قصة العشق لمن يجرؤ الجزء الأول

عن علاقة بين جوج غاتنشأ فظروف مقودة لا هو ليها ولا هي ليه .. لا هو باغيها ولا هي باغاه .. علاقة تحكمها الأعراف والعادات .. أبطال استثنائيين وداك الشي دالبغو والعطفة وبضاض لا يمت لهم بصلة .. غي مكدمين 💆‍♀️

✧

كاين جوج أنواع دالحب .. هداك لي كيبانلك غي من الهضرة وبمجرد ماكينطق داك الشخص كلمة كنبغبك كتيقو وتقول هدا هو الحب .. وكاين لي كيبان عند الشدة .. على شكل تضحيات وأفعال .. حب عميق وسوارتو عند ناس قلال وماشي كولشي كيعرف ليه .. ماشي غير اجي وقول كنبغيك .. هاد الكلمة ايلا ماكانتش نابعة من إحساس عميق بلا ماتحتاج تنطقها .. وماتنطقهاش ايلا ماكنتيش مستاعد تجازف بخسارة نفسك باش يفوز الانسان لي كتبغيه .. واش كاين منا لي كيفضل راسو على انسان آخر؟ ايلا اه هاديك هي لي كنسميوها الجرأة في الحب ..

و كاينين ناس قلوبهوم فارغة .. والحب عندهوم محصور فقط فمشاهد الافلام وأجزاء الروايات الرومانسية .. وحتى ايلا نواو يبغيو ماعندهومش الشجاعة الكافية يطيحو فهاد الحفرة ..ناس كبرياءها غلاب .. وفوامهم ماعندهاش الجرأة باش تبوح بالحب ..

فالعشق ليس للجبناء العشق لمن بجرؤ فقط!!

✦

فواحد من الدواوير التابعة لمدينة الحسيمة وبالضبط قيادة باب برد .. دوار الوحشيات بلاصة العشبة واليخضور .. فليلة ممطرة .. سماها عامرة غيوم .. فدار جاية منعزلة على الديور .. تحلات بابها ديال الحديد بلا مادير حتى شي صوت وخرجات من الدار كتسلت بحال شي شفار الشتا خيط من السما .. رجليها كيعكلو فالغيس ويرجعو يطلعو ثقال .. خطوة القدام ونظرة خاطفة للوراء .. حاضية جنابها وفين كتحط كدامها .. ملوية فحايك ديال الصوف .. كيبانو غير عينيها والكحل لي مزين تحت جفونها ..

صوت أنفاسها غاديين وكيتعالاو بالتناوب مع دقات قلبها .. الخلعة .. مخلطة مع شوية ديال الزيغة والاستمتاع بالمغامرة ..كان ونيسها فطريقها صوت الريح المجهد وزفير الاشجار .. ونبااح الكلاب يقدرو يخوفو أي واحد الا هي .. دقائق من المشي فالظلام عاد وصلات لوجهتها .. شافت يمين شمال ودقات جوج مرات حاضية موراها .. حتى تحل الباب على غفلة وتمدات يد من الداخل جراتها وسدات الباب .. حتى مشات وجات ..كالاتها مع الحيط وبعيون نظراتها ماكرة نطق وقال ..

-تعطلتي المشماشة ديالي ..

تغمضو عينيها وهي كتشوفيه .. مدات يديها وحيدات الحايك وطلقاتو.. هبط كيتسرس حتى طاح الارض ..وبقاو عينيه معلقين مع شعرها الاسود الطويل لي طاح على كتافها .. خدودها الموردين وعيننيها القتالين .. خلاتو يتنهد من أعماق قلبو وقبل مايعاود ينطق كانت سبقاتو كتهضر بصوت محلون ورقيق ..

-راك عارف تسنيت الحاج حتى خرج يصلي المغرب وماغايرجع حتى تفوت العشا (حطات يديها ورا عنقو كتلمس فيه) يعني عندنا الوقت الحب ..

دور يديه على خصرها وجرها لعندو حتى تزادحات مع صدرو ونطق كيبلع ريقه ..

-أححح عليك .. ومنين نبداك ؟

حركات صبعانها مع رقبته حتى تبورش .. عضات على شفايفها وزادت قربات منو كتهمس بجرأة ..

-بدا منين مابغيتي .. العشا كتودن مع التمنية ..

ماجاوبهاش .. ماعندوش الوقت فين يدي ويجيب معاها فالكلام .. قربها لعندو حنا عليها بقبلة ساااخنة كيلتاهم فشفايفها بحال شي عطشان لقا نقطة من الماء باغي يرتوي من رحيقها قدر الامكان .. بادلاتو قبلته بنفس الاثارة او اكثر حتى هي كانت طالبة عليها ..ماحسات براسها غير مهزوزة بين يديه .. ولاحها عل الفراش .. ركب فوق منها .. خشا يدو تحت الكبوط كيحيدو ليها عاض على شفايفه وصلات بيه للطوب .. ثواني وكان جردها من ملابسها وبقات ناعسة تحتو غي بسليب .. خدا وقتو الكافي كيعبر فيها بشهوة .. كيقلب منين يبداها ..كرز على سنانو ونطق كيلهث ..

-اش ندير فيك دبا؟

حطات يديها فوق سليبها كضحك ونطقات بخفوت ..

-كول وشرب منين مابغيتي فوت عليك غير هدا ..

تحنا عليها كيبوس فوجهها ويلعب فصدرها وهي كتلوا تحتو .. داز لودنيها عضها ونطق بخفوت ..

-عاوتاني غانشيتو غير من فوق السليب؟ امتا غايحن عليا الله ونشوفو؟

دورات يديها على عنقو وعضات على شفايفها كتهضر محلونة ..

-ايلا بغيتي المسكي و تغرق أحبي .. جيب مك وباك ودوز عليا كاغيط احرش .. من غير هادشي قضي غي بالناشف حتى يحن الله (غمزاتو)

عاود باسها فمها كيتلمس فصدرها ونطق مزير ..

-على قبل هاد الشهد .. نوض حتى جدي من القبر ونجيبو أحبي ..

صبعان يديها كيدوزو ورا ضهرو فحركة بورشاتو ..ابتسمت بدلع وقالت بهمس ..

-إمتا دخلني لفراش الحلال؟

عض على شنافتو والسخانة طالعة معاه .. خشا راسو فعنقها كيبوس ويهضر ويتنهد ..

-عارفاني مبرزط مع المشروع ديالي دبا .. عيشي معايا راه انت لي كاينة .. غي تسرح طريقو هانا معاك .. (كيدوز بيدو على صدرها) نيت تكوني ساليتي قرايتك حتى انت ..

صغرات فيه عينيها وقالت بخفوت ..

-فين الكادو لي واعدتيني بيه؟

هبط السروال لي كان لابس وتبعو بالشورط حط المعلم بين فخاضها وبقا يحكو مع السليب ..ونطق وهو كينهج ..

-نجيب الراس الاول ونعطيه ليك!

غمضات عينيها وهي عاضة على شفايفها .. عايشة معاه .. حتى سخنات والعروقات هبطات كتصبصب عليها وهو كيبوس ويعض ويمص فأي بلاصة داز بشفايفه حتى جابو وجر فوطة خواه فيها ..لواهاا مزيان وضربها خبعها تحت النموسية .. باسها من شفايفها وهي سخفانة ومرخية وناض كيلبس شورطو .. جبد بواطة كبيرة ورجع حطهالها حداها .. ابتسمت برضى وشافت فيه ..

-آخر موديل؟

دوز يديه مع شعرها ..

-الغالي يستاهل الغالي ..

حلاتها بحماس وجبداتو .. دارت ابتسامة واسعة وهي كتقلب فيه .. كان أيفون 11 فالاسود كيفما كانت مشهياه .. رجعات شافت فيه ونطقات بينها وبين نفسها ..

-حتى هدا ندوزوه حتى وكان تنوي المعقول على خاطر خاطرك ..

رجعاتو لبواطة من بعد ماشكراتو .. وناضت كتلبس فحوايجها حتى نطق ..

-مزال العشا ما أدن .. خلينا كالسين ..

لوات عليها الحايك لي جات بيه وضربات داك التيليفون مخبعاه تحتها ..وقالت ..

-ماخاصنيش نعيق .. الحاج فوقما نجي عطلة كيبقا حاط عليا العين .. حتى نرجعو المدينة الحب وهانا معاك ..

ماتسناتوش يجاوب لاحت ليه بوسة فالهوا وخرجات كتسلت بحال كيف جات .. خلاتو موراها كيتنهد .. تزدح فوق الفراش وتمتم بمكر ..

-أخخ يا بنت الشيخ طال الزمان ولا قصار غا طيحي ..

الشتا غير مازادت جهادت .. قطرة بقطرة حتى حمل الواد .. وجنب الواد كانت براكة ديال القصدير فيها صاكة .. كيبيع معاها الزيت وجافيل وسكر سانيدة وبيرات باردين وماحيا كيقادو فالدار.. كالسين تحت منها مجموعين على طبلة كيقمرو بكارطة .. لاعبين البلوط .. صواتهوم متعالية .. شي كيضحك حيت رابح و شي كاعي حيت غادي فالخسران .. صوت قطرات المطر فوق القزدير مكيتسمعش بقوة الهرج لي دايرين .. قدامهوم سطل كبير دالحديد مشعولين فيه عواد ثقيلة باش يدفاو .. الدخاخن طالعة منو ومن فمهم .. لي ماشادش كارو شاد جوان .. كيبانو غير عينيهوم مكمسين فجلالب مبطنين .. والريح كيزفر تحت رجليهوم ..

كان جاي قاصدهوم .. عينيه حمرا جمرة .. لابس جلابة غليضة وبروطكان كولو غيس .. كيخبط فالارض وأنفاسه غير منتظمة .. مرة يزفر بحرارة مرة يكتمها بغيض ..خطوة بخطوة كيقرب ناحية الهدف .. ناوي عل الغدر .. هاز فيديه المضا خاشيه فالكم ديالو كيبان غير نصو .. قاصد البراكة مصغر عينيه متبع إبليس الخبيث .. ماناويش يتراجع والشيطان عرم عليه .. حتى وقف عند راسهوم وكولشي علا عينيه شافو فيه .. طلعوه وهبطوه وفاش عرفوه شكون هو ضحكو ليه .. كان فنيتهوم جاي يقصر معاهوم وماشافوش الموس لي طاوي عليه ..حتى دور وجهو وشاف ناحية لي مقصد ليه .. ابتسم بخبث ومشا قاصدو حتى وقف عليه ..نطق بصوت مبحوح .. الشرار خارج من عينيه ..

-نوض أعشيري بغيت نهضر معاك ..

