العشق لمن يجرؤ الجزء السابع

خرجات كتجري من الدار .. خلات الكلب لي حداها كينبح .. غادية مكتشوفش موراها .. حتى فاتت الجنان وهي تسمع شي حد كيغوت بسميتها .. ماضارتش تشوف شكون عارفاهوم رجال الرايس .. دخلات بين الشجر غي خيالها لي كيبان .. أقدام كثيرة رجعو تابعينها .. حتى توقفات فجأة حدا واحد الشجرة .. تخبعات حاطة يديها على قلبها كترد النفس .. طلات بنص عينيها لمحات خيال جاي كيجري موراها .. كان الظلام كيبانو غير عينيها كيدورو وسط راسها .. غمضاتهوم لبرهة ورجعات حلاتهوم فاش حسات بيه وصل قدامها .. جبدات موس هزاتو معاها من دار الرايس .. حسبات حد تلاتة وخرجات فيه ..قاطعة طريقه .. ماخلاتش ليه الفرصة فين يستوعب وخشاتليه الموس فكرشو .. حتى غوت بصوت عالي .. خرجات الموس كيقطر بالدم .. شافت يمين وشمال سمعات اثر اقدام جاي ناحيتها .. قادات الشال لي فوق راسها وعطاتها لجرااا .. كأنها حافضة الطريق ..

وقف كيشوف فصاحبو طايح الارض كينزف .. شاف فهادوك فلي معاه كيبلع ريقه ونطق ..

-عتاااق انت رجااع لدار الرايس علموم .. وانت يالله معاي نتبعوها ..

حركليه راسو بالايجاب ورجع للدار .. بينما الاخر خلا هداك لي غارق فدمو وتبع خيالها فين غادي هو وصاحبو .. حاضيين معاها الطريق ..

دقات قلبها كانو غاديين وكيتسارعو .. الموس بين يديها مزال كيقطر .. عوالة طيح روح اخرى ادا اقتضى الامر .. باغا تخرج من الدوار الى الابد وباش ماعطا الله .. وقفات شوية كتستارح .. حانية على ركابيها .. صدرها كيطلع ويهبط .. جنبها كيضرها بقوة الجرى .. حتى سمعات صوت الخطوات كيقرب .. زفرات بضيق وكملات الجري ديالها .. مرة مرة كدور تشوف وراها كتلقا خيال تابعها كيهددها باش توقف .. تنفسات بعمق مكملة جريها .. صوت انفاسها كيتعاندو مع صوت رياح الشرقي لي كضرب فالشجر ..كدام رجليها طابو بالجري .. غير كتبدا تعيا كتوكض راسها وتكمل طريقها .. مستحيل ترجع لداك الدار من بعد هاد الليلة .. وحتى لي غايتبعها قتلاتو بدم بارد بلا مايرفلها جفن .. دخلات لدوارهوم .. لا هي عيات ولا لي تابعينها عياو .. تحنات على واحد الحجرة كتنهج .. حتى قفزات على شي واحد جا حداها .. شهقات بقوة .. فاش علات راسها لقات بولولو ..

سعاد: (مخنزرة) حيد من طريقي أ بولولو ..

بولولو: سعاد فاين ماشيا .. فاين ماشيا سعاد؟

شافت موراها لقاتهوم قربو .. دفعاتو من عليها وكملات طريقها .. بقا بولولو الحمق كيضحك حتى وصلو لعندو داك الجوج لي تابعينها كان واقف ليهوم فالطريق ضربوه طيحوه وتبعوها .. ضارت لقاتهوم مباشرة موراها .. الخوف تسلل داخلها .. كتشوف راسها قريب يشدوها والجهد ديالها بدا ينقص .. عينيها تغاشاو عليها ..الدوخة شداتها والنفس تحصرات .. حتى توقفت فجأة على حافة عالية ومابقالها فين تزيد .. الواد تحت منها ورجال الرايس موراها .. ارتجفو شفايفها .. الارض ضارت بيها ..دورات راسها لقاتهوم وقفو كيشوفو فيها .. كانت على بعد مترين او اكثر عليهوم .. كيشوفو فيها بترقب لاتمشي طيح حيت باغيينها حية .. رجعات شافت لتحت كاين غي الظلام وصوت الما دالواد كيضرب فجناب الحافة ..

سعاد: (تمتمات بخوف شديد) نموت راسي ومايقتلونيش هوما..

غمضات عينيها كتعصر فيهوم .. اول مرة كتخاف من الموت .. حتى كانت بنات امل انها تبعد تعيش حياتها كيف بغات من بعد ماصفاتها للنقطة السوداء لي كانت فيها .. وهاهي دبا كتواجه الموت والصراع من اجل البقاء للمرة ماعرفت شحال ..علات راسها الفوق كتشوف فالنجوم المتلئلىة في السماء وبين التفكير فالموت بين يديهوم .. وانها تلوح راسها للهاوية .. اختارت التانية ومافكراتش جوج مرات ..لاحت داك الموس من يديها وترخات بجسدها تلاحت من داك الجرف للواد .. هبطات بثقلها كولو حتى غطسات للاعماق!

"بنت الشيخ قتلات الرايس ورمات راسها فالواد" "بنت الشيح قتلات الرايس ورمات راسها فالواد"

جملة تسمعات بزاف لمدة سيمانة .. من نهار خرجات من فم بولولو زارت كاع الافواه ولا سيرة فالدواور بجوج غير هادي .. كولشي زعزعاتو الخبار .. الرايس لي كانت هيبتو كتخوف الرجال وتهز الجبال طيحاتو مرا للفراش ..

فدار المختار .. بالضبط فغرفته .. كان مسطح على ضهرو .. كيصارع البقاء .. من بعد ماخرج من الكلينيك لي دوز فيه سيمانة .. نقذوه فاخر لحظة من الموت المحتم .. كان تدخل طبي فوري غسلو ليه الامعاء والمعدة .. خلاوه يستفرغ داكشي لي شرب كولو .. وسط عناية طبية خاصة .. دارو جهدهوم كولو فانقاذه لاكن حالتو مابغاتش تستقر .. وبقا طريح الفراش .. داتو كولها مشلولة عليه .. كيحل عينيه مرتين فالنهار ويسدهوم .. التحاليل كيخرجو ليه مزيانين .. أثر السم تمحا فخطرة من جسده ..ومع ذالك ماكاين حتى شي تحسن .. حتى حارو فحالتو الاطباء وفقدو الامل من انه يصح .. وخرجو المختار رجعوه للدوار ..

كلسات حداها فالصالون وقالت بحدة ..

الطاهرة: نووووض قدامي نجريو على الولد مش يضيع

خديجة: (دموعها على خدها مافتروش .. قالت بحرقة شادة على قلبها) قلبي الحبيبة مش يسكوت .. بني ايضيع من يدي وانا انشوف .. دعيتاااا الله فداك الدااار .. ربي ياخودلي حقي منا .. (كضرب على قلبها) انا .. انا داخالت اللفعة لداري .. انا .. الحبيب ربي ..

الطاهرة: (مشات جابتليها الكرسي المتحرك ورجعات) نوووض انا مانبقاشي كالسة انشوف الجنازة فالدار ونسكوت ..

خديجة: (كتشوف غا الضبابة) فاين مانمشيو؟

الطاهرة: نوض ودعرااف ..

جراتها بشوية على رجليها لي كانت معرياها خامجة ..حطاتها فالكرسي وخرجو قاصدين الفيلاج .. وصلهوم واحد من الشوافرية ديال الرايس .. شي نص ساعة وكانو واقفين حدا واحد الدار .. كيدقو ...

خديجة: (داتها كترعد) زعما فيها البركة هاد الشريفة؟

الطاهرة: (تنهدات) على ولد السنوسي شكون لي براه من غيرا؟ ياك وكلاتو شي قحبة شي مصيبة وكان مش يموت .. هاد الشريفة هي لي داواتو ..

خديجة: (بحرقة) عالله .. عالله ..

تحلات الباب وخرجات مرا كبيرة فالسن .. طلعاتهوم وهبطاتهوم وحركات راسها زعما دخلو ..

سماو الله وتبعوها .. سدو الباب من موراهوم .. و ماهي الا ثواني وكانو كالسين قبالتها .. مجمر دالبخور حداها .. وكارطة مترشة على الطبلة شافت فيهوم ونطقات بتركيز ..

ش: ولدكوم مغدور .. موكل بكتبة ولا سحور ..

خديجة: شرباتو العقارب الله ياخود فيها الحق ..

ش: (حركات صبعها بنفي) ماشي سم عادي .. مشموت على طريق السحور .. الحية كانت دايرة بيه .. مولات السالف كحل .. كتبان ماصافياش والعينين ديالا مخوضين .. الله يحضر السلامة .. كدقول للجبال تهدو وانا نبقا واقفة .. واقفين معاها الجواد ..

الطاهرة: الولد كيضيع الشريفة .. وهي ماتت وشبعت موت ..

ش: عارفة .. كيبانلي الما ضاير بيها ... انا مش نعطيك دواه .. شربولو على الريق ..

خديجة: (بلهفة) بجهد الله الحبيب وباش ماحسبت عليا .. نغنيك لا عتاقتلي ولدي ..

ش: البركة ديالي ماكدخيبش.. (شافت فرجليها) كان خاصاك ضراب الفكد فراساك .. السحور ساح فيك الحاجة!

خديجة: (بصدمة) كيفاش!

ش: الطليبة جمداتلاك الما فركابي .. شمن عايب مصرفين فيها؟

بقات وحدة كتشوف فلوخرا مصدومات .. حتى عاودات نطقات الشريفة ..

ش: ربي نجاكوم منا .. الدار خاصا تراقا .. الشيطان كان ساكن فبيتا ..

الطاهرة: (تمتمات بعدم تصديق) دبا الرجل دختي ماعاندا تا حل؟

ش: الحل بيدا هي ..

الطاهرة: هي ماتت ..

ش: (باسف) مابقالكوم ماديرو دبا .. تعاطالتو بزاف ..

خديجة: (قلبها حساتو غايخرج من بلاصتو .. اخر حاجة كانت كتوقعها هي تكون سبابها فعذابها .. هبطو جوج دمعات حارين من عينيها وتمتمات بحرقة) رجلي مش دمشي ياك!

ش: (باسى) لا حول ولا قوة الا بالله .. دعيها الله .. ربي دبا ياخودلاك حقكم ..

الطاهرة: (طبطبات على ظهرها حابسة الدمعة فعينيها) ربي كبير اختي!

خديجة: (شدات على قلبها كتبكي) عتاقلي عا بني دبا!

ش: تسناوني برا .. نخدملو التخليطة .. عطيوهالو تلت يام على طلاق .. وعلى الريق مايكون واكل والو ..

خديجة: على بني الحبيب اياكل؟ راه طايح للركنة أيتساف نهار على خاه ..

ش: ايوا الرجا فالله ..

الطاهرة: ونعم بالله ...

جنب الواد فوق من واحد الحجرة .. كانت كالسة الشمس ضاربة فراسها .. لونها رجع اسمر بقوة ماتحرقات تحت منها .. هازة شال ازرق فيديها هو لي بقا من بعد ما لاحو الواد .. عينيها كيلمعو مع الما دالواد .. دموعها ناشفين .. شفايفها صفرين وقلبها محروق .. من نهار سمعات الخبار ومن داك الليلة لي جاو دقو عليها قالولها بنتك داها الواد وهي كالسة فوق هاد الحجرة كتسنا الما يلوحها .. باغا تشوفها .. تسامح معاها .. ودفنها وترتاح .. عالله طفا النار لي تاكدة فقلبها! ..

