محتوى القصة
سعاد: (تنهدات) يارييت..
رقية: ضاربلك ضربة صحيحة.. جري على راسك..
شيماء: شنو دير؟
رقية: (طولات الشوفة فسعاد) هي راها عارفة..
سعاد: (دوزات على عنقها بتوتر) مانقدرش! انا حدي الشمع .. مانقدرش على الشي لاخور..
رقية: ايوا شوفي لي يخدم ليك.. (عاودات اخر ضمسة) مزال جايك الخير ابنتي.. غي نتي قويصحة وكارحة.. نزلي شوية الراس تربحي..هاد راجلك عندو شي مرا اخرى؟
سعاد: اه..
رقية: كتبانليا الفرحة فحجرو.. نتي مكتولديش؟
سعاد: كنولد..
رقية: حامق على الولاد.. دكيليه الوتاد بيهوم حتى انت..
سعاد: (بتذمر) يولدو عينيه والله لا شمهوم من عندي..
رقية: (ابتسمت بهدوء) سخونية الراس كترجع بالبرودة ابنتي.. حضي راسك وصاف..
**
خرجو من عند الشوافة ركبو فالطوموبيل.. حيدات الشال لي فوق راسها لاحتو اللور ..هبطات السرجم وشعلات كارو حتى خرجو من داك الحومة..
شيماء: اش بانليك فهضرتها؟
سعاد: (بحيرة) ماعرفت.. راسي حابس دبا.. نتكيف كارو ونفكر..
هزات تيليفونها كان سيلونس..حلاتو لقاتو غايطرطق بليزابيل ديالو.. وبلعة دليميساج.. قبل ماتقراهوم كانت طلعات لابيل ديالو من جديد.. جاوبات.. كتسوط الدخان للجنب..
نوردين: (صوته العالي صمكها) فيييينك اديك القحبة؟
سعاد: (ببرود) سوقك؟
نوردين: (التشاش خارج من فمو.. نطق حروف اسمها من فمو بغضب) سوعاااااد .. فيييينك؟
سعاد: سير تقود مامسالياش ليك دباااا...
قطعات عليه الخط وطفات التيلي لايحاه حدا بواط فيتيس..
شيماء: مافهمتش.. لي شافو تابعك فالدخلة والخرجة يقول كيتسطا عليك.. شنو باغي منك مانعرف..
هبطات الزاج باش تلوح كارو.. وقفات حداها واحد الرونج كتحزق.. راكب فيها واحد البوكوص وصاحبو معاه.. هبط الزاج وغمزها..
-التيتيز كيتسارا بوحدو؟
سعاد: (رجعات شعرها قدامها كضحك حتى دوخاتو.. وقالت بصوت رقيق حاضية الضو الاحمر) وحداني وخاصو الوناسة..
هز تيليفونو وشافيها كيضحك..
-06؟
سعاد: 61453029 (غمزاتو وقلعات باللوطو فاش شعل الضو)
شيماء: (شاداها الضحكة) اختي مكتقاضايش..
سعاد: خلينا نفتخو فيه شوية..
شيماء: هههه لي شافك يقول مخصوصة.. ياك الرايس مغرقك فلوس.. اش باقي خاصك؟
سعاد: بالسيف عليه هداك.. ياك ضارب بيا خط الزناتي وايحك جيبو.. ولد القحبة تلقاه كيخصر على القحاب اكتر..
شيماء: (شافتها قلبات الطريق) فاين ماشيا؟
سعاد: نضربو شي دورة فأشقار اكبيدة فهاد لوقيتة كتكون القضية زاهية تيتيز.. نتزللو شوية.. نخضرو عويناتنا..
شيماء: امتا غانمشيو لعند منعم؟
سعاد: داير معانا حتى لليل..
شيماء: (بلعات ريقها والخوف بان فعينيها) اجي ياك متأكدة غاتنجح؟ اختي انا خايفة!
سعاد: (كطمنها) ماتخافيش..اصاحبتي قالك نص ساعة تكوني تهنيتي..
شيماء: وعلاش كيديرها فدار ماشي فكلينيك ديالو؟
سعاد: واش سايطلك البرد فمخك؟ واش غي اجي وطيح الولد ديال 3 اشهر؟ وولد الحرام من فوق.. راك فالمغرب الزين..هضرة جوج فين باه وواش عندك الموافقة..
شيماء: بففف الله يخرج هادشي على خير..
ماجاوباتهاش.. صغرات عينيها.. وهبطات الزاج كتأكد من داكشي لي شافتو.. نفس الطوموبيل.. نفس الماطركيل.. عينيها مشات نيشان للي حداه..
سعاد: ولد القحباااااا...
شيماء: (تاهي قشعات البلان) الرايس هداك لي داز؟؟
سعاد: (زادت فالسرعة باغا ترجع فالاتجاه المعاكس تبعو.. كتغزز سنانها) شتي داير الصاحبة؟؟؟
شيماء: (بارتباك) غاتبعييييه؟؟؟
سعاد: (شافت فيها مخنزرة) غانتبع قحبيماه نحرمها عليه..
ماجات تكمل هضرتها حتى حسات بشي زدحة ماللور.. ضربات فران سيييك وعوجات الروايض.. مشاو وجاو بلايصهوم..
سعاد: (كتشوف فالزاجة اللور مضهشرة) شكوووون هاد القواااااد لي دخل فيا ماللور؟
نزلات مكشكشة ومعصبة ردخات الباب.. وغادية عند الشاب لي خرج هو وجوج صحابو يشوفو اش دارو..
سعاد: (صاعرة) وااااش مكتشوووفش البرهوووش؟؟؟ شادين بيرمي فالظلام؟
الولد كان باقي صغير من داك البراهش لي كيطيرو.. خنزر فيها ونطق بتهكم مع صاحبو
-مصيبة اصاحبي.. مكنحملش ندير كسيدة مع مرا.. غاندوزو ساعتاين هنا..
ضحك صاحبو بخفوت وجاوبو..
-واييه كيبقاو يتباكاو ويتفتفو وتسناااها تعيط لراجلها.. مايجيك على ساعة.. وهناا بقيناا اخاي..
سعاد: (سمعات هضرتو وتجننات حتى تجننات وطارت عليه شانقة) غانعيط للبرد الحمااار.. برببي تا بيا ولا بيك هاد النهار.. ضبرتي عليهااا..
شيماء: (كتجر فيها وتهضر مع الولد) خويا ماديش عليها راها معصبة والخلعة.. نديرو كوسطا نمشيو بحالنا الله يسهل عليك..
نترليها يديها كينفض حوايجه بعصب..
-وليني جلاخة هاد صاحبتك.. عايطو اختي للبوليس .. مالنا على هاد الشوهة؟
سعاد: (هزات يديها كتشالي) وااابقا تشوف قداااامك البعلوووك.. دبا البنت حاملة كون طراتليها شي حاجة للولد؟؟ واااش غي لي عندو شي خرشاشة زاهي بيها..
لصقاتو لصقة ديال العمى فالظلمة.. مابغاتش تسكت ولا تهد.. خرجات فيه جنونها ومادار فيها الرايس.. ماخلات ليه غي لي نسات.. حتى ولا يطلب معاها غي التعادول.. الطريق تبلوكات ماللور.. الطوموبيلات كيكلاكصونيو وهي محيحة.. كاين لي هبط يفرق كاين لي كيتسنا بملل.. ماتفاكات معاه حتى جاو البوليس.. قيدو كوسطا ومابغاتش تفاك.. طلبات تابعو ويقيدو محضر.. عيا يرغب باش يعطيها غي فلوس وتبع لاصورانص حلفات بايمانها حتى تحرر معاه محضر عاد تبرد..صاكت طوموبيلتها وتبعاتو لويتيام.. غرقاتو عاد بردات..
شيماء: (واقفين حدا اللوطو كدوز على ضهرها بهدوء) بردتي شوية؟
سعاد: (بزقات فالارض بفقصة) ولد القحبة ضيعليا بلان..
شيماء: (كضحك) ياكما غرتي المصيبة؟
سعاد: (جبدات كارو شعلاتو) انا نغير على بوقلوة؟؟
شيماء: (بمزاح) ولكن تيتيزة هاديك لي كانت معاه.. فين تباني نتي ولا حتى مراتو لوخرا..
حلات باب اللوطو وجبدات تيليفونها شعلاتو.. مع الشعلة مع ميساجات البواط فوكال ديالو.. تسنات شوية على ماوصلو الاشعار كانت عارفاه غايعيط.. غي صونا شداتو..
نوردين: (كيهضر مبرد) دخلي للدار هانا جاي..
سعاد: (بفقصة) كتهضر بشوية دبا القوااااد.. معاااك القحبة ماباغيهاش تسمع ياااك؟
نوردين: (تجاهل كلامها وقال بأمر) نص ساعة لقاك فالدار..
سعاد: (خدات نفس عميق من سيجارتها.. وساطتو فالسما.. كتهزز رجليها بغضب) حكم فهاديك ليحداك ال*امل.. سير تقود.. غاندخل فاش يقولهالي راسي.. وغانخرج فاش غانبغي اناااا.. تااابع القحاااب؟؟ (كتحلف عليه) والله حتى نحرر فيك العيشة انت وياهوم.. انااا؟ اناااا ال*ااامل تقفني؟؟ السحاااار القوااااد.. والله ياولد خدووج حتى نتوالا بيييك.. بغيتي غاتجبد خنزي؟ (كتغوت صاعرة) واااقول لهاديك لي حداك تحسن طبونها مزيان عاد تعطيهلك..
كان غي كيتصنت بلا مايجاوبها.. عربطات عليه بالمعقول غي سالات هضرتها قطعات عليه ولاحت التيليفون من السرجم لداخل الطوموبيل وشافت فشيماء صاعرة..
سعاد: هاااد زبي ديال الكوسطاطور ماغايجيش نسني نقود فحالي؟
شيماء: هاهواا جا.. يالله نتحركو من هنا..
لاحت الكارو ومشات معاها كضرب رجل فرجل وتشوف فللور الطوموبيل كولو مدكدك.. الزاج مشخشخ والبارشوك مبزط..
سعاد: سير الله يلكيهالك.. هدا ماربحنا من عند داك القواد .. التابعة الله يعطيكوم الحبس..
واقف كيكمي فبالكون ديال واحد من افخم الاوطيلات فطنجة.. التيليفون بين يديه كيصوني عليها ويعاود.. مكتجاوبش.. يديه كتنفض بالاعصاب.. حتى صونا تيليفونو ديال الخدمة جاوب بسرعة..
نوردين: اش تما؟
-والو اخاي ديالي واقيلة حايداتو من الطوموبيرا.. ماكايطيني والو ..
قطع عليه بعصب.. رجع التيلي لجيبو .. وعاود صونا عليها بتيليفون لاخور.. كيتمتم بسخط..
نوردين: بنت القحبة.. غانقتل الدين ديماها عاد نرتاح..
قطع الخط ودخل ليميساج يسيفط ليها تاني.. حتى حس بجوج يدين حاوطوه ماللور.. ضرباتو ريحة الشامبوان فاش باستو من عنقو وهمسات حدا ودنيه..بصوت رقيق خافت..
-شعانداك اكبيدة مغايار؟
خدا نفس عميق من سيجارتو ورجع التيلي لجيبو.. اش غايقوليها عندي مرا كنقيل نتحارب معاها ولا بغات تهد.. فضل مايجاوبش..لاح الكارو وضار لعندها.. بابتسامة خشنة..هز يديه كيدوزها على سالفها الكحل الفازك بالما.. نطق بهدوء..
نوردين: بالصحة!
باستو فمو فرحانة..
-يعطيك الصحة.. خاصني نمشي .. ماما شويش ودبدا دعيط..
نوردين: تسناي نوصلك..
جراتو من يدو داخلة بيه لداخل.. الطرف كيتهز مع البينوار لي لابسة..نطقات بدلع..
-نعملو شي قصارة هاد الليلة؟
نوردين: ماتخرجي حتى نعيطلك..
حيدات بينوار الحمام كتبدل حوايجها حداه كنوع من الإثارة.. حتى صونا تيليفون فجيبو.. جبدو ضنا منه انها سعاد زدقات فدوى.. عقد حجبانو وخرج لبالكون كيهضر..
فدوى: كبيدة صافا؟
نوردين: (بحدة) امتا راجعة؟؟ عجبك كرك فداك بلجيكة؟
فدوى: (بهدوء) ماكنتش مخططة نزيد هاد السيمانة راك عارفني جاية فوغماسيون ماشي نتسارا..
نوردين: (مقندش) ماكانعرف لا فوغماسيون لا زبي.. دارك لللخر دسيمانة تكوني فيها..وطرا شي حاجة لداك الولد بهاد خيطي زيطي ديالك غي شهدي على روحك..