طلعو وهبطو بالكارو فمو كان كيضمس اخر طرح من كارطة .. استغرب علاش جاي عندو .. مدة ماشافوش .. حط كارطة ولاح الكارو وناض زطم عليه .. غير تقادو الكتاف وتقادات الوقفة .. هز لاخور يديه فغفلة منو وفغلة من لي باقين كالسين وخشاليه الموس فقلبو .. ضربة قاتلة خلاتو يهبط للارض جثة هامدة والدم تخلط مع الما دالشتا ومشا يسقي التراب .. تراجع جوج خطوات اللور .. كيشوف مرة فيه مرة فيهوم .. تا حد ماقدر يهضر .. حتى حد ماقدر يتحرك من بلاصتو .. صدمهوم كيف هو تصدم فراسو وطيح بطانة!

"داش ماهو؟ شني لقيت أولد الشييخ؟"

جملة بنبرة مرتعشة خرجات من فم مول البراكة ..وهو كيبلع فريقه كيشوف فداك الكسدة لي طايحة فالارض تحتها بركة الدم .. أما باقي الرجال فكانو مزال تحت ثأثير الصدمة .. ماوعاو حتى شافوه شدها بجرية فالغيس حتى غاب ..

فطنجة وبعيد على الدوار بكلومترات كثيرة .. ضوء خافت مشعول فبرطمة فعمارة راقية .. صوت السرير كيتقرقبو روصولاتو .. وآهاات صوت اللذة كيعلا شوية بشوية مع أنفاس متسارعة .. شحطها لطرمتها حتى غوتات ونطق بلكنة عربية مخلطة مع الجبلية والريفية حروفه معكلة ماشاد تا قنت العروقات كتصبب عليه ..

-غا بشوية الليل سماع ..

عضات على شفايفها ونطقات بخفوت كتبلع ريقها من حر الالم ..

-أحح .. قرب قرب ..

بلا مايخرجو تقلب تحتها ورجعات هي فوق منو .. عنقها بجوج يديه من ظهرها حتى تحنات لعندو وجا فمها حدا فمو زير على فكه وقال بصوت مبحوح ..

-أرا لسانك أ دوليبران ديالي ..

عطاتو لسانها حتى دخل بفمو كيلعب بيه يمص ويلحس ويبوس .. كيتلذذ بنهم وينطق بلا هواه ..

-أححح البوسة فالشوارب واللذة فاللسان يا حريق الراس ..

ضحكات عاضة على شفايفها قربات تسخف من قوة الخبيط ونطقات كتنين ..

-أننن ماتبقاش تعنب عليا بسميات الدوا .. كرهتيني فخدمتي أكبيدة ..

عاود قلبها تحتو وعلاليها يديها فوق راسها حكمها مزيان وزاد فالوثيرة ..بدات تغوت بصوت عالي مامسوقاش للجيران ..حتى جابو فيها لداخل .. عاود شحطها اللور حتى غوتات بدلع ..

-تكايس راه الطرمة على قد الحال طيبتيهالي بالشحيط ..

باسها فمها عينيه معسلين فيها ونطق ..

-عمرها تغرني شي غليضة .. (عضها فشفايفها بقوة وعلا راسو كيتبنن) البنة فالعظام الحب .. ووحشك ولالي هبال ..

باستو فشفايفو .. وتنفسات بعمق .. قليل فين كتشوفو راشقة ليه وعاطيها الخاطر .. حطات يديها على صدرو كتحسس قطرات العرق لي نازلة عليه ونطقات بخفوت ..

-إمتا دخلني لدارك؟

ماجاوبهاش ناض من عليها بمجرد مارتاح ورجع النفس .. مشا كيتمايل قدامها عريان حتى للطبلة فين كان حاط الكارو .. هز منها وحدة لاحها فمو وشعلها كيسف ويطلق الدخان فالسما .. وهي مراقباه فكل حركة حتى عطاها بالظهر كيطلع سروالو .. عقدات حجبانها وجرات عليها الغطا .. حتى سمعات صوته كيسوط الدخان ويطلع سنسلة دالسروال بلا مايدور ..

-واش انت فينما نحويك وتجيبيه كيبانلك الزواج فالمني ؟

كيف كانت متوقعة يتسيف عليها بحال ديما .. ناضت من الفراش لاوية عليها ليزار ومشات وقفات وراه .. فضللت تقلب الموضوع قبل مايقلب عليها الدار بلي فيها .. وسولاتو بخفوت ..

-فين غادي؟

زاد المراية كيقاد ساعتو وشعرو لي تعنكش.. عاقد غوباشتو لي شافو مايقولش هو لي كان دبا فوق الفراش .. شافيها بنص عين وجاوب ..

-شحال من مرة كنقولك ماتسقسينيش فين غادي ومنين جاي؟

غمضات عينيها ورجعات حلاتهوم كتحاول تكالمي راسها وردت بهدوء ..

-وانت جاتك عادي تجيبني من أزرو حتى لهنا فاللخر تمشي وتخليني؟

دار عندها كيقاد كول الكبوط لي لابس .. دار ابتسامة جانبية .. طفا الكارو ونطق بتهكم ..

-قوا فيك النكير الشلحة !!

دلات شفايفها باغا تغوت وخايفة منو .. اكتفت بالصمت ورجعات كلسات على النموسية كتفرج فيه كيلبس صباطو .. وتيليفونو ماحبسش من الفيبرور من اول مادخل .. تنهدات كتفكر كيفاش حتى بغات إنسان بحال هدا .. كتعرف عليه القليل وعاطياه الكثير .. مرة كلامو حلو مرة مر بحال القطران .. كيتقلب بحال الزمان .. يبان ليها مرة فالشهر بحال الهلال .. مخليها ديما تابعة خبارو وتسنا اتصالاتو .. نهار يشبعها هضرة وغزيل الكلام ويوماين قالب سيفتو ومغير .. مطمعها بالزواج 3سنين ومزال مابين والو .. شي مرات كتبدا تنعل النهار لي لاقاها بيه .. ولكن الحب برهوش لا درتي عقلك فيه تلاليك بهربان الفرخ ..

رجع عندها من بعد مالبس جاكيطتو ..تحنا عندها باسها جنب فمها وقاد الوقفة ..

-خاصاك شي حاجة؟

حركات راسها بنفي قالبة وجهها ..

-اوهو ماخاصنيشاي..

هز سوارت طوموبيلتو والتيليفون ونطق ..

-جمع معاك هاد الروينة فاش تفيق فالصباح أ فركوسة .. وصوك بلاتي ..

يالله تم خارج ناداتو ماللور باسمه ..

-نوردين!!

دار عندها مطلع حاجبو ..

نوردين: شكاين؟

جاوباتو بترجي وبنبرة صوت حنينة ..

-ماتغبرش عليا عافاك!

دار ابتسامة عابثة وخرج كيمسح على شعرو .. خلاها كتغزز سنانها من كمية الاعصاب لي كيلصق فيها .. باغا تفركع وباغا علامن .. هزات تيليفونها ودوزات الخط لأعز صديقاتها .. غي شدات الخط بدات تفرغ ..

-غانطرطق أ صفاء .. عاود مشا بلا مايقول حتى فين .. وفاش نسولو يقولي ماتبقايش تسوليني فين غادي ومنين جاي ..

صفاء: (زفرات بضيق) طلعتيلي فزكي أ فدوى .. شحال من مرة كنقولك تفارقي على الزمر .. واش مزال مابغات دخليك لراسك .. راك مصاحبة مع بزناز .. عرفتي شنو هي بزناز؟ هي ماعمرك تعرفيه فين كاين ومعامن؟ أنا مافهمتكش اش عاجبك فداك الزبل ..

فدوى: (كتغزز ضفرانها) دبا عيطتلك تشفاي فيا؟

صفاء: انت ديما عارفة جوابي .. باز ليك صابرة ليه .. انت زوينة وقارية ومثقفة .. راسك عامر .. سيري شوفيلك شي واحد همة وشان .. لا كلاص والحطة الف واحد يتمناك .. ونتي لاصقة ليا فبزناز .. عايش فالجبل كيبان ليك مرة فالشهر ..

فدوى: (بنفاذ صبر) عرفتي شنو قودي ماناقصاكش دبا ..

قطعات عليها التيلي ودوزات نمرتو .. وكيفما كانت متوقعة .. لقاتها طافية .. كيف كيدير فكل مرة خرج من عندها .. لاحت داك التيلي فوق النموسية وناضت للدوش تبرد الفقصة والعافية لي شاعلة فيها ..

خرج لبرا مكمس فجاكيطتو .. البرد دخل مع نيفو خلاه بعطس وهو باقي سخون .. حل باب الطوموبيل بسرعة وركب .. علا عينيه شاف فالدار .. ديمارا وزاد .. حتى عاود شعل نمرة اخرى وعيط علل اخر رقم كان مصدعو وهو فالفراش .. غي تشد الخط قال بصوت مبحوح .. عاقد حجبانو ..

نوردين: السخرة وصلات البْلِيّْدة ؟؟

م: (بارتباك) وصلات أخاي ديالي .. ولكن خاصك دجي للبلاد دبا!

نوردين: (زاد عقد حجبانو وقال بحدة) اش تم أ توفيق؟

توفيق: (بخوف ونبرة صوت مترددة) خاك محمد غدروه .. قتلوه أخاي ديالي وسط الدوار ..

نوردين: (فرانا وسط الطريق وغوت بصدمة) كيفاااااااااش!!!! قتلوووه شكووون قتلوووو؟؟؟

توفيق: خاصك تجي باك ويماك

تقطع الخط من بعد مامشا الريزو وبقا هو مزير على الفولون كيتنفس بصعوبة .. لونه رجع احمر وعروق نافرة لونها ازرق بانت فجبهتو .. رجليه فشلو عليه من هاد الخبار لي جاه فنص الليل ..خوه تقتل .. باقي يالله عريس ومادازش على عرسو حتى شهر .. خوه الصغير مات وغدروه ..

"شكووووون هاد ولد ال*حبة شكووووون"

جملة وحدة خرجات من فمو عامرة شرار .. ومن بعدها رجع ديمارا اللوطو وانطلق بسرعة خيالية مكيقشعش قدامو راجع للدوار ..

قربات للدار كتختل وعينيها كيدورو وسط داك الحايك لي لاوية عليها .. عقدات حجبانها باستغراب ودقات قلبها تزادو فاش قشعات باب دارهوم محلول والداخل والخارج كثير .. رجليها فشلو عليها وماقداتش تزيد .. بقات مخبية ورا واحد الشجرة شحال .. كتسمع هضرة كثيرة خارجة من دارهوم .. الخلعة تمكنات منها وأفكار كثيرة زارو دماغها .. حتى سمعات بحال صوت بكاء الام ديالها عاد تحركات بلا هواها ودخلات كتجري للدار .. لاحت داك الحايك فبيت الدجاج لي كان على برا ودخلات غير بالبيجامة تخلطات مع الحضور .. عينيها كيدورو مافاهمة والو .. حتى طلات على مها كالسة فالركنة ضايرين بيها العيالات كتبكي .. وفمها غير ولدي حبيبي ضاع ليا.. يالله كانت غاتقرب لعندها حتى جروها يدين بقوة ودخلوها لبيت وسدات الباب وتقابلات معاها مخنزرة ..

