العشق لمن يجرؤ الجزء 12

أنين صامت كان كيخرج من ثغرها.. مع كشكوشة بيضة هابطة على الجناب.. عينيها مقلوبين للفوق.. سنانها مزيرين ويديها مكتفاهوم.. كتفركل برجليها وصوت دفين داخلها كيخرج بصعوبة..

سعاد: ط..طلق..مني.. طلق... (قطعات الكسوة لي عليها بيديها وغوتات بأعلى صوت كأنها كدابز مع شي واحد خفي) بعاااااااد... طلااااق... مابغيتكش! مابغيييتكش...

منظر تقشعر له الابدان.. خدا منو بزاف دالوقت باش يستوعب شنو طرالها فجأة.. نزل عندها لاارض كيشدلها فيديها لي كتقطع بيهوم حوايجها وتغوت..

نوردين: (كيضرب فوجهها وغوت بانفاس لاهثة ..كيحاول يتحكم فحركاتها العنيفة) رصااااي... أ*بي.. رصااي (عطاها طرشة باش توكض)

سعاد: (كتنهج بصوت خشن.. عينيها رجعو لطبيعتهوم وخرجاتهوم فيه) بعااااااد مني... ماتقيسنييييش... مابغيتكش... خرج.. خرج مني...خرااااج.. (عضات ليه على يديه بقوة حتى توجع.. شدليها فيديها كينادي بسميتها باش تهدن.. لاكن ماكانتش كتسمعو.. دغيا غفلاتو وناضت من بعد مادفعاتو بقوة من عليها ومشات كتجري لكوزينة بحال شي حمقة ... ماجا ينوض يتبعها حتى تمات خارجة بموس فيديها.. شافت يمين شمال كتصرف بحال شي هبيلة.. تسمر فبلاصتو لمدة ثانية .. غير شافها ضربات يديها بموس والدمايات كتشرشر.. تلاح عليها باش يحيد ليها الموس .. لاكن طلقاتو لراسها فاش زير عليها ماللور.. كينطق بحرارة حدا ودنيها...

نوردين: شنو درتي ياهاد المسطية؟؟

سعاد: (حنات راسها كتشوف فالدم وداتها كتنفض.. صدرها كيطلع ويهبط كتنهج بصوت عالي..نطقات بصوت متقطع) ب.. بغيت الزززهر!

تردد فالاول واش يطلقها ولا يبقا حاكمها..بالو غير مع يديها لي ضرباتها..والدمايات لي كتشرشر.. حتى عاودات نطقات بنفس الصوت.. وبتأكيد..

سعاد: بغيت.. الزهر!

تأكد أنها طايحة بجنونها.. وماشي فكامل قواها العقلية.. نطق بحدة راسو كيدور..

نوردين: فين عندك هاد الزمر؟

سعاد: (النفس تحقنات فيها.. زيرات على عنقها بيديها ولتاني مرة كتخدم اليد لي مهرسة بكل اريحية..خرجو انفاسها المتلاحقة كدوي بحرارة) ف..الثلاجة..

كلسها على الكرسي لي حداها بحذر.. ومشا كيجري لكوزينة كييقلب على الزهر..فنفس الوقت مدوز نمرة فالتيليفون لشي واحد بمجرد ماجاوبو نطق بزربة..

نوردين: شنو كيديرو لشي حد ايلا طيحوه الجنون؟

-قرا عليها القرآن..

نوردين: سكران أزبي شمن قرآن؟

-طلقو فالتيليفون ولا التلفزة..

قطع عليه معصب فاش شافو مافيه نفع.. وتفكر نهار جاب الفقيه يقرا عليها كيف زادت هاجت.. هز الزهر وخرج لعندها.. لقاها طايحة فالارض بيها بكرسيها.. بحالا ميتة.. وقف عند راسها مشوكي.. عقلو تبلوكا فاش لقا يديها صافية وماكاين حتى أثر للدم او الجرح لي شافو بعينيه عليها.. زغب راسو وقف.. لحمو تشوكات.. وراسو تبلونطا..

تحنا هزها من الارض مافاهم والو.. دخلها البيت حطها فوق الفراش.. وهز داك القرعة دالزهر ماعارفش شنو كدير بيها بالضبط.. حلها وخواهالها على وجهها .. فشعرها .. فعنقها.. كبها كولها ولاحها فالارض.. العروق فراسو كيسوطو.. كتعيشو الستريس ديال عاماين دالخدمة غير فدقيقة.. يقابل 100 بزنانز و 100 أفير بمشاكلهوم العويصة ومايتحملش سعاد فمشكل واحد.. كتخليه كيتنفض فبلاصتو من فرط الاعصاب..

حيدلها داك الكسوة لي شركاتها عليها.. كانت لابسة من تحت غير سترينغ وسوتيانات.. عض على سنانو بغضب.. النيران شاعلة فعينيه فاش كيتفكر كيفاش كانت طرمتها كترعد بالشطيح وسط الكباريه.. غمض عينيه ورجع حلهوم.. كيبرد على راسو قبل ماتبانلو يخنقها وهي غايبة.. ناض من قدامها ومشا حل الماريو جبد اول بيجامة طاحت فيديه.. تيشورت وسروال.. رجع لبسوليها .. ريحتها كلها زهر..ماقدرش مزال يصبر على الحريق لي جاه فراسو.. خلاها منشورة فوق الفراش.. وخرج لبالكون جبد كارو شعلو كيكمي ويبخ نيران الغضب فالسما..واحد مورا واحد .. ومابردش.. حتى كلس فوق الكرسي جبد طرف دالحشيش كيقاد بيه جوان.. عقلو مرفوع.. دازو فبالو كاع اللقطات ديالها وهي كتشطح.. كيفاش خرجات فيه عينيها وخ كلات قتلة.. اللعاب فمو تجمع.. بزقها لبعيد بغضب.. سنانو كيتكرزو.. برم داك الجوان وبدا يكميه.. كيطلعليه للدماغ كيخدرو..تكا اللور كيشوف فالسما لي مغيمة.. حتى سالاه ..حس براسو تكالما.. غمض عينيه كينضف رئته بهواء نقي.. كيدخل مع صدره بارد نعشو.. بقا شحال على داك الوضعية كيحلل ويناقش فحالتها غير بوحدو.. التبويقة طلعاتليه للدماغ كالماتو..ناض بتثاقل كيجر فرجليه.. شاف جهة النموسية كانت مزالة على نفس الوضعية.. مشا لبلاكار هز بيجامة من حوايجو ودخل للدوش يخفافو عليه عضامو..

دقائق وتم خارج لابس غي سروال بيجامة بوحدو.. شعره فازك كيقطر.. صدره عريان.. شاف جهتها لقاها حالة عينيها.. تقلبات على جنبها.. كترمش بعينيها بهدوء.. كتبان مهدودة..هز فوطة صغيرة دارها على راسو... وتم غادي عندها كينشف شعره.. كلس حداها كيشوفيها بينما هي ماحركاتش عينيها ..باقا كتشوف فنقطة وحدة..لاح الفوطة لبعيد وقرب عندها.. حط يديه على جبهتها كيقيس حرارتها كانت جد عادية.. من غير لونها لي شاحب.. وتحت عينيها زرق.. شفايفها ذابلين.. والدموع مجموعين فعينيها..زاد قرب أكثر ونطق بهدوء فوق راسها..

نوردين: كيفاش طرالك حتى رجعتي هكا؟

تسناها تجاوب وهو كيشوفيها.. طال صمتها حتى ضن أنها ماغاتهضرش.. ناض من قدامها.. مشا جاب كارو ورجع حداها .. تكا على ضهرو شعلو.. حتى وصلو صوتها الهادئ كدوي بخفوت..

سعاد: كنت باقا صغيرة.. كان عزيز عليا نخرج نلعب فالدوار مع الدراري..

نوردين: (قاطعها بتهكم) من صغرك مو عزارة..

سعاد: (حركات عينيها غي بالمهل شافت فيه وكملات كلامها متجاهلة هضرتو) الشيخ ماكانش كيبغي .. وكنت ديما كنخليه يمشي يصلي .. كنسلت للسعدية ونخرج.. (سكتات شوية كترد النفس وكملات بصوت مرخي) داك النهار كان عاشورا.. خليت با مشا يصلي المغرب.. وخرجت لقيتهوم كيلعبو شعالة.. وكانت عزيزة عليا نلعب بالعافية (تبسمات كتشوفيه كيكمي ويسمع ليها) وباقا..

نوردين: (طفا الكارو حداه وتكا على جنبو كيشوفيها) وانا كنقول منين جايبة هاد الزعامة!

سعاد: شعلنا العافية وبقينا شحال كنلعبو.. ونمشيو كنجريو بالعافية ونضحكو.. حتى ماحسيت براسي غير طايحة فشي بلاصة غارقة.. شحال عاد وصلت للتحت.. كان شوية دالما.. وصليا حد صدري.. وخ صغيرة باقا عاقلة على داك البير وعلى داك الليلة بليديطاي!

سكتات شحال حتى بقا كيبحث فدروج عينيها على كمالة القصة بفضول عاد نطقات بتعب..

سعاد: الما كان بارد بزاف.. الظلام لتحت وفاش كنعلي عيني كيبان ليا الضو والدراري كيطلو عليا من فوق ولكن الصوت غريق ما كنت كنسمع والو من غير الطنين.. خفت بزاف.. رجلي فالارض ولكن ماهازينيش.. بداو دموعي كينزلو فاش استوعبت بلي انا طايحة فبير.. كنغوت ونعيط للدراري كل واحد بسميتو.. كانو كيجاوبوني ولكن مكنسمعش شنو كيتقال.. كنضرب فداك الما ونغوت.. غمضت عيني وكنبكي.. حتى حسيت بشي حد جا عندي.. فاش حليت عيني فرحت.. ومابقيتش كنبكي.. بردت فاش شفتو.. كان راجل زوين.. كيبان غير وجهو وحوايجو كوحل ولا يمكن فالظلام كانو كيبانو كوحل.. نطق وهو كيضحك فوجهي..

-ماتخافيش انا لي غانونسك هاد الليلة..

فرحت ومابقيتش خايفة.. بقا معايا داك الليلة كولها كيهضر معايا مرة ويغنيلي حتى للصباح ومابقاش كيبان.. كانو داك الساعات نزلو شي دراري كبار بالقنب باش يطلعوني.. لقيت الشيخ والسعدية كيبكيو.. كولشي كيبكي.. حتى حد ماكان كيضن غانبقا حية.. خصوصا فاش جا عمو الزوين وقطعت الحس ومابقيتش كنبكي.. ومن تماك وهو كيجي عندي.. كيلعب معايا ويمشي.. كبر معايا.. وحتى حد ما كان كيتيقني.. حتى لواحد النهار جابليا لعبة جديدة.. عطاهالي.. داك الساعات ماكانش عندي منين نجيب داك للعبة وتماك تيقوني..

نوردين: (هز يديه عاود قاسليها السخانة لقاها عادية.. حيدلها الشعر على عينيها ونطق بهدوء) باقيا كتشوفيه؟

حركات راسها بنفي.. تنهدات مجاوبة على السؤال لي قراتو فعينيه..

سعاد: فاش بديت كنكبر رجعت كنعرف شكون هداك.. وشنو باغي مني.. حتى بدا كيطلب مني شي حوايج لي مانقدرش نديرهوم..

من تماك وحنا مضادين.. ومن تماك وهو معكسليا كولشي.. أي حاجة حلال ماكانتش كتزدق ليا..والدليل قرايتي.. وزواجي.. كيعطيني غي فالحرام.. وفطريقه دخلوني بزاف دالملوك.. كل مرة كيبان واحد.. كل واحد وشنو باغي.. حتى هدوني.. واخر مرة شفت عمو الزوين هي فاش طلعني من الواد نهار لي هربت من عندك..

نوردين: (دوز بيديه على وجهها) خاصك شي حل لهادشي..

سعاد: (تنهدات) بففف الحل ساهل غي بالفم..

نوردين: (خنزر فيها) نتي عاجبينك حيت مخدماهوم فداك الخرا ديالك؟

سعاد: (ببرود) ساكنين ساكنين.. هالكيني هالكيني فصحتي مالله مايخدمو.. (ابتسمت بهدوء) كيتحتاجو خصوصا مع واحد بحالك..