فدوى: (تنهدات بضيق وقالت باستسلام) وخ أنوردين وخ..
قطع عليها التيلي لاحو فالجيب كيشتم فنفسوو..
نوردين: تريكة القحااب باش مزوج..تفوووو
بالليل كانت فايتة العشا.. غادي جاي فالصالون كيبرد سنانو بالاعصاب.. النهار كامل وهو كيعيط ويصوني ولا جاوبات.. كيشتم ويتحلف .. تلفاتو على شغلو ماعارفها فين صادة.. جا للدار لقا غي نجاة.. كلسها فالصالون داير ليها استنطاق..
نوردين: فينهيا؟
نجاة: (عينيها كيدورو بلاصتهوم كترعد وفنفس الوقت ماباغاش تحرقها) ماعرفتش السي نوردين.. منين خرجات الصباح هي وصاحبتها ماقالتليش فين غادية..
نوردين: (تحنا عندها كيغوت كشاكشو خارجين) علمااااتك التقحبييين تانتي؟؟؟ نطقي فين مشااااات؟
الدموع تجمعو ليها فعينيها.. مالقات ليها جهد.. حدرات راسها كتفرك فصبعان يديها ونطقات بخفوت..
نجاة: صاحبتها عندها مشكيل..مشات معاها عند شي طبيب طيح الولد.. العملية كيديرها فشي دار بالتخبية..
نيران من الغضب تجمعو فعينيه.. كان شوية مبرد ضنا منه انها غير راكبة غنان معاه وزكارة فيه مكتجاوبش وغابرة.. حتى كيتفاجئ بهاد المصيبة لي كيحاولو يديرو هي وصاحبتها.. دوز على شعره بغضب.. الريق مجموع ليه فحلقه.. راسو كيدور والسلوكة تخربقو ليه فدماغو.. رجع ضار عند نجاة صاعر بحال شي وحش..
نوردين: متأكدة صاحبتها ماشي هي؟
نجاة: (هزات صبعها كتحلف) لا والله حتى صاحبتها هي غي كتعاون.. نوردين: ماعارفاش سميت هاد الطبيب؟؟ ولا فين عندو الدار؟
نجاة: (كتفتف بخوف) ماعارفاش والله ماعارفة.. اصلا ماسولتش فهادشي.. ماعندي شغول فيه..
جبد تيليفونو العرق هابط على عموده الفقري.. واصل لقمة غضبه.. عروق نافرين فجبهته.. وجسده كولو متشنج.. كيدوز نمرتها كيعطيه طافي.. دخل ليكونطاكط كيقلب على نمرة شيماء.. لقاها عيطليها حتى هي طافي..!
نوردين: (ضرب يديه مع واحد الطبلة من فرط الاعصاب حتى زراقت فالبلاصة ونطق بصوت مدعدع) بنت القحبة كتقلب على خلا عشتها.. (رجع ضرب فنفس البلاصة صااعر) غااانقتلهااااااا...
فدار كبيرة متكونة من جوج ديال ليزيطاج جاية فمكان خالي.. كانت كالسة فالصالون على أعصابها.. كتسناا فالعملية تسالا من بعد مارفضات انها طلع معاها ودخل تحضر حيت ماباغاش تشوف الدم والشوكات او اي حاجة كتخص الطبيب.. تيليفونها بين يديها طافي.. عقلها مرفوع كيفكر غي فصاحبتها لي الفوق على فراش الخطر.. من ناحية مطمنة حيت عارفاها بين يدين آمنة ومن ناحية اخرى خايفة حيت خاضت نفس التجربة وكانت أليمة وموجعة.. أكيد تجربتها مكتقارنش مي كيبقا داك الحريق عمرها حساات بيه فحياتها.. كأن الله كيعاقبها بمغص حاد فكرشها حيت قتلات روح ماعندها حتى ذنب..!
وقفات كتمشي وتجي يديها كيتعرقو وجبينها حتى هو.. التوتر كان سيد الموقف.. العملية تعطلات وماكاين حتى خبار جاي من فوق.. باغا طلع ولكن رجليها ماساعفوهاش تمووت وماتشوفش الدم.. حطات يديها على قلبها فاش حسات بخضة غير طبيعية.. بحال شي هوا سخون ضرب فودنيها ودخل لمعدتها جابلها الترويعة.. خاطرها تزير والريق بدا ينشف فحلقها.. غمضات عينيها ورجعات حلاتها كتعود من الشيطان الرجيم..مرة وجوج وتلاتة.. الحال كيضياق والقلب كيضيم.. حتى قفزات على صوت الرعد جاي من برا.. لصقات مع الحيط خايفة كتقفقف..
سعاد: (كتمتم بخفوت) اعوذ بالله من الشيطان الرجيم.. ياربي تلطف..
تحركات من بلاصتها تمات غادية تكلس.. حتى سمعات صوت الباب تشعط الفوق.. والطبيب هابط كيجري بطابليتو كولها دم.. العروقات كتصبصب عليه.. شنايفو كيترعدو.. شاف فسعاد لي وقفات مسمرة كتسناه يهبط.. حرك راسو يمين شمال باغي يقول شي حاجة والحروف تلفو فحلقو.. شد فراسو وداز فيها وخرج كيجري.. تبعااتو كتغوت.. غي وصلات لباب تفكرات صاحبتها لي الفوق.. داتها فشلات عليها.. رجعات أدراجها وطلعات كتجري شادة على قلبها.. كضرب فالبيبان والبيوت لي الفوق حتى بانليها الضو خارج من واحد فيهوم مشات كتجري دفعات الباب..فاذا بها كتصدم من المنظر لي شافتو.. مناديل قطنية ملطخة بالدم فالارض وفوق الباياص لي ناعسة عليه شيماء شبه ميتة.. ممرضة كانت جنبها كتنهج وتجمع فداكشي.. ودور تحيد الباقي من تحتها.. كتمشي وتجي فالغرفة بحال المجنونة.. وكانت كتبان مزال مافقدات الامل عكس الطبيب لي سمح فيها وهرب.. شافت فيها سعاد بذعر.. أطرافها تشللو.. عينيها دمعو.. التبوريشة طالعة معاها.. والنمل تكوم فراسها.. كيغلي !كيغلي..! تحنات عند الممرضة لي كانت تالفة كتجمع المنادل من الارض.. غي علات راسها ارتجفو شفايفها كانها عاد حسات بوجود شي حد معاها..نطقات بخوف..
الممرضة: كتموت .. كتموت ولكن نقدرو نعتقوها..! اه نقدرو نعتقوها..
حدها سمعات هاد جوج كلمات.. طلقات منها وناضت عند شيماء..عرات عليها داك ليزار لي رجع احمر.. لقاتها عريانة كولها..رجليها مفرقين وبركة من الدماء تحتها.. ريح سخونة ساطت فوجهها.. من بعدها تحقنات فيها النفس.. مالقات طريق طلوع ولا هبوط.. شدات فعنقها وبقات راجعة باللور.. دموعها هبطو شلال.. الريق نشف فحلقها.. وذرات الهواء مابقاتش كتحس بيهوم داخلين شي لي خلاها تشهق وتعاود طمعا فشوية دالهوا يدخل لريتها.. تزدحات فالباب.. دارت يديها على فمها كتكتم شهقاتها.. كتسمع الممرضة كتهضر معاها شفايفها كيتحركو ولكن مكتفرز حتى حرف من هضرتها.. كتردد كلمة وحدة فقط فودنيها.. "نقدرو نعتقوها" حركات راسها بنفي.. وخرجات من البيت كتجري وتغوت بهستيرية..
سعاد: لا .. لا ماغاتموتش.. انا السبب.. انا السبب.. انا لي جبتها.. لهنااا..
وصلات لتحت طلقات صرخة مدوية..حتى تزعزو الجدران.. ومشات كتجري لتيليفونها باغا تعيط للاسعاف.. هزاتو كان مليوح فالارض.. فلت ليها من يديها مرات متتالية.. عينيها مضببين بالدموع.. شعلاتو كتشوف غي الغشاوة.. بداو يوصلوها ميساجات الرايس.. دخلات للوحة الارقام كدوز رقم الاسعاف.. حتى تفكرات انها تقدر تمشي للحبس بسباب هادشي.. رجعات خرجات.. مدوزة رقم الرايس.. الوحيد لي يقدر ينفعها بلا مادخل للحبس..
كان غادي فالطريق منير.. تالف بين الدروبة.. ساخط عليها .. كيقول لا بانت ليه فالطريق يدوز فيها ومايحسش.. حتى وصلو اشعار رسالة بلي شعلات تيليفونها.. خفف السرعة وهزو كيغزز سنانو.. يالله باغي يعيطليها .. صونا التيلي بنمرتها لي اصلا مامقيدهاش..ولكن حافضها ..جاوب فالحين القرودة كيلعبو ليه فراسو..
نوردين: ياا بنت القحبة الليلة نغزز ملتك.. (غوت صاعر كيضرب فالفولون) نوري لقحبيماااك اللعب مع الرايس كيداير.. فييييييييينك؟؟؟
عقد حجبانه كينهج فاش وصلو صوت بكاءها الهيستيري فقط..عوج الطوموبيل لجنب الطريق وقف قاد جلسته ونطق بنبرة صوت خافتة هاد المرة..
نوردين: ماااالك؟؟
سعاد: (كتشهق وتغوت)
نوردين: (صعراتو) وااااا نطقي ازبي مااااالك؟؟
سعاد: (بصوت متقطع كتهضر بزربة وتالفة) أننننننن.. ش.. شيماء كتمووت.. الطبيب ه..أننننننن.. ه.. هرب... (صرخات بقوة حتى زنزنات ليه فودنيه.. كتهضر بهستيرية) الدم..د..دم ف..فالارض..و الدم فالحيط...
مسح على وجهو بعصب.. عرف شنو طاري.. وعرف بلي القضية خطيرة.. تنهد بعمق ونطق..
نوردين: شتتت صافي تكالماي.. سيفطيلي العنوان..
سعاد: (صوته كيجيها غريق) ما.. متجيبش بوليس.. مابغيتش الحبس.. ومابغيتش شيماءتمووت.. ك..كنخاااف من الدم...
ضرب على الفولون بيديه حتى كلاكصونات الطوموبيل وغوت صاعر بالفقصة..
نوردين: وا كو كنتي كتخافي لربك ماديريش هادشي.. صايفطي القلاوي دغيااااا غانجي نطحن ملتك هاد الليلة..صااايفطي..
قطعات عليه كتقفقف.. يديها كيترعدو.. دخلات سيفطاتليه لوكاليزاسيون.. وناضت من الارض.. طلعات كتجري الفوق.. فاش دخلات الغرفة مالقاتش الممرضة.. تزاد معاها الزايد فاش عرفاتها هربات حتى هي.. اول ماجا فبالها هي صاحبتها ماتت.. مشات وقفات عند راسها كتقيس ليها النبض.. لا أثر له.. غطاتها باش ماتبقاش عريانة.. كتصرف بلا وعي.. وكتهضر بكلمات مامفهومينش.. قربات تحماق.. كتشم فنيفها غير ريحة الدم.. وبين عينيها غي اللون الاحمر.. حتى من يديها ملطخين بالدماء.. او هي كيتهيئ ليها هادشي.. دخلات فحالة صدمة وخوف رهيب.. كتحس بالزايد معاها.. ماشي بوحدها فالغرفة.. الريح والشتا على برا وداك الريح نفسو كتحس بيه فودنيها.. وفنيفها جايب ريحة الموت معاه..تراجعات للوراء كترعد.. جسدها كيتنفض.. كتشوف فشيماء لونها كيتغير من الاصفر للازرق وشي مرات كتبان ليها كحلة.. سدات على ودنيها وغمضات عينيها مابقات باغا تشوف والو.. ماكرهاتش تهرب من الغرفة .. ولكن رجليها ماساعفوهاش..حتى طاحت على وقفتها.. وسط داك المنادل دالدم.. كتبعدهوم عليها وتغوت كأنهم افاعي سامة غتلدغها.. راسها كيغلي.. بقات كتفركل غي بوحديتها فالارض.. تخنقات ومابقاتش قادرة تنفس.. لصقات للحيط مغمضة عينيها كتبكي وتغوت.. وكون كانت الدار عندها الجيران كون سمعوها على بعد أمتار وخ صوت الشتا كان غالب..!
