العشق لمن يجرؤ الجزء 28

وصل لقدام مكتب العدول .. قلب فين يسطاسيوني مالقاش بلاصة مشا يقلب بعيد شوية حتى جا عندو العساس عطاه بلاصة خاوية.. باركا وهي دايرة يديها على خدها كتسنا بملل .. حتى سالا حيد السمطة بغا ينزل وهو يشوفيها..

نوردين: ماناوياش تنزل؟

سعاد: (شافت فيه ببرود) حتى نتفاهمو على شي حوايج

شافيها باستغراب ورجع تقاد فجلستو كيشوفيها جنب..

نوردين: نديرلك العرس؟

سعاد: لا عطيهوملي فلوس

نوردين: شحال بغيتي فالصداق؟

سعاد: (طلعاتو وهبطاتو بتردد) وزني ذهب..

نوردين: (بابتسامة جانبية) شحال فيك من كيلو؟

سعاد: (تنهدات براحة ونطقات) 74..

نوردين: انا غا جبلي ماقاريش.. شحال جات دالفلوس،

سعاد: (جبدات التيلي وبدات تحسب بحماس) 74 كيلو فيها 74000 جرام.. (شافت فيه كضحك) غاندير معاك مزيان ونحسبليك غي 100 درهم لكرام .. الذهب طالع هاد ليام مي انت ديالنا..

نوردين: (هز راسو باه زعما كملي)

سعاد: (ضربات الحساب فالكالكيل وشافت فيه) 7 دالمليون درهم وربعمية..

نوردين: (قلب عينيه الفوق مخلوع) بالسنتيم بالسنتيم شحال..

سعاد: 740 مليون الرايس..

نوردين: جاتك ازينة البنات.. ندخلو؟

سعاد: (حيدات سمطتها) سير عالله..

باركات قدام الكلينيك لي عمرها جاتو من منهار تحل.. دارت نظاظرها ونزلات كتشوف يمين شمال.. دخلات لغيسيبسيون وقفات كتسنا الغيسيبسيونيست تخوا.. دقيقة ومشات عندها.. حيدات نظاظر ونطقات بابتسامة شاحبة..

فدوى: stp كنسول على لو ديحي.. مراد العلمي.. كاين؟

غ: باغدون؟ كتقصدي مسيو خالد المرابطي ؟ هو مول الكلينيك!!

فدوى: (اللون فوجهها تخطف) ومراد.. مراد العلمي ماخدامش هنا؟؟

غ: لا مدام راك غالطة السي مراد انفيغميي معانا وهادي سيمانة باش سيفط لينا ديميسيون اباغامون جاتو شي أوفغ على برا..

بقات ثواني كتحاول تستوعب هضرتها.. البرودة طلعات معاها حتى اقشعرو اطرافها.. تراجعات خطوتين الى الوراء.. ومن بعدها خرجات كتجري وعينيها عليهوم الضبابة.. مامتيقاش ان داكشي لي عاشتو معاه كامل كان كذبة واستغلال.. دخلات لطوموبيلتها.. سدات الباب وتكات براسها على الڤولون.. دموعها ماقدراتش تحبسهوم.. ما حيلتها للشمتة ديال انه سمح فيها وكذب ماحيلتها لالم الحب حيت بصح بغاتو ورتاحت معاه.. هاد الصدمة وهاد الوجع كتعيشو لاول مرة فحياتها.. صعيب يتقبلو عقلها وقلبها.. صعيب تجاوزو وتعيش موراه طبيعية.

وصلها للدار من بعد مادارو العقد.. باركا حدا العمارة دشيماء وشافيها..

نوردين: جمعي حوايجك وحوايج سوسن.. فالعشية نجي موراكوم..

سعاد: (كتحل الباب) بلاش غانجي بوحدي ..

نوردين: (شافيها باستغراب كتبان مزيرة) مالك؟ منين خرجتي ونتي قالية وجهك..

سعاد: (شافت فيه ببرود) ماماليش غي كنحاول نستوعب اني رجعت مراتك مرة اخرى..

نوردين: (هز كارو شعلو وساط النفس منرفز) وهادشي صعيب؟

سعاد: كتر مكتصور..

نوردين: (ديبلوكا الباب) نزلي فالليل نلقاك فالدار..

ماجاوباتوش حلات الباب وهبطات.. بقا شحال متبعها بعينيه .. كيشوف راسو مزال ماقادرش يكسبها ويعاود يجرها لجيهتو.. قد ماخلاها على راحتها.. قد مادار الخاطر كيحس بيها كتبعد وغير كتنافقو..

طلعات لاباغطومون .. حلات الباب.. لقات شيماء كالسة كتوكل ولدها.. وسوسن سالات ماكلتها وكالسة فوق الزربية كتلعب بواحد مونيكة كاع شعرها نتفاتو.. كلسات فوق الفوطوي وطلقات رجليها فوق الطبلة بتعب بحالا كانت كتجري..

شيماء: صافي تزوجتو؟

سعاد: وي..

شيماء: (شافت فيها مامرتاحاش) ايوا مبروك! مالك؟

سعاد: (تنهدات بعمق ونطقات) تقدري تجمعي حوايج سوسن وحوايجي.. غي لوحيهوم فلافاليز حتى نمشي تما ونطويهوم..

شيماء: (شافتها هزات صاكها) فين غادية؟

سعاد: عندي واحد الشغال.. نمشي ليه ونجي نمشيو لفيلا قبل مايطيح الظلام..

شيماء: علاش ماغايجيش موراكوم؟

سعاد: ماخليتوش.. غايبقا مبرزطني..

شيماء: (باستغراب) وديالاش هاد الشغال؟

سعاد: من بعد ونقولك.. (وقفات) هانا مشيت.. (شافت فسوسن) سوسن!

سوسن: (هزات راسها فيها) وي مامي..

سعاد: خالتو شيماء غاتلبسليك حوايجك باش نمشيو عند باباك..

سوسن: (ناضت من الارض كتنقز) اه اه اه نمشيو نمشيو.. (شداتليها فيديها) نبقاو معاه ياك ا مامي؟

سعاد: اه غانبقاو تماك غانسكنو..

سوسن: (مشات كتجري لبيت) ويييييي.. انلبس كسوة حمرا..

سعاد: (شافت فشيماء) هانا مشيت..

شيماء: تهلاي.. جيبيلي معاك معسل تفاح فاش تكوني جاية..

سعاد: (حلات الباب) وخ..

دخل للدار بالليل سامح فمشاكل الدنيا والخدمة لي مثقلة كتافو.. كان عندو الشك ديال 50% انها ماغاتجيش.. لكن غي دخل وسد الباب.. سمع صوتها وصوت بنتو مالي المكان.. تقدم بخطوات ثابتة لكوزينة فين كانو .. وقف لثواني كيتأملهوم .. كانت واقفة فالكوزينة لابسة كسيوة قطنية خفيفة قصيرة.. دايرة طابلية دالشغل وفيديها مغرف كتحرك فالطنجرة.. شعرها الاسود مجموع بكعكة مهملة للفوق.. سوسن مكلساها فوق البوطاجي عاطياها خبز بشكلاط كتاكلها.. عمرو حس بهاد الانتشاء.. كون يعطي عمرو ويبقا واقف هاد الوقفة كيتفرج فيهوم الى الابد.. حتى قشعاتو سوسن وغوتات بسميتو فرحانة..

سوسن: (باغا تنزل) بابي.. بابي..

تقدم لعندها هزها من على البوطاجي كيبوس فيها ويعنق.. عينيه على مها لي ماكلفاتش راسها حتى تشوفيه.. باقا كتحرك فطنجرتها بتركيز.. حتى ضارت عندو ونطقات..

سعاد: تبدل حوايجك ولا تعشا الاول؟

ابتسم ومشا كلس فرق طابل امونجي وكلس سوسن فحجرو كيهضر معاها.. بينما هي بدات تحط الشلايض لي كانت موجدة فوق الطبلة.. وتمشي وتجي حداه كيف الفراشة..

نوردين: كون يسحابلي غاندخل نلقاك هكا كون جيت من قبيلة..

سعاد: (بطنز) ماتولفهاش .. انا والكوزينة ماشي صحابات..

نوردين: (بتهكم) عارف.. كدخلي ليها غي لا بغيتي تشربي الما ولا تقادي شي سحور..

سعاد: (عوجات فمها) ايوا حتى دبا خاف على راسك وماتاكلش الرايس..

نوردين: (كيشوف فالطبلة ديكشي كيشهي) اودي الله يعطينا معاك الموت.. ايلا كانت غي على يدك..

سعاد: (حطات الطبق الرئيسي لي كان دجاج مدغمر بالزيتون من فوق وكلسات كتقطع الخبز) حط البنت تاكل..

هز الخبز كيقطعها ..

نوردين: بنتي نوكلها بيدي ..

سوسن: بابا بغيت دجاج..

نوردين: (قطعلها طريف ودارولها فمها) نعطي لبنتي الدجاج..

بداو ياكلو فصمت من طرفهوم بجوج من غير هضرتو مع بنتو مرة مرة حتى نطقات سعاد..

سعاد: غادي. نحل سبا..

نوردين: حلي حتى بيسري.. فلوس عندك..

سعاد: (خنزرات فيه) بغيتك توقف معايا فالوراق.. انت عندك المعارف وداك التخربيق.. تجيبلي الرخصة؟

نوردين: (كيمسح فمو ) بداي ويحن الله..

سعاد: (بان شوية دالضو فوجهها وضحكات) شي كاس داتاي؟

نوردين: (غمزها) شي حاجة حلوة من غيرك ماكايناش؟

سعاد: (ناضت لثلاجة جبدات طبسيل) صوبت جوهرة!

نوردين: اممم باينة فيها كتشهي..

حطاتها حداه ومشات جابت المعالق..

سعاد: ماتعطيش لسوسن غانوحل فيها مع الحنوشة..

نوردين: (كيبوس فسوسن) فيك حنيشات ابنتي؟

سوسن: (ضحكات كتحشم.. شيرات ليه لتحت) كيعضوني بالليل..

سعاد: (شداتها من يديها هبطاتها على حجرو) يالله ا مامي السنينات يتغسلو باش تنعسي..

سوسن: (هبطات كطلع سروالها) مامي الفوق كبير كنخاف..

سعاد: (هزاتها كضحك) انا نمشي مع كبيدة ديالي..

مشاو طلعو الفوق.. بقا متبعهوم بعينيه حتى تقطع حسهوم.. ورجع ياكل التحلية عقلو سارح وشلا مطارق كيضربو فراسو..

خرجات من الدوش من بعد ماغسلات من ريحة الطياب.. لابسة بيجامة خفيفة ديال النعاس.. بنطوفة فرجليها وشعرها لاوية عليه فوطة.. لقاتو متكي على النموسية كيلعب فالتيلي.. مشات كلسات قبالتو حدا المراية كدهن كريماتها.. رشات سبراي على حوايجها وهزات فوطة ناشفة بدات تنشف شعرها خسلة بخسلة.. وهو مراقبها من بعيد.. حتى سالات وجات حداه.. حنات على المجر دالكومود لي قدامها.. جبدات كينة شرباتها ديال النعاس ورجعات الدوا لبلاصتو.. تقادات فبلاصتها وجرات الغطا.. عطاتو بالظهر وغمضات عينيها تنعس..

هادشي كولو داز حدا عينيه.. فهم انها ماغاتبغي دير معاه والو.. خصوصا فاش شربات دوا دالنعاس.. حط التيلي وهز باكيتو دالكارو وبريكة.. لاح عليه الغطا وناض خرج لبالكون شعل كارو كيكمي ويبخ تلفات بيه الحلوفة معاها..

فاقت الصباح .. حتى ضربات فيها الشمس بالمزيان.. شابعة نعاس وبزايد.. تجبدات بلاصتها شوية عاد ناضت دخلات للحمام طرفات وخرجات كتجر فرجليها.. حلات باب البيت ووقفات فالكولوار كطل لتحت.. مابانش ليها.. مشات لراس كطل من واحد الشرجم كيطل على الجردة.. لقاتو كالس كيفطر مع سوسن ..

سعاد: (ابتسمت بانتشاء ورجعات لبيتها) ماشي لمصلاحتي تبقا هاني الرايس.. ايلا ماتلهيتيش عليا غانوحل فيك.. (هزات صاكها جبدات تيليفون سمارت فون كانت شراتو البارح فاش خرجات بوحدها.. دارت فيه كارطة جديدة انسطالات واتساب فقط وجبدات تيليفونها) نديرو شوية دالاكشن ..

سيفطات الفيديو من عندها لنمرة الجديدة.. دخلات نمرتو ودارت طخونسفيغي لفيديو ديال فدوى.. وطفات النمرة فمرة.. هزات التيلي ومشات كتجري للحمام لاحت التيلي فالقادوس وكبات عليه الما حتى هبط..

خرجات كتجري هبطات لعندهوم.. باغا تحضر على الواقعة.. وقفات عند راسو كان كيفطر ويضحك مع بنتو عرفاتو مزال ماشاف تيليفونه.. كلسات حداهوم..

سعاد: صباح الخير..

نوردين: (علا راسو فيها) صباح النور..

سعاد: (شافت فسوسن) اجي ا مامي نبوسك..

ناضت عندها كتجري كلسات فحجرها .. وهو كيشوف فيهوم حتى حس بتيليفونو كيڤيبري فجيبو.. جبدو لقا ابيل دغيا جاوب..

نوردين: اش تما الخاوا؟ اممم .. صافي شحال باغي دالكاميونات؟ .. صافي هداك ديالنا ونقي عطيه تمن زوين.. حسبليه 12 مليون لطراجي..

غي قطع جا يرد التيلي لجيبو وصلاتو نوتيفيكاسيون واتساب نمرة مامعروفاش.. شاف فسعاد لي حاضياه غي بعينيها.. ودخل كليكا على الميساج بانليه داكشي عريان.. رجع شافيها كيمسح شنايفو ويتمتم فنفسو..