نوردين: (كيدوز بصبعو على شفايفها.. ابتسم وقال بخفوت) دبا صومتيني على القحاب؟ قادرة تاكلي الدقة؟

سعاد: (بصوت مرخي) عندك مرتك سير عندها..

نوردين: (قرب عندها .. أنفاسه الحارة فوق وجهها..) ونتي شكون؟ (حيد صبعو وطبع قبلة هادئة على شفايفها وعلا راسو شافيها) حتى نتي مرتي..وكتقنعيني فالفراش اكثر منها..

سعاد: (هزات يديها دوزات على ذقنه بلطف..تحركو شفايفها بهدوء) كيقولو الراجل كيتشد بكرشو ولي تحت كرشو..

نوردين: (ابتسم بدفئ حتى بانو سنانو.. دخل يديه تغلغلو مع خصلات شعرها ماللور ونطق بخفوت) علاش باغا تشديني؟ اممم..

عضات على شفايفها كتأمل داك البحور السوداء لي تحت جفونه.. تكلمات بصوت رقيق دغدغ مسامعه بوقاحة..

سعاد: ضد فيك.. وفيا..

لاح يديه على درعانها كأنه معنقها.. أنفاسه كضرب فوجهها بحرارة.. تنهد بحيرة ونطق..

نوردين: منين جايبة هاد العناد؟ وتخراج العينين؟

سعاد: ماشي مع كولشي.. انت درتي وبقيتي.. تستاهل..

نوردين: أنا الغالط دبا؟

سعاد : (تنهدات بحرقة.. صوتها خرج مغنغن) وانا فاش غلطت؟؟ ما درت لا بيدي ولا برجلي.. حملتوني ذنب ماشي ديالي..

توسعو حدقتيه.. بغضب.. قسوة وبرود فنفس الوقت..!

نوردين: كنت كنشوفك كحلة.. وجهك مظلام.. داك الشي لي درت فيك قليل بالمقارنة بقلبي لي كان عامر من جهتك.. الرجال وماوقفوش فوجهي.. كيفاش جاتك الجرأة ودرتيها انت ماعرفتش!

دمع صامت حساتو كيهبط مع عينيها.. ماعرفاتش كيفاش خرج.. صاحباتو ارتجافة طفيفة فقلبها ..ارتعشو على إثرها شفايفها وتمتمات بحرقة..

سعاد: خرجتو عليا.. بحال شي شمعة مضوية وطفات.. انت وعائلتك تسلطتو عليا بحال الكابوس..

كانو كيفصلو بيناتهوم بضع سنتيميترات لاكن قدرات تستشعر حرارة جسده.. وقرب أنفاسه.. نظرات عينيه كانو كيجلدوها بعنف.. بقسوة وبجمود.. حسات بملمس يديه فوق كتفها العاري.. كيحرك صباعو من فوق حتى لتحت.. تايه فتفاصيلها المعقدة.. سكت لمدة وهو على نفس الحركة.. حتى ضناتو ماغايعاودش يهضر.. عاد وصلها صوته الاجش.. كينطق بهدوء..

نوردين: كتخليني نفقد أعصابي (مد يديه كيمسح ليها دموعها) كنبغي نقتلك بلا مانحس..

سعاد: ياك باغي تقتلني باش تبرد؟

نوردين: كاينة شي عقوبة أكثر من الموت؟

سعاد: (تبسمات بذبول) قلبك عامر من جيهتي حتى لهاد الدرجة؟

نوردين: مصيبة وطاحت فوق راسي انت..

طلعت انفاس حارة من صدرها.. زحفو على وجهو بهدوء..

سعاد: علاش ما طلقنيش؟ عيش حياتك كيف باغي.. وخليني حتى انا نعيش حياتي.. بعيدة عليك.. انا وياك ماشي دبعضياتنا.. انت ماغاتنساش شنو درت فيك وانا بحالك..

بقا شحال كيشوفيها.. وحتى هي ماقدراتش تزيح نظراتها من عليه.. تململ من بلاصتو بشوية وخشا راسو فرقبتها.. طبع قبلة هادئة..دغدغات حواسها.. رائحة عطره مع ريحة الكارو نفذات تحت جلدها ومزقات ما بين صدرها.. خلاها تغمض عينيها على وقع قبلة ثانية فنفس المكان.. ذقنه كتشعر بيها كتحاك مع تجويف عنقها.. علا راسه فيها كانت شبه مخدرة.. ابتسم بهدوء.. حط صبعه تحت ذقنها .. كيشوف مباشرة فالبريق الزجاجي لي تحت جفونها.. تكلم بتهكم..

نوردين: نهار ماغاتبقايش ذوبي فاش نبوسك.. نطلقك داك الساعة..

حطات صبعانها تحت ذقنه ..قالت بنبرة ماكرة.. ارتجف لها جسده..

سعاد: ولد الحرام مقطر وترابي الويل.. ولكن فالفراش كاين الرايس.. جوج حوايج لي مخلييني صابرة عليك.. وداياك على قد عقلك.. جيبك ولي حداه!

مدحات رجولته عينك عينك بلا ماتحشم.. ميزة ماكايناش فغيرها.. ابتسامة رجولية داعبات شفايفه.. نطق بحشرجة..

نوردين: فيك كولشي أبنت الشيخ.. ولكن قصوحية راسك هي لي غاتجيبي بيها اخرتك معايا..

سعاد: (ابتسمت بسخرية) كطلب مني نحتارمك فغيبتك وانت مامحتارمنيش وانا حاضرة؟

نوردين: (جحضو عينيه فجأة وقال بنبرة غاضبة) باغاني نلقاك كتشطحي وسط السكايرية ونجي نصفقلك؟؟ ياكما سميتي لؤي أبنت القحبة...

ماجاوباتوش.. عضات على شفايفها وضربات الطم..

نوردين: (تابع بنفس النبرة القاسية) برررب المعبود اسوووعاد ولي خلقني وخلقك.. نعاود نلقاك خارجة من الدار بلا خباري نحر قحبيماك..

سعاد: (ببرود كطنز) يالله كنتي زوين أبا نوردين؟

نوردين: (دوز يديه على صبعانها لي مهرسين ورد بنفس نبرتها) غانزيد نعجبك ايلا فكرتي تلعبي من مورايا أ لالة سعاد..

سلتات يديها من بين يديه غي بشوية خايفة على صبعانها يعاودهوم بالتهراس.. عارفاه يديرها ومايحنش.. فاش كيتعصب كيغيب..

عضات على شفايفها وسكتات.. حتى هز يديه كيلعب فشعرها من جديد ونطق بهدوء هاد المرة..

نوردين: مفهوم أ زينة السالف؟

سعاد: (حركات راسها بالايجاب.. وهمهمات) امممم...

ابتسم بدفئ وتحنا باسها بشوية .. كيتبنن بمذاق شفايفها.. علا راسو وشافيها تزنكات..نطق بهمس..

نوردين: بغيت نسمعها من فمك.. أ الببوشة..

خرجو أنفاسها متلاحقين.. حرارتهوم لفحات وجهه.. وصوتها عزف على أوثار رجولته.. رقيق.. حلو.. ناعم!

سعاد: شنو باغي تسمع؟

نوردين: (بضياع فسواد عيونها الساحر.. تحركات تفاحة أدم فحلقه وتمتم بصوت أجش) رجليك مايعتبوش على برا الا بشواري..

سعاد: (بهمس خافت زادت وضراتو) وايلا بغيت نخرج نفوج؟

ذقنه الحليقة ذاعبات حنكها بوقاحة.. طبع قبلة هادئة مور ودنيها حتى حس برعشتها تحت منو ونطق بخفوت..

نوردين: أنا نخرجك..

سعاد: (غمضات عينيها بأنين خافت خرج صوتها محلون) اننن.. وايلا بغيت نسهر؟

نوردين: (بنفس حار كيدور على وجهها فينما والاه يبوسها) تسهري معايا..

حسات بضلوعها غايتمزقو.. فاش التقط شفايفها بين ديالو وكتم أنفاسها بقبلة ساخنة.. عنيفة.. خلاتها دور يديها على عنقو وتجاوبات معاه.. السخانة طالعة معاها وجبينها بدا يتعرق.. قبلة فرنسية عطشانة.. تكاها على ظهرها وجا فوق منها.. زادت جراتو عندها عاطياه عنقها لي هبط كيبوس ويمص على طولته ويرجع يروي عطشه من شفايفها.. قبلات هادئة.. لمسات حنينة.. حشرجات خافتة بصوته الرجولي.. خلات قلبها يذوب!

-صافي حبس عيانة ومافياش..

نطقاتها بهمس فاش حسات براسها غاتنجارف أكثر.. وحتى هو حبس.. علا راسو.. قبل مايبدا يحيد ليها حوايجها.. مانطق ماتكلم.. ناض من عليها .. وتقلب للجهة المقابلة.. هز كاروه..بريكتو وناض لبس بنطوفتو.. وخرج نيشان لبالكون.. يضرب فيه الهوا بارد عالله يتوكض شوية.. وينسا لحظات الانجذاب لي كانت بيناتهوم قبل قليل.. ساط الدخان فالسما مكون سحابة قبالة عينيه حتى دمعات.. زفر بضيق.. يديه فجيبو.. ريقه ناشف وعقله مرفوع!

جرات عليها الغطا عاطياه بالظهر.. واصلاها ريحة الكارو شوية.. تكمشات فراسها كتشوف فالفراغ.. شاردة.. وماعارفاش راسها علاش منعاتو.. يمكن هدوءه المفاجئ خلاها مامرتاحاش للمعاشرة معاه وهو هكا.. ولا يمكن كون نعسات معاه.. كانت غاتبدل شي حاجة هاد الليلة.. غمضات عينيها بتعب نافضة هاد الافكار من راسها.. وسرعان ما داها النعاس.. وترخات بلاصتها..

دخل كيجر فرجليه .. سد الباب ورجع تلاح حداها فالفراش.. طل عليها كانت ناعسة.. كتبان بريئة وماتحركش البيضة من الطاس.. وهي أفعى سامة ايلا لسعاتك تقتلك.. طفا ضوء الغرفة وبقا غي الظلام.. تكا على ضهره ودراعه على جبهته.. عينيه فالسما.. بهدوء استسلم للنعاس من بعد مدة طويلة..كيتصنت لصوت أنفاسها المضطربة.. كتقلب على راس الدقيقة.. إنسانة مامرتاحاش حتى فنعاسها!

حلات عينيها بانزعاج.. كتحس بداتها مرخية عليها.. ضرباتها ريحته أولا.. فاش علات عينيها لقات راسها عند راسو.. تقريبا مخشية فكتفو.. رجليها لايحاها عليه.. ويديها كذالك.. تنهدات بملل.. بعدات عليه بشوية.. تكات على جنبها كتشوفيه.. عاقد حجبانه حتى فنعاسه.. خلاها تقوس حجبانها حتى هي غريزيا..

سعاد: (بهمس) وخ كضرب على الشعا ولد القحبة مقطر..

لاحت عليها الغطا قبل مايتحولو نظراتها الهادئة ليه لأخرى حاقدة.. طير عليه تقجو.. لبسات صندالتها ودخلات للحمام.. ضرباتها بتدويشة.. خفافو فيها عظامها.. لاحت عليها بينوار وخرجات كتنشف سالفها بفوطة صغيرة.. شافت جهة النموسية لقاتو باقي ناعس.. على نفس الوضعية.. عوجات سيفتها ومشات تقابلات مع المراية كتنشف شعرها.. حتى قشعات تيليفونو محطوط على الطبلة كيفيبري.. طلات بنص عينيها بانت ليها سمية فدوى.. طلات اللور تشوف واش فاق لقاتو ناعس.. مدات يديها هزات التيلي من بعد ماقطع.. حلاتو كان بلا كود وخاد القضية عارفاها حيت مافيه والو.. كيمسح كولشي وماعندك ماتحصلي عليه فتيليفونو لي ماغايفيدك فوالو.. دخلات ليزابيل لقاتها المكالمة العاشرة ديالها غير هاد الصباح.. تبسمات بخبث وهي كتقرا ميساجاتها..

سعاد: (بخفوت) السلوكية مسكينة محنة.. (كتعوج هضرتها مقلداها) فينك احبيبة؟ قلبي مشطون عليك اكبيدة؟ نوردين مالك مكاتجاوبش!