تكومات على راسها جارة رجليها لعندها مخبعة راسها بين ركابيها كتبكي وتنين.. كتحس بالبرودة طالعة مع رجليها.. حتى بدات تسمع صوت لومبيلونص غادي وكيقرب.. من بعدها غابت شوية على الواقع.. حتى رجعات ليه على صوت اقدام جاية من تحت.. من بعدها تردخات الباب ودخلو جوج دالرجال بباياص فيديهوم.. ومعاهوم واحد بطبلية بيضاء.. الصورة عندها مضببة شوية والحركات كيدوزو ثقال قدام عينيها.. صوت غوات الرجال وهوما كيزربو باش يخرجو شيماء.. حتى واحد ما تلفت ليها.. حتى ضنت انها اصبحت غير مرئية.. حيدات الشعر لي كان لاصق على جبهتها .. وعلات راسها كتشوفيهوم مخرجينها كيجريو.. بغات تنوض تلحقهوم وماقدراتش.. رجليها خواو بيها.. عطاتها البكا والنواح تاني.. حتى شافتو داخل مع الباب كيقلب عليها..كينهج..بلعات ريقها كتكتم شهقاتها.. غير لمحها تم جاي عندها كيجري.. الخوف باين فعينيه.. تحنا على ركابيه عندها.. كيشوف فوجهها لي مخطوف.. العرق لي هابط مع جبهتها.. عينيها لي كيقطرو بالدموع.. شفايفها لي رجعو زرقين ونظرة عينيها الخائفة والمذعورة هي لي خلاتو يتهدن ومايعاتبهاش كيف كان جاي عوال عليها.. حتى تحول من وحش كان ناوي ليها على خزيت لحمل وديع جرها عنقها وخشاها فحضنو اول ماشافت فيه..
نوردين: (باسها فراسها وهي كتهز وتبكي فحضنو) شتتت.. صافي سكتي.. ماطرا والو..
سعاد: (كتمسح دموعها فتريكوه) م..مااتت.. ش.. شفتها بعيني زرقة...
بعدها عليه كيمسحليها وجهها.. عاقد حجبانه .. حتى شدات فيديه كتهضر بزربة..
سعاد: غا.. غانمشي للحبس.. انا.. لي جب.. جبتها لهنااا..
ماجاوبهاش.. ناض وقف وتحنا هزها بين يديه..وهي كتبكي مابغاتش تسكوت.. خارج بيها من داك الدار.. ركبها فطوموبيل سد الباب وشاف فحكيم..لي كان كيتسناه حدا لومبيلونص لي مشات كتغوت..
نوردين: عيط لنجاة تجي عندها.. غانديها لطبيب..!
انطلق مباشرة من بعد لومبيلونص.. وهي حداه كتبكي وتنين.. وفمها كلمة وحدة "ماتت"
نوردين: (شافيها وغوت) وا ماماتتش.. عاد غاديين بيها لطبيب..سكتي شوياااا..
بحالا ماسمعاتوش اش قال ضربات فوجهها بيديها وهبطاتو بظفرانها حتى نذباتو.. غوت عليها صاعر شدليها فيديها ويد صايك بيها.. كيسب ويشتم من فرط الاعصاب..
نوردين: رصااااي على داك الوجه القلاوي.. واش لدينمك باغا تصعريني؟؟ كتقلبي نقلب ربها هاد الطوموبيل ونديك فين ترتاحي؟
سعاد: (غوتات فوجهو صاعرة) غي ديني.. الموووت بوحدها لي غاتهنيني.. (غوتات بحرقة وحضنات وجهها بيديها وعطاتها للبكا.. كتهز وتحط فوق داك الكرسي.. خلاتو كياكل جنابو بالاعصاب.. الدم حامي فعروقه.. كديرها يزلق فيها جمل وتوخر اللور تخليه كينفث نيران الغضب من جوفه.. وله كامل الحرية فقتلها او يخليها كتنفس.. وغالبا كتغلب الثانية وكيلقا راسه هو لي كيعاونها باش تنفذ منها مثل الشعرة من العجين..
وصلو لوبيطال بسرعة فائقة ماعرفوش حتى كيدارت دازت داك الطريق.. هي داخلة فحالة هستيرية من البكاء وهو كيسب ويغوت قدامها كيخفف على غضبه منها بهاد الطريقة..
غي حسات بالطوموبيل حبسات.. نزلات قبل منو كتجري.. ودخلات بحال شي حمقة كتسول لي طلاقاتو فالطريق.. على فين جات شيماء.. حتى لحق عليها كيجري.. ماخلاتو حتى يسكت الطوموبيل.. جرها من دراعها كيغوت..
نوردين: واااتركني شوية غانقتلك هاد الليلة.. فين ماشية بلا عقل..
سعاد: (شدات فتريكوه ونطقات بترجي) ديني عندها عافاك..!
تنهد بنفاذ صبر.. وجرها من يديها حتى لفين مقرر انهم يدخلوها.. كلسها فوق واحد الكرسي وهز صبعو بتحذير..
نوردين: غاتكلسي بعقلك حتى يخرج الطبيب.. تنوضي رجلك نحشهوملك..فهمتيها ياك؟
تكمشات عند راسها وسقلات كتشهق ماشي حيت هو طلب ولكن كانت كتحس برجليها فاشلين عليها وقوتها بدات كضعاف.. كتحس بداتها كولها سخونة بحالا فاش كيكون غايبداك المرض.. الدم كيجري فعروقها بشكل غير طبيعي.. يديها كيترعدو كولشي فيها كيتنفض.. كان غادي جاي عند راسها بحال شي عساس حاضيها لا تهور ولا دير شي حاجة.. مرة مرة عينو كتفلت لجهتها.. كان واصل لقمة غضبه.. غضب لي بقا كيتكون فيه شوية بشوية مني صبح الحال.. راسها القاصح.. تصرفاتها الطائشة جننوه.. كان عوال ليها على شيطرح دالعصا حتى تبرد وتهد وتشد الارض شوية.. ولكن غير شافها فهاد الحالة برد وتكالما.. قليل فاش كيشوفها ضعيفة.. وكل مرة كيكتاشف نقطة من نقط ضعفها..
كتخاف من الحبس!
كتخاف من الدم!
كتخاف من الطبيب!
ومكتخافش من الموت!
الرابعة غالبا غي دافعة فيها الجبهة..حتى كائن على وجه هاد الارض مكيسخا بالحياة.. وهادشي لي كيخليه حاير فامرها.. منين جايبة هاد القوة باش تخبي خوفها.. ومنين كتجيب الشجاعة باش تواجهه.. مكتفلت حتى فرصة فين تخرج فيه عينيها.. تجلدو بسياط كبرياءها.. وتهلكو بنظرة العناد لي فعينيها..فعلا مهلكة!.. صفة اعترف بيها غير بينو وبين راسو.. وهو كيشوفيها حادرة راسها كترجف.. خارت قواها وتهدات.. الشي لي خلاه يتاجه لعندها.. كلس حداها ومد يديه حضن يديها..طبطب عليهوم بهدوء.. علات راسها شافت فيه.. رموشها فازكين.. نيفها احمر بالبكا.. شهقات بخفوت وتمتمات..
سعاد: ماغانسمحش لراسي ايلا ماتت..
نوردين: (كيبعد الشعر على عينيها نطق بصوت أجش) علاش عزيز عليك المشاكل؟ اممم!
ماجاوباتوش عينيها اتجاهو نيشان للباب لي تحلات وخرج منها الطبيب ومعاه فرملية.. تم جاي نيشان عند الرايس الضاهر انه كيعرفو مزيان.. غي شافتو ناض ناضت موراه شادة فدراعو كترجف..
طبيب: (باطمئنان) لا الحمدالله تعتقات.. وخ نزفات بزاف.. عطيناها الدم من عندنا..
نوردين: (غمزو) ياك الامور هانية؟
طبيب: (بصوت خافت) كولشي مضبوط متخافش الحبيب.. راك فداري ماشي كلينيكا ديالي.. هكا حسبها.. دبا منين البنت بيخير .. المدام ماعندها مناش تخاف..
طبطب على كتفو وشاف فسعاد..
نوردين: بردتي دبا؟
حسات بالصهدة طالعة معاها.. تراجهات للوراء شادة على قلبها لي حسات بيه غايخرج من قفصها الصدري.. دلو من الماء تكب عليها.. لصقات مع الحيط كتحاول تنفس من جديد غمضات عينيها وحدرات راسها كتبلع فريقها.. الرايس شاف وجهها تغير وحالتها ماشي هي هاديك.. مشا عندها كيجري شد فيديها.. قال بقلق
نوردين: مالك؟ فيك الدوخة؟
حركات راسها بنفي عاد علاتو.. فإذا به كيتصدم من المنظر لي شافت عينيه.. الدم هابط مع نيفها كيزرزر وهي بحالا ماحاساش.. حضن وجهها بين يديه.. ودور وجهه شاف فالطبيب والممرضة لي واقفين حتى هوما مصدومين وغوت..
نوردين: اجي اصاحبي شوف مالها؟ (رجع شاف فسعاد عينيها كيتقلبو..دوز بيديه على داك الدم كيهضر بخوف) مالك باش كتحسي؟
الممرضة: (شدات فيها وشافت فيه) اسيدي واش المدام حاملة؟
نوردين: (حرك راسه باستغراب) لااا..
الممرضة: (كتشيرليه عند رجليها وشافت فالطبيب بارتباك) دكتور راها كتنزف حتى من تحت!
هي داكشي لي سمعات..فايضة بالدم من تحت.. خلاوها تستسلم وترخات بين يديه سخفانة!
حطات تيليفوتها على جنب واتاجهات لسريرها تنعس.. فالجهة لوخرا كان سرير اخر ناعسة عليه ختها.. جمعات شعرها الطويل لواتو.. جرات غطاتها وتكات براسها على النموسية كتخمم.. حتى سمعات صوت ختها كتهضر معاها من تحت المانطة..
-ريم شعانداك العايلة من الصباح ونتينا كدخمم.. كا غرقولاك البوابار اختي؟
ريم: (شافت فيها بضيق) اختي سناء نوردين مكيجاوبنيشي.. كونا عاملين نخرجو نقصرو بالليل.. غبر العايلة.. من قبايلاتي وانا نعيط مكيهوزشي عليا..
سناء: (تقادات فجلستها وقالت بمزاح) اواااعدي على ختي الحبيبة.. طيحة زوغبية .. خايل يكون مزوج؟
ريم: (شيرات عليها بخدية) دوقماك يلاحسو الكلب.. وزايدون هاهوا مزوج.. الشرع محلل أربعة..
سناء: (رجعاتليها الضربة بالخدادي) يالملعوقة مزال ماقفلتشي معاه تا الشهر وطيحت؟
ريم: (عضات على شفايفها .. القلوبة كيترسمو فعينيها.. نطقات بخفوت) اححح عليه وخلاص.. كيحمااق بالزين ياختي الحبيبة.. كدحيس بيه حرش.. وواقيف معاك الراجل ..انا كيشوفيا كنسيح العايلة..
سناء: (غالباها الضحكة) ودشوفاك يماك هايدا دجورو من قفاه يزوج بيك..
ريم: (بلعات ريقها وقالت بتردد) سنااء؟ نقولاك واحد السر..ماقدرتشي نخليه فقلبي..
سناء: (باستغراب قوسات حجبانها) شني كاين؟؟ قوول..
ريم: (تنهدات بارتباك كتفرك صبعان يديها مع بعض.. هربات منها عينيها وقالت بخفوت) العايلة أنا عملتا معاه.. مابقيتشي بنت!
سناء: (توسعو عينيها بصدمة ولاحت عليها الغطا.. كلسات) اواااعدي على الملعوقة.. تقبااااك؟؟ وكيف وقاعلكوووم؟؟
ريم: (بهمس) شوووت هضار بشويش مادسمعاك يما.. ماعرفاتشي كيف وقاع.. تا لقيت راسي سيحت وخليتو يعملا.. ولكن العايلة السيد بروفيسيونيل.. دكون حجرة ذووب..
سناء: (شادة على قلبها) ايمااا على المسخوطة.. وشني كيقولاك دبا؟؟
ريم: (هزات كتافها بلا مبالاة) مكيقولي والو على هاشي.. وحتى انا مابغيتشي ندخول معاه من دبا فالزواج وديك التخربيق.. وهو ماشي شي برهووش لي يسماح فيا ويهراب..
سناء: شني كيخدم؟
ريم: ماعارفاشي.. بالحق خانز فلوس كيبان.. المهم عندو شي دالقهاوي وليريسطو هنايا فطنجة.. والقهوة دالشيشة لي تعرفت عليه فيها ديالو..
سناء: باينة فيه غبار.. يا الملعوقة وطيحتي فبزناز على تالي ياماك..
ريم: (تنهدات بحب) بزناز ومقود العايلة.. ااايماااا وانا كنذووب..
سناء: (رجعات تكات ففراشها) لا نتينا تعاوااارتي فيه المزغوبة.. عا الله يخروج هاشي ديالاك على خير..
