العشق لمن يجرؤ الجزء 19

سدات عينيها وغفات من فرط التعب مابقاات قادرة تفكر فوالو.. من طبيعتها مكتفكرش بزاف فلي جاي..كتبغي تعيش اللحضة كيفما هي.. المصير فيد الله.. وكتبقا معتابرة راسها انسانة ماعندها ماتخسر.. وكترة التفكير كترشي..

داز بزاف دالوقت.. دقائق طويلة ويمكن ساعات.. فاش حلات عينيها كان الضو ديال النهار على برا والبولة طافية.. تكات على داك البوطو كتحرك عنقها يمين وشمال.. نعسات معذبة عظامها كلهم عاطييننا الحريق.. بقات شحال كتشوف فالسقف بشرود.. حتى تحل الباب وتم داخل ياسين ومحمد ببلاطو دالماكلة فيديهوم..

محمد: (جا حطو حداها ونطق) تاكلي؟

حركات راسها بالايجاب كتحاول تقرا شي حاجة فملامحهوم.. لاكن مافهمات والو.. فكليها يديها وقربليها البلاطو.. بدات تاكل فهدوء بلا ماتشوف فيهوم.. كانت محتاجة شوية ديال الطاقة والجهد.. وبنادم حتى ايلا كان غايموت يموت على شبعة.. سالات وخوات طبسيلها.. شربات الما ودفعاتو برجليها..

سعاد: بغيت طواليط..

ياسين: (ابتسم بتهكم) حتى تمشي ليه فدارك..

سعاد: (قوسات حجبانها) كيفاش؟

ياسين: اارايس عطانا داكشي لي باغيين البارح فالليل.. فاش كنتي ناعسة..شوية غايجي صاحبو يديك.. وحنا خاصنا نخويو من هنا راجلك مافيه ثقة..

محمد: (عطاها السلام غي بيدو) تشااو الزاين.. (غمزها) طلعتي ماقليلاش عند الرايس..

جر صاحبو وخرجو من تماك بسرعة.. خلاوها مسمرة بلاصتها البولة غاتنزل ليها بالخلعة.. مامتيقاش ان الرايس تنازل على السلعة لي ساوية الملايين وكيدوز عليها الويل باش يدخلها من برا.. تخلا عليها على قبلها.. تكات براسها اللور كتفكر تهرب وماترجعش عندو.. وعمرو باقي يشوفها.. ولكن شحال قدها تبقا مخبية.. يجبدها يجبدها.. تنهدات بضيق.. جاثوم اطبق على صدرها.. خلا نفسها يضياق والغمة تنزل.. تمتمات بخفوت..

سعاد: علاش درتيها علاش؟

تحل الباب ودخل حكيم كيجري حتى شافها عاد تيق بلي عطاوه العنوان صحيح.. ااراحة بانت على وجهه عكسها هي لي غي شافتو كحلات بالعما.. جا لي غايديها عند جلادها.. ومستحيل يحن فيها هاد المرة..

فكليها الرباط درجليها ونوضها معاه.. مانطق ماتكلم وهي كذالك.. كتحس براسها فاشلة وخ كلات ماقاداش تزيد خطوة وحدة.. قلبها كيضرب فالتسعين.. وداتها كولها كتنفض..

ركبات فالطوموبيل جنب حكيم.. دارت السمطة وتكات على الزاج.. شافت فيه ونطقات بخفوت كسرات داك الصمت الرهيب لي كان كيزيد ينهش ذاتها..

سعاد: فينهوا نوردين؟

حكيم: ماعرفت ماشفتوش من اابارح بالليل.. وصاني نجيبك للدار

من هضرتو عرفاتو ماعارف والو.. ومافراسو حتى حاجة.. تقادات فالجلسة ونطقات بفضول..

سعاد: كيفاش حتى ضحى بالسلعة على قبلي؟

حكيم: (شافيها مبتاسم) هاد السؤال هو لي ماقدرتش نسولو ليه.. شي مرات اارايس كيدير شي حوايج مكيفهمهوم حتى واحد من غيرو.. وانا تعلمت مانسولوش ايلا شفتو مقتانع بشي حاجة..

سعاد: (بسخرية) كولشي عارف شنو كتسوا عندو البيضة والفلوس..

حكيم: (شاف فالطريق مركز) وهانتي طلعتي غلا منها عندو..

الصمت هو لي جاه من عندها هاد المرة.. رجعات تكات على الزاج .. بالها مشوش وافكارها ملخبطة.. حتى وصلها للدار وتسناها حتى دخلات.. عاد مشا..

صونات فالباب جوج مرات.. عاد حلات نجاة كانت عارفاها هي حيت حكيم علمها فاش كان لتحت.. تلاحت عليها عنقاتها كتبكي.. دموع المعزة والخوف من الفقدان..

نجاة: (كتبوسها فراسها) الله اختي الحبيبة وعلى سلامتك..

سعاد: (عنقاتها مزيرة عليها نطقات بخفوت) الله يسلمك انجاة.. دازت عليا كحلة ..

نجاة: (جراتها وسدات الباب مشاو كلسو وسط الدار.. شدالها فيدها وكتمسح دموعها) تخلعنا عليك اختي بزااف.. ياكما أداوكش؟

سعاد: عرفتي شكون زدقو؟ داك ولاد القحاب لي قصرنا معاهوم فمراكش..

نجاة: (حلات فمها بصدمة) اويلي وشبينك وبينهوم؟ وفين كيعرفو الرايس..

سعاد: زدق هو صاحب دعوتهوم.. بيناتهوم حسابات وصفاوها بيا.. والرايس دبا فراسو كولشي.. قالولو بلي كنت مقصرة معاهوم..

مابقاش ليها الوقت فين دير شي ردة فعل او تنطق.. سمعو السوارت ضار فالباب ضارو بجوج.. كيشوفو شكون غايحل بترقب.. وخ عارفين شكون كانو باغيين طرا شي معجزة ومايكونش هو.. حتى بانليوم داخل ملامح وجهه بدون تعبير.. ونظره موجه لسعاد مباشرة.. غي تلاقات عينيه بعينيها ضرب فيها الضو.. ورعشة قوية سرات فجسمها.. خلاتها تقفز بلاصتها وناضت جامعة الوقفة كتشوفيه..

شحنة من التيارات السالبة كانت كتجذبها لعندو.. من حدو كيقرب ورجليها كيخواو بيها.. ناضت نجاة وقفات حداها كترعد.. ماقادراش تخيل شنو غايوقع.. كانت كتخاف منو وهاد المرة كثر.. الغضب واضح فوجهه وعينيه بالخصوص.. وقف حداها مكيشوفش غيرها.. نجاة كانها غير موجودة.. طلعها وهبطها باشمئزاز.. نظرة خلاتها تجمد بلاصتها .. حتى انها حلات فمها باش دوي لاكن الحروف ضاعو وسط حلقها.. ثواني فقط حتى حسات بحنكها عواج بواحد الطرشة حتى ضار وجهها.. وشهقات نجاة حداها.. شي حاجة سخونة نزلات مع نيفها.. هزات يديها كيترعدو قاصت فداكشي.. شعر نازل على عينيها لاكن قدرات تشوف الدم بوضوح.. ماجات فين تعلي عينيها فيه حتى كان زادها ضربة وحدة اخرى وجرها من شعرها ليه.. كيدوي ببرود غريب.. سنانو كتسمعهوم كيتكرزو فودنيها..

نوردين: حاسباني شماتة.. كتلعبي مور ضهري؟ (داها وجابها بلاصتها وغوت حتى تزلزلو الحيوط) دويييييييييي....

سعاد: (شداتو من يديه لي على راسها ونطقات بصوت مرتعش) مادرت والو والله.. كلسنا جلسة عادية ونضنا مشينا فحالنا..

نوردين: (لاحها على الفوطوي وطلع فوقها كيضرب ويغوت.. العرق هابطة مع كتفو) كتستغفليني لربك.. حاسباني مونيكوس.. كتمشي تقحبني مع الشمايت وتلعبي ورا ضهري..

سعاد: (غوتات كضرب فيه حتى هي) بعااااد مني الحيواااااان..بعاااااااد.. قوتلك ماطرا بيناتنا والو.. وماغانخافش منك ايلا درتها..طلاااااااق...

نجاة: (يديها على فمها كترعد.. كتشوفو متكي عليها بثقلو كولو كيضربها غي للراس.. تشجعات لاول مرة فحياتها واجهات خوفها منو وشداتو من دراعو كتفرق عليها) السي نوردين نعل الشيطان.. راها كتقول الحق.. عار ربي راني كنت معاها والله مادارت شي حاجة.. راه نضنا بحالنا وخلينا معاهوم غي شيماء.. (كتكذب) وشيماء لي جابتهوم هي مكتعرفهومش(كتجر فيه) وجه ربي الحبيب لامانوض غاتقتلها..

ديرونجاتو فراسو ناض كيشوف وراه.. عينيه مغمضين بالاعصاب كيحس براسو كيغلي.. دفعها من عليه حتى جات طايحة الارض.. سعاد استغلت الفرصة وناضت كتنهج هربانة منو.. هزات فاز ديال الورد كان محطوط فوق من الطبلة وشيرات عليه..كتغوت فاقدة اعصابها..

سعاد: يا القوااااااد... بعاااااااد مني .. كنكرهك..

كتهز وتلوح عليه بلي جا حداها وهو كيطاكي على راسو كيقلب منين يدوز ليها..

سعاد: بسبابك كانو غايقتلوني ودبا جاااااي كتحاسبنييييييييي... الله ياخد فيك شي حق..

نوردين: (مشا عندها صاعر وخ كضرب بلي جات قدامها مشا جرها من شعرها طيحها للارض عطاها ركلة صاااعر وكشاكشو خارجين) باااااااغاني نقتلااااااااك... كتقلبي على المووووووت من يدي؟؟؟ (تحنا هزها من عنقها خانقها وزدحلها راسها مع الحيط كيغوت) واااش انا الشماااااتة لي تخرجي تسلكطي من مورايااااا؟ طلقت لقحبة يمااااااك كتر من القياس.. تفرعنتي ونسيتي الرايس شكون هوااااااا.. (عطاها طرشة وزاد زدحلها راسها مع الحيط وزاد لوجهها كيغوت) مخليك مخصوصاااااا من شي حاااجة؟؟؟ دوي!!! كندير على قبلك لي مايندااااارش.. لي حليتي عليها فمك تلقايها.. شنووووووو ناااااااقصك معايااااااا؟؟؟ نطقيييييي!!!

سعاد؛ (طارتليه على وجهه هبطاتوليه بضفرانها كتغوت بهستيرية) طلاااااااااقني.. تفرق من علياااااا.. كنكرهك.. مكنحملكش.. غي قتلني وهنيني منك..

هضرتها كانت بحال شي وقود كيزيد يزند نارو والحر لي فقلبو.. حس بالشمتة وخ تأكد بلي مادارت والو ولكن غي الجلسة مع واحد اخر بحد داتها ماعمرو يتقبلها.. غمض عينيه ورجع حلهوم.. كيشوف غي الظلام.. شيطانه حاضر بقوة والذبانة كتزنزن فدماغهو.. صوت دفين كيقولو قتلها وغاترتاح..

زير بقبضة يديه على عنقها علاها مع الحيط حتى بداو رجليها كيلعبو فالهوا.. عينيها خرجو كتشعبط فوجهه وتغوت مخنوقة.. وجهها كولو زراق.. ونجاة موراه كتغوت وضرب فشواطها.. كتبغي تبعدو كيضربها ويجيبها مزدوحة حتى بدات تنادي على الجيران وتغوت بالعاداو.. غي سمعات الدقان فالباب مشات حلات كتنهج..

نجاة: (الضبابة على عينيها) عتقونااااا غايقتلها..