شافت راسها فالمراية عينيها كيدورو.. خلات التيلي فيديها ومشات لعندو كتسلت.. كلسات جنبو على النموسية.. قربات ليه غير بشوية..تكات حدا راسو.. وهزات تيليفونو ضريات سيلفي وهي غالباها الضحكة.. مخرجة ليها لسانها فالفوطو.. قربات عندها التيلي وزوماتها .. عجبها راسها فيها.. بركات على أونفوايي.. بلا ماتردد.. وكتبات ليها تحت منها..

سعاد: ماتخافيش عليه أضرتي.. فاش يكون معايا ماكيخصو تاخير.. كنتهلا ليك فيه حتى كيقول أحح..

ختماتها ببوسة .. دارت التيليفون سيلونص .. لاحتو حداه.. وناضت عاضة على شفايفها كضحك.. وتخايل وجه السلوكية فاش تقرا الميساج..

خرجات من البيت لابسة بيجامتها.. شافت فالدار كولشي مرون .. فاش طاحت مابقات عاقلة على والو من شنو دارت.. شافت يمين شمال ومشات هزات كارو شعلاتو .. يالله نترات نتيرة سمعات الباب تحلات ونجاة داخلة كتختل كيف شي شفار.. سدات الباب كدور فعينيها حتى قفزاتها بصوتها ماللور..

سعاد: شعاندك البنت؟

ضارت مصدومة.. وتمات جاية عندها كطلع وتهبط.. وصلات قدامها كتقلبها غي بعينيها..

نجاة: ماقتلكش ياكي؟ مادار فيك تاحاجة؟

سعاد: (غالباها الضحكة) ههه غي اجي وقتل سعاد..

نجاة: (تنهدات بارتياح) كنت غانموت بالخلعة.. الحالة لي كان فيها البارح ديال واحد غايجيبك لدار يشويك على الفحم ومايبردش..

سعاد: (كطفي الكارو) اش عندو مايدير.. شي نهار يسكت ليه القلب غا بالاعصاب.. را هو مسهط لداخل..سهتو..

غي سمعاتو لداخل قفزات بلاصتها .. وشفايفها كيترعدو..

نجاة: (ضربات فشواطها) اويلي .. اويلي على لداخل.. غايقتلني لا شافني..

سعاد: (جراتها من يديها كلساتها) كلسي الارض.. راه ماشافكش اصلا البارح ضهشرتو..

نجاة: (ملامحها ترخات) اووف الحمدالله.. نااري خرجاتلك طريفة أختي .. ولكن خاصك تشوفي البنات لي كانو البارح فاش خرجتي بقاو ساعة كيدورو فعينيهوم مصدومات.. حتى خرجاتني شيماء داتني معاها لدار..

سعاد: ماضبرتي حتى فيكتيم؟

نجاة: الله أختي سعاد الناس فالناس والقرع فمشيط الراس.. خليتي لينا الركابي حتى باش نوضو نمشيو؟

سعاد: ههه.. اييه يا نجاة.. مزالة غشيمة أبنتي.. مازواتك دنيا ماضربوك حيوط..

نجاة: (ناضت كدور فعينيها) واانوض اختي لخدمتي ولشغلي لي كنعرف ندير.. الجفاف والكراطة مافيه مشاكل..

سعاد: (تجبدات بلاصتها) سيري سيري.. قادي شي كويس داتاي بعقلو.. ونقصي سكر.. الرايس كيبغيه قاصح.. (بطنز) يالله يسرط الصدمة على الصباح..

نجاة: وخ اختي سعاد.. (كتشوف فالكراسة لي مقلوبين) نجمع واقيلة هاد الروينة هي الاولى؟

سعاد: لي بغيتي..

مشات هزات صاكها وتمات راجعة عندها..

نجاة: تفكرت .. هاكي تيليفونك نسيتيه فوق الطبلة.. الصاك بقا عند شيماء تاتجيبو ليك..

شداتو من عندها.. كان طافي.. ناضت قلبات على شارجور شعلاتو.. مع الشعلة مع بداو يجيوها ليميساج.. كانو كولهوم درشيد.. مشات كلسات فالصالون كتقراهوم.. قبالتها نجاة كتجمع الدار.. كان صاعر عليها فليميساج.. ناضت كتسلت شافت جهة باب البيت ماكان حتى حس.. بسبسات بشوية لسعاد شافت فيها وهمسات..

سعاد: بسست.. حضيليا داك المونتيف لايخرج..

حركاتليها راسها بالايجاب ودوزات الخط لرشيد.. لي جاوبها مع اول صوني.. كشاكشو خارجين..

رشيد: واش باغا دخاارجني على طوعي ؟؟ فاااين تيناااا من ولي باراح؟

سعاد: شفتك بحالا كتغوت عليا لا؟

رشيد: (صاعر) نقتل دين ديماك أنا.. فااااااينك نطاااااق!

سعاد: سير حتى تبرد وعيطلي..

رشيد: (بحدة) سماعني.. غادوصلاك اللوكاليزاسيون.. الليلة دكون عندي فالدار!! مادقولي لا يمااك.. لا مريطااا لا زبي..

سعاد: دارك؟

رشيد: لا الدار د باباك.. (بتحذير) مانعاودشي الهضرة أسوعااد.. طنجة نقلبا عليك..

سعاد: (معوجة سيفتها) صافي وخ..

قطعات الخط.. مسحات ليميساج وليزابيل.. لاحت التيلي وكلسات كتنهد.. حتى سمعات الغوات ديالو زعزع الجدران.. كينادي بسميتها..

نوردين: سوعاااااااااد!

نجاة: (لصقات مع واحد الطبلة الجفاف فيديها.. كترعد) أيمااااا.. شنو درتي المسخوطة؟

سعاد: (عضات على شفايفها كدور فعينيها وقالت بطنز) والو.. سيفطت ميساج لضرتي واقيلة ماعجبوش الحال..

نجاة: (كتشوفيها غادية عندو) أويلي الروح غاطيح..

مع الدخلة مع ترفعات من الارض هازها من شعرها كيديها ويجيبها صاعر..والتيليفون فيديه..

نوردين: ماقتلتش ملتك بالليل نضتي كتقلبي عليها على الصباح؟؟

سعاد: (حاطة يديها على يدو مغمضة عينيها كتوجع) طلق مني الزززمر.. مااالي اش درت؟

نوردين: (ردخها مع واحد الحيط حداه وطار عليها بقجة كشاكشو خارجين مزال حتى ماكماش..) كلااااوك عظامك ابنت القحبة ؟ الدودة فالسوة ديالك كتفركل ياااك؟؟ (عطاها بطرشة حتى ضار وجهها ورجع قجها تاكي عليها بدراعو فصدرها) اااش داااك لتيليفووون الرررب دمك؟؟؟؟

سعاد: (وجهها حمر والنفس تقطعات.. كتخرج الحروف بصعوبة) بقاات فيك السلوكية؟ (بابتسامة مستفزة) حبيبة القلب كانت مشطونة عليك قلت نبردها.. درت شي غلط؟

معامن كيدوي؟ وفمن داير راسو.. فوحدة حمقة ومقطعة الوراق.. طلق منها تا طاحت الارض شادة فعنقها كتلهت وتكح.. وبقا غادي جاي قدامها القرودة كيشطحو ليه فوق راسو..

نوردين: علااااش درتي هكااا؟

سعاد: (لاصقة الحيط .. علات فيه عينيها.. ابتسمت بخبث.. وناضت مرخية وقفات قبالتو.. نطقات ببرود) كنتخيل وجهها كيف غايكون دبا.. وفاش توصل لعائلتك كيفاش غايكون وجههوم.. وهاد السيمانة لي غادوز كحلة فحياتك.. كانجيبو الرايس.. اححح..

وقف كيحك ذقنه مغدد.. اندفع ناحيتها من جديد.. كالاها مع الحيط طايح عليها بطوله.. نطق وهو كينفث الغضب من جوفه..

نوردين: غانحير فيهوم أبنت القحبة؟

سعاد: (مخرجة فيه عينيها) ومنين انت مامسوقش ليهوم علاش كترعد دبا؟ (بابتسامة عابثة) ولا بقات فيك مراتك مسكينة؟

نوردين: (زاد تكا عليها كيدوز بلسانو على شفايفو.. أنفاسه كتلفح وجهها.. قال بصوت أجش) غرتي؟

سعاد: (ابتسمت ياستهزاء) أش جاب طز للحمدالله؟ كتقارني بيها الرايس! علاش غانغير منها؟ نيفها كي بيت الدجاج.. تشوفها الموحمة تحرم الزواج.. لا قاع لا بزازل مبرومة بحال الجوان.. شعرها منتوف كي بيبي.. ونغير منها؟ واش غي انت تقولبتي فيها يسحابلك الناس عورة؟

رخف قبضة يديه من عليها وتراجع اللور كيمسح على راسو.. عطاها بالظهر حابس الضحكة وهو فعز عصبيته.. ماعارف واش يغوت ولا يقلب الساعة باخرى.. حتى صونا تيليفون بين يديه من بعد مادارليه الصوني.. كانت نمرة مو.. غي شافها عرف القضية حماضت فالدار واول حاجة جات لبالو هو حملها!

رجع ضار شاف فسعاد مخنزر..هز صبعو بتحذير أمام وجها ونطق بحدة..

نوردين: طلبي الله مايوقع والو لولدي.. وليماا.. نحرك أبنت الشيخ.. (عطاها بالضهر وخرج مكيشوفش قدامو درخ الباب)

سعاد: (تمتمات فنفسها) يولدو عينيك .. غاتولد غا انت والكلبة الكحلة.. تف..

خرج من قدام نجاة مكشكش.. زدح الباب تا قفزات..

نجاة: سملحمرحيم.. كيخلع يا لطيف.. (شافت فسعاد خارجة من البيت كتجر بنطوفتها تمات غادا لعندها) الله أختي سعاد غاتركبي فيا بوصفير..

سعاد: صونا تيليفوني؟

نجاة: اه شيماء.. ماجاوبتيهاش وعيطاتلي.. كانت مشطونة عليك..

مشات هزات تيليفونها عيطات ليها.. عاوداتليها اش طرا بليديطاي..

شيماء: اوووه دبا ماغاتبقايش تخرجي الساطة صعيبة الدعوة عندك..

سعاد: تايكون كيبول الويسكي .. يمشي يخرا تيق راسو ماغانخرجش بلا شوارو.. المهم الليلة وجدي راسك نمشيو عند رشيد هاد الليلة داير الفيشطا فاشقار..

شيماء: فدارو؟ غاتباتي معاه؟

سعاد: وي.. شحال وانا نكردع فيه..

شيماء: اويلي والرايس لا عاق بيك؟

سعاد: لا ماتخافيش.. درتلو مشكيل يغبر عليا فيه حتى لسيمانة..

شيماء: صافي دوزي مورايا القضية غاتكون زاهية..

سعاد: اممم.. ضبري على كرك بشي جبيلو بزناز.. غايكونو صحابو..!

شيماء: ياربي زهري يقيم ياربي..

سعاد: ايوا لا ماقيمش كفتي ليه.. تلاحي دبا..

قطعات التيلي وشافت فنجاة واقفة مسمرة حداها..

سعاد: تمشي معايا الزين؟

ماجاوباتهاش.. لاحت الجفافة ومشات كطير من قدامها دخلات لكوزينة وسدات الباب..

سعاد: ههههه الي خاف نجا..

مسافة الطريق كان وصل الدار ! الطريق كلها هو كيدورها فراسو و اخر المطاف ساس الامر من راسو ، كانت ميتة ورجعت حية ! هوما تيقو الامر غاتجيهوم صدمة.. هو كان عارف باقا حية وكان موجد ليها بلاصتها ..مكيهمو حتى مخلوق فوق الارض ، دائما القرار قرارو و السطر الاخير كيتكتب من عندو ، نزل من السيارة داخل بمشيتو المعهودة نافخ ريشو فالسما ، مع الدخلة سمع صوتها كتعد و تندب ، تنهد بقوة متبع خطواتو تاوقف عليهم نظرو اتجه ليها نيشان! كانت جالسة مثل الطائر المنكسر مربعة يديها كتبكي.. و مرة مرة طلع يديها تمسح دموعها ، حول نظرو لخديجة ونطق بحدة..

