع الخيمة فين مشا مراد... شوية ناضت معاها النݣافة شدات ليها يدها وخرجو بيها .. دخلوها لبيت خاص بتبدال الحوايج... لبسات اللبسة التانية عبارة عن قفطان أخضر ملكي بالنطع الذهبي التقيل والصقلي الحر كيشعل فالصدر والكمام عراض والشربيل أخضر مطروز بالذهبي... خرجوها كتمشى بشوية وريحة العود طالعة منها ..دخلات الخيمة مبتاسمة بخجل وزغاريد مسموعة : تباااارك الله على مولاتي الخضرا...
دارت دورة بين الطوابل كتسلم على الحاجة ياقوت لي عنقاتها وبكات وعلى حليمة لي كانت كتزغرت حتى بح صوتها وجمرة لي كتصور فيها بتلفونها ومليكة والبنات وكلشي باغي يمس القفطان باش يتبارك... رجعات تاني للبيت بعدما جلسات فالبرزة .. لبسات اللبسة التالتة تكشيطة زرقاء ملكية بالباروك الفضي والجوهر كيبان بارد وهادئ عليها وشعرها طلقوه ليها شوية والتاج باقي فوق راسها... خرجات وهي كتبان كأميرة من البحر والعيالات كيقولو الزرق جا معاها كيحمق... جلسات شوية خدات تصاور مع بنات العائلة وكل وحدة كتبغي تصور معاها وهي كتضحك وحشمانة... ومن موراها دخلت ولبسات اللبسة الحمرا اللي الكل كان كيتسناها تكشيطة حمرا ملكية بالنطع الذهبي الحر والتاج الكبير ديال الألماس والطرحة الحمرا الشفافة... هادي هي اللبسة تاع العمارية التانية... طلعات فوق العمارية مرة أخرى والدقايقية بداو كيغنيو " آ مولاتي يا بنت السلطان " وبعض منهم والعيالات كاملين وقفو كيزغرتو ويصفقو وهي فوق العمارية كتشاير بيديها ووجهها حمر بالحشمة والفرحة عينيها كيقلبو على مراد... أما مراد لي كان فخيمة الرجال جالس مع عثمان ورضوان ورجال كيسمع الزغاريت جاية من خيمة العيالات عرف بلي هادي هي اللبسة ديالها لخرا ناض بلا ما يهضر خلا الرجال كيشوفو فيه ومشى لجيهة خيمة العيالات وقف فالباب مربع يديه كيشوف فيها وهي فوق العمارية كتشعل بالحمر... عينيه تلاقاو مع عينيها وابتاسم ليها وهي حنات راسها بخجل كضحك ... حطو العمارية ويلاه كانت غتنزل حتا كتحس براسها مهزوزة من فوق العمارية بقوة .
حياة بفزع : مم مرااااد .
دخل مراد بجلابتو البيضاء داخل كيتمشى بخطوات تقال وعينيه الرمادية كيشوفو غير فيها... ما تسناش حتى يحطو العمارية... مشى نيشان هزها بين يديه بقفطانها الحمر بالنطع وهي بين يديه كترجف ومخلوعة وعينيها محلولين...
حياة بفزع : مم مرااااد .
قرب ليها لفوذنها : مبقيتش قادر نصبر البلارة ..مبقيتش .
شهقات حطات يدها على فمها ووجهها ولا حمر كيالدم والعيالات كيضحكو والزغاريت تفجرات فــ الخيمة بالتصفاق...
الحاجة ياقوت حطات يدها على قلبها كتضحك ومليكة وحليمة كيزغرتو وكيضحكو.
مراد ما تسناش هازها بقفطانها الحمر والتاج فوق راسها والطرحة طايرة وخرج بيها من الخيمة كيجري بيها وسط القبيلة كاملة ... حطها فالطوموبيل الكحلة ديالو اللي كانت واقفة بالضو مشعول حل ليها الباب ودخلها وسد الباب وتم خارج بيها نيشان كيفرݣع فالغبار مخلي وراه القبيلة كاملة كتضحك وكتزغرت والدقايقية كيطبلو والبنات كيجريو ورا الطوموبيل كيصورو وهي جالسة حداه فالطوموبيل بالقفطان الحمر والتاج كتشوف من الزاج وكتضحك وحشمانة وهو سايق وعينيه عليها كيبتاسم...
حياة بصوت رقيق خدودها حومر : مرااااد .
مراد هز يديها طبق قبلة عليهم بجنتلمانية : روح مراد .
حياة بضحكة: وعلاش خرجتيني من عرسي ..هااا ؟
شاف فيها هاز حواجبو: مبنتش ليك أنا؟؟
ضحكات بخجل وهي تسولو : فين غاديين ؟
مراد ببحة كيسوق: الڤيلا ..[ شاف فيها مطول ] عند عكوزتك .
حياة بابتسامة : علاش واش مبقيتوش فدوار القديم .
حرك راسو بنفي : نو ..شريت ليهم ڤيلا فواحد الموقع كالم ..داك دوار فيه غير تبرݣيك الله يحضر سلامة.
ضحكات بقهقهة من كلامو : علام والله ا مراد .
شاف فيها مطول ساهي فضحكتها وكفاش كضحك بكل راحة مبينة سنيناتها لؤلؤ وعيونها زورق لي كانو كيلمعو مع ضوء القمر لي مقابل معاها من زاج د لوطو ...وقف لوطو وهو غير ساهي فيها غير مبالي بشنو كتقول .
حياة بصوت رقيق عفوي كتعاود ليه وكضحك بحركات يديها كتشرح : أه عرفتي ..الغوات وشطيح كان كلشي فرحان .... أنا كنت باغا نوض وكنت غنطيح [ نفاجرات بضحك كضحك بهيستيرية وهي كتفكر ] بسباب القفطان كنت غناخدو طيحة عالمية فعرسي الأسطوري ....[ شافت فيه بعيون لامعة بضحك كضحك بهيستيرية] وملي كانو هازيني فالعمارية كان قلبي كيضرب ..كيضرب بجهدددد [ كتحسب بيديها وكضحك] تك تك تك ...بووووم ...قلبي بحال هاكا كان ههه بووووم ...كنحس براسي بحالا مهزوزة فوق سحااب ووو...
حبسات على كلامها شاهقة من قربــ//ــو ليها كفاش كان فوق منها دغيا بلا ميحط تقلو عليها مقوس ضهرو على طوموبيل كيشوف فعيونها بلهــ//ــفة وتفاحة آدم فحلقو كطلع وتنزل بقوة...بلع ريــ///ــقو بصعوبة مبلل حلقو قايل بهمس : آش حسيتي ؟
حياة بتقفقيفة كتبــ//ــلع فريقها : ءءء ممم مرااااد .
قرب كيتلـــ///ــمس نيفها الحميــ//ـمر بنيفو : جاوبي...باش حسيتي ؟
غمضات عيونها متــ//ـنهدة من ريحتو رجولية لي طلعات معاها قايلة بهمس حــ//ــارقاه بأنــ//ـفاسها ســـ//ـاخنة : ممم ملي كنت فالعمارية..حح حس حسيت براسي مهزوزة ففف فوق سس سحاااب ..ا مراد ...اااااااه ...امممم .
تنهــ//ـدات وأنــ//ــات بقوة من يدو لي كانت طلعات من تحت القفطان حاطها على تــ//ــوتو مورك عليه بصباعها ...زاد حرك صباعو بشوي كيلعب ليها على اوتــ//ــارها الحــ//ــساسة كيشوف فعيونها الســ//ــكرانة : باش حسيتي ؟
حياة بصوت متقطع : ففف فووق سسس سحاااب ...مممراد مرا...
حبسها بشــ//ـفايفو لي هجــ//ــمو على شــ//ــفتيها فــ//ـقبلة فرنسـ//ـية كيجر ويمـ ـص فشـ ـنايفها بكل احتـ/ـرافية ويدو التــ//ـحت كتحرك بجهد على انــ//ــوثتها مخلي اهــ//ـاتها وتنهــ//ـيداتها يعلاو مزيرة عليه...كانو منغامــ//ـسين فعالـ//ـمهم الأحــ//ـمر الجـ//ـريئ داخل سيارة مرسيدس كحلة تحت القمر ...
كانو شفــ//ـايفهم ما مزوجين مع بعض مطالقينش ...وتنهيــ//ـداتهم مسموعة .
تسمع صوت الكلاكصون كتير وراهم حتا كدفعو حياة بجهد على طوموبيل مهــ/ــرسة ليه ضهر .
مراد بنفرزة مقــ//ـصح فضهرو : واالبشار .
حياة كتــ/ـهبط فحوايـ*ـجها بزربة كتحس بــ/ــشلال هابط تحت منها ...قدات شعرها والقفطان لي كان حلو ليها من الفوق مغطية صــ//ـدرها .