كان السانديك دالعمارة ومعاه العساس وجوج من الجيران لي لاصقين ليهوم مرا وراجلها..دخلو كيجريو مافرقوه عليها بصعوبة.. حتى رخاها طاحت الارض.. تراجع بجوج خطوات اللور كيشوفيها مزدوحة فالارض والجيران ضايرين بيها.. شد فراسه الدنيا كدور بيه.. رجليه كيغزلو.. شاف فنجاة لي لونها مخطوف لاصقة فالارض كتسناه شنو غايدير.. حتى داز فيها وخرج بحال البرق زدح معاه الباب ونزل فالدروج نسا واش كاين شي حاجة سميتها لاسانسور.. هابط مكيقشعش قدامو.. الطنين فودنيه وعينيه مظلامة.. خرج لطوموبيلتو كينهج.. حل الباب بالجهالة وطلع.. ديمارا بلا مايدير السمطة.. ومشا زافر الروايض كيتحكو مع الارض.. كيشوف جوج من الحاجة.. عينيه دامعين من فرط الاعصاب وصبعانه كيترعدو على الفولون.. كتافو عاطيينو الحريق كيحس براسه بحالا غايتشلل.. غي غادي فالزنقة بلا عقل.. مرة كيبرك برجليه على كسيراتور مرة كيضرب فران سيك حتى كتمشي وتجي الطوموبيل..صدره كيطلع ويهبط بحالا كيجري فاارملة.. ماعرفش شحال داز دالوقت باش خرج من حالة لا وعي لي كان فيها.. حتى لقا راسه مباركي جنب البحر.. منو للمواج.. دوز على وجهه بتعب.. مرجع السينتة الللور.. اخر حاجة عاقل عليها هي فاش كان قاجها.. غمض عينيه ورجع حلها.. قلب على تيليفونو لقاه طايح حدا رجليه.. هزو ويديه كيترعدو عاطينو الحريق.. دوز نمرة حكيم كيبلع فريقه... غي جاوبو نطق بضياع..

نوردين: سير للدار دبا.. ماعرفتش شنو درت تما..

حكيم: ياك لباس؟

نوردين: (غوت صاعر كيضرب فالفولون حتى كلاكصونا بالجهد) سيييييير اصاحبي شوف شنو كااااين..

قطع عليه بلا مايزيد حتى حرف وتكا براسو على الكرسي كيشوف فالسقف شنايفو زراقو بالاعصاب.. تمتم بعتاب..

نوردين: علااااااش كتخليني ندير فيك هكا علااااش (ضرب بيديه سقف الطوموبيل حتى ضربو فيها الضو وزراقت فالبلاصة) علاااااااااااش!!!

دخل للدار كيجري من بعد ما حلاتليه نجاة.. كانت كتجمع الروينة لي دارو.. نطق بقلق كيشوف فوجهها والضرابي لي فيه..

حكيم: شنو طرا؟؟

نجاة: (حابسة البكية) مابقاش كيقشع قدامو.. كان غايقتلها.. عتقوها غي الجيران..

حكيم: (عض على صبعان يديه بغضب) بففف.. شنو لي وصلهوم لهادشي؟؟

نجاة: (كلسات شادة فراسها كترعد) هادوك لي خطفوها .. فايتة قصرات معاهوم.. وقالوهالو فاش عيطولو.. جا عوال على خزيت.. كون تشوفو كيف كان.. خفت منو بزاف..

حكيم: (دوز على شعرو) لا حول ولا قوة الا بالله.. (تحنا كلس حداها.. شد فيديها) ضربك؟

نجاة: كنقولك ماكانش كيقشع قدامو.. كنجي حداه كيزاوطني للارض.. غير تبرا سعاد غانمشي فحالي.. اول مرة كنشوف بنادم غايموت بين عيني.. (مسحات عينيها بالدموع وقالت بقهر) كون غير يطلقها ويخليها ترتاح.. ماغايقدروش يكملو بجوج هكا.. شي نهار غايقتلها..

حكيم: (جرها لعندو عنقها) صافي ماتبكيش.. الرايس هكاك داير.. وطاح فيها هي راسها قاصح.. مستحيل يفرقها..

نجاة: كتبقا فيا والله.. هي طيبة وقلبها بيض.. يمكن ربي ماباغيهومش بجوج خاصو يفهم هادشي.. يشدها معاه بالسيف؟

حكيم: خليهوم منها ليه.. نتي لابغيتي من دبا نديك بحالك..

نجاة: مايمكنش نمشي ونخليها هكا..

حكيم: فينهيا دبا؟

نجاة: دوشتليها وخليتها تنعس.. بغات ترتاح..

حكيم: ماشافهاش الطبيب؟

نجاة: مابغاتش.. (بعدات عليه كتمسح وجهها) انا غاندخل نشوفها واش نعسات..

حكيم: (بعد رجلو باش دوز) سيري..

مشات كتقاد زيفها على راسها.. حلات الباب ودخلات عندها البيت.. شعلات الضو ومشات وقفات عند راسها.. حتى كتصدم بالمنظر لي شافتو.. كانت يديها مليوحة على الفراش.. والرغوة خارجة من فمها.. عينيها نص محلولين.. وفمها زرق.. وباكية الدوا خاوية شاداها فاليد لوخرا..

ضربات فشواطها وغوتات برهبة..

نجاة: وااااااا حكيييييييم...

فواحد من الكولوارات الباردة ديال واحد الكلينيك واقفة نجاة ومعاها حكيم مربع يديه كيتسناو فالطبيب يخرج.. حتى صونا تيليفونه.. كان الرايس دغيا جاوبو..

حكيم: اخاي..

نوردين: (بصوت مبحوح) اش تم؟؟

حكيم: (شاف فنجاة كيحك على راسو) مكاين والو.. جيت للدار .. المدام لقيتها ناعسة ونجاة معاها.. الامور هانية هاد الساعة..

نوردين: وخ اجي عندي هانا فاشقار.. جيبلي معاك شي طريف مابقاليش..

حكيم: شوية هانا معاك (قطع)

نجاة: (شافت فيه باستغراب) علاش ماقولتيش ليه راها فالسبيطار كتموت..

حكيم: حتى نشوفو اش كاين.. غايجي يقلب علينا هاد السبيطار بلاش..

نجاة: (بلعات ريقها بخوف) وايلا ماتت؟

حكيم: (طبطب على كتفها) نطلبو من الله خير..

رجعات تكات على الحيط .. دموعها على خدها مابغاوش يفترو.. مامتيقاش بلي بغاات تنتاحر.. منظرها وكشاكشها خارجين باقي بين عيينها مابغاش يتمحا.. الطبيب تعطل والانتظار كيزيد يصعاب.. دقائق اخرى عسيرة وخرج الطبيب كيحيد الكمامة على وجهه.. اتجه عندو حكيم هو الاول.. حيت صاحبو..

حكيم: امضرا اخاي؟

ط: واش السيدة عندها شي مشكيل نفسي؟

نجاة: (نقزات كتهضر بارتباك) لا أدكتور..

ط: شربات كمية كبيرة من شي دوا منوم.. واش مخرجو ليها الطبيب؟

نجاة: اه عندها الورقة.. كتشربو ديما باش تنعس..

ط: (بحسرة) هاد المرة شرباتو باش تقتل راسها على ما أضن.. انسان واعي ماغايشربشاي باكية باش ينعس.. على أي.. جبتوها فالوقت المناسب.. جسمها استجب لينا وقدرنا نعتقوها فاخر لحظة.. غسلنا ليها المعدة ودرنا لازم باش يمشي المفعول ديالو.. ردات شوية من داكشي لي كلاتو والحمدالله دبا راها بيخير..

نجاة: (تنهدات بارتياج) فايقة ادكتور؟

ط: معلوم.. دبا راها فوعيها.. تسناو غير السيروم يكمل تقوت شوية وتقدرو ترجعوها للدار..

حكيم: (مد يديه سلم عليه) الله يحفضك العزيز...

ط: ولو اصاحبي.. مرحبا فاي وقت..

مشا معاه حكيم كيهضرو .. بينما نجاة استغلت انشغالهم مع بعض ودخلات كتجري لعندها.. دفعات الباب ورجعات سداتو بشوية.. انتظرت الممرضة حتى خرجات عاد تقدمات لعندها.. وقفات عند راسها كتشوفيها بحزن..

نجاة: (كتحقق فملامحها الذابلة والكدمات لي فوجهها) الحمدالله على سلامتك.. (شدات فيديها ونطقات بعتاب) كنتي باغا تقتلي راسك سخيتي بالدنيا؟

سعاد: (تنهدات بتعب ونطقات بضعف) اش كتخربقي.. شربت الدوا باش نعس حتى لقيت راسي هنا.. والطبيب خاشيلي شي عجب فحلقي باش نتقيا.. المعدة ديالي رديتها كولها..تفووو على حياة

نجاة: (ضحكات بخفوت) نتي بوحدك والله.. كنتي غاتموتي اصاحبتي.. طيرتيها مني خلعة..

سعاد: (ابتسمت بذبول) كيدرتي جبتبني لهنا؟

نجاة: كان معايا حكيم فالدار.. سيفطو راجلك يشوف اش رون..

سعاد: (هزات يديها كدوز على عنقها) كان غايقتلني عاود..

نجاة: (بحيرة) مابقيت فاهمة فيكوم والو.. كيوصلك للموت ويسيفط موراه لي يعاونك.. وانت اختي منين عارفاه قطاطعي علاش كتعاندي معاه وديريها قد راسك؟

سعاد: وراه المشاكيل تابعاني معاه.. دبا انا باش عرفت داك ولاد القحاب يزدقو كيعرفوه ويشريوهالي معاه؟ وزايدون اختي انا زهوانية ماعندي ماندير ..

نجاة: لا حول ولا قوة الا بالله معامن كندوي انا.. ايلا حاسة براسك مزيان نوضي نرجعو للدار..

سعاد: اه عيطيليهوم يجيو يحيدولي هاد المصيبة.. (ناضت كتقاد فبلاصتها عظامها كولهوم مدكدكين) تسالالي الدوا باش غانعس دبا؟

نجاة: (شافت فيها بعصب) واااش حماقيتي؟؟ والله تانعيط ليه يجي يكمل عليك.. منين باغا تموتي هو لي غاينفذلك الطلب.. واااش وصلتي الموت غي دبا شوية ومزال كتسولي فالدوااا؟؟ (شدات فيها باش تنوض) زيدي انا نقادلك اللويزة والعشوب ونطيبلك العشا كولي مزيان وغاتنعسي..

مشات تعيط للممرضة ورجعات عندها كتلبسليها بنطوفتها..

سعاد: اجي ياك مايرجعش هاد الليلة؟

نجاة: الله وعلم.. اصلا مافخباروش راكي هنا.. حكيم قالو راك ناعسة بيخير..

سعاد: (بعياء) صوبي ليا كغاتان.. تشهيتو..

نجاة: ياودي غي تشهاي منين بقيتي حية هداك هو الفضل..

كان الحال ضلام وهو مزال واقف فنفس البلاصة .. قراعي ديال البيرا خاوين محطوطين عند رجلو كيشرب ويتصنت للمواج.. حتى وقفات حداه طوموبيلة حكيم.. نزل وجا عندو.. حل الباب وكلس حداه.. شاف فالكرطونة ديال البيرا لي محطوطة اللور والقراعي لي خواو.. خشا يديه فالجيب وعطاه الطريفة دالحشيش لي جاب..

حكيم: هانا باش تكمل السهرة..

نوردين: (شافيه ورجع شاف فالبحر) برم انت يدي كيحرقوني..

حكيم: (بقلق) شعاندك؟

نوردين: (حرك صبعان يديه اليسرية مكمش عينيه بوجع) مكنقدرش نحركها.. (جغم ما تبقى من القرعة ولاحها مع خوتها.. شعل كارو كيشوف فالسقف عينيه نايمين)

حكيم: (كيبرم ليه جوان) ماموالفش تعصب اصاحبي بحال هكا.. ياك لباس..

نوردين: (دوا مغزف سنانو كيتكرزو) ماكانش عندي الوقت لي نتعصب كنقتل ديريكت..

حكيم: (مدليه الجوان من بعد ما شعلو ليه) وا ماعندك مادير النسا هوما هادو..

