العشق لمن يجرؤ الجزء 16

كان كيهضر بوحدو طول الطريق ..جزء منها كيحاول يتجاهله والجزء الاخر كيقولها طيري عليه وقلبي هاد الطوموبيل ويموتو بجوج.. وصلها لفين خلات طوموبيلتها وحبس.. شافيها مخنزر ونطق بحدة..

نوردين: نزلي هزي خرشاشتك وقودي للدار تنعسي..

حلات الباب ونزلات زدحاتها حتى تململات الطوموبيل..

نوردين: (بصوت عالي باش تسمعو) دييه معااااك احسن..

ضارت عندو مغددة هزات دراعها وقلزات ليه..

سعاد: هاهواااااا... خرشاشتك فرحان بيها سر دينمها التهراس..

بزقات فالارض مخنزرة وطلعات طوموبيلتها.. رجعات ماشاريار ومشات بسرعة.. تبعها ماللور مبرد.. جبد كارو كيكميه.. طول الطريق وهو حاضيها حتى وصلات للدار.. ودخلات للكاراج عاد مشا بحالو..هز تيليفونو لقاه عامر بليزابيل دحكيم.. صونا ليه جاوب فالبلاصة..

حكيم: فاين اصاحبي؟

نوردين: فين ديتيها؟

حكيم: مابغاتشي دمشي لدار ديالوم.. خافت من يماها.. ديتا عند شي صاحيبتا..

نوردين: صاف قطع..

قطع عليه.. ودوز نمرتها من بعد مالقا شلا ميساجات ديالها ماقاريهومش.. صونا المرة اللولى .. التانية عاد جاوبات.. صوتها مغمغم بالبكا..وقليها غايفلت بالتنخصيص..

نوردين: (بامر) سيفطي لي لوكاليزاسيون..

ريم: (كتبكي بحرقة) انا وجهي مشا انوردين.. صدمتني فيك.. مزوج ومخابي عليا؟

نوردين: (ببرود) سيفطي داكشي لي قوتلك..

قطع عليها وخلا التيلي فيديه حتى وصلو ميساج من عندها.. شاف الموقع.. قلب الروايض غادي عندها..

دخلات للدار كضرب رجل فرجل.. لقات نجاة كالسة وسط الدار دايرة يدها على خدها كتسناها دخل.. من بعد ماطير نعاسها الرايس.. غي شافتها حطات يديها على قلبها..

نجاة: الله اختي وخلعتيني عليك..

سعاد: (جات كلسات حداها وترخات على الفوطوي) مشيت درتليه شوهة عالمية فموفامبيك.. هو وداك القحبة لي كانت معاه..

نجاة: (النفس تحقنات فيها) اويلي ! ياكما دارلك والو؟ (كتشوفيها) ومالك كي الفلوس المنتوف؟ طاحت عليك الشتا؟

سعاد: (بطنز) لاااء جاني الصهد قلت نخرج ندوش على برا.. (نخساتها) نوضي جيبيلي شي دوا دالرواح نيفي بدا يسيل.. وهنيني من هاد لونكيط دالجدارمية..

ناضت من حداها كتحسبن.. جابت ليها الدوا وعطاتها تشربو..

سعاد: (حطات الكاس فوق الطبلة وشافت فنجاة) مانكونش تخطيت شي حاجة هاد الايام؟ كولشي عندي معكس .. تا داك الجنون عندي شدو كونجي واقيلة..

نجاة: (هزات يديها كتقيس حرارتها) وقيلة غاطلعلك السخانة اختي.. نوضي تنعسي نوضي..

عوجات سيفتها وناضت كتجر رجليها.. دخلات لبيتها نيشان للدوش.. طلقات الما سخون ودخلات تكمد عضيماتها تحيد تبوريشة..

وصل لحدا دار صاحبتها كيتسناها تنزل.. ماكاملاش دقيقة حتى شافها خارجة ملوية فواحد البينوار..طلعات حداه فالطوموبيل كتبكي.. عرات القب على شعرها وشافت فيه كتشكا..

ريم: تشووو شني عملتلي تشوو؟؟ علاااش ماقولتيليشي تينا مزوج؟

نوردين: (هز يديه كيقيس الجراحي والكدمات لي فوجهها عاقد حجبانه.. نطق بهدوء) سولتيني وكذبت عليك؟

ريم: وشني دبااا انا نتقاولب؟ تينا عانداك المرا والعواول وانا مضياعني فشبابي.. انا تيقت فيك وعطيتاك كولشي انوردين.. اهئ اهئ..

نوردين: (كيتلمس فخدودها.. ويمسح الدموع من عينيها) ماتعمريش راسك بيها.. وقتها قرب يتسالا..

ريم: (تهدنات) مش طلقو؟؟

نوردين: (تقاد فجلسته وجبد كارو شعلو) اممم .. عندنا شي مشاكيل هاد الساعة.. واقفين على الطلاق..

ريم: والعواول؟

نوردين: (ابتسم بهدوء) تيقتيها؟ راه غي مالقات فاش تشد..

ابتسمت برضى.. كلامه نوعا ما ريحها.. كانت عندها ثقة فيه مايغدرهاش.. قربات عندو تمخشات فيه.. ونطقات بهدوء...

ريم: خاصاك داخودلي حقي منا.. شوهاتلي وجاي.. الله يعطيها القطيعة ن يداا.. الكلبة المصعورة

كانت متكية براحة على صدره حتى حسات بالطفية دالكارو جات فعنقها لسعاتها.. ناضت طافجة كتحك فيها وتغوت..

ريم: (كتشوفيه بعدم تصديق) اواعدي شعانداك حماقتي؟

نوردين: (لاح البونتة على برا بهدوء وشافيها بعينين مظلامين.. نطق بتحدير) مادامها مزالة على سميتي. مانسمعكش كتعايريها ولا تغلطي فيها وخ غي بالهضرة.. (برك على البوطونة ديمارا اللوطو وتكلم بلا مايشوفيها) هبطي تقودي.. تالغدا ونهضرو..

ماتناتش معاه الكلام.. حلات الباب وخرجات طايرة كتحك فالحرقة.. حرك الطوموبيل بالجهالة ومشا..

طلعات للدار عند صاحبتها كتبكي.. دخلات لبيت وكلسات تعاود ليها شنو طرا بليديطاي.. ماتسرطاتش ليها البلان لي دار ليها.. جرات عليها الغطا وتكات كتحلف عليه..

ريم: والله لا خاليتولا.. بيا ولا بيها القاحباااا..

خنزرات فيها صاحبتها وطفات الضو..

-نعاس.. نعاس وعطي الراحة نراساك.. نتينا العايلة كدبانلي تعاوارتي فيه وطيحت على دوقماك.. كادعمل راساك ماعارفاشي الرجال.. وتياقتو تينا واقفين على الطلاق؟ نعااس أ بهلولة هاديك الهضرة حفااات باش كيدوخو البنات.. (ضحكات بفقصة) قالاك بيناتوم المشاكيل.. وا لي يطفي فيك الكارو العايلة حيت عايرتلو مراتو هادا كيموت فيها وتينا حشي الصباع الله يحاوراك بالتحاور..

ريم: (غوتات صاعرة) سكوت عليا تا نتينا.. لا زيدشي دعاصبني.. والله مانفلتو وخ يكون مزوج عاشراااا...

دخلات عليها لبيت لاول مرة تفيقها حيت شافتها تعطلات فنعاسها كتر من القياس.. حلات الباب ومشات عندها كتنادي باسمها..

نجاة: سعاااد فيق اختي .. الفطور وجدتو هادي ساعتاين..

وقفت عند راسها عينيها مسدودين وفمها محلول .. النفس فيها مخنوقة كتخرج بحال شخيرات خفاف من ثغرها.. تحنات عندها كتقيس حراراتها.. غي حطات يديها تصعقات..

نجاة: اميمتي .. كتكوي.. يااالطيف.. سعاااد.. اختي..

بقات كتهزز فيها حتى فيقاتها.. دايخة .. لسانها ثقيل .. داتها محمومة.. الحرارة كتحس بيها كتحرق برا ومن داخل.. شعرها كولو عرقان.. حوايجها فازكين ..شفايفها زرقين..

نجاة: (كتمسحليها العرق من وجهها) باس كتحسي؟؟ شنو كيحرقك؟

سعاد: (عينيها كتبغي تحلهوم كيتقلبو.. نطقات بتعب حاطة يديها على صدرها) صدري ضياق.. قلبي كيحر.. (قطعات كلامها وبدات تكح حتى كيبح حلقها..)

نجاة: (بقلق) نوضي نديك لطبيب اختي نوضي..(خلاتها وناضت كتمشي وتجي فالبيت دايخة.. كترجع لعندها تهزها وتولي تنوض تقلب على تيليفونها حتى تلفات ومابقات عارفة مادير..) اميمتي الحبيبة غاتموت غا بالسخانة..

نوضاتها من بلاصتها كتحاول معاها.. دخلها غي للدوش تكب عليها ما دافي تنزل حرارتها.. غي وقفاتها على رجليها ترخاات ليها بين يديها وجات طايحة فالارض غايبة عن الوعي..

نجاة: (ضربات فشواطها تزاد معاها الزايد) اويلي مااالها!!

شافت يمين وشمال ومشات كتجري هزات تيليفونها كانت حافضة ليه الكود.. دوزات نمرة الرايس.. كانت كاتبة ليه سعاد فالكونطاكط الكلب..

كان ناعس فبيتو لي ضلمو فاش دخل مع الفجر راسه كان كيغلي وبغا يرتاح شوية.. حل عينيه على فيبرور التيلي لي لايحو جنبو.. مد يديه بتثاقل هزو.. شاف نمرتها حل عينيه بجوج وتقلب على ظهره جاوب بصوت مبحوح..

نوردين: صباحاتو الله..

نجاة: (بصوت مرتعش كتبكي من شدة القلق) السي نوردين عتاقني راه سعاد كتمووت.. طاحتلي من يدي ماعرفتها مالها السخاين كدكدك فيها..

غي سمع هضرتها واستوعب كلامها.. ناض واقف عاقد حجبانه .. تكلم بحدة..

نوردين: هانا جااي ..حاولي تفيقيها..وبقاي معايا فالتيليفون..

نجاة: (بارتباك تحنات عندها) وخ .. وخ هانا نحاول معاها..

مشا كيجري هز سوارت طوموبيل .. كان ناعس بكيطمة.. لبس غي بانطوفة فرجليه وخرج طافج من الفيلا ركب فطوموبيلتو كيتصنت لصوت نجاة كتحاول تفيقها..دون جدوى!