حياة بثوتر وجها حمر طلات من وراهم ...ندبات حناكها قايلة : ويلي ويلي ويلي جاااااو امراد جاااااو .
مراد بعصبية : شكون ؟؟؟
والعااااائلة راه تابعينا بطوموبيلاتهم الڤيلا عند عيلتك ..
طل حتا كيلقا صف على قدو بسيارات فخمة وحدة كتنطح وحدة ..رمق عثمان لي كان كيشوف فيه من زاج لوطو ..هز يدو ودار ليه علامة غير بلاتي عليك ..غمزو غمزة ديال الغدايد عــ//ـاض شواربو مخلي جمرة لي كانت حداه كتشوف فيه بعلامة استفهام .
جمرة بتساؤل : مالك ا عثمان ..مال مراد وحياة ..علاش كانو واقفين ؟
بقا مفيكسي عينيه على مراد لي كان كيشوف فيه بنضرة ديال " غير كضلمني حق مولانا " مراد لي عــ//ـض طرف لسانو بسخط مدوز يدو على وجهو مراضيش ...شااااافهم وعااااق بيهم ولي عطا الله عطاااااه .
جبد عثمان تيليفونو ودوز المكالمة جاوبو مراد ساكت قايل عثمان بخفوت مسامعاهش جمرة : نعلة الله وعليك يا ولد العبد ..[ دوز على وجهو بيدو قايل بتنهيدة هامس ] ما لقيتي غير فالخلا يا الـكـ*ـيدار لاخر ..زربان على روحـ*ـك .
مراد بصوت مبحوح هامس قايل على نيتو : قاضيت ليها غير القفطان أخاي عثمان .
عثمان بهدوء كيشوف فيه من زاج دلوطو : قفطان ؟ ياك ؟
مراد وهو كيلعب بشعر حياة لي كدفع فيه وتسب فيه : وايييه أخاي عثمان وايييه.
عثمان كيشوف فيهم من لور دلوطو : ونعلة الله وعليك ..هادشي لي غنݣول .
ضرب مراد يدو على الكاپو دلوطو قايل بنفرزة : تفو يخخ حتا فالــ//ـكوا حاسدينا عليه ...يا لطيف يا لطيف...الله يحضر سلامة وصافي .
قطعو المكالمة حاطين الهواتف ..موركين على الفران بجهد مكسيرين بقوة ...كسيرا مراد وتم من وراه عثمان ...خففو السرعة ..وكل ما هوما كيقربو وهوما كيسمعو فــ أصوات الضجيج والاضواء فسماء شاعلين بالالوان ..
حياة لي قوسات حواجبها كتشوف فدوك الأضواء : كاين شي عرس واقيلا ؟ ..شحال زوين هادشي .
وقف سيارة قدام داك الاحتفال الفخم لي قدامها ..وفجأة بداو الفلامات كيطلعو من الطوموبيلات اللي موراهم... فرقعات حمرا وذهبية طالعة للسما كتفرقع فوق راسهم... الدخان الحمر عامر الطريق والضواو ديال الطوموبيلات كيشعلو والكلاكصونات خدامين...
حياة كضور تشوف الوراء فطوموبيلات والقدام مستغربة ما فاهمة والو : مراد شهادشي ؟
شاف فيها مبتاسم شاد فيديها كيشوفو فــ الشباب خارجين من الشراجم ديال الطوموبيلات كيصورو وكيغوتو...وشي خارج من الڤيلا كيشعلو فالفلامات فاليدين وكيشعلو السما حمرا كاملة فداك ضلام ... الطريق ولات كلها حمرا وذهبية... وكاميرامان كيصورهم من قدام وهما جايين وسط العافية ديال الاحتفال...
حياة كتشوف حالة فمها وعينيها كيلمعو من الفلامات الحمر اللي كينعكسو على وجهها... كتضحك وهي ما متيقاش ...
جاو شي بنات لابسين كسيوات كيوت فالابيض جروها من يديها خاطفينها من مراد بحال شي أميرة ودخلوها الڤيلا نيشان كيجريو كتبان بحال شي أميرة وسط منهم كتجري ما فاهمة والو .
دخلوها البنات نيشان البيت لي كان خاص بالعروس ولي كانت فيه جمرة وعاليا وعذراء وياسمين وسلمى كيتسناو فيها مبتاسمين .
مشات العندهم حياة هازة جلايل قفطانها قايلة : شهادشي البنات ؟ راه ما بقيت فاهمة والو ..ياك سالينا العرس ؟
ضحكو البنات بقهقهة كيشوفو فيها كفاش مخربقة ..ننقزات سلمى غامزاهم قايلة :احح وشحال سعداتك يا ختشي ..شكون بحالك درتي جوج اعراس فنهار واحد .
حياة بصدمة : جوج أعراس ؟؟؟؟؟؟
عاليا بضحكة : عرس اسطوري تقليدي من سي عثمان وعرس عصري أجنبي من سي مراد .
جمرة بنبرة مضحكة : اححح اقلبي وحسدناك احياة...حسدنااااك .
ضحكو البنات كاملين مطلعينها عليها هي لي باقا مصدومة ما فاهمة والو ..
تلفتات جمرة شافت فالبنات لي كلفهم مراد جابهم خصيصا ليها يجهزوها ويردوها أميرة فوق الأرض .
غمزاتهم وجاو جرو حياة بغفلة منها وهي باقا فحالة صدمة .
جلسوها فوق الكرسي الأبيض الفخم اللي فوسط البيت... كرسي عالي مفروش بالفرو الأبيض... و مرايا كبيرة مضوية بضواو بيض... وطوابل عامرين بالمكياج والعطور .
حلو شعرها الأسود الطويل ..طاح على كتافها حرير كيلمع ..مشطوه بشوية ورشو عليه سيروم ديال اللمعان... دارو ليه تموجات كبيرة ملكية طايح على كتافها البيض... وكل خصلة كتشعل فيها لمعة فضية مع الضوء... والغبار اللامع لي رشوه عليه كيتطاير منو...
عيونها الزورق غمضاتهم...قادو ليها حواجبها شعرة بشعرة ... حطات ظل وردي فاتح مع لمعة فضية فالوسط ديال الجفن كتخلي الزراق ديال عينيها يبان كأنه بحر كيشعل... آيلاينر رقيق مجبود عاطي نظرة زوينة و رموش طبيعية طوال تلصقو ليها زادو عينيها فخامة ولمعان... ودمعة كريستال صغيرة لصقوها ليها فجنب عينها كتشعل كل ما كتحرك راسها...
مسحو شفايفها بمرطب ورد .. رسموهم ليها بكونتور وردي ناعم وروج وردي فاتح كريمي مع ݣلوس شفاف فالوسط كيخليهم كيلمعو ومنفوخين ورديين.
البشرة ديالها بيضاء كالثلج دارو ليها فونديشن خفيف كيخلي بشرتها كتشعل وبلاشر وردي خفيف على خدودها...
هزو بواطة حطوها قدامها ..فتحات شريط الاحمر حتا كتصدم ...كانت لاغوب بحال ديال الأميرات المنفوشة بلا حمالات ... صدر مزير مرصع بدياموند فضي كيشعل وجيب منفوش عامر بترتر فضي كيلمع مع كل حركة .. لبسوها ليها جاتها مقادة على خصرها الرقيق والجيب كأنه سحابة كتشعل قادو ليها الطرحة البيضاء الطويلة ربعة متر مرصعة بالكريستال كتجر وراها والتاج فضي مرصع بالالماس تحط فوق شعرها الأسود كيشعل وباقة ورد أبيض صغيرة فيديها...
كانت واقفة قدام المراية .. شعر أسود كيلمع و عيون زورق كبار قتــ // ــالين كيشعلو وسط المكياج الملكي... شفايف وردية كتلمع و لاغوب كتشعل بالدياموند...
جلسات فبلاصتها كتشوف فالبنات مبتاسمة بسعادة من مضهرها الخرافي ولي كانو هوما كذلك مصدومين من جمالها الخلاب ...الباب تحل بشوية وتم داخل مراد بكوستيم أسود فخم مفصل عليه و قميص أبيض وبابيون أسود و شعرو لي كان مصفف بعناية وعطرو الرجولي فايح منو .
شافها ووقف فبلاصتو مبهور تفاحة آدم فحلقو طلعات ونزلات ما مصدقش شنو كتشوف عينو ... تمشى بشوية بخطوات بطيئة حتى وصل قدامها... تنحنى على ركبة وحدة قدام الكرسي الأبيض كيشوف فعيونها زورق مسلوب من سحرهم ... هز البواط المخملي الصغير لي كانت حداها ... حلها وبان الحذاء ديالها الكريستالي الفخم... كعب عالي رفيع مرصع بدياموند ووردة كريستال فالقدام كتشعل...