ريم: كنتسنا غا نتقفل عليه.. والله مانفلتو..
سناء: (طفات الضو لي حداها) نوض دنعاس نوض لا حلمشي ونتينا كالسة.. غدا تابعاك القراية..
ريم: نعاس عا نتي انا مانعاس حتى نتشوفو فاينوا..
رجعات هزات التيلي كتصوني عليه وتعاود ولا من مجيب..حطاتو على قلبها وتكات عينيها للسقف شاردة ففراغ.. كتفكر ايامهوم مع بعض.. شهر كأنه الدهر باكمله!
فين غايكون دبا؟ سؤال همسات بيه بينها وبين راسها.. كتفكر تصرفاته هاد النهار كان على غير عادتو.. تيليفون ماحيدوش من ودنيه.. حتى وقتو معاها دوزو شارد وبحالا معصب.. مازعماتش تسولو كتجيها منو الهيبة ومزال ماضسراتش عليه .. الشي لي خلاها تربط الامر بالخدمة وتسكت!
مر وقت طويل او هي حساتو هكا حيت غابت.. حلات عينيها وعاود سداتهوم بحالا غي كترمش..حتى ضرب شوية دالضو فعينيها كتشوف غي الحيوطة بيضين.. جسمها مقادراش تحس بيه..ولكن كتحس بالدم كيجري فعروقها.. حلات عينيها مزيان.. اول ماجات عينيها على الممرضة كضرب الابرة فالسيروم.. زفرات بضيق معنكشة عينيها مع حركة خفيفة خلات الممرضة تنتابه ليها.. ابتسمت بدفئ ونطقات..
الممرضة: الحمدالله على السلامة.. كتحسي براسك مزيان دبا؟
صوتها وصلها غارق مزال داك الطنين فودنيها..تمتمات بخفوت..
سعاد: ش..شنو طرا؟
الممرضة: ماعندك والو.. يمكن تعصبتي بلا قياس وجريتي بالدم من تحت والفوق..
شهقات بخفوت.. انفاس حارة كتخرج من ثغرها جات تحرك عقراتها الشوكة لي خاشيين فدراعها غي شافتها غوتات مقشعرة..
سعاد: حيديها.. حيديهااااااا.. ماديروش ليا الشوووكة..
الممرضة: (باستغراب) تهدني راه ضروري يدوز السيروم.. راك محتاجة للقوة..
سعاد: (تجننات عليها) واااحيديهااااا مابغيت قوة.. مابغيتش الشوووكاااا..اعععع..
جات تنترها ماقدراتش.. عطاتها للغوات والبكا حتى ضهشرات داك الممرضة ماعرفات باش تبلات.. يالله غاتخرج تعيط للطبيب تم داخل الرايس مخنزر.. فاش سمع صوت البكا والنوااح.. شاف فالممرضة ونطق بحدة
نوردين: مالها؟؟
ممرضة: (هزات يديها باستسلام) كتخاف من الشوكة.. غي شافتها فيديها ناضت تغوت..
شاف فسعاد مقوس حجبانه.. شير للممرضة باش تخرج ومشا لعندها.. وقف عند راسها وهي كتهرنن مخيبة سيفتها..
نوردين: (باستغراب) كتخافي من الشوكة؟
سعاد: (كتمسح دموعها باليد لوخرا) كنحس بيدي مجمدة.. دقوهاليا فالعرق.. الله ياخد فيهوم الحق.. بغاو يقتلوني.. نموت ومادخلش فيا الشوكة.. قولهوم يحيدوها ولا بربي تاااانديرلهوم الشوهة فهاد الكلينيك!
مخلوق غريب.. عندها انفصام فالشخصية هادشي رجع متاكد منو بينو بين راسو بلا مايحتاج لخبرة طبية.. مايمكنش لانسان عادي يتقلب 360درجة فالدقيقة.. دوز على ذقنه بهدوء ونطق..
نوردين: صافي بريتي؟ مابقيتيش خايفة! رجعنا لتخراج العينين؟
سعاد: (بدات تغبن غي بوحدها وتبكي) انت اصلا عزيز عليك تشوفني هكا.. الله ياخد فيك شي حق ياربي.. انت السبب فكولشي..
كلس حداها مقابل معاها..هز يديه دوزهوم على خدودها الفازكين وقال ببرود..
نوردين: نتي بلاصتك مع الحماق.. خاصك تعالجي..
سعاد: (ماداتهاش فهضرتو وقالت بترجي) قولهوم يحيدولي الشوكة عافاك؟
نبرة صوتها الرقيقة والحنينة ولي خارجة من شفايفها الحميمرين والمنفوخين بالبكا.. خلاتو يتنهد.. فحركة سلباتو.. وتحنا لعندها باسها بلطف.. حتى غمضات عينيها وسكتات مرخية وهو كيتلذذ بمذاق شفايفها بنشوة وشغف! حتى علا راسو عاد حلات عينيها شافت فيه.. نطق بهدوء كيدوز بصباعو على مكان القبلة..
نوردين: خاصو يبقا باش تنوضي.. راه هبط منك بزاف دالدم..
سعاد: (بخفوت) كيطرالي هكا فاش كنشوف الدم.. (خيبات سيفتها مقشعرة) بففف مكنحملش نشوف الدم..
شفايفها كانو مغناطيس كيجدبوه لعندهوم.. غي كتحركهوم باش تهضر كتكون عندو الرغبة فتقبيلها.. عاود قبلها فنفس المكان..
رعشة سرات فجسمها.. وفصدرها بالضبط.. ماقدراتش تحدد المكان.. انامله كتخلل خصلات شعرها بهدوء.. وقبلته طالت أكثر من الازم.. بحالا ماساخيش او هي فاش تجاوبات معاه خلاتو يطمع فالمزيد من الداك الشهد المتكوم داخل ثغرها.. حتى رجع علا راسو من جديد هاد المرة بقا قريب منها كيستنشق عبيرها المنبعث من شعرها.. ابتسم بهدوء ونطق..
نوردين: كطيري مع الطيور.. وديريها يحيرو فيها الرجال وكتخافي من شوكة؟
سعاد: (بعفوية نطقات بخفوت) مكنحملش الطبيب والدم.. والشوك.. وحتى هاد الريحة كتخنقني!
نوردين: (دوز على خدودها بلطف حتى استشعرت ملمس اصابعه الخشنة..ونطق بهدوء) بغيتي ترجعي للدار؟
سعاد: بغيت نشوف شيماء بعدا..
نوردين: (تقاد فجلسته وقال بفتور) صاحبتك مزال غاتبقا فالانعاش.. حتى تجي تشوفيها غدا.. (ناض وقف وشافيها) نجاة غاتجي تعاونك تخرجي على مايتسالا السيروم كلسي بعقلك.. هانا برا..
خرج على برا جبد كارو كيكميه .. واقف حدا طوموبيل.. حتى سمع تيليفونو كيصوني.. حل الباب جبدو ..لقا نمرة ريم.. جاوب عاقد حجبانو وقبل ماتنطق لقفها..مخسر سيفتو..
نوردين: فاش مانجاوبكش المرة الاولى ابنت القحبة ماتعاوديش تعيطي! فهمتي هادي؟؟
ريم: (سكتات شحال كتستوعب كلامو والطريقة باش هضر معاها..نطقات بخفوت) نوردين شعانداك اكبيدة.. انا غا تشطنت عليك..
نوردين: (لاح الكارو زطم عليه.. وقال بحدة) ماتشطنيش عليا.. ماتعاوديش تعيطي حتى نعيط أنا..
قطع عليها بلا ماتجاوب وبزق فالارض كيتمتم بسخط..
نوردين: التقحبين دالزب..
طلع للطوموبيل ردخ الباب.. كيتسنا فيها تخرج.. راسو عاطيه الحريق.. بكترة الاعصاب لي دوز هاد النهار.. حتى صونا تيليفونو ديال الخدمة.. كان حكيم.. جاوبو فالحين..
نوردين: اش تم؟
حكيم: اخاي ديالي داك القحبة باقا كتنبش!
نوردين: (باهتمام) شنو كاين؟
حكيم: البوليس قالولا شغول البزنانزة.. صافاوهالو.. ديكشي حسابات بيناتوم..
نوردين: (بامر) تزيد شوية .. ايلا بقات كتنبش.. شغلك راك عارفو..
حكيم: وخ اخاي ديالي.. المهم راه نجاة وصالتا لعندكوم..
نوردين: طلاقيتها فالباب.. يالله تهلا..
قطع الخط وتكا على الكرسي بملل.. شعل موسيقى وترخا كيتسناها تخرج.. مدة طويلة عاد بانتليه خارجة شادة فيها نجاة.. وهي كتزيد بشوية.. حتى قربو ونزل حليها الباب لي حداه طلعات.. كلسات نجاة اللور.. طلع حداها.. ديمارا اللوطو كيشوفيها قالبة وجهها جهة السرجم.. ديمارا الطوموبيل وتحرك طاير..
حطات راسها على الزاج بتعب.. شافها مرخية نقص شوية السرعة باش مايمخضهاش.. طلقليها الشوفاج.. وكمل طريقه والصمت كان سيد الموقف.. مرة مرة كيوصلو اشعار لتيليفونو.. كانت ريم كتسيفط ميساجات وهو منخلها.. حتى وصلو للدار.. نزلات هي ونجاة.. هو سطاسيونا غير على برا مادخلهاش لكاراج .. تبعهوم ماللور لقاهوم ركبو فلاسونسور..
نجاة: (باستغراب) مالكوم قالبين وجهكوم بجوج؟
سعاد: (بعياء واقفة غي بالسيف) هكا مزيان.. خليه ناسيني ايلا هضرت غايتفكر اش درت ويبدا يهلل تاني وانا مريضة ومهلوكة وماغانقدرش نجاوبو..
نجاة: (تحل لاسونسور.. شدات فيديها مخرجاها) زيدي زيدي ماعرفتي علاش طالع معاك دبا؟ راه باينة تابعك باش يتوالاك..
سعاد: (نغزاتها) شوفي غي ندخلو لدار عطيني الدواا نشربو وخليه ينطح الحيوط القواااد..
دخلات للداخل نيشان لبيت.. حيدات حوايجها ولبسات بيجامتها..كتسمع صوته على برا كيدوي فالتيليفون.. حتى تحلات الباب ودخلات نجاة مداتليها الدوا وكاس دالما..غمزاتها..
نجاة: سربي راه على برا..
سعاد: (شربات خمسة الحبات فدقة وزكفات كاس دالما مداتو ليها) هاكي.. خرجي قوليلو ماتت..!
دخل لبيت من بعد مكالمة طويلة على الخدمة.. لقاها مكمشة فبلاصتها عاطياه بالظهر.. مشا حل الماريو جبد كيطمتو.. دخل للدوش.. طرف ولبسها.. وهي حاسة بيه منين دخل.. حتى تردخ حداها فوق الفراش..وسقل.. كتحس بعينيه كيجلدوها من اللور..هز يديه دوزها مع شعرها ونطق بخفوت..
نوردين: دوري عندي أزينة السالف..
سعاد: (حلات عينيها بعياء.. نطقات بخفوت) بعد مني انوردين حتى لغدا وندابزو..!
جفلت فاش دوز يديه مع دراعها ودورها لعندو بكاملها.. عينيها نايمين والتعب واضح فوجهها.. دوز يديه مع خدودها كيتحسس داك الهبيرات دحناكها المطبزين.. نظرة عينيه كانت حادة كالعادة.. برود مغلف بقسوته المعهودة... تنهدات بخفوت وهمسات..
سعاد: جاتك الفرصة حتى لبين يديك وماسيفطتينيش للحبس الرايس.. برد قلبك عليا مثلا؟
جسده ترخا على الفراش .. اصابعه كدوز ببطئ على وجهها.. نطق ببحة خشنة..
نوردين: ونتي علاش تقتي فيا زعما؟
سعاد: (عقدات حجبانها وقالت بنفي) ماكنتيقش فييك..!
نوردين: (باصرار) كتيقي!
سعاد: (صوتها علا بعصب) مكاانتيقش!!
نوردين: (ببرود مستمتع باستفزازها) قولت كاتيقي!
سعاد: (هزات يديها ضرباتو لصدرو وغوتات) وماكااانتيييقش!
شدليها يديها بجوج.. وتكا عليها حاكمها مزيان.. ما كيفصل بيناتهوم سوى بضع سنتيميترات.. استشعرت قرب انفاسه الحارة على وجهها .. خطف قبلة من شفايفها ..وعلا راسه صبعانه كيلعبو فصبعان يديها.. نطق بصوت متحشرج..