نور الدين : عندنا الميت آيما ؟

خديجة : ( بحرارة كضرب فصدرها و العوافي خارجين من عينيها ) ياك آبني ؟ يااااك العوينة باش أنشووف ؟ جنوووية و خشيتا فياااا تالقااع (كضرب فقلبها) أربي الحبيب وكا عا موت ومانبقاشي عايشة تانشوفاك فحوجراااا عاوث(عاود)

نور الدين : (زمجر بغضب ) يماااا! واش نقتلها ؟

خديجة : ( بغضب عارم ) كهاااادي عاد أدسول فيهاااا؟ قتلااا و دما جيبو لي نشاربو (هبطات يديها بحرقة مع عنقها) نشربو ويهبط مع حنجورتي ويجيني حلو (مغددة) الكافرة بالله ومالقات فيا ! ( كاضرب فخدها بقوة ) رزاتني فرجلي و جلساتني فالروكنة ! السحاارة .. القاحيبة..

نور الدين : ( شاف فدوى مركنة بعيد زادت فحدة بكاءها) شغلي وعارفو أيما...

خديجة: كاانا مامحزماااشي بالرجال أو شني؟؟ طلقاااا ولا قتلا ولا لصاقلا شي مونتيف ورميها تختخ فالحباسات الكلبة ! الفااسيدة..

نور الدين: (اللعاب تجمع فمو بالاعصاب) الذبانة غاتزنزن لي أيما.. خاليني هاني..

خديجة : (بانكسار) رجاعتا لفراش ديالاك الرايس؟ رجاعتا باش دقهرني ودقهاار هاد المسكينة لي واحلة فراسا؟؟ شني لقاتلاك أبني؟ وكلاتاك شي مصيبة؟ شني لقاتلاك تا بردت من جيهتا؟ نوووض الحبيب ديالي نجري بيك نفوكاك منا..

فدوى : ( نزلت راسها كتبكي ) الصمت

نوردين : من لاخر ا يما ! كلها بدارها ، مامساليش للحديث النسا.. راسي عامر..

خديجة: (مغزفة .. قلبها جمرة) كاانسيت فراش الموت لي وصلاتاك ليلو؟ عيني عماو بالدموع وكبدتي هاااايثا هايثا اتشوا ( كتحرك يديها ) بسبب بنت الشيخ ، ومزال أدقولي حديث النسا ؟

رايس : ( هو حاجب مركز مع فدوى لي منزلة راسها كتنخصص ) حسابها معايا ايما ! نتي خليك بعيدة على هاد السوق..

خديجة : بغيتلا الموو●ت الكحلة و الشلل و الكونصير و العكر و العافية داكلا و يجيني خبارا ونلقي العوورس المخير ! (كتنهد وتحسر) وعلى بنت الشيخ ومالقات فيا.. داخالتا عروس لداري وفرتكاتلي العووووش... أيماااااا ومش نموووووت بفقايصا.. أيما وقتلولي العزري بحا القنديل ومش يرزيوني فالبكر ديالي.. أيما وعلى بني على كبرو ولوات عليه لفعة... أربي الحبيب وربعين عام وانا نربي فيه وماربيت عا الخلا.. وااربي ونساتو مالقات فيمااااه...

..للحظة كانه اذانو تغلقو على دعوات خديجة! قرب لها عاقد حواجبو و الخوف محركو على الرايس الصغير فكرشها.. وقف على راسها بهيبتو و عوج راسو مخاطبها ..

نوردين: مالك كتبكي ؟ ( لارد ) ناقصاك شي حاجة؟ مخصوصة من شي حاجة؟

فدوة: ( فقط دموع غزيرة.. كتنخصص بشدة والالم معتصر قلبها.. بأنين صامت ) مممم

خديجة: بغات الراجل ديالا.. كانتينا مزال درجاعلا واللفعة الكرطيطة لوات على عونقاك؟؟

رايس: ( تجاهل مو ونهض فيها بقوة ) جااوبي ! علاش كتبكي؟؟؟

فرمشة عين التنفس تقطع لها ، بالخلعة و الفقصة و الصدمة ، عينيها تقلبو مايلة بجسدها غاطيح الارض، حتى التقطها بيديه كيحاول يفيقها ..

رايس: فدواااااا ( جلسها ) فدوااااا

وحدة سخفانة و حدة كتويل و تنذب و تنتف فراسها ! قمة الغضب و الجنون، تحنى هز فدوى خارج بيها للطوموبيل قصد الطبيب وكولو خوف من تكرار سيناريو الاجهاض مجددا..

تعاشات العشية.. المغرب ودنات ..الحال ضلام وموكة غرنقات.. وهي غادية جاية فوسط الدار.. كارو فيديها .. عينيها كيدورو بلاصتهوم..

نجاة: (خرجات كتمسح يديها فالفواطة) أختي سعاد.. فيك حريق الولدة؟

سعاد: (خرجات فيها عينيها.. الدخان خارج من نيفها) القواااد دايرلي الحضية..

نجاة: (مشات طلات من السرجم ورجعات) ولاهيلا مزال.. واصافي اختي بطلي تخرجي هاد الليلة.. غايسيقلك الخبار ولا يجي مايلقاكش..

سعاد: اريلي تيليفوني نصوني لشيماء مالها تعطلات..

نجاة: (مداتو ليها) هاك.. الله يلطف بينا..

سعاد: (كتغزز سنانها) سناني خيزو عليه ولد العرجة.. (جاوباتها شيماء) جاية فالغيص؟

شيماء: هانا اختي كنحل لاصونصور..

قطعات عليها الخط ولاحت التيلي..

نجاة: (كتشوفها كتنفخ كيف الحوتة داالطون) وشيماء لاش؟

سعاد: (بغضب) شتتتت.. سيري جففي داك الجهة لهيه راك نسيتيها وفرقيني عليك ماعنديش القلالات ليلك..

مشات من قدامها قبل ماتسوط فيها.. العشية كاملة وهي كتجانبها منين عرفات الرايس مشا وخلاليها الحاضي كحلات بالعما..

صونات شيماء.. مشات حلات ليها.. مع الدخلة مع خرجات سعاد لابسة جلابة وشال كحل.. وصابو عالي..

شيماء: (طلعاتها ونزلاتها) مالك على هاد اللبسة دالقوادات؟

سعاد: (كتقاد القصة على عينيها فالمراية لي حدا الباب) يالله معايا..

شيماء: (شافت فنجاة ورجعات شافت فيها) فين؟

ماجاوباتهاش شداتليها فيديها وجراتها معاها هابطين فالدروج كتبركم..

سعاد: باغي تحبسني فالدار اولد القردة.. تيقتي كرك الخنفورة دالكلب؟

شيماء: لا حول الله.. غي قوليلي اش كتصنعي؟

سعاد: غانمشيو انا وياك الحانوت ونجيو..

تبعاتها في صمت.. دازو من حدا الطوموبيل لي فيها خينة حاضيها.. نزل على المكشوف تبعهوم .. دخلو الحانوت شي جوج دقايق وجعو خرجو.. بصاشيات فيديهوم.. طلعو للدار.. تبعهوم حتى لاصونصور ورجع خرج كلس فطوموبيلتو..

سعاد: (لاحت داك الصاشيات فالباب.. ودخلات كتقلع الجلابة) بني كلبون يصلاح معاكوم غا فعايل القحاب.. (لاحت الجلابة والشال لشيماء) هاكي لبسيهوم وخرجي القصة كيما كنت دايرة انا.. غاندخل دبا نلبس عليا ونتقاد.. انت خرجي لابسة هادشي.. ديري مشيتي.. ولاطاي راك كتشبهي ليا مانخافش عليك.. وسيري توري داك القواد لي لتحت فشي قنت ..وجهك مايرمزش فيه الشوفة.. دخلي لشي محل ورجعي خرجي .. غاترجعي لدار.. انا غانكون خرجت موراكوم.. نشد طاكسي ونسبقك .. نتي حيدي عليك هادشي ورجعي خرجي من الدار نورمال.. صافي؟

شيماء: ماغاتديش طوموبيلتك؟

سعاد: لا .. دايرلي فيها المصيدة.. مافيه ثقة.. نو اختي طاكسي مالها ماعندهاش روايض،؟

شيماء: ولا سولك رشيد فين طوموبيلتك؟

سعاد: سبقتلو قبيلة بلي دخل فيا شي حد ماللور وراها فالكاراج كتصلح..

نجاة: (رمشات جوج مرات.. كتمسح الغبرة دواحد الديكور فيديها.. حالة فمها فالهضرة لي دازت بيناتهوم.. تمتمات بخفوت) إبليس..شكايجيها؟

بمكياج سهرات ثقيل.. كسوة مقزبة مبينة سيقانها العريانبن.. عامرين... بويبضين بحال القشدة الطرية.. ساترة راسها من البرد بمونطو سخون.. شعرها هابط مسبسب على ظهرها.. كيضرب فيه هوا بارد.. ميني بوط ديال الطالون مخلي مشيتها تبان أنثوية أكثر.. نزلات من الطاكسي من بعد ماخلصاتو.. أمامها كانت فيلا كبيرة.. بحال شي قصر.. عينيها لمعو.. الدولار بان فيهوم مرسوم..شافت يمين شمال من بعد ماتحركات الطاكسي كتأكد من بلاكة الفيلا واللوكاليزاسيون لي سيفطهاليها.. صونات جوج مرات.. حلات ليها الخدامة.. رافقاتها حتى لداخل.. وهي حالة فمها فالفيلا وداك الجردة.. سمعات صوت الموسيقى وقهقهات جاية من داخل.. قادات شعرها مزيان قبل مادخل..

الخدامة: تقدري تعطيني المونطو لابغيتي..

حيداتو وعطاتو ليها.. عينيها على داك الكليسة لي دايرين .. كانو 5اشخاص.. جوج بنات و3 الرجال.. من بينهوم رشيد.. لي غير شافها ناض كيجري لعندها.. طلعها وهبطها بنظرات متفحصة.. وجرها عندو عنقها..

رشيد: واخيييرا.. قفلت عليك.. (باسها فمها بالخف وقبل يديها) مرحبا بالاميرة دقلبي..

سعاد: (بابتسامة خفيفة) ترحب بيك الجنة..

جرها من يديها غادي بيها فرحان.. قدمها لصحابو لي كانو حتى هوما بزنازة صحاح.. سلمات عليهوم هوما والبنات لي معاهوم..

رشيد: (كلسها جنبو معنقها) هادي سعاد.. العايلة ديالي..

نطقات وحدة منهوم شادة كاس فيديها كتشرب..

-حياني الله أ رشيد تا شوفت القلوبة خارجين من عيناك.. بالحق العايلة مزيونة دستاهل..

ردت عليها فقط بابتسامة .. بينما هو قربها لعندو باسها فخدها ونطق بخفوت..

رشيد: دشراب شي حاجة؟

سعاد: فودكا ..

رشيد: (تقاد فجلسته كيكبليها الكاس) فاينيا صاحيبتاك؟ قولتي مش دجي معاك؟

سعاد: (حنحنات كتفكر انها خلاتها تا توضر هداك لي تابعها.. شدات من عندو الكاس جغمات منو) شوية وتجي.. خرجليها شي شغال.. ياك السهرة باقا طويلة؟

رشيد: (عينيه تايهين فيها) معاك نتينا لهلا يجوعلا فاين تسالا.. (خشا راسو فعنقها كيستنشق عبيرها الساحر.. طبع قبلة تماك ونطق) توحشتك..

سعاد: (بابتسامة ساحرة.. كتحقق فملامحه اارجولية.. ماتنكرش أنه بوكوص..وعاطي العين..حطات راسها على كتفو ونطقات بخفوت) طولتي فاسبانيا..هادي كولها خدمة؟

رشيد: (جر التيو ديال الشيشة .. خدا نفس عميق وساط الدخان الفوق) توحشتيني الغزالة؟ (مد يديه يقيصها فاليد لوخرا وهو ينتابه لفاصمة لي ضايرة بيهوم.. قوس حجبانه ونطق) شعاندااك؟ مال يدك!!

هزات راسها طافجة.. بحالا فكرها فيه.. شافت فيه كتبلع ريقها وقالت بارتباك..

سعاد: طحت عليهوم..

رشيد: (هزلها يديها باسهوم) علاش ماقولتيليشي؟

سعاد: قربو يبراو..

رشيد: (حط يديه على خدودها كيدوز عليهوم بحنان) فيك الجوع؟ نتعشاو؟

سعاد: شوية.. نتسناو تاتجي شيماء..