نوردين: (شد من عندو الجوان.. خدا نفس عميق حتى تبورشات عليه لحمو ونطق متكي على الكرسي) مابغاتشي تمشي للطبيب؟

حكيم: (سكت شوية كيشوفيه.. حك على راسه ونطق بتردد) هي الصراحة ديناها للطبيب بالحق على حاجة ياخرا..

نوردين: (كعد راسو شافيه بقلق) مالها؟؟

حكيم: لقاتها نجاة شاربة الدوا بزاف .. باكية كاملة يمكن كانت بغات تقتل راسا..

بحال شي سطل دالما بارد تكب على ظهره.. على شكل عرق هبطات كتسرس مع عموده الفقري.. التبوريشة شداتو وزغب راسو وقف.. بلع ريقه ونطق بصوت متحشرج..

نوردين: فينهيا دبا؟

حكيم: غا تكالما.. راه عتقناها راها فالدار مع نجاة..

نوردين: (لاح الجوان.. ديمارا اللوطو.. نطق بحدة) نزل..

حكيم: (مد يديه يحطها على كتفو) شعانداك اصا..

نوردين: (غوت تا بانو حلاقمو) نزااااال...

ماعاودش معاه الهضرة.. حل الباب ونزل.. غي سدها تحكو الروايض حدا رجلو .. رجع ماشاريار ومشا عافط.. الطريق كتبانلو منها جوج.. هز تيليفونه دوز نمرتها كيعيط كيلقاه طافي.. رجع لاحو حداه ساخط.. كيسب ويشتم فنفسه الاعصاب عاودو شدوه.. سايق غي بيد وحدة.. مامتيقش انها رجعات من الموت وحاولات تنتاحر.. وصل فضرف وجيز بفعل السرعة الجنونية لي كاان جاي بيها.. طلع من حدا العساس طاير خلاه تابعو بنظراته كيطلب السلامة فنفسو.. حل الباب الدار ودخل .. حتى كيتفاجئ بالظلام فالدار.. من غير ضوء خفيف مشعول فالكولوار والسقيل.. هاد الجو حسسو بالراحة نوعا ما عاد تيق انها ناعسة وماطاريلها والو.. حط سوارتو حدا الباب ومشا مثقل خطواته.. حل باب البيت لي كانت غي مردودة.. كان مشعول فيها ضو الفيوز.. بانليه غي شعرها مليوح على الوسادة.. رجع رد الباب بلا مايسدو باش مايفيقهاش.. ودخل عندها.. كيتمشا بالحس.. زول صباطو وطلع حداها على النموسية.. كيطل عليها من الفوق.. غي شاف منظرها هكاك كمش على قبضة يديه بحنق..كيشوف مخلفات اعصابه الفارطة عليها.. ماعاقلش على راسه امتا تعدا عليها حتى لهاد الدرجة.. قرب منها اكثر هز شعرها بين يديه.. قربو لنيفه كيستنشق عبير خصلاتها الفحمية.. ريحة كتنعش القلب.. غمض عينيه وطبع قبلة هادئة على خدها.. كأنه كيعتاذر حيت هو راجل ككل الرجال لا يجيدون فن الاعتذار..

حتى تحركات كتحل عينيها بتثاقل.. دايخة.. كتحس بشي حاجة لاصقة عليها ماللور.. ورجعات غمضات عينيها فاش استشعرت ملمس شفاهه فوق رقبتها..وصوته لي همس بعد ثواني فودنيها ببحة خشنة.. بنبرة اعتذار..

نوردين: ماكنتش باغي نفيقك..

سعاد: (حلات عينيها وهمسات بصوت تعبان وبنبرة عتاب) بالسيف باش نعست..

نوردين: (عنقها ماللور وجرها لعندو.. خشا راسه فعنقها كيقبلها بحنان.. تمتم بخضوع) نخلص الحق..

سعاد: (تنهدات بعمق حتى خرجو انفاس حارقة من فمها.. نطقات بخفوت) غاتخلصو غالي هاد المرة..

علا راسه كيدوز على شعرها .. كيدغدغها بانامله الخشنة.. شدها من دراعها ودورها لعندو كان باغي يشوف عينيها وداك البحر الهايج داخلهم.. تحنا باسها من جبهتها وقال بعتاب..

نوردين: كنتي باغا تمشي وتخليني؟

سعاد: (فغرت شفتيها ونطقات بهمس خافت بالكاد سمعو) ماكنتش باغا نموت كنت باغا غي نعس.. انت لي كنتي باغي تقتلني..

نوردين: (حط جبهتو على جبهتها مكمل على عتابه ليها) علاش كتوصلينا لهادشي علاش؟

سعاد: (حطات اصابعها على لحيته وهمسات بخفوت) حنا اصلا طريقنا مسدود من الاول علاش كتجر فالحبل لي ساهل يتقطع..

نوردين: (لامس بشفايفه شفايفها الذبلانين.. خطف قبلة هادئة بطعم المرار .. زفر انفاس حارة لسعات بشرتها وقال بتملك) نقتلك ومانفرقكش..

دقات قلبها تزادو فطغيانهم على صدرها.. بلعات ريقها لي نشف فحلقها.. وقبل ماتنطق حتى حرف علا راسه كيشوف فعينيها بضياع وهمس بصوت مبحوح..

نوردين: غاترتاحي ايلا بعدتي على الرايس الدياماندا؟

بقات شحال كتحدق فملامحه بسهو.. عينيها مركزة مع التجاعيد لي حدا عينيه.. وداك الظلام الحالك داخلها.. تكلمات بفضول..

سعاد: زعما ايلا قلت اه غاتخليني نمشي فحالي؟

نوردين: (ابتسم بهدوء.. كيدور بكفه على بشرة وجهها والكدمات الزرقاء لي خلات أثرها بوضوح.. انفاسه الحارة كتلفح برودية جلدها.. رد بفتور) فين غاتمشي؟؟ غاترجعي للتقحبين والطريق الكحلة؟

سعاد: (وسعات عينيها بانزعاج) غانرجع؟ قبل مانعرفك ماكنتش فداك الطريق باش نرجع ليها..

نوردين: (ببرود) اذن هادشي كاديريه غي ضد دبا؟

سعاد: (زفرات بضيق.. كتحس بعدم الراحة ونفسها كيضياق) علامن كضحك دبا؟ عليا ولا على راسك؟ انا وياك مانقدروش نكملو بجوج وانت عارف هادشي..

نوردين: (نظراته كيمشطوها .. كيلتاهموها بكل قسوة.. نطق بصوت مبحوح) ماعارف والو.. بلا ماتهربي من الرايس بهاد الكلام.. كوني متاكدة غير غاتخرجي من باب هاد الدار.. جناحك غايتهرسو.. (دوز بيديه على التشققات لي فشنايفها كيضغط بصبعه بهدوء وكمل بثقة) نكري هادشي اذا بغيتي..

زفرات انفاس حارة من جوفها.. باغا تخفي ارتباكها.. وسرعان ما بانت على وجهها داك نظرة التحدي والعناد.. نطقات بكبرياء..

سعاد: ماتكونش متأكد حتى لهاد الدرجة..

ضحك بسخرية.. بحال شي متفرج على مسرحية حياتها.. عارفها من الداخل وحافض داك نظرة الكبرياء لي كتغلف بيها.. تكلم بصوت خشن.. وهادئ..

نوردين: غاتكتاشفي من بعد بلي انا عجنتك على يدي.. غاتهضري بلساني.. وغاتحركي كيما كنت باغيك انا.. داك الساعات غاتعرفي بلي تاحد ماكان دايرلك قيمة من غير الرايس.. ايلا كنتي حاسبة هاد الزواج حبس غاتزيدي تكتاشفي بلي فعلا كان حبس.. بلا هواك دخلتي ليه وغاتخرجي ونتي باقا فيه.. غاتحسي براسك مربوطة.. وداك التاج دالعناد وقصوحية الراس لي حاطاه على راسك.. غايطيح للارض ويتهرس..

قوسات عينيها غي بشوية.. كتحاول تستوعب كلامه.. وصدا صوته فين غادي.. كيدوي بثقة عالية اطبقت على انفاسها دون رحمة.. حسات بكبرياءها فلحظة غايختافي.. حتى عاودات شدات لجامه وخرج صوتها مسموع نطقات بنفي..

سعاد: ماغاتكون حتى حاجة من هادشي..

بلا مايهتم لكلامها كيشوفيها باستمتاع.. حيد صبعه من على شفايفها وحط بدالو شفايفه وخطف قبلة هادئة خلاها تنهد تحت منو ماعارفة واش كتحس بالبرودة ولا السخانة.. رجع علا راسه ونطق بتملك..

نوردين: طلبي من الموت تجيك دغيا .. هي الوحيدة لي غاتفرقك عليا..

سعاد: (حلقها نشف وهي مصدومة بهاد كمية الثقة فالنفس لي صفعها بيها هاد الليلة.. نطقات بخفوت) انا مزال باغا نعيش..

نوردين: (ابتسم بخشونة.. هز يديه كيمررها مع خصلات شعرها وقال باقتضاب وكأنه كيوضع حد للنقاش) اذن غاتعيشيه معايا..

كان فعلا وضع حد للنقاش.. حتى انه الجمها .. لسانها تهقد ومابقالها باش تجاوب.. فقط كتحدق فطيفه النائم فوقها.. ملامح وجهه القاسية.. نظراته الحارقة.. كتخليها تحس بلي شي حاجة كضرها لداخل وهي غي كتوهم.. لحظات من الصمت رجع كسرها هو بسؤاله..عاقد حجبانه..نطق بحدة..

نوردين: مادارولك والو داك ولاد القحاب؟

سعاد: (بتهكم) جيت عندك وجهي صافي انت لي رسمتي فيه خريطة..

نوردين: (زاد قوس حجبانه كيدوز بيديه على الضرابي.. تكلم بهدوء) تستاهلي..وداك الشمايت غايترحمو على راسهوم ايلا لقيتهوم..

بعدات وجهها عليه بحالا باغا دخل فالخدية.. فجأة جحضو نظرات عينيه.. كتشوفهوم فقط فاش كيكون كيتوعد شي حد بالموت.. تكلمات بخوف..

سعاد: براكة من الدم..عافاك..

نوردين: (كيتحلف) مزال ماخلاق لي يلويلي دراعي بشي حاجة..

سعاد: (ببرود) تما كون خليتيهوم يصفيوهالي ايلا بقاو فيك الفلوس لي عطيتي..

تنهد بملل وتقاد فجلسته على الفراش طالق رجل ورجل طواها ..جبد كارو من جيبو كيشعلو وكيهضر بالدخان خارج من فمو..

نوردين: نعطي عليك مال الدنيا الدياماندا.. القضية ماشي فالبينكة.. داكشي كبير عليك (شافيها كيضحك) نتي خليك فنفيخ الشنايف والحناك.. (حك على شعرها فاش شاف ابتسامتها) شنو قلتي سميتو داك العجب؟

سعاد: (دارت يديها على حنكها متكية عليها كضحك) الفيلر..

نوردين: (كيبخ الدخان فالسما) عندك تكوني مقولباني ونافخة كولشي..

سعاد: (عوجات سيفتها) بزاف عليك.. كولشي طبيعي..

نوردين: (طبطب على فخدها لي مطلوقة حداه) اححح هبيزة..

سعاد: (عرات بيجامتها كتقيص فكرشها) غلاضيت ياك؟ خرجاتليا الكرش.. خاصني ندير الصبور..

نوردين: (مد يديه كيجر الطفاية) خاصك تقطعي البيرا.. ماكاين لا رياضة لا زعتر..

سعاد: (خنزرات) هانتا كتشرب وماعندكش..

نوردين: انا كنقيل نجري على طرف دالخبز.. ماشي فحالك غي الماكلة والنعاس والخرا..

سعاد: (مدات يديها كتقيص فكرشو) دبا انت مكتشدش كونجي لراسك؟

نوردين: (طفا الكارو وشعل واحد اخر.. شافيها بنص عين) جي ماللخر..