نوردين: رجعتي تيقي فاش وصلات بيك دوري بالكليان ديالي وانت مرتاحة من جيهتي..وماخايفاش نحرقك معاهوم..!
طلعات نفس حار من جوفها.. كتحاول تستوعب كلامو.. راسها ثقيل بالدوا ولكن فهماتو شنو قصد.. وماعمرها فكرات فهادشي.. مع العلم كانت كتخدم مرتاحة كيما قال هو..طال صمتهوم وهي غي كتشوفيه ببراءة قطة دايرة الذنب وخايفة من العقاب.. حتى عاود تكلم بهدوء..
نوردين: سرطتي لسانك أ هويعة؟
سعاد: (غمضات عينيها ورجعات حلاتهوم ابتسمت بهدوء وتمتمات بخفوت) بغيت نعس!
نوردين: شحال شربتي عاود؟
سعاد: (ترخات وابتسامتها كتزيد توسع) باش كتعرفها؟
نوردين: (دوز بيديه على شفايفها) بالضحيكة..!
رجع تكا وجرها نعسات على صدره..مغمضة عينيها.. طفا الضو من حداه ونطق بخفوت..
نوردين: نعسي ترتاح منك البشرية شوية.. ونرتاح حتى انا..
سعاد: (الدوخة بدات طلعلها.. والنعاس ثقل راسها مع الدوا.. تمتمات بخفوت) شكون هاديك العوجة لي كانت معاك الصباح فاشقار؟
نوردين: (ببرود) علاش باغا تعرفيها؟
سعاد: (سكتات شحال حتى يسحابليه نعسات وهي كانت فقدات القدرة عن النطق لثواني عاد خرجو الحروف من فمها بتلعثم) غا.. نتوبك على القحاب غي تسنا..
نوردين: (ابتسم ببرود) الشميعات مابقاوش قاضيين (شعطها لطرمتها) أ مو زك..
سعاد: (بعياء) سعاد ماعندهاش غي الشمع..
نوردين: نعسي درتيلي الطيارة فراسي..حتى للصباح ونتفاهمو.. حسابك ثقال ..
ماجاوباتوش حتى سمع صوت تنفسها المتحشرج..عرفها نعسات.. غمض عينيه حتى هو ونعس موراها..طاح كاو من فرط التعب..
حلات عينيها الصباح بكري.. شابعة نعاس وعظامها خفاف عليها.. كانت مزالة ناعسة فحضنو على نفس الوضعية جارة عليه الغطا كولو.. علات راسها شافت فيه.. حتى فنعاسو عاقد حجبانو.. عوجات سيفتها وناضت غي بشوية من حداه.. زادت عراتو ولاحت الفراش فالارض.. كتمتم بخفوت..
نوردين: تنعس ماتنوض..تجمد بالبرد دبا..
تجبدات شوية سرحات عظامها ومشات وقفات عند راسه حتى تأكدات انه ناعس.. عاد مشات هزات تيليفونه..
سعاد: (حاضياه لايفيق) انشوفو هاد تيليفون الزلالة اش فيه؟
حلاتو كان بلا كود.. كيف كتقولو هي تيليفون الزلالة مايحتاج كود.. دخلات لواتساب لقات بزاف ديال ليمبساج.. اول من لفت انتباهها هي اول محادثة.. كاتب عليها ريم.. دخلات مصغرة عينيها كتقرا ليميساج ..وعينيها كيدورو..
سعاد: هايهاي.. كترغب وتزاوك فيه يجاوبها.. (شافت فيه كتحلف) ولد القحبة معذورو معنطز.. ساعة القحاب مكبرين لو البعرة.. (زومات على تصويرتها بفضول) زويينة الصراحة..
قلبات على تيليفونها مالقاتوش.. مشات جبدات ورقة وستيلو وقيدات نمرتها.. رجعات حطاتليه تيليفونو عند راسو كتحلف عليه..
نوردين: بالررب الرايس حتى نحرر عيشتك يا تخوي طنجة يا تبدا تقحب بالتخبية..انا تقفني وانت تبرع زنطيطك في كل زمان ومكاان؟.. يا نصومو بجوج يا نتحواو بجوج.. والله يا ولد خدوج العرجة.. ايلا ماطوعتكش على القحاب.. ايلا مارجعتيش تخوي البلاصة لي انا فيها.. سميني حميدة..(بللات صبعها بريقها وطبعاتها على الخشبة) هاهي فين خليتهالك مرسومة..خنزرات فيه ودخلات للدوش تكمد عظيماتها على مايفيق..
فاش خرجات لقاتو واقف فالبالكون كيكمي.. تلفت ليها وهي تقلب وجهها ..حيدات البينوار دالحمام.. حتى تعرات كولها ومشات هكاك للماريو كتقلب ماتلبس وتكوز تحل المجورة كتجبد حوايج دالتحت..وهو حاضيها.. الكارو كيتحرق بين يديه والمعلم كيتحرق من تحت.. قيماتو على الريق.. لاح الكارو عاض على شنايفو ناوي يدخل يتكيها مع داك النموسية..حتى شافها هزات باكية دالويز وحلاتها حداه.. على مهلها.. قاداتها فالسليب وعطاتو بالظهر تحنات مكوزة ليه كتلبس السليب.. مسح على شعرو بيديه ودوز على ذقنه كيشتم فيها من داخل وهي كانت مستمتعة باللعب معاه بحال هكا.. كتمشا باريحية فالبيت بحال الفراشة.. لبسات السوتيان..ومن بعدها سروال جينز وكبوط قطني من فوق.. عاد دازت للمراية تسرح شعرها.. تململ من بلاصتو ودخل كيجر بنطوفتو عينيه عليها عاقد حجبانو بحدة.. مزال داك حمورية النعاس والقطعة مرسومة فيهوم.. وقف موراها كيطلعها ويهبطها بجنب ونطق..
نوردين: فين غادا؟
سعاد: (ببرود) نشوف شيماء..
نوردين: انا نوصلك..
سعاد: (قلبات عينيها بملل) عندي طوموبيلتي عطيني غا الفلوس..
نوردين: (غادي كيحك فراسو) بانكة انا ابنت القحبة..
سعاد: (ببرود كدير مكياج) حك جيبك ياك كتخصرهوم غا على القحااب..
ماجاوبهاش دخل لحمام شعط الباب وطلق الما..
سعاد: التمسااح لي ولدك..
كملات ماكياجها بشوية عليها.. لبسات سبرديلة وهزات جاكيط.. مشات لسروالو جبدات بزطام.. حلاتو جبدات داك الفلوس لي تماك كولهوم بانولها كتار ماحسباتهومش قالت قادينها.. لاحتو ليه فالارض وخرجات من البيت.. على ريحة المسمن والحرشة سدات عينيها وتمات غادية لكوزينة..كتشمشم..
سعاد: الله حليتي ليا الشهية للفطور انجاة..
نجاة: صباح الخير اوجه الخير..
سعاد: صباح الرباح وماحنا فربح (غمزاتها كتشير لبيت فين رايس)
نجاة: كلسي كلسي تفطري قبل لايجي..
سعاد: (حطات صاكها وكلسات) سيري لبسي نمشيو نشوفو شيماء..
نجاة: هي اللولى اختي.. قولتيها لراجلك؟
سعاد: ترجلو جنوي.. راجل على مو ماشي عليا..
نجاة: (كدور فعينيها) مشااات تكحال هاد الصباح عاود..
سعاد: شوفيليا سوارت طوموبيلتي.. وتيليفوني راه مابقيتش عاقلة فينهوا..
نجاة: وخ اختي.. هانا نجيبهوملك..راه طوموبيلتك اابارح جابها حكيم..
مشات خلاتها كتفطر.. وتمدق على مهلها..حتى وقف عليها كي عاصي ربو..مخنزر..
نوردين: نصوني عليك جاوبي.. تمشي لطبيب ومن تماك رجعي للدار.. يتعاود البلان دالبارح روحك نطلعها..
سعاد: (ببرود) وخ ..شي حاجة اخرى؟
نوردين: (جبد من بزطامو كارط كيشي بسميتو عطاهاليها مع وريقة فيها الكود) خليها معاك.. ماعنديش الليكيد..
هزاتها عينيها كيغليو.. عضات على شفايفها ونطقات بخفوت..
سعاد: الله يخلف عليك.. (حطات يديها على البريق) نكبلك قهيوة؟
نوردين: (خلاها وتم غادي) شربيها نتي يالله تواكضي..
سعاد: (مخيبة سيفتها) تشرب فيها الرهج..
فالكلينيك ومن بعد ماخرجو شيماء لغرفة عادية ترتاح.. كانو كالسين حداها.. نجاة وسعاد.. لي مارتاحت حتى طمنات عليها.. وعاودات ليها اش عاشت البارح بليديطاي..
شيماء: (كتهضر والتعب واضح فعينيها) ياختي كولشي استوعبتو الا الرايس يجي يعاونك.. والله حتى طلع معاك راجل اختي..
نجاة: (نقزات كتهضر) قولتهالها ياختي.. هي صكعة ومقصحة راسها..
شيماء: تعايلي نسا داك الشي لي داز بيناتكوم.. الرايس كنعرفو لا كان قلبو كحل على شي واحد كيقتلو ديريكت ماكيكلسش يتقهوا معاه..
نجاة: انا مافهمتهاش اش باغا والله.. السيد كيبان شاريها.. مامخليها مخصوصة من حتى شي حاجة.. عمرك طلبتي وخسرليك؟
شيماء: شوفي نتي شنو كديري وهو شنو كيدير معاك.. فوقما حتاجيتيه تصيبيه.. حربش ولي يشوفيك ولا يقيسك غي بضفرو.. عتقك نهار ديال الدوار وكذب العالم وتيقك.. وفكك من الحبس وداك الشوهة العالمية ديال داك النهار.. وفكنا البارح وبفضلو هانا عايشة دبا.. فنضرك باقي حاقد عليك؟
سعاد: (شافت فيهوم مصغرة عينيها) ريا وسكينة؟ شفتكوم داورتوني؟
نجاة: (شدات فيديها كتنهد) دباا تندمي عليه اختي سعاد.. البنات قرانك كيقلبو عليه بالريق الناشف.. يشريوه بالفلوس غي يكون معاهوم راجل..
شيماء: عندها الصح.. كاينين غا ال**وامل.. انت طحتي فيه راجل وحرش ويمضغك مايسرطك وكالسة تعفري..غاتقوليلي مادارش فيا قليل وداك الاسطوانة ديالك؟ صاف اختي عفا الله عما سلف.. راهوم ضايرين بيه غالقحاب كياكلو ويشربو فيه ونتي خشي الصبع بالتعفار ديالك..
سعاد: (كدور فعينيها) هي من ناحية مرفح.. امرفاااااح.. فراسكوم ولد القحبة داك النهار ركبت معاه فميرسيديس كلاص جي.. ريباراسيون برابيس.. ديوانة ديال 2021 عرفتو كتحزززق.. (شافت فشيماء) راه هي لي شفناه بيها مع داك القحبة..
شيماء: ايوا لقاك مامعمراش راسك بيه.. كيمشي عند لي كتفهمو وتعطيه قيمة.. كتاكلو بحوايجو..
سعاد: تاكلو حتى بزنطيطو.. انا لي عليا عيشتو نحررها لا فالحلال ولا فالحرام..
نجاة: (كتنهد وتشوف فشيماء) راسها بحال الكودية.. غير كنكبو الما فالرملة..
شيماء: دبا يطوال ويعجبها.. (رجعات شافت فسعاد) اش عوالة ديري؟
سعاد: (ببررود) والو غي طنجة كاملة غاتعرف سعاد هي مرت الرايس..
شيماء: كتقلبي على شي هلكة دالعصا..
سعاد: ماشي مهم.. دبا اتيني بداك النمرة ديال داك جاركوم المشرمل..غانحتاجو..
شيماء: هداك لي كان كيتسخرلينا فنصاص الليل يجيبلنا كارو؟ اش بغيتيه؟
سعاد: اييه هداك.. عطيني نمرتو غانضبرليه فبريكول..
شيماء: كتقلبي على خلا دارك نتي.. من مونتيف لمونتيف.. اش بغيتي بداك الشمكار البيطالي..
سعاد: كترتي الهضرة بزاف ونتي مريضة.. اري النمرة وهنيني..
نجاة: (شدات فراسها) ارااسول الله.. علايلش كتقلبي تاني؟
سعاد: (قلبات الموضوع) فراسكوم جبت النمرة ديال صاحبتو .. سميتها ريم..
شيماء: اش غاديري بيها؟
سعاد: درت.. لحتها الصباح فواحد الكغوب فايسبوك بفوكونط دري قوتلهوم هادي قحبة نقية كتمشي رخيصة.. وقوووقة.. ونمرتها باقا عندي دبا مزال غانحتاجها .. هادشي ايلا خلاتها تزيد على اايوم..