-فين كنتي القحبة عاد دبا ماجية؟

شداتها من يديها وبالسيف باش خرجو الحروف من فمها ..

-شنو واقع برا أ نسيمة مالو خاي؟

نسيمة: (كتفرك فصبعانها) خاك قودا أ سعاد .. طياح روح ..

سعاد: (ضربات فوجهها بصدمة) اويلي شكون قتل؟

نسيمة: قتل ولد الحاج المختار ..

سعاد: (عينيها توسعو) محمد؟

نسيمة: اه ..

سعاد: (مشات كلسات كترد النفس لي تقطعات فيها) مامشا حتى دارها .. شفتي العطفة فين كتوصل مولاها ؟

نسيمة: (بحرقة) واييه خرج على راسو .. (عقدات فيها حجبانها) اجي فاين كنت نتي قلبت عليك عند سميحة مالقيتكش .. مشيتي عند داك صفر الكمارة د توفيق ياك أدكدب على اختك أ سعاد؟ انا أنعاودلك الخرية كيف خرجات لي!

سعاد: (خزرات فيها) دبا واش حنا فهادشي أ نسيمة؟ خوك طيح روح وانت بالك غي فين مشيت؟

يالله غاتجاوبها حتى بداو يسمعو غوات كثير جاي من تحت .. مشات نسيمة حلات السرجم كطل .. ورجعات ضارت شافت فيها ..

نسيمة: (بخوف) ولاد المختار جاو كيقلبو عليه واقيلة .. (زادت حققات الشوفة مزيان) ويلي ويلي جا هداك صعصع ديالهوم ..

سعاد: (مرفوعة كتغزز ضفرانها) شكون هدا؟

نسيمة: الكبير فولاد المختار لي كيعيطولو الريس .. (سدات السرجم ولاحت عليها زيفها مفتونة) غانهبط نوقف مع با لا يقتلوه .. تباعني ..

سعاد: (ناضت كدور فعينيها) سيري ماباغاش نطيح بالرياح ..

طبطبات على كتفها وخرجات كتجري نازلة لتحت خلاتها غادية جاية فبيتها كتمتم بخفوت ..

سعاد: جوادي وملوكي وقفو معايا .. على شوية كنتي غاتفرشي أ سعاد وجا ما فكك مع الشيخ داك الساعات .. حتى داك خاي مالقا فوقاش يطيح الروح تا مشيت نتلاقا بتوفيق .. ولد المهتوكة .. الله يتبعك البلا ..

مشات لماريو جبدات بيجامة جديدة وخرجات كتسلت .. القيامة نايضة لتحت وهي دخلات للدوش وسدات عليها .. هزات البانيو دميكة كبير وطلقات الما سخون يعمر باش تغسل من الجنابة .. عاد تخرج تشوف الفيلم فين وصل ..

جروه الرجال بالسيف بعدوه على الدار .. ها لي كيمدليه الكارو ها لي كيطبطب على كتفو باش مايزيدش يتهور وطيح روح تانية هاد الليلة .. حتى جا توفيق كيجري شد فيه وهو كيلهث ..

توفيق: بررد أ صاحبي .. القيامة فداركوم وانت جاي ديريكت لهنا ..

نوردين: (غوت حلاقمو خارجة) بربي تانحويه .. (كيضرب على صدرو) خاااي تغدر وباغيني نبررد .. فينهواااا داك الشيخ دالزب!!!

توفيق: (شاف فالدار عالله تبانليه سعاد ساعة كانو مجموعين غا الرجال والعيالات ملويين بحايكهم .. جرو من يدو كيهدن فيه) زيد معايا الشيخ راه مع المجمع دالقبيلة .. هنا كاينين غا العيالات اصاحبي ..

مشا معاه راسو كيغلي وكون كان يصيب هدا لي قتل خوه كان غايصفيها ليه ويتبعو ليه بلا ما يرفلو جفن .. خبار الموت جاتو قاصحة وصعيبة ويالله قبل بليلة كان قصار معاه وفرحان بزواجو وكيحلم بالوليدات ..وعمرو كان ينوي غايجي الغد ليه ويتغدر فيه ..

فدار الحاج المختار كانت اصوات النحيب والبكاء متعالية .. خبار الموت نوض فجعة فالدوار .. كاع لي كانو ناعسين مكمسين من الشتا والبرد ناضو طافجين يشوفو اش واقع .. كثر الغاشي حدا الباب .. وفاش كطيح البقرة كيكترو حتى الجناوة .. كلها كيحلل ويناقش غي بوحدو .. وكلشي كم والعيالات تحليلهوم كم اخر..

-أيما على خديجة الزغبية قطعتلي قلبي .. بنا مزال عريس وترزات فيه مسكينة ..

- (ردت التانية محصرة على مرتو) وديك المرا لي خلا .. عنداك عادكون موحولة ..

- (جاوباتها التالتة دايرة يدها على فمها) سكووت أ حليمة على شكون مجبد البلا من غيرا .. ياك زوج بيها وعباها لولد الشيخ من بلابز دعينو الزغبي .. كان مايحماق ويضربو بوتليس عليها .. وهو لي ماخالا بيها خندق .. ماخلا بيها بحيرة .. الخبار ديالم دايعة فالدوار باش فاللخر يعبيهالو ولد عمو .. باز ليماه .. تكوات فقلبا الطليبة دالله ..

- (هضرات المرا الكبيرة مولات العقل حتى سمعات للنميمة على خاطرها) سوكتو العياالات وا ذكروا امواتكم بخير ..

فالصالون كانت شادة الركنة كضرب على قلبها وتنين مع دموع الحرقة لي خارجين من عينيها .. زيفها طايح وشعرها الاحمر لي عامر شيب مشنتف بقوة مانتفت راسها كتغوت وتعد وسط مجمع النسا ..

خديجة: وامشيتي وخاليتي قلبي مكوي هااا الحبيب دقلبي .. وااا موحاماااااد المريود دعيني .. رزاوني فيك الطليب ديالي .. وااا ربي الحبيب وشني لقيت تحتك ياااا مولانا ومشالي قريد العش هااااربي هااااا (كضرب فصدرها وتشهق) وااا موحاماااد وباقي عريس ماشوفت ولاداك مافراحت بيك ها العزيوز ديالي .. (علات عينيها شافت نوردين فباب الصالون الدموع محجرين ليه فعينيه .. غي شافتو ذبللت عينيها وبداو دموعها كينزلو بغزارة كأنها كتستنجد بيه ..حتى جا عندها وتحنا عند رجليها عنقها مزير عليها )

نوردين: لا بكيشي أ يما ..

خديجة: (كضرب فضهرو وتنين قلبها غايحبس بالبكا) تغدر الحبيب دقلبي .. تغدر خااااك أنوردين ..قلبي شاعلة فيه الناااار قلبي شاااعلة فيه النار .. وا عوووووووك ماشي نموووت وقلبي مش يسكووووت .. واااااه يااااربي حبيبي وبررد عليا ..

طلق منها مكينطق مكيتكلم .. عندو العمر فعائلتو ومو كثر .. كان صعيب عليه يشوفها فهاد الحالة .. شعور كيزيد يولد عندو فكرة الانتقام وكيزيد يتوعد بالموت لقاتل خوه ايلا مشا حتى لقاه وخ من نفس دمو ولحمو .. ولكن حسابو غايكون عسير والرايس لي منوض الرعب فالقبيلة وولادها ماغايفلتش منو هدا لي تجرأ على خوه .. بالروح بالدم غايقتلو!

ليلة كحلة دازت عليهوم .. ضمسو القضية فالدوار ماكاين لا مخزن لا من يسيق الخبار .. ديالهوم كيبقا عندهوم .. والبراني ماعندو علاش يهضر .. صبح الحال مع سما عامرة غيوم والبرد كيقطع من الجبال لي دايرين بيهوم عامرين ثلج ..

الليلة كولها وهوما مجموعين كاع شيوخ القبيلة .. من بينهوم الحاج المختار والشيخ بات سعاد .. جلسة مغلقة بدات مع الفجر .. داروها بغرض يصفيو الحساب ويضمسو القضية .. هادي هي العادة لا طرات شي فاجعة بحال هادي .. شيوخ أصحاب القرار .. لي داروها راه هي لي غاتكون .. وباش يحبسو الدم مايزيدش يسيل تخاد قرار معمول بيه من شحال هادي .. لي كان حاسم وخاصهوم يوافقو عليه قبل ماتخرج الجنازة من الجامع ويترد على المغدور التراب ..

وقف شيخ القبيلة لي تحت عينيه رجع كحل بالفقصة والسهير .. والفجعة لي ضرباتو فنص الليل ماحيلتو يتحصر على ولد ولد عمو ماحيلتو يخمم لولدو لي هرب ولا من لقالو الاثر او جابلو الخبار فين صد .. لابس جلابة حمرا مبطنة وصباط كحل جنابو عامرين غيس .. رزة صفرا فوق راسو .. دار يديه ورا ضهرو ونطق كيشوفيهوم ..

الشيخ : صافي أسيادنا .. المغدور من دمنا ومول الفعلة بني .. لي عملتوه هو لي كاين ..

الحاج المختار : (مشابك يديه مع بعضهوم .. أثر الدمعة باقي فجناب عينيه بكا لي قسم الله على ولدو .. علا عينيه فولد عمو ونطق بقهر) وحدة من بناتك ماش تعطا بالروح ابن عمي ..

نطق واحد من الشيوخ معروف عليه الحكمة والقرار الصائب ..

ش: نطبقو العادة دالجدود .. البكرة تعطا للعزري الي باقي ما زوج ..

الحاج المختار: (ناض وقف رجليه فاشلين عليه) الرايس يعبيها ..

الشيخ: (نطق بحزم) دوز الربعين والبنية ديالكم الحاج ..

ناضو وقفو كولهوم من بعد ماتحسم القرار .. لي لا نقاش فيه من بعد الان .. وخرجو كولهوم قاصدين الجامع يصليو على الميت ويسرحوه لمقامو الاخير تحت التراب ..

خرجات من دارهوم كتسلت من جديد .. هاد المرة معاها ختها نسيمة .. لاوين عليهوم حايك بجوج .. خلاو الدار عامرة عيالات .. كولشي داخل يواسي مها ويديو معاهوم خبيرات.. نسيمة غادية كتقفقف وسعاد مولفة بحال هادشي .. حتى فاتو الدار بشوية ووقفات نسيمة كتجر فيها ..