سعاد: (كحزات عندو نعسات على صدره كضحك) شدو ويالله نسافرو..قنطت..

نوردين: (ابتسم بهدوء.. رجع الكارو ليد لوخرا وعنقها لعندو) فاين باغا تمشي؟

سعاد: (علات راسها كتشوفيه بحماس) فين ماكان..

نوردين: ماعنديش مع السفر دالمغرب.. والفيزا غاتعطل لك.. (بطنز كيحك على شعرها) نديك حاركة فالكاميو دالسلعة؟

سعاد: (ضربات على صدره ونطقات بغيض) كطنز عليا..

نوردين: (ضحك بصوت مدعدع.. كيطفي الكارو حداه) هه.. راه فايت دارتها واحد البنت.. كنت مصاحب معاها شحال هادي.. فاش يالله بديت الخدمة مع الواليد.. عيطت ليها واحد العشية تهبط عندي حدا الباب.. هبطات لابسة جلابة وصندالة دميكة.. طلعات معايا فالكاميو حتى لقات راسها فاسبانيا..

سعاد: (بدون شعور نطقات) زوينة ؟؟

نوردين: دبا خاليتي هاد الربندز لي عاودت لك كامل وركزتي فواش زوينة؟ زعما نتوما العيالات العفووو..

سعاد: (كدزر فعينيها) ودبا قووول فين غاتديني..

نوردين: نديك لشي جبل فيه التلج اكبيدة.. غا انا وياك والسميقلي دالبرد..

سعاد: (توسعو عينيها باعجاب للفكرة وخ هو قالها باش يطنز الا انها عجباتها.. علات راسها شافت فين) اه بلاان واعر.. نمشيييو!

نوردين: (بتشكيك) بصح نديك لكتامة؟

سعاد: صافي نمشيو...من غدااا..

نوردين: (جر عليه الغطا وتقاد فبلاصتو كيتكسل براحة جارها لعندو) الله غانسطابك تما أ هبيزة.. (كمش طرمتها بين يديه)

سعاد: (بصوت مسموع) ياربي تجيني ليغيكل..

نوردين: (طفا الضو وغمض عينيه كيضحك) ااقلاوي لا مشينا داك الساعات..

سعاد: (عينيها كيدورو فالظلام) تمشي معانا نجاة؟

نوردين: (باسترخاء) لا.. شغول الدار والطياب قضيه نتي.. تعلمتي العجز؟

سعاد: (كتغبن) انا مريضة.. عيانة..

نوردين: غاتمشي لتماك غاتقادي..براكة من الفشوش الخاوي.. ونعسي قبل ماندير بناقص..

سعاد: (غمضات عينيها كضحك) وخ...

الصباح على مائدة الفطور.. كالسة كتفطر وتلعب فالتيلي بينما هو حداها كيكمي ويدوز بقهوة.. حاضيها.. عينيه على داك الضرابي الي صبحو زورق فوجهها.. حاجبين عليه ملامحها الجميلة.. نطق بصوت مبحوح..

نوردين: عالله تخلي داك الوجه يبرا شوية..

سعاد: (جاوبات بلا ماتعلي راسها .. مركزة فالتيليفون) خطيه غي انت وغايبرا..

نوردين: (ساط الدخان لبعيد) دي معاك حوايج سخان وطوال ومستورين.. وزيفك ماتحيديهش فوق راسك..

سعاد: (علات عينيها خنزرات فيه) علاش ياك غي انا وياك فالدار؟

نوردين: (طفا الكارو وتكا عليه فالطفاية.. هز كاسو دالقهوة كيجغم فيه) كنهضر على برا.. كاين تما العائلة.. ولاد عمتي وولاد عمي دبا يبغيو يجيو يشوفوك..

سعاد: (بتهكم) اش غايشوفو فيا تلقاهوم تاهوما مكيحملونيش..

نوردين: (جر الخبز حداه وبدا يفطر) لا هادو بعادين على الصداعات.. ومقاطعين مع الواليد من شحال هادي.. باقيين غا حنا الدراري كنتصارفو..

سعاد: دبا حنا غانمشيو عندهوم؟

نوردين: عندنا الدار تماك غي مسدودة..

سعاد: (حدرات راسها وتمتمات بخفوت) شنو غادير مع مرتك؟

نوردين: (شافيها بنص عين كاس داتاي ففمو.. جغم منو ونطق بحدة) علاش كتسولي؟

بلعات ريقها ماحملاتش القمعة.. علات فيه عينيها واصطنعت اللامبالاة..

سعاد: قلت زعما السيدة حاملة وقربات تولد.. والولد ولدك.. ولي شافك محروق على الولاد مايقولش غاتلوح مرتك وتسمح فيها وهي حاملة..

نوردين: (ببرود) شكون قال غانسمح فيها؟

سعاد: (سرطات جوابو بجغمة دالما ونطقات) يعني غاتمشي موراها ترجعها..

نوردين: خليها ترتاح فدار باها حتى تبرد ونمشي موراها..

سعاد: (حدرات راسها كتلعب فالتيلي والنمل طالع مع رجليها.. رجعات حطات التيلي وناضت) نمشي نجمع حوايجي..

مشات بلا مايجاوب.. غي غبرات على عينيه مد يديه لتيلي ديالها.. جرب يفتحو لقاه بلا كود.. عرف راسو ماغايلقا حتى حاجة.. وداكشي لي كان ماسحة كولشي مخلية غير الجوغنال دابيل.. عقد حجبانه فاش شاف اش مقيدة على سميتو..

نوردين: حلوف الغيس؟

******

فالبيت كانت حالة البلاكارت كولهوم.. كتهز وتحط وترجع تردهوم.. تالفة ماعارفة شكادير.. كتهضر غي بوحدها بلا عقل..

سعاد: القواد.. قالك غايمشي موراها يحزرها.. اهاااه هي لي جات معاها.. لقات لي يدير ليها الشان.. باها ومها فكتفها.. (كتلوح فالحوايج بعصب) وحاملة ليه بولي العهد.. عطاها جوج سقلات وغادي موراها.. اييه كيتي انا وخلا داري.. قالك مايسمحش فيها..

(ردخات داك لافاليز مع النموسية كتحاول تسدها..كتنهج معاها.. حتى تم داخل كيتمشا بالحفا.. مشا للجهة فين كان ناعس كيقلب على تيليفونه.. طلعها وهبطها غي كتردخ وهدير انفاسها مسموع.. طلعها وهبطها ونطق باستغراب..

نوردين: شعاندك؟؟

سعاد: (علات راسها وغوتات فوجهه بدون شعور) ماشي سووووقك..

خلاتو واقف كيشوفيها ومشات جهة الكوافوز حلات كاع المجورة كتجبد وتحط الماكياج فواحد لاتروس.. وتزدح غاترفكع غي بوحدها.. كتمتم بانفعال..

سعاد: علاش انت امتا كيهمك مالي.. كتعرف غي تآمر ودير فيها سي السيد.. (طاحليها واحد العكر نزلات تجيبو حتى سبقها هو هزو.. ناضت مخنزرة) عطيني خرايا..

لاحو ليها فلاتروس وقرب منها جرها من يديها حتى تزدحات معاه.. علا يديه كيمرر انامله مع خصلات شعرها .. ملامحه كانت هادئة بدون تعبير عكس داك البحر الهائج لي مرسوم تحت جفونها..

نوردين: (بصوت خافت) مالها الدياماندا غي كتزدح؟ جاتك الحالة ولا!

سعاد: (حساتو كيطنز وخ هو ماكانش فقصدو.. خرجات فيه عينيها وغوتات) هادشي لي كتعرف دير غي الطنيز والهضرة السامة..

نوردين: (خشا وجهه فعنقها كيدغدغها بلحيته نطق بصوت اجش) شعاندا سعاد ديالي دايرة خنينش.. شكون قلقها (طبع قبلة تحت ودنيها حتى تبورشات) اممم؟

سعاد: (غمضات عينيها مرخية من لمساته تمتمات بخفوت.. كتغبن) ماعندي زهر مع حتى واحد انا..

نوردين: (علا راسو كيبوسها فحنكها قبلات متتالية ويديه كيدورو على ضهرها وخلف رقبتها) براكة يكون عندك الزهر غي معايا.. اش بغيتي بكحل الراس..

سعاد: (حطات يديها على صدره خشات وجهها فعنقو طايح عليها الضيم) حتى انت بحالهوم.. كتعرف غي طنز وتعطيني فالقرطاس..

نوردين: (مرر يديه على خصلات شعرها كيبوسها فراسها ) حاشا.. علاش كضلميني..

احاسيس متدفقة وهي فحضنه ماعرفاتها منين جات.. فقط الاحساس بالدفئ والامان خلاها تنزل دموع لسبب مجهول..

سعاد: (كتنخصص) توحشت يما وختي ..

نوردين: (بعد راسه وحضن وجهها بين يديه مخنزر..كيمسح دموعها ) والبكا لاش؟ نجيبو هاد يماك بالسيف عليها حتى لعندك..

سعاد: (حركات راسها بنفي) لا مابغيتش..

نوردين: (تحنا باسها من فمها قبلة دافئة وبعد راسو كيشوفيها) وشنو حب الخاطر.. آمر..

سعاد: (الدموع كينزلو غا بوحدهوم) والو.. مابغيت والو..

نوردين: (قوس حجبانه) غاتجيك الريكلة؟

سعاد: (علات راسها وزمجرت بغضب) انت هادشي فاش كتفكر.. خايف غي لا تجيني وتقطع .. كتعرفني غي فالفراش.. حاجة لوخرا كاع مكتسوق ليها.. مكتعرف دير والو من غير تفرح لي تحت رجليك.. وكتجي عندي حتى كتشبع من القحاب ومن مراتك.. عاد هوما دايرليهوم قيمة عليا.. (حدرات راسها كتبكي)

عينيه غامو بنظرة دافئة .. كان المفروض يتعصب من كلامها لي كتخرجو بلا ماتوزن.. ولكن فاش عرفها غيرانة عليه من غيرها زعزعات كيانه كرجل.. مد يديه علاليها راسها وتحنا باسها من جبهتها.. دور يديه على شعرها وجرها حطلها راسها على صدره كيطبطب عليها بحنان.. تنهد فوق راسها كيبتاسم..ونطق بصوت خافت..

نوردين: عمرني حزرت شي بنت المرا حتى ليك نتي وكتقولي دايرليهوم قيمة عليك؟

مرة اخرى كان متعمد يردلها الضربة بمشاعر ماقادراش تفسرهوم فعوط مايطفي نارها لي شعلات بلا هواها كيزيدها وقود بهضرته.. حسات بقبلته ونفسه السخون عند قمة رأسها وبعدها غمضات عينيها فاش تكلم..

نوردين: علاش اكبيدة كتجبدي عليك النحل وانت ماقادراش تقطعيه؟ ماتبقايش تسولي عليها منين كتغيري..

حلقها نشف.. حلات عينيها كدور فيهوم مخشية فصدره بعيدا عن نظراته.. حقيقة ماقدراتش تنطقها جا هو لاحهالها فوجهها وغزا بيها كبرياءها اللعين.. زفرات بضيق ونطقات بخفوت فمحاولة انها تنقذ اخر ذرة من كبرياءها لي تلاشى...

سعاد: انا احسن منها علاش غانغير منها.. اصلا مافهمتكش كيفاش حتى طحتي على راسك وديتيها..

نوردين: (معنقها كيضحك بخفوت) واييه ماعرفت فين كانو عيني..

سعاد: (علات فيه عينيها ونطقات بدون شعور) طلقها..

نوردين؛ (حط يديه على خصرها شادليها الخاطر) حتى دير علاش..

شافها دلات شنايفها وشاف راسو غايعاود معاها من الاول ايلا مشات حتى نطقات.. عنقها من الجنب وجرها معاه لبرا..

نوردين: خلينا من هادشي دبا.. دواك عندي..