وقفات عليها نسيمة بصينية دالماكلة كالعادة .. حطاتها حداها ونطقات بغصة ..

نسيمة: نوض أيما داكول ..

السعدية: (عينيها كيغليو مع الما) الواد حامل هاد النهار ..بحال والو يلوح ختاك ..

نسيمة: (بداو دموعها ينزلو) رجوع الله أيما ..كولشي أيقول لا عاباها مايرجعاشي ..

السعدية: (بحرقة) لا مارجعاشي نتبعا ..

نسيمة: ولمن دخليني؟

السعدية: (شافت فيها كتبكي بحرقة) مشات وخلات الكية فقلبي ..

نسيمة: (كتمسح دموعها شفايفها كيرجفو) كانت عايشة المرار وحنا ماسايقينشي الخبار!

السعدية: شواولي كبدتي الله ياخود فيهوم الحق ..

نسيمة: (ناضت عنقاتها كتبوس فراسها) واصافي ايما لا قهارشي راساك .. الدنيا ضلامت بلا بيها لا زيدنيشي!

السعدية: (عنقاتها كتبكي وتشهق) يا ربي بررد عليا ياربي .. الصبر الحبيب الصبر .. طفي الجمرة لي فقلبي عليها .. بغيت غاندفنا ونلوح عليها التراب ونقرا عليها القرآن ونبرد ..

نسيمة: (بعفوية) ماكانشي كيعجبا القرآن ..

السعدية: (بعدات منها كتمسح دموعها وتنهد) ماشي لخاطرا المرضية ديالي .. ربي الحبيب كان شايف وعالم بحالا .. داها لعندو هو يتوالاها .. (علات يديها للسما كدعي بقلب أم مكلومة) ياربي غفرلا وتوب عليها .. ياربي نقيها وغسلا من الذنوب .. ياربي وبرد حرقتي عليها .. هي المرضية وهي المسعية .. ديتا لعانداك ماخصاراشي فيك الحبيب ربي غا صبرني على فراقا .. عوينة وحيدوهالي!

كانت كالسة جنبو .. شادة فيديه لي ماطلقاتهاش من نهار ساقت الخبار للواقعة .. بكات عليه الدم وتقهرات .. اول مرة تشوفو بهاد الضعف .. لونه مخطوف .. غادي وكيتسف .. من نهار طاح وهي حداه .. مانعسات فراحتها ماكلات النعمة بحال الناس .. كيحل عينيه كيلقاها حداه .. كيسدهوم كتبدا تبكي وتشهق ودعي معاه يفيق .. ماهمهاش ابدا انه كان معاها ديك الليلة .. وهو لي مشا عندها برجليه حتى سمماتو .. بقدر ما باغياه غير يفيق .. يهضر معاها .. وتشبع من صوته .. تحلات الباب عليهوم وتمات داخلة الطاهرة وخديجة بالركيلة .. فيديها كاس دالزاج فيه شي مشروب .. وقفو عند راسها كيشوفو فيه ..

خديجة: والو الحبيبة مافاقشي؟

فدوى : (تنهدات بالم) والو ..

الطاهرة: (كتشوف فداك الصيروم لي معلق ليه) ابنتي أ فدوى .. خاصنا نشربولو هادشي ضروري من فمو ..

فدوى: (باستغراب) شنو هادشي؟

خديجة: (بحزم) نتي عاونا بلا مادسول ..الولد موكل السم مع السحور .. الطبيب عمرو يلقالو الدوا ..

فدوى: وهادشي غايداويه؟

الطاهرة: (كلسات جنبو فوق النموسية .. خشات يديها تحت راسو علاتو ليه) نوردين .. أ نوردين .. نوض توكض اولدي نوض ..

صوتهوم كان كيجيه غريق .. كيسمع عي الطنين فودنو .. دماغو كيحس بيه جامد ..

خديجة: نوض ا فدوى جيب شي سطل دالما دغيااا ..

ناضت كتحس بالفشلة .. مشات جابت ليهوم سطل حطوه حداهوم .. وبقاو معاه شحال دالوقت عاد قدرو يشربوليه داك الخليط ..رجعو تكاوليه راسو على الخدية وبقاو يتسناو فيه .. وماهي الا دقائق وكان تهز من بلاصتو .. ما لحقو يعطيوه السطل حتى كان استفرغ على الفراش .. خيوطة دالسلك زورق .. جبد مصارنو معاهوم ..

فدوى: (يديها على فمها كتشوف فداكشي) ش.. شنو هادشي؟ (حطات يديها على ظهره وهو حلقو غايخرج بقوة ما كيرد) غي بشوية عليك أحبيبي ..

خديجة: (حاضية معاه قلبها غايوقف) زيد اولدي زيد خارج السم .. الله ياخود فيها الحق .. خاارج اولدي خارج ..

بقا يستفرغ حتى مابقاليه جهد ورجع تزدح فوق الفراش هاد المرة بقا حال عينيه .. صدره طالع نازل .. لونه رجع احمر .. والدم بدا يتدفق شوية بشوية فعروقه .. خلاهوم غير كيشوفو فيه واقفاات عند راسو مصدومات .. وفنفس الوقت الامل بدا يتسلل لقلبهوم الخليط عطا مفعوله غير من اول مرة فانتظار التانية والتالتة ..مافاقو من صدمتهوم حتى رجع سد عينيه ونعس .. عاد ناضو جمعو داك الروينة لي دار .. وعيطو لخوتو وباه حولوه بيت اخر!

راسها كان كيمشي ويجي فوق الخدية .. العرق هابط على جبهتها .. كتحس بداتها فايرة .. يديها كانو مكتفين عليها .. وجاثوم واحل فعنقها .. كتم انفاسها .. يد تمدات من العدم وجبداتها من الما .. صوت دفين تمتم داخلها وقال .."عقلي عل الخير"

طلقات غوتة بصوت عالي .. وشهقات حتى تقادات فيها النفس .. حلات عينيها شادة على عنقها .. كتنهج .. صدرها كيطلع ويهبط .. كتشوف غي الظلام .. حتى سمعات الباب تحل والضو تشعل وخيال جاي ناحيتها بصعوبة باش قدرات تميزو .. كلسات حداها كتقيص على جبينها ونطقات بقلق ..

-سعاد ؟؟ صافا احبيبة!!

رمشات بعينيها شحال من مرة .. عاد قدرات تستوعب فينهيا ومعامن .. زيرات على راسها بيديها .. كتحس بيه كيغلي .. همسات بخفوت ..

سعاد: شيماء! كيفاش حتى وصلت لهنا؟

شيماء: (عينيها توسعو بفرحة) اوووف اخيراااا فطنتي!!

سعاد: (زيرات على شعرها كتشوف فجنابها) كنت مغيبة ياك؟

شيماء: الله اختي دوزتيها عليا .. عطيتك القوادة دالدوايات ولا بغات السخانة تنزل ولا بغيتي تفطني!

يعاد: (رجعات راسها اللور .. نطقات بعياء) كيفاش حتى وصلت عندك!

شيماء: حليتلك الباب مع شي السبعة دالصباح غير دخلتي طحتي فالعتبة من تماك وانت مغيبة ..

سعاد: (بداو أحداث داك الليلة كيرجعو لراسها شوية بشوية حتى حلات عينيها على وسعهوم) ناري على قوادة كنت غانموت!

شيماء: (جرات عليها الغطا) نوضي تكعدي عاوديلي فين كنتي غابرة واشطرالك واش هاد الحالة راجعة بيها .. نوضي ..راه ماخليت شكون ماسولت عليك ..

سعاد: (ناضت كتعكز بتعب) أودي غي خلي داك الجمل راكد ..

شيماء: (ضحكات بصوت عالي) ههه وا غي فيقيه يبوول ..

خرجو لبرا .. لواحد الكليسة بالفوطوي .. حطات صاكها وحيدات صندالتها وكلسات ..

سعاد: ماخارجاش؟

شيماء: (جبدات كارو من الصاك شعلاتو ولاحت ليها واحد) هاكي .. ردي المجاج .. ماغانمشيش هاد الليلة منين فقتي!

سعاد: (هزات بريكة شعلاتو .. خدات منو نفس حتى دمعو عينيها ونطقات) فففف .. عرفتي بحالا كنت فتيندوف ..

شيماء: (ربعات رجليها ونطقات بفضول) يالله دغيا ره واكلني الفضول!

تكات براسها على الفوطوي مرخية كتكمي وتشوف فالسقف .. استغرق منها الامر تلاتة التنهيدات وجوج كارويات عاد بدات تعاود اشطراليها من نهار رجعات للدوارهوم على اساس عطلة تشوف مها وباها مخلية موراها قرايتها .. حياتها وصحابها وأقرب صديقة ليها شيماء لي كانت مشاركاها السكن .. كيتقاسمو قوادة الحياة بجوج .. حتى قتلات الرايس وهربات ..

شيماء: (توسعو عينيها بذهوول وضربات فشواطها) اويلي على القحبة سممتيه؟

سعاد: (طفات الكارو وتقادات فالجلسة وقالت بخبث) وماشي اي سم .. 4 ديال العقارب معزمة عليهوم باش يجمدولو المصارن!

شيماء: (شركليها دخان الكارو) كح .. كح ..كح... الله أختي وكلتيه؟ وفرحانة أوي؟

سعاد: لي تبع القحاب هاكدا يصرالو ..

شيماء: وكيفاش حتى هربتي ووصلتي لهنا؟

سعاد: (دوزات على وجهها بتعب) هادي هي لي ماعرفتش كيف درت ليها .. اخر حاجة عقلت عليها هي وقفت طاكسي كانت شاداه واحد الشيخة كورسة هوما لي وصلوني لهنا! ولكن متأكدة بلي شي حد هبط مورايا فالواد وخرجني!

شيماء: (لحمها تشوك) ياكما داك سملرحمرحيم ديالك؟

سعاد: لا لا .. مكنضنش .. متأكدة شي حد طلعني .. المهم كتابليا عمر جديد!

شيماء: دبا غايكون مات؟

سعاد: وشبع موت .. القوااد ومادوز عليا! خلي قحبة مو ماداروهاش بيه الرجال خوراتو ولية ..(باستهزاء) قالك الرايس!

شيماء: (كانت كتشرب غي سمعات السمية خوات كاع الما لي فمها) اويلي!! كنتي مزوجة بالرايس القحبة؟؟

سعاد: (باستغراب) كتعرفيه؟

شيماء: (بعدم تصديق) وشكون ماكيعرفوش؟؟ مشهور هنا فطنجة راه كنت كنعرفو غي قبل مانتعارف عليك .. القهوة دالشيشة لي كنت كنسربي فيها شحال هادي كان هو مولاها .. (ندبات حنكها) اويلي قتلتي الرايس ا مسخوطة الشعب؟ قودتيها راه مايمكنش مايقرقبوش عليك ..

سعاد: انا اصلا ماعولاش نبقا هنا.. خاصني نضبر شي شوية دالصرف ونتقود بحالي لبرا ..

شيماء: (مزالة تحت تاثير الصدمة) ويلي وندبتو خضر .. راه بزناز مقود ويدو واصلة .. ماشي من البياعة دالحشيش العاديين خونا راه مافيوزي .. كيتعامل غي بالقتيلة .. ناري (تبورشات عليها لحمها) دبا انت واش كنتي مرتو متأكدة؟؟ وعطيتيه السم وشربو ومات!

سعاد: (بلعات ريقها بخوف) براكة ماترعدي عليا الزبل .. انا يالله فايقة من غيبوبة خليني غي نستوعب ..