وصل لكلينيك مباشرة من بعد ماعيط للعساس طلع عاونهوم يخرجوها وعيطليهوم على طاكسي تديهوم... الوقت لي غايوصل هو طويل وغايغرق فالزحام..فكر يربح الوقت قبل ماتوقعليها شي حاجة..باركا اللوطو وهبط كيجري.. دخل مقصد لبلاصة فين دخلوها حيت وصا عليها نفس الطبيب ديال داك النهار..لقا نجاة وحكيم كيدورو فالكولوار.. غي وقف عليها بدات تفتف..

نوردين: شعاندها؟

نجاة: ماعرفت مزال ماخرج الطبيب..

يالله بغا يدخل عندهوم وهو يتحل الباب.. وخرج صاحبو معاه طبيبة لي فحصاتها..

نوردين: (بقلق) مالها؟

ط: (طبطب على كتفو) ماكاين لاش تخاف.. صدرها عمر بالريح بزاف..جاتها النزلة قاصحة.. دبا راها فايقة عطيناها الدوا تهبطلها السخانة شوية .. (مدليه ورقة) هاك هاد الورقة كتباتهالها الطبيبة.. هاد الدوا يتشرا دبا.. غير تنزل حرارتها تقدر تديها.. وتحضي راسها من البرد ديال هاد الوقت قاصح..

خدا من عندو الورقة وعطاها لحكيم يتكلف كالعادة.. شكر الطبيب ولي معاه.. خلاهوم واقفين ودخل عندها..

كانت متكية على الباياص.. خدودها مزنكين.. عينيها دامعين.. مستسلمة للمرض ولريحة السبيطار.. غي سمعات الباب تحل تلفتات بشوية شافتو داخل.. حققات فيه الشوفة ..وبقات حاضياه بعينيها حتى جا وقف عند راسها.. حط يديه على شعرها .. كيتأملها بهدوء.. عاد نطق بعتاب..

نوردين: باش تعاودي تخرجي والشتا كطيح.. هانتي رزيتي صدرك..

سعاد: (نطقات بتعب) كتشفا.. الله يعطيك لي فيا..

نوردين: (عقد حجبانه) لسانك ماكايمرضش؟

سعاد: (ببرود) قطعو ايلا كان مديرونجيك..

نوردين: (دوز صبعو على شفايفها كيضغط عليهوم.. ابتسم بدفئ ونطق بتوعد) غانديرليه حاجة وحدة اخرى.. براي وتشوفي..

سعاد: (بترجي) خرجني من هنا عافاك..

نوردين: (دوز يديه على جبينها كيقيس حرارتها) كتولي ضريفة فاش كتبغي حاجتك..

سعاد: (بتهكم) السفيه كيقرا غي مافيه..

كان غايجاوبها وهو يصوني تيليفونو.. هز يديه من عليها وجبدو.. شاف النمرة كانت فدوى.. رجع شاف فسعاد لي حاضياه.. تململ من بلاصته ومشا حدا السرجم.. كيجر فبنطوفتو.. دار التيلي فودنيه وجاوب وهي طالقة ودنيها..

نوردين: وي فدوى..

فدوى: كبيدة انا فالمطار..يالله وصلت .. وماقادراش نسوك! كرشي ضراتني شوية..

نوردين: (ماصا عينيه وجاوب بحنق) ياك قلت لدينمك سالي عليا من هاد السفارات.. بربي وتوقع شي حاجة لداكشي لي فكرشك حتى نحرك .. قطعي غانسيفط موراك شي حد يسوك بيك.. وتركني فالدار تانجي..

قطع عليها التيلي ساخط.. دوز مباشرة الخط لشي واحد هضرمعاه باش يمشي يجيبها من المطار.. رجع التيلي لجيبو وضار عند سعاد لي كانت حاطة عليه العين .. تم راجع عندها وقف قدامها ..مد يديه كيحكليها فشعرها وقال بهدوء..

نوردين: غانمشي نقضي شي شغال.. غاتبقاي هنا النهار كولو حتى تنزل السخانة..ايلا مالحقتش نجي نديك غايجي حكيم..

شافت فيه .. عينيها كيبرقو بفضول.. ضاعو الحروف فحلقها لنصف ثانية عاد نطقات بدون شعور..

سعاد: غادي عندها؟

بادلها الشوفة بهدوء.. تحركو شفايفه بضحكة دافئة..حتى بانو سنانو مستفين من تحت..تحنا عندها حتى اصبح وجهه قريب منها.. دغدغها بلحيته.. جانب خدها.. طبع قبلة على بشرتها المحمومة وخطف وحدة من شفايفها وهز راسه..تكلم بخفوت..

نوردين: غادي للخدمة غي رتاحي.. (غمزها وتقاد فوقفته وخرج)

كمشات قبضة يديها مع ليزار بارتباك.. عضت على شفايفها بندم وتمتمات بحنق..كتخاطب نفسها..

سعاد: تفوو .. فمي كياكلني.. ويمشي ولا يكلس نتي مالك ابنت القحبة.. دبا غايقول غي غرت عليه ولا بقا فيا الحال.. (ضربات بيديها على الفراش) الله يعطيه مصيبة..اعععع..

قطرات المطر كيضربو فالنافذة ويهبطو كيتسرسبو بهدوء.. صوت الدقة دالشتا كيريح القلب وينعش الروح ايلا كانت مهدودة.. متكية فبيتها فوق فراشها عينيها على الزاج المضبب.. حتى دخلات نجاة هازة فيديها بلاطو.. وتمات جاية كضحك..

نجاة: هانا يا لالة ها الصوبا لي كتعجبك..

سعاد: (تقادات فجلستها بعياء.. عينيها كيبرقو بالفرحة) اححح درتي فيها صوص بلونش؟

نجاة: (كتقادليها البلاطو فوق رجليها) درتها..

سعاد: والفرماج؟

نجاة: (عطاتها المعلقة ليديها) فيييها..

سعاد: (هزات شوية داقتو.. وغمضات عينيها كتلذذ) امممم.. لذيذة الله يعطيك الصحة..

نجاة: بصحتك اختي.. راه عيطات شيماء تيليفونك طافي.. تخلعات عليك قولتلها راك مريضة.. قالت حتى تجي ودوز عندك..

سعاد: هي مزالة فكازا؟

نحاة: مزالة.. خليها تشوف مها كانت غاتموت بلا ماتشوفها..

سعاد: حتى نعيط ليها نقولها بلا ماتجي.. نبرا ونمشيو عندها من تماك لمراكش.. شهوتي نسافر..نبدل الجو ونتفاجا..

نجاة: موحااال يخليك راجلك..

سعاد: حتى نقولهالو بعدا.. نبات مانصبح.. يمشي يقود..

نجاة: (شدات فراسها) ياربي تخرج الطرح بيخير.. (سكتات شوية كتفرج فيها كتاكل بهدوء.. نطقات بتردد) ختي سعاد بغيت نقولك شي حاجة..

سعاد: (حبسات الماكلة وشافت فيها) ياك لباس؟

نجاة: (حنوكها تزنكو) حكيم غايجي لدارنا السيمانة الجاية..

سعاد: (ضحكات بفرح) واخيرااا.. وهانتي طلع راجل..ماعندك ماتساليه..

نجاة: كنت رافضة نعاود نتزوج ولكن اختي الزمان صعيب .. ضروري مايكون راجل فكتفك تعولي عليه.. وزيد ماعندو مشكيل وخ ببنتي.. وحتى هو ولدو مسكين يتيم.. قالك نتجمعو ونربيو ولادنا ومايخصني تاخير..

سعاد: ياك مقتانعة؟

نجاة: واختي مافيه مايتعاب.. خدام على راسو .. وقابل عليا يعيوبي.. اش خاصني مزال؟ الزمان صعيب والبنت شحال ماقلبات تستر راسها وتسد الفام لعيبادالله يكون احسن.. الطلاق صعيب ومجتمعنا ماكيرحمش المطلقة..

سعاد: (حطات المعلقة ومداتليها البلاطو) هزيه شبعت.. (ابتسمت بهدوء) الله يديرلك لي فيها الخير..

نجاة: (حسات بيها بحالا تقرصات.. هزات داك البلاطو حطاتو فالارض وشدات فيديها) ماكرهتكش حتى نتي ديري عقلك.. وتعتارفي بهاد الزواج.. تنساي لي فات.. ماتعرفي يكون عندك فيه الخير؟ نتي شاية وصغيرة.. زوينة وعليك العين.. محمرة على الفراق يسحابلك فيه المونفيعة؟ والو اختي غايضربوك الحيوط ولا تقلبيها تقحبين لي جا يخوي فيك.. على جوج دريال.. هانتي دبا عايشة معززة مكرمة.. علاياش ماحليتي فمك يجيك.. راجلك اش ناقصو لي مامعمرش ليك العين؟ بدراعو.. بجيبو عامر.. يمضغك مايسرطك.. تمرضي يجي كيجري عندك.. مسخوط الوالدين لي يحاول غير يشوفيك.. مستورة فدارك.. مامخصوصة من والو.. فلوس لي حليتي عليها فمك كاينة.. ماشي شي عوج السيفة لي تنفريه.. بالعكس عاطي العين.. كيبان شباب.. الطولة والتجريدة والحروشية .. كلمتو مسموعة.. والهيبة معطية ليه من عند الله.. هدا لي انت دايرة عليه خنينيش خلاوها طنجاوة راه البنات ملهوفين عليه.. وحاسدينك عليه..

قبل ماتجاوبها.. سمعات الساروت كيدور فالباب .. ابتسمت وغمزاتها..

سعاد: دكر الكلب ووجدلو الزرواطة..

نجاة: (ناضت قافزة) وااانوض نمشي بحالي.. (بمزاح) ايلا حضرات الشياطين كتغيب الملائكة.. (تحنات باستها) تصبحي على خير.. والماكلة راها طايبة لا بغا ياكول..

سعاد: يموت وماياكلش فهاد الدار غا سيري..

نجاة: (بفضول) شحال من مرة كنبغي نسولك علاش؟

سعاد: (غلباتها الضحكة ونطقات بخفوت) قبل مانهرب طبختليه ربعة ديال العقارب فاتاي شربتو ليه وهربت..

وقفات محسفة.. صوتها هرب.. قبل ماتنطق سمعات التقرقيب ديالو فالدار.. شيرات ليها غي بيديها وهربات قبل مايدخل لبيت..

هزات التيليكوموند حداها شعلات التلفزة تلف شوية المرض..

ريحتو.. خطواته.. وصلوها من بعيد.. لمحات طيفه دخل وهي مركزة مع التلفزة.. هسيس انفاسه وصل حتى لعندها.. دورات راسها بشوية شافت فيه جاي لعندها.. صغرات عينيها كطلعو وتهبطو من تحت الفوق.. شي حاجة تبدلات فيه من الصباح لدبا.. حسن شعرو وقاد لحيته.. لابس كيطمة أنيقة فاللون الاسود مع صبادريل ابيض.. ناسبت قامته الطويلة.. ضخامة جسده الرياضي.. كتافو العراض..كلس حداها فطرف الفراش.. كيحدق فملامحها الذبلانين بسواد عيونه وقساوة ملامحه.. هز يديه رجع الشعر مور ودنيها.. وطلع لجبينها قاس حرارتها.. بقا شحال كيشوفيها فصمت.. حتى تحركات تفاحة ادم فحلقه ونطق بصوت خشن..