نجاة: (حابسة الضحكة) غرتي العايلة!
سعاد: (خنزرات فيها) لواه البعابع.. المهم غانفرجكوم فيهوم بجوج.. نوريه المصاحبة بشحال كتقام!
فالليل كانت كالسة كتفرج فالتلفزة وتكمي.. طالقة رجليها.. ونجاة كالسة فالارض كتاكل الزريعة.. مربعة رجليها فالكلسة لي كترتاح فيها.. حتى صونا لسعاد تيليفونها.. ناضت جابتو ليها.. كانت نمرة مامقيداش عندها ساطت الدخان لبعيد وجاوبات بصوت رقيق ..
سعاد: الووو..
جاوبها صوت خشن..
-اهلا الغزالة كيدايرة؟
سعاد: لباس حمدالله شكون معايا؟
-يالله غانتعارفو الزين.. انا هو لي عطيتيني النمرة هادي يوماين فطريق البلايا.. معاك عثمان..
سعاد: (تقادات فالجلسة وابتسمت) مرحبا.. انا حنان.. انت ماشي طنجاوي؟
عثمان-لا كازاوي وعندي بخوجي ديالي هنا.. ونتي شنو كديري؟
سعاد: انا مزالة كنقرا.. ENCG
عثمان: خاصنا نتلاقاو نديرو شي كافي..
سعاد: اهاه.. غدا انشاءالله هانا معاك..
عثمان: وا عليه الالة.. نخليك تنعسي تصبحي على خير..
سعاد: بونوي..
قطعات الخط وحطاتو حداها.. رجعات تكات شاعلة كارو اخر.. حتى نطقات نجاة..
نجاة: عنداك تحصلي عاود..
سعاد: مابقيتش غانلعب فالسيكتور ديالو..
نجاة: كيفاش؟
سعاد: (كضحك) ههه.. اش بانلك فشي مشية لمراكش مدفوعة التكاليف؟
نجاة: (حطات طبسيلها ديال الزريعة وناضت كتنفض حوايجها هاربة) نمشي اختي نعسليا احسن.. (تمات غادية كتبركم) اويلي على مشية لمراكش وشنو نقول لحكيم..
سعاد: (كضحك باستمتاع) اححح .. جاياااك اياام سودة اولد العرجة..
طفات كاروها وهزات التيليفون دوزات واحد النمرة.. مع شد الخط دخلات نيشان فالموضوع..
سعاد: اش تماك أ تيتي؟
تيتي: (صدره مخرشش بالجوانات) اختي ديالي هو شاالله هاز واح العايلة من واحيد الدرب وماشيين للجهة دالبلايا..
سعاد: (ناضت قافزة كلسات) كيدايرة؟
تيتي: واا قورطااااسة اختي ديالي..
سعاد: (كتغزز ضفرانها) رد عليا فين غايمشيو؟
تيتي: وخ..
قطعات الخط ودخلات واتساب.. للمحادثة ديالها بينها وبين نوردين..كتباتليه فينك؟
كان غادي فالطريق.. فجنبو ريم... لابسة كسيوة كتشرق..شعرها مطلوق على جنبها.. ومزوقة ماكياج.. الضحكة واصلة ليها حتى لودنيها.. طالقين موسيقى خفيفة.. وغاديين كيهضرو حتى وصلو اشعار رسالة.. هز التيلي كيقرا الميساج مركز مع الطريق.. عقد حجبانه مخنزر وجاوبها.. مخلي ريم كتهضر بوحدها..
نوردين: مولفة كتسولي فين انا؟
سعاد: قنطت بغيت نخرج!
نوردين: (عصر قبضة يديه مع الفولون) سيري تنعسي حتى للصباح.. الليل هدا اسعاد.. مابقا خروج..
سعاد: توحشت القصارة بغيت نقصر..
نوردين: (عض على سنانو كيكتب مغدد) غانجي نهلك قحبة يمماك عصا نوريك القصارة وسط ال*وامل شحال كطيح..
طلعاتلو vu وماجاوباتش خلاتو كيغزز لسانو من داخل.. قلباتليه المجاج من بعد ماكان ناشط..
ريم: (شدات فيديه ونطقات باستغراب) شعانداك احبيبو تخاسارتي؟
فالدار كانت كتمشي وتجي على احر من الجمر.. دازت مدة طويلة من بعد ماخلاتليه vu وطفات كونيكسيون.. حتى صونا تيتي.. جاوباتو بزربة كتصنت..
تيتي: العايلة.. هاوا جابا لموفامبيك.. دخلو للجهة دالقصارة..
سعاد: (بابتسامة ماكرة) يرضي عليك.. قطع!
لاحت التيلي ومشات كتجري لبيت.. جبدات حوايجها ماتلبس وهي كتحلف عليه..
سعاد: انا غانوريك القصارة كيف كتكون الرايس!
ركبات فطوموبيلتها لابسة كبوط سبور مع كولون كحل وسبرديلة .. شعلات كارو وقلعات مرة مرة كترجع شعرها قدامها منغمة مع الموسيقى لي طالقة.. شي 10 دقايق كانت كتباركي فباب الكازينو..نزلات هازة معاها غير تيليفونها زدحات الباب وتمات داخلة كتلوز بقاعها.. وصلات لباب طلعها وهبطها الفيدور وحبسها..
ف: سمحيلي امدام.. السبرديلة مممنوعة لداخل..
سعاد: (خنزرات فيه) حيد من قدامي الرايس لي عارضني..وتعطلت عليه..
غي سمع سميتو حيدليها من الطريق ودخل معاها عاد.. كينعت ليها فين كالس..
كانت الموسيقى عالية بزاف.. الدخاخن طالعين فالسما وبنادم مدور بيه كيسان الفرحة ومكاينش فهاد العالم.. صغرات عينيها ودخلات تابعة الفيدور حتى وصلها لبلاصة vip نعتو ليها..ومشا..
سيد زمانو وملك مكانه.. كالس مثل السلطان وعلى راسه تاج.. التيو دالشيشة بين يديه.. وحداه الصاحبة.. لابسة كولشي كيشرق.. مع الظلام كيبانليها غا شعرها عاطياها بالجنب.. ويديها كيلعبو فذقنه وهو عاجبو الحال مستحلي داك الكلييسة..
طلعات معاها الصهدة وجنونها تحركو..بقات واقفة مسمرة بلاصتها مدة دقيقة كتخطط منين دوزليها ومنين غاتبداها.. زغب شعرها وقف.. جمعات قبضة يديها ورجعات حلاتها.. زفرات نفس حار من فمها ومشات فاتجاههوم كدير طريقها بين الطبالي حتى وقفات عند راسهوم.. دايرة يدها على جنبها.. علاو عينيهوم فيها.. بين نظرات مستغربة من طرف ريم ونظرة صدمة ودهشة من طرف الرايس.. ضربات داك القرعة دالشيشة حتى تعلات فالسما وطاحت فالارض.. وغوتات صاعرة فوجهه..
سعاد: انااااا حابسني فالدار وانت مقصرليا مع القحااااب؟
ناض مخنزر.. السخانة طلعات معاه..شدها من دراعها مزير عليها وغوت فوجهها..
نوردين: تسطيتي ابنت القحبة؟ كتقلبي على روحك تخرج هاد الليلة؟اش جاااابك لهنااااااا..
نتنرات منو بالزعاف.. وضربات داك الشي لي فوق الطبلة برجليها قلباتو.. وبدات تغوت حتى تجمعو الناس ونقسات الموسيقى..
سعاد: (كضرب لي جات قدامها صاعرة) ااااه تسطيييت.. مخلي دااارك وجاي تزهااا مع قحبة .. مووووسخة دالخلا..
ريم: (كانت تحت تاتير الصدمة.. بالسيف باش خرج صوتها فمحاولة انها دافع على راسها) جمااااع راساك العايلة.. (شافت فالرايس لي كان بحال شي قنبلة موقوتة لاول مرة كيتحط فهاد الموقف..شدات فيديه وقالت باستغراب) نوردين شكون هادي؟
شافت فيديها لي محطوطة فوق يدو.. دفعات داك الطبلة حتى دخلات فلي حداها.. وطارت ليها على شعرها نزلاتها لارض.. لوخرا كتغوت وهي كتشتف عليها..
سعاد: شكوووون اناااا؟؟ مرااااتو ابنت القحبة.. مراتو لي غاتحرر عيشتك..
كضرب فيها صاعرة هي وفين جات.. حتى تحنا عليها نوردين حاوطها من كرشها باغي ينوضها وهي تزادو فيها عشرة.. قندشات وجنونها طلعو فيها.. كانت مجموعة عندها واحد الطاقة سلبية لقات فين تفرغها كضرب وتغوت..
سعاد: بالرررب حتى نقتلك ابنت الكلب.. (هبطاتليها وجهها كولو بظفارها) عااااجبك زييينك.. كتلاحي على اارجال المزوجيين.. (ضرباتو هو بدراعها لكرشو) طلاااااق مني القواااااد طلااااق.. دااااير فيها السلطااان سليماان ومدور بيك الجواااري..
نوردين: (لونه رجع احمر.. العروق غايطرطقو فوجهو..حتى حكمها مزيان ونوضها شادها ماللور وهي كتفركل وتغوت) رصاااي ابنت القحبة رصاااااي غانقتل مك..
سعاد: وااااطلااااق مني (كضرب فيه برجليها وعينيها على ريم لي ناضت من الارض كتبكي وتويل)طلاااق مني غانقتلها ونقتلك..
جاو الفيادر مي ماقدروش يدخلو.. السكايرية والناس لي كيعرف كولهوم كيتفرجو.. شي كيضحك شي كيتشفا.. شي مامسوقش غالبة عليه السكرة وموحال تا واش يعقل على الشوهة هاماه غي الموسيقى لي طلقات.. حتى دخل حكيم كيجري .. التنقنيقة دغيا كدور.. جا ينقذ ايلا باقي مايتنقذ..
ريم: (كتبكي وتشهق.. الماكياج كولو ساح ووجها كامل مدمي) هئ هئ اوااااعدي خاسراتلي وجهي.. ايما الحبيبة..
سعاد: (سيفطات ليها بزقة عن بعد نيشان للكمارة) والله يالقحبة المارجة حتى سوتك نفرعها لك.. مدوخة الراجل ومخرجاه من دااارو ومتلفاه على ولادو.. عينيك غادي نفكسهوم ليك..
ريم: (شادة فشعرها دايخة وكتفوت) واااش تينااااا حاااامقاااااا..
سعاد: (غفلاتو وهزات من الارض كاس دالزاج شيرات عليها جاها نيشان فجبهتها وهبط لاارض ترش خلاها كتغوت وتركل بلاصتها) ااااه حااامقا وبورااقي..
الرايس حس بالقضية تكبتات.. مابقاش قادر يسيطر عليها.. اصلا غفلاتو ..عمرو توقع منها ديرليه هاد الشوهة..موقف اول مرة يتحط فيه.. وهادسي اول مرة يدوز على راسه.. جرها لعندو يديه كيترعدو بالاعصاب والدم فاير فعروقه.. وغوت فوجهها حتى طار فيها التشاش) سوعااااااااااد.. براااااكااا.. (شاف فحكيم) دي عليا هاديييك من هنااااا...
تبسمات باتتصار عاجبها الحال.. وتهدنات حتى طلق منها من بعد ماخرج حكيم ريم.. دوز على وجهو بيديه.. كيدور فبلاصتو..شاف فالناس كيتفرجو والقحاب كيتوشوسو عليه كانو كيسمعوه تزوج ولكن عمرهوم شافو مراتو.. والاشاعة لي كانت ضايرة هي تزوج الشلحة لي كان مطوفها معاه 3 سنين.. عض على سنانو بعصب وغوت صاااعر..
نوردين: كنشطح القرودة اولاد القحاااب..
سعاد: (عضات على شفايفها كتمتم فنفسها) اححح عليااا وخلااص..
شافيها بنظرة الحلقة الاخيرة.. جرها من دراعها مخرجها معاه كيزدح فالطبالي وهي كدور فعينيها عارفة راسها دايها لحبل المشنقة.. وصلها لبرا حل طوموبيلتو مكينطق مكيتكلم.. لاحها لداخل وطلع حداها.. رجع ماشاريار حتى طلقو الروايض الريحة وزفر جااهل خارج من الباركينغ.. صوت موتور السيارة كيغوت بالجهد لي عاطيها..دارت السمطة وتركنات بلاصتها بينما هو كان بحالا كالس على الشوك.. كيمسح على راسو وذقنه .. الريق كيتجمع فمو بالاعصاب غادي منير فالطريق راسو كيغلي.. تمتم بسخط صوته تبحبح..