نسيمة: (بخوف) اربي لا ما يالله نرجعو اختي راه ايلا حصلنا با يتاحيلنا مع ولد الموختار لي مات الباراح ..

سعاد: (شداتها من دراعها غادية جاراها وبلاغيهوم كيتكحكرو مع الارض) زيدي الخوافة راه دغيا غانرجعو .. وزايدون ماغانلقاش بحال هاد الفرصة مرة اخرى .. الشريفة كتجي من فاس وكطلع لفيلاج مرة فالشهر .. ايلا فوتها نعواجليك هنا ..

نسيمة: (كتسوط بسخط) واش القيامة نايضة فالدوار ونتينا ماشية عند شوافة؟ مش دعيق بينا يما ... شماشي نقولولا؟

سعاد: (جاراها بحالا كتجر القط فحصيرة) زيدي وسكتي مك راها كتبكي على العزري لي هرب ليها ..

نسيمة: عار ربي واش مابقاشي فيك خاك؟ كا الادمي تينا كا التيمساح؟

سعاد: (شافت فيها مخنزرة) أنا التيمساح على الزوينة لي مصرف فيا؟ شكون لي كان واقفلي شوكة فحلقي وكيحرض الشيخ عليا باش مانمشيش نقرا فالمدينة من غيرو؟؟ ولد القحبة كان متبع الجوانات والطاسة ونهار وماطال وهو قارن على داك شطيونح لي تزوجات وخلاتو وانا قاطع فيا الركيط؟

نسيمة: وراه أيبقا خانا ..

سعاد: (ضرباتها لقرفادتها) تعرفي احسن مني؟ انا اختك كبر منك زيدي وسكتي ..

لبداتها وزادت معاها تابعاها وحاضية جنابها لايشوفهوم شي حد او يعرفهوم خارجين الدوار .. ساعة ماداها فيهوم حد .. نص الدوار فالجنازة والنص لاخور ملهي مع العشبة .. حتى وصلو جنب الواد وهو يبعت معاهوم من حيت لا يحتسبون ..

سعاد: (شادة على قلبها مخلوعة ) سملحمرحيم (عطاتو لقرفادتو حتى بدا يحك فيها ونهضات فيه) بولولو الحمق شحال من مرة كنقولك ماتبقاش طيح عليا من السما مكنعرفك جن ولا انس .. الله يعطيك التش ..

بولولو: (كيلعب بصبعان يديه .. مخرج لسانو وكيدور فعينيه والكلمة كيبقا يعاود فيها بزاف حتى كيقرب يحفضها) سعاد بنت الشيخ فاين ماشيا.. فاين ماشيا سعاد بنت الشيخ .. بنت الشيخ سعاد فاين ماشيا؟

سعاد: (شداتو من ودنو كديه وتجيبو بحال شي دلو وسط البير) سوق مك ابولولو؟ بولولو سوق مك؟ دايرينك باراج؟ حاطينك ديوانة جنب الواد؟

نسيمة: (جراتها من يديها كتشوف واش جاي شي حد) زيد نمشيو كا مادلقي راسك فاحماق ؟..

بولولو: (فلت لسعاد وداز لنسيمة عطاها بصقلة لوجها تا عواجلها الحنك ومشا كيجري كيضحك ويغوت) الحمقة هي يماك .. يماك هي الحمقة .. هيهيهي ..

نسيمة: (دموعها بداو يسيلو) اعننن .. ضرابني ولد المخرورة!!

سعاد: (كتمسحليها دموعها حابسة الضحكة) علاش كتكولي ليه احمق؟

نسيمة: (كتبرد فالطرشة) وكا ماشي احمق؟ نتينا براسك أدقولالو ..

سعاد: (جراتها من يديها غادية بيها) طلبي التسليم راه شيراتو جنية جنب الواد .. ماشي احمق ..

نسيمة: (تمتمات بخوف) سملحمرحيم ..

كملو طريقهوم فصمت حتى وصلو لشانطي .. ووقفو جنبو كيتسناو شي طاكسي دايز ..

نسيمة: (كتغزز ضفرانها) مايحصلوناش ياكا؟

سعاد: (عينيها على الطريق الطاكسي لي دازت ولا 207 لي دازت تشير ليها) سوكتي ولا نلوحك لشي كرويلة طحن مك ..

نسيمة: الصمت ..

سعاد: (وقف عليهوم طاكسي زادت عندو) باب برد الشريف؟

ط: (شيرلها براسو طلع اللور) طالعو ..

جرات نسيمة وحلات الباب .. ركبو اللور كانو جوج بلايص خاوين .. وحداهوم راجل شارف ومرا كبيرة حاطة بين رجليها فروج بلدي مسهوت بالطريق .. والشارف كان حال فمو ناعس غي شافهوم توكض وقاد الكلسة .. كلسات نسيمة حداه وسعاد جهة السرجم .. تحركات الطاكسي فداك الطريق المحفرة .. تكات على الزاج كتصنت للاغنية الجبلية لي طالق مول الطاكسي .. ونسيمة حداها غير كدور فعينيها قلبها كيضرب فالتسعين من هاد المغامرة لي دايرة مع سعاد .. هي ما ديال زعامة ما ديال تشيطين .. غشيمة وخبز ربي فطبكو .. تفوت غي عتبة دارهوم توضر ..

خرجات الجنازة من دار الحاج المختار .. كاع عزارة الدوار حاضرين .. من صحابو وولاد عمامو لعائلتو وحبابو لي قراب ولي بعاد .. صوت الزغاريت تخلط مع صوت البكا .. التابوت غادي هازو نوردين وخوه المتوسط مزوج وعندو التريكة .. وتوفيق وولد عمهوم شقيق .. غادين وتابعاهوم خديجة كتكحكر فالارض وضرب على صدرها بحرقة .. شادينها غي العيالات .. وجهها كاع ندباتو وبكات ديالها وديال حبابها .. قلبها مفطور وكيتو صعيب تبرا .. وفراق الضنا وشحال صعيب ..

فالمحطة الطاكسيات ديال باب برد .. كانت حركة غير عادية .. والناس مجوقة كلها منين جاي كيتفرج .. وهي مطيحاه الارض شانقة عليه حايكها مرمي فالارض .. كالسالو على كرشو .. شاداها الكناوية والناس كيفرقو وهي مابغات طلق صراصرها خارجة ..

سعاد: ياااااا ولد المهتوووكة .. يااا الشاااارف لاوي القلواااات ااااناااااا تخورليا اختي وسط الطاكسي؟ (طارت عليه بخنقة وهو مسهوت تحتها كيلقف) عزرايل عاااطي فيك العربون ومزال دودتك مااااطفاااات؟؟ وااااابربي تانقتلك هاد النهار .. حررررربش وقلبتي عليها ..

نسيمة: (ملوية فحايكها شاداها الصدمة غي كتبكي وتشوف فبنادم لي ضاير بيهوم كيفرق ماقادرة تا تحرك ندمات كاع علاش قالت ليها راه كان كيمد يدو ويخورني ماللور وسط الطاكسي) ايما الحبيبة ومش دقتلو! ياربي مايكون تا واحيد ايعرافنا هنايا ..

سعاد: (شدوها جوج يدين كيجرو فيها وهي جنونها طالعين فيها) واااا طلقو مني نوريه يخور ليا اختي !! طااااالقو حق مولانة حتى نوصلو للروضة يكمل فيها الخلاص .. واااااااااع (عطاتو بطرشة حتى بدا ينين ومراتو كتندب فوق راسها وتغوت)

مرتو: واااااااعتقو الروح مش دقتلي الرااااجل وديتملي العوااااول .. واياو اياو اياااااااو .. واعااايطو المخزن ..

تعاونو عليها شي ربعة دالرجال ولا اكثر كل واحد ومنين نوضها .. شعرها مخبل طالع فالسما .. والجلابة لي لابسة طلعات الفوق حتى بانليها الكولون كحل تحت منها .. الكحل لي دايرة تجخطن وحالتها حالة الله كتنهج وتمد يديها باغية تزيد تملخو عصا .. حتى بعدوها لواحد الصور كلسات .. ونسيمة غا هازة حايكها وحايك ختها وتابعاهوم .. رجليها فشلو عليها .. عطاوها قرعة دالما شربات منها كترتاح .. عينيها لونهوم رجع مخوض من قوة الاعصاب .. شنايفها زراقو ويديها كيترعدو .. بقاو داك الرجال حاضيينها كل واحد منين كيطلع ويهبط حتى شافوها بردات .. وهداك لي هلكاتو عصا جراتو مرتو هو وداك الفلوس البلدي ومشاو ..

نسيمة: (كلسات حداها كتشهق وتمسح دموعها) على شويش دقتلو المسخوطة ..

سعاد: (كتشرب الما شنايفها كيرجفو .. بزقات فالارض وشافت فيها محمرة) انت ميتة ؟ علااش ماقلتيهاليش فاش كنا مزال راكبين نحصلو قيطي ..

نسيمة: ياك؟ باش دقلب بينا داك الطاكسي ؟

سعاد: (حطات القرعة كتقاد شعرها دغيا تقلبات والدم رجع فوجهها) ولد القحبة رعدني .. كان كيبانلي كي الظلام .. طلعو فيا الكوحل عليه ..

نسيمة: (كطبطب على يديها) دبا شويش؟

سعاد: (خشات يديها مع جيب الجلابة كتقاد السوتيانات) واقيلة تحلو هاد بنات القحاب ..

نسيمة: كوز ندخلو رافيناك لديك القهوة نعوقدوملاك ..

سعاد: (وقفت) زيدي نيت نغسل حتى هاد الكمارة .. (عاودات بزقات فالارض فمها عامر ما) تفووو على نهار!

تبعاتها نسيمة حتى دخلو لقهوة ومشاو لطولليط ديالها .. قادات ليها المسائل وخرجو كيضربو رجل فرجل .. الاعين كلها عليهوم .. اولا حيت الفيلاج صغير والعيالات قليل فين كيدورو فيه .. تانيا فاش كانت طايحة على الشارف كتسلخ فيه كولشي مشا كيطل يشوف شكون هادي لي صراصرها خارجين فمحطة الطاكسيات .. خرجو لعلى برا .. كتشوف فواحد الفارماصي كتحاول تعقل على الطريق .. خدا منها الوقت شي جوج دقايق عاد عقلات على النعت .. جرات نسيمة لي ضرباتها اللقوة من الشوهة لي طراتليهوم وتكركبو هي وياها فواحد الحدورة .. حتى وصلو لواحد السوق كان خاوي .. قطعوه ودخلو فشي دروبة خاليين .. حتى لقات واحد مول الفخار كيبيع الطواجن والكصاعي .. وقفات عليه سولاتو .. وهضرات معاه بالجبلية باش مايقولش غريبة على المنطقة ..