شيماء: (كضحك بالصدمة) ياااه الحياة شحال صغيرة .. (عضات على شفايفها وقالت بتردد) نقولك سر؟

سعاد: (شعلات كارو اخر) شنو؟

شيماء: فايتة ناعسة معاه انا ..

سعاد: (ساطت الدخان فالسما كضحك) حواااااي ولد القحبة ..

شيماء: اححح وتيتييييز .. غصبتيه فشبابو الشيخة .. كان مصاحب مع واحد خيتي .. كولشي عارفها معاه .. كتسطا عليه السيدة قارية وعندها فاغماسي .. مي كان مهلي فيها .. ومغرقها فلوس بنت القحبة .. كانت ديما نابتة عندو فالقهوة .. دبا فاش قلتيلي تزوج ماتكون غي هي لوات عليه .. ولكن الساطة راه بزاف داك السيد .. من نهار تحوينا ماضار شافيا .. فاش شفت راسي غانطيح فيه .. خرجت من تماك ..

سعاد: (بطنز) المرحوم مسكين .. عاش مقيم ومات مقيم وغايتبعت مقيم ..

شيماء: (باهتمام) دبا شنو عوالة ديري غاتقلبي على خدمة؟ قرايتك مشات الساطة ..

سعاد: (بقات شحال ساهية كتحك فراسها عاد نطقات كطفي الكارو) داك باك+4 لي عندي يدخليا شي جوج دالمليون فالشهر؟

شيماء: (حطات يديها على جبينها) ياكما مزالة فيك السخانة؟؟ راه الازمة ازبي .. وغاتبهدلي باش تلقاي خدمة فبيرفي ويحرتو عليك مزيان .. وماعندكش اكسبريونص..

سعاد: ولكن عندي الطرمة والبزازل!

شيماء: ههه .. ياكما غاتخرجي ليها نيشان؟

سعاد: (عنقات خدية وقالت بهدوء) يسحابلك تقبتي شايطة عليا .. كنطلب الغلا اختي .. شي رونج روفر فيلار .. شي اباغطومون أون بلان سونطخ بيان موبلي .. شي حصيصة مكمحة ...

شيماء: القحوب طاح عليه السوق أصاحبتي .. واش انت باقا عاقلة على هاد الهموز؟

سهاد: الهموز كاينين خاص غا لي يعرف ليهوم .. انا بتقبتي كنت كنضبر الصرف غاتحرافلي دبا؟

شيماء: دبا ماللخر؟

سعاد: ضبريلي خدمة معاك!

شيماء: فالكباريه؟؟ اويلي ماعندكش الصوت لغنا؟

سعاد: (شعلات كارو ولاحت البريكة) ولكن عندي طرمة لتلواز!

شيماء: (بجدية) ت تء .. غاتجمعي غي الوسخ داك الساعات .. عندي ليك أوفخ واعرة ..

سعاد: قوسات عينيها) اش هي؟

شيماء: خونا مول الكباري مشاتليه الساطة لي كتجيري .. ماغايلقاش حسن منك .. منها طلقي عينك منها كتسماي خدامة كلاص!

سعاد: (كدور فعينيها) هدا بلان مقوود الاخت .. (طفات داك الكارو وناضت) نوضي نوضي نمشيو دبا ..

شيماء: اويلي ريحي .. راه قوتلو مريضة ماجاياش .. خلي غدا الصباح نتلاقاوه فالعشية ونصبي عليه! غي تا واحد ماخاصو يعرفك كنتي مزوجة بالرايس ..

سعاد: دبا غانعس مرتاحة! (رجعات كلسات كتماصي عنقها.. حتى ناضت طافجة) اويلي فينهوا دهبي؟

شيماء: راني خبيتو ليك فبيتي .. فاش كنت كنخرج بالليل كنخلي معاك الخدامة .. ماتقتش فيها تمشي تكريسيك ونحشيو الصبع ..

سعاد: (تنهدات بارتياح) اووف تخلعت .. راه ماخرجتهوم من المرحوم تا خرج مني الزيت العنكورية!

شيماء: (غلباتها الضحكة) هههه .. يا الشيخة كارهاه وكنتي كتهزي ليه رجليك؟ ..

سعاد: فالاول بالسيف .. فاللخر حتى انا كنت كنترفع .. خصوصا فاش كطلع فيا مليكة .. الشياط كينوض فيا ..

شيماء: التسليم الله .. ولفتي الزب دبا ماغاتصبريش للقطعة ..

سعاد: وا لهلا تحرمنا منو!

شيماء: (تنهدات بعمق) أميييييييين!!!

خرج الفقيه من عندو من بعد ماقرا عليه ما تيسر من الذكر الحكيم .. آيات اقشعرت ليها البدن ديالو وكاع أطرافه ترخات عليه .. القرآن لي كان كيسمعو غير فالجنازات ولا ايام رمضان مطلوق عندهوم فالدار .. التجأو ليه دبا باش هو لي يشافيه ..

سد الباب وشاف فالمختار ..

-باذن الله وقدرته راه رجع مزيان .. خاصو الصلاة مايخطيهاشاي الحاج ..

المختار: (هابط معاه فالدروج) رجاع من الموت الفقي ..

الفقيه: لا حول ولا قوة الا بالله .. أعداء الله كيفاش ادعطيهوم خاطرم يقتلو الناس ..

المختار: (تنهد بحرقة) ربي جازاها .. داها الواد حامل الكسدة ديالا مالقاوهاشي ..

الفقيه: (طبطب على كتفو) ولا يفلح الساحر حيث أتى .. صدق الله العظيم ..

المختار: (وصلو للصالون فين كانو كالسين العيالات غي دخل كولشي غطا على راسو ..

الفقيه: السلام عليكم ورحمة الله تعالى وبركاته ..

ردو التحية بصوت خافت .. جرو المختار ناحية خديجة ..كينعتليه رجليها ..

المختار: ها شني انعاودلاك الفقي ما خالينا تا طبيب .. شوووف الخبث فاين وصال بيها ..

الفيقه: (عقد حجبانه مشمئز) شيطان هادي والعياذو بالله ..

خديجة: (سالو دموعها بقهر) الله ياخد الحق .. هي ماتت بغيت ربي ياخودلي حقي فتريكتا .. الولد رزاني فبني والحية لي سايفطولي رزاتني فرجلي والبكر ديالي عا ربي شافيه ..

الفقيه: لا حول ولا قوة الا بالله ..

المختار: (جرو معاه يوصلو الباب) زيد الفقيه نوصل معاك ..

هز راسو وخرجو خلاو العيالات كولها فين كيتنهد .. مصيبة وصابتهوم .. حتى رجع المختار يديه مور ضهرو وعلامات الحزن على عينيه .. شاف فخديجة وقال بوجوم ..

المختار: مادقدرشي دزيد بيها وهي هايتا .. نوردين الحمدالله شويش دبا .. غانتوكلو عالله وغادا نعبيواك دير العملية!

تا واحد مانطق من غير صوت بكاءهم لي تسمع فجأة .. كيزيد يقطع القلب لخديجة .. لي مزال مامستوعبة انها غاتفقد وحدة من رجليها فمرة .. وخ عياات تهرب .. وعيات تقصح راسها .. ولكن حبها للحياة وخوفها من الموت خلاها تفرط فطرف من أعظاءها باش تبقا عايشة جنب ولادها!

فالبيت الفوق كانت كالسة جنبو .. يديها على جبينو كتمسح عرقه وعلى وجهها ابتسامة دافئة .. كتشوف فعينيه الذابلة لي كيرمشو فيها بهدوء .. بلا ماينطق حتى حرف هز يديها لي على راسو .. باسها بعمق وتنهد ..

فدوى: (تحنات عندو باستو فعينيه) شحال دعيت وربي ماخيبنيش!

نوردين: (ابتسم بتعب وناض تقاد فجلسته .. مرخي فوق فراشو .. شد فيديها كيطبطب عليهوم ونطق بخفوت ..) بنت الناس!

فدوى: (هزات يديه باستهوم) وبلا بيك ماكنسوا والو ..

رجع راسو اللور .. كيحس بيه كيغلي .. فحياتو ماطاح هاد الطيحة .. عاش صغره وشبابو ضاير بيه الخطر من كل جهة وطريق .. حرب عصابات .. تصفية حسابات .. ضرب .. جرح .. قتل .. نهب .. نصب .. وبزااف دالفلوس .. عمرو ضرب حسابو لشي حاجة او قدر شي حد يلحقو ويلعب بيه .. حتى جات هي! اللفعة الحية وغدراتو!

نوردين: (نطق كيغزز سنانو) حلفات ووفات!

فدوى: (زيرات على يدو .. بالعة الغصة فحلقها) كانت غاترزينا فيك .. ربي انتاقم منها! رمات راسها فالواد ..

نوردين: (شافيها وجرها لعندو .. نعسها على صدره ..حط يديه على كرشها ونطق) تهليتي فولدي؟

فدوى: (غمضات عينيها براحة مخشية فيه) غير تصح نمشيو نشوفوه ..

نوردين: (باسها فراسها) دوز العملية ديال يما على خير نديوها ونسافرو تبدل الجو شوية ..

فدوى: انشاءالله .. خاصكوم تصبرو معاها من بعد العملية دبا تمرض .. صعيبة عليها .. الله ياخود الحق فلي كانت سباب ..

غمض عينيه .. صورتها كتجيه كحلة .. كيفاش جامعة داك الخبث كولو فجسد أنثى متكامل كيخليه يكفر .. ساحرة .. شيطانة .. وافعى سامة حكرها حتى شوطاتو .. ومزال لدبا كيخمم كيفاش حتى لوات عليه ولدغاتو!

تمو داخلات للمول .. قصدو اول ماركة مشهورة ودخلو ..

شيماء: جايباني تفقصيني .. اللقضية عندي مقودة ونتي داخلة بيا لزارا ..

سعاد: غي زيدي الصكعة على حسابي ..

شيماء: القحبة واش فلوس النبالة والسنسلة غاطبيهوم حوايج؟ سخنوك؟

سعاد: (كتساري عينيها فالمحل) شفتك غي خطيتك نسيتي التخرويض؟

شيماء: (قادات الوقفة كدور فعينيها) لاااا! عنداك نحصلو؟؟

سعاد: غاتحصلي ايلا جربتيها بوحدك .. (غمزاتها) يالله ختاري معايا شي كسوة مقودة باش نضربو على الشعاا ..

شدات فيديها كيتمشاو مشية كلاص .. كيهزو ويحطو فالحوايج .. حاضيين مع الكاميرات .. حتى طاح عشقها على واحد الكسوة قصيرة كتشرق كولها ..

سعاد: شوفي هادي طياحة!

شيماء: (عينيها على التيكيتة) وسااااوية ...

سعاد: (غمزاتها) غاندخل نقيصها ..

مشات كتمختر لبلاصة القياس .. فطريقها هزات كسوة اخرى فنفس اللون معلقين فيها تيكيتة ديال الصولد .. دخلات لداخل قيساتها .. جات حساب مع طايتها .. عضات على شفايفها وحيداتها .. وبدات نيشان فالعملية .. بدلات التيكيتة ديال الكسوة لي فيها الصولد مع لوخرا .. وخرجات ..كتقلب على شيماء ..

سعاد: لقيتي شي حاجة؟

شيماء: (هازة كمشة دالحوايج) غانمشي نقيص ..

سعاد: (نطقات بشوية) عنداك تغلطي .. ديري تيكيتة دسروال كحل فالابيض ازبي .. وردي البال حتى للقياس ..

شيماء: صافي راني عاقلة ..

سعاد: (ضرباتها لكتفها كضحك) غانمشي نختار شي صندالة على ماتسالي ..