نوردين: وصلات بيك تشوهيني وسط السكايرية .. (شافيها عينيه بحال الجمر مغلفين بقسوته) علاياش كتقلبي دباااا؟
سعاد: (خرجات فيه عينيها) لي تشوفيك عينيها نتقبهوم ليها..
نوردين: (كيضرب فالفولون ويغوت) واش الدين ديمااك حامقااااا وكتقلبي تحمقيني؟
سعاد: (بابتسامة مستفزة) شعاندك اكبيدة بقات فيك صاحبتك؟؟ فيك فيس القحاااب؟ الدودة كتاكل فيك؟ السلوكية القادوس عندها مسدود مع الحبالة وتقطعتي؟ ولا داك الشايط عندك عزيز عليه التنوع؟
واش يقتلها؟ .. واش يحل الباب ويلوحها على برا.. واش يضحك على شنو كتخرج من فمها.. علاين يتيق بلي بصح غارت.. زفر بصوت مسموع وجبد كارو شعلو.. حتى عاود وصلو صوتها من جديد كتهضر بتحدير..
سعاد: ولفها السي الرايس من دبا الفوق.. نلقاك مع شي قحبة طنجة كولها غاتفرج فيك.. وغانشوفو شكون غايتهد.. يا نلعبو بجوج يانخرجو من التيران بجوج..
غي سمعها اش قالت خلا الكارو فمو.. وطار عليها لشعرها جرها لعندو كيهضر والدخان خارج من جوفه..كيخنق فيه..
نوردين: عاااودي نسمع؟؟ شنو غاديري؟؟ تلعبي؟؟؟ باغاااااني نقتلك وقطعك طراف طراااف؟؟؟
سعاد: (شداتليه فيديه لي فوق راسها موجعة) طلق مني الله يعطيك الجهل..
دفعها حتى تضرب راسها مع الزاج ورجع هز كاروه كيكمي ويتحلف..
نوردين: غي جربي نشم فيك الريحة..(شافيها بتأكيد) غي الريحة دشي *امل كيدور بيك..ندفنك حية نتي وياه..
سعاد: (عضات على شنايفها كضحك باستمتاع) اححح يخليلي ااراجل كيغير (ضربات بيديها على رجليه كتهلس عليه) وااااجمع كرك معايا اصديقي.. انا رااه مساااليا ماعندي شغال غي نقابلك..
بلا مايحس لقا راسو برد ونسا الشوهة لي دارتليه وركز اكثر فهضرتها وتعابير وجهها.. كان عندو الشك بلي غارت وخ مابايناش فيها ولاكن اللحظة لي كانت كتعطي العصا لريم كانت معصبة بصح وماشي غي كتمتل..
نوردين: (لاح الكارو على برا مخفف السرعة كيتحلف عليها) غانخرج منك هادشي لي درتي هاد الليلة مزياان..
سعاد: (تكات براسها على الكرسي ونطقات بخفوت) اش عجبك فداك العوجة.. لا زين لا فصالة؟
نوردين: (بطنز) غرتي منها ؟
سعاد: (بتهكم) لي شاف ذوقك فالسلوكية وذوقك فهادي غايعيق بلي الوسطانية بدلاتلك الذوق احابيبي..
قربات منو كدوز بيديها على ذقنه.. عينيها فعينيه كيلمعو بسحر غريب.. كيجذبو ليها مثل المغناطيس.. ابتسمت بدفئ وتمتمات بهمس خافت بالكاد سمعو..
سعاد: رجعتي تقلب عليا فيهوم مثلا؟
نوردين: (عين مركزة معاها وعين فالطريق.. جاوب بنبرة خشنة) عاجبك راسك اممم؟
سعاد: (رجعات تقادات فبلاصتها وسحبات يديها.. نطقات ببرود) بلا ماتحاول ماغاتلقاني فحتى وحدة فيهوم..وغاتبقا ديما دور دور وترجع لعندي.. (شافت فيه وقالت بثقة) باش تعرف سعاد ماكتسحرش غي بالشمع.. وسير دبا قلبليك على شي فقيه يفكك مني ومن لي جاي.. وغاتكون كذاب ايلا نكرتي الرايس!
بنظرة دافئة شافيها قبل مايحبس الطوموبيل جنب الطريق.. حيد السمطة وقرب عندها .. حتى ضرباتها ريحتو العطر مع ريحة الكارو مع رائحة النبيذ الفاخر.. باسها فحنكها حتى دغدغاتها لحيته.. قبلة هادئة .. دافئة خلات دقاات قلبها يتسارعو.. شفايفه بحال شي جوج جمرات كيتحطو فوق بشرتها كيحرقوها.. وكيخليوها تقلا على نار مهيلة .. قبل مايطبع قبلة فعنقها وهمس فودنيها بصوت أجش..
نوردين: نتي بحال السكرة كتنغم ولكن كتخليك بلا عقل..!
انفاسها تسارعو.. ومذاق الصدأ تكون فحلقها.. نطقات بخفوت.. بصوت حنين.. وهادئ..
سعاد: هداك علاش باغي تقطعني بشي حاجة كتشبهلي؟
ابتسم بمكر.. تفاحة ادم كتحرك فحلقه.. دليل على ان ريقه نشف .. خاص يبللو.. دوز يديه مع خصلات شعرها الحالك ونطق..
نوردين: نجاة فالدار؟
سعاد: (عضات على شفايفها من عينيه فهماتو اش باغي) اممم.. ونعاسها خفيف..
ماجاوبهاش.. رجع تقاد فبلاصتو .. دار السمطة وقلع تقليعة وحدة.. مع الليل والشوارع خالية.. دقائق من الصمت كيتسمعو فيها غير صوت انفاسهوم.. حتى توقف امام فيلا كبيرة.. برك على تيليكوموند حل الكاراج ودخل سادو من موراه.. تقادات فجلستها كتشوف فين جايبها.. جردة كبيرة وسطها بيسين.. كليسة على شكل خيمة بليفوطوي ضايرين بيها الشجر.. اضواء خافتة على الجنب.. الجو كان شاعري بامتياز.. بقات غي حالة فمها فجمال هاد الفيلا.. حتى وعات على صوت الباب كيتحل من جيهتها.. كان هو كيشيرليها تنزل.. هبطات كترجع شعرها اللور من الهوا البارد لي ضربها.. حتى انتبهت ليديه لي تمدات ليها.. شدات فيها.. جرها معاه لداخل.. حل الباب ودخلو.. مع شعل الضو مع حلات فمها فالديكور لي لداخل.. طلق من يديها كيحط سوارت طوموبيل وتيليفونو فالباب بقات واقفة معاه.. متبعة حركاته وشنو كيدير.. كتركز لاول مرة فتفاصيله الصغيرة.. حتى قلبات وجهها لداخل الفيلا.. و دخلات كتجر فرجليها حتى لوسط الدار.. وقفات كتسكاني فالجدران .. النقوش لي فالسقف.. التريات لي مضوية المكان.. أثاث الصالونات المحلولة على بعضها.. الزخرفات لي فالزاج.. الريدويات..تاهت فهاد التفاصيل حتى حسات بيديه حاوطوها ماللور وخشا راسه فعنقها.. باسها بدفئ حتى عمضات عينيها ورجعات حلاتهوم.. نطقات بخفوت..
سعاد: دار من هادي؟
نوردين: (زاد زيرها لعنده مخدر برائحة عطرها الهادئ لاول مرة ماراشاش العود ..بدلاتو بالياسمين.. خدا نفس عميق كيستنشق خصلات شعرها ونطق بهدوء) داري!
قبل ماينطق كانت لمحات وحدة من الصور المحطوطة على واحد الصور.. كان فيها هو وفدوى.. تصويرة عرسهوم لي كتبان فيها فرحانة والضحكة واصلة لودنيها.. نار سائلة جرات فدمها.. بطريقة او باخرى هاديك التصويرة استفزاتها.. نطقات بخفوت..
سعاد: علاش جايبني لهنا؟
ماجاوبهاش.. وسؤالها جاه بدون معنى!
صمته استفزها.. واربكها اكثر.. تسللات منو وضارت عندو.. عقد حجبانه وجرها لعندو مرة اخرى..هاد المرة كان كيشوف نظرة الغضب فعينيها.. مخلط بكبرياءها وغرورها..لي مكتفلت حتى فرصة انها تجلدو بسياطهوم.. زفرات بضيق وقالت بتهكم..
سعاد: كتقولي زعما ايلا كانت هاديك قحبة ودرتي عليها الشوهة.. هانا جبتك لداري وعند مراتي وماغاتقدري ديري والو؟ ياك هكاا..
زاد قرب منها اكثر.. وزيرها مع صدره.. ابدا مكانتش هادي فكرته..فقط بغا يختالي بيها وياخد راحته.. عقد حجبانه أكثر.. ونطق ببحة صوته القاسية..
نوردين: شوف قليلة النية كضلم الرايس..
شاف شنايفها غايتحركو باش تهضر.. شقمها بقبلة جامحة.. بحرارة وجنون امتلك شفتيها بعنف وكتم انفاسها وصوتها لي كيخرج غي القرطاس.. كيتذوق من رحيقها وخلاها حتى هي ترتاشف من بحر جنونه.. حتى حس بيها ترخات.. عاد بعد شفايفو ودوزهوم مع وجهها كيزفر انفاس حارقة على بشرتها.. ويديه كدور مع خصرها كيعبرها كعادتو
نوردين: (باسها فخدها وشافيها.. مزال عينيها كيلمعو بغضب.. دوز يديه كيتحسس بشرتها ونطق) مقلقة؟ (حط صبعو تحت ذقنها وقلبل شفايفها بهدوء) نطلعو الفوق نراضيك..
باغاه.. ماتنكرش.. ولكن كبرياءها اللعين؟ غمضات عينيها ونطقات..بامتناع
سعاد: فيا الريكلة!
محاولة فرار باءت بالفشل .. فاش وصلها صوته من خلف ودنيها.. باصرار..
نوردين: كضحكي على الرايس ابطيبيطة؟ (شحطها لطرمتها وتحنا هزها فغفلة منها طالع بيها الفوق) نطلعو نشوفو هاد الدم ديالك لي كتجي فوق مابغات وتمشي فوق مابغات..هاد عمك الزوين كيعرف يشد الضد غي مع الرايس..(غمزة)
ماجاوباتوش.. ترخات لايحة عليه تقلها ودورات وجهها كتبركك فالفيلا من الفوق.. حتى وصل لبيت النعاس.. دفع الباب غي برجليه ودخل حطها عاد شعل الضو.. وشافيها بابتسامة ماكرة..
نوردين: حيدي السروال نشوف؟
سعاد: (كتشوف فالنموسية وفراشها الناعم.. رجعات شافت فيه كيحيد الكبوط لي لابس.. عضات على شفايفها فاش عرا عليها صدره وبان داك خط الزغب لي هابط حتى لصرته.. تنهدات بحرارة ونطقات بخفوت) من نيتك غانعس معاك هنا؟
نوردين: (جاي عندها كيميل بكتافو) شكون قالك غانعسو اكبيدة؟ حنا غانخدمو حتى للصباح..
طلعاتو وهبطاتو معوجة سيفتها.. حتى وصل عندها وجرها تزدحات مع صدره.. نفسه السخون كيضرب فوجهها..نطق بصوت مشبع بالرغبة.. والشغف..
نوردين: طلقيني خلاص.. راك هلكتيني..
سعاد: (ابتسمت بهدوء.. يديها كيتلمسو فصدره) كتحط سلاحك غي فالفراش؟
نوردين: (كيلعب بنيفو على نيفها نطق بصوت اجش) شنو بغات الخاطر؟ أمري نشوف..
سعاد: (عضات على شنايفها.. اللعاب تجمع فمها بانكسار..تعلات على بنانها باستو جنب فمو ونطقات بهمس) شنو مادرتيلي .. وشنو ماعطيتيني ماغايرجعوش حياتي لي ضاعت بسبابك..!
نوردين: (مشطها بنظرة عيونه العميقة.. هز يديها لي كتسارا على صدره باسها ونطق بحشرجة) لومي المكتوب لي لاحك فطريقي..
سعاد: (حدرات عينيها.. كتبلع ريقها والغصة لي تكونات فحلقها.. نطقات بضياع) كنلومو صباح وعشية..
حط يديه على خدها.. باسها فقمة رأسها وقال بدفئ..
نوردين: وريدة وفيها الشوك..شوفي فيا(علاليها راسها شافت فيه) عرفتي شنو لي مخليك عايشة وتحت جناحي حتى لدبا؟
ماجاوباتوش فقط نظرات عينيها لي كيلمعو فعينيه.. كتسنا جوابو بفضول.. حتى كمل كلامه بصوته العميق..