سعاد: شنوهوا؟

سكت حتى وصلو لعلى برا.. حل واحد المجر كان حدا الباب جبد منو ملف كان نزل الصباح للطوموبيل يجيب كارو وطلعو معاه..جبد معاه ستيلو وجرها معاه كلسو فالصالون.. فتحو كانو فيه مجموعة من الوراق شافيها بجدية مدلها الستيلو ونطق..

نوردين: قراي و سيني..

سعاد: (شداتو من عندو وتمتمات بارتباك) غاطلقني؟

نوردين: (هز يديه هد عليها بحالا غايضربها) قراي هانا غاندلقم يماك..

سعاد: (ضحكات بشحوب وهزات داك الملف كتقرا وعينيها مع كل ورقة كيتحلو.. شافت فيه عينيها كيغليو بالفرحة) كتبتيلي الدار والطوموبيل والقهوة بسميتي؟؟؟

نوردين: (جبد كارو شعلو قطعاتو) بحال داكشي..

بحماس عينيها كيدورو فبلاصتهوم.. والجلسة مابقاتش قاداها ناضت وقفات كتنقز بلاصتها..

سعاد: (رجعات تحنات على الورقة كتوقع بزربة بحالا خايفة يرجع فرأيه) دبااااا دويتي..

نوردين: لا حول ولا قوة الا بالله.. شحال هادي ماكنتش كندوي؟

سعاد: (شافت فيه كضحك) لا كنتي داوي خاوي ..

نوردين: (ساط الدخان فالسما كيضحك) باقا خاصك شي حاجة؟

سعاد: (حركت راسها بنفي) الله يكتر خيرك.. غي هادشي خاصو يتوثق..

نوردين: غايديهوم دبا حكيم يكمل اش خاص يكمل.. مابقيتيش مقلقة؟

سعاد: (تحنات عليه باستو ففمو حتى حقنات فيه الدخان ومشات كضحك) علاه انا امتا كنت مقلقة؟ هانا غادية لبس باش نمشيو..

نوردين: (تكا على الفوطوي كيحك فراسو) اخخ عليك يا الهالكاني.. غاتشيبي الرايس على ربعين عام..

الثلج مغطي الدنيا و البرد ضارب فالطموبيل اللي غادة بسرعة فالطريق .. ممزكين على اغنية دالراي بجوجهم، هي كاتصناپي و تغني مع الاغنية و هو مرة مرة كايكمي و مرة يشوف فيها و تغلبو ضحكة خفيفة على حركاتها و يكتمها .. مكبطين بجوجهم مع الكليما دالطموبيل زادتهم سخونية، حسات بالسخانة و دودتها ناضت .. مبانتلها غير فالشرجم تحلو و طل منو، كاتصور العشب الاخضر اللي رجع بيض بالثلج اللي طايح عليه، الربو خرج مع فمها اول ما هبطات الشرجم و ضرب فيها داك لصقيع البارد، ارتعشت ارتعاشة خفيفة، غمضات عينيها مبسمة ابتسامة خفيييفة و تنهدات تنهيدة عميييقة

خرجات براسها من الشرجم و كاتصور و هو غادي معاها فالهايت ديالها .. مع الطريق كانت شبه خاوية قلييل فين كايدوزو الطموبيلاات، زاااد فالسرعة تا بدات كاتغوووت بالجهههد و تضحك بصوت مسموووع كاطبل بيديها على برا، الهوااء المنعش اللي دخل مع ريتها كان مخليها تحس بنفسها طاايرة فالسمااء

رجعات جلسات جنبه بعدما شداتها القفقافة دالبرد .. كاتفرنس بصف الثلج د سنانها .. مد يده شد فيدها كانت باااردة .. قربها لفمه و باسها بوسة طوييلة و هي كاتشوف فيه .. جرها عنده هكاك و اطبق شفايفه مع شفايفها ببوسة خفيييفة خلاتها تلصق فيه

بعدها عليه بشوية و شاف فالطريق كايتمتم بجدية

نور الدين: رجعتي كي الثلجة، شفايفك جمدو..

سعاد: (بابتسامة) فوقاش غانوصلو خلاص؟

نور الدين: (مركز مع الطريق) مابقاش بزاف قربنا.. (رجع شافيها كيضحك) عاجبك الحال؟

سعاد: (بابتسامة دافئة) بزااااف..

نوردين: عمري شفت شي وحدة فرحانة حيت طالعة الجبل..

سعاد: (شدات فيديه كتلعب فيها) بغيت نبعد شوية على البشر.. طلعولي فراسي..

نوردين: (هز يديها باسهوم من جديد) براكة عليك غي انا الدياماندا ...

ابتسمت و التزمت الهدوء هاد المرة كاتشوف فيه، بنظرة مطولة كاتفلي ملامحه بعينيها .. كاتحسب انكماشات جبهته و دوك اللي بداو يتكونو فجناب عينيه، يديه وعروقهم، كيفاش كايصوگ و الفخامة اللي نازلة عليه .. الشيب المخلط مع سواد شعره و نظراته القاتمة و السوداء .. غمضات عينيها كاتنهد اول ماحسات بنفسها شحال سهات فيه، دورات وجهها للجنب حاضية الطريق .. حتى وصلو لواحد الدار جات ضايرة بالثلج و الديور اللي قرابين ليها قلال و بعاد شوية عليها يعني ماشي ملاصقين .. غير حبسات الطموبيل نزلات كاتجري و كاضحك .. كانت بكبوط مصوف مريش و طربوش دالصوف فوق من راسها، شعرها مطلوق مع سروال دجين و ليبوط فرجليها .. ضحكات ضحكة مسموعة و دارت شافت فيه هو اللي تبعها .. شدها عنقها بالجنب مبسم و تمتم بخفوت

نور الدين: ها دارنا ادياماندا غادوزي فيها يامات فالحمر..

سعاد: (ضحكات و تحدرات تقيص الثلج بيديها تا قاصتو و هي تجمع يدها) اححح بارد كايحرق...

نور الدين: (ضحك) ياك وصيناك تلبسي مزيان أمو راس قاصح (خشا يديه فجيابو و جبد ليگات دالجلد فحال اللي كان لابس هو فيديه .. جر يديها و لبسهوملها كانو فالقد ديال يدياتها) البرد غايجمدلك يدك..

تبسمات لتصرفه و تحدرات بشوية هزات كمشة من الثلج لاحتو عليه جاه فالوجه نيشان فحال شي تصرفيقة باردة

عقد حواجبه فيها و هي طلقها بضحكة مسموعة داكشي لي كانت باغا تشوف تخنزيرتو ... تمات راجعة باللور كضحك..

سعاد: كيجاااك الثلج الرايس؟

نور الدين: (عض شنوفته السفلية مغدد) وقفي نوريك كي جاني..

تراجعات خطوات للخلف اول ماشافته مقرب و غير شافتو ماحبسش و باقي مقرب عندها، تراجعات اكثر كاضحك و هو يمشي موراها كايجري، مكانتش شادة توازنها، غير جرات شوية و مع كثرة الثلج فديك البلاصة، ماحسات براسها غير زالقة و طااحت على وجهها

غير شافها كي طاحت بداك الجهد زرب لعندها و تحدر عليها شد فيها

نور الدين: سعاد (نوضها تا علات راسها فيه وجهها حمر مزنگ و الثلج داخل ففمها) ها كثرت التقزقيز.. سوتك كا تاكلك..

سعاد: (خسرات سيفتها بانلها فحالا كايتشفى فيها ، داك الثلج اللي كان وسط فمها كامل دفلاتو عليه و هزات يديها كادفعو) تفوووو عليييك القواااا د بعد مني طللق، كاتشفى فياااا .. انا نيفي حاساه مزعزع من بلاصتو..اععععع..

كادفعو مجننة و كاتغوت و هو كايضحك .. شدها بسرعة و هوما بديك الوضعية تا تكاها على ضهرها و طلع فوق منها .. هي كاتقاشح معاه و هو حاكمها بيديه تا حتا عليها ببوسة فشفايفها البارديين .. بردهم تا بشفايفه و يديه زيرو على يديها شابك صباعه مع صباعها ...وسط ديك البرودة استولى عليهم دفئ غريب .. خلاهم يتبادلو القبلة بلهفة .. ألسنتهم تعانقو و حتى اجسادهم تعانقو، زير عليها فديك الوضعية و هي تدفعو بشوية .. جابتو للجنب تا طلعات فوقو، ردها لتحت تا هو و بداو كايتشقلبو تما فداك الثلج، كل شوية كاتسمع قهقهة واحد فيهم .. تا شبعو تشلقيم و بوسان .. عاد ناضو كاينهجو بجوج الحرارة جاتهم .. شافو فبعضياتهم كايضحكو .. جرها عنده و خشاها فيه معنقها بالجنب .. مشاو داخلين لداخل للدار و مع الدخلة مع دفعها للحيط وراها و هجم على شفايفها من جديد بالبوسان، حضنات وجهه بشغف مقرباه لعندها.. صدرها كيطلع ويهبط .. طلق من شفايفها كينهج.. خشا وجهه فعنقها مبعد شعرها للجنب كيتحسس بشفايفه رقبتها الطويلة.. زاد لودنيها و نطق برغبة ..

نوردين: توحشتك..

سعاد: (بلعات ريقها مغمضة عينيها.. همسات بخفوت) خليني نشوف الدار بعدا..

ابتسم بمكر وتحنا هزها بحال شي ريشة رغم ثقلها كتجيه خفيفة.. وتم غادي بيها كيضحك..

نوردين: ماعندك ماديري بالدار يالله نوريك بيت النعاس..غاتعجبك النموسية..

سعاد: (طاح الطربوش من فوق راسها.. عنقاتو بجوج يديها كتلعب برجليها فالهوا) بيت النعاس زوين حتى لهاد الدرجة؟

نوردين: (طار عليها ببوسة مجنن) اي بلاصة فيها الحوا كتكون زينة اكبيدة..

ماجات تهضر حتى لقات راسها مزدوحة على شي حاجة رطبة عرفاتها النموسية.. تكات على جنبها كتشوفيه كيحيد جاكيطتو..كيشوفيها بتوعد.. حتى تعرا كولو قدامها.. كانت كأنها كتفرج لشي عرض ازياء.. صدر مزغب وعضلات مطراسية.. كتاف عراض والمعلم عاطيها السلام.. خلا العافية تشعل فيها.. قبل مايتزدح ويجي فوقها حتى تحركو الروسولات.. نوضها بسرعة حيدليها الكبوط دالصوف لقا واحد اخر دالقطن.. حيدو بلهفة .. وعقد حجبانه فاش لقا سوفيطما..

نوردين: مالك مغلفة كي البصلة؟

سعاد: (حيدات السوفيطمة كضحك) انت جايبني لهاد السميقلي اش بغيتي لبس؟

عنقها كيبوس فوق كتفها ويديه كيتحركو مور ضهرها حيدلها السوتيانات بسهولة بحالا عارف بلاصة القفلة..

سعاد: (كدوز بيديها الباردين على ظهره الحامي) قوة البنات لي دوزتي رجعتي تحلهوم بلا ماتشوف..

نوردين: (شافيها كيضحك حضن وجهها بيديه وباس شفايفها بهدوء كيتلذذ طعم العسل منهوم) ضروري تجبديلنا السوابق؟ خلينا نقضيو غرض..

سعاد: (رخات شفايفها وحدرات عينيها) اصلا انت هادشي لي هامك..

نوردين: (زفر بضيق تكلم فنفسه) وليني قلاوي هادو.. (مد يديه كيداعب خدها وعلاليها راسها شافت فيه.. ) دبا على شرويطة غاديري خنينيش عاود؟ نعلي الشيطان الله يرضي عليك.. (دور عينيه فالبيت) كاينين غي بوحدنا (هز المعلم حطو ليها فحجرها) وهدا ثالثنا.. كتشوفي شي قحبة هنا؟؟

سعاد: (شافت فيه جابلها الضحكة حبساتها ونطقات) لسانك كيتطلق الرايس غي فوق الفراش..

نوردين: (جرها لعندو كيبوس فوجهها بحنان ونطق ويديه كيداعبو صدرها ) خلينا نعيشو راه الدنيا فانية..