لاح سيجارته الاخيرة لي كان كيدخنها فالجردة ديال الكلينيك.. زفر بضيق وتم داخل بخطوات ثقال.. كأنه هاز الجبال فوق كتفو..وصل لغرفتها كيحك على ذقنه.. حتى تمات خارجة الممرضة..

نوردين: فاقت؟

م: فايقة اسيدي.. دقدر دخول نعاندا..بالشيفا..

حركلها راسو .. حل الباب ودخل.. كيميل بكتافو العراض.. كانت ممدة فوق السرير.. ببذلة المشفى.. معلقين ليها سيروم.. غي شافتو داخل رمشات بعينيها.. كانو ذابلين تماما بحال وجهها.. الدم فيها مخطوف .. تغرغرو عينيها بالدموع غير قرب عندها.. هز يديه دوزهوم على راسها.. نطق بحدة كأنه كيعاتبها..

نوردين: وكون طاحلك حتى هاد المرة فين غانوصلو؟؟

فدوى: (فلتات دمعة من عينيها ونطقات بحرقة) كتقتلني بالبارد أنوردين.. واش عرفتي شنو هي نعاود نشوفها معاك؟ نسيتي كانت غاتوصلك لموت؟؟ ايلا نتا نسيتي انا لا.. كتحرقليا قلبي هكا..

نوردين: (ببرود) كانت كترد دقتها.. وصلات الموت شحال من مرة ونجات..

فدوى: (تقادات فجلستها كتغدد) دبا رجعتي تلقا ليها أعذار؟ صافي الخاطر صفا من جهتها؟ نسيتي اش دارت لخالتي؟؟ لاحتها للركنة وكلسات..

يديه لي كانت كدوز على شعرها بحنان هي نيت لي شداتها من شعرها حتى توجعات.. خرج فيها عينيه بغضب ونطق ..

نوردين: من امتا كدخلي فشغلي ابنت الشلحة؟؟ فمك تحل عليااا هاا؟

فدوى: (عطاتها للبكا كتنخصص) كضلمني أنوردين..

نوردين: (غوت بصوت عالي) شمن ضلم ولا قلاوي؟؟ ياك عايشة أميرة.. خاصك شي حاجة؟؟ هي فدارها ونتي فدارك.. مبعدها عليك مابعدات السما على الارض اش خاصك مزال؟

فدوى: (بفقصة) دبا كتقولي رضاي بهادشي .. وحاطني امام امر الواقع؟؟

نوردين: (طلق من شعرها وتقاد فوقفته.. حرك عنقه يمين شمال كيطرد الغضب) سمعي نقولك جوج كلمات ابنت الناس..ديري عقلك لابغيتي نبقا معاك زوين.. بلا ماتنبش على وجهي التاني.. انت بنت نقية وداك الوجه ماغايعجبكش.. مرتي بالقانون وحاملة بولدي ولا بنتي.. مانفرطش فيك.. وغاتبقاي عايشة معززة مكرمة وماغايخصك تاخير.. بنت الشيخ حسبيها باقا ميتة.. ايلا باغا تعيشي هانية.. وايلا غاتعمري راسك بالخوا الخاوي غاتجيبيها فكرك.. فهمتي ياك؟

فدوى: (كتمسح الدموع من عينيها) قهرتيني أنوردين.. كتجرح وداوي..

تنهد بخفوت وقرب عندها من جديد.. هز يديها كيطبطب عليهوم .. نطق بنبرة لينة هاد المرة..

نوردين: ماديريش فبالك وغاتعيشي بيخير.. ويما انا عارف شوغلي معاها.. ديري عقلك الله يرضي عليك..

تحنا باسها فراسها وخرج مخليها كتبلع الغصة فحلقها..

سد الباب وجبد تيليفونو تاصل بهداك لي حاضي سعاد .. جاوبو فالبلاصة..

نوردين: ماخرجاتش؟

-لا مشات غا تصاخار هي وصاحيبتا ورجعو.. دبا البنت خرجات من عندا وهي فالدار..

نوردين: مزال الحال تقدر تخرج خليك حاضي..

-كون هاني اخاي..

قطع عليه الخط ودخل لواتساب سبفط ليها ميساج...

كانو كالسين فوق الطبلة دالعشا.. من بعد ماجات شيماء.. كان الجو زوين وسط جماعة زينة.. داكشي لي كيعجبها نيت.. الضحك والنشاط ولا بغات الموت دجي مرحبا بيها.. رشيد كان مفششها.. ومخنتها.. يوكلها بيديه.. كل مرة يلوحليها كليمة زوينة.. يمدح فجمالها فأنوثها.. وهي طايرة مع الطيور.. ماقاداها دنيا.. حتى شافت تيليفونها شعل الضو.. قشعات سميتو من بعيد.. الضحكة تمحات من وجهها.. دغيا هزاتو قبل مايقشعو رشيد.. كتقرا حروف الميساج فغفلة منهوم..

نوردين: فينك أ هويعة؟

سعاد: فدار كالسين انا ونجاة..

طلعليها vuتسناتو يجاوب كتغزز سنانها مع بعض ولكن ماجاها حتى رد..حطات التيلي كدور فعينيها.. حتى نخسها رشيد..

رشيد: كبيدة شعانداك سقلتي؟

سعاد: (بابتسامة باهتة) لا والو..

رشيد: (شافيهوم) يالله نجلسو ادا ساليتو..

ناضو كولهوم رجعو لبلايصهوم.. زاد رشيد جوج كراطن دالبيرا وخمسة القراعي دالشراب منوع.. وبداو الشوط التاني من السهرة..

تم غادي فالكولوار حتى تلاقاه المختار للباب.. عاقد حجبانه يديه ورا ضهرو.. وقف قدامه طلعو وهبطو وقال بحدة..

نوردين: لاش جاي لهنا الواليد؟

المختار: كا داكشي لي قالت يماك دبصاح؟

نوردين: (ضرب فكتفو وداز) شغول العيالات أبا ماتحمقليش بيه راسي..

المختار: (تابعو ماللور) يماك فالروكنة بسبابا.. خاصا تقتل ديك الفاسيقة مادبقاشي حية..

نوردين: (وصل لطوموبيلتو حلها وضار شافيه عاقد حجبانه) طلع نوصلك للدار..

المختار: (مشا طلع حداه كيكرزز سنانو) قولي شني عوال دلقي؟

نوردين: (ديمارا اللوطو) شوغلي وعارفو الحاج..

المختار: (كيفرك صبعانو بغضب) خرجت علينا أولدي.. لا زيدشي دحراق يماك كتار..

نوردين: (بهدوء مركز على الطريق) صافي أبا جاي على هادشي؟

المختار: كونت عوال نجي تالصباح.. فاش لغطتلي(عيطاتلي) يماك جيت أنطير..

نوردين: ياك لباس؟

المختار: الارض لي عاندنا فالكودية مابقاتشي كدخرج الزريعة أبني..

نوردين: نزرعو لي على الطريق!

المختار: والمخزن؟

نوردين: عطيهوم الفلوس يميكو.. انا نتكلف..

المختار: خاك قالاك باغي يدخول لمدينة .. مصدعاه المرا دسكون فطنجة..

نوردين: (مخنزر) العيالات شيطان أبا.. وشكون يقابل الخدامة تماك؟

المختار: نلقيولو خاطرو أبني.. تا الفرخين ديالو (ولادو) بداو يكبرو يولفو المدينة خيار.. انا قاد بالخدامة.. الحمدالله بالصحة ديالي..

نوردين: انت تعرف الحاج..

صونا تيليفونو ديال الخدمة.. نوكيا بيل... جبدو كيشوف النمرة جاوب بزربة.. كان حكيم..

نوردين: شني فيها؟

-حكيم :راه دخال الشاف.. شني نعملو دبا؟

نوردين: دبا مبرزط.. غانشوف النهار لي مسالي .. انت جمعلي غي الدراري .. الباقي عليا..

-حكيم: وخ الباطرون.. تمسا بخير..

سطرات سطير من الغبرة فطبسيل ابيض.. كمشات واحد الميتين درهم وبدات تشم.. سطر مورا سطر حتى تبنج ليها الدماغ.. عاد علات راسها كتشوفيهوم.. كولهوم بداو يتوضرو.. شيماء واقفة كتشطح ماعياتش.. البنات لي معاهوم بداو يلاشيو.. شافيها رشيد كيضحك..

ؤشيد: توكضتي شوية؟ براكة عليك من الشراب..

حطات داك الطبسيل.. راسها ثقيل.. شافت فيه دخان الكارو خارج من بين شفايفو لي شكلهوم مغري.. طفا الكارو وجرها لعندو.. السهرة كولها وهو حاضنها بحالا غاتهرب.. دوز بيديه على وجهها عيونه تايهين فعينيها.. مغناطيس وكان كيجدبهوم بجوج..

رشيد: مناين جايبة هاد الزين العايلة؟

سعاد: (بابتسامة ساحرة شفايفها كيتحركو ببطئ) من عند الله..

الحروف لي خرجو من فمها دغدغو قلبو.. صوتها كيخليه يطيرفبحر النشوة.. قرب منها بشوية ميل راسو حتى التقط شفايفها بهدوء.. الرجفة طلعات معاها.. والسخونية تملكاتها.. باسها بحنان.. قبلة هادئة تنشوات عليها مزيان.. فاش بعد شفايفه وشافيها ماساخيش وحتى هي حسها طالبة المزيد.. خشا راسو فعنقها باسها حتى تبورشات ونطق فودنيها بخفوت..

رشيد: نمشيو لبيت؟ ناخدو راحتنا؟

سهاد: (ميلات راسها لجنب كتشوفيه.. نطقات بخفوت طالبة عليها) نمشيو.. اصلا عييت..

شد فيديها وناضو.. شير لصحابو ..

رشيد: امسية سعيدة الخوت..

تا واحد ماجاوبو.. تاواحد ماكان مسوق ليهوم من غير شيماء لي شافت فيها كتسولها غي بعينيها.. ردت عليها بغمزة ومشات معاه كيضحكو بجوج طالعين الفوق..

شيماء: (حابسة الضحكة) صكعة والله حتى صكعة مكتوبش.. فيينك الرايس هههه..

شافت فلوخرين كانو فعالم اخر.. تنهدات بملل وهزات صاكها.. جبدات تيليفون تعيط لمول الطاكسي يجي موراها.. مابقالها مادير هنا.. وحتى الليلة خرجات ليها فالصو ماضبرات على تا واحد.. كلها كان حايز حبيبو وهي فرادية!

فاقت فالصباح مضهشرة.. على صوت غوات جاي من تحت.. شافت قدامها مالقاتوش.. لاحت عليها ليزار وناضت لابسة تيشورت ديالو بوحدها يالله شادة على طرمتها منها لسليب..

خرجات كتجري من البيت.. هابطة فالدروج وصوت الغوات غادي وكيقرب.. مافرزاتش شكون كتسمع صوت رشيد كيغوت ومعاه شي مرا.. فاش وصلات لعندهوم.. لقاتو مقاتل مع شي وحدة.. كتغوت وضرب فيه باغا طلع لفوق البيت.. غي شافتها حبسات كتنهج..

كان مزير عليها .. دور وجهو فاش شافها سقلات حتى بانتليه سعاد وهو يتزاد معاه الزايد.. ماحس بيها غير دفعاتو بالجهد ومشات ليها كتجري..

رشيد: (تبعها قبل ماتوصل ليها) هدى..

يالله غاطير عليها بترييشة شدها من يديها بالجهد..

هدى: رخي مني رخي نقتلاااا.. الكلبة مدخلها لبيتي؟؟ هادي هي ديالك ارشيد.. كدخاليني فسبانيا ودجي لقحاب؟؟

سعاد: (تراجعات اللور بجوج خطوات كتشوفيهوم بهدوء.. تقريبا فهمات الموضوع وبغات تأكد.. تمتمات بتساءل) شكون هادي ارشيد؟

هدى: (علات راسها وهي كتنتر باغا طير عليها) انا مرااااتو يا القحبة.. نتينا لي شكون الملاقطة.. (كدفع فرشيد) طلااااق مني طلاااااق..

رشيد: (مزير عليها حاكمها مزيان.. غوت على سعاد) طلاع نالبيت لبس حوايجك وخرووووج .. دغياااااااا..