شد رجلها الصغيرة البيضاء بكل جنتلمانية ولبس ليها الحذاء الأول والضوء نعاكس على الكريستال ...من بعد الثانية لبسها الحذاء جا قدها تماما كيلمع تحت لاغوبها المنفوشة...
بقات جالسة فالكرسي كتشوف فيه بناضرات بكل حب وابتسامة خفيفة زايداها جمال على جمال .
حياة بخفوت : ممم مرااااد .
طول فيها شوفة وبلا ما يديها فهادوك قرب منها طابع قــ//ـبلة خفيفة على شفتــ//ـيها مخلي البنات يغطيو وجهم بيديهم كيضحكو ..
بعد منها كيشوف فيها كيفاش تزنݣات ..بتاسم وهو يوقف بشوي ماد ليها يدو قايل بفحيح كيدوب الحجر : أميرتي واجدة ؟
بقات كتشوف فيه بحب كضحك محركة راسها بالايجاب : ءءء اااه أه واجدة .
حطات يدها البيضاء لامعة وسط يدو الضخمة السمراء الحرشة وتم خارج هو وياها بحال شي أمير واميرة فمشهد خيالي .
خرجو البنات هوما لولين سابقين التحت ..تم مراد حار معاه حياة من يدها كيتمشاو بين الممر الطويل ديال الڤيلا مضلم... غير الشموع البيض على الجوانب شاعلين... ومراد شاد يدها البيضاء الرقيقة وسط يدو السمراء الكبيرة... وهي غادا بجنبو بخطوات صغار بزاف بسبب لاغوب المنفوشة والحذاء الكريستالي اللي كيلمع تحتها كل ما كتخطي خطوة كيدير صوت خفيف .
وصلو للباب الكبير اللي كيطل على الجردة...الديجي كان موجد كلشي...طلق أول نوتة ديال Love Story...
We were both young when I first saw you...
الجردة كاملة اللي كانت عامرة بالضجيج سكتات فدقة وحدة...
الضواو كاملين طفاو... و بقى فقط ضوء واحد أبيض قوي مضروب على الباب الفوقاني فين واقفين...
مراد سبقها بخطوة... خلاها بوحدها فالضوء...
حياة واقفة بوحدها فوق العتبة... شعرها الأسود المموج طايح على كتافها البيض كيلمع... عيونها الزورق كبار كيشعلو تحت التاج الفضي المرصع بالألماس... لاغوبها المنفوشة كاملة كتشعل بالدياموند و الحذاء الكريستالي كيلمع تحتها... وباقة الورد البيضاء فيديها...
Romeo take me somewhere we can be alone...
بدات نازلة من الدروج الرخام البيض بشوية... ببطئ شديد و كل درجة كتحط فيها رجلها الحذاء الكريستالي كيلمع عاكس الضوء... ولاغوبها كتتحرك كأنها سحابة بيضاء كتشعل...
التحت فالجردة الناس كاملين واقفين مصدومين و مليكة و الحاجة ياقوت وحليمة وحتا لالة سعاد الأم تاع مراد حاطين يديهم على فمهم بعيون مدمعة وهوما كيشوفو فيها .. عثمان وسي رضوان وجلال وسعيد وكريم ومعاهم حتا خليل صديق مراد مبتاسمين وفرحانين بالاخ ديالهم والاخت الصغرى الأميرة قدامهم فرحانين .
وعلى جنب واقفين البنات عذراء وعاليا وجمرة وسلمى وياسمين... لابسين لاغوب خفيفة باستيل بحال الاميرات شعرهم مصايب كيلمع مع تيجان خفاف فوق راسهم ..... كيشوفو فيها بعيون مدمعين وكيبتاسمو ويديهم على قلبهم مبهورين...
You’ll be the prince and I’ll be the princess...
حياة غادا فالوسط... الورد الأبيض كيطيح عليها من فوق كأنه ثلج والطرحة البيضاء ديال ربعة متر كتجر وراها مرصعة بالكريستال كتشعل... والتاج فوق شعرها الأسود كيلمع مع كل خطوة...
مراد واقف فآخر المشاية تحت القوس الكبير ديال الورد الأبيض والموف والفراشات المضيئة فوق منو .. كوستيمو الأسود الفخم مفصل عليه وشعرو مصفف بعناية كيشوف فيها وعينيه فيهم لمعة ديال دموع مبتاسم وتفاحة آدم كتطلع وتهبط قايل بهمس : أخيرا ديتك ..حلالي .
It’s a love story baby just say yes...
وصلت لعندو وقفات قدامو كتشوف فعينيه الرمادية لي كانو مدمعين شوي ..بتاسمات ليه ومدات يديها مسحات دمعة كانت فطرف جفون عيونو وقربات منو باستو فجبهتو قدام كلشي لي بتاسمو من هاد الكوبل لي كيحمق .
مد يديه بجوج و شد وجهها بشوية وطبع قبلة خفيفة على جبهتها قدام الناس كاملين...
الجردة كاملة انفجرت بالصراخ وتصفير والتصفيق والفلامات البيضاء طالعين للسما...
شد يدها ودار بيها دورة صغيرة... لاغوبها المنفوشة طارت معاها وبانت كأميرة والحذاء الكريستالي كيشعل تحت الضوء الأبيض...
شافت فيه بعيون لامعة قايلة بهمس : نرقصو عفاك؟
يلاه بغا يعارض وهي تقول مبتاسمة : حلمي كان هو نرقص بحال الاميرات لي كنت كنتفرج فيهم فصغري ا مراد ..حمقة أنا ياك .
ضحكات ببلاهة مخلياه يسهى فضحكتها .. دار عاطيها بضهر ومشا بخطوات عند فرقة الموسيقى...هدر معاهم ورجع لعندها وبلا ما تحس لقات راسها مجرورة من طرفو وسط ناس مفاهمة والو . ..الموسيقى ديال Love Story بدات كتخفات بشوية وطلعت موسيقى ثانية .. موسيقى رقصة الأميرات بيانو هادئ وكمان كيقطع القلب... بحال موسيقى فيلم سندريلا...
الضواو فالجردة كاملين طفاو... بقى غير ضوء شاعل داير بيهم هوما بجوج فوسط زفاف والورد الأبيض مزال كيطيح عليهم من فوق بشوية كأنه ثلج...
شافت فيه مبتاسمة : مراد .
دور يديه عليها شدها من خصرها الرقيق بيد وحدة واليد الأخرى شادة يدها البيضاء اللي فيها باقة الورد .. شافت فالبنات ولاحت الباقة الورد ليهم مخليا الحضور يبتاسمو من حركتها .
حياة بطولها الصغير قدامو و لاغوبها المنفوشة كاملة دايرة بيها كسحابة بيضاء و شعرها الأسود الطويل المموج طايح على كتافها و تاج الألماس فوق راسها كيلمع مع ضوء فوق منهم والحذاء الكريستالي كيلمع تحت لاغوبها وعيونها الزورق طالعين فيه ..تعلات بأصابعهها لعندو شاد فيه ...بدا كيجرها بشوية مع الموسيقى..خطوة لليمين و خطوة لليسار ببطئ ..وهي كتبعو بــ رجلها الصغيرة بالحذاء الكريستالي كتخطي خطوات صغار خفيفة فوق المشاية اللي كتشعل ولاغوبها كتطير مع كل دورة...دار بيها دورة كاملة و الطرحة البيضاء طارت معاها دايرة فالهواء بحال شي فراشة ..والتاج بقى ثابت فوق شعرها الأسود وضحكتها الخفيفة طالعة ..ومن بعد جرها لعندو بغفلة منو لصقها فيه يدها على كتفو ويدو على خصرها كيرقصو وجه لوجه وعينيه فعينيها الزورق تابثين كيشوفو فبعضياتهم بلا هضرة.
هزها شوية من خصرها ودار بيها دورة فالهواء لاغوبها المنفوشة انتفخت كأنها وردة بيضاء كبيرة كتشعل وحذائها الكريستالي بان كامل كيلمع وهي طايرة شعرها الأسود طاير معاها مادة يديها فالهواء بحال شي فراشة سادة عينيها ضاحكة .
نزلها بشوية وخلاها توقف على رؤوس أصابع حدائها كأنها راقصة باليه وهي واقفة على رجل وحدة.
تم داير كيدور عليها و كيشوف فيها من كل جهة كأنها تحفة وأصابع يدو كتمس خصرها بجنتلمانية واليد الأخرى ديالو حاطها ورا ضهرو بحال شي أمير.
وفالآخر مع آخر نوتة ديال الكمان هزها دار بيها دورة فخمة ومال بيها للور هاز رجلها وشعرها طايح التحت مايل لعندها كيشوف فعيونها المسدودة كانت حركة الأميرات المشهورة هي مايلة للور وشعرها الأسود طايح و عيونها الزورق مسدودين وهو شادها من ظهرها بيد قوية... والتاج ديالها كيلمع واللاغوب طايحة كسحابة...