نوردين: شوية دبا؟

انفاسها تسارعات بقربه.. نبرة صوته الهادئة خلاتها حتى هي تنطق بهمس..

سعاد: شوية..غي عظامي باقيين ثقال عليا..

مشطها بعيونه.. محاصرها بنظرته الجليدية.. دوز يديه على خدها وتكلم بصوت اجش.. تغلغل داخلها بعنف..

نوردين: شي دوش باش يخفافو عليك عظامك الدياماندا..

سعاد: (حركات عينيها كتشتت النظر بعيد عليه هاربة من نظرة عينيه العميقة.. تمتمات بخفوت) ماقادراش!

تململ من بلاصتو وقف.. تحنا لاح عليها الغطا وهزها بحال شي ريشة بالرغم من انها هازة.. كتجيه خفيفة مقارنة بضخامة جسده.. تم غادي بيها للدوش..

سعاد: (دورات بديها مع عنقو ونطقات باستغراب) فين غادي بيا؟

نوردين: (بمزاح) غانديرو شي واحد خفيف..

سكتات ماجاوباتوش.. دخلها للحمام حطها تحت الرشاشة.. ومشا قبالة المراية قلع كبوطو.. كيمسح الزغب دالحسانة المتناثر على رقبته وفكتافو.. كيشوف فانعكاس صورتها قبالة المراية.. كطلع وتهبط فيه وفصدره العاري.. غمزها وضار لعندها كيبتاسم..

سعاد: (عينيها على الوشام لي فلحمه) بغيت نوشم حتى انا!

وقف حداها ودخل يديه تحت البيجامة حيدهالها..

نوردين: (عينيه على صدرها لي دفك حداه.. ماكانتش لابسة سوتيان.. عض على شفايفه وحط صبعه فوق واحد من ثديها وقال بمزاح) سميتي غاتجيك زوينة هنا..

سعاد: (كتهبط سروالها) صاف مابقيتش باغا..

طلعها وهبطها من راسها حتى لرجليها.. بطيبيطة ناصعة البياض.. نقية ومافيها حتى ديفو.. لحمها رطيطبة والقنات عامرين.. غي الشوفة فيها كتقيم.. الريق تجمع فحلقه.. ورغبة جامحة تجمعات فعيونه.. نطق بصوت متحشرج..

نوردين: ندمت حتى قولت ندوشلك..

خشا وجهه فعنقها ..ويديه كدور على خصرها.. طبع قبلة ساخنة فرقبتها ورجع على راسه باستمتاع..

نوردين: كيغاندير نصبر على هاد الخير لي عطاني الله؟

سعاد: (حطات يديها على صدره.. غي قاستو بحالا لسعاتو شي عقرب.. حتى اللمسة منها كتفتن.. ابتسمت بمكر ونطقات بهمس) انا مريضة..

نوردين: (طلق الرشاشة عليهوم كانت دافية فالاول..مسح على خدودها والما لي هابط عليهوم وتنهد) مريضة وغاتهلكيني.. (دورها عطاتو بالظهر) دوري قبل مانتكيك هنا..دوري..

مشا جاب مشطتها وشومبوان ورجع كيرمش بعينيه.. كيحاول يشتت النظر لبعيد.. شدليها شعرها جمعو فقبضة يديه وبدا كيدهنليها الشمبوان ويدلك بيديه.. فحركة رخاتها وغمضات عينيها باستمتاع..

سعاد: (المشطة دايزة فشعرها ويديه كيتحركو خلفها بلطف.. تبسمات داخلها ونطقات) مولف دوش للعايلات الرايس؟

قرب حتى لودنيها باسها تحت عنقها من الخلف.. قبلة دغدغت حواسها خلاتها ترجف من الداخل.. وهمس حدا ودنيها..

نوردين: مامساليش حتى لديك الدرجة لي كضنيها..

سعاد: (بفضول قاتل) ودبا اش تبدل؟

نوردين: (صبعانه تغلغلو فشعرها حتى جابليها الهر.. نطق بصوت مبحوح..انفاسه الحارقة غالبة على المياه الدافئة لي هابطة من فوق) دبا استغلي الفرصة من حد الخاطر كاين أبطيبيطة..

تقلبات لعندو حتى لصقات فيه.. حطات يديها على صدره عينيها فعينيه ..ابتسمت بهدوء ونطقات بصوت رقيق وعذب..

سعاد: ذيب ومافيك ثقة..

ريوكو سالو عليها.. داك الما لي هابط مع وجهها وشفايفها المنفوخين.. شعرها الفازك.. كانت مثيرة حد الهلاك.. خلات داك الرغبة المجنونة فامتلاكها هاد الليلة تزاد على حدها.. دور يديه على خصرها وجرها لعندو باسها من شفايفها دغيا وعلا راسه كأنه غي كيتذوقها.. زاد لودنيها معنقها لعندو.. ونطق بنفس حار خارج من ثغره...

نوردين: أنا واحد الانسان سخوون وحواااي أ كبيدة.. ومايمكنش نصبر عليك ونتي كلك فتنة بحال هكا! (غمض عينيه وباسها تحت ودنيها حتى تبورشات.. وهمس بصعوبة بين انفاسه الاهثة) ديري الحل..!

🔞🔞🔞🔞🔞🔞🔞🔞

ازدادو دقات قلبها.. احتكاك اجسادهوم المنزلقة تحت الماء نوضات فيها الشياط ولكن كانت كتقاوم.. دوزات يديها على ظهره مالور ونطقات بخفوت انفاسها كضرب فعنقه كتزيد تهيجو..

سعاد: داك النهار قتلك مانقدرش نعس معاك وانت خلاط..

بعد راسه شافيها.. بلع ريقه مرة وجوج وتلاتة.. كيقاوم داك الرغبة الرهيبة .. تلمس بيديه بجوج شعرها وهبط بلمساته على طول دراعها.. كيتأملها بشهوة.. وجنون! نطق بوهن..

نوردين: الله ينعل لي باقي يشوف فشي وحدة من غيرك.. ولكن اش ندير ايلا كانت منخلاني وكذوقني من الشهد مرة فالعام؟

ميل راسو باسها من شفايفها .. قبلة ساخنة وهادئة خلات كرشها تنقابض غريزيا..وريقها ينشف.. فاش حررهوم عاد قدرات تنطق بمقربة من ثغره..

سعاد: ماضحكش عليا بهاد الكلام.. فيك فيس القحاب فاش درتلك الحل مشيتي فكيتي راسك..وربطتيني!

حط وجهه على خدها وغمض عينيه كيدغدغها بلحيته… يديه معنقينها ماللور كيهبطو ويطلعو على ظهرها..خشا راسه كيطبع قبلات متتالية على طول رقبتها.. همس بصوت اجش مشبع بالرغبة..والتملك..

نوردين: بغيتك تبقاي ليا بوحدي..!

حطات يديها ورا رقبته..حسات بيه كيرجف حتى هو.. جسده محموم.. بحال ديالها.. كيتنفضو بجوج من كمية هاد الاحاسيس العنيفة ورغبتهوم فبعض لي ماقادرينش يكبحوها بجوج.. الحروف ضاعو فحلقها.. غمضات عينيها وترخات.. استسلمت لغريزتها وقبلاته لي كتغتاصب كل انش من جسدها بوقاحة.. فين ماحط فمو كيحرقها.. بنار الشهوة لي صعاب عليهوم يطفيوها من بعد ماشعلوها بجوج غي بالهضرة والكلام..

خشا يديه بجوج مع جناب السليب كيهبطو بشوية.. ذقنه محطوطة على قمة رأسها ونفسها الحارق كيضرب فعنقه.. مغمضة عينيها كتنفس بصعوبة.. هبطليها السليب وعاوناتو فاش هبط لركبتها.. بدا يمرر بديه على خصرها.. فحركات دائرية.. عاد انتقل لاامام.. خاشي يديه بين فخديها كيقلب على الكنز الدفين بين رجليها.. طلع معاها صبعو حتى شهقات وعلات عينيها شافت فيه كيضحك..

نوردين: هاهواا السالبني..

خرج صبعو فازك مبلل بالماء.. خرج لسانو لحسو امام عينيها.. ابتسمت بنشوة ومدات يديها لتحت حيداتليه السروال لي كان باقي لابس وهبطات معاه حتى البوكسور فخطرة..حتى ضربها فكرشها علاش كانت كتقلب.. عضات على شنافتها السفلية حتى انشطرت لنصفين.. منظر عصف بقلبه وزاد اجج رغبته ناحيتها قبل ماتنطق بصوت عذب ورقيق كتلعب بعضوه بين يديها..

سعاد: هاهوا المبردني..

انقض على شفايفها فاش بلغ الصبر أشده.. قرصاتها لحيته لي كان عاد محسنها.. لسانو كيلعب بلسانها باحترافية .. استاذ ففن التقبيل.. كيتلذذ بطعم شفايفها بطريقة كتخليها مرفوعة.. حتى علاها لعندو.. دورات رجليها على خصره.. ويديها ورا عنقو كيتبادلو القبل تحت الماء.. لايحة عليه ثقلها كولو ولكن ماحاسش.. الرغبة كانت غالبة.. لصقها مع الحيط فنفس الوضعية.. ماطلقش من شفايفها ومن مداعبة صدرها بيديه.. حتى طلعو معاها فغفلة منها.. خلاها طلق من شفايفو وتعلي راسها شاهقة..وعينيها مقلوبين من حلاوتو وهو داخلها.. كيمشي ويجي كي علام العرس..

نوردين: (معلي راسه معاها كيقبل رقبتها.. باغي يوصل لشفايفها وجاوه بعاد..مصها بالجهد فعنقها ونطق كينهج) عطيني لسانك الدياماندا..

تأبطت بعنقه اكثر ومالت عليه براسها.. حتى التقط شفايفها مرة اخرى وبدا عملية التقبيل وخدام لتحت كيتسمع غي صوت الخبيط وتأوهاتها لي كاتمهوم ففمو..حتى زاد فالوتيرة ومابقاتش قادرة تصبر علات راسها مرة اخرى وعطاتها للتأوهات بصوت عالي كانو بمثابة وقود كيزيدو يجهلوه.. ويشعلو نارو..

سعاد: (هبطات بضفارها على طول عنقو ماللور حتى لضهرو كتبرد حرر نشوتها.. عضاتو من كتفو غارسة سنانها تماك.. ونطقات بعياء) غي بشوية..