سعاد: الشريف .. سماحلي نساقسيك .. الدار دالشريفة حجيبة .. مناين نمشيولا؟

ش: (طلعهوم وهبطهوم مزيان حتى صكاناهوم عاد نطق كيشير بيديه) كوز ها مناين .. ديك الدار لي فيها المحابق رافينا؟

سعاد: (حاضية النعت) اييه .. شوفتا ..

ش: لي بغارطا (لي قبالتها)

سعاد: (هزات جلايل جلابتها) يرحم والديك .. ربي عوين ..

جرات نسيمة وعطاوه بالظهر وزادو .. حتى وصلو لدار لي نعت ليهوم .. وبلا مايدقو لقاو الباب مفتوح .. وشي عيالات كالسين على الكراسة كيتسناو النوبة .. شافت فنسيمة ونطقات ..

سعاد: عيينا نطيرو سبقونا الناس ..

نسيمة: كا ماانشدو الصاف؟

سعاد: (بطنز) لا غاناقزو عليهوم وندوزو حنا هوما باواتها .. (دفعاتها قدامها) دخلي وطلبي التسليم ولبديها على ماتوصلنا النوبة ..

دازو جوج ساعات وهوما كيتسناو .. المرا لي دخلات كدوز ساعة عاد تخرج .. نسيمة غلبها النعاس تكات على كتاف ختها ونعسات .. وسعاد المصارن فكرشها مطايفين بالجوع .. صابرة بالزز .. حتى وصلاتهوم النوبة .. نخسات نسيمة فيقاتها من نعاسها مشقلبة ..

نسيمة: كا وصالنا؟

سعاد: نوضي اخويتي نتي باقا كتحلمي راك فطاكسي .. تبعيني وماتهضريش لداخل ..

نسيمة: (بدات تمرعد) سعاد خافت ..

سعاد: طلبي التسليم ..

نسيمة: التسليم ..

دقات باب بيتها .. حتى سمعات الاذن بالدخول ودخلات .. غير حطات رجليها قلبها تفاجا من ريحة العود والبخور لي مالية المكان .. طلقات من نسيمة حيدات بلغتها وتقدمات عندها للركنة .. كلسات الابتسامة على وجهها وخدودها توردو .. تبعاتها نسيمة كلسات مخبية حداها .. حتى هضرات الشوافة ..

ش: مرحبا ابنتي .. غاتشوفي بوحدك ولا حتى البنت لي معاك؟

سعاد: لا بوحدي (جبدات البزطام من جيبها) شحال الفتوح الشريفة؟

ش: (لاحت كمشة دالجاوي فالمجمر حتى طلع الدخان) 100 درهم ابنتي .. (عطاتها كارطة وقالت) حطيها على قلبك ونوي علاش بغيتي تشوفي ..

دارت لي قالتو ليها حطات كاؤطة على قلبها هي و 100درهم نوات اش بغات مغمضة عينيها وحطاتها ..

ش: (شداتها من عندها قصماتها على تلاتة) قولي ها قلبي ها تخمامي ها باش يأتيني الله ..

سعاد: (حطات يديها على الضمسات بتلاتة وبدات تعاود فيها) ها قلبي ها تخمامي ها باش يآتيني الله ..

ش: (عاودات موراها نفس الجملة جمعات كارطة وضمساتها وبدات تفرق .. مع كل تفريقة لونها كيتبدل وكتشدها بحال الفواقة .. حتى بدات تنطق بتركيز)عندك الغيار مع لالة مليكة .. كتكولي مانصوبهاش ماعطاتنيش علاش؟

سعاد: طلباتلي الليلة وانا ماعنديش .. وفايت درتها وماعطاتنيش .. كاع هموزها حامضين .. وكطلب كتر مكتعطي .. عزيز عليها الزهو والنشاط وداكشي خاصو الفلوس الشريفة ..

ش: (خنزرات) طلبي التسليم انت مملوكة والملوك مامعاهومش اللعب .. ايلا ماقاداش عليهوم رفدي ..

سعاد: (عبسات) شحال من مرة بغيت نرفد تا فقيه ماقضالي شي حاجة .. هلكوني غي فصحتي الشريفة!

ش: (شافت فكارطة) تا واحد ماكيعطيك فهاد الملوك؟

سعاد: داكشي قليل ..

ش: (تبسمات) انت لي كرشك كبيرة ابنتي.. هاهي طالعاليا فكارطة.. خاصك غاتقدي بيهوم وديري النية اما راه كيعطيو ..

سعاد: (كدور فعينيها) انشاءالله ..

ش: (رجعات تكونصونطرات مع كارطة وبدات تسرسب) سيدي ميمون شايفلك فشي فلوس بالخمسة نقولك 5000 درهم حتى ل 5 دالمليون .. طالعلك الفقي .. مزال توقفي على كتبة ولا حاجة الفقيه .. ذكر ابيض مزال يدخل عندك العتبة .. طالعالك التسليم الالة مليكة على شي قش .. الميمة لالة عيشة شايفالك فالذكر الابيض وطايح حبها عليه .. جاياك شي هضرة وكلام على ذبيحة ولا دم ولا ملك ولا حاجة الحرام.. شي وراق على طابلة المخزن .. وغاتوقفي على الزغراتات فهاد تلاتة دالسيمانات ولا تلت اشهر ولا تلت وقات (شيرات لكارطة) طالعالك بتلت وقات ابنتي ..

سعلد: وراق طابلة المخزن ديالاش بالضبط؟

ش: غايبان فالتخراج .. طالعالك الميمة عيشة فطريق قصيرة وشايفالك فطريق قصيرة .. يا سفر يا خروج من الدار .. عندك الشمتة وعندك العصب وعندك الغيار .. مك مالها مشموتة ومغيرة وماعاجبها حال ؟ مغيرة على الطويل الدهماني لي عندو لامارة فحنكو ..

سعاد: خويا هداك .. البارح طيح روح والقبيلة تهولات ..

ش: اممم .. مك تغيرات بين ليلة ونهار .. بكات وبردات .. ومزال الفقصة تزيدها .. هضرتي مع باك على شي درهم6000 ولا ستة دالمليون؟

سعاد: (عوجات سيفتها) اييه 6000 وماعطاهاليش .. بن المجوعف لاخر ..

ش: شكون الغليض بو موسطاش مدور الوجه .. من جهة الدم قالب وجهو لجيهتك ؟ وقعلك غيار معاه وتشمتي على طريقه مع النثوة البيضة مولات الخالة ..

سعاد: (تزيرات) هاديك اختي لي فالمدينة وراجل اختي!

نسيمة: (كدور فعينيها مستغربة)

ش: اممم (كتباعد كارطة باش تشوف مزيان) جمعكوم فراش ولا وصلتو للحرام ولا عندك معاه الحرام ؟

سعاد: (شافت فنسيمة وقلبات وجهها سكتات)

ش: كاين هادشي اه مكاينش قوليلي ندوز .. حيت كارطة تقدر تعطيك تقدر لا!

سعاد: (حركات راسها بنفي كتبلع فريقها) لا ماكاينش!

ش: (رجعات كتشوف فكارطة) عندك الحساب مع مليكة ابنتي .. كطلعلي وتعاود قادي شغلك معاها .. خبار على وراق عندك عليه هضرة وكلام .. نتي شايفة فحاجة تقيلة نقولك حديد كبير نقولك عتبة تقيلة .. مزال تزهري على شمع ولا على كتبة ولا على خرقة .. غاتخدميها لشي واحد .. غاتغيري على الابيض الطويل ..زين الصورة ..

سعاد: علاااش؟؟

ش: (رجعات ضمسات كارطة وفرقاتها كتشوف وتحقق) شكون سهام لي فاتك معاها غيار ولا غادوزك تقليقة على طريقها ؟

سعاد: (شافت فنسيمة) سهام؟ لا مكنعرفهاش ..

ش: دبا تعرفيها .. طالعلك لالة مليكة وطالعالك على الذكر لابيض لي شايف فالحرام من جيهتك .. مليكة الشيبية هي لي معكسالك طريقه ..

سعاد: اش ندير ليها؟

ش: مدارت الله وقفات عليك على الحنة؟

سعاد: وقفات ليا على ليلة وانا ماعندي باش ..

ش: لالة مليكة كترضا غي بالقليل وعزيز عليها غي التاويل .. بشحال غاتقاملك طبلتها كاع .. جهدك تلبسي ليها شي بويجيمة نقية وجديدة الله يجعلها تكون غير ب 600 وحنينة ومجمع البنات .. شعلي ليها شميعات ورشيهوم بالزهر والحنة يابسة .. هادشي جاك كثير؟

سعلد: انا كيعجبني نكبر .. هادشي كاع مكيقنعني ..

ش: ها ما قالت الشوافة .. كرشك كبيرة وملوكك غضبانين عليك (لاحت ليها كارطة) عاودي حطيها على قلبك .. وقولي اش نويتي فخاطرك ..

شداتها من عندها حطاتها على قلبها ونوات اش بغات .. رجعات عطاتها ليها ضمساتها وفرقات .. كتشوفيها وتكرع مرة تغوبش مرة تزير..

ش: شكون السمر عريض الكتاف؟

سعاد: مكنعرفوش .. زيدي وصفيه ..

ش: اممم وجه جديد .. النون والواو .. كيقطع البحر ولا رزقو على البحر .. غاتروني على طريقو .. عندو شي ابيض راد عليه الراس وزاهر معاه مشموت على طريق قصيرة .. مو مغيرة ومفقوصة وقالبة الوجه ..غاطلعلك مليكة عشيقة التاجر غاتشوفلك فيه .. (ضربات على كارطة بيديها) وغاينزلك على بيت الفراش ..

سعاد: (كدور فعينيها باستغراب) امتا هادشي؟

ش: نقولك سيمانة نقولك شهر ..طالعلك بالفرد .. وعندك معاه الحلال .. وراقكوم على طابلة الحلال .. طالعالك حاجة عيشة صوبيها ابنتي .. على الاقل عطي غي العربون وشعلي شميعات وقادي ليها الخبزة .. واقفة عليك الزيارة د سيدي علي .. ضروري ومؤكد .. شوفي كيجيوك الذكورة وكيجيوك الهموز حتى كتقولي قطعت البحر ووصلت البر ولكن كيديوهلك الجواد ابنتي .. قادي امورك معاهوم .. كنقولهالك ونعاودها غاتندمي .. جمعات كارطة باش ضمس اخر ضمسة) علامن نخرجليك راسك وشكون؟

سعاد: على راسي والابيض ..

شتتات كارطة على تلاتة التفريقات وبدات تخرج ..