كلشي ساكت كيتفرج فالمشهد الخيالي كأنه فيلم ديزني بصح .
البنات واقفين على الجنب بعيون مدمعين مبتاسمين بحب والضواو البيض كيشعلو ويطفاو مع الموسيقى.
رفعها بشوية باقي ميلة وطبع قبلة خفيفة على جبهتها وهي مزال مايلة فيديه طالقة يديها ...حلات عيونها زورق فيه كتشوف فيه بكل عشق ...دورات يديها على عنقو مبورشاه بلمساتها..وتقربات منو طابعة قبلة على خدو فنضر ناس لكن بيناتهم كانت باستو فشفايفو بلا ميلاحضو مخليا قلب مراد كيضرب بعنف داخل صدرو .
حياة بهمس حدا وذنيه : حين رفعتني بين يديك أمامهم ..توجتني ملكة على قلبك وأمام العالم كله ...كنبغيك .
لصقات فيها مخشية فحضنو مدورة يديها على ضهرو منخششة فيه والموسيقى...شاعلة ..دور يديه على خصرها يديه كيترعدو عليه مقادرش يتيق شنو سمعات وذنو ...هزها الفوق وبدا كيدور بيها وضحكاتها مسموعة وسط الحضور لي بداو كيصفقو ويصرخو ويصفرو .
نزلها وهمس فوذنها بفحيح : I love you my angel [ كنبغيك ا ملاكي ].
مد يدو لجيبو و جبد علبة فالاسود مخملية ...حلها وبان الخاتم اللي لداخل .. ماكانش خاتم .. كان صدمة أخرى بنسبة الحياة ..
خاتم ذهب أبيض تقيل فخم فالوسط ديالو ألماسة كبيرة مدورة و كتشعل و دايرة بيها 20 ألماسة صغيرة و الخاتم كامل من الجناب مفروش بالألماس كيلمع كيشعل و كيعمي العين لي شافتو .
حياة دارت يدها على فمها شاهقة وعيونها الزورق لمعو بــ دموعها نزلو بلا ما تحس ..
مراد شد يدها البيضاء الرقيقة و بكل هدوء لبسو ليها د اخل فصبعها جا قدها كأنه مخلوق ليها هي فقط ونيت كان مصنوع خصيصا الحياة الوزاني تهامي شخصيا .
الجردة كاملة تفرݣعات بالتصفيق والزغاريت وبالغوات تاع البنات فرحانين منوضين الحيحة .
هو ناض .. هز يدها باسها بجنتلمانية و من بعد جرها للݣاطو لي كان متكون من 3 طبقات عالي أبيض كالثلج مزوق بخطوط ذهب حقيقي و الورد الأبيض الطبيعي هابط عليه من الفوق للتحت وفوقو مجسم أمير و أميرة كيرقصو و احرف سميتهم مكتوبة بالذهب M & H .
هزو المو//س مراد لصق فيها من وراها دور يديه على يديها .. و قطعو بجوج أول قطعة ..هزاتها حياة قربات ليه وكلاتو كلاها كاملة مع مصيصة فصباعها مخليها ضحك بقهقهة من حركتو .. هو كذلك وكلها ليها و الناس كتصفق ..
حياة مشات وكلات ياقوت و مليكة و حليمة و عثمان اللي كان واقف مبتاسم بهدوء و عينيه حمرين فيهم واحد لمعة وهو كيشوف فيها ..قربات منو وتلاحت فحضنو ...دور يديه على خصرها كيدوز على شعرها بحنية قايل بهمس : الله يكمل عليكم بالخير ابنتي .. أنا معاك .
حياة بهمس مزيرة عليه: شكرا بزااف ا بابا ..كنبغيك بزاف .
بعدات عليه كتشوف فيه بابتسامة..مد يدو ودوزها على وجها بحنية قايل: كبرتي وتزوجتي خاصنا نشوفو غير ولادك .
حنات راسها بخجل كضحك قايل بنبرة مضحكة : اممم كتحشمي زعما .
ضرباتو حياة فكتفو كضحك : وعمييييي ههه .
مراد لي كذلك عطا لواليديه من الكيك كيضحك معاهم وكلشي مجموع كيضحكو ويتعناقو ..
و السرباية بداو كيقطعو فالكيك و كيعطيو للناس و الناس كيجيو عند حياة ومراد يباركو ليهم ..
من بعد طفات الموسيقى الصاخبة .. و بدات موسيقى هادئة ..
من مور ما قطعو الݣاطو و الناس باركات ليهم .. الضوء فالجردة تبدل .. ولا ضوء دافي خافت و الموسيقى ولات هادئة كلاس .
الضوء فالجردة ولا خافت دافي والشموع شاعلة فالطبلة الكبيرة الطويلة المفرش ديالها ابيض حريري كيطيح للارض وفالوسط ورد ابيض عالي وكيسان كريستال كيشعلو .
تمو سرباية داخلين صف واحد لابسين كحل وبيض والابتسامة فوجهم .
اول حاجة حطو المشروبات فالوسط بار صغير عامر قراعي كوكا وسبرايت وفانتا زجاج صغار وحداهم أباريق كريستال كبار فيهم عصير ليمون فريش معصور وعصير مانغو بارد وعصير فريز حمر وعصير افوكا بالحليب تقيل وحطو حتى موخيتو بلا كحول بالنعناع والحامض والثلج كيبرد وكيسان ما معدني وكيصبو لكل واحد فكاسو .
من موراها حطو المقبلات العصرية سلمون مدخن مع الافوكادو والكافيار الاسود وبروشيتا ايطالية بجبن البوراتا والطماطم الصغيرة ووراق الحبق وسلطة سيزر بالكروفيت الكبير وصوص البارميزان ..من موراها شوربة الفطر البري بالكمئ مدخنة فزلافة بيضة صغيرة وريحتها فخمة كتعم المكان .
تمو جايبين بسطيلة جوج سرباية هازينها كبيرة مدورة ذهبية مقرمشة مرشوشة بالسكر الصقيل والقرفة مرسومة على شكل قلبين واللوز مهرمش من الفوق كيلمع ..كانت كل طبلة حطو فيها جوج بسيطلات .
جمرة كتبنن فيها : واو هادي احسن بسطيلة دقت فحياتي .
شاف فيها عثمان مبتاسم ...مد يدو ومسح ليها جتب فمو : كولي مقاد .
تعنكشات بزعل : وبعد مني .
ضحك بقهقهة من كلامها وتقليقتها طفولية ..هز يدو وخربق ليها شعرها بطريقة كيوت معنكشة .
من مور البسطيلة حطو الاطباق الرئيسية المشهورة .
واغيو ستيك مع صوص الفلفل وبطاطا مهروسة وريزوتو بالزعفران الحر والفطر البري وسلمون مشوي بصوص الزبدة والحامض مع الهليون المشوي ولينغويني باستا بالكروفيت العملاق وصوص البيسك ..الطبلة تبارك الله عامرة وكلشي مزوق بحال المطاعم ديال خمس نجوم ..حياة فالوسط بتاجها مايل وخاتمها الالماس كيشعل فالضوء ولاغوبها البيضاء طايحة على الارض ومراد حداها لاصق فيها كيقطع ليها البسطيلة وكيوكلها وكيصب ليها العصير بكل حب مبتاسمين لبعض .
وحداهم عثمان و جمرة لابسة لاغوب فالابيض والوردي طالقة شعرها جامعاه من القدام وطالقة جوج زغيبات خفاف على وجها مع ميكاب خفيف كيوت وتاج خفيف كيبري فوق شعرها مناݣرة هي وياه وهو مطلعها عليها .
جمرة كضرب فكتافو : وبعد مني ..واااا بعد مني .
شاف فيها عثمان قايل ببحة : دابا أنا شدرت .
قرب كيضحك شاد ليها فيديها تحت من طبلة وهي كتسوخر من عليه .
جمرة خنزرات فيه جايبة ليه ضحكة : وقلت ليك بعد مني .
عثمان بابتسامة هادئة : مبغيتش [ شاف فسلطة كتاكل فيها بنهم ..ضحك من طريقة ماكلتها ...مد يدو ونغزها ] عطيني شوي .
جمرة شافت فيه كتاكل : هاا ؟
شير ليها السلطة غامزها : دوقيني .
هزات فيه حواجبها : مبغيتش .
طول فيها شوفة وقال بهدوء قلب وجهو مكيشوفش فيها: أوكي
بقات كتشوف فيه قربات لعندو بكرسيها لاصقة فيه مقربة طبسيل : أجي تاكل معايا .