نوردين: شهاد الق.. لاوي لي مسيفطين على الصباح.. شي قح.. بة جاتها الز.. ملة ولا؟

تقاد فجلستو وحيد الصوت لتيليفون فمرة عاد برك على الفيديو باش يتقرا.. استغرق منو الوقت حتى نهاية الفيديو عاد استوعب شكون هاديك .. بقوة الصدمة وماتيقش عاود الفيديو اكثر من مرة وفكل مرة كيزومي على وجهها يتأكد.. اللون فوجههو بدا يتبدل.. بحالا كبيتي عليه سطل دالما بارد.. هابط مع اطرافو بحال الجليد.. جمدليه الدم فعروقه.. جبهتو رجعات كتزرزر بعرق بارد.. عينيه الشرار خارج منهوم.. علا راسو كيشوف فسعاد كانت كتقول شي حاجة.. يمكن كاتسولو مالك.. هو ودنيه كانو كيصفرو.. حس بالضغط نزليه.. بصعوبة باش وقف من كرسيه.. مزير على التيليفون بين يديه.. ماشافش قدامو دفع الكرسي برجليه ومشا كيجري بحال شي ثور شاف ثوب احمر..

سعاد: (هبطات سوسن من حجرها) كملي فطورك ابنتي غانمشي لكوزينة ونجي..

دخلات للدار.. كتقلب عليه.. حتى كايبان ليها هابط هاد المرة هاز جاكيطتو وسوارت اللوطو.. ماهضرات ماتكلمات معاه.. اصلا ماشافهاش.. بقات واقفة حتى زدح الباب وخرج.. ابتسمت بشر.. وطلعات لبيتها كتجري..

ركب فطوموبيلتو كيترعد من قوة الاعصاب.. شحال هادي بينو وبين حريق يديه.. هاد المرة حس بيها غاطير بالوجع.. ديمارا فاقصى سرعة كيغوت ويضرب فالفولون..

نوردين: غانقتلااااااك ابنت الق.. حبة غانقتلك.. داااايرة الزلال؟؟ غاندب.. حك..

باركا حدا لافاغماسي ديالها كانت غي قريبة للمنطقة فين ساكن.. خرج صاعر ماكايشوفش قدامو.. مخلي باب اللوطو محلول.. دخل طافج لداخل.. لقا غي الولد لي خدام معاها.. ردخ فوق الكونطوار.. وفوت تا بانو حلاقمو..

نوردين: فين ديك القح.. بة لي مخدماك؟

الولد طفج ماعرف باش تبلا.. كون ماكانش عارفو راجلها كون قال هدا غي شي مقرقب جاتو الحالة وجاي هاجم باغي الدوا صحة.. لصق مع البلاكار بالخلعة ونطق..

مادام فدوى مزال ماجات..

عاود ردخ بيديه فوق الكونطوار وخرج كيجري لطوموبيل قاصد الدار..

كانت كالسة فبيت ولادها.. الكبير مشا للمدرسة وهيثم مكلساه فحجرها كترضعو.. ولاخور كيلعب حداها جسدها فقط لي حاضر اما العقل مرفوع.. ليلتها دازت كحلة من بعد ماعرفات الخبر.. تمنات غي تشوفو وتهضر معاه مرة وحدة تسولو لاش دار هكا.. خلا فقلبها جمرة حامية وشمتة عمرها داقتها فحياتها.. هبطات دمعة من عينيها مسحاتها دغيا باش مايردش البال ولدها الصغير.. قلبها كتحس بيه مقبوط.. والنفس محقونة فيها.. تنهدات بحرقة وناضت حطات ولدها بلاصتو يلعب.. بانلها ايليفونها كيصوني هزاتو قلبها كيضرب مزال عندها امل دخل شي ابيل بسميتو وتهضر معاه.. لقات نمرة غريبة جاوبات بسرعة..

فدوى: الو..

كانت متأملة يكون هو ساعة فاش وصلها صوت انثوي عقدات حجبانها باستغراب..

-قلت غاتكوني متي.. مزيان لي لقيتك باقا حية..

فدوى: (عرفات الصوت وماعرفات) شكون معايا..

-معاك سعاد.. ضرتك الزين..

فدوى: (الجنون طلعو فيها وكانها كان باقيلها غي هي تكمل على مابيها) شنو بغيتي؟ غانقطع..

سعاد: (ضحكات بشر) الصراحة مالقيت ماندير قلت ندير شويش دالخير ونجمع حسنات نبدا بيهوم نهاري ونعتق روح ..

فدوئ: اش كتخربقي؟

سعاد: الرايس كيقلب عليك باش يقتلك..

فدوى: (سكتات شوية كتستوعب عاد نطقات بصوت مرتعش) مافهمتش؟

سعاد: دخلي واتساب وخليك اونلين..

سيفطاتليها الفيديو بمجرد ماشافتو طاحت بلاصتها على ركابيها جاها هبوط فاطرافها..

سعاد: كوكو ! ياكما متي؟

فدوى: (الدموع على خدها والحرارة خارجة من فمها .. نطقات بصعوبة) منين.. ج.. جاك هادشي؟

سعاد: (بتشفي) تعقلي نهار قتلك ماتلعبيش معايا انا ماشي قدك؟ تعقلي نهار تبريت منك وقتلك مزال غاتخلصيها غالية؟ كيجاتك الضريبة دبا؟ (ضحكات ضحكة شيطانية) مراد كان مجرد وهم انا خلقتو وانا محيتو.. مي وخ هكاك انا ماقبيحاش بزاف.. بقيتي فيا وعيطتليك قبل مايوصل عندك الرايس ويذبحك.. القرار بين يديك دبا.. يا تموتي يا تموتي..

قطعات الخط وخلاتها طايحة بلاصتها مزيرة على التيليفون.. جوج كلمات كيتعاودو فراسها.. الرايس كايقلب عليك باش يقتلك.. شافت فولادها وناضت شادة فراسها.. تلفات بيها الدنيا وضارت بيها الارض.. قلبها غايخرج من بلاصتو.. الخوف تسلل داخلها بطريقة غريبة.. وقفات كتشوف فولادها ماساخياش تمشي وتخليهوم.. ماقدراتش مزال تزيد تفكر.. هزات سوارت طوموبيلتها صاكها ووراقها وخرجات كتجري وتعتر فرجليها.. ديمارات وخرجات من الفيلا كتجري.. غادية بدون وجهة.. عقلها غايخرج من بلاصتو .. ماعارفاش اينا طريق اشد.. فين غاتهرب منو.. فين غاتعطيها بالراس.. خاصها تخوي طنجة..

هادي هي الفكرة الوحيدة لي طاحت فدماغها..

هزات تيلي دوزات الخط لصفاء صاحبتها.. غي جاوبات بدات تبكي..

فدوى: عتقي اصفاء انا مشيت فيها.. الرايس عرف بعلاقتي مع مراد.. كيقلب عليا باش يقتلني..

صفاء: (بخوف) فينك دبا؟؟

فدوى: فالزنقة.. صايكة..

صفاء: خاصك تهربي.. الفيزا داسبانيا شحال مزالك فيها..

فدوى: (كتشهق بالبكا) تسالات..

صفاء: تهدني دبا.. غانقطعليك اول بيي لتركيا دبااااا.. سيري تماك هربي حتى نشوفو اش ديري.. هزيتي باسبورك؟

فدوى: (بانلها شوية دالامل فالهروب) اه اه معايا..

صفاء: قطعي انا غانقطعليك اونلين دبا..

قطعات الخط ودورات الفولون شدات طريق لوطوروت.. غادية هاربة من المجهول الى المجهول..

وصل للدار دخل صاعر ماكيقشعش قدامو .. زاد لوسط الدار وكيعيط بسميتها حتى تشقو الحيوط وخرجات الخدامة والمربية..

نوردين: فييييييين فدواااااا؟؟

خ: (خلعها رجعات جوج خطوات اللور كترعد) خرجات عاد دبا السي نوردين..

نوردين: (شد فراسو) فين الدراري؟

المربية: الفوق.. ويحيى فليكول..

ضرب يديه مع واحد السارية بعضب غايحماق ويلقاها..

خرج الغشاوة على عينيه.. باغي يلقاها ويشفي غليلو وربي كبير.. خلات الشمتة فقلبو.. غدراتو .. دارت عليه الصاحب وخانتو.. فدوى؟ فدوى لي كانت كتموت منو بالخوف وفوجوده ماكانت كتحرك البيضة من الطاس.. ركب فطوموبيلتو وغادي سارح فالطرقان.. كيقلب عليها.. رجع تاني لافاغماسي مالقاهاش.. كيعيطلها فالتيلي كايعطيه طافي.. ساعتاين وهو كيحاول يوصليها والو.. عيط لوالديها حاول ما امكن مايبينش ليهوم شي حاجة باش لاكانت عندهوم يگرو والو ماكانتش عندهوم وغي مازادو شغلهوم عليها..

دازت شي نصف ساعة وصلو ابيل من نمرة غريبة.. جاوب بسرعة..

نوردين: الو؟

-السي نوردين.. مدام فدوى مرتك؟

نوردين: (حبس اللوطو جنب ونطق) اييه فينهيا..

-معاك كلينيك السلام.. مرتك دارت كسيدة فالدخلة ديال قنيطرة.. هي عندنا دبا وحالتها شوية خطيرة تقدر تجي ؟

كان بحال شي جمرة وطفيتيها.. قطع التيلي وديمارا مكسيري لقنيطرة.. غادي كيسارع الرياح.. باغي يوصل يقتلها تماك وسط الكلينيك.. غايخليها تطلب كون ماتت فهاد الكسيدة ولا تبقا حية ينحرها..

وصل الكلينيك دخل كيجري سول فالغيسيبسيون..

نوردين فدوى مرشيش..

غ: السيدة لي جات اكسيدون مع رموك؟

نوردين: اه هي..

غ: باقا فالمستعجلات.. هبط بلاسانسور لتحت اسيدي..

ماخلاهاش تكمل هضرتها.. هبط كيجري .. غادي وكينعتو ليه.. حتى وصل لبلاصة الانعاش.. بانليه فرملي خارج.. مشا عندو وقفو كيسولو..

نوردين: فدوى مرشيش.. جابوها كسيدة..

ف: (ببرود كينعت ليه) هبطوها لامورغ..

بحال شي جمرة كانت شاعلة وكبيتي عليها كاس دالما وتسمعات تششش.. هكا هبط معاه سيل من العرق جامد بحال الثلج.. ماتت؟ بدون مايعاقبها وياخد حقو ويبرد نار الشمتة لي شعلات فيه ويسترجع رجولته لي تلاعبات بيها.. استحمراتو.. استخفت بيه.. فين كان هاد السنين كولها؟ من امتا بدات تلعب بذيلها.. لهاد الدرجة كانو بعاد من بعضياتهوم؟ لهاد الدرجة كانت عندو زايدة ناقصة ومامسوقش لشنو كدير فغيابو؟ خداها ضد فسعاد وولد معاها تلاتة الاولاد بلا حتى شي احساس؟ هابط مع الدروج كيسول راسو فدوى لي ماتت اش كتعني ليه؟ ما جا حتى شي جواب فراسو.. وكل ماكيحس بيه دبا هو الشمتة.. فقط !

وصل لاموغگ لقا باها ومها خارجين منهارين .. خصوصا الام لي شافت بنتها مكوفرة فثلاجة .. وقف فالباب كيتسناهوم يخرجو.. باها غي شافو طبطب على كتفو بلا ماينطق بحتى حرف.. فمو كيبان ناشف وزرق.. الصدمة كانت واضحة فعينيه.. كتبقا بنتو.. كبدتو تخطفات من الدنيا بين ليلة ونهار.. حتى هو مانطق بحتى حرف اصلا ملامحه كانو مافيهوم حتى شي تعبير.. دخل لداخل على صوت غوات مها لي نهارت برااا كتغوت بسمية بنتها.. الفرملي لي تما غي شافو سولو ببرود..

ف: انت معاهوم نيت؟

نوردين: (بصوت مبحوح وبارد) انا راجلها..

حرك راسو بأسى وحل الثلاجة خرج منها الجثة بسرعة وعرا عليها الغطا الابيض باش مغطية.. كانت كولها زرقة.. ضربة فجبهتها مفتوحة وباقي عليها اثر الدم من بعد ماجمد.. راسها مايل للجنب بسباب عنقها لي تهرس.. الحياة غادرات جسدها بطريقة مفجعة.. شفايفها صوفر ونيفها باقي لاصقين فيه نقيطات ديال الدم جامد حتى هو.. وجهها بحالا ضعاف وصغار كتر من القياس.. هي كولها كانت كاتبان قليولة.. الروح غادرات الجسد وخلاتو هزيل.. غمض عينيه ورجع حلها ماقدر ينطق بوالو من غير انه تراجع جوج خطوات الى الوراء وخرج من داك المكان البارد بسرعة قبل مايزيد يجمدو عروقه.. كانت مها مزالة طايحة فالارض كتغوت.. طلع فيهوم وهبط مانتابهوش ليه.. حدر راسو ومشا بحالو.. باغي غير يخرج يشم هوا نقي.. يستوعب شنو طرا.. ركب فطوموبيلتو وتكا براسو على الكرسي.. شنو غايقول لولادو بتلاتة فاش غادخل مهوم فتابوت مكفنة؟ واش غايقدر يقولهوم كنت غادي باش نقتلها ولقيت ربي دارلها خير مني وداها لعندو؟ ماكان غايقدر يقولهوم والو من هادشي.. كانو غايكرهوه.. وغايكرهو حتى مهوم.. مشات بلا ماتاخد حسابها منو.. بلا مايواجهها بالحقيقة.. مشات وهي ماعارفاهش عرفها كانت كتخونو.. لحد الساعة هادشي لي فالضن ديالو اما لي ماعارفوش هو انها كانت هاربة منو..

حل عينيه على صوت تيليفونو لي كيصوني.. كانت نمرة باه.. خبار الموت دغيا كتوصل.. اكيد دبا العائلة كاملة غاتكون جات لطنجة.. اكيد الخبار طاحت عليهوم كي الصاعقة.. جاوبو بصوت مبحوح.. الريق ناشف فحلقو..

المختار: اولدي شهاد الفاجيعة؟

نوردين: هادشي لي قدر الله الواليد..

المختار: (بأسى كان واضح فصوته) الله ما اعطى وللله ما اخد.. كمل اولدي الاجراءات واجي حضن ولادك.. حنا غانبداو نوجدو الجنازة انشاءالله.. اكرام الميت دفنه ا بني..