نوردين: (باسها فراسها وخفف شوية همس فودنيها بخفوت) عييتي؟

سعاد: (كتنين خاشية راسها فعنقه) اننن جاتني الدوخة..

ابتسم بمكر.. عرفها عيانة وماغاتقدرش تزيد تصبرليه للجهد لي فيه قرر يحررها دغيا ولكن حتى يمتعها باش تواكض.. باسها فخدها وخشا جوج من صبعانو اللور حتى غوتات طافجة بحالا ضربها الضو..

سعاد: اعع شكادير؟

نوردين: (بهدوء كيشوف فعينيها الذابلبن) ترخاي وغايعجبك الحال..

دارت داكشي لي قاليها.. زاد دفعها للحيط باش يحكم ثقلها عليه.. وبدا حركته لتحت.. المعلم فالوسط وصبعانو ماللور.. فحركة هيجاتها.. شعور اول مرة تجربو.. زاد من انقباضات كرشها.. وسرع العملية باش توصل لنشوتها فاقل وقت واكثر متعة.. وشيئ طبيعي لي يقدر توصل ليه اي انثى ايلا تقام بمداعبة الالياف العصبية لي كينتهي البعض منها ففتحة الشرج..

غمضات عينيها مزيرة على عنقو حتى قربات تخنقو .. صوتها ضاع فحلقها ماقادرة لا تغوت ولا تستمتع.. حتى ترخات معاه فاش جابو وحررها اخيرا من داك العذاب اللذيذ ولي ماسخاتش بيه..خلاها كتنهج ورا ضهرو.. رجليها فاشلين عليها وهو كيضحك حدا ودنيها باستمتاع..

نوردين: جاتك الموت؟

سعاد: (عاودات عنقاتو .. نطقات بتعب) فشلت..

بعدها من الحيط وهزها مزيان غادي بيها جهة الرشاشة لي باقا مطلوقة.. كيدوز على ظهرها بحنان.. باس على راسها.. ونزلها وقفات على رجليها..كيحاول مايطولش فيها الشوفة حيت ماغايقدرش يصبر وهو مزال حتى ماشبع.. بحال شي وليد صغير دوقتيه من الحلوة وحيدتهاليه.. تمشا قدامها عريان زبط.. مشا جاب جيل دوش من مستحضرات الاستحمام الخاصة بيها.. وهي كتشوفيه فاشلة.. ودقات قلبها كتحس بيهوم غايخرجو من بين قفصها الصدري.. كانت محتاجة لهاد الطرح.. ماتنكرش ولكن كيعرف يلعب على وثرها الحساس ونقط ضعفها فالمعاشرة.. عضات على شفايفها فاش تم راجع لعندها عينيها على المعلم.. كتحس بيه مأهب.. وبحركة صغيرة منها غاترفع علامه.. حدرات راسها باش ماتشوفش فيه.. حتى وصل لعندها وفتح جيل دوش كيدهنو ليها على لحمها.. كتحس غير بهسيس انفاسه فوق راسها.. ويديه الخشنة لي كتلمس جسدها كتحسو مستمتع وداير السبة بالصابون.. وسط صمت غريب.. حتى سالا.. وجبد الرشاشة من بلاصتها كيغسليها داتها.. علاليها راسها شافت فيه.. يديه تحطو تحت جفونهاكيمسح الما الهابط عليهوم بانامله الخشنة.. ضحك بدفئ ونطق بخفوت..

نوردين: مالك ساكتة؟

سعاد: (تمتمات بهدوء) ماسخيتش بالما.. رتاحيت..

نوردين: ريحك الما ولا داكشي لي درناه تحت الما؟

ماتسناهاش تجاوب رجع الرشاشة لبلاصتها طفاها ومشا جاب ليها بينوارها لبسو ليها.. وهي غي كدور فعينيها ساقلة..دارلها القب على راسها وهزها بنفس الطريقة لي دخلها بيها..حطها فوق النموسية ومشا حل البلاكار جبد بيجامة قطنية من طرف.. وتحنا لمجورة حل واحد فيهوم جبد ليها سليب وتم راجع لعندها.. حطهوم ليها حداها..

سعاد: (كانت مراقباه منين مشا حل الخزانة.. استغربت كيفاش حافض حوايجها فين كاينين.. وحتى ملابسها الداخلية.. شافت فيه ونطقات بهدوء) غير سير شلل غانلبس راسي..

مشا هز تيليكوموند ديال الكليما.. زاد فنسبة السخونية ولاحو على واحد الكرسي..هز فوطة ودخل يكمل دوشه.. حيدات القب من على راسها.. وهزات داك البيجامة كتلبسها.. هدوءه كيخوفها.. وهاد المعاملة الحنينة ماولفاتهاش منو.. كملات لباسها وناضت كتمشا فالبيت مامرتاحاش لوجوده معاها ولا حتى لقربه منها..

حتى لمحات تيليفونه محطوط فوق الطابل دونوي.. مشات هزاتو.. دخلات كالعادة لميساجات.. لقات اولهوم ريم.. عقدات حجبانها ودخلات تقرا..شفايفها كيتحركو بخفوت.. حاضية مع صوت الرشاشة فاش يحبس..

سعاد: كبيدة فاينك؟ علاش ماكدجاوبنيشي؟ غبرتي عليا اليوم.. انا باقا فالدار دصاحيبتي.. مشيت اليوم نالطبيب لي قولتلي وعطاني الدوا.. وجهي رتاح شويش..

وهي مزالة كتقرا طلعليها ميساج من عندها.. سمحات فداكشي لي الفوق وهبطات قراتو..كان اوديو.. طلقاتو ونقصات الصوت دارتو فودنيها كتسمع لصوتها المحلون..

ريم: كبيدة.. نتينا اونلين ومكدجاوبنيشي.. شعانداك؟

طفات التيلي ولاحتو فين كان.. كتغزز سنانها بغيض..

سعاد: هاد القحبة مازال ماتابتش..داك السلخة مانفعاتش معاها؟ البرهوشة.. غانوريك التقحبين كيداير..

مشات تخشات ففراشها.. كتغزز فظفرانها كتبلاني ليها.. حتى تم خارج لاوي فوطة على نصو.. ووحدة اخرى صغيرة كيمسح بيها شعره.. مشا نيشان لبلاكار جبد كيطمتو.. حوايجه عندها كانو قلال.. حيد فوطة كيلبس قبالتها بكل اريحية.. صغرات عينيها فيه..كتحلف عليه فسرها..

سعاد: دبا نوريك هاد الصدر والعظلات لي فرحان بيهوم ومطيح بيهوم القحاب .. القواااد بوبنات..

سالا لبسو وضار جاي ناحيتها.. شاف داك البلاطو مزال محطوط فالارض.. والدوا بالكراطن حداها..

نوردين: شربتي دواك؟

سعاد: (صبعها فمها واحد الظفر غززاتو.. خرجات فيه عينيها) شربت الزمر..

نوردين: (جا كلس على الطرف السرير حداها..) تسيفتي عاود؟ شداتك قنديشة؟

سعاد: مافهمتش شنو كتحاول دير؟؟

نوردين: (ناض كيميل بكتافو.. هز باكية دالكارو.. شعل واحد.. ومد يديه لتيليفون.. شعلو لقاه مزال مفتوح على الواتساب.. وليميساج دريم كولهوم مقريين من بعد ماكان كيتجاهلهوم طول النهار.. ابتسم وهو عاطيها بالظهر.. رجع حط تيليفونه وتم راجع لعندها هاز باكيته دالكارو.. على وجهه ابتسامة قاتلة..تزدح حداها على النموسية.. وشافيها كيسوط الدخان فالسما.. مد يديه كيلعب فشعرها) شنو كنحاول ندير؟

سعاد: (ميلات راسها ناحيته شافت فيه وقالت بحنق) شوف انت.. اش هاد الحنان لي نزل عليك من السما؟

نوردين: (خدا نفس من سيجارته عاد جاوبها بهدوء) كيما درنا معاك وحلة.. جيت لدار علاش تبدلتي.. عطيتك النخال.. انا ماشي مراتك..

سعاد: (بتهكم) اممم باغي تصلح اش تهرس زعما؟ وباغيني نتيقك ؟ يسحابلك انا داك المنونخة دمرتك.. شا شا ..را را.. ولا داك القحبة دصاحبتك.. تابعاك كتلهت كي الكلبة.. (هزات صبعها فوجهه بتحذير) انا ماغاتمشينيش على هواك الرايس..

نوردين: (طفا الكارو وشعل واحد اخر.. كيتحاور معاها بهدوء) دبا ماللخر علاياش كتقلبي؟

سعاد: (قلبات وجهها ماجاوباتوش)

نوردين: (مد يديه كيحيد الشعر من على وجهها.. نطق بخفوت.. صوته مدعدع بالدخان) قولي اش حبات الخاطر ا زينة السالف..

نخلاتو ماجاوباتوش.. وهو شادليها الخاطر.. كمل بهدوء..

نوردين: ترجعي تقراي؟

ودنيها تقلشو.. قلبات نظرها ناحيته.. نطقات بحماس..

سعاد: ضاعليا عام وهدا الثاني.. مادوزتش الامتحانات..نقدر؟

نوردين: العام داز منو النص دبا.. نقدر نرجعك العام الجاي.. (شافيها كيضحك) باقيلك الراس دالقراية زعما؟

سعاد: (تبسمات بمرح) نجرب..

نوردين: (طفا الكارو وشعل التالت.. كيسوط الدخان فالسما) ضروري زعما تكملي على داك العجب لي كنتي كتقراي؟

سعاد: (تقلبات على جنبها حتى رجعات قريبة منو..تقابلات مع وجهه.. نطقات بخفوت) علاش ياكما خفتي؟

نوردين: (غلباتو الضحكة قال بطنز) بحالك عايشين غي بتداورنا .. عنداك تمشي غالطة..

سعاد: (فضول قاتل جاها باش تعرف عليه اكثر.. نطقات دون تردد) دبا انت منين حليتي عينك وانت مع العشبة؟

نوردين: (بمزاح) اممم كنرضعوها من عند يمانا.. من البزولة..

سعاد: (هزات يديها كداعب زغيبات شعره) شاب راسك معاها.. عمرك تشديتي؟

نوردين: (الكارو كيتحرق بين يديه.. عينيه دامعين بالدخان) البزنازة الصحاح مكيتشدوش امدام..

سعاد: (تكات براسها على الخدية كتشوفيه) دبا انت حداش قريتي؟

نوردين: حد الباك.. ومانجحتش فيه..

سعاد: (غلباتها الضحكة) الكسول..