سعاد: (عضات على شفايفها وشدات المعلم بين يديها كتماصيه)صافي دخلو من البرد بقا فيا..

تكاها على النموسية وتحدر حيدليها السروال ومن بعدو الكولون وعاد السليب كيضحك..

نوردين: خاصني عام باش نوصل للكنز الدياماندا..

دوز بيديه على التيتو كان هاد المرة نقي وناصع بحال البلار.. زفر بنشوة ريوكو سالو..

نوردين: فففف.. ايلا مت عرفوه هو سبابي.. يالرب العالي..

سعاد: (كتقفز بلاصتها من الهران) ههه راك كنتي غاتودع بسبابو الرايس..

نوردين: (عقد حجبانو فاش تفكر الليلة لي سمماتو وخلاتو مقيم تحنا لعندها ونطق قريب من وجهها) خلي القلب صافي من جيهتك الديماندا علاش كتفكريه..

سعاد: (تقلبو عينيها الفوق بلذة فاش حساتو طالع معاها بحال الما بارد.. طلقات آنة خافتة لوات يديها على عنقو.. باستو تحت ودنيه وتمتمات بخفوت) زعما صفا؟

نوردين: (مغمض عينيه بنشوة كيستنشق ريحة العطر من شعرها باسها فقمة رأسها ونطق بحشرجة) صافي حليب..

جوابو شيأ ما رضا فضولها.. حسسها بالانتشاء.. قالها فلحظة عابرة ولا كيعنيها؟ سؤال تبادر لذهنها وفورا تناساتو.. غمضات عينيها دافنة راسها فكتفو.. كتحرك يديها مع ظهره كتحسس قطرات العرق لي هابطة مع عموده الفقري.. شعور بالنشوة.. اللذة.. واحاسيس اخرى تحركات داخلها خلات قلبها يدق..وذاتها ترجف عليها.. كتسمع لزفير انفاسه فعنقها.. بحال شي سمفونية حلوة نغماتليها الدماغ.. قبلات ساخنة كان كيطبعهوم فكتفها.. فوجهها.. فعنقها واينما حلت وارتحلت شفايفه .. كانو كيدغدغو كل إنش من جسدها العاري .. مشاعر عنيفة كتخبط فكيانها من داخل.. كانت ماقادراش تحملها.. ارتجف صوتها والكلمات خرجو ثقال من حلقها..بانفاس لاهثة نطقات..

سعاد: بغيتو يبقا صافي.. عمرو يكحال..

نوردين: (تقلب على ظهره جابها فوق منو.. باش ياخد راحته فشوفتها.. بعد الشعر من على عينيها.. محاصرها بسواد عيونه.. تكلم بقسوة..)مالنا على هاد الهضرة عاود..

حنات وجهها لعندو كضحك.. تقادات فالجلسة وركبات عليه.. كطلع وتهبط بشوية يديها كيدورو على زغيبات لي فصدره..

سعاد: (عينيها على تقاسيم وجهه .. كتحدق فوسامته الخشنة) كيعجبني نشوف هاد التخنزيرة..

جرها لعندو عنقها وزاد فوتيرة المد والجزر حتى عضات فكتفو من حر النشوة.. وهاهو مجددا كيخليها طايرة معاه فالفراش.. كيوصل معاها لابعد حدود الاستمتاع.. واقصى مراحل الانتشاء!

ببيجامة سخونة.. عاقدة زيف حياتي وبنطوفة فرجليها.. كدور فالكوزينة كيف الحمامة.. الدار كانت مغايرة على البرطمة دالمدينة.. تقليدية 100% .. ولكن مريحة ونقية.. حطات الطاجين يطيب وغطاتو.. حتى حسات بيديه حاوطوها ماللور.. باسها فعنقها حتى دغدغتها لحيته وطلعات معاها ريحة الشومبوان العالقة فشعره..

سعاد: بالصحة..

نوردين: (يديه كيدورو على كرشها ..كيبوس فوجهها بهدوء) شحال باقي ويطيب هادشي؟

سعاد: (ضارت عندو وابتسمت) عاد حطيتو.. شفتك لابس عليك خارج؟

نوردين: (تحنا باسها من شفايفها) غانهبط نشوف ولاد عمتي.. شافو الطوموبيل وعيطولي.. ماتخرجيش من الدار حتى نجي..

سعاد: وا ماتعطلش.. عنداك يطيح الظلام ونبقا بوحدي..

نوردين: (باسها فخدها قبلة دافئة وتم خارج كيضحك) عيطي لجنونك يونسوك..

سعاد: (كدور فعينيها .. تمتمات بخفوت) سملحمرحيم.. تف تف.. حجارهوم يشدوهوم..

ساعة بالحساب طاب الغدا وعيطاتليه جا.. دخل كيحيد داك الجلابية دالصوف.. كيحك يديه من البرد.. وهي كتحط الطبلة دالغدا..

سعاد: (كتنكر) مالقيتش شحال من حاجة نسيناها.. طيبت بلا خرقوم.. طاجين جا بيض بحالا مسلوق..

نوردين: (تسرح فوق من الفراش طالق يديه) ياودي غي طلقينا خلاص.. حتى نهبطو لفيلاج وتقداي لي عجبك..

سعاد: (جات كلسات حداه كتقطع الخبز.. شمشمات ريحته وضارت شافت فيه) تكيفتي الشقوفة؟؟

نوردين: (خنزر فيها) هادشي دغيا كطيريه..

سعاد: مصارنك نشمهوم اش فيهوم.. عنداك تمشي غالط..

نوردين: (بدا ياكل بتلذذ) اممم هادشي بنين الدياماندا.. مقولباني بنجاة..

سعاد: (عوجات سيفتها) عنداك تولفها.. شو ضفراني كي ولاو هاد النهار.. ضربت الكورفي فهاد الدار باش تنقات..

نوردين: ايوا هاه.. طلعتي حادكة.. غي مضيعين فلوس الخدامة..

سعاد: (خنزرات فيه وبدات تاكل ماجاوباتوش)

نوردين: غدا كاين عرس بنت عمتي.. دايرين البدو دالحنة.. فاش عرفوني جيت عرضونا..

سعاد: (باستغراب) ويماك؟ مزال ماقفلات الربعين..

نوردين: (كياكل ويهضر بهدوء) سبقلي عاودتلك بلي الكبار مقاطعين من شحال هادي.. جاو الجنازة د يما الله يرحما بالحق ماهضروش مع الحاج.. والعورس كانو حاطينو من شحال هادي ماعندوم كيديرو يأجلوه..

سعاد: (حطات الشدق من يديها) ماعندي ما نلبس..

نوردين: جايبة جلابتك؟

سعاد: اه جايبة وحدة سخونة داابرد..

نوردين : وا لبسيها سيري بيها لبدو.. حتى نوصي عمتي تعطيك شي حاجة لنهار العرس.. الشراوط عطا الله..

سعاد: مانمشيشي مبهدلة عندهوم وهوما عمرهوم شافوني..

نوردين: (ببرود كيشرب الما) شنو المعمول الحاجة؟

سعاد: تنوض غدا الصباح بكري وتهبطني لفيلاج ناخد قميص للحنة وقميص للعرس..

نوردين: (بطنز) بقالك غا التاج وكلسي بلاصة العروسة..

سعاد: (عينيها لمعو بالفرحة) اححح تشهيت حنينة.. غدا نديرها مع العروسة..

نوردين: زيدي شي طرف دالخبز المشيرة..

سعاد: (قطعاتلو طريف حطاتو حداه) ما جبتش ماكياجي كولو..

نوردين: (حمر فيها) شكون قالك غاديري الماكياج؟ (شافها غاتنطق هز صبعو حدا وجهها بتهديد) نلقا شي قوادة فوجهك.. كمارتك نخصرهالك اسوعاد.. زيفك وكحل فعينيك وتزيدي تقودي قدامي.. بالرررب وتجخلطي شي حاجة لداك الكمارة يا حتى ندفنك حية وسط الثلج.. (كياكل مغدد) ولاهيلا قالك الماكياج.. وتمشيلي كي الطعريجة يتمنضرو فيها العزارة..

سعاد: (شادة الضحكة) دبا باغيني نمشي صفرا عند عائلتك ويقولو الرايس داي المرا كي استيدعا؟

نوردين: (حط الشدق من يديه وشافيها ما غراضهاش فالماكلة باغا غادردش ولا تعصبو.. ابتسم بهدوء وجرها من يديها كلسات فحجرو دوز بيديه على خدودها الحميمرين.. كيتحسس سخونية وجهها.. ساهي فابتسامتها الدافئة ونطق ) شكون يقدر يقول عليك خايبة..(باسها فخدها بلطف) الخدود موردين كي مطيشة لي عاد تجنات.. (دوز بصبعه على حجبانها) الحاجب كي النخلة.. والعيون قتالة.. (باسها فشفايفها حتى عمضات عينيها ونطق بخفوت) الشفايف كي الشهد.. العسل كيتقطر منهوم.. (هبط بيديه كيتلمس خصلات شعرها لي خارجة من الزيف) السالف كحل كيطيرلي العقل..(داعب نيفها بنيفه وباسها فيه) النيف منكاد.. (ابتسم وعيونه كينطقو بالشغف والاعجاب) شكون يقدر يقول عليك خايبة الياقوتة ديالي...؟

لهيب عيونه ونبرة صوته الخشنة باش كيهضر.. كلماته التقليدية واللتي لا تمت للرومانسية بصلة.. حرشين بحالو ولكن خلاو قلبها يرف.. عينيها يلمعو.. ابتسامتها توسع.. وخدودها يترسم عليهوم لون الخجل.. وكبرياءها يتحرق..! هزات يديها كتحسس ذقنه الغير حليقة.. نطقات بهمس..

سعاد: يا الذيب.. وخ قطاطعي لسانك حلو..

نوردين: (ضربها لطرمتها حتى نقزات) وانوضي جيبي الديسير باش يزيد يحلا..ونبرعك هاد الليلة احبي (غمزها)

سعاد: (ناضت كضحك) حلم.. انا عيانة غانشرب دوايا ونعس..

نوردين: (رجع تحنا على الطاجين) ايوا نقضيو بالروج..

خارجة من الدوش شعرها سارد و ب فوطة صغيرة لاوياها عليها .. بينما هو لقاتو سبقها وبدل عليه

قربات جيهت لاڤاليز مزروبة كاتقفقف و تمتم بنبرة صوت مرتعشة بقوة البرد اللي ضرب فيها اول ماخرجات من الدوش

سعاد: اففففف واش هاد الجو كايدوشو فيه الناس، حاضيليا غير تقلاش الرجلين فاللخر انا نوحل (عطسات بالجهد و نيفها حساتو سايل) اففففف (شافت فنور الدين مخنزرة) واشوف فيا تما

ضحك ضحكة رجولية و قرب عندها بضعة خطوات مبسم .. دور يديه عليها حضنها و فمو تخشى بيه وسط من رقبتها الناصعة .. مصها مصيصة خفيييفة تا تبورشات و رجفات بين يديه و همس بخفوت..

نور الدين: فيك البرد اكبيدة؟ نعاود نسخنك؟

سعاد: (كادفعو و هي مبورشة) ابعد اشمن تسخني، انت مكاتقاضاش خدام بالتريسينتي..

نور الدين: (زير علي طر متها وسط قبضة يده تا فاض الخير) وشكون يشبع من هاد الهبيزة..

سعاد: وصافي دابا خليني نبدل عليا باش مانتعطلوش..

نوردين: (مشا كلس فوق من واحد الكرسي وطلق يديه كيشوفيها كتبدل عاطياه بالظهر) لبسي عليك شي حاجة طويلة وديري الزيف.. غانرجعو نيشان لدار عمتي..

سعاد: (كتنشف بين فخادها) وخ..

نوردين: نفطرو فالفيلاج.. عند با احمد..

سعاد: (ضارت عندو غي بوجهها كتنشف عنقها وصدرها) شحال هادي ماجيتي لهنا؟

نوردين: قبل مانتزوج بيك..