تململات من بلاصتها كطلع وتهبط فهاداك البركان الهايج لي قدامها.. ماخايفاش انها لا طلقات تقدر تقتلها حيت عارفة راسها ماغاتقدش عليها.. خلاتو واحل معاها وطلعات لبيت كتسمع غواتها .. حلقها خارج..

هدى: هادي هي ديالاك ارشيد.. مخاليني نفيسة فاسبانيا وماجي دعيش الحياة هنايا؟ لايحلي العايل ديالاك وتينا واخدلي راحتاك..؟؟

رشيد: (جمع معاها بطرشة) تواكض معايا ولا نفرع دين ديماك..

هدى: (كتنهج) كضرابني على موسخة دالخلا؟؟

رشيد: (طار عليها بقجة زادحها مع الحيط) شعاند طابون ديماك؟ دايرالي فيها بوليسي.. ماجا كتختل موراي.. صافي هادشي علاياش أدقلب؟؟

هدى: كونت شااااكة.. ودبا تأكدت.. والله لا كانت لاك ارشيد.. (كدفعو من صدره) ماشي انا لي دعملني بحال مونيكوس فالدار ودجي تقحبنلي هنايا.. عبيتني من دارنا معززة مكرمة.. أنا قحبة قديمة عليك وعليها .. ماعانخاليكشي دبيدقني وانا كنتشوف..

رشيد: (بانتليه سعاد هابطة كتلبس مونطوها.. غزز سنانو راسو تنفخ بالاعصاب..زاد زدحها مع الحيط) هوووودااااا لا خالينيشي نقتلاك كيما ديرت مع الاولى.. ماغاتحرافليشي فيك..

هدى: (كتركل وتغوت) رخي مني.. رخيييييييي... عانطلاع نقتلا..

طلق منها فاش تاكد بلي سعاد خرجات.. خلاها طلعات جاعرة الفوق.. مسح على وجهو بعصب.. مصيبة وطاحت على راسو عل الصباح.. ماعرف واش يتبع سعاد يشرحلها ولا يبقا مع هاد القنبلة الموقوتة لي تابعاه من اسبانيا حتى لهنا..

كلسات فطبيلة جاية مقنتة كطل على البحر.. الهوا بارد كيضرب فيها على الصباح.. شعلات كاروها كتكمي بهدوء عالله توكض ويدوزها حريق الراس.. كمات الاول وزادت التاني.. حتى تزدح صاك قدامها .. علات عينيها لقاتها شيماء..جرات كرسي وكلسات قبالتها..

شيماء: واش داكشي لي قلتي بصح؟ هجمات عليكوم مراتو عل الصباح؟

سعاد: (جغمات من قهوتها) بنت القحبة طفجاتني من النعاس..

شيماء: مافهمتش.. امتا تزوج؟

سعاد: (ضحكات بطنز) اش غاتفهمي فالرجال؟ مخليها فاسبانيا تربيلو الولد وحتى هي يمكن يالله والدة.. وجاي تابع لا ومالي وتقرقيب السطالي..

شيماء: اويلي ودبا شنو غاديري؟

سعاد: اش غاندير؟ يضبر كرو مع مرتو..

شيماء: ويلي يالصكعة انا طاحلي الما فالركابي بلاصتك..شنو درتو البارح؟ نعستو؟

سعاد: (شعلات كارو ولاحت البريكة مكرهة) شي بركة وصافي..

شيماء: (قوسات حجبانها) مافهمتش..

سعاد: (شافت فيها كضحك) نكذب عليك؟ تشهيتو فاش كنا كالسين.. مع السكرة والتنغيمة لي طلعاتلي للراس سخنت عليه.. ولد القحبة كيبان طياح..

شيماء: ههه طلعات فيك مليكة.. شفتها فوجهك فاش كنتي كالسة معاه يالصكعة.. قيمتي..

سعاد: شداتني الدودة عليه.. هو فراسو بلي انا باقا بنت.. كنت كنفكر غي فالكذبة لي غانقولو فاش نساليو.. ساعة ياختي غي طحت معاه للفراش نفرتو ولا ماعرفت عفتو..المهم هربليا خاطري منو.. وحتى المعلم عندو صغير..

شيماء: (حابسة الضحكة) عبرتيه؟

سعاد: بطبيعة الحال..

شيماء: ايوا وباش ساليتوها؟

سعاد: بوالو (بطنز) زعما راني باقا بنت.. خليتو كيترنح ونعست (تكات براسها على الكرسي كتنهد وتسوط الدخان فالسما) احححح على الرايس..ومادار فيا فالفراش..

كانت كالسة كتفرج فالتلفزة.. حداها شيماء كتصبغ ضفرانها.. طبسيل داللوز فحجرها كتاكل.. حالة فمها فالفيلم لي قبالتها .. تيليفوتها ماعياش من الصوني..

شيماء: (شافتو شاعل الضو) جاوبيه اصاحبتي..

سعاد: (قلبات عينيها بملل) غايغنيلي نفس الديسك.. انا كنبغيك ونطلقا ونزوج بيك.. نتينا الحب ديالي.. بلا بلا بلا..

شيماء: ومرتو اش دار معاها؟

سعاد: ماعرفت..ماسولتوش..

بانليها ميساج جا فالتيليفون.. مدات يديها هزاتو قراتو.. كان من عند رشيد..

سعاد: ضروري نشوفاك.. سعاد صبارت عليك 3 يام منخلاني.. عانعطيك من دبا لليل لا ماجيتيشي نتينا عانجي أنا..

قراتو بصوت مسموع.. ولاحت التيلي بالشنتة..

شيماء: مصيبة هادي ايلا جا غاتكبت عليك..

سعاد: (حطات داك الطبسيل من يديها وناضت تقابلات مع السرجم شاعلة كارو) القلاوي ماغايتفرقش عليا..

شيماء: سيري دغيا وسربكيه.. ياك باغي يتصالح معاك؟ واشوفي تصالحي معاه وخ غي بشي برطمة ولا طوموبيل.. ايلا شاطو عليك عطيهوم لختك..

سعاد: هههه ولاهيلا الله ينعل لي يخصرلك.. وداك صعصع ايلا جا؟

شيماء: ياك هو كيقولك غي ماتخرجيش بلا شواري.. وا عيطي ليه قوليلو غاتباتي عندي..3 يام وهو غابر موحال يجي تاليوم..

سعاد: (لاحت الكارو لبرا من بعد ماسالاتو) يمشي يقود.. نوضي نلبسو ونخرجو.. نمشيو عندك للدار هو دبا توصلو للخبار ويسول..

شيماء: وكيغانديرو نخرجو من داري؟

سعاد: نقزو للسطح دالعمارة لي قدامكوم..ونزلو.. ندوخوه ندوخوه مالنا نحيرو فيه..

شيماء: (سدات القرعة دالصباغة كتسوط على ظفرانها) يالله تا هدا بلان..

ناضو لبسو حوايجهوم.. لباس عادي.. سراول جينز.. كبابط خفاف وجواكط من البرد..

وصات نجاة لي كانت غارقة فالكوزينة ايلا جا الرايس تعلمها.. هزات سوارت طوموبيلتها وخرجو.. غي ركبات وتحركو تبعهوم هداك ماللور.. ماكاملاش حتى جوج دقايق صونا تيليفونها وطلعات نمرتو.. دارت مكبر الصوت وقبل ماتقول الو صعر عليها..

نوردين: فين غادية؟؟؟؟؟

سعاد: (ببرود) هادي هي السلام فقبيلتكوم.. 3 يام وخبارك مقطوع.. سولني غي واش لباس ولا خاصاني شي حاجة..

نوردين: (زاد على صوته جاعر) سولتك فين خارجة؟

سعاد: (بهدوء كتشوف فشيماء) قنطت فالدار.. غادي نبات مع صاحبتي..

نوردين: فين ساكنة هادي؟

سعاد: فاش نوصل .. يسيفطلك اللوكاليزاسيون داك رقاص الخطية لي مخليه تابعني ..

نوردين: (بحدة) مكاينة مباتة برا دارك. كلسي معاها شوية ورجعي.. ولا بربي تانجي نشوهك تماك أسوعاااد..

سعاد: (زفرات بضيق) وخ الرايس..(قطعات عليه وشافت فيها) شتي كنس ناقص!

شيماء: (بارتباك) اختي غي الله يخرج هاد الليلة على خير.. انت حاولي ماتعطليش مع داك القواد..

سعاد: اتمشي معايا.. لابغيتي مادخليش تسنايني برا.. غانحطو هاد الطوموبيل حدا دارك.. نخرجو بجوج.. انت سيري كري طوموبيل واجي مورايا بيها.. انا غانشد طاكسي.. (شيراتليها لكوفر فور) جبدي الفلوس راهوم تماك... سيري عند صاحبنا .. غانهضر معاه فالتيلي يعطيهالك بسميتي بلا ضمانة..

شيماء: وخ..

واقف فالبالكون كيكمي.. عينيه على الكمرة لي متوسطة السما.. حتى صونا تيليفونو ديال الخدمة.. كان حكيم..

حكيم: الراجل لي حاضي داك القواد راه حدا الدار دبا.. كيقولك مزال ماخرج وجات عندو شي وحدة..

نوردين: (بابتسامة خبيثة) جنات على روحها تاهي.. متأكد هاديك ماشي دارو؟

حكيم: لا كنضن كاريها.. خونا شاف حتى واش كاينين الكاميرات .. كولشي ناضي.. اصلا جات مطرفة.. ومنها لخلا..

نوردين: مزيان.. طلاقاني لتماك هانا جاي..

دخلات نافخة ريشها عليه.. بانتليها كليسة على ضوء خافت.. ضارت عندو ونطقات ببرود..

سعاد: جايبني هنا باش نترومانساو؟

رشيد: (جرها معاه محاوطها جنب) خلينا نهضرو شوية .. قبل مايجيو دراري..

سعاد: ماغاديش نقصر معاكوم.. قول شنو خاصك دغيا باغا نمشي بحالي..

جرلها الكرسي باش تكلس.. حطات صاكها قالبة عليه وجهها ودافعة كبير..كلس قبالتها .. تحت عينيه كحل بالسهير.. واللون فوجهه مخطوف..

رشيد: سعاد.. عارف راسي عاوارتا معاك.. بالحق داكشي لي قوتلاك كامل صحيح.. وتا دبا مستاعد نطلقا ونزوج بيك..

سعاد: (هزات كاس دالما كتبلل بيه ريقها) رشيد .. انا وياك سالينا.. وانت عارف هادشي.. الغدر جا من جهتك ماشي من جيهتي.. انا مشيت معاك بنيتي.. خلينا صحاب احسن..

رشيد: (مد يديه زير على يدها ونطق من تحت سنانو) كانبغيك.. لا قويليشي نساليو..

سعاد: (سحبات يديها بشوية.. مامرتاحاش لهاد الكلسة) بففف .. مافهمتكش اش باغي وكيفاش كتفكر.. باغيني نبقا معاك من بعد ماعرفتك مزوج؟

رشيد: دمشي دقود.. هاديك شوغلي عارفو معاها..

سعاد: (ضحكات بسخرية) لا باينة.. والدليل هو جايبني لدار اخرى من غير ديالك.. خايفها تجي تهجم عليك ياك؟

رشيد: (ضرب بقبضة يديه فالطبلة حتى تهزو الكيسان) سوعاااااد.. فهامني.. انا مناااك مانخلاق.. تينا ديالي بالروح بالدم..

سعاد: (دوزات يديها على عنقها بتوتر..نطقات ببرود بغرض تصدرو) خليها الوقت ارشيد.. حتى نبرد..

رشيد: خود وقتك.. انا معاك..

سمعو الصوني فالباب.. تنهدات بارتياح.. اخيرا جاو صحابو وغاتقدر تفك منو بزربة.. ناضت وقفات فاش دخلو.. كان غير واحد فيهوم ديال ديك النهار مع البنت لي كانت معاه نيت.. تسالمات معاهوم.. وكلسو كولهوم على الطبلة يتعشاو.. حتى جاها ميساج لتيليفونها كانت شيماء..

شيماء: انا على برا.. جبت الطوموبيل انت باقا معطلة؟

سعاد: شوية .. غير نتعشا معاهوم نخرج.. كنت غانقولك دخلي ساعة لا جيتي غانزدقو مطولين..

رشيد: (دوز على ظهرها بحنان) كبيدة كولي..