نوردين: (طفا الكارو وتكا على يديه بالجنب.. حط اليد لوخرا على خدها كيداعبو بحنان) الدماغ دالقراية مكانش.. كنت باغي نخدم مع الواليد من الصغر.. وهو كان باغيني نقرا البوفري.. هزني داني عند عمي لكازا.. تما بقيت حتى للباك.. بداوني التفالس.. ورجعت للدوار دخلت فالمختار طول وعرض.. وخدمت معاه بالزز..

سعاد: (باهتمام) وانا كنقول علاش انت بوحدك لي مكتهضرش الجبلية مقادا فخوتك..

نوردين: حتى انت..

سعاد: انا حتى جيت لطنجة نقرا.. صحاباتي كولهوم من الداخيل.. ماكنتش كنحمل نعاشر الطنجاويات.. كيجيوني مبعكات وحاسين براسهوم.. كنت ديما مناتفة مع شي وحدة..

نوردين: (تحنا على شفايفها باسهوم ورجع علا راسه مبتاسم) منين جايبة هاد الجهد.. ماكتهديش..

سعاد: لي قلب عليا يلقاني وانا كنرتاح فاش كنهضر بيدي اكثر..

سها لثواني كيتأملها بهدوء.. مأخود باستدارة وجهها.. الخالة لي تحت نيفها.. عينيها الكبار المشفرين.. حجبانها كي النخلة.. الخدود موردين.. السنينات مستفين.. الشفايف منفوخين.. ولا نقطة مكياج وكدوخ العين.. دوز كفه الخشنة مع خدها ونطق بخفوت..

نوردين: وخ لفعة.. زوينة..كتخلي الرايس بلا عقل..

طلعات انتفاضة خفيفة من احشاءها.. هزات عينيها مركزة الشوفة فيه ونطقات بشك..

سعاد: مابقيتيش كتكرهني؟

نوردين: (عيونه توسعات مساحتهوم.. كان كيمشطها بنظرات عميقة.. تحركات تفاحة ادم فحلقه ونطق بهدوء..) هاد الساعة كتنغميني ..

غمضات عيونها مجددا هاربة من نظراته.. وكلامه حتى هو.. جرات عليها الغطا وهمسات..

سعاد: بغيت نعس طفي الضو..

تقلب لجيهته.. طفا عليها الضو وخلا التلفزة مشعولة.. جر عليه الغطا وهز تيليكوموند كيقلب بين القنوات يشد شي فيلم باش يطيب نعاسو.. بينما هي كانت كتصارع الارق وكتمنا من النوم يزور عينيها.. الدوا تسالا ليها وماعندها حتى حل من غير تبقا تقلب بلاصتها بحال شي حوتة وسط الزيت كتقلب على النعاس.. بدون جدوى.. حتى انتبه ليها..مد يديه حطها على كتفها كانت عاطياه بالظهر.. قوس حجبانه ونطق..

نوردين: مالك؟

سعاد: (كتغبن) مابغاش يجيني النعاس والدوا تسالا ليا..

قلبها لعندو وناض تكا على ظهره جرها..نعسات على صدره..

نوردين: اجي عندي.. (باس على راسها ودخل صبعانه كيلعب فشعرها) ضروري من الدوا باش تنعسي؟

سعاد: (مغمضة عينيها شاداها البكية) اه ضروري.. مكنقدرش نعس بلا بيه..

نوردين: (كيحس بذاتها كتنفض فوق منو..) علاش كتاخديه؟

سعاد: من فاش كنت صغيرة وانا عندي مشكل مع النعاس.. ماكنتش كنعس ب3 يام.. كتنوض يما كتلقاني حالة عيني.. داوني كتبولي عند شي فقيه ورجعت نعس شوية.. وفاش كبرت رجعلي نفس المشكيل.. حتى لشي مرات كنوصل لسيمانة ناعسة فيها ساعتاين او تلاتة.. ومشيت لطبيب.. هو لي خرجلي هاد الدوا..

نوردين: ماشي طبيعية نتي..

سعاد: (كتكمش يديها مع التريكو لي لابس.. راسها عاطيها الحريق) بغيت الدوا..

مد يديه هز تيليفونه دالخدمة كان حداه.. شاف الساعة لقاها الجوج دالليل..

نوردين: فينهيا الورقة باش كتشريه؟

سعاد: (علات راسها شافت فيه) راها فالمجر..

ناض من حداها شعل الضو.. لبس بانطوفتو.. ومشا جاب الورقة.. رجع لحداها هز تيليفونه كيشوفيها شادة فراسها ..

نوردين: غانمشي نجيبو.. ماتنوضيش من بلاصتك..

حركاتليه راسها بالايجاب.. مشا سد باب البالكون بالساروت.. وسد باب البيت حتى هو.. وخرج من الدار كيجري.. دوز الخط لواحد من صحابو عندو فاغماسي.. لحسن حضو لقاه بيرمانونص ولسوء حضو لقاه تسالا من عندو.. نعتليه صيدلية وحدة اخرى هي لي تقدر يكون عندها.. ديمارا الطوموبيل ومشا كيقلب ليها على الدوا.. شي نص ساعة .. ماخلا حتى فاغماسي ..تا وحدة مالقاه عندها.. حتى ضرباتلو فراسو فدوى.. قلب الدورة نيشان للدارو.. حل الباب ودخل.. كان الضو طافي عرفها غاتكون ناعسة.. طلع لبيت شعل الضو.. لقاها غارقة فنومها.. مشا لصاكها هز سوارت لافاغماسي.. طفا الضو وخرج.. كان عندها المحل قريب من تماك.. حل الكاراج ومن بعدها الباب دالزاج.. شعل الضو ودخل كيقلب بين الادراج على سمية الدوا.. حتى لقاه.. كانو عندها اربع بواطات هوما لي مسموح بيهوم يكونو فكل فاغماسي.. هزهوم بربعة.. سد الباب وخرج.. نيشان لعند سعاد...

فاقت فالصباح راسها تقيل عليها.. تلفتات يمين وشمال مالقاتوش حداها.. تكات باسترخاء على الوسادة كتستذكر احداث الليلة الماضية.. ماعقلاتش امتا نعسات ولا حتى كيف دارت نعسات.. صوت الرشاشة كيتسمع من الدوش.. تيليفونه باقي عند راسو..تكحزات شوية وهزاتو.. شافت الساعة كانت الحضاش دالصباح.. تفوهات بملل ودخلات لبلاصة الواتساب تبركك..كالعادة اول محادثة كانت ديال ريم.. وهاد الخطرة كان مجاوبها.. شي ساعة وهو كيتميساجا معاها.. وهي كتقحبن وتفشش عليه.. عقدات حجبانها بغل.. لاحت عليها الغطا وناضت من بعد ماردخات التيليفون فبلاصتو.. لبسات بنطوفتها وخرجات كضرب رجل فرجل..دخلات للحمام اخر غسلات سنانها ووجهها.. قضات حاجتها وخرجات.. مشات نيشان عند نجاة قالبة وجهها..لقاتها كتغسل الماعن ودندن مع شي اغنية غي بشوية..

سعاد: (كلسات على صالا مونجي ونطقات بامر) جييبلي كارو من الصالون..

نجاة: (تلفتات ليها باستغراب ونطقات بخفوت) اويلي راه صابح هنا..

سعاد: (ضربات فوق الطبلة دالزاج حتى تكلمو الماعن وغوتات) يمشي يقود جيييلي الزمر..

حطات داكشي لي فيديها قافزة.. بلعات لسانها والكلام لي فحلقها وخرجات كتمسح يديها ففواطتها وتبركم..

نجاة: صابحة شاعلة الحافيض الله..

رجعات فيديها باكية دكارو وبريكة.. لقاتها كابة قهوة كحلة كدك منها قالبة خليقتها وراسمة 111 حطات ليها داكشي حداها ورجعات لماعنها.. حتى سمعاتها كتهضر ماللور مغددة كتسوط الدخان فالسما..

سعاد: ولد القحبة .. ناعس حدايا وحاط الراس على الصاحبة.. غا تسناااا القواااد.. (كطافي الكارو وتهزز رجليها) دبا يطوال ويعجبك..

نجاة: (دورات راسها شافت فيها غي بنص عين وهضرات بشوية خايفة) ختي سعاد واش مزالة كدور بيه داك الموسخة؟

سعاد: (جغمات من قهوتها ونطقات بحنق) مزالة بنت الكلبة كتقولو اش درتي مع داك الهمجية؟ (خدات نفس من سيجارتها وساطتو بالغدايد فالسما .. قالت وهي كتهدد) انا غانوريها تاهيماجيت كيدايرة..

طفات الكارو ديالها وهزات طوسط كدهنو بالفروماج.. جات نجاة كباتليها اتاي عارفاها كيعجبها على الصباح ونفسات السرجم دالكوزينة يخرج الدخان.. حتى سمعو صوته من برا كينادي عليها..

نوردين: سعااد...

نجاة: تكلمي..

سعاد: تعايط عليه لي ماتعتقو..

نجاة: (حيداتليها طوسط من يديها) نوضي شوفيه اش يغا انا نكمليك الدهين..

ناضت كتمشا بعجرفة.. خرجات عندو لقاتو كيلبس سبرديلتو.. وقفات عند راسه كطلع وتهبط فيه ونطقات..

سعاد: شنوو؟ اش كاين..

نوردين: (علا راسه شافيها.. ضرباتو منها ريحة الكارو.. خنزر) خاصك شي حاجة؟

سعاد: غانمشي اليوم عند شيماء.. غاندي معايا نجاة نخملو ليها الدار هي مزال عيانة.. وغانبات معاها باش غدا غانمشيو لحمام..

نوردين: (حدر راسو كيعقد سيور سبرديلتو وقال بامر) غدا ترجعي للدار انا غانمشي للجبل 3 يام ونجي..

سعاد: (ببرود) غدا فالعشية دايرة مع داك الكليان دكازا غانديليه السخرة..

نوردين: (ناض وقف مخنزر..شافيها بحدة ونطق) سالينا من ديك الخدمة.. كلسي فدارك

سعاد: وخ.. وا ارا الفلوس..

نوردين: (باستغراب) صافي خويتي الكونط؟

سعاد: (قلبات عينيها بملل) زعما كنتي حاط فيه الدولار.. جوج دريال يوماين تسالاو..

نوردين: (هز تيليفونه وسوارت طوموبيلتو وتم خارج) ماعنديش ليسبيس .. دبا نوصي حكيم يدوزلك فيه فلوس..

سعاد: (ترسم شبح ابتسامة دافئة على وجهها ونطقات وهي تابعاه تسد موراه الباب) وا قولو يدوز بزايد..

غي خرج رجعات كتجري عند نجاة.. لقااتها حاطالها الماكلة فطبسيل..كلسات تفطر ونطقات..

سعاد: سيري لبسي عليك وجمعي صاكك غانسافرو..