سعاد: (طلعات السليب ووقفات كتعقد السوتيانات صدرها فايض) دبا شحال هادي باش تزوجنا؟

نوردين: (حدر عينيه كيغزز سنانو) الله ياخد فيك الحق تستري..

سعاد: (غلباتها الضحكة) تكون داك عام ونص ياك؟

نوردين: (ناض وقف كيتفادا الشوفة فيها) لبسي هانا خارج نكمي..ماتعطليش..

عضات على شنافتها غي خرج ضحكات بخفوت.. وكملات لبسها عادي.. خدات وقتها الكافي عاد خرجات عندو لقاتو كالس فالطوموبيل سمقلو البرد.. طلعات حداه كتقاد الشال فوق راسها والشوكة ففمها.. طلعها وهبطها بتدقيق.. تبسم برضى عاد حرك الطوموبيل..وقصدو الفيلاج..

نهار الحنة عند العروس هو نهار مقدس.. مكاينش شي عرس كيقوم فالعروبية بلا بدو.. كيتجمعو صحاباتها وجيرانها القراب وحباب العروسة.. كيحنيوليها وسط اهازيج تقليدية.. الضربة ديال البندير والتعريجة قاضية غراض باش تنشط الحاضرين..

هبطو للدار العرس من بعد مارجعو من الفيلاج.. كانت وقيت الغدا وكاينين غي العائلة.. لابسة قميص مليفة فالبلوسيال مطروز بالصم بلا حزام..وبليغة فنفس اللون مع شال فلون السفيفة.. دايرة كحل فعينيها وعكر خفيف فشفايفها قولبات بيه الرايس حيت جاي باهت وماباينش.. بوشيط فلون القفطان دايرة فيها تيليفونها وبزطامها.. وعكر ناوية تعاودو من بعد الماكلة فاش تبدا الحنة..

الطريق من دارهوم لدار العرس جابوها غير على رجليهم .. شادة فيديه لا تزلق بيها البلغة ومخشية فيه من البرد.. غي قربو للباب خرجات مرا هازة صينية مزروبة بفواطتها.. غي شافتهوم وقفات كضحك وعينيها على سعاد حتى قربو عندهوم .. وتحنا نوردين باسلها على راسها كتحية احترام.. حطات المرا الصينية فالارض وتعلات عنقاتو كتسلم عليه سلام عزيز وتبوس على راسه..

-مرحبا بالغالي.. مرحبا بالعزيز.. شني نتينا اولدي؟ وكيف هنوا باباك وخوتاك؟ وكيبقيت الحبيب من القرح على المرحومة؟

نوردين: (باس على يديها) وللاه الحمد اعمتي فاطنة.. هانا كتابلي نحضر عرس حسنا..

فاطنة: الحبيب ومرحبا بيييك .. (شافت فسعاد وضحكات ليها حتى بانو جوج سنات دالذهب عندها لداخل) هادي هي المرا ديالاك؟

نوردين: (دوز على كتف سعاد) هادي هي سعاد..

فاطنة: (سلمات عليها كترحب بيها باعجاب) تبارك الله عاملة كي الدياماندا.. كيف تينا ابنتي؟ وشنيهي يماك وماعز عليك؟

سعاد: (ابتسمت على كلمة الدياماندا وشافت فنوردين لقاتو كيضحك.. زادت توسعات ابتسامتها ونطقات بهدوء) لباس اخالتي يسول فيك الخير.. ومبروك ماكديرو.. الله يكمل بالخير..

فاطنة: اميين الحبيبة دقلبي.. (شدات فيهوم بجوج) وادخلو دخلو .. جيتو مع الطعيم نيشان.. كيقولاك لا سلام على طعام..

دخلو معاها كيضحكو.. كانت دارها تقليدية و واسعة.. من داخل كاين فيها مراح كبير.. الدراري كيلعبو فيه.. تبعوها لواحد للببت فين كاينين ولاد عمتو وبنات عمتو مجموعين باش يتغداو.. دخلو عليهوم وبداو يسلمو من الباب.. نوردين كولشي كيعنق فيه ويبوس بينما هي غي كتمد يديها وترجعهوم حشمانة.. جاوها غراب .. حتى لقات راسها كالسة وسطهوم فالطبلة كيدردشو على ماتحط الغدا.. وهي لاصقة فيه لاوية على دراعو بحالا غايخطفوها.. بينما هو خايد فالحديث مع ولاد عمتو..حتى دخلات عمتو هازة قصرية دكسكسو فيديها فرحانة..

فاطنة: مرحبااااا بيكم ..

حطاتها وكلسات.. حطات يديها على سعاد كتزيدها للطبلة..

فاطنة: بسم الله الدياماندا لا حشمشي..

نوردين: (هز معلقة وحطهالها حداها.. شاف فعمتو كيتمازح معاها) وا عمتي بوحدي لي كنعيطلا الدياماندا.. مايشرك معايا حد..

فاطنة: (ضحكات حتى بانو جوج سنات اخرين دالذهب لتحت) هههه ياااك ابني؟ ومايسحابنيشاي..

شافت فيهوم كولهوم كيضحكو غرقات فحوايجها بيناتهوم.. نخساتو كتمتم بهمس..

سعاد: عقل على هاد التحشيمة الرايس..

نطق واحد من ولاد عمو كيضحك..

-ايييه شكون قال الرايس يزوج ويشرك معانا الطبلة هو والمرا ديالو..

نطقات بنت عمتو الكبيرة حاطة ولدها فحجرها كتوكلو..

-ايوا كا بنادم مايبقا دايما دراسو.. هاهوا عاباها(داها) كي البلارة شني خاصو..

نوردين: (بمزاح) عمتي قول لولادك يسكتو عينيهوم خايبة..

ضحكو كاملين وبداو الماكلة.. حتى عاةد نطق نوردين بفضول..

نوردين: فاينيا العروسة؟

فاطنة: الفوق فبيتا كيصاغبولا شعرا..

نقزات خت العروسة الصغيرة كضحك..

-ماساقتلاكشي الخبار جيت كا هبطت أطير..

فاطنة: (نخساتها مخنزرة) كول وسير ضراب الفكد فالحناية دجي.. الضلام قريب يطيح..(شافت فسعاد) كول ابنتي مرحبا بيك..

سعاد: هانا كناكل اخالتي، الله يعطيكم الصحة

مرت العم: بصاااحتك و راحتك الحبيبة..

نور الدين: الله يخلف (شبع و رجع اللور)

شاف فسعاد كتاكل و ضحك مع بنات عمو اللي كايدويو معاها و يسولوها مرة مرة جابدين حوار على العرس و اجوائه

خلاها معاهم و ناض مع الرجال خرجو لبرا بغا يكمي، غير مشاو النسا لقاو راحتهم اكثر و هي مارتاحتش حيت غراب عليها و كاملين تجمعو عليها..

بنت عمو: تبارك الله راك غزاالة..

سعاد: (تبسماتلها) شكرا فعويناتك ازين

فاطنة: (باعجاب) كي القنديلة .. ماشاءالله.. الحجوبات عليك..

سعاد: لهلا يخطيك اخالتي.. الله يكبر بيك..

فاطنة: (بفضول.. باغية تنوض تشوف شغلها ولاكن ماعطاهاش خاطرها تمشي بلا ماتبركك) ايوا كنت سماعت راه نور الدين عاندو جوج دالنسا .. نتي اللولة ولا الثانية؟

سعاد: (شافت فيها اللون مبدل فوجهها و بانت فيها ماعجبها حال) انا اللولة اخالتي..

فاطنة : ايما على الروحاني ما أيشبعش.. وخ عابا (خدا) الكمرة و داز يشوف فجيهة ياخرى؟ (عوجات وجهها كاتميق) بالحق هادشي ماصعيبشي على ولد خاي، من داكشي اللي عملو مع بنتي حسنا عرااافتو مكايقنااعشي مع مرا وحدة، تجبرو معاذبك معاه القنديلة..

سعاد: (عقدات فيها حواجبها كلامها جاه فيه الدغل) كيفاش؟ مافهمتكش؟

فاطنة: (دارت يدها على خذها كادوي و بنتها وحدة كاتغمز فيها تسكت ولكن هي بدات كادوي بلا فرانات) حسنا بنتي اللي مش دجوج اليوما كااانت قول مخطوبة بنور الدين و لكن ماكتابلومشي، كانت غير الهضرة بين العائلات .. الموهيم كانت هي أدححماااق عليه و هو واالو جارجرااا معاه مسكينة فاللخر تفارقو.. الطليبة خلاها مش دقطع لحما عليه.. والحمدولاه دبا جابلا ربي النوقرة فاين يغبر نحاسا.. غا عقال الصغور واها..

سعاد: (عقدات حواجبها و غززات سنانها حدرات عينيها كاتشوف قبالتها بنظرة غاضبة و تمتم بينها و بين نفسها) ولد القحـ ـبة مكاينش شي وحدة مادازتش على يديه.. تا بنت عمتو جرجرها معاه...

فاطنة: (ناضت كتنفض جلايلها) ايوا نوض نوجد الگولسة دالحينة.. (شافت فبنتها مولات الولد) لميا .. بقا مع المرا دولد خالاك..لاخاليهاشي بواحدا على مايجيو الناس..

مشات وخلاتهوم غي بجوج.. حتى نطقات لمياء..

لمياء: شني ضهارلاك نطلعو عند العروسة؟

حركات راسها بالايجاب .. هزات بوشيطتها وناضت..وكلها فضول تشوف هادي لي كان مصاحب معاها الرايس كي دايرة..

فأزرو كانت كالسة فالفرماسيان ديالها.. معاها صاحبتها صفاء كيسربيو الكليان قبل ماتجي وقية السدان.. حتى حسات بالتعب مع الثقل دالحبالة ومشات كلسات فمكتب صغير عندها لداخل خلف الرفوف.. شربات كاس دالما كترتاح.. جبدات تيليفونها مدوزة نمرة الولد لي خدام معاها فطنجة ولي بقا شادلها الفرماسيان من بعد ماجابها باها وجا..

فدوى: (تيليفون فودنيها كتماصي عينيها لي تحتهوم زرق من شدة العياء وقوة التفكير.. مكتنعسش الليل.. حتى تشد الخط) الو سفيان كيف راك؟

سفيان: لباس الحمدالله أ مدام..

فدوى: الامور هانية؟ ماخاصك والو؟ السلعة كتوصل فالوقت؟

سفيان: لا هانية هانية.. كولشي عادي مزيان غي كوني هانية بحالا راكي هنا..

فدوى: (حنحنات بارتباك) مزيان.. خاصك شي حاجة؟

سفيان: (بتردد) ايلا كان ممكن غي تعلميني وقتاش غاترجعي .. بغيت ناخد كونجي.. كنت خبرتك بعرس الخوادرية فكازا.. راه قرب وخاصني شي 3يام..

فدوى: (غمضات عينيها وعاودات حلاتهوم بحيرة) اش غانقولك ا سفيان انا مزال مطولة هنا.. ولكن عارفة ضروري تمشي للعرس.. ماعليا غي نجي نبلاصيك على ماترجع..

سفيان: الله يحفضك امدام..

فدوى: ماشي مشكيل نصبرو مع بعضنا.. تهلا ..(مشات تقطع)

سفيان: أ مدام؟

فدوى: نعام؟ محتاج شي حاجة؟

سفيان: لا والو.. بغيت غي نقولك جات شي مرا سولات عليك.. هادي 3 الخطرات وهي كتجي.. وهاد النهار خديت رقمها.. قاتلك ضروري تاصلي بيها..

فدوى: (باستغراب) شكون هادي؟ ماقالتش سميتها؟

سفيان: اسمها هدى.. المرة الاولى جات كتسول واش الفراماسي ديال مرت نوردين هادي.. والخطرة التانية رجعات باغا دوي معاك.. وهاد النهار خلات سميتها ونمرة تيليفونها وقاتلي غي قولها هدى مرت رشيد وهي غاتعرفني..

فدوى: (عقدات حجبانها ) غريب ماكنعرف تا وحدة بهاد السمية.. ماعلينا سيفطلي رقمها غانتاصل نشوف شكون..