سعاد: (مامرتاحاش وقلبها مقبوط عليها) لا صافي شبعت..

رشيد: نوضو نكلسو شوية .. نزيدو نهضرو.. (ماتسناهاش تجاوب شاف فصحابو) شنو العرسان الجداد.. نديرو شي قصارة؟

جاوبو بالايجاب.. بينما هي هزات صاكها وقالت..

سعاد: غانمشي لحمام.. ونجي..

رشيد: سير راه الفوق..

مشات كتجر فرجليها.. قندشات وماحملاتش الجو.. وقلبها كيضرب بوثيرة سريعة.. لاول مرة كتحس بالغمة فشي دار.. طلعات الفوق كتقلب على طواليط.. دخلات فاش لقاتها.. حطات صاكها وتكات على لافابو.. طالقة الما وكتشوفيه.. حتى صونا تيليفونها قفزها.. جبداتو من الصاك.. كانت شيماء.. جاوباتها صاعرة..

سعاد: صافي اشيماء شوية ونخ..

شيماء: (بصوت متقطع قاطعاتها كترجف) سعاد.. سعاد... خرجي اختي.. هربي.. الرايس دخل للدار.. هو وشي رجال... هربي اسعاد..

طلقات التيليفون طلعات معاها الصهدة.. لحمها تشوكات.. وودنيها كيسوطو.. الدنيا ضارت بيها.. تراجعات جوج خطوات للوراء.. حتى بدات كتسمع صوت الغوات جاي من تحت.. هزات تيليفونها دارت ليه سيلونص.. خشاتو فالصاك.. وخرجات كتجري.. طلات من فوق لتحت.. بانليها واقف فالباب ..ومعاه شي رجال.. واحد فيهوم شاد البنت ولاخور شاد الراجل.. وهو مقابل مع رشيد بنظرات حارقة..

نوردين: (دوز على فمو بلسانو ونطق بغيض) فين كان عقلك ابا رشيد؟؟ مسيفط لي يصفيهالي؟ نسيتي الدرس الاول لي علمتك فالتبزنيس؟

رشيد: (عينيه كيدورو وسط وجهو.. مزال مصدوم.. كيفاش حتى هجم عليه ومنين خرج ليه.. حاول يبقا متبت ونطق) علاياش كدهضار الرايس؟؟ وشهاد الدخلة عامل؟

نوردين: (جبد موس من موراه... ماضي كيبري.. دوز عليه بصبعو بحالا كيمسحو وتم غادي عندو بخطوات ثقال) عارفني ماعزيزش عليا الشفوي؟ وكنخدم يدي كتر من لساني ياك أ بايا؟؟

رشيد: (شاف فصاحبو والبنت لي معاه كتبكي بحرقة..) حسابك معاي.. طلاق منوم؟

نوردين: (ضحك بسخرية) هه.. علاش ناوي تخرج بالروح من هنا؟

رشيد تزاد معاه الزايد.. الرايس وكيعرفو مزيان.. بلع ريقه كيشوفيه..

نوردين: (شاف يمين وشمال وغمز حكيم) دوز على باباهوم..

قبل مايسالي هضرتو كانو دوزو عليهوم بموس بجوج دبحوهوم.. وخلاوهوم فالارض كيفركلو غارقين فدمهوم.. حتى خرجات منهوم الروح شوية بشوية.. فمنظر خلاها تشهق بقوة.. حاطة يديها على فمها.. رجليها فشلو عليها.. كترعد بلاصتها.. دموعها هبطو شلال.. والخوف سيطر عليها.. كتحرك راسها يمين وشمال مامتيقاش شنو كتشوف قدامها.. كان كيبانليها خيالو غادي جهة رشيد.. لي كان كيتراجع برجلو الى الوراء.. خايف من مصيره المشؤوم.. حتى لصق مع الحيط كيطلب ويزاوك فالرايس لي كانو عينيه حمرين بحال الجمرة.. نيران الغضب شاعلة فحدقتيه.. وصل عندو عطاه ببونية لكرشو.. حتى طاح الارض.. جرو لعندو ولوا ليه دراعو على عنقو.. حط الجنوية على حنجورتو.. نطق فودنيه كيحس بيه كيرجف بين يديه..

نوردين: عاود هادشي لحفار قبرك.. ايلا سولك اش جابك لهنا.. قولو لعبت مع الرايس فاش كنت سكران..

ماعطاهش فرصة فين يجاوب.. ودوز عليه بحال شي حولي .. دفعو الارض بركلة تا طاح غارق فدمو كيبخبخ.. رجع الجنوية لجيبو وشاف فحكيم..

نوردين: قلبو الدار كاملة.. تأكدو مابقا تا واحد.. وخرجو عليا هاد الكلاب لوحوهوم فالغابة..

طرطق عنقو يمين وشمال .. بزق فالارض وتم خارج.. تراجعات للوراء كترعد بالخلعة.. ومشات كتجري دخلات لاول بيت بانليها.. كان بيت النعاس وفيه ناموسية كبيرة.. تخشات تحت منها بصعوبة.. وشدات فراسها مغمضة عينيها.. صوت دقات قلبها واصل حتى لودنيها.. لدرجة ايلا قربو شوية يسمعوهوم.. الطنين فودنيها .. بحالا راها فبير غارق.. رجعات بيها الذاكرة سنوات الى الوراء.. نهار طاحت فالبير.. نفس الاحساس.. الخوف.. والرهبة.. كتسمع لصوت خطواتهوم.. طالعين فالدروج.. كيقلبو ويزدحو فالبيبان..

سعاد: (كتمتم بخفوت بصوت مرتجف) ياربي .. ياربي .. غانموت..

قلبها كينتفض.. صوت خطواتهوم غادي وكيقرب.. وحتى هي كتقرب من الموت ومن مصيرها المشؤوم حتى هي.. حلات عينيها بانليها سباط واحد فيهوم كيقلب.. رجعات غمضاتهوم.. وغابت عن الوعي لفترة من الزمن.. كتخايل راسها كطيح من فوق جرف عالي.. وايادي خفية كتلقفها.. كترجع للواقع كتسمع صوت الزديح على برا.. باقيين كيقلبو.. صوت غارق فودنيها كيهمس..

-ماتخافيش..

كان نفس الصوت لي سمعاتو فالبير.. شهقات بخفوت كتحاول تنفس.. العرق نازلة كتصب على جبينها.. فقدات التواصل مع حواسها كولهوم.. كانها ترفعات.. مكتحس لا بيديها لا برجليها.. صوت مواج البحر كيضرب فودنيها.. وجوه كثيرة ضايرين بيها.. شي كيضحك شي كيغوت.. صوت الغوات غادي وكيجهاد فودنيها.. حسات بالما طالع مع رجليها.. كتغرق وهي ماقاداش تعوم.. حتى وصل لراسها وقطع نفسها..تهيئات لعبات على خلايا دماغها وخلاوها تشهق بقوة حتى تضرب راسها فالكادر دالنموسية من تحت.. حلات عينيها كترجف.. كان السقيل وحتى حد ماكاين.. جبدات تيليفونها من الصاك.. لقات شيماء معيطة شحال من مرة دون توقف.. دوزات نمرتها ونطقات بصوت مبحوح بالكاد كيتسمع..

سعاد: ق.. قتلو كولشي اشيماء..

شيماء: (كترعد) خفت اسعاد.. الحمدالله لي باقية بالروح .. خلعتيني عليك.. كنت غانموت.. انا كنشوفيهوم كيديروهوم فطوموبيل.. بعدت عليهم باش مايشوفونيش.. نتي فينك؟ فين تخبيتي؟

سعاد: (بصعوبة كتنطق) تحت النموسية..

شيماء: (كتشوفيهوم غاديين) صافي نوضي خرجي.. نمشيو بحالنا قبل مايرجعو.. هاهوما مشاو.. (بارتباك التيليفون كيترعد بين يديها) نوضي اسعاد دغياااااا

قطعات الخط مع شيماء وتململات من بلاصتها.. استغرقت بزاف دللوقت باش تخرج من تحت النموسية.. كتزحف واطرافها مشللين.. هزات صاكها وخرجات من البيت كتجر رجليها.. شادة فالحيوط..كتمشا بصعوبة.. بحالا غادية فالمنام.. نزلات فالدروج فاشلة.. هي كتقرب وزغب راسها كيوقف.. شافت فمكان المجزرة.. الدم سايح فالحيوط.. فالارض.. فالاثاث.. داتها كترعد.. كتزطم فداك الدم وتشهق مغمضة عينيها ماقادراش تشوفو.. دماغها مبنج.. والنمل طالع معاها.. باغا تخرج من تماك بسرعة ولكن رجليها ماطاوعوهاش.. بحالا كتجر قط فالحصيرة.. كابوس وبغاتو يتسالا.. خرجات لبرا شادة فالحيوط.. الدنيا كدور بيها.. الشجر كيبانو ليها كيتحركو.. كتزطم فالربيع كيخوي بيها.. حلات الباب وخرجات للشارع.. غي شافتها شيماء نزلات كطير.. مشات لعندها.. شدات فيها.. غي وصللت استسلمت ليها وسخفات فاش عرفات راسها فايادي آمنة .. من بعد مابقات عاقلة على حتى شي حاجة!

وصلاتها لطوموبيل بمشقة الانفس.. حتى هي رجليها كيترعدو.. باغا امتا يسالي هاد الكابوس.. ركبات حداها كدير السمطة.. حتى شافت شي ضو جاي من بعيد ضارب فعينيها.. ماعرفات باش تبلات.. جرات سعاد هبطاتها للارض وهبطات حتى هي تخبعات.. كانت كضن انها سيارة عابرة فقط من داك المنطقة.. ولكن فاش سمعات المحرك ديالها سكت عرفاتها وقفات حدا داك الدار.. علات راسها بشوية.. جبينها كيتعرق وقطيرات بداو يهبطو مع عمودها الفقري.. صوت انفاسها المتقطع كان كيضرب فودنيها.. توسعو عينيها فاش شافت جوج رجال نزلو ملثمين.. فاش حققات فالطوموبيل عن بعد لقاتها هي نيت لي جاو فيها قبيلة..

شيماء: (تمتمات بخوف) ع.. علاش رجعو؟؟

كانهم سمعو سؤالها.. جبدو شي بوادا ماللور.. وتمو داخلين كيهرقو فيهوم.. شهقات بخفوت.. فاش عرفاتهوم علاش ناويين..

شيماء: هييييي.. غايحرقو الدار.. (شافت فسعاد مامتيقاش شحال عمرها طويل) ناااري فلتي أسعااد..

رجعات كتشوفيهوم واحد دخل ولاخور بقا على برا.. ماقدراتش تحرك الطوموبيل غادي يقشعوها.. بقات على نفس الوضعية حابضة لتحت مراقباهوم .. حتى شعلات العافية فداك الدار.. وبدا لهيبها كيطلع شوية بشوية.. رجعو ركبو فاللوطو.. ورجعو ماشاريار حتى تحكو الروايض ومشاو مخليين غي الغبرة موراهوم.. طلعات راسها شادة فالفولون.. وجهها كيترعد.. داتها كتنفض.. صوت الانفجار بدا لداخل.. كل ماهو ضو او غاز كان كيتفركع.. حتى من الطوموبيلات لي كانو فالجردة.. كتشوف حمم نارية طالعة فالسما وشضايا كتوصل حتى لعندها.. كانه بركان وهاج.. مدات يديها لي كيترعدو دورات الساروت ورجعات باللور.. صبعانها كيرجفو فوق الفولون ورجليها فاشلين على لومبرياج.. مابقاتش باغا تشوف موراها.. غير تواطات للطريق كسيرات حتى تحكو الروايض مع الارض وطلعات ريحة الشياط.. انطلقت بسرعة .. كتسوق بجنون.. باغا غي تبعد من داك البلاصة.. الدنيا كدور بيها..

خرج من الدوش كيمسح شعره بهدوء قطرات المطر هابطة على وجهه.. تحل الباب ودخلات كتجر فرجليها.. كتبان مرخية والتعب متمكن منها.. مشات فوق النموسية ونعسات ماعبراتوش.. طلعها وهبطها من قدام المراية ونطق بلا مايدور عندها..

نوردين: هادشي لي فيك وحم ولا فشوش؟

فدوى: (كتغبن) مابقاش عندي الحق نتفشش عليك..