نجاة: (بحماس) غانمشيو لمراكش؟؟ خالاااك؟

سعاد: كدبت عليه قوتلو غانمشيو عند شيماء.. وزايدون هو مشغول عايطلع للجبل عندو شي خدمة.. يعني 3 يااام ديال التبارع..

نجاة: (بقلق) متأكدة ماغايسيقش الخبار؟

سعاد: (كتمضغ وتهضر) اممم.. متأكدة غا سيري لبسي دغيا غانمشيو نقضيو واحد البريكول قبل مانشدو الطريق..

دخل للدار يهز مسائله باش يشد الطريق.. كان كيضن غايلقاها مشات لخدمتها.. ساعة غي دخل لبيت لقاها كتمشي وتجي .. غي شافتو تمات جاية عندو بغضب وكانت باينة عليها باكية..

فدوى: كنصوني عليك مكتجاوبش.. كنتي معاها ياااك؟؟

خنزر فيها كيحيد جاكيطتو ونطق بحدة..

نوردين: كنت معاها ومن بعد؟

فدوى: (اللوان فوجهها تقلبو.. كمارتها تخطفات.. رجعات جوج خطوات اللور وتمتمات بعدم تصديق) الدوا لي خديتي البارح من الفاغماسي ليها ياك؟ (نزلات دمعة من عينيها وكملات قبل مايجاوب) شفت الكاميرات دالفاغماسي.. جيتي خديتي السوارت ومشيتي.. حتى لهاد الدرجة داتلك العقل؟

نوردين: (قوس حجبانه وتم جاي عندها مخنزر.. جرها من شعرها حتى شهقات ونطق بنبررة جافة كارز على سنانو) علاياش كتقلبي الصباحاتو الله؟

فدوى: (بخوف دموعها هابطين كتحاول تحرر من قبضة يديه) طلق مني.. انت لي شنو كدير؟؟ جايبها لداري فاش ماكنتش.. واخد معاها راحتك.. وفاللخر تاخدليها الدوا لي مكيتعطاش الا بأوغدونونس ولي نقدر نمشي فيها لا عاقو.. مافكرتيش فيا وفكرتي فيها؟؟

نوردين: (زاد زير على شعرها حتى غوتات وبدا يدي وجيب فيها.. عروق جبهتو برزو بالاعصاب) كتحاسبي معايا ابنت القحبة؟؟ اناااا لي درتك.. انا لي طلعتلك الشان.. ولا بغيت نهبطك ماغاتحرافليش فيك..

فدوى: (غوتات فوجهه بنفاذ صبر) شنوووو دارتلك حتى وليتي غي تابعها وماحاسش بشنو كدير؟؟ سحراتلك القحبة ياااك؟

ماجات تكمل كلامها حتى حسات بطرشة عوجاتلها الحنك.. ويديه زيرو على فكها معلي ليها راسها للسما نطق بعصب..

نوردين: لساانك نقطعو ايلا قللتي عليا الادب مرة اخرى.. حمدي الله واحلة فراسك.. امااا بربي حتى نربيك على هاد الهضرة ونوري لقحبة مك توقفي فوجهي وتجابهي معايا .. زعمتي ابنت الشلحة هااه؟؟

فدوى: (غي كتبكي وتنين بحرقة) اننن...هئ هئ.. طلق مني ك..كضرني..

طلق منها ودفعها جات على النموسية كالسة شادة فكرشها.. هز صبعو فوجهها بتحذير..

نوردين: غاتفوتي جرتها.. ولا بربي حتى غاتشوفي وجهي المقود.. مامساليش لهاد التقحبين ديالكوم..فهمتيها؟؟

حركات راسها بالايجاب مهربة وجهها لا تجي فيها شي دقة.. طلعها وهبطها بغضب ومشا لماريو يهز مايلبس.. كيشتم ويسب ويزدح لي جات قدامو بالجهالة..

وصلاات هي ونجاة لحومة شعبية.. وقفات حدا واحد الدار كتدور فعينيها .. رجعات جبدات تيليفونها ودوزات شي نمرة .. غي تشد الخط نطقات..

سعاد: تيتي .. واش الدار لي لاصقة على القهوة ولا لي فيها القهوة نيت؟

تيتي: لا لي فوق من القهوة اختي ديالي..

سعاد: (ابتسمت بمكر كتشوف فنجاة لي غي كتبقلل فعينيها) صافي قطع.. )حطات التيلي وحيدات السمطة) زيدي نزلو..

نجاة: (شداتها من دراعها بخوف) اختي سعاد بلاش منها.. عافااك.. نخاف يكبر الصداع...

سعاد: غاتنزلي أه لا؟

حدرات راسها وحيدات سمطتها ونزلات موكلة امرها الله.. تابعاها تشوف فين غاتخرج العاقيبة هاد النهار.. طلعو فالدروج ديال الدار.. غي وصلو اللباب خدات نفس طويل وضربات على الباب بالجهد كدق الدقة دالبوليس حتى طفجات نجاة لي حداها..

سعاد: (كتزدح فالباب) اخرجي اسراقة الرجاال.. اخرجي القحبة دجوج دريال.. خرررجي.. خرجي الكلبة مو بزازل..

تحل الباب بالجهد وخرجات مرا كبيرة معاها بنت شابة.. عينيهوم كيغليو بذعر ماعرفو باش تبلاو.. نطقات المرا بحدة كطلع وتهبط فيهوم..

-شكووون تيناااااا؟ وشني باغا؟ وشهاااد الداقاان دالبوليس..شعاانداااك ماجا مهاجمة؟ كا حماقت؟؟؟

سعاد: (غوتات كتزدح فالباب) عايطي ليا لداك القحبة دبنتك.. اللفعة سراقة الرجالة.. كدورلي برااجلي.. بربي حتى نديها للمخزن..

شدات على قلبها داك المرا.. وشافت فبنتها لي كانت حادرة راسها مخبية.. تمتمات بعدم تصديق..

-سناء شني كدقول هادي؟؟

سناء: (كدور فعينيها) أ ماما واش حنا عا لي جا يرمي علينا الباطل نتيقوه؟

غوتات فوجهها كترعد بالاعصاب..

-مشي عااايط لختاااك.. مشييي الملعوقة.. قولا دابا دحضار فالدار..

سعاد: (صوتها غي مكيزيد يعلا) اياااه عايطي ليها .. اليوووم نفرج فيها الجيران.. اليوم الحومة كاملة تسيق للخبار.. بنتك القحبة كدور براجل مزوج.. باغا تلفو على دارو وعلى ولادو

خرجو الجيران لي كانو شاركين معاهوم الطبقة.. كولشي كيطلل ويبركك.. حدهوم حد باب الدار من غير وحدة لي تقدمات عندهوم كتخاطب مامات ريم..

-صفية شني واقع الحبيبة.. ياك لباس؟

سعاد" (داخلها كينقز بالفرحة ولكن على برا لابسة قناع الجدية والغضب.. نطقاات بغل) لي وااقع اختي.. هو بنت هاد المرا مصاحبة ليا مع الراجل..عاد الباراح جمعتهوم من البار بجوج.. درتلها الشوهة ومابغااش توب.. (حولات نظرها جهة الام لقاتها متكية على الباب فاشلة بالصدمة.. يديها على خدها كترعد.. هزات صبعها وخاطباتها بتهديد) شوفي الشريفة.. غاتجمعي عليا بنتك ولا هاد الشوهة لي درتلك هاد النهار فالعمارة غادار فطنجة كاملة.. انا راااه ماعندي مانخسر.. والمرا تموت على دارها وراجلها.. نعاود نلقاها كدور بيه.. ريتها نجبدهالها وبيناتنا المحاكم..)شافت فنجاة لي واقفة شادة الركنة مافاهمة والو.. وشيراتليها بصاكها) يالله فحالنا.. دبا هضرنا باللتي هي احسن غي لا مابغاوش يحشمو ويشدو عندهوم قحبتهوم..

جراتها وتمو نازلين فالدروج.. كضحك بخبث من بعد ماشعلات شرارات الغضب فدارهوم .. ركبات فطوموبيلتها كدير السمطة.. شافت فيها نجاة ونطقات بعدم تصديق..

نجاة: مافهمت والو.. التمتيل ياختي كتعطيه عشرة لزيرو..

سعاد: (نزلات المراية كتشوف راسها وتراقب مكياجها) اممم انوريها الهمجية كيدايرة خليها دبا طفي العافية لي شعلت ليها فدارهوم (شافت فيها كضحك) شفتي مها كيبقات كتزراق وتخضار فاش خرجو الجيران؟

نجاة: (يديها على قلبها) انا خايفة غي من الرايس فاش يعرفك جيتي شوهتيها فدارهوم..

سعاد: (خنزرات فيها) لا سميتو راجل ومزغرتة عليه خدوج الخانزة يدوي.. ايلا مانديهش لكوميسارية هو وياها مانتسماش انا سعاد.. بنت الشيخ الله يواليه برحمة الله..

نجاة: (كتقاد السمطة) ديريها وتكدي بيها.. دبا شنو غانديرو؟

سعاد: (ديمارات) دبا غاندي الطوموبيل لافاج.. ونمشي نتيري الفلوس غايكون الرايس فريصا ليا.. ونتي عايطي لشيماء تجمع حوايجها.. وتوجد راسها.. حنا شي 3 سوايع نكونو فكازا..

وصلات لكراج كبير لغسل السيارات.. نزلات هي ونجاة لي غي تابعاها كدور فعينيها..

سعاد: تسناي هنا ها انا جاية..

بقات واقفة برا حدا الطوموبيل بينما سعاد دخلات كتقلب بعينبها على الشخص المقصود حتى تم جاي عندها كيمسح يديه فحوايجو..

سعاد: فين اخاي ديالي؟ صافا؟

جاوبها كيضحك..

-الله يرحم باباك اختي سعاد كولشي ناضي..

سعاد: (مداتليه الساروت وقربات منو كتهضر بشوية) السلعة فالكوفر خدمهالي مزيان فالطوموبيل.. عنداك تخلي شي حاجة باينة..

شد من عندها الساروت وجاوبها بملامح جدية..

-كون هانية اختي ديالي كيما ديما..

سعاد: فاش تسالي هانا فالقهوة لي قبالتك نكمي شي كارو.. (بصوت عالي ) واغسلها مزيان..

غمزاتو وخرجات كتشالي بشعرها.. شدات فنجاة وجراتها معاها..

سعاد: يالله لديك القهوة.. نتكيف شي كارو عندو نص ساعة فيها.. خااانزة من برا ولداخل..

نحاة: (على نيتها) الله اختي سعاد فين خازة كنقيل نخملهالك بحالها بحال الدار..

سعاد: زيدي زيدي.. وعانداك تمشي تفلت ليك مع حكيم بلي راحنا مسافرين.. نقتلك!

نجاة: اويلي مانقدرش..