سفيان: دبا يوصلك امدام..

فدوى: تصبح على خير..

نازلين من الفوق بعدما قلبو على العروسة فبيتها و مالقاوهاش، سعاد غير كادور فعينيها تشوف واش تلمحها فشي قنت ولا تقولها لمياء راها حتى وقفو فالسفلي و شافت فيها لمياء

لمياء: انا ماشنمشي نشوف يما و نجي عانداك ، مشي دجلس فوسط الدار مع النسا ايلا قنطتي

سعاد: (ومآتلها براسها) غير سيري انا غانشوف نور الدين فيناهو

لميااء: شوفو مايكون غير على برا

سعاد: واخا

تبسماتلها و خرجات من تما كادور فعينيها و تقلب عليه فنفس الوقت موضوع هاد العروسة شاطنها ، بقا فيها الفضول تعرفها كي دايرة .. وقفات على برا قريبة لواحد الغرسة .. تا بانلها من واحد القنت قريب واقف عاطيها بضهرو ، عرفاتو غير من الضهر ، خطات غاتقرب لعندو حتى رجعات خطوتها لعندها و صغرات عينيها فديك اللي عاد بانتلها بعدما نور الدين دار شوية للجنب .. كانت بنت شابة فمقتبل العمر .. زويونة بقميص بيض و سبنية د حياتي فراسها .. بيضة و الحنيكات حمرين بالثلج، مكحلة عينيها و الضحكة معمرة وجهها من الطرف للطرف، عينيها كانو كايبرقو فنور الدين .. كاتشوف فيه و ضحك و تدوي مامسوقاش و تا هو كان مشغول بالهضرة معاها ، بقات فبلاصتها كاطلع و تهندس فيهم بجوج و فديك الوقفة ديالهم مغلغلة و كاتحس بالعافية طالعة نازلة مع صدرها

عقدات حواجبها تا عقداتهم و عضات على ضروسها بغضب و مابقاتش فبلاصتها .. تمشات ناحيتهم و عينيها محمومين بالحمورة .. وقفات عليهم بملامح وجهها المكشرة و نظرتها الغاضبة مع خذوذها اللي محقونين بالحمورية

نور الدين: (مع وقفتها شاف فيها، تبسم ابتسامة خفيفة و جرها عندو تا لصقها فيه) ها هي المادام ديالي سعاد (سعاد شافت فيه و هو يتبسملها) هادي بنت عمي حسنا

سعاد شافت فيها و فمها تفتح بشوية فحالا كاتقوليه آاااه عاقدة فيها حواجبها و ختنا تبسماتلها ابتسامة باينة فيها مصافياش كاطلعها و تنزلها

سعاد: (طلعاتها و نزلاتها مزياان بعينيها) مبروك عليك مادرتي سمعت نتي العروسة!

حسنا: (بتملق) الله يبارك فيك شكرا (بقات لمدة كاتحقق فسعاد حتى قلبات عينيها ليه و ضحكاتليه) ايوا شكون كان يقول الرايس يدير عقلو ويزوج (كملات بمزاح) ونهار زوجتي عبيتي جوج ..

نوردين: (شاف فسعاد لقاها مخنزرة فيها زاد عنقها لعندو بالجنب ونطق) شحال قد بنادم يبقا صغير .. لابد ماتعمل العواول ديالك..

حسنا: (عينيها على سعاد.. نطقات باستفزاز) ايوا اللولى هاحنا شوفناها الصلا عنبي عليها غزالة ..والتانية كي عاملة..

نوردين: الكمرة حداك ابنت العموم اش بغيتي بالنجوم..

حسنا: (ضحكات بميوعة وطبطبات على يديه) نخاليك دبا الحناية مش دكون وصلت..

مشات بالشربيل فرجليها كاتمايل .. بقات سعاد متبعاها بعينيها تا غبرات و دخلات .. مع الدخلة شافت فنور الدين، خنزرات فيه واحد التخنزيرة خلاتو مستغرب و مشات من قدامو كاتمتم بغضب بينها و بين نفسها

سعاد: الصلگوط، القوا د مكايناش اللي مامزعوطاش فيه فالقحا ب د طنجة و زاد عليهم دابا تا القحا ب دالجبل .. كانت غتاكلو بعينيها تقول غا هو اللي عندو قلا وي لاصقين تحت منو .. بغيتليها البرود الجنسي عمرها طفرو، القحبة لوخرى

غادة و كاتنگر تا لحق عليها نور الدين، دور يدو عليها و شاف فيها مستغرب

نور الدين: مالكي قندشتي ياكما قالك شي حد شي حاجة؟

سعاد: (جمعات النفس تا جمعاتو فصدرها و طلقاتو و فكها كايترعد) لا

نور الدين: وشعاندك عاود؟

سعاد: (بحدة فصوتها) ساعاتو الله

نور الدين طول الشوفة فيها هاز حاجبه مستغرب لحالها، تا دخلو لداخل و هوما يجيو بنات عمو جروها عندهم مدوزين الليلة بالنشاط و الغناء و الشطيح و سعاد كاطلع و تنزل فيها ديك الوقفة خصوصا ان حسنا دور دور و تبقى تحزز فيها فحالا كاتهندسها .. كملات الليلة عليها غير بالسيف حطو العشا مجموعين .. نور الدين يدور يدور و يسول سعاد مالك و هي يا تنخلو يا تخسر عليه والو، هازة خنافرها فالسما و خذوذها محقون فيهم الدم ، تا كمل العشا و ناضو تفرقو ..

راجعين للدار هو وياها.. غاديبن جنب بعضياتهوم هو كيكمي ويهضر فالتيليفون على الخدنة وهي مربعة يديها وعادية حداه طايح عليها الضيم وكتحس بقلبها مقبوط والغمة نازلة عليه.. لسبب ماعرفاتوش.. حتى سالا تيليفونو .. رجعو لجيبو وشافيها غادية وساهية كتخلف بلا عقل.. لحق عليها ولوا يديه على عنقها ..حتى وقفات شافت فيه بجنب..

نوردين: (خدا نفس من سيجارته وشافيها) مالك قالبة سيفتك؟

سعاد: (زفرات بضيق ونطقات) حاسة براسي مخنوقة بغيت نتنفس..

نوردين: (لاح الكارو زطم عليه وجرها معاه) يالله نديوك فين تنفسي الديماندا..

تمشاو شوية فواحد العقيبة.. حتى وصلو لواحد الجرف.. الريح فيه كيطير .. الهوا بارد مع الثلج حسات بحناكها جمدو.. البلاصة كانت خاوية فيها شوية دالشجر.. الكمرة وسط السما والنجوم ضايرين بيها.. منظر زوين مع الجو لي كان صافي.. بعدات عليه ومشات حتى لحرف الجرف ووقفات كيطير فيها البرد.. غمضات عينيها واستحلات الخلا والقفار.. بحالا هادشي لي كان خاصها باش ترتاح.. مكان خالي .. صوت اشجار.. هواء بارد.. وظلام حالك.. ومايكونش هو معاها.. قربه رجع كيوترها بطريقة حقيرة.. تمنات كون يبعد عليها غي شوية.. تاخد نفس بعيد عن انفاسه.. تكلس شوية مع راسها وتنغم مع افكارها.. حتى قاطع حلمها يديه لي حسات بيهوم ضارو على كرشها.. دفئ انفاسه حدا عنقها فاش لصق صدره مع ظهرها وباسها من خدها.. قبلة دافئة خلاتها ترجف.. ماشي من البرد ولكن من قسوة المشاعر لي رجعات كتغمرها وهي فحضنه.. اما صوته زاد الطين بلة فاش نطق ببحة خطيرة حدا ودنيها دغدغ مسامعها..

نوردين: شنو بيك؟

تنهدات بخفوت.. رجعات راسها اللور حتى لصقات مع صدره..هي بنفسها ماعرفاش مالها..زفرات نفس ساخن من فمها حطات يديها على يديه لي فوق كرشها و همسات..

سعاد: ماعرفتش..

نوردين: (باسها من خدها حتى دغدغها بلحيته وزاد خشاها فيه معنقها بحرارة) فيك البرد؟

سعاد: (حسات بيديها بداو يتعرقو على يديه..قلبها كيخفق بقوة ..نطقات بخفوت) الجو هنا زوين بالليل.. وحتى المنظر زوين..

حسها كتهرب منو.. صوتها بارد.. نبرتها هادئة.. مخبية شي حاجة.. وماغيقدرش يعرفها وهي مكتشوفش فيه.. الشي لي خلاه يبعد عليها ودورها لعندو.. اصابعه الخشنة.. دارهوم على خدودها.. كيبانوليه غي عينيها لي كيبرقو.. وسط الظلام..همس بين انفاسه.. بصوت متحشرج..

نوردين: هادي كولها غيرة فيك؟ راها هي العروسة ..

سعاد: (بحالا حك ليها على الضبرة.. بدون شعور جاوباتو بعتاب) عمتك عاوداتلي كولشي.. ضحكتي عليها بحالي ضحكتي على بزاف دالبنات.. وجاي دبا نهار عرسها تحضر وجايبني معاك .. وزايدها كالسين مجمعين.. ضاحكين ناشطين بحالا ماخاصكوم حتى خير..

نزل يديه وابتسامة دافئة زينات ملامحه الرجولية.. كان الظلام ماقدراتش تلمحها.. حتى جرها لعندو عنقها يديه كيطلعو ويهبطو على ظهرها.. فلحظة نسات كولشي واستحلات داك الحضن.. زادت تخشات فيه مغمضة عينيها.. وداك الهوا للبارد لي كان كيضرب فخدودها تحول لحرارة بفعل انفاسه الدافئة لي كضرب فيها.. ارتاحت حتى وصلها صوته بصوت مبحوح..

نوردين: هكا غاتدفاي وماغايبقاش فيك البرد..

مستفز لأبعد الدرجات.. كانت كتنتاظر منو تبرير.. او مجرد جواب على داكشي لي قالت يرضي فضولها..ويبرد نارها..ولكن كيبقا الرايس.. كيفهم لي بغا.. ويهضر فوق مابغا.. ويجاوب على شنو بغا.. وايلا كان هو عنيد هي أعند..وعنادها هو لي خلاها تنطق بفتور..

سعاد: كنزيد نتأكد نهار على نهار أن دوقك فالبنات كان مخري..

حسات بيه بحالا كيضحك.. غي من هدير انفاسه فوق راسها.. وانقباض عضلاته وهو معنقها.. وحتى صوته لي خرج مذبذب..وهو كيقبل قمة رأسها من فوق الحجاب لي لابسة..

نوردين: هو انا غي جيت وعبرتك اول ليلة تلاقينا أهويعة دالرايس..

حلات عينيها فاش دازت غمامة من الذكريات رجعاتها لداك الليلة المرعبة..

سعاد: عيشتيني الرعب داك الليلة ا نوردين..

زاد دفعها لحضنه.. كيتنفس بهدوء عند راسها بحالا كيستنشق رائحة انفاسها.. يديه كيدورو على ظهرها حتى كتبورش..

نوردين: هاديك الليلة عرفتك غاتعدبيني معاك..

سعاد: (بتهكم) وخ هكاك ما كرات فيك حتى حاجة.. مابغيتيش تهد..

نوردين: (خرج الصوت من حلقه بعد مدة وهوما ساكتين) شنو عاوداتلك عمتي.. وقلبلك الدماغ العشية كولها؟

سعاد: (حكات راسها مع رقبته وهمسات) بلي تفليتي على بنتها.. وحتى وصلتو لزواج عاد سمحتي فيها ومشيتي..

نوردين: كونت مزال صغير الدياماندا والعقل طايش.. الفلوس يالله دخلات والعين زايغة..

سعاد: (هزات راسها فيه ونطقات بطنز) على اساس دبا راك داير عقلك..واباز..

نوردين: (تحنا خطف قبلة من شفايفها من حدها شافت فيه ونطق) يا مو نية ناقصة ماغانحويوش دبا؟

يتبع...