نوردين: هي كنحاول مانتفكرش داكشي لي درتي وباقا ماتعاقبتيش عليه.. والرايس ماشي من عوايدو يخلي الروح كطلع وتهبط فواحد وصلو الموت..
سعاد: (بتحدي) شحال قدك تبقا كتبلع فالشوك وتقول راه حلو ولذيذ؟
نوردين: (ضغط بصبعو على شفايفها الي كيتحركو باغرء.. مسلوب بنظرة التحدي لي مرسومة تحت جفونها.. جاوب بخفوت) حتى يسيل الدم لداخل..الدياماندا!
بقات شحال كتشوف فطيفو بسهو.. كلامه كيتردد فودنيها .. قربه رجع كيوثرها.. بطريقة او بأخرى رجع كيأثر عليها.. كتحس براسها كتنجرف بلا هواها.. الشي لي رافضاه باطنيا.. هدوءه كيقتلها.. مولفة منو الجفاء فقط.. باش يعاملها بطيبة ولطف شي حاجة لي كثير شكها.. هاد الاهتمام المخلط مع القسوة لي كيطبقو عليها بدون رحمة.. كيخليها مامرتاحاش.. واش نسا مادارت فيه؟
سؤال طرحاتو على راسها ومالقاتش ليه جواب.. حدرات راسها وبعدات عليه.. حتى حس بارتباكها المفاجئ ونطق بخفوت..
نوردين: مالك؟
سعاد: (نطقات بلا ماتشوفيه) خاصني ندخل لطواليط نغسل..
طلق من يديها وشيرليها لباب.. تراجعات للوراء بضع خطوات ومشات بلا ماتشوف فيه.. مسح على راسه باستغراب ومشا هز كارو.. لبس عليه تريكو وخرج لبالكون يكمي..
تكات على لافابو كتشوف فطيفها قبالة المراية.. ماعارفة واش كتحس بالببرودة ولا بالصهد.. احساس مخربق كيلعب على اعصابها ويخليها تالفة.. تسنات شوية على ماحساتو خرج.. حلات الباب بالحس.. طلات مالقاتوش.. شمات غي نسمة الكارو جاية من برا.. حلات الباب وخرجات كتجري من البيت بلا ماينتابه ليها.. وخرجات من الدار مكتشوفش قدامها.. قطرات االمطر بداو يهبطو والغيوم كتكون فالسما.. كتعلن على ليلة ممطرة بامتياز.. خرجات لبرا كانت القضية خالية.. شافت يمين شمال وتبعات خطواتها هوما وفين دايينها.. حتى وصلات للشارع الرئيسي طمعا انها تلقا طاكسي وترجع للدار..
دخل من البالكون من بعد ماجاه البرد وجهدات الشتا.. سد الباب ومشا لحدا الحمام كيتصنت.. تعطلات بزاف وحتى صوتها ماخارجش.. دق فالباب بشوية كينادي باسمها.. ماجاوباتتش.. عقد حجبانه وحل الباب مالقاهاش.. السخانة طلعات معاه.. والاعصاب حتى هوما.. تمتم بسخط..الفوار خارج من فمو..
نوردين: كا ديري غي لي فراسك اسعاد..
خرج من تماك صاعر.. زدح باب البيت وهبط كيجري فالدروج.. هز تيليفونه وزاد تصدم فاش لقا سوارت طوموبيلتو باقيين..كان عندو امل انها تهزها وتمشي.. ولكن باش تخرج بوحدها فمكان خالي وفوقت متأخر من الليل هنا خلات راسه يغلي واعصابه تفور.. هزهوم وخرج كيشتم ويسب غي فنفسو.. ركب فطوموبيلتو.. حل الباب وهو راجع باللور.. وخرج حتى تحكو الروايض مع الارض.. غادي منير فالطريق كيشوف فالجناب.. تيليفونه بين يديه كيصوني عليها والو مكتجاوبش.. رجع دوز الخط لنجاة.. بقا كيصوني شحال عاد جاوبات بصوت ناعس كيرجف..
نوردين: سعاد جات؟
نجاة: (دايخة بالنعاس وتخلعات فاش فاقت على صوته.. تمتمات بارتباك) م.. ماعرفت على هي خرجات؟
نوردين: (غوت بصوت عالي كيضرب فالفولون بالاعصاب) نوووضي شوفي واااش جااات..
ناضت طافجة شعلات الضو.. كتفتف على بنطوفتها مالقاتهاش خرجات بالحفا.. الضو فالدار طافي.. مشات كتجري كتقلب فبيتها مالقاتهاش.. التيليفون فودنيها غايطيح.. يديها كيرجفو زارع فيها الرعب.. تكلمات بقلق..
نجاة: مكايناش فالدار..
هو غي سمع داك الهضرة قطع ولاح التيليفون حداه.. كيدوزعلى وجهه بغضب واصل لقمة اعصابه..
الشتا خيط من السما.. حوايجها كاع فزكو.. شعرها لصق على وجهها.. الطريق خالية.. الغابة على ليمن ديالها والبحر على ليسر.. ندمات علاش خرجات من الدار.. ايلا خرجو ليها القطاطعية هنا.. يقتلوها ومايحس بيها حتى واحد.. حتى توقفات فجأة على ضوء سيارة جاية من اللور.. بعدات الشعر على وجهها كتمنا تكون شي طاكسي.. لاكن خاب ضنها فاش توقفات حداها رونج بيضة.. غي هبط زاجها كانو فيها جوج دراري سكرانين.. نطق واحد فيهوم..
-شعاندو الزين ماشي باحتيتو؟؟ (نخس صاحبو) نزل نزل اصاحبي طلعا..
خنزرات فيهوم ومشات.. حتى حسات بالباب تحل وخطوات تابعينها.. بدات تزرب فمشيتها حتى جراتها يد من دراعها.. ضارت عندو مشعشعة كتنتر منو..
سعاد: طلق مني الزبل..
هو غير سمع الزبل جمع معاها بطرشة حتى داخت.. وجرها من شعرها غادي بيها لطوموبيل وهي كتركل وضرب فيه..
سعاد: وااابعد مني.. القوااااااد.. طلاااااااق...
لمح طيفها من بعيد كضارب معاه.. عينيه ضلامت وبحور اعصابه هاجو.. برك على كسيارتور حتى طارت الطوموبيل وضرب الفران حداهوم.. نزل صاعر من الطوموبيل.. كيشوف غي الكحولية حداه.. جر هداك لي كان شادها من عنقو خشاليه راسو فالزااج ديال الطوموبيل..حتى سقل وتقطع صوتخ فمرة..
نوردين: القواااااااد.. كتقلب على موووتك..
سعاد: (شهقات دايرة يديها على فمها وهي كتشوف الولد هبط كيتسرس فالارض دمايات من راسو سايلة.. والرايس ضرب الدورة.. حل باب لي كان صايك.. جرو من قرفادتو وهو تحت تاثير الصدمة.. طيحو الارض ونزل عليه بالضرب حتى زراقت يديه وترخا لاخور سخفان دغيا بالسكرة..ماخداش منو مجهود كبير.. وناض من عليه كيماصي يديه ويطرطق فعنقو.. شافيها باقا مسمرة بلاصتها.. غي شافتو جاي تراجعات للوراء بخوف.. حتى تزدحات مع واحد الشجرة.. غي وصل ليها عطاها طرشة لنفس الحنك حتى دار راسها وغوت التشاش خارج من فمو..
نوردين: غاااااتجهليتي ياااااربك.. علاااااااش خاااااارجة بوووحدك وفهاد الوقت فالخلاااااا؟؟ (شد فحناكها بجوج مزير عليها عينيه حمرين بحال الجمر) وكووووون دارولك شي حااجة؟ وكون تكرفصو عليك؟
سعاد: (خرجات فيه عينيها وتنترات منو كتغوت حتى هي) علااااااش جايبني لهنااااااا من اصلووو؟؟؟ بحااالك بحالهوم.. هوما حيوانات ونتا زااايد نغزة عليهوم.. انت بكرك جايبني لهنا غي على قبل الفراش.. غاتسالي وترجعني لدااار وسالات السهرة..
نوردين: (شدها من دراعها مغلغل وجرها لعندو حتى تزدحات معاه كيحدق فيها بسواد عيونه والنظرة القاسية لي مغلفاهوم.. زمجر بغضب) واااااش لدينمك مخرورة فمخك؟؟ وااااش كتقلبي نقاضيك من هاد الدنيا تهناااي ونهنا حتى انااا؟ رااااك مرتي .. مرتي ازبي(كيضرب على راسها بصباعو) دخليها لهاد ولد القحبة ددمااغك...
سعاد: (دفعاتو كتنهج وبعدات عليه كتغوت) ماااامرتكش.. ماااااامرتكش.. مرتك هي لي جايبني لدارها.. مسكنها فففيلا معززة مكرمة.. مرتك هي لي دايرليها عرس قد السخط ومكبر بيها حدا الناس.. مرتك هي لي كولشي عاااارفها مرتك..مرتك هي لي عاونتيها حتى كونات راسها ورجعات كابابل بخدمتها ماواقفة حتى على قواااد.. (قربات ليه كضرب فصدره صاعرة) هااااادي هي لي تقول عليها مرتك... ماشي وحدة تعطاتلك فالروح.. ومضيعها فقرايتها ومستقبالها ومدوز عليها الويل الكحل وتجي تقول عليها مرتي..( دفعااتو حتى تراجع للوراء ونطقات بحدة..) قوتلك داك النهار انا ماعمري غا نكون الشياطة دواحد اخر.. حيااااتك وعيشتك نحررها يالرايس كيما ضيعتيلي حياتي.. سعاااد ماشي الرويضة دسوكور لا ديااالك ولا دغيرك.. فهمتي ولا نغنيهالك؟
تنفس بعمق .. عاقد مابين حاجبيه بعصب.. عينيه كيمشطوها .. كيلتهموها بعنف وقسوة..قرب منها اكثر بينما هي ماتحركاتش من مكانها.. بجرأة وتحدي كتشوفيه زامة شفايفها لعندها كتنفس بعنف..هز يديه كيتحسس مكان الطرشة مع ماء المطر السايل مع خدودها.. غمضت عينيها ملي شافت فبؤبؤ عيونه.. هاهو رجع لبروده وهدوءه القاتل من جديد.. انفاسه الحارقة كتلفح برودية بشرتها بوقاحة.. نطق بصوت اجش.. بكلمات زادو لعبو على اعصابها..
نوردين: شكون قال راني دايرك رويضة دسوكور؟ وعلاش دايرة هاد الحالة كولها؟ كنتي تقدري تقولي رجعني بحالي الرايس ماباغاش نعس معاك هاد الليلة.. (ابتسم بمكر فاش حلات عينيها كتنفس بغل وكمل بفتور) عطا الله فين نلعب ..
شافها ساطت انفاس حارة من نيفها.. صوت هسيس انفاسها غادي وكيعلا.. نيران متوهجة فعينيها.. متعمد يلعب على اعصابها.. كيستمتع بهادشي.. غي شاف شفايفها غايتحركو يلوحو السم لي جمعاتو للداخل مثل الافعى انقض على شفايفها بقبلة جامحة .. دافئة كتعكس برودة الجو.. سكتها هي وتلذذ بيها هو.. عاد علا راسو شافيها مزال عينيها طافيين.. دوز بصبعو على شفايفها ونطق بهمس مبحوح..هايم فالوهج المشتعل تحت جفونها..
نوردين: ولكن حتى وحدة ماكتبرد جوفي قدك..
تحنا باسها من شفايفها مرة اخرى مغزف عليهوم وعلا راسو كيتبنن ويقلي ليها السم..
نوردين: بحال خردالة كتقلبيلي الدماغ فاش كنذوقك..!
سعاد: (من تحت سنانها مغددة) ديني بحالي من هنااا.. ولا نكمل طريقي بوحدي..الرايس..
نوردين: (شد فيديها وجرها معاه غادي بيها لطوموبيل) زيدي يقطع حس العيالات ولي تابعهوم..
سعاد: (كتشوف فهادوك لي مزدحين فالارض) ماتو؟
نوردين: (حليها الباب كيهضر مخنزر) طلعي غدا غايصبحو ناسيين.. حتى فين كانو..
خنزرات فيه وطلعات كتقطر بالما وترجف.. شعلات الشوفاج ساخطة حتى طلع حداها ديمارا مكتشوفش فيه.. تمتمات بغيض..بلا مايسمعها
سعاد: قالك خردالة.. الجشايشي لي ولدو
يتبع...
التعليقات
لا توجد تعليقات بعد، كن أول من يعلق.