مرت ساعة من الزمن وهوما كيدورو من قنت لقنت .. حتى خرجو محملات ومجملات بأغلى الموديلات بتمن الصولد .. قاصدين الكوافورة يدورو بالحالة باش يطلاقاو الجيرون .. عوالة طلق عليه زينها وسحر عينيها باش دوخو يخدمها!

حبسات بيهوم الطاكسي مع التسعود دالليل حدا الكباريه .. خلصات شيماء ونزلو كيميلو بطالوناتهوم .. الشعورات مسبسبين .. لاطاي قتالة .. ماكياج تقيل .. والمشية كلاص!

سلمات على الفيادر ودخلات كتشالي بشعرها .. سعاد تابعاها كدور فعينيها بصفتها غريبة على المحل .. قصدات نيشان الطبلة لي كان كالس فيها مول الشي .. شاد شيشة كيكمي ويتفرج فالدراري كيقادو المحل وبلاصة الجوق للسهرة ..

شيماء: (وشوشات بشوية) راهوا فين طالق مكافحو بحال سي السيد!

سعاد: (بثقة فالنفس) زيدي نطلق عليه زيني!

ابتسمت بهدوء فاش قربات لعندو .. غي شافهوم نزل رجليه على الفوطوي وابتسم كيطلع ويهبط فسعاد ..

-(كيشير ليهوم يكلسو) مرحبااا ..

شيماء: (كلسات حاطة صاكها على الطبلة) السي عماد .. هادي هي صاحبتي لي دويتلك عليها الصباح.. الفم ماضي والدراع كاضي!

عماد؛ (خدا نفس عميق من شيشتو وطلق الدخان فالسما .. كيصكاني فيها .. من صبعان رجليها لي باينين تحت الصندالة بويبضين ومصبوغين فالحمر للفرقة دشعرها لي دايراها فالوسط وهو ناشراه على كتفها .. خلاتو يسها فيها لبرهة عاد نطق) قولي العايلة تينا طنجاوية؟

سعاد: (بثبات) لا أنا من الجبل ..

عماد: (بحالا كان خاصها غي دوي باش يتنهد من صوتها الحنين) ايااه مرحبا بالناس دالجبل ..

سهاد: (ضحكات بلباقة) ماتسمعش الناس دالجبل تقول غشيمة وغا نية ..

عماد: (بمزاح) أياو .. باينة فيك ملعوقة مارا ..

شيماء: على حسابي السي عماد .. ماغاتلقاش بحالها .. الجبهة والصنطيحة ..

عماد: (باهتمام) اممم .. عاودلنا عليك شويش .. نتعارفو .. فاين كونت خدامة قبل؟

سعاد: (دارت رجل على رجل واخدة راحتها) عمري خدمت .. من القراية لدار الراجل .. ومن دار القاضي لعندك!

عماد: (ابتسم) مخاوار مارا هدا لي فلتاك من يدو ..

سعاد: وا شنو غادير .. كاين شي رجال الله يهديهوم كيلقاو النعمة ويتعفرو عليها ..

عماد: (باعجاب) الثقة فالنفس .. زعما الفايو فيه ..

سعاد: انت بيدك قلتيها .. فلتني من يدو .. طبيعة الحال الديفو فيه ..

بقا مدة كيشوفيها .. داك الاصرار لي فعينيها دوخو .. كيفاش كتهضر تايقة فراسها من اول لقاء خلاه بلا هواه ينطق ..

عماد: ايلا كونت دقدار على العيشة دالليل .. بدا من هاد الليلة العايلة ..

القوادة نايضة فهاذ الحياة .. كاين لي مريض براسو.. كاين لي مريض بالناس .. كاين لي مقودة عليه السوايع .. وكاين لي عايش فعالم الاحلام بقرعة هنيكين .. كاين لي كتنسى المعاناة فاش كتركب فحديدة دوبلفي 600 دالخيل .. و كاين لي كتركب على الخيل باش توكل أسرة .. كاين ليمات وهو باقي بالروح فاش ماتليه القلب ... كاين ليشاد قنت وكيصنع فالصواريخ الكتماية ومسافر باحلامه لما وراء الطبيعة.. وكاين ليقلبو مثقل عليه وبغا يحرقو بالنيكوتين .. نهار يطلق الشياط كيموت جامد فغرفة العمليات فاحقر المستشفيات .. كاين لي مريض مع كرو طامع فدراري صغار .. زبو صغير كيصيد غي البعالك.. وكاين لي طامع فمرا قد جداتو .. ميمة تربيه وديرو بحال ولدها غير ينوض يبكي تعطيه البزولة .. كاين لي بسبب الفقر زوجوو الدرية صحة بحيوان واغتصبو اﻷحلام ديالها وعطاوها تكون عبيدة فالفراش والكوزينة وهي ساكتة وماقدراش تدوي ... وزيد وزيد .. وكولهوم تجمعو فحياة الليل وماقادينش عليها .. الحياة مريضة كتسعل علينا صباح وليل خصها دوليبران ..

نعسات على ضهرها الضحكة واصلة لودنيها .. هو واقف عند راسها شادة فيدو وكتسنا الطبيبة لي كدهنليها البخودوي على كرشها باش ديرليها إيكوكغافي .. حطاتليها لاباراي على كرشها .. كتشوف فالشاشة مصغرة عينيها .. شوية بشوية ملامحها كيتبدلو .. وحجبانها كيتعقدو .. بدات تبرك على جنابها وكضغطليها على جهة النبولة .. شافت فيها ونطقات بخفوت ..

الطبيبة: مكتحسي بحتى حريق ابنتي؟

فدوى: (الضحكة تمحات من وجهها.. شافت فنوردين ورجعات شافت فيها) لا .. علاش؟؟

الطبيبة: (بأسف) شحال ماتحرك الولد فكرشك؟؟

فدوى: (شفايفها بداو يترعدو) ماكنردش البال ..

نوردين: (نطق عاقد حجبانو بحدة) شنو واقع أدكتورة؟؟؟

الطبيية: (حطات نظاظرها ومدات ليها كاغيط باش تمسح) خاصها أوبيغاسيون أون إيغجونص.. البيبي ميت فكرشها صافي إين سومين ..

الصدمة كانت قوية عليهوم بجوج .. خصوصا فدوى لي ماعمرها كانت توقعها .. تمتمات بعدم تصديق

فدوى: لا مايمكنش .. ولدي باقي حي ..

ناضت من فوق الباياص كترعد .. شدات فنوردين كتبكي بهستيرية ..

فدوى: وااااش سمعتيهااااا اش قالت انوردين؟؟؟ ولدي .. ولدنااا ماااات .. لا لا .. قولها تزيد تأكد..

الطبيبة : (بأسى) تهدني أ مدام .. ربي يعوضك ..

نوردين: (جرها عندو عنقها وهي كتشهق) دكتورة شنو السباب؟؟

الطبيبة: ماتخلعاتش فهاد الايام؟

فدوى: (بعدات عليه صاعرة كتغوت) تخلعت علييك .. حسيت بمصارني تقلبو فاش قالولي لقاوك مغيب والسحارة سمماتك .. (ناضت صاعرة .. فاقدة السيطرة على راسها) بسبابها مااااات ولدناااا .. بسبابها أنوردين ..

نوردين: (حرك راسو لطبيبة) وجدي العملية أدكتورة هانا غانهبطها دبا!!

شدها من يديها كيكالميها ..

نوردين: تكالماي أ فدوى .. البكا ماعندو فاش يفيدك ..

فدوى: (حطات راسها على صدره كتبكي وتشهق) حرقاتلي قلبي على ولدنا .. ولدنا لي كنت كنحلم غي فوقاش نشوفو أنوردين .. (علات راسها شافت فيه .. شفايفها كيترعدو) ولدنا ..

نوردين: (حضن وجهها عاقد حجبانه) شتتت .. (باسها فجبهتها) ماكتابش .. غانعوضوه .. مزال نولدو انشاءالله ..

ماقدراتش مزال دوي .. قلبها غايسكت بالبكا .. وهو عقلو مرفوع .. حتى رجعات الطبيبة لعندها تديها للعملية .. بالسيف باش جراتها معاها .. رجليها خاوين بيها .. مامتيقاش كيفاش دخلات دير ايكو تفرح بولدها حتى خارجة فضرف نصف ساعة طيحو حيت لقاتو ميت فكرشها .. مشا معاها حتى دخلها للداخل .. كيصبر فيها وهي غاتحماق .. ولحظات تا شعل الضو دغرفة العمليات وخرج لبرا كيغزز سنانو .. وفعوط مايتسنا مو تخرج من العملية لي بداتها هادي جوج سوايع .. زدق كيتسنا فجوج عمليات يساليو .. الدقة مور ختها .. مابغاتش تسالي!

كانت كدور من طبلة لطبلة .. بحال الحمامة بكسيوة منمرة .. وطالون مرتاح .. شعرها مصوب بوكلي وماكياج ثقيل .. كترحب بالكليان وحاضية الطبالي .. لي دخل كتسكانيه مع الباب .. شنو لابس شحال جايب معاه من بنت .. الساعة لي فيديه .. وكونطاكط الطوموبيل .. كتميز بيه لي مكرد ويالله مخلص جاي يصفيها لصاليغ لي عاد دازليه وكتميز لي بوكو حبة وجاي غايحط الزرقة مور ختها فالغرامة .. وبينما هي حاضية الهموز .. كانو عيون موجهة ناحيتها بحال الصقر .. كالس كلسة vip معاه عماد .. حاطين شيشة وجوج سطولة ديال البيرا .. تقهر بالشوفان عاد اضطر يهضر موجه كلامو لعماد ..

-مناين ضبارتي على داك البياسة أخاي ديالي؟

عماد: (شير لمول الجمر يجي يبدليه الجمرة) جابتا شيماء .. (ضربليه على فخدو كيضحك بمزاح) شعانداك أخاي رشيد تعاوارتي فيها اولا؟

رشيد: (كيطلع ويهبط فيها) وا طااارف ..

عماد: صبار نعيطولا ..

شير بيديه ليها بالسيف باش لفت انتباهها وتمات جاية عندو كتمختر حتى وقفات عليهوم ..

عماد: بغيت نعرفاك على رشيد .. أميغو ديالي كيجي لهنا دايما .. عقال عليه فاش مانكونشي تهالا فيه ..

سعاد: (طلعاتو وهبطاتو وصكاناتو مزيان.. ابتسمت بلباقة ونطقات بصوت خافت بالكاد سمعو) مرحبا .. على الراس والعين السي رشيد ..

تقاد فجلستو ومد يديه يسلم عليها .. مداتليه يديها حطاتها فيدو .. تلمسها برفق وزير عليها .. غمزها فغفلة من عماد .. ونطق ..

رشيد: تباركالله عليك أ مادموزيل ..

سعاد: (زيرات على يديه وابتسامة ساحرة على وجهها .. غمزاتو هي الاخرى ونطقات) الله يبارك فيك .. خود راحتك السي رشيد .. بونصواغي ..

طلقات من يديه حركات راسها لعماد .. استأذنات منهوم ومشات عاطياهوم بضهرها كتلوز بطرمتها.. مخلية ريوكو سايلة .. قرب لعند عماد كيوشوش فودنو .. بينما هي مشات نيشان قاصدة شيماء لي كانت كالسة فطبلة كتسكر فانتظار دورها فالغنا .. كلسات حداها .. هزات كارو شعلاتو عينيها على طبلتهوم وهو كذالك دايز الكوغون بيناتهوم .. دورات راسها جهة شيماء ونطقات ..