ش: (كتحقق مزيان فكارطة) غاتزهري على وراق الحلال .. وغاتغيري على بيت الفراش .. ليلة الخروج .. دبيحة ولا دم نازلك على بيت الفراش غاتغيري على شمعة ولا حنة ولا دم .. (شافت فيها كتحرك فراسها) مزال تفكري فشمع ولا كتبة ولا سحور من جيهة الابيض .. طالعالك الشمتة على هاد الابيض .. مقلقة على روحك ومقلقة على وقاتك ومقلقة على قرايتك .. شمعك مزال يشعل ومزال دخلك فلوس .. جايك خبار على طريق قصيرة مزال تزهري ومزال الفرحة تكون فحجرك .. يماك غاتغير من جيهتك .. كتهضري معاها على شي حاجة تقيلة .. وشايفالك فالحاجة الثقيلة .. مشطونة من جيهتك ومطاكية عليك الدق من جهة باك .. كيبانليا الدم نازل عليك .. الاسمر عريض الكتاف عندو معاك مخالفة الطرقان .. وتابعك معاه الغيار .. عندك معاه فقصة وعندك معاه شمتة والغدر نازل فحجرو من جيهتك .. مزال كيبان ليا الدم نازل عليك .. الاسمر عريض الكتاف ضايرة بيه السمرا مو سالف قصير .. عربية وفيها عرق اخر .. (شافت فيها) نقولك شلحة نقولك سوسية .. المهم لسانها كينطق من غير العربية .. شايفة فبيت الفراش من جيهتو .. ومزال دور بيه بكتبة ولا شمع .. (حطات كارطة من يديها جمعات وطوات) سيري فكي غيارك مع مليكة وطلبي التسليم الله ..

سعاد: (تنهدات) وخ .. (جرات نسيمة لي كانت غي كتبقلل فعينيها وناضت) بسلامة الشريفة ..

خرجات مغيرة ومقندشة .. قيصي فيها طير عليك .. ماشي اول مرة تزورها هاد الحالة .. نسيمة غي شافتها ترونات عطاتها التيقار وغي تابعاها في صمت .. كدور هضرة الشوافة فراسها لي مافهمت منها حتى شي لعبة .. رجعو لمحطة طاكسيات ووقفو كيتسناو الطاكسي تعمر .. شي نص ساعة وهوما منشورين .. حتى نغزاتها نسيمة ..

نسيمة: كيبانلي مش نبقاو هنايا .. البلايص مكاينينشي لوكول (كاع)

سعاد: (بعد صمت طويل طلقات التخنزيرة وشافت فيها) شكون الاسمر عريض الكتاف؟؟

نسيمة: اللوعلم ..

سعاد: (كتغزز ضفارها) ايلا كان توفيق مامنوش كيف قالت شكون هدا لي واقفة معاه على طبلة الحلال؟؟ انا نتزوج دبا؟؟ قاتلي تلت وقات يعني قريب بزاف ..

نسيمة: انا بعدا ماتيقتاشي ..

ماجاوباتهاش جراتها دخلو لطاكسي فالبلايص القدام باش مايخورها تا حد .. وهضرات مع الشيفور ..

سعاد: اخاي ديالي غا قلع مانمشيو كورصا ..

حل الباب وطلع قدامهوم .. وقال بمزاح ..

ش: هي الفلوس موجودة العايلة ..

سعاد: (عوجات سيفتها كدوي فنفسها) مزينك أ بهطوط ..

نسيمة: (زادت لودنيها كضحك وتوشوش) هدا واقيلة هو الاسمر عريض الكتاف ..

سعاد: (خنزرات فيها وطلعات معاها بقرصة) فمك لحسو بوبي (الكلب ديال دارهوم)

تحرك بيهوم الطاكسي وسعاد عقلها هرب غي مع الاسمر عريض الكتاف تموت وتعرف شكون هو ..

وصلو للدوار قريبة العصر .. خلصات مول الطاكسي جرات ختها ومشاو للدار .. غي قربو بدات تبانليهوم الدار خوات ..

نسيمة: (زيرات على دراعها وقالت بخوف) ايما الحبيبة واقيلة الشيخ فالدار؟

سعاد: (طلات غير بنص عين بانليها غادي جاي قدام العتبة .. بقات كدور فعينيها شحال تا طاحت عليها التخريجة من حيت لا تدري) نسيمة!

نسيمة: (شاداها البكية غاتولد) نعام !! ماناكلو ماكلا الطبل ياكا؟؟

سعاد: (جراتها للجنب كتبت فيها) هانتي شوفي .. غير نقربو ديري راسك شاداك السخفة وبقاي توجعي وتلواي برجلك بحالا شاداك الخرية وخلي الباقي عليا ..

نسيمة: (غا كتهرنن) ااااياااو مايقتلنا ..

سعاد: (شداتها من الحايك لي فوق راسها وقرباتها لعندها كدوي تحت سنانها) ترجلي أ بنت المهتوكة ونتي كترعدي عليا كي القط الفازك .. شنو قوتلك دييري؟؟

نسيمة: (كتقفقف) نشد الخرية ..

سعاد: (جراتها) يالله تبعيني ..

تمشاو شوية ودخلو .. غي شافهوم عقد حجبانو .. كان كيتسناهوم وناويلهوم على فلقة بجوج بيهوم .. غا قربو عندو بدات نسيمة توجع .. شادة فكرشها وكتعصر مادوات مانطقات اصلا لسانها تعقد من الخلعة لي شاداها .. وقبل مايلحق يقول شي حاجة كانت سعاد سبقاتو ..

سعاد: عتاق أبا عتاق ..

جا لعندهوم مخلوع .. وقال بحدة ..

الشيخ: شني؟؟ مالا؟؟

سعاد: (كتغبن) ديتا عند مي يامنة من الصباح تكويلها ومزال مافاتا الحال ..

الشيخ: دكويلا؟ علاياش؟

سعاد: (شادة فيها كطبطب على ظهرها كتصبرها زعما) اختي الحبيبة قتلوها البواسر .. دايرينلا اللفافط فقاعا أبا ..

الشيخ: (شدها من عندها وتم داخل بيها لداخل) زيد لعند يماك دلقيلك شي حاجة .. زيد ..

تبعاتهوم سعاد مالور كدور فعينيها .. الخطة نجحات ونجاو من السلخة لي كان غايعطيهالهوم .. حنات راسها وتمات تابعة ختها للصالون عند مها حتى وقفها بصوته الخشن رعدها ..

الشيخ: سوعااد ...

سعاد: (ضارت عندو كدور فعينيها) نعام أبا؟

الشيخ: تباعني للسطاح ..

سعاد: (كدور فعينيها وتهضر فنفسها) السطح؟ غايلوحني من تم؟؟

شافت فيه محمر فيها .. حنات راسها وطلعات فالدروج .. كتزيد وترتاح وهو تابعها كي عاصي ربو .. كل درجة عليها بعام .. حتى دفعات الباب دالقصدير وخرجات .. تبعها هو وسد وراها الباب .. دار يديه ورا ضهرو ونطق بحزم وبدون مقدمات ..

الشيخ: خاصك دوجد راسك .. من دبا اربعين يوم مش دروح عروسة لدار الحاج المختار .. لولدم لي باقي بلا زواج ..

سعاد: (الدنيا ضارت بيها تمتمات بصدمة) كيفاش؟ عروسة!

الشيخ: اييه عروسة .. خاك سيل الدم وجبد البلا .. وهاد التزويجة هي لي مش طفي العافية ودحبس الدم ..

سعاد: (قندشات) شهاد التخلف؟ كيفاش غاتزوجني بلا خباري وبواحد مكنعرفوش غي باش طفي النار وتحبس الدم؟

الشيخ: (حمر فيها) مكنتشاورشي معاك .. انا انعلمك دوجد راساك .. مش دروح عروسة والصلاة على النبي ..

سعاد: (بعدم تصديق) وقرايتي؟

الشيخ: (غوت بسخط) ماكاينة بو قراية .. بلاصتاك فالدار دالراجل ديالاك .. شماشي لقي بقرايتك أنا؟ كا ماش دخروجلي الموهنديسة كا الطبيبة؟

سعاد: (سرطات ريقها لي نشف وقالت بحرقة) ما قابلاش!

الشيخ: حتى دكون نتي لي كدحكم ..

خلاها موراه وهبط .. رجعات جوج خطوات اللور .. الدنيا كدور بيها وودنبها كيصفرو .. نزلات الارض كلسات .. شدات فشعرها وبقات بوحدها كتهضر كي شي حمقة ..

سعاد: اويلي ا سعاد! اويلي اخرتك تمشي دية فقوادة دارها خوك وهرب وانا وحلت فيها .. (ضربات فحنوكها) اويلي حاي وندبتو خضر .. (كتغزز ضفرانها ودور فعينيها بصدمة) خاصني نشوف شي حل .. هاد الشارف باغي يقبرني فالحياة .. ساطلو الريح فزكو وباغي يزوجني .. بربي لا كانت ليك يا الشيخ المعطي يا ولد حليمة ..

ناضت من الارض كتحيد حايكها لاحتو فالسطح وهبطات لبيتها هي وختها .. لقات نسيمة كالسة مربعة رجليها وكتسناها غي تسدات الباب ناضت واقفة ..

نسيمة: يما قاتلي مش يزوجوك ..

سعاد: (كالسة شادة فراسها) تزوجو جنية يمشي تالع بين القبايل ..

نسيمة: قالك ولد الحاج المختار داك صعصع ..

سعاد: (شافت فيها مخنزرة) تقاليك نتي وياهوم لبديها قبل مانوض نبول عليك أ نسيمة ..

نسيمة: (قلبات وجهها) ولاش انا؟ هوما لي ايقولو .. (سكتات شوية ورجعات نطقات) فراسك اسعاد واقيلة غادزوج بيه .. انا شوفتو ديك النهايراتي .. اسمر وكتافو عراضين .. ياختي الهيبة منو .. الرجال بالشلاغمم وماقدوشي عليه تاجا واحيد صاحبو هو لي جارو لتيساع .. عرافتي شنو ..

قبل ماتكمل هضرتها كانت جاتها خدية لكمارة عوجات ليها الحناك ..

سعاد: (مخرجة فيها عينيها) سووووووكتي .. حسك مانسمعوش .. (هزات صبعها بتحدير) جنوني يطلعو عليك وغانقودو السوايع ا نسيمة ها ودني منك ..

نسيمة: (ناضت وقفات وخرجات كتسلت هاربة كتهضر فنفسها) ايما الحبيبة وهاجت ..

غي خرجات ناضت كتجري جبدات التيليفون من خزانتها .. شعلاتو حيت كطفيه فالدار .. دوزات نمرتو ودارتو على ودنيها غادية جاية وسط البيت حامية فيها البيضة .. صونات شحال من مرة ولا من مجيب ..