سعاد: (بحماس) اححح غانديك تودعي العزوبية.. نفوجو شوية ونطلاقاو التيتيز.. (ضرباتها لكتفها بالضحك) ونديك لشمهروش تزوري..

نجاة: (شهقات بخوف) لاا لااا.. مسلمين.. بالله والشرع..

سعاد: (كضحك) هههه خوافة وغاتزوجي بزناز.. خلات عل الوقت...

شادين لوطوروت .. موركة على كسيراتور.. طالقين موسيقى شاخضة.. نجاة راكبة القدام وشيماء اللور من بعد ماهزوها من كازا.. تيليفونها فحجرها.. كيصوني كتقطع عليه.. طول الطريق.. كيسيفط ميساجات ماكتقراهومش.. عارفاه وصلاتو الخبار وغي كتخيل انه غايكون صاعر وعروق جبهتو كيزدحو بالاعصاب كيرتافع عندها هرمون السعادة.. عكس تماما نجاة لي كالسة جنبها شاداها البولة بالخلعة.. كيعيطليها حكيم حتى هي مكتجاوبوش..

نجاة: (نقصات الموسيقى وشافت فسعاد بقلق) اختي جاوبيه هالعار..

سعاد: (ابتسمت بمكر) خليه يزيد يغلي حتى نوصلو لمراكش..

شيماء: (نخساتها ماللور) ربي لا ماجاوبيه.. قبل لايقلب عليك الدنيا ونمشيو معاك تاحنا فالرجلين..

سعاد: (كدور فعينيها) مالكوم خايفات؟ اش غايخرج منو كااع؟

شيماء: (بطنز) لا والو ماعندو مايخرج.. يقتلك ويدفنك حية ونترحمو عليك.. ماشي شي حاجة ياك؟

سعاد: (بضحكة خبيثة) الرايس طاح العايلات.. جهدو يضرب ويرعرع.. مايسخاش بيا..

شيماء: داوية بصح؟

سعاد: (شافت فيها من المراية كضحك) الايام توريك..

صونا التيليفون من جديد.. شافت البلاكة كانو قربو بنجرير.. خدات نفس عميق وقررات تجاوبو اخيرا.. دارت هوط باغلوغ مع قالت الو مع وصلها صوته صاعر.. ومبحبح...

نوردين: فيييينك اديك بنت القحبة؟؟ باااغا تصعريني؟؟ علاااااااش مكتجاوبيش؟

سعاد: (ببرود.. صوتها هادئ) ماكنتش مسالية.. مال الرايس ديالي معصب؟

نوردين: (كينهج من فرط الاعصاب من مور التيليفون غوت بحدة) شنو داكشي درتي؟؟ اش دااااك لعندها؟؟

سعاد: (محافضة على برودها ومركزة مع الطريق) بقات فيك؟؟ اش درت؟ شفتها برهوشة مالقات لي يحكمها مشيت عند ولي امرها.. فيها شي مشكيل؟

نوردين: (برودها زاد شعل فيه العافية.. نطق بنفاذ صبر) فيييينك؟؟ رجعي للدار دبا هانا جاي..

سعاد: ايلا بغيتي اجي.. الدار كتعرفها.. انا ماجاياش دبا.. قتلك عندي الشغول.. مامسالياش لبلاناتك مع القحااب..

نوردين: (غوت باسمها بالجهالة) سوووووعاااااد.. غانقتلك ياربك..

سعاد: (سمعاتو خبط شي حاجة بيديه) غي بشوية عليك اكبيدة.. غي قحبة دجوج دريال ماتستاهلش دير عليها هاد الحالة..

قطع الخط فوجهها وهي تشوف فالبنات حالين فمهوم غي كيدورو فعينيهوم..

سعاد: مالكوم؟

شيماء: (لصقات فكرسيها ماللور) قودتيها هاد المرة..

سعاد: صافي هنيونا دبا.. خليونا نفوجو هاد 3 يام .. منين نرجعو ياك انا لي غاناكلها ماشي نتوما؟

نجاة: (هزات تيليفوتها) وانعيط اختي على حكيم نبردو حتى هو..

سعاد: (بتحذير) عنداك تقوليلو خرجنا طنجة .. بربي حتى نقلبك فاقرب فيراج..

نجاة: (رجعات حطات تيلي) صافي خليه حتى لارجع عيط..

سعاد: (شافت بلاكة دالرادار ماكانتش رادة البال للسرعة لي غادية بيها.. عضات على شفايفها بقلق ونطقات) قودناها البنات.. شدنا الرادار..

شيماء: (ناضت توكضات) بشحال غادية؟

سعاد: (كتنقص السرعة) 180...

كملات الطريق بشوية.. شعلات كارو كتسنا الباراج يبان.. وحتى البنات حاضيين معاها.. حتى خرجو بنجرير ..

سعاد: اوووف فلتنا..

شيماء: واسيري غي بشوية اصاحبتي.. 180 راها جنايات..

سعاد: (جبدات تيليفوتها ودوزات الخط.. غي تشد رققات صوتها ونطقات بخفوت) كوكو صافا عتمان؟

عثمان: زينة البنات.. قربتو؟

سعاد: (لاحت الكارو على برا وطلعات الزاج) قربنا.

عثمان: حنا فلوطيل اجيو نيشان..

سعاد: اوووكي.. نطلاقاو تماك.. )قطعات الخط وشافت فشيماء) فخبارك هادا طلع تاهوا بزناز؟ مي جوبونص عاد بادي.. باقي جون وكان عايش فاسبانيا..يالله دخل للمغرب..

شيماء: (عضات على شفايفها) وبوكووص ولد القحبة..

سعاد: الليلة نصاحبك معاه احبي..

شيماء: راك عاجباه نتي الساطا..

سعاد: هو باغي الحوا.. وانا مانصيبش هاد الساعة..

شيماء: (بمزاح) هي الرايس عشش فالدماغ؟

سعاد: (كضحك) هي الصراحة الصراحة.. الراجل عندي رجولة.. وحرش.. غي القلب كحل من جيهتو وهادشي لي عطا الله والسوق..

شيماء: (بتهكم) النص فبنات طنجة طايحين فيه الا مراتو.. )تنهدات بعمق) ولكن بوكووص الساطة .. كيذوب الحجر..

سعاد: (خنزرات فيها من خلف المراية) تجمعي الاخت راك تحليتي بلا قياس...

شيماء: (باستغراب) ماتقوليش ليا غرتي مني..

نجاة: (شافت الجو غايتكهرب نطقات مبدلة الموضوع) ختي سعاد وقفيليا فشي سطاسيون نبول..

سعاد: (جات توقف وهي تبانليها الخرجة دلوطوروت) وصلنا للخرجة صبري شوية..

دازت الباياج وكملو طريقهوم فصمت.. حتى وصلو لواحد الباراج ديال جوندارم كاين فالطريق.. شافت فشيماء ونطقات..

سعاد: ديري السمطة هاد القرودة غايحبسونا..

ركبات السمطة .. بينما سعاد نقصات السرعة حتى وصلات لعندهوم.. هبطات الزاج.. وابتاسمات..

جدارمي: السلام عليكم فين بالسلامة؟

سعاد: مراكش..ايلا كتاب..

ج: (كيصكاني فيها وفلي معاها) وراق السيارة..الله يخليك..

جبدات البزطام عطاتو الوراق.. فيريفياهوم كولهوم ورجعهوم ليها..

ج: زيري ليمن وحلي الكوفر..

دارت داكشي لي قاليها.. حيدات السمطة ونزلات عندو.. غي وقفات حداه داخ.. وريوكو سالو..سدات الباب ومشات قدامو كتعوج بطرمتها وهو تابعها مابقا عاقل على والو.. حلاتليه الكوفر سارا عينيه على جوج باليزات كانو تماك.. ابتسم وسولها..

ج: كيداير الشمال؟

سعاد: (سدات الكوفر كضحك معاه وتشالي بشعرها) بارد.. قلنا نجيو ندفاو شوية..

ج: (شاف يمين شمال وغمزها) عطيني نمرتك نسول فيك لا حتاجيتي شي حاجة فمراكش..

سعاد: قيد..

عطاها تيليفون قيداتها بيديها صونات على راسها.. ورجعاتوليه..

سعاد: نقدر نمشي دبا؟

ج: (عطاها الطريق بيدو) تفضلي الطنجاوية..

ضحكات معاه ومشات ركبات خلاتو حاضيها بعينيه كيتنهد.. ديمارات اللوطو وشافت فالبنات مسمرين بلاصتهوم..

شيماء: وا زلايلي مع راسو هاد الجدارمي..

سعاد: المهم سلكنا..

نجاة: علاش غانسلكو مالقا فين يشد .. الوراق مريكلين وسماطي دايرينهوم..

سعاد: (شافت فنجاة ورجعات شافت فشيماء.. نقصات الموسيقى ونطقات غالباها الضحكة) فراسكوم البنات الطوموبيل عامرة حشيش؟؟

تسنات شي ردة فعل من طرفهوم.. لاكن الصمت كان حليفهوم.. لسانهوم تربط.. واللون فوجههوم تخطف.. كملات كلامها بهدوء..

سعاد: تخافوش.. غانحطوه لمولاه هو الاول عاد نمشيو عند الدراري..

نجاة: (عينيها تغرغرو بالدموع.. نطقات بصوت متقطع) اختي قولي بلي راك غي كتكذبي!

شيماء: (لحمها تزوبرات) من نيتك داوية؟؟ جايباه معاك من طنجة؟ وعلاش ماعلمتيناش؟

سعاد: كون علمتكوم غاتجيو الطريق كاملة وجهكم اصفر.. هاحنا وصلنا دبا غي رتاحو..

شيماء: (بعدم تصديق) كيفاش حتى قصاح قلبك حتى لهاد الدرجة؟ والجادارمي نازلة عندو عادي.. ماتخلعتي ماتبدل فيك لون.. الله اختي مناش مصنوعة؟

سعاد: خاصك تفهمي واحد الحاجة فالتبزنيز.. شفتي فالطريق ايلا ماضارتش عليك السوطة عمرك تشدي..

نجاة: شناهيا السوطة؟

سعاد: يعني ايلا مابيعوش بيك ماكاين مناش تخافي..

نجاة: (هزات كفوفها للسما) ياربي الحبيب حفضني راك انت عالي وعالم..

شيماء: (نخسات سعاد بمزاح) السيدة غاتيتميها على بنتها قبل حتى ماتزوج.. هاهي ولات طلب الله تفك منك..

اوطيل خمس نجوم.. مراكش وسبعة رجال.. بالنهار جامع الفنا وبالليل الزهو والنشاط.. مدينة البهجة وكولشي ضاحك...حتى من مول الطاكسي كيونسك بالنكث.. ناسها راضعين الملاغة من البزولة.. نهار تقنط خرج غي عند مول الحانوت يطلعلك المورال..