سعاد: شكون داك التيتيز لي مع عماد؟

شيماء: (ضربات عليه طالعة ليها التنغيمة دالشراب) رشيد .. عشيرو .. كيقولولو أبو حسن ..

سعاد: مزوج؟

شيماء: (ضحكات بشوية) كان .. صفاها ليها فاش لقاها كتخونو ..

سعاد: اهاه! مقود فريو هدا ..

شيماء: ايلا ضسر عليك عطيه علاش يقلب .. مايصلاحش ليك ..

سعاد: (رجعات كتشوفيه) عندو الفلوس؟

شيماء: كيلعب بيهوم ولد القحبة .. تاهو بحال المرحوم غبار!

سعاد: (ساطت الدخان فالسما ودارت رجل على رجل) إذن يصلاح الزين ديالي ..

شيماء: (سمعات المغني لي سالا كيقدمها .. طفات الكارو وناضت كاتقاد فكسوتها) غدا كاينة إكرامية تمشي معايا؟

سعاد: (عطاتها الطريق منين دوز) يصبح ويفتح ..

خرجات من الكباري جارة شيماء لي رجعات شرويطة .. وقفو جنب الطريق معاهوم واحد من الفيادر كيتسناو طرونصبور ..

سعاد: شحال ونتي فالقحوب طوموبيل مادرتيهاش!

شيماء: (متكية عليها كتميل) فلوس ال*وامل مافيها براكة!

سعاد: (عينيها على الطوموبيل بورش الكحلة لي كتعطيها الضو من بعيد) بقاي تعزمي عليهوم وغايزكاو ..

وصل عندهوم الطرونصبور وطلعو الدراري السرباية ولي مقابلين الكوزينة .. واحد بواحد .. شداتها من يديها ودفعاتها دخلات ..

سعاد: سيري هانا جاية!

شيماء: (معلقة فالباب عينيها كيتسدو) فين غادا؟؟

سعاد: (غمزات لشيفور يتحرك) غانهضر مع عماد ونجي!

تسد الباب وتحرك الطرونصبور .. هضرات مع الفيدور باش يمشي بحالو .. عينيها على الطوموبيل لي تحركات عاضة على شفايفها .. التيليفون بين يديها كتقرا اخر هضرة ضارت بيناتهوم منين سلم عليها وفيدو وريقة صغيرة مكتوبة فيها نمرتو حتى خرجات من الكباري ..

💌تبغي نوصلك فاش دخروج الغزالة!

سعاد: 💌 معايا صاحبتي!

رشيد: 💌 صدرا ندوزو الطريق بجوج!

سعاد: 💌 بلا مانعدبك الدار غي قريبة!

رشيد: 💌 ايلا قريبة نبعدوها ..

وقف عليها مهبط الزاج .. ابتسم باعجاب كيطلع فيها ويهبط ونطق بصوت مبحوح ..

رشيد: مشينا؟

ماجاوباتوش .. فقط بادلاتو الابتسامة ومشات ركبات قدامو ... دارت السمطة وشافت فيه ..

سعاد: غي بغيتي تعدب راسك ..

رشيد: (تحرك باللوطو كيضحك .. طلع الزاج كولو فيمي وطلق لاكليم) القلب ديالي لي عدبتو معاك هاد الليلة ماشا ماجا قدامو كدحراق فيه .. ماحشوماش عليك؟ ..

سعاد: (فنفسها) يا ولد القحبة كون كان عندك القلب كاع ماتقتل مراتك وتيتم ولدك (ضحكات فوجهو مسبلة عينيها وقالت بخفوت) ياكما قلبك هشيش .. الطرف لي جا يهزو!

رشيد: بحالا عالمك الله .. كيشوف الزين كيبقا يتنفض بحال هايدا (هز يديه كيمتل ليها)

سعاد: (عينيها على الساعة دالروليكس لي ضارب) حالتك صعيبة السي رشيد ..

رشيد: (كيعبر فيها إنش بإنش) كدخول للخاطر العايلة! (حط يديه على رجليها كيطبطب على فخدها ) أنا وياك غانتفاهمو ..

سعاد: (حطات يديها على يديه تلمساتها بهدوء) لي قلبو هشيش وكيعشق الزين .. كيخلص الخطية غالية ..

رشيد: (عينيه بداو يتعسلو فيها) أمر وانا نفذ ..

سعاد: (بابتسامة ساحرة ذوباتو) الدرب التاني على ليمن ..

رشيد: (جمع يديه عاض على شفايفه كيشوف فالحومة لي ساكنة فيها) الدونيا هنا خاوية ونتينا كدجي بالليل ..

سعاد: (خشات تيليفونها فالصاك) ساكنة مؤقتا مع صاحبتي .. لقيتيني كنقلب على دار فالصونطخ فيل ..

رشيد: (بجدية .. مخفف السرعة) بلا مادحماق راساك .. ختار الموقع لي بغيت وتاصل بيا ..

سعاد: (كدور فعينيها) عندك ديور لكرا؟

رشيد: (غمزها) غي ليلك!

سعاد: (بمكر) أي وحدة كتعرفها ماكاملاش جوج سوايع كتعطيها دار؟

رشيد: لا .. بزاف كنعرفوم فجوج سوايع وليني قلال لي كيدوخلو للقلب فجوج دقايق ..

سعاد: (حيدات السمطة كتستاعد للنزول فاش وقف بيها فين نعتات ليه) هاد الهضرة تقدر تاكل مع شي وحدة من غيري .. وكنضن خاصك تبدا تفرق بين شي وحدة دخلات لقلبك ولا ! (شافت ليه لتحت) لحاجة اخرى .. (حلات الباب باش تنزل) شكرا بزاف على التوصيلة السي رشيد ..

شيراتليه بيديها .. زدحات الباب وهبطات خلاتو حاضي غي خيالها فين غادي وصوتها كيرن فودانو بحال الطنين .. دقائق وهو تحت الدار كيفكر واش يطلع ليها يشدها من شعرها يبهدلها كيفما طيحات بيه ولا ينعل الشيطان ويفكر ليها فشي بلان اخور .. حيت طلعات ماكاتكالش بالساهل! وبين أخد ورد حرك اللوطو وهز تيليفونو سيفطليها ميساج .. كيكتب عاض على سنانو ويتنهد .. الرجال بطبعهوم عزيز عليهوم الحاجة الصعيبة والمعقدة وغي بالمهل كيتكال خو دنجال..

💌 خلينا نشوفوك فاش دفيق العايلة ..

قرات رسالتو وهي ملوية فليزار كتلعب فالتيلي قبل ماتنعس .. عضات على شفايفها وهمسات بينها وبين راسها ..

سعاد: أنا قحبة قديمة عليك البوكوص!

طفات التيلي وغمضات عينيها .. وسرعان ما غطت فنوم عميق ..

واقف فالصباج الباكر حدا الكلينيك .. الكارو بين يديه وكاس دالقهوة كحلة كيدك بيه .. ملامح وجهه مخصرة .. تحت عينيه كحل وشنايفو زورق .. حتى خرج عندو المختار ..كيجري

المختار: أ بني دخول راهوم باغيناك لداخل .. يمكن يماك فاقت ..

لاح داك الكارو زطم عليه .. حط الكاس دالقهوة فوق واحد الصور ودخل كيجري لعند الطبيب .. كانو كاع خوتو وخواتاتو واقفين كيتسناو على أحر من الجمر .. غي وقف نوردين نطق الطبيب..

ط: الحمدالله كيفما خبرتكوم البارح العملية دازت فظروف جد عادية .. كنا خايفين من شي مضاعفات من بعد ماتفيق ولكن ماكاين والو وللاه الحمد .. تقدرو دخلو تشوفوها فاش يحولوها لبيتها .. غي الامر لي بغيت ناقشو معاكوم هو حاولو ماتفرقوهاش فهاد المدة .. المريض كيكون محتاج لعناية خاصة وعائلتو تكون ضايرة بيه .. ماتحسوهاش بالنقص .. وايلا وافقتو تقدر تبع مع طبيب نفسي على ماتولف الحالة لي ولات عليها .. وكولشي كيبقا مقدر ومكتوب .. ماعند بنادم ليه جهد ..

نوردين: (بجدية) نهضرو معاها ونشوفو أ دكتور ..

فغرفة اخرى كانت ناعسة فدوى ضايرين بيها عائلتها كاملة .. كأنها نفيسة بلا ماتولد .. شبعات بكا وبردات بدعاوي واليديها .. تقبلات الموضوع اخيرا ووكلات امرها للاه لي ليه العوض ..

دخل لعندها .. ابتسامة باردة على وجهه .. غي شافتو ارتاحو ملامحها وابتسمات .. وقف عند راسها .. شد فيديها..

نوردين: شوية دبا؟

فدوى: (زيرات على يديه) شوية الحمدالله ..

حفيضة: اولدي كيبقات الحاجة شوية؟

نوردين: (بحزن عميق باين فعينيه) فاقت من البنج ..

الحاج: (ناض واقف) نوضو اسيادنا نطلو عليها ..

تبعوه كاملين انسحبوا .. بقات غير فدوى ونوردين .. طبطبات على يديه فاش شافتو غي هايم ..

فدوى: كانت صعيبة عليها ياك؟

نوردين: (طلق من يديها دوز على راسو بعياء) صعيبة علينا كاملين ..

فدوى: (بغيض) شوف الخبث فين كيقدر يوصل بنادم .. كيفاش عطاتها خاطرها دير فيها هاد الحالة وتحرمها من رجليها..

كانه كان خاصو غير لي يعاود يذكرو بلي هاد الحالة لي فيها مو بسبابها .. ضرب بقبضة يديه فالحيط .. سنانو كيتكرزو .. قرب منها .. محمر فيها عينيه .. ونطق بحدة ..

نوردين: سيرتها ماتجبدش على فمك مرة اخرى ..مفهوم؟

فدوى: (رجعات براسها االور ونطقات بخوف من نظراته القاسية ) وخ ..

ضرب داك الباباص برجلو وخرج منفاعل .. خلاها غير كدور فعينيها مافاهمة والو .. لهاد الدرجة مخلية الشمتة فقلبو من جهتها ..

خرج لبرا كيغلي .. دمو فاير .. معصب من راسو قبل اي واحد .. هز تيليفونو ودوز رقم .. كيلوح الكارو ففمو ..كارز عليه بسنانو .. غي تشد الخط قال بحنق ..

نوردين: كاين شي خبار؟ (كيمشي ويجي حامية فيه البيضة.. حتى غوت فجأة) عاودها لكرك هاد الهضرة .. مخدم معايا غا القواويد .. ماتخليونيش نوض نخدم بيدي أولاد الكلاب!

تمتم بسخط قبل مايقطع الخط فوجهو .. رجع التيلي للجيب كيسوط الدخان فالسما بعصبية .. عندو رغبة مجنونة فقتل شي حد .. عالله يفرغ الطاقة السلبية لي تولدات عندو من مور مافاق .. ويبرد شوية ..

على طابلة الفطور لي حل محل الغداء .. كانت كالسة شاعلة كارو كدوزو بقهوة .. كتصنت ليها بتركيز .. خلاتها حتى سالات ونطقات ..

شيماء: دبا ازبي .. جيني ماللخر؟ واش باغا تنصبي عليه؟ نصيحة غي زابي اعشيرتي .. السيد كنقولك مقود فريو .. يقتلك بلا مايحس ..

سعاد: (فمها عامر بالماكلة) كيعجبوني بحال هادو .. اححح كيديرولي لومبيونص فالحياة ..

شيماء: واعنداك غا طيحي على زنافرك ..

سعاد: (شربات من قهوتها كتمدق) زعما الحوب وداكشي؟ هداك خليه لماليه الزين .. انا كنتزعط فالجيب .. فعوماااار .. البينكة .. الزوالغ .. الحب مكيوكلش!