التليفون بين يديها و البيضة حامية فيها .. عيات تصوني و تعاود، ثلاثة ليالي وهي كاتاصل بدون انقطاع و لا من مجيب .. .. ما كايجاوب لا على تيليفون ولا ميساجات وكون ما التيليفون ساوي مليون الفوق كانت غاتشقفو مع الحيط بلا ماتفكر.. جلسات فوق فراشها مغزفة كاطلع و تنزل فيها و عاقدة حواجبها فالتليفون

سعاد: مباغيش تجاوب يا ولد ال*حبة (كولها كترعد .. يديها و ذاتها .. الأعصاب جننوها) دبا تاصل انت وطلبني نطلاقاك أ مول الكروفيتة .. (كتشوف فالتيليفون وتحقق فيه) اممم التيليفون مهور على داك ال*ب لي عندك .. هانا غانوريك شغلك .. نجييك نجيبك (نتفات شعرة من راسها وبقات كتشوفيها شحال عينيها كيغليو بوحدهوم) ..

.......

فبلاصة بعيدة شوية على دار الشيخ .. غي الخلا والقفار .. محطوطة صنيديقة صغيرة فالوسط و قدامها جوج كراسة جالسين عليهم نور الدين و توفيق .. الطروفة دالحشيش والكيف محطوطين فوق الصنيديقة و باكية دالگارو مع ريحة الذخاخن خارجين من الجوانات اللي شاعلين ..

نوردين: (هز سبسي كيعبر فيه بعينيه ناوي يشعلو .. عاقد حجبانو مكيااف نطق بصوت خشن) داك الحوتة مزالة فالما؟

توفيق: (سف من الجوان لي بين يديه حتى شركليه) كح كح .. سيمانة ولا بغات تحرك من بلاصتها!

نوردين: (هز بريكي شعل السبسي ونتر نترة طويلة وساط فيه مخرج الدخان من نيفو) ولاد القحاب .. (شافيه مضيق عينيه) والسخرة ديال الجابوني واجدة؟

توفيق: الدراري خدامين من دبا عشرين يوم تكون عندو .. عالله غي يفارينا فالحصيصة بلا صداع ..

نوردين: (حك نيفو وقال ببحة صوته مدعدع) لا ماخلصش هاد المرة علموني .. الكفة تقالت معايا .. كيقلب على الرايس غايلقاه ..

توفيق: (ساط آخر نفس من ذخانه و طفاه وسط الصنيديقة) وا عليه .. اشنو درتي مع باك؟ (شاف فيه لقاه منغم بالسبسي ديالو) مزال كتقلبو عليه؟

نور الدين: (عقد حواجبه من السيرة اللي جبدليه .. ضحك باستهزاء مزال حواجبه مگرونين و جر جرة طويييلة زافرها بالجهد) انا بوحدي اللي باقي كنقلب عليه .. أما هوما ضمسو القضية بالزواج هه (عسل عينيه فالذخان اللي خارج من فمو)

توفيق: (باستغراب) شمن زواج اخاي؟

نور الدين: (ببرود) باغيين يجيبو بنت الشيخ دية لدم خاي المغدور و يحطوها عندي فبيتي ..

توفيق طول فيه الشوفة كايرمش،بالثقاالة و كايعاود كلامه فسره و واحد السلك فراسو بدا كايطنطن .. عقل كايقوليه هي و عقل لا .. بغا يقطع الشك ديالو و قال بنبرة خافتة ومترددة ..

توفيق: اينا وحدة فبنات الشيخ؟؟

نور الدين: البكرة ..

توفيق: (تزير و تزنگ فوجهه .. هز جوانو جر منو باغي يطير الفقصة اللي شداتو حتى وحليه فحلقو و بدا كايكح عينيه خارجين) كح كح كحح (خبطو نور الدين لضهره حتى تگعد و عينيه خرجو) اففف الله اخاي ماجبرو شكون يلصقو فيك غير ديك المطيارة .. ما خلات لا حاحة ولا ملاحة فالدوار .. منين مادزتي تسمع خبارها مكاترصاااش ..

نور الدين: (حك على لحيته كايهزهز فرجليه ببرود) نرصيوها ..

توفيق: مانبغيهاليكش اصاااحبي، تستاهل حسن منها، انت خاصك شي بنت دارهم

نور الدين: بنت دارهوم؟ (شافيه كيضحك) مايهمش العشير.. نديرو الخاطر للحاج .. نجيبوها لعبو بيها شوية وحسابي فراسي البْلِيّْدَة ..

سكت توفيق كايدور فعينيه .. مقرووص و منيرڤي، رجليه كايهزهزهم بسرعة و قبضة يده مزير عليها بالجهد .. مالقى فين يبرد غدايدو و فنفس الوقت مابغاش يعيق على نور الدين بالهضرة .. برد غدايدو غير فدوك الجوانات معصب و مدايزالوش هاد التزويجة حتى عاود نطق نوردين بهدوء ..

نوردين: فين كتعرفها؟

توفيق: (مفقوص ومامبينش ..) القبيلة كاملة كتعرفها ..

نوردين: (كيخشي الكيف فالشقف دالسبسي) اممم .. زوينة؟ فيها مايدار!

توفيق: (بزق فالارض مفقوص) شفتها مرة وحدة فالعين عينيها فالتين مع العزارة .. مابيهاش .. علاش كتسول ياك غي مدوز الوقت؟

نوردين: (ناض وقف كيتجبد) دوز أتاي بكعب غزال ماشي هي دوزو بالفقاص أولد خالتي (تحنا جغم التلصيقة لي كانت باقا فقهوتو وقاد الوقفة) تهلا ..

شيرليه بيديه ومشا خلاه كيهزهز فرجليه .. كيفكر ويعاود فالخبار لي سمعو .. البنت لي لعب بيها شحال وكان طامع فشنو تحت السليب غاتزوج بصاحبو وولد خالتو فنفس الوقت .. هادشي لي عمرو كان يتخايلو ولا كيفكر فيه .. ناض كيجمع فداك الصندوق راسو كيغلي .. ماقادرش يزيد يخمم وهاد الخبار الثقيل لي ضربو لدماغو ماينفعو معاه جوانات .. خاصو القاصح عاد يرطاب ..

دازو الساعات عليها ثقال .. وهي حاجبة فبيتها مكتخرجش .. لي هضر معاها طفج فيه ولي قاصها تسفه عليه .. حامية فيها البيضة فانتظار ليلة الاربعاء .. وغايصبح فوجههوم الخميس ..

كالسة فبيتها مخشية فمانطة .. شاعلة شميعة مضوية عليها المكان .. كتصنت لشخير د نسيمة وعينيها على الساعة دالفروج لي محطوطة على الطبلة .. كيغليو معاها بحال شي جوج بيات ماراصيينش بلاصتهوم .. تيك توك .. تيك توك .. تيك توك .. حتى ضربات الطناش وناضت طافجة من بلاصتها بحالا لبساتها شي جنية .. مشات لماريو هزات منو واحد الصاك كبير حطاتو فالارض .. ورجعات جبدات بيجامة فاللون الابيض لبساتها بالزربة .. طلقات شعرها هبط مسبسب بحال الحرير .. ومشات قبالة المراية كحلات عينيها بمرود كطراسي وتعاود حتى برزو مزيان .. هزات موراها العكر الفاسي دوزاتو مع شفايفها وماصاتو بشوية .. شافت فراسها لاخر مرة وابتسمات برضى على إطلالتها .. حطات داكشي من يديها ورجعات لداك الصاك .. جبدات منو صينية كبيرة مدورة .. حطاتها على الطبلة وبدات تجبد من داكشي لي مخبياه وسطو حطاتو كولو على الطبلة وخرجات لبرا البيت هزات مجيممر صغير كانت زنداتو قبل .. دخلاتو وسدات الباب لاحت فيه البخور حتى بدا يطلع الدخان ..ورجعات لطبلة كتقاد فالصينية .. رشاتها بالزهر وبخراتها بداك المجمر .. حطات فيها شوية دالحنة وورق الريحان .. الخزامة وشوية دالقرنفل والورد خلطاتهوم فطبيق صغير بخراتو حتى هو وحطات فالوسط قالب ديال السكر .. سواك كحل .. عكر فاسي .. مشطة ديالها مطلية .. مراية صغيرة .. وقريعة دالريحة .. وعود الند .. خدات زلافة صغيرة خلطات فيها ما زهر والحنة وشوية دالسكر وريحة العود .. وزلافة اخرى خوات فيها الحليب مع السكر والزهر ..وزلافة خوات فيها العسل الحرة .. وزلافة زيت العود مسوس بلا ملحة .. وخبيزة عجناتها قبل بليلة بالشعير والنافع والسكر وحبة حلاوة .. جبدات طبسيل اخر عمراتو بالتمر واللوز وكركاع والشريحة وكاع التقيوتات .. وزلافة اخرى فيها المسكة والفانيد .. وزوقات الصينية ب 7 بيضات مصلوقين بلديين .. دوراتهوم بالشمع بيض .. هزات داكشي كولو وخرجات من البيت .. غير تسدات الباب .. عرات نسيمة على وجهها .. كانت يابسة بلاصتها من بعد مافيقاتها ريحة البخور لي خنقاتها .. ناضت كلسات وحلات السرجم شادة على قلبها كتمتم بخوف ..

نسيمة: يا ربي الحبيب لا ما عفو عليها كدبقا فيا الزوغبية هي والجنون ديالا ..

وصلات للسطح الريح كيسفط فيها من كل جهة .. شعرها كيتمايل على طولته .. وعلى وجهها ابتسامة خجولة .. حطات داك الصينية تحت السقف ديال واحد البلاصة مغطية .. نقية كانت سيقاتها بالنهار .. رشات الزهر ودوزات عليها بالمجمر بخراتها مزيان .. طلقات العود وشعلات الشمع .. وحدة بوحدة حتى ضوات الصينية وعطات منظر جميل حتى حلاتلها الشوفة فعينيها .. صواب لالة عيشة كيبغي كل ماهو بلدي .. تقادات فالوقفة ديالها وشافت فالنجوم لي مزينة السما ونطقات بخفوت ..

سعاد: قبلي عليا الميمة عيشة .. انا غا ولية وفلوسي قليلة .. جودي عليا بالكثير ونتهلا فيك حتى أنا .. غي رضاي عليا وحضريلي داك صفر السيفة من تحت الارض .. كنواعدك ليلتك تجيك وبالكبير وهانا عطيتك عربونها اليوم .. بغيت هداك لي شايفاليا فيه يخرج من روندتو .. يا منو يا مامنوش .. وطلقيني الفراجة الميمة عيشة راني طالبة التسليم .. بغيت مايجي يطفا هاد الشمع حتى تبان ليمارة ..

تحنات على المجمر لاحت فيه شوية دالعود .. استنشقت ريحتو حتى دخلات ليها مع العروق .. لحمها تبورش وشعر راسها وقف .. ابتسمت برضى وهبطات مخلية الصواب لماليه ..