نوردين: (دوز على وجهه بيديه بتعب.. كاتم الصدمة والغضب بقلبو) الدراري معاكوم؟

المختار: راهوم مع ختك فالبيت.. يحيى كبير شوية كيفهم كيبكي الحفيد ديالي مسكين.. ولوخرين اولدي راهم باقيين صغار.. يسولو على يماهوم وينساو أ بني..

نوردين: (بقاو فيه ولادو حس بغصة فحلقو.. تمتم بوجع) نساليو الاجراءات ونجيو..

المختار: عايطت للقايد صاحبي.. نخلصو القبر ويبداو يحفروه دبا.. ايلا وصالتو مع العشا وتيسرات الامور ندفنوها..

نوردين: وخ أبا (قطع)

كانت حداها سوسن شادة ورقة بيضة كترسم وهي شاعلة التلفزة متبعة فيلم.. عايشة معاه.. دموعها سايلين مع الحلقة الاخيرة فاش انتحر البطل وخلا البطلة كتبكي..

سعاد: (بصوت خافت) شماتة ماتستاهلهاش.. كولكوم ولاد القحاب..

مسحات دموعها من بعد ماطلعات الكتبة.. حسات بالقطعة دالكارو.. ساعتاين وهي نابتة حدا التلفزة كتفرج بلا ماتكمي.. ناضت مسلتة من سوسن وطلعات لبيتها الفوق خرجات لبالكون شعلات كارو كتفرج للغروب.. طالعة هابطة فانستغرام حتى صونا تيليفونها بنمرة شيماء مع جاوبات مع نطقات..

شيماء: عتقي ضرتك ماتت..

حتى شي أثر ديال الصدمة مابان عليها.. خدات نفس عميق من سيجارتها ونفخاتو فالسما برااحة بحالا مخرجة معاه حمل ثقييل كان فقلبها.. نطقات ببرود قاتل..

سعاد: باش ماتت..

شيماء: اكسيدون.. طنجة كاملة ساقت الخبار لكسيدة دالرموك نتي اخر من يعلم.. راه لايحينها فالفايس وحتى انسطا .. اطط نسيفطلك الليان..

سعاد: (طفات كاروها) كولنا ليها أ صديقتي..

شيماء: نتي مور هادشي ياك؟

سعاد: (كتسد باب البالكون من بعد مادخلات.. نطقات بطنز) اه انا لي سيفطت ليها الرموك.. مال طبونمك.. ربي بغاها ربي داها الله يتبعنا بيها مومينين..

شيماء : الله يقوي ايمانك.. غاتمشي لجنازة؟

سعاد : ماعندي شكون نعزي..

شيماء: عزي راجلك..

سعاد: (بتهكم) راجلي منين يلوح عليها التراب يجي ياخد عزاتو..

شيماء: تهلاي لا زدت معاك هضرة غايهرب ليا..

سعاد: بسلامة..

قطعات الخط .. وشافت راسها فالمراية لي قبالتها.. بنظرة حادة.. وملامح باردة.. التوت شفتيها بابتسامة جانبية.. من داخل كتحس بالانتشاء!

كيقولك فهاد الحياة تقدر تعلم كولشي بوحدك الا القسوة كيجي واحد اخر يعلمها لك… هي عمرها كانت هكا ولكن الطعنات لي تغرسو فقلبها خلاوها ترجع بهاد البرود.. برد قلبها على كولشي.. ندبات شوهو روحها الناعمة..حتى رجعات كتبكيها لقطة ففيلم رومانسي لي كتعتبر حاجة تافهة وكيقصاح قلبها على خبر يقدر يجي للبعض مدمر.. والقسوة ماشي ديما كتكون عنوان للقلوب الميتة فبعض الاحيان حتى القلوب الطيبة كتقسا حيت تجرحات.. وطعنات مرات عديدة بنفس السكين وفنفس البلاصة وبنفس الحدة..!

كان الجو بارد شوية ماشي بزاف.. وكأن فصل الصيف كيودعهوم.. ريح خفيفة كضرب فالشجر.. السما صافية والگمرة كتشطح الوسط مضوية المكان.. بقا كالس فطوموبيلتو شاعل كارو.. كيحاول يخوي راسو من شنو داز عليه فهاد 3 يام.. جنازة.. بكا.. كولشي كيتحصر.. ولادو تيتمو.. يدورو ويسولو على مهم وعلاش الفيلا عامرة والعائلة مجموعة.. بزاف دالاسئلة ماكانش كيلقا ليهوم جواب.. طول الوقت غي حاير ويخمم.. البعض ايلا شافوه يقول حزنان على مرتو ومضيوم لفراقها.. وحتى واحد مكيعرف الرايس مزيان باش يعرف ان الموضوع اكبر من انه يكون حزن على الفراق.. بل شمتة بقات محفورة فقلبو وغاتخلي اثرها تايموت.. رما سيجارته وحل الباب ينزل.. غادي بخطوات ثقال.. مهدود وكيحس بتعب رهيب.. طامع فالراحة بين يديها ولا على الاقل غير يسمع صوتها لي هاجرو لمدة تلاتة ايام.. ماكلفات راسها حتى تعيط تسول فيه او تكذب على راسها وتعزيه.. سعاد كيعرفها مزيان.. كيقراها وخ بعيدة عليه.. اي تصرف كديرو كيكون عارف شنو تحت راسها وشنو تابعو.. حل الباب ودخل.. كان السهات فالدار.. الساعة كانت كتشير الى منتصف الليل.. طلع الفوق.. حل باب غرفة سوسن.. كان ضو الڤيوز مشعول عند راسها وهي ناعسة كتشخر شخيرات صغار.. وقف غي من بعيد كيشوفيها.. ماكرهش يمشي ينعس حداها ويعنقها.. تعطيه غي شوية ديال الامل فالحياة وبلي الدنيا زوينة وبريئة بحال برائتها.. تنهد من اعماق قلبو ورد الباب غي بشوية باش مايفيقهاش.. وتم غادي عند السالبة عقلو.. جرعة النيكوتين لي خلا دار الجنازة عامرة ف3 يام وهرب عندها.. لكن هاد الخطرة جاي والحزن فعينيه.. باغي يشوفها وماباغيش يسمع شنو غاتقوليه.. ماباغيهاش ترمي سمها عليه.. تسمعو لي كيهرب من انه يسمعو.. سعاد بحال شي لفعة ربيتيها منين كانت صغيرة وفاش كبرات رجعتي تخاف تلسعك..

حل الباب وكيطلب انها تكون شربات دواها وناعسة.. باغي غير يشوفها وهي خامدة.. ماتبخش عليه قطرانها.. ماباغيش يزيد يدمر.. خاب أمله فاش دخل.. كان البيت مضلم والبالكون مترع الهوا داخل منو.. وضو الگمرة حتى هي.. من بعيد لمح لهيب سيجارتها مشتعل.. تقدم خطوات للامام وصلاتو ريحة الدخان.. لاح سوارتو وتيليفون لي كان فيديه.. حاول يدير شي صوت باش مايخلعهاش خصوصا انه ماشعلش الضو.. هي حسات بحركتو فالغرفة من فاش دخل.. او نقولو منين كان باقي فالللوطو كيكمي .. خدات نفس من سيجارتها وساطتو لبعيد.. ضو الكمرة ضارب فوجهها.. كيبانو عينيها كيلمعو.. شعرها كيتراقص على نغمات الهواء العليل.. لابسة روب حريري فالابيض وكالسة فالظلام.. كانت فعالم خاص بيها.. عينيها على النجوم وعقلها سارح.. بحالا دايرة جلسة تأمل هي وراسها.. ماضارتش وراها وخ حسات بخطواتو جايين.. حتى وقف عند راسها.. وحط يديه التقال على كتافها.. جرات من سيجارتها منتشية ونطقات بصوت مبحوح.. عينيها على الكمرة هاد المرة مكترمشش..

سعاد: اشمن ريح لي جابتك الرايس! (ساطت ما تبقا من الدخان ففمها وكملات بخفوت) ودار الجنازة مزالة عامرة..

رمشات فاش دمعو عينيها .. حسات بقبلة طبعات فوق راسها.. وتحنا لطرف ودنيها حتى وصلها صهد انفاسه الحارة .. نطق بصوت اجش..

نوردين: جيت نرتاح الدياماندا..

طفات سيجارتها وتسللات منو بهدوء توجهات لمقدمة البالكون حطات يديها بجوج على الصور وعلات راسها كتستنشق هواء نظيف من بعد ماعمر صدرها بالنيكوتين كتسمع خطواته جايين عندها بشوية.. حتى حسات بيديه حاوطوها ماللور .. خشا راسو فرقبتها كيشم ريحتها.. طبع قبلة هادئة بورشاتها وخلاتها تنتافض بين يديه.. كان طالب يلقا الملاذ بقربها وخ عارف غايلقا غي المنفى!.. زفر انفاس حارة حدا ودنيها .. يديه زيرو بعنف على خصرها..وهمس بصوت أجش..

نوردين: كنرتاح غي عندك الكبيدة ونتي عارفة هادشي..

التوت شفتيها بابتسامة ساخرة.. ضارت لعندو بلا مايهز يديه على خصرها.. رجع حاضنها وحرارة جسدها نوضات الشياط فصدرو.. عينيها كانو بحر وهو غرق فاعماقه حتى القاع.. رجعات ابتاسمات فوجهه وهاد المرة بانتشاء.. نطقات بصوت عذب دخل مع ودنيه بحال شي نغمة موسيقية لحنها ساحر..

سعاد: علاش مامرتاحش هدا كولو حب لمرتك وحزنان على موتها؟ ولا كاينة شي حاجة اخرى خلاتك جاي عندي بهاد الحالة الرايس!

هاهي قاست الوثر الحساس.. ورشات الملح على الجرحة لي كتنزف فالداخل ديالو.. تذوقات طعم الشمتة بشفايفها.. رجعات ابتسمت تحت ظلام الليل الساحر.. هزات صبعان يديها الناعمة مرراتهوم فوق خدو بهدوء.. وخ كان الظلام عينيه كتحكي كولشي عن الغضب والضياع.. قربات عندو شوية.. حتى حس بحرارة انفاسها كتلفح وجهه.. بلمسة صغيرة كتلعب على اوثار رجولته.. يديه كتحس بيهوم كيزيرو على الروب الحريري لي لابساه.. أظافره بغاو يدخلو فخصرها.. زادت وسعات ابتسامتها.. ونطقات بخفوت..

سعاد: بقا فيك الحال حيت ماشي انت لي سيفطتيها عند لي خلقها؟

كان الظلام ماقدراتش تقرا ملامحه فهاد اللحظة.. واش تصدم .. او واش تعصب.. من غير حركة يديه لي جروها لعندو بعنف حتى ارتطمت بصدرو.. حط جبهتو على جبهتها وزفر بحرارة حدا انفها النفس كيجاهد باش يطلع من صدرو.. كان حاس ودبا تأكد..نطق بأسى..

نوردين: هادشي لي درتي زاد أكدلي حاجة وحدة!

احساس الحزن والصدمة لي ذاقتهوم فنبرة صوته انعش داخلها حد الانتشاء.. نزلات بيديها على رقبتو كأنها كتقيس درجة الحرارة لي منباعثة من جسده.. كان كل نفس كيخرجو من صدره كيكبح فيه راسو باش مايثورش فوجهها ومايديرش شي تصرف يندم عليه.. نطقات بهمس.. وبنفس نبرة الصوت الناعمة..

سعاد: زاد أكدلك أن سعاد مزال مابرداتش.. (سكتات شوية كتمرر سبابتها على رقبته وكملات كلامها بخفوت) فراسك خصك تشكرني؟ (شافت فعينيه مباشرة وهمسات) سنين وانت مقلوبة عليك القفة.. فدار غفلون.. من قح.. بة لقح.. بة ومرتك دايرة عليك الزلال.. (كتحس بضفرانو كيتغرسو فخصرها بدون شعور..كملات كلامها ببرود) درت فيك خير وريتك حقيقتها.. وحيت عارفاك مافقلبكش الرحمة تاقيت الله فدوك الدراري ودرت فيها خير حتى هي باش تهرب.. ساعة (رفعات حواجبها بأسى مصطنع) وقف اجلها.. ربي بغاها ربي داها.. ماكنتش باغاها تموت .. ولكن مكتاب الله تصرف..البركة فراسك الرايس..

حس براسو هو السبب.. هو لي دمرها.. ماشي سعاد لي كتهضر.. كانت مجرد روح خبيثة مجردة من كل احاسيس للانسانية.. ماغايقدرش يلومها.. شي حاجة فيه لداخل كتخليه يغفرليها .. يصفح عنها.. يعطيها مبررات لاي حاجة دارتها.. شي حاجة فيه لداخل باغيها تبرد.. باغي يدير اي حاجة باش يخليها تبرد.. تنتاقم منو بطريقتها عالله تبرد.. ماكرهش يخشي يدو لداخل.. يجبد داك الجمرة لي غرسها هو بيديه ويطفيها فما بارد.. ماكرهش يمحي الحزن من عينيها.. ياخد الامها ويمتص وجعها.. هز يديه دوزها فوق خدها بلطف.. عينيها دخلو فحرب صامتة مع نظراته لي تحولو من الغضب للضياع.. نطق بصوت متحشرج..

نوردين: أنا لي رجعتك هايدا الدياماندا؟

غمضات عينيها ورجعات حلاتهوم.. تنهيدة خرجات من الاعماق مصحوبة بنظرة حزينة.. زرعات فقلبو الموت..نطقات بعتاب..

سعاد: اقود حاجة تقدر طرالك فهاد الدنيا هي يخليك شي واحد تولي هكا بسباب فعايلو.. يخليك ترجع انسان ماعمرك فكرتي تكونو والمقودة كاع فهادشي هو داك الناس لي بغيناهوم هوما لي يرجعوك هكا…

ودنيه تجاهلو تماما اش قالت.. كل مابقا عاقل عليه هو داك نقطة الضوء الابيض الوحيدة فجملتها.. الناس لي بغيناهوم هوما لي يرجعوك هكا.. جملة خلات ابتاسمته توسع.. وغضبه يتلاشى..واطرافه يتخدرو بالكامل.. وكل خلية فجسده كتمزق شوقا ولهفة.. زاد قرب اكثر انفاسه كتقصف ثغرها.. لامس شفتيها بهدوء ونطق عند حافتهم.. وهو كيتذوق ملمسهم فقط..

نوردين: توحشتك..!

نوردين: توحشتك..!

ترسمات ابتسامة هادئة على وجهها كدقق فملامحه بتركيز.. بينها وبين نفسها ماتقدرش تنكر أنه كيعجبها ولمساتو كتخدرها.. وقد ماجربات فالرجال كيبقا هو الوحيد لي كان كيوصلها للانتشاء ومعاملتو ليها كانت معاملة خاصة.. وحتى مشاعره كتحس بيهوم صادقة..زفرات انفاس حارة حدا ثغره ونطقات بهمس..

سعاد: كتعيا طير وتجي حتى لبين يدي.. حاط السلاح..!

نوردين: (تحنا باسها من شفايفها قبلة مخطوفة وهز راسو..نطق بهمس وهو كيلعب فشعرها) كولهوم غي قح.. اب.. مايجيوش شبر فرجلك.. (ابتسم بشغف كيوزع قبلاته فوق خدها ونطق بخفوت) نتي الحيااااة!

سعاد: دبا شنو بغيتي؟

خشا يديه تحت من بيجامتها كيتحسس جسدها ورجع بيديه لتحت سروالها لقاها اصلا مالابساش السليب ابتسم بانتشاء ونطق..

نوردين: بغيت نعيش الحياة..

ماخلاش ليها الفرصة فين تنطق حتى كان انقض على شفايفها بقبلة عنيفة مثل المجنون.. ويديه كتعصر فط.. رمتها بعنف.. منتشي بأول قبلة ليها من بعد ست سنوات سجن نافذة فحقو..

بحال شي أمنية مستحيلة وكان ديما باغيها .. هزها بين يديه بلهفة ودخل بيها لبيت النعاس.. حطها فوق النموسية وتكا عليها كينهج.. نطق وهو كيدوز على كرشها بهدوء..

نوردين: رجعتي خفيفة أ كبيدة .. ضعافيتي بقات فيك غي الكرش..

عضات على لسانها كضحك وصدرها مدفگ على برا من بعد ماتحلو جوج ازرار من بيجامتها.. خلاتو يبلع ريقه بحركتها الجريئة وناض على ركابيه .. نصل حوايجو لتحت والفوق وبقا عريان..

نوردين: (كيتلذذ بعينيه) توحشتك وبزايد العمر..

علات رجليها للسما وحيدات السروال بدون سابق انذار.. وفرقات حداه كتشير لتحت..

سعاد: شحال هادي ماشفتيه ياك؟

اخر ذرات الصبر لي كانو عندو سفكاتهوم بحركتها.. ماحس براسو حتى لقا شفايفه بين فخاضها كيبوس ويتلذذ بحالا ذاق شي حلوة دلاكخيم.. من ديما كيحماق على جرأتها فالفراش.. هادشي لي مازال مالقاه فحتى وحدة ..

دامت العلاقة بيناتهوم مدة ساعة.. كانت كولها تفريغ للش.هوة من طرفهوم بجوج..

تكات حداه على الخدية كترتاح.. جسدها عرقان وعريان وهو شاعل كارو فوق راسها كيشوفيها بشوق .. ناسي راسو وحتى سميتو.. مد يديه كيدوزها فوق خصرها..

نوردين: هاد الطر.. مة ديالك ولا مصوباها؟

ضارت شافت فيه كضحك.. تكات على جنبها صدرها كولو نازل قدامو بدون خجل.. نطقات بخفوت..

سعاد: صوبتها غي قبل مانتزوج بيك بشي عام.. كنت مشيت لتركيا انا واحد صاحبتي وقاديت لافوغم..شفطت الكرش وزدت فالسوة.. ولكن الصدر (شدات فصدرها بحالا كتعبرو) ديالي..(شافت فكرشها لي خرجات شوية) هي نوغمالمون خاصك تبع ريجيم وسبور مي مع المشاكل.. الحبس.. الولادة الهرمونات كيتخربقو.. (شافت فيه) طرطرت ياك؟

خدا أخر نفس من سيجارتو وطفاها فوق الكومود لي حدا راسو ورجع شافيها.. هز يديه كيمررها بحنان على شعرها.. وعينيه تايهين بحالا ضايع وسط صحرا وهي بوحدها لي تقدر ترويه..

نوردين: طرطري ولا ضعافي ولا رجعي كيما رجعتي والله معاك مانتفاك.. كتعرفي لحم الراس كيف كيلسق؟ هو انا الدياماندا.. حتى نقتلك او تقتليني..

سعاد: وتسخا بيا؟

نوردين: نسخا بالعمر ديالي ومانسخاش بيك الكبيدة..

شافتو بحالا بدا يسيح تاني وهي ما صدقات جاها النعاس بلا دوا.. جرات عليها الغطا وتقادات بلاصتها..

سعاد: جاني النعاس .. تصبح على خير.. (طفات الضو لي حداها)

شافها غمضات عينيها طفا حتى هو الضو وتكا على ضهرو كيتنهد..نطق بتساؤل

نوردين: دايرة شي احتياط للحمل؟

سعاد: (جاوبات بصوت نعسان بلا ماتحل عينيها )لا..

ابتسم برضى وتقاد فبلاصتو مغمض عينيه باش ينعس..

حل عينيه على لمسات حنينة فوق وجهه فلحظة فكرها هي .. فاش حقق مزيان لقاها النسخة المصغرة ديالها .. ابتسم بهدوء وجرها لعندو عنقها بحب..

نوردين: صباح الخير النوارة ديالي..

سوسن: صباح الخير بابا..

نوردين: (ناض تقاد فبلاصتو) فين ماماك؟

سوسن: كطيب الغدا..

شاف فساعتو لي محطوطة عند راسو باستغراب.. لقاها الجوج ديال النهار.. تفوه بعياء ماحسش براسو كيفاش بقا ناعس حتئ لهاد لوقيتة.. ولكن الراحة لي حس بيها هاد الليلة شحال هادي ماحسهاش..

جا ينوض من بلاصتو تفكر انه مالابس والو من تحت.. باس سوسن وسيفطها لتحت عاد ناض لبس شورطو.. هز فوطة دالحمام ودخل نيشان للدوش يصحصح..

هبطات كتجري عند سعاد .. فرحانة..

سوسن: فيقت بابا .. فيقت بابا.. فيقت بابا..

سعاد: (هزاتها كلساتها على بوطاجي كتبوس فيها) ياك قتلك خلي باباك ناعس احبيبة..

سوسن: (رخات شفايفها بعفوية) فيا الزوووووع..

سعاد: غاندير لبنتي ليباط..بصوص بلونش لي كيعجبوها..

نطقات فاطمة لي كانت كدغمر الدجاج..

فاطمة: علاش ماكاداكولشي الجداد؟

سعاد: (حيدات فواطتها) مكتعجبهاش المرقة فمرة..

فاطمة: حسنلا المروقات عا المرض..

سعاد: (كتجمع شعرها) غي بداي تقلي الفريت انا طالعة الفوق ..

فاطمة: وخ ابنتي..

طلعات الفوق.. لقات البيت خاوي وصوت الرشاشة فالحمام مطلوق.. حيدات بنطوفتها وبدات تجمع سريرهوم فين نعسو.. حتى بانليها تيليفونه شاعل الضو كيصوني فصمت طلات لقات "الحاج"

خلاتو وكملات التخمال.. حتى قربات تسالي وهو يخرج كيمسح راسو بفوطة .. لابس كيطمة كحلة وصندالة دالصبع باقا فازگة.. شافها تبسم.. ومشا عندها.. كانت حانية كتنفض واحد الكنابي حدا النموسية.. عنقها ماللور وباسها فعنقها..

نوردين: صباح النور العمر..

سعاد: (ببرود) صباح الخير وخ مابقا صباح.. تسللات منو ومشات كتقاد ماكياجها فوق الكوافوز.. (نطقات بهدوء) تيليفونك كان كيصوني..

اللوان تخلطو فوجهه نساه شاعل وماكان ضارب حساب غايصبح ناعس .. خاف لاتكون عيطات شي قح.. بة نطق بتساؤل..

نوردين: شكون؟

سعاد: باك..

عاد رجعات فيه الروح ومشا هز تيليفونه لقا تقريبا شي 10 دليزابيل.. عاودلو فالبلاصة..

نوردين: الو الواليد..

المختار: الله أ بني.. فاين مشيتي وخليتي ولادك كيبكيو؟

نوودين: (شاف فسعاد لي ودنيها مطلوقين عندو ويديها كتمسح بيهوم الغبرة) شوية ونجي الحاج.. شكون باقي تماك؟

المختار: ختاك وخالتاك وخاك وولادو بالحق ماشيين بحالم دبا..

نوردين: شكون غايبقا مع الدراري؟

المختار: جدوم وعزيزاهوم ديماهوم الله يرحما.. باغيين يهضرو معاك ابني.. قالولاك يخليو يحيى حيت كيقرا ويعبيو لوخرين معاهوم لأزرو.. نتينا ماغادقدرشي دكابلوم بوحداك..

نوردين: (تعصب وخبط الفوطة فوق النموسية) ولادي ماغايمشيو لحتى بلاصة.. ولادي غايبقاو معايا وفاين ما كنت انا غايكونو هوما.. وهاد الموضوع ماغانهضار فيه مع حد.. فاش يتوحشو حفادهوم يجيو مرحبا بيهوم.. وصلوم هاد الهضرة أ با مافيا لي يجي يتخسر على شي واحد..

قطع بلا مايتسنا منو جواب .. درخ التيلي مع النموسية..

نوردين: قلا.. وي..

ضارت شافت فيه ونطقات باستغراب..

سعاد: فين عوال تخليهوم؟

هز گارو شعلو يالله غاينطق .. تمات جاية عندو هازة حاجب ومهبطة لاخور معولة على خزيت..

سعاد: عنداك يسحابلك كرك تقول ولادي يترباو مع ختهوم وتجيبهومليا انا نوحل فيهوم؟ (وصلات عندو وقفات عند راسو بحال عاصي ربو وخنزرات) عنداك يسحابلك انا داك مرت البو لي غاتربيهوملك وتهلا فيهوم؟ ولادك عليا بالتيقار.. مانشوفهوم مانراهوم..

نوردين: (علامات الدهشة بانو بوضوح فملامحه تمتم بسخط) من نيتك؟

سعاد: (بجدية) من نية نيتي.. يا أنا يا هوما فهاد الدار.. ختار اولد المختار..

طلعاتو وهبطاتو وضارت لبسات بنطوفتها وخرجات كتمتم بسخط..

سعاد: ولادو ولا ز. بي مربية الاجيال انا.. مصاب نقد غي ببنتي..

خرجات وخلاتو كيبرد فقصتو فداك الگارو وكيمسح ويعاود على وجهه.. هادي الحاجة الوحيدة لي مايقدرش يفرضها عليها.. خصوصا انه عرفها ماباغاهومش.. ايلا جابهوم بالسيف غايزدق خارج على ولادو.. عارفها قلبها قاصح وماغاتعاملهومش مزيان.. ومايقدرش يبززها تبغيهوم بالسيف.. خلاتو حاير فأمرو.. مايقدرش يستغنا عليها ومايقدرش يستغنا على ولادو.. بقا فالوسط وماعارف مايدير..

باركات طوموبيلتها حدا واحد الموبل.. يالله غاتحيد السمطة باش تنزل صونا تيليفونها ابيل فيديو من عند الرايس.. قطعات عليه وعيطاتليه ابيل نوغمال جاوب فالبلاصة..

نوردين: جاوبي فيديو..

سعاد: انا فالشارع شنو بغيتي؟

نوردين: علاش ما علمتيش بلي خارجة؟؟ حتى نعيط للدار تقولهالي سوسن.. انا نخرج من هنا ونتي تخرجي من هنا؟؟

سعاد: (بطنز) وا بحالي بحال بنتك مهم وصلاتك..

نوردين: (سخط) باراااكا من الطنز الدين ديماك وقولي فاين تينا؟؟؟

سعاد: (قلبات عينيها بملل) غادية للمول نتقضا شي حاجة كاين شي مشكيل؟؟

نوودين: (كياكل جنابو) علاش ماديتيش بنتك؟

سعاد: (ببرود) المرة الجاية نديها..

نوردين: حتى نجي للدار نتفاهم مع طبو.. نمك..

سعاد: وخ (قطعات) تقود تح.. وينا معاك ليلة صابح تابعني فين راك ولاش خرجتي.. يقطع جد الرجال فينما كانو..

هزات صاكها ونظاظرها وخرجات من اللوطو دخلات للموبل وركبات فالسانسور ودارت ليطاج العاشر.. طلعات كتقاد حوايجها فالمراية حتى وصلات لوجهتها دقات الباب ودخلات.. لقات بنت فالاستقبال.. ابتسمت فوجهها وسولاتها..

سعاد: نتينا جديدة هنا؟

ب: (بادلاتها الابتسامة) وي مدام..

سعاد: أنا كليونط ديال الدكتور شوقي صافي لونگ طو..

ب: (وقفات تسلم عليها) نتينا مدام سعاد العمارتي؟؟

سعاد: اكزاكطومون..

ب: موسيو شوقي كيتسناك من قبيلة..

سعاد: ميغسي بوكو ما شيغي..

خلاتها بلاصتها ومشات دقات الباب.. غي سمعات تفضل حلاتو ودخلات مبتاسمة.. شافها زول نظاظرو وناض عندها استقبلها بالاحضان..

شوقي: اوووووه ماتبقتش فاش عيطتيلي البارح.. (طلق منها شوية كيطلع ويهبط) تبدلتي !!!

سعاد: (تنهدات) الحبس كيرشي العظام أ صديقي..

شوقي: (جرها من يديها للبيرو تكلس) كلس كلس..

سعاد: (شافت فالباياص لي عندو فالبيرو ونطقات بهدوء) توحشت نعاود فوق منو..

شوقي: (ابتسم بلطف) مزالة نفس الحالة ياك؟؟

سعاد: (تنهدات) مابقيتش كنقدر نعس كاغيمون.. الدوا مابقا كيقضي والو ا شوقي.. رجعت كنعلفو بلا فران.. بحالا لوكوغ ديالي ولفو ورجع كيجيه بحال دوليبران.. غانحماق فدماغي ..

شوفي: (بأسى) مرضك ا سعاد ماعندو دوا.. ونتي عارفة هادشي.. كيما كنقولك ديما هادشي ماشي وراثي هادشي ناتج للضغط وداكشي لي عشتيه.. ماشي ساهل مي ماقدرتيش تجيريه.. فاش نفعك هاد الدول لي كل مرة كتجي تبدلي لوغدونونص؟ فوالو.. نفسيتك غير ماكاتزيد تدهور.. (بعتاب) بسبابك نتي كتهلكي راسك.. الاعصاب لي فيك غايخرجو عليك؟ نتي بوحدك لي عندك الحل لمرضك..

سعاد: (كتفرك فيديها بتوتر) رجعو عندي افكار سوداوية.. (عضات على شفايفها) ماتصورش شنو نقدر ندير.. كنشد راسي بصعوبة..

شوقي: هادشي يقدر يديك للانتحار عارفاها؟

سعاد: (بنفي) مانقدرش نخلي بنتي..

شوقي: نصيحة ا سعاد.. نساي الماضي.. حاولي تعيشي من جديد.. بداي صفحة جديدة.. نساي اش دارلك.. ولا تفارقي عليه فخطرة..

سعاد: (تغرغرو عينيها بالدموع) مانقدرش..

شوقي: واش باقا كتبغيه؟

سعاد: (حدرات عينيها كتغزز سنانها) ماعرفتش.. مرة نبغيه .. مرة نكرهو.. مرة ماكانقدرش نسا داكشي لي دارلي.. (علات عينيها شافت فيه) كنفرح فاش كنشوفو كيتعذب وغارق مشاكيل.. وفنفس الوقت مانبغيهش يغبر او يموت..

شوقي: شنو دبا غانتهناو من الاكتآب ونطيحو فانفصام الشخصية؟؟

سعاد: حالتي غادية وكتقواد..

شوقي: نوضي نديرو شي گليسة (شيرليها لباياص) بلاصتك المفضلة تنادي..

شرخ كبير في الروح .. ايلا مشا حتى تغلغل داخل ديالك الموت بوحدو لي قادر يسدو ويغمر داك الفجوة اللعينة لي توسعات بمشاعر الوحشة والفقد والخوف والاغتراب والهزيمة والخيبة لي هزاتها لداخل منذ سنين..حتى لو انحنو جميع البشر حدا رجليها وطلبو منها السماحة على سنوات الضياع لي عاشتها حتى واحد ماغايقذر يخفف مرراة الماضي وانتزاع داك الجزء الحقير من ذاكرتها الا الموت!

رجعات لدار حتى فاتت المغرب.. بقوة الهدة والنهار كولو هاربة للزنقة ودروبها ماحساتش بالوقت.. وحتى تيليفونها مافكراتش تشعلو.. حلات الباب ودخلات.. حسات بحركة كثيرة فالدار.. بزاف دالاغراض والباليزات والسيكان عند الباب.. وصوت رجال جاي من وسط الدار.. زادت شوية تشوف اش كاين حتى لمحاتو هاز سوسن وواقف كيدوي مع شي رجال مطلعين الشناطي الفوق.. سوسن غي شافتها بدات تسلت من باها وهبطات كتجري لعندها..

سوسن: مااااامي حبيبة! جبتيلس ااسقاطة؟

سعاد: (عينيها على الرايس لي ضارب فيها الخنازر عنقات سوسن وباستها ) ماشيغي جبتلك شوكولا.. (حلات واحد الشاصية كبيرة وجبدات ليها الشكلاط غي شافتو خطفاتو من يديها ومشات كتجري كلسات فوق الفوطوي كتحلو باش تاكل.. بينما سعاد مشات فاتجاه الرايس لي سالا كلامو مع الراجل ودعهوم وخرجو..

نوردين: (شاف فسوسن بدات تاكل وتجلخ فمها بالشكلاط) رجعات تاكل الحلاوة؟؟

سعاد: (ببرود) كتاكلها فاش كنبغي انا.. (شافت فالسيكان لي فالارض) تحولتي عندنا؟

نوردين: (بمكر) من دبا الفوق احبي بت نبت هنا!

سعاد: (كتحيد جاكيطتها .. سولاتو بفضول) ولادك اش درتي فيهوم؟

نوردين: جداتهوم معاهوم فالفيلا على ماتجي لي تقابلهوم..

سعاد: (طلعات حاجب وهبطات لاخور) غاتزوج؟

نوردين: بحال ديكشي..

طلقات قهقهة عالية وتمات غادية كتشالي بشعرها طالعة لبيتها..

سعاد: دونك خاصني نبدا نفكر من دبا باش غاتموت هادي…

هز وحدة من البالز وتبعها لبيت .. دخلات نيشان لبالكون من بعد ماجبدات الكارو من صاكها تكات على السور وبدات تكمي.. جا وقف حداها شعل تاهو كارو كيشوفيها مهمومة.. وبحالا عيانة وباين عليها الارهاق والمورال هابط.. هز يديه دوزها على شعرها ونطق بفضول..

نوردين: علاش مشيتي للطبيب؟

سعاد: (شافت فيه بنص عين وضحكات بطنز) تفربلت..

نوردين: (كيسوط الدخان فالسما) هادي من شحال هادي..

سعاد: ايوا منين عارفني حمقة ومتبعة عند طبيب الحماق ومشيت اليومة عندو لاش فارعليا ز.. كي الصباح بالتعياط فينك وشكاديري ومعامن ولاش ماديتيش بنتك.. تبعني فصمت اصاحبي..

نوردين: (زيرليها على شعرها بيديه وجرها لعندو تكاها على كتفو) ايلا ماقتلتش طب.. ونمك عمرك تموتي الدياماندا..

سعاد: (لاحت كاروها كتسوط الدخان فالسما.. نطقات بصوت مبحبح) ماعرفنا شكون السابق الرايس..

نوردين: (باسها فراسها.. كيدوز على كتفها بحنان) جاك البرد احبيبة؟

سعاد: (تكمشات فيه شوية مبورشة) شوية..

نوردين: (لاح الگارو وزاد عنقها) نسخنك اكبيدة؟ توحشت داك الط.. بون لحسو..

قلبات عينيها للسما وتسلتات منو كتنگر..

سعاد: تفو ديگولاص..

نوردين: (كيبتاسم) شنو هي هاد ديگلاص..

سعاد: (ضارت عندو معوجة سيفتها) هي الطوبي دالعفن بفرونسي..المكلخ..

مشا كيتختل موراها هي كتحيد حوايجها حدا المراية عنقها ماللور كيبوس فعنقها..

نوردين: براكة غا المرا ديالي قارية.. انا جاهل وأمي وماقاريش ومكلخ (زيرليها على صدرها تا غوتات) غي عطيني نح.. وي..

سعاد: (ضرباتو ليديه) تفو بهاد الهضرة بنادم وخ يكون عندو لونڤي تهربوليه..

نوردين: (دور يديه لطرمتها كيعصر فيها) هاد لونڤي باينة شي حاجة زوينة (باسها فعنقها بحرارة حتى تبورشات وهربات رقبتها) دبا عطيني نح.. وي..

قبل ماتجاوب كان دورها لعندو وشل حركتها بقبلة جامحة يديه وحدة كتخلل شعرها بحنان والاخرى كتلعب فصدرها بعنف.. باغي يفترسها ويتاخذها بدل العشاء وجبة.. وفلحظة مابقالها ماتزيد تقاوم وذابت بين يديه بمجرد مالقات راسها فوق الفراش مالابسة والو.. عارية الروح والجسد!

فالصباح كانو ضايرين بطبلة الفطور.. كانت مقطوعة وغي كتنگر باغا غي سوسن تسالي ماكلتها وتنوض تشرب قهوتها وتكمي كارو تواگض.. وفنفس الوقت عينيها عليه يد شادة الكاس د اتاي ويد شادة التيليفون طالع هابط بتركيز.. عينو ماعلاهاش.. حتى دق الباب عاد هز راسو كيشوف فسعاد باستغراب..

نوردين: كاتسناي شي حد؟

سعاد: (مافيها لي يهضر حركات راسها بلا فقط)

حط الكاس من يديه هز منديل كيمسح فمو ومشا كيجر فبنطوفتو لابس كيطمة سخونة وشعرو مزال فازگ من الدوش دالصباح .. حل الباب وهو عاقد حجبانو.. حتى كيلقا صحاب الحال واقفين عند الباب.. من بعد مادخلهوم العساس من باب الجردة.. وبحال اي بزناز يدو طويلة فالعشبة.. غي كيشوفو البوليس كيتزاد معاهوم الزايد.. ولكن الجبهة والصنطيحة والبرود من صفات المخروضين الكبار.. طلعهوم وهبطهوم وراسو كيقولو مستحيل تكون هاد الزيارة على قبل الخدمة.. كان متأكد شي منتيف اخر..

نوردين: ياك لباس؟

ب: (جبد لاكارط وراها ليه) معاك الضابط الحسيني عندنا شكاية بسميتك.. 4 يام وحنا كنحاولو نوصلو ليك.. (طلع وهبط فالدار ونطق باستفزاز) تباركالله ماعندكش غي عنوان واحد..

نوردين: (كينقي سنانو بلسانو.. ضحك من بلادة البلوسي وطنز عليه) كون قلبتو فالعنوان الرئيسي دلاكارط كنتو غاتلقاو جنازة وغاتعرفوني فين غابر فموت مرتي.. (حرك راسو باستغراب) كاينشي مانقضيو؟

يالله غايجاوب حتى وقفات عليه سعاد.. غي شافت البوليس قرنات حواجبها..

سعاد: ياك لباس؟

ب: شكون هاد السيدة لي معاك؟

نوردين: مرتي!

البوليسي مافهم والو وماحاولش اصلا يفهم دخل نيشان فالموضوع..

ب: عليك شكاية السي نوردين.. قاصر كتاهمك بالخطف والاغتصاب وبقيتي حابسها يوماين..

الرايس مافهم والو.. شاف فسعاد طلعات معاه السخانة كان يتمنا يجيو يقرقبو عليه على قبل الحشيش ومايفرشوهش هاد الفرشة العالمية حدا سعاد.. رجع شاف فالبوليسي كيغزز سنانو..

نوردين: هادشي ماكاينش اش هاد التخربيق؟

ب: تبعنا الكوميسارية وغاتفهم فالتحقيق..

نوردين: (البرودة هبطات مع ضهرو) نلبس ونجي..

مشاو البوليس بقا متبعهوم حتى خرجو .. باغي يدور يشوف فسعاد وماقادرش.. حتى سمعها كضحك بصوت خافت..

سعاد: اقسم بالله ايلا ربي جابلك فاش تلها .. (شافيها) قاصر؟؟ عيتي طير فاللخر جابتك فالشبكة بنت برهوشة؟ (ماقدراتش تزيد تحبس الضحكة وطلقاتها فوجهو مستمتعة) بربي حتى هي لي غاتحدهوم ليك اولد المختار.. عرفتي شحال فيها دالحبس؟؟ (خنزر فيها لون وجهه تبدل ماعرف باش تبلا دماغو داخ.. تم طالع البيت يبدل ويمشي لكوميسارية يفهم اش طاري وهي تابعاه كتشفا) اجي نقولك شحال فيها.. وفراسك ماينفعوك لا فلوسك لا معارفك.. عرفتي شنو هي قاصر؟

دخلات موراه البيت وهو تالف ماعارف حتى حوايجو فيناهوما.. بقا غادي جاي يمين شمال تالف داخت بيه الدنيا.. كيقلب على تيليفونو.. وهي كتفرج فيه حابسة الضحكة.. شافها هكاك مشا شدها من دراعها زير عليها وغوت بسخط..

نوردين: كتشفاااي ابنت الق.. حبة؟؟

سعاد: (تسلتات منو وخرجات عينيها.. ) وجهك قاصح الق. واااد.. غرقتيها مع المخزن وبحالا تسالاو العيالات فالدنيا مشيتي. لقاصر ولادك قربو يوليو قدها واقيلة.. داير الضحك فراااسك وا لگااا ها الزنطيط فين وصلك..

لبس سبرديلتو ومابدل لا حوايجو لا والو.. هز سوارت اللوطو وتم خارج كيجري..

نوردين: تسنااي نرجع دينديماك .. حسابك معايا هو اللخر..

سعاد: (بصوت عالي تابعاه فالدروج) ا عنداك تنسا تيليفونك فالكوزينة.. تلقا غي باش تعيط للمحامي..

شد الطريق لكوميسارية عافط على الفيتاس.. دور التيليفون لكاع معارفو.. ها وكيل الملك.. ها الضباط.. ها المحاميين.. كيوجد لشنو غايطرا.. وعقلو كيدور ويفكر شكون هاد القاصر لي مطيحة عليه الباطل وهو متأكد انه ماخطف مامشا مع شي برهوشة.. حتى وصل لحدا ولاية الامن.. باركا ودخل كيجري كيقلب على الضابط لي جا موراه للدار.. لحظات وكان كالس كيتسنا المفاجئة وضيف الشرف من بعد ماشرحو ليه بلي السيدة ربع يام وهي مقدمة شكاية .. يعني مباشرة من بعد ماقرر طلقها. وعندها عليه كاع الادلة..

كلس كيهزز رجلو بارتباك والعرق كتقطر عليه.. سنين ماوصل عند البوليس ودبا جاي على مونتيف ماكانش ابدا على البال.. حتى تمات داخلة صاحبة دعوتو.. وتما كانت الصدمة من بعد ماتعرف عليها بصعوبة.. حيت هاد البنت لي قدامو دبا لي تحت عينيها زرق واثار الضرب مزالين فوجهها ولابسة جلابة وعاقدة زيف حياتي.. بعيدة كل البعد انها تكون داك سوسن القح.. بة القرطاسة القوقة لي صيدها فبار داك الليلة.. ماحسش براسو فاش نطق ذهول..

نوردين: هااادي قاصر؟؟

برأس مطأطأ تقدمات كلسات قبالتو دموعها نازلين.. كانت كتمتل دور الضحية ببراعة حتى نطق الضابط لي شاد التحقيق..

ض: هدا هوا لي تعدا عليك ؟؟

قبل ماتجاوب كان نطق نوردين بعدم تصديق..

نوردين: واش متيقها؟؟ هدا باطل ونزل عليا.. السيدة قحبة تلاقيتها فبار ديتها دوزنا وقيتة مع بعضنا تخلصات والله يعاون اشمن تعدو؟؟

سوسن: (بصوت باكي ومقهور علات عينيها فيه) الله ياخد فيك الحق.. ماكفاكشي شي عملتي ودبا ماجي كدزبل فيا زيالك ماكاين قانون فالبلاد؟ (شافت فالضابط) هو هدا الشاف داني معاه فالطونوبير للخرجة دلوطوروط غا الخلا والقفار وزول حوايجو وقالي نرطعلو ديالو.. فاش مابغيتشي ساد عليا البيبان وزولي حوايجي كاملين وصوارني عوريانة وقالي ادا مامشيتيشي معايا بخاطر عانشوهك وداني لديك الموطع لي قوتلكم والكاميرات شاهدين.. حبسني تماك يوماين طفالي التيليفون وماخالا ماعمل فيا.. لحمي كولا زرقة وشهادة طبية كدبين كولشي..

بقا غير كيشوفيها كدوي وتعمر عليه فالسهارج والخطة كانت عندها مدروسة وحافضة صواريها ومطرقة.. ولكن اخر حاجة كان كيترقعها هي تزدق قاصر.. شافيه الضابط وخنزر..

ض: شنو كتقول فهادشي؟

نوردين: (ضحك بفقصة وسخرية فنفس الوقت) شني عاندي مانقول .. العايلة الخطة عندا مدروسة .. (عض لسانو بفقصة) ماللخر شنو المعمول؟؟

ض: (شاف فالبنت) باقية باغا تابعيه؟؟

سوسن: (كتمسح خناينها) معلوم الشاف.. القانون فوق كولشي والبلاد مافيهاشي السيبة..

ض: غاندفعو القضية لوكيل الملك .. وغاتابع قضائيا.. من هنا لتما ممنوع تخرج من طنجة..

حنا على شي وراق قدامو كيسني.. البرهوشة ناضت خرجات كتجري ونوردين بقا كيهزز فرجليه ويعض فلسانو بالفقصة.. بقا شوية حتى سالا شي اجراءات وخرج مكسيري عند المحامي.. كان كيتسناه فقهوة.. كلس عاودلو الضوسي ومافيه..

م: (كيفكر) هادي غاتكون مولفة دير هادشي.. من النوع لي كيصيد الرجال لي لباس عليهوم تلبق لهم مونتيف وتستفزهوم..

نوردين: (كيكرب قهوة على قلبو) زعما باغا غا الفلوس؟؟

م: مليار فالمية.. خاصنا نتلاقاوها.. نشوفو شحال خاصها وتنازل..

نوردين: هضرت مع صاحبنا لي فلا ديستي الضوسي مايتدفعش حتى نفاريوها غي بيناتنا..

م: البلان خاصو يطرق دبا.. شحال ماطلبات عطيها.. بحال هاد القضايا المحكمة مكاتسهالش فيهوم..

نوردين: خديت لادريسا ديالها.. نمشي لدارهوم نتحاط معاهوم للطبلة..

م: (ناض كيجمع شكارتو) ماتعرف اش يطرا وعائلتها كيف يكونو .. غانمشي معاك..

نوردين: زيد نشوفو هاد بنت القحبة شنو تحت راسها..

شي نص ساعة كانو وسط حي شعبي كولو شماكرية.. داخلين بجوج كيسولو على النعت ديال الدار حتى لقاوها..

مع دق مع خرجات هي الاولى .. غي شافتو تبهضات رجعات جوج خطاوي اللور ونادات بصوت عالي.. "مَمّا"

سرعان ماجات مها كتجري وتابعها باها،.غي شافو خنزر فيه وشاف موراه واش ماكاين حد من الجيران طالق ودنو.. بانليه السيكتور خاوي نطق بحدة..

ب: هي الصراحة خاصني نعيطلاك لبوليس على هاد الهجمة ولكن كيقولو لي جا لدارك جا لعارك.. (شاف فبنتو) دخول تينا لبيت..

دخلات كتجري دابت من حداهوم شافيه بنفس الحدة ونطق..

ب: دخول نداخيل الهضرة مكدكونشي فالزنقة والناس كدشوف..

دخل هو والمحامي حاضيين جنابهوم.. تحسبا لأي طارئ.. كانت دار بلدية ولكن مفرشة مزيان من داخل ونقية.. وخ داخلاها البرودة شوية مع الحيوط حيت الشمس مكضربش فيها بزاف.. رغم المشكيل الي طاري ضايفهوم فالصالون.. غي كلسو تبعاتهوم الام حتى هي كلسات حداهوم ونطقات هي الاولى..

الام: ادا ماجيين باش دسمحلكوم العايلة عا نفض يداك والله لا كانت لاك..

نوردين: (حنحن بخنقة من الموقف لي محطوط فيه ونطق كيغزز على سنانو) كلشي كايتحل.. لي طلبتوه يحضر.. انا البنت ديالكوم منزلة عليا الباطل وربي لي شاهد.. ولكن فاش كيطيح الفاس فالراس ماعندنا منديرو.. دبا ماللخر شحال تشدو ونسدو الموضوع؟؟

الاب: ماجي دشري الشرف دبنتي؟؟؟

نوردين: (فنفسو) يا ولد القحبة شمن شرف وهي تقبتها وسع من منخاري (ضغط على يديه كيحاول يبرد اعصابو باش ماينوضش يملخها عصا هي وباها ومها ونطق بهدوء) شنو غاتستافد ايلا دخلت للحبس؟؟ هادشي عاد مافراسكش بلي الفلوس تقدر مادخلكش اصلا لداك الحبس.. يعتي غاضيعو عليكم هاد الفرصة على قصوحية الراس والشرف..

الاب: انا بنتي مكاتباع مكتشرا.. براكة غا زوجتا صغيرة وتكرفس عليها الراجل ورجعتلي مطلقة..

نوردين: (فنفسو) اممم عليها طبونها وسع من فمي.. (بصوت عالي) وخ الحاج وشنو الحل فنظرك؟؟

الاب: (شاف فمرتو ورجع شافيه ونطق بهدوء ) جوج بيها.. وصلح الغلط…!

دخل الدار حتى تعسعس الليل.. منغم شوية بشي بيرات شربهوم غي فالطوموبيل من بعد ماتقداهوم من البيسري فاش حفاليه الدماغ بالتفكير.. وكيغايدير يخرج من هاد الوحلة.. وكلمة وحدة كدور فراسو وكتعاود بحال صوت عقارب الساعة "تزوج بيها"

نفض راسو يمين شمال وهو طالع فالدروج كيتعكز.. كان واحد الشوية ديال الضو خارج من بيت سوسن طل غير من الباب بانتليه ناعسة كتشخر ابتسم بحب وكمل طريقو لبيت النعاس.. حل الباب غي بشوية فاش بانليه الضو طافي.. لاح البنطوفة فالعتبة زول الجاكيط وخوا جيابو .. طل عليها بانتليه ناعسة يديها تحت خدها.. شعرها مليوح على الخدية كي الوردة.. انفاسها منتظمة.. والغطا غي منصص عليها .. حيد الغطا من جيهتو تخشا حداها بحذر باش مايفيقهاش عنقها ماللور بشوية وخشا راسو بين شعرها وعنقها باسها بشوية حتى تململات.. كتأن بصوت خافت..

نوردين: (زاد خشا راسو فعنقها باسها تحت ودنيها ونطق بهمس) مامسوقاليش الحب.. نموت ولا يديوني لسات فيلاج (اسم سجن طنجة) مازدقتيش الدياماندا..

سعاد: (بصوت نعسان جاوباتو بلا ماتحل عينيها) الحبس مايقد عليه غا الراجل.. وانت غاتبقا تابع زنطيطك حتى يديك الهاوية..

نوردين: (زاد جرها عندو خشاها فيه كيدوز بلحيتو فرقبتها كيشم ريحتها منتاعش) قلبك قصاح عليا الكبيدة..

سعاد: (حلات عينيها دايخة بالنعاس) فكيتي حريرتك؟

نوردين: (خرج راسو من عنقها كيتنهد) مابغاتش الفلوس بنت القحبة!

سعاد: واش بغات؟

نوردين: (عض على لسانو فاش عاود تفكر الموضوع تحسس يديها وشبك اصابعهوم بجوج ونطق بصوت متحشرج) بغات تزوج..

حركة حنجرتها فاش بلعات ريقها كانت باينة حتى في الظلام.. للحظة حسات بالنمل دغدغ حواسها كاملين.. هوا بارد طلع مع اطرافها.. خلاها تخرج تنهيدة خافتة كان قادر يحس بيها وخ عاطياه بظهرها.. زاد زير على يديها كأنه كيكأكد ليها انها مرتابطة بيه وغاتبقا هكاك.. علا راسو شوية دورها لعندو.. بريق عينيها كان قادر يشوفو وسط سواد الليل.. اصلا عينيها حتى فضو كان مولف كيشوف فيهوم غي السواد لي طاغي.. ومن ديما كانو كيسلبوه هكا.. هز يديه دوزها بحنان فوق خدها.. باسها فجبهتها بحب.. ونطق بخفوت انفاسه كضرب فشفايفها..

نوردين: نموت ولا ندخل الحبس ومانجيبش عليك الضرة احبيبة ديالي..

سعاد: (ترسمات ابتسامة عابرة على وجهها ونطقات بخفوت) كتجيب عليا عشرة فالحرام..

نوردين: (هز يديها باسهوم) هادي والتوبة.. وزايدون نتي كنتي قاطعة عليا الما والنعمة وانا عطشان نخلي حسام يموت؟

سعاد: (باستغراب) شكون حسام؟

نوردين: زبي..

ضحكات بصوت خافت وهمسات ..

سعاد: سميتيه؟

نوردين: (كيحيد الشعر الطايح على وجهها) كتحمقيني فاش كضحكي.. شحال هادي باش عرفتك؟ (سكت شوية فاش ماجاه من عندها حتى جواب وكمل) مكيهمش شحال كنحس براسي كنعرفك من نهار تزاديت!! وهكاك مرات قلال لي شفتك كضحكي..(اصابعه كتحسس بشرتها) هاد الوجه ماكانش خاصو يحزن حتى يطفا هكا الياقوتة دقلبي..

سعاد: (بلعات الغصة فحلقها .. ذكرها بالمواجيع لي كتشرب الدوا باش تنساهوم.. نطقات بوجع) تمنيت كون تلاقينا فضروف خرا.. بغينا بعضياتنا وتعاشقنا.. نتزوجو ونولدو وليدات.. ونعيشو بحال اي كوبل فرحانين..

نوردين: واش حنا ختارينا هادشي؟

سعاد: (بخفوت) كتاب علينا..

نوردين: كنقدرو نبدلو الاقدار! (سكت شوية كيدوز على شعرها بهدوء عاد نطق ببحة خشنة) فوقاش يحن قلبك عليا الدياماندا؟ شنو نعمل باش تنساي؟

سعاد: (بصوت خافت كتكتم الالم لي تكون فحلقها) ماقادراش..

نوردين: (تنهد بضياع ونطق بصوت اجش) الرايس مستاعد نبيع الغالي والنفيس باش ترضاي.. امري غي نطقي.. لي حليتي عليها فمك تجيك.. نعيشك اميرة وماتحلالي حتى مرا من غيرك..

سعاد: ديكشي لي عندي لداخل ضاير بقلبي وكاتم عليه ماغاداويهش دقة الفلوس..

نوردين: (تنهد بوجوم.. سكت شوية كان الحروف ضاعت فحلقو.. كيمرر اصابعه الخشنة على وجهها الناعم ونطق بخفوت) غايريحك موتي؟ غاتعيشي مزيان نهار نخليك مورايا؟

مجرد التفكير فالفكرة بحالا قلبها تفاجا.. من نهار خرجات من الحبس وهي كتحس انه ايلا طراتليه شي مصيبة تقدر تبرد.. فكرة مقتانعة بيها وكتمنا تحقق عالله طفا النار لي فقلبها.. حطات يديها على يديه كانو سخونين.. جاوبات بنبرة هادئة..

سعاد: خاصني نجرب.. وكون اكيد غانجي لقبرك نرد عليك واش بردت ولا لا..

جوابها كان قاصح على قلبو.. عدباتو فاول علاقتهوم وفاش خانتو ببرود وزادت عذباتو فاش خرجات من الحبس .. علاقتو معاها كلها عذاب فعذاب.. كيحس براسو صعيب يوصل لقلبها وهي كذالك.. مزال حتى حد ماقدر يتجرأ ويبغي لاخور بدون حواجز وبالقلب الصافي!

نوردين: (تمتم بانكسار) زعما مابغيتيني حتى شوية؟

أفأفاات هاربة منو وهاربة من هضرتو ومن هاد الجو الهادئ لي بيناتهوم.. ونطقات ببرود..

سعاد: جبتيلي القطعة انوردين..

بعد عليها شوية تكا على ضهرو شداتو الطيارة دالشراب

نوردين: نوضي كميلك شي گارو..

قبل مايمكل هضرتو كانت شعللت ضو الفيوز لي حداها كلسات وجبدات كارو وبريكي من المجر وشعلات واحد يالله نترات النترة الاولى شافت فيه ساد عينيه فبلاصتو .. نطقات بهدوء..

سعاد: حميد عيطلي اليوم دخل المغرب.. ايلا بغيتي تهضر معاه وتقاد الوراق للبنت قالك عندو غير يوماين..

ماجات تكمل هضرتها تا كان طار من بلاصتو وتكا عليها بقجة حقن ليها الدخان فحلقها .. غوت بسخط..

نوردين: يااااااا بنت القحبة ومزاااااال كتشركي معاه العربية!!!! اش قلت لطبونمك داك النهاااار؟؟ شنو قالك؟ فاش هضرتو؟؟؟؟ دويي (كيتكا عليها على الخشبة دالنموسية)

سعاد: (كتكح عينيها غايخرجو.. لاحت الكارو فوق الطابي لي حداها حتى تحرقات وشداتلو فيديه بجوج كتفك يديه من عنقها وتنين حتى بدا يرخف من القجة شوية فاش وعا على راسو غايقتلها.. طلق منها بدات تكح) كح كحححح.. اععع (دموع بداو ينزلو) غاتقتلني.. واش جهلتي.. (الصوت كيتقطع ليها بالكحان)

هز كاس دالما كان حداها ومدو ليها كولو كيترعد.. شداتو من عندو بدون مناقشة هبطات عليه شرباتو ولاحتو الارض يديها كيترعدو.. كلس على ركابيه فوق النموسية وجرها لعندو كيمسح الدموع من عينيها..

نوردين: صافي سكتي.. دايراها قد راسك وكتبكي..

سعاد: (كتستجمع انفاسها) انت مرييض!!

نوردين: (كيبعد الشعر من على عينيها) اه انا مريض.. ومريض بطبونمك.. ونعاود نسيقلك الخبار كتهضري مع شي بو قلوة نقتلك ونقتلو وداك الساعات انا لي نجي لقبرك نسقيك بالزهر.. وداك ولد القحبة غاتعطيني نمرتو لي مخدم وغاتبلوكيه.. ولا عرفتي اش غدا نجيبلك نمرة جديدة غاتبدلي دين ديماها كاع..

سعاد: (كتمسح دموعها) صافي بعد غا مني ..

نوردين: هاهو مبعد.. (نزل من النموسية بسخط) ماتخليو حد فعقلو.. (كيجبد كارو من جاكيطتو) بنت القحبة مكتهدنيش ايلا ماوصلت ملتك للموت.. (شعل كارو وتم خارج لبالكون)

سعاد: (ناضت كتجمع شعرها .. لبسات بنطوفتها وتمات غادا) نمشي نبات حدا بنتي…

نوردين : (ساخط) قودي..(ضرب كرسي كان حداه مادار ليه والو وتمتم) تخرجو بنادم على طوعو العيالات دالزب..

ايام رتيبة ! كل شيءٍ يتكرر بلا متعة! مجموعة أحداث كتعاود مع اختلاف الثواني وبعض الوجوه.. حتى طعم الحياة مفقود.. كالسة فالجردة حدا البيسين كتكمي فالظلام الحالك .. انسانة رجعات كتعشق اللون الاسود فكلشي.. كتمنا الشمس عمرها باقي طلع.. حيت فنظرها النهار كيجيب غي المشاكيل والغمة.. حتى سمعات خطوات صغيرة راكضة لعندها بسرعة طفات الكارو وزفرات كتنضف فمها حتى تلاحت فحجرها كتسول..

سوسن: ماما فين بابا؟

باستها فخدها وناضت هازاها داخلة لداخل من البرد..

سعاد: نمشيو نشوفو العشا واش طاب احبيبة؟

سوسن: (شافت فيها بتذمر حيت ماجاوباتش على سؤالها وكرراتو لمرة ثانية باصرار) فين بابا؟؟

سعاد: (حطاتها حداها فوق للبوطاجي وتمتمات) كون كنت كنعرفو فين كيختافا كون راحنا بيخير ابنتي.

حركات المقلة لي كانت كتشحر وهي تسمع صوت الساروت كيدور فالباب شافت فسوسن ونطقات…

سعاد: دكر الكلب ووجد الزرواطة..

سوسن: (نقزات من فوق البوطاجي حتى كانت غاطيح ومشات كتجري تلاقاه وكتغوت) بابا ماشي كلب..

سعاد: (ضحكات) شوف البعلوكة رجعات تفهم الامثلة..

كملات طيابها وهي كتسمع ليه كيضحك مع سوسن ويفرح بيها وصوت شي ميكة كتخرشش.. جابليها السقاطة عاود.. لحظات حتى تم داخل عندها هازها.. مادوراتش راسها تشوف فيه حدها نطقات ببرود..

سعاد: على السلامة.. فين كانو بيك؟

نوردين: (كيشوفيها محزمة بطابلية ديال الشغول كتقطع الربيع وعاقدة زيف حياتي على راسها.. كلس موراها فوق طابل امونجي حاط سوسن على حجرو خاشية وجهها فميكة دالسقاطة لي جاب.. ونطق بهدوء) كنت خدام..

سعاد: (ضارت شافت فيه هازة حاجب وقالت) سيمانة وتيليفونك طافي (بتهكم) نسحابك غا متي.. (رجعات دورات راسها) عالله غاماتبانش شي قاصر تاني من مور هاد الغبرة..

نوردين: (حط سوسن وناض وقف حداها متكي على البوطاجي كيطلع ويهبط فيها عينيه حومر مكيف جوانات وكاااالم) رجعو كيعجبوني الميمات..

شافت فيه وصغرات عينيها ..

سعاد: (بخفوت) مكيف؟

نوردين: (ابتسم حتى بانو سنانو) شوية اكبيدة!

سعاد: بلعاني باش مانگرش عليك؟؟

نوردين: (مد يدو سلم عليها) براڤو حاااااسان جيدااا.. قولي لي بغيتي ا حبي كلامك هو الكبير..

سعاد: (زفرات بضيق) لا حياة لمن تنادي..

نوردين: شكون حياة؟

سعاد : الصمت..

نوردين: عاطياني النخال لمك؟

سعاد: الصمت..

خشا يديه فجيب الجاكيط من داخل وجبد كارني عطاه ليها.. شافت فيه باستغراب وشداتو حلاتو لقاتها الحالة المدنية.. مقيد سوسن بسميتو وكولشي قانوني.. عرفات انه طلاقا حميد وقضا غرض خافت غي يكون قتلو فهاد الغبرة لي غبر..

سعاد: (رجعاتو ليه) معضورهوم قالو الفلوس كدير الطريق فالضيق..

نوردين: (تحنا همس فودنيها كيضحك) توحشت الضيق لي عندك لتحت احبي.. ماطفيش على هاد الماكلة ونطلعو الفوق؟

سعاد: (خنزرات فيه) سير بدل حوايجك دغيا البنت فيها الجوع (شافت فيها لقاتها كلات جوج باكيات دالشكلاط خرجات عينيها بصدمة وغوتات) ساااااوساااااان..

طفجاتها من بلاصتها حتى نقزات جات كتخبع مور باها..

سعاد: (كتمسح يديها فطابلية) ويلي ويلي على السقاطة لي عمرات بيها كرشها والماكلة الله يجيب.. وخ لمك دبا نورديك على هاد الضسارة حتى مايكونش.. (شافت فيه هزها كيضحك.. هزات صبعها بتحذير) ااااخر مرة تجيب ليها هاد الزبل بالليل.. ميات الف مرة كنقولك الحلاوة لااااا.. (مشات جمعات داك الخناشي وداتهوم للزبل لاحتهوم وكتشتف عليهوم برجليها وتغوت وتسب غي بوحدها..

نوردين: (تم خارج هاز سوسن كيوشوش ليها فودنيها) يالله ابنتي نبدلو الساعة بخرا حتى تسكت هاد المصعورة دمك..

سوسن: (بخوف) غاضربني؟

نوردين : لا مانخليهاش..

سعاد: (فالكوزينة كتهز وتخبط غا بوحدها) حمقة انا حمقة؟ تبدلو الساعة بخرا تجيو تلقاو نفس الساعة كتسناكوم اولاد القحاب.. (طفات على العشا) تاكلو السم…

على طاولة الاكل مگلسة حداها سوسن دايرة ليها زيف فوق ركبتها وحاطاليها طبسيل حداها ديال ليباط بصوص بلونش وفخوماج وكالسة كتوكلها بالسيف ولوخرا دموعها هوادين..

سعاد: كولي لمك باش تعلمي العشا كيطيب ونتي كتاكلي فالشكلاط..

سوسن: (كتمضغ وتمسح فالدموع) أننن غانتقيا ا مامي..

سعاد: (هزات بنانة قشراتها وعطاتها لفمها) تانا بغيتك تقياي يا جدك .. الليلة ليلتك لا مكملتيش هاد الديسير (هزات مندارين كتقشر بالاعصاب) نوري لمك الفشوش.. ردخاتو حداها فالطبسيل من بعد ماقطعاتو سنوف سنوف وغوتات تا قفزات بلاصتها) كوووووولي..

نوردين: (كياكل وحادر عينيه فطبسيلو ماباغيش يدخل فيهوم وخ هو لي دار الديفو وجابليها السقاطة ولكن كانت نيتو تاكل شوية وتخبع لغد ليه ديكشي بالقانون ولكن غفل عليها حتى تحمسات وعمرات كرشها بالشكلاط.. مرة مرة كيهز عينو يشوفيهوم كي القط والفار وسعاد مسيطرة تقطعات عليها ديال بصح حتى صونا ليه التيلي كان المحامي.. ناض لبعيد يجاوب من صداع سعاد وبنتها) اش تما،؟

م: هاديك البعلوكة مزال مابغات طيح للارض..

نوردين: هاديك بنت القحبة كتقلب عليا نصفيها ليها..

م: ماشي لهد الدرجة غي تهدن .. اش بانلك نطلعولها الثمن؟

نوردين: (مسح على وجهه بعصبية) دير لي بغيتي عندك يوماين لا مانزلات للارض خبارها يجيبوه التاليين.. يا مذبوحة يا محروقة حدا شي شجرة فشي غابة.. وتشد فماوكلي داك الساعات..

م: (بخوف) من الاحسن مانهضروش فهادشي فالتيليفون.. عطيني يوماين كيف قولتي يدير الله خير..

نوردين: تهلا.. (رجع التيلي لجيبو ورجع لبلاصتو لقا سوسن ناضت تغسل سنانها جائها اخيرا الفرج من عند مها والهدنة رجعات للطبلة .. كلس عاود هز فورشيطتو وهي تنطق سعاد..

سعاد: شعاندك؟ مال المحامي؟

نوردين: (كيضحك) طلقتي ودنك تا عرفتيني كندوي مع المحامي ومعرفتيش الموضوع اش؟

سعاد: (هزات موس كانت كتقطع بيه التفاح وخرجات عينيها) شوف الله يرحم جدك ماشي كولكوم عليا براكة غي بنتك ودير للما منين يدوز هاد الليلة ولا نتعيشر عليك..

نوردين: (كيمسح فمو مرجع ضهرو اللور كيضحك) الله يبعد بلايا على بلاك،،، ماكاين والو غي داك القاصر مزالة شادة فالزواج مابغاتش ترانجا بالفلوس..

سعاد: ايوا؟

نوردين: (هز جوج صبعان) يوماين لي باقا ليها فهاد الحياة عطيت لعزرايل العربون فيها..

سعاد: (رجعات براسها اللور مفزوعة) غاتقتلها؟

نوردين: (ببرود) واشكون بحالها غانسيفطها تزوج فالجنة..

سعاد: (حطات الموس من يديها وتكمشات)

نوردين: نوضي ديريلي شي كاس داتاي منعنع..

سعاد: ماكاين لا نعناع لا شيبة نديرلك اللويزة،؟

نوردين: (بطنز) اه وماتنسايش تسمطيني باش نعس.. نوضي ابنت القحبة اريه السيك.. جيبيهلي للجردة.. حرك الكرسي وناض كيقلب على گاروه ويتمتم) اللويزة قاتلك بعلوك مزال فالربعين يوم انا؟

سعاد: (ناضت ترد البراد للبوطة) والله يستر سير سير راك تقطعتي..

خرج بلا مايكلمها.. شي خمس دقايق خرجاتليه كاس داتاي سخون طايب لقاتو سكح جوج گارويات بلا مايدوز .. غي حطاتو حداه شعل التالت.. كلسات حداه ومع الظلام كتشوف غالكارو شاعل ماعارفاهش واش كيشوفيها ولا لا.. نطقات بتردد..

سعاد: بغيت فاش نتلها..

نوردين: (دك من كاسو ونطق) راكي ملهية فيا اش باغا عاد؟

سعاد: (قلبات عينيها بتذمر) وابغيت شي بخوجي نخدم..

نوردين: نكتبلك القهوة دالشيشة لي فالسونطخ فيل بسميتك؟

سعاد: (خنزرات فيه) انا كنقولك بغيت شي حاجة فاش نخدم اش ندير فالقهوة دالشيشة نخدم جمايري؟

نوردين: (تكا براسو على الكرسي كيسوط الدخان اافوق) نعطيك كاراج ديال شابيستا تقابليه؟

سعاد: واش كطنز عليا؟ عاودولك عليا ميكانيسيان؟

نوردين: يا بنت القحبة كيدخل الزبابل دالفلوس كيسحابلك كراج ميكانيك طوموبيلات عادي؟ راه كيجيو ليه غي البزنازة الكبار كيقادو ليهوم فين يخبيو السلعة والديامون..

سعاد: (باستغراب) الديامون؟؟

نوردين: ايييه كل افير كضربي فيها 100 مليون لفوق.. نعطيك مثال.. بحال البارح جا واحد خونا كليان جايب رموك قد السخط قادينالو فين يخبي الديامون ويخرجو على برا جوج بلايص دينا فيها 140 مليون ماكاملاش تا جوج سوايع دالخدمة،،،

سعاد: (بخوف) لا لا هادشي مانقدرش ليه..

نوردين: (شافيها كيضحك) الحبس كيربي.. اش بغيتي ديري جيني ماللخر..

سعاد: حليا سبا..

نوردين: (بطنز) قوادة يالله راجعة من الامارات نتي؟

سعاد: (بسخرية) لا قحبة كانت محتارفة فالدوري الخليجي وبغات توب..

نوردين: (تنهد) شحال باغا لهاد حمام القحاب؟

سعاد: (عينيها ضواو بالفرحة) بغيت ندير شي حاجة مطرطقة.. عطيني 100 ومن بعد نبدا نشوف اش خاصني..

نوردين: وخ اصلا جاي رمضان وانا وياك ماغانتفاهموش من الله وما تلهاي فهادشي..

سعاد: ماغادوزش معانا رمضان؟

نوردين : لا غانعتاكف فالجبل..

دوراتها فراسها مزيان عجباتها الفكرة .. هي مقطوعة وهو مقطوع غاتنوض الحرب فالدار..

سعاد: خاصني طوموبيل..

نوردين: غا كتبداي ديري لباس كديري موراها شي فضيحة..

تفكرات نهار عطاها القهوة وشراليها فيلا وعطاها طوموبيل اخر موديل وموراها تفارقو.. ناضت جمعات الوقفة كتفوه..

سعاد: امتا يكونو عندي الفلوس؟

غانعطيهوملك كاش .. بلا شبوهات لا دخلولك للحساب..

سعاد: هكاك حسن.. هانا مشيت نعس..

نوردين: (كيطفي لكارو) واا اجي فتختيني فالملاين وغادا تنعسي بوحدك؟ انا مانحويش؟

سعاد: ياك كتخسرهوم غا على القحاب ؟

نوردين: الصمت

سعاد: (كتجبد براحة) كيفاش تسكت سبع جاعر فجوج ثواني.. (تمات غادة) دوز عند سوسن غطيها قبل ماتنعس..

نوردين: (هز كارو شعلو بالفقصة) نحرقو دينمو هاد الصدر.. مانايضش مانايضش زطمو على دينمو..

فاقت شوية معطلة مع الدوا لي كتشرب.. لقات بلاصتو خاوية ولكن الفراش معنكش عرفاتو بايت حداها وخ ماحسات لا امتا جا لا امتا فاق.. دخلات للحمام غسلات وجهها وسنانها .. غسلات نصها وخرجات بدلات سليبها ولبسات بيجامة جديدة .. وهبطات كتقلب عليهوم لقاتو فالكوزينة كيصوب فطور لبنتو..

سعاد: صباح الخير.. فاطمة ماجاتش؟

نوردين: مزال..

سعاد: (شافت فسوسن ماكاتشوفش فيها) وزايداها نتي لي منفخة..

سوسن: (شافت فيها كتغبن) صافي مانعاودش ا مامي..

سعاد: يالله اجي بوسيني.. وقوليلي صباح الخير.. نتصالحو..

ناضت عندها كتجري باستها وعنقاتها ورجعات كلسات.. شافت فنوردين ..

سعاد: غانمشي للحمام ومن بعد غاندوز نشوف شيماء..

نوردين: كتشاوري؟

سعاد: لا غي كنعلمك.. قابل بنتك اليوم..

خرجات من الكوزينة بلا حتى ماتسناه يجاوب.. طلعات نيشان لبيتها جمعات الصاك دالحمام وهزات ليبخودوي ديالها وسطولاتها حيت مشهية حمام بلدي.. وتمات هابطة لقاتهوم فالجردة كيفطرو.. وقفات عليه..

سعاد: سوارت طوموبيلتك..

نوردين: (خنزر فيها) خودي لي عند الشيفور!

سعاد: رغبني عندو شي شغال يقضيه مع بنتو..

نوردين: وانا لا بغيت نخرج؟

سعاد: دير إيندرايڤ..

عطاها الساروت بلا مايحمق راسو معاها .. باست بنتها وخرجات ديمارات الطوموبيل ودوزات ابيل بمجرد ماتسد الكاراج..

سعاد:شي نص ساعة نلقاك حدا القهوة..

قطعات بزربة ودارت نضاضرها دالشمس كسيراتور واحد حتى باركات قدام واحد القهوة جنب البحر.. بقات واقفة كتسنا شوية حتى بانت ليها نزلات من الطاكسي كدور عينيها يمين شمال .. قشعاتها تمات جاية عندها بزربة حلات الباب وركبات..

سعاد: (طلعاتها وهبطاتها ونطقات بنبرة ساخطة) شنو كان اتفاقنا نهار الاول البعلوكة؟؟

سوسن: (زفرات بضيق) نزرفو وناخد من عندو الفلوس!

سعاد: (ضربات على الفولون بيديها وزمجرت بسخط) ونتي شنو مشيتي درتي ابنت القحبة؟ طالبة منو الزواج؟ بنتلك انا مطفراه معاه؟؟ شفتي فيه ميمي؟؟ ياكما يسحابلك غايعيشك اميرة فوق السحاب.. تحلو عينيك وطمعتي؟ قولتي ارا ندي الشبكة وما صيدات؟

سوسن: وعلاش لا؟ اصلا ماقال والو على الزواج

سعاد: (بداو الجنون كيحومو عليها) شوفي هاه.. كنت غانخليك دايرة مابغيتي ويدك فيه ولكن بقيتي فيا وبقاو فيا واليديك لي غايترزاو فيك نهار تصبحي مقتولة فشي غابة..

سوسن: (تخلطو اللوان فوجهها) غايقتلني؟؟

سعاد: تجربي؟

سوسن: (بلعات ريقها) دبا شنو ندير؟

سعاد: غايعيطلك المحامي اليوم ولا غدا طلبيليه مليار وترانجاي معاه!! نتي النص وانا النص كيما تافقنا..

سوسن: وخ..

سعاد: عاوتاني يتحلو ليك العينين وتكبري كرشك ديك الساعات انا لي غانقتلك ماشي هو..

سوسن: لا صافي كوني هانية..

سعاد: يالله قودي.. صباحاتو الله..

خرجات من الطوموبيل بزربة وبعدات عليها كتشير لطاكسي بينما سعاد رجعات نظاظر لعينيها وشعلات كارو غادية للحمام تكمد عظيماتها..

شي مرات او فبعض الاحيان مهما تغيرت ظروف الحياة كيبقا واحد الجزء داخلنا صعيب لأي تغيير فالدنيا يزعزعو.. بحال شي وتد مغروس فالقلب وايلا مشا حتى تزعزع غاينهار كلشي دفعة وحدة وماغايبقاش ليك اثر فالوجود بعد الانهيار.. شنوهوا هاد الجزء ؟ الحزن! الحزن لي كنتورطو فيه ولي كيخلي الدموع على سبة ينزلو.. الذكريات الكئيبة فثواني كيرجعو.. القلب فجأة كيتعصر..كتسد عينيك كتحلها كتبدا تستقبل رصاصات قاتلة.. احيانا يوجهها الحنين.. احيانا خذلان قديم.. فوقاش كيصطابك وينتاقم منك؟ فاوقات متأخرة من الليل.. فدقائق بقيتي فيها بوحدك.. فثواني خلاوك بلا ونيسة.. ديما كيجي على غفلة.. دون دعوى حتى! وفاش كيجي كيتواطأ معاه القلب..ويقلب ليه على ميات سبة باش يبقى كما انه ضيفه الابدي.. آآه من الحزن وامتئ نلقاو منو الخلاص!

حلات عينيها على صوت همهمات كتكسر صمت الليل القاتل .. ظلام حالك من حواليها.. الطرف الاخر من السرير كيتحرك بين الفينة والاخرى.. شعلات ضوء الفيوز لي حداها وضارت غي براسها.. كان ناعس على ظهره جنبها.. يديه على صدرو وراسو كيمشي ويجي فوق الخدية.. قطرات العرق كتهبط على جبهته وملامحه متشنجة.. كان كيهبرت.. تقادات فالكلسة وهزات يديها قاست حرارتو.. عضات على شنافتها بتوتر فاش طلعات مع كفها سخونية راسو.. كان يسحابلها كيحلم قربات عندو كتفيق فيه.. فاش حل عينيه كان كيشوف غي الضبابة.. صورتها ماواضحاش مزيان .. نطقات بخفوت..

سعاد: السخانة طالعالك بزاف! باش كتحس..

عقد حجبانو وخرج نفس سخونة من فمو بحالا كيتوجع من شي بلاصة.. وقبل ماينطق كان حيد عليه الغطا وناض قافز شاد فكرشو غادي لطواليط.. ماجات تلحق عليه تا كان رد مصارنو وشنو كلا كولو..

سعاد: (مشات هزات فوطة قرباتها ليه كتنگر) واش كاين شي حد كياكل كسكسو بالليل؟

نوردين: (كيغسل وجهه حاني على لافابو .. نطق بوهن) تشهيتو..

سعاد: ايوا لگا دبا.. وعاد مكومونديه من الزنقة دايرين ليه نص تفويرة .. كولو مفرتت..(طلعاتو وهبطاتو)نجيبلك شي كينة دالمعدة؟

نوردين: (شد من عندها الفوطة كيمسح وجهه.. خنزر فيها من المراية) سكتي غي تقودي من النگير..

سعاد: انا لي قحبة مفيقاك اما نخليك تقلب بحال السردين فداك النموسية..

نوردين: (شاد فكرشو كيتوجع في صمت)

سعاد: وا هانا مشيت نعس.. هبط تشرب الزعتر..

خرجات من الحمام خلاتو كيغسل سنانو .. مشات جرات عليها الغطا طفات الضو وغمضات عينيها.. كتسمع التقرقيب ديالو فالحمام.. حتى طفا الضو وحسات بيه رجع نعس حداها.. مرة يتنهد .. مرة يأفأف.. ماخلاها كاع يديها النعاس.. حتى حسات بيديه فوق من كتفها وبصوت خافت نطق:

نوردين: نعستي احبي؟

ضارت عندو كيبانو ليها غي عينيه فالظلام.. ذابلين وهو مرهق.. عاودات حطات يديها على جبهتو.. ونطقات بخفوت..

سعاد: شنو نصوبلك الزعتر؟

نوردين: (بلع ريقو بوجع وتكلم بوهن) صوبيه.. وكتري منو..

ابتسمت بهدوء وناضت شعلات الضو .. لبسات بينوارها وبنطوفتها وخرجات من البيت خلاتو داير دراعو على جبهتو كيحاول يتنفس .. لحظات وتمات راجعة بكاس فيديها الفوار طالع منو.. كلسات حداه وعطاتو ليه بحذر..

سعاد: عنداك راه سخون..

شرب منو الجغمة الاولى مخسر كمارتو من مذاقه المر! زاد الجغمة الثانية والتالتة من بعد مذاقه رجع كيجيه عادي تماما بحال الشراب.. صعيبة غي البدية.. وهي حاضياه كتسناه يرد الكاس شافيها وقال..

نوردين: غدا غانمشي للجبل.. تمشي دوز معايا ومضان تما؟

سعاد: (جاوبات من فورها) لا.. هداك الدوار ماعمري نرجع ليه حتى نموت.. داك الساعات دفنوني تما حدا ميمتي..

نوردين: (هز يديه رجع خصلات من شعرها مور ودنيها ونطق بخفوت) وانا لي غانتوحشك؟

سعاد: ارا داك الكاس براكة عليك..

نوردين: (ابتسم بهدوء لتغييرها الموضوع) غي خليه السم من يديك حلو!

سعاد: (ناضت شانتة) ايوا گرب وقول الحمدالله..

صدق من قال ان شهر رمضان غداء للقلوب ومهذب النفوس.. شحال ماكنتي مضيوم وقانط وحيوط الدنيا ماسايعينكش بمجرد كيدخل كترفع عليك الهموم ويذهب البأس.. واحد الراحة كتبغيها تزيد طول كتبغيه مايساليش خوفا من رجوع الحزن والدمار!

حلات عينيها على صوت سوسن كتهزز فيها باش تفيق..

سوسن: ماما نوضي نوضي فيا الجوع .. انا صافي ساليت الصيام ..

سعاد: (تجبدات بلاصتها عاقدة غوباشتها هزات التيلي شافت فيه لقات الوحدة دالنهار) صمتي حد الظهر؟

سوسن: (كتهز راسها بحماس) اه طاطا شيماء قاتلي اليوم نصوم حد الظهر وغدا من الظهر للعصر وحتاااااا لبعد غدا عاد من العصر للمغرب..

سعاد: (ابتسمت) غاتقطعي النهورا؟

سوسن: اه .. اه.. وغاناخذ الاجر..

سعاد: هايهاي شكون قالك رمضان فيه الاجر..

سوسن: بابا..

سعاد: اللهم قوي ايمانك يا شيخ..

سوسن: علاش بابا مايدورش رمضان معانا؟

سعاد: (جراتها عندها عنقاتها) مشا يدوزو فالجبل مع البقيرات والنعيجات ..

سوسن: (دلات شنافتها كتغبن) حتى انا بغيت نمشي عندو!!

سعاد: (علات حاجب وقالت بتشكيك) هو لي قالك اجي؟

سوسن: (بعفوية) اه البارح فاش هضرت معاه ف ألو قالي قولي لماماك تجيبك عندي.. وايلا مابغاتش بكي وغوتي باش تجيبك..

سعاد: (بغيض) اللهم اني صاااااائمة.. نوضي احبيبة نعطيك تفطري.. نوضي..

لاحت عليها الغطا .. نزلات سوسن سابقاها كتنقز وهي تابعاها ماللور كتفوه..

سعاد: فين طاطاك شيماء ؟

سوسن: (هابطة فالدروج بالحفا) باقا ناعسة هي وداك ولدها البعلوك..

سعاد: (لحقات عليها شدالها فيديها) شتتتتت حشومة هوما ضياف عندنا.. جاو يونسونا ويدوزو معانا رمضان ونتي يا الحمارة فينما نغفل عليك نلقاك عاطياه سلخة.. طاطاك شيماء راه كيبقا فيها الحال..

سوسن: (بتذمر طفولي) هو باسل..

سعاد: (وصلات الكوزينة كانت فاطمة عاطياها بالضهر كطيب الحريرة) صباح الخير خالتو!!

فاطمة: صباح النور ابنتي.. مامشات تا فيقاتك هاد شنيولة..

سعاد: جاها الجوع قالك.. (شافت فسوسن) كلسي فوق الطبلة ودبا نوري لمك على داك الرجلين الحفيانية بحالا الصنادل مقطوعين وخ.. وخ..فسدات فيك الترابي.. (حلات الثلاجة هزات الحليب)

سوسن: مابغيتش حليب .. بغيت عصير..

سعاد: (كتكبو فكاسرونة) غاتشربي الحليب عاد عصير..

فاطمة: شنو نوجدلكم الفطور؟

سعاد: حتى تفيق شيماء ونشوفو نتي غي سالي الحريرة وسيري عند وليداتك يالله توجدي للمغرب..

فاطمة: (كدور فالكوكوط .. الريحة دالكرافص عاطية) المهم الدار راها مسيقة ومجموعة .. نطلع نخمل بيتك؟

سعاد: غي خليه نتمشغل فيه بلاتي..

فاطمة: (طفات على البوطة) ها الحريرة وجدات..

سعاد: (كتحط الفطور لسوسن) الله يعطيك الصحة اخالتو.. بقوة ماكاتجي غزالة كنشربها غي هي فالفطور ..

فاطمة: (شافت فيها بتمعن) ضعافيتي ابنتي .. ماجاش معاك رمضان ابدا..

سعاد: الشهية دالماكلة والو وتقول..

شيماء

يتبع...