شيماء: عنداك غير يشبع فيك حوا بلا والو ..

سعاد: طزز غا جي وحوي! انا ايلا ماكنتش غانتحوا على العامر غير يقود ..

شيماء: (كطفي الكارو) ضبري لكرك! غاتمشي معايا للاكرامية؟

سعاد: شنو فيها؟ ماعنديش مع داك آل قحبون ..

شيماء: غي الضحك والنشاط .. مايقيصك حد ايلا مابغيتيش .. وغايكونو تا المغاربة .. ماتعرفي ضبري شي فيكتيم ملعق ..

سعاد: نمشيو نطلقو زينا .. اش تابعنا كاع.. (ناضت كتجبد) اححح عضامي مدكدكين ..

شيماء: اجي انت! ماعوالاش تهضري مع داركوم؟؟

سعاد: (تكات على صور البالكون مرجعة راسها اللور .. تنهدات بحزن ونطقات) ماعرفت .. مرة كنقول خليهوم ينساوني ويحسبوني ميتة .. مرة كنتفكر السعدية ونسيمة كيطيح عليا الضيم!

شيماء: شحال قدك تبقاي هاربة؟ مك غاتكون حالتها دبا .. وطال الزمان ولا قصار غايعرفوك حية .. تخايلي تخرجي فختك ولا راجلها هنا؟

سعاد: (خنزرات) تفووو دكرنا السمن والعسل!

شيماء: العاار اش عندك معاه؟ علاش مكتبغيش تعاوديليا اش طرا؟ زكي ضرني بالفضول!

سعاد: (ضحكات بمكر) أودي مافيه مايتعاود داكشي!

شيماء: (شيراتليها) ربي لا ما اجي عاوديلي .. نساو الهم ..

سعاد: (رجعات كلسات حداها طالقة رجليها على طبلة الفطور .. هزات كارو شعلاتو كتبخ فالسما غالباها الضحكة) ناري راه بزااف كنتفكر داكشي راه بزاف ..

شيماء: كديري ليا السيسبانس القحبة ..

سعاد: (ابتسمت بمكر وسرحات بذاكرتها للوراء) ايوا حلي زكك وسمعي .. (ساطت الدخان للسما وكملات هضرتها بهدوء) راجل اختي يا لالة كيجينا من العائلة ولد ولد عم بابا .. يعني العمومية البعيدة .. كان بوكوص ولد القحبة .. وانا كنت مزعوطة فيه من الصغر .. كتعرفي داك الزعطة الاولى لي كتجيك على ولاد العائلة ؟ .. انا شداتني على هدا .. وزاد حلاليا فاش توضف ودخل المخزن .. خدم هنا نيت كوميسير.. دوز عام مابقيتش كنشوفو .. اصلا انا كيغبر عليا الواحد غي سيمانة كنشوف جهة اخرى .. ماعلينا .. العام لي كان عندي الباك .. سمعناه باغي يتزوج .. الشارفة دمو جات خطباتليه اختي .. قاتلك بنات الشيخ مربين ومخلقين وبنات دارهوم .. وحنا بصح كنا بنات دارنا ..

شيماء: (غالباها الضحكة) الله يسمحليك ..

سعاد: (كطفي الكارو فالما) وا داك الساعة كنت مزال خبيز ربي فطبكو .. المهم تزوجو .. عرسنا ليهوم .. انا داك الساعات تزوج ختي صافي عيني وصيتها ماتبقاش تشوف فيه .. ومحيتو من بالي .. حتى غانجح فالباك وجابتني ختي نقرا عندها .. داز العام الاول عادي .. التاني فيه حملات ختي .. السيد مهلي فيها وبيناتنا الاحترام .. انا العطلة كنتقود لدارنا باش مانتقلش عليهوم .. (شعلات كارو اخر كضحك) ههه .. كارتة فاش كنتفكر دوك الايام .. ماعلينا .. الفيلم غايبدا فاش غاتولد اختي .. ولادتها الاولى ..انا داك الساعات بدات دخلني تاحراميات .. كنطير مع الطيور ..ختي مسكينة بقات مقابلة داك البرهوش لي ولدات والراجل كتبات عاطياه بالظهر .. بدا كينوض بيناتهوم الصداع على الحوا .. وخ مكيبينوش كنت كنقلعها فالسما ..

شيماء: (ربعات يديها كتسنا الكمالة بلهفة) ماتقوليش ليا بانتلو فيك؟

سعاد: بحال ديكشي!

شيماء: (ندبات حنكها) اويلي !؟

سعاد: (شربات جغمة دالقهوة كتمدق) وااا سمعي اش طرا .. يا لالة واحد النهار ختي كانت معروضة لشي عرس ديال صاحبتها .. البعلوك داتو معاها وانا كنت غارقة فالامتحانات اللخر دالعام .. ماكاين غا القانون .. القانون القانون .. حتى تم داخل رجل القانون .. سكران منغم ... ههه

شيماء: (صفقات بيديها بحماس) وهنا بدأت الحكاية ...

سعاد: وا حكاااااية واشمن حكااااية .. دخل يا لالة عينيه نايمين .. نضت انا كي شي شويش دالهم خرجت عندو حيت ال*حبة دختي موصياني نحطليه العشا .. سخنتلو ما يكجدر وجيت نزلتو حداه .. (سكتات كترجع الاحداث بليديطاي)

شيماء: واكملي ا*بي ..

سعاد: ط*ونمك سخنتي؟

شيماء: وا دوي ..

سعاد: (طفات الكارو وتكات على الكرسي مربعة يديها) حطيتو وتميت غادية حتى حسيت بيديه عند دراعي .. التبوريشة طلعات معايا الساطة .. فاش ضرت لقيتو كيشوفيا شوفات م**ولين .. قالي جلسي تعشاي معايا .. انا المعدة ديالي بدات تخروض .. قوتلو تعشيت غي بصحتك عندي الحفاضة .. دار راسو ماسمعش وجرني كلسني حداه ..

شيماء: (بطنز) كلاك انت فعوط الطاجين؟

سعاد: (عضات على شفايفها) هاديك الليلة عمرها تنسالي .. الصهدة طلعاتليا فاش كلست .. عييت نتهرب وانا كنقولو غي كول راه ماخاصنيش ..حتى هز يديه وبدا يدوزهالي مع وجهي .. ضربني الضو الساطة .. وزاد كمل عليا فاش قالي .. فراسك كنتي كتعجبيني شحال هادي؟

شيماء: الله الله ..

سعاد: اويلي كتعرفي الزبدة منين كتسيح؟ وا هكاك درت انا .. ولد ال*حبة لعبليا على المحاسيس ديالي .. ودغيا ترخيت .. ورجعت الهينون .. كنتفكر نهار كانت عيني عليه وهو الشوفة مكيطولهاش فيا .. اواااااعدي النمل طلعولي مع رجلي ..

شيماء: هاديك سميتها ال*م..لة ..

سعاد: انا حتى لهنا لهنا عاد عرفتها سميتها ال*ملة .. داك الساعات غي خلينا فالنمل .. المهم بقا يتبحلس ويتلمس ويهضر بشوية وانا داك الصوت المبحبح ديالو خربقلي الدماغ ومع ذالك باقا متشبتة بمبادئ الديموقراطية .. ففمي غا نعل الشيطان .. انت راجل اختي .. وحشومة وكدا ..

شيماء: وانت يا ال*حبة واقفة عليها ..

سعاد: اختي مانكدبش عليك .. راه صعيب تشدي راسك فداك الموقف .. ماكنتش بحال دبا كنكونطرولي راسي .. كان هداك اول كونطاكط ديغيكت مع شي ولد .. بداك القرب وداك الاحساس .. لعبو بيا الهرمونات وطلعو فيا جوادي .. مشيت معاه فالخط ومابقيت عاقلة لا على راسي لا على ختي .. حتى لقيت راسي انا وياه فالفراش .. هو فوق مني وانا تحتو .. سايحة كي ماروخا فالشمس .. حاضية غي السليب مايتحيدش ..

شيماء: (مصدومة) ويلي على الصكعة؟؟!! وشنو طرا فاش صحيتو؟

سعاد: (حكات على جبهتها مخنزرة) ندمت الساطة .. وفاق عليا الضمير .. وماحملتش راسي ..

شيماء: وهو؟؟

سعاد: هو ولد ال*حبة رخا مني العين .. ورجع كيقول لختي تجري عليا حيت مابقاش مرتاح فدارو .. وفاش كنتواجهو كيرد اللومة عليا وبلي هو كان سكران وماحاسش براسو وانا لي *حبة مشيت معاه فالخط ..

شيماء: اهاه .. وشنو درتي داك الساعات؟

سعاد: شفتها غات*ود .. وانا نقلب عليه الجاكيط .. اجي لل*حبة دمك .. النهار الاول كنتي سكران ماعايقش .. النهار التاني كانت دازت شي شهر .. شعلتليه شميعات وجا عندي كيسبح ..

شيماء: (كدور فعينيها بصدمة) اش درتو تاني؟

سعاد: (كتلعب بكاس دالقهوة فيديها) فيديو فالتيلي باين فيه غي هو .. وريتو ليه الغد فالصباح واراااك للابتزاز داك الساعات .. ميزي وماتسيق الخبار لا ختي لا تريكتك لا خدمتك ..

شيماء: (حالة فمها مابغاش يتسد) لااااا!!

سعاد: والله .. وبقيت عاماين معاهوم مور داكشي .. هو مشا ديبلاصمون .. وانا فين مانتحنسر نعيط لطارق .. بغيت اللباس نعيط لطارق .. كان دايرني مرا التانية كيصرف عليها ههه .. مابقيتش مخصوصة من الفلوس .. حتى نهار يسحابليه نسيت ومشا لعند اختي بغا يلبسني بالمقلوب وقالها اختك قحبة وكدور بيا !

شيماء: اهاه؟

سعاد: شديت داك الفيديو وريتو ليها .. مشوهين مشوهين .. خليها تعرف راسها معامن عايشة .. ولد الطيط عيا يتزكك عليا فاللخر فاش درناها قد راسنا رجعليا كولشي ليا ..

شيماء: اش دارت ختك المصيبة؟

سعاد: منين ماقتلاتنيش راه ربي مزال باغيني نتوب .. وصلت للموت الساطة .. هو لي فكني ..صافي من تماك خرجت من عندها هي فاش جيت نسكن معاك .. وهادشي ما فراس تا حد .. وماكنبغيش نهضر فهاد الموضوع حيت مكنحملش راسي .. تقدري تقولي الحاجة الوحيدة لي نادمة عليها فحياتي وكون يرجع الزمان اللور وكنت بالعقل دبا عمرني نقدر نديرها ..

شيماء: بففف .. صافي طيحتي عليا الضيم .. نوضي نجمعو هاد الدار باش نلحقو نخرجو ..

سعاد: (ترخات فوق الكرسي) اجي نسولك منصف باقي خدام فالجليدات؟

شيماء: ماعرفت لمو .. المهم الكورطاج مزال كيديرو ..

سعاد: (ناضت) صافي غانمشي معاك للاكرامية .. بغيت نخرج قبل ..

شيماء: فين؟

سعاد: عندي بريكول ..

شيماء: صافي سيري قضيه حيت كتعطلي فالتوجاد .. انا غانخمل دغيا ..

سعاد: (كركبات كاس دالما) اوكي .. ماغانتعطلش ..