الشمع طفا مع أذان الفجر .. تقلبات فبلاصتها شحال من مرة .. نعاسها كان مازاكيش .. وصوت التيليفون جايها غارق وهي بين اليقضة والنوم .. صونا وعاود فودنيها شحال من مرة عاد حلات عينيها وجبداتو من تحت الخدية .. غي شافت النمرة بقات مخرجة عينيها فالسمية حتى قطع .. ناضت تقادات فالجلسة ديالها ودخلات لريبيرطوار لقاتو صونا شي عشرة دالمرات فاش كانت غارقة فالنعاس .. ابتسمت بمكر .. يالله غاتحط التيلي رجع فيبرا بين يديها .. شافت فنسيمة لي شخيرها مالي المكان وريوكها سايلين .. وشدات الخط ..

سعاد: جابوك الجواد اولد فاطمة؟

توفيق: (صوته مرخي كيبان بحالا سكران) بنتيلي فالكاس أ بنت الشيخ!

سعاد: فين كانو بيك؟

توفيق: (كيتكرع) ه ء .. بغيت نشوفك المشيميشة ..

سعاد: تسناني غدا حدا البير لي قبالة الواد .. نسلت من الدار ونجي .. تعطل ماتلوم غي راسك ..

توفيق: غاتلقايني تماك المطيرة نعاسي ..

سعاد: (قطعات عليه كتلعب فخصلات شعرها) مزال نشوفك النجوم لا درتيلي خاوية فعامرة القواد .. (طلقات رجليها كتجبد وتفوه .. رجعات تكات براسها على الخدية .. جرات غطاتها وعاد ما حلا ليها النعاس)

******

كانت كالسة حدا الباب .. طالقة رجليها كتشمش .. فحجرها صينية عامرة بالزرع .. كتنقيه من الوسخ وتلوحو فالارض ينقبوه الدجاج .. ساهية وغي كتخمم .. وجهها كحل بالفقصة وعينيها مغرغرين بالدموع حتى وقفات عليها سعاد يالله فايقة من النعاس .. عاد كي غسللت وجهها وفطرات وجمعات الصينية من السطح قبل مايطلع الحاج ويقسمها ليها على راسها .. كلسات حداها ونطقات ..

سعاد: صباح الخير أ يما ..

السعدية: (تنهدات) صباح الخير الحبيبة ..

سعاد: لا فقاصشي راساك عليه .. دبا يرجع ..

السعدية: (شهقات فنفسها) مابقالو رجوع للدوار ابنتي .. خاك مشا ضياع راسو وشواني عليه ..

سعاد: (عوجات فسيفتها) شواك عليه .. ولباقلي عريس بالسيف ..

السعدية: (حطات الصينية وشدات فيديها كتهضر معاها بحرقة) ربي معاك ابنتي .. ماعندك مادلقي .. من زمان والقبيلة ماشية هايثا (هكا) لا شودشي أغنان مع باباك .. مش دفقصني أيما ديالي يلا مشا تا ضارباك وطيحلي فالفراش عاوتاني .. الزواج حمر فيه ودخلو فيه الكبار .. لقي عقلك الحبيبة ديالي ومش دربح .. لي نوصيك عليه .. رود بالاك تماك .. خديجة مش دشربك الويل .. وولدا حتى هو ..

سعاد: (كدور فعينيها) ولدا شارف أ يما؟

السعدية: لا ايوا .. بنا باقي عزري .. مكونتشي أدسمع بالرايس؟

سعاد: لا ..

السعدية: (تنهدات بحزن) واحيد القطاطعي خاصاك غا دسايس معاه ..

سعاد: (كتشوفيها بنص عين) أنا أيما عا دريويشة دالله .. ونتوما باغيين دسيفطوني لعندهوم يقتلوني ..

السعدية: (هزات صبعها فوجهها وقالت بحدة) باك مايسماحشي فيك الحبيبة ديالي .. دقيصك الشعرة يقربلا على باباهم .. كا نتيناك شايطة؟

سعاد: (فنفسها) لا ماشايطاش غا خبز بايتة .. (بصوت مسموع قالبة الموضوع ماعندهاش الوقت لي ضيعو اكثر) يما نمشي نصبنلاك الزربية فالواد ؟

السعدية: (رجعات هزات صينيتها وحركات راسها بنفي) لا يوا باباك نباه عليا مدخروج مدروج ..

سعاد: (كتسايس) لاش ايما؟ مش ندي معايا نسيمة وحدنا الواد نصبنا ونرجعو .. كا مانهراب؟

السعدية: (شافت فيها معلية حاجبها) شني طاح عليك؟ ما نتينا من سهم الحداكة مكدعرف طريقا ؟؟

سعاد: (عوجات سيفتها) وا قلنا زعما قريب دروحوني عروسة نتعلم ماينفاعني فدار الرايس .. ساعات معامن يانا ..

السعدية: (طبطبات على كتافها) وا نوض نوض ولا تعطلوشي .. رجاع قبل العصر ..

سعاد: (وقفات) وانوض طلقلي الحمار أيما أنخاف يركلني ..

السعدية: لغاط لختاك ادعرف دبردعو (كتعرف دير عليه البردعة)

سعاد: (بصوت عالي) نسيماااااااو ..

نسيمة: (طلات من السرجم) شني؟

سعاد: نزل نمشيو نصبنو ليما الزربية ضهرا أيحرقا مسكينة ..

السعدية: الله يرضي عليكم الحبايب دقلبي ..

بقات متبعاليهوم العين حتى خرجو من الباب حاطين الزربية على الحمار .. نسيمة مكوداه وسعاد هازة عصا كتنخصو ماللور حتى وصلو للواد .. كانو بزاف دالعيالات مفرشين الحصاير .. ها لي كتصبن الكوش ها لي حانية على زربية كتحك .. هدا حالهوم غي كتبان الشمس كتزيغهوم على التخمال .. ندهو الحمار حتى لجنب الواد .. سلمو على البنات لي تماك .. حطو داك الزربية .. وبداو يكبو فالما .. نسيمة خدامة على نيتها .. وسعاد حاضية غا التيليفون يفيبري فصدرها .. شي ربع ساعة وهي حانية كتفرك .. عاد وصلها ميساج .. جبداتو بالتخبية على العيالات قراتو .. رجعات خبعات التيلي ولاحت الشيتة لنسيمة ..

سعاد: كملي غانمشي نخرا .. تزيرت ..

نسيمة: (عمرات ليها سطيل صغير دالما على نيتها وعطاتها الصابون) هاكا باش دغسل زكك ..

شداتو من عندها وبقات غادة كتمختر بداك صندالة دميكة وبيجامة طويلة مكفضاها مع السروال ..حتى غبرات على عينيهوم ودخلات لواحد الجنان فيه بير .. قشعاتو واقف حدا واحد الشجرة شاعل كارو كيكميه .. ابتسمت بهدوء حتى وقفات عليه ..

سعاد: فين الهراب؟

توفيق: (لاح الكارو وجرها لعندو باسها بوسة خفيفة فمها) نهرب حتى نعيا وكترجعيني..

سعاد: (كطلع فيه وتهبط) باغيين يزوجوني اتوفيق!

توفيق: (تنهد شاد فيديها) عارف!

سعاد: (باستغراب) باش عرفتيها؟

توفيق: هداك لي غايديك ولد خالتي!

سعاد: (حلات عينيها على وسعهوم) كيفاش؟؟ وعلاش ماقولتيهاش؟ دبا ولاد المختار ولاد خالتك؟

توفيق: (دوز على وجهو بتوتر) اه ..

سعاد: وشنو دبا ماغادير والو؟

توفيق: (كيحك فراسو) القضية صعيبة بزااف؟؟ واش عارفة هداك لي غاتزوجي بيه شكون؟

سعاد: شكون يكون؟

توفيق: مقود فريو اسعاد .. صاحبي وشاركين الدم وكنعرفو .. واللعب معاه بحالا كنلعبو بالعافية .. مانقدرش نطعنو فضهرو او نغدر بيه ..

سعاد: (عقدات حجبانها فيه) شنو نفهم من هادشي؟

توفيق: (طلق من يديها) تعطيني شوية دالوقت ونهربك ..

سعاد: شوية دالوقت يعني شحال؟

توفيق: قبل العرس .. غانعلمك فاش يوصل الوقت ..

سعاد: وفاش غانهربو غانتزوجو؟

توفيق: (بنفي) مزال تصبري شوية حتى تناسا القضية .. فايتلي قتلك ما كنفكر دبا فزواج .. راسي مربج بداكشي لي غاندير .. لي عليا نعاونك حتى ترجعي للمدينة .. ونكون بيك حتى تكملي قرايتك ..

بقات شحال كتشوفيه .. من هضرتو الباردة حسات بيه كيتهرب .. بلانو عندها بان .. وحسبات الحساب فراسها عاد نطقات ..

سعاد: غانتسناك تعيط .. علمني قبل بليلة باش نوجد راسي .. (زادت حققات فيه الشوفة وقالت بخفوت) والبركة فراسك من جهة ولد خالتك ..

خلاتو واقف .. حدا الشجرة ومشات بحالها .. شاف يمين وشمال وابتسم بمكر ..

توفيق: ههه قالك باغا تزوج! نديوك لمدينة نشوفوك واش غاطوعي للارض والرايس نخليوه يخشي الصبح .. مسكين عيا يطير فاللخر كان غايدي غاتدي غي الشياطة دولد خالتو ..

وقفات على نسيمة لي كانت كتشلل الزربية وقالت بحدة ..

سعاد: تكعدي نرجعو بحالنا ..

نسيمة: (وقفات كتنفض حوايجها) والزربية؟

سعاد: لوحيها فالواد ويالله نتقودو ..

نسيمة: (كدور فعينيها) قندشت عاود؟

سعاد: (حمرات فيها) تحركي قدامي ..

طلقات جلايلها مسكينة وتحنات كتجمع داكشي دارتو فوق الحمار .. عيطات لواحد للبنت عاوناتها هزات الزربية فوق منو .. وسعاد غي غادية جاية كتغزز ضفرانها .. مرفوعة .. حتى جراتها نسيمة ومشاو للدار .. طلعات نيشان لبيتها كدور هضرتو فراسها .. كانت عارفة بلانو غايطلع فالصو .. هي ماشي غشيمة باش يدوزها عليها .. كانت يدو مطلوقة معاها وخ كيتهرب من الزواج .. جبدات منو الكثير وعيا يعواج ويحوال وماعطاتوش داكشي لي بغا .. كلسات فوق نموسيتها ورجعات راسها اللور .. شداتها فيه الشقيقة وعينيها بداو يحمارو .. كرزات على يديها بشدة .. غمضات جفونها وغيبات ..

يتبع...