كالسين شيماء ونجاة فوق النموسية عينيهوم على العروسة لي خاصها جوج سوايع باش توجد.. وجههوم وخ طلاوه بالمكياج الخلعة مزالة شادة فيهوم.. ماتهناو حتى مشاو معاها نزلات السلعة عاد طلقو البولة دالخلعة لي كانت مزيراهوم.. ومن تماك وهوما دايرين منها اطونسيون... تغفلعم تغفلهم.. حرباية ولونها مخروض..! خلاتهوم غي حاضيينها ويتنهدو..

بفستان ابيض طويل مزركش بالورود.. عيون كحيلة وواسعة كأحواض الجنة.. شفتان كالشهد.. كالسة قبالة المراية كتبسم برضى.. عاجبها راسها .. شافت فيهوم من انعكاس صورتهوم قدام المراية.. غمزاتهوم ونطقات..

سعاد: مالكوم؟

شيماء: غانمشيو نلقاو الضيوان شعلو والسهرة سالات..

سعاد: (ناضت) هانا صافي ساليت..يالله نمشيو.. اصلا داك خينة من الصباح وهو يعيط..(هزات بوشيطتها وتمات خارجة..

نجاة: (قلبها كيزدح بالخلعة.. هزات كفوفها للسما وتمتمات) ياربي تخرج هاد الليلة على خير..ياااربي...

سدو الباب وراهوم وخرجو قاصدين مكان السهرة عند الدراري..

فدار ريم.. القيامة كانت نايضة عندهوم.. من بعد الشوهة لي نوضات ليهوم سعاد .. باها وخوها الكبير ومها مجموعين فوسط الدار كيتقاراو عليها.. بينما هي كالسة فالبيت على البكا والشهيق معاها ختها ومرت خوها كيصبرو فيها..

ريم: (دموعها سايلين وجهها مخطوف) غايقتلني با وخاي..

سناء: صافي سكووت.. يداك مناك وخ دكون مجدامة...

ريم: (كضرب فشواطها وتغدد) ايما الحبيبة و فاين مانلقي وجهي..

فاتي: (مرت خوها.. نطقات وهي مخنزرة) عانداك يحزابلاك الدونيا سايبة؟ دبا دشوف خاك شني عايعملو.. ايلا مازوجشي بيك خاك خالا الذل..

ريم: واش عارفة شكوناهوا؟ خاي يشوفو يبدا يترعااد فموطعو..

سناء: واش غي اجي وتفلا على العايلات؟ حقك مش ناخدوه اختي.. يعقد عليك ويمشي يقاود داك الساعات..

ريم: (كتمسح دموعها.. قالت بهمس) كنبغيه اختي ديالي (شهقات بحرقة وكملات كلامها) وديك القحبة حسابا معايا انا..

فاتي: (مغزفة) اوااعدي وماكونتشي معاك كون وريتا وجها فالمراية.. السلكوووطة لاخرا..

بينما هوما كيهضرو تزدح باب البيت ودخل خوها وباها ويماها صاعرين.. يالله جات توقف مرعودة حتى عاودات تزدحات فبلاصتها وطرشة جات فوجهها من عند خوها عوجاتليها الحنك... وتحنااا خانقها بيديه.. كشاكشو خارجين..

-غدااااا... غدااا دوريني فاين كيكون نمشي نفراااع الدين ديمااه.. (زادها طرشة وحدة اخرى) ونتينا حسابي معاك مور مانصافي الحساب معاه... (ضار شاف فيماه وطلق منها بحالا نفض الغبرة) ممنوع دخروج.. ولا نحرااق يماها هاد الدار..

فاتي: (شداتو من دراعو كتكالميه) صافي المصطفى.. خالي غدا يصباح ويفتاح..يالله نمشيو.. (غمزات حماتها باش يخرجوه.. جروه لبرا كيهدنو فيه وبقات هي فالبيت زامة شفايفها لعندها .. حابسة البكية.. غي تسدات الباب موراهوم .. جرات لتيلفونها كتبكي .. دوزات نمرتو..

كان غادي فواحد الغابة بطوموبيل..الكارو فيدو طالق أغنية جبلية غادي كيدندن معاها.. حتى شاف تيليفونه شاعل الضو.. رجع الكارو ليد لوخرا وهزو قابط الخط..

نوردين: (بصوت مبحوح) شكاين عاود؟

خدا نفس من سيجارته منشوي.. حتى وصلو صوتها الباكي من خلف التيلي .. ونطقات شاهقة..

ريم: خاي ساق الخبار وجا قتلني بالعصا .. أنوردين.. شوفتي المرا ديالك شني عملتلي؟؟

نوردين: (ببرود.. كيسوط الدخان على برا) وانا مالي؟؟ مبرزطاني فهاد الليل؟؟ حامقا ولا؟؟

ريم: (صوتها علا بعصبية) كيفااش مبارزطاك انوردين شعانداك تقلبتي عليا.. كنقولاك هاديك لي مزوج بيها مسحت فيا الرجلين ديالا وشوهتني وسط الجيران فالحاومة.. وتينا كدقولي مالي؟؟

نوردين: (بحدة) صوتك مايعلاش عليا ابنت القحبة.. وهاديك سميتها مولات الدار.. وعليك بالتيقار.. فهمتيها ولا نضرب على ربك دوميتور نرجع نهرس لدين ديماك الكاركاص دوجهك نتي وتريكتك؟

ريم: (خفضات صوتها كتغدد) نوردين انا وحالت هنايا.. خاي كيقولي يزوج بيك ولا يعمل فينا شي فضيحة..

نوردين: (لاح الكارو من السرجم وطلع الزاج.. نطق بهدوء) خاك ايلا سميتو راجل بقلاويه يوريني وجهو شي نهار.. قودي دبا مامساليش ليك..

قطع عليها الخط وكمل طريقه كأنه مكيعرفهاش..

دخلات كتمايل بكعبها العالي.. المشية كيف النعامة كاتباها بقدها.. طالقة عسولاتها من الباب.. كتبان فرحانة حيت خارجة تفوج.. تابعاها شيماء لي عينيها كيغليو بدات تسكاني فالسكايرية والطبالي.. ونجاة لي داخلة حشمانة كيسحابليها كولشي كيشوفيها.. منزلة راسها كتعتر فطالونها فالظلام.. حتى وصلو للطبلة vip لي كانو فيها الدراري باديين السهرة كيتسناو.. غي شافهوم عثمان حط التيو دالشيشة وناض عينيه على سعاد لي سلباتو من اول نظرة..

سعاد: (مداتليه يديها باش تسلم) السلام .. تعطلنا عليكوم ياك؟

عثمان: (طلعها وهبطها بتمعن.. تنهد بضياع وجرها من يديها سلم عليها بالوجه.. حتى ضرباتو ريحتها دوخاتو.. بعد راسه وقال بانتشاء) مرحبا بلالة البنات.. ايلا كونا نتسناو على هاد الزين.. نتسناو تا عام( شاف فالدراري) اولا العشران؟

سعاد: (سحبات يديها من يدو ونطقات بلباقة) لهلا يخطيك.. (شافت فشيماء ونجاة وضحكات) هادي شيماء ونجاة صحاباتي.. نجاة قربات تزوج جبناها تودع العزوبية.. (غمزاتها)

عثمان: (سلم عليهوم بجوج رحب بيهوم وكلسو) هادو صحابي .. واحد هو لي كان معايا نهار طلاقيتك فالبلايا عزدين.. وهدا (ضرب على كتفو بالضحك) سيمحمد.. يالله خرج من الحبس جبناه يفوج..

سعاد: (حطات صاكها وكلسات) على سلامتك اخاي.. الحبس ماتبغيهش لعدوك..

سيمحمد: (كيشيش) ولاد القحاب عطاهوم الله اختي ديالي وسماحلي على هاد الكلمة..

سعاد: انت طنجاوي؟

سيمحمد: انا من الجبل..

شيماء: (بمزاح) هي سبابك العشبة حتى دخلتي لبنيقة؟

عثمان: (هز التيو دالشيشة وتكا بضهرو على الفوطوي) بحالا علمك الله .. العشبة وولاد القحاب..

سعاد: ايوا التبزنيز هو هدا..

سيمحمد: (تقاد فبلاصتو مخيخ بحالا جبدو عليه المواجيع) ولكن اارجال مكينساوشي الدقة ديالوم اختي..

سعاد: (ابتسمت بهدوء) باينلي حالف فلي كان سباب..

عثمان: (قرب عندها كيضحك) كون يعاودلك الشمتة ديالو يبقا فيك الزين..

سعاد: (شيرات لسيرفور يجي) يعاود السهرة عاد غاتبدا..

عثمان: اودي خلينا من قصتو دبا.. طلبو لي بغيتو اابنات مرحبا بيكوم.. (غمزها) خلينا نشطو اولا اخاي السيمو(ضرب على فخضو بمزاح)

شيماء: (حيدات مونطوها وتنشرات فوق الفوطوي براحة) الله على مراكش وزهو مراكش.. توحشت القصارة ديال هنا..

سعاد: (كتشوف فعثمان باغا تشتتلو نظره جهة شيماء) شيماء راه كتغني.. وصوتها مقييود..

عثمان: (حول نظره لعندها) وايلي هي غاطربينا هاد الليلة..

شيماء: (بدلع) مرحبااا..جيبلي غي الميكرو واراك للنشاط..

وقف عليهوم السيرفور.. طلبو قراعي دالشراب والشيشة ..ونجاة ريدبول.. غي كدور فعينيها وتشوف.. مرة مرة كتلوح عينيها على سعاد وعثمان.. حاضية معاها لاتمشي تسكر ويفوت معاها الحدود.. وهي طول السهرة كتقلبلو الاتجاه لعند شيماء لاكن بدون جدوى.. من نظراته كيبان حامق عليها وباغي يتقرب منها هي ..

عثمان: (بدا يدوخ بالشراب شدلها فيديها وغمزها) نوضي نشطحو..

حطات الكارو من يديها ورحبات بالفكرة.. ناضت كتمايل بخصرها وهو تابعها لابيست.. حتى وقفو وسط الناس شادلها فيديها كيشطحو..

عثمان: (قرب لعندها هضر فودنيها بالجهد) كتحمقي...

سعاد: (بعدات شوية كضحك) براكة من التعنااب..

عثمان: (ضحك بصوت عالي الكاس فيدو) لي يشوف هاد الزين ومايدوخش غير يمشي يدفن راسو..

سعاد: (غمزاتو) واعنداك دوخ وطيح وماتلقا لي ينوضك...

عثمان: (شدليها يديها وجرها لعندو حتى تساطحات معاه.. كيشوفيها برغبة مجنونة مابقاش قادر يصبر.. تنهد بعمق ونطق قريب من وجهها) عجبتيني.. ديري الحل..

يتبع..