مشات لبيت لبسات حوايجها .. كسيوة قصيرة وصنيديلة دالصبع .. هزات صويك صغير .. جمعات شعرها سفنجة .. دارت نظاظرها وخرجات بلا ماكياج .. شدات طاكسي من حدا الباب قاصدة الصونطخ فيل ..

ما هي الا دقائق وكانت امام بناية كبيرة .. علات عينيها كتعقل راسها واش هنا فايت جات مع شي بنت .. حتى قرات البلاكة ..

د.منصف الزياني .. ابتسمت عاضة على شفايفها وقصدات لاصانصور.. حيدات نظاظرها وخرجات منو .. دقات فالباب جوج مرات حلاتليها بنت لابسة طابلية بيضة ..

سعاد: كاين منصف؟

حركات راسها باه مبتاسمة ودخلاتها للعيادة .. كانو نساء كيتسناو فقاعة الانتظار .. قيدات سميتها وكنيتها .. وكلسات كتسنا نوبتها .. حتى بدات تخوا ااقاعة شوية بشوية .. بقات غي هي قتلها الملل وصبرها قليل ..ما رتاحت حتى جا دورها ودخلات عند الدكتور ..

منصف: (بابتسامة واسعة) اهلا ..

سعاد: (مدات يديها سلمات عليه بلباقة وكلسات) يمكن ماعقلتيش عليا ..

منصف: (محافض على ابتسامته) لا .. الصراحة ماعقلتش .. ديجا جيتي؟

سعاد: كنت جيت مع واحد صاحبتي مي مايهمش ..مكنضنش تعقل ..

منصف: بصح الوجوه كتار .. اش حب الخاطر .. شنو عندك!

سعاد: (ابتسمت بهدوء ونطقات بثبات) بغيت نرقع البكرة ..

منصف: اهاه مرحبا .. بغيتيها مخيطة ولا غي العادية ديال 3 يام؟

سعاد: لا بغيت المخيطة ..

منصف: غالية شوية شي 20000 درهم .. وخاصك حتى تبراي..

سعاد: (صغرات فيه عينيها) اممم .. عرسي قرب مانقدرش نصبر بزاف أدكتور..

منصف: (كيحك على ذقنه بتفكير) زيد الما زيد دقيق .. تقدري تبراي فمدة اقل .. جوج سيمانات ولا قل ..

سعاد: ماشي مشكل جمع الحساب وديرليا غوميز .. مزال تشوفني عندك (غمزاتو)

منصف: (ابتسم بهدوء) صاماغش امتا تجي؟

سعاد: من غدا ..

منصف: داكوغ .. الله يسخر ..

سعاد: (ناضت سلمات عليه) ميغسي دوكتوغ ..

خرجات كتمختر وضرب اخماس فاسداس .. قصدات الكوافورة هي الاولى سكسفات على الحالة .. التيليفون بين يديها كدوي مع شيماء.. متجاهلة الكم الهائل من الميساجات لي جايينها من عند رشيد ..

مرت ساعتين .. يوم شاحب تحشا تحت ستائر الظلام.. المغرب كتقول الله اكبر وهوما واقفين جنب الطريق كيشدو طاكسي ..

شيماء: (عينيها على الطريق والتيلي فودنيها) وي حسن .. حنا فالبلاصة لي قولتي ..

حسن: خمس دقايق غاتوقف عليكم ميرسيديس كحلة .. صاحبتك زوينة؟

شيماء: (كطلع وتهبط فسعاد لي عينيها كيدورو مع الطريق) كيقولو ..

حسن: مثقوبة ولا باقا بنت!!

شيماء: (غمزاتها) باقا بنت ..

حسن: شحال من عام؟

شيماء: 26 ..

حسن: قطعي ..

كانت مكالمة قصيرة وماجات دوز خمسة الدقايق حتى توقفات عليهوم سيارة ميرسيديس فارهة ..

دومين التقحبين فيه الوقت كيتحتارم اكتر من الاداراة العمومية .. هبط الزاج ديال السيارة ونطق لي سايق ..

س: من طرف حسن؟

شيماء اه ..

س: طلعو!

طلعو معاه اللور .. تسدات الباب وطلع الزاج .. ديمارا فسكون تام .. سعاد كتلعب فتيليفونها وشيماء عينيها على الطريق .. حتى وصلو لمكان كولو فيلات على البحر .. هز تيليكوموند حل بيها الكاراج ..

فيلا اقل ما يقال عنها رائعة .. فخمة .. بحال القصر .. كيتناوبو عليها أثرياء الخليج .. لاقامة ليالي حمراء على شرف الرقيق الابيض .. من بعد ما كيستثمرو فمشارعهوم تحت ستار الاخوة والصداقة بالنهار .. وكيغتاصبو البنات على فراش اللذة بالليل ..

سيارات فارهة .. كولهوم بلوحات ديبلوماسية .. صوت الموسيقى خارج حتى لبرا .. توقفات سيارة الميرسيديس ونزلو البنات .. كانت فاستقبالهوم بنت .. لابسة عباية سوداء .. طالون زايد فطولها بضع سنتيمترات .. شعرها طويل وكحل مطلوق موراها .. دايرة ماكياج ثقيل .. ومزرزرة دهوبات بحال شي شيخة خليجية .. تمات جاية عندهوم كتمختر عاجبها طولها .. الضاهر كتعرف شيماء مزيان .. غي شافتها جات سلمات عليها ..

شيماء: (شافت فسعاد) هادي حياة ..

سعاد: (بابتسامة باردة) متشرفين!

حياة: (كتعبرها من تحت للفوق) ماشي اول مرة ياك؟ فايتلي شفتك!

سعاد: لا غي تشابهت ليك!

حياة: يالله دخلو .. جبتو ماتلبسو ولا نعطيكوم؟

حياة: غي اري اختي جينا من الصالون نيشان لهنا ..

دخلو لداخل .. توجهو نيشان لواحد البيت .. عطاتهوم حياة اش يلبسو وجدو راسهوم .. وعلى مالتاحقو البنات لوخرين وبدات السهرة لكم مع تمام التمنية دالليل!

"الشيوخ غايعزلو لي بغاو و ماتحشمونيش ال*حاب"

عبارة خرجات من فم حياة وهي كطلب منهوم يتصافو جنب بعض فخط مستقيم .. حتى تمو داخلين اربع شيوخ على راسهوم عمامات بيضاء ولابسين عبايات كولها فلون ..

بداو يسلمو على البنات ويمازحو لي كيعرفو من قبل.. حتى وصل واحد فيهوم عند سعاد من بعد ما كان نيش عليها من الباب .. هو رجل اعمال خليجي شبعان لعاقة .. مزال صغير ومبوكص .. وقف حداها كيطلع ويهبط فيها عينيه فالتين .. هز يديه داعب خصلات شعرها وقبل ماينطق كانت سبقاتو حياة ..

حياة: سلمي على الشيخ نواف ..

نواف: (فمو ضاحك هايم فيها) شو اسمك يا حلوة اول مرة شوفتش هون!

سعاد: (بصوت رقيق محلون) سعاد ..

نواف: جم عمرك..

سعاد: 26

نزاف: زين العمر والكدود .. أنا باخدك الليلة!

شاف فحياة لي لقاها ضاحكة غمزاتو ومشات سرحات البنات لي ماتعزلوش .. دورات معاهوم ب 300 درهم للوحدة وخرجو يشدو طاكسي ايلا لقاوها فهاد البلاصة المجلية .. هدا حال الاكراميات .. كيجيو معززات مخنتات وكيخرجو كلبات مدلولات .. وكولشي على قبل الدينيرو ..

بقاو فالفيلا قرابة عشر فتيات .. دخلو لغرفة اخرى كانت فيها جلسة تقليدية .. أثات فخم .. كولشي مدهب .. حتى من الحيوط كيشرقو .. وصوت ماجد المهندس كيصدح باغنية "تناديك رغبة المقابيل"

شراب.. حشيش.. شيشة .. كيسان الفرحة مفرقين فكل قنت من الطبالي .. قنينات شيشة محطوطين فالارض .. علب مارلبورو وكامل لايت مشتتين فوق اافراش .. وتيليفونات اااخر موديل مع كونطاكطات الطوموبيلات كتسرد حكاية اخرى عن البذخ والثراء ..

دخلات هي وشيماء للقاعة معاهوم الشيوخ لي عزلوهوم .. بدات السهرة على ايقاعات خليجية .. كاين البنات لي دخلو نيشان للمسكي .. وبداو بالقراعي دالشراب لي تفتحو فدقة .. مع دخاخن الشيشية لي طلعات فالجو .. كيرقصو بمجون .. حركات اباحية كتهيج الرغبة للكوا .. ولالكول كيزيد يشخد النار .. كلس شاد فيديها مكالمي كأنها مغناطيس وجدباتو .. دوز على كفها كيتحسس نعومته ونطق بخفوت ..

نوفل: جننتيني أمبيك الليلة ..

سعاد: (مركزة الشوفة فعينيه .. عاضة على شفايفها باغراء) ماجيتش باش نهز رجلي (كتمسكن) انا اول مرة نجي لبحال هاد السهرات .. دارتها الوقت .. الفلوس قليلة والمصاريف كتيرة والشيطان برهوش ..

نواف: (كله تركيز باش يفهم هضرتها.. مد يديه تلمس خدها بهدوء) تبين بيزات؟ جم تبين؟

سعاد: (كدور فعينيها مخبعة البراءة تحت قناع الجمال) انا قالولي غاتشطحي وضحكي .. تاكلي وتاخدي فلوس!

نواف: انت للحين بنية مو مفتوحة ؟

سعاد: (حركات راسها بالايجاب) اممم..

نواف: (ريوكو سايلين عليها) فرفشيني و اشبعك بيزات الي تبينه حاضرين انت تأمرين أمر عشان هاي العيون ابيع حيلي والديرة كلها ..

سعاد: (عضات على شفايفها وقالت بصوت رقيق كتحلون) سكران وفاش تصحا غاتنساني ..

نواف: (تنهد بحرارة) اخخخ .. خبلتني عيونج صدكو من كالو المغربيات سحره .. عيونج جودوني ..

سعاد: (ابتسمت بخبث ومدات يديها هزات قرعة دالويسكي كباتليه كاس ومداتو ليه) هاك قضي بهدا حتى تلحق عيني!

نواف: (شدو من عندها دايخ) اركصي يا حلوة ..

سعاد: (فنفسها) اخر واحد شطحتليه مات مقيم (شدات فيدو ونطقات بصوت مسموع عينيها كيغليو ويسنيو برمز الدولار) نشطحو بجوج .. شحال غاتحط؟

نواف: (جغم من داك الكاس ونزلو فوق الطبلة بحرقة .. ملهوف عليها .. وقف ووقفها معاه .. جرها من خصرها ويد شادة دراعها كيميل معاها) لي ورايا ولي قدامي ..

دورها من يديها كيعبر فيها .. وفتوبها الاسود لي كيبرز كاع معالمها الجغرافية .. خلاوه يضرب يديه لجيبو وفكل دورة كيرش عليها باوراق نقدية ساوية الثمن .. كيطيحو عليها بحال الشتا .. فمها كيضحك وعينيها كيغمزو لشيماء لي بعيدة عليها بمسافات وطرمتها كتسفق .. تحتو دار العلام وريوكو سالو .. جرها لعندو وخطف بوسة من فمها على غفلة ..

نواف: (منتشي) عسل والله عسل ..

سعاد: خاصك تخلص عليها ..

نواف: (جرها كلسها وهز تيليفونو حلو على لابليكاسيون دالبنكة وقال) اعطني رقم حسابك ..

سعاد: (كدور فعينيها) ديال صاحبتي دايز؟

نواف: ماكو مشكلة يا قمر ..