نوردين: (لاح الفوطة بهدوء ومشا يلبس الفوقي ديال الكيطمة..) علاش طلقتك؟

فدوى: (قلبها مشا وجا) ماكرهتيش ياك؟

نوردين: (مخنزر فيها) نهار غانبغي ماغانتشاورش معاك أ دوليبران ديالي..

فدوى: (غمضات عينيها وجرات عليها الغطا) شي نهار قولي شي كلمة زوينة..

مشا كيجر رجليه لعندها.. راشقة ليه.. كلس حداها كيطل عليها ماللور.. هز يديه دوزهوم مع شعرها ونطق بصوت متحشرج..

نوردين: هازة فقلبك الحب.. امم..

فدوى: (ضارت عندو عابسة) اش ندير مانقدرش نشركك مع شي وحدة!

نوردين: (كيشوف فعينيها كيلمعو بالغيرة..) غاتبقاي دايراها فبالك غير كتنكديها على راسك..

فدوى: (بصوت رقيق خافت) كنبغيك ليا بوحدي اش ندير..

نوردين: (ابتسم جنب) اجي لعبو شوية وغاتنساي..

حدرات عينيها حشمانة فاش فهمات قصدو.. عضات على شفايفها وتحلات.. يالله ميل راسو باش يبوسها صونا تيليفونو لي كان فوق الكومود.. خلاها ناعسة ومشا هزو.. كان الولد لي مخليه حاضيها.. جاوب بهدوء ..

نوردين: اش تم؟

-راجعين للدار هي وصاحيبتا.. كدبان عيانة .. البنت لي معاها هي لي صاكت..

نوردين: (قوس حجبانه) فينك دبا؟

-حدا الدار.. يالله نزلو.. جا العساس عاونها باش طلعات..

نوردين: قطع هانا جاي..

فدوى: (تقادات فبلاصتها) الخدمة؟

ماجاوبهاش.. هز جاكيطتو تيليفونو وسوارت اللوطو وخرج كيجري من البيت..خلاها كدور فعينيها..

خرجات من الدوش شادة فيها.. لبساتليها بيجامة قطنية .. شعرها كيقطر.. باقا تحت تأثير الصدمة.. الكلمات واحلين فحلقها ماقادرينش يخرجو.. ريقها ناشف.. بغات طلب غي كاس دالما .. النطق خانها..

شيماء: (كتهضر مع نجاة) هاكي ديها لنموسية هانا جاية..

شداتها من عندها نجاة غادية بيها بشوية على حساب خطوتها.. كتحس بيها كترجف بين يديها.. بينما شيماء رجعات للحمام .. جمعات داك الحوايج لي حيدات .. عامرين بالدم.. كمساتهوم فيديها وخرجات عندهوم.. لقاتها ممدة فوق الفراش .. نجاة كتغطيها..

شيماء: (مداتليها الحوايج) هادو حرقيهوم..

نجاة: (كترعد بالخوف) من الصباح وهو يصوني عليها.. فاش كنتو فالحمام..

شيماء: (طلعات معاها التبوريشة) غايكون جاي.. ماخاصوش يشوفني هنا..

نجاة: (زيرات على يديها كتهضر بشوية) غاتخليني بوحدي معاها؟

شيماء: مالها غاتاكلك؟

دازت فيها ومشات عندها كلسات حداها..

شيماء: سعاد كتسمعيني ياك؟؟

سعاد: (عينيها شاردين فالفراغ.. يديها باردين بحالا داخلاها الموت) الدم.. دبحهوم..

شيماء: (شداتها من كتافها كتبتها) سعاد ترجلي معانا اصاحبتي.. الرايس جاي..

غي سمعات سميتو طفجات بلاصتها كتفتف..

سعاد: جاي؟.. لا لا ديني معاك غايقتلني..

شيماء: (زيرات على يديها بغضب) سوعااااااد.. تواكضي اصاحبتي.. ماغايقتلكش لا ماعرفكش كنتي تماااك.. بلا ماديري الحس فراسك.. رجعو للدار حرقوها فاش كنتي مغيبة.. عنداك تفلتلك شي هضرة معاه.. (شافت فنجاة) فاش يجي قوليلو طايحة بلارياح صافي؟

نحاة: (كتفرك فيديها مخلوعة) ياربي تلطف بينا.. ياربي..

سعاد: (شدات فشعرها مزيرة عليه كتمشي وتجي فوق الفراش) الدوااا.. بغيت نعس.. الدواا..

ناضت شيماء كتجري للمجر.. جبدات ليها الدوا.. ورجعات عطاتها حبة شرباتها.. كانت باغا تحط الباكية قدامها.. نتشاتهالها سعاد وشربات خمس حبات اخرى..

نجاة: (حطات يديها على فمها شاهقة) هييييي اويلي غاتنتاحر...

شيماء: (ناضت كتجمع صاكها) ماغايدير ليها والو.. يالله يكر... مانعاودش نوصيك انجاة تبتي معاه ايلا جا..

نجاة: (تبعاتها لباب) وخ .. سيري..

خرجات من عندهوم بالها معاها.. ماتقدرش تبان للرايس عند بالو علاقتهوم تسالات.. ركبات فطوموبيلتها وقلعات.. هي مشات من طريق وهو جا من طريق.. دخل للكاراج.. وقف الطوموبيل ونزل صاعر..

نوردين: غانوري لدينمك الخروج بلا شوار.. يعلم الله فين كانو بيك.. كلاوك عضامك ابنت الشيخ.. سوتاك ناضو فيها الدود للعصا .. وخ(كيبرك على لاصونصور مرات متتالية ماكرهش يهرسو) تحل الرب دمك..

تحلات الباب وطلع كيدوز على وجهه بغضب.. وصل الباب جبد الساروت حلها وتم داخل بحال الثور الهايج.. تلاقاتو نجاة الباب..

نوردين: (غوت بحدة) فينهياااا..

ماتسناهاش تجاوب .. داز فيها ودخل كي الرعد.. تبعاتو ماللور..خايفة..

نجاة: مريضة السي نوردين..

حل باب البيت حتى تضرب فالحيط.. دخل لقاها جامعة رجليها عندها.. شعرها مليوح عليها.. كتبكي بأنين خافت.. مشا وقف عند راسها عاقد حجبانه.. شاف فنجاة كيسولها غي بعينيه..

نجاة: (اللون فوجهها تخطف بالخلعة.. الكلمات خرجو من حلقها بصعوبة) مطيحينها مواليها..

كان عوال يملخها عصا .. ولكن حالتها ماشي ديال العتاب.. كلس حداها.. حط يديه فوق راسها دوز على خصلات شعرها بهدوء.. ونطق بصوت خافت..

نوردين: سعااد..

علات راسها طافجة فاش سمعات صوته.. غير شافتو حبسات البكا وغوتات طافجة.. لصقات مع النموسية..

سعاد: بعااااااد مني القتاااااااال...

ماداهاش فهضرتها عرفها جاتها الحالة تاني.. لي ثار انتباهه هو الضرابي زورق لي فيديها.. عقد حجبانه وشاف فنجاة..

نوردين: خرجي..

تململات من بلاصتها كتقفقف... سدات الباب ومشات.. جرها من يديها وهي مرخية.. غي نطقات داك الجملة بدات تغيب.. مفعول الدوا بدا يخدم فيها.. عراليها درعانها حتى الفوق.. كولها زرقة.. ناض عراليها حتى على فخادها كلها زرقة.. شافيها كتسبل فعينيها غاتنعس.. غطاها وجلس القرفصاء حدا راسها..

نوردين: يعلم الله شنو لي طيحك تاني..

سعاد: (كتخل عينيها وترجع تسدهوم.. كدوي بصعوبة) الدم.. عامرين دم.. (هزات صبعها كترعد كتشيرليه اللور) شوف.. هاهوما جايين.. قتلتيهوم..

نوردين: (شدلها فيديها نزلهالها حداه.. ناض كلس حداها كيدوز على شعرها بحنان) نعسي ماكاين تا حد..

سعاد: (بدات تبكي وتعصر الدموع بحرقة) انننن.. كنشوفهوم.. راا.. راهوم..

نوردين: (حيد صندالته وطلع نعس حداها.. جرها لعندو معنقها.. خاشيلها راسها فعنقو) غمضي عينك وماغاتشوفي والو..

سعاد: (كتبكي بصوت عالي فزكات ليه الكيطمة) ااااه.. هئ.. هئ.. فيييك ريحة المووووت..

نوردين: (يديه كيمسحو الدموع من خدودها.. شادليها الخاطر) غدا نرش الريحة لي كتعجبك..

سعاد: (سكتات من البكا كترعد..شهقات بحرارة.. كتزفر انفاس ساخنة فعنقو) ما.. غاتقتلنيش؟

نوردين: (بهمس كيدوز على كتفها بلطف) كتخافي من الموت زعما؟ نعسي نعسي.. غدا عاد نتفاهم مع ملتك على الخروج بلا خباري حتى جاية بهاد الحالة.. راسك قاصح لدينمك..

سعاد: (كتسمع صوته بعيد..غارق.. كتهلوس) ك..كنت مع عمو الزوين..

نوردين: (كيغزز سنانو بغيض) عمو الزوين عاود.. حمدي الله لي طلع من الجنون .. نوري الدين ديماك تمشي عندو ولا يجي عندك..

قطعات الحس ماعاوداتش دوات..فاش طل عليها لقاها نعسات حالة فمها.. عينيها كيرمشو بحالا غايبة.. قادها فبلاصتها وناض لبس صندالتو وخرج لبرا كيجبد كارو من جيبو.. لقا نجاة حاطة يديها على خدها كالسة فوق كرسي.. غي شافتو ناضت طافجة..

نوردين: (شعل كارو ولاح البريكة حداه.. شافيها بنص عين عاقد حجبانه) شكون دوشليها؟

نجاة: (كتفرك يديها بارتباك) انا وصاحبتها..

نوردين: سمية هاد صاحبتها؟

نجاة: (بلعات ريقها) يمكن سميتها كوثر السي نوردين..

نوردين: (مسلط عليها نظراته مثل الصقر غي بعينيه يقتلك ويحييك) امم ..شكون كيجي عندها للدار؟

نجاة: (العرق كتحسو هابط مع ظهرها) تا.. تا حد اسيدي.. من غير هاد صاحبتها..

نوردين: (ساط الدخان فالسما كيطلع فيها ويهبط.. حركاتها نظراتها وتوترها الواضح.. نطق بصوت أجش) شنو كتقيل دير فاش ماكتخرجش؟

نجاة: والو اسيدي غي مجمعة فالتيليفون ولا مع التلفزة..

قرب عندها بخطوات ثقال.. عينيه فعينيها حتى وترها بنظراته الحادة..حتى وقف عند راسها..

نوردين: اممم خفتي تكولي كتقيل مع الزلالة فالتيليفون.. وفاش كتقنط كتشعل شميعات ودير زاوية فالبيت؟

نجاة: أَ..؟

نوردين: (بحدة) غسلاتلك الدماغ كي الكرشة؟ مشي جيبلي شي كاس داتاي مشي.. (طارت من قدامو) ..

ضرباتها الفيقة راسها دايخ.. العرق كتصب عليها.. شدات فراسها عاطيها حريق غريب.. كتسمع الصداع والغوات وكولشي مخلط.. الصورة حداها ماواضحاش.. كيبانليها كولشي كيتحرك.. الماريو.. الزربية.. الحيوط.. حتى من الترية تهيآت ليها نازلة للارض.. ناضت كتمايل وتنين بحال شي قطة.. رجليها داينها لبالكون فين كييانو ليها عيالات كيشطحو.. وشمع مشعول جنب الباب.. تعكلات فالزربية ومن بعدها فواحد الكرسي حتى خرجات لبرا.. علات عينيها للسما كانو الغيوم مغربين النجوم.. والكمرة حتى هي.. طلات لتحت لقات دوك النسا غاديين بحالهوم والشمع طفا.. تعلات باغا تبعهوم.. جاها الصور عالي والارض كتميل.. كتبان لسها قريية وهي كانت فليطاج السادس.. وصلها صوته من موراها كينادي بسميتها.. فاش طلات لقاتو جاي لعندها.. غوتات غي غوتة فلتو بيها رجليها ونزلات.. كتلاوح فالهوا حتى طاحت الارض.. راسها مردوخ فالشانطي والدمايات خارجة من نيفها.. وهو الفوق كينادي باسمها!

يتبع...