شاف فيها كيضحك مبين غمازاتو حاضنها لعندو وكيوكلو فبعضياتهم مع كلامهم لطيف : هادي زوينة ا عثمان / لا شوفي هاذي ..هاكي دوقي \ اممم واو بنينة والله / شنو سميت هاد السلطة اعثمان؟ \ سميتها [ جاوب على اسم سلطة ]
كذلك ياسمين مع عصام كتوكلو وسعيد مع سلمى وجلال مع عذراء شاد ليها يدها تحت الطبلة وكريم مع عاليا والحاجة ياقوت ومليكة وحليمة ولالة سعاد وسي رضوان واسامة وحفصة ومريم وروميساء كلهم مجموعين كياكلو وكيشربو وكيضحكو مفرفشين وناشطين
حياة شافت فيهم وقلبها غادي يخرج بالفرحة ..مالت عند مراد قالت بخفوت : شوف .. هادي هي العائلة اللي ديما حلمت بيها .
ضحك وجر كرسيها لعندو كتر وهمس ليها .
مراد ببحة : وهادي غير البداية ا ملاكي .
كانو مجموعين كاملين غير شباب إيلا عصام وياسمين لي كانو واقفين فبلاصة أخرى كيضحكو ماشي معاهم وهو ينقز كريم قال : كون غير كان معانا 001.
نطقات عذراء : عندك صح كانت عاد غتكمل جماعة .
خليل ضحك كيشرب فكاسو : معرفنا آش كيدير دابا .
عاليا ضحكات : كان غامض ولكن كتحسو بشخصيتو كأنها كنعرفوها شخصيا وغير حدانا .
نطق مراد مبتاسم : خلو عليكم سيد تلقاوه جالس مهني منا .
عثمان لي كان حادر راسو كيدور فالكاس لي فيدو وكيسمع فكلامهم كامل وابتسامة جانبية خطيرة على محيا وجهو...حط الكاس وجبد تيليفون من جيبو ..دخل المجموعة الخاصة بالفرقة ...فتح ملف خاص مجهول ورسلو فالمجموعة لي فيها الفرقة ورجع تيليفونو الجيب كيشرب فكاسو مسرح ومبتاسم ابتسامة كذوب الحجر .
نقز جلال كيضحك : تلقاوه عايش الحياة وحنا مقلقين من جيهتو.
هز عثمان راسو لواحد جهة وبضبط فـ عصام وياسمين لي كانو واقفين كيضحكو وهو كيقرب ليها ويقبل فخدودها ويديها فرحانين ...ضحك عثمان وقال بهدوء بصوت باح وهو كيشوف فعصام لي كان كيضحك مع ياسمين : راه عايش الحياة .
شافو فيه كاملين مستغربين شنو قال ...شافوه كيشوف فشي بلاصة مبتاسم ..تبعو المكان لي كيشوف ..حتا كيلمحو عصام لي كان واقف وكيضحك ..شافو فبعضياتهم مفاهمين والو ..تسمع صوت اشعار فتيليفون عندهم كاملين ...هزو تيليفوناتهم وفتحوهم ..دخلو المجموعة الخاصة بيهم .
مراد ببحة: بعثي شي ملف ا عثمان ؟
شاف فيه عثمان بلا ميجاوبو ودخلو كاملين الملف كيقراو فديك الجملة لي لا طالما كان كيحلمو يشوفوها .
[ تـم الكشـف عن هويـة المجهـول 001 ] مع صورة الشخص المعلوم .
ISSAME .
هزو ريوسهم كلهم عينيهم خارجين حالين فمهم...ونيشان شافو جيهت عصام لي كان هو بدورو هاز تيليفون وكيشوف فالملف لي تكشف وصدق هو 001 ...شاف فيهم لقاهم كيشوفو فيه مصدومين ...حول نضرو لعثمان لي كان كيشوف فيه بنضرة قتالة...ضحك عصام بقهقهة وهو كيشوف فيه ولي عثمان بدورو كان مبتاسم ليه ..حول عصام انضارو الجلال وكريم ومراد وخليل وعذراء وعاليا لي غير كيشوفو فيه بدون حراك حتا فجأة ناضو كيجريو لعندو تلاحو عليهم كيغوتو داخلين فحضن زوين .
كانو متعانقين فرحانين ما مصدقينش بلي عصام هو لي كان معاهم هاد الفترة كاملة ...بعد منهم جلال وبقوة الفرحة قال بالغوات .
جلال كيضحك قال بصوت عالي : يلاااااه تبعوني.
مشا لعند ديدجي وغير الأغنية gasolina.
جردة كاملة تبلات وكاع الحضور تجمعو كيشوفو شنو واقع .
تجمعو كلهم فالوسط وبداو كينقزو بحال الحماق وكيغوتو بصوت عالي .
الاغنية خدامة بصوت عالي والجردة كلها كترجف
في الوسط حياة بلاغوبها البيضاء المنفوشة كتنقز بكل قوتها شعرها طاير وتاجها مايل بغا يطيح ويدها شادة فيد مراد اللي لابس كوستيم كحل ومحلول القميجة ديالو كينقز حداها بلا عقل وكيضحكو بقوة .
كينقزو بجوج وكيغوتو وكيدورو حتى حياة تزلقات بالزربة وطاحت فالارض ولاغوب ديالها تفرشات عليها ومراد من قوة الضحك طاح تا هو حداها بقاو بجوج فالارض كيتقلبو وكيضحكو وضوء الجردة ضارب فيهم .
شوية جلال وهو كينقز بجهد تزحلق جا طايح فوق كريم وكريم جر معاه خليل وتلاتة بيهم طايحين فوق بعضياتهم كيتخبطو وكيضحكو .
عصام هاز ياسمين كيدور بيها فالهوا بسرعة وهي طايرة وفستانها كيطير حتى داخت دفعاتو الأرض كتنقز بكل قوتها كضحك .
عثمان وجمرة فالوسط جمرة فستانها الابيض والوردي كيطير مع النقيز وعثمان شادها من يدها كيجري بيها فالدائرة كيغوتو بجوج والضحكة خارجة من قلبو وغمازاتو باينين وهي كتضحك وكتغوت .
عذراء وعاليا كينقزو وكيصفقو وكيطيحو وينوضو والحضور دايرين دائرة كبيرة كيصفقو وكيصفرو وصوت الضحك طالع ..فجأة كيبانو الناس الكبار داخلين للوسط الحاجة ياقوت بقفطانها و داخلة كتنقز بطريقة مضحكة بزاف وهازة يديها لفوق وكتهز فكتافها ومليكة وحليمة ولالة سعاد تابعينها كينقزو تا هما وسي رضوان كيدير حركات مضحكة كيهز فرجليه ويديه والكل ميت بالضحك .
المنظر ولا بحال شي لقطة من مسلسل كوميدي عامر حب كلشي طايح فالارض كلشي كيضحك كلشي كينقز لا كوستيم لا لاغوب لا بريستيج بقا كلشي منسي .
غير الفرحة اللي كتبان فالوجوه والقلوب عامرة حب والعائلة مجموعين ففرحة وحدة كبيرة والضوء الخافت ديال الجردة ضارب عليهم كيعطي منظر كيبعث الفرحة فالقلب وعثمان لي كنعرفو راه كينقز وسطهم وكيغني مع الأغنية والڤيستة فيدو كيدور فيها فالهواء وكلشي كينقز ويضحك بكل حب .
كان جالس بعيد مفرّق رجليه بكل نخوة ..يد على فخضو واليد الأخرى كيرشف من كاس الشامبانيا لي كانت حلال بدون كحول بكل تقالة .. رزين وتقيل وصارم كيف ديما.
كيرمقهم بنظرات هادئة كتقــ//ـتل ...سرح بخيالو شوية... شاف راسو وسط منهم كيشطح معاهم بكل راحة وكيضحك .. ضحك على راسو من هاد التخيل لي جاه وحرك راسو بلا حول.
فاق من سهوتو وعينيه تفيكساو نيشان عليها .
كانت وسط منهم بالكسوة ديالها كتـ//ـلوى بخــ//ـصرها بكل رقة بحال شي فراشة والضوء ضارب عليها وضحكاتها مسموعة بحال شي رنة .
دور راسو فالجردة كاملة .. قلب بعينيه واش كاين شي واحد هاز عينيه فيها ولا فالبنات... لقى كلشي حادر راسو ..تا واحد ما قادر يهز عينيه .. حيت عارفين مزيان بنات عائلة الوزاني والتهامي خط أحمر..ولي خدا نضرة وحدة ما يلوم غير لراسو.
رجع أنظارو ليها ..دايخ فيها بعيون ذايــ//ـبة سكــ//ـرانة بحبها ..و تفاحة آدم فحلقو كتطلع وتنزل بعــ//ـنف وهو سارح فيها بكل جوارحو.
هز كاسو شربو دقة وحدة .. حطو بقوة فوق الطبلة وناض بخطوات بطيئة تقيلة بجسدو الضخم وعينيه غير عليها ما كيشوف غير هي .
تمشى لعندها وسط النقيز ديالهم بخطوات البطيئة ودوخة لي شداه من جمالها الفتان ..وقف عليها وهي كتشطح .. شدها من يدها وتم جارها معاه بلا كلمة لا جوج .
جمرة بابتسامة ودهشة: عثمان فين غادي بيا؟
شافت فسلطان وتسنيم لي كيشير ليها من بعيد : عثمان سلطان بغانا..
ما جاوبهاش فقط رمقها بنضرة خلات القشــ//ـعريرة تسرا فجســ//ـدها من عيونو القتــ//ـالة ..وجرها معاه بشوية لورا واحد الحيط عالي مدرك على الناس كاملين .. بلاصة فيها غير هما بجوج وصوت الموسيقى جاي من بعيد.
وقفها ..حط يدو على الحيط حدا راسها وقرب ليها لصــ//ـق عليها بجــ//ـسدو الضخم وطالع فيها بعينيه لي كيبرقو معســ//ـلين فيها كيشوف فعيونها رمادية.
عثمان بصوت خافت مبحوح: جمرة
جمرة نفسها تقطع من حركاتو لي عجبوها وكفاش كيبان مثــ//ـير وهو قريب ليها تنهدات وهمسات بسميتو : عثماان ..نن ناس..
عثمان حط صبعو على شفتــ//ـيها مسكتها مورك على حروفو : شششت [ تنهد بعمق ] خليهم .
لصق شفــ//ـايفو على شفــ/ـايفها فقبــ/ـلة رومانـ//ـسية طويلة قاتــ/ـلة .. قــ/ـبلة ديال راجل توحش مراتو ..كلها شــ//ـغف وحب واشتياق .. يديه على خصــ//ـرها كيقربها ليه كتر وكتر .. وهي تايهة بين يديه .. يدها فشعرو ويدها الأخرى شادة فالفيستة ديالو مكمشة عليه .
قبــ//ـلة كتنسيهم فين كاينين .. كتنسيهم العرس والصداع .. كاينين غير هما بجوج فداك الركن.
بقاو متعانقين .. جبينو على جبينها .. كينــ//ـهجو بجوج مستمتعين بحــ//ـلاوة البعض مساخيينش وقــ//ـبلات متفرقة تاني فشــ//ـفايف ونيف ورقـ//ـبتها البيضاء ومصــ//ـات وهو كذلك ..مصـ//ـات وبـ//ـوسات فعنقوو المتشنج.. وقبــ//ـلة سـ//ـاخنة منها على تفاحة آدم فحلقو خلاتو كيترعد بين يديها.
عثمان كيشوف فجمرة بعيون معـ/ـسلة : نمشييو؟
بقاو بجوج هكاك متقاربين وقبــ//ـلاتهم السـ//ـاخنة خدامة والموسيقى تبدلات ولات هادئة و رومانسية.
جمرة حطات يديها بجوج على وجهو .. قربات جبهتها لجبهتو و نيفها مع نيفو ..نفسها الحـ//ـار كيضرب فوجهو .. قالت بهمس رقيق :
جمرة بهمس: علاش مشطحتيش معانا؟
شاف فيها عن قرب عينيها ذايــ//ـبين فيه كيرمقها بهدوء ديال الراجل الرزين : أنا؟ الله يهديك آ بنتي... [ باسـ//ـها فخدها متنهد ] متاعيش داكشي الݣمرة .
جمرة لي ضحكات كتنبش ليه فعـ//ـنقوو بلمساتها صغار : داكشي ؟ [ ضحكات بخفوت مــ//ـاصة شـ//ـفتيها ] كتعجبني بهاكا أصلن.
قربها ليه كتر جبينو على جبينها وقال ليها بصوت خافت فحيح : كنعجبك ؟
مصـ//ــمصات شفايفها عـ/ـاضة عليهم قايلة بهمس : أه كتعجبني [ تنهدات وهي كتشوف فيه ذايـ//ـبة هازة يديها كدوزها على شعرو ] شعرك الكحل و خصلات البيضاء ..[ طيحات خصلات على جبهتو متنهدة ] ملي كيكونو طايحين على جبهتك كتحمقني .
حطات يديها على عيونو سود الصقرية لي كيشوفو فيها بنضرة قـ//ـتالة خلات قلبها يتنفض داخلها : عينيك [ سكتات شوي قالت ] حكاية أخرى.
دور يديه من ورا خصرها وقربها ليه كيسمع ليها...
جمرة بهمس كتشوف فعيونو : قـ//ـتالين..
هبطات بصباع يديها على نيفو المنݣاد لشـ//ـفايفو لي كيبريو بريقها لي لاصق عليهم ...هبطات بصبعها على تفاحة آدم كتلمس فيها : وهادي [ طلعات فيه عينيها مبتاسمة ] نقطة ضعفك.
ضحكات ليه مبينة سنانها خلات عينيه غير كيدورو فبلاصتهم ..
جمرة بهمس : وملي كتكون خارج من الحمام مدور عليك الفوطة وصـ//ـدرك عـ//ـريان وكرشك المسرحة [ ضحكات بقهقهة طفولية ] كنقول فخاطري وفرااااكة عندو ههه غير ديال غسيل الحوايج .
حطات يديها على كرشو القاصحة المسرحة كتلمس فيها : شوف شحال زوينة [ عـ*ـضـ//ـات شنايفها] ويلي خفت تولي عندي الكرش قبل منك .
نسات راسها هايمة فيه قايلة بصوت رقيق وحنين ورطب كتلمس فعنقوو عيونها مع عيونو نيشان : رزين وتقيل مكتهضرش بزاف وكلمتك محسوبة إلى قلتي شي حاجة كتكون هي اللي كاينة وصارم وبارد مكضحكش لمن والا ..الضحكة ديالك غالية وعزيزة وحنين معايا بوحدي ..قدام ناس جبل ما يهزو ريح ومعايا كتولي واحد آخر..حنين وكتخاف عليا من نسمة ريح ..قوي ماشي بجسدك إنما قوي بعقلك ..عقلك سابقك ..كتشوف بعيد وما مكتسرعش ..كتخمم ومن بعد كتحكم وديما حكمك صحيح ..مول النخوة و إلى قلتي هادي ديالي ما كاينش لي يقرب ليها ..وحرم عائلتك خط أحمر ..ونفسك حارة ومغيااار وكتبان فعينيك ملي كيحمارو وهاديك الغيرة أنا كتعجبني كتحسسني بلي مرغوبة وبلي أنا ديالك بوحدك ..
هيبة ووقار كتسول فيا واش كليت واش شربت واش بردت .. وأنا هذا هو راجل لي كيعجبني ماشي اللي دافع جبهة الضعفاء ..اللي كيعجبني ملي كيدخل المجمع كلشي كيحس بيه بلا ما يهضر ويضرب ليه ألف حساب وحساب ويحتارمو الكبير والصغير وملي كيهز عينيه فمراتو كتبان فيه نضرة وحدة وهي نضرة الحب وملكية وهيبة كتقتل وهـ ـوس ما ليه دوا ...نتا ماشي راجل عادي ..نتا راجل لي يُعتمد عليه وضهر وسند ا عثمان .
بقات ساكتة وكتشوف فيه .. أنفاسها سـ//ـخان والكلام اللي قالت عليه خلاه يبقى غير كيشوف فيها.
ما جاوبهاش غير شاف فيها بنظرة طويلة .. نظرة ديال راجل صبرو تقادا.
هز يديه بجوج شد ليها وجهها بقوة خفيفة وطلعها عندو .. جبينو لاصـ//ـق على جبينها و نيفو كي//ـحك فنيفها ... النفس ديالو حـ//ـار وتقيل كيضرب فوجهها.
عينيه معــ//ـسلين وذاي//ـبين فيها .. تفاحة آدم كتطلع وتنزل بعـ//ـنف.
شدها من خـ//ـصرها بيد وحدة وجرها لعندو حتى لصـ//ـقات فيه .. صدرها لاصـ//ـق فصدرو .. ما بقا والو بيناتهم.
اليد الأخرى هزها حطها على شعرو.. كيخليها تلعب فيه كيف ما بغات.
جمرة بقات غير كتنهج .. يديها شادين فالفيستة ديالو.
هو قرب... عطاها بـ//ـوسة خفيفة فجبهتها طويلة و رزينة ..من بعد هبط باسها فعينها و فخدها و فحنكها.
وقف عند شـ//ـفايفها بقى كيشوف فيهم ومد يدو كيمسح ليها الروج اللي تخسر ليها من قبـ//ـلاتو السابقة بصباعو بكل حنية ومن بعد رجع حاط ش//ـفايفو على شفايفها المتورمة جارهم ليها بمـ//ـصة طويلة ماليها توقف .
قبـ//ـلة أخرى طويلة وهادئة ماشي ديال الزربة .. ديال راجل مولف وك//ـيتمتع بمراتو .. يدو شادة فشعرها من اللور ويدو الأخرى شادة خصرها ما مخليهاش فين تبعد.
هي ذابـ//ـت..منين بعد عليها شوية حط راسو على كتفها وعنقو لاصـ//ـق فع//ـنقها .. كيتنفس بصوت مسموع كـ فحيح آفعى كيشم فريحتها.
جمرة همسات: عثمان
ما جاوبهاش فقط زير عليها كتر .. هزها من الأرض شوية بين يديه رجليها ما بقاوش لاصقين فالأرض شدها كيف كيشد شي حاجة غالية وخايف تطيح وش//ـفايفو نغامسو فجوفة عنقها كيـ//ـقبل فيها بنهم وك//ـيمص فرقبتها مع ت//ـأوهات رجولية ويديها متغلغلين فشعرو لي متخللينو خصلات بيضاء مستمتعة بمــ//ـصاتو على عنقها .
حطها تاني يديه هبطو على كتافها العريـ//ـانين من الكسوة لي هبطات ليها كيدوز عليهم بصباعو بشوية كيغطيهم بيديه من البرد ومن نظرات الناس.
عاود شاف فالمجمع من فوق كتفها نظرة وحدة باردة...ورجع شاف فيها مطلعها ومنزلها وفخاطرو قال كلمة وحدة هي " ديالـــي "
هز يديها بجوج باسـ/ـهم وحدة بوحدة وحطهم على صدرو فوق قلبو اللي كيضرب بجهد.
بقى ساكت غير عينيه كيهضرو ... قرب ليها لودنها وعـ/ـضها ليها عـ//ـضيضة خفيفة وباسها موراها بـ//ـوسة مطولة ..دار عاطيها بضهرو العريض كيتمشا ببطئ مخليها فبلاصتها كتشوف فيه غادي بكل جنتلمانية ويديه مقبوطة ورا ضهرو بكل نخوة كيتمشا ..
لمحات يدو لي ورا ضهرو مادها ليها كيعيط عليها بصباعو زعما أجي...هي عضات شنايفها من حركتو وابتسامة حلوة تسسلات على وجها مشات كتجري لعندو وقبطات بأصابع يدها مع أصابع يدو كضحك بخجل شادة فيها هو القدام وهي من وراه مبتاسمة بحال شي جبل قدامها وكاع ناس لي تم ولي كانو من ناس قبيلة جمرة عائلة تهامي كيشوف فهاد راجل لي عندها ولي رجع ليها كرامتها ومخلاش راسها محني الأرض..لي كانت محطمة وكلشي وطا عليها بسباط رجليه هاهي ورا جبل ما يهزو ريح ...كاين لي حسدها وكاين لي تمنا يكون بلاصتها وكاين لي دعا معاها بالخير .
هي وراه شادة غير فصبعو كتشوف فكتافو العراض وضهرو اللي ساترها على الدنيا كاملة وعينيها لمعو بالدموع ديال الفرحة قايلة فخاطرها:
هادا هو الراجل اللي عطاه ليا الله...ماشي غير راجل هادا ستر هادا ضهر هادا جبل واقف مورايا ..كنت طايحة وكلشي داس عليا .. كنت بوحدي وراسي فالأرض .. تا جا هو هزني و مسح عليا الغبرة و رد ليا كرامتي قدام اللي عمرو ما شاف فيا بنضرة زوينة .
[ شافت فيديه لي قابطة فيها بابتسامة على وجها وفخاطرها كتقول ] هادا هو اللي ملي كنشد فصبعو كنحس بلي شادة فالدنيا كاملة وما خايفاش .. هادا هو اللي قدام الناس كيبغي يورّ
يهم بلي انا ديالو ..حرم سيد العمدة .. و ما كاينش اللي يقرب خطوة مني يا ربي شحال كنت كنطلبك راجل يكون سند وعطيتيني راجل كتر من السند .. عطيتيني أمان ..هاد المشية ديالو .. هاد اليد اللي مادها ليا من وراه بلا ما يشوف فيا .. حيث عارفني غادي نجي .. عارفني تابعة خطواتو بلا ما نفكر...انا وراه وهو قدامي .. وهكا بغيت نكمل حياتي ... هو قدامي وانا وراه شادة فيه .
وزيرات على يدو وهو غير حس بزيرتها جرها لجنبو مزير على يدها كذلك كأنه كيقول ليها " أنا هنا " كيتمشاو بخطوات بطيئة وملكية داخلين بجوج للمجمع وكلشي كيشوف فيهم... هي داخلة وراسها مرفوع للسما حيث ضهرها هو عثمان.
العرس داز زوين كلشي فرحان وكيضحك و الموسيقى خدامة والضواو ديال الجردة شاعلين والناس مجموعين كيهضرو ويشطحو.
فواحد القنت بعيد على الصداع كان واقف عثمان قدام لابيسين واقف بوقفتو المعتادة يديه فجيابو بكل نخوة وثقالة كيشوف قدامو بنظراتو الهادئة الباردة رزين كيف ديما.
تا سمع واحد الصوت صغير من وراه كيعيط .
سلطان بصوت صغير : أپااا.. أپااا
تلفت عثمان وراه بشوية هاز حواجبو كيلمح سلطان كيتمشى بخطوات طفولية .. مرة كيحبو و مرة ينوض لابس كوستيم صغير بحال باه وجاي كيجري عندو بخطواتو الصغيرة .
وجمرة وراه شادة فيه لا يطيح منحنية عليه بكسوتها وكضحك بطفولية: بشوية بشوية آ سلطان لاا عندااك ..ياا ربي صبرني .
سلطان ما سمعش غير كيشوف فباه وكيغوت : أپاااا
وصل حدا رجلين عثمان شاد ليه فالسروال ديالو بيديه الصغار كيطلع فيه راسو بعيونو رمادية مزيج بين الكحل .
عثمان شاف فيه ديك النظرة الباردة ذابت فالبلاصة .. هبط بركبتو وحدة للأرض باش يولي قدو وهزو بين يديه الكبار
عثمان بصوت رزين وحنين : آجي لعند أپا.. آجي .
هزو ووقف بيه ..وسلطان شاد ليه فلحيتو كيضحك ويبجغط وقفات جمرة حداهم كتضحك و كتلعب مع سلطان فوجهو كتنبش فيه
جمرة بطفولية : سلطاااان .. شكون جا عندو؟ هممم ؟؟
هز ليه عثمان يدو صغيورة قايل بصوتو المبحوح مع قهقهة رجولية : أنااا
وسلطان كيضحك وكيغوت كيقلد فيه : أتاا أتااا .
جمرة هزات حتا هي يديها كضحك : أناااا أنااا هههه .
كان حاط نيفو مع نيف سلطان وكيهر فيه بلحيتو ويبوس فيه منخشش فعنقوو كيشمشم فريحتو طفولية لي هبلاتو ..وكيضحك معاه بكلمات حنينة ومضحكة وجمرة كتشوف فيهم مبتاسمة ومرة ومرة كضحك بقوة من شي حركة مضحكة من عثمان .
جمرة: صافي هاني خليتو ليك ..انمشي عند البنات نجلس معاهم .
شاف فيها محرك راسو بالايجاب بلا ميتكلم ضحكات وخلاتهم بوحدهم ..مشات عند البنات اللي مجموعين فطبلة بوحدهم ياسمين وعاليا وعذراء وحياة وسلمى.
ياسمين: آجي آ جمرة جلسي معانا .
جلسات معاهم كيضحكو بيناتهم كيهدرو على العرس وشادين فحياة كيخلعو فيها .
شوية بشوية جمرة سكتات حطات يدها على راسها وجهها تبدل.
عاليا لاحظاتها: مالك ا جمرة؟
جمرة: والله ما عرفت دايخة بزاف ومعدتي مقلوبة عليا من الصباح ونفسيتي فشكل كنبغي نضحك وكنبغي نبكي فنفس الوقت .
البنات شافو فبعضياتهم وبداو كيضحكو.
حياة كتضحك: آيييه؟ معدتك مقلوبة؟ ودايخة؟ ونفسيتك فشكل؟
عذراء: هادو غير ...
نقزات ياسمين: هادو اعراض الحمل ا لالة جمرة .
جمرة تصدمات: شنو؟ لا لا ماشي حمل .. لا
البنات كاملين كيضحكو شادين فيها: والله حتى حاملة ..هاني فين قلتها .
سلمى نقزات من بلاصتها قلبات ساكها جبدات ساشي صغيرة .
سلمى: شوفي انا نقولك كان عندي واحد التيست ديال الحمل شاط عندي فالساك كنت شريتو وبقا عندي .. هاكي سيري جربيه
جمرة مخلوعة: لا لا سلمى حشومة ..هنا فالعرس؟ واصلن مكاين والو .
سلمى: سيري ا صاحبتي الحمام ما فيها باس .. باش يطمان قلبك وقلبنا حتا حنا .
شدات التيست من عندها ويدها كترجف .. مشات للحمام ديال الڤيلا قلبها كيضرب.
دازت دقايق طوال...
خرجات من الحمام وجهها مصفر عينيها مدمعين ويدها شادة التيست فيه جوج شرطات حمرين.
جمرة بخفوت ما مصدقاش : حاملة... بصح حاملة.
بغات تمشي عند البنات باش تقولها ليهم وبغات تمشي عند عثمان تقولها ليه .. فرحانة ومصدومة فنفس الوقت.
وهي خارجة من الحمام وغادية للجردة وهي تلقى ولد خالتها واقف حدا الخرجة تاع الباب .
يوسف بابتسامة سلم عليها غير بفمو : سلام ختي جمرة ..لباس عليك ؟
جمرة بهدوء مبتاسمة : لباس خويا ونتا كيف داير ياك كلشي مزيان ..كيف عاملة المدام ياك لباس ..علاش مجاتش .
يوسف بابتسامة: غير مع الفنكوش لي جاي فطريق مصابتش تجي [ ضحك ] تبارك الله كبرتي ووليتي عروسة .. ما شفناكش شحال هادي
جمرة كضحك بحشمة: الله يبارك فيك أخويا يوسف .
بقاو واقفين كيهدرو ويضحكو هو كيسول فيها وهي كتجاوبو.
فديك لحضة كان جاي كيقلب على جمرة لي غابت على عينيه حتا كيلمحها فداك المنضر واقفة مع راجل غريب كتهضر معاه وكضحك.
وقف بعيد شاف المشهد ..عينيه فالبلاصة حمارو و الفك ديالو تشنج والعروق ديال عنقو خرجو يديه تكمشو داخل جيابو.
مشى نيشان بخطوات تقال ووصل عندها بلا ما يهضر مع دري شد جمرة من يدها بقوة جبدها عندو.
عثمان بصوت واطي ورزين مرعبها : اش كديري هنا؟
جمرة تخلعات .. شافت فعينيه وعرفات ديك النظرة ديالاش ..نظرة الغيرة القاتــ//ـلة.
جمرة بخلعة : عثمان غير ولد خالتي...
عثمان ما جاوبهاش عينيه كانو فقط على الدري كيشوف فيه بنظرة ديال القـ//ـتيلة .
الدري فهم راسو وبدا كيرجع اللور.
يوسف : سمح ليا خويا... غير جيت نسلم على ختي...
عثمان جر جمرة من يدها ومشى بيها بعيد على الناس يدها مزيرة بين يديه وهي غادية معاه وقلبها كيضرب عارفة آش كيتسناها ملي يبعدو بوحدهم.
تم جارها من يدها وما هضرش وهي وراه كتجري يدها مزيرة داخل يدو حتى ولى لونها حمر.
دخل بيها لواحد الكولوار داخل الفيلا بلاصة مدرقة ما كاين حد .. غير الحيطان والضو خافت.
تم فين وقف وردخها مع الحيط مشي ردخة ديال الضـ//ـرب.. ردخة ديال راجل مهـ*ـووس .. حاصرها بين دراعو جبهتو قريبة لجبهتها و نفسو الحار كيـ//ـضرب فوجهها و عينيه حمرين كيبان فيهم الجـ*ـنون.
عثمان كيـ*ـغوت بصوت مبحوح كيترعد : شكون هدا ؟ هاا ؟ شكون هدا اللي واقفة كتضحكي معاه؟
الكشاكش خارجين من فمو عرقو نازل من جبهتو و الفك ديالو كيترعد بالغيرة.
عثمان بصوت متهدج مرتفع : انا خليتك دقيقة ! دقيقة وحدة خليتك ومشيتي تضحكي مع راجل اخر قدامي؟ قدام عينيا؟
كان حاصرها بيديه بجوج حدا راسها على الحيط ما ميخليهاش فين تزيد عينيه كياكلوها.
جمرة بخـ*ـوف من شكلو و معصبة فنفس الوقت كتغوت عليه تا هي ودموعها فعينيها : عثمان مالك حماقيتي؟ راه ولد خالتي هذا ! ولد خالتي ما شفتوش من سنين باش تعرف .. اش هاد المـ*ـرض اللي فيك .
عثمان بصراخ كتر بحال شي تور هائج : ولد خالتك ما ولد خالتك ما كيهمنيش !! تا راجل ما عندو الحق يشوف فمراتي! تا راجل ما عندو الحق يضحك مع مراتي!
جمرة كتضرب فصدرو بيديها باش يبعد منها : بعد مني راك خنقتيني بغيرتك .. مرضتيني ا عثمان ..راك مـ*ـريض باش تعرفها ...غير قبيلا كنتي مزيان معايا وحنين .
عثمان قرب وجهو كتر .. خـ*ـشا نيفو فنيفها كيهـ*ـددها بحبو المـ*ـريض: آه مـ*ـريض .. مـ*ـريض بيك .. وكان قادر ندير اي حاجة .. اي حاجة باش ما يشوفك تا حد من غيري .. فاهمة؟ انتي ديالي ا جمرة ...ديالي بوحدي ..ضحكتك ديالي .. عينيك ديالي .. كلشي فيك ديالي .
كان كيغوت وهي كتغوت معاه هو كيهضر بجـ*ـنون العاشق المهـ*ـووس اللي مستعد يحرق الدنيا الى شاف راجل قرب لمراتو .. وهي كتبكي وكغوت من غيرتو اللي خنقاتها .
وفوسط داك الغوات والخلعة يدها كانت باقا شادة التيست ديال الحمل .. مزيرة عليه ..باغا تقولها ليه ولاكين ما مخليها تا كلمة ما تقول .
بقاو فنفس البلاصة المدرقة هو محاصرها مع الحيط وهي كتنهج بالبكا والغضب.
السكات عم المكان الثواني غير صوت نفسهم .. نفسو هو تقيل وحار ونفسها هي مقـ*ـطوع بالخلعة.
عثمان بصوت واطي صوت كيخلع كتر من الغوات قرب فمو لوذنها قايل : علاش ضحكتي ليه؟ همم؟ علاش؟ ضحكتك انا اللي كنقلب عليها بالشمع هو جا وضحكتي ليه فابور؟
جمرة دفعتو من صدرو عينيها عامرين دموع: راك كتزيد فيه ..وزدتي فيه ..فين عمرني ما ضحكت ليك أنا ؟ هاا ؟
عثمان ضحك ضحكة مريضة ضحكة ديال واحد مـ*ـهووس: كضحكي عليا ياااك ..كضحكي وعاجبك الحال ؟
شدها من حناكها بشوية بزز باش تشوف فيه .. صباعو مزيرين على فكها.
عثمان وعينيه داخلين فعينيها: شوفي فيا .. شوفي فيا انا ..هاد العينين ديال من؟
جمرة كتبكي ومزيرة على التيست فديها كتشوف فعينيه الحمرة : ديالك... ديالك ا زمر .
عثمان تنهد : الى ديالي علاش كتوريهم لشي حد اخر؟ علاش كتخلي شي حد اخر يشوف داكشي اللي ديالي انا بوحدي؟
جمرة غوتات فوسط وجهو فقدات اعصابها: وبراكة راك عيقتي عليا وصااافي...واش باغي تحيدني من الدنيا باش نبقى ديالك بوحدك هاا ؟
عثمان فديك اللحظة عوض ما يبعد منها زاد خشاها كتر مع الحيط حط جبهتو على جبهتها وغمض عينيه كيترعد.
عثمان بصوت كيترجى وكيهـ*ـدد فنفس الوقت: جمرة ... باغي نمحي اي حاجة كتفكر تديك مني... جمرة الى مشيتي مني غادي نهبلك... والله تا غادي نهبلك ونهبل معاك... ما عنديش فين نهرب منك...
جمرة بقات ساكتة كتبكي عرفات بلي كتهضر مع واحد ما كيسمعش واحد عاشقها لدرجة المرض واحد مستعد يخنقها بحبو ولا يخليها لشي حد اخر ... أه هي عاجبها هادشي لي فيه مي بهاد طريقة لا ..ماشي بهاد الغيرة المـ*ـريضة.
جمرة بصوت مـ*ـيت كتنخصص : عثمان .. انا حاملة .
تجمد فبلاصتو يديه اللي كانو شادينها بقوة ترخاو بشوية .. حل عينيه مصدوم شاف فالتيست اللي فيديها و جوج شرطات حمرين كيلمعو.
كل الغيرة .. كل الجـ*ـنون .. كل التوكـ*ـسيك اللي كان فيه طاح فالأرض فثانية.
يتبع..
التعليقات
لا توجد تعليقات بعد، كن أول من يعلق.