تسلتات منو ومشات كتمختر بطرمتها .. خلاتو عاض على شفايفو كيحك مابين رجليه .. وصلات عند شيماء لي كانت كتاكل وتشطح .. تحنات على ودنيها كتوشوش ..

سعاد: *حبة الصنارة ركبات .. والكونط ماحافضاهش .. اري ديالك ..

شيماء: (فمها عامر ماكلة .. جبدات التيلي حلاتو ليها ) هاكي .. ها الكود انت لي طلعات ليك ..

سعاد : (خداتو من عندها ومشات كتلوز) وعانديني ولا تحسدينيش ..

شيماء: (فنفسها) وا شوفيلك القحبة زدقات مطرقة ..

رجعات كلسات حداه .. لايحة عليه سالفها ومتلفاه بالهضرة .. طالقة عليه زينها ولسانها الحلو .. حتى زدق مدوز ليها اكثر من 10 مليون فظرف وجيز ..

نواف: (ناض ونوضها معاه) خلينا نركب لفوق ..

سعاد: (هزات يديها كدوزها على لحيتو وقالت بصوت رقيق وناعم) مانكرهش ولكن خاصني نمشي .. الدار غادي يتقلقو عليا .. با مريض وخاصني نديليه الدوا .. وخوتي صعاب خاصني نرجع دبا ..

نواف: (كيبلع ريقو ماساخيش) متى نشوفتش المرة الياية؟

سعاد: وقت مابغيتي ..

نواف: (هز تيليفونو فتحو ومدو ليها) اكتبي رقمج .. بتصلك باجر

شدات من عندو التيلي عطاتو نمرتها صونات على راسها ورجعات مداتو ليه ..باستو من خدو حتى داخ .. ونطقات بخفوت ..

سهاد: ليلة سعيدة .. غانتسناك تعيط ..

نواف: (هز يديها باسهوم بحب) السايق بيوصلك ..

حركات ليه راسها بالايجاب .. هزات صاكها ومشات جرات شيماء للجردة كتقاد فحوايجها وضحك ..

سعاد: حويتو فالفلوس ااساطة ..

****************

قبالة الفيلا لي فيها الاكرامية و ففيلا لا تقل روعة عليها كان واقف فالبالكون .. الكارو بين يديه كيشوف فالطوموبيلات لي مستفين حدا الدار .. وصوت الموسيقى الصاخبة لي مسموع حتى لعندو .. كيبانو ليه بنات فالجردة كيضحكو وصوت ضحكتهموم كيوصلو غارق بحال الطنين فودنو .. ساط الدخان فالسما وتمتم باشمئزاز ..

نوردين: قحاب .. وتابعين الحوالى ..

خدا نفس من سيجارتو وطفاها على الصور .. علا عينيه للسما كيحاول يتناسا الحرقة ديال المعدة لي شاداه من المغرب .. كيتذكر هضرة الفقيه فاش جا اخر مرة .. وقالو غايبقا فيه أثر التوكال حياتو كاملة .. وعمر حرقة المعدة ماتفارقو .. وغايبقا يتحسس من بزاف دالاطعمة ولي كلاها ضرو .. تنهد مرجع نظره لجهة الجردة .. مابقاوش كيبانو ليه داك البنات .. يالله غايدور يدخل بحالو حتى حس بيدين حاوطوه ماللور وراسها تحط على ضهره قبل ماتنطق بصوتها الرقيق والخافت ..

فدوى: مافيكش النعاس؟

نوردين: (ضار عندها وشد فيديها) يما نعسات؟

فدوى: (مطت شفتيها بحزن) بالسيف .. بقات معاها نجاة .. لا تمشي تفيق بالليل بحال البارح ..

نوردين: (تنهد بضياع .. والحزن واضح فعينيه من جهة مو .. هز يديه مررها على خدها.. كيدقق فعينيها الذابلين ونطق بخفوت) وانت شوية؟

فدوى: (ابتسمت بحزن) باقيين شي نخيصات صغار فكرشي ..

نوردين: والدم صفات؟

فدوى: (حركات راسها بنفي) لا مزال .. والطبيبة قالت سيمانة ..

نوردين: (قوس حواجبو) وانا نضيع؟

فدوى: (تعلات على صبعان رجليها باستو من فمو) شنو نديرلك باش ماضيعش؟

نوردين: (جاوب باقتضاب) مصيه ..

فدوى: (عوجات سيفتها مغيلفة) أععع كتعرفني كنعيف .. مزال مازعمتش نجرب ..

نوردين: (جاوب بلا مايحس) بنت الشيخ كانت كتوصلو حتى للحلق..

اللون فوجهها تخطف .. تقرصات والتبوريشة طلعات معاها .. طلقات من يدو .. النفس تحقنات فيها كتشوف فعينيه مباشرة .. قالت بحزن ..

فدوى: كيفاش عطاتك خاطرك تقول هادشي؟

تزير وماعرف باش يجاوب .. اصلا ماحملش راسو علاش نطقها ولا حتى كيفاش عاود تفكرها .. غمض عينيه بغضب كيغزز سنانو مع بعض .. دار عطاها بالظهر متكي على الصور ونطق بحدة ..

نوردين: سيري تنعسي ..

فدوى: (عينيها تغرغرو بالدموع) كيف..

نوردين: (قاطعها بحدة معلي صوته حتى طفجات وبلا مايدور عندها) قلت سيري تنعسي!!

لونها رجع احمر .. الدم فار فعروقها .. كون لقات الارض تشق وتبلعها فهاد اللحظة .. قلبات الدورة ودخلات بحالها البيت الدمعة على خدها .. بينما هو علا راسو الفوق مغمض عينيه فاللحظة لي خرجات فيها مع شيماء وركبو فطوموبيل كحلة .. فاش رجع حل عينيه كانت الطوموبيل كديماري .. تنهد بغضب ورجع دخل لبيت .. شاف جهة النموسية لقاها عاطياه بالضهر ناعسة او دايرة راسها ناعسة .. هز تيليفونو وسوارتو وخرج من الدار لابس غير كيطمة صيفية .. ديمارا طوموبيلتو ومشا طاير تالف بين الدروبة ..بدون وجهة او عنوان!

من الاكرامية نيشان للكباري .. مشات بماكياجها دخلات كتمختر .. كانو الدراري كالعادة عاد كيستفو الطبالي ويقادو الكراسى .. الجوق كيتيستي ليميكرو .. وريوس دالشيشة كيتعمرو فالكوزينة .. الفام دميناج غادية جاية بجفافها وريحة النقا كتعطعط قبل مايتلوث الجو بالدخان وريحة السكايرية .. حطات صاكها وبدات من الكوزينة كتكونطرولي .. حط هادي هز هادي .. راجعات الحسابات ديال السلعة لي دخلات فاليداتها كولها عاد خرجات .. كانت القضية بدات تعمر .. سرحات عينيها على كاع الركاني .. كولشي كان فبلاصتو وبدات السهرة مع شيماء كتغني الطرب قبل مايتجمعو السكايرية .. كلسات قبالتها فالكونطوار .. طلبات كاس ديال الفودكا مخلط بشويبس سيطخون .. شعلات معاه كارو حاضية مع الدراري كتنغم .. البار عمر .. الموسيقى تبدلات .. الدخاخن طلعات .. كاس مورا التاني هي كتشرب وهو سكر غير بالشوفة فيها .. منين دخل وهو حاضيها .. التيو دالشيشة بين فمو والكاس حداه ماقاصوش .. كأنه مسحور .. سكر بالشوفة فيها .. كان قادر يتذوق مذاق داك الفودكا لي بين شفايفها .. فستانها الاسود ونص فخادها باينين خلاو ريوكو يسيلو ..الزيتونة لي كانت كتقطع بيها .. كان كيتخايلها راس بزولتها كيتحسسها تماما كيف كتلعب بالزيتونة بين صباعها الناعمة .. تنهد بوهن فاش شافها حطاتها فمها كتلعب بيها بين شفايفها لي مرسومين باحمر شفاه صارخ.. لسانها لي خرج قبل باش التقطت الزيتونة خلاه ينزل على كاس الويسكي لي حداه فدقة وحدة .. كيتذوق طعم المر لي بقا عالق فحلقه .. وعينيه كيغليو معاها .. حتى مابقاش قادر يصبر .. حط التيو دالشيشة لي تحرقات فاش كان ساهي وناض عندها .. ماحسات بيه حتى وقف عند راسها .. طلعها وهبطها وقال بحدة ..

رشيد: تباعني رافاين!

شيرليها جهة الطواليطات ..

سعاد: (لاحت زيتونة اخرى فمها وقالت ببرود) السي رشيد ياكما عندك شي مشكل؟ قلقك شي حد؟

رشيد: (تحنا عند وجهها كيغزز سنانو) نتينا .. نوض قبل مانقربل عليك هاد البار بالطبالي ديالو ..

رجع قاد الوقفة ومشا من حداها كيهز كتافو العراض .. حتى غاب عن عينيها .. دارت ابتسامة خبيثة.. حطات كاسها وناضت عندو كتمختر بمشيتها كي الحمامة .. ضربات عليه من بعيد لقاتو واقف حاشي يديه فجيبو متكي على الحيط .. حتى وقفات عليه ..

سعاد: كاينشي مانقضيو؟

رشيد: (طلعها وهبطها مغدد .. جرها من يديها وتكاها على الحيط .. قرب من وجهها وقال بحنق) شعاند دين ديماك دافعة كبير؟ من الباراح وانا كنعيط ونصرد فالميساجات؟؟

سعاد: (ابتسمت بهدوء.. وقالت ببرود) شنو بيني وبينك حتى تحاسبني هكا؟ وصلتيني نهار لدارنا مكيعنيش تبقا تابعني بحال الضل ديالي ..

رشيد: (زاد زير عليها كشاكشو خارجة غي صابر) واش كدعراف معامن نتينا ولا لاء؟

سعاد: (كدور فعينيها محافضة على برودها) رشيد صاحب الباطرون ديالي!

رشيد: (غمض عينيه بنفاذ صبر ونطق) شني بغيت باش طيح الارض؟

سعاد: (هزات يديها حطاتها على خدو .. حل عينيه بحالا شحطو الضو .. عضات على شفايفها وقالت بصوت خافت) جيني ماللخر شنو بغيتي مني؟ وعلاش باغي طيحني!

رشيد: (رخف من قبضة يديه عليها وقال) دكون ديالي بوحدي ومايخصاك تا خير ..

سعاد: (مطت شفتيها وابتسمت ببرود) انا انسانة مكتعرفش تكون غي لواحد!

رشيد: (هز يديه زير على فكها حتى عواجليها الفم ونطق من تحت سنانو) مراتي قتلتا حيت حصالتا مع واحيد اخور!

سعاد: (حيداتليه يديه من على فكها وخرجات فيه عينيها) هاديك مراتك .. وانا سعاد .. سعاد لي تديك البحر وترجعك عطشان .. بعد من طريقي ايلا بغيتي تبقا بعقلك!

رشيد: (حاوطها بيديه وجرها لعندو من خصرها حتى ضربات فصدره واستنشق عطرها الاخاذ .. ابتسم بخبث وقال بصوت مبحوح حدا ودنيها) درتك فراسي العايلة درشيد .. غدا نعيطلاك جاوب .. الدار لي قوتلاك داك النهار كتسناك ..

سعاد: (ابتسمت بانتصار ورا ضهره ونطقات بخفوت انفاسها كيضربو فعنقو) على هاد الحساب كتسالني عراضة فيها دايزها الكلام ..

رشيد: (شافيها نافخ ريشو) الراس فالراس؟

سعاد: والكاس يدور